பிற மொழி நீட் வினாத்தாளை தமிழாக்கம் செய்ய உத்தரவு !
June 5, 2017



நீட் தேர்வில் பிறமொழி கேள்விகளை மொழிபெயர்த்து தாக்கல் செய்ய உயர்நீதிமன்ற மதுரை கிளை அதிரடி உத்தரவு பிறப்பித்துள்ளது.
சென்னை உயர்நீதிமன்ற மதுரைக்கிளையில் புதுக்கோட்டையை சேர்ந்த மாணவி ஜெரோபா என்பவர் நீட் தேர்வு தொடர்பாக ஒரு மனுவை தாக்கல் செய்திருந்தார். அதில் ஆங்கில மொழி வினாத்தாள் தவிர குஜராத்தி, இந்தி, மராத்தியில் மொழியில் வினாத்தாள் எளிமையாக இருந்தததாக குற்றஞ்சாட்டியிருந்தார். இதனால் மே மாதம் 7ம் தேதி நடைபெற்ற நீட் தேர்வில் தர வரிசை சீராக இருக்காது என்பதால் பிளஸ் 2 மதிப்பெண் அடிப்படையில் மருத்துவ மாணவர் சேர்க்கை நடத்த அவர் கோரிக்கை விடுத்து இருந்தார். மனுவை விசாரித்த நீதிமன்றம் குஜராத்தி, இந்தி, மராத்தி வினாத்தாள்களை தமிழில் மொழிபெயர்க்க வேண்டும் என்று உத்தரவிட்டுள்ளது. இதனையடுத்து விசாரணை ஜூன் 12ம் தேதிக்கு ஒத்திவைக்கப்பட்டது.