ரிசர்வ் வங்கி முன்னாள் ஆளுநரின் மகள் கிரிஜா

  தி இந்து 4 hrs ago

அரசின் புதிய தலைமைச் செயலராக நியமிக்கப்பட்டுள்ள கிரிஜா வைத்தியநாதன், 1959-ம் ஆண்டு ஜூலை 1-ம் தேதி சென்னையில் பிறந்தார். சென்னை ஐஐடியில் 1981-ம் ஆண்டு எம்எஸ்சி இயற் பியல் முடித்த இவர், 1981-ம் ஆண்டு குடிமைப்பணி தேர்வில் வெற்றி பெற்று, தமிழக பிரிவு ஐஏஎஸ் அதிகாரியானார். அந்த ஆண்டு குடிமைப்பணி தேர்வில் பெண்களில் முதலாவதாகவும், தேசிய அளவில் 9-வது இடத்தை யும் கிரிஜா வைத்தியநாதன் பிடித்தார்.

தமிழ், ஆங்கிலம், இந்தி மொழி கள் அறிந்தவர். பயிற்சி முடித்து 1983-ம் ஆண்டு தமிழகத்தில் சார் ஆட்சியராக திருவள்ளூர் மாவட்டத் தில் பணியில் இணைந்தார். அதன் பின் சைதாப்பேட்டை பகுதிக்கென நியமிக்கப்பட்ட சார் ஆட்சியராக பணியாற்றினார். 1985-ல் தமிழ் நாடு தொழில் முதலீட்டுக் கழக பொது மேலாளர், 1986-ல் சுகா தாரத்துறையில் ஒருங்கிணைந்த ஊட்டச்சத்து திட்ட ஒருங்கிணைப் பாளர், 1989-ல் தமிழ்நாடு உணவுப்பொருள் வழங்கல் துறை இணை மேலாண் இயக்குநராக பணியாற்றினார்.

அதன்பின், 1991-ல் இந்திய மக்கள்தொகை திட்டத்தில் பணியாற்றிய அவர், அதே ஆண்டு ஜூலையில் மதுரை மாவட்ட ஆட்சியராக நியமிக்கப்பட்டார். தொடர்ந்து, 1992-ல் கலை மற்றும் பண்பாட்டு இயக்குநர், நிதித்துறை கூடுதல் செயலாளர், 1995-ல் செய் தித்துறை கூடுதல் செய லாளர், 1996-ல் சர்க்கரைத்துறை ஆணையர் என பல பதவிகளை வகித்தார்.

அதன்பின் செயலாளர் அந்தஸ் தில் பதவி உயர்வு பெற்று 1999-ம் ஆண்டு நிதித்துறை சிறப்புச் செயலாளரானார். 2001-ம் ஆண்டு வனம் மற்றும் சுற்றுச்சூழல் துறை, 2002-ல் சுகாதாரத்துறை, 2005-ல் கல்வித்துறை, 2006-ல் பணியாளர் நலன் மற்றும் நிர்வாக சீர்திருத்தத்துறை செயலாளர் பொறுப்புகளையும் அதே ஆண்டில் மாநில திட்டக்கமிஷன் உறுப்பினர் - செயலர் , 2008-ம் ஆண்டு தாய் - சேய் திட்ட சிறப்பு ஆணையர் ஆகிய பதவி களையும் கிரிஜா வைத்தியநாதன் வகித்தார்.

அந்தஸ்து உயர்வு

2011-ம் ஆண்டு முதன்மைச் செய லாளர் அந்தஸ்துக்கு உயர்த்தப் பட்ட கிரிஜா, சுகாதாரத்துறை செயலாளராக நியமிக்கப்பட்டார். அதன்பின், 2012-ம் ஆண்டு தமிழ் நாடு மின்விசை நிதி மற்றும் கட் டமைப்பு வளர்ச்சி கழகம் (பவர்ஃபின்) தலைவராக இருந் தார். இதைத் தொடர்ந்து, கடந்த 2013-ம் ஆண்டு மே 22-ம் தேதி நில நிர்வாக ஆணையராக நியமிக் கப்பட்டார். 2014-ம் ஆண்டு அவ ருக்கு கூடுதல் தலைமைச் செயலா ளர் அந்தஸ்து அளிக்கப்பட்டு அதே பணியில் தொடர்ந்தார்.

2019 வரை

இதையடுத்து, தற்போது அவர் தமிழக அரசின் தலை மைச் செயலாளராக நியமிக்கப்பட் டுள்ளார். கிரிஜா வைத்தியநாதன் 2019-ம் ஆண்டு ஜூன் 1-ம் தேதி வரை பணியில் இருப்பார்.

குடும்ப பின்னணி

கிரிஜா வைத்தியநாதனின் தந்தை வெங்கட்ராமன், மத்திய அர சில் நீண்டகாலம் பணியாற்றியவர். இந்திய ரிசர்வ் வங்கியின் ஆளுநராகவும் இருந்தார். இவரது கணவர் வைத்தியநாதன், நடிகர் எஸ்.வி.சேகரின் சகோதரராவார். கிரிஜா வைத்தியநாதனுக்கு ஒரு மகன், ஒரு மகள் உள்ளனர். மகன் ஐஐடியில் படிப்பு முடித்து வெளிநாட்டில் உள்ளார். மகள் மருத்துவராக உள்ளார். கிரிஜா வைத்தியநாதன், தான் படித்த சென்னை ஐஐடியில் 2011-ம் ஆண்டு சுகாதார பொருளாதாரத்தில் முனைவர் பட்டம் பெற்றுள்ளார்.

மூத்த ஐஏஎஸ் அதிகாரி

தமிழகத்தை பொறுத்தவரை தற்போது 279 ஐஏஎஸ் அதிகாரிகள் உள்ளனர். இவர்களில் 2-வது இடத்தில் இருப்பவர் கிரிஜா வைத்தியநாதன். முதலிடத்தில் இருப்பவர் மத்திய பொருளாதார விவகாரங்கள் துறை செயலாளரான சக்தி காந்ததாஸ். 1980-ம் ஆண்டு தமிழக பிரிவு அதிகாரியான அவர், விரைவில் ஓய்வு பெற உள்ளார்.

முன்னதாக, ராமமோகன ராவை தமிழக தலைமைச் செயலாளராக நியமித்தபோது, அவர் தமிழக ஐஏஎஸ் அதிகாரிகள் பட்டியலில் 19-வது இடத்தில் இருந்தார் என்பது குறிப்பிடத்தக்கது. தமிழகத்தில் தற்போதுள்ள 22 கூடுதல் தலைமைச் செயலாளர் அந்தஸ்து பெற்ற அதிகாரிகளில் 9 பேர் மத்திய அரசுப் பணியில் உள்ளனர். முன்னாள் தலைமைச் செயலர் கு.ஞானதேசிகன் இடை நீக்கத்தில் உள்ளார். தற்போது வருமான வரித்துறை சோதனை யில் சிக்கியுள்ள ராமமோகன ராவும் காத்திருப்போர் பட்டியலில் உள்ளார்.

தலைமைச் செயலாளருக்கான அதிகாரம் என்ன? அதிகாரங்கள், பொறுப்புகள்... ஓர் அலசல்!

  விகடன் 4 hrs ago

தமிழகத்தில் கடந்த ஒரு மாதமாகவே என்ன நடக்கிறது என்பதை யூகிக்க முடியவில்லை. ஒரு சம்பவத்தைப் பற்றி முழுமையாக அறியும் முன்பே அடுத்த அதிரடி சம்பவம் நடந்து விடுகிறது. முன்னாள் முதல்வர் ஜெயலலிதா இறந்தது, நள்ளிரவில் புதிய முதல்வர் பதவியேற்றது, ஒரே நாளில் அடக்கம் செய்யப்பட்டது, 'சின்ன அம்மா'-வைத் தலைமையேற்க அழைப்புவிடுவது எனத் தொடங்கி, அ.தி.மு.க பிரமுகர்களுக்கு நெருக்கமானவர்களின் வீடுகளில் வருமான வரித்துறையினர் ரெய்டு, தமிழக தலைமை செயலாளர் ராமமோகன ராவ் வீடு மற்றும் அலுவலகத்தில் அதிரடி சோதனை என்பதுவரை இன்னும் முடியாமல் தொடர்ந்து கொண்டிருக்கிறது. ஒரு பக்கம் 'பி.ஜே.பி தமிழகத்தைத் தன் கட்டுப்பாட்டில் வைத்திருக்க நடத்தும் நாடகம்தான் இவையெல்லாம்' என்கின்றனர்.

எது எப்படியோ ராமமோகன ராவ் சஸ்பெண்ட் செய்யப்பட்ட பின், அவருக்குப் பதிலாக, தற்போது புதிய தலைமைச் செயலாளராக கிரிஜா வைத்தியநாதன் நியமிக்கப்பட்டிருக்கிறார். பல ஆண்டுகள் அனுபவம்மிக்க ஐ.ஏ.எஸ் அதிகாரிகள்தான் தலைமைச் செயலாளராக நியமிக்கப்படுவார்கள். மாநிலத்தில் முதல்வருக்கு அடுத்த அதிகாரம் கொண்டவராக இவரே இருப்பார். அப்படிப்பட்ட தலைமைச் செயலாளருக்கு இருக்கும் பொறுப்புகள் கடமைகள் என்னென்ன என்பதை தெரிந்து கொள்ள வேண்டாமா? 

1. மாநில முதல்வருக்கு முதன்மை ஆலோசகராக இருப்பவர். அரசின் நிர்வாக விஷயங்களைச் செயல்படுத்துபவர். மாநிலத்தின் மேம்பாட்டுப் பணிகளையும் திட்டங்களையும் திட்டமிடுவதும் செயல்படுத்துவதும் தலைமைச் செயலாளரின் முக்கியப் பணி. 

2. அமைச்சரவைக் குழுவின் செயலாளரும் இவர்தான். அமைச்சரவைக் குழு கூட்டங்களைத் திட்டமிடுவதும், அந்தக் கூட்டத்தின் இடம் மற்றும் நிகழ்ச்சி நிரல்களைத் திட்டமிடுவதும் தலைமைச் செயலாளரின் பொறுப்பு. அரசு விவகாரங்கள் தொடர்பான அறிக்கைகள் மற்றும் ஆவணங்களை நிர்வகிக்கும் அதிகாரமும் இந்தப் பதவிக்கு உண்டு.

3. அரசின் கீழ் செயல்படும் அனைத்துத் துறைகளின் செயலாளர்களையும் கட்டுப்பாட்டுக்குள் வைத்திருப்பதும், அவர்களைக் கண்காணிக்கும் அதிகாரமும் இவருக்கு உண்டு. அதேபோல் அனைத்துத் துறைகளின் பணியாளர்களும் இவரது கட்டுப்பாட்டுக்கு உள்ளானவர்கள்.

4. குடிமையியல் பணி தொடர்பான விவகாரங்களும் இந்தப் பொறுப்பின் கீழ்தான் வரும். முக்கிய அரசு உயர் அதிகாரிகளின் நியமனங்கள் மற்றும் பணியிட மாற்றங்கள் ஆகியவற்றையும் தலைமைச்செயலாளரே பார்ப்பார். அரசுத் துறைகளுக்கு வெளியிடப்படும் அனைத்து அறிக்கைகளும், உத்தரவுகளும் தலைமைச் செயலாளர் பெயரில் வெளியிடப்படும். 

5. மண்டல அளவிலான மாநில அரசுகள் ஆணையத்திலும் மாநிலத்தின் சார்பாக அதன் தலைமைச்செயலாளரே பிரதிநிதியாக செயல்படுவார். 

6. தலைமைச் செயலகத்தின் நிர்வாகப் பணிகளைக் கட்டுப்பாட்டுக்குள் வைத்திருப்பதும், யார் யாருக்கு எந்த அறை? என்று ஒதுக்கீடு செய்வதற்கும் தலைமைச்செயலாளருக்கே அதிகாரம் உண்டு. 

7. மைய ஆவணக் காப்பகம், தலைமைச் செயலக நூலகம் ஆகியவற்றையும் நிர்வகிப்பார். தலைமைச் செயலகத்தில் உள்ள காவலாளிகளும் அவரது கட்டுப்பாட்டின் கீழ் இருப்பர். 

8. முக்கியமாக எமர்ஜென்சி அமல்படுத்தப்படும் சமயங்களில், மாநிலத்தின் முழுக் கட்டுப்பாடும் அவரின் கீழ்தான் இருக்கும். 

9. எந்தவொரு நெருக்கடி, அசாதாரண சூழ்நிலையிலும் அரசின் பக்கம் நின்று, அவசியமாக எடுக்க வேண்டிய முடிவுகளுக்கான ஆலோசனை தர வேண்டியது தலைமைச் செயலாளருடைய பொறுப்பு. 

10. அரசு தொடர்பான டெண்டர்கள், கான்ட்ராக்ட்டுகள், நிலம் கையகப்படுத்துதல் என அனைத்தும் தலைமைச் செயலாளரின் கீழ்தான் செயல்படும்.  

இவ்வளவு அதிகாரங்கள் தலைமைச் செயலாளருக்கு இருக்கின்றன. இவை அனைத்தையும் தவறாகப் பயன்படுத்தி இருக்கிறார் ராமமோகன ராவ். 

தமிழகத்தின் புதிய தலைமைச்செயலாளராக நியமிக்கப்பட்டுள்ள கிரிஜா வைத்தியநாதனுக்கு, கூடுதலாக ஊழல் கண்காணிப்பு ஆணையர் பதவியும் வழங்கப்பட்டுள்ளது. அவர் தனது பொறுப்புகளையும் கடமைகளையும் நேர்மையாகச் செய்ய வேண்டும் என்பதே தமிழக மக்களின் வேண்டுகோள்.  

- ஜெ.சரவணன்

கட்டு சோத்து பெருச்சாளிகளும், புதிய தலைமை செயலாளரும்!

  ஒன்இந்தியா 3 hrs ago

ஆர்.மணி

இந்திய ரிசர்வ் வங்கியின் முன்னாள் ஆளுநர் எஸ். வெங்கிடரமணனின் மகள் கிரிஜா வைத்தியநாதன்தான் தமிழக அரசின் புதிய தலைமைச் செயலாளர். வெங்கிடரமணன் ரிசர்வ் வங்கியின் ஆளுநராக டிசம்பர் 22, 1990 முதல் டிசம்பர் 21, 1992 வரையில் பணியாற்றியிருக்கிறார்.

இந்த காலகட்டம் இந்திய அரசியலில் மிகவும் முக்கியமானதோர் காலகட்டம். ராஜீவ் காந்தி படுகொலைக்குப் பிறகு பி.வி. நரசிம்மராவ் பிரதமராகவும் மன்மோஹன் சிங் நிதியமைச்சராகவும் பொறுப்பேற்றுக் கொண்ட காலகட்டம். பொருளாதார சீர்திருத்தங்கள் அமலாக தொடங்கிய நேரம். 1991 ல் நரசிம்மராவ் அரசு பொறுப்பேற்ற போது ஒரு வார காலம் மட்டுமே இந்தியாவுக்கு அந்நிய செலாவணி கையிருப்பு இருந்தது. அப்போதுதான் சர்வதேச செலவாணி நிதியத்திடம், (ஐஎம்எஃப்) இருந்தே கடன் வாங்கும் சூழலுக்கு இந்தியா தள்ளப் பட்டது. இதற்காக டாலருக்கு எதிரான இந்திய ரூபாயின் மதிப்பை இந்தியா குறைத்துக் கொள்ளும் (devaluation) நிலைக்குத் தள்ளப் பட்டது. சுதந்திர இந்தியாவின் வரலாற்றில் devaluation இரண்டு முறைதான் மேற்கொள்ளப் பட்டது. முதலில் 1967, பின்னர் 1991 ல் நிகழ்ந்தது. இந்த முக்கிய நிகழ்வின் போது ரிசர்வ் வங்கியின் ஆளுநராக இருந்தவர்தான் வெங்கிடரமணன்.

இவரது மகளான கிரிஜா வைத்தியநாதன் 1981 ம் ஆண்டு தமிழக பிரிவைச் சேர்ந்த ஐஏஎஸ் அதிகாரி. ஐஐடி யில் பி.டெக் பட்டம் பெற்றவர். பின்னர் 2012 ல் சென்னை ஐஐடியில் நலவாழ்வு பொருளாதாரத்தில் (Health Economics) பி.ஹெச்.டி பட்டம் பெற்றிருக்கிறார். பொது சுகாதாரம் தொடர்பாக பல ஆராய்ச்சிகளை மேற்கொண்டிருக்கிறார். சுவிட்சர்லாந்து, ஃபின்லாந்து, சீனா உள்ளிட்ட பல நாடுகளில் நடைபெற்ற கருத்தரங்கங்களில் ஆராய்ச்சி கட்டுரைகளை சமர்ப்பித்திருக்கிறார். 'அரசாங்கங்கள் செலவு செய்து உருவாக்கும் பொது சுகாதாரக் கொள்கைகள் மற்றும் அவற்றின் நடைமுறைகளின் பலன்கள் யாருக்குப் போய்ச் சேருகின்றன? ஏழைகளுக்கா அல்லது பணக்காரர்களுக்கா?' என்பதுதான் அவரது ஆராய்ச்சித் தலைப்பாக இருந்திருக்கிறது.

'ஐஏஎஸ் அதிகாரியாக இருந்து கொண்டே அவர் ஐஐடி யில் பொருளாதாரத்தில் டாக்டர் பட்டம் பெற்றார். அவருக்கு எப்போதுமே ஆராய்ச்சியில், குறிப்பாக சுகாதாரம் சம்மந்தமான விஷயங்களில் அரசாங்கங்களின் கொள்கை வகுப்பில் ஆக்கப் பூர்வமான தாக்கங்களை உருவாக்க வேண்டும் என்ற ஆர்வம் தொடர்ச்சியாகவும், வலுவாகவும் இருந்து வந்திருக்கிறது. இது போன்ற விஷயங்களில் தேசிய மற்றும் சர்வதேச அளவில் நிகழ்ந்து வரும் மாற்றங்களையும் அவர் உன்னிப்பாக கவனித்தே வந்திருக்கிறார்' என்று ஒன்இந்தியாவிடம் கூறினார், ஐஐடி யில் அவருடன் பி ஹெச்டி பயின்ற பொருளாதார நிபுணர் ஒருவர்.

முதலமைச்சரின் காப்பீட்டுத் திட்டம் உருவாக்கப் பட்டதில் இவருக்கு முக்கிய பங்கிருப்பதாகவும் கூறப்படுகிறது.

'ஆம். முதலமைச்சர் காப்பீட்டுத் திட்டத்தின் டிசைன் என்று சொல்லப்படும், வடிவமைப்பு, அதாவது எந்தெந்த வியாதிகளுக்கு எந்தெந்த மருத்துவமனைகளுக்கு நோயாளிகளை அனுப்புவது உள்ளிட்ட நடைமுறைகளை இவர்தான் உருவாக்கினார். சுகாதாரம் மற்றும் கல்வியில் அரசின் கொள்கை வகுப்பில் தொடர்ச்சியாக கருத்தாக்கங்களை கொடுத்துக் கொண்டிருப்பதுதான் (inputs) இவருக்குப் பிடித்தமான பணி,' என்று மேலும் கூறுகிறார் சென்னையைச் சேர்ந்த அந்த பொருளாதார நிபுணர்.

இவரது கணவர் ராஜா வைத்தியநாதன் ஐஐடி மற்றும் ஐஐஎம் கல்வி நிறுவனங்களில் பயின்றவர். 2007 ம் ஆண்டு காலகட்டத்தில் ரிலையன்ஸ் நிறுவனத்தில் தமிழக தலைமை அதிகாரியாக பணி புரிந்திருக்கிறார். தற்போது மைக்ரோ ஃபைனான்ஸ் நிறுவனம் ஒன்றினை நடத்தி வருகிறார். திருமணமான ஒரு டாக்டர் மகள் சென்னையில் இருக்கிறார். பிடெக் படித்த ஒரு மகன் ஹாங்காங்கில் பணியாற்றிக் கொண்டிருக்கிறார். ராஜா வைத்தியநாதன் திரைப்பட நடிகர் எஸ்வி சேகரின் சொந்த அண்ணன்.

இவை எல்லாம் ஒரு பக்கம் இருக்கட்டும். தற்போதுள்ள தமிழ் நாட்டின் அரசியல் மற்றும் நிர்வாகச் சூழலில் கிரிஜா வைத்தியநாதனால் என்ன சாதிக்க முடியும்? எப்படி செயல்பட முடியும்? என்பதுதான் முக்கியமான கேள்வி. ஏக இந்தியாவிலும் இல்லாத ஒரு வித்தியாசமான நிலைமை தமிழ் நாட்டு அரசு நிர்வாகத்தில் இருக்கிறது. அதுதான் அரசு ஆலோசகர் பதவி என்பது. எல்லா மாநிலங்களிலும் தலைமை செயலாளர்தான் தலைமை நிர்வாக அதிகாரி, அதனால்தான் அவர் சீஃப் செகரட்டரி. ஆனால் இந்த ஆலோசகரோ தலைமை செயலாளருக்கே உத்தரவு போடும் மேலதிகாரி. அதனால்தான் இவரை சூப்பர் சீஃப் செகரட்டரி என்றே அரசு அதிகாரிகள் வட்டாரங்களில் அழைக்கிறார்கள்.

ஜெயலலிதா 2011 ல் முதலமைச்சராக பொறுப்பேற்ற போது தொடங்கிய இந்த வியாதி இன்றளவும் தொடர்கிறது. முதலமைச்சருக்கும் ஒட்டு மொத்த அரசு நிர்வாகத்துக்கும் இடையிலான பாலமாக ஆலோசகர்தான் இருந்து கொண்டிருக்கிறார். தலைமை செயலாளரே இந்த ஆலோசகர் மூலம்தான் முதலமைச்சரை அணுக முடியும் என்பதுதான் ஜெ இருந்த வரையில் யதார்த்தம். தற்போது இந்த அமைப்பில் என்ன பெரிய மாற்றம் வரப்போகிறது என்று தெரியவில்லை. இந்தியாவின் வேறு சில மாநிலங்களிலும் ஆலோசகர் என்று ஒரு பதவி உண்டு. ஆனால் தமிழகத்துக்கும் அந்த மாநிலங்களுக்குமான பெரிய வித்தியாசம் ஒன்று உண்டு. அந்த மாநிலங்களின் ஆலோசகர்கள் வெறும் ஆலோசகர்கள் மட்டும்தான். அவர்கள் தலைமை செயலாளர்கள் கீழ்தான் பணி புரிகிறார்கள். ஆனால் இங்கோ ஆலோசகர்கள் சூப்பர் சீஃப் செகரட்டரி மட்டுமல்ல, அவர்கள் தனியானதோர் அதிகார மையமாகவும் செயற் பட்டுக் கொண்டிருக்கிறார்கள்.

தற்போதய ஆலோசகர் சர்வ வல்லமை படைத்த அரசின் உயரதிகாரி. தமிழக தலைமை செயலகத்தின் அனைத்து துறை அதிகாரிகளும் இவரிடம் தான் ரிபோர்ட் செய்கிறார்கள் என்பது ஊரறிந்த விஷயம். இனிமேல் இவர்கள் புதிய தலைமை செயலாளரிடம் ரிப்போர்ட செய்வார்களா அல்லது பழைய நிலைமையே தொடரப் போகிறதா? மற்றோர் முக்கியமான விஷயம் இந்த ஆலோசகர் அஇஅதிமுக வில் தற்போது வரையில் அசைக்க முடியாத அதிகார மையமாக இருந்து கொண்டிருக்கும் நபரின் நம்பிக்கைக்குப் பாத்திரமானவர். இது புதிய தலைமை செயலாளரின் பணியை இன்னமும் சிக்கலானதாக ஆக்குகிறது. அரசு நிர்வாகத்தில் கிட்டத்தட்ட மூன்றாண்டுகளாகவே கோலோச்சிக் கொண்டிருக்கும் ஒருவரை மீறி தன்னிச்சையாக (independent) புதிய தலைமை செயலாளரால் செயற் பட முடியுமா? ஜெ இருந்த வரையில் ஆலோசகரை மீறி பதவியில் இருக்கும் எந்த உயரதிகாரியாலும் தன்னிச்சையாக எந்த காரியத்தையும் சாதிக்க முடிந்தது இல்லை.

மற்றோர் முக்கியமான சவால் முதலமைச்சரின் அலுவலகத்தில் இருக்கும் ஓய்வு பெற்ற சில அதிகாரிகள். இவர்கள் ஜெ வின் நம்பிக்கைக்குப் பாத்திரமானவர்கள். ஆலோசகருக்கும் இவர்களுக்கும் சரியான பணிச் சூழல், தொடர்பு அதாவது working relationship உண்டு. இவர்கள் 2011 க்குப் பிந்தய தமிழக நிர்வாகச் சூழலில் மற்றோர் அதிகார மையம். ஓய்வு பெற்ற இந்த அதிகாரிகள்தான் ஆலோசகரின் ஆசிர்வாதங்களின் படி பணியில் இருக்கும் அதிகாரிகளை ஆட்டி வைத்துக் கொண்டிருக்கிறார்கள்.

ஆனால் டிசம்பர் 22 ம் தேதி ராம்மகன் ராவ் வீட்டில் நடைபெற்ற ரெய்டுகள் ஒரு செய்தியை தமிழக அரசு அதிகாரிகள் வட்டாரத்திற்கு (Beauracrats) கொடுத்திருப்பதாகச் சொல்லப்படுகிறது. 'தலைமை செயலாளர் வீட்டில் நடந்த ரெய்டுகள் தெளிவாகவே ஒன்றை சொல்லி விட்டன. இனிமேல் தமிழகத்தை ஆளப் போவது மத்தியில் இருக்கும் மோடி அரசுதானே தவிர இங்குள்ளவர்கள் அல்ல. நேரடியாகவே தன்னுடைய ஆதிக்கத்தை மத்திய அரசு தமிழக அரசு நிர்வாகத்தில் செலுத்தத் துவங்கி விட்டது. ஜெ போன பிறகு வந்திருக்கும் முதலமைச்சர் பலவீனமான முதலமைச்சர். ஆகவே அதிகாரிகள் இனிமேல் தங்கள் சொல்படிதான் நடக்க வேண்டும் என்றே மோடி அரசு விரும்புகிறது. இந்த புதிய சூழலை புத்திசாலித்தனமான அதிகாரிகள் புரிந்து கொண்டு அதற்கேற்பவே நடந்து கொள்ளுவார்கள் என்றே நினைக்கிறேன்,' என்கிறார் ஓய்வு பெற்று ஐஏஎஸ் அதிகாரி ஒருவர்.

இவர் சொல்லும் மற்றோர் தகவலும் சுவாரஸ்யமானது. 'ரெய்டுகள் நடந்து கொண்டிருக்கும் போதே கிரிஜா வைத்தியநாதனை புதிய தலைமை செயலாளராக நியமிக்கும்படி மத்திய அரசிடமிருந்து முதலமைச்சருக்கு உத்தரவு வந்து விட்டது. ஆனால் அஇஅதிமுக வின் அதிகார மையம் இதனை ஒப்புக் கொள்ளவில்லை. ஓபிஎஸ் ஸால் எந்த முடிவும் எடுக்க முடியவில்லை. பின்னர் மத்திய அரசின் அழுத்தம் அதிகமானதால்தான் ஓபிஎஸ் அரசு இறங்கி வந்தது. இதனால்தான் ஒரு நாள் காலதாமதம்' என்று மேலும் கூறுகிறார் அவர்.

ராம்மோகன் ராவ் வீட்டில் ரெய்டுகள் நடந்த போது தமிழக அரசிடமிருந்து ஒரு நாள் முழுவதும் எந்த ஒரு அறிக்கையும் வரவில்லை. மேற்கு வங்க முதலமைச்சர் மமதா பானர்ஜி கண்டனம் தெரிவிக்கிறார். ஆனால் தமிழக அரசு மெளனம் காத்தது. டில்லியில் முதலமைச்சர் அர்விந்த் கெஜ்ரிவாலின் முதன்மைச் செயலாளர் அலுவலகம், வீடுகளில் ரெய்டுகள் நடந்த போது அடுத்த நிமிடமே கெஜ்ரிவால் அதனைக் கண்டித்து கடுமையாக பேசினார், அறிக்கைகள் வெளியிட்டார். ஆனால் தமிழக அரசோ சுமார் 30 மணி நேரம் மெளனியாக இருந்து பின்னர்தான் ராம் மோகன் ராவ் மீது நடவடிக்கை எடுத்தது.

கெஜ்ரிவாலுக்கு இருந்த தைரியம் ஓபிஎஸ் ஸுக்கு இல்லாமல் போனதற்கு காரணம் என்ன என்பதை சேகர் ரெட்டியிடம் கேட்டால் கதை கதையாகச் சொல்லுவார்.

நேர்மையான ஐஏஎஸ் அதிகாரியான கிரிஜா வைத்தியநாதன் அசாதரணமானதோர் கட்டத்தில்தான் தமிழ் நாட்டின் புதிய தலைமை செயலாளராகப் பொறுப்பேற்றுக் கொண்டிருக்கிறார். ஆனால் அவரால் எந்தளவுக்கு தமிழக அரசு நிர்வாகத்தில் கடந்த சில ஆண்டுகளாகவ ஆட்டம் போட்டுக் கொண்டிருக்கும் 'கட்டு சோத்து பெருச்சாளிகளுடன்' மல்லுக் கட்ட முடியும் என்பது சுவாரஸ்யமான கேள்விதான்!

முகப்பு » தமிழ்நாடு » விகடன்

ஐ.டி கையில் 11 ஐ.ஏ.எஸ்கள்! - கதிகலங்கும் கோட்டை

வருமான வரித்துறையின் வளையத்தில் இருக்கிறார் முன்னாள் தலைமைச் செயலாளர் ராமமோகன ராவ். "கடந்த ஐந்தாண்டுகளாக ராமமோகன ராவ் ஆதரவில் ஆட்டம் போட்ட 11 ஐ.ஏ.எஸ் அதிகாரிகளின் பட்டியலைக் கையில் வைத்திருக்கிறது வருமான வரித்துறை. சில நாட்களில் அவர்களது வீடுகளிலும் ரெய்டு தொடங்கும்'’ என்கின்றனர் கோட்டை வட்டாரத்தில்.

தமிழக அரசின் புதிய தலைமைச் செயலாளராக பொறுப்பேற்றுக் கொண்டார் கிரிஜா வைத்தியநாதன். இதுநாள் வரையில் கோட்டை அதிகாரத்தில் இருந்து ஓரம்கட்டப்பட்டு வந்தவர், அதிகாரத்திற்குள் வந்ததால் அதிர்ந்து போய் உள்ளனர் ராமமோகன ராவ் ஆதரவில் கோலோச்சிய அதிகாரிகள். " 2006-ம் ஆண்டு முதல் 2011 வரையில் தி.மு.க ஆட்சி காலத்தில் கோட்டையில் கொடிகட்டிப் பறந்த அதிகாரிகள் பலரும், அடுத்து வந்த அ.தி.மு.க ஆட்சிக் காலத்திலும் நல்ல பதவிகளில் தொடர்ந்தார்கள். இவர்களுக்கு உள்ள சிண்டிகேட்டை யாராலும் உடைக்க முடியவில்லை. அரசின் சார்பில் செயல்படுத்தப்படும் பிரமாண்ட திட்டங்களில் இவர்களுக்குப் பங்கு தராமல் எந்தப் பைலும் நகராது. இவர்களுக்குப் பக்கபலமாக இருந்து வந்தவர் ராமமோகன ராவ்" என விளக்கிய தலைமைச் செயலக அதிகாரி ஒருவர்,

"பொதுப் பணித்துறையாக இருந்தாலும் பள்ளிக் கல்வியாக இருந்தாலும் டெண்டர் விதிகளை மாற்றுவது, வேண்டப்பட்ட நிறுவனங்களுக்குப் பணிகளை ஒதுக்கீடு செய்வது வரையில் ராமமோகன ராவ் வைத்ததுதான் சட்டம். பள்ளிக் கல்வித்துறையின் கீழ் செயல்படுத்தப்படும் அனைவருக்கும் கல்வித் திட்டம், இடைநிலைக் கல்வித் திட்டம் போன்றவற்றில் ஏராளமான முறைகேடுகள் நடப்பதாகப் புகார் எழுந்தது. புதிய கட்டடம் கட்டுவது, விலையில்லா புத்தகப் பை, விலையில்லா காலணி உள்பட மிகப் பெரிய டெண்டர்களில் தங்களுக்கு விருப்பமில்லாதவர்கள் வருகிறார்கள் என்பதற்காக, டெண்டரையே ரத்து செய்தார்கள் இந்த அதிகாரிகள்.

மறு டெண்டர் என்ற பெயரில் மக்கள் பணத்தை விரயம் செய்தார்கள். இதனால் அரசுப் பள்ளிகளில் படிக்கும் குழந்தைகள் பாதிக்கப்படுகிறார்கள் என்பது குறித்து, இவர்கள் கவலைப்படவில்லை. இதுதொடர்பாக பேசும்போதெல்லாம், ' டெண்டர் நார்ம்ஸ்படி அந்தக் கம்பெனி வரவில்லை' எனக் காரணம் சொன்னார்கள். நீதிமன்ற கண்டனத்திற்கு பலமுறை ஆளானபோதும்கூட, அவர்கள் மீது ஜெயலலிதா எந்த நடவடிக்கையும் எடுக்கவில்லை. காரணம் ராமமோகன ராவ். அரசுச் செயலரோடு இணக்கமாகச் செயல்படாத குற்றத்திற்காகவே, பள்ளிக் கல்விக்கு வந்த அமைச்சர்கள் பலரும் பந்தாடப்பட்டனர். ஓரளவு தாக்குப் பிடித்தவர் அமைச்சர் கே.சி.வீரமணி மட்டும்தான். அதற்குக் காரணம், 'நீங்கள் என்ன வேண்டுமானாலும் செய்து கொள்ளுங்கள்' என அவர் ஒதுக்கிக் கொண்டதுதான்.

அதேபோல், சத்துணவுக் குழந்தைகளுக்கான முட்டை கொள்முதலில் ஊழல் என பா.ம.க நிறுவனர் ராமதாஸ் தொடங்கி அனைத்துக் கட்சிகளும் கண்டன அறிக்கைகள் வெளியிட்டன. இதற்குக் காரணமானவர்கள் மீது எந்த நடவடிக்கையும் எடுக்கப்படவில்லை. சத்துணவு மாவு முதற்கொண்டு ஒருங்கிணைந்த சமூக நலத் திட்டங்களில் ராமமோகன ராவ் வைத்ததுதான் சட்டமாக இருந்தது. சுகாதாரத்துறையில் நடந்த ஊழல்களுக்கு தனி விசாரணைக் கமிஷனே வைக்கலாம். வழக்கமாக எந்தப் பணி நடந்தாலும், அமைச்சரைப் பார்த்துவிடுங்கள் என ஒப்பந்ததாரர்களிடம் சொல்லப்படுவது வழக்கம். ஆனால், தமிழக அரசைப் பொறுத்தவரையில், ராமமோகன ராவைப் பார்த்தால்தான் காரியமே நடக்கும். இதற்கு வழிகாட்டுவதுதான் அவருடைய ஆதரவு ஐ.ஏ.எஸ்களின் வேலை. பொதுப் பணியில் தொடங்கி பள்ளிக் கல்வி வரையில் இவர்கள் நினைப்பவர்கள்தான் இயக்குநர்களாக வர முடியும். இவ்வளவு ஆட்டத்தையும் மௌனமாகவே பார்த்துக் கொண்டிருந்தார் தற்போதைய தலைமைச் செயலாளர் கிரிஜா வைத்தியநாதன். ஆறு ஆண்டுகளுக்கும் செயலர் பதவியில் அமர்ந்து கொண்டு, ஓர் ஐ.ஏ.எஸ் நடத்திய ஆட்டத்தையும் அவர் கவனித்து வந்தார். இனி வரக் கூடிய காலகட்டங்களில், அந்த ஐ.ஏ.எஸ் ஆன்ட்டி என்று அழைக்க ஜெயலலிதா உயிருடன் இல்லை. வரும் காலங்களில் தூய்மையான நிர்வாகம் நடக்கும் என எதிர்பார்க்கலாம்" என்றார் உறுதியாக.

சேகர் ரெட்டி கைகாட்டியதால், ராமமோகன ராவை வளையத்திற்குள் கொண்டு வந்தது வருமான வரித்துறை. அவர் மூலமாக நடத்தப்பட்ட பரிவர்த்தனைகள் ஒருபுறம் இருந்தாலும், அவருக்காக செயல்பட்ட ஐ.ஏ.எஸ் அதிகாரிகளையும் குறிவைத்திருக்கிறது வருமான வரித்துறை. அந்த வகையில் முதலமைச்சரின் தற்போதைய செயலர் ஒருவர், ஏழு ஆண்டுகாலம் ஒரே துறையில் கோலோச்சும் அதிகாரி, ரெட்டி அதிகாரி, வர்ம அதிகாரி என 11 பேரைக் குறிவைத்திருக்கிறது ஐ.டி. இவர்கள் அனைவரும் பசையான துறைகளில் நீண்டகாலம் அமர்ந்திருப்பவர்கள். தொடர்ந்து அரசுப் பணிகளை எடுத்துச் செய்த வந்த ஒப்பந்ததாரர்கள், அவர்கள் மூலம் ஐ.ஏ.எஸ்கள் அடைந்த லாபம், அவற்றின் மூலமான முதலீடுகள் என துல்லியமான வேட்டை தொடங்கியிருக்கிறது. நேற்றே மோகனமான அதிகாரி வீட்டிற்குள் ஆய்வை நடத்தினோம். மேலும் சில ஐ.ஏ.எஸ்கள் வளைக்கப்பட உள்ளனர்" என்கிறார் வருமான வரித்துறை அதிகாரி ஒருவர்.

அமைச்சர்கள் முகத்தில் கலவர பீதி தென்படுகிறதோ இல்லையோ, தினம்தினம் அச்சத்தோடு நேரத்தைக் கடத்தி வருகிறார்கள் ராமமோகன ராவ் ஆதரவு ஐ.ஏ.எஸ்கள்.

-ஆ.விஜயானந்த்

பதில் சொல்லுங்கள் பன்னீர்செல்வம்!

சமஸ்

இந்தியர்களை இந்தியர்களே ஆண்டுகொள்ளும் ஜனநாயக முறைக்கான ஆரம்பக் கட்டுமானங்களில் ஒன்று இன்றைய தமிழகச் சட்டப்பேரவையும் தலைமைச் செயலகமும். தமிழ் மக்களின் தலைவிதியைத் தீர்மானிக்கும் வளாகத்திலுள்ள தலைமைச் செயலாளர் ராம மோகன ராவ் அறையில், அவர் முறைகேட்டில் ஈடுபட்டிருக்கும் சந்தேகத்தில் வருமான வரித்துறையினர் சோதனையிட்ட நாள் தமிழ்நாட்டின் அரசியல் - அரசு நிர்வாக வரலாற்றின் கறுப்பு நாட்களில் ஒன்று. இப்படியொரு நாளும் வரும் என்று நம் முன்னோர் எண்ணியிருப்பார்களா?

தமிழ்ச் சமூகம் நவீன ஆட்சி நிர்வாகத்தின் விளைவாக இன்று அடைந்திருக்கும் நலன்கள் ஓமந்தூர் ராமசாமி ரெட்டியார், காமராஜர், அண்ணா போன்ற தொலைநோக்கும் நேர்மையும் மிக்க ஆட்சியாளர்களால் மட்டும் நாம் அடைந்தது அல்ல; நாட்டின் மீதும் மக்களின் மீதும் கனவுகளும் கரிசனமும் கொண்ட அரசு அலுவலர்களும் சேர்ந்தே அதைச் சாத்தியப்படுத்தியிருக்கின்றனர்; நம்முடைய ஆட்சிமுறையைக் கண்ணியப்படுத்தியிருக்கின்றனர். ராம மோகன ராவ் வீட்டிலும் தலைமைச் செயலகத்தில் உள்ள அவரது அறையிலும், துணை ராணுவப் பாதுகாப்போடு வருமான வரித் துறையினர் சோதனையிட்டபோது, தமிழக முதல்வர் ஓ.பன்னீர்செல்வம் தன்னுடைய அறையில் மௌனமாகப் அமர்ந்திருந்தார்; அன்று மாலை இதுகுறித்து எதுவும் பேசாமல் மௌனமாக வெளியேறினார் எனும் செய்தி தமிழக அரசியலும் அரசு நிர்வாகத் துறையும் இன்று வந்தடைந்திருக்கும் மோசமான இழிநிலையின் வெளிப்பாடு.

சோதனைச் செய்தி வந்த அடுத்த நிமிஷம் கொந்தளித்தார் வங்க முதல்வர் மம்தா பானர்ஜி. “ஒரு மாநிலத்தை ஆளும் தலைமை அலுவலகத்தில், மாநில அரசுக்கு எந்தத் தகவலும் தெரிவிக்கப்படாமல், மத்தியப் படைகள் சூழ, இப்படி ஒரு சோதனையை மோடி அரசு நடத்துகிறது என்றால், அது கூட்டாட்சி முறை மீதான தாக்குதல்” என்றார் மம்தா. உண்மை. கூட்டாட்சி முறை மீதான தாக்குதலாகவே இதை நானும் பார்க்கிறேன். “ஆனால், இப்படி ஒரு மாநில அரசுக்கு எப்படி முன்கூட்டித் தகவல் அளிக்க முடியும்? அதுதானே இப்படிப்பட்ட ஒருவர் கையில் மாநில நிர்வாகத்தின் சாவியைக் கொடுத்திருக்கிறது? நினைவில் வையுங்கள், ராம மோகன ராவ் தலைமைச் செயலாளர் மட்டும் அல்ல; மாநிலத்தின் ஊழல் கண்காணிப்பு ஆணையராகவும் இந்த அரசு அவரை வைத்திருந்தது” என்கிறார்கள் வருமான வரித் துறை அதிகாரிகள். மறைமுகமாக அவர்கள் கேட்ட கேள்வி இதுதான்: “இவர்கள் எல்லோரும் ஒரே கூட்டம்தானே?”

தமிழர்களுக்கு எவ்வளவு பெரிய வெட்கக்கேடு இது! ஒருகாலத்தில் நாட்டிலேயே முன்னோடியாக, மாநிலங்களின் சுயாட்சிக்கான வலுவான குரலாகத் திகழ்ந்த மாநிலம். இன்று தன்னுடன் சேர்த்து, ஏனைய மாநிலங்களையும் சுயாட்சி தொடர்பில் பேச இயலாத நிலைக்குத் தள்ளியிருக்கிறது. அதிமுக அரசு இதற்குப் பொறுப்பேற்க வேண்டும். ஏனென்றால், மாநில உரிமைகளைப் பாதுகாக்க வேண்டிய பொறுப்பைத் தமிழ் மக்கள் இந்த அரசாங்கத்திடமே அளித்திருக்கிறார்கள்.

ராம மோகன ராவ் மீதான குற்றச்சாட்டுகள் எளிமையாகக் கடக்கக் கூடியவை அல்ல. ரூ.134 கோடி கைப்பற்றப்பட்ட ஒப்பந்ததாரர் சேகர் ரெட்டி, ஆட்சியாளர்களின் ஊழல் கறுப்புப் பணத்தை மடை மாற்றும் வேலையிலும் ஈடுபட்டிருக்கலாம் என்று சந்தேகிக்கிறது வருமான வரித் துறை. சேகர் ரெட்டியிடம் நடத்தப்பட்ட விசாரணையின் தொடர்ச்சியாகவே ராம மோகன ராவ் சிக்கியிருக்கிறார் என்றால், என்ன அர்த்தம்? சமூக விரோதிகளுடனான உறவில் தலைமைச் செயலாளர் இருந்திருக்கிறார் என்றல்லவா ஆகிறது? இதுபற்றி ஒரு வார்த்தை பேசாமல், சோதனை நடந்த மறுநாள் தலைமைச் செயலாளர் பதவியிலிருந்து ராம மோகன் ராவை நீக்கி, காத்திருப்போர் பட்டியலில் வைத்துவிட்டு புதிய தலைமைச் செயலாளரைத் தமிழக அரசு தேர்ந்தெடுக்கிறது என்றால் என்ன அர்த்தம்? ராம மோகன ராவ் மீதான குற்றச்சாட்டுகள் முகாந்திரமற்றவை அல்ல என்றல்லவா ஆகிறது?

வெளிப்படையாகவே எதிர்க்கட்சிகள் “ராம மோகன ராவ் ஒரு அதிகாரத் தரகர்; ஆட்சியில் மட்டும் அல்லாது ஆளுங்கட்சிக்குள்ளும் ஒரு அதிகாரத் தரகராக அவர் கரம் நீண்டிருக்கிறது” என்று முன்பே குற்றஞ்சாட்டியிருக்கின்றன. எல்லாவற்றையும் மீறியே ராம மோகன ராவைத் தலைமைச் செயலாளராக வைத்திருந்தது அதிமுக அரசு. தமிழகத்தின் தலைமைச் செயலாளரானவர் கிட்டத்தட்ட 18 லட்சம் பேரைக் கொண்ட அரசு ஊழியர் படையின் தலைவர். இப்படி ஒருவரைத் தலைமைப் பொறுப்பில் அமர்த்தி, அவர் மீதான குற்றச்சாட்டுகளைப் புறந்தள்ளி அவருடைய பதவியைப் பாதுகாத்ததன் வாயிலாக, அரசு ஊழியர்களுக்கு இந்த அரசு கொடுத்துவந்த சமிக்ஞை என்ன?

சென்னையிலிருந்து 1700 கி.மீ. தொலைவில் இருக்கிறது கொல்கத்தா. மம்தா உடனே கொந்தளிக்கிறார். சோதனையிடப்பட்ட ராம மோகன ராவ் அறையிலிருந்து சில அடிகள் தள்ளியிருக்கும் தன்னுடைய அறையில் உட்கார்ந்திருந்த பன்னீர்செல்வத்துக்கு இந்நடவடிக்கை தொடர்பில் பேச ஒரு வார்த்தை இல்லை என்றால், அதை எப்படிப் பொருள் கொள்வது? ஊழல் வழக்கில் நீதிமன்றத்தால் குற்றம் நிரூபிக்கப்பட்டு தீர்ப்புக்குள்ளாக்கப்படும்போதே அதை எதிர்த்து, ஊரையே ஸ்தம்பிக்க வைக்கும் இயல்புடைய அதிமுகவினர், அவர்களுடைய அரசின் கோட்டையே முற்றுகையிடப்படும்போது வெளிப்படுத்தும் அசாத்தியமான மௌனத்தை என்னவென்று பொருள் கொள்வது?

நம்மை நாமே ஆண்டுகொள்கிறோமா; ஏமாற்றிக்கொள்கிறோமா? அறம் கேள்வி கேட்கிறது, தமிழகம் தலைகுனிந்து நிற்கிறது, பேசுங்கள் பன்னீர்செல்வம்!

சமஸ், தொடர்புக்கு: samas@thehindutamil.co.in

கலக்கம்!
வருமான வரி சோதனையால் கலக்கம் :
ஆவணத்தை பதுக்கும் உயர் கல்வி அதிகாரிகள்

DINAMALAR
தமிழக தலைமை செயலர் வீட்டில் நடந்த வரு மான வரித்துறை சோதனையால், உயர் கல்வி அதிகாரிகள் நடுக்கம் அடைந்துள்ளனர். அவருக்கு நெருக்கமானோர், தங்களிடம் உள்ள கறுப்பு பணம், ஆவணங்களை பதுக்கும் முயற்சி யில் ஈடுபட்டுள்ள தகவல் வெளியாகியுள்ளது.

முக்கிய முடிவுகள் :


தமிழக தலைமை செயலர், ராமமோகன ராவ் வீட்டில், வருமான வரித்துறையினர் நடத்திய அதிரடி சோதனையால், தமிழகத்தில் உள்ள பல, ஐ.ஏ.எஸ்., அதிகாரிகள் அதிர்ச்சியில் உள்ளனர். உயர் கல்வி துறையின் முன்னாள், இந்நாள் முக்கிய அதிகாரிகள் மற்றும் பல்கலைகளில் ஓய்வு பெற்ற அதிகாரிகளின் வீடுகளில், ரெய்டு நடத்தப்படலாம் என கூறப்படுகிறது.
ராமமோகன ராவ், சென்னை பல்கலையில்,

பிஎச்.டி., ஆராய்ச்சி படிப்பு படித்த போது, சில பேராசிரியர்கள் மற்றும் உயர் கல்வி அதிகாரி கள், அவருக்கு நண்பர்களாகினர். ராமமோகன ராவ், முதல்வரின் செயலராக பதவிக்கு வந்த பின், அவர் களை சரியாக பயன்படுத்தி கொண்டார்.

பல்கலைகளில்,துணை வேந்தர், பேராசிரியர் நிய மனங்கள், உயர் கல்வி மன்ற திட்டங்களை அமல் படுத்துவது, கல்லுாரிகளில் கட்டுமான பணி களுக்கு, கான்டி ராக்ட் வழங்குவது போன்றவற்றில், முக்கிய முடிவுகள் எடுக்கப்பட்டன.

அதிக தலையீடு :

கல்லுாரிகளில் நடந்த பல நியமனங்களிலும், தலைமை செயலர் பெயரில், பேரம் நடந்துள்ளதாக குற்றச்சாட்டுகள் எழுந்துள்ளன. உயர் கல்வி துறை யில், தலைமை செயலர், கவர்னர் மற்றும் உயர் கல்வி செயலக அலுவலகங்களில் உள்ளோர், அதிகம் தலையீடு உள்ளதாக, மத்திய அரசுக்கு பலர் புகார் அனுப்பினர். மத்திய அரசு, ரகசிய விசாரணை நடத்தி, பல முக்கிய ஆவணங்களை கைப்பற்றி யதாக தகவல் வெளியாகி உள்ளது.

எனவே, லஞ்சம் கொடுத்து பதவி பெற்றோர், லஞ் சம் வாங்கிய உயர் அதிகாரிகள் மற்றும் அவர்க ளுக்கு இடைத் தரகர்களாக பணியாற்றி யோர், கலக்கத்தில் உள்ளனர். இவர்களில், கறுப்பு பணம்,

முறைகேடான சொத்து வைத்திருப்போர், ஆவணங்களை உறவினர்கள், துறையில் பணி யாற்றும் நண்பர்கள் என, பல இடங்களிலும், பதுக்கும் முயற்சியில் ஈடுபட்டுள்ளனர்.

பள்ளி கல்வியிலும், 'கிலி' :

தலைமை செயலரின் வீட்டில் நடந்த சோதனை யால், பள்ளி கல்வி துறையில் உள்ள, பல முக்கிய அதிகாரிகள் பயத்தில் உள்ளனர். ஆறு ஆண்டுகளுக்கும் மேலாக, ஆளுங்கட்சிக்கு நெருக்கம், தலைமை செயலரின் செல்வாக்கு என, அதிகாரத்துடன், முறைகேடுகளில் ஈடு பட்ட, பள்ளி கல்வி அதிகாரிகளும், சோதனை வலையில் சிக்குவர் என எதிர்பார்க்கப்படுகிறது.

* தமிழக தலைமைச் செயலாளர் பி.ராமமோகன ராவ் வீடு, தலைமைச் செயலகத்தில் உள்ள அவரது அறை உட்பட 14 இடங்களில் வருமான வரித்துறை அதிகாரிகள் புதன்கிழமை திடீரென சோதனை நடத்தினர். இது, அதிகாரிகளிடமும் அரசியல் வட்டாரத்திலும் பெரும் பரபரப்பை ஏற்படுத்தி உள்ளது. முதல்கட்ட சோதனையில் ரூ.30 லட்சம் பணமும், 5 கிலோ தங்கமும் கைப்பற்றப்பட்டதாக அதிகாரிகள் தெரிவித்துள்ளனர். | விரிவான செய்திக்கு > தமிழக அரசின் தலைமைச் செயலாளர் ராமமோகன ராவ் வீட்டில் வருமான வரித்துறை சோதனை - துணை ராணுவப் படை பாதுகாப்புடன் தலைமைச் செயலகம் உட்பட 14 இடங்களில் நடந்தது |

* சென்னை தலைமைச் செயலகத்தில் உள்ள தலைமைச் செயலாளர் அறையில் வருமான வரித்துறையினர் புதன்கிழமை 5 மணி நேரம் சோதனை நடத்தினர். 76 ஆண்டு வரலாற்றில் நாட்டிலேயே முதல்முறையாக ஒரு மாநில தலைமைச் செயலாளரின் அறையில் வருமான வரித்துறையினர் புகுந்து சோதனை நடத்தியுள்ளது இப்போதுதான். | விரிவாக அறிய > தலைமைச் செயலகத்தில் 5 மணி நேரம் சோதனை: அதிகாரிகள் வேதனை |

* ஆந்திராவில் உள்ள ராமமோகன ராவ் உறவினர் வீடுகள், அலுவலகங்கள் உள்பட பல்வேறு இடங்களில் வருமான வரித் துறையினர் புதன்கிழமை ஒரே நேரத்தில் அதிரடியாக சோதனை நடத்தினர். | அதன் விவரம் > சித்தூர், குண்டூர், விஜயவாடாவில் உள்ள ராமமோகன ராவ் உறவினர் வீடுகள், அலுவலகங்களிலும் அதிரடி சோதனை |

* மத்திய போலீஸ் படையினர் ஒரு மாநிலத்தில் வந்து பாதுகாப்புப் பணியில் ஈடுபடுவதற்கு அந்த மாநில டிஜிபி அலுவலகம் அனுமதி கொடுக்க வேண்டும். ஆனால், தமிழக போலீஸாரிடம் எந்த அனுமதியும் கேட்காமல் மத்திய ஆயுதப்படை போலீஸார் தமிழகத்தில் பாது காப்புப் பணியில் ஈடுபட்டுள்ளனர். | முழு விவரம் > வருமான வரித்துறை சோதனைக்கு மத்திய போலீஸ் பாதுகாப்பு: தமிழக போலீஸாரிடம் அனுமதி பெறவில்லை |

* புதிய 2 ஆயிரம் ரூபாய் நோட்டுகளை முறைகேடாக பெற்றதாக தொடரப்பட்ட வழக்கில் தொழிலதிபர் சேகர் ரெட்டியும், அவரது நண்பரும் கைது செய்யப்பட்டு சிறையில் அடைக்கப்பட்டனர். | விரிவான செய்திக்கு > ரூ.147 கோடி பணம், 178 கிலோ தங்கம் சிக்கிய விவகாரம்: சேகர் ரெட்டி, உறவினர் கைது: வங்கி அதிகாரிகளும் சிக்குகின்றனர் |

வருமான வரித்துறை சோதனை முதல் ராமமோகன ராவ் சஸ்பெண்ட் வரை: தெரிந்திட 10 தகவல்கள்

இணையதள செய்திப் பிரிவு

* சேகர் ரெட்டி, ராமமோகன ராவ் ஆகியோர் வருமான வரித்துறையிடம் சிக்கியதையடுத்து, இவர்களுக்கு உடந்தையாக இருந்த 8 அமைச்சர்களும், சில வங்கி அதிகாரிகளும் சிக்க உள்ளனர். எனவே, இருவருடனும் தொடர்பில் இருந்த அமைச்சர்களும், வங்கி அதிகாரிகளும் தற்போது கலக்கத்தில் உள்ளனர். ஐஏஎஸ், ஐபிஎஸ் அதிகாரிகளிடம் வருமான வரித்துறையினர் சோதனை நடத்தும்போது மத்திய நிர்வாகத் தீர்ப்பாயத்திடம் முன்அனுமதி பெற வேண்டும். தலைமைச் செயலாளர் அந்தஸ்தில் இருக்கும் ஒருவரிடம் சோதனை நடத்தும்போது அந்த மாநில ஆளுநருக்கு தகவல் தெரிவிக்க வேண்டும். எனவே, தலைமைச் செயலாளர் ராமமோகன ராவின் வீட்டில் வருமான வரித்துறை அதிகாரிகள் சோதனை நடத்துவது தமிழக ஆளுநர் (பொறுப்பு) வித்யாசாகர் ராவுக்கு தெரியும் என்று அதிகாரிகள் தெரிவித்துள்ளனர்.

* அதிகாரிகளிடமும் அரசியல் வட்டாரத்திலும் பெரும் பரபரப்பை ஏற்படுத்தும் வகையில், வருமான வரித்துறை அதிகாரிகளின் திடீர் சோதனையில் சிக்கிய தமிழக தலைமைச் செயலாளராக இருந்த பி.ராமமோகன ராவ் கடந்து வந்த பாதை இதுதான் > ராமமோகன ராவ்: உதவி ஆட்சியர் முதல் தலைமைச் செயலாளர் வரை.. |

* வருமான வரித்துறை சோதனை யைத் தொடர்ந்து தலைமைச் செயலாளர் பி. ராமமோகன ராவை பதவி நீக்கம் செய்யவேண்டும் என்று அரசியல் கட்சித் தலைவர்கள் வலியுறுத்தியுள்ளனர். | முழு விவரம் > தலைமைச் செயலர் வீட்டில் வருமான வரி சோதனை: தலைவர்கள் கருத்து |

* ஊழல், முறைகேட்டில் ஈடுபட்டதாக ஐஏஎஸ் அதிகாரி ஒருவருக்கு எதிராக போதிய ஆவணங்கள் கிடைக்கும் நிலையில் அவரை கைது செய்ய முடியுமா என்பது குறித்து சட்டவல்லுநர்கள் சிலர் கூறிய தகவல்கள் | முழுமையாக வாசிக்க > ஐஏஎஸ் அதிகாரியை கைது செய்ய யாருடைய அனுமதியும் தேவையில்லை: சட்ட வல்லுநர்கள் கருத்து |

* தமிழகத்தின் புதிய தலைமைச் செயலாளராக கிரிஜா வைத்தியநாதன் வியாழக்கிழமை நியமிக்கப்பட்டுள்ளார். கூடுதல் தலைமைச் செயலாளர் அந்தஸ்தில் இருந்த அவருக்கு பதவி உயர்வு வழங்கப்பட்டுள்ளது. அதேநேரத்தில் தமிழக தலைமைச் செயலாளர் பி.ராமமோகன ராவ் இடைநீக்கம் செய்யப்பட்டார். | விவரம் > தமிழகத்தின் புதிய தலைமைச் செயலாளராக கிரிஜா வைத்தியநாதன் நியமனம்

சென்னை: தமிழக தலைமை செயலாளராக கிரிஜா வைத்தியநாதன் நியமிக்கப்பட்டுள்ளார்.
சோதனை:

தமிழக அரசின் தலைமை செயலர் ராமமோகன ராவ், 58, வருமான வரித்துறை பிடியில் வசமாக மாட்டிக் கொண்டார். அவரது வீடு மற்றும் கோட்டையில் உள்ள, அவரது அலுவலகம் உட்பட, 12 இடங்களில், நேற்று வருமான வரி அதிகாரிகள் அதிரடி சோதனை நடத்தினர். அரசியல்வாதிகளின் கலெக்ஷன் ஏஜன்டாக, ராவ் செயல்படுவதாக வந்த புகாரின் அடிப்படையில் நடந்த, இந்த சோதனையின் போது, பாதுகாப்பு பணியில், துணை ராணுவம் ஈடுபட்டது, அரசு வட்டாரத்தில் பரபரப்பை ஏற்படுத்தி உள்ளது.

நியமனம்:

இதனையடுத்து தலைமை செயலாளர் பதவியில் இருந்து ராம மோகன ராவ் நீக்கப்பட்டார். புதிய தலைமை செயலாளராக கிரிஜா வைத்தியநாதன் நியமிக்கப்பட்டுள்ளார். இவர் கூடுதல் தலைமை செயலாளர் அந்தஸ்தில் உள்ள கிரிஜா வைத்தியநாதன், தற்போது நில நிர்வாகத்துறை ஆணையராக உள்ளார். 

கிரிஜா வைத்தியநாதன், கடந்த 1981ம் ஆண்டு பேட்ஜ் ஐ.ஏ.எஸ்., அதிகாரி. சென்னை ஐஐடியில் படித்து, பட்டம் பெற்றவர். இவரது தந்தை வெங்கிட்டரமணன், ரிசர்வ் வங்கி கவர்னராக 1990 முதல் 1992 வரை இருந்தார். கடந்த 01.07.59ம் ஆண்டு பிறந்த கிரிஜா, நல வாழ்வு பொருளாதாரம் என்ற தலைப்பில் ஆய்வு செய்து முனைவர் பட்டம் பெற்றவர் ஆவார்.

தலைமைச் செயலர் பதவியிலிருந்து ராம மோகன ராவ் ‛கல்தா'

சென்னை: வருமான வரித்துறை அதிகாரிகள் சோதனையை தொடர்ந்து தலைமை செயலர் பதவியில் இருந்து ராம மோகன ராவ் சஸ்பெண்ட் செய்யப்பட்டுள்ளார்.
தமிழக தலைமை செயலாளராக இருந்த ராம மோகன ராவ் வீடு, தலைமை செயலகத்தில் உள்ள அவரது அலுவலகம், மகன், உறவினர் வீடு என 12 இடங்களில் வருமான வரித்துறை அதிகாரிகள் சோதனை நடத்தினர். இதனையடுத்து ராம மோகன ராவ் தலைமை செயலர் பதவியில் இருந்து நீக்கப்படுவார் என்ற தகவல் வெளியானது.

தபால் மூலம்:

இந்நிலையில், இன்று தலைமை செயலர் பதவியில் இருந்து ராம மோகன ராவ் சஸ்பெண்ட் செய்யப்பட்டார். இதற்கான உத்தரவு தபால் மூலம் அனுப்பி வைக்கப்பட்டது. இதனை அவரது உதவியாளர் பெற்றுக்கொண்டார். தொடர்ந்து, ராமமோகன ராவ் காரில் இருந்த சிவப்பு சுழல் விளக்கும் அகற்றப்பட்டது.

ஐஏஎஸ் அதிகாரியை கைது செய்ய யாருடைய அனுமதியும் தேவையில்லை: சட்ட வல்லுநர்கள் கருத்து

டி. செல்வகுமார்

ஊழல், முறைகேட்டில் ஈடுபட்டதாக ஐஏஎஸ் அதிகாரி ஒருவருக்கு எதிராக போதிய ஆவணங்கள் கிடைக்கும் நிலையில் அவரை கைது செய்ய முடியுமா என்பது குறித்து சட்டவல்லுநர்கள் சிலரிடம் விசாரித்தபோது அவர்கள் கூறியதாவது:

பி.வில்சன் (மத்திய முன்னாள் கூடுதல் சொலிசிட்டர் ஜெனரல்)

ஐஏஎஸ் அதிகாரி மீது லஞ்ச ஒழிப்பு சட்டம் அல்லது வருமானத்துக்கு அதிகமாக சொத்து குவித்ததாக வழக்குப் பதிவு செய்யும்போதோ அல்லது கைது செய்யும்போதோ யாரிடமும் முன் அனுமதி பெறத் தேவையில்லை. ஆனால், சம்பந்தப்பட்ட அதிகாரி மீது நீதிமன்றத்தில் குற்றப்பத்திரிகை தாக்கல் செய்யும் முன்பு குற்றவியல் நடைமுறைச் சட்டப்பிரிவு 197-ன்படி மத்திய பணியாளர் நலத் துறையிடம் அனுமதி பெற வேண்டும்.

ஐஏஎஸ் அதிகாரி ஒருவர் வருமானத்துக்கு அதிகமாக சொத்து குவித்திருப்பது உறுதி செய்யப்பட்டால் அதுகுறித்து வருமான வரித்துறையினர் மாநில அரசுக்கு அதிகாரப்பூர்வமாக தகவல் தெரிவிப்பர். அதன்பிறகு அந்த ஐஏஎஸ் அதிகாரியை மாநில அரசு பணி இடைநீக்கம் செய்யும். அந்த நடவடிக்கை எடுக்காமல்கூட இருக்கலாம். அதேநேரத்தில் வருமானத்துக்கு அதிகமாக சொத்து குவித்திருப்பதாக மாநில லஞ்ச ஒழிப்புப் போலீஸுக்கு வருமான வரித்துறையினர் அதிகாரப்பூர்வமாக தகவல் தெரிவித்தால், அதனடிப்படையில் லஞ்ச ஒழிப்புப் போலீஸார் வழக்குப் பதிவு செய்வார்கள். பிறகு சம்பந்தப்பட்ட அதிகாரியை கைது செய்யலாம். அதற்கு யாரிடமும் அனுமதி பெறத் தேவையில்லை.

கே.எம்.விஜயன் (சென்னை உயர் நீதிமன்ற மூத்த வழக்கறிஞர்)

வருமான வரித்துறையினருக்கு சோதனை நடத்தவும், பணத்தைப் பறிமுதல் செய்யவும் மட்டுமே அதிகாரம் உள்ளது. வருமான வரித்துறை சோதனை நடத்தியபிறகு, சம்பந்தப்பட்டவர் குற்றம் செய்திருப்பதாகக் கருதினால் அதன் தன்மையைக் கருத்தில் கொண்டு அமலாக்கத் துறை அல்லது சிபிஐ-யிடம் தெரிவிக்கப்படும். பின்னர் சிபிஐ வழக்குப் பதிவு செய்து சம்பந்தப்பட்ட அதிகாரியைக் கைது செய்யும்போது மத்திய அரசிடம் தகவல் தெரிவிப்பார்கள்.

வீ.கண்ணதாசன் (சென்னை உயர் நீதிமன்ற வழக்கறிஞர்)

கைது செய்ய அதிகாரம் பெற்ற எந்த போலீஸாரும் ஒருவரைக் கைது செய்யலாம். அவர்கள் யாரிடமும் முன் அனுமதி பெறத் தேவையில்லை. ஆனால், ஐஏஎஸ் அதிகாரியைக் கைது செய்யும் முன்பு அந்தந்த மாநில ஆளுநர், மத்திய உள்துறை அமைச்சகத்திடம் தகவல் தெரிவிக்கும் நடைமுறை உள்ளது.

தலைமைச் செயலர் வீடு, அலுவலகத்தில் வருமானவரித் துறையினர் அதிரடி சோதனை: ரூ. 5 கோடி தங்கம், ரூ. 30 லட்சம் புதிய நோட்டுகள், 43 ஆவணங்கள் பறிமுதல்

By DIN  |   Published on : 22nd December 2016 05:07 AM

தமிழக அரசின் தலைமைச் செயலர் ராமமோகன ராவ் வீடு உள்பட 14 இடங்களில் வருமான வரித்துறையினர் புதன்கிழமை திடீர் சோதனை நடத்தினர். இந்தச் சோதனையில் ரூ.5 கோடி மதிப்புள்ள தங்கமும், ரூ.30 லட்சம் புதிய ரூபாய் நோட்டுகளும் பறிமுதல் செய்யப்பட்டதாக கூறப்படுகிறது.
இது குறித்த விவரம்:
வேலூர் மாவட்டம், காட்பாடி அருகே உள்ள காந்திநகரைச் சேர்ந்தவர் தொழிலதிபர் சேகர் ரெட்டி. தமிழக பொதுப்பணித்துறை ஒப்பந்ததாரராகவும், கட்டுமான தொழிலதிபராகவும் இருந்த இவர், முறைகேடான வழியில் பணம் சம்பாதித்ததாகக் கூறப்படுகிறது.
குறிப்பாக ஆற்று மணல் குவாரிகளை தனது நிறுவனத்தின் மூலம் நடத்தி,அதில் முறைகேடு செய்து வந்தாராம். இதன் மூலம் அவர் பல நூறு கோடி ரூபாய் ஈட்டியதாகத் தெரிகிறது. இதற்கு தமிழகத்தைச் சேர்ந்த சில அரசியல்வாதிகளும், அரசு உயர் அதிகாரிகளும் உதவி புரிந்ததாகவும், சிலருக்கு சேகர் ரெட்டி பினாமிபோல செயல்பட்டதாகவும் புகார் கூறப்பட்டது.
இந்நிலையில், வருமான வரித்துறையினர் சேகர் ரெட்டியின் வீடு, அலுவலகம், அவர் நண்பர்கள் சீனிவாசலு வீடு, பிரேம் குமார் வீடு ஆகியவற்றில் கடந்த 8-ஆம் தேதி ஒரே நேரத்தில் சோதனை நடத்தி,ரூ.147 கோடி பணமும்,178 கிலோ தங்க கட்டிகளையும்,தங்க நகைகளையும் பறிமுதல் செய்தனர். பறிமுதல் செய்யப்பட்ட பணத்தில் ரூ.34 கோடி, புதிய இரண்டாயிரம் ரூபாய் நோட்டுகளாகும்.
இதற்கிடையே சேகர் ரெட்டி தொடர்பான விசாரணையில் சிபிஐயும், மத்திய அமலாக்கத்துறையும் இணைந்தன. இந்த இரு புலனாய்வு அமைப்புகளும் தங்களது விசாரணையைத் தொடர்ந்தன.
இதில் சேகர் ரெட்டி முறைகேடாக பணம் சம்பாதித்தது, முறைகேடான வழியில் பணப் பரிமாற்றம் செய்தது, தவறான வழியில் புதிய ரூபாய் நோட்டுகளாக மாற்றியது ஆகிய புகார்கள் தொடர்பாக சிபிஐ-யும், அமலாக்கத்துறையும் தனித்தனியாக வழக்குப் பதிவு செய்தன.


14 இடங்களில் சோதனை: இந்நிலையில் சேகர் ரெட்டியிடமும், அவரது கூட்டாளிகளிடமும் நடத்தப்பட்ட விசாரணையில் தமிழக அரசின் தலைமைச் செயலர் ராமமோகன ராவுக்கு இந்த முறைகேட்டில் தொடர்பு இருப்பது தெரியவந்தது. இது தொடர்பாக சேகர் ரெட்டி, வருமான வரித்துறையினரிடம் வாக்குமூலம் அளித்துள்ளதாகத் தெரிகிறது.
இதைத் தொடர்ந்து சென்னை அண்ணாநகர் ஒய் பிளாக் 6ஆவது பிரதான சாலையில் உள்ள மூன்று தளங்களுடன் கூடிய ராம மோகன ராவ் வீட்டில் சோதனை நடத்துவதற்கு,வருமான வரித் துறையினர் சென்னை மண்டல கூடுதல் ஆணையர் ராய் ஜோஸ் தலைமையில் புதன்கிழமை அதிகாலை 5.30 மணியளவில் அங்கு சென்றனர். வருமான வரித்துறையினர் ராம மோகன ராவ் வீட்டுக்குள் செல்ல முயன்றபோது, அவரது வீட்டுக் காவலாளி தடுத்துள்ளார்.
அப்போது வருமான வரித் துறை அதிகாரிகளுக்கும், அவருக்கும் இடையே சிறிது வாக்குவாதம் ஏற்பட்டதாம். சப்தம் கேட்டு அங்கு வந்த ராம மோகன ராவ் குடும்பத்தினரிடம் வருமான வரித்துறை அதிகாரிகள் பேசியுள்ளனர். அதன் பின்னரே வருமான வரித் துறை அதிகாரிகள், ராம மோகன ராவ் வீட்டுக்குள் சென்றனர்.
ராம மோகன ராவிடம் சோதனை செய்வதற்கான உத்தரவைக் காட்டிய பின்னர், வருமான வரித் துறையினர் அங்கு சோதனையைத் தொடங்கினர். சோதனை தொடங்கியதும், ராம மோகன ராவ் வைத்திருந்த செல்லிடப்பேசி உள்ளிட்ட வீட்டில் இருந்த அனைவரது செல்லிடப்பேசிகளையும் வருமான வரித் துறையினர் வாங்கி வைத்துக் கொண்டனர்.
அதோடு தொலைபேசி இணைப்பையும் துண்டித்தனர். வீட்டில் இருந்து யாரும் வெளியேறக் கூடாது என்று வருமான வரித்துறை அதிகாரிகள் உத்தரவிட்டனர். சோதனை தொடங்கப்பட்ட வேளையில், ராம மோகன ராவின் மணப்பாக்கம் வீடு, திருவான்மியூர் அப்பாசாமி நகரில் உள்ள அவரது மகன் விவேக் வீடு உள்ளிட்ட 7 இடங்களில் ஒரே நேரத்தில் வருமான வரித்துறை அதிகாரிகள் சோதனையைத் தொடங்கினர்.
அதேபோல கர்நாடக மாநிலம் பெங்களூரு, ஆந்திர மாநிலம் சித்தூர் ஆகிய இடங்களில் உள்ள ராம மோகன ராவின் உறவினர்கள், நண்பர்கள் வீடுகள் என 14 இடங்களில் வருமான வரித்துறையினர் சோதனை நடத்தினர். நண்பகலுக்குப் பின்னர், சென்னை தலைமைச் செயலகத்தில் உள்ள ராம மோகன ராவ் அறையிலும் சோதனை நடத்தினர்.
துணை ராணுவம் குவிப்பு: இதற்கிடையே ராம மோகன ராவ் வீட்டில் சோதனை நடைபெறும்போது, அங்கு வந்த ஆம் ஆத்மி தொண்டர் செந்தில்குமார், சோதனைக்கு எதிர்ப்பு தெரிவித்தும், மத்திய அரசைக் கண்டித்தும் கோஷமிட்டார். இதைப் பார்த்த அங்கிருந்த சில நபர்கள் அவரைக் கண்டித்தனர். இதில் அவர்களுக்கு இடையே வாக்குவாதம் ஏற்பட்டது. அப்போது சிலர், செந்தில்குமாரைத் தாக்கினர்.
இதையடுத்து அங்கு பாதுகாப்புக்கு நின்ற போலீஸார், செந்தில்குமாரை விசாரணைக்கு அழைத்துச் சென்றனர். இந்தச் சம்பவம் நடந்த சிறிது நேரத்தில் அங்கு துணை ராணுவத்தைச் சேர்ந்த 20 வீரர்கள் 4 கார்களில் வந்தனர். அவர்கள் சோதனை நடந்த பகுதி முழுவதையும் தங்களது கட்டுப்பாட்டில் எடுத்துக் கொண்டனர். இதைப் பார்த்த சென்னை போலீஸார், ராம மோகன ராவ் வீடு இருக்கும் பகுதியில் இருந்து சிறிது தூரம் தள்ளி நின்றனர்.
பாதுகாப்பு கருதி துணை ராணுவத்தை அழைக்கும் அதிகாரம் வருமான வரித் துறைக்கு இருப்பதால், துணை ராணுவத்தினர் அங்கு பாதுகாப்புக்கு வந்ததாக அத்துறையினர் தெரிவித்தனர். மேலும் சோதனை நடைபெற்ற பெரும்பாலான பகுதிகளில் துணை ராணுவத்தினர் குவிக்கப்பட்டனர்.
ரூ. 5 கோடி தங்கம், பணம் பறிமுதல்: இச் சோதனையில் ரூ. 5 கோடி மதிப்புள்ள தங்கமும், பணமும் பறிமுதல் செய்யப்பட்ட வருமான வரித்துறை தரப்பில் கூறப்பட்டது. இதில் புதிய ரூபாய் நோட்டுகளாக ரூ.30 லட்சம் இருந்ததாகவும் வருமான வரித்துறையினர் தெரிவித்தனர். மேலும் 43 ஆவணங்களையும் பறிமுதல் செய்ததாகவும் அவர்கள் தெரிவித்தனர்.
சோதனை பல இடங்களில் நடைபெற்றதால், பறிமுதல் செய்யப்பட்ட மொத்த பணம், நகை, ஆவணங்கள் ஆகியவற்றின் விவரத்தை இறுதியிலேயே தெரிவிக்க முடியும் என வருமான வரித்துறையினர் தெரிவித்தனர். தமிழக அரசின் தலைமைச் செயலர் வீடு, அலுவலகம் ஆகியவற்றில் வருமான வரித்துறையினர் சோதனை நடத்தியது அரசு உயர் அதிகாரிகளிடமும், அரசியல்வாதிகளிடமும் பரபரப்பை ஏற்படுத்தியது.

இருளில் ஓர் ஒளிக்கீற்று

By டாக்டர் கே.வி.எஸ். ஹபீப் முஹம்மத் | Published on : 22nd December 2016 01:40 

| மருத்துவப் பணி, சேவை, அர்ப்பணிப்பு, தியாகம் ஆகியவற்றை உள்ளடக்கிய ஒரு பணியாகும். மருத்துவர்களுக்கு போதிய ஓய்வு கிட்டுவதில்லை. குடும்பத்தோடு அதிக நேரம் செலவிட முடியாத நிலை.சமூக விழாக்களிலும், பொழுதுபோக்கு நிகழ்வுகளில் பங்கேற்கும் வாய்ப்பு மருத்துவர்களுக்கு அரிதாகவே கிட்டுகிறது. பொதுமக்களும் மருத்துவர்களை கடவுளுக்கு அடுத்த இடத்தில் வைத்து போற்றுகின்றனர்.
எல்லா துறைகளிலும் விழுமங்களின் வீழ்ச்சி ஏற்பட்டது போலவே புனிதமான மருத்துவ துறையிலும் நிகழ்ந்தது. மருத்துவம் வணிகமயமாகியது. எண்பதுகளுக்கு பின் அரசு மருத்துவமனைகளின் முக்கியத்துவம் குறைந்து கார்ப்பரேட் மருத்துவமனைகள் உருவாகிய பின்னர் மருத்துவர்களும் கார்ப்பரேட் சிந்தனைகளுக்கு உள்ளாகிவிட்டனர்.
தேவையற்ற பரிசோதனைகள், அறுவை சிகிச்சைகள், மருந்துகள், ஒரு புறம். எழுதுகின்ற மருந்துகளுக்கும், பரிசோதனைகளுக்கும், மருத்துவமனை அட்மிஷன்களுக்கும் கமிஷன்கள், உயர்ரக பரிசுகள், வெளிநாட்டு சுற்றுப்பயணத்திற்கான ஏற்பாடுகள் என இன்னொரு புறம். இதன் உச்சகட்டமாக உடல் உறுப்பு தான மோசடியும் நடைபெறுகிறது.
புனிதமான மருத்துவத் தொழிலில் புகுந்துவிட்ட இந்த கருப்பு ஆடுகள் குறித்து, மருத்துவர்கள் நீண்டகாலமாக எழும் கவலையில் ஆழ்ந்துள்ளனர். பல நல்ல உள்ளங்களை முடக்கிப் போட்டது.
இருள் சூழ்ந்த இந்த நிலையில் ஒரு ஒளிக்கீற்று, கதிர்வீச்சு மருத்துவர்களிடமிருந்து வந்துள்ளது மனதிற்கு இதமாக உள்ளது. இந்திய மருத்துவக் கழகத்தின் (மெடிக்கல் கவுன்சில் ஆப் இந்தியா) கீழ் இயங்கும் இந்திய கதிரியக்க கழகத்தின் (Indi​an Radiologists and Im​aging Asso​ci​ation)​​ இயக்கத்தின் தமிழ்நாட்டுக் கிளை சில நல்ல முடிவுகளை எடுத்துள்ளது.
கதிரியக்க மருத்துவர்கள், ஸ்கேன் மைய உரிமையாளர்கள் என 1,300 பேர் பங்கேற்ற இவ்வமைப்பின் பொதுக்குழு,
பரிசோதனைக் கூடங்களில் நடைபெறும் முறைகேடுகளுக்கு எதிராக சில தீர்மானங்களை நிறைவேற்றி உள்ளது. கதிரியக்க பரிசோதனைகளுக்கும், ஸ்கேன்களுக்கும் இனி மருத்துவர்களுக்கும், இடைத்தரகர்களுக்கும் கமிஷன்கள் தரப்பட மாட்டாது.
ஒவ்வொரு பரிசோதனைக்கும் அதிகபட்ச கட்டணத்தையும் முடிவு செய்துள்ளது. கட்டுப்பாடுகளை மீறும் மருத்துவர்கள் மீது நடவடிக்கை எடுக்கவும் முடிவு செய்யப்பட்டுள்ளது. அம் மருத்துவர்களின் பெயர்களை இந்திய மருத்துவ கவுன்சிலுக்கும் வருமான வரி துறைக்கும் அனுப்பவும் முடிவு செய்துள்ளனர்.
ஒவ்வொரு பரிசோதனைக்கும் எவ்வளவு கட்டணம் என்பதை அறிவிப்பு பலகை மூலம் மக்களுக்கு தெரியப்படுத்த வேண்டும் என்றும் முடிவு செய்துள்ளனர். துணிச்சலான இந்த முடிவுகளை எடுத்த கதிரியக்க மருத்துவர்கள் நமது பாராட்டுக்குரியவர்கள்.
கதிரியக்க மருத்துவக் கழகத்தினர் எடுத்த இந்த முடிவுகள் முறையாக செயல்படுத்தப்பட்டால் நோயுற்றவர்களின் செலவு கணிசமாக குறையும்.
கமிஷன் தருவது நிறுத்தப்பட்டால் ஸ்கேன்களின் கட்டணம் பாதியாக குறைந்துவிடும். கமிஷனுக்கு ஆசைப்பட்டு தேவையற்ற ஸ்கேன்களுக்கும், பரிசோதனைகளுக்கும் சிபாரிசு செய்யும் நிலை மாறும்.
அதிக கட்டணங்களை வசூலிக்கும் மருத்துவர்களும், மருத்துவமனைகளும், ஸ்கேன் சென்டர்களும் தங்களின் செயலை நியாயப்படுத்த சில காரணங்களை கூறுகின்றனர். பல லட்சங்களை செலவிட்டு உபகரணங்களை வாங்கி தொழில் தொடங்குகிறோம். கதிரியக்க படிப்பில் இடம் கிடைப்பதற்காக சில கோடிகளை நன்கொடையாக கொடுத்துள்ளோம்.
எனவே இவற்றைச் சரிகட்ட அதிக கட்டணம் வசூலிக்கும் நிலையில் உள்ளோம் என்று கூறி தமது தவறுகளுக்கு நியாயம் கற்பிக்க முயலுகின்றனர்.
நேர்மையான முறையில் சம்பாதித்தாலே நல்ல வருவாயை ஈட்ட முடியும் என்றிருக்கும்போது, குறுக்கு வழிகளை கையாள வேண்டிய அவசியம் என்ன?
மக்களுக்கும் இப்போது ஸ்கேன் மோகம் வந்துவிட்டது. சாதாரண நோய்களுக்கும் ஸ்கேன் எடுக்கச் சொல்லி மருத்துவர்களை வற்புறுத்துகின்றனர். ஸ்கேன் எடுக்கும் மருத்துவரே சிறந்த மருத்துவர் என்ற மனப்பான்மை மக்களிடம் உருவாகிவிட்டது. எதற்கெடுத்தாலும் நிபுணர்களை பார்க்க வேண்டும் என்ற எண்ணம் அதிகரித்துவிட்டது.
இங்கிலாந்தில் எந்த வியாதியானாலும், முதலில் பொது மருத்துவரைப் (Gener​al Pr​a​ctioner)​​ பார்க்க வேண்டும். அவர் சிபாரிசு செய்தால் மட்டுமே நிபுணர்களை பார்க்க முடியும் என்ற நிலை உள்ளது. நமது நாட்டிலும் இந்த நிலை பின்பற்றப்பட்டால் தேவையற்ற பரிசோதனைகளை தவிர்க்க முடியும்.
அரசு மருத்துவமனைகளில் ஸ்கேன் குறைந்த செலவில் செய்யப்படுகிறது. ஆனால் சில குறிப்பிட்ட மருத்துவமனைகளில் மட்டுமே உள்ள இந்த வசதியை பரவலாக்கினால் மக்களுக்கு சுமை குறையும்.
மருத்துவக் கல்வி திட்டத்தில் நன்னெறி (Ethi​cs) சார்ந்த போதனைகளும் சேர்க்கப்பட்டு அக்கறையுடன் மாணவர்களுக்கு கற்பிக்கப்பட வேண்டும்.
மருத்துவர்கள் நடத்தும் மாநாடுகளில் நன்னெறி பற்றிய உரைகளும் தவறாது இடம் பெற வேண்டும். பெற்றோர்களும் தங்கள் குழந்தைகளை நன்னெறி சார்ந்த வாழ்க்கைக்கு தயார்படுத்த வேண்டும். பணத்தைவிட குணமே முக்கியமானது என்பதை அவர்கள் மனதில் ஆழமாக விதைக்க வேண்டும்.
அரசுத் துறை, நீதித் துறை, ஊடகத் துறை, சேவைத் துறை, ஆன்மிகத் துறை என எல்லா துறைகளிலும் மலிந்துள்ள தவறுகளை அந்த துறைகளைச் சார்ந்தவர்களே வெளிப்படையாக பேசி அவற்றை களையும் முயற்சியில் ஈடுபட்டால் நாடு வளமான எதிர்காலத்தை நோக்கிச் செல்லும்.

மம்தா போல் வீறுகொண்டு எழுவாரா ஓ.பன்னீர் செல்வம்

சிலநாட்களுக்கு முன்பு மேற்கு வங்காள மாநிலத்தில் முதல்வர் மம்தாவிற்குத் தெரியாமல், கொல்கத்தா மாநில போலீஸின் அனுமதி இல்லாமல் ஏதோ வழக்கமான பயிற்சி என்கிற பெயரில் தலைமைச் செயலகம் அருகில் துணை நிலை ராணுவ வீரர்களை மத்தியஅரசு இறக்கியது.

இந்த தகவல் முதல்வர் மம்தாவுக்கு தெரியவந்ததும், கொதித்து எழுந்துவிட்டார். 34 நாடாளுமன்ற உறுப்பினர்கள், 12 ராஜ்யசபா உறுப்பினர்கள்..என்று 46 பேர்கள் மம்தா கட்சியில் உள்ளனர். இந்த நிலையில், மத்திய அரசு மிரட்டும் பாணியில் மாநில அரசு அதிகாரத்தில் மூக்கை நுழைக்கிறது என்று பிரதமர் மோடிக்கு எதிராக போர்கொடி தூக்கினார். டெல்லியில் உள்ள மேற்கு வங்காள எம்.பி.கள் இதுகுறித்து பாராளுமன்றத்தில் புகார் செய்தனர். அதன்பிறகுதான், மத்திய அரசு பணிந்தது. ஏதேதோ சாக்குப் போக்குகளை சொல்லி சமாளித்தது.





இதேபோல், தமிழகத்திலும் இன்று நடந்துள்ளது. சென்னை அண்ணாநகர் ஏரியாவில் குடியிருக்கும் தலைமைச் செயலாளர் ராமமோகனராவ் வீட்டில் வருமானவரித்துறையினர் ரெய்டு நடத்தி வருகின்றனர். இந்த நேரத்தில், ஆம் ஆத்மி கட்சியினருக்கும் தெருவில் இருப்பவர்களுக்கும் வாக்குவாதம் ஏற்பட்டது. இதை தூரத்தில் இருந்து கவனித்த வருமானவரித்துறை அதிகாரிகள், தங்களுக்கு பாதுகாப்பு வேண்டும். தமிழக போலீஸார் சரிவர நடந்துகொள்ளவில்லை. மோதல் சம்பவங்களை வேடிக்கை பார்க்கிறார்கள் என்று டெல்லிக்கு தகவல் சொல்ல...மத்திய ராணுவத்துறை அமைச்சர் மனோகர் பாரிக்கர் உடனே துணை நிலை ராணுவப்பிரிவை அண்ணாநகருக்கு அனுப்பிவைத்தார்.

தலைமைச் செயலாளர் வீட்டை அந்தப்படையினர் முற்றுகையிட்டுள்ளனர். இந்த தகவல் கிடைத்ததும், தமிழக முதல்வர் ஓ. பன்னீர் செல்வம் மின்னல்வேகத்தில் தலைமைச் செயலகத்துக்கு வந்து உயர் அதிகாரிகள் அளவில் ஆலோசனை கூட்டம் நடத்தி வருகிறார். நாடாளுமன்ற உறுப்பினர்கள் 37, ராஜ்யசபா உறுப்பினர்கள் 13...என்று 50 பேர்கள் அ.தி.மு.க-வில் இருக்கின்றனர். இருந்தும் கூட, மாநில அரசுக்கு தகவல் தெரிவிக்காமல், சென்னை போலீஸ் அனுமதி இல்லாமல் திடீரென துணைநிலை ராணுவப்படையினர் மத்திய அரசு இறக்கியிருப்பது தலைமைச் செயலக வட்டாரத்தில் பரபரப்பை ஏற்படுத்தியிருக்கிறது.

இந்த நிலையில், தமிழக நடவடிக்கைக்கு மேற்கு வங்க மம்தாவே கண்டனம் தெரிவித்த நிலையில் தமிழக முதல்வர் ஓ.பன்னீர் செல்வம் எப்படி ரியாக்ட் பண்ணப்போகிறார் என்பது சஸ்பென்ஸாக இருக்கிறது.

- ஆர்.பி

Posted Date : 12:24 (21/12/2016)
Last updated : 12:33 (21/12/2016)

ராமமோகன் ராவ் வீட்டில் ரெய்டு... பரபர பின்னணி, அதிர்ச்சியில் அ.தி.மு.கவினர்!




யார் இந்த ராமமோகன ராவ்

ராமமோகன ராவ், ஆந்திர மாநிலம், பிரகாசம் மாவட்டத்தை சேர்ந்தவர். கடந்த 1985ம் ஆண்டு பேட்ஜை சேர்ந்தவர். 2017ம் ஆண்டு செப்டம்பரில் ஓய்வு பெற உள்ளார். கடந்த மே மாதம், நடந்த சட்டசபை தேர்தலின் போது அ.தி.மு.க வெற்றி பெற்றது. அப்போது, கூடுதல் தலைமை செயலாளர் என்ற அந்தஸ்தில் இருந்த அவர், ஜெயலலிதாவின் முதன்மை செயலாளராக பணியாற்றி வந்தார். ஜூன் 8ம் தேதி தலைமை செயலாளராக நியமிக்கப்பட்டார்.

ஆசிரியர் தேர்வு வாரிய தலைவர், தமிழ்நாடு செய்தித்தாள் நிறுவன தலைமை செயல் அதிகாரி ஆகிய பொறுப்புக்களை வகித்தவர். இவர் இதுவரை அயல் பணி என்ற வகையில் மத்திய அரசு பணிக்கு செல்ல வில்லை. 2001 முதல் 2003 வரை குஜராத் கடல்சார் வாரிய துணை தலைவராக இருந்துள்ளார். ராமமோகன ராவின் தாய்மொழி தெலுங்கு என்றாலும் தமிழ், ஆங்கிலம், இந்தி ஆகிய மூன்று மொழிகளிலும் சரளமாக பேசுவார்.

ராமமோகன ராவ், தமிழக அரசின் தலைமை செயலாளரானதும், அவருக்கு நெருக்கமானவர்களின் ஆதிக்கம் தலைதூக்கியது. தமிழக ஆளுநராக இருந்த ரேசைய்யாவுக்கும் ராமமோகன ராவுக்கும் அரசு பதவிகளை கடந்து நல்ல நட்பு இருந்தது. இவர்கள் இருவருக்கும் தூதுவராக திருவள்ளூர் மாவட்டத்தை சேர்ந்த முன்னாள் அமைச்சர் ஒருவர் இருந்தார். இதனால் அவர் அதிகாரத்தில் கோலோச்சினார்.

இந்த சூழ்நிலையில் தொழிலதிபர் சேகர்ரெட்டியிடம் நடத்தப்பட்ட வருமானவரி சோதனைக்குப் பின்னால் பல அரசியல் சதுரங்க வேட்டை உள்ளது. கர்நாடகாவில் நடந்த வருமானவரி சோதனையில் அமைச்சர் எடப்படி பழனிசாமியின் உறவினர் ராமலிங்கம் சிக்கினார். அவரிடம் நடத்திய விசாரணைக்குப் பிறகு வருமானவரித்துறை சேகர்ரெட்டி, சீனிவாச ரெட்டி, பிரேம் ஆகியோர் வீடு, அலுவலகங்களில் வருமான வரித்துறையினர் சோதனை நடத்தினர். சேகர்ரெட்டி கொடுத்த தகவலின்படியே ராமமோகன் ராவின் சென்னை அண்ணாநகர் வீடு உள்பட 13 இடங்களில் இன்று காலை வருமானவரியினர் சோதனை நடத்தினர்.

இந்த அதிரடி சோதனையால் ராமமோகன ராவிடம் அதிக நெருக்கம் காட்டிய அ.தி.மு.க.வினர் அதிர்ச்சியில் உறைந்துள்ளனர். ஏற்கனவே வருமான வரித்துறையினரின் சந்தேக வளையத்திலிருக்கும் அமைச்சர் ஒருவரும், முன்னாள் அமைச்சரும் அப்செட் ஆகி இருக்கின்றனர். இந்த சோதனை சங்கிலி தொடர் போல தொடரும் என்கிறது வருமானவரித்துறை. இந்த சோதனை எல்லாம் தமிழக அரசில் ஆட்சி பிடத்தில் அமர்ந்திருப்பவர்களுக்கு சோதனை காலமாக மாறி உள்ளது. சேகர் ரெட்டியிடம் நெருக்கமாக இருந்தவர்கள் பட்டியலில் ஓ.பன்னீர் செல்வமும் ஒருவர் என்கிறார்கள். இருவரும் திருப்பதியில் ஒன்றாக இருந்த புகைப்படமும் வெளியானது.

சோதனை குறித்து வருமான வரித்துறையினர் கூறுகையில், "காலை 7 மணிக்கு இந்த சோதனை தொடங்கியது. வீட்டில் தலைமை செயலாளர் ராமமோகன ராவ் மற்றும் அவரது குடும்பத்தினர் இருந்துள்ளனர். வருமானவரித்துறை அதிகாரிகளைப் பார்த்ததும் ராமமோகன ராவின் முகத்தில் எந்தவித பதற்றமும் இல்லை. சோதனைக்கு முழு ஒத்துழைப்பு கொடுத்தார். இதுவரை நடத்தப்பட்ட சோதனையில் முக்கியத் ஆவணங்கள் எதுவும் சிக்கவில்லை. தொடர்ந்து சோதனை நடந்து வருகிறது" என்றனர்.

மூத்த ஐ.ஏ.எஸ் அதிகாரி பலரையும் பின்னுக்குத் தள்ளி தலைமை செயலாளர் பதவிக்கு வந்தார் என்ற சர்ச்சையும் ராமமோகன ராவ் மீது உள்ளது. சீனியாரிட்டி அடிப்படையில் ராமமோகன ராவ், 20வது இடத்தில் இருந்தார். அவருக்கு தலைமை செயலாளர் பதவிக்கு கொடுக்கப்பட்டது ஆச்சரியத்தை ஏற்படுத்தியது. இப்போது அந்த ஆச்சரியத்துக்கான விடையும் தெரியவரும்.

KYC account holders exempt from Rs 5000 deposit limit: RBI

DECCAN CHRONICLE   PublishedDec 21, 2016, 12:57 pm IST

 New Delhi: The Reserve Bank of India (RBI) on Thursday issued a notification partly withdrawing its earlier order disallowing deposits of over Rs 5000 to be made into banks more than once till December 30.

Now, such deposits can be made by KYC compliant account holders, without questions being asked, said RBI.

RBI had on Monday imposed stiff restrictions on depositing more than Rs 5,000 in the scrapped Rs 500 and Rs 1,000 notes, mandating that it can be deposited only once per account till December 30, that too after explaining to bank officials the reasons for not having done that so far.

Stipulating that restrictive conditions will also apply on the cumulative deposit of such notes in a single account when it exceeds Rs 5,000, RBI said that defunct currency up to any amount can be deposited under the new black money amnesty PMGKY scheme.

"It has been decided to place certain restrictions on deposits of SBNs into bank accounts while encouraging the deposits of the same under the Taxation and Investment Regime for the Pradhan Mantri Garib Kalyan Yojana, 2016," RBI said in a notification.

Under the PMGKY scheme, black money holders can deposit unaccounted cash in account which will be subject to 50 per cent tax and 4-year interest free lock-in for the remaining 25 per cent of the amount.

RBI said old notes in excess of Rs 5,000 into a bank account will be received for credit only once during the remaining period till December 30, 2016.

Chennai banks follow RBI's latest diktat, but customers unhappy

TOI

CHENNAI: Several city banks are telling customers not to deposit more than Rs 5,000 in their accounts after the Reserve Bank of India on Tuesday said banks could accept any amount in deposits just once, conditionally.

Multiple deposits will not be allowed and anything above `5,000 will be subject to scrutiny by bank officials and fulfillment of mandatory KYC requirements, an RBI circular said. "Deposits of more than `5,000 of demonetised currency notes will be allowed only once, till December 30," it added. But many bank branches in the city on Tuesday stopped accepting all deposits above `5,000 and posted notices to this effect.

Customers are not amused. "The government told us not to rush, so we didn't. We thought we had time till December 30 to exchange and deposit notes.

On November 22, they stopped exchanges. Now, they are asking us why we delayed," said Sujatha Anand, an HDFC Bank customer. An ICICI Bank customer at Thirvuvanmiyur tweeted his problem to the bank's official handle and the bank tweeted back saying it would revert shortly.

A notice outside an SBI branch on Chamiers Road, Nandanam, said, "Old notes deposits above `5,000 will be accepted only once during the remaining pe riod till December 30,2016. A self-explanatory letter to be attached." Many bank officials said it would be very difficult to implement the RBI directive on deputing two officials to scrutinise deposits.

முகப்பு » தமிழ்நாடு » ஒன்இந்தியா

மணல் குவாரியில் பணத்தை அள்ள ஐடியா கொடுத்தவரே ராம மோகன் ராவ்தானாம்!

  ஒன்இந்தியா 1 hr ago

சென்னை: தமிழக தலைமைச் செயலாளர் ராம மோகன் ராவ் வீட்டில் வருமானவரித் துறை சோதனை நடத்தி வருகிறது. இதில் பல்வேறு திடுக்கிடும் தகவல்கள் வெளியாகி வருகின்றன.

தமிழக தலைமைச் செயலாளர் ராம மோகன் ராவ் வீட்டில் வருமான வரித்துறை சோதனை இன்று காலை 6 மணியளவில் தொடங்கியது. சென்னை அண்ணாநகரில் உள்ள தமிழக தலைமைச் செயலாளர் ராம மோகன்ராவ் வீடு மற்றும் அவரது உறவினர், நண்பர்களின் வீடுகள் என 10 வீடுகளிலும் வருமான வரித்துறையினர் சோதனை நடத்தி வருகின்றனர்.

இதனையடுத்து, ராம மோகன் ராவ் குறித்த பல்வேறு திடுக்கிடும் தகவல்கள் வெளியாகி வருகின்றன. தமிழ்நாட்டில் மணல் குவாரிகள் மூலம் கோடிக்கணக்கான பணத்தை அள்ளலாம் என்று ஐடியா கொடுத்தவர் ராம மோகன் ராவ் என்ற அதிர்ச்சித் தகவல் வெளியாகியுள்ளது.

1990ம் ஆண்டுகளில் செங்கல்பட்டு மாவட்டத்தின் ஆட்சியாளராக ராம மோகன் ராவ் இருந்தார். அப்போது, மணல் எடுக்க அனுமதி கொடுப்பதன் மூலம் கோடிக்கணக்கில் பணத்தைப் பெறலாம் என மற்ற ஆட்சியாளர்களுக்கு ஐடியா கொடுத்திருக்கிறார் ராம மோகன ராவ். இவர் உருவாக்கி தந்த இந்தத் திட்டம் மூலமே மணல் குவாரிகளை அரசு ஏற்றது.

மணலை வியாபார பொருளாக்கி பல்லாயிரம் கோடி புரள செய்த இந்தத் திட்டத்தை அறிமுகம் செய்த ராம மோகன் ராவுக்கும் சேகர் ரெட்டிக்கும் இருக்கும் நெருக்கமான உறவு குறித்து தீவிர விசாரணை நடைபெற்று வருகிறது.

முகப்பு » தமிழ்நாடு » விகடன்

ராமமோகன ராவ் வீட்டின் முன்பு ஆர்பரிக்கும் தனி ஒருவன்!

தமிழக தலைமைச் செயலாளர் ராமமோகன ராவ் வீட்டில் நடத்தப்பட்டு வரும் சோதனை குறித்து மக்களுக்கு உடனடியாக தெரியப்படுத்த வேண்டும் என வலியுறுத்தி ஆம் ஆத்மி கட்சியைச் சேர்ந்த ஒருவர், தலைமைச் செயலாளர் வீடு முன்பு போராட்டத்தில் ஈடுபட்டு வருவதால் அங்கு பரபரப்பு ஏற்பட்டுள்ளது.

தமிழக தலைமைச் செயலாளராக இருந்து வருபவர் ராமமோகன ராவ். ஜெயலலிதா மறைவுக்கு பின்னர், முதல்வராக ஓ.பன்னீர்செல்வம் அமர்த்தப்பட்டார். அவருக்கு அடுத்தப்படியாக ராமமோகன ராவ் இருந்து வருகிறார். நேற்று முன்தினம் பிரதமர் நரேந்திர மோடியை, முதல்வர் ஓ.பன்னீர்செல்வம் சந்தித்துப் பேசினார். அப்போது, புயல் நிவாரணம் உள்ளிட்ட பல்வேறு கோரிக்கையை முன்வைத்தார். முதல்வர் ஒருபக்கம் இருந்தாலும், அரசின் அனைத்து நடவடிக்கைகளிலும் ராமமோகன ராவின் கையே ஓங்கி இருப்பதாக கூறப்படுகிறது.

இந்த நிலையில், சென்னை அண்ணாநகரில் உள்ள ராமமோகன ராவ் வீடு, அலுவலகம் மற்றும் அவரது மகனுக்கு தொடர்புடைய 13 இடங்களில் வருமானவரித்துறை அதிகாரிகள் இன்று காலை முதல் அதிரடி சோதனை நடத்தி வருகின்றனர். இந்த சோதனையால் தமிழக அரசு அதிகாரிகள் கலக்கத்தில் இருப்பதாகக் கூறப்படுகிறது.

இதனிடையே, ராமமோகன ராவ் வீட்டின் முன்பு ஆம் ஆத்மி கட்சியைச் சேர்ந்த செந்தில்குமார் என்பவர் திடீரென போராட்டத்தில் குதித்துள்ளார். அப்போது, தலைமைச் செயலாளர் வீட்டில் என்ன சோதனை நடைபெறுகிறது என்பதை மக்களுக்கு தெரியப்படுத்த வேண்டும். சோதனையின்போது காவலர்கள் ஏன் நிறுத்தப்படவில்லை என்று கேள்வி எழுப்பியவாறு இருந்து கொண்டே இருந்தார்.

மேலும், மத்திய இணை அமைச்சர் பொன்.ராதாகிருஷ்ணன் வீட்டில் சோதனை நடத்துங்கள், ஏன் அதிமுகவை மட்டும் குறி வைத்து சோதனை நடத்தி வருகிறீர்கள் என்று பிரதமர் மோடிக்கு எதிராக கோஷம் எழுப்பினார். இதனிடையே, போராட்டத்தில் ஈடுபட்டு வந்த செந்தில்குமார் மீது திடீரென தாக்குதல் நடத்தினர். அப்போது, அவர் தலையில் வைத்திருந்த கட்சி தொப்பியை அவர்கள் பிடுங்கிக் கொண்டதோடு மீண்டும் தாக்குதலில் ஈடுபட்டனர். அங்கிருந்தவர்கள், தாக்குதல் நடத்தியவர்களை அங்கிருந்து அனுப்பி விட்டனர். 

ராமமோகன ராவ் வீட்டில் நடத்தப்படும் சோதனை குறித்தும், பிரதமர் மோடிக்கு எதிராகவும் தனி ஒருவர் கோஷங்கள் எழுப்பியவாறு நின்று கொண்டு இருப்பதால் அந்த இடமே பரபரப்புடன் காணப்படுகிறது.

வங்கி அதிகாரிகளின் மோசடிகளை பொறுத்துக்கொள்ள முடியாமல் பொதுமக்கள் கொதித்து...

  தினத்தந்தி 8 hrs ago

சென்னை,

சாது மிரண்டால் காடு கொள்ளாது என்பதுபோல, வங்கி அதிகாரிகளின் மோசடிகளை பொறுத்துக்கொள்ள முடியாமல் பொதுமக்கள் கொதித்து எழுந்தால் இந்த நாடு தாங்குமா? என்று சி.பி.ஐ. சிறப்பு கோர்ட்டு நீதிபதி தன்னுடைய தீர்ப்பில் கேள்வி எழுப்பியுள்ளார்.

போலி ஆவணங்களுக்கு கடன்

சென்னை மயிலாப்பூரில் உள்ள சென்ட்ரல் பாங்க் ஆப் இந்தியா என்ற வங்கி கிளையில் மேலாளராக பணியாற்றியவர் கிருஷ்ணதாஸ். இவர், கடந்த 2002–ம் ஆண்டு முதல் 2004–ம் ஆண்டு வரை இப்பதவியில் இருந்த போது, கோவர்தன், சுந்தர்ராஜன் உள்பட பலருக்கு, அவர்கள் நடத்தி வந்த நிறுவனங்களுக்கு கடன் கொடுத்துள்ளார்.

இந்த கடனுக்கு உத்தரவாதமாக கொடுக்கப்பட்ட சொத்து ஆவணங்கள் போலியானது ஆகும். இதுகுறித்து வந்த தகவலின் அடிப்படையில், சி.பி.ஐ. போலீசார் கடந்த 2007–ம் ஆண்டு வழக்குப்பதிவு செய்தனர்.

இந்த வழக்கில் வங்கி மேலாளர் கிருஷ்ணதாஸ், கோவர்தன், சுந்தரராஜன், கிரிஜா, ஹரினிவாசனி, கார்த்தி, ராஜேஸ்வரி, வினோத், கார்த்திகா, பாலகுரு, சண்முகம், ராஜாராமன், முருகன், ராஜேந்திரன், முரளி, சம்பத், கிருஷ்ணன், தாமோதரன் ஆகியோர் மீது குற்றம் சுமத்தியிருந்தனர்.

பரபரப்பான தீர்ப்பு

இவர்கள் கூட்டுச்சதி செய்து, போலி ஆவணங்கள் மூலம் பெருந்தொகை கடன் பெற்று, வங்கிக்கு இழப்பு ஏற்படுத்தியதாக குற்றம் சுமத்தப்பட்டது.

இந்த வழக்கின் குற்றப்பத்திரிகையை சி.பி.ஐ. அதிகாரிகள் தாக்கல் செய்வதற்கு முன்பே, கோவர்தன், முரளி, சம்பத், கிருஷ்ணன், தாமோதரன் ஆகியோர் இறந்து விட்டனர். மீதமுள்ளவர்கள் மீது குற்றம் சுமத்தி குற்றப்பத்திரிகையை சி.பி.ஐ. அதிகாரிகள் தாக்கல் செய்தனர்.

இந்த வழக்கு 11–வது கூடுதல் சி.பி.ஐ. செசன்சு கோர்ட்டில் விசாரிக்கப்பட்டது. இந்த வழக்கை விசாரித்த நீதிபதி கே.வெங்கடசாமி நேற்று பரபரப்பான தீர்ப்பை அளித்தார். அந்த தீர்ப்பில் நீதிபதி கே.வெங்கடசாமி கூறியிருப்பதாவது:–

முன்னேற்றத்துக்கு தடை

இந்த வழக்கில் சி.பி.ஐ. சுமத்தியுள்ள குற்றச்சாட்டு சந்தேகத்துக்கு இடமின்றி நிரூபிக்கப்பட்டுள்ளது. இப்படிப்பட்ட கடுமையான மோசடிகளுக்கு வங்கியின் மூத்த அதிகாரிகள் உடந்தையாக உள்ளனர். தங்களுக்கு வேண்டியவர்களுக்கு, ஆதாய நோக்கில் கோடிக்கணக்கில் கடன் அளிக்கின்றனர். இப்படிப்பட்ட வங்கி அதிகாரிகளால் தான், நாட்டின் பொருளாதார முன்னேற்றத்துக்கு தடைகள் ஏற்படுகின்றன.

நம் நாட்டில் கோடிக்கணக்கான இளைஞர்கள் உயர் படிப்புகளை படித்திருந்தும், ஒரு சாதாரண சிறிய வேலை கூட கிடைக்காமல், அன்றாட ஜீவனத்திற்கு கஷ்டப்படுகின்றனர். இதற்கு உதாரணம் சொல்லவேண்டும் என்றால், கடந்த 9–ந்தேதி செய்திதாளில் வெளியான செய்தியை படித்து பார்த்தபோது, நெஞ்சை உலுக்கியது.

துப்புரவு பணியாளர் பதவி

அலகாபாத் நகராட்சியில் காலியாக உள்ள 119 துப்புரவு தொழிலாளர்கள் பணியிடங்களை நிரப்ப விளம்பரம் வெளியாகியுள்ளது. அதில் இந்தியில் எழுதப்படிக்க தெரிந்தவர்கள் இப்பணிக்கு விண்ணப்பிக்கலாம் என்று கூறப்பட்டுள்ளது. இதைதொடர்ந்து, ஒரு லட்சத்து 10 ஆயிரம் பேர் விண்ணப்பம் செய்துள்ளனர். அதில் பெரும்பாலானவர்கள் பி.சி.ஏ., பி.டெக்., எம்.பி.ஏ. போன்ற உயர்கல்வியை முடித்தவர்கள்.

ஒரு சாதாரண துப்புரவு பணியாளர் பணிக்கு முதுநிலை பட்டதாரிகள் பலர் பேர் விண்ணப்பம் செய்திருப்பதன் மூலம், இந்த பணியாவது தங்களுக்கு கிடைத்து, அதன்மூலம் தங்களது வாழ்க்கையை கழிக்க முடியாதா? என்று பரிதவிக்கும் நிலையில் அவர்கள் உள்ளனர் என்பது தெளிவாகுகிறது.

வராக்கடன் அறிவிப்பு

இப்படிப்பட்ட சூழ்நிலையில், உயர் பதவியில் இருக்கும் வங்கி அதிகாரிகள், விதிமுறைகளை எல்லாம் காற்றில் பறக்கவிட்டு, முக்கிய புள்ளிகளுக்கும், வேண்டியவர்களுக்கும் கடன்களை வாரி இறைக்கின்றனர். பின்னர் அந்த நபர்கள் கடனை திருப்பித்தராத பட்சத்தில், அவற்றை வராக்கடனாக அறிவித்து விடுகின்றனர். ஆனால் சாதாரண கடன் வாங்கித் திருப்பித்தர முடியாத ஏழைகளை மிரட்டி, விரட்டி வங்கி அதிகாரிகள் கடனை வசூலிக்கின்றனர்.

ரூ.500, ரூ.1,000 நோட்டுகள் செல்லாது என்ற அறிவிப்பை எதிர்த்து தொடரப்பட்ட வழக்கு சுப்ரீம் கோர்ட்டில் விசாரிக்கப்படும்போது, வங்கி உயர் அதிகாரிகள் தவறு செய்கின்றனர் என்பதை மத்திய அரசின் தலைமை வழக்கறிஞரே தன் வாதத்தில் குறிப்பிட்டுள்ளார். அது செய்தியாக பத்திரிகைகளில் அண்மையில் வெளியாகியுள்ளது. அப்படிப்பட்ட தவறு செய்யும் அதிகாரியாகத்தான் இந்த வழக்கில் முதல் எதிரி, கிருஷ்ணதாஸ் உள்ளார்.

குளியல் அறையில் பணம் பதுக்கல்

இந்திய ரிசர்வ் வங்கி புதிதாக அச்சடித்த ரூ.2 ஆயிரம் நோட்டுகள், வங்கிகளுக்கு வந்து பொதுமக்களுக்கு விநியோகிப்பதற்கு பதிலாக, பெரும் புள்ளிகளின் குளியலறையிலும், சொகுசு கார்களிலும், பங்களாக்களிலும் மொத்தமாக பதுக்கி வைக்கப்படுகிறது.

ஆனால், தங்களது சேமிப்பு கணக்கில் போட்ட பணத்தை கூட முழுமையாக எடுக்க முடியாமல், ரூ.2 ஆயிரம் நோட்டுக்காக பொதுமக்கள் வரிசையில் காத்துக்கிடக்கின்றனர். அப்படி வரிசையில் நிற்கும் சிலருக்கு பணமும், பலருக்கு ஏமாற்றமும் கிடைக்கிறது. அதிலும், சிலர் வரிசையில் நிற்கும்போதே உயிரிழந்துள்ளனர். மத்திய அரசு நல்ல திட்டங்களை போட்டாலும், அதை முனைப்புடன் செயல்படுத்த வேண்டிய வங்கி அதிகாரிகளின் செயல்பாடுகள் எதிர்மறையாக இருக்கிறது.

சாது மிரண்டால்?

படித்த இளைஞர்கள் எல்லாம் சாதாரண, சிறிய வேலை கூட கிடைக்காமல் பரிதவிக்கின்றனர். ‘சாது மிரண்டால் காடு கொள்ளாது’ என்ற பழமொழி தமிழில் உள்ளது. இதுபோன்ற கொடுமைகள் பொறுத்துக்கொள்ள முடியாமல் மொத்தமாக பொதுமக்கள் கொதித்து எழுந்தால் இந்த நாடு தாங்குமா? என்று பயப்படக் கூடிய சூழ்நிலையை இதுபோன்ற வங்கி அதிகாரிகள் உருவாக்குகின்றனரோ? என்ற அச்ச உணர்வு ஏற்படுகிறது.

வங்கி மோசடி தொடர்பாக வழக்குகள் பதிவு செய்வதிலும், விசாரித்து முடிப்பதிலும் காலதாமதம் ஏற்படுகிறது. இதனால் இந்த மோசடி வழக்குகளில் சிக்கும் வங்கி அதிகாரிகளுக்கு வயதாகி விடுகின்றன. அவர்கள் தங்களது வயோதிகத்தை சொல்லி கருணை காட்டவேண்டும். குறைவான தண்டனையை வழங்கவேண்டும் என்று கோர்ட்டில் முறையிடுகின்றனர்.

கருணை காட்ட முடியுமா?

மோசடி வழக்குகளை விரைவாக விசாரித்து தண்டனை வழங்கப்பட்டால் தான், தண்டனைக்கு பயந்து இதுபோன்ற மோசடிகளில் வங்கி அதிகாரிகள் ஈடுபடமாட்டார்கள். எனவே இதுபோன்ற மோசடிகளுக்கு, காலதாமதம் என்பதும் ஒரு காரணியாக அமைந்து விடுகிறது.

தற்போது இந்த வழக்கில், குற்றம் சுமத்தப்பட்டவர்களில் சிலர் வயோதிகர்களாக உள்ளனர். இவர்களுக்கு தண்டனையில் கருணை காட்டமுடியுமா? என்ற கேள்வி எழுந்துள்ளது.

ஆனால் இவர்கள் செய்த குற்றச்செயல்களானது நாட்டின் பொருளாதாரத்தை பாதிக்கக் கூடியதாக உள்ளது.

5 ஆண்டு சிறை

தொடர்ந்து வங்கி அதிகாரிகள், பெரும்புள்ளிகளுக்கு போலி ஆவணங்களின் அடிப்படையில் கடனை கொடுத்து, நாட்டிற்கு இழப்பை ஏற்படுத்துகின்றனர். இதுபோன்ற கரும்புள்ளி அதிகாரிகளை கடுமையாக தண்டித்தால் தான் ஓரளவு மோசடிகளை கட்டுப்படுத்த முடியும் என்று கருதுகிறேன்.

எனவே, இந்த வழக்கில் வங்கிக்கு எவ்வளவு இழப்பு ஏற்பட்டுள்ளதோ, அதை ஈடு செய்யும் விதமாக குற்றவாளிகளுக்கு தண்டனை வழங்கவேண்டும் என்று முடிவு செய்கிறேன்.

போலி ஆவணங்களின் அடிப்படையில் கடன் வழங்கிய வங்கி மேலாளர் ஆர்.கிருஷ்ணதாசுக்கு, 5 ஆண்டு சிறை தண்டனையும், ரூ.50 லட்சம் அபராதமும் விதிக்கிறேன். விசாரணைக்கு முன்பே மறைந்த கோவர்தன் நடத்தி வந்த, மெசர்ஸ் மார்ஸ் கம்யூனிகேசன் நிறுவனத்துக்கு ரூ.58 லட்சம் அபராதம் விதிக்கிறேன்.

ரூ.2.85 கோடி இழப்பீடு

சுந்தரராஜனுக்கு 3 ஆண்டு சிறை தண்டனையும், ரூ.51 லட்சம் அபராதமும், ஹரினிவாசினிக்கு 3 ஆண்டு சிறை தண்டனையும், ரூ.54 லட்சம் அபராதமும், கார்த்திகாவுக்கு 3 ஆண்டு சிறை தண்டனையும், ரூ.33 லட்சம் அபராதமும், வினோத்துக்கு 3 ஆண்டு சிறை தண்டனையும், ரூ.54 லட்சம் அபராதமும் விதிக்கிறேன்.

இந்த அபராத தொகையில் ரூ.2.85 கோடியை சென்ட்ரல் பாங்க் ஆப் இந்தியா, மயிலாப்பூர் கிளைக்கு இழப்பீடாக வழங்கவேண்டும்.

இந்த வழக்கில் குற்றம் சுமத்தப்பட்ட கிரிஜா உள்ளிட்டோர் மீது குற்றச்சாட்டு நிரூபிக்கப்படாததால், அவர்கள் குற்றவாளிகள் இல்லை என்று முடிவு செய்து வழக்கில் இருந்து விடுதலை செய்கிறேன்.  இவ்வாறு நீதிபதி வெங்கடசாமி தன்னுடைய தீர்ப்பில் கூறியுள்ளார்.

மூலக்கதை

‘சாது மிரண்டால் காடு கொள்ளாது’: மோசடி வங்கி அதிகாரிகளுக்கு சிபிஐ நீதிமன்றம் எச்சரிக்கை

 

ரூ.3 கோடி இழப்பு ஏற்படுத்திய வழக்கில் மேலாளருக்கு சிறை தண்டனை விதித்து தீர்ப்பு

மத்திய அரசு நல்ல பல திட்டங்களை கொண்டு வந்தாலும் அவற்றை திறம்பட செயல்படுத்த வேண்டிய வங்கி அதிகாரிகளே எதிர்மறையாக உள்ளனர். பொதுமக்கள் கொதித்து எழுந்தால் ‘சாது மிரண்டால் காடு கொள்ளாது’ என்ற நிலையாகி விடும் என சென்னை சிபிஐ நீதிமன்றம் எச்சரித்துள்ளது.

சென்னை மயிலாப்பூரில் உள்ள சென்ட்ரல் பேங்க் ஆப் இந்தியா வங்கியின் கிளை மேலாளர் கிருஷ்ணதாஸ் என்பவர் கடந்த 2001-04 காலகட்டத்தில் தனியார் நிறுவனத்துக்கு போலி ஆவணங்கள் மூலம் கடன் வழங்கியதில் ரூ.3.26 கோடி இழப்பு ஏற்பட்டுள்ளதாக சிபிஐ வழக்குப்பதிவு செய்தது. அதன்படி கிருஷ்ணதாஸ் மற்றும் போலி ஆவணங்கள் மூலம் கடன் பெற்ற தனியார் நிறுவனம் மற்றும் கோவர்தன், வி.சுந்தர்ராஜன், எஸ்.கிரிஜா, ஹரினி வாசினி, கார்த்திகா, ராஜேஸ்வரி, வினோத், சண்முகம், ராஜாராம், முருகன், ராஜேந்திரன் உள்ளிட்டவர்கள் மீது வழக்குப்பதிவு செய்யப்பட்டது.

இந்த வழக்கை விசாரித்த சென்னை சிபிஐ 11-வது கூடுதல் சிறப்பு நீதிமன்ற நீதிபதி கே.வெங்கடசாமி நேற்று அளித்த தீர்ப்பு விவரம் வருமாறு: இந்த வழக்கில் சிபிஐ தனது குற்றச்சாட்டுகளை சரிவர நிரூபித் துள்ளது.

மத்திய அரசு பண மதிப்பு நீக்கம் போன்ற நல்ல பல திட்டங்களைக் கொண்டு வந்தாலும் அவற்றை திறம்பட செயல்படுத்த வேண்டிய வங்கி அதிகாரிகளே அதற்கு எதிர்மறையாக செயல்படு கின்றனர். வங்கி முறைகேடு களுக்கு மூத்த அதிகாரிகளே உடந் தையாக இருப்பதால் தான் நாட்டின் முன்னேற்றம் தடைபடுகிறது. இது நாட்டுக்கு பேரிழப்பு.

பொதுமக்கள் கொதித்து எழுந்தால் ‘சாது மிரண்டால் காடு கொள்ளாது’ என்ற நிலையாகி விடும் என்ற அச்ச உணர்வு ஏற்படு கிறது. அலகாபாத் நகராட்சி யில் உள்ள 119 துப்பரவு பணி யாளர் பணியிடத்துக்கு 1.10 லட்சம் பேர் விண்ணப்பித்துள்ளனர்.

இதில் பெரும்பாலானோர் அதிகம் படித்தவர்கள். இளைஞர் கள் வேலைக்காக திண்டாடும் போது, வங்கி அதிகாரிகள் விதி முறைகளை காற்றில் பறக்கவிட்டு மோசடியில் ஈடுபடுகின்றனர்.

போலி ஆவணங்கள் மூலம் பெரும்புள்ளிகளுக்கு கோடிக் கணக்கில் கடன் கொடுப்பதால் நாட்டின் பொருளாதாரமே சீர் குலைகிறது. நாடும் வராக்கடனில் தத்தளிக்கிறது என மத்திய அரசே உச்ச நீதிமன்றத்தில் தெரிவித்துள்ளது.

அத்தகைய வங்கி அதி காரிகளையும், பெரும்புள்ளி களையும் கடுமையாக தண்டிக்க வேண்டும். வயோதிகத்தைக் காரணம் காட்டி அவர்களுக்கு கரிசனம் காட்டக்கூடாது. அப்போது தான் இதுபோன்ற குற்றங்களை ஓரளவாவது குறைக்க முடியும்.

ஒருபுறம் ரூ.2 ஆயிரம் புதிய நோட்டுகளை வரிசையில் நி்ன்று பெற முடியாமல் பலர் இறந்துள்ளனர். மறுபுறம் ரூ.2 ஆயிரம் புதிய நோட்டுகள் பெரும்புள்ளிகளின் குளியலறை யிலும், சொகுசு அறைகளிலும், கார்களிலும் பதுக்கி வைக்கப் பட்டிருப்பது வேதனை தருகிறது.

சாதாரண கடனுக்காக ஏழை களை மிரட்டி வசூலிக்கும் வங்கி அதிகாரிகள், தங்களின் ஆதாயத்துக்காக பெரும்புள்ளி களிடம் அதுபோல நடப்பதில்லை.

வழக்கு விசாரணை காலதாமதம் ஆவதும் இந்த முறைகேடுகளுக்கு ஒரு காரணியாக அமைந்து விடுகிறது. வங்கி மோசடி தொடர் பான வழக்குகளை விரைவாக விசாரித்து உடனுக்குடன் தீர்ப் பளித்தால் மோசடியாளர்களுக்கு ஒரு அச்சம் ஏற்படும்.

மேலாளருக்கு 5 ஆண்டு சிறை

இந்த வழக்கில் வங்கி மேலாளர் கிருஷ்ணதாஸுக்கு 5 ஆண்டு கடுங்காவல் தண்டனையும் ரூ. 50 லட்சம் அபராதமும் விதிக்கிறேன். மோசடியில் ஈடுபட்ட மெசர்ஸ் மார்ஸ் கம்யூனிகேஷனுக்கு ரூ.58 லட்சம் அபராதமும், சுந்தரராஜன், ஹரினி வாசினி, கார்த்திகா, வினோத் ஆகியோருக்கு 3 ஆண்டுகள் கடுங்காவல் தண்டனை மற்றும் அபராதமாக ரூ.1 கோடியே 92 லட்சமும் விதிக் கப்படுகிறது.

இதன்மூலம் மொத்த அபராதத் தொகை ரூ.3 கோடியில் ரூ.2 கோடியே 85 லட்சத்தை வங்கிக்கு ஏற்பட்ட இழப்பீடாக வழங்க வேண்டும். கிரிஜா, ராஜேஸ்வரி, ராஜேந்திரன் ஆகியோர் விடு விக்கப்படுகின்றனர். இவ்வாறு தனது உத்தரவில் குறிப்பிட் டுள்ளார்.