மத்திய பட்ஜெட் 2017 - 2018: முக்கிய அம்சங்கள்

2017- 2018 பொது பட்ஜெட்டை நிதி அமைச்சர் அருண் ஜேட்லி, மக்களவையில் இன்று (புதன்கிழமை) காலை 11.08 மணியளவில் தாக்கல் செய்தார். முதன்முறையாக பொது பட்ஜெட்டுடன் ரயில்வே பட்ஜெட் இணைக்கப்பட்டுள்ளது.

மத்திய பட்ஜெட்டின் முக்கிய அம்சங்கள்:

* ரூ.2.5 லட்சம் முதல் ரூ.5 லட்சம் வரையில் வருமானம் பெறும் தனி நபர்களுக்கு வருமான வரி விகிதம் 10%-ல் இருந்து 5% ஆக குறைக்கப்பட்டுள்ளது. வருமான வரி விலக்கு பெறுவதற்கான உச்ச வரம்பில் மாற்றம் ஏதும் செய்யப்படவில்லை. ரூ.50 லட்சம் முதல் ரூ.1 கோடி வரை வருமானம் பெறுபவர்களுக்கு 10% கூடுதல் வரி விதிக்கப்படும்.

* பெண்கள் மற்றும் குழந்தைகள் நலனுக்காக ரூ.1.84 லட்சம் கோடி ஒதுக்கப்பட உள்ளது.

'அரசியல் கட்சிகளுக்கான நன்கொடையில் வெளிப்படைத்தன்மை'

அரசியல் கட்சிகளுக்கான நன்கொடையில் வெளிப்படைத்தன்மையை உறுதி செய்யும் வகையில் இந்த பட்ஜெட்டில் சில அறிவிப்புகள் வெளியிடப்பட்டுள்ளன. அதன்படி, அரசியல் கட்சிகள் இனி ரொக்கமாக ரூ.2000 மட்டுமே நன்கொடையாக பெற முடியும். இதுநாள் வரை ரொக்கமாக ரூ.20,000 வரை நன்கொடை பெறலாம் என்ற நடைமுறை இருந்தது. அதேவேளையில் அரசியல் கட்சிகள் காசோலை மூலமாகவோ டிஜிட்டல் பரிவர்த்தனையின் மூலமாகவோ நன்கொடை பெறத் தடை ஏதுமில்லை எனத் தெரிவிக்கப்பட்டுள்ளது.

ரொக்கப் பண பரிவர்த்தனைக்கு கெடுபிடி:

ரூ.3 லட்சத்துக்கு மேலான பரிவர்த்தனையை ரொக்கமாக மேற்கொள்ள முடியாது. கறுப்புப் பண ஒழிப்புக்கான சிறப்பு புலனாய்வு குழு பரிந்துரையின்படி இந்த நடைமுறை அமல்படுத்தப்படவிருக்கிறது. இதற்கு ஏற்ப வருமான வரிச் சட்டங்களில் திருத்தம் கொண்டுவரப்படும்.

டிஜிட்டல் பொருளாதாரம்:

ஊழலை ஒழிக்கவும், நிதிக் கட்டுப்பாட்டை ஏற்படுத்தவும் டிஜிட்டல் பொருளாதாரம் உதவும். தற்போது டிஜிட்டல் பரிவர்த்தனைகள் அதிகரித்திருப்பதற்கான ஆதாரங்கள் உள்ளன.

மாபெரும் டிஜிட்டல் புரட்சிக்கான ஆரம்பப்புள்ளியில் இந்தியா இருக்கிறது. டிஜிட்டல் பரிவர்த்தனைகளை அதிகப்படுத்தும் வகையில் நடவடிக்கைகள் எடுக்கப்பட்டு வருகின்றன. பணமற்ற பரிவர்த்தனைகளை மேற்கொள்ளும் வகையில் 'பீம்' செயலி, போனஸைப் பரிந்துரை செய்யும் திட்டம் மற்றும் வணிகர்களுக்கு 'கேஷ் பேக்' திட்டம் ஆகியவை அறிமுகப்படுத்தப்பட்டன.

125 லட்சம் மக்கள் பீம் செயலியைப் பயன்படுத்தினர். இந்த வருடம் மட்டும் கூடுதலாக 10 லட்சம் ஸ்வைப்பிங் இயந்திரங்கள் வாங்கப்பட்டுள்ளன. செப்டம்பர் 2017-ல் 20 லட்சம் ஆதார் சார்ந்த பிஓஎஸ் இயந்திரங்கள் பயன்பாட்டுக்கு வரும்.

சாமானியர்கள் டிஜிட்டல் முறைக்கு மாறுவது ஏராளமான பயன்களை அளிக்கும். ஆர்பிஐயின் பழைய கட்டண ஒழுங்குமுறை வாரியம் புதிதாக மாற்றியமைக்கப்படும்.

* 1.5 லட்சம் துணை சுகாதார மையங்கள் சுகாதார மற்றும் ஆரோக்கிய மையங்களாக மாற்றப்படும்.

ஏழைகளின் உடல்நலத்தைக் காக்கும் வகையில் அரசு ஒரு செயல்திட்டத்தைத் தயாரித்துள்ளது. 2025-க்குள் காசநோய் முழுமையாக ஒழிக்கப்படும்.

ஜார்க்கண்ட் மற்றும் குஜராத்தில் புதிதாக இரண்டு எய்ம்ஸ் மருத்துவமனைகள் உருவாக்கப்படும்.

தாழ்த்தப்பட்டோருக்கு அளிக்கப்படும் நிதியுதவி ரூ. 52,393 கோடியாக உயர்த்தப்பட்டுள்ளது.

* பொருளாதார குற்றங்களில் ஈடுபட்டுவிட்டு நாட்டைவிட்டு தப்பியோடுபவர்களின் சொத்துக்களை முடக்க புதிய சட்டம் இயற்றப்படும்.

* தலைமை தபால் அலுவலகங்களில் பாஸ்போர்ட் விநியோகிக்க வழிவகை செய்யப்படும்.

ஐஆர்சிடிசி டிக்கெட் முன்பதிவுக்கு சேவைக் கட்டணம் ரத்து:

ஐஆர்சிடிசி இணையதளம் மூலம் ரயில் டிக்கெட் முன்பதிவு செய்வோருக்கு சேவைக் கட்டணம் ரத்து செய்யப்படுகிறது. நாடு முழுவதும் 500 ரயில் நிலையங்கள் மாற்றுத்திறனாளிகளும் எளிதில் பயன்படுத்தும் அளவுக்கு வடிவமைக்கப்படும். 2017 - 18 நிதியாண்டில் ரயில்வே துறைக்கு ரூ.1,31,000 கோடி ஒதுக்கீடு செய்யப்படுகிறது. இதில் ரூ. 51,000 கோடி அரசு பங்களிப்பாக இருக்கும். இந்த நிதியாண்டில் 3,500 கி.மீ. தூரத்துக்கு ரயில்வே இருப்புப் பாதை அமைக்கப்படும். கடந்த ஆண்டு 2,800 கி.மீ. ரயில் இருப்புப் பாதை அமைக்கப்பட்டது. 7,000 ரயில் நிலையங்கள் சூரிய மின் திட்டத்தின் கீழ் இயக்கப்படும். ரயில்வே வாரியத்தின் செலவினங்கள், ரயில்வே சேவை மீதான சமூக எதிர்பார்ப்புகள், சேவை தரம், ரயில்வே துறை எதிர்கொள்ளும் போட்டி ஆகியனவற்றின் அடிப்படையில் ரயில் கட்டணங்கள் நிர்ணயிக்கப்படும்.

உயர் கல்விக்கு நிதியுதவி:

உயர் கல்வியில் புதிய கண்டுபிடிப்புக்களுக்கு நிதியுதவி வழங்கப்படும். யுஜிசியில் சீர்திருத்தங்கள் மேற்கொள்ளப்படும். அங்கீகாரம், தரவரிசை மற்றும் தன்னாட்சி அந்தஸ்தின் அடிப்படையில் கல்லூரிகள் அடையாளம் காணப்படும்.

இளைஞர்களின் திறமையை ஊக்குவிக்கும் வகையில் 'ஸ்கில் இந்தியா' திட்டம் 2015-ம் ஆண்டில் அறிமுகப்படுத்தப்பட்டது. இதில் நாடு முழுக்க 100 சர்வதேச இந்திய திறன் வளர் மையங்கள் நிறுவப்பட உள்ளன.

ஜவுளித்துறையில் வேலை வாய்ப்பை உருவாக்கும் வகையில் ஏற்கெனவே ஒரு சிறப்புத் திட்டம் அறிமுகப்படுத்தப்பட்டது. அதேபோல தோல் மற்றும் காலணி துறைகளிலும் புதிய திட்டங்கள் உருவாக்கப்படும்.

கிராமப்புற மேம்பாடு:

கிராமப்புற மேம்பாட்டுக்காக பல்வேறு திட்டங்கள் வகுக்கப்பட்டுள்ளன. பிரதான் மந்திரி கிராமப்புற சாலை மேம்பாட்டுத் திட்டத்துக்கு இந்த நிதியாண்டில் ரூ.27,000 கோடி ஒதுக்கீடு செய்யப்படுகிறது. வரும் மார்ச் 2018-க்குள் அனைத்து கிராமப்புறங்களிலும் மின் வசதி செய்து தரப்படும். நாடு முழுவதும் ப்ளூரைடு பாதிப்புள்ள 28,000 குடிநீர் ஆதாரங்கள் அடுத்த 4 ஆண்டுகளில் சுத்தப்படுத்தப்பட்டு பொதுமக்களுக்கு சுத்தமான, சுகாதாரமான குடிநீர் வழங்கப்படும். கிராமப்புற சுகாதாரம் கடந்த 2013-ம் ஆண்டில் இருந்ததைக் காட்டிலும் பலமடங்கு அதிகரித்துள்ளது. கிராமங்களில் திறந்தவெளி கழிப்பிட பயன்பாடு வெகுவாகக் குறைந்துள்ளது.

தேசிய ஊரக வேலை வாய்ப்புத் திட்டம்:

தேசிய ஊரக வேலை வாய்ப்புத் திட்டத்தில் பெண்களின் பங்களிப்பு 55% ஆக அதிகரிக்கப்பட்டிருக்கிறது. கடந்த நிதியாண்டில் (2016 - 2017) பெண்கள் பங்களிப்பு 40% ஆக இருந்தது. தேசிய ஊரக வேலை வாய்ப்புத் திட்டத்தை மேலும் வலுப்படுத்த விண்வெளி தொழில்நுட்பங்கள் பயன்படுத்தப்படும். 100 நாள் வேலைதிட்டத்துக்கு இதுவரை இல்லாத அளவுக்கு ரூ.48,000 கோடி ஒதுக்கீடு செய்யப்படுகிறது.

வேளாண் துறைக்கான அறிவிப்புகள்:

இந்த நிதியாண்டில் வேளாண் துறை வளர்ச்சி 4.1% இருக்கும் என எதிர்பார்க்கப்படுகிறது. கடந்த ஆண்டை ஒப்பிடும்போது ராபி பருவத்தில் இந்த ஆண்டு பயிரிடப்பட்ட நிலப்பரப்பின் ஏக்கர் கணக்கு அதிகம். 2017 - 18 நிதியாண்டில் விவசாயிகள் கடன் இலக்கு ரூ.10 லட்சம் கோடியாக நிர்ணயிக்கப்பட்டுள்ளது. இந்த ஆண்டு 10 லட்சம் விவசாயிகளுக்கு கடன் வழங்கப்பட்டிருக்கிறது. அடுத்த 5 ஆண்டுகளில் வேளாண் வருவாயை 5 மடங்கு அதிகரிக்க வேண்டும் என திட்டமிடப்பட்டிருக்கிறது. நீர்ப்பாசனத்துக்காக ரூ,40,000 கோடி ஒதுக்கீடு செய்யப்பட்டுள்ளது. 2019 ஆண்டின் இறுதியில் 50,000 கிராம பஞ்சாயத்துகள் வறுமையின் பிடியிலிருந்து விடுவிக்கப்படும். நுண் சொட்டு நீர் பாசனத்துக்கு தொடக்க மூலதனமாக ரூ.5000 கோடி ஒதுக்கப்படுகிறது.

2017 - 2018 பட்ஜெட் 10 முக்கிய கருப்பொருள்:

2017 - 18 மத்திய பட்ஜெட் 10 முக்கிய கருப்பொருளின் அடிப்படையில் வடிவமைக்கப்பட்டிருப்பதாக நிதியமைச்சர் ஜேட்லி தெரிவித்தார்.

1. விவசாயிகள் நலன் 2. கிராமப்புற மக்கள் நலன் 3. இளைஞர் மேம்பாடு 4. ஏழை, எளிய மக்களின் ஆரோக்கியத்தை பேணுதல் 5. உட்கட்டுமான மேம்பாடு 6. வலுவான நிறுவனங்களுக்கு பிரத்யேக நிதித்துறை 7. பொது சேவை 8. பொறுப்புகளை துரிதமாக செயல்படுத்துதல் 9. நேர்மையானவர்களுக்கு ஏற்ற வரிவிதிப்பு 10. விவேகமான நிதி மேலாண்மை ஆகிய 10 கருப்பொருளின் அடிப்படையில் வடிவமைக்கப்பட்டிருக்கிறது.

* வறுமைக்கோட்டுக்கு கீழ் உள்ள ஒரு கோடி குடும்பங்களை ஏழ்மையிலிருந்து மீட்க புதிய திட்டம் வகுக்கப்படுகிறது.

* உற்பத்தித் துறையில் இந்தியா தற்போது 6-வது இடத்தில் இருக்கிறது. முன்னதாக 9-வது இடத்தில் இருந்தது. இந்திய பொருளாதாரம் வியத்தகு சீர்திருத்தங்களைக் கண்டுள்ளது.

* கறுப்புப் பணத்துக்கு எதிராக மத்திய அரசு போர் தொடுத்திருக்கிறது.

* பண மதிப்பு நீக்கம் நீண்ட கால பலனைத் தரும். டிஜிட்டல் பணப் பரிவர்த்தனையை சாத்தியமாக்கும். பண மதிப்பு நீக்க நடவடிக்கைக்கு மக்கள் ஒத்துழைப்பு அளித்துள்ளனர். பல காலமாக நடந்துவந்த வரி ஏய்ப்பை பண மதிப்பு நீக்கம் தடுத்துள்ளது. டிஜிட்டல் பரிவர்த்தனையால் ஊழல் குறைந்திருக்கிறது.

நல்ல நோக்கங்கள் தோற்பதில்லை என்பது மகாத்மா காந்தியின் வாக்கு. அதன்படி கறுப்புப் பண ஒழிப்பு நடவடிக்கையான பண மதிப்பு நீக்கம் ஒரு போதும் தோல்வியடையாது. பண மதிப்பு நீக்கத்தின் மூலம் ஜிடிபி உயரும், வரி வசூல் அதிகரிக்கும்.

* ஜி.எஸ்.டி. வரியை அமல்படுத்துவதில் உள்ள சிக்கல்கள் நீங்கி முன்னேற்றம் ஏற்பட்டுள்ளது.

* நாட்டின் பணவீக்கம் கட்டுக்குள் உள்ளது. இரண்டு இலக்கத்தில் இருந்த பணவீக்கம் கட்டுக்குள் கொண்டுவரப்பட்டுள்ளது.

காலை 11.08 மணியளவில் பொது பட்ஜெட் தாக்கல் செய்யப்பட்டது. 3-வது முறையாக பட்ஜெட்டை தாக்கல் செய்தார் அருண் ஜேட்லி.

நாடாளுமன்ற பட்ஜெட் கூட்டத் தொடர் நேற்று (செவ்வாய்க்கிழமை) தொடங்கியது. முதல் நாள் கூட்டுக் கூட்டத்தில் குடியரசுத் தலைவர் பிரணாப் முகர்ஜி உரையாற்றினார். பொருளாதார ஆய்வறிக்கை தாக்கல் செய்யப்பட்டது.

அவையில் குழப்பம்:

இன்று காலை அவை கூடியதும் காங்கிரஸ் உறுப்பினர் இ.அகமது மறைவுக்கு இரங்கல் தெரிவிக்கப்பட்டது. உறுப்பினர்கள் ஒரு நிமிடம் மவுன அஞ்சலி செலுத்தினர். பின்னர் அறிவிப்பு ஒன்றை வாசித்த மக்களவை சபாநாயகர் சுமித்ரா மகாஜன், "வழக்கமாக அவை உறுப்பினர் மறைந்தால் அவை ஒத்திவைக்கப்படுவது மரபு. ஆனால், இன்று 2017 - 2018 பட்ஜெட் தாக்கல் செய்யப்படுவது என ஏற்கெனவே குடியரசுத் தலைவர் ஒப்புதலுடன் திட்டமிடப்பட்டதால் இன்று பட்ஜெட் தாக்கல் செய்யப்படும். இதற்கு பதிலாக நாளை அவை ஒத்திவைக்கப்படும் என்றார். இதற்கு காங்கிரஸ் கட்சியின் மல்லிகார்ஜூன் கார்கே கடும் எதிர்ப்பு தெரிவித்தார். கடும் அமளிக்கு இடையே பட்ஜெட்டை காலை 11.08 மணிக்கு அருண் ஜேட்லி தாக்கல் செய்தார்.

முதன்முறையாக..

மக்களவையில் 2017-2018-ம் நிதியாண்டுக்கான பொது பட்ஜெட்டை மத்திய நிதியமைச்சர் அருண் ஜேட்லி இன்று காலை 11.08 மணிக்கு தாக்கல் செய்தார். முதல் முறையாக பொது பட்ஜெட்டுடன் ரயில்வே பட்ஜெட் இணைக்கப்பட்டிருக்கிறது. இதேபோல முதல்முறையாக பிப்ரவரி 28-க்குப் பதிலாக பிப்ரவரி 1-ம் தேதியே பொது பட்ஜெட் தாக்கல் செய்யப்பட்டுள்ளது.

ட்விட்டரில் பதிலளிக்கிறார் ஜேட்லி:

பட்ஜெட் குறித்து நிதியமைச்சர் அருண் ஜேட்லி கூறும்போது, "மக்களவையில் புதன்கிழமை பொதுபட்ஜெட்டை தாக்கல் செய்கிறேன். அதைத் தொடர்ந்து பட்ஜெட் தொடர்பாக ட்விட்டரில் எழுப்பப்படும் கேள்விகளுக்கு பதில் அளிப்பேன்" எனக் குறிப்பிட்டிருந்தார்.

மருத்துவ நுழைவுத் தேர்வு : தமிழக அரசின் சட்டம் மாணவர்களை திசைதிருப்புகிறதா?- தொல்.திருமாவளவன் கேள்வி

மருத்துவ நுழைவுத் தேர்வு குறித்த தமிழக அரசின் சட்டம் மாணவர்களை திசை திருப்பு முயற்சியா என்று விடுதலைச் சிறுத்தைகள் தலைவர் தொல்.திருமாவளவன் கேள்வி எழுப்பியுள்ளார்.

இது தொடர்பாக அவர் வெளியிட்டுள்ள அறிக்கை வருமாறு:

நடைபெற்றுவரும் சட்டமன்ற கூட்டத் தொடரில் ‘'2017ம் ஆண்டு, தமிழ்நாடு மருத்துவ அறிவியல் இளநிலை மற்றும் பல் மருத்துவ இளநிலை படிப்புகள் சேர்க்கைக்கான சட்டம்' என்ற பெயரில் புதிய சட்டத்துக்கான மசோதாவை தாக்கல் செய்திருக்கிறது. அதுபோலவே முதுநிலைப் படிப்புகளுக்கான சட்ட மசோதாவும் தாக்கல் செய்யப்பட்டுள்ளது. இந்த சட்டங்கள் இயற்றப்படுவதால் தமிழக மாணவர்கள் நீட் நுழைவுத் தேர்வு எழுதவேண்டியதில்லை என தமிழக அரசு கூறியுள்ளது.

நீட் நுழைவுத் தேர்வுக்கான சட்டம் மத்திய அரசால் முதலில் அவசர சட்டமாகப் பிறப்பிக்கப்பட்டு பின்னர் கடந்த ஜூலை 2016 இல் நாடாளுமன்றத்தில் நிறைவேற்றப்பட்டு சட்டமாகியுள்ளது. இந்திய மெடிக்கல் கவுன்சில் (திருத்த) சட்டம் 2016 என அழைக்கப்படும் அந்த சட்டம் இப்போது அரசிதழில் வெளியிடப்பட்டு அரசியலமைப்புச் சட்ட அங்கீகாரத்தைப் பெற்றுள்ளது.

மத்திய அரசின் அதிகார பட்டியலில் உள்ள 66 ஆவது பிரிவு உயர்கல்வியின் தரத்தை நிர்ணயிக்க மத்திய அரசுக்கு அதிகாரம் வழங்குகிறது. அந்த அதிகாரத்தின் அடிப்படையிலும், உச்சநீதிமன்றம் வழங்கிய தீர்ப்பின் அடிப்படையிலும், இந்திய மருத்துவ கவுன்சிலின் பரிந்துரைகளின் அடிப்படையிலும்தான் மத்திய அரசால் நீட் நுழைவுத் தேர்வுக்கான சட்டம் நிறைவேற்றப்பட்டுள்ளது.

மத்திய அரசு சட்டத்துக்கு திருத்தம் செய்தோ அல்லது அதற்கு முரணாகவோ மாநில அரசு சட்டம் இயற்றினால் அது செல்லுபடியாகாது. எனவே, நுழைவுத் தேர்வு தேவையில்லை என இப்போது தமிழக அரசு கொண்டுவந்துள்ள சட்டங்கள் ரத்தாவது உறுதியென சட்ட வல்லுனர்கள் கருத்து தெரிவிக்கின்றனர். எனவே, இந்த சட்டத்தைக் கொண்டுவருவதற்கு முன்பு தமிழக அரசு அரசு தலைமை வழக்கறிஞரின் ஆலோசனையைப் பெறவில்லையா ? அல்லது அவர் தமிழக அரசைத் தவறாக வழி நடத்துகிறாரா ? என்ற கேள்வி நமக்கு எழுகிறது.

தற்போதுள்ள சேர்க்கை முறை கிராமப்புற ஏழை எளிய மாணவர்கள் மருத்துவப் படிப்பில் சேர உதவியாக இருக்கிறது என்பதுபோல சிலர் பேசுகின்றனர். அது தவறு என்பதை மருத்துவக் கல்லூரிகளில் சேர்ந்த மாணவர்களின் புள்ளிவிவரம் எடுத்துக்காட்டுகிறது. 2014-15 ஆம் ஆண்டில் அரசுப் பள்ளியில் படித்து மருத்துவப் படிப்பில் சேர்ந்த மாணவர்கள் வெறும் 37 பேர்; 2015-16 ஆம் ஆண்டில் அது 24 ஆகக் குறைந்துவிட்டது. மருத்துவப் படிப்பில் 95% இடங்களை தனியார் பள்ளி மாணவர்களே பெறுகிறார்கள். பள்ளிக் கல்வியும் மருத்துவக் கல்வியும் பணம் இருப்பவர்களுக்கு மட்டும்தான் என்ற நிலையை மாநில அரசு உருவாக்கிவிட்டு, கிராமப்புற மாணவர்களுக்கு உதவவே சட்டம் கொண்டுவருகிறோம் என்பது ஏற்புடையதல்ல.

தனியார் மருத்துவக் கல்லூரிகளின் பகல் கொள்ளையை தடுத்து நிறுத்தாமல், பள்ளிக் கல்வியின் தரத்தை உயர்த்துவதற்கு அக்கறை காட்டாமல், கல்வியை மீண்டும் மாநிலப் பட்டியலுக்குக் கொண்டுவரக் குரல் கொடுக்காமல் இப்படி சட்டங்களை நிறைவேற்றுவது மாநில அரசு தனது பொறுப்பை தட்டிக்கழிப்பதற்காக மட்டுமே பயன்படும். இதை நம்பி தமிழக மாணவர்கள் நீட் நுழைவுத் தேர்வுக்குத் தயாராகாமல் இருந்துவிட்டால் அவர்களின் எதிர்காலம்தான் பாதிக்கப்படும்.

தமிழக மாணவர்களின் எதிர்காலத்தைக் கருத்தில்கொண்டு தமிழக அரசு நடவடிக்கை எடுக்கவேண்டும். பொது நுழைவுத் தேர்வு வேண்டாம் எனக் கூறுகிற மாநிலங்களுக்கு விலக்களிக்கும் விதமாக இந்திய மருத்துவ கவுன்சில் சட்டத்தில் திருத்தம் கொண்டுவர மத்திய அரசை வலியுறுத்தவேண்டும் என விடுதலைச் சிறுத்தைகள் கட்சியின் சார்பில் தமிழக அரசை கேட்டுக்கொள்கிறோம்.

திமுக எம்எல்ஏவை புகழும் ஓபிஎஸ்; பேரவைத் தலைவரை பாராட்டும் ஸ்டாலின்: சட்டப்பேரவையில் அரசியல் நாகரிகம் தொடருமா? எதிர்பார்ப்பில் தமிழக மக்கள்

தமிழக சட்டப்பேரவையில் கடந்த 23-ம் தேதி தொடங்கிய 2017-ம் ஆண்டின் முதல் கூட்டத் தொடரில் ஆளும் அதிமுகவும், பிரதான எதிர்க்கட்சியான திமுகவும் நடந்துகொண்ட விதம் அனைவரையும் வியப்பில் ஆழ்த்தியுள்ளது.

நாடாளுமன்றத்தில் காங்கிரஸ் - பாஜக எம்பிக்கள் கடுமையாக மோதிக் கொள்வார்கள். ஆனால், சற்றுநேரத்தில் நாடாளுமன்ற உணவகத்தில் ஒன்றாக அமர்ந்து உணவருந்துவார்கள். அரசு நிகழ்ச்சிகளிலும், திருமணம் போன்ற நிகழ்வுகளிலும் கலந்துகொண்டு நட்பை வெளிப்படுத்துவார்கள். மற்ற மாநிலங்களிலும் இதேநிலைதான்.

ஆனால் தமிழக அரசியல் களத்தில் எதிரெதிராக இருக்கும் திமுக, அதிமுக வைச் சேர்ந்தவர்கள் தனிப்பட்ட முறை யிலும் எதிரிகளைப் போல நடந்து கொள்வார்கள். சட்டப்பேரவை, தலைமைச் செயலகம் போன்ற அரசு அலுவலகங்கள், பொது நிகழ்ச்சிகளில் ஒருவரையொருவர் பார்த்துக் கொண்டா லும் பேசிக்கொள்ள மாட்டார்கள்.

அதிமுகவினரின் குடும்ப நிகழ்ச்சிகளில் திமுகவினரும், திமுகவினரின் குடும்ப நிகழ்ச்சிகளில் அதிமுகவினரும் கலந்து கொண்டாலோ, அதிமுக - திமுக பிரமுகர்கள் பேசிக் கொண்டாலோ அதுதான் மறுநாள் தமிழக பத்திரிகைகளில் தலைப்புச் செய்தியாக வரும். இதுதான் தமிழக அரசியல் கலாச்சாரமாக இருந்து வருகிறது.

கடந்த 30 ஆண்டுகளில் சட்டப்பேரவை உணவகத்தில் கூட அதிமுக - திமுக எம்.எல்.ஏ.க்கள் ஒன்றாக தேநீர் அருந்தியதையோ, சாப்பிட்டதையோ யாரும் பார்த்திருக்க முடியாது. ஆனால், இப்போது நிலைமை தலைகீழாக மாறி தமிழகத்திலும் அரசியல் நாகரிகம் துளிர்க்க ஆரம்பித்துள்ளது.

2017-ம் ஆண்டுக்கான பேரவையின் முதல் கூட்டத் தொடர் பொறுப்பு ஆளுநர் வித்யாசாகர் ராவின் உரையுடன் கடந்த 23-ம் தேதி தொடங்கியது. எப்போதும் இல்லாத வழக்கமாக பேரவை உள் வளாகத்திலும், உணவகத்திலும் அதிமுக - திமுக எம்.எல்.ஏ.க்கள் சகஜமாக பேசிக் கொள்வதைக் காண முடிந்தது.

24-ம் தேதி மறைந்த முதல்வர் ஜெயலலிதாவுக்கு இரங்கல் தெரிவிக்கும் தீர்மானத்தின் மீது பேசிய எதிர்க்கட்சித் தலைவர் மு.க.ஸ்டாலின், ஜெயலலிதாவின் துணிவைப் பாராட்டி பேசினார். மீண்டும் 27-ம் தேதி சட்டப்பேரவை கூடியது. கேள்வி நேரம், பூஜ்ய நேரம், ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதங்களில் அதிமுக - திமுக எம்.எல்.ஏ.க்கள் நடந்துகொண்ட விதம் அரசியல் நாகரிகத்துக்கு வித்திடுவதாகவே இருந்தது.

முன்பெல்லாம் கேள்வி நேரத்தின் போது கூட அதிமுக எம்.எல்.ஏ.க்கள் திமுகவைச் சீண்டுவார்கள். திமுக தலைவர் கருணாநிதியை மறைமுகமாக தாக்குவார்கள். திமுகவினர் எதிர்த்தால் யாருடைய பெயரையும் உறுப்பினர் குறிப்பிடவில்லையே என அமைச்சர்கள் சமாளிப்பார்கள். பதிலுக்கு திமுகவினரும் சீண்டுவார்கள்.

பூஜ்ய நேரம் என்பது முக்கியப் பிரச்சினைகளையும், கவன ஈர்ப்பு, ஒத்திவைப்பு தீர்மானங்களை எழுப்பும் நேரம் என்பதால் எப்போதும் அனல் பறக்கும். கடந்த 5 ஆண்டுகளில் பூஜ்ய நேரத்தில் வெளிநடப்புகள் இல்லாமல் இருந்ததில்லை. விவாதங்களின்போது திமுக தலைவரின் குடும்பத்தை அதிமுகவினரும், அதிமுக தலைவரின் குடும்பத்தை திமுகவினரும் விமர்சிப்பார்கள்.

ஆனால், இந்தக் கூட்டத் தொடரில் தனிப்பட்ட தாக்குதல்கள், சீண்டுதல்கள் இல்லை. பேரவைத் தலைவரை அடிக்கடி ஸ்டாலின் பாராட்டுவதைப் பார்க்க முடிகிறது. திமுக உறுப்பினர் ஜெ.அன்பழகன் பேசினால் அது கூச்சல் குழப்பத்தில்தான் முடியும். பலமுறை அவர் இடைநீக்கம் செய்யப்பட்டிருக்கிறார்.

ஆனால், கடந்த 27-ம் தேதி ஜெ.அன்பழகன் பேச்சை கேட்ட முதல்வர் ஓ.பன்னீர்செல்வம், “மிகுந்த பொறுப்புடன் அமைதியாக சொல்ல வேண்டியதைப் பதிவு செய்தார். நாம் எதிர்பார்த்தது போலவே சட்டப்பேரவை நடந்து வருகிறது'' என பாராட்டினார். முன்பெல்லாம் இதனை நினைத்துக் கூட பார்க்க முடியாது.

சென்னை கடல் பகுதியில் கச்சா எண்ணெய் கலந்து மீன்கள் செத்து மிதப்பது குறித்து திமுக உறுப்பினர் கே.பி.பி.சாமி கேள்வி எழுப்பினார். அவரை முழுமையாக பேச வேண்டும் திமுகவினர் கோஷமிட்டனர். அப்போது குறுக்கிட்ட ஸ்டாலின், பூஜ்ய நேரத்தில் திமுக உறுப்பினர்கள் 3 பேருக்கு வாய்ப்பளித்த பேரவைத் தலைவருக்கு நன்றி என்றார். அதனைத் தொடர்ந்து அப்பிரச்சினை குறித்து விளக்கமாக பேச ஸ்டாலினுக்கு அனுமதி அளிக்கப்பட்டது.

சட்டப்பேரவை இப்படி இணக்கமாக சென்று கொண்டிருப்பதை மூத்த பத்திரிகையாளர்கள் ஆச்சரியத்துடனும், மகிழ்வுடனும் பார்த்துக் கொண்டிருந்தனர். ஆனால் இதற்கு வேட்டு வைப்பதுபோல நேற்று ஸ்டாலின் பேசும்போது, திமுக உறுப்பினர்களும், அமைச்சர்களும் மோதிக் கொண்டனர். இதனால் மீண்டும் துளிர்த்த அரசியல் நாகரிகம் தொடருமா என்ற கேள்வியும் பொதுமக்களிடம் எழுந்துள்ளது.

இது தொடர்பாக எம்.ஜி.ஆர். காலத்தில் அமைச்சராக இருந்த எச்.வி.ஹண்டேவிடம் கேட்டபோது, “கடந்த சில நாட்களாக சட்டப்பேரவை நிகழ்வுகளைப் பார்க்கும்போது காமராஜர், அண்ணா காலத்தை நினைவுபடுத்துகிறது. இது மகிழ்ச்சியாக இருக்கிறது. சில நேரங்களில் காரசாரமான விவாதங்கள் இருந்தாலும் காழ்ப்புணர்ச்சி இல்லாமல், விரும்பத்தகாத வார்த்தைகளைப் பயன்படுத்தாமல் பேசுகின்றனர். இந்த ஆரோக்கியமான போக்கு எப்போதும் தொடர வேண்டும்'' என்றார்.

நீட் தேர்வு நிலையை தெளிவுபடுத்துக: மாணவர்களை நட்டாற்றில் விடக்கூடாது- ராமதாஸ் அறிக்கை

நீட் தேர்வுக்கு முன்பாக நீட் சட்டத்திற்கு குடியரசுத் தலைவரின் ஒப்புதல் பெறுவதற்கு வாய்ப்பில்லை என்றால் அதை வெளிப்படையாக அறிவிக்க வேண்டும். அரசியல் லாபத்திற்காக தமிழக மாணவர்களிடையே தவறான நம்பிக்கையை ஏற்படுத்தி அவர்களை நட்டாற்றில் தள்ளிவிடும் பாவத்தை தமிழக அரசு செய்யக்கூடாது என்று பாமக நிறுவனர் ராமதாஸ் தெரிவித்துள்ளார்.

இது தொடர்பாக அவர் வெளியிட்டுள்ள அறிக்கை:

மத்திய அரசால் நடத்தப்படும் தேசிய தகுதி மற்றும் நுழைவுத் தேர்விலிருந்து தமிழ்நாட்டில் உள்ள அரசு மருத்துவக் கல்லூரிகளுக்கு விலக்கு அளிப்பதற்கான சட்ட முன்வரைவு சட்டப்பேரவையில் தாக்கல் செய்யப்பட்டிருக்கிறது. தமிழக மாணவர்களின் மருத்துவக் கல்வி வாய்ப்புகளை பாதுகாப்பதற்கான இந்த முன்வரைவு அனைத்து உறுப்பினர்களின் ஆதரவுடன் இன்று ஒருமனதாக நிறைவேற்றப்படுகிறது.

தேசிய தகுதி மற்றும் நுழைவுத் தேர்விலிருந்து (NEET) விலக்கு பெறுவதற்கான நடவடிக்கைகளில் தமிழக அரசு ஈடுபட்டுக் கொண்டிருக்கும்போதே, அத்தேர்வுக்கான அட்டவணையை, தேர்வு நடத்தும் அமைப்பான, மத்திய இடைநிலை கல்வி வாரியம் (CBSE) வெளியிட்டிருக்கிறது. மே மாதம் 7-ஆம் தேதி தேசிய தகுதி மற்றும் நுழைவுத் தேர்வு நடத்தப்படும் என்றும், அதற்காக ஜனவரி 31-ஆம் தேதி முதல் மார்ச் ஒன்றாம் தேதி வரை விண்ணப்பிக்கலாம் என்றும் சி.பி.எஸ்.இ அறிவித்துள்ளது. இத்தேர்வுக்கு விண்ணப்பிப்பதற்கான அவகாசம் நேற்றே தொடங்கி விட்ட நிலையில், தமிழக அரசின் அறிவிப்பை நம்பி விண்ணப்பிக்காமல் இருந்து விடலாமா? அல்லது குறைந்தபட்ச பாதுகாப்பு கருதி இத்தேர்வுக்கு விண்ணப்பித்து வைக்கலாமா? என்ற குழப்பம் 12-ஆம் வகுப்பு மாணவர்களிடம் ஏற்பட்டிருக்கிறது.

ஒருவேளை குறைந்தபட்ச பாதுகாப்பு ஏற்பாடாக மருத்துவ பொது நுழைவுத்தேர்வுக்கு விண்ணப்பித்து வைத்தாலும் கூட அது பெயரளவிலான நடவடிக்கையாகவே இருக்கும். ஏனெனில், தமிழ்நாட்டில் 12-ஆம் வகுப்பு பொதுத்தேர்வுகள் மார்ச் மாதம் 4-ஆம் தேதி தொடங்கி ஏப்ரல் மாதம் ஒன்றாம் தேதி வரை நடைபெறுகின்றன. அதுவரை நுழைவுத்தேர்வுக்கு மாணவர்களால் தயாராக முடியாது. பொதுத் தேர்வு முடிவடைந்த பின்னர், நுழைவுத் தேர்வுக்கு 35 நாட்கள் மட்டுமே இருக்கும் என்பதால் அதற்குள் நுழைவுத் தேர்வுக்கு ஆயத்தமாக முடியாது. எனவே, இன்றைய சூழலில் பொது நுழைவுத் தேர்விலிருந்து தமிழகத்திலுள்ள அரசு மருத்துவக் கல்லூரி மற்றும் தனியார் மருத்துவக் கல்லூரிகளில் உள்ள அரசு ஒதுக்கீட்டு இடங்களை 12-ஆம் வகுப்பு மதிப்பெண்கள் அடிப்படையில் நிரப்புவது தான் தீர்வாகும்.

ஆனால், அதற்கான வாய்ப்புகள் உள்ளனவா? என்பது தான் மில்லியன் டாலர் வினாவாகும். நீட் தேர்விலிருந்து விலக்கு பெறுவதற்கான சட்டம் தமிழக சட்டப்பேரவையில் நிறைவேற்றப்பட்டு விட்ட போதிலும், அது செல்லத்தக்க சட்டமாக மாறுவதற்கு இன்னும் பல படிகளை கடக்க வேண்டும். மருத்துவமும், மருத்துவக் கல்வியும் பொதுப்பட்டியலில் இருப்பதால் இதுதொடர்பாக சட்டம் இயற்றும் அதிகாரம் மத்திய அரசுக்கும், மாநில அரசுகளுக்கும் உள்ளது. ஆனாலும், மத்திய, மாநில அரசுகளின் சட்டங்களுக்கு இடையில் முரண்பாடு இருந்தால் மத்திய அரசின் சட்டமே செல்லுபடியாகும். மாநில அரசின் சட்டம் பொருளற்றதாகிவிடும். தமிழக சட்டப்பேரவையில் நிறைவேற்றப்பட்ட நீட் தேர்வு விலக்கு சட்டம் மத்திய அரசின் இந்திய மருத்துவக் கவுன்சில் சட்டம் -1956க்கு எதிராக இருப்பதால், இந்த இரு சட்டங்களில் எது செல்லுபடியாகும் என்ற வினா நீதிமன்றத்தில் எழுப்பப்பட்டால் மத்திய அரசின் சட்டத்திற்கு ஆதரவாகவே தீர்ப்பளிக்கப்படும். அதேநேரத்தில் தமிழக அரசின் சட்டத்திற்கு மத்திய அரசு மற்றும் குடியரசுத் தலைவரின் ஒப்புதல் பெறப்பட்டால் அது செல்லத்தக்க மாநில சட்டமாகி விடும்.

அத்தகைய அந்தஸ்தை தமிழக நீட் சட்டம் பெறுவது சாதாரணமான ஒன்றல்ல. மத்திய சுகாதாரத் துறை, சட்டத்துறை உள்ளிட்ட அமைச்சகங்களின் ஒப்புதலைப் பெற்று குடியரசுத் தலைவரின் ஒப்புதலும் பெறப்பட்டால் தான் தமிழக சட்டம் செல்லத்தக்கதாக மாறும். இதற்கான நடைமுறைகள் அனைத்தும் நிறைவடைய கடந்த காலங்களில் பல மாதங்கள் ஆகியிருக்கின்றன. இப்போதும் அதேபோன்ற நிலை ஏற்பட்டால், தமிழக மாணவர்களின் மருத்துவப் படிப்புக் கனவு அழிந்து விடும். அதேநேரத்தில் ஜல்லிக்கட்டு சட்டத்துக்கு தமிழகத்திலிருந்து கொடுக்கப்பட்ட அழுத்தம் காரணமாக அவசர சட்டத்துக்கு ஒரு நாளிலும், நிரந்தர சட்டத்துக்கு ஒரு வாரத்திலும் ஒப்புதல் வாங்கியதைப் போல, நீட் சட்டத்துக்கும் மத்திய அரசின் ஒப்புதலையும், குடியரசு தலைவரின் ஒப்புதலையும் பெற முடியும். ஆனால், அதற்காக மத்திய அரசுக்கு தமிழக அரசின் சார்பில் மிகக் கடுமையான அழுத்தம் கொடுக்கப்பட வேண்டும்.

ஜல்லிக்கட்டு சட்டத்துக்கான அனுமதியை மத்திய அரசிடம் பேச்சு நடத்தி தான் தமிழக அரசு பெற்றது. அதேபோல், நீட் சட்டத்திற்கும் அனுமதி பெறுவதற்காக மத்திய அரசிடம் பேச்சு நடத்தி கொள்கை அடிப்படையில் ஒப்புதல் பெற்றிருக்கிறதா? என்பதை ஆட்சியாளர்கள் விளக்க வேண்டும். நீட் தேர்வுக்கு முன்பாக நீட் சட்டத்திற்கு குடியரசுத் தலைவரின் ஒப்புதல் பெறுவதற்கு வாய்ப்பில்லை என்றால் அதை வெளிப்படையாக அறிவிக்க வேண்டும். அரசியல் லாபத்திற்காக தமிழக மாணவர்களிடையே தவறான நம்பிக்கையை ஏற்படுத்தி அவர்களை நட்டாற்றில் தள்ளிவிடும் பாவத்தை தமிழக அரசு செய்யக்கூடாது.

ரூ.2.5 - 5 லட்சம் வருமானம் ஈட்டுவோருக்கு 5% வரி குறைப்பு: வரிவிலக்கு உச்சவரம்பில் மாற்றமில்லை

இணையதளச் செய்திப்பிரிவு

தனி நபர் வருமானம் ரூ.2.5 லட்சம் முதல் ரூ.5 லட்சம் வரை 10%-ஆக இருந்த வருமானவரி 5% ஆகக் குறைக்கப்படுகிறது என்று பட்ஜெட் உரையில் அருண் ஜேட்லி அறிவித்துள்ளார்.

இது தொடர்பாக அவர் தனது பட்ஜெட் உரையில் கூறியிருப்பதாவது:

தற்போதைய சூழலில் மாத வருமானம் பெறுபவர்கள் மீது அதிக வரிச்சுமை இருந்து வருகிறது. எனவே, பணமதிப்பு நீக்க நடவடிக்கைக்குப் பிறகு இந்தப் பிரிவினர் தங்கள் வரிச்சுமையைக் குறைக்க எதிர்பார்க்கின்றனர். 

எனவே தனிநபர் ஆண்டு வருவாய் ரூ.2.5 லட்சம் முதல் ரூ.5 லட்சம் வரை ஈட்டுபவர்களுக்கு இதுவரை 10% வரி விதிக்கப்பட்டு வந்தது, இது இனி 5% ஆக குறைக்கப்படுகிறது. இதனால் வரி செலுத்தும் பிரிவுக்குள் அதிகம் பேர் வருவார்கள் என்று எதிர்பார்க்கப்படுகிறது. 

ரூ.5 லட்சத்திற்கு மேல் ஆண்டு வருவாய் ஈட்டுபவர்களுக்கு ரூ.12,500 பயன் கிடைக்கும்.

ரூ.50 லட்சம் முதல் ரூ.1 கோடி வரை ஆண்டு வருமானம் ஈட்டிவருபவர்களுக்கு 10% கூடுதல் வரி விதிக்கப்படுகிறது. 80சி பிரிவின் கீழ் விலக்குகள் அதிகரிக்கப்படவில்லை, எனவே வருமான வரி விலக்கு உச்சவரம்பில் மாற்றமில்லை. ரூ.1 கோடிக்கும் மேல் ஆண்டு வருவாய் ஈட்டுவோருக்கான 15% கூடுதல் வரி தொடர்கிறது. 

வரிவருவாயைக் கண்காணிக்க அரசு தரவு பகுப்பாய்வு முறையை பயன்படுத்துகிறது. நேரடி வரி வருவாயில் நிகர இழப்பு ரூ.20,000 கோடி, மறைமுக வரியில் இழப்புகள் எதுவும் இல்லை

Chennai cops stop students' protest against jallikattu violence at Madras University

CHENNAI: A day-long sit-in protest planned by 20 students on the premises of Madras University against the alleged atrocities on pro-jallikattu protesters and fishermen, was stopped by police after it went on for some time on Tuesday.

The demonstration was held for nearly two hours, a participant said.

The students started the protest at 10:30 am. They wanted to continue till the evening, but police intervention prevented them from doing so.

According to students, police stopped the protest citing a prohibitory order under section 144 CrPC in force.

“The protest lasted only for two hours. The police said section 144, which was implemented on Marina beach, was applicable on Madras University campus as well,” said S R Pearson, a protester.

The students continued arguing with the police for half an hour until the university Registrar convinced them that their demands will be forwarded to the Chief Minister. “We expected around 100 students to turn up for the protest, but only a very few came because of police presence,” he said.

“We cannot protest on our own campus. Police officials say the prohibitory order implies even on the campus,” said another student, requesting anonymity.

The demonstrators said students who took part in the pro-jallikattu protest and were arrested should be released. The government should provide compensation to them immediately. “Through this protest, we are also showing our support to fishermen and Dalits, who were attacked during the protest. The government should set up a  judicial committee to go into the atrocities by  police and suspend the Chennai Police Commissioner and the officials who were involved in this brutality,” the protesters said.

“We are neither anti-social nor anti-national,” said  a student. He said the Registrar, P David Jawahar, intervened and requested police to leave.

Supreme Court refuses to stay Tamil Nadu's Jallikattu ordinance

By Express News Service  |   Published: 31st January 2017 05:54 PM

NEW DELHI: In a major relief to the thousands of protestors favouring the bull taming sport Jallikattu in the Southern state of Tamil Nadu, the Supreme court on Tuesday refused to stay the ordinance passed by the state assembly for now.

A bench of Justices Dipak Misra and Rohinton Nariman though refused to stay the ordinance but agreed to hear the pleas filed by animal rights groups and issued a notice after six weeks.

During an hour-long hearing, the bench pulled up the state government for its new law and asked: “ What is the necessity for Tamil Nadu government to bring an Act allowing jallikattu?"

The court also rapped up Tamil Nadu for hurriedly passing a law following large-scale protests in the state, saying, “If Tamil Nadu government brought new legislature allowing jallikattu due to the protests, then how could it have criticised Karnataka in the Cauvery case?”

The bench also expressed concern over the violent protests due to which law and order in the state was not maintained and remarked, "SC says that protesting is different, but coming on the street and openly defying the SC order is intolerable."

Centre represented by attorney general Mukul Rohatgi said, "Our constitution allows preservation of culture and animal breeds.Jallikattu would conserve bull breeds."

AG also added law permits killing animals for consumption but at the same time prohibits cruelty towards them.

The court also allowed centre's plea for withdrawal of its notification that exempted jallikattu from the list of prohibited animal sports under law.

The apex court was hearing the petitions filed by the Animal Welfare Board of India and other groups, which challenged Tamil Nadu’s jallikattu legislation. The animal welfare groups contended that the hastily passed law was against the Supreme Court’s order that had held jallikattu inherently cruel to animals.

யாது ஊர்? யாவர் கேளிர்?

By ஆசிரியர்  |   Published on : 01st February 2017 03:00 AM

அமெரிக்க அதிபர் டொனால்ட் டிரம்ப் எடுத்திருக்கும் நிர்வாக முடிவால் உலகமே கொந்தளித்துப் போயிருக்கிறது. ஈரான், இராக், லிபியா, சோமாலியா, சூடான், சிரியா, யேமன் ஆகிய ஏழு முஸ்லிம் நாட்டுப் பயணிகளும் அடுத்த மூன்று மாதங்களுக்கு அமெரிக்காவில் நுழைவதற்கு, அதிபர் டிரம்பின் அரசு நிர்வாக தடையாணை பிறப்பித்திருக்கிறது. எகிப்து, சவூதி அரேபியா, பாகிஸ்தான் உள்ளிட்ட ஏனைய இஸ்லாமிய நாடுகள் இந்தப் பட்டியலில் இடம் பெறாததற்கு, ஒருவேளை, அந்த நாடுகளுடனான பொருளாதார நெருக்கமும், வேறு சில கட்டாயங்களும் காரணமாக இருக்கலாம்.
அமெரிக்காவின் வற்புறுத்தல் காரணமாகவோ என்னவோ, இத்தனை நாளும் இல்லாமல் பாகிஸ்தான் பயந்து போய் மும்பைத் தாக்குதலுக்குக் காரணமான முக்கியக் குற்றவாளி ஹபீஸ் சையதையும் அவரது நான்கு கூட்டாளிகளையும் காலவரையின்றித் தடுப்புக் காவலில் வைத்திருக்கிறது. எத்தனையோ அழுத்தங்களுக்கு செவிசாய்க்காத பாகிஸ்தான் இப்போது விரைந்து செயல்பட்டிருப்பதிலிருந்து, அடுத்து தானும் அதிபர் டிரம்பின் வெறுப்புப் பட்டியலில் இடம் பெற்றுவிடக் கூடாது என்கிற அச்சம் மட்டுமே காரணமாக இருக்கக்கூடும்.
அடுத்த 120 நாள்களுக்கு, அதாவது நான்கு மாதங்களுக்கு, அகதிகள் அமெரிக்காவில் நுழைவது தடை செய்யப்பட்டுள்ளது என்பது மட்டுமல்ல, சிரியா அகதிகளுக்கான எல்லா திட்டங்களும் முடக்கப்படுகின்றன. அதிபர் டிரம்பின் உத்தரவு வெளிநாட்டில் மட்டுமல்லாமல், அமெரிக்காவிலேயே மிகுந்த புயலைக் கிளப்பி விட்டிருக்கிறது. ஆயிரக்கணக்கானவர்கள் இந்த முடிவுக்கு எதிராகத் தெருவில் இறங்கிப் போராட முற்பட்டிருக்கிறார்கள். அமெரிக்க தகவல் தொலைத்தொடர்பு, திரைப்படம், கல்வி, மருத்துவத் துறையைச் சேர்ந்தவர்களும் தொழிலதிபர்களும் இந்தத் தடைக்கு எதிராகக் கருத்துத் தெரிவித்திருக்கிறார்கள்.
அமெரிக்கா எப்படி உருவானது என்கிற சரித்திரம், அந்த நாட்டின் அதிபரான டொனால்ட் டிரம்புக்குத் தெரியாமல் இருக்காது. இப்போது குடியேற்றத்திற்கு எதிராக நடவடிக்கை எடுக்கும் அதிபர் டொனால்ட் டிரம்பின் மூதாதையரே ஒரு காலத்தில் அமெரிக்காவில் குடியேறியவர்கள்தான். 1540 முதல் 1924 வரையிலான காலகட்டத்தில், அமெரிக்காவின் பூர்வ குடியினரான செவ்விந்தியர்களைத் திட்டமிட்டுக் கொன்று குவித்து, ஐரோப்பாவிலிருந்து குடியேறிய வெள்ளையர்கள் அமெரிக்காவைத் தங்களது நாடாக மாற்றிக் கொண்டார்கள் என்பதுதான் சரித்திர உண்மை.
பிரிட்டன், பிரான்ஸ், டென்மார்க், ஸ்பெயின், இத்தாலி ஆகிய நாடுகளிலிருந்து குடியேறியவர்களில் கணிசமானவர்கள், அந்த நாட்டிலிருந்து நாடு கடத்தப்பட்ட குற்றவாளிகள் என்பதுதான் அதைவிட விசித்திரம். இணையத்தில் காணப்படும் சாண்ட் க்ரீக் மாசக்கர் உள்ளிட்ட அமெரிக்க இந்தியப் போர்கள் பற்றிய தகவல்களைப் படித்துப் பார்த்தால், அமெரிக்கப் பூர்வ குடியினர் மீது நடத்தப்பட்ட கொடூரமான இனப் படுகொலை குறித்துத் திடுக்கிடும் தகவல்கள் தெரியும்.
அதிபர் டிரம்புக்குத் தேர்தலில் வாக்களித்து வெற்றி பெறச் செய்த தொழிலாளர்களும், நடுத்தர, அடித்தட்டு அமெரிக்கர்களும் அவரது அதிரடி முடிவை உணர்ச்சி மிகுதியால் வரவேற்கலாம். ஆனால் இந்த முடிவு அமெரிக்கப் பொருளாதாரத்தின் அடித்தளத்தையே அசைக்கக் கூடும் என்பதை அவர்கள் புரிந்து கொள்ள வேண்டும். அமெரிக்காவின் பன்னாட்டு நிறுவனங்கள் அனைத்துமே குடியேறியவர்களின் அறிவாலும், திறமையாலும், உழைப்பாலும்தான் அமெரிக்காவை உலக வல்லரசாக வைத்திருக்கின்றன.
கடந்த எட்டு ஆண்டுகளில், அமெரிக்காவில் எந்தவொரு பெரிய தீவிரவாதத் தாக்குதலும் நடைபெறாத நிலையில் அதிபர் டிரம்ப் எடுத்திருக்கும் முடிவு, தீவிரவாதிகளை அமெரிக்காவைக் குறிவைக்கத் தூண்டும் என்பதுடன், அமெரிக்காவுக்கு எதிரான மனநிலையிலுள்ள இளைஞர்களைத் தீவிரவாதிகளாக மூளைச் சலவை செய்து அணி சேர்க்கவும் உதவக்கூடும். இஸ்லாமியத் தீவிரவாதத்தின் பிடியில் ஒரு சில நாடுகள் சிக்கிக் கொண்டிருப்பதால், அந்த நாட்டிலுள்ள அத்தனை பேருமே தீவிரவாதிகள் என்று முத்திரை குத்துவது அமெரிக்கா போன்ற ஒரு நாட்டுக்குப் பெருமை சேர்ப்பதாக இருக்காது.
அதிபர் டிரம்பின் முடிவு, அமெரிக்க அரசமைப்புச் சட்டத்துக்கு எதிரானது என்றுகூடத் தோன்றுகிறது. 1965-இல் இதேபோன்ற ஒரு முடிவு எடுக்கப்பட்டபோது, எவர் ஒருவருக்கும் இடம், பால், குடியுரிமை, பிறப்பு ஆகியவற்றின் அடிப்படையில் நுழைவு அனுமதி மறுக்கப்பட முடியாது என்று நீதிமன்றத்தால் அமெரிக்க அதிபரின் ஆணை நிராகரிக்கப்பட்டிருக்கிறது. நியூயார்க், வர்ஜீனியா, மஸாஸýசெட்ஸ் ஆகிய மாகாணங்களிலுள்ள நீதிமன்றங்கள், விமான நிலையத்தில் தடுத்து நிறுத்தப்பட்டிருப்பவர்களுக்கு ஆதரவாகத் தீர்ப்பு வழங்கி இருக்கின்றன.
அதிபர் டிரம்பின் முடிவால் பிற தரப்பினரைவிட அதிகமாக பாதிக்கப்படப் போவது அமெரிக்காவாகத்தான் இருக்கும். அமெரிக்காவில் மட்டுமல்ல, உலகம் முழுவதும் அதிபர் டிரம்பிடம் காணப்படும் மனநிலை காணப்படுகிறது என்பதுதான் வேதனை. சிறுபான்மையினரின் அச்சம் என்பது போய், பெரும்பான்மை மக்கள், குடியேற்றத்தின் காரணமாகத் தங்களது பெரும்பான்மை போய்விடுமோ, கலாசாரப் பண்பாடுகளும், மதமும் பாதிக்கப்படுமோ என்று அச்சப்படுவதன் விளைவுதான் இந்த மனநிலை.
இனத்தையும் மதத்தையும், மொழியையும் மீறி, சங்ககாலப் புலவர் கணியன் பூங்குன்றனார் கூறியதுபோல, "யாதும் ஊரே, யாவரும் கேளிர்' என்கிற மனநிலை ஏற்பட்டாலொழிய இந்த நோய்க்கு மருந்து இருப்பதாகத் தெரியவில்லை!

All eyes on the Centre as TN brings bills to sidestep NEET

By Ram M Sundaram  |  Express News Service  |   Published: 01st February 2017 05:25 AM

CHENNAI: Close on the heels of amending a Central Act to enable the conduct of jallikattu, Tamil Nadu government on Tuesday introduced two bills in the Assembly to exempt medical aspirants in the State from appearing for the National Eligibility cum Entrance Test (NEET), made mandatory by the Supreme Court, for both graduate and postgraduate courses.

According to the bill, students would be selected for MBBS and BDS on the basis of Plus Two marks while for the PG courses, besides an entrance examination work experience of candidates would be taken into account as was the case before the apex court ruling.

However, unlike in the case of jallikattu where the Centre and State moved in tandem, there are uncertainties over these bills getting clearance.

“The Supreme Court had ruled against providing exceptions to any state. So we have to look closely at the bill that the Tamil Nadu government introduced in the Assembly before clearing it,” Union Health secretary CK Mishra told Express.

The Tamil Nadu Admission to MBBS and BDS Courses Act, 2017, proposes to fill 85 per cent of seats based on Class XII scores through a single-window counselling. The scores of students from other boards would be normalised. The remaining 15 percent would continue to be filled based on All India Pre Medical/Dental Test (APIMT) results.

Under the Tamil Nadu Admission to Post Graduate Courses in Medicine and Dentistry Act, 2017, admissions would be based on the candidates’ scores in State-level entrance test and work experience.

While self-financing colleges have to surrender half the seats to the government, it is 65 per cent for non-minority institutions. There would be no change in reservation policy.

Introducing the bills in the Assembly, Health Minister C Vijayabaskar noted that the policy decision was arrived at to protect the interest of students from poor and rural background, who have little or no access to coaching classes to crack the national common test.

In Tamil Nadu, majority of students study in State syllabus whereas the NEET is mostly based on CBSE content. This, the government argued, was disadvantageous to majority students in Tamil Nadu. On the other hand, he added, Class XII exam itself was a serious examination of merit, which obviated the need for NEET that might create additional stress.

Last April, in an attempt to bring in uniformity in medical admissions, the Supreme Court had made common national level test mandatory. Tamil Nadu among other states opposed it and government-run institutions here were exempted from uniform entrance test for a year.

தமிழர்தம் வீரச் செருக்கு

By நெல்லை சு. முத்து  |   Published on : 01st February 2017 03:02 AM 

மாணவர்கள் தன்னெழுச்சி என்று தொடங்கி, இளைஞர்கள் போராட்டம் என்று அதரவு பெருகி, சமூகவிரோத ஊடுருவல், ஆர்ப்பாட்டம் என்று கலைக்கப்பட்ட நிகழ்வு ஜல்லிக்கட்டு.
அதில் தங்களை ஐக்கியப்படுத்தி கொண்ட திரைத்துறையின் முன்னணி நாயகர்கள் முதல் பின்னணி இசையமைப்பாளர், பாடலாசிரியர், இயக்குநர் பலரும் போராட்டத்தை முடித்துவைத்து அறிவித்தனர். கட்சிக் கொடிகள், தலைவர்கள் இல்லை. ஆனாலும் ஒரு சாராரிடையே அரசியல் இல்லாமல் இல்லை. பிரதமர், முதல்வர், கட்சிப் புதுச்செயலாளர், ஆட்சியாளர் அனைவரும் விமர்சனத்திற்கு உள்ளாயினராம்.
விவசாயிகள் தற்கொலை பற்றி கவலைப்படுவோர், விவசாய நிலங்களைப் பட்டா போட்டு விற்றவர்களுக்கும் வலைவிரிக்க வேண்டுமே. கண்மாய்களின் கண்களை கிரானைட் கற்களால் அடைத்தவர்களை விட்டுவிட்டு, வேணான் மாடுகள் பற்றி வீரம் பேசுவானேன்? ஆற்றுமணலை ஆள்வைத்து அள்ளி வழங்கும் வள்ளல்களுக்கும் அணைநீர்த் தாகம் வாழ்வில் வரவே வராதா?
தேசியக் கொடியை அவமதிக்க எத்தனித்த விஷமிகளைத் தாங்களாகவே முன்வந்து சிலரேனும் அப்புறப்படுத்தி இருக்கலாம் அல்லவா?
1960-ஆம் ஆண்டுகளின் இறுதியில் திருநெல்வேலி சாப்டர் உயர்நிலைப் பள்ளியில் தமிழாசான் அருணாசலம் ஐயா, மாணவர்களை "ஏய் மாடு' என்றுதான் திட்டுவார். கேட்டால், "மாடு என்றால் செல்வம் என்று பொருள்' என்பார்.
சங்கப் பாடல்களில் ஏறு தழுவுதல் என்பது கலித்தொகையில் காடு சார்ந்த முல்லைக் கலியின் மட்டுமே இடம்பெறுகிறது. மாட்டுச் சந்தையில் (மந்தையாகச் செல்பவை மந்திகள் மட்டும் அல்லவே!) தனியே வளர்க்கப்படும் காளைக்குப் போர்ப் பயிற்சி தரப்படும். இதனை அடக்கியவனுக்கே செல்வப் பெருமக்கள் தங்கள் பெண்மக்களை மணம் செய்விப்பது வழக்கம். இது சுயம்வரப் போட்டிக்கான விளையாட்டு.
பல்லுயிரிப் பெருக்கத்தின் ஆரம்ப அறிவியல் விளையாட்டு. சர் ராபர்ட் பேக்வெல் (1725 - 1795) என்பவர்தான் முதன்முதலில் விலங்குகளின் கலப்பின விருத்திக்கு நவீன அறிவியல் அங்கீகாரம் வழங்கியவர். தமிழர் அதனை ஏறு தழுவல் என்ற பெயரில் பல நூற்றாண்டுகளாக நடத்தி வந்தனர்.
பின்னாளில் தமிழர் பண்டிகையான பொங்கல் திருவிழாவில் துணிப் பொதியில் கட்டப்பட்ட ஜல்லிக்காசுகளை எடுக்கவும் பொறுக்கவும் ஏறு தழுவினர். இது எருதுகட்டு என்றும் சுட்டப்பெறும். காளை விரட்டு, மஞ்சுவிரட்டு, வடமாடு என்றும் பல பெயர்கள்.
இங்கு வீர்யம் என்ற சொல் அடிப்படையில் வீரம் பிறந்தது. அதன் உரிசொல் சார்ந்து, வைரம் பாய்ந்த மரம், நெஞ்சுரம் என்று எல்லாம் பேசினோம். ஆனால், தொல்காப்பியம் காட்டும் வீரம் பற்றியும் தமிழ் இளைஞர்கள் அறிந்து கொள்ளலாமே.
"தொல்காப்பியர் ஒவ்வொரு வீரமும் தோன்றுவதற்கு மூலமான பொருள்கள் நன்நான்கு கூறுகின்றார். அவர் வீரம் என்பதைப் பெருமிதம் எனும் சொல்லால் குறிக்கின்றார். யாவரொடும் ஒப்ப நில்லாது மேம்பட்டு நிற்றலின் பெருமிதம் என்னும் சொல்லால் வீரம் குறிக்கப்படுகின்றது.
கல்வி, தறுகண், இசை, கொடை என்ற நான்கும் பற்றிப் பெருமிதம் பிறக்கும் என அவர் கூறியுள்ளார். எனவே போர்ச் செயலிற் காட்டும் ஆண்மையை மட்டுமே அவர் வீரம் எனக் கொண்டிலர் என்பது பெறப்படும்' - என்று நாவலர் பண்டித ந.மு. வேங்கடசாமி நாட்டார் "வீரச்சுவை' பற்றி எழுதுகின்றார்.
அதிலும், "பேராண்மை என்ப தறுகண்' என்கிறார் வள்ளுவர். பகைவர்க்கு உதவுவதும் வீரம் தானாம். அவ்வாறே, வி-என்று சொன்னதும் பறந்து சென்று வரிசையில் நின்று விருது வாங்குவது வீரம் அல்ல. கொடுத்த விருதுக்கு தான் தகுதி உடையவர்தானா என்று பகுத்தறிந்து பார்த்து அதை மறுத்தலும் தமிழர்தம் வீரச்செருக்கு அல்லவா?
ஜல்லிக்கட்டு விளையாட்டினால் காளைகளின் ஆண்மையும் பெருகுமாம். நூற்றாண்டுக்கு முன்னர் நம் நாட்டில் 130 வகையான பசுக்கள் இருந்தனவாம். இன்றைக்கு வெறும் 37 தான் இருக்கின்றனவாம். சாகித்ய விருதாளர் கலைமாமணி ஆ. மாதவனின் "காளை' என்ற சிறுகதையினை இந்த வகையில் நினைத்துப் பார்க்கலாம்.
கேரளத்தில் ஆண்மை உடைய காளையை வளர்க்க இயலாது. அதனை அறிந்தால் அந்தக் காளைக்கு "காய் அடித்து' மலடு ஆக்கிவிடுவர். இதுதான் அமெரிக்கவாழ் இந்தியக் "காளை'களின் இன்றைய அவல நிலை.
ஜெர்சி முதுகில் இந்திய மாடுகளைப்போல் திமில் கிடையாது. நீண்ட உருளை போன்ற உடல், கழுத்தின் அடியில் தொங்கு சதையும் இல்லை. அமெரிக்காவின் ஜெர்சி கலப்பின மாடு குறுகிய காலத்திற்கு மட்டுமே நிறைய பால் தரும். தொடர்ந்து சில நூறு மாடுகளை உடனடியாக இறக்குமதி செய்ய நேரும். ஆக, அமெரிக்க வியாபாரம் இங்கே அமோகமாக நடக்கும்.
பொதுவாக, பாலில் ஆறு புரதச் சத்துகள் அடங்கி உள்ளன. அவற்றில் முக்கியமாக நான்கு காசீன் புரதங்களும், மோரில் இரண்டு புரதங்களும் அடக்கம். பாஸ்ஃபோ - புரதம் ஆகிய இந்தக் காசீன் புரதம் பசும்பாலில் 80%, தாய்ப்பாலில் 20-45% உள்ளது.
அதிலும் குறிப்பாக, "பீட்டா' காசீன் (இந்த பீட்டா கிரேக்க அகரமுதலியின் இரண்டாம் எழுத்து என்க) பாலில் ஏ1, ஏ2 என்று இரண்டு வகை பால் உண்டு. ஏ2 பால் உடலுக்கு நல்லது. அது 67% புரோலின் என்கிற அமினோ அமிலம் கொண்டது. அதற்குப் பதில் ஹிஸ்டாடின் என்ற அமினோ அமிலம் கொண்ட மனிதனுக்கு தீங்கு தரும் பால்தான் ஏ1 வகை பால்.
வெளிநாட்டு மாட்டுப் பாலில் ஏ1 வகை கூடுதலாக உள்ளது. இது, வயிற்றில் "பீட்டா காúஸாமார்ஃபின்7' (பி.சி.எம்.7) போன்ற பெப்டைடுகளாக உருமாறும். இந்த பி.சி.எம்.7 பிசாசுதான் உடலுக்கு ஆபத்தை விளைவிக்கும். நீரிழிவு நோய், இதயநோய், சிசோஃப்ரெனியா நோய் எனும் மனப்பிரமை (இது உள்ளவர்கள் காதில் இறந்தவர்களின் ஆவி பேசுவது, அவர்கள் கண்முன் பெட்டிகள் நகர்வதுபோல் எல்லாம் பிரமை உண்டாகும்) மற்றும் "ஆட்டிஸம்' என்கிற தன்மனன நோய் (தங்களுக்குள் சுய உலகில் சஞ்சரிக்கும் ஒருவகைப் பித்தம்) போன்ற பல தீமைகள் விளைய வாய்ப்பு உள்ளதாம். ஆனாலும் இத்துறையில் முழுமையான ஆய்வுகள் தேவை என்கின்றனர் உயிரி மருத்துவர்கள்.
இன்கிரீட் நியுகிர்க் என்ற பெண், தனது 31-ஆம் வயதில் ஸ்டீவ் நியுகிர்க் என்ற முதல் கணவனைக் கை விட்டார். அதே ஆண்டு தனக்கு இனி குழந்தைகளே வேண்டாம் என்று கருத்தடையும் செய்து கொண்டார்.
அன்று முதல் விலங்குகளைக் காதலித்தவர், 1980-ஆம் ஆண்டுவாக்கில் அலெக்ஸ் பாச்சியோ என்பவரைச் சந்தித்தார். அவர் "அலெக்ஸ் என்கிற அப்துல்' ஒரு தேவ
தூதன் என்கிறார். அலெக்ஸ், நண்டு தின்னிக் குரங்குகள் வளர்ப்பதில் அலாதி அக்கறை கொண்டவர்.
இருவரும் இணைந்து "பீட்டா' என்றஅமைப்புக்கு வித்திட்டனர். "பீப்பிள்
ஃபார் எத்திக்கல் ட்ரீட்மென்ட் ஆஃப் அனிமல்ஸ்' - பீட்டா. அதாவது விலங்குகளை அறவழியில் கையாளும் மக்கள் இயக்கம்.
2016-ஆம் ஆண்டு பீட்டா அமைப்புத் தலைவருக்குச் சம்பளம் 40,320 டாலர். இந்த அமைப்பின் அசையாச் சொத்துகள் ஏறத்தாழ 100 கோடி ரூபாய். ஆண்டு வருமானம் கிட்டத்தட்ட 300 கோடி ரூபாய்.
"பீட்டா' என்ற அமைப்பு, 1980-ஆம் ஆண்டு மார்ச் மாதம் முதல் அமெரிக்காவின் வெர்ஜீனியா மாகாணத்தில் நார்ஃபோர்க் என்ற இடத்தில் இயங்கி வருகிறது. "விலங்குகள் நாம் உண்பதற்கும், உடுத்துவதற்கும், பரிசோதனை செய்வதற்கும், கேளிக்கைக்கும் மட்டும் அல்ல. வேறு எந்த வகையில் துன்புறுத்தக் கூடாது' என்பது அதன் முத்திரை மொழி.
நல்லவேளை ரஷிய நாட்டு "லைக்கா' நாயும், அமெரிக்க "ஹாம்' மனிதக் குரங்கும் விண்வெளி சென்ற முதல் பிராணிகள் என்ற பெயரை அதற்கு முந்தியே தக்க வைத்துக்கொண்டன.
இன்கிரீட் நியுகிர்க் பெரிய விளம்பரப் பிரியராம். திடீர் கலகக் குரல் கொடுத்து மக்கள் கவனத்தைத் தன்பால் திருப்புவதில் பெயர் பெற்றவர். மாரிலாந்து மாகாணத்தில் ஒரு வினோதப் பரிசோதனை நடந்து வந்தது.
கண் மை, முகப்பூச்சு போன்ற அழகு சாதனப் பொருள்களை நம் பெண்மணிகள் பூசிக் கொண்டால் அரிப்போ, தடிப்போ வருமா என்று அறிவதற்கு குரங்குகள் மீது அந்த பொருள்களை முதலில் பயன்படுத்தி ஆராய்ந்தனர். அதனை எதிர்த்தார் இன்கிரீட்.
இவர் இங்கிலாந்தில் பிறந்து, 7-ஆம் வயதில் புதுதில்லியில் குடியேறியவர். தகப்பனார் அரசாங்கத்திலும், தாயார் அன்னை தெரசாவின் குஷ்டரோகிகள் குடியிருப்பிலும் பணியாற்றி வந்தனர். இமாலயத்தில் கிறித்தவப் பெண் துறவிகள் மடத்தில் தங்கி இருந்த ஒரே ஒரு வெள்ளைக்காரப் பெண் அவர் மட்டும் தானாம். சக துறவிகளால் கொடுமைகளுக்கு ஆளானாராம். அதற்காகவே இந்தியாவைப் பழிவாங்கு
கிறாரோ என்னவோ?
ஏதாயினும், வெர்ஜீனியா வேளாண்மை மற்றும் நுகர்வோர் சேவைகள் துறை
யினர், "பீட்டா' அமைப்பு குறித்து வழங்கிய புள்ளிவிவரங்கள் அதிர்ச்சி அளிப்பவை.
1998 - 2015 காலகட்டத்தில் பூனை, நாய், கோழி, ஆடு, மாடு போன்ற 40,438 செல்லப் பிராணிகளை மிருகவதைத் தடுப்புப் பிரிவின்கீழ் காப்பாற்றியதாம் பீட்டா. அவற்றில் வளர்க்கப்பட்டவை 3,323. திரும்ப வழங்கப்பட்டவை 1,713. பீட்டாவினால் கொல்லப்பட்டவை 34,970.
அதாவது, தாம் வளர்த்த விலங்குகளைப்போல 10 மடங்கு விலங்குகளைக் கொன்ற அமைப்பு இது. தமிழரின் ஜல்லிக்கட்டு கொடுமையாம். பாருங்கள், இப்படி ஒரு கொலைகார அமைப்பின் சார்பில் வாதாட, டாலர் விசுவாசமான ஊழியர்கள் இந்தியாவிலும் இருப்பதுதான் வருத்தம் அளிக்கிறது.
அமெரிக்காவிலேயே சிகரெட்டினால் இறப்போர் 4,40,000 பேர். சாலை விபத்தில் மரிப்போர் 42,366 பேர். துப்பாக்கிக்கு இரையானோர் 29,338 பேர். காளையினால் இறந்தோர் 3 பேர். இவற்றில் எதற்கு விதிக்கவேண்டும் தடை?
அமெரிக்காவில் மட்டும் 1,600 கோடி செல்லப் பிராணிகள் கொல்லப்படுகின்றன. ஆக, அமெரிக்காவில் வேகாத பீட்டா பருப்பு, கடல் கடந்து இந்தியாவில் வந்து அலங்காநல்லூரில் சுடச்சுட வறுத்து எடுக்கிறது.
ஒருவேளை அந்த அமைப்பின் இந்திய விசுவாசிகளுக்கு அடுத்த ஆண்டு அமைதிக்கான நோபல் பரிசு கிடைத்தாலும் ஆச்சரியப்படுவதற்கு இல்லை.

கட்டுரையாளர்:
இஸ்ரோ விஞ்ஞானி (ஓய்வு).

ஜார்க்கண்ட் முன்னாள் அமைச்சருக்கு 7 ஆண்டு சிறை By DIN | Published on : 01st February 2017 02:01 AM

கருப்புப் பண தடுப்புச் சட்டத்தின் கீழ் ஜார்க்கண்ட் மாநில முன்னாள் அமைச்சர் ஹரி நாராயண் ராய்க்கு 7 ஆண்டு சிறை தண்டனையும், அபராதமும் விதித்து சிறப்பு நீதிமன்றம் செவ்வாய்க்கிழமை தீர்ப்பளித்தது.
நாட்டிலேயே முதல்முறையாக கருப்புப் பண தடுப்புச் சட்டத்தின் கீழ் தண்டிக்கப்பட்ட முதல் நபர் இவர் என்பது குறிப்பிடத்தக்கது.
ஜார்க்கண்ட் மாநிலத்தில் காங்கிரஸ் மூத்த தலைவர் மதுகோடா தலைமையிலான அரசின் ஆட்சிக் காலத்தில் மாநில சுற்றுலா, நகர்ப்புற மேம்பாடு மற்றும் வனத் துறை அமைச்சராக ஹரி நாராயண் ராய் பதவி வகித்தார்.
அந்த மாநில லஞ்ச ஒழிப்புத் துறை பதிவு செய்த முதல் தகவல் அறிக்கையின் அடிப்படையில், அவருக்கு எதிராக கடந்த 2009-ஆம் ஆண்டு செப்டம்பர் மாதம் கருப்புப் பண தடுப்புச் சட்டத்தின்கீழ் அமலாக்கத் துறை வழக்குப் பதிவு செய்தது.
அவர் சுமார் ரூ.3.72 கோடி கருப்புப் பணம் பதுக்கி வைத்திருந்ததாக வழக்கில் குற்றம்சாட்டப்பட்டது. ஜார்க்கண்ட் மாநிலம், ராஞ்சியில் உள்ள சிறப்பு நீதிமன்றத்தில் நடைபெற்றுவந்த இவ்வழக்கு விசாரணையின் முடிவில் ஹரி நாராயண் ராய் குற்றவாளியாக அறிவிக்கப்பட்டார். இவ்வழக்கில் செவ்வாய்க்கிழமை தண்டனை விவரம் அறிவிக்கப்பட்டது.
அப்போது, அவருக்கு 7 ஆண்டு கடுங்காவலும், ரூ.50 ஆயிரம் அபராதமும் விதித்து நீதிமன்றம் தீர்ப்பளித்தது.
இதுகுறித்து அமலாக்கத் துறை அதிகாரி ஒருவர் கூறுகையில், "கருப்புப் பண தடுப்புச் சட்டம் கடந்த 2005-ஆம் ஆண்டு கொண்டுவரப்பட்டது. இத்தனை ஆண்டுகளில் இந்தச் சட்டத்தின் கீழ் தண்டனை வழங்கப்பட்டுள்ள முதல் நபர் இவர்தான். இந்தத் தீர்ப்பு வரலாற்றுச் சிறப்புமிக்கதாகும்' என்றார்.

Protest stepped up for NEET in Urdu

AURANGABAD: Advocacy groups and social organisations on Tuesday stepped up their protests to press for demands to conduct the National Eligibility cum-Entrance Test (NEET)-UG 2017 in Urdu language.



The protesters also included students, who staged a demonstration in front of the office of the Aurangabad divisional commissionerate. They protested the exclusion of Urdu as one of the mediums for the national-level exam.

Advocacy groups and social organisations part of Tuesday's protest submitted a memorandum to Union Minister of Health and Family Welfare, J P Nadda in support of their demand.



Mohsin Ahmed, president of the non-profit group - Janjagran Samiti - said, "The government has not given any serious thought the earlier memorandums submitted and so, we have taken to the streets to voice our demands. Urdu is the vernacular of the Muslim community across the country and it should be considered as a medium for NEET."



In December 2016, the Union health ministry had announced that the NEET-UG will be conducted in eight languages from the 2017-18 academic year. These include - Hindi, English, Gujarati, Marathi, Bengali, Assamese, Telugu and Tamil.

"NEET and its implementation in regional languages is the outcome of the government's commitment to bring about transparency in medical education and to remove malpractices," an official statement issued had said.

Questioning the rationale behind not considering Urdu while introducing the reform, protesters said the decision would affect a large number of Muslim students.

"Maharashtra alone has over 160 junior colleges, where around 12,000 students undertake 10+2 level education in Urdu medium. Had Urdu been the medium for NEET, these students could benefit immensely," Ahmed said.

"We will file our petition in the apex court soon as the necessary groundwork is almost over. If the government continues to ignore our demands, we are left with no option but to knock the doors of the judiciary," a protesting student said.

NEET 2017: Things to remember while filling the application

NEET 2017: Central Board of Secondary Education (CBSE) has released the application forms for much-awaited NEET 2017 undergraduate exam. The Board will conduct the test on May 7. The candidates have to submit the complete form by March 1.

Last year, NEET was made mandatory for admission in all medical and dental colleges. This year, the authorities have introduced limits to the number of times aspirants can attempt the paper and the age of the candidates. So, now candidates can only sit for the exam thrice and cannot be older than 25 years (30 years for reserved category).

Steps to fill online application of NEET 2017:

1) Eligibility- Make sure you are eligible for the for NEET 2017 before you apply. You should be at least 17 and not more than 25 years old. You should have the sufficient qualification of having passed a class 12 examination from a recognized institution. You are not eligible if you have already attempted the paper three times. (For more details on eligibility, visit the official NEET website).

2) How to open the form- Go to the official website for NEET (cbseneet.nic.in). Scroll down to the menu titled “Online Services” and click on “Apply online”. Read he instructions carefully and then click on “Proceed to apply online”.

READ | NEET 2017: Notification out, CBSE to conduct exam on May 7

3) Filling the form

- i) Personal details- Fill in the fields with your postal address (complete with the pin code), mobile numbers and email ID. This will make correspodence easier. Make sure that the details you are filling in are correct and can be verified.

ii) Code Numbers- Fill in the columns provided with proper code numbers (02-07) of the qualifying exams that you have passed. Those who are still appearing for class 12 exams should fill up the qualifying code as 01.

iii) Quota- Candidates from Andhra Pradesh, Telangana, Jammu and Kashmir are required to submit online Self Declaration for seats under 15 per cent All India Quota. Candidates of all the reserved classes should keep ready their verified documents that would prove the same.

4) Documents- Candidates must retain the following documents with them as reference for future correspondence. a) At least three printouts of the Confirmation Page of online Application. b) Proof of fee paid. c) At least 5 copies of identical passport size photograph that was scanned and uploaded on the Online Application. d) At least 2 similar post card size photos (same as scanned and uploaded on the online application). e) Copy of the system generated Self Declaration in respect of candidates from Andhra Pradesh, Telangana and J&K who have opted for seats under 15% All India Quota.

5) Fee- The fees for general category candidates is Rs 1400 and for SC, ST and PH category candidates is Rs 750.

6) Submission- Once you have completely filled out all the details, you may click “Submit” and pay the fees. Remember that any online transaction password generated on the NEET website while registering/submitting the form will be valid for 15 minutes only.