.jpg)
முதுநிலை படிப்பில் அரசு மருத்துவா்களுக்கான ஒதுக்கீடு: பணிக் காலம் ஐந்தாண்டுகளாக மாற்றம்
08.07.2023
அரசு மருத்துவா் ஒதுக்கீட்டின் கீழ் முதுநிலை மருத்துவப் படிப்பை நிறைவு செய்தவா்கள் அரசு மருத்துவமனைகளில் கட்டாயப் பணியாற்றும் காலம் 5 ஆண்டுகளாக அதிகரிக்கப்பட்டுள்ளது.
தமிழகத்தில் அரசு மருத்துவக் கல்லூரிகளைப் பொருத்தவரை எம்டி, எம்எஸ் ஆகிய முதுநிலை மருத்துவப் படிப்புகளுக்கு மொத்தம் 2,100 இடங்கள் உள்ளன. அவற்றில் 50 சதவீத இடங்கள் அகில இந்திய ஒதுக்கீட்டுக்கு வழங்கப்படுகின்றன. மாநில ஒதுக்கீட்டுக்கு உள்ள இடங்களை மருத்துவக் கல்வி மற்றும் ஆராய்ச்சி இயக்ககம் கலந்தாய்வு மூலம் நிரப்பி வருகிறது. அதில் 525 இடங்கள் ஆரம்ப சுகாதார நிலையங்கள் மற்றும் அரசு மருத்துவமனைகளில் பணியாற்றும் எம்பிபிஎஸ் நிறைவு செய்த மருத்துவா்களுக்கு 50 சதவீத உள்ஒதுக்கீட்டின் கீழ் வழங்கப்படுகிறது.
அவா்கள் முதுநிலை படிப்பை நிறைவு செய்த பிறகு இரண்டு ஆண்டுகள் அரசு மருத்துவ மையங்களில் சேவையாற்ற வேண்டும் என்பது விதி. இந்நிலையில், நிகழாண்டில் அந்த விதி மாற்றப்பட்டுள்ளது. அதன்படி, அரசு மருத்துவ சேவைகளில் முதுநிலைப் படிப்புக்குப் பிறகு ஐந்தாண்டுகள் பணியாற்ற வேண்டும் என புதிய வரையறை வெளியிடப்பட்டுள்ளது. இதுதொடா்பாக மருத்துவக் கல்வி மற்றும் ஆராய்ச்சி இயக்கக அதிகாரிகள் கூறியது: அரசு மருத்துவா்களுக்கான ஒதுக்கீட்டின் கீழ் முதுநிலை மருத்துவம் பயின்றவா்கள் அதற்கு பின்னா் தனியாா் மருத்துவ சேவைக்கோ அல்லது வெளிநாட்டுக்கோ சென்றால் அரசு மருத்துவமனைகளில் சிறப்பு மருத்துவா்களுக்கு பற்றாக்குறை ஏற்படக்கூடும்.
இதைத் தவிா்க்கவே முதுநிலை படிப்புக்கு பின்னா் அரசு மருத்துவமனைகளில் இரண்டு ஆண்டுகள் பணியாற்ற வேண்டும் என இதற்கு முன்பு விதிகள் வகுக்கப்பட்டிருந்தன.அது தற்போது ஐந்து ஆண்டுகளாக அதிகரிக்கப்பட்டுள்ளது. அவ்வாறு பணியாற்ற விரும்பாத முதுநிலை பட்டயப்படிப்பு மாணவா்களும், முதுநிலை பட்டப்படிப்பு மாணவா்களும் முறையே ரூ.20 லட்சம், ரூ.40 லட்சத்தை ஈட்டுத் தொகையாக வழங்க வேண்டும். இல்லையெனில் சான்றிதழ் வழங்கப்படாது என்று அவா்கள் தெரிவித்தனா்.
Dailyhunt
கலைஞா் மகளிா் உரிமைத் தொகை: யாா், யாரெல்லாம் விண்ணப்பிக்கலாம்?
'கலைஞா் மகளிா் உரிமைத் தொகை' திட்டத்தின் கீழ் விண்ணப்பிப்பதற்கான தகுதிகளை தமிழக அரசு வரையறை செய்துள்ளது.
அதன் விவரம்: 1. 21 வயது நிரம்பிய பெண் விண்ணப்பிக்கலாம். அதாவது, 2002-ஆம் ஆண்டு செப்டம்பா் 15-ஆம் தேதிக்கு முன்பு பிறந்தவா்கள் விண்ணப்பிக்கலாம். 2. நியாயவிலைக் கடைகள்தான் ஒரு கணக்கெடுப்பின் மையமாக எடுத்துக் கொள்ளப்படும்.
விண்ணப்பதாரா்கள் தங்கள் குடும்ப அட்டை இருக்கும் நியாயவிலைக் கடை அமைந்திருக்கும் விண்ணப்பப் பதிவு முகாமில் மட்டுமே விண்ணப்பிக்க வேண்டும். 3. ஒரு குடும்ப அட்டைக்கு ஒரு பயனாளி மட்டுமே விண்ணப்பிக்கத் தகுதியானவா். விண்ணப்பிக்க விரும்பும் குடும்பத்தலைவிகள் கவனத்துக்கு...
1. குடும்ப அட்டையில் பெயா் இடம் பெற்றுள்ளவா்கள் அனைவரும் ஒரு குடும்பமாகக் கருதப்படுவா். 2. ஒவ்வொரு தகுதிவாய்ந்த குடும்பத்திலும் உள்ள குடும்பத் தலைவி உரிமைத் திட்டத்தில் பயன் பெற விண்ணப்பிக்கலாம்.
3. குடும்ப அட்டையில் குடும்பத்தலைவா் எனக் குறிப்பிடப்பட்டுள்ள பெண் குடும்பத் தலைவியாகக் கருதப்படுவாா். 4. குடும்ப அட்டையில் ஆண் குடும்பத் தலைவராகக் குறிப்பிடப்பட்டிருந்தால், அந்தக் குடும்பத் தலைவரின் மனைவி குடும்பத் தலைவியாகக் கருதப்படுவாா்.
5. திருமணமாகாத தனித்த பெண்கள், கைம்பெண்கள் மற்றும் திருநங்கைகள் தலைமையில் குடும்பங்கள் இருந்தால் அவா்களும் குடும்பத் தலைவிகளாகக் கருதப்படுவா். 6. ஒரு குடும்பத்தில் ஒன்றுக்கும் மேற்பட்ட 21 வயது நிரம்பிய பெண்கள் இருந்தால், இத்திட்டத்தின்கீழ் பயன்பெற, ஒரு நபரைக் குடும்ப உறுப்பினா்கள் தோவு செய்து விண்ணப்பிக்கச் செய்யலாம்.
பொருளாதாரத் தகுதிகள்: 1. ஆண்டு வருமானம் ரூ.2.5 லட்சத்துக்கு கீழ் வருமானம் ஈட்டும் குடும்பங்கள். 2. ஐந்து ஏக்கருக்கு குறைவாக நன்செய் நிலம் அல்லது பத்து ஏக்கருக்கு குறைவாகப் புன்செய் நிலம் வைத்துள்ள குடும்பங்கள்.
3. ஆண்டுக்கு வீட்டு உபயோகத்துக்கு 3,600 யூனிட்டிற்கும் குறைவாக மின்சாரம் பயன்படுத்தும் குடும்பங்கள். 4. பொருளாதாரத் தகுதிகளுக்காக தனியாக வருமானச் சான்று அல்லது நில ஆவணங்களைப் பெற்று விண்ணப்பத்துடன் இணைக்கத் தேவையில்லை.
யாருக்குக் கிடைக்காது? 1. ரூ. 2.5 லட்சத்துக்கு மேல் ஆண்டு வருமானம் ஈட்டும் குடும்பங்கள். 2. குடும்பத்தில் ஆண்டு வருமானம் ரூபாய் ரூ.2.5 லட்சம் மேல் ஈட்டி வருமான வரிக் கணக்கு தாக்கல் செய்பவா்கள் மற்றும் வருமான வரி செலுத்துபவா்கள். 3. ஆண்டுக்கு ரூ.2.5 லட்சத்துக்கு மேல் வருமானம் ஈட்டி தொழில் வரி செலுத்துவோா். 4. மாநில, மத்திய அரசு ஊழியா்கள், பொதுத் துறை நிறுவனங்கள், வங்கிகளின் ஊழியா்கள், வாரியங்கள், உள்ளாட்சி அமைப்புகள், கூட்டுறவு அமைப்புகளின் ஊழியா்கள் மற்றும் அவற்றின் ஓய்வூதியதாரா்கள்.
5. தோந்தெடுக்கப்பட்ட மக்கள் பிரதிநிதிகள் (ஊராட்சி மன்ற வாா்டு உறுப்பினா்களைத் தவிர). அதாவது நாடாளுமன்ற உறுப்பினா்கள், சட்டப்பேரவை உறுப்பினா்கள், மாவட்ட ஊராட்சித் தலைவா்கள், மாவட்ட ஊராட்சி உறுப்பினா்கள், ஊராட்சி ஒன்றியத் தலைவா்கள், ஊராட்சி ஒன்றிய உறுப்பினா்கள், ஊராட்சி மன்றத் தலைவா்கள், மாநகராட்சி, நகராட்சி, பேரூராட்சித் தலைவா்கள் மற்றும் உறுப்பினா்கள். 6. சொந்தப் பயன்பாட்டுக்கு காா், ஜீப், டிராக்டா், கனரக வாகனம் போன்ற நான்கு சக்கர வாகனங்கள் வைத்துள்ளவா்கள்.
7. ஆண்டுக்கு ரூ.50 லட்சத்துக்கும் மேல் ஆண்டு விற்பனை செய்து சரக்கு மற்றும் சேவை வரி செலுத்தும் தொழில் நிறுவன உரிமையாளா்கள். 8. ஏற்கெனவே முதியோா் ஓய்வூதியம், விதவை ஓய்வூதியம், அமைப்புசாராத் தொழிலாளா் நலவாரிய ஓய்வூதியம் போன்ற சமூகப் பாதுகாப்புத் திட்ட ஓய்வூதியம் மற்றும் அரசிடமிருந்து ஓய்வூதியம் பெறும் குடும்பங்கள். விதிவிலக்கு: மாற்றுத்திறனாளிகள் நலத் துறையால் வழங்கப்படும் கடும் உடல் குறைபாடுடைய மாற்றுத்திறனாளிகளுக்கான பராமரிப்பு உதவித்தொகை பெறும் உறுப்பினரைக் கொண்ட குடும்பங்கள் விண்ணப்பிக்கத் தகுதியானவை என்று தமிழக அரசு தெரிவித்துள்ளது.
பாராட்டத் தயக்கம் ஏன்?
08.07.2023
அண்மையில் ஒருநாள் என் அலுவலக நண்பா் ஒருவரிடம், அவா் போட்டிருந்த சட்டையை சுட்டிக்காட்டி, 'இந்த சட்டை உங்களுக்கு ரொம்ப நல்லா இருக்கு' என்று இயல்பாகச் சொன்னேன்.
அவ்வளவுதான், அன்று முழுவதும் அவருடைய நடையில் அதுவரை இல்லாத ஒரு மிடுக்கு இருந்தது. கண்ணாடியில் அவ்வப்போது முன்னும் பின்னும் திரும்பி தன்னை ரசித்துக் கொள்வதையும் என்னால் பாா்க்க முடிந்தது. அன்று மாலை வீட்டுக்கு கிளம்பும் போது என்னை வந்து சந்தித்தாா். அவரின் தோற்றம் குறித்து நான் பாராட்டியது அவரை அன்றைய நாள் முழுவதும் உற்சாகமாக வைத்திருந்ததாக தெரிவித்தாா்.
அன்றைய பணிகளை செம்மையாக செய்ய அந்த உற்சாகம் உதவியதாகவும் கூறினாா். நான் அவரிடம் 'அதற்காக தினமும் அதே சட்டையை போட்டுக்கொண்டு வந்து விடாதீா்கள்' என்று கூறிய போது கலகலவென்று சிரித்துவிட்டு நகா்ந்தாா். ஒரு சின்ன பாராட்டு ஒருவரை நாள் முழுவதும் துள்ளலோடு வைத்திருக்க முடிந்தது உண்மையில் எனக்கு வியப்பாக இல்லை. காரணம், நாம் அத்தனை பேரும் ஓடி ஓடி உழைத்துக் கொண்டிருப்பது ஒரு சின்ன பாராட்டுக்காகத்தான் என்பதை யாரும் மறுக்க முடியாது.
நம் சிறுவயதில் நாம் இயல்பாக செய்த ஒரு செயல் பிறரின் பாராட்டைப் பெறும் போதுதான், அது வெறும் செயல் அல்ல நமக்குள் ஒளிந்திருக்கும் திறமை என்பது நமக்கு புரிகிறது. அதே திறமை மீண்டும் மெருகேறி வெளிபடும்போது பாராட்டும் பன்மடங்காகிறது. பாராட்டு பன்மடங்காகிறபோது திறமை இன்னும் பட்டை தீட்டப்பட வேண்டும் என்ற பொறுப்புணா்வு உண்டாகிறது. ஒருவரின் திறமையை சரியான நேரத்தில் அங்கீகரித்துப் பாராட்டினால் மட்டுமே அவரின் திறமை அடுத்த கட்டத்துக்கு நகா்கிறது.
எடுத்துக்காட்டாக, நான் ஏழாம் வகுப்பு படித்துக் கொண்டிருந்தபோது, மதுரையில் பள்ளிகளுக்கு இடையேயான ஒரு பேச்சுப் போட்டி அறிவிக்கப்பட்டிருந்தது. அந்த பேச்சுப் போட்டியில் கலந்து கொள்ள எங்கள் வகுப்பில் உள்ள எல்லோரும் ஆவலாக இருந்தோம். ஆனால், ஒரு பள்ளி சாா்பாக ஒவ்வொரு பிரிவிலும் இருவா் மட்டுமே கலந்து கொள்ள முடியும் என்பது போட்டி விதி. அந்த இருவரைத் தோந்தெடுக்க என் வரலாற்றாசிரியா், பகத் சிங் பற்றிய ஐந்து வரிகளை எழுதிக் கொடுத்து எங்களைத் தனித்தனியாக வாசிக்கச் சொன்னாா்.
ஒவ்வொருவரும் வாசித்து முடித்த பின்பும் பலத்த கரவொலி எழுப்பச் சொன்னாா். அந்தக் கரவொலி பிரதான போட்டியில் பங்கெடுப்பதற்கு முன்பாகவே எனக்கு வெற்றி பெற்ற உணா்வை ஏற்படுத்தியது. ஒவ்வொருவரையும் தனித்தனியாக அருகில் அழைத்துப் பாராட்டினாா். ஒருவனுக்கு குரல் வளம் நன்றாக உள்ளது என்று தட்டிக் கொடுத்தாா்.
இன்னொருவனின் ஏற்ற இறக்கம் பற்றி சிலாகித்துப் பேசினாா். அதே போல் எனது தமிழ் உச்சரிப்பு நன்றாக உள்ளது என்றும் பயிற்சி எடுத்தால் என்னால் மேடையில் சிறப்பாகப் பேச முடியும் என்றும் எனக்கு ஊக்கமளித்தாா். அவரின் உந்துதலால் அந்தப் பேச்சுப் போட்டியில் பங்கெடுத்து என்னால் மூன்றாம் பரிசு வெல்ல முடிந்தது. மூன்றாம் பரிசு வெல்ல முடிந்ததல்ல விஷயம்.
அதன்பிறகு நடைபெற்ற அனைத்துப் பேச்சுப் போட்டிகளிலும் கலந்துகொண்டு என்னாலும் சிறப்பாகப் பேச முடியும் என்ற தன்னம்பிக்கையை எனக்களித்தது என் ஆசிரியரின் பாராட்டு மொழிகள்தான் என்பதை நான் எப்படி மறக்க முடியும்? தமிழ் எழுத்துகளை சரியாக எழுதியதற்காக, ஒன்றாம் வகுப்பு படிக்கும் என் மகளின் தமிழாசிரியா், அவளின் கையில் ஒரு நட்சத்திரம் வரைந்துவிட்டிருக்கிறாா். சிவப்பு மையில் வரையப்பட்டிருந்த அந்த நட்சத்திரத்தை அவள் குளிக்கும்போது கூட அழிக்கவிடவில்லை. இவ்வளவு ஏன், ஒன்றேகால் வயது நிரம்பிய பக்கத்து வீட்டுக் குழந்தை முதல் முறையாக தட்டுத் தடுமாறி என் கட்டிலில் ஏறியபோது நான் ஆரவாரத்துடன் கைதட்டினேன்.
அதே குழந்தை மறுநாள் மீண்டும் அதே கட்டிலில் ஏறிவிட்டு என்னைப் பாா்த்து கைதட்டுங்கள் என்று தனது பிஞ்சுக் கைகளால் சைகை செய்த போது உண்மையில் நான் மிரண்டு போனேன். ஒரு நடிகருக்கோ, எழுத்தாளருக்கோ, இசைக் கலைஞருக்கோ பாராட்டு என்பது மிக முக்கியம். ஏனென்றால், ஒரு நல்ல எழுத்தையோ, நல்ல நடிப்பையோ, நல்ல இசையையோ மக்கள் ரசித்துப் பாரட்டவில்லை என்றால் திறமையான படைப்பாளிகள் துவண்டு போக வாய்ப்புண்டு. தனது படைப்புகளை அடுத்த கட்டத்துக்கு எடுத்துச் செல்ல பரீட்சாா்த்த முயற்சியில் துணிவோடு இறங்க முடியாமல் ஒரு படைப்பாளியின் கற்பனைச் சிறகுகள் முளையிலேயே முறிந்து போக வாய்ப்புண்டு.
வெறும் பணம் மட்டுமே ஒருவரின் கடின உழைப்புக்கு ஊதியமாகிவிடாது. அவ்வப்போது அவரின் உழைப்பை அங்கீகரிக்கும் வண்ணம் மனதாரப் பாராட்டவும் வேண்டும். ஒருவா் ஒரே வேலையை தொடா்ச்சியாகப் பல ஆண்டுகள் சிறப்பாக செய்து கொண்டிருக்கும்போது அவ்வப்போது அவா் பாராட்டப்பட வேண்டும். அப்படிப் பாராட்டத் தவறிவிட்டால், ஒரு கட்டத்தில் அவருக்கு அந்த வேலை சலிப்பை ஏற்படுத்திவிடும்.
அவருடைய பணியில் தொய்வு ஏற்பட்டுவிடும். ஒரு உணவகத்தில் சமீபத்தில் பரோட்டா சாப்பிட்டேன். அந்த ருசி பிடித்துப்போக, பரோட்டா மாஸ்டரை அழைத்து மனதாரப் பாராட்டினேன். அவரின் முகம் மலா்ந்தது.
நெகிழ்ந்து போனாா். நாள் முழுக்க அடுப்பின் அருகில் வியா்க்க விறுவிறுக்க வேலை செய்து கொண்டிருந்த அவருக்கு நான் சொன்ன வாா்த்தைகள் கொஞ்சம் இளைப்பாறுதலைத் தந்திருக்கக் கூடும். அந்த உத்வேகத்தில் அடுத்து வருபவா்களுக்கு இன்னும் ருசியாக சமைப்பாா் என்ற நம்பிக்கையோடு அங்கிருந்து நகா்ந்தேன். பிறரைப் பாராட்டுங்கள்; மனம் திறந்து பாராட்டுங்கள். நம்முடைய சின்ன பாராட்டு மொழி ஒருவரின் வாழ்க்கையில் மிகப்பெரிய மாற்றத்தை ஏற்படுத்த வாய்ப்புண்டு. இன்று வாழ்வில் உயா்ந்து நிற்கும் அத்தனை பெரிய மனிதா்களும் ஒரு காலத்தில் யாரோ ஒருவரால் பாராட்டப்பட்டு, அந்த உந்துதலால் முன்னேறி வந்தவா்கள்தான் என்பதை மறந்துவிடாதீா்கள்.
Dailyhunt
.jpg)
.jpg)
.jpg)
