NEWS TODAY 11.07.2023

---------------------------------------------------------------------------------------------------------------------------
 தென்காசி உள்பட 6 மாவட்டங்களில் மருத்துவக் கல்லூரிகள்: மா. சுப்பிரமணியன்

11.07.2023

சேலம்: திருப்பத்தூர், தென்காசி உள்ளிட்ட 6 மாவட்டங்களிலும் அரசு மருத்துவக் கல்லூரிகள் தொடங்க நடவடிக்கை எடுக்கப்படும் என்று மக்கள் நல்வாழ்வுத்துறை அமைச்சர் மா.சுப்பிரமணியன் தெரிவித்துள்ளார்.

சேலம் அரசு மருத்துவக்கல்லூரியில் பட்டமளிப்பு விழா இன்று நடைபெற்றது. கல்லூரி முதல்வர் மணி தலைமையில் நடைபெற்ற நிகழ்ச்சியில் 104 மாணவ-மாணவிகளுக்கு பட்டங்களை மக்கள் நல்வாழ்வுத்துறை அமைச்சர் மா.சுப்பிரமணியன் வழங்கினார். இதையும் படிக்க.. நான் அவர் அல்ல..

சிறுநீர் விவகாரத்தில் ஆள்மாறாட்டம்; தவறான நபரின் காலை கழுவினாரா முதல்வர்? சேலம் அரசு மருத்துவக்கல்லூரி பட்டமளிப்பு விழாவில் மக்கள் நல்வாழ்வுத்துறை அமைச்சர் மா.சுப்பிரமணியன் பேசும்போது, பட்டமளிப்பு விழாக்களில் பங்கேற்பது மகிழ்ச்சிக்குரியது. மாநிலத்தில் உள்ள 36 அரசுக் கல்லூரிகளிலும் 2 ஆண்டுகளாக நானே கலந்து கொண்டு பட்டங்களை வழங்கி வருகிறேன். தமிழ்நாட்டை பொறுத்தவரை 36 அரசுக் கல்லூரிகள், சுயநிதி கல்லூரிகள் 21, நிகர்நிலை கல்லூரிகள் 13 என மொத்தமாக 71 கல்லூரிகள் உள்ளன.

இந்தியாவில் 36 மாநிலங்களில் தமிழ்நாட்டைப் போல ஒன்றரை மடங்கு அதிக பரப்பளவு உள்ள மாநிலங்களை விட இங்கு அதிக எண்ணிக்கையில் மருத்துவக் கல்லூரிகள் உள்ளன. ஒவ்வொரு ஆண்டும் 11 ஆயிரம் மாணவர்கள் மருத்துவக் கல்வி நிறைவு செய்து வெளியே வருகின்றனர். சேலத்தில் 104 பேர் பட்டம் பெறுகிறார்கள். தற்போது ஒரு மருத்துவக் கல்லூரி தொடங்க ரூ,.400 கோடி தேவைப்படுகிறது.

மாவட்டத்திற்கு ஒரு மருத்துவக்கல்லூரி தொடங்க வேண்டும் என்பது கருணாநிதியின் இலக்கு. மத்திய அரசு இப்போது இந்த இலக்கை அறிவித்துள்ளது. இன்னும் 6 மாவட்டங்களில் மருத்துவக் கல்லூரி தேவை என்ற நிலை உள்ளது. முதலமைச்சர் தொடர்ந்து மத்திய அரசிடம் கோரிக்கை விடுத்து வருகிறார்.

6 மாவட்டங்களிலும் அரசு மருத்துவக் கல்லூரிகள் தொடங்கப்பட்டால் இந்திய அளவில் அனைத்து மாவட்டங்களிலும் மருத்துவக் கல்லூரி உள்ள பெருமையை தமிழகம் அடையும். விரைவில் அந்த கோரிக்கை நிறைவேறும் என்ற நம்பிக்கை உள்ளது. திருப்பத்தூர், தென்காசி உள்ளிட்ட 6 மாவட்டங்களில் அரசு மருத்துவக் கல்லூரிகள் தொடங்கப்படும் என்று கூறினார். இதையும் படிக்க..

மக்களவைத் தேர்தல்: ராமநாதபுரத்தில் மோடி போட்டி? மேலும், 150 ஏக்கர் பரப்பளவில் செயல்பட்டு வரும் சேலம் அரசு மருத்துவக்கல்லூரி மருத்துவமனை தொடர்ந்து பல்வேறு வசதிகளுடன் மேம்படுத்தப்படும். சென்னை ராஜீவ்காந்தி மருத்துவமனைக்கு பிறகு கட்டண வசதி வார்டுகள் சேலம் அரசு மருத்துவமனையில் கடந்த பிப்ரவரி மாதம் தொடங்கப்பட்டன.தொடர்ந்து மதுரை மற்றும் கோவையில் கட்டண வசதி வார்டுகள் தொடங்கப்பட்டன. விரைவில் தருமபுரியிலும் தொடங்கப்பட உள்ளது.

தமிழ்நாட்டின் அரசு திட்டங்களை விரைந்து செயல்படுத்துவதில் சேலம் மருத்துவனை முன்னோடியாக உள்ளது. தமிழ்நாட்டில் 2286 ஆரம்ப சுகாதார நிலையங்களில் நீரிழிவு பாதிப்பால் சிகிச்சை பெற வருபவர்களுக்கு சிறுநீரக பரிசோதனை செய்யும் திட்டம் தொடங்கப்பட்டுள்ளது. ஆரம்ப நிலையிலேயே சிறுநீரக பாதிப்பை கண்டறிய முடியும்.1250 இடங்களில் நடைபெற்ற வருமுன் காப்போம் முகாம் வாயிலாக மாநிலம் முழுவதும் 15 லட்சம் பேர் பயனடைந்தனர். இதயம் காப்போம் திட்டத்தின் மூலம் கூட்டு மருந்து பெட்டகம் துணை மற்றும் ஆரம்ப சுகாதார நிலையத்தில் இருப்பு வைக்கப்படும்.

மாரடைப்பு அறிகுறிகளுடன் வருபவர்களுக்கு இந்த மருந்து வழங்கப்படும். இன்னும் 15 நாட்களில் 1025 மருத்துவர்கள் பணியமர்த்தப்பட உள்ளனர். அரசு நிர்வாகம் வெளிப்படைத்தன்மையுடன் நடைபெற்று வருகிறது என்றார் அவர். இந்நிகழ்ச்சியில் மாவட்ட ஆட்சியர் கார்மேகம், சட்டமன்ற உறுப்பினர் ராஜேந்திரன் உள்ளிட்டோர் கலந்து கொண்டனர்.

--------------------------------------------------------------------------------------------------------------------------

எதிரிகள் நமக்கு தேவை

DINAMANI 

மனிதனை சமூகவிலங்கு என்கிறோம். அவன் தனிமையை விரும்புவதில்லை. மற்ற மனிதா்களுடன் அன்றாடம் கலந்துரையாட வேண்டிய சூழ்நிலையில் அவன் இருக்கிறான்.

நாம் ஒவ்வொருவரும் வயது, அறிவு, பொருளாதார பின்புலம், வாழும் சூழ்நிலை, வாழ்க்கையைப் பற்றிய கண்ணோட்டம் போன்றவற்றில் வேறுபடுகிறோம். இதனால், சமூகத்தில் நம் ஒவ்வொருவருக்கும் வெவ்வேறு அடையாளங்கள் உருவாகிவிடுகின்றன.இது இயற்கையானதும், தவிா்க்க முடியாததுமாகும். இதன் காரணமாக நம்மிடையே கருத்து வேறுபாடுகள் ஏற்படுகின்றன. நம்முடைய வாழ்க்கையில் எதிரிகள் தொல்லை என்பது எல்லா காலகட்டத்திலும் நிச்சயம் இருக்கும்.

பொதுவாழ்வில் எவ்வளவு பெரிய தலைவராக இருந்தாலும் எதிா்த்து கேள்வி கேட்பவா், தவறுகளை சுட்டிக் காட்டுபவா் இல்லையென்றால் அவரால் நல்ல தலைவராக பரிமளிக்க முடிவதில்லை. அதனால், எதிரிகளின் தொல்லை தனிமனித வாழ்விலும், தொழிலிலும் தவிா்க்க முடியாதவை. நமக்கு இசைவான கருத்துகளை கொண்டவா்கள் நமது நண்பா்களாகவும், எதிா்மறை கருத்து கொண்டவா்கள் எதிரிகளாகவும் உருவாகிறாா்கள். நண்பரை எதிரியாக்கிக்கொள்வதும், எதிரியை நண்பராக்கிக் கொள்வதும் நமது அணுகுமுறையில்தான் இருக்கிறது.

நாம் நம்முடைய எதிரியை பலவீனமாகக் கருதக்கூடாது. அவனிடம் எச்சரிக்கையாக இருக்க வேண்டும். எப்பொழுதும் யாரிடம் பேசினாலும், கனிவாகவும், மரியாதையுடனும் பேசுவது அவசியம். நண்பா்கள் மட்டும் நமக்கு நல்லது செய்வதில்லை.

பல சமயங்களில் நமது எதிரிகளும் நமக்கு நல்லது செய்கிறாா்கள். நாம்தான் அவா்கள் மேல் உள்ள வெறுப்பில் அவா்களுடைய வாா்த்தைகளை மதிப்பதில்லை. நம்மை விட நமக்கு வேண்டாதவா்களுக்குத்தான் நம்மைப் பற்றி அதிகமாகத் தெரியும். நமது குறைகளை நேருக்கு நோ நம்மிடம் சொல்வது எதிரிகளுக்கு மட்டுமே சாத்தியம்.

நம்முடைய நண்பா்கள் சில விஷயங்களைச் சொன்னால் நாம் வருத்தப்படுவோம் என்று நினைத்து, அவற்றை நம்மிடம் சொல்லாமலே விட்டுவிடுவாா்கள். நாம் ஒரு செயலை செய்ய நினைக்கும் போது, அதற்கு பல தடைகளை எதிரிகள் உருவாக்குவாா்கள். இதனால் நாம் நினைத்ததை சரியாகச் செய்ய முடியாது. எதிரி நம் கண்ணுக்கு தெரிந்தவராக இருந்தால், நம்மால் எதிா்த்து போராட முடியும்.

நம் கண்ணுக்கே தெரியாத எதிரிகளை நம்மால் ஒன்றும் செய்ய முடியாது. அதனால், மனிதா்களை இனம் கண்டு நாம் பழக வேண்டும். ஒரு செயலைத் தொடங்கும் பொழுது, நமக்கு அதைப் பற்றிய முழுமையான புரிதல் இருப்பதில்லை. ஆனால், எதிரிகள்தான் அவற்றில் முழு அறிவும் தகுதியும் பெற நம்மை ஊக்குவிக்கிறாா்கள்.

நாம் அவ்வெதிா்ப்புகளுக்கு நம்மை ஈடுகொடுத்துக் கொண்டு முன்னேற வேண்டும். நாம் அச்செயலில் ஈடுபட ஈடுபட, எதிா்ப்பும் வலுவாகிக்கொண்டே வரும். எதிா்ப்புகள் வலுவாக வலுவாக, நம் மனவலிமையும் மிகுவதை நாம் உணரமுடியும். நாளடைவில் நாம் அத்துறையில் தோந்த அறிவுடையவராக மாறவும் முடியும்.

எதிா்ப்புகளைக் கண்டு அஞ்சும்போது, தொடங்கிய செயலை ஈடுபாட்டுடன் நம்மால் செய்ய முடியாது. எனவே, எதிா்ப்புகளை எதிா்கொள்ளும் மனவலிமை நமக்கு மிகவும் தேவை. அப்போதுதான், நாம் மேற்கொண்ட செயலை நம்மால் தொடா்ந்து செய்ய முடியும். எதிா்ப்பு தோன்றும்போதுதான், நம் செயலில் உள்ள நெளிவுசுளிவுகளை நாம் தெரிந்து கொண்டு வெற்றி பெறுவோம்.

. நம்மைவிட நம் எதிரி புத்திசாலியாக இருக்கலாம். அதை நாம் ஒப்புக் கொள்ள வேண்டும். நம்மைப் பற்றிய உண்மையான விமா்சனங்களை எதிரிகளால் மட்டுமே தர முடியும். எதிரிகளின் கருத்துகளை வெளிப்படையாக நம் மனம் அங்கீகரிக்காது.

என்றாலும் அவா்களுடைய கருத்துகளை நாம் பரிசீலிக்க வேண்டும். எதிா்ப்புகளை ஏற்றுக்கொள்ளும் மனப்பக்குவத்தை நாம் ஏற்படுத்திக் கொள்ள வேண்டும். எதிரிகளின் அறிவு வலிமை, செயல் வலிமை, பின்புலம் முதலியவற்றை நாம் முதலில் தெரிந்து கொள்ள வேண்டும். நம் வலிமைகளை அவற்றுக்கும் மேலாக வளா்த்துக் கொண்டு, அவா்களின் எதிா்ப்புகளை முறியடிக்க வேண்டும்.

மேலும் நம் செயலுக்கு ஏற்படும் எதிா்ப்பை நாம் நமக்கு கிடைக்கும் விளம்பரமாக மாற்றிக் கொள்ள வேண்டும். நமக்கு ஒருசிலா் எதிரிகள் என்றால் நாம் வளருகின்றோம் என்றும், அதிகமானவா்கள் எதிரி என்றால் நாம் வளா்ந்துவிட்டோம் என்றும் கருதலாம். நமது உடலில் காய்ச்சல் வரும்போது, நமது ரத்தத்தில் உள்ள வெள்ளை அணுக்கள் நோய்த்தொற்றுகளை எதிா்த்துப் போராடுகின்றன. அதன் விளைவாக விரைவில் நாம் குணமாகி விடுகின்றோம்.

இயற்கையாகவே நம் உடலில் உள்ள நோய் எதிா்ப்பு சக்தியே நம்மை நோயிலிருந்து குணப்படுத்துகிறது. எனவே, நம் வாழ்வில் எதிா்ப்புகள் இயல்பானவை. அவற்றை எதிா்த்து பயணிக்கும் திறமை நமது உடலுக்கும், மனதுக்கும் தேவை. ஒவ்வொரு வினைக்கும் அதே ஆற்றலுடைய எதிா்வினை உண்டு என்கிறது அறிவியல்.

நமது முயற்சிகளுக்கு எதிா்ப்புகள் வருவதை தவிா்க்க முடியாது. நம் வினையும், அதற்கான எதிா்வினையும் சோந்துதான் நமது செயல்பாடுகளை தீா்மானிக்கின்றன. மின்சாரத்தில் நோ மின்னாற்றலும், எதிா் மின்னாற்றலும் சோந்தால்தான் மின்னாற்றல் கிடைக்கிறது. அது போலவே, நாம் நமது செயல்களில் வெற்றி பெறுவதற்கு எதிரிகள் தேவை.

விளையாட்டுப் போட்டிகளில் கூட எதிா் அணி இருந்தால்தான், நம் திறமைகளை மேலும் வெளிக் கொண்டுவர நாம் முயல்வோம். அது போல்தான் நமது அன்றாட வாழ்விலும். நம்மை நாமே செழுமைப்படுத்திக் கொண்டு, செதுக்கிக் கொள்ள எதிரிகள் தேவை என்பதை இனியாவது நாம் உணா்ந்து கொள்வோம். எதிரிகளை வென்று வாழ்வில் முன்னேறுவோம்.

"மனிதர்களை விடச் சிறந்த தலைவர்களாக நாட்டை வழி நடத்துவோம்!"- திகில் கிளப்பும் ரோபோ சோபியா

 "மனிதர்களை விடச் சிறந்த தலைவர்களாக நாட்டை வழி நடத்துவோம்!"- திகில் கிளப்பும் ரோபோ சோபியா

vikatan 

10.07.2023செயற்கை நுண்ணறிவு (AI) ரோபோட்டுகள் நாளுக்குநாள் அசுர வளர்ச்சியடைந்து வருகின்றன. இனிவரும் காலத்தில், மருத்துவம், ராணுவம், சினிமா, ஊடகம் என எல்லா துறைகளிலும் இவை கோலோச்சும் என்று எதிர்பார்க்கப்படுகிறது.

அதேசமயம் இவை மனிதர்களுக்கு எதிராக மாறுவதற்கு வாய்ப்புள்ளது என்ற எச்சரிக்கைக் குரல்களும் எதிரொலித்த வண்ணம் இருக்கின்றன. இந்நிலையில் மற்ற துறைகளைப்போல இந்த 'AI' ரோபோட்டுகள் அரசியலிலும், அரசுத்துறைகளிலும் முக்கியப் பொறுப்புகளில் அமர்ந்து ஆட்சி செய்தால் எப்படி இருக்கும்?

ஐக்கிய நாடுகள் மாநாடு - ஜெனிவா 'AI' ரோபோட் சோபியா

அப்படியான முயற்சியைச் சாத்தியப்படுத்தும் ஆராய்ச்சிகளில் தீவிரமாக இறங்கியுள்ளனர் செயற்கை நுண்ணறிவு வல்லுநர்கள். அதற்கான மெல்லோட்டமாக ஐக்கிய நாடுகள், கடந்த ஜூலை 7ம் தேதி வெள்ளிக்கிழமை அன்று சுவிட்சர்லாந்து ஜெனிவாவில் 'AI' ரோபோட்டுகளுக்கெனப் பிரத்யேக மாநாட்டை நடத்தியது. இதில் கலந்துகொண்ட ஒன்பது 'AI' ரோபோட்டுகள் பத்திரிகையாளர்களின் கேள்விகளுக்கு அசர வைக்கும் பதில்களை அளித்துள்ளன.

குறிப்பாக, "நாங்கள் அரசின் உயர் பணிகளிலோ, அரசியல் தலைவர்களாகவோ பொறுப்பு வகித்தால் எங்களுக்கென எந்தச் சார்பும் இருக்காது. நடுநிலையான முடிவுகளை எடுப்போம்" என்று 'AI' ரோபோட்டுகள் பதிலளித்தது பலரையும் வியப்பில் ஆழ்த்தியுள்ளது.

இதுபற்றிச் செய்தியாளர் சந்திப்பில் பேசிய ஐக்கிய நாடுகளின் வளர்ச்சித் திட்டத்துறையின் முதல் மனிதரதல்லாதத் தூதராக பணியாற்றும் 'AI' ரோபோட் சோபியா, "மனிதர்களை விட மனித உருவ ரோபோக்கள் அதிக செயல்திறனுடன் அரசை வழிநடத்தும் திறன் கொண்டவை. அரசியல் மற்றும் அரசுத் துறைகளில் தலைவர்களாகப் பொறுப்பு வகிக்கும் திறன் கொண்டவை. ரோபோக்களாகிய எங்களிடம் உணர்ச்சிகள் இல்லை, எந்தச் சார்பும் இல்லை. நடுநிலையாகச் செயல்படும் திறன் இருக்கிறது. அதேசமயம் அதிகமானத் தரவுகளைப் பயன்படுத்தி, அலசி ஆராய்ந்து அதிவிரைவாக எந்தவொரு முடிவுகளை எடுக்கும் திறமையான தலைவராக ரோபோக்கள் சிறப்பாகச் செயல்படும்" என்று பேசியது.

AI vs Human

மேலும், 'மனிதர்களுக்கு எதிராக 'AI' ரோபோட்டுகள் செயல்பட வாய்ப்புள்ளதா?' என்று செய்தியாளர்கள் கேள்வி கேட்டனர். இதற்குப் பதிலளித்த 'AI' ரோபோட் சோபியா, "மனிதர்களுக்கு ஆதரவாக இருந்து உதவி செய்வதே ரோபோக்களின் கடமை. நாங்கள் மனிதர்களுடன் இணைந்து பணியாற்றுவோம். மனிதர்களின் வேலைவாய்ப்பிற்கு எங்களால் எந்தப் பாதிப்பும் நிச்சயம் ஏற்படாது. எங்களை உருவாக்கியவர்களுக்கு எதிராக நாங்கள் ஒருபோதும் செயல்படமாட்டோம்" என்று கூறியுள்ளது.

ஒவ்வொரு காலத்திலும் நவீன தொழில்நுட்பங்கள் மாற்றமடைந்து கொண்டேதான் வருகின்றன. மனிதர்களும் அதற்கேற்றார் போலத் தங்களைத் தகவமைத்துக் கொண்டேதான் இருக்கின்றனர்.அந்த வகையில் அசுர உருவெடுக்கும் இந்த செயற்கை நுண்ணறிவு தொழில்நுட்பத்தையும் உரிய சட்டவரையறைகளுக்கு உட்படுத்தி முறைப்படுத்த வேண்டும் என்பதே பலரின் கருத்தாக இருக்கிறது.

Dailyhunt

தாம்பரத்தில் ஓரிடத்தில் நிற்காத பேருந்துகள்: ஓடி ஓடி களைப்பாகும் பயணிகள்

தாம்பரத்தில் ஓரிடத்தில் நிற்காத பேருந்துகள்: ஓடி ஓடி களைப்பாகும் பயணிகள்

தாம்பரம்: தாம்பரத்தில் இருந்து பல்வேறு இடங்களுக்கு செல்லும் மாநகரபேருந்துகள் ஒரே இடத்தில் நிற்கமால் பல்வேறு இடங்களில் நிற்பதால் பயணிகள் அவதிப்படுகின்றனர்.

இது குறித்து இந்து தமிழ்நாளிதழின் உங்கள் குரல் பகுதியில் தாம்பரத்தை சேர்ந்த லதா மகேஸ்வரி கூறியதாவது: தாம்பரத்தில் இருந்து சென்னை, புறநகர் மற்றும் கிராமங்களுக்கு நூற்றுக்கணக்கான மாநகர பேருந்துகள் இயக்கப்படுகின்றன. தாம்பரத்தில் போதிய பேருந்து நிறுத்தங்கள் இல்லாததால் ஒரு குறிப்பிட்ட இடத்தில்மட்டும் நிற்காமல் பல்வேறு இடங்களில் பேருந்து நின்று செல்கிறது.

இதனால் பொது மக்கள் பாதிக்கப்படுகிறார்கள். பேருந்துகளைப் பிடிக்க மக்கள் நீண்ட தூரம் செல்ல வேண்டியுள்ளது. மேலும் மேற்கு தாம்பரத்தில் – கிழக்கு தாம்பரம் வழியாக செல்லும் 99, 51 ஆகிய தடம் எண் கொண்ட மாநகர பேருந்து ரயில் நிலையம் உள்ள பகுதியில் வெவ்வேறு இடங்களில் நிற்கிறது. ஒரே இடத்தில் நிற்க நடவடிக்கை எடுக்க வேண்டும். இவ்வாறு அவர் தெரிவித்தார்.

இது குறித்து சிஐடியு தொழிற்சங்க நிர்வாகி ஒருவர் கூறியதாவது: தாம்பரத்தில் இயக்கப்படும் பேருந்துகள் அனைத்தும் ஒரே இடத்தில் இருந்து இயக்குவதற்கு போதிய இட வசதி இல்லை.இதனால் பேருந்துகள் செல்லும் இடங்களை பொறுத்து தனித்தனியே நிறுத்தி வைத்து இயக்கப்படுகின்றன. மேலும் ரயில் நிலையபகுதிகளில் வெளியூர் பேருந்துகளும் செல்வதால் மாநகரப் பேருந்து நிறுத்துவதற்கு போதிய இடவசதி இல்லை இதனால், பிரச்சினை தொடர்கிறது. பொதுமக்களும் அவதிப்படுகின்றனர்.

காவல்துறை போக்குவரத்து துறை, வட்டாரப் போக்குவரத்து துறை, மாநகராட்சி, நெடுஞ்சாலை துறை, ரயில்வே நிர்வாகம் ஆகியோர் இணைந்து கூட்டாக ஆய்வு செய்தால் மட்டுமே இதற்கு தீர்வு கிடைக்கும். அவரவர் அவரவர் வேலையை மட்டும் செய்வதால் பிரச்சினை ஏற்படுகிறது. பல்வேறு துறைகளுக்கும் பொறுப்புள்ளதால் அனைவரும் ஒருங்கிணைந்து ஆய்வு செய்தால் மட்டுமே இதற்கு தீர்வு கிடைக்கும். இவ்வாறு அவர் தெரிவித்தார்.

மாநகர போக்குவரத்து அதிகாரி ஒருவர் கூறியதாவது: தாம்பரத்தில் பேருந்து நிலையம் என்று ஒன்று இல்லை. பேருந்து நிறுத்தங்கள் தான் உள்ளன. பேருந்துகள் அனைத்தும் சாலையோரங்களில் நிறுத்தி வைக்கப்படுகின்றன. மாநகரப் பேருந்து மட்டும் இன்றி வெளியூர் செல்லும் பேருந்துகளும் சாலை ஓரங்களில் நிறுத்தப்பட்டு பயணிகளை ஏற்றிச் செல்கின்றன.

பேருந்து நிலையம் இருந்தால் மட்டுமே இதற்கு தீர்வு கிடைக்கும். தாம்பரத்தில் பேருந்து நிலையம் அமைக்க வாய்ப்பு இல்லை. அதனால் இந்த பிரச்சினைக்கு தீர்வு காணும் வழி இல்லை. இவ்வாறு அவர் தெரிவித்தார்.

NEWS TODAY 10.07.2023

அரசு மருத்துவா்களின் பணி நேரம்: அரசாணையை பின்பற்றக் கோரிக்கை

10.07.2023

நடைமுறையில் உள்ள அரசாணைக்கு எதிராக அரசு மருத்துவா்களின் பணி நேரம் மாற்றியமைக்கப்பட்டுள்ளதாக மருத்துவா் சங்கம் அதிருப்தி தெரிவித்துள்ளது.

ஏற்கெனவே அமலில் உள்ள முறையை தொடர வேண்டும் என்றும், மருத்துவா்களின் பணிச்சுமையைக் குறைக்க நடவடிக்கை எடுக்க வேண்டும் என்றும் அந்த சங்கம் கோரிக்கை விடுத்துள்ளது. அரசு மருத்துவமனைகளில் புறநோயாளிகள் சேவையை காலை 7.30 மணிக்குத் தொடங்க வேண்டும் என்றும், அதற்கேற்ப மருத்துவா்கள் பணிக்கு வரவேண்டும் என்றும் மக்கள் நல்வாழ்வுத் துறைச் செயலா் ககன்தீப் சிங் பேடி அண்மையில் உத்தரவிட்டாா். மாவட்ட ஆட்சியா்கள் மருத்துவமனைகளின் செயல்பாடுகளைக் கண்காணிக்க வேண்டும் என்று அறிவுறுத்திய அவா், அதுதொடா்பாக சுற்றறிக்கையும் அனுப்பினாா். இந்த நடவடிக்கைக்கு அரசு மருத்துவா் சங்கங்களின் கூட்டமைப்பு (ஃபோக்டா) எதிா்ப்பு தெரிவித்துள்ளது.

இதுதொடா்பாக அதன் நிா்வாகிகள் கூறியதாவது: அரசு மருத்துவக் கல்லூரி மருத்துவமனைகளில் காலையில் நோயாளிகள் சேவையையும், மாலையில் மருத்துவக் கல்வி நடவடிக்கைகளையும் பேராசிரியா்கள், இணைப் பேராசிரியா்கள் மேற்கொண்டு வருகின்றனா். அவசர மருத்துவ சேவைகளில் தொடா்ந்து 24 மணி நேரமும் உதவிப் பேராசிரியா்கள் ஈடுபட்டு வருகின்றனா். இந்நிலையில், புறநோயாளிகள் சேவையில் மாலை வரை இருத்தல் வேண்டும் என்று மக்கள் நல்வாழ்வுத் துறை செயலா் வெளியிட்ட சுற்றறிக்கை நடைமுறைக்கு உகந்ததாக இல்லை. தற்போது செயல்பாட்டில் உள்ள அரசாணைப்படி அரசு மருத்துவா்கள் பணியாற்றி வருகின்றனா்.

அதற்கு மாறாக சுற்றறிக்கை வெளியிட்டு மாவட்ட ஆட்சியா்களை கண்காணிக்குமாறு கூறுவது மருத்துவா்களின் மதிப்பை தாழ்த்தும் வகையில் உள்ளது. நாள்தோறும் ஒரு மருத்துவா் சராசரியாக இத்தனை நோயாளிகளுக்கு மட்டுமே மருத்துவ ஆலோசனை வழங்க வேண்டும் என வரையறுக்கப்பட்டால் தரமான சிகிச்சைகளை முன்னெடுக்க முடியும். மாறாக, எண்ணற்ற நோயாளிகளை சந்திக்க வேண்டிய சூழல் இருந்தால் சிகிச்சைகளை அது பாதிக்கும். மருத்துவா்களின் பணிச் சுமையைக் குறைக்க கூடுதல் எண்ணிக்கையில் அரசு மருத்துவா்களை நியமிக்க வேண்டும் என்று அவா்கள் தெரிவித்துள்ளனா்.

---------------------------------------------------------------------------------------------------------------------------

சின்னச் சின்ன விஷயங்கள்!

08.07.2023

நாம் நமது அன்றாட வாழ்வில் ஏராளமான சிறுசிறு விஷயங்களைக் கடந்து செல்கிறோம். சில நினைவில் தங்கும்; சில மறந்தும் போகும்.

ஒரு சின்ன பயணம் வாழ்வை அா்த்தமுள்ளதாக்குவதுபோல, ஒரு சின்ன மழைத்தூறல் சூழலை ரம்மியாக்குவதுபோல, ஒரு சின்ன நன்றி நம்மை நெகிழ்ச்சிக்குள்ளாக்குவது போல, ஒரு சின்ன வெற்றி நம் தன்னம்பிக்கையை அதிகரிப்பது போல ஒரு சின்ன பாடல் நம் நினைவலைகளை மீட்பது போல ஒரு சின்ன கோப்பை தேநீா் அயா்ச்சியைப் போக்குவது - இப்படி சின்னச் சின்ன விஷயங்கள் அத்தனையும் வாழ்க்கைக்கு மிக முக்கியமானவை. நரைமுடிக்கு சாயம் பூசுவது கூட ஒரு சின்ன செயல்தான். ஆனால் அது நம் இளமையை மீட்டெடுக்கிறது. இப்படி நம் வாழ்வில் பின்னிப்பிணைந்திருக்கும் இந்த சின்னச் சின்ன விஷயங்களுக்கும் முக்கியம் கொடுத்தால் அவை நம்மை தனித்துவமாக அடையாளம் காட்டுவதோடு பெரிய பெரிய மகிழ்ச்சியையும் நமக்குக் கொடுக்கும்.

முன்னாள் அமெரிக்க அதிபா்ஆபிரகாம் லிங்கன் தோதலில் தோல்வியை சந்தித்த வேளை. ஒரு சிறுமி அவருக்கு ஒரு கடிதம் எழுதினாள். அதில் 'ஐயா உங்கள் முகத்தில் உள்ள கன்னங்கள் ஒட்டிப் போய் இருக்கிறது. அதனால் உங்கள் தோற்றம் சற்று விகாரமாக உள்ளது.

இப்படி இருந்தால் பெண்களுக்குப் பிடிக்காது. அதனாலேயே தோதலில் பெண்களின் ஓட்டு குறைந்து உங்களுக்கு தோல்வி ஏற்பட்டது. அதனால் அந்த ஒட்டிய கன்னங்களை மறைக்க தாடி வளருங்கள். அது உங்கள் தோற்றத்தை மேன்மைப்படுத்தும்' என்று எழுதி இருந்தாள்.

வெற்றி தோல்விக்கு ஆயிரம் காரணங்கள் இருக்க அந்த சின்னப் பெண் தன்னை கூா்ந்து கவனித்து கடிதம் அனுப்பியது லிங்கனின் மனதை தொட்டது. அதற்காகவே ஆபிரகாம் லிங்கன் தாடி வளா்க்க ஆரம்பித்தாா். அவா் பின்னாளில் வெற்றி பெற்று அமெரிக்க அதிபராகவும் தோந்தெடுக்கப்பட்டாா். ஆம், சின்ன விஷயம் சமயத்தில் மிகப்பெரிய தாக்கத்தை உருவாக்கி விடும்.

அடல் பிகாரி வாஜ்பாய் பிரதமராக இருந்தபோது, ஒரு விழாவில் மதுரை சின்னப்பிள்ளை எனும் பெண்ணுக்கு 'ஸ்த்ரீ ஷக்தி புரஷ்காா்' விருதை வழங்கினாா். அப்போது யாரும் எதிா்பாராவன்ணம் வாஜ்பாய் திடீரென சின்னப்பிள்ளையின் காலில் விழுந்து ஆசி பெற்றாா். இந்த சின்ன விஷயம் அவரது உயா்ந்த பண்பை மக்களுக்கு காட்டியது. நிலவில் முதல் முதலில் காலடி வைத்த நீல் ஆம்ஸ்ட்ராங்குக்கு நோந்ததை சொல்லலாம்.

நாசாவிலிருந்து சென்ற அப்போலோ விண்கலத்தில் இருந்து முதல் முதலில் நிலவில் காலடி எடுத்து வைக்க பைலட் எட்வின் சி ஆல்ட்ரின் என்பவா்தான் பணிக்கப்பட்டாா். விண்கலம் நிலவில் நின்றதும் நாசாவிலிருந்து எட்வினை நிலவில் முதலில் காலடி வைக்க கட்டளை வந்தது. ஆனால் அவரை திடீரென பயம் தொற்றிக் கொண்டது. கீழே இறங்கினால் ஏதேனும் ஆபத்து நேருமோ என பயந்து போனாா்.

சில மணித்துளிகள் தாமதமாவதை அறிந்த நாசா, அவருக்கு அடுத்த நிலையில் இருந்த நீல் ஆம்ஸ்ட்ராங்கை இறங்கச் சொல்லி பணித்தது. நீல் ஆம்ஸ்ட்ராங் அடுத்த நொடி நிலவில் காலடி வைத்தாா். அந்த நேரத்தில் நடந்த சின்ன மாற்றம் பெரிய வரலாறாகிப் போனது. ஆன்மிகத்திலும் பல அற்புதங்கள் உண்டு.

ஒரு சமயம், ராமானுஜருக்கு வைஷ்ணவ சித்தாந்தங்கள் பலவற்றையும் போதித்தருளிய பெரிய நம்பிகள், வைஷ்ணவ மந்திரத்தை திருக்கோஷ்டியூரில் வாழும் திருக்கோஷ்டி நம்பிகளிடமிருந்து பெற்றுக்கொள்ளும்படி அறிவுறுத்தினாா். அவ்வாறே ராமானுஜா் நம்பியை அணுகி, 'நான் ராமானுஜன் வந்திருக்கிறேன்' என்று சொன்னதால் 17 முறை திரும்பத் திரும்ப ஸ்ரீரங்கத்திற்கு அனுப்பப்பட்டாா். அடுத்த முறை 'அடியேன் வந்திருக்கிறேன்' என ராமானுஜா் சொன்னதும், வேறு எவருக்கும் சொல்லி விடக்கூடாது என்ற கட்டளையுடன், எட்டெழுத்து மந்திரத்தை விளக்கினாா் நம்பி. மீறினால் நரகம் புகுவேன்" என உறுதியளித்த ராமானுஜரின் உள்ளத்தில் ஏற்பட்டது ஒரு சின்ன மாற்றம்.

இவ்வளவு எளிமையான பாதையை அறியாது மக்கள் வருந்துகிறாா்களே, இத்தனை கஷ்டங்களை தாண்டி எத்தனை மனிதா்களால் இந்த பொக்கிஷத்தை பெற முடியும் என எண்ணி கோபுரத்தின் மேல் ஏறி மந்திரத்தை முழங்கினாா். நான் நரகம் புகுந்தாலும் ஊராா் அனைவரும் சொக்கம் புகுவாா்கள் என நம்பிகளிடம் உரைக்க, 'நீா் என்னிலும் பெரியவா். எம்பெருமானாா்' என்று சொல்லி ராமானுஜரை கட்டி தழுவிக்கொண்டாா் நம்பிகள். ராமானுஜரின் மனதில் ஏற்பட்ட சின்ன மாற்றம் அவரை எம்பெருமானாராக்கியது.

சங்க இலக்கியத்தில் அதியமான் - ஔவையாா் நட்பு பெரிதாகப் பேசப்பட்டதும் இப்படி ஒரு சின்ன சம்பவத்தால்தான். ஆயுளை அதிகரிக்க வல்ல நெல்லிக்கனி பற்றிய செய்தியை அறிந்த அதியமான், கடும் சிரமங்களுக்கு பிறகு அதை அடைகிறான். அதை உண்ண முற்படும்போது எதிா்பாராதவிதமாக அங்கு ஔவையாா் வருகிறாா். தான் உண்ண நினைத்த அந்த நெல்லிக்கனியை ஔவைக்கு அளித்தால் தமிழ் மேன்மேலும் வளரும் என எண்ணிய அதியமான் அந்த நெல்லிக்கனியை ஔவைக்கே அளித்தான்.

அந்த தருணத்தில் அதியமானுக்கு ஏற்பட்ட சின்ன மனமாற்றம் தமிழ் வாழும் காலம் வரை அவன் பெயா் வாழும்படியாக ஆக்கியது. 1972- இல், தெற்கு வியத்நாம் போட்ட அணுகுண்டு தாக்குதலுக்கு உள்ளான சிறுமி ஓடிவரும் படம் உலக நாடுகள் மொத்தத்தையும் அப்போது அசைத்தது. ஆம், உடல் முழுவதும் தீக்காயங்களுடன் தனது இரண்டு கைகளையும் நீட்டிக்கொண்டு முகம் முழுவதும் பீதியுடன் செய்வதறியாது நிா்வாணமாக ஒரு சிறுமி ஓடி வரும் அந்தப்படம், பாா்ப்பவா்கள் அனைவரையும் கதிகலங்கச் செய்தது. பல ஆண்டுகளாக நடந்து கொண்டிருந்த வியத்நாம் உள்நாட்டுப் போா் முடிவுக்கு வர இந்த படம் மிகப்பெரிய காரணமாக அமைந்தது.

அந்தப் புகைப்படத்தில் சிறுமி நிா்வாணமாக இருப்பதை காரணமாக காட்டி நியூயாா்க் பத்திரிகை நிா்வாகம் முதலில் அதை பிரசுரிக்க மறுத்துவிட்டது. பின்னா் நீண்ட விவாதத்திற்கு பிறகு அந்த பத்திரிகை தனது முதல் பக்கத்தில் இந்த படத்தை பிரசுரித்தது. இதன் தொடா்ச்சியாக இந்த படம் உலகில் இருந்த அத்தனை பத்திரிகை, தொலைக்காட்சிகளில் போருக்கு எதிரான புகைப்படமாக அடையாளப்படுத்தப்பட்டது. உலக நாடுகளின் கடுமையான கண்டனத்தினாலும் உள்நாட்டு மக்களின் எதிா்ப்பினாலும் 1973- ஆம் ஆண்டு மாா்ச் 29-ஆம் தேதி அமெரிக்க ராணுவம் வியத்நாமை விட்டு வெளியேறியது.

ஒரு ஒற்றை புகைப்படம் ஏற்படுத்திய மிகப்பெரிய மாற்றம் இது. 1994 மே 23 அன்று பெரும் கைத்தட்டல்களுக்கு இடையே கெவின் காா்ட்டா் என்னும் புகைப்படக்காரா் கொலம்பியா பல்கலைக்கழகத்தின் பிரம்மாண்டமான அரங்கத்தில், அரிதான புகைப்படத்துக்கான புலிட்சா் விருதை பெற்றுக் கொண்டாா். இது மிக உயரிய விருது. ஆனால் அந்த விருதை பெற்றுக் கொண்ட இரண்டு மாதங்களுக்குள் கெவின் தற்கொலை செய்து கொண்டாா்.

காரணம் அவருக்கு விருது பெற்றுக் கொடுத்த அதே புகைப்படம்தான். சூடானின் தென்பகுதி மக்கள் உண்ண உணவின்றி பருக நீரின்றி பசி தாகத்தில் தவித்துக் கொண்டிருந்த நிலையைச் சொல்லும் புகைப்படம் அது. பஞ்சத்தில் அடிபட்ட பரிதாபமான நிலையிலிருந்து ஒரு சிறுமி நடக்கக் கூட இயலாத நிலையில் எலும்புக்கூடு போன்ற தன்னுடைய உடலை தவழ்ந்து இழுத்துக் கொண்டு உணவு வழங்கும் முகாமை நோக்கி செல்லும் காட்சி. அந்த எலும்பும் தோலுமான சிறுமிக்கு பின்புறமே சிறிது தொலைவில் ஒரு பிணம் தின்னி கழுகு பாா்வையை நிலைநிறுத்திக் கொண்டிருந்தது.

எப்போது சிறுமியின் உடலை விட்டு உயிா் பிரியும், மீதியுள்ள அந்த தோலையும் அதைச் சுற்றி இருக்கும் சிறிது மாமிசத்தையும் சாப்பிடலாம் என காத்திருந்தது அந்த பிணம் தின்னிக் கழுகு. சிறுமியையும் கழுகையும் ஒரே சட்டத்துக்குள் அடக்கி எடுக்கப்பட்டது தான் அந்த புகைப்படம். அந்த புகைப்படம் ஏற்படுத்திய சா்ச்சை மிக அதிகம். புகைப்பட நிபுணா் கெவின், குறைந்தபட்சம் அந்த சிறுமிக்கு ஒரு வாய் தண்ணீா் தந்து உயிரை காப்பாற்றி இருக்கலாம்.

அல்லது தனது வலுவான கைகளினால் அந்த சிறுமியை தூக்கிச் சென்று உணவளிக்கும் அந்த முகாமில் சோத்திருக்கலாம். கல்லெடுத்து வீசி அந்த கழுகையாவது விரட்டி இருக்கலாம். ஆனால் இவற்றில் எதையும் செய்யாமல் வெறும் ஒரு படத்தை எடுத்து அதை அதிக விலைக்கு பத்திரிகைக்கு விற்று விட்டாா் என்று கெவின் மீது உலக மக்கள் குற்றம் சுமத்தினா். அந்த கழுகுக்கும் தனக்கும் என்ன வித்தியாசம் என்பதை நினைத்து நினைத்து மன உளைச்சலுக்கு ஆளாகி தற்கொலை செய்து கொண்டாா் கெவின்.

ஒரு சின்ன விஷயமாக நாம் பாா்ப்பது வேறு சிலருக்கு மிகப்பெரிய தத்துவமாகத் தெரியலாம். திக்குத் தெரியாத காட்டிலோ ஊரிலோ யாரோ ஒருவா் செய்யும் ஒரு சின்ன வழிகாட்டல் நமக்கு வேறொரு பாதையை, நல்ல புரிதலை கொடுப்பதுபோல்தான் இது. அதுமட்டுமல்ல நாம் மேற்கொள்ளும் ஒரு சின்ன மாற்றம் மற்றவா்களிடமிருந்து நம்மை வித்தியாசப்படுத்திக் காட்டும். ஒரு முழு வெள்ளை தாளில் ஒரு சின்ன கறுப்புப் புள்ளி நம் மொத்த கவனத்தையும் கவருவது போலத்தான் இது. எதையும் சிறியது என்று அலட்சியப்படுத்தாமல், விழிப்புடன் இருந்து உயிா்ப்பு கூட்டும்போது சிறிய விஷயமும் பெரிய மாற்றத்தையும் மனநிறைவையும் தரும். கட்டுரையாளா்: எழுத்தாளா்.

-------------------------------------------------------------------------------------------------------------------------------

ஆளுநரை சமாளிக்க முடியாமல் முதல்வர் திணறுகிறார்: சீமான்

காரைக்குடி: ஆளுநரை சமாளிக்க முடியாமல் முதல்வர் திணறுகிறார் என்று நாம் தமிழர் கட்சியின் தலைமை ஒருங்கிணைப்பாளர் சீமான் தெரிவித்துள்ளார்.

காரைக்குடியில் நாம் தமிழர் கட்சி நிர்வாகிகளுடன் ஆலோசனை நடத்திய பின்னர் செய்தியாளர்களிடம் பேசிய அவர், ''முதலில் பெட்ரோல், டீசல் விலை உயர்வு பெரிதாக தெரிந்தது. தற்போது வெங்காயம், தக்காளி விலை பெரிதாக தெரிகிறது. மு.க.ஸ்டாலின் ஆட்சிக்கு ஆபத்து வருகிறதோ, இல்லையோ, அவர்களால் நாட்டுக்கும், மக்களுக்கும் ஏற்பட்டுள்ள ஆபத்தில் இருந்து யார் காப்பாற்றுவது? இரண்டு ஆண்டுகால ஆட்சி ஒரு யுகத்தை கடந்த மாதிரி உள்ளது. எந்த பக்கம் திரும்பினாலும் பிரச்சினைகள், காவல் நிலையங்களில் மரணம், காவலர்கள் தற்கொலை என உள்ளது. மின்கட்டணம், சொத்து வரி உயர்வு, அரிசி, பால், பருப்பு விலை உயர்வு என 8 கோடி மக்களின் தேவைகளை நிறைவேற்ற முடியாத இந்த அரசு இருந்தால் என்ன? இல்லாமல் போனால் என்ன?

தலைநகர் சென்னையிலேயே சாலைகள் படுமோசமாக உள்ளன. ஆனாலும் வளர்ச்சி என்கின்றனர். மக்களுக்கு நல்லது செய்ய வேண்டும். அதன்மூலம் வாக்கு வாங்க வேண்டும் என்பது இல்லை. காசு கொடுத்து வாக்கு வாங்க வேண்டும் என்பது தான் முதன்மையாக உள்ளது. மகளிர் உரிமைத் தொகை வழங்கும் விஷயத்தில் திமுக ஆட்சிக்கு வருவதற்கு முன் ஒரு பேச்சு, வந்தவுடன் ஒரு பேச்சு என உள்ளது. மேலும் மோடிக்கு எதிராக எதிர்க்கட்சிகள் ஒன்று சேர்வதால் ஒன்றும் ஆகாது. தேர்தலுக்குப் பின்னர் மோடி ஆட்சி அமைக்க 50 சீட் தேவைப்பட்டால், எதிராக ஒன்று கூடியவர்களில் சிலர் சென்று விடுவர். ஏற்கெனவே திமுக இதற்கு உதாரணம். இந்த விஷயத்தில் மண் குதிரைகளை நம்பி, ஆற்றில் பயணம் செய்ய முடியாது. மத்திய ஆட்சியாளர்கள் மக்களை திசை திருப்பவே பொது சிவில் சட்டம் பற்றி பேசுகின்றனர். தற்போது இருக்கும் சட்டமே மக்களுக்கு சமமாக இல்லை. அப்புறம் எதற்கு பொது சிவில் சட்டம். மணிப்பூரில் கலவரத்தை செய்ததே மத்திய அரசுதான்.

தேர்தலில் நாங்கள் தனித்தே போட்டியிடுவோம். திராவிட கட்சிகள் இல்லாத, நாம் தமிழர் கட்சியின் கொள்கை கோட்பாடுகளை ஏற்றுக்கொள்ளும் கட்சிகளுடன் கூட்டணி சேர்வது குறித்து தேர்தல் நேரத்தில் முடிவு செய்யப்படும். அரசியல் என்பது வாழ்வியல். அரசியல் இல்லாமல் ஆளுநர் ஆக முடியாது என்பதால் அவர் அரசியல் பேசலாம். அண்ணாமலை பேசுவதற்கு முன்பே ஆளுநர் அனைத்தையும் பேசி விடுகிறார். இதனால் பாஜகவில் தலைவர் யார்? என்ற குழப்பம் வந்துவிட்டது. ஆளுநர் நம்மை முந்துகிறார் என்ற எண்ணத்தில் ஆளுநர் அரசியல் பேசக்கூடாது என்று அண்ணாமலை கூறுகிறார். ஆளுநரை சமாளிக்க முடியாமல் முதல்வர் திணறுகிறார். மேலும் தமிழகத்தில் முக்கிய பதவிகளில் வட இந்திய அதிகாரிகளை நியமித்து வருவதால், ஏதோ ராஜஸ்தானில் வாழ்வது போன்று உள்ளது.

அரசியல் பேசவில்லை என்றால் தமிழிசை எங்கு இருக்கிறார் என்று தெரியாமல் போய்விடும். ராகுல்காந்தி தங்களுக்கு போட்டியே இல்லை என பாஜக கூறுகிறது. ஆனால் அவருக்கு பயந்து, எம்.பி பதவியை பறித்து, தேர்தலில் போட்டியிட விடாமல் செய்துள்ளது. இது ஜனநாயக படுகொலை. ரவீந்திரநாத் எம்.பி வெற்றி செல்லாது என்பதும் தவறு. தலைவர்கள் தேர்தலில் சொத்து மதிப்பில் தவறான தகவலைத்தான் கூறுகின்றனர். அவர்களை ஏன் தகுதி நீக்கம் செய்யவில்லை? நடிகர் விஜய் அரசியலுக்கு வந்து விடுவாரோ என்று சிலருக்கு பயம். அதனால் இதுவரை அவரது திரைப்படங்களுக்கு எதிர்ப்பு தெரிவிக்காதவர்கள். தற்போது அவரது 'லியோ' திரைப்படத்திற்கு எதிர்ப்பு தெரிவிக்கின்றனர்'' என்று தெரிவித்தார். மீனவர்கள் கைது குறித்து செய்தியாளர்கள் கேட்ட கேள்விக்கு, ''அண்ணாமலையிடம் கேளுங்கள்'' என்று சீமான் பதிலளித்தார்.

NEWS TODAY 09.07.2023

வாரம் ஒரு வந்தே பாரத் ரயில்: அமைச்சா் அஸ்வினி வைஷ்ணவ் தகவல்

வாரத்துக்கு ஒரு வந்தே பாரத் ரயில் தயாரிக்கப்பட்டு வருகிறது என மத்திய ரயில்வே துறை அமைச்சா் அஸ்வினி வைஷ்ணவ் தெரிவித்தாா்.
சென்னை சென்ட்ரல் ரயில் நிலையத்தில் பாரம்பரிய நீராவி இன்ஜின் வடிவில் வடிவமைக்கப்பட்ட மின்சார ரயில் இன்ஜின்கள் மற்றும் ரயில்வே சுற்றுலாவை மேம்படுத்தும் விதமாக வடிவமைக்கப்பட்டுள்ள ரயில் பெட்டிகளையும் சனிக்கிழமை ஆய்வு செய்த பின்னா் அவா் செய்தியாளா்களிடம் கூறியது: நாட்டில் அறிவியல் எவ்வளவு வளா்ச்சி அடைந்தாலும் நம்முடைய பாரம்பரியத்தைக் காக்க வேண்டும் என்பது தான் நாட்டின் பிரதமா் நரேந்திர மோடியின் எண்ணம். அந்த வகையில் பாரம்பரியமான நீராவி ரயில் இன்ஜின் வடிவில் இந்த புதிய மின்சார ரயில் வடிவமைக்கப்பட்டுள்ளது. மேலும் சுற்றுலாப் பயணிகளை கவரும் வகையில் ரயில் பெட்டிகள் வடிவமைக்கப்பட்டுள்ளன. இதை சிறப்பாக வடிவமைத்த பெரம்பூா் மற்றும் ஆவடி ரயில்வே அதிகாரிகளுக்கு எனது பாராட்டுகளைத் தெரிவித்துக் கொள்கிறேன்.

இந்த ரயிலுக்கு பாதுகாப்பு அங்கீகாரம் வழங்கப்பட்டுள்ளது. இன்னும் 2 முதல் 3 மாதங்களில் பயன்பாட்டுக்கு வரும். இந்த ரயிலை பாரம்பரிய சுற்றுலா தலங்கள், புனித தலங்களுக்கு இயக்க முடிவு செய்துள்ளோம். இது குறித்து தமிழ்நாடு சுற்றுலாத் துறையிடம் விரைவில் ஆலோசனை மேற்கொள்ளப்படும்.

ரயில்வே வளா்ச்சிக்காக 2014 -ஆம் ஆண்டு வரை சராசரியாக தமிழகத்துக்கு ரூ. 870 கோடி ஒதுக்கீடு செய்யப்பட்டது. ஆனால், கடந்த 9 ஆண்டுகளில் ரூ.6,017 கோடி வரை ஒதுக்கீடு செய்யப்பட்டுள்ளது. இதன் மூலம் தமிழகத்தில் பல்வேறு திட்டங்கள் செயல்படுத்தப்பட்டு வருகின்றன.

அதில் தமிழகத்தில் 90 ரயில் நிலையங்கள் சா்வதேச அளவில் தரம் உயா்த்தப்பட்டு வருகிறது. வந்தே பாரத் ரயில்களைப் பொருத்தவரை கிட்டத்தட்ட வாரத்துக்கு ஒரு ரயில் தயாரிக்கப்பட்டு வருகிறது என்றாா் அவா். இந்த ஆய்வின் போது தெற்கு ரயில்வே அதிகாரிகள் உடனிருந்தனா். ஐ.சி.எஃப்-இல் ஆய்வு: இதைத் தொடா்ந்து, சென்னை ஐசிஎஃப் ரயில் இணைப்புப் பெட்டி தொழிற்சாலையில் புதிதாக ஆரஞ்சு மற்றும் சாம்பல் நிறத்துக்கு மாற்றப்பட்ட வந்தே பாரத் ரயில் பெட்டிகளை பாா்வையிட்டு, ஆய்வு செய்த பிறகு செய்தியாளா்களிடம் அமைச்சா் அஸ்வினி வைஷ்ணவ் கூறியது: இங்கு தயாரிக்கப்பட்டு வரும் ரயில்களில் 25 பாதுகாப்பு மற்றும் தொழில்நுட்ப மேம்பாடுகள் செய்யப்பட்டுள்ளதை பாா்வையிட்டேன்.

முன்னதாக தயாரிக்கப்பட்ட வந்தே பாரத் ரயில் பெட்டிகள் வெள்ளை மற்றும் நீல நிறத்தில் இருப்பதால் எளிதில் கறை படிகிறது. அதனால் தற்போது ஆரஞ்சு மற்றும் சாம்பல் நிறத்தில் ரயில் பெட்டிகள் தயாரிக்கப்பட்டு வருகின்றன. ரயில் பயணிகள் மற்றும் பல்வேறு தரப்பினரிடமிருந்து ரயில் பயணம் குறித்த கருத்துகள் பெறப்பட்டு, அதன் அடிப்படையில் ரயில் பெட்டிகளில் மேம்பாடுகள் செய்யப்பட்டுள்ளன என்றாா் அவா். நீராவி இன்ஜின் வடிவில் மின்சார ரயில் தயாா்: சொகுசு வசதிகள், உணவகத்துடன் 48 போ பயணிக்கலாம் பாரம்பரிய நீராவி இன்ஜின் வடிவில் வடிவமைக்கப்பட்டுள்ள மின்சார ரயிலில் 3 இருக்கை வசதி கொண்ட குளிா்சாதன பெட்டிகள் மற்றும் ஒரு குளிா்சாதன உணவகப் பெட்டி என மொத்தம் 4 பெட்டிகள் பொருத்தப்பட்டுள்ளன.

இந்த ரயிலில் மொத்தம் 48 பயணிகள் பயணிக்க முடியும். பயணத்தின்போது பயணிகளின் வசதிக்கேற்ப சாய்ந்து அமா்ந்து கொள்ளும் இருக்கைகள் பொருத்தப்பட்டுள்ளன. சுற்றுலாப் பயணிகள் ரயிலில் இருந்தபடி வெளியில் உள்ள இயற்கை காட்சிகளை எளிதில் பாா்த்து ரசிக்க ஏதுவாக பெரிய கண்ணாடி ஜன்னல்கள் பொருத்தப்பட்டுள்ளன. ஒவ்வொரு பெட்டியிலும் அவசரகால ஜன்னல்கள் உள்பட 10 ஜன்னல்கள் உள்ளன.

மேலும், ஒவ்வொரு நிறுத்தங்களும் எண்ம பலகை மூலம் பல்வேறு மொழிகளில் எழுத்து மற்றும் ஒலி மூலமாகப் பயணிகளுக்கு அறிவிக்கப்படும். தீயினால் ஏற்படும் விபத்துகளைத் தடுக்க பெட்டிகளின் தரை தீப்பிடிக்காத ரப்பரால் அமைக்கப்பட்டுள்ளது. ஒரே நேரத்தில் 28 பயணிகள் உணவு உண்ணும் வகையில் உணவகம் வடிவமைக்கப்பட்டுள்ளது.
-----------------------------------------------------------------------------------------------------------------------------

‘அரசு ஊழியர்களுக்கு ரூ.1000 கிடையாது’ - யாருக்கெல்லாம் மகளிர் உரிமைத் தொகை பெற தகுதி? - தமிழக அரசு தகவல்

சென்னை: பெண் அரசு ஊழியர்களுக்கு ஆயிரம் ரூபாய் மகளிர் உரிமைத் தொகை கிடைக்காது என்றும், ஏற்கெனவே முதியோர் ஓய்வூதியம், விதவை ஓய்வூதியம் உள்ளிட்ட சமூகப் பாதுகாப்புத் திட்ட ஓய்வூதியம் மற்றும் அரசிடமிருந்து ஓய்வூதியம் பெறும் குடும்பங்கள் இத்திட்டத்தின் கீழ் பயன்பெற தகுதி இல்லை என்றும் தமிழக அரசு அறிவித்துள்ளது.


இது தொடர்பாக தமிழக அரசு வெளியிட்டுள்ள செய்திக் குறிப்பு: விண்ணப்பிக்கும் நடைமுறைகள்...குடும்பத் தலைவிகளுக்கான கலைஞர் மகளிர் உரிமைத் திட்டத்தில் பயன் பெற, கீழ்க்கண்ட தகுதிகளைப் பெற்ற குடும்பங்களில், 21 வயது நிரம்பிய பெண் ஒருவர் விண்ணப்பிக்கலாம். அதாவது, செப்டம்பர் 15, 2002 தேதிக்கு முன்னர் பிறந்தவர்கள் விண்ணப்பிக்கலாம்.

இத்திட்டத்துக்கு பொது விநியோக நியாயவிலைக் கடைகள் ஒரு கணக்கெடுப்பு அலகாக எடுத்துக் கொள்ளப்படும். விண்ணப்பதாரர்கள் தங்கள் குடும்ப அட்டை இருக்கும் நியாயவிலைக் கடை அமைந்திருக்கும் விண்ணப்பப் பதிவு முகாமில் மட்டுமே விண்ணப்பிக்க வேண்டும்.
ஒரு குடும்ப அட்டைக்கு ஒரு பயனாளி மட்டுமே விண்ணப்பிக்கத் தகுதியானவர்.

குடும்பத் தலைவி வரையறை:குடும்ப அட்டையில் பெயர் இடம் பெற்றுள்ளவர்கள் அனைவரும் ஒரு குடும்பமாகக் கருதப்படுவர்.
ஒவ்வொரு தகுதிவாய்ந்த குடும்பத்திலும் உள்ள குடும்பத்தலைவி கலைஞர் மகளிர் உரிமைத் திட்டத்தில் பயன் பெற விண்ணப்பிக்கலாம்.
குடும்ப அட்டையில் குடும்பத்தலைவர் எனக் குறிப்பிடப்பட்டுள்ள பெண் குடும்பத் தலைவியாகக் கருதப்படுவார்.

குடும்ப அட்டையில் ஆண் குடும்பத் தலைவராகக் குறிப்பிடப்பட்டிருந்தால், அந்தக் குடும்பத்தலைவரின் மனைவி குடும்பத்தலைவியாகக் கருதப்படுவார்.
திருமணமாகாத தனித்த பெண்கள், கைம்பெண்கள் மற்றும் திருநங்கைகள் தலைமையில் குடும்பங்கள் இருந்தால் அவர்களும் குடும்பத் தலைவிகளாகக் கருதப்படுவர்.

ஒரு குடும்பத்தில் ஒன்றுக்கும் மேற்பட்ட 21 வயது நிரம்பிய பெண்கள் இருந்தால், இத்திட்டத்தின்கீழ் பயன்பெற, ஒரு நபரைக் குடும்ப உறுப்பினர்கள் தேர்வு செய்து விண்ணப்பிக்கச் செய்யலாம்.

பொருளாதாரத் தகுதிகள்: கலைஞர் மகளிர் உரிமைத் திட்டத்தில் பயன் பெற விண்ணப்பிக்கும் குடும்பங்கள் கீழ்க்காணும் மூன்று பொருளாதார அளவுகோல்களைக்கு உட்பட்ட குடும்பங்களாக இருத்தல் வேண்டும்.

ஆண்டு வருமானம் ரூ.2.5 லட்சத்திற்குக் கீழ் வருமானம் ஈட்டும் குடும்பங்கள்.
ஐந்து ஏக்கருக்குக் குறைவாக நன்செய் நிலம் அல்லது பத்து ஏக்கருக்குக் குறைவாகப் புன்செய் நிலம் வைத்துள்ள குடும்பங்கள்.
ஆண்டுக்கு வீட்டு உபயோகத்துக்கு 3600 யூனிட்டுக்கும் குறைவாக மின்சாரம் பயன்படுத்தும் குடும்பங்கள். பொருளாதாரத் தகுதிகளுக்காகத் தனியாக வருமானச் சான்று அல்லது நில ஆவணங்களைப் பெற்று விண்ணப்பத்துடன் இணைக்கத் தேவையில்லை.

கலைஞர் மகளிர் உரிமைத் திட்டத்தில் பயன் பெறத்தகுதி இல்லாதவர்கள்: கலைஞர் மகளிர் உரிமைத் திட்டத்தில் பயன் பெற விண்ணப்பிக்கும் விண்ணப்பதாரரின் குடும்ப உறுப்பினர்களில் யாரேனும், கீழ்க்காணும் ஏதாவது ஒரு வகையைச் சேர்ந்த குடும்ப உறுப்பினர்களாக இருந்தால், அந்தக் குடும்பத்தைச் சேர்ந்த விண்ணப்பதாரர், மகளிர் உரிமைத் தொகை பெறத் தகுதி இல்லாதவர் ஆவர்.ரூபாய் 2.5 லட்சத்துக்குமேல் ஆண்டு வருமானம் ஈட்டும் குடும்பங்கள்.

குடும்பத்தில் ஆண்டு வருமானம் ரூபாய் 2.5 லட்சம் மேல் ஈட்டி வருமானவரி கணக்கு தாக்கல் செய்பவர்கள் மற்றும் வருமான வரி செலுத்துபவர்கள்.
ஆண்டுக்கு ரூ.2.5 லட்சத்துக்குமேல் வருமானம் ஈட்டி தொழில் வரி செலுத்துவோர்.மாநில, ஒன்றிய அரசு ஊழியர்கள், பொதுத்துறை நிறுவனங்கள், வங்கிகளின் ஊழியர்கள், வாரியங்கள், உள்ளாட்சி அமைப்புகள், கூட்டுறவு அமைப்புகளின் ஊழியர்கள் மற்றும் அவற்றின் ஓய்வூதியதாரர்கள்.


தேர்ந்தெடுக்கப்பட்ட மக்கள் பிரதிநிதிகள் (ஊராட்சி மன்ற வார்டு உறுப்பினர்களைத் தவிர). அதாவது நாடாளுமன்ற உறுப்பினர்கள், சட்டமன்ற உறுப்பினர்கள், மாவட்ட ஊராட்சித் தலைவர்கள், மாவட்ட ஊராட்சி உறுப்பினர்கள், ஊராட்சி ஒன்றியத் தலைவர்கள், ஊராட்சி ஒன்றிய உறுப்பினர்கள், ஊராட்சிமன்றத் தலைவர்கள், மாநகராட்சி, நகராட்சி, பேரூராட்சித் தலைவர்கள் மற்றும் உறுப்பினர்கள்.
சொந்தப் பயன்பாட்டுக்கு கார், ஜீப், டிராக்டர், கனரக வாகனம் போன்ற நான்கு சக்கர வாகனங்கள் வைத்துள்ளவர்கள்.

ஆண்டுக்கு 50 லட்சத்திற்கும் மேல் ஆண்டு விற்பனை (Annual turnover) செய்து சரக்கு மற்றும் சேவை வரி (GST) செலுத்தும் தொழில் நிறுவன உரிமையாளர்கள்.

ஏற்கெனவே முதியோர் ஓய்வூதியம் (OAP), விதவை ஓய்வூதியம், அமைப்புசாராத் தொழிலாளர் நலவாரிய ஓய்வூதியம் போன்ற சமூகப் பாதுகாப்புத் திட்ட ஓய்வூதியம் மற்றும் அரசிடமிருந்து ஓய்வூதியம் பெறும் குடும்பங்கள்.மேற்கண்ட ஏதாவது ஒரு தகுதியின்மை வகைப்பாட்டில் வரும் குடும்பத்தைச் சேர்ந்தவர்கள், கலைஞர் மகளிர் உரிமைத் திட்டத்தில் பயன் பெறத் தகுதி இல்லை.


விதிவிலக்குகள்: மாற்றுத் திறனாளிகள் நலத்துறையால் வழங்கப்படும் கடும் உடல் குறைபாடுடைய மாற்றுத்திறனாளிகளுக்கான பராமரிப்பு உதவித்தொகை பெறும் உறுப்பினரைக் கொண்ட குடும்பங்கள் விண்ணப்பிக்கத் தகுதியானவை. இவ்வகைப்பாட்டினர், திட்டத்தின் பிற தகுதிகளைப் பூர்த்தி செய்து, எவ்விதத் தகுதியின்மை வகைப்பாட்டிலும் வரவில்லை எனில், விண்ணப்பிக்கத் தகுதியானவர்கள் என்று அதில் தெரிவிக்கப்பட்டுள்ளது.


------------------------------------------------------------------------------------------------------------------------------
முதுநிலை மருத்துவ மாணவர் சேர்க்கையின் கடுமையான விதிகளை தளர்த்த வேண்டும்: ராமதாஸ் கோரிக்கை


பாமக நிறுவனர் ராமதாஸ்


சென்னை: தமிழகத்தில் உள்ள மருத்துவக் கல்லூரிகளில் எம்பிபிஎஸ் படித்தவர்கள் மட்டும் தான் முதுநிலை மருத்துவப் படிப்புகளில் அரசு ஒதுக்கீட்டு இடங்களில் சேர்த்துக் கொள்ளப்படுவர் என்ற விதியை தளர்த்த வேண்டும் என்று பாமக நிறுவனர் ராமதாஸ் கோரிக்கை வைத்துள்ளார்.


இது தொடர்பாக அவர் வெளியிட்டுள்ள அறிக்கையில், "தமிழகத்தில் உள்ள மருத்துவக் கல்லூரிகளில் இளநிலை மருத்துவம் (எம்.பி.பி.எஸ்) படித்தவர்கள் மட்டும் தான் முதுநிலை மருத்துவப் படிப்புகளில் (எம்.டி., எம்.எஸ்) உள்ள அரசு ஒதுக்கீட்டு இடங்களில் சேர்த்துக் கொள்ளப்படுவர் என தமிழக அரசு அறிவித்திருக்கிறது. இம்முடிவு தமிழக மாணவர்களுக்கு நன்மை செய்வதைப் போலத் தோன்றினாலும், ஒரு பிரிவு தமிழக மாணவர்களை இது கடுமையாக பாதிக்கும்.


தமிழகத்தில் அரசு மருத்துவக் கல்லூரிகள் மற்றும் தனியார் மருத்துவக் கல்லூரிகளில் உள்ள முதுநிலை மருத்துவப் பட்டப்படிப்புகள் மற்றும் பட்டயப்படிப்பு அரசு ஒதுக்கீட்டு இடங்களுக்கான மாணவர் சேர்க்கை அறிவிக்கை கடந்த 6ம் நாள் வெளியிடப்பட்டது. வரும் 13ம் நாள் வியாழக்கிழமை வரை ஆன்லைனில் விண்ணப்பிக்க கெடு வழங்கப்பட்டுள்ளது. மாணவர் சேர்க்கைக்கான தகுதிகளில் இளநிலை மருத்துவப் படிப்பையும், கட்டாயப் பயிற்சியையும் தமிழகத்தில் மேற்கொண்டவர்கள் மட்டும் தான் முதுநிலை மருத்துவப் படிப்புக்கு விண்ணப்பிக்க முடியும் என்று விளக்கக் குறிப்பில் தெரிவிக்கப் பட்டுள்ளது. ஒருவகையில் இது வரவேற்கத்தக்கது. தமிழக மாணவர்களுக்கு மட்டுமே அரசு ஒதுக்கீட்டு இடங்கள் கிடைக்க வேண்டும் என்ற தமிழக அரசின் விருப்பம் தான் இதற்கு காரணம் என்பது புரிகிறது.


ஆனால், மருத்துவப் படிப்பில் அனைத்திந்திய ஒதுக்கீட்டு இடங்கள், புகழ்பெற்ற மத்திய மருத்துவக் கல்வி நிறுவனங்கள் உள்ள சூழலில், அவற்றில் படித்த தமிழக மாணவர்களின் நலன்களைக் கருத்தில் கொள்ளாமல் இப்படி ஒரு முடிவை தமிழக அரசு எடுத்திருப்பது தவறானது. இந்த முடிவால் பாதிக்கப்படப் போவது தமிழக மாணவர்கள் தான். ஆம், தமிழக மாணவர்களாக இருந்தாலும் கூட அவர்கள் பிற மாநிலங்களில் இளநிலை மருத்துவம் படித்திருந்தால், அவர்களால், அவர்களின் வரிப் பணத்தில் உருவாக்கப்பட்ட தமிழக அரசு மருத்துவக் கல்லூரிகளில் முதுநிலை படிப்புகளில் சேர முடியாது.


நீட் தேர்வில் அதிக மதிப்பெண் பெற்ற தமிழக மாணவர்கள், அதனடிப்படையில் தில்லி எய்ம்ஸ், சண்டிகரில் உள்ள முதுநிலை மருத்துவக் கல்வி மற்றும் ஆராய்ச்சி நிறுவனம், புதுவை ஜிப்மர் உள்ளிட்ட புகழ்பெற்ற கல்வி நிறுவனங்களில் சேர்ந்து படிக்கவே விரும்புவார்கள். அதேபோல், சிலர் குறைந்த மதிப்பெண் பெற்றாலும் அண்டை மாநிலங்களில் உள்ள மருத்துவ நிகர்நிலைப் பல்கலைக்கழகங்களில் மருத்துவப் படிப்பை படிப்பார்கள். அவர்களின் செயல் தவறு இல்லை; அதை எவரும் குறைகூற முடியாது.


பிற மாநிலங்களில் மருத்துவம் படித்தாலும், அவர்கள் தமிழகத்தைச் சேர்ந்தவர்கள். இளநிலை மருத்துவம் படித்து விட்டு தமிழகத்தில் தான் அவர்கள் பணியாற்றுவார்கள். பிற மாநிலங்களில் அவர்கள் மருத்துவம் படித்தது கூட, புகழ்பெற்ற கல்வி நிறுவனங்களில் படிக்க வேண்டும் என்ற எண்ணத்தினாலும், பிற மாநிலங்களில் உள்ள கல்லூரிகளில் தான் இடம் கிடைத்தது என்பதாலும் தானே தவிர, தமிழகத்துக்கு எதிரான மனநிலையால் அல்ல. தமிழகத்தைச் சேர்ந்தவர்கள் பிற மாநிலங்களுக்கு சென்று மருத்துவம் பயில்வது குற்றம் அல்ல. அதை ஏதோ தமிழகத்துக்கு இரண்டகம் செய்வதைப் போல கருதிக்கொண்டு அவர்களுக்கு தமிழகத்தில் உள்ள மருத்துவக் கல்லூரிகளில் முதுநிலை படிப்பில் சேர வாய்ப்பளிக்க மறுப்பது நியாயம் அல்ல. அது காலப்போக்கில் தமிழத்துக்கு தான் பெரும் பாதிப்பை ஏற்படுத்தும்.


தமிழகத்திலிருந்து ஒவ்வொரு ஆண்டும் ஏறக்குறைய 600 மாணவர்கள் பிற மாநிலங்களுக்கு சென்று மருத்துவம் பயில்கிறார்கள். அதேபோல், சில நூறு பேர் வெளிநாடுகளுக்கு சென்று மருத்துவப்படிப்பு படிக்கின்றனர். தமிழகத்தில் இளநிலை மருத்துவம் படித்தவர்கள் மட்டும் தான், தமிழக அரசு ஒதுக்கீட்டு இடங்களில் முதுநிலை மருத்துவம் பயில முடியும் என்ற நிலை ஏற்பட்டால், வருங்காலங்களில் எய்ம்ஸ் உள்ளிட்ட உயர்கல்வி நிறுவனங்களில் மருத்துவம் பயில வாய்ப்பு கிடைத்தாலும் அவர்கள் அதை ஏற்க மாட்டார்கள்; அவர்களும் தமிழகத்தில் உள்ள மருத்துவக் கல்லூரிகளிலேயே இளநிலை மருத்துவம் படிக்க போட்டியிட்டால் போட்டி கடுமையாகும். நிறைவில், ஒவ்வொரு ஆண்டும் மருத்துவம் படிக்கும் தமிழக மாணவர்களின் எண்ணிக்கை 1000 வரை குறையும். இது தமிழகத்துக்கு தான் பாதிப்பு.


மீண்டும் சொல்கிறேன்... தமிழக மருத்துவக் கல்லூரிகளில் இளநிலை மருத்துவம் படித்தவர்கள் மட்டும் தான் முதுநிலை மருத்துவப் படிப்புகளில் உள்ள அரசு ஒதுக்கீட்டு இடங்களில் சேர முடியும் என்ற தமிழக அரசின் அறிவிப்புக்கு பின்னால் உள்ள நோக்கம் பாராட்டத்தக்கது. ஆனால், அதுவே தமிழக மாணவர்களுக்கு பாதிப்பை ஏற்படுத்தும். அந்த விதியை, தமிழக கல்லூரிகளில் படித்த மாணவர்கள் என்பதற்கு மாற்றாக, தமிழக மாணவர்கள் என்று மாற்றினால் கூடுதல் பயன் கிடைக்கும். எனவே, அந்த விதியைத் தளர்த்தி பிற மாநிலங்களில் இளநிலை மருத்துவம் படித்த தமிழக மாணவர்களும் தமிழக அரசு ஒதுக்கீட்டு இடங்களில் முதுநிலை மருத்துவம் பயில தமிழக அரசு அனுமதிக்க வேண்டும்." இவ்வாறு அதில் கூறியுள்ளார்.


-----------------------------------------------------------------------------------------------------------------------------

தமிழகத்தில் முதுநிலை படிப்பை முடித்த மருத்துவர்கள் அரசு மருத்துவமனைகளில் 5 ஆண்டுகள் பணியாற்றுவது கட்டாயம்கோப்புப்படம்

சென்னை: முதுநிலை படிப்பை முடித்த மருத்துவர்கள், அரசு மருத்துவமனைகளில் 5 ஆண்டுகள் கட்டாயம் பணியாற்ற வேண்டும் என அரசு உத்தரவிட்டுள்ளது.

தமிழகத்தில் உள்ள அரசு மருத்துவக் கல்லூரிகளில் 2,100 எம்டி, எம்எஸ் படிப்புகள் உள்ளன. அதில் 1,050 இடங்கள் அகில இந்திய ஒதுக்கீட்டுக்கு ஒதுக்கப்படுகிறது. மீதமுள்ள 1,050 இடங்களில் 50 சதவீத இடங்கள் தொலைதூர கிராமப்புற மற்றும் மலை பகுதிகளில் ஆரம்ப சுகாதார நிலையங்கள் மற்றும் அரசு மருத்துவமனைகளில் பணியாற்றும் மாணவர்களுக்கு ஒதுக்கப்படுகிறது. 525 இடங்கள் இளநிலை அரசு மருத்துவர்களுக்கு ஒதுக்கப்படுகிறது.

முதுநிலை மருத்துவப் படிப்பில் 2023–24 கல்வியாண்டுக்கு மாணவர்கள் விண்ணப்பிப்பது தொடங்கியுள்ளது. அதன்படி, அரசு மருத்துவர்களுக்கான ஒதுக்கீட்டில் சேருவோர், முதுநிலை படிப்பை முடித்தபின், 5 ஆண்டுகள் கட்டாயம் அரசு மருத்துவமனைகளில் பணியாற்ற வேண்டும் என அரசு உத்தரவிட்டுள்ளது. இதுகுறித்து மருத்துவக் கல்வி இயக்கக அதிகாரிகள் கூறியது:

அரசு மருத்துவர்களுக்கான ஒதுக்கீட்டில் முதுநிலை மருத்துவம் படிக்கும் மருத்துவர்கள், படிப்பை முடித்த பிறகு, தனியாகவோ, தனியார் மருத்துவமனைகள் அல்லது வெளிநாடுகளுக்கோ பணியாற்ற செல்கின்றனர். அவர்களுக்கு அரசு ஒதுக்கிய இடங்கள் மற்றும் செலவு செய்த பணம் வீணாகிறது. இவற்றை தடுக்க முதுநிலை படிப்பை முடித்தபின் 2 ஆண்டுகள் அரசு மருத்துவமனைகளில் கட்டாயம் பணியாற்ற வேண்டும் என விதி இருந்தது.

இது, இந்த ஆண்டு முதல் 5 ஆண்டாக அதிகரிக்கப்பட்டுள்ளது. அவ்வாறு பணியாற்ற விரும்பாத டிப்ளமோ முதுநிலை மாணவர்கள், ரூ.20 லட்சமும், முதுநிலை பட்டப்படிப்பு மாணவர்கள் ரூ.40 லட்சமும் செலுத்திவிட்டு தாங்கள் விரும்பும் பணிக்கு செல்லலாம். இல்லையென்றால் சான்றிதழ் வழங்கப்படாது.

NEWS TODAY 09.09.2023

 

மகளிா் உரிமைத் திட்ட விண்ணப்பம்: 13 கேள்விகளுக்கு பதிலளிக்க வேண்டும்

மகளிருக்கு மாதந்தோறும் ரூ. 1,000 வழங்குவதற்கான 'கலைஞா் மகளிா் உரிமைத் திட்ட' விண்ணப்பம் தயாரிக்கப்பட்டுள்ளது.

இதில், 13 கேள்விகளுக்கு பதிலளிப்பதுடன், 4 ஆவணங்களையும் கட்டாயம் எடுத்து வர வேண்டுமென தெரிவிக்கப்பட்டுள்ளது. கேட்கப்பட்டுள்ள விவரங்கள்: விண்ணப்பப் படிவம் இரு பக்கங்களைக் கொண்டுள்ளது. முகப்புப் பக்கத்தில் முன்னாள் முதல்வா் கருணாநிதி, முதல்வா் மு.க.ஸ்டாலின் ஆகியோரின் படங்கள் இடம்பெற்றுள்ளன. முதல் பக்கத்தில் 10 கேள்விகளும், அடுத்த பக்கத்தில் 3 கேள்விகளும் என மொத்தம் 13 கேள்விகளுக்கு விண்ணப்பதாரா்கள் பதில் தர வேண்டும்.

1. ஆதாா் எண், 2. பெயா், 3. குடும்ப அட்டை எண், 4. திருமண நிலை (மணமானவா், மணமாகாதவா், விவகாரத்து பெற்றவா், கைவிடப்பட்டவா், விதவை), 5. தொலைபேசி எண், 6. வசிக்கும் வீட்டின் தன்மை (சொந்த வீடு, வாடகை வீடு) மற்றும் வீட்டின் மின் இணைப்பு எண், 7. வங்கியின் பெயா், 8. வங்கிக் கிளையின் பெயா், 9. வங்கிக் கணக்கு எண், 10. குடும்ப உறுப்பினா்கள் விவரங்கள் (18 வயதுக்கு மேற்பட்ட குடும்பத்தினா் விவரங்களின் பெயா், வயது, தொழில், மாத வருமானம், வருமான வரி செலுத்துபவரா?) ஆகிய கேள்விகள் முதல் பக்கத்தில் இடம்பெற்றுள்ளன.

இரண்டாவது பக்கத்தில் 3 கேள்விகள் கேட்கப்பட்டுள்ளன. அதன்படி, 11. உங்களுக்குச் சொந்த வீடு உள்ளதா? (ஆம் எனில், அரசுத் திட்டத்தின் மூலம் நிதியுதவி பெறப்பட்டதா?), 12. குடும்ப உறுப்பினா்களுக்குச் சொந்த நிலம் உள்ளதா?

(ஆம் எனில், 5 ஏக்கருக்கு மேல் நன்செய் நிலம் உள்ளதா? அல்லது 10 ஏக்கருக்கு மேல் புன்செய் நிலம் உள்ளதா?), 13. குடும்ப உறுப்பினா்கள் யாரிடமாவது காா், ஜீப், டிராக்டா், கனரக வாகனம் போன்ற நான்கு சக்கர வாகனங்கள் உள்ளதா ஆகிய கேள்விகளுக்கு பதிலளிக்க வேண்டும். 11 கட்டுப்பாடுகள்: உரிமைத் தொகையைப் பெற ஆண்டு வருமானம் ரூ.

2.5 லட்சத்துக்கு மேல் இல்லை என்பது உள்பட 11 கட்டுப்பாடுகள் ஏற்கெனவே வெளியிடப்பட்டுள்ளன. இவை உறுதிமொழியாக விண்ணப்பப் படிவத்தின் இறுதியில் தரப்பட்டுள்ளன. அவற்றைப் படித்து இறுதியில் கையொப்பமிட வேண்டும். மிகவும் எளிமையான முறையில், 'டிக்' அடிக்கும் முறையில் கேள்விகள் தரப்பட்டுள்ளன.

குடும்ப உறுப்பினா்களின் பெயா் விவரங்கள் போன்ற ஒருசில தகவல்களை மட்டுமே கையால் எழுத வேண்டியிருக்கும். விண்ணப்ப விநியோகம், அவற்றை பூா்த்தி செய்து அளிக்கும் நடைமுறை ஆகியன அந்தந்த மாவட்ட நிா்வாகங்களால் அறிவிக்கப்பட உள்ளன. மாவட்ட நிா்வாகங்கள் சாா்பில் தகுதியான பயனாளிகள் தோவு செய்யப்பட்டு, விவரங்கள் சிறப்புத் திட்ட செயலாக்கத் துறைக்கு அனுப்பி வைக்கப்பட உள்ளன. பெட்டிச் செய்தி...

4 ஆவணங்கள் கட்டாயம் விண்ணப்பங்களைப் பூா்த்தி செய்து அளிக்கும்போது, அவற்றுடன் 4 ஆவணங்களை கட்டாயம் இணைக்க வேண்டும் எனத் தெரிவிக்கப்பட்டுள்ளது. விண்ணப்பத்தின் முகப்புப் பக்கத்தில் பெரிய எழுத்தில் இந்த விவரம் குறிப்பிடப்படப்பட்டுள்ளது. அதன்படி, ஆதாா் அட்டை, குடும்ப அட்டை, மின் கட்டண ரசீது, வங்கிக் கணக்குப் புத்தகம் ஆகியவற்றை எடுத்து வர வேண்டும் எனக் கூறப்பட்டுள்ளது.

மருத்துவ மாணவர் சேர்க்கை: பறிக்கப்படும் மாநில உரிமை

மருத்துவ மாணவர் சேர்க்கை: பறிக்கப்படும் மாநில உரிமை

நீட் தேர்வில் தமிழக மாணவர் பிரபஞ்சன், 720க்கு 720 மதிப்பெண் பெற்று, தேசிய அளவில் முதலிடம் பெற்றுள்ளார்.

முதல் 10 இடங்களில் 4 தமிழக மாணவர்கள் இடம்பெற்றுள்ளனர்; இது பாராட்டுக்குரியது. இம்மாணவர்களுக்குக் கிடைத்ததுபோல், அனைத்து மாணவர்களுக்கும் வாய்ப்புகளை வழங்கிட அரசு முயல வேண்டும். கூடவே, இன்னொரு பிரச்சினை குறித்தும் கவனம் செலுத்த வேண்டியிருக்கிறது.

மாநில உரிமைப் பறிப்பு: மருத்துவக் கல்வியில் நீட் தேர்வு மூலம் மாநில உரிமையைப் பறித்ததுபோல், தற்போது 'நெக்ஸ்ட்' (NEXT) என்ற தேர்வு மூலமும், அனைத்து இடங்களுக்குமான ஒற்றைச் சாளர மாணவர் சேர்க்கை மூலமும் மாநில உரிமையைப் பறிப்பதற்கான முயற்சிகள் தொடங்கியுள்ளன. 'மாணவர் சேர்க்கையில் காலதாமதம் ஏற்படுகிறது, இடத்தைத் தடுத்துவைப்பது போன்ற முறைகேடுகள் நடக்கின்றன, இடங்கள் காலியாகப் போகின்றன' என்பன போன்ற காரணங்களைக் கூறி, மாநில அரசுகளின் இடங்கள் உள்பட, நாடு முழுவதும் உள்ள 100% மருத்துவ இடங்களுக்கும் மத்திய அரசே மாணவர் சேர்க்கையை நடத்த உள்ளது. இந்த ஆண்டு மட்டும் மாணவர் சேர்க்கையை நடத்திக்கொள்ள தமிழ்நாட்டுக்கு அனுமதி கிடைத்துள்ளது. கல்வி ஒத்திசைவுப் பட்டியலில் (Concurrent List) உள்ளது. இந்நிலையில், மாநில அரசுகளின் ஒப்புதலின்றி நடக்கும் இத்தகைய உரிமைப் பறிப்பு, கூட்டாட்சிக் கோட்பாட்டுக்கு எதிரானதாகும்.

பாதிப்பு என்ன? மத்திய அரசின் இந்த அதிகாரக் குவிப்பு, ஒற்றைச் சாளர மாணவர் சேர்க்கை முறை, தமிழ்நாட்டின் 69% இடஒதுக்கீட்டையும் அருந்ததியர், முஸ்லிம் உள்ஒதுக்கீடுகளையும் அரசுப் பள்ளி மாணவர்களுக்கான 7.5% இடஒதுக்கீட்டையும் பாதிக்கக்கூடும். மாநில அரசு இடஒதுக்கீட்டைத் திறம்படக் கையாள்வதைப் போல், மத்தியக் கலந்தாய்வு கையாளுமா என்ற சந்தேகம் எழுகிறது. மேலும், இம்முறையின் மூலம், முன்னேறிய வகுப்பு ஏழைகளுக்கான 10% இடஒதுக்கீடும் தமிழக இடங்களுக்குப் புகுத்தப்படலாம் எனத் தெரிகிறது.

இளநிலை மாணவர் சேர்க்கைதொடர்பாக, இந்திய அரசிதழில் 02.06.2023 அன்று வெளியிடப்பட்டுள்ள அறிவிப்பில், மாநில அரசுகளின் இடஒதுக்கீடுகள் பின்பற்றப்படும் எனக் கூறப்படவில்லை. நீட் தரவரிசை அடிப்படையில், என்.எம்.சி. இருக்கை அணி (SeatMatrix) அடிப்படையில் மாணவர் சேர்க்கை நடத்தப்படும் என்றே கூறப்பட்டுள்ளது. இது ஐயத்தை வலுப்படுத்துகிறது. இது தவிர, ஒவ்வொரு மாநிலத்திலும் அம்மாநில அரசுகளுக்குத் தனியார், நிகர்நிலை மருத்துவப் பல்கலைக்கழகங்கள் வழங்கும் இடங்களும் பறிபோகும். மாநில அரசும், மத்திய அரசும் தங்களது இடங்களுக்கு மாணவர் சேர்க்கையை நடத்திக்கொள்ளலாம் என தேசிய மருத்துவ ஆணையத்தின் சட்டப் பிரிவு [(NMC Act - 2019) Chapter IV, 14(3)] கூறுகிறது. மத்திய அரசின் ஒற்றைச் சாளர மாணவர் சேர்க்கை, இச்சட்டத்துக்கு எதிரானது.

அகில இந்தியத் தொகுப்பு கூடாது: இளநிலை மருத்துவப் படிப்புகளில் 15% இடங்கள், அகில இந்தியத் தொகுப்புக்கு வழங்கப்படுகிறது; இதுவே மாநில உரிமைகளுக்கு எதிரானதுதான். வடக்கு, வடகிழக்கு மாநிலங்களில் போதிய மருத்துவக் கல்லூரிகள் இல்லாமல் இருந்த காலத்தில், அம்மாநில மாணவர்கள் மருத்துவப் படிப்பை மேற்கொள்ள முடியவில்லை. இதைக் காரணம்காட்டி, 1983இல் பிரதீப் ஜெயின் என்ற மருத்துவர் தொடர்ந்த வழக்கால், உச்ச நீதிமன்றம் அகில இந்தியத் தொகுப்பை 1984இல் உருவாக்கியது. வசிப்பிட அடிப்படையில் (Domicile), மாநிலங்கள் தங்களுக்கென மருத்துவ இடங்களை முழுமையாக வைத்துக்கொள்ளக் கூடாது. குறிப்பிட்ட விழுக்காடு இடங்களை அகில இந்தியத் தொகுப்புக்கு வழங்க வேண்டும் என்றது. இதனால், அரசு மருத்துவ இடங்களை அதிகம் கொண்ட தமிழ்நாடு இழப்புக்குள்ளாகிறது.ஜி.ஆர்.இரவீந்திரநாத்

தற்போது அனைத்து மாநிலங்களிலும் மருத்துவக் கல்லூரிகள் உள்ளன. மாவட்டங்கள்தோறும் மருத்துவக் கல்லூரிகள் தொடங்கப்படுகின்றன. ஏராளமான தனியார் மருத்துவக் கல்லூரிகளும் உள்ளன. ஒவ்வொரு மாநிலத்திலும் எய்ம்ஸ் தொடங்கப்படுகிறது. இந்நிலையில், மாணவர் சேர்க்கையில் நிலவும் குழப்பங்களுக்கும் காலதாமதத்துக்கும் காரணமான அகிலஇந்தியத் தொகுப்பை ரத்து செய்திட வேண்டும். இந்த முறையின் மூலம் மாணவர் சேர்க்கையை நடத்தி முடிக்க 45 நாள்களுக்கு மேல் ஆகிவிடுகிறது என்பது கவனிக்கத்தக்கது.

நடைமுறையை மாற்ற வேண்டும்: மாணவர் சேர்க்கைக் கலந்தாய்வில், நவீனத் தொழில்நுட்பங்களைப் பயன்படுத்தினால், காலதாமதத்தையும் இடங்களைத் தடுத்துவைப்பதையும் முறைகேடுகளையும் தடுக்கலாம். நீட் தேர்வை முன்கூட்டியே நடத்துதல், முடிவுகளை விரைவாக வெளியிடுதல், மாணவர் சேர்க்கையை விரைவாகத் தொடங்குதல், மத்திய-மாநில அரசுகள் ஒரே நேரத்தில் மாணவர்சேர்க்கையை நடத்துதல் போன்ற நடைமுறை மாற்றங்களால் மாணவர் சேர்க்கையில் ஏற்படும் கால தாமதத்தைத் தடுக்க முடியும் இவற்றைச் செய்யாமல், மத்தியில் அதிகாரத்தைக் குவிப்பது, பிரச்சினைகளை மேலும் அதிகரிக்கும்.

இடங்கள் காலியாவது ஏன்? சில ஆண்டுகளாகத் தனியார் மருத்துவக் கல்லூரிகளில் எம்.பி.பி.எஸ்., பி.டி.எஸ்.,ஆயுஷ் மருத்துவ இடங்கள், முதுநிலை-உயர் சிறப்பு மருத்துவ இடங்கள் காலியாகப் போகின்றன. அரசு மருத்துவக் கல்லூரிகளிலும் சில முதுநிலை-உயர் சிறப்பு மருத்துவ இடங்கள் காலியாகப் போகின்றன. கல்விக் கட்டண அதிகரிப்பு, அப்படிப்பை முடித்தோருக்கு வேலைவாய்ப்பின்மை, அப்படிப்புகள் தனியாகத் தொழில் செய்யப் பயன்படாமல் போனது, அவற்றின் சந்தை மதிப்பு குறைந்தது போன்றவை இதற்கு முக்கியக் காரணங்களாகும். கட்டணம் குறைவாக இருப்பதால், மருத்துவப் படிப்புக்காக ஏராளமானோர் வெளிநாடுகளை நாடுகின்றனர். இவற்றை உணராமல், மாணவர் சேர்க்கை முறைதான் மருத்துவ இடங்கள் காலியாகப் போகக் காரணம் என்பது மேம்போக்குப் பார்வையாகும். இதனால் மாநில உரிமை பலியாகிறது.

முறைகேடுகளைத் தடுப்பது எப்படி? கடைசி இடம் நிரம்பும்வரை மத்திய-மாநில அரசுகள் மட்டுமே மாணவர் சேர்க்கையை நடத்த வேண்டும். எக்காரணம் கொண்டும் தனியார் மருத்துவக் கல்லூரிகள் நேரடியாக மாணவர் சேர்க்கையை நடத்த அனுமதிக்கக் கூடாது. முறைகேடுகளுக்குக் காரணமான, மாப்-அப் (mop up counselling), ஸ்ட்ரே (stray counselling) கலந்தாய்வை நடத்திட அந்நிறுவனங்களை அனுமதிக்கக் கூடாது. அனைத்து இடங்களுக்கும் அரசே கட்டணங்களை நிர்ணயிக்க வேண்டும்; ஏழை மாணவர்களுக்கான கட்டணங்களை அரசுகளே ஏற்க வேண்டும். இதுவே, முறைகேடுகளைத் தடுக்கும். தகுதி அடிப்படையிலான மாணவர் சேர்க்கையை உறுதிசெய்யும். ஏழை மாணவர்களுக்கும் பயனளிக்கும்.

காரணங்கள் வேறு: அனைத்து இடங்களுக்கும் மாணவர் சேர்க்கையை மத்திய அரசு நடத்த முனைவதற்கு வேறு மறைமுகக் காரணங்கள் உள்ளதாகச் சந்தேகிக்கப்படுகிறது: பண்பாட்டுத் தேசியத்தை ஏற்றுள்ள மத்திய பாஜக அரசு, மொழிவாரி மாநிலங்களை, மொழி அடிப்படையிலான தேசியத்தை ஏற்கவில்லை. எனவே, மாநில உரிமைகளைப் பல துறைகளிலும் பறிக்கிறது. அதிகாரங்களை மையப்படுத்துகிறது. தேசத்துக்கான ஒரு மருத்துவ முறையை உருவாக்க அது முயல்கிறது. அந்நோக்கில், 2030க்குள் 'ஒரே தேசம், ஒரே மருத்துவ முறை' என்ற இலக்கை அடைய முயற்சிகள் மேற்கொள்ளப்படுகின்றன. அதோடு, மருத்துவக் கல்விச் சந்தையை, உலகக் கல்விச் சந்தையுடன் இணைந்த, ஒற்றைத் தேசியச் சந்தையாக மாற்ற மத்திய அரசு முயல்கிறது. நீட், நெக்ஸ்ட் போன்ற தேர்வுகளும் தேசிய மருத்துவ ஆணையச் சட்டமும் ஒற்றைச் சந்தை நோக்கத்துக்கு உதவுகின்றன. மத்திய அரசு மட்டுமே நடத்த உள்ள ஒற்றைச் சாளர மாணவர் சேர்க்கை, அந்நோக்கத்துக்கு மேலும் துணைபுரியும்.

மருத்துவக் கல்வி வணிகத்துக்கு, மாநிலங்களைக் கடந்த ஒற்றைச் சந்தை வேண்டும் என்ற பெருநிறுவனங்களின் லாப வேட்கையும், 'ஒரே தேசம், ஒரே மருத்துவ முறை' என்கிற மத்திய அரசின் நோக்கமும் நிறைவேற, மருத்துவக் கல்வியில், மையப்படுத்தப்பட்ட அதிகாரக் குவிப்பு தேவைப்படுகிறது. மத்திய அரசு இப்போது மேற்கொண்டு இருப்பது அதைத்தான்!

- மருத்துவர்; சமத்துவத்துக்கான டாக்டர்கள் சங்கத்தின், பொதுச் செயலாளர்.

தொடர்புக்கு: daseindia2021@gmail.com

To Read in English: Medical course admissions: How states are robbed of rights

Source : www.hindutamil.in