புதிய ரூ.50 நோட்டு அறிமுகம்

பதிவு செய்த நாள்18ஆக
2017
23:43

மும்பை : ரிசர்வ் வங்கி வெளியிட்டுள்ள செய்தியில் கூறியுள்ளதாவது: 'புளோரோசென்ட்' எனப்படும், ஒளிரக் கூடிய, நீல வண்ணத்துடன் கூடிய, புதிய, 50 ரூபாய் நோட்டுகள் விரைவில் வெளியிடப்பட உள்ளன. புதிய நோட்டின் பின்புறம், கர்நாடக மாநிலம் ஹம்பியில் உள்ள கல்தேரின் படம் இடம்பெறும். அசோக சின்னம், நோட்டின் முன்பக்கத்தின் வலது புறத்தில் இருக்கும். மஹாத்மா காந்தி படம், நடுவிலும், நோட்டின் வரிசை எண், ஏறுமுகமாக அதிகரிக்கும் வகையில், மேல் இடது பக்கத்திலும், கீழ் வலது பக்கத்திலும் இடம்பெறும். ஏற்கனவே உள்ள, பழைய, 50 ரூபாய் நோட்டுகளும் செல்லும்.