பெண் டாக்டரிடம் சில்மிஷம் அரசு பஸ் கண்டக்டர் கைது

Added : அக் 03, 2019 01:19

தஞ்சாவூர் : பெண் டாக்டருக்கு பாலியல் தொல்லை கொடுத்ததாக, அரசு விரைவு பஸ் கண்டக்டரை, போலீசார் கைது செய்தனர்.

சென்னை, கோயம்பேடு பஸ் ஸ்டாண்டில் இருந்து, கும்பகோணத்துக்கு, நேற்று முன்தினம் இரவு, 11:30 மணிக்கு, அரசு விரைவு பஸ் புறப்பட்டது. ராஜு, 31, என்பவர் கண்டக்டராக இருந்தார்.சென்னை, பெரம்பூரைச் சேர்ந்த, 28 வயது பெண் சித்தா டாக்டர், பஸ்சில் பயணம் செய்துள்ளார். செங்கல்பட்டை கடந்து பஸ் சென்ற போது, துாங்கிக் கொண்டிருந்த பெண் டாக்டருக்கு, பின் இருக்கையில் இருந்த கண்டக்டர் ராஜு, பாலியல் தொல்லை கொடுத்துள்ளார்.

நேற்று காலை, கும்பகோணம் பஸ் ஸ்டாண்டிற்கு பஸ் வந்ததும், அங்கிருந்த புறக்காவல் நிலையத்தில், பெண் டாக்டர் புகார் அளித்தார். போலீசார் விசாரணை நடத்தி, கண்டக்டர் ராஜுவை கைது செய்தனர்.