4 மருத்துவ கல்லூரிகள்; தொழில்நுட்ப மதிப்பீட்டு குழு அனுமதி

Added : ஜன 06, 2020 01:18

சென்னை : தமிழகத்தில், மாவட்டந்தோறும் மருத்துவக் கல்லுாரிகளை அமைக்க, தமிழக அரசு முயற்சி மேற்கொண்டது.

இதன்படி, திருப்பூர், நீலகிரி, ராமநாதபுரம், நாமக்கல், திண்டுக்கல், விருதுநகர் ஆகிய ஆறு மாவட்டங்களில், மருத்துவக் கல்லுாரி அமைக்க, 2018 அக்டோபரில், மத்திய அரசு அனுமதி அளித்தது.இதன் தொடர்ச்சியாக, நவம்பரில், திருவள்ளூர், நாகை, கிருஷ்ணகிரி மாவட்டங்களில், கூடுதலாக மூன்று புதிய மருத்துவக் கல்லுாரிகள் துவங்க அனுமதி கிடைத்தது.

இந்நிலையில், அரியலுார், கள்ளக்குறிச்சி, கடலுார், காஞ்சிபுரம் மாவட்டங்களில், மருத்துவக் கல்லுாரிகள் அமைக்க அனுமதி கோரி, மத்திய தொழில்நுட்ப மதிப்பீடு குழுவிடம், தமிழக அரசு விண்ணப்பித்தது.அதையேற்று, நான்கு மாவட்டங்களில் மருத்துவக் கல்லுாரிகள் துவக்க, தொழில்நுட்ப மதிப்பீட்டு குழு அனுமதி அளித்துள்ளது. இதை, தமிழக சுகாதாரத்துறை அதிகாரிகள் உறுதி செய்தனர்.

10:00 மணிக்குள் பதவியேற்பு விழா: ஆணையம் உத்தரவு

Added : ஜன 06, 2020 01:11

சென்னை : 'உள்ளாட்சி பிரதிநிதிகள் பதவியேற்பு விழாவை, காலை, 10:00 மணிக்குள் நடத்த வேண்டும்' என, மாநில தேர்தல் ஆணையம் தெளிவுப்படுத்தி உள்ளது.

தமிழகத்தில், உச்சநீதிமன்ற உத்தரவுப்படி, 27 மாவட்டங்களில், ஊரக உள்ளாட்சி தேர்தல் நடத்தி முடிக்கப்பட்டுள்ளது. மாவட்ட கவுன்சிலர், ஒன்றிய கவுன்சிலர், ஊராட்சி தலைவர், ஊராட்சி வார்டு உறுப்பினர் உள்ளிட்ட, 91 ஆயிரத்து, 975 பதவிகளுக்கு நிர்வாகிகள் தேர்வு செய்யப்பட்டனர். ஒரு சில இடங்களில், முடிவு அறிவிக்கப்படாமல் நிறுத்தி வைக்கப்பட்டுள்ளது.

இந்நிலையில், புதிதாக வெற்றி பெற்ற உள்ளாட்சி பிரதிநிதிகள், இன்று பதவி ஏற்கின்றனர். தேர்தல் நடத்தி முடிக்கப்பட்டுள்ள அனைத்து ஊராட்சி அலுவலகங்கள் மற்றும் ஊராட்சி ஒன்றிய அலுவலகங்களில், இதற்கான விழா, இன்று காலை, 10:00 மணிக்கு நடக்க உள்ளது. இதற்கான ஏற்பாடுகள் குறித்து, மாவட்ட கலெக்டர்கள் உள்ளிட்ட அதிகாரிகளுக்கு, மாநில தேர்தல் ஆணைய செயலர் சுப்பிரமணியம் அனுப்பியுள்ள சுற்றறிக்கை:

பதவியேற்பு விழாவை, காலை, 10:00 மணிக்குள் நடத்த வேண்டும். தேர்தல் நடத்தும் அலுவலர் முன்னிலையில், ஊராட்சி தலைவர் தாமாக பதவியேற்க வேண்டும். பின், ஊராட்சி தலைவர் முன்னிலையில், வார்டு உறுப்பினர்கள் பதவி ஏற்க வேண்டும்.மாவட்ட கவுன்சிலர் அல்லது ஒன்றிய கவுன்சிலர் பதவியேற்பின் போது, அதிலுள்ளமூத்த உறுப்பினரை, முதலில் பதவி ஏற்க தேர்தல் நடத்தும் அலுவலர்கள் அழைக்க வேண்டும்.

அதன்பின், பதவி ஏற்ற மூத்த உறுப்பினர் முன்னிலையில், மற்ற மாவட்ட கவுன்சிலர்கள், ஒன்றிய கவுன்சிலர்கள், வார்டு வாரியாக பதவி ஏற்க வேண்டும். பதவி ஏற்பு குறித்த விவரங்களை, ஊராட்சி கூட்ட நடவடிக்கைக்கான புத்தகத்தில் பதிய வேண்டும். இவ்வாறு, அதில் கூறப்பட்டுள்ளது.

வைகுண்ட வாசல் திறப்புக்குத் தயாராகத் திருவல்லிக்கேணி பார்த்தசாரதி கோயில்... பக்தர்கள் கவனத்துக்கு!

மு.முத்துக்குமரன்

திருவல்லிக்கேணி பார்த்தசாரதி கோயிலில் அதிகாலை 4.30 மணிக்கு சொர்க்கவாசல் திறக்கப்படும். எதிரே நம்மாழ்வாருக்கு அருளியவாறே பரமபத வாசல் வழியாகப் பெருமாள் எழுந்தருளுவார்.

பெருமாள்

உலகளந்த பெருமாளைத் தரிசிப்பதற்கு உகந்த காலம், மார்கழி. குறிப்பாகப் பகல்பத்து முடிந்து ராப்பத்து தொடங்கும் இந்த ஏகாதசித் திருநாள், பெருமாளுக்கு மிகுந்த சிறப்புடையது. நாளை, வைகுண்ட ஏகாதசி. 108 திவ்ய தேசங்களில் முதல் திவ்யதேசமான ஸ்ரீரங்கம் தொடங்கி எல்லா பெருமாள் ஆலயங்களிலும் சொர்க்கவாசல் திறப்பு வெகு விமரிசையாக நடைபெறும்.

பெருமாள்

சென்னையில் அருள்மிகு பார்த்தசாரதி பெருமாள் திருக்கோயிலில் வைகுண்ட ஏகாதசி பெருவிழா வெகு சிறப்பாக நடைபெற்று வருகிறது. அதன் முக்கிய நிகழ்வான பரமபத வாசல் திறப்பு வைபவம் நாளை அதிகாலையில் நடைபெறவிருக்கிறது. இந்த வைபவத்தையொட்டி திருக்கோயிலில் இன்று நள்ளிரவு விஸ்வரூப தரிசனம் நடைபெறும். அடுத்து, அதிகாலை 2 மணிவரை தனுர் மாத பூஜை நடக்கும்.

அதிகாலை 2.15 மணிக்கு ஸ்ரீதேவி பூதேவி சமேதராக உற்சவமூர்த்தி வைர அங்கியோடு மகாமண்டபத்தில் எழுந்தருளுவார். உற்சவருக்கு அலங்காரம் நடைபெறும். பின்னர் 4 மணியளவில் பெருமாள் உள்பிராகத்தை வலம் வருவார். சொர்க்கவாசல் சரியாக அதிகாலை 4.30 மணிக்குத் திறக்கப்படும். எதிரே நம்மாழ்வாருக்கு அருளியவாறே பரமபத வாசல் வழியாகப் பெருமாள் எழுந்தருளுவார்.

பெருமாள்

உற்சவர், பரமபத வாசல் கடந்து திருவாய்மொழி மண்டபத்தில் வீற்றிருப்பார். கட்டண அனுமதிச்சீட்டு உள்ளவர்கள் தரிசனம் செய்வார்கள். பொது தரிசன பக்தர்கள், அதிகாலை 6 மணிமுதல் பெருமாளைத் தரிசிக்க மேற்குக் கோபுரம் வழியாக அனுமதிக்கப்படுவர்.

சொர்க்க வாசல் கடந்து சுவாமியை தரிசித்த பின்னர் கிழக்குக் கோபுரம் வழியாகத் திரும்பலாம். பொது தரிசனம் இரவு 10 மணி வரையிலும் நடைபெறும். அன்றைய தினம் நள்ளிரவில் நம்மாழ்வாருடன் உற்சவர் வீதியுலா வருவார்.

பெருமாள்

விழாவைக் காண பல்லாயிரக்கணக்கான பக்தர்கள் திரளுவர் என்பதால் பல்வேறு ஏற்பாடுகள் திருக்கோயில் சார்பில் செய்யப்பட்டுள்ளன. மேலும், சென்னை மாநகரப் போக்குவரத்துக் கழகம் சார்பில் சிறப்புப் பேருந்துகளும், பரமபத வாசல் திறப்பு வைபவத்தைக் கண்டுகளிக்க எல்.இ.டி, திரைகளும் ஏற்பாடு செய்யப்பட்டுள்ளதாக அறநிலையத்துறை சார்பில் தெரிவிக்கப்பட்டிருக்கிறது.

`50 ரூபாய்க்கு 50 மில்லி!’- தஞ்சையில் கழுதைப் பால் விற்பனை அமோகம்

கே.குணசீலன்

``கழுதைப் பாலில் பல நன்மைகள் இருப்பதால் மாட்டு பசும் பாலை விட விலை அதிகமாக இருந்தாலும் பரவாயில்லை என வாங்கி குடிக்கின்றனர். இதில் வரும் வருமானத்தில் கழுதைகளை முறையாக பராமரித்து நாங்களும் வாழ்த்து வருகிறோம்”

தஞ்சாவூர் மாவட்டம், பெரம்பலூர் பகுதி தொழுதூரிலிருந்து 20 -க்கு மேற்பட்ட குடும்பத்தினர் நூற்றுக்கும் மேற்பட்ட கழுதைகளுடன் டென்ட் அடித்து தங்கியுள்ளனர். இவர்கள் பகல் நேரங்களில் கழுதைகளை மேய்ச்சலுக்கு விடுகின்றனர். தினமும் காலை மற்றும் மாலை நேரங்களில் ஒவ்வொருவரும் ஒரு கழுதையுடன் தனித்தனியாக `பால்... கழுதை பால்’ என கூவிக் கொண்டே பல பகுதிகளுக்குச் செல்கின்றனர்.

கழுதைப் பால் குடித்தால் உடலில் உள்ள பெரும்பாலான நோய்கள் நீங்கும். அத்துடன் எந்த நோயும் உடலை தாக்காது. கைக்குழந்தை முதல் பல்லு விழுந்த பெரியவர்கள் வரை இதை குடிக்கலாம் என சொல்கின்றனர். இதைக் கேட்ட பொதுமக்கள் பலரும் கழுதைப் பாலை வாங்கி குடித்து விட்டு, தங்கள் குழந்தைகளையும் குடிக்க வைக்கின்றனர். பலர் கழுதைப் பாலை குடிக்கலாமா என அருவருப்பாகவும் பார்த்து விட்டு செல்கின்றனர். கழுதைப் பால் அப்பகுதியில் அமோக விற்பனையாகி வரும் நிலையில் இந்த பால குடிக்கலாமா குடிக்க கூடாதா என்கிற அச்சமும் சிலருக்கு ஏற்பட்டுள்ளது.

இது குறித்து கழுதைப் பால் விற்பவரிடம் பேசினோம், ``எங்களுக்கு பரம்பரை பரம்பரையாக கழுதை வளர்த்து அதன் பாலை விற்பது தான் தொழில். கும்பலாக தமிழகத்தின் ஒவ்வொரு ஊருக்கும் சென்று அங்கேயே ஒரு மாதம் வரை தங்கி கழுதைப் பாலை விற்பது வழக்கம். இதில் வரும் வருமானத்தை வைத்து தான் வாழ்கை நடத்தி வருகிறோம். கழுதைப் பாலை வெறும் வயிற்றில் குடித்தால் ஆஸ்த்துமா, இருமல், பல விதமான தோல் நோய், மஞ்சள் காமாலை, ரத்த சோகை, உடல் சோர்வு உள்ளிட்ட பல நோய்கள் தாக்கியிருந்தால் அவை உடனே குணமாகி விடும். பிறந்து மூன்று நாட்களே ஆன குழந்தைக்கும் இந்த பாலை கொடுக்கலாம்.

அப்படி கொடுத்தால் உடலில் நோய் எதிர்ப்பு சக்தி அதிகரிக்கும். குழந்தைகள் முதல் வயதானவர்கள் வரை இதை பருகினால் உடலில் எந்த நோய் தாக்குதலும் வராது. நேரடியாக மக்கள் வசிக்கும் பகுதிக்கே சென்று எந்த கலப்படமும் இல்லாமல் உடனுக்குடன் கறந்து தருகிறோம். 50 மில்லி கழுதைப் பால் 50 ரூபாய்க்கு விற்கிறோம். கழுதைப் பாலில் பல நன்மைகள் இருப்பதால் பசும் பாலை விட விலை அதிகமாக இருந்தாலும் பரவாயில்லை என வாங்கி குடிக்கின்றனர். இதில் வரும் வருமானத்தில் கழுதைகளை முறையாக பராமரித்து நாங்களும் வாழ்த்து வருகிறோம்” என்றார்.

இது குறித்து டாக்டர் ஒருவரிடம் கேட்டபோது, ``கழுதைப் பால் குடித்தால் நோய்கள் தீரும் என்பது மூட நம்பிக்கை. குழந்தைகளுக்கு ஒரு வருடத்திற்கு பிறகு தான் பசும்பாலே கொடுக்கப்படுகிறது. ஆனால், மூன்று நாள்களில் கழுதைப் பாலை கொடுக்கலாம் என்கிறார்கள். கட்டாயமாக குழந்தைகளுக்கு கழுதைப் பாலை கொடுக்க கூடாது. போதிய விழிப்புணர்வு இல்லாததால் பெரியவர்களும் இதை வாங்கி குடிக்கின்றனர்” என்றார்.

Chhattisgarh nominates West Bengal doctor to Dental Council of India, sparks row

TNN | Dec 13, 2019, 05.12 PM IST

RAIPUR: Chhattisgarh government has nominated to Dental Council of India (DCI) a former controversial DCI chairman and a known doctor from West Bengal Dr Dibyendu Mazumder—sparking a row with many council members questioning his nomination on multiple grounds, including that he is facing cases registered by the Central Bureau of Investigation.

DCI members have written to union minister for health and family welfare Dr Harshvardhan and chief minister Bhupesh Baghel, questioning his nomination from Chhattisgarh, pointing out a full time dentist and resident of Kolkata got his dentist registration transferred to Chhattisgarh on November 29 and he was subsequently nominated by the state government to DCI. Quoting the dentist Act, DCI members said a dentist can transfer his registration from one state to another is he is shifting his practice or residence.

Pointing out that the CBI had earlier registered cases against Mazumdar, DCI member Dr Shaji K Joseph said the ministry of health and family welfare (MoHFW) had in September this year wrote to DCI noting that his DCI membership came to an end the day he attained 65 years of age and necessary action be taken to ensure that he had no access to official files nor discharge of any of the functions of DCI.

However, Chhattisgarh health minister T S Singhdeo strongly defended his nomination to DCI from Chhattisgarh saying “We go by his merits and potential for DCI than the CBI cases which are politically motivated”.

Singhdeo told TOI “to the best of my knowledge, there is no such reservation or limitation for nominating as state representative in DCI election. I am aware that even BJP is pushing someone as its representative from Karnataka”.

“Dr Muzumdar has been president of DCI during UPA regime. I strongly defend his nomination”. Many senior Congress leaders from other states have also suggested his name from Chhattisgarh”, he said adding “If the Congress high command have any objection, we can always revise the decision”.

Former DCI member from Chhattisgarh Dr Anil Khakaria said there are many capable and known dentists in the state and it is surprising that the health minister could find only a person whose tenure in DCI as its president has been marred with controversies. He said the dentists have already sought chief minister Bhupesh Baghel’s intervention to cancel his nomination in the interests of dentists of Chhattisgarh.

பாம்பே வெல்வேட் 16: ரசிகையர் துரத்திய சூப்பர் ஸ்டார்! 

எஸ்.எஸ்.லெனின்

“படப்பிடிப்பு முடிந்து மதராஸின் தங்கும் விடுதிக்குத் திரும்பியபோது நள்ளிரவாகிவிட்டது. அந்தப் பனியிலும் விடுதிக்குள் நுழைய வழியின்றி இளம் பெண்கள் திரண்டிருந்தனர். ராஜேஷ் கன்னாவைப் பார்த்ததும் உற்சாகமாகக் குரல் எழுப்பினார்கள். அவரைத் தொட்டுப் பார்க்க முண்டியடித்தார்கள்.

அந்த ரசிகைகளிடமிருந்து அவரைக் காப்பாற்றிக் கடப்பதற்குள் எல்லோரும் திணறிப்போனோம்” ராஜேஷ் கன்னா குறித்த எழுபதுகளின் சென்னை சம்பவத்தை இப்படி வர்ணித்தவர், எட்டுத் திரைப்படங்களில் அவருடன் ஜோடி சேர்ந்த நடிகை மும்தாஜ்.

அந்த அளவுக்கு ரசிகையரின் அன்புத் தொல்லைகளுக்கு ஆளானார் ராஜேஷ் கன்னா. இதனால் பொது இடங்களில் நடமாட காவல்துறையிடம் பாதுகாப்பு கோரிய முதல் நடிகரானார். ரத்தத்தில் எழுதிய கடிதங்கள், ஒளிப்படத்தை ‘மணந்துகொண்டு’ வாழும் பெண்கள் என விநோத செய்திகள் அடிக்கடி வெளியாகும் அளவுக்குமீறி ரசிகப் பித்தேறிய பெண்கள் ராஜேஷ் கன்னாவின் திரை வெற்றிகளுக்குக் காரணமானார்கள்.

முதல் இந்திய சூப்பர் ஸ்டார்

இந்தி சினிமாவின் முதல் சூப்பர் ஸ்டாராக கே.எல்.சைகல் என்ற முப்பதுகளின் பிரபலமான பாடக நடிகரைக் குறிப்பிடுவார்கள். அவர் காலத்துக்குப் பிந்தைய சினிமா விமர்சகர்கள் வழங்கிய அங்கீகாரம் என்பதால், அதனை சைகல் அறிந்திருக்க வாய்ப்பில்லை. ஆனால், தனது வாழ்நாளிலே ஒரு சூப்பர் ஸ்டாருக்கான சகல அடையாளங்களுடன் வளைய வந்த முதல் இந்திய நடிகர் ராஜேஷ் கன்னா! பிராந்திய மொழிகள் பலவற்றிலும் சமகாலத்து சூப்பர் நடிகர்கள் பலர் உருவானபோதும், ராஜேஷ் கன்னா அளவுக்கு தேசம் நெடுக அபிமானம் பெற்ற நடிகர் எவருமில்லை. மொழி புரியாதபோதும் அவர் ரசிகர்களைக் கிறங்கடித்தார். படுசோபையான திரைக்கதைகளும் ராஜேஷ் கன்னாவுக்காகவே வெற்றிபெற்றன. இந்திக்கு அப்பாலும் இப்படி இந்தியாவின் முதல் சூப்பர் ஸ்டார் ஆனார் ராஜேஷ் கன்னா.

முதல் படமே ஆஸ்கர் தடம்

அமிர்தசரஸில் பிறந்த ‘ஜதின் கன்னா’ சிறு வயதிலேயே செழிப்பான குடும்பம் ஒன்றுக்குத் தத்து கொடுக்கப்பட்டார். பள்ளி, கல்லூரிக் காலத்தில் மேடை நாடகப் போட்டிகளில் வரிசையாய் வாகை சூடினார். நண்பர்களின் வற்புறுத்தலுக்காக ‘திரைக்கான தனித் திறமையாளர்களை அடையாளம் காணும் அகில இந்தியப் போட்டி (1965)’ ஒன்றில் பத்தாயிரம் பங்கேற்பாளர்களில் ஒருவராகக் கலந்துகொண்டார்.

வெற்றி பெற்றவருக்கு அந்தப் போட்டியின் நடுவர்களாக இருந்த இயக்குநர்களே வரிசையாக வாய்ப்பளிக்க, ஜதின் கன்னா ‘ராஜேஷ் கன்னா’வாகத் திரையில் உதயமானார். அறிமுகமான ‘ஆக்ரி கத்’ (1966) சிறந்த வெளிநாட்டு மொழிப் படத்துக்கான திரைப்படப் பிரிவில் ஆஸ்கருக்கான இந்தியப் பரிந்துரையானது. ஆனால், அது உட்பட அடுத்து வெளியான ராஜேஷ் கன்னாவின் பல திரைப்படங்கள் வெற்றியை ருசிக்கவில்லை. ஆனபோதும் அவரது பிரத்யேக வசீகரம் பட வாய்ப்புகளுக்குக் குறைவில்லாது செய்தது.



ஆராதனையின் தொடக்கம்

மூன்று சத்யஜித் ரே படங்கள், பல்வேறு பாலிவுட் பட வெற்றிகள் என 25 வயதில் முன்னணி நடிகையாக இருந்தார் ஷர்மிளா தாகூர். நடிப்புத் திறன் மட்டுமன்றி, அறுபதுகளில் ஒரு பாடல் முழுக்க நீச்சலுடையில் நடிக்கத் துணிந்ததில் இளைய வயதினரையும் கவர்ந்திருந்தார். அவரது நடிப்பில் வெற்றிக் காவியமான ‘ஆராதனா’ (1969), பெண்ணின் போராட்ட வாழ்க்கையைப் பேசிய வகையிலும், ஐயமின்றி அது ஷர்மிளா தாகூரின் திரைப்படமாகவே கொண்டாடப்பட்டிருக்க வேண்டும். ஆனால், அப்போது வளர்ந்து வந்த ராஜேஷ் கன்னாவின் திரை வாழ்க்கையைப் புரட்டிப் போட்ட படமானது.

‘ஆராதனா’வில் இருவேடங்களில் தோன்றி ரசிகைகளின் மனத்தில் வலதுகால் வைத்தார் ராஜேஷ் கன்னா. ‘டு ஈச் ஹிஸ் ஓன்’ (To each his own) என்ற ஹாலிவுட் படத்தின் தழுவல் என்பதால், கதை இந்திய மண்ணுக்குப் புதிதாக இருந்தது. திருமணத்துக்கு முந்தைய உறவு, மணமாகாது தாயான இளம்பெண் என அக்காலத்தின் சர்ச்சைக்குரிய அம்சங்களைக் கதை கொண்டிருந்தும், ராஜேஷ் கன்னா என்ற ஒரே வசீகரம் அனைத்தையும் பின் தள்ளிய அதிசயம் நிகழ்த்தியது. ராஜேஷ் கன்னா தோன்றும் ‘ஆராதனா’ பாடல் காட்சிகள் இன்றைக்கும் பிரபலத்தன்மை குறையாதிருக்கின்றன.

‘ஆராதனா’ பணிகளின்போது இசையமைப்பாளர் எஸ்.டி.பர்மன் கடுமையாக உடல்நலம் பாதிக்கப்பட்டிருந்தார். தந்தையின் இசைக் கற்பனைக்கு மகன் ஆர்.டி.பர்மன் புதுமையாய் வடிவம் தந்தார். ‘மேரே சப்னோ கி ராணி..’, ’ரூப் தேரா மஸ்தானா..’ என ‘ஆராதனா’ பாடல்கள் அனைத்தும் ராஜேஷ் கன்னா என்ற புதிய திரைக் கடவுளுக்கு அதன்பின் ஆராதனைப் பாடல்கள் ஆயின.

ராஜேஷ் கன்னாவின் பாணி

சக பாலிவுட் நடிகர்களைப் பதறடிக்கும் அளவுக்கு ‘ஆராதனா’வில் தொடங்கி அடுத்த, மூன்று ஆண்டுகளில் 15 வெற்றிப் படங்களைத் தந்தார் ராஜேஷ் கன்னா. இவர், நாடு முழுவதும் பரவலான ரசிகர்களை ஈர்க்க அவரது வசீகரமே முதன்மைக் காரணமாக இருந்தது. அதற்கு அப்பால் ராஜேஷ் கன்னாவின் தனித் திறமைகளைத் திரையில் தேடினால் ஏமாற்றமே மிஞ்சும். அவரது அட்டகாச நடிப்பைப் பாடல் காட்சிகளில் மட்டுமே தரிசிக்கலாம். இசைக்கேற்ப, பாடலின் லயத்துக்கேற்பத் தலையசைத்து, கண் சிமிட்டி, கிஷோர் குமாரின் பின்னணிக் குரலுக்குப் பொருத்தமாய் வாயசைத்தே ரசிகர்களைக் கரைத்துவிடுவார்.

மற்றபடி ராஜேஷ் கன்னாவுக்கு நடனமும் தோதுப்படாது. தலையசைப்பு, கண்சிமிட்டல் பாணியில் பாந்தமான உடலமைப்புகளை மட்டுமே வெளிப்படுத்திச் சமாளிப்பார். பிற்பாடு அதுவே ராஜேஷ்கன்னா பாணி நடனமாகவும் புகழடைந்தது. ‘ஹாதி மேரே ஸாதி’ படம் அதுவரையிலான வசூல் சாதனைகளை உடைத்தது. தொடர்ந்து ‘கதி பட்நாக், ஆனந்த், அமர் பிரேம், டாக், ஆப் கி கசம்’ என எழுபதுகளின் மிகப் பெரும் வெற்றிப்படங்கள் வெளியாயின. அடுத்த திரைப்படம் பொன்விழாவா, வெள்ளி விழாவா என்பதே பேச்சாக இருந்தது.



சரிந்த தர்பார்

புகழேணியின் உச்சியில் சறுக்கவும் செய்தார் ராஜேஷ் கன்னா. திரைப்படங்களின் வெற்றி வரிசை அவரை நிதானமிழக்கச் செய்தது. படப்பிடிப்புத் தளங்களில் ராஜேஷ் கன்னாவின் தனி தர்பார் அப்போது ஏகப் பிரபலம். உயர சிம்மாசனத்தில் அவர் வீற்றிருக்க, பரிசில் புலவர்களைப் போலத் தயாரிப்பாளர்கள் உள்ளிட்டோர் தங்கள் முறைவாசலுக்குக் காத்திருப்பார்கள். சக நடிகர்கள், தொழில்நுட்பக் கலைஞர்கள் ஆகியோரது பணிகளில் மூக்கை நுழைப்பதுடன், படப்பிடிப்பு தொடங்கியதும் தாமதமாக வருவது, வராது தவிக்கவிடுவது என அலைக்கழிக்கத் தொடங்கினார்.

தன்னுடன் இரண்டாம் கதாநாயகனாகத் தோன்றும் அமிதாப் பச்சன் போன்றோருக்கு இடைஞ்சல்கள் தருவது, துதிபாடிகளை மட்டுமே நம்புவது என மாய உலகிலும் சஞ்சரித்தார். திரையுலகின் மாற்றங்களை உள்வாங்கத் தவறியதில் அவரது இடத்தை அமிதாப் பச்சன் போன்ற துடிப்பான இளைஞர்கள் ஆக்கிரமித்தனர். ஆனபோதும் எண்பதுகள் வரை ராஜேஷ் கன்னா திரைப்படங்களுக்கு அந்தத் தலைமுறை ரசிகர்களின் ஆதரவு தொடர்ந்தது. தலைமுறை மாற்றம் நேர்ந்த பிறகே ராஜேஷ் கன்னாவுக்கான அலை ஓய்ந்தது.

ராஜேஷ் கன்னாவின் வெற்றிப் பட வரிசையில் முக்கியமானது ‘ஆனந்த்’. புற்றுநோய் பீடித்தவர்கள் இறப்புக்கு ஆளாகும் துயரத்தை நாட்டுக்குச் சொன்ன திரைப்படம் அது. ராஜேஷ் கன்னாவின் கதாபாத்திரம் மரித்தால் திரைப்படம் வெள்ளிவிழா காணும் என்ற நம்பிக்கை அப்போது நிலவியதில் ‘ஆனந்த்’ பாணியில் பலவிதமாய் ராஜேஷ் கன்னாவைத் திரையில் சாகடித்தார்கள்.

துரதிருஷ்டமாகராஜேஷ் கன்னாவின் கடைசிக் காலமும் ‘ஆனந்த்’ பாணியில், நீண்ட புற்றுநோய்ப் போராட்டமாக முடிந்தது. 16 வயது டிம்பிள் கபாடியாவை 31 வயது ரஜேஷ் கன்னா மணந்ததில், டிவிங்கிள், ரிங்கி என இரு மகள்களுடன் பத்தாண்டு மட்டுமே அந்த இல்லற வாழ்க்கை நீடித்தது. திருமணத்துக்கு அப்பால் சக நடிகையர் மட்டுமன்றி கடல் தாண்டியும் ராஜேஷ் கன்னாவுடன் பெண்கள் நெருக்கம் பாராட்டினார்கள். அவர் கட்டிக்காத்த ஸ்டார் பிம்பத்துக்கு இந்த நெருக்கமும் ஒருவகையில் காரணமானது.

தொடர்புக்கு: leninsuman4k@gmail.com

ஆசனவாய் நோய்கள் அலட்சியம் வேண்டாம்!

By டாக்டர் வெங்கடாசலம் | Published on : 06th March 2017 12:44 PM





முக அழகிற்கும், முடி அலங்காரத்திற்கும் தினமும் கவனம் செலுத்துபவர்கள் ஆசனவாய் சார்ந்த நோய்களான மலச்சிக்கல், மூலம், பவுத்திரம், சதைகள், கட்டிகள், வெடிப்புகள் ரத்தப்போக்கு ஆகியவை குறித்து அக்கறை செலுத்துவதில்லை. காரணம் கூச்சத்தினாலும், அச்சத்தினாலும் ஏற்படும் தயக்கம். ‘அறுவை சிகிச்சை அவசியம்’ என்று மருத்துவர்கள் சொல்லி விடுவார்களோ என்றுபயத்தில் நாட்களை நகர்த்திக் கொண்டே போய், நோயை முற்றிய நிலைச் சிக்கலாக வளர்த்து விடுகிறார்கள். ஆசனவாய் நோய்களுக்கான ஆரம்ப அறிகுறீகள் தெரிந்தவுடன் சிகிச்சை எடுத்துக் கொண்டால் நலமாக்கல் எளிது.

ஆசனவாயும், மலக்குடலும் இருபுட்டங்களுக்கு நடுவில், பாலுறுப்புகளுக்கு அருகாமையில் மறைவாக அமைந்துள்ளன. சுற்றியுள்ள கொழுப்பு திசுக்களால் ஆசனவாய் பாதுகாப்பாக உள்ளது. மலமும் வாயுவும் வெளியேறும் போது மட்டும் விரிந்து மற்ற நேரங்களில் இறுக்கமாகச் சுருங்கியிருக்கும் தன்மையுள்ள சுருங்கு தசைகள் (sphincters) இங்கு உள்ளன. ஆசனவாயில் நடைபெறும் ஆபரேஷன்களை எளிய, சிறிய (Minor Surgeris) ஆபரேஷன்கள் என்றே ஆங்கில மருத்துவம் கூறுகிறது. ஆயினும் மைனர் ஆபரேஷனுக்குப் பின் பேரிய பின் விளைவுகள் (Major side effects) ஏற்படுவதை முதலில் கூறுவதில்லை.

ஆபரேஷனுக்குப் பின்பு ஆசனவாய் சுருங்குதசைகள் (Sphincter Muscles) பாதிக்கப்பட்டு மலத்தை அடக்கிக் கொள்ளும் தன்மையை இழந்துவிடுகிறது (Incontinence). சிலருக்கு மலக்குடல் அடைப்பு (Stricture) ஏற்பட்டு விடுகிறது.

மூலம் (Piles), பவுத்திரம் (Fistula in Ano), பவுத்திர சீழ்க்கட்டி (Perianal Abscess), பிளவுப் புண் (Fissure in Ano), ஆசனவாய் நமைச்சல் அரிப்பு (Anal Pruritus), தொங்குசதைக் கட்டி (Anal Polyp), மலக்குடல் & ஆசனவாய் பிதுக்கம் (Anal & Rector Prolapse), ரத்தப்போக்கு போன்றவை ஆசனவாய் சார்ந்த பொதுவான நோய்களாகும். ஆயினும் இவற்றில் எந்த நோய் ஏற்பட்டாலும் ‘எனக்கு பைல்ஸ் உள்ளது’ என்று தான் பலரும் மருத்துவர்களிடம் தெரிவிப்பதுண்டு. தீர விசாரித்தும், உடற்பரிசோதனை செய்தும், தேவையெனில் ஆய்வுக் கூட பரிசோதனைகளுக்கு உட்படுத்தியும் நோயையும், நோய் நிலையையும் மருத்துவர்கள் கண்டறிந்து உறுதி செய்த பின்னரே சிகிச்சை அளிக்கின்றனர்.

‘மூலம்’ என்ற நோய் தவிர்த்து பிற முக்கிய ஆசனவாய் நோய்களையும் அவற்றை நலமாக்கப் பயன்படும் ஹோமியோபதி மருந்துகள் பற்றியும் பார்ப்போம். (மூலம் தனி கட்டுரையாக விரிவாக எழுதப்பட வேண்டிய ஒன்று).

ஆசனவாய் பிளவுகள் (fissures in Ano) : மலங்கழித்தல் என்பது இயல்பான, சிரமமற்ற உடலியல் நிகழ்வாக நடைபெற வேண்டும். மாறாக மிகக் கடினமான, வேதனை மிக்க நிலை மலங்கழிக்கும் போது ஏற்பட்டால் ஆசனவாய் பகுதி காயம்பட்டு விடும். மலச்சிக்கல் பேர்வழிகளுக்கு மலப்பாதை வழியே மிகக் கடினமான இறுக்கமான மலம் சிரமப்பட்டு வெளியேறுவதன் விளைவே ஆசனவாய் பிளவுப் புண்கள் (Cracks). இது ஆசனவாய் கிழிந்து விடும் நிலையாகும் (Tear in Anus). பிறப்புறுப்பு வழியே பிரவசிக்கும் (Vaginal Delivery) பெண்களுக்கும் ஆசனவாயில் ஏற்படும் அழுத்தங்களால் பிளவுப் புண்கள் ஏற்படக் கூடும்.

ஆசனவாய்ப் பிளவுப் புண்கள் இருப்பதற்கான முக்கிய அறிகுறி

மலங்கழிக்கும் போதும், சிலருக்கு மலம் கழித்த பின்னரும் ஆசனவாயில் கடும்வலி ஏற்படும். இந்நோயைப் பலரும் மூலம் (Piles) என்றே கருதி சிகிச்சைக்கு வருவதுண்டு. இந்நோய் தீவிர (acute) வலியுள்ள வகை. நாள்பட்ட (acute) வலியுள்ள வகை எனப் பிரிக்கப்படுகிறது. நாள்பட்ட வகையில், ஆசனவாயில் முக்கோண வடிவமுள்ள தோல் தொங்கும். இதை Sentinal Pile என்று அழைத்த போதிலும் இது மூல நோய் அல்ல.

தீவிர மற்றும் நாள்பட்ட ஆசனவாய் பிளவுப் புண்களுக்கு ஆபரேஷன் இன்றி, பக்க விளைவுகள் இன்றி ஹோமியோபதி மருந்துகள் எளிய முறையில் தீர்வு தருகின்றன. ஹோமியோபதி மருந்துகள் மனித உடலின் சீர்குலைந்த இயக்கத்தை ஒழுங்குபடுத்துகின்றன. கடுகளவு தீங்கு கூட ஏற்படுவதில்லை. மிகவும் பாதுகாப்பானவை.

நைட்ரிக் ஆசிட் (Nitric Acid) என்ற ஹோமியோபதி மருந்து ஆசனவாய் பிளவுப் புண்களுக்கு ஆபரேஷனின்றி, பக்க விளைவுகளின்றி ஹோமியோபதி மருந்துகள் எளிய முறையில் தீர்வு தருகின்றன. ஹோமியோபதி மருந்துகள் மனித உடலின் சீர்குலைந்த இயக்கத்தை ஒழுங்குபடுத்துகின்றன. கடுகளவு தீங்கு கூட ஏற்படுவதில்லை, மிகவும் பாதுகாப்பானவை.

நைட்டிரிக் ஆசிட் (Nitric Acid) என்ற ஹோமியோஒபதி மருந்து ஆசனவாய் பிளவுப் புண்களுக்கு அற்புத நலமளிக்கும் திறன் கொண்டது. ஆசனவாயில் கிழிபடுகிற, குத்துகிற, கொட்டுவது போன்ற, வெட்டுவது போன்ற வலி ஆசனவாயில் ஏற்படுமாயின் இம்மருந்து பேருதவி புரிவது திண்ணம். மேலும் கடினமலம், மலத்துடன் ரத்தப்போக்கு போன்ற பிரச்னைகளுக்கும் உடனடித் தீர்வு கிட்டும்.

ரட்டானியா (Ratanhia) என்ற ஹோமியோ மருந்தும் ஆசனவாய் பிளவு நோயில் சிறந்த நிவாரணமளிக்கக் கூடியதாக திகழ்கிறது. மலம் கழித்த பின் மலப்பாதையில் & ஆசனவாயில் அதிகளவு எரிச்சல் உணர்வும் நீண்ட நேரம் நீடிக்கக் கூடிய வலியும் காணப்படும். ஆசனவாய் வாய் வழியாக மலக்குடலுக்குள் ஒரு கத்தியையோ, உடைந்த கண்ணாடித் துண்டையோ கொண்டு செருகியது போல் வலிப்பதாக நோயாளி விவரிப்பார். ஆசனவாய் மிகவும் இறுகிவிட்டது போல (Constricted) இளகிய மலத்தைக் கூட மிகவும் சிரமப்பட்டு வெளியேற்றும் நிலை ஏற்படும். இத்தகைய நிலையில் ரட்டானியா அற்புதங்கள் நிகழ்த்தும் என்பதை ஒவ்வொரு ஹோமியோபதி மருத்துவரும் அறிவார்கள்.

இவ்விரண்டு மருந்துகள் தவிர சல்பர், பேயோனியா, கிராபைட்டீஸ், தூஜா, இக்னேஷியா, Sedun Acre போன்ற சில மருந்துகளும் ஆசனவாய் பிளவுப் புண்களை முழுமையாகக் குணப்படுத்தும் முன்னணி மருந்துகளாகத் திகழ்கின்றன.

ஆசனவாய் அரிப்பு, நமைச்சல் (PRURITUS ANO) : ஆசனவாயைச் சுற்றித் தாங்க முடியாத அரிப்பு (Itching) ஏற்படுவதை தான் PRURITUS ANO என்கிறோம். பொது இடத்தில் இருக்கும் போது கூட ஒரு நபர் ஆசனவாயில் கை வைத்து தேய்த்துக் கொள்ளும் அளவுக்கு அரிப்பு இருக்கும். இதைக் காணும் பிறருக்கு அருவருப்பாக இருக்கும். ஆசனவாயைச் சுத்தமாக வைத்துக் கொள்ளாதவர்களுக்கும், குடற்பூச்சிகளால் பாதிக்கப்பட்டவர்களுக்கும் தான் இத்தகைய ஆசனவாய் அரிப்பு ஏற்படுகிறது. வயிற்றுப் பூச்சிகளால் பெரும்பாலும் குழந்தைகள் தான் இத்தகைய பாதிப்புக்கு உள்ளாகிறார்கள். சல்பர், நைட்ரிக் ஆசிட், காஸ்டிகம், லைகோ, சபடில்லா போன்ற ஹோமியோபதி மருந்துகள் இப்பிரச்னைக்கு முற்றுப்புள்ளி வைக்க உதவுகின்றன.

தொங்குசதை (POLYP) : மலக்குடலினுள்ளும் சில சமயம் ஆசனவாயின் வெளியேயும் தெரியும் தொங்குசதை POLYP எனப்படுகிறது. சிவப்பான ரத்தம் கசியும் சதை இது. ஆங்கில மருத்துவத்தில் இதனை POLYPECTOMY எனும் சிகிச்சை மூலம் அகற்றுகின்றனர். சிலருக்கு ஒன்றுக்கு மேல் இச்சதை இருந்தால் புற்றுநோயின் அறிகுறியாகவும் இருக்கலாம். இச்சதையை அறுவைச் சிகிச்சையின்றி குணமாக்க உதவும் சில முக்கிய ஹோமியோ மருந்துகள் : டுக்ரியம், பாஸ்பரஸ், தூஜா, காலிபுரோம்.

மலக்குடல் பிதுக்கம் (PROLAPSE RECTUM) : மலம் கழிக்கும் போது, மலக்குடல் முழுவதும் ஆசனவாய் வழியாக வெளியே தள்ளப்பட்டு பிதுங்கித் தொங்கும். இந்தச் சதை 3 அல்லது 4 அங்கும் நீளத்திற்குத் தொங்கும். இச்சதை பார்ப்பதற்கு அதிர்ச்சியையும் அருவருப்பையும் ஏற்படுத்தும். சிறு குழந்தைகளும், முதியவர்களும் பெரும்பாலும் பாதிக்கப்படுகிறார்கள். சிறுவயதில் வரும் இந்நோய் தானாகவே குணமாவதுண்டு. பெரியவர்களுக்கு வந்தால் மலக்குடலை உள்ளே தள்ளி நிலைநிறுத்தும் RECTOPEXY அறுவைச் சிகிச்சை ஆங்கில மருத்துவத்தில் மேற்கொள்ளப்படுகிறது. ஹோமியோபதியில் அறுவைச் சிகிச்சை தேவையில்லை ஆலோ, இக்னேசியா, மூரியாடிக் ஆசிட், போடோ பைலம், ரூடா, அபிஸ், கல்கேரியா கார்ப், சிலிகா, செபியா, மெர்க்சால் போன்ற ஹோமியோபதி மருந்துகள் மலக்குடல் இறக்கத்திற்கு முழு நிவாரணம் அளிக்கின்றன. கர்ப்பகாலத்தில் ஏற்படும் மலக்குடல் இறக்கத்திற்கு போடோபைலம், ரூடா ஆகிய இருமருந்துகள் அற்புதமாக பயன் தருகின்றன.

ஆசனவாய் நோய்களுக்கு ஹோமியோபதி மற்றும் இந்திய மருத்துவங்களில் மிகச் சிறந்த தீர்வுகள் கிடைக்கின்றன. பெரும்பாலான சந்தர்ப்பங்களில் ரத்தப்போக்கை உடனடியாக கட்டுப்படுத்த, கடுமையான வலியிலிருந்து விரைவாக நிவாரணம் கிடைக்க, பின் விளைவுகள் நிறைந்த அறுவைச் சிகிச்சைகளைத் தவிர்க்க ஹோமியோபதி உள்ளிட்ட மாற்றுமருத்துவங்களே மிகவும் சிறந்தவை.

Dr.S. வெங்கடாசலம்

மாற்றுமருத்துவ நிபுணர்

சாத்தூர்

Cell : 9443145700

Mail : alltmed@gmail.com