அஜித்தும், விநாயகர் சென்ட்டிமென்ட்டும்!
14 நவ,2015 - 17:51 IST
எழுத்தின் அளவு:
நடிகர் அஜித் வெற்றியின் ரகசியத்துக்கு காரணம், விநாயகர் என்பது, கோலிவுட்டில் சமீபத்தில் கண்டுபிடிக்கப்பட்ட விஷயமாகும். 1996ல், வான்மதி படத்தில், பிள்ளையார் பட்டி ஹீரோ... பாடலும், 1999ல், அமர்க்களம் படத்தில், காலம் கலி காலம், ஆகி போச்சுடா... பாடலும் இடம் பெற்றன. இந்த வரிசையில், வேதாளம் படத்தில், வீர விநாயகா... பாடல் இடம் பெற்றுள்ளது. இந்த படங்கள் அனைத்தும், அஜித்தின் சினிமாத் துறைக்கு முக்கிய பங்களிப்பை அளித்தது குறிப்பிடத்தக்கது. மேலும், மங்காத்தா படத்தில் அஜித் பெயர் விநாயக். வீரம் படத்திலும் அவரது கேரக்டருக்கு விநாயகம் என்றே பெயர் வைத்திருந்தனர். தற்போது, வேதாளம் படத்தில், அஜித் கேரக்டரின் பெயர் கணேஷ். இப்படி, ஒட்டு மொத்தமாக, அஜித்தின் வெற்றிக்கான காரணம் விநாயகர் என்பதை கண்டு பிடித்துள்ளது கோலிவுட். இதை மற்ற நடிகர்களும் பின்பற்ற நேரம் பார்த்து வருகின்றனர்.
No comments:
Post a Comment