5 'டீன்' பதவிக்கு 10 பேர் பரிந்துரை

Added : செப் 09, 2018 01:55


சென்னை:அரசு மருத்துவமனைகளில் காலியாக உள்ள, ஐந்து, 'டீன்' பணியிடங்களுக்கு, 10 பேரை, மருத்துவ கல்வி இயக்ககம் பரிந்துரை செய்துள்ளது.

தமிழகத்தில், 22 அரசு மருத்துவக் கல்லுாரி மருத்துவமனைகள் உள்ளன. அதில், கன்னியாகுமரி, துாத்துக்குடி, தேனி, தஞ்சாவூர், சேலம் மாவட்டங்களில் உள்ள, அரசு மருத்துவக் கல்லுாரி மருத்துவமனைகளில், ஐந்து மாதங்களுக்கும் மேலாக, டீன் பணியிடங்கள் காலியாக உள்ளன. அங்கு, மூத்த டாக்டர்கள், பொறுப்பு டீன்களாக பதவி வகித்து வருகின்றனர்.
இந்நிலையில், காலியாக உள்ள, ஐந்து பணியிடங்களுக்கு, 10 சீனியர் டாக்டர்களின் பெயர்களை, மருத்துவ கல்வி இயக்ககம், தமிழக அரசுக்கு பரிந்துரை செய்துள்ளது. அதன்படி, ஐந்து மருத்துவக் கல்லுாரிகளுக்கும், ஓரிரு நாட்களில் பணியிடங்கள் நிரப்பப்படும் என, மருத்துவ கல்வி இயக்கக அதிகாரிகள் தெரிவித்தனர்.