அதிக வருமான வரி செலுத்திய 'தல' தோனி

Added : ஜூலை 24, 2018 18:47





ராஞ்சி: கடந்த நிதியாண்டில் அதிகளவு வருமான வரி செலுத்தியவர் என்ற பெருமையை இந்திய அணி மாஜி கேப்டன் தோனி பெற்றுள்ளார்.
இந்திய அணியின் கேப்டனாக இருந்த தோனி, கடந்த 2016-ம் ஆண்டு டி20 மற்றும் ஒருநாள் அணியின் கேப்டன் பதவியில் இருந்து விலகினார். இருந்தபோதிலும், அதிகமான விளம்பரங்கள், நிறுவனங்களுடன் ஒப்பந்தங்கள் போன்றவற்றின் மூலம் தோனிக்கு ஆண்டுக்குக் கோடிக்கணக்கில் வருமானம் வந்தது. அந்த வகையில் கடந்த 2016-17-ம் ஆண்டு எம்.எஸ். தோனி முன்தேதியிட்ட வருமான வரியாக ரூ.10.50 கோடி செலுத்தியுள்ளார்.

இந்நிலையில், பிஹார் மற்றும் ராஞ்சி மண்டல வருமானவரித்துறை இயக்குநர் ஒருவர் கூறுகையில், தோனி ''கடந்த 2017-18-ம் ஆண்டுக்கான பிஹார் மற்றும் ஜார்கண்ட் மண்டலத்தில் தனிநபர்களில் அதிகமான வருமான வரி செலுத்தியதில் தோனி முதலிடத்தில் உள்ளார். கடந்த நிதியாண்டில் ரூ.12.17 கோடி வருமானவரி செலுத்தியுள்ளார். அதுமட்டுமல்லாமல் நடப்பு நிதியாண்டுக்கும் முன் தேதியிட்டு ரூ.3 கோடி வருமான வரி செலுத்தியுள்ளார்' என்றார்.