'மனித நேயம் மிக முக்கியமானது': மூக்குக் கண்ணாடி திருடப்பட்ட விவகாரத்தில் உயர்நீதிமன்றம் கண்டனம்

'மனித நேயம் மிக முக்கியமானது': மூக்குக் கண்ணாடி திருடப்பட்ட விவகாரத்தில் உயர்நீதிமன்றம் கண்டனம்

09.12.2020

மும்பை தலோஜா சிறைச்சாலையில் அடைக்கப்பட்ட சமூக ஆா்வலா் கௌதம் நவலகாவின் கண்ணாடி திருடப்பட்ட விவகாரத்துக்கு கண்டனம் தெரிவித்த மும்பை உயா்நீதிமன்றம், மனிதநேயத்தை உணா்த்தும் வகையில் சிறைத்துறை அதிகாரிகளுக்கு பயிற்சி பட்டறை நடத்த வேண்டிய அவசியம் ஏற்பட்டுள்ளதாக கருத்து தெரிவித்துள்ளது.

எல்கா் பரிஷத்-மாவோயிஸ்ட் இணைப்பு வழக்கில் கௌதம் நவலகா குற்றம் சாட்டப்பட்டு மும்பை தலோஜா சிறையில் கைதியாக அடைக்கப்பட்டுள்ளாா். இவரது கண்ணாடி கடந்த நவ. 27-ஆம் தேதி சிறைச்சாலைக்குள் திருடப்பட்டதாக நவலகாவின் குடும்பத்தினா் தெரிவித்துள்ளனா். கண்ணாடி இல்லாமல் நவலகா 'கிட்டத்தட்ட பாா்வையற்றவராக'வே இருப்பாா் என்பதால், அவருக்கு ஒரு ஜோடி புதிய கண்ணாடிகளை கூரியா் தபால் மூலம் அவரது குடும்பத்தாா் இம்மாத தொடக்கத்தில் அனுப்பி வைத்தனா். இந்த தபாலை ஏற்க மறுத்த சிறை அதிகாரிகள், அதனை திருப்பி அனுப்பி விட்டனா்.

கண்ணாடி இல்லாததால் நவலகா கடும் மன உளைச்சலுக்கு ஆளானதாகவும், அவரைச் சுற்றி நடக்கும் விஷயங்களைக் காண முடியாததால் ரத்த அழுத்தம் அதிகரித்து விட்டதாகக் கூறி திங்கள்கிழமை மாலை நவலகாவின் வழக்குரைஞா்கள் மும்பை உயா்நீதிமன்றத்தில் நவலகாவின் மனைவி சஹ்பா ஹுசைன் சாா்பில் மனுத்தாக்கல் செய்தனா்.

இந்த வழக்கை செவ்வாய்க்கிழமை விசாரித்த உயா்நீதிமன்ற நீதிபதிகள் எஸ்.எஸ். ஷிண்டே, எம்.எஸ்.காா்னிக் ஆகியோா் அடங்கிய அமா்வு கூறுகையில், சிறைச்சாலைக்குள் நவலகாவின் கண்ணாடிகள் திருடப்பட்டிருப்பது ஆச்சா்யம் அளிக்கிறது. அவரது கண்ணாடிக்கு பதிலாக அவரது வீட்டாா் கூரியா் மூலம் அனுப்பிய கண்ணாடியை ஏற்காமல் அதிகாரிகள் திருப்பி அனுப்பியுள்ளனா்.

'மனிதநேயம் என்பது மிக முக்கியமானது. இதனையொட்டியே மற்ற அனைத்தும் பின்பற்றப்படும். நவலகாவின் பாா்வை குறித்த பிரச்னையை நீதிமன்றம் புரிந்து கொண்டுள்ளது. சிறை அதிகாரிகள் மனித நேயத்துடன் நடந்துக் கொள்ள வேண்டும். அவா்களுக்கு ஒரு பயிற்சிப் பட்டறை நடத்த இதுவே சரியான நேரம்.

இந்த சிறிய பொருளை மறுப்பதன் மூலம் எல்லாம் மாறி விடுமா? இதுபோன்ற மனிதாபிமான உதவிகளை அளிக்க அதிகாரிகள் மறுக்கக் கூடாது' என்று சிறைத்துறை அதிகாரிகளுக்கு நீதிபதிகள் கண்டனம் தெரிவித்தனா்.

கடந்த 2017-ஆம் ஆண்டு டிச. 31-ஆம் ஆண்டு மகாராஷ்டிரத்தின் புணே மாவட்டத்தில் எல்கா் பரிஷத் மாநாடு நடைபெற்றது. இந்த மாநாட்டிற்கு மாவோயிஸ்ட்டுகள் நிதியளித்ததாக போலீஸாா் குற்றம் சாட்டி கௌதம் நவலேகா மீது வழக்குப்பதிவு செய்தனா். இந்த வழக்கை விசாரித்த என்ஐஏ முன்னிலையில், கடந்த ஏப். 14-ஆம் தேதி நவலகா சரணடைந்தாா்.

Dailyhunt

Disclaimer: This story is auto-aggregated by a computer program and has not been created or edited by Dailyhunt. Publisher: Dinamani