ஏற்க முடியவில்லை!

By ஆசிரியர்  |   Published on : 02nd March 2017 01:49 AM  | 

நீதிமன்றத் தீர்ப்புகள் விமர்சனத்திற்கும் விவாதத்திற்கும் அப்பாற்பட்டவை அல்ல. விமர்சிக்க வைக்கும் தீர்ப்பு ஒன்றை உச்சநீதிமன்றம் வழங்கி இருப்பது மிகவும் வேதனை அளிக்கிறது.
1997-இல் தெற்கு தில்லியில் அமைந்த ’உப்ஹார்' திரையரங்கத் தீவிபத்தையும், அதில் புகைக்குள் சிக்கி மூச்சுத் திணறி மரண மடைந்த 59 பார்வையாளர்களையும் நாம் மறந்துவிட முடியாது. இந்த விபத்துத் தொடர்பான வழக்கு 20 ஆண்டுகள் இழுத்தடிக்கப்பட்டு இப்போதுதான் உச்சநீதிமன்றத்தின் இறுதித் தீர்ப்புக்கு வந்திருக்கிறது. திரையரங்க உரிமையாளர்களின் குற்றம் உறுதிப்படுத்தப்பட்டு, தண்டனை எதிர்பாராத அளவுக்குக் குறைக்கப்பட்டிருக்கிறது.
புகை மூட்டத்தில் சிக்கி மூச்சுத் திணறியதுதான் திரையரங்கில் ’பார்டர்' திரைப்படத்தைப் பார்த்துக் கொண்டிருந்தவர்களில் 59 பேர் மரணமடையக் காரணம். மேலும் பல நூறு பேர் மிகக் கடுமையான நுரையீரல் பாதிப்புக்கு உள்ளாகிப் பல மாதங்கள் சிரமப்பட்டார்கள். விபத்துக்குக் காரணம் திரையரங்க உரிமையாளர்களான அன்சல் சகோதரர்களின் கவனக்குறைவும், திரையரங்கில் போதிய பாதுகாப்பு ஏற்பாடுகளோ, வெளியேறும் வசதிகளோ செய்யாமல் இருந்ததும்தான் என்பதை விசாரணை உறுதிப்படுத்தி இருக்கிறது.
’உப்ஹார்' திரையரங்கம் 1989-லும் இதேபோலத் தீவிபத்துக்கு உள்ளாகியது. அதைத் தொடர்ந்து அன்சல் சகோதரர்களின் நிர்வாகம் அதிகரித்த பாதுகாப்பு ஏற்பாடுகளைச்செய்ய முற்பட்டதா என்றால் இல்லை. போதுமான தீயணைக்கும் கருவிகள்கூட ’உப்ஹார்' திரையரங்கில் இருக்கவில்லை. பாதுகாப்பு ஏற்பாடுகளை சரிபார்த்திருக்க வேண்டிய தில்லி பெருநகராட்சி அலுவலர்கள் தங்கள் கடமையைச் செய்யவில்லை என்பதும், அவர்கள் மீது சட்டம் எந்தவித நடவடிக்கையும் எடுக்கவில்லை என்பதும் 20 ஆண்டுகளுக்குப் பிறகும் ஏற்றுக்கொள்ள முடியாத குமுறல்.
1997-இல் ’உப்ஹார்' திரையரங்கில் சிறிதாகத் தீப்பிடித்தவுடன், திரையரங்க ஊழியர்கள் தாங்களே தீயை அணைக்க முற்பட்டபோது கடுமையாகப் புகைய ஆரம்பித்துவிட்டது. அந்தப் புகையை குளிரூட்டும் கருவிகள் (ஏ.சி.) உறிஞ்சி திரையரங்கு முழுவதும் பரவவிட்டு விட்டன. போதுமான கதவுகள் இல்லாததாலும், உடனடியாகக் கதவுகள் திறக்கப்படாததாலும், திரைப்படம் பார்த்துக் கொண்டிருந்தவர்களைப் புகைக்கூண்டில் அடைத்துவிட்ட நிலைமை உருவானது.
தீயணைப்புப் படையினருக்குத் தெரிவிக்க முற்படாமல் ஊழியர்களே தீயை அணைக்கப் போராடியது நிலைமையை மேலும் மோசமாக்கியது. தில்லி தீயணைப்புப் படைக்கு விவரம் தெரிவிக்கப்பட்டதும் அவர்கள் விரைந்து வந்தார்களா என்றால் அதுவும் இல்லை.
இதுதான் தில்லி ’உப்ஹார்' திரையரங்கில் நிகழ்ந்த தீவிபத்தின் பின்னணி. விபத்தைத் தொடர்ந்து உரிமையாளர்களான அன்சல் சகோதரர்கள் என்று பரவலாக தில்லியில் அறியப்படும் பெரும் பணக்காரர்களான கோபால் அன்சலும், சுஷில் அன்சலும் கைது செய்யப்பட்டனர். பிறகு பிணையில் விடுவிக்கப்பட்டனர். வழக்குத் தொடரப்பட்டது. அவசர சிகிச்சை மையம் மூலம் பாதிக்கப்பட்டவர்களுக்குத் தொடர்ந்து சிகிச்சை அளிக்கவும், மரணமடைந்தவர்களின் குடும்பத்தினருக்கு இழப்பீடு வழங்கவும் ரூ.30 கோடியை அன்சல் சகோதரர்கள் உடனடி நிவாரணமாக வழங்க வேண்டும் என்று உத்தரவு பிறப்பித்தது உச்சநீதிமன்றம்.
ஆரம்பம் முதலே, மிகவும் திறமை வாய்ந்த வழக்குரைஞர்களை நியமித்துக் கீழமை நீதிமன்றங்களிலிருந்து, தொடர்ந்து தங்களுக்கு அதிக பாதிப்பில்லாத தீர்ப்புகளைப் பெறுவதில் அன்சல் சகோதரர்கள் கவனம் செலுத்தி வந்தனர். இன்னொருபுறம், தனது இரண்டு குழந்தைகளை ’உப்ஹார்' தீவிபத்தில் பலிகொடுத்த நீலம் கிருஷ்ணமூர்த்தி என்பவரின் தலைமையில், விபத்தில் உயிரிழந்தோர் சார்பாக நியாயத்துக்கான போராட்டமும் தொடர்ந்து நடத்தப்பட்டது. இப்போது கடைசியாக உச்சநீதிமன்றத்தில் மூன்று பேர் கொண்ட அமர்வின் தீர்ப்பு வெளியாகி இருக்கிறது.
1997-இல் 59 பேரைப் பலிகொண்ட ’உப்ஹார்' திரையரங்கத் தீவிபத்து வழக்கில் அன்சல் சகோதரர்களுக்கு தலா ஓர் ஆண்டு சிறை தண்டனை என்கிற தீர்ப்புடன் நின்றிருந்தால்கூட பரவாயில்லை. ஏற்கெனவே நான்கு மாதங்களை சிறையில் கழித்துவிட்ட கோபால் அன்சல், மீதமுள்ள எட்டு மாதங்களை சிறையில் கழித்தால் போதும் என்றும், அவரது சகோதரர் சுஷில் அன்சலுக்கு 77 வயதாகி விட்டதால், வயோதிகம் கருதி அவரது சிறைத்தண்டனையை தள்ளுபடி செய்வதாகவும் தீர்ப்பு வழங்கி இருக்கிறது உச்சநீதிமன்றம்.
அவர்கள் இருவரையும் இரண்டாண்டுகள் சிறை தண்டனைக்கு உட்படுத்த முகாந்திரம் இருப்பதாகவும் அவர்களது வயோதிகம் கருதி தண்டனையை ஓர் ஆண்டாகக் குறைத்திருப்பதாகவும் உச்சநீதிமன்றம் தீர்ப்பில் கூறியிருப்பது, பாதிக்கப்பட்டவர்களை நோகடிக்கும் வார்த்தைகள். எதிர்பார்த்தது போலவே, சிறை தண்டனையை அனுபவிக்க சரணடைவதற்கு நான்கு வார அவகாசம் வழங்கப்பட்ட கோபால் அன்சல், தனது உடல்நிலையையும் வயோதிகத்தையும் கருதித் தனது சகோதரரைப் போலவே சிறை தண்டனையிலிருந்து விடுவிக்க வேண்டும் என்று கோரும் மனு வெள்ளிக்கிழமை உச்சநீதிமன்றத்தில் விசாரணைக்கு வருகிறது. அவருக்கும் விலக்கு அளிக்கப்பட்டால் வியப்படைவதற்கில்லை.
குற்றவாளி என்று தீர்ப்பு வழங்கப்பட்டவர்களுக்கு வயோதிகம் காரணமாக விலக்கு அளிக்கப்படுவது என்பதை ஏற்க முடியவில்லை. இதுவே முன்னுதாரணமாகி, குற்றவாளிகள் வழக்குரைஞர்களின் துணையோடு தண்டனையிலிருந்து தப்புவதற்கு உச்சநீதிமன்றத் தீர்ப்பு வழிகோலி இருக்கிறது.

எல்லாரும் நல்லவரே

By பாறப்புறத் இராதாகிருஷ்ணன்  |   Published on : 02nd March 2017 01:47 AM

இப்போதெல்லாம் யார் நல்லவர், யார் கெட்டவர் என்பதை அறிந்து கொள்வது என்பது மிகவும் கடினமான செயலாக உள்ளது. நல்லவர் போல் நடிப்பவர் நல்லவரும் அல்லர். கெட்டவர் போல் பேர் கெட்டவர் கெட்டவரும் அல்லர்.
ஒரு குழந்தை பிறக்கும்போது, நல்ல மனத்துடனும், தூய சிந்தனையுடனும், உண்மை, நேர்மை, ஒழுக்கம் எனும் நன்னடத்தைகளை அணிகலன்களாகக் கொண்டுதான் பிறக்கிறது. ஆனால், நாளொரு மேனியும் பொழுதொரு வண்ணமுமாக வளரும் குழந்தைகள், வீட்டில் பெற்றோர்கள் மற்றும் உறவினர்கள் வளர்ப்பிலும், பள்ளியில் ஆசிரியர்களின் போதனைகளிலும், வெளியில் சமுதாயத்தின் அரவணைப்பிலும் வளர்ந்து நல்லவனாகவோ, கெட்டவனாகவோ மாறி சமுதாயத்திற்கு நல்லதையோ, கெட்டதையோ செய்கிறார்கள்.
இந்த உலகத்தில் நாம் நுழையும் போது நல்லவராகத் தான் வருகிறோம். அடிப்படை சூழலில் அனைவரும் நல்லவர்களாக இருந்தாலும், சமுதாயச் சூழலால் தீயவர்களாக மாறி, கெட்டவர் என்ற முத்திரையுடன் வெளியேறுகிறோம்.
நாம் நல்லவராக இருந்தால் அனைவரும் நல்லவராகத் தெரிகிறார்கள். நாம் கெட்டவராக இருந்தால் அனைவரும் கெட்டவராகவே தெரிகிறார்கள். ஒருவர் முக அழகுடனும், மிடுக்குடன் உடை அணிந்திருந்தாலோ அவரை நல்லவர் என்றோ, மற்றொருவர் கரடு, முரடமான முகத்துடன் விகாரமாக அழுக்கான உடை அணிந்திருந்தால் அவரை கெட்டவர் என்றோ முடிவுக்கு வந்து விட முடியாது.
நல்லதும், கெட்டதும் கலந்தது தான் மனித குணம். ரோஜா பூவிலும் முட்கள் இருக்கும், கல்லுக்குள்ளும் ஈரமிருக்கும் என்பதை எப்போதும் நினைவில் கொள்ள வேண்டும்.
கிருஷ்ணரிடம் அடியவர் ஒருவர் வந்தார். அவர், கிருஷ்ணரை வணங்கி, பரந்தாமா, இந்த உலகில் நல்லவர்கள் உள்ளார்களா கெட்டவர்கள் உள்ளார்களா என்று கேட்டார். நான் சொல்வதைவிட நேரில் பார்த்துத் தெரிந்து கொள்ளலாமே என்று கூறிய கிருஷ்ணர், அந்த அடியவரை அழைத்துக் கொண்டு அஸ்தினாபுரத்திற்குச் சென்றார்.
அவர்கள் இருவரும் முதலில் தருமனிடம் சென்றனர். கிருஷ்ணன் தருமனிடம், எனக்கு கெட்டவன் ஒருவர் தேவை, எங்கே இருந்தாலும் கண்டுபிடித்து அழைத்து வா என்றார். நீண்ட நேரம் கழித்து வந்த தருமன், இந்த நாட்டில் எல்லோரும் நல்லவர்களாகவே உள்ளனர். கெட்டவர்கள் யாருமே இல்லை. கெட்டவன் ஒருவனையும் என்னால் கண்டுபிடிக்க முடியவில்லை என்றார்.
அதன் பிறகு துரியோதனனை அழைத்த கிருஷ்ணர், அஸ்தினாபுரத்தில் உள்ள எல்லோருமே நல்லவர்கள், கெட்டவர் ஒருவரையும் கண்டுபிடிக்க முடியவில்லை என்றான் தருமன், நீ போய் ஒரு நல்லவரை அழைத்து வா என்றார். வெகு நேரத்திற்குப் பிறகு திரும்பிய துரியோதனன், இந்த நகரத்தில் எல்லோருமே தீயவர்களாக உள்ளனர், நல்லவர் ஒருவனையும் என்னால் கண்டுபிடிக்க முடியவில்லை என்றான்.
தன்னுடன் வந்த அடியாரிடம், நீ கேட்ட கேள்விக்கு விடை கிடைத்து விட்டதா என்று கேட்டார் கிருஷ்ணர். நாம் நல்லவர்களாக இருந்தால், இந்த உலகத்தில் உள்ள எல்லோரும் நல்லவர்களாகத் தெரிவார்கள். நாம் கெட்டவர்களாக இருந்தால் எல்லோரும் கெட்டவர்களாகத் தெரிவார்கள் என்பதைப் புரிந்து கொண்டேன் என்றார் அந்த அடியார். பார்க்கும் பார்வையில் தான் எல்லாம் அடங்கியிருக்கிறது.
இவ்வுலகம் ஒரு கண்ணாடி போன்றது. நாம் கோபப்பட்டால் பதிலுக்கு கோபம் கிடைக்கும். அன்பு செலுத்தினால் அன்பு கிடைக்கும். ஒருத்தரையொருத்தர் மதிக்கும் பண்பு வந்து விட்டால் பிரச்னை இல்லை.
பெருமாளின் தசாவதாரங்களில் ஒன்றான ஏழாவது அவதாரமான ராமர் அவதாரம், மனித குலத்தின் மாண்பினையும், மானுடம் வெல்லும் என்ற உயரிய தத்துவத்தையும் எடுத்துரைப்பதாகவும் உள்ளது.
இதில், வில்லனாக சித்தரிக்கப்படும் ராவணன் திருநீறு அணிந்த சிறந்த சிவபக்தன், யாராலும் வெல்ல முடியாது என வரத்தை பிரம்மனிடமிருந்து பெற்ற சிறந்த வீரன், வழிபாடுகளில் அக்கறை உள்ளவன், வேத வித்தகன், இசைகள் கற்றவன், கயிலை மலையையே அசைக்கப் பார்த்தவன், வேதங்கள் கற்றவன். அவனை இலங்கேஸ்வரன், என்று, நல்லவன் என்று கூறுபவரும் உளர்.
ஒருவருக்கு நல்லவராக இருப்பவர், மற்றவருக்கு கெட்டவராக இருப்பார். அதாவது, அவர் உதவி தேவைப்படும் ஒருவருக்கு சாதகமான பணியைச் செய்தால் அவர் நல்லவர்.
எதிர்த்தாலோ, மறுத்தாலோ அவர் கெட்டவர். இது தான் சமுதாயத்தின் கண்ணோட்டம். வாழ்க்கையில் மனிதனுக்கு பல சந்தர்ப்பங்கள் வரும். அது நல்லதாகவும் இருக்கும், கெட்டதாகவும் இருக்கும்.
ஒருவருக்கு நல்ல சந்தர்ப்பம் வரும் போது அதை நல்ல வழியில் பயன்படுத்தினால் நல்லவராக இருப்பார். கெட்ட சந்தர்ப்பத்தை பயன்படுத்தினால், அவர் கெட்டவராகத் தெரிவார். ஒருவர் நல்லவர் என்பதை அவரின் பேச்சை வைத்தோ, செயலை வைத்தோ, முக பாவனைகளை வைத்தோ கூறக் கூடாது. கெட்ட சந்தர்ப்பங்கள் தான் அவரை கெட்டவராக்கி சமுதாயத்தின் முன்னே தலை குனிய வைக்கிறது.
’என்னை பொருத்தவரை எல்லோரும் நல்லவரே. நான் யாரிடமும் கெட்டதனத்தை பார்ப்பதில்லை. ஏனெனில், கெட்டத் தன்மை என்பது ஒரு நிழல் போன்றது. மேலும், அது ஒரு தனி மனிதனின் உண்மை தன்மை ஆகாது. கெடுல் உண்டாக்கும் செயல்களை அவன் செய்திருக்கலாம். ஆனால், அது அவனது இருப்பையே கெடுத்திருக்காது.
ஒரு செயல், இரண்டு செயல், மூன்று செயல் ஏன் நூறு செயல் கூட கெட்டதை செய்திருக்கலாம். ஆனால், அவனது இருப்பு எப்போதும் தூய்மையானதாகவே இருக்கிறது' என்கிறார் ஓஷோ.
யார் நல்லவர்கள்? அவர்கள் அமிழ்தமே கிடைத்தாலும் தான் மட்டும் உண்ண மாட்டார்கள், காரணம் இல்லாமல் கோபப்பட மாட்டார்கள். தீயச் செயலைச் செய்ய அஞ்சுவார்கள்.
வாழ்க்கையில் நடைபெறுகின்ற ஓரிரு நிகழ்வுகளை வைத்து ஒருவரை நல்லவரா, கெட்டவரா என எடை போடுவது தவறான முடிவாகத்தான் முடியும். காலம் தான் ஒவ்வொருவரின் செயல்களையும் அதனால் ஏற்படும் விளைவுகளையும் தோலுரித்துக் காட்டக் கூடியது. யாராலும், எப்போதுமே நல்லவராகவோ, கெட்டவராகவோ இருக்க முடியாது. சூழ்நிலைகளே அவற்றைத் தீர்மானிக்கின்றன, அதுவரை எல்லாரும் நல்லவரே.

IRCTC launches package to Thailand

The Indian Railway Catering and Tourism Corporation Ltd. (IRCTC), known for internet ticketing and domestic tourism, has announced an international holiday package in continuation of its travel and tourism promotional activity.

An IRCTC release has stated that it has launched an exclusive international package to Bangkok and Pattaya titled “Thailand Delights” this summer and the duration is for four days and five nights. The date of departure is April 18 and the cost is Rs. 38,550 per person on a twin-sharing basis, the release added.

In tune with the IRCTC tours, which are known for budget holiday, the package includes air tickets, accommodation, all meals, sightseeing and transfers, tour guide, travel insurance, and all taxes.

Reservations for the package has already commenced at IRCTC counters and also online through the official website www.irctctourism.com. For details, contact the tourism facilitation centre at the Mysuru railway station (0821-2426001, 9741421486), Bengaluru railway station (080-22960013, 9741429437) or IRCTC regional office at Rajajinagar, Bengaluru (080-22960014, 9686575201/02/03), the release added.

×

Mar 02 2017 : The Times of India (Chennai)

Expired cough syrup leaves 2-year-old dead

Mandya: TIMES NEWS NETWORK  A two-year-old boy died after his mother erroneously administered a dose of expired cough syrup in the district's KR Pete taluk on Wednesday morning. Police said Manasa allegedly took the decision to administer oral drops to her son without medical advice. Sources said the syrup was long past its expiry date, and she allegedly picked the bottle when the boy's cough was persistent. Within minutes, the boy , Dikshit, lost consciousness. Frightened parents rushed the child to taluk hospital where the only duty doctor was away conducting postmortem on a farmer, who committed suicide hours earlier. Immediately , the parents took the child to a private nursing home where doctors allegedly refused to treat the boy saying he was brought dead. Controlling their grief, the parents brought their boy back to the taluk government hospital. By then, the doctor, Ravi, was back at work. Sources said Dr Ravi conducted a series of tests, including electrocardiogram, to ascertain whether child was alive. The results proved otherwise. The grief-stricken parents said if the doctor was present at the hospital and treated the child during their first visit, their child would have been alive. They accused the doctor of medical negligence. Denying the allegation, Dr Ravi said he was busy with another emergency and conducted all possible tests to revive the baby . District health officer Dr Mohan also rejected the family's allegation.

குவியும் ரூ.10 நாணயம் : அலறும் சிறு வங்கிகள்

ஊட்டி: பத்து ரூபாய் நாணயங்கள் வங்கி களில் குவிவதால், அவற்றை இருப்பில் வைக்க இடம் இல்லாமல், சிறிய வங்கி கிளைகள் திணறுகின்றன. கடந்த ஓரிரு மாதங்களாக, '10 ரூபாய் நாணயங்கள் செல்லாது' என்ற தகவல் பரவி வருகிறது. மளிகைக்கடைகள், டீக்கடைகள், பஸ் நடத்துனர்கள், ஆட்டோ டிரைவர்கள், 'டாஸ்மாக்' கடைக்காரர்கள் என, அனைவரும், 10 ரூபாய் நாணயத்தை வாங்க மறுக்கின்றனர்.இதனால், அனைவரும் வங்கிக் கணக்கில், 'டிபாசிட்' செய்வதால், ஒவ்வொரு வங்கிக் கிளையிலும், தினசரி பல ஆயிரம் ரூபாய்க்கு நாணயங்கள் குவிகின்றன. 

இது குறித்து வங்கி ஊழியர்கள் கூறியதாவது:பத்து ரூபாய் நாணயங்கள் செல்லும் என, ரிசர்வ் வங்கி விளக்கம் அளித்தும், மக்கள் பயப்படுகின்றனர். தினமும் வாடிக்கையாளர்கள் வழங்கும் பழைய, கிழிந்த ரூபாய் நோட்டுகளை, ரிசர்வ் வங்கி கட்டுப்பாட்டில் உள்ள, 'கரன்சி செஸ்ட்'டுக்கு அனுப்பி, புதிய ரூபாய் நோட்டுகளை பெற்று புழக்கத்தில் விடுவோம். ஆனால் செல்லத்தக்க, 10 ரூபாய் நாணயங்களை, 'கரன்சி செஸ்ட்'டுக்கு அனுப்ப முடியாது. சிறிய கட்டடங்களில் இயங்கும் வங்கிக் கிளைகளுக்கு, 10 ரூபாய் நாணயங்களை இருப்பில் வைப்பது, சிரமமான காரியமாக உள்ளது. 10 ரூபாய் நோட்டுகள் புழக்கத்தில் இருந்து குறையும் போது, நாணயங்களுக்கான தேவை அதிகரிக்கும். இவ்வாறு அவர்கள் கூறினர்.

தவணை முறையில் சம்பளம் : அரசு பஸ் ஊழியர்கள் கொதிப்பு

சென்னை: தவணை முறையில் சம்பளம் வழங்கப்படுவதால், அரசு போக்குவரத்து கழக ஊழியர்கள் கொதிப்படைந்து உள்ளனர். தமிழக அரசு போக்குவரத்து கழகத்தில் ஓய்வு பெற்றோருக்கு, மூன்று மாதமாக, 'பென்ஷன்' கிடைக்காமல் அவதிப்பட்டு வருகின்றனர். தற்போது, கோவை போக்குவரத்து கழக ஊழியர்களுக்கு, தவணை முறையில் சம்பளம் கொடுக்கும், சிக்கலான சூழல் ஏற்பட்டுள்ளது. இந்த கழகத்தில், பிப்., மாத சம்பளத்தில், தொழில்நுட்ப பிரிவினருக்கு, பாதி சம்பளமே வங்கியில் செலுத்தப்பட்டது; மீதத் தொகை, ஒரு வாரத்தில் வழங்கப்படும் என, கூறப்படுகிறது. அலுவலக பணியாளர்களுக்கு சம்பளம் வழங்கவில்லை. ஒரு வாரத்திற்குள், முதல் தவணையும், மீதத் தொகை, இரண்டாவது தவணையாக, அடுத்த வாரமும் வழங்கப்படும் என, கூறப்பட்டுள்ளது. இது, ஊழியர்களிடையே மன உளைச்சலை ஏற்படுத்தி உள்ளது. 

இது குறித்து, கோவை போக்குவரத்து பிரிவு அதிகாரிகள் கூறியதாவது: கோவை போக்குவரத்து கழக ஊழியர்களுக்கு, மாதம், 32 கோடி ரூபாய் சம்பளம் வழங்கப்படுகிறது. நீலகிரி மலைப்பகுதியில், 473 பஸ்களை இயக்குகிறோம். ஒரு நடைக்கு, 1,500 ரூபாய் நஷ்டம் ஏற்படுகிறது. நீலகிரி, பெங்களூருக்கு, இரவில் பஸ்களை இயக்க முடிவதில்லை. திருச்சி, மதுரைக்கு இரவில் இயக்கினாலும், வசூல் குறைவாக தான் உள்ளது. இதனால், ஊழியர் சம்பளத்துக்கே, 5 கோடி ரூபாய் பற்றாக்குறையாக உள்ளது. இந்த நஷ்டத்தை அரசு ஏற்றால் தான், ஊழியர்களுக்கு முறையாக சம்பளம் வழங்க முடியும். வேறு வழியின்றி, நிலைமைக்கேற்ப தவணையில் வழங்குகிறோம்.

இவ்வாறு அவர்கள் கூறினர்.

இன்ஜினியரிங் படிப்பில் சேர, 2018ல், பொது நுழைவு தேர்வு அறிமுகம் செய்யப்படும்' என, அகில இந்திய தொழில்நுட்ப கல்விக் கவுன்சில் தெரிவித்துள்ளது.

தமிழகத்தில், பிளஸ் 2 முடிக்கும் மாணவர்கள், இன்ஜினியரிங், மருத்துவ படிப்புகளில் சேர, நுழைவு தேர்வு எழுத வேண்டியதில்லை. மருத்துவ படிப்பில் சேர, இந்த ஆண்டு முதல், 'நீட்' தேர்வு கட்டாயம் என அறிவிக்கப்பட்டிருந்தாலும், அதற்கு தமிழக அரசின் சார்பில், விலக்கு கேட்கப்பட்டுள்ளது.

இந்நிலையில், 2018 - 19ம் கல்வி ஆண்டு முதல், நாடு முழுவதும், இன்ஜினியரிங் படிப்புக்கு, பொது நுழைவுத் தேர்வு அறிமுகம் செய்யப்பட உள்ளது.

சென்னை வந்துள்ள, அகில இந்திய தொழில்நுட்ப கல்வி கவுன்சில் தலைவர் அனில் சகஸ்ரபுதே, இதுகுறித்து கூறியதாவது:

மாநில அரசு கல்லுாரிகள், தனியார் கல்லுாரிகள், தனியார் பல்கலைகள் என, பல சேர்க்கை முறைகள் பின்பற்றப்படுகின்றன. அதனால், மாணவர்கள் பல்வேறு நுழைவு தேர்வுகளை எழுத வேண்டியுள்ளது.

இந்த நிலையை மாற்ற, இன்ஜினியரிங் படிப்பில், அனைத்து அரசு மற்றும் தனியார் கல்லுாரி, பல்கலைகளை இணைத்து, அவற்றில் சேர்வதற்கு, ஒருங்கிணைந்த நுழைவு தேர்வு நடத்த உள்ளோம். இதற்காக, மாநில அரசுகள் மற்றும் கல்வியாளர்களிடம் கருத்து கேட்டுள்ளோம். வரும், 2018 - 19ம் கல்வி ஆண்டில், இந்த நுழைவு தேர்வு நடத்தப்படும்.

அதேபோல், கல்லுாரிகளுக்கான கல்வி கட்டணத்தை வரைமுறைப்படுத்தவும் திட்டமிடப்பட்டுள்ளது.இவ்வாறு அவர் கூறினார்.

- நமது நிருபர் -