டெல்லியில் காற்று மாசு காரணமாக டெல்லி- நியூயார்க் செல்லும் யுனைடெட் ஏர்லைன்ஸ் விமானம் ரத்து



டெல்லியில் காற்று மாசு காரணமாக டெல்லி-நியூயார்க் செல்லும் யுனைடெட் ஏர்லைன்ஸ் விமானம் ரத்து செய்யப்பட்டுள்ளது.

நவம்பர் 11, 2017, 07:13 PM

புதுடெல்லி,

தலைநகர் டெல்லி அதன் பகுதிகளில் காற்று கடுமையாக மாசடைந்துள்ளது. காற்றில் நுண்துகள்களின் (பி.எம்.2.5 மற்றும் பி.எம்.10) அளவு வழக்கத்தை விட பல மடங்கு அதிகரித்துள்ளது. இந்த நச்சுக்காற்றால் மக்கள் பெரும் இன்னலுக்கு உள்ளாகி இருக்கின்றனர். இதனால், பள்ளிகளுக்கு விடுமுறை அளிக்கப்பட்டுள்ளது. பனிப்பொழிவும் அதிகம் இருப்பதால் தலைநகர் மற்றும் சுற்றுவட்டார பகுதிகளில் பகலிலும் மேகமூட்டம் போல காணப்படுகிறது. காற்றில் மாசு புகை மூட்டம் போல் காணப்பட்டதால் விமான போக்குவரத்து கடுமையாக பாதிக்கப்பட்டது.

இந்நிலையில் டெல்லியில் இருந்து நியூயார்க் செல்லும் யுனைடெட் ஏர்லைன்ஸ் விமானம் ரத்து செய்யப்பட்டுள்ளது. காற்று மாசு காரணமாக விமானம் ரத்து செய்யட்டுள்ளதாக யுனைனெட் ஏர்லைன்ஸ் நிர்வாகம் அறிவித்துள்ளது. பாதிக்கப்பட்ட பயணிகள் மாற்று விமானத்தில் அனுப்பி வைக்கப்படுவார்கள் என நிர்வாகம் கூறியுள்ளதாக தகவல்கள் தெரிவிக்கின்றன.