உலக நாயகன் கமல் பிறந்தநாளையொட்டி சிறப்பு பகிர்வு.

அற்புதமான அவதாரங்களுக்கு சொந்தமானவருக்கு வயது 60.

களத்தூர் கண்ணம்மாவில் கையெடுத்துக் கும்பிட்ட சிறுவனை இன்று இந்திய சினிமா வணங்குகிறது. விஸ்வரூபமாய் தொடரும் தலைமுறைகளை வென்ற தனி அவதாரம் கமல்.

முதல் படத்திலேயே (களத்தூர் கண்ணம்மா) சிறந்த குழந்தை நட்சத்திரத்துக்கான தேசிய விருதைப் பெற்றவர் கமல்!

'களத்தூர் கண்ணம்மா', 'ஆனந்த ஜோதி', 'பார்த்தால் பசி தீரும்', 'பாதகாணிக்கை', 'வானம்பாடி' என 5 படங்களில் நடித்த பிறகு,அவ்வை டி.கே.சண்முகத்திடம் சேர்ந்தார் கமல். அவர் வேறு திசைக்குப் பயணப்பட்டது அதற்குப் பிறகுதான்!

களத்தூர் கண்ணம்மாவில் குழந்தை நட்சத்திரமாக அறிமுகமானாலும்கூட, தனது குழந்தைப் பருவத்து நடிப்பில்,பெரிய நடிகர்கள் யாருக்கும் மாஸ்டர் கேரக்டரில் கமல் நடித்ததே இல்லை!

கமல் நடித்த படங்களைப் பாராட்டி பாலசந்தர் எழுதும்போது 'மை டியர் ராஸ்கல்' என்றுதான் அழைப்பார்!

கமலின் தந்தை உடல் தகனத்துக்காக மயானத்தில் வைக்கப்பட்டு இருந்தது.சாருஹாசன், சந்திரஹாசன், கமல் மூவரும் சிதையின் அருகில் நிற்க, திரும்பிப் பார்த்த கமல் 'அண்ணா, நீங்களும் வாங்க' என இருவரை அழைத்தார். அவர்கள் ஆர்.சி.சக்தி, ஸ்டன்ட் மாஸ்டர் கிருபா. கதறித் துடித்தபடி அவர்களும் கொள்ளிவைத்தனர்!

ஃபிலிம்ஃபேர் விருதை 18 முறைக்கு மேல் வாங்கிய ஒரே இந்திய நடிகர் கமல்தான்!

எண்பதுகளின் மத்தியில் 'மய்யம்' என்ற இலக்கியப் பத்திரிகையைக் கொஞ்ச காலம் நடத்தினார் கமல்!

எம்.ஜி.ஆருக்கு 'நான் ஏன் பிறந்தேன்', சிவாஜிக்கு 'சவாலே சமாளி',ஜெயலலிதாவுக்கு 'அன்புத்தங்கை' படங்களில் டான்ஸ் மாஸ்டராகப் பணியாற்றி இருக்கிறார் கமல்!

ஆரம்பத்தில் 'சிவாலயா' என்ற நடனக் குழுவை ஆரம்பித்து நடத்தினார் கமல்.அதற்குப் பிறகுதான் நடன உதவியாளராக தங்கப்பனிடம் சேர்ந்தார்!

ஆர்.சி.சக்தியின் இயக்கத்தில் வந்த 'உணர்ச்சிகள்'தான் கமலைத் தனிகதாநாயகனாக ஆக்கியது. ஆனால், முந்திக்கொண்டு வெளிவந்த படம்'பட்டாம்பூச்சி'!

'நினைத்தாலே இனிக்கும்' படம்தான் கமலும் ரஜினியும் சேர்ந்து நடித்த கடைசிப் படம்!

கமல் ரொம்பவும் ஆசைப்பட்டு, முற்றுப்பெறாத கனவுகளில் ஒன்று...'மருதநாயகம்'!

கடவுள் மறுப்புக்கொள்கையைக் கொண்டவர் என்றாலும், ஆத்திகத்தை கமல்விமர்சனம் செய்வதில்லை!

தமிழ், மலையாளம், தெலுங்கு, கன்னடம், ஹிந்தி,பெங்காலி மொழிப் படங்களில் நடித்திருக்கிற ஒரே தமிழ் நடிகர் கமல்தான்!

தன் உடலைத் தானம் செய்திருக்கிறார் கமல். சினிமாவில் இத்தகைய முன் மாதிரி இவர்தான்!

கமலுடன் அதிக படங்களில் ஜோடியாக நடித்தவர்கள் இரண்டு பேர். ஸ்ரீதேவி, ஸ்ரீப்ரியா!

கமல், சாருஹாசன், சுஹாசினி என அவரது குடும்பத்தில் இருந்தே மூன்று பேர் தேசிய விருது பெற்றிருக்கிறார்கள்!
 

'ராஜபார்வை' முதல் தம்பியுடன் இருந்து அலுவலகத்தைக் கவனிக்கிறார் அண்ணன் சந்திரஹாசன். கல்லாப்பெட்டி அவரது கவனத்தில்தான் இருக்கிறது!

ஏதோ மன வருத்தம்... சாருஹாசனும் கமலும் இப்போதும் பேசிக்கொள்வதுஇல்லை!

பிரசாத் ஸ்டுடியோவில் அகேலா கிரேன் இறக்குமதி ஆகியிருந்தது. அதை இரவோடு இரவாகச் சென்று பார்த்த முதல் நபர் கமல். பிறகுதான் பி.சி.ஸ்ரீராம் போன்றவர்கள் வந்து பார்த்தார்கள். தொழில்நுட்பத்தின் மீதுகொண்ட தீராத ஆர்வம்தான் காரணம்!

வீட்டில் நிறைய நாய்களை வளர்க்கிறார். கொஞ்ச காலத்துக்கு முன்பு இறந்துபோன நாய்க்காகக் கண்ணீர்விட்ட தருணங்களும் உண்டு!

'ஹே ராம்' படம் முதல் டைரக்ஷனாக வெளிவந்தாலும், முன்னமே 'சங்கர்லால்'படத்தை, டி.என்.பாலு இறந்து போக, முக்கால்வாசிக்கு மேல் இயக்கியிருக்கிறார்!


கமல் மிகவும் ஆத்மார்த்தமாக நேசித்த மனிதர் மறைந்த அனந்து. தன்னை வேறு தளத்துக்கு அழைத்து வந்த நண்பர் என்ற அன்பு அவர் நெஞ்சு நிறைய உண்டு!

அதிஅற்புதமான உலக சினிமாக்களின் டி.வி.டி. அணிவகுப்பு கமலின் ஹோம் தியேட்டர் கலெக்ஷனில் இருக்கிறது!

பட்டு வேட்டி பிடிக்கும். தழையத் தழையக் கட்டிக்கொண்டு ஆபீஸ் வந்தால், அன்று முழுக்க உற்சாக மூடில் இருப்பார்!

தமிழ், ஆங்கிலம், தெலுங்கு, ஹிந்தி, மலையாளம், பெங்காலி,கன்னடம், பிரெஞ்சு என எட்டு மொழிகள் கைவந்த வித்தகர்!

ரஜினிக்குப் பிடித்த படமான 'முள்ளும் மலரும்' படம் வெளியாவதற்குக் காரணமாக இருந்தவரே கமல்தான்!

'உங்களது படங்களில் உங்களுக்கு மிகவும் பிடித்த படம் எது?' என்று கேட்டால், 'நான் நடிக்கப் போகும் எனது அடுத்த படம்' என்பார்.

கமல் மெட்ராஸ் பாஷை பேசிய 'சட்டம் என் கையில்', 'அபூர்வ சகோதரர்கள்'ஆகிய படங்கள் மெகா ஹிட். மெட்ராஸ் பாஷைக்கு கமலின் குரு லூஸ் மோகன்!

'சட்டம் என் கையில்' படம்தான் கமல் இரட்டை வேடங்களில் நடித்த முதல் படம் என்பது பலரும் சொல்லும் தகவல். ஆனால், அவர் 'பார்த்தால் பசி தீரும்'படத்திலேயே சின்ன வயதில் டபுள் ரோல் பண்ணியிருக்கிறார்!

ஊர்வன, பறப்பன, ஓடுவன என அனைத்தையும் சாப்பிடும் அசைவப் பிரியர் கமல். ஆக்டோபஸை எவ்வாறு பிடித்து, சமைத்துச் சாப்பிடுவது என்பதை நடித்தே காட்டுவாராம். அந்த நடிப்பிலேயே எதிரே உள்ளவர்கள் பசியாறி விடுவார்களாம்!

ஆஸ்கர் விருது பெற்ற 'டிராஃபிக்' படத்தை இயக்கிய ஹாலிவுட் இயக்குநர்ஸ்டீபன் சோடர்பெர்க்கைப் போன்று ஒரு ஸ்டெடிகேம் கேமராவை இடுப்பில் கட்டி, லென்ஸைத் தன்னை நோக்கித் திருப்பிக்கொண்டு 'சிங்கிள்மேன் யூனிட்'டாக ஒரு படத்தை இயக்கி நடிப்பது கமலின் நீண்ட நாள் ஆசை!

நடிகர் நாகேசுக்கும் கமலுக்குமான உறவு 'அப்பா-மகன்' உறவு போன்றது. தன்னை 'கமல்ஜி' என்று நாகேஷ் அழைக்கும்போது, 'எதுக்கு அந்த ஜி' என்ற கமலிடம், 'கமலுக்குள்ள ஒரு நாகேஷ் இருக்கலாம். ஆனால், நாகேசுக்குள்ள ஒரு கமல் இருக்க வாய்ப்பே இல்லை' என்பாராம் நாகேஷ்!

கமலுக்கு சினிமா சென்டிமென்ட்களில் துளியும் நம்பிக்கை கிடையாது. 'ஹே ராம்' படத்தின் முதல்வசனமே இப்படித்தான் இருக்கும்... 'சாகேத்ராம் திஸ் இஸ் பேக்-அப் டைம்'!

நல்ல மூடு இருந்தால், நண்பர்களிடம் தன் கவிதைகளை வாசித்துக் காட்டுவார். விரல் ஜாலங்களை, குரல் ஜாலங்களுடன் கேட்கக் கிடைத்தவர்கள் பாக்கியவான்கள்.இருந்தும் ஏனோ, இன்னமும் தொகுப்புகளாக வெளியிடாமல் தாமதிக்கிறார் கமல்!

''சந்திக்கும் மனிதர்களின் பேச்சுக்களை, நடவடிக்கைகளை நகலெடுப்பது போல்கவனிக்கும் ஆற்றல் எனக்குத் தெரிந்து சிலருக்கே உண்டு. இந்த ஆற்றல்கைவரப்பெற்றவர்கள் வரிசையில் முக்கியமான இடம் கமலுக்கு உண்டு''என்கிறார் யூகி சேது!

'மர்மயோகி'யில் கமல் ஒரு அகோரி கேரக்டர் செய்வதாக இருந்தார். கொஞ்சகாலத்துக்கு முன்பு நீண்ட தாடி வளர்த்தது அதற்காகத்தான். 'சாமா சானம்' என்றுதொடங்கும் பாடல் ஒன்றைக்கூட இதற்காகத் தயார் செய்துவைத்திருந்தார்.'மர்மயோகி' டிராப் என்றவுடன் தாடியை எடுத்துவிட்டார்!

நன்றாகத் தமிழ் பேசும் ஹீரோயின்களை கமலுக்கு மிகப் பிடிக்கும். தமிழ்க் கதாநாயகிகள் அதிகம்வருவதில்லை என்ற வருத்தமும் அவருக்கு உண்டு. அதனால்தான் அபிராமியையும் சினேகாவையும்அழைத்துத் தன் படங்களில் வாய்ப்பு கொடுத்தார்!

'காலையில் எழுந்ததும் யார் முகத்தில் விழிக்க விருப்பம்?' என்று கமல் முன்பு நடத்திய 'மய்யம்'பத்திரிகையில் ஒரு கேள்வி கேட்கப்பட்டது. கமல் சொன்ன பதில், 'காட்டில் இருந்தால் நரி முகத்தில்,கட்டிலில் இருந்தால் ஸ்த்ரீ முகத்தில்'!

பாபர் மசூதி இடிப்பின்போது யதேச்சையாக டெல்லியில் இருந்தார் கமல். விஷயம் கேள்விப்பட்டதும் உடனடியாக அப்போதைய பிரதமர் நரசிம்மராவைச் சந்தித்து, தமிழ் திரையுலகம் சார்பாக எதிர்ப்பைப் பதிவு செய்தார். பாபர் மசூதி இடிப்புக்கு எதிராக சினிமா உலகில் இருந்து முதன்முதலில் எழுந்த எதிர்க்குரல் கமலுடையது!

முட்டையின் மஞ்சள் கருவை நீக்கிவிட்டு வெள்ளைக்கருவில் மிளகுப்பொடி தூவிச் சாப்பிடுவது கமலுக்குப் பிடித்தமானது. கூடவே பிளாக் டீ!

4 ஆண்டுகளுக்கு முன்பு விஜய் டி.வி-யில் கமலின் பிறந்த நாளுக்காகப் புகழ்பெற்ற கவிஞர்களை அழைத்து ஒரு கவியரங்கம் நடத்தினார்கள். ஒரு நடிகரைப் பாட்டுடைத் தலைவனாக வைத்து நடத்தப்பட்ட முதல் கவியரங்கம் அதுதான்!

'ஆளவந்தான்' ரிலீஸின்போது, 'இனிமேல் 100 நாட்கள் எல்லாம் படம் ஓடாது. சினிமா பார்ப்பது வாழைப்பழம் சாப்பிடுவது மாதிரி. சாப்பிட வேண்டும் என்று ஆசைப்பட்டால் அருகில் உள்ள பெட்டிக் கடையில் வாழைப்பழம் கிடைக்க வேண்டும்' என்று சொல்லி, அதிக தியேட்டர்களில் ரிலீஸ் செய்யும் சிஸ்டத்தை அறிமுகப்படுத்தியவர்கமல்தான்!

'யாரையாவது டின்னருக்கு அழைக்க வேண்டும் என்றால் யாரை அழைப்பீர்கள்?'என்று ஒருமுறை கமலிடம் கேட்கப்பட்டபோது, 'காந்தியடிகளை டின்னருக்கு அழைத்து, ஆட்டுப் பாலும் நிலக்கடலையும் பரிமாற விருப்பம்' என்று பதில் சொன்னார்!

'நாகேஷ், தன்னுடைய திரையுலக காமெடி வாரிசை உருவாக்காமல் போய்விட்டார். அந்தத் தவறை நானும் செய்ய மாட்டேன்!' அண்மையில் திரைக்கதைப் பயிற்சிப் பட்டறை நடத்துவதற்கான காரணமாக நண்பர்களிடம் கமல் பகிர்ந்து கொண்டது இது!

சென்னை புறநகரில் ஒரு மல்டிப்ளெக்ஸ் கட்டுவதற்காக கமல் இடம்வாங்கிப்போட்டிருக்கிறார். அனைத்துவிதமான தொழில் நுட்பங்களுடன் கூடிய சினிமா தியேட்டர்களும், கேளிக்கை பூங்காக்களும், ரெஸ்டாரென்ட்டுகளும் அங்கு இருக்கும்!

தமிழ் சினிமாவை 'கோலிவுட்' என்று பலரும் சொன்னாலும் கமல் அந்த வார்த்தையை உச்சரிக்க மாட்டார். அப்படிச் சொல்லவேண்டாம் என மேடைகளிலும் சொல்லியிருக்கிறார். தமிழ்த் திரையுலகம் என்று அழுத்தி உச்சரிப்பதே அவரது ஸ்டைல்!

வீட்டில் நான்கு கார்களை வைத்திருக்கும் கமல்ஹாசன் புதிதாக ஹம்மர் ஹெச்2 என்னும் காரை 1.8 கோடி ரூபாய் விலையில் வாங்கியிருக்கிறார். இது ஸ்டாலின் வைத்திருக்கும் ஹம்மர் ஹெச்3 காரைவிட காஸ்ட்லி!

'உனக்குள்ள நடமாடிக்கிட்டு இருக்குற மிருகம்தான் எனக்குள்ள தூங்கிக்கிட்டு இருக்கு', 'போங்கடா... போய் புள்ள குட்டிங்களைப் படிக்க வைங்கடா', 'வீரம்னா என்ன தெரியுமா..? பயம் இல்லாதது மாதிரி நடிக்கிறது', 'ஓநாயா இருந்து பார்த்தாதான் அதோட நியாயம் என்னான்னு தெரியும்', 'சந்தோஷம்னா என்னன்னு அதை அனுபவிக்கும்போது யாருக்கும் தெரியுறதில்லை', 'மன்னிக்கிறவன் மனுஷன்,மன்னிப்புக் கேட்கிறவன் பெரிய மனுஷன்' - இவை எல்லாம் வசனகர்த்தா கமல் எழுதிய புகழ்பெற்ற வசனங்கள்!

விகடன் டீம்

சொத்துக்கள் முழுவதையும் செலவழிக்க பில்கேட்சுக்கு 218 ஆண்டுகள் ஆகுமாம்!

நியூயார்க்: பில்கேட்சுக்கு தனது சொத்துக்கள் முழுவதையும் செலவழிக்க 218 ஆண்டுகள் ஆகும் என்று ஒரு ஆய்வு தெரிவித்துள்ளது.

மைக்ரோசாஃப்ட் நிறுவனத் தலைவரும், அமெரிக்கருமான பில்கேட்சுக்கு, தனது சொத்துக்கள் முழுவதையும் செலவழிக்க 218 ஆண்டுகள் ஆகும் என சர்வதேச ஆய்வு ஒன்று கூறியுள்ளது. தினமும் 6 கோடி ரூபாயை அவர் செலவழிப்பதாக கணக்கிட்டு இந்த தகவல் தெரிவிக்கப்பட்டுள்ளது.

ஆக்ஸ்ஃபேம் என்ற அரசுசாரா அமைப்பு வெளியிட்டுள்ள அறிக்கையின்படி, உலகம் முழுவதும் ஏழைகளில் பாதிபேரிடம் உள்ள சொத்துக்களுக்கு இணையான சொத்து மதிப்பு உலகின் முதல் 85 பணக்காரர்களிடம் உள்ளதாக கூறப்பட்டுள்ளது. மேலும், தனது சொத்துக்கள் முழுவதையும் செலவிட மெக்சிகோ பணக்காரர் கார்லஸ் சிம்முக்கு 220 ஆண்டுகளும், மற்றொரு அமெரிக்க உலகமகா பணக்காரரான வாரன் ஃபப்பெட்டுக்கு 169 ஆண்டுகளும் ஆகும் என அந்த ஆய்வில் கணக்கிடப்பட்டுள்ளது.

PRINCESS JULIANA AIRPORT

These are some photos of St Marteen Airport. The planes impress most people on the beach, flying over just seconds before touching down at Princess Juliana airport. Paradise for the beach lovers, having a lovely tropical beach, and for the aviation fanatics that spend hours on end observing the very low flying skills of giant commercial plane pilots.

Twinkle Dwivedi’s Blood Tears

Haemolacria is an unusual medical condition that causes the person suffering from it to produce tears of blood. The tears can vary from being slightly red tinged to completely composed of blood. Twinkle Dwivedi from Lucknow suffers from this very rare condition that causes her to bleed from eyes and other parts of her body spontaneously without any apparent visible signs of wounds. She has been the subject of a number of medical research studies and also part of a television show on National Geographic. No possible explanation as to her condition was concluded by the researchers. Rashida Khatoon another girl from Patna came forward with similar condition. In both these cases, no pain is reported by them on shedding tears of blood.

இனி, அதிகாரிகள் கையில்தான் இருக்கிறது

நரேந்திர மோடி பிரதமராக இந்த ஆண்டு மே மாதத்தில் பொறுப்பேற்றார். அவர் பிரதமராக பொறுப்பேற்பதற்கு முன்பும், அதன்பிறகும், அதிகாரிகளோடு நேரடி தொடர்பு ஏற்படுத்தி, அவர்களோடு கூட்டங்கள் நடத்தி, ஆய்வுகளையும் மேற்கொள்வதையே வழக்கமாகக் கொண்டிருக்கிறார். குஜராத்தில் அவர் முதல்–மந்திரியாக இருந்த நேரத்திலும் இதையே தனது பணிமுறையாகக்கொண்டு செயல்பட்டதோடு மட்டுமல்லாமல், அதில் வெற்றியும் கண்டார். திறமையான அதிகாரிகளை அடையாளம் கண்டுகொள்வதில் அவருக்கு நிகர் அவரே. அவர் பதவிகாலத்தில் தற்போது குஜராத் மாநில தலைமை செயலாளராக பணிபுரியும் ஜெகதீசபாண்டியன், மூத்த ஐ.ஏ.எஸ். அதிகாரிகள் திருப்புகழ், நடராஜன், ஜெயந்தி ரவி, தாரா, தென்னரசன் மற்றும் பல மாவட்ட கலெக்டர்களாக, முக்கிய பொறுப்பு வகிக்கும் அதிகாரிகளாக தமிழ்நாட்டைச் சேர்ந்த அதிகாரிகளை சரியாக மதிப்பிட்டு, அவர்கள் எந்த துறையில் நிபுணத்துவம் பெற்றவர்களோ, அந்த துறை தலைமைப்பொறுப்பில் நியமித்ததோடு மட்டுமல்லாமல், அவர்களது ஆலோசனைகளையும் அவ்வப்போது பெற்று, உரிய அரசு ஆணைகளை பிறப்பித்து வந்தார். பொதுவாக ஜனநாயகம் என்பது மக்களுடைய, மக்களால், மக்களுக்கான அரசு என்று ஆபிரகாம் லிங்கன் கூறினார். அந்த வகையில், மக்கள் அரசு என்பது சட்டமன்றம், நிர்வாகம், நீதிமன்றம், பத்திரிகை ஆகிய 4 தூண்களால் தாங்கிப்பிடிக்கப்படும் கட்டிலாகும். எப்படி ஒரு கட்டிலின் 4 கால்களும் தனியாக நின்றால்தான் விழாமல் இருக்குமோ அதுபோல, இந்த 4 தூண்களும் அவர்களுக்குரிய இடங்களில் தனித்துவத்தோடு பணியாற்றினால்தான், ஜனநாயகம் செழிக்கும்.

அந்த வகையில்தான், அதிகாரவர்க்கமும் பணியாற்றவேண்டும் என்ற உணர்வில் பதவி ஏற்கும் முன்பு, அனைத்து துறை செயலாளர்களிடமும் மன்மோகன்சிங் அரசாங்கத்தில் அந்த அதிகாரியின் துறை என்ன சாதித்தது?, எது தோல்வி அடைந்தது?, அதற்கான காரணம் என்ன? முழு சுதந்திரமும் இந்த ஆட்சியில் கொடுத்தால், அந்த அதிகாரியால் நிறைவேற்றிவிட முடியுமா? என்று தனக்கு பட்டியலிட்டுத்தர அமைச்சரவை செயலாளர் மூலமாக கேட்டு பெற்றுக்கொண்டார். பதவி ஏற்றவுடன் 72 துறைகளின் செயலாளர்கள் கூட்டத்தைக் கூட்டினார். ஒவ்வொரு அதிகாரியிடமும் சென்று அவர்களை அறிமுகப்படுத்தச் சொல்லி, அவர்களோடு கை கொடுத்தது அதிகாரிகளுக்கு புதிய உற்சாகத்தைக்கொடுத்தது. ‘நேர்மையான முடிவுகளை தைரியமாக எடுங்கள், பயமில்லாமல் பணியாற்றுங்கள், உங்களைப் பாதுகாக்க நான் இருக்கிறேன். ஆனால், மக்களுக்காக பணியாற்றுங்கள், பிரதமருக்காக அல்ல’ என்று அவர்கள் செல்லவேண்டிய பாதையை வகுத்துக்கொடுத்தார். இதுமட்டுமல்லாமல், அரசு செயலாளர்கள் எப்போதும் தன்னுடன் சமூகவலைத்தலங்கள் மூலமாக தொடர்புகொள்ளலாம் என்று கூறியிருக்கிறார். மூத்த அதிகாரிகளை அந்தந்த துறை தொடர்பான முடிவுகளை எடுக்கும்போது கலந்து ஆலோசிப்பதை வாடிக்கையாகக் கொண்டிருப்பதால், எல்லா முடிவுகளுமே ஆழ்ந்த விவாதத்துக்குப்பிறகே எடுக்கப்படுகிறது.

மோடி ஆட்சிக்கு வந்தவுடன் முதல் பட்ஜெட் ஜூலை மாதம் 10–ந் தேதி தாக்கல் செய்யப்பட்டது. இப்போது அடுத்த பட்ஜெட் மார்ச் மாதத்துக்குள் தாக்கல் செய்யப்படவேண்டும். ஆனால், நரேந்திர மோடி இப்போதே அதற்கான ஆயத்த பணிகளைத் தொடங்கிவிட்டார். 80–க்கும் மேற்பட்ட செயலாளர் அந்தஸ்தில் உள்ள அதிகாரிகளை தன் வீட்டுக்கு தேநீர் விருந்துக்காக அழைத்து, வரப்போகிற பட்ஜெட் புதிய எண்ணங்களையும், திட்டங்களையும் உள்ளடக்கியதாக இருக்கவேண்டும், உங்கள் பணிகளில் அரசியல் தலையீடு என்பது கிஞ்சித்தும் இருக்காது, நாமெல்லாம் ஒரே அணியாக செயல்படுவோம், நிர்வாகத்தில் வெளிப்படைத்தன்மை, நெருக்கத்தைக் கொண்டுவர ஒன்றாக சேர்ந்து பணியாற்றுவோம், சிறந்த நிர்வாகத்துக்கு தயவுசெய்து உங்கள் எண்ணங்களை என்னுடன் தயக்கமில்லாமல் செல்போனில் பேசி பகிர்ந்து கொள்ளவேண்டும் என்று கேட்டு இருக்கிறார். ஒரு பிரதமர் இதற்குமேல் அதிகாரிகளுக்கு உற்சாகம் அளிக்கமுடியாது. எனவே, இனி செய்யவேண்டியதெல்லாம் அதிகாரிகளின் கையில்தான் இருக்கிறது. அதிகாரிகள், பிரதமரின் கனவான பொருளாதாரத்தை சீரமைத்தல், விலைவாசியை குறைத்தல், உள்கட்டமைப்பு வசதிகள், உற்பத்தியை பெருக்குதல், வேலைவாய்ப்பை பெருக்குதல், மானியங்களை சீரமைத்தல் போன்ற பல திட்டங்களை நிறைவேற்றும் வகையிலான முயற்சிகள் பட்ஜெட்டில் இடம்பெறுவதை உறுதி செய்யவேண்டும்.

உங்கள் நேரத்தை திருடுவது யார்!

நாம் ஒரு நாளைக்கு எவ்வளவு செலவு செய்கிறோம் என்று கணக்கு வைத்துள்ளோம், நமது அன்றாட தேவைகளுக்கு எவ்வளவு செலவு செய்கிறோம் என்று கணக்கு வைத்துள்ளோம்.

ஆனால். நாம் கணக்கு இல்லாமல் செலவழிக்கும் ஒரு விஷயம் நேரம் மட்டும் தான். ஒரு நாளைக்கு நான் பார்க்கும் வேலைக்கு 24 மணி நேரம் போதவில்லை என நேரத்தை குற்றம் சொல்பவர்கள் நம்மில் பலர் இருக்கிறோம்.

நமக்கு ஒரு நாளைக்கு 24 மணி நேரம் கையில் இருக்கிறது. இதில் நாம் என்ன செய்கிறோம்? நமக்கு மீதமிருக்கும் நேரம் என்ன? தேவையில்லாமல் நாம் எவ்வளவு நேரத்தை செலவழிக்கிறோம்? அதனை எப்படி சரியாக செலவழிப்பது போன்ற பல கேள்விகளுக்கு பதில் இதோ...

24 மணி நேரம் கணக்கு என்ன?

இந்த 24 மணி நேரத்தில் 7 மணி நேரத்தை கழித்து விடுங்கள் ஒரு நாளைக்கு கட்டாயம் ஒரு சராசரி மனிதன் என்பவன் 7 மணி நேரம் தூங்க வேண்டும் இல்லை என்றால் அவனால் சரியாக வேலை செய்ய முடியாது என்கிறது ஆய்வு, ஒரு நாளைக்கு பணிபுரிபவரோ அல்லது கல்லூரிக்கு செல்பவர்களோ எட்டு மணி நேரத்தை வேலைக்கோ அல்லது படிக்கவோ செலவழிக்கிறார்கள்.

இதில் உங்கள் மதிய உணவு இடைவேளை சேர்ந்து விடுகிறது. காலை மற்றும் இரவு உணவுக்காக 1 மணி நேரத்தை ஒதுக்கினால் 16 மணி நேரம் முடிந்துவிடும். மீதமிருக்கும் எட்டு மணிநேரத்தில் உங்கள் பயணம் உங்கள் நாளில் இரண்டு மணி நேரத்தை செலவழிக்கிறீர்கள்.



அதனால் உங்களிடம் மீதம் ஆறு மணி நேரம் தான் இதில் உங்கள் நண்பர்கள் உறவினர்களுடன் நேரத்தை செலவழிப்பது, ஷாப்பிங் ஆகியவற்றுக்கு 2 மணி நேரம் என்று வைத்து கொண்டால் உங்களது ஒரு நாளில் 4 மணி நேரம் மீதமிருக்கிறது. இதனை நீங்கள் என்ன செய்கிறீர்கள். 4 மணி நேரம் உங்களது ஒரு நாளில் எவ்வளவு முக்கியமானது அதை யார் எடுத்து கொள்கிறார்கள்? இல்லை எனில் நீங்களே அவசியமில்லாத காரியங்களில் நேரத்தை செலவிடுகிறீர்கள். ஆனாலும் ஏன் நீங்கள் ஒரு நாலைக்கு 24 மணி நேரம் போதவில்லை என குற்றம் சாட்டுகிறீர்கள் என்று பாருங்கள்.

என்ன ஆனது 4 மணி நேரம்?



சமூக வலை தளங்களில் லாக் இன் செய்து பார்த்துவிட்டு அனைத்து விடுகிறேன் என்று ஆரம்பித்து நண்பரின் தேவையற்ற கலந்துரையாடலில் 1 மணி நேரம் செலவழிந்திருக்கலாம்.

ஒரு 10 நிமிடத்தில் வாங்கக்கூடிய பொருளை வாங்க பெரிய சூப்பர் மார்க்கெட்டுக்கு சென்று அதில் பல பொருட்களை பார்வையிட்டு அதில் ஒரு ஒரு மணி நேரம் செலவாகி இருக்கலாம்.

செல்போன், வாட்ஸ் அப்,எஸ்.எம்.எஸ் போன்ற செயல்களில் உங்களது அரை மணி நேரம் செலவழிந்திருக்கலாம்.

இது தான் மிகவும் முக்கியமானது, இந்த ஒன்றரை மணி நேரம் உங்கள் அலுவலக வேலைகளில் இடையே நீங்கள் எடுத்த ஓய்வு அதனால் மாலை 5 மணிக்கு கிளம்ப வேண்டிய நீங்கள் மாலை 6:30 மணிக்கு கிளம்பி இருப்பீர்கள். உங்களது ஒன்றரை மணி நேரத்தை இடையிடையே உள்ள செயல்களுக்கு வீணடித்து மொத்தமாக 4 மணி நேரம் வீணாகி இருக்கும்.

இதற்கு யாரையும் காரணம் கூற முடியாது. இதற்கு ஒரே காரணம் நீங்கள் மட்டும் தான்.

எப்படி சமாளிப்பது:

1.உங்கள் வேலை நேரமான 8 மணி நேரத்தில் தேவையில்லாமல் நீங்கள் செலவு செய்யும் நேரத்தில் அடுத்த நாளுக்கு ஆயத்தமாகுங்கள்.அது அடுத்த நாள் வேலையில் புத்துணர்ச்சியை தரும்.

2.உங்கள் சமூக வலைதளம் உங்களை ஆக்கிரமிக்கும் 1 மணி நேரத்தை குறைக்க முயற்சி செய்யுங்கள்.அருகில் இருபவருடன் ஆன்லைனில் சாட் செய்யாமல் நேரில் சந்தியுங்கள். அப்போது உங்கள் மனநிலையும் அமைதியாகும். அதிக நேரம் கணினி திரையில் கண் விழித்து உட்கார வேண்டிய அவசியம் இருக்காது. லைக்குகள், கமெண்ட்டுகள் எத்தனை என்று எண்ணாமல் உங்கள் வேலையை துவங்க பாருங்கள்.

3.உங்களுக்கு நேரம் மிச்சமிருக்கிறது என்ன செய்யலாம் என்றால் உங்கள் திறமையை வளர்த்துக்கொள்ள தயாராகுங்கள். ஒரு மொழியை கற்றுக்கொள்ளுங்கள் அல்லது ஒரு கட்டுரையை எழுதுங்கள். ஒருவேளை உங்களுக்கு இதுபோன்ற விஷயங்களில் நாட்டம் இல்லை என்றால் உங்களது எதிர்காலத்தையோ அல்லது குறைந்தபட்சம் அடுத்த 24 மணி நேரத்தையாவது திட்டமிடுங்கள்.

4. ரிலாக்ஸ் நேரம் என நீங்கள் செலவு செய்வது உங்களை சோர்வடைய செய்யும் விஷயமாக இருக்க கூடாது. பீச்சுக்கு சென்றேன் ஒரே டயர்டாக உள்ளது. ஷாப்பிங் சென்றதால் கால் வலிக்கிறது என்று கூறாமல் உங்களை புத்துணர்ச்சி அளிக்கும் ரிலாக்ஸ் விஷயங்களை தேடுங்கள்.

5.வார இறுதியில் வெள்ளிக்கிழமை சினிமாக்களும், மால்களும் போனஸ் டைம் எடுத்து நேரத்தை வீணாக்குகின்றன. அப்படியென்றால் நம்மால் இதனை சமாளிக்க முடியாதா? என்றால் முடியும் ஆனால் அதனை யாரும் சொல்லி செய்துவிட முடியாது அல்லது பயிற்சி வகுப்புகளுக்கு சென்று கற்றுக்கொள்ள முடியாது. உங்களுக்குள் உள்ள சுய கட்டுப்பாட்டால் மட்டுமே கட்டுப்படுத்த முடியும்.

உங்கள் நேரம் அதிக மதிப்புமிக்கது அதனை சரியாக பயன்படுத்துங்கள் 24 மணி நேரம் உங்களுக்கு போதவில்லை என்று நீங்கள் கூற தயாரானால் உங்களது ஒரு மணி நேரத்தை கூட உங்களால் சிறப்பாக செயல்படுத்த முடியாது. 24 மணி நேரம் பெரியது, அதனைச் சரியாக பயன்படுத்தி பயன்பெறுங்கள்

ச.ஸ்ரீராம்

இலவசத்துக்கு இரையாகும் தகவல்கள்!

அனலிடிக்ஸ் என்ற புதிய வியாபார உத்தி தொடர்ந்து வெற்றிகரமாக செயல்படுத்தப்பட டேட்டா என்பது நிறுவனங்களுக்குத் தொடர்ந்து கிடைத்துக்கொண்டேயிருக்க வேண்டும். அதற்கான வாய்ப்பிருக்கின்றதா என்ற கேள்விக்கான பதிலைத்தான் பார்த்துக்கொண்டிருக்கின்றோம். கிடைக்காமல் போவதற்கு வாய்ப்பேயில்லை என்பதுதான் சரியான பதில் என்ற போதிலும் அப்படி உறுதியாகச் சொல்வதற்கு என்னென்ன ஆதாரங்கள் இருக்கின்றது என்பதை அலசுவோம். உதாரணங்கள் மூலம் இதை நீங்கள் சுலபமாக புரிந்துகொள்ள முடியும்.

லாயல்டி கார்டின் சூட்சமம்

ஒரு சூப்பர் மார்க்கெட்டில் தொடர்ந்து சாமான்கள் வாங்குகின்றீர்கள். டிப்பார்ட்மெண்ட்டல் ஸ்டோர் ஒரு லாயல்டி கார்டை தருகின்றது. சாமான் வாங்கும்போது இந்த கார்டை காண்

பித்தால் பில் தொகையில் இரண்டு சதவிகிதம் டிஸ்கவுண்ட் என்று சொல்கின்றனர். லாயல்டி கார்டைப் பெற ஒரு விண்ணப்பத்தை பூர்த்தி செய்ய வேண்டும் என்கின்றனர். உங்கள் பெயர், முகவரி, பிறந்த தேதி, வயது, குழந்தைகள் என எல்லா விவரத்தையும் நைசாய் வாங்கி வைத்துக்கொள்கின்றனர். இதே போல் பல வருடங்களுக்கு அந்த டிப்பார்ட்மெண்டல் ஸ்டோரில் வாடிக்கையாளர்களின் டேட்டா சேகரிக்கப்படுகின்றது. லாயல்டி கார்டு என்பதால் வாடிக்கையாளர்கள் தொடர்ந்து அதே கடையில் சாமான்கள் வாங்குவார்கள். அதே சமயம் டிஸ்கவுண்ட்டைப் பெற கார்டை காண்பிக்கவும் செய்வார்கள். அல்லது கார்டின் எண்ணைச் சொல்வார்கள். இங்கேதான் இருக்கின்றது டேட்டா சேகரிப்பின் முக்கிய அங்கம். பில்லில் லாயல்டி கார்டின் எண்ணை சேர்த்துக்கொள்வதால் இன்னார் இந்த சாமான் வாங்கினார் என்ற சூப்பர் டேட்டா டிப்பார்ட்மெண்டல் ஸ்டோருக்குக் கிடைக்கின்றது.

டேட்டா அளிக்கும் தகவல்

எந்தெந்த வாடிக்கையாளர் என்னென்ன பொருட்களை எப்போது (தேதி மற்றும் நேரம் வாரியாக) வாங்கினார் என்ற டேட்டா கைக்கு அடக்கமாக ஸ்டோருக்குக் கிடைத்துவிடும். கையில் இருக்கும் டேட்டாவைப் பீராய்ந்தால் குழந்தைகளுக்கான டூத் பேஸ்ட் வாடிக்கையாளர் எப்போது வாங்கினார் என்ற விவரத்தைப் பார்க்கலாம். சாதாரணமாக குழந்தைகளுக்கு துலக்கக்கூடிய அளவிற்கு பற்கள் கிட்டத்தட்ட ஒரு வயதில் வரும். அந்த டூத் பேஸ்ட்டை ஒரு வாடிக்கையாளர் வாங்கிய கால கட்டத்தில் இருந்து ஒரு வருடத்திற்கு முன் பத்து மாத காலத்திற்கு என்னேன்ன பொருட்களை வாங்கினார் என்று பார்த்தால் கர்ப்பகாலத்தில் என்னென்ன பொருட்களை வாங்கினார் என ஸ்டோர் நிர்வாகம் தெரிந்துகொள்ளலாம். இதே போல் எல்லா வாடிக்கையாளர்களின் டேட்டாவையும் சேர்த்து வைத்து அலசினால் திகைப்படையச் செய்யும் பல உண்மைகள் கிடைக்கும்.

தள்ளுபடியெல்லாம் தகவலுக்காகத்தான்

ஏற்கெனவே சொன்னதைப் போல் கருவுற்றிருந்தபோது என்னென்ன பிராண்ட் சாமான்களை வாங்கினார்கள் என்பது ஒரு தகவல். வயது குறித்த தகவல் இருப்பதால் கருவுறும் வயதில் எத்தனை வாடிக்கையாளர்கள் இருக்கின்றனர். எந்த விதமான பொருட்களை கடையில் ஸ்டாக் வைக்க வேண்டும் என்பது அடுத்த தகவல்.

இத்தனைபேர் கருவுற்றிருக்கும் போது பெரும்பாலோனோர் வாங்கும் பொருட்களை வாங்குகின்றார்கள். கூடிய விரைவில் புதுவரவு (குழந்தை) வரும். அந்தப் புதுவரவுக்கு தேவைப்படும் பொருட்களை இந்த கால கட்டத்தில் ஸ்டாக் செய்யவேண்டும் என்பது மற்றுமொரு தகவல். அது மட்டுமா புது வரவிற்கு தேவைப்படும் பொருட்களுக்கான டிஸ்கவுண்ட் கூப்பன்களை அந்த வாடிக்கையாளருக்கு கொடுத்து அந்த சூப்பர் மார்க்கெட்டிலேயே அந்த சாமான்களை வாங்கவைக்கலாம்.

வயது டேட்டாவும் சூப்பர் மார்க்கெட் வசம் இருப்பதால் அந்த சூப்பர் மார்க்கெட் இருக்கும் ஏரியாவில் கருவுறும் வயதில் வாடிக்கையாளர்கள் பெருமளவில் இல்லை என்றால் அந்தப் பருவத்திற்குத் தேவையான பொருட்களின் ஸ்டாக் அளவை குறைத்துக்கொள்ளலாம். ஒரு பெண் கருவுற்றிருப்பதை அவள் சொல்லாமலேயே கண்டறியும் திறன் கொண்டது அனலிடிக்ஸ் என்பதை கேட்டால் கொஞ்சம் கலக்கமாய் இருக்கின்றது இல்லையா?.

நன்கொடை கோரிக்கை

கொஞ்சம் இளகிய மனதுடையவர் நீங்கள். அடிக்கடி தொண்டு நிறுவனங்களுக்கு நன்கொடை கொடுக்கின்றீர்கள் என்றால் உங்கள் வங்கிக்கணக்கை அனல்டிக்ஸில் ஆராய்ந்து வங்கி செய்யும் நல்ல காரியத்திற்கு நிதியுதவி கூட உங்களிடம் கேட்க வாய்ப்புள்ளது. இதே ஆன்லைனில் டொனேஷன் கொடுத்தால் அனலிடிக்ஸின் புண்ணியத்தால் உங்கள் ஈமெயிலுக்கு எக்கச்சக்க கோரிக்கைகள் கூட வரும் வாய்ப்புள்ளது. அட, இவ்வளவு தூரமா அனலிடிக்ஸ் உண்மைகளை கண்டறியும். என் வீட்டில் கொஞ்சமாய் பத்துலட்சம் ரூபாய் கருப்புப்பணம் இருக்கின்றதே! இதுவும் அனலிடிக்ஸின் மூலம் வெளிவந்துவிடுமா என்று கவலைப்படுகின்றீர்களா?

இலவசத்துக்காக தரும் தகவல்கள்

நம்மைப் பற்றிய விவரங்களைப் பதிய இவர்கள் யார்? யாரைக்கேட்டு செய்கின்றார்கள்? கர்ப்பம் போன்ற நமக்கு மட்டுமே தெரிந்த ரகசிய விஷயங்களை பயன்படுத்திக்கொள்ளும் அதிகாரத்தை அவர்களுக்கு கொடுத்தது யார்? வேறு யார்? நாமே தான். இரண்டு சதவிகித டிஸ்கவுண்டிற்கு ஆசைப்பட்டு மொத்த டேட்டாவையும் கொடுத்தோம். டிஸ்கவுண்ட்டோ, இலவசமோ நீங்களும் நானும் முதல் ஆளாய் டேட்டாவை கொடுக்க தயாராகின்றோமே? டிஸ்கவுண்டோ, இலவசமோ என்றில்லை கடன் தர ஒரு வங்கி தயாரென்றால் நாற்பது பக்க அக்ரிமெண்டை படித்தே பார்க்காமல் பெருக்கல் குறியிட்ட எல்லா இடத்திலும் கையெழுத்திடுகின்றோமே! அதே போல் காசு கேட்டால் காத தூரம் ஓடு. இலவசம் என்றால் துரத்திக்கொண்டு ஓடு என்ற மனநிலை நம் அனைவரிடமுமே தென்படும் ஒரு விஷயம்தானே!

வலைதளங்களின் மாய வலை

இந்தவிதமான மனப்பான்மை தான் நம்மை வலைதளங்கள் விரிக்கும் வலையில் மற்றும் ஸ்மார்ட் போன் ஆப்ஸ்களில் சுலபமாக விழ வைத்துவிடுகின்றது. என்ன அக்சஸ் பெர்மிஷன்கள் கேட்கின்றது என்பதை சற்றும் படிக்காமலேயே ஸ்மார்ட்போன் இலவச ஆப்ஸ் கேட்கும் கேள்விகளுக்கு யெஸ் யெஸ் என தட்டுகின்றோம். இலவச ஆப்ஸ்கள் கேட்கும் பெர்மிஷன்கள் உங்கள் கான்டாக்ட் லிஸ்ட், மெசேஜ், கால் லிஸ்ட் என அனைத்தையும் அக்செஸ் செய்யும் பெர்மிஷன்களாகும்.

நீங்கள் ஓரு வங்கி அதிகாரி என்றால் உங்கள் தொழில் சம்பந்தப்பட்ட அனைவரின் நம்பரும் உங்கள் கான்டாக்ட் லிஸ்ட்டில் இருக்கும் – ஒரு சில உறவினர் மற்றும் நண்பர்கள் தவிர. வங்கியில் வேலை செய்பவர்களுக்கு மட்டுமே ஒரு ஆபர் தர வேண்டுமென்றால் சுலபத்தில் உங்கள் கான்டாக்ட் லிஸ்ட்டில் இருப்பவர்களை தொடர்பு கொண்டால் வேலை சுலபமாய் முடியுமல்லவா? இந்தவிதமான மார்க்கெட்டிங்கில் சக்சஸ் ரேட் சூப்பராய் இருக்கும் இல்லையா? ஓ! இதனால்தான் ஆப்ஸ்கள் இலவசமாய் கிடைக்கின்றதா?

தப்பு தப்பு. இனிமேல் இலவசமே வேண்டாம் என்று எல்லோரும் திருந்தினால் என்னவாகும். ஆப்ஸ்களின் விலை ஐயாயிரம், பத்தாயிரம் என எகிறும். பணம் கட்டி நாம் டவுன்லோட் செய்துவிடுவோமா என்ன? ஆப்ஸ் இன்டர்நெட் என்பதையேல்லாம் விடுங்கள். நாம் படிக்கும் செய்தித்தாள் மற்றும் வாராந்திர புத்தகங்களில் விளம்பரம் எதுவும் அச்சிடப்படாமல், டீவியில் விளம்பரம் இல்லாமல் ப்ரோகிராம் வேண்டுமென்றால் என்னவாகும்.

நியூஸ் பேப்பரின் விலை இருபத்தி ஐந்து ரூபாயும் டீவி சப்ஸ்கிரிப்ஷன் மாதத்திற்கு பத்தாயிரமுமாய் மாறிப்போகும். ஜிமெயில், பேஸ்புக், வாட்ஸ் அப் எல்லாம் உச்சபட்ச விலைக்கு போய்விடும். பல்லாயிரம் கோடி கொடுத்து வாட்ஸ் அப் சேவையை வாங்கி இலவசமாய் நமக்கு கொடுக்க மார்க் ஜூகர்பெர்குக்கு பைத்தியமா என்ன? சின்ன மீனைப் போட்டு பெரிய மீன்கள் பலவற்றை அள்ளிக்கொண்டுபோய் அனலைஸ் செய்து சாப்பிடத்தான். பெர்மிஷன்களுக்கு எஸ் என கிளிக் செய்யும் போது தனிமனித ரகசியங்களும் அலசப்படுகின்றதற்கான வாய்ப்பை கொடுத்துவிடுகின்றோம். என்ன சார் சுண்டைக்காய் சரக்கு. நான் என்ன டாட்டாவா, பிர்லாவா, அம்பானியா? எங்க கான்டாக்ட் லிஸ்ட்டை வைத்துக்கொண்டு சாதிப்பதற்கு என நீங்கள் கேட்கலாம். தனி மனிதனாக நீங்கள் நினைப்பதைப் போல் உங்களுடைய டேட்டா பெரிய அளவில் மதிப்பில்லாததாக தெரிந்தாலும் கூட்டமாகச் சேர்த்து டேட்டா பெறப்படும் போது அதில் மதிப்புக்கூட்டல் இருக்கவே செய்கின்றது.

டேட்டா எதையும் தாரை வார்க்காமல் இணையத்தில் செளகரியமான பல சேவைகளை அனுபவிக்க எக்கச்சக்க செலவாகும். நமக்கெல்லாம் அது கட்டுப்படியாகாது. டேட்டாவை தாரை வார்த்தால் எல்லாமே இலவசம்தான். அதனாலேயே நாம் சுலபத்தில் டேட்டாவை தாரைவார்க்கத் துணிகின்றோம். அனலிடிக்ஸிற்கு டேட்டா பஞ்சம் வரவே வராது என்பது இப்போது புரிகின்றதா?

cravi@seyyone.com

MARRIED DAUGHTER ELIGIBLE FOR COMPASSIONATE JOB..HC

இந்த நாள் என்னுடைய நாள்...கண் கலங்கவைத்த கண்ணதாசன்!

கல்யாணம் ஆகி பத்துவருஷத்துல மனைவி உடம்பு சரியில்லாம தவறிட்டாள், ஒரு பெண் பிள்ளை, இரண்டு ஆண் குழந்தை. சொந்தக்காரங்க வற்புறுத்தலால பிள்ளைகளை பராமரிக்க இன்னொரு கல்யாணம் பண்ணிக்கிட்டேன்.  அவளுக்கும் ஒரு பெண் குழந்தை... அஞ்சாங் கிளாஸ் வரை நாமதான் படிக்காம இப்படி வயல்லகிடந்து கஷ்டப்படுறோம்.  பிள்ளைகளையாவது நல்லா படிக்க வைக்கணும்னு  கஷ்டப்பட்டு சேர்த்த சொத்துக்களையெல்லாம் வித்து காலேஜ் சேர்த்தேன்.....ஆனா...?"-  ராஜாவின் கண்களில் தேங்கி நிற்கும் கண்ணீர்த்துளிகள் துயரத்தோடு சரிந்துவிழுகிறது.

கிருஷ்ணகிரி மாவட்டம், போச்சம்பள்ளிக்கு அருகில் இருக்கும் ஜம்புக்குட்டப்பட்டி கிராமத்தைச் சேர்ந்தவர் ராஜா. விவசாயியான ராஜா தன்னுடைய மூத்த மகன் கண்ணதாசனை அவனது விருப்பபடியே டாக்டராக்கிவிட வேண்டுமென்று நினைத்த அற்புதமான அப்பா. அதிர்ஷ்டவசமாக அர்மோனியா நாட்டில் உள்ள எரேவன் மருத்துவக்கல்லூரியில் படிக்க வாய்ப்பு கிடைத்தது.'மகன் டாக்டராகி ஸ்டெதஸ்கோப்போடு வருவான்!' என்று கனவுகளை நிரப்பி வைத்திருந்த ராஜா, மகன் சவப்பெட்டியில் வீடு வந்து சேர்ந்த அதிர்ச்சியிலிருந்து இன்னும் விலகவில்லை.

என்ன நடந்தது....? தொண்டையை செருமிக்கொண்டு பேசுகிறார் ராஜா. ‘‘பிள்ளைங்க எதிர்காலம் நம்மைப்போல இருக்கக்கூடாதுன்னு 4  பிள்ளைகளையும் தனியார் பள்ளியில சேர்த்தேன். அந்த செலவுகளை என்னால சமாளிக்க முடியாம கொஞ்ச கொஞ்சமா என் பெயரில் இருந்த நிலங்களை வித்துதான் படிக்கவச்சேன். மூத்த மகன் கண்ணதாசனுக்கு படிப்புனா உசுரு. தன்னோட அம்மா சின்ன வயசிலேயே உடம்பு சரியில்லாம இறந்ததால தான் டாக்டராகி ஏழைமக்களுக்கு இலவசமா சிகிச்சையளிக்கணும்னு அடிக்கடி சொல்வான்.

அதுக்காக கஷ்டப்பட்டு படிச்சான். ஆனாலும்  மார்க் குறைஞ்சதால தமிழ்நாட்ல மெடிக்கல் சீட் கிடைக்கல, அப்பதான் அர்மோனியா நாட்டில் படிக்க வாய்ப்பு கிடைச்சது. முடிந்தவரை செலவு செய்வோம். பத்தாததுக்கு கல்விக்கடன் வாங்கி சமாளிச்சிடலாம்னு  முடிவு செய்து அவனுடைய முதல் வருடம் கல்லூரி கட்டணம் மற்றும் விசா, தங்குவதற்கான செலவுகள்னு கிட்டத்தட்ட 7 லட்சரூபாயை  கடைசியாக இருந்த நிலங்களையும் விற்று செலவு செய்தேன்.

பையனை கல்லூரிக்கு அனுப்பி வைத்துவிட்டு போச்சம்பள்ளியில இருக்கிற இந்தியன் வங்கியில லோன் கேட்க போனா, அப்ளிகேஷன் கூட அவங்க தரலை. ரொம்ப இழுத்தடிச்சாங்க.  இதை அறிந்த நண்பர்கள் சிலர் “நீ இப்படியே அலைஞ்சுகிட்டு இருந்தா இவுங்கள்ட்ட லோன் வாங்க முடியாது நீதிமன்றத்துல ஒரு கேஸை போடு அப்பதான் லோன் கிடைக்கும்னு சொன்னாங்க.  சென்னை உயர் நீதி மன்றத்துல வழக்கு போட்டு 20 லட்சம் ரூபாய் வரை கல்விக்கடன் வழங்கலாம்னு ஒரு தீர்ப்பும் வாங்கினேன். ஆனால் நான் கேஸ்போட்டதால வங்கி அதிகாரிகள் என் மேல கோபம் ஆகிட்டாங்க.

தீர்ப்புப்படி அப்ளிகேஷன் தரக்கூட ரொம்ப தாமதிச்சாங்க. அப்புறம் லோன் கிடைக்க இதெல்லாம் கொண்டுவாங்கனு ஒரு பட்டியல் கொடுத்தார் மேனேஜர். அதில் ரத்தசொந்தங்களில் சிலரிடமிருந்த  ஷ்யூரிட்டி தவிர மற்ற எல்லாவற்றையும் தயார் செய்தேன். பரவாயில்லைன்னு முதல்ல அப்ளிகேஷனை வாங்கின மேனேஜர், ஒருமாதம் கழித்து அதையே காரணம் காட்டி  திருப்பி அனுப்பிவிட்டார்கள்.

இதற்கிடையில் என் மகன் முதல்வருடத்தை முடிச்சிட்டான்.  இரண்டாவது ஆண்டிற்கான கட்டணம் கட்ட வேண்டிய சூழல், என்னால் முடியவில்லை.  அவனது சூழலை புரிந்துகொண்டு அவனது சக நண்பர்கள் சேர்ந்து கட்டணம் முழுவதையும் கட்டிவிட்டார்கள். மற்ற செலவுக்காக மாதம் பத்தாயிரம் ரூபாய் என் சம்பாத்யத்திலிருந்து அனுப்பினேன். இதற்கிடையில் ரத்த சொந்தத்தில் ஷ்யூரிட்டி கொடுக்க ஆள் இல்லை என்பதால் என் நண்பர் ஒருவர் தருவதை மேனேஜரிடம் சொன்ன போது முதலில் சம்மதித்தார்.  எனது வீடு, என் நண்பரது சொத்து என  ஷ்யூரிட்டி கொடுத்தோம்.  இதோ.. அதோ.. என இழுத்தடித்தார்களே தவிர லோன் கிடைக்கவில்லை. அதற்குள் பழைய மேனேஜர் அனந்தராமன் என்பவர் மாற்றலாகி,  புதியதாக சீனிவாசன் என்பவர் பொறுப்பேற்றார். மீண்டும் பழைய பல்லவி.

இதற்கிடையில் மூன்றாவது ஆண்டு தொடங்கியும் பணம் கட்ட முடியவில்லை, வங்கியிலிருந்து கடன் பெற முடியாது என்பதை உணர ஆரம்பித்தேன்.  இடையில் இதையெல்லாம் சிந்தித்து கண்ணதாசனுக்கு உடல்நலக்குறைவு ஏற்பட்டிருக்கிறது. கடைசியில் பணம் கிடைக்கவில்லையென்ற தகவலை அவனிடம் சொன்னபோது நான் இந்தியா திரும்பி வந்துடுறேம்ப்பானு சொன்னான், நானும் என்னென்னவோ முயற்சி பண்ணியும் முடியலை, கூடிய சீக்கிரம் லோன் வந்துடும்னு அவுங்க சொல்றதுக்கே மூன்று வருஷம் ஆகிடுச்சி.

எப்படியும் பணம் புரட்டிடலாம்னு நம்பிக்கையா இருந்த ஒரு நாள் ராத்திரி  “உங்க பையன் தற்கொலை பண்ணிக்கிட்டான்” னு போன்ல தகவல் வந்துடுச்சி. என கண்ணீரை துடைத்தபடி பேசினார். வங்கிக்கடன் தருவதா சொல்லி, தேவையில்லாம அதை இழுத்தடிச்சி ,அநியாயமா என மகன் உயிரை பறிச்சிடுச்சி அந்த வங்கி.  எப்படியோ என் பையன் தியாகியா இருந்துட்டு போறான். ஆனா இது மாதிரி இன்னொரு மாணவன் பாதிக்கப்படக்கூடாது" என்று அழுத்தமாக சொல்கிறார் ராஜா.

சொந்த ஊருக்கு வந்த கண்ணதாசனின் உடலுக்கு ஊர் மக்கள் அனைவரும் கூடி அஞ்சலி செலுத்தினார்கள். அந்த வங்கிக்கு போலீஸ் பாதுகாப்பு போட்டிருந்தார்கள். தனது மகனின் படிப்புக்காக இருந்த சொத்துக்களையெல்லாம் விற்றுவிட்டார் ராஜா.  வங்கிக்கடன் கிடைக்காததால் உயிரையும் விட்டுவிட்டார் கண்ணதாசன். வங்கி தரப்பில் அவர் நாங்கள் கேட்டத்தொகைக்கு ஷ்யூரிட்டி தரவில்லையென்று காரணம் சொல்லப்படுகிறது. எதிர்கால இந்தியா இளைஞர்களின் கையில் என கோஷமிடும் இந்தியாவில் அதன் கீழ் இயங்கும் ஒரு வங்கி ஒரு இளைஞனுக்கு தன் கோர முகத்தை காட்டி கொன்றிருக்கிறது.

“படிப்பதற்கு உனக்கு உரிமை இல்லை’ என்று ஒருநாள் தனது டைரியில் எழுதிய கண்ணதாசன், இன்னொரு நாள் ஏதோ ஒரு நம்பிக்கையில் “இந்த நாள் என்னுடைய நாள். இந்த யுனிவர்சிட்டியிலிருந்து செல்லும்போது டாக்டர் பட்டத்துடன்தான் செல்வேன்“ என்று எழுதியிருக்கிறார். கடைசி வரை வங்கியின் மீது நம்பிக்கை வைத்து கடைசியில் அந்த நம்பிக்கைக்கு தன் வாழ்க்கையையே தொலைத்திருக்கிறார் கண்ணதாசன்.

லட்சக்கணக்கான ஏழை மாணவர்கள் நம்பி இருக்கும் கல்விக்கடனை விதிமுறைகளை சொல்லி மறுப்பது இனியாவது தவிர்க்கப்பட வேண்டும். சொத்தை அளவிட்டு கல்விக் கடன் வழங்காமல் மாணவனின் திறனை அளவிட்டு கல்விக்கடன் தரப்பட வேண்டும் என்பதை அரசுக்கு அறிவுறுத்தியிருக்கிறான் கண்ணதாசன். அதற்கு அவன் கொடுத்த விலை அவனது உயிர்.

எம்.புண்ணியமூர்த்தி
படங்கள் : வி.சதீஸ்குமார்

கதவுகள் இல்லாத கிராமம்! கூரை இல்லாத ஆலயம்...

ராமநாதபுரம் மாவட்டம் பரமக்குடியிலிருந்து கமுதி செல்லும் வழியில், அபிராமம் கிராமத்தில் இருந்து வடக்கு நோக்கி 4 கி.மீ தொலைவில், பாப்பனம் கிராமத்தில் அமைந்திருக் கிறது ஒரு கோயில். இந்தக் கோயிலின் விசேஷமே, கோயிலுக்குக் கதவுகள் இல்லை என்பதுதான்.

சுமார் 500 வருடங்களுக்கு முன்பு, விருதுநகர் மாவட்டம் நரிக்குடியில் வசித்த மக்கள், பஞ்சத்தின் காரணமாக ஊரை விட்டுச் செல்ல நேர்ந்தது. அப்போது, அதுவரை அவர்கள் வழிபட்டு வந்த முனியப்ப சுவாமி கோயிலில் இருந்து ஓர் அசரீரி, ''என்னையும் உங்களுடன் அழைத்துச் செல்லுங்கள்'' என்று ஒலித்ததாம். அப்படியே முனியப்ப சுவாமியையும் தங்களுடன் எடுத்துக்கொண்டு புறப்பட்ட மக்கள் வந்து சேர்ந்த இடம்தான் இந்த பாப்பனம் கிராமம்.

பாப்பனம் கிராமத்துக்கு வந்ததும் மக்கள் செய்த முதல் வேலையே, தாங்கள் வழிபட்டு வரும் முனியப்ப சுவாமிக்கு ஒரு கோயில் கட்டியதுதான். கோயிலைக் கட்டி முடித்துக் கதவு வைக்க இருந்தபோது மறுபடியும் ஓர் அசரீரி, ''என் கோயிலுக்கு கதவு வைக்க வேண்டுமானால் தங்கத்தில்தான் வைக்க வேண்டும்'' என்பதாகக் கேட்டது. கோயிலுக்குத் தங்கத்தில் கதவு வைக்க யாரால் முடியும்? எனவே, கோயிலுக்குக் கதவுகள் வைக்காமல் அப்படியே விட்டுவிட்டனர். சுவாமியின் கோயிலுக்கே கதவு இல்லாதபோது தங்களுடைய வீட்டுக்கு மட்டும் கதவு எதற்கு என்று நினைத்த மக்கள், தங்கள் வீடுகளுக்கும் கதவுகள் வைக்காமலேயே விட்டுவிட்டனர். இருந்தும், எந்த அசம்பாவிதமும் இங்கே நிகழாமல் காத்து வருகிறார் முனியப்பசாமி.

இந்தக் கிராமத்து மக்கள் யாரும் கட்டிலில் உறங்குவது இல்லை. மண் தரையில்தான் உறங்குகிறார்கள். வெளியூரைச் சேர்ந்தவர்கள் இந்த ஊருக்கு வந்தால், அவர்களும் தரையில்தான் உறங்கவேண்டும்.

அறுவடைக் காலத்தில், முதலில் கொஞ்சம் அறுவடை செய்து முனியப்ப சுவாமிக்குக் காணிக்கை செலுத்திய பிறகே அறுவடையைத் தொடர்கிறார்கள். இதனால் ஆண்டுக்கு ஆண்டு விளைச்சல் அதிகரிப்பதாகச் சொல்கிறார்கள்.

வாரம்தோறும் செவ்வாய் மற்றும் வெள்ளிக் கிழமைகளில் நடைபெறும் சிறப்பு அபிஷேகம் மற்றும் பூஜைகளில் கலந்துகொண்டு முனியப்ப சுவாமியை வழிபட்டால், நினைத்த காரியம் கைகூடுவதாகவும் பரவசத்துடன் கூறுகிறார்கள்.

முனியப்ப சுவாமி கோயிலுக்கு அருகிலேயே  அரியநாச்சிஅம்மன் கோயில் அமைந்துள்ளது. இந்தக் கோயிலுக்கு கூரை இல்லை. மக்கள் பலமுறை இந்தக் கோயிலுக்கு கூரை அமைத்தும், கூரை இடிந்து விழுந்துகொண்டே இருந்தது. அதனாலேயே இன்று வரை அக்கோயில் கூரை இல்லாமல்தான் இருக்கிறது. இந்த அரியநாச்சி அம்மனுக்கு மார்கழி மாதம் பொங்கல் வைத்து வழிபட்டால் நினைத்த காரியங்கள் நினைத்தபடி நிறைவேறும் என்கிறார்கள்.

கூப்பிடு தூரத்தில் வாழ்க்கை

தற்கொலை புரியப்போய்
மரணம் மறுதலிக்க
வாழ்க்கைக்குள் மீண்டும்
துப்பப்பட்டவனே

சொல்

பேய்களின் விருந்துமண்டபமாய்
மனசு உனக்கு மாறியதெப்படி?

மூளையில் எப்போது
முள்முளைத்து உனக்கு?

மரணத்தின் கர்ப்பப்பையில்
கலைந்து போனவனே

நீ
செத்திருந்தால்
ஊர் அழுதிருக்கும்

சாகவில்லை
நீயே அழுகிறாய்

கைக்குட்டை இந்தா
கண்களைத் துடை

உயிரின் உன்னதம்
தெரியுமா உனக்கு?

மனிதராசியின்
மகத்துவம் தெரியுமா?

உயிர் என்பது
ஒருதுளி விந்தின்
பிரயாணம் இல்லையப்பா

அது
பிரபஞ்சத்தின் சுருக்கம்

உன்னை அழித்தால்
பிரபஞ்சத்தின்
பிரதியை அழிக்கிறாய்

பிரபஞ்சத்தை அழிக்க
உனக்கேதப்பா உரிமை?

வாழ்க்கை உன்னை
பூமிக்கு அனுப்பியபோது

கைந்நிறையப் பூக்கள்

இப்போதென்ன...
பைந்நிறைய
சவப்பெட்டி ஆணிகள்...?

ஓ
வாழ்க்கையோடு
உடன்பாடு

மனிதரோடுதான்
முரண்பாடா?

மனிதரைக் கழித்தாலும்
பூமி மிச்சப்படுமடா பாவி

• கவிஞர் : வைரமுத்து

சென்னை, புறநகர் பகுதிகளில் மக்களை அலறவைக்கும் வெறிநாய்கள்

ஆவடி, நவ.6:

நாளுக்கு நாள் அதிகரித்து வரும் வெறிநாய்களால் மக்கள் கடும் அவதிப்பட்டு வருகின்றனர். அதிகாரிகள் நடவடிக்கை எடுக்க வேண்டும் என மக்கள் வலியுறுத்துகின்றனர்.

சென்னை, புறநகர் பகுதிகளான அம்பத்தூர், பாடி, கொரட்டூர், முகப்பேர், ஆவடி, அயப்பாக்கம், திருமுல்லைவாயல், பட்டாபிராம், திருநின்றவூர், பூந்தமல்லி, மதுரவாயல், போரூர், செங்குன்றம், புழல், மாதவரம், திருவொற்றியூர், எண்ணூர், தாம்பரம், பல்லாவரம், ஆலந்தூர், குரோம்பேட்டை, அனகாபுத்தூர், பள்ளிக்கரணை உள்ளிட்ட பகுதிகளில் தெருநாய்கள் அதிகளவில் சுற்றி திரிகின்றன. இவைகளின் எண்ணிக்கை நாளுக்கு நாள் அதிகரித்து கொண்டே வருகிறது.

பாஸ்ட் புட் மற்றும் இறைச்சி கடைகளில் கிடைக்கும் மிச்சம் மீதியுள்ள மாமிச கழிவுகளை சாப்பிடும் தெரு நாய்கள் நாளடைவில் கிருமிகளால் தாக்கப்பட்டு வெறிநாய்களாக மாறி விடுகிறது. இவை இரவு பகல் பாராமல் தெருக்களில் வெறி கொண்டு திரிகின்றன. இரவு நேரங்களில் வேலை முடிந்து இரு சக்கர வாகனங்களில் வீடு திரும்பும் தொழிலாளர்களை விரட்டி விரட்டி கடிக்கின்றன. கடைக்கு செல்லும் பெண்கள், முதியோர், பள்ளி செல்லும் மாணவ, மாணவியர் நாய்களின் தொல்லைக்கு ஆளாகின்றனர். தொல்லை தரும் நாய்களை ஊசி மற்றும் விஷம் வைத்து கொல்லக் கூடாது என மிருகவதை சட்டம் உள்ளது. அதையும் மீறி கொன்றால் புளுகிராஸ் அமைப்பு எதிர்ப்பு தெரிவிக்கிறது. எனவே மாநகராட்சி மற்றும் நகராட்சி அதிகாரிகள் நாய்களுக்கு கருத்தடை ஆபரேஷன் மூலம் இனப்பெருக்கத்தை தடுக்கிறார்கள்.

அப்படி இருந்தும் சென்னை மற்றும் புறநகர் பகுதிகளில் நாய்களின் எண்ணிக்கை குறைந்த பாடில்லை. கடந்த 2009ல் நாய்க்கடிக்கு 9 பேர், 2010ல் 12 பேர், 2011ல் 21 பேர், 2012ல் 28 பேர், 2013ல் 33 பேர், 2014ல் இதுவரை 36க்கு மேற்பட்டோர் உயிரிழந்ததாக கூறப்படுகிறது.

இது குறித்து பொதுமக்கள் கூறுகையில், மாநகராட்சி, நகராட்சிகளில் புகார் செய்தாலும் நான்கு அல்லது ஐந்து மாதங்களுக்கு ஒருமுறை வந்து லாரியில் நாய்களை பிடித்து செல்கின்றனர். பின்னர் அவற்றை காட்டு பகுதிகளில் விட்டு விடுகின்றனர். இந்த இடைவெளியில் அவற்றின் எண்ணிக்கை அதிகரித்து விடுகிறது. நாய்களுக்கு கருத்தடை ஆபரேஷன் செய்வதால் அவை முன்பைவிட வெறி கொண்டு அலைகின்றன. இதனால் மக்களை விரட்டி கடிக்கின்றன.

மாநகராட்சி, நகராட்சி சுகாதார மையங்களில் நாய்க்கடி, பாம்புக் கடிக்கு ஊசி மருந்து இல்லை. புறநகர் பகுதிகளில் வசிக்கும் மக்கள் சென்னை அரசு மருத்துவமனைக்கு சென்று தான் சிகிச்சை பெற வேண்டிய நிலை உள்ளது. தனியார் மருத்துவமனைக்கு செல்ல வேண்டுமானால் ஏழை மக்களுக்கு பணம் அதிகம் செலவாகும் என்றனர். இது குறித்து மாநகராட்சி அதிகாரிகள் கூறுகையில், சென்னையில் மட்டும் 2 லட்சத்துக்கு மேற்பட்ட தெருநாய்கள் உள்ளன.

அவற்றை அவ்வப்போது பிடித்து கருத்தடை ஆபரேஷன் செய்து வருகிறோம். வருடத்துக்கு 60,000 நாய்களுக்கு மேல் கருத்தடை ஆபரேஷன் செய்கிறோம் என்றனர்.

எனவே சென்னை மற்றும் புறநகர் பகுதிகளில் தொல்லை தரும் வெறிநாய்கள் மீது தயவு தாட்சண்யமின்றி நடவடிக்கை எடுக்க வேண்டும். நாய்க்கடி, பாம்புக் கடிக்கு சுகாதார மையங்களில் ஊசி மருந்துகளை ஏற்பாடு செய்ய வேண்டும் என பொதுமக்கள் வலியுறுத்துகின்றனர்.

நெருங்குகிறது சபரிமலை சீசன் ஐயப்பனை தரிசிக்க ஆன்லைன் புக்கிங்

அந்தக் காலத்து படம் மாதிரி இல்லபா

பொங்கல்னா ஜல்லிக்கட்டு. தீபாவளின்னா சினிமா டிக்கெட்டு’அப்படினு ஊர்ல பெரியவங்க சொல்லுவாங்கோ. ‘அதான் தீபாவளி முடிஞ்சு போச்சுல அதுக்கு இப்ப இன்னா?’ அப்படிங்கிறீங்களா? தீபாவளிதான் முடிஞ்சுபோச்சே. தீபாவளிக்கு ரிலீஸ் ஆன படம் இன்னும் ஓடிக்கிட்டுத்தானே இருக்கு. கூல் ட்யூட், ஓகே… ஓகே… ஐ வில் கம் டூ த பாயிண்ட்...

இன்னைக்கு தீபாவளின்னா புது ட்ரெஸ், பார்ட்டி, பீச், அப்படி இப்படினு ப்ரெண்ட்ஸோட பயங்கரமா செலிபிரேட் பண்ணியிருப்பீங்க. 20 வருஷத்துக்கு முன்னாடி இன்னாதான் இருந்தாலும் சினிமாதான் ஸ்பெஷல். இப்ப எல்லாம் முன்னாடியே ரிசர்வ் பண்ணி, போட்டிருக்க சட்டைல சின்ன மடிப்புக்கூட கசங்காம படம் பார்த்துறோம்.

ஆனா முன்னாடி அப்படி இல்ல. அதுலயும் ரஜினி, கமல் படம் ரிலீஸ் ஆச்சுன்னா போதும். சும்மா ஏரியாவே பட்டையைக் கிளப்பும். காலைல சன் எல்லாம் வர்றதுக்குள்ளே ப்ரெஷ், பேஸ்ட், டவல் எடுத்துகிட்டு தியேட்டருக்குப் போயிருவாங்க. போலீஸ் எல்லாம் வந்தாலும் ஃபேன்ஸ் அடங்க மாட்டாங்க. ஒருத்தர் மேல ஒருத்தர் ஏறி ஒரு வழியா டிக்கெட் எடுத்துருவாங்க.

டிக்கெட் கிடைக்காம வீட்டுக்குப் போறவங்களும் உண்டு. ஜல்லிக்கட்டுல காளைய அடக்குற மாதிரி தீபாவளி ஃபர்ஸ்ட் ஷோல டிக்கெட் எடுக்குறது. டிக்கெட் எடுத்தாலே மாஸ்தான். படம் எப்படியிருந்தா இன்னா? டிக்கெட் கெடச்ச சேடிஸ்பேக் ஷன்ல திரும்பி வந்துருவாங்க.

இன்னொரு முக்கியமான பாயிண்ட் அப்போ சினிமான்னா ‘ஒரு கதை’ சொல்வாங்க. ஒரு ஹீரோ, ஒரு ஹீரோயின் இருப்பாங்க. அப்பா, அம்மா எல்லாம் இருப்பாங்க. நம்ம ஊர் மாதிரி ஒரு ஊர் இருக்கும். ஆளுங்க இருப்பாங்க. அப்புறம் ஒரு வில்லன் இருப்பான். வில்லனுக்கும் ஹீரோவுக்கும் சண்டை வரும். கடைசில ஹீரோ ஜெயிப்பார். ஹீரோயின மேரேஜ் பண்ணுவார்.

இல்லனா வில்லன் அபேஸ் பண்ண ஹீரோவோட சொத்தை வில்லன ஜெயிச்சு வாங்கிருவார். போலீஸ் கடைசி சீன்ல வந்து, “யூ ஆர் அண்டர் அரஸ்ட்’’ அப்படி சொல்லி வில்லன கைது பண்ணிக் கூட்டிட்டுப் போவாங்க. இல்லன்னா ஹீரோவின் ப்ரெண்ட், துரோகம் பண்ணி செகண்ட் ஆஃப்ல எனிமியா மாறுவான். கடைசில ஹீரோ நண்பன ஜெயிச்சு அவர திருத்துவான்.

இது மாதிரி ஏகப்பட்ட ஸ்டோரீஸ். இன்னாதான் சொன்னாலும் அந்தக் காலத்துப் படத்துல ஒரு ஸ்ட்ரெயிட்டான கதை இருக்கும். மேட்டர் இன்னான்னா, குறியீட்டுப் படம், அம்பு போட்ட படம்லாம் அப்போ இல்ல. அதான் அந்தக் காலத்து பெருசுங்க இப்ப உள்ள எந்தப் படம் பார்த்தாலும், “அந்தக் காலத்து படம் மாதிரி இல்லபா” அப்படிம்பாங்க.

இப்ப ஸ்டோரி இல்லாத படம் எடுக்குறதுதான் டிரெண்ட். சோடா தெளிச்சி, தெளிய வச்சு தெளிய வச்சு அடிக்கிற மாதிரி. கதை இன்னான்னு தெரியாத மாதிரி எடுக்கணும். அதான் இப்ப சேலஞ்ச். அப்படியே ட்ரை பண்ணாலும் பார்க்க முடியாது. அது வேற மேட்டர். இன்னாபா ஒண்ணும் புரியல அப்படினு எவனாது கேட்டா ‘பின் நவீனத்துவப் படம்’ அப்படிங்கணும். ஃபுல் எனர்ஜியையும் போட்டுப் படம் பார்த்தாலும் புரியாது; புரியக் கூடாது.

இப்ப புதுசா இன்னொரு குரூப் கிளம்பியிருக்கு. படத்தைப் ப்ரேம் பை ப்ரேம் பிரிச்சு மேஞ்சு, ஹீரோவோட ஜீன்ஸ் கலர்ல இது இருக்கு. ஹீரோயினோட ஸ்டிக்கர் பொட்டுல அது இருக்குன்னு படத்தை எடுத்த டைரக்டருக்கே தெரியாத குறியீடெல்லாம் சொல்லுவாங்க. இன்னாபான்னு கேட்டா குறியீட்டுப் படம்பாங்க. இந்த மாதிரி படத்துக்கு இன்னயின்ன குறியீடு எல்லாம் இருக்குன்னு படம் பார்த்துட்டு வந்து பேஸ்புக்ல ஸ்டேட்டஸ் போட்ருவாங்க. அத பாத்துட்டுப் படம் பார்க்கப் போறதால சேதாரம் இருக்காது.

அட்மின் அட்டகாசம்!

தீபாவளி விடுமுறையில் ஊருக்கு சென்றிருந்தபோது, தெரிந்த இளைஞனிடம் ''காலேஜ் முடிச்சு ரொம்ப நாளாச்சே... என்ன பண்றே?'' என்றேன்.

''அட்மினா இருக்கேன்...'' என்று பதில் வந்தது.

''எந்த கம்பெனியில?'' என்றேன்.

''கம்பெனியா? ஹா ஹா, அதெல்லாம் இல்லை... வாட்ஸ்அப்புல ஏழு குரூப்புக்கு அட்மினா இருக்கேன்'' என்றான் அசால்ட்டாக.



கோலிகுண்டு சீசன், பம்பரம் சீசன், கிட்டிப்புள் சீசன் போல முன்பு ஃபேஸ்புக்கில் கமென்ட் போட்டு அதிக லைக் வாங்க வேண்டுமென்று வெறி பிடித்து அலைந்தவர்கள் சிலர். இப்போது வாட்ஸ்அப்பிலும் கொலைக்குத்தை ஆரம்பிக்கிறார்கள்.

ஒருபக்கம் முக்கியமான தகவல்களை பரப்புவது, ஆபத்து காலங்களில் உதவுவது என்று வாட்ஸ்அப்பால் பல நல்ல விஷயங்கள் நடந்து கொண்டிருந்தாலும் இன்னொரு பக்கம் இந்த அட்மின் அட்டகாசம் தொடர்கிறது.

கொக்கி குமாரு, பக்கி பாஸ்கரு என்று வயலன்ட் கேங்குகள் போல இவர்களும் வாட்ஸ் குரூப்களை நடத்திக்கொண்டிருக்கிறார்கள். உருப்படியான தகவல்களைப் பரிமாறுகிறார்களா என்றால் இல்லை. மொக்கை ஸ்டேட்டஸ்களையும் கேட்டு புளித்துப்போன பொன் மொழிகள், ஜோக்குகளையும் போட்டு கொலையாய்க் கொல்லு கிறார்கள்.

''எங்க வீட்டு வாசலில் குப்பை, நகராட்சி அள்ளவில்லை'' என்று போட்டோவை ஷேர் செய்து குரூப்பிலிருக்கும் அனைவரின் செல்லையும் குப்பையாக்குகிறார்கள். உண்மையில் அந்தக் குப்பையை போட்டதே அந்த வாட்ஸ் அப் அட்மின் ஆறுமுகமாகத்தான் இருக்கும். டாஸ்மாக் பாரில் உட்கார்ந்துகொண்டு ''கே எஃப் பீர் கிடைக்கல, பிரிட்டிஷ்தான் கிடைச்சது. உங்க ஏரியாவுல கிடைக்குதா?'' என்று பாட்டிலையும் கண்றாவி சைட் டிஷ்ஷையும் போட்டோ எடுத்து ஷேர் செய்வது என்று வாட்ஸ்அப்பை, நம் ஊரிலுள்ள பார்களிலிருக்கும் வாஷ்பேசின் போல் ஆக்கி விட்டார்கள்.

இதாவது பரவாயில்லை. பண்டிகை தினத்தன்று ''மட்டன் வாங்கிவிட்டோம், இன்னும் சமைக்கலை'' என்று குளோசப்பில் அந்த மட்டனைக்காட்டி செல்போனைப் பதறவிடுகிறார்கள். ஸ்ஸ்ஸ்ஸ்ஸ்ஸ்....அப்பா!

இதைவிட காமெடி, சிலர் ரமேஷ் ஃப்ரெண்ட்ஸ், சுரேஷ் ஃப்ரெண்ட்ஸ், கருவைக்காட்டு நண்பர்கள், பிணந்தின்னி குரூப்ஸ் என்று ஆரம்பிப்பார்கள். இவர்கள் பின்னால் ஒரு குரூப் சேர்ந்தவுடன் அட்மினே அதிலிருந்து விலகிப்போய்விடுவார். ஏன் குரூப் துவக்கினார், ஏன் விலகினார் என்று யாருமே அறிந்துகொள்ள முடியாது. அதனால், அவருக்கு அடுத்ததாக அதில் இணைந்தவர் ஓ.பி எஸ் மாதிரி அடுத்த அட்மினாகி விடுவார்.

'’ஏய்...நீ, வாட்ஸ்அப் குரூப் நடத்துறியா, போலீஸ்ல மாட்டப்போறே, உங்க வாட்ஸ்அப் தகவல்களை எல்லாம் அமெரிக்க உளவுத் துறையிலேர்ந்து அண்டார்டிகா உளவுத் துறைவரை வாட்ச் பண்ணுகிறார்கள். நம் ஊர் போலீஸ் ஸ்டேஷன்ல இதை ரெக்கார்டு பண்ணவே ஒரு டீம் இருக்கு. உன் குரூப்புல உள்ளவன் எவனாவது வில்லங்கமான மேட்டரை அதுல ஏத்திவிட்டான்னா, அவனைப் பிடிக்க மாட்டாங்க. அட்மினான உன்னைத்தான் பிடிப்பாங்க. சமீபத்துல ஜம்மு காஷ்மீர்ல பல பேரை பிடிச்சு குண்டாஸ்ல போட்ருக் காங்க என்று விளையாட்டாக ஓட்டுவதைக் கேட்டு நம் அப்பிராணி அட்மின் கதி கலங்கிவிடுவார். அதோடு அவர் ஆரம்பிச்ச குரூப்பிலிருந்து அவரே நைசாக விலகிவிடுவார். இப்படித்தான் போய்க்கொண்டிருக்கிறது பல பேருடைய கதை.

வருகிற மெசேஜை அப்படியே காப்பி பண்ணி அடுத்த குரூப்பில் போடும் என் நண்பன், ''காபி டூ பேஸ்ட் செய்த விரலை செல்லில் மட்டுமல்ல, வேறு எந்த இடத்தில் வைத்தாலும் அந்த மெசேஜ் பதிவாகிறது'' என்கிறான். எல்லாம் ஒரு மனப்பிராந்திதான்.

இன்னும் சிலபேர் 60 குரூப்களில் இருக்கிறார்கள். இதில் என்ன கொடுமை என்றால், அவர்களுடைய செல்போன் சத்தம் போடாமல் ஒரு நிமிடம்கூட இருந்ததில்லையாம். மாத்தி மாத்தி ஒரே மெசேஜை 60 குரூப்களும் அனுப்பி அவரை டார்ச்சர் செய்கிறார்களாம். இதனால் செல்லை அவ்வப்போது ஆஃப் பண்ணிவிடுகிறார். இன்னும் சில வாட்ஸ்அப் குரூப்களில் குட்மார்னிங் மெசேஜ் சொல்லியே கொலவெறி ஏற்றுகிறார்கள்.

என்ன டெக்னாலஜி வந்தாலும் இந்த இம்சை அரசன்கள் தொல்லை தாங்க முடியலையேப்பா!

செ.சல்மான்

எம்.ஜி.ஆருடன் வாலியின் அனுபவங்கள்

எம்.ஜி.ஆருக்கும் வாலிக்கும் இடையே மிகுந்த பாசமும், ஆழ்ந்த நட்பும் இருந்தபோதிலும் இடையிடையே கருத்து வேற்றுமைகளும் ஏற்பட்டன.

இதுபற்றி வாலி கூறியதாவது:-

'ஒருநாள் எம்.ஜி.ஆர். என்னிடம் ஏதோ தனியாகப் பேசவேண்டும் என்று சொல்லி, ஒலிப்பதிவு கூடத்துக்கு வெளியே ஒரு மரத்தடிக்கு அழைத்துச் சென்றார்.

'வாலி! உங்களால் எனக்கு ஒரு தர்மசங்கடமான நிலைமை' என்று எம்.ஜி.ஆர். சொன்னதும், எனக்குத் தூக்கி வாரிப்போட்டது.

விபூதி -குங்குமம்

'என்ன அண்ணே?' என்று பதற்றத்துடன் கேட்டேன்.

'நீங்கள் ஸ்டூடியோவுக்கு வரும்போது, நெற்றியில் விபூதி -குங்குமம் இட்டுக்காமல் வந்தால் தேவலே...' என்று சற்று தயக்கத்தோடு சொன்னார், எம்.ஜி.ஆர்.

'ஏன் அண்ணே! இதனால் என்ன வந்தது?' என்று கேட்டேன்.

எம்.ஜி.ஆர். சற்று விளக்கமாகச் சொன்னார்:

'வாலி! நீங்கள் தி.மு.க.வில் உறுப்பினர் இல்லை, அரசியல் தொடர்பு இல்லாதவர் என்பதெல்லாம் எனக்குத் தெரியும். இருந்தாலும் நீங்க எனக்குப் பாட்டு எழுதறீங்க. உங்க திறமையாலேதான் நீங்க முன்னுக்கு வந்திருக்கீங்க. நீங்க நல்லா எழுதறதாலே நான் உங்களைப் பயன்படுத்திக்கிறேன். ஆனால், நான் இருக்கிற கட்சியில் இருக்கிற என்.வி.நடராசனைப் போன்ற பெரியவர்கள், 'கட்சியிலே இருக்கிற கவிஞர்களை ஆதரிக்காமல், பகுத்தறிவு கொள்கைக்கு புறம்பா விபூதி -குங்குமம் இட்டுக்கிற வாலியை ஆதரிக்கிறீங்களே!' என்று சொல்றாங்க.

உங்களை விடறதிலே எனக்கு இஷ்டம் இல்லை. நீங்க வீட்டிலே எப்படி வேண்டுமானாலும் பக்திமானா இருந்துக்குங்க... வெளியே வரும்போது, நான் இருக்கிற கழகத்தின் கொள்கைக்கு ஏற்ப, நெற்றியில் விபூதி - குங்குமம் இல்லாமல் வந்தால் தேவலை.'

எம்.ஜி.ஆர். இப்படிச் சொன்னதும், நான் ஒரு விநாடி சிந்தனையில் ஆழ்ந்தேன். பிறகு, எம்.ஜி.ஆரிடம் ஒரு தன்னிலை விளக்கத்தை மிகத் தெளிவாக அளித்தேன்.

'அண்ணே! நான் தீவிரமான முருக பக்தன். என்னை உங்களோட இணைச்சதும் அந்த முருகன்தான். அப்படி இருக்கும்போது, நான் விபூதியை விடமுடியாது. என்னால் உங்களுக்கு தர்ம சங்கடமான நிலைமை வேண்டாம். நான் ஒதுங்கிக் கொள்கிறேன்' என்று நான் சொன்னவுடன், எம்.ஜி.ஆர். என் இரு கரங்களையும் பற்றி, 'சரி... இந்த விஷயத்தை இத்துடன் நìறுத்திக் கொள்வோம். என்னுடன் வாங்க!' என்று கூறியபடி, என் தோளில் கை போட்டவாறு, ரிக்கார்டிங் தியேட்டருக்குள் அழைத்துச் சென்றார்.

தி.மு.கழகத்தை விட்டு எம்.ஜி.ஆர். விலகாதிருந்த நாளில் (1972) கலைஞரின் மகன் மு.க.முத்துவைக் கதாநாயகனாகக் கொண்டு 'பிள்ளையோ பிள்ளை' என்னும் வண்ணப் படத்தை பூம்புகார் புரொடக்ஷன்சார் தயாரித்தனர். கிருஷ்ணன் பஞ்சு இயக்க, எம்.எஸ்.விஸ்வநாதன் இசையமைக்க, நான் பாடல்களை எழுதினேன்.

படம் தயாரானதும், அந்தப் படத்தின் பிரத்தியேகக் காட்சி ஒன்று, தேவி பாரடைஸ் தியேட்டரில் ஒரு நாள் காலைப் பொழுதில் ஏற்பாடாகியிருந்தது.

படத்தைப் பார்க்க முதல்வர் கலைஞரோடு, அமைச்சர்கள் அனைவரும் வந்திருந்தார்கள். படத்தின் இடைவேளையில் மு.க.முத்துவின் நடிப்பை எம்.ஜி.ஆர். பாராட்டிப்பேசி, ஒரு கைக்கடிகாரத்தையும் அன்பளிப்பாகத் தந்து வாழ்த்தினார்.

நானும் அந்த நிகழ்ச்சியில் கலந்து கொண்டேன். நிகழ்ச்சி முடிந்து காரில் ஏறும்போது, எம்.ஜி.ஆர். என்னை அவருடைய தோட்டத்திற்கு மறுநாள் காலை சிற்றுண்டிக்கு வரச்சொன்னார்.

மறுநாள், நான் தோட்டத்திற்கு சென்றேன்.

விருந்தோம்பலில் எம்.ஜி.ஆருக்கு இணையே கிடையாது. இட்லிகளும், தோசைகளும் அவர் கையாலேயே எனக்குப் பரிமாறப்பட்டன.

சாப்பிட்டுக்கொண்டிருக்கும்போது, எம்.ஜி.ஆர். என்னிடம் மெல்லப் பேசத்தொடங்கினார். 'என்னங்க வாலி! மூன்று தமிழ் தோன்றியது மு.க.முத்து கிட்டதானா?'

இப்படி எம்.ஜி.ஆர். என்னைக்கேட்டதும், அவரது மனதில் உள்ளது என்னவென்று மறுவினாடியே எனக்குப் புரிந்துவிட்டது.

'பிள்ளையோ பிள்ளை' படத்தின் இயக்குனர்கள் கிருஷ்ணன் பஞ்சு. திரு.பஞ்சு மூலம், கலைஞர், தன் மகன் முத்துவை வாழ்த்தி நான் பாட்டெழுத வேண்டுமென்று சொல்லியனுப்பியிருந்தார்.

அதன் காரணமாகப் படத்தின் கதாநாயகி, கதாநாயகனைப் பார்த்து - 'மூன்று தமிழ் தோன்றியதும் உன்னிடமோ! - நீ மூவேந்தர் வழிவந்த மன்னவனோ!' என்று பாடுவதாக பாடலைப் புனைந்தேன்.

எம்.எஸ்.வி.யும், சாருகேசி ராகத்தில் அந்த பாடலுக்கு அற்புதமாக இசையமைத்திருந்தார்.

இதைப் படத்தில் பார்த்துவிட்டுத்தான் எம்.ஜி.ஆர். என்னிடம் 'மூன்று தமிழ் தோன்றியது மு.க.முத்துக்கிட்டதானா? என்று என்னைக் கேட்டார்.

எம்.ஜி.ஆரிடம் நான் சொன்னேன்:

'அண்ணே! மு.க.முத்து வளர வேண்டிய இளம் கலைஞன். ஆகவே நான் வாழ்த்தி எழுதும்படி கேட்டுக்கொள்ளப்பட்டேன். என்னுடைய தமிழ் எல்லாரையும் வாழ்த்துவதாக இருக்க வேண்டும் என்று நீங்களே பல தடவை சொல்லியிருக்கீங்க... அதனாலதான் அப்படி எழுதினேன்' என்று நான் சொன்ன விளக்கத்தை எம்.ஜி.ஆர். நியாயமென்று ஏற்றுக்கொண்டாலும், அவர் மனம் முழுமையாக அதை ஒப்பவில்லை என்பதை அவர் முகம் காட்டிற்று.

மேற்கண்ட பாடல் தன்னுடைய படத்தில் எழுதப்பட்டிருந்தால், அது இன்னும் அதிக அளவு பிரபல்யம் அடைந்திருக்கக்கூடும் என்பதை, எனக்கு அவர் சொல்லாமலேயே சொன்னார் என்று நான் புரிந்து கொண்டேன்.

இதற்கு முன் (1970) மேகலா பிக்சர்ஸ் தயாரித்த படமாகிய 'எங்கள் தங்கம்' எம்.ஜி.ஆர். கதாநாயகனாக நடிக்க, கிருஷ்ணன் பஞ்சு இயக்கத்தில் உருவாயிற்று.

இதற்கும் நான்தான் பாடல்கள் எழுதினேன். எம்.எஸ்.வி.தான் இசையமைத்தார்.

இதில் 'நான் செத்துப் பிழைச்சவன்டா -எமனைப் பார்த்து சிரிச்சவன்டா' என்று ஒரு பாடலை எழுதினேன்.

எம்.ஜி.ஆர். குண்டடி பட்டு இறைவனருளால் மீண்டு வந்திருந்த நேரம் அது. ஆகவே, அந்தப் பல்லவி அந்நேரத்திற்கு மிகமிகப் பொருத்தமாக இருந்தது.

முழுப் பாடலையும் எழுதி முடித்த பிறகு, பாடலை எம்.ஜி.ஆரிடம் காட்டுவதற்காக, நானும் நண்பர் முரசொலி மாறனும் ஜெமினி ஸ்டூடியோ சென்றோம்.

மாறன் வெளியே தங்கிவிட நான் மட்டும் எம்.ஜி.ஆரின் மேக்கப் ரூமிற்குள் சென்றேன்.

அப்போது எம்.ஜி.ஆர். ஜெமினியில் `நீரும் நெருப்பும்' படப்பிடிப்பிற்கான ஒப்பனையில் இருந்தார்.

முழுப் பாடலையும் நான் எம்.ஜி.ஆரிடம் பாடிக் காண்பித்தேன். அந்தப் பாடலில், உயிருக்கு அஞ்சாது நாட்டுக்கு உழைத்தோர் பற்றியெல்லாம் சரணங்களில் எழுதியிருந்தேன்.

எம்.ஜி.ஆர். பாட்டைக்கேட்டுவிட்டு வெகுவாக சந்தோஷப்பட்டார். நான் விடை பெற்றுக் கிளம்பும்போது என்னை மறுபடியும் தன் ரூமுக்குள் அழைத்தார்.

'வாலி! நாட்டுக்காக, உயிரைத் துச்சமா நினைச்சவங்களப்பத்தி இந்தப் பாட்டுல எழுதியிருக்கீங்க... அதெல்லாம் நல்லாயிருக்கு... இருந்தாலும், தமிழ் மொழிக்காகத் தண்டவாளத்துல தலை வெச்சுப் படுத்தவரு, நம்ம கலைஞர்... அவரைப்பற்றி ஒரு சரணம் எழுதி இந்தப் பாட்டுல சேத்துடுங்க...' என்று எம்.ஜி.ஆர். என்னிடம் கேட்டுக்கொண்டார். அவர் சொன்னது போலவே பாட்டின் இரண்டாவது சரணத்தை நான் அமைத்தேன்.

(அந்த இரண்டாவது சரணம்: `ஓடும் ரெயிலை இடைமறித்து -அதன் பாதையில் தனது தலை வைத்து, உயிரையும் துரும்பாய்த்தான் மதித்து -தமிழ்ப்பெயரை காத்த கூட்டமிது')

இந்தப் படத்தில் என் பாட்டில் கலைஞரை உயர்த்தி நான் சொல்ல வேண்டுமென்று எம்.ஜி.ஆர். விரும்பியதுபோல், இதே படத்தில் இன்னொரு பாட்டில் எம்.ஜி.ஆரை உயர்த்தி நான் சொல்ல வேண்டுமென்று கலைஞர் விரும்பினார்.

படத்தின் கதாநாயகனாகிய எம்.ஜி.ஆர், 'நான் அளவோடு ரசிப்பவன்...' - என்று பாடுவதாக ஒரு பாடலை நான் 'எங்கள் தங்கம்' படத்தில் எழுதினேன்.

'நான் அளவோடு ரசிப்பவன்' என்று முதல் வரியை எழுதிவிட்டு, இரண்டாவது வரியை சிந்தித்துக் கொண்டிருக்கும்போது, என் பக்கத்தில் அமர்ந்திருந்த கலைஞர், 'வாலி! இரண்டாவது வரியை - `எதையும் அளவின்றி கொடுப்பவன்' என்று போட்டா நல்லாயிருக்குமே!' என்று என்னிடம் சொன்னார்.

நான் அவ்வாறே எழுதினேன்.

இப்படி கலைஞரும், எம்.ஜி.ஆரும் பரஸ்பர அன்பு பாராட்டிய காலம் அது.

இந்த இடத்தில், இன்னொரு உண்மையையும் நான் சொல்ல வேண்டும்.

அண்ணன் எம்.ஜி.ஆர். எந்தக் காலத்திலும், தன்னுடைய இமேஜை உயர்த்துமாறு பாடல் வரிகளை நான் எழுதவேண்டும் என்று என்னிடம் சொன்னதேயில்லை.

'மூன்றெழுத்தில் என் மூச்சிருக்கும்', 'கொடுத்ததெல்லாம் கொடுத்தான்', 'நான் செத்துப் பிழைச்சவண்டா', 'நான் ஆணையிட்டால்' போன்ற பாடல்களெல்லாம் நானாகத் தன்னிச்சையாகப் புனைந்ததே தவிர, எம்.ஜி.ஆர். எழுதச் சொல்லி எழுதியவை அல்ல; இது கடவுள் சத்தியம்.

இன்னும் உண்மையைக் கொஞ்சம் அகலமாகச் சொல்லப்போனால் -தன்னை `வள்ளல்', `மன்னன்' என்றெல்லாம் எழுதப்படுவதை அவர் கூச்சத்தோடு என்னிடம் மறுத்திருக்கிறார்.

அவர்பால் எனக்கு இருந்த அன்பின் காரணமாகவும், விருந்தோம்பல், எளிமை முதலிய அவரது உயர்ந்த பண்புகளை உடனிருந்து பார்த்தாலும் -நானே அவ்வாறு அவரைப் போற்றிப் புகழ்ந்து பாடல்கள் எழுதினேன்.'

இவ்வாறு வாலி கூறியுள்ளார்.

.நாணயங்கள் படுத்தும் பாடு...ம.இலெ. தங்கப்பா, சாகித்திய அக்காடமி விருதுபெற்ற எழுத்தாளர்.

எங்கே போனாலும் கையில் ஒரு சிறு துணிப்பையோடு போவது என் பழக்கம். பணப்பை, மூக்குக் கண்ணாடி, தூவல் ஆகியவற்றோடு நிறையச் சில்லறை நாணயங்களும் அதில் இருக்கும். பேருந்தில் போகும் போது பயணிகள், 4 ரூபாய் 5 ரூபாய்ச் சீட்டுக்குக் கவலைப் படாமல் 50 ரூபாய், 100 ரூபாய்த் தாள்களை நீட்டுவதையும், நடத்துநர் எல்லாருக்கும் சில்லறை கொடுக்கப் படாதபாடு படுவதையும் பார்த்துச் சரியான சில்லறை கொடுக்கும் பழக்கத்தை மேற்கொண்டேன். கடைகளில் பொருள்கள் வாங்கும்போது கடைக்காரர் சில்லறைக்காகப் படும் தொல்லையைக் குறைக்கவும் செய்கிறேன்.

ஆனால், இப்படிச் சில்லறை கொடுக்கும்போது அவர்கள் மகிழ்கிறார்கள். நான் படாதபாடு படுகிறேன்! எது ஒரு ரூபாய், எது இரண்டு ரூபாய், எது ஐம்பது காசு என்று கண்டுபிடிப்பது பெரிய பாடாகிவிடுகிறது. நம் அரசு ஒரே மதிப்புள்ள நாணயத்தை மிகக் குறுகிய கால இடைவெளியில் சிறிதும் பெரிதுமாய் இரண்டு மூன்று வடிவங்களில் ஏன் வெளியிடுகிறது என்பது புரியாத புதிராயிருக்கிறது! ஒரு ரூபாய் நாணயத்தை விட இரண்டு ரூபாய் நாணயம் பெரிதாயிருந்தால் சரி, சிறியதாயிருக்கிறதே. எப்பொழுதும் சிறிதாயிருந்தா லாவது பழக்கப்பட்டுப் பழக்கப் பட்டுத் தெரிந்துகொள்ளலாம். ஆனால் இரண்டு ரூபாய் நாணயத்திலேயே ஒன்று சிறிதா யிருக்கிறது! சிறிதாயிருக்கும் இரண்டு ரூபாய்க்கும் ஒரு ரூபாய்க்கும் எழுத்தைக் கூர்ந்து பாராமல் வேறுபாடு கண்டுபிடிக்கவே முடியாது. அதை விட மோசம், ஒரு ரூபாயிலும் சிறியது வேறு, பெரியது வேறு! சிறிய ஒரு ரூபாய்க்கும் ஐம்பது காசு நாணயத்துக்கும் வேறுபாடே தெரியவில்லை! பல முறை இரண்டு ரூபாய் என்று ஒரு ரூபாயைக் கொடுப்பதும், ஐம்பது காசுக்கு ஒரு ரூபாயைக் கொடுப்பதும், இதனால் கொடுப்பவருக்கும் வாங்குபவருக்கும் இடையே வேண்டாத உராய்வு ஏற்படுவதும் நேரம் வீணடிக்கப்படுவதும் தேவையா? இந்தப் புதிய நாணய அடிப்பு முறைக்கு எந்த உலக்கைக் கொழுந்து காரணம் என்பது தெரியவில்லை!

பழைய கால நாணயங்களில் இந்தக் குழப்பம் ஏற்பட்டதே இல்லை. அந்தக் காலத்தில் ஒரு சல்லி, இரண்டு சல்லி, காலணா, அரையணா, ஓரணா, இரண்டனா, நான்கணா, எட்டணா, ஒரு ரூபாய் நாணயங்கள் இருந்தன. ஓரணாவுக்குக் குறைந்த மதிப்புடைய நாணயங்கள் செப்பு நாணயங்கள். மற்றையவை நிக்கல் (தொடக்கத்தில் ஓர் உருபா வெள்ளியில் இருந்தது). ஒவ்வொன்றுக்கும் அததற்குரிய தனி வடிவம். இப்பொழுது ஒரு ரூபாயா, இரண்டு ரூபாயா என்று கண்ணில் எண்ணெய் விட்டுக்கொண்டு பார்ப்பதுபோல் அப்பொழுது பார்க்கத் தேவையே இல்லாதிருந்தது. தொலைவிலிருந்து பார்த்தால்கூடத் தெரிந்துவிடும்.

ஓரணா வட்டமாய், விளிம் பில் வளைவு நெளிவுடன் இருக்கும். இரண்டணா வளைசதுர மாயிருக்கும். மற்றவையெல்லாம் அவை யவற்றின் மதிப்புக்குத் தகுந்தபடி சிறியவும் பெரியவுமாயிருக்கும். எந்த நிலையிலும் குழப்பம் ஏற்பட்டதேயில்லை. நம்மையெல்லாம் குழப்பி வேடிக்கை பார்க்க நம் மக்களாட்சி அரசுக்கு என்ன மன அரிப்போ தெரியவில்லை!

ம.இலெ. தங்கப்பா, சாகித்திய அக்காடமி விருதுபெற்ற எழுத்தாளர்.

HC: Aided private educational institutions are under the ambit of the RTI Act 24 Jul, 2013

RTI Foundation of India

An application was filed with the Thiagarajar College of Engineering in Madurai under the Right to Information (RTI) Act seeking to get information on the fee structure of certain courses. 

The reply to the application from the registrar of the college stated that information could not be provided as the college was a private entity rather than a public authority thus falling outside the ambit of the RTI Act. The applicant then approached the Tamil Nadu State Information Commission (SIC) following which the SIC ordered the college authorities to furnish the demanded information.

 Instead of furnishing the information, the college filed a writ petition with the Madras High Court challenging the SIC order contending that the commission didn't give sufficient chance to the college for presenting its case. It also argued that as the college received only 37% of total expenditure as aid from the State government for payment of salary to teaching and non-teaching staff, it cannot be assumed to be a public authority.

 However, the High Court referred to section 2(h) of the RTI Act and held that if the government provides any concession or grants substantial aid, whether full or partial, the aided private educational institute is deemed to be a public authority and thus falls under the purview of the transparency act.

RTI Foundation of India

UGC brings private universities under RTI Act

Published On: Fri, Mar 14th, 2014

Education | By Nagpur Today

Nagpur News.

In a decisive measure, the University Grants Commission (UGC) has brought private universities across the country under the scope of Right to Information (RTI) Act 2005. Now, the private universities would not be able to hide information regarding students’ fees, admissions, appointments of faculties and other related information. The RTI Act will be applicable to private universities once the Gazette is published. Till now, the universities coming under States and Central Government were in the ambit of RTI Act. Rashtrasant Tukdoji Maharaj Nagpur University (RTMNU) is also covered by RTI Act.

The UGC recently gave its sanction to Establishment of and Maintenance of Standards in Private Universities Regulations 2014 with some Reforms and Amendments. Once the Regulations come into force, the private universities could not refuse information sought under RTI Act.

NAAC RECOGNITION MUST:

The private universities will have to first share information about infrastructure facilities. Till now, mention of only land was done. The private universities would not be able to start any academic programme without the assessment of National Accreditation and Assessment Council (NAAC) or other Standard Institute. However, the orders of UGC and Human Resource Development Ministry regarding opening of campuses in foreign countries by private universities would not be taken back.

THESE INFORMATIONS WERE BEING HIDDEN:

1) Number of admissions of students.

2) Fees recovered from students.

3) Appointments and profiles of faculties and other staff.

4) Salaries being paid to faculties and other employees.

5) List of eligible guides for PhDs.

Commenting on the UGC decision on bringing private universities under RTI Act ambit, Ved Prakash Mishra, Vice Chancellor of Datta Meghe Medical Institute of Science, said the universities are public institutes. It means that transparency is mandatory. RTI will confirm transparency in private universities, Mishra said.

RTI REPLY FROM MHFW

ஹலோ சார் டாக்ஸி வேணுமா..? - அகவை நூறில் அசத்தும் டிரைவர்!

கர்நாடகா மாநிலம் மங்களூரைச் சேர்ந்தவர் சார்லஸ் மைக்கேல் டி-சோசா, அங்கு டாக்ஸி ஓட்டுகிறார். இதில் என்னங்க ஆச்சர்யம் என்கிறீர்களா.....மைக்கேல் டி-சோசா கடந்த மாதம் , செஞ்சுரி அடித்திருக்கிறார். அதாவது, ஒன்-டே கிரிக்கெட் மேட்ச்சிலோ அல்லது T20- போட்டியிலோ செஞ்சுரி அடிக்கவில்லை; நிஜ வாழ்க்கையில்! ஆம், கடந்த அக்டோபர் 16-ம் தேதியன்று தனது நுறாவது பிறந்தநாளை கொண்டாடியிருக்கிறார் மனிதர்.

100 வயதை தொட்டாலும் மனிதர் அசராமல் இன்னும் அசால்ட்டாக நடக்கிறார்; ஓடுகிறார்; உடற்பயிற்சி செய்கிறார்; அதைவிட முக்கியமாக, இன்னும் கார் ஓட்டுவதில் பிஸியானவராக இருக்கிறார்.

சார்லஸ் மைக்கேல் டி-சோசாவின் கதை ரொம்ப சுவாரஸ்யமானது.

பெத்லஹேமில் இருந்து இந்தியாவுக்கு இடம்பெயர்ந்த ஒரு கிரேக்கக் குடும்பத்தில், 10-வது மகனாகப் பிறந்த மைக்கேல் டி-சோசா. பிரிட்டிஷ் ராணுவத்தில் டிரைவராகப் பணிபுரிந்தவர். அஸ்ஸாம், பீகார், குஜராத், டெல்லி, பஞ்சாப் போன்ற பல மாநிலங்களுக்கு, அன்றைய பிரிட்டிஷ் ராணுவ அதிகாரிகளுக்கு கார் டிரைவராகப் பணிபுரிந்த அனுபவம் மைக்கேலுக்கு உண்டு. ராணுவத்தில் இருந்து ஓய்வுபெற்ற பிறகும், தனது டிரைவர் தொழிலை தொடர்ந்து செய்துவருகிறார்.

மைக்கேலிடம் பேசினோம். கன்னடம் கலந்த தமிழில் மழலையாகப் பேசினார். ‘‘இந்த வயசுலேயும் நான் உற்சாகமா இருக்கக் காரணம் - டிரைவிங்தான். அந்தக் காலத்தில் போர் சமயங்கள்ல , ராணுவத் தளவாடங்களுக்குள்ள ஜீப் ஓட்டுறது ரொம்பக் கஷ்டமா இருக்கும். 20 வயதில் கார் ஓட்டத்துவங்கி கிட்டத்தட்ட 80 வருஷமா கார் ஓட்டுறேன். பென்ஸ், பிஎம்டபிள்யூ, வால்வோ, ஜாகுவார், ஃபோர்டுனு எல்லா பிரபல கார்களையும் ஓட்டின அனுபவம் எனக்கு உண்டு. ஆனா, எனக்கு மேனுவல் கியர் கொண்ட கார்தான் ரொம்பப் பிடிக்கும். என் இளமைக் காலத்தில் நான் ஓட்டணும்னு நினைச்சு இப்போ வரைக்கும் ஓட்ட முடியாத கார் ஒண்ணே ஒன்னுதான்... அது - ப்ளைமவுத்!

அந்தக் காலத்தில் காமராஜர் வெச்சிருந்தார்னு கேள்விப்பட்டிருக்கேன். ஆனா, இப்போதைக்கு என்னை ரொம்பவும் கவர்ந்த கார் - சத்தியமா மாருதி ஆல்ட்டோதான்! ஆல்ட்டோவில் இருக்கும் ஹேண்ட்லிங், பிரேக்கிங் வேற எந்த கார்கள்லேயும் நல்லா இருக்கிறதா எனக்குத் தெரியலை!’’ என்று சொல்லி அதிரச் சிரித்தார் மைக்கேல்.



உலகில் இதற்கு முன்பு செஞ்சுரி அடித்த டிரைவர்கள் இருவர். ஒருவர், நியூஸிலாந்தைச் சேர்ந்த எட்வர்டு; (வயது 106) இன்னொருவர், அமெரிக்காவைச் சேர்ந்த ஃப்ரெட் ஹேல், . இதில், எட்வர்டு இன்னும் காய்கறி வாங்க, ஷாப்பிங் செய்ய என்று தனது ஃபோர்டு காரைப் பயன்படுத்துகிறாராம். ஃப்ரெட் ஹேல், இப்போது உயிருடன் இல்லை.

சதம் அடித்த மங்களூர் மைக்கேலிடம் மாருதி ஆல்ட்டோ இருக்கிறது. பிக்அப், டிராப் போன்ற சிறு சிறு வேலைகள் செய்து வருவதாகச் சொன்னார். இப்போது, உலகில் பிழைப்புக்காக கார் ஓட்டும் சென்டனேரியன் டிரைவர் - சார்லஸ் மைக்கேல் டி-சோசா மட்டுமே.

வாழ்த்த வயதில்லை; வணங்குகிறோம்!