ஒளிரும் நட்சத்திரம்: ஸ்ரீதேவி

ஓவியம் ஏ. பி. ஸ்ரீதர்*

 இந்தியத் திரையுலகம் எத்தனையோ கனவு தேவதைகளை உருவாக்கி அளித்திருக்கிறது. அவர்களில் ஸ்ரீதேவியின் சாதனைகளை முறியடிக்க யாருமில்லை. சிவகாசி அருகேயுள்ள மீனம்பட்டி என்ற கிராமத்தில் ஐயப்பன் – ராஜேஸ்வரித் தம்பதியின் மகளாக 1963, ஆகஸ்ட் 13 அன்று பிறந்தவர் ஸ்ரீதேவி. 54 வயதில் அடிவைக்கக் காத்திருக்கும் ஸ்ரீதேவிக்கு மிகச்சிறந்த பிறந்தநாள் பரிசு தர விரும்பிய அவருடைய கணவர் போனி கபூர், ஸ்ரீதேவியின் 300-வது படத்தைத் (மாம்) தயாரித்து, அதை ஸ்ரீதேவியின் பிறந்த நாளில் இந்தி, தமிழ், மலையாளம், தெலுங்கு ஆகிய மொழிகளில் ரிலீஸ் செய்கிறார்.

* கறுப்பு வெள்ளைக் காலத்தில், 4 வயதுச் சிறுமியாகத் தமிழ்க் கடவுள் முருகன் வேடத்தில் ஸ்ரீதேவி குழந்தை நட்சத்திரமாக அறிமுகமானது ‘துணைவன்’ (1969) படத்தில். ‘சாண்டோ’ சின்னப்பா தேவரின் தயாரிப்பில் எம்.ஏ. திருமுகம் எனும் சாதனை இயக்குநரால் கண்டறியப்பட்டு, இசையருவி கே.பி.எஸ், சௌஹார் ஜானகி, நாகேஷ், மேஜர் சுந்தர்ராஜன், வி.எஸ்.ராகவன் போன்ற சாதனைக் கலைஞர்களுடன் முதல் படத்திலேயே நடிக்கும் பேறுபெற்றார். குழந்தை முதலே கொள்ளை அழகாக விளங்கிய ஸ்ரீதேவிக்கு மீண்டும் பல படங்களில் முருகன் வேடம் கிடைத்தாலும், மலையாளம், கன்னடம், தெலுங்கு உள்ளிட்ட தென்னிந்திய மொழிகளிலும் விதவிதமாகக் குழந்தை கதாபாத்திரங்கள் கிடைத்தன. அவற்றில் 1971-ல் பி.கே.பொற்றேகாட் இயக்கத்தில் மலையாளத்தில் வெளியான ‘பூம்பட்டா’ என்ற படம், சிறுமி ஸ்ரீதேவியை பிறவிக் கலைஞராக அடையாளம் காட்டியது. அதில் சிற்றன்னையின் கொடுமைக்கு ஆளாகி மீளும் சாரதா என்ற சிறுமியாக முதன்மைக் கதாபாத்திரத்தை ஏற்று நடித்து, சிறந்த குழந்தை நட்சத்திரத்துக்கான கேரள அரசின் விருதை 8 வயதில் வென்றார்.

* குழந்தை நட்சத்திரமாகப் புகழ்பெற்றுவிட்டாலும் குமரியானதும் கதாநாயகியாக நடிக்க வேண்டும் என்ற உந்துதல் சாவித்திரியைப் பார்த்தே உருவானது எனக் கூறும் ஸ்ரீதேவி, தனது 12 வயதில், சேதுமாதவன் இந்தியில் இயக்கிய ‘ஜூலி’படத்தில் அறிமுகமாகி, கதாநாயகியின் தங்கையாக நடித்தார். அதன்பிறகு ஸ்ரீதேவியை இயக்குநர் சிகரம் கே. பாலசந்தர் தனது ‘மூன்று முடிச்சு’ படத்தில் தமிழில் கதாநாயகியாக அறிமுப்படுத்தினார். அந்தப் படத்தில் கமல், ரஜினியுடன் தொடங்கிய பயணம்... ‘16 வயதினிலே’ மயிலாக பாரதிராஜாவால் உச்சம் பெற்றுத் தமிழ் ரசிகர்களின் கனவுகளை ஆக்கிரமித்துக்கொண்டது. அன்று ரசிகர்கள் நேசித்த பாலசந்தர், பாரதிராஜா, பாலுமகேந்திரா, மகேந்திரன் போன்ற இயக்குநர்களின் தேர்வாக மாறினார்.

* ‘காதல் இளவரசன்’ எனக் கொண்டாடப்பட்ட 80-களின் கமலுக்குக் கச்சிதமான ஜோடி என ரசிகர்களால் பிரகடனம் செய்யப்பட ‘சிகப்பு ரோஜாக்கள்’, ‘வறுமையின் நிறம் சிவப்பு’, ‘மீண்டும் கோகிலா’, ‘வாழ்வே மாயம்’, ‘குரு’ போன்ற பல படங்கள் காரணமாக அமைந்தன. இந்த இணையின் முத்தாய்ப்பாக அமைந்தது ‘மூன்றாம் பிறை’. குழந்தைமை நினைவுகள் கொண்ட குமரிப்பெண்ணாக ஸ்ரீதேவி இந்தப் படத்தில் நடிப்பின் உச்சம் தொட்டும் அவருக்கு இந்தப் படத்தில் கிடைத்திருக்க வேண்டிய நடிப்புக்கான தேசிய விருதை, கமலின் நடிப்பு வென்று நின்றது. எனினும் என்னைவிடச் சிறந்த நடிப்பை ஸ்ரீதேவியே வழங்கியிருந்தார் என்று கமலைக் கூற வைத்தது ஸ்ரீதேவியின் இயல்பான நடிப்பு ஆளுமை.

* கமல், ரஜினியோடுதான் ஸ்ரீதேவி நடிப்பார் என்ற முத்திரைக்குள் சிக்கிவிடாமல், சிவகுமார், விஜயகுமார் என அனைத்து முக்கிய நடிகர்களையும் மதிக்கும் நாயகியாக மிளிர்ந்தார். அவ்வளவு ஏன் தலைமுறைகளைக் கடந்து கதாநாயகியாகவே மிளிந்த சாதனை ஸ்ரீதேவிக்கு மட்டுமே உரியது. தெலுங்குப் படவுலகம் கொண்டாடிய நாகேஸ்வர ராவுக்கு ஜோடியான ஸ்ரீதேவி, அவருடைய மகன் நாகார்ஜுன் ஜோடியாகவும் நடித்தார். இந்திப் படவுலகிலோ தர்மேந்திராவுடன் ஜோடி சேர்ந்தவர் , அவருடைய மகன் சன்னி தியோலுக்கும் ஜோடியாகி அசத்தினார்.

* நடிப்புக்கும் கதாபாத்திரத்துக்கும் மட்டுமே முக்கியத்துவம் தரும் முக்கிய நட்சத்திரமாக மாறிய ஸ்ரீதேவி, தமிழைத் தாண்டி தென்னிந்திய மொழிகளைக் கடந்து, இந்திப் படவுலகில் தனித் தடம் பதித்தது முன்மாதிரி இல்லாத வெற்றிக்கதை. அவர் இந்தியில் அறிமுகமான ‘சோல்வா சாவன்' தோல்வி அடைய, துவண்டுவிடாமல் ‘ஹிம்மத்வாலா'வில் ஹிட் அடித்தார். அதன் பிறகு போனி கபூரை மணந்துகொள்ளும் வரை அவருக்கு வாய்ப்புகள் குவிந்துகொண்டேயிருந்தன.

* திருமண வாழ்க்கையில் சிறந்த மனைவியாக, இரு பெண் குழந்தைகளின் அர்ப்பணிப்பு மிக்க தாயாக, திரை நடிப்பிலிருந்து ஒதுங்கியிருந்த ஸ்ரீதேவி, குழந்தைகள் வளர்ந்து பெரியவர்கள் ஆனதும் திரையிலிருந்து விலகிய 15 ஆண்டுகளுக்குப் பின் ‘இங்கிலீஷ் விங்கிலீஷ்’ படத்தில் வசீகரம் குறையாத தோற்றத்துடன் தோன்றி நடித்தார். ஆங்கிலம் பேசக்கற்றுக்கொண்டு சாதிக்கும் சசி கதாபாத்திரம் ஏற்றுத் தன்னம்பிக்கை காட்டினார். “சிறந்த கதாபாத்திரங்களை ஏற்று நடிக்க இன்னும் நிறையவே காலம் நேரம் இருக்கிறது” என்கிறார் தாய்மையை ஹீரோவாகக் காட்டும் அடுத்த கதாபாத்திரத்தை எதிர்பார்த்தபடி.

* திரை நடிப்பிலிருந்து வெளியேறியபோது எப்படி இருந்தாரோ, அதைப் போலவே இன்றும் தன் தோற்றத்தை எப்படிப் பராமரிக்கிறீர்கள் என்று கேட்டால் “ எதிர்மறையான எண்ணங்கள் எதுவும் மனதில் நுழைய அனுமதிக்கக் கூடாது. முடிந்தவரை சந்தோஷமாக இருக்கக் பழகிக்கொள்ள வேண்டும். உள்ளத்தில் சந்தோஷம் இருந்தால் முகத்தில் இளமை இருக்கும். இதுவே என் இளமையின் ரகசியம்” என்பது ஸ்ரீதேவியின் பதில்.

* “நடிக்கும்போது நடிகையாக இருந்ததில் கிடைத்த மகிழ்ச்சியைவிட எனது குழந்தைகளுக்கு அம்மாவாக நான் இருப்பதிலும் அன்பான கணவரின் மனைவியாக இருப்பதிலும் மிகுந்த மகிழ்ச்சி அடைகிறேன்” என்று கூறும் ஸ்ரீதேவி “எல்லா அம்மாக்களையும் போல “வெளியே சென்ற மகள்கள் பாதுகாப்பாக வீடு திரும்ப வேண்டும் என்ற கவலையுடன் வயிற்றில் நெருப்பைக், கட்டிக்கொண்டு அமர்ந்திருப்பேன்” என்று கூறி சாமானிய அம்மாவாகவும் மாறிவிடுகிறார்.

* “இன்று பெண்கள் சாதிக்க யாரும் அறிவுரை கூற வேண்டியதில்லை” என்பவர், “திருமணம் ஆனதும் பெண்கள் உடம்பை நன்றாகப் பார்த்துக்கொள்ள வேண்டும், உடற்பயிற்சி செய்ய வேண்டும். உங்களுக்காக இல்லாவிட்டாலும் உங்கள் கணவருக்காக, குழந்தைகளுக்காக உடல் ஆரோக்கியத்தில் கவனம் செலுத்துங்கள்” என்று அனுபவப் பாடம் சொல்லித் தருகிறார். தினசரி 1 மணிநேரம் ப்ளோர் உடற்பயிற்சி செய்பவர். அதில் முக்கியமானது 250 முறை ஸ்கிப்பிங் செய்வது. வாரத்தில் இருமுறை நீச்சல் பயிற்சி. பொரித்த உணவுகளை ஸ்ரீதேவி சாப்பிட்டு 30 ஆண்டுகள் ஆகின்றன. ஸ்ரீதேவி இதுவரை கோபப்பட்டு யாரிடமும் பொரிந்ததில்லை என்பது கணவர் போனி கபூரின் சாட்சியம்.

தொகுப்பு: ஆர்.சி.ஜெ.

தளம் புதிது: பி.டி.எஃப். கருவிகளை அளிக்கும் இணையதளம்

சைபர் சிம்மன்

பி.டி.எஃப். கோப்பு வடிவத்தை நீங்கள் பலவிதங்களில் எதிர்கொள்ளலாம். இணையத்தில் உலாவும்போது, பல தகவல்கள் பி.டி.எஃப். கோப்பு வடிவில் இருப்பதைப் பார்க்கலாம். பணி நிமித்தமாக நீங்களேகூட, பி.டி.எஃப். கோப்புகளை உருவாக்கும் பழக்கம் கொண்டிருக்கலாம். பி.டி.எஃப். கோப்பு பயன்பாடு தொடர்பான உங்களுக்குத் தேவைப்படக்கூடிய பலவிதமான இணையக் கருவிகளை ஒரே இடத்தில் வழங்குகிறது கிளவர்பி.டி.எஃப். இணையயதளம்.

பி.டி.எஃப். கோப்பை உருவாக்குவது எளிதானது. அதற்குரிய மென்பொருள் இருந்தால் போதும். ஆனால், பல நேரம் பி.டி.எஃப். கோப்பை வேறு வடிவங்களுக்கு மாற்றும் தேவை ஏற்படலாம். உதாரணத்துக்கு பி.டி.எஃப். கோப்பைச் சாதாரண வேர்டு கோப்பாக மாற்ற வேண்டியிருக்கலாம். இத்தகைய மாற்றங்களைச் செய்வதற்கான கருவிகள் அனைத்தும் இந்தத் தளத்தில் பட்டியலிடப்பட்டுள்ளன. ஒவ்வொன்றுக்கும் ஒரு ஐகான் இருக்கிறது. அதில் கிளிக் செய்தால் விரும்பிய கோப்பு வடிவத்துக்கு மாற்றிக்கொள்ளலாம்.

இதேபோலப் பிற கோப்பு வடிவங்களிருந்தும் பி.டி.எஃப். கோப்பாக மாற்றிக்கொள்ளலாம். இதற்கான கருவிகளும் கொடுக்கப்பட்டுள்ளன. பவர் பாயிண்ட் அல்லது உருவப்படத்தைப் பி.டி.எஃப். கோப்பாக மாற்றிக்கொள்ளலாம்.

இவற்றைத்தவிர, பி.டி.எஃப். கோப்புகளை இணைப்பது, பி.டி.எஃப். கோப்புகளைப் பிரிப்பது, சுருக்குவது போன்ற தேவைகளுக்கான இணையக் கருவிகளும் இடம்பெற்றுள்ளன. இப்படி பி.டி.எஃப். தொடர்பான 19 வகையான பயன்பாட்டுக்கான இணையக் கருவிகளை இந்தத் தளத்தில் பெறலாம்.

இணைய முகவரி: https://www.cleverpdf.com/

ஜிஎஸ்டி அமலால் விலை குறையும் பொருட்கள் என்னென்ன?- முழு பட்டியல்

சரக்கு மற்றும் சேவை வரி (ஜிஎஸ்டி) இன்று முதல் அமலுக்கு வந்துள்ளது. இதனால் பல்வேறு பொருட்களின் விலையில் மாற்றம் ஏற்பட்டுள்ளது. இதுவரை 1,211 பொருட்களுக்கு வரி விகிதத்தை ஜிஎஸ்டி கவுன்சில் இறுதி செய்துள்ளது. பெரும்பான்மையான பொருட்களுக்கு 18 சதவீத வரி விகிதம் விதிக்கப்பட்டுள்ளது.

ஜிஎஸ்டியால் விலை குறையும் பொருட்கள்

உணவுப் பொருட்கள்

பால்பவுடர்

தயிர்

மோர்

பிராண்ட் அல்லாத இயற்கை தேன்

பாலாடைக் கட்டி

நறுமணப் பொருட்கள்

தேயிலை

கோதுமை

அரிசி

கடலை எண்ணெய்

சூரிய காந்தி எண்ணெய்

பாமாயில்

தேங்காய் எண்ணெய்

கடுகு எண்ணெய்

சர்க்கரை

வெல்லம்

பாஸ்தா

மாக்ரோனி

நூடுல்ஸ்

பழங்கள் மற்றும் காய்கறிகள்

ஊறுகாய்

ஜாம்

சாஸ் வகைகள்

இனிப்பு வகைகள்

இன்ஸ்டண்ட் உணவு மிக்ஸ்

ஐஸ்

மினரல் வாட்டர்

முந்திரி

பிஸ்கட்

பேக்கிங் பவுடர்

தினசரி பயன்படும் பொருட்கள்

குளியல் சோப்

தலைக்கு தடவக்கூடிய எண்ணெய்

சோப்புத் தூள்

சோப்

டிஸ்யூ பேப்பர்ஸ்

நாப்கின்ஸ்

மெழுகுவர்த்திகள்

மண்ணெண்ணெய்

எல்பிஜி டொமஸ்டிக்

தீப்பெட்டிகள்

ஸ்பூன்கள் மற்றும் போர்க்

அகர்பத்திகள்

பற்பசை மற்றும் பற்பொடி

எல்பிஜி ஸ்டவ்

ஸ்டேஷனரி பொருட்கள்

நோட்டு புத்தகம்

பேனா

அனைத்து வகையான பேப்பர்

கிராப் பேப்பர்

பள்ளி புத்தகப்பை

படம், ஓவியம், வண்ணம் தீட்டும் புத்தகங்கள்

கார்பன் பேப்பர்

பிரிண்டர்ஸ்

மருந்துகள்

இன்சுலின்

எக்ஸ்ரே பிலிம்

மருத்துவப் பரிசோதனை பொருட்கள்

கண்ணாடிகள்

சர்க்கரை மற்றும் புற்றுநோய்க்கான மருந்துகள்

ஆடை சம்பந்தப்பட்ட பொருட்கள்

பட்டு

கம்பளி பொருள்

காதி துணிகள்

ரூ.500க்கும் கீழ் உள்ள காலணிகள்

ரூ.1,000 வரை உள்ள ஆடைகள்

மற்றவை

15 ஹெச்பிக்கும் குறைவான திறன் உள்ள டீசல் இன்ஜின்

டிராக்டர்

எடை மெஷின்கள்

எலெக்ட்ரிக் டிரான்பார்மர்ஸ்

வைண்டிங் வொயர்ஸ்

ஹெல்மட்

பட்டாசுகள்

இரு சக்கர வாகனங்கள்

சொகுசு கார்கள்

ஸ்கூட்டர்ஸ்

எகானாமி பிரிவு விமான டிக்கெட்டுகள்

ரூ.7,500 க்கும் குறைவான அறை வாடகை கொண்ட ஹோட்டல்கள்

சிமெண்ட்

செங்கற்கள்

விலை உயரும் பொருட்கள்

பன்னீர்

காபி

மசாலா பவுடர்

நெய்

சுவிங்-கம்

ஐஸ் கிரீம்

சாக்லேட்

தங்கம்

7500 ரூபாய்க்கு மேல் இருக்கும் ஓட்டல் அறை

ஐந்து நட்சத்திர ஓட்டல்

100 ரூபாய்க்கு மேல் இருக்கும் டிக்கெட் கட்டணம்

ஐபிஎல் போட்டிகள்

1000 ரூபாய்க்கு மேல் இருக்கும் ஆடைகள்

ஷாம்பு

வாசனை திரவியம்

முதல் வகுப்பு மற்றும் ஏசி வகுப்பு டிக்கெட்கள்

ஏசி

குளிர்சாதன பெட்டி

வாஷிங் மெஷின்

தொலைக்காட்சி பெட்டி

கொரியர் சேவைகள்

மொபைல் கட்டணங்கள்

வங்கி சேவைகள்

பிராட்பேண்ட்

கிரெடிட் கார்டு கட்டணம்

350 சிசிக்கும் மேலான இரு சக்கர வாகனம்

சிறிய மற்றும் நடுத்தர கார்

எஸ்யூவி

மீன் வலை

ஸ்மார்ட்போன்

லேப்டாப்

டெஸ்க்டாப்

உடற்பயிற்சி சாதனங்கள்

காற்றடைக்கப்பட்ட பானங்கள்

சிகரெட்

புகையிலை

மதுபானம்

சொகுசு பொருட்கள்

பான் கார்டு – ஆதார் இணைப்பு புதிய படிவம் வெளியிட்டது வரித்துறை!!!

பான் என்னும் நிரந்தர கணக்கு எண்ணுடன் ஆதார் எண்ணை இணைப்பதற்கு, புதிய, ஒரு பக்க படிவத்தை வருமான வரித் துறை வெளியிட்டுள்ளது.

மக்கள் பீதி
‘ஜூலை 1க்குள், நிரந்தர கணக்கு எண்ணுடன், ஆதார் எண்ணை இணைக்காதோரின் பான் கார்டுகள் முடக்கப்படும்’ என, சமூக வலைதளங்களிலும், சில இணையதளங்களிலும் தகவல் வெளியானதையடுத்து, பொதுமக்கள் பீதியடைந்தனர்.அவர்களின் பீதியை போக்கும் வகையில், ‘ஆதார் எண் இணைக்காதவர்களின் பான் எண் முடக்கப்படாது என்றும், தொடர்ந்து இணைக்கலாம்’ என, வருமான வரித்துறை அறிவித்தது. ஏற்கனவே அறிவிக்கப்பட்ட முறையில் பான் எண்ணுடன் ஆதார் எண்ணை இணைக்க முடியாதவர்கள், நேரடியாக இணைப்புக்கு விண்ணப்பிக்கும் வகையில், ஒரு பக்க படிவத்தை வருமான வரித் துறை நேற்று வெளியிட்டது.

இது குறித்து வருமான வரித்துறை அதிகாரிகள் கூறியதாவது:ஏற்கனவே அறிவிக்கப்பட்ட முறையில், பான் எண்ணுடன் ஆதாரை இணைக்க முடியாதவர்கள் மற்றும் இணையதளவசதி இல்லாதவர்களுக்காக, புதிய, ஒரு பக்க படிவம் வெளியிடப்பட்டுள்ளது. இந்த படிவத்தில் கேட்கப்பட்ட விபரங்களை நிரப்பி, அத்துடன், ‘என்னிடம் ஒரு பான் எண் மட்டும் உள்ளது.

அதனுடன் மட்டுமே என்னுடைய ஆதார் எண்ணை இணைக்கிறேன்’ என்ற உறுதிமொழியையும் சமர்ப்பிக்க வேண்டும்.2.62 கோடி பேர்நாடு முழுவதும், 115 கோடி பேருக்கு ஆதார் எண்ணும், தனி நபர், நிறுவனம் உள்ளிட்ட, 25 கோடி பேருக்கு, பான் எண்ணும் வழங்கப்பட்டுள்ளது; இதுவரை 2.62 கோடி பேர், பான் எண்ணுடன் ஆதார் எண்ணை இணைத்துள்ளனர்.இவ்வாறு அவர்கள் கூறினர்.

Posted by kalviseithi.net A

எம்பிபிஎஸ், பிடிஎஸ் படிப்பு: அகில இந்திய ஒதுக்கீடு கலந்தாய்வுக்கு இணையதளத்தில் பதிவு செய்யலாம்

எம்பிபிஎஸ், பிடிஎஸ் படிப்பு: அகில இந்திய ஒதுக்கீடு கலந்தாய்வுக்கு இணையதளத்தில் பதிவு செய்யலாம்

எம்பிபிஎஸ், பிடிஎஸ் படிப்பில் அகில இந்திய ஒதுக்கீடு இடங்களுக்கான கலந்தாய்வுக்கு இணையதளத்தில் நாளை முதல் பதிவு செய்யலாம்.நாடு முழுவதும் அரசு மருத்துவம் மற்றும் பல் மருத்துவக்கல்லூரிகளில் இருந்து 15 சதவீதம் எம்பிபிஎஸ், பிடிஎஸ் இடங்கள் அகில இந்திய ஒதுக்கீட்டுக்கு ஒதுக்கப்படுகின்றன.
தமிழகத்தில் மட்டும் சிதம்பரம் ராஜா முத்தையா மருத்துவக் கல்லூரி உட்பட 23 அரசு மருத்துவக் கல்லூரிகளில் இருந்து 456 எம்பிபிஎஸ் இடங்கள் மற்றும் சிதம்பரம் ராஜா முத்தையா பல் மருத்துவக் கல்லூரி, சென்னையில் உள்ள தமிழ்நாடு அரசு பல் மருத்துவக் கல்லூரியில் இருந்து 30 பிடிஎஸ் இடங்கள் அகில இந்திய ஒதுக்கீடுக்கு ஒதுக்கப்பட்டுள்ளன.அகில இந்திய ஒதுக்கீடு இடங்களுக்கான கலந்தாய்வு தேசிய தகுதி மற்றும் நுழைவுத் தேர்வில் (NEET - நீட்) தகுதிப்பெற்றவர்களைக் கொண்டு இந்த இடங்கள் நிரப்பப்பட உள்ளன. இந்த கலந்தாய்வு ஆன்லைன் மூலம் நடைபெற உள்ளது. இதற்கான பதிவுwww.mcc.nic.inஎன்ற இணையதளத்தில் வரும் 3-ம் தேதி (நாளை) தொடங்குகிறது.

சேர்க்கைக்கு பின் சில நாட்களில் வெளியேறிய மாணவியின் கல்வி கட்டணத்தை திருப்பி அளிக்க வேண்டும்: தனியார் கல்லூரிக்கு நீதிமன்றம் உத்தரவு.

சேர்க்கைக்கு பின் சில நாட்களில் வெளியேறிய மாணவியின் கல்வி கட்டணத்தை திருப்பி அளிக்க வேண்டும்: தனியார் கல்லூரிக்கு நீதிமன்றம் உத்தரவு.

கல்லூரியில் சேர்ந்து சில நாட்களில் வெளியேறிய மாணவியின் கல்விக் கட்டணத்தை வட்டியுடன் திருப்பி அளிக்க வேண்டும் என தனியார் பொறியியல் கல்லூரிக்கு நுகர்வோர் நீதிமன்றம் உத்தர விட்டுள்ளது.
தமிழகத்தின் பெரும்பாலான பொறியியல் கல்லூரிகளில் ஒவ் வொரு ஆண்டும் மாணவர் சேர்க்கை தொடங்கும்போதே அந்த கல்வியாண்டுக்கான முழு கட்டணத்தையும் வசூலித்து விடு கின்றனர். இந்நிலையில், மாண வர்கள் வேறு படிப்புக்கு விண்ணப் பித்து அந்த படிப்புக்கு இடம் கிடைத்துவிட்டால், ஏற்கெனவே கட்டணம் செலுத்திய கல்லூரியில் இருந்து வெளியேற வேண்டிய சூழல் ஏற்படுகிறது. அந்தச் சூழலில், மாணவர்கள் வெளியேறினால், அவர்கள் செலுத்திய கட்டணத்தை பல கல்லூரிகள் திருப்பி அளிக்க மறுப்பதாக குற்றச்சாட்டுகள் எழுந்து வருகின்றன.இந்நிலையில், திருச்சியைச் சேர்ந்த தமிழ்நாடு நுகர்வோர்பாது காப்பு கவுன்சில் மற்றும் காஞ்சி புரத்தை அடுத்த வெம்பாக்கத்தைச் சேர்ந்த எம்.என்.ராமன் ஆகியோர் செங்கல்பட்டு நுகர்வோர் குறை தீர்மன்றத்தில் தாக்கல் செய்த மனுவில் கூறியிருப்பதாவது:இரண்டாவது மனுதாரரான நான், எனது மகளை ஸ்ரீபெரும்புதூரில் உள்ள ஒரு தனியார் பொறியியல் கல்லூரியில் கடந்த 2011 ஜூலை 22-ம் தேதி ரூ.67,000 செலுத்தி பொறியியல் படிப்பில் சேர்த்தேன். வகுப்புகள் தொடங்கிய 6 நாட்களில், எனது மகளுக்கு தனியார் பல் மருத்துவக் கல்லூரியில் இடம் கிடைத்தது. அதன்பிறகு, எனது மகள் பொறியியல் கல்லூரிக்கு செல்லவில்லை.எனவே, ஓராண்டு கல்வி கட்ட ணமாக செலுத்திய தொகையை திருப்பி அளிக்கும்படி கல்லூரிக்கு கடிதம் அனுப்பினேன். அதற்கு எந்த விதமான விளக்கத்தையும் அளிக் காத கல்லூரி நிர்வாகத்தினர், எனக்கு ரூ.22,000-த்துக்கான காசோலையை மட்டும் அனுப்பி வைத்தனர்.

எனவே, மீதமுள்ள தொகையை திருப்பி அளிக்கவும், மன உளைச் சலுக்கு இழப்பீடாக ரூ.5 ஆயிரம் வழங்கவும் கல்லூரி நிர்வாகத்துக்கு உத்தரவிட வேண்டும். இவ்வாறு மனுவில் கோரியிருந்தனர்.இந்த மனுவை விசாரித்த செங் கல்பட்டு நுகர்வோர் குறைதீர்மன்ற தலைவர் கே.சிவானந்தஜோதி, உறுப்பினர்கள் கே.பிரமீளா, டி.பாபு வரதராஜன் ஆகியோர் பிறப்பித்த உத்தரவில் கூறியிருப்பதாவது:தேசிய நுகர்வோர் ஆணையம் கடந்த 2009-ம் ஆண்டு ஒரு வழக் கில் பிறப்பித்துள்ள உத்தரவில், ‘மாணவர்கள் கல்வி நிறுவனங் களில் பயிலாத காலத்துக்கான கட்டணத்தை திருப்பி அளிக்க வேண்டும்’ என பல்கலைக்கழக மானியக் குழு (யுஜிசி) வெளி யிட்ட பொது அறிவிப்பை சுட்டிக்காட்டியுள்ளது.யுஜிசி-யின் அந்த அறிவிப்பில், “மாணவர்களின் சேர்க்கையில் காத் திருப்போர் பட்டியலை கல்வி நிறு வனங்கள் வைத்திருக்க வேண்டும்.

வகுப்புகள் தொடங்குவதற்கு முன் மாணவர்கள் வெளியேறினால் காத்திருப்போர் பட்டியலில் உள்ள மாணவரை சேர்க்க வேண்டும். வெளியேறும் மாணவரிடம் இருந்து பெறப்பட்ட கட்டணத்தில் சேர்க்கை நடைமுறை கட்டணமாக அதிக பட்சம் ரூ.1,000 வரை பிடித்தம் செய்துகொண்டு மீதித் தொகை திருப்பி அளிக்க வேண்டும்.வகுப்புகள் தொடங்கிய பிறகு ஒரு மாணவர் வெளியேறினால், காலியாக உள்ள அந்த இடத் துக்கு வேறொரு மாணவர் சேர்க்கப் படும்போது, கல்லூரியில் பயின்ற நாட்களுக்கான பிடித்தம் போக மீதி கல்வி கட்டண தொகையை வெளியேறும் மாணவருக்கு திருப்பி அளிக்க வேண்டும்’’ என தெரி விக்கப்பட் டுள்ளது.

இரண்டாவது மனுதாரரின் மகள் 6 நாட்கள் மட்டுமே கல்லூரியில் பயின்றுள்ளார். எனவே, மனுதாரர் கோரிய மீதித் தொகையை 6 சதவீத வட்டியுடன் திருப்பி அளிக்க வேண்டும். மன உளைச்சலுக்கு இழப்பீடாக ரூ.5,000, வழக்கு செல வாக ரூ.5,000-த்தையும் கல்லூரி நிர்வாகம் அளிக்க வேண்டும்.இவ்வாறு உத்தரவில் கூறப்பட்டுள்ளது.

பட்டப்பகலில் பெண்ணிடம் நகை பறிப்பு

By DIN  |   Published on : 02nd July 2017 05:36 AM  

சென்னை ஜெ.ஜெ.நகரில் பட்டப்பகலில் சாலையில் நடந்து சென்ற பெண்ணிடம் இருந்து மோட்டார் சைக்கிளில் வந்த 2 பேர் நகை பறித்துச் சென்றனர்.

சென்னை முகப்பேர் பகுதியைச் சேர்ந்தவர் சுமித்ரா ( 39). இவர் செல்லிடப்பேசி கடை வைத்துள்ளார். இவரது மகள் ஜெ.ஜெ.நகர் கிழக்குப் பகுதியில் உள்ள தனியார் பள்ளியில் படித்து வருகிறார். வெள்ளிக்கிழமை பிற்பகல் 3 மணியளவில் சுமித்ரா, தனது மகளை பள்ளியில் இருந்து வீட்டுக்கு அழைத்து வந்து கொண்டிருந்தார்.
அப்போது மோட்டார் சைக்கிளில் வந்த 2 இளைஞர்கள், அவர் அணிந்திருந்த தங்க சங்கிலியைப் பறித்துக்கொண்டு தப்பிச் சென்றனர். இது குறித்து தகவல் அறிந்த ஜெ.ஜெ.நகர் போலீஸார், சம்பவம் நடந்த சாலையில் உள்ள ஒரு கடையில் பொருத்தப்பட்டிருந்த கண்காணிப்பு கேமராவை ஆய்வு செய்தனர். அதில் கொள்ளையர்கள் நகையை பறித்த காட்சிகள் தெளிவாக பதிவாகி இருந்தன. இதை வைத்து போலீஸார் கொள்ளையர்களைத் தேடி வருகின்றனர்.

ஏர் இந்தியாவுக்கு டாட்டா!

By ஆசிரியர் | Published on : 30th June 2017 03:31 AM


ஏர் இந்தியாவை தனியார்மயமாக்குவது என்கிற முடிவு குறித்த தொடர் நடவடிக்கைகளை எடுப்பதற்கு அமைச்சரவை ஒப்புதல் அளித்திருக்கிறது.\

1991-இல் உலகமயமாக்கல், தாராளமயமாக்கல் கொள்கைகள் அறிமுகப்படுத்தப்பட்டதன் தொடர்ச்சியாக அதுவரை பொதுத்துறைகள் மட்டுமே செயல்பட்டுவந்தது போய் அதனுடன் போட்டிபோட தனியார் துறைக்கும் அனுமதி வழங்கப்பட்டது. தனியார் துறையின் செயல்திறமையுடன் போட்டிபோடும்போது அரசின் பொதுத்துறை மேம்பாடு அடையும் என்று கூறப்பட்டது. ஆனால் அரசுத்துறைகள் தனியார் துறையின் தீமைகளை எல்லாம் கிரகித்துக்கொண்டன என்பதும், தனியார் துறை அரசுத்துறைக்கு நியாயமாக கிடைத்திருக்க வேண்டிய வருவாயை எல்லாம் விழுங்கி லாபம் சம்பாதித்தது என்பதும்தான் நிதர்சன உண்மை. இதற்கு இந்திய விமானத் துறை ஓர் எடுத்துக்காட்டு.

1950-இல் நீதிபதி ஜி.எஸ். ராஜத்யக்ஷா தலைமையில் விமானப் போக்குவரத்து விசாரணைக் குழு ஒன்று அமைக்கப்பட்டது. அந்தக் குழுவின் 372 பக்க அறிக்கையில் 'விமானப்போக்குவரத்து என்பது மிக அதிகமான தொழில்நுட்பத்துடன் கூடிய தனித்தன்மையுடைய துறை. அரசுத்துறையின் மெத்தனமான செயல்பாடும் அதிக அளவிலான கட்டுப்பாட்டுடன் கூடிய நிர்வாக முறைகளும் அந்தத் துறைக்கு ஒத்துவராது' என்று தெளிவாகவே தெரிவித்திருந்தது.
நீதிபதி ராஜத்யக்ஷா அறிக்கையைப் புறக்கணித்து, அரசியல் அழுத்தத்தின் காரணமாக விமானப் போக்குவரத்துச் சட்டம் 1953 நிறைவேற்றப்பட்டது. அதன் மூலம் டாடா ஏர்லைன்ஸ், அரசும் டாடா நிறுவனமும் இணைந்து நடத்திய ஏர் இந்தியா இன்டர்நேஷனல், ஏர் சர்வீஸஸ் ஆப்இந்தியா, ஏர்வேஸ் இந்தியா, பாரத் ஏர்வேஸ், டெக்கான் ஏர்வேஸ், ஹிமாலயன் ஏவியேஷன், இந்தியன் நேஷனல் ஏர்வேஸ், கலிங்கா ஏர்லைன்ஸ் ஆகிய நிறுவனங்கள் நாட்டுடைமை ஆக்கப்பட்டு உள்நாட்டு சேவைக்கு இந்தியன் ஏர்லைன்ஸும் பன்னாட்டு சேவைக்கு ஏர் இந்தியாவும் அரசுத் துறை விமானப்போக்குவரத்து நிறுவனங்களாக ஏற்படுத்தப்பட்டன.
போட்டியில்லாத அரசுத் துறை நிறுவனமாக இருந்தது வரை ஏர் இந்தியா லாபகரமாகவும் இந்தியன் ஏர்லைன்ஸ் மிகப்பெரிய இழப்பில்லாத நிலையிலும் தொடர்ந்து வந்தது. 1994-இல் அன்றைய நரசிம்ம ராவ் அரசு விமானப் போக்குவரத்துச் சட்டத்தில் மாற்றங்கள் செய்து தனியார் துறைக்கும் அனுமதி அளித்தது. அப்படி அனுமதியளித்தபோதே வெளிநாட்டு விமானப்போக்குவரத்து நிறுவனங்களுக்கும் விமானப்போக்குவரத்தில் அந்நிய முதலீட்டுக்கும் அனுமதியளித்திருக்க வேண்டும். அப்படி அளிக்காமல்போனதால் அந்தத் துறையைத் திறமையாக நிர்வகிக்கும் சிறப்பறிவுத் திறன் (எக்ஸ்பர்டஸ்) கிடைக்கவில்லை என்பதுடன் போதிய முதலீடும் வராமல் போனது. அப்போதிருந்து ஏர் இந்தியா நிறுவனத்தின் அதிவேக வீழ்ச்சி தொடங்கியது.

நரசிம்ம ராவ் அரசு விமான போக்குவரத்தில் தனியார்துறையை அனுமதித்த ஒரு சில ஆண்டுகளிலேயே ஏர் இந்தியா, இந்தியன் ஏர்லைன்ஸ் நிறுவனங்களை தனியார்மயப்படுத்தியிருந்தால் பல்லாயிரம் கோடி ரூபாய் மக்களின் வரிப்பணம் வீணாகியிருக்காது. 2007-08 நிதியாண்டிலிருந்து தொடர்ந்து ஒவ்வோர் ஆண்டும் ஏர் இந்தியா நிறுவனம் இழப்பில்தான் இயங்கிவருகிறது என்பதை நாம் மறந்துவிடக்கூடாது. கடந்த மூன்று ஆண்டுகளில் மட்டும் ஏர் இந்தியா நிறுவனத்தின் நிகர இழப்பு ரூ.6,879 கோடி, ரூ.5,879 கோடி, ரூ.3,836 கோடி.

இந்த இழப்பால் பாதிக்கப்படுவது 31 அரசு வங்கிகளின் பங்குதாரர்களும் வைப்புநிதியில் பணம் போட்டு இருப்பவர்களும்தான். இதுபோதாது என்று 2012-இல், பேரிழப்பை சந்தித்துக் கொண்டிருக்கும் ஏர் இந்தியா நிறுவனத்தை மீட்டெடுக்கும் நோக்கத்துடன் அடுத்த 9 ஆண்டுகள் அந்த நிறுவனத்துக்கு ரூ.30,730 கோடி நிதியுதவி அளிப்பது என்று மத்திய அரசு முடிவு செய்தது. இதுவரை ரூ.25,000 கோடி ரூபாய் மத்திய அரசு நமது வரிப்பணத்திலிருந்து ஏர் இந்தியா நிறுவனத்திற்கு வாரிவழங்கியிருப்பதுதான் மிச்சம். நிலையில் எந்த மாற்றமும் ஏற்படவில்லை. 31 நிதி நிறுவனங்களுக்கு ஏர் இந்தியா தர வேண்டிய நிலுவையிலுள்ள தொகை ரூ.46,570 கோடி.

இந்திய விமானப் போக்குவரத்தில் தனியுரிமை பெற்றிருந்த ஏர் இந்தியா நிறுவனத்தின் இன்றைய பங்கு வெறும் 14 விழுக்காடு மட்டுமே. தனியார் நிறுவனங்கள் 86 விழுக்காடு விமானப் போக்குவரத்து சேவையை ஈடுகட்டுகின்றன. இந்த நிலையில் 14 விழுக்காடு சேவையை மட்டுமே பூர்த்தி செய்யும் ஏர் இந்தியா நிறுவனத்தை மக்களின் வரிப்பணத்தில் ஈடுகட்டிக்கொண்டிருக்க வேண்டிய அவசியம் இல்லை என்பதை நாம் எப்போதோ உணர்ந்திருக்க வேண்டும்.

சக்கரம் மீண்டும் சுழன்று இப்போது ஏர் இந்தியா நிறுவனத்தின் பங்குகளை வாங்கிக்கொள்ள சிங்கப்பூர் ஏர்லைன்ஸ் நிறுவனத்துடன் இணைந்து டாடா நிறுவனம் முன்வந்திருப்பதாக தெரிகிறது. டாடா நிறுவனத்தால் தொடங்கப்பட்ட ஏர் இந்தியா மீண்டும் டாடா நிறுவனத்திற்கே செல்வதும் அதன் மூலம் இந்திய மக்களின் வரிப்பணம் இனியும் வீணாக்கப்படாமல் தடுக்கப்படுவதும் வரவேற்புக்குரியது.
இந்த ஒப்பந்தம் மாருதி சுசுகி பாணியிலான வெளிப்படைத்தன்மையுள்ள, படிப்படியான தனியார்மயமாக இருத்தல் அவசியம். இன்றைய நிலையில் ஏர் இந்தியா நிறுவனத்தின் சொத்து மதிப்பு என்ன, அதனுடைய வணிகத் தர மதிப்பு, ஊழியர்களின் நிலை உள்ளிட்டவை வெளிப்படைத்தன்மையுடன் மக்கள் மன்றத்திற்குத் தெரியப்படுத்த வேண்டும். டாடா நிறுவனத்துடன் மட்டுமே பேசி ஒப்பந்தம் செய்யாமல், சர்வதேச அளவில் ஒப்பந்தப் புள்ளி கோரினாலும் தவறில்லை.

வரத்து குறைவால் சின்ன வெங்காயம் விலை உயர்வு: ஆக.15 வரை நீடிக்கும் என தகவல்

By DIN | Published on : 02nd July 2017 12:23 AM |

வரத்து குறைந்ததால் சின்ன வெங்காயம் விலை கிலோ ரூ.120-க்கு விற்பனை செய்யப்படுகிறது. ஆகஸ்ட் 15 வரை இந்த நிலை நீடிக்கும் என வியாபாரிகள் தெரிவித்தனர்.

விருதுநகர் மாவட்டம் மட்டுமல்லாது தமிழகம் முழுவதும் தற்போது சின்ன வெங்காய வரத்து குறைந்துள்ளது. தமிழகத்தில் சத்தியமங்கலம், பொள்ளாச்சி மற்றும் மேற்கு தொடர்ச்சி மலையை ஒட்டிய கேரளா மற்றும் ஆந்திர பகுதிகளில் ஆண்டு தோறும் அதிகளவு சின்ன வெங்காயம் பயிரிடப்படும். கடந்தாண்டு மழை பொய்த்ததால், இப்பகுதியில் வெங்காய விவசாயம் பாதி அளவிற்கு குறைந்து விட்டது. மேலும், கோடை காலத்தில் அதிகளவு வெப்பம் காரணமாக எதிர்பார்த்த அளவு மகசூல் கிடைக்க வில்லை. இதனால், 100 மூட்டைகள் வர வேண்டிய இடத்தில் 50 மூட்டைகள் மட்டுமே வருகின்றன. இதன் காரணமாக சின்ன வெங்காயம் கிலோ ரூ. 120 வரை விற்பனை செய்யப்படுறது.

அதே சமயம் பல்லாரி வரத்து அதிகரித்துள்ளது. அது கிலோ ரூ. 20-க்கு விற்பனை செய்யப்படுவதால் பொதுமக்கள் மட்டுமல்லாது, ஓட்டல் நடத்துபவர்களும் அதை வாங்கி பயன்படுத்த தொடங்கி விட்டனர். மேலும், சின்ன வெங்காயம் விலை உயர்வு ஆகஸ்ட் 15-ஆம் தேதி வரை குறைவதற்கான வாய்ப்பில்லை என விருதுநகர் மொத்த வெங்காய வியாபாரிகள் தெரிவித்தனர்.

காலவரையற்ற வேலை நிறுத்தம் அரசு ஊழியர் சங்கம் எச்சரிக்கை

பதிவு செய்த நாள்01ஜூலை
2017
18:46

சென்னை, 'ஜூலை மாதத்திற்குள், ஊதிய மாற்றம் வராத நிலையில், பேச்சின் போது ஒப்புக்கொண்டபடி, 20 சதவீதம் இடைக்கால நிவாரணம் வழங்காவிட்டால், காலவரையற்ற வேலை நிறுத்தம் உறுதி' என, தமிழ்நாடு அரசு ஊழியர் சங்கம், அரசுக்கு எச்சரிக்கை விடுத்துள்ளது.

சங்க பொதுச் செயலர் அன்பரசு விடுத்துள்ள அறிக்கை:அரசு ஊழியர்களின், ஊதிய மாற்றத்திற்காக அமைக்கப்பட்ட, அலுவலர் குழுவின் பதவிக்காலத்தை, மூன்று மாதங்களுக்கு நீட்டித்து, தமிழக அரசு உத்தரவிட்டுள்ளது. மத்திய அரசுக்கு இணையான, அனைத்து படிகளையும் வழங்க வேண்டும். தமிழக அரசு ஊழியர்களுக்கான ஊதிய மாற்றத்தை, உடனே அமல்படுத்த வேண்டும்.
ஊதிய மாற்றம் ஏற்படும் வரை, தற்போது வாங்கும் ஊதியத்தில், 20 சதவீதத்தை, இடைக்கால நிவாரணமாக வழங்க வேண்டும் என்பது உட்பட, பல்வேறு கோரிக்கைகளை வலியுறுத்தி, ஏப்., 25 முதல், காலவரையற்ற வேலை நிறுத்தப் போராட்டத்தில் ஈடுபடப் போவதாக அறிவித்தோம்.

போராட்டம் துவங்கிய இரண்டாம் நாள், அமைச்சர்கள் சங்க நிர்வாகிகளை அழைத்து பேசினர். அப்போது, ஜூலைக்குள், ஊதிய மாற்றம் செய்யப்பட்டு விடும் என, உறுதி அளித்தனர்.
ஜூன், 30க்குள்,அலுவலர் குழு பரிந்துரைகளை அளிக்காவிட்டால், 20 சதவீதம் இடைக்கால நிவாரணம் வழங்குவது குறித்து பரிசீலிப்பதாக தெரிவித்தனர்.

அதை ஏற்று, தமிழ்நாடு அரசு ஊழியர் சங்கம், வேலை நிறுத்தப் போராட்டத்தை, தற்காலிக மாக நிறுத்தி வைத்தது. ஆனால், ஜூன், 30க்குள், அலுவலர் குழு, பரிந்துரை களை வழங்கவில்லை. எனவே, அரசு ஊழியர்களுக்கு, இடைக்கால நிவாரணமாக, 20 சதவீத ஊதியத்தை, ஜூலை, 17க்குள் வழங்க வேண்டும்.

இல்லையெனில்,தற்காலிகமாக நிறுத்தி வைக்கப்பட்ட, வேலை நிறுத்தப் போராட்டத்தை, தமிழகம் முழுவதும் தொடர வேண்டிஇருக்கும்.இவ்வாறு அவர் கூறி உள்ளார்.




Advertisement

17 ல் ஓட்டு போட வருவாரா கருணாநிதி?

பதிவு செய்த நாள்01ஜூலை
2017
18:38



ஜனாதிபதி தேர்தலில் ஓட்டளிக்க, முன்னாள் முதல்வர் கருணாநிதி வருவாரா என்ற எதிர்பார்ப்பு, அனைத்து தரப்பினரிடமும் ஏற்பட்டுள்ளது.தி.மு.க., தலைவரும், முன்னாள் முதல்வருமான கருணாநிதி, உடல் நலக்குறைவு காரணமாக, வீட்டிலேயே உள்ளார். கட்சிப் பணிகளில் இருந்து ஒதுங்கி உள்ளார். அவரை சந்திக்க, வெளிநபர்கள் யாரும் அனுமதிக்கப்படவில்லை. அவரது உடல் நிலையில், முன்னேற்றம் ஏற்பட்டு வருவதாக, குடும்பத்தினர் கூறி வருகின்றனர்.இந்நிலையில், வரும், 17ம் தேதி, ஜனாதிபதி தேர்தல் நடைபெற உள்ளது. இந்த தேர்தலில் ஓட்டு அளிக்க, அவர் தலைமைச் செயலகம் வருவாரா என்ற எதிர்பார்ப்பு ஏற்பட்டுள்ளது. அப்படியே அவர் வந்தாலும், ஜனாதிபதி தேர்தல் விதிமுறை யின் படி, அவருடன் உள்ளே யாரும் செல்ல முடியாது.உதவி தேர்தல் நடத்தும் அதிகாரி தான், அவருக்கு ஓட்டளிக்க உதவ முடியும். எனவே, அவர் ஓட்டளிக்க வருவது சிரமம் என்றே கூறப்படுகிறது. தற்போது, சென்னை,
ஆர்.கே.நகர் தொகுதி காலியாக உள்ளது.எனவே, ஜனாதிபதி தேர்தலில், 233 எம்.எல்.ஏ.,க்கள் ஓட்டளிக்க முடியும். கருணாநிதி வராவிட்டால், 232 பேர் மட்டுமே ஓட்டளிக்க வாய்ப்புண்டு.
- நமது நிருபர் -

சிவப்பு நிறமாக மாறிய சோறு அரிசியில் கலப்படமா
பதிவு செய்த நாள்01ஜூலை
2017
22:44




தேனி, தேனி அருகேசங்ககோணாம்பட்டியில், சமைத்து வைக்கப்பட்டிருந்த சோறு சிவப்பு நிறமாக
மாறியது. இதுகுறித்து அரிசிக் கடையில் அலுவலர்கள் ஆய்வு நடத்தினர்.சங்ககோணாம்பட்டியை சேர்ந்த விவசாயி நீலகண்டன். இவரது குடும்பத்தினருக்கு சில நாட்களாக வயிற்றுக் கோளாறு ஏற்பட்டுள்ளது; அதற்கான காரணம் தெரியவில்லை.நேற்று முன்தினம்,மீதமான சோற்றில் தண்ணீர் ஊற்றி வைத்தனர். நேற்று காலையில் பார்த்த போது சோறு சிவப்பு நிறத்தில் மாறி இருந்தது. இதுகுறித்து மாவட்ட உணவு பாதுகாப்பு அலுவலர் சுகுணாவிடம் புகார் தெரிவிக்கப்பட்டது. அலுவலர்கள் மோகன்தாஸ், சுரேஷ் கண்ணன் ஆகியோர் ஆய்வு செய்து, சிவப்பு நிறத்தில் இருந்த சோறு,அரிசியை பரிசோதனைக்காக எடுத்து சென்றனர்.தேனியில் அரிசி
வாங்கப்பட்ட கடையில் அலுவலர்கள் சோதனை செய்தனர். குறிப்பிட்ட ரகத்தை சேர்ந்த 56 அரிசி மூடைகள் பறிமுதல்செய்யப்பட்டன.உணவு பாதுகாப்புஅலுவலர் சுகுணாகூறுகையில், ''அரிசியில் ரசாயனம் கலந்திருந்தால் மட்டுமே சிவப்பு நிறம்ஏற்படும்.பரிசோதனைக்காக மாதிரி சேகரித்துள்ளோம். சோதனைக்குப் பிறகே
நிறத்திற்கான காரணம் தெரியும்,'' என்றார்.

ஆம்னி பேருந்து சர்வீஸ் திடீர் நிறுத்தம் நடுரோட்டில் பயணியர் தவிப்பு
பதிவு செய்த நாள்01ஜூலை
2017
19:53

சென்னை கோயம்பேட்டில் இருந்து, துாத்துக்குடி செல்ல வேண்டிய ஆம்னி பேருந்தின் சேவை, எந்த அறிவிப்பு மின்றி நிறுத்தப்பட்டதால், நள்ளிரவில் குழந்தைகளுடன் பயணியர் தவித்தனர்.

சென்னையில் இருந்து துாத்துக்குடிக்கு, ஜூன் 24ம் தேதி, 'ரெட் பஸ்' மூலம், 'ரம்யா டிராவல்ஸ்' பேருந்தில், பல பயணியர் முன்பதிவு செய்தனர். ஒரு டிக்கெட், 1,650 ரூபாய். 

நள்ளிரவு

இரவு, 10:25 மணிக்கு, கோயம்பேட்டில் இருந்து புறப்பட வேண்டிய பேருந்து, ஒரு மணிநேரம் தாமதமாக புறப்படும் என, டிராவல்ஸ் நிறுவனம் சார்பில், மொபைல்போன் மூலம் பயணியருக்கு தெரிவிக்கப்பட்டது.

இதையடுத்து, 15க்கும் மேற்பட்ட பயணியர், தங்கள் குழந்தை மற்றும் பெட்டிகளுடன், நள்ளிரவு, 11:00 மணி முதல் காத்திருந்தனர்; ஆனால் பேருந்து வரவில்லை.

டிராவல்ஸ் நிறுவனத்தை தொடர்பு கொண்டால், அழைப்பை ஏற்கவில்லை. இதனால், பயணியர் செய்வதறியாது, நள்ளிரவு, 2:30 மணி வரை பேருந்துக்காக காத்திருந்து, நொந்து போய் திரும்பிச் சென்றனர்.

பாதிக்கப்பட்ட பயணியர் தரப்பில் கூறியதாவது:எந்தவொரு தகவலும் இல்லாமல், பேருந்து சேவை நிறுத்தப்பட்டுள்ளது. இதனால், நள்ளிரவு, 2:30 மணி வரை, கோயம்பேட்டில், குழந்தைகளுடன் தவித்தோம். பணிக்கான நேர்முகத்தேர்விற்கு
செல்ல இருந்த சிலரும்பாதிக்கப்பட்டனர்.

பதில் இல்லை

மறுநாள், ரம்யா டிராவல்சை தொடர்பு கொண்டு கேட்ட போது, 'தவறு நடந்துவிட்டது; உங்கள் பணத்துடன் நஷ்டஈடு வழங்குவோம். சில நாட்கள், பொறுத்துக் கொள்ளுங்கள்' எனக் கூறினர்.
ஆனால், இதுவரை பணம் வழங்கவில்லை. அவர்களை, மொபைல்போனில் தொடர்பு கொண்டால் பதிலளிப்பதில்லை.
எங்களுக்கு ஏற்பட்ட மன உளைச்சல், தவிப்பு, பணி பாதிப்பு ஆகியவற்றை முன்வைத்து, உரிய டிராவல்ஸ் மீது நுகர்வோர் நீதிமன்றத்தில் வழக்கு தொடர்கிறோம்.

 
இதுபோன்ற டுபாக்கூர் டிராவல்ஸ்களை, 'ரெட் பஸ்' நிறுவனத்தினர் உறுப்பினர்களாக சேர்க்க வேண்டாம் என்பதே, எங்களின் கோரிக்கை. எங்கள் பாதிப்பிற்கு, 'ரெட் பஸ்' நிறுவனமும் உரிய பதில் அளிக்க வேண்டும்.

இவ்வாறு அவர்கள் தெரிவித்தனர்.
- நமது நிருபர் -

சொற்ப பயணியருடன் இயங்கும் அரசு பஸ்கள்
பதிவு செய்த நாள்01ஜூலை
2017
22:36

சென்னை, கோயம்பேட்டில் இருந்து வெளியூர்களுக்கு இயக்கப்படும் பஸ்கள், பெரும்பாலும் பயணியர் இல்லாமலேயே செல்கின்றன.
விழுப்புரம், சேலம் கோட்டங்களுக்கு சொந்தமான பஸ்கள், சென்னை, கோயம்பேடு பஸ் ஸ்டாண்டில் இருந்து, 20 நிமிடங்களுக்கு ஒரு பஸ் இயக்கப்படுகிறது.
வெள்ளி, சனி, ஞாயிறு தவிர மற்ற நாட்களில், மூன்று அல்லது நான்கு பயணியர் தான், ஒவ்வொரு பஸ்சிலும் ஏறுகின்றனர்.
இது குறித்து, நடத்துனர்கள் கூறியதாவது:
சென்னையில் இருந்து வெளியூர் செல்வோரின் எண்ணிக்கை, வார இறுதி நாட்களில் தான் அதிகமாக உள்ளது. மற்ற நாட்களில், சொற்ப அளவிலேயே உள்ளது.
முன்பு, அரை மணி நேரத்துக்கு ஒரு பஸ், கோயம்பேட்டில் இருந்து வெளியூர் புறப்படும். தற்போது, 10 முதல், 20 நிமிடங்களில் அடுத்தடுத்து பஸ்சை இயக்குமாறு, அதிகாரிகள் உத்தரவிடுகின்றனர். அதனால், சொற்ப பயணியரே ஏறுகின்றனர்.
இதனால், போக்குவரத்து கழகத்திற்கு பெருத்த நஷ்டம் ஏற்படுகிறது. ஆனால், வசூல் ஆகாததற்கு, ஓட்டுனர், நடத்துனர்களே காரணம் என்பது போல, புகார் கூறி, 'மெமோ' கொடுக்கின்றனர்.
வார நாட்களில், பகலில் பஸ்களின் எண்ணிக்கையை குறைத்து, இரவில் அதிகப்படுத்தினால், வசூலை ஓரளவு பெருக்கலாம்.
இவ்வாறு அவர்கள் கூறினர்.

வீட்டு சிலிண்டர் விலை உயர்ந்தது

பதிவு செய்த நாள்01ஜூலை
2017
20:20

சென்னையில், சமையல்காஸ் சிலிண்டர் விலை, 14.50 ரூபாய் உயர்ந்து உள்ளது.இந்தியன் ஆயில், பாரத், இந்துஸ்தான் ஆகிய பொதுத்துறை எண்ணெய் நிறுவனங்கள், வீடுகளுக்கு, 14.20 கிலோ; ஓட்டல் உள்ளிட்ட வணிக பயன்பாடுகளுக்கு, 19 கிலோ எடை உடைய,
சமையல் 'காஸ்' சிலிண்டர்களை சப்ளை செய்கின்றன.சர்வதேச சந்தையில், கச்சா எண்ணெய் விலை நிலவரத்துக்கு ஏற்ப, மாதந்தோறும், சிலிண்டர் விலை மாற்றப்படுகிறது.
அதன்படி, சென்னையில் ஜூனில், 559.50 ரூபாய்க்கு விற்பனையான வீட்டு சிலிண்டர் விலை, தற்போது, 14.50 ரூபாய் உயர்ந்து, 574 ரூபாயாக அதிகரித்துள்ளது. அதேசமயம், வணிக பயன்பாட்டு சிலிண்டர் விலை, 71.50 ரூபாய் குறைந்து, 1,103 ரூபாயாக சரிவடைந்து உள்ளது.
இதுகுறித்து, எண்ணெய் நிறுவன அதிகாரி ஒருவர் கூறியதாவது:
வீட்டு சிலிண்டருக்கு, கலால் வரி மற்றும் மதிப்பு கூட்டு வரி கிடையாது; வணிக சிலிண்டருக்கு கலால் வரி, 8 சதவீதம்; மதிப்பு கூட்டு வரி, 14 சதவீதம் என மொத்தம், 22.5 சதவீதம் வரி இருந்தது.
ஜி.எஸ்.டி., என்ற சரக்கு மற்றும் சேவை வரியில் வீட்டு சிலிண்டருக்கு, 5 சதவீதம்; வணிக பயன்பாட்டு சிலிண்டருக்கு, 18 சதவீதம் வரி விதிக்கப்பட்டுள்ளது. அந்த வரி விதிப்பு முறை, இன்று முதல் அமலுக்கு வந்ததால், வீட்டு சிலிண்டர் விலை உயர்ந்தது; வணிக சிலிண்டர் விலை குறைந்து உள்ளது.
இவ்வாறு அவர் கூறினார்.
- நமது நிருபர் -

Docs demand quota in super-specialty seats

Chennai: TIMES NEWS NETWORK





TN Has Max Seats Under Govt Quota

Every year, the Tamil Nadu Government Doctors Association organises a celebration on July 1 for Doctors' Day . On Saturday , men in white coats decided to join hands to demand reservation for super specialty seats in state-run medical colleges. They also launched the `Our State, Our Seat,' campaign.In an emergency executive committee meeting, state secretary Dr P Balakrishnan said that with 192 seats, Tamil Nadu has the maximum number of super-specialty seats in the country under the government quota. “After surrendering 50% of the seats, the state was allowed to reserve 50% of the seats for students from its states. Doctors in government service were given incentives.We are now told that counseling to all seats will be done by the Centre,“ he said.
Doctors, particularly super specialty aspirants, from four medical colleges -Madras Medical College, Stanley Medical College, Kilapuk Medical College, Government Medical College, Omandurar -besides doctors from Government Royapettah Hospital, Chengalpet and peripheral hospitals assembled for a meeting. The association has demanded 50% reservation for government doctors from the state quota, who can then be posted to super-specialty hospitals and government colleges, where treatment is free.“We have urged the state government to pass a bill in the Assembly to exempt super specialty courses from NEET, similar to the what it did for un dergraduate and postgraduate courses,' said state headquarters secretary Dr Nedunchezhiyan.
The state is awaiting the President's nod to enforce the two legislations it passed, but health minister C Vijaya Baskar has announced that 85% of the government quota seats will be reserved for state board students. In case of postgraduate courses, the state surrenders only 50% of the seats.
The association has urged the state to move the Supreme Court, as loss of super-speciality seats would directly affect tertiary care services in medical colleges and super-speciality hospitals. “Until an order is passed, the state should ensure counseling does not happen,“ he said.

''தமிழ்நாட்டில் பிறந்த கமல்ஹாசன் மட்டும்தான் ஜி.எஸ்.டி.க்கு எதிராக பேசியுள்ளார்..!'' - டி.ராஜேந்தர்
த.கதிரவன்

பிரியங்கா.ப

லட்சியத் திராவிட முன்னேற்றக் கழகத்தின் தலைவரும் நடிகருமான டி.ராஜேந்தர் இன்று செய்தியாளர்களைச் சந்தித்தார். அப்போது ஜி.எஸ்.டி வரி விதிப்புக்கு எதிராகப் பொங்கியெழுந்தவர், 'இதனால் நாட்டில் சட்டம் ஒழுங்கு கெடும்' என்று எச்சரிக்கை விடுத்தார். மேலும், 'வாழவைத்த தமிழ்த் திரைத்துறைக்காகக்கூட குரல் கொடுக்காதவர் ரஜினிகாந்த்' என்றும் விமர்சித்தார். அசரடிக்கும் அவரது பேட்டி அப்படியே இங்கே....



''ஈழத் தமிழர்களுக்குக் கடந்தகால மத்திய காங்கிரஸ் அரசு, துரோகம் இழைத்தது. இந்த ஒரு காரணத்துக்காகவே, அவர்களோடு (காங்கிரஸ்) கைகோத்திருந்த தி.மு.க-வோடு 'லட்சியத் திராவிட முன்னேற்றக் கழகம்' கூட்டணி சேராது என்று உறுதியாக நின்றவன் நான். அந்த வகையில், காங்கிரஸுக்கு எதிராக, 2014-ம் ஆண்டு நாடாளுமன்றத் தேர்தலின்போது பி.ஜே.பி-யின் தாமரையை மலரவைக்க மறைமுக ஆதரவும் கொடுத்தேன். ஆனாலும்கூட, கடந்த ஆண்டு பண மதிப்பிழப்பு நடவடிக்கையை பி.ஜே.பி அரசு கொண்டுவந்தபோது அதில் உள்ள சில குறைகளையும் தட்டிக் கேட்டேன். இப்போது மத்திய பி.ஜே.பி அரசு கொண்டுவந்துள்ள ஜி.எஸ்.டி எனும் 'சரக்கு மற்றும் சேவை வரி' என்பது தமிழ்த் திரையுலகைக் கடுமையாகப் பாதிக்கும், தமிழ்த் திரையுலகத்தையே நசுக்கிவிடும்.

இப்போது காலம் கடந்து தமிழ்த் திரையுலகம் போராட்டத்தை அறிவித்திருக்கிறது. வருமுன் காப்பதுதான் புத்திசாலித்தனம். மழை வருவதற்கு முன்பே தூர் வாருதல் உள்ளிட்ட நடவடிக்கைகளை எடுத்திருக்கவேண்டும். இப்போது வெள்ளம், வெள்ளம் என்று கத்துவதால் என்ன பிரயோசனம்? ஜூலை 3-ம் தேதி ஸ்ட்ரைக் என்று 30-ம் தேதி அறிவிப்பது சரிதானா?

வட இந்தியாவை வாழவைக்க நினைக்கிறது மத்திய பி.ஜே.பி அரசு. அது அவர்களுக்கு இருக்கும் பாசம். ஆனால், அதற்காக தென்னிந்திய மொழிகளான தமிழ், மலையாளம், தெலுங்கு, கன்னடம் எனப் பிராந்திய மொழிப் படங்களை ஒடுக்க நினைக்கிறது மத்திய அரசு. மாநில அரசின் உரிமைகளை மீறி உள்ளே நுழைகிறது மத்திய அரசு.

ஒரு சினிமா டிக்கெட்டுக்கு 28 சதவிகிதம் மத்திய அரசு ஜி.எஸ்.டி வரி விதிக்கிறது. மாநில அரசு அதே டிக்கெட்டுக்கு 30 சதவிகித கேளிக்கை வரி விதிக்கிறது. இதர வரிகளையும் சேர்த்து மொத்தம் 64 சதவிகித வரியை அரசுக்குக் கட்ட வேண்டியிருக்கிறது. மீதம் இருப்பது வெறும் 36 சதவிகிதம். இந்த 36 சதவிகிதத்தில்தான் திரையரங்க உரிமையாளர்கள், திரைப்பட விநியோகஸ்தர்கள், தயாரிப்பாளர்கள் அனைவரும் பங்கு பிரித்துக்கொள்ள வேண்டும். உடம்பில் இருக்கிற ரத்தத்தையெல்லாம் இப்படி உறிஞ்சிவிட்டால் நாங்கள் எப்படி வாழ முடியும்?

'தமிழில் தலைப்பு வைக்கும் படங்களுக்கு முழு வரிவிலக்கு' என்பது தி.மு.க அரசிடம், லட்சியத் திராவிட முன்னேற்றக் கழகம் போராடிப் பெற்றது. அதன்பிறகு வந்த அ.தி.மு.க அரசு, இந்த வரிவிலக்கை வேறுவிதத்தில் வழங்கிக் கொண்டிருந்தது. ஆனால், இன்றைய அரசு இந்த வரிவிதிப்பில் மாறுபடுவது ஏன்? ஒருவேளை இவர்களை ஆட்டிப்படைக்கிறதா மத்திய அரசு? ஜெயலலிதா மறைவுக்குப் பிறகு நடப்பது என்ன அ.தி.மு.க அரசா? நீட்டிய இடத்தில் எல்லாம் கையெழுத்துப் போட்ட இவர்களால்தான், இப்போது நீட் தேர்வு வந்து கிராமத்து பிற்படுத்தப்பட்ட - தாழ்த்தப்பட்ட மாணவர்கள் எல்லோரும் பாதிக்கப்படுகிறார்கள்.



'அடிக்கிற மாதிரி அடிப்போம்... வலிக்கிற மாதிரி நடியுங்கள்' என்பதுபோல் இருக்கிறது மத்திய - மாநில அரசுகளின் நடவடிக்கைகள். ஏற்கெனவே மத்திய அரசு ஜி.எஸ்.டி என்று 28 சதவிகித வரி விதிப்பார்களாம். அடுத்ததாக தமிழக அரசு கேளிக்கை வரி 30 சதவிகிதம் விதிப்பார்களாம். இப்போது இதனை எதிர்த்து வருகிற 3-ம் தேதியிலிருந்து திரைத்துறையினர் போராட்டம் அறிவித்திருக்கிறார்கள். இந்தப் போராட்டத்தை அடுத்து, மாநில அரசின் கேளிக்கை வரியை ரத்து செய்துவிடுவார்கள். அப்புறம் ஜி.எஸ்.டி வரிக்கு எதிராக யாரும் போராட மாட்டார்கள் என்பதுதான் இவர்களது திட்டம்.

சினிமாவை எந்த அரசு வாழவைத்திருக்கிறது? இணையத்தில் படம் வெளியாகிவிடுகிறது. எங்களது காப்பிரைட்ஸுக்கு என்ன உத்தரவாதம்? 70 வருட வரலாற்றில், எந்த மத்திய அரசு கேளிக்கை வரி விதித்திருக்கிறது? என்ன புதிய வரலாறு படைக்கிறீர்களா?
ஆந்திர அரசு குறைந்த அளவில் வரி வசூலிக்கிறது. கர்நாடகம், கேரளவில் கேளிக்கை வரியே கிடையாது. அதாவது கேரள அரசு கேளிக்கை வரியை ரத்து செய்திருக்கிறது. ஆனால், தமிழக அரசு மட்டும் தமிழ்த் திரையுலகத்தின் மீது ஏன் காழ்ப்பு உணர்ச்சி காட்டுகிறது? என்ன காரணம்? ஏற்கெனவே சினிமாத் தியேட்டருக்கு வருகிற கூட்டம் குறைஞ்சுப் போச்சு. சின்னப் பட்ஜெட் படங்கள் எல்லாம் செத்துக் கொண்டிருக்கின்றன. திரைத்துறையை அழிக்காதீர்கள். எவ்வளவு பெரிய தலைவர் இறந்தாலும் ஒருவாரத்துக்கு மேல் திரையரங்குகளை மூடமுடியாது. நாடு கொந்தளித்துவிடும். எச்சரிக்கையாகவேச் சொல்கிறேன்... நாட்டில் நடக்கிற கொலை, கொள்ளை, பலாத்காரம் என எல்லாக் குற்றங்களையும் தடுக்கும் சக்தியாக, வடிகாலாக இருக்கிறது சினிமா. எனவே, சினிமாவை அழிக்க நினைக்காதீர்கள்... நாட்டில் சட்டம் ஒழுங்கே கெட்டுவிடும்!

'நம்முடைய பிரதமர் மோடியும், சூப்பர் ஸ்டார் ரஜினியும் ரொம்பவும் நெருக்கம். அதனால், ஜி.எஸ்.டி பிரச்னையில், ரஜினிகாந்த் குரல் கொடுக்க வேண்டும்' - என்று அம்மா சினி கிரியேஷன்ஸ் சிவா சொன்னார். ஆனால், நேற்று ராத்திரி வரையிலும் ரஜினிகாந்த் குரல் கொடுக்கவில்லை.

என்னை வாழவைத்தது தமிழ்த் திரையுலகம். திரையரங்கம்தான் என்னுடைய கோயில். ரசிகர்கள்தான் என் தெய்வம். நான் சாப்பிடும் ஒவ்வொரு பருக்கைச் சோற்றையும் சினிமாதான் எனக்குக் கொடுத்தது. அந்தப் பெத்த தாய்க்காகத்தான் நான் இப்போது குரல் கொடுத்துக் கொண்டிருக்கிறேன். ஆனால், தன்னை வாழவைத்த திரையுலகுக்காக இதுவரையிலும் குரல் கொடுக்காத ரஜினிகாந்துதான், தமிழ்நாட்டுக்காகக் குரல் கொடுப்பார் என நம்புகிறீர்களா?



ரஜினிகாந்த் நல்ல நடிகர், பெரிய சூப்பர்ஸ்டார் எல்லாம் ஓ.கே. ஆனால், தன்னை வாழவைத்த சினிமாவுக்காகவே குரல் கொடுக்கவில்லையே? இந்த வரிவிதிப்பினால், சின்னப் படங்கள் எல்லாம் அழிந்துபோகுமே.... இதுபோன்ற சின்னப்படங்கள் அழிந்தால் பரவாயில்லை என்று நினைக்கிறாரா ரஜினி? தமிழ்நாட்டில் பிறந்த கமல்ஹாசன், ஜி.எஸ்.டி-யை எதிர்த்து வாயைத் திறந்திருக்கிறார். உண்மையிலேயே நான் அவரைப் பாராட்டுகிறேன். ஆனால், 'அரசியலுக்கு வருகிறேன்' என்பதைக்கூட ரஜினியால் ஓப்பனாகச் சொல்லமுடியவில்லையே...

இதையெல்லாம் நான் சினிமாக்காரனாகப் பேசவில்லை.... லட்சியத் திராவிட முன்னேற்றக் கழகத் தலைவராகத்தான் பேசிக்கொண்டிருக்கிறேன். காவிரிப் பிரச்னையிலும் குரல் கொடுத்தவன் நான். இதனால், கர்நாடகத்தில் படம் ஓட்டமுடியாது என்று தெரிந்தும் குரல் கொடுத்தேன். அ.தி.மு.க பொதுச்செயலாளராக சசிகலா வந்தார். அப்போதும் நான் சொன்னேன்... 'நீங்கள் அ.தி.மு.க-வுக்கு வேண்டுமானால் பொதுச்செயலாளராகலாம். ஆனால், தமிழ்நாட்டுக்கு முதல் அமைச்சராக ஆக முடியாது... ஆகக்கூடாது' என்று. இப்படிச் சொல்வதால், என் பையன் நடித்த 'அன்பானவன் அசராதவன் அடங்காதவன்' படத்துக்கு என்னென்ன சிரமங்கள் வரும் என்று தெரிந்திருந்தும் சொன்னேன். பாதிப்பு வரும் என்று தெரிந்தும் பகிரங்கமாகக் குரல் கொடுத்தேன்.

இந்தியா முழுவதும் ஒரே வரி; சமச்சீரான விலை என்றெல்லாம் சொல்கிறார்களே... நான் கேட்கிறேன்... பாப்கார்ன், கோக் போன்றவை வெளியில் எல்லாம் ஒரே விலையில் விற்கப்படும்போது, தியேட்டருக்குள் மட்டும் ஏன் அதிக விலையில் விற்கப்படுகிறது? அதிகப்பட்ச விலையைத் தாண்டி எப்படி அவர்களால் விற்கமுடிகிறது? இதனைத் தடுக்க மோடி அரசு முயற்சி எடுக்குமா? இதில் காம்போ பேக் என்று சொல்லியும் கொள்ளையடிக்கிறார்கள். இதுமட்டுமா... கார் பார்க்கிங் வசூல் கந்துவட்டியைவிடக் கொடுமையாக இருக்கிறது. இப்படி விலை வைத்தால், ஏழை எளிய மக்கள் எப்படி படம் பார்ப்பார்கள்? தியேட்டருக்கு எப்படிக் கூட்டம் வரும்? 100 ரூபாய் கட்டணம் என்பதே அதிகம். அந்தக் கட்டணத்தைக் குறைத்தால்தான் பாமர மக்களும் படம் பார்க்க வருவார்கள். திரையுலகமும் வாழும்!'' என்று ஆக்ரோஷமாக பேசினார் டி.ஆர்.

36 பேருக்கு எய்ட்ஸ்.. 200 கைதிகளுக்கு சிகிச்சை: பகீர் கிளப்பும் பரப்பன அக்ரஹாரா சிறை!

ராகினி ஆத்ம வெண்டி மு.

பெங்களூரூவில் உள்ள பரப்பன அக்ரஹாரா சிறையில் சமீபத்தில் நடந்து முடிந்த மருத்துவ பரிசோதனை பல அதிர்ச்சிகரத் தகவல்களை வெளிப்படுத்தியுள்ளது.



பெங்களூரூவில் உள்ள பரப்பன அக்ரஹாரா சிறையில், விதிமுறைப்படி 2,300 கைதிகள் அடைக்கப்படலாம் எனக் கூறப்படுகிறது. ஆனால், சிறையில் தற்போது தண்டனைப் பெற்று வரும் கைதிகளின் எண்ணிக்கை 4,400. சிறையின் விதிமுறை மீறல் ஒருபுறமிருக்க, சமீபத்தில் சிறையில் உள்ள கைதிகளுக்காக மருத்துவப் பரிசோதனை முகாம் நடைபெற்றது. அந்த சோதனையின் முடிவுகளில் கைதிகளில் 36 பேருக்கு எய்ட்ஸ் இருப்பது கண்டுபிடிக்கப்பட்டுள்ளது.

மேலும், பல கைதிகள் காச நோய், வலிப்பு நோய், இதய நோய், நுரையீரல் பிரச்னை, மன நோய் எனப் பலவற்றால் பாதிக்கப்பட்டுள்ளனர். 4,400 கைதிகள் கொண்ட சிறைக்கு வெறும் மூன்று மருத்துவர்களே பணியில் அமர்த்தப்பட்டுள்ளனர். இந்த மூன்று மருத்துவர்களும் நாள் ஒன்றுக்கு 200 கைதிகள் வரை மருத்துவ பரிசோதன செய்து சிகிச்சை அளித்து வருவதாகக் கூறுகின்றனர். ஆனால், கைதிகளின் எண்ணிக்கை அதிகளவில் இருப்பதால் போதிய கவனம் செலுத்த முடியவில்லை என்றும் கூறப்படுகிறது.

ஜிஎஸ்டி : எதன் விலை குறைகிறது? எதன் விலை உயர்கிறது?
பதிவு செய்த நாள்01ஜூலை
2017
16:19

புதுடில்லி : இன்று முதல் அமலுக்கு வந்துள்ள ஜிஎஸ்டி.,யால் எந்தெந்த பொருட்களின் விலை குறைந்துள்ளது, எந்தெந்த பொருட்களின் விலை உயர்ந்துள்ளது என்பது பற்றிய தெளிவான பட்டியலை மத்திய அரசு வெளியிட்டுள்ளது. அவற்றின் விபரம் இதோ...

விலை குறையும் பொருட்கள் : கார்ன் பிளக்ஸ், டூத்பேஸ்ட், சோப், ஹேர் ஆயில், ஐஸ் க்ரீம், பாலாடை, பேக் செய்யப்பட்ட டீ மற்றும் காபி, பேக் செய்யப்பட்ட பிராண்டெட் ஆட்டா, பேக் செய்யப்பட்ட பன்னீர், மசாலா, ஸ்வீட்ஸ், பேக் செய்யப்பட்ட தயிர், எக்னாமிக் அளவிலான விமான பயண கட்டணம்.
விலை மாற்றமில்லா பொருட்கள் : பால், காய்கறிகள் மற்றும் பழங்கள், பிரெட், பாஸ்மதி அரிசி, ஆட்டா, ஷூஸ் வகைகள், மின்சாரம்.

விலை உயரும் பொருட்கள் : கூல் டிரிங்ஸ், சூயிங்கம், சாக்லேட், ஷாம்பூ, பேஸ் க்ரீம், டிவி, பிரிட்ஜ், ஏசி, வாஷிங் மிஷின், நாற்காலிகள், வாட்ச்கள், வங்கி சேவைகள், வாடகை கார்கள், தொழில்துறை சேவைகள், விளம்பர சேவைகள், தொலைத் தொடர்பு சேவைகள், தூய்மை சேவைகள், அழகுநிலைய சேவைகள், ட்ரை க்ளீனிங் சேவைகள், பாதுகாப்பு சேவைகள், பராமரிப்பு சேவைகள், சட்டரீதியிலான சேவைகள், கொரியர் சேவைகள், சமையல் எண்ணெய், மெல்லிய அலுமினிய தகடு, பேக் செய்யப்பட்ட சிக்கன், வெண்ணெய், புஜியா, பேக் செய்யப்பட்ட பருப்பு வகைகள், தங்கம், ரெஸ்டாரென்ட் சேவைகள், ஒரு இரவுக்கு ரூ.1000 க்கு மேல் கட்டணம் கொண்ட ஓட்டல் கட்டணங்கள் .

பிற மாநிலத்தவருக்கு இன்ஜி., பதிவு துவக்கம்
பதிவு செய்த நாள்01ஜூலை
2017
22:52

சென்னை, பிற மாநில மாணவர்களுக்கான, இன்ஜி., மாணவர் சேர்க்கை, 'ஆன்லைன்' விண்ணப்ப பதிவு அறிவிக்கப்பட்டு உள்ளது.
தமிழகத்தில் அண்ணா பல்கலை இணைப்பில் உள்ள, ௫௮௦க்கும் மேற்பட்ட கல்லுாரிகளில், பி.இ., - பி.டெக்., மற்றும் பி.ஆர்க்., படிக்க, கவுன்சிலிங் நடத்தப்படுகிறது. இதில், தமிழகத்தை
வசிப்பிடமாக கொண்ட மாணவர்கள் மட்டுமே சேர்க்கப்படுகின்றனர். பிற மாநிலத்தை வசிப்பிடமாக கொண்ட மாணவர்களுக்கு, தனி கவுன்சிலிங் நடத்தப்படுகிறது.இதற்கான ஆன்லைன் விண்ணப்ப பதிவை, அண்ணா பல்கலை அறிவித்துள்ளது. பிற மாநில மாணவர்கள், www.annauniv.edu என்ற இணையதளத்தில், ஜூலை, ௧௨ வரை விண்ணப்பிக்கலாம்.
அண்ணா பல்கலையின் பிரிவு மற்றும் வளாக கல்லுாரிகளான, கிண்டி இன்ஜி., கல்லுாரி, அழகப்பா செட்டியார் தொழிற்நுட்பக் கல்லுாரி, ஆர்க்கிடெக்சர் கல்லுாரியான, 'சேப்' மற்றும் குரோம்பேட்டையிலுள்ள, எம்.ஐ.டி., கல்லுாரி போன்றவற்றில்,
௫௦ இடங்கள் ஒதுக்கப்படுகின்றன.பி.ஆர்க்., படிப்புக்கு, இரு இடங்கள் 

மட்டும் ஒதுக்கப்படும். காஷ்மீரில் இருந்து இடம்
பெயர்ந்தவருக்கு, ஒரு இடம் உள் ஒதுக்கீடு உண்டு. தென் மண்டல மாநிலங்களுக்கு, ௧௬, மற்ற வடக்கு, கிழக்கு மற்றும் மேற்கு மண்டல மாநிலங்களுக்கு, மண்டலத்திற்கு தலா, ௧௧ இடம் ஒதுக்கப்படும்
என, அறிவிக்கப்பட்டுள்ளது.

அண்ணா பல்கலை குழு கவர்னருடன் சந்திப்பு

பதிவு செய்த நாள்01ஜூலை
2017
22:34

சென்னை, அண்ணா பல்கலை துணைவேந்தர் பதவிக்கு, தகுதியான நபரை தேர்வு செய்வதற்காக அமைக்கப்பட்டுள்ள, தேடுதல் குழு உறுப்பினர்கள், நேற்று கவர்னர் வித்யாசாகர் ராவை சந்தித்து பேசினர்.

அண்ணா பல்கலை துணைவேந்தர் பதவிக்கு, தகுதியான நபரை பரிந்துரை செய்ய, தேடுதல் குழு அமைக்கப்பட்டது. அந்தக் குழு பரிந்துரை செய்த நபர்களை, கவர்னர் வித்யாசாகர் ராவ் ஏற்றுக் கொள்ளவில்லை. அதைத் தொடர்ந்து, தேடுதல் குழு கலைக்கப்பட்டது.

தற்போது, புதிதாக தேடுதல் குழு அமைக்கப்பட்டுள்ளது. இக்குழுவில், ஓய்வு பெற்ற உச்ச நீதிமன்ற தலைமை நீதிபதி லோதா, ஓய்வுபெற்ற அரசு கூடுதல் தலைமை செயலர் சுந்தரதேவன், கான்பூர் ஐ.ஐ.டி., முன்னாள் இயக்குனர் அனந்தபத்மநாபன் ஆகியோர் இடம் பெற்றுள்ளனர்.

இக்குழு, துணை வேந்தர் பதவிக்கு, தகுதியான மூன்று நபர்களை, கவர்னருக்கு பரிந்துரை செய்யும். குழுவில் இடம் பெற்றுள்ள மூன்று பேரும், நேற்று சென்னை ராஜ்பவனில், கவர்னர் வித்யாசாகர் ராவை சந்தித்து பேசினர்.

மருத்துவ படிப்பு சேர்க்கையில் சிக்கல்

பதிவு செய்த நாள்01ஜூலை
2017
19:06

'மருத்துவ படிப்புகளின் சேர்க்கைக்கு, பிளஸ் ௨வில், முதல் முறையில் தேர்ச்சி பெற வேண்டும்' என்ற கட்டுப்பாட்டால், தகுதியான மாணவர்கள் மருத்துவம் படிக்க முடியாத நிலை ஏற்பட்டுள்ளது.மருத்துவ படிப்புகளான, எம்.பி.பி.எஸ்., மற்றும் பி.டி.எஸ்., படிப்பில் சேர, இந்த ஆண்டு முதல் தமிழகம் உட்பட அனைத்து மாநிலங்களிலும், 'நீட்' தேர்வில் தேர்ச்சி கட்டாயமாகி உள்ளது. 

இம்ப்ரூவ்மென்ட்தமிழகத்தில், மருத்துவ
கவுன்சிலிங் மூலம் மாணவர்கள் சேர, பிளஸ் ௨வில் முதல் முயற்சியிலேயே தேர்ச்சி பெற்றிருக்க வேண்டும் என, விதிகளில் கூறப்பட்டுள்ளது.

பத்து ஆண்டுகளுக்கு முன், பிளஸ் ௨வில் குறைந்த, 'கட் - ஆப்' மதிப்பெண் பெற்றவர்கள், 'இம்ப்ரூவ்மென்ட்' எனப்படும், மதிப்பெண் உயர்த்தும் தேர்வை எழுதி, அதில் அதிக மதிப்பெண் பெற்று, மருத்துவம் மற்றும் இன்ஜி., படிப்பில் சேர்ந்தனர்.
அதனால், கல்வித்தரம் குறைவதாக கூறி, இவ்வாறு விதிகள் வகுக்கப்பட்டன. சில ஆண்டுகளாக, அரசு தேர்வுத்துறை மூலம், இம்ப்ரூவ்மென்ட் தேர்வே நடத்தப்படுவதில்லை.
பிளஸ் ௨ தேர்வுக்கு விண்ணப்பித்து, எழுத முடியாதோர், தேர்வில் பங்கேற்று தேர்ச்சி பெறாதோருக்கு மட்டுமே, சிறப்பு துணை தேர்வு நடத்தப்படுகிறது.

பாரபட்சமானதுபெற்றோர் கூறியதாவது:பிளஸ் ௨ தேர்வு நடக்கும் காலம், கோடை காலம் என்பதால், அந்த நேரத்தில், சின்னம்மை நோய் தாக்கம் ஏற்படுகிறது. அதனாலும், விபத்து, குடும்பத்தில் விரும்பத்தகாத சம்பங்களால், தேர்வில் பங்கேற்க முடிவில்லை. இத்தகைய மாணவர்கள், மீண்டும் தேர்வில் பங்கேற்று, அந்த முதல் முயற்சி யிலேயே தேர்ச்சி பெறுவது உண்டு. அப்படிப்பட்ட மாணவர்கள் கூட, மருத்துவ சேர்க்கைக்கு தகுதி இல்லை என்பது, பாரபட்சமானது.அரசியல் அமைப்பு சட்டம் வழங்கிய அடிப்படை உரிமைகளை பறிப்பது போல் உள்ளது. எனவே, முதல் முயற்சியில் தேர்ச்சி என்ற விதிகளில் தெளிவான திருத்தங்கள் கொண்டு வந்து, அனைத்து தகுதியான மாணவர்களுக்கும், மருத்துவ படிப்பில் சம வாய்ப்பு வழங்க வேண்டும்.இவ்வாறு அவர்கள் கூறினர்.
- நமது நிருபர் -




Advertisement

ஆகஸ்ட் வரை மருந்துகளுக்கு ஜிஎஸ்டி கிடையாது

புதுடில்லி : நோயாளிகள் அத்தியாவசிய மருந்துகளை ஜிஎஸ்டி.,யை அமல்படுத்துவதற்கு முன்பு இருந்த விலையிலேயே வாங்கிக் கொள்ளலாம். அவற்றின் விலை உடனடியாக உயர்த்தப்படாது.ஆகஸ்ட் மாதம் வரை, ஜிஎஸ்டி கொண்டு வரப்படுவதற்கு முன்பு இருந்த விலையிலேயே மருந்துகளை வாங்கிக் கொள்ளலாம் என மருந்து விற்பனை துறையினர் தெரிவித்துள்ளனர். ஜிஎஸ்டி.,யில் அத்தியாவசிய மருந்துகளுக்கு 12 சதவீதம் வரியும், இன்சுலின் மற்றும் அவசர சிகிச்சைக்காக மருந்துவ உபகரணங்களுக்கு 5 சதவீதம் வரியும் விதிக்கப்பட்டுள்ளது.சில்லறை மருந்து விற்பனையாளர்கள் ஏற்கனவே வாங்கி வைத்துள்ள அத்தியாவசிய மருந்துகளை பழைய விலையிலேயே விற்கலாம். அந்த சரக்குகள் விற்று தீர்ந்த உடன், வாங்கும் புதிய சரக்குகளை ஜிஎஸ்டி., யுடன் விற்பனை செய்யலாம் என அறிவிக்கப்பட்டுள்ளது.

குழந்தை திருமணத்திற்கு ஆளான பெண் சாதனை

பதிவு செய்த நாள்
ஜூலை 01,2017 22:16



ஜெய்ப்பூர், :குழந்தை திருமணத்திற்கு ஆளாகி, எட்டு வயதில் குடும்ப பொறுப்பேற்ற ராஜஸ்தானைச் சேர்ந்த இளம்பெண், தன் இடைவிடாத முயற்சியால், அகில இந்திய மருத்துவ நுழைவுத் தேர்வான, 'நீட்' தேர்வில் வெற்றி பெற்று, சாதனை
படைத்துள்ளார்.ராஜஸ்தானில், பா.ஜ.,வைச் சேர்ந்த வசுந்தரா ராஜே முதல்வராக உள்ளார். இங்குள்ள ஜெய்ப்பூர் மாவட்டம் கரேரி கிராமத்தைச் சேர்ந்த ரூபா யாதவுக்கு, எட்டு வயதில், 12 வயது சிறுவனுடன் திருமணம் நடந்தது. அவரின் மூத்த சகோதரிக்கும், மற்றொரு சிறுவனுடன் குழந்தை திருமணம்
நடந்தது.

திருமணத்தின் போது, மூன்றாம் வகுப்பு படித்துக் கொண்டிருந்த ரூபா யாதவ், கல்வி மீதான தாக்கத்தால், தொடர்ந்து படிக்க விரும்புவதாக தெரிவித்தார். அவரின் புகுந்த வீட்டாரும், இதற்கு சம்மதம் தெரிவித்தனர். கல்வியில் சிறந்து விளங்கிய ரூபா, 10ம் வகுப்பு பொதுத் தேர்வில், 84 சதவீத மதிப்பெண் பெற்றார்.
குடும்ப பொறுப்பை கவனித்துக் கொண்டே, தேர்வில் சாதனை படைத்த ரூபாவை கண்டு, அவரின் கணவர் மிகவும் ஆச்சரியம் அடைந்தார். தொடர்ந்து தன் மனைவியை படிக்க வைக்கவும் முடிவு செய்தார். தினமும், ஆட்டோ ஓட்டி அதில் கிடைக்கும் வருமானத்தில், மனைவி ரூபாவை, பிளஸ் 2 படிக்க வைத்தார். அவரின் முயற்சிக்கு, ரூபாவின் அக்காள் கணவரும் துணை நின்றார்.
பத்தாம் வகுப்பை போலவே, பிளஸ் 2 தேர்விலும், 84 சதவீத மதிப்பெண் பெற்ற ரூபா, அந்த ஆண்டு நடந்த அகில இந்திய மருத்துவ நுழைவு தேர்விலும் வெற்றி பெற்றார். எனினும், அகில இந்திய அளவில், 23 ஆயிரமாவது இடம் பிடித்ததால், அரசு மருத்துவக் கல்லுாரியில் இடம் கிடைக்கவில்லை.
எனினும், சோர்வடையாமல், கல்லுாரியில், பி.எஸ்சி., படிப்பில் சேர்ந்து படித்தார். ரூபாவை, டாக்டர் ஆக்கியே தீர வேண்டும் என முடிவெடுத்த அவரின் கணவர், நீட் பயிற்சி மையத்தில் சேர்த்து படிக்க வைத்தார். 

கடந்த ஆண்டு, நீட் தேர்வில் தோல்வி அடைந்த போதும், அவரது அயராத முயற்சியை கண்டு வியந்த, தனியார் பயிற்சி மையம், ரூபாவுக்கு உதவித் தொகை வழங்கி, பயிற்சியும் அளித்தது.ஏழை குடும்பத்தில் மகளாக பிறந்து, எட்டு வயதில் குழந்தை திருமணத்திற்கு ஆளாகி, குடும்ப பொறுப்பையும் கவனித்து வந்த ரூபா, இந்த ஆண்டு நடந்து முடிந்த நீட் தேர்வில், அகில இந்திய அளவில், 2,612ம் இடம் பிடித்து, சாதனை படைத்துள்ளார். இதன் மூலம், ரூபாவுக்கு, சிறந்த அரசு மருத்துவக் கல்லுாரியில் இடம் கிடைப்பது உறுதியாகியுள்ளது.

"இ-சேவை' மையங்களில்... "ஸ்மார்ட் கார்டு' இனி, எளிதாக பெறலாம்

பதிவு செய்த நாள்02ஜூலை
2017
07:13




திருப்பூர் : மாவட்டம் முழுவதும் உள்ள, பொது "இ-சேவை' மையங்களில், புதிய "ஸ்மார்ட்' கார்டுக்கும், ஸ்மார்ட் கார்டு திருத்தம் கோரியும் விண்ணப்பிக்கலாம்; தாலுகா அலுவலக "இ-சேவை'மையத்தில், திருத்தப்பட்ட ஸ்மார்ட் கார்டு "பிரின்ட்' செய்து கொள்ளலாம் என, மாவட்ட நிர்வாகம் தெரிவித்துள்ளது.
திருப்பூர் மாவட்டத்தில், 6.70 லட்சத்துக்கும் அதிகமான ரேஷன் கார்டுகள் உள்ளன. அவற்றில், 3.55 லட்சம் "ஸ்மார்ட்' கார்டுகளாக மாற்றப்பட்டுள்ளன. மீதியுள்ள கார்டுதாரர்களின் விவரம் சரிபார்த்து, கார்டு அச்சிடப்பட்டு வருகிறது."ஸ்மார்ட்' கார்டு தயாரிப்பு புதிய திட்டம் என்பதால், எதிர்பாராத குழப்பங்கள் அதிகம் உள்ளன. அவற்றை திருத்துவதற்கு, "இ-சேவை' மையம் மட்டுமல்ல, மற்ற கம்ப்யூட்டர் சென்டர்களிலும் விண்ணப்பிக்கலாம் என்று தெரிவிக்கப்பட்டுள்ளது. "ஸ்மார்ட்' கார்டில் உள்ள தவறான தகவல்களை திருத்தம் செய்ய, "இ-சேவை' மையங்களில், தகுந்த ஆதாரத்துடன் விண்ணப்பிக்க வேண்டும்.பெயர் தவறாக இருந்தால், அதற்கான ஆதாரத்தையும்; முகவரி மாறியிருந்தால், அதற்குரிய ஆதாரத்தையும் கொடுத்து விண்ணப்பிக்கலாம். விண்ணப்பம் பரிசீலிக்கப்பட்டு, கார்டில் உள்ள தவறுகள் திருத்தப்பட்டதும், தாலுகா அலுவலக "இ-சேவை' மையத்துக்கு சென்று, புதிய கார்டுகளை "பிரின்ட்' செய்து கொள்ளலாம். அதற்காக, நிர்ணயிக்கப்பட்டுள்ள கட்டணங்களை செலுத்தி, சேவைகளை பெறலாம்.புதிய கார்டு தேவைப்படும் குடும்பத்தினர், அனைத்து உறுப்பினர்களின் ஆதார் அட்டை, வீட்டுவரி ரசீது அல்லது வாடகை ஒப்பந்தம், குடும்ப தலைவரின் போட்டோ, வங்கி பாஸ்புக் அல்லது வாக்காளர் அடையாள அட்டை, காஸ் இணைப்பு புத்தகம் ஆகிய ஏதேனும், முகவரி மற்றும் அடையாள ஆவண அசலுடன் சென்று, "இ-சேவை' மையங்களில் விண்ணப்பிக்கலாம். ஆதார் விவரம் பதிவு செய்யப்படுவதால், முன்பு பெயர் இருந்த கார்டில் இருந்து, பெயரை நீக்கியதற்கான சான்று எதுவும் தேவையில்லை.குடிமைப்பொருள் வழங்கல் துறை அதிகாரிகள் கூறியதாவது:பொது "இ-சேவை'மையங்களில்,"ஸ்மார்ட்' கார்டு தொடர்பான சேவைகளை பெறலாம். புதிய கார்டு கேட்டும், திருத்தம் கோரியும் விண்ணப்பிக்கலாம். சரியான ஆவணங்களை இணைத்து விண்ணப்பித்தால், விரைவில் "ஸ்மார்ட்' கார்டு கிடைக்கும். "போட்டோ' மாற்றம் உள்ளிட்ட திருத்தங்களையும் எளிதாக மேற்கொண்டு, உடனுக்குடன் திருத்திய அட்டைகளை பெற்றுக்கொள்ளலாம்.இவ்வாறு, அவர்கள் கூறினர்.

மருத்துவ மாணவர் சேர்க்கை வழக்கு: சுப்ரீம் கோர்ட் 'நோட்டீஸ்'

பதிவு செய்த நாள்02ஜூலை
2017
04:07



புதுடில்லி: தமிழகத்தில், மருத்துவ கல்லுாரி மாணவர் சேர்க்கையை, 'நீட்' நுழைவுத் தேர்வு மதிப்பெண்களுக்கு பதிலாக, பிளஸ் 2 மதிப்பெண்கள் அடிப்படையில் நடத்தக்கோரி தாக்கல் செய்யப்பட்ட மனு மீது, மத்திய அரசும், இந்திய மருத்துவ கவுன்சிலும், பதிலளிக்க, சுப்ரீம் கோர்ட் உத்தரவிட்டுள்ளது.

இது தொடர்பான வழக்கு, நீதிபதிகள், ஏ.எம்.சாப்ரே மற்றும் சஞ்சய் கிஷன் கவுல் அடங்கிய சுப்ரீம் கோர்ட்டின் விடுமுறை கால அமர்வு முன் நேற்று விசாரணைக்கு வந்தது.தமிழக அரசுஅப்போது, மனுதாரர் சார்பில் கூறப்பட்டதாவது:மருத்துவ மாணவர் சேர்க்கைக்காக நடத்தப்பட்ட, 'நீட்' எனப்படும், தேசிய நுழைவுத் தேர்வுக்கு, கடந்த கல்வியாண்டில், தமிழகம் உள்ளிட்ட மாநிலங்களுக்கு விலக்கு அளிக்கப்பட்டு இருந்தது; இந்த ஆண்டும் விலக்கு பெறுவதாக தமிழக அரசு கூறி வந்தது.

இதனால், பிளஸ் 2 மதிப்பெண்கள் அடிப்படையில் மட்டுமே மாணவர் சேர்க்கை நடைபெறும் என, மாணவர்களும், பெற்றோரும்எண்ணி இருந்தனர்.ஆனால் தற்போது, 'நீட்' தேர்வு மதிப்பெண் அடிப்படையில், மாணவர் சேர்க்கை நடைபெறும் என, தமிழக அரசுஅறிவித்துள்ளது.இதனால், பிளஸ் 2 தேர்வில் அதிக மதிப்பெண் பெற்ற மாணவர்கள் பாதிக்கப்பட்டுள்ளனர். இந்த ஆண்டு, தமிழகத்தில் மருத்துவ மாணவர் சேர்க்கையை, பிளஸ் 2 தேர்வு அடிப்படையில் நடத்த வேண்டும்.

இவ்வாறு மனுதாரர் தரப்பில் தெரிவிக்கப்பட்டது.ஒத்திவைப்புஇதையடுத்து, மத்திய அரசு மற்றும் இந்திய மருத்துவ கவுன்சில் சார்பில் பதில் மனு தாக்கல் செய்ய உத்தரவிட்டு, நீதிபதிகள் விசாரணையை ஒத்தி வைத்தனர்.

இதனிடையே, ஐ.ஐ.டி., எனப்படும், இந்திய தொழிற்நுட்ப நிறுவன மாணவர் சேர்க்கைக்கான, ஜே.இ.இ., தேர்வில், தவறான கேள்விகளுக்கு கருணை மதிப்பெண் வழங்கப்பட்டதை எதிர்த்து தொடரப்பட்ட வழக்கில், மத்திய அரசு, ஜே.இ.இ., மற்றும் ஐ.ஐ.டி., இயக்குனருக்கு, 'நோட்டீஸ்' அனுப்ப, சுப்ரீம் கோர்ட் உத்தரவிட்டது.

Doctor News

3–ந் தேதி திருமணம் நடைபெற இருந்த நிலையில் மாயமான டாக்டர் குடிநீர் தொட்டியில் பிணமாக கிடந்தார்

மாயமான டாக்டர் குடிநீர் தொட்டியில் பிணமாக கிடந்தார். 3–ந் தேதி திருமணம் நடைபெற இருந்த நிலையில் அவர் கொலை செய்யப்பட்டாரா? என போலீசார் விசாரித்து வருகின்றனர்.

ஜூலை 01, 2017, 04:45 AM

செங்குன்றம்,

சென்னையை அடுத்த கொளத்தூர், பூம்புகார் நகர் 2–வது பிரதான சாலையில் வசித்து வருபவர் நாகராஜன். இவருடைய மனைவி சாந்தி. இவர்களது மகன் ராஜேஷ்குமார் (வயது 26), மகள் ஸ்ரீலேகா. இவர்களுடைய சொந்த ஊர் சிவகங்கை மாவட்டம் திருப்பத்தூர்.

டாக்டரான ராஜேஷ்குமார் முகப்பேர் மேற்கு பகுதியில் கிளினிக் மற்றும் மருந்து கடை நடத்திவந்தார். மருந்து கடையை அவருடைய தந்தை நாகராஜன் கவனித்து வந்தார்.

டாக்டர் ராஜேஷ்குமாருக்கும், காரைக்குடியை சேர்ந்த ஒரு பெண்ணுக்கும் திருமணம் செய்ய நிச்சயிக்கப்பட்டது. இவர்களின் திருமணம் 3–ந் தேதி காரைக்குடியில் நடைபெறுவதாக இருந்தது. இதற்காக நாகராஜன்–சாந்தி இருவரும் தங்கள் உறவினர்கள், நண்பர்களுக்கு அழைப்பிதழ் கொடுக்க சொந்த ஊரான திருப்பத்தூர் சென்றுவிட்டனர்.

வீட்டில் ராஜேஷ்குமாரும், அவருடைய தங்கை ஸ்ரீலேகாவும் மட்டும் இருந்தனர். கடந்த 28–ந் தேதி வீட்டில் இருந்து வெளியே சென்ற ராஜேஷ்குமார் அதன் பிறகு மாயமானார். இதனால் அதிர்ச்சி அடைந்த ஸ்ரீலேகா, தனது பெற்றோருக்கு தகவல் கொடுத்தார். உடனடியாக அவர்கள் சென்னைக்கு விரைந்து வந்து நண்பர்கள், உறவினர்கள் வீடுகளில் தேடினர். ஆனால் அவர் கிடைக்கவில்லை.

இதுபற்றி கொளத்தூர் போலீசில் நாகராஜன் புகார் செய்தார். போலீசார் வழக்குப்பதிவு செய்து டாக்டர் ராஜேஷ்குமாரை தேடிவந்தனர்.

இந்த நிலையில் நேற்று மாலை கொளத்தூர் பூம்புகார் நகர் அருகே உள்ள சென்னை குடிநீர் வாரியத்துக்கு சொந்தமான தரைமட்ட குடிநீர் தொட்டியில் இருந்து துர்நாற்றம் வீசுவதாக அந்த பகுதி மக்கள் கொளத்தூர் போலீசாருக்கு தகவல் கொடுத்தனர்.

அண்ணாநகர் துணை கமி‌ஷனர் சுதாகர், வில்லிவாக்கம் உதவி கமி‌ஷனர் ஜெய்சிங், இன்ஸ்பெக்டர் முனிசேகர் (கொளத்தூர்), கோபிநாத் (ராஜமங்கலம்) மற்றும் போலீசார் சம்பவ இடத்துக்கு சென்று, குடிநீர் தொட்டியின் மூடியை பொக்லைன் எந்திரம் மூலம் திறந்து பார்த்தனர்.

அப்போது குடிநீர் தொட்டியின் உள்ளே டாக்டர் ராஜேஷ்குமார், அழுகிய நிலையில் பிணமாக கிடந்தார். போலீசார் அவரது உடலை மீட்டு பிரேத பரிசோதனைக்காக கீழ்ப்பாக்கம் அரசு ஆஸ்பத்திரிக்கு அனுப்பிவைத்தனர்.

இதுகுறித்து கொளத்தூர் போலீசார் வழக்குப்பதிவு செய்து டாக்டர் ராஜேஷ்குமாரை யாராவது கொலை செய்து, உடலை குடிநீர் தொட்டியில் வீசிச் சென்றார்களா? அல்லது அவர் தற்கொலை செய்துகொண்டாரா? என விசாரித்து வருகின்றனர்.

3–ந் தேதி திருமணம் நடைபெற இருந்த நிலையில் டாக்டர் மர்மமான முறையில் இறந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.

________________________________