தலைவலி, உடல்வலிக்கு மாத்திரை சாப்பிடுபவர்கள் கவனிக்க!

- பாலு சத்யா

DOCTOR VIKATAN

மெடிக்கல் ஷாப்பில் போய் நின்று, `தலைவலி, உடல்வலி... மாத்திரை ஏதாவது கொடுங்க’ என்கிறார் கிராமத்துப் பெண்மணி ஒருவர்; `ஃபீவரிஷ்ஷா இருக்கு... பேரசிட்டமால் ஒண்ணு குடுங்களேன்’ என்கிறார் படித்த இளைஞர் ஒருவர். இந்த விஷயத்தில் இருவருக்கும் வித்தியாசம் எதுவும் இல்லை. நோய், உடல்நலக் குறைபாடு எதுவாக இருந்தாலும், மருத்துவரின் பரிந்துரை இல்லாமல் எந்த மருந்தையும் சாப்பிடக் கூடாது. இது அலோபதி தொடங்கி இயற்கை வைத்தியம் வரை அத்தனைக்கும் பொருந்தும். சிலர், மருந்துக்கடையில் வேறு யாருக்காவது மாத்திரை, மருந்து வாங்குவார்கள். `முதுகுல வலி’ என்பார்கள். மருந்துக்கடைக்காரருக்கு, அந்த மருந்தைச் சாப்பிடப்போவது ஆணா, பெண்ணா, குழந்தையா, எத்தனை வயது என்று எதுவும் தெரியாது. ஆனாலும் மருந்தைக் கொடுத்துவிடுவார். அதனால் ஏற்படும் பக்கவிளைவுகளுக்கு அவர் பொறுப்பாக மாட்டார். பல நாடுகளில் டாக்டரின் மருந்துச்சீட்டு இல்லாமல் எந்த மருந்தையும் வாங்க முடியாது. தூக்க மாத்திரைகளைச் சாப்பிட்டால் வாகனம் ஓட்டக் கூடாது. மீறி ஓட்டினால் அபராதம் விதிக்கிறார்கள் சில நாடுகளில்! ஆனால், இந்தியாவில் இப்படி எந்தக் கட்டுப்பாடும் இல்லாததே மருந்துக்கடைகளில் தானாக மருந்து வாங்கிச் சாப்பிடும் கூட்டம் அதிகரிப்பதற்கான காரணம்.



ஒரு காலத்தில், `பாட்டி வைத்தியம்’ என ஒரு வழக்கம் இருந்தது. `குழந்தை சாப்பிட மாட்டேனு அடம் பிடிக்குது’ என வந்து நிற்பார் தாய். அந்த வீட்டில் உள்ள பெண்மணி, `மாந்தமா இருக்கும்’ என்று சொல்லி, கைவைத்தியம் ஒன்றைப் பரிந்துரைப்பார். மாலைக்குள் குழந்தை அம்மா உருட்டிக்கொடுக்கும் கவளச் சோற்றை ஆசை ஆசையாகச் சாப்பிட ஆரம்பித்துவிடும். அந்த பாட்டி வைத்தியம்கூட தங்கள் அனுபவத்தில் கண்ட வைத்தியத்தை யாரோ யாருக்கோ சொல்லி, செவிவழியாகக் கற்றவைதான். ஆனாலும், அது சிறுசிறு உடல் பிரச்னைகளுக்கு தீர்வு தந்தது. பாட்டி வைத்தியம் வழக்கொழிந்து போனாலும், இன்றைக்கு வீட்டுக்கு ஒரு டாக்டர் இருக்கிறார் என்று அடித்தே சொல்லலாம். அதாவது, சின்னத் தீக்காயம் தொடங்கி, இதய நோய் வரைக்கும் ஆலோசனை சொல்பவர்கள்! இவர்கள் தங்கள் ஆலோசனைக்கு ஆதாரமாக வைத்திருப்பவை... சில மருத்துவப் புத்தகங்கள்; வார, மாத இதழ்களில் வெளியான மருத்துவத் துணுக்குச் செய்திகள்; யாரோ சொல்லிக் கேட்ட சிகிச்சை முறைகள்... முக்கியமாக கூகுள் தேடல்!

`டாக்டர் எனக்கு ஒரு டவுட்டு...!’ எனச் சொல்லிக்கொண்டு இணையத்தில் மேய்ந்து, பித்தப்பை கற்களுக்கான உணவுகளில் இருந்து, கேன்சருக்கான கீமோதெரப்பி வரை புள்ளிவிவரங்களை சேகரித்து வைத்திருப்பார்கள். பித்தப்பைக் கல்லா, சிறுநீரகக் கல்லா என்பது தெரியாமலேயே `கல்லுக்கு வாழைத்தண்டு கண்கண்ட மருந்துப்பா...’ என ஆலோசனை சொல்வார்கள். இவர்களிடம் இருந்து விலகி இருப்பதே நம் ஆரோக்கியத்துக்கு நல்லது. நேரடியாகச் சந்திக்கும்போதுதான் நோயாளிக்கு என்ன பிரச்னை என்பதை டாக்டரால் புரிந்துகொள்ள முடியும். நோயாளியின் வயது, உடல்நிலை, உடலின் நோய் எதிர்ப்பு சக்தி, நோயின் தாக்கம் எல்லாவற்றையும் கணக்கிட்டுத்தான் டாக்டர், நோயாளிக்குச் சரியான மருந்தைப் பரிந்துரைப்பார். அது எந்த மருந்தாக இருந்தாலும் சரி, மாத்திரையாக இருந்தாலும் சரி... தேவையில்லாமல் நம் உடலுக்குள் செல்லும்போது பல பிரச்னைகளை ஏற்படுத்திவிடும். வாந்தி, வயிற்றுப் புண் வரும்; சிறுநீரகத்தில் பாதிப்பை ஏற்படுத்தும்; எலும்பு மஜ்ஜை பிரச்னையைக்கூட உண்டாக்கும்.



வீட்டில் யாருக்கோ தலைவலி என்று மருத்துவர் ஒரு மருந்தை எழுதிக் கொடுத்திருப்பார். வீட்டில் யாருக்கு தலைவலி வந்தாலும், அதே மருந்தைச் சிலர் கொடுப்பார்கள். இதுவும் தவறு. அதேபோல, ரத்த அழுத்தம், சர்க்கரைநோய் பிரச்னைகளுக்கு வீட்டில் உள்ள ஒருவர் சாப்பிடும் மருந்தையே அனைவரும் சாப்பிடுவதும் தவறு. இது, மாரடைப்பு, பக்கவாதம் போன்ற பெரிய பிரச்னைகளுக்குக்கூட வழிவகுத்துவிடும். மாத்திரைகள் நான்கு வகை... சத்து மாத்திரை, கிருமிகளைக் கொல்பவை (Antibiotic), ஆன்டி அலர்ஜிக், வலி நிவாரணி! இவற்றில் எந்த மாத்திரையாக இருந்தாலும், தேவையில்லாமலோ அதிக அளவிலோ சாப்பிட்டால், பல பக்க விளைவுகள் ஏற்படும். சத்து மாத்திரைகள், மலச்சிக்கல், வயிற்றுப்போக்கு, வயிறு தொடர்பான பிரச்னைகளை ஏற்படுத்துபவை. ஆன்டிபயாடிக், செரிமானக் கோளாறுகளையும் வயிற்றுப் பிரச்னைகளையும் உண்டாக்குபவை. ஆன்டி அலர்ஜிக், தூக்கம், மயக்கம், சோர்வைத் தருபவை. வலி நிவாரணிகள், வயிற்றுப் புண், சிறுநீரகப் பாதிப்பு, ரத்தம் உற்பத்தியாவதில் பிரச்னைகளை ஏற்படுத்துபவை.

சிலர் டாக்டரிடம் வரும்போதே, `டாக்டர்... எனக்கு வந்திருக்கிறது சாதாரண ஜுரம் மாதிரி தெரியலை. எதுக்கும் ஒரு பிளட் டெஸ்ட் எடுத்துப் பாத்துரலாமா?’ என்பார்கள். இல்லையென்றால், `போன தடவை குடுத்தீங்களே ஒரு மாத்திரை அது கேட்கவே மாட்டேங்குது... 500 எம்.ஜியா எழுதிக் குடுங்க டாக்டர்...’ என்பார்கள். இப்படி அதீத ஆர்வம், எதற்கெடுத்தாலும் சந்தேகம் என்பது சிகிச்சை கொடுக்கும் மருத்துவருக்குத்தான் சிக்கலை ஏற்படுத்தும். மருத்துவரிடம் சந்தேகம் கேட்பது இருக்கட்டும்... என்ன பிரச்னை, என்ன சிகிச்சை கொடுக்கிறார் என்பதை நோயாளிக்கு மருத்துவர் தெரிவிக்கவேண்டியதும் மருத்துவரின் கடமையே!



இன்னொரு விஷயம்... காய்ச்சல் என்று மருத்துவரிடம் போகிறோம். அவர், குறிப்பிட்ட காலத்துக்கு (ஒரு கோர்ஸ்) சாப்பிடச் சொல்லி மருந்துகளைப் பரிந்துரைத்திருப்பார். சிலர் காய்ச்சல் குணமானவுடன் மருந்து சாப்பிடுவதை நிறுத்திவிடுவார்கள். இதுவும் தவறு. டாக்டர், கிருமிகளைக் கொல்வதற்காகவே மருந்து கொடுத்திருப்பார். இடையில் நிறுத்தினால், கிருமி வளரும்; மறுபடியும் அதே காய்ச்சல் வரும். அதோடு, அந்த மருந்துக்கு எதிராகச் செயல்படும் தன்மையையும் அந்தக் கிருமி பெற்றுவிடும். பல ஆண்டுகளாக மருத்துவர்-நோயாளி ஜோக்குகளை பத்திரிகைகள் வெளியிட்டு தீர்த்துவிட்டன. இப்படியான நகைச்சுவைகள் இன்றைக்கும் அள்ள அள்ளக் குறையாத அமுதசுரபிபோல் நிஜ வாழ்க்கையிலும் தொடர்ந்துகொண்டே இருப்பதுதான் சுவாரஸ்யமும் வருத்தமும் தரும் செய்தி. சுயவைத்தியம் என்பது மருத்துவரைத் தவிர வேறு யாரும் செய்துகொள்ளக் கூடாதது. அதிலும், சில சிகிச்சைகளை மருத்துவர், தனக்குத் தானே செய்துகொள்ளவும் முடியாது.

இப்படி நாம் ஒவ்வொருவருமே தெரிந்துகொள்ளவேண்டிய, பின்பற்றவேண்டியவை மருத்துவத்தில் அநேகம். ஒருவர் நெஞ்சு கரிக்கிறது என்று சொல்லி ஒரு டாக்டரிடம் போகிறார். டாக்டர் அவரை ஈ.சி.ஜி எடுக்கச் சொல்லி, அவருக்கு இதயத்தில் பிரச்னை இருப்பதை உறுதிசெய்கிறார். ஆனாலும், அந்த நபர், `ஒரு சோடா குடிச்சா சரியாப் போகும்’ என்று மருத்துவர் பரிந்துரைக்கும் சிகிச்சையை மறுத்துவிட்டு, பெட்டிக்கடைக்கு ஓடினால் என்ன ஆகும்? அதற்கு விலையாகக் கொடுக்க வேண்டியது அவருடைய உயிரை அல்லவா? பின்னங்கால் நரம்பில் வலியா? உடனே கூகுளில் தேடி சிகிச்சை எடுப்பது தவறு. நல்ல மருத்துவரை நாடிப் போவதே சரி. ஒருவேளை, அந்த நரம்புவலி பக்கவாதத்தில்கூட கொண்டுபோய் விட்டுவிடலாம். எனவே பொருத்தமான, நல்ல மருத்துவரிடம் சந்தேகங்களைக் கேட்பதும், சிகிச்சை பெறுவதும்தான் ஆரோக்கியம் காக்க உதவும்.

டியர் யூத்ஸ்.. உங்க உடம்ப பத்திரமா பாத்துக்க சில டிப்ஸ்!

‘மெய்ப்’பொருள் காப்பது அறிவு

இளமையில் உடல் நலத்தின் மீது கவனம் செலுத்தாமல் பணம் சம்பாதித்து வாழ்க்கையில் செட்டில் ஆவதே குறியாக இருக்க வேண்டியது. பிறகு, வயதான காலத்தில் சம்பாதித்த பணம் முழுவதையும் மருத்துவமனைகளுக்கு அழுவது. இதைத்தான் வாழ்க்கை ஒரு வட்டம் என்பார்கள். ஆனால், நாம் நலமுடன் இருக்கும்போதே சற்றே கவனமாக இருந்தால் இந்த வாழ்க்கை எனும் வட்டத்தை அழகான ஆரோக்கியமான ஹார்டீனாக மாற்றலாம். இப்போது நாம் பார்க்க போகும் விஷயங்களை பின்பற்ற உங்கள் நேரமோ, பணமோ சிறிதுகூட விரயமாகாது. உங்கள் அன்றாட வாழ்வின் செயல்களினூடாக இதையெல்லாம் செய்தாலே போதும். இதோ அதற்கான டிப்ஸ்...



பிளாஸ்டிக் வேணாம் ப்ளீஸ்!

எளிதாக கிடைக்கும், அதிக விலை இல்லை, எளிதில் உடைந்து போகாது. இப்படி பல நல்ல விஷயங்கள் இருந்தாலும் பிளாஸ்டிக் பாட்டில்கள் உடல் நலத்திற்கு தீங்கை மட்டுமே அளிக்கும். எனவே பள்ளிகளுக்கு குழந்தைகள் எடுத்துச்செல்லும் தண்ணீர் பாட்டில்கள் (அதுவும் கூட போதுமான தடிமன் கொண்ட பாட்டில்கள் மட்டுமே) தவிர மற்ற இடங்களில் பிளாஸ்டிக் பாட்டில்களை பயன்படுத்துவதைத் தவர்த்து விடுங்கள். ஏனெனில், நாள்பட்ட பயன்பாடுகளில் பிளாஸ்டிக் தன் வேலையைக் காட்டிவிடும். மேலும், கண்ணாடி பாட்டில்களில் பாக்டீரியா தொற்றும் சுத்தமாக இருக்காது.

விளம்பர இடைவேளைகள் நல்லது!

உங்களுக்கு பிடித்த ஒரு நிகழ்ச்சியை தொலைக்காட்சியில் பார்த்துகொண்டிருக்கிறீர்கள். திடீரென விளம்பர இடைவேளை வந்து விட்டது. செம்ம காண்டாவீர்கள் இல்லையா? இனி அப்படியெல்லாம் கோபப்படாதீர்கள் இடைவேளை வந்தவுடன் சின்னதாக உடம்பை வளைத்து நெளித்து ஒரு சிம்பிள் ‛ஸ்ட்ரெச்’ செய்யுங்கள். ஓய்வில் உள்ள உங்கள் உடல் உறுப்புகளை புத்துணர்வாக்கும். அதேபோல், அதிக நேரம் கம்ப்யூட்டர் முன் அமர்ந்து வேலை செய்பவராக இருந்தால் இருபது நிமிடங்களுக்கு ஒரு முறை இருபது வினாடிகள், இருபது அடிகள் தொலைவில் உள்ள பொருள் ஒன்றினை பார்த்துப் பழகுங்கள்.

மேக் இட் சின்னது!

உணவு விஷயத்தில் கட்டுப்பாடு இல்லையென்றால் நாம் என்னதான், எவ்வளவுதான் முயன்றாலும் உடல் ஆரோக்கியத்தை பாதுகாக்க முடியாது. பெரும்பாலும் நம்முடைய ஃபிட்னஸ் ஆசையில் ‘கொழுப்பை’ அள்ளிப் போட்டது நம்ம ஃபேவரைட் உணவாகத்தான் இருக்கும். என்ன சாப்பிடுகிறோம் என்பதைப் போலவே, எவ்வளவு சாப்பிடுகிறோம் என்பதும் ரொம்ப முக்கியம். முதலில் உங்கள் வீட்டில் உள்ள பெரிய சைஸ் உணவு தட்டுகளை எடுத்து ஒளித்து வைத்து விடுங்கள். அதற்கு பதிலாக அளவில் சிறிய தட்டுகளை பயன் படுத்துங்கள். சிறிய தட்டுகளை குறைந்த அளவிலான உணவே அதிகமாக தெரியும். சோ, நம்மை அறியாமலே நம் உணவின் அளவும் குறையும்.

தெரிந்து உண்ணுங்கள்

நாம் அன்றாடம் உண்ணும் உணவில் என்னென்ன பொருட்கள் உள்ளன என்பது நமக்கு நிச்சயமாய் தெரிந்து இருக்காது. வீட்டில் சமைக்கும் உணவாக இருந்தால் என்னென்ன சேர்க்கிறோம் என்பது தெரியும். அதேபோல், பாக்கெட்டுக்குள் அடைக்கப்பட்ட உணவுகளில் என்னென்ன மூலப்பொருட்கள் எந்த விகிதத்தில் கலந்துள்ளது என்பதை அதன் ‘இன்கிரிடியன்ஸ்’ லிஸ்டில் பார்த்து தெரிந்து கொள்ளுங்கள். ஒருவேளை அதை எல்லாம் தெரிந்து கொண்டால், நீங்களே அதை எல்லாம் உண்பதை குறைத்துக் கொள்வீர்கள். அல்லது அதற்கு ஈடான உடற்பயிற்சி செய்யப் பழகுவீர்கள்.

கருப்பு சாக்லேட்டும் கலரில்லாத தண்ணீரும்

இது நமக்கு ஏற்கனவே தெரிந்ததுதான். காலையில் எழுந்தவுடன் ஒரு குவளை வெதுவெதுப்பான தண்ணீர் அருந்துவது சாலச்சிறந்தது. பிறகு, சாதாரண சர்க்கரை அதிகம் சேர்க்கப்பட்ட சாக்லேட்டுகளுக்கு பதிலாக கருப்பு சாக்லேட்டுகளை எடுத்து கொள்வது உடல் நலத்திற்கு மிகவும் நல்லது. மேற்கூறிய இரண்டு விஷயங்களையும் செய்தாலே போதும் உங்கள் உடல் எடையில் ஆச்சர்யப்படுமளவிற்கு மாற்றம் தெரியும்.

ஏறுங்கள், இறங்குங்கள்

ஒன்று அல்லது இரண்டு மாடிகள் மட்டுமே ஏற வேண்டும் என்னும் போது லிஃப்ட் பயன்படுத்துவதை (சோர்வாக இருக்கும் போதோ அல்லது நேரம் இல்லாத போத தவிர) தவிர்த்து விடுங்கள். மற்ற பொது இடங்களிலும் எஸ்கலேட்டரை பயன்படுதத்துவதை தவிர்த்து படிகளை பயன் படுத்துங்கள். அதே போல் உங்கள் வீட்டிற்கு அருகிலுள்ள கடைகளுக்கு செல்லும் பொது நடந்தே செல்ல பழகுங்கள்.

கடித்து சாப்பிடுங்கள்

எப்போதும் சாப்பிடும் போது நன்றாக மென்று சாப்பிட வேண்டும் என்பது உங்களுக்கே தெரியும். இங்கே நாம் பழங்களை சாப்பிடுவதை பற்றி பார்ப்போம். பழங்கள் என்பவை கடித்துச் சாப்பிட வேண்டியவை. எனவே பழங்களை ஜூஸாக குடிப்பதை குறைத்துக் கொண்டு பழங்களாகவே கடித்து சாப்பிடத் தொடங்குங்கள். அதேபோல் பசித்த பின், உண்ணும் பழக்கத்தை கடைப்பிடியுங்கள். பொழுதுபோக்கிற்காக உண்பதை தவிர்த்து விடுங்கள்.

இரவு தூக்கம், காலை உணவு

இரவு தூக்கம் என்பதை கொஞ்சம் சீரியசாக எடுத்து கொள்ளுங்கள். நாம் எவ்வளவு ஓய்வை நம் உடலுக்கு கொடுக்கிறோம் என்பது மிகவும் முக்கியம். நல்ல தூக்கம் இதய நோய் சதவீதத்தையும் குறைக்கிறது. அதே போல் காலை உணவு என்பது மிக மிக முக்கியம். இரவு முழுதும் கிட்டத்தட்ட பனிரெண்டு மணி நேரம் பட்டினி இருந்த நாம் கண்டிப்பாக காலை உணவு எடுத்து கொள்ள வேண்டும். காலை உணவை தவிர்ப்பது மூளையின் செயல் திறனை பாதிக்கும்.

இதையெல்லாம் பின்பற்றினாலே நம் வாழ்க்கையில் நாம் சம்பாதிக்கும் பணத்தை நாம் விரும்பிய வழிகளில் செலவழிக்கலாம்.

60 வயதுக்காரரின் 24 ஆண்டு உழைப்பு உங்கள் நாளையே மாற்றும்! 

#MorningMotivation





சேலத்தில் உள்ள பெரும்பாலான சுவர்களில் இளைஞர்களுக்கும் பொதுமக்களுக்கும் பயனுள்ள வகையில் தன்னம்பிக்கையும் விழிப்புணர்வும் ஏற்படுத்தும் விதமாக வாரந்தோறும் பல்வேறு வகையான தகவல்களை எம்.எம்.எம் கார்னர் (MMM Corner) என்ற பெயரில் எழுதி வருகிறார் பசுபதிநாதன். இன்று நேற்றல்ல. இருபத்து நான்கு வருடங்களாக! தீபாவளி பொங்கல் சுதந்திர தினம் குடியரசு தினம் போன்ற விழா காலங்களில் அது தொடர்பான பல்வேறு வாசகங்களை எழுதி வருகிறார். சேலத்தில் இவரின் வாசகத்திற்காக பல மாணவர்கள் மற்றும் மக்கள் என ரசிகர் பட்டாளமே உள்ளன. அவரை சந்தித்த போது..

வாசகங்கள் எழுத வேண்டும் என்று எப்படி ஆர்வம் வந்தது?

ஆரம்பத்தில் சினிமா போன்ற சுவர் விளம்பரங்களை வரைந்தும் எழுதியும் வந்தேன். என்னுடைய தந்தை ஒரு சுதந்திர போராட்ட தியாகி. மனிதனாக பிறந்த ஒவ்வொருவரும் தம்முடைய வாழ்நாளில் ஏதாவது ஒரு நல்ல செயல்களை செய்ய வேண்டும் என்று அடிக்கடி கூறுவார். அவரது வழி வந்த நான் மக்களுக்கு ஏதாவது நல்ல செயல்கள் செய்ய வேண்டும் என்று எண்னினேன். அதற்காக 1993 ஆம் ஆண்டு முதல் இன்று வரை இருபத்து நான்கு ஆண்டுகளாக சமூக அக்கறை, பொன்மொழி, தன்னம்பிக்கை வரிகள் போன்றவற்றை வாரம் ஒரு முறை எழுதி வருகிறேன்.

முதன் முதலாக எழுதியது பற்றி கூறுங்கள்?

முதன் முதலாக ஒரே ஒரு இடத்தில் 'வெற்றிகரமாக வாழ்ந்து காட்டு, வஞ்சகம் தீர்க்க இதை தவிர வேறு எதுவுமில்லை' என்று எழுதினேன். இந்த வரிகள் மக்களிடம் நல்ல வரவேற்பைப் பெற்றது. இதனால் அடுத்த வாரமே ஐந்துக்கும் மேற்பட்ட இடங்களில் வெவ்வேறு வாசகங்களை எழுதினேன். வெவ்வேறு வாசகங்கள் எழுதும் போது நிறைய பேர் எங்க எல்லாம் எழுதி இருக்கீங்க என்னென்ன வரிகள் எழுதி இருக்கீங்கனு கேட்டார்கள். அதனால் எல்லா இடத்திலும் ஒரே மாதிரியான வாசகங்களை எழுத முடிவு செய்தேன். தற்போது 35 இடங்களில் எழுதி வருகிறேன்.

இதன் மூலம் ஏற்பட்ட அனுபவங்கள் சுவாரஸ்யமான நிகழ்வுகள் பற்றி கூறுங்கள்?



ஒரு சில காரணங்களால் இயக்குநர் சசி படம் ஒன்று பாதியில் நின்று விட்டது. அப்போது நான் எழுதி இருந்த ' ஒரு நொடி துணிந்திருந்தால் இறந்துவிடலாம், ஒவ்வொரு நொடியும் துணிச்சல் இருந்தால் வாழ்க்கையில் ஜெயித்துவிடலாம்' என்ற வரியை பார்த்து விட்டு மீண்டும் படத்தை இயக்கி வெற்றி படமாக வெளியிட்டார். இன்று வரை என்னிடம் நண்பராக தொடர்பில் உள்ளார்.ஒரு முறை நான் சுவரில் எழுதி இருந்த வாசகத்தை பார்த்த பள்ளி மாணவன் ஒருவன் மற்ற இடங்களில் எழுதி உள்ளதை போன்று எங்கள் வீட்டு சுவரிலும் எழுத வேண்டும் என்று கூறினான். அன்றிலிருந்து இன்று வரை அந்த மாணவன் வீட்டு சுவற்றிலும் எழுதி வருகிறேன்.என்னுடைய வாசகங்களை படித்து விட்டு நிறைய பேர் என்னிடம் வந்து அவர்களுடைய வாழ்க்கையில் மாற்றம் ஏற்பட காரணமாக எனது வாசகங்கள் உள்ளதாக கூறுவார்கள். பல்வேறு தனியார் அமைப்புகள், ஊடகங்கள் என்னுடைய பணியை பாராட்டி பல்வேறு அங்கீகாரங்கள் அளித்துள்ளனர். அதை விட முக்கியமாக மக்கள் ஆதரவு என்ற அங்கீகாரம் உள்ளது.


பொதுமக்கள் மற்றும் மாணவர்களிடம் ஆதரவு எப்படி உள்ளது?

ஆரம்பத்தில் இருந்து இப்போது வரை மக்களிடமும் மாணவர்களிடமும் நல்ல ஆதரவு உள்ளது. சேலம் மக்கள் மட்டுமின்றி அனைத்து மக்களும் என்னுடைய வாசகங்களை தெரிந்து கொள்ளும் வகையில் முகநூல் பக்கம் ஒன்றை உருவாக்கி அதில் அந்த வாரத்திற்கான வாசகங்களை பதிவேற்றம் செய்து விடுவேன். அதில் மக்கள் ஆதரவு பலமாக உள்ளன.




வாசகங்கள் எப்படி தயார் செய்கிறீர்கள்?

கல்வி மற்றும் வாழ்க்கையில் கற்று கொண்டவை, ஆங்காங்கே படித்தவற்றை எழுதி வருகிறேன். வாழ்க்கை அனுபவங்கள் மூலம் கற்றுக் கொண்ட பாடங்களையும் வாசகங்களாக எழுதி வருகிறேன். நான் கற்றுக் கொண்டதை பிறருக்கு கற்று தருகிறேன்.சமூக அக்கறையுடன் எழுத வேண்டும் என்ற ஆர்வம் ஏற்பட்ட பின்பு சுவர் வாசகத்திற்காக செலவு செய்யும் தொகை ஒன்றும் பெரியதாக தெரியாது.

ஒவ்வொரு நாளையும் ஊக்கத்துடன் தொடங்க நினைக்கும் பலருக்கும், இவர் அமைதியாக தன் தொண்டை செய்து வருகிறார். இவர் எழுதிய வாசகங்களைக் கடந்து செல்லும் எவருக்கும், அது ஓர் எனர்ஜி பூஸ்டர்தான்! புதியன விரும்பும் இளைய சமுதாயத்தினருக்கும் இந்த 60 வயதுக்காரரின் வாழ்க்கை ஒரு ஊக்கம்தரும் பாடம்தான்!

Smartcards with health details cheer senior citizens

Recognising the dangers of senior citizens, particular ly those living alone, fall ing victim to a health condition and being unattended, the Union budget presented on Wednesday announced introduction of Aadhaar-based smart cards containing their health details.

The move has especially brought cheer to Tamil Nadu's elderly whose desire to live independently is high and the number of such senior citizens in the state is higher than the national average.

"It gives us more confidence to be out alone or stay home alone," said 65-year-old Shanthakrishnan, who until now took his daily morning constitutional bogged by the fear that nobody would know of his heart ailments and diabetic condition if he fainted on a street.

Doctors and officials running elderly care institutions, too, are happy. "Several senior citizens, especially those living alone, do not have the practice of keeping their health records," said D Rajasekaran, general secretary of Chennai-based Tamil Nadu Senior Citizen's Association.

"Even if they do have a record, they keep a bunch of all prescriptions and papers of their past which is not helpful. This move will be great because there will be an abridged summary statement where the main problems will be highlighted so doctors can understand their condition," he added.

Geriatric expert Dr V S Natara jan said the the smartcard should also contain a list of drugs used by the patient apart from emergency contacts. "It is important that senior citizens carry their ID cards with them," he said. "For instance, if heshe is diabetic, giving glucose will do. So, the card should contain their ailments, drugs they use, allergies, contacts and address."

A few, however, remain sceptical as an increasing number of facilities are linked to Aadhaar."Many of us are worried that our personal details will be out by attaching details with Aadhaar card," said Kamakshi Subramanian, an octogenarian living by herself in Besant Nagar. "When the Supreme Court has said it is not mandatory , we are not clear how this is going to work or help."

ஞாபக மறதி நோயால் கருணாநிதி அவதி:

இயல்பு நிலைக்கு திரும்புவது எப்போது?

ஞாபதி மறதி, பேச்சு திறன் இன்மை போன்றவற்றால் பாதிக்கப்பட்டுள்ள, தி.மு.க., தலைவர் கருணாநிதிக்கு, 'ஸ்பீச் தெரபி' சிகிச்சை அளிக்கப்படுகிறது.

தி.மு.க., தலைவர் கருணாநிதி, சில மாதங்களுக்கு முன், உடல் நலக்குறைவு காரணமாக, சென்னை, ஆழ்வார்பேட்டை காவேரி மருத்துவமனையில் அனுமதிக்கப்பட்டார். அங்கு, அவருக்கு செயற்கை சுவாசம் அளிக்க, தொண்டையில் துளையிட்டு, 'டிராக்கியோஸ்டமி' சிகிச்சை அளிக்கப்பட்டது. தற்போது, அவர் கோபாலபுரம் வீட்டில் ஓய்வில் இருக்கிறார்; மருத்துவ சிகிச்சை தொடர்கிறது. மூன்று டாக்டர்கள், செவிலியர்கள் கண்காணித்து வருகின்றனர்.

கருணாநிதியை பார்க்க விரும்புவோருக்கு, கண்ணாடி கதவு வழியாக பார்க்க, அனுமதி வழங்கப்படுகிறது. பார்க்க வரும் கட்சி பிரமுகர்களின் பெயர், அங்குள்ள வருகைபதிவேட்டில் பதிவு செய்யப்படுகிறது.

'ஸ்பீச் தெரபி' சிகிச்சை

தி.மு.க., வட்டாரங்கள் கூறியதாவது: வயோதிகம் காரணமாக, ஞாபக மறதி, கருணாநிதிக்கு அதிகம் உள்ளது. பேச்சும் குறைந்துள்ளது. அதனால், 'ஸ்பீச் தெரபி' சிகிச்சை அளிக்கப்படுகிறது. மேலும், ஞாபக மறதியை குணப்படுத்துவதற்கான சிகிச்சையும் தரப்படுகிறது. அவருக்கு செயற்கை சுவாசம் அளிக்க பொருத்தப்பட்டிருந்த, குழாய்கள் அகற்றப்பட்டுள்ளன.
மூன்றுநாட்களுக்கு முன், அவரை மாடியிலிருந்து கீழ் தளத்திற்கு அழைத்து வந்தனர். அப்போது, அங்கு இருந்த குடும்ப உறுப்பினர்களை பார்த்து, கருணாநிதி சிரித்துள்ளார். ஆனால், பேச முடியவில்லை.

அவரை தனிமையில் இருக்க விடாமல், நெருக்கமானவர்களை சுற்றி இருக்க செய்துள்ளனர். பழைய நினைவுகள் குறித்தும், சுவாரஸ்யமான சம்பவங்கள் பற்றியும், கருணாநிதியிடம் பேசினால், அவர் ஓரளவுக்கு இயல்பு நிலைக்கு திரும்ப வாய்ப்பு உள்ளது என, டாக்டர்கள் கருதுகின்றனர்.

மற்றபடி அவரது உடல் நலத்தில், எந்த குறையும் இல்லை. பேச்சு திறனும், ஞாபகமும் வந்து விட்டால் போதும், அவர் இயல்பு நிலைக்கு திரும்பி விடுவார். இவ்வாறு கட்சி வட்டாரங்கள் தெரிவித்தன.

- நமது நிருபர் -

5 லட்சம் ரூபாய் வரையிலான வருமானத்துக்கான வரி, பாதியாகக் குறைக்கப்பட்டுள்ளது.

புதுடில்லி: வரும், 2017 - 18 நிதியாண்டுக்கான பட்ஜெட்டில், சாமானிய மக்களுக்கு சந்தோஷம் அளிக்கும் வகையில், 5 லட்சம் ரூபாய் வரையிலான வருமானத்துக்கான வரி, பாதியாகக் குறைக்கப்பட்டுள்ளது.

கிராம கட்டமைப்பு, விவசாயத்துக்கு முக்கியத்துவம் அளிக்கும் அதே நேரத்தில், விவசாயக் கடனுக்கான ஒதுக்கீடு உயர்வு, மூத்த குடிமக்களின் மருத்துவத்துக்கு, 'ஸ்மார்ட் கார்டு' என, ஏழை, எளிய, சாதாரண மக்களுக்கான பட்ஜெட்டாக, பிரதமர் மோடி தலைமையிலான, பா.ஜ., அரசின் பட்ஜெட் அமைந்துள்ளது.
ஊழலை ஒழிக்கும் வகையில், அரசியல் கட்சிகளுக்கான நன்கொடைக்கு கடிவாளத்தை போட்டுள்ள இந்த பட்ஜெட்டில், குற்றவாளிகள் வெளிநாடு தப்பினால், சொத்துக்களை பறிமுதல் செய்யும் அதிரடி அறிவிப்பும் இடம்பெற்றுள்ளது.

முதல் ஒருங்கிணைந்த பட்ஜெட்

செல்லாத ரூபாய் நோட்டு அறிவிப்புக்கு பின் வெளியாகும் முதல் பட்ஜெட் என்பதால், மக்களிடையே மிகுந்த எதிர்பார்ப்பு இருந்தது. சுதந்திர இந்தியாவின் முதல் ஒருங்கிணைந்த பட்ஜெட், வழக்கமான, பிப்., 28க்கு பதிலாக முன்னதாகவே தாக்கல் செய்யப்பட்ட பட்ஜெட் என, பல்வேறு வகைகளில், இந்த பட்ஜெட் வரலாற்றில் இடம் பெறுகிறது.

பிரதமர் மோடி தலைமையிலான பா.ஜ., அரசு அமைந்த பின், அதன், நான்காவது பட்ஜெட்டை, மத்திய நிதியமைச்சர் அருண் ஜெட்லி, பார்லிமென்டில் நேற்று தாக்கல் செய்தார்.
ரயில்வேக்கு என, தனியாக பட்ஜெட் தாக்கல் செய்யப்படவில்லை. மற்ற துறைகளைப் போல ரயில்வேக்கும் நிதி ஒதுக்கீடு செய்யப்பட்டுள்ளது. அதனால், வழக்கமான புதிய ரயில்கள் போன்ற அறிவிப்புகள் இடம்பெறவில்லை.

பட்ஜெட் முக்கிய அம்சங்கள்


வரும், 2017 - 18ம் நிதியாண்டுக்கான பட்ஜெட்டின் முக்கிய அம்சங்கள்:

* வருமான வரி வரம்பில், எந்த மாற்றமும் செய்யப்படவில்லை. அதே நேரத்தில், 2.5 லட்சம் ரூபாய் முதல், 5 லட்சம் ரூபாய் வரையிலான வரம்புக்கான வரி விகிதம், 10 சதவீதத்தில் இருந்து, 5 சதவீதமாக குறைக்கப்பட்டு உள்ளது
* 50 லட்சம் ரூபாய் முதல், ஒரு கோடி ரூபாய் வரையிலான வரம்புக்கு, 10 சதவீதம் வருமான வரி விதிக்கப்படும்

* ஒரு கோடி ரூபாய்க்கு மேற்பட்டவருமானத்திற்கு, 15 சதவீதம் வரி செலுத்த வேண்டும்

* ஐந்து லட்சம் ரூபாய்க்கு குறைவான வருமானம் உள்ளவர்கள், வருமான வரி கணக்கு தாக்கல் செய்யும் விண்ணப்பம், ஒரு பக்கமாக குறைக்கப்படும்

* அனைத்து பரிவர்த்தனைக்கும், மூன்று லட்சம் ரூபாய்க்கு மேல் ரொக்கமாக பயன்படுத்த தடை

* மூத்த குடிமக்களுக்கு, ஆதார் அடிப்படையிலான சுகாதார அட்டை வழங்கப்படும். இதன் மூலம் அவர்களுக்கு, ஆண்டுக்கு, 8 சதவீதம் உறுதியான வருவாய் கிடைக்கும்

* மகாத்மா காந்தி தேசிய ஊரக வேலைவாய்ப்பு உறுதி திட்டத்திற்கு, 48 ஆயிரம் கோடி ரூபாய் ஒதுக்கப்பட்டு உள்ளது

* வரும் நிதியாண்டில், 10 லட்சம் கோடி ரூபாய் வேளாண் கடன் வழங்க இலக்கு நிர்ணயிக்கப்பட்டு உள்ளது

* பயிர் காப்பீட்டு திட்டம், மேலும், 40 சதவீத நிலங்களுக்கு விரிவுபடுத்தப்படும். இதற்கான ஒதுக்கீடு, 1.41 லட்சம் கோடி ரூபாயாக நிர்ணயிக்கப்பட்டு உள்ளது

* பாசன திட்ட நிதி தொகுப்பு, இரட்டிப்பாக்கப்பட்டு, 40 ஆயிரம் கோடி ரூபாய் ஒதுக்கப்பட்டு உள்ளது
* வாங்கக் கூடிய விலையிலான வீடுகளுக்கு, அடிப்படை கட்டமைப்பு அந்தஸ்து அளிக்கப்படுகிறது

* வீடில்லாத, ஒரு கோடி பேருக்கு, 2019க்குள் சொந்த வீடு
* வரும், 2018, மே மாதத்திற்குள், 100 சதவீத கிராமங்களுக்கு மின்சார வசதி

* அடிப்படை கட்டமைப்பு வசதிகளுக்கான முதலீடு, 3.96 லட்சம் கோடி

Advertisement

ரூபாயாக இருக்கும்

* அரசியல் கட்சிகள், 2,000 ரூபாய்க்கு மேல் ரொக்கமாக நன்கொடை பெறுவதற்கு தடை

* அரசியல் கட்சிகள், செக், மின்னணு முறைகள், ரிசர்வ் வங்கி வெளியிடும் தேர்தல் பாண்டுகள் மூலம், நன்கொடைகளை பெறலாம்

* பொருளாதார குற்றம் செய்துவிட்டு, வெளிநாடுகளுக்கு தப்பி செல்பவர்களின் சொத்துகளை பறிமுதல் செய்யும் வகையில், சட்டத் திருத்தம் கொண்டு வரப்படும்

* மோசடி, 'டிபாசிட்' திட்டங்கள் பிரச்னையை தடுக்கும் வகையில், மசோதா கொண்டு வரப்படும்

* பணமில்லாமல் செக் திரும்பும் வழக்குகளை எதிர்கொள்ளும் வகையில், செலாவணி சட்டத்தில் திருத்தம் செய்யப்படும்

* சிகரெட் மற்றும் புகையிலை பொருட்களுக்கான உற்பத்தி வரி உயர்த்தப்படுகிறது.

'எக்சலன்ட்' பட்ஜெட்:பிரதமர் மோடி பாராட்டு


'நிதியமைச்சர் அருண் ஜெட்லி மிகச்சிறந்த பட்ஜெட்டை தாக்கல் செய்துள்ளார்,'' என, பிரதமர், நரேந்திர மோடி பாராட்டு தெரிவித்துள்ளார்.மத்திய பட்ஜெட் குறித்து, பிரதமர் மோடி கூறியதாவது:கறுப்பு பணம் மற்றும் ஊழலை ஒழிக்கும் வகையில், பழைய, 500 - 1,000 ரூபாய் செல்லாது என அறிவித்தோம்; அதற்கு ஊக்கம் தரும் வகையில் பட்ஜெட் அமைந்துள்ளது. நாட்டில் ஏற்பட்டு வரும் பல மாற்றங்களை பட்ஜெட் உணர்த்துகிறது. விவசாயிகள், கிராம மக்கள், பெண்கள் பலன் பெறும் வகையில் பட்ஜெட் உள்ளது; விவசாயிகளின் வருமானம் இரண்டு மடங்காக அதிகரிக்கும்.

முதன்முறையாக, ரயில்வே பட்ஜெட், பொது பட்ஜெட்டுடன் இணைக்கப்பட்டுள்ளது; போக்குவரத்து துறையின் வளர்ச்சி பட்ஜெட்டில் எதிரொலிக்கிறது. ரயில்வே பாதுகாப்பு நிதி கணிசமாக உயர்த்தப்பட்டுள்ளது, சிறந்த நடவடிக்கை. சர்வதேச தரத்திற்கு நிகராக, தங்கள் தொழில்களை உயர்த்த, வர்த்தகர்களுக்கு வாய்ப்பு ஏற்படும். இந்த பட்ஜெட் மூலம், சிறு வர்த்தகர்கள், உடனடியாக பலன் பெறுவர்; வீடு கட்டுமான துறை வளர்ச்சியடையும். இவ்வாறு அவர் கூறினார்.

காமராஜர் பல்கலை முறைகேடுகள் : லஞ்ச ஒழிப்பு துறை விசாரிக்குமா?

'காமராஜர் பல்கலை ஊழல் புகார்கள் குறித்து, லஞ்ச ஒழிப்புத் துறை விசாரிக்க வேண்டும்' என, கல்வியாளர்கள் தரப்பில் கோரிக்கை எழுந்துள்ளது.
மதுரை காமராஜர் பல்கலையில் துணை வேந்தர், பதிவாளர் இல்லாத நிலையில், தேர்வு கட்டுப்பாட்டு அதிகாரியான விஜயன், கூடுதல் பொறுப்புடன் நிர்வாகத்தை கவனிக்கிறார். உயர் கல்வி செயலர் கார்த்திக் தலைமையிலான ஒருங்கிணைப்பு குழுவினர், மேற்பார்வை செய்கின்றனர்.பல்கலை நிர்வாகத்தில், அடுக்கடுக்கான ஊழல் புகார்கள் எழுந்துள்ளன. இதனால், பல்கலை நிர்வாகத்தை சீரமைக்க முடியாமல், உயர் கல்வித் துறை திணறி வருகிறது. 

இது குறித்து, 'நெட், செட்' பேராசிரியர்கள் சங்கத்தின் பொது செயலர் நாகராஜன் கூறியதாவது: காமராஜர் பல்கலையில், ஐந்து ஆண்டுகளுக்கு மேலாக விதிமீறல்கள் நடக்கின்றன. துணை வேந்தர், பதிவாளர் பதவி காலியான பின், இந்த விதிமீறல்கள் மேலும் அதிகரித்துள்ளன. பேராசிரியர் நியமனத்தில் விதிகள் பின்பற்றப்படவில்லை என, நிதி தணிக்கை ஆணையமே கண்டனம் தெரிவித்துள்ளது. அதை சரிசெய்ய வேண்டிய நேரத்தில், விதிகளை மீறி, பல ஆசிரியர்களுக்கு, சி.ஏ.எஸ்., என்ற ஊக்க ஊதியம் வழங்கப்பட்டுள்ளது. தற்காலிக ஆசிரியர் நியமனத்திலும், கல்வித் தகுதி, திறமை இல்லாதவர்களுக்கு வாய்ப்பு வழங்கப்பட்டுள்ளது. விதிகளை மீறி, தொகுப்பூதிய ஊழியர்கள் நியமிக்கப்பட்டுள்ளனர். அவர்களில் பலருக்கு, சமீபத்தில் ஊக்க ஊதியமும் வழங்கப்பட்டுள்ளது. துணை வேந்தரே கையெழுத்திட தயங்கும் கோப்புக்கு, பொறுப்பு அதிகாரியால், ஒப்புதல் தரப்பட்டுள்ளது. இதுபோல் பல்கலை நிர்வாகம் சென்றால், நிதி பற்றாக்குறை அதிகரித்து, அண்ணாமலை பல்கலை போன்று, பேராசிரியர்களுக்கு சம்பளம் வழங்க முடியாத நிலைக்கு தள்ளப்படும். இது குறித்து, கவர்னருக்கும், உயர் கல்வி செயலருக்கும், பல முறை மனு அளித்துள்ளோம். அதன்மீது, தமிழக அரசு விசாரணை நடத்தி, லஞ்ச ஒழிப்பு துறை விசாரணைக்கு உத்தரவிட வேண்டும்.இவ்வாறு அவர் கூறினார்.

கவர்னர் அலுவலக அதிகாரிகள் உடந்தையா? : காமராஜர் பல்கலையில் நடந்த முறைகேடுகள் குறித்து, கவர்னர் அலுவலகத்துக்கு புகார்கள் சென்றுள்ளன. ஆனாலும், கவர்னர் அலுவலகம் உரிய நடவடிக்கை எடுக்காதது ஏன் என்ற சந்தேகம், கல்வியாளர்களுக்கு ஏற்பட்டுள்ளது. தமிழக கவர்னர் பொறுப்பை கூடுதலாக கவனிப்பதால், வித்யாசாகர் ராவிடம் பிரச்னைகளை கொண்டு செல்லாமல், கவர்னர் அலுவலகத்தில் உள்ள, துணை செயலர்கள் மறைக்கின்றனரா என்றும், அவர்கள் கேள்வி எழுப்பியுள்ளனர்.

உயர் கல்வி செயலரே பொறுப்பு! : மதுரை காமராஜர், நெல்லை மனோன்மணியம் சுந்தரனார் பல்கலை ஆசிரியர் மன்றமான, 'மூட்டா' பொதுச்செயலரும், கல்லுாரி, பல்கலை ஆசிரியர்களின் கூட்டுக்குழு ஒருங்கிணைப்பாளருமான, சுப்புராஜ் கூறியதாவது: காமராஜர் பல்கலை குறித்து, அரசுக்கும், கவர்னருக்கும் புகார்கள் அளித்துள்ளோம். துணை வேந்தர் இல்லாத நிலையில், நிர்வாக முறைகேடுகளை, உயர் கல்வி செயலர் தான் தடுத்து நிறுத்த வேண்டும். இதற்கு, உயர்கல்வி செயலரே முழு பொறுப்பு. புகார்கள் தொடர்பாக விசாரணை நடத்தி, பல்கலை ஊழல் குறித்து, சட்ட நடவடிக்கை எடுக்க வேண்டும்.இவ்வாறு அவர் கூறினார்.
- நமது நிருபர் -

நுழைவு தேர்வுக்கு தனி அமைப்பு : நுழைவு தேர்வுக்கு தனி முகமை

உயர் கல்வியின் தரத்தை உயர்த்தும் விதத்தில், பல்வேறு நுழைவுத் தேர்வுகளை நடத்துவதற்கு, தேசிய தேர்வு முகமை உருவாக்க, மத்திய அரசு முடிவு செய்துள்ளது.

நிதியமைச்சர், அருண் ஜெட்லி கூறியதாவது: தரமான உயர் கல்வி, தற்போது முக்கிய தேவையாக உள்ளது. இதை உறுதிப்படுத்தும் விதத்தில், உயர் கல்வி நிறுவனங்களுக்கான நுழைவுத் தேர்வுகளை நடத்துவதற்கு, தனியாக, தேசிய தேர்வு முகமை உருவாக்கப்படும். சி.பி.எஸ்.இ., எனப்படும் மத்திய கல்வி வாரியம், ஏ.ஐ.சி.டி.இ., எனப்படும் அகில இந்திய தொழில்நுட்ப கல்வி கவுன்சில் உட்பட, மத்திய அரசின் பிற நிறுவனங்கள், நிர்வாகத்தில் மட்டுமே அதிக கவனம் செலுத்துகின்றன. 

அதேசமயம், உயர் கல்வி நிறுவனங்களுக்கான தேர்வில், கல்வியின் தரத்தை கவனத்தில் கொள்ள, தனி அமைப்பு தேவைப்படுகிறது; இதற்காகவே, தேசிய தேர்வு முகமை உருவாக்கப்படுகிறது. அதுபோலவே, தரமான கல்வி மற்றும் புதிய பாடத் திட்டங்களில், கவனம் செலுத்தப்படும்; நாடு முழுவதும் குறிப்பிட்ட சில பகுதிகளில், புதிய கல்வி முறையை அமல்படுத்த பரிசீலித்து வருகிறோம். இணையதளங்கள் மூலம், தானாக பயிலும், மத்திய அரசின், 'ஸ்வயம்' திட்டத்தின் கீழ், 350 பாட வகுப்புகள் அறிமுகப்படுத்தப்படும். 

பல்கலைக்கழகங்களை கட்டுப்படுத்தும், பல்கலைக்கழக மானியக் குழுவின் தரத்தை உயர்த்த நடவடிக்கை எடுக்கப்படும். கல்லுாரிகளின் தரம் மதிப்பீடு செய்யப்பட்டு, தரவரிசை பட்டியல் வழங்கப்படும்; அதன் அடிப்படையில் கல்லுாரிகளுக்கு சுயாட்சி அதிகாரம் வழங்கப்படும். இவ்வாறு அவர் கூறினார்.
கல்வியாளர்கள் வரவேற்பு : மத்திய பட்ஜெட்டில், நுழைவுத் தேர்வுக்கு, தனி முகமை அமைக்கும் அறிவிப்பை, கல்வியாளர்கள் வரவேற்றுள்ளனர். ஜெயப்பிரகாஷ் காந்தி, கல்வி ஆலோசகர்: நுழைவுத் தேர்வுகளை நடத்த, தனியாக ஒரு அமைப்பு வேண்டுமென, பல ஆண்டுகளாக கல்வியாளர்கள் கோரினர். அதன்படி, தேசிய தேர்வு முகமை அமைக்கப்பட்டு உள்ளது.இதில், அரசியல் குறுக்கீடுகள் இன்றி, தேர்வுகளை நடத்த வேண்டும். அனைத்து பாடத் திட்டங்களையும் உள்ளடக்கிய வகையில், தேர்வு நடத்த வேண்டும். 

'கல்விக்கடனின் உச்சவரம்பு, 10 லட்சம் ரூபாய் வரை உயர்த்தப்படும்' என, எதிர்பார்க்கப்பட்டது. ஆனால், நான்கு லட்சம் ரூபாயில் இருந்து, கல்விக் கடன் உயர்த்தப்படவில்லை. திறன் அடிப்படையிலான தேசிய கல்வி நிறுவனங்கள் அமைக்கவோ, ஐ.ஐ.எம்., - ஐ.ஐ.டி., போன்று, பொருளியல், வணிகவியல் தொடர்பான, தேசிய கல்வி மையம் குறித்த அறிவிப்புகளோ இல்லை. அஜீத் பிரசாத் ஜெயின், கல்வியாளர் மற்றும் சி.பி.எஸ்.இ., நிர்வாக குழு உறுப்பினர்: பள்ளிகளில், முதுநிலை பட்டதாரி ஆசிரியர்களை நியமிக்க உள்ளதாக, மத்திய அரசு கூறியுள்ளது. இது, கூடுதல் வேலைவாய்ப்பை உருவாக்கும். இதுவரை, சி.பி.எஸ்.இ., நடத்தி வந்த பல நுழைவுத் தேர்வுகள், தேசிய தேர்வு மையம் மூலம் நடத்தப்படும் என, அறிவிக்கப்பட்டுள்ளது. இதனால், சி.பி.எஸ்.இ., அமைப்பு மற்றும் பள்ளிகளுக்கு, சுமை குறையும் என்பதால், அவை, மாணவர் நலனில் கூடுதல் கவனம் செலுத்த முடியும். 

என்.பசுபதி, பொதுச்செயலர், அனைத்து பல்கலை ஆசிரியர் சங்கம்: 'பல்கலை மானியக் குழுவான, யு.ஜி.சி., சீரமைக்கப்படும்' என, அறிவிக்கப்பட்டுள்ளது. ஏற்கனவே, யு.ஜி.சி.,யின் செயல்பாடுகள் திருப்திகரமாக இல்லை. உயர் கல்வியின் தரத்தை இன்னும் உயர்த்த, பல்வேறு அறிவிப்புகள் எதிர்பார்க்கப்பட்டன. தமிழகம் உள்ளிட்ட மாநிலங்களில், மத்திய பல்கலைகள் கூடுதலாக திறக்கப்படும் என, எதிர்பார்க்கப்பட்டது. தேசிய அளவில் உயர் கல்வியில் மாற்றம் கொண்டு வருவது குறித்து, இன்னும் பல திட்டங்களை அறிவித்திருக்கலாம். கல்லுாரிகளுக்கு, தன்னாட்சி அந்தஸ்து வழங்குவது குறித்து, கட்டுப்பாடுகளும் கொண்டு வந்திருக்க வேண்டும்.

இவ்வாறு கல்வியாளர்கள் கூறினர்.

மத்திய பட்ஜெட் 2017 - 2018: முக்கிய அம்சங்கள்

2017- 2018 பொது பட்ஜெட்டை நிதி அமைச்சர் அருண் ஜேட்லி, மக்களவையில் இன்று (புதன்கிழமை) காலை 11.08 மணியளவில் தாக்கல் செய்தார். முதன்முறையாக பொது பட்ஜெட்டுடன் ரயில்வே பட்ஜெட் இணைக்கப்பட்டுள்ளது.

மத்திய பட்ஜெட்டின் முக்கிய அம்சங்கள்:

* ரூ.2.5 லட்சம் முதல் ரூ.5 லட்சம் வரையில் வருமானம் பெறும் தனி நபர்களுக்கு வருமான வரி விகிதம் 10%-ல் இருந்து 5% ஆக குறைக்கப்பட்டுள்ளது. வருமான வரி விலக்கு பெறுவதற்கான உச்ச வரம்பில் மாற்றம் ஏதும் செய்யப்படவில்லை. ரூ.50 லட்சம் முதல் ரூ.1 கோடி வரை வருமானம் பெறுபவர்களுக்கு 10% கூடுதல் வரி விதிக்கப்படும்.

* பெண்கள் மற்றும் குழந்தைகள் நலனுக்காக ரூ.1.84 லட்சம் கோடி ஒதுக்கப்பட உள்ளது.

'அரசியல் கட்சிகளுக்கான நன்கொடையில் வெளிப்படைத்தன்மை'

அரசியல் கட்சிகளுக்கான நன்கொடையில் வெளிப்படைத்தன்மையை உறுதி செய்யும் வகையில் இந்த பட்ஜெட்டில் சில அறிவிப்புகள் வெளியிடப்பட்டுள்ளன. அதன்படி, அரசியல் கட்சிகள் இனி ரொக்கமாக ரூ.2000 மட்டுமே நன்கொடையாக பெற முடியும். இதுநாள் வரை ரொக்கமாக ரூ.20,000 வரை நன்கொடை பெறலாம் என்ற நடைமுறை இருந்தது. அதேவேளையில் அரசியல் கட்சிகள் காசோலை மூலமாகவோ டிஜிட்டல் பரிவர்த்தனையின் மூலமாகவோ நன்கொடை பெறத் தடை ஏதுமில்லை எனத் தெரிவிக்கப்பட்டுள்ளது.

ரொக்கப் பண பரிவர்த்தனைக்கு கெடுபிடி:

ரூ.3 லட்சத்துக்கு மேலான பரிவர்த்தனையை ரொக்கமாக மேற்கொள்ள முடியாது. கறுப்புப் பண ஒழிப்புக்கான சிறப்பு புலனாய்வு குழு பரிந்துரையின்படி இந்த நடைமுறை அமல்படுத்தப்படவிருக்கிறது. இதற்கு ஏற்ப வருமான வரிச் சட்டங்களில் திருத்தம் கொண்டுவரப்படும்.

டிஜிட்டல் பொருளாதாரம்:

ஊழலை ஒழிக்கவும், நிதிக் கட்டுப்பாட்டை ஏற்படுத்தவும் டிஜிட்டல் பொருளாதாரம் உதவும். தற்போது டிஜிட்டல் பரிவர்த்தனைகள் அதிகரித்திருப்பதற்கான ஆதாரங்கள் உள்ளன.

மாபெரும் டிஜிட்டல் புரட்சிக்கான ஆரம்பப்புள்ளியில் இந்தியா இருக்கிறது. டிஜிட்டல் பரிவர்த்தனைகளை அதிகப்படுத்தும் வகையில் நடவடிக்கைகள் எடுக்கப்பட்டு வருகின்றன. பணமற்ற பரிவர்த்தனைகளை மேற்கொள்ளும் வகையில் 'பீம்' செயலி, போனஸைப் பரிந்துரை செய்யும் திட்டம் மற்றும் வணிகர்களுக்கு 'கேஷ் பேக்' திட்டம் ஆகியவை அறிமுகப்படுத்தப்பட்டன.

125 லட்சம் மக்கள் பீம் செயலியைப் பயன்படுத்தினர். இந்த வருடம் மட்டும் கூடுதலாக 10 லட்சம் ஸ்வைப்பிங் இயந்திரங்கள் வாங்கப்பட்டுள்ளன. செப்டம்பர் 2017-ல் 20 லட்சம் ஆதார் சார்ந்த பிஓஎஸ் இயந்திரங்கள் பயன்பாட்டுக்கு வரும்.

சாமானியர்கள் டிஜிட்டல் முறைக்கு மாறுவது ஏராளமான பயன்களை அளிக்கும். ஆர்பிஐயின் பழைய கட்டண ஒழுங்குமுறை வாரியம் புதிதாக மாற்றியமைக்கப்படும்.

* 1.5 லட்சம் துணை சுகாதார மையங்கள் சுகாதார மற்றும் ஆரோக்கிய மையங்களாக மாற்றப்படும்.

ஏழைகளின் உடல்நலத்தைக் காக்கும் வகையில் அரசு ஒரு செயல்திட்டத்தைத் தயாரித்துள்ளது. 2025-க்குள் காசநோய் முழுமையாக ஒழிக்கப்படும்.

ஜார்க்கண்ட் மற்றும் குஜராத்தில் புதிதாக இரண்டு எய்ம்ஸ் மருத்துவமனைகள் உருவாக்கப்படும்.

தாழ்த்தப்பட்டோருக்கு அளிக்கப்படும் நிதியுதவி ரூ. 52,393 கோடியாக உயர்த்தப்பட்டுள்ளது.

* பொருளாதார குற்றங்களில் ஈடுபட்டுவிட்டு நாட்டைவிட்டு தப்பியோடுபவர்களின் சொத்துக்களை முடக்க புதிய சட்டம் இயற்றப்படும்.

* தலைமை தபால் அலுவலகங்களில் பாஸ்போர்ட் விநியோகிக்க வழிவகை செய்யப்படும்.

ஐஆர்சிடிசி டிக்கெட் முன்பதிவுக்கு சேவைக் கட்டணம் ரத்து:

ஐஆர்சிடிசி இணையதளம் மூலம் ரயில் டிக்கெட் முன்பதிவு செய்வோருக்கு சேவைக் கட்டணம் ரத்து செய்யப்படுகிறது. நாடு முழுவதும் 500 ரயில் நிலையங்கள் மாற்றுத்திறனாளிகளும் எளிதில் பயன்படுத்தும் அளவுக்கு வடிவமைக்கப்படும். 2017 - 18 நிதியாண்டில் ரயில்வே துறைக்கு ரூ.1,31,000 கோடி ஒதுக்கீடு செய்யப்படுகிறது. இதில் ரூ. 51,000 கோடி அரசு பங்களிப்பாக இருக்கும். இந்த நிதியாண்டில் 3,500 கி.மீ. தூரத்துக்கு ரயில்வே இருப்புப் பாதை அமைக்கப்படும். கடந்த ஆண்டு 2,800 கி.மீ. ரயில் இருப்புப் பாதை அமைக்கப்பட்டது. 7,000 ரயில் நிலையங்கள் சூரிய மின் திட்டத்தின் கீழ் இயக்கப்படும். ரயில்வே வாரியத்தின் செலவினங்கள், ரயில்வே சேவை மீதான சமூக எதிர்பார்ப்புகள், சேவை தரம், ரயில்வே துறை எதிர்கொள்ளும் போட்டி ஆகியனவற்றின் அடிப்படையில் ரயில் கட்டணங்கள் நிர்ணயிக்கப்படும்.

உயர் கல்விக்கு நிதியுதவி:

உயர் கல்வியில் புதிய கண்டுபிடிப்புக்களுக்கு நிதியுதவி வழங்கப்படும். யுஜிசியில் சீர்திருத்தங்கள் மேற்கொள்ளப்படும். அங்கீகாரம், தரவரிசை மற்றும் தன்னாட்சி அந்தஸ்தின் அடிப்படையில் கல்லூரிகள் அடையாளம் காணப்படும்.

இளைஞர்களின் திறமையை ஊக்குவிக்கும் வகையில் 'ஸ்கில் இந்தியா' திட்டம் 2015-ம் ஆண்டில் அறிமுகப்படுத்தப்பட்டது. இதில் நாடு முழுக்க 100 சர்வதேச இந்திய திறன் வளர் மையங்கள் நிறுவப்பட உள்ளன.

ஜவுளித்துறையில் வேலை வாய்ப்பை உருவாக்கும் வகையில் ஏற்கெனவே ஒரு சிறப்புத் திட்டம் அறிமுகப்படுத்தப்பட்டது. அதேபோல தோல் மற்றும் காலணி துறைகளிலும் புதிய திட்டங்கள் உருவாக்கப்படும்.

கிராமப்புற மேம்பாடு:

கிராமப்புற மேம்பாட்டுக்காக பல்வேறு திட்டங்கள் வகுக்கப்பட்டுள்ளன. பிரதான் மந்திரி கிராமப்புற சாலை மேம்பாட்டுத் திட்டத்துக்கு இந்த நிதியாண்டில் ரூ.27,000 கோடி ஒதுக்கீடு செய்யப்படுகிறது. வரும் மார்ச் 2018-க்குள் அனைத்து கிராமப்புறங்களிலும் மின் வசதி செய்து தரப்படும். நாடு முழுவதும் ப்ளூரைடு பாதிப்புள்ள 28,000 குடிநீர் ஆதாரங்கள் அடுத்த 4 ஆண்டுகளில் சுத்தப்படுத்தப்பட்டு பொதுமக்களுக்கு சுத்தமான, சுகாதாரமான குடிநீர் வழங்கப்படும். கிராமப்புற சுகாதாரம் கடந்த 2013-ம் ஆண்டில் இருந்ததைக் காட்டிலும் பலமடங்கு அதிகரித்துள்ளது. கிராமங்களில் திறந்தவெளி கழிப்பிட பயன்பாடு வெகுவாகக் குறைந்துள்ளது.

தேசிய ஊரக வேலை வாய்ப்புத் திட்டம்:

தேசிய ஊரக வேலை வாய்ப்புத் திட்டத்தில் பெண்களின் பங்களிப்பு 55% ஆக அதிகரிக்கப்பட்டிருக்கிறது. கடந்த நிதியாண்டில் (2016 - 2017) பெண்கள் பங்களிப்பு 40% ஆக இருந்தது. தேசிய ஊரக வேலை வாய்ப்புத் திட்டத்தை மேலும் வலுப்படுத்த விண்வெளி தொழில்நுட்பங்கள் பயன்படுத்தப்படும். 100 நாள் வேலைதிட்டத்துக்கு இதுவரை இல்லாத அளவுக்கு ரூ.48,000 கோடி ஒதுக்கீடு செய்யப்படுகிறது.

வேளாண் துறைக்கான அறிவிப்புகள்:

இந்த நிதியாண்டில் வேளாண் துறை வளர்ச்சி 4.1% இருக்கும் என எதிர்பார்க்கப்படுகிறது. கடந்த ஆண்டை ஒப்பிடும்போது ராபி பருவத்தில் இந்த ஆண்டு பயிரிடப்பட்ட நிலப்பரப்பின் ஏக்கர் கணக்கு அதிகம். 2017 - 18 நிதியாண்டில் விவசாயிகள் கடன் இலக்கு ரூ.10 லட்சம் கோடியாக நிர்ணயிக்கப்பட்டுள்ளது. இந்த ஆண்டு 10 லட்சம் விவசாயிகளுக்கு கடன் வழங்கப்பட்டிருக்கிறது. அடுத்த 5 ஆண்டுகளில் வேளாண் வருவாயை 5 மடங்கு அதிகரிக்க வேண்டும் என திட்டமிடப்பட்டிருக்கிறது. நீர்ப்பாசனத்துக்காக ரூ,40,000 கோடி ஒதுக்கீடு செய்யப்பட்டுள்ளது. 2019 ஆண்டின் இறுதியில் 50,000 கிராம பஞ்சாயத்துகள் வறுமையின் பிடியிலிருந்து விடுவிக்கப்படும். நுண் சொட்டு நீர் பாசனத்துக்கு தொடக்க மூலதனமாக ரூ.5000 கோடி ஒதுக்கப்படுகிறது.

2017 - 2018 பட்ஜெட் 10 முக்கிய கருப்பொருள்:

2017 - 18 மத்திய பட்ஜெட் 10 முக்கிய கருப்பொருளின் அடிப்படையில் வடிவமைக்கப்பட்டிருப்பதாக நிதியமைச்சர் ஜேட்லி தெரிவித்தார்.

1. விவசாயிகள் நலன் 2. கிராமப்புற மக்கள் நலன் 3. இளைஞர் மேம்பாடு 4. ஏழை, எளிய மக்களின் ஆரோக்கியத்தை பேணுதல் 5. உட்கட்டுமான மேம்பாடு 6. வலுவான நிறுவனங்களுக்கு பிரத்யேக நிதித்துறை 7. பொது சேவை 8. பொறுப்புகளை துரிதமாக செயல்படுத்துதல் 9. நேர்மையானவர்களுக்கு ஏற்ற வரிவிதிப்பு 10. விவேகமான நிதி மேலாண்மை ஆகிய 10 கருப்பொருளின் அடிப்படையில் வடிவமைக்கப்பட்டிருக்கிறது.

* வறுமைக்கோட்டுக்கு கீழ் உள்ள ஒரு கோடி குடும்பங்களை ஏழ்மையிலிருந்து மீட்க புதிய திட்டம் வகுக்கப்படுகிறது.

* உற்பத்தித் துறையில் இந்தியா தற்போது 6-வது இடத்தில் இருக்கிறது. முன்னதாக 9-வது இடத்தில் இருந்தது. இந்திய பொருளாதாரம் வியத்தகு சீர்திருத்தங்களைக் கண்டுள்ளது.

* கறுப்புப் பணத்துக்கு எதிராக மத்திய அரசு போர் தொடுத்திருக்கிறது.

* பண மதிப்பு நீக்கம் நீண்ட கால பலனைத் தரும். டிஜிட்டல் பணப் பரிவர்த்தனையை சாத்தியமாக்கும். பண மதிப்பு நீக்க நடவடிக்கைக்கு மக்கள் ஒத்துழைப்பு அளித்துள்ளனர். பல காலமாக நடந்துவந்த வரி ஏய்ப்பை பண மதிப்பு நீக்கம் தடுத்துள்ளது. டிஜிட்டல் பரிவர்த்தனையால் ஊழல் குறைந்திருக்கிறது.

நல்ல நோக்கங்கள் தோற்பதில்லை என்பது மகாத்மா காந்தியின் வாக்கு. அதன்படி கறுப்புப் பண ஒழிப்பு நடவடிக்கையான பண மதிப்பு நீக்கம் ஒரு போதும் தோல்வியடையாது. பண மதிப்பு நீக்கத்தின் மூலம் ஜிடிபி உயரும், வரி வசூல் அதிகரிக்கும்.

* ஜி.எஸ்.டி. வரியை அமல்படுத்துவதில் உள்ள சிக்கல்கள் நீங்கி முன்னேற்றம் ஏற்பட்டுள்ளது.

* நாட்டின் பணவீக்கம் கட்டுக்குள் உள்ளது. இரண்டு இலக்கத்தில் இருந்த பணவீக்கம் கட்டுக்குள் கொண்டுவரப்பட்டுள்ளது.

காலை 11.08 மணியளவில் பொது பட்ஜெட் தாக்கல் செய்யப்பட்டது. 3-வது முறையாக பட்ஜெட்டை தாக்கல் செய்தார் அருண் ஜேட்லி.

நாடாளுமன்ற பட்ஜெட் கூட்டத் தொடர் நேற்று (செவ்வாய்க்கிழமை) தொடங்கியது. முதல் நாள் கூட்டுக் கூட்டத்தில் குடியரசுத் தலைவர் பிரணாப் முகர்ஜி உரையாற்றினார். பொருளாதார ஆய்வறிக்கை தாக்கல் செய்யப்பட்டது.

அவையில் குழப்பம்:

இன்று காலை அவை கூடியதும் காங்கிரஸ் உறுப்பினர் இ.அகமது மறைவுக்கு இரங்கல் தெரிவிக்கப்பட்டது. உறுப்பினர்கள் ஒரு நிமிடம் மவுன அஞ்சலி செலுத்தினர். பின்னர் அறிவிப்பு ஒன்றை வாசித்த மக்களவை சபாநாயகர் சுமித்ரா மகாஜன், "வழக்கமாக அவை உறுப்பினர் மறைந்தால் அவை ஒத்திவைக்கப்படுவது மரபு. ஆனால், இன்று 2017 - 2018 பட்ஜெட் தாக்கல் செய்யப்படுவது என ஏற்கெனவே குடியரசுத் தலைவர் ஒப்புதலுடன் திட்டமிடப்பட்டதால் இன்று பட்ஜெட் தாக்கல் செய்யப்படும். இதற்கு பதிலாக நாளை அவை ஒத்திவைக்கப்படும் என்றார். இதற்கு காங்கிரஸ் கட்சியின் மல்லிகார்ஜூன் கார்கே கடும் எதிர்ப்பு தெரிவித்தார். கடும் அமளிக்கு இடையே பட்ஜெட்டை காலை 11.08 மணிக்கு அருண் ஜேட்லி தாக்கல் செய்தார்.

முதன்முறையாக..

மக்களவையில் 2017-2018-ம் நிதியாண்டுக்கான பொது பட்ஜெட்டை மத்திய நிதியமைச்சர் அருண் ஜேட்லி இன்று காலை 11.08 மணிக்கு தாக்கல் செய்தார். முதல் முறையாக பொது பட்ஜெட்டுடன் ரயில்வே பட்ஜெட் இணைக்கப்பட்டிருக்கிறது. இதேபோல முதல்முறையாக பிப்ரவரி 28-க்குப் பதிலாக பிப்ரவரி 1-ம் தேதியே பொது பட்ஜெட் தாக்கல் செய்யப்பட்டுள்ளது.

ட்விட்டரில் பதிலளிக்கிறார் ஜேட்லி:

பட்ஜெட் குறித்து நிதியமைச்சர் அருண் ஜேட்லி கூறும்போது, "மக்களவையில் புதன்கிழமை பொதுபட்ஜெட்டை தாக்கல் செய்கிறேன். அதைத் தொடர்ந்து பட்ஜெட் தொடர்பாக ட்விட்டரில் எழுப்பப்படும் கேள்விகளுக்கு பதில் அளிப்பேன்" எனக் குறிப்பிட்டிருந்தார்.

மருத்துவ நுழைவுத் தேர்வு : தமிழக அரசின் சட்டம் மாணவர்களை திசைதிருப்புகிறதா?- தொல்.திருமாவளவன் கேள்வி

மருத்துவ நுழைவுத் தேர்வு குறித்த தமிழக அரசின் சட்டம் மாணவர்களை திசை திருப்பு முயற்சியா என்று விடுதலைச் சிறுத்தைகள் தலைவர் தொல்.திருமாவளவன் கேள்வி எழுப்பியுள்ளார்.

இது தொடர்பாக அவர் வெளியிட்டுள்ள அறிக்கை வருமாறு:

நடைபெற்றுவரும் சட்டமன்ற கூட்டத் தொடரில் ‘'2017ம் ஆண்டு, தமிழ்நாடு மருத்துவ அறிவியல் இளநிலை மற்றும் பல் மருத்துவ இளநிலை படிப்புகள் சேர்க்கைக்கான சட்டம்' என்ற பெயரில் புதிய சட்டத்துக்கான மசோதாவை தாக்கல் செய்திருக்கிறது. அதுபோலவே முதுநிலைப் படிப்புகளுக்கான சட்ட மசோதாவும் தாக்கல் செய்யப்பட்டுள்ளது. இந்த சட்டங்கள் இயற்றப்படுவதால் தமிழக மாணவர்கள் நீட் நுழைவுத் தேர்வு எழுதவேண்டியதில்லை என தமிழக அரசு கூறியுள்ளது.

நீட் நுழைவுத் தேர்வுக்கான சட்டம் மத்திய அரசால் முதலில் அவசர சட்டமாகப் பிறப்பிக்கப்பட்டு பின்னர் கடந்த ஜூலை 2016 இல் நாடாளுமன்றத்தில் நிறைவேற்றப்பட்டு சட்டமாகியுள்ளது. இந்திய மெடிக்கல் கவுன்சில் (திருத்த) சட்டம் 2016 என அழைக்கப்படும் அந்த சட்டம் இப்போது அரசிதழில் வெளியிடப்பட்டு அரசியலமைப்புச் சட்ட அங்கீகாரத்தைப் பெற்றுள்ளது.

மத்திய அரசின் அதிகார பட்டியலில் உள்ள 66 ஆவது பிரிவு உயர்கல்வியின் தரத்தை நிர்ணயிக்க மத்திய அரசுக்கு அதிகாரம் வழங்குகிறது. அந்த அதிகாரத்தின் அடிப்படையிலும், உச்சநீதிமன்றம் வழங்கிய தீர்ப்பின் அடிப்படையிலும், இந்திய மருத்துவ கவுன்சிலின் பரிந்துரைகளின் அடிப்படையிலும்தான் மத்திய அரசால் நீட் நுழைவுத் தேர்வுக்கான சட்டம் நிறைவேற்றப்பட்டுள்ளது.

மத்திய அரசு சட்டத்துக்கு திருத்தம் செய்தோ அல்லது அதற்கு முரணாகவோ மாநில அரசு சட்டம் இயற்றினால் அது செல்லுபடியாகாது. எனவே, நுழைவுத் தேர்வு தேவையில்லை என இப்போது தமிழக அரசு கொண்டுவந்துள்ள சட்டங்கள் ரத்தாவது உறுதியென சட்ட வல்லுனர்கள் கருத்து தெரிவிக்கின்றனர். எனவே, இந்த சட்டத்தைக் கொண்டுவருவதற்கு முன்பு தமிழக அரசு அரசு தலைமை வழக்கறிஞரின் ஆலோசனையைப் பெறவில்லையா ? அல்லது அவர் தமிழக அரசைத் தவறாக வழி நடத்துகிறாரா ? என்ற கேள்வி நமக்கு எழுகிறது.

தற்போதுள்ள சேர்க்கை முறை கிராமப்புற ஏழை எளிய மாணவர்கள் மருத்துவப் படிப்பில் சேர உதவியாக இருக்கிறது என்பதுபோல சிலர் பேசுகின்றனர். அது தவறு என்பதை மருத்துவக் கல்லூரிகளில் சேர்ந்த மாணவர்களின் புள்ளிவிவரம் எடுத்துக்காட்டுகிறது. 2014-15 ஆம் ஆண்டில் அரசுப் பள்ளியில் படித்து மருத்துவப் படிப்பில் சேர்ந்த மாணவர்கள் வெறும் 37 பேர்; 2015-16 ஆம் ஆண்டில் அது 24 ஆகக் குறைந்துவிட்டது. மருத்துவப் படிப்பில் 95% இடங்களை தனியார் பள்ளி மாணவர்களே பெறுகிறார்கள். பள்ளிக் கல்வியும் மருத்துவக் கல்வியும் பணம் இருப்பவர்களுக்கு மட்டும்தான் என்ற நிலையை மாநில அரசு உருவாக்கிவிட்டு, கிராமப்புற மாணவர்களுக்கு உதவவே சட்டம் கொண்டுவருகிறோம் என்பது ஏற்புடையதல்ல.

தனியார் மருத்துவக் கல்லூரிகளின் பகல் கொள்ளையை தடுத்து நிறுத்தாமல், பள்ளிக் கல்வியின் தரத்தை உயர்த்துவதற்கு அக்கறை காட்டாமல், கல்வியை மீண்டும் மாநிலப் பட்டியலுக்குக் கொண்டுவரக் குரல் கொடுக்காமல் இப்படி சட்டங்களை நிறைவேற்றுவது மாநில அரசு தனது பொறுப்பை தட்டிக்கழிப்பதற்காக மட்டுமே பயன்படும். இதை நம்பி தமிழக மாணவர்கள் நீட் நுழைவுத் தேர்வுக்குத் தயாராகாமல் இருந்துவிட்டால் அவர்களின் எதிர்காலம்தான் பாதிக்கப்படும்.

தமிழக மாணவர்களின் எதிர்காலத்தைக் கருத்தில்கொண்டு தமிழக அரசு நடவடிக்கை எடுக்கவேண்டும். பொது நுழைவுத் தேர்வு வேண்டாம் எனக் கூறுகிற மாநிலங்களுக்கு விலக்களிக்கும் விதமாக இந்திய மருத்துவ கவுன்சில் சட்டத்தில் திருத்தம் கொண்டுவர மத்திய அரசை வலியுறுத்தவேண்டும் என விடுதலைச் சிறுத்தைகள் கட்சியின் சார்பில் தமிழக அரசை கேட்டுக்கொள்கிறோம்.

திமுக எம்எல்ஏவை புகழும் ஓபிஎஸ்; பேரவைத் தலைவரை பாராட்டும் ஸ்டாலின்: சட்டப்பேரவையில் அரசியல் நாகரிகம் தொடருமா? எதிர்பார்ப்பில் தமிழக மக்கள்

தமிழக சட்டப்பேரவையில் கடந்த 23-ம் தேதி தொடங்கிய 2017-ம் ஆண்டின் முதல் கூட்டத் தொடரில் ஆளும் அதிமுகவும், பிரதான எதிர்க்கட்சியான திமுகவும் நடந்துகொண்ட விதம் அனைவரையும் வியப்பில் ஆழ்த்தியுள்ளது.

நாடாளுமன்றத்தில் காங்கிரஸ் - பாஜக எம்பிக்கள் கடுமையாக மோதிக் கொள்வார்கள். ஆனால், சற்றுநேரத்தில் நாடாளுமன்ற உணவகத்தில் ஒன்றாக அமர்ந்து உணவருந்துவார்கள். அரசு நிகழ்ச்சிகளிலும், திருமணம் போன்ற நிகழ்வுகளிலும் கலந்துகொண்டு நட்பை வெளிப்படுத்துவார்கள். மற்ற மாநிலங்களிலும் இதேநிலைதான்.

ஆனால் தமிழக அரசியல் களத்தில் எதிரெதிராக இருக்கும் திமுக, அதிமுக வைச் சேர்ந்தவர்கள் தனிப்பட்ட முறை யிலும் எதிரிகளைப் போல நடந்து கொள்வார்கள். சட்டப்பேரவை, தலைமைச் செயலகம் போன்ற அரசு அலுவலகங்கள், பொது நிகழ்ச்சிகளில் ஒருவரையொருவர் பார்த்துக் கொண்டா லும் பேசிக்கொள்ள மாட்டார்கள்.

அதிமுகவினரின் குடும்ப நிகழ்ச்சிகளில் திமுகவினரும், திமுகவினரின் குடும்ப நிகழ்ச்சிகளில் அதிமுகவினரும் கலந்து கொண்டாலோ, அதிமுக - திமுக பிரமுகர்கள் பேசிக் கொண்டாலோ அதுதான் மறுநாள் தமிழக பத்திரிகைகளில் தலைப்புச் செய்தியாக வரும். இதுதான் தமிழக அரசியல் கலாச்சாரமாக இருந்து வருகிறது.

கடந்த 30 ஆண்டுகளில் சட்டப்பேரவை உணவகத்தில் கூட அதிமுக - திமுக எம்.எல்.ஏ.க்கள் ஒன்றாக தேநீர் அருந்தியதையோ, சாப்பிட்டதையோ யாரும் பார்த்திருக்க முடியாது. ஆனால், இப்போது நிலைமை தலைகீழாக மாறி தமிழகத்திலும் அரசியல் நாகரிகம் துளிர்க்க ஆரம்பித்துள்ளது.

2017-ம் ஆண்டுக்கான பேரவையின் முதல் கூட்டத் தொடர் பொறுப்பு ஆளுநர் வித்யாசாகர் ராவின் உரையுடன் கடந்த 23-ம் தேதி தொடங்கியது. எப்போதும் இல்லாத வழக்கமாக பேரவை உள் வளாகத்திலும், உணவகத்திலும் அதிமுக - திமுக எம்.எல்.ஏ.க்கள் சகஜமாக பேசிக் கொள்வதைக் காண முடிந்தது.

24-ம் தேதி மறைந்த முதல்வர் ஜெயலலிதாவுக்கு இரங்கல் தெரிவிக்கும் தீர்மானத்தின் மீது பேசிய எதிர்க்கட்சித் தலைவர் மு.க.ஸ்டாலின், ஜெயலலிதாவின் துணிவைப் பாராட்டி பேசினார். மீண்டும் 27-ம் தேதி சட்டப்பேரவை கூடியது. கேள்வி நேரம், பூஜ்ய நேரம், ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதங்களில் அதிமுக - திமுக எம்.எல்.ஏ.க்கள் நடந்துகொண்ட விதம் அரசியல் நாகரிகத்துக்கு வித்திடுவதாகவே இருந்தது.

முன்பெல்லாம் கேள்வி நேரத்தின் போது கூட அதிமுக எம்.எல்.ஏ.க்கள் திமுகவைச் சீண்டுவார்கள். திமுக தலைவர் கருணாநிதியை மறைமுகமாக தாக்குவார்கள். திமுகவினர் எதிர்த்தால் யாருடைய பெயரையும் உறுப்பினர் குறிப்பிடவில்லையே என அமைச்சர்கள் சமாளிப்பார்கள். பதிலுக்கு திமுகவினரும் சீண்டுவார்கள்.

பூஜ்ய நேரம் என்பது முக்கியப் பிரச்சினைகளையும், கவன ஈர்ப்பு, ஒத்திவைப்பு தீர்மானங்களை எழுப்பும் நேரம் என்பதால் எப்போதும் அனல் பறக்கும். கடந்த 5 ஆண்டுகளில் பூஜ்ய நேரத்தில் வெளிநடப்புகள் இல்லாமல் இருந்ததில்லை. விவாதங்களின்போது திமுக தலைவரின் குடும்பத்தை அதிமுகவினரும், அதிமுக தலைவரின் குடும்பத்தை திமுகவினரும் விமர்சிப்பார்கள்.

ஆனால், இந்தக் கூட்டத் தொடரில் தனிப்பட்ட தாக்குதல்கள், சீண்டுதல்கள் இல்லை. பேரவைத் தலைவரை அடிக்கடி ஸ்டாலின் பாராட்டுவதைப் பார்க்க முடிகிறது. திமுக உறுப்பினர் ஜெ.அன்பழகன் பேசினால் அது கூச்சல் குழப்பத்தில்தான் முடியும். பலமுறை அவர் இடைநீக்கம் செய்யப்பட்டிருக்கிறார்.

ஆனால், கடந்த 27-ம் தேதி ஜெ.அன்பழகன் பேச்சை கேட்ட முதல்வர் ஓ.பன்னீர்செல்வம், “மிகுந்த பொறுப்புடன் அமைதியாக சொல்ல வேண்டியதைப் பதிவு செய்தார். நாம் எதிர்பார்த்தது போலவே சட்டப்பேரவை நடந்து வருகிறது'' என பாராட்டினார். முன்பெல்லாம் இதனை நினைத்துக் கூட பார்க்க முடியாது.

சென்னை கடல் பகுதியில் கச்சா எண்ணெய் கலந்து மீன்கள் செத்து மிதப்பது குறித்து திமுக உறுப்பினர் கே.பி.பி.சாமி கேள்வி எழுப்பினார். அவரை முழுமையாக பேச வேண்டும் திமுகவினர் கோஷமிட்டனர். அப்போது குறுக்கிட்ட ஸ்டாலின், பூஜ்ய நேரத்தில் திமுக உறுப்பினர்கள் 3 பேருக்கு வாய்ப்பளித்த பேரவைத் தலைவருக்கு நன்றி என்றார். அதனைத் தொடர்ந்து அப்பிரச்சினை குறித்து விளக்கமாக பேச ஸ்டாலினுக்கு அனுமதி அளிக்கப்பட்டது.

சட்டப்பேரவை இப்படி இணக்கமாக சென்று கொண்டிருப்பதை மூத்த பத்திரிகையாளர்கள் ஆச்சரியத்துடனும், மகிழ்வுடனும் பார்த்துக் கொண்டிருந்தனர். ஆனால் இதற்கு வேட்டு வைப்பதுபோல நேற்று ஸ்டாலின் பேசும்போது, திமுக உறுப்பினர்களும், அமைச்சர்களும் மோதிக் கொண்டனர். இதனால் மீண்டும் துளிர்த்த அரசியல் நாகரிகம் தொடருமா என்ற கேள்வியும் பொதுமக்களிடம் எழுந்துள்ளது.

இது தொடர்பாக எம்.ஜி.ஆர். காலத்தில் அமைச்சராக இருந்த எச்.வி.ஹண்டேவிடம் கேட்டபோது, “கடந்த சில நாட்களாக சட்டப்பேரவை நிகழ்வுகளைப் பார்க்கும்போது காமராஜர், அண்ணா காலத்தை நினைவுபடுத்துகிறது. இது மகிழ்ச்சியாக இருக்கிறது. சில நேரங்களில் காரசாரமான விவாதங்கள் இருந்தாலும் காழ்ப்புணர்ச்சி இல்லாமல், விரும்பத்தகாத வார்த்தைகளைப் பயன்படுத்தாமல் பேசுகின்றனர். இந்த ஆரோக்கியமான போக்கு எப்போதும் தொடர வேண்டும்'' என்றார்.

நீட் தேர்வு நிலையை தெளிவுபடுத்துக: மாணவர்களை நட்டாற்றில் விடக்கூடாது- ராமதாஸ் அறிக்கை

நீட் தேர்வுக்கு முன்பாக நீட் சட்டத்திற்கு குடியரசுத் தலைவரின் ஒப்புதல் பெறுவதற்கு வாய்ப்பில்லை என்றால் அதை வெளிப்படையாக அறிவிக்க வேண்டும். அரசியல் லாபத்திற்காக தமிழக மாணவர்களிடையே தவறான நம்பிக்கையை ஏற்படுத்தி அவர்களை நட்டாற்றில் தள்ளிவிடும் பாவத்தை தமிழக அரசு செய்யக்கூடாது என்று பாமக நிறுவனர் ராமதாஸ் தெரிவித்துள்ளார்.

இது தொடர்பாக அவர் வெளியிட்டுள்ள அறிக்கை:

மத்திய அரசால் நடத்தப்படும் தேசிய தகுதி மற்றும் நுழைவுத் தேர்விலிருந்து தமிழ்நாட்டில் உள்ள அரசு மருத்துவக் கல்லூரிகளுக்கு விலக்கு அளிப்பதற்கான சட்ட முன்வரைவு சட்டப்பேரவையில் தாக்கல் செய்யப்பட்டிருக்கிறது. தமிழக மாணவர்களின் மருத்துவக் கல்வி வாய்ப்புகளை பாதுகாப்பதற்கான இந்த முன்வரைவு அனைத்து உறுப்பினர்களின் ஆதரவுடன் இன்று ஒருமனதாக நிறைவேற்றப்படுகிறது.

தேசிய தகுதி மற்றும் நுழைவுத் தேர்விலிருந்து (NEET) விலக்கு பெறுவதற்கான நடவடிக்கைகளில் தமிழக அரசு ஈடுபட்டுக் கொண்டிருக்கும்போதே, அத்தேர்வுக்கான அட்டவணையை, தேர்வு நடத்தும் அமைப்பான, மத்திய இடைநிலை கல்வி வாரியம் (CBSE) வெளியிட்டிருக்கிறது. மே மாதம் 7-ஆம் தேதி தேசிய தகுதி மற்றும் நுழைவுத் தேர்வு நடத்தப்படும் என்றும், அதற்காக ஜனவரி 31-ஆம் தேதி முதல் மார்ச் ஒன்றாம் தேதி வரை விண்ணப்பிக்கலாம் என்றும் சி.பி.எஸ்.இ அறிவித்துள்ளது. இத்தேர்வுக்கு விண்ணப்பிப்பதற்கான அவகாசம் நேற்றே தொடங்கி விட்ட நிலையில், தமிழக அரசின் அறிவிப்பை நம்பி விண்ணப்பிக்காமல் இருந்து விடலாமா? அல்லது குறைந்தபட்ச பாதுகாப்பு கருதி இத்தேர்வுக்கு விண்ணப்பித்து வைக்கலாமா? என்ற குழப்பம் 12-ஆம் வகுப்பு மாணவர்களிடம் ஏற்பட்டிருக்கிறது.

ஒருவேளை குறைந்தபட்ச பாதுகாப்பு ஏற்பாடாக மருத்துவ பொது நுழைவுத்தேர்வுக்கு விண்ணப்பித்து வைத்தாலும் கூட அது பெயரளவிலான நடவடிக்கையாகவே இருக்கும். ஏனெனில், தமிழ்நாட்டில் 12-ஆம் வகுப்பு பொதுத்தேர்வுகள் மார்ச் மாதம் 4-ஆம் தேதி தொடங்கி ஏப்ரல் மாதம் ஒன்றாம் தேதி வரை நடைபெறுகின்றன. அதுவரை நுழைவுத்தேர்வுக்கு மாணவர்களால் தயாராக முடியாது. பொதுத் தேர்வு முடிவடைந்த பின்னர், நுழைவுத் தேர்வுக்கு 35 நாட்கள் மட்டுமே இருக்கும் என்பதால் அதற்குள் நுழைவுத் தேர்வுக்கு ஆயத்தமாக முடியாது. எனவே, இன்றைய சூழலில் பொது நுழைவுத் தேர்விலிருந்து தமிழகத்திலுள்ள அரசு மருத்துவக் கல்லூரி மற்றும் தனியார் மருத்துவக் கல்லூரிகளில் உள்ள அரசு ஒதுக்கீட்டு இடங்களை 12-ஆம் வகுப்பு மதிப்பெண்கள் அடிப்படையில் நிரப்புவது தான் தீர்வாகும்.

ஆனால், அதற்கான வாய்ப்புகள் உள்ளனவா? என்பது தான் மில்லியன் டாலர் வினாவாகும். நீட் தேர்விலிருந்து விலக்கு பெறுவதற்கான சட்டம் தமிழக சட்டப்பேரவையில் நிறைவேற்றப்பட்டு விட்ட போதிலும், அது செல்லத்தக்க சட்டமாக மாறுவதற்கு இன்னும் பல படிகளை கடக்க வேண்டும். மருத்துவமும், மருத்துவக் கல்வியும் பொதுப்பட்டியலில் இருப்பதால் இதுதொடர்பாக சட்டம் இயற்றும் அதிகாரம் மத்திய அரசுக்கும், மாநில அரசுகளுக்கும் உள்ளது. ஆனாலும், மத்திய, மாநில அரசுகளின் சட்டங்களுக்கு இடையில் முரண்பாடு இருந்தால் மத்திய அரசின் சட்டமே செல்லுபடியாகும். மாநில அரசின் சட்டம் பொருளற்றதாகிவிடும். தமிழக சட்டப்பேரவையில் நிறைவேற்றப்பட்ட நீட் தேர்வு விலக்கு சட்டம் மத்திய அரசின் இந்திய மருத்துவக் கவுன்சில் சட்டம் -1956க்கு எதிராக இருப்பதால், இந்த இரு சட்டங்களில் எது செல்லுபடியாகும் என்ற வினா நீதிமன்றத்தில் எழுப்பப்பட்டால் மத்திய அரசின் சட்டத்திற்கு ஆதரவாகவே தீர்ப்பளிக்கப்படும். அதேநேரத்தில் தமிழக அரசின் சட்டத்திற்கு மத்திய அரசு மற்றும் குடியரசுத் தலைவரின் ஒப்புதல் பெறப்பட்டால் அது செல்லத்தக்க மாநில சட்டமாகி விடும்.

அத்தகைய அந்தஸ்தை தமிழக நீட் சட்டம் பெறுவது சாதாரணமான ஒன்றல்ல. மத்திய சுகாதாரத் துறை, சட்டத்துறை உள்ளிட்ட அமைச்சகங்களின் ஒப்புதலைப் பெற்று குடியரசுத் தலைவரின் ஒப்புதலும் பெறப்பட்டால் தான் தமிழக சட்டம் செல்லத்தக்கதாக மாறும். இதற்கான நடைமுறைகள் அனைத்தும் நிறைவடைய கடந்த காலங்களில் பல மாதங்கள் ஆகியிருக்கின்றன. இப்போதும் அதேபோன்ற நிலை ஏற்பட்டால், தமிழக மாணவர்களின் மருத்துவப் படிப்புக் கனவு அழிந்து விடும். அதேநேரத்தில் ஜல்லிக்கட்டு சட்டத்துக்கு தமிழகத்திலிருந்து கொடுக்கப்பட்ட அழுத்தம் காரணமாக அவசர சட்டத்துக்கு ஒரு நாளிலும், நிரந்தர சட்டத்துக்கு ஒரு வாரத்திலும் ஒப்புதல் வாங்கியதைப் போல, நீட் சட்டத்துக்கும் மத்திய அரசின் ஒப்புதலையும், குடியரசு தலைவரின் ஒப்புதலையும் பெற முடியும். ஆனால், அதற்காக மத்திய அரசுக்கு தமிழக அரசின் சார்பில் மிகக் கடுமையான அழுத்தம் கொடுக்கப்பட வேண்டும்.

ஜல்லிக்கட்டு சட்டத்துக்கான அனுமதியை மத்திய அரசிடம் பேச்சு நடத்தி தான் தமிழக அரசு பெற்றது. அதேபோல், நீட் சட்டத்திற்கும் அனுமதி பெறுவதற்காக மத்திய அரசிடம் பேச்சு நடத்தி கொள்கை அடிப்படையில் ஒப்புதல் பெற்றிருக்கிறதா? என்பதை ஆட்சியாளர்கள் விளக்க வேண்டும். நீட் தேர்வுக்கு முன்பாக நீட் சட்டத்திற்கு குடியரசுத் தலைவரின் ஒப்புதல் பெறுவதற்கு வாய்ப்பில்லை என்றால் அதை வெளிப்படையாக அறிவிக்க வேண்டும். அரசியல் லாபத்திற்காக தமிழக மாணவர்களிடையே தவறான நம்பிக்கையை ஏற்படுத்தி அவர்களை நட்டாற்றில் தள்ளிவிடும் பாவத்தை தமிழக அரசு செய்யக்கூடாது.

ரூ.2.5 - 5 லட்சம் வருமானம் ஈட்டுவோருக்கு 5% வரி குறைப்பு: வரிவிலக்கு உச்சவரம்பில் மாற்றமில்லை

இணையதளச் செய்திப்பிரிவு

தனி நபர் வருமானம் ரூ.2.5 லட்சம் முதல் ரூ.5 லட்சம் வரை 10%-ஆக இருந்த வருமானவரி 5% ஆகக் குறைக்கப்படுகிறது என்று பட்ஜெட் உரையில் அருண் ஜேட்லி அறிவித்துள்ளார்.

இது தொடர்பாக அவர் தனது பட்ஜெட் உரையில் கூறியிருப்பதாவது:

தற்போதைய சூழலில் மாத வருமானம் பெறுபவர்கள் மீது அதிக வரிச்சுமை இருந்து வருகிறது. எனவே, பணமதிப்பு நீக்க நடவடிக்கைக்குப் பிறகு இந்தப் பிரிவினர் தங்கள் வரிச்சுமையைக் குறைக்க எதிர்பார்க்கின்றனர். 

எனவே தனிநபர் ஆண்டு வருவாய் ரூ.2.5 லட்சம் முதல் ரூ.5 லட்சம் வரை ஈட்டுபவர்களுக்கு இதுவரை 10% வரி விதிக்கப்பட்டு வந்தது, இது இனி 5% ஆக குறைக்கப்படுகிறது. இதனால் வரி செலுத்தும் பிரிவுக்குள் அதிகம் பேர் வருவார்கள் என்று எதிர்பார்க்கப்படுகிறது. 

ரூ.5 லட்சத்திற்கு மேல் ஆண்டு வருவாய் ஈட்டுபவர்களுக்கு ரூ.12,500 பயன் கிடைக்கும்.

ரூ.50 லட்சம் முதல் ரூ.1 கோடி வரை ஆண்டு வருமானம் ஈட்டிவருபவர்களுக்கு 10% கூடுதல் வரி விதிக்கப்படுகிறது. 80சி பிரிவின் கீழ் விலக்குகள் அதிகரிக்கப்படவில்லை, எனவே வருமான வரி விலக்கு உச்சவரம்பில் மாற்றமில்லை. ரூ.1 கோடிக்கும் மேல் ஆண்டு வருவாய் ஈட்டுவோருக்கான 15% கூடுதல் வரி தொடர்கிறது. 

வரிவருவாயைக் கண்காணிக்க அரசு தரவு பகுப்பாய்வு முறையை பயன்படுத்துகிறது. நேரடி வரி வருவாயில் நிகர இழப்பு ரூ.20,000 கோடி, மறைமுக வரியில் இழப்புகள் எதுவும் இல்லை

Chennai cops stop students' protest against jallikattu violence at Madras University

CHENNAI: A day-long sit-in protest planned by 20 students on the premises of Madras University against the alleged atrocities on pro-jallikattu protesters and fishermen, was stopped by police after it went on for some time on Tuesday.

The demonstration was held for nearly two hours, a participant said.

The students started the protest at 10:30 am. They wanted to continue till the evening, but police intervention prevented them from doing so.

According to students, police stopped the protest citing a prohibitory order under section 144 CrPC in force.

“The protest lasted only for two hours. The police said section 144, which was implemented on Marina beach, was applicable on Madras University campus as well,” said S R Pearson, a protester.

The students continued arguing with the police for half an hour until the university Registrar convinced them that their demands will be forwarded to the Chief Minister. “We expected around 100 students to turn up for the protest, but only a very few came because of police presence,” he said.

“We cannot protest on our own campus. Police officials say the prohibitory order implies even on the campus,” said another student, requesting anonymity.

The demonstrators said students who took part in the pro-jallikattu protest and were arrested should be released. The government should provide compensation to them immediately. “Through this protest, we are also showing our support to fishermen and Dalits, who were attacked during the protest. The government should set up a  judicial committee to go into the atrocities by  police and suspend the Chennai Police Commissioner and the officials who were involved in this brutality,” the protesters said.

“We are neither anti-social nor anti-national,” said  a student. He said the Registrar, P David Jawahar, intervened and requested police to leave.

Supreme Court refuses to stay Tamil Nadu's Jallikattu ordinance

By Express News Service  |   Published: 31st January 2017 05:54 PM

NEW DELHI: In a major relief to the thousands of protestors favouring the bull taming sport Jallikattu in the Southern state of Tamil Nadu, the Supreme court on Tuesday refused to stay the ordinance passed by the state assembly for now.

A bench of Justices Dipak Misra and Rohinton Nariman though refused to stay the ordinance but agreed to hear the pleas filed by animal rights groups and issued a notice after six weeks.

During an hour-long hearing, the bench pulled up the state government for its new law and asked: “ What is the necessity for Tamil Nadu government to bring an Act allowing jallikattu?"

The court also rapped up Tamil Nadu for hurriedly passing a law following large-scale protests in the state, saying, “If Tamil Nadu government brought new legislature allowing jallikattu due to the protests, then how could it have criticised Karnataka in the Cauvery case?”

The bench also expressed concern over the violent protests due to which law and order in the state was not maintained and remarked, "SC says that protesting is different, but coming on the street and openly defying the SC order is intolerable."

Centre represented by attorney general Mukul Rohatgi said, "Our constitution allows preservation of culture and animal breeds.Jallikattu would conserve bull breeds."

AG also added law permits killing animals for consumption but at the same time prohibits cruelty towards them.

The court also allowed centre's plea for withdrawal of its notification that exempted jallikattu from the list of prohibited animal sports under law.

The apex court was hearing the petitions filed by the Animal Welfare Board of India and other groups, which challenged Tamil Nadu’s jallikattu legislation. The animal welfare groups contended that the hastily passed law was against the Supreme Court’s order that had held jallikattu inherently cruel to animals.

யாது ஊர்? யாவர் கேளிர்?

By ஆசிரியர்  |   Published on : 01st February 2017 03:00 AM

அமெரிக்க அதிபர் டொனால்ட் டிரம்ப் எடுத்திருக்கும் நிர்வாக முடிவால் உலகமே கொந்தளித்துப் போயிருக்கிறது. ஈரான், இராக், லிபியா, சோமாலியா, சூடான், சிரியா, யேமன் ஆகிய ஏழு முஸ்லிம் நாட்டுப் பயணிகளும் அடுத்த மூன்று மாதங்களுக்கு அமெரிக்காவில் நுழைவதற்கு, அதிபர் டிரம்பின் அரசு நிர்வாக தடையாணை பிறப்பித்திருக்கிறது. எகிப்து, சவூதி அரேபியா, பாகிஸ்தான் உள்ளிட்ட ஏனைய இஸ்லாமிய நாடுகள் இந்தப் பட்டியலில் இடம் பெறாததற்கு, ஒருவேளை, அந்த நாடுகளுடனான பொருளாதார நெருக்கமும், வேறு சில கட்டாயங்களும் காரணமாக இருக்கலாம்.
அமெரிக்காவின் வற்புறுத்தல் காரணமாகவோ என்னவோ, இத்தனை நாளும் இல்லாமல் பாகிஸ்தான் பயந்து போய் மும்பைத் தாக்குதலுக்குக் காரணமான முக்கியக் குற்றவாளி ஹபீஸ் சையதையும் அவரது நான்கு கூட்டாளிகளையும் காலவரையின்றித் தடுப்புக் காவலில் வைத்திருக்கிறது. எத்தனையோ அழுத்தங்களுக்கு செவிசாய்க்காத பாகிஸ்தான் இப்போது விரைந்து செயல்பட்டிருப்பதிலிருந்து, அடுத்து தானும் அதிபர் டிரம்பின் வெறுப்புப் பட்டியலில் இடம் பெற்றுவிடக் கூடாது என்கிற அச்சம் மட்டுமே காரணமாக இருக்கக்கூடும்.
அடுத்த 120 நாள்களுக்கு, அதாவது நான்கு மாதங்களுக்கு, அகதிகள் அமெரிக்காவில் நுழைவது தடை செய்யப்பட்டுள்ளது என்பது மட்டுமல்ல, சிரியா அகதிகளுக்கான எல்லா திட்டங்களும் முடக்கப்படுகின்றன. அதிபர் டிரம்பின் உத்தரவு வெளிநாட்டில் மட்டுமல்லாமல், அமெரிக்காவிலேயே மிகுந்த புயலைக் கிளப்பி விட்டிருக்கிறது. ஆயிரக்கணக்கானவர்கள் இந்த முடிவுக்கு எதிராகத் தெருவில் இறங்கிப் போராட முற்பட்டிருக்கிறார்கள். அமெரிக்க தகவல் தொலைத்தொடர்பு, திரைப்படம், கல்வி, மருத்துவத் துறையைச் சேர்ந்தவர்களும் தொழிலதிபர்களும் இந்தத் தடைக்கு எதிராகக் கருத்துத் தெரிவித்திருக்கிறார்கள்.
அமெரிக்கா எப்படி உருவானது என்கிற சரித்திரம், அந்த நாட்டின் அதிபரான டொனால்ட் டிரம்புக்குத் தெரியாமல் இருக்காது. இப்போது குடியேற்றத்திற்கு எதிராக நடவடிக்கை எடுக்கும் அதிபர் டொனால்ட் டிரம்பின் மூதாதையரே ஒரு காலத்தில் அமெரிக்காவில் குடியேறியவர்கள்தான். 1540 முதல் 1924 வரையிலான காலகட்டத்தில், அமெரிக்காவின் பூர்வ குடியினரான செவ்விந்தியர்களைத் திட்டமிட்டுக் கொன்று குவித்து, ஐரோப்பாவிலிருந்து குடியேறிய வெள்ளையர்கள் அமெரிக்காவைத் தங்களது நாடாக மாற்றிக் கொண்டார்கள் என்பதுதான் சரித்திர உண்மை.
பிரிட்டன், பிரான்ஸ், டென்மார்க், ஸ்பெயின், இத்தாலி ஆகிய நாடுகளிலிருந்து குடியேறியவர்களில் கணிசமானவர்கள், அந்த நாட்டிலிருந்து நாடு கடத்தப்பட்ட குற்றவாளிகள் என்பதுதான் அதைவிட விசித்திரம். இணையத்தில் காணப்படும் சாண்ட் க்ரீக் மாசக்கர் உள்ளிட்ட அமெரிக்க இந்தியப் போர்கள் பற்றிய தகவல்களைப் படித்துப் பார்த்தால், அமெரிக்கப் பூர்வ குடியினர் மீது நடத்தப்பட்ட கொடூரமான இனப் படுகொலை குறித்துத் திடுக்கிடும் தகவல்கள் தெரியும்.
அதிபர் டிரம்புக்குத் தேர்தலில் வாக்களித்து வெற்றி பெறச் செய்த தொழிலாளர்களும், நடுத்தர, அடித்தட்டு அமெரிக்கர்களும் அவரது அதிரடி முடிவை உணர்ச்சி மிகுதியால் வரவேற்கலாம். ஆனால் இந்த முடிவு அமெரிக்கப் பொருளாதாரத்தின் அடித்தளத்தையே அசைக்கக் கூடும் என்பதை அவர்கள் புரிந்து கொள்ள வேண்டும். அமெரிக்காவின் பன்னாட்டு நிறுவனங்கள் அனைத்துமே குடியேறியவர்களின் அறிவாலும், திறமையாலும், உழைப்பாலும்தான் அமெரிக்காவை உலக வல்லரசாக வைத்திருக்கின்றன.
கடந்த எட்டு ஆண்டுகளில், அமெரிக்காவில் எந்தவொரு பெரிய தீவிரவாதத் தாக்குதலும் நடைபெறாத நிலையில் அதிபர் டிரம்ப் எடுத்திருக்கும் முடிவு, தீவிரவாதிகளை அமெரிக்காவைக் குறிவைக்கத் தூண்டும் என்பதுடன், அமெரிக்காவுக்கு எதிரான மனநிலையிலுள்ள இளைஞர்களைத் தீவிரவாதிகளாக மூளைச் சலவை செய்து அணி சேர்க்கவும் உதவக்கூடும். இஸ்லாமியத் தீவிரவாதத்தின் பிடியில் ஒரு சில நாடுகள் சிக்கிக் கொண்டிருப்பதால், அந்த நாட்டிலுள்ள அத்தனை பேருமே தீவிரவாதிகள் என்று முத்திரை குத்துவது அமெரிக்கா போன்ற ஒரு நாட்டுக்குப் பெருமை சேர்ப்பதாக இருக்காது.
அதிபர் டிரம்பின் முடிவு, அமெரிக்க அரசமைப்புச் சட்டத்துக்கு எதிரானது என்றுகூடத் தோன்றுகிறது. 1965-இல் இதேபோன்ற ஒரு முடிவு எடுக்கப்பட்டபோது, எவர் ஒருவருக்கும் இடம், பால், குடியுரிமை, பிறப்பு ஆகியவற்றின் அடிப்படையில் நுழைவு அனுமதி மறுக்கப்பட முடியாது என்று நீதிமன்றத்தால் அமெரிக்க அதிபரின் ஆணை நிராகரிக்கப்பட்டிருக்கிறது. நியூயார்க், வர்ஜீனியா, மஸாஸýசெட்ஸ் ஆகிய மாகாணங்களிலுள்ள நீதிமன்றங்கள், விமான நிலையத்தில் தடுத்து நிறுத்தப்பட்டிருப்பவர்களுக்கு ஆதரவாகத் தீர்ப்பு வழங்கி இருக்கின்றன.
அதிபர் டிரம்பின் முடிவால் பிற தரப்பினரைவிட அதிகமாக பாதிக்கப்படப் போவது அமெரிக்காவாகத்தான் இருக்கும். அமெரிக்காவில் மட்டுமல்ல, உலகம் முழுவதும் அதிபர் டிரம்பிடம் காணப்படும் மனநிலை காணப்படுகிறது என்பதுதான் வேதனை. சிறுபான்மையினரின் அச்சம் என்பது போய், பெரும்பான்மை மக்கள், குடியேற்றத்தின் காரணமாகத் தங்களது பெரும்பான்மை போய்விடுமோ, கலாசாரப் பண்பாடுகளும், மதமும் பாதிக்கப்படுமோ என்று அச்சப்படுவதன் விளைவுதான் இந்த மனநிலை.
இனத்தையும் மதத்தையும், மொழியையும் மீறி, சங்ககாலப் புலவர் கணியன் பூங்குன்றனார் கூறியதுபோல, "யாதும் ஊரே, யாவரும் கேளிர்' என்கிற மனநிலை ஏற்பட்டாலொழிய இந்த நோய்க்கு மருந்து இருப்பதாகத் தெரியவில்லை!