ஆரவாரம், கொண்டாட்டமின்றி வீடு தேடி வந்த, 'ரிசல்ட்'

dinamalar 17.05.2018

பொது தேர்வு முடிவுகளில், பாராட்டு, வாழ்த்து, கேக் ஊட்டுவது என்ற ஆரவாரத்துக்கு, அறவே முற்றுப்புள்ளி வைக்கப்பட்டுஉள்ளது.



பரபரப்பான பொது தேர்வு முடிவுகள், மிகவும் அமைதியாக வெளியிடப்பட்டதால், ஆசிரியர் களும், பெற்றோரும் நிம்மதி அடைந்துள்ளனர்.

பாராட்டு மழை

தமிழகத்தில், 15 ஆண்டுகளுக்கு முன், இன்ஜினியரிங் மற்றும் மருத்துவ படிப்பிற்கு, தமிழக அளவிலான நுழைவு தேர்வு ரத்தான பின், பிளஸ் 2 மதிப்பெண் அடிப்படையில் மட்டுமே, இன்ஜி., மற்றும் மருத்துவ படிப்பு களுக்கு சேர்க்கை நடந்தது. இதனால், பிளஸ் 2 மதிப்பெண்ணுக்கும், அதன், 'கட் ஆப்' மதிப் பெண்ணுக்கும், அதிக முக்கியத்துவம் ஏற்பட்டது.

மாநில அளவில், எந்த பள்ளி, 'டாப்' மதிப்பெண் பெறுகிறது; பள்ளி அளவில், முதல் மதிப்பெண் பெறும் மாணவ - மாணவியர் யார் என்பதில் கடும் போட்டி ஏற்பட்டது. தேர்வு முடிவை வெளியிடும் போது, மாநில அளவில், 'டாப்பர்' ஆக வரும் மாணவர்கள், சென்னைக்கு அழைத்து வரப்பட்டு, அவர்களுக்கு அமைச்சர் களும், அதிகாரிகளும் பாராட்டு தெரிவித்தனர்.

அவர்கள், 'டாப்பர்' ஆக வர, என்ன முயற்சி எடுத்தனர் என, ஊடகங்களில் பேட்டி எடுக்கப்படும். பெரும்பாலானவர்கள், 'டாக்டர் ஆக வேண்டும்; கிராம மக்களுக்கு சேவை செய்ய வேண்டும் என்பதே லட்சியம்' என, தெரிவிப்பர்.இப்படி கூறிய பல மாணவர்கள், உயர்கல்வியை முடித்ததும், முதல் ஆளாக, வெளிநாடுகளிலும், பெருநகரங்களிலும்

பணியில் சேர்வதோடு, கிராமங்களை கண்டுகொள்வதில்லை. பள்ளி அளவில் முதலிடம் பெறும் மாணவர்களை, மற்ற மாணவர்கள், தோளில் துாக்கி வைத்து கொண்டாடுவர். அவர்களின், ஆசிரியர்கள் மற்றும் நண்பர்கள், கேக் ஊட்டி, போட்டோவுக்கு, 'போஸ் கொடுப்பர்.

இரண்டு ஆண்டுகளாக, 'டாப்பர்' என்ற, 'ரேங்கிங்' முறை ரத்து செய்யப்பட்டுள்ளதால், ஆரோக்கிய மற்ற கொண்டாட்டங்கள் தவிர்க்கப் பட்டுள்ளன. இதே போல, தேர்வு முடிவை, தனியார் இணைய தளங் களில்வெளியிடும் நிலையும் படிப்படியாக மாற்றப் பட்டு, தேர்வுத் துறையே தங்கள் இணைய தளத்தில், நேரடியாக தேர்வு முடிவுகளை வெளியிட துவங்கியது.

புதுமைகள்

இந்த முறை, மாணவர்களுக்கு எளிதாக இருந்தா லும், கிராமப்புற மாணவர்கள் அல்லது கோடை விடுமுறையில், வெளியூர்களில் உள்ள மாணவர் கள், இணையதள இணைப்பு உள்ள பகுதியை தேடி வந்து, தேர்வு முடிவை பார்க்க வேண்டிய நிலை ஏற்பட்டது.இந்த அலைச்சலுக்கும் முற்றுப்புள்ளி வைக்கும் வகையில், மாணவர் களின் மொபைல் போனுக்கு, எஸ்.எம்.எஸ்., ஆக, தேர்வு முடிவை வெளியிடும் முறை, 2017 முதல் அறிமுகம் ஆகியுள்ளது.

இதனால், மாணவர்கள் இருக்கும் இடத்திலேயே, தேர்வு முடிவை, மதிப்பெண்ணுடன் அறியும் வசதி கிடைத்துள்ளது. மொத்தத்தில், மாணவர்கள் மற்றும் பெற்றோரின் மன உளைச்சல் மற்றும் அலைச்சலுக்கு கல்வி துறை முற்றுப்புள்ளி வைத்துள்ளது.

வெறிச்சோடிய தேர்வுத்துறை வளாகம்

மாநில, மாவட்ட அளவில், மூன்று இடங்களை பிடித்த மாணவர்களை தேடிப்பிடித்து, அவர்களிடம் ஊடகத்தினர் பேட்டி எடுப்பர். இதற்கு, இரண்டு ஆண்டுகளாக முற்றுப்புள்ளி வைக்கப்பட்டுள்ளது. அதேநேரம், தேர்வுமுடிவுகள், தேர்வுத் துறை அலுவலகத்தில் ஊடகத்தினருக்கு வழங்கப்படும். இந்த தகவல்களை பெற, செய்தியாளர்கள், கேமரா, மைக் சகிதமாக, காலை முதல் தேர்வுத்துறை வாயிலில் காத்திருப்பர்.

தேர்வு முடிவு வெளியிடும் நேரத்தில், பட்டியலை பெற்று, முதலில் யார், 'பிரேக்கிங் நியூஸ்' வழங்குவது என, போட்டி ஏற்படும். அதனால், பட்டியல் வினியோகத்தின் போது, தள்ளு முள்ளு ஏற்படும். இதற்கும், இந்த ஆண்டு முற்றுப்புள்ளி வைக்கப்பட்டுள்ளது. இதனால், பொது தேர்வு முடிவின் போது, கேமராக்கள் குவிந்திருக்கும், தேர்வுத்துறை அலுவலக வளாகம் நேற்று, ஆள் நடமாட்ட மின்றி வெறிச்சோடி காணப்பட்டது.

மறுகூட்டலுக்கு இன்று முதல் விண்ணப்பம்

பிளஸ் 2 தேர்வில், மறுகூட்டல் மற்றும் மறுமதிப்பீடுக்கு, இன்று முதல், 19ம் தேதி வரை விண்ணப்பிக்கலாம்.பிளஸ் 2 தேர்வில், மறுகூட்டல் மற்றும் மறுமதிப்பீடு வேண்டும் என, கருதுவோர், தாங்கள் தேர்வு எழுதிய பள்ளி மற்றும் தேர்வு மையத்திற்கு சென்று, இன்று முதல், வரும், 19ம் தேதி வரை விண்ணப்பிக்கலாம்.

மறுமதிப்பீடு தேவைப்படுவோர், முதலில், விடைத்தாள் நகலுக்கு விண்ணப்பிக்க வேண்டும்.தேர்வு முடிவு நேற்று அறிவிக்கப் பட்ட நிலையில், மாணவர்கள் தற்காலிக மதிப்பெண் சான்றிதழ்களை, வரும், 21ம் தேதி முதல், பள்ளிகளில் பெற்று கொள்ளலாம். மேலும்,www.dge.tn.nic.in என்ற இணைய தளத்திலும் பதிவிறக்கம் செய்யலாம்.

விருதுநகர், 'டாப்' - விழுப்புரம் கடைசி

பிளஸ் 2 தேர்ச்சி பட்டியலில், மாவட்ட அளவில், விருதுநகர் முதலிடம் பெற்றுள்ளது. சென்னை மாவட்டம், 14ம் இடம் பெற்றுள்ளது.

தேர்வில் மகன் தோல்வி: இனிப்பு வழங்கிய தந்தை

Updated : மே 17, 2018 01:30 | Added : மே 17, 2018 01:26 | 




போபால்:மத்திய பிரதேசத்தில், 10ம் வகுப்பு பொதுத் தேர்வில், மகன் தோல்வி அடைந்ததை, அவனது தந்தை, இனிப்பு வழங்கி, உற்சாகமாக நடனமாடி கொண்டாடினார்.

மத்திய பிரதேசத்தில், 10வது மற்றும் பிளஸ் ௨ பொது தேர்வு முடிவுகள், சமீபத்தில் வெளியாகின. இதில், 10ம் வகுப்பில், 34 சதவீத மாணவர்களும், பிளஸ் ௨வில், 32 சதவீத மாணவர்களும் தோல்வி அடைந்தனர்.

இதனால், மனமுடைந்து, 11 மாணவர்கள் தற்கொலைக்கு முயன்றனர். இதில் ஆறு பேர் உயிரிழந்தனர். இந்நிலையில், ம.பி., யின் சாகர் என்ற பகுதியை சேர்ந்த, சுரேந்திரா என்பவரின் மகன், 10ம் வகுப்பு தேர்வில் தோல்வி அடைந்தான். இதை கேள்விப்பட்ட சுரேந்திரா, இனிப்புகள் வாங்கி, சொந்தக்காரர்கள் மற்றும் அப்பகுதி மக்களுக்கு வழங்கினார்.மேள தாளங்களை வரவழைத்து, அப்பகுதியில் நடனமாடியபடி ஊர்வலம் சென்று, தன் மகனின் தோல்வியை கொண்டாடினார்.

இதை அப்பகுதி மக்கள் ஆச்சரியத்துடன் வேடிக்கை பார்த்தனர். முதலில், அதிர்ச்சி அடைந்த சுரேந்திராவின் மகன், பின்னர் மெல்ல, கொண்டாட்டங்களில் இணைந்து கொண்டான்.
'மகனின் தோல்வியை ஏன் கொண்டாடுகிறீர்கள்' என, பத்திரிகையாளர்கள் கேட்டதற்கு, அவர் கூறியதாவது:

தேர்வில் தோல்வி அடைந்தால், வாழ்க்கையே முடிந்துவிட்டதாக மாணவர்கள் நினைக்கின்றனர்; அது தவறு. ஒரு பாதை மூடிவிட்டால், வேறு பாதைகள் திறக்கும் என்பது அவர்களுக்கு புரிய வேண்டும்.இதற்காக மனமுடைந்து தவறான முடிவுகளை தேடிச் செல்லக் கூடாது. எனவே, அந்த மனநிலையை மாற்றவே, இதை கொண்டாடுகிறேன்.இவ்வாறு அவர் கூறினார்.

சட்ட வல்லுனர்கள் ஆலோசனைக்கு பின் கவர்னர்... அழைப்பு : கர்நாடக முதல்வராக எடியூரப்பா இன்று பதவியேற்பு : 15 நாட்களில் மெஜாரிட்டி நிரூபிக்க அவகாசம்

Updated : மே 17, 2018 00:25 | Added : மே 17, 2018 00:23




  பெங்களூரு: கர்நாடக தேர்தலில், அதிக இடங்களை பிடித்துள்ள, பா.ஜ.,வின் எடியூரப்பாவை, ஆட்சி அமைக்குமாறு, கவர்னர் வஜுபாய் வாலா, நேற்றிரவு அழைப்பு விடுத்தார். இன்று காலை, 9:00 மணிக்கு, கர்நாடகாவின், 27வது முதல்வராக பதவியேற்கிறார். இவருடன், நான்கு அமைச்சர்களும் பதவியேற்கின்றனர். அவருக்கு, 15 நாட்களில் மெஜாரிட்டி நிரூபிக்க அவகாசம் அளிக்கப்பட்டுள்ளது.

கர்நாடகாவில் நடந்த சட்டசபை தேர்தலில் பதிவான ஓட்டுகள், 15ல் எண்ணப்பட்டு, அன்றே முடிவுகள் வெளியாகின. மொத்தமுள்ள, 222 தொகுதிகளில், 104ல் பா.ஜ.,வும், 78ல் காங்கிரசும், 37ல் குமாரசாமி தலைமையிலான, மதச் சார்பற்ற ஜனதா தளமும் வெற்றி பெற்றுள்ளன. மூன்றில், பிற கட்சிகள் வெற்றி பெற்றுள்ளன.

ஆட்சி அமைக்க, 112 எம்.எல்.ஏ., ஆதரவு தேவை என்ற நிலையில், எந்த கட்சிக்கும் தனிப் பெரும்பான்மை கிடைக்காததால், புதிய அரசு பொறுப்பேற்பதில் இழுபறி நீடிக்கிறது. இதற்கிடையே, பா.ஜ., ஆட்சி அமைப்பதை தடுக்கும் வகையில், காங்கிரஸ் மற்றும் மதச் சார்பற்ற ஜனதா தளம் கட்சிகள் சேர்ந்து, மாநிலத்தில் ஆட்சி அமைக்க, கவர்னரிடம் கோரிக்கை விடுத்துள்ளன. மதச் சார்பற்ற ஜனதா தளம் கட்சியின் சட்டசபை தலைவராக தேர்ந்தெடுக்கப்பட்டுள்ள, குமாரசாமி முதல்வராக பதவியேற்க, முழு ஆதரவு அளிப்பதாக, காங்கிரஸ் மேலிடம் தெரிவித்துள்ளது. எனினும், காங்., கட்சியின் சட்டசபை தலைவர், இதுவரை தேர்ந்தெடுக்கப்படவில்லை. காங்கிரஸ், மதச் சார்பற்ற ஜனதா தளம் மற்றும் பகுஜன் சமாஜ், எம்.எல்.ஏ.,க்கள் என, மொத்தம், 116 உறுப்பினர்களின் பலம் இருப்பதாக, கவர்னரிடம், குமாரசாமி கடிதம் அளித்துள்ளார். அதே சமயம், 104 இடங்களில் வெற்றி பெற்றுள்ள, பா.ஜ., அதன் சட்டசபை தலைவராக, எடியூரப்பாவை தேர்ந்தெடுத்துள்ளது.தனிப் பெரும் கட்சியாக உருவெடுத்துள்ள, பா.ஜ., எடியூரப்பா தலைமையில் ஆட்சி அமைக்க, கவர்னரிடம் உரிமை கோரியது.இதையறிந்த, காங்கிரஸ் மற்றும் ம.ஜ.த., எம்.எல்.ஏ.,க்கள் கவர்னர் முன் அணிவகுக்க, அனுமதி கோரினர். ஆனால், அவர் மறுப்பு தெரிவித்து, 10 பேரை மட்டுமே அனுமதித்தார். இதனால், ராஜ்பவன் முன், பா.ஜ.,வுக்கு எதிராக, இரு கட்சி தொண்டர்களும் கோஷம் எழுப்பினர். அவர்களை மிகவும் சிரமப்பட்டு, போலீசார் அப்புறப்படுத்தினர்.பின், கவர்னரை, ம.ஜ.த., தலைவர் குமாரசாமி, காங்கிரஸ் தலைவர் பரமேஸ்வர் சந்தித்தனர். 'தங்கள் கூட்டணிக்கு தான் முழு பெரும்பான்மை உள்ளது. இதன் சட்டசபை குழு தலைவராக தான் தேர்வு செய்யப்பட்டுள்ளதால், தன்னை ஆட்சி அமைக்க, அழைப்பு விடுக்குமாறு உரிமை கோரினர். இதற்கு பதிலளித்த கவர்னர், ''சட்ட வல்லுனர்களிடம் ஆலோசனை செய்தும், இது போன்ற நிலை, கோவா மாநிலத்தில் ஏற்பட்ட போது, உச்ச நீதிமன்றம் வழங்கிய தீர்ப்பை ஆராய்ந்தும், அடுத்த கட்ட நடவடிக்கை எடுக்கிறேன்,'' என, தெரிவித்தார்.

தமிழக முன்னாள் முதல்வர் ஜெயலலிதா மறைவுக்குப் பின், தமிழகத்தில் நடந்த, 'கூவத்துார் பார்முலா'வை பின்பற்றி, நீச்சல் குளம், பார் உள்ளிட்ட அனைத்து வசதிகளுடன் கூடிய, பிடதியிலுள்ள ஈகிள் டன் சொகுசு விடுதிக்கு, காங்., சுயேச்சை எம்.எல்.ஏ.,க்கள், சொகுசு பஸ்களில் நேற்று அழைத்துச் செல்லப்பட்டனர்.இதற்கிடையில், ம.ஜ.த., - எம்.எல்.ஏ.,க்கள் பெங்களூரு வசந்த்நகரிலுள்ள நட்சத்திர சொகுசு விடுதி ஒன்றில், இரண்டு நாட்களாக அடைக்கப்பட்டுள்ளனர்.பா.ஜ., காங்கிரஸ், ம.ஜ.த., ஆகிய மூன்று கட்சிகளுமே தங்கள் கட்சி எம்.எல்.ஏ.,க்களுடன் தீவிர ஆலோசனையில் ஈடுபட்டு கொண்டிருந்த நிலையில், கவர்னர் வஜுபாய் வாலா, உச்சநீதிமன்ற மூத்த வக்கீல்கள் சோலி சொரப்பா, முகுல் ரோத்தகி ஆகியோருடன் தற்போதைய நிலை குறித்து ஆலோசனை மேற்கொண்டார். நேற்றிரவு, 9:30 மணியளவில், பா.ஜ.,வை ஆட்சி அமைக்கும்படி அக்கட்சி தலைமை அலுவலகத்துக்கு கவர்னர் வஜுபாய் வாலா எழுதிய அதிகாரபூர்வ கடிதம் வெளியானது. 15 நாட்களுக்குள், சட்டசபையில் மெஜாரிட்டியை நிரூபிக்க உத்தரவிடப்பட்டுள்ளது. இதையடுத்து, முதல்வராக எடியூரப்பா, இன்று காலை 9:00 மணிக்கு பதவியேற்பதாக, பா.ஜ., மேலிட பொறுப்பாளர் முரளிதர்ராவ் அறிவித்தார். இவருடன், ஈஸ்வரப்பா, அசோக், கோவிந்த் கார்ஜோல், ஸ்ரீராமுலு ஆகிய நான்கு அமைச்சர்களும் பதவியேற்கின்றனர். இதனால், அதிர்ச்சியடைந்த காங்கிரஸ், ம.ஜ.த.,வினர் அடுத்த கட்ட நடவடிக்கை குறித்து ஆலோசித்தனர்.

சுயேச்சையை தப்ப விட்ட ஈஸ்வரப்பா : முல்பாகல் சுயேச்சை எம்.எல்.ஏ., நாகேஷை, காங்கிரஸ் பிரமுகர் டி.கே.சிவகுமார், நேற்று முன்தினமே தன்னுடன் அழைத்து வந்தார். மற்றொரு சுயேச்சை எம்.எல்.ஏ.,வான ராணிபென்னுாரின் சங்கரை, பா.ஜ.,வை சேர்ந்த மேலவை எதிர்க்கட்சி தலைவர் ஈஸ்வரப்பா, பெங்களூரு டாலர்ஸ் காலனியிலுள்ள எடியூரப்பா வீட்டுக்கு அழைத்து வந்து, பா.ஜ.,வுக்கு ஆதரவு தெரிவிப்பதாக உறுதியளித்தார். இதை அறிந்த, சங்கரின் மைத்துனர்களும், எம்.எல்.ஏ.,க்களுமான பைரதி பசவராஜ், பைரதி சுரேஷ் ஆகியோர், தொலைபேசியில் பேசி, உடனடியாக சித்தராமையா வீட்டுக்கு வருமாறு உத்தரவிட்டனர். அங்கு வந்த சங்கரை, சித்தராமையா, தன் காரில் ஏற்றி கொண்டு, குயின்ஸ் ரோடு காங்கிரஸ் அலுவலகத்துக்கு வந்தார். சங்கரை தப்பிக்க விட்ட, ஈஸ்வரப்பாவை, மத்திய அமைச்சர் பிரகாஷ் ஜாவடேகர் கடுமையாக திட்டினார்.

ஆனந்த் சிங் வராததால் பரபரப்பு : காங்., - எம்.எல்.ஏ.,க்கள், ௭௮ பேரில், பல்லாரி விஜயநகராவை சேர்ந்த ஆனந்த் சிங் மட்டும் வரவில்லை. காலை முதல் மாலை வரை காத்திருந்தும் பயனில்லாமல் போனது. ரிசார்ட்டுக்கு செல்வதற்கு தயாரான நிலையில், அவர் வராததால் பதற்றம் ஏற்பட்டது. அவரை தொடர்பு கொண்டு முயற்சித்தும், தொடர்பில் கிடைக்கவில்லை. அவருக்கு நெருங்கியவர்களிடம் விசாரித்த போது, விமானத்தில் பெங்களூரு வருவதாக அறிந்த காங்கிரஸ் தலைவர்கள், ஜமிர் அகமது கான், நாகேந்திரா ஆகியோர் சென்றனர். ஆனால், ஆனந்த் சிங் வராததால், திரும்பி வந்தனர். இவர், தேர்தலுக்கு முன், பா.ஜ.,விலிருந்து காங்கிரசுக்கு தாவியவர் என்பது குறிப்பிடத்தக்கது.

ரமலான் நோன்பு இன்று துவக்கம்

Added : மே 17, 2018 05:53



சென்னை: இஸ்லாமியர்கள் புனித கடமையான, ரமலான் நோன்பு, இன்று(மே-17) துவங்குவதாக, தமிழக அரசின் தலைமை காஜி அறிவித்துள்ளார்.

இஸ்லாமியர்களின் புனித கடமைகளில் ஒன்றான, ரமலான் நோன்பு, இன்று துவங்குகிறது. இதற்கான அதிகாரபூர்வ அறிவிப்பை, தமிழக அரசின் தலைமை காஜி, முகமது சலாவுதீன் அய்யூபி, நேற்று அறிவித்தார். ரமலான் மாத பிறை, பல பகுதிகளில் தென்பட்டதால், நோன்பு துவங்குவதாக, அந்த அறிவிப்பில் கூறப்பட்டுள்ளது.

எடியூரப்பா பதவியேற்க தடையில்லை; சுப்ரீம் கோர்ட் அறிவிப்பு

Updated : மே 17, 2018 06:07 | Added : மே 17, 2018 04:43 | 



  புதுடில்லி : எடியூரப்பா பதவியேற்புக்கு தடை விதிக்க, சுப்ரீம் கோர்ட் மறுப்பு தெரிவித்துள்ளது. இதனையடுத்து இன்று(மே-17) காலை கர்நாடகாவின் முதல்வராக எடியூரப்பா பதவி ஏற்கிறார்.

இதுதொடர்பாக, 3 நீதிபதிகள் அடங்கிய அமர்வில் நடைபெற்ற வாதத்தின் போது மத்திய அரசின் வழக்கறிஞர் ரோஹத்கி தெரிவிக்கையில், 'காங்., மனுவை தள்ளுபடி செய்ய வேண்டும். கவர்னரை அவரது பணியை செய்ய விடுங்கள். அவர் வேலைகளில் தலையிட வேண்டாம். ஆட்சியமைக்க அழைப்பது கவர்னரின் கடமை. கவர்னரும், ஜனாதிபதியும் எந்த நீதிமன்றத்துக்கும் பதில் சொல்லத் தேவையில்லை. கவர்னர் கடமையாற்றுவதை தடுத்துவிட்டால் எந்த சட்டமும் இயற்றப்பட்டது' என்றார்.

தடையில்லை:

இதனை தொடர்ந்து, நீதிபதிகள் நீண்ட ஆலோசனைக்கு பின், எடியூரப்பா பதவியேற்க தடை விதிக்க மறுப்பு தெரிவித்தனர். மேலும் அனைத்து தரப்புக்கும் நோட்டீஸ் அளித்து, முழுமையான விசாரணை நடத்தப்படும் எனவும் நீதிபதிகள் தெரிவித்தனர். இதனையடுத்து இன்று காலை 9 மணிக்கு கர்நாடகாவில் எடியூரப்பா பதவியேற்க உள்ளார்.

எடியூரப்பாவுக்கு நோட்டீஸ்:

விடிய விடிய நடந்த வாதங்களை கேட்ட பின் நீதிபதிகள் பிறப்பித்த உத்தரவு: எடியூரப்பா கர்நாடக முதல்வராக பதவியேற்க தடையில்லை. நாளை(மே 18) மீண்டும் இவ்வழக்கு விசாரணைக்கு வருகிறது. ஆதரவு எம்.எல்.ஏ.,க்களின் கடிதங்களை நாளை காலை 10 மணிக்குள் எடியூரப்பா தாக்கல் செய்ய வேண்டும். மே 15ம் தேதி கவர்னருக்கு எடியூரப்பா எழுதிய கடிதத்தின் நகலை தாக்கல் செய்ய வேண்டும். பதவியேற்பு வழக்கு இறுதித்தீர்ப்புக்கு உட்பட்டது. இவ்வாறு நீதிபதிகள் உத்தரவிட்டனர்.

பிளஸ்–2 தேர்வு முடிவுகள்: விருதுநகர் மாவட்டம் 28–வது முறையாக மாநில அளவில் முதலிடம் பிடித்து சாதனை



பிளஸ்–2 தேர்வு முடிவுகளின் படி விருதுநகர் மாவட்டம் உதயமாகி 33 ஆண்டுகளில் 28–வது முறையாக மாநில அளவில் முதலிடம் பிடித்து சாதனை படைத்துள்ளது.

மே 17, 2018, 04:15 AM

விருதுநகர்,

பிளஸ்–2 தேர்வு முடிவு நேற்று வெளியானது. விருதுநகர் மாவட்டத்தில் தேர்வு எழுதிய 24,297 மணவ–மாணவிகளில் 23,580 பேர் தேர்ச்சி பெற்றுள்ளனர். தேர்ச்சி சதவீதம் 97.05 ஆகும். இதன்படி இம்மாவட்டம் மாநில அளவில் முதலிடம் பிடித்து சாதனை படைத்துள்ளது. தேர்வு எழுதிய 10,797 மாணவர்களில் 10,285 பேர் தேர்ச்சி பெற்றுள்ளனர். தேர்ச்சி சதவீதம் 95.26 ஆகும். தேர்வு எழுதிய 13,500 மாணவிகளில் 13,295 பேர் தேர்ச்சி பெற்றுள்ளனர். தேர்ச்சி சதவீதம் 98.48 ஆகும்.

விருதுநகர் மாவட்டம் கடந்த 1985–ம் ஆண்டு உதயமானது. 1985–ம் ஆண்டிலிருந்து 2010– ம் ஆண்டு வரை இம்மாவட்டம் தொடர்ந்து 25 ஆண்டுகள் பிளஸ்–2 தேர்வில் மாநில அளவில் முதலிடம் பிடித்து சாதனை படைத்தது. இதனை தொடர்ந்து 2015–ம் ஆண்டும் 2017–ம் ஆண்டும் முதலிடம் பெற்றது. தற்போது இந்த ஆண்டு 28–வது முறையாக மாநில அளவில் பிளஸ்–2 தேர்வில் முதலிடம் பிடித்து சாதனை படைத்துள்ளது.

இம்மாவட்டத்திலுள்ள 3 கல்வி மாவட்டங்களில் அருப்புக்கோட்டை கல்வி மாவட்டத்தில் தேர்வெழுதிய 7,921 மாணவ–மாணவிகளில் 7,650 பேர் தேர்ச்சி பெற்றுள்ளனர். தேர்ச்சி சதவீதம் 96.58 ஆகும். ஸ்ரீவில்லிபுத்தூர் கல்வி மாவட்டத்தில் தேர்வெழுதிய 7,670 பேரில் 7,430 பேர் தேர்ச்சி பெற்றுள்ளனர். தேர்ச்சி சதவீதம் 96.87 ஆகும். விருதுநகர் கல்வி மாவட்டத்தில் தேர்வெழுதிய 8,706 பேரில் 8,500 பேர் தேர்ச்சி பெற்றுள்ளனர். தேர்ச்சி சதவீதம் 97.63 ஆகும்.

பள்ளி கல்வித்துறை பிளஸ்–2 தேர்வில் மாநில மாவட்ட அளவில் முதலிடம் பிடித்த மாணவர்களின் பெயர்களை அறிவிக்கக்கூடாது என்று தடை விதித்துள்ள நிலையில் இம்மாவட்டத்தில் முதல் மூன்று அதிக மதிப்பெண்கள் பெற்ற விவரங்கள் மட்டுமே தெரிவிக்கப்பட்டுள்ளது.

விருதுநகர் கல்வி மாவட்டத்தில் முதலிடம் பெற்றவர் 1,178 மதிப்பெண்களும் 2–ம் இடம் பெற்றவர் 1,177 மதிப்பெண்களும் 3–ம் இடம் பெற்றவர் 1,174 மதிப்பெண்களும் பெற்றுள்ளனர். அருப்புக்கோட்டை கல்வி மாவட்டத்தில் முதலிடம் பெற்றவர் 1,171 மதிப்பெண்களும் 2–ம் பெற்றவர் 1,170 மதிப்பெண்களும் 3–ம் இடம் பெற்றவர் 1,168 மதிப்பெண்களூம் பெற்றுள்ளனர். ஸ்ரீவில்லிபுத்தூர் கல்வி மாவட்டத்தில் 1–ம் இடம் பிடித்தவர் 1,177 மதிப்பெண்களூம் 2–ம் இடம் பெற்றவர் 1,176 மதிப்பெண்களூம், 3–ம் இடம் பெற்றவர் 1,170 மதிப்பெண்களும் பெற்றுள்ளனர். மாவட்டத்தில் 73 மாணவ–மாணவிகள் 1,151 லிருந்து 1,180 வரையிலும், 215 மாணவ–மாணவிகள் 1,126 லிருந்து 1,150 வரையிலும், 354 மாணவ–மாணவிகள் 1,101 லிருந்து 1,125 வரையிலும் 2,643 மாணவ–மாணவிகள் 1,001 லிருந்து 1,100 வரையிலும் 4,155 பேர் 901 லிருந்து 1,000 வரையிலும், 5,094 பேர் 801 லிருந்து 900 வரையிலும் 5,083 பேர் 701 லிருந்து 800 வரையிலும், 6,680 பேர் 700–க்கு கீழும் மதிப்பெண் பெற்றிருந்தனர்.

அறிவியல் பாட தேர்வினை 6,516 மாணவர்களும் 8,173 மாணவிகளும் ஆகமொத்தம் 14,689 பேர் எழுதியிருந்தனர். இதில் 6,275 மாணவர்களும் 8,078 மாணவிகளும் ஆக மொத்தம் 14,353 பேர் தேர்ச்சி பெற்றனர். தேர்ச்சி சதவீதம் 97.71 ஆகும். வணிகவியல் பாட பிரிவு தேர்வினை 3,033 மாணவர்களும் 4,179 மாணவிகளும் ஆகமொத்தம் 7,212 பேர் தேர்வு எழுதினர். இதில் 2,877 மாணவர்களும் 4,092 மாணவிகளும் ஆகமொத்தம் 6,969 பேர் தேர்ச்சி பெற்றனர். தேர்ச்சி சதவீதம் 96.63 ஆகும். கலை பிரிவில் 150 மாணவர்களும் 196 மாணவிகளும் ஆக மொத்தம் 346 பேர் தேர்வு எழுதினர். இத்ல் 141 மாணவர்களும் 191 மாணவிகளும் ஆகமொத்தம் 332 பேர் தேர்ச்சி பெற்றனர். தேர்ச்சி சதவீதம் 95.95 ஆகும். தொழில்நுட்ப பாடப்பிரிவில் 1,098 மாணவர்களூம் 952 மாணவிகளும் ஆக மொத்தம் 2,050 பேர் தேர்வு எழுதியிருந்தனர். இதில் 992 மாணவர்களூம் 934 மாணவிகளும் ஆகமொத்தம் 1,926 பேர் தேர்ச்சி பெற்றனர். தேர்ச்சி சதவீதம் 93.95 ஆகும்.

ஆங்கிலப் பாடத்தில் தேர்வெழுதிய 24,297 பேரில் 24,022 பேர் தேர்ச்சி பெற்றனர். தேர்ச்சி சதவீதம் 98.87 ஆகும். மொழிப்பாடத்தில் தேர்வெழுதிய 24,297 பேரில் 24,130 பேர் தேர்ச்சி பெற்றுள்ளனர். தேர்ச்சி சதவீதம் 99.31 ஆகும். இயற்பியல் பாடத்தில் தேர்வெழுதிய 14,689 பேரில் 14,513 பேர் தேர்ச்சி பெற்றுள்ளனர். தேர்ச்சி சதவீதம் 98.8 ஆகும்.

வேதியியல் பாடத்தேர்வு எழுதிய 14,689 பேரில் 14,403 பேர் தேர்ச்சி பெற்றுள்ளனர். தேர்ச்சி சதவீதம் 98.05 ஆகும். உயிரியல் பாடத்தேர்வு எழுதிய 8,814 பேரில் 8,685 பேர் தேர்ச்சி பெற்றுள்ளனர். தேர்ச்சி சதவீதம் 98.54 ஆகும். தாவரவியல் பாடத் தேர்வில் தேர்வெழுதிய 2,392 பேரில் 2,346 பேர் தேர்ச்சி பெற்றுள்ளனர். தேர்ச்சி சதவீதம் 98.08 ஆகும். விலங்கியல் தேர்வெழுதிய 2,392 பேரில் 2,324 பேர் தேர்ச்சி பெற்றுள்ளனர். தேர்ச்சி சதவீதம் 97.16 ஆகும். கம்ப்யூட்டர் சயின்ஸ் தேர்வெழுதிய 7,517 பேரில் 7,444 பேர் தேர்ச்சி பெற்றுள்ளனர். தேர்ச்சி சதவீதம் 99.03 ஆகும்.

கணக்கு பாட தேர்வெழுதிய 11,606 பேரில் 11,464 பேர் தேர்ச்சி பெற்றுள்ளனர். தேர்ச்சி சதவீதம் 98.78 ஆகும். வரலாற்று பாட தேர்வெழுதிய 4,100 பேரில் 4,028 பேர் தேர்ச்சி பெற்றனர்.தேர்ச்சி சதவீதம் 98.24 ஆகும். வணிகவியல் பாட தேர்வு எழுதிய 8,349 பேரில் 8,156 பேர் தேர்ச்சி பெற்றுள்ளனர். தேர்ச்சி சதவீதம் 97.69 ஆகும். கணக்கியல் பாட தேர்வெழுதிய 7,561 பேரில் 7,408 பேர் தேர்ச்சி பெற்றுள்ளனர். தேர்ச்சி சதவீதம் 97.98 ஆகும். பொருளியல் பாட தேர்வு எழுதிய 7,558 பேரில் 7,377 பேர் தேர்ச்சி பெற்றுள்ளனர். தேர்ச்சி சதவீதம் 97.61 ஆகும்.

இம்மாவட்டத்திலுள்ள ஆதிதிராவிடர் நல பள்ளிகளில் தேர்வெழுதிய 96 பேரில் 71 பேர் தேர்ச்சி பெற்றனர். தேர்ச்சி சதவீதம் 73.96 ஆகும். சி.பி.எஸ்.இ. பள்ளிகளில் தேர்வெழுதிய 125 பேரும் தேர்ச்சி பெற்றனர். தேர்ச்சி சதவீதம் 100 ஆகும். அரசு உதவி பெறும் பள்ளிகளில் தேர்வெழுதிய 11,342 பேர்களில் 11,164 பேர் தேர்ச்சி பெற்றனர். தேர்ச்சி சதவீதம் 98.43 ஆகும்.

அரசு பள்ளிகளில் தேர்வெழுதிய 8,153 பேரில் 7,685 பேர் தேர்ச்சி பெற்றனர். தேர்ச்சி சதவீதம் 94.26 ஆகும். மாநில அளவில் அரசு பள்ளிகளில் அதிக தேர்ச்சி சதவீதம் பெற்று விருதுநகர் மாவட்டம் முதலிடம் பிடித்துள்ளது. நகராட்சி பள்ளிகளில் தேர்வெழுதிய 357 பேரில் 351 பேர் தேர்ச்சி பெற்றுள்ளனர். தேர்ச்சி சதவீதம் 98.32 ஆகும். சுயநிதி பள்ளிகளில் தேர்வெழுதிய 2,884 பேரில் 2,861 பேர் தேர்ச்சி பெற்றுள்ளனர். தேர்ச்சி சதவீதம் 99.26 ஆகும். அரசிடம் இருந்து பகுதி உதவி பெறும் பள்ளிகளில் தேர்வெழுதிய 1,340 பேரில் 1,323 பேர் தேர்ச்சி பெற்றுள்ளனர். தேர்ச்சி சதவீதம் 98.73 ஆகும்.

மாவட்ட செய்திகள்

சேலத்தில் இடி, மின்னலுடன் பலத்த மழை; 20 வீடுகளுக்குள் தண்ணீர் புகுந்தது



சேலத்தில் இடி, மின்னலுடன் பலத்த மழை பெய்தது. இந்த மழையால் 20 வீடுகளுக்குள் தண்ணீர் புகுந்தது.

மே 17, 2018, 05:18 AM
சேலம்,

சேலம் மாவட்டத்தில் கடந்த சில நாட்களாக வெயிலின் தாக்கம் கடுமையாக இருந்து வருகிறது. ஆனால் அவ்வப்போது சூறைக்காற்றுடன் மாலை நேரங்களில் மழை பெய்து வருகிறது. இதனால் நிலத்தடி நீர்மட்டம் படிப்படியாக உயர்ந்து வருகிறது. இதையொட்டி விவசாயிகள் மகிழ்ச்சி அடைந்துள்ளனர்.

மேலும் இந்த மழையால் இரவு நேரத்தில் குளிர்ந்த காற்று வீசுவதால் பொதுமக்கள் மகிழ்ச்சி அடைந்து வருகிறார்கள். இந்தநிலையில் சேலத்தில் நேற்று பகலில் கடும் வெயில் சுட்டெரித்தது. தொடர்ந்து மாலை வானம் மேமூட்டத்துடன் காணப்பட்டது. பின்னர் சிறிது நேரத்தில் இடி, மின்னலுடன் பலத்த மழை பெய்தது. இதேபோல் மாவட்டத்தின் பல்வேறு பகுதிகளில் மழை பெய்தது.

மாநகரில் பெய்த மழையால் சாலைகளில் தண்ணீர் பெருக்கெடுத்து ஓடியது. மழையில் நனையாமல் இருக்க இருசக்கர வாகனங்களில் மற்றும் சாலையில் நடந்து சென்றவர்கள் குடைகள் பிடித்தவாறும், தலையில் துணிகளை போட்டுக்கொண்டும் சென்றனர். சேலம் பெரமனூர் நாராயணபிள்ளை தெருவில் உள்ள 20-க்கும் மேற்பட்ட வீடுகளில் மழைநீர் புகுந்தது. அதேபோல் மழைநீர் வீடுகளை சூழ்ந்தது.

இந்த வீடுகளில் தேங்கிய தண்ணீரை பொதுமக்கள் பாத்திரங்கள் மூலம் வெளியேற்றினர். இதனால் அவர்கள் இரவில் தூங்க முடியாமல் சிரமத்திற்கு உள்ளாகினர். மழையின் போது வீசிய சூறைக்காற்றால் பல இடங்களில் மரங்கள் சாலையில் சாய்ந்து விழுந்தன. சாய்ந்த மரங்களை தீயணைப்பு வீரர்கள் வெட்டி அப்புறப்படுத்தினர்.

மழையின் காரணமாக மாநகரின் பல்வேறு பகுதிகளில் மின்சாரம் துண்டிக்கப்பட்டது. பின்னர் சரிசெய்யப்பட்டு மின்வினியோகம் செய்யப்பட்டது. பாதாள சாக்கடைக்காக தோண்டப்பட்ட சாலைகள் சேறும், சகதியுமாக காணப்படுகிறது. மேலும் சாலையில் மழைநீர் தேங்கி நின்றது. இதன் காரணமாக வாகன ஓட்டிகள் சிரமத்திற்கு இடையே சென்று வந்தனர். சேறும், சகதியுமாக உள்ள சாலைகளை சரிசெய்ய மாநகராட்சி அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

மாவட்ட செய்திகள்

சேலம் மாவட்டத்தில் அங்கீகாரம் பெறாத நர்சரி, பிரைமரி பள்ளிகளின் பட்டியல் வெளியீடு





சேலம் மாவட்டத்தில் அங்கீகாரம் பெறாத நர்சரி, பிரைமரி பள்ளிகளின் பட்டியல் வெளியீடப்பட்டுள்ளது.

மே 17, 2018, 05:29 AM
சேலம்,

சேலம் மாவட்டத்தில் அரசு அங்கீகாரம் பெறாத நர்சரி மற்றும் பிரைமரி பள்ளிகளின் பட்டியலை அந்தந்த உதவி தொடக்க கல்வி அலுவலங்களில் வெளியிடப்பட்டுள்ளது.

சேலம் மாவட்டத்தில் உள்ள நர்சரி மற்றும் பிரைமரி பள்ளிகள், முறையாக தமிழக அரசின் அங்கீகாரம் பெறப்பட்டுள்ளதா? என்றும், அங்கீகாரம் இல்லாமல் செயல்படும் பள்ளிகளில் மாணவர் சேர்க்கை நடைபெறுகிறதா? என்று ஆய்வு செய்யுமாறு மாவட்ட தொடக்க கல்வி அலுவலர் மதன்குமாருக்கு மாவட்ட முதன்மை கல்வி அலுவலர் ஞானகவுரி உத்தரவிட்டிருந்தார். இதையடுத்து சேலம் மாவட்டத்தில் உள்ள 21 ஒன்றியங்களில் உதவி தொடக்க கல்வி அலுவலர்கள், தங்களது பகுதியில் உள்ள நர்சரி மற்றும் பிரைமரி பள்ளிகளுக்கு சென்று ஆய்வு மேற்கொண்டனர். அப்போது, பெரும்பாலான நர்சரி, பிரைமரி பள்ளிகள் தொடர் அங்கீகாரத்தை புதுப்பிக்காமல் செயல்பட்டு வருவது கண்டுபிடிக்கப்பட்டது. மேலும், ஒருசில பள்ளிகளில் போதுமான அடிப்படை வசதிகள் இல்லாதது தெரியவந்தது.

இந்தநிலையில், சேலம் மாவட்டத்தில் மொத்தம் 107 நர்சரி மற்றும் பிரைமரி பள்ளிகள் மட்டுமே அரசு அங்கீகாரம் பெறப்பட்டுள்ளதாகவும், 112 தனியார் நர்சரி, பிரைமரி பள்ளிகள் அங்கீகாரம் பெறாமல் செயல்பட்டு வருவதாகவும் பட்டியல் தயாரிக்கப்பட்டுள்ளது. இந்த பட்டியல்கள் அனைத்து உதவி தொடக்க கல்வி அலுவலங்களில் உள்ள தகவல் பலகைகளில் வெளியிடப்பட்டுள்ளது.

சேலம் நகர்ப்புற உதவி தொடக்க கல்வி அலுவலகத்தில் நேற்று சேலம் மாநகரில் அங்கீகாரம் பெற்ற நர்சரி, பிரைமரி பள்ளிகள் எது? அங்கீகாரம் பெறாத பள்ளிகள் எது? தொடக்க அங்கீகாரம் இல்லாத பள்ளிகள் எது? போன்ற விவரங்களை உதவி தொடக்க கல்வி அலுவலர் மகேஸ்வரன் மற்றும் அதிகாரிகள் அலுவலகத்தில் உள்ள தகவல் பலகையில் ஒட்டினர். இதேபோல், மாவட்டம் முழுவதும் உள்ள அனைத்து உதவி தொடக்க கல்வி அலுவலங்களிலும் அங்கீகாரம் பெறாத நர்சரி, பிரைமரி பள்ளிகளின் பட்டியல் வெளியிடப்பட்டுள்ளது.

இதுகுறித்து கல்வித்துறை அதிகாரிகள் கூறுகையில், அரசு அங்கீகாரம் இல்லாத நர்சரி, பிரைமரி பள்ளிகள் அடங்கிய பட்டியல் தயாரித்து பொதுமக்களின் பார்வைக்கு வைக்கப்பட்டுள்ளது. பெற்றோர்கள் தங்களது குழந்தையை பள்ளியில் சேர்க்கும் முன்பு அந்த பள்ளி அரசு அங்கீகாரம் பெற்றுள்ளதா? என தெரிந்து சேர்க்க வேண்டும். மேலும், அரசு விதிமுறைகளை பின்பற்றாத 35 தனியார் நர்சரி, பிரைமரி பள்ளிகளை மூட வேண்டும் என்று உத்தரவிடப்பட்டுள்ளது. இதுபற்றிய விவரத்தை சம்பந்தப்பட்ட பள்ளி நிர்வாகத்திற்கு கடிதம் மூலம் அனுப்பி வைக்கப்பட்டுள்ளது, என்றனர்.

மாநில செய்திகள்

தொழிற்பயிற்சிக்காக வெளிநாட்டு பல்கலைக்கழகங்களுக்கு செல்லும் 99 தமிழக மாணவர்களுக்கு பாஸ்போர்ட், விசா, பயணச்சீட்டு



தொழிற்பயிற்சிக்காக வெளிநாட்டில் உள்ள பல்கலைக்கழகங்களுக்கு செல்லும் தமிழகத்தைச் சேர்ந்த 99 மாணவர்களுக்கு பாஸ்போர்ட், விசா, பயணச்சீட்டு ஆகியவற்றை முதல்-அமைச்சர் எடப்பாடி பழனிசாமி வழங்கினார்.

மே 17, 2018, 05:31 AM
சென்னை,

தமிழக அரசு வெளியிட்டுள்ள செய்திக்குறிப்பில் கூறப்பட்டு இருப்பதாவது:-

மறைந்த முதல்-அமைச்சர் ஜெயலலிதா கடந்த 23.8.2016 அன்று சட்டசபையில் 110-ம் விதியின் கீழ் அறிவிப்பு ஒன்றை வெளியிட்டார். அதில், தனியார் பொறியியல் கல்லூரிகளில் பயிலும் மாணவர்களின் திறன் மேம்படும் வகையில் வெளிநாட்டில் உள்ள கல்லூரிகளில் குறுகிய காலப் பயிற்சி பெற அந்த கல்லூரிகள் வகை செய்கின்றன.

அதைப்போன்று, அரசு பொறியியல் கல்லூரிகளில் பயிலும் மாணவர்களுக்கும் அந்த வாய்ப்பு கிடைத்திடும் வகையில், அரசு பொறியியல் கல்லூரிகளில் பயிலும் மாணவர்களுக்கும் 15 நாட்கள் தொழில்நுட்ப பயிற்சி பெறும்வகையில், வெளிநாட்டில் உள்ள பல்கலைக்கழகங்கள் மற்றும் கல்லூரிகளுக்கு அனுப்பி வைக்கப்படுவார்கள் என்று அறிவித்தார்.

இத்திட்டத்தின் மூலம் தேர்ந்தெடுக்கப்படும் மாணவர்கள், வெளிநாட்டு பல்கலைக்கழகங்களில் 15 நாட்கள் தொழிற்பயிற்சி வகுப்பில் கலந்துகொண்டு, தங்கள் அறிவுத் திறனை உலகளவில் மேம்படுத்துவதற்கும், சர்வதேச அளவில் தொழில்நுட்ப கல்வியில் ஏற்பட்டு வரும் வளர்ச்சியை அறியவும், அவர்களின் ஆய்வு திறனை வளர்க்கவும் வழிவகை ஏற்படும்.

இத்திட்டத்தை சிறப்பான முறையில் செயல்படுத்தும் விதமாக ஒரு குழு அமைக்கப்பட்டுள்ளது. தமிழ்நாட்டிலுள்ள 10 அரசு பொறியியல் கல்லூரிகளில் பயிலும் மாணவர்களில் மதிப்பெண் அடிப்படையில் சிறந்து விளங்கும் 50 பேர்களும், அண்ணா பல்கலைக்கழகத்தில் பயிலும் மாணவர்களில் மதிப்பெண் அடிப்படையில் சிறந்து விளங்கும் 49 பேரும், என மொத்தம் 99 மாணவர்கள் தேர்வு செய்யப்பட்டு, அவர்கள் 15 நாட்கள் வெளிநாட்டு பல்கலைக்கழகங்களில் தொழிற்பயிற்சி பெறுவதற்கான புரிந்துணர்வு ஒப்பந்தங்கள் கையெழுத்தாகியுள்ளன.

இத்திட்டத்தின் கீழ், 2017-18-ம் கல்வி ஆண்டில், மெக்கானிக்கல், எலக்ட்ரிக்கல் மற்றும் எலக்ட்ரானிக்ஸ், கம்ப்யூட்டர் அறிவியல், மெட்டலார்ஜி, புரடக்‌ஷன் டெக்னாலஜி அண்டு இன்பர்மேஷன் தொழில்நுட்பம் ஆகிய பொறியியல் பாடப்பிரிவுகளைச் சார்ந்த 61 மாணவர்கள் ஆஸ்திரேலியாவின், மெல்போர்னில் உள்ள ஸ்வைன்பர்ன் தொழில்நுட்ப பல்கலைக்கழகத்தில் 19.5.2018 முதல் 2.6.2018 வரை தொழிற்பயிற்சி வகுப்பில் இரு பேராசிரியர்களின் வழிகாட்டுதலுடன் கலந்துகொள்ள இருக்கிறார்கள்.

சிவில் மற்றும் பி.டெக். பாடப் பிரிவுகளைச் சேர்ந்த 14 மாணவர்கள் ஜெர்மனி நாட்டில் உள்ள லெய்ப்னிஸ் பல்கலைக்கழகத்தில் 18.6.2018 முதல் 2.7.2018 வரை தொழிற்பயிற்சி வகுப்பில் ஒரு பேராசிரியரின் வழிகாட்டுதலுடன் கலந்துகொள்ள இருக்கிறார்கள்.

எலக்ட்ரிக்கல் மற்றும் எலக்ட்ரானிக்ஸ், எலக்ட்ரானிக்ஸ் மற்றும் இன்ஸ்ட்ருமெண்டேசன் தொழில்நுட்பம் ஆகிய பொறியியல் பாடப்பிரிவுகளைச் சார்ந்த 24 மாணவர்கள் ஜப்பான் நாட்டில் உள்ள யோகோகாமா தேசிய பல்கலைக்கழகத்தில் 18.6.2018 முதல் 2.7.2018 வரை தொழிற்பயிற்சி வகுப்பில் இரு பேராசிரியர்களின் வழிகாட்டுதலுடன் கலந்துகொள்ள இருக்கிறார்கள்.

தேர்ந்தெடுக்கப்பட்ட இந்த 99 மாணவர்கள், ஆஸ்திரேலியா, ஜெர்மனி மற்றும் ஜப்பான் ஆகிய நாடுகளுக்கு தொழிற்பயிற்சி பெறுவதற்காக செல்வதற்கு முன்பு, முதல்- அமைச்சர் எடப்பாடி பழனிசாமியை சந்தித்து வாழ்த்து பெற்றனர். அவர்களுக்கு பாஸ்போர்ட், விசா மற்றும் பயணச்சீட்டுகளை வழங்கிடும் அடையாளமாக 7 மாணவ, மாணவிகளுக்கு அவற்றை முதல்-அமைச்சர் எடப்பாடி பழனிசாமி வழங்கினார்.

இவ்வாறு அதில் கூறப்பட்டுள்ளது.

சென்னை டு வயநாடு... இந்த ரூட்ல பைக் ரைட் போயிருக்கிறீங்களா?!
ரஞ்சித் ரூஸோ

vikatan   16.05.2018

கேரளா, இயற்கையால் ஆசிர்வதிக்கப்பட்ட பூமி. அதிலும் வயநாடு பூலோகத்தில் சொர்க்கத்தின் ஒரு பாதி என்று சொல்லக்கூடிய அளவு அழகு. மேற்குத் தொடர்ச்சி மலையில் அமைந்துள்ள முக்கியமான மலையக மாவட்டமான வயநாடு, 34 டிகிரி அக்னி வெயில் கொளுத்தும் சென்னையில் இருந்து 600 கி.மீ தொலைவில் உள்ளது. ஏப்ரல் முதல் ஆகஸ்டு வரை எப்போது சென்றாலும் இதன் செழிப்பைப் பார்க்கலாம், மேகக் கூட்டங்களோடு கைக்குலுக்கலாம், ஏலக்காய் முதல் ஏத்தம்பழம் வரை சுவைக்கலாம், அருவியில் குளிக்கலாம்... என்ஜாய் பண்ணலாம்.



உங்கள் வயநாடு ட்ரிப்பை முழுவதுமாக அனுபவிக்கச் சென்னையில் இருந்து பைக் ரைடு போவது சிறப்பானது. `எவ்வளவோ ரூட் இருக்கப்போ, நான் ஏன்டா பெங்களூர் வழியா பைக்ல போகணும்...' என விடிவி கணேஷ் குரலில் கேட்பது கேட்கிறது. காரணத்தை நீங்கள் ரைடு போனால்தான் உணர முடியும். ஒரு சின்ன பேக்பேக்கை எடுத்து அதில் 2 நாளுக்குத் தேவையானவற்றை மடித்துவைத்துக்கொண்டு கிளம்புங்கள். எந்த பைக்கில் வேண்டுமென்றாலும் ரைடு போகலாம். 200 cc-க்கு மேல் உள்ள பைக்கை தேர்ந்தெடுத்தால் ரைடு இன்னும் சிறப்பானதாக இருக்கும். ரைடிங் ஜேக்கட், பூட்ஸ், கிளவுஸ் அணிவது பாதுகாப்புக்கு மட்டுமல்ல பைக் ரைடில் களைப்பைக் குறைக்கும். நெடுஞ்சாலையில் அதிக வேகத்தில் போவதால் DOT, ECE சான்றிதழ் ஹெல்மெட் பாதுகாப்பானது. மேற்சொன்ன விஷயங்கள் மிக முக்கியமானவை.



கூகுள் மேப் பேச்சை கேட்காதீர்கள். சென்னை-பெங்களூர் நெடுஞ்சாலை வழியாக வேலூர், ஆம்பூரை கடந்து பெங்களூருக்குள் நுழைந்த உடன் எலக்ட்ரானிக் சிட்டி பாலத்தின் மீது ஏறாமல் கீழே சென்றால் கனக்புரா சாலை வரும். அதன் வழியே கனக்புராவை கடந்து மைசூர் நைஸ் ரோடு வழியாகப் போகலாம். மைசூர் நைஸ் ரோடு எக்ஸ்பிரஸ்வேயில் பைக்கின் வேகத்தை அனுபவிக்கலாம். ஆனால், 100 முதல் 120 கி.மீ வேகத்தில் போவது நல்லது. அதற்கு மேல் போனால் இன்ஜின் அதிகமாகச் சூடாகும். பைக்கை அவ்வப்போது நிறுத்தவேண்டியிருக்கும். மாலை 3 மணிக்கு கிளம்பினால், 8 மணிக்கெல்லாம் பெங்களூரை அடைந்துவிடலாம். விடியற்காலையில் பெங்களூரில் இருந்து கிளம்பினால் பயணத்துக்கு சரியாக இருக்கும்.



கனக்புராவைத் தாண்டி அதே சாலையில் மாண்டியா வரை செல்லாமல் மத்துரு, மலவள்ளி, சாமராஜநகர் வழியாகப் பயணித்தால் பெட்ரோல் கொஞ்சம் மிச்சம்பிடிக்க முடியும். மலவள்ளியைத் தாண்டிவிட்டால் சாலை, விவசாய நிலங்கள், கிராமங்கள், மலைக் குன்றுகள், காவல் தெய்வங்கள் தவிர எதுவுமே இருக்காது. இன்னும் கமர்ஸியல் ஆக்கப்படாத இடங்கள் இவை. சில இடங்களில் அவ்வப்போது நின்று இளைப்பாறுவது நல்லது. பெங்களூரில் இருந்து இந்த வழியாக பயணித்தால் 5 முதல் 6 மணிநேரத்தில் பந்திபூரை அடைந்துவிடுவோம். புலி மற்றும் சிறுத்தைகள் வாழும்காடு பந்திபூர். அடர்த்தியாக மரங்கள் இருக்காது. பாதை வளைந்து நெளிந்து பாம்புகள் போல போகும். வளைவான பாதைகள் நெய் ஊற்றிச் செய்த லட்டுபோல. அனுபவித்துக்கொண்டே இருக்கலாம். லட்டில் திராட்சை வருவதுபோல, ஸ்பீடு பிரேக்கரும் இங்கு அதிகம். சில கிலோமீட்டர்களுக்கு ஒரு ஸ்பீடு பிரேக்கர் வரும் பொறுத்துக்கொள்ள வேண்டும்.



போகும் வழியில் மான்கள், புலித்தடங்கள், காட்டு யானை போன்றவற்றை பார்க்கலாம். பார்த்தால் இன்னும் த்ரில் கூடிவிடும். பந்திபூரை தாண்டியதும் முத்தங்கா வன உயிர்க் காப்பகம் உள்ளது. இதில் பாதுகாப்புடன் வனத்தில் சுற்றிவரலாம். வனத்துறையினர் ஏற்பாட்டில் யானைச் சவாரிகூட இங்கு உண்டு. முத்தங்காவை அடுத்து 30 நிமிட பயணத்தில் வயநாடு வந்துவிடும். சுல்தான் பத்தேரி, வயநாடு இரண்டு இடங்களிலும் தங்குவதற்கான வசதிகள் உண்டு. வயநாடு பாதை பல கொண்டை ஊசி வளைவுகளைக் கொண்டது. வளைந்து வளைந்து பயணிப்பது செம த்ரில்லிங்காக இருக்கும்.



வயநாடு வருவதற்கு மாண்டியா, ஹன்சூர் வழியாக இன்னொரு பாதையும் உள்ளது. நம் பாதையைவிட அந்தப் பாதையின் தூரம் குறைவு. ஆனால், முழுவதும் நெடுஞ்சாலையில் மட்டுமே பயணிக்க வேண்டும். கர்நாடகாவின் செழுமையைப் பார்க்க குறைவான வாய்ப்புகளே இருக்கும். மோட்டல்கள் அதிகம் என்பதால் பொதுவான உணவுகளே இருக்கும் கர்நாடக கிராமங்களின் உணவுகளை ருசிக்கமுடியாது.



(நாகர்ஹோலே வழியாக வயநாடு போகும் பாதை)






மைசூருக்கு போகும் ஆசை இருந்தால் இந்தப் பாதை வழியாக போகலாம். இந்த வழியில் நாகர்ஹோலே தேசிய பூங்கா உள்ளது. இது பந்திபூர் போல் வளைந்து நெளிந்து போகும் பாதை அல்ல. அடர்த்தியான காடு, அமைதியான நேர் பாதை. இந்தப் பாதையில் பந்திபூரைவிட வாகனங்கள் குறைவு என்பதால் கார் டிரைவிங் அருமையாக இருக்கும். வயநாடை பார்த்துவிட்டு இன்னும் இரண்டு நாள் லீவ் எடுப்போம் என்று முடிவெடுத்துவிட்டால், இங்கிருந்து 100 கி.மீ தொலைவில் கோழிக்கோடு கடற்கரை உள்ளது. 60 கி.மீ தொலைவில் மசினகுடி உள்ளது. அருகிலேயே தெங்குமரஹடா காடு உள்ளது. தெங்குமரஹடாவுக்கு போக வனத்துறை அதிகாரிகளின் ஒப்புதல் வேண்டும். பந்திபூர், நாகர்ஹோலே இரண்டு காடுகளுக்குள்ளும் இரவு 10 மணிக்குமேல் அனுமதி கிடையாது. அதனால், அதற்கேற்ப பயணத்தை திட்டமிட்டால் சரியான நேரத்தில் வயநாடு அடையலாம்.

‘It May Be Morally Wrong To Glorify The Corrupt, But Cannot Interfere’: Madras HC Rejects DMK MLA’s Plea To Remove Jayalalithaa Portrait From TN Assembly [Read Order] | Live Law

‘It May Be Morally Wrong To Glorify The Corrupt, But Cannot Interfere’: Madras HC Rejects DMK MLA’s Plea To Remove Jayalalithaa Portrait From TN Assembly [Read Order] | Live Law: The bar on appointment to a responsible position possibly cannot be stretched to be a bar on display of the photograph of a former Chief Minister charged with a serious offence, the Court said. The Madras High Court has dismissed a plea seeking removal of the portrait of Late J. Jayalalithaa from the precincts of …

`நான் எக்ஸாம் எழுதின பேனாகூட வேற ஒருத்தருது!' -

வறுமையிலும் 1060 எடுத்த திவ்யா

  விகடன் 

0

பள்ளிச் சீருடை, புத்தகம் எடுத்துச் செல்லத் தேவையான பை, பரீட்சைக்கான பேனா...  இப்படி எதுவுமே இல்லையென்றாலும் நம்பிக்கை மட்டும் இருந்தால் போதும் சாதிக்க முடியும் என்பதை நிரூபித்துள்ளார் சென்னையைச் சேர்ந்த பிளஸ்டூ மாணவி திவ்யா.

படித்தது அரசுப் பள்ளி, எடுத்தது 1060 மார்க்... ``எதையாவது சாதிக்கணும்னு மட்டும்தான்கா என் மனசுல ஓடிட்டு இருந்தது. இப்ப செஞ்சுட்டேன் நினைக்கிறேன். ஆனா அடுத்தது...'' என்கிறவருக்கு தொண்டை அடைக்கிறது. 

``ஒரு நாளைல மூணு வேள நல்ல சாப்பாடு கெடைச்சா அதை நாங்க கடவுள் கொடுத்த வரம்னு நினைச்சுப்போம்கா. இந்தச் சூழலுக்கு கடவுளை குத்தம் சொல்ல முடியாது. எங்க அப்பா அம்மாவோட அறியாமைதான் காரணம். வீட்ல என்னையும் சேர்த்து ஆறு பொண்ணுங்க, ஒரு பையன். இத்தனை பேருக்கும் சாப்பாடு போடுறதுக்கு அவங்க எவ்வளவு கஷ்டப்படணும்னு நினைச்சுப் பாருங்க. அப்பாவுக்குக் கூலி வேலை.  அவருக்கு எல்லா நாளும் வேலை இருக்கும்னு எல்லாம் சொல்ல முடியாது. பொழுது விடிஞ்சா அன்னைக்கு என்ன வேலை, யார் கொடுப்பாங்னு அப்பாவும் அம்மாவும் காத்திருப்பாங்க. அம்மா எங்களுக்காக 18 மணி நேரமெல்லாம் வேலை செய்ஞ்சிருக்காங்க.

இதெல்லாம் தாண்டி எங்களையெல்லாம் படிக்க வைக்கணும்ங்கிறதெல்லாம் நெனைச்சே பார்க்க முடியாத விஷயம். நான் கவர்ன்மென்ட் ஸ்கூல்லதான் படிக்குறேன். அதுக்குக் காரணம் எங்கம்மா. நானும் வறுமையில படிக்காம போயிடக் கூடாதுனு என்னை கவர்ன்மென்டு ஸ்கூல்ல படிக்க வெக்கிறாங்க. பத்தாம் வகுப்புல நல்ல மார்க் எடுத்தேன். அதுக்குப் பிறகு `நானும் பாத்திரம் தேய்க்க வரட்டுமா'னு அம்மாகிட்ட கேட்டேன். `என் நிலைமை உனக்கு வரக் கூடாது'னு அம்மா சொன்னதால மறுபடியும் படிக்கப் போனேன். ஆனாலும் மனசு கேட்கலைக்கா. அம்மாவுக்கு உதவி செய்றதுக்காக எங்க தெருவுல உள்ள சில வீடுங்களுக்கு நானும் பாத்திரம் தேய்க்க, வீடு கூட்ட போயிட்டு இருக்கேன். 

அதுல கிடைக்கிற பணத்தை வெச்சு என் தம்பி, தங்கச்சிங்களுக்குத் தேவையான அடிப்படை பொருள்களை வாங்கிக் கொடுக்கிறேன். சில நேரம் வீட்டு வேலையெல்லாம் முடிச்சு ஸ்கூலுக்குப் போக லேட் ஆயிரும். அப்படி லேட்டா போறப்ப கிளாசுக்கு வெளிய நிக்க வெச்சிருவாங்க. என்ன பண்றது என் கஷ்டம் அவங்களுக்கு தெரியாதில்லையா... சகிச்சுப்பேன். வெளிய நின்னபடியே பாடத்த கவனிப்பேன். இதுவரைக்கும் டியூசன் பக்கமெல்லாம் எட்டிப் பார்த்ததில்லைக்கா. பாத்திரம் தேய்க்கிற வேலை முடிச்சுட்டு வீட்டுக்குப் போக ஏழு மணி ஆகிடும். அதுகப்புறம் உக்காந்து பத்து மணி வரைக்கும் படிப்பேன். நாங்க இருக்கிறது ஒரே ஒரு ரூமு. அதுல ரொம்ப நேரம் படிச்சா மத்தவங்க தூங்க முடியாதில்லையா... அதனால சீக்கிரம் தூங்கிடுவேன். 

போன வருஷம் வெள்ளம் வந்தப்ப எங்களோட ஒத்த ரூமுல இருந்த அத்தனை பொருளும் தண்ணியில அடிச்சுட்டுப் போயிருச்சு. புத்தகமெல்லாம் நனைஞ்சு போயிருச்சு. நடுத்தெருவுல நின்னோம். தெரிஞ்சவங்ககிட்ட எல்லாம் போய் உதவி கேட்டேன். அவங்க செஞ்ச உதவியினாலதான் படிக்கவே முடிஞ்சது. அதையெல்லாம் நினைச்சா கண்ணீரை அடக்க முடியலக்கா. கடவுள் எங்களுக்கு கஷ்டத்தைக் கொடுத்தார்... ஆனா அதோட சேர்த்து எனக்கு மனபலத்தையும் கொடுத்தார்னு நம்புறேன். சொன்னா நம்ப மாட்டீங்கக்கா... இந்த வருஷம் நான் பரீட்சை எழுதின பேனாகூட வேற ஒருத்தர் கொடுத்ததுதான். இப்ப அதை என் தம்பி தங்கச்சிங்க பரீட்சை எழுத கொடுத்திருக்கேன்.

பேனாவுக்கே நான் மத்தங்களை எதிர்பார்க்குற நிலைமையில காலேஜ் எல்லாம் எனக்குக் கனவா தெரியுது. அழுகையா வருதுக்கா'' என்ற திவ்யா அழ ஆரம்பித்துவிட்டாள். 

முகப்பு » இந்தியா » விகடன்

கர்நாடகாவில் யார் ஆட்சி... என்ன செய்யப்போகிறார் ஆளுநர்? சட்டத்தின் பார்வையும்... அரசியல் பார்வையும்....!

  விகடன்

0

`காங்கிரஸ் இல்லாத இந்தியா அமைப்போம்' எனச்சொல்லி வரும் பாரதிய ஜனதா கட்சியால், தென்னிந்தியாவில் நுழைவதற்கு வரலாற்று முக்கியத்துவம் கொண்ட வாயிலாகப் பார்க்கப்பட்டது கர்நாடகா சட்டப்பேரவை தேர்தல். அதேபோல் தொடர் தோல்விகளிலிருந்து மீண்டு, தன் கைவசம் இருக்கும் 4 மாநிலங்களில் ஒன்றான கர்நாடகாவை தக்க வைத்துக்கொள்ள முயற்சி செய்தது காங்கிரஸ்.

இப்படி பெரும் ஆவலோடு எதிர்பார்க்கப்பட்ட கர்நாடகா சட்டமன்றத் தேர்தல் நடந்து முடிந்து, முடிவும் அறிவிக்கப்பட்டிருக்கிறது. இந்தத் தேர்தலில் தனிப்பெரும் கட்சியாக 104 தொகுதிகளில் வென்றிருக்கிறது பி.ஜே.பி. ஆனாலும் தனிப் பெரும்பான்மையை நிரூபிக்க பி.ஜே.பி.க்கு இன்னும் 9 எம்.எல்.ஏ-க்கள் தேவை. காங்கிரஸ் 78 இடங்களிலும், மதச்சார்பற்ற ஜனதா தளம் 37 இடங்களிலும் வென்றிருக்கிறது. எதிர்பாராத திருப்பமாக காங்கிரஸும், மதச்சார்பற்ற ஜனதா தளமும் சேர்ந்திருக்கிறது. மதச்சார்பற்ற ஜனதா தளம் கட்சியின் தலைவர் குமாரசாமி முதல்வராக ஆதரவு கொடுத்திருக்கிறது காங்கிரஸ்.

104 தொகுதிகளை வென்ற பி.ஜே.பி. முதல்வர் வேட்பாளர் எடியூரப்பா, ஆட்சியமைக்க அழைப்பு விடுக்குமாறு ஆளுநரைக் கேட்டுக்கொண்டிருக்கிறார். அதேபோல் காங்கிரஸ் எம்.எல்.ஏ-க்கள் 78 பேரின் ஆதரவோடு 115 எம்.எல்.ஏ-க்களின் ஆதரவு உள்ளதாகக் கூறி, மதச்சார்பற்ற ஜனதா தளக் கட்சியின் தலைவர் குமாரசாமியும் ஆட்சி அமைக்க அழைக்குமாறு கேட்டுக்கொண்டிருக்கிறார். இந்தச்  சூழலில் ஆளுநர் யாரை அழைக்கப்போகிறார் தேர்தலுக்குப் பிந்தைய கூட்டணி அடிப்படையில் பெரும்பான்மை எம்.எல்.ஏ- க்கள் ஆதரவு பெற்றுள்ள குமாரசாமியை ஆட்சி அமைக்க அழைப்பாரா அல்லது தனிப்பெரும் கட்சியாக 104 எம்.எல்.ஏ. ஆதரவு கொண்ட பி.ஜே.பி. முதல்வர் வேட்பாளர் எடியூரப்பாவை ஆட்சியமைக்க அழைப்பாரா என்பது கேள்விக்குறியாகியுள்ளது. 

``குமாரசாமி தலைமையிலான மதச்சார்பற்ற ஜனதா தளம் ஆட்சியமைக்க நிபந்தனையற்ற ஆதரவு அளிப்பதாக காங்கிரஸ் அறிவித்துள்ள நிலையில், அந்தக் கூட்டணியை ஆட்சியமைக்க ஆளுநர் வாய்ப்பளிக்க வேண்டும்," என காங்கிரஸ் தரப்பும், தனிப் பெரும் கட்சி என்ற அடிப்படையில் பி.ஜே.பி.யை ஆட்சி அமைக்க அழைக்க வேண்டுமென பி.ஜே.பி. தரப்பும் வேண்டுகோள் விடுத்துள்ளது. 

இந்நிலையில், எடியூரப்பாவை சட்டமன்ற கட்சித் தலைவராக பி.ஜே.பி. எம்.எல்.ஏ-க்கள் தேர்வு செய்துள்ளனர். அவர் மீண்டும் ஆளுநரைச் சந்தித்து ஆட்சியமைக்க உரிமை கோர உள்ள நிலையில், எடியூரப்பாவை ஆளுநர் வாஜுபாய் வாலா ஆட்சியமைக்க அழைப்பார் என்றும், பெரும்பான்மையை நிரூபிக்க ஒருவார கால அவகாசம் அளிக்கக்கூடும் எனவும் சொல்லப்படுகிறது. இது சட்டத்துக்குப் புறம்பானது, குதிரைப் பேரத்துக்கு வழிவகுக்கும் என்றும் சொல்கிறார்கள் அரசியல் நோக்கர்கள்.

முதலமைச்சரைத் தேர்வு செய்யும் போது ஆளுநர் கடைபிடிக்க வேண்டிய நெறிமுறைகள் குறித்து சர்க்காரியா கமிஷன் பரிந்துரை மற்றும் பொம்மை வழக்கு தீர்ப்பு ஆகியவற்றைச் சுட்டிக்கட்டும் அரசியல் நோக்கர்கள், அதை கடைப்பிடிக்க வேண்டியது அவசியம் என்கிறார்கள்.

``சட்டமன்றத்தில் எந்த ஒரு கட்சிக்கும் பெரும்பான்மையான பலம் இல்லாத சூழலில், தேர்தலுக்கு முன்பாக கூட்டணி அமைத்த கட்சிகளின் சார்பில் முதல்வரைத் தேர்வு செய்ய முன்னுரிமை தர வேண்டும். இரண்டாவதாக மற்றவர்களின் ஆதரவுடன் ஆட்சியமைக்க முன்வரும் அதிக இடங்களில் வென்ற கட்சியின் சார்பில் முதல்வரைத் தேர்வு செய்ய வேண்டும். மூன்றாவதாகத் தேர்தலுக்குப் பின் கூட்டணியில் சேர்ந்த கட்சிகளின் சார்பில் அனைவரும் ஆட்சியில் பங்கேற்கும் நிலையில் முதல்வரை நியமிக்க வேண்டும். இப்படி முன்னுரிமை வரிசையில் முதல்வரைத் தேர்வு செய்யும் போதே யாரால் சட்டசபையில் பெரும்பான்மையை நிரூபிக்க முடியும் என்பதையும் தீர்மானிக்கும் சக்தியுடையவராக ஆளுநர் இருக்க வேண்டும்," எனப் பரிந்துரைக்கிறது சர்க்காரியா கமிஷன்.

அதன்படி தற்போதைய சூழலில் 104 எம்.எல்.ஏ-க்கள் கொண்ட பி.ஜே.பி.யை வேறு கட்சிகள் ஆதரிக்கவில்லை. இந்தச் சூழலில் அவர்களால் பெரும்பான்மையை நிரூபிக்க முடியாது. ஆளுநர் ஆட்சியமைக்க அழைப்பு விடுக்கும் நிலையில், அந்த ஆட்சி நிலையாக இருக்குமா என்பதை ஆளுநர் தன்னளவில் திருப்தியடைய வேண்டும் எனச் சொல்லப்பட்டுள்ளது. ஆனால், யார் ஆதரவும் இல்லாமல் 104 எம்.எல்.ஏ-க்களைக் கொண்ட பி.ஜே.பி.யை ஆட்சியமைக்க அழைப்பது என்பது, மற்ற கட்சிகளை உடைக்கவும், நேரடியான குதிரை பேரத்துக்கும் வழிவகுக்கும். பெரும்பான்மை எம்.எல்.ஏ-க்கள் ஆதரவில்லாத ஒருவரை ஆட்சியமைக்க அழைப்பது என்பது பெரும் சர்ச்சைகளுக்கே முன்வைக்கும்.

இந்தச் சூழலில் ஆளுநர் எடுக்கும் முடிவு என்பது மிக முக்கியமான ஒன்று. இந்த விவகாரத்தை அரசியல் பார்வையோடு அணுகாமல், சட்டத்தின் பார்வையில் அணுக வேண்டியது மிக அவசியம். ஒருவேளை பி.ஜே.பி.யை ஆட்சியமைக்க அழைத்தால், தங்களுக்குத் தேவையான 9 எம்.எல்.ஏ-க்களை வேறு கட்சியிலிருந்து இழுக்க பி.ஜே.பி. முற்படும். இது கட்சித்தாவல் மற்றும் நேரடி குதிரை பேரத்துக்கு வழிவகுக்கும். எந்தக் கட்சியும் பி.ஜே.பி.க்கு ஆதரவளிக்கவில்லை. கட்சியை உடைப்பதை தவிர வேறு எந்த வாய்ப்பும் பி.ஜே.பி.க்கு இல்லை. 

கர்நாடகாவில் தற்போது குதிரைப் பேரம் தொடங்கியிருப்பதை தற்போதைய சூழல் உறுதிப்படுத்தியிருக்கிறது. காங்கிரஸ், மதச்சார்பற்ற ஜனதா தளம் எம்.எல்.ஏ-க்கள் தங்களை ஆதரிப்பார்கள் என வெளிப்படையாகவே பேசத்தொடங்கியிருக்கிறார்கள் பி.ஜே.பி. நிர்வாகிகள். இதேபோல் இருதரப்பிலும் பேச்சுகள் எழுந்திருக்கின்றன.

`கர்நாடகாவில் பி.ஜே.பி. ஆட்சிதான் அமையும். எடியூரப்பாவையே ஆளுநர் ஆட்சியமைக்க அழைப்பார்' என்ற பேச்சும் பரவலாக எழுகிறது. சட்டத்தின் பார்வையை விட அரசியல் பார்வையோடுதான் ஆளுநர் அணுகுவார் என்ற பேச்சும் பரவலாக எழுந்துள்ளது. சில மாதங்களில் நடக்கும் 3 மாநில சட்டமன்றத் தேர்தல், அடுத்த ஆண்டு நடக்கும் நாடாளுமன்றத் தேர்தல் ஆகியவற்றுக்கு கர்நாடகா தேர்தல் வெற்றி என்பது பி.ஜே.பி.க்கு அவசியம் என்பதால், பி.ஜே.பி.க்கு ஆதரவான முடிவையே ஆளுநர் எடுப்பார் என்ற பேச்சு பரவலாக ஒலிக்கத் தொடங்கியிருக்கிறது.

`பி.ஜே.பி. ஆட்சிக்கு வராமல் தடுக்க என்ன வேண்டுமானாலும் செய்வோம்' என்ற முடிவுடன் குமாரசாமிக்கு ஆதரவளித்திருக்கிறது காங்கிரஸ். `எப்படியேனும் தென்னகத்தில் மீண்டும் கால்பதிக்க வேண்டும்' என்ற முடிவுடன் தீவிரம் காட்டுகிறது பி.ஜே.பி. கர்நாடகாவில் யார் ஆட்சியமைக்கப் போகிறார்கள். ஆளுநர் கையில் இருக்கிறது முடிவு.

முகப்பு » தமிழ்நாடு » விகடன்

உங்கள் சிம்கார்டை இன்னொருவர் பயன்படுத்துகிறார்! - அதிர்ச்சி ரிப்போர்ட் 

  விகடன் 

0

உங்கள் சிம்கார்டை இன்னொருவர் பயன்படுத்துகிறார் என்று சொன்னால் நம்ப முடியுமா. ஆனால், அதுதான் உண்மை என்று அதிர்ச்சித் தகவல் வெளியாகியுள்ளது. 

செல்போன் இல்லாதவர்களை இன்று விரல்விட்டு எண்ணிவிடலாம். 24 மணி நேரமும் செல்போன்களோடு பேசிக்கொள்ளுபவர்களாகப் பலர் மாறிவிட்டனர். செல்போன்களால் எந்தளவுக்கு நன்மை இருக்கிறதோ அதே அளவுக்கு ஆபத்தும் அதில் நிறைந்துள்ளது. சென்னை கிழக்குக் கடற்கரை சாலையில் குடியிருக்கும் டாக்டர் ஹரீஷ் வழக்கை விசாரித்த போலீஸாருக்கு அதிர்ச்சி காத்திருந்தது. 

 இதுகுறித்து போலீஸார் கூறுகையில், ``டாக்டர் ஹரீஷ் கொடுத்த புகார் மற்றும் மிரட்டல் ஆடியோ அடிப்படையில் விசாரணை நடத்தினோம். டாக்டருக்கு வந்த மிரட்டல் போன் நம்பரை ஆய்வு செய்தோம். அந்த நம்பரின் முகவரி, சென்னை பாரிமுனை என்று தெரியவந்தது. உடனடியாக அங்கு சென்று விசாரித்தோம். அந்த நபர், மிரட்டலுக்கும் தனக்கும் எந்தத் தொடர்பும் இல்லை என்று தெரிவித்தார். இதனால் நாங்கள் குழப்பமடைந்தோம். இதையடுத்து அந்த நபரிடம் விசாரித்தபோது தாம்பரத்தில் சிம் கார்டு வாங்கிய விவரத்தை எங்களிடம் தெரிவித்தார். உடனே தாம்பரத்துக்குச் சென்று விசாரித்தோம்.

 மேலும், சிம்கார்டை விற்ற நபர் தெரிவித்த தகவல் எங்களுக்கு அதிர்ச்சியை ஏற்படுத்தியது. ஒவ்வொரு செல்போன் நிறுவனமும் சிம் கார்டுகளை விற்க இலக்கு நிர்ணயிக்கிறது. இதற்காக சிம்கார்டு விற்பவர்கள், சிம்கார்டு வாங்க வருபவர்கள் கொடுக்கும் போட்டோ, முகவரி சான்றிதழ்கள் ஆகியவற்றைப் பயன்படுத்தி சம்பந்தப்பட்டவர்களுக்கே தெரியாமல் அவரின் பெயரில் சிம் கார்டுகளை விற்றதுபோல கணக்கு காட்டுகின்றனர். தற்போது ஆதார் விவர அடிப்படையில்தான் சிம்கார்டுகள் விநியோகிக்கப்படுகின்றன. இதனால் ஆதார் எண்ணைத் தெரிவித்ததும் கைரேகை பதிவு செய்யப்படுகிறது. அப்போது, சரியாக கைரேகை பதிவாகவில்லை என்றுகூறி ஒன்றுக்கு மேற்பட்ட சிம்கார்டுகளை விற்றதுபோல கணக்கு காட்டப்படுகிறது. இந்த சிம்கார்டுகள்தான் சமூக விரோத கும்பலுக்கு விற்கப்படுகிறது. அப்படிப்பட்ட சிம்கார்டுகளை வாங்கும் நபர்கள், அதைச் சமூக விரோதச் செயல்களுக்குப் பயன்படுத்துகின்றனர்.

 டாக்டரை மிரட்டிய இன்ஜினீயர்கள் முருகனும் பாலாஜியும் இந்த முறையில்தான் சிம்கார்டுகளை வாங்கியுள்ளனர். ஒருவருக்குத் தெரியாமல் அவரின் பெயரில் உள்ள சிம்கார்டை  இன்னொருவர் பயன்படுத்துவது தொடர்ந்தால் அது, பெரிய ஆபத்தை ஏற்படுத்தும். இதே நிலை நீடித்தால் சமூக விரோதச் செயல்களில் ஈடுபடுவோர்களைக் கண்டறிவதில் சிக்கல் ஏற்படும். தற்போது இந்தவகையில், சென்னையில் மட்டும் 2,000-க்கும் மேற்பட்ட சிம்கார்டுகள் உள்ளதாக எங்களுக்குத் தகவல் கிடைத்துள்ளது. அதிலும் ஒருவரின் பெயரில் மட்டும் இரண்டுக்கு மேற்பட்ட சிம்கார்டுகள் உள்ளன. அதுதொடர்பாகச் சம்பந்தப்பட்ட செல்போன் நிறுவனங்களுக்கு புகார் தெரிவித்துள்ளோம்" என்றனர். 

 இதுகுறித்து செல்போன் நிறுவனங்கள் கூறுகையில், "இதுபோன்ற பிரச்னைகள் ஏற்படுவதைத் தடுக்கத்தான் சிம்கார்டு வாங்கியதும் நாங்களே சம்பந்தப்பட்டவர்களிடம் போனில் விசாரணை நடத்துகிறோம். அதன் பிறகுதான் அந்த சிம்கார்டை பயன்படுத்த முடியும். சிம்கார்டு விற்பவர்களின் உதவியில்லாமல் இதுபோன்ற தவறுகள் நடக்கவாய்ப்பில்லை. போலீஸ் தரப்பில் கொடுக்கப்பட்ட புகாரின் அடிப்படையில் நடவடிக்கை எடுக்கவுள்ளோம். இருப்பினும் அத்தகைய சிம்கார்டுகளைக் கண்டறிவதில் பல சிரமங்கள் உள்ளன" என்றனர். 

 இதுகுறித்து நேஷனல் சைபர் சேஃப்டி அண்டு செக்யூரிட்டி ஸ்டாண்டர்டு என்ற தனியார் நிறுவனத்தின்  பொது இயக்குநர் அமர்பிரசாத் ரெட்டி  கூறுகையில், "ஆதார் எண் அடிப்படையில்தான் சிம்கார்டுகள் கொடுக்கப்படுகின்றன. சிம்கார்டு வாங்கும் நடைமுறையில் அரசு கவனம் செலுத்த வேண்டும். இல்லையெனில், இதுபோன்ற சிக்கல்கள் ஏற்படுவதைத் தவிர்க்க முடியாது. ஆதார் அடிப்படையில் சிம்கார்டுகளைப் பெறும்போது உங்களின் மொபைல் நம்பருக்கு எஸ்.எம்.எஸ் வரும். ஒன்றுக்கும் மேற்பட்ட எஸ்.எம்.எஸ்-கள் வந்தால் சிம்கார்டு வாங்குபவர்கள் கவனமாக இருக்க வேண்டும். சிம்கார்டு விற்பவர்களையும் மத்திய அரசு கண்காணிக்க வேண்டும். அப்போதுதான் இந்தப் பிரச்னைக்குத் தீர்வு காண முடியும். டிஜிட்டல் இந்தியாவில் இதுபோன்ற தவறுகளுக்கு முற்றுப்புள்ளி வைக்க டிராய் (TRAI) அமைப்பும் நடவடிக்கை எடுக்க வேண்டும். அதோடு ஆதார் எண்களைப் பயன்படுத்துவோருக்கு அதுதொடர்பான தகவல்களைத் தெரிவிக்க வேண்டும்"என்றார். 

Co-pilot sucked halfway out of cockpit is alive

16.05.2018............. DH
SHANGHAI, Reuters: The co-pilot of a Sichuan Airlines flight that was forced to make an emergency landing on Monday was “sucked halfway” out of the plane after a cockpit windshield blew out, media reported, citing the aircraft’s captain.

Liu Chuanjian, hailed a hero on social media after having to land the Airbus A319 manually, told the Chengdu Economic Daily his aircraft had just reached a cruising altitude of 32,000 feet when a deafening sound tore through the cockpit. The cockpit experienced a sudden loss of pressure and drop in temperature and when he looked over, the cockpit’s right windshield was gone.

“There was no warning sign. Suddenly, the windshield just cracked and made a loud bang. The next thing I know, my co-pilot had been sucked halfway out of the window,” he was quoted as saying. “Everything in the cockpit was floating in the air. Most of the equipment malfunctioned ... and I couldn’t hear the radio. The plane was shaking so hard I could not read the gauges.”

The co-pilot, who was wearing a seatbelt, was pulled back in. He suffered scratches and a sprained wrist, the Civil Aviation Administration of China said, adding that one other cabin crew member was also injured in the descent.

Escape for 119 passengers

None of the plane’s 119 passengers was injured. The Civil Aviation Administration of China said France’s BEA accident investigation agency and Airbus would send staff to China to investigate. The flight left Chongqing on Monday and was bound for the Tibetan capital of Lhasa. It had to make an emergency landing in the southwest city of Chengdu.

Lotus blooms again as BJP sweeps DK, Udupi

Mangaluru: Prime Minister Narendra Modi and BJP national president Amit Shah repeatedly said that the BJP would sweep the polls in the coastal districts of Dakshina Kannada and Udupi but even the BJP leaders in the region would not have imagined or expected such a landslide victory.

While the BJP bagged 7 out of 8 Assembly constituencies in Dakshina Kannada district, the BJP swept all 5 Assembly constituencies in Udupi district.

Food and Civil Supplies Minister and Mangaluru candidate U T Khader is the only Congress candidate to win in 13 seats in DK and Udupi. In fact, Khader has never lost any election that he contested.

Many new faces

Though rumours were doing the rounds that Congress may lose in 2 or 3 constituencies in DK (Moodbidri, Puttur and Sullia) and 2 in Udupi (Kundapur and Karkala), the Congress losing 7 out of 8 seats in DK and all seats in Udupi is hard to believe.

While 7 out of 8 Congress candidates in Dakshina Kannada were sitting MLAs, 3 out of 5 Congress candidates in Udupi were sitting MLAs. On the other hand, 3 out of 8 BJP candidates (D Vedvyas Kamath in Mangaluru South, Dr Bharath Shetty in Manglauru North, Harish Poonja in Belthangady) are first-time contestants and 3 others who have won this time had lost against the same Congress candidates in 2013 polls. They are U Rajesh Naik in Bantwal, Umanath Kotian in Moodbidri and Sanjeev Matandoor in Puttur. In the remaining two constituencies, Dr Raghu of Congress lost to S Angara in Sullia for the fourth time in a row. In Mangaluru, first time MLA contestant from BJP, Santhosh Boliyar, failed to make it against the giant killer U T Khader.

Losers in DK include the giants District-in-Charge Minister B Ramanath Rai and MLAs J R Lobo, Mohiuddin Bava, Abhaychandra Jain, Vasanth Bangera and T Shakunthala Shetty.On the other hand, in Udupi district, except the Congress candidate in Kundapur constituency (Rakesh Malli), all the 4 Congress candidates and all the 5 BJP candidates were either sitting MLAs or those who contested the 2008 or 2013 elections.

In 2008, the Congress and BJP shared 4 seats each in DK and BJP bagged 4 out of 5 seats in Udupi. In 2013, Congress bagged 7 out of 8 seats in DK and 3 out of 5 in Udupi district.

Huge margin

Unlike earlier elections wherein the winning margin was very thin in at least 1 or 2 constituencies, this time, the winning margin is huge in every constituency in DK as well as Udupi. While Moodbidri BJP candidate Umanath Kotian polled 87,027 votes, Congress candidate Abhaychandra Jain polled 57,374 (margin 29,653).

The lowest winning margin in DK was registered in Bantwal Assembly constituency. While Rajesh Naik (BJP) polled 97,802 votes, B Ramanath Rai (Cong) polled 81,831 votes (margin 15,971).

The total number of votes polled under NOTA in the district is 8,809

Similarly, Kundapur BJP candidate Haladi Srinivas Shetty (1,03,434) won with a margin of 56,405 votes against Congress candidate Rakesh Malli (47,029).The lowest winning margin in Udupi was registered in Kaup Assembly constituency. While Lalaji R Mendon (BJP) polled 75,893 votes, Vinay Kumar Sorake (Cong) polled 63,976 votes (margin 11,917).

Poor show

Quite interestingly, no candidate from CPM, JD(S), JD(U) or MEP managed to get more than 3,000 votes in DK and Udupi.

In fact, except the Congress and BJP candidates, all other candidates lost their deposit in the coastal region.

DH News Service

Madras High Court talks tough on arrears

DECCAN CHRONICLE. | J STALIN

PublishedMay 16, 2018, 6:16 am IST

‘It is not a right, merely a concession’.
 Madras High Court

Chennai: When a student is not able to clear arrears, except on genuine grounds, within the permitted duration, the authorities (university) should not issue notifications, permitting them to write the examinations subsequently, as it will always create unrest among students and the university will always be litigating over the matters in courts, Madras High Court said.

Justice S. Vaidyanathan dismissed the petition filed by a 1994-1998 batch student, which sought a direction to the Anna University to allow him to appear for examination papers P-MAI-26 Mathematics, MA3-03 Mathematics and MA5-10 Numerical Methods to be conducted in August 2018. According to the petitioner, he joined Anna University in 1994-1995 and completed in 1998 and cleared all papers except three. He was unable to complete the said three papers due to unforeseen circumstances.

  On November 22, 2017, a press release said that Anna University had granted one-time permission to students, who have not appeared for the examination, but however, the upper limit was fixed as students joined after 2000. When he requested that he may be permitted to write the examination and clear the arrears, the same was rejected, he added.

The judge said admittedly, the notification issued in 2017 has not been challenged. The petitioner was already given a chance in 2006 and that in 18 semesters from the date of his admission to the college, he has not cleared the papers and he was even though a student for engineering college, for the maximum period of six years to clear the arrears, he had been permitted to take up the examination for nine years. Permitting students to take up the arrear examinations was only a concession and it was given by the university on humanitarian grounds.

 The judge said the concession/benefit cannot be demanded as a matter of right by a student while taking up the arrear examinations in clearing the course itself.

“In this case, as the facts are not in dispute, the petitioner will not have a locus standi to demand as a matter of right that he should be permitted to take up the arrear examinations. The petitioner’s contentions cannot be accepted and if it is accepted, it would amount to opening the Pandora’s box. Though it is a fit case for imposing cost of `50,000, taking into consideration the fact that the petitioner wanted to avail the opportunity of appearing in the examinations, this court is not imposing any cost,” the judge added