'அல்வா' வாசு குடும்பத்துக்கு நடிகர் விஷால் ஆறுதல்

பதிவு செய்த நாள்19ஆக  2017 00:34

மதுரை: மதுரையில் கல்லீரல் பாதிப்பால் சிகிச்சை பெற்று வந்த நகைச்சுவை நடிகர் 'அல்வா' வாசு, 56, நேற்று முன்தினம் இரவு இறந்தார். நேற்று இறுதி அஞ்சலிக்காக அவரது உடல் மதுரை ஓபுளாபடித்துறையில் உள்ள வீட்டில் வைக்கப்பட்டு, மாலையில் தத்தனேரியில் தகனம் செய்யப்பட்டது. மனைவி அமுதாவிடம் நடிகர் சங்க செயலாளர் விஷால் சார்பில் 30 ஆயிரம் ரூபாயை நடிகர் விக்னேஷ் வழங்கினார். அதில் 5 ஆயிரம் ரூபாயை திருப்பி கொடுத்து, தன் கணவர் நினைவாக ஏதாவது செய்யும்படி அமுதா கூறினார். நடிகர் சரவணசக்தி நேரிலும், நடிகர் எஸ்.வி. சேகர், இயக்குனர் கவுதமன் அலைபேசியிலும் குடும்பத்தினருக்கு ஆறுதல் தெரிவித்தனர்.