‘சமோசா... வேண்டவே வேண்டாம்!’ மருத்துவம் சொல்லும் காரணங்கள்

எல்லா டீக்கடைகளிலும் தவறாமல் காணப்படும் ஒரு நொறுக்குத்தீனி, சமோசா. `மூணு பத்து ரூபா’ என குட்டியூண்டு சைஸில் பேப்பர் கவரில் விற்கப்படுவது தொடங்கி, உள்ளங்கைகொள்ளாத சைஸ் வரை விதவிதமான வகைகள் உண்டு. சினிமா தியேட்டர்களில் இடைவேளையில் சமோசா கடித்து, டீ குடிக்காத தமிழ் ரசிகர்கள் வெகு குறைவு. மதுரைப் பக்கம் வெதுவெதுப்பான சூட்டில் வெங்காய மசாலா வைத்துப் பரிமாறப்படும் `சமோசா’, அலாதிச் சுவைகொண்டது. சென்னை சௌகார்பேட்டை பகுதியில் மொறுமொறு சுவையுடன் பச்சைச் சட்னி, சாஸுடன் கிடைக்கும் வட இந்திய வகைக்கு, பிரத்யேக ரசிகர்கள் இருக்கிறார்கள். சென்னையில் பல இடங்களில் சமோசா-சுண்டல் காம்பினேஷனுக்கு மயங்கிக்கிடக்கிறவர்கள் உண்டு. `எல்லாம் சரி... இது, நம் உடலுக்கு நல்லதுதானா?’ என்கிற கேள்வியையும் கூடவே கேட்கவேண்டியிருக்கிறது.



‘சமோசாவும் நம் ஆரோக்கியமும்’ என்கிற பக்கத்துக்குப் போவதற்கு முன்னால், இதன் வரலாற்றை மேம்போக்காக ஒரு புரட்டுப் புரட்டிவிடலாம். `சமோசா’, மட்டுமல்ல... ஒவ்வொரு நாட்டிலும், ஒவ்வொரு பகுதியிலும் அழைக்கப்படும் இதன் பெயர், மலைப்பைத் தருகிறது. சமஸ்கிருதத்தில், `கட்டக்கா’, பெங்காலியில் `ஷிங்காரா’, உஸ்பெஸ்கிஸ்தானில் `சொம்சா’, அரபியில் `சம்புசாக்’, பர்மிய மொழியில் `சமோஷா’!

சப்பாத்திக்கு இடுவது மாதிரி, கோதுமை மாவை (மைதாவும் இப்போது சேர்க்கப்படுகிறது) இட்டு, அதில் மசாலா வைத்து முக்கோணமாக மடித்துப் பொரித்து எடுத்தால், அது சமோசா. சைவம் எனில் மசாலாவில் வேகவைத்த உருளைக்கிழங்கு, பட்டாணி, பச்சைமிளகாய், வெங்காயம், இன்னும் சில வாசனைப் பொருள்கள் கலந்தும் மசாலா தயாரிக்கிறார்கள். அசைவம் எனில், இறைச்சியில் செய்யப்பட்ட மசாலா! இந்தியாவில் பெரும்பாலும் சைவ சமோசாதான் புழக்கத்தில் இருக்கிறது.



கடந்த எட்டு நூற்றாண்டுகளாக தெற்காசிய சமையலில் சமோசா வெகு பிரபலம். என்றாலும், `இதன் பூர்வீகம் எது?’ என்றால், மத்தியக் கிழக்கு நாடுகளைத்தான் காட்டுகிறார்கள் வரலாற்று ஆசிரியர்கள். ஈரானிய வரலாற்றியலாளர் அபுல்ஃபாஸல் பேஹாக் (Abulfazl Beyhaqi), `தாரிக்-ஏ பேஹாக்’ (Tariq-e Beyhaqi) என்ற வரலாற்று நூலில், 10-ம் நூற்றாண்டுக்கு முன்னரே சமோசா இருந்ததைக் குறிப்பிட்டிருக்கிறார். 13, 14-ம் நூற்றாண்டில்தான் வியாபாரிகள் மூலமாக இந்தியாவுக்குள் மூக்கை நுழைத்திருக்கிறது சமோசா. அப்படி அல்ல... டெல்லி சுல்தான்களுக்காக சமைக்க வந்த மத்திய கிழக்கு மற்றும் மத்திய ஆசிய நாடுகளைச் சேர்ந்த சமையல்காரர்கள்தான் இதை அறிமுகப்படுத்தினார்கள் என்றும் சொல்கிறார்கள்.

டெல்லி சுல்தான்கள் சபையில் இருந்த அரசவைக் கவிஞர் அமிர் குஸ்ரோ (Amir Khusro), உலகைச் சுற்றிவந்த யாத்ரீகர் இபின் பதூதா (Ibn Battuta)... எனப் பலரும் சமோசா பற்றிய குறிப்பை எழுதிவைத்துவிட்டுச் சென்றிருக்கிறார்கள். முகமது பின் துக்ளக்கின் அரண்மனைச் சமையலில் சமோசாவுக்கும் இடம் இருந்ததாகச் சொல்கிறார் இபின் பதூதா.

ஆரம்பத்தில் படைவீரர்கள், வியாபாரிகள், ஊர் ஊராகப் பயணம் செய்கிறவர்கள் இரவில் தங்க நேரிடும்போது, சமோசாக்களை செய்து வைத்துக்கொள்வார்களாம். அடுத்த நாளில் பகல் உணவுக்கு உபயோகப்படும் என்பதற்காக இந்த ஏற்பாடு. அரசர்கள், சுல்தான்களுக்கு மட்டுமல்ல... சாமான்யர்களுக்கும் பிடித்த நொறுக்குத்தீனி சமோசா. இந்தியாவில் இது அறிமுகமானபோது, உத்தரப்பிரதேச மாநில மக்கள், அதை சைவ வடிவத்துக்கு மாற்றி ஏற்றுக்கொண்டார்கள். சில நூற்றாண்டுகளிலேயே சமோசா இந்தியாவில் பிரபலமாகிவிட்டது. வட இந்தியாவில் சமோசா மாவுக்குப் பெரும்பாலும் மைதாவைத்தான் பயன்படுத்துகிறார்கள்.



வட இந்தியாவில் சில நகரங்களிலும் பாகிஸ்தானிலும் அசைவ சமோசா வெகு பிரபலம். ஆடு, மாடு, கோழி இறைச்சிகளை ஸ்டஃபிங்கில் சேர்க்கிறார்கள். பஞ்சாப்பில் சமோசாவுடன் சென்னா பரிமாறப்படுகிறது. மும்பையில், `சமோசா பாவ்’ பிரசித்திபெற்ற ஒன்று. பன்னில் வைத்துத் தரப்படும் இதை `இந்தியன் பர்கர்’ என்றுகூடச் சொல்லலாம். தீபாவளிப் பண்டிகையின்போது வட இந்தியாவில் சில இடங்களில் இனிப்பு சமோசா தயாரித்து, பரிமாறும் வழக்கம் இன்றைக்கும் இருக்கிறது.

ஆப்பிரிக்கா, எத்தியோப்பியா, சோமாலியா உள்ளிட்ட நாடுகளில் சமோசா, பண்டிகைகால ஸ்பெஷல் ரெசிப்பி. பொரித்துச் சாப்பிட்டால் உடலுக்குத் தீங்கு என்பதற்காக சில மேற்கத்திய நாடுகளில் சமோசாவை மைக்ரோவேவ் அவனில் பேக் செய்ய ஆரம்பித்திருக்கிறார்கள். ஸ்டஃபிங்குக்கு ஆரோக்கியமான காய்கறிகள்! உலகமெங்கும் பிரபலான உணவுப்பொருளாகிவிட்டது சமோசா... ஒவ்வோர் இடத்திலும் ஒரு சுவை. சுவைத்து மகிழலாம்தான். அதற்கு முன்னர், `சமோசா ஆரோக்கியமானதுதானா?’ என்ற கேள்விக்கு டயட்டீஷியன் சௌமியா சொல்லும் விளக்கத்தையும் பார்த்துவிடுவோம்...



``மாலை 4 மணி. டீ குடிக்கப் போகிற இடத்தில் தட்டில் சுடச்சுட கொட்டிவைக்கப்பட்டிருக்கிறது சமோசா. ஒன்றை எடுத்துக் கடித்துச் சுவைக்க வேட்கை எழும்தான். ஆனால், அதனால் ஏற்படும் சில பக்கவிளைவுகளைத் தெரிந்துகொண்டால், அதன் பக்கம் போக மாட்டீர்கள்.

ஒரு சின்ன சமோசாவில் 240 கலோரிகள் இருக்கின்றன. நம் உள்ளூர் கடைகளில் விற்கப்படும் சமோசாக்களில் ஊட்டச்சத்தைத் தரக்கூடிய பொருட்கள் கிட்டத்தட்ட இல்லை என்றே சொல்லலாம். சர்க்கரைநோயாளிகளுக்குச் சேராத உருளைக்கிழங்கு இருக்கிறது; அதற்கான மாவில் நம் உடலுக்குத் தீங்கு விளைவிக்கும் மைதா கலக்கப்படுகிறது. மைதாவில் இருக்கும் அதிக அளவிலான கிளைசெமிக் இண்டெக்ஸ் ரத்தத்தில் சர்க்கரையின் அளவைக் கூட்டும். கொழுப்பை அதிகரிக்கச் செய்யும். இதுகூடப் பரவாயில்லை. சமோசாவைப் பொரிக்கப் பயன்படுத்தப்படும் எண்ணெய்... அதுதான் ஆபத்தானது.



தெருவோரக் கடைகளில் சமோசா பொரிக்க எந்த வகை எண்ணெயைப் பயன்படுத்துகிறார்கள் என்பது நமக்குத் தெரியாது. அதேபோல ஒரே எண்ணெயில் திரும்பத் திரும்ப பொரிப்பார்கள். அது ட்ரான்ஸ் ஃபேட்டுக்கு (Trans fat) வழிவகுக்கும். இதை `ஹைட்ரோஜனேஷன்’ (Hydrogenation) என்பார்கள். அதாவது ஒரு உணவைத் திரும்பத் திரும்ப சூடுபடுத்தும்போதோ, ஒரே எண்ணெயை மேலும் மேலும் பயன்படுத்தும்போதோ ஹைட்ரஜன் உணவோடு சேரும். இது ட்ரான்ஸ்ஃபேட்டுக்கு வழிவகுக்கும். சர்க்கரைநோயாளிகளும், உயர் ரத்த அழுத்தம் உள்ளவர்களும் இதைச் சாப்பிட்டால் கட்டுப்படுத்த முடியாத அளவுக்கு அவர்களின் பிரச்னை தீவிரமாகும்.

மற்ற ஸ்நாக்ஸைவிட சமோசா கொஞ்சம் டேஞ்சர்தான். அதீத கொலஸ்ட்ரால், செரிமானக் கோளாறுகள், ட்ரான்ஸ் ஃபேட் (கெட்ட கொழுப்பு), சுகாதாரமற்ற மைதா மற்றும் எண்ணெய்... இவை போதுமானவை சமோசாவை வேண்டாம் என்று சொல்ல!

தொடர்ந்து சமோசா சாப்பிடுவது, வயிற்றில் தொப்பையை உருவாக்கும். அதோடு சர்க்கரைநோய், உயர் ரத்த அழுத்தம் வருவதற்கெல்லாம் பாதை வகுக்கும். சமோசா சாப்பிட வேண்டும் என்று தோன்றினால் வீட்டிலேயே செய்யலாம். நல்ல எண்ணெயில், ஆரோக்கியமான ஸ்டஃபிங்கோடு மைதா மாவுக்கு பதிலாக கோதுமை மாவு, அரிசி மாவு சேர்த்து சாப்பிட்டால் தவறில்லை. மற்றபடி, சமோசாவுக்கு `நோ’ சொல்வதே புத்திசாலித்தனம்.’’

ஆக, வீட்டு சமோசாவுக்கு வெல்கம் (எப்போதாவது) சொல்வோம்! கடை சமோசா..? வேண்டவே வேண்டாம்!

- பாலு சத்யா

கேள்வி மூலை 21: வாசித்தல் ஏன் தூக்கத்தை வரவழைக்கிறது?

ஆதி

  

பலரும் அவ்வளவு நேரம் சுறுசுறுப்பாக இயங்கிக் இருப்பார்கள். புத்தகத்தை கையில் எடுத்த கொஞ்ச நேரத்தில் தூக்கம் கண்களைச் சுழற்றிக்கொண்டு வந்துவிடும். ஏன் இப்படி நடக்கிறது? வாசித்தல், ஏன் நமக்குத் தூக்கத்தை வரவழைக்கிறது?

தளர்ந்த உடல்

முதலாவதாக, மிகவும் சௌகரியமான நிலையில் உடலை வைத்துக்கொண்டுதான் பொதுவாக நாம் வாசிக்க ஆரம்பிக்கிறோம். அதாவது உடலை நன்றாகத் தளர்த்தும் வகையில் உட்கார்ந்துகொண்டோ, படுத்துக்கொண்டோ. அது மட்டுமல்லாமல் சத்தம் ஏதுமில்லாத ஓர் இடத்தில், ஒரு நாளின் கடைசி வேலையாக அல்லது உடல் ஆற்றலை பெரிதாகச் செலவழித்த பின்னர்தான் பெரும்பாலும் வாசிக்க உட்காருகிறோம். இதன் காரணமாக வாசிக்க ஆரம்பித்த கொஞ்ச நேரத்தில் உடல் ஓய்வு நிலைக்குச் சென்றுவிடுகிறது அல்லது தூக்கத்தை நோக்கி இழுக்கப்படுகிறது.

கவனம் திசைதிரும்புதல்

மற்றொருபுறம் நம்மைக் கவர்ந்து இழுக்கும் ஒரு புத்தகமோ அல்லது கதையோ நடப்பு உலகத்திலிருந்து, நடப்புக் கவலைகளிலிருந்து வேறொரு உலகத்துக்கு நம்முடைய கவனத்தை இட்டுச் செல்கிறது. நாளைக்கு உங்களை மிரட்டப்போகும் பரீட்சை அல்லது வேலைக்கான காலக்கெடு அல்லது நீண்ட தூரப் பயணத்துக்கான திட்டத்தை வாசிப்பு மறக்க வைத்திருக்கும்.

நம்முடைய மனம் பெரும்பாலான நேரம் நடப்புக் கவலைகளை எப்படித் தீர்ப்பது என்பது குறித்தே யோசித்துக் கொண்டிருக்கிறது. வாசிக்கும்போது அதிலிருந்து விலகி, நம்முடைய மனமும் தளர் வான நிலைக்குச் சென்றிருக்கும்.

பிடிக்காமல் போனால்

நேர்மாறாக, நீங்கள் வாசிப்பது கவனத்தைக் கவராமல் சலிப்படையச் செய்யும் வகையில் இருக்கிறது என்று வைத்துக்கொள்வோம். அப்போது என்ன நடக்கும்? தொடர்ந்து வாசிப்பதற்கு எடுக்கும் முயற்சி, மூளையை சோர்வுறச் செய்யும். (எடுத்துக்காட்டாக, ஆர்வமற்று பாடப் புத்தகத்தை வாசிப்பது). இந்த நிலையில் உங்கள் மனதின் கவனம் சிதறி அரைத்தூக்க நிலைக்குச் சென்றிருக்கும். இதுவும்கூட விரைவிலேயே தூக்கத்தை வரவழைத்து விடுகிறது.

மதிநுட்பம் நூலோடு உடையார்க்கு அதிநுட்பம் யாவுள முன்நிற் பவை. (குறள்: 636)

குறள் இனிது: அறிதல்..புரிதல்...செய்தல்...!

சோம.வீரப்பன்

2012-ல் விஜய் தொலைக்காட்சியில் நீயா நானா கோபிநாத்தின் ‘உன்னால் முடியும்' நிகழ்ச்சி. தொழிலில் வெற்றி பெற்றவர்கள் அதன் ரகசியங்களை மேலாண்மை பயிலும் மாணவர்களுடன் பகிர்ந்து கொள்ளும் களம் அது. ஆச்சி மசாலாவின் ஐசக்கின் நேர்காணலில் அவரது வெற்றிக்கான காரணங்களை அவரே கூறக் கேளுங்கள். BBA படித்துவிட்டு, MBA படிக்க முடியாததால் கோத்ரெஜ் நிறுவனத்தில் ஹேர்டை போன்ற பொருட்களை விற்கும் விற்பனை யாளராகச் சேர்ந்தவராம் அவர்!

10 பேர் இருக்கும் குழுவில் பலரும் விற்பனை இலக்குகளை எப்படி அடையலாம் , எதை விற்கலாம் என்றே யோசித்துக் கொண்டிருப்பார்களாம். ஆனால் இவரோ விற்பனையாகாத பொருட்களைப் பற்றியும் அவற்றை என்ன செய்தால் விற்கலாம் என்பதைப் பற்றியும் சிந்தித்துக் கொண்டேயிருப்பாராம்! ஐயா, படிப்போ, பயிற்சியோ ஒன்றாக இருந்தாலும் அதன் பாதிப்பும் பலனும் ஆளுக்கு ஆள் வேறுபடுமில்லையா?

டெல்லியின் நேஷனல் ஸ்கூல் ஆப் டிராமாவில் பயின்றவர்கள் அனைவருமா ஓம்புரி போல நடிக்கிறார்கள்? புணே பிலிம் இன்ஸ்டி டியூட்டில் பலர் பயின்றாலும் யாரோ ஒருவர் தான் ஸ்மிதா பாட்டீல் ஆகிறார்! கேட்பதும், பார்ப்பதும் ஒன்றே தான் என்றாலும் அதன் புரிதல் வெவ்வேறு கோணங்களில், அளவுகளில் அமைந்து விடுகிறதில்லையா? இதை ஆங்கிலத்தில் 3-i என்கிறார்கள்.அதாவது information, interpretation and implementation!

வகுப்பறையில், வாழ்க்கையில் நமக்குப் பல தகவல்கள் கிடைக்கின்றன. நாம் அவற்றை எப்படி கிரகித்துக் கொள்கிறோம், அவற்றை எப்படி செயல்படுத்துகிறோம் என்பது முக்கியமில்லையா ? இந்த இரண்டாவது மூன்றாவது செயல் i-க்கள் தானே ஏட்டுச் சுரைக்காயா இல்லையா எனத் தீர்மானிப்பவை? புத்திசாலித்தனம் என்பது எதிலும் இழையோடும் அடிப்படை முறைகளை (patterns) விரைவாகப் புரிந்து கொள்வது என்பார்கள்.அது தானேங்க சுயபுத்தி என்பது?

‘படித்தவன் பாடம் நடத்துகிறான், படிக்காதவன் பள்ளிக்கூடம் நடத்துகிறான்' என்பது வெறும் திரைப்பட வசனமில்லை! அது வாழ்க்கையின் யதார்த்தம் நமக்குச் சொல்லும் பாடம்! இன்னுமொரு தொலைக்காட்சி நிகழ்ச்சி.தொழிலில் வெற்றி பெற படிப்பு அவசியமா என்னும் விவாதம். இறுதியில் சிறப்பு விருந்தினராக வந்தவரிடம் அந்தக் கேள்வி கேட்கப்படுகிறது. அவர் அதிகம் 

படிக்காதவர்.ஆனால் அபார சாதனையாளர்.

‘உங்கள் வெற்றி எதைக் காட்டுகிறது? MBA படித்தவர்கள் செய்யாததை நீங்கள் சாதித்து விட்டீர்களே' என்பதற்கு அவர் என்ன சொன்னார் தெரியுமா? ‘முன்னேற்றமடைய கெட்டிக்காரத்தனம் தேவை. வாய்ப்புகளை இனம் காணவும், உபயோகப்படுத்திக் கொள்ளவும் தெரிந்த திறமை அது. வெறும் படிப்பினால் வருவதில்லை' என்று அவர் சொல்வதை மறுக்க முடியுமா?

படிப்பு முன்னேற்றத்திற்கு உதவியே தவிர உத்திரவாதம் இல்லையே! இதில் வேடிக்கை என்னவென்றால் அவரிடம் IIMல் படித்தவர்கள் சிலர் பணிபுரிவதாகவும், அவர்கள் பரவாயில்லை,கொடுத்த பணியைச் செய்து விடுவார்கள் என்றும் சொன்னார்! இயற்கையான அறிவுடன் கல்வியையும் பெற்றவரால் தீர்க்க முடியாத பிரச்சினை உண்டா என்கிறார் வள்ளுவர்!

- somaiah.veerappan@gmail.com

மார்ச் 16-ல் தமிழக பட்ஜெட் தாக்கல்: அரசு ஊழியர்கள் ஓய்வு வயது வரம்பு உயர்த்தப்பட வாய்ப்பு

தமிழக சட்டப்பேரவை அடுத்த கூட்டத்தொடர் வரும் 16-ம் தேதி தொடங்குகிறது. அன்றைய தினமே, 2017- 2018 நிதி ஆண்டுக்கான தமிழக பட்ஜெட் தாக்கல் செய்யப்படுகிறது.

இது குறித்து தமிழக சட்டப்பேரவை செயலர் வெளியிட்ட அறிக்கையில், "தமிழ்நாடு சட்டமன்றப் பேரவையின் அடுத்த கூட்டத்தை 16.3.2017-ஆம் நாள் வியாழக்கிழமை காலை 10.30 மணிக்கு சென்னை-9, தலைமைச் செயலகத்தில் உள்ள சட்டமன்றப் பேரவை மண்டபத்தில் மாண்புமிகு பேரவைத் தலைவர் கூட்டியுள்ளார். மேலும், அன்று காலை 10.30 மணிக்கு 2017-2018-ஆம் ஆண்டிற்கான நிதிநிலை அறிக்கை பேரவைக்கு அளிக்கப்பெறும்" எனத் தெரிவிக்கப்பட்டுள்ளது.

தமிழக சட்டப்பேரவையின் இந்த ஆண்டுக்கான முதல் கூட்டத் தொடர், கடந்த ஜனவரி 23-ம் தேதி தொடங்கியது. அன்று பேரவை யில் ஆளுநர் வித்யாசாகர் ராவ் உரை யாற்றினார். பிப்ரவரி 1-ம் தேதி வரை கூட்டத் தொடர் நடந்தது. அப்போது முதல்வராக ஓ.பன்னீர் செல்வம் இருந்தார்.

அதன்பிறகு அதிமுகவில் எழுந்த பிரச்சினைகளால் தமிழக அரசிய லில் பரபரப்பும் குழப்பமும் நிலவி யது. பின்னர் புதிய முதல்வராக எடப்பாடி பழனிசாமி கடந்த 16-ம் தேதி பதவியேற்றார். அவருடன் 30 அமைச்சர்களும் பதவி ஏற்றனர். அப்போது, முதல்வரிடமே நிதித் துறை இருந்தது. கடந்த 23-ம் தேதி அமைச்சரவையில் மாற்றம் செய்யப்பட்டது. முதல்வரிடம் இருந்த நிதித்துறை, மீன்வளத் துறை அமைச்சர் டி.ஜெயக்குமாரிடம் ஒப்படைக்கப்பட்டது.

இதையடுத்து, சட்டப்பேரவையின் பட்ஜெட் கூட்டத் தொடர் எப்போது நடக்கும் என்ற எதிர்பார்ப்பு எழுந்தது. ஜெயக்குமாரிடம் நிதித் துறை ஒப்படைக்கப்பட்ட பிறகு பட்ஜெட் தயாரிப்புக்கான பணிகள் முடுக்கி விடப்பட்டன.

இந்நிலையில், வரும் 16.03.2017 அன்று காலை 10.30 மணிக்கு 2017-2018-ஆம் ஆண்டிற்கான நிதிநிலை அறிக்கை பேரவைக்கு அளிக்கப்பெறும் எனத் தெரிவிக்கப்பட்டுள்ளது.

ஓய்வு வயது உயர்த்தப்படுமா?

இந்த பட்ஜெட்டில் அரசு ஊழியர்களுக்கான ஓய்வு வயதை 58-ல் இருந்து 60 ஆக உயர்த்தும் அறிவிப்பு வெளியாகும் என தெரிகிறது.

இது தொடர்பாக, அரசு ஊழியர்கள் மத்தியில் எதிர்ப்பும், ஆதரவும் கிளம்பியுள்ளது. தற்போது அரசு ஊழியர்கள் 7-வது ஊதியக்குழு பரிந்துரை ஊதியத்தை நம்பியுள்ளனர். இதை நிர்ணயிக்க குழு அமைக்கப்பட்டுள்ளது. குழுவின் பரிந்துரையை ஏற்று செயல்படுத்தினாலும், அடுத்த 4 மாதங்களில் ரூ.15 ஆயிரம் கோடி அளவுக்கு அரசுக்கு நிதி தேவைப்படும்.

ஏற்கெனவே தமிழக அரசுத் துறைகளில் 3.5 லட்சம் காலிப் பணியிடங்கள் உள்ளன. இவை நிரப்பப்படாத சூழலில், தமிழக அரசின் இந்த முடிவு பல்வேறு குழப்பங்களை ஏற்படுத்தும் என அரசு ஊழியர்கள் தரப்பில் கூறப்படுகிறது.

Counselling for PG NEET in April

March 9, 2017, Bengaluru, DHNS

The counselling for PG medical and dental seats would be conducted by the NEET authorities, Karnataka Examinations Authority (KEA), COMEDK and CODEUNIK. DH File Photo.
The Consortium of Deemed Universities in Karnataka (CODEUNIK) has announced that counselling for PG NEET would be conducted between April 10 and 12 to fill postgraduate medical and dental seats in eight deemed universities in the state.

This time around, permission has been granted to the deemed universities to have a discrete counselling to fill seats. The last date for submission of applications online is March 28. The applications should be filled online at www.codeunik.org.

The counselling for PG medical and dental seats would be conducted by the NEET authorities, Karnataka Examinations Authority (KEA), COMEDK and CODEUNIK.

Meanwhile, the Karnataka Professional Colleges’ Foundation, comprising 14 medical and 24 dental unaided private professional colleges, has mandated COMEDK to conduct a single window counseling for these institutions to fill up over 400 medical and about 250 dental PG seats, based on the results NEET 2017.

The National Board of Examination which has conducted the NEET for Postgraduate Medical and Dental Courses has announced the results on January 13. It may be recalled that students sought that counselling for PG medical and dental seats be conducted on a common platform to avoid confusion.

They also sought that the dates do not coincide with each other and staged a protest in this regard last week.

Dr S Kumar, executive secretary, COMEDK, told DH said the counselling for seats in private colleges and deemed universities would be conducted at NMKRV College for women in Jayanagar.

“Soon after the KEA conducts its counselling, COMEDK counselling will be done. Subsequently, with a day’s gap, CODEUNIK would conduct counselling,” Kumar.

நீட் தேர்வு ஏழை மாணவர்கள் நுழைய முடியாத தேர்வாக உள்ளது என்று பா.ம.க. நிறுவனர் ராமதாஸ் பேசினார்.

மார்ச் 08, 04:00 AM

காஞ்சீபுரம் தெற்கு மாவட்ட பா.ம.க. சார்பில் மதுராந்தகம் தேரடி தெருவில் நேற்று முன்தினம் பொதுக்கூட்டம் நடந்தது. கூட்டத்துக்கு மாநில துணை பொதுச்செயலாளர் பொன்.கங்காதரன் தலைமை தாங்கினார். மாவட்ட தலைவர் குணசேகரன், மாநில செயற்குழு உறுப்பினர் ஏழுமலை ஆகியோர் முன்னிலை வகித்தனர். மாவட்ட செயலாளர் ஆத்தூர் கோபாலகண்ணன் வரவேற்றார். கூட்டத்தில் மாநில தலைவர் கோ.க.மணி, மாநில துணை பொதுச்செயலாளர் திருக்கச்சூர் ஆறுமுகம், மாநில நிர்வாகி பரந்தாமன் உள்பட பலர் கலந்து கொண்டனர்.

இந்த கூட்டத்தில் பா.ம.க. நிறுவனர் ராமதாஸ் கலந்து கொண்டு பேசியதாவது:–

தமிழகத்தில் கடந்த 5½ ஆண்டுகளில் ஜெயலலிதா, பன்னீர்செல்வம், எடப்பாடி பழனிசாமி என பலர் முதல்–அமைச்சராகி உள்ளனர். குறிப்பாக ஊழல் தான் ஆட்சி செய்கிறது. ஜெயலலிதா உயிருடன் இருந்திருந்தால் சிறையில் இருந்திருப்பார். இந்தியாவில் ஒரு முதல்– அமைச்சருக்கு ரூ.100 கோடி அபராதம் விதித்தது இதுவே முதல் முறை.ஹைட்ரோ கார்பன் திட்டம்

ஹைட்ரோ கார்பன் திட்டத்தை தமிழக மக்கள் கடுமையாக எதிர்க்கும் நிலையில் அதை செயல்படுத்த மத்திய அரசு முடிவு செய்திருப்பது தவறு. மத்திய அரசின் கைகளில் அனைத்து அதிகாரங்களும் உள்ளதால் இவ்வாறான சூழ்நிலைகள் ஏற்படுகிறது. நீட் தேர்வு என்பது நுழைவு தேர்வு அல்ல. ஏழை மாணவர்கள் நுழைய முடியாத தேர்வு. தமிழகத்தில் மொத்தம் 2 ஆயிரத்து 750 மருத்துவ படிப்புக்கான இடங்கள் உள்ளன. இதில் 144 இடங்கள் அதாவது 15 சதவீதம் மத்திய அரசுக்கு தரவேண்டிய நிலை உள்ளது. செங்கல்பட்டு மருத்துவக்கல்லூரி தமிழக மக்களின் வரிப்பணத்தில் உருவானது. இதில் 15 சதவீத இடங்களை மற்ற மாநில மாணவர்களுக்கு தரச்சொல்லி மத்திய அரசு நிர்ப்பந்தப்படுத்துகிறது.

இவ்வாறு அவர் பேசினார்.

முன்னதாக பொதுக்கூட்டத்துக்கு வருகை தந்த ராமதாசை மதுராந்தகம் நகர எல்லையில் இருந்து மேளதாளங்கள் முழங்க கட்சி நிர்வாகிகள் சரவணன், சாந்தமூர்த்தி, பக்கிரிசாமி, ஜீவா, சதீஷ், சங்கர், சகாதேவன், சந்தோஷ், குமார் மற்றும் ஏராளமான தொண்டர்கள் அழைத்து சென்றனர். முடிவில் பா.ம.க. இளைஞர் அணி மாவட்ட செயலாளர் சபரி நன்றி கூறினார்.

நீட்’ தேர்வில் இருந்து விலக்கு கோரும் சட்டத்தை நிறைவேற்ற ஜனாதிபதிக்கு பரிந்துரை செய்யுங்கள் என்று மத்திய மந்திரிகளிடம் தமிழக அமைச்சர்கள் வலியுறுத்தினர்.
மார்ச் 09, 04:00 AM

புதுடெல்லி,

‘நீட்’ தேர்வில் இருந்து விலக்கு கோரும் சட்டத்தை நிறைவேற்ற ஜனாதிபதிக்கு பரிந்துரை செய்யுங்கள் என்று மத்திய மந்திரிகளிடம் தமிழக அமைச்சர்கள் வலியுறுத்தினர்.மத்திய மந்திரிகளுடன் சந்திப்பு

‘நீட்’ தேர்வு மற்றும் ‘கேட்’ தேர்வில் இருந்து தமிழகத்துக்கு விலக்கு அளிக்க வேண்டும் என்ற கோரிக்கையை மத்திய மந்திரிகளிடம் வலியுறுத்துவதற்காக தமிழக சுகாதாரத்துறை அமைச்சர் டாக்டர் விஜயபாஸ்கர், உயர் கல்வித்துறை அமைச்சர் அன்பழகன் மற்றும் முதன்மை செயலாளர்கள் டாக்டர் ராதாகிருஷ்ணன், சுனில் பாலிவால் ஆகியோர் டெல்லி சென்றனர். அவர்கள் மத்திய சுகாதாரத்துறை மந்திரி ஜே.பி.நட்டா, மனிதவள மேம்பாட்டுத்துறை மந்திரி பிரகாஷ் ஜவடேகர் ஆகியோரை நேற்று சந்தித்து கோரிக்கையை வலியுறுத்தினர்.

பின்னர் அமைச்சர் விஜயபாஸ்கர் நிருபர்களிடம் கூறியதாவது:–ஆதரவான நிலைப்பாடு

‘நீட்’ (தேசிய தகுதி நுழைவுத்தேர்வு) தேர்வில் இருந்து தமிழகத்துக்கு விலக்கு அளிக்கக்கோரி அ.தி.மு.க. அரசு சார்பில் 2 மசோதாக்கள் நிறைவேற்றப்பட்டு ஜனாதிபதி ஒப்புதலுக்கு அனுப்பப்பட்டன. அதில் மத்திய சுகாதாரத்துறை மற்றும் மனிதவள மேம்பாட்டுத்துறை மந்திரிகளின் ஒப்புதலும் கேட்கப்பட்டு இருக்கிறது. ஆகையால் நாங்கள் 2 மந்திரிகளையும் சந்தித்து தமிழ்நாட்டுக்கு ஆதரவான நிலைப்பாட்டை எடுத்து ஜனாதிபதிக்கு பரிந்துரைக்க வலியுறுத்தினோம். அவர்கள் இதை பரிசீலிப்பதாக கூறி இருக்கிறார்கள்.

மத்திய சுகாதாரத்துறை மந்திரியிடம் கிராமப்புற மாணவர்களுக்கு ஏற்படும் பாதிப்பு பற்றி எடுத்து சொன்னோம். தமிழகத்தில் 3½ லட்சம் மாணவர்கள் மாநில பாடத்திட்டத்தில் உயிரியல் பாடப்பிரிவில் தேர்வு எழுதுகிறார்கள். 3 ஆயிரம் மாணவர்கள் மட்டுமே மத்திய பாடத்திட்டத்தில் தேர்வு எழுதுகிறார்கள், எனவே, கிராமப்புற மாணவர்களுக்கு ‘நீட்’ தேர்வு சிரமமாக இருக்கும் என்று கூறினோம்.எய்ம்ஸ் மருத்துவமனை

மேலும் அரசு கல்லூரியில் உள்ள இடங்கள், தனியார் மருத்துவ கல்லூரியில் உள்ள அரசு ஒதுக்கீட்டு இடங்களுக்குத்தான் விலக்கு கேட்கிறோம் என்பதையும் சுட்டிக்காட்டினோம். காலம் தாழ்த்தாமல் விரைந்து நடவடிக்கை எடுக்க வேண்டும் என்றும் கேட்டுக்கொண்டோம்.

இதை பரிசீலிப்பதாக கூறிய அவர், தமிழ்நாட்டுக்கு அறிவிக்கப்பட்ட எய்ம்ஸ் மருத்துவமனை விரைவில் வழங்கப்படும் என்ற சாதகமான பதிலையும் தெரிவித்தார்.

இவ்வாறு அவர் கூறினார்.

உயர்கல்வித்துறை அமைச்சர் அன்பழகன் கூறுகையில், ‘என்ஜினீயரிங் படிக்க விரும்பும் மாணவர்களை பிளஸ்–2 மதிப்பெண் அடிப்படையிலேயே சேர்க்க அனுமதிக்க வேண்டும் என்று வலியுறுத்தினோம். மேற்படிப்புகளில் சேர அண்ணா பல்கலைக்கழகம் மூலம் ‘டான்செட்’ தேர்வு நடத்தப்படுவதால் மீண்டும் ‘கேட்’ தேர்வு தேவையில்லை என தெரிவித்தோம்’ என்றார்.

தண்ணீர் லாரி உரிமையாளர்கள் 3-வது நாளாக போராட்டம் நடத்துவதால், கம்ப்யூட்டர் நிறுவனங்களை தண்ணீர் இல்லாமல் மூடும் அபாயம் ஏற்பட்டுள்ளது.
மார்ச் 09, 04:15 AM
சோழிங்கநல்லூர்,

சென்னையை ஒட்டியுள்ள தாழம்பூர், தையூர், புதுப்பாக்கம், இள்ளலூர், திருப்போரூர், ஆலத்தூர், பையனூர் உள்ளிட்ட 10-க்கும் மேற்பட்ட கிராமங்களில் உள்ள விவசாய கிணறுகளில் இருந்து தனியார் தண்ணீர் லாரி உரிமையாளர்கள் தண்ணீர் எடுத்துவருகின்றனர். அந்த தண்ணீரை பழைய மாமல்லபுரம் சாலை மற்றும் சென்னை புறநகர் பகுதிகளில் உள்ள கம்ப்யூட்டர் நிறுவனங்கள், அடுக்குமாடி குடியிருப்புகள், வியாபார நிறுவனங்களுக்கு வினியோகம் செய்து வருகின்றனர்.

குறைந்த விலைக்கு எடுத்து அதிக விலைக்கு விற்பதாகவும், அனுமதியின்றி தண்ணீர் எடுப்பதாகவும் வருவாய்த்துறைக்கு புகார்கள் சென்றதால் செங்கல்பட்டு ஆர்.டி.ஓ. ஜெயசீலன் தலைமையில் திருப்போரூர் தாசில்தார் ரவிக்குமார் மற்றும் வருவாய்த்துறை அதிகாரிகள் கண்காணித்து சில நாட்களுக்கு முன்பு 5-க்கும் மேற்பட்ட லாரிகளை கைப்பற்றினர்.

வேலைநிறுத்தம்

அந்த லாரிகளை விடுவிக்கக்கோரி தென்சென்னை தண்ணீர் லாரி உரிமையாளர்கள் சங்கம் சார்பில் கடந்த 5-ந் தேதி வருவாய்த்துறையினருடன் பேச்சுவார்த்தை நடத்தினர். இதில் எந்த முடிவும் ஏற்படாததால் 6-ந் தேதி முதல் தண்ணீர் லாரி உரிமையாளர்கள் சங்கத்தினர் வேலைநிறுத்த போராட்டத்தில் ஈடுபட்டனர்.

இதனால் ஆயிரத்துக்கும் மேற்பட்ட லாரிகள் சிறுசேரி முதல் செம்மஞ்சேரி வரை சர்வீஸ் சாலையில் வரிசையாக நிறுத்திவைக்கப்பட்டுள்ளன. தண்ணீர் லாரி உரிமையாளர்கள் போராட்டத்தால் சென்னை புறநகர் பகுதி, பழைய மாமல்லபுரம் சாலையில் உள்ள 50-க்கும் மேற்பட்ட கம்ப்யூட்டர் நிறுவனங்கள் மட்டுமின்றி 2 லட்சத்துக்கும் மேற்பட்ட அடுக்குமாடி குடியிருப்புகளில் வசிக்கும் மக்கள் தண்ணீர் இல்லாமல் பாதிக்கப்பட்டுள்ளனர்.

முடிவுகாண வேண்டும்

3-வது நாளாக தொடரும் இந்த போராட்டத்தால் தண்ணீர் இல்லாமல் கம்ப்யூட்டர் நிறுவனங்களை மூடும் சூழ்நிலை ஏற்பட்டு உள்ளது. அடுக்குமாடி குடியிருப்புகளில் வசிப்பவர்கள் தண்ணீர் கிடைக்காமல் திண்டாடி வருகின்றனர். பேராட்டத்தில் ஈடுபட்டுள்ள தண்ணீர் லாரி உரிமையாளர்களிடம் அதிகாரிகள் யாரும் பேச்சுவார்த்தை நடத்தவில்லை என்று கூறப்படுகிறது.

இந்த போராட்டம் தொடர்ந்தால் சென்னை புறநகர் பகுதி மக்கள் கடுமையாக பாதிக்கப்படுவதுடன், கம்ப்யூட்டர் நிறுவனங்களும் பெரும் பாதிப்புக்குள்ளாகும் என தெரிகிறது. எனவே உடனடியாக இதற்கு ஒரு தீர்வுகாண நடவடிக்கை எடுக்க வேண்டுமென அந்த பகுதியினர் எதிர்பார்க்கின்றனர்.

Trapped in debt, professor lands in Lucknow jail

Money lender transfers promissory notes to gang in U.P.

A senior professor of Madras Medical College has reportedly been languishing in a Lucknow jail for the past 13 days after he borrowed Rs. 20 lakh from a local money lender in Chennai on ‘kanduvatti’ (usurious rate of interest). M. Sudheer (57), a resident of TTK Salai, Alwarpet, is a professor of Orthopaedics at the Institute of Orthopaedics and Traumatology. Doctors’ associations in the State have demanded a fair investigation by an independent agency, such as the CBI or the CB-CID, to get him released.

In 2011, Dr. Sudheer reportedly borrowed Rs. 20 lakh from a money lender, M. Kamaraj of Purasawalkam, to meet the expenses towards his children’s education and for building a house. He gave blank cheques and promissory notes to the money lender.

The money was borrowed at an interest rate of 5% per month. Dr. Sudheer paid the interest till 2013. During 2014-2016, he remitted Rs. 80,000 as interest every month to the bank account of the money lender. He also paid Rs. 1.20 lakh in cash towards the principal every month. However, the lender allegedly prepared false documentation claiming the professor had borrowed Rs. 40 lakh and demanded that he pay up the amount.

Last May, the professor lodged a police complaint at the Teynampet police station against the money lender, alleging that he had threatened him and his family members. The case was forwarded by a Metropolitan Magistrate Court for investigation on December 15.

Notes manipulated

Meanwhile, Dr. Sudheer’s family claimed Kamaraj transferred the blank cheques and promissory notes to a gang in Lucknow. The members — Sarfroz, Piyush and Sachin Tandon — manipulated the promissory notes and blank cheques and filed a false case against Dr. Sudheer in the Aliganj police station, Lucknow.

The complainant, Sarfroz, claimed that the professor had taken Rs. 1 crore for securing permission to start a medical college, but failed to repay the amount.

The Uttar Pradesh police obtained a warrant and arrested Dr. Sudheer in the city on February 24. He was produced before the Magistrate Court at Saidapet which granted a transit remand.

A police party reportedly took him to Lucknow in a flight and proceeded first to Sarfroz’s house.

The gang members in Lucknow had been repeatedly threatening the family to pay up Rs. 40 lakh since then. However, when the family was not able to meet their demand, Dr. Sudheer was taken to a police station and then lodged in a Lucknow jail.

Dr. Sudheer’s wife K. Gayathri Devi took up the issue with State Home Secretary Niranjan Mardi, requesting him to take steps to ensure that the due legal procedure is followed and sought the release of her husband.

Exemption only to those who have applied: HC

Sureshkumar

CHENNAI MARCH 08, 2017 00:00 IST

UPDATED: MARCH 08, 2017 04:12 IST

Says no further interim order need to be passed

The First Bench of the Madras High Court on Tuesday clarified that its interim order dated February 27, granting exemption to students of linguistic minority schools from taking compulsory Tamil language paper in the Class X board examinations for the current academic year, will apply only to the students who have sought such exemption.

Making it clear that the court cannot help the students or the institutions, who have not yet applied to the authorities concerned, seeking such exemption, the Bench of Acting Chief Justice Huluvadi G. Ramesh and M. Sundar said, “We make it clear that the authorities would exercise discretion and consider the applications filed after February 27, in accordance with law and take a decision whether or not to grant exemption.”

The counsels for the minority institutions pleaded with the court to grant a blanket order exempting all the students, irrespective of whether or not they have made applications, seeking exemption from taking the Tamil language paper.

However, the Bench said, “The interim order passed on February 27 has taken adequate care of the anxieties and apprehensions that were expressed. Such apprehensions have also been put to rest as 2,939 students have already been granted exemption through the government order issued by the School Education Department dated March 3. No further interim order need to be passed in these petitions.”

Contempt of court

Noting that the validity of the Tamil Nadu Tamil Learning Act-2006, which mandates taking Tamil language paper in the board examination, has already been upheld by the Supreme Court, the Bench added that any further dilution of the Act would amount to contempt of the Apex Court’s findings by this court.

The Bench then directed the registry to post the petitions in the usual course for further hearing.

In 2016, the High Court granted similar relief to over 4,000 students of such intuitions. .

Certain schools run by the Central government like Navodaya Vidyalaya, Sainik schools and Kendriya Vidyalayas were given exemption.

The government showed little interest in framing Rules to implement the Act and after six years after the Act came into force rules were framed.

Assailing the decision, over from 350 minority educational institutions, including Muslim educational institutions approached the high court for relief.

Authorities, in accordance with law, will decide on who gets exemption

Madras High Court Bench

Key posts remain vacant in Health department

Several important positions are held as in-charge

Several key posts in Health department have remained vacant or held as in-charge for many months. These include the post of the Director of Medical Education (DME), Director of Medical and Rural Services (DMS) and Deans of medical colleges.

The posts have been held by doctors as in-charge posts. The DMS post, vacant for over a year, is being held as in-charge by K. Senguttuvan, but the post of Additional DMS for rural service has been vacant for almost a year.

An official in a district headquarters hospital said ever since the former Chief Minister Jayalalithaa was hospitalised routine administrative work had been neglected.

In Chennai, three of the four medical colleges do not have a dean.

The post has been vacant since November in Madras Medical College, Stanley Medical College and the Omandurar Medical College.

Professional administrator

The government has installed the heads of various departments as in-charge. But doctors say the hospitals attached to medical colleges need a professional administrator.

The Kilpauk Medical College has a dean, but he is also in-charge of the Directorate of Medical Education and officiates as the Dean of Omandurar Medical College.

“An in-charge dean is only a temporary head and there is always uncertainty. Besides, in-charge heads are already heads of their units in another department and have to manage work load in their department. Whereas a permanent dean will be completely involved only in administrative work,” explained a doctor.

Usually, the post of deans for Chennai hospitals/colleges is allotted to senior-most doctors. “The GHs in the city are large with multiple problems, so the senior-most doctors are appointed. But, as most of these doctors get the posting at the end of their career, sometimes they are in the hospital for as little as six months. So the hospitals do not benefit from their experience,” a doctor pointed out.

Tamil Nadu Government Doctors Association President K. Senthil said: “The key posts of deans, additional deans, DMS and DME are essential to effectively run the directorates.

The post of DMS has been vacant for over a year and the post of ADMS has been vacant for almost a year.”

‘Orders on the way’

R. Narayana Babu, in-charge DME, said the government was aware of the issue and that within a week the deans would be appointed. “It is in the stage of issuing government orders confirming the postings. The deans would be posted from other districts,” he said.

×

குருவாயூர் விரைவு ரயில் முன்பதிவுப் பெட்டிகளில் இருக்கை எண்கள் இல்லாததால் பயணிகள் அவதி

By DIN  |   Published on : 08th March 2017 04:21 AM  |    

சென்னை எழும்பூரில் இருந்து குருவாயூர் செல்லும் விரைவு ரயிலின் முன்பதிவு இருக்கை வசதி பெட்டிகளில் எண்கள் இல்லாததால் பயணிகள் குழப்பத்துக்கும் அவதிக்கும் ஆளாகின்றனர்.
குருவாயூர் விரைவு தினசரி சென்னை எழும்பூரில் இருந்து இயக்கப்படுகிறது. முதலில் இந்த ரயில் கேரளத் தலைநகரான திருவனந்தபுரத்துக்கும் குருவாயூருக்கும் இடையே இயக்கப்பட்டது.
பின்னர் படிப்படியாக நாகர்கோவில், மதுரை, சென்னை எழும்பூர் வரை நீட்டிக்கப்பட்டது. கடந்த 2013- 2014 ஆம் ஆண்டுக்கான ரயில்வே நிதிநிலை அறிக்கையில் இந்த விரைவு ரயிலின் இணைப்பாக மதுரை-தூத்துக்குடி இடையே இணைப்பு ரயில் இயக்கப்படும் என்று அறிவிக்கப்பட்டது.
இதனைத் தொடர்ந்து, தமிழகத்தின் முக்கிய நகரங்களை கேரளத்தின் திருவனந்தபுரம், கொச்சி ஆகிய நகரங்களோடு இணைக்கிறது. இந்த ரயில் நாகர்கோவில், திருநெல்வேலி, மதுரை, திருச்சிராப்பள்ளி ஆகிய நகரங்களை பகல் நேரத்தில் சென்னையோடு இணைக்கிறது.
சென்னை எழும்பூரிலிருந்து காலை 8.15 மணிக்குப் புறப்பட்டு மறுநாள் காலை 5.50 மணிக்கு குருவாயூர் சென்றடைகிறது.
குழப்பமான வரிசை எண்கள்: குருவாயூர் விரைவு ரயிலில் முன்பதிவு இருக்கை வசதி கொண்ட பெட்டிகளும் உள்ளன. இந்தப் பெட்டிகளில் இருக்கை எண்கள் இல்லாமலும், வரிசை எண்கள் அழிக்கப்பட்டும் இருக்கிறது. இதன் காரணமாக பயணிகள் தங்களது முன்பதிவு செய்யப்பட்ட இருக்கையைக் கண்டுபிடித்து உட்காருவதற்குள் அவதிக்குள்ளாகின்றனர். அதிலும், ரயிலில் வரும் முதியவர்கள் தங்களது இருக்கையைத் தேடுவதற்குள் ரயில் தாம்பரத்தைத் தாண்டிவிடுகிறது. ரயில் பயண்ச் சீட்டு பரிசோதகரும் செங்கல்பட்டு ரயில் நிலையம் வந்த பின்தான் சோதனைக்கே வருகிறார். அதற்குள் முன்பதிவுப் பெட்டியில் பயணிகளிடையே பெரும் கூச்சலும் குழப்பமும் ஏற்படுகிறது. எனவே, சரியான விவரங்களுடன் கூடிய வரிசை எண்களை இருக்கைகளில் வைக்க வேண்டும் என பயணிகள் கோரிக்கை விடுத்துள்ளனர்.
குருவாயூர் விரைவு ரயிலில் அனைத்துப் பெட்டிகளும் "பயோ டாய்லெட்' வசதி கொண்டதாக மாற்றப்பட்டுள்ளது. ஆனால், அவற்றை சரியாகப் பராமரிக்காததால் துர்நாற்றம் வீசுவதாகவும் பயணிகள் புகார் தெரிவிக்கின்றனர்.
இது குறித்து தெற்கு ரயில்வே உயர் அதிகாரி கூறியது: புதிய பெட்டிகள் குருவாயூர் விரைவு ரயிலில் இணைக்கப்பட்டதால் இத்தகைய தவறு நேர்ந்துள்ளது. விரைவில் இந்தத் தவறுகள் சரி செய்யப்படும் என்றார் அவர்.

பழுதடைந்துள்ள ஸ்கேனர் கருவி !

எழும்பூர் ரயில் நிலையத்துக்கு வரும் வாகனங்களை முழுமையாகச் சோதனை செய்வதற்கு, அங்குள்ள நுழைவு வாயில் தரைப் பகுதியில் அதிநவீன ஸ்கேனர் கருவிகள் இரண்டு ஆண்டுகளுக்கு முன்பு பொருத்தப்பட்டன.
ஆனால் இந்த ஸ்கேனர் கருவிகள் பராமரிக்கப்படாமல், உடைந்து போய் இப்போது காட்சியளிக்கின்றன.
எழும்பூர் ரயில் நிலையத்தில் ஸ்கேனர் கருவி வைக்கப்பட்டதன் நோக்கம் வாகனங்கள் உள்ளே நுழையும்போது, முழுமையாக ஸ்கேன் செய்யப்பட்டு விடும். விமான நிலையங்கள், முக்கிய ரயில் நிலையங்களில் இந்த ஸ்கேனர் கருவிகள் ஏற்கெனவே அமைக்கப்பட்டுள்ளன. எழும்பூர் ரயில் நிலையத்துக்கு நாள் ஒன்றுக்கு 10 ஆயிரம் வாகனங்கள் வந்து செல்வது குறிப்பிடத்தக்கது.
எப்படி இயங்கும்?: எழும்பூர் ரயில் நிலையத்துக்குள் வாகனங்கள் நுழையும்போது தரையில் வைக்கப்பட்டுள்ள மூன்று சிசிடிவி கேமராக்களும் இயக்கப்படும்.
அவற்றில் ஒன்று ஓட்டுநரின் முகத்தையும் மற்றொன்று கார் பதிவு எண்ணையும் மூன்றாவது கேமரா காரின் அடிப்பகுதி முழுவதையும் ஸ்கேன் செய்யும்.
இவ்வாறு கார் ஸ்கேன் செய்யப்படுவதை, அதனுடன் இணைக்கப்பட்டுள்ள கம்ப்யூட்டர் திரை மூலம் ரயில்வே பாதுகாப்புப்படையினர் கண்காணிப்பர். இப்போது இந்தக் கருவி பழுதடைந்துள்ளதால் ரயில் நிலையத்தின் பாதுகாப்புக் கேள்விக்குறியாகியுள்ளது.

பிரபலமடையாத நல்ல திட்டம்

By க. பழனித்துரை  |   Published on : 07th March 2017 02:39 AM   

அண்மையில் ஒருநாள் அதிகாலை புறப்பட்டு நான் காரில் சென்னைக்கு சென்றுகொண்டிருந்தபோது காலை உணவிற்காக ஒரு ஹோட்டல் வாசலில் இறங்கினேன். அருகில் நிறுத்தப்பட்டிருந்த காரில் ஒருவர் இருந்தார். வெளியே கார் அருகில் அவரையே பார்த்தபடி ஒரு மூதாட்டி நின்றிருந்தார்.
காரில் இருந்தவர் சில மாத்திரைகளைக் கையில் எடுத்துக்கொண்டு பின் அவற்றை மொத்தமாக வாயில் போட்டு தண்ணீரை ஊற்றிக் குடித்துவிட்டு காரிலிருந்து உணவகத்திற்குப் புறப்பட்டார். அப்பொழுது தன் மணிபர்சிலிருந்து 50 ரூபாயை அந்த மூதாட்டியிடம் கொடுத்து ’நீ மாத்திரை வாங்கிக்கொள்' என்று கூறினார்.
அத்துடன் அவர் இன்னொரு செய்தியை அந்த மூதாட்டியிடம் கூறினார். ’பிரதம மந்திரியின் மக்கள் மருந்தகச் சேவைப்பிரிவு இங்கு எங்காவது இருக்கும் அங்கு சென்று மருந்துகளை வாங்கினால் மிகவும் குறைந்த விலையில் கிடைக்கும்' என்று கூறிவிட்டுப் புறப்பட்டார்.
நான் அந்த மூதாட்டி அருகில் சென்று ’உங்களுக்கு என்ன மாத்திரை வேண்டும்' என்று கேட்டேன். ’நான் ஒரு நீரிழிவு நோயாளி, எனக்கு அதற்கான மாத்திரை தேவை. அதனை வாங்குவதற்கு வழியில்லாமல்தான் இந்த இடத்தில் காரில் வருபவர்களிடம் எதாவது பணம் கிடைக்காதா என்று இங்கு வருகிறேன்' என்று கூறினார்.
அந்த மூதாட்டியின் நிலை என்னை ஏதோ செய்து கொண்டே இருந்தது. அடுத்த வாரத்திலேயே தில்லி செல்ல வேண்டியிருந்தது. அப்படி தில்லியில் இருந்தபோது என் நண்பர் ஒருவரைச் சந்திக்க தொலைபேசியில் தொடர்புகொண்டேன். அவர் நான் தங்கி இருந்த விருந்தினர் இல்லம் வந்தார்.
அவருடன் இன்னொரு நண்பரை அழைத்துவந்தார். அவரை என்னிடம் அறிமுகம் செய்து வைத்தார். அறிமுகத்திற்குப்பின் அவர் என்னிடம் ஒரு வேண்டுகோள் விடுத்தார். 2008-ஆம் ஆண்டு துவங்கப்பட்ட ஏழைகளுக்கான அற்புதமான மருந்தகத் திட்டம் இன்னும் அந்த ஏழைகளை எட்டிப்பார்க்கவே இல்லை. எவ்வளவோ முயற்சிகள் மேற்கொண்டும் எட்ட வேண்டிய இலக்கை நாங்கள் எட்டவில்லை என்று ஆதங்கப்பட்டு கூறினார்.
எனக்கு அப்போது நான் சந்தித்த மூதாட்டியின் முகம் என் கண்முன் வந்தது. அந்தக் கதையை அவரிடம் கூறினேன். உடனே அவர் ’இந்த மாதிரி ஏழைகளுக்குத்தான் இந்தத் திட்டம் உருவாக்கப்பட்டது' என்றார்.
இந்தத் திட்டம் ஆரம்பிக்கப்பட்டு பல ஆண்டுகள் செயல்படாமலே இருந்து, தற்போது புதிய வடிவம் பெற்றுள்ளதை விளக்கினார். இந்தத் திட்டத்தின் பெயர் பிரதம மந்திரியின் மக்கள் மருந்தக சேவை வளர்திட்டம்.
இதை மாநில அரசுகள் எல்லா மருத்துவமனைகளிலும் ஆரம்பித்து ஏழைகளுக்கு உதவலாம், அதேபோல் மருத்துவர்கள், தொண்டு நிறுவனங்கள், தன்னார்வலர்கள் என அனைவரும் இந்தத் திட்டத்தில் இணைந்து ஏழைகளின் துயர் துடைக்கப் பணி செய்யலாம்.
இதனை ஒரு சமூகச் சேவையாகச் செய்யலாம். அதே நேரத்தில் இதில் ஒரு வணிகமும் இருக்கின்றது. இந்த மக்கள் மருந்தகத்தை ஆரம்பித்து நடத்துபவர்களுக்கு 20%-லிருந்து 30%-வரை லாபம் கிடைக்கவும் வழிவகை செய்யப்பட்டுள்ளது.
இந்தத் திட்டத்தில் இணைந்து இந்த மக்கள் மருந்தகத்தை துவக்க எண்ணுபவர்களுக்கு ரூ.2.50 லட்சம் வரை அரசு நிதி உதவி அளிக்கின்றது. இதன் மூலமாக சேவையும் செய்யலாம், லாபமும் ஈட்டலாம்.
இந்த மருந்தகத்தில் 800 மருந்துகள் வரை இன்று விற்கப்பட்டு வருகிறது. இந்த ஆண்டு எல்லா மருந்தகங்களிலும் 1000 மருந்து வகைகள் கிடைக்கும் வகையில் ஏற்பாடுகள் செய்யப்பட்டு வருகின்றன. இதற்குத் தேவை ஒரு இடம், அதற்கான லைசென்ஸ் இவை இரண்டும்தாம். இருந்தால் உடனே மனுச் செய்து பெற்றுக்கொள்ளலாம்.
இந்தச் சேவையை விரிவுபடுத்த மத்திய அரசு ஒரு நிர்வாகக் கட்டமைப்பை ஏற்படுத்தியுள்ளது. அந்த நிர்வாகக் கட்டமைப்பை தனி நிறுவனமாகப் பதிவு செய்யப்பட்டு, மக்கள் மருந்தகங்கள் உருவாக்கப்பட்டு வருகின்றன. இந்தத் திட்டம் என்பது 2008-ஆம் ஆண்டே துவங்கப்பட்டது. எனினும் எந்தவித முன்னேற்றமும் ஏற்படவில்லை.
நரேந்திர மோடி அரசு பதவி ஏற்றவுடன் ஏழைகளுக்கான திட்டங்களை வடிவமைத்தபோது, கிடப்பில் போடப்பட்ட இந்தத் திட்டத்தை எடுத்து புதுப்பொலிவுடன் புதுப்பெயரிட்டு நாடு முழுவதும் இந்த மருந்தகங்களை உருவாக்கி ஏழைகள் பயன் அடைய முயன்று வருகின்றார்.
இன்று லட்சோப லட்சம் ஏழை எளிய மக்கள் மருத்துவச் செலவின் சுமையை தாங்க முடியாமல் பரிதவித்துக் கொண்டுள்ளனர். ஏனென்றால் மருந்துகளின் விலை என்பது கட்டுக்கடங்காமல் செல்லும் காலத்தில் இப்படியொரு திட்டம் என்பது ஏழைகளுக்குக் கிடைத்த வரப்பிரசாதம்.
இதனை எடுத்துச் சென்று மக்களுக்குச் சேவை செய்ய முன் வரும் எவருக்கும் உதவிட மத்திய அரசால் உருவாக்கப்பட்டுள்ள புதிய BPPI என்ற அமைப்பு தயாராக உள்ளது. இந்தத் திட்டம் மக்களுக்குச் செல்ல வேண்டும் என்று நாம் எண்ணினால், நாம் எந்த மருத்துவமனைக்குச் சென்றாலும் எங்கே மக்கள் மருந்தகம் என்று கேட்க வேண்டும்.
அந்த மருந்தகம் வந்தால் நாம் இன்று செலவழிக்கும் தொகையில் 80% பணத்தைச் சேமிக்கலாம். தமிழகத்திலுள்ள அனைத்து அரசு மருத்துவமனைகளிலும், தனியார் மருத்துவமனைகளிலும் இதை ஆரம்பிக்கலாம். எல்லா தொண்டு நிறுவனங்களும் இதை ஆரம்பித்து ஏழைகளுக்கு உதவலாம்.
இந்த ஏழைகளுக்கான மக்கள் மருந்தகத் திட்டத்தை மறைத்தே வைத்திருக்கின்றார்கள். முதலில் உடனே எல்லா அரசு மருத்துவமனைகளிலும் மக்கள் மருந்தகம் அமைக்க அரசை வற்புறுத்த வேண்டும். அப்போதுதான் ஏழைகளுக்கான இத் திட்டம் ஏழைகளை சென்றடையும்.

திருச்சியில் பழனிசாமி அரசு விழா : தூங்கி வழிந்த எம்.எல்.ஏ.,க்கள்

திருச்சி: திருச்சியில் நேற்று, முதல்வர் பழனிசாமி விழாவில், எம்.எல்.ஏ.,க்கள் துாங்கி வழிந்தனர்.திருச்சி, தஞ்சை, புதுக்கோட்டை உள்ளிட்ட, எட்டு மாவட்டங்களில், நலத்திட்ட பணிகள் துவக்க விழா நேற்று, திருச்சி அரசு மருத்துவ கல்லுாரி வளாகத்தில் நடந்தது.

 முதல்வர் பழனிசாமி, திட்டங்களை துவக்கி வைத்து, பயனாளிகளுக்கு நலத்திட்ட உதவிகள் வழங்கி பேசினார்.

வாசிக்க திணறல் : விழாவில், எழுதி வைத்து படித்த முதல்வர் பழனிசாமி, தமிழில் எழுதியிருந்ததை கூட படிக்க முடியாமல், வார்த்தைகள் உச்சரிப்பில் திணறினார். ஜெயலலிதாவின் சாதனைகளை குறிப்பிட்டு பேசும் போது, மேடையில் இருந்த அமைச்சர்கள் மட்டும் கைதட்டினர்.அறந்தாங்கி, மணப்பாறை எம்.எல்.ஏ.,க்கள் கண்ணயர்ந்தனர். அமைச்சர், ஓ.எஸ்.மணியன் துாக்கத்தை அடக்க முடியாமல், திண்டாடினார்.
மரியாதை இல்லை : முதல்வரை வரவேற்கும் வகையில், திருச்சியில் வைக்கப்பட்டிருந்த பேனர், போஸ்டர்களில், ஜெ., சசிகலா, தினகரன் படங்கள் பெரிதாக இடம் பெற்றிருந்தன. பழனிசாமி படம், போஸ்டரின் கீழே, போனால் போகிறது என்பது போல் போடப்பட்டிருந்தது.
கடும் பாதுகாப்பு : முதல்வருக்கு ஓ.பி.எஸ்., ஆதரவாளர்களோ, தீபா ஆதரவாளர்களோ கருப்புக் கொடி காட்டக்கூடும் அல்லது கருப்புச்சட்டையுடன் வந்து எதிர்ப்பு தெரிவிக்கக் கூடும் என, உளவுத்துறை போலீசார் எச்சரித்திருந்தனர்.எனவே, விழா நடந்த அரசு மருத்துவமனை மற்றும் மருத்துவ கல்லுாரி அருகே, பலத்த போலீஸ் பாதுகாப்பு போடப்பட்டிருந்தது. முதல்வர் விழா நடந்த அரங்கில், கருப்புச் சட்டை அணிந்து யாரும் உள்ளே அனுமதிக்கப்படவில்லை.

'அழிக்க முயற்சி' : திருச்சி வரும் வழியில், நாமக்கல்லில் கட்சியினர் மத்தியில் பழனிசாமி பேசியதாவது:ஜெயலலிதா எதிர்பாராத விதமாக இயற்கை எய்திவிட்டார். அவரது ஆட்சி தற்போது அமைந்துள்ளது. அவர் கொண்டு வந்த திட்டங்களை நிறைவேற்றி, நல்லாட்சி நடத்தப்படும். சில அரசியல்வாதிகள், இந்த இயக்கத்தில் பல்வேறு பொறுப்புகளை பெற்று வளம் பெற்றவர்கள், இந்த கட்சியையும், ஆட்சியையும் அகற்ற வேண்டும்; அழிக்க வேண்டும் என துடிக்கின்றனர். அதற்கு தக்க பாடம் புகட்ட வேண்டும்.இவ்வாறு அவர் பேசினார்.

ஆதார் எண் பெறாதவர்களும்
அரசின் சலுகைகளை பெறலாம்


NEW DELHI:'ஆதார் எண் பெறாத நபர்கள், அரசால் அங்கீகரிக்கப்பட்ட ஏதேனும் ஒரு அடையாள அட்டையை காண்பித்து, அரசின் நலத்திட்ட உதவிகள், சலுகைகளை பெறாலாம்' என, மத்திய அரசு தெரிவித்துள்ளது.





நாட்டில், ரேஷன் பொருட்கள், சமையல் காஸ் உள்ளிட்ட பலவற்றிற்கு மத்திய அரசு மானியம் வழங்குகிறது. இதே போல், பள்ளி கல்லுாரி களில் படிக்கும் மாணவர்களுக்கு அரசின் சார்பில் கல்வி உதவித் தொகை வழங்கப் படுகிறது. இது போல், பல்வேறு திட்டங்களின் கீழ், மானியங்களும், நலத்திட்ட உதவிகளும் வழங்கப்படுகின்றன.

தகுதியற்ற நபர்களுக்கு அரசின் சலுகைகள் போய் சேர்வதால், அரசு நிதி வீணடிக்கப்படுவ தாக குற்றச்சாட்டு எழுந்தது. இதையடுத்து, ஆதார் எண் அடிப்படையில், அரசின்


நலத்திட்டங்கள் மற்றும் மானியங்கள் வழங்க, மத்திய அரசு திட்டமிட்டது.

இதையடுத்து, ஆதார் பதிவுப் பணி விரைவுபடுத்தப் பட்டது. இதுவரை, 112 கோடிக்கும் மேற்பட்டோ ருக்கு ஆதார் எண் வழங்கப்பட்டுள்ளது.

இந்நிலையில், 'பள்ளி,கல்லுாரிகளில் பயிலும் மாணவர்கள், 'ஸ்காலர்ஷிப்' பெறவும், அங்கன்வாடி மையங்களில் குழந்தைகள் நலத்திட்டத்தின் கீழ் பயனாளிகள் பயன் பெறவும், ஆதார் எண் கட்டாயம்' என, மத்திய மனிதவள மேம்பாட்டு அமைச்சகம் உத்தரவிட்டது. அமைச்சகத்தின் இந்த உத்தரவுக்கு, எதிர்க்கட்சிகள் கடும் கண்டனம் தெரிவித்தன. 'நாட்டில் உள்ள அனைவருக்கும் ஆதார் எண் வழங்கப்படாத நிலையில், மத்திய அரசு இதுபோன்ற அறிவிப்பு களை வெளியிடுவது நியாயமற்றது' என, எதிர்ப்பு தெரிவிக்கப்பட்டது.

இதையடுத்து, மத்திய அரசு வெளியிட்டுள்ள அறிவிப்பில் கூறப்படுள்ளதாவது:

நாட்டில் இதுவரை, 112கோடிக்கும் மேற்பட்டோ ருக்கு ஆதார் எண் வழங்கப்பட்டுள்ளது. இன்னும் ஆதார் எண் பெற, பதிவு செய்யாத நபர்களுக்காக சிறப்பு முகாம்கள் நடத்தப்படுகின்றன. அனைத்து மாவட்டங்களிலும், நிரந்தர ஆதார் பதிவு மையங் களும் செயல்படுகின்றன. ஆதார் எண் அடிப்படை யில், அரசின் நலத்திட்ட உதவிகள், மானியங்கள்

வழங்கப்பட்டதன் மூலம், தவறான நபர்களுக்கு மானியம் செல்வது தடுக்கப்பட்டுள்ளது. இதன் மூலம், இரண்டரை ஆண்டுகளில், மத்திய அரசுக்கு, 49 ஆயிரம் கோடி ரூபாய் மிச்சமாகியுள்ளது.

ஆதார் எண் பெறாத நபர்கள், அரசால் அங்கீகரிக்கப்பட்ட ஏதேனும் ஒரு அடையாள அட்டையை காண்பித்து, அரசின் நலத்திட்ட உதவிகளை பெறலாம். நாட்டின் அனைத்து மக்களுக்கும் ஆதார் எண் வழங்கப்படும் வரை, இந்த நடைமுறை தொடரும். அதுவரை, ஆதார் எண் இல்லை என்ற காரணத்திற்காக யாருக்கும் அரசின் சலுகைகள் மறுக்கப் படாது.இவ்வாறு அந்த அறிவிப்பில் தெரிவிக்கப்பட்டுள்ளது.

100 வயதில் ஆச்சரியப்படுத்தும் பாட்டி

மதுரை: உலக மகளிர் தினத்தை, பல விதங்களில் கொண்டாடுவோர், விதவிதமான வாழ்த்துகளை பகிர்ந்து கொள்ளும் நிலையில், 100 வயது பாட்டி லட்சுமி அம்மாள், அன்றாட நிகழ்வுகளை, நமது நாளிதழில் படித்து, விவாதித்து மற்றவர்களை ஆச்சரியப்படுத்துகிறார். மதுரை, சத்யசாய் நகரில் வசிக்கும் இவர்,

 1917ல் கடலுாரில் பிறந்தார். அப்பா சீனிவாச ஐயர். இவருடன் பிறந்தவர்கள், ஒன்பது பேர். 'ராலிஸ் இந்தியா' நிறுவனத்தில், உயர் பொறுப்பில் இவரது அப்பா பணிபுரிந்துள்ளார். அதனால், பல மாநிலங்களுக்கும், அவரோடு பயணப்பட்டுள்ளார்.ஆந்திராவில் கடப்பா, விஜயவாடா, கர்னுால் என, பல ஊர்களில் படித்தாலும், விருத்தாசலத்தில், ஐந்தாம் வகுப்போடு, கல்விக்கு முற்றுப்புள்ளி வைத்துள்ளார். இவருக்கு, 10 வயதில் திருமணம்; கணவர் ராஜாராமையர், மாயவரத்தில் பெட்ரோல் பங்க் நடத்தி வந்தார். இப்போது, லட்சுமி அம்மாள், தன் தம்பி மகன் சுவாமிநாதனுடன், சத்யசாய் நகரில் வசித்து வருகிறார்.தினமும், நமது நாளிதழை வரி விடாமல் படிக்கும் இவர், தற்போதைய அரசியல் களத்தை விளாசி தள்ளுகிறார். துல்லியமாக காது கேட்கவில்லை. எந்த கேள்வியை எழுதிக் கொடுத்தாலும், பதில் அளிக்கிறார்.
இனி அவரே பேசுகிறார்....

வீட்டில் சுவாமிநாதனுடனும், அவரது மனைவி பானுமதியுடன் தான் விவாதிப்பேன். தினமலர் நாளிதழில் ஆன்மிக மலர், சிறுவர் மலர், வார மலர் என அத்தனை இணைப்புகளையும் படிப்பேன். ராமானுஜரைப் பற்றிய பொலிக... பொலிக... கட்டுரை அருமையாக உள்ளது. சின்ன வயதில், அப்பாவுடன் பல ஊர்களுக்கு பயணித்ததால் அன்றாட நிகழ்வுகளை, மாறுதல்களை அறியும் வாய்ப்பு கிடைத்தது. இது, புத்தக வாசிப்பு பழக்கத்தை ஏற்படுத்தியது. இப்போது, வயதான நிலையிலும், என் அன்றாட பணிகளை நானே செய்கிறேன். யார் எங்கே இருந்தாலும், சவுக்கியமா இருக்கணும் என்பது தான் என் பிரார்த்தனை, ஆசீர்வாதம்.இவ்வாறு அவர் கூறினார். 

வாழ்த்த, 94433 43493ல் அழைக்கலாம்.

15 நிமிடத்தில் 'எம்பாமிங்' செய்ய முடியாது! : ஜெ., மரணத்தில் மருத்துவ கவுன்சில் தகவல்

சென்னை: ''ஜெ., உடலை, 15 நிமிடத்தில, 'எம்பாமிங்' செய்வது என்பது சாத்தியமல்ல,'' என, தமிழ்நாடு மருத்துவ கவுன்சில் தலைவர் செந்தில் கூறினார்.

அவர் அளித்த பேட்டி: மறைந்த முதல்வர் ஜெயலலிதா, நீர்ச்சத்து, காய்ச்சல் காரணமாக அனுமதிக்கப்பட்டு, பின் வேறு நோய்கள் இருப்பதாக கூறுவதில் தவறில்லை. அவருக்கு அளிக்கப்பட்ட சிகிச்சையில் சந்தேகமிருந்தால், நீதிமன்றத்தில் வழக்கு தொடர்ந்து, தெளிவு பெற வேண்டும். மக்கள் மத்தியில், தவறான வதந்திகளை பரப்ப வேண்டாம். ஜெயலலிதா உறவினர்கள் யாரும், அவரது இறப்புக்கான காரணம் குறித்து, மருத்துவ கவுன்சிலில், எந்த புகாரும் அளிக்கவில்லை.அவருக்கு அளிக்கப்பட்ட, சிகிச்சை முறை குறித்து, உள்துறை மற்றும் சுகாதார துறைக்கு அறிக்கை கொடுக்கப்பட்டுள்ளது. முதல்வரின் சிகிச்சை குறித்து தெரிவிப்பது அரசின் கடமை. இறந்த உடலை பதப்படுத்த, சில மணி நேரங்களாகும் நிலையில், 15 நிமிடத்தில், 'எம்பாமிங்' செய்வதற்கு சாத்தியம் குறைவு. இதுதொடர்பான முழுமையான விளக்கங்களை, அத்துறை நிபுணர்களிடம் தான் கேட்க வேண்டும்.இவ்வாறு அவர் கூறினார்.

இந்திய மருத்துவ சங்கத்தின் மாநில தலைவர் ரவிசங்கர் கூறியதாவது:ஜெயலலிதாவுக்கு முறையான சிகிச்சை அளிக்கப்பட்டது. துரதிருஷ்டவசமாக, அவர் உயிரிழந்து விட்டார். ஜெயலலிதாவுக்கு, 31 டாக்டர்கள் சிகிச்சை அளித்தனர். அவருக்கு அளிக்கப்பட்ட சிகிச்சையில், எந்த தவறும் இல்லை. ஜெயலலிதாவுக்கு அளிக்கப்பட்ட சிகிச்சை குறித்து, தகவல் அறியும் சட்டம் மூலம் கேட்டாலும், பதிலளிக்க வேண்டிய அவசியமில்லை.ஜெயலலிதாவுக்கு மாரடைப்பு ஏற்பட்ட, டிச., 4ம் தேதிக்கு பின், அவரது உடல் பதப்படுத்தும் பணிகளுக்கு ஏற்பாடு செய்யப்பட்டு இருக்கலாம். அதனால், 'எம்பாமிங்' செய்ய, 15 நிமிடம் போதுமானதாக அமைந்தது. மாரடைப்பு ஏற்பட்ட பின், செலுத்தப்பட்ட 'எக்மோ' சிகிச்சை கருவி, தமிழக அரசிடம் தெரிவித்த பின், அகற்றப்பட்டு இருக்க வாய்ப்பு உள்ளது.இவ்வாறு அவர் கூறினார்.

எச்1 பி' விசா பிரச்னைக்கு விரைவில் தீர்வு: ரவிசங்கர் பிரசாத்

புதுடில்லி: அமெரிக்க அரசின் 'எச்1 பி' விசா பிரச்னைக்கு விரைவில் தீர்வு கிடைக்கும் என மத்திய அமைச்சர் ரவிசங்கர் பிரசாத் நம்பிக்கை தெரிவித்தார்.

விரைவில் தீர்வு:

இதுகுறித்து மத்திய சட்டத் துறை மற்றும் தகவல் தொழில்நுட்பதுறை அமைச்சர் ரவிசங்கர் பிரசாத் தெரிவித்ததாவது: 'எச்1 பி' விசா நடைமுறையில், அமெரிக்க அரசின் புதிய கெடுபிடிகளால், இந்திய பொறியாளர்கள் கவலை அடைந்துள்ளனர். பெரும்பாலான அமெரிக்க நிறுவனங்களில், திறமைவாய்ந்த இந்திய இளைஞர்கள் பணியாற்றுகின்றனர். அமெரிக்க அரசின் திடீர் நடவடிக்கையால், ஐ.டி., ஊழியர்களுக்கு ஏற்பட்டுள்ள சிக்கல் குறித்து, அந்நாட்டு அரசுக்கு தெரியப்படுத்தியுள்ளோம;. விரைவில், இப்பிரச்னைக்கு தீர்வு காணப்படும். இவ்வாறு அவர் தெரிவித்தார்.

ஆசிய பசிபிக் நாடுகளில் அதிக அளவு லஞ்சம் கொடுக்கும் நாடுகளில் முதலிடத்தை இந்தியா பெற்றுள்ளது.

மார்ச் 07, 03:47 PM

புதுடெல்லி

ஆசிய பசிபிக் நாடுகளில் அதிக அளவு லஞ்சம் கொடுக்கும் நாடுகளில் முதலிடத்தை இந்தியா பெற்றுள்ளது. இந்தியாவில் 3க்கு 2 பேர் டீ சாப்பிட வைத்துக்கொள் அல்லது  பிறவடிவங்களில் பொது சேவைகளை பெற லஞ்சம் கொடுப்பதாக கணக்கெடுப்பில் தெரியவந்து உள்ளது.

இந்த் கணக்கெடுப்பை சர்வதேச வெளிப்படைத்தன்மை சர்வதேச  ஊழ எதிர்ப்பு குழுக்கள் நடத்தியது. இதில் 69 சதவீதம் பேர்  லஞ்சம் வழங்குவதாக தெரிவித்து உள்ளனர்.தொடர்ந்து வியட்னால் 65 சதவீதம் பேரும், பாகிஸ்தானில் 40 சதவீதம் பேரும், சீனாவில் குறைந்த அளவாக 26 சதவீதம் பேரும் லஞ்சம் வழங்குவதாக தெரிவித்து உள்ளனர்.ஜப்பானில்  மிக குறைந்த அளவாக 0.2 சதவீதத்தினர் மட்டுமே லஞ்சம்  வழங்குவதாக தெரிவித்து உள்ளனர்.  தென் கொரியாவில்  3 சதவீதம் பேரும் தெரிவித்து உள்ளனர்.

கடந்த முறை 41 சதவீதம் பேர் லஞ்சம் கொடுப்பதாக தெரிவித்து 7 வது இடத்தில் இந்தியா இருந்தது. தற்போது பாகிஸ்தான்,ஆஸ்திரேலியா,ஜப்பான், மியான்மர், இலங்கை நாடுகளை விட அதிகரித்து விட்டது. 

ஆசிய பசிபிக் 16 நாடுகளில் 20 ஆயிரம் பேரிடம் இந்த கணக்கெடுப்பு நடத்தப்பட்டு உள்ளது.

பொது சேவைகளில் அதிக அளவு லஞ்சம் போலீஸ் துறையில் வாங்கபட்டதாக 36 சதவீதம் ஏழைகள் தெரிவித்து உள்ளனர்.அதிக அளவு பணம் லஞ்சம் வாங்குவது  வருவாய்துறையில் என தெரியவருகிறது.

போலீஸ் உள்பட பொது சேவை நிறுவனங்களுக்கு மக்கள் பணமாகவோ அல்லது பரிசு பொருளாகவோ அல்லது அவர்களுக்கு பிடித்த வகையிலோ கொடுத்து உள்ளனர்.

 நீதிபதிகள் அல்லது நீதிமன்ற அதிகாரிகள், ஆசிரியர்கள், மருத்துவமனை ஊழியர்கள், அரசு அதிகாரிகள், மற்றும் ஆவணங்கள் பெறும் அலுவலகங்களில் இந்த லஞ்சம் கொடுக்கபட்டு உள்ளது. என ஆய்வில் கூறபட்டு உள்ளது

---

செங்கல்பட்டு ரெயில் நிலையத்தில் ‘வை–பை’ வசதி ரெயில்வே பொதுமேலாளர் தொடங்கி வைத்தார்

மார்ச் 08, 03:30 AM

செங்கல்பட்டு,

தென்னக ரெயில்வே பொதுமேலாளர் வஷிஷ்ட ஜோரி செங்கல்பட்டு ரெயில் நிலையம் அருகே ஆய்வு பணியில் ஈடுபட்டார். பின்னர் ரெயில் நிலையத்தில் குடிநீர், கழிப்பறை, இருப்புபாதை வசதியில் உள்ள குறைபாடுகளை கேட்டறிந்த அவர் செங்கல்பட்டு ரெயில் நிலையத்தில் பயணிகளின் வசதிக்காக அமைக்கப்பட்டிருந்த ‘வை–பை’ வசதியை தொடங்கிவைத்தார். பின்னர் 2 குடியிருப்பு பகுதிகளையும் திறந்துவைத்தார்.

இதையடுத்து அவர் கூறியதாவது:–

ராட்டிணக்கிணறு அருகே உள்ள சுரங்கப்பாதை அமைக்கும் பணி தண்ணீர் வசதியில்லாமல் கிடப்பில் போடப்பட்டுள்ளது. அந்த பணி துரிதமாக நடைபெற நடவடிக்கைகள் மேற்கொள்ளப்படும். பாலாற்றில் இருந்து குடிநீர் கொண்டு வந்து அந்த தண்ணீரிலேயே ரெயில்களை கழுவுவதும் கழிப்பிடத்திற்கு பயன்படுத்துவது குறித்தும் பயணிகளிடம் இருந்து புகார்கள் வந்துள்ளன. அதனை தடுக்கும் பொருட்டு அருகில் உள்ள குளவாய் ஏரியில் ஆழ்துளை கிணறு அமைத்து அந்த தண்ணீரை கொண்டு இது போன்ற பணிகளுக்கு பயன்படுத்த திட்டமிடப்பட்டுள்ளது.

இவ்வாறு அவர் கூறினார்.