நடிகர் 'அல்வா' வாசு கவலைக்கிடம்


பதிவு செய்த நாள்17ஆக
2017
00:34




மதுரை: நகைச்சுவை நடிகர் 'அல்வா' வாசு,56,கல்லீரல் பாதிக்கப்பட்டு கவலைக்கிடமாக உள்ளார்.மதுரை ஹார்விபட்டியை சேர்ந்த இவர், 900 படங்களுக்கு மேல் நடித்துள்ளார். இயக்குனர் மணிவண்ணனிடம் உதவி இயக்குனராக இருந்தவர். 'அமைதி படை' படம் மூலம் 'அல்வா' வாசு என அழைக்கப்பட்டார். வடிவேலுடன் இணைந்து பல படங்களில் காமெடி காட்சிகளில் நடித்தார்.கடந்த 8 மாதங்களாக கல்லீரல் பாதிப்பிற்கு சிகிச்சை பெற்று வந்தார். 10 நாட்களுக்கு முன் கடும் பாதிப்பு ஏற்பட்டு, மதுரை தனியார் மருத்துவமனையில் சேர்க்கப்பட்டார். ஆக.,15ம் தேதி திடீர் மூச்சு திணறலால் தீவிர சிகிச்சை பிரிவுக்கு மாற்றப்பட்டார். அவரது உடல்நிலை கவலைக்கிடமாக உள்ளதாக டாக்டர்கள் தெரிவித்தனர்.