குடும்பத்தையும் குலத்தையும் காக்கும் குல தெய்வ வழிபாடு! #Astrology

நாள் செய்யாததை கோள் செய்யும். கோள் செய்யாததை குலதெய்வம் செய்யும்' என்பார்கள். குலதெய்வ வழிபாட்டை அத்தனை எளிதாக எல்லோராலும் செய்யமுடிவதில்லை.



படிப்பு, தொழில் என்று பல்வேறு காரணங்களினால் பிறந்த மண்ணைவிட்டு, வெவ்வேறு இடங்களுக்குச் சென்று வாழவேண்டிய நிலை. எப்போதேனும் ஒருமுறை பிறந்த ஊருக்குச் சென்றாலும்கூட, குலதெய்வக் கோயிலுக்குச் சென்று வழிபடமுடியாத நிலை. முன்பெல்லாம் குடும்பப் பெரியவர்கள் நம்முடைய குலதெய்வம் பற்றியும், குலதெய்வ வழிபாட்டின் அவசியம் பற்றியும் நமக்கு எடுத்துச் சொல்வார்கள். ஆனால், இன்று சிலருக்கு குலதெய்வம் எது என்றே தெரியாது. காரணம், கூட்டுக்குடும்ப வாழ்க்கை முறை மாறிவிட்ட இன்றைய சூழலில், குலதெய்வம் பற்றிய விவரங்களைக் குடும்பப் பெரியவர்களிடம் கேட்டுத் தெரிந்துகொள்ளமுடியாத நிலை.

குலதெய்வமே என்னவென்று தெரியாதவர்கள் எப்படி தங்களுடைய குலதெய்வத்தைப் பற்றித் தெரிந்துகொண்டு வழிபடுவது என்பது பற்றி, ஆஸ்ட்ரோ கிருஷ்ணனிடம் கேட்டோம். அப்போது அவர் கூறிய கருத்துகளின் தொகுப்பு இதோ...

''மனிதன் தீராத பிரச்னைகளால் மனக்கவலை வரும்போது என்ன செய்வது என்று தெரியாமல் குழம்பிப் போய் நிற்கிறான். அதற்கு ஏதாவது பரிகாரம் இருக்குமா என்று குடும்பப் பெரியவர்களைக் கேட்கிறான்.

சிலர் தங்களது குடும்ப வழக்கப்படி கோடங்கி பார்ப்பவரை அழைத்து உடுக்கடித்து தெய்வத்திடம் குறி கேட்பார்கள். சிலர் ஜாதகத்தை, குடும்ப ஜோசியரிடம் காண்பித்து, என்ன பரிகாரம் செய்யலாம் என்று கேட்பார்கள். அதற்கு அவர், 'உங்கள் பூர்வீக குலதெய்வத்தை வழிபாடு செய்யுங்கள், எல்லாம் சரியாகும்' என்பார்.

சில குடும்பத்தில் குடும்பப் பெரியவர்கள் இருப்பார்கள். அவர்களிடம் இருந்து குலதெய்வம் பற்றித் தெரிந்துகொண்டு பரிகாரம் செய்து வழிபடலாம்.

சில குடும்பத்துப் பெரியவர்களுக்குக்கூட அவர்களின் குலதெய்வம் எது என்று தெரியாது. அவர்கள் என்ன செய்வது? இங்கேதான் அவர்களுடைய ஜாதகம் உதவுகிறது. ஜாதகத்தை வைத்து குல தெய்வம் கண்டுபிடிக்க முடியுமா? நிச்சயமாக முடியும்.
ஒருவரது ஜாதகத்தில் தெய்வ ஸ்தானம் என்பது 5-ம் இடமும் 9-ம் இடமும் ஆகும். 5-ம் இடம் பூர்வ புண்ணியஸ்தானம். தந்தை வழி பாட்டனார்களைச் சொல்லுமிடம். அதன் 5-ம் இடம் ஜாதகத்தின் 9-ம் பாவமாகும். அவர்களின் இஷ்ட தேவதையைச் சொல்லுமிடம். 9-ம் இடத்துக்கு 9-ம் இடம் 5-ம் பாவமாகும். அதாவது தந்தை வழிபட்ட தெய்வத்தைச் சொல்லுமிடமாகும். ஆகவே இந்த இரு இடங்களைக் கொண்டு குல தெய்வத்தைக் கண்டுபிடிக்கலாம்.

இந்த இடங்கள் ஆண் ராசியா, பெண் ராசியா எனக் கண்டுபிடித்து, அந்த தெய்வங்கள் ஆண் தெய்வங்களா, பெண் தெய்வங்களா எனத் தெரிந்து கொள்ளலாம். மேலும் அது நில ராசியில் (ரிஷபம், கன்னி, மகரம்) உள்ளதா, நீர் ராசியில் (கடகம், விருச்சிகம், மீனம்) உள்ளதா, என்பதைத் தெரிந்துகொண்டு, அந்த தெய்வம் இருக்குமிடத்தைக் கண்டுபிடிக்கலாம்.

நீர் ராசி என்றால், ஊரின் எல்லையில் உள்ள நீர் சார்ந்த இடங்களுக்கு அருகில் இருக்கும். நில ராசியில் நின்றால், வயல்வெளி சார்ந்த இடங்களில் இருக்கும். நெருப்பு ராசியில் (மேஷம், சிம்மம், தனுசு) நின்றால், மலை மேல் இருக்கும். குலதெய்வம் பற்றி வீட்டின் மூத்த பிள்ளையின் ஜாதகத்தில் இருந்து கண்டுபிடிக்கலாம்.



ஒரு குடும்பத்துக்கு குல தெய்வம் ஒன்றும், அதன் பரிவார தெய்வங்கள் இரண்டும் சம்பந்தம் கொள்ளும். அதாவது ஒருவரின் பூர்வீகத்தில் அதாவது உங்களுக்கு முன்பு ஏழு தலைமுறைப் பங்காளிகள் மூன்று தலைமுறையாக ஒன்றுசேர்ந்து எங்கு வாழ்ந்திருக்கிறார்களோ அந்த ஊரில் இருக்கும். இதை குடும்பத்தில் உள்ள மூத்த பெரியவர்களைக் கேட்டு தெரிந்து கொள்ளலாம்.

சிலர் கேட்கலாம்... எனக்கு மூத்த பெரியவர்கள் யாரும் இல்லை. இருப்பவர்களுக்கும் எங்கள் குல தெய்வம் எது என்று தெரியவில்லை. என்ன செய்வது என்று கேட்டால், அதைப் பற்றி கவலைகொள்ள வேண்டாம்.

நிறைந்த வெள்ளிக்கிழமை அன்று வீட்டு பூஜை அறையில் விடியற்காலை பிரம்ம முகூர்த்தத்தில் குளித்துவிட்டு, அவரவர்கள் வழக்கப்படி நெற்றிக்கு இட்டுக் கொண்டு, ஒரு ஐந்து முக குத்து விளக்கு ஏற்றி, அதன் தண்டு பாகத்தில் ஒரு புதிய துணி (வஸ்திரம்) சாற்றி, பூ சாற்றி அதற்கு முன்பு தேங்காய், பழம், வெற்றிலை பாக்கு வைத்து, சர்க்கரைப் பொங்கல் நைவேத்தியம் செய்து, தீபம், தூபம் காட்டி, “எங்கள் குல தெய்வம் தெரியாமல் நாங்கள் மன வருத்தத்தில் இருக்கிறோம். ஆகவே, எங்கள் குலதெய்வத்தை நினைத்து, தங்களையே அவராகப் பாவித்து, இந்தப் படையலை சமர்ப்பிக்கின்றோம். இதனைத் தாங்கள் ஏற்றுக்கொண்டு சீக்கிரமாக எங்கள் குல தெய்வத்தைக் காட்டுவீராக” என்று வேண்டிக்கொண்டால், இறைவனின் அருளால் குலதெய்வம் பற்றிய விவரம் உங்களுக்குத் தெரியவரும்.



இன்னொரு முறையும் இருக்கிறது. உங்கள் வீட்டின் தலை வாசலில் நிலையைக் கழுவி மஞ்சள் பூசி, குங்குமம், சந்தனம் இட்டு புதுத் துணி சாற்றி, வெற்றிலை பாக்கு, பழம் வைத்து, பொங்கல் இட்டு நிலைப்படி பூஜை செய்து மேற்சொன்னவாறு அதே வேளையில் வேண்டிக் கொண்டால், உங்கள் குல தெய்வம் பற்றி உங்களுக்குத் தெரியவரும்.

மொத்தம் மூன்று தெய்வங்கள் ஒரு குடும்பத்துக்கு வரும். அதாவது ஊருக்குள் இருக்கும் மூல தெய்வம். அது பெருமாளாக இருக்கலாம், சிவனாக இருக்கலாம், அம்மனாக இருக்கலாம். அடுத்து குலதெய்வம். பிறகு காவல் தெய்வமாக ஒரு தெய்வம் - அது ஆண் தெய்வமாக இருக்கலாம் அல்லது பெண் தெய்வமாக இருக்கலாம். மொத்தத்தில் 18 ஆண் காவல் தெய்வங்களும் 18 பெண் காவல் தெய்வங்களும் இருக்கின்றனர். ஐய்யனார், மதுரை வீரன், காத்தவராயன், ஒண்டிக் கருப்பன், கருப்பண்ண சாமி, வீரனார், சங்கிலிக் கருப்பன், ஆகாய கருப்பன், ஆத்தடி கருப்பன், நொண்டிக் கருப்பன், மார்நாட்டு கருப்பன், மண்டக் கருப்பன், முன்னடிக் கருப்பன், சமயக் கருப்பன், பெரிய கருப்பன், சின்னக் கருப்பன் உள்ளிட்ட கருப்பசாமிகள் உள்ளனர். அதேபோல வீரமா காளி, குலுமாயி அம்மன், மகமாயி, எல்லைப் பிடாரி, பெரியாச்சி, எல்லை மாரி, பேச்சியம்மன், பூவாடைக்காரி, செல்லியம்மன், கன்னிமார், சீலைக்காரி, பச்சையம்மன், துலக்கானத்தம்மன், வனதுர்கை, செல்லாயி அம்மன், காட்டேரி அம்மன், அம்முச்சியார், மாசானியம்மன் உள்ளிட்ட பெண் தெய்வங்கள் உள்ளனர். இந்தக் காவல் தெய்வங்கள் அந்தந்த பகுதிக்கு ஏற்ப வேறு வேறு பெயர்களில் அழைக்கப்படுகின்றனர்.

குலதெய்வ வழிபாடு ஒவ்வொரு குடும்பத்துக்கும் அவசியம். வருடம் ஒருமுறையாவது குடும்பத்தோடு சென்று குலதெய்வத்துக்குச் செய்யவேண்டியதைச் செய்து, வழிபட்டால் குலம் தழைத்து, வரும் சந்ததியினர் சந்தோஷமான வாழ்க்கையை அனுபவிப்பர். அவர்கள் உங்களிடம் அதிகம் எதுவும் எதிர்பார்ப்பதில்லை. உங்கள் கையால் ஒரு சாதாரண அபிஷேகம், ஒரு புதுத்துணி, ஒரு கவளம் அரிசி வெல்லம் கலந்த சோறு. இதைக் கொடுத்தாலே பொதும். அவர்கள் எப்போதுமே உங்கள் வீட்டின் வாசலில் காவலாக நின்று, எந்தக் கெட்ட விஷயத்தையும் அண்ட விடமாட்டார்கள்.

‘தினசரி 3 மணிநேரம் டிவி பார்க்கும் குழந்தைகளுக்கு சர்க்கரை நோய் வரும்’

TNN | Updated: Mar 15, 2017, 12:52AM IST

தினந்தோறும் 3 மணிநேரம் அல்லது அதற்கும் மேலாக டிவி பார்த்துக் கொண்டேயிருக்கும் குழந்தைகளுக்கு, சர்க்கரை நோய் பாதிப்பு எளிதில் வரும் என, தெரியவந்துள்ளது.

இன்றைய யுகத்தில், டிவி இன்றி, நமது அன்றாட வாழ்வு முற்றுப் பெறுவதில்லை. சிறியவர்கள் தொடங்கி, முதியவர்கள் வரை அனைவருமே, டிவி பெட்டியை தங்களது குடும்ப உறுப்பினராகவே கருதும் அளவுக்கு, அதனுடனான நாம் பின்னிப் பிணைந்துவிட்டோம்.

குறிப்பாக, 10 ஆண்டுகளுக்கு முன்பாக, இருந்ததைவிட, இன்றைக்கு 1 வயது குழந்தைகள் தொடங்கி, அனைவருமே டிவி முன்பாகவே தவம் கிடப்பது மிக சகஜமான காட்சியாக உள்ளது. ஓடி விளையாட வேண்டிய பருவத்தில், குழந்தைகள் வீட்டுக்குள் அடைந்தபடி, டிவி.,யில் வரும் கார்ட்டூன் படங்களை பார்ப்பதுதான் இன்றைக்கு பெரும்பாலான நகரங்களில் அரங்கேறுகிறது.

ஆனால், இப்படி மணிக்கணக்கில் ஒரே இடத்தில் அமர்ந்தபடி, டிவி பார்ப்பதால், ஏற்படும் விளைவுகள் பற்றி, லண்டனைச் சேர்ந்த ஆய்வாளர்கள் குழு ஒன்று விரிவான ஆய்வு நடத்தி, அதன் முடிவுகளை வெளியிட்டுள்ளது. அதில், பெரியவர்கள், குழந்தைகள் என அனைவருமே, 3 மணிநேரத்திற்கும் மேலாக, தொடர்ச்சியாக, டிவி பார்ப்பதால், பல்வேறு உடல் பாதிப்புகளுக்கு ஆளாகின்றனர் என, உறுதி செய்யப்பட்டுள்ளது.

சிறியவர்கள் எனும்போது, 3 மணிநேரத்திற்கு மேல் தினசரி டிவி பார்க்கும் பழக்கம் இருந்தால், அவர்களின் ஹார்மோன் சுரப்பு குறைகிறது. இன்சுலின் சுரப்பே அதிகளவு பாதிக்கப்படுகிறது. இதனால், அவர்களுக்கு, உடற்பருமன், எடை அதிகரிப்பு மற்றும் சர்க்கரை நோய் பாதிப்பு விரைவிலேயே வந்துவிடுவதாக, அந்த ஆய்வு முடிவுகள் எச்சரிக்கின்றன.

ஓடி விளையாட வேண்டிய பருவத்தில், சோம்பேறித்தனம் அடைவதால், நமது உடல் உறுப்புகளின் இயக்கமும் பாதிக்கப்படுகிறது. இதுவே, அத்தகைய இடர்பாடுகளை குழந்தைகளிடம் அதிகளவில் கொண்டுவருவதாகவும் அந்த ஆய்வில் குறிப்பிடப்பட்டுள்ளது.

டயாபடீஸ் சிக்னல்: நீங்க எங்க இருக்கீங்க?

NEET --TWITTER NEWS

பாம்புகளின் அன்பன் பூனம் சந்த்... பாதியில் மரித்த பரிதாபம்!


கடலூர் மஞ்சக்குப்பத்தைச் சேர்ந்த பூனம் சந்த் ஜெயின் சமூகத்தைச் சார்ந்தவர். 40 வயதுகளைக் கடந்து கொண்டிருக்கும் ஒரு நடுத்தர வயது இளைஞர். புதுவை தமிழ்நாடு எல்லை அருகே பாவூர் என்ற ஊரில் துணி வர்த்தகம் செய்ய புலம் பெயர்ந்து வந்த அவரது பெற்றோரோடு இவரது வாழ்க்கையும் அந்தப் பகுதியிலேயே தொடங்கியது. மனைவி, குழந்தைகள் என குடும்பத்தோடு வாழ்ந்தாலும்கூட விலங்கினங்களின் மீதான இவரது அக்கறை முக்கியமானது. நாய்கள் வளர்ப்பது, இனப்பெருக்கம் செய்து விற்பது என்பதையே பகுதி நேரத் தொழிலாக மாற்றிக்கொள்ளும் அளவுக்கு மாற்றிவிட்டது, அது வருவாய்க்கான வழி வகை என்றாலும் குடியிருப்புப் பகுதிகளில் உலவும் பாம்புகளைப் பிடித்துக் கொண்டு காப்புக் காடுகளில் விடுவது என்பதை முழு நேர சேவையாக மாற்றிக்கொண்டுவிட்டார்.

கடலூர் சுற்றுவட்டாரப் பகுதியில் பாம்புகள் குடியிருப்புப் பகுதிகள், அலுவலகங்களுக்குள் நுழைந்து விட்டாலும் உடனே இவரை எப்போது வேண்டுமானாலும் அழைக்கலாம்.

உடனடியாகச் சென்று அதைப்பிடித்து வந்து துணிப்பைகளில் கட்டி காலி அறை ஒன்றில் வைத்துக்கொள்வார். பின்னர், ஏதாவது வாகனம் கிடைக்கும்போது அவற்றைக் கொண்டுபோய் காடுகளில் விட்டுவிடுவதை ஒரு வழக்கமாகவே கொண்டிருந்தார்.

மாவட்ட ஆட்சியர்கள் ஒன்றிரண்டு பேர் இவருக்கு வாகனங்கள் கொடுத்து உதவுவது, ஊக்கப்படுத்துவது என்று இருந்தனர். தீயணைப்பு மற்றும் மீட்புப் படையினருக்கு வரும் பாம்புகள் தொடர்பான அழைப்புகளுக்குக்கூட முகம் சுளிக்காமல் சென்று பாம்புகளைப் பிடித்துகொண்டு பாதுகாப்பது பூனத்தின் ஒரு கிரேசி சேவையாகவே இருந்தது.

இதற்காக அவர் பணம் பெற்றுக் கொள்வது கிடையாது. இவரது பாம்புப் பிடிச் சேவையின்போது கட்டுவிரியன் ஒருமுறையும், நாகங்கள் இரண்டு முறையும் கடித்துள்ளன. எனினும், காப்பாற்றப்பட்ட நிலையில் அதை ஒரு பொருட்டாகவே மதிக்காமல் தொடர்ந்து பாம்புகளைப் பிடித்து காடுகளில் விடும் பணியைச் செய்து வந்தார்.

இத்தகைய சூழலில்தான் கடந்த புதன் கிழமை வெளியே சென்றுவிட்டு வீட்டுக்கு வந்தவர், மயக்கம் வருவதாகக் கூறியபடியே சரிந்தார். உயிர் பிரிந்து விட்டது. மாரடைப்பே இறப்புக்குக் காரணம் எனக் கூறப்படுகிறது.

ஜெயின் சமூகத்தைச் சார்ந்த சைவ உணவை மட்டுமே உண்ணும் வழக்கமுடைய, 45 வயதைக்கூட இன்னமும் கடக்காத பூனத்திற்கு மாரடைப்பு ஏற்பட்டது என்பதுதான் அவரைப் பற்றி அறிந்தோருக்கு அதிர்ச்சி அளித்த செய்தி.

பூனத்தின் சேவையில் எந்தவித குறையும் கிடையாது, ஆனால் அவர் முறையான பாதுகாப்பின்றி பாம்புகளைக் கையாண்டதால் பாம்புகள் கடித்த நிலையில் அவரது உடலில் விஷத்தின் தன்மை இருந்திருக்க வேண்டும் என்றும் உடலின் எதிர்ப்பு சக்தி குறைந்தபோது சிறிது சிறிதாக அந்த விஷம் ரத்தத்தை உறைய வைத்து மாரடைப்பை உருவாக்கியிருக்கவேண்டும் என்றும் அச்சம் கொள்கின்றனர் அவரது நண்பர்கள்.

பூனம், பாம்புகளை மட்டுமல்ல, ஆமைகள், மாடுகளையும் பாதுகாத்து வந்தார். தானே, வர்தா புயல்களின்போது சரிந்து விழுந்த மரங்களில் வாழ்ந்த பறவைகள் உள்பட பல உயிரினங்களைக் காப்பாற்றி உள்ளார்.

பூனத்தைப் போன்றவர்கள் இல்லை எனில், பாம்புகளை மிருகக்காட்சி சாலையில்தான் பார்க்கவேண்டும் என்பதுதான் நிதர்சனம். ஆனால், அதே சமயம் பாம்புகளைப் பாதுகாக்கும் பூனம் போன்ற இளைஞர்களைப் பாதுகாக்கவேண்டிய கடமை அரசுக்கும், வனத்துறைக்கும் மட்டுமல்ல சமூகத்திற்கும் உண்டு.

#Liveupdates தமிழக பட்ஜெட் : 2017-18-ல் பட்ஜெட்டில் புதிய வரிகள் ஏதும் இல்லை





நிதி அமைச்சர் ஜெயக்குமாரின் உரையில் இருந்து.....

* முதலமைச்சர் மருத்துவ சிகிச்சைகளுக்கான காப்பீடு ரூ.2 லட்சம் உயர்வு.

* முதல் தலைமுறை பட்டதாரி திட்டத்துக்கு ரூ.680 கோடி ஒதுக்கீடு.

* தமிழ்நாடு மின்சார வாரியத்தின் ரூ22,815 கோடி கடனை அரசு ஏற்றுள்ளது.

* சட்டப்பேரவையை வருகின்ற 20-ஆம் தேதிக்கு ஒத்திவைத்தார் சபாநாயகர் தனபால்.

* பட்ஜெட் உரை முடிந்தது. 2 மணி நேரம் 50 நிமிடம் பட்ஜெட் உரையை வாசித்தார் நிதி அமைச்சர் ஜெயக்குமார்.

* ஜி.எஸ்.டி முறை அமலுக்கு வர உள்ளதால் வரிச் சலுகைகள் எதுவும் பட்ஜெட்டில் அறிவிக்கவில்லை.

* ஓய்வூதியம் திட்டத்துக்கு ரூ.22,394 கோடி.

* பிற மாநில தொழிலாளர்கள் தங்குவதற்கு வாடகை குடியிருப்புகள் அமைக்கப்படும்.

* ஜி.எஸ்.டி வரியை நடைமுறைப்படுத்தும் போது, தமிழகம் மிகப்பெரிய மாற்றத்தை சந்திக்கும்.

* தமிழ்நாடு நகர்ப்பு மருத்துவ திட்டத்துக்கு ரூ.126 கோடி ஒதுக்கீடு.

* பிறந்த குழந்தைகளின் செவித்திறன் குறைபாட்டை கண்டறிய சென்னை, சிவகங்கையில் முன்னோடித் திட்டம்.

* மாற்றுதிறனாளிகளுக்கு ஸ்கூட்டர்களின் எண்ணிக்கை 1,000-ல் இருந்து 2,000 ஆக உயர்வு.

* 10 ஆயிரம் மாற்றுத்திறனாளிகளுக்கு ரூ. 5 கோடி செலவில் திறன் மேம்பாட்டு பயிற்சி.

* சமூக பாதுகாப்பு உதவித் தொகை திட்டத்திற்கு ரூ.3,790 கோடி.

* 4,778 ஏரிகள், 47 அணைக்கட்டுகள் புனரமைக்கப்படும்.

* உழைக்கும் மகளிருக்கு ரூ.20,000 மிகாமல் இரு சக்கர வாகனம் வாங்க 50% மானியம் வழங்கப்படும்.

* அனைத்து திருமண உதவித் திட்டத்துக்கு ரு.723 கோடி ஒதுக்கீடு.

* ஜவ்வாது மலையில் 2 உண்டு உறைவிட மாதிரிப் பள்ளிகள் அமைக்கப்படும்.



* முதலமைச்சரின் மருத்துவ காப்பீடு திட்டத்தில் மேலும், 312 சிகிச்சைகள் சேர்ப்பு.

* பள்ளி விடுதி மாணவர்களுக்கான உணவுப்படி 755-ல் இருந்து 900 ஆக உயர்வு.

* கல்லூரி விடுதி மாணவர்களுக்கான உணவுப்படி 875-ல் இருந்து 1000 ஆக உயர்வு.

* உயர்கல்வி உதவித் தொகை திட்டத்துக்கு ரூ.1,580 கோடி ஒதுக்கீடு.

* இலவச மடிக்கணினி திட்டத்துக்கு ரூ.758 கோடி ஒதுக்கீடு.

* 2017-18-ல் பட்ஜெட்டில் புதிய வரிகள் ஏதும் இல்லை.

* பள்ளி மாணவ, மாணவிகளுக்கான இலவச திட்டங்களுக்கு ரூ.1,503 கோடி ஒதுக்கீடு.

* வெள்ளத்தடுப்பு, நீர் ஆதார திட்டங்களுக்கு ரூ.445.19கோடி ஒதுக்கீடு.

* 150 நடுநிலைப்பள்ளிகள், உயர்நிலைப் பள்ளிகளாக தரம் உயர்த்தப்படும்.

* 100 உயர்நிலைப்பள்ளிகள், மேல்நிலைப் பள்ளிகளாக தரம் உயர்த்தப்படும்.

* பள்ளிகளில் உட்கட்டமைப்பு வசதிகளை மேம்படுத்த ரூ. 352 கோடி ஒதுக்கீடு.

* 1 லட்சம் மகளிர் மானிய விலையில் ஸ்கூட்டர் வாங்குவதற்கு ரூ.200 கோடி ஒதுக்கீடு.

* முதல்வரின் மருத்துவ காப்பீடு திட்டத்துக்கு ரூ. 1,348 கோடி ஒதுக்கீடு.

* குடிசை மாற்று வாரிய பழைய குடியிருப்புகள், மறு கட்டுமானம் செய்யப்படும்.

* மருத்துவக் கல்வி பட்டமேற்படிப்பு இடங்கள் 1,188-ல் இருந்து 1,362 ஆக உயர்வு.

* 12 ஆரம்ப சுகாதார நிலையங்கள் தரம் உயர்த்தப்படும்.

* பசுமைகள் வீடுகள் திட்டத்தில் ரூ.420 கோடியில் 20 ஆயிரம் வீடுகள் கட்டப்படும்.

* ரூ.43. 76 கோடியில் 30 ஆரம்ப சுகாதார நிலையங்கள் அமைக்கப்படும்.

* பிரதம மந்திரி வீட்டு, வசதி திட்டத்தில் 1.70 லட்சம் மதிப்பில் 1.76 லட்சம் வீடுகள்.

* குறைந்த விலையிலான பொது மருந்து கடைகள் அமைக்கப்படும்.

* சிறு,குறு,நடுத்தர தொழில்துறைக்கு ரூ.532 கோடி ஒதுக்கீடு.

* தூய்மை இந்தியா திட்டத்தின் கீழ் 24.28 லட்சம் கழிவறைகள் கட்டப்படும்.

* தூய்மை இந்தியா திட்டத்தின் கீழ் 50 சமூக சுகாதார வளாகங்கள் கட்டப்படும்.

* நகர்ப்புற தூய்மை இந்தியா திட்டத்துக்கு ரூ.600 கோடி ஒதுக்கீடு.

* சானிட்டரி நாப்கின் வழங்கும் திட்டத்துக்கு ரூ.61 கோடி ஒதுக்கீடு.

* முதலீடு ஊக்குவிப்பு திட்டத்துக்கு ரூ.1,295 கோடி.

* வறட்சியை சமாளிக்க புதிய ஆழ்துளை கிணறுகள் அமைக்கப்படும். ஏற்கெனவே உள்ள ஆழ்துளை கிணறுகள் புனரமைக்கப்படும்.

* மகப்பேறு உதவித் திட்டத்துக்கு ரூ,1,001 கோடி ஒதுக்கீடு.

* சுற்றுலாத்துறை மேம்படுத்த ரூ.403 கோடி ஒதுக்கீடு.

* ஊரக வளர்ச்சிக்கு ரூ. 16,665 கோடி ஒதுக்கீடு.

* தமிழக மக்கள் தொகையில் 48% பேர் நகர்ப்புறங்களில் வசித்து வருகின்றனர்.

* அட்டல் நகர்ப்புற புத்துணர்வு திட்டத்துக்கு ரூ. 1,400 கோடி நிதி.

* இலவச, வேட்டி சேலை வழங்கும் திட்டத்துக்கு ரூ.490 கோடி

* உதகையில் ரூ. 5 கோடி செலவில் நகரக விற்பனை கண்காட்சித் திடல்.

* பிரதம மந்திரி கிராமப்புற சாலைத்திட்டத்திற்கு ரூ.758 கோடி ஒதுக்கீடு.

* தமிழகத்தில் மென்பொருள் ஏற்றுமதி ரூ.1,00,300 கோடியை எட்டும்.

* திறன்மிகு நகரங்கள் திட்டத்துக்கு ரூ.1,200 கோடி.

* கைத்தறி துறைக்கு ரூ. 1,230 கோடி, கதர் துறைக்கு ரூ.194 கோடி

* உபரி காற்றாலை மின்சாரத்தை பிற மாநிலங்களுக்கு கொண்ட செல்ல சிறப்பு வழித் தடம்.

* தருமபுரியில் ஒரு உணவுப் பொருள் குழுமம் வழங்கப்படும்.

* மூலதன மானியம் மூலம் குறைந்த வட்டியில் கடன் வழங்க தொழில்துறைக்கு ரூ.1,950 கோடி ஒதுக்கீடு.

* காஞ்சிபுரம் மற்றும் கரூரில் தலா ஒரு ஜவுளி குழுமம் அமைக்கப்படும்.

* ராமேஸ்வரத்தில் கடல் உணவுப் பொருள்கள் குழுமம் அமைக்கப்படும்.



* இலங்கை கடற்படையால் சிறைபிடிக்கப்பட்டு சேதமடைந்த 18 மீனவ படகுகளுக்கு தலா ரூ. 5 லட்சம் ஒதுக்கீடு.

* சோழிங்கநல்லூரில் புதிய தொழில்நுட்ப பூங்கா.

* தொழில் துவங்குவதற்கான ஒற்றைச் சாளர முறை மேலும் வலுப்படுத்தப்படும்.

* கோயில்களில் வழங்கப்படும் அன்னதானம் திட்டம் தொடர்ந்து வழங்கப்படும்.

* காஞ்சிபுரத்தில் ரூ.130 கோடி செலவில் 330 ஏக்கர் பரப்பளவில் மருத்துவப் பூங்கா அமைக்கப்படும்

* 1,000 கிராமப்புற கோயில்களை புதுப்பிக்க ரூ 1 லட்சம் செலவில் கிராம கோயில் புதுப்பிக்கப்படும்.

* நீர்வளத்துறைக்கு ரூ.4,971 கோடி ஒதுக்கீடு.

* அவினாசி-அத்திக்கடவு திட்டத்துக்கு ரூ. 250 கோடி ஒதுக்கீடு.

* மெட்ரோ ரயில் வண்ணாரப்பேட்டை- விம்கோ நகர் வரை விரிவு.

* நிதிப்பற்றாக்குறை ரூ.2.79 சதவிகிதமாக இருக்கும்.

* 107.5 கி.மீ தொலைவுக்கு 3 புதிய மெட்ரோ வழித்தடங்கள் அமைக்க நடவடிக்கை.

* உதய் மின் திட்டத்தில் இணைந்ததால் கடன் வட்டி குறைந்து ரூ. 1,335 கோடி சேமிக்கப்படும்.

* உலக முதலீட்டாளர்கள் மாநாட்டை இந்தாண்டு நடத்த ரூ.75 கோடி ஒதுக்கீடு.

* சாலைகள் அகலப்படுத்த மற்றும் புதிய பாலங்கள் கட்ட ரூ.3,100 கோடி ஒதுக்கீடு.





* 100 யூனிட் இலவச மின்சாரத் திட்டம் தொடரும்.

* ஆண்டுதோறும் தனிநபர் மின்சார பயனீட்டு அளவு அதிகரித்து வருகிறது.

* நெடுஞ்சாலைத்துறைக்கு ரூ.10,067 கோடி.

* சென்னை, புறநகர் சாலைத் திட்டங்களுக்கு ரூ.744 கோடி.

* ராமநாதபுரம் மூக்கையூரில் புதிய மீன்பிடி துறைமுகம்.

* குடிமராமத்து பணிகளுக்காக ரூ.300 கோடி ஒதுக்கீடு.

* சாலை பாதுகாப்புக்கு ரூ.100 கோடி ஒதுக்கீடு.

* நீர்வள ஆதராங்களுக்கு ரூ.4,500 கோடி ஒதுக்கீடு.

* தோட்டக்கலை பயிர்களின் பரப்பளவை, 34 லட்சம் ஏக்கரில் இருந்து 39 லட்சம் ஏக்கராக உயர்த்தப்படும்.

* உலகவங்கி உதவியுடன் ரூ. 3,042 கோடியில் நீர், நில வளத்துக்கு திட்டங்கள் செயல்படுத்தப்படும்.

* தாமிரபரணி, நம்பியாறு அணைகளை இணைப்புக்கு ரு.300 கோடி

* ரேஷன் கடையில் பருப்புகள் தொடர்ந்து மானிய விலையில் வழங்கப்படும்.

* உணவுப் பொருள் மானியத்துக்காக ரூ.5,500 கோடி ஒதுக்கீடு.

* அரசின் சார்பில் விலைக் கட்டுப்பாடுக்கு புதிய பொருள்கள் விற்கப்படும்.

* ஏழைகளுக்கு 12,000 பசுகள், 6,000 ஆடுகள் வழங்கப்படும்.

* கடல் அரிப்பை தடுக்க ரூ.20 கோடியில் புதிய தொழில்நுட்பம் ஏற்படுத்தப்படும்.

* 25 கால்நடை மருந்தகங்கள், கால்நடை மருத்துவமனைகளாக தரம் உயர்த்தப்படும்.

* சமூக பாதுகாப்பு ஓய்வூதியத் திட்டங்களுக்கு ரூ.3,790 கோடி

* மீன்வளத்துறைக்கு ரூ.768 கோடி ஒதுக்கீடு.

* தொழிலாளர் நலத்துறைக்கு 1,010 கோடி

* மீனவர்களுக்கு ரூ. 85 கோடி செலவில் 5,000 வீடுகள்.

* மீன்பிடி தடைக்காலத்தில் ரூ.5,000 உதவித்தொகை.

* படகு, டீசல் அளவு 15,000 லிட்டரில் இருந்து 18,000 லிட்டராக உயர்வு.

* விதை உற்பத்தியை வலுப்படுத்த ரூ.50 கோடியில் திட்டம்.

* ஆவின் பால் பொருள்களை பிரபலப்படுத்த 200 புதிய பாலகங்கள்.

* நாட்டு மாடு இனப்பெருக்கத்துக்கு புதிய திட்டம்.





* வேளாண் இயந்திரங்களை வாடகைக்கு விட கூடுதலாக 590 மையங்கள் அமைக்கப்படும்.

* உழவர் உற்பத்திக் குழுவுக்கு ரூ.100 கோடி.

* கோழிப்பண்ணை வளர்ச்சிக்கு ரூ.25 கோடி ஒதுக்கீடு

* 2 லட்சம் விவசாயிகள் பயன்படும் வகையில் உழவர் உற்பத்திக் குழு அமைக்கப்படும்.

* உழவர் பாதுகாப்புத் திட்டத்தின் கீழ் நலிந்தோர் நிவாரண உதவி ரு.20,000 ஆக உயர்வு.

* பயிர் காப்பீடு மானியத்திற்கு ரூ. 522 கோடி நிதி ஒதுக்கீடு

* பள்ளிக் கல்வித்துறைக்கு ரு.26,932 கோடி

* உயர்க் கல்வித்துறைக்கு ரூ. 3,680 கோடி

* பிற்படுத்தப்பட்டோர் நலனுக்கு ரூ.988 கோடி நிதி

* 2017-18-ல் 100 லட்சம் மெட்ரிக் டன் உணவு தானியங்களை தயாரிக்க திட்டம்.

* அகதிகள் நலனுக்கு ரூ.116 கோடி.

* காவல்துறை வீட்டு வசதிக்கு ரூ.450 கோடி

* குறைந்த நீரில், நீடித்த நவீன கரும்பு சாகுபடிக்கு ஊக்குவிக்கப்படும்.

* பழங்குடியினர் துறைக்கு ரூ.265 கோடி

* நீதித்துறை மேம்பாட்டுக்கு ரூ.983 கோடி

* ஏழைக்குடும்பங்களுக்கு 3.5 லட்சம் வீட்டுமனைப் பட்டா வழங்கப்படும்.

* 10,500 புதிய காவலர்கள் தேர்வு செய்யப்படுவார்கள்.

* தீயணைப்புத்துறைக்கு ரூ.253 கோடி

* இளைஞர் நலன், விளையாட்டுத்துறைக்கு ரூ.165 கோடி.

* ஆதி திராவிடர் நலன்துறைக்கு ரூ.3,009 கோடி

* இ- சேவை மையங்கள் மூலம் 500 விதமான சேவைகள்



* மெட்ரோ ரயில் திட்டத்துக்கான 2-ம் கட்ட பணிக்கான திட்ட அறிக்கை விரைவில் மத்திய அரசிடம் சமர்ப்பிக்க வேண்டும்.

* அவினாசி அத்திக்கடவு திட்டத்துக்கு மத்திய அரசின் அனுமதியை, மாநில அரசு எதிர்நோக்கியுள்ளது.

* சுகாதாரத்துறைக்கு ரூ.10, 158 கோடி

* சிறைத்துறைக்கு ரூ.282 கோடி

* காவல்துறைக்கு ரூ 6,483 கோடி

* உள்ளாட்சி தேர்தல் நடத்த ரூ.174 கோடி நிதி.

* மின்சாரம் எரிசக்தி துறைக்கு ரூ.16,998 கோடி

* கோவை, திருச்சி, மதுரையில் 1 லட்சம் இளைஞர்களுக்கு திறன் வளர்ப்பு பயிற்சி

* நகராட்சி நிர்வாகத்துறைக்கு ரூ. 13,996 கோடி

* தமிழ்வளர்ச்சிக்கு ரூ.48 கோடி ஒதுக்கீடு

* தமிழ்பல்கலைக்கழகத்துக்கு ரூ.6 கோடி ஒதுக்கீடு

* தொழில்துறைக்கு ரூ.2,088 கோடி ஒதுக்கீடு

* 100 நாள் வேலை திட்டத்திற்கு ரூ. 1,000 கோடி

* கால்நடை பராமரிப்புக்கு ரூ. 1,161 கோடி


* தமிழக அரசின் மொத்த கடன் ரூ 3,14,166 கோடி

* உட்கட்டமைப்பு மேம்பாட்டு நிதியாக ரூ. 200 கோடி ஒதுக்கீடு.

* மாநில சமச்சீர் வளர்ச்சி நிதியம் ஏற்படுத்தப்பட்டுள்ளது

* ஊரகப்பகுதிகளில் 135 இடங்களில் சிறப்பு திட்டம் செயல்படுத்தப்படும்.

* ஐடி துறைக்கு ரூ.116 கோடி

* போக்குவரத்துறைக்கு ரூ.2,191 கோடி

* வணிகவரி மூலம் ரூ.77,234 கோடி வருவாய் கிடைக்கும்.

* நெடுஞ்சாலை துறைக்கு 10,067 கோடி ஒதுக்கீடு

* குடிநீர் பற்றாக்குறையை சமாளிக்க ரூ.615 கோடி.

* அரசின் மொத்த செலவு ரூ. 1,75,351 கோடி.

* 2017-18-ல் பொருளாதார வளர்ச்சி 7 சதவிகிதமாக இருக்கும்

* ஜெயலலிதா அளித்துள்ள 164 வாக்குறுதிகளில் 60 வாக்குறுதிகள் நிறைவேற்றம்.

* கூட்டுறவுத்துறைக்கு ரூ.1,830.50 கோடி.

* மகப்பேறு உதவி ரூ.12,000 முதல் 18,000 ஆக உயர்வு

* கூட்டுறவு வங்கிகள் மூலம் விவசாயிகளுக்கு ரூ.7,000 கோடி புதிய கடன் வழங்க நடவடிக்கை.

* மீன்வளத்துறைக்கு ரூ.768 கோடி

* மாநிலத்தின் வரி அல்லாத வருவாய் ரூ.12,318 கோடி.

* மாநிலத்தின் சொந்த வருவாய் ரூ. 99,590 கோடி.

* தமிழகத்தில் ரூ. 3, 14, 366 கோடி கடன்.

* தமிழகத்தில் ரூ. 41,977 கோடி நிதிப்பற்றாக்குறை.

* 2017-18-ல் ரூ.15,930 கோடி வருவாய் பற்றாக்குறை இருக்கும் என்று ஜெயக்குமார் பட்ஜெட் தாக்கல் செய்தபோது கூறினார்.

* எதிர்க்கட்சிகள் அமைதி காக்க பேரவைத் தலைவர் வலியுறுத்தல்

* சசிகலா பெயரை குறிப்பிட்டதை அவை குறிப்பில் இருந்து நீக்க எதிர்க்கட்சி தலைவர் ஸ்டாலின் வலியுறுத்தல்.

* சட்டசபையில் மாண்புமிகு சின்னம்மா என்று ஜெயக்குமார் சொன்னதால், எதிர்க்கட்சியினர் எதிர்ப்பு. அமளியில் ஈடுபட்டுள்ளனர்.

* சட்டசபையில் மறைந்த முதல்வர் ஜெயலலிதாவுக்கு புகழாரம்.

* சட்டசபை பட்ஜெட் கூட்டத்தொடர் துவங்கியது.

* முன்னாள் முதல்வர் ஓ.பன்னீர்செல்வம் மற்றும் ஆதரவாளர்கள் சட்டசபைக்கு வருகை.

* சட்டசபைக்குள் நுழைந்த போது, காவல்துறை அதிகாரிகளின் பெயரைக் கேட்டார் மு.க.ஸ்டாலின்



படம்: கே.ஜெரோம்

* தமிழக முதல்வர் எடப்பாடி பழனிசாமி சட்டசபைக்கு வருகை.

* எதிர்கட்சி தலைவர் மு.க. ஸ்டாலின் சட்டசபைக்கு வருகை.

*ஜெயலலிதா நினைவிடத்தில் முதலமைச்சர் பழனிசாமி மரியாதை செலுத்தினார்

* ஜெயலலிதா நினைவிடத்தில் நிதிநிலை அறிக்கையை வைத்து, நிதி அமைச்சர் ஜெயக்குமார் அஞ்சலிசெலுத்தினார். பின்னர் செய்தியாளர்களைச் சந்தித்த ஜெயக்குமார், ’மக்களுக்கான திட்டங்கள் தொடர்ந்து செயல்படுத்தப்படும்’, என்றார்.

தமிழக சட்டப்பேரவை இன்று கூடுகிறது. பேரவைக் கூட்டத்தில் காலை 10.30 மணிக்கு, 2017-2018 நிதியாண்டுக்கான நிதிநிலை அறிக்கையை நிதியமைச்சர் டி.ஜெயக்குமார் தாக்கல்செய்கிறார்.

ஜெயலலிதா மறைவுக்குப் பிறகு அ.தி.மு.க அரசு தாக்கல்செய்யப்போகும் பட்ஜெட் இது. அதுமட்டுமின்றி, எடப்பாடி பழனிசாமி முதலமைச்சராகப் பொறுப்பேற்ற பிறகு தாக்கல் செய்யப்படும் முதல் பட்ஜெட்.



படம்: கே.ஜெரோம்

இன்று, பட்ஜெட் தாக்கல்செய்யப்பட உள்ள நிலையில், தலைமைச் செயலகத்தில் மூன்றடுக்குப் பாதுகாப்பு போடப்பட்டுள்ளது.கோட்டை நுழைவுவாயில் மற்றும் தலைமைச் செயலக வளாகம் முழுவதும் போலீசார் குவிக்கப்பட்டுள்ளனர்.

''அழகு என்பது முகம் மட்டுமல்ல!''- ஆசிட் வீச்சில் மீண்டெழுந்த லெட்சுமி #AcidAttackSurvivor



ஆணாதிக்கத்தால் ஆசிட் வீச்சுக்கு ஆளாகி தன் கோலத்தை இழந்தவர் டெல்லியைச் சேர்ந்த லெட்சுமி அகர்வால். திருமணம் செய்ய வற்புறுத்திய 32 வயது ஆணை மறுத்து, தன் உரிமையை வெளிப்படுத்தியது மட்டுமே லெட்சுமி செய்த குற்றம். அதற்காகச் சமூகத்தால் குற்றவாளி போல ஒதுக்கப்பட்டு, மறைவு வாழ்க்கை வாழ்ந்தார். வலிகளைத் தாண்டிய வலிமையில் போராடியவர். இன்று ஆசிட் வீச்சால் பாதிக்கப்பட்டவர்களுக்கு தனது ‘ஸ்டாப் ஆசிட் அட்டாக்’ அமைப்பு மூலம் நம்பிக்கை தரும் விடிவெள்ளியாக திகழ்கிறார்.

லெட்சுமியின் நெடிய போராட்டத்தின் விளைவாக, ஆசிட் வீச்சைத் தடுக்க பல்வேறு நடைமுறைகளைப் பின்பற்ற உச்ச நீதிமன்றம் உத்தரவிட்டுள்ளது. ஆசிட் வீச்சால் பாதிக்கப்பட்டவர்கள் எந்த விதத்திலும் வெறுக்கத்தக்கவர்கள் இல்லை என்பதை உலகுக்கு வலியுறுத்தும் விதமாக, ஆசிட் வீச்சுக்குள்ளனவர்களுக்கான பேஷன் ஷோ நடத்தி வெற்றி கண்டவர் லெட்சுமி. பாதிக்கப்பட்டவர்களை மாடல்களாக முன்னிறுத்தி காலண்டர் வெளியீடு உட்பட பல்வேறு வழிகள் மூலம் விழிப்புணர்வு ஏற்படுத்தி வருகிறார். இவரது போராட்டத்தில் உறுதுணையாக இருந்த அலோக் திக்ஷித்துடன் ‘லிவிங் டு கேதர்’ வாழ்க்கையில் இருக்கிறார். இவர்களுக்கு ‘பிக்கு’ என்ற இரண்டு வயது பெண் குழந்தை உண்டு. லெட்சுமியின் தன்னம்பிக்கையும் தைரியத்தையும் அங்கீகரிக்கும் வகையில், அமெரிக்க அரசு ‘உலகின் தைரியமான பெண்’ என்ற விருதை வழங்கிக் கௌரவித்துள்ளது. ‘விவா அண்டு திவா’ தனது நிறுவன மாடலாக இவரை அங்கீகரித்துள்ளது. ஒருபுறம் ‘ஸ்டாப் ஆசிட் அட்டாக்’ இயக்கம். மறுபுறம் பொறுப்பான அம்மா என சுறுசுறு தேனீயாக இருந்தவருடன் போன் டாக் செய்தோம்.



'‘பள்ளிப் பருவத்தில் எனக்குள் ஆயிரம் கனவுகள் இருந்தது. அந்தக் கனவுகளைச் சிதைப்பது போல இந்தக் கோர சம்பவம் நடந்தது. அம்மா இல்லை. அந்தச் சமயத்தில் அப்பா மட்டும் உடன் இருந்தார். மருத்துவச் செலவுக்கே வழியில்லை. என் வாழ்க்கையே முடிந்துவிட்டதாக வீட்டுக்குள் முடங்கினேன். வறுமை என்னைத் துரத்தியது. எந்தத் தவறும் செய்யாத நான் குற்றவாளியைப் போல வீட்டுச் சிறையில் முடங்கினேன். தவறு செய்தவனோ, சுதந்திரமாக வெளியுலகில் உலாவினான். ஒரு கட்டத்தில் நீதி கேட்டு நீதிமன்ற படிகளில் ஏறினேன். அந்தச் சமயத்தில் சட்டரீதியாகவும் பொருளாதார ரீதியாகவும் பலர் உதவிக்கு வந்தனர். பத்திரிகை நண்பராக அலோக் திக்ஷித் அறிமுகமானார். ஸ்டேஷன், கோர்ட் என போராட்டமான வாழ்வில் தோள் கொடுத்த தோழரானார். அவலட்சணமான என் முகத்தைப் பார்ப்பதே பாவம் என ஒதுங்கியவர்கள் மத்தியில், என் மன அழகை மகிழ்வுடன் ஏற்றுக்கொண்டு என்னுடைய சுகதுக்கங்களில் பங்கெடுத்தார். எங்களுக்குள்ளான புரிதல், காதலாக மலர்ந்தது. திருமண பந்தத்தில் எங்களுக்கு நம்பிக்கையில்லை. எந்த நிபந்தனையும் இல்லாத ‘லிவிங் டு கேதர் லைப்’ னூலம் மகிழ்ச்சியாக வாழ்கிறோம். எங்கள் அன்பின் சாட்சியாக மகள் ‘பிக்கு’ இருக்கிறாள்'' என்கிறவர் குரலில் மலர்ச்சி.

‘ஸ்டாப் ஆசிட் அட்டாக்’ இயக்கப் பணிகள் பற்றி எனக் கேட்டதும், '‘எங்கள் அமைப்பில் ஆசிட் வீச்சால் பாதிக்கப்பட்ட முப்பது பெண்கள் உள்ளனர். நாங்கள் ஒன்றிணைந்து பல்வேறு விழிப்புணர்வு நிகழ்ச்சிகளைச் செய்துவருகிறோம். பெண்கள் எந்தச் சூழலிலும் வன்முறைக்கு உள்ளாகக் கூடாது என்பதே எங்கள் நோக்கம். சமீபத்தில், எங்கள் அமைப்பைச் சேர்ந்த ஒருவருக்குத் திருமணம் செய்துவைத்தோம். ஆசிட் வீச்சுக்கு உள்ளான பெண்கள் தங்கள் அழகை இழப்பதோடு, வீச்சின் தன்மைக்கேற்ப கண், மூச்சுக்குழல் எனப் பல்வேறு உடல் உறுப்புகளும் பாதிக்கப்படுகிறது. அதனால், தற்கொலை எண்ணம் மேலோங்கி இருக்கும். அவர்களுக்கு ஆதரவுக் கரம் நீட்டி, தேவையான உதவிகள் செய்து, கவுன்சிலிங் அளிக்கிறோம். அமைப்பில் உள்ள ஒவ்வொருவருக்கும் நீதி கேட்டு சட்டப் போராட்டம் செய்துவருகிறோம். எங்களின் தொடர்ந்த முயற்சியின் விளைவாக சில விழிப்புணர்வு ஏற்பட்டுள்ளது. ஆனாலும், நாங்கள் அடைய வேண்டிய தூரம் வெகு தூரத்தில் உள்ளது.''



''உங்கள் குழந்தை ‘பிக்கு’ பற்றிச் சொல்லுங்களேன்'' என்றதும், '‘க்யூட் சுட்டி. அவள் அப்பாவின் பயங்கர செல்லம். எந்த நேரமும் அவளைக் கண்காணித்துக்கொண்டே இருக்க வேண்டும். துறுதுறுவென ஓடிக்கொண்டிருப்பாள். எங்கள் வாழ்வின் வசந்தம் அவள். அவள் விரும்பும் வாழ்க்கை அவள் வாழ வேண்டும். குழந்தையைக் கவனிப்பது என்பது, அவ்வளவு எளிதான காரியமல்ல. என் பெரும்பாலான நேரத்தை அவளிடம்தான் செலவழிக்கிறேன். குழந்தையைக் கவனிக்கவேண்டிய சூழல் இருப்பதால், ‘மாடல்’ வாய்ப்பைத் தேடவில்லை. அழகு என்பது முகத்தில் மட்டுமல்ல. வேறு வடிவங்களிலும் உணர்த்த முடியும்... உணர முடியும்’ - கம்பீரமாகவும் பளீர் எனவும் ஒலிக்கிறது லெட்சுயின் குரல்!

- ஆர். ஜெயலெட்சுமி

TAMIL NADU BUDGET

Tamil Nadu Temperature

யார் இந்த மருதுகணேஷ்? வேட்பாளராக தேர்வான ருசிகர தகவல் #VikatanExclusive
ஆர்.கே.நகர் தொகுதியில் தி.மு.க. வேட்பாளராக மருதுகணேஷ் அறிவிக்கப்பட்டதுக்குப் பின்னணியில் பல்வேறு ருசிகர தகவல்கள் உள்ளன. நேர்காணலின்போது ஸ்டாலின் மருதுகணேஷ் அளித்த பதில் அடிப்படையில் அவர் வேட்பாளராக அறிவிக்கப்பட்டுள்ளார்.

மருதுகணேஷின் மனம் திறந்த பதில்



ஆர்.கே.நகர் இடைத்தேர்தல் களம் களைகட்டத்தொடங்கி விட்டது. அ.தி.மு.க.வின் சசிகலா அணி சார்பில் டி.டி.வி.தினகரன் களமிறங்குகிறார். தி.மு.க. சார்பில் யாருமே எதிர்பார்க்காத வழக்கறிஞர் மருதுகணேஷ், வேட்பாளராக அறிவிக்கப்பட்டுள்ளார். இவர், தினகரன் நாளிதழின் பகுதி நேர நிருபர். இவரது பாரம்பர்யமிக்க குடும்பம் தி.மு.க.வை சேர்ந்தது. ஸ்டாலினின் தீவிர விசுவாசி என்ற அடிப்படையில் மருதுகணேஷ் வேட்பாளராக தேர்வு செய்யப்பட்டுள்ளதாகக் கட்சியினர் சொல்கின்றனர். இருப்பினும் நேர்காணலின் போது மருதுகணேஷ் அளித்த பதிலே அவர் வேட்பாளராக தேர்வு செய்யப்பட காரணம் என்கின்றனர் உள்விவரம் தெரிந்தவர்கள்.

ஆர்.கே.நகர் தொகுதி இடைத்தேர்தலில் போட்டியிட தி.மு.க. சார்பில் 17 பேர் விருப்ப மனுக்களைத் தாக்கல் செய்திருந்தனர். அவர்களிடம் நேர்காணல் நடத்தப்பட்டது. நேர்காணலில் மருதுகணேஷும் பங்கேற்றார். அப்போது, தொகுதி நிலவரங்களைப் புள்ளி விவரமாக மருதுகணேஷ் சொல்லியுள்ளார். மேலும், தி.மு.க.வுக்கு உள்ள வெற்றி வாய்ப்புகள் குறித்தும் விளக்கமளித்துள்ளார். இதெல்லாம் ஸ்டாலின் உள்பட வேட்பாளர் தேர்வுக் குழுவினருக்கும் ஆர்வத்தையும், ஆச்சர்யத்தையும் ஏற்படுத்தியுள்ளது.

நம்பிக்கை வைத்த ஸ்டாலின்

அடுத்து, ஸ்டாலின் கேட்ட கேள்விக்கு மருதுகணேஷ் அளித்த பதில் அனைவரையும் ஒரு நிமிடம் திக்குமுக்காட வைத்துள்ளது. தேர்தலில் நீங்கள் போட்டியிட்டால் உங்களால் எவ்வளவு செலவழிக்க முடியும் என்ற கேள்விக்கு மருதுகணேஷ், எனக்கு மக்கள் மத்தியில் நல்ல அறிமுகம் இருக்கிறது. இதனால் அதிகளவில் பணம் செலவழிக்க வேண்டிய அவசியமில்லை என்று பதில் அளித்துள்ளார்.
இதன்பிறகு ஸ்டாலின், கட்சியின் மூத்த நிர்வாகிகள், மாவட்டச் செயலாளர் ஆகியோருடன் ஆலோசனை நடத்தினார். அதில் யாரை வேட்பாளராக அறிவிக்கலாம் என்று கேட்டுள்ளார். அப்போது சிம்லா முத்துச்சோழனுக்கு வாய்ப்பு அளிக்கலாம் என்று சொல்லப்பட்டுள்ளது. அப்போது குறுக்கீட்ட ஸ்டாலின், மருதுகணேஷ் பெயரை முன்மொழிந்துள்ளார். அதற்கு ஒருசிலர் அவரால் எதிர்கட்சிகளின் போட்டிகளை சமாளிக்க முடியுமா, அதற்கான தகுதி இருக்கிறதா என்ற கேள்விகளைக் கேட்டுள்ளனர். அதையெல்லாம் பார்த்துக் கொள்ளலாம். தொகுதியில் அறிமுகம் உள்ள நபராக மருதுகணேஷ் இருக்கிறார் என்று ஸ்டாலின் சிபாரிசு செய்துள்ளார். இதன்பிறகே அன்பழகன், சம்மதம் தெரிவித்தாக சொல்கின்றனர் உள்விவரம் தெரிந்தவர்கள்.

தி.மு.க.வின் பலே திட்டம்

முன்னாள் அமைச்சர் சற்குணப்பாண்டியனின் மருமகள் சிம்லா முத்துச்சோழன் நேர்காணலில் பங்கேற்றபின்னர், தனக்கு வாய்ப்பு கிடைக்கும் என்ற நம்பிக்கையில் காத்திருந்தார். அதுபோல இன்னும் சிலரும் அதே நம்பிக்கையில் இருந்தனர். இந்நிலையில், தி.மு.க பொதுச் செயலாளர் அன்பழகன் வெளியிட்ட அறிவிப்பில், ஆர்.கே.நகர் வேட்பாளர் மருதுகணேஷ் என்ற பெயர் இடம் பெற்று இருந்தததைப்பார்த்த மருதுகணேஷ் மற்றும் அவரது குடும்பத்தினர் சந்தோஷத்தில் துள்ளிக் குதித்தனர். உடனடியாக அன்பழகனையும், ஸ்டாலினையும் மருதுகணேஷ் சந்தித்து ஆசி பெற்றார். அடுத்து கூட்டணிக் கட்சியான காங்கிரஸ் கட்சியின் மாநிலத் தலைவர் திருநாவுக்கரசரையும் சந்தித்தார். நிருபர், வழக்கறிஞர் என்று வலம் வந்த மருதுகணேஷ், முதல்முறையாக வேட்பாளராக ஆர்.கே.நகரில் சுற்றுப்பயணத்தை தொடங்க உள்ளார். இந்த தேர்தலில் அ.தி.மு.க.வின் உள்கட்சிப் பூசலை தங்களுக்குச் சாதகமாகப் பயன்படுத்தி வெற்றிக்கனியைப் பறிக்க தி.மு.க. தரப்பு திட்டமிட்டுள்ளது. இதற்காகத்தான் மருதுகணேஷ் வேட்பாளராக அறிவிக்கப்பட்டுள்ளதாகவும் கட்சியினர் தெரிவிக்கின்றனர். மாவட்டச் செயலாளர் சேகர்பாபுவின் ஆசியும் மருதுகணேஷுக்கு இருந்ததால் அவரை வேட்பாளராக அறிவிக்க எந்தவித தடையும் ஏற்படவில்லை.

ஏரியா ரிப்போர்ட்டர் டு எம்.எல்.ஏ?

கடந்த சட்டமன்ற தேர்தலில் அ.தி.மு.க. சார்பில் ஜெயலலிதா போட்டியிட்டார். இதனால் தி.மு.க. சார்பில் சிம்லா முத்துச்சோழன், விடுதலை சிறுத்தைகள் கட்சி சார்பில் முன்னாள் துணைவேந்தர் வசந்திதேவி, பா.ம.க. சார்பில் சமூக சேவகர் ஆக்னஸ், நாம் தமிழர் கட்சி சார்பில் திருநங்கை தேவி ஆகியோர் போட்டியிட்டனர். பெண்கள் ஓட்டுக்களைக் கவர அனைத்து கட்சிகளிலும் பெண் வேட்பாளர்கள் களமிறக்கப்பட்டனர். தி.மு.க. சார்பில் போட்டியிட்ட சிம்லாவுக்கு தொகுதி மக்களிடையே போதிய அறிமுகம் இல்லாதததால் கடந்த முறை தி.மு.க. வெற்றி வாய்ப்பை இழந்ததாக, கட்சியினர் தலைமைக் கழகத்தில் காரணம் கூறினர். இதனால்தான் இந்தமுறை தொகுதிக்கு நன்றாக அறிமுகமான மருதுகணேஷ் மீது நம்பிக்கை வைத்து ஸ்டாலின் அவரைக் களமிறக்கி உள்ளார்.

தினகரன் நாளிதழின் ஏரியா நிருபராக பணியாற்றிய மருதுகணேஷ், ஆர்.கே. நகர் தொகுதியில் வெற்றிப் பெற்றால் எம்.எல்.ஏ.வாகிவிடுவார். அ.தி.மு.க. கட்சியினரே சசிகலா குடும்பத்தினர் மீது அதிருப்தியில் உள்ள சூழ்நிலையில் அந்த குடும்பத்தைச் சேர்ந்த டி.டி.வி.தினகரன் வேட்பாளராக அறிவிக்கப்பட்டுள்ளது, தங்களுக்கு சாதகமாக அமையும் என தி.மு.க.வினர் கருதுகின்றனர். அதே நேரத்தில் டி.டி.வி.தினகரனும், ஓ.பன்னீர்செல்வம் அணியும் இரட்டை இலை சின்னத்துக்கு உரிமை கோரி உள்ளனர். இதில் ஏற்படும் சிக்கலும் தி.மு.க.வுக்கு பலமாக அமையும். ஓ.பன்னீர்செல்வம் அணி, ஜெயலலிதாவின் அண்ணன் மகள் தீபா ஆகியோரால் ஓட்டுக்கள் சிதறவும் வாய்ப்புக்கள் உள்ளன. இதுவும் தங்களுக்கே சாதகமாக அமையும் என்று கணக்குப் போட்டுள்ளது தி.மு.க.

- எஸ்.மகேஷ்

வெளியானது Moto G5 Plus... வர்லாம் வர்லாம் வா...





மோட்டோரோலா நிறுவனத்தின் G5 Plus போன் இந்தியாவில் வெளியானது. இந்த போன் 14,999 ரூபாயில் இருந்து கிடைக்கும். ஃப்ளிப்கார்ட் இணையத்தில் மட்டுமே இப்போதைக்கு G5 Plus விற்பனைக்கு வந்துள்ளது. இந்த ஸ்மார்ட் போன், க்ரே மற்றும் கோல்டு கலர் வேரியன்ட்களில் தயாரிக்கப்பட்டுள்ளது.

5.2 இன்ச் ஸ்க்ரீன், IPS LCD டிஸ்ப்ளே, 2GHz Snapdragon 625 octa-core ப்ராசஸர், 4 GB ரேம் என்ற அட்டகாசமான வசதிகளுடன் இந்த போன் வெளியிடப்பட்டுள்ளது. Xiaomi ரெட்மி நோட் 4 ஸ்மார்ட் போன்களுக்கு Moto G5 Plus போட்டியாக இருக்கும் என்று கூறப்படுகிறது.

 

உ.பி முதல்வர் ஆகிறார் ராஜ்நாத் சிங்?

உத்தரப்பிரதேச மாநிலம் லக்னோவில் இன்று நடக்கும் எம்எல்ஏ-க்கள் கூட்டத்தில், புதிய முதலமைச்சர் தேர்ந்தெடுக்கப்பட இருக்கிறார். அதில், உள்துறை அமைச்சர் ராஜ்நாத் சிங், மனோஜ் சின்ஹா, கே.பி.மவுரியா, யோகி ஆதித்யநாத், சித்தார்த் நாத் சிங் ஆகியோரில் ஒருவர் தேர்ந்தெடுக்கப்படலாம். இவர்களில், ராஜ்நாத் சிங் தேர்ந்தெடுக்கப்பட வாய்ப்பு அதிகம்.

மகிழ்ச்சியை எங்கே தேடுவது? #MorningMotivation


கூகுளில் நாம் எதையாவது தேட ஒரு வார்த்தை தட்டினால் கீழே ஒரு சஜஷன் லிஸ்ட் நீளும். அதன்படி 'மகிழ்ச்சியாக இருப்பது எப்படி?' (How to be happy) என்று நாம் கேள்வியை முடிக்கும் முன்பாகவே, மகிழ்ச்சி தொடர்பான பல தேடல்களைக் காணலாம். எப்படியெல்லாம் மகிழ்ச்சியாக இருக்கத் தேடுகின்றனர் இவர்கள்?

எப்போதுமே..

எப்போதுமே! உறியடி படத்தில் வரும் மாணவர்கள் போல, எப்பவும் ஜாலியா இருக்கணும் சார். என்ற உயர்ந்த கொள்கை கொண்டவர்கள் இவர்கள். யு கய்ஸ் டோண்ட் ஒரி... நாங்க எல்லாருமே உங்க கட்சிதான்!

தனியா..

தனியா.., சமையலுக்கு பயன்படுத்தும் தனியா இல்லங்க ஜி. ‘தனிமையிலே இனிமை காண முடியுமா?’ என்ற பாடலின் டெக்ஸ்ட் வெர்ஷன்தான் இந்த கேள்வி. பெரும்பாலும் பிரேக்கப் ஆன காதலர்கள்தான் இத்தகைய கேள்வியைக் கேட்பார்கள் என்பதால், அவர்கள் மனநிலையை நம்மால் எளிதாகப் புரிந்து கொள்ள முடியும். என்னதான் இப்படியெல்லாம் அறிவாளித்தனமாக கேள்வியெல்லாம் கேட்டாலும், கடைசியில் இன்னொரு காதலன்-காதலி பின்னால் மறுபடியும் போய், மறுபடியும் வந்து இதே கேள்வியையே கூகுளைக் கேட்டு டார்ச்சர் பண்ணும் ஆபத்தான ஆட்கள் இவர்கள். இவர்களிடம் எப்போதுமே ஜாக்கிரதையாக இருப்பது நல்லது ஜி!

வாழ்க்கையில்..

வாழ்க்கையில்.., என்னமோ இவர்களுக்கு மட்டும்தான் கஷ்டம் இருப்பது போலவும், மற்றவர்கள் எல்லாம் மெகா சைஸ் சந்தோசத்தை அனுபவிப்பது போலவும் எண்ணிக் கொண்டு சோகத்தோடு கூகுளிடம் கேள்வி கேட்கும் கூட்டம் இது. இவர்கள் தான், தட் வாழ்வே மாயம் கேங். எப்போ பார்த்தாலும் தலையை தொங்கப் போட்டுக்கொண்டு சோகமே உருவாக அலைவார்கள். ஒரே செமஸ்டர்ல அஞ்சு அரியர் வச்சவங்கள கூட தேத்திடலாம். ஆனால், இவங்கள தேத்தறது, இம்பாஸிபில் ஜி!

கணவருடன்..

கேள்வியைப் பார்த்த உடனே உங்களுக்கே தெரிஞ்சிருக்கும். இந்த காலத்து மாடர்ன் கேர்ள்ஸ் மற்றும் வெளிநாட்டு பெண்களின் மனம் தான், இந்த கேள்வி தோன்றிய இடம். கல்யாணத்துக்கு முன்பு வரைக்கும் மட்டுமே, இந்த கேள்வி அவர்களுக்கு வரும் என்று சொல்லப்படுவதால், இந்த கேள்வி நான்காவது இடத்துக்கு தள்ளப்பட்டிருப்பது ஒன்றும் ஆச்சர்யமில்லை. ஆனாலும், இந்த இடத்தில் 'மனைவியுடன் சந்தோசமாக இருப்பது எப்படி?' என்ற கேள்வி வராததை வைத்தே, ஆண்களின் மூத்தோர் சொல் மதிக்கும் குணத்தை அறிந்துகொள்ளலாம் மக்களே!

தினந்தோறும்..

இந்தக் கேள்வியைக் கூகுளிடம் கேட்பவர்கள், வாழ்க்கையில் தினம் தினம் தீபாவளி கொண்டாட விரும்புகிறார்கள் என்றதொரு அர்த்தம் பொருந்தும். இந்த கேள்விக்கு கிடைக்கும் பதிலைக் கொண்டு சந்தோசமாக இருப்பதைக் காட்டிலும், அந்த அட்வைஸ்களை அடுத்தவர்களுக்கு அள்ளி இறைப்பதிலேயே கண்ணாக இருப்பார்கள். அதன் மூலம், இவர்கள் தினந்தோறும் சந்தோசமாக இருப்பார்கள் மக்களே!



இருப்பதைக் கொண்டு..

'இருக்கறத வச்சி சிறப்பா வாழணும்' என்ற மொழியை உலகுக்கு சொன்ன முன்னோர்களின் பின்னோர்கள் தான், இந்த கேள்விக்குச் சொந்தக்காரர்கள். 'இல்லாத பலாக்காய்க்கு இருக்குற கலாக்காய் மேல்' என்று இவங்க மூளை சுவத்துல முட்டிக்காத குறையா சொல்லும். ஆனால், இவர்கள் மனசு பக்கத்து வீட்டுக்காரன் பைக் வாங்கினாலே, பல்ஸ் ஏத்தி விட்டுடும். ஏறுன பல்ஸ், இந்தக் கேள்விக்கு கிடைக்கும் பதில்கள் மூலம் இறங்குமான்றது உங்களுக்கே தெரியும் மக்களே!

கேள்விகளின் மறுபக்கம்..

என்னதான் இந்தக் கேள்விகள் ஒரு பக்கம் நமக்கு வேடிக்கையாக தெரிந்தாலும், மறுபுறம் இந்தக் கேள்விகளை இயந்திரத்திடம் கேட்கும் மனிதமனங்கள் அதிகரித்து வரும் ஆபத்தையும் நாம் உணர வேண்டும். இந்த கேள்விகளை கூகுளிடம் கேட்பவர்கள் யாரோ அல்ல நம் நட்பு வட்டத்தில் இருப்பவர்களும் தான். அவ்வளவு ஏன்.., அது நானாகக்கூட இருக்கலாம். தன் மன எண்ணங்களைப் பகிர்ந்து கொள்ள தோழமை இல்லாததும், மனநல மருத்துவர்களை நாட நம்மை தடுக்கும் தயக்கமுமே இந்தக் கேள்வி எழக் காரணங்களாக பார்க்கப்படுகிறது.

இந்தத் தயக்கத்தை உடைத்து கூகுளிடம் தகவல்கள் தான் தேட முடியும், மகிழ்ச்சி அல்ல என்பதை நாம் உணர வேண்டும். நிறைய நண்பர்களுடன் சேர்ந்து பழக வேண்டும். அந்த இயல்புதான், மனநலம் சார்ந்த எந்தக் கேள்விகளையும் தகர்த்தெரிந்துவிடும். அதனால், மகிழ்ச்சியையும், துக்கத்தையும் கூகுளிடம் தேட வேண்டாம். நம்மைச் சுற்றியிலும், நமக்குள்ளும் தேடுங்கள். அதுதான் நிஜம். அன்றாடம் நிஜமுடன் வாழ்வோம்!

கேரட், பாதாம், கோதுமை, இருட்டுக்கடை அல்வா... ஆசையை அடக்கலாமா, கூடாதா?


எந்த உணவின் பெயரைச் சொன்னாலும் ஏற்படாத ஒரு கிளுகிளுப்பு உணர்ச்சி அல்வாவுக்கு உண்டு. திரைப்படத் துறையினரும், ஊடகங்களும் மல்லிகைப்பூவையும் சேர்த்து பல வருடங்களாக ரொமான்ஸ் மூடை ஏற்படுத்தும் ஒன்றாக அல்வாவை மாற்றிவிட்டார்கள். ஆனாலும், கேரட், கோதுமை, பாதாம், ஃப்ரூட், பூசணி, பேரீச்சம்பழம், பப்பாளி, ராகி, மாம்பழம்... என விரிந்துகொண்டே போகிற அல்வா வகைகள் மனிதர்களுக்கு இதன் சுவை மேல் உள்ள ரசனையின் அடையாளங்கள். திருநெல்வேலி இருட்டுக்கடை தொடங்கி, மதுரைப் பக்கம் திருவிழாக்களில் கிடைக்கும் `தாதுபுஷ்டி அல்வா’ வரை இதை ஆத்மார்த்தமாக நேசிக்கும் ரசிகர்களே அதிகம். எந்த ஸ்வீட் கடைக்குப் போனாலும் நிச்சயம் இது இல்லாமல் இருக்காது என்பதே அல்வாவின் பெருமைக்குச் சான்று. இதன் வரலாறு, ஆரோக்கியப் பக்கம்... அத்தனையையும் கொஞ்சம் தித்திப்புச் சுவையோடு ருசிக்கலாமா?



அல்பேனியாவில் தொடங்கி அமெரிக்கா வரை புகழ்பெற்ற இனிப்பு வகை இது. `அரேபியர்கள்தான் கண்டுபிடித்தார்கள்’, `துருக்கியர்களை விட்டுவிட முடியுமா... அவர்களே இதன் சொந்தக்காரர்கள்’ என்று பல்வேறு கருத்துகள் வரலாற்றுப் ப்க்கங்களில் நிலவுகின்றன. ஆனாலும், அல்வா நம் நாட்டுக்குள் வந்ததென்னவோ பல அரிய உணவுகளை இந்தியாவுக்கு அறிமுகப்படுத்திய முகலாயர்கள் மூலமாகத்தான். வெவ்வேறு வடிவங்கள், பொருட்கள், முறைகளால் செய்யப்பட்டாலும் அல்வா அல்வாதான். ஒவ்வொரு நாட்டுக்கும் ஒவ்வொரு பெயர்... `ஹல்வா’, `அல்வா’, `ஹலேவே’, `ஹலவா’, `ஹெல்வா’, `ஹலுவா’, `அலுவா’, `சால்வா’... என நீள்கிற பெயர்ப் பட்டியலே மலைப்பைத் தருகிறது. சமஸ்கிருதத்தில் `ஹலாவா’ (Halava) எனக் குறிப்பிடப்படுகிறது.

உணவு வரலாற்று ஆசிரியர்கள் சொல்லும் தகவல் ஆச்சர்யமானது. இது, கி.மு. 3000-க்கும் முற்பட்டதாக இருக்கலாம் என்று ஒரு போடு போடுகிறார்கள். இந்த அற்புத உணவு குறித்து சொல்லப்படும் பல கதைகள் ஆச்சர்மயானவை. `லோகம்’ (Lokum) என ஒரு அல்வா வகை உண்டு. 250 ஆண்டுகள் பழைமை வாய்ந்தது. அது உருவானதற்கு ஒரு காரணக் கதை சொல்கிறார்கள். துருக்கியில் இருந்த சுல்தான் ஒருவர், தன் மனைவியைக் கவர நினைத்திருக்கிறார். அவளோ உணவுப் பிரியை. அதிலும் இனிப்பு என்றால் அவளுக்கு உயிர். சுல்தான் யோசித்தார். தன் சமையல்காரரை அழைத்தார். `என்ன செய்வியோ எனக்குத் தெரியாது. சாப்பிட்டவுடனே கிறங்கிப் போற மாதிரி ஒரு ஸ்வீட் செஞ்சு கொண்டு வா...’ என ஆர்டர் போட்டுவிட்டார்.



கேட்டது எஜமானராயிற்றே... கலங்கிப்போனார் சமையல்காரர். அந்தக் காலத்தில் எல்லாம் எஜமானர்கள் எதற்கு என்ன தண்டனை தருவார்கள் என்பதை உறுதியாகச் சொல்ல முடியாது. சவுக்கடியா, சிறைத்தண்டனையா எனக் குழம்பியவர் எப்படியோ யோசித்து, பல பொருட்களைச் சேர்த்து `லோகம்’ என்ற அந்த அபூர்வப் பண்டத்தை உருவாக்கினார். அதன் சுவையில் சுல்தானின் மனைவி மட்டுமல்ல... சுல்தானே மயங்கிப்போனார். பிறகென்ன... சமையல்காரரின் மேல் விழுந்தது பரிசு மழை.



`அல்வாவில் என்னென்ன சேர்த்தால் ருசி கூடும்?’ என யோசிக்க ஆரம்பித்தார்கள் சமையல் மேதைகள். அவர்களுக்கு உதவுவதற்காகவே படையெடுத்தன உலர் திராட்சை, பாதாம், முந்திரி, பிஸ்தா, பேரீச்சை, ஏலக்காய், குங்குமப்பூ... மற்றும் பிற. இவ்வளவு வகைகள், உலகம் முழுக்க அல்வா பிரியர்கள் (வெறியர்கள்) இது இனிப்புப் பண்டம்தானே! அதற்காக அல்வா ஆசையை அடக்க முடியுமா? இது குறித்து விளக்குகிறார் டயட்டீஷியன் சௌமியா...

``நாக்கில் வழுக்கிக்கொண்டு போகும் இதன் இனிப்புச் சுவைக்கு மயங்காதவர்களே இல்லை. அதே நேரத்தில் இதில் கலந்திருக்கும் மூலப் பொருட்கள் என்னென்ன என்று தெரிந்துகொள்ள வேண்டியது அவசியம்.





சாதாரணமாகத் தயாரிக்கப்படும் ஒரு சிறிய துண்டு (ஒரு அவுன்ஸ்) அல்வாவில் 131 கலோரிகள், 3.5 கிராம் புரோட்டீன், 16.9 கிராம் கார்போஹைட்ரேட், 6 கிராம் கொழுப்பு (ஒரு நாளுக்குத் தேவையான கொழுப்பில் 9 சதவிகிதம்) நிறைந்துள்ளது. இதில் 1.2 சதவிகிதம் நல்ல கொழுப்பு. அதோடு மிகக் குறைந்த அளவில், 1.3 கிராம் என்ற கணக்கில் நார்ச்சத்தும் உள்ளது. இதில் மிகச் சிறந்த எண்ணிக்கையில் வைட்டமின்கள் இல்லை என்றாலும், கணிசமான அளவில் கனிமச்சத்துக்கள் நிறைந்துள்ளன. பாஸ்பரஸும் காப்பரும் 17 சதவிகிதம், மக்னீசியம் 15 சதவிகிதம், மாங்கனீஸ் 15 சதவிகிதம் உள்ளன. உடலில் சிவப்பு ரத்த அணுக்களை உருவாக்க காப்பர் தேவை. நம் டி.என்.ஏ-வுக்கு பாஸ்பரஸும் மக்னீசியமும் அவசியம். காயங்களை குணமாக்க மாங்கனீஸ் முக்கியம்.

அல்வாவில் சேர்க்கப்படும் மிக முக்கியமான உணவுப் பொருள் சர்க்கரை. இதைச் சேர்ப்பது என்பது, நம் உடலுக்கு எந்த ஊட்டச்சத்தையும் தராமல், கலோரிகளை மட்டுமே சேர்க்கும். அதனால்தான் இவற்றை `வெற்று’ (Empty) கலோரிகள்’ என்று குறிப்பிடுவார்கள். சர்க்கரை அதிகம் நிறைந்த அல்வா நமக்கு உடல்பருமனுக்கான அபாயத்தை ஏற்படுத்தும். அதனால் உடல்பருமன் தொடர்பான உடல் கோளாறுகளும் நமக்கு ஏற்படும். அதற்காக அல்வாவையே சாப்பிடக் கூடாது என்று அர்த்தமல்ல. எப்போதாவது சாப்பிடலாம்; அதையும் மட்டான அளவில் சாப்பிடலாம்.



சால்மோனெல்லா (Salmonella) உணவில் உருவாகும் ஒரு வகை பாக்டீரியா. ஜூரம், வயிற்றுவலி, வயிற்றுப்போக்கு ஆகியவற்றை உருவாக்கும் தன்மைகொண்டது. அமெரிக்காவில் ஆண்டுக்கு 12 லட்சம் பேர் இந்த வகை பாக்டீரியாவால் பாதிக்கப்படுகிறார்கள் என்கிறது நோய்க் கட்டுப்பாடு மற்றும் பாதுகாப்பு மையத்தின் (Centers for Disease Control and Prevention) ஒரு புள்ளிவிவரம். சால்மோனெல்லா உருவாகும் முக்கியமான இடங்கள் எவை தெரியுமா? பால் பொருட்கள், முட்டை... இதோடு அல்வாவும் அடங்கும். அல்வாவில் ஈரப்பதம் அதிகம் இருக்காது; லேசான பிசுபிசுப்புதான் இருக்கும். அதனால், சால்மோனெல்லா உருவாகும் வாய்ப்புக் குறைவே. ஆனால், அல்வாவை ஃப்ரிட்ஜில் வைக்காமல், சாதாரண ரூம் தட்பவெப்பநிலையில் வைத்திருந்தாலோ, காற்றுப்புகாத வகையில் பேக் பண்ணாமல், லூஸாக வைத்துப் பாதுகாத்தாலோ இதில் சால்மோனெல்லா ஊடுருவும் வாய்ப்பு உண்டு. எனவே முறையாக, பாதுகாப்பாக அல்வாவை வைத்திருக்க வேண்டியது மிக மிக அவசியம்.

எடை குறைக்க நினைப்பவர்களுக்கு, சர்க்கரைநோயாளிகளுக்கு அல்வா ஏற்றதல்ல...’’

ஆக, நடுத்தர வயதைத் தாண்டியவர்கள், சர்க்கரை நோயாளிகள், உடல்பருமன் உள்ளவர்கள் கண்டிப்பாக தவிர்க்க வேண்டும். ஆரோக்கியமான முறையில் தயாரிக்கப்பட்டதை மற்றவர்கள் அளவாகச் சாப்பிடலாம்.


- பாலு சத்யா

உறுமீன் வரும்வரை...

By ஆசிரியர்  |   Published on : 16th March 2017 01:06 AM 

நடந்து முடிந்த ஐந்து மாநில சட்டப்பேரவைத் தேர்தல்களில், அதிகம் கவனத்தை ஈர்க்காத மாநிலம் மணிப்பூர். இந்தியாவின் வடகிழக்கு மூலையில் அமைந்திருக்கும் மாநிலம் என்பதால் அது குறித்து யாரும் கவலைப்படுவதில்லை. 40 இடங்களைக் கொண்ட கோவாவுக்கு நாம் தரும் முக்கியத்துவத்தை 60 இடங்களைக் கொண்ட மணிப்பூருக்குத் தருவதில்லை என்பதிலிருந்தே நாம் எந்த அளவுக்கு அந்தப் பகுதி மக்களைப் பற்றிக் கவலைப்படுகிறோம் என்பது வெளிப்படுகிறது. இந்தியாவின் ஏனைய பகுதிகளில் தங்களைக் குறித்து யாரும் கவலைப்படுவதில்லை என்பதால்தான் வடகிழக்கு மாநிலங்களில் வாழும் மக்கள் தங்களை இந்தியர்களாகக் கருதுவதில்லை.
கோவாவில் நடந்ததைவிடப் பெரிய அரசியல் சடுகுடு ஆட்டம் மணிப்பூரில்தான் அரங்கேறி இருக்கிறது. 60 உறுப்பினர்களைக் கொண்ட மணிப்பூர் சட்டப்பேரவைக்கான தேர்தலில் ஆட்சியில் இருந்த காங்கிரஸ் கட்சியால் 28 இடங்களை மட்டுமே வெல்ல முடிந்தது. ஆட்சியமைப்பதற்கு இன்னும் மூன்று உறுப்பினர்களின் ஆதரவு மட்டுமே தேவை என்கிற நிலையில் காங்கிரஸ் இருந்தும்கூட, காங்கிரஸால் ஆட்சி அமைக்க முடியாமல் போனதற்கு பா.ஜ.க.வின் அரசியல் ராஜதந்திரம் மட்டுமே காரணம் என்று கூறிவிட முடியாது.
2002 முதல் தொடர்ந்து 15 ஆண்டுகளாக முதல்வராக இருந்த ஒக்ராம் இபோபி சிங், இந்த முறை தனது செல்வாக்கைத் தக்கவைத்துக் கொள்ள முடியவில்லை. கடந்த 2012 தேர்தலில் 60 இடங்களில் 42 இடங்களை வென்று மூன்றில் இரண்டு பங்கு பலத்துடன் மூன்றாவது முறையாக முதல்வரான இபோபி சிங்கின் செல்வாக்குச் சரிவுக்கு முக்கியமான காரணம், கடந்த நவம்பர் மாதம் முதல் தொடர்ந்து நடைபெறும் நாகர்களின் போராட்டமும், பொருளாதாரத் தடையும்தான். மணிப்பூரின் பள்ளத்தாக்குப் பகுதிகளுக்கு எந்தப் பொருளையும் எடுத்துச் செல்லவிடாமல் மலைப்பகுதியில் வாழும் நாகா தீவிரவாதிகள் சாலைகளை எல்லாம் முடக்கிவிட்டிருக்கிறார்கள்.
தேர்தலுக்கு முன்னால் இபோபி சிங் அரசு ஆறு புதிய மாவட்டங்களை அறிவித்தது. இதன்படி, நாகர்கள் அதிகமாக உள்ள பல மாவட்டங்கள் பிரிக்கப்பட்டு எந்தவொரு மாவட்டத்திலும் நாகர்கள் தனிப்பெரும்பான்மை பெற முடியாத சூழலை உருவாக்க முற்பட்டார் அன்றைய முதல்வர் இபோபி சிங். இதை எதிர்த்துத்தான் ஐக்கிய நாகர்கள் குழு போராட்டம் நடத்துகிறது. நாகர்கள் வசிக்கும் பகுதிகளை எல்லாம் இணைத்து ’நாகாலிம்' என்கிற பெரிய மாநிலத்தை அமைக்க வேண்டும் என்கிற கோரிக்கை வலுத்துவரும் நிலையில், அதனால் மணிப்பூரின் பகுதிகள் பிரிக்கப்படக் கூடாது என்பதற்காக எடுக்கப்பட்ட முடிவுதான் மாவட்டங்களைப் பிரிப்பது.
இந்தப் பின்னணியில்தான் மணிப்பூர் சட்டப்பேரவைக்குத் தேர்தல் நடந்தது. தேர்தல் பிரசாரத்தின்போது, நாகா பிரிவினைவாதிகளுடன் மத்திய அரசு செய்து கொண்ட ஒப்பந்தத்தை வெளிப்படையாக அறிவிக்க வேண்டும் என்று பிரதமர் நரேந்திர மோடிக்கு இபோபி சிங் சவால் விட்டார். எந்தக் காரணத்துக்காகவும் மணிப்பூர் பிரிக்கப்படாது என்று பிரதமர் வாக்குறுதி அளித்தாரே தவிர, நாகர்களுடனான ஒப்பந்தத்தை வெளிப்படுத்தவில்லை. இதைத் தனக்கு சாதகமாக மாற்ற முயன்றார் இபோபி சிங். ஆனால் முடியவில்லை.
இதுவரையில் பாரதிய ஜனதா கட்சிக்கு எந்தவித அடித்தளமும் இல்லாத மணிப்பூரில், அக்கட்சி 21 இடங்களை வென்றிருப்பது என்பது நினைத்துப் பார்க்க முடியாத வெற்றி. இதன் பின்னணியில், அஸ்ஸாம் மாநிலத்தில் பா.ஜ.க.வின் வெற்றிக்கு அடித்தளமிட்ட ஹேமந்த விஸ்வ சர்மாவின் கடுமையான உழைப்பு இருக்கிறது என்பதை மறுப்பதற்கில்லை.
60 உறுப்பினர்களைக் கொண்ட அவையில் 21 இடங்களை மட்டுமே பெற்றிருக்கும் பா.ஜ.க. ஆட்சி அமைத்திருக்கிறது. அதிக எண்ணிக்கையுள்ள கட்சியாக இருந்தும் காங்கிரஸ் ஆட்சி அமைக்க அழைக்கப்படவில்லை என்கிற குற்றச்சாட்டு எழுப்பப்பட்டிருக்கிறது. இப்போதைக்கு முதல்வராகப் பதவி ஏற்றிருக்கும் பா.ஜ.க.வின் பீரேன் சிங்கிற்கு 32 உறுப்பினர்களின் ஆதரவு இருக்கிறது. நம்பிக்கை வாக்கெடுப்பில் அது உறுதி செய்யப்பட வேண்டும்.
பா.ஜ.க. தலைமையிலான தேசிய ஜனநாயகக் கூட்டணியில் உறுப்பினராக இருக்கும் நான்கு இடங்களைக் கொண்ட தேசிய மக்கள் கட்சியும், நாகா மக்கள் முன்னணியும், தலா ஓர் இடத்தில் வெற்றி பெற்றிருக்கும் ராம்விலாஸ் பாஸ்வானின் லோக் ஜனசக்தி, மம்தா பானர்ஜியின் திரிணமூல் காங்கிரஸ், ஒரு சுயேச்சை ஆகியோரின் ஆதரவுடன் பீரேன் சிங் ஆட்சி அமைத்திருக்கிறார்.
எண்ணிக்கை பலத்தை ஏற்படுத்திக்கொண்டு பா.ஜ.க. மணிப்பூரில் ஆட்சி அமைத்திருக்கிறது என்றாலும், ஆட்சியில் தொடர்வது என்பது அவ்வளவு எளிதானதாக இருக்கப் போவதில்லை. பா.ஜ.க. அரசுக்கு நாகா மக்கள் முன்னணி ஆதரவு அளித்திருக்கிறது என்றாலும் நாகாலிம் பிரச்னை எழுமேயானால், பீரேன் சிங் அரசால் அதை ஏற்றுக்கொள்ள முடியாது. மத்திய அரசுக்கும் நாகா தீவிரவாத அமைப்புக்கும் இடையே ஏற்பட்டிருக்கும் ஒப்பந்தத்தை நிறைவேற்ற முயன்றால், அது நிச்சயமாக மணிப்பூர் ஆட்சியை ஆட்டம் காண வைக்கக்கூடும்.
60 பேர் கொண்ட மணிப்பூர் சட்டப்பேரவையில் அமைச்சரவையின் எண்ணிக்கை முதல்வரையும் சேர்த்து 12 பேர் மட்டுமே என்கிற வரம்பு இருக்கிறது. 11 உறுப்பினர்களின் ஆதரவுடன் ஆட்சி அமைத்திருக்கும் பா.ஜ.க.வால் அத்தனை பேரையும் திருப்திப்படுத்தி எத்தனை காலம் ஆட்சியில் தொடர முடியும் என்பது கேள்விக்குறி. ஆட்சி அமைக்க நான்கு உறுப்பினர்களின் ஆதரவு மட்டுமே தேவைப்படும் முன்னாள் முதல்வர் இபோபி சிங், அதை எதிர்பார்த்துத்தான் எதிர்க்கட்சித் தலைவராக அமர்ந்திருக்கிறார்!

தேவை வாகனக் கட்டுப்பாடு

By எஸ். ஸ்ரீதுரை  |   Published on : 16th March 2017 01:04 AM   

காலை பத்து மணி. பரபரப்பாக இயங்கும் பிரதான சாலையின் ஓரம் திடீரென முளைத்திருந்தது ஒரு பந்தல்.
இருசக்கர வாகனம் தயாரிக்கும் பிரபல நிறுவனத்தின் கண்கவரும் புதிய வண்டிகள் அங்கே அணிவகுத்திருந்தன. ஒலி பெருக்கியில் சிற்சில சினிமாப் பாடல்கள். இடையிடையே அவ்வண்டிகளின் பெருமைகளைப் பறைசாற்றி, வாங்க வாங்க என்று வரவேற்கும் அழைப்புகள்.
வண்டி வாங்குவதற்குக் கடன் வசதி செய்து தருவதற்காக ஒரு மேசையையும் அதில் ஏகப்பட்ட விண்ணப்பப் படிவங்களுடன் ஓர் ஊழியரையும் அங்கே பார்க்க முடிந்தது. சினிமாக் கதாநாயகர் ஒருவர் அவ்வண்டிகளுடன் காட்சி தரும் விளம்பரப் பதாகைகளும் பளிச்சிட்டுக் கொண்டிருந்தன.
வண்டிகளை ஆர்வத்துடன் பார்வையிட்டவர்களில் இளைஞர்களே அதிகம்.
மாலையில் வீடு திரும்பிய எனது கவனத்தை, எனது பக்கத்து வீட்டு வாசலில் நின்றிருந்த புதிய இருசக்கர வண்டி ஈர்த்தது.
’சின்னப் பையன் ஆசைப்பட்டான் ஸார், சரின்னு வாங்கிக்குடுத்துட்டேன்....' என்று கூறிச் சிரித்தார் எனது பக்கத்து வீட்டுக்காரர். மாடுகள் வைத்துப் பால் கறந்து வியாபாரம் செய்பவர் அவர். இரண்டு மகன்களில் பெரியவனுக்கு சுமாரான சம்பாத்தியத்தில் ஒரு வேலை. இளைய மகன் படிப்பிலும் சுமார். வேலையிலும் இல்லை.
இந்த நிலையில், ஏற்கெனவே ஒரு மொப்பெட்டும், ஒரு ஹீரோ ஹோண்டாவும் வைத்திருக்கும் அந்த எளிய குடும்பத்திற்கு இளைய மகன் ஆசைப்பட்டதால் இன்னொரு பெரும் செலவு, இந்தப் புதிய வண்டி.
அவர்கள் சம்பாத்தியம், அவர்களது செலவு - இருந்தாலும் இது அத்தியாவசியமான செலவுதானா என்பதை வண்டி வாங்கித்தரச் சொன்ன பிள்ளையும் யோசிக்கவில்லை வாங்கிக் கொடுத்த தகப்பனாரும் சிந்திக்கவில்லை.
வண்டி வாங்கிவிட்டால் ஆயிற்றா? பெட்ரோல், (முதல் வருடம் இலவச பராமரிப்பு வாக்குறுதியையும் தாண்டி) ரிப்பேர்-உதிரி பாகங்களுக்கு ஆகும் செலவும் வேறு குடும்பமா செய்யப் போகிறது....
மத்திய தரக் குடும்பத்தில் இப்படி என்றால் - கோடீஸ்வரக் குடும்பத்துப் பிள்ளைகள் இரு சக்கர ரேஸ் வண்டிகளுக்கும், இறக்குமதிக் கார்களுக்கும் ஆசைப்பட்டு விடுகிறார்களும். அந்தஸ்து மிதப்பில் இருக்கும் பெற்றோர்களும் வாங்கிக் கொடுத்து விடுகிறார்கள்.
சென்னை ஓ.எம்.ஆர். சாலையில் நூறு கிலோமீட்டர் வேகத்துக்கு மேல் பறப்பது, மது போதையில் பிளாட்பார வாசிகளின் மேல் ஏற்றுவது என்று பணக்காரப் பிள்ளைகளின் திருவிளையாடல்கள் அவ்வப்போது அரங்கேறுகின்றன. ஊடகங்களில் சிலநாட்கள் பேசப்பட்டு மறக்கவும் படுகின்றன.
முன்பெல்லாம், வீட்டுக்கு ஒரு சைக்கிள் இருந்தாலே பெரிது. பள்ளி - கல்லூரி வயதுப் பிள்ளைகளுக்கென தனியாக ஒரு சைக்கிளை கேட்டால், தேவையும், வசதியுமிருந்தாலும் கூட, உடனடியாக வாங்கிக் கொடுத்துவிட மாட்டார்கள். அப்படியே வாங்கிக் கொடுத்துவிட்டாலும், சைக்கிளைக் கேட்ட தங்கள் மகன்களுக்கு அந்தக் காலப் பெற்றோர்கள் ஒரு நீண்ட உபதேசமே செய்வார்கள்.
இப்போதோ, குடும்பத்தில் உள்ள ஒவ்வொருவருக்கும் தனித்தனியே பெட்ரோல்-டீசல் குடிக்கும் இரு சக்கர வாகனங்கள். நிறுத்த இடமில்லாவிட்டாலும் வாடகைக் கொட்டகைகளில் தவமிருக்கும் கார்கள்.
நடுத்தர வர்க்கத்தினரிடம் வண்டி வாங்கப் பணம் இல்லாவிட்டாலும் மாதத்தவணையில் வாங்கக் கடன் வசதி இருக்கிறது. மேல்தட்டு வர்க்கத்திற்கு அந்தக் கவலையும் இல்லை. பிறகென்ன? சாலையில் இடம் கொள்ளாத அளவிற்கு வண்டிகள் பறக்கின்றன.
ஆரவாரம் அற்ற கிராமத்துச் சாலைகளைக்கூட கடப்பதற்கு பயமாக இருக்கிறது. விர்ரென்று விரையும் வண்டிகளில் இடி படாமல் நாம் வீடு வந்து சேர்ந்தாலே போதும் என்றாகி விட்டது. போக்குவரத்து நெரிசல் மிகுந்த இடங்களில் கிளம்பும் புகையிலோ மூச்சு முட்டுகின்றது.
புவி வெப்பமயமாவதைப் பற்றிப் பேசிக்கொண்டே அந்த வெப்பத்தைக் கொஞ்சம் கொஞ்சமாகக் கூட்டுவதில் ஆளுக்கு ஒரு வண்டி வாங்கும் எல்லோரும் பங்களிக்கின்றோம்.
வசதியும் வாய்ப்பும் உள்ளவர்கள் ஆளுக்கொரு இருசக்கர அல்லது நான்கு சக்கர வண்டி வாங்குவதில் என்ன தவறு என்று சிலர் சிந்திக்கலாம்.
ஆனால், இந்த பூதாகர வளர்ச்சியின் விளைவாக எண்ணை வளச்சுரண்டலும், சுற்றுச் சூழல் மாசுபடுதலும் உலகெங்கும் நடைபெற்று வருகிறது.
உலகளாவிய எண்ணை வளம் சிறிது சிறிதாகக் குறைந்து கொண்டே வருவதாக ஒரு புறம் கூறப்படுகிறது. பெட்ரோல்-டீசலுக்கு மாற்றான எரிசக்தியை இப்போதே தயார் செய்து கொள்ள வேண்டிய நிலை உள்ளது.
இதனை எதிர்கொள்ள, அனைத்து நாடுகளின் அரசுகளும் பொதுமக்களுக்கு வசதியான மற்றும் கட்டுப்படியாகக் கூடிய பொதுப் போக்குவரத்துக் கட்டமைப்பை உருவாக்க வேண்டும்.
அப்போதுதான், இருக்கின்ற எண்ணைவளத்தை தொழிற்சாலை உற்பத்தி மற்றும் சரக்குப் போக்குவரத்து போன்றவற்றுக்குப் பயன்படுத்த முடியும். ஆடம்பரமான - அவசியமற்ற தனிநபர் பிரயாணங்களுக்காக எண்ணைவளத்தை வீண் செய்வதைக் குறைக்க முடியும். இதன் மூலம் சுற்றுச்சூழல் பாதிப்புகளையும் ஒரு கட்டுக்குள் வைத்திருக்க முடியும்.
நாடுகளின் தலைமைகள் இதுகுறித்து முடிவெடுப்பதும் நடமுறைப்படுத்துவதும் ஒருபுறம் இருக்கட்டும்.
தேவை இல்லாமல், ஆசை அல்லது ஆடம்பரத்துக்காகப் புதிய வண்டிகள் வாங்குவதை ஒவ்வொரு குடும்பமும் தவிர்க்க வேண்டும்.
ஏனெனில், நம் எதிர்காலச் சந்ததியினர் கரங்களில் கொஞ்சம் எண்ணை வளத்தையும், தூய்மையான சுற்றுச்சூழலையும் ஒப்படைக்கும் கடமை நமக்கு இருக்கிறது.

தோல்விக்கு பொன்விழா ஆண்டு

By டி.எஸ்.ஆர். வேங்கடரமணா  |   Published on : 16th March 2017 01:05 AM  |  

எதற்கெல்லாமோ பொன்விழா கொண்டாடுகிறார்கள். சென்னை மகாணத்தில் தமிழ்நாடு காங்கிரஸ் கமிட்டியாக இயங்கி வந்த கட்சி 1967 பொதுத் தேர்தலில் தோல்வி அடைந்து இந்த ஆண்டுடன் 50 ஆண்டுகள் நிறைவடையும் பொன்விழா ஆண்டு இது.
ஜனநாயக அரசியலில் ஒரு கட்சி தோற்பதும் மற்றொரு கட்சி ஜெயிப்பதும் தோற்ற கட்சி மீண்டும் ஆட்சியை பிடிப்பதும் சாதாரண நடைமுறை. ஆனால் தோல்வியே சுகமென அரசியலில் நிலைத்திருப்பது தமிழ்நாடு காங்கிரஸ் கட்சி மட்டும்தான்.
உலகிலேயே தேர்தல் மூலமாக ஆட்சியை பிடித்த கம்யூனிஸ்ட் கட்சி என்ற பெருமை கேரள மாநில கம்யூனிஸ்ட் கட்சிக்கு உண்டு.
கேரளத்தில் கம்யூனிஸ்டுகளிடமும் ஆந்திரத்தில் ராமாராவின் தெலுங்கு தேசத்திடமும் கர்நாடகத்தில் ஜனதாதளம் மற்றும் பா.ஜ.க.விடமும், மகாராஷ்டிராவில் சிவசேனையிடமும் ஏன் தம்மாத்தூண்டு பாண்டிச்சேரியில் திராவிட இயக்கங்களிடமும் தோல்வியடைந்த காங்கிரஸ் மீண்டும் ஆட்சியை பிடித்தாலும் தமிழ்நாட்டில் ஆட்சி என்ற வார்த்தை தமிழ்நாடு காங்கிரஸுக்கு பிடிக்காத வார்த்தை ஆகி விட்டது. இதற்கு யார் காரணம்?
இத்தனைக்கும் இந்திய சுதந்திர போராட்டத்தில் தமிழகத்தின் பங்கு மகத்தானது. இந்தியாவில் தமிழகமும் தமிழகத்தில் அந்தணர்களும் சுதந்திர போராட்டத்திற்கான முன்னோடிகள் என மா.பொ.சி. ’விடுதலைப் போரில் தமிழகம்' என்ற தனது புத்தகத்தில் பதிவு செய்துள்ளார். நாட்டு நலனுக்காக போராடிய கட்சியும் மக்கள் நலனுக்காக உழைத்த தலைவர்களும் மறக்கப்பட்டது ஏன்?
இந்தியா விடுதலை அடைய வேண்டுமானால், பாகிஸ்தான் பிரிய வேண்டும் என்ற அறுவை சிகிச்சையை சொன்ன அறிஞரும் அணுகுண்டுக்கு எதிராக கென்னடியிடமும் மதுவிலக்கு ரத்துக்கு எதிராக கருணாநிதியிடமும் கெஞ்சிய நேர்மையாளருமான ராஜாஜியும், தனது ஓராண்டு மேயர் பதவியில் சென்னையின் பூண்டி நீர் தேக்கத்தை கொண்டு வந்த சத்தியமூர்த்தியும் மகாகவி பாரதியும் ஜாதியின் பெயரால் கொச்சைபடுத்தப்பட்டனர்.
கல்விகண் திறந்த காமராஜரும் தொடர்ந்து ஆண்ட பக்தவச்சலமும் தரக்குறைவாக விமர்சிக்கப்பட்டார்கள். மெய்போலுமே, மெய்போலுமே சொல் வளமை உளதால் மெய்போலுமே என்ற அதிவீரராம பாண்டியனின் கருத்தை திராவிட இயக்கங்கள் தங்கள் அழகு தமிழால் மெய்ப்பிக்க 1967-இல் தமிழ்நாட்டில் காங்கிரஸ் ஆட்சியை இழந்தது.
காமராஜின் உழைப்பும் தியாகமும் பக்தவச்சலத்தின் நிர்வாக திறமையும் விழலுக்கு இரைத்த நீராயின. தி.மு.க. ஆட்சியை பிடிக்க, அண்ணாதுரை மறைவுக்கு பிறகு கருணாநிதி கட்சியையும் ஆட்சியையும் கைப்பற்றினார்.
பிறவி பணக்காரர் பக்தவச்சலத்தை 10 லட்சம் என கொச்சைப்படுத்தி ஆட்சிக்கு வந்த தி.மு.க.வின் சென்னை மாநகராட்சியின் மஸ்டர் ரோல் ஊழல் தொடங்கி கூவத்தில் வழிந்து ஓட, லஞ்சம் பெருகி விட்டது என திருக்கழுகுன்றத்தில் கணக்கு கேட்டு தனிக்கட்சி ஆரம்பித்த எம்.ஜி.ஆருக்கு பின்னால் வந்த ஜெயலலிதாவும், சசிகலாவும் வருவாய்க்கு அதிகமாக சொத்து சேர்த்தார்கள் என உச்சநீதிமன்றத்தால் உறுதி செய்யப்பட்டு சிறை சென்றது நகைமுரண்.
நல்ல காலம் ஜெயலலிதா உயிரோடு இல்லாததால் மீண்டும் ஒரு பஸ் எரிப்பு சம்பவம் நடக்கவில்லை. இதனால் ஜெயலலிதாவிற்கு இருந்த தொண்டர் செல்வாக்கு சசிகலாவுக்கு இல்லை என்ற உண்மை சோகமானதா, மகிழ்ச்சியானதா என்று புரியவில்லை.
கல்விக்கூடங்களையும், அணைகளையும், தொழிற்சாலைகளையும் அமைத்து மக்கள் நல்வாழ்வுக்கு விளம்பரம் இல்லாமல் காங்கிரஸ் அரசு பாடுபட்டபோது, கக்கூஸ் முதல் வராத வெளிநாட்டு முதலீடு வரை வந்ததாக சொல்லி விழாக்கள் எடுத்த திராவிட இயக்கங்களுக்கு மக்கள் மாறி மாறி வாக்களித்து ஏன்? காங்கிரஸ் உருமாறி உருக்குலைந்து போனதன் காரணம் என்ன?
தமிழ்நாடு காங்கிரஸின் வீழ்ச்சிக்குக் காரணம் காங்கிரஸ் கட்சியை இந்திய அளவில் உச்சத்துக்கு கொண்டு சென்ற இந்திரா காந்தியிடம் துவங்குகிறது. இன்டிகேட், சிண்டிகேட் என பிரித்த காங்கிரஸின் தமிழ்நாட்டு தனிப்பெரும் தலைவராக காமராஜர் இருந்தார்.
ஒரு கல்லூரி மாணவனால் விருதுநகரில் அவர் தோற்கடிக்கப்பட்டு நாகர்கோவில் அவர் மீண்டெழுந்து வந்தும், அவரை இந்திரா ஒரு எதிர்ப்பு சக்தியாகத்தான் பார்த்தார். காமராஜர் நிஜலிங்கப்பா உட்பட மாநில தலைமைகளை ஜவாஹர்லால் நேரு ஊக்குவிக்க, இந்திரா மாநில தலைமைகள் தன்னுடைய அரசியல் நோக்கங்களுக்கு தடை என கருதினார்.
இந்த நிலையில் தேர்தல் வெற்றி ஒன்றே குறிக்கோளாக கொண்டு 10 எம்.பி. சீட்டுக்காக இந்திராகாந்தி தி.மு.க.வை கூட்டணிக்கு அழைக்க கருணாநிதியும் ’நேருவின் மகளே வருக நிலையான ஆட்சி தருக' என தேர்தலில் குதித்து வெற்றி கண்டு சர்க்காரியா கமிஷனை நீர்த்து போக செய்தார்.
இந்திரா மாநிலத் தலைவர்களை கண்டு பயந்ததுபோல் கருணாநிதி எம்.ஜி.ஆர் செல்வாக்கை கண்டு பயந்து தன் மகன் முத்துவை திரைத்துறைக்கு அனுப்பி அது எடுபடாமல் போகவே எம்.ஜி.ஆரை கட்சியை விட்டு நீக்கினார். காமராஜருடன் இந்திரா ஒத்துபோக முடியாமல் போனதும் எம்.ஜி.ஆரின் விஸ்வரூபமும் தமிழக காங்கிரஸ் வளர்ச்சிக்கு தடையானது.
காமராஜர் மறைவுக்கு பிறகு மூப்பனார் தலைமையில் ஸ்தாபன காங்கிரஸ் இந்திரா காங்கிரஸுடன் ஐக்கியமானதும் அவர்களுக்குள் இருந்த அதிகாரப் போட்டி மறையவே இல்லை. இந்திரா - எம்.ஜி.ஆரின் 3:1 பார்முலா படி நாடாளுமன்றத்தில் காங்கிரஸுக்கு 30 சீட்டுகளும் சட்டப்பேரவையில் 60 சீட்டுகளும் என்ற வெற்றி கூட்டணி காங்கிரஸ்காரர்களின் மக்கள் தொடர்பை குறைத்து விட்டது.
கூட்டணியின் மூலமாக காங்கிரஸ்காரர்கள், நோகாமல் நொங்கெடுக்கலாம் என கண்டு கொண்டு வெகுஜன அரசியலை விட்டு விலகி நின்றார்கள். எனக்கு தெரிந்த ஒரு சட்டப்பேரவை உறுப்பினர் அவசரம் என்று கேட்டால்கூட ரயில்வேக்கு கடிதம்கூட கொடுக்க மாட்டார். காங்கிரஸ் நாடாளுமன்ற உறுப்பினர்கள் பெட்ரோல் பங்க், கேஸ் உரிமங்கள் வாங்குவதற்கும் வாங்கி கொடுப்பதற்கும் காட்டிய ஆர்வத்தை தொகுதி பிரச்னைகளுக்காக காட்டவில்லை.
காவேரி பிரச்னையிலும் முல்லை பெரியாறு பிரச்னையிலும் மாநில நலன்களுக்காக தமிழர் நலனில் காங்கிரஸ் அக்கறை காட்டவில்லை என்ற பொது கருத்து வலுப்பெற ஆரம்பித்தது.
சுதந்திரத்திற்கு முன்பே தமிழ்நாட்டில் வலுவான அரசியல் இயக்கமாக காங்கிரஸ் காலூன்ற முடியவில்லை. பிரிவு படாத சென்னை மாகாணத்தில் கம்யூனிஸ்டுகள் வலுவாக இருந்தும் அவர்கள் உலக அரசியலை பேசியபடி உள்ளூர் அரசியலை கோட்டை விட்டனர்.
இதை சரியாக பயன்படுத்திய ஆந்திர காங்கிரஸ் பலம் பெற்ற பொழுது உள்ளூர் வேறுபாடுகளால் தமிழ்நாட்டை காங்கிரஸ் கோட்டை விட்டது. எம்.ஜி.ஆருக்கு ஈடாக வலிமையாக இருந்த ராமாராவ் கட்சியை ஆந்திராவில் வீழ்த்த முடிந்த காங்கிரஸ் தொலைநோக்கு பார்வை இல்லாததால் தமிழ்நாட்டில் காலூன்ற முடியாமல் போனது வரலாற்றுச் சோகம்.
எம்.ஜி.ஆர் மறைவுக்குப் பிறகு ஜா, ஜெ எனப்பிரிந்த அ.தி.மு.க. ஒன்று பட்டால் உண்டு வாழ்வு எனப்புரிந்து கொண்டு இணைந்து மீண்டும் ஆட்சியை பிடித்தது. இன்று ஜெயலலிதாவின் மறைவிற்கு பிறகு அ.தி.மு.க. மீண்டும் உடைந்துள்ளது. கட்சியை இணைக்க வேண்டுமென்று எண்ணிய ஜானகியின் பெருந்தன்மை இன்றைய குடும்ப அரசியல் மற்றும் அதிகார அரசியல் போட்டியாளர்களுக்கு இல்லாததால் அவர்கள் இணைய வாய்ப்பில்லை.
கண்ணுக்கெட்டிய தூரம் வரை எதிரிகளே இல்லை என ஜெயலலிதா சொன்னது இன்று தி.மு.க.வின் ஸ்டாலினுக்கும் பொருந்தும். அடாவடி அரசியலை மக்கள் வெறுக்கிறார்கள் என்பதை புரிந்து கொண்டு ஸ்டாலின் எடுத்த நடுப்பாதை சரியாகத்தான் போய் கொண்டிருந்தது.
ஆனால் ரகசிய வாக்கெடுப்பு என்ற ஞானப்பழம் தங்களுக்கு கிடைக்காது என்று தெரிந்தும் தி.மு.க.வினர் சட்டப்பேரவையில் செய்த கலாட்டாவால், வெளிப்படை வாக்கெடுப்பில் எதிர்த்து வாக்களிக்கலாம் என்று நினைத்தவர்கள்கூட எடப்பாடியை ஆதரிக்க வேண்டியது காலத்தின் கட்டாயமாக ஆகி விட்டது.
எடப்பாடியின் எதிர்ப்பாளர்களான தி.மு.க.வும், காங்கிரஸும் அவையின் உள்ளிருந்து வாக்களித்திருந்தால் 5 ஓட்டுகள் மாறி இருக்கலாம். அத்துடன் தமிழகத்தின் அரசியல் தலையெழுத்தும் மாறி இருக்கும். 50 ஆண்டுகாலமாக தமிழக ஆட்சிக் கட்டிலில் அமர முடியாத காங்கிரஸ் இன்றைய அரசியல் நிகழ்வுகளில் வெறும் பார்வையாளராக மட்டும் இருப்பது மிகப்பெரும் சோகம்.
பேசுவதால் மட்டுமே தலைவராகலாம் என நினைக்கும் இளங்கோவனும், பேசாமலே தலைவராக இருக்கலாம் என நினைக்கும் சிதம்பரமும், பழைய நினைப்புத்தான் பேராண்டி என செயல்படும் திருநாவுக்கரசரும், மாற்றான் தோட்டத்து மல்லிகைக்கும் மணம் உண்டு என உரைத்த அண்ணாவின் கருத்தை ஒட்டி வெளிப்படையாக தி.மு.க.வை ஆதரிக்கும் பீட்டர் அல்போன்சும் மாநில வெற்றியை விட நாடாளுமன்ற வாய்ப்பு முக்கியம் என தில்லி தலைமையும் நினைக்கும் வரை பொன்விழா அல்ல, 100 ஆண்டு கடந்தாலும் தமிழ்நாட்டு ஆட்சி கட்டில் காங்கிரஸுக்கு இலவு காத்த கிளிதான்.

கட்டுரையாளர்:
முன்னாள் சட்டப்பேரவை உறுப்பினர்.

Govt. employees take out rally

They want old pension scheme and pay as per eighth pay panel suggestions

State Government employees took out a rally in Thanjavur and Tiruvarur on Wednesday.

The demands included implementation of old pension scheme and Eighth Pay Commission recommendations, 20 per cent of ad hoc payment from January 1, 2016, filling vacancies in time scale pay, treating 41-month lay off period of road workers as service period, among other issues.

In Thanjavur, the rally was taken out from Sivagangai Park and culminated at the Pangal Buildings. The Tami Nadu Government Employees Association district president Govindaraju led the rally. Pensioners’ Association district president Kaliyamurthy and TNGEA state secretary Panneerselvam participated.

In Tiruvarur, the rally began at the New Railway Station and wound its way through the main thoroughfares to end at Municipal Office. The Tamil Nadu Government Employees Association district president G. Bhairavanathan led the rally. Association State secretary Guru. Chandrasekaran and district secretary V. Somasundaram explained the demands.

HC seeks MCI’s response on amendment of norms

Earlier, notifications had called for common counselling

The Madras High Court Bench here on Wednesday sought the response of the Medical Council of India (MCI) to a couple of writ petitions challenging the validity of two notifications issued by it on Friday, stating that henceforth, there shall be common counselling on the basis of merit list of NEET for all admissions to MBBS as well as postgraduate medical courses in all educational institutions in a State or Union Territory.

Justice V. Parthiban ordered that MCI should respond to the two writ petitions, filed by the chairman of a linguistic minority educational institution, by March 22. The MCI’s notifications amending the Regulations on Graduate Medical Education of 1997 as well as Postgraduate Medical Education Regulations of 2000, had stated that the amendments were being introduced with the previous sanction of the Centre and they shall apply even with respect to private minority institutions. Assailing the notifications, challenged by the chairman of Padanilam Welfare Trust that administers self-financed institutions in Kanniyakumari district, senior counsel Isaac Mohanlal contended that they were in violation of the Constitutional right of the minorities to administer educational institutions. “Admission of students being one of the most important facets of right of administration, neither the MCI nor the State can bring in regulations abrogating the right,” he argued.

Watchman gets back his job at college

Appellate court had let him off despite confirming conviction by trial court

The Madras High Court Bench here has directed the Directorate of Technical Education (DTE) to reinstate a government engineering college watchman, who was dismissed from service after he was convicted for assaulting the principal following a road accident involving his bicycle and the latter’s motorcycle in 2003.

Dismissing a writ appeal preferred by the Directorate, a Division Bench of the High Court held that the watchman A. John Antony Doss of Tirunelveli was entitled to reinstatement since an appellate court had let him off under the Probation of Offenders Act of 1958 despite confirming the conviction recorded by the trial court.

Writing the judgment for the Division Bench, Justice J. Nisha Banu pointed out that as per Section 12 of the 1958 Act, a person who had been let off either on probation of good conduct or after admonition should not suffer any disqualification attached to the conviction. She also referred to certain judicial precedents on the issue.

Though the DTE claimed that the watchman had indulged in certain irregularities too, the judge said that those issues could not be cited as a reason to dismiss him from service. She said that the officials could at the most impose a punishment of postponement of increment for two years without cumulative effect after reinstating him in service.

×

High Court Bench orders notice to State Government

Delay in inauguration of buildings for constituent colleges of some universities

The Madras High Court Bench here on Wednesday ordered notice to the State Government on a public interest litigation petition filed against reported delay in inaugurating newly constructed buildings for constituent colleges of various universities in the State.

A Division Bench of Justices A. Selvam and N. Authinathan directed Special Government Pleader M. Govindan to take notice on behalf of the Higher Secondary Secretary and advocate T. Muthukumaran to take notice on behalf of Madurai Kamaraj University (MKU) returnable by April 6.

The judges also ordered notices to Alagappa University in Sivaganga district, Manonmaniam Sundaranar University (MSU) in Tirunelveli and Bharathidasan University in Tiruchi.

The petitioner R. Rajaselvan of Dindigul district had claimed that several new buildings constructed by these universities were yet to be inaugurated.

His counsel R. Alagumani told the court that buildings constructed for six constituent colleges of MKU, four constituent colleges of Alagappa University, two constituent colleges of Bharathidasan University and one constituent college of MSU were yet to be inaugurated though the construction was completed about six months ago.