Health authorities sound diphtheria alert in Chennai

TIMES NEWS NETWORK

Chennai:10.08.2019

The directorate of public health has asked doctors in the city to prescribe children coming with sore throat and fever with erythromycin, an antibiotic that is used to treat diphtheria. The recommendation came after the Institute of Child Health (ICH) told authorities that two children in Chennai showed symptoms of the bacterial disease.

Although sore throat is commonly seen in tonsillitis and laryngitis, the health department has insisted that doctors should not rule out diphtheria. “We don’t have the results for these cases yet, but we have decided to be cautious. We have assumed that they have diphtheria because we have seen an outbreak in the neighbouring states and in some districts of Tamil Nadu,” said director of public health Dr K Kolandaisamy.

On Thursday and Friday, the ICH reported that two children -- aged seven and 13 from Pammal and Seven Wells -- showed symptoms of the disease. About 50 urban and village health nurses were sent to schools and balwadis in the area for mass vaccination of children. By the end of the day, more than 4,000 children were vaccinated. In some primary health centres (PHC), regular vaccination camps conducted on Wednesdays and Fridays were postponed.

The government has asked doctors’ association to inform paediatricians, ENT specialists, MBBS doctors to notify the health department if they come across swollen glands, fever nasal discharge and malaise besides grey membrane covering the throat.

Resurgence of diphtheria, doctors said, was largely because of two reasons. Analysis of the state statistics showed some school students skipped booster DPT doses at the age of five. Studies have shown that the effect of diphtheria vaccines and booster fade away by the time children turn seven. “ Data shows that overall case-fatality rate for diphtheria is 5% to 10%. In children,death ratescan goup to 20%,” said Dr Balasubramanian S, medical director of Kanchi Kamakoti Childs Trust Hospital. However, introducing vaccines in children and pregnant women reduces incidence.

Bharathiar University

மனசு போல வாழ்க்கை 02: ஒப்பிடுதல் ஒரு வன்முறை 




உளவியல் படிப்பில் சேர்ந்தபோது எங்களுக்குக் கற்றுக்கொடுக்கப்பட்ட பாலபாடம் ஒன்று உண்டு. தனிநபர் வேறுபாடுகளைக் கற்பது உளவியலில் அடிப்படை நோக்கங்களில் ஒன்று என்று. இதை Individual Differences என்பார்கள். ஒருவரைப் போல மற்றொருவர் இல்லை என்பதுதான் இந்தக் கூற்று.

இரட்டைப் பிறவிகள்கூட இதற்கு விதிவிலக்கல்ல. இதைத் தெரிந்தகொள்ள உளவியல் படிக்க வேண்டியதில்லை. “அஞ்சு விரலும் ஒரே மாதிரியாவா இருக்கு?” என்பது நம் சொல் வழக்கில் உள்ளதே!
ஆனால், மனம் சலனப்படுகையில் முதலில் மறந்துவிடும் விஷயமும் இதுதான். எல்லாவற்றையும் சமன்படுத்தித் தட்டையாகப் பார்ப்பது மனத்துக்கு சவுகரியமான காரியம். “உன் வயசுதானே அவனுக்கு, அவனால முடியுது உன்னால முடியுதா?” என்று சுலபமாய்க் கேட்க வைக்கும்.

ஒப்பிடுதல் வன்முறை. அது சுய நிராகரிப்புக்குத்தான் வழிவகுக்கும். ஆனால், அதிகாரம் கையில் வந்தவுடன் இந்த ஒப்பிடுதல் அருமையான நிர்வாக ஆயுதமாக மாறிவிடுகிறது.

நிலைகுலையச் செய்த கேள்வி

இது பற்றி ஒரு பள்ளியில் பேசியபோது ஆசிரியர் ஒருவர் சந்தேகம் எழுப்பினார்: “மாணவர்களை ஊக்குவிக்க ஒப்பிடுதல் உதவாதா, பிறரைப் போல நாம் ஆக வேண்டும் என்று தோன்றவைக்காதா?” என்றார்.
“உங்க மாணவர் உங்களிடம் கேட்கிறார்: ‘அவரும் உங்களை மாதிரி எம்.ஃபில்தானே படித்திருக்கிறார். அவர் மட்டும் எம்.என்.சி.யில ஒரு லட்ச ரூபாய் சம்பளத்தில் இருக்கும்போது நீங்க மட்டும் ஏன் ஸ்கூல் மாஸ்டராய் இன்னமும் இருபதாயிரம் சம்பளம் வாங்குகிறீர்கள்?’ இதை நீங்கள் ஊக்குவிப்பாய் எடுத்துக்கொள்ள முடியுமா?” என்று கேட்டேன்.

அவர் முகம் கோபத்தில் சிவந்தது. வெகு நேரம் கழித்து அவரே தனியாக வந்து பேசினார். “கூட்டத்தில் எல்லோர் முன்னிலையிலும் அப்படி நீங்கள் கேட்டது என்னை நிலைகுலையச் செய்தது” நான் அமைதியாகச் சொன்னேன். “நீங்களும் மாணவர்களைக் கூட்டத்தில் வைத்துத்தானே ஒப்பிடுகிறீர்கள்!”. இம்முறை பொருள் விளங்கியவாறு மவுனமாக விலகிச் சென்றார் ஆசிரியர்.


நல்ல நோக்கத்துடன்தான், நாம் பல தீய செயல்களைச் செய்கிறோம். யோசித்துப் பாருங்களேன், நாம் யாரை அதிகம் காயப்படுத்துகிறோம் நம் மீது பெரிதும் அன்பு செலுத்துபவர்களைத்தானே!

ஆக்கிரமித்தல் ஆகாது

தனிநபர் வேறுபாட்டை ஏன் மறக்கிறோம்? உணர்வு மேலிடும்போது அறிவு மங்கிவிடுகிறது. காதல் உணர்வு மேலிடும்போது “நான் பேச நினைப்பதெல்லாம் நீ பேச வேண்டும்” என்று பாட வைக்கிறது.

அற்புதமான கவி உணர்வுதான். ஆனால், தான் நினைப்பதையே தன் காதலி பேச வேண்டும் என்று எண்ணுவது எவ்வளவு பெரிய ஆக்கிரமிப்பு உணர்வு. இந்த எதிர்பார்ப்பின் பாரம் தாங்காமல் எத்தனை உறவுகள் நொறுங்கிப் போகின்றன?

“என் அம்மாபோல எனக்கு மனைவி வேண்டும்”, “சின்ன வயசில எனக்கு நடனம் கத்துக்க வாய்ப்பில்லை. நீயாவது கத்துக்கோ” - இப்படி அடுக்கிக்கொண்டே போகலாம்.

தோற்றத்தால், அறிவால், குணத்தால், மன அமைப்பால் ஒருவருக்கொருவர் வேறுபட்டுள்ளோம். வாழ்க்கை முறைகளும் வாழ்க்கை அனுபவங்களும் இன்னமும் நம் பன்முகத்தன்மையை விரிவடையச் செய்து விடுகிறது. ஆனால், இந்த வேறுபாடுகளை மறந்து ஒப்பீடு செய்வதும், கட்டுப்படுத்த நினைப்பதும், உறவின் பல ஆதாரச் சிக்கல்களுக்குக் காரணமாகின்றன.

உங்கள் மூலமாக வந்ததால் மட்டும் உங்கள் குழந்தைகள் உங்கள் சொத்துகள் ஆகிவிட மாட்டார்கள் என்றார் கலீல் கிப்ரான். ஆக்கிரமிப்பு உணர்வு இல்லாமல் காதல் சாத்தியம் என்று எழுதியவர் ஜெயகாந்தன்.

எல்லாச் சேதாரங்களுக்குமான விதை ஒரு தவறான எதிர்பார்ப்பு. “நான் வேறு. நீ வேறு. அது உன் கருத்து. இது என் கருத்து. நாம் வேறுபடுதலில் தவறில்லை” என்று சற்று அறிவுபூர்வமாக யோசிக்க ஆரம்பித்தால் பல உணர்வுப் போராட்டங்களில் இருந்து விடுதலை பெற முடியும்.

வாழ்க்கையின் எல்லாத் துயரங்களுக்கும் காரணம் நம் மனம் என்றால், அதைச் சரிசெய்ய நமக்கு உள்ள ஒரே ஆயுதமும் மனம் மட்டுமே!

கேள்வி நேரம்

கல்லூரி ஆசிரியை நான். சொந்த வீடு, ஊரில் நிலம் ஆகியவை உள்ளன. கணவர் தனியார் நிறுவனத்தில் பொது மேலாளராக இருக்கிறார். ஒரே மகன் யு.எஸ்ஸில் படிக்கிறான். எல்லாம் இருந்தும் மனம் வெறுமையாக உள்ளது. வசதி இல்லாத இளமைப் பருவத்தில் மகிழ்ச்சியாக இருந்ததை நினைத்தால், வாழ்க்கையில் எதையோ இழந்து விட்டோம் என்று தோன்றுகிறது.

- திருமதி. எஸ்

மனம் செய்யும் சூழ்ச்சி இது. படிப்பு, வேலை, சொத்து, சமூக அந்தஸ்து என எல்லாவற்றிலும் creamy layer-ல் இருக்கும். உங்களுக்கு அதன் மதிப்பை உணரச்செய்யாது இல்லாததைத் தேடி ஓடச் செய்வது மனத்தின் இயல்பு. உங்களுக்குக் கிடைத்த வரங்கள் கண்ணுக்குத் தெரியாது. கிடைக்காத சாபங்களை அனுபவிக்கத் தயாராவீர்கள்.

தனிமை வாழ்க்கை குறித்த கேள்விகளைக் கொண்டு வந்து குவிக்கும். அதற்கு வசதியோ வசதிக்குறைவோ பதில் இல்லை. குறிக் கோள் கொண்ட வாழ்க்கைதான் மனத்தின் பிடிமா னம். கல்லூரி வேலையில் பிடிப்பு இல்லாவிட்டால், உங்களுக்குப் பிடித்த துறையில் ஈடுபடுத்திக் கொள்ளுங்கள். பத்துப் பிள்ளைகளுக்கு இலவசமாகப் படிப்பு சொல்லிக் கொடுங்கள்.
‘மனசு போல வாழ்க்கை-2.0’ பகுதியில் நீங்கள் எதிர்கொண்டுவரும் மனச் சிக்கலுக்கு பதில் அளிக்கத் தயாராக இருக்கிறார் டாக்டர். ஆர். கார்த்திகேயன். உங்களுடைய கேள்விகளை அனுப்பலாம்.

முகவரி: வெற்றிக்கொடி, தி இந்து-தமிழ், கஸ்தூரி மையம்,

124, வாலாஜா சாலை, சென்னை-600 002.

மின்னஞ்சல்: vetrikodi@thehindutamil.co.in

கட்டுரையாளர் தொடர்புக்கு: gemba.karthikeyan@gmail.com

(தொடரும்)

கட்டுரையாளர் மனிதவளப் பயிற்றுநர்

மனசு போல வாழ்க்கை 03: சூழ்நிலைக் கைதியா நீங்கள்? 




ஒரு பெரும் தொழிலதிபருக்குப் பங்குசந்தைச் சரிவால் ஒரே நாளில் 50 கோடி ரூபாய் நஷ்டம். ஒரு தினசரிக் கூலி தொழிலாளி தன் ஒரு நாள் சம்பளத்தை ரயிலில் தவறவிட்டதால் அவருக்கு அன்று 500 ரூபாய் நஷ்டம்.

யாருடைய நஷ்டம் பெரிது? அவரவர்க்கு அவரவர் நஷ்டம் பெரிது என்பதுதான் உண்மை. தர்க்க அடிப்படையில் ஓர் அளவீட்டை உருவாக்கிப் பிறர் உணர்வுகளைத் தர வரிசைப்படுத்துவது முட்டாள்தனம். ஆனால், இதைத் தவறாமல் செய்கிறோம்.

ஒரு துயரை இன்னொரு துயருடன் ஒப்பிட முடியாது. ஒரு சாதனையை இன்னொரு சாதனையுடன் ஒப்பிட முடியாது. தனிநபர் மனநிலைக்கு ஏற்ப ஒவ்வொன்றும் வேறுபடுகின்றன.

ஆதார குணம்தான் நீங்கள்

என் பயிலரங்குகளில் அதிகம் கேட்கப்படும் கேள்விகளில் ஒன்று: “மனிதன் சூழ்நிலைக் கைதிதானே, அதனால் மனித மனம் பற்றிய எந்தக் கணிப்பும் மாறக்கூடியதுதானே, அப்படியென்றால் அவரவர் வாழ்க்கையை அவர்களுக்கு நிகழும் சம்பவங்கள்தான் தீர்மானிக்கின்றனவா?” மனிதனின் பல நடத்தைகளைச் சூழல் மாற்றலாம். ஆனால், ஆதார குணங்கள்தாம் மனித வாழ்க்கையைத் தீர்மானிக்கும் என்பேன்.

உதாரணத்துக்கு, கொதி நீரில் ஒரு கேரட் துண்டையும் முட்டையையும், காபிக்கொட்டையையும் ஒன்றன்பின் ஒன்றாக உள்ளே போடுங்கள். சிறிது நேரத்தில் மாற்றங்களைக் கவனியுங்கள். கடினமாக இருந்த கேரட் வெந்துபோய் மென்மையாக மாறிவிடுகிறது.

பெரும்பகுதியும் திரவமாய் இருந்த முட்டை திடமாக மாறிவிடுகிறது. காபி கொட்டை தான் கரைவது மட்டுமல்லாமல் கொதி நீரையே மணமாகவும் சுவையாகவும் மாற்றிவிடுகிறது. தான் உள்வாங்கும் பொருட்களின் தன்மையை மாற்ற வல்லது கொதி நீர். ஆனால், எது எப்படி மாறும் என்பது அதனதன் ஆதாரக் குணம் சார்ந்தது.

எதிர் தரப்பு நியாயம் தெரிகிறதா?


என் உறவினர் ஒருவர் அனுப்பும் வாட்ஸ்அப் செய்தியில் தவறாமல் 999 வியாதிகளைத் தடுக்கும் வழி முறைகள் இருக்கும். இன்னோர் அன்பர் ஒரு பிரபல சுவாமிஜியின் சுருக்கமான உரைகளுக்கு மிக நெடிய பொழிப்புரைகளை அனுப்புவார்.

இன்னொருவர் உடனடி புரட்சிக்குத் தயார் ஆகுங்கள் என்ற ரேஞ்சுக்குத் தெறிக்க விடுவார். இத்தனை செய்திகள் என்னை அடைந்தாலும் எதைத் தேர்வு செய்வது என்பதை என் உள அமைப்பு முடிவெடுக்கிறது. எத்தனை தாக்கங்கள் வெளியிலிருந்து வந்தாலும் அதைச் சமைத்துக் கொடுப்பது நம் உள் மனம் மட்டுமே.

நம் உணர்வையும் எண்ணத்தையும் குழைத்து அந்த நிகழ்வைப் பார்க்கையில், அது நம் அனுபவமாக மாறுகிறது. தொடர் அனுபவங்கள்தாம் வாழ்க்கையின் சகலப் படிப்பினைகளுக்குப் பெரும் காரணம். இந்தப் படிப்பினைகளுக்குத் தோதான சம்பவங்களைச் சூசகமாகத் தேர்ந்தெடுக்கும் உள் மனம். பிறகென்ன? ‘எல்லாம் சூழ் நிலைதான் காரணம்!’ என்று பேச வைக்கும்.

நம் மனத்தையே சரியாகப் புரிந்து கொள்ளாதபோது அடுத்தவர் மனம் எப்படிப் புரியும்? தன்னைப் போலத்தான் பிறரும் என்று அது தட்டையாகப் புரிந்துகொள்ளும். தன் அனுபவம் சார்ந்த நியாயங்களைப் பொதுவாக்கும்.

“ஒரு நாள் கூலி 500 ரூபாயைத் தொலைத்ததா பெரிது? ஒரு நாள் சம்பளம் இல்லாமல் இருப்பது என்ன அவர்களுக்கெல்லாம் புதிதா? இந்த 50 கோடி ஷேர் மார்க்கெட் லாஸ் எத்தனை பேரைப் பாதிக்கும்? கம்பெனி பிளான்ஸ் எவ்வளவு தடைபடும்?”

“அவர் பணக்காரர். எத்தனை கோடி தொலைச் சாலும் திரும்ப எடுத்துருவாரு. இன்னிக்கு நான் பணம் இல்லாம போனா ராத்திரி யாருக்கும் சோறு கிடையாது. குழந்தைக்கு மருந்து வாங்கணும். இன்னிக்கு பணத்தைத் தொலைச்சதால எங்க குடும்பத்துக்கே கஷ்டம்..!”

எதிர் தரப்பு நியாயங்கள் தெரிய, எதிர் தரப்பு எண்ணங்களையும் உணர்வுகளையும் அறிய வேண்டும். எதிராளியின் மனத்தை அறிந்தால், நம் வாழ்க்கையில் பாதிப் பிரச்சினைகள் காணாமல் போய்விடுமே?

அதற்கு எம்பதி (Empathy) வேண்டும். அதை அடுத்த வாரம், பொறுமையாகப் பார்க்கலாம்!

(தொடரும்)

கட்டுரையாளர் மனிதவளப் பயிற்றுநர்

கேள்வி : எவ்வளவு படித்தாலும் பேசினாலும் திடீர் என்று நம்பிக்கை விட்டுப் போய்விடுகிறது. நிறைய வகுப்புகள் போயிருக்கிறேன். நிறைய படித்திருக்கிறேன். ஆனாலும் எந்த ஊக்கமும் நீண்ட நாட்கள் நிலைப்பதில்லை. என்ன செய்யலாம்?

பதில் : ஒரு உடற்பயிற்சியாளர் எத்தனை வகுப்புகளுக்குப் போனாலும் எத்தனை புத்தகங்களைப் படித்தாலும் தினசரி ‘ஒர்க் அவுட்’ செய்யாமல் இருந்தால் அவரால் அந்த வடிவத்தை நிலை நிறுத்திக்கொள்ள முடியாது. அது போலதான் மன நம்பிக்கையும்.

ஜிக் ஜிக்லர் என்ற பயிற்சியாளர் சொல்வார்: “ஊக்கம் என்பது தினசரி வேலை- குளிப்பதைப் போல!”

தினமும் நம்பிக்கை வளர்க்கும் செய்கைகளும் செய்திகளும் முக்கியம். குறிப்பாகத் தூங்குவதற்கு முன்னும், விழித்தவுடனும்.

நல்ல இசை, நல்ல புத்தகங்கள், உடற்பயிற்சி, வழிபாடு, ஊக்கம் தரும் கதைகள், நேர்மறை உணர்வு தரும் நண்பர்கள் என உங்கள் தேர்வுகளைத் தினசரிச் செய்வது அவசியம்!

‘மனசு போல வாழ்க்கை-2.0’ பகுதியில் நீங்கள் எதிர்கொண்டுவரும் மனச் சிக்கலுக்கு பதில் அளிக்கத் தயாராக இருக்கிறார் டாக்டர் ஆர். கார்த்திகேயன். உங்களுடைய கேள்விகளை அனுப்பலாம்.

முகவரி: வெற்றிக்கொடி, தி இந்து-தமிழ், கஸ்தூரி மையம்,

124, வாலாஜா சாலை, சென்னை-600 002.

மின்னஞ்சல்: vetrikodi@thehindutamil.co.in

கட்டுரையாளர் தொடர்புக்கு: gemba.karthikeyan@gmail.com

மனசு போல வாழ்க்கை 04: கதவுகள் பல, சாவி ஒன்று! 



பிறர் மனத்தை அறியும் வித்தை தெரிந்தால் பல உறவுகள் பலப்படும். அதற்கு எம்பதி (empathy) எனும் மிகச் சக்திவாய்ந்த கருவி பயன்படும். எதிராளியின் மனநிலையில் தன்னை நிறுத்தி அவரின் கண்ணோட்டத்தை அறிவது என்பது அவ்வளவு சுலபமாக வருவதல்ல.

ஆளுக்குத் தகுந்தாற்போலதான் நம்முடைய நுணுக்கமான உணர்வுகள்கூட வேலை செய்யும். அதிவேகமாக வந்த கார் மோதியதால் சிறுவன் ஒருவனுக்குத் தலையில் பலத்த காயம் என்று ஒரு செய்தி வருகிறது. இதை வெறுமனே படித்துவிட்டு ‘பாவம்’ என்று கடந்து செல்லும் உங்கள் மனம்.
செய்தியைப் படிக்கும்போது அது உங்களுடைய நண்பருடைய மகன் என்று தெரியவந்தால் சற்றுப் பதற்றமடைந்து ஃபோனில் அழைத்து விசாரிக்கலாம் என்று தோன்றும். அதுவே உங்கள் சொந்த மகன் என்றால்…? நிலைகுலைந்துபோய் மகனின் மொத்த வலியையும் அடுத்த கணமே உணர்வீர்கள்.

யாரோ ஒருவரின் மகனுக்கு, நண்பரின் மகனுக்கு, தன் மகனுக்கு வேறு வேறு விதமாகத் துடிக்கும் சராசரி மனம். எல்லோர் வலியையும் ஒன்றுபோல் உணர்ந்தால் நீங்கள் முற்றும் துறந்த ஞானி.

எவ்வளவு பெரிய சம்பவமாக இருந்தாலும் அது யாருக்கு என்று பார்த்துத்தான் மனம் எதிர்வினை ஆற்றும். இப்படித் தேர்ந்தெடுத்து வேலை செய்யும் மனம் மெல்ல இறுகிவிடுகிறது.

ஆனால், எதிராளியின் மனநிலையை அறிவுபூர்வமாக மட்டும் பார்க்காமல் உணர்வுபூர்வமாகவும் கூர்மையாகப் புரிந்துகொள்ள உதவுவதே ‘எம்பதி’. ‘பிறர் மனதை உணரும் இந்தத் திறன்’ பற்றிய ஆராய்ச்சிகள் இன்று உளவியலில் கொட்டிக்கிடக்கின்றன. எல்லா வெற்றியாளர்களும் இந்தத் திறன் கொண்டவர்களே என்று அடித்துக் கூறுகின்றன பல சுய உதவி நூல்கள்.
‘நான் இருக்கிறேன்!’

அமெரிக்காவில் நடந்த ஒரு சுவாரசியமான மருத்துவத் துறை ஆய்வு இதை உறுதிசெய்கிறது. மருத்துவர்கள் நோயாளிகளிடம் பேசும் உரையாடல்களை வைத்து எம்பதியைக் கணக்கிடுகிறார்கள். குறைந்த எம்பதி கொண்ட மருத்துவர்கள்மீது நோயாளிகளின் புகார்கள், சட்ட வழக்குகள் அதிகம் இருப்பது அதில் தெரியவருகிறது.

இதில் ஆச்சரியம் என்னவென்றால் நோயைக் குணப்படுத்தும் திறனில் இரண்டு விதமான மருத்துவர்களுக்கும் இடையில் பெரிய வேறுபாடு இல்லை. ஆனால், நோயாளி மனம் அறிந்து உணர்வால் ஒன்றுபடாத மருத்துவர்கள் மீதுதான் அதிக வழக்குகள் உள்ளன.

எம்பதி அதிகமுள்ள டாக்டர்கள் என்ன செய்கிறார்கள்? கண்ணைப் பார்த்துப் பேசுகிறார்கள். நோயாளி பேசும்போது கூர்ந்து கவனிக்கிறார்கள். அவர்களைத் தவிர வேறெங்கும் கவனத்தைச் சிதறடிப்பதில்லை. சொல்வதைப் புரிந்துகொண்டு, அதற்குப் பதில் அளிக்கிறார்கள், எவ்வளவு அற்பமானது என்றாலும்.

நான் இருக்கிறேன் என்று ஆறுதல் வார்த்தை கூறுகிறார்கள். சொன்ன பிரச்சினை, சொல்லாத பிரச்சினை இரண்டையும் புரிந்துகொள்கிறார்கள். முக்கியமாகப் புன்னகைக்கிறார்கள்! எளிய விஷயங்கள் தாம். ஆனால், இதை இயல்பாகச் செய்வது அவசியம்.

ஆழ்மனத்தின் ஆசை

இன்று தொழில் உலகில் ‘Design Thinking’ மிகவும் பிரபலம். புதிய பொருட்கள், சேவைகள், தொழில்கள் தொடங்குவோர் இதை அவசியம்

கற்க வேண்டும். வாடிக்கையாளரின் தேவையை உணர்ந்து புதிய சந்தைகளை உருவாக்குவது எப்படி என்பதைப் பற்றி விரிவாகச் சொல்கிறது. ‘கஸ்டமர் எம்பதி’ என்பது வாடிக்கையாளர் கோரும் விஷயங்களை மட்டுமல்ல, அவர்கள் ஆழ்மனத்தில் ஆசைப்படும் பொருட்கள், சேவைகளை உருவாக்க உதவுகிறது.

வாடிக்கையாளர் நேரடியாகக் கேட்காத பல அற்புதங்களை ‘ஆப்பிள்’ மூலம் ஸ்டீவ் ஜாப்ஸ் தந்தார். அவர் பயன்படுத்திய வடிவமைப்புச் சிந்தனைக்கு ஆதாரம் வாடிக்கையாளர் மனதை அறிவது. தோனி கடைசி ஓவரில் பதற்றம் அடையாமல் பந்துவீச்சாளரின் உடல்மொழியைக் கவனித்து சிக்ஸரைத் தூக்குகிறார். இப்படி நிறைய உதாரணங்களைச் சொல்லலாம்.

எம்பதி கற்க உங்களுக்கு ஒரு சிறு வீட்டுப்பாடம் தருகிறேன். இன்று உங்களிடம் சண்டை பிடிக்கும் ஆள் யாராக இருந்தாலும், உடனடியாகப் பதில் கொடுக்காமல், அவர்கள் சொல்வதை முழுமையாகக் கேளுங்கள்.

அவர்களின் பிரச்சினை என்ன என்பதை யோசியுங்கள். அடிநாதமாக உள்ள விஷயம் பிடிபட்டால் அதை அவர்களிடமே கேளுங்களேன். குறிப்பாக, நீங்கள் அவர்கள் பக்க நியாயத்தை அறிய முயல்கிறீர்கள் என்பதைத் தெரிவியுங்கள். “இவ்வளவு சிம்பிளா?” என்று எண்ணாதீர்கள். நாம் முட்டி முட்டி திறக்கப் போராடும் பல கதவுகளுக்குச் சின்னதாய் ஒரு சாவி இருக்கும். தேடிப் பாருங்கள்!

கேள்வி : ஒரு டாக்டராக இருந்தும் புகைப்பழக்கத்தை நிறுத்த முடியவில்லை. எல்லா முறைகளும் தோல்வி அடைந்துவிட்டன. குறைப்பதுகூடப் பல நேரத்தில் முடிவதில்லை. உடனடியாகப் பதற்றத்தைக் குறைக்க சிகரெட் ஒன்றுதான் வழி என்று தோன்றுகிறது. இதை விடவே முடியாதா?

பதில்: எந்த ஒரு பழக்கமும் ஏதோ ஒரு மனத் தேவையைத் தொடர்ந்து பூர்த்தி செய்யும். உங்களுக்கு வேலைப் பளு காரணமான சோர்வும் மன அழுத்தமும் என்று தெரிகிறது. அதைப் போக்க வழி செய்யுங்கள். வேலையின்போதே சற்றுப் புத்துணர்வுடன் இளைப்பாற யோகா போன்ற வேறு வழிகளைக் கற்றுக்கொள்ளுங்கள்.

புகை மட்டுமல்ல; எந்தப் பழக்கத்தின் அடிமையாக இருந்தாலும் “இந்தப் பழக்கம் எந்த மனத் தேவையைப் பூர்த்தி செய்கிறது?” என்ற கேள்விதான் மாற்றத்தின் முதல் படி.
‘மனசு போல வாழ்க்கை-2.0’ பகுதியில் நீங்கள் எதிர்கொண்டுவரும்

மனச் சிக்கலுக்கு பதில் அளிக்கத் தயாராக இருக்கிறார்

டாக்டர் ஆர். கார்த்திகேயன். உங்களுடைய கேள்விகளை அனுப்பலாம்.


முகவரி: வெற்றிக்கொடி, தி இந்து-தமிழ், கஸ்தூரி மையம்,

124, வாலாஜா சாலை, சென்னை-600 002.

மின்னஞ்சல்: vetrikodi@thehindutamil.co.in

கட்டுரையாளர் தொடர்புக்கு: gemba.karthikeyan@gmail.com

(தொடரும்)

கட்டுரையாளர்

மனிதவளப் பயிற்றுநர்

மனசு போல வாழ்க்கை 05: பொறுப்புத் துறப்பு உதவாது! 




“எந்த இடத்தில வேலை செஞ்சாலும் மேலதிகாரியோட மோதல் வந்துடுது. எனக்கு மட்டும் நல்ல பாஸ் வாய்ப்பதே இல்லை” என்று சொன்னவரிடம் “உங்களுடைய அப்பாவோட உங்கள் உறவு எப்படி?” என்று கேட்டேன். “சின்ன வயசுல இருந்தே பிரச்சினைதான். அதுவும் இப்போ

ஒரு கேஸ் நடப்பதால பேச்சுவார்த்தைகூட இல்லை.”
“உங்கள் அப்பாவுடன் உறவு சரியாகும்வரை உங்கள் மேலதிகாரி யாராக இருந்தாலும் அவருடன் பிணக்கு இருக்கும்” என்றேன். மேலதிகாரி என்பது நம் பண்பாட்டில் தந்தை ஸ்தானம். ஃப்ராய்ட் கூற்றின்படி அப்பாதான் அதிகார மையம்.

நம் ஆதார பயங்களைக் கையாளக் கற்றுக்கொள்வது இங்கிருந்துதான். “அது எப்படி, சொல்லிவெச்ச மாதிரி எல்லா பாஸும் பிரச்சினை கொடுக்கிறாங்க?” என்றார் மீண்டும். “எல்லோரிடமும் எனக்குப் பிரச்சினை என்றால், பிரச்சினை ‘நான்’ என்பது புரியவில்லையா?”

‘சைக்கோ அனாலிஸிஸ்’ அளவுகூடப் போக வேண்டாம். கொஞ்சம் யோசித்தாலே புரியும். எல்லா வெளியுலகப் பிரச்சினைகளுக்கும் காரணம் உள்ளுலகம்தான். அதனால்தான் சிலர் எந்த வியாபாரத்தில் கை வைத்தாலும் விளங்குவதில்லை. சிலர் எத்தனை கல்யாணம் செய்தாலும் செட்டில் ஆவதில்லை. சிலர் யாரிடமும் வேலையில் நிலைக்க முடிவதில்லை. எல்லாப் பிரச்சினைகளுக்கும் காரணத்தை வெளியில் தேடுவது வீண்!

மனத்தின் விளையாட்டு!
வெளியில் தெரிகிற நிகழ்வுகள் அனைத்தும் நம் உள் மன அமைப்பால் தேடிப் பெற்றுக்கொள்பவையே. நம் வாழ்க்கையில் நிகழும் சம்பவங்களைக் கூர்ந்து நோக்கினால் அடிப்படையாக ஒரு ‘pattern’ தெரியும். அதன் ஆரம்பமும் முடிவும் நம்மால் முடிவு செய்யப்படுபவை. ஆனால், யாரோ வெளியிலிருந்து செய்யவைப்பது போல் நம் மனம் வித்தை காட்டும்.

இதன் ஆரம்பம் ஒரு உணர்வு நிலை. அது தரும் எண்ணம். பின் எண்ணம் தூண்டும் செய்கைகள். பின் சங்கிலியாய்த் தொடரும் வெளியுலகச் சம்பவங்களைத் தேர்ந்தெடுத்து ஒரு கருத்தை உட்கொள்ளும் நம் உள்மனம். இதை ஒரு உதாரணமாகப் பார்க்கலாம். ஏதோ ஒரு துக்கமான மனநிலை. உடனே அது ஒருவிதமான தாழ்வு மனப்பான்மையைக் கொடுக்கிறது.

அது சங்கிலியாய் எண்ணங்களைத் தொடுக்கிறது: “நம்மை யார் மதிக்கிறார்கள், என்ன வாழ்க்கை இது, நமக்கு மட்டும் ஏன் இப்படி நடக்கிறது?” இதன் தொடர்ச்சியாக வீட்டுக்குச் சென்றால் எல்லோரும் குதூகலமாக ஒரு விசேஷ வீட்டுக்குக் கிளம்பிக் கொண்டிருக்கிறார்கள்.

உடனே மனம் அன்னியப்பட்டு, “நான் அவசியம் வரணுமா?” என்று மனைவியிடம் கேட்க, “இந்த மூஞ்சிய வச்சிட்டு வர்றதுன்னா வரவே வேண்டாம் ப்ளீஸ்” என்று கோபமாகப் பதில் வருகிறது. உடனே மனம், “பாரு… என்னை விட்டுட்டு தனியா போறதுன்னா எத்தனை சந்தோஷம்?” என்று ரோஷப்பட்டு சொல்லாமல் வெளியே போய்த் தனியாகக் குடிக்க வைக்கும்.

“ஏன் குடிக்கிறீர்கள்?” என்று கேட்டால், “என் பொண்டாட்டி அவங்க சொந்தகார வீட்டு விசேஷத்துக்கு வர வேண்டாம்னு சொல்லிட்டா பா… அந்தத் துக்கம்தான் தாங்க முடியலை!” எனக் குறை கூறும். இதுதான் மனத்தின் விளையாட்டு.

பலவீனமான தற்காப்பு எதற்கு?

எந்த மனநிலையில் இருக்கிறீர்களோ, அதற்கேற்ற சம்பவங்கள் உங்களைக் கவரும். இதுதான் உண்மை. “உலகம் என்னை இப்படி மாற்றிவிட்டது” என்று யார் சொன்னாலும் அது மோசடி. உலகம் என்பது ஒரு பெரு நகரக் கடைத் தெரு போல.

அங்கு எது கண்ணில்படுகிறது என்பது அவரவர் தேவையைப் பொறுத்தது. பயணிகளுக்குப் பேருந்து எண்கள் கண்ணில்படும். வாலிபர்களுக்குப் பெண்கள் கண்ணில்படுவர், குழந்தைகளுக்கு பலூன்கள். சிகரெட் தேடுபவருக்கு அருகிலிருக்கும் பெட்டிக் கடை. பக்தனுக்குத் தூரத்துக் கோயில் மணி.

நாம் தேர்ந்தெடுப்பவை அனைத்தும் இப்படித்தான். புற உலகைச் சாடுவது சுலபமான செயல். ஆனால், அது ஒரு பலவீனமான தற்காப்பு. தன் வாழ்க்கையில் நிகழ்பவற்றுக்குத் தன்னை முழு காரணமாகச் சொல்ல மனம் அஞ்சுகிறது. “வாழ்க்கை அப்படியே ஓடுச்சு!” என்று சொல்வது எளிதாக இருக்கிறது.

“வாழ்க்கையை அப்படியே ஓட்டிட்டேன்!” எனும்போது ஒரு பாரத்தை ஏற்றி வைத்துக்கொள்வதைப் போல உணர்கிறோம். அதனால்தான் சட்டென எல்லாவற்றுக்கும் காரணங்கள் தயாராக வைத்திருக்கிறோம். “சேல்ஸ் ஜாப்... குடிப் பழக்கம் இயல்பு.” “கல்யாணத்துக்கு அப்புறம் வாசிப்பு நிண்ணு போச்சு.”

ஆனால், ஒன்றை மாற்ற வேண்டும் அல்லது சீர்படுத்த வேண்டும் என்றால் இந்தப் பொறுப்புத் துறப்பு உதவாது. என் வாழ்க்கையில் நடப்பவற்றுக்குப் பெரிதும் காரணம் நான்தான் என்று நம்புவதை ‘Internal locus of control’ என்கிறது உளவியல். வெற்றியாளர்கள் பற்றி எல்லா நூல்களிலும் தவறாமல் சொல்லப்படுவது இதுதான். “என் வாழ்க்கையைச் செதுக்கும் சிற்பி நான்” என்ற நம்பிக்கைதான் முதல் சிந்தனை முதலீடு.

கேள்வி: எவ்வளவுதான் நேர்மறையாக யோசிக்க நினைத்தாலும் ரொம்ப எதிர்மறையாகத்தான் மனம் யோசிக்கிறது. அதேபோல், எது நடக்கக் கூடாது என்று நினைக்கிறேனோ அதுவே நடக்கிறதே ஏன்?

பதில்: மனித மனத்துக்கு உயிர் பயம் என்பது எப்போதுமே இருந்துகொண்டிருக்கிறது. பயமும் கோபமும் நம் default mode-ல் இயங்கும். நம்பிக்கை கொள்ளத்தான் முயற்சி தேவை. நம்பிக்கை இழக்க எதுவுமே செய்ய வேண்டாம். அதனால் உங்களுக்கு மட்டும் நேர்வதாகக் கவலைகொள்ள வேண்டாம்!

எது நடக்கக்கூடாது என்பதை நினைக்கும்போது அதுதான் நடக்கும். அந்த பய எண்ணம்தான் வேலை செய்யும்.
‘மனசு போல வாழ்க்கை-2.0’ பகுதியில் நீங்கள் எதிர்கொண்டுவரும்

மனச் சிக்கலுக்கு பதில் அளிக்கத் தயாராக இருக்கிறார்

டாக்டர் ஆர். கார்த்திகேயன். உங்களுடைய கேள்விகளை அனுப்பலாம்.


முகவரி: வெற்றிக்கொடி, தி இந்து-தமிழ், கஸ்தூரி மையம்,

124, வாலாஜா சாலை, சென்னை-600 002.

மின்னஞ்சல்: vetrikodi@thehindutamil.co.in

கட்டுரையாளர் தொடர்புக்கு: gemba.karthikeyan@gmail.com


(தொடரும்)

கட்டுரையாளர், மனிதவளப் பயிற்றுநர்

நெல்லிக்காயுடன் பாகற்காய் சேர்த்து ஜூஸாக்கிக் குடித்தால் இன்சுலின் சுரக்கும்: சர்க்கரை நோயாளிகளுக்கு ஓர் இனிப்பான செய்தி! 

Hindu tamil esai



சர்க்கரை நோயாளிகளை மாற்றுத்திறனாளிகள் பட்டியலில் சேர்க்கலாமா? என்று நீதிமன்றம் கேள்வி கேட்குமளவுக்கு நிலைமை கவலைக்கிடமாகிவிட்டது. `அதெல்லாம் பணக்கார நோயாச்சே...' என்று சொன்ன காலமெல்லாம் இன்று மலையேறி விட்டது. ஏழை-பணக்காரன், குழந்தை-பெரியவர் என்ற வித்தியாசமில்லாமல் எல்லோருக்கும் வருகிறது. அதேபோல, `அது ஒரு பரம்பரை வியாதி; பெற்றோருக்கு இருந்தால் பிள்ளைகளைப் பாதிக்கும்' என்று சொல்லப்படும் இலக்கணங்களையெல்லாம் மீறி யாருக்கு வேண்டுமானாலும் அழையா விருந்தாளியைப்போல வந்து போகிறது.

குழந்தைப்பேறு காலத்தில் சில பெண்களைப் பாதிக்கும் சர்க்கரை நோய் சிலரிடம் நிரந்தரமாகக் குடியேறிவிடுகிறது. அதேபோல், தாயைப் பாதித்த அந்நோய் வயிற்றில் இருக்கும்போது இல்லாவிட்டாலும் பிற்காலத்தில் குழந்தைகளைப் பாதிக்கின்றது. இப்படி எந்த நிலையிலும் யாருக்கு வேண்டுமானாலும் சர்க்கரை நோய் வரலாம், ஒரு திருடனைப்போல..!

சர்க்கரை நோயின் பாதிப்பு ஏன் இந்த அளவுக்கு இருக்கிறது என்பதுபற்றி நாம் சிந்திக்கவேண்டும். என் தாத்தா காலத்தில் அங்கொன்றும் இங்கொன்றுமாக இருந்த சர்க்கரை நோய் கொள்ளை நோயைப்போல பல்கிப் பெருகக் காரணம் என்ன? அதற்கான விடை நம்மிடமே இருக்கிறது. இன்றைக்கு சுமார் 50, 60 வயதில் இருப்பவர்கள் அவர்களது சிறு வயது நினைவுகளை கொஞ்சம் அசைபோட்டுப் பார்த்தால் தெரியும். அன்றைய காலத்தில் உண்ட உணவுகளுக்கும் இப்போது நாம் உண்ணும் உணவுகளுக்கும் உள்ள வேறுபாடுகளை அறிந்தாலே அதிலுள்ள உண்மை விளங்கும்.

கிராமம், நகரம் என்ற வித்தியாசமில்லாமல் ஆங்காங்கே காணப்படும் வேப்ப மரங்களில் காய்த்துக் கிடக்கும் சிறு பழங்களை வாயில் குதப்பிக்கொண்டு அதிலுள்ள இனிப்புச்சுவையை ருசிப்பார்கள். ஆனால், கூடவே அதிலுள்ள மருத்துவக் குணங்கள் உள்ளே சென்று நோய்கள் வராமல் தடுக்கிறது. நாவல் மரங்களின் கீழே விழுந்து கிடக்கும் பழங்களை தூசி தட்டி, மண்ணை அகற்றிவிட்டு அப்படியே வாயில் போட்டுச் சுவைப்பதுண்டு. கெட்ட வாடை வீசும் மஞ்சணத்தி எனப்படும் நுணா மரங்களின் பழங்களையும் விட்டு வைப்பதில்லை. காட்டுப்பகுதியில் கிடக்கும் இலந்தைப் பழத்தை அப்படியே எடுத்து வாயில்போட்டுச் சாப்பிடுவது இன்றும் தொடர்கிறது. பனம்பழத்தைச் சுட்டும் செங்காயை கருப்பட்டி சேர்த்து வேகவைத்தும் சாப்பிடுவோம். இவையெல்லாம் விலை கொடுத்து வாங்காமல் இலவசமாக எளிதாகக் கிடைப்பவை. அவை ஆரோக்கியம் தரும் பழங்கள் என்பது எத்தனைபேருக்குத் தெரியும்?



சர்க்கரை நோயாளிகளை பழம் சாப்பிடக்கூடாது என்று சொல்லி அவர்களின் வாயைக் கட்டுவதுடன் சுவைகளை அறியவிடாமல் செய்துவிடுகிறார்கள் சில மருத்துவர்கள். மா, பலா, வாழை என முக்கனிகளையும் ஒருசேரச் சுவைத்துச் சாப்பிடும் சர்க்கரை நோயாளிகளும் இங்கு இருக்கத்தான் செய்கிறார்கள். குறிப்பாக. கடலூரைச் சேர்ந்த ஒரு ஹோமியோபதி மருத்துவர் இந்தமுறையைத்தான் பின்பற்றுகிறார். ஆனால், அவர் வெறும் வயிற்றில் பழங்களை மட்டுமே சாப்பிடுகிறார். பசி எடுத்தால், வயிற்றுக்கு தேவைப்பட்டால் இரண்டு மணி நேரம் கழித்து வழக்கமான உணவைச் சாப்பிட்டும் சர்க்கரையில் எந்த மாற்றமும் ஏற்படவில்லை. சர்க்கரைச் சத்து அதிகம் இல்லாத நார்ச்சத்து நிறைந்த பழங்களை தாராளமாகச் சாப்பிடலாம் என்றும், சர்க்கரை நோயாளிகள் தினமும் நான்கைந்து பழங்களைச் சாப்பிடலாம் என்றும் ஆய்வுகளும் கூறுகின்றன.

குறைந்த விலையில் எல்லா இடங்களிலும் எளிதாகக் கிடைக்கும் கொய்யாப்பழத்தைச் சாப்பிடலாம். இதில் வைட்டமின் ஏ உள்ளிட்ட சத்துகள் அதிகமாகவும் கிளைசெமிக் இன்டெக்ஸ் குறைவாகவும் இருக்கின்றன. இதில் சர்க்கரைச் சத்து குறைவு; நார்ச்சத்து இருப்பதால் மலச்சிக்கலை சரிசெய்யும். அதேபோல் நாவல் பழம், ரத்தத்தில் உள்ள சர்க்கரை அளவை விரைவில் கட்டுப்படுத்தும். இதன் கொட்டையைச் சாப்பிடுவதால், அது ரத்தத்தில் உள்ள சர்க்கரையின் அளவை மிக விரைவாகக் கட்டுப்படுத்தும். நாவல் வேர் ஊறிய நீரை அருந்துவதன் மூலமும் சர்க்கரை கட்டுக்குள் இருக்கும். இவை தவிர அன்னாசி, ஆப்பிள், பேரிக்காய், மாதுளை, பப்பாளி மற்றும் சிட்ரஸ் உள்ள ஆரஞ்சு, சாத்துக்குடி பழங்களைச் சாப்பிடலாம். கிவி, ஸ்ட்ராபெர்ரி, ராஸ்பெர்ரி உள்ளிட்ட பெர்ரி வகைப் பழங்களையும்கூட சாப்பிடலாம்.




காலையில் வெறும் வயிற்றில் ஒரு முழு நெல்லிக்காயுடன் அதைவிட இரண்டு மடங்கு அதிகமாக பாகற்காய் சேர்த்து அரைத்து சாறு எடுத்து அருந்தி வருவதன்மூலம் இன்சுலின் தாராளமாகச் சுரக்கும். வாழைப்பூ, வெள்ளரிக்காய், வெண்டைக்காய், கேரட், முட்டைக்கோஸ் மற்றும் பச்சை நிறக் காய்கறிகள், நார்ச்சத்து அதிகமுள்ள கீரைகள், வெள்ளைப்பூண்டு, மஞ்சள், பீன்ஸ், வெந்தயம் உள்ளிட்ட உணவுகளை அடிக்கடி சேர்த்து வந்தாலே சர்க்கரை நோயாளிகள் நலமுடன் வாழலாம்.

அரிசி உணவு சர்க்கரை நோயை அதிகரித்துவிடும் என்று சொல்லப்படுகிறது. உண்மையில், இன்றைக்கு உள்ள பாலிஷ்டு அரிசிகளால்தான் நோய்கள் வரும். முன்பெல்லாம் பட்டை தீட்டப்படாத கைக்குத்தல் அரிசியைத்தான் உண்பார்கள். தவிடு நீக்கப்படாத அந்த அரிசிகளை உண்பதால் உடலுக்குத் தேவையான சத்துகள் கிடைக்கும். கூடவே அரிசியில் உள்ள மாவுப்பொருள்களை செரிமானமடையச் செய்யக்கூடியது தவிடு என்பது எத்தனைபேருக்குத் தெரியும்? அதுமட்டுமல்ல அன்றைக்கு பயிரிடப்பட்ட நெல் ரகங்கள் பெரும்பாலும் நீண்டகாலம் விளையக்கூடியவை. இன்றைக்குப்போல் அவசரத்தில் விளைவிக்கப்பட்டவை அல்ல.

பாரம்பரிய அரிசிகள் மகிமை நிறைந்தவை என்று மார் தட்டுவது வெற்று வார்த்தைகள் அல்ல. அவை ஒவ்வொன்றுக்கும் ஒரு மருத்துவக் குணம் இருக்கும். சம்பா அரிசியின் தவிட்டுடன் கருப்பட்டி கலந்து சாப்பிட்டால் அவ்வளவு சுவையாக இருக்கும். அதை ஒரு தின்பண்டமாகவே கொடுத்தார்கள். மாவுச்சத்து மட்டுமல்லாமல் நார்ச்சத்து நிறைந்த சம்பா ரக அரிசிகளில் உள்ள சத்துகள் அதிகம். மாப்பிள்ளைச் சம்பா, கார்த்திகைச் சம்பா, கிச்சடிச் சம்பா, மணிச் சம்பா, மல்லிகைப்பூ சம்பா என அரிசி ரகங்களை அடுக்கிக்கொண்டே போகலாம். இப்படி அன்றைக்கு சாப்பிட்டவை எல்லாமே நோய் நீக்கியாகவே இருந்தன. இவற்றால் சர்க்கரை நோய் என்ற பேச்சுக்கே இடமில்லை.

அதுமட்டுமல்ல, அன்றைக்கு ஒட்டுமொத்த குடும்பமும் உழைக்கும். அப்பா ஆடு, மாடுகளை பராமரிப்பார். அம்மா வீட்டைச் சுத்தம்செய்வது, பாத்திரம் கழுவுவது, உரலில் நெல் குத்தி எடுப்பது, ஆட்டுக்கல்லில் மாவு அரைப்பது, அம்மியில் மசாலா அரைப்பது என பம்பரமாய் சுழல்வார். அக்கா வீட்டுக்கு வெளியே இருக்கும் அடுப்பில் நெருப்பு மூட்டி சமைத்துக் கொண்டிருப்பார். அண்ணன் விறகு வெட்டுவதுடன் தோட்ட வேலைகளைச் செய்வார். தங்கையும் தம்பியும் வீட்டைச் சுற்றியிருக்கும் செடி, கொடிகளுக்கு தண்ணீர் ஊற்றுவார்கள். இப்படி ஒட்டுமொத்தக் குடும்பமும் உடல் உழைப்பில் ஈடுபடும். இவற்றால் யாருக்கும் எந்த நோயும் வந்ததில்லை. அப்படியே வந்தாலும் தாத்தா கொடுக்கும் பச்சிலை மருந்துகளால் அவை வெகுதூரம் போய்விடும்.



சர்க்கரை நோயாளிகள் தேன் சாப்பிடக்கூடாது, கருப்பட்டி சாப்பிடக்கூடாது என்றும் இயற்கை விளைபொருள்கள் பலவற்றைப் பட்டியலிட்டு அவற்றையெல்லாம் சாப்பிடக்கூடாது என்று மருத்துவர்கள் சிலர் கூறுகிறார்கள். இயற்கையின் மகத்தான கொடையான தேன் சர்க்கரை நோயாளிகளுக்குப் பாதுகாப்பானதே. அதைச் சாப்பிடுவதால் சர்க்கரை நோய் அதிகரிக்காது. ஆனாலும், இன்றைக்குக் கிடைக்கும் தேன் இயற்கைமுறையில் பெறப்படுகின்றனவா? `ஆர்கானிக்', `மலைத்தேன்' என்றெல்லாம் சொல்லி விற்கப்படும் தேனெல்லாம் உண்மையானதா? அதிலும் சிலர் ஒருபடி மேலேபோய் தும்பைத் தேன், துளசித் தேன், நாவல் தேன் என்று சொல்லிக்கொண்டு மக்கள் தலையில் மிளகாய் அரைக்கிறார்கள். தேன் விற்பவர் மீதுள்ள நம்பிக்கையில் வாங்கினாலும் அவருக்கு கொடுத்தவர் எப்படிப்பட்டவர், அவர் எங்கிருந்து அந்தத் தேனை பெற்றார்? உண்மையிலேயே அது தேன் தானா? என்று பல கேள்விகள் எழுகின்றன. மருத்துவக் குணம் நிறைந்த தேன் தன் மகத்துவத்தை இழக்கும்போது அது சர்க்கரை நோயை மட்டுமல்ல வேறு பல நோய்களையும் உண்டாக்கத்தானே செய்யும்?

முன்பெல்லாம் டீ, காபியில் சேர்க்கப்படும் சர்க்கரைக்குப் பதில் கருப்பட்டி சேர்த்தே சாப்பிட்டார்கள். பெரும்பாலும் பால் சேர்ப்பதில்லை. கடுங்காபி அல்லது கட்டஞ்சாயாவையே குடிப்பார்கள். இதனால் எந்த நோயும் வந்ததாகத் தெரியவில்லை. கைக்குத்தல் அரிசி சாதத்துடன் கருப்பட்டி சேர்த்துச் சாப்பிட்டாலும் சர்க்கரை நோய் கட்டுக்குள் இருக்கும். இப்படி இயற்கை விளைபொருட்கள் அனைத்தும் நோய்கள் வராமல் தடுப்பதுடன் நோய்களைக் குணப்படுத்தும் மாமருந்தாக இருந்தன. ஆனால், இன்றைக்கு நாம் உண்ணும் உணவுகளில் பெரும்பாலானவை நோய்களை உருவாக்குபவையாகவே இருக்கின்றன. ஆகவே, மக்கள் மத்தியில் விழிப்புணர்வு வரவேண்டும். சர்க்கரை நோய் என்று இல்லை; எந்த நோயும் நம்மை நெருங்காமலிருக்க உண்ணும் உணவில் தொடங்கி எல்லா நிலைகளிலும் மாற்றம் வர வேண்டும்.

- தமிழ்க்குமரன்

‘கனவு நிறைவேறலையே!’ - வாழ்வை முடித்துக்கொண்ட மாணவிகள்

பி.ஆண்டனிராஜ்

எம்.திலீபன்

எல்.ராஜேந்திரன்

தே.தீட்ஷித்

பெரம்பலூர் மாவட்டம் துறைமங்கலத்தைச் சேர்ந்த ஓய்வுபெற்ற அரசுப் பேருந்து நடத்துநர் செல்வராஜின் மகள் கீர்த்தனா, நெல்லை ஊருடையான் குடியிருப்பைச் சேர்ந்த ஆட்டோ டிரைவர் செல்வராஜின் மகள் தனலட்சுமி ஆகியோரின் தற்கொலை தமிழகத்தை உலுக்கியிருக்கிறது.



கீர்த்தனா

‘‘நீட் தேர்வுதான் இவர்களின் தற்கொலைக்குக் காரணம்’’ என்று சமூக ஆர்வலர்கள் சிலர் குற்றம்சாட்டுகின்றனர்.

துறைமங்கலத்தில் உள்ள செல்வராஜ் வீட்டைத் தேடிச் சென்றோம். கீர்த்தனாவின் மரண சோகத்திலிருந்து குடும்பத்தினர் மீளாத நிலையில், செல்வராஜின் நண்பர் தியாகராஜன் நம்மிடம் பேசினார்.

கீர்த்தனா, தனலட்சுமி

  ‘‘புள்ளைங்கதான் உலகம்னு வாழ்ந்த குடும்பம். கீர்த்தனாவின் அப்பா செல்வராஜுக்கு, தொண்டையில கேன்சர். சிகிச்சையப்போ அவர் பட்ட கஷ்டங்களைப் பார்த்த கீர்த்தனா, ‘நான் டாக்டர் ஆகி, அப்பாவை நல்லா கவனிச்சுக்குவேன்’னு சொன்னா. அதுபோலவே நல்லா படிக்கவும் ஆரம்பிச்சா. பத்தாம் வகுப்புல 495 மார்க் எடுத்து மாநிலத்திலேயே மூணாவது இடம் பிடிச்ச கீர்த்தனா, போன வருஷம் ப்ளஸ் டூ தேர்வுல 1,053 மார்க் எடுத்தா. நீட் தேர்வுல 202 மார்க் மட்டுமே எடுத்ததால, மருத்துவ சீட் கிடைக்கலை. அதனால, சென்னையில நீட் கோச்சிங் கிளாஸுல சேர்ந்தா. அவருக்காக ஒட்டுமொத்த குடும்பமும் சென்னையில குடியேறிச்சு. இந்த வருஷம் நீட் தேர்வுல 384 மார்க் எடுத்தும் சீட் கிடைக்காததால, இந்த முடிவை எடுத்துட்டா ’’ என்று கலங்கினார்.

கீர்த்தனாவின் தோழிகளிடம் பேசினோம். ‘‘அவளோட கனவு, லட்சியம் எல்லாமே டாக்டர் ஆகணும்கிறதுதான். சின்ன வயசுல இருந்தே `எங்க அப்பாவுக்கு மருத்துவம் பார்க்க டாக்டர் ஆகணும்’னு சொல்லிக்கிட்டே இருப்பா. ஆனா, நீட் தேர்வால் அவளோட கனவெல்லாம் சிதைஞ்சுப்போச்சு. `இந்த முறை சீட் கிடைச்சிடும்’னு ரொம்ப நம்பிக்கையா இருந்தா. அவளைவிட குறைவான மார்க் வாங்கி சுமாரா படிக்கிற புள்ளைங்க பலர், நீட் தேர்வுல அதிக மார்க் வாங்கி டாக்டருக்குப் படிக்கப் போயிட்டாங்க. அது அவளை ரொம்பவே அவமானப்பட வெச்சிருச்சு. அதனாலத்தான் இப்படியொரு முடிவைத் தேடிக்கிட்டா’’ என்று கண்ணீர் வடித்தார்கள்.

தனலட்சுமியின் கடிதம்

பெரம்பலூர் மாவட்ட மார்க்சிஸ்ட் கட்சியின் செயற்குழு உறுப்பினர் செல்லதுரை, ‘‘நீட் தேர்வால் ஏற்படும் உயிரிழப்புகள் ஒவ்வொரு வருடமும் தொடர்ந்துகொண்டிருக்கின்றன. இந்த நிலையில், நீட் தேர்வைத் தொடர்வதில் மத்திய அரசு பிடிவாதம் காட்டுவது சரியல்ல. தமிழக அரசு இந்த விவகாரத்தில் போதிய அழுத்தம் கொடுக்காதது வேதனைக்குரியது. ஜெயலலிதா எதிர்த்த நீட் தேர்வை, எடப்பாடி பழனிசாமி அரசு ஆதரிப்பது வெட்கக்கேடானது. மத்திய அரசின் அனைத்து அழிவுத் திட்டங்களுக்கும், தமிழக அரசு சிவப்புக் கம்பளம் விரிப்பது கேவலமானது. தமிழக அரசின் அரசியல் லாபத்துக்காக, நீட் தேர்வு என்ற பெயரில் இன்னும் எத்தனை உயிர்களை பலி கொடுக்கப்போகிறீர்கள்?” என்றார் ஆவேசமாக.

நெல்லை மாவட்டம் ஊருடையான் குடியிருப்புப் பகுதியைச் சேர்ந்த ஆட்டோ டிரைவரான செல்வராஜின் மகள் தனலட்சுமியின் தற்கொலை அந்தப் பகுதி மக்களை உலுக்கியுள்ளது.



தனலட்சுமி எழுதி வைத்த கடிதத்தில், ‘என் சாவுக்கு யாரும் காரணமில்லை. என்னால், நான் ஆசைப்பட்டதைப் படிக்க முடியவில்லை. பணம்தான் என் கனவுகளை நிறைவேற்ற முடியாத நிலைக்குத் தள்ளிவிட்டது. நான் மட்டும் நீட் கோச்சிங் கிளாஸுக்குப் போயிருந்தால், இப்போது டாக்டருக்குப் படித்துக்கொண்டிருப்பேன். நான் ஆசைப்பட்டது கிடைக்கவில்லை. அதனால் போய்வருகிறேன்’ என்று குறிப்பிட்டுள்ளார்.


தனலட்சுமியின் தந்தை செல்வராஜிடம் பேசியபோது, ‘‘நான் ஆட்டோ ஓட்டி குடும்பத்தை நடத்திக்கிட்டு வர்றேன். எனக்கு இதயப் பிரச்னை ஏற்பட்டு சர்ஜரி செய்ததுல, மூணு லட்சம் ரூபாய் செலவாயிடுச்சு. அதை கடனுக்கு வாங்கியதால, வட்டி கட்டிட்டிருக்கேன். அதனாலதான் கடந்த வருஷம் தனலட்சுமியை கோச்சிங் சென்டர்ல சேர்க்க முடியலை. இவ இந்த மாதிரி ஒரு முடிவை எடுப்பானு நினைச்சுக்கூடப் பார்க்கலை’’ எனக் கதறினார்.

‘‘நீட் தேர்வு காரணமாக மருத்துவர் ஆக முடியாத ஆதங்கத்தில் அரியலூர் அனிதா, செஞ்சி பிரதீபா, திருப்பூர் ரிது, பட்டுக்கோட்டை வைஸ்யா, விழுப்புரம் மோனிஷா, திருச்சி சுப தற்கொலை செய்து கொண்டனர். அந்த வரிசையில், பெரம்பலூர் கீர்த்தனா, நெல்லை தனலட்சுமி என எண்ணிக்கை கூடுகிறது. அரசு அக்கறையுடன் கவனம் செலுத்த வேண்டிய விவகாரம் இது’’ என்று சமூக ஆர்வலர்கள் தரப்பில் இருந்து குரல்கள் கேட்கின்றன.

மனசு போல வழ்க்கை 07: மனத்தைக் காட்டிக்கொடுத்துவிடும் உடல்! 
 




டாக்டர். ஆர். கார்த்திகேயன்

ஒருவரைப் புரிந்துகொள்ளச் சிறந்த வழி அவர் உணர்ச்சி வசப்படும்போது அவரைக் கவனிப்பதுதான். இதுவும் ஓர் இயற்பியல் ஆய்வு போலத்தான். ஓர் உலோகத்தின் தன்மையை அறிய என்ன செய்ய வேண்டும்? அதை உடைத்துப் பார்க்க வேண்டும். அமிலத்தில் கரைத்துப் பார்க்க வேண்டும்.

தீயில் சுட்டுப் பார்க்க வேண்டும். மொத்தத்தில் அதன் இயல்பு நிலையை மாற்றியமைக்கும் போதுதான் அதன் தன்மை தெரியும். எவ்வளவு வளையும், எந்த வெப்பத்தில் உருகும், எப்படி உருமாறும் என்றெல்லாம் கணிக்க முடியும். இதே விதி மனிதர்களுக்கும் பொருந்தும். அமைதியான சூழலில், நிதானமான உணர்வில், யாவும் நன்கு நடைபெற்றுக்கொண்டி ருக்கும்போது அனைவரும் கிட்டத்தட்ட நன்றாகத்தான் தென்படுவார்கள்.

ஆனால், ஒரு சிக்கல் வந்து உணர்ச்சி வசப்படும் போதுதான் மூடிக்கிடந்த அத்தனை பரிமாணங்களையும் வெளிப்படுத்துவார்கள். விமான நிலையத்தில் இதை நான் அடிக்கடி பார்ப்பதுண்டு. உள்ளே நுழையும்போது கனவான்கள் அனைவரும் ஒன்று போலத்தான் தெரிவார்கள். விமானம் தாமதம் என்றதும் அவர்கள் ஒவ்வொருவரின் சுயரூபம் வெளிப்படும்.

சிக்கல் ஒன்றுதானே!

“நான் யார் தெரியுமா, கூப்பிடு உன் மேலதிகாரியை!” என்று அதிகாரம் காட்டுவார் ஒருவர். “நம்ம நாடு உருப்படவே உருப்படாது” என்று நமட்டுச் சிரிப்பு சிரிப்பார் இன்னொருவர். “யூ நோ ஏர்லைன்ஸ் இஸ் எ ப்ளீடிங் இண்டஸ்ட்ரி…” என்று விரிவுரை ஆற்றத் தொடங்கும் ஒரு புறம். “நம்ம ராசி அப்படி சார். கனெக்டிங் ஃபிளைட் பிடிச்ச மாதிரித்தான்” என்று நொந்துகொண்டு சிரிக்கும் ஒன்று. தகவல் தெரிந்தவுடனே எதுவும் பேசாமல் ஓரமாய்ப் போய்ப் படுத்து உறங்குவார் ஒருவர். அடுத்த செய்தி வரும்வரை இருப்புக் கொள்ளாமல் பிரசவ அறைக்கு வெளியே உள்ளது போலக் குறுக்கும் நெடுக்குமாய் நடந்துகொண்டே இருப்பார் ஒருவர்.

இங்கே சிக்கல் ஒன்றுதான். அதற்குக் கோபம், பயம், கழிவிரக்கம், நக்கல், சோர்வு என அவரவர் மனநிலைக்கு ஏற்ப நடந்துகொள்கிறார்கள். மனோத்திடம் அதிகம் தேவை யான பணிக்குரிய நேர்முகத் தேர்வில் கண்டிப்பாக மன உளைச்சலைத் தூண்டும் கேள்விகளைக் கேட்பார்கள். Stress interview என்றே இதைச் சொல்வதுண்டு. எவ்வளவு மறைத்தாலும் உடல் மொழியும் பதில்களும் ஒருவரின் மனஉறுதியை அல்லது உறுதியின்மையைக் காட்டிக் கொடுத்துவிடும். என்னைப் பொறுத்தவரை வாழ்வின் ஒவ்வொரு சிக்கலையும் ஒரு stress interview என்று நினைத்துக்கொள்ள வேண்டும். அப்போதுதான் ஒரு சிக்கலின்போது நம் உடலும் மனமும் எப்படி நடந்துகொள்கின்றன என்று கவனிக்க முடியும்.

நேர்முகத் தேர்வு முடிந்து வீட்டுக்கு வந்தவுடன் நமக்கு எல்லா ஞானோதயமும் வரும். “அந்த டென் ஷன்ல வார்த்தை வரல. கொஞ்சம் சொதப்பிட்டேன். அப்புறம் சமாளிச்சு பதில் சொன்னேன். ஏன் அவ்வளவு டென்ஷன்னு இப்ப புரியலை!”

உடலை உற்றுநோக்குங்கள் மனக்கிளர்ச்சியை உருவாக்கும் எல்லாச் சம்பவங்களிலும் உடல் கிட்டத்தட்ட ஒரே மாதிரியான மாற்றங் களைத்தான் செய்கிறது. நபருக்கு நபர் இது மாறும். ஒருவருக்கு அதிகமாகத் தலைவலி, சிலருக்கு வயிறு குழையும். சிலருக்கு மார்பு படபடக்கும்- இப்படி உடலில் எந்த இயக்கம் பாதிக்கப்படும் என்பதில் மாறுபாடுகள் இருக்கலாம்.

ஆனால், ஒவ்வொரு மனிதருக்கும் மனக்கிளர்ச்சியின்போது உடல் மாற்றங்களில் ஒரு பொதுத் தன்மை உண்டு. இதை அறிந்தாலே நாளைக்கு உங்களுக்கு வரவிருக்கும் நோய்களைக் கண்டறியலாம். ஆனால், நம் பிரச்சினை என்னவென்றால் ஆரம்ப அறிகுறிகளை அலட்சியப்படுத்து கிறோம். அல்லது அமுக்கி வைக்க நினைக்கிறோம். இந்த வலி சொல்லும் செய்தி என்ன என்று யோசிக்காமல், எதைத் தின்று ‘நிவாரணம்’ கிடைக்கும் என்று ஓடுகிறோம். உடல் கிளர்ச்சி, மனக் கிளர்ச்சியின் தொடர்ச்சி என்பதைப் புரிந்துகொள்ளத் தவறிவிடுகிறோம். உடலை ஒரு உயிரில்லா ஜடப்பொருள் போலப் பகுதி பகுதியாய்ப் பிரித்து வைத்தியம் பார்க்க ஆரம்பித்துவிட்டோம். மனப் பிரச்சினைக்கும் உடலில் காரணிகள் தேடுவதைப் போல, உடல் பிரச்சினைகளுக்கு மனதில் காரணிகள் தேடுவதில்லை நம் மருத்துவர்கள்.

உங்களுக்கு வர வாய்ப்பிருக்கும் வியாதிகள் பற்றித் தெரிய வேண்டுமா? ஒரு வேலை செய்யுங்கள். பதற்றம் அடையும்போதெல்லாம் உடலில் எந்தெந்த மாறுதல்கள் ஏற்படுகின்றன என்று கூர்ந்து கவனித்துக் குறித்து வையுங்கள். எந்தச் சூழ்நிலையாக இருந்தாலும் சரி, பரவாயில்லை. உங்கள் உடலை உற்று நோக்குங்கள். உங்கள் உணர்வுகளை உங்களுக்குப் புரிய வைக்கும் ஆசான் உங்கள் உடல்.

கேள்வி: எவ்வளவு பொருள் வாங்கினாலும் திருப்தியாக இல்லை. சதா ஷாப்பிங் செல்வதும் செலவு செய்வதும் போதைபோலத் தோன்றுகிறது. எனக்குப் பெரிய சம்பளமும் இல்லை. எதை வாங்க வேண்டும், எதை வாங்க வேண்டாம் என்றும் புரிவதில்லை. எந்தப் பொருள் வசதியும் இல்லாத என் பெற்றோர் மகிழ்ச்சியாகத்தான் இருந்தார்கள். மால்களுக்குச் செல்வது ஒரு விதமான நோயா?

பதில்: உங்கள் கேள்வியிலேயே எல்லாப் பதில்களும் உள்ளன. உங்களுக்கு உள்ளே காலியாக இருப்பதை உணர்ந்துதான் பொருட்களாய் வாங்கி நிரப்புகிறீர்கள். அந்த வெற்றிடத்தைக் கவனியுங்கள். இதுவும் போதைபோலத் தான். வாங்கியதைப் பயன்படுத்துவதைவிட அடுத்ததை வாங்கத்தான் மனம் விரும்பும். தேவையில்லாத பொருட்களை வாங்க வைக்கத்தான் ஒரு பெரும் வணிகக் கலாச்சாரம் இங்கு உருவாகியுள்ளது. திருப்தியை விலை கொடுத்து வாங்க முடியாது. திருப்தி அடைந்தால் எதையும் விலை கொடுத்து வாங்கவும் அவசியம் இருக்காது. திருப்தி அடையப் பல உன்னத வழிகள் உள்ளன. அவற்றைக் கண்டுபிடியுங்கள்!

- கட்டுரையாளர்,
மனிதவளப் பயிற்றுநர்

‘மனசு போல வாழ்க்கை-2.0’
பகுதியில் நீங்கள் எதிர்கொண்டு வரும் மனச் சிக்கலுக்கு பதில் அளிக்கத் தயாராக இருக்கிறார்
டாக்டர் ஆர். கார்த்திகேயன். உங்களுடைய கேள்விகளை அனுப்பலாம்.
முகவரி: வெற்றிக்கொடி,
தி இந்து-தமிழ், கஸ்தூரி மையம்,
124, வாலாஜா சாலை,
சென்னை-600 002.
மின்னஞ்சல்:
vetrikodi@thehindutamil.co.in
கட்டுரையாளர் தொடர்புக்கு: gemba.karthikeyan@gmail.com

மனசு போல வாழ்க்கை 08: மனம் வாயிலாக பதிவுசெய்யும் உடல்! 
 




எல்லா உடல் நோய்களுக்கும் மனம் ஒரு பெரும் காரணம் என இன்று மருத்துவ ஆராய்ச்சியாளர்கள் நிரூபித்து வருகிறார்கள். மனத்தின் பங்கு இல்லாமல் உடலில் எதுவும் நிகழாது என்று கூறலாம். அது நேரடியாகவோ மறைமுகமாகவோ இருக்கலாம். முழுமையாகவோ குறைவாகவோ இருக்கலாம். நிச்சயம் மனத்தின் பங்களிப்பு உண்டு. “எப்படி அப்படிச் சொல்ல முடியும்? மழையில் நனைந்து காய்ச்சல் வருகிறது. ஊரெல்லாம் தொற்று நோய் பரவி வந்து உங்களையும் தாக்குகிறது.

அல்லது சாலை விபத்து நடக்கிறது. இதெல்லாம் வெளிப்புறக் காரணங்கள் இல்லையா?” என்று கேட்கலாம். ஒரு லட்சம் பேர் மீது பொழியும் மழையில் சில நூறு பேருக்கு மட்டும் ஏன் காய்ச்சல் வருகிறது? அது அவரவர் நோய் எதிர்ப்பு ஆற்றலைப் பொறுத்தது என்று சொல்லலாம். நோய் எதிர்ப்பு ஆற்றலில் மனத்தின் பங்கு அதிகம் என்று இன்று Psycho - Immunology தெளிவுபடுத்துகிறது.

இதை கவனித்தீர்களா?

விபத்துக்கு ஆளாவோர் பற்றிய உளவியல் ஆராய்ச்சிகள் Accident Prone Behaviour என்ற ஒன்றைப் பற்றி விரிவாகக் கூறுகிறது. மருத்துவ ஆராய்ச்சிகள்கூடச் சராசரிகளை வைத்துத்தான் முடிவுகளைப் பொதுமைப்படுத்துகின்றன. ஆனால், விதிவிலக்குகளைத் தீவிரமாக ஆராயும்போதுதான் உளவியல் காரணங்கள் தெரியவரும்.

உதாரணத்துக்கு, ஒரு மருந்தைப் பரிசோதிக்கும் மருத்துவர்கள் பொதுவாக நோயாளிகளை இரண்டு குழுக்களாகப் பிரிப்பார்கள். ஒரு குழுவுக்கு மருந்தைக் கொடுப்பார்கள். இன்னொரு குழுவுக்குச் சிகிச்சை அளிக்காமல் சற்றுத் தாமதிப்பார்கள். அல்லது மாற்று சிகிச்சை தருவார்கள். ஒரு குறிப்பிட்ட காலத்துக்குப் பின்னே நோயின் வீரியத்தை இரண்டு குழுவிலும் கணக்கிடுவார்கள்.

மருந்து அளிக்கப்பட்ட குழுவில் 100-க்கு 75 பேருக்கு நோய் தன்மை குறைந்திருந்தால் அதை வீரிய மருந்து என்று ஒப்புக்கொள்வார்கள் என்று வைத்துக்கொள்வோம். ஆனால், அவர்கள் கவனிக்கத் தவறும் இரண்டு விஷயங்கள் உள்ளன. ஒன்று, மருந்து கொடுக்கபப்டட குழுவில் நோய்த்தன்மை குறையாத 25 பேருக்கு இடையிலான பொதுத்தன்மை என்ன? இரண்டாவது, மருந்து கொடுக்கப்படாத குழுவிலும் நோய்த்தன்மை குறையும் 10 பேருக்கு எது பொதுவானது? இங்குதான் நம்பிக்கைகளின் நோய் எதிர்ப்புதன்மை புலப்படுகின்றது.

இதை Placebo Effect என்று சொல்வார்கள். வெறும் தண்ணீரை மிக வீரியம் மிக்க மருந்து என்று கூறிக் கொடுக்கும்போது நோய் சரியாவதைப் பல முறை நிரூபித்துள்ளார்கள். அதேபோல நோய் பயத்தினாலும் எதிர்மறையான அணுகுமுறையாலும் நல்ல சிகிச்சை கூடப் பலன் அளிக்கத் தாமதமாகிறது. இதை Nocebo Effect என்பார்கள்.

உணர்வும் உடலும்

நம்பிக்கை சார்ந்த மாற்று சிகிச்சை முறைகள் எல்லாமும் முதலில் நோயாளியை மனதளவில் நன்கு போஷிக்கின்றன. பெரும் ஆறுதல் வார்த்தைகள் அங்கு அளிக்கப்படுகின்றன. ஆழ்மன அளவில் நோய் சரியாகும் என்ற நம்பிக்கையை விதைக்கின்றன. பலன் அடைந்தவர்களின் சாகசக் கதைகளைக் காண வைக்கின்றன. இவை அனைத்தையும் மனம் வாயிலாக உடல் பதிவு செய்துகொள்கிறது. அதனால்தான் நம் மேல் மனத்தில் தர்க்கரீதியாக ஒப்புக்கொள்ள முடியாத வழிமுறைகளைக்கூட, ஆழ்மன நம்பிக்கைகள் மூலம் ஒப்புக்கொள்கிறோம். அதன் பலன்களை உணரும்போது தர்க்கத்தைக் கழற்றி வைத்துவிட்டு நிவாரணத்தை மட்டும் ஏற்றுக்கொள்கிறோம்!

இதற்கு நேரெதிரான ஒன்றையும் அடிக்கடி பார்க்கிறோம். பெரும்பான்மையோருக்கு வெற்றிகரமாக நிவாரணம் தரும் ஒரு மருத்துவச் சிகிச்சைகூடச் சிலருக்குப் பலன் அளிப்பதில்லை. அதனால்தான் எந்த வைத்தியரும் எந்த நோய்க்கும் உறுதியான வாக்குறுதி தருவதில்லை. காரணம் உடல் என்பது எலும்பும் சதையும் ரத்தமும் நரம்பும் மட்டுமல்ல. மனத்தின் தன்மை ஒவ்வொரு உடல் அணுவிலும் உறைந்து இருப்பவை.

உணர்வின் தன்மையால் உடல் எப்படியெல்லாம் மாறும் என்பதற்கு வைத்தியச் சான்றுகள் எல்லாம் தேவையில்லை. தினசரி வாழ்க்கையில் ஆயிரம் அனுபவங்களை நாமே காண்கிறோம். நல்ல பசியுடன் சாப்பிடும்போது சாம்பாரில் செத்த பல்லி கிடப்பதாகச் சொல்கிறார் நண்பர். குடலைப் புரட்டிக் கொண்டு வாந்தி வருகிறது. பின்னர் நண்பர் ‘எல்லாம் கிண்டலுக்கு’ என்று ஆயிரம் சொல்லியும் உணவு உண்ண முடியவில்லை.

நெருங்கிய உறவினர் இறந்தவுடன் இரவு முழுக்கத் தூக்கமில்லை. இப்படி ஒவ்வொரு உணர்வும் உடலை மாற்றி அமைத்துக்கொண்டே இருக்கின்றன. மகிழ்ச்சி உடலை இலகுவாக்குகிறது. அழுத்தமும் நெருக்கடியும் உடலை நோய்களுக்குத் தயார்படுத்துகின்றன.

உணர்வுகள் நோய்களைக் உருவாக்குகின்றன என்பது உண்மை என்றால், அந்த நோய்களை குணப்படுத்தும் ஆற்றலும் உணர்வுகளுக்கு உண்டு என்பது உண்மைதானே! அப்படி என்றால் உடல் தன்மையைச் சீராக்க அதற்கேற்ற உணர்வு நிலைகளை உருவாக்கிக்கொள்ள வேண்டும்.

உணர்வுகளைத் தோற்றுவிக்கும் எண்ணங்களை தேர்ந்தெடுத்து கையாள வேண்டும். சுருக்கமாகச் சொன்னால், மனம் ஏற்படுத்தும் சேதாரத்தை மனத்தைக்கொண்டே நிவர்த்தி செய்துகொள்ள முடியும். இந்தச் சுயச் சிகிச்சைக்கு மனப் பயிற்சி அவசியமாகிறது.

(தொடரும்)
- டாக்டர். ஆர். கார்த்திகேயன்
மனிதவளப் பயிற்றுநர்
தொடர்புக்கு: gemba.karthikeyan@gmail.com

‘மனசு போல வாழ்க்கை-2.0’ பகுதியில் நீங்கள் எதிர்கொண்டுவரும் மனச் சிக்கலுக்கு பதில் அளிக்கத் தயாராக இருக்கிறார் டாக்டர் ஆர். கார்த்திகேயன். உங்களுடைய கேள்விகளை அனுப்பலாம்.

முகவரி: வெற்றிக்கொடி, தி இந்து-தமிழ், கஸ்தூரி மையம், 124, வாலாஜா சாலை, சென்னை-600 002.
மின்னஞ்சல்: vetrikodi@thehindutamil.co.in

மனசு போல வாழ்க்கை 09: மன மாற்றம் என்பதே எண்ண மாற்றம்தான்! 






டாக்டர். ஆர். கார்த்திகேயன்

உணர்வு நிலைகளை மாற்றினால் உடல்நிலை மாறும் என்று சொன்னேன். இதை ஆமோதித்தாலும் முழுமையாக ஏற்றுக்கொள்வதில் சிரமங்கள் இருக்கலாம். எல்லா உடல் நோய்களையும் உணர்வுகளை மாற்றினாலே சரியாக்கலாம் என்பதுதான் உண்மை. நோய்கள் மட்டுமல்ல; நம் வாழ்வின் எல்லாப் பிரச்சினைகளையும் உணர்வுகளைக்கொண்டு சீர் செய்யலாம்.

வாழ்வின் மிகச் சிறிய சம்பவங்களைக்கூட உணர்வுநிலைகளை மாற்றி அமைக்கும். ஒரு பூங்காவில் காத்திருக்கிறீர்கள். காலை மணி 8. வெயில் ஆரம்பிக்கிறது. அது உங்கள் முகத்தில் படுகிறது. எப்படி இருக்கும்? அதை உங்கள் உணர்வுநிலைதான் முடிவு செய்கிறது. உங்கள் காதலி வருகைக்காகக் காத்திருக்கிறீர்கள். மனத்தில் ஒரு எதிர்பார்ப்பும் ஏக்கமும் உள்ளது. பூங்கா சூழல் கவிதையை யோசிக்க வைக்கும். வெயில் இதமாக முகத்தை வருடுவதாகத் தோன்றும்.

உங்கள் கடன்காரன் உங்களிடம் பாக்கி வசூலிக்க வருகிறான். எப்படிச் சமாளிப்பது என்று தெரியாமல் நிற்கிறீர்கள். பயமும் எரிச்சலும் சுயபச்சாதாபமும் கலந்து நிற்கிறீர்கள். இப்போது பூங்கா ரம்மியமாகத் தெரியவில்லை. முகத்தில் படும் வெயில் சுள்ளென்று எரிகிறது. இப்போது புரிகிறதா, உணர்வுகள் வண்ணக் கண்ணாடிகளாக உங்கள் அனுபவங்களை மாற்றிக் காண்பிக்கும் வல்லமை படைத்தவை என்பது.

சினமும் கருணையும் உண்டாக்கும் எண்ணங்கள்

அது சரி, இந்த உதாரணங்களில் உணர்வுகளைத் தீர்மானிப்பது சம்பவங்கள்தானே; உணர்வுகளை எப்படிக் காரணமாக்க முடியும் என்று கேட்கிறீர்களா? அப்படியென்றால் எல்லாவற்றுக்கும் காரணம் வாழ்க்கையில் நாம் எதிர்கொள்ளும் சூழ்நிலைகளே என்றுத் தோன்றினால் ‘பொறுப்புத் துறப்பு’ என்ற நம் பழைய அத்தியாயத்தைத் திரும்பவும் படியுங்கள். “எது நடப்பினும் அதற்கு நான் பொறுப்பு” என்ற எண்ணம் வலுப்பெறும்.
சூழ்நிலைகள் நம் உணர்வுகளை நேரடியாகப் பாதிப்பதில்லை.

அதைச் சமைத்துக் கொடுப்பவை நம் எண்ணங்கள். சூழ்நிலைகளுக்குப் பொருள்கொடுத்து அதற்கேற்ப உணர்வுகளை அடையாளப்படுத்தும் வேலையை நம் எண்ணங்கள் தொடர்ந்து செய்கின்றன. “இது உன்னைச் சிறுமைப்படுத்துகிறது, சினம் கொள்” என்று கோபத்தைத் தூண்டுவது நம் எண்ணம்தான். “உன் மேல் எத்தனை அன்பு இருக்கிறது பார். பாவம், இயலாமையில் அப்படிப் பேசிவிட்டாள்” என்று கருணையைத் தூண்டுவதும் நம் எண்ணம்தான். “இது பெரும் ஆபத்து” என்று புரிந்தவுடன் பயம் வருகிறது. “இது பெரும் இன்பக்கிளர்ச்சி” எனும்போது மனம் குதூகலம்கொள்கிறது. “என்னை விடச் சிறந்தவனா இவன்?” என்று ஒப்பிடுகையில் மனம் பொறாமைகொள்ளும்.

இப்படி ஒவ்வொரு உணர்வையும் சொடுக்கிவிட்டு வேலை வாங்கும் எஜமானன் எண்ணம்தான். அதனால்தான் எண்ணங்களைத் தொடர்ந்து கண்காணிப்பது அத்தனை அவசியமாகிறது.
இந்தக் காரணத்தால்தான் எதை மாற்ற வேண்டுமென்றாலும் உங்கள் எண்ணத்தை மாற்றுவது முதல் வேலையாகிறது. மன மாற்றம் என்பதே எண்ண மாற்றம்தான். காரணம் உணர்வுகளை நேரடியாக மாற்றுவது மிக மிகக் கடினம். ஆனால், எண்ணத்தை மாற்றி அதன் மூலம் உணர்வுகளை மாற்றுவது சுலபம். எல்லா நடத்தை மாற்றங்களுக்கும் விசை எண்ணங்களே!

விலகுதல் பழகு!

மதம் உங்கள் இறை நம்பிக்கை பற்றிய எண்ணங்களை மாற்றி அமைக்கிறது. அரசியல் கட்சி உங்கள் கொள்கைகள் பற்றிய எண்ணங்களை மாற்றி அமைக்கிறது. மருத்துவம் உங்கள் நோய் பற்றிய எண்ணங்களை மாற்றி அமைக்கிறது. திருமணம் உங்களைப் பற்றிய எண்ணங்களையே மாற்றி அமைக்கிறது. இப்படி ஒவ்வொன்றும் உங்கள் எண்ணங்களைத்தான் தொடர்ந்து மாற்றிக்கொண்டே இருக்கின்றன. இதனால் தான் நம் எண்ணங்களைப் பாதிக்கும் விஷயங்கள் எவை எவை என்று யோசித்து அவற்றைத் தேர்வு செய்து கொள்வது அவசியம்.
இதை அறிந்ததால்தான் துறவிகள் எதை உண்பது, எதைக் காண்பது, எப்போது பேசுவது, எப்போது விலகியிருப்பது என்பதில் மிகுந்த கவனமாக இருக்கிறார்கள்.

நாம் துறவு வாழ்வு வாழாவிட்டாலும், நம்மை அதிகம் தாக்கும் எதிர்மறை எண்ணங்களின் ஊற்று எவை என்பதை அறிந்து அவற்றிலிருந்து விலகியிருப்பதை முதல் படியாகக்கொள்ளலாம்.
ஒரே ஒரு நாள் வாட்ஸ் அப் வாசிக்காமல், செய்தி சேனல்கள் பார்க்காமல், வம்பு பேசும் நட்புகளிலிருந்து சற்று விலகியிருந்து பாருங்களேன். உங்கள் எண்ணங்களைத் தள்ளியிருந்து பார்க்கும் அரிய சந்தர்ப்பம் கிடைக்கலாம்.

மாதத்தில் ஒரு நாள் ‘Phone Fasting’ செய்யலாம். மொபைல் இல்லாத அந்நாள் ஒரு புது அனுபவமாக இருக்கும். மலையேற்றத்தின்போது அல்லது காடு வழியே செல்லும்போது உங்களுக்கு சிக்னல் கிடைக்காமல் போன் வேலை செய்யாதபோது இந்த அனுபவத்தை உணர்ந்திருப்பீர்கள். புறத் தாக்குதல்கள் இல்லாது உங்கள் எண்ணங்களைக் கவனிப்பதும் ஒரு தியான அனுபவமே!

‘மனசு போல வாழ்க்கை-2.0’ பகுதியில் நீங்கள் எதிர்கொண்டுவரும்
மனச் சிக்கலுக்கு பதில் அளிக்கத் தயாராக இருக்கிறார்
டாக்டர் ஆர். கார்த்திகேயன். உங்களுடைய கேள்விகளை அனுப்பலாம்.
முகவரி: வெற்றிக்கொடி, தி இந்து-தமிழ், கஸ்தூரி மையம்,
124, வாலாஜா சாலை, சென்னை-600 002.

மின்னஞ்சல்: vetrikodi@thehindutamil.co.in
கட்டுரையாளர் தொடர்புக்கு: gemba.karthikeyan@gmail.com

(தொடரும்)
கட்டுரையாளர், மனிதவள பயிற்றுநர்.

வைரல் உலா: சின்ன சின்ன ஆசை... வயதாகக் கொஞ்சம் ஆசை! 





குத்துமதிப்பாக 40 வயதைத் தொட்டவர்கள் ஃபேஸ்புக், ட்விட்டர், இன்ஸ்டாகிராம் போன்ற சமூக ஊடகங்களில் தங்களது ஒளிப்படங்களை எளிதில் மாற்ற மாட்டார்கள். தங்களுக்கு வயது ஆகிவிட்டதைக் காட்டக் கூடாது என்பதற்காகச் சிலபல ஆண்டுகளுக்கு முன்பு எடுத்த ஒளிப்படங்களையே பயன்படுத்துவார்கள். ஆனால், இன்றோ நிலைமை தலைகீழ்.

பதின்பருவத்தில் உள்ள இளைஞர்கள்கூடத் தாங்கள் வயதானால் எப்படி இருப்போம் என்பதைக் காட்டும் ஒளிப்படங்களைச் சமூக ஊடகங்களில் பதிவிடத் தொடங்கிவிட்டார்கள். அதற்குப் பாதை அமைத்துக் கொடுத்தது ‘ஃபேஸ் செயலி’. கடந்த வாரம் ஃபேஸ்புக்கில் இந்தியக் கிரிக்கெட் வீரர்கள் எம்.எஸ். டோனி, விராட் கோலி, ரோஹித் உள்ளிட்ட வீரர்களின் வயதான தோற்றத்துடன் கூடிய ஒளிப்படங்கள் சமூக ஊடகங்களில் வைரலாயின.




இதைப் பார்த்துவிட்டு சும்மா இருப்பார்களா நம் இளைஞர்கள். உடனே ‘ஃபேஸ் செயலி’யைத் தங்களுடைய மொபைல் போன்களில் பதிவிறக்கம் செய்து தங்களுடைய வயதான ஒளிப்படங்களைப் பகிர ஆரம்பித்துவிட்டார்கள். இதேபோல தங்களுக்குப் பிடித்த சகலமானவர்களையும் ‘ஃபேஸ் செயலி’யில் நுழைத்து, அதை மீம்களாக்கி உலவவிட்டுவந்தார்கள். கடந்த வாரம் சமூக ஊடகங்களை ‘ஃபேஸ் செயலி’தான் ஆக்கிரமித்திருந்தது.

‘ஃபேஸ் செயலி’யில் வயதான தோற்றம் மட்டுமல்லாமல், வயது குறைந்த தோற்றத்தையும் காட்டுவதால், அதைப் பயனாளர்கள் பதிவிறக்கம் செய்தது எகிறியது. கடந்த வாரத்தில் மட்டும் சுமார் 15 கோடிப் பேர் இந்தச் செயலியைப் பதிவிறக்கம் செய்து எண்ணிக்கையை எகிறடித்திருக்கிறார்கள். பதிவிறக்கத் தரவரிசையில் ‘ஃபேஸ் செயலி’யே முதலிடத்தில் இருந்தது. இதில் ஒளிப்படங்களைப் பதிவிறக்கம் செய்தவர்களின் தகவல்களை அந்நிறுவனம் திருடிவிட்டதாகத் தனிக் கதையும் ஓடிக்கொண்டிருக்கிறது.

சுமங்கலிகளுக்கு புடவை, வளையல், குங்குமம்; வரலட்சுமி பூஜை ஸ்பெஷல்



வி.ராம்ஜி

வரங்களைத் தந்தருளும் வைபவம்... வரலட்சுமி விரதம். இந்த விரதத்தை அனுஷ்டித்து, முறையே பிரார்த்தனை செய்தால், எல்லா வளங்களையும் தந்தருள்வாள் மகாலட்சுமி என்கிறது புராணம்.

திருமணமான பெண்கள், இந்த விரதத்தை அனுஷ்டித்து பூஜை செய்தால், குடும்பத்தில் நிம்மதியும் சந்தோஷமும் நிறைந்திருக்கும். இல்லத்தில் சுபிட்சம் குடிகொள்ளும். மாங்கல்ய பலம் பெருகும். கணவன் நீண்ட ஆயுளுடன் வாழ்வார்கள் என்கிறார்கள் ஆச்சார்யப் பெருமக்கள்.
வருகிற ஆடி 24ம் தேதி ஆகஸ்ட் 9ம் தேதி வெள்ளிக்கிழமை வரலட்சுமி விரதம். இந்தநாளில், பெண்கள் வீட்டை சுத்தமாக்கி, பூஜையறையை சுத்தப்படுத்தி, கலசம் வைத்து கலசத்தில் மகாலட்சுமியை ஆவாஹனம் செய்து, வேண்டிக்கொண்டால், நினைத்தது நடக்கும். கேட்டது கிடைக்கும். நாம் நினைத்ததையெல்லாம் நம் வீட்டுக்கே வந்து அருளிச்செய்வாள் மகாலட்சுமி.

இந்த நாளின் போது, வீட்டில் உள்ள சுமங்கலிகள் எல்லோரும் சேர்ந்து பூஜை செய்வது சிறப்பு. மேலும் அக்கம்பக்க வீடுகளில் உள்ள சுமங்கலிகளையும் பூஜைக்கு அழைப்பது இன்னும் வளம் சேர்க்கும். மேலும் அக்கம்பக்க பெண்களுக்கு புடவை, ஜாக்கெட் பிட், வளையல், மஞ்சள், குங்குமம் என வழங்கலாம். இதனால் சுமங்கலிகள் மகிழ்ந்து வாழ்த்துவார்கள்; வயதில் மூத்த சுமங்கலிகளின் ஆசியும் கிடைத்து, ஆனந்தமாக வாழலாம்.
வரலட்சுமி பூஜை நன்னாளில், மகாலட்சுமியை ஆராதியுங்கள். மனம் ஒருமித்து மகாலட்சுமியை பூஜித்து மகிழுங்கள். சகல செளபாக்கியங்களும் கிடைத்து இனிதே வாழ்வீர்கள்.

அடுத்த கல்வியாண்டு முதல் 4 வருட பட்டப்படிப்பு?

ஆர்.ஷபிமுன்னா

புதுடெல்லி


மத்திய மனிதவள மேம்பாட்டுத் துறை அமைச்சகத்தின் கீழ் செயல் பட்டு வரும் தன்னாட்சி அமைப்பு யுஜிசி ஆகும். கல்வி மேம்பாடு தொடர்பாக யுஜிசி சார்பில் அவ்வப்போது குழுக்கள் அமைத்து ஆலோசனை கோருவது வழக்கம்.

அந்த வகையில், பெங்களுரு ஐஐஎஸ்சி முன்னாள் இயக்குநர் ஆர்.பலராமன் தலைமையில் அமைக்கப்பட்ட குழு யூஜிசிக்கு தனது அறிக்கையை அண்மையில் சமர்ப்பித்துள்ளது. அதில், 4 வருடப் பட்டப்படிப்புகளை அறிமுகம் செய் யுமாறு பரிந்துரைக்கப்பட்டுள்ளது.

இந்த 4 வருடப் பட்டப்படிப்புக்கு பின் நேரடியாக முனைவர் பட்டத் திற்கான ஆய்வில் மாணவர்கள் சேரலாம். இதற்கு ஏற்றவாறு, கடந்த 2016-ல் அமலாக்கப்பட்ட முனைவர் பட்டத்திற்கான விதி முறைகளிலும் மாற்றங்களை செய்ய குழு பரிந்துரைத்துள்ளது.

தற்போது முனைவர் பட்டம் பெறுவோர், குறைந்தபட்சம் இரண்டு ஆய்வுக் கட்டுரைகளை அங்கீகரிக்கப்பட்ட ஆய்வு இதழில் வெளியிட்டிருக்க வேண்டும். மாணவர் சமர்ப்பிக்கும் முனைவர் பட்டத்திற்கான ஆய்வில் அவரது ஆசிரியருக்கு நேரடிப் பொறுப்பு எதுவும் இல்லை.

இந்த விதிமுறைகள் மாற்றப் பட்டு, புதிய பரிந்துரையில், மாணவர்களின் ஆய்வுக்கட்டுரை கள் அங்கீகரிக்கப்பட்ட ஆய்விதழ் களில் வெளியிட்டிருக்க வேண்டிய அவசியம் இல்லை எனக் கூறப் பட்டுள்ளது.

மாறாக அந்த ஆய்வுக் கட்டுரை களை மாணவர்களின் வழிகாட்டி யான குறிப்பிட்ட பேராசிரியர்களே மதிப்பிடு செய்யலாம். இதேபோல், மாணவர்களின் ஆய்வுக்கு அவர் களது வழிகாட்டிகளும் பொறுப்பு நிர்ணயிக்கும் வகையில் பேராசிரி யர் பெயரும் முனைவர் பட்ட ஆய்வில் குறிப்பிடப்பட வேண்டும்.


இதனால், முனைவர் பட்டத்திற் கான மாணவர்களின் ஆய்வின் மீது எழும் புகார்களுக்கு அவர்களது பேராசிரியர்களையும் பொறுப்பாக் கும் வாய்ப்புகள் உள்ளன.

நான்கு வருடப் பட்டப்படிப்புகள் தற்போது வெளிநாடுகளில் மட்டும் உள்ளன. அதனை முடித்தவர்கள் நேரடியாக முனைவர் பட்டத்திற் கான படிப்பில் சேர முடியும். ஆனால், இந்தியாவில் பட்டப்படிப் புக்கு பிறகு, பட்டமேற்படிப்பும் முடித்த பின்பே முனைவர் பட்டத் திற்கான கல்வியில் சேர முடியும்.

இதனிடையில், எம்.பில் எனும் ஒரு வருட ஆய்வுக் கல்வியை முடிப் பவர்களுக்கு முனைவர் கல்விக் கான சேர்க்கையில் கூடுதல் சலுகை கிடைக்கிறது. இனி இந்த எம்.பில். கல்வியை முற்றிலும் ரத்து செய்யவும் யூஜிசி ஆலோசனை செய்து வருகிறது.

இது குறித்து ’இந்து தமிழ்’ நாளேட்டிடம் யூஜிசி வட்டாரங்கள் கூறும்போது, ‘வெளிநாடுகளின் கல்வி நிலையங்களை இந்தியாவில் அதிகமாக அறிமுகப்படுத்த இந்த 4 ஆண்டு பட்டப்படிப்பு திட்டம் உதவும். மூன்றாண்டுகளுக்கான பட்டப்படிப்பை தொடர்வதா? வேண் டாமா என்பதை அதை நடத்தும் கல்வி நிலையங்களே முடிவு செய்ய வேண்டும். இவை ரத்து செய்யப் பட்டால், மத்திய, மாநில அரசு களின் பணிகளை பெற திறனாய்வு தேர்வுகள் எழுதுவோர் கூடுதலாக ஒரு ஆண்டு கல்வி பயில வேண்டி வரும்’ எனத் தெரிவித்தனர்.

இதுபோல், நான்கு வருடப் பட்டப்படிப்புகள் சில ஆண்டு களுக்கு முன் டெல்லி பல்கலைக் கழகத்தில் துவக்கப்பட்டது. இதற்கு எதிர்ப்புகள் கிளம்பவே அதில் இணைந்த மாணவர்கள் மூன் றாண்டு படிப்புக்கு மாற்றப்பட்டனர்.

இருசக்கர வாகனம் ஓட்டுபவரும், பின்னால் அமர்பவரும் ஹெல்மெட் அணியாவிட்டால் அபராதம்: போக்குவரத்து காவல்துறை எச்சரிக்கை 



சென்னை

இருசக்கர வாகனம் ஓட்டுபவரும், பின்னால் அமர்ந்திருப்போரும் ஹெல்மெட் அணியாவிட்டால் ரூ.1000 அபராதம் விதிக்கும் சட்டம் விரைவில் நடைமுறைக்கு வரவுள் ளது என்று போக்குவரத்து காவல் துறை எச்சரிக்கை விடுத்துள்ளது.

இதுதொடர்பாக சென்னை போக்குவரத்து காவல்துறை சார்பில் நேற்று வெளியிட்ட செய்திக் குறிப்பில் கூறியிருப்பதாவது:

சாலை விபத்துகளில் 90 சதவீதம் பேர் தலைக்கவசம் அணியாத காரணத்தால் இறக்கின்றனர். தலைக்கவசம் அணிபவர்களில் சிலர் ‘சின் ஸ்டிராப்’பை சரிவர அணிவதில்லை. குழந்தைகளை பள்ளிகளில் விடுகின்ற நேரமும் சந்தைக்கு செல்கின்ற நேரமும் தலைக்கவசம் அணிய விலக்கு அளிக்கப்பட்டதாக இருசக்கர வாகன ஓட்டிகள் நினைத்துக் கொள் கின்றனர்.

இருசக்கர வாகனத்தை எங்கே ஓட்டிச்சென்றாலும், எவ்வளவு தூரம் ஓட்டிச்சென்றாலும் தலைக் கவசம் அணிய வேண்டியது கட் டாயம். அதேபோல், இரு சக்கர வாகனத்தின் பின்னால் அமர்ந் திருப்பவரும் கட்டாயம் தலைக் கவசம் அணியவேண்டும். குழந்தை களும் தலைக்கவசம் அணிவது அவர்களது பாதுகாப்பை உறுதி செய்யும். விபத்து எங்கே எப்போது நடக்கும் என்று யாருக்கும் தெரியாது.

எத்தகைய சட்ட நடவடிக்கைகள் எடுத்தாலும், விழிப்புணர்வுகளை ஏற்படுத்தினாலும், பொதுமக்களும் தங்கள் கடமையை உணர்ந்து சாலைவிதிகளையும், வாகனம் ஓட்டும்போது பொறுப்புணர்வுட னும் இருந்தால் மட்டுமே விபத்து களையும், உயிரிழப்புகளையும் தடுக்கமுடியும். மேலும், தற் போது மோட்டார் வாகன சட்ட திருத்தம் நாடாளுமன்றத்தில் நிறைவேற்றப்பட்டுள்ளது.

அதன்படி, தலைக்கவசம் அணியாதவருக்கு தற்போது விதிக்கப்படும் அபராதத் தொகை ரூ.100-ல் இருந்து 1,000 ரூபாயாக உயர்த்தப்பட்டு விரைவில் நடை முறைபடுத்தப்பட உள்ளது.

நாம் அனைவரும் வீட்டிலிருந்து புறப்படும்போது கைபேசி போன்றவற்றை எடுத்துச் செல்ல மறப்பதில்லை. அதேபோல் உயிர் காக்கும் தலைக்கவசம் அணி வதையும் ஒரு கட்டாய பழக்க மாகக் கொள்ளவேண்டும். பொது மக்கள் தங்களின் மனதில் தனி மனித ஒழுக்கத்தை ஏற் படுத்திக்கொண்டு, சாலை விதி களை கடைபிடிப்பதிலும் தங்களின் சந்ததிகளை காப்பதிலும் காவல்துறையோடு கைகோர்த்து ஒத்துழைப்பு அளிக்க வேண்டும்.

இவ்வாறு செய்திக்குறிப்பில் கூறப்பட்டுள்ளது.

வருவாள் மகாலட்சுமியே..! - வரலட்சுமி பூஜை இப்படித்தான்! 

வி.ராம்ஜி

ஆடி மாத அமாவாசைக்குப் பிறகு வருகிற வளர்பிறை நாளில், பெளர்ணமிக்கு முன்னதாக வருகிற வெள்ளிக்கிழமையில், கொண்டாடப்படுகிறது வரலட்சுமி விரதம். வீட்டில் சுபிட்சம் நிலவவும், தாலி பாக்கியம் நிலைக்கவும், சகல ஐஸ்வர்யங்களும் கிடைக்கவும் இந்த விரதம் அனுஷ்டிக்கப்படுகிறது. 9.8.19 வெள்ளிக்கிழமை வரலட்சுமி விரதம்.
வரலட்சுமி விரதத்தை, வெள்ளிக்கிழமையன்று காலை அல்லது மாலை என எப்போது வேண்டுமானாலும் செய்யலாம். வேலைக்குச் செல்லும் பெண்கள், காலை நேர பரபரப்பில் செய்யமுடியாமல் போகலாம். அவர்கள், மாலையில் வீட்டுக்கு வந்து இந்த பூஜையை மேற்கொள்ளலாம்.

 
வரலட்சுமி விரத பூஜை, முழுக்க முழுக்க பெண்கள் நடத்துகிற பூஜை. பெண்கள் இருக்கிற விரதம். இந்தப் பூஜைக்குத் தேவையான பொருட்களையெல்லாம் முதலிலேயே தயாராக வைத்துக் கொண்டு, காலையில் அல்லது மாலையில் இந்த பூஜையை மேற்கொள்ளலாம்.
எந்தவொரு பூஜையைச் செய்வதாக இருந்தாலும் முதலில் விநாயக வழிபாடு என்பது மிக மிக அவசியம். எனவே முதலில் கணபதியைத் தொழுது, ‘இந்த வரலட்சுமி பூஜையைத் தொடங்குகிறேன்’ என்று ஒப்புதல் வாங்கிவிட்டு, பூஜையில் இறங்கவேண்டும். 

பின்னர், தாம்பாளம் ஒன்றில் பச்சரிசியை பரப்பி வைத்துக்கொள்ளுங்கள். அதன் மீது கலசத்தை வைத்துக்கொள்ளவும். பழம், வெற்றிலை, பாக்கு முதலானவற்றை வைக்கவேண்டும். இந்த பூஜைக்கு, லட்டு, தயிர், பசும்பால், தேன், நெய், கற்கண்டு, கொழுக்கட்டை முதலானவற்றை நைவேத்தியமாகப் படைப்பது ரொம்பவே விசேஷம். 

அதேபோல், மாதுளை, ஆரஞ்சு, விளாம்பழம், மாம்பழம், திராட்சை முதலான பழங்களையும் நைவேத்தியத்துக்குப் பயன்படுத்த வேண்டும்.
பூஜைக்குத் தேவையானவற்றை தயாராக வைத்துக்கொண்ட பிறகு, வீட்டு நிலைவாசலில் நின்றுகொள்ளுங்கள். வெளியே நோக்கி, கற்பூர தீபாராதனை காட்டுங்கள். அதாவது, ‘மகாலட்சுமித் தாயே. எங்கள் வீட்டுக்குள் வாருங்கள் அன்னையே’ என்று அழைக்கவேண்டும்.
இதன் பிறகு, மகாலட்சுமி வீட்டுக்கு வந்துவிட்டாள். பூஜையறைக்குச் செல்லுங்கள். மகாலட்சுமித் தாயாரை மனதார நினைத்துக்கொண்டு, ஆவாஹனம் செய்யவேண்டும். அவளுக்கு, குளிரக்குளிர பூஜைகள் செய்யுங்கள். ஸ்தோத்திரம் சொல்லுங்கள். லலிதா சகஸ்ர நாமம் பாராயணம் செய்யுங்கள். 

இதையடுத்து, நோன்புக்கயிறை கும்பத்தின் மீது சாற்றுங்கள். லட்சுமி அஷ்டோத்திரம் சொல்வது, தனம், தானியத்தைப் பெருக்கும். இல்லத்தில் சுபிட்சத்தைத் தந்தருளும். 108 போற்றி சொல்லி, மகாலட்சுமித் தாயாரை ஆராதனை செய்யுங்கள். ‘தாயே, எங்கள் வீட்டில் எல்லா செல்வங்களையும் தந்து, எங்களை இன்னல்களில் இருந்து காத்தருள்வாய்’ என்று வணங்கி வேண்டுங்கள். 

பின்னர் பூஜையை நிறைவு செய்யும் தருணம். உங்கள் வீட்டில் உள்ள மூத்த சுமங்கலிகள் வீட்டில் இருந்தால், அவர்களுக்கு பிரசாதங்களை வழங்குங்கள். பிரசாதம் கொடுத்துவிட்டு, அவர்களை நமஸ்கரித்து ஆசி பெறுங்கள். பிறகு, நோன்புச்சரடை கையில் கட்டிக் கொள்ளுங்கள். 

வரலட்சுமி பூஜையின் போது, மகாலட்சுமியின் பேரருளைப் பெறுவதற்கு ஏராளமான மந்திரங்களும் ஸ்தோத்திரங்களும் ஸ்லோகங்களும் இருக்கின்றன. முக்கியமாக, லட்சுமி அஷ்டோத்திரம், லட்சுமி சகஸ்ரநாமம் சொல்லுங்கள்.

உங்கள் வீட்டுக்கு மகாலட்சுமி, வரலட்சுமியென வருவாள்; வரம் அனைத்தும் தருவாள். இல்லத்திலும் உள்ளத்திலும் ஒளியேற்றி அருள்வாள்! 

9.8.19 வரலட்சுமி விரதம்.

பூமியெங்கும் மகாலட்சுமி! - வரலட்சுமி விரதம் ஸ்பெஷல்

வி.ராம்ஜி

நம் தேசம் முழுவதும், பூமியெங்கும் மகாலட்சுமி வாசம் செய்கிறாள் என்பது ஐதீகம். நம் தேசத்தை, பரத கண்டம் என்பார்கள். பாரத தேசம் என்று போற்றுவார்கள். எதனால் இந்தப் பெயர்... இந்த பரத கண்டம் முழுவதும் வியாபித்து அருளாட்சி செய்கிறாள் லக்ஷ்மிதேவி என்கிறது புராணம். இதுகுறித்து விளக்குகிறது புராணக் கதை ஒன்று.

கண்வ மகரிஷியின் வளர்ப்பு மகள் சகுந்தலை. ஒருநாள்... வனத்தில் உள்ள ஆஸ்ரமத்தில் பூப்பந்து விளையாடிக் கொண்டிருந்தாள். அப்போது, அங்கு துஷ்யந்தன் என்கிற மன்னன் வேட்டையாட வந்தான் . சகுந்தலையைக் கண்டான். காதல் கொண்டான். காந்தர்வத் திருமணம் நிகழ்ந்தது.
தன்னையே மறந்த சகுந்தலை, துஷ்யந்தனின் நினைவாகவே இருந்தாள். அந்த சமயம் பார்த்து, கோபத்துக்குப் பேர்போன துர்வாச முனிவர், ஆஸ்ரமத்துக்கு வந்தார். ஆனால் அவர் வந்ததைக் கூட அறியாமல், துஷ்யந்த நினைவில் மூழ்கிக் கிடந்தாள் சகுந்தலை. 

எடுத்ததற்கெல்லாம் கோபப்படும் துர்வாசர், வந்தவனை வரவேற்கவில்லையே என்று இன்னும் ஆவேசம் கொண்டார். ’ உன்னை துஷ்யந்தன், மறந்து போகக் கடவது’ எனச் சாபமிட்டாள். கர்ப்பமான நிலையில் இருந்த சகுந்தலையை மறந்தேபோனான் துஷ்யந்தன். பிறகு, சகுந்தலைக்குக் குழந்தை பிறந்தது. அந்தக் குழந்தைக்கு பரதன் எனப் பெயரிட்டாள். 

அடர்ந்த வனப்பகுதியில், சிங்கக்குட்டிகளுடன் குட்டியாய் பயமின்றி ஓடியாடி விளையாடினான் பரதன். பிறகு, ஒருகட்டத்தில்... துர்வாசரின் சாபத்தில் இருந்து விமோசனம் பெற்றாள் சகுந்தலை. மகன் பரதனுடன் சென்று, துஷ்யந்தனை சந்தித்தாள். அவனுக்கும் ஞாபகம் வந்தது. இருவரும் செல்வச் செழிப்புடன் வாழ்ந்தார்கள். 

‘‘உன் மகன் பரதன், லக்ஷ்மியின் பேரருளைப் பெற்றவன். எதிர்காலத்தில் மாபெரும் சக்கரவர்த்தியாக, மாமன்னனாகத் திகழ்வான். இந்த பூமியானது, இவனுடைய பெயரால், அழைக்கப்படும்‘‘ என அசரீரி கேட்டது.
அதன்படி, நம் அன்னைபூமிக்கு, பரத கண்டம் எனப் பெயர் அமைந்தது. இந்தப் பரதக் கண்டம் முழுவதும் லக்ஷ்மி தேவியானவள், வாசம் செய்து, ஆட்சி செய்கிறாள் என்கிறது புராணம்! 

இவளை ஆராதிக்கிற விதமாக, பூமியெங்கும் வியாபித்திருக்கிற லட்சுமியை நம் வீட்டுக்கு அழைக்கும் பண்டிகையாக, கொண்டாடப்படுகிறது வரலட்சுமி விரதம்!

லக்ஷ்மி ராவேமா இண்டிகி! - வரலட்சுமி பூஜை ஸ்பெஷல்

வி.ராம்ஜி

திருமணமான பெண்கள் கொண்டாடுகிற பண்டிகை... வரலட்சுமி பூஜை. புகுந்த வீட்டில் இந்த பூஜை கொண்டாடுகிற வழக்கம் உள்ளவர்கள், தவறாமல் கடைப்பிடிப்பார்கள். வழக்கம் இல்லையே என்பவர்கள் கூட, இந்தப் பூஜையின் பலன்களாலும் பூஜை செய்வதால் கிடைக்கும் மனநிம்மதியாலும் சகல ஐஸ்வர்யங்களும் வீடு வந்து நிறைவதாலும் கொண்டாடுகிறார்கள். 

சின்னச்சின்னதான மாறுபாடுகள் இருந்தாலும், ஏறக்குறைய எல்லோருமே அம்பாளை, கலசத்தில் இருத்தி அலங்காரங்கள் செய்து, வீட்டுக்குள் அழைத்து, பூஜை செய்வது வழக்கம். தமிழகத்தில், திருமணமான பெண்கள் தனியாக அமர்ந்தோ, மற்ற சுமங்கலிகளுடனோ செய்வார்கள். கர்நாடகாவில் தம்பதியாக அமர்ந்து பூஜை செய்வார்கள்.
வடை, பாயசம், இட்லி. கொழுக்கட்டை, பட்சணங்கள், சுண்டல், பழங்கள் என தங்களால் முடிந்ததைக் கொண்டு, நைவேத்தியம் செய்து, இந்த பூஜையைச் செய்யலாம்! 

ஆவணி மாத பௌர்ணமிக்கு முன்னால் வரும் வெள்ளிக்கிழமையில் இந்த வரலக்ஷ்மி பூஜையானது கொண்டாடப்படுகிறது. சில தருணங்களில், ஆடி மாதத்தில் அமையும். இதோ... இந்த வருடம்... ஆடி 24ம் தேதியான ஆகஸ்ட் 9ம் தேதி ... வெள்ளிக்கிழமை அன்று கொண்டாடப்படுகிறது.
வருடந்தோறும் தொடர்ந்து செய்துவிட்டு, ஏதேனும் காரணத்தால் விரதம் இருக்க முடியாதவர்கள் கூட, அருகில் பூஜை செய்பவர்கள் வீட்டுக்குச் சென்று, பூஜையில் கலந்து கொள்ளலாம். 

புதிதாகக் கல்யாணமாகி புகுந்த வீட்டுக்கு வந்து, பூஜையில் கலந்து கொள்பவர்களுக்கு, முதல் பூஜையை தலை நோன்பு என்பார்கள். இந்த வைபவத்தை முன்னிட்டு, பிறந்த வீட்டில் இருந்து எல்லா சீர் வகைகளும் அனுப்புவார்கள். அம்பாளின் முகம், கலசம், பூஜைக்கு வேண்டிய உபகரணங்கள், பழங்கள் என சிறப்பாக சீர்த்தட்டு போல் கொண்டு வந்து கொடுப்பார்கள். 

பூஜை செய்யும் இடத்தை, அழகுறச் சுத்தம் செய்து அம்பாளை அமர வைக்கும் இடத்தை தயார் செய்யவேண்டும். அந்தக் காலத்தில், மண் தரை என்பதால், பசுஞ் சாணத்தைக் கொண்டு தரை மெழுகி சுத்தம் பண்ணுவார்கள். சுவரில் சுண்ணாம்பு அடித்து மண்டபத்தில், கலசத்தில், வரலக்ஷ்மி வீற்றிருப்பதைப் போல் வண்ணக் கலவைகளால் சுவரில் ஓவியம் வரைவார்கள். இப்போது அநேகமாக படமாகவே மாட்டி விடுகின்றனர்.
அதேபோல், வரலக்ஷ்மி முகங்கள் என்று வெள்ளியில் செய்தது எதுவும் கிடையாது. கண், மூக்கு, வாய், காது என்று வெள்ளியில் செய்த அவயவங்கள் மட்டுமே கிடைக்கும்.

வெள்ளி, பித்தளை, வெண்கலம் அல்லது செப்புச் செம்புகளிலோ, சிறிய குடங்களிலோ கலசம் வைப்பார்கள். அதில், சந்தனத்தை இடுவார்கள். அந்த சந்தனத்தில் உருவங்களைப் பொருத்துவார்கள். கலசத்தில், அரிசியை நிரப்பி, வெற்றிலைப்பாக்கு, மஞ்சள், வெள்ளிக்காசுகள், தங்க நகை என அதில் போட்டு, அதன்மேல் மாவிலைக்கொத்தைச் சொருகி, குடுமியுடன் கூடிய நல்ல தேங்காயை, மஞ்சள் பூசி வைப்பார்கள். 

.
எலுமிச்சை பழம், விச்சோலை, கருகமணி அவசியம் வைப்பார்கள். இப்போது வெள்ளியில் செய்த வரலக்ஷ்மி முகம் அழகான நகை நட்டுகள் வேலைப்பாடுகளுடன் கிடைக்கின்றன. அதை வாங்கிக் கலசத்தின் மேல் பொருத்தி விடுவது வழக்கமாகிவிட்டது.

 
அம்பாள் உருவத்துக்கு, விதவிதமான பாவாடை, புடவைகளையும் அணிவித்து அழகாக அலங்காரங்கள் செய்யலாம். இதுபோல், அலங்கரித்து , அம்மனை தனியான இடத்தில் அமர்த்துவார்கள். பூஜை செய்யப்போகும் இடத்தில் மாக்கோலமிட்டு, செம்மண் பூசி அழகாக பந்தல் அமைப்பார்கள். ஒரு மேஜையைக் கொண்டு, பந்தல் அமைத்து, வாழைக் கன்றுகளைக் கட்டி, மாவிலைத் தோரணங்கள் அமைத்து அலங்கரிப்பார்கள்.
தாமரை, மல்லிகை, மருக்கொழுந்து, ரோஜா, சம்பங்கி என மலர்ச்சரங்களும் மாலைகளும் அணிவிக்கலாம். குத்துவிளக்குகளை இரண்டு பக்கமும் வைத்து ஏற்றவேண்டும். 

தன, தான்ய லக்ஷ்மியுடன், வரலக்ஷ்மியையும் சேர்த்து ஒன்பது லக்ஷ்மிகள். நோன்பின் முக்கிய அம்சமாக நோன்புக்கயிறு வைத்து, அதையும் பூஜை செய்து, மஞ்சள்சரடை பெரியவர்களைக் கொண்டு வலதுகையில் அணிந்து கொள்வார்கள்! 

பூஜை செய்யும் பந்தலுக்குள் ஒரு தாம்பாளத்தில் அரிசியைப் பரப்பி, மணைப்பலகை மீது கலசம் வைத்திருப்பார்கள். 

முதல்கட்டமாக, முதல்நாளான வியாழக்கிழமை, சாயங்காலத்திற்குப் பின் அம்பாளுக்கு விளக்கேற்றி சந்தனம் குங்குமமிட்டு, பூக்கள் சொரிந்து வழிபட்டு நமஸ்கரிக்க வேண்டும். 

வெள்ளிக்கிழமை. விடிகாலை. வாசலில் கோலம்போடுவதில் ஆரம்பித்து, குளித்து, மடியாக நைவேத்தியங்களைத் தயாரித்து, மண்டபத்தில் கோலமிட்டு, செம்மண் கோலமும் இட்டு, பூஜைக்கு தேவையானவற்றைக் கொண்டு, அம்பாளை எடுத்து வருவார்கள். இதை அம்பாளை அழைத்தல் என்பார்கள்! 

கற்பூர ஆரத்தி காண்பித்து, நமஸ்கரித்து, உடன் ஒரு சுமங்கலி அல்லது, கன்னிப்பெண்ணின் உதவியுடன், ’செளபாக்கியத்தைக் கொடுக்கும் லக்ஷ்மி தேவியே, நீங்கள் வர வேண்டுமம்மா’ என்று சிரத்தையுடன் மனமுருகிப் அழைத்து, கவனமாக கலசத்தை உள்ளே எடுத்துவந்து தயாராக அலங்கரித்து, தீபங்களுடன் கூடிய மண்டபத்தில், கிழக்கு முகமாக வைத்து பூஜிக்கவேண்டும். 

பாக்யத லக்ஷ்மி பாரம்மா. லக்ஷ்மி ராவேமா இண்டிகி. எனப் பாடுவார்கள்.
அம்மனுக்கு எல்லாவித உபசாரங்களையும் செய்து ஆசனத்தில் வைத்து, ஆடை, ஆபரணங்கள், ரவிக்கைத் துணி, பஞ்சு வஸ்திர மாலைகள் அணிவித்து, அஷ்டோத்திர சத நாமாவளிகள் சொல்லி பூக்களினால் அர்ச்சனை செய்யலாம். தூப ,தீபங்களைக் காட்டி, நைவேத்தியம் செய்யவேண்டும். நோன்புச் சரடுகளில் ஒவ்வொரு புஷ்பங்களைத் தொடுத்து வைத்திருப்பதை அம்பாளின் பாதங்களில் வைத்து அதற்கும் பூஜை செய்யவேண்டும். 

பூஜை முடிந்து ஒவ்வொரு சரடாக எடுத்துப் பெரியவர்களால் சுமங்கலிகளுக்கும், கன்யாப் பெண்களுக்கும், வலது கையில் கட்டப் படும். அப்படிக் கட்டும்போது கையில் வெற்றிலைப் பாக்கு, மஞ்சள், பூ, தேங்காய், பழங்களைக் கொடுத்து குங்குமமிட்டு சரடைக் கட்டுவார்கள். பெரியவர்களை நமஸ்கரித்து ஆசிர்வாதம் பெறுவார்கள்.
ஆத்மார்த்தமாகவும் முழு ஈடுபாட்டுடனும் இந்த வரலக்ஷ்மி பூஜையைச் செய்யுங்கள். நம் வீட்டுக்கு ஓடோடி வருவாள் லக்ஷ்மிதேவி. கேட்டதையெல்லாம் தந்து மகிழ்வாள் அம்பிகை!

காஞ்சியில் ஆக. 13, 14, 16-ம் தேதிகளில் பள்ளி, கல்லூரிகளுக்கு விடுமுறை; அத்திவரதர் வைபவ பணிகளில் ஈடுபட்டுள்ள ஊழியர்களுக்கு சிறப்பு ஊக்கத் தொகை: முதல்வர் பழனிசாமி அறிவிப்பு 

சென்னை

அத்திவரதர் வைபவத்தில் பாது காப்பு உள்ளிட்ட பணியில் ஈடுபட் டுள்ள ஊழியர்களுக்கு சிறப்பு ஊக்கத் தொகை வழங்கப்படும் என்று முதல்வர் பழனிசாமி அறி வித்துள்ளார். பக்தர்கள் கூட்டம் அதிகரித்துள்ள நிலையில் காஞ்சி புரத்தில் உள்ள பள்ளி, கல்லூரி களுக்கு வரும் 13, 14, 16-ம் தேதி களில் உள்ளூர் விடுமுறை அறிவிக்கப்பட்டுள்ளது.

காஞ்சிபுரம் வரதராஜ பெருமாள் கோயிலில் 40 ஆண்டுகளுக்கு பிறகு அத்திவரதர் வைபவம் நடந்து வருகிறது. அனந்தசரஸ் குளத்தில் இருந்து எடுக்கப்பட்ட அத்திவரதர் சிலை, பக்தர்கள் தரிசனத்துக்கு வைக்கப்பட்டுள்ளது. கடந்த ஜூலை 1-ம் தேதி தொடங்கிய இந்த விழா, வரும் 17-ம் தேதி வரை நடக்கிறது. ஜூலை 31 வரை சயனக் கோலத்தில் காட்சி அளித்த அத்திவரதர், ஆக.1-ம் தேதி முதல் நின்ற கோலத்தில் பக்தர்களுக்கு அருள்பாலித்து வருகிறார். 2 நிலைகளிலும் தரிசித் தால் அதிக பலன் உண்டு என்ற நம்பிக்கையில், சயனக் கோலத்தை தரிசித்த பக்தர்கள், மீண்டும் நின்ற கோலத்தை தரிசிக்க வருகின்றனர்.

இதனால், தற்போது தினமும் லட்சக்கணக்கான பக்தர்கள் காஞ்சி புரத்தில் குவிந்து வருகின்றனர். கடந்த 2 நாட்களில் மட்டும் சுமார் 8 லட்சம் பேர் வந்ததாக கூறப்படு கிறது. பக்தர்கள் 20 மணி நேரத் துக்கும் அதிகமாக வரிசையில் காத்திருந்து அத்திவரதரை தரிசித்து வருகின்றனர்.

இன்னும் 10 நாட்களே இந்த வைபவம் நடக்கும் என்பதால் இனி வரும் நாட்களில் பக்தர்கள் எண்ணிக்கை மேலும் அதிகரிக்கும் என எதிர்பார்க்கப்படுகிறது. எனவே, அங்கு பாதுகாப்பு உள்ளிட்ட ஏற்பாடுகளை அதிகரிக்க வேண்டிய கட்டாயம் உருவாகியுள்ளது.

இந்நிலையில், காஞ்சிபுரத்தில் கூடுதல் வசதிகள் மற்றும் பாது காப்பு ஏற்பாடுகளை செய்வது குறித்த ஆய்வுக் கூட்டம், சென்னை தலைமைச் செயலகத்தில் முதல்வர் பழனிசாமி தலைமையில் நேற்று நடந்தது. தமிழகம் மட்டுமின்றி பிற மாநிலங்களில் இருந்தும் அதிக எண்ணிக்கையில் பக்தர்கள் தொடர்ந்து வந்து கொண்டிருப்ப தால், மாவட்ட நிர்வாகம் இது வரை மேற்கொண்டு வரும் ஏற்பாடு கள் குறித்தும், கூடுதல் வசதிகள், பாதுகாப்பு குறித்தும் துறை வாரி யாக கூட்டத்தில் விவாதிக்கப் பட்டது.

அதைத் தொடர்ந்து, முதல்வர் பழனிசாமி வெளியிட்ட உத்தரவுகள்:

காஞ்சிபுரத்துக்கு அதிகமான வாகனங்களும், மக்கள் கூட்டமும் வருவதால் கூடுதல் வாகனங்களை பள்ளி, கல்லூரி வளாகங்களில் நிறுத்தவும், அப்பகுதியில் பக்தர்கள் ஓய்வெடுத்துச் செல்ல வசதிகளும் ஏற்படுத்தித் தரவேண்டும். வயது முதிர்ந்தவர்கள், மாற்றுத்திறனாளி கள் அமர்ந்து செல்ல கூடுதல் வசதி ஏற்படுத்த வேண்டும். தூய்மைப் பணிகளை தீவிரப்படுத்த, கூடுதல் துப்புரவுப் பணியாளர்களை சென்னை மாநகராட்சியில் இருந்து அனுப்ப வேண்டும்.

செலவை ஈடுசெய்ய நிதி

பாதுகாப்பு ஏற்பாடுகளை அதிகரிக்க, கூடுதல் காவலர்களை நியமிக்க வேண்டும். பக்தர்களுக்கு உணவு, குடிநீர் போன்றவற்றை சுகாதாரத்துடன் வழங்குவதை கண்காணிக்க வேண்டும். அத்தி வரதர் வைபவத்தில் பாதுகாப்பு, துப்புரவு உள்ளிட்ட பணிகளில் ஈடுபடும் ஊழியர்களுக்கு சிறப்பு ஊக்கத் தொகை வழங்கப்படும். விழா ஏற்பாடுகளை சிறப்பாக செய்ததை கருத்தில்கொண்டு காஞ்சிபுரம் நகராட்சிக்கு ஏற்பட்ட செலவை ஈடுசெய்ய தமிழக அரசு சிறப்பு நிதி வழங்கும்.

பக்தர்கள் அதிக அளவில் காஞ்சிபுரம் நகரத்துக்கு தொடர்ந்து வருவதால் பள்ளி, கல்லூரி மாணவர்களுக்கு பல்வேறு இடையூறுகள் ஏற்படுகின்றன. இதைத் தவிர்க்கும் வகையில் ஆக.13, 14 மற்றும் 16 ஆகிய நாட்களில் காஞ்சிபுரம் நகரத்தில் உள்ள பள்ளி, கல்லூரிகளுக்கு மட்டும் உள்ளூர் விடுமுறை அளிக்கப்படும். மாவட்ட ஆட்சியர், காவல் கண்காணிப்பாளர் மற்றும் பிற அலுவலர்கள் விழிப்புடன் பணியாற்ற வேண்டும்.

இவ்வாறு அவர் உத்தரவிட்டார்.

ஆய்வுக் கூட்டத்தில் துணை முதல்வர் ஓ.பன்னீர்செல்வம், அமைச்சர்கள் திண்டுக்கல் சீனி வாசன், கே.ஏ.செங்கோட்டையன், பி.தங்கமணி, எஸ்.பி. வேலுமணி, டி.ஜெயக்குமார், கே.பி.அன்பழ கன், சி.விஜயபாஸ்கர், ஆர்.பி. உதயகுமார், சேவூர் எஸ்.ராமச் சந்திரன், தலைமைச் செயலர் கே.சண்முகம், உள்துறைச் செய லர் நிரஞ்சன் மார்டி, டிஜிபி ஜே.கே.திரிபாதி, அறநிலையத் துறை செயலர் அபூர்வ வர்மா, வருவாய் நிர்வாக ஆணையர் கே.சத்யகோபால், அறநிலையத் துறை ஆணையர் பணீந்திர ரெட்டி, காஞ்சிபுரம் ஆட்சியர் பி.பொன் னையா உள்ளிட்டோர் பங்கேற் றனர்.

'நீட்' விண்ணப்ப கட்டணம் குறைக்க கோரி வழக்கு

Added : ஆக 08, 2019 00:16

மதுரை : முதுகலை மருத்துவப் படிப்புக்கான, 'நீட்' தேர்வு விண்ணப்பக் கட்டணத்தை குறைக்க கோரிய வழக்கில், கூடுதல் ஆவணங்கள் தாக்கல் செய்ய, உயர் நீதிமன்ற மதுரைக் கிளை உத்தரவிட்டது.

திருச்சியைச் சேர்ந்த, டாக்டர் முகமது காதர்மீரா தாக்கல் செய்த பொதுநல மனு:முதுகலை மருத்துவப் படிப்பிற்கான, 'நீட்' தேர்வை, தேசிய தேர்வுகள் வாரியம் நடத்துகிறது. இது, கணினி மூலம், 'ஆன்லைனில்' நடத்தப்படும். இதற்காக, பொது மற்றும் இதர பிற்பட்டோரிடம், 3,750, ஆதிதிராவிடர், பழங்குடியின மாணவர்களிடம், 2,750 ரூபாய் கட்டணம் வசூலிக்கப்படுகிறது.

இது, 'எய்ம்ஸ்' முதுகலை படிப்பு நுழைவுத்தேர்வு கட்டணத்தை விட பல மடங்கு அதிகம். கட்டணம் மூலம், தேசிய தேர்வுகள் வாரியம், ஆண்டுக்கு, 48 கோடி ரூபாய் வருவாய் ஈட்டுகிறது. இதில், 8 கோடி ரூபாய் மட்டுமே, தேர்விற்கு செலவிடப்படுகிறது.இது தவிர, கவுன்சிலிங்கில் பங்கேற்போரிடம், கட்டணம் வசூலிக்கப்படுகிறது. முதுகலை மருத்துவப் படிப்பிற்கான, நுழைவுத் தேர்வு கட்டணத்தை குறைக்க மற்றும் அனைத்து நுழைவுத் தேர்வுகளுக்கும் புதிய வழிகாட்டுதல்களை கொண்டு வர, தேசிய தேர்வுகள் வாரியம், பரிசீலிக்க உத்தரவிட வேண்டும்.இவ்வாறு மனுவில் கோரியிருந்தார்.

நீதிபதிகள், எம்.சத்தியநாராயணன், பி.புகழேந்தி அமர்வு, 'மனுதாரர் கூடுதல் ஆவணங்களை, ஆக., 26ல் தாக்கல் செய்ய வேண்டும்' என்றது.

பெற்றோரை கண்டறிய முடியாமல் பரிதவிக்கும் சிறுவன்

Updated : ஆக 08, 2019 02:09 | Added : ஆக 08, 2019 00:01



தஞ்சாவூர் : தஞ்சையில், 5 வயது சிறுவன், பெற்றோரை கண்டறிய முடியாமல், பரிதவித்து வருகிறான்.

மதுரை மாவட்டத்தைச் சேர்ந்த பரமேஸ்வரி, 29, என்பவர், 11, 7, 5 வயதுள்ள மூன்று சிறுவர்கள், 9 வயதுள்ள ஒரு சிறுமியுடன், பொள்ளாச்சி, திருப்பூர் போன்ற ஊர்களில் பிச்சை எடுத்துள்ளார். கரூர் ரயில்வே ஸ்டேஷனில், பிச்சை எடுத்த போது, 'சைல்டு லைன்' அமைப்பினர், குழந்தைகளை மீட்டனர்; பரமேஸ்வரி மாயமாகி விட்டார்.

அந்த குழந்தைகளிடம் விசாரித்த போது, தஞ்சாவூர் எனக் கூறியதால், தஞ்சை மாவட்ட குழந்தைகள் நல குழுவினரிடம், அவர்களை ஒப்படைத்துள்ளனர். இதில், இரண்டு சிறுவர், ஒரு சிறுமி என, மூன்று குழந்தைகள், தன்னுடையது என, மதுரையைச் சேர்ந்த கோச்சடையான் என்பவர், ஆவணங்களை காட்டி, அழைத்துச் சென்றார். தருண் என்ற, 5 வயது சிறுவன் மட்டும், 15 நாட்களாக, குழந்தைகள் நலக் குழுவினர் பராமரிப்பிலேயே இருந்து வருகிறான்.

தஞ்சை மாவட்ட குழந்தைகள் நல குழு தலைவர், திலகவதி கூறியதாவது:தருணின் பெற்றோர் குறித்து, எந்த தகவலும் கிடைக்கவில்லை. ஊர், பொள்ளாச்சி, தந்தை சுரேஷ், தாய் சித்ரா, தம்பி ராகவா எனக் கூறுகிறான். மற்ற விபரங்கள் அவனுக்கு தெரியவில்லை. தருணின் பெற்றோரோ அல்லது அவனை பற்றிய விபரம் அறிந்தவர்களோ வந்து அழைத்து செல்லலாம்.இவ்வாறு அவர் கூறினார்.

காஞ்சிபுரம் சென்ற பக்தர்களை திருப்பி அனுப்பிய போலீசார்

Added : ஆக 08, 2019 00:03

விழுப்புரம் : காஞ்சிபுரம் அத்தி வரதரை தரிசிக்க, நேற்று பக்தர்கள் கூட்டம் அதிகளவில் குவிந்ததால், தென் மாவட்டங்களில் இருந்து வந்த பக்தர்களின் வாகனங்களை, விழுப்புரம் போலீசார், திருப்பி அனுப்பினர்.

காஞ்சிபுரத்தில் அத்தி வரதரை தரிசனம் செய்ய, நேற்று முன்தினம், 3 லட்சத்திற்கும் மேற்பட்டோர் குவிந்தனர். சுவாமி தரிசனம் செய்ய, 10 மணி நேரத்திற்கும் மேலானது.இதையடுத்து, காஞ்சி புரத்திற்கு வரும் பக்தர்களுக்கு, அங்குள்ள கூட்ட நெரிசல் குறித்து தெரிவிக்க, விழுப்புரம் மாவட்ட போலீசாருக்கு அறிவுறுத்தப்பட்டது.இதன்படி, விழுப்புரம் மாவட்ட போலீசார், தேசிய நெடுஞ்சாலையில் உள்ள, 'டோல்கேட்'களில், வேன், கார் மற்றும் பஸ் உள்ளிட்ட வாகனங்களை ஆய்வு செய்தனர். அதில், காஞ்சிபுரம் செல்லும் பக்தர்களிடம், அங்குள்ள கூட்ட நெரிசல் குறித்து தெரிவித்தனர்.

மதுரை, திருச்சி, துாத்துக்குடி, தேனி, நாமக்கல், ராமநாதபுரம் ஆகிய பகுதிகளில் இருந்து வந்த வாகனங்களை, உளுந்துார்பேட்டை டோல்கேட்டில் தடுத்து, திருப்பி அனுப்பினர்.சேலம், ஈரோடு, கோவை பகுதிகளில் இருந்து வந்த வாகனங்களை, கள்ளக்குறிச்சி மாடூர் டோல்கேட்டில் நிறுத்தி, திருப்பி அனுப்பினர். இதனால், நீண்ட துாரத்தில் இருந்து வந்த பக்தர்கள், வேறு கோவில்களுக்கு செல்வதாக கூறிச் சென்றனர்.

பாக்., டாக்டர்கள் சவுதியில் வெளியேற்றம்

Added : ஆக 08, 2019 05:21

ஜெட்டா: பாகிஸ்தானின் முதுகலை மருத்துவ பட்டப்படிப்பின் தரம் மற்றும் பயிற்சி, போதிய அளவில் இல்லாததால், அதன் அங்கீகாரத்தை, மத்திய கிழக்கு நாடான சவுதி அரேபியா, ரத்து செய்தது. இதையடுத்து, அந்நாட்டில் பணியாற்றும் நுாற்றுக்கணக்கான பாகிஸ்தான் டாக்டர்களை, உடனடியாக, நாட்டை விட்டு வெளியேறுமாறு, சவுதி அரசு உத்தரவிட்டது.

Recover amount paid to man who forged sale deed: Madras high court

DECCAN CHRONICLE.

PublishedAug 8, 2019, 4:12 am IST

In view of the above, this petition is disposed of with a direction to the collector to immediately act upon the directions given by this court.

Madras high court

Chennai: The Madras high court has directed the Chennai District Collector to take action for recovery of the award amount paid to a person, who allegedly forged and fabricated documents and claimed title over the property, which was acquired by the highways department for widening the road in Porur from another person.

Justice N. Anand Venkatesh gave the directive while disposing of a petition filed by V. Vanitha.

Petitioner’s counsel Abudukumar submitted that the petitioner’s father-in-law Sampath owned and possessed vast extent of landed properties in Porur village, Kancheepuram district (Presently Ambattur Taluk, Thiruvallur district). He had gifted 0.18 cents comprised in Survey No.188/25 by way of Sridhana deed to his sister Mangalammal. During the year 1993, for the purpose of road widening the front portion of the property measuring about 40 square meter of land in Survey No.188/1A was acquired by the state highways department and appropriate award was also passed. He bequeathed the remaining portion of land in Survey No.188/1A in favour of the petitioner’s husband. While so, the daughter-in-law and grand daughter of Mangalammal started claiming right over the property on the guise that the property in Survey No.188/1A and the property in Survey No.188/25 were one and the same and being aggrieved with the same, the parties have initiated appropriate civil suit for appropriate relief before the civil court concerned, he added.

Abudukumar said since there was dispute over title of the property and a suit was pending before the District Munsif, Poonamallee, the Acquisition Officer had in 2011 directed the compensation amount to be deposited in the civil court. While so, nearly after six years, the petitioner came to know that based on the sale deed submitted by one Shenbagaraman, the officer reopened and reviewed his own order and without issuing any notice to the petitioner, held that Shenbagaraman had established his title to the land in question and has paid the entire compensation amount of `23.21 lakh to him.

Therefore, the petitioner filed a petition and the high court had on December 21, 2018 directed the Chennai District Collector to conduct a detailed enquiry in respect of disbursement of compensation amount to Shenbagaraman and in the inquiry, if the collector finds that the acquisition officer concerned acted in collusion with Shenbagaraman, take suitable action including filing of criminal complaint against the erring official concerned, besides recovery of the amount from Shenbagaraman within 8 weeks.

However, since no action was taken, the petitioner has filed the present petition, he added.

In his present order, the judge said in spite of specific direction given by this court, the collector has not acted upon the same and till date, neither the criminal action nor the proceedings to recover the amount from the counter party has been initiated.

“In view of the above, this petition is disposed of with a direction to the collector to immediately act upon the directions given by this court and take action for the recovery of money from the counter party and to initiate
criminal proceedings, within six weeks,” the judge added.

Private engineering colleges want old counselling system back

The dip in minimum cut-off was drastic this year, several reputed colleges could not fill their seats

Published: 07th August 2019 06:24 AM 

By S Mannar Mannan

Express News Service

COIMBATORE: Private engineering colleges in the State are shocked by the drastic fall in minimum cut-off marks, even for top institutions. This comes amid concerns about government quota seats in these colleges not getting filled through the single-window counselling conducted by DoTE.

Now, fearing this would affect semester results, the colleges have decided to approach the government, and request reintroduction of the old system of counselling in Chennai, Coimbatore, Madurai and Tiruchy.
At the end of the Tamil Nadu Engineering Admission counselling this academic year, only 49.7 per cent seats were filled. A whopping 84,256 seats had no takers.

Top-ranking colleges, where government quota seats get filled within a few days, had seat availability the fourth round of online counselling this time. Sources say some elite colleges had vacant seats even after the counselling ended.


Speaking on this issue, All India Federation of Self Financing Technical Institutions secretary TD Eswaramoorthy said the trend was not a good sign for the engineering courses, as 150-200 seats went vacant in a few reputed colleges that used to produce good results. 

Consortium of Self Financing Professional, Arts and Science Colleges in Tamil Nadu secretary P Selvaraj blamed online system of counselling.

“Our association is planning to appeal to the State government to implement the old system of counselling and conduct the process at four places in the State.” He attributed the fall in minimum cut off marks to the tough evaluation.

“Previously, students used to opt top colleges irrespective of subjects. However, now they have been more aware of choosing the branch they want to pursue and choose colleges accordingly,” he opined. 

Chairman of a private engineering college in Coimbatore, speaking on the condition of anonymity, said that the fall in minimum cut-off marks might have an impact on the results of these colleges in the coming years.

“It was easy to get the cream of students and deliver good results. Now, these colleges will have to work hard. The actual teaching quality of these colleges will now be visible,” he said.

Anna University seeks govt help for IoE tag

Chennai: Anna University Vice-Chancellor MK Surappa on Tuesday wrote a letter to the state government seeking support in getting the Institution of Eminence (IoE) tag. The move comes after UGC announced that varsity can be considered only after the state govt issues an official communication allocating its share of funds (which is up to 50 per cent). The UGC recently recommended 20 institutions for grant of IoE status. “I have written to the Higher Education dept seeking all kinds of support for the IoE tag. The department will have to issue a letter of intent with clarity on quantum of funds to be allocated to the university and then only we will be able to get the IoE tag,” said Surappa on the matter.

Chennai, not wearing helmet can cost your life, or Rs 1,000 fine

In the recent days, traffic police across Chennai and other cities in the State have adopted innovative measures to encourage motorists to use helmet.
Published: 08th August 2019 06:16 AM 

Police have been using a carrot and stick approach in dealing with violators of the helmet rule in the city | Ashwin Prasath
By Express News Service

CHENNAI: Soon, you will be charged not Rs 100, but a whopping Rs 1,000 as fine for riding without helmet. The city traffic police have sent a warning to motorists, saying that the recently amended Motor Vehicles Act will be implemented within a few weeks. The amended Act, passed by Parliament, has raised the penalty for riding without helmet to Rs 1,000.

In the recent days, traffic police across Chennai and other cities in the State have adopted innovative measures to encourage motorists to use helmet. They were seen thanking riders wearing helmets at some spots, while distributing sweets and chocolates to those riding without it, along with a message about the upcoming rule.

A press statement issued by the department said most victims of road accidents were young, and that 90 per cent fatalities were due to head injuries. “Earlier, when the helmet rule was being implemented in full force, there were many incidents of scuffles and arguments with police personnel,” said A Arun, additional commissioner, traffic.

“Though the High Court was repeatedly requesting public to wear helmets, when we enforced it, people were annoyed. They said we had not informed them of the rule beforehand. So now, we are notifying the public in advance about the revised penalty.” He said the traffic cops had already started to penalise pillion riders travelling without helmet.


“Nobody can anticipate when and where an accident will take place. Accidents happen and people lose life even at a short distance of 10 feet. ...accidents can be prevented only if motorists realise their responsibility and follow the rules with self discipline,” the press statement read.

Common butterflies of the region spread wings at Coimbatore airport

It is an effort to create awareness on the need to conserve butterflies

08/08/2019, WILSON THOMAS ,COIMBATORE

A sticker of a common butterfly at the terminal of the Coimbatore International Airport.

Insects have little business in an airport. However, the Coimbatore International Airport is an exception where vivid hues and striking patterns of butterflies welcome passengers from Monday.

An initiative by the Airport Authority of India (AAI) and ‘Act for Butterflies’, the airport terminal sports stickers of 100 butterflies commonly seen in Coimbatore and nearby districts such as the Nilgiris.

“Besides beautifying the airport terminal with colourful stickers, this is an effort to increase awareness of butterflies and the need to conserve them. We chose stickers of 100 butterflies that are widely seen in the region, including Common banded peacock, Tamil yeoman, Tamil lacewing, Indian sunbeam and Crimson rose, to adorn the walls of the airport,” says Mohan Prasath of ‘Act for Butterflies’.

Tamil Yeoman or Tamil Maravan (Cirrochroa thais) was recently declared the State butterfly of Tamil Nadu. Common banded peacock (Papilio crino) was in the race for State butterfly.

According to Mr. Prasath, airport director R. Mahalingam proposed the idea of adorning the glass walls, cabin spaces, check-in counters and other free spaces in the terminal with stickers of butterflies.

“While pasting the stickers, several passengers asked us the reason. Some were not aware that these 100 butterflies can be spotted in Tamil Nadu. Awareness on the role of insects like butterflies and moths in the ecology is very low among the common public. The stickers are also meant to remind passengers that the butterflies are very much part of our ecosystem and they need attention in terms of conservation,” he said.

Mr. Mahalingam said that AAI chose to use stickers of butterflies in the terminal to promote the theme “Nature and Culture” of the region.

“Though these are butterflies found in the Western Ghats, many of us are not aware of their presence. The colourful stickers also give a good feeling to the passengers who come to the airport,” he said.

Form tribunals to hear appeals of pvt. educational institutions: HC

They are to be set up under T.N. Private Colleges(Regulation) Act

08/08/2019, B. TILAK CHANDAR,MADURAI

The Bench of the Madras High Court on Wednesday directed the State government to constitute tribunals to hear statutory appeals of private educational institutions and their employees, under the Tamil Nadu Private Colleges (Regulation) Act, 1976.

The court was hearing a batch of petitions filed by Tamilavel Umamaheswaranar Karanthai Arts College in Thanjavur and two professors of the college facing serious allegations, S. Senthilkumar and Durai Paneerselvam, who challenged the charges levelled against them.

An inquiry was conducted against the two professors and they were later dismissed. However, they challenged their removal from service on a technical ground that the dismissal was not approved by the competent authority.

Following a series of litigations, the Regional Joint Director of Collegiate Education directed the College Committee to reconsider its decision. Even as the college management stood firm on its decision, the Regional Joint Director of Collegiate Education refused to approve it.

The college management preferred an appeal against the order before the Principal District Judge/Tribunal, Thanjavur. However, the appeal was returned on the ground that there was no government notification empowering the District Judge to entertain such appeals.

Delivering the verdict on the batch of cases, Justice S.M. Subramaniam directed the Higher Education Secretary to issue appropriate notification by implementing Section 38 of the Tamil Nadu Private Colleges (Regulation) Act, 1976, within 12 weeks.

Section 38 of the Act notes that the government shall constitute as many tribunals as may be necessary for the purpose of the Act, which shall consist of a judicial officer not below the rank of a District Judge to hear the statutory appeals.

The tribunal shall hear the appeals filed under Section 21 of the Act, which states that the second appeal in case of dismissal, removal or reduction in rank or termination of appointment of teachers or other persons employed in private colleges may be preferred to the tribunal.

After the notification was issued, the college management was at liberty to re-present the returned appeal papers to the jurisdictional tribunal within a period of four weeks. The tribunal shall then hear the matter on its merits as expeditiously as possible.

Two medical aspirants allotted seats in govt. institutions in their native places

HC enables them to secure MBBS seats in Tirunelveli, Thoothukudi colleges

08/08/2019, STAFF REPORTER ,MADURAI

The Madurai Bench of the Madras High Court came to the help of a student with visual impairment and another, whose parents were Tamil from Sri Lanka.G_Moorthy

Visually impaired medical aspirant J. Vibin of Tirunelveli, who undertook a series of litigations to join the course of his choice, has been allotted a seat at Tirunelveli Medical College.

The Madurai Bench of the Madras High Court was informed of this by the State on Wednesday.

Taking note of the submission, a Division Bench of Justices K. Ravichandrabaabu and Senthilkumar Ramamoorthy closed the contempt petition. The State had earlier informed the court that Vibin would be allotted a medical seat this academic year.

The contempt petition was filed by Vibin’s father M. Jabakar, who sought a direction to the Selection Committee to allot a seat to his son.

Though Vibin was allotted a seat at Pudukkottai Medical College after online counselling last year, he was denied admission following a variation in the visual impairment assessment. His disability was assessed at 90% by Madras Medical College, contrary to the 75% disability mentioned in the certificate issued by the State government.

A single judge bench had allowed the petition filed by Mr. Jabakar, and the subsequent appeal preferred by the State was dismissed by a Division Bench. The Supreme Court also dismissed the Special Leave Petition preferred by the State, following which it agreed to allot a medical seat to the candidate under special category.

Meanwhile, following the orders of Justice R. Suresh Kumar, another candidate, P. Karuppasamy from Thoothukudi, who was denied a seat on the basis of nativity, was allotted a medical seat at Government Thoothukudi Medical College. Though Karuppasamy had completed his school education in Thoothukudi, he was denied a seat since his parents were Tamils from Sri Lanka.

Community certificate

The court, taking into account that the candidate was born and brought up in Thoothukudi and had obtained a community certificate under Scheduled Caste category issued by a Tahsildar, observed, “Law is well settled that as far as communal status was concerned, if a certificate was issued by a competent authority, until and unless the certificate is withdrawn or cancelled in matter known to law, the law shall presume that the candidate belongs to that community”.

The court had directed the Selection Committee to consider the candidature of the writ petitioner for admission to MBBS as per his community ranking based on his NEET score.