அந்த நாள் ஞாபகம்: ஜனாதிபதியைக் கொஞ்சிய சந்திரபாபு!

சினிமா வாய்ப்பு கிடைக்காத விரக்தியில் ஜெமினி ஸ்டுடியோவில் விஷம் குடித்து சுருண்டு கிடந்தார் சந்திரபாபு. அப்போது இரவு 1.30 மணி. ஜெமினி கணேசன் உள்ளிட்ட படக்கம்பெனி ஊழியர்கள் ஆம்புலன்ஸ் வரவழைத்து அவரை ராயப்பேட்டை மருத்துவமனைக்குக் கொண்டுபோனார்கள். முதலுதவி முடிந்ததும், தற்கொலைக் குற்றவாளி என்ற வகையில் இன்ஸ்பெக்டர் ரங்காச்சாரி கேள்வி கேட்கிறார்.

“உன் பெயர் என்ன?’’

“சந்திரபாபு’’

“தற்கொலைசெய்துகொள்ள விஷம் குடித்தாயா?’’

“ஆமாம்’’

“ஏன்’’

“சினிமாவில் நடிக்க வந்தேன், சந்தர்ப்பம் கிடைக்கவில்லை. அதிருக்கட்டும், எனக்கு இப்போ சிகரெட் வேணும்’’ என்றதும் இன்ஸ்பெக்டர் ரங்காச்சாரி கொடுக்கிறார். “இது பிளேயர்ஸ். என் பிராண்ட் கோல்டு பிளாக்’’ என்கிறார் சந்திரபாபு. ஆளனுப்பி வாங்கிக்கொடுக்கிறார் இன்ஸ்பெக்டர்.

மாஜிஸ்திரேட் கோர்ட்டில் விசாரணை. நீதிபதி கேள்வி கேட்கிறார்.

‘’ஏன் இப்படிச் செஞ்சே?’’

“எனக்கு வாழ்க்கை வெறுத்துப்போச்சு, விஷம் குடிச்சேன்’’

“இனிமேலும் இந்தமாதிரி செய்வியா?’’

“சொல்ல முடியாது’’

“ஏன் சொல்லமுடியாது?’’ என்று நீதிபதி கேட்டதும், தனது பாக்கெட்டிலிருந்து தீப்பெட்டியை எடுத்து, தீக்குச்சியை உரசி உள்ளங்கையில் வைத்து எல்லோருக்கும் காட்டினார். திடுக்கிட்டுப்போன நீதிபதி, “என்ன செய்கிறாய் நீ?’’ என்று அதட்டலாகக் கேட்டார். “நான் செய்ததை உங்களால் பார்க்க முடிந்தது. ஆனால், அந்தச் சூட்டை உங்களால் உணரமுடியாது. அதேபோலத்தான் என் உணர்ச்சிகளை யாராலும் ஃபீல் பண்ண முடியாது. சரி, எனக்கு என்ன தண்டனை?’’ என்றார். “முதல்முறை என்பதால் உன்னை மன்னிக்கிறேன்.

நீ போகலாம்’’ என்று நீதிபதி சொன்னதும், “ஓ.கே நெக்ஸ்ட் டைம் பார்க்கலாம்’’ என்றபடி கோர்ட்டைவிட்டு வெளியேறினார் சந்திரபாபு.

பிறந்த சில நாட்களிலேயே பிழைக்க மாட்டார் என்று நம்பப்பட்டவர் சந்திரபாபு. அவரைக் கடுமையான விஷக் காய்ச்சல் தாக்கியிருந்தது. சுதந்திரப் போராட்ட வீரரான அப்பா ஜோசப் ராட்ரிக்ஸ் தூத்துக்குடி தேவாலயத்துக்கு மனைவியுடன் போனார். குழந்தையைக் கீழே கிடத்திவிட்டு, இருவரும் முழந்தாளிட்டு, “ஏசுவே! இந்தக் குழந்தை எங்களுக்கு நீர் கொடுத்த பிச்சை. இதை பிழைக்கச்செய்யும்! குழந்தைக்கு பிச்சை என்றே பெயரிடுகிறோம்’’ என்று வேண்டிக்கொண்டார்கள். குழந்தை பிழைத்தது. ஜோசப் பிச்சை என்று பெயரிட்டார்கள்.

ஜெமினி ஸ்டுடியோவில் விஷம் குடித்து ஏற்படுத்திய பரபரப்பில் பட வாய்ப்பு கிடைத்தது. பி.எஸ். ராமையா இயக்கத்தில் ‘தன அமராவதி’ படத்தில் அறிமுகமானார் சந்திரபாபு..ஜெமினி நிறுவனத்தின் ‘ராஜி என் கண்மணி’ படத்தில் வாய்ப்பு கொடுத்தார்கள். அதற்கு காரணம் ஒரு கடிதம்.

“திரு.வாசன் அவர்களுக்கு, நான் ஒரு சான்ஸ் கேட்டேன். நீங்க முடியாதுன்னு சொல்லீட்டீங்க. என்னை மாதிரி நல்லா நடிக்கத் தெரிஞ்சவனுக்கு நீங்க சான்ஸ் கொடுக்காதது தப்பு. இத்தனை பெரிய ஸ்டுடியோவில் எனக்கு சான்ஸ் இல்லை. நான் ஒழிஞ்சு போறேன், செத்துப்போறேன்’’ என்று விஷம் குடித்தபோது சந்திரபாபு எழுதிவைத்திருந்த கடிதத்தைக் கைப்பற்றி வாசனிடம் ஒப்படைத்தவர் ஜெமினி கணேசன்.

அவருக்கு மனைவியாக வந்த ஷீலா தற்கொலைக்கு முயன்றார். உடனடியாக ஷீலாவை உரியவரிடம் ஒப்படைத்தார் சந்திரபாபு. அதன் தொடர்ச்சியான மதுப்பழக்கத்தில் விழ்ந்தார்.

தமிழகத்தின் கலைக்குழுவுக்கு ஒருமுறை சிறப்பு விருந்துவைத்தார் அப்போதைய ஜனாதிபதி எஸ். ராதாகிருஷ்ணன். அந்த நிகழ்ச்சியில் சந்திரபாபு பாடிய ‘பிறக்கும்போதும் அழுகின்றான்…’ பாடலை ரொம்பவே ரசித்தார். அந்த ரசணையைக் கண்டு நெகிழ்ந்த சந்திரபாபு, அவரின் தோளில் கைபோட்டு, தாடையைப் பிடித்து, ‘’நீ ரசிகன்டா’’ என்று சொன்னதைக் கேட்டு கலைக்குழுவே ஆடிப்போயிருக்கிறது. அப்படிப்பட்ட அப்பாவித் துணிச்சல்காரர் சந்திரபாபு.

பெண்ணைக் கடத்தினார் அசோகன்- பாராட்டி மகிழ்ந்தார் எம்.ஜி.ஆர்!

மூன்று நொடி வசனத்தைக்கூட மூன்று நிமிடம் நீட்டி முழக்கிப் பேசிப் புதிய பாணி கண்டவர். பட்டை தீட்டப்பட்ட புருவத்தை உயர்த்தினால், பச்சைப் பிள்ளைகள் மட்டுமல்ல, பெரியவர்களும் வெலவெலத்துப்போவார்கள். அவர்தான் எஸ்.ஏ. அசோகன். இயற்பெயர் அந்தோணி. ‘மணப்பந்தல்’ படத்துக்காக அசோகன் ஆக்கினார் இயக்குநர் டி.ஆர். ராமண்ணா.

திருச்சி புனித ஜோசப் கல்லூரியில் பி.ஏ. படிக்கும்போதே கருத்தரங்கப் பேச்சாளர் என்று பெயர் வாங்கியவர். ஷேக்ஸ்பியர் நாடகத்தில் வெளிப்படும் அவருடைய நடிப்பு, கல்லூரி வளாகத்தைத் தாண்டியும் பாராட்டிப் பேசப்பட்டது. இந்தியாவிலுள்ள அனைத்துக் கல்லூரி மாணவர்கள் பங்குபெறும் நாடகப் போட்டி ஒன்று நடந்தது. ஜோசப் கல்லூரி சார்பில் அசோகன் கலந்துகொண்டார். முதல்பரிசாகத் தங்கப் பதக்கம் கிடைத்தது.

சினிமா ஆர்வம் துரத்த, சென்னைக்கு வந்து சேர்ந்தார். எந்த வேடமாக இருந்தாலும் ஏற்றுக்கொண்டு நடிப்பது என்பதில் உறுதியாக இருந்தார். ஆர். பிரகாஷ் இயக்கத்தில் ‘மூன்று பெண்கள்’ தொடங்கி, ‘திருமணம்’, மாய மனிதன்’, ‘பக்த சபரி’ எனச் சிறியதும் சற்றுப் பெரியதுமான படங்களில் நடித்தார். நண்பர்கள் உதவியுடன் டைரக்டர் ஜோசப் தளியத் அறிமுகமானார். அப்போது சி.எல். ஆனந்தன் கதாநாயகனாக நடிக்க, ‘விஜயபுரி வீரன்’ படத்தை இயக்கிவந்தார் தளியத். அந்தப் படத்தில் அசோகனுக்கு ஒரு முக்கிய வேடம் கிடைத்தது. அந்தப் படத்தின் உதவி இயக்குநர் ஏ.சி. திருலோகசந்தருடன் ஏற்பட்ட பழக்கம் நெருங்கிய நட்பாக விரிவடைந்தது. பின்னாளில் அவரை ஏவி.எம். நிறுவனத்துக்கு அறிமுகம் செய்துவைத்தவர் அசோகன். ஏவி.எம். நிறுவனத்தையும் எம்.ஜி.ஆரையும் பல மட்டங்களில் சந்தித்துப் பேசி சம்மதிக்கவைத்து, ‘அன்பே வா’ படம் உருவாகக் காரணமாக இருந்தவரும் அசோகன்தான்.

‘மணப்பந்தல்’, ‘இது சத்தியம்’, ‘காட்டு ராணி’ படங்களின் மூலம் கதாநாயகனாக வலம்வந்தார் அசோகன். அதன் பிறகு எம்.ஜி.ஆர், சிவாஜி, ஜெமினி கணேசன் படங்களில் குணச்சித்திர, வில்லன் வேடங்கள் குவிந்தன.

எல்லோரிடமும் எளிதில் நட்பாகிவிடும் அசோகனுக்கு எம்.ஜி.ஆர்., ஏவி.எம்.சரவணன், சின்னப்பா தேவர், தேங்காய் சீனிவாசன், ஜெய்சங்கர் ஆகியோர் மிக நெருக்கமானார்கள். எம்.ஜி.ஆருடன் 80 படங்களுக்குமேல் நடித்துள்ள அசோகன், அவரைவைத்து ‘நேற்று இன்று நாளை’ படத்தைத் தயாரித்து, சோதனைக்கிடையே வெற்றி கண்டார்.

கிறிஸ்தவ மதத்தைச் சேர்ந்த அசோகனுக்கும் பிராமண வகுப்பைச் சேர்ந்த கோயமுத்தூர் சரஸ்வதிக்கும் தீவிரமான காதல். திருமணம் செய்து கொள்ள முடிவுசெய்து, பெண் கேட்கப் போனால் அவர்கள் வீட்டில் கடும் எதிர்ப்பு. “இனிமேல் சரஸ்வதியை சந்திக்கக் கூடாது. மீறினால் போலீஸில் புகார் செய்து விடுவோம்” என்று மிரட்டுகிறார்கள்.

அப்போதைக்கு ‘அலாவுதீனும் அற்புத விளக்கும்’ பட பூதம்போலக் கையைக் கட்டி நின்றவர், தகுந்த நேரம் பார்த்துக் காந்திருந்தார். நேரம் வந்தது. குடும்பத்தினர் கண்களில் எதையும் தூவாமல், தப்பித்துவந்தார் சரஸ்வதி. தயாராக இருந்த அசோகன் அவரைக் கடத்திக்கொண்டு சென்னைக்கு வந்துசேர்ந்தார்.

எம்.ஜி.ஆருக்குத் தகவல் தரப்பட்டது. அசோகனைப் பாராட்டிய அவர், உடனடி யாகத் திருமணம் நடக்க ஏற்பாடு செய்தார். எம்.ஜி.ஆர்., ஏவி.எம். சகோதரர்கள், ஏ.சி. திருலோகசந்தர் ஆகியோர் நுங்கம்பாக்கம் ஃபாத்திமா சர்ச்சில் கூடினார்கள். தேவாலயத்தின் எல்லாக் கதவுகளும் அடைக்கப்பட்டன. சரஸ்வதிக்கு மேரி ஞானம் என்று பெயர் சூட்டப்பட்டு, கிறிஸ்தவ முறைப்படி திருமணம் நடந்தது. முக்கியப் பிரமுகர்கள் முன்னிலையில் நடந்த திருமணம் என்பதால் பெண் வீட்டார் போலீஸில் புகார்செய்ய வேண்டிய அவசியம் இல்லாமல் ஆகிவிட்டது. நெருங்கிய நண்பர் ஜெய்சங்கர் வெளியூர் படப்பிடிப்பிலிருந்து திரும்பிவந்து அசோகன் – மேரி ஞானம் தம்பதிக்குத் தனது வீட்டில் சிறப்பான விருந்துவைத்து மகிழ்ந்தார்.

Source: The Hindu

எம்.ஜி.ஆர் நினைவுகள் : அழத்தெரியாத நடிகன்!

பொதுவாக அந்தக் காலத்து சினிமா ரசிகர்களிடம், குறிப்பாகப் பெண்களிடம், எம்.ஜி.ஆரைப் பற்றிய விமர்சனம் இருந்தது. “பாரேன்.. அழற சீன் வந்தா எம்ஜியார் முகத்தைப் பொத்திக்குவார். ஏன்னா அவரால சிவாஜி மாதிரி அழ முடியாது” என்று சொல்வதை நம்மில் பலர் கேட்டிருக்கிறோம். இயல்பு வாழ்க்கையில்கூடப் பார்க்க முடியாத அளவுக்கு மிகை நடிப்புடன், வித விதமான அழுகைகளைப் பார்த்த ரசிகக் கண்களுக்கு எம்.ஜி.ஆர். நடிப்பு ஒவ்வாதுதான். உலகில் எல்லோரும் ஒரே மாதிரியாக அழுகிறார்களா என்ன?

நாடகப் பின்புலம் கொண்டவர் என்றாலும் தனது முதல் இயக்குநர் எல்லீஸ்.ஆர்.டங்கன் என்ற அமெரிக்கராய் அமைந்ததாலோ என்னவோ எம்.ஜி.ஆரின் பெரும்பாலான திரைப்படங்களில் அவரிடம் அதீதமான முகபாவனைகளும் விசித்திரமான உடல்மொழிகளும் குறைவாகவேக் காணப்பட்டன (பாடல் காட்சிகளிலும் பிற்காலத்திய படங்களிலும் அவரது நடிப்பில் வேடிக்கையான பாவனைகள் அமைந்தது வேறு கதை). எம்.ஜி.ஆர். நடிப்பில் மிகக் குறைவான கவனம் பெற்றது அவரது அடக்கிவாசிக்கும் (under play) நடிப்பு. பல காட்சிகளை உதாரணமாகக் கூறலாம். மந்திரி குமாரி படத்தில் “எனக்காகப் பேச இங்கு யாருமே இல்லையா?” என்று குமுறும் எம்.ஜி.ஆரிடம் அதீத உடல்மொழி இருக்காது.

கேளிக்கை மன்னன்

பதற்றத்திலும் சுய இரக்கத்திலும் தன்னை வெளிப்படுத்திக்கொள்ளும் கட்டாயம் உள்ள ஒருவனின் உடல்மொழி அது. தன்னளவில் அதைச் சிறப்பாகக் கையாண்டிருப்பார். வேதனையை வெளிப்படுத்தும் காட்சிகளில் பெரும்பாலும் அவரது பார்வை மேல்நோக்கியே இருக்கும். எனினும், கன்னங்கள் அதிர கண்களிலிருந்து கண்ணீர் பெருகாமல் அந்த உணர்வை, ஒரு மனிதனின் சோகமாக ஏற்றுக்கொள்ள நமது ரசிகர்களால் முடியவே இல்லை. அவர்களைப் பொறுத்தவரை எம்.ஜி.ஆர். ஒரு கேளிக்கை மன்னர். வீரதீர நாயகன். அவரிடம் உணர்ச்சிகரமான நடிப்பை எல்லாம் எதிர்பார்க்கக் கூடாது.

அதீத உடல்மொழிகளைத் தவிர்த்து, மேற்கத்திய பாணியில் நடித்த ஜெமினி கணேசன் போன்ற நடிகர்களின் வரிசையில் எம்.ஜி.ஆர். இணைந்திருக்க வாய்ப்பு இருந்தது. எனினும் பொதுவாகவே, காதல், குடும்பப் பாசம், சூழ்ச்சி வலையில் சிக்கி விடுபட்டு வில்லன்களை அழித்தல் என்ற கதைப் பின்னணியில் தயாரான பல படங்களில் நடித்த அவருக்கு பாந்தமான பாத்திரங்களைச் செய்யும் வாய்ப்பு மிகக் குறைவாகவே அமைந்தது. கிடைத்த சிறிய சந்தர்ப்பத்தையும் சரியாகவே பயன்படுத்திக்கொண்டார்.

எம்.ஜி.ஆர். இரு மாறுபட்ட குணங்களைக் கொண்ட இரட்டையர் வேடங்களில் அவர் நடித்த ‘எங்க வீட்டுப் பிள்ளை’ படத்தில் ஹோட்டலில் டிபன் சாப்பிடும் காட்சி ஒன்று உண்டு. துணிச்சலும் நம்பிக்கையும் கொண்ட ராமு ஆர்ப்பாட்டமாகப் பல உணவு வகைகளைச் சாப்பிட்டுவிட்டு பில்லுக்குப் பணம் கொடுக்காமல் நழுவிச் சென்ற பின்னர், அதே நாற்காலியில் எதுவுமே தெரியாத அப்பாவியாக அமரும் பாத்திரம் எம்.ஜி.ஆரின் இயல்பான நடிப்புக்கு ஒரு உதாரணம். “இதெல்லாம் ..நா சாப்புடவேயில்லயே” என்று அவர் சொல்லும்போது முகத்தில் அத்தனை வெகுளித்தனம் இருக்கும்.

அதேபோல், அன்பே வா படத்தில் முதலாளியான தன்னை யாரென்று அறியாமல் தன்னிடமே வேலைக்காரன் (நாகேஷ்) அதிகாரமாகப் பேசும்போது, பெருந்தன்மையான சிரிப்புடன் அதை வேடிக்கையாக எடுத்துக்கொள்ளும் காட்சிகளில் அவரது நடிப்பு பாந்தமாக இருக்கும். மனம் நிறைந்து கண்கள் சுருங்கப் பளிச்சிடும் அவரது சிரிப்பும் மிக இயல்பானது. ரசிகன் தன் ஆபத்பாந்தவனாக அவரைக் கருதிக்கொள்ள அந்தப் புன்னகை பெருமளவு உதவி செய்தது. நாகேஷ், சந்திரபாபு போன்ற நகைச்சுவை நடிகர்களுடனான அவரது காட்சிகளில் அவர்கள் செய்யும் சேட்டைகளை அமைதியான சிரிப்புடன் கவனித்துக்கொண்டிருப்பார்.

நுட்பமான நடிப்பு

அரச கட்டளை படத்தில் பெருங்கோபத்துடன் தன்னைத் தாக்க வரும் நம்பியாரிடம் சண்டை போடுவதற்கு முன் தனக்கே உரிய நம்பிக்கைப் புன்னகையுடன் அலட்டிக்கொள்லாமல் எம்.ஜி.ஆர். பேசும் விதம் அவரது நிதானமான, அழுத்தமான நடிப்பைப் பறைசாற்றும். நம்பியாரின் வாள் எம்.ஜி.ஆரின் மார்புக்கு அருகே நீண்டிருக்கும். “உன் உயிரைப் பறிப்பேன்” என்று கண்களை உருட்டி நம்பியார் மிரட்டுவார். அப்போதும் அதே புன்னகையுடன் “செடியில் பூத்த மலரல்ல பெரியவரே என் உயிர்...” என்று சொல்லிச் சிறிய இடைவெளி விடுவார். புன்னகை மறையும். முகம் சற்றே தீவிரம் கொள்ளும். “... நீங்கள் நினைத்தவுடன் கை நீட்டிப் பறிப்பதற்கு” என்பார். அப்போது கை உடைவாளைப் பற்றியிருக்கும். அதன் பிறகு வாய்ப்பேச்சுக்கு வேலை இருக்காது. ‘மகாதேவி’ படத்தில் தன் தளபதி வீரப்பாவின் நிஜ முகம் தெரியும் கணத்தில் எம்.ஜி.ஆர். தன் கண்களின் சலனத்தில் அந்த பிரக்ஞையை வெளிப்படுத்துவார். எம்.ஜி.ஆரின் நுட்பமான நடிப்பு வெளிப்படும் இடங்கள் இவை.

வில்லன்களைவிடக் குறைந்த பணபலம் கொண்டவர் என்றாலும் மக்களின் அன்பும், விதவைத் தாயின் ஆசீர்வாதமும் தனது பலம் என்று துணிச்சலாகச் செயல்படும் பாத்திரங்கள் பெரும்பாலும் அவருக்கு அமைந்தன. அந்தத் துணிச்சலுடன் பதற்றம் எதுவுமில்லாமல் வில்லன்களிடம் நம்பிக்கைப் புன்னகையுடன் அவர் பேசும் வசனங்கள் அவரது அரசியல் செல்வாக்குக்கே அடித்தளமாக அமைந்தன. அந்தக் காட்சிகளில் அவர் தனது எல்லையைத் தாண்டி ஆர்ப்பாட்டமாகப் பேசமாட்டார். “நாகப்பா..நல்லா கேட்டுக்க! உன் அக்கிரமங்கள நா ஒரு நாளும் பொறுத்துக்க மாட்டேன்” என்பதுதான் வில்லன்களுக்கான அவரது அதிகபட்ச எச்சரிக்கை. அதன் பின்னர் அவர் வீணாகப் பேசிக்கொண்டிருக்க மாட்டார். வீர வசனங்களை அவரது கைதான் பேசும். சண்டைக் காட்சிகளில் வேகமும் கோபமும் அற்புதமாக வெளிப்பட்டுவிடும்.

அமையாத வாய்ப்புகள்

துப்பாக்கியால் சுடப்பட்டுப் பிழைத்த பின்னர் வந்த படங்களில் அவரது வசன உச்சரிப்பு வேடிக்கையாக அமைந்தது என்றாலும் அவரது நடிப்புக்குப் பெரிய பங்கம் ஏற்படுத்திவிடவில்லை. தவிர அப்போது அவர் திரையில் தோன்றினாலே போதும் என்ற அளவுக்கு ரசிகர்கள் மத்தியில் அவரது பிம்பம் பிரம்மாண்டமாக வளர்ந்திருந்தது. அந்தக் காலகட்டத்தில் அவரது நடிப்பை அவரது தீவிர ரசிகர்கள் அல்லாத பொது ரசிகர்களால் அவ்வளவாக ரசிக்க முடிந்ததில்லை. துணை நடிகராக அறிமுகமாகி இறுதிவரை கதாநாயகனாகவே நடித்த நடிகர் என்பதால், தன் வயதுக்குத் தகுந்த பாத்திரங்களில் நடிக்கும் சந்தர்ப்பம் அவருக்கு வாய்க்கவே இல்லை. சக நடிகரான சிவாஜி போல தந்தை, மாற்றுத் திறனாளி போன்ற பாத்திரங்களில் அவர் நடிக்காமல் போனது துரதிருஷ்டம்தான். பெரும் வணிக மதிப்பும், ஆராதிக்கும் ரசிகர் கூட்டமும் கொண்ட நட்சத்திர நடிகர்களுக்கு நிகழும் விபத்துதான் இது.

அரசியல் வெற்றி தந்த மிகப்பெரிய பிம்பத்தின் நிழலில், முதல்வர் பதவியுடன் நடிப்பையும் கையாளும் வாய்ப்பை இழந்ததால் வேறு வழியின்றி எம்.ஜி.ஆர். ஓய்வுபெற்றுக்கொள்ள நேர்ந்தது. ஒருவேளை அப்படி நிகழாதிருந்தால், தோற்றப்பொலிவு மிக்க ஒரு துணை நடிகரை ரசிகர்கள் கண்டு ரசிக்கவும் காலம் வழி விட்டிருக்கலாம்.

Source: The Hindu

CENTRAL GOVERNMENT SERVANTS EXTENSION OF SERVICE BEYOND THE AGE OF SUPERANNUATIOIN

Grant of extension/re-employment to Central Government servants beyond the age of superannuation

Most Immediate

F.No.22/35/2011-EO (SM.II)

Government of India

Ministry of Personnel, Public Grievances & Pensions

Department of Personnel & Training

(Office of the Establishment Officer)

North Block, New Delhi

24th September, 2014

OFFICE MEMORANDUM

Sub: Grant of extension/re-employment to Central Government servants beyond the age of superannuation

Attention of all the Ministries/Departments is invited to the Government of India(Transaction of Business) Rules which prescribe that the ACC is the competent authority to decide the cases of extension in service beyond the age of superannuation. 

Attention is also invited to DoPT’s OM. No. 26012/6/2002-Estt, (A) dated 09.12.2002 on the subject mentioned above laying down instructions/criteria for grant of extension in service to the categories of personnel referred in proviso to F.R. 56(d). The ACC has observed that in sorne of the cases, the Departments are not taking timely action to reconstitute the Departmental Peer Review Committee (DPRC) and are unilaterally extending the service of the officers beyond the age of superannuation without first obtaining approval of the ACC.

2. It has also been observed that Ministries/Departments often submit proposals late to the EO Division as a result of which submission of cases for consideration of the ACC also gets delayed.

3. In view of the above, all the Scientific Ministries/Departments are hereby advised to take timely action for constitution of the DPRC for considering the cases for extension

of service of specialists in medical or scientific fields, beyond the normal date of superannuation and ensure that proposals seeking approval of the ACC be invariably submitted at least two months in advance of the date of superannuation.

4. It is also reiterated that in absence of specific approval of ACC towards extension of his services beyond the date of superannuation, an officer should stand retired on his date of superannuation and under no circumstances should the Ministry/Department concerned extend his services beyond superannuation unilaterally without the approval & ACC.

sd/-

(Anand Madhukar)

Director (ACC)

Source: www.persmin.gov.in

GOVT. OF INDIA MINISTRY OF FINANCE..INTERNATIONAL TRAVEL BY OFFICERS ..CLARIFICATION

ECONOMY IN USE OF PAPER NOTIFICATION BY FINANCE MINISTRY GOVT. OF INDIA

ஒன்று வாங்கினால்... ஒன்று இலவசமா?- ஆஃபர் ஆர்வலர்கள் கவனத்துக்கு!

மளிகைக் கடையில் மாதாந்திர பலசரக்கு வாங்கும்போது, எப்போதுமே கடந்த மாதத்தைவிட பில் அதிகமாகவே வரும். விலைவாசி உயர்வு மட்டும் அதற்குக் காரணமல்ல. நம் தேவைக்கு அதிகமான பொருட்களை நம்மை அறியாமலேயே நாம் வாங்குவதும் அதற்கு ஒரு காரணம்.

அப்படி வாங்க நம்மைத் தூண்டுவது, கடைகளில் வைக்கப்பட்டிருக்கு விளம்பரங்கள், கண்கவர் ஆஃபர் அறிவிப்புகள், கவர்ச்சிகரமான விலைச் சலுகைகள்.

அப்படிப்பட்ட விளம்பரங்களை பார்க்கும்போது, அவற்றில் ஏதாவது ஒன்றை வாங்குவதைவிட வேறு என்ன செய்ய முடியும்.

ஆனால், அப்படி ஆஃபர்களில் விற்கப்படும் பொருட்களை வாங்கும்போது சற்று கவனமாகவே இருங்கள். ஏனென்றால், அந்த பொருட்கள் பெரும்பாலும் குறுகிய காலத்தில் காலாவதியாகப் போவதாகவே இருக்கும். அல்லது முற்றிலும் பயன்படுத்தத் தகுதியற்றதாக மாறியிருக்கும். எனவே, அவற்றை வாங்குவதில் அதிக கவனம் தேவை.

கடந்த ஆண்டு, சென்னை நகர் முழுவதும் பல்வேறு சூப்பர் மார்க்கெட்டுகளில் இருந்து காலாவதியான உணவுப் பொருட்களை மாநில உணவுப் பாதுகாப்பு நிறுவனம் பறிமுதல் செய்ததை யாரும் மறந்திருக்க முடியாது.

இது குறித்து உணவுப் பாதுகாப்புத் துறை அதிகாரி ஒருவர் கூறும்போது, "பெரிய பெரிய சூப்பர் மார்க்கெட்டுகள்கூட காலாவதியான பொருட்களை ஆஃபர் போர்வையில் விற்பனை செய்கின்றன. வடசென்னையில், இப்படிப்பட்ட விற்பனை அதிகளவில் நடைபெறுகிறது" என்றார்

ஆனால் 10, 15 நாட்கள் வரை காலாவதி தேதி இருக்கும் உணவுப் பொருட்களை விற்பனை செய்வது சட்டவிரோதமானது அல்ல என கூறுகிறார் கடைக்காரர் ஒருவர்.

காலாவதிப் பொருட்களின் விற்பனையைக் கட்டுப்படுத்த வேண்டுமானால் நுகர்வோர், உணவுப் பாதுகாப்பு தொடர்பான அடிப்படை புரிதலையாவது பெற்றிருக்க வேண்டும்.

உணவுப் பாதுகாப்பு மற்றும் தர நிர்ணயச் சட்டம், 2006-ன்படி, காலாவதியான உணவுப் பொருட்களை விற்பனை செய்தாலோ அல்லது சுகாதரமற்ற நிலையில் உணவுப் பொருட்களை விற்பனை செய்தாலோ சம்பந்தப்பட்ட நபர் மீது நடவடிக்கை எடுக்க வழிவகை உள்ளது. உணவுப் பொருட்கள், தயாரிக்கப்பட்ட நாள், காலாவதியாகும் நாளும் ஆகியன குறிப்பிடப்பட்டிருக்க வேண்டும். விரைவில் கெட்டுப்போகும் பிரெட், பால் போன்ற உணவுப் பதார்த்தங்களிலும் காலாவதி தேதி அச்சிடப்பட்டிருக்க வேண்டியது மிக மிக அவசியம். ஆனால், குழந்தைகளுக்கான உணவுப் பொருட்களில் மட்டுமே பெரும்பாலும் இந்தத் தேதிகள் சுட்டிக்காட்டப்படுகின்றன என இந்திய நுகர்வோர் கூட்டமைப்பு இயக்குநர் ஜி.சந்தனராஜன் தெரிவித்தார்.

மேலும் அவர் கூறும்போது, காலாவதியான பொருட்களை விற்பனை செய்வது சட்ட விரோதமானது. தண்டனைக்குரியது. அப்படிப்பட்ட விற்பனை நடைபெற்றால், அது குறித்து நுகர்வோர் தங்கள் பகுதிக்கு உட்பட்ட உணவுப் பாதுகாப்பு அதிகாரியிடம் நிச்சயமாக புகார் செய்யலாம். அதுபோல், காலாவதி பொருளை உட்கொண்டதால் நுகர்வோர் பாதிப்படையும் போது, அந்த பொருள் விற்கப்பட்டது கிரிமினல் குற்றமாகிவிடுகிறது. உணவுப் பாதுகாப்புச் சட்டத்தின்படி சம்பந்தப்பட்ட அதிகாரிக்கு ரூ.5 லட்சம் வரை அபாராதம் விதிக்க வழி இருக்கிறது. ஆனால், இந்த விவகாரத்தில் விற்பனையாளர்களை மட்டும் முழுமையாக குற்றம்சாட்ட முடியாது. நுகர்வோரும் மலிவு விலை, சலுகை விலை, ஆஃபர் விற்பனை பொருட்களை வாங்குவதை நிறுத்த வேண்டும். நுகர்வோர் உரிமை குறித்த விழிப்புணர்வு பெற வேண்டும் என்றார்.

காலாவதி தேதி வரும் வரை உணவுப் பொருட்களை கடைகளில் தேக்கி வைப்பதில் தவறில்லை, ஆனால், கடைகளில் வேலை பார்ப்பவர்களுக்கு காலாவதியான பொருட்களை உடனடியாக அலமாரியில் இருந்து அகற்ற முறையான பயிற்சி அளித்தல் அவசியம் என கூறுகிறார் பிரபல சூப்பர் மார்க்கெட் அதிபர் ஒருவர்.

Source: Tamil Hindu

Gold Not Glittering Yet?

Source: New Indian Express

தகுதிகாண் பருவகாலம்

அரசு பணிகளிலும் சரி, முக்கியமான தனியார் நிறுவனங்களிலும் சரி, ஒருவர் புதிதாக பணியில் சேர்ந்தால், ஒரு குறிப்பிட்ட காலத்தை தகுதிகாண் பருவகாலம், அதாவது ‘புரபேஷன் பீரியட்’ என்பார்கள். இந்த காலகட்டத்தில் அவர்களுடைய பணித்திறமை எப்படி இருக்கிறது என்பதைப் பார்த்துத்தான் அவர்கள் அந்த பணிக்கு பொருத்தமானவர்களா? அல்லது அதைவிட குறைந்த பொறுப்புகள் கொண்ட பணிக்குத்தான் பொருத்தமானவர்களா?,அல்லது வேலைக்கே லாயக்கு இல்லாதவர்களா? என்பதை கணித்து, அதற்கேற்ற நடவடிக்கைகள் எடுக்கப்படும். அதேபோல, நடைமுறையைத்தான் மந்திரிசபை மாற்றத்திலும், இலாகாக்கள் ஒதுக்கீட்டிலும் பிரதமர் நரேந்திரமோடி பின்பற்றுகிறார் என்பதை கடந்தவாரம் மேற்கொண்ட மந்திரிசபை மாற்றத்தில் நிரூபித்துக்காட்டிவிட்டார். கடந்த 5 மாதகாலத்தை அவ்வாறு தகுதிகாண் காலமாக வைத்து தன் மந்திரிசபையை மாற்றியுள்ளார். புதிதாக 21 மந்திரிகளை சேர்த்து, தன் மந்திரிசபையின் பலத்தை 66 ஆக ஆக்கியிருக்கிறார்.

5 தென்மாநிலங்களில் இருந்து 9 பேர்தான் மந்திரி சபையில் இருக்கிறார்கள், தமிழ்நாட்டில் இருந்து பொன்.ராதாகிருஷ்ணன் ஒருவருக்குத்தான் இடம் கிடைத்திருக்கிறது என்று விமர்சனங்கள் சொல்லப்படுகின்றன. ஆனால், நிர்மலா சீதாராமனும் தமிழ்நாட்டைச் சேர்ந்தவர்தான். தமிழ்நாட்டைச் சேர்ந்த யாரை சந்தித்தாலும், அவர்கள் எவ்வளவு படித்து இருந்தாலும், எந்த பதவியில் இருந்தாலும், ஆங்கிலம் துளி கலப்பில்லாமல் தமிழிலேயே பேசும் அவரை கண்டிப்பாக தமிழ்நாட்டு கணக்கில்தான் சேர்க்கவேண்டும். தமிழ்நாட்டில் இருந்து பொன்.ராதாகிருஷ்ணன் ஒருவர்தான் பா.ஜ.க.வில் இருந்து பாராளுமன்ற தேர்தலில் தேர்ந்தெடுக்கப்பட்டுள்ளார். ராஜ்ய சபையில்கூட வேறு யாரும் பா.ஜ.க. உறுப்பினராக இல்லை. ஆக, வேறு யாருக்கும் கொடுக்கவும் வாய்ப்பு இல்லை. அவருக்கும் இப்போது நடந்த மந்திரிசபை மாற்றத்தில் முக்கிய பொறுப்பான சாலைப்போக்குவரத்து, நெடுஞ்சாலைகள் மற்றும் கப்பல் துறைகள் வழங்கப்பட்டுள்ளன. பொதுவாக, மத்திய மந்திரி என்பவர் அனைத்து மாநிலங்களுக்கும் பொதுவானவர். ஒரு மாநிலத்துக்கு மட்டுமானவர் அல்ல. அந்த வகையில், இப்போது மத்திய மந்திரிகளாக இருப்பவர்கள் அனைவரும், அனைத்து மாநிலங்களின் நன்மைக்காகவும் பாடுபடுவார்கள் என்ற உறுதியான நம்பிக்கை நாட்டு மக்களுக்கு இருக்கிறது.

அடுத்து ரெயில்வே துறை என்பது அன்றாடம் 2 கோடியே 30 லட்சம் பயணிகளை ஏற்றிச்செல்லும் 12 ஆயிரத்து 617 ரெயில்களையும், 30 லட்சம் டன் சரக்குகளை ஏற்றிச்செல்லும் 7,421 சரக்கு ரெயில்களையும் நிர்வகிக்கும் துறையாகும். இந்த துறையின் செயல்பாட்டில் திருப்தி இல்லாத மோடி, இந்த துறைக்கு வாஜ்பாய் மந்திரிசபையில் மின்சாரத்துறை மந்திரியாக பணியாற்றி புகழ்பெற்ற சுரேஷ் பிரபுவை தேடிப்பிடித்து கொடுத்து இருக்கிறார். அவரும் பதவி ஏற்பதற்கு முன்பு சிவசேனா கட்சியில் இருந்து விலகி, பா.ஜ.க.வில் சேர்ந்து இருக்கிறார். சுரேஷ் பிரபு நிச்சயமாக மோடியின் எதிர்பார்ப்புகளுக்கேற்ப செயல்படுவார். வாஜ்பாய் காலத்தில் அவர், தன் வேகத்துக்கு ஈடுகொடுக்கும் அதிகாரி வேண்டும் என்று தமிழ்நாட்டைச் சேர்ந்த பூர்ணலிங்கம் என்ற ஐ.ஏ.எஸ். அதிகாரியை தேடிப்பிடித்து எரிசக்தித்துறை கூடுதல் செயலாளராக்கினார். இந்தியாவில் மின்சார தட்டுப்பாட்டை போக்க 50 ஆயிரம் மெகாவாட் மின்சாரம் உற்பத்தி செய்யும் திட்டத்தை தீட்டி, தொடங்கப்போகும் காலத்தில் அரசியல் காரணங்களால் பதவி விலக நேரிட்டதால், அந்த திட்டங்களும் காற்றோடு கலந்த கீதங்களாகிவிட்டன. இப்போதும் அவர் புதிதாக எந்த திட்டங்களையும் அறிவிக்க வேண்டியது இல்லை. பயணிகளுக்கான வசதிகளிலும், ரெயில் போக்குவரத்திலும் தீவிர கவனம் செலுத்திவிட்டு, ஏற்கனவே இருந்த ரெயில்வே மந்திரிகள் குறிப்பாக கடந்த பட்ஜெட்டில் சதானந்த கவுடா அறிவித்த திட்டங்களையும் பட்டியலிட்டு நிறைவேற்றுவதற்கு முன்னுரிமை கொடுத்தாலே போதும். அவர் பதவியேற்றவுடனேயே ரெயில்வே திட்டங்களில் 12 ஆயிரம் கோடி ரூபாய் அளவிலான திட்டங்களை வெளிநாட்டு மற்றும் தனியார் முதலீடுகளுக்கு ஒப்படைக்க முடிவு எடுக்கப்பட்டுள்ளது. இதில் தமிழ் நாட்டுக்கான திட்டங்கள் இல்லை. இந்த ஒதுக்கீட்டிலும், இனி அறிவிக்கப்போகும் திட்டங்களிலும், தமிழ்நாட்டுக்கு உரிய பங்கு கிடைப்பதற்கான முயற்சிகளில் தமிழக அரசும், பாராளுமன்ற உறுப்பினர்களும் தீவிரமாக ஈடுபட வேண்டும்.

Source: Daily thanthi

வங்கிகளும் ஊழியர்களும்!

வங்கி ஊழியர் சங்கங்கள் வேலைநிறுத்தப் போராட்டத்தை அறிவித்த அதே வேளையில், அரசு வங்கிகளில் அரசுப் பங்கு 52% ஆகக் குறைக்கப்படும் என்றும் இதன் மூலம் அரசுக்கு ரூ.3 லட்சம் கோடி வருவாய் கிடைக்கும் என்றும் மத்திய நிதியமைச்சர் அருண் ஜேட்லி அறிவித்துள்ளார்.

வங்கி ஊழியர்களின் போராட்டம் அரசை இத்தகைய முடிவுக்குத் தள்ளியதா அல்லது அரசு இத்தகைய முடிவை எடுத்ததால்தான் வங்கி ஊழியர் சங்கங்கள் வேலைநிறுத்தம் செய்ய முடிவெடுத்தனவா என்ற கேள்விக்கு பதில் கிடைப்பது அரிது. அப்படியே பதில் சொல்வதாக இருந்தாலும், மழுப்பலாக, சந்தை தீர்மானிக்கும் என்று மட்டுமே சொல்ல முடியும்.

வங்கி ஊழியர் சங்கங்களுக்கும் இந்திய வங்கிகள் நிர்வாகத்துக்கும் இடையே தீர்வு காணப்படாத ஒரே பிரச்னை ஊழியர்களின் சம்பளம் மட்டுமே! 25% ஊதிய உயர்வு தர வேண்டும் என்று வங்கி ஊழியர் சங்கங்கள் வலியுறுத்துகின்றன. வேண்டுமானால் 23% ஆக குறைத்துக்கொள்கிறோம் என்கின்றன. ஆனால், இந்திய வங்கிகள் நிர்வாகம் இதற்கு இணங்க மறுக்கிறது. 11% ஊதிய உயர்வு மட்டுமே சாத்தியம் என்கிறது.

வங்கி நிர்வாகம் சொல்வதற்கு காரணம் இருக்கிறது. அரசுடைமையாக்கப்பட்ட வங்கிகளின் கிளைகளும் ஊழியர் எண்ணிக்கையும் தனியார் வங்கிகளைக் காட்டிலும் மிக அதிகம். அதனால், ஓர் ஊழியர் மூலம் வங்கி அடையும் சராசரி லாபம் என்பது தனியார் வங்கிகளைவிட, அரசு வங்கிகளில் குறைவாக இருக்கிறது. ஆனால், தனியார் வங்கி ஊழியர்கள் அரசு வங்கி ஊழியர்களுக்கான (ஊதியத்தின் மூலமாக ஏற்படும்) செலவோ, சராசரியாக ஓர் ஊழியருக்கு 5.6 லட்சமாகத்தான் இருக்கிறது. ஓர் ஊழியர் மூலம் வங்கிக்குக் கிடைக்கும் உழைப்பு பலன் (புரடக்டிவிடி) தனியார் வங்கியில் அதிகமாகவும் அரசு வங்கிகளில் குறைவாகவும் இருக்கிறது.

ஐசிஐசிஐ வங்கியில் (2010 ஆண்டு கணக்கின்படி) ஓர் ஊழியரால் கிடைக்கும் பலன் ரூ.44 லட்சம். ஆக்ஸிஸ் வங்கியில் ரூ.41 லட்சம். ஆனால், அரசு வங்கிகளில் ரூ.20 லட்சம் முதல் ரூ.24 லட்சம் வரைதான். இதுதவிர, அரசு வங்கிகளின் ஓய்வூதியக் கடமைகள் தவிர்க்க முடியாதவை.

தனியார் வங்கிகளில் திறமையில்லாத நபர் பணியமர்த்தப்பட்டிருந்தால், அல்லது உழைப்பைத் தர மறுக்கும் ஊழியர்களை நீக்கிவிட முடிகிறது. அரசு வங்கிகளில் அதற்கு வாய்ப்பே இல்லை.

ஊழியர் சங்கங்கள் இதை ஏற்பதில்லை.

மேலும், இன்றைய வணிக அலுவல்கள் இணையத்தின் மூலம் நடைபெறுவது அதிகரித்து வரும் நிலையில், கிராமங்களில் உள்ளவர்கள் பணத் தேவையை ஏ.டி.எம். மூலமும் மற்ற சேவைகளை நகர, புறநகர வங்கிக் கிளையில் நேரடியாகவும் பெற்றால் மட்டுமே தனியார் வங்கிக்கு இணையாக நிர்வாகச் செலவுகளைக் கட்டுப்

படுத்த முடியும் என்று அரசு வங்கிகள் நிர்வாகம் நம்புகிறது. அதற்கு, நிறைய வங்கிக் கிளைகளை மூட வேண்டியிருக்கும். பணியாளர்களை வேறு இடத்துக்கு மாற்ற வேண்டியிருக்கும். புதிதாக ஊழியர்களை நியமிப்பதை நிறுத்திவைக்க வேண்டியிருக்கும். இவற்றை செய்வதற்கு ஊழியர் சங்கங்கள் எதிர்ப்புத் தெரிவிக்கின்றன.

அரசு வங்கி ஊழியர்களில் தனிநபர் மூலம் கிடைக்கும் வருவாய் அல்லது உழைப்பு பலன் (புரடக்டிவிடி) தனியார் வங்கிகளுக்கு இணையாக உயராத நிலையில், 25% ஊதிய உயர்வு என்பது வங்கி நிர்வாகத்துக்குச் சாத்தியமில்லை என்பது நிர்வாகங்களின் வாதம்.

அரசு கொடுக்கும் வேளாண் கடன், கல்விக் கடன், தொழில் கடன் உள்ளிட்ட எல்லா கடன்களும் அரசு வங்கிகள் மூலம்தான் தரப்படுகின்றன. ஆகவே, அரசு வங்கிகளுக்கு நட்டம் ஏற்படுவதும், வருவாய் குறைவாக இருப்பதும் இயல்புதான். ஆனால், அரசு வங்கிகளில் தொழில்களுக்குத் தரப்பட்டு, திரும்பி வாராத கடன்தொகையைக் கணக்கிட்டால் அதன் அளவு மிக அதிகமாக இருக்கும். பிணை இல்லாமல், தொழிலுக்கான சந்தை இருக்கிறது என்பதை வல்லுநர்கள் மூலம் தீர்மானிக்காமல், வெறும் நம்பிக்கை அடிப்படையில் கடன் கொடுப்பதும், அரசியல்வாதியின் நெருக்கடிக்கு ஆளாவதும் அரசு வங்கிகளில்தான் அதிகம்.

வங்கியின் இயக்குநர்கள் குழுவில் அரசியல் சார்பில் யார் யாரையெல்லாமோ நியமிப்பதை எதிர்த்தும், தனிநபர்களின் தொழில் திட்டத்துக்கு பல நூறு கோடி ரூபாய் கடன் வழங்குவதை எதிர்த்தும் வேலைநிறுத்தம் செய்ய முன்வராத வங்கி ஊழியர்கள், தங்கள் நலனுக்காக மட்டும் வேலைநிறுத்தம் செய்வது எந்த வகையில் நியாயம்?

52 சதவீதப் பங்குகளை மட்டும் வைத்துக்கொண்டு மீதியை தனியாருக்கு விற்கும் அரசின் முடிவை பிறகு எவ்வாறு தடுக்க முடியும்?

Source: Dinamani

In a major boost to citizens and activists, a Committee set up by DoPT has recommended that there is no provision in the RTI Act or Rules to make any standard format for applications and so it should be done away with

Many Right to Information (RTI) applicants in Maharashtra and perhaps in other States where a standard format has been laid out by the respective governments face problems if they do not abide by it. Now, however, they are not bound by such a diktat, as a Committee appointed by the Department of Personnel & Training ( DOPT) has made it clear that no such provision (for specific format) exists in the RTI Act.

In the summary of the report issued by DoPT on 11th November, which will soon be circulated to the Public Authorities as guidelines, the Department clearly stated, “There should not be a model/ standard format for reply to the RTI application, as there is no such provision in the RTI Act or the RTI rules.”

The observations/ recommendations of the DoPT appointed Committee, instituted to evolve model format for RTI replies, comprised representatives of the Department, Ministry of Home Affairs (MHA) and Central Information Commission (CIC) and was submitted on 29th October.

Similarly, the Committee has recommended that the Public Information Officer (PIO) too need not have any typical format for replying though relevant details should be given in the reply and relevant sections should be quoted in case of denial of information.

After the circular of 17th October in Maharashtra by the state government, regarding, non-disclosure of “personal” details under RTI Act, there has been a lot of confusion and suppressing of information by the PIOs. Now, that this relevant and pro-public guidelines have been uploaded on the DoPT website, one hopes the Maharashtra government would issue a formal note.

Leading RTI activist Vijay Kumbhar, says, “The state government, which has been issuingcirculars by the dozens on issues like removing Anti-Corruption Bureau (ACB) from the RTI Act or confusing PIOs with the ‘personal’ information circular, should now gracefully make this important pro-people circular known through media and official websites of all public authorities. People are still harassed in case they do not file the RTI application in the required format as has been laid down by the state government.”

RTI activist and research scholar, Venkatesh Nayak though says that the DoPT did not do public consultation, before issuing the note. “The Government has issued guidelines for PIOs on how to reply to RTI applications. Strangely, the Committee comprising of a few government representatives has issued these guidelines without any consultation with others on the supply and demand side of information. While the guidelines are not bad, they are minimalistic. Civil society organisations (CSOs) and activists could have provided better advice to the Committee, if only if they had advertised this Committee's constitution. So much, for compliance with the consultation policy that was announced in January this year.”

Following are the observations of the Committee:

I. There is neither any provision in the RTI Ad or RTI Rules for a model/standard format of RTI application nor any provision for a model/standard format for reply to the RTI applications.

II. Presently, neither any standard practice nor any standard format is being used by the CPIOs in reply to the RTI applications.

In view of the above observations, the Committee has made the following recommendations :

a) There should not be a model/standard format for reply to the RTI application, as there is no such provision in the RTI Act or the RTI rules.

b) Moreover, keeping in view that there is no standard format for RTI applications, there could not be a standard format for their reply.

c) However, the following points can be uniformity adopted by the CPIOs while replying to the RTI applications:

i. The name, designation, official telephone no. and email I.D. of the CPIOs should be clearly mentioned.

ii. In case the information requested for is denied, reasons for denial quoting the relevant sections of the RTI Ad should be clearly mentioned.

iii. In case the information pertains to other public authority and the application is transferred under section 6 (3) of the RTI Act, details of the public authority to whom the application is transferred should be given.

iv. In the concluding para of the reply, there should be clearly mentioned that the First Appeal, if any, against the reply of the CPIO may be made to the First Appellate Authority within 30 days of receipt of reply of CPIO.

v. The name, designation, address, official telephone no. and e-mail I.D. of the First Appellate Authority should also be clearly mentioned.

 vi. Wherever the applicant has requested for certified copies of the documents or records, the CPIO should certify the documents or records by putting a seal of his name, designation and signing with date. Above the seal, the remarks that "documents/records provided under the RTI Act" should be endorsed.

(Vinita Deshmukh is consulting editor of Moneylife, an RTI activist and convener of the Pune Metro Jagruti Abhiyaan. She is the recipient of prestigious awards like the Statesman Award for Rural Reporting which she won twice in 1998 and 2005 and the Chameli Devi Jain award for outstanding media person for her investigation series on Dow Chemicals. She co-authored the book “To The Last Bullet - The Inspiring Story of A Braveheart - Ashok Kamte” with Vinita Kamte and is the author of “The Mighty Fall”.)

Source:  moneylife.in

PM launches digital life certificate for pensioners

Jeevan Pramaan will allow self-certification; over a crore to be benefited

In a big relief to over a crore retired employees of government and PSUs, a pensioner can now digitally provide proof of his existence to authorities for continuity of pension every year instead of requiring to present himself physically or through a Life Certificate issued by specified authorities.

The “Jeevan Pramaan” scheme, an Aadhar-based Digital Life Certificate for pensioners, launched by Prime Minister Narendra Modi on Monday, is one more enabling mechanism for the benefit of the common man after the push towards self-certification.

“The proposed digital certification will do away with the requirement of a pensioner having to submit a physical Life Certificate in November each year, in order to ensure continuity of pension being credited into his account,” a PMO statement said.

The Department of Electronics and IT has developed a software application which will enable the recording of the pensioner’s Aadhar number and biometric details from his mobile device or computer, by plugging in a biometric reading device.

Key details of the pensioner, including date, time, and biometric information, will be uploaded to a central database on real-time basis, ultimately enabling the pension disbursing agency to access a Digital Life Certificate.

This will conclusively establish that the pensioner was alive at the time of authentication, the statement said.

The earlier requirement entailed that a pensioner either personally present himself before the pension disbursing agency, or submits a Life Certificate issued by authorities specified by the Central Pension Accounting Office (CPAO).

At present, 50 lakh individuals draw pension from the central government alone. A similar number draw pension from State and Union Territory governments. Several PSUs also provide pension benefits besides which over 25 lakh retired personnel draw pension from the Armed Forces.

Source: The Hindu

தேவையை மீறுகிறதா நமது செலவு பழக்கம்?

சமீபத்தில் எனது உறவினர் வீட்டுக்குச் சென்றிருந்தேன். அங்கு மூலையில் ஓர் உடற்பயிற்சி இயந்திரத்தை மூட்டை கட்டி வைத்திருந்தனர். ஏன் இந்த இயந்திரத்தைப் பயன்படுத்தாமல் வைத்திருக்கிறீர்கள் எனக் கேட்டேன்.

''இது ஆன்லைன் மூலம் ஒரு பொருள் வாங்கியபோது ஆஃபர் விலையில் கிடைத்தது. வீட்டு உபயோகப்பொருள் வாங்க ஆன்லைனில் தேடியபோது, அந்தப் பொருளின் விலையோடு கொஞ்சம் கூடுதலாகப் பணம் கட்டினால் இந்த இயந்திரமும் தருவதாகச் சொன்னார்கள். எனவேதான் வாங்கினோம். ஆனால், வாங்கிய நாளிலிருந்து இதைப் பயன்படுத்தவே இல்லை'' என்றனர். தேவைப்படாத பொருளுக்கு எதற்குப் பணத்தை விரயம் செய்தீர்கள் என்றால், சரியான பதில் இல்லை.

இதைப்போல இன்னொரு அனுபவமும் சமீபத்தில் கிடைத்தது. நண்பர் ஒருவரது வீட்டுக்குச் சென்றிருந்தபோது அவர் மனைவி ஒரு தையல் இயந்திரம் வாங்கி வந்திருந்தார். இத்தனைக்கும் அவருக்கு தையல் தொழில் தெரியாது. இனி, தையல் கலையைக் கற்றுக்கொள்ளப் போகிறீர்களா என்று கேட்டால், இல்லை என்று சொன்னார்கள். பிறகு ஏன்தான் இந்த தையல் இயந்திரத்தை வாங்கினீர்கள் என்று கேட்டேன். ''எனது தோழி ஒருத்தி வைத்திருக்கும் எல்லா பொருட்களும் நானும் வைத்திருக்கிறேன். அவளுக்கு தையல் தெரியும், எனக்கு தையல் தெரியாது, என்றாலும் அவள் வாங்கிவிட்டாள் என்பதற்காக நானும் வாங்கினேன்'' என்றார். இந்தப் பதிலை கேட்டபோது எனக்கு ஆச்சர்யமாகத்தான் இருந்தது.

நமது பொருளாதாரப் பழக்கவழக்கம் சமீப காலங்களாக மிகப் பெரிய மாற்றம் கண்டுவருகிறது என்பதைத்தான் இந்த இரு சம்பவங்களும் எடுத்துச் சொல்கின்றன. நுகர்வு மோகம் அதிகரித்து வருவதுதான் இந்த மாற்றத்துக்குக் காரணம் என்கிறார்கள் நிதி ஆலோசகர்கள். மேலும், மக்களின் சேமிப்புப் பழக்கம் குறைந்து வருகிறது என்கின்றன புள்ளிவிவரங்கள்.

 தீவிரமான நுகர்வு பழக்கத்தின் விளைவு என்னவாகிறது? வாங்குகிற பொருள் நமக்குப் பயன்படுமா என்பது குறித்து சிந்திப்பதில்லை. அதற்குக் கொடுக்கும் விலை சரியானதுதானா என்பதை ஆராய்வதும் இல்லை. எனக்குப் பிடித்திருக்கிறது, நான் செய்கிறேன் என்கிறது இந்தத் தலைமுறை.

நமது பொருளாதாரப் பழக்கவழக்கம் பெருமளவில் சேமிப்பை அடிப்படையாகக் கொண்டது. நமது மக்கள் தங்களது வருமானத்தில் சேமிப்புக்கும் ஒரு முக்கியமான இடத்தை ஆரம்பக் காலந்தொட்டே கொடுத்து வருகின்றனர். இதைக் குடும்பச் சேமிப்புப் பழக்கம் என்பார்கள்.

இந்திய பொருளாதாரத்தின் முக்கியமான தூண் இந்தக் குடும்பப் பொருளாதார அமைப்புதான். எந்தப் பொருளை வாங்க வேண்டும் என்றாலும், அதன் பயன்பாடு என்ன, அது எவ்வளவு நாட்களுக்கு உழைக்கும், அந்தப் பொருளுக்குக் கொடுக்கும் மதிப்பு சரியானதுதானா என்பதை ஆராய்ந்த பிறகே செலவு செய்வார்கள்.

அமெரிக்காவில் சில ஆண்டுகளுக்கு முன்பு பொருளாதார நெருக்கடி ஏற்பட்டபோது, அதற்கு முக்கியக் காரணமாக இருந்தது, அமெரிக்க மக்கள் அதிகக் கடன் வாங்கி, அதைத் திருப்பிக் கட்டாததுதான். அப்போது அமெரிக்காவில் பலரும் தங்கள் வருமானத்தைவிடவும் அதிகமாகக் கடன் வாங்கியிருந்தார்கள். தங்களது தேவைக்கும் அதிகமான நுகர்வு பொருட்களை வாங்கி அடுக்கி இருக்கிறார்கள். இதன் காரணமாகத்தான் அமெரிக்கா நிதி நெருக்கடியில் சிக்கியது.

ஆனால், அந்த நெருக்கடி நிலையிலும் இந்திய பொருளாதாரத்துக்குப் பெரிய பாதிப்பில்லை. காரணம், நமது இந்திய பொருளாதாரத்தின் சேமிப்பும் யோசித்து யோசித்துச் செலவு செய்யும் குணமும்தான்.

இதைத் தாண்டியும் இப்போதெல்லாம், ஆஃபர்களுக்காகப் பொருட்கள் வாங்குவதும், அடிக்கடி பர்ச்சேஸ்செய்வதும் ஹாபி என்கிற மாதிரி நமது செலவு பண்புகள் மாறி வருகிறது. நமது செலவுப் பழக்கம் ஏன் இப்படி மாறிவருகிறது என நிதி ஆலோசகர் சுபாஷினி அவர்களிடம் கேட்டோம்.

''ஒவ்வொரு காலகட்டத்துக்கும் ஏற்ப மக்களின் பொருளாதாரப் பழக்கங்களில் ஏற்படும் மாற்றம் தவிர்க்க முடியாது. என்றாலும், இப்படியான நுகர்வுப் பழக்கம் நமது இந்திய பொருளாதாரத்துக்குப் புதியது. பொருளையோ, சேவையையோ எதை வாங்கினாலும் அது நமக்கு முற்றிலும் பொருத்தமானதா, பயன்படுத்துகிறோமா என்பதை ஒன்றுக்கு இரண்டுமுறை கவனித்து வாங்கும் பண்பு நம்மிடம் உள்ளது.

அடிக்கடி ஷாப்பிங் செல்வது மனநிறைவு கொடுக்கிறது என்றாலும், அதற்காக நாம் கொடுக்கும் விலை என்ன என்பதை யோசிக்க வேண்டும். வருமானத்தில் இத்தனை சதவிதம்தான் இதர செலவுக்கு ஒதுக்க முடியும் என்றால், அந்த வரம்புக்குள் நிறுத்திக்கொள்ள வேண்டும். மனதுக்கு நிறைவு தருகிறது என்பதற்காக எல்லா வரம்புகளையும் கடந்தால் நெருக்கடிகள் வருவதைத் தவிர்க்க முடியாது.

வருமானத்தைத் திட்டமிட்டுச் செலவு செய்யும் குடும்பத்தில் இதுபோன்ற சிக்கல்கள் இருக்காது. திட்டமில்லாமல் செலவு செய்தால் அவசரத்துக்கு மருத்துவச் செலவுக்குகூட திண்டாட்டமாகிவிடும். மன திருப்திக்கு முக்கியத்துவம் கொடுக்கும் அதேவேளையில், அதற்காக என்ன விலை கொடுக்கிறோம் என்பதைப் பார்க்காமலேயே வாங்கிவிட முடியாது.

நமது குடும்ப வருமானத்திலிருந்து செலவு செய்யத் திட்டமிடும்போது, ஒவ்வொன்றுக்கும் இத்தனை சதவிகிதம் என பிரித்துக்கொள்ள வேண்டும். கடன்களுக்கும், ஓய்வுக்காலத் திட்டமிடலுக்கும் முதன்மை கொடுங்கள். அதற்கடுத்து சேமிப்பு, வீட்டுச் செலவுகள், மருத்துவம், குழந்தைகள் கல்வி என்று பிரித்துக்கொள்ளுங்கள். அதற்குப் பிறகு மூன்றாவதாகத்தான் திட்டமில்லாத செலவுகளுக்கு ஒதுக்க வேண்டும்

ஒவ்வொரு காலகட்டத்திலும் தேவைகள் மாறிக்கொண்டிருக்கிறது என்பது தவிர்க்க முடியாததுதான். ஆனால், அந்தத் தேவை அப்போதைக்கு அத்தியாவசியமா என்பதைத் தெளிவாகப் புரிந்துகொள்ள வேண்டும். அந்தச் செலவு வீட்டில் உள்ள அனைவருக்கும் பயன்படுமா என்பதை அலச வேண்டும். குறிப்பாக, வீட்டுக்கு ஏசி இருந்தால் நன்றாக இருக்கும் என யோசிக்கிறீர்கள். இது தேவையா, அத்தியாவசியமா என்பது உங்களின் மாறிவரும் பொருளாதார நிலைமைகளுக்கு உட்பட்டது. ஆனால், நிதித் திட்டமிடல் இல்லாமல் இந்தச் செலவு செய்தால் பொருளாதார நெருக்கடிக்குள் மாட்டிக்கொள்வீர்கள்.

நமது அடிப்படை தேவை என்ன, எந்த அடிப்படையில் பொருளை வாங்குவது என்பது குறித்த குழப்பங்களைத் தீர்த்துக் கொள்ளும்போதுதான். நமது பணத்துக்கும் பங்கமில்லாமல், மனதுக்கும் நிம்மதியாகப் பொருட்களை வாங்க முடியும்" என்றார்.

ஒரு போன் வைத்திருப்பது தேவையாக இருக்கிறது. ஆனால், இன்றைய தலைமுறை இரண்டு போன்களை ஒரே சமயத்தில் வைத்திருப்பதும், நான்கு மாதங்களுக்கு ஒருமுறை போன் மாடல்களை மாற்றிக்கொண்டிருப்பதும் நமது செலவு பழக்கத்தின் சிறந்த அறிகுறியா என்பதை யோசிக்க வேண்டும்.

- நீரை.மகேந்திரன்

ஸ்னாப்டீலின் சேவிங்ஸ் டே! என்ன கவனிக்க வேண்டும்

இந்தியாவில் இனி யாரையுமே கடைக்கு போக விடமாட்டோம் என்று கூறும் அளவுக்கு இ-காமர்ஸ் நிறுவனங்கள் ஆஃபர்களை அள்ளி வழங்குகின்றன. அமேசானின் மிஷன் மார்ஸ், ஃப்ளிப்கார்ட்டின் பிக் பில்லியன் டேயை தொடர்ந்து தற்போது களமிறங்கியுள்ள ஸ்னாப்டீல் இன்று சேவிங்ஸ் டே என ஆஃபர் தினத்தை அறிவித்துள்ளது. இன்றைய ஆஃபர்கள் ஃப்ளிப்கார்ட் சந்தித்தது போல சொதப்பல்களை சந்திக்குமா? அதனை சரி செய்ய முயற்சிக்குமா? என்பதை பார்ப்போம்.

 

இன்று காலை 7 மணிக்கு ஆஃபர்கள் துவங்கின. ஸ்னாப்டீல் ப்ளிப்கார்ட்டின் பிக் பில்லியன் டே போல் தனித்தனி பிரிவுகளில் விற்பனை செய்யாமல் ஒரே ஆஃபராக ''ஹவர்லி ஆஃபர்ஸ்'' என்ற பெயரில் குறிப்பிட்ட நேரத்திற்கு அனைத்து பிரிவுகளில் உள்ள பொருட்களுக்கும் 50-60 சதவிகித ஆஃபர்களில் விற்பனை செய்கிறது. இதில் குறிப்பாக எலெக்ட்ரானிக்ஸ்,பேஷன், வீட்டு உபயோகப் பொருட்கள் தான் இடம் பெற்றுள்ளன. 

 

அதேசமயம் மற்ற இ-காமர்ஸ் நிறுவனங்களை போல சிறிது நேரத்தில் குறைந்த விலைக்கு அதிக ஆஃபரில் விற்கப்பட்ட பொருட்கள் விற்று தீர்ந்ததாக அறிவிக்கப்பட்டன. மணி நேரத்தை அடிப்படையாக கொண்டு ஸ்னாப்டீல் ஆஃபர்களை வெளியிட்டுள்ளதால் வாடிக்கையாளர்கள் இது தான் குறைந்த விலையா? இல்லை இன்னமும் குறையுமா என்ற குழப்பத்தில் இருப்பதாக சமூக வலைதலங்களில் கருத்து தெரிவிக்கின்றனர்.

 

 

இந்த ஆஃபர்களில் பொருட்களை வாங்கும் முன் கவனிக்க வேண்டியவை:

 

ஏற்றி இறக்கும் ஆஃபர்!

 

இ-காமர்ஸில் பொருள் வாங்குபவர்கள் முதலில் கவனிக்க வேண்டியது, விலையைத்தான். சமீபத்தில் பிரபல இ-காமர்ஸ் இணையதளம் ஒன்று ஃபாலோ செய்த டெக்னிக் திகைக்க வைத்தது. ஒரு குறிப்பிட்ட விலையைப் பொருளின் விலையாக நிர்ணயித்துவிட்டு, அதில் 60% ஆஃபரை வழங்கியது. ஆனால், அந்த இணையதளம் காட்சிக்கு வைத்த பொருளின் புகைப்படத்தில் அதிகப்பட்ச விற்பனை விலை (MRP) குறைவாகத்தான் அச்சிடப்பட்டிருந்தது. உண்மையில் ஒப்பிட்டுப்பார்த்தால், ஆஃபர் விலையானது அச்சிடப்பட்ட விலையைவிட அதிகம். இப்படி விலையை உயர்த்தி, பின்னர் அதில் தள்ளுபடி வழங்குவதை வாடிக்கையாகக் கொண்டுள்ளன ஆன்லைன் நிறுவனங்கள். ஆக, ஒரு பொருளின் விலை நேரடியாக விற்கப்படும் கடைகளில் எவ்வளவு என நன்கு விசாரித்து, ஆன்லைனில் நிஜமாகவே குறைவாக இருந்தால் மட்டுமே வாங்கலாம்.

 

நிதானம் முக்கியம்!

 

இன்னும் சில மணி நேரங்களுக்கே ஆஃபர் என ஆன்லைனில் செய்யப்படும் விளம்பரங்களைப் பார்த்துநீங்கள் அவசரப்பட வேண்டாம். காரணம், பொருள்களை வாங்கும்முன், அந்தப் பொருளின் விலை எப்படியெல்லாம் மாறி தற்போது இந்த விலையில் இருக்கிறது என்பதை வரைபடமாக வழங்கும் அளவிலான தொழில் நுட்பத்தைக் கூகுள் வழங்கியுள்ளது. உங்கள் கூகுள் க்ரோம் ப்ரெளஸரில் ‘கம்பேர் ஹாட்கே’ (Compare Hatke) எனும் இணைப்பை இன்ஸ்டால் செய்துவிட்டால் போதும், நீங்கள் எந்த இ-காமர்ஸ் இணையதளத்தில் எந்தப் பொருளைத் தேடினாலும், அதன் முந்தைய விலையை வரைபடமாக தந்துவிடும். இதற்கு அதிகபட்சம் இரண்டு நிமிடம்கூட ஆகாது. இந்த இரண்டு நிமிடத்துக்கு அவசரப்பட்டால் குறைந்த விலையில் வர்த்தகமான பொருளை அதிக விலை கொடுத்து வாங்க நேரிடும்.

 

உத்தரவாதம் உண்டா?

 

நிஜமான தள்ளுபடி விலையில் பொருள்களை வாங்குகிற அதேநேரத்தில், அந்தப்  பொருளுக்கான கேரன்டி சர்ட்டிஃபிகேட்டைப் பார்த்து வாங்கு வதும் முக்கியம். எந்த ஒரு பொருளுக்கு கீழேயும் தரப்பட்டிருக்கும் விவரங்களை நம்மில் பலரும் படித்துப் பார்ப்பதே இல்லை. அதில், இதனை வழங்கும் சப்ளையர் உத்தரவாதமானவரா என்பதை அறிய ‘செக்யூர் ஷாப்பிங் சான்றிதழ் ஒன்று வழங்கப்பட்டிருக்கும். அப்படி வழங்கப்பட்ட பொருள்களுக்குத் தான் ஏதாவது தவறு நடந்தால், இழப்பீடோ அல்லது சர்வீஸோ திரும்பக் கேட்க முடியும். சான்றிதழ் பெறாதப் பொருள்கள் ரிஸ்க் நிறைந்தவையே!

 

ச.ஸ்ரீராம்

புற்றுநோய்க்கு மருந்தாகுது தேள் விஷம்!

தேள் என்றாலே நமக்குப் பயம்தான் வரும். ஆராய்ச்சியாளர்களுக்கோ தேள் மீது அதீத ஆர்வம். தேளின் விஷத்தில் என்னவோ இருக்கிறது என்ற சந்தேகம்தான் ஆராய்ச்சியாளர்களின் ஆர்வத்துக்குக் காரணம்!

‘ஒருமுறை தேள் கொட்டிவிட்டால், அவர்களுக்கு ஆயுள் முழுவதும் இதயம் தொடர்பான பாதிப்புகள் எதுவும் வராது’ என்று 2008ல், இங்கிலாந்தை சேர்ந்த லீட்ஸ் பல்கலைக்கழக ஆய்வு ஆச்சரியம் கிளப்பி இருந்தது. அதைத் தொடர்ந்து தேளின் விஷத்தில் இருந்து புற்றுநோய்க்கு மருந்து தயாரித்ததாக ஒரு ரஷ்ய மருந்து நிறுவனம் அறிவித்தது. இப்போது அமெரிக்காவில் உள்ள சியாட்டில் புற்றுநோய் மைய ஆராய்ச்சியாளர்கள் தேள் விஷத்திலிருந்து மூளைப் புற்றுநோய்க்கு மருந்து கண்டு பிடித்திருக்கிறார்கள். புற்றுநோயிலிருந்து மனித உயிர்களைக் காப்பாற்ற இது பெரிதும் உதவும் என்று நம்பிக்கை தெரிவித்ததோடு, மனிதர்களுக்கு இந்த மருந்தைப் பயன்படுத்தும் நடவடிக்கைகளில் இறங்கியிருக்கிறார்கள்.

முதல்முறையாக இதை ஏற்றுக் கொண்டிருக்கிறது அமெரிக்காவின் உணவு மற்றும் மருந்து தரக் கட்டுப்பாட்டு நிறுவனமான ‘எஃப்.டி.ஏ’. அத்துடன், இந்த மருந்தை மூளைப் புற்றுநோயாளிகளுக்குப் பரிசோதித்துப் பார்க்கவும் எஃப்.டி.ஏ. அனுமதி அளித்திருக்கிறது. இதற்கு முன் ரஷ்யாவை சேர்ந்த நிறுவனம் மருந்து தயாரித்திருப்பதாக அறிவித்திருந்ததை எஃப்.டி.ஏ. ஏற்றுக்கொள்ளவில்லை. ‘ட்யூமர் பெயின்ட்’ என்று பெயரிடப்பட்டிருக்கும் இந்த மருந்து, முதல் கட்டமாக மூளைப் புற்றுநோயால் பாதிக்கப்பட்ட 21 பேருக்கு அளிக்கப்பட உள்ளது. இதன்மூலம் புற்றுநோய் செல்களை முழுமையாகவும் பாதுகாப்பாகவும் அகற்ற முடியும் என்று நம்பிக்கையில் இருக்கிறார்கள் ஆய்வாளர்கள்.

ட்யூமர் பெயின்ட் மருந்தை, இஸ்ரேலில் காணப்படும் ‘டெத் ஸ்டாக்கர்’ என்ற கடும் விஷம் கொண்ட தேளின் விஷத்திலுள்ள புரதத்தில் இருந்து உருவாக்கியிருக்கிறார்கள். சியாட்டிலை சேர்ந்த பேராசிரியரும் புற்றுநோய் சிறப்பு மருத்துவருமான ஜிம் ஆல்ஸன் தயாரிப்பு இது. ஏற்கெனவே சுண்டெலிகளுக்கும் நாய்களுக்கும் பரிசோதித்துப் பார்க்கப்பட்டு வெற்றியடைந்துள்ளது.

80 லட்சம் அமெரிக்க டாலர் செலவான இந்த ஆய்வு வெற்றி பெற்றிருப்பதால், இப்போது தேளின் விஷத்தை இயற்கை மூலக் கூறுகளில் இருந்து தயாரிக்க முடியுமா என்றும் செயற்கையாகத் தயாரிக்க முடியுமா என்றும் ஆலோசனையில் இருக்கிறார்கள். அப்புறம், ஒவ்வொரு முறையும் தேளைத் தேடிப் போய் கொட்டு வாங்க முடியாதில்லையா?

ரேஷன் அட்டைகளுக்கு பதிலாக வழங்கப்பட உள்ள ஸ்மார்ட் அட்டைகள் தயாரிக்கும் பணி தீவிரம் பெரம்பலூர், அரியலூரில் முதல்கட்ட நடவடிக்கை

சென்னை


ரேஷன் அட்டைகளுக்கு பதிலாக வழங்கப்பட உள்ள ஸ்மார்ட் அட்டைகளை தயாரிக்கும் பணியில் தமிழக அரசு தீவிரமாக இறங்கியுள்ளது. பெரம்பலூர், அரியலூரில் அதற்கான முதல்கட்ட நடவடிக்கைகள் எடுக்கப்படுகின்றன.

ஸ்மார்ட் அட்டைகள்

தமிழகத்தில் ரேஷன் அட்டைகளுக்கு பதிலாக ஸ்மார்ட் அட்டைகளை வழங்க தமிழக அரசு முன்வந்துள்ளது. இதற்கான அறிவிப்பை ஏற்கனவே அரசு வெளியிட்டுள்ளது. ‘‘பயோமெட்ரிக்’’ அடையாளம் என்று அழைக்கப்படும் விரல் ரேகை, கருவிழி பதிவு ஆகியவற்றுடன் ஸ்மார்ட் அட்டைகள் வழங்கப்படவுள்ளன.

மத்திய அரசின் ஆதார் அட்டைகள் வழங்கும் பணி தமிழகத்தில் நடைபெற்று வருகிறது. தேசிய மக்கள் தொகை பதிவின் (என்.பி.ஆர்.) அடிப்படையில் ஆதார் அட்டைகள் வழங்கப்படுகின்றன.

தாலுகா அளவில் முகாம்

தற்போது தமிழகத்தில் மக்கள் தொகையின் எண்ணிக்கை 7 கோடிக்கும் மேலாக உள்ளது. இங்கு 4.91 கோடி பேர் (73 சதவீதம்) பேர் என்.பி.ஆர். பதிவில் உள்ளனர். இவர்களில் 4.65 கோடி பேருக்கு ஆதார் எண்கள் அல்லது ஆதார் அட்டைகள் வழங்கப்பட்டுவிட்டன.

ஆதார் அடிப்படையில் ஸ்மார்ட் அட்டைகளை வழங்க தமிழக அரசு முடிவு செய்துள்ளது. ஆனால் தமிழகத்தில் முழுமையாக என்.பி.ஆர். பதிவு நடைபெறவில்லை. எனவே விடுபட்டுப்போனவர்களையும், புதிதாக பிறந்தவர்களையும் சேர்ப்பதற்காக இம்மாதம் 15–ந் தேதியில் இருந்து தாலுகா அளவில் முகாம்கள் நடத்தப்படவுள்ளன.

இரண்டு மாவட்டங்கள்

இதன் மூலம் அனைத்து மக்களையும் என்.பி.ஆர். பதிவில் சேர்ப்பதற்கு முழு முயற்சி எடுக்கப்படுகிறது. அதன் பின்னர் என்.பி.ஆரின் அடிப்படையில் விடுபட்டுப்போனவர்களுக்கு ஆதார் எண்களை மக்களுக்கு மத்திய அரசு வழங்கும்.

தற்போது அதிக அளவில் அரியலூர், பெரம்பலூர் ஆகிய மாவட்டங்களில் ஆதார் எண்கள் வழங்கப்பட்டுள்ளன. அங்கு 80 சதவீதத்துக்கும் மேற்பட்டவர்களுக்கு ஆதார் எண்கள் வழங்கப்பட்டுவிட்டதால், ஸ்மார்ட் அட்டைகளை தயாரிக்கும் பணியை தொடங்க, அந்த இரண்டு மாவட்டங்களையும் தமிழக அரசு தேர்வு செய்துள்ளது.

போலி அட்டைகள்

இந்த மாவட்டங்களில் விடுபட்டுப்போனவர்களுக்கு முகாம்கள் மூலம் ஆதார் எண்கள் வழங்கப்பட்ட பிறகு, ஸ்மார்ட் அட்டைகளை தயாரிக்கும் பணியை தொடங்க அதிகாரிகள் திட்டமிட்டுள்ளனர்.

விரல் ரேகை, கருவிழி போன்ற பயோ மெட்ரிக் பதிவுகளோடு, ரேஷன் அட்டைகளுக்கு பதிலாக ஸ்மார்ட் அட்டைகள் தயாரிக்கப்படுவதால், 100 சதவீத போலி ரேஷன் அட்டைகளை ஒழிக்க முடியும்.

எப்போது வழங்கப்படும்?

தற்போது தமிழகத்தில் ஒரு கோடியே 98 லட்சம் ரேஷன் அட்டைகள் வழங்கப்பட்டுள்ளன. இவற்றில் போலி அட்டைகளும் இடம் பெற்றுள்ளன. எனவே ஆதார் பதிவுகளின் அடிப்படையில் ஸ்மார்ட் அட்டைகள் வழங்கப்பட்டுவிட்டால், போலி அட்டைகள் தானாக ஒழிந்துவிடும்.

ஸ்மார்ட் அட்டைகளை தயாரிக்க தொடங்கிவிட்டால் அவற்றை 3 மாதங்களுக்குள் வழங்கிவிடலாம் என்று சம்பந்தப்பட்ட அதிகாரிகள் தெரிவித்தனர். ஆனால் அவற்றை மக்களுக்கு எப்போது வழங்க வேண்டும் என்பது அரசின் கொள்கை முடிவுக்கு உட்பட்டது என்றும் குறிப்பிட்டனர்.

உள்தாள் ஒட்டப்படும்

தற்போது டிசம்பர் 31–ந் தேதியுடன் ரேஷன் அட்டைகளின் காலம் முடிவடைகிறது. எனவே அவற்றில் உள்தாள் ஒட்டப்பட்டு, குறிப்பிட்ட காலம் வரை அதன் ஆயுள் அளவு நீட்டிக்கப்படும் என்றும் அதிகாரிகள் தெரிவித்தனர்.

ஸ்வீட், ஹாட் கோடு வேர்டுகள்

புதிதாக ஒருவர் இணையதளத்தைப் பயன்படுத்தினால், அதில் இன்றைய இளைய தலைமுறையினர் பயன்படுத்தும் வார்த்தைகளைப் பார்த்தவுடன் நிச்சயம் தலை சுற்றி மயங்கிவிடுவார். ஏனென்றால் அந்த வார்த்தைகளுக்கு அர்த்தம் கண்டுபிடிப்பது அவ்வளவு கஷ்டம்.

வார்த்தைகளைச் சுருக்கிப் படிப்பதற்காகவே சுருக்கெழுத்து படிப்புகூட இருக்கிறது. அந்தப் படிப்பே தேவையில்லை என்று சொல்லுமளவுக்கு ஆங்கில வார்த்தைகளைச் சுருக்கி, ஒவ்வொன்றுக்கும் ஒரு அர்த்தம் கொண்டு, அந்த மொழியில் பேசிக்கொள்கிறார்கள் இந்தக் காலத்து இளைஞர்கள்.

குறிப்பாக ஃபேஸ்புக், ட்விட்டர் போன்ற சமூக வலைதளங்களிலும், சாட்டிங்கிலும்தான் இந்தச் சுருக்கப்பட்ட வார்த்தைகள் அதிகம் புழங்குகின்றன. இப்படி வார்த்தையைச் சுருக்கிப் பயன்படுத்துவதால், நேரம் மிச்சமாவதோடு, விரைவில் உணர்வை வெளிப்படுத்த முடிகிறது என்று இதற்கு இளைஞர்கள் காரணம் கூறுகிறார்கள். சரி, இணையதளத்தில் இளைஞர்கள் பயன்படுத்தும் வார்த்தைகள் சிலவற்றைப் பார்ப்போம்.

ASL

சாட்டிங்கில் யாருடனாவது பேச வேண்டும் என்று நினைத்து ‘ஹாய்’ போட்டால், பதிலுக்கு ‘ஹாய்’ என்ற வார்த்தை பெரும்பாலும் வராது. அதற்குப் பதில் இந்த வார்த்தைத்தான் வரும் இதன் அர்த்தம் ‘வயது, பாலினம், ஊர்’ என்று அர்த்தம். இதற்கு நீங்கள் அளிக்கும் பதிலைப் பொறுத்து எதிர்முனையில் சாட் செய்பவர் உங்களிடம் பேசலாம், பேசாமலும் போகலாம்.

MYOB

புதிதாக யாருடனாவது சாட்டிங் செய்ய ஆசைப்பட்டு ‘ஹாய்’ என்று சொன்னால், எதிர்முனையில் இருந்து ஒருவேளை இந்தச் சொல் பளிச்சிடும். இதனைப் பார்த்தவுடன் பலருக்கும் ஒன்றும் புரியாமல் போகலாம். ஆனால், ‘மைன்ட் யுவர் ஓன் பிசினஸ்’ (உன் வேலையைப் பார்த்துட்டுப் போ) என்று சொல்லுவோமில்லையா? அதான் இதன் அர்த்தம்.

LOL

சாட்டிங் செய்யும்போது மிகவும் சிரிப்புமூட்டும் விஷயத்தைப் பரிமாறிக் கொள்ளும்போது, அதை வெளிப்படுத்த இந்த வார்த்தையை பயன்படுத்துவார்கள். ‘லாஃபிங் அவுட் லவுட்’ என்பதன் சுருக்கம்தான் இந்த வார்த்தை.

OMG

இந்த வார்த்தை சாட் செய்பவர்கள் மத்தியில் மிகவும் பிரபலம். இந்த வார்த்தைக்கு என்ன அர்த்தம் தெரியுமா? ‘ஓ மை காட்'. ஆச்சரியமான, அதிர்ச்சிகரமான செய்திகளைப் பரிமாறிக் கொள்ளும்போது இந்த வார்த்தைகளால் வெளிப்படுத்துவார்கள்.

AYL

சாட்டிங்கில் பதில் கொடுக்கத் தாமதமானால், எதிர் முனையில் இருந்து இந்த வார்த்தை வரும். ‘ஆர் யு லிசனிங்’ ( நான் சொல்றதைக் கேட்குறியா?) என்று இதற்கு அர்த்தம்.

BFF

‘பெஸ்ட் ஃப்ரெண்ட் ஃபார்எவர்’ (எப்போதும் மிகச் சிறந்த நண்பர்) என்று இதற்கு அர்த்தம்.

BZY

இந்த வார்த்தைக்கு ‘பிஸி’ என்று அர்த்தம்.

இவை எல்லாம் சில உதாரணங்கள்தான். இணையதளத்தில் உலா வரும் இந்தக் காலத்து இளைஞர்களும், இளைஞிகளும் இப்படி ஆயிரக்கணக்கான வார்த்தைகளைப் பயன்படுத்துகிறார்கள்.

வந்தாச்சு டிக்‌ஷனரி

இப்படிச் சுருக்கமான வார்த்தைகளைப் பார்த்துப் பயப்படவே தேவையில்லை. இதற்காகவே டிக்‌ஷனரிகூட வந்துவிட்டது. www.noslang.com/index.php என்ற இணையதளத்திற்குச் சென்றால், அகர வரிசைப்படி சுருக்கப்பட்ட வார்த்தைகள் ஆயிரக்கணக்கில் உள்ளன. இவையெல்லாமே இணையதளத்தைப் பயன்படுத்துபவர்களுக்காகவே வெளியிடப்பட்டிருக்கின்றன.

அது மட்டுமல்ல, இந்த இணையதளத்தில் உள்ள ஸெர்ச் பாக்சில் நமக்குப் புரியாத சுருக்கப்பட்ட வார்த்தையை இட்டால், அதற்குரிய விளக்கம் உடனே வந்து விடுகிறது. குறிப்பாக, 10q - தேங்க் யூ, 10x - தேங்க்ஸ், 2b - டு பி(இருக்க), b4n - பை ஃபார் நளவ், cb - கம் பேக், coz - பிகாஸ் என்று அர்த்தம் பளிச்சிடுகிறது.

சமூக இணையதளங்களிலோ பயன்படுத்தும் முன்போ, சாட்டிங்கில் ஈடுபடும் முன்போ இந்த இணையதளத்தை ஒருமுறை பாருங்களேன்!

ஒவ்வோர் அழைப்பிலும் ஓர் உயிர்

பார்ப்பதற்கு ஏதோ கால் சென்டர் போலத் தோற்ற மளிக்கிறது, அழைப்புகளை ஏற்கும் அந்தக் கட்டுப்பாட்டு அறை. தமிழகத்தின் எந்த மூலையில் இருந்து அழைத்தாலும் இந்தக் கட்டுப்பாட்டு அறையில்தான் அழைப்புகள் ஏற்கப்படுகின்றன. இங்கிருக்கும் அனைவரும் காதுகளில் ஹியர் போனை மாட்டிக்கொண்டு அழைப்பாளரிடம் வேகமாகப் பேசிக்கொண்டிருக்கிறார்கள்.

‘வணக்கம் 108’

‘நீங்க எந்த இடத்தில் இருந்து பேசுகிறீங்க?’

‘எந்த மாவட்டம்?’

‘என்ன தாலுகா?’

‘அருகில் இருக்கிற முக்கிய இடத்தைச் சொல்ல முடியுமா?’

- இப்படித் தொடர்ச்சியான கேள்விகள் மூலம், தொடர்புகொண்டவரிடம் இருந்து அடிப்படைத் தகவல்கள் பெறப்படுகின்றன. பிறகு அழைத்தவரை லைனில் காத்திருக்கச் சொல்லிவிட்டுச் சம்பந்தப்பட்ட பகுதியில் இருக்கும் ஆம்புலன்ஸைத் தொடர்புகொள்கிறார்கள். ஆம்புலன்ஸ் டிரைவரை இவர்கள் பைலட் என்று குறிப்பிடுகிறார்கள். அவரையும் கான்ஃப்ரன்ஸ் கால் மூலம் இணைத்து அழைப்பாளரிடம் பேசச் சொல்லிவிட்டு இணைப்பைத் துண்டிக்கிறார்கள். ஆம்புலன்ஸ் டிரைவரும் தேவைப்பட்ட தகவல்களைப் பெற்றுக்கொண்டு, மருத்துவ ஊழியருடன் சம்பந்தப்பட்ட இடத்துக்கு விரைகிறார்.

அதிகரிக்கும் அக்கறை

சாலையில் செல்லும்போது ஏதாவது விபத்தையோ அசம்பாவிதச் சம்பவத்தையோ வேடிக்கை பார்த்துச் செல்வது முன்பெல்லாம் வழக்கமாக இருந்தது. இப்போது யார் விபத்தில் சிக்கினாலும், அதை முதலில் பார்ப்பவர் தமிழக அரசின் சுகாதாரத்துறை சார்பில் செயல்பட்டுவரும் 108-க்கு போன் செய்து அழைப்பது புது வழக்கமாக மாறிவிட்டது.

சாலை விபத்துகள் மட்டுமல்லாமல் மகப்பேறு, கலவரம், கட்டிட இடிபாடு போன்றவற்றுக்கும் எண் 108 தொடர்புகொள்ளப்படுகிறது. உடனே அவசர ஊர்தி வருகிறது. பாதிக்கப்பட்டவர்களோ, மருத்துவ உதவி தேவைப்படுகிறவர்களோ அதில் ஏறிச் செல்கிறார்கள். 108 சார்ந்து நமக்குத் தெரிந்த பிம்பம் இதுதான். ஆனால், நெருக்கடிகள் நிறைந்த இந்த அவசர சேவைப் பிரிவு எப்படி இயங்குகிறது? அதற்கு விடை தருகிறது சென்னை திருவல்லிக்கேணி அரசு கஸ்தூரிபா காந்தி தாய் சேய் நல மருத்துவமனை வளாகத்துக்குள் செயல்பட்டுவரும் 108 அவசர கால சேவை அலுவலகம்.

தொடரும் கண்காணிப்பு

மருத்துவம், காவல், தீயணைப்பு ஆகிய மூன்று துறையினருடனும் இவர்கள் தொடர்பில் இருக்கிறார்கள். எந்த அழைப்பாக இருந்தாலும் அருகில் இருக்கிற அரசு மருத்துவமனைக்கு முதலில் தகவல் தெரிவிக்கிறார்கள். கலவரம், விபத்து, இயற்கைப் பேரிடர் போன்ற சம்பவங்களின்போது காவல், தீயணைப்புத் துறையினருக்குத் தகவல் தெரிவிக்கிறார்கள். 108 அலுவலகத்துக் குள்ளேயே மருத்துவர் குழுவும் இருக்கிறது.

உதவி தேவைப்படும்போது மருத்துவர்கள், அழைப்பாளர்களுடன் தொடர்புகொண்டு தகவல் பெற்று வழிநடத்துகிறார்கள். ஆம்புலன்ஸில் இருக்கிற மருத்துவ உதவியாளருக்குத் தேவைப்படும் உதவிகளையும் இந்த மருத்துவர் குழு வழங்கும். இத்துடன் இவர்களுடைய வேலை முடிந்துவிடுவதில்லை. ஆம்புலன்ஸின் பயணம் முழுமையாகக் கண்காணிக்கப்படுகிறது. ஏதாவது தாமதமோ, தடங்கலோ ஏற்பட்டால் விளக்கம் கேட்கப்பட்டு, அவசியமான நடவடிக்கை எடுக்கப்படுகிறது.

குறை போக்கும் முயற்சி

108 சேவையைத் தொடர்பு கொண்டவர் களை 48 மணி நேரம் கழித்து மீண்டும் தொடர்பு கொண்டு, பாதிக்கப் பட்டவரின் நிலைமையை விசாரிக் கிறார்கள். சேவையில் திருப்தி யில்லை என்று அழைப்பாளர்கள் சொன்னால், எந்த இடத்தில் தவறு எனக் கண்டறிந்து அவற்றைச் சரிசெய்ய முயல்கிறார்கள்.

தமிழக அரசின் சுகாதாரத் துறை சார்பில் 108 அவசர கால சேவை பிரிவு கடந்த 2008-ம் ஆண்டு முதல் செயல்பட்டு வருகிறது. ஒரு நாளுக்குக் குறைந்தது 7, 500 அழைப்புகள்வரை ஏற்கப்படுகின்றன. 24 மணி நேர சேவைப் பிரிவு என்றாலும், மாலை 4 மணிக்கு மேல்தான் நிறைய அழைப்புகள் வருகின்றன என்கிறார் இந்தச் சேவைப் பிரிவின் விழிப்புணர்வு மற்றும் மருத்துவமனைகள் தொடர்புத்துறை மேலாளர் பிரபுதாஸ்.

“பள்ளி, அலுவலகம் முடிந்து அனைவரும் வீடு திரும்பும்போது போக்குவரத்து அதிகமாக இருக்கும். பகல் வெளிச்சம் குறைந்து இரவு தொடங்கும்போது நிறைய சாலை விபத்துகள் ஏற்படக்கூடும். அதனால் மாலை 4 மணிக்கு மேல் அதிகபட்ச அழைப்புகள் வருகின்றன” என்று சொல்லும் பிரபுதாஸ், நகரங்களைவிடக் கிராமப் புறங்களில் இருந்தே அதிகபட்ச அழைப்புகள் வருகின்றன என்கிறார்.

நிறைந்த வசதி

நகரங்களில் மருத்துவமனைகளும் மருத்துவ வசதிகளும் அதிகம். கிராமப் பகுதிகளில் இவை குறைவு என்பதால் 108 அவசர கால சேவைப் பிரிவைப் பொதுமக்கள் அதிகமாகத் தொடர்புகொள்கிறார்கள். கிராமப் பகுதிகளைப் பொறுத்தவரை மகப்பேறு தொடர்பான அழைப்புகளே அதிகம். பல பிரசவங்கள் 108 ஆம்புலன்ஸிலேயே நடந்திருக்கின்றன.

இதுவரை கிட்டத்தட்ட 4 கோடி அழைப்புகளுக்கு மேல் வந்திருக்கின்றன. அவற்றில் உயிருக்கு ஆபத்தான நிலையில் இருந்து காப்பாற்றப்பட்டவர்களின் எண்ணிக்கை மட்டும் இரண்டு லட்சத்தைத் தொடுகிறது. மகப்பேறு, சாலை விபத்துகள் தவிர மாரடைப்பு, மூச்சிரைப்பு, வயிற்று உபாதைகள், விஷம் தொடர்பானவை, தாக்குதலில் அடிபடுதல், விலங்குகளால் ஏற்படும் பாதிப்புகள், காக்காய் வலிப்பு, பிறந்த குழந்தைகள் தொடர்பான பாதிப்புகள், பக்கவாதம், திடீர் மயக்கம், தீ விபத்து இப்படி நீள்கிறது பட்டியல்.

முதலுதவி

இவற்றில் உடனடியாகச் சிகிச்சை தேவைப்படுகிறவர்களுக்கு ஆம்புலன்ஸில் வைத்தே முதலுதவி அளிக்கப்படுகிறது. எல்லாவிதமான உபகரணங்களும் ஆம்புலன்ஸில், எப்போதும் தயார்நிலையில் இருக்கின்றன. மகப்பேறின்போது ஏற்படும் அதிக ரத்தப்போக்கைக் கட்டுக்குள் வைக்கும் உபகரணம் அவற்றுள் குறிப்பிடத்தக்கது.

தமிழகம் முழுவதும் 684 ஆம்புலன்ஸ் வாகனங்கள் இருக்கின்றன. பச்சிளங் குழந்தைகளுக்கும், மலை யோரப் பகுதிகளுக்குமான வாகனங்கள் பிரத்யேகமாக வடிவமைக்கப் பட்டிருக்கின்றன. நகரங்களைவிடக் கிராமப் பகுதிகளில் வாகனங்கள் அதிக எண்ணிக்கையில் இருக்கும்படியாகப் பார்த்துக் கொள்கிறார்கள். தேவையைப் பொறுத்து ஒரு இடத்துக்கே பல ஆம்புலன்ஸ் வாகனங்களையும் அனுப்பி வைக்கிறார்கள்.

செம்மைப்படுத்தும் பயிற்சி

கிட்டத்தட்ட 3,500 பேரின் ஒத்துழைப்போடு நடைபெறுகிறது இந்தச் சேவை. வாகனம், மருத்துவம், காவல்துறை என அனைத்தையும் ஒருங்கிணைக்கும் இந்தப் பணியில் இருப்பவர்கள் எப்போதும் விழிப்புடனும் மனத் தெளிவோடும் விடாமுயற்சியுடனும் இருக்க வேண்டும். காரணம், வெளியூருக்கு வந்து விபத்தில் சிக்கிக்கொள்பவர்களுக்குத் தாங்கள் எங்கே இருக்கிறோம் என்பதே தெரியாது.

படிப்பறிவில்லாத மக்களுக்குப் பாதிக்கப்பட்டவர்களின் நிலையைத் தெளிவாக எடுத்துச் சொல்ல முடியாது. இதுபோன்ற நேரத்தில் அழைப்பாளரிடம் பொறுமையாகப் பேசி தொடர் கேள்விகள் கேட்டு, அவர்களுக்கு உதவ வேண்டும். 108 சேவை மையத்தில் பணியாளர்களாகத் தேர்வு செய்யப்படும் ஆம்புலன்ஸ் ஓட்டுநர்களுக்கும் மருத்துவ உதவியாளார்களுக்கும்  அழைப்பை ஏற்றுப் பதில் சொல்லும் பதிவு அலுவலர்களுக்கும் இங்கே 45 நாட்கள் பயிற்சி தரப்படுகிறது. தவிர அடிக்கடி புத்தாக்கப் பயிற்சிகளும் நடத்தப்படுகின்றன.

பாராட்டும் புகாரும்

"இது தவிர எங்கள் பணியாளர் களுடன் சேர்ந்து ‘விடியல்’ என்ற பெயரில் தன்னார்வ சேவையையும் நேரம் கிடைக்கும்போது செய்து வருகிறோம்" என்று சொல்லும் பிரபுதாஸ், தங்கள் ஊழியர்கள் மீது தெரிவிக்கப்படும் புகார்களையும் ஒப்புக்கொள்கிறார்.

"சில இடங்களில் எங்கள் சேவை குறித்த புகார்கள் வரத்தான் செய்கின்றன. பாராட்டை எப்படி எதிர்கொள்கிறோமோ, அதேபோலத்தான் புகார்களையும் கவனத்தில் கொள்கிறோம். வாகனம் வருவதில் தாமதம், ஊழியர்களின் அலட்சியம், தகாத நடத்தை போன்றவைதான் பெரும்பாலும் குற்றச்சாட்டுகளாகப் பதிவுசெய்யப்படுகின்றன. அவற்றின் உண்மைத் தன்மையை ஆராய்ந்து நடவடிக்கை எடுக்கிறோம்" என்கிறார்.

வெளியுலகின் எந்தப் பாதிப்பும் இல்லாமல் அழைப்புகளை ஏற்றுப் பதில் சொல்கிறார்கள் பதிவு அலுவலகர்கள். இடைவிடாத இதயத்துடிப்பு போல் உயிரைக் காக்கும் நோக்கத்துடன், அழைப்புகள் தொடர்ந்துகொண்டிருக்கின்றன.

வேண்டாமே விளையாட்டு

வழக்கம்போலவே இங்கும் தேவையற்ற அழைப்புகள் அதிகம். சம்பந்தமில்லாமல் பலர் போன் செய்து இடையூறு ஏற்படுத்துவதும் நடக்கத்தான் செய்கிறது. ஒரு நாளுக்கு வரும் அழைப்புகளில் கிட்டத்தட்ட 40 சதவீத அழைப்புகள் இதுபோன்ற வீணான அழைப்புகளாகவே இருக்கின்றன. இப்படித் தேவையில்லாமல் தொடர்புகொண்டு தொல்லை தரும் இந்த நேரத்தில் உண்மையிலேயே உதவி தேவைப்படுகிறவர்களின் அழைப்பு, காத்திருக்க வேண்டியதாகிப் போகிறது. ஆம்புலன்ஸ் வாகனத்தைப் பின்தொடர்ந்து மற்ற வாகனங்களை முந்திச் செல்வது எத்தனை கொடூரச் சிந்தனையோ, அதைவிடக் கொடூரம் நிறைந்தது இப்படித் தேவையில்லாமல் அழைத்து தொந்தரவு செய்வதும். இதைத் தவிர்ப்பதே மனிதத்தன்மை.

தொடரும் வெற்றி பார்முலா!

ஐந்து அழகான பெண்கள் யார்?

நம்மூரில் ஒரு கருத்துக் கணிப்பில், நூறு ஆண்கள், பெண்களிடம் கேட்ட கேள்விகளில் இது ஒன்று. பெரும்பான்மையோர் தந்த பதில்:

நயன்தாரா, சமந்தா, ஹன்சிகா, காஜல் அகர்வால், ஸ்ருதி ஹாஸன்.

சினிமா என்றாலே அழகு, கவர்ச்சி: அழகு, கவர்ச்சி என்றாலே சினிமா என்னும் மானசீகத் தொடர்பு மக்களுக்கு இருக்கிறது. தமிழ் சினிமாவில் மட்டுமல்ல, பாலிவுட், ஹாலிவுட்டிலும் இருக்கிறது: இன்றல்ல, காலம் காலமாக இருக்கிறது. அழகான பெண்கள் என்று நினைக்கும்போது, மர்லின் மன்ரோ, எலிசபெத் டைலர், ஹேமமாலினி, ரேகா, மாதுரி திட்சித், டி.ஆர். ராஜகுமாரி, பத்மினி, கே.ஆர். விஜயா, தேவிகா மற்றும் இன்றைய பல நடிகைகள்தாம் நம் கண்களின் முன்னால் வருகிறார்கள். சினிமாவுக்கும் அழகுக்கும் இருக்கும் பந்தத்தை பிசினஸ் வெற்றிக்குப் பயன்படுத்தி வருபவர்கள் லக்ஸ் சோப்.

சலவைத்தூள்

1899. இங்கிலாந்தின் லீவர் கம்பெனி, ஸன்லைட் என்னும் துணி துவைக்கும் சோப்புத் தூள் தயாரித்தார்கள். கைக்கு மிருதுவான இந்தச் சலவைத் தூள் நல்ல வரவேற்பை பெற்றது. அடுத்த வருடம், தூளின் பெயரை லக்ஸ் என்று மாற்றினார்கள். இதற்கு இரண்டு காரணங்கள் - லக்ஸ் என்பது லத்தீன் மொழி வார்த்தை. இதற்கு, பிரகாசமான என்று அர்த்தம். Luxury என்னும் ஆங்கில வார்த்தைக்கு, ஆடம்பரமான, சுகானுபவம் தருகிற என்னும் அர்த்தங்கள் உண்டு.

லக்ஸ் என்னும் வார்த்தையை, லத்தீன் மொழிச் சொல்லாகவும், Luxury என்னும் ஆங்கிலச் சொல்லின் சுருக்கமாகவும் எடுத்துக்கொள்ளலாம். துணிகள் துவைக்கும்போது, லக்ஸ் கைகளுக்கு மிருதுவாக இருந்தது. நறுமணம் தந்தது. இதனால், ஏராளமான பெண்கள் சலவைக்கு மட்டுமல்லாது, கை, முகம், கூந்தல் கழுவவும் லக்ஸ் தூள் உபயோகித்தார்கள்.

குளியல் சோப்

1924 இல் லீவர் கம்பெனி, லக்ஸ் விற்பனையை அதிகரிப்பதற்காகப் போட்டி ஒன்று நடத்தினார்கள். அப்போது, சலவை சோப்பாகப் பயன்படுத்துவதைவிட அதிகமாக, அழகு தரும் சோப்பாக லக்ஸ் சோப்பைப் பெண்கள் உபயோகிப்பது லீவர் கம்பெனிக்குத் தெரிந்தது. இந்த வாய்ப்பைப் பயன்படுத்திக்கொள்ள, 1925 இல் லக்ஸ் குளியல் சோப் அறிமுகம் செய்தார்கள். லக்ஸ் என்றால், சலவைத் தூள் என்னும் பிம்பம்தான் மக்கள் மனங்களில் இருந்தது. இந்த அபிப்பிராயத்தை மாற்றி, லக்ஸ் அழகு தரும் குளியல் சோப் என்னும் பிம்பத்தை உருவாக்கவேண்டிய கட்டாயம்.

அழகு என்றால், முதலில் நினைவுக்கு வருபவர்கள் சினிமா நடிகைகள். லீவர் கம்பெனி, எலிசபெத் டைலர், மர்லின் மன்ரோ, எஸ்தர் வில்லியம்ஸ் போன்ற பிரபல ஹாலிவுட் நட்சத்திரங்களை விளம்பரக் களத்தில் இறக்கியது. சினிமா நட்சத்திரங்களின் அழகு தரும் சோப் லக்ஸ் என்று இவர்கள் பிரகடனம் செய்தார்கள். லக்ஸ் சலவைத் தூள் என்னும் பிம்பம் மக்கள் மனங்களிலிருந்து மறைந்தது. சினிமா நட்சத்திரங்களின் அழகு சோப் என்னும் மனத் தொடர்பு பிறந்தது.

இந்தியாவில்…

1929 இல், லக்ஸ் சோப் இந்தியாவில் அறிமுகமானது. ஆரம்பத்தில், லக்ஸ், விளம்பரங்களில் ஹாலிவுட் நடிகை களைப் பயன்படுத்தியது. என்னதான் இவர்கள் கவர்ச்சியாக, பிரபலமாக இருந்தாலும், இந்திய மக்கள் இவர்களை அந்நியர்களாகத்தான் பார்த்தார்கள். எனவே, விளம்பரங்கள் அதிக வெற்றி தரவில்லை. எனவே, லீவர் கம்பெனி இந்திய நடிகைகளைப் பயன்படுத்த முடிவு செய்தார்கள்.

940 கால கட்டம். அன்று, இந்தி சினிமாவில் முன்னணிக் கதாநாயகி நடிகை லீலா சிட்னிஸ். 1941 இல் லக்ஸ் விளம்பரத்தில் தோன்றினார். லக்ஸ் விளம்பரத்தில் வந்த முதல் இந்திய நடிகை இவர்தான். விரைவில், பிரபலமான நடிகை என்றால், லக்ஸ் விளம்பரத்தில் வந்திருக்கவேண்டும் என்னும் எண்ணம் தோன்றி விட்டது. லக்ஸ் பத்திரிகை மற்றும் திரைப்பட விளம்பரத்தில் வராத முன்னணி நடிகையே கிடையாது. ஹேமமாலினி, ரேகா, ஜெயப்ரதா, ஸ்ரீதேவி, ஐஸ்வர்யா ராய், கரீனா கபூர், பிரியங்கா சோப்ரா, கத்ரினா கைஃப், தீபிகா படுகோன், பத்மினி, சாவித்திரி, காஞ்சனா, செல்வி ஜெயலலிதா, ஷ்ரேயா, அசின்.....இன்னும் பலர்.

1960, 1970 களில், சினிமாவில் புரட்சி வந்தது. பாலச்சந்தர், பாரதிராஜா, மகேந்திரன், பாக்யராஜ் போன்ற இயக்குநர்கள், ஹீரோ, ஹீரோயின்களுக்கு அழகு அத்தியா வசியம் என்னும் இலக்கணத்தை உடைத்து எறிந்துவிட்டார்கள். ஹீரோயின் அழகாக இருக்கவேண்டியதில்லை, மேக்கப் தேவையில்லை என்னும் யதார்த்தம், ஹீரோயின்களைக் கனவுக் கன்னிகள் பீடத்திலிருந்து கீழே இறக்கத் தொடங்கியது. அக்கம் பக்கத்து வீட்டுப் பெண்கள்போல் லுக் கொண்டவர்கள் நடிகைகளாவது நடைமுறை நிஜமாகி வருகிறது.

இதற்கு ஏற்றபடி, லக்ஸ் சோப் தன் அணுகுமுறையை மாற்றி வருகிறார்கள். அழகு சோப் என்னும் அடிப்படைப் பொசிஷனிங் மாறவில்லை. ஆனால், விளம்பரங்களில் பல மாற்றங்கள். முதன் முதலாக, ஒரு நடிகர் விளம்பரத்தில் வந்தார். குளிக்கும் ஷாருக் கான், அவரைச் சுற்றி ஹேமமாலினி, கரீனா கபூர், ஸ்ரீதேவி, ஜூஹி சாவ்லா.

அண்மையில், இன்னும் சில மாற்றங்கள் வந்திருக்கின்றன. அபிஷேக் பச்சன் ஐஸ்வர்யா ராய் இருவரும் சேர்ந்து வந்தார்கள். அடுத்து, சித்தார்த் சமந்தா, தனுஷ் சோனம் கபூர்..

இந்த விளம்பரங்களைக் கவனமாகப் பாருங்கள். சினிமா நட்சத்திரங்களின் அழகு சோப் என்னும் பொசிஷனிங் மாறவில்லை. நடிகைகளோடு, நடிகர்களும் வருகிறார்கள். அவ்வளவுதான். ஆண்டாண்டு காலமாகத் தொடர் வெற்றி கண்டுவரும் பொசிஷனிங் பார்முலாவை ஏன் மாற்றவேண்டும்?

slvmoorthy@gmail.com

அன்று இன்று | நவம்பர் 11, 1918 - முடிவுக்கு வந்தது முதல் உலகப் போர்

90 லட்சம் போர் வீரர்கள், 1 கோடிக்கும் மேற்பட்ட பொதுமக்களின் உயிரைக் குடித்த முதல் உலகப் போர், உலக நாடுகளின் வரலாற்றையும் வரைபடத்தையும் மாற்றியமைத்தது.

1914-ல் தொடங்கிய இந்தப் போர், சரியாக 4 ஆண்டுகள் 4 மாதங்கள் நடைபெற்றது. ஆஸ்திரியா - ஹங்கேரி, ஜெர்மனி, பவேரியா, ஓட்டாமான் பேரரசு உள்ளிட்ட நாடுகளுக்கு எதிராக, பிரிட்டன், பிரான்ஸ், ஆஸ்திரேலியா உள்ளிட்ட நாடுகள் போரில் ஈடுபட்டன. ஏப்ரல் 1917-ல் பிரிட்டனுக்கு ஆதரவாகப் பலம் வாய்ந்த அமெரிக்கா களமிறங்கியது. எனினும், 1918 தொடக்கம் வரை நேச நாடுகளின் படைகளுக்கு ஜெர்மனி சிம்ம சொப்பனமாகத்தான் இருந்தது. மார்ச் 1918-ல் பிரான்ஸின் மேற்குப் பகுதியில் நடந்த உக்கிரமான சண்டையில் பிரிட்டன் படைகளைச் சிதறடித்தது ஜெர்மனி. எனினும் அதன் பலம் நீடிக்கவில்லை.

பிரிட்டன் - பிரான்ஸ் படைகள் திருப்பித் தாக்கத் தொடங்கின. அதன் பின்னர் ஜெர்மனிக்குப் பின்னடைவுதான். ‘வெற்றி நம் பக்கம் இல்லை’ என்று ஜெர்மனியின் கூட்டணி நாடுகள் முடிவுக்குவந்தன. “இனிமேல் அமைதி காப்போம்; போரில் ஈடுபட மாட்டோம்” என்று தற்காலிகப் போர் நிறுத்த ஒப்பந்தத்தில் ஜெர்மனி கையெழுத்திட்டது.

11.11.1918-ல் காலை 11 மணிக்கு முதல் உலகப் போர் முடிவடைந்தது. அன்று காலை போர்க்களத்தில் இருந்த தளபதிகள் தங்கள் கைக்கடிகாரத்தைப் பார்த்துக்கொண்டிருந்தார்கள். சரியாக 11 மணிக்கு ‘போர் முடிந்தது’ என்று அறிவித்தபோது வீரர்கள் மகிழ்ச்சியில் துள்ளிக் குதித்தனர். அதேசமயம், போர் நிற்கப்போகும் சமயத்திலும் சில தளபதிகள் தொடர்ந்து சண்டையில் ஈடுபட்டுக்கொண்டிருந்தார்கள். இதனால் கடைசி நேரத்தில் தேவையில்லாமல் பல வீரர்கள் உயிரிழந்தார்கள்.

1919 ஜூன் 28-ல் கையெழுத்தான வெர்சைல்ஸ் ஒப்பந்தம் ஜெர்மனிக்குப் பெரும் நெருக்கடியைத் தந்தது. முதல் உலகப் போரில் பவேரிய ராணுவத்தில் சிப்பாயாக இருந்த ஹிட்லர், ஜெர்மனியின் சர்வாதிகாரியாக உயர்ந்து, இரண்டாம் உலகப் போருக்கு முக்கியக் காரணமாக அமைந்தது தனி வரலாறு.

Air India charges 80-150 per cent extra for LTC tickets from govt employees

National carrier Air India (AI) seems to be draining the national exchequer by charging anywhere between 80 per cent and 150 per cent extra for tickets that 30.85 lakh Central government employees are supposed to avail as leave travel concession (LTC). According to government rules, it is mandatory for all Central government employees to use AI to avail LTC. The employees, who get LTC twice in four years, can choose to go by air, Railways, roadways or ship.

The AI website has a special section for LTC tickets. Bookings can also be done through authorised agents such as stateowned tourism and travel companies like Ashok Travel and Tours, Balmer and Lawrie and Indian Railway Catering and Tourism Corporation.

Mail Today found that for a ticket booked on November 9 (Sunday) during evening hours for a Delhi-Hyderabad AI flight for December 14, normal oneway passenger fare was Rs.5,901, which was almost same as those offered by private airlines like Jet Airways, IndiGo and GoAir. However, AI's LTC fare was more than double the amount at Rs13,248 for the same trip.

Similarly, LTC fares for other domestic and international destinations on November 9, as Mail Today further discovered, were much higher than normal ones. As LTC bookings are the most lucrative segment for loss-making AI, over 20 seats on any domestic flight are reserved for such passengers.

When contacted, the AI spokesperson claimed that LTC fares are better than market fares. But the fares shown on the AI website accessed by Mail Today belie the claim. The spokesman further stated, "Central government employees also get the benefit of changing their travel schedule or cancelling tickets. The cost of cancelling tickets is very minimal compared to cancellation in case of normal fares. The cost of LTC ticket is more or less the same if you compare with private carriers," he claimed.

A senior government official told Mail Today that while the objective of travelling by AI seems to be to save money for the government, it actually ends up paying more for LTC. "The government is losing crores of rupees due to this overcharging by Air India," he added.

In June, the Department of Personnel and Training (DoPT) in an order reminded all government employees to buy LTC tickets from AI. "As far as possible, air tickets on government account may be obtained directly from the Air India (booking counters, offices, websites) and if obtaining tickets directly from Air India is not possible, the services of authorised travel agents may be availed of," DoPT said in an order.

The DoPT order further stated that in several cases, it has been noticed that the instructions are not being followed and as a result, various ministries and departments continue to make references to DoPT seeking relaxation of the conditions for one reason or the other. DoPT is also cautious about fake bills presented by government employees.

Claim your travel allowance without showing boarding pass: DoPT Posted by: Preeti Panwar Published: Thursday, October 9, 2014, 15:40 [IST]

New Delhi, Oct 9: In a move that signifies the "acche din" for government officials, the government officials no longer will have to produce their boarding passes to claim the Leave Travel Allowance (LTA). On Tuesday, the Department of Personnel and Training (DoPT) decided that officers who would like to claim to their LTAs can only produce an undertaking that they went for a journey without showing the original boarding passes along with TA claims.

The DoPT issued a circular saying, "It has been decided with the approval of the competent authority that in order to simplify the procedure of settlement of TA claims, the condition of submission of boarding pass along with settlement of TA claim is dispensed with... however, the officer concerned, preferring travelling allowance, will have to attach an undertaking along with TA claims that the journey, as mentioned therein, has actually been performed by him/her." The circular was issued by the Director (Administartion) Shri Prakash that said, "

in case of extreme doubt, the controlling officer may be asked to verify the genuineness of the claim." "Air tickets should be purchased only from the authorized travel agent of this Deptt. i.e. IVI/s Balmer Lawrie & Co. Ltd and at the cheapest rates after comparing the available fare from the websites of travel agents of repute. If cheaper rates are available directly from Air India, the same can also be bought", it further said. "The frequent flyer reward points from Air India may only be redeemed for the official tours of the Deptt", it added. OneIndia News

Government officers to leave behind a note for the successor

NEW DELHI: The department of personnel & training (DoPT) has directed all government officers to leave behind a "note for the successor" before they get transferred or demit office, so as to ensure that the knowledge of their respective work areas is not lost during employee transition.

According to DoPT, the incumbent's note can help the successor understand issues of critical importance in his area of responsibility, appreciate urgency of actionable points and recognize strengths and weaknesses of subordinates for suitable work allocation.

Emphasising the importance of knowledge continuity, the DoPT, in a note sent to all Central ministries and departments on September 26, told the competent authorities to impress upon officers to cultivate the habit of leaving behind a written note for their successor. This, it recalled, was in line with Prime Minister's Narendra Modi's call for reinstitutionalising this practice - which, of late, was becoming rare - during the personnel ministry's presentation to him on June 12.

"All employees have invaluable knowledge of their areas of responsibility...such innate knowledge is at the risk of getting lost when the incumbent leaves the seat - gets transferred or demits office.

"New employee will take time to understand issues of current importance, appreciate urgency of actionable points, recognize strengths and weaknesses of different subordinates for suitable work allocation, and comprehend critical issues by trial and error. This time spent in negotiating the way in new environment, spent in trial and error, may turn out to be the critical difference between success and failure of the unit, the department or even the organization," the DoPT note pointed out.

Insisting that knowledge continuity in wake of employee transition was a key challenge, especially where certain key posts mandate a fixed tenure, the personnel ministry said written notes for the successor were more effective than personal interactions and also helped build institutional memory.

Apart from asking all ministries and departments to re-institutionalise this practice of leaving a "note for the successor", the DoPT instructed Central training institutes to incorporate inputs on the note in their training programmes to sensitise officers towards "this important organisational responsibility".