பழைய மின்சார மீட்டர்களுக்கு பதிலாக புதிய டிஜிட்டல் மீட்டர்கள் பொருத்தப்படுகிறது. இதற்காக யாரும் கட்டணம் செலுத்த தேவையில்லை என்று தமிழ்நாடு மின்சார வாரியம் அறிவித்துள்ளது.
இதுகுறித்து தமிழ்நாடு மின்சார வாரியம் வெளியிட்டுள்ள அறிக்கையில் கூறியிருப்பதாவது:–
டிஜிட்டல் மின்மீட்டர்கள்
தமிழ்நாட்டில் பழைய தொழில்நுட்பத்துடன் இயங்கும் மின் மீட்டர்களை மாற்றி, புதிய தொழில்நுட்பத்துடன் கூடிய டிஜிட்டல் மின் மீட்டர்கள் பொருத்தும் பணி நடைபெற்று வருகிறது.
தமிழ்நாடு மின்சார வாரியத்தின் பிரிவு அலுவலகத்தில் உள்ள ஆய்வாளர்கள், மின் உதவியாளர்கள் ஆகியோர் இந்த புதிய டிஜிட்டல் மின் மீட்டர்களை எவ்வித கட்டணமும் இன்றி பொருத்த வேண்டும் என ஆணையிடப்பட்டுள்ளது.
கட்டணம் தேவையில்லை
எனவே, புதிய டிஜிட்டல் மின் மீட்டர்கள் மாற்றுவதற்கு மின்சார வாரிய பணியாளர்களுக்கு பொதுமக்கள் எவ்வித கட்டணமும் செலுத்த தேவையில்லை. இதற்கு யாரேனும் பணம் கேட்டால் சம்மந்தப்பட்ட அலுவலர்கள் மீது கடும் நடவடிக்கை எடுக்கப்படும்.
ஆகவே, புதிய டிஜிட்டல் மின் மீட்டர்கள் பொருத்துவதற்கு முழு ஒத்துழைப்பு அளிக்குமாறும், யாரேனும் பணம் கேட்டால் கொடுக்க வேண்டாம் எனவும் பொதுமக்கள் கேட்டுக்கொள்ளப்படுகிறார்கள்.
இவ்வாறு அதில் கூறப்பட்டுள்ளது.
No comments:
Post a Comment