வண்ண வாக்காளர் அடையாள அட்டைகளை இலவசமாகப் பெறலாம்: மாநகராட்சி அறிவிப்பு

By DIN  |   Published on : 11th March 2017 04:07 AM 

சென்னை மாவட்டத்தில் புதிதாகப் பெயர் சேர்க்கப்பட்டுள்ள வாக்காளர்களுக்கான வண்ண வாக்காளர் அடையாள அட்டையினை இ-சேவை மையங்கள் மூலம் இலவசமாகப் பெற்றுக் கொள்ளலாம் என சென்னை பெருநகர மாநகராட்சி ஆணையர் தா.கார்த்திகேயன் தெரிவித்துள்ளார்.
இதுகுறித்து அவர் வெள்ளிக்கிழமை வெளியிட்ட செய்திக் குறிப்பு:
ஜனவரி 1-ஆம் தேதியை தகுதி ஏற்படுத்தும் நாளாகக் கொண்டு வாக்காளர் பட்டியலின் 2017-க்கான சிறப்பு சுருக்கமுறைத் திருத்தப்பணி மேற்கொள்ளப்பட்டது. அப்பணி முடிவுற்று கடந்த ஜனவரி 5-ஆம் தேதி இறுதி வாக்காளர் பட்டியல் வெளியிடப்பட்டது.
சென்னை மாவட்டத்தில் 82,666 புதிய வாக்காளர்களின் பெயர்கள் சேர்க்கப்பட்டுள்ளன. புதிதாக பெயர் சேர்க்கப்பட்டுள்ள வாக்காளர்களுக்கான இலவச வாக்காளர் புகைப்பட அடையாள அட்டையை அரசு இ-சேவை மையங்களில் பெற்றுக் கொள்ளலாம்.
புதிதாகப் பெயர்கள் சேர்க்கப்பட்ட அனைத்து வாக்காளர்களுக்கும் அவர்களுடைய பதிவு செய்யப்பட்ட கைபேசி எண்ணுக்கு கடவுவார்த்தை அனுப்பப்பட்டுள்ளது. அதனை அரசு இ-சேவை மையத்தில் காண்பித்து வாக்காளர்கள் அவர்களுக்கான வண்ண வாக்காளர் அடையாள அட்டையை இலவசமாகப் பெற்றுக் கொள்ளலாம்.
கடவுவார்த்தை வரப்பெறாதவர்கள் அவர்களுடைய வாக்காளர் அடையாள அட்டை எண்ணை சம்பந்தப்பட்ட பெருநகர சென்னை மாநகராட்சி மண்டல அலுவலர்களிடம் (மண்டலம்-4, 5, 6, 8, 9, 10 மற்றும் 13) பெற்று அதன்பின்னர் மேற்குறிப்பிடப்பட்ட இ-சேவை மையங்களில் ஏதேனும் ஒரு புகைப்பட அடையாள அட்டையைக் காண்பித்து இலவசமாக வாக்காளர் அட்டையைப் பெற்றுக் கொள்ளலாம்.
ஏற்கெனவே வாக்காளர் பட்டியலில் பதிவு செய்தவர்கள் ரூ.25 கட்டணம் செலுத்தி, தம்முடைய வண்ண வாக்காளர் அடையாள அட்டையேப் பெற்றுக் கொள்ளலாம்.

இ-சேவை மையம் அமைந்துள்ள இடங்கள்

1. தலைமைச் செயலகம்
2. பெருநகர சென்னை மாநகராட்சி, ரிப்பன் கட்டட வளாகம்
3. வாக்குப்பதிவு அலுவலர் மற்றும் மண்டல அலுவலர், தண்டையார்பேட்டை மண்டலம்.
4. ராயபுரம் மண்டலம்.
5. திரு.வி.க.நகர் மண்டலம்
6. அண்ணாநகர் மண்டலம்.
7. தேனாம்பேட்டை மண்டலம்.
8. கோடம்பாக்கம் மண்டலம்.
9. அடையாறு மண்டலம்.
10. வட்டாட்சியர் அலுவலகம், அமைந்தகரை
11. அயனாவரம்
12. எழும்பூர் வட்டம்
13. கிண்டி வட்டம்
14. மாம்பலம் வட்டம்
15. மயிலாப்பூர் வட்டம்
16. பெரம்பூர் வட்டம்
17. புரசைவாக்கம் வட்டம்
18. தண்டையார்பேட்டை வட்டம்
19. வேளச்சேரி வட்டம்

நீட்' தேர்வு விண்ணப்பத்தை ஏற்க மனு : மத்திய, மாநில அரசு பதிலளிக்க உத்தரவு

சென்னை: மருத்துவப் படிப்பு நுழைவு தேர்வுக்கான விண்ணப்பத்தை ஏற்கும்படி, மத்திய அரசு மற்றும் தகுதி தேர்வின் இயக்குனருக்கு உத்தரவிடக் கோரி, சென்னை உயர் நீதிமன்றத்தில் மனு தாக்கல் செய்யப்பட்டுள்ளது. மனுவுக்கு பதிலளிக்கும்படி, மத்திய, மாநில அரசுக்கு, உயர் நீதிமன்றம் உத்தரவிட்டுள்ளது

.சேலம் மாவட்டம், புல்லகவுண்டம்பட்டி அருகில் உள்ள சீரங்க கவுண்டம்பாளையத்தைச் சேர்ந்த தேசியன் சார்பில், அவரது தந்தை பாரி என்பவர் தாக்கல் செய்த மனு:என் மகன், ௨௦௧௫ல் நடந்த, 10ம் வகுப்பு தேர்வில், ௪௭௮ மதிப்பெண்கள் பெற்றான். தற்போது, பிளஸ் ௨ தேர்வு எழுதி வருகிறான். மருத்துவப் படிப்பில் சேர்வதற்கு, 'நீட்' எனப்படும், தேசிய தகுதி மற்றும் நுழைவு தேர்வு எழுத வேண்டும் என, உச்ச நீதிமன்றம் உத்தரவிட்டுள்ளது.நீட் தேர்வுக்கு, தமிழக அரசு எதிர்ப்பு தெரிவித்துள்ளது. தமிழக மாணவர்களுக்கு விலக்கு அளிக்க கோரி உள்ளது. இது தொடர்பாக, தமிழக சட்டசபையில் சட்ட மசோதா நிறைவேற்றப்பட்டு உள்ளது. இன்னும், ஜனாதிபதியின் ஒப்புதல் கிடைக்கவில்லை. இந்நிலையில், மே, ௭ம் தேதி, நீட் தேர்வு நடத்தப்படும் என, அறிவிக்கப்பட்டு உள்ளது. மார்ச், 1க்குள் மாணவர்களிடம் இருந்து விண்ணப்பங்களை வரவேற்றுள்ளது.

 மாநில அரசு, நீட் தேர்வுக்கான விலக்கு பெற நடவடிக்கை எடுத்து வருவதால், என் மகன் விண்ணப்பிக்கவில்லை. தற்போது, நீட் தேர்வுக்கு விண்ணப்பிக்க உள்ளார். கால தாமதமாக அனுப்பும் விண்ணப்பத்தை ஏற்கும்படி, அதிகாரிகளுக்கு உத்தரவிட வேண்டும்.இவ்வாறு மனுவில் கூறப்பட்டுள்ளது.மனு, நீதிபதி கிருபாகரன் முன் விசாரணைக்கு வந்தது. மனுதாரர் சார்பில், வழக்கறிஞர் எஸ்.கோவிந்தராமன் ஆஜரானார். மத்திய அரசு சார்பில், வழக்கறிஞர் மதனகோபால் ராவ், மாநில சுகாதார துறை சார்பில், கூடுதல் பிளீடர் சஞ்சய்காந்தி, 'நோட்டீஸ்' பெற்றார்.

மருத்துவ கவுன்சில், தேசிய தகுதி மற்றும் நுழைவு தேர்வு இயக்குனருக்கு தனிப்பட்ட முறையில், நோட்டீஸ் அனுப்ப நீதிபதி உத்தரவிட்டார்.

ரயில் இன்ஜின் காதலிக்கு குடியரசுத் தலைவர் விருது!

சுமார் 25 ஆண்டுகளுக்கு முன், ரயில் ஓட்டுநர் பணிக்கு வீட்டுக்குத் தெரியாமல் விண்ணப்பித்தார் அந்தப் பெண். அவர் கட்டுப்பாடுமிக்க இஸ்லாமிய குடும்பத்தைச் சேர்ந்தவர். பொதுவாக, நம் சமூகத்தில் ஆபத்து நிறைந்த பணிகளில் பெண்களை அனுமதிப்பதுமில்லை... விரும்புவதுமில்லை. இருந்தும், கட்டுப்பாடு நிறைந்த ஒரு குடும்பத்தில் இருந்துதான் இந்தியாவுக்கு முதல் பெண் ரயில் ஓட்டுநர் கிடைத்தார். மும்பையை சேர்ந்த அவர் பெயர் மும்தாஜ்.



தந்தை ஒரு ரயில்வே ஊழியர். ரயில்வே குடியிருப்பு வாழ்க்கை. கோழி விழிக்கும் முன்பே ரயில் விழிக்கும் நகரம் மும்பை. ரயில் சத்தம் கேட்டுதான் மும்தாஜ் விழிப்பார். மும்தாஜ் மட்டுமல்ல... மும்பை மக்கள் வாழ்க்கையுடன் இணைந்தது புறநகர் ரயில். தினமும் 75 லட்சம் மக்களை புறநகர் ரயில்கள் சுமந்து செல்லும். இது தவிர தினமும் குறைந்தது 500 எக்ஸ்பிரஸ் ரயில்கள் நகருக்குள் வந்து செல்லும்.

வித விதமான இன்ஜின்களைக் கொண்ட ரயில்கள் அவை. அந்த இன்ஜின்களை எல்லாம் பார்த்துப்பார்த்து மும்தாஜுக்கும் அவற்றின் மீது பெருங்காதல். 1989-ல் பள்ளிப்படிப்பை முடித்த அவர், சத்தமில்லாமல் ரயில் டிரைவர் பணிக்கு விண்ணப்பித்தார். விஷயம் தெரியவர, வீட்டில் பூகம்பம் வெடித்தது. தந்தை அல்லார்க்கு இஸ்மாயில் கொந்தளித்தார். 'கல்யாணம் கட்டிக் கொடுக்கப் போகிறேன்... பிள்ளைய பெத்துட்டு வீட்டுல கிட...' என அதட்டினார். தந்தைக்கும் மகளுக்கும் தினமும் சண்டை. மும்தாஜ் அசைந்து கொடுக்கவில்லை. தன் முடிவில் உறுதியாக, தெளிவாக இருந்தார்.

‘வேலை என்று பார்த்தால், அது ரயில் டிரைவர் வேலைதான்’ என மும்தாஜ் உறுதிபட தந்தையிடம் கூறினார். இந்தப் பிடிவாதத்தைப் பார்த்து உறவினர்களும் நண்பர்களும் இஸ்மாயிலை சமாதானப்படுத்தினார். முடிவில் தந்தையும் பிடிவாதத்தை கைவிட்டு, இறங்கி வந்தார். இரு ஆண்டுகள் தீவிர பயிற்சிக்குப் பின், 1991-ம் ஆண்டு துணை ரயில் ஓட்டுநர் ஆனார் மும்தாஜ்.

அந்தச் சமயத்தில் ரயிலுக்கு பிரசித்திபெற்ற ஜப்பான், சீனா போன்ற நாடுகளில் கூட பெண் ரயில் ஓட்டுநர்கள் கிடையாது. அதனால், இந்தியா மட்டுமல்ல ஆசியாவிலேயே ரயிலை ஓட்டிய முதல் பெண் மும்தாஜ்தான். இப்போது டீசல் முதல் மின்சார ரயில் வரை அனைத்தும் மும்தாஜுக்கு அத்துப்படி. ஆயிரம் டன் எடை கொண்ட, இன்ஜின்களைக் குழந்தை போல கையாள்கிறார் மும்தாஜ்.

கடந்த 1995ம் ஆண்டு ‘லிம்கா’ புத்தகத்தில் மும்தாஜ் இடம் பிடித்தார். ஒரு கட்டத்தில் புறநகர் ரயில்களை ஓட்டுவதில் ஆர்வம் காட்ட ஆரம்பித்தார். மும்பை நகரில் பெண்கள் ஸ்பெஷல் ரயில்கள் அறிமுகப்படுத்தப்பட்ட போது, அதன் மோட்டார்வுமன் பணி தேடி வந்தது. தற்போது, மும்பை மத்திய புறநகர் ரயில்வேயில் மோட்டார்வுமனாக பணியாற்றி வருகிறார். இந்தியாவிலேயே பெரியதும், அதிக ரயில் போக்குவரத்து நெரிசலும் கொண்ட பாதை அது. தினமும் அந்த பாதையில் 650 மோட்டார்மேன்கள் ரயில்களை இயக்குகின்றனர். அதில் 8 பேர் பெண் ஓட்டுநர்கள். அவர்களுக்கு மும்தாஜ்தான் 'இன்ஸ்பிரேஷன்'.

உலகிலேயே ஆண்கள் மட்டுமே நிறைந்த உலகம் என்று பார்த்தால் அது ரயில் டிரைவர் பணியாகத்தான் இருக்க முடியும். இரவுபகல் பாராமல் எங்கு வேண்டுமானாலும் தங்க வேண்டியது இருக்கும். சவால் நிறைந்த பணியும் கூட. அத்தகையத் துறையில் சாதித்ததற்காக மும்தாஜுக்கு 'மகளிர் சக்தி விருது' அளிக்கப்பட்டது. நடப்பாண்டில் இந்த விருதுக்கு 7 பெண்கள் தேர்வு செய்யப்பட்டிருந்தனர். அதில் மும்தாஜும் ஒருவர்.

மகளிர் தினத்தை முன்னிட்டு டெல்லியில் குடியரசுத் தலைவர் மாளிகையில் நடந்த விழாவில், மும்தாஜுக்கு இந்த விருதை ஜனாதிபதி பிரணாப் முகர்ஜி வழங்கினார். தற்போது 43 வயதான மும்தாஜை அவரது குடும்பமே கொண்டாடுகிறது. ‘‘நான் வேலைக்கு சேரும்போது, இரண்டே இரண்டு பெண்கள்தான் இருந்தோம். இப்போது காலம் மாறி விட்டது. ஏராளமான பெண்கள் ரயில் ஓட்ட முன்வருகின்றனர். அதற்கு நானும் ஒரு காரணமாக இருந்திருக்கிறேன்’’ என பெருமிதம் கொள்கிறார். இந்த ரயில் இன்ஜின்களின் காதலி!

-எம்.குமரேசன்

சம்மருக்கு தண்ணீரைவிட இளநீர்தான் பெஸ்ட்... ஏன்? #SummerTips
அழகான பச்சை நிறத் தோற்றம்; உள்ளே ஜில்லென்ற தண்ணீர்; அதையும் தாண்டி லேசான இனிப்புச் சுவையில் நாவைச் சுண்டி இழுக்கும் `வழுவழு’ வழுக்கை! இளநீர்... இளைய தலைமுறை முதல் முதியோர் வரை அத்தனைபேரையும் ஈர்க்கும் ஒப்பற்ற பானம். இயற்கை கொடுத்த அற்புதக் கொடை. வெயிலுக்கு இதமானது. உடனடியாக எனர்ஜியைக் கொடுக்கும் பானங்களில் முதலிடம் இளநீருக்கே! இது, நோயாளிகளின் உடல்நிலையை மேம்படுத்தும் பானமும்கூட. `இரண்டாம் உலகப் போரின்போது, பிளாஸ்மாவுக்குப் பதிலாக இளநீரைத்தான் காயமடைந்தவர்களுக்கு ரத்தத்தில் ஏற்றினார்கள்’ என வரலாற்றில் குறிப்பு இருக்கிறது. அந்த அளவுக்கு மருத்துவக் குணங்கள்கொண்டது. லிக்விட் டயட்களில் மிகச் சிறந்த எனர்ஜி டிரிங்க். ஒவ்வொரு வீட்டிலும் இரண்டு தென்னை மரம் இருந்தால் போதும்... ஆயுள் முழுக்க ஆரோக்கியம் இலவசம்!



இளநீர் தரும் இதமான பலன்கள்...

தாய்ப்பாலில் உள்ள சத்துக்கள் இளநீரிலும் இருக்கு!

தாய்ப்பாலில் உள்ள லாரிக் ஆசிட் இளநீரிலும் இருப்பதால் பூஞ்சை, பாக்டீரியா, வைரஸ் ஆகியவற்றை அழிக்கும் ஆற்றல் இதற்கு உண்டு. இந்த லாரிக் அமிலத்தை உடலானது, மோனோலாரினாக (Monolaurin) மாற்றி, நோய் எதிர்ப்புச் சக்தியை அதிகரிக்கச் செய்யும். குடலில் உள்ள புழுக்கள், கிருமிகள் ஆகியவற்றை வெளியேற்ற உதவும்.

வயிற்றைச் சுத்தப்படுத்தும் க்ளென்ஸர்!

வயிறு மற்றும் குடல் தொடர்பான பிரச்னைகளுக்கு முற்றுப்புள்ளி வைக்கும். வயிற்றுப் பொருமல், உப்புசம், குமட்டல், பசியின்மை ஆகியவற்றைச் சரிப்படுத்தும். இந்தப் பிரச்னைகள் இருந்தால், வயிறு சற்று வீங்கிக் காணப்படும். எரிச்சல் உணர்வு ஏற்படும்; இவற்றைச் சரிசெய்யும் மருந்துதான் இந்த இயற்கைப் பானம். இளநீரில் உள்ள டானின் (Tannin) எனும் ஆன்டிபாக்டீரியல் பொருள்கள், எரிச்சல் உணர்வைப் போக்கும். வயிற்றில் உள்ள வீரியம் குறைந்த தொற்றைக்கூடச் சரிசெய்யும்.



எலெக்ட்ரோலைட் பொக்கிஷம்

ஒரு கப் இளநீரில், 600 மி.கி பொட்டாசியம், 250 மி.கி சோடியம், 60 மி.கி மக்னீசியம், 58 மி.கி கால்சியம், 48 மி.கி பாஸ்பரஸ் ஆகியவை உள்ளன. தசைநார்கள், செல்கள், நரம்புச் செல்கள் (Nerve cells) ஆகியவை சரியாக இயங்குவதற்கு சோடியம், பொட்டாசியம், மக்னீஷியம் ஆகிய மூன்றும் தேவை. உடலுக்கான எலெக்டிரிக்கல் செயல்பாட்டுக்கு இவை அத்தியாவசியமும்கூட. இவற்றை அள்ளித்தருவதில் இளநீருக்கே முதலிடம். இதைக் குடிப்பதால், அதீத டென்ஷன் மற்றும் உயர் ரத்த அழுத்தம் ஆகியவை கட்டுக்குள் வரும்.

கிட்னி ஆரோக்கியத்துக்கு உத்தரவாதம்!

நாம் அன்றாடம் உண்ணும் உணவில் சோடியம் அதிக அளவில் இருந்தால், சிறுநீரகம் பாதிக்கும். சிறுநீரகத்தின் பணி என்பது உடல் கழிவை, சிறுநீராக வெளியேற்றுவது. இதைச் சரியாகச் செய்யவிடாமல் தடுப்பது உடலில் உள்ள அதிகச் சோடியம்தான். இளநீரில் உள்ள பொட்டாசியம், சிறுநீரைப் பெருக்கி சோடியத்தை வெளியேற்றும். மேலும், சிறுநீரகக் கற்கள் உருவாகாமலும் தடுக்கும். மலச்சிக்கலும் சீராகும். நச்சுக்களும் வெளியேறும்.




தண்ணீரைவிடச் சிறந்தது!

தண்ணீரைவிட இளநீரை, உடல் வெகு சுலபமாகக் கிரகித்துகொள்ளும். நீர்ச்சத்துகளைக் கொடுத்து, உடலைத் தேற்றும். இதில் உள்ள தாதுஉப்புக்கள் வயிற்றுக்கு நன்மை செய்கின்றன. அடிக்கடி வாந்தி, பேதியால் பாதிக்கப்படும் நபர்கள், இளநீரைச் சாப்பிட்டால் இழந்த நீர்ச்சத்துகளை உடனே பெறலாம். இதன் சுவையும், குமட்டலைக் கட்டுப்படுத்தும். மேலும், அதிக ரத்தபோக்கு இருக்கும்போது, இதைச் சாப்பிட்டால் உடலுக்கு எனர்ஜி கிடைக்கும். முதல் மூன்று மாத (Trimester) கர்ப்பிணிகளால் உணவைச் சரியாகச் சாப்பிட முடியாது. இதனால் அவர்கள் சோர்வடைவார்கள். அதற்குச் சிறந்த மாற்றாக இளநீர் அமையும். சோர்வைப் போக்கி புத்துணர்வு தரும்.

பளபளப்பான சருமம் பெறலாம்!

சருமத்தின் ஈரப்பதத்தை நீண்ட நேரத்துக்குத் தக்கவைத்து, சருமத்தைப் பாதுகாக்கும். கடைகளில் மாய்ஸ்சரைசர் வாங்கிப் பயன்படுத்தினால், சருமம் மிருதுவாக இருக்கும் என்பது எல்லாருக்கும் தெரியும். ஆனால், தொடர்ந்து இளநீர் குடித்தால், மாய்ஸ்சரைசரை பயன்படுத்தாமலேயே சருமம் அழகாக, பளபளப்பாக மாறும். சருமம் ஜொலிப்பது இதிலுள்ள போனஸ் பலன்.

சீக்கிரமே ஸ்லிம்மாகலாம்!

உடல்பருமனைக் குறைக்க நேரடியாக வேலைசெய்யும் உணவுகளில் இதுவும் ஒன்று. உடல் எடையைக் குறைக்கும் நல்ல பழக்கங்களான உடற்பயிற்சி, நடைப்பயிற்சி ஆகிய பயிற்சிகளில் இளநீரைக் குடிப்பது என்ற பயிற்சியையும் சேர்த்துக்கொள்ளுங்கள். வெயிட் லாஸ் நிச்சயம். ஏனெனில், இது கிரேவிங் உணர்வைக் கட்டுப்படுத்தும். உணவு சாப்பிடுவதற்கு முன்னர் ஒரு கிளாஸ் இளநீரைக் குடித்தால், உணவு உண்ணும் அளவும் குறையும். இயற்கையாகவே நாம் குறைவாகச் சாப்பிடும்படி மாற்றும். வொர்க்அவுட் செய்த பிறகு, சர்க்கரை சேர்த்த செயற்கை எனர்ஜி பானத்தைக் குடிப்பதைவிட நேச்சர் கிஃப்ட் இளநீரை குடிப்பது நல்லது; ஹெல்த்தியும்கூட.

- ப்ரீத்தி

வாழவைக்கும் வாழை இலை... மலைக்கவைக்கும் மருத்துவப் பலன்கள்!

நம் பாரம்பர்யத்தோடு நெருங்கியத் தொடர்புடையது வாழை இலை. விருந்துகள், விழாக்கள், திருமணம் உள்ளிட்ட வைபவங்களில் இதில் உணவு பரிமாறுவது மரியாதையின் வெளிப்பாடு. ஹோட்டல்களில்கூட இந்த இலையில் வைத்துக் கட்டித்தரப்படும் உணவுகளுக்கு மவுசு அதிகம். பல நூற்றாண்டுகால மரபும் பண்பாடும் இருக்கட்டும்... இது சுகாதாரமானது; சுற்றுச்சூழலுக்கு உகந்தது என்பதையும் தாண்டி, இதன் மருத்துவக் குணங்கள் மலைக்கவைப்பவை. ஆரோக்கியப் பலன்களை அள்ளித் தருபவை!



தென்கிழக்கு ஆசியாவின் பெரும்பாலான பகுதிகளில் வாழை இலையில் உணவு வைத்து உண்ணவும், விழாக்களில் அலங்காரத்துக்காகவும் பயன்படுத்தப்படுகிறது. குறிப்பாக, தென் இந்தியாவில் உணவும் வாழை இலையும் பிரிக்க முடியாதவை; கலாசாரத்தோடு பின்னிப்பிணைந்தவை. எவ்வளவோ இலைகள் இருக்கும்போது இதற்கு மட்டும் ஏன் இந்தத் தனிச்சிறப்பு? விடை இங்கே...

அப்படி என்ன இருக்கிறது?

இதில் பாலிபினால்கள் (Polyphenols) நிறைந்திருக்கின்றன. அதிலும் குறிப்பாக ஈ.ஜி.சி.ஜி (Epigallocatechin gallate-EGCG) எனும் பாலிபினால் இதில் இருக்கிறது. இது ஓர் இயற்கை ஆன்டிஆக்ஸிடன்ட். காற்று மாசுபாடு, புகைபிடித்தல் போன்றவற்றின் மூலம் நம் செல்களைச் சிதைக்கும் இதய நோய், புற்றுநோய், விரைவாக மூப்படைதல் போன்றவற்றுக்கு எதிராக இந்த ஆன்டிஆக்ஸிடன்ட் செயல்படுகிறது. கிரீன் டீயின் இலைகளிலும் இது இருக்கிறது.

அப்படியே சாப்பிடக் கூடாதா?

இவ்வளவு நன்மைகள் இருக்கும் இந்த இலையை அப்படியே பச்சையாகச் சாப்பிடலாமே என்று தோன்றலாம். ஆனால், இந்த இலையை அப்படியே சாப்பிட்டால், செரிமானமாகத் தாமதமாகும். சூடான உணவைப் பரிமாறும்போது இந்த இலையில் இருக்கும் பாலிபினால்கள் உணவால் உறிஞ்சப்படுகின்றன. இதன் மூலம் நம் உடலை வந்தடைகின்றன. கூடுதலாக, பாக்டீரியாக்களுக்கு எதிராகச் செயல்படும் தன்மை (Anti-bacterial properties), வைட்டமின் ஏ, சிட்ரிக் அமிலம், கால்சியம், கரோட்டின் ஆகியவையும் இதில் இருக்கின்றன.



வாழை இலையில் பரிமாறும் உணவைச் சாப்பிடுவதால் கிடைக்கும் பயன்கள்...

முக்கியமாக, இது மிக ஆரோக்கியமானது. ஏனென்றால், சூடாக இந்த இலையில் உணவு பரிமாறப்படும்போது, இதில் இருக்கும் பல்வேறுவிதமான ஊட்டச்சத்துக்கள் உணவோடு கலக்க வாய்ப்பு உள்ளது.
இதில் உள்ள குளோரோபில் (Chlorophyll), அல்சர் மற்றும் தோல் நோய்கள் வருவதைத் தடுக்கும். தோல் ஆரோக்கியம் காக்கவும் உதவும்.

ரத்தத்தைச் சுத்திகரிக்கும்.
சிறுநீரகக் கற்கள் உருவாவதைத் தடுக்கும். சிறுநீர்ப்பை தொடர்பான நோய்களுக்கு நல்ல தீர்வு தரும்.
நோய் எதிர்ப்பு சக்தியை அதிகரிக்கும்.
உணவை எளிதில் செரிக்க உதவும்.

ஏன் பெஸ்ட்?

சூடான பொருள் இந்த இலையில் பரிமாறப்படும்போது உணவின் சுவை இன்னமும் கூடும்.

பிளாஸ்டிக்போல் அல்லாமல் இது சுற்றுப்புறத்துக்கு உற்ற, உகந்த தோழன்! இதை உபயோகித்துவிட்டு தூக்கி எறியும்போது நம் வளர்ப்புப் பிராணிகளுக்கும் பயனாகும்.

இயல்பாகவே இது தூய்மையானது, ஆரோக்கியக்கூறுகளை உள்ளடக்கியது. இதில் லேசாக நீரைத் தெளித்துவிட்டே பயன்படுத்தலாம். நாம் அன்றாடம் பயன்படுத்தும் தட்டுகூட சுத்தமில்லாமல் இருக்க வாய்ப்பு உண்டு; வாழை இலை சுத்தமாக இல்லை என்பதற்கு வாய்ப்பே இல்லை.

நச்சுப்பொருள்களோ, வேதிப்பொருள்கள் கலப்போ இதில் இல்லை.

நீர்ப்புகாத் தன்மையுடையதாக இருப்பதால், இதில் குழம்பு, ரசம் போன்ற திரவ உணவுகளையும் பரிமாற முடியும்.

மேலும் சில பலன்கள்!

இந்த இலையைச் சாறாக அரைத்துப் பூசினால் சிறிய தோல் காயங்கள் நீங்கும். அரிப்பு, வேனல் கட்டி போன்ற தோல் தொடர்பான பிரச்னைகளைப் போக்கும். குளிர்ந்த நீரில் சிறிது வாழை இலையை ஊறவைத்து, அரைத்துப் பூசினால் வேனல் கட்டி சரியாகும்.

பூச்சிக்கடி, தேனீக்கடி, சிலந்திக்கடி போன்றவற்றுக்கு இதன் மருத்துவக் குணங்கள் உதவுகின்றன. 

முடிந்த வரை வாழை இலையைப் பயன்படுத்துவோம்; வாழை இலை வாழவைக்கும்!

- அகில் குமார்

அமைச்சர்கள் கையில் அங்குசம்... அரண்டு கிடக்கும் முதல்வர் பழனிசாமி...!

“அமைச்சராக இருந்தபோது கிடைத்த சுதந்திரம்கூட முதல்வரான பிறகு இல்லையே. என்னுடைய அமைச்சர்களே, எனக்கு இப்போது சோதனையாக இருக்கிறார்கள்” என்று தனக்கு நெருக்கமானவர்களிடம் புலம்பியுள்ளார் முதல்வர் எடப்பாடி பழனிசாமி.

ஜெயலலிதா அமைச்சரவையில் முக்கிய இலாக்காவைக் கையில் வைத்திருந்தவர் எடப்பாடி பழனிசாமி. அப்போதே சசிகலா தரப்புடன் நெருக்கமாக இருந்தார். ஆனால், ஒ.பன்னீர்செல்வத்தைத் தாண்டி இவரால் எதுவும் செய்யமுடியாத நிலைதான் இருந்துவந்தது. ஜெயலலிதா மருத்துவமனையில் அனுமதிக்கப்பட்டிருந்தபோது அடுத்த முதல்வர் தேர்வுகுறித்து ஆலோசிக்கப்பட்டது. அப்போதே சசிகலா தரப்பில் முன்னிலைப்படுத்தப்பட்டவர் எடப்பாடி பழனிசாமி. ஆனால், அப்போது இருந்த அரசியல் சூழ்நிலையின் காரணமாக முதல்வர் பதவி அவருக்கு தள்ளிப்போனது. எந்தப் பன்னீர்செல்வத்தினால் முதலில் முதல்வர் பதவி தள்ளிப்போனதோ, அதே பன்னீர்செல்வத்தின் போர்க்கொடியால் முதல்வர் பதவி எடப்பாடி வசமாகியுள்ளது.

சசிகலா முதல்வர் ஆவதற்கு பன்னீர்செல்வம் எதிர்ப்பு காட்டியதும், தமிழகம் முழுவதும் கடும் எதிர்ப்புகள் கிளம்பின. போதாக் குறையாக எட்டு மாதங்களாக உச்ச நீதிமன்றத்தில் தூங்கிக்கொண்டிருந்த சொத்துக் குவிப்பு வழக்குக்கு உயிரூட்டப்பட்டது. உச்ச நீதிமன்றம் சசிகலாவின் முதல்வர் கனவுக்கு முடிவுரை எழுதியதும், அடுத்த சாய்ஸ் குறித்து சசிகலா ஆலோசனை நடத்தியபோது, டி.டி.வி.தினகரனை முன்மொழிந்தார்கள், அந்தக் கட்சியின் பெரும்பாலானவர்கள். ஆனால், “இப்போதுள்ள சூழ்நிலையில் நமது குடும்பத்தில் இருந்து யாரும் இந்தப் பதவிக்கு வேண்டாம்” என்று முடிவு செய்த சசிகலா, அடுத்த சாய்ஸாகத் தேர்வு செய்தது எடப்பாடி பழனிசாமியை. முதல்வர் பதவியின் மீது ஏக்கத்தில் இருந்த பழனிசாமிக்கு வழியவே வாய்ப்பு வந்ததும், அதைவிடாமல் பிடித்துவிட வேண்டும் என்று முதல்வர் பதவிக்கு ஓ.கே சொன்னார். ஆனால், அடுத்தகணமே சசிகலா தரப்பில் இருந்து சில டிமாண்ட்கள் வைக்கப்பட்டன. கூவத்தூரில் இருந்த எம்.எல்.ஏ-க்களை நீங்கள்தான் கவனிக்க வேண்டும் என்று சொன்னதும், அதற்கும் ஓ.கே சொன்னார்.

தங்கள் அணிக்கு ஆதரவு தரும் எம்.எல்.ஏ-க்களைக் கவனிக்க அப்போது பழனிசாமிக்கு கைகொடுத்தனர், முக்கிய அமைச்சர்கள் சிலர். எல்லாம் முடிந்த பிறகு அமைச்சர்கள் தங்கள் டிமாண்டை பழனிசாமியிடம் சொன்னதும், சற்று அதிர்ச்சி ஆனவர்... பிறகு அதற்கு ஓ.கே சொல்லியுள்ளார். அதாவது, “ 'நீங்கள் முதல்வராக இருந்துகொள்ளுங்கள். ஆனால், எங்கள் துறைக்கு நாங்கள்தான் முதல்வர். டெண்டர் முதல் போஸ்ட்டிங்வரை எதிலும் நீங்கள் தலையிடக் கூடாது' என்ற ரீதியில் அவர்கள் சொன்ன டிமாண்டை வழியில்லாமல், அப்போது ஏற்றுக்கொண்டுள்ளார் பழனிசாமி்.




இப்படி அன்று அமைச்சர்களிடம் ஒப்புக்கொண்ட டிமாண்டுக்காக இப்போது புலம்ப ஆரம்பித்துள்ளார். 'ஆட்சியைக் கைப்பற்றியதும் சிறப்பான முறையில் நமது பணியிருக்க வேண்டும்' என்று முதல்வர் திட்டமிட்டார். அமைச்சர்களிடமும் இதைத் தெரிவித்தார். முதலில் அனுசரித்துப்போவோம் என்று சொன்னவர்கள், இப்போது ஒத்துழைக்க மறுத்துவருகிறார்கள். குறிப்பாக மூத்த அமைச்சர்கள் மூன்று பேர், 'எங்கள் கைவசம் கணிசமான எம்.எல்.ஏ-க்கள் உள்ளார்கள்' என்று நேரடியாகச் சொல்லி முதல்வருக்குக் கிலியை ஏற்படுத்தி வருகிறார்கள். ஆறு எம்.எல்.ஏ-க்கள் பறிபோனால் ஆட்சி பறிபோய்விடும் என்ற நிலையில், அமைச்சர்களே இப்படிச் சொன்னதும் செய்வதறியாது திகைத்துவிட்டார் முதல்வர்.

'எங்கள் துறைக்குள் நாங்கள் என்ன வேண்டுமானாலும் செய்துகொள்வோம் நீங்கள் கேட்கக் கூடாது' என்று சொன்ன கொங்கு மண்டல மூத்த அமைச்சர் ஒருவர், அவர் துறையின் கட்டுப்பாட்டில் இருந்த ஒரு திட்டத்தை மாற்றி அமைத்துள்ளார். முதல்வரின் ஒப்புதல் இல்லாமலே இந்த மாற்றம் நடைபெற்றுள்ளது. தென் மாவட்டத்தைச் சேர்ந்த அமைச்சர் ஒருவர், 'நெடுஞ்சாலைத் துறை ஒப்பந்தத்தில் நான் சொல்லும் நபர்களுக்கு ஏன் நீங்கள் ஒப்பந்தம் வழங்கவில்லை' என்று எகிறி, அந்த ஒப்பந்தத்தையே ரத்துசெய்ய வைத்துவிட்டார். இவர்கள், துறைரீதியாகத் தங்கள் பவரை காமிக்கிறார்கள். மத்திய மண்டலத்தைச் சேர்ந்த முக்கிய அமைச்சர் ஒருவர், 'முதல்வர் கைவசம் உள்ள ஒரு துறை தனக்கு வேண்டும்' என்று நெருக்கடி கொடுக்க... என்ன செய்வது என்று புரியாமல் முழித்து வருகிறாராம் முதல்வர். அதற்கு அந்த அமைச்சர் சொல்லும் காரணம், 'கூவத்துாரில் நான் எம்.எல்.ஏ-க்களைச் சரிசெய்யாமல் போயிருந்தால்... நீங்கள் ஆட்சியில் இருந்திருக்க முடியுமா' என்று சென்டிமென்டாகச் சொல்லியுள்ளார். நிர்வாகரீதியாக இருக்கும் பிரச்னைகளைவிட அமைச்சர்கள் தரும் நெருக்கடிகள்தான் முதல்வருக்கு இப்போது சிக்கலாகிவிட்டன. அமைச்சர்கள் அனைவரும் ஆளுக்கு ஐந்து எம்.எல்.ஏ-க்களைக் கையில் வைத்துக்கொண்டு முதல்வருக்கு நெருக்கடி கொடுத்துவருவதால், முதல்வர் பதவி மீது எடப்பாடிக்கு வெறுப்பே வந்துவிட்டது” என்கிறார்கள் முதல்வருக்கு நெருக்கமானவர்கள்.

'ஊரு ரெண்டுபட்டா கூத்தாடிக்கு கொண்டாட்டம்' என்பார்கள், இங்கு கட்சி ரெண்டுபட்டது அமைச்சர்களுக்குக் கொண்டாட்டமாகிவிட்டது.


- அ.சையது அபுதாஹிர்

சுப்ரீம் கோர்ட்டுக்கு எதிராக உத்தரவு பிறப்பிப்பேன்: நீதிபதி கர்ணன் விர்ர்.

,

புதுடில்லி: எனது வாழ்க்கையையும், பதவியையும் கெடுக்கவே, சுப்ரீம் கோர்ட் உத்தரவிட்டுள்ளதாக, கோல்கட்டா ஐகோர்ட் நீதிபதி கர்ணன் கூறியுள்ளார். ஆஜரில்லை: சென்னை ஐகோர்ட் நீதிபதியாக இருந்த கர்ணன், கோல்கட்டா ஐகோர்ட் நீதிபதியாக இடமாற்றம் செய்யப்பட்டார். அங்கு, அவர், பிரதமர் அலுவலகம், சட்டத்துறை அமைச்சகம், உச்ச நீதிமன்ற தலைமை நீதிபதி உள்ளிட்டோருக்கு புகார் கடிதங்களை அனுப்பினார். இதனை சுப்ரீம் கோர்ட் தாமாக முன்வந்து கோர்ட் அவமதிப்பு வழக்காக பதிவு செய்து விசாரணை செய்து வருகிறது. இந்த வழக்கில் ஆஜராக கர்ணனுக்கு இரண்டு முறை உத்தரவிடப்பட்டது. ஆனால், அவர் ஆஜராகவில்லை. உத்தரவு: இந்நிலையில், இந்த வழக்கு இன்று தலைமை நீதிபதி கேஹர் மற்றும் நீதிபதிகள் தீபக் மிஸ்ரா, செலமேஸ்வர், ரஞ்சன் கோகாய், மதன் பி லோகூர், பினாகி சந்திரகோஸ், குரியன் ஜோசப் பெஞ்ச் முன்பு விசாரணைக்கு வந்தது.
அப்போது கர்ணனுக்கு எதிராக ஜாமினில் வெளிவரக்கூடிய வாரன்ட் பிறப்பித்து நீதிபதிகள் உத்தரவிட்டனர். கர்ணன் 10 ஆயிரம் ரூபாய் மதிப்பிலான ஆவணத்தை செலுத்த நீதிபதிகள் உத்தரவிட்டனர். விசாரணையில்லை: பத்திரிகையாளர்களிடம் கர்ணன் கூறியதாவது: பிடிவாரன்ட் தொடர்பாக ஜனாதிபதியிடம் முறையிடுவேன். வாரன்ட்டை மறுபரிசீலனை செய்ய வேண்டும் என கோரிக்கை விடுப்பேன்.

வாரன்ட் பிறப்பித்த சுப்ரீம் கோர்ட்டிற்கு எதிராக உத்தரவு பிறப்பிப்பேன். சென்னை ஐகோர்ட் நீதிபதிகள் சட்டவிரோத செயல்களில் ஈடுபடுவதாக பிரதமரிடம் புகார் தெரிவித்தேன். முக்கியத்துவம் வாய்ந்த பிரச்னை தொடர்பாக சென்னை ஐகோர்ட் நீதிபதிகளுக்கு எதிராக பிரதமரிடம் புகார் தெரிவித்தேன். புகார் தொடர்பாக எந்தவித ஆலோசனை, விசாரணையில்லாமல் எனக்கு எதிராக சுப்ரீம் கோர்ட் தாமாக முன்வந்து விசாரணை நடத்துகிறது.

நான் தலித்தாக இருப்பதால் எனக்கு நெருக்கடி ஏற்படுகிறது. எனது வாழ்க்கையையும், பதவியையும் கெடுக்கவே தன்னிச்சையாக உத்தரவு பிறப்பிக்கப்பட்டுள்ளது. இவ்வாறு அவர் கூறினார்.
Dailyhunt

தமிழக சட்டப்பேரவை அடுத்த கூட்டத்தொடர் வரும் 16-ம் தேதி தொடங்குகிறது. அன்றைய தினமே, 2017- 2018 நிதி ஆண்டுக்கான தமிழக பட்ஜெட் தாக்கல் செய்யப்படுகிறது.

இது குறித்து தமிழக சட்டப்பேரவை செயலர் வெளியிட்ட அறிக்கையில், "தமிழ்நாடு சட்டமன்றப் பேரவையின் அடுத்த கூட்டத்தை 16.3.2017-ஆம் நாள் வியாழக்கிழமை காலை 10.30 மணிக்கு சென்னை-9, தலைமைச் செயலகத்தில் உள்ள சட்டமன்றப் பேரவை மண்டபத்தில் மாண்புமிகு பேரவைத் தலைவர் கூட்டியுள்ளார். மேலும், அன்று காலை 10.30 மணிக்கு 2017-2018-ஆம் ஆண்டிற்கான நிதிநிலை அறிக்கை பேரவைக்கு அளிக்கப்பெறும்" எனத் தெரிவிக்கப்பட்டுள்ளது.

தமிழக சட்டப்பேரவையின் இந்த ஆண்டுக்கான முதல் கூட்டத் தொடர், கடந்த ஜனவரி 23-ம் தேதி தொடங்கியது. அன்று பேரவை யில் ஆளுநர் வித்யாசாகர் ராவ் உரை யாற்றினார். பிப்ரவரி 1-ம் தேதி வரை கூட்டத் தொடர் நடந்தது. அப்போது முதல்வராக ஓ.பன்னீர் செல்வம் இருந்தார்.

அதன்பிறகு அதிமுகவில் எழுந்த பிரச்சினைகளால் தமிழக அரசிய லில் பரபரப்பும் குழப்பமும் நிலவி யது. பின்னர் புதிய முதல்வராக எடப்பாடி பழனிசாமி கடந்த 16-ம் தேதி பதவியேற்றார். அவருடன் 30 அமைச்சர்களும் பதவி ஏற்றனர். அப்போது, முதல்வரிடமே நிதித் துறை இருந்தது. கடந்த 23-ம் தேதி அமைச்சரவையில் மாற்றம் செய்யப்பட்டது. முதல்வரிடம் இருந்த நிதித்துறை, மீன்வளத் துறை அமைச்சர் டி.ஜெயக்குமாரிடம் ஒப்படைக்கப்பட்டது.




இதையடுத்து, சட்டப்பேரவையின் பட்ஜெட் கூட்டத் தொடர் எப்போது நடக்கும் என்ற எதிர்பார்ப்பு எழுந்தது. ஜெயக்குமாரிடம் நிதித் துறை ஒப்படைக்கப்பட்ட பிறகு பட்ஜெட் தயாரிப்புக்கான பணிகள் முடுக்கி விடப்பட்டன.




இந்நிலையில், வரும் 16.03.2017 அன்று காலை 10.30 மணிக்கு 2017-2018-ஆம் ஆண்டிற்கான நிதிநிலை அறிக்கை பேரவைக்கு அளிக்கப்பெறும் எனத் தெரிவிக்கப்பட்டுள்ளது.




ஓய்வு வயது உயர்த்தப்படுமா?

இந்த பட்ஜெட்டில் அரசு ஊழியர்களுக்கான ஓய்வு வயதை 58-ல் இருந்து 60 ஆக உயர்த்தும் அறிவிப்பு வெளியாகும் என தெரிகிறது.

இது தொடர்பாக, அரசு ஊழியர்கள் மத்தியில் எதிர்ப்பும், ஆதரவும் கிளம்பியுள்ளது. தற்போது அரசு ஊழியர்கள் 7-வது ஊதியக்குழு பரிந்துரை ஊதியத்தை நம்பியுள்ளனர். இதை நிர்ணயிக்க குழு அமைக்கப்பட்டுள்ளது. குழுவின் பரிந்துரையை ஏற்று செயல்படுத்தினாலும், அடுத்த 4 மாதங்களில் ரூ.15 ஆயிரம் கோடி அளவுக்கு அரசுக்கு நிதி தேவைப்படும்.

ஏற்கெனவே தமிழக அரசுத் துறைகளில் 3.5 லட்சம் காலிப் பணியிடங்கள் உள்ளன. இவை நிரப்பப்படாத சூழலில், தமிழக அரசின் இந்த முடிவு பல்வேறு குழப்பங்களை ஏற்படுத்தும் என அரசு ஊழியர்கள் தரப்பில் கூறப்படுகிறது.

ரூ.35 ஆயிரம் கோடி கடனில் தத்தளிக்கும் தமிழக போக்குவரத்து துறையை மேம்படுத்த கேரளாவை போல் தமிழக அரசும் சிறப்பு நிதி ஒதுக்கீடு செய்ய வேண்டுமென கோரிக்கை எழுந்துள்ளது.

தமிழக அரசு போக்குவரத்து துறை சார்பில் தினமும் இயக்கப் படும் 23 ஆயிரத்து 400 அரசு பேருந்து களில் 2.4 கோடி பேர் பயணம் செய்கின்றனர். இத்துறையின் தற்போதைய சொத்து மதிப்பு சுமார் ரூ.60 ஆயிரம் கோடியாக உள்ளது. அதே நேரத்தில் அடிக்கடி உயர்த்தப்படும் டீசலின் விலை, உதிரி பாகங்களின் விலை உயர்வு உள்ளிட்ட செலவுகளால் இந்த துறை தொடர்ந்து நலிவடைந்து வருகிறது. பேருந்து கட்டணம் உயர்த்தப்படாத நிலையில், தமிழக அரசும் போக்குவரத்து துறைக்கு போதிய நிதியை ஒதுக்குவதில்லை என்று கூறப்படுகிறது. இதனால் பேருந்துகள் போதிய பராமரிப் பின்றி இயக்கப்படுவதால் பொது மக்கள் அவதிப்படுகின்றனர்.

மேலும் ஓய்வுபெற்ற போக்கு வரத்து தொழிலாளர்களுக்கு வழங்கவேண்டிய பணிக் கொடை, விடுப்பு தொகை உள்ளிட்டவை 2013 அக்டோபர் மாதத்துக்கு பிறகு வழங்கப்படவில்லை. இதனால் ஓய்வு பெற்ற தொழிலாளர்கள் 8,500 பேர் அவதிப்படுகின்றனர். போதிய பணிக்கொடை பெறாமலேயே சுமார் 1000 பேர் இறந்துள்ளனர். இந்நிலையில் தமிழக பட்ஜெட்டில் போக்குவரத்து துறைக்கு சிறப்பு நிதி ஒதுக்கீடு செய்ய வேண்டுமென கோரிக்கை எழுந்துள்ளது.

இது தொடர்பாக தொமுச பொதுச்செயலாளர் மு.சண்முகம் கூறியதாவது:

கேரளாவில் சமீபத்தில் நடந்த சட்டப்பேரவை கூட்டத்தில் நிதிப் பற்றாக்குறையில் தள்ளாடி வரும் கேரள அரசு போக்குவரத்துக் கழகத்துக்கு ரூ.3 ஆயிரம் கோடி நிதி ஒதுக்கீடு செய்ததுடன் தொழி லாளர்களுக்கு வழங்கப்படும் ஓய்வூதியத்தில் 50 சதவிகிதத்தை அரசு ஏற்றுக் கொள்வதாக அறிவிக்கப்பட்டுள்ளது. கேரள அரசைப் போல, தமிழக அரசும் போக்குவரத்துக் கழகங்களுக்கு நிதி ஒதுக்கீடு செய்ய வேண்டும்.

இவ்வாறு அவர் கூறினார்.

ஏஐடியுசி பொதுச்செயலாளர் ஜெ.லட்சுமணன் கூறியதாவது:

நாட்டின் பெரிய சொத்தாக கருதப்படும் ரயில்வேத் துறையில் தினமும் 2.3 கோடி பேர் பயணம் செய்கின்றனர். ஆனால், தமிழக அரசு பேருந்துகளில் மட்டும் தினமும் 2.4 கோடி பேர் பயணம் செய்கின்றனர். டீசல் விலை உயர்வு, உதிரி பாகங்கள் விலை உயர்வு ஆகியவற்றால் தமிழக போக்குவரத்து துறை நஷ்டத்தில் இயங்குகிறது.

ஓய்வு பெற்ற தொழிலாளர் களுக்கு மட்டுமே ரூ.1,200 கோடி நிலுவையில் உள்ளது. ஓய்வு பலன்களை பெறாமலேயே 1000 பேர் இறந்துள்ளனர். மக்களின் அத்தியாவசியமாக இருக்கும் போக்குவரத்து துறையை மேம்படுத்த தமிழக பட்ஜெட்டில் சிறப்பு நிதியை ஒதுக்க வேண்டும். இந்த கோரிக்கையை வலியுறுத்தி 15-ம் தேதி தலைமை செயலகத்தை நோக்கி மாபெரும் பேரணி நடத்தவுள்ளோம்.

இவ்வாறு அவர் கூறினார்.

இதுகுறித்து தமிழக அரசு போக்குவரத்து கழக உயர் அதிகாரி ஒருவரிடம் கேட்ட போது, ‘‘அரசு போக்குவரத்து கழகங்களுக்கு ஆண்டுதோறும் சுமார் ரூ.900 கோடி வரை கூடுதல் செலவு ஏற்படுகிறது. எனவே, வரும் தமிழக பட்ஜெட்டில் சிறப்பு நிதியை ஒதுக்க கோரிக்கை விடுத்துள்ளோம் ’’ என்றார்.

போக்குவரத்து துறையில் ஏற்படும் இழப்பை எவ்வாறு தவிர்க்கலாம் என்பது குறித்து போக்குவரத்து துறை வல்லுநர்கள் கூறும்போது, “பேருந்துகளை முறையாக பராமரித்து குறித்த நேரத்தில் இயக்க வேண் டும். பணியின்போது, தொழிற் சங்கத்தினர் கட்சி பணிக்கு செல்லாமல் முறையாக அவர்கள் பணியில் ஈடுபட வேண்டும், உதிரி பாகங்களில் ஏற்படும் முறைகேடுகளை தடுக்க வெளிப்படை தன்மை இருக்க வேண்டும். தேவையற்ற செலவுகளை குறைக்க வேண்டும். இந்த துறையில் மொத்தம் 15 நிர்வாக இயக்குநர்கள், 80 பொதுமேலாளர்கள், 120 துணை மேலாளர்கள் இருக்கின்றனர். மொத்த வருவாயில் 44 சதவீதத்தை சம்பளத்துக்கே ஒதுக்கிவிட்டால், துறை எவ்வாறு வளர்ச்சி பெறும்’’என்றனர்.

புதிய ஏசி: கோத்ரெஜ் அறிமுகம்

முன்னணி வீட்டு உபயோக நிறுவனமான கோத்ரெஜ் அப்ளையன்ஸஸ், புதிய ஏசி ரகத்தை சென்னையில் நேற்று அறிமுகம் செய்தது. 5 ஸ்டார் ரேட்டிங் கொண்ட கோத்ரெஜ் என் எக்ஸ் டபிள்யூ ஏசியை அறிமுகப்படுத்தியது. அதிக மின் சேமிப்பு திறன் கொண்ட இந்த இயந்திரம் இன்வெர்டர் வசதியையும் கொண்டுள்ளது.

நிகழ்ச்சியில் நிறுவனத்தின், வர்த்தகப் பிரிவு செயல் துணைத் தலைவர் கமல் நந்தி பேசுகையில், வாடிக்கையாளர்களுக்கு மின்சாரத்தை சேமிக்கும் வகையில் 5.8 ஐஎஸ்இஇஆர் தர மதிப்பீட்டுடன் இந்த ஏசியை உருவாக்கியுள்ளோம். இந்த ஏசி இன்வெர்ட்டர் வசதி கொண்டது. இந்த வசதி கொண்ட ஏசி விற்பனையில் 2018ம் ஆண்டுக்குள் 20 சதவீத சந்தையை கைப்பற்றவும் கோத்ரெஜ் இலக்கு வைத்துள்ளது என்றார்.

இந்த ஏசி 1 டன் மற்றும் 1.5 டன் அளவுகளில் கிடைக்கும். இவற்றின் விலை ரூ.55 ஆயிரம் முதல் ரூ.66 ஆயிரம் வரையில் அமைந்துள்ளது.

3 தொழில்நுட்ப சேவை: கேவிபி அறிமுகம்

பிடிஐ

கரூர் வைஸ்யா வங்கி (கேவிபி) ரொக்கமில்லா பண பரிவர்த் தனையை ஊக்குவிக்கும் வகை யில் தொழில்நுட்ப அடிப்படையி லான 3 புதிய சேவைகளை அறிமுகம் செய்துள்ளது.

கோவையில் கரூர் வைஸ்யா வங்கியின் சொந்த கட்டிடமான கேவிபி டவர்ஸ் திறப்பு விழாவில் இம்மூன்று சேவைகளையும் வங்கியின் தலைமைச் செயல் அதிகாரி கே. வெங்கடராமன் அறிமுகம் செய்தார்.

ஃபாஸ்டாக் (FASTag) எனப் படும் முதலாவது சேவை இந்திய நெடுஞ்சாலை நிர்வாக நிறுவனத் துடன் இணைந்து உருவாக்கப் பட்டுள்ளது. இந்நிறுவனமானது தேசிய நெடுஞ்சாலை ஆணை யத்தின் துணை நிறுவனமாகும். இந்த அட்டை இணைக்கப்பட் டுள்ள சரக்கு லாரிகள் சுங்க சாவடிகளில் நீண்ட வரிசையில் காத்திருக்கத் தேவையில்லை.

இந்த ஃபாஸ்டாக்கில் குறிப் `பிட்ட தொகை முன்னதாகவே செலுத்தப்பட்டிருக்கும். இத் தொகை ஒவ்வொரு சுங்கச் சாவடி யைத் தாண்டும்போதும் அங்கு விதிக்கப்படும் கட்டணம் குறை யும். இந்த கட்டணக் குறைப்பை அங்குள்ள சென்சார்கள் உணர்த் தும்.

அடுத்ததாக யுனைடெட் பேமென்ட் இன்டர்பேஸ் (யுபிஐ) இது மொபைல் செயலியாகும். இந்த செயலியை பதிவிறக்கம் செய்துள்ள வாடிக்கையாளர்கள் 24X7 மணியில் எப்போது வேண்டு மானாலும் தங்கள் கணக்கிலிருந்து வேறு கணக்கிற்கு பண பரிவர்த் தனை செய்ய முடியும். இந்த பரிவர்த்தனையானது தேசிய பேமென்ட் சர்வீஸ் தளம் (என்பிசிஐ) மூலம் செயல்படுகிறது.

மூன்றாவதாக பாரத் பில் பேமென்ட் சிஸ்டமாகும். இதன் மூலம் மின் கட்டணம், குடிநீர் கட்டணம், எல்பிஜி சிலிண்டர், டிடிஹெச் கட்டணம், மொபைல் சார்ந்த கட்டணங்களை செலுத்த முடியும் என்று வெங்கட்ராமன் தெரிவித்துள்ளார்.

காஞ்சி மாவட்டத்தில் மழை பொய்த்ததால் வேடந்தாங்கலுக்கு பறவைகள் வரத்து குறைந்தது: இந்த சீசனில் 16 ஆயிரம் பறவைகள் மட்டுமே வருகை

ச.கார்த்திகேயன்

காஞ்சிபுரம் மாவட்டத்தில் கடந்த ஆண்டு வரலாறு காணாத வகையில் மழைப்பொழிவு குறைந்ததால், வேடந்தாங்கல் சரணாலயத்துக்கு பறவைகளின் வரத்து இந்த சீசனில் 16 ஆயிரமாக குறைந்துள்ளது.

பறவைகள் என்றாலே வேடந் தாங்கல் பறவைகள் சரணாலயம் தான் நினைவுக்கு வரும். வனத்துறையின் கட்டுப்பாட்டில் உள்ள இந்த சரணாலயத்தில், ஆண்டு தோறும் அக்டோபர் பிற்பகுதியில் இருந்து சீசன் தொடங்குகிறது. ஏரியில் பறவைகளின் இருப்பைப் பொறுத்து, மார்ச் அல்லது ஏப்ரல் மாதம் வரை பொதுமக்கள் பார் வைக்காக சரணாலயம் திறந்து வைக்கப்படும்.

இங்கு கூழைக்கடா, கரண்டி வாயன், நத்தைக் குத்தி நாரை, ஊசிவால் வாத்து, சாம்பல் நிற நாரை, வர்ண நாரை உள்ளிட்ட 25-க்கும் மேற்பட்ட வகைகளைச் சேர்ந்த சுமார் 40 ஆயிரம் பறவை கள் ஆண்டுதோறும் வருகை தரும். இந்தியாவின் பல்வேறு பகுதிகளில் இருந்து மட்டுமின்றி பர்மா, இலங்கை, சைபீரியா, ஆஸ்திரேலியா, கனடா போன்ற நாடுகளில் இருந்தும் பலவகை பறவைகள் இங்கு வருகின்றன.

2015-ல் காஞ்சிபுரம் மாவட் டத்தில் வரலாறு காணாத மழை, வெள்ளம் ஏற்பட்டதால், வேடந்தாங்கல் ஏரிக்கு அதிக அளவில் நீர்வரத்து இருந்தது. அதனால் பறவைகள் வரத்து அபரிமிதமாக இருந்தது. 2016 ஜனவரியில் எடுக்கப்பட்ட பறவைகள் கணக் கெடுப்பின்படி, வேடந்தாங்கலுக்கு 80 ஆயிரம் பறவைகள் வந்தன.

ஆனால் கடந்த ஆண்டு, பருவமழை பொய்த்ததால், வேடந்தாங்கல் ஏரிக்கு நீர்வரத்து குறைந்து, பறவைகள் வரத் தும் குறைந்திருப்பது பறவைகள் கணக்கெடுப்பில் தெரிய வந்துள்ளது.

இது தொடர்பாக வனத்துறை யின் சென்னை மண்டல வன உயிரினப் பாதுகாவலர் கீதாஞ் சலியிடம் கேட்டபோது, ‘‘கடந்த ஆண்டு குறைவான மழை கிடைத்தாலும், வனத்துறை சார்பில் வேடந்தாங்கல் ஏரிக்கான நீர் வரத்து கால்வாய்கள் சீரமைக்கப்பட்டு இருந்ததால், போதிய அளவு நீர் கிடைத்துள்ளது. அதன் காரணமாக ஓரளவு பறவைகள் வந்து இனப்பெருக்கம் செய்து வருகின்றன.

கடந்த மாதம் எடுக்கப்பட்ட பறவைகள் கணக்கெடுப்பில் 16 ஆயிரத்து 100 ஆயிரம் பறவைகள் வந்திருப்பது தெரியவந்துள்ளது. இதில் அதிக அளவில் சாம்பல் நிற நாரை, நத்தை குத்தி நாரை, சிவப்பு அரிவாள் மூக்கன், வெண் கொக்கு, நீர் காகங்கள், இராக்கொக்கு, மஞ்சள் மூக்கு நாரை உள்ளிட்டவை வந்துள்ளன’’ என்றார்.

மற்றொரு வனத்துறை அதிகாரி ஒருவர் கூறும்போது, ‘‘பறவைகள் அதிக அளவில் வரவேண்டும் என்றால், ஏரியில் நீர் நிறைந்திருந்தால் மட்டும் போதாது. அதைச் சுற்றியுள்ள நீர்நிலைகளிலும் தண்ணீர் இருக்க வேண்டும்.

சுற்றியுள்ள பகுதிகளில் விவ சாயமும் நடைபெற வேண்டும். அப்போதுதான் பறவைகளுக்கு இரை கிடைக்கும். பறவைகளும் அப்பகுதியில் வாழ விரும்பும்’’ என்றார். பறவைகள் வரத்து குறைந்திருப்பது, பறவை ஆர்வலர்கள் மற்றும் குழந்தைகளுக்கு ஏமாற் றத்தை தந்துள்ளது.

எய்ம்ஸ் மருத்துவமனை கோவையில் அமைக்கப்படுமா?

கா.சு.வேலாயுதன்

தமிழகம் உள்ளிட்ட 5 மாநிலங்களில் அகில இந்திய மருத்துவ அறிவியல் கல்வி நிறுவன (எய்ம்ஸ்) மருத்துவமனைகள் அமைக்கப்படும் என்று 2015-ம் ஆண்டு மத்திய அரசின் பட்ஜெட்டில் அறிவிக்கப்பட்டது.

தமிழகத்தில் எய்ம்ஸ் மருத்துவமனை அமைக்க ஈரோடு மாவட்டம் பெருந்துறை, புதுக்கோட்டை, மதுரை தோப்பூர், தஞ்சாவூர் மாவட்டம் செங்கிப்பட்டி, காஞ்சிபுரம் மாவட்டம் செங்கல்பட்டு ஆகிய 5 இடங்களில் நிலம் வழங்கத் தயார் என்று தமிழக அரசு அறிவித்தது.

அதிநவீன வசதிகளுடன் கூடிய எய்ம்ஸ் மருத்துவமனையை எங்கு அமைப்பது என்பது தொடர்பாக 5 மாவட்டங்களிலும் மத்தியக் குழுவினர் ஆய்வு நடத்தினர். இந்த நிலையில், பிரதமர் மோடியை சில நாட்களுக்கு முன் சந்தித்த தமிழக முதல்வர் எடப்பாடி பழனிசாமி, தஞ்சாவூரில் எய்ம்ஸ் மருத்துவமனையை அமைக்குமாறு மனு அளித்துள்ளார்.

இது கோவை உள்ளிட்ட பிற மாவட்ட மக்களிடையே அதிருப்தியை ஏற்படுத்தியுள்ளது. கோவையில் நூற்றுக்கணக்கான தனியார் மருத்துவமனைகளும், ஆயிரக்கணக்கான கிளினிக்கு களும் உள்ளன. அவர்களது தொழில் பாதிக்கும் என்பதாலேயே எய்ம்ஸ் மருத்துவமனையை பெருந்துறைக்கு கொண்டுவராமல் தடுக்கின்றனர் என்று புகார்கள் எழுந்துள்ளன.

இதுகுறித்து மதிமுக பிரமுகர் வே.ஈஸ்வரன் கூறியதாவது:

2008-ல் மத்திய பல்கலைக்கழகத்தை தமிழகத்தில் அமைக்க மத்திய அரசு அனுமதித்தது. அப்போதைய முதல்வர் கருணாநிதி, தனது தொகுதிக்கு அதை கொண்டுசென்றார். மத்திய அரசு கொண்டுவரும் திட்டத்தை, ஒட்டுமொத்த தமிழகத்துக்கும் பயன்படும் வகையில் அமல்படுத்த வேண்டுமெனக் கருதுவதில்லை. எய்ம்ஸ் மருத்துவமனை விவகாரத்திலும் அதுவே நடக்கிறது.

இந்த மருத்துவமனை அமையும் இடம், சாலை, ரயில் போக்குவரத்து வசதிகள், வெளிநாட்டு மருத்துவர்கள் வருவதற்கு ஏற்ற விமானநிலையம், அனைத்து தரப்பு மக்களும் வந்து செல்லும் வகையிலான வசதிகளுடன் இருக்க வேண்டும். மருத்துவர்கள் அதிகம் இருக்கக்கூடிய பகுதியாகவும் இருக்க வேண்டும்.

ஏற்கெனவே சென்னையில் அதிநவீன வசதிகளுடன் கூடிய மருத்துவமனைகள் இருப்பதால், கோவை, திருச்சி, மதுரை உள்ளிட்ட மாவட்டங்களைப் பரிசீலிக்கலாம். கோவையில் விமானநிலையம் உள்ளது. ஆயிரக்கணக்கான மருத்துவர்களும் இருக்கின்றனர். கோவை, நீலகிரி, ஈரோடு, திருப்பூர், நாமக்கல், சேலம், கிருஷ்ணகிரி, தருமபுரி, கரூர் மாவட்டங்கள் மற்றும் அருகில் உள்ள கேரள மாநில மக்களும் வந்துசெல்ல வாய்ப்புள்ளது.

எனவேதான், கோவையில் எய்ம்ஸ் மருத்துவமனை அமைக்க வேண்டுமென தொடர்ந்து வலியுறுத்தி வருகிறோம். ஈரோடு மாவட்டம் பெருந்துறையில் அமைந்தால்கூட சற்று ஆறுதலாக இருக்கும். ஆனால், எதுவுமே நடக்கவில்லை.

தமிழகத்தில் 5 இடங்களில் ஆய்வு நடத்திய மத்தியக் குழு, எய்ம்ஸ் மருத்துவமனை அமைப்பதற்கு ஏற்ற இடமில்லை என்று கூறியதாக மத்திய அமைச்சர் ஒருவர் தெரிவித்துள்ளார்.

வட மாநிலங்களில் எய்ம்ஸ் மருத்துவமனை அனுமதிக்கப்பட்ட இடங்களில் 90 சதவீத கட்டுமானப் பணிகள் நிறைவடையும் தருவாயில் உள்ளன. தமிழகத்தில் மட்டும் உரிய இடத்தையே கண்டுபிடிக்காத சூழல் நிலவுகிறது. தமிழகத்தில் 2-வது பெரிய தொழில் நகரமான கோவையில் எய்ம்ஸ் மருத்துவமனை அமைக்கத் தேவையான அனைத்து வசதிகளும் உள்ளதால், இங்கு எய்ம்ஸ் மருத்துவமனை அமைக்க வேண்டும் என்றார்.

அவர்கள்' ஒரு இசைப் பயணம்: தலைமுறைகள் கடந்த இசையும் கவிதையும்!

எஸ்.வி. வேணுகோபாலன்

கே. பாலச்சந்தர் இயக்கத்தில் வெளிவந்த ‘அவர்கள்’ எனும் வித்தியாசமான திரைப்படத்துக்கு நாற்பது வயது. இத்தனை ஆண்டுகள் கடந்த பின்னும் அது சிறப்பாகப் பேசப்படுவதற்குப் பல காரணங்கள் இருக்கின்றன. கே.பாலச்சந்தர் அமைத்த சவாலான திரைக்கதை முதல் காரணம். அடுத்து நறுக் வசனங்கள் (‘தோல்விக்கெல்லாம் தண்டவாளத்தில் விழுவதுதான் தீர்வுன்னா நான் எத்தனை முறை விழுந்திருக்கணும்’).

பின்னர் நடிப்பு; சுஜாதா, ரஜினி, கமல், ரவிகுமார் மட்டுமல்ல, ரஜினியின் அம்மா பாத்திரத்தில் வந்து கடைசிக் காட்சியில், “நான் உங்கூடவே வரேன், மாமியாரா இல்ல, உன் குழந்தையைப் பார்த்துக்கற வேலைக்காரியா” என்று சொல்லி, எதற்கும் கரையாத ‘அனு’ பாத்திரத்தையே கரைத்துவிடும் லீலாவதி உள்பட அனைவருமே மிகச் சிறந்த நடிப்பை நல்கியிருந்தார்கள். ஆனால் இந்த எல்லா அம்சங்களையும் தூக்கிச் சாப்பிடும் ஒன்று கவியரசு கண்ணதாசனும், மெல்லிசை மன்னர் விஸ்வநாதனும் அளித்த மகத்தான பங்களிப்பு.

பொதுவாக பாலச்சந்தர் படங்களில் பின்னணி இசைக்குத் தனிக் கவனம் செலுத்தப்பட்டிருப்பதைக் கவனித் திருப்பவர்கள், ‘அவர்கள்’ படத்தில் அது கூடுதல் உழைப்பில் அமைந்திருப்பதை நோக்க முடியும். அப்புறம் பாடல்கள். அவற்றின் தாக்கத்தை எளிதில் வடித்துவிட முடியாது!

காற்றுக்கென்ன வேலி

இழந்த காதலையும், ஏற்ற சோக மண வாழ்வையும் தனது குழந்தையை உறங்க வைக்க இசைக்கும் தாலாட்டில் இழைக்கிறாள் அனு (சுஜாதா). ‘இப்படியோர் தாலாட்டு பாடவா அதில் அப்படியே என் கதையைக் கூறவா...’ என்று தொடங்கும் இதமான பல்லவி, பின்னர் சரணத்தில், ‘அன்றொரு நாள் மீராவும் கண்ணனை நினைந்தாள்/ ஏனோ அவளுடைய தலையெழுத்து மன்னனை மணந்தாள்/ அதுவரைதான் தன் கதையை என்னிடம் சொன்னாள்/ நான் அதிலிருக்கும் என் கதையை உன்னிடம் சொன்னேன்...’ என்று ததும்புகையில், பாடல் காற்றில் கலந்து பரவிய மண்ணெங்கும் எத்தனை எத்தனை காதல் தோல்விகளின் பெருமூச்சில் எதிரொலித்தது! அந்த ஏக்கப் புல்லாங்குழலில் கசிந்தது காதல் கண்ணீரல்லவா?

தனக்குப் பிடித்த முறையில் வாழ்க்கையை மாற்றிக்கொள்ளும் துணிச்சல் முடிவை எடுக்கும் அனு, சுதந்திர உணர்வின் உச்சத்தில் மிதக்கும் கதாபாத்திரம். அந்தச் சுதந்திர உணர்ச்சியை வெளிப்படுத்தும் காட்சிக்கான பாடல், தமிழ்த் திரைப்படப் பாடல் வரிசையில் அமர்க்களமான ஒன்று. ‘காற்றுக்கென்ன வேலி/ கடலுக்கென்ன மூடி/ கங்கை வெள்ளம் சங்குக்குள்ளே அடைந்துவிடாது/ மங்கை நெஞ்சம் பொங்கும்போது விலங்குகள் ஏது?...’ என்று உற்சாகக் கூக்குரலில் புறப்படும் அந்தப் பாடலின் சந்தமும், கவிதை வேகமும், சொற்களின் வீச்சும் அதற்குப் பாந்தமான தாளகதியில் அமைந்த அந்த மெட்டும் அபாரமானவை.

பாலச்சந்தர் காட்சித் தொகுப்பைத் தனது விருப்பத்திற்கேற்ப எடுத்துக் கொடுத்து, அதற்கேற்ப இசையும் பாடலும் அமையட்டும் என்று கேட்டுக்கொண்டதாகவும் எம்.எஸ்.வி. - கவியரசு இருவரது கூட்டணி இப்படிக் கலக்கியிருந்தது. இரண்டு எதிரெதிர் உளவியல் மனநிலைகளைப் பிரதிபலிக்கும் மேற்கண்ட இரண்டு பாடல்களையும் எஸ்.ஜானகி அசாத்தியக் குரலழகில் அற்புதமாகப் பாடியிருப்பார்.



பொம்மைக் குரலில் உண்மையின் குரல்

கமல் ஹாசன் பாத்திரத்திற்கேற்ப அந்தப் பொம்மையோடு இயைந்த பாடலான ‘ஜுனியர்… ஜுனியர்…’ என்ற பாடல் ரசிகர்களின் உள்ளத்தைக் கொள்ளை கொண்ட பாடல்களில் ஒன்று. ‘சித்திரை மாதம் மழையைத் தேடி வாடுகிறாய், மார்கழி மாதம் வெயிலைத் தேடி ஓடுகிறாய்…’ என்று தன்னைக் குறித்த சுயவிமர்சனமாகத் தனக்குள்ளேயே எதிரொலித்துக்கொள்ளும் விதத்திலான அந்தப் பாடலில் பொம்மைக்கான குரலைச் சிறப்பாகக் கொடுத்திருப்பார். ‘அடுத்தவர் ராகம்/ அதை நீ பாடுதல் பாவமடா’ என்ற வரிக்கு, ‘If it is apoorva raagam?’ என்ற பொம்மையின் பதிலும் பாடல் முழுக்க சோக ஹாஸ்யக் குரலில் ஒலிக்கும் எஸ்.பி.பி.யின் தனித்திறனும் மறக்க முடியாதவை.

அரிதாய் அமைந்த வரிகள்

‘அவர்கள்’ படத்தின் திரைக்கதை முடிச்சை, கவியரசு மிக எளிமையாகக் கொண்டு வந்திருந்த, ‘அங்கும் இங்கும் பாதை உண்டு/ இன்று நீ எந்தப் பக்கம்…’ என்ற பாடல், உள்ளபடியே அவர் வடித்த சிற்பம். ‘கல்லைக் கண்டாள்/ கனியைக் கண்டாள்/கல்லும் இங்கு மெல்ல மெல்லக் கனியும் மென்மை கண்டாள்…’ என்று புறப்படும் முதல் சரணமும் சரி, ‘கண்ணா என்றாள் முருகன் வந்தான்/ முருகா என்றாள் கண்ணன் வந்தான்/ எந்தத் தெய்வம் சொந்தம் என்று கூறிப் பூஜை செய்வாள்?’ என்று தொடங்கும் இரண்டாவது சரணமும் சரி; மிக நேர்த்தியாகப் பின்னப்பட்ட புனைவு.

மூன்றாவது சரணத்தைப் பற்றிச் சொல்லாமல் எப்படி? ‘சொந்தம் ஒன்று/ பந்தம் ஒன்று/ வெள்ளை உள்ளப் பிள்ளை ஒன்று/ நடுவே ஊஞ்சல் ஒன்று’ என்ற வரியும், அதையடுத்து ‘தொடர்கதையோ, பழங்கதையோ, விடுகதையோ, எது இன்று?’ என்ற வரியும் அரிதாக வந்து அமையக்கூடிய பாடல் வரிகள். மூவரில் யாரை வாழ்க்கைத் துணையாகத் தேர்வுசெய்வது என்று திண்டாட வைக்கும் நிகழ்ச்சிப் போக்குகளின் பின்புலத்திலான அந்தப் பாடலை எஸ்.பி.பி. உள்ளத்தைத் தீண்டி உருக்கும் வண்ணம் தமது மென்குரலில் வழங்கியிருப்பார்.



அவரவர்கள் அவர்களாகவே இருப்பதும், நாயகி அனு, அவளாக இருப்பதும் அதில் நழுவிப் போகும் காதலை, உடைந்து போகும் மெல்லிதயங்களை, நொறுங்கும் உணர்வுகளை இசையும் கவிதையும் அடுத்தடுத்த தலைமுறையையும் எட்டிக் கடந்து சொல்லிச் சென்றுகொண்டிருப்பதைத் தமிழ்த் திரைப்பட வரலாறு தனியே குறித்துக் கொண்டுதான் இருக்கிறது என்பதற்கு ‘அவர்கள்’அழுத்தமான உதாரணம்.

ஒரே தவணையில் கடன் தொகையை செலுத்தத் தயார்: வங்கிகளை சமரசத்துக்கு அழைக்கிறார் விஜய் மல்லையா

பிடிஐ

வங்கிகளிலிருந்து பெற்ற ரூ.9,000 கோடி கடன் விவகாரத்தில் ஒரே தவணையில் கடனை திருப்பித் தருவதற்கு வங்கிகளுடன் பேச்சுவார்த்தை நடத்தத் தயாராக இருப்பதாக விஜய் மல்லையா தன் ட்விட்டரில் தெரிவித்துள்ளார்.

“ஒரே தவணையில் கடன் தொகையைத் திருப்பிச் செலுத்துவதற்கான கொள்கை பொதுத்துறை வங்கிகளிடத்தில் உள்ளது. நூற்றுக்கணக்கான பேர் கடனை இவ்வாறு திருப்பிச் செலுத்தியுள்ளனர். எங்களுக்கு மட்டும் இது மறுக்கப்படுவது ஏன்? உச்ச நீதிமன்றத்தில் நாங்கள் இதற்கான கோரிக்கையை வைத்தப் போது வங்கிகள் பரிசீலிக்காமல் ஏற்க மறுத்து விட்டன. நியாயமான முறையில் கடனைத் திருப்பி செலுத்துவதற்கு நான் பேச்சு வார்த்தைக்குத் தயாராகவே இருக்கிறேன்.

எனவே உச்ச நீதிமன்றம் தலையிட்டு வங்கிகளுக்கு பேச்சுவார்த்தைக்கான அறிவுறுத்தல்களை வழங்க வேண்டும் என்று கேட்டுக் கொள்கிறேன், நாங்கள் தயாராகவே இருக்கிறோம்” என்று ட்விட்டரில் பதிவிட்டுள்ளார்.

மேலும் அவர் கூறும்போது நீதிமன்றத்தின் ஒவ்வொரு உத்தரவுக்கும் தான் பணிந்து நடந்து கொண்டிருப்பதாகவும் தெரிவித்தார். ஆனால் ‘நியாயமான விசாரணையின்றி அரசுதான் என்னைக் குற்றவாளியாக்க முயற்சிப்பது போல் தெரிகிறது.

அட்டர்னி ஜெனரல் எனக்கு எதிராக உச்ச நீதிமன்றத்தில் கூறிய குற்றச்சாட்டுகள் எனக்கு எதிரான அரசின் அணுகுமுறையைக் காட்டுகிறது’ என்று அவர் மேலும் தெரிவித்தார்.

வியாழனன்று மல்லையாவிடம் உச்ச நீதிமன்றம், அவர் சமர்ப்பித்த சொத்து விவரங்கள் உணமையானதுதானா என்று கேள்வி எழுப்பியிருந்தது.

பல்வேறு வங்கிகளுக்கு மல்லையா வைத்துள்ள கடன் தொகை ரூ.9,000 கோடி என்பது குறிப்பிடத்தக்கது, இந்நிலையில் அவர் மார்ச் 2-ம் தேதி இந்தியாவை விட்டு அயல்நாட்டுக்கு வெளியேறினார்.

முதல்வர் பழனிசாமியுடன் சிங்கப்பூர், ஜப்பான் தூதர்கள் சந்திப்பு



முதல்வர் எடப்பாடி பழனிசாமியை, சிங்கப்பூர் மற்றும் ஜப்பான் நாடுகளின் தூதர்கள் இன்று சந்தித்துப் பேசினர்.

சென்னை தலைமைச் செயலகத்தில் சென்னையிலுள்ள ஜப்பான் தூதர் சைஜி பாபா மரியாதை நிமித்தமாக முதல்வர் பழனிசாமியை சந்தித்துப் பேசினார். இந்த சந்திப்பின்போது, சென்னையிலுள்ள ஜப்பான் துணைத் தூதர் ஹிரோகோ டானிகூச்சி, தலைமைச் செயலாளர் கிரிஜா வைத்தியநாதன் ஆகியோர் உடன் இருந்தனர்.



இதேபோல் சென்னையிலுள்ள சிங்கப்பூர் தூதர் ராய் கோ மரியாதை நிமித்ததாக முதல்வர் பழனிசாமியை சந்தித்தார். அப்போது, தமிழ்நாடு முதலமைச்சராக பொறுப்பேற்றுக் கொண்டமைக்காக தனது வாழ்த்துகளை தெரிவித்து, சிங்கப்பூர் வெளியுறவுத்துறை அமைச்சர் டாக்டர் விவியன் பாலகிருஷ்ணன் அனுப்பிய வாழ்த்துக் கடிதத்தை வழங்கினார்.

தமிழகத்தில் 35,000 போலி மருத்துவர்கள்!

தமிழ்நாட்டில் போலி மருத்துவர்களின் எண்ணிக்கை நாளுக்கு, நாள் அதிகரித்து வருகிறது. இதையடுத்து அவர்களைக் கண்டுபிடிக்க சுகாதாரத்துறை பல்வேறு நடவடிக்கைகளை எடுத்து வருகிறது. குறிப்பாக, கடந்த ஆண்டு 150-க்கும் மேற்பட்ட போலி மருத்துவர்கள் கைது செய்யப்பட்டனர்.



இந்நிலையில், தமிழகத்தில் 35,000 போலி மருத்துவர்கள் உள்ளனர் என்று தமிழ்நாடு மருத்துவ கவுன்சில் தெரிவித்துள்ளது. குறிப்பாக, போலி மருத்துவர்களை ஒழிக்க தனி சட்டம் வேண்டும் என்றும் மருத்துவ கவுன்சில் கூறியுள்ளது. மேலும், அவர்களுக்கு ஆறு மாத சிறைக்குப் பதில் கடுமையான தண்டனை விதிக்க வேண்டும் என்றும் தமிழ்நாடு மருத்துவ கவுன்சில் தெரிவித்துள்ளது.

விடுமுறைக்கு இப்படியும் ஒரு காரணமா? - வைரலாகும் பள்ளி மாணவனின் கடிதம்


அநேகமாக நாம் ஆங்கிலத்தில் எழுதிய முதல் கடிதம் லீவ் லெட்டராகத்தான் இருக்கும். பள்ளியில் படிக்கும்போது என்ன காரணத்தால் நமக்கு விடுமுறை தேவைப்பட்டாலும் எழுதும் காரணம் ஒன்றுதான். i am suffering from fever. அது மாறவே மாறாது.

ஒரே நாளில் காய்ச்சல் வந்து அதேநாளில் அது குணமாகியும் விடும் ஆச்சர்யத்தைச் சந்திக்காத மாணவர்களே இருக்க முடியாது. தேர்வு நேரத்தில் வரும் காய்ச்சலை 'எக்ஸாம் ஃபீவர்' என்று சொல்வதைப் போல விடுமுறைக்காக வரும் காய்ச்சலை 'லீவ் ஃபீவர்' என்றும் சிலர் சொல்வர். உடல்நிலை சரியில்லை என்று சொன்னால்தான் ஆசிரியர் விடுமுறை அளிப்பார் என்று நினைத்து இந்தக் காரணத்தை பல மாணவர்கள் எழுதுவார்கள். இன்னும் சில மாணவர்களுக்கு வயிற்று வலி என்பதையோ, உறவினர் திருமணத்திற்குச் செல்லவிருக்கிறோம் என்பதையோ ஆங்கிலத்தில் எழுதத் தெரியாமல் i am suffering from fever என்றே எழுதுவர். ஆனால் ஏழாம் வகுப்பு படிக்கும் ஈஸ்வரன் மட்டும் இதில் விலக்கு.

தேனி மாவட்டம், வருஷ நாடு அருகில் இருக்கும் பூசணியூத்து எனும் கிராமத்தில் உள்ள அரசு உயர்நிலைப்பள்ளியில் படிக்கிறார் ஈஸ்வரன். ஈஸ்வரனின் வீடு, பள்ளியிலிருந்து சுமார் மூன்று கிலோமீட்டர் தள்ளியிருக்கும் சிங்கராஜபுரம். அங்கிருந்து பள்ளிக்கு வருவதற்கு பேருந்து வசதி கிடையாது. ஆட்டோ மூலமே செல்லமுடியும். ஆனால் ஈஸ்வரன் ஆட்டோவை எல்லாம் எதிர்ப்பார்ப்பது இல்லை. நடந்தே பள்ளிக்கு வந்துவிடுகிறான். ஈஸ்வரனின் அண்ணன்களும் அதே பள்ளியில்தான் படிக்கிறார்கள். மிக எளிமையான குடும்பத்தைச் சேர்ந்த ஈஸ்வரன் நன்றாக படிக்கும் மாணவராக மட்டுமல்லாமல் சக மாணவர்களோடு தோழமையோடும் உதவும் தன்மையோடும் பழகுவார்.

அந்தப் பள்ளியின் ஆசிரியர் வி.வெங்கட் இரண்டு நாட்களுக்கு முன், வகுப்பில் வருகைப் பதிவு எடுத்துக்கொண்டிருந்தார். அப்போது அவரிடம் ஒரு மாணவர் விடுப்பு விண்ணப்பம் ஒன்றைக் கொடுக்கிறார். அந்த வகுப்பில் படிக்கும் மாணவர் ஈஸ்வரன் தனக்கு ஒருநாள் விடுப்பு கேட்டு எழுதிய கடிதத்தை தன் நண்பனிடம் கொடுத்து அனுப்பியிருந்தார்.

மாணவர்கள் எழுதும் வழக்கமான விடுப்பு விண்ணப்பம்தானே என்று நினைத்து அதைப் படித்த ஆசிரியருக்குப் பெரும் ஆச்சர்யத்தை அளித்தது அந்தக் கடிதம். தனது அம்மாவுக்கு உடல்நிலைச் சரியில்லாத காரணத்தால் தன் வீட்டில் இருக்கும் கால்நடைகளைக் கவனித்துக்கொள்ள வேண்டும் என்பதற்காக விடுமுறை கேட்டு விடுப்பு விண்ணப்பம் அனுப்பியிருக்கிறார் ஈஸ்வரன். தனது விடுமுறைக்கான உண்மையான காரணத்தையே ஈஸ்வரன் எழுதியிருந்ததைக் கண்டு திகைத்தார் ஆசிரியர் வெங்கட்.




"இந்தக் கடிதத்தைப் படித்ததும் ஒரு சில நிமிடங்கள் ஆச்சர்யத்தில் உறைந்துவிட்டேன். இப்படி ஒரு காரணம் எழுதிய லீவ் லட்டரை நான் முதன்முதலாக இப்போதுதான் பார்க்கிறேன். அடுத்த நாள் பள்ளிக்கு வந்த ஈஸ்வரனிடம் வழக்காக இந்தக் காரணத்தை எழுதமாட்டார்களே... நீ எப்படி எழுதினாய், என்றேன். அதற்கு மிக இயல்பாக, 'சார், நீங்கதானே உண்மை எதுவாக இருந்தாலும் அதை பேசுங்க என்பீர்கள்' என்றான். எனக்கு பதில் பேசுவதற்கு வார்த்தை கிடைக்கவில்லை. கண்களில் என்னையறியமால் நீர் வழிந்தது. அதை மாணவர்கள் முன் காட்டிக்கொள்ளாமல், ஈஸ்வரனின் கடிதத்தைப் பற்றி சிலாகித்துக் கூறினேன். எப்போதோ நாம் சொல்லும் வார்த்தை மாணவர்களின் மனதில் எவ்வளவு ஆழமாக பதிகிறது என்பதை அனுபவப் பூர்வமாக உணர்ந்துகொண்டேன். இன்னும் பல மடங்கு பொறுப்புஉணர்வுடன் செயல்பட வேண்டும் என்பதை புரிந்துகொள்ளவும் முடிந்தது" என்கிறார் ஆசிரியர் வெங்கட்.

ஆசிரியர் சொல்வது உண்மைதான். ஈஸ்வரனின் செயல்பாட்டுக்கு ஆசிரியர் - மாணவர் உறவு ஆரோக்கியமாக இருப்பதே முதன்மையான காரணம். கால்நடைகளைப் பார்த்துகொள்வதற்காக விடுப்பு எடுக்கிறேன் என்று சொல்வதற்கு பின்னால், அந்தக் காரணத்தின் சூழலை தன் ஆசிரியர் புரிந்துகொள்வார் எனும் நம்பிக்கையே இருக்கிறது. இந்த நம்பிக்கை ஒரிரு நாள்களில் வந்துவிடக் கூடியது அல்ல. ஜனநாயகத் தன்மையோடு வகுப்பறையை ஆசிரியர் கொண்டுச் செல்லும்போதே இது நிகழும். அதற்கான வாய்ப்புகளை அந்தப் பள்ளியின் தலைமை ஆசிரியர் ஏற்படுத்திக்கொடுத்திருப்பதும் பாராட்டுக்கு உரியது. இதுபோன்ற சூழல்களே மாணவர்களின் படைப்புத் திறனை வளர்த்தெடுத்து புதிய விஷயங்களை கண்டுபிடிக்க உதவும்.

உண்மையின் ஒளியில் பயணம் செய்வதை விடவும் மகிழ்வானது எதுவுமில்லை. உற்சாகத்துடன் அந்தப் பயணத்தில் இருக்கும் ஈஸ்வரனுக்கு அன்பு வாழ்த்துகளைச் சொல்வோம்.

பெண்களுக்கு ஓர் நற்செய்தி

பெண்களுக்கு ஓபெண்கள் பேறுகால விடுப்பை ஆறு மாதங்களாக்கும் ‘மகப்பேறு சீர்திருத்த மசோதா 2016’ (Maternity Benefit Amendment Bill), மார்ச் 9-ம் தேதி (நேற்று) நாடாளுமன்றத்தில் நிறைவேற்றப்பட்டுள்ளது.



அதன்படி அரசு மற்றும் தனியார் நிறுவனங்களில் பணிபுரியும் அனைத்து பெண்களுக்கும் பேறுகால விடுப்பு மூன்று மாதத்தில் இருந்து ஆறு மாதங்களாக உயர்த்தப்பட்டுள்ளது. அதாவது 12 வார மகப்பேறு விடுமுறை இனி 26 வாரங்களாக அதிகரிக்கப்பட்டுள்ளது. இந்த ஆறு மாதத்துக்கும் சம்பளம் உண்டு. இரண்டு குழந்தைகளுக்கு மேல் உள்ளவர்களுக்கு தற்போது இருக்கும் 12 வார விடுமுறை வழங்கப்படும்.

ர் நற்செய்தி

டிராபிக் ராமசாமியை சிக்கவைத்த யூடியூப் பதிவு!

டிராபிக் ராமசாமிக்கு எதிராக மதுரை மாவட்ட மேல்மருவத்தூர் ஆதிபராசக்தி பக்தர்கள், காவல்துறையிடம் புகார் அளித்தனர். அந்தப் புகாரில், 'பங்காரு அடிகளாரையும், அவரது பக்தர்களையும் டிராபிக் ராமசாமி அவதூறாகப் பேசி யூடியூப்பில் பதிவிட்டுள்ளார். மேலும் ஆதிபராசக்தி கோயிலையும், மேல்மருவத்தூர் ரயில் நிலையத்தையும் மூடிவிடுவதாக மிரட்டியுள்ளார் என்றும் புகாரில் குறிப்பிடப்பட்டுள்ளது.

- செ.சல்மான்

"ஆதார் கார்டும் ஒரு ஆன்லைன் புக்கிங்கும்..!"- இப்படி எல்லாம் நடக்குமோ?

இனி ஆதார் கார்டு இல்லாமல் ஆதார் கார்டு மட்டும் தான் வாங்க முடியும். மற்ற அனைத்து விஷயங்களுக்கும் ஆதார் கார்டு அவசியம் என்கிற ரீதியில் அறிவிப்புகள் வெளியாகிவருகின்றன. ஆதார் எண் மட்டும் வைத்து தேவையானவற்றை அந்த நபரே இல்லாமல் செய்துகொள்ள விரைவில் வசதிகள் வந்துவிடும். ஏற்கெனவே மனிதர்கள் செய்ய வேண்டிய விஷயங்களுக்கு ரோபோக்களும், பாட்களும் வரத்துவங்கிவிட்டன. இப்படியே போனால், எதிர்காலத்தில் என்னவெல்லாம் நடக்கலாம் என ஒரு சின்ன கற்பனை.


ஆதார் மீம்ஸ் ஆல்பம் பார்க்க...

கஸ்டமர்: ஹாய்

பாட் (bot): ஹாய்...

கஸ்டமர்: ஆர்டர் எடுத்துக்கோங்க

பாட் (bot): : உங்க ஆதார் நம்பர் சொல்லுங்க

கஸ்டமர்: 4536723522272-252356

பாட் (bot): நன்றி சார். நீங்க ராஜேந்திரந்தான?

கஸ்டமர்: ஆமா..

பாட் (bot): 13, ராஜாஜி நகர், மடிப்பாக்கம். கரெக்ட்டா சார்?

கஸ்டமர்: ஆமா.கரெக்ட்.

பாட் (bot): சொல்லுங்க சார். என்ன வேணும்?

கஸ்டமர்: நான் first time call பண்றேன். உங்களுக்கு இதெல்லாம் எப்படி தெரியும்?

பாட் (bot): ஆதார் நம்பர் மூலமா தெரிஞ்சிக்கிட்டோம் சார்

கஸ்டமர்: ஓக்கே. எனக்கு ரெண்டு மசால் தோசை. ஒரு வெஜ்.பிரியாணி

பாட் (bot): உங்களுக்கு கொலாஸ்ட்ரல் அதிகமா இருக்கு சார். அதனால மசால் தோசை அவாய்ட் பண்ணுங்க

கஸ்டமர்: அது எப்படி உங்களுக்குத் தெரியும்?

பாட் (bot): போன வாரம் ஜி.ஹெச்ல மாஸ்டர் ஹெல்த் செக்கப் எடுத்திருக்கிங்க சார். அந்த ரிப்போர்ட் பாத்தேன்

கஸ்டமர்: This is too much. இதையெல்லாம் பாக்க முடியும்?

பாட் (bot): ரெண்டு சாதா தோசை. ஒரு பிரியாணி? உங்க வீட்டுல மொத்தம் 4 பேரு. போதுமா சார்?

கஸ்டமர்: என் பொண்டாட்டி ஓடிட்டா. இப்ப 3 பேருதான். கொடுய்யா

பாட் (bot): சாரி சார். அவங்க 10 நிமிஷம்முன்னாடிதான் ஒரு கால் டாக்ஸி புக் பண்ணிருக்காங்க. அதனால கேட்டேன். நீங்க ஏற்கெனவே இப்படி ஒரு தடவ அசிங்கமா பேசி ஃபைன் கட்டி இருக்கீங்க சார்

கஸ்டமர்: அதுக்கு?

பாட் (bot): இன்னொரு தடவ பண்ணா ஃபைன் அதிகமாகி ஒரு மாசம் உள்ள இருக்கணும்

கஸ்டமர் சரி.எவ்ளோ ஆச்சுன்னு சொல்லு

பாட் (bot): ஆர்டர் கன்ஃபார்ம்டு சார். மொத்தம் INR 1900.

கஸ்டமர்: கார்ட்ல pay பண்ணலாமா?

பாட் (bot): யெஸ் சார். ஆனா உங்க கிரெடிட் கார்ட்ல லிமிட் இல்லை சார். மேக்ஸிமம் 320 ரூ தான் யூஸ் பண்ன முடியும்

கஸ்டமர்: நான் கேஷே கொடுக்கிறேன். எவ்ளோ நேரமாகும்?

பாட் (bot): பீக் ஹவர்ஸ் சார். டெலிவரி 30 மினிட்ஸ்.

கஸ்டமர்: அய்யோ எனக்கு சீக்கிரம் வேணுமே. நான் வந்து வாங்கிக்கிறேன். Packபண்ணி வைங்க

பாட் (bot): ஓகே சார். ஆனா உங்க பைக் TN 32 BH 1382 இன்ஷூரன்ஸ் முடிஞ்சு ரெண்டு நாள் ஆகுது. அத எடுத்துட்டு வந்துடாதீங்க

கஸ்டமர்: இது கூட தெரியுமா?.சரி நீங்களே எடுத்துட்டு வாங்க

பாட் (bot): சார். உங்க wife பீட்ஸா ஆர்டர் பண்ன டிரை பண்றாங்க. நாங்க 15 மினிட்ஸ் டெலிவரி பண்ணிடறோம்னு சொல்லுங்க

கஸ்டமர்: வைய்யா ஃபோன..அவ என்ன பண்ணுவன்னு எனக்கு கூட தெரியல. எல்லாத்தையும் சொல்லுது ..

கூவத்தூர் போனது குத்தமாம்மா!

தாலிகட்டும் நேரத்தில் விஷம் குடித்து மயங்கிய அக்கா.. திடீர் மணமகளான தங்கை !

துறையூர்: தாலிகட்டும் நேரத்தில் மணமகள் விஷம் குடித்து தற்கொலைக்கு செய்துகொள்ள முயன்றதால் அந்த பெண்ணின் தங்கை திடீர் மணமகளான சம்பவம் துறையூரில் பரபரப்பை ஏற்படுத்தியது.

திருச்சி துறையூரை அடுத்த ஒட்டம்பட்டியை சேர்ந்தவர் பாலகுமார் (27). இவருக்கும் சேலம் மாவட்டம் செந்தாரப்பட்டியை சேர்ந்த கல்லூரி மாணவி சரண்யா(20) என்பவருக்கும் நேற்று முன்தினம் காலை துறையூரில் உள்ள ஒரு கோயிலில் திருமணம் நடைபெற இருந்தது. இதற்கான ஏற்பாடுகளை இருவீட்டாரும் மேற்கொண்டிருந்தனர்.

இந்நிலையில், நேற்று காலை மணப்பெண்ணை கோயிலுக்கு அழைத்து செல்ல இருந்தபோது அவர் விஷமருந்தி மயங்கிக் கிடந்தார். இதையடுத்து அங்கிருந்தவர்கள் உடனே அவர் மருத்துவமனையில் சேர்க்கப்பட்டார்.

அவர் தொடர்ந்து படிக்க விரும்பியதால், திருமணத்தில் விருப்பமில்லாமல் விஷமருந்தியது தெரிய வந்தது. இதுகுறித்து மாப்பிள்ளை வீட்டார் துறையூர் போலீசில் புகார் அளித்தனர். இதற்கிடையே, இருவீட்டாரும் சமரச பேச்சுவார்த்தை நடத்தினர். இதில் மணப்பெண் சரண்யாவின் தங்கை சங்கீதாவை(18) திருமணம் செய்து தர பெண் வீட்டார் சம்மதித்தனர்.

சங்கீதா கல்லூரியில் முதலாமாண்டு படித்து வருகிறார். இதற்கு அவர் சம்மதம் தெரிவித்தார். இதையடுத்து பாலகுமாருக்கும் சங்கீதாவுக்கும் திருமணம் நடந்தது. போலீசில் கொடுத்த புகாரும் திரும்ப பெறப்பட்டது. தாலி கட்டும் நேரத்தில் மணமகள் மய

Source: tamil.oneindia.com

source: oneindia.com
Dailyhunt

'உங்கள் உடல் சுத்திகரிப்பு நிலையம் சுகமா?' - #WorldKidneyDay





சிறுநீரகம்... இயற்கை நமக்கு அளித்த உடல் சுத்திகரிப்பு நிலையம். அதுவும் ஒன்றல்ல, இரண்டு! உள்ளங்கையில் அடங்கிவிடும் அளவுக்கு அளவில் சிறியதான சிறுநீரகத்தின் செயல்பாடு உடல் ஆரோக்கியத்துக்கு இன்றியமையாதது. சிறுநீரகத்தின் சிறப்புகளையும், அவற்றின் பாதிப்புகள் குறித்த விழிப்பு உணர்ச்சியையும் மக்களிடம் ஏற்படுத்துவதற்காக 2006-ம் ஆண்டில் 'உங்கள் சிறுநீரகங்கள் நலம்தானா?' என்ற கருப் பொருளுடன் ஆரம்பிக்கப்பட்டதுதான் `உலக சிறுநீரக தினம்'.

ஒவ்வோர் ஆண்டும் மார்ச் மாதத்தின் இரண்டாவது வியாழக்கிழமையில் அனுசரிக்கப்படும் இந்த தினத்தின் 2017-ம் ஆண்டுக்கான நோக்கம்... `உடல் எடை அதிகரிப்பும் - சிறுநீரக பாதிப்புகளும்'.
2006-ம் ஆண்டில் 66 நாடுகள் அனுசரிக்க ஆரம்பித்த இந்த நாளை இரண்டே வருடங்களில், 2008-ம் ஆண்டில் 88 நாடுகள் அனுசரித்ததிலிருந்தே இந்த தினத்தின் அவசியம் தெளிவாகியிருக்கிறது.

உலக சிறுநீரக தினம்-2017: உடல் எடை அதிகரிப்பும் - சிறுநீரக பாதிப்புகளும்...

`உடல் எடைக்கும் சிறுநீரகத்துக்கும் என்ன தொடர்பு?' என யோசிக்கலாம். உடல் எடை அதிகரிக்கும்போது, சாதாரணமாக இருப்பதைவிட சிறுநீரகம் அதிக ரத்தத்தை வடிக்கட்டி, அதிலிருந்து உடல் எடைக்குத் தேவையான அளவு வளர்சிதைப் பொருள்களைப் பிரித்தெடுக்க வேண்டியிருக்கும். அதிகமாக உழைக்கும் மெஷின் சீக்கிரமே தேய்ந்துவிடுவதைப்போல சிறுநீரகத்தின் செயல்பாடு அதிகரிக்கும்போது, நாள்பட்ட சிறுநீரக பாதிப்புகள் ஏற்படும். அதோடு, சர்க்கரைநோய், உயர் ரத்த அழுத்தம், ஆஸ்டியோபோரசிஸ் (மூட்டுகள் தேய்ந்து போதல்) தொடங்கி இதய அடைப்பு வரை அனைத்து உடல் உபாதைகளின் முதல் மற்றும் முக்கியக் காரணியாக உடல் எடை அதிகரிப்பு பிரச்னை இருக்கிறது. எனவே, உடல் எடை அதிகரிப்பின் விளைவுகளை விளக்கி, அதற்கான தீர்வுகளை மக்களிடம் கொண்டு சேர்ப்பதுதான் இந்தக் கருப்பொருளின் நோக்கம்.





சிறுநீரகத் துறை நிபுணர், டாக்டர்.வி.சந்திரசேகரன் சிறுநீரகம் தொடர்பான சில முக்கியக் கேள்விகளுக்கு இங்கே பதிலளிக்கிறார்...

``சிறுநீரக பாதிப்புகள் பெருகிவருவதற்குக் காரணம் என்ன?''

`` `உலகளவில் ஆண்டுதோறும் 50 கோடிப்பேர் ஏதாவது ஒரு வகையான சிறுநீரகப் பிரச்னையால் பாதிக்கப்படுகின்றனர். இவர்களில் கிட்டத்தட்ட 15 லட்சம் பேருக்கு சிறுநீரக மாற்று அறுவைசிகிச்சை செய்துகொள்ளும் அளவுக்கு சிறுநீரகத்தின் செயல்பாடு முற்றிலுமே நின்றுவிடுகிறது' என்கின்றன புள்ளிவிவரங்கள். ஒரு சிறுநீரகம் முழுவதுமே பழுதடைந்து, மற்றொன்றும் 75 சதவிகிதம் பாதிக்கப்பட்டிருந்தாலும்கூட, 25 சதவிகிதம் சரியான நிலையில் இருக்கும் சிறுநீரகமே அனைத்து வேலைகளையும் செய்யக்கூடியதுதான். ஆனாலும், ஏன் இவ்வளவு பாதிப்புகள் என யோசித்தால் அதற்கு முதல் காரணம், `நாகரிகம்' என்ற பெயரில் மாறிவரும் வாழ்க்கை முறைகளும், நஞ்சாகிவரும் உணவுப் பொருள்களும்தான்.''

``பொதுவாக சிறுநீரகத்தில் ஏற்படும் பாதிப்புகள் என்னென்ன?''

``சிறுநீரகத்தில் ஏற்படும் பிரச்னைகளைப் பற்றித் தெரிந்துகொள்வதற்கு முன்னர் அதன் செயல்பாடுகளைத் தெரிந்துகொள்ளவேண்டியது மிகவும் அவசியம். உடலில் உள்ள ரத்தத்தைச் சுத்திகரித்து, தேவையான அளவுக்கு தாதுக்களையும், புரோட்டீன்களையும் மட்டும் உடலில் தக்கவைத்து, தேவையில்லாதக் கழிவுகளை சிறுநீரில் கலந்து வெளியேற்றுவதோடு மட்டும் சிறுநீரகத்தின் செயல்பாடுகள் நின்றுவிடுவதில்லை. அத்தியாவசியமான சில ஹார்மோன்கள் உற்பத்தியிலும் இவை பங்கு பெறுகின்றன...

* உடலின் அமிலத்தன்மை மற்றும் நீர்மைத் தன்மையை சமநிலையில் வைத்திருத்தல்.
* 'ரெனின்' (Renin) புரோட்டீனின் உற்பத்தியைக் கட்டுப்படுத்தி, ரத்த அழுத்தத்தைக் கட்டுப்படுத்துதல்.
* ரத்த சிவப்பணுக்களின் உற்பத்திக்கான 'எரித்ரோபாய்டின்' (Erythropoietin) என்னும் ஹார்மோனை உற்பத்தி செய்தல்.
* உணவிலுள்ள கால்சியம் மற்றும் பாஸ்பரஸ் தாதுக்களை உறிஞ்சுவதற்குத் தேவையான செயல்நிலை வைட்டமின் டி-யைத் தயாரித்தல்.

சிறுநீரகங்கள் பாதிக்கப்பட்டு, அவற்றின் செயல் அலகுகளான நெஃப்ரான்கள் பாதிப்படையும்போது, இந்த அனைத்துச் செயல்பாடுகளுமே குறையத் தொடங்கும்போதுதான் `தீவிர சிறுநீரக நோய்', `நாள்பட்ட சிறுநீரக நோய்' ஆகியவை ஏற்படுகின்றன. இவற்றின் கடைசிக்கட்டம்தான் `ESRD' எனப்படும் இறுதிநிலை சிறுநீரக நோய். இந்த நோய்களுக்கு சிகிச்சை அளித்தாலும்கூட பழையநிலைக்கு சிறுநீரகத்தைக் கொண்டுவர முடியாது. சிறுநீரகக் கற்கள், சிறுநீரகத் தொற்று போன்ற சிகிச்சையால் குணமாகக்கூடிய சில பிரச்னைகளும் இன்று அதிகளவில் ஏற்படுகின்றன.





தீவிர சிறுநீரக நோய்

ஒரு சில நாள்களில், ஒரு சில மாதங்களில்... ஏன் ஒரு சில மணி நேரங்களிலேயே எந்த முன் அறிகுறிகளும் இன்றி ஏற்படுவதுதான் தீவிர சிறுநீரக நோய். ஒரு சில நோய்களின் பக்க விளைவுகள், டாக்ஸின்களின் செயல்பாடு, திடீரென ஏற்படும் அதிக நீரிழப்பு போன்றவை இதற்கான காரணங்கள். இவை தவிர, பிறப்பிலேயே குழந்தைகளின் சிறுநீரகத்தில் ஏற்படும் சில நோய்களும் தீவிர சிறுநீரக நோயை ஏற்படுத்தும். சில சமயங்களில் மருத்துவமனைகளில் தீவிர சிகிச்சைப் பிரிவில் அனுமதிக்கப்பட்டு, சிகிச்சையிலிருப்பவர்களுக்கேகூட
இந்தப் பாதிப்புகள் திடீரென ஏற்படும்.

நாள்பட்ட சிறுநீரக நோய்

கட்டுப்பாட்டில் இல்லாத சர்க்கரைநோய், அதிக உடல் எடை, ரத்த அழுத்தம் போன்ற நோய்களாலும், வலி நிவாரணி மாத்திரைகள் மற்றும் சிறுநீரகத்தை பாதிக்கக்கூடிய சில ஆன்டிபயாடிக்ஸ் போன்றவற்றை நீண்ட நாட்கள் எடுத்துக்கொள்வதாலும் சிறிது சிறிதாக சிறுநீரகத்தின் செயல்பாடு குறைந்துகொண்டே வந்து 90% அளவுக்கு பாதிக்கப்பட்ட பின்னர்தான் அறிகுறிகளே வெளிப்படத் தொடங்கும்.

இறுதிநிலை சிறுநீரக நோய்

`ஈ.எஸ்.ஆர்.டி' (ESRD - End Stage Renal Disease) எனச் சொல்லப்படும் இந்த நிலையில், சிறுநீரகம் தனது செயல்பாட்டை முழுவதுமே நிறுத்திவிடும். டையாலிசிஸ் அல்லது சிறுநீரக மாற்று அறுவைசிகிச்சை செய்தால் மட்டுமே நோயாளியைக் காப்பாற்ற முடியும்.

சிறுநீரகக் கற்கள்

நாம் குடிக்கும் தண்ணீரிலும், சாப்பிடும் உணவிலும் உள்ள கால்சியம், பாஸ்பேட், ஆக்சலேட் போன்ற பல தாது உப்புகள் உணவு செரித்த பிறகு சிறுநீர் வழியே வெளியேறிவிடும். ஆனால், இவற்றின் அளவு ரத்தத்தில் அதிகமாகும்போது, சிறுநீரில் வெளியேறுவதற்குச் சிரமப்படும். அப்போது சிறுநீரகம், சிறுநீரகக் குழாய், சிறுநீர்ப் பை ஆகிய இடங்களில் இந்த உப்புகள் படிகம்போல் படிந்து, கல் போலத் திரளும். சிறு கடுகு அளவில் ஆரம்பித்துப் பெரிய நெல்லிக்காய் அளவுக்கு வளர்ந்துவிடும். இதுதான் சிறுநீரகக் கல். இது யாருக்கு வேண்டுமானாலும் வரலாம். வழக்கமாக பெண்களைவிட ஆண்களுக்கே இது அதிக அளவில் தோன்றுகிறது. சிறுநீரகக் கற்களை அதன் தன்மையைப் பொறுத்து பல வகைகளாகப் பிரிக்கலாம். தக்காளியில் உள்ள ஆக்சாலிக் அமிலத்தால், ஆக்சலேட் கற்கள் உண்டாகின்றன. பால், தயிர் போன்ற கால்சியம் அதிகமான உணவுகள் மற்றும் கால்சியம் சத்து மாத்திரைகளை அதிகம் எடுத்துக்கொள்ளும்போதும் அளவுக்கதிகமான கால்சியம் சிறுநீரகத்தில் கற்களாக படிந்துவிடுகிறது. மேலும், அதிக மசாலா சேர்த்த உணவு, புளிப்பு சுவை, இறைச்சி, முட்டை போன்றவற்றை அதிகம் சாப்பிடுவது, குறைந்த அளவு தண்ணீர் குடிப்பது, உணவிலும் குடிநீரிலும் கால்சியம், குளோரைடு மிகுதியாக இருப்பது, சிறுநீர் கழிப்பதைத் தள்ளிப்போடுவது ஆகியவை சிறுநீரகக் கல் தோன்றுவதற்கு முக்கியக் காரணங்கள்.''

``சிறுநீரக பாதிப்புகளை எப்படிக் கண்டறியலாம்?''

``சிறுநீரகத்தின் செயல்பாடு 90% குறைந்து போகும் வரையிலும்கூட பெரும்பாலானவர்களுக்கு பாதிப்புக்கான எந்த அறிகுறியும் தெரிவதில்லை. சில நோயாளிகளின் சிறுநீரின் அளவு எப்போதும்போல சரியாகவே இருக்கும். ஆனால், பரிசோதனையில் பார்த்தால் கிரியாட்டினைன், யூரிக் ஆசிட் அளவுகள் உயர்ந்திருக்கும். எனவே, மூன்று மாதத்துக்கு ஒரு முறை மருத்துவரின் பரிந்துரையின்
பேரில் சிறுநீரக செயல்பாட்டைக் கண்டறிய உதவும் பரிசோதனைகளையும், குறிப்பிட்ட கால இடைவெளியில் கண்டிப்பாகச் செய்துகொள்ள வேண்டும். கீழ்க்கண்ட அறிகுறிகள் தெரிந்தால், மருத்துவரிடம் உடனே சென்றுவிடவும்.

* அடிவயிற்றில் வலி, முதுகுவலி, வலி மற்றும் எரிச்சலுடன் சிறுநீர் வெளியேறுதல். சில நேரங்களில் ரத்தமும் வெளியேறுதல்.

* குறிப்பிட்ட அளவுக்கு நீரை வெளியேற்ற முடியாததால், மூட்டுகளில் நீர் தேங்கி வீக்கம் ஏற்படுதல்.

* யூரியா, யூரிக் ஆசிட் போன்ற நைட்ரஜன் கழிவுகள் உடலில் தங்குவதால் அடிக்கடி வாந்தி எடுத்தல்.

* பசியின்மை மற்றும் அசதி.

* கட்டுப்படுத்த முடியத அளவுக்கு ரத்த அழுத்தம் உயருதல்.

* மூச்சு வாங்குதல்.

* வைட்டமின் டி உற்பத்திக் குறைவதால், மூட்டுகளில் வலி ஏற்படுதல்.

* எரித்ரோபாய்டின் ஹார்மோனின் உற்பத்தி குறைந்து, அதனால் ரத்த சிவப்பணுக்களின் உற்பத்தி குறையும்போது கண்கள் வெளுத்துப் போய் ரத்தசோகை ஏற்படும்.''





``என்னென்ன சிகிச்சை முறைகள் உள்ளன?''

``வெளிப்பட்டு, மருத்துவரை நாடும்போது அந்த அறிகுறிகளுக்கு ஏற்ப முதலில் மருந்துகள் அளிக்கப்படுகின்றன. மருந்துகளால் குணப்படுத்த முடியாத நிலை வரும்போதுதான் டையாலிசிஸ் அல்லது சிறுநீரக மாற்று அறுவைசிகிச்சை பரிந்துரைக்கப்படுகிறது. நோயின் தீவிரத்துக்கு ஏற்ப டையாலிசிஸ் செய்யக்கூடிய முறை, செய்துகொள்ளவேண்டிய கால அளவு அனைத்துமே மாறும். பொதுவாக ஒன்று விட்டு ஒரு நாள், அதாவது வாரத்துக்கு மூன்று முறை (மொத்தமாக 12 மணி நேரம்) பெரும்பாலானவர்களுக்கு அறிவுறுத்தப்படுகிறது.''

``சிறுநீரகத்தைப் பாதுகாப்பதற்கான வழிமுறைகள் என்னென்ன?''

``வயதுக்கும் உயரத்துக்கும் ஏற்ற அளவில் உடல் எடையைக் கட்டுப்பாட்டில் வைத்துக்கொள்ள, முறையான உணவுப் பழக்கம் மற்றும் உடற்பயிற்சிகளை மேற்கொள்ள வேண்டும். ரத்த சர்க்கரையின் அளவு மற்றும் ரத்த அழுத்தத்தைக் கட்டுப்பாட்டில் வைத்துக்கொள்ளுங்கள். சுய மருத்துவம் மற்றும் அளவுக்கு அதிகமான மாத்திரைகள் உட்கொள்ளுதல் கட்டாயம் கூடாது. புகைப்பிடித்தல் மற்றும் ஆல்கஹால் அருந்துதல் நோயின் வீரியத்தை இன்னும் அதிகமாக்கும். எனவே, கண்டிப்பாக இந்தப் பழக்கங்களைக் கைவிட வேண்டும். சிறுநீர் நோய்த்தொற்று அடிக்கடி ஏற்படும்போது, அதுவே . எனவே, சுய சுத்தம் மிக அவசியம்.''





``சிறுநீரகத்தைப் பாதுகாக்கும் உணவுகள் என்னென்ன?''

``அவரை விதை வடிவில் உள்ள சிறுநீரகத்துக்கு அவரைக்காய் ஆகாது. இதில் அதிக பொட்டாசியம் மற்றும் யூரிக் அமிலம் இருப்பதுதான் காரணம். சிறுநீரக பாதிப்புள்ளவர்கள் மற்றும் இதய பாதிப்புள்ளவர்கள் அவரைக்காயை நீரில் வேகவைத்து, அந்தத் தண்ணீரை நீக்கிவிட்டு, அவரைக்காயை எடுத்துக்கொள்ளலாம். `சிறுநீரக கற்களில் பாதிப்புள்ளவர்களுக்கு உணவில் தக்காளி விதைகளை மட்டும் நீக்கினால் போதும்' என்பது உண்மையல்ல. ஏனெனில், தக்காளியின் தோலிலுள்ள ஆக்சாலிக் அமிலம்தான் அதிகளவில் ஆக்சலேட் கற்களை உண்டாக்கும். எனவே, தக்காளி பயன்படுத்துவதையே குறைத்துக்கொள்ள வேண்டும். அதிக உப்பு, உயர் ரத்த அழுத்தத்தை ஏற்படுத்தும். எனவே, உப்பின் உபயோகத்தைக் குறைத்துவிடுங்கள். அதிகமாக புரோட்டீன் உணவுகள் உண்பதையும் குறைத்துக்கொள்ள வேண்டும். நீர்ச்சத்து மற்றும் நார்ச்சத்துள்ள காய்கறிகள், பழங்களை தினசரி உணவில் சேர்த்துக்கொள்ளுங்கள். சிறுநீரகத் தொற்று ஏற்படுவதைத் தவிர்க்க, தண்ணீர் அதிகம் குடிக்க வேண்டும். சிட்ரஸ் பழ வகைகளான எலுமிச்சை, ஆரஞ்சுப்பழச் சாறு போன்றவை தொற்றைக் குறைக்கும்.''

``தண்ணீர் குடிப்பதில் கவனம் தேவையா?''

``நிச்சயமாக. அதிகமான வெப்பத்தின் தாக்குதலில் வசிக்கும் நாம் தினமும் இரண்டு முதல் மூன்று லிட்டர் தண்ணீர் குடிக்க வேண்டும் என்பதுதான் சரியான அளவு. ஆனாலும், சிறுநீரகத்தின் செயல்பாடு குறையும்போது சிறுநீரை உற்பத்தி செய்யும் திறன் குறைந்துவிடும். எனவே, அதற்கேற்ப தண்ணீர் குடிப்பதையும் குறைத்துக்கொள்ள வேண்டும். மருத்துவர் பரிந்துரைத்த அளவுக்கு மட்டுமே தண்ணீர் குடிக்க வேண்டும். இந்த நேரங்களில் அதிகமான தண்ணீர் குடிக்கும்போது அது, மூட்டுகளில் மட்டும் தங்காமல் நுரையீரலுக்குள் சென்று நீர்கோத்து பாதிப்புகள் ஏற்படுத்தும் அபாயம் உணடு.''

குறிப்பிட்ட உணவு வகைகள், முறையான உடற்பயிற்சி, தகுந்த மருத்துவப் பரிசோதனை... இவற்றைக் கடைப்பிடித்தாலே போதும்... நீங்கள்தான் ஆரோக்கியத்தின் அதிபதி!

- க.தனலட்சுமி

சாதனையை தவறவிட்ட ஐதராபாத் பிரியாணி!

வரலாற்று ஆவணங்கள் போதுமான அளவு இல்லாத காரணத்தால் மிகவும் பிரபலமான 'ஐதராபாத் பிரியாணி' தனித்தன்மைக்கான புவிசார் குறியீடு பெறும் வாய்ப்பை இழந்துள்ளது.

தமிழ்நாட்டைப் பொறுத்தவரை திருநெல்வேலி அல்வா, தூத்துக்குடி மக்ரூன்ஸ், சேலம் மாம்பழம் ஆகியவை புவிசார் குறியீடு பெற்றுள்ளன. இதனால், வேறு பகுதியில் இந்த உணவுப் பொருட்களை அதே பெயரில் உருவாக்க முடியாது. இதுபோல மிகப் பிரபலமான ஐதராபாத் பிரியாணிக்கு புவிசார்குறியீடு கோரி டெக்கான் பிரியாணி கூட்டமைப்பினர் சென்னையில் உள்ள புவிசார் குறியீடு அலுவலகத்தில் கடந்த 2009-ம் ஆண்டு விண்ணப்பித்திருந்தனர்.

புவிசார் குறியீடு ஒரு உணவுக்கு வழங்க வேண்டும் என்றால், அந்த உணவு நீண்ட பாரம்பரியம் கொண்டதற்கான வரலாற்று ஆவணங்கள் சமர்பிக்கப்பட வேண்டும்.
ஆனால், ஐதராபாத் பிரியாணிக்கு அப்படிப்பட்ட ஆவணங்கள் எதும் இல்லாத காரணத்தால் புவிசார் குறியீடு அளிக்க முடியாது என கோரிக்கையினை நிராகரித்துவிட்டனர்.


Dailyhunt

Can I transfer Sukanya Samriddhi Account from Post Office to Bank?

One can get SSY Account transferred to anywhere in India if one need to.

When Sukanya Samriddhi scheme started most banks were not opening the account as they were not aware or they did not have details. Most of parents got the SSY account opened in post office for this reason. In post office system they do not accept payment in another post office.

Example– If you opened SSY account in 2015 at Post Office A and then you shifted to another place and want to deposit this year investment in post office B. You can not do that as they will not accept it.

For this reason it is sometimes better to get your SSY account transferred to your bank as you can deposit the money in your Sukanya Samriddhi Account in any branch of the bank.

If you have a transferable job it is very difficult to maintain your account from that same post office every year. So it is advised to transfer your account to any of the bank listed in 28 banks list which can operate Sukanya Samriddhi Account

You can transfer Sukanya Samriddhi Account from post office to bank by following the procedure discussed below.

Any of the parent or guardian who is operator of account will have to visit the Post office personally and surrender Sukanya Samriddhi Account passbook and submit Identity proof and residence proof there.  You have to mention the executive that you need to transfer the account to the particular bank or post office and its reason in writing. For that write an application in the name of postmaster of that area.

The post office will close the account and will issue you the documents you need to submit in bank where you want to transfer your account.

With these documents now you will have to visit the bank and submit the documents received from post office along with Identity and address proofs. The bank will open the account with the current balance which the post office has confirmed.

The process is simple but it may take few days to complete and you may have to visit post office 2-3 times because they may not issue you documents instantly. They make take few days and ask you to come after few days.

To open the account in bank you may also have to visit them 2 times as they may also take time to open the account and provide you with passbook.

Note: Make sure every time you visit post office and bank always carry your identity and residence proofs so that the procedure goes smoothly.

http://sukanya-samriddhiaccount.in/can-i-transfer-sukanya-samriddhi-account-from-post-office-to-bank/

Construct super speciality hospital within six months: HC

MADURAI

Bench issues direction on a PIL plea

The Madras High Court Bench here on Thursday directed the State Government to complete the construction of a super speciality hospital on the Medical College grounds here within six months. A Division Bench of Justices A. Selvam and N. Authinathan gave the direction on a public interest litigation petition.

No end in sight

The order was passed after the petitioner’s counsel, R. Alagumani, pointed out to the judges that the construction work for the 300-beded super speciality hospital, planned to be established on the lines of All India Institute of Medical Sciences (AIIMS), had been going on for years together without any end in sight.

He said, early completion of the project would help the people from southern districts to get high quality treatment in medical specialities such as neurology, urology, nephrology and cardiology without having to travel to metropolitan cities.

It was pointed out that the State Government had initially allocated Rs.150 crore for the project.

×

MCI grants additional PG seats for CMC

Medical Council of India (MCI) has granted 16 additional post graduation seats for different departments in Coimbatore Medical College (CMC) for 2017-18 academic year.

The Department of Anaesthesiology has benefited the most out of the new order with the existing three seats for MD Anaesthesiology increased to seven. The seats for MS with Department of General Surgery has been increased from 16 to 18. The Department of Dermatology, Venerology and Leprology has been allotted one seat in addition to the existing two seats for MD Dermatology.

Medical college authorities said that approval for new seats has come in accordance with the revision of teacher-student ratio as per the notification dated January 31, this year.

Additional seats have also been granted to various departments in eight other medical colleges in the state.

In addition, MD Forensic Medicine, MD Pharmacology, and MD Biochemistry will have three seats each from next academic year in CMC.