சீனர்களின் பேய் திருவிழா

2017-09-10@ 01:12:14



பெய்ஜிங்: சீனர்களின் லூனர் காலண்டரின் 7வது மாதம் பேய் மாதமாக கருதப்படுகிறது. இந்த மாதத்தில், நகரத்தின் வாசல் திறந்து பேய்கள் உலகிற்குள் உலா வருமாம். அவ்வாறு வரும் பேய்கள் தங்களின் நிறைவேறாத ஆசைகளை நிறைவேற்றிக் கொள்ள மனிதர்களின் உடம்பில் புகுந்துவிடுவார்களாம். அதிலிருந்து தப்பிக்கத்தான் சீனர்கள் ‘பசி கொண்ட பேய் திருவிழா’ கொண்டாடுகிறார்கள். சீனா மட்டுமின்றி உலகில் சீனர்கள் வசிக்கும் அநேக நாடுகளில் திருவிழா களை கட்டுகிறது. மலேசிய தலைநகர் கோலாலம்பூரில் சீனர்கள் சிலர் ‘பேய்களின் காக்கும் கடவுள்’ காகித உருவத்தை எரிக்கின்றனர். டிவி, பிரிட்ஜ், கார் போன்றவற்றை காகிதத்தில் செய்து, அதை பக்தியுடன் வழிபட்டு எரிப்பார்கள். இதன் மூலம் பேய்கள் மீண்டும் நரகத்திற்கு திரும்பும் என்பது அவர்களின் நம்பிக்கை. இந்த மாதத்தில் சீனர்கள் எந்த ஒரு நல்ல காரியத்தையும் செய்ய மாட்டார்கள். கீழே கோடி ரூபாய் கிடந்தாலும் எடுக்க மாட்டார்கள். காரணம் பேய் வேலையாக இருக்கலாம் என்ற பயம் தானாம்.