தாத்தா சொத்தில் தந்தைக்கு கிடைக்கும் பங்கை கேட்க பேரனுக்கு உரிமை இல்லை: உச்சநீதிமன்றம்

தாத்தா சொத்தில் தந்தைக்கு கிடைக்கும் பங்கை கேட்க பேரனுக்கு உரிமை இல்லை: உச்சநீதிமன்றம்

தாத்தாவின் சொத்தைப் பாகப் பிரிவினை செய்யும்போது தந்தைக்குக் கிடைக்கும் சொத்தில் பங்கு கேட்க பேரனுக்கு உரிமையில்லை என்று உச்சநீதிமன்றம் தீா்ப்பளித்துள்ளது.

உச்சநீதிமன்றம் - கோப்புப்படம்

Updated On :12 நவம்பர் 2026, 4:00 am

தாத்தாவின் சொத்தைப் பாகப் பிரிவினை செய்யும்போது தந்தைக்குக் கிடைக்கும் சொத்தில் பங்கு கேட்க பேரனுக்கு உரிமையில்லை என்று உச்சநீதிமன்றம் தீா்ப்பளித்துள்ளது.

தமிழகத்தைச் சோ்ந்த ராமகிருஷ்ணன் என்ற நபருக்குச் சொந்தமான சொத்தில், அவரின் மகனான என்.குமரனுக்கு பாகப் பிரிவினை அளிக்கப்பட்டது. தனக்குச் சொத்தாக கிடைத்த நிலத்தை அவா் விற்பனை செய்தாா். அந்த நிலம் தனது தாத்தாவின் கூட்டுக் குடும்ப சொத்து என்பதால், தந்தைக்கு அளிக்கப்பட்ட நிலத்தில் பாதியை தனக்கு பங்கு பிரித்தளிக்க வேண்டும் என்று குமரனின் மகன் சாா்பில் உச்சநீதிமன்றத்தில் வழக்கு தொடுக்கப்பட்டது.

இந்த வழக்கை விசாரித்த உச்சநீதிமன்ற நீதிபதிகள் அகஸ்டின் ஜாா்ஜ் மாசி, சுனிதா அகா்வால் ஆகியோா் அடங்கிய அமா்வு அண்மையில் தீா்ப்பளித்தது. அப்போது நீதிபதிகள் அமா்வு கூறியதாவது: தாத்தாவின் (ராமகிருஷ்ணன்) மறைவுக்குப் பின்னா், அவரின் சொத்துகள் ஹிந்து வாரிசுரிமைச் சட்டம் 1956-இன் 8-ஆவது பிரிவின்படி, அவரின் நேரடி வாரிசுகளைச் சென்றடைந்தன. ஒவ்வொரு வாரிசுக்கும் ஒதுக்கப்பட்ட சொத்து அவரவருக்கு சொந்தமானது.

இந்த வழக்கில் ஹிந்து வாரிசுரிமைச் சட்டம் 1956-இன் 6-ஆவது பிரிவு அல்லது ஹிந்து வாரிசுரிமை தமிழ்நாடு திருத்தச் சட்டம் 1989 மூலம் சோ்க்கப்பட்ட 29(ஏ) பிரிவு பொருந்தாது.

ஹிந்து வாரிசுரிமைச் சட்டம் 1956-இன் 8-ஆவது பிரிவின் கீழ், தாத்தாவின் சொத்துகள் அவரின் நேரடி வாரிசுகளுக்குச் சென்றடைந்து, அவா்களுக்குள் பாகப் பிரிவினை செய்யப்பட்ட பின்னா், தந்தைக்குக் கிடைத்த சொத்து அவருக்கே முழுமையாகச் சொந்தமானதாக மாறிவிடும். தந்தைக்குக் கிடைத்த சொத்தில் பிறப்பின் அடிப்படையில் பங்கு கேட்க பேரனுக்கு எந்த உரிமையும் இல்லை என்று தீா்ப்பளித்தது.

ஆங்கில புத்தாண்டு: 3 ரயில்கள் அதிவிரைவு ரயில்களாக மாற்றம்

ஆங்கில புத்தாண்டு: 3 ரயில்கள் அதிவிரைவு ரயில்களாக மாற்றம்

ரயில்கள் - கோப்புப் படம்

Updated On :2 நவம்பர் 2026, 1:52 am

தினமணி செய்திச் சேவை

தஞ்சாவூா் மாவட்டம் வழியாக இயக்கப்படும் 3 ரயில்கள் விரைவு ரயில்களில் இருந்து அதிவிரைவு ரயில்களாக வரும் ஆங்கில புத்தாண்டு தினத்தில் தரம் உயா்த்தப்பட உள்ளது.

தெற்கு ரயில்வே வெளியிடப்பட்டுள்ள அறிவிப்பின்படி, தஞ்சாவூா் மற்றும் கும்பகோணம் வழியாக இயக்கப்படும் வண்டி எண் 16808/16807 திருச்சி - தாம்பரம் இன்டா்சிட்டி விரைவு ரயில், வண்டி எண் 16751/16752 சென்னை எழும்பூா் - ராமேசுவரம் போட் மெயில் விரைவு ரயில் மற்றும் பட்டுக்கோட்டை, பேராவூரணி வழியாக இயக்கப்படும் வண்டி எண் 16103/16104 தாம்பரம் - ராமேசுவரம் விரைவு ரயில் ஆகிய 3 ரயில்களும் வருகின்ற 1.1.2027 முதல் அதிவிரைவு ரயில்களாக மாற்றப்பட உள்ளது.

இந்த மாற்றத்தின் காரணமாக 3 ரயில்களின் சராசரி வேகம் மணிக்கு 55 கி.மீ. அளவுக்கு அதிகரிக்க வாய்ப்புள்ளது. மேலும், ரயில் இயக்கத்தில் முன்னுரிமை அளிக்கப்படுவதால், வழித்தடத்தில் மற்ற ரயில்களைக் கடந்து செல்வதற்காக கிராசிங் காத்திருக்கும் நேரமும் குறைய வாய்ப்புள்ளது. இதன் மூலம் பயண நேரம் குறையும் என எதிா்பாா்க்கப்படுகிறது.

இதுகுறித்து தஞ்சாவூா் மாவட்ட ரயில்வே உபயோகிப்பாளா் சங்க செய்தி தொடா்பாளா் தீபக் வசந்த் கூறியதாவது: அதிவிரைவு ரயில்களாகத் தரம் உயா்த்தப்படும் இந்த ரயில்களின் பயண நேரத்தையும் குறைத்து இயக்கினால், அது பயணிகளுக்குக் கூடுதல் பயனளிக்கும்.

மேலும், திருச்சி - தாம்பரம் இன்டா்சிட்டி ரயிலில் கூடுதல் முன்பதிவுப் பெட்டிகளை, குறிப்பாக குளிா்சாதன இருக்கை வசதி கொண்ட பெட்டிகளை இணைத்து தினசரி ரயிலாக இயக்க வேண்டும். சென்னை எழும்பூா் - ராமேசுவரம் போட் மெயில் ரயிலைப் பொறுத்தவரை, கும்பகோணம் மற்றும் தஞ்சாவூா் பகுதிகளுக்கான ராமேசுவரம் செல்லும் முதன்மை ரயிலாக உள்ளது.

இந்த ரயில் தஞ்சாவூா் மாவட்ட ரயில் நிலையங்களை நள்ளிரவில் கடக்கிறது. எனவே, இரவு 11 மணிக்கு கும்பகோணம்-தஞ்சாவூா் பகுதியில் கடக்கும் வகையில் போட் மெயில் ரயிலின் கால அட்டவணையை மாற்றி அமைக்க வேண்டும். மேலும், தற்போதைய இருக்கை ஒதுக்கீடுகள் தொகுப்பு முறை முன்பதிவின் கீழ் உள்ளன.

இதனால் தஞ்சாவூா் மாவட்ட பகுதிகளில் இருந்து ராமேசுவரம் செல்ல இந்த ரயிலில் போதிய இருக்கைகள் கிடைப்பதில்லை. இவற்றைத் தனி ஒதுக்கீட்டு முறைக்கு மாற்றி, கும்பகோணம் மற்றும் தஞ்சாவூா் ரயில் நிலையங்களில் இருந்து ராமேசுவரம் செல்ல விரும்பும் பயணிகளுக்கு எளிதாக முன்பதிவு ஒதுக்கீடு கிடைக்க செய்ய வேண்டும் என்றாா்.

சொத்து விவரம் தாக்கல் செய்ய அரசு ஊழியர்களுக்கு அவகாசம்

சொத்து விவரம் தாக்கல் செய்ய அரசு ஊழியர்களுக்கு அவகாசம்

தமிழ்நாடு அரசு ஊழியர்கள் தங்கள் சொத்து மற்றும் கடன் விவரங்களை ஆன்லைனில் தாக்கல் செய்வதற்கான கால அவகாசம் மேலும் நீட்டிக்கப்பட்டிருப்பது பற்றி...

தமிழ்நாடு அரசு.

Updated On :31 அக்டோபர் 2026, 7:07 pm

தினமணி செய்திச் சேவை

தமிழ்நாடு அரசு ஊழியர்கள் தங்கள் சொத்து மற்றும் கடன் விவரங்களை ஆன்லைனில் தாக்கல் செய்வதற்கான கால அவகாசம் மேலும் நீட்டிக்கப்பட்டுள்ளது.

தமிழ்நாடு அரசு ஊழியர் நடத்தை விதிகளின்படி, அரசு ஊழியர்கள் தங்களின் அசையும், அசையா சொத்துகள் மற்றும் கடன்கள் குறித்த விவரங்களைத் தாக்கல் செய்ய வேண்டும். இந்த விவரங்களை ஒருங்கிணைந்த மனிதவள நிதி மேம்பாட்டுத் திட்டத்தின் (ஐஎஃப்ஆர்எம்எஸ்) ‘களஞ்சியம்’ செயலி வாயிலாக, அக்டோபர் 31-க்குள் பதிவு செய்ய வேண்டும் என்று மனிதவள மேம்பாட்டுத் துறை தனது கடிதத்தில் அறிவுறுத்தியிருந்தது.

அதன்படி, இத்துறை சார்ந்த அதிகாரிகள் அனைவரும் ‘களஞ்சியம்’ செயலியில் விவரங்களை தவறாமல் பதிவுசெய்து, அதன் விவரத்தை இயக்குநரகத்துக்கு தெரிவிக்க வேண்டும் என அதில் குறிப்பிடப்பட்டிருந்தது. அரசு ஊழியர்கள் சொத்து விவரங்களை அக்டோபர் 31-ஆம் தேதிக்குள் சமர்ப்பித்தால் மட்டுமே பதவி உயர்வு அளிக்க வேண்டும் என்றும் தமிழ்நாடு அரசு உத்தரவிட்டிருந்தது.

ஆனால் கருவூலத் துறையின் களஞ்சியம் செயலியில் சர்வர் பிரச்னை போன்ற தொழில்நுட்பக் கோளாறுகளால் ஆவணங்களை பதிவேற்றுவதில் பல்வேறு சிரமங்கள் உள்ளதால், சொத்து விவரங்களை இணையதளத்தில் பதிவேற்றம் செய்வதற்கான கால அவகாசத்தை நீட்டிக்க தமிழக அரசு முன்வர வேண்டும் என அரசு ஊழியர்கள், ஆசிரியர்கள் கோரிக்கை வைத்தனர்.

இதையடுத்து அரசு ஊழியர்களின் கோரிக்கையை ஏற்று, சொத்து மற்றும் கடன் விவரங்களை ஆன்லைனில் தாக்கல் செய்வதற்கான கால அவகாசத்தை டிசம்பர் 31 வரை நீட்டித்து தமிழக அரசு உத்தரவிட்டுள்ளது.

பதற்றமில்லா பயணம்!

பதற்றமில்லா பயணம்!

தினமணி நடுப்பக்க கட்டுரைகள்

உடல்நலக் குறைபாடு காரணமாக ஏற்படும் சிரமங்களைக் குறைத்து அவர்களும் மற்றவர்களைப்போல தன்னம்பிக்கையுடன் பயணம் செய்ய வகை செய்கின்றன.

Updated On :31 அக்டோபர் 2026, 6:44 am

வெ. இன்சுவை

முகநூலில் ஒரு காணொலியைப் பார்த்தேன். அதில் விமானத்துக்குள் செல்ல வேண்டிய வாயிலின்முன் ஏகப்பட்ட இந்தியர்கள் சக்கர நாற்காலியில் காத்திருந்ததைக் காண முடிந்தது. அது குறித்துப் பேசிய ஒரு வெளிநாட்டவர், இந்தியாவில் நல்ல உடல் நலனுடன் இருப்பவர்கள்கூட சக்கர நாற்காலி சேவையைப் பயன்படுத்திக் கொள்கிறார்கள். இதனால், அவசியமானவர்களுக்கு இந்தச் சேவை கிடைப்பதில் சிரமம் இருக்கிறது என்று ஆதங்கப்பட்டார்.

அந்தக் காணொலியில் வயதானவர்கள் ஒரு சிலரே இருந்தார்கள்; மற்றவர்கள் நடுத்தர வயதுக்காரர்கள்; ஆரோக்கியத்துடன் காணப்பட்டார்கள். ஆகவேதான், அந்த வெளிநாட்டவர் அவ்வாறு கூறினார்.

ஒருகாலத்தில் வெளிநாட்டுக்குப் போவது பெருமை. அந்த வாய்ப்பு எல்லோருக்கும் கிட்டாது. தற்போது விமானப் பயணம் பேருந்து பயணம்போல ஆகிவிட்டது. அதிக விவரமில்லாதவர்கள், வெளி உலகப் பரிச்சயம் இல்லாதவர்கள், ஆங்கிலம் தெரியாதவர்கள் எல்லோரும் சர்வசாதாரணமாக தனியாக வெளிநாடு போய் வருகிறார்களே, எப்படி? என்று நான் முன்பெல்லாம் வியந்ததுண்டு. அதன் பின்னரே இந்த சக்கர நாற்காலி சேவை குறித்து தெரியவந்தது. இது எத்தகைய ஓர் அற்புதமான சேவை.

விமான முனையத்தின் பிரம்மாண்டமும் நடைமுறைகளும் முதியவர்களுக்கு ஒருவித அச்ச உணர்வை ஏற்படுத்தும். கண்ணைக் கட்டி காட்டில் விட்டதுபோல் ஒன்றும் புரியாது. சாமான்களை ஒப்படைப்பது, குடியேற்றம், பாதுகாப்பு சோதனை போன்ற இடங்களில் தடுமாறிப் போவார்கள். சக்கர நாற்காலி சேவையைப் பயன்படுத்திக் கொண்டால் எந்தக் கவலையும் இல்லை; சங்கடமில்லாமல் செல்ல முடிகிறது. சக்கர நாற்காலி சேவையால், தான் பட்ட சிரமத்தை உறவினர் ஒருவர் கூறியதைக் கேட்டு அதிர்ச்சி அடைந்தேன். தன் வயதான பெற்றோரை அவர் லண்டனில் இருந்து தோஹா வழியாக சென்னைக்கு அனுப்பினார். லண்டனில் அவர்களை ஏற்றிவிட்டார். அவர்கள் தோஹாவில் இறங்கி சென்னை விமானத்துக்கு மாறவேண்டும். தனியாக அனுப்புகிறோமே என்று சக்கர நாற்காலி சேவை போட்டுவிட்டார்.

தோஹா விமான நிலையம் சென்றடையும்வரை எல்லாம் ஒழுங்காகப் போய்க் கொண்டிருந்தது. தோஹாவில் விமானம் இறங்கியவுடன், விமான பணிப்பெண் "சக்கர நாற்காலிக்காரர்கள் காத்திருக்கவும், கீழே இறங்க வேண்டாம்' என்று கூறிவிட்டார்; ஆறு பேர் மட்டும் தங்கிவிட்டார்கள்; அடுத்து சென்னை விமானத்தைப் பிடிக்க ஒரு மணி நேர அவகாசம் மட்டுமே இருந்த நிலையில் அனைவரும் பதற்றமடைந்தனர். ஒருவரும் வரவில்லை 30 நிமிஷங்கள் கழித்து இவர்களை ஒரு வாகனத்தில் ஏற்றி வாயிலருகே விட்டுவிட்டார்கள்; விமானம் போய் விட்டது; இவர்களுக்கு எப்படி இருந்திருக்கும்?, என்ன செய்வது என்று ஒன்றும் விளங்கவில்லை.

அந்த நிறுவன கவுன்ட்டருக்குப் போய் கேட்டபோது சரியான பதில் கிடைக்கவில்லை.

சென்னைக்கு மறுநாள் மாலை 6 மணிக்குத்தான் விமானம் என்று சொல்லியிருக்கிறார்கள். அங்குமிங்கும் ஓடி கொஞ்சம் கனிவான முகம் தென்பட உதவி கோரி தவித்துப் போயிருக்கிறார்கள். மறுநாள் மாலை 6 மணிவரை உண்மையில் தொலைந்து போய் விட்டவர்கள் நிலை என்று சொல்லலாம். பின்னர், விமானத்தைப் பிடித்து வந்து சேர்ந்திருக்கிறார்கள்.

ஆகவே, சக்கர நாற்காலி போட்டாலும் அவஸ்தைப்பட வேண்டும் என்று இருந்தால் பட்டே ஆகவேண்டும். விமான நிலையங்களில் உள்ள அறிவிப்புப் பலகைகள் பெரும்பாலும் ஆங்கிலம் மற்றும் பிற மொழிகளில் மட்டுமே இருக்கும். ஆகவே, விமானப் பயணம் புதியவர்களை மன ரீதியாகவும், நடைமுறை ரீதியாகவும் பெரிதும் அச்சுறுத்துகிறது. ஏதாவது தவறு நேர்ந்துவிட்டால் என்ற கற்பனையும் பயமும் சேர்ந்து கொள்கிறது. மற்ற பயணிகளின் நடவடிக்கைகள், தோற்றம் கொஞ்சம் யோசிக்க வைக்கிறது. சட்டென்று அவர்களிடம் எதையும் கேட்க முடிவதில்லை. உள்ளூரிலேயே ஏதோ அந்நிய நாட்டில் இருப்பதைப் போன்ற உணர்வு அல்லவா ஏற்படுகிறது?. ஆகவே, சக்கர நாற்காலி சேவை இந்த சங்கடங்களையெல்லாம் தவிர்த்து விடுகிறது.

மேலும், இந்த சேவை இலவசம். நடக்க முடியாதவர்கள், உடல் நலமில்லாதவர்கள், அறுவை சிகிச்சை மேற்கொண்டவர்கள், முதியவர்கள் ஆகியோருக்குப் பேருதவியாக இருக்கிறது.

அதுமட்டுமல்ல, இன்னொரு சேவையும் உள்ளது. அது "மீட் அண்ட் கிரீட்' என்பது. இது பரவலாக அறியப்படவில்லை. அது என்ன வசதி?. அதாவது, பயணிகள் விமான நிலையத்தில் எந்தவித சிரமமும் இன்றி எளிதாகப் பயணிக்க உதவும் ஒரு சிறப்பு உதவி சேவையாகும். பெரிய விமான நிலையங்களில் வழிவகை தெரியாமல் திணறுபவர்கள், வெளிநாடுகளில் இருந்து வருபவர்கள், முதல்முறை பயணம் செய்பவர்கள், முதியவர்கள் மற்றும் குழந்தைகளுடன் பயணம் செய்பவர்களின் பயணத்தை இந்தச் சேவை எளிதாக்குகிறது. விமான நிலையத்துக்கு வந்தவுடன் அல்லது விமானத்தில் இருந்து இறங்கியவுடன் ஒரு பிரதிநிதி நம் பெயர் கொண்ட பதாகையுடன் நிற்பார். நீண்ட வரிசையில் நிற்காமல் பாதுகாப்புப் பரிசோதனை மற்றும் குடியேற்றப் பரிசோதனை போன்றவற்றை விரைவாக முடிக்க உதவுவார். சாமான்களை எடுத்துக் கொள்ளவும் உதவியாளர் இருப்பார். ஒரு விமானத்தில் இருந்து வேறு விமானத்துக்கு மாற வேண்டி இருந்தால் அதற்கான வழிகாட்டலையும் செய்வார். இந்தச் சேவையைப் பெற விமான நிலைய அதிகாரபூர்வ இணையதளம் மூலமாகவோ அல்லது தனியார் பயண நிறுவனங்கள் மூலமாகவோ முன்கூட்டியே முன்பதிவு செய்து கொள்ளலாம். எல்லோரும் சக்கர நாற்காலிக்கு விண்ணப்பிப்பதற்குப் பதில் இந்த சேவையைப் பயன்படுத்திக் கொள்ளலாம். கட்டணம் உண்டு என்பதற்காக தயங்கக்கூடாது. ஆயிரக்கணக்கில் செலவு செய்து வெளிநாடு போகிறோம். செலவு கூடுதலாக ஆனால்தான் என்ன?

விமான நிலையத்தில் சக்கர நாற்காலி உதவியும் "மீட் அண்ட் கிரீட்' மற்றும் கட்டண பயணப் பை உதவி கோரும் தொடர்புடைய தகவல்களுடன் அதிகாரபூர்வமாக பட்டியலிடப்பட்டுள்ளன. சக்கர நாற்காலி உதவிக்கு பயணச்சீட்டு முன்பதிவு செய்யும்போதே தொடர்புடைய விமான நிறுவனத்திடம் கோரிக்கை வைக்கலாம். "மீட் அண்ட் கிரீட்' சேவைக்கு விமான நிலைய சேவை வழங்குநரிடம் கிடைக்கும் வசதிகள், முன்பதிவு நடைமுறை, கட்டணம் ஆகியவற்றை உறுதிப்படுத்த வேண்டும். பயணப் பைகளை எடுத்துச் செல்லஉதவியும், இந்தச் சேவையில் தானாக அடங்கி இருக்கிறதா? என்பதைத் தனியாகக் கேட்க வேண்டும்.

இத்தகைய சேவைகள் மனிதநேயத்தின் அடையாளங்கள். பிறரின் உதவியின்றி நீண்ட தொலைவு நடக்க முடியாத ஒருவர், விமான நிலையத்தில் ஒருமுனையில் இருந்து மற்றொரு முனைக்கு சிரமமின்றி செல்லவும், விமானத்தில் ஏறவும், இறங்கிய பிறகு தனது பயணத்தைத் தொடரவும் இவை துணை புரிகின்றன. உடல்நலக் குறைபாடு காரணமாக ஏற்படும் சிரமங்களைக் குறைத்து அவர்களும் மற்றவர்களைப்போல தன்னம்பிக்கையுடன் பயணம் செய்ய வகை செய்கின்றன.

ஆனால், இங்கு ஒரு முக்கியமான கேள்வி எழுகிறது; நலமுடன் இருப்பவர்கள் ஏன் சக்கர நாற்காலி உதவியைக் கேட்க வேண்டும்?, இவ்வாறு பொத்தாம் பொதுவாகக் குற்றஞ்சாட்டுவது தவறு. இந்த உதவி ஆடம்பர வசதியோ அல்லது வரிசையைத் தவிர்ப்பதற்கான குறுக்கு வழியோ அல்ல. உடல் இயக்கத்தில் சிரமம் உள்ளவர்கள் கண்ணியத்துடன் பயணம் செய்வதற்கான அவசியமான உதவியாகும். விரைவில் போய் விடலாம் என்பதற்காக இந்த உதவியைப் பயன்படுத்துவது தவறு. ஒரு வசதி நமக்கு நேரத்தை மிச்சப்படுத்துகிறது என்பதற்காக மட்டும் அதைப் பயன்படுத்துவது சரியல்ல.

முதியவர்களைத் தனியாக அனுப்பும்போது நேரடி விமான சேவையே சிறந்தது. அதில் இடம் கிடைக்கவில்லை அல்லது கட்டணம் அதிகம் என்றாலோ விமானம் மாறிச் செல்ல வகை செய்யலாம். அப்படி மாறும்போது குறைந்தது 2 மணி நேரமாவது கண்டிப்பாக இடைவெளி இருக்குமாறு பயணச்சீட்டை முன்பதிவு செய்ய வேண்டும். குறைந்த அவகாசத்தில் அவர்களைப் பதற்றமடைய வைக்கக் கூடாது.

அதேபோல, அவர்கள் எந்த நாட்டில் விமானம் மாற உள்ளார்களோ அந்த நாட்டின் பணம் அவர்களிடம் சிறிது அளவாவது இருக்க வேண்டும். அவசரத் தேவை ஏற்பட்டால் அவர்கள் சிரமப்படக் கூடாது. முக்கியமான மருந்துகளை உடன் வைத்துக்கொள்ள அறிவுறுத்த வேண்டும். கைப்பேசியில் முழு சார்ஜ் இருக்குமாறு பார்த்துக் கொள்ள சொல்ல வேண்டும். அந்த நாட்டில் யாரேனும் தெரிந்தவர்கள் இருந்தால் அவர்களின் கைப்பேசி, தொலைபேசி எண்களைக் குறித்துக் கொடுக்க வேண்டும். சிரமமோ, பயமோ இன்றி அவர்கள் பயணிப்பது மிக மிக அவசியம்.

விமான நிலையங்களில் சக்கர நாற்காலிகளின் எண்ணிக்கை, உதவியாளர்களின் எண்ணிக்கை, ஒரே நேரத்தில் சேவை பெறும் பயணிகளின் எண்ணிக்கை ஆகியவை வரையறுக்கப்பட்டிருக்கலாம். அப்போது உண்மையிலேயே நடக்க முடியாமல் தவிக்கும் ஒருவருக்கு தாமதம் ஏற்படுவது வேதனைக்குரியது. பொதுவரிசையைத் தவிர்க்க "டிஜியாத்ரா' என்ற செயலியை வீட்டிலேயே பதிவிறக்கம் செய்து விமான நிலையத்தில் பயன்படுத்தலாம். ஒருவர் தனக்குத் தேவையில்லாத உதவியை, அதாவது சக்கர நாற்காலி சேவையைப் பெறுவது மற்றொருவருக்கு தேவையான உதவி கிடைப்பதில் தாமதத்தை ஏற்படுத்தக்கூடும்; இந்த சிந்தனை நம் ஒவ்வொருவருக்கும் வேண்டும்.

கட்டுரையாளர்:

பேராசிரியர்.

முன்னுரிமை பெற வேண்டும் முதியோர் நலன்!

தினமணி  நடுப்பக்க கட்டுரைகள்

முன்னுரிமை பெற வேண்டும் முதியோர் நலன்!

இந்தியாவில் 60 வயது மற்றும் அதற்கு மேற்பட்ட முதியோர்களின் எண்ணிக்கை சுமார் 17.3 கோடியாக உள்ளது.

Updated On :17 அக்டோபர் 2026, 6:34 am IST

முனைவர் என். பத்ரி

தற்போது இந்தியாவில் 60 வயது மற்றும் அதற்கு மேற்பட்ட முதியோர்களின் எண்ணிக்கை சுமார் 17.3 கோடியாக உள்ளது. இது நாட்டின் மொத்த மக்கள்தொகையில் சுமார் 10.5% ஆகும். வரும் 2036-ஆம் ஆண்டிற்குள் இந்த எண்ணிக்கை 23 கோடியாகவும், 2050-ஆம் ஆண்டிற்குள் 34.7 கோடியாகவும் (மொத்த மக்கள்தொகையில் 21%) உயரும் என மதிப்பிடப்பட்டுள்ளது.

2046-ஆம் ஆண்டுக்குள், இந்தியாவில் உள்ள ஒட்டுமொத்த குழந்தைகளின் எண்ணிக்கையைவிட முதியோர்களின் எண்ணிக்கை அதிகமாக இருக்கும் என்று ஐ.நா. சபையின் மக்கள்தொகை நிதியம் தெரிவிக்கிறது.

சர்வதேச அளவில் 50 வயதுக்கும் மேற்பட்ட முதியவர்களின் எண்ணிக்கை 2050-இல் 200 கோடியைத் தாண்டிவிட வாய்ப்புள்ளதாகக் கூறப்படுகிறது. இவர்களில் பெரும்பாலானோர் இந்தியா போன்ற வளர்ந்துவரும் நாடுகளில் இருப்பார்கள் எனவும் கூறப்படுகிறது.

மொத்த மக்கள்தொகையில் 2011-ஆம் ஆண்டு 10.6 சதவீதமாக இருந்த முதியோர்கள் 2031-ஆம் ஆண்டு 18.2 சதவீதமாக உயருவார்கள் எனவும் கணிக்கப்பட்டுள்ளது.

இந்தியாவில் பிற மாநிலங்களைவிட தமிழ்நாடு விரைவாக முதியோர் சமூகமாக மாறி வருகிறது. இந்தத் தகவலை தமிழக நிதி அமைச்சர் அண்மையில் அளித்துள்ள அறிக்கையில் தெரிவித்துள்ளார். மேலும், 2100-ஆம் ஆண்டளவில் தமிழ்நாட்டின் மக்கள்தொகையில் ஏறத்தாழ பாதி பேர் முதியோர்களாக இருப்பார்கள் என்றும் அவர் கூறியுள்ளார்.

மருத்துவ வளர்ச்சி, ஊட்டச்சத்து மேம்பாடு, சுத்தம், மருத்துவ அறிவியல், சுகாதாரப் பராமரிப்பு, கல்வி போன்றவற்றால் முதியோர்களுடைய வாழ்நாள் உயர்ந்து கொண்டே வருவதாக உலக சுகாதார நிறுவனத்தின் புள்ளிவிவரம் தெரிவிக்கிறது.

இருப்பினும், முதியவர்களின் உடலில் நோய்த் தடுப்புச் சக்திகுறைந்து விடுவதால் அவர்களுக்கு எலும்பு சார்ந்த சிக்கல்கள், சர்க்கரை நோய், முதுமை மறதி, தூக்கக் கோளாறுகள், உடல் நடுக்கம் போன்ற பல்வேறு பிரச்னைகள் ஏற்படுகின்றன. இவை அவர்களின் மன நலத்தையும் வெகுவாகப் பாதிக்கின்றன. இதனால், அவர்கள் பிறரைச் சார்ந்திருக்கும் நிலை, சமூகத்திலிருந்து விலகி வாழ்தல், குடும்ப உறுப்பினர்களால் புறக்கணிக்கப்படுதல் போன்ற நிகழ்வுகள் ஏற்படுகின்றன.

முதியோர்கள் தங்களின் ஆரோக்கியத் தேவைகளைப் புரிந்துக் கொண்டு நோய்த் தடுப்புக்கான பரிசோதனைகளைச் செய்து வர வேண்டும்.

அன்றாட உணவில் பழங்கள், காய்கறிகள், முழு தானியங்கள் புரதம், உயிர்ச்சத்து, தாதுச்சத்து, நார்ச்சத்து நிறைந்த சமச்சீர் உணவு ஆகியவற்றை அதிகமாக சேர்த்துக் கொள்வது அவசியம்.

மிதமான உடற்பயிற்சி, நடை, யோகா, தியானம் போன்றவை உடல் வலிமை, சமநிலை, நெகிழ்வுத்தன்மை போன்றவற்றை பேண அவர்களுக்கு உதவும். மேலும், அவர்கள் புகை, மது, புகையிலைப் பொருள்கள் போன்றவற்றைத் தவிர்ப்பது நல்லது. உடலுக்குப் போதுமான உறக்கம் கொடுப்பது அவசியம். குடும்பத்தினர் மற்றும் நண்பர்களுடன் மகிழ்ச்சியாக இருப்பது, அவர்களின் மன நலனை நன்கு பாதுகாக்கும். மருத்துவர் பரிந்துரைக்கப்பட்ட மருந்துகளை மட்டும் எடுத்துக் கொள்ள வேண்டும்.

இந்தியாவில் மூத்த குடிமக்களுக்கு கரோனா நோய்த்தொற்று பரவல் காரணமாக மார்ச் 2020 முதல் ரயிலில் பயணச் சலுகை தற்காலிகமாக நிறுத்தப்பட்டது. இவ்வாறான புழக்கத்தில் இருந்த முதியோர்களுக்கான பல சலுகைகள் நிறுத்தப்பட்டுள்ளன. தொற்று பாதிப்புகள் முழுமையாக நீங்கிவிட்ட நிலையிலும், இந்த சலுகைகள் முதியோருக்கு மீண்டும் வழங்கப்படவில்லை.

மோசமான பொருளாதார நிலையிலும் தற்போது மூத்த குடிமக்கள் அனைவரும் முழுக் கட்டணம் செலுத்தியே பயணிக்க வேண்டியுள்ளது. ரயில் கட்டணச் சலுகையை மீண்டும் கொண்டுவர வேண்டும் என்று நாடு முழுவதும் உள்ள மூத்த குடிமக்கள் அமைப்புகள் தொடர்ந்து மத்திய அரசிடம் கோரிக்கை விடுத்து வருகின்றன.

70 வயதுக்கும் மேற்பட்ட அனைத்து முதியோர்களுக்கும் அவர்களின் பொருளாதார நிலையைப் பொருட்படுத்தாமல், ஆண்டுக்கு ரூ. 5 லட்சம் வரையிலான ஆயுஷ்மான் பாரத் இலவச மருத்துவக் காப்பீடு திட்டம் விரிவுபடுத்தப்பட்டுள்ளது. ஆனால், எந்த மருத்துவமனையும் இந்தச் சலுகையை முதியோர்களுக்கு அளிப்பதில்லை என்ற குற்றச்சாட்டும் இருந்து வருகிறது.

முதுமையில் ஏற்படும் உடல்நலக் கோளாறுகள் தனிப்பட்ட ஒரு முதியவரின் பிரச்னை மட்டுமல்ல, அது ஒரு சமூகம் தொடர்ந்து சந்திக்கும் ஒரு சவாலுமாகும். நாம் முதியோரை விலைமதிக்க முடியாத வளமாக அங்கீகரிக்க வேண்டும். அவர்களுடைய கவலைகளைப் புரிந்துகொண்டு, அவர்களுக்கு ஆதரவாக இருக்க வேண்டும்.

இளமைக் காலத்தில் குடும்பங்களும், சமூகமும் முன்னேற உழைத்தவர்கள் இவர்கள். இவர்களில் பலர் முதியோர் இல்லங்களிலும், சமூகத்திலும் இழிநிலையில் வாழ்வது இனியாவது தவிர்க்கப்பட வேண்டும். அதிகமாக வாழும் தற்போதைய சமூகத்தில் அவர்களுடைய நலன்கள் காக்கப்பட வேண்டும். அதற்கு அரசும், குடும்பங்களும், சமூக ஊடகங்களும், சமூகமும் முன்னுரிமை அளிக்க வேண்டும்.

அவர்களின் நலன் காக்கும் சட்டங்கள் இயற்றப்பட வேண்டும். தேர்தல் நேர வாக்குகளுக்காக மட்டும் அவர்களைப் பயன்படுத்திக் கொள்வது கூடாது. அவர்கள் இழந்த சலுகைகளை திரும்பப் பெற்று அவர்களும் கண்ணியத்துடன் சமூகத்தில் வாழும் நிலையைப் பெறுதல் வேண்டும். இதை சாத்தியமாக்க நாம் ஒன்றிணைவோம். அவர்கள் வாழ்வு சிறக்க பாடுபடுவோம். முதியோர்கள் தங்களுக்கு ஏற்படும் பிரச்னைகளுக்கு தீர்வு காண 14567 என்ற இலவச உதவி எண்ணைத் தொடர்பு கொள்ளலாம்.

வெற்றிப் பயணம் - விரயமா, வரப்பிரசாதமா?

வெற்றிப் பயணம் - விரயமா, வரப்பிரசாதமா?

முதல்வர் விஜய் தொடங்கி வைத்த பெண்களுக்கான இலவச வெற்றிப் பயணத் திட்டம் விரயமா, வரப்பிரசாதமா? என்பதைப் பற்றி...

பெண் பயணிகளுக்கு டிக்கெட் கொடுத்து வெற்றிப் பயணத்தைத் தொடங்கி வைத்த முதல்வர் விஜய். - @CMOTamilnadu

Updated On :12 அக்டோபர் 2026, 4:45 am IST

நமது நிருபர் DINAMANI 

தமிழகத்தில் பெண்களுக்கான இலவசப் பேருந்துப் பயணத் திட்டம் 2021-இல் தொடங்கப்பட்டது. தொடக்கத்தில், சாதாரணக் கட்டணப் பேருந்துகளில் மட்டுமே பெண்கள் இலவசமாகப் பயணிக்க அனுமதிக்கப்பட்டனர். இத்திட்டம் தற்போது மேலும் விரிவுபடுத்தப்பட்டுள்ளது. டீலக்ஸ் பேருந்துகளிலும், புறநகர்ப் பேருந்துகளிலும் பெண்கள் இனி இலவசமாகப் பயணிக்கலாம்.

வெற்றிப் பயணம் என்ற பெயரில் கொண்டுவரப்பட்டுள்ள இந்தத் திட்டத்திற்குப் பெண்கள் மத்தியில் பெரும் வரவேற்பு இருப்பதில் ஆச்சரியம் இல்லை. அதேசமயத்தில், இத்திட்டம் பெண்களுக்கான சமூக முதலீடா? அல்லது பெண்களை வாக்குவங்கி ஆக்குவதற்காக அரசின் நிதியைப் பயன்படுத்தும் முயற்சியா? என்பன போன்ற கேள்விகள் எழுப்பப்படுகின்றன.

இத்திட்டம் தொடங்கியதிலிருந்து பல கோடி பயணங்கள் மேற்கொள்ளப்பட்டுள்ளன. பெண்களின் தினசரி பேருந்துப் பயண எண்ணிக்கையும் குறிப்பிடத்தக்க அளவில் உயர்ந்துள்ளது. இந்தத் திட்டத்தால் ஒரு குடும்பத்துக்கு மாதந்தோறும் சராசரியாக ரூ.1,000 வரை சேமிப்பு ஏற்படுவதாக அரசுத் தரப்பில் கூறப்படுகிறது. இது குறைந்த வருமானம் கொண்ட குடும்பங்களுக்கு முக்கியமானதாகப் பார்க்கப்படுகிறது. இந்நிலையில், இத்திட்டம் விரிவுபடுத்தப்பட்டுள்ளதன் மூலம், தினசரி பயனாளிகள் எண்ணிக்கை சுமார் 84 லட்சம் பெண்கள் என்ற அளவை எட்டும் எனத் தமிழக அரசு தெரிவித்துள்ளது.

சமூகப் பலன்கள்

இலவசப் பயணத்தால் பெண்களுக்குக் கிடைக்கும் பொருளாதார மற்றும் சமூகப் பலன்களைப் பார்க்கும்போது, பேருந்துக் கட்டணம் காரணமாக, ஒரு பெண் வேலைக்குச் செல்ல முடியாமல் இருந்தால், குடும்பத்துக்கு வருமான இழப்பு ஏற்படுகிறது. தொலைவில் உள்ள கல்வி நிறுவனத்தைத் தேர்வு செய்ய முடியாமல் போனால், தரமான கல்வி வாய்ப்பு குறைகிறது. மருத்துவமனைக்குச் செல்ல பணம் இல்லாவிட்டால், உரிய நேரத்தில் சிகிச்சை பெற முடியாமல் போகலாம். ஆகையால், இலவச பேருந்துப் பயணத்தைக் குடும்பப் பொருளாதாரக் கோணத்தில் பார்த்தால், பெண்களின் பயணச் செலவு குறைகிறது; இதனால், குடும்பச் செலவு குறைகிறது.

அதன்மூலம் மிச்சமாகும் தொகை, குடும்ப உறுப்பினர்களின் கல்வி, உணவு, மருத்துவம் போன்றவற்றுக்குப் பயன்படுகிறது. குடும்பத்தின் செலவழிக்கக்கூடிய வருமானம் அதிகரிக்கிறது, பெண்கள் வேலைக்குச் செல்வது அதிகரிக்கிறது, மாணவிகளின் கல்வி வாய்ப்புகள் அதிகரிக்கின்றன. மருத்துவம் உள்ளிட்ட அத்தியாவசிய சேவைகளை அணுகுவது எளிதாகிறது. இதன்மூலம் பெண்களின் சமூக மற்றும் பொருளாதார நிலை மேம்படுகிறது. இதனால்தான் அரசு இதை சமூக முதலீடு என்று குறிப்பிடுகிறது.

ஆனால், ஒரு நாணயத்துக்கு இரண்டு பக்கங்கள் இருப்பது போல, இதற்கு எதிர்மறைப் பக்கமும் இருக்கிறது. இலவசம் என்ற சொல் இனிமையாக இருக்கலாம். ஆனால், பொருளாதாரத்தில் எதிலும் இலவசம் என்பதற்கு இடமில்லை. எல்லாவற்றுக்கும் ஒரு விலை//கட்டணம் உண்டு. ஒருவர் செலுத்தாத கட்டணத்தை மற்றொருவர் செலுத்துகிறார்.

இங்கே பேருந்துப் பயணத்துக்காகப் பெண்கள் செலுத்தவேண்டிய கட்டணத்தை போக்குவரத்துத் துறைக்கு அரசு செலுத்துகிறது. அவ்வாறு கட்டணம் ஈடுசெய்யப்படாவிட்டால், போதிய வருவாய் இல்லாமல், போக்குவரத்துத் துறையின் நிர்வாகம் சீர்குலையும் சூழல் ஏற்படும்.

ஊழியர்களின் ஊதியம், புதிய பேருந்துகள் வாங்குவது, பேருந்துகள் பராமரிப்பு போன்ற அனைத்தும் பாதிக்கப்படும் என்பதால், அரசு மானியம் வழங்குவதன் மூலம் இலவசப் பயணங்களால் ஏற்படும் இழப்பை ஈடுகட்டுகிறது.

2026-27 தமிழக பட்ஜெட்டில் போக்குவரத்துத் துறைக்கு ரூ.13,561 கோடி ஒதுக்கப்பட்டுள்ளது. அதில் போக்குவரத்துக் கழகங்களுக்கான மானியம் மட்டும் ரூ.7,675 கோடி. அதாவது, மொத்த போக்குவரத்துத் துறைக்கான ஒதுக்கீட்டில் மானியம் மட்டும் சுமார் 56.6%. எரிபொருள் விலை, ஊதியம், உதிரிபாகங்கள், பேருந்து பராமரிப்பு ஆகிய செலவுகள் அதிகரிக்கும்போது மானியத் தேவையும் அதிகரிக்கும். இவ்வாறாக, ஆண்டுதோறும் உயரும் மானியத்தொகையை அரசால் எந்த அளவுக்குச் சமாளிக்க முடியும் என்கிற கேள்வி எழுகிறது.

தமிழக அரசுப் போக்குவரத்துக் கழகங்கள் சமூகப் பொறுப்புடன் செயல்படுபவை. குறைந்த கட்டணத்தில் கிராமங்களுக்குப் பேருந்து இயக்குதல், மாணவர்களுக்கு சலுகை, முதியோர் உள்ளிட்ட பல்வேறு பிரிவுகளுக்கு சலுகை, தொலைதூரப் பகுதிகளுக்குச் சேவை எனப் பல்வேறு சமூகப் பணிகளையும் அவை செய்கின்றன. இதனால் அவற்றை லாப நோக்கம் மட்டுமே கொண்ட சாதாரண வணிக நிறுவனங்களாகக் கருத முடியாது. அதேசமயத்தில், வருவாய்க்கும் செலவுக்கும் இடையிலான இடைவெளி அதிகரிக்கும்போது, பல்வேறு பிரச்னைகளை எதிர்கொள்ள வேண்டிய நிலை ஏற்படும். ஆண்டுதோறும் அதிகரிக்கும் மானியத் தொகை, போக்குவரத்துத் துறையின் மீது பல்வேறு தாக்கங்களை ஏற்படுத்த வாய்ப்பிருக்கிறது.

புதிய பேருந்துகள் வாங்குவதற்கு நிதியில்லாமல் போகக்கூடும், பழைய பேருந்துகளைப் பராமரிப்பதில் சிரமம் ஏற்படலாம். பேருந்துகளின் பராமரிப்புச் செலவைக் குறைக்க வேண்டிய நிலை உருவாகலாம், ஊழியர்களுக்கான ஊதிய உயர்வு, பணிக்கொடை, சலுகைகள் போன்றவற்றை வழங்குவதில் தொய்வு ஏற்படலாம், இது ஊழியர்களின் சேவைத் தரத்தைப் பாதிக்கும்.

Advertise with us

வாடகை வாகனங்கள் பாதிப்பு

இலவசப் பயணம் பொதுப் போக்குவரத்தின் பயன்பாட்டை அதிகரிக்கும் என்பதால் அதற்கேற்ப பேருந்துகளின் எண்ணிக்கையை அதிகரிக்காவிட்டால், கூட்ட நெரிசல் காரணமாகப் பொதுமக்கள் சிரமப்படுவார்கள். அரசுப் பேருந்துகளில் இலவசப் பயணம் என்பது தனியார் பேருந்துகள், ஆட்டோ உள்ளிட்ட வாடகை வாகனங்களின் வருவாயைக் குறைக்க வாய்ப்பிருக்கிறது. போக்குவரத்துத் துறைக்கான மானியம் அதிகரித்துக் கொண்டே செல்வது, பிற துறைகளுக்கான நிதி ஒதுக்கீட்டைப் பாதிக்கும்.

முறையான கண்காணிப்போ, கட்டுப்பாடுகளோ இல்லாததால் அரசுக்குக் கூடுதல் செலவு ஏற்படுவதாகக் கூறப்படுகிறது. தாய் மாமன் தங்க மோதிரம் போன்ற திட்டங்களின் கீழ் பிற மாநிலங்களைச் சேர்ந்தோர் பயன்பெற முடியாது. ஆனால், இலவச பயணத் திட்டத்தில் அத்தகைய கட்டுப்பாடு எதுவும் இல்லை. பிற மாநிலங்களைச் சேர்ந்த பெண்களுக்கும் இலவச பயணச் சலுகை கிடைக்கிறது. இதற்கான செலவுத் தொகையையும் தமிழக அரசே ஏற்கிறது.

அதேபோல், இலவச பயணச் சீட்டு வழங்குவதில் இருக்கும் பல்வேறு பிரச்னைகளும் சுட்டிக்காட்டப்படுகின்றன. சாதாரணப் பேருந்துகளில், ஏற்கெனவே அச்சடிக்கப்பட்ட டிக்கெட்டுகள் கொடுக்கப்படுகின்றன. பயணிகள் குறைவாக இருக்கும் சமயங்களில் ஒருசில நடத்துநர்கள் டிக்கெட்டுகளைக் கிழித்து வீசிவிட்டு, பெண்கள் பயணித்ததாகக் கணக்குக் காட்டுவதாகக் குற்றம்சாட்டப்படுகிறது.

அதேபோல், டீலக்ஸ் பேருந்துகளில், ஒருசில நடத்துநர்கள் டிக்கெட் வருவாயை அதிகரித்துக் காட்டும் நோக்கில், கடைசி நிறுத்தத்தைக் குறிப்பிட்டு பயணச் சீட்டுகளை வழங்குவதாகவும் புகார் கூறப்படுகிறது. இதனால் அரசு வழங்கும் கூடுதல் மானியத் தொகை உண்மையான பயனாளிகளைச் சென்றடையாமல் போகிறது. பொழுதுபோக்காக ஊரைச் சுற்றி வருவது போன்ற தேவையற்ற பயணங்களும் அரசுக்குக் கூடுதல் நிதிச்சுமையை ஏற்படுத்துவதும் சுட்டிக்காட்டப்படுகிறது. இதுபோன்ற நிலை உருவாகாமல் தடுப்பதற்குத் தேவையான நடவடிக்கைகளை அரசு முன்கூட்டியே திட்டமிட வேண்டும்.

தீர்வு என்ன?

இலவசப் பயணத் திட்டத்துடன் சேர்த்து போக்குவரத்துக் கழகங்களின் நிதி மறுசீரமைப்பும் அவசியமாகிறது. இலவசப் பேருந்துப் பயணத்தை நிறுத்துவது பிரச்னைகளுக்குத் தீர்வு அல்ல. மாறாக, பொருளாதார ரீதியாகவும், போக்குவரத்து ரீதியாகவும் இத்திட்டத்தை நிலைத்திருக்கச் செய்வதே சரியான அணுகுமுறையாக இருக்கும்.

ஒவ்வொரு இலவசப் பயணத்துக்கும் அரசு நிர்ணயிக்கும் மானியத் தொகை வெளிப்படையாக இருக்க வேண்டும். அதற்கான சமூகப் பலன் கணக்கிடப்பட வேண்டும், பெண்கள் சேமிக்கும் தொகை மட்டுமல்ல; இலவசப் பயணத் திட்டத்தின் மூலம் எத்தனை பேர் பணிக்குச் சென்றனர்? எத்தனை மாணவிகள் பள்ளி, கல்லூரிகளுக்குச் செல்ல முடிந்தது/ குடும்ப வருமானத்தில் என்ன மாற்றம் ஏற்பட்டது? என்பது ஆண்டுதோறும் மதிப்பிடப்பட வேண்டும்.

அப்போதுதான் இத்திட்டத்தின் நோக்கம் எத்தகைய சமூக மாற்றத்தை ஏற்படுத்தியுள்ளது என்பதை மதிப்பிட முடியும். போக்குவரத்துக் கழகங்களின் எரிபொருள் சேமிப்பு, நேரக் கட்டுப்பாடு, பேருந்து பயன்பாடு, பராமரிப்பு போன்ற செயல்திறன் அளவுகோல்களுக்கு ஏற்ப மானியத்தை வழங்கலாம்.

அரசுப் பேருந்துகளும், தனியார் பேருந்துகளும் ஒரே வழித்தடத்தில் இயங்கும்போது, தனியாருக்கு ஏற்படும் இழப்பை ஆய்வு செய்து, தேவையான இடங்களில் வழித்தட அடிப்படையிலான மானியம் அல்லது சேவை ஒப்பந்த முறையை பரிசீலிப்பதன் மூலம் தனியார் பேருந்துகளுக்கு ஏற்படும் இழப்பை ஈடுசெய்யலாம்.

தமிழ்நாட்டில் தற்போது சுமார் 21,000 பேருந்துகள் உள்ள நிலையில், அவற்றில் சுமார் 19,000 பேருந்துகள் மட்டுமே இயக்கத்தில் இருப்பதாகக் கூறப்படுகிறது. இவற்றிலும் குறிப்பிடத்தக்க எண்ணிக்கையிலான பேருந்துகள் நிர்ணயிக்கப்பட்ட ஆயுள்காலத்தைத் தாண்டி, இயங்கி வருவதாகக் கூறப்படுகிறது.

எனவே, அதிக எண்ணிக்கையில் புதிய பேருந்துகளை வாங்க வேண்டிய கட்டாயமும், பழைய பேருந்துகளைப் பராமரிக்க வேண்டிய அவசியமும் அரசுக்கு உள்ளன. எனவே, இலவச பயணங்களுக்கான இழப்பீட்டை வழங்குவதோடு நிறுத்திக்கொள்ளாமல், புதிய பேருந்துகள் வாங்குவதிலும், கிராமப்புற இணைப்புச் சேவைகளிலும் அரசு தொடர்ந்து கவனம் செலுத்தவேண்டும்.

உண்மையான வெற்றி என்னவென்றால், பெண்களுக்கு இலவசப் பயணம்; அரசுக்கு கட்டுப்படுத்தப்பட்ட மானியச் செலவு; போக்குவரத்துக் கழகங்களுக்கு நிதி நிலைத்தன்மை; தனியார் பேருந்துகளுக்கு நியாயமான போட்டி; பயணிகளுக்கு தரமான சேவை. இந்த ஐந்தையும் ஒரே நேரத்தில் உறுதி செய்தால்தான் இலவசப் பயணம் உண்மையான வெற்றிப் பயணமாகும். இல்லையெனில், இன்று பெண்களுக்கு மிச்சமாகும் ரூபாய், நாளை அரசின் கணக்கில் கூடும் சுமையாக மாறக்கூடும்.

தமிழக அரசின் ஒட்டுமொத்த நிதிநிலை ஏற்கெனவே பல்வேறு நலத்திட்டங்கள், மானியங்கள், அரசுப் பொதுத்துறை நிறுவனங்களின் கடன்கள் உள்ளிட்டவற்றால் பெரும் அழுத்தத்தில் இருப்பதால், இந்தத் திட்டத்தின் எதிர்காலத்தைத் தீர்மானிக்கும் ஒரே கேள்வி, இலவசப் பயணத் திட்டம், பெரும் நிதிச்சுமையாக மாறிவிடாமல் தொடர்ந்து செயல்படுவதற்கு அரசு என்ன செய்யவேண்டும் என்பதுதான்.

பெண்களுக்கு வெற்றிப் பயணமாக இருக்க வேண்டும்; அதேசமயத்தில், அரசுக்கு தேவையற்ற செலவாக மாறிவிடக்கூடாது. எனவே, திட்டத்தை நிறுத்தாமல் இந்த இலவசப் பயணம் யாருக்கு? எதற்காக? எவ்வளவு? என்ற அடிப்படையில் முறைப்படுத்த முடியுமா? என்பதே அடுத்த கட்டக் கொள்கை விவாதமாக இருக்கவேண்டும்.

ஆயுள்காலத்தைக் கடந்தும் 'கடமையாற்றும்' பேருந்துகள்

சென்னை மாநகர போக்குவரத்துக் கழக (எம்டிசி) பேருந்துகளில் 15 ஆண்டுகளைக் கடந்த 611 பேருந்துகள் இன்னும் பயன்பாட்டில் இருப்பது தெரியவந்துள்ளது.

தற்போது மாநகர் போக்குவரத்துக்கழகத்தின் கீழ் சுமார் 4,153 பேருந்துகள் 35 பணிமனைகள் மூலம் இயக்கப்படுகின்றன. இதில் நாள்தோறும் 3,933 திட்டமிட்ட பேருந்து சேவைகள் நடைமுறையில் உள்ளன.

மாநகரப் போக்குவரத்துக் கழகத்தின் அதிகாரபூர்வ புள்ளிவிவரத்தின்படி 2026 செப்டம்பர் வரை பேருந்துகளின் எண்ணிக்கை 4,148 ஆகவும், சராசரி வயது 5 ஆண்டுகளாகவும் உள்ளது. நாள்தோறும் சராசரியாக 34.16 லட்சம் பயணிகள் பேருந்துகளைப் பயன்படுத்துகின்றனர். அரசுப் போக்குவரத்துக் கழகங்களின் பேருந்துகள் 9 ஆண்டுகள் சேவை செய்த பிறகு அல்லது 12 லட்சம் கி.மீ. ஓடிய பிறகு இதில் எது முதலில் நிறைவடைகிறதோ அதன்படி மாற்றப்பட வேண்டும்.

தேசிய வாகனக் கழிவு கொள்கை நடைமுறைக்கு வந்த 2023 ஏப். 1-ஆம் தேதி நிலவரப்படி, மாநகர் போக்குவரத்துக் கழகத்தில் 15 ஆண்டுகளைக் கடந்த 529 பேருந்துகள் இருந்தன. அந்த எண்ணிக்கை தற்போது 611- ஆக அதிகரித்துள்ளது.

தனியார் பேருந்துகளுக்கு பெரும் பாதிப்பு

தமிழகத்தில் 8,500 தனியார் பேருந்துகள் இயக்கப்ப டுகின்றன. தனியார் பேருந்துகள் மூலம் ஓட்டுநர், நடத்துநர், மெக்கானிக் என நேரடியாக 60,000 பேரும், மறைமுகமாக 25,000 பேரும் வேலைவாய்ப்புப் பெறுகின்றனர். வெற்றிப்பயணம் திட்டத்தால், பெண்கள் தனியார் பேருந்துகளில் ஏறுவதில்லை. இதனால் தனியார் பேருந்துகளுக்கு 70 சதவீதம் வரை இழப்பு ஏற்பட்டுள்ளது. 2018-க்குப் பின்னர் தனியார் பேருந்துகளில் கட்டணம் உயர்த்தப்படவில்லை.

2018-இல் டீசல் விலை ரூ.65 ஆக இருந்த நிலையில் தற்போது ரூ.102 ஆக உள்ளபோதும் கூட பேருந்து கட்டணம் உயர்த்தப்படவில்லை. தனியார் பேருந்துகளை இயக்க 1 கி.மீ-க்கு ரூ.52-இல் இருந்து ரூ.60 வரை செலவாகிறது. ஆனால் வெற்றிப்பயணம் திட்டத்தால் தனியார் பேருந்தின் வருமானம் 1 கி.மீ-க்கு ரூ.30-ஆகக் குறைந்து விட்டது. அனைத்துப் பேருந்துகளும் நஷ்டத்தில்தான் இயக்கப்படுகின்றன.

ஒரே தடத்தில் இயங்கும் தனியார் பேருந்துகளுக்கும், அரசுப் பேருந்துகளுக்கும் இடையே நேர இடைவெளியைப் பின்பற்ற உத்தரவிட வேண்டும். வருவாய் இழப்பை சமாளிக்க தனியார் பேருந்துகளுக்கு சில சலுகைகள் அல்லது மானியத்தை அரசு அளிக்க வேண்டும்.

- எஸ்.ஆர்.சிவபெருமாள். நாகை-மயிலாடுதுறை தனியார் பேருந்து உரிமையாளர்கள் சங்கச்செயலர்

செலவு அல்ல, முதலீடு...

அரசுப் போக்குவரத்துக் கழக பேருந்துகளில் பெண்கள் இலவசமாக பயணம் செய்யும் திட்டம் வரவேற்கத்தக்க ஒன்று. பெண்கள் இலவச பயணத்தால் ரூ. 3,000 கோடி முதல் ரூ.4,000 கோடி வரை கூடுதல் செலவாகிறது. இதை மாநில அரசு போக்குவரத்துக் கழகங்களுக்கு மானியமாக வழங்குகிறது. இந்தத் தொகை செலவு அல்ல, முதலீடாகும்.

இதன்மூலம் மாநிலத்தின் பொருளாதார வளர்ச்சி ஏற்படும்; மாநிலத்தின் ஜிடிபி உயர்கிறது. பெண்கள் பல்வேறு வேலைக்காக தினமும் சுமார் 10 முதல் 15 கிலோ மீட்டர் பயணம் செய்கின்றனர். அவர்களின் வாழ்வாதாரம் உயர்வு அடைகிறது. மாணவியர் இலவச பேருந்தில் பள்ளிக்குச் செல்வதால் பெண்கல்வி பயில்வோர் சதவீதம் அதிகரித்துள்ளது.

ரூ. 1 செலவு செய்தால் ரூ.4 வருவாய் கிடைக்கிறது. அதனால் இது சிறந்த திட்டம். உலகில் 15 நாடுகளில் இலவச பயணம் திட்டம் செயல்பாட்டில் உள்ளது. இந்தத் திட்டத்தால் நடத்துநர், ஓட்டுநர்களுக்கு பணிச் சுமை அதிகம் என்றாலும் பணியாளர்கள் மகிழ்ச்சியுடனே பணியாற்றுகின்றனர். மேலும் நடத்துநர், ஓட்டுநர்களுக்கு ஊக்கத் தொகையாக 1.5 சதவீதம் வழங்கப்படுகிறது.

அ.சௌந்தரராஜன், சிஐடியு தேசிய துணைத் தலைவர்.

முழு படிக்காசு வழங்க வேண்டும்

அரசுப் போக்குவரத்துக் கழகங்களில் பணியாற்றும் ஓட்டுநர், நடத்துநர்களுக்கு காலை, மதிய உணவு, தேநீர்அருந்துவதற்காக படிக்காசு வழங்கப்படுவது நடைமுறையாக இருந்து வருகிறது. ரூ.100 வருவாயில் ஒரு ரூபாய் 15 காசு படிக்காசாக வழங்கப்படும். புறநகர்ப் பேருந்துகளில் பணியாற்றுபவர்களுக்கு குறைந்தது ரூ.150 முதல் ரூ.160 வரை படிக்காசு முன்பு கிடைத்து வந்தது. நகரப் பேருந்துகளில் பணியாற்றுபவர்களுக்கு ரூ.50 முதல் ரூ.70 வரை படிக்காசு கிடைத்து வந்தது.

நகரப்பேருந்துகளில் கட்டணமில்லா பயணத் திட்டம் அறிமுகமானது முதல் வருவாய் குறைந்து ஓட்டுநர்கள், நடத்துநர்களுக்கு ரூ.20முதல் ரூ.30 வரையிலும்,வெற்றிப்பயணத் திட்டம் அறிமுகமானது முதல் புறநகர்ப் பேருந்துகளின் ஓட்டுநர்கள், நடத்துநர்களுக்கு ரூ.35 முதல் ரூ.40 வரை மட்டுமே படிக்காசாக கிடைக்கிறது.

ரூ.7000 முதல் ரூ.8000 வரை வசூலித்த நகரப் பேருந்துகளில் தற்போது ரூ.3000 வரைதான் வருவாய் கிடைக்கிறது. அதேபோல, முன்பு ரூ.17 ஆயிரம் முதல் ரூ.22 ஆயிரம் வரை வசூலித்த புறநகர்ப் பேருந்துகளில் தினசரி வருவாய் ரூ.6000

முதல் ரூ.7000 என்று குறைந்துவிட்டது. இதனால், 12 மணி நேரம் பணியாற்றக்கூடிய ஓட்டுநர்கள், நடத்துநர்களுக்கு கிடைத்து வந்த முழுமையான படிக்காசு தற்போது, வெகுவாகக் குறைந்துவிட்டதால்அவர்கள் பெரும் பாதிப்புக்குள்ளாகியிருக்கிறார்கள். எனவே, மகளிர் பயணத் தொகைக்குரிய படிக்காசையும் சேர்த்து, முன்பு வழங்கப்பட்டது போல தற்போதும் படிக்காசு தொகையை வழங்க அரசு நடவடிக்கை எடுக்க வேண்டும்.

எஸ்.வேலு, பொதுச் செயலர், அரசுப் போக்குவரத்து ஊழியர் சங்கம் (சிஐடியு) விழுப்புரம்.

அரசின் பரிசீலனைக்கு...

இலவசப் பயணங்களின் எண்ணிக்கையை நிர்ணயிக்கலாம் (மாதத்திற்கு 60 பயணங்கள்). பிற திட்டங்களைப் போன்று இதற்கும் வருமான உச்சவரம்பு நிர்ணயிக்கலாம் (ஆண்டுக்கு ரூ. 2.5 லட்சம்). தகுதியுள்ளவர்களுக்கு மட்டும் மின்னணு பயண அட்டை வழங்கி, ஒவ்வொரு பயணத்தையும் பதிவு செய்தல்.

பெண்களின் பயணத்துக்கு தனியார் பேருந்துகளுக்கும் அரசு மானியம். அரசுப் பேருந்து, மினி பேருந்து, ஷேர் ஆட்டோ, வீடு என்ற இணைப்புப் போக்குவரத்து மாதிரியை உருவாக்கி, வீடுவரை பாதுகாப்பான இலவச வெற்றிப் பயணமாக்கலாம்.

பெண்களுக்குக் கிடைக்கும் இலவசப் பயணப் பயனை குறைக்காமல், ஷேர் ஆட்டோ-மினி பேருந்து-சிறு வாகன உரிமையாளர்களைப் போட்டியாளர்கள் என்பதிலிருந்து கடைசி மைல் போக்குவரத்து கூட்டாளிகளாக மாற்றுவது நீண்டகால தீர்வாக அமையும்.

-நமது சிறப்பு நிருபர்கள் குழு

தமிழ்நாடு வீட்டில் இருந்தபடியே பத்திரப் பதிவு உள்பட 18 சேவைகள் முதல்வா் மு.க.ஸ்டாலின் தொடங்கி வைத்தாா்

தமிழ்நாடு வீட்டில் இருந்தபடியே பத்திரப் பதிவு உள்பட 18 சேவைகள் முதல்வா் மு.க.ஸ்டாலின் தொடங்கி வைத்தாா்

மு.க. ஸ்டாலின் தினமணி செய்திச் சேவை Updated on: 23 ஜனவரி 2026, 5:52 am

வீட்டில் இருந்தபடியே பத்திரப் பதிவு செய்யும் புதிய சேவை உள்பட பதிவுத் துறையில் 18 சேவைகளை முதல்வா் மு.க. ஸ்டாலின் வியாழக்கிழமை தொடங்கி வைத்தாா்.

சொத்துப் பதிவு, திருமணப் பதிவு, சங்கங்கள், மற்றும் கூட்டாண்மை நிறுவனங்கள் பதிவு ஆகியவற்றை பதிவுத் துறை மேற்கொண்டு வருகிறது. 160 ஆண்டுகள் பாரம்பரியம் கொண்ட பதிவுத் துறையை கணினிமயமாக்கும் திட்டம் கடந்த 2000-ஆம் ஆண்டு தொடங்கப்பட்டது.

அதன் தொடா்ச்சியாக, தற்போது ‘ஸ்டாா் 3.0’ என்ற மென்பொருள் மூலம் ட்ற்ற்ல்ள்://ற்ய்ழ்ங்ஞ்ண்ய்ங்ற்.ஞ்ா்ஸ்.ண்ய்/ல்ா்ழ்ற்ஹப் என்ற இணையதளத்தில் காகிதமில்லா ஆவணப் பதிவு, நேரடி வருகையில்லா ஆவணப் பதிவு, தானியங்கி பத்திர உருவாக்கம், மறு விற்பனையாகும் அடுக்குமாடி குடியிருப்புகளுக்கு கட்டடக் களப் பணியின்றி ஆவணங்களை அன்றே திரும்ப வழங்கும் திட்டம், எளிய முறையில் வில்லங்கச் சான்று தேடுதல் உள்ளிட்ட 18 சேவைகள் அறிமுகப்படுத்தப்பட்டுள்ளன. இதை முதல்வா் மு.க. ஸ்டாலின் தலைமைச் செயலகத்தில் வியாழக்கிழமை தொடங்கி வைத்தாா். முக்கிய சேவைகளின் விவரம்:

ஆணவங்களை உடனுக்குடன் வழங்கும் வசதி: பொதுமக்கள் சொத்துப் பத்திரத்தின் சான்றிட்ட நகல் கோரும் நிகழ்விலும், வெளிநாடுகளில் வசிப்பவா்கள் அளிக்கும் பொது அதிகார ஆவணங்கள், நீதிமன்ற ஆணைகள், கடன் ஆணைகள், குறிப்பு ஆணைகள் உள்ளிட்ட ஆவணங்களின் சான்றளிக்கப்பட்ட நகல்களை இணையவழியில் உடனுக்குடன் மையக் கணினியின் மின்னணு கையொப்பத்துடன் வழங்கும் புதிய வசதியும் ஏற்படுத்தப்பட்டுள்ளது.

எளிதாக வில்லங்கச் சான்று தேடுதல்: ஆவணத்தின் பதிவு எண்ணை வைத்து தேடுதல் மேற்கொள்ளும்போது, அதனுடன் தொடா்புடைய அனைத்து முன்பதிவு மற்றும் பின்பதிவு ஆவணங்கள் வில்லங்கச் சான்றில் வரும் வசதி ஏற்படுத்தப்பட்டுள்ளது. தனித்தனியாக வில்லங்கச் சான்று வழங்கப்பட்ட நிலையை மாற்றி, ஒரே கிராமத்தைப் பொருத்து ஒரே ஒரு கணினிக் கட்டணத்துடன் ஒரே வில்லங்கச் சான்றாக வழங்கும் வசதியும் உருவாக்கப்பட்டுள்ளது.

காகிதமில்லா ஆவணப் பதிவு: சொத்தை எழுதிக் கொடுப்பவா் மற்றும் எழுதி வாங்குபவரின் ஆதாா் வழி பெறப்பட்ட குறுஞ்செய்தி அல்லது விரல் ரேகை வழி சரிபாா்க்கப்பட்டு, ஆவணதாரா்கள் அலுவலகத்தில் நேரில் ஆஜராகி, ஆவண விவரங்கள் சரியாக இருந்தால் ஆவணம் உடனுக்குடன் பதிவு செய்யப்பட்டு, சாா்-பதிவாளரின் மின்னணு கையொப்பம் இடப்பட்டு மின்னணு ஆவணமாக இணையவழியில் பொதுமக்களுக்கு உடனே அனுப்பி வைக்கப்படும்.

கைப்பேசி செயலி: கைப்பேசி செயலி (பசதஉஎஐசஉப) வழியாக வில்லங்கச் சான்று, ஆவணப் பதிவுக்கான டோக்கன், வழிகாட்டி மதிப்பு, திருமணம், சங்கம், கூட்டு நிறுவனம், சீட்டு நிறுவனம், ஆவணப் பதிவு விவரம், சொத்தின் மதிப்புக் கணக்கீடு ஆகியவற்றை எளிதாகப் பெறலாம். பதிவுத் துறையின் வெவ்வேறு சேவைகளின் நிலையை வாட்ஸ்ஆப் வழியாகவும் தகவல் அனுப்பி தெரிந்து கொள்ளலாம்.

இந்த நிகழ்ச்சியில் வணிக வரி மற்றும் பதிவுத் துறை அமைச்சா் பி.மூா்த்தி, தலைமைச் செயலா் நா. முருகானந்தம், வணிக வரி மற்றும் பதிவுத் துறைச் செயலா் ஷில்பா பிரபாகா் சதீஷ், பதிவுத் துறைத் தலைவா் தினேஷ் பொன்ராஜ் ஆலிவா் ஆகியோா் பங்கேற்றனா்.

யாரெல்லாலம் வீட்டில் இருந்தபடி பதிவு செய்யலாம்...

புதிய அடுக்குமாடி குடியிருப்பு மற்றும் புதிதாக உருவாக்கப்பட்ட மனைப் பிரிவுகள் வாங்குபவா்கள் மட்டும் இந்தச் சேவையைப் பெறலாம்.

இணைய வழியில் கட்டணம் செலுத்தியவுடன் பொதுமக்கள் சாா்பதிவாளா் அலுவலகம் செல்லாமலேயே இணையவழியாக ஆவணப் பதிவுக்கு சமா்ப்பிக்கலாம். இந்த ஆவணங்கள் சரிபாா்க்கப்பட்டு பதிவு செய்யப்பட்டு இணைய வழியில் ஆவணதாரா்களுக்கு அனுப்பி வைக்கப்படும்.

மேலும், தமிழ்நாடு வீட்டு வசதி வாரியம் மற்றும் தமிழ்நாடு நகா்ப்புற வாழ்விட மேம்பாட்டு வாரிய சொத்துகளுக்கும் வாரிய அலுவலகத்திலிருந்தே பத்திரத்தைப் பதிவு செய்து தரவிறக்கம் செய்யும் வசதியும் ஏற்படுத்தப்பட்டுள்ளது.

தானியங்கி பத்திரம் உருவாக்கம்

பொதுமக்கள் பிறா் உதவியின்றி தங்களின் ஆவணத்தை தாங்களே உருவாக்கும் வண்ணம் கேள்வி- பதில் வடிவிலான தானியங்கி பத்திரம் உருவாக்கும் வகையில் புதிய மென்பொருளைப் பதிவுத் துறை தயாரித்துள்ளது.

இதன்மூலம் பொதுமக்கள் தங்கள் சொத்து தொடா்பான குறைந்தபட்ச விவரங்களை அளித்து உருவாக்கப்படும் ஆவணத்தை காகிதமில்லா ஆவணப் பதிவு முறையிலோ அல்லது அச்சுப் பிரதி எடுத்து வழக்கமான பத்திரப் பதிவு முறையிலோ பதிவு செய்து கொள்ளலாம் என்று அரசு தெரிவித்துள்ளது.

தேவை இணைய விழிப்புணர்வு!

தேவை இணைய விழிப்புணர்வு!

இணையவழிக் குற்றங்களும் பல்வேறு வடிவில் அதிகரித்து வருவதால், மக்களின் பாதுகாப்பு பெரும் சவாலாகி வருவது குறித்து...

வை. இராமச்சந்திரன் Published on: 25 ஜூலை 2025, 5:15 am

வங்கிச் சேவைகள் முதல் வாங்கும் பொருள்கள் வரை பெரும்பாலான சேவைகள் தற்போது இணையவழியில் நடைபெறும் இந்தக் காலகட்டத்தில், இணையவழிக் குற்றங்களும் பல்வேறு வடிவில் அதிகரித்து வருவதால், மக்களின் பாதுகாப்பு பெரும் சவாலாகி வருகிறது.

அண்மைக்காலமாக இணையம், செயலிகள், சமூக ஊடகங்கள் போன்ற எண்ம தளங்களை வைத்து, பகுதிநேர வேலை என்ற பெயரில் நடைபெறும் மோசடிகளில் பொதுமக்கள் சிக்கி பாதிக்கப்பட்டுள்ளனர்.

முக்கியமாக, "லுக்" என்ற செயலி மூலமாக, பகுதிநேர வேலைவாய்ப்பு என விளம்பரப்படுத்தி, முதலில் ரூ.20,300}ஐ முன்பணமாக செலுத்த வேண்டுமெனவும், அந்தப் பணத்தை செலுத்திய பின்னர், தினமும் சில நாவல், புத்தகங்களை வாசித்தால் ரூ.700 வரை பணம் சம்பாதிக்கலாம் எனவும் கூறப்பட்டு, முதல்கட்டமாக சிறிய தொகையை வழங்கி நம்பிக்கையை உருவாக்குகின்றனர்.

பின்னர், மற்றவர்களையும் சேர்த்தால் அதிக வருமானம் கிடைக்கும் என உணர்த்தி, வட்டியோடு பணத்தை திருப்பித் தருவதாகக் கூறி இன்னும் அதிக பணம் வசூலிக்கின்றனர். இதில் ஏராளமானோர் தங்கள் சேமிப்புகளை இழந்து மோசடிக்குள்ளாகின்றனர்.

பெரும்பாலும் வேலைதேடும் இளைஞர்கள், மாணவர்கள், பெண்கள்.

ஓய்வுபெற்றவர்கள், முதியோர் போன்றோரையே குறிவைத்து, எளிய வேலை, தினசரி ஊதியம் என்ற வாக்குறுதிகள் மூலம் அவர்கள் மனதில் நம்பிக்கையை ஏற்படுத்தி மோசடிகளில் ஈடுபடுகின்றனர்.

பலர் மோசடிக்குள்ளான பின்னரும்கூட, இந்தத் தகவலை வெளியிட தயங்கி புகார் செய்யாமல் விலகுகின்றனர். இதன்மூலம் மோசடியாளர்கள் புதுப்புது உத்தியைப் பயன்படுத்தும் சூழல் உருவாகிறது.

அண்மையில்கூட, மகளிர் குழுக்களுக்கு குறைந்த வட்டியில் கடன் வழங்குகிறோம் எனக் கூறி, முன்பணமாக ஒருவருக்கு ரூ. 750 வீதம், 5 பேருக்கு ரூ. 3,750

செலுத்தினால் தலா ரூ.ஒரு லட்சம் உடனடியாக கடன் தொகை உங்கள் வங்கிக் கணக்கில் வரவு வைக்கப்படும் எனக் கூறி, பணம் செலுத்துவதற்கான கியூஆர் கோடை அனுப்பியுள்ளனர்.

பணம் செலுத்திய பின்னர், பணத்தைக் கொண்டுவரும் வழியில், காவல் துறை சோதனைச் சாவடியில் பிடித்துக் கொண்டார்கள்; கணக்கில் காட்டப்படாத பணம் என்பதால் நாங்கள் மாட்டிக் கொண்டோம் எனக் கூறி தப்பித்துள்ளனர். பின்னர், அந்த கைப்பேசி எண்ணைத் தொடர்பு கொண்டால் அவர்கள் எடுப்பதே இல்லையாம்.

இதுபோன்ற விஷயங்களில் பொதுமக்கள்தான் எச்சரிக்கையாக இருக்க வேண்டும். எந்தவொரு செயலியையும் தேவையான நோக்கமின்றி பதிவிறக்கம் செய்வதைத் தவிர்க்க வேண்டும். பணம் செலுத்தும் முன்னர், அதன் நம்பகத்தன்மையை சரிபார்க்க வேண்டும். அதிக லாபம், குறுகிய காலத்தில் ஊதியம் போன்ற வாக்குறுதிகளை நம்பக் கூடாது.

ஆதார் அட்டை எண், ஓடிபி எண் போன்றவற்றைத் தேவையின்றி யாரிடமும் கொடுக்கக் கூடாது. அதேபோல, வங்கி ஓடிபி எண், ஏடிஎம் அட்டை எண், அதற்கான ரகசிய எண் ஆகியவற்றை யாரிடமும் பகிரக் கூடாது.

வாட்ஸ்-ஆப்பில் வரும் லாட்டரி வெற்றி, பரிசுகள் உள்ளிட்ட சந்தேகமான தகவல்களை நம்பக் கூடாது. கியூஆர் கோடுகளை ஸ்கேன் செய்வதற்கு முன்பாக அதன் நம்பகத்தன்மையைஉறுதிசெய்ய வேண்டும்.

சமூக ஊடகங்களின் மூலமாக வரும் லிங்குகள், செயலிகள் குறித்து சந்தேகம் ஏற்பட்டால் தவிர்த்துவிட வேண்டும். தவறுதலாக முதலீடு செய்திருந்தால் தயங்காமல் 1930 என்ற இலவசஎண்ணுக்கு அழைக்க வேண்டும். இணையதளத்தில் புகார் அளிக்கத் தயங்கக்கூடாது. அப்போதுதான், அப்பாவி மக்கள் ஏமாற்றப்படுவதைத் தடுக்க முடியும்.

இணையவழி நிதி மோசடியைத் தடுப்பதற்காக, அண்மையில் மாநில அளவிலான ஒருங்கிணைந்த ஆலோசனைக் கூட்டத்தில் எடுத்த முடிவுப்படி, இணையவழி குற்றத் தடுப்புப் பிரிவு, வங்கிகள் இணைந்து செயல்பட வேண்டும்.

சந்தேகத்துக்கு இடமான கணக்குகளை முடக்குவதில் சரியான நேரத்தில் உதவுவதற்காக இணையவழி குற்றப் பிரிவு தலைமை மையத்தில் வங்கிப் பிரதிநிதிகளை நியமிக்க வேண்டும். விசாரணைக்கு உதவுவதற்காக வங்கிகளின் தரவுகளை மேம்படுத்த வேண்டும்.

இணையவழி நிதி மோசடியைத் தடுக்க போலீஸôர், வங்கி அதிகாரிகள் ஒருங்கிணைந்து செயல்பட வேண்டும். போலி வங்கிக் கணக்குகளை அடையாளம் கண்டு அவற்றை முடக்க வேண்டும்.

இன்றைய இணைய உலகம், வசதிகளை அள்ளித்தரும் அதேநேரத்தில், அதிக ஆபத்துகளையும் கொண்டிருக்கிறது. கவனக்குறைவால் தங்களது சொத்துகளை இழக்காமலிருக்க, அனைவருமே விழிப்புணர்வுடன் செயல்பட வேண்டியது அவசியம். இதற்காக பள்ளி, கல்லூரிகளிலும் ,பொதுமக்களிடையேயும் இணையப் பாதுகாப்பு குறித்த விழிப்புணர்வு நிகழ்ச்சிகளை காவல் துறை கூடுதலாக நடத்த வேண்டும்.

மோசடிக்குள்ளான பணம் மீட்டெடுக்கும் வாய்ப்பு குறித்து சமூக ஊடகங்கள் மூலமாக காணொலிகளை வெளியிட்டு விழிப்புணர்வை ஏற்படுத்த வேண்டும். மேலும், துண்டுப்பிரசுரங்கள், சுவரொட்டிகள், குறும்படங்கள் ஆகியவை மூலமாகவும் விழிப்புணர்வை ஏற்படுத்தலாம்.

குறிப்பாக, வயதானோர், இல்லத்தரசிகள், தொழிலாளர்கள் போன்ற இணையப் பயன்பாட்டில் அனுபவமில்லாதவர்கள் குறித்து சிறப்புக் கவனம் செலுத்தவேண்டும்.

இணையக் குற்றங்கள் எப்போதும் நம் எல்லைகளை மீறி நம்மை பாதிக்கக்கூடியவை என்பதால், ஒவ்வொருவரும் தங்களைப் பாதுகாத்துக் கொள்ளும் அறிவுடனும் விழிப்புணர்வுடனும் இருக்கவேண்டும்.

சுற்றுலாப் பயணிகளின் கனிவான கவனத்திற்கு...

சுற்றுலாப் பயணிகளின் கனிவான கவனத்திற்கு...

பள்ளி, கல்லூரிகளுக்கு கோடை விடுமுறை அறிவிக்கப்பட்டுள்ள நிலையில் பெரும்பாலானோா் சுற்றுலா செல்வது அதிகரித்து வருகிறது

இரா. சாந்தகுமார் Updated on: 02 மே 2025, 3:45 am

பள்ளி, கல்லூரிகளுக்கு கோடை விடுமுறை அறிவிக்கப்பட்டுள்ள நிலையில் பெரும்பாலானோா் சுற்றுலா செல்வது அதிகரித்து வருகிறது. நன்கு திட்டமிடப்பட்ட சுற்றுலா மிகுந்த மகிழ்ச்சியை தரும் என்பதில் சிறிதும் ஐயமில்லை. வெகு அரிதாக சில சுற்றுலா நிகழ்வுகள் சோகத்தில் முடிவதும் உண்டு.

அண்மையில் காஷ்மீா் மாநிலத்தின் பஹல்காம் பகுதியில் சுற்றுலாப் பயணிகள் 26 போ் தீவிரவாதிகளால் கொல்லப்பட்ட துயரச் சம்பவம் நாடெங்கும் அதிா்ச்சியை ஏற்படுத்தியுள்ளது. சுற்றுலாப் பயணிகள் மீதான இந்த தாக்குதல் மிகுந்த கோழைத்தனமானது என்பதோடு, வன்மையாகக் கண்டிக்கத்தக்கதுமாகும். சுற்றுலா செல்வோா் தாங்கள் சுற்றுலா செல்லுமிடத்தில் உள்ள அரசியல் சூழலையும் கருத்தில் கொள்ள வேண்டும் என்பதையே இச்சம்பவம் உணா்த்தியுள்ளது.

தீவிரவாத செயல்கள் மட்டுமின்றி, புயல், மழை, வெள்ளம், நிலச்சரிவு ஆகியவற்றையும் ஆராய்ந்த பின்னரே கொண்டு சுற்றுலா செல்லும் இடங்களை தோ்ந்தெடுப்பது நல்லது. மேலும், சுற்றுலா சென்று திரும்ப வருவதற்கான வாகன வசதி, பாதுகாப்பான தங்குமிடம், செலவிடப்பட வேண்டிய கையிருப்புத் தொகை ஆகியன குறித்தும் சரியான திட்டமிடல் அவசியம்.

சுற்றுலா செல்ல விரும்புவோரை ஒருங்கிணைத்து அழைத்து செல்லும் அரசுத் துறை நிறுவனங்களும், நூற்றுக்கணக்கான தனியாா் முகமைகளும் நாடெங்கும் இயங்கி வருகின்றன. சுற்றுலாவுக்கு ஏற்பாடு செய்யும் தனியாா் முகமைகள் மூலமாக சுற்றுலா செல்வோா் அம்முகமைகள் அளிக்கும் சேவையின் தரத்தை முன்கூட்டியே உறுதி செய்தல் அவசியம்.

புதிதாக ஓரிடத்துக்கு சுற்றுலா செல்லும்போது அங்குள்ள இயற்கை காட்சிகள், மக்களின் கலாசாரம், பண்பாடு, பழக்க வழக்கங்கள் போன்றவற்றை அறிந்து கொள்ள முடியும். வழக்கமான அன்றாட நிகழ்வுகளில் இருந்து நாம் மாறுபட்டு அனுபவிக்கும் சுற்றுலா சூழல் மனதுக்குப் புத்துணா்ச்சி அளிக்கிறது.

உலக பொருளாதாரக் குழுவின், சுற்றுலா துறை சாா்பான 2024 -ஆம் ஆண்டுக்கான அறிக்கையின்படி, உலகில் அதிக அளவிலான சுற்றுலாப் பயணிகளைக் கவரும் 119 நாடுகளின் பட்டியலில், இந்தியா 39-ஆவது இடத்தில் உள்ளது. சுற்றுலா வரும் வெளிநாட்டவா்களை அன்பாக உபசரித்து அவா்களுக்கான வசதிகளை வழங்குவதன் மூலம் இப்பட்டியலில் நாம் மேலும் முன்னேற்றம் காணலாம்.

நம் நாட்டவா் அதிகமாக சுற்றிப் பாா்க்க விரும்பும் மாநிலங்களில் தமிழ்நாடு முதன்மையான இடத்தில் உள்ளது. வெளிநாட்டவா் சுற்றுலா வர விரும்பும் மாநிலங்களில் மகாராஷ்டிரம் முதலிடத்தில் உள்ளது.

குழுவாக சுற்றுலா செல்லும்போது தம்முடன் வருவோா் அனைவரும் நம்மைப் போன்ற சிந்தனை உடையவராக, பழக்கங்கள் இருப்பவராக இருக்க வேண்டும் என்பது அவசியமில்லை. எனவே, தமக்கு மாறான சிந்தனைகள், பழக்க வழக்கங்கள் கொண்ட குழுவில் உள்ளவா்களிடம் அனுசரித்து போவதற்கான மனநிலை மிகவும் அவசியம்.

ஆன்மிக சுற்றுலா செல்வோரிடம் ஆரவாரமோ, ஆா்ப்பாட்டமோ காண்பது அரிது. இதற்குக் காரணம், ஆன்மிகச் சுற்றுலா செல்லும் குழுக்களில் பெரும்பாலானவா்கள் நன்கு பக்குவமெய்திய, கட்டுப்பாடான மனநிலை உடைய முதியோா்களாகவும் நடுத்தர வயதினராகவும் இருப்பா். இதனை பள்ளி, கல்லூரி மாணவா்கள் சுற்றுலா செல்லும் குழுக்களில் எதிா்பாா்க்க இயலாது. இதன் காரணமாக மாணவா்களுக்கான சுற்றுலாவின்போது அவா்களை வழிநடத்தி செல்வோா் மிகுந்த கவனத்துடன் இருக்க வேண்டும். சுற்றுலா செல்லுமிடங்களில் செல்ஃபி எனப்படும் தற்படம் எடுத்து அதனை உறவினா்கள், நண்பா்களுக்குப் பகிா்வது மகிழ்ச்சியுடன் அளிக்க கூடியதே. எனினும் உயிருக்குப் பாதுகாப்பற்ற முறையில் தற்படம் எடுப்பதை சுற்றுலாவின்போது தவிா்ப்பது நல்லது. சமீபத்தில், கங்கை நதியில் இறங்கி தற்படம் எடுக்க முயன்ற பெண், வெள்ள நீரில் அடித்து செல்லப்படும் சோகக் காட்சியை தொலைக்காட்சியில் பாா்த்தபோது மனம் பதைபதைத்தது.

வெளி மாநிலங்கள், நாடுகளுக்கு சுற்றுலா செல்லும்போது வழக்கமாக உள்கொள்ளும் உணவுக்கு மாறான உணவை எடுத்துக் கொள்ளும் நிலை ஏற்படும். இச்சூழலில் ஆா்வக் கோளாறின் காரணமாக அதிகப்படியான உணவைத் தவிா்த்தல் நல்லது. இதன் மூலம் ஒவ்வாமை, செரிமானமின்மை உள்ளிட்ட உடல் நலக் கோளாறுகளைத் தவிா்க்க முடியும். சுற்றுலா சென்றதன் மகிழ்ச்சியை முழுமையாக உணர முடியும்.

சுற்றுலா செல்லும் குழுவில் ஒருவரின் உடல்நிலையில் ஏற்படும் பாதிப்பு சில நேரங்களில் குழுவில் உள்ள மற்றவா்களின் மகிழ்ச்சியை இல்லாமல் செய்துவிடும். இதனை குழுவில் உள்ள அனைவரும் உணா்தல் வேண்டும்.

பொதுவாக சுற்றுலா செல்பவா்களுக்கு மிகுந்த மகிழ்ச்சி அளிப்பவை அணைக்கட்டுகள், ஏரிகள் போன்றவையே. நீா் தேக்கங்களில் படகுசவாரி செய்வதும், ஒகனேக்கல் நீா்வீழ்ச்சி விழுமிடங்களுக்கு பரிசலில் சென்று வருவதும் மகிழ்ச்சியளிக்கக் கூடியவையாகும்.

இத்தருணங்களில் மன மகிழ்ச்சியை விட பாதுகாப்பு சாதனமான லைஃப் ஜாக்கெட் எனப்படும் உயிா் பாதுகாப்பு உபகரணம் அணிவது மிக முக்கியமாகும். கடந்த ஆண்டு, ஜனவரி மாதம் குஜராத் மாநிலம், வதோதரா மாவட்டத்தில், உள்ள ஹா்ணி என்னுமிடத்தில் ஏரி ஒன்றில் மாணவா்கள் சுற்றுலா சென்ற படகு கவிழ்ந்து 12 மாணவா்கள் உள்ளிட்ட 14 போ் உயிரிழந்த சோகச் சம்பவம் நிகழ்ந்தது. இதற்கு 15 போ் பயணம் செய்ய வேண்டிய படகில் 27 போ் பயணம் செய்ததும் ஒரு காரணமாகும். நிா்ணயிக்கப்பட்ட எண்ணிக்கைக்கு மாறாக அதிகப்படியான நபா்கள் படகில் சவாரி செய்வது உயிருக்கு ஆபத்தை விளைவிக்கக் கூடியது.

பெரும்பாலான மக்கள் கோடை காலத்தில் தமிழகத்தில் உள்ள ஏற்காடு, கொடைக்கானல், ஊட்டி போன்ற மலைப்பிரதேசங்களுக்கு அதிக அளவில் சுற்றுலா செல்கின்றனா். இதனால் அங்கு அதிக அளவில் வாகன போக்குவரத்து நெரிசல், வாகனங்களிலிருந்து வெளியேறும் புகையால் சுற்றுச் சூழல் மாசடையும் அபாயம் ஏற்பட்டுள்ளது. மேலும், சுற்றுலா செல்வோா் வீசி எறியும் குப்பைகள், நெகிழிக் கழிவுகள் ஆகியவையும் சுற்றுச் சூழலை மேலும் மோசமடையச் செய்கிறது. இதனைக் கட்டுப்படுத்த சம்பந்தப்பட்ட மாவட்ட நிா்வாகங்கள் நடவடிக்கை எடுத்து வருகின்றன. இதற்கு முழு ஒத்துழைப்பு தருவது சுற்றுலா செல்வோரின் கடமையாகும்.

சுற்றுலா செல்லும் போது உண்டாகும் மகிழ்ச்சி சுற்றுலா முடிந்து திரும்பும் போதும் இருக்க வேண்டும். இதற்கு சுற்றுலா செல்வோரின் சரியான திட்டமிடல், கட்டுப்பாடு, பாதுகாப்பு, பிறருடன் அனுசரித்துப் போதல் ஆகியன மிக அவசியமாகும்.

கற்க வேண்டிய முதல் பாடம்!

கற்க வேண்டிய முதல் பாடம்!

சரியான புரிதலும், விட்டுக்கொடுத்தலுமே கணவனும், மனைவியும் கற்க வேண்டிய முதல் பாடம்.

சி.வ.சு.ஜெகஜோதி

Updated on: 24 ஏப்ரல் 2025, 6:01 am

புதுச்சேரி வில்லியனூரில் கணவா் பிரியாணி வாங்கி வர தாமதமானதால் கணவா் மீது கோபித்துக் கொண்ட மனைவி அவா் வருவதற்குள் தனது வீட்டிலிருந்த மின்விசிறியில் தூக்கிட்டுத் தற்கொலை செய்து கொண்டது ஒரு செய்தி. அவா் அதிகமாக சினிமா பாா்க்க போய்விடுகிறாா், அவள் அடிக்கடி உப்புமா தான் செய்கிறாள் என்பன போன்ற காரணங்களுக்காகவும் குடும்ப நல நீதிமன்றங்களில் விவாகரத்து வழக்குகள் நிரம்பிவழியத் தொடங்கி இருக்கின்றன.

பெற்றோா் பேசி முடித்து திருமணம் செய்து கொண்டவா்களாக இருந்தாலும், காதலித்து திருமணம் செய்தவா்களாக இருந்தாலும் தொடக்கத்தில் அன்னியோன்யமாக இருந்துவிட்டு, பின்னா் எலியும், பூனையுமாக மாறிவிடுகிறாா்கள். சரியான புரிதலும், சகிப்புத்தன்மையும் இல்லாததும், தான்தான் பெரியவன் என்ற ஈகோவும் அவா்களுக்குள் அமா்ந்துகொண்டு, விட்டுக் கொடுக்காமலும், பொறுமை இல்லாமலும் அவா்களை மாற்றி குடும்ப வாழ்க்கையைக் குலைத்துவிடுகிறது.

இருவரும் சம்பாதிப்பவா்களாக இருந்தும், பொருளாதாரத் தேவைகள் பூா்த்தியாகி இருந்தும் பல குடும்பங்களில் மன நிம்மதி என்பது குறைவாகத்தான் இருக்கிறது.

உலகையே தங்களது செயல்களால் திரும்பிப் பாா்க்கவைத்த பல எழுத்தாளா்கள், தலைவா்கள் உள்பட பலரது வாழ்விலும் குடும்ப வாழ்க்கை உருக்குலைந்து போயிருக்கிறது. திருமணமான புதிதில் நகைச்சுவை நாடகங்களை எழுதிய ஷேக்ஸ்பியா் மனைவியுடன் கருத்து வேறுபாடு ஏற்பட்ட பிறகு, துன்ப நாடகங்களை எழுதி இருக்கிறாா். பொருளாதாரத்துக்காக நோபல் பரிசு பெற்ற எழுத்தாளா் மில்ட்டன் மனைவி திருமணமாகி வீட்டுக்கு வந்தபோது, ‘இழந்த சொா்க்கம்’ என்று எழுதியவா் மனைவி இறந்த பிறகு, ‘திரும்பப் பெற்ற சொா்க்கம்’ என்று எழுதி இருக்கிறாா்.

மகாகவி பாரதியாா் தனது நண்பா்களுடன் பேசிக் கொண்டிருந்தபோது அவரது மனைவி அருகே வந்து வீட்டில் அரிசி இல்லை என்றாராம். இப்படி சபை நடுவில் வந்து மானத்தை வாங்கி விட்டாளே என்று பாரதி மனைவியைக் கடிந்துகொள்ளவில்லை. மாறாக, லேசான புன்னகையோடு அவரைப் பாா்த்ததும் மனைவி எதுவும் பேசாமல் வீட்டுக்குள் போய்விட்டாா். நண்பா்கள் சென்ற பிறகு மனைவியை அழைத்து நண்பா்களுடன் பேசிக்கொண்டிருக்கும்போது, ‘‘இப்படியெல்லாம் பேசக்கூடாது. இங்கிதத்தோடு பேச வேண்டும்’’ என்று அமைதியாக சொன்னாராம். அவரும் அன்பாக ‘‘சரி’’ என்றாராம். பணத்தைவிட அன்பு நிறைந்த மனம்தான் சிறந்தது என மகாகவி பாரதியும், செல்லம்மாவும் வறுமை நிலையிலும் வாழ்ந்து காட்டிய வாழ்க்கை இன்றைய இளம் தம்பதியருக்கு சிறந்த எடுத்துக்காட்டு.

காகம் நமக்கு சிறந்த வாழ்க்கைப் பாடத்தை கற்றுத் தருகிறது. மரக்கிளைகளில் கூடுகட்டும்போது ஒரு காகம் சிறு, சிறு குச்சிகளைக் கொண்டுவந்து கொடுத்தால், அதை மற்றொரு இணை காகம் சரிபாா்க்குமாம். கோல்டன் ஈகிள் என்ற பறவை வேறு துணையை நாடாமல் தன் துணையோடு மட்டுமே 100 ஆண்டுகள் வரை வாழ்கிாம். கிளி வகைகளில் இலினோயிஸ் எனும் கிளி தன் துணைக்கிளி இறந்ததும் அதுவும் இறந்துவிடுமாம். பறவைகள்கூட ஒன்றுக்கொன்று விட்டுக்கொடுத்து வானில் மகிழ்ச்சியுடன் வட்டமடிக்கின்றன. கணவன்-மனைவி உறவு என்பதும் அன்பின் அடித்தளத்தில் பின்னிப் பிணைந்த , பிரிக்க முடியாத அற்புத உறவு என்பதும் பறவைகளுக்குக்கூட தெரிந்திருக்கிறது. காதலித்து கரம்பிடித்த தம்பதியா்களில் சிலா் பத்தே நாள்களில் விவாகரத்து கேட்டு வீதிக்கு வந்துவிடுவதுதான் கவலையளிக்கும் செய்தி. அதேநேரத்தில் 10 ஆண்டுகளுக்கும் மேலாக பணி நிமித்தமாகப் பிரிந்திருக்கும் தம்பதியா்கூட அன்னியோன்யமாக வாழ்ந்து வருவதையும் காணமுடிகிறது.

கணவா் பாா்வையற்றவா் என்று தெரிந்தும் அவா் பாா்க்காத உலகத்தை நான் ஏன் காண வேண்டும் என்று கண்களை கறுப்புத் துணியால் கட்டிக் கொண்டு கடைசி வரை வாழ்ந்தவா் திருதராஷ்டிரன் மனைவி காந்தாரி. புற்றுநோயால் பாதிக்கப்பட்டு மரணமடையப்போகும் நேரத்தில் அருகில் அழுதுகொண்டிருந்த மனைவி சாரதா தேவியிடம், ‘‘அழாதே, நான் மரணமடையப் போவதில்லை, மேல்சட்டையாக இருக்கும் என் உடல்தான் மரணமடையும், நீ என்னைத்தான் மணந்தாய், என் மேல்சட்டையை மணக்கவில்லை’’ என்றாராம் ராமகிருஷ்ண பரமஹம்சா். அவரது மரணத்துக்குப் பிறகு பலரும் வற்புறுத்தியும் தேவியாா் விதவையாக மாறவில்லை. நான் விதவையாகி விட்டால், அவா் என்னை விட்டுப் போய்விட்டதாகத்தானே அா்த்தம்? நான் இப்படித்தான் வாழ்வேன் என்று கடைசி வரை அப்படியேதான் வாழ்ந்தாா். மரணத்துக்குப் பின்னரும் கணவா் மீது அவா் வைத்திருந்த அசைக்க முடியாத பக்தி அளவிட முடியாததாகவே இருந்தது.

தான் பிறந்த மண்வாசனையை மறந்து, பழகிய பக்கத்து வீட்டு மக்களை, மரம், செடி, கொடிகளை, ஆடு, மாடு, நாய், கோழி ஆகிய அத்தனையையும் மறந்து, பெற்று, படித்து, வளா்த்து, கண்ணை இமை காப்பதுபோல காத்த பெற்றோா்களை விடுத்து, சிறுவயது முதல் ஓடியாடி விளையாடிய உடன்பிறப்புகளையும், நண்பா்களையும் துறந்து, புதிய இடத்துக்கு வாழ்க்கைப்பட்டு வந்திருக்கும் பெண் என்பதை கணவன் எப்போதும் மறந்து விடக் கூடாது. இன்பம், துன்பம் இவற்றில் எதுவும், எந்த உருவத்தில் வந்தாலும் அவற்றைச் சந்திக்க பல ஆண்டுகள் இணைந்து பயணித்து உயிருள்ளவரை நம்மைக் காக்கப் போகும் சுமைதாங்கிதான் கணவன். சுமைகளை இறக்கிவைத்து இளைப்பாற தோள் தரப்போகிறவன் என்பதை மனைவியும் மறந்துவிடக்கூடாது.

சுருக்கமாகச் சொன்னால், கணவன்-மனைவி உறவு என்பது பணத்தால் நிச்சயிக்கப்படுவதில்லை. மனத்தால் நிச்சயிக்கப்பட்டு, பின்னிப் பிணைந்து, இரு உடலாய், ஒரே உயிராய் மாறிவிடுகிறது என்பதே உண்மை. இல்லாமையிலும் இனிய வாழ்க்கை அமைய சரியான புரிதலும், விட்டுக்கொடுத்தலுமே கணவனும், மனைவியும் கற்க வேண்டிய முதல் பாடம்.

வார்த்தை வன்முறை!

நடுப்பக்கக் கட்டுரைகள்

வார்த்தை வன்முறை!

DINAMANI 20.05.2025

பூ விற்கும் இரண்டு பெண்களுக்குள் ஏதோ தகராறு. இருவரும் மாறிமாறி திட்டிக் கொண்டார்கள். சண்டை என்னவோ இவர்கள் இருவரிடையேதான். ஆனால், தேவையே இல்லாமல் இருவரும் அடுத்தவரின் குடும்ப உறுப்பினர்களைப் பற்றி மிகவும் அசிங்கமாகப் பேசத் தொடங்கிவிட்டார்கள். அவர்களைக் கடந்து சென்றவர்கள் முகம் சுளித்துக் கொண்டே சென்றார்கள்.

ஓர் அடுக்குமாடிக் குடியிருப்பு. படித்த மேல்தட்டு மக்கள் வசிக்கும் குடியிருப்பு. எதற்காகவோ இரண்டு பெண்களுக்குள் பிரச்னை. அங்கும் வார்த்தைகள் வரம்பு மீற ஆரம்பித்து, தடித்த சொற்கள் விழ ஆரம்பித்தன. சிறிது நேரத்தில் அந்த வீட்டு ஆண்களும் சேர்ந்துகொள்ள காதுகூசும் அளவுக்கு வசவுகள். இங்கே கொஞ்சம் ஆங்கிலம், மீதி தமிழ். மற்றபடி அந்த படிக்காத பெண்களுக்கும் இவர்களுக்கும் எந்த வேறுபாடும் இல்லை.

கோபம் வந்தால் எல்லா மனிதர்களும் தன்னிலை மறந்து போகிறார்கள். இதுவே வாய்மொழி வன்முறை என்பதாகும். வன்முறை என்றால் என்ன? மனிதர்களால் உடல் ரீதியான பலத்தையோ அல்லது சக்தியையோ பயன்படுத்தி பிற உயிரினங்களுக்கு தீங்கு விளைவிப்பதையும், அவமானம், வலி, காயம், இயலாமை, சொத்துகளுக்கு சேதம் மற்றும் மரணத்தை ஏற்படுத்துவது, ஒரு சமுதாயத்தின் வாழும் சூழலுக்கு அழிவை ஏற்படுத்துவது ஆகிய இவையே வன்முறை என வரையறுக்கப்படுகிறது. ஒருவரை அடித்து துவைப்பது மட்டுமே வன்முறை அல்ல. கத்தியால் குத்திக் கொல்வதோ, துப்பாக்கியால் சுட்டுக் கொல்வதோ, வெடிகுண்டு வீசிக் கூண்டோடு அழிப்பதோ மட்டும் வன்முறை என்று கட்டம் போட்டுவிடக் கூடாது. வாய்மொழி வன்முறையும் பலருக்கு மிகப்பெரிய மனக் காயத்தை ஏற்படுத்தும். மற்றவர் முன்னிலையில் கேலி செய்வது; மட்டம் தட்டிப் பேசுவது; அவர் பேச விரும்பாத விஷயத்தைப் பேசுவது; குத்திக்காட்டிப் பேசுவது; அவமானப்படுத்தும் நோக்கில் பேசுவது; அபாண்டமான குற்றச்சாட்டைச் சுமத்துவது ஆகிய அனைத்தும் வன்முறையே.

ஒருவருடைய இனம், நிறம், வயது, தோற்றம், இயலாமை, மொழி, மதம், நம்பிக்கை, பாலினம் ஆகியவற்றின் அடிப்படையில் இழிவாகப் பேசினால் அது குற்றம். வார்த்தை என்பது ஒலிகளின் ஓசை மட்டுமா? அது எழுத்துகளின் சேர்க்கை. வார்த்தைகள் என்பது சொற்களின் கோர்வை. ஆகவே, சொற்களை கோக்கும்போது நம் சொற்களில் கவனம் இருக்க வேண்டும். மனிதர்களின் நாக்கு கத்தியைவிடக் கூர்மையானது. மோசமான நாக்கு ஒருவரின் நம்பிக்கையை சிதைக்கும்; பெருமையைப் பொசுக்கும்; உள்ளத்தில் ஆறாத ரணத்தை உண்டாக்கும்; பழியைச் சுமத்தும்; புகழைக் கெடுக்கும்; ஊரையே அவருக்கு எதிராகத் திருப்பி, புழுதிவாரி தூற்ற வைக்கும்.

சிதறாத வார்த்தைகள் சீரான வாழ்க்கையைத் தரும். வாய்தவறி விழும் பேச்சுகள், கைதவறி விழும் கண்ணாடியைவிடக் கூர்மையானவை. ஒருவரிடம் நாம் பேசும்போது நாம் என்ன அர்த்தத்தில் பேசுகிறோம் என்பதைவிட, நாம் கூறுவதைக் கேட்பவர் எந்த அர்த்தத்தில் அதைப் புரிந்துகொள்வார் என்பதைக் கவனித்துப் பேச வேண்டும். ஒரே வார்த்தையில் அதிகபட்ச மகிழ்ச்சியையும், ஒரே வார்த்தையில் கடும் வேதனையையும் தரும் வல்லமை படைத்தது நம் நாக்கு. நாம் நெருக்கமானவர்களிடம் நம்பி சொன்ன வார்த்தைகளை, மூன்றாம் மனிதர் வாயால் நாம் கேட்கும்போது அவமானப்படுகிறது நம் நம்பிக்கை. பல சமயம் யோசிக்காமல் கடும் சொற்களை வீசிவிட்டுப் பின்னர் வருந்துகிறோம். மெüனம் பல சண்டைகளைத் தடுக்கும். எந்தச் சூழ்நிலையிலும் நம் சிறந்த பதில் ஒரு புன்னகை. நம்மைத் தவறாக புரிந்துகொள்பவர்களிடம், புறக்கணிப்பவர்களிடம், புண்படுத்துபவர்களிடமும் அமைதியே நம் பதிலாக இருக்கட்டும்.

சுமுகமான சூழ்நிலை இல்லாத இடத்தில் நாம் மெüனத்தைக் கடைப்பிடிக்கும்போது சண்டையிடாமல், விவாதிக்காமல், உணர்ச்சிவசப்பட்டு கட்டுப்பாட்டை இழக்காமல் நம்மைக் கட்டுப்படுத்திக்கொள்ள முடியும். மெüனத்தின்மூலம் நம் எதிர்ப்பைப் பலமாகக் காட்ட முடியும். மெüனமும், புன்னகையும்தான் இந்த உலகில் மிகவும் சக்தி வாய்ந்த ஆயுதங்கள். புன்னகை பிரச்னைகளைத் தீர்க்கும்; மெüனமோ பிரச்னைகளே வரவிடாமல் தடுக்கும். நம் மெüனத்தைக் கண்டு பயப்படுவார்கள். நாம் ஆழமாகக் காயப்பட்டு இருக்கிறோம் என்பதையும் நம் மெüனம் உணர்த்தும். யோசிக்காமல் சட்டென ஒரு வார்த்தையைப் பேசிவிட்டதால் முறிந்து போன உறவுகளும், நட்பும் ஏராளமாக இருக்கக்கூடும். அந்த விநாடியில்அந்த வார்த்தை தவிர்க்கப்பட்டிருந்தால், பல இன்னல்கள் காணாமல் போயிருக்கும்.

இப்போது அதிக நா கட்டுப்பாடு அரசியல் புள்ளிகளுக்கும், தொண்டர்களுக்கும் அவசியம் வேண்டும். தேர்தல் நெருங்க நெருங்க விவாதங்களும், விமர்சனங்களும் சூடுபிடிக்க ஆரம்பித்துவிடும். நாள்தோறும் காட்சி ஊடகங்கள் அனைத்தும் அரசியல் நிலைமை குறித்த நிகழ்ச்சிகளை நடத்துகின்றன. அது என்ன மாயமோ தெரியவில்லை. அவர்களுக்காகவே தினம் ஒரு பிரச்னை வந்துவிடுகிறது. பேசுபவர்கள் அனைவரும் தங்கள் கட்சிகளின் நிலைப்பாட்டை எடுத்துரைக்கிறார்கள். காரசாரமான விவாதங்கள்; வார்த்தை தாக்குதல்கள்; கட்டுக்கடங்காத கோபம் என அந்த விவாதம் வேறொரு பரிமாணம் எடுத்துவிடுகிறது. அவர்களைக் கட்டுப்படுத்த நெறியாளர்கள் மிகவும் சிரமப்படுகிறார்கள். கத்தி கூச்சல் போடுகிறார்கள். சட்டென உணர்ச்சிவசப்படுகிறார்கள்.

மக்கள் பார்த்துக் கொண்டிருக்கிறார்கள் என்பதை நினைவில் நிறுத்திக்கொண்டு பேச வேண்டுமல்லவா? இவர்கள் இடத்தில் அந்தந்த கட்சித் தலைவர்களே இருந்தால்கூட அவர்கள் இந்த அளவுக்குக் கூச்சல்போட மாட்டார்கள். கண்ணியம் காக்கப்படல் வேண்டும். கொள்கைக்காக கொடி பிடிக்கலாம். ஆனால், எவரையும் இழிவாகவோ, அநாகரிகமாகவோ தரம்தாழ்த்திப் பேசக் கூடாது. வெறுப்பு அரசியல் என்னும் நோய்த்தொற்று அதிவேகமாக பரவிக் கொண்டிருக்கிறது. இது பகை அரசியலாக வளர்ந்திருக்கிறது. அவரவர் கருத்துகளைச் சொல்லட்டும். கருத்து வேறுபாடும், கருத்து முரணும் பகைக்கு வித்தாகிவிட வேண்டுமா? தவறான தகவல்களுடன் இணைந்த வெறுப்புப் பேச்சு, பெரிய அளவிலான வன்முறைக்கு வழிவகுக்கும். சென்ற தலைமுறை அரசியல் தலைவர்கள் கொள்கைகளில் மாறுபட்டார்கள். ஆனால், அதைத் தாண்டிய நட்பும், மரியாதையும் அவர்களிடையே இருந்தது. மேடை நாகரிகத்தை அவர்கள் மீறியதில்லை.

தற்போது மேடையில் பேசுபவர்களும், சமூக ஊடங்களில் பேசுபவர்களும் மிகவும் எச்சரிக்கையுடன் பேச வேண்டும். தவறான ஒரு சொல் ஒரு பெரிய பிரளயத்தையே ஏற்படுத்திவிடும். இனியாவது, நம் அரசியல் களம் கொள்கைகளைப் பேசும் களமாக இருக்கட்டும். வீட்டு சண்டையின்போதும் சட்டென பேச்சு கடுமையாகிப் போய்விடுகிறது. வாய் வார்த்தை வளர்ந்து சர்ச்சைக்கு வித்திடுகிறது. கணவன்-மனைவி, மாமியார்-மருமகள், மருமகன்-மாமனார், சகோதரசகோதரிகள் இடையே சண்டை வரும்போது அதை கவனிக்கும் குழந்தைகள் அதிகம் பாதிக்கப்படுகிறார்கள். இது அவர்களின் மனநிலையைப் பாதித்து, படிப்பில் இருக்கும் நாட்டத்தையும் குறைத்துவிடுகிறது. வீட்டில் அமைதியான, இனிமையான சூழல் இருந்தால் மட்டுமே குழந்தைகளின் ஆளுமைத் திறன் அதிகரிக்கும். அனைவரும் எதிராளிக்கு சமமாக நின்று பேச முடியாது; பேசத் தெரியாது. சண்டை போடப் பிடிக்காத அவர்கள் சகித்துக் கொண்டு மெüனமாக இருந்துவிடுவார்கள். யார் பக்கம் சரி, யார் பக்கம் உண்மை உள்ளது என்பது அபாண்டமாகப் பேசுபவருக்கும், அந்த ஆண்டவனுக்கும் தெரியும். அதுவே போதும். அவர்கள் ஓரளவுக்கு அடங்கிப் போகிறார்கள். ஒருகட்டத்தில் அவர்களும் பொங்கி எழுகிறார்கள். மிதிக்க மிதிக்க, நசுங்கிச் சாவதற்கு ஒருவரும் புழு அல்லவே.

சொல்லுக்குச் சொல் சிங்காரம் எதற்கு? என்பார்கள். அதுபோல பதிலுக்கு தடித்த வார்த்தைகளை விட்டுவிடுகிறார்கள். அந்த நபர் இவர் சொன்னதை மட்டுமே அனைவரிடமும் சொல்லிச் சொல்லி பழிசுமத்துகிறார். சில சமயம் வாயடைத்துத்தான் போய்விடுகிறது. என்ன செய்ய? பேச வார்த்தைகளற்று இருப்பது, அமைதி வார்த்தைகள் இருந்தும் பேசாமல் இருப்பது மெüனம். தொலைவை நிர்ணயிப்பது சாலைகள் மட்டுமல்ல; வார்த்தைகளும்தான். கூடுமானவரை அவர்களை மன்னித்து விடுவோம். மன்னிக்காத மனம் அமிலத்தைப் போன்றது. மனதை அரித்துவிடும்.

ஒரு நாள் ஒரு குதிரைக்காரன் ஒரு தோட்டம் வழியாகக் கடந்து செல்ல நேர்ந்தது. அவனது குதிரைக்குத் தண்ணீர் தரும்படி விவசாயியிடம் கேட்டான். விவசாயி மகிழ்ச்சியோடு தண்ணீர் எடுப்பதற்கு பெர்ஷியன் சக்கரத்தைச் சுழலவிட்டான். ஆனால், குதிரை அந்த சத்தத்தைக் கேட்டு பயந்து, கிணற்றின் அருகே நெருங்கி வரவே இல்லை. குதிரைக்காரன் கேட்டான்: "என் குதிரை தண்ணீர் குடிப்பதற்காக இந்தச் சத்தத்தை நிறுத்த முடியுமா?'' "முடியாது ஐயா. உமது குதிரை தண்ணீர் குடிக்க விரும்பினால் இந்தச் சத்தத்துடன்தான் குடிக்க வேண்டும். இங்கே சத்தத்துடன்தான் தண்ணீர் வரும்'' என்றான் விவசாயி.

நட்புகூட குறைபாடுகளுடன்தான் இருக்கிறது. வாழ்வுகூட மன்னிக்கும் மனநிலையில் இருந்துதான் ஊற்றெடுக்கிறது. மன நிம்மதியுடனும், மனநிறைவுடனும் வாழவேண்டுமானால், கோபம் வரும்போது நம் வார்த்தைகளுக்குக் கடிவாளம் போட வேண்டும்.

கட்டுரையாளர்: பேராசிரியர்.