22 வரை மருத்துவ அட்மிஷன் நிறுத்தி வைப்பு 'நீட்' வழக்கில் சுப்ரீம் கோர்ட் உத்தரவுதமிழகத்தில் மருத்துவக் கல்விக்கான மாணவர் சேர்க்கையை, வரும், 22ம் தேதி வரை நிறுத்தி வைக்க, உச்ச நீதிமன்றம் உத்தரவிட்டுள்ளது.
'நீட்' எனப்படும் மருத்துவ நுழைவுத் தேர்வு ரேங்க் பட்டியல், மாநிலக் கல்வி வாரிய, 'மெரிட்' பட்டியல், மாநில கல்வி வாரியத்தில் படித்த எத்தனை பேர் நீட் தேர்வில் வெற்றி பெற்றனர் உள்ளிட்ட விபரங்களை தாக்கல் செய்யவும், உச்ச நீதிமன்றம் உத்தரவிட்டுள்ளது.
'நீட்' எனப்படும் மருத்துவக் கல்வியில் சேருவ தற்கான நுழைவுத் தேர்வு, சமீபத்தில் நடத்தப் பட்டது. 'மாநிலக் கல்வி பாடத் திட்டத்தில் படித் தவர்கள் இந்த நுழைவுத் தேர்வுக்கு தயாராக வில்லை என்பதால், நீட் நுழைவுத் தேர்வில் இருந்து விலக்கு அளிக்க வேண்டும்' என, தமிழக அரசு கோரி வருகிறது.
இதற்காக, அவசர சட்டம் பிறப்பிக்கும் முயற்சி யில், மத்திய அரசு உதவியுடன், தமிழக அரசு ஈடுபட்டுள்ளது.இந்நிலையில், நீட் முறையி லேயே மாணவர் சேர்க்கையை நடத்த உத்தர விடக் கோரி, உச்ச நீதிமன்றத்தில் சிலர் வழக்கு தொடர்ந்தனர். இந்த வழக்கு, நீதிபதிகள், தீபக் மிஸ்ரா, அமிதவ ராய், ஏ.எம்.கன்வில்கர் அடங்கிய அமர்வு முன், நேற்று விசாரணைக்கு வந்தது.
அப்போது, ''நீட் நுழைவுத் தேர்வு அடிப்படையில் மாணவர் சேர்க்கை நடத்துவதில் இருந்து தமிழகத்துக்கு விலக்கு அளிக்கும் வகையில், அவசர சட்டம் பிறப்பிப்பதற்கான நடவடிக்கை கள் நடந்து வருகின்றன. ''வரும், 22ம் தேதிக்குள் அவசர சட்டம் பிறப்பிக்கப்படும்,'' என, மத்திய அரசு சார்பில் ஆஜரான, கூடுதல் சொலிசிட்டார்
ஜெனரல், துஷார் மேத்தா தெரிவித்தார். தமிழகத் துக்கு விலக்கு அளிப்பதற்கு, இந்திய மருத்துவ கவுன்சில் எதிர்ப்பு தெரிவித்தது.இந்த வழக்கு களைத் தொடர்ந்துள்ள மாணவர்கள் சார்பில் ஆஜரான, மூத்த வழக்கறிஞர், நளினி சிதம்பரம், ''தமிழகத்தில், 10 ஆண்டுகளில், கிராமப் பகுதியைச் சேர்ந்த, 250 பேர் மட்டுமே மருத்துவக் கல்லுாரி களில் சேர்ந்துள் ளனர். ''அதனால், நீட் தேர்வு கிராமப்புற மாணவர் களுக்கு எதிரானது என்ற வாதத்தை ஏற்க முடியாது,'' என்றார்.
தமிழக அரசு பாடதிட்டத்தில் படித்து, நீட் தேர்வில் வெற்றி பெற்ற மாணவர்கள் சார்பில் ஆஜரான மூத்த வழக்கறிஞர் சி.யு. சிங், தன் வாதத்தின்போது, ''நீட் தேர்வில் வெற்றி பெற்றுள்ள, தமிழகத்தைச் சேர்ந்த, 33ஆயிரம் பேரில், 30 ஆயிரம் பேர் மாநில பாடதிட்டத்தில் படித்தவர்கள். ''அதனால், பிளஸ் 2 தேர்வின் அடிப்படையில் மாணவர் சேர்க்கையை நடத்தினால், நீட் தேர்வு எழுதிய மாணவர்கள் பாதிக்கப்படுவர்,'' என்றார்.
இந்த வாதங்களைக் கேட்ட, உச்ச நீதிமன்ற அமர்வு அளித்துள்ள உத்தரவு:
மருத்துவ மாணவர் சேர்க்கையில், கடைசி நேரம் வரை தமிழக அரசு ஏன் இழுத்தடிப்பை செய்து வந்துள்ளது. இந்த விவகாரத்தில் எவரும் பாதிக்கக் கூடாது என விரும்புகிறோம். நீட் தேர்வில் இருந்து தமிழகத்துக்கு விலக்கு அளிக்கும் வகையில், அவசர சட்டம் பிறப்பிக்க உள்ளதாக இங்கு கூறினர்.
தகுதியின் அடிப்படையில் மாணவர் சேர்க்கை நடக்க வேண்டும் என்பதற்காக அறிமுகப்படுத்தப் பட்ட நீட் தேர்வு முறையை, மத்திய அரசே உடைத் தெறியக் கூடாது. ஒரு புறம் மாநில பாடதிட்டத்தில் படித்து, நீட் தேர்வுக்கு தயாராக முடியாத மாணவர் கள்; மறுபுறம், நீட் தேர்வு எழுதி, மருத்துவக் கல்வி யில் சேருவதற்கு தகுதி பெற்றுள்ள மாணவர்கள் உள்ளனர்; இருவரையும் சமநிலையில் பார்க்க வேண்டிய நிலை ஏற்பட்டுள்ளது.
இதில் முடிவெடுக்கும் வகையில், வரும், 22ம் தேதி, தமிழகத்தில் மருத்துவக் கல்விக்கான மாணவர் சேர்க்கையை நடத்த, இடைக்கால தடை விதிக்கப் படுகிறது. நீட் தேர்வு எழுதி, தகுதி பெற்றுள்ள மாண வர்களின், ரேங்க் பட்டியல், மாநில கல்வி வாரிய மெரிட் பட்டியலை சமர்ப்பிக்க வேண்டும். மாநில கல்வி வாரியத்தில்படித்த எத்தனை பேர், நீட்
தேர்வை எழுதினர், எத்தனை பேர் தேர்ச்சி பெற்றனர் போன்ற தகவல்களை அளிக்க வேண்டும்.இவ்வாறு சுப்ரீம் கோர்ட் அமர்வு கூறியுள்ளது.
அவசர சட்டத்துக்கு அவசியம் ஏற்படாதோ?:
உச்ச நீதிமன்றத்தின் நேற்றைய உத்தரவு காரண மாக, எல்லா பணிகளும் முடிந்து, தயார் நிலையில் உள்ள அவசர சட்டத்தை பிறப்பிக்க, மத்திய, மாநில அரசுகள் முன்வராது என்றே தெரிகிறது. இதுவரை, எந்த பிடியும் இல்லாமல் காத்துக் கிடக்கும், நீட் ஆதரவு தரப்பு, அவசர சட்டம் பிறப்பிக்கப்பட்டால், அடுத்த நிமிடமே கோர்ட் படியேற தயாராகும்.
இதனால், அவசர சட்டம் ரத்து செய்யப்படவும் வாய்ப்பு ஏற்படும். இப்போதுள்ள குழப்பத்தில், அவசர சட்ட விவகாரமும் சேர்ந்து, கூடுதல் குழப்பம் ஏற்பட்டு விடக் கூடாது என்ற பயம், மத்திய, மாநில அரசுகளிடம் காணப்படுகிறது.
எனவே, அவசர சட்டத்தை அவசரப்பட்டு பிறப் பித்து, கோர்ட்டுக்கு தர்ம சங்கடத்தை அளிப்ப தற்கு பதிலாக, கோர்ட் உட்பட அனைத்து தரப்பும் ஏற்கும், சமரச பார்முலா வை, மத்திய, மாநில அரசுகள் தயார் செய்வதற்கான வாய்ப்பு உருவாகியுள்ளது. இந்த சமரச பார்முலாவே, தற்போதுள்ள பிரச்னைக்கு தீர்வாக அமைந்து விட்டால், இவ்வளவு நாட்களும் போராடி கிடைக்கப் பெற்ற அவசர சட்டத்தை பிறப்பிக்க வேண்டிய அவசியமே ஏற்படாமல் போகலாம். கோர்ட் உத்தரவின்படி, அந்த சமரச பார்முலா வின் கீழ், இந்த ஆண்டு மருத்துவ இடங்கள், தமிழகத்தில் நிரப்பப்படக் கூடும்.
மாணவர் சேர்க்கையை தாமதப் படுத்துவதற் காக, இந்திய மருத்துவ கவுன்சில், தமிழக அரசின் மீது கோபத்தில் உள்ளது. நேற்றைய வாதத்தின்போது கூட, 'மாணவர் சேர்க்கையை திட்டமிட்டபடி நடத்தி முடிக்காவிட்டால், தமிழ கத்துக்கான மருத்துவ இடங்களை நாங்களே எடுத்துக் கொள்வோம்' என, கடுமை காட்டியது. இவற்றையெல்லாம் வைத்துப் பார்க்கும்போது, சமரச பார்முலா வுக்கு பின்னும் கூட, சிக்கல் கள் எழுமோ என்ற குழப்பங்களும், சந்தேகங் களும் நீடிக்கவே செய்கின்றன.
- நமது டில்லி நிருபர் -
