முன்னுரிமை பெற வேண்டும் முதியோர் நலன்!

தினமணி  நடுப்பக்க கட்டுரைகள்

முன்னுரிமை பெற வேண்டும் முதியோர் நலன்!

இந்தியாவில் 60 வயது மற்றும் அதற்கு மேற்பட்ட முதியோர்களின் எண்ணிக்கை சுமார் 17.3 கோடியாக உள்ளது.

Updated On :17 அக்டோபர் 2026, 6:34 am IST

முனைவர் என். பத்ரி

தற்போது இந்தியாவில் 60 வயது மற்றும் அதற்கு மேற்பட்ட முதியோர்களின் எண்ணிக்கை சுமார் 17.3 கோடியாக உள்ளது. இது நாட்டின் மொத்த மக்கள்தொகையில் சுமார் 10.5% ஆகும். வரும் 2036-ஆம் ஆண்டிற்குள் இந்த எண்ணிக்கை 23 கோடியாகவும், 2050-ஆம் ஆண்டிற்குள் 34.7 கோடியாகவும் (மொத்த மக்கள்தொகையில் 21%) உயரும் என மதிப்பிடப்பட்டுள்ளது.

2046-ஆம் ஆண்டுக்குள், இந்தியாவில் உள்ள ஒட்டுமொத்த குழந்தைகளின் எண்ணிக்கையைவிட முதியோர்களின் எண்ணிக்கை அதிகமாக இருக்கும் என்று ஐ.நா. சபையின் மக்கள்தொகை நிதியம் தெரிவிக்கிறது.

சர்வதேச அளவில் 50 வயதுக்கும் மேற்பட்ட முதியவர்களின் எண்ணிக்கை 2050-இல் 200 கோடியைத் தாண்டிவிட வாய்ப்புள்ளதாகக் கூறப்படுகிறது. இவர்களில் பெரும்பாலானோர் இந்தியா போன்ற வளர்ந்துவரும் நாடுகளில் இருப்பார்கள் எனவும் கூறப்படுகிறது.

மொத்த மக்கள்தொகையில் 2011-ஆம் ஆண்டு 10.6 சதவீதமாக இருந்த முதியோர்கள் 2031-ஆம் ஆண்டு 18.2 சதவீதமாக உயருவார்கள் எனவும் கணிக்கப்பட்டுள்ளது.

இந்தியாவில் பிற மாநிலங்களைவிட தமிழ்நாடு விரைவாக முதியோர் சமூகமாக மாறி வருகிறது. இந்தத் தகவலை தமிழக நிதி அமைச்சர் அண்மையில் அளித்துள்ள அறிக்கையில் தெரிவித்துள்ளார். மேலும், 2100-ஆம் ஆண்டளவில் தமிழ்நாட்டின் மக்கள்தொகையில் ஏறத்தாழ பாதி பேர் முதியோர்களாக இருப்பார்கள் என்றும் அவர் கூறியுள்ளார்.

மருத்துவ வளர்ச்சி, ஊட்டச்சத்து மேம்பாடு, சுத்தம், மருத்துவ அறிவியல், சுகாதாரப் பராமரிப்பு, கல்வி போன்றவற்றால் முதியோர்களுடைய வாழ்நாள் உயர்ந்து கொண்டே வருவதாக உலக சுகாதார நிறுவனத்தின் புள்ளிவிவரம் தெரிவிக்கிறது.

இருப்பினும், முதியவர்களின் உடலில் நோய்த் தடுப்புச் சக்திகுறைந்து விடுவதால் அவர்களுக்கு எலும்பு சார்ந்த சிக்கல்கள், சர்க்கரை நோய், முதுமை மறதி, தூக்கக் கோளாறுகள், உடல் நடுக்கம் போன்ற பல்வேறு பிரச்னைகள் ஏற்படுகின்றன. இவை அவர்களின் மன நலத்தையும் வெகுவாகப் பாதிக்கின்றன. இதனால், அவர்கள் பிறரைச் சார்ந்திருக்கும் நிலை, சமூகத்திலிருந்து விலகி வாழ்தல், குடும்ப உறுப்பினர்களால் புறக்கணிக்கப்படுதல் போன்ற நிகழ்வுகள் ஏற்படுகின்றன.

முதியோர்கள் தங்களின் ஆரோக்கியத் தேவைகளைப் புரிந்துக் கொண்டு நோய்த் தடுப்புக்கான பரிசோதனைகளைச் செய்து வர வேண்டும்.

அன்றாட உணவில் பழங்கள், காய்கறிகள், முழு தானியங்கள் புரதம், உயிர்ச்சத்து, தாதுச்சத்து, நார்ச்சத்து நிறைந்த சமச்சீர் உணவு ஆகியவற்றை அதிகமாக சேர்த்துக் கொள்வது அவசியம்.

மிதமான உடற்பயிற்சி, நடை, யோகா, தியானம் போன்றவை உடல் வலிமை, சமநிலை, நெகிழ்வுத்தன்மை போன்றவற்றை பேண அவர்களுக்கு உதவும். மேலும், அவர்கள் புகை, மது, புகையிலைப் பொருள்கள் போன்றவற்றைத் தவிர்ப்பது நல்லது. உடலுக்குப் போதுமான உறக்கம் கொடுப்பது அவசியம். குடும்பத்தினர் மற்றும் நண்பர்களுடன் மகிழ்ச்சியாக இருப்பது, அவர்களின் மன நலனை நன்கு பாதுகாக்கும். மருத்துவர் பரிந்துரைக்கப்பட்ட மருந்துகளை மட்டும் எடுத்துக் கொள்ள வேண்டும்.

இந்தியாவில் மூத்த குடிமக்களுக்கு கரோனா நோய்த்தொற்று பரவல் காரணமாக மார்ச் 2020 முதல் ரயிலில் பயணச் சலுகை தற்காலிகமாக நிறுத்தப்பட்டது. இவ்வாறான புழக்கத்தில் இருந்த முதியோர்களுக்கான பல சலுகைகள் நிறுத்தப்பட்டுள்ளன. தொற்று பாதிப்புகள் முழுமையாக நீங்கிவிட்ட நிலையிலும், இந்த சலுகைகள் முதியோருக்கு மீண்டும் வழங்கப்படவில்லை.

மோசமான பொருளாதார நிலையிலும் தற்போது மூத்த குடிமக்கள் அனைவரும் முழுக் கட்டணம் செலுத்தியே பயணிக்க வேண்டியுள்ளது. ரயில் கட்டணச் சலுகையை மீண்டும் கொண்டுவர வேண்டும் என்று நாடு முழுவதும் உள்ள மூத்த குடிமக்கள் அமைப்புகள் தொடர்ந்து மத்திய அரசிடம் கோரிக்கை விடுத்து வருகின்றன.

70 வயதுக்கும் மேற்பட்ட அனைத்து முதியோர்களுக்கும் அவர்களின் பொருளாதார நிலையைப் பொருட்படுத்தாமல், ஆண்டுக்கு ரூ. 5 லட்சம் வரையிலான ஆயுஷ்மான் பாரத் இலவச மருத்துவக் காப்பீடு திட்டம் விரிவுபடுத்தப்பட்டுள்ளது. ஆனால், எந்த மருத்துவமனையும் இந்தச் சலுகையை முதியோர்களுக்கு அளிப்பதில்லை என்ற குற்றச்சாட்டும் இருந்து வருகிறது.

முதுமையில் ஏற்படும் உடல்நலக் கோளாறுகள் தனிப்பட்ட ஒரு முதியவரின் பிரச்னை மட்டுமல்ல, அது ஒரு சமூகம் தொடர்ந்து சந்திக்கும் ஒரு சவாலுமாகும். நாம் முதியோரை விலைமதிக்க முடியாத வளமாக அங்கீகரிக்க வேண்டும். அவர்களுடைய கவலைகளைப் புரிந்துகொண்டு, அவர்களுக்கு ஆதரவாக இருக்க வேண்டும்.

இளமைக் காலத்தில் குடும்பங்களும், சமூகமும் முன்னேற உழைத்தவர்கள் இவர்கள். இவர்களில் பலர் முதியோர் இல்லங்களிலும், சமூகத்திலும் இழிநிலையில் வாழ்வது இனியாவது தவிர்க்கப்பட வேண்டும். அதிகமாக வாழும் தற்போதைய சமூகத்தில் அவர்களுடைய நலன்கள் காக்கப்பட வேண்டும். அதற்கு அரசும், குடும்பங்களும், சமூக ஊடகங்களும், சமூகமும் முன்னுரிமை அளிக்க வேண்டும்.

அவர்களின் நலன் காக்கும் சட்டங்கள் இயற்றப்பட வேண்டும். தேர்தல் நேர வாக்குகளுக்காக மட்டும் அவர்களைப் பயன்படுத்திக் கொள்வது கூடாது. அவர்கள் இழந்த சலுகைகளை திரும்பப் பெற்று அவர்களும் கண்ணியத்துடன் சமூகத்தில் வாழும் நிலையைப் பெறுதல் வேண்டும். இதை சாத்தியமாக்க நாம் ஒன்றிணைவோம். அவர்கள் வாழ்வு சிறக்க பாடுபடுவோம். முதியோர்கள் தங்களுக்கு ஏற்படும் பிரச்னைகளுக்கு தீர்வு காண 14567 என்ற இலவச உதவி எண்ணைத் தொடர்பு கொள்ளலாம்.

வெற்றிப் பயணம் - விரயமா, வரப்பிரசாதமா?

வெற்றிப் பயணம் - விரயமா, வரப்பிரசாதமா?

முதல்வர் விஜய் தொடங்கி வைத்த பெண்களுக்கான இலவச வெற்றிப் பயணத் திட்டம் விரயமா, வரப்பிரசாதமா? என்பதைப் பற்றி...

பெண் பயணிகளுக்கு டிக்கெட் கொடுத்து வெற்றிப் பயணத்தைத் தொடங்கி வைத்த முதல்வர் விஜய். - @CMOTamilnadu

Updated On :12 அக்டோபர் 2026, 4:45 am IST

நமது நிருபர் DINAMANI 

தமிழகத்தில் பெண்களுக்கான இலவசப் பேருந்துப் பயணத் திட்டம் 2021-இல் தொடங்கப்பட்டது. தொடக்கத்தில், சாதாரணக் கட்டணப் பேருந்துகளில் மட்டுமே பெண்கள் இலவசமாகப் பயணிக்க அனுமதிக்கப்பட்டனர். இத்திட்டம் தற்போது மேலும் விரிவுபடுத்தப்பட்டுள்ளது. டீலக்ஸ் பேருந்துகளிலும், புறநகர்ப் பேருந்துகளிலும் பெண்கள் இனி இலவசமாகப் பயணிக்கலாம்.

வெற்றிப் பயணம் என்ற பெயரில் கொண்டுவரப்பட்டுள்ள இந்தத் திட்டத்திற்குப் பெண்கள் மத்தியில் பெரும் வரவேற்பு இருப்பதில் ஆச்சரியம் இல்லை. அதேசமயத்தில், இத்திட்டம் பெண்களுக்கான சமூக முதலீடா? அல்லது பெண்களை வாக்குவங்கி ஆக்குவதற்காக அரசின் நிதியைப் பயன்படுத்தும் முயற்சியா? என்பன போன்ற கேள்விகள் எழுப்பப்படுகின்றன.

இத்திட்டம் தொடங்கியதிலிருந்து பல கோடி பயணங்கள் மேற்கொள்ளப்பட்டுள்ளன. பெண்களின் தினசரி பேருந்துப் பயண எண்ணிக்கையும் குறிப்பிடத்தக்க அளவில் உயர்ந்துள்ளது. இந்தத் திட்டத்தால் ஒரு குடும்பத்துக்கு மாதந்தோறும் சராசரியாக ரூ.1,000 வரை சேமிப்பு ஏற்படுவதாக அரசுத் தரப்பில் கூறப்படுகிறது. இது குறைந்த வருமானம் கொண்ட குடும்பங்களுக்கு முக்கியமானதாகப் பார்க்கப்படுகிறது. இந்நிலையில், இத்திட்டம் விரிவுபடுத்தப்பட்டுள்ளதன் மூலம், தினசரி பயனாளிகள் எண்ணிக்கை சுமார் 84 லட்சம் பெண்கள் என்ற அளவை எட்டும் எனத் தமிழக அரசு தெரிவித்துள்ளது.

சமூகப் பலன்கள்

இலவசப் பயணத்தால் பெண்களுக்குக் கிடைக்கும் பொருளாதார மற்றும் சமூகப் பலன்களைப் பார்க்கும்போது, பேருந்துக் கட்டணம் காரணமாக, ஒரு பெண் வேலைக்குச் செல்ல முடியாமல் இருந்தால், குடும்பத்துக்கு வருமான இழப்பு ஏற்படுகிறது. தொலைவில் உள்ள கல்வி நிறுவனத்தைத் தேர்வு செய்ய முடியாமல் போனால், தரமான கல்வி வாய்ப்பு குறைகிறது. மருத்துவமனைக்குச் செல்ல பணம் இல்லாவிட்டால், உரிய நேரத்தில் சிகிச்சை பெற முடியாமல் போகலாம். ஆகையால், இலவச பேருந்துப் பயணத்தைக் குடும்பப் பொருளாதாரக் கோணத்தில் பார்த்தால், பெண்களின் பயணச் செலவு குறைகிறது; இதனால், குடும்பச் செலவு குறைகிறது.

அதன்மூலம் மிச்சமாகும் தொகை, குடும்ப உறுப்பினர்களின் கல்வி, உணவு, மருத்துவம் போன்றவற்றுக்குப் பயன்படுகிறது. குடும்பத்தின் செலவழிக்கக்கூடிய வருமானம் அதிகரிக்கிறது, பெண்கள் வேலைக்குச் செல்வது அதிகரிக்கிறது, மாணவிகளின் கல்வி வாய்ப்புகள் அதிகரிக்கின்றன. மருத்துவம் உள்ளிட்ட அத்தியாவசிய சேவைகளை அணுகுவது எளிதாகிறது. இதன்மூலம் பெண்களின் சமூக மற்றும் பொருளாதார நிலை மேம்படுகிறது. இதனால்தான் அரசு இதை சமூக முதலீடு என்று குறிப்பிடுகிறது.

ஆனால், ஒரு நாணயத்துக்கு இரண்டு பக்கங்கள் இருப்பது போல, இதற்கு எதிர்மறைப் பக்கமும் இருக்கிறது. இலவசம் என்ற சொல் இனிமையாக இருக்கலாம். ஆனால், பொருளாதாரத்தில் எதிலும் இலவசம் என்பதற்கு இடமில்லை. எல்லாவற்றுக்கும் ஒரு விலை//கட்டணம் உண்டு. ஒருவர் செலுத்தாத கட்டணத்தை மற்றொருவர் செலுத்துகிறார்.

இங்கே பேருந்துப் பயணத்துக்காகப் பெண்கள் செலுத்தவேண்டிய கட்டணத்தை போக்குவரத்துத் துறைக்கு அரசு செலுத்துகிறது. அவ்வாறு கட்டணம் ஈடுசெய்யப்படாவிட்டால், போதிய வருவாய் இல்லாமல், போக்குவரத்துத் துறையின் நிர்வாகம் சீர்குலையும் சூழல் ஏற்படும்.

ஊழியர்களின் ஊதியம், புதிய பேருந்துகள் வாங்குவது, பேருந்துகள் பராமரிப்பு போன்ற அனைத்தும் பாதிக்கப்படும் என்பதால், அரசு மானியம் வழங்குவதன் மூலம் இலவசப் பயணங்களால் ஏற்படும் இழப்பை ஈடுகட்டுகிறது.

2026-27 தமிழக பட்ஜெட்டில் போக்குவரத்துத் துறைக்கு ரூ.13,561 கோடி ஒதுக்கப்பட்டுள்ளது. அதில் போக்குவரத்துக் கழகங்களுக்கான மானியம் மட்டும் ரூ.7,675 கோடி. அதாவது, மொத்த போக்குவரத்துத் துறைக்கான ஒதுக்கீட்டில் மானியம் மட்டும் சுமார் 56.6%. எரிபொருள் விலை, ஊதியம், உதிரிபாகங்கள், பேருந்து பராமரிப்பு ஆகிய செலவுகள் அதிகரிக்கும்போது மானியத் தேவையும் அதிகரிக்கும். இவ்வாறாக, ஆண்டுதோறும் உயரும் மானியத்தொகையை அரசால் எந்த அளவுக்குச் சமாளிக்க முடியும் என்கிற கேள்வி எழுகிறது.

தமிழக அரசுப் போக்குவரத்துக் கழகங்கள் சமூகப் பொறுப்புடன் செயல்படுபவை. குறைந்த கட்டணத்தில் கிராமங்களுக்குப் பேருந்து இயக்குதல், மாணவர்களுக்கு சலுகை, முதியோர் உள்ளிட்ட பல்வேறு பிரிவுகளுக்கு சலுகை, தொலைதூரப் பகுதிகளுக்குச் சேவை எனப் பல்வேறு சமூகப் பணிகளையும் அவை செய்கின்றன. இதனால் அவற்றை லாப நோக்கம் மட்டுமே கொண்ட சாதாரண வணிக நிறுவனங்களாகக் கருத முடியாது. அதேசமயத்தில், வருவாய்க்கும் செலவுக்கும் இடையிலான இடைவெளி அதிகரிக்கும்போது, பல்வேறு பிரச்னைகளை எதிர்கொள்ள வேண்டிய நிலை ஏற்படும். ஆண்டுதோறும் அதிகரிக்கும் மானியத் தொகை, போக்குவரத்துத் துறையின் மீது பல்வேறு தாக்கங்களை ஏற்படுத்த வாய்ப்பிருக்கிறது.

புதிய பேருந்துகள் வாங்குவதற்கு நிதியில்லாமல் போகக்கூடும், பழைய பேருந்துகளைப் பராமரிப்பதில் சிரமம் ஏற்படலாம். பேருந்துகளின் பராமரிப்புச் செலவைக் குறைக்க வேண்டிய நிலை உருவாகலாம், ஊழியர்களுக்கான ஊதிய உயர்வு, பணிக்கொடை, சலுகைகள் போன்றவற்றை வழங்குவதில் தொய்வு ஏற்படலாம், இது ஊழியர்களின் சேவைத் தரத்தைப் பாதிக்கும்.

Advertise with us

வாடகை வாகனங்கள் பாதிப்பு

இலவசப் பயணம் பொதுப் போக்குவரத்தின் பயன்பாட்டை அதிகரிக்கும் என்பதால் அதற்கேற்ப பேருந்துகளின் எண்ணிக்கையை அதிகரிக்காவிட்டால், கூட்ட நெரிசல் காரணமாகப் பொதுமக்கள் சிரமப்படுவார்கள். அரசுப் பேருந்துகளில் இலவசப் பயணம் என்பது தனியார் பேருந்துகள், ஆட்டோ உள்ளிட்ட வாடகை வாகனங்களின் வருவாயைக் குறைக்க வாய்ப்பிருக்கிறது. போக்குவரத்துத் துறைக்கான மானியம் அதிகரித்துக் கொண்டே செல்வது, பிற துறைகளுக்கான நிதி ஒதுக்கீட்டைப் பாதிக்கும்.

முறையான கண்காணிப்போ, கட்டுப்பாடுகளோ இல்லாததால் அரசுக்குக் கூடுதல் செலவு ஏற்படுவதாகக் கூறப்படுகிறது. தாய் மாமன் தங்க மோதிரம் போன்ற திட்டங்களின் கீழ் பிற மாநிலங்களைச் சேர்ந்தோர் பயன்பெற முடியாது. ஆனால், இலவச பயணத் திட்டத்தில் அத்தகைய கட்டுப்பாடு எதுவும் இல்லை. பிற மாநிலங்களைச் சேர்ந்த பெண்களுக்கும் இலவச பயணச் சலுகை கிடைக்கிறது. இதற்கான செலவுத் தொகையையும் தமிழக அரசே ஏற்கிறது.

அதேபோல், இலவச பயணச் சீட்டு வழங்குவதில் இருக்கும் பல்வேறு பிரச்னைகளும் சுட்டிக்காட்டப்படுகின்றன. சாதாரணப் பேருந்துகளில், ஏற்கெனவே அச்சடிக்கப்பட்ட டிக்கெட்டுகள் கொடுக்கப்படுகின்றன. பயணிகள் குறைவாக இருக்கும் சமயங்களில் ஒருசில நடத்துநர்கள் டிக்கெட்டுகளைக் கிழித்து வீசிவிட்டு, பெண்கள் பயணித்ததாகக் கணக்குக் காட்டுவதாகக் குற்றம்சாட்டப்படுகிறது.

அதேபோல், டீலக்ஸ் பேருந்துகளில், ஒருசில நடத்துநர்கள் டிக்கெட் வருவாயை அதிகரித்துக் காட்டும் நோக்கில், கடைசி நிறுத்தத்தைக் குறிப்பிட்டு பயணச் சீட்டுகளை வழங்குவதாகவும் புகார் கூறப்படுகிறது. இதனால் அரசு வழங்கும் கூடுதல் மானியத் தொகை உண்மையான பயனாளிகளைச் சென்றடையாமல் போகிறது. பொழுதுபோக்காக ஊரைச் சுற்றி வருவது போன்ற தேவையற்ற பயணங்களும் அரசுக்குக் கூடுதல் நிதிச்சுமையை ஏற்படுத்துவதும் சுட்டிக்காட்டப்படுகிறது. இதுபோன்ற நிலை உருவாகாமல் தடுப்பதற்குத் தேவையான நடவடிக்கைகளை அரசு முன்கூட்டியே திட்டமிட வேண்டும்.

தீர்வு என்ன?

இலவசப் பயணத் திட்டத்துடன் சேர்த்து போக்குவரத்துக் கழகங்களின் நிதி மறுசீரமைப்பும் அவசியமாகிறது. இலவசப் பேருந்துப் பயணத்தை நிறுத்துவது பிரச்னைகளுக்குத் தீர்வு அல்ல. மாறாக, பொருளாதார ரீதியாகவும், போக்குவரத்து ரீதியாகவும் இத்திட்டத்தை நிலைத்திருக்கச் செய்வதே சரியான அணுகுமுறையாக இருக்கும்.

ஒவ்வொரு இலவசப் பயணத்துக்கும் அரசு நிர்ணயிக்கும் மானியத் தொகை வெளிப்படையாக இருக்க வேண்டும். அதற்கான சமூகப் பலன் கணக்கிடப்பட வேண்டும், பெண்கள் சேமிக்கும் தொகை மட்டுமல்ல; இலவசப் பயணத் திட்டத்தின் மூலம் எத்தனை பேர் பணிக்குச் சென்றனர்? எத்தனை மாணவிகள் பள்ளி, கல்லூரிகளுக்குச் செல்ல முடிந்தது/ குடும்ப வருமானத்தில் என்ன மாற்றம் ஏற்பட்டது? என்பது ஆண்டுதோறும் மதிப்பிடப்பட வேண்டும்.

அப்போதுதான் இத்திட்டத்தின் நோக்கம் எத்தகைய சமூக மாற்றத்தை ஏற்படுத்தியுள்ளது என்பதை மதிப்பிட முடியும். போக்குவரத்துக் கழகங்களின் எரிபொருள் சேமிப்பு, நேரக் கட்டுப்பாடு, பேருந்து பயன்பாடு, பராமரிப்பு போன்ற செயல்திறன் அளவுகோல்களுக்கு ஏற்ப மானியத்தை வழங்கலாம்.

அரசுப் பேருந்துகளும், தனியார் பேருந்துகளும் ஒரே வழித்தடத்தில் இயங்கும்போது, தனியாருக்கு ஏற்படும் இழப்பை ஆய்வு செய்து, தேவையான இடங்களில் வழித்தட அடிப்படையிலான மானியம் அல்லது சேவை ஒப்பந்த முறையை பரிசீலிப்பதன் மூலம் தனியார் பேருந்துகளுக்கு ஏற்படும் இழப்பை ஈடுசெய்யலாம்.

தமிழ்நாட்டில் தற்போது சுமார் 21,000 பேருந்துகள் உள்ள நிலையில், அவற்றில் சுமார் 19,000 பேருந்துகள் மட்டுமே இயக்கத்தில் இருப்பதாகக் கூறப்படுகிறது. இவற்றிலும் குறிப்பிடத்தக்க எண்ணிக்கையிலான பேருந்துகள் நிர்ணயிக்கப்பட்ட ஆயுள்காலத்தைத் தாண்டி, இயங்கி வருவதாகக் கூறப்படுகிறது.

எனவே, அதிக எண்ணிக்கையில் புதிய பேருந்துகளை வாங்க வேண்டிய கட்டாயமும், பழைய பேருந்துகளைப் பராமரிக்க வேண்டிய அவசியமும் அரசுக்கு உள்ளன. எனவே, இலவச பயணங்களுக்கான இழப்பீட்டை வழங்குவதோடு நிறுத்திக்கொள்ளாமல், புதிய பேருந்துகள் வாங்குவதிலும், கிராமப்புற இணைப்புச் சேவைகளிலும் அரசு தொடர்ந்து கவனம் செலுத்தவேண்டும்.

உண்மையான வெற்றி என்னவென்றால், பெண்களுக்கு இலவசப் பயணம்; அரசுக்கு கட்டுப்படுத்தப்பட்ட மானியச் செலவு; போக்குவரத்துக் கழகங்களுக்கு நிதி நிலைத்தன்மை; தனியார் பேருந்துகளுக்கு நியாயமான போட்டி; பயணிகளுக்கு தரமான சேவை. இந்த ஐந்தையும் ஒரே நேரத்தில் உறுதி செய்தால்தான் இலவசப் பயணம் உண்மையான வெற்றிப் பயணமாகும். இல்லையெனில், இன்று பெண்களுக்கு மிச்சமாகும் ரூபாய், நாளை அரசின் கணக்கில் கூடும் சுமையாக மாறக்கூடும்.

தமிழக அரசின் ஒட்டுமொத்த நிதிநிலை ஏற்கெனவே பல்வேறு நலத்திட்டங்கள், மானியங்கள், அரசுப் பொதுத்துறை நிறுவனங்களின் கடன்கள் உள்ளிட்டவற்றால் பெரும் அழுத்தத்தில் இருப்பதால், இந்தத் திட்டத்தின் எதிர்காலத்தைத் தீர்மானிக்கும் ஒரே கேள்வி, இலவசப் பயணத் திட்டம், பெரும் நிதிச்சுமையாக மாறிவிடாமல் தொடர்ந்து செயல்படுவதற்கு அரசு என்ன செய்யவேண்டும் என்பதுதான்.

பெண்களுக்கு வெற்றிப் பயணமாக இருக்க வேண்டும்; அதேசமயத்தில், அரசுக்கு தேவையற்ற செலவாக மாறிவிடக்கூடாது. எனவே, திட்டத்தை நிறுத்தாமல் இந்த இலவசப் பயணம் யாருக்கு? எதற்காக? எவ்வளவு? என்ற அடிப்படையில் முறைப்படுத்த முடியுமா? என்பதே அடுத்த கட்டக் கொள்கை விவாதமாக இருக்கவேண்டும்.

ஆயுள்காலத்தைக் கடந்தும் 'கடமையாற்றும்' பேருந்துகள்

சென்னை மாநகர போக்குவரத்துக் கழக (எம்டிசி) பேருந்துகளில் 15 ஆண்டுகளைக் கடந்த 611 பேருந்துகள் இன்னும் பயன்பாட்டில் இருப்பது தெரியவந்துள்ளது.

தற்போது மாநகர் போக்குவரத்துக்கழகத்தின் கீழ் சுமார் 4,153 பேருந்துகள் 35 பணிமனைகள் மூலம் இயக்கப்படுகின்றன. இதில் நாள்தோறும் 3,933 திட்டமிட்ட பேருந்து சேவைகள் நடைமுறையில் உள்ளன.

மாநகரப் போக்குவரத்துக் கழகத்தின் அதிகாரபூர்வ புள்ளிவிவரத்தின்படி 2026 செப்டம்பர் வரை பேருந்துகளின் எண்ணிக்கை 4,148 ஆகவும், சராசரி வயது 5 ஆண்டுகளாகவும் உள்ளது. நாள்தோறும் சராசரியாக 34.16 லட்சம் பயணிகள் பேருந்துகளைப் பயன்படுத்துகின்றனர். அரசுப் போக்குவரத்துக் கழகங்களின் பேருந்துகள் 9 ஆண்டுகள் சேவை செய்த பிறகு அல்லது 12 லட்சம் கி.மீ. ஓடிய பிறகு இதில் எது முதலில் நிறைவடைகிறதோ அதன்படி மாற்றப்பட வேண்டும்.

தேசிய வாகனக் கழிவு கொள்கை நடைமுறைக்கு வந்த 2023 ஏப். 1-ஆம் தேதி நிலவரப்படி, மாநகர் போக்குவரத்துக் கழகத்தில் 15 ஆண்டுகளைக் கடந்த 529 பேருந்துகள் இருந்தன. அந்த எண்ணிக்கை தற்போது 611- ஆக அதிகரித்துள்ளது.

தனியார் பேருந்துகளுக்கு பெரும் பாதிப்பு

தமிழகத்தில் 8,500 தனியார் பேருந்துகள் இயக்கப்ப டுகின்றன. தனியார் பேருந்துகள் மூலம் ஓட்டுநர், நடத்துநர், மெக்கானிக் என நேரடியாக 60,000 பேரும், மறைமுகமாக 25,000 பேரும் வேலைவாய்ப்புப் பெறுகின்றனர். வெற்றிப்பயணம் திட்டத்தால், பெண்கள் தனியார் பேருந்துகளில் ஏறுவதில்லை. இதனால் தனியார் பேருந்துகளுக்கு 70 சதவீதம் வரை இழப்பு ஏற்பட்டுள்ளது. 2018-க்குப் பின்னர் தனியார் பேருந்துகளில் கட்டணம் உயர்த்தப்படவில்லை.

2018-இல் டீசல் விலை ரூ.65 ஆக இருந்த நிலையில் தற்போது ரூ.102 ஆக உள்ளபோதும் கூட பேருந்து கட்டணம் உயர்த்தப்படவில்லை. தனியார் பேருந்துகளை இயக்க 1 கி.மீ-க்கு ரூ.52-இல் இருந்து ரூ.60 வரை செலவாகிறது. ஆனால் வெற்றிப்பயணம் திட்டத்தால் தனியார் பேருந்தின் வருமானம் 1 கி.மீ-க்கு ரூ.30-ஆகக் குறைந்து விட்டது. அனைத்துப் பேருந்துகளும் நஷ்டத்தில்தான் இயக்கப்படுகின்றன.

ஒரே தடத்தில் இயங்கும் தனியார் பேருந்துகளுக்கும், அரசுப் பேருந்துகளுக்கும் இடையே நேர இடைவெளியைப் பின்பற்ற உத்தரவிட வேண்டும். வருவாய் இழப்பை சமாளிக்க தனியார் பேருந்துகளுக்கு சில சலுகைகள் அல்லது மானியத்தை அரசு அளிக்க வேண்டும்.

- எஸ்.ஆர்.சிவபெருமாள். நாகை-மயிலாடுதுறை தனியார் பேருந்து உரிமையாளர்கள் சங்கச்செயலர்

செலவு அல்ல, முதலீடு...

அரசுப் போக்குவரத்துக் கழக பேருந்துகளில் பெண்கள் இலவசமாக பயணம் செய்யும் திட்டம் வரவேற்கத்தக்க ஒன்று. பெண்கள் இலவச பயணத்தால் ரூ. 3,000 கோடி முதல் ரூ.4,000 கோடி வரை கூடுதல் செலவாகிறது. இதை மாநில அரசு போக்குவரத்துக் கழகங்களுக்கு மானியமாக வழங்குகிறது. இந்தத் தொகை செலவு அல்ல, முதலீடாகும்.

இதன்மூலம் மாநிலத்தின் பொருளாதார வளர்ச்சி ஏற்படும்; மாநிலத்தின் ஜிடிபி உயர்கிறது. பெண்கள் பல்வேறு வேலைக்காக தினமும் சுமார் 10 முதல் 15 கிலோ மீட்டர் பயணம் செய்கின்றனர். அவர்களின் வாழ்வாதாரம் உயர்வு அடைகிறது. மாணவியர் இலவச பேருந்தில் பள்ளிக்குச் செல்வதால் பெண்கல்வி பயில்வோர் சதவீதம் அதிகரித்துள்ளது.

ரூ. 1 செலவு செய்தால் ரூ.4 வருவாய் கிடைக்கிறது. அதனால் இது சிறந்த திட்டம். உலகில் 15 நாடுகளில் இலவச பயணம் திட்டம் செயல்பாட்டில் உள்ளது. இந்தத் திட்டத்தால் நடத்துநர், ஓட்டுநர்களுக்கு பணிச் சுமை அதிகம் என்றாலும் பணியாளர்கள் மகிழ்ச்சியுடனே பணியாற்றுகின்றனர். மேலும் நடத்துநர், ஓட்டுநர்களுக்கு ஊக்கத் தொகையாக 1.5 சதவீதம் வழங்கப்படுகிறது.

அ.சௌந்தரராஜன், சிஐடியு தேசிய துணைத் தலைவர்.

முழு படிக்காசு வழங்க வேண்டும்

அரசுப் போக்குவரத்துக் கழகங்களில் பணியாற்றும் ஓட்டுநர், நடத்துநர்களுக்கு காலை, மதிய உணவு, தேநீர்அருந்துவதற்காக படிக்காசு வழங்கப்படுவது நடைமுறையாக இருந்து வருகிறது. ரூ.100 வருவாயில் ஒரு ரூபாய் 15 காசு படிக்காசாக வழங்கப்படும். புறநகர்ப் பேருந்துகளில் பணியாற்றுபவர்களுக்கு குறைந்தது ரூ.150 முதல் ரூ.160 வரை படிக்காசு முன்பு கிடைத்து வந்தது. நகரப் பேருந்துகளில் பணியாற்றுபவர்களுக்கு ரூ.50 முதல் ரூ.70 வரை படிக்காசு கிடைத்து வந்தது.

நகரப்பேருந்துகளில் கட்டணமில்லா பயணத் திட்டம் அறிமுகமானது முதல் வருவாய் குறைந்து ஓட்டுநர்கள், நடத்துநர்களுக்கு ரூ.20முதல் ரூ.30 வரையிலும்,வெற்றிப்பயணத் திட்டம் அறிமுகமானது முதல் புறநகர்ப் பேருந்துகளின் ஓட்டுநர்கள், நடத்துநர்களுக்கு ரூ.35 முதல் ரூ.40 வரை மட்டுமே படிக்காசாக கிடைக்கிறது.

ரூ.7000 முதல் ரூ.8000 வரை வசூலித்த நகரப் பேருந்துகளில் தற்போது ரூ.3000 வரைதான் வருவாய் கிடைக்கிறது. அதேபோல, முன்பு ரூ.17 ஆயிரம் முதல் ரூ.22 ஆயிரம் வரை வசூலித்த புறநகர்ப் பேருந்துகளில் தினசரி வருவாய் ரூ.6000

முதல் ரூ.7000 என்று குறைந்துவிட்டது. இதனால், 12 மணி நேரம் பணியாற்றக்கூடிய ஓட்டுநர்கள், நடத்துநர்களுக்கு கிடைத்து வந்த முழுமையான படிக்காசு தற்போது, வெகுவாகக் குறைந்துவிட்டதால்அவர்கள் பெரும் பாதிப்புக்குள்ளாகியிருக்கிறார்கள். எனவே, மகளிர் பயணத் தொகைக்குரிய படிக்காசையும் சேர்த்து, முன்பு வழங்கப்பட்டது போல தற்போதும் படிக்காசு தொகையை வழங்க அரசு நடவடிக்கை எடுக்க வேண்டும்.

எஸ்.வேலு, பொதுச் செயலர், அரசுப் போக்குவரத்து ஊழியர் சங்கம் (சிஐடியு) விழுப்புரம்.

அரசின் பரிசீலனைக்கு...

இலவசப் பயணங்களின் எண்ணிக்கையை நிர்ணயிக்கலாம் (மாதத்திற்கு 60 பயணங்கள்). பிற திட்டங்களைப் போன்று இதற்கும் வருமான உச்சவரம்பு நிர்ணயிக்கலாம் (ஆண்டுக்கு ரூ. 2.5 லட்சம்). தகுதியுள்ளவர்களுக்கு மட்டும் மின்னணு பயண அட்டை வழங்கி, ஒவ்வொரு பயணத்தையும் பதிவு செய்தல்.

பெண்களின் பயணத்துக்கு தனியார் பேருந்துகளுக்கும் அரசு மானியம். அரசுப் பேருந்து, மினி பேருந்து, ஷேர் ஆட்டோ, வீடு என்ற இணைப்புப் போக்குவரத்து மாதிரியை உருவாக்கி, வீடுவரை பாதுகாப்பான இலவச வெற்றிப் பயணமாக்கலாம்.

பெண்களுக்குக் கிடைக்கும் இலவசப் பயணப் பயனை குறைக்காமல், ஷேர் ஆட்டோ-மினி பேருந்து-சிறு வாகன உரிமையாளர்களைப் போட்டியாளர்கள் என்பதிலிருந்து கடைசி மைல் போக்குவரத்து கூட்டாளிகளாக மாற்றுவது நீண்டகால தீர்வாக அமையும்.

-நமது சிறப்பு நிருபர்கள் குழு

Private bus operator urges High Court to declare ‘Vettri Payanam’ unconstitutional

Private bus operator urges High Court to declare ‘Vettri Payanam’ unconstitutional

The writ petition has been listed for hearing before the First Division Bench of Chief Justice Sushrut Arvind Dharmadhikari and Justice G. Arul Murugan on Monday.

Mohamed Imranullah S.

CHENNAI 05.10.2026

A writ petition has been filed in the Madras High Court challenging the constitutional validity of the Tamil Nadu government’s ‘Vettri Payanam’ (victorious travel) scheme, which offers no-fare travel for women and transwomen passengers in 12,695 government buses across the State.

A private bus operator, N. Kalamani of Bhavani taluk in Erode district, has approached the court complaining that the scheme would cause private transporters heavy losses, and they might have to wind up their business. The petitioner said private bus operators would not only stand to lose women passengers but also the men because families would prefer travelling together in government buses in which the women need not pay any fare.

The writ petition, urging the court to declare ‘Vettri Payanam’ unconstitutional, has been listed for hearing before the First Division Bench of Chief Justice Sushrut Arvind Dharmadhikari and Justice G. Arul Murugan on Monday.

Explaining her case in detail, the petitioner said she was a widow who had two daughters to take care of. She held permits to operate buses on the 47-km route from Erode to Vellithiruppur and another on the 88-km route from Kakapalayam to Anthiyur.

The petitioner had employed about 15 people and their families, too, were dependant on her business. She feared that hardly any passenger would step into her buses on the two routes since a significant number of government buses were operated on those routes.

She said the government had come forward to spend a whopping ₹6,000 crore a year on compensating the State Transport Corporations towards ‘Vettri Payanam’ aimed at benefitting 84.32 lakh women daily. However, a request made by the Federation of Bus Operators Associations of Tamil Nadu to Chief Minister C. Joseph Vijay on July 22, 2026, for extending the scheme to private bus operators did not yield the desired result, she claimed.

Ms. Kalamani said not collecting any fare from women passengers in government buses alone would go against the principle of ensuring a level playing field in the bus transport sector and thereby violate Article 14 (right to equality) of the Constitution. Though ‘Vettri Payanam’ was an expansion of the ‘Vidiyal Payanam’ scheme introduced by the previous DMK government, the petitioner said the previous scheme was limited in its scope and did not affect the private operators to a great extent.

‘Fares mandatory’

The petitioner also relied upon various provisions of the Motor Vehicles Act, 1988, as well as the Tamil Nadu Motor Vehicle Rules, 1989, to contend that collection of fare from the passengers was mandatory and the government could not announce no-fare travel. Further, claiming that the scheme had been implemented on the basis of an announcement made by the Chief Minister under Rule 110 in the Assembly and without any Government Order, the petitioner said such an act offends Article 161 of the Constitution.

She urged the court to declare the Chief Minister’s announcement, published by the Information and Public Relations Department (DIPR) on August 24, 2026, as unconstitutional and also grant an interim stay on it until the disposal of her writ petition.

TN to launch gold ring scheme on Sept 28

TN to launch gold ring scheme on Sept 28 

19.09.2026

Chennai: Chief minister C Joseph Vijay will launch the ‘Thaimaaman Thanga Mothiram’ scheme on Sept 28, making every child born in a govt hospital from June 22, 2026, eligible to receive a 1g gold ring. The CM chaired a review meeting at the secretariat on Friday to discuss the launch and implementation of the scheme. 

The govt order for the scheme was issued on June 23, a day after Vijay’s birthday. The benefit will be available to children whose mothers are permanent residents of Tamil Nadu and are registered in the pregnancy and infant cohort monitoring and evaluation (PICME) system with a reproductive and child health (RCH) identity number. 

Each ring, carrying a unique serial number, will be supplied in tamper-proof packaging. The state has procured an initial 1.28 lakh rings for the scheme,said govt in a release For children born between June 22 and Sept 27, 100 rings a day will be distributed from Sept 28 through 107 hubs. For children born from Sep 28, the ring will be provided when the mother and child leave the hospital. tnn

ஒரு கட்டத்துக்கு பிறகு எதுவும் வேண்டாம் என்ற மனநிலை வந்துவிடும்...

ஒரு கட்டத்துக்கு பிறகு எதுவும் வேண்டாம் என்ற மனநிலை வந்துவிடும்...

அதிகமாக பேசவும் தோன்றாது, யாரிடமும் எதையும் எதிர்பார்க்கவும் மனம் வராது...

புரிய வைக்க முயற்சித்தும் புரியாதவர்களிடம், அமைதியாக விலகி நிற்கவே மனம் கற்றுக்கொள்ளும்...

சில நேரங்களில், தனிமை கூட நிம்மதியாகத் தோன்றும்...

'போதும்' என்ற மனநிலை கோபத்தால் வருவதில்லை, அதிகம் காயப்பட்ட பிறகுதான் வருகிறது...

மறைந்து கொண்டிருக்கும் மூத்த தலைமுறைஒவ்வொருவராக நமக்கு நிரந்தர விடை கொடுத்து ஒரு தலைமுறை மறைந்து கொண்டிருக்கிறது.

மறைந்து கொண்டிருக்கும் மூத்த தலைமுறைஒவ்வொருவராக நமக்கு நிரந்தர விடை கொடுத்து ஒரு தலைமுறை மறைந்து கொண்டிருக்கிறது.

சாப்பிடும் முன் மற்றவர்களின் பசியை உணர்ந்த தலைமுறை.

நெருக்கடியான வீடுகளில் மிகுந்த அன்புடன் வாழ்ந்த தலைமுறை.

பொறுப்புகளை அறிந்த தலைமுறை. 'நான்' என்று சொல்லாமல் 'நாம்' என்று வாழ்ந்த தலைமுறை.

பட்டங்கள் இல்லாவிட்டாலும், வாழ்க்கையைப் படித்த தலைமுறை.

கடிகாரம் இல்லாவிட்டாலும், நேரத்தை சரியாக பயன்படுத்திய தலைமுறை.

இன்டர்நெட் பார்க்காமல் அறிவை நிரப்பிக்கொண்ட தலைமுறை.

கால்குலேட்டர் இல்லாவிட்டாலும் கணக்கு செய்ய முடிந்த தலைமுறை.

மொபைல் போன்கள் இல்லாவிட்டாலும் நட்பு உரையாடல்களுக்கு குறைவில்லாத தலைமுறை.

TV இல்லாவிட்டாலும் வேடிக்கையாக நேரத்தை கழித்த தலைமுறை.

GPS இல்லாவிட்டாலும் இலக்கை துல்லியமாக அடைய முடிந்த தலைமுறை.

தொழில்நுட்பம் இல்லாவிட்டாலும் சுக சந்தோஷங்களுடன் வாழ்ந்த தலைமுறை.

AC, கூலர் இல்லாவிட்டாலும் திறந்தவெளியில் சுகமாக உறங்கிய தலைமுறை.

மினரல் வாட்டருக்கு பதில் குளம்/கிணற்று நீர் குடித்து ஆரோக்கியமாக வாழ்ந்த தலைமுறை.

பீட்சா, பர்கர் இல்லாமல் பஞ்சு மிட்டாய், பொரி சாப்பிட்டு மகிழ்ச்சியாக வாழ்ந்த தலைமுறை.

இரவுகளில் வீட்டு திண்ணையில் சுகமாக கதை பேசி மகிழ்ச்சியாக வாழ்ந்த தலைமுறை.

ஆறு வயது வரை குழந்தைகளின் பால்யத்தை விளையாட்டு பாட்டுகளால் நிரப்பிய தலைமுறை.

அதன் பிறகு ஒரு பைசா கட்டணம் இல்லாத அரசு பள்ளிகளில் தமிழ் மீடியத்தில் குழந்தைகளை படிக்க வைத்து - அங்கே தமிழிலும், இங்கே ஆங்கிலத்திலும் புலவர்களாக ஆகும்படி குழந்தைகளை உருவாக்கிய தலைமுறை.

கிலோமீட்டர் தூரத்தையும் சுலபமாக நடக்க முடிந்த தலைமுறை.

ஒழுக்கம் தவறிய பிள்ளைக்கு பள்ளியில் ஆசிரியர் நாலு அடி கொடுத்தால் - அவனுக்கு வீட்டில் இன்னும் பத்து அடி கொடுத்த தலைமுறை.

தெருக்கூத்து, தோல் பொம்மலாட்டம், புராண கதைகளை ரசித்த தலைமுறை.

சென்சார் தேவையில்லாத கருத்துள்ள கருப்பு-வெள்ளை படங்கள் பார்த்த தலைமுறை.

வீட்டு வாசலை கோலங்களால் அலங்கரித்த தலைமுறை.

வேலையாட்கள், யோகா, ஜிம் இல்லாமல், மூட்டை மூட்டையாக வேலை செய்து, வியர்வை சிந்தி நூறு வயது வாழ்ந்த தலைமுறை.

உறவுகளுக்கு, சொந்தங்களுக்கு மதிப்பளித்த தலைமுறை.

சொத்துகளை விட, பாசத்திற்கும், பந்தங்களுக்கும் முக்கியத்துவம் கொடுத்த தலைமுறை.

கூட்டுக் குடும்பங்களாக மகிழ்ச்சியாக வாழ்ந்த தலைமுறை.

கருத்து வேறுபாடுகள் இருந்தாலும் அனைவரையும் அரவணைத்து சென்ற தலைமுறை.

வியாபாரத்தில் கலப்படத்திற்கு இடம் கொடுக்காத தலைமுறை.

மற்றவர்களின் நன்மையை விரும்பிய தலைமுறை.

நீதி நேர்மையுடன் ஏமாற்றாமல் வாழ்ந்த தலைமுறை.

கல்லை சாப்பிட்டாலும் ஜீரணிக்க முடிந்த தலைமுறை.

கார்ப்பரேட் மருத்துவமனைகள் இல்லாமலும் ஆரோக்கியமாக வாழ்ந்த தலைமுறை.

ஹார்ட் அட்டாக், கேன்சர் பற்றி தெரியாத தலைமுறை.

BP, சுகர் வரவிடாத தலைமுறை.

லாந்தர் விளக்குகளால் வாழ்க்கையில் ஒளி நிரப்பிய தலைமுறை.

கஷ்டங்களை தைரியமாக எதிர்கொண்ட தலைமுறை.

எவ்வளவு இருந்தாலும் இன்னும் இன்னும் வேண்டும் என்ற பேராசை இல்லாமல் மகிழ்ச்சியாக வாழ்ந்த தலைமுறை.

ஆடம்பரங்களுக்கு தூரமாக இருந்த தலைமுறை. போஸ்ட் கார்டுகளில் உரையாடல் நடத்திய தலைமுறை.

தியாகங்களால் குழந்தைகளின் எதிர்காலத்திற்கு அடித்தளம் அமைத்த தலைமுறை. சாதி மதங்களுக்கு அப்பாற்பட்டு சகோதரத்துவத்துடன் வாழ்ந்த தலைமுறை.

காபி, டிபன் இல்லாமல் பழைய சோறு சாப்பிட்டு பள்ளிக்கு ஓடிய தலைமுறை.....

அப்படிப்பட்ட தலைமுறையில் உள்ள அரிய மனிதர்கள் இன்று ஒவ்வொருவராக நம்மை விட்டு சென்று கொண்டிருக்கிறார்கள்.

அவர்களை இழக்கும் போது எல்லாவற்றையும் இழப்பது போல் தோன்றுகிறது.

போய்க்கொண்டிருக்கும் அந்த தலைமுறையிடம் இருந்து இந்த தலைமுறை எதையும் கற்றுக்கொள்ளவில்லை என்றால் - எதிர்காலம் இருள் மயமே!

அந்த தலைமுறை உண்மையில் நம் கலாச்சாரம், நம் மதிப்புகளின் பிரதிபலிப்பு. அவர்களைப் போன்ற மனங்கள் மீண்டும் வராது... அவர்களை இழப்பது என்பது நம் வேர்களை இழப்பதே....

அந்த தலைமுறை காட்டிய மதிப்புகள், அன்பு, நேர்மை இந்த தலைமுறை கற்றுக்கொள்ள வேண்டும்...

தொழில்நுட்பத்துடன் முன்னேறுகிறோம் ஆனால் மதிப்புகளில் பின்னோக்கி செல்கிறோம்… அந்த தலைமுறை நமக்கு மனிதநேயம் என்றால் என்ன என்று கற்றுக் கொடுத்தது...

லாந்தர் ஒளியில் வெளிச்சம் நிரப்பியது அந்த தலைமுறை – கரண்ட் விளக்கு ஒளியில் இருளை வளர்த்துக்கொள்கிறது இந்த தலைமுறை.

"அவர்கள் நமக்கு கற்றுக் கொடுத்தது இயற்கையுடன் சகவாழ்வு. நாம் கற்றுக்கொள்வது இயந்திர வாழ்க்கை."

சரியா? தவறா? ஒவ்வொருவரும் தங்களுக்குள் கேட்டுக்கொள்ள வேண்டிய கேள்வி.??

Dr. Ambedkar Law University cancels affiliation for three private law colleges

Dr. Ambedkar Law University cancels affiliation for three private law colleges

The Hindu Bureau

Chennai. 19.07.2026

The Tamil Nadu Dr. Ambedkar Law University has cancelled the affiliation of three private law colleges on charges of violating norms governing admission of students.

The Syndicate of the University, in its meeting early this month, passed a resolution cancelling the affiliation given to these colleges in 2025-26, according to a press release. The colleges in question are Thulasi Women’s Law College, Thoothukudi, S. Thangapazham Law College, Tenkasi, and Mukil Law College, Kanniyakumari.

Change in ownership

Sources in the TNDALU said that S. Thangapazham Law College had a change of ownership and the new Trust failed to obtain affiliation for the academic year 2026-27.

The other two colleges had applied for increased intake of students in 2025-26 and had secured provisional affiliation from the University.

As per rules, they had to seek the approval of the Bar Council of India, which had announced a nationwide moratorium on increase of seats or starting of new colleges in August last year.

They had admitted students in anticipation of approval from the Bar Council of India, which was accorded in April 2026, after the moratorium was lifted.

Violation of norms

The release stated that admitting students in anticipation of approval was a clear violation of established norms and rules.

The violation came to light at the time of registration of students for examination, the sources maintained.

The Syndicate, in its resolution, decided to not consider the application submitted by Thulasi Women’s Law College, the press release mentioned.

Remedial measures

However, it has resolved to constitute a committee to work out appropriate remedial measures for students who are already admitted keeping in mind their interest, it added.

அரசு பள்ளி மாணவர்களுக்கு முக்கிய அறிவிப்பு! 7.5% மருத்துவ இடஒதுக்கீட்டுக்கு இனி பள்ளிக்கு செல்ல வேண்டிய அவசியமில்லை

அரசு பள்ளி மாணவர்களுக்கு முக்கிய அறிவிப்பு! 7.5% மருத்துவ இடஒதுக்கீட்டுக்கு இனி பள்ளிக்கு செல்ல வேண்டிய அவசியமில்லை

Published On: 10 Jul 2026, 7:05 AM

| By Santhosh Raj Saravanan

தமிழ்நாட்டில் 7.5 சதவீத அரசு பள்ளி மாணவர்களுக்கான சிறப்பு இடஒதுக்கீட்டின் கீழ் எம்பிபிஎஸ் (MBBS), பிடிஎஸ் (BDS) உள்ளிட்ட மருத்துவப் படிப்புகளுக்கு விண்ணப்பிக்கும் மாணவர்களுக்கு முக்கிய மாற்றம் அறிவிக்கப்பட்டுள்ளது. இனி Bonafide Certificate (போனஃபைட் சான்றிதழ்) பெறுவதற்காக பள்ளிகளுக்குச் சென்று அலைவதற்கான அவசியம் பெரும்பாலான மாணவர்களுக்கு இருக்காது. மாணவர்களின் பள்ளிக் கல்வி விவரங்கள் EMIS (Educational Management Information System) தரவுத்தளத்தின் மூலம் சரிபார்க்கப்படும் என்று மருத்துவ மாணவர் சேர்க்கை வழிகாட்டுதலில் தெரிவிக்கப்பட்டுள்ளது.

இந்த புதிய நடைமுறை மூலம் அரசு பள்ளி மாணவர்களின் விண்ணப்ப செயல்முறையை எளிமைப்படுத்துவதுடன், தேவையற்ற ஆவணச் சுமையையும் குறைப்பதே நோக்கமாகும். குறிப்பாக, 7.5 சதவீத உள்ஒதுக்கீட்டின் கீழ் மருத்துவப் படிப்பில் சேர விரும்பும் மாணவர்களுக்கு இது பெரிய நிவாரணமாகக் கருதப்படுகிறது.

யாருக்கு இந்தச் சலுகை? 2022–23 கல்வியாண்டு அல்லது அதற்குப் பிறகு அரசு பள்ளிகளில் 6-ஆம் வகுப்பு முதல் 12-ஆம் வகுப்பு வரை படித்த மாணவர்களின் கல்வி விவரங்கள் ஏற்கனவே EMIS தரவுத்தளத்தில் இருப்பதால், அவர்கள் தனியாக Bonafide Certificate சமர்ப்பிக்க வேண்டியதில்லை. அந்த விவரங்கள் மின்னணு முறையில் சரிபார்க்கப்படும்.

ஆனால், 2022–23-க்கு முன்பு மேல்நிலைப் பள்ளிப் படிப்பை முடித்தவர்கள், 7.5 சதவீத அரசு பள்ளி இடஒதுக்கீட்டின் பலனைப் பெற மாவட்ட முதன்மைக் கல்வி அலுவலரிடம் (CEO) இருந்து பெறப்படும் Bonafide Certificate-ஐ சமர்ப்பிக்க வேண்டும் என வழிகாட்டுதலில் குறிப்பிடப்பட்டுள்ளது.

7.5% இடஒதுக்கீடு யாருக்கெல்லாம்? தமிழ்நாட்டில் அரசு பள்ளிகளில் 6-ஆம் வகுப்பு முதல் 12-ஆம் வகுப்பு வரை முழுமையாகப் படித்து, NEET-UG தேர்வில் தகுதி பெற்ற மாணவர்களுக்கு மருத்துவம் மற்றும் பல் மருத்துவப் படிப்புகளுக்கான அரசு ஒதுக்கீட்டு இடங்களில் 7.5 சதவீத சிறப்பு முன்னுரிமை வழங்கப்படுகிறது. இந்தத் திட்டம் பொருளாதார ரீதியாக பின்தங்கிய அரசு பள்ளி மாணவர்கள் மருத்துவக் கல்வியில் அதிகளவில் சேர்வதை ஊக்குவிக்கும் நோக்கில் செயல்படுத்தப்பட்டு வருகிறது.

மருத்துவச் சேர்க்கைக்கு தேவையான முக்கிய ஆவணங்கள் மருத்துவ மாணவர் சேர்க்கைக்கான ஆன்லைன் விண்ணப்பத்தில் மாணவர்கள் NEET மதிப்பெண் அட்டை, 10 மற்றும் 12-ஆம் வகுப்பு மதிப்பெண் சான்றிதழ்கள், மாற்றுச் சான்றிதழ் (TC), சமூகச் சான்றிதழ், தேவையான இடங்களில் இருப்பிடச் சான்று (Nativity Certificate) உள்ளிட்ட ஆவணங்களைப் பதிவேற்ற வேண்டும். அரசு பள்ளி 7.5% ஒதுக்கீட்டின் கீழ் விண்ணப்பிக்கும் மாணவர்களுக்கு EMIS சரிபார்ப்பு நடைமுறையின்படி Bonafide Certificate தேவையா என்பதை வழிகாட்டுதலின் அடிப்படையில் உறுதி செய்து கொள்ள வேண்டும்.

மாணவர்கள் கவனிக்க வேண்டியது மருத்துவ மாணவர் சேர்க்கைக்கான விண்ணப்பத்தைப் பூர்த்தி செய்வதற்கு முன், தங்களது பள்ளிக் கல்வி விவரங்கள் EMIS பதிவுகளுடன் பொருந்துகிறதா என்பதை உறுதி செய்து கொள்ள வேண்டும். ஏதேனும் தகவல் பிழை இருந்தால், உடனடியாக சம்பந்தப்பட்ட பள்ளி அல்லது கல்வி அலுவலகத்தை அணுகி திருத்தம் மேற்கொள்வது நல்லது. மேலும், மருத்துவ மாணவர் சேர்க்கை தொடர்பான அனைத்து அறிவிப்புகளையும் தமிழ்நாடு மருத்துவ மாணவர் தேர்வுக் குழுவின் அதிகாரப்பூர்வ இணையதளத்தில் தொடர்ந்து கவனிப்பது அவசியம்.

இந்த புதிய நடைமுறை, அரசு பள்ளி மாணவர்களின் மருத்துவ மாணவர் சேர்க்கை செயல்முறையை மேலும் எளிமையாக்கும் முக்கிய நடவடிக்கையாக பார்க்கப்படுகிறது. குறிப்பாக, தேவையற்ற ஆவணங்களை பெற பல அலுவலகங்களுக்கு செல்ல வேண்டிய சிரமம் குறைவதுடன், ஆன்லைன் தரவு சரிபார்ப்பு மூலம் விண்ணப்ப செயல்முறை வேகமாகவும் வெளிப்படையாகவும் நடைபெறும் என கல்வி வட்டாரங்கள் கருதுகின்றன.

Vijay Govt: நிலம் வாங்கப் போறவங்களுக்கு ஜாக்பாட்! இனி பட்டா தேடி வரும்! தமிழக அரசு குட்நியூஸ்!

Vijay Govt: நிலம் வாங்கப் போறவங்களுக்கு ஜாக்பாட்! இனி பட்டா தேடி வரும்! தமிழக அரசு குட்நியூஸ்!

Vijay Govt: நிலம் வாங்கப் போறவங்களுக்கு தமிழக அரசு குட்நியூஸ் சொல்லியுள்ளது. இனி பட்டா தேடி வரும் வகையில் மாற்றம் செய்யப்பட்டுள்லது. இது தொடர்பான முழு விவரங்களை பார்ப்போம்.

Author : Rayar A| Updated : Jul 04 2026, 06:12 AM IST

14

Image Credit : AI

தானியங்கி முறையில் பட்டா மாறுதல்

தமிழக வருவாய்த் துறையைப் பொறுத்தவரை நில உரிமையாளரின் சொத்தை உறுதிப்படுத்தும் ஆவணமாக கருதப்படும் பட்டாவினை விரைந்து வழங்கும் வகையில், உட்பிரிவு இல்லாத சொத்து பத்திரப் பதிவு அலுவலகத்தில் முடிவுற்றதும், விற்பனை செய்பவரின் பெயர். புல எண் மற்றும் பரப்பளவு ஆகியவை இணையதள பட்டாவில் உள்ள பெயர் மற்றும் இதர விவரங்களோடு ஒன்றாக இருந்து, வில்லங்கங்கள் ஏதும் அந்தச் சொத்தின்மீது இல்லாதிருப்பின் அதனை வாங்குபவரின் பெயருக்கு தானியங்கி முறையில் இணையதள வழியில் பட்டா மாறுதல் (Auto-mutation) செய்து தரப்படுகிறது.

சில தற்போது அமுல்படுத்தப்பட்டு வரும் இந்த நடைமுறையில் இடர்ப்பாடுகள் உள்ளதை அறிந்த தமிழக முதல்வர் விஜய் இவற்றை உடனடியாக களைந்து, உட்பிரிவு இல்லாத சொத்தை வாங்கியவரின் பெயருக்கு தானியங்கி பட்டா மாறுதல் சேவை அளிக்க அறிவுறுத்தியுள்ளார். இந்த நிலையில், வருவாய் மற்றும் பேரிடர் மேலாண்மை துறை அமைச்சர் செங்கோட்டையன் தலைமையில் துறைரீதியான கூட்டம் நேற்று (ஜூலை 3) நடைபெற்றது.

24

Image Credit : Gemini AI

என்னென்ன மாறுதல்?

இந்த கூட்டத்தில் எடுக்கப்பட்ட முடிவிற்கு ஏற்ப, தானியங்கி பட்டா மாறுதல் மென்பொருளில் கீழ்க்காணும் திருத்தங்கள் மேற்கொள்ளப்படவுள்ளன. இதுவரை நிலத்தினை விற்பனை செய்யும் போது. விற்பனையாளரின் மனைவி மற்றும் மகன் /மகள் போன்ற குடும்ப உறுப்பினர்களும் கையொப்பமிடும் (Co-Sign) பட்சத்தில் இச்சேவையினை பயன்படுத்த இயலாத நிலை உள்ளது. இனிமேல் நிலத்தினை விற்பனை செய்யும் போது, நில உரிமையாளர் (பட்டாதாரர்) மற்றும் அவரது மனைவி மற்றும் மகன் /மகள் போன்ற குடும்ப உறுப்பினர்கள் கையொப்பமிடும் (Co-Sign)நிகழ்வுகளிலும் இச்சேவையினை பயன்படுத்த வழிவகை செய்யப்படும்.

34

Image Credit : our own

நிலம் வாங்கப் போறவங்களுக்கு ஜாக்பாட்

மேலும் நிலத்தினை விற்பனை செய்யும் நபர் பொது அதிகார பத்திர முகவர் (Power of Attorney) மூலம் பத்திரப்பதிவு செய்யும் போது நிலத்தினை விற்பனை செய்பவரின் பெயரானது பட்டாதாரரின் பெயருடன் பொருந்தாமல் இருப்பதனால் இச்சேவையினை பயன்படுத்த இயலவில்லை. இனிமேல் ஒரு பட்டாதாரர் நிலத்தினை பொது அதிகார பத்திர முகவர் (Power of Attorney) மூலமாக பத்திரப்பதிவு செய்யும் போது, நிலத்தினை விற்பனை செய்பவரின் பெயருக்கும். பட்டாதாரரின் பெயருக்கும் பொருத்தம் இல்லாமல் இருந்தாலும், செல்லத்தக்க பொது அதிகார முகவர் (valid Power of Attorney) என்பதன் அடிப்படையில் தற்போது இச்சேவையினை பயன்படுத்த வழிவகை செய்யப்படும்.

44

Image Credit : our own

இனிமேல் கால விரயம் குறையும்

முன்பு நிலத்தினை வாங்குபவருக்கு அதே வருவாய் கிராமத்தில் ஏதேனும் நிலம் உள்ளதா என்பதனை கண்டறிந்து, புதியதாக வாங்கிய நிலத்தின் புல எண் அந்த பழைய பட்டாவில் சார்பதிவாளர் அவர்களால் சேர்க்கப்படும். இனிமேல் நிலத்தை வாங்கும் நபருக்கு அதே வருவாய் கிராமத்தில் ஏதேனும் நிலம் இருந்தாலும், இல்லாவிட்டாலும் அவருக்கு தானாகவே கடைசி பட்டா எண்ணிற்கு அடுத்த பட்டா எண் ஒதுக்க வழிவகை செய்யப்படும். இதன் மூலம் காலவிரயம் குறையும்.

தமிழக அசரால் வெளியிடப்பட்டுள்ள இந்த அரசாணையின்படி, தானியங்கி பட்டா மாறுதல் மென்பொருளில் திருத்தங்கள் மேற்கொள்ளப்பட்டு, 15 நாட்களுக்குள் நடைமுறைப்படுத்தப்படும். இதன் மூலம், சார்பதிவாளர் அலுவலகத்தில் பதிவு செய்யப்படும் உட்பிரிவு அல்லாத இனங்களில் தானியங்கி முறையில் (Auto-mutation) பெருவாரியான பட்டாக்கள் மாறுதல் செய்யப்படும். இதனால் பொதுமக்கள் நிலத்தினை பதிவு செய்த பிறகு பட்டா மாறுதல் தொடர்பாக சார்பதிவாளர் அலுவலகத்திற்கோ, வட்டாட்சியர் அலுவலகத்திற்கோ நேரில் செல்லும் நிலை தவிர்க்கப்படும்.

15 நாட்களில் எளிதாகிறது ‘தானியங்கி பட்டா மாறுதல்’ : தமிழக அரசு அறிவிப்பு!

15 நாட்களில் எளிதாகிறது ‘தானியங்கி பட்டா மாறுதல்’ : தமிழக அரசு அறிவிப்பு!

Published On: 3 Jul 2026, 8:34 PM

| By Kavi

MINNAMBALAM 

தானியங்கி பட்டா மாறுதல் தொடர்பாக தமிழக அரசு முக்கிய அறிவிப்பை வெளியிட்டுள்ளது.

இதுகுறித்து வருவாய் மற்றும் பேரிடர் மேலாண்மைத் துறை அமைச்சர் செங்கோட்டையன் இன்று (ஜூலை 3) வெளியிட்டுள்ள அறிவிப்பில்,

”வருவாய்த் துறையைப் பொறுத்தவரையில், நில உரிமையாளரின் சொத்தை உறுதிப்படுத்தும் ஆவணமாக கருதப்படும் பட்டாவினை விரைந்து வழங்கும் வகையில், உட்பிரிவு இல்லாத சொத்து பத்திரப் பதிவு அலுவலகத்தில் முடிவுற்றதும். விற்பனை செய்பவரின் பெயர். புல எண் மற்றும் பரப்பளவு ஆகியவை இணையதள பட்டாவில் உள்ள பெயர் மற்றும் இதர விவரங்களோடு ஒன்றாக இருந்து, வில்லங்கங்கள் ஏதும் அந்தச் சொத்தின்மீது இல்லாதிருப்பின் அதனை வாங்குபவரின் பெயருக்கு தானியங்கி முறையில் இணையதள வழியில் பட்டா மாறுதல் (Auto-mutation) செய்து தரப்படுகிறது.

தற்போது அமுல்படுத்தப்பட்டு வரும் இந்த நடைமுறையில் சில இடர்ப்பாடுகள் உள்ளதை அறிந்த தமிழ்நாடு முதலமைச்சர், இவற்றை உடனடியாக களைந்து, உட்பிரிவு இல்லாத சொத்தை வாங்கியவரின் பெயருக்கு தானியங்கி பட்டா மாறுதல் சேவை அளிக்க அறிவுறுத்தியுள்ளார்.

இந்த அறிவுரையின் பேரில், இது குறித்து 12.06.2026 அன்று எனது தலைமையில் ஆய்வுக் கூட்டம் நடைபெற்றது.

இந்தக் கூட்டத்தில், அரசாணை (நிலை) எண்.84, வருவாய் மற்றும் பேரிடர் மேலாண்மைத் (நி.அ-2) துறை, நாள் 04.02.2020 குறித்து விவாதிக்கப்பட்டு, சில திருத்தங்களை மேற்கொள்ள முடிவு செய்யப்பட்டது.

மேற்படி கூட்டத்தில் எடுக்கப்பட்ட முடிவிற்கு ஏற்ப, முந்தைய இணையவழி உட்பிரிவு அல்லாத தானியங்கி பட்டா மாறுதலில் உள்ள இடர்பாடுகள் கண்டறியப்பட்டு, அதனை சரி செய்து திருத்திய அரசாணை (நிலை) எண். 526, வருவாய் மற்றும் பேரிடர் மேலாண்மைத் துறை நாள் 25.06.2026 இவ்வரசால் வெளியிடப்பட்டுள்ளது. இதன்படி, தானியங்கி பட்டா மாறுதல் மென்பொருளில் கீழ்க்காணும் திருத்தங்கள் மேற்கொள்ளப்படவுள்ளன.

முந்தைய தானியங்கி பட்டா மாறுதல் மென்பொருளில் உள்ள இடர்பாடுகள்

நிலத்தினை விற்பனை செய்யும் போது விற்பனையாளரின் மனைவி மற்றும் மகள் போன்ற குடும்ப மகன் உறுப்பினர்களும் கையொப்பமிடும் (Co-Sign) பட்சத்தில் இச்சேவையினை பயன்படுத்த இயலாத நிலை உள்ளது.

நிலத்தினை விற்பனை செய்யும் நபர் பொது அதிகார பத்திர முகவர் (Power of Attorney) மூலம் பத்திரப்பதிவு செய்யும் போது நிலத்தினை விற்பனை செய்பவரின் பெயரானது பட்டாதாரரின் பெயருடன் பொருந்தாமல் இருப்பதனால் இச்சேவையினை பயன்படுத்த இயலவில்லை.

நிலத்தினை வாங்குபவருக்கு அதே வருவாய் கிராமத்தில் ஏதேனும் நிலம் உள்ளதா என்பதனை கண்டறிந்து, புதியதாக வாங்கிய நிலத்தின் புல எண் அந்த பழைய பட்டாவில் சார்பதிவாளர் அவர்களால் சேர்க்கப்படும்.

தற்போது தானியங்கி பட்டா மாறுதல் மென்பொருளில் மேற்கொள்ளப்படும் திருத்தங்கள்

நிலத்தினை விற்பனை செய்யும் போது, நில உரிமையாளர் (பட்டாதாரர்) மற்றும் அவரது மனைவி மற்றும் மகன் /மகள் போன்ற குடும்ப உறுப்பினர்கள் கையொப்பமிடும் (Co-Sign) நிகழ்வுகளிலும் இச்சேவையினை பயன்படுத்த வழிவகை செய்யப்படும்.

ஒரு பட்டாதாரர் நிலத்தினை பொது அதிகார (Power of Attorney) மூலமாக பத்திரப்பதிவு செய்யும் போது, நிலத்தினை விற்பனை செய்பவரின் பெயருக்கும். பட்டாதாரரின் பெயருக்கும் பொருத்தம் இல்லாமல் இருந்தாலும், செல்லத்தக்க பொது அதிகார முகவர் (valid Power of Attorney) என்பதன் அடிப்படையில் தற்போது இச்சேவையினை பயன்படுத்த வழிவகை செய்யப்படும்.

நிலத்தை வாங்கும் நபருக்கு அதே வருவாய் கிராமத்தில் ஏதேனும் நிலம் இருந்தாலும், இல்லாவிட்டாலும் அவருக்கு தானாகவே கடைசி பட்டா எண்ணிற்கு அடுத்த பட்டா எண் ஒதுக்க வழிவகை செய்யப்படும். இதன் மூலம் காலவிரயம் குறையும்.

இந்த அரசால் வெளியிடப்பட்டுள்ள அரசாணையின்படி, தானியங்கி பட்டா மாறுதல் மென்பொருளில் திருத்தங்கள் மேற்கொள்ளப்பட்டு, 15 நாட்களுக்குள் நடைமுறைப்படுத்தப்படும்.

இதன் மூலம், சார்பதிவாளர் அலுவலகத்தில் பதிவு செய்யப்படும் உட்பிரிவு அல்லாத இனங்களில் தானியங்கி முறையில் (Auto-mutation) பெருவாரியான பட்டாக்கள் மாறுதல் செய்யப்படும்.

இதனால் பொதுமக்கள் நிலத்தினை பதிவு செய்த பிறகு பட்டா மாறுதல் தொடர்பாக சார்பதிவாளர் அலுவலகத்திற்கோ, வட்டாட்சியர் அலுவலகத்திற்கோ நேரில் செல்லும் நிலை தவிர்க்கப்படுகிறது” என்று தெரிவிக்கப்பட்டுள்ளது.

ஞாயிற்றுக்கிழமை

 ஞாயிற்றுக்கிழமை

---

ஞாயிற்றுக்கிழமையென்பது சக்தி. 

ஞாயிற்றுக் கிழமையென்பது மனசைத் தூசு தட்டி வைக்கும் துப்புரவு நாள்

இங்கே பலருக்கு ஞாயிற்றுக் கிழமையென்பதே இல்லை.

பலருக்கு வாழ்க்கையே விடுமுறையாய் இருப்பதனால் ஞாயிற்றுக் கிழமையின் பெருமையே தெரிவதில்லை.

சனிக்கிழமை சாயங்காலத்தில் உயிரோடிருக்கிற ஞாயிற்றுக் கிழமை, பிறக்கும்போது இறந்தே பிறக்கிறது.

ஞாயிற்றுக் கிழமையென்பது ஒய்வுகளின் உன்னத மண்டபம், ஆனால் சோ்த்துச் சோ்த்து வைக்கிற சில்லரை வேலைகளெல்லாம் ஞாயிற்றுக் கிழமை நோக்கி நகா்த்தப் படுவதால் பொறுப்புகளின் சுமை தாங்காமல் ஞாயிற்றுக் கிழமையே நடுங்குகிறது.

மிகை ஊதியம் கிடைத்தால் ஞாயிற்றுக் கிழமையை விற்பதற்கு நாம் தயாா்.

அதற்கு வாய்ப்பில்லாதவா்கள் மட்டுமே ஞாயிற்றுக் கிழமையை கட்டாயக் கல்யாணம் செய்து கொள்கிறாா்கள்.

தனக்கு சோக கீதம் வாசித்துக் கொண்டே ஞாயிற்றுக் கிழமை விடிகிறது

ஞாயிற்றுக் கிழமையென்பது உறக்கமல்ல: விழிப்பு.

பூமி விழிக்கு முன்பே புலன்கள் விழித்துவிட வேண்டும்.

பித்தளை பாத்திரங்களை மாதம் ஒருமுறை புளி போட்டத் துலக்குவது மாதிரி, புலன்களை வாரம் ஒருமுறை புடம் போட்டுத் துலக்க வேண்டும்,

ஆனால் ஞாயிற்றுக் கிழமையென்றால் பதினொரு மணிக்குப் பல் துலக்குவது என்றுதான் இங்கு பல இல்லற அகராதிகளில் எழுதப் பட்டிருக்கிறது.

ஞாயிற்றுக் கிழமை சாலைகளை வாசிக்கிறேன்.

ஒவ்வொரு ஞாயிற்றுக் கிழமையும் இந்தியாவுக்கு 'பாரத் பந்த்' தாகவே இருக்கிறது.

ஜன்னல்களையும் புலன்களையும் சாத்திக் கொள்வதா ஞாயிற்றுக் கிழமை?

புலன்களை வலிக்க வைக்கும் பொழுதுபோக்குச் சாதனங்களுக்குள் புதைந்து போவதா ஞாயிற்றுக் கிழமை?

இந்தியாவுக்கு கிடைத்த சுதந்திரத்தைப் போலவே இந்தியனுக்குக் கிடைத்த ஞாயிற்றுக் கிழமையும் தப்பாகப் பயன்படுத்தப் படுகிறது.

வாரத்தில் ஆறு நாட்கள் வயிற்றுக்காக வாழ்ந்து விட்டோமே ஒரு நாளாவது இதயத்திற்காக வாழ வேண்டாமா?

வாரெமெல்லாம் மனிதா்களோடு மன்றாடிக் கொண்டிருக்கிற மனிதா்களே!

ஞாயிறகறுக் கிழமையாவது தாவரஙககளோடு பேசுங்கள்.

ஒரு செடிக்குப் பக்கத்தில் நாற்காலி போட்டு பூ மலரும் வரை பொறுத்திருங்கள்.

வானத்தில் வசிப்பதற்குப் பழகுங்கள்.

நாற்பது வயதுக்குப் பிறகு கால்சியத்தை கிரகித்துக் கொள்ள முடியாத மனித எலும்புகள் மாதிரி -மனிதா்கள் ஒரு குறிப்பிட்ட காலத்திற்கு மேல் படிப்பதை நிறுத்தி விடுகிறாா்கள்.

ஒரு வீட்டில் சமையலறையைவிட நூலகம் முக்கியம் என்று சட்டம் போட வேண்டும்.

ஞாயிற்றுக் கிழமை நல்ல புத்தகங்களுக்கும் நமக்குமுள்ள சிநேகநாள் என்று செய்து கொள்ள வேண்டும்.

திருமணத்திற்குப் பிறகு இந்தியப் பெண்களுக்கு, தாலிக்குப் போட்ட முடிச்சு மாதிரியே இல்லற வாழ்க்கையும்  இறுகிக் கிடப்பதனால் அவா்களில் பலா் மனநோயாளியாகவே மாறிவிட்டாா்கள்.

நம் ரசனையும் கலாசார அகலங்களையும் மனசின் பரப்பையும் விரிவுபடுத்தும் வேலையைத்தான் ஞாயிற்றுக் கிழமை செய்ய வேண்டும்.

இரைப்பையை நிரப்பிக் கொள்ளத்தான் எல்லா நாட்களும்.

இதயத்தை நிரப்பிக் கொள்ள ஒரே நாள்தான்.

அதன் பெயா்

ஞாயிற்றுக் கிழமை.

ஞாயிறு போற்றதும்.

வைரமுத்து.

வரைவு வாக்காளர் பட்டியலில் உங்கள் பெயர் இருக்கிறதா? இணையதளம் மூலம் அறியலாம்! வரைவு வாக்காளர் பட்டியலில் உங்கள் பெயர் இருக்கிறதா என்பதை அறிந்துகொள்ள...

DINAMANI

வரைவு வாக்காளர் பட்டியலில் உங்கள் பெயர் இருக்கிறதா? இணையதளம் மூலம் அறியலாம்! வரைவு வாக்காளர் பட்டியலில் உங்கள் பெயர் இருக்கிறதா என்பதை அறிந்துகொள்ள...

ENS இணையதளச் செய்திப் பிரிவு Updated on: 20 டிசம்பர் 2025, 8:10 am 

 தமிழகத்தில் வாக்காளா் பட்டியல் சிறப்பு தீவிர திருத்த (எஸ்ஐஆா்) பணிக்குப் பிறகு 97 லட்சத்து 37 ஆயிரத்து 831 வாக்காளா்கள் நீக்கப்பட்டுள்ளனா்.

எஸ்ஐஆருக்கு முன்னதாக 6,41,14,587 வாக்காளர்கள் இருந்த நிலையில் தற்போது 5,43,76,756 வாக்காளர்கள் உள்ளனர். சுமாா் 15 சதவீத வாக்காளா்கள் நீக்கப்பட்டுள்ளனர். பேரவைத் தொகுதிகளைப் பொருத்தவரை சோழிங்கநல்லூா், பல்லாவரம், ஆலந்தூா் தொகுதிகளில் அதிக வாக்காளா்கள் நீக்கப்பட்டுள்ளனா்.

தமிழகத்தில் அதிகபட்சமாக சென்னை மாவட்டத்தில் 14,25,018 வாக்காளா்களும், அடுத்ததாக கோவை மாவட்டத்தில் 6,50,590 வாக்காளா்களும் நீக்கப்பட்டுள்ளனா். குறைந்தபட்சமாக அரியலூா் மாவட்டத்தில் 24,368 வாக்காளா்கள் நீக்கப்பட்டுள்ளனா். மேலும் மாவட்டவாரியாகவும் நீக்கப்பட்டவர்கள் விவரங்களை தேர்தல் ஆணையம் வெளியிட்டுள்ளது.

ஒவ்வொரு தொகுதியில் உள்ள வாக்குச்சாவடி அலுவலரிடமும் அந்தந்த தொகுதி பட்டியல் இருக்கும்.

எனினும் ஆன்லைன் மூலமாகவும் வரைவு வாக்காளர் பட்டியலில் உங்கள் பெயர் உள்ளதா என்பதை அறிய முடியும்.

https://electoralsearch.eci.gov.in/ என்ற இணையதளத்தில் உங்களுடைய வாக்காளர் அடையாள எண்ணை உள்ளிட்டு அறியலாம். உங்களுடைய தனிப்பட்ட விவரங்கள், மொபைல் எண் கொண்டும் தெரிந்துகொள்ளலாம்.

https://elections.tn.gov.in/index.aspx என்ற தமிழக தேர்தல் ஆணைய பக்கத்தில் காணலாம். 'சிறப்பு தீவிர திருத்தம் 2026'(Special Intensive Revision 2026) என்ற இணைப்பை அழுத்தினால் அதன்பின் வரும் திரையில் உங்களுடைய மாவட்டம், தொகுதியைத் தேர்வு செய்தால் நீக்கப்பட்டவர்களின் விவரங்கள் பட்டியலாக கிடைக்கிறது.

தவறு எது?

 தவறு எது?

1 : பேசுவது தவறல்ல, தேவையற்றதைப் பேசுவது மிகவும் தவறு..!

2 : ஆசைப்படுவது தவறல்ல, பேராசை கொள்வது பெரும் தவறு....!!

3 : கோபம் கொள்வது தவறல்ல, நியாயமற்றக் கோபம் மாபெரும் தவறு...!!

4 : அறியாமை தவறல்ல, அறிந்துக் கொள்ள முயலாமை முற்றிலும் தவறு...!!

5 : வீழ்வது தவறல்ல, எழ முயற்சி செய்யாமல் வீழ்ந்தே கிடப்பது தவறிலும் தவறு...!!

6 : தவறிச் செய்வது தவறு. தவறு எனத் தெரிந்தப் பின் திருத்திக் கொள்ளாதது மாபெரும் தவறு...!!

7 : நாம் செய்யும் தவறை நம்மைச் சார்ந்தோர் சொல்வதைக் கேட்காமல் அவர்களையே (நீங்கள் யார் என்னைக் கேட்க) என்பது மிகப் பெரிய தவறு...!!

8 : நம் தவறை நம் குடும்பத்தார் அம்மா அப்பா சகோதரன் சகோதரி கணவன் மனைவி பிள்ளைகள் நண்பர்கள் எடுத்து உரைத்தால் ஏற்றுக் கொண்டு திருத்திக் கொண்டால் நமக்குத் தான் நன்மை...!!

ஆசிரியர் அல்லாத பணியிடங்கள் அரசு பணியாளர் தேர்வாணையம் மூலமே நிரப்பப்படும் - மசோதா தாக்கல்

ஆசிரியர் அல்லாத பணியிடங்கள் அரசு பணியாளர் தேர்வாணையம் மூலமே நிரப்பப்படும் - மசோதா தாக்கல் 

தினத்தந்தி அக்டோபர் 16, 11:29 pm 

இந்த மசோதா 22 பல்கலைக்கழகங்களில் ஆசிரியர் அல்லாத பணியிடங்களை தேர்ந்தெடுப்பதற்கான சிறந்த முறையை வழிவகுக்கும். சென்னை,-

சட்டசபையில் அமைச்சர் கயல்விழி செல்வராஜ் தாக்கல் செய்த மசோதாவில் கூறியிருப்பதாவது:-

மாநில அரசின் கட்டுப்பாட்டின் கீழ் அரசுக்கு சொந்தமான பொதுத்துறை நிறுவனங்கள், அரசு கழகங்கள், வாரியங்கள், அதிகார அமைப்புகளில் உள்ள பதவிகளுக்கு விண்ணப்பதாரர்களை தேர்வு செய்ய 2022-ம் ஆண்டு தமிழ்நாடு அரசு பணியாளர் தேர்வாணைய சட்டமானது இயற்றப்பட்டது. இந்த சட்டத்தின் நோக்கத்தை விரிவுப்படுத்தி மாநில பல்கலைக்கழகங்களின் ஆசிரியர் அல்லா பணியிடங்களில் ஆட்கள் சேர்ப்பதற்கான பணிகளை, தமிழ்நாடு அரசு பணியாளர் தேர்வாணையத்திடம் ஒப்படைக்கிறது. இது 22 பல்கலைக்கழகங்களில் ஆசிரியர் அல்லாத பணியிடங்களை தேர்ந்தெடுப்பதற்கான சிறந்த முறையை வழிவகுக்கும். அதற்காக தமிழ்நாடு சட்டம் 14/2022-ஐ திருத்தம் செய்ய முடிவு செய்துள்ளது.

இவ்வாறு அதில் கூறப்பட்டுள்ளது.

https://www.dailythanthi.com/news/tamilnadu/non-teaching-posts-will-be-filled-through-the-public-service-commission-bill-tabled-ஆசிரியர் அல்லாத பணியிடங்கள் அரசு பணியாளர் தேர்வாணையம் மூலமே நிரப்பப்படும் - மசோதா தாக்கல்

6,000 பேரை மட்டுமே நீக்கியுள்ளோம்: டிசிஎஸ் விளக்கம்

 6,000 பேரை மட்டுமே நீக்கியுள்ளோம்: டிசிஎஸ் விளக்கம் ‘

எங்கள் நிறுவனத்தில் மேற்கொள்ளப்படும் பணிநீக்க நடவடிக்கை குறித்து மிகைப்படுத்தி கூறப்படுகிறது.

தினமணி செய்திச் சேவை Updated on:  10 அக்டோபர் 2025, 4:05 am ‘

எங்கள் நிறுவனத்தில் மேற்கொள்ளப்படும் பணிநீக்க நடவடிக்கை குறித்து மிகைப்படுத்தி கூறப்படுகிறது. 6,000 பேரை மட்டுமே பணி நீக்கம் செய்துள்ளோம். இது நிறுவனப் பணியாளா்கள் எண்ணிக்கையில் ஒரு சதவீதம் மட்டும்தான்’ என்று நாட்டின் முன்னணி தகவல் தொழில்நுட்ப நிறுவனமான டாடா கன்சல்டன்சி சா்வீசஸ் (டிசிஎஸ்) நிறுவனம் விளக்கமளித்துள்ளது.

முன்னதாக, கடந்த ஜூலை மாத இறுதியில் 12,000 போ் பணி நீக்கம் செய்வதாக டிசிஎஸ் அறிவித்து நடவடிக்கை மேற்கொண்டது. இதையடுத்து, 50,000 முதல் 80,000 போ் வரை அந்நிறுவனத்தில் இருந்து வெளியேற்றப்படுவாா்கள் என்று தகவல் வெளியானது. இது நிறுவன ஊழியா்கள் மத்தியில் அச்சத்தையும், குழப்பத்தையும் ஏற்படுத்தியது. இதனால், பலரும் வேறு நிறுவனங்களை நாடுவது அதிகரித்துள்ளது.

இதையடுத்து டிசிஎஸ் தலைமை மனிதவள அதிகாரி சுதீப் குன்னுமல் அளித்துள்ள விளக்கத்தில் கூறப்பட்டுள்ளதாவது:

பணிநீக்க நடவடிக்கை தொடங்கிய பிறகு இதுவரை 6,000 போ் வரை மட்டுமே வெளியேற்றப்பட்டுள்ளனா். இது மொத்த ஊழியா்கள் எண்ணிக்கையில் ஒரு சதவீதம் மட்டுமே. நீக்கப்பட்டவா்களில் பெரும்பாலானோா் நிறுவனத்தில் மூத்த நிலையிலும், நடுத்தர நிலையிலும் பணியாற்றியவா்கள். அதே நேரத்தில் 18,500 புதிய ஊழியா்களை நியமித்துள்ளோம்.

பணிநீக்க எண்ணிக்கை மிகவும் மிகைப்படுத்தி கூறப்படுகிறது. எத்தனை பேரை பணிநீக்க வேண்டும் என்று எந்த இலக்கையும் வைத்து நிறுவனம் செயல்படவில்லை. இது தொடா்பாக பல தவறான தகவல்கள் பரவுகின்றன என்று கூறியுள்ளாா்.

இதனிடையே ஐ.டி. ஊழியா்களின் கூட்டமைப்பு வெளியிட்டுள்ள அறிக்கையில், ‘டிசிஎஸ் நிறுவனம் அதிகாரபூா்வமாக 2025-26 முதல் காலாண்டில் வெளியிட்ட அறிவிப்பில் 6,13,069 ஊழியா்கள் இருந்ததாகக் கூறியிருந்தது. இதுவே இரண்டாவது காலாண்டில் 5,93,314 ஊழியா்கள் இருப்பதாக அந்நிறுவனம் கூறியுள்ளது. இதன் மூலம் 3 மாதங்களில் 19,755 ஊழியா்கள் நீக்கப்பட்டது தெளிவாகிறது’ என்று தெரிவிக்கப்பட்டுள்ளது.

திசையைத் தீா்மானிக்கும் தருணம்!

திசையைத் தீா்மானிக்கும் தருணம்! 

தோ்வு முடிவுகள் அறிவிக்கப்பட்டு அடுத்தடுத்த வகுப்புகளுக்கு அனுமதிக்கப்படும் நேரம்.

முனைவா் என். மாதவன் 

Updated on: 23 மே 2025, 2:48 am 

மாணவா்கள் பலரின் வாழ்வில் முடிவெடுக்கும் தருணம் இது. தோ்வு முடிவுகள் அறிவிக்கப்பட்டு அடுத்தடுத்த வகுப்புகளுக்கு அனுமதிக்கப்படும் நேரம். குறிப்பாக பத்தாம் வகுப்பு முடித்து பதினொன்றாம் வகுப்பு மற்றும் பன்னிரண்டாம் வகுப்பு முடித்தவா்கள் அடுத்த உயா் கல்வி நிறுவனங்களில் சேர வேண்டும். இந்தப் பருவத்தில் மாணவா்கள் உள்ள ஒவ்வொரு குடும்பத்திலும் மிகவும் ஆழ்ந்து யோசித்து முடிவெடுப்பா். இது குறித்து வழக்கமாக குடும்பத்தில் உள்ள மூத்தவா்கள் அல்லது குடும்பத்தின் நலன் விரும்பிகள் அல்லது தொழில் ரீதியாக இது போன்ற யோசனைகளைப் பகிா்பவா்கள் ஆகியோா் தமது ஆலோசனைகளை வழங்குவா். இது குறித்து பலருக்கும் உதவியாக இருக்கும் சில தகவல்களைப் பகிா்வோம்.

குறிப்பாக, பத்தாம் வகு ப்பு முடித்த மாணவா்கள் அடுத்த கட்டமாக எந்தப் பாடத்தை விருப்பப் பாடங்களாக எடுப்பது என்பது ஒரு சவால். + வகுப்பில் பாடங்கள் பல இருப்பினும், பெரும்பாலும் அடுத்த கட்டமாக அந்த மாணவா் எந்த கல்வியை நாடப் போகிறாா்கள் என்ற அடிப்படையில் இந்த முடிவு எடுக்கப்படுவது சிறப்பு.

குறிப்பாக, மாணவருக்கு எந்தத் துறையில் விருப்பம் இருக்கிறதோ, அந்தத் துறையில் உயா்கல்வி பயில வசதியாக +2 வகுப்பிலேயே பாடப் பிரிவுகளை எடுத்து விடுவது சிறந்தது. குறிப்பாக, அறிவியல், கணிதம், உயிரியல், வணிகவியல் போன்ற பாடங்கள் குறித்த விவாதங்கள் முன்னுக்கு வரலாம். இதில் அந்த குறிப்பிட்ட மாணவா் அடுத்த கட்டமாக பட்டயக் கணக்காளா் அல்லது அறிவியல் தொடா்புடைய, கணிதம் தொடா்புடைய பாடங்களில் உயா் கல்வி படிக்கப் போவது உறுதி என்றால், அந்த முடிவை இப்போது எடுப்பதுதான் சரியாக இருக்கும். ஏனென்றால், உயிரியல் பாடம் பயின்ற பிறகு பட்டயக் கணக்காளா் படிப்பு பயில்வது சிரமம். அது போலவே, வணிகவியல் பாடம் படித்த பிறகு உயிரியல் தொடா்பான, கணிதம் தொடா்புடைய படிப்புக்கு வருவதும் கடினம். இது ஓா் உதாரணம்தான். இதை அடிப்படையாக வைத்து பயிலும் திசையைத் தீா்மானிக்கலாம். இதில் அந்த மாணவரின் விருப்பமும் அது குறித்த புரிதலை அவா்களுக்கு ஏற்படுத்துவதும் மிகவும் அவசியம். இவ்வாறான புரிதலை ஏற்படுத்துவதில் நமது முன்னுரிமைகளைத் திணிக்காமல் அவா்களது ஆா்வத்தைக் கணக்கில் எடுத்துக்கொண்டு அதற்கேற்ற படிப்புகளைக் கண்டறிந்து வழிகாட்டும்விதமாக நமது உரையாடல் அமைய வேண்டும்.

+2 படித்து முடித்திருப்பவா்கள் உயா்கல்வியைத் தீா்மானிக்க கீழ்க்கண்ட ஆலோசனைகள் பயன்படலாம். மாணவா்களின் எதிா்காலம் இரண்டு விதங்களில் தீா்மானிக்கப்படுகிறது. குறிப்பாக, மாணவன் படித்த பாடம் எது? என்ற விதத்திலும் மாணவன் பயின்ற கல்வி நிறுவனம் எது? என்ற அடிப்படையில் அவரது அதனது மதிப்பை தீா்மானிக்கும்போக்கு பரவலாக நிலவுகிறது. உதாரணமாக, மத்திய அரசின் கல்வி நிறுவனங்கள், மாநில அரசின் பெயா் பெற்ற கல்வி நிறுவனங்கள் போன்றவை காலத்துக்கும் தமது நற்பெயரைத் தக்கவைத்துக்கொண்டிருக்கின்றன. அந்த அடிப்படையில் இவ்வாறான சிறந்த கல்வி நிறுவனங்களில் ஏதாவது ஒரு படிப்பு என்று தீா்மானிக்கலாம். அவ்வாறில்லாமல், கல்வி நிறுவனங்கள் சுமாரான தரத்தில் இருந்தாலும், அங்கு பணியாற்றும் தகைசால் பேராசிரியா்கள், அதன் சிறந்த கட்டமைப்பு, வேலைவாய்ப்புக்கான வாசல் போன்றவற்றால் சில துறைகள் பெயா் பெற்றிருக்கலாம். இப்படிப்பட்ட துறைகளில் மாணவரைச் சோ்க்கலாம்.

அதாவது, சிறந்த கல்வி நிறுவனத்தில் தான் விரும்பும் ஏதாவது ஒரு கல்வி அல்லது ஏதாவது ஒரு கல்வி நிறுவனத்தில் நற்பெயா் ஈட்டியுள்ள துறையில் தாம் விரும்பும் கல்வி என முடிவெடுக்கலாம் . எது எப்படி இருப்பினும், அந்த மாணவன் அல்லது மாணவியின் தனது எதிா்கால வாழ்வில் அவா்கள் பணியாற்றக் கூடிய நிறுவனத்தின் சூழல், அங்கு பணியாற்ற உள்ள நண்பா்களின் மனப்பாங்கு, அவா்களுடைய ஊக்குவிப்பு இதுபோன்ற உந்துதல் மூலமாக மட்டுமே முன்னேற முடியும். எனவே, அவ்வாறான உந்துதல்களை சரியானவிதத்தில் அளிப்பவா்களாக மேலாளா்களும், சக பணியாளா்களும் இருக்க வேண்டும். அவ்வாறு அமையவில்லை என்றால், மாணவா்களுக்குத் தோல்வியே கிடைக்கும்.

எந்த கல்வி நிறுவனத்தில், எந்த கல்வியைத் தோ்ந்தெடுத்தாலும் உண்மையில் பயில வேண்டியது தனிப்பட்ட மாணவா்களே. அந்த நிறுவனமோ அல்லது ஆசிரியா்களோ அல்லா். அந்த வகையிலும் தனிநபா்களின் உழைப்பை உறுதிசெய்யும் போக்கையும் அதற்கான சரியான சூழலையும் குடும்பங்கள் உறுதி செய்யவேண்டும். வாய்ப்புள்ளோா் மேலை நாடுகளில் உள்ளதுபோல பகுதிநேர தொழில் செய்து பணமீட்டி குடும்பத்திலிருந்து கல்விக்காகப் பெறும் பணத்தின் அளவைக் குறைக்கலாம்.

அதே நேரத்தில், கிடைக்கும் எந்த ஒரு வாய்ப்பையும் சரியாகப் பயன்படுத்தி அதிலிருந்து கற்றுக் கொண்டு அடுத்தடுத்த படிநிலைக்குத் தயாராகும், பரிணமிக்கும் பக்குவம் வாய்க்க வேண்டும். குறிப்பாக, வாழ்க்கை என்பது ஒரு பயணம்; அந்த பயணத்தில் ஒருவா் மேற்கொள்ளும் பயணமானது எந்த திசையில் என்பதை தீா்மானிப்பது மிகவும் அவசியம். சரியான திசையில் பயணித்தால் மகிழ்ச்சி. அவ்வாறு இல்லாமல், தான் பயணிக்கும் திசை தமக்கு பொருத்தமானது அல்ல என்ற முடிவுக்கு வரும் அந்த விநாடியே சரியான திசையில் பயணத்தைத் தொடர வேண்டும். ஏனென்றால், சரியான திசையில் எடுத்து வைக்கும் ஒவ்வோா் அடியும் இலக்கை நோக்கியது. அதே நேரத்தில் பொருந்தாத திசையில் எவ்வளவு தூரம் பயணம் மேற்கொண்டாலும் அது இலக்கை அடைய உதவப்போவதில்லை.

அடா்த்தியின் அபாயம்!

 அடா்த்தியின் அபாயம்! 

வரைமுறை அற்ற கள்ள குடியேற்றமும், கட்டுப்பாடற்ற இனப்பெருக்கமும் நாளைய பாரதத்துக்கு ஊறு விளைவிக்க வல்லவை என்பதில் இரு வேறு கருத்துகள் இருக்க நியாயாம் இல்லை.

டி.எஸ். தியாகராசன் Updated on:  08 மே 2025, 6:25 am 

இன்றைய உலகில் பூமண்டலத்தில் உயிா் வாழும் மனித இனத்தில் பாரதம் முதலிடத்தைப் பதிவு செய்துள்ளது. இதுநாள் வரை உலகின் அதிக மக்கள்தொகை கொண்ட நாடு எனப் பெயா் பெற்றிருந்த வல்லரசு சீனாவைப் பின்னுக்குத் தள்ளி பாரதம் முதல் இடத்தைப் பிடித்துள்ளது.

இது மனித வளத்தின் வளா்ச்சி அறிகுறியா? இல்லை அடா்த்தியின் அபாய குறியீடா? என்பதை மானுடவியல் ஆய்வாளா்களும், புவியியல் விஞ்ஞானிகளும், பொருளாதார வல்லுநா்களும், இன்ன பிற துறைசாா்ந்த அறிஞா்களும் காலம் தாழ்த்தாது உடனே சிந்தித்து தக்க நடவடிக்கைகளை எடுக்க வேண்டும்.

சற்றேறக்குறைய 100 ஆண்டுகளுக்கு முன் மகாகவி “பாரதி, ‘முப்பது கோடி முகமுடையாள், நாங்கள் முப்பது கோடி ஜனங்களும், முப்பது கோடி வாய் முழங்கவும், முப்பது கோடியும் வாழ்வோம்’” என்று தனது கவிதைத் தோட்டத்தில் 30 கோடி மலா்களாக பாரதத்தின் மக்கள்தொகையை வா்ணித்தாா். இன்றைக்கு 142 கோடியாக பல்கிப் பெருகியுள்ளது. உலகில் வேறு எந்த நாடும் செய்திராத சாதனையை, பாரதம் தனது இனப் பெருக்கத்தால் சாதித்துள்ளது. 1,269,219 சதுர மைல் பரப்பு உள்ள நம் நாட்டில் 142 கோடி மக்கள்தொகை. எதிா் காலத்தில் எப்படி இருக்கும்?

திருக்கோவலூரில் இடைகழியில் ஒருவா் படுத்திருந்த இடத்துக்கு மற்றொருவா் வர அவ்விருவரும் அமா்ந்து கொண்டனா். மீண்டும் ஒருவா் வர, பின்னா் மூவரும் எழுந்து நிற்க என ஆழ்வாா்கள் பாடிய திருப்பாசுரம் குறிப்பிட்டதைப் போல பாரதத்தில் மக்கள் அனைவருக்கும் நிற்க இருக்க இடமாவது இருக்குமா? என்பது ஆழ்ந்து சிந்திக்க வேண்டியதொன்று.

சீனாவின் தற்போதைய மக்கள் தொகை 140 கோடிதான். நிலப்பரப்பில் பாரதத்தைவிட இரண்டு மடங்கென விரிந்துள்ளது. ஆம். 37,05,407 சதுர மைல். உலகின் வல்லரசு நாடான அமெரிக்காவில் மக்கள்தொகை 33 கோடி 29 லட்சம் மட்டுமே! இதில் உலகெங்கினும் உள்ள பிற நாட்டவா் குடியேறியவா்களின் தொகையும் சோ்ந்துள்ளது. ஆனால், நிலப்பரப்போ 37,96,742 சதுர மைல். பாரதத்தின் நிலப்பரப்பைக் காட்டிலும் இரண்டு மடங்கு அதிகம்.

ஒரு காலத்தில் பிரித்தானிய பேரரசு தனது காலனி நாடாகக் கொண்டிருந்த ஆஸ்திரேலியாவில் மக்கள்தொகை வெறும் 2 கோடியே 73 லட்சம்தான். ஆனால், நிலப்பரப்போ 7,741,220 சதுர மைல். இதுவும் பிரித்தானிய அரசு அன்றைய நாளில் தனது காலனி நாடுகளில் அவா்களின் சட்டப்படி குற்றவாளிகள் எனச் சொல்லப்பட்டவா்களை ஆஸ்திரேலியாவில் குடியமா்த்திய பிறகும்!

இந்நாளில் மின்னணு உற்பத்தியில் சாதனை புரிந்து வரும் சின்னஞ்சிறு நாடான ஜப்பானின் மக்கள்தொகை 12 கோடியே 39 லட்சம். இதன் நிலப்பரப்பு வெறும் 1,45,937 சதுர மைல் மட்டுமே.

அண்மையில் ஐக்கிய நாடுகளின் பொருளாதார மற்றும் சமூக விவகாரங்களின் துறைக்கு உட்பட்ட மக்கள்தொகைப் பிரிவு “உலக மக்கள் தொகை வாய்ப்பு” அறிக்கை மூலம் “இந்தியாவின் மக்கள் தொகை 2085-இல் 161 கோடியைத் தாண்டும்” என்ற எச்சரிக்கையைப் பதிவு செய்துள்ளது. மேலும், சீனாவைப் போல் இரண்டு மடங்கு உயரும் எனவும் கணித்துள்ளது.

சீனாவில் வயது முதிா்ந்தோரின் எண்ணிக்கை மிக அதிகம். அதனால், அடுத்த 75 ஆண்டுகளில் அதன் மக்கள்தொகை பாதியாகக் குறையும். சீனாவின் சராசரி வயது 39.6. இந்தியாவின் சராசரி வயது 28.4. இது தற்போதைய நிலை. ஆனால் 2100-இல் இந்தியாவின் சராசரி வயது 47.8 ஆகவும், சீனாவின் சராசரி வயது 60.7 ஆகவும் மாற வாய்ப்புள்ளது என்றும் அந்த அறிக்கை தொடா்கிறது.

இந்த அழகிய பூமிப்பந்தில் இப்படி இனப்பெருக்கம், குறிப்பாக பாரதத்தில் நிகழ்வது குறித்து ஐ.நா. சபை கவலைப்படுகிறது. ஆனால், நம் நாட்டு அரசியல்வாதிகள் எங்கே தங்களது நாடாளுமன்ற உறுப்பினா்களின் தொகை மக்கள்தொகை கட்டுப்பாட்டால் குறைந்து விடுமோ எனக் கவலை போா்ப்பரணி கொட்டுகின்றனா்.

ஆந்திர அரசியலில் முதிா்ச்சி பெற்ற முதல்வா் சந்திரபாபு நாயுடு “‘மக்களே இனி அதிகமாக குழந்தைகளை பெற்றுக் கொள்ளுங்கள்’” என்று அறைகூவல் விடுகிறாா். மாறுதலாக, ஒடிஸாவின் முன்னாள் முதல்வா் நவீன் பட்நாயக் மட்டும் மக்கள்தொகை குறையும் நோக்கத்தை ஆதரிக்கவும் நாடாளுமன்ற உறுப்பினா் எண்ணிக்கை குறித்தான சிந்தனை குறித்தும் பேசியுள்ளாா்.

பாரதத்தின் பொருளாதார வளத்தை ருசிப்பதற்காகவும், தங்களது வாழ்வாதாரங்களை மேம்படுத்திக் கொள்ளவும் நாள்தோறும் நூற்றுக்கணக்கான வங்கதேச மக்கள் சட்டவிரோதமாக, கள்ளத்தனமாக குடியேறி வருகின்றனா். பாரதத்தின் மக்கள்தொகை பெருக்கத்துக்கு சட்டவிரோதமாக குடியேறும் வங்கதேசத்தினரும் ஒரு முக்கியக் காரணம். பாரதமும், வங்கதேசமும் 4,096 கி.மீ. எல்லையைப் பகிா்ந்து கொண்டுள்ளன. அஸாம், மேற்கு வங்கம், மிசோரம், மேகாலயம், திரிபுரா மாநிலங்கள் வங்கதேச எல்லையில் அமைந்துள்ளன. இதைப் பயன்படுத்தி வங்கதேசத்தில் இருந்து தினம் ஊடுருவல் நடைபெறுகிறது. குறிப்பாக, மேற்கு வங்கம், அஸாம் வழியாக அதிக எண்ணிக்கையில் ஊடுருவல் தொடா்கிறது.

வங்கதேசத்தில் இருந்து இந்தியாவுக்குள் ஒரு நபரை ஊடுருவச் செய்ய சில முகவா்கள் (இந்தியா) ரூ.50,000 முதல் ரூ.1 லட்சம் வரை வசூல் செய்கிறாா்கள். இந்தியாவில் ஊடுருவிய பிறகு அவா்கள் ஆதாா், வாக்காளா் அட்டை, ரேஷன் அட்டை பெறவும் உதவுகிறாா்கள். இதற்கு ரூ.2,000 முதல் ரூ.10,000 வரை கட்டணமாக வசூலிக்கிறாா்கள். இவா்களில் பலா் இந்திய நாட்டின் கடவுச்சீட்டையும் (பாஸ்போா்ட்) பெற்று விடுகின்றனா்.

இந்தியாவில் குடியேறியவா்கள் முகவா்கள் மூலம் தில்லி, ஹரியாணா, குஜராத், மகாராஷ்டிரம், கா்நாடகம், தமிழகம், ஆந்திரம், கேரளம் போன்ற மாநிலங்களில் சின்னஞ்சிறு கிராமங்களில்கூட தொழிலாளராக வலம் வருகின்றனா். இந்த வகையில், இந்தியாவில் சுமாா் 6 கோடி போ் வசிக்கின்றனா் என்கிறது மத்திய அரசின் புலனாய்வுத் துறை.

இவா்களின் இனப்பெருக்கமும் பெருத்த வேகமுடையவை. வங்கதேச அகதியான ஷரீபா தனது 15 ஆண்டு திருமண வாழ்க்கையில் தனது 13 -ஆவது குழந்தையைப் பெற்றெடுத்தாா் என்பது நாளிதழின் செய்தி.

1950-களில் தமிழக நெற்களஞ்சியம் எனத் திகழ்ந்த தஞ்சாவூா் மாவட்டத்தில் வேளாண்மைத் தொழிலுக்குத் தேவையான தொழிலாளா்கள் கிடைப்பதில்லை. இதனால் தஞ்சை மாவட்டத்தில் பல ஊா்களில், குறிப்பாக வானம் பாா்த்த பூமியாக இருந்த இராமநாதபுரம் மாவட்டத்தில் இருந்து விவசாயத் தொழிலாளா்களை இறக்குமதி செய்து அவா்களுக்கு தற்காலிக குடிசைகள் கட்டிக்கொடுத்து தங்களது வேளாண்மை தொழிலுக்கு உறுதுணையாக்கிக் கொள்வா்.

மிராசுதாா்கள் - விவசாய தொழிலாளா்கள் கூலி நிா்ணய பிரச்னையில் அந்த நாளில் தஞ்சை மாவட்டத்தில் கொடிகட்டிப் பறந்த விவசாயிகள் சங்கத் தலைவா்கள். உள்ளுா் தொழிலாளா்களின் நலனை மட்டுமே கருத்தில் கொண்ட பொதுவுடைமைவாதிகள். வெளியூா் நபா்களைப் பணிக்கு அமா்த்துவதை எதிா்த்து வா்க்க போராட்டமே நிகழ்த்துவா். இதனின் ஒருபகுதி போராட்டம்தான் கீழ்வெண்மணியின் கொடூர நிகழ்ச்சி. அது ஜாதியப் போராட்டம் அல்ல; வா்க்கப் போராட்டம்!

ஆனால், ஒரு மாவட்டத்தில் இருந்து மற்றொரு மாவட்டத்துக்கு பருவகாலப் பயிா்த் தொழிலுக்கு பணியாள்களை வரவழைத்ததையே

தடுத்தவா்கள், இன்று தமிழ்நாட்டின் மூலைமுடுக்கெல்லாம் வங்கதேசத்தினா் அனைத்துத் தொழில்களிலும் தடம் பதித்து, இடம்பிடித்து வாழ்கிறபோது எங்கே போனாா்கள் இந்த பொதுவுடைமைத் தோழா்கள் எனக் கேட்கத் தோன்றுகிறது.

அமெரிக்காபோல அந்நிய நாட்டவரை காலில் விலங்கிட்டு அவரவா்தம் நாட்டுக்கு அனுப்ப இந்தியாவால் இயலுமா? அப்படியே அனுப்ப முன் வந்தாலும் நம் நாட்டு எதிா்க்கட்சிகள் ஒப்புக்கொள்ளுமா?

‘எங்கெங்கு காணினும் சக்தியடா’ என்பதுபோல் எங்கெங்கு காணினும் மக்கள் பெருவெள்ளம். இங்கே இருப்பவா் நமது எதிா்காலச் சந்ததியினா் நலன் கருதி அல்ல; அவரவா் எதிா்கால நலன், வளம் கருதி குடும்பக் கட்டுப்பாட்டில் நிற்கின்றனா். ஆனால், புலம் பெயா்ந்தோா்க்கு இருக்கும் கவலை எல்லாம், நம்மவா் எண்ணிக்கை நாளுக்கு நாள் பெருகி விடாதா என்ற எண்ணத்தில் மழலை உற்பத்தியில் மகிழ்கிறாா்கள்!

வரைமுறை அற்ற கள்ள குடியேற்றமும், கட்டுப்பாடற்ற இனப்பெருக்கமும் நாளைய பாரதத்துக்கு ஊறு விளைவிக்க வல்லவை என்பதில் இரு வேறு கருத்துகள் இருக்க நியாயாம் இல்லை.

நிலப்பரப்பின் விரிவை நம்மால் நீட்ட இயலாது. நாட்டில் உள்ள நிலப்பரப்பில் குட்டைகள், குளங்கள், ஆறுகள், ஏரிகள் போன்ற நீா்நிலைகளின் பரப்பு போக, சாலை, ஆலை, தொழிற்சாலை, நகா்ப்புற விரிவாக்கம் என்ற அளவில் நிலம் சுருங்குகிறது. காடுகள், கழனிகள், குன்றுகள், மலைகளெனத் திகழும் நிலத்தின் அளவு மக்கள் வாழ்விடங்களாக மாற்றம் பெற்று வருகிறது. கான்கிரீட் கட்டடங்கள், தன் பங்குக்கு பூமிப் பந்தை கவ்வி நிற்கின்றன.

இந்த நிலையில், மனிதகுலம் வாழும் இடம் உயா்ந்து நிற்கும் கட்டடங்களில் தஞ்சம் புக நேரிடுகிறது. எனவே, அனைத்தையும் முறைப்படுத்தி ஐம்பூதங்களின் துணையுடன் வளமாக்கி வாழ முயற்சிக்க வேண்டும். இல்லையெனில் அடா்த்தியின் அபாயத்தில் நம் எதிா்கால சந்ததியினா் சிக்குண்டு தவிப்பதைத் தடுக்க இயலாது.