இதே நாளில் அன்று

Added : அக் 04, 2018 21:34



அக்டோபர் 5, 1934:

சோ ராமசாமி: சென்னையில், ரா.ஸ்ரீநிவாசன் -- ராஜம்மாள் தம்பதிக்கு மகனாக, 1934 அக்., 5ல் பிறந்தார். சட்டம் பயின்ற அவர், 1957 முதல், 1962 வரை, சென்னை உயர் நீதிமன்ற வழக்கறிஞராக பணியாற்றினார். 1957ல், நாடகங்களை எழுத ஆரம்பித்தார். 1970ல், 'துக்ளக்' வார இதழையும், 1976ல், 'பிக் விக்' என்ற ஆங்கில இதழையும் துவக்கினார்.

இவர், 14 திரைப்படங்களுக்கு கதை எழுதி யுள்ளார். 200 திரைப்படங்களில் நடித்தார். நான்கு திரைப்படங்களை இயக்கினார். நான்கு, 'டிவி' நாடகங்களுக்கு கதை எழுதியும், இயக்கியும், நடித்தும் உள்ளார். இவரது,முகமது பின் துக்ளக் என்ற அரசியல் நையாண்டி நாடகம், மிகவும் புகழ் பெற்றது; திரைப்படமாகவும் வெளி வந்தது. ராஜ்யசபா, எம்.பி.,யாக, 1999 முதல், 2005 வரை பணியாற்றியவர்.

பகீரதன் எழுதிய, 'தேன்மொழியாள்' என்ற மேடை நாடகத்தில், இவர் ஏற்ற கதாபாத்திரத்தின் பெயர், சோ. அதையே, தன் பெயரின் முன் சேர்த்து கொண்டார். 2016, டிச.,7ல் காலமானார்; அவர் பிறந்த தினம் இன்று.

ரெட் அலர்ட் வதந்திகளை நம்ப வேண்டாம்: வெதர்மேன்

Updated : அக் 04, 2018 15:29 | Added : அக் 04, 2018 15:10 |  dinamalar




சென்னை: இந்திய வானிலை ஆய்வு மையம், தமிழகத்தில் வரும் 7 ம் தேதி அதிதீவிரமான கன மழை பெய்யும் என ரெட் அலர்ட் விடுத்துள்ளது. இது, தமிழகத்தில் பெரும் பரபரப்பை ஏற்படுத்தியுள்ளது.

இது குறித்து, தனியார் வானிலை ஆய்வு அமைப்பான, 'தமிழ்நாடு வெதர்மேன்' தனது பேஸ்புக் பக்கத்தில் கூறியிருப்பதாவது:

204 மி.மீ., மழை

இந்திய வானிலை ஆய்வு மையம் தமிழகத்தில் 7 ம் தேதி அதி தீவிர கன மழை பெய்யும் என ரெட் அலர்ட் விடுத்துள்ளது. இதன்படி தமிழகம் முழுவதும் மழை அளவு மையங்கள் அமைந்துள்ள பகுதிகளில்; மிக அதி தீவிர கனமழையாக, 204.5 மி.மீ., அளவுக்கு; 75 சதவீதம் கண்டிப்பாக மழை உண்டு என்ற நிலையில் இந்த ரெட் அலர்ட் விடுக்கப்பட்டுள்ளது.

உண்மையில் தமிழகம் முழுவதும் ஒரே நாளில், 204.5 மி.மீ., மழை பொழிவு இருக்க வாய்ப்பு இல்லை. மேலும், சென்னையில் மிக கன மழை பெய்யும் எனவும் எச்சரிக்கை விடுக்கப்படவில்லை.

அதற்குள் வதந்திகளை பரப்பி விடுகின்றனர். ரெட் அலர்ட் விடுக்கப்பட்டால்,அதற்கான சாத்தியகூறுகள் உள்ளதா என ஆய்வு செய்ய வேண்டும். ஒரு மாவட்டத்தில், 10 மழை அளவீடு மையங்கள் இருந்தால், அந்த மாவட்டம் முழுவதும் 204.5 மி.மீ., மழை பெய்யுமா என பார்க்க வேண்டும். குறிப்பிட்ட மாவட்டத்தில் ஆங்காங்கே மழை பெய்தால் சமாளித்து விடலாம்.

தமிழகத்தில் எந்த பகுதியில் மிக தீவிர கனமழை பெய்யும் என்பதை கூறாமல், பொதுவாக ரெட் அலர்ட் விடுத்தால், என்ன நடவடிக்கை எடுக்க முடியும். கிருஷ்ணகிரியில் குறைந்த அளவு மழை பெய்தால் அங்கு என்ன நடவடிக்கை எடுத்து விட முடியும்.

வேகமாக பரவும் வதந்தி

ஆகஸ்ட் மாதத்தில் தென்மேற்கு பருவமழை காலத்தில் மேற்கு தொடர்ச்சி மலை தொடரை ஒட்டிய தமிழக பகுதிகளான நீலகிரி, கோவை (வால்பாறை) தேனி, நெல்லை, மற்றும் கன்னியாகுமரியில், தினமும் 200 மி.மீ., அளவுக்கு மூன்று நாட்களுக்கு தொடர்ச்சியாக கன மழை பெய்தது. சோலையாறு அணை பகுதியில், 24 மணி நேரத்தில் 400 மி.மீ., மழை பெய்தது. அப்போது அங்கு ரெட் அலர்ட் விடுக்கப்பட்டு இருந்தது. ஆனால், தற்போது ஏன் வதந்திகள் இறக்கை கட்டி பறக்கின்றன?

தமிழகத்தின் கடலோர பகுதியில் இருந்து வெகு தொலைவில் அரபிக்கடலில் புயல் சின்னம் உருவானால், அது கிழக்கில் இருந்து வரும் காற்றை வலுப்படுத்தும். அதன் காரணமாக மலையை ஒட்டி உள்ள பகுதிகளில் ஈரப்பதம் உறிஞ்சப்பட்டு கன மழை பெய்யும்.

கடந்த, 2009ம் ஆண்டு நீலகிரியின் கேத்தி பகுதியில், ஒரே நாளில் 820 மி.மீ., மழை பெய்தது. குறிப்பாக குன்னூர் பகுதியில் கன மழை பெய்தது. ஆனால், தற்போது உருவாக உள்ள புயல் சின்னம், 2009ம் ஆண்டு போல் இல்லாமல் வெகு தொலைவில் தான் உருவாக உள்ளது. அது ஓமன் நாட்டை நோக்கி நகருவதால், கேரளா மற்றும் தமிழகத்திற்கு பெரிய அளவில் பாதிப்பு ஏற்படாது. எனினும், தமிழகத்தின் மலை பகுதிகளில் தீவிர கண்காணிப்பு இருக்க வேண்டும்.

தமிழக முழுவதும் எச்சரிக்கை தேவையில்லை. குறிப்பாக சென்னைக்கு எந்த பிரச்னையும் இல்லை. எனவே, இந்த ரெட் அலர்ட் சென்னைக்கு உரியது அல்ல. தமிழகத்தின் மலை பகுதிகளுக்கு உரியது. எனவே, முன்பு டிச., 1ம் தேதி போல் பேய் மழை பெய்யும் என பயப்பட வேண்டாம். மலை பகுதிகளில் கன மழை பெய்யலாம். எனினும் கடந்த ஆகஸ்ட் மாதம் நீலகிரி அல்லது கன்னியாகுமரி அல்லது வால்பாறை அல்லது பெரியாறு பகுதியில் பெய்தது போல் இருக்காது. சென்னைக்கு மழை தேவை. வெள்ளம் என்பது வேறு விஷயம். ஒவ்வொரு எச்சரிக்கைக்கும் பயப்பட வேண்டாம். சென்னைக்கு குடிநீர் வழங்கும் நான்கு ஏரிகளில் போதிய நீர் இருப்பு இல்லை.

இவ்வாறு அதில் கூறப்பட்டுள்ளது.

மாவட்ட செய்திகள்

சேலம் மாவட்டத்தில் பலத்த மழை பொதுமக்களின் இயல்பு வாழ்க்கை பாதிப்பு




சேலம் மாவட்டத்தில் பெய்த பலத்த மழையால் பொதுமக்களின் இயல்பு வாழ்க்கை பாதிக்கப்பட்டுள்ளது.

பதிவு: அக்டோபர் 05, 2018 03:30 AMமாற்றம்: அக்டோபர் 05, 2018 03:41 AM
சேலம்,

தென்மேற்கு வங்கக்கடல் பகுதியில் இலங்கை அருகே வளிமண்டல மேலடுக்கு சுழற்சி நிலவுவதால், தமிழகம், புதுச்சேரியில் பரவலாக மழை பெய்து வருகிறது. அதன்படி, சேலம் மாவட்டத்தில் நேற்று முன்தினம் இரவு பல்வேறு இடங்களில் பலத்த மழை பெய்தது. இந்த மழை விடிய, விடிய நீடித்தது. சேலம் மாநகரை பொறுத்தவரையில் அஸ்தம்பட்டி, அழகாபுரம், மணக்காடு, சூரமங்கலம், அன்னதானப்பட்டி, கிச்சிப்பாளையம், கொண்டலாம்பட்டி, அம்மாபேட்டை, பழைய மற்றும் புதிய பஸ்நிலையம், கன்னங்குறிச்சி உள்ளிட்ட பல்வேறு இடங்களில் நேற்று முன்தினம் இரவு விடிய, விடிய தொடர்ந்து மழை பெய்து கொண்டே இருந்தது.

இதைத்தொடர்ந்து நேற்று காலையிலும் மழை நிற்காமல் பெய்து கொண்டே இருந்ததால், பொதுமக்கள் வெளியே வரமுடியாமல் வீட்டுக்குள்ளேயே முடங்கினர். இதனால் பொதுமக்களின் இயல்பு வாழ்க்கை பாதிக்கப்பட்டது. நேற்று காலை 8 மணிக்கு மேலும் மழை பெய்து கொண்டிருந்ததால் பள்ளி, கல்லூரிகளுக்கு விடுமுறை விடப்படுமா? அல்லது வழக்கம்போல் செயல்படுமா? என்று மாணவ-மாணவிகளின் பெற்றோர்கள் மத்தியில் ஒருவித குழப்பம் நிலவியது.

இதையடுத்து மாவட்ட கல்வித்துறை அதிகாரிகளை சிலர் செல்போனில் தொடர்பு கொண்டு பள்ளி விடுமுறையா? என்று கேட்டனர். தொடர்ந்து மழை பெய்து கொண்டே இருந்ததால் பள்ளிகளுக்கு விடுமுறை என மாவட்ட கலெக்டர் ரோகிணி அறிவித்தார். இந்த தகவல் கல்வித்துறை அதிகாரிகள் மூலம் அனைத்து பள்ளிகளுக்கும் தெரிவிக்கப்பட்டது.

இது ஒருபுறம் இருக்க, விடுமுறை பற்றி தகவல் தெரியாத மாணவ-மாணவிகள் வழக்கம்போல் தங்களது பள்ளிக்கு புறப்பட்டு சென்றனர். அங்கு சென்றபிறகு தான் பள்ளிக்கு விடுமுறை என்ற விவரம் தெரியவந்ததால், அவர்கள் மழையில் நனைந்தபடி வீடுகளுக்கு புறப்பட்டு சென்றதை காணமுடிந்தது. ஆனால் கல்லூரிகளுக்கு விடுமுறை அளிக்கப்படவில்லை. இதனால் கல்லூரி மாணவ -மாணவிகள் வழக்கம்போல் கல்லூரிகளுக்கு சென்றனர்.

மார்க்கெட்டில் மழைநீர் தேங்கியது

அதேபோல், அரசு மற்றும் தனியார் நிறுவனங்களில் வேலை செய்யும் நபர்கள் மழையில் நனைந்தவாறு கடும் சிரமத்திற்கு இடையே சென்றனர். சேலத்தில் நேற்று பகலில் இடை விடாமல் சாரல் மழை பெய்து கொண்டே இருந்ததால் வாகன ஓட்டிகள் மழையில் நனைந்தபடி சென்றனர். பொதுமக்கள் சிலர் குடைகளை பிடித்தவாறு வெளியே சென்று வந்தனர். சேலம் அருகே அரியானூர் பகுதியில் தேசிய நெடுஞ்சாலையில் மழைநீர் அதிகளவில் தேங்கி நின்றதால் வாகனங்கள் தண்ணீரில் தத்தளித்து சென்றதை காணமுடிந்தது.

சேலம் காந்தி விளையாட்டு மைதானத்தில் அதிகளவில் மழைநீர் தேங்கி நின்றதாலும், சேறும், சகதியுமாக காட்சியளித்ததாலும் வழக்கமாக நடைபயிற்சிக்கு வரும் பொதுமக்கள் நேற்று நடைபயிற்சிக்கு வரவில்லை. சேலம் திருமணிமுத்தாறு ஆற்றோரம் உள்ள தினசரி காய்கறி மார்க்கெட்டில் மழைநீர் அதிகளவில் தேங்கி நின்றது. இதனால் காய்கறி வியாபாரம் பாதிக்கப்பட்டதால் வியாபாரிகள் கடும் அவதிக்குள்ளாகினர்.

சேலத்தில் பெய்த பலத்த மழையால் சாலையிலும், தாழ்வான பகுதியிலும் மழைநீர் தேங்கி நின்றது. இந்த தொடர் மழையினால் மாவட்டத்தில் பெரியஅளவில் எந்த பாதிப்பும் ஏற்படவில்லை. மாவட்டத்தில் வீரகனூர், ஆத்தூர், ஏற்காடு, பெத்தநாயக்கன்பாளையம் உள்ளிட்ட பல்வேறு இடங்களில் அதிகளவில் மழை பெய்துள்ளது.

இளம்பிள்ளை, மகுடஞ்சாவடி, சின்னப்பம்பட்டி, இடங்கணசாலை, சித்தர்கோவில், எட்டிகுட்டைமேடு, தெசவிளக்கு, மாட்டையாம்பட்டி, கசப்பேரி மற்றும் சுற்றுவட்டார பகுதிகளில் தொடர்மழை பெய்து வருவதால் வெப்பம் தணிந்து குளிர்ந்த காற்று வீசியது.
ஒருசில இடங்களில் பலத்த காற்றுடன் மழை பெய்ததால் மரங்கள் வேரோடு சாய்ந்தன. மேலும் ஆங்காங்கே வயல்களில் மழைநீர் தேங்கி நின்றது. நேற்றும் அதிகாலை முதலே இளம்பிள்ளை மற்றும் சுற்றுவட்டார பகுதிகளில் மழை பெய்தது.

சேலம் மாவட்டத்தில் நேற்று காலை 8 மணி நிலவரப்படி பதிவான மழை அளவு மில்லி மீட்டரில் விவரம் வருமாறு:-

வீரகனூர்-30, ஆத்தூர்-23.6, ஏற்காடு-23.4, கரியகோவில்-21, பெத்தநாயக்கன்பாளையம்-20, கெங்கவல்லி-19.2, ஆனைமடுவு-18, சேலம்-17, காடையாம்பட்டி-16, வாழப்பாடி-14, தம்மம்பட்டி-11.6, எடப்பாடி-8, சங்ககிரி-5.6, ஓமலூர்-2.6. மாவட்டத்தில் சராசரி மழை அளவு 12.3 மி.மீ. ஆகும்.

மாவட்ட செய்திகள்

முகநூல் காதலை நம்பி ஏமாந்த பெண் டாக்டர் தற்கொலை முயற்சி



முகநூல் காதலை நம்பி ஏமாந்த பெண் டாக்டர் தற்கொலைக்கு முயன்றார். இது தொடர்பாக சேலம் என்ஜினீயரிடம் போலீசார் விசாரணை நடத்தி வருகிறார்கள்.

பதிவு: அக்டோபர் 05, 2018 03:56 AM
சேலம்,

மராட்டிய மாநிலத்தை சேர்ந்த 22 வயதுடைய பெண் டாக்டருக்கும், சேலத்தை சேர்ந்த ஒரு என்ஜினீயருக்கும் முகநூல் மூலம் பழக்கம் ஏற்பட்டுள்ளது. இதைத்தொடர்ந்து இருவரும் முகநூல் வாயிலாக அடிக்கடி பேசி வந்தனர். நாளடைவில் இருவரும் காதலிக்க தொடங்கினர். இந்த நிலையில் நேரில் சந்திக்க வேண்டும் என்று பெண் டாக்டரிடம் என்ஜினீயர் கூறி உள்ளார்.

அதற்கு சம்மதம் தெரிவித்த அவர் கடந்த சில நாட்களுக்கு முன்பு தனது பெற்றோரிடம், சேலத்தில் உள்ள ஒரு ஆஸ்பத்திரியில் பயிற்சிக்கு செல்ல வேண்டும் என்று கூறிவிட்டு அங்கிருந்து புறப்பட்டு சேலம் புதிய பஸ் நிலையத்துக்கு வந்தார். அவரை என்ஜினீயர் சேலம் 4 ரோடு பகுதியில் உள்ள ஒரு ஓட்டலுக்கு அழைத்து சென்றார். அங்கு அறை எடுத்து 2 பேரும் தங்கினர்.

இந்த நிலையில் நேற்று முன்தினம் இருவரும் சாப்பிடுவதற்காக, ஓட்டலில் உள்ள ரெஸ்டாரண்டுக்கு வந்தனர். அப்போது திடீரென்று பெண் டாக்டர் மயங்கி விழுந்தார். இதைத்தொடர்ந்து ஓட்டல் ஊழியர்கள் மற்றும் அவரது காதலரான என்ஜினீயர் ஆகியோர் பெண் டாக்டரிடம் விசாரித்தனர். அப்போது வலி நிவாரண மாத்திரை அதிகம் சாப்பிட்டதாக கூறியுள்ளார்.

இது குறித்து பள்ளப்பட்டி போலீசாருக்கு தகவல் தெரிவிக்கப்பட்டது. அதன்பேரில் போலீசார் அந்த ஓட்டலுக்கு சென்று பெண் டாக்டரை மீட்டு சேலம் அரசு ஆஸ்பத்திரியில் சிகிச்சைக்கு சேர்த்தனர். அங்கு அவருக்கு சிகிச்சை அளிக்கப்பட்டு வருகிறது. பின்னர் இது குறித்து மராட்டிய மாநிலத்தில் உள்ள பெண் டாக்டரின் பெற்றோருக்கு போலீசார் தகவல் தெரிவித்தனர்.

தொடர்ந்து போலீசார் நடத்திய விசாரணையில், திருமணம் செய்ய காதலனான என்ஜினீயர் மறுப்பு தெரிவித்ததால் ஏமாற்றத்தில் தூக்க மாத்திரை தின்று பெண் டாக்டர் தற்கொலைக்கு முயன்றது தெரியவந்தது. இது குறித்து போலீசார் மேலும் விசாரணை நடத்தி வருகின்றனர்.

15 ஆண்டுகளாக பஸ் வசதி இல்லாமல் அவதிப்படும் நல்லம்பாக்கம் கிராம மக்கள்



15 ஆண்டுகளாக பஸ் வசதி இல்லாமல் நல்லம்பாக்கம் கிராம மக்கள் அவதிப்படுகின்றனர்.

பதிவு: அக்டோபர் 05, 2018 04:00 AM
வண்டலூர்,

காஞ்சீபுரம் மாவட்டம் வண்டலூர் அருகே நல்லம்பாக்கம் கிராமம் உள்ளது. இந்த கிராமத்தில் சுமார் 5 ஆயிரத்திற்கும் மேற்பட்டவர்கள் வசித்து வருகின்றனர். இந்த கிராமத்திற்கு கடந்த 15 ஆண்டுகளுக்கு முன்பு அரசு புதிய வழித்தடத்தில் தாம்பரத்தில் இருந்து நல்லம்பாக்கம் வரை பஸ் போக்குவரத்தை தொடங்கியது. சில மாதங்களுக்கு பின்னர் சாலை வசதி சரியில்லை என்று காரணம் காட்டி பஸ் போக்குவரத்து நிறுத்தப்பட்டது.

இதனால் சுமார் 15 ஆண்டுகளாக இந்த கிராமத்தில் உள்ள பொதுமக்கள், பள்ளி, கல்லூரிக்கு செல்லும் மாணவ-மாணவிகள் தினமும் நல்லம்பாக்கம் கிராமத்தில் இருந்து 5 கிலோமீட்டர் தூரம் நடந்து சென்று கண்டிகையில் இருந்து பஸ் ஏறி பள்ளி, கல்லூரிகளுக்கு சென்று படித்து வருகின்றனர்.

இதே போல கூலி வேலைக்கு செல்பவர்களும், முதியோர், கர்ப்பிணி பெண்கள் என அனைவரும் நல்லம்பாக்கம் கிராமத்திற்கு பஸ் போக்குவரத்து வசதி இல்லாமல் அவதிப்பட்டு வருகின்றனர்.

கடந்த 15 ஆண்டுகளுக்கு முன்பு சாலை வசதி சரியில்லை என்று காரணம் காட்டி பஸ் போக்குவரத்து நிறுத்தப்பட்டது. ஆனால் தற்போது சாலை வசதி நல்ல முறையில் இருக்கிறது.

இது குறித்து அந்த பகுதி மக்கள் கூறுகையில்:- கடந்த 15 ஆண்டுகளாக பஸ் வசதி இல்லாமல் நாங்கள் மிகவும் அவதிப்பட்டு வருகிறோம். இது குறித்து பல முறை அதிகாரிகளுக்கு கோரிக்கை மனுக்கள் அளித்தும் இதுவரை போக்குவரத்து துறை அதிகாரிகள் எந்த நடவடிக்கையும் எடுக்கவில்லை, எனவே காஞ்சீபுரம் மாவட்ட கலெக்டர் பொன்னையா உடனே கண்டிகையில் இருந்து நல்லம்பாக்கம் கிராமம் வரை தமிழக அரசின் மினி பஸ்சை இயக்குவதற்கு நடவடிக்கை எடுக்க வேண்டும் என்று நல்லம்பாக்கம் கிராம மக்கள் கோரிக்கை விடுத்துள்ளனர்.

FLASH NEWS: கனமழை எதிரொலி விடுமுறை அறிவிப்பு!!! (5 மாவட்டங்கள்)

தூத்துக்குடி மாவட்ட பள்ளிகளுக்கு விடுமுறை

நெல்லை மாவட்ட பள்ளிகளுக்கு விடுமுறை

திருவள்ளூர் மாவட்ட பள்ளி ,கல்லூரிகளுக்கு விடுமுறை

காஞ்சிபுரம் மாவட்ட பள்ளி ,கல்லூரிகளுக்கு விடுமுறை

* கனமழை காரணமாக சென்னையில்
இன்று பள்ளிகளுக்கு விடுமுறை அறிவிப்பு - மாவட்ட ஆட்சியர் சண்முகசுந்தரம் உத்தரவு

Ministers can use multiple telephone connections: Dayanidhi Maran tells Madras High Court

There is no statutory bar for a Union cabinet minister to use more than three telephone service connections.

Published: 04th October 2018 04:55 AM 

Former Union Telecom and IT Minister Dayanidhi Maran (File | PTI)

By Express News Service

CHENNAI: There is no statutory bar for a Union cabinet minister to use more than three telephone service connections, the Madras High Court was told on Wednesday.

When the petitions from former Telecom Minister Dayanidhi Maran and his brother Kalanidhi Maran came up before Justice A D Jagadish Chandira, their senior counsel said a minister can use any number of telephone connections. Refusing to stay the proceedings pending before the Special Court for CBI cases, which had framed the charges against them, the judge adjourned the matter till October 10.

Counsel said the CBI court had framed charges based solely on the opinion of the investigating officer (IO) and not on the material available on record.