பெண்களின் கருமுட்டையைச் சேமிக்க புதிய சலுகைகள்: கார்ப்பரேட் நிறுவனங்கள் தருவது வரமா சாபமா?...by இந்துஜா ரகுநாதன்

தங்கள் நிறுவனங்களில் பணியாற்றும் பெண்களின் கரு முட்டையை உறைய வைக்கும் மருத்துவ செலவை முற்றிலும் தாமே ஏற்றுக்கொள்வோம் என்ற சலுகையை பிரபல கணிகனி மற்றும் இணையதள நிறுவனங்களான ஆப்பிள் மற்றும் ஃபேஸ்புக் கடந்த மாதம் அறிவிததுள்ளன. இச்செய்தி உலகம் முழுவதும் பலரை ஆச்சர்யத்தில் ஆழ்த்தியுள்ளது. அலுவலகப் பணியின்மீதுள்ள ஆர்வத்தினாலும் வேலைச்சுமையாளும் இளம்பெண்கள் தாய்மையை தவறவிடும் அவலம் நாளுக்குநாள் அதிகரித்துவருகிறது. இதனைத் தவிர்க்கவே இந்த அறிவிப்பு என்று இந்த நிறுவனங்கள் பெருமையோடு கூறிவருகின்றன. உண்மையில் இச்சலுகை பெண்களுக்கு வரமா சாபமா?

கருமுட்டையை உறைய வைப்பதற்காக சுமார் 20,000 டாலர்கள் வரை இந்நிறுவனங்கள் செலவிடத் தயாராக உள்ளன. இவ்வளவு செலவு செய்யும் இந்நிறுவனங்கள் அளிக்கக் கூடிய இச்சலுகை அவர்களது லாபத்திற்காகத்தான் என்பது ஒருவகையில் உண்மையென்றாலும் பணியின் உச்சத்தை அடைய விரும்பும் பல பெண்களுக்கு வரப் பிரசாதம் என்றும் கூறப்படுகிறது.

கருமுட்டை சேமிப்பு / வங்கி என்றால் என்ன?

பெண்களுக்கு கரு உருவாக முக்கிய பங்கு வகிக்க் கூடியவை முட்டைகள்தான். இது செழுமையாக இருக்கும்போது கர்ப்பம் உண்டாகக் கூடிய வாய்ப்புகள் அதிகம். ஆனால் பெண்ணின் வயது கூடக் கூட முட்டையின் செழுமை குறையத் தொடங்குகிறது. இதனால் ஒரு குறிப்பிட்ட வயதுக்குப்பின் பெண் கருத்தரிப்பது மிகவும் கடினம். பொதுவாக 20-30 வயது வரை கருமுட்டை செழுமையுடன் இருப்பதால் அவ்வயது பெண்கள் எளிதில் கர்ப்பம் அடைந்துவிடுகிறார்கள்.

பெண்கள் தங்களின் மேல்படிப்பு, பணி, திருமணத்தில் தாமதம் பேன்ற காரணங்களால் கர்ப்பம் அடையும் சூழ்நிலையில் இல்லாதவர்கள், தகுந்த நேரத்தில் மருத்துவரின் ஆலோசனைப்படி தன் செழுமையான கரு முட்டைகளை வெளியே எடுத்து அதற்காக பிரத்யேகமாக உள்ள மையங்களில் உறைய வைத்து சேமித்து வைக்கமுடியும். சுமார் 10 ஆண்டுகள் வரை இந்த கருமுட்டைகளை சேமித்துவைத்து தேவையான போது அப்பெண்ணின் கருப்பையில் மீண்டும் செலுத்தி கருவுறச் செய்யமுடியும்.

வரமா? சாபமா?

உலகெங்கும் நடைபெற்ற ஆய்வுகளின் படி, ஒரு கார்ப்பரேட் நிறுவனத்தில் பணியைத் தொடங்கும் ஆண், பெண் இருபாலாரும் ஒரே ஊதிய விகிதத்தில்தான் பணியமர்த்தப் படுகின்றனர். அதாவது 18 வயதில் பணியைத் தொடங்கும் இருசாராரும் ஒரே சம்பளத்தில் பயணித்தாலும், பெண்களின் வயது ஏற ஏற நிறைய தடைக்கற்கள் ஏற்படுகின்றன.

திருமணம், குழந்தைப்பேறு ஆகியவற்றின்போது எடுக்கும் ஓய்வினால் அவர்களுடைய பணி அனுபவம் தடைப்பட்டு மீண்டும் பணிக்கு திரும்பும்போது பதவிஉயர்வு பறிக்கப்பட்டுவிடுகிறது. சம்பளமும் பழைய இடத்திற்கு போய்விடுகிறது. 40 வயதில் பணிபுரியும் பெண்களின் வருமானம், அவருடன் பணியில் சேர்ந்த ஆணின் மொத்த வருமானத்தில் 25% இழப்பு ஏற்பட்டு விடுகிறது.

இந்நிலையில் ஒரு நிறுவனத்தின் உயர் அதிகாரி அந்தஸ்த்தை ஒரு பெண் அடைவது வெறும் கனவுதான். இதனால் முப்பதுகளில் உள்ள ஒரு பெண் பதவி உயர்வை முன்னிட்டு தனது பெருமைக்குரிய குழந்தைப் பேற்றைத் தள்ளிப்போடுகிறாள். இதன் காரணமாகவே, கார்ப்பரேட்டில் பெண்களின் முன்னேற்றத்திற்காக கொண்டுவரப்பட்டுள்ள கருமுட்டை சேமிப்பு சலுகை திட்டம் வரம்தான் என்கின்றனர் பலர். தனது கரு முட்டையைச் சேமித்து வைத்துக்கொண்டால் போதும் அப்பெண் தனக்குத் தேவையானபோது தாய்மை அந்தஸ்தைப் பெறமுடியும். மேலும் இதை வரவேற்கும் பெண்கள் குடும்பம், அலுவலகப்பணி என இரு குதிரைகளிலும் பயணித்து வெற்றி இலக்கைத் தட்டிச் செல்லலாம் என்கிறார்கள் அவர்கள்.

சர்ச்சைகள்

ஒரு நிறுவனம் இது போன்ற சலுகையை அறிவிக்கும்போது அது மறைமுகமாக பெண் ஊழியர்களை தன் கட்டுபாட்டுக்குள் கொண்டுவருவதாக எதிர்ப்பு வலுத்துவருகிறது. கருமுட்டை சேமிப்பு செலவை நிறுவனமே ஏற்பதால் அவர்கள் கூறும் பொழுதில் தான் குழந்தை பெற்றுக்கொள்ள அழுத்தங்கள் தர அதிக வாய்ப்புள்ளது என்பது இவர்கள் வாதம்.

ஒரு பெண் பணியில் சேரும்போதே இத்தனை ஆண்டுகள் திருமணம் கூடாது, குழந்தைபேறும் கூடாது என்று பல நிறுவன மனிதவள மேம்பாடு அதிகாரிகள் கறாராக காண்டிராக்டில் கையெழுத்து வாங்கி கொண்டுதான் பணிநியமன உத்தரவைத் தருகின்றனர். அப்படி இருக்கும் சூழ்நிலையில் ஒரு பெண் தான் சுயத்தோடு தன் முடிவை எடுக்க இது தடைக்கல்லாக இருக்கும் என்ற அச்ச உணர்வையும் நாம் புரிந்துகொள்ள வேண்டியுள்ளது. மேலும் எந்த வயதில் குழந்தை பெற்றுகொண்டாலும் அதற்குரிய பணி ஓய்வும், இடைவேளியும் ஏற்படுவதை தவிர்க்கமுடியாத நிலையில் கர்ப்பத்தை தள்ளிபோடுவது நிறுவனங்களுக்கு மட்டும் நன்மை பயக்கும் என்று கூறப்படுகிறது.

குழந்தை வளர்ப்பில் சிக்கல்கள்

30 வயதுக்கு மேல் கருமுட்டையின் செழுமை குறையத் துவங்குவதால் கருவுருவது சற்று சிரமம் ஆகிவிடுவதாக பல மருத்துவ ஆய்வுகள் கூறுகின்றான. முட்டையின் செழுமையைக் காக்க அதை சேமித்துவிட்டு பின்னர் காலதாமதமாக அதை உபயோகப்படுத்துவதால் குழந்தைப்பேறு 100% உறுதி என்று சொல்லிவிட முடியாது.

30 வயதை கடக்கும் பெண்கள் பலருக்கு, மன அழுத்த்தினால ஹார்மோன் கோளாறுகள், கருப்பையில் கட்டி, வேறு சில எதிர்பாராத உடல் ரீதியான பிரச்சனைகள் உண்டானால் செழுமையான கருமுட்டை இருந்தும் குழந்தைப்பேறு அடையும் வாய்ப்பு அரிதாகிவிடும் அபாயமும் உள்ளது. இதை தவிர உரிய வயதில் குழந்தை பெற்றுக கொள்வதால் உடலளவிலும், மனதளவிலும் ஒரு பெண்ணால் தன் குழந்தைக்கு தேவையான அரவணைப்பைத் தரமுடியும். காலம் கடந்து பெற்றுக் கொள்வதால் வயது காரணமாக குழந்தையைப் பெற உடல் வலிமையின்றி மிகவும் பலவீனமாகவே இருக்கும் நிலை உருவாகும்.

பெண்கள் எதிர்பார்க்கும் தேவையான சலுகைகள்

பெண்கள் கணினி, ஐடி நிறுவனங்களில் சாதனைகளை எட்டவேண்டும், உச்சத்தை அடையவேண்டும் என்று உண்மையிலேயே கார்ப்பரேட்டுகள் நினைக்குமானால் அவர்கள் பெண்களுக்குச் செய்துதர வேண்டிய சலுகைகள் ஏராளமாக உள்ளன. திருமணம், குழந்தைக்குப் பிறகு, பெண்களின் பணி இடைவேளையைத் தடுக்க ஒரு சகஜநிலையை அமல்படுத்த வேண்டும்.

குழந்தை பிறந்து 3 அல்லது 6 மாத ஓய்வுக்கு பின் திரும்பும் பெண்களுக்கு வேலைநேரத்தில் சலுகை, அலுவலத்துக்குள்ளேயே குழந்தை பராமரிப்பு மையம், தேவையான நேரம் குழந்தையைப் பார்க்க அனுமதி, எல்லாநாட்களிலும் இல்லையென்றாலும் சிலநாட்களில் வீட்டிலிருந்தே பணிகளை முடிக்கத்தக்க வாய்ப்புச்சூழல்கள், ஓய்வு நாளை கணக்கிடாத நல்ல சம்பளம் ஆகியவற்றை வழங்க முன்வரவேண்டும்.

எந்த ஒரு பெண்ணும் கொடுத்த பணியை சிறப்பாகவே முடித்துவிடும் வல்லமை படைத்தவள். இதைக் கருத்தில்கொள்ளாமல் அறிவிக்கப்பட்டுள்ள இச்சலுகையால் வீட்டில் குழப்பம், சண்டை, மன உளைச்சல், கவலை என்ற நிலையை உருவாக்கும். குடும்பம் என்ற கலாச்சாரக்கட்டுக்கோப்பு மேலும் மேலும் சிக்கலாகும் என்கிறார்கள் சமூக ஆர்வலர்கள்.

இந்துஜா ரகுநாதன் - தொடர்புக்கு induja.v@gmail.com

No record as per MCI guidelines, forum fines doctor Rs 60,000 -

Kartik Kumar

For not maintaining the medical record of a patient according to the Medical Council of India guidelines, a doctor has been ordered to pay a compensation of Rs 60,000 by the district consumer disputes redressal forum of Chandigarh.

Vanita Kumar, a resident of Sector 21, approached Dr Shanujeet Kaur, an expert of in-vitro fertilisation at Mangal Nursing Home in Sector 23, in December 2012 for treatment in view of her inability to conceive.

After examining her and putting her through many tests, Dr Kaur assured her that she was physically fit to undergo IVF treatment, and that she would conceive a child. On the doctor’s advice, she got admitted to a private hospital in Sector 9 to undergo IVF treatment.

During the process of picking the egg from the ovary, there was bleeding, but the patient was reassured that there was no need to worry. However, after self-research, the patient came to know that if at the time of picking up of egg bleeding starts, then it is assumed that the IVF operation had failed and the doctor could not do the embryo transfer.

But Dr Kaur nevertheless carried out an embryo transfer. After six days, the patient’s condition deteriorated, she started bleeding and had acute pain in her lower abdomen, but was told that she was having acute gastritis. She then got herself admitted to the Government Medical College and Hospital, Sector 32, where she was diagnosed with secondary septicaemia, caused on account of the IVF egg pick-up.

Following her discharge from the hospital, the complainant filed a case in the consumer court, alleging medical negligence and deficiency in service. Dr Kaur denied there was any medical negligence.

The forum also did not find any evidence of medical negligence during the IVF procedure, but said there was deficiency in service because Dr Kaur did not maintain the medical record of the patient according to the guidelines of the Medical Council of India.

Therefore, the doctor was directed to pay Rs 50,000 for deficiency in service and Rs 10,000 towards litigation cost within a period of 30 days at 12 per cent interest.

-

Get Accreditation by June 25, UGC Tells Colleges and University

VELLORE: The University Grants commission (UGC) has made it mandatory for all colleges and universities in the country to get accredited by June 25, 2015, said vice-chairman of UGC, Dr H Devaraj while delivering the valedictory address on Saturday at the two-day international conference on ‘Internationalisation of Higher Education and Quality Assurance’ hosted by VIT University.

Speaking on the sidelines of the conference, Devaraj said that UGC was planning to introduce an effective monitoring system for quality education in universities. He said that under the National Mission on Education through information and communication technology, e-pathshala for 27 undergraduate courses will be made available online and free of cost within the next three months.

UGC is also introducing online courses open for anyone, free of cost. A total of 100 Kaushal Kendras together with 102 community collegeswill be established for research in vocational education and as centres for excellence in skill development, he said.



He underlined the need for increasing the Gross Enrollment Ratio in higher education, currently around 19 per cent. UGC has focused on sustainable development of academic institutions for the last 60 years and it will now shift to improving the quality of education and human resources.

தொடங்கியது அறிவுலகக் கொண்டாட்டம்....700 அரங்குகள் | 5,00,000 தலைப்புகள் | 20,00,000 வாசகர்கள்

CENTRE WANTS TO HANF OVER 2 ESI MEDICAL COLLEGES TO TAMIL NADU

கணினி வேலை செய்கிறீர்களா, ஜாக்கிரதை!

கணினித் திரையைப் பல மணி நேரம் தொடர்ந்து பார்த்துக் கொண்டிருக்கிறீர்களா? கண் சோர்வு, வறண்ட கண்கள், பார்ப்பதில் அசவுகரியம், தலைவலி, மன அழுத்தம் போன்றவை ஏற்படும் ஆபத்து உள்ளது. கணினிப் பயன்பாட்டால் ஏற்படும் பார்வைக் கோளாறு, கணினிப் பார்வைக் கோளாறு (Computer Vision Syndrome) எனப்படுகிறது.

நம்முடைய கண்கள் மின்னணுக் கருவிகளைத் தொடர்ந்து பார்க்கும் வகையில் அமையவில்லை என்பதாலேயே, இது போன்ற சிக்கல்கள் ஏற்படுகின்றன. அதற்காக நவீனத் தொழில்நுட்பங்களைப் புறந்தள்ளிவிட்டுச் செயல்படும் காலகட்டத்திலும் நாம் வாழவில்லை. ஆனால், கண்கள் பாதிக்கப்படாமல் எப்படிக் காப்பாற்றிக்கொள்வது?

கணினித் தொழில் சார்ந்தவராக நீங்கள் இருந்தா லும், உங்கள் கண்களுக்கு அடிக்கடி புத்துணர்ச்சி ஊட்டிக் கொள்ளுங்கள். இதற்கு முதல் வழி, விழியின் நண்பனாக மாறுவதுதான். அலுவலகச் சூழலும் பார்வையைப் பாதுகாக்கும் வகையில் மாற்றப்பட வேண்டும்.

பார்க்கும் விதம்

பொதுவாகக் கணினியில் வேலை செய்யும்போது, நம்மை அறியாமல் மணிக்கணக்கில் கணினித் திரையைப் பார்த்துக்கொண்டே இருக்கிறோம். “இப்படிச் செய்வதால் சுருங்கி விரிய வேண்டிய கண் தசை இறுகிப் போகிறது” என்கிறார் அபினவா மருத்துவமனையின் தலைமை கண் அறுவைசிகிச்சை நிபுணர் டாக்டர் ஏ.ஜி. ரமேஷ்.

20-20-20

இதற்குத் தீர்வு என்ன? 20-20-20 கொள்கையைப் பின்பற்ற வேண்டும். கணினியில் வேலை செய்யும்போது 20 நிமிடங்களுக்கு ஒருமுறை கண் பார்வையைக் கணினியிலிருந்து விலக்கி 20 அடி தொலைவில் இருக்கும் ஏதேனும் ஒரு பொருளை 20 நொடிகளுக்குப் பார்க்க வேண்டும். "இதன் மூலம் கணினியுடன் கட்டி போடப்பட்டிருந்த கண் தசைகளுக்குச் சிறிது நேரம் ஆசுவாசம் கிடைக்கும்" என்கிறார் டாக்டர் ஏ.ஜி. ரமேஷ்.

சாதாரண மனிதர் ஒருவர் கண்களைச் சிமிட்டும் எண்ணிக்கையில், மூன்றில் ஒரு பங்குதான் கணினியில் வேலை பார்ப்பவர் சிமிட்டுகிறார் என்கின்றன இது தொடர்பான ஆய்வுகள். இதனால் கண்கள் வறண்டு போகின்றன.

ஏசி பற்றி யோசி

இது மட்டுமில்லாமல், இன்று பெரும்பாலான அலுவலகங்கள் செயற்கையாகக் குளிரூட்டப்பட்ட ஏசி அறைகளில் இயங்குவதால் சுற்றுப்புறக் காற்றைக் காட்டிலும் ஏசி அறையிலிருக்கும் காற்று வறண்ட தன்மையுடன் இருக்கும். இதனாலும் கண்கள் வறண்டுபோகும். "இப்படி இருக்கையில், நீங்கள் கண்களை அடிக்கடி சிமிட்டுவது ரொம்பவும் அவசியம்.

அதிலும் 20 நிமிடத்துக்கு ஒரு முறை மெதுவாக 10 தடவை சிமிட்ட வேண்டும். இதனால் கண்களில் ஈரப்பதம் கூடும், கண் தசையின் அழுத்தம் குறையும்" என்பது டாக்டர் எஸ்.காயத்ரியின் அறிவுரை. கண்கள் உலர்ந்து போவதாக உணர்ந்தால், ஒரு நாளில் இரண்டு முறை கண்கள் மீது தண்ணீரை அடித்துக் கழுவுவது நல்லது.

விழியின் நண்பனாக

கணினியில் ஒரு மணி நேரம் தொடர்ந்து வேலை செய்த பிறகு ஒரு சிறிய இடைவேளை எடுத்துக்கொண்டு நிறைய தண்ணீர் குடிப்பது நல்லது. இதனால் சருமம், கண்களின் ஈரப்பதம் அதிகரிக்கும். நீங்கள் மூக்குக் கண்ணாடி அணிபவர் என்றால் ஒளியைப் பிரதிபலிக்காத லென்ஸைப் பயன்படுத்துங்கள். அதேபோல, காண்டாக்ட் லென்ஸை விடவும் மூக்குக் கண்ணாடி நல்லது. ஏனென்றால், கண்ணில் ஈரப்பதம் குறைந்துபோனால் காண்டாக்ட் லென்ஸ் மேலும் பல அசவுகரியங்களை ஏற்படுத்தும்.

வேலை சூழல்

நீங்கள் பணிபுரியும் அலுவலகத்தின் ஒளி அமைப்பு மிகவும் முக்கியம். ஒழுங்கற்ற ஒளி அமைப்பு கண்களைப் பாதிக்கும். கோத்ரெஜ் உட்புறப் பணிச்சூழல் மையம் (Godrej Interio Ergonomics Cell) நடத்திய ஆய்வின் முடிவுகள் கூறுவதாவது: 68 சதவீதம் அலுவலகங்கள் சீரற்ற ஒளி அமைப்புடன் இயங்குகின்றன.

அவற்றில் 58 சதவீதம் போதுமான வெளிச்சம் இல்லாமலும், 42 சதவீதம் அதிகப்படியான ஒளியுடனும் இருக்கின்றன. "240 முதல் 400 லக்ஸ் அளவிலான ஒளி அமைப்புதான் கணினி அலுவலகத்துக்குச் சரியான ஒளி அமைப்பு" என்கிறார் கோத்ரெஜ் உட்புறப் பணிச்சூழல் மையத்தின் தலைவரான சாஸ்த்ரி.

எங்கே உட்கார வேண்டும்

நாற்காலி அமைப்பும் மிகவும் முக்கியம் என்கிறார் டாக்டர் ஏ.ஜி. ரமேஷ். கணினி வைக்கப்பட்டிருக்கும் மேஜையும், நீங்கள் அமர்ந்து வேலை செய்யும் நாற்காலியும் சவுகரியத்துக்கு ஏற்றதுபோல் மாற்றிக்கொள்ளும் வகையில் இருப்பது நல்லது. கணினித் திரையின் மேல்புறம் உங்கள் பார்வை மட்டத்துடன் ஒத்துப்போக வேண்டும் அல்லது பார்வையிலிருந்து 10 முதல் 15 டிகிரி வரை கீழே இருத்தல் நல்லது. நீங்கள் அமர்ந்திருக்கும் இடத்திலிருந்து 20 முதல் 24 அங்குலம் தொலைவில் மானிட்டரை வைப்பதும் முக்கியம்.

எல்.சி.டி. நல்லது

அதிக ரெசல்யூஷன் கொண்ட, ஒளியைப் பிரதிபலிக்காத எல்.சி.டி. (L.C.D.) திரைகளைப் பயன்படுத்துவது அவசியம். திரையின் அளவு குறைந்தபட்சம் 19 அங்குலம்வரை இருப்பதும், காண்ட்ராஸ்ட் கூடுதலாகவோ, குறைவாகவோ இல்லாமல் பார்வைக்குச் சவுகரியமாக இருப்பதும் முக்கியம்.

கணினித் திரையின் பின்புறத்தில் ஜன்னல் இல்லாமல் பக்கவாட்டில் இருப்பதும் நல்லது. சுவரின் நிறம் முதற்கொண்டு கண்களைக் கூசச் செய்யும் ஒளிவீச்சை ஏற்படுத்தாத வகையில் இருக்க வேண்டும்.

எல்லாவற்றுக்கும் மேலாக வருடா வருடம் மருத்துவரிடம் கண்களைப் பரிசோதிப்பது அவசியம். "ஒருவருக்கு நல்ல பார்வைத் திறன் இருந்தாலும், கணினியை நோக்கிப் பார்வையைக் குவிப்பதில் சிக்கல்கள் இருக்கலாம். அப்படி இருந்தால் கண் மருத்துவர்கள் சரியான கண்ணாடியைப் பரிந்துரைத்துக் கண்களைப் பாதுகாப்பார்கள்" என்கிறார் டாக்டர் ரமேஷ். வாழ்க்கை முழுக்க நமக்கு ஒளியைத் தரும் கண்களை அலட்சியம் செய்யலாமா?

தமிழில்: ம.சுசித்ரா

©தி இந்து (ஆங்கிலம்)

ஹேமா விஜய்

எறும்புகள் என்னும் பொறியியல் நிபுணர்கள் by..ஆ.லட்சுமிநாராயணன்

கான்கிரீட் கூரைப்பகுதியில் நீர்க்கசிவு என்பது பழைய கட்டிடங்களில் மட்டுமல்ல புதுக் கட்டிடங்களிலும் இருக்க வாய்ப்பு உண்டு. என் உறவினர் ஒருவரின் வீட்டில் போர்டிகோவும், வாயிலும் இணையுமிடத்தில் மழை நீர் அதிக அளவில் கசிந்துகொண்டிருந்தது. கசிவு என்பதைவிட கான்கிரீட் தளத்தின் வழியாக நீர் கொட்டியது என்பதுதான் சரி.

போர்டிகோ சுவரோடு இணைக்கப்பட்டுள்ளதே தவிர, மேற்கொண்டு பளு தாங்க ஒரு தூண்கூட இல்லை. தூண் இல்லாத போர்டிகோ சுவரோடு இணையுமிடத்தில் நீர்க்கசிவு என்றால் உறவினர் எந்த அளவுக்கு அச்சமடைந்திருப்பார், கலக்கமடைந்திருப்பார் எனபதைக் கூறவே வேண்டாம். ஏனெனில் அதிக எடையுள்ள போர்டிகோ பெயர்ந்து விழுவது மட்டுமல்ல உயிர்ப்பலிகூட நேரிடலாம்

எறும்புகளின் அணிவகுப்பு

திறமை, அனுபவம் வாய்ந்த மேஸ்திரியை வைத்து ஆய்வு செய்து, போர்டிகோ தளத்தின் மேற்புறத்தில் இருந்த சிமெண்ட் பூச்சு படிவம் முழுவதையும் உளியால் பெயர்த்துவிட்டு, மீண்டும் நன்றாகப் பூச்சு படிவம் (Plastering) செய்தார். போர்டிகோ தளம் முழுவதையும் நிறைக்கும் விதமாக பாத்தி அமைத்து நீரைத்தேக்கி நீராற்றம் (Curing) செய்தார். நீர்க்கசிவு எதுவுமில்லை என்று உறவினரும் மன சமாதானம் அடைந்தார்.

ஆனால் அடுத்த மழையின்போது நீர்க்கசிவு முன்பைவிட அதிகமானதைப் பார்த்து அதிர்ச்சியாகி என்னை அழைத்துக் காட்டினார். என்னாலும் எதுவும் கண்டுபிடிக்கவோ, எதுவும் கூறவோ முடியவில்லை. போர்டிகோவைத் தாண்டி மேலே ஏறி மொட்டை மாடிப் பகுதியில் இதைப் பற்றிப் பேசிக்கொண்டு நின்றோம். அப்போது மழைக்குப் பின் நாம் சாதாரணமாக எங்கும் காணும் எறும்புப் படையெடுப்பு ஒன்று வரிசையாகப் போய்க்கொண்டிருந்ததைப் பார்த்தோம்.

தரைப்பகுதியிலிருந்து, சுவர் வழியாக மேலே ஏறி போர்டிகோ பகுதியையும் தாண்டி மொட்டை மாடித்தரையில் சுமார் 10 அடி தூரம் சென்று கைப்பிடிச் சுவரை ஒட்டிய ஓரிடத்தில் மாடித்தரையின் உள்ளே புகுந்து கொண்டும், வெளிவந்து கொண்டுமிருந்தன. அந்த இடத்தைப் புறங்கை விரலால் தட்டிப் பார்த்ததில் தரையின் உட்புறம் இறுக்கமாக இல்லாமல் வெற்றிடமாக இருக்கும் சத்தம் கேட்டது.

அங்கு சிமெண்ட் பூச்சைப் பெயர்த்துவிட்டுப் பார்த்தால் உள்ளே சிறிய சுரங்கப் பாதையே அமைக்கப்பட்டிருந்தது. எறும்புகள் இவ்விதம் செய்வது, உணவைச் சேமிக்கவும், வெய்யில் படாமல் தப்பித்துக் குளிர்ச்சியான இடத்தில் வசிப்பதற்கும்தான்.

எறும்புகள் தந்த ஆலோசனை

அங்கு முன்பு இருந்த பூச்சில், சிமெண்ட் கலவை நேர்த்தியாக இல்லை, நீராற்றம் சரிவரச் செய்யப்படவில்லை. ஆகையால் மேலே சொன்ன குறைபாடு நிகழ்ந்துள்ளதைக் கண்டுபிடித்தோம். ஒரே ஒரு சட்டி சிமென்ட் கலவையைக் கொண்டு எங்களாலேயே சுலபமாகக் குறைபாடு சரிசெய்யப்பட்டுவிட்டது. கிட்டத்தட்ட மூவாயிரம் ருபாய் செலவுசெய்து மூன்று ஆட்களைக்கொண்டு ஏற்கனவே செய்யப்பட்ட வேலை விழலுக்கு இறைத்த நீர்போல ஆனது.

இன்னுமொரு பிரச்சினையைக்கூட எறும்புகள் நமக்கு எளிதாகக் காட்டிக் கொடுத்துவிடும். வீட்டில் நிலைவாசல் படி, மர ஜன்னல்கள், மரத்தினாலான கப்போர்டுகளை நம் கண்களில் படாமல்; அடிப்பகுதி வழியாகவும் மற்றும் பின்புறமாகவும் கரையான்கள் அரிக்கத் தொடங்கும். கூடவே மண்ணால் புற்று அமைக்கும்.

எறும்புகள் தொடக்கத்திலேயே கரையான்களை எதிர்த்துப் போரிட்டுப் புற்றுகளைக் கலைத்து மண்ணை வெளியேற்றும். கரையான்கள் கை ஓங்கும்வரை போரிடும். குறைந்த அளவில் மண் வெளிப்படும்போதே பார்க்க நேர்ந்தால் உடனே கரையான் தடுப்பு முறைகளைக் கையாண்டு கரையான் தாக்குதல்களை முறியடித்துச் சேதங்களைத் தவிர்க்கலாம்.

எறும்புகளைப் போற்றுவோம்

கட்டிடத்தின் வெளிப்புறத் தரையில் மண் அரிப்பு ஏற்படுவது, சிமெண்ட் கெட்டிப்படாமல் நீர்க்கசிவு உண்டாவது, கரையான் தாக்குதல்கள் போன்ற, நம் கண்களுக்குச் சுலபமாகப் புலப்படாத - கட்டிடத்துக்கு ஊறுவிளைவிக்கும் கடுமையான பிரச்சினைகளைக்கூட, நமக்குச் சர்வ சாதாரணமாக எடுத்துக்காட்டும் எறும்புகளைச் சிறந்த பொறியியல் நிபுணர்கள் என்றுகூடச் சொல்லலாம். எறும்புகளின் பொறியியல் பார்வையைக்கண்டு வியந்தோம்.

இனிமேல் மருந்து போட்டுக் கொல்லாமல், விரட்டாமல் நம் வீட்டு வாசல்களில் அரிசி மாவுக் கோலம் போட்டு நம் தொழில்நுட்ப நண்பர்களை, நம் பாரம்பரிய கலாச்சார முறைப்படி வரவேற்போம். எறும்பு தின்றால் கண் தெரியும் என்ற பழமொழி எவ்வளவு அர்த்தம் பொதிந்தது! மண்புழுவை விவசாயிகளின் நண்பன் என்றால் எறும்பைக் கட்டிடங்களின் நண்பன் என உறுதியாகச் சொல்ல வேண்டும்.