இன்று வைகை ஆற்றில் இறங்குகிறார் கள்ளழகர்
சித்ரா பவுர்ணமியான இன்று, மதுரை வைகை ஆற்றில், காலை, 6:15க்கு மேல், 7:00 மணிக்குள், கள்ளழகர் இறங்குகிறார்.

வைகை ஆற்றில், வையாழி ஆனவுடன், வீரராகவ பெருமாளுக்கு, மாலை சாற்றுதல் நடக்கிறது.

பின், அங்கிருந்து புறப்படும் கள்ளழகர், மதியம், 12:00 மணிக்கு, ராமராயர் மண்டபத்திலும், இரவு, 11:00 மணிக்கு, வண்டியூர் வீரராகவப் பெருமாள் கோவிலிலும் எழுந்தருள்கிறார்.

நாளை காலை, 9:00 மணிக்கு, வண்டியூர் கோவிலில் இருந்து, சேஷ வாகனத்தில் புறப்பாடாகி, தேனுார் மண்டபத்திற்கு காலை, 11:00 மணிக்கு எழுந்தருள்கிறார். அங்கு திருமஞ்சனமாகிய பின், கருட வாகனத்தில் எழுந்தருளி, மண்டூக முனிவருக்கு சாபம் தீர்த்து அருள்பாலிக்கிறார்.