மார்ச் 08, 03:00 AM

தலையங்கம்

ஆகாய தாமரையை அகற்றும் போராட்டம்

தமிழ்நாட்டில் ஓடும் ஆறுகளில் தாமிரபரணி ஆறு ஒன்றுதான் தமிழ்நாட்டிலேயே உற்பத்தியாகும் ஆறு. எப்போதும் வற்றாத ஜீவநதியாக அதாவது, கொஞ்சம் தண்ணீராவது ஓடிக்கொண்டிருக்கும் ஆறுதான் தாமிரபரணி. நெல்லைக்கு அருகிலுள்ள ‘சிப்காட்’ வளாகத்தில் அமைந்துள்ள பல தொழிற்சாலைகளுக்கு தாமிரபரணி ஆற்றில் இருந்துதான் தண்ணீர் வழங்கப்படுகிறது. இதில், ‘பெப்சி, கோ–கோ கோலா கம்பெனிக்கு மட்டும் தினமும் 24 லட்சம் லிட்டர் தண்ணீர் வழங்கப்படுகிறது. ஆயிரம் லிட்டர் தண்ணீருக்கு ரூ.37.50 காசு என்ற விகிதத்தில் வழங்கப்படுவதை குறிப்பிட்டு, சென்னை ஐகோர்ட்டின் மதுரை கிளையில் 2 பொதுநல வழக்குகள் தொடரப்பட்டன. ஆனால், இந்த பொதுநல வழக்குகள் பொதுநலத்துக்காக தொடரப்படவில்லை. இதில் ஒருமனுதாரர் பல ஆண்டுகளாக இந்த நிறுவனங்களின் வழக்குகளை நடத்திக்கொண்டிருந்தார். இப்போது அங்கிருந்து பணிநிறுத்தம் செய்யப்பட்டதால், அந்த கோபத்தில் பழிதீர்க்க இந்த வழக்குகளை தொடர்ந்துள்ளார் என்று இந்த நிறுவனம் தாக்கல் செய்த மனுவில் கூறியதால், அப்படி இந்த 2 வழக்குகளும் தள்ளுபடி செய்யப்பட்டுள்ளன.

இதை எதிர்த்து திருநெல்வேலி, தூத்துக்குடி மாவட்டங்களில் பல இடங்களில் போராட்டம் தீவிரமாக நடந்துவருகிறது. பல்வேறு வகையான போராட்டங்களை எல்லோரும் நடத்திவந்தாலும், இயற்கை வள பாதுகாப்பு கூட்டமைப்பு என்ற சமூகஆர்வலர் அமைப்பை நடத்தியவர்கள் போராட்டம், எல்லோருடைய கவனத்தையும் ஈர்த்தது மட்டுமல்லாமல், பெரும் ஆதரவையும் தந்துள்ளது. முதலில் ‘பெப்சி, கோ–கோ கோலா கம்பெனிக்கு தாமிரபரணி ஆற்றில் இருந்து தண்ணீர் எடுக்கக்கூடாது என்ற கோரிக்கையை வலியுறுத்தி, ஆற்றின் கரையில் அமர்ந்து போராட்டம் நடத்தினார்கள். வண்ணாரப்பேட்டை அருகே தாமிரபரணி ஆற்றின் கரையில் நடந்த இந்த ஆர்ப்பாட்டத்துக்குப்பிறகு, இந்த சமூக ஆர்வலர்கள் ஆற்றுக்குள் இறங்கி அங்கு படர்ந்திருந்த ஆகாய தாமரையை அகற்றி போராட்டத்தில் ஈடுபட்டார்கள். இந்தப்போராட்டம் தொடரும் என்று அறிவித்திருக்கிறார்கள். அரசாங்கமும், அதிகாரிகளும் செய்யவேண்டிய வேலையை, போராட்டம் நடத்தியவர்கள் செய்தது அனைவரையும் பெரிய ஆச்சரியத்தில் ஆழ்த்தியது. இதுபோன்று ஆக்கப்பூர்வமான போராட்டங்கள்தான் இனி பொதுமக்கள் மத்தியில் எடுபடும்.

பொதுவாக, ஜனநாயக நாட்டில் யாரும் தங்கள் எதிர்ப்பை வெளிக்காட்ட உண்ணாவிரதம், ஆர்ப்பாட்டம், மறியல், தர்ணா, மனிதசங்கிலி போன்ற பலவகையான போராட்டங்கள் நடத்துவதில் தவறே இல்லை. ஆனால், உண்ணாவிரதம் என்பது தங்களை தாங்களே வருத்திக்கொள்வதுதான். மற்ற போராட்டங்கள் எல்லாம் அவர்கள் உணர்வை வெளிகாட்டும் வகையில் அமைந்திருக்கும். அது பொதுமக்களுக்கு பெரும் இடையூறையும் ஏற்படுத்தும். எடுத்துக்காட்டாக, ஒரு இடத்தில் மறியலோ, சாலைமறியலோ, தர்ணாவோ நடந்தால் நிச்சயமாக போக்குவரத்து பெரிதும் பாதிப்புக்குள்ளாகும். அவசரத்துக்கு பொதுமக்கள் எங்கேயும் போகமுடியாது. இத்தகைய நேரங்களில் அவர்கள் போராட்டக்காரர்களை குறைப்பட்டுக்கொள்வார்களே தவிர, அந்தப்போராட்டத்தின் நியாயத்தை உணர்ந்து ஆதரவு தெரிவிக்கமாட்டார்கள். இதனால்தான், ஜப்பான் நாட்டில் எந்தப்போராட்டம் என்றாலும், தாங்கள் பார்க்கும் பணியில் கூடுதல்நேரம் பார்த்து உற்பத்தியை பெருக்குவார்கள். சிலபோராட்டங்களில் ரத்ததானம் செய்து தங்கள் உணர்வுகளை வெளிப்படுத்துவார்கள். அதுபோல, திருநெல்வேலி இப்போது வழிகாட்டிவிட்டது. போராட்டத்தில் ஈடுபடுபவர்கள் போராட்ட உணர்வோடு அந்தப்பணியை வேகமாக செய்வார்கள் என்பதால், இதையே ஒரு பாடமாகக்கொண்டு, இனிமேல் போராட்டம் நடத்துபவர்கள் எல்லோரும் இதுபோல ஆகாய தாமரையை அகற்றும் பணியில் இறங்கினால், பொதுமக்கள் ஆதரவும் கிடைக்கும். அரசாங்கத்தின் கவனத்தையும் ஈர்க்கும். அரசாங்கமும் தாங்கள் செய்யவேண்டிய வேலையை பொதுமக்கள் கையில் எடுத்துக்கொண்டு செய்கிறார்களே என்று உணர்ந்து, அவர்களையே ஆகாய தாமரையை அகற்றும் பணியில் ஈடுபடவைக்கும்.



PrevNext
March 2017
SuMoTuWeThFrSa26 27 28 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

ஜெர்மனி - சென்னை விமானம் 7 மணி நேரம் தாமதம்

பதிவு செய்த நாள்

07மார்
2017 
08:20

சென்னை: ஜெர்மனியின் பிராங்பர்ட் விமான நிலையத்திலிருந்து சென்னை வர வேண்டிய விமானம் 7 மணி நேரம் தாமதமாகியுள்ளது. இதனால், சென்னை விமான நிலையத்தில் 268 பயணிகள் காத்திருக்கின்றனர்.

சென்னை - பெங்களூரு விமானம் ரத்து

பதிவு செய்த நாள்

07மார்
2017 
08:21

சென்னை: சென்னையிலிருந்து இன்று காலை 7.40 மணிக்கு பெங்களூரு செல்ல வேண்டிய ஜெட் ஏர்வேஸ் விமானம் ரத்து செய்யப்பட்டுள்ளது. இயந்திர கோளாறு காரணமாக விமானம் ரத்து செய்யப்பட்டுள்ளது.

பதிவு செய்த நாள்

06மார்
2017 
22:32

புதுடில்லி: கழிப்பறை நாற்றம் காரணமாக, தனியார் விமானத்தின் பாதை மாற்றப்பட்டு, ஐதராபாத்தில் அவசரமாக தரையிறக்கப்பட்டது.
'ஸ்பைஸ்ஜெட்' நிறுவனத்தின் விமானம், சமீபத்தில், 188 பயணிகளுடன், கர்நாடக மாநிலம், பெங்களூரில் இருந்து, டில்லிக்கு புறப்பட்டது. விமானம் புறப்பட்ட சில நிமிடங்களில், விமானிகள் அமரும் அறையிலிருந்து, கழிப்பறை நாற்றம் வந்ததால், ஐதராபாத் விமான நிலையத்தில், தரையிறக்கப்பட்டது. பயணிகள் அனைவரும் கீழே இறக்கப்பட்டனர். விமானத்தின், கழிப்பறை நன்றாக சுத்தம் செய்யப்பட்டது. ஒரு மணி நேர தாமதத்திற்கு பின், விமானம் டில்லிக்கு புறப்பட்டு சென்றது.

ஜார்ஜியா மாணவன் சிகிச்சைக்கு நிதியுதவி

முதல்வர் பழனிசாமி அறிவித்துள்ள அறிக்கை: ஜார்ஜியா நாட்டின் தலைநகரான, திபிலிசியில் உள்ள, ஐரோப்பிய மருத்துவப் பயிற்சி பல்கலையில், மருத்துவம் படிப்பதற்காக, நீலகிரி மாவட்டத்தைச் சேர்ந்த சீனிவாசன் விஜயகுமார் சென்றார். அங்கு, அவருக்கு உடல்நலக் குறைவு ஏற்பட்டு, மருத்துவமனையில், டிச., 8 முதல், சிகிச்சை பெற்று வருகிறார். அவரை மேல் சிகிச்சைக்காக, இந்தியா அழைத்து வர, 18 லட்சம் ரூபாய் செலவாகும் என, அங்குள்ள இந்திய மருத்துவர்கள் தெரிவித்துள்ளனர். அவரது பெற்றோர், அரசின் உதவியை நாடினர். அதன்படி, விஜயகுமாரை, இந்தியா கொண்டு வருவதற்கான செலவு, 18 லட்சம் ரூபாயை, அரசு ஏற்கும்.இவ்வாறு தெரிவித்து உள்ளார்.அங்கு, அவருக்கு உடல்நலக் குறைவு ஏற்பட்டு, மருத்துவமனையில், டிச., 8 முதல், சிகிச்சை பெற்று வருகிறார். அவரை மேல் சிகிச்சைக்காக, இந்தியா அழைத்து வர, 18 லட்சம் ரூபாய் செலவாகும் என, அங்குள்ள இந்திய மருத்துவர்கள் தெரிவித்துள்ளனர். அவரது பெற்றோர், அரசின் உதவியை நாடினர். அதன்படி, விஜயகுமாரை, இந்தியா கொண்டு வருவதற்கான செலவு, 18 லட்சம் ரூபாயை, அரசு ஏற்கும்.

இவ்வாறு தெரிவித்து உள்ளார்.

ஸ்மார்ட் கார்டு' தயாரிப்பு பணி தீவிரம் : புதிய ரேஷன் கார்டு வழங்க தடை

தேனி: 'ஸ்மார்ட் கார்டு' தயாரிப்பு பணி தீவிரமாக நடப்பதால், புதிய ரேஷன் கார்டு வழங்க தடை விதிக்கப்பட்டுள்ளது. தமிழகத்தில் ஏப்ரல் முதல் ரேஷன் கார்டுக்கு பதிலாக 'ஸ்மார்ட் கார்டு' வழங்கப்பட உள்ளது. இதற்காக ரேஷன் கார்டுடன் குடும்ப உறுப்பினர் ஆதார், அலைபேசி எண்கள் இணைக்கும் பணிகள் முழுவீச்சில் நடந்து வருகிறது. 

ஆதார் எண் இணைக்கப்பட்டவர்களுக்கு மட்டுமே 'ஸ்மார்ட் கார்டு' வழங்கப்பட உள்ளது.

விடுபட்டவர்களுக்கு வாய்ப்பு : ஆதார் இணைக்காத ரேஷன் கார்டுகள் போலியானவை என கண்டறியப்பட்டு ஒவ்வொரு மாவட்டத்திலும் 20,000 முதல் 50,000 கார்டுகளுக்கு பொருட்கள் சப்ளை நிறுத்தப்பட்டுள்ளது. அக்கார்டுதாரர்களில் சிலர் தற்போது மனுச்செய்து தங்கள் கார்டுகளுடன் ஆதார் எண்ணுடன் இணைக்க வலியுறுத்துகின்றனர்.'பாயின்ட் ஆப் சேல்ஸ்' கருவியில் மாவட்ட உணவு வழங்கல் அலுவலரின் 'பாஸ்வேர்டு' பயன்படுத்தி விடுபட்ட குடும்ப உறுப்பினர்களின் ஆதார் எண் இணைக்கப்பட்டு வருகிறது.
புதிய கார்டு நிறுத்தம் : 'ஸ்மார்ட் கார்டு' பணி தீவிரமாக நடப்பதால், கடந்த மாதத்துடன் புதிய ரேஷன் கார்டு வழங்க தடை விதிக்கப்பட்டது. இதனால் புதிய ரேஷன் கார்டு பிரின்ட் செய்யும் பணி நிறுத்தப்பட்டு விட்டது. தற்போது புதிய கார்டு கோரி 'ஆன்-லைனில்' மட்டுமே விண்ணப்பிக்கலாம். இந்த விண்ணப்பங்கள் 'ஸ்மார்ட் கார்டு' வழங்கும் பணி நிறைவடைந்த பின் பரிசீலனைக்குட்பட்டு, சம்பந்தப்பட்டவர்களுக்கும் புதிய கார்டு வழங்கப்படும், என,

வழங்கல்துறை அதிகாரி ஒருவர் தெரிவித்தார்.

மருத்துவ அறிக்கை வெளியீடு ஏன்? : சுகாதாரத்துறை செயலர் விளக்கம்

தமிழக அரசின் சுகாதாரத் துறை செயலர், ராதாகிருஷ்ணன் அளித்த பேட்டி:ஜெயலலிதா மறைவு குறித்த வதந்திகளுக்கு முற்றுப்புள்ளி வைக்க, அவரது மருத்துவ அறிக்கையை வெளியிட்டுள்ளோம். டில்லி, எய்ம்ஸ் மருத்துவர்கள் அறிக்கை, சென்னை, அப்பல்லோ மருத்துவமனை அறிக்கை, அரசு அறிக்கை அனைத்தையும் பார்வையிடும் போது, மறைந்த முதல்வர் ஜெயலலிதாவுக்கு, உலகத்தரம் வாய்ந்த சிகிச்சை அளிக்கப்பட்டது தெளிவாகிறது. தனிப்பட்ட நபரின் சிகிச்சை விபரத்தை வெளியிடக் கூடாது என்ற விதி உள்ள போதிலும், வதந்திகளை தவிர்க்க, பத்திரிகை செய்தி அளித்துள்ளோம். எய்ம்ஸ் மருத்துவர்கள் குழு அறிக்கையை, முழுமையாக வெளியிட்டுள்ளோம். அரசு டாக்டர்கள், அப்பல்லோ மருத்துவர்கள் அளித்த, சிகிச்சை முறையும் வெளியிடப்பட்டு உள்ளது. மாநில அரசின் கோரிக்கை அடிப்படையில், எய்ம்ஸ் மருத்துவர்கள் வந்தனர். வதந்திகளுக்கு முற்றுப்புள்ளி வைக்கவே, அனைத்து மருத்துவ அறிக்கைகளையும் அளித்துள்ளோம்; நீதிமன்றத்திலும் அறிக்கை அளித்துள்ளோம். மறைந்த முதல்வருக்கு உலகத்தரம் வாய்ந்த சிகிச்சை அளிக்கப்பட்டது. தேவை அடிப்படையில், மருத்துவ நிபுணர்கள் வரவழைக்கப்பட்டனர். அவர்கள், சிகிச்சையை பாராட்டி உள்ளனர்; யாரும் குறை கூறவில்லை. நேரடியாக ஜெ.,வை பார்த்து சிகிச்சை அளித்தனர். அறிக்கையை, திருத்தம் செய்யவில்லை. 2016 டிச., 4 மாலை, 4:30 மணிக்கு, ஜெ.,வுக்கு மாரடைப்பு ஏற்பட்டது. டிச., 5ல், 'எக்மோ' சிகிச்சை அளிக்கப்பட்டது. அன்று எய்ம்ஸ் மருத்துவர்களும் வந்தனர். மருத்துவ முறைப்படி, முடிவுகள் எடுக்கப்பட்டன. இவ்வாறு அவர் தெரிவித்தார்.
- நமது நிருபர் -

கோடி கணக்கில் ஏமாற்றியவரை விட்டுவிட்டு, சேலை திருடியவருக்கு ஓராண்டு சிறையா?

புதுடில்லி: ‛‛கோடி கணக்கில் பணத்தை ஏமாற்றியவர்கள் வெளிநாட்டில் சுகமாக வாழும் போது, சேலை திருடியவருக்கு ஓராண்டு சிறையா?'' என சுப்ரீம் கோர்ட் நீதிபதி கேள்வியெழுப்பினார்.

ஐதராபாத்தை சேர்ந்த எலியா என்பவர் 5 சேலைகளை திருடியாதாக அம்மாநில போலீசார் ஒரு வருடத்திற்கு முன்பு கைது செய்தனர். ஆனால் இது வரை அவர் எந்த வித விசாரணையும் இன்றி சிறையிலேயே இருந்து வருகிறார். வழக்கும் நிலுவையில் இருந்து வருகிறது.

சேலை திருடியவருக்கு 1 வருடம் சிறையா?

இதை எதிர்த்து அவரது மனைவி சுப்ரீம் கோர்ட்டில் வழக்கு தொடர்ந்துள்ளார். இந்த மனுவை விசாரித்த நீதிபதி கேகர் கூறுகையில் ‛‛ கோடி கணக்கில் பணத்தை ஏமாற்றியவர்கள் சுகமாக வாழ்ந்து கொண்டிருக்கும் போது, 5 சேலை திருடியவர் விசாரணையின்றி சிறையில் இருக்கிறார்'' என தெலுங்கானா போலீசிற்கு கண்டனம் தெரிவித்தார்.

நீதிபதி கேகர் கோடி கணக்கான பணத்தை கடனாக பெற்று விட்டு வெளிநாட்டில் வாழும் விஜய் மல்லையாவின் பெயரை சொல்லாமல் அவர் சுதந்திரமாக இருப்பதை சுட்டிக்காட்டி பேசியிருப்பது பரபரப்பை ஏற்படுத்தியள்ளது.

ஜெ.வீட்டு பணிப்பெண் எங்கே?" - ஓ.பி.எஸ் வீட்டில் விடிய விடிய ஆலோசனை!





ஜெயலலிதா மரணத்தில் சி.பி.ஐ. விசாரணை கேட்டு ஓ.பன்னீர்செல்வம் கோரிக்கை வைத்து வருகிறார். சென்னை அடையாறு கிரீம்ஸ் சாலையில் உள்ள ஓ. பன்னீர்செல்வத்தின் வீட்டில், தனது ஆதரவாளர்களுடன் விடிய விடிய ஆலோசனையில் ஈடுபட்டுவருவதாக தகவல் வெளியாகியுள்ளது.

நம்மிடம் பேசிய அ.தி.மு.க நிர்வாகி ஒருவர், ஆலோசனைக் கூட்டம் குறித்த தகவல்களை நம்மிடம் பகிர்ந்துகொண்டார். "நேற்று இரவிலிருந்து இப்போ வரைக்கும் கூட்டம் நடந்துட்டு இருக்கு. கூட்டத்தில் பேசிய ஓ.பன்னீர்செல்வம், 'அப்போலோ மருத்துவமனையில் என்ன நடந்தது என்பதை மத்திய-மாநில அரசுகள் விளக்க வேண்டும். முதலமைச்சர் ஜெயலலிதாவை மருத்துவமனையில் பார்த்ததாகவும், பேசியதாகவும் சிலர் சொல்வது தவறு. அவரைப் பார்க்க யாரையும் அனுமதிக்கல'ன்னு சொன்னாரு.

உடனே மாஃபா பாண்டியராஜன், 'ஜெயலலிதாவின் மரணம் குறித்து விசாரிக்க ஒரு விசாரணை கமிஷன் அமைக்கப்பட வேண்டும்' என்றார். மேட்டூர் தொகுதி எம்எல்ஏ செம்மலை, 'ஜெயலலிதா கீழே தள்ளிவிடப்பட்டு மயக்கமடைந்த காரணத்தால்தான் மருத்துவமனையில் சேர்க்கப்பட்டார். அவருடைய மரணத்தில் மர்மம் இருக்கிறது' என்று சொன்னார். உடனே பொன்னையன், 'ஜெயலலிதா கீழே தள்ளிவிடப்பட்டதை நேரில் பார்த்த பணிப்பெண்ணை இதுவரையில் காணவில்லை. அவர் இருக்கும் இடமும் தெரியல'ன்னு சொன்னாரு." எனக் கூறினார்.

- ந.பா.சேதுராமன்

“ஜெயலலிதா அப்போலோவுக்கு கொண்டுவரப்பட்டபோது...” - மர்மம் உடைக்க வருகிறது சி.பி.ஐ
ஜெயலலிதா மரணத்தில் உள்ள மர்ம முடிச்சுகள் மெள்ள மெள்ள அவிழ ஆரம்பித்துள்ளன. ‘கூட்டாளிகள் பிரிந்தால்தான் களவாணி வெளிப்படுவான்’ என்பார்கள். அ.தி.மு.க இரண்டுபட்டதால் ஜெயலலிதாவின் மரணம் குறித்த மர்மம் வெளிச்சத்துக்கு வர ஆரம்பித்துள்ளது. ஜெயலலிதாவின் மரணத்தில் சில இருண்ட பக்கங்கள் இருப்பதாக முன்னாள் முதலமைச்சர் ஓ.பன்னீர்செல்வம் சொல்ல ஆரம்பித்துள்ளார். அவருக்கு ஆதரவாக இருக்கும் 12 எம்.பி-க்கள் கடந்த 27-ம் தேதி அன்று டெல்லியில் ஜனாதிபதி பிரணாப் முகர்ஜியைச் சந்தித்து, ‘ஜெயலலிதா மரணம் தொடர்பாக சி.பி.ஐ விசாரணை நடத்த வேண்டும்’ என்று மனு அளித்து பரபரப்பை ஏற்படுத்தினார்கள். ‘குற்றவாளியை நெருங்கி விட்டோம்’ என்கிறார் பி.ஹெச்.பாண்டியன். தமிழக அரசியல் மீண்டும் இப்போது ஜெயலலிதா மரணத்தையொட்டிய கொந்தளிப்பில் இருக்கிறது.

27 கேமராக்கள் நிறுத்தப்பட்டன!

ஜனாதிபதியைச் சந்தித்த எம்.பி மைத்ரேயனிடம் பேசினோம். “செப்டம்பர் 22-ம் தேதி அப்போலோவில் முதல்வர் ஜெயலலிதா அனுமதிக்கப்பட்டார். அவருக்கு நீர்ச்சத்து குறைபாடு, காய்ச்சல் என்று மட்டும் சொன்னார்கள். அதன் பிறகு, 75 நாள்கள் யாரையும் பார்க்கவிடாமல் தடுத்துவிட்டு, திடீர் என அவர் இதயத் துடிப்பு முடக்கத்தால் மரணம் அடைந்துவிட்டதாகக் கூறினார்கள். இது சந்தேகத்தை ஏற்படுத்தி இருப்பதைச் சுட்டிக்காட்டியுள்ளோம். ‘பிசியோதெரபி சிகிச்சை எடுத்துக்கொள்கிறார்’, ‘இட்லி சாப்பிடுகிறார்’ என்று சொல்லிவிட்டு, அவருக்கு ‘செப்டிசீமியா’ என்ற நோய் இருப்பதாக அடுத்து அறிக்கைவிட்டது எதனால்? சசிகலாவைத் தவிர யாரையும் அந்த அறைக்குள் அனுமதிக்கவில்லை. செப்டிசீமியா இருந்தாலும் ஒரு சிலரையாவது உரிய பாதுகாப்புக் கவசங்களுடன் அறைக்குள் அனுப்பியிருக்கலாம். அதைத் தவிர்த்தது ஏன்? ஜெயலலிதா மருத்துவமனைக்குக் கொண்டு வரப்பட்டபோது, அப்போலோவில் இருந்த 27 சி.சி.டி.வி கேமராக்கள் செயல் இழக்க வைக்கப் பட்டுள்ளன. ஏன் அப்படிச் செய்யப்பட்டது?

சென்னை உயர் நீதிமன்றத்தில் அப்போலோ மருத்துவமனை சார்பில் தாக்கல் செய்த மனுவில், ‘இனிமேல் காப்பாற்ற முடியாது என்ற சூழ்நிலையில் அவருக்கு அளிக்கப்பட்ட சிகிச்சைகளை ஒப்புதலோடு நிறுத்தினோம்’ என்று சொல்லியுள்ளார்கள். யாருடைய ஒப்புதலோடு சிகிச்சைகள் நிறுத்தப்பட்டன என்பது பொதுமக்களுக்குத் தெரிய வேண்டாமா? இத்தகைய சந்தேகங்களைத் தொகுத்து ஜனாதிபதியிடம் கொடுத்துள்ளோம். ‘சி.பி.ஐ விசாரணை நடத்தி உண்மையை வெளிக்கொண்டு வர வேண்டும்’ என்று கேட்டோம். ஜனாதிபதியும் தேவையான நடவடிக்கை எடுக்கப்படும் என்று தெரிவித்தார். நாங்கள் சொன்னதை கவனமாகக் கேட்டார். சில விவரங்களைக் குறித்துக்கொண்டார். விரைவில் சி.பி.ஐ விசாரணை குறித்த அறிவிப்பு வெளியாகும். ஜெயலலிதா மரணத்தின் பின்னணியில் உள்ள உண்மைகளை வெளியே கொண்டுவரும் வரை ஓயமாட்டோம்” என்றார் மைத்ரேயன்.



விரைவில் சி.பி.ஐ விசாரணை!

அ.தி.மு.க-வின் எம்.பி-க்கள் குழு ஜனாதிபதியுடன் நடத்திய சந்திப்புக்குப் பின்னால், மத்திய அரசின் ஒப்புதலும் இருப்பதாகச் சொல்கிறார்கள். ‘‘ஜெயலலிதா மரணம் குறித்து பிரதமர் மோடிக்கு சந்தேகங்கள் உள்ளன. ஜெயலலிதாவைப் பார்க்க வருவதாக இரண்டு முறை மோடி சொன்னார். இரண்டு முறையும் தடுத்தார்கள். எனவே, உள்விஷயங்களை மோடியும் அறிவார். மேலும், சசிகலா குடும்பத்தினர் அ.தி.மு.க-வைக் கைப்பற்றத் துடிப்பதை மோடி ரசிக்கவில்லை. உத்தரப் பிரதேச தேர்தல் முடிந்த பிறகு, தமிழக அரசியலில் மோடியின் பார்வை இருக்கும். அதற்கான முன்னோட்டம்தான் இந்தச் சந்திப்பு” என்று டெல்லி வட்டாரங்கள் சொல்கின்றன. இரண்டு மாதங்களில் இதற்கான வேலைகள் ஆரம்பம் ஆகும் என்றும் சொல்கிறார்கள்.

அப்போலோவுக்கு கொண்டுவரும்போதே...

ஜெயலலிதா மரணத்தில் மர்மம் இருப்பதாக தொடர்ந்து சொல்லி வருகிறார்கள் முன்னாள் சபாநாயகர் பி.ஹெச்.பாண்டியனும், அவரின் மகன் மனோஜ் பாண்டியனும். முன்னாள் எம்.பி-யான மனோஜ் பாண்டியனைச் சந்தித்தோம். அவர் தனது சந்தேகங்களை அடுக்க ஆரம்பித்தார்.

‘‘அப்போலோ மருத்துவமனை தந்த ஜெயலலிதாவின் டிஸ்சார்ஜ் அறிக்கையில், ‘அவர் கீழே விழுந்துதான் மருத்துவமனையில் அனுமதிக்கப்பட்டுள்ளார்’ என்று தெரிவித்து உள்ளார்கள். அப்படியானால், ‘அவர் எங்கே, எப்படி கீழே விழுந்தார்? அவராக விழுந்துவிட்டாரா? அவரை யார் தள்ளிவிட்டது? எதற்காகத் தள்ளிவிட்டார்கள்? அதற்கு என்ன நோக்கம்?’ என்பதை விளக்க வேண்டும்.

போயஸ் கார்டனில் இருந்து டி.எஸ்.பி ஒருவர்தான் அப்போலோவின் 1066 என்ற ஆம்புலன்ஸ் எண்ணுக்கு போன் செய்து ஆம்புலன்ஸை வரவழைத்துள்ளார். அந்த ஆம்புலன்ஸ், போயஸ் கார்டன் வீட்டுக்குள் நுழைந்ததும், ஜெயலலிதா அதில் ஏற்றப்பட்டதுமான காட்சிகள் கொண்ட சி.சி.டி.வி பதிவுகள் எங்கே? அப்போலோ மருத்துவமனையில் இருந்து சென்ற ஆம்புலன்ஸில்தான் ஜெயலலிதா அழைத்துவரப்பட்டார் என்றால், அவருடன் பயணம் செய்தவர்கள் யார், யார்? ஆம்புலன்ஸில் செல்லும் அளவுக்கு சீரியஸ் என்றால், ஆம்புலன்ஸ் உடனே புறப்படாமல் தாமதம் செய்யப்பட்டது ஏன்?

போயஸ் கார்டனுக்கு ஆம்புலன்ஸ் சென்ற அடுத்த சில மணி நேரத்தில் அப்போலோ மருத்துவமனையின் வெளியே, உள்ளே, இரண்டாம் தளம் ஆகியவற்றில் இருந்த 27 சி.சி.டி.வி கேமராக்கள் செயல் இழக்க வைக்கப்பட்டுள்ளன. இதற்கு என்ன காரணம்? அப்போலோவில் கேமராக்கள் அகற்றப்பட்டாலும், போயஸ் கார்டன் உள்ளேயும் வெளியேயும் கேமராக்கள் உள்ளன. அந்த கேமராவில் பதிவான காட்சிகளை ஏன் இதுவரை வெளியிடவில்லை? எது எதற்கோ அறிக்கை விடுபவர்கள், இதற்கு பதில் சொல்லி அறிக்கை விடாததன் மர்மம் என்ன?



ஜெயலலிதாவின் உடல்நிலையைக் கவனித்துக் கொண்டிருந்த தமிழ்நாடு எம்.ஜி.ஆர் மருத்துவப் பல்கலைக்கழகத்தின் முன்னாள் துணைவேந்தர் டாக்டர் சாந்தாராம், 2016 மே மாதமே ‘உங்களுக்கு அளிக்கப்படும் சிகிச்சைகள் சரியில்லாமல் இருப்பதால் பக்கவாதம் வரப்போகிறது’ என்று எச்சரித்துள்ளார். அதன்பிறகு அவரை போயஸ் கார்டன் பக்கமே அனுமதிக்காத மர்மம் என்ன? 2016-ம் ஆண்டு மே மாதம் ஆரம்பித்து, ஜெயலலிதா மருத்துவமனையில் சேர்க்கப்பட்ட செப்டம்பர் மாதம் வரை அவருக்கு அளிக்கப்பட்ட சிகிச்சையில் நிறைய மர்மங்கள் புதைந்தது கிடக்கின்றன. இந்தக் காலகட்டத்தில்தான் அவரது உடலில் சர்க்கரை அளவு உச்சபட்ச நிலையில் இருந்துள்ளது. இதற்கு என்ன சிகிச்சைகள் அளித்தார்கள்?

2015-ம் ஆண்டு மே மாதமே ஜெயலலிதாவின் உடல்நிலை சரியில்லாமல் இருந்தால், மத்திய அரசு அனுமதியோடு அவரை சிங்கப்பூரில் உள்ள மவுன்ட் எலிசபெத் மருத்துவமனைக்கு அழைத்துச் செல்ல ‘பாரா ஆம்புலன்ஸ் ஹெலிகாப்டர்’ சென்னை விமான நிலையத்தில் காத்திருந்தது. ஆனால், அந்தப் பயணத்தை ரத்து செய்தது யார்?

அப்போலோ மருத்துவமனையில் அவருக்கு அளிக்கப்பட்ட உணவுகள் சோதனை செய்யப்பட்டு தரப்பட்டதா? ஜெயலலிதா மருத்துவமனையில் இருந்த அந்த 75 நாள்களில், அவரைக் காண வந்தவர்கள் பற்றிய விவரங்களை காவல்துறை உயர் அதிகாரி ஒருவர் எடுத்துச் சென்றுவிட்டதாக சொல்கிறார்கள். அதனை மறைக்கக் காரணம் என்ன? தமிழகத்தில் நடைபெற்ற மூன்று தொகுதி இடைத்தேர்தல்களின்போது, ஜெயலலிதாவின் கைரேகை பெறப்பட்டது. அந்தக் கைரேகை பெறப்பட்டபோது மருத்துவர்கள் பாலாஜியும், ஜான் ஆபிரஹாமும் இருந்துள்ளார்கள். ‘இதே போன்று வேறு பத்திரங்களிலும் கைரேகை பெறப்பட்டதா?’ என்ற விவரங்களை பாலாஜியிடம் விசாரிக்க வேண்டும்.

சென்னை உயர் நீதிமன்றத்தில் அப்போலோ மருத்துவமனை தரப்பில் தாக்கல்செய்யப்பட்ட மனுவில், ‘உயிர் இருந்தும் உடல் இயக்கம் செயல் இழந்துவிட்டதால், சிகிச்சைகள் நிறுத்தப்பட்டன’ என்று கூறப்பட்டுள்ளது. சிகிச்சைகளை நிறுத்துவதற்கு அனுமதி கொடுத்தது யார்? உடலில் சிறு அறுவைச் சிகிச்சை செய்வதற்கே ரத்த பந்தங்களின் அனுமதி தேவை என்று இருக்கும்போது, ஜெயலலிதாவுக்குச் சிகிச்சையை நிறுத்துவதற்கு யாரிடம் அனுமதி பெற்றார்கள்? எக்மோ உள்ளிட்ட சிகிச்சைகள் மேற்கொள்ள யாரிடம் கையெழுத்து வாங்கினார்கள்? ஜெயலலிதா மருத்துவமனையில் சேர்க்கப்பட்ட பிறகு, அவரின் உடல் எடை 47 கிலோ குறைந்துள்ளது. அதற்குக் காரணம் என்ன?

வெளிநாட்டு மருத்துவர்கள் ஜெயலலிதாவைப் பார்க்க வந்தபோது, சசிகலா மட்டுமே உடன் இருந்துள்ளார். தமிழ் மட்டுமே தெரிந்த சசிகலா, தமிழே தெரியாத வெளிநாட்டு மருத்துவர்களோடு எவ்வாறு உரையாடினார்?



வாஸ்து சீனிவாசன் பரிந்துரை செய்ததன் அடிப்படையில், அப்போலோ மருத்துவமனையில் ஜெயலலிதா அனுமதிக்கப்பட்டிருந்த அறையில் அதிரடி மாற்றங்களைச் செய்து, அந்த அறையை இருட்டாக ஆக்கியது ஏன்? ஜெயலலிதாவுக்கு மருந்து கொடுக்கக்கூட, நல்ல நேரம் பார்த்துக் கொடு்த்த தவற்றைச் செய்தது ஏன்?

- இப்படி பல்வேறு சந்தேகங்கள் உள்ளன. எங்களைப் பொறுத்தவரையில் அவர் அப்போலோவுக்கு அழைத்து வரப்பட்டபோதே மர்மமான நிலைமையில்தான் இருந்துள்ளார் என்று தெரிகிறது. இந்த ரகசியங்களை கொஞ்சம் கொஞ்சமாக வெளியிடுவோம்” என்கிறார் மனோஜ் பாண்டியன்!

எய்ம்ஸ் மருத்துவர்கள் புலம்பல்!

எய்ம்ஸ் மருத்துவக்குழு அப்போலோ வந்து, ஜெயலலிதாவின் நிலையைப் பார்த்துவிட்டு டெல்லிக்குக் கிளம்பியபோது அடித்த கமென்ட்டை இப்போது சிலர் சொல்கிறார்கள். ஜெயலலிதாவுக்கு அளிக்கப்பட்ட சிகிச்சையை ‘It is a secret service, not a medical service’ என்று அந்த மருத்துவர்கள் சொன்னார்களாம்.

2011-ம் ஆண்டு குஜராத் முதல்வராக மோடி இருந்தபோது, ஜெயலலிதாவுக்கு உதவியாக ஒரு நர்ஸை அனுப்பியுள்ளார். ஆனால், அவர் சில மாதங்களில் இங்கிருந்து அனுப்பப்பட்டார். அப்போதே மோடி, “உங்களுக்கு அளிக்கப்படும் உணவு விஷயங்களில் எச்சரிக்கையாக இருங்கள்” என்று ஜெயலலிதாவிடம் அறிவுறுத்தி உள்ளார். ‘‘அதையும் இந்த சம்பவங்களையும் முடிச்சுப் போட்டுப் பாருங்கள்’’ என்கிறார்கள் ஒரு தரப்பினர்.

எப்போதும் வரலாம்!

அப்போலோ மருத்துவமனை, ‘ஜெயலலிதாவின் மருத்துவச் செலவு ஐந்து கோடி ரூபாய்’ என்று சொல்லியிருந்தது. ஆனால், அவருடைய சிகிச்சை செலவு 7.8 கோடி ரூபாய் என்கிறார்கள். அதில் உணவுச் செலவு மட்டும் 30 லட்ச ரூபாய் என்று கணக்குக் காட்டியுள்ளார்கள். ‘‘30 லட்சம் ரூபாய்க்கு உணவுச்செலவு என்றால் தினமும் யார் யாரெல்லாம் அங்கு இருந்தார்களோ, அவர்கள் அனைவரையும் விசாரணை வளையத்துக்குள் கொண்டுவர வேண்டும்’’ என்று ஜனாதிபதியிடம் சொல்லப்பட்டிருக்கிறது. ‘சி.பி.ஐ வரும்போது, சசிகலா குடும்பத்தைச் சேர்ந்த டாக்டர் சிவகுமாரும் விசாரணை வளையத்துக்குள் கொண்டு வரப்படுவார்’ என்று நம்பிக்கையோடு சொல்கிறது ஓ.பி.எஸ் தரப்பு. ‘‘கடந்த சில ஆண்டுகளாகவே ஜெயலலிதாவுடன் இருந்த சிவகுமார், சமீப காலமாக எங்கும் தலைகாட்டவில்லை. இதுவும் சந்தேகத்தை அதிகப்படுத்துகிறது. மருத்துவமனையில் சசிகலாவின் நிழலாக இருந்தவர், அவருடைய உதவியாளர் கார்த்திகேயன். அவருக்கும் அனைத்தும் தெரியும்’’ என்கிறார்கள் இவர்கள்.

‘சி.பி.ஐ., எந்த நேரத்திலும் வந்து வளைக்கலாம்’ என்று சொல்கின்றன டெல்லி தகவல்கள்.

- எஸ்.முத்துகிருஷ்ணன், அ.சையது அபுதாஹிர்

தகிக்கும் தமிழகம்... தாகத்தில் தவிக்கும் மக்கள்...! நிலவரம் புரிகிறதா தமிழக முதல்வரே..?!




தமிழகத்தில் குடிநீர், விவசாயம் இரண்டுக்கும் ஆதாரமாக விளங்கும் நீர்நிலைகள், பராமரிப்பின்றித் தூர்ந்துபோய் இருக்கின்றன. அதே நேரத்தில் குடிக்க தண்ணீர் இல்லாமல் தமிழக மக்கள் தவித்து வருகின்றனர். ஆங்காங்கே பல தொண்டு நிறுவனங்களும், மக்கள் பிரதிநிதிகளும் நீர்நிலைகளை தூர்வாரிப் பராமரித்து வருகின்றனர். இந்தச் சூழலில் நீர்நிலைகளைப் பராமரிக்க 'குடிமராமத்து' என்ற பழங்கால முறையினை தமிழக அரசு கையில் எடுத்திருக்கிறது. பொதுமக்கள் பங்களிப்புடன் சிறிய நீர்நிலைகளை தூர்வாரி பராமரிக்கும் பணி தொடங்கப்பட உள்ளதாக தமிழக அரசு கூறியுள்ளது. குடிமராமத்து எவ்வளவு தூரத்துக்குப் பயன் அளிக்கும்?

365 நாட்களும் பராமரிப்பு

தமிழகத்தில் உள்ள நீர்நிலைகள் 1837-ம் ஆண்டு வரை குடிமராமத்து முறையில் மக்களால் பராமரிக்கப்பட்டு வந்தது. கால்வாய் மணியம் என்ற பெயரில் ஒரு வாய்க்காலுக்கு ஒரு மணியக்காரர் இருப்பார். ஒரு குடும்பத்துக்கு இருவர் வீதம் குடிமராமத்துப் பணிகளில் மக்கள் ஈடுபடுவார்கள். ஏரி மட்டுமின்றி வரத்து கால்வாய் உள்ளிட்ட அனைத்துப் பகுதிகளையும் சுத்தம் செய்வார்கள். இதனால் ஏரியில் தண்ணீர், இருந்தாலும் இல்லாவிட்டாலும் 365 நாட்களும் பராமரிப்பு இருக்கும். குடிமராமத்து மூலம், ஏரிகள் கிராமத்தின் உயிர்நாடியாகவே இருந்தன. அரசின் திட்டம் பலன் அளிக்குமா?

தனியாரிடம் விடக்கூடாது

பண்டைய காலத்தில் மக்கள் பங்களிப்புடன் நீர்நிலைகளில் குடிமராமத்து மேற்கொள்ளப்பட்டது. நீர்நிலைகளில் அரசின் ஆதிக்கம் தொடங்கியபோதுதான் குடிமராமத்து முற்றிலும் தடைபட்டுப்போனது. இப்போது 10 லட்சம் ரூபாய்க்கு உள்பட்ட பணிகளை மட்டுமே மக்களைக் கொண்டு குடிமராமத்து செய்யப்படும் என்று அரசு கூறி உள்ளது. இதுகுறித்து தஞ்சை காவிரி விவசாயிகள் பாதுகாப்பு சங்கத்தைச் சேர்ந்த மாவட்டச் செயலாளர் சுவாமிமலை சுந்தர விமல்நாதனிடம் பேசியபோது, "குடிமராமத்துப் பணிகள் என்பது 1963-ம் ஆண்டுவரை செம்மையாக நடந்தது. நீர்நிலைகள் பராமரிப்பு என்பதில் அரசியல் நுழைந்த பிறகு, ஒப்பந்தக்காரர்கள் கையில் போனபிறகு குடிமராமத்து முறை இல்லாமல் போய்விட்டது.

நீர்நிலைகளை பராமரிக்கிறோம் என்ற பெயரில் எந்த ஒரு தனியாரிடமும் ஒப்பந்தம் இல்லாமல், மக்களைக் கொண்டு செம்மையாக செய்தால் நீர்நிலைகளில் மிகக் குறைந்த அளவிலான நீரைக் கூட சேமிக்க முடியும். இப்போது குடிமராமத்து பணிகளைச் செய்ய வேண்டும் எனில், 1950 ஆண்டுக்கு முன்பு உள்ள வருவாய் பதிவேடு அளவுகளின்படி உள்ள நீர்நிலைகளில் பணிகளை மேற்கொள்ள வேண்டும்" என்றார்.

தன்னார்வ முயற்சிகள்

சென்னையில் கடந்த 2015-ம் ஆண்டு கனமழை பெய்தபோதும் அப்போது கிடைத்த மழை நீர் சேமிக்கப்படவே இல்லை. காரணம் சென்னையைச் சுற்றி இருக்கும் நீர் நிலைகள் முறையாகத் தூர்வாரப்படாததும், பராமரிக்கப்படாததும்தான். இதை உணர்ந்த தன்னார்வ அமைப்புகள் நீர்நிலைகளை தாங்களாகவே தூர்வாரி வருகின்றன. இதுகுறித்து தமிழக அரசின் முன்னாள் தலைமைப் பொறியாளர் வீரப்பனிடம் பேசினோம். "பல்வேறு தன்னார்வ அமைப்புகள் நீர்நிலைகளைப் பாதுகாக்க களம் இறங்கி உள்ளன. விகடன் குழுமத்தின் சார்பில் படப்பை அருகில் ஏரிகள் தூர்வாரப்பட்டுள்ளன. குடிமராமத்துப் பணிகளின்போது ஏரி, குளங்களில் உள்ள வண்டல் மண்ணை இலவசமாக எடுத்துக் கொள்ளும்படி விவசாயிகளுக்கு அனுமதி அளிக்கலாம். அரசியல்வாதிகளின் குறுக்கீடுகளை அனுமதிக்கக் கூடாது. அதே போல 100 நாள் வேலைத் திட்டத்தில் குடிமராமத்துப் பணிகளைச் செய்யக்கூடாது" என்றார்.



ஆக்கிரமிப்புகளை என்ன செய்வீர்கள்

நீர்நிலைகளைப் பாதுகாக்க குடிமராமத்து செய்வதாக அரசு அறிவித்துள்ளது நல்ல விஷயம்தான். ஆனால், இப்போது நீர்நிலைகளில் இருக்கும் ஆக்கிரமிப்புகளை என்ன செய்யப்போகிறீர்கள் என்ற கேள்வியும் எழுகிறது. இதுகுறித்து சென்னை வளர்ச்சி ஆராய்ச்சி மையத்தின் பேராசிரியர், ஜனகராஜனிடம் பேசினோம். "நீர்நிலைகளைப் பராமரிப்பதில் அரசுக்கு திடீரென ஞானோதயம் வந்திருக்கிறது. இப்போது ஏரியில் பேருந்து நிலையங்கள், நீதிமன்றங்கள், மாவட்ட ஆட்சியர் அலுவலகங்கள், தொழிற்பேட்டைகள் இவையெல்லாம்தான் இருக்கின்றன. குடிமராமத்து செய்யப்போகும் அரசு இதையெல்லாம் என்ன செய்யப்போகிறது. குடிமராமத்தின்போது ஏரியின் வரத்துக்கால்வாய், நீர்பிடிப்பு பகுதிகளில் உள்ள ஆக்கிரமிப்புகளை அகற்ற வேண்டும். மற்றபடி குடிமராமத்து என்பது ஒரு மாற்றத்துக்கான விஷயம்தான்" என்றார்.

தமிழகம் தண்ணீர் இன்றி தவிப்பதற்கு நீர் நிலைகள் பராமரிப்பு மோசமான நிலையில் இருப்பதுதான் காரணம். தமிழகம் தகிப்பது ஆட்சியாளர்களுக்குப் புரியாமல் இல்லை. ஆனால், மக்களைத் தவிக்க விட்டுவிட்டு அரசு மெளனமாக வேடிக்கை மட்டுமே பார்க்கிறது.

- கே.பாலசுப்பிரமணி

ஃபேமிலி டாக்டர் சரி. .. ஃபினான்ஷியல் டாக்டர் தெரியுமா? #NeedToKnow

நமக்கு உடல்நிலை சரியில்லை என்றால் உடனே ஃபேமிலி டாக்டரைப் பார்க்கிறோம். அதேமாதிரி நிதி சார்ந்த விஷயத்திலும் ஃபினான்ஷியல் டாக்டரை அணுகுகிறோமோ என்றால் 100-க்கு 99% இல்லை. எப்படி நமது உடல் நலன் மீது நாம் அக்கறை காட்டுகிறோமோ, அதைப்போல நம் வாழ்க்கையை வளமாக்க நிதி சார்ந்த விஷயத்திலும் கொஞ்சம் அக்கறை காட்டுவது வாழ்க்கைக்கு நல்லது.



நிதி சார்ந்த விஷயத்தைப் பொறுத்தவரை நாமாகப் பல விஷயங்களைக் கற்றறிந்து முதலீடுகளை மேற்கொண்டு அதன் மூலம் வருமானம் சம்பாதிப்பது அல்லது வருமான வரியை மிச்சப்படுத்துவது என்பது கடினமான காரியம். ஆனால், நிதி ஆலோசகருக்கு அந்தத் துறை சார்ந்த அறிவு அதிகம். ஆனால், நம்மில் பலபேர் `அவரு சொன்னாரு, இவரு சொன்னாரு' எனச் சொல்லியே தவறான மற்றும் மோசடி முதலீட்டுத் திட்டங்களில் பணத்தைக் கொட்டுகின்றனர். இறுதியில் முழு பணத்தையுமே இழக்கின்றனர். பங்குச்சந்தையில் ஆத்திச்சூடி கூடத் தெரியாதவர்கள் கூட `தினமும் 5,000 ரூபாய் சம்பாதிக்கலாம். 10,000 ரூபாய் சம்பாதிக்கலாம்' என ஆசை வார்த்தைகளுக்கு ஏமாந்து கஷ்டப்பட்டு உழைத்த பணத்தை இழக்கிறார்கள். ஆகையால் பணத்தை சம்பாதிப்பதற்காக மட்டுமில்லை, பணத்தை இழக்காமல் மற்றும் மிச்சப்படுத்தவும் நிதி ஆலோசகர்கள் அவசியம்.

கவனிக்க வேண்டிய விஷயங்கள்!

குழந்தைகளின் கல்வி, மகளின் திருமணம், வீடு கட்டுதல், ஓய்வுக் காலம், வருமான வரி, வரி சேமிப்பு என நம் வாழ்க்கையில் ஆறு முதல் அறுபது வரை பல நிதி சார்ந்த விஷயங்களைக் கடந்து செல்ல வேண்டியுள்ளது. நம்மிடம் கட்டுக் கட்டாக பணம் இருந்தாலும், கையில் சுத்தமாக பணமே இல்லை என்றாலும் நிதி சார்ந்த தேவைகள் உருவாகித்தான் வருகிறது. ஆனால், நம் ஊரில் நிதி ஆலோசனை வழங்குகிறேன் என்ற பெயரில் பல நிதி ஆலோசகர்கள் சுற்றிக் கொண்டு இருக்கிறார்கள். ஆனால், அவர்கள் அணுகுமுறை, நம்பகத்தன்மை, வெளிப்படைத்தன்மை எனப் பல விஷயங்களைக் கவனித்து அதன்பின் ஆலோசனைகளைக் கேட்பதே சிறந்தது. ஆகையால் சிறந்த நிதி ஆலோசகரைத் தேர்ந்தெடுக்க ஒரு சில முக்கியமான விஷயங்களைக் கவனிக்க வேண்டிய அவசியம். உங்களுக்காக...

நிதி ஆலோசகர் தகுதி!

நல்ல நிதி ஆலோசகரைக் கண்டுபிடிப்பது சற்று கடினமான விஷயம். எப்போதும் நமக்குத் தெரிந்த, நம்பத் தகுந்த யாராவது ஒருவர், நிதி ஆலோசகரைச் சிபாரிசு செய்தால், அவரைத் தேர்ந்தெடுப்பதே சிறந்தது. இல்லையெனில் நிதி ஆலோசகரின் கல்வி, அனுபவம் மற்றும் எந்த மாதிரியான முதலீட்டுச் சாதனங்களை வழங்கி வருகிறார் போன்றவற்றை விசாரித்து நம்பிக்கையின் அடிப்படையில் முதலீடுகளை மேற்கொள்ளலாம்.

பங்குச் சந்தை, மியூச்சுவல் ஃபண்ட், இன்ஷூரன்ஸ், வருமான வரி என நிதி சார்ந்த எந்தச் சந்தேகமாக இருந்தாலும், உங்கள் கேள்விகளுக்கு பதிலளிப்பவராக இருக்க வேண்டும். நமக்குத் தெரியாத பல கேள்விகளைக் கேட்போம். அந்தக் கேள்விகளை, நமது நிலைமையைப் புரிந்துகொண்டு அதற்கேற்றவாறு ஆலோசனை வழங்க வேண்டும். மொத்தத்தில் எப்போது போன் செய்தாலும், போனை எடுப்பவராக இருக்க வேண்டும்.

அனுபவம்?

நிதி ஆலோசனை வழங்கும் நபருக்கு அனுபவம் இருக்கிறதா என்பதை அலசி ஆராய வேண்டியது அவசியம். அவர் என்ன படித்து இருக்கிறார்? எத்தனைப் பேருக்கு நிதி ஆலோசனை வழங்கி வருகிறார்? யார் யாருக்கு ஆலோசனை வழங்குகிறார் என்பதோடு மட்டுமில்லாமல், அவரிடம் ஆலோசனை கேட்பவருடைய முகவரி அல்லது போன் நம்பர் கேட்டு வாங்கி, அவருடைய கருத்துகளையும் கேட்டறிந்து அதன் பிறகு அவரைத் தேர்ந்தெடுக்கலாம்.

நிதி ஆலோசகரிடம் ஒரு லட்சம் ரூபாய் கொடுத்தாச்சு, அவ்வளவு தான் கடமை முடிந்தது என நினைக்கக்கூடாது. அவர் என்ன செய்கிறார்? எந்தெந்த திட்டங்களில் முதலீட்டினை மேற்கொள்கிறார்? அவர் மேற்கொண்டுள்ள முதலீட்டின் வருமானம் வருகிறதா அல்லது நஷ்டம் வருகிறதா என்பதைக் கவனிக்க வேண்டும். குறுகிய காலத்தில் நஷ்டம் என்றால் கவலையடையத் தேவையில்லை. ஆனால், நீண்ட காலத்தில் அது தொடரக் கூடாது. மூன்று அல்லது ஆறு மாதத்துக்கு ஒரு முறை அவரை நேரில் சந்தித்து கலந்தலோசிக்க வேண்டும்.

கட்டணம்!

நிதி ஆலோசனையைப் பொறுத்தவரை கமிஷன் மற்றும் நிரந்தரக் கட்டணம் என பல்வேறு வழிமுறைகளில் வசூலிக்கப்படுகிறது. ஆனால், பொதுவாக ஆலோசனைகள் என்றாலே மக்கள் அதை இலவசமாக எதிர்பார்க்கிறார்கள். வெறும் ஆலோசனைக்குப் பத்தாயிரம், இருபதாயிரம் ரூபாய் என்றால் பெரும்பாலும் யாரும் தர முன்வருவதில்லை. ஆனால், நீண்ட கால அடிப்படையில் 10%, 12%-க்கு மேல் வருமானம் வரும்போது ஒரு சதவிகிதம் என்பது எல்லாம் பெரிய தொகையும் இல்லை, பெரிய பாதிப்பும் இல்லை.

ஆனால், நிதி ஆலோசகர் நிர்ணயிக்கும் கட்டணம் நியாயமாக இருக்க வேண்டும். உங்களுடைய போர்ட்ஃபோலியோவில் ஒரு சதவிகிதம் வசூலிக்கலாம். உதாரணத்துக்கு, உங்களுடைய ஒரு லட்சம் ரூபாய் முதலீட்டில் 1% கட்டணம் என வசூலிக்கப்படும். சில பேர், ஒவ்வொரு ஆண்டும் ரூ.20,000 என ஒரு குறிப்பிட்ட தொகையை நிரந்தரமாக நிதி ஆலோசனையாகக் கேட்டு பெறுவார்கள். இந்த கட்டணத்தைப் பொறுத்தவரை ஒரு ஆண்டுக்கு 3,000 ரூபாய் முதல் 30,000 ரூபாய் வசூலிப்பவர்களும் இருக்கிறார்கள்.

நல்ல ஃபினான்ஷியல் டாக்டர்!

நிதி ஆலோசகரைத் தேர்வு செய்வதைப் பொறுத்தவரை, செபி இணையதளத்தில் பதிவு செய்யப்பட்ட ஆலோசகர்கள் பலர் உள்ளார்கள். அதில் ஆலோசகருடைய பெயர் மற்றும் மற்ற விவரங்கள் அடங்கி இருக்கும். அவரைத் தொடர்பு கொண்டு அவர் மீது நம்பிக்கை ஏற்படும் பட்சத்தில் அவரிடம் நிதி ஆலோசனையைத் தொடரலாம். இல்லையெனில் உங்களுக்கு நம்பகமானவரிடம் நிதி ஆலோசனையைத் தொடரலாம். எவ்வளவு கட்டணம் செலுத்துகிறோம் என்பதைவிட, சரியான முதலீட்டுச் சாதனங்களில் முதலீடு செய்கிறோமா என்பதே முக்கியம். எப்படி உங்கள் ஃபேமிலி டாக்டரை நம்பிக்கையாக அணுகுகிறீர்களோ, அதைப்போல நல்ல ஃபினான்ஷியல் டாக்டரைத் தேர்ந்தெடுத்துப் பயனடையலாமே.

2g...3g...4g...5g தெரியும்? அதன் வித்தியாசங்கள் என்ன தெரியுமா?..

உலக மொபைல் காங்கிரஸ் மாநாட்டில் 5G ஸ்மார்ட்போன் அறிமுகமாகியுள்ளது நாம் அனைவரும் அறிந்ததே! இந்தியாவில் 4G நெட்வொர்க் சேவை முதன் முதலில் வெளிவந்தபோது இருந்த பரபரப்பைவிட, ரிலையன்ஸ் தனது ஜியோ சிம்களின் மூலம் இலவச 4G சேவையை அறிமுகப்படுத்தியபோது ஏற்பட்ட பரபரப்பு தான் அதிகம். இந்தியா முழுவதும் தற்போது பத்து கோடி மக்களுக்கு மேல் ஜியோ சிம் கார்டுகளை வாங்கிப் பயன்படுத்துகின்றனர். 4G என்பது மிக விரைவான நெட்வொர்க் சேவை என்பது அனைவரும் அறிந்ததே. ஆனால் இதற்கு முந்தைய 3G அல்லது அதற்கும் முன்னால் பயன்படுத்தப்பட்ட 2G நெட்வொர்க்குகளுக்கும், 4G நெட்வொர்க்கிற்கும் உள்ள வித்தியாசம் என்னவென்று தெரியுமா? G என்பது GENERATION என்கிற ஆங்கில சொல்லைக் குறிக்கும். அதாவது தலைமுறை! முதன்முதலாக அறிமுகமான 0G தொலைத் தொடர்பு சேவைக்குப் பிறகு அறிமுகப்படுத்தப்பட்ட ஒவ்வொரு தலைமுறை தொலைத் தொடர்பு சேவையும் தனித்தனி பெயரிடப்பட்டுக் குறிக்கப்பட்டன. அதனைப் பற்றிய அலசலே இந்த தொகுப்பு.



1G சேவை :

G என்கிற ஆங்கில எழுத்தைக் கண்டதும் அனைவரும் அது இன்டர்நெட் வசதியைக் குறிக்கிறது என்றே நினைத்துக் கொள்வார்கள். ஆனால் அது அவ்வாறு இல்லை. முதன் முதலில் வர்த்தக ரீதியாகப் பயன்படுத்தப்பட்ட மொபைல் போன் சேவைதான் 1G சேவை. 1980-களில் அறிமுகப்படுத்தப்பட்ட இந்த சேவையானது அனலாக் சிக்னல்கள் மூலம் ஒருவருடன் ஒருவர் ஒயர் இல்லாமல் பேசும் வசதியை மட்டுமே உருவாக்கிக் கொடுத்தது. அமெரிக்காவில் இந்த சேவை அறிமுகமானபோது 2.4 முதல் 14.4 kbps வேகத்தை மட்டுமே கொண்டதாக இருந்தது. அன்று இந்த 1G சேவையைப் பயன்படுத்திய அலைபேசிகள் அளவில் மிகப் பெரியதாகவும், குறைந்த பேட்டரி சேமிப்புத் திறனை மட்டுமே கொண்டதாக இருந்தன.

2G சேவை :



பின்லாந்து நாட்டில் 1991-ம் ஆண்டு தான் முதன்முதலாக 2G சேவை தொடங்கப்பட்டது. முதன் முதலில் ஒயர் இல்லாமல் இன்டர்நெட் வசதியைப் பயன்படுத்திய சேவை இதுதான். இதில் போனில் தொடர்பு கொண்டு பேசவும் செய்யலாம். 2G சேவையில் தான் குறுஞ்செய்திகளை அனுப்பும் SMS வசதி, படங்கள் மற்றும் காணொளியை அனுப்பும் MMS வசதி எனப் பல சிறப்பம்சங்கள் அறிமுகமாகின. இன்று நாம் பயன்படுத்தும் அதிவேகமான இன்டர்நெட் சேவைகளுக்கு விதை போட்டது இந்த 2G தான். இதில்தான் முதன் முதலாக சிம் கார்டுகள் பயன்படுத்தப்பட்டன. இப்போதிருக்கும் இன்டர்நெட் வேகத்தோடு ஒப்பிடும்போது மிகக் குறைந்த இன்டர்நெட் வேகத்தை கொண்டு விளங்கியது 2G சேவை.

3G சேவை :

2G சேவையைப் பயன்படுத்துவோரின் எண்ணிக்கை அதிகமானதையடுத்து, அதிக இன்டர்நெட் வேகத்தின் தேவை அதிகமானது. இதன் காரணமாக சிக்னல்களை சிறு கூறுகளாகப் பிரித்து அனுப்பும் 'பாக்கெட் ஸ்விட்சிங் முறை' அறிமுகப்படுத்தப்பட்டு, 3G சேவை உருவானது. 3G சேவையிலும் பல சிறப்பம்சங்கள் அறிமுகப்படுத்தப்பட்டன. இதில் இன்டர்நெட் வேகம் இன்னும் அதிகமாக இருந்தது. நம் இந்திய நாட்டுக்கு மிக தாமதமாக தான் 3G வந்து சேர்ந்தது என்றாலும், ஜப்பான் நாட்டில் 2001-ம் ஆண்டே இந்த சேவை அறிமுகமானது. வீடியோ கான்ஃப்ரன்ஸ் வசதி, ஜி.பி.எஸ் வசதி ஆகியவை இதற்குப் பிறகுதான் சாத்தியமானது. ஒயர் இல்லாத வேகமான இன்டர்நெட் சேவையை உலகம் கண்டது 3G மூலமாக தான்.

4G சேவை :



3G சேவையைவிட அதிக இன்டர்நெட் வேகம் கொண்டதாக மேம்படுத்தப்பட்டு 4G சேவை உருவானது. முதன்முதலாக 2009-ம் ஆண்டு தென்கொரியாவில் இது அறிமுகமானது. அதிவேக இன்டர்நெட் வசதி, துல்லியமான வீடியோ கால்கள், நொடிப்பொழுதில் மெயில் அனுப்புவது என தொலைத் தொடர்பு உலகத்தையே மாற்றி அமைத்தது 4G சேவை. ஒரு நொடிக்கு 100 மெகா பைட் வேகம் வரை 4G சேவைகள் இன்று இயங்கி வருகின்றன. லைவ் ஸ்ட்ரீமிங், மொபைல் டி.வி என இன்டர்நெட் மூலம் நினைத்துப் பார்க்க முடியாத சேவைகளை அளித்தது 4G சேவை.

5G :

4G சேவை தான் வந்துவிட்டதே, இனி இன்டர்நெட் உலகில் சாதிக்க என்ன இருக்கின்றது? என்று எண்ணுபவர்களுக்கு பல ஆச்சரியங்களுடன் வரவிருக்கிறது 5G சேவை. இச்சேவை அறிமுகமான பிறகு, இன்டர்நெட் மூலம் நடக்கும் தகவல் பரிமாற்றத்தில் எழுபது விழுக்காட்டிற்கு மேல் வீடியோவால் தான் நடக்குமாம். மேலும், அனைத்து தகவல்களும் கிளவுட் வசதியில் சேமிக்கப்படும். எனவே, மெமரி கார்டு, பென் டிரைவ் போன்ற சாதனங்கள் தேவையற்றுப் போகும். மேலும், சி.சி.டி.வி கேமராக்கள் மூலம் கண்காணிப்பு என்பது சில நொடிகளில் நடந்து முடியும். சமீபத்தில் நடந்து முடிந்த உலக மொபைல் காங்கிரஸ் மாநாட்டில் 5G சேவை அறிமுகமாகியிருக்கிறது. இதன்மூலம் தகவல் தொலைத் தொடர்பில் ஒரு புதிய சாதனையே நிகழ்த்தப்படும் என எதிர்பார்க்கலாம்.

- ம. சக்கர ராஜன்
.

ஃபேஸ்புக்கில் முதன்முறையாக 'Dislike' ஆப்ஷன்...!

வெகு நாட்களாக ஃபேஸ்புக் பயனர்கள் எதிர்பார்க்கும் அப்டேட் என்றால் அது 'Dislike' ஆப்ஷன்தான். ஃபேஸ்புக்கில் சமூக வலைதளங்களில் போடப்படும் ஒரு போஸ்டுக்கு 'டிஸ்லைக்' கொடுப்பதற்கான அப்டேட் வராதா என்று பலர் நினைத்திருக்கலாம். ஃபேஸ்புக் நிறுவனத்துக்கு இது தெரியாமல் இல்லை. எதிர்மறையான தாக்கத்தை ஏற்படுத்திவிடும் என்று இதுநாள் வரை அதற்கான அப்டேட் கொடுக்காமல் இருந்தார்கள். தற்போது, 'மெஸன்ஜர்' அப்பில் மட்டும் இந்த வசதியை அறிமுகம் செய்யவுள்ளது ஃபேஸ்புக்.

உலக அளவில் கிட்டத்தட்ட 100 கோடி பேர் மெஸன்ஜர் பயன்படுத்துகிறார்கள். மெஸன்ஜரில் இந்த 'டிஸ்லைக்' அப்டேட் எப்படிப்பட்ட தாக்கத்தை ஏற்படுத்துகிறது என்பதைப் பொறுத்து ஃபேஸ்புக் நிறுவனம், ஃபேஸ்புக் சமூக வலைதளத்திலும் அந்த அப்டேட்டை கொடுக்கும் என்று தகவல்கள் கூறுகின்றன.

சில மாதங்களுக்கு முன்புதான், ஃபேஸ்புக்கில் பதியப்படும் ஒரு போஸ்ட்டுக்கு, பல வகை 'எமோஜி' ரியாக்‌ஷன் கொடுக்கும் வண்ணம் அப்டேட் கொடுக்கப்பட்டது. இந்நிலையில், 'டிஸ்லைக்' ரியாக்‌ஷன் அப்டேட் கொடுக்கப்படவுள்ளது குறிப்பிடத்தக்கது.

இது பற்றி ஃபேஸ்புக் நிறுவனம், 'நாங்கள் மெஸன்ஜரை பயன்படுத்துவதற்கு இனிமையாகவும் சந்தோஷமாகவும் இருக்க பல புதிய விஷயங்களை அறிமுகப்படுத்திக் கொண்டுதான் இருக்கிறோம். இந்த புது அப்டேட்டும் அதைப் போன்ற ஒன்றுதான்.' என்று தெரிவித்துள்ளது.

விரைவில், ஃபேஸ்புக்கில் பதியப்படும் ஒரு போஸ்டுக்கு 'டிஸ்லைக்' கொடுக்க முடியுமா என்பதை பொறுத்திருந்துதான் பார்க்க வேண்டும்.

ஐதராபாத் விமானநிலையம் உலகளவில் முதலிடம்!

சிறந்த சேவைகளை பயணிகளுக்கு வழங்குவதில் உலகளவில் முதல் இடத்தை தட்டிச் சென்றுள்ளது ஐதராபாத் சர்வதேச விமான நிலையம். 9 வருடமாக செயல்பட்டு வரும் ஐதராபாத் விமானநிலையம் வருடத்திற்கு 12 மில்லியன் பயணிகள் வந்து செல்வதற்கான கட்டமைப்புடன் உருவாக்கப்பட்டது. பிறகு 2016-ம் ஆண்டில் 15 மில்லியன் பயணிகள் வந்து செல்லும் அளவிற்கு வளர்ந்தது. இந்நிலையில் சர்வதேச விமான நிலைய கவுன்சில் நடத்திய சிறந்த சேவையை மக்களுக்கு அளிக்கும் விமான நிலையங்களின் தரப்பட்டியலில் அந்த ஐதராபாத் விமான நிலையமானது 5-க்கு 4.9 அளவீடு பெற்று உலகிலேயே முதலிடத்தை தட்டிச் சென்றிருக்கிறது.

Mar 04 2017 : The Times of India (Chennai)

SC: No upper age limit for admission in law courses

AmitAnand Choudhary

New Delhi





Students aspiring to pursue law in the coming academic session will be able to apply for admission irrespective of their age as the Supreme Court stayed on Friday the Bar Council of India's decision to fix upper age limit of 22 years for the five-year LLB programme and 45 years for the three-year course .

A bench of Justices S A Bobde and L N Rao said the age restriction fixed by BCI prima facie seemed unreasonable and would prevent students from pursuing law education.
Initially, BCI had fixed upper age limit at 20 years for the five-year course and 30 years for the three-year course but it revised the age limit and made it 22 years and 45 years respectively for the two courses after the apex court asked it to reconsider its decision in larger public interest.

Advocate A K Prasad, appearing for BCI, told the bench it had increased the upper age limit on the suggestion given by the apex court but the bench was not satisfied and stayed the notification, paving the way for the students to ap pear in the law entrance examination irrespective of age.

Questioning BCI's decision, the bench said that the council was on one hand promoting law education in the country , but on the other trying to restrict students from pursuing law education. The court said that it would adjudicate constitutional validity of the decision and stayed its implementation till it decided the case.

“It will not serve any purpose. What is big deal about fixing the age limitation. There is a demand from society (for doing away with age restriction) and you have to consider it.You go around promoting legal education and here BCI puts restrictions. We stay the decision,“ the bench said. “We appreciate the intent of BCI to catch the best talent at right age and we will examine the issue. We stay the notification of September 17, 2016 and all consequential acts taken thereof,“ the court said.

Normally in cases when admission is allowed while case is pending in judicial forums, the court directs that the admission would be subject to the final outcome of the case. But in order to remove any uncertainty over the fate of students who will clear law entrance tests and take admission, the court said that there admission would not be disturbed even if the BCI's decision was declared valid The BCI, the apex body to regulate legal education and profession in the country , had in September last year restored Clause 28 of its Legal Education Rules, 2008, that fixed upper age limit of 20 years for admission to fiveyear integrated law course and 30 years for three-year law course.

பார்லி... கருஞ்சீரகம்... கோதுமை... சர்க்கரைநோயைக் குணப்படுத்துமா? #HealthTips
இன்று வாட்ஸ்அப்பிலும், ஃபேஸ்புக்கிலும் வெளியாகும் ஆரோக்கியம் தொடர்பான செய்திகளைப் படித்துவிட்டு, அதை உண்மையென்று நம்பிப் பின்பற்றுபவர்கள் அநேகம் பேர். `இதை நம்பலாமா... வேண்டாமா... நம் உடல் தன்மைக்கு இது ஒப்புக்கொள்ளுமா’ என்பதையெல்லாம் இவர்கள் யோசிப்பது இல்லை; மருத்துவரிடம் இது குறித்து ஆலோசிப்பதும் இல்லை. இதனால் உடலுக்கு ஏற்படும் பக்கவிளைவுகள் சில நேரத்தில் மிக மோசமாகக்கூட இருக்க வாய்ப்பு உண்டு. அப்படி சமீபத்தில் இணையதளத்தில் வெளியான ஒரு செய்தி இது... `சர்க்கரைநோயை இரண்டு மாதத்தில் குறைக்கலாம்; இன்சுலின் தேவையில்லை; பார்லி, கருஞ்சீரகம், கோதுமையை இரவு முழுவதும் நீரில் ஊறவைத்து மறுநாள் அந்த நீரை குடித்தால் போதும்.’



இது சாத்தியம்தானா? சித்த மருத்துவ ஆலோசகர் உலகநாதனிடம் கேட்டோம். பதிலளித்த அவர், நம் ஆரோக்கியம் காக்கும் முக்கியக் கஷாயம் ஒன்றையும் அறிமுகப்படுத்துகிறார் இங்கே...

கருஞ்சீரகம், பார்லி, கோதுமை இவை அனைத்தும் உடலிலுள்ள கொழுப்பின் அளவைக் குறைக்கக்கூடியவை. குறிப்பாக பார்லி, உடலில் உள்ள தேவையற்ற நீரை வெளியேற்றும். உடல் வீக்கத்தைக் குறைத்து, ரத்த ஓட்டத்தை அதிகரிக்கும். இதில் நார்ச்சத்தின் அளவு அதிகம். கருஞ்சீரகம், உடலிலுள்ள கொழுப்பின் அளவைக் கட்டுப்படுத்தும். இதயத்துக்கும் ரத்தநாளங்களுக்கும் தூய்மையான ரத்தத்தை எடுத்துச்செல்லும். கோதுமையிலும் நார்ச்சத்து அதிகம். அத்துடன் இது, கொழுப்பைக் கட்டுப்படுத்தி, நாள் முழுவதுக்கும் தேவையான ஆற்றலைத் தரவல்லது.

இவற்றைத் தொடர்ந்து சாப்பிடுவதால் சர்க்கரைநோய் வராது என்று உறுதியாகக் கூற முடியாது. சர்க்கரைநோய் வருவதற்கான காரணங்கள் பல... அவரவரின் வாழ்வியல் முறைகள், உணவுப் பழக்கங்கள், உடலுழைப்புக் குறைவது, இவற்றைத் தாண்டி தலைமுறை தலைமுறையாகக்கூட சர்க்கரைநோய் இருக்கலாம். ஆகவே, இதையெல்லாம் முதலில் நன்கு ஆராய்ந்து, உடலின் தன்மைக்கு ஏற்ப மருத்துவரின் ஆலோசனைப்படி சர்க்கரைநோய்க்கு சிகிச்சைகளையும் மருந்துகளையும் எடுத்துக்கொள்வதுதான் நல்லது.



ரத்தத்தைச் சுத்திகரிக்கக் கஷாயம்

உடலில் உள்ள ரத்தத்தைச் சுத்திகரித்துவிட்டாலே நம்மால் உடலின் முக்கிய உறுப்புகளான சிறுநீரகம், கல்லீரல், மண்ணீரல், கணையம் ஆகியவற்றை ஆரோக்கியமாக வைத்துக்கொள்ள முடியும். நோய்கள் அண்டாமல் பாதுகாக்கவும் முடியும். அதற்கு உதவுகிறது இந்தக் கஷாயம்...

தேவையானவை:

வெந்தயம் (அ) ஆவாரம்பூ (அ) நாவல்பழக் கொட்டை (அ) சீரகம் (அ) கருஞ்சீரகம் (அ) மிளகு (அ) பார்லி (அ) மிளகு (அ) சீரகம் (அ) சோம்பு (அ) பட்டை (அ) லவங்கம் (அ) இஞ்சி (அ) பூண்டு.

செய்முறை:

மேலே குறிப்பிட்டுள்ள பொருட்களில் ஏதாவது ஒன்றை மட்டும் ஒரு டீஸ்பூன் அளவுக்கு எடுத்துக்கொள்ளவும். கறிவேப்பிலை, புதினா, கொத்தமல்லி இந்த மூன்றையும் ஒரு கைப்பிடி அளவு எடுத்து, இதனுடன் சேர்த்து ஒரு கிளாஸ் தண்ணீரில் நன்கு கொதிக்கவிட வேண்டும். சிறிது நேரம் கழித்து வடிகட்டிக் குடிக்கவும்.



சில டிப்ஸ்...

* காலையில் முதலில் வெறும் வயிற்றில் இளம்சூடான நீரை ஒரு கிளாஸ் பருக வேண்டும். இது உடம்பின் உஷ்ணத்தைக் குறைக்க உதவும்.

* 20 நிமிடங்கள் கழித்து இந்தக் கஷாயத்தைப் பருக வேண்டும். கஷாயம் குடித்த 45 நிமிடங்கள் கழித்துத்தான் காலை உணவைச் சாப்பிட வேண்டும். காலை உணவை எந்தக் காரணத்தைக்கொண்டும் தவிர்க்கக் கூடாது.

* இந்தக் கஷாயத்தை 48 நாட்கள் தொடர்ந்து குடித்துவந்தால், ரத்தம் சுத்திகரிக்கப்பட்டு நிச்சயம் ஆரோக்கியமாக இருக்கலாம்.

* ஒவ்வொரு நாளும் ஒவ்வொரு பொருளைக்கொண்டு கஷாயத்தைச் செய்து பார்க்கவும்.

பலன்கள்...

* நோய் எதிர்ப்புச் சக்தி அதிகரிக்கும்.

* ஒற்றைத் தலைவலி குணமாகும்.

* கெட்ட கொழுப்பின் அளவு குறையும்.

* சர்க்கரைநோயின் தீவிரத்தைக் குறைக்கும்.

* தொப்பையைக் குறைக்கும்.

* செரிமான மண்டலப் பிரச்னைகளைச் சரிசெய்யும்.

* ரத்தத் தட்டுக்களின் அளவை அதிகரிக்கும்.

* ரத்தத்திலுள்ள எச்.பி அளவை அதிகரிக்கும்.



குறிப்பு:

* மிளகு, இஞ்சி உடலின் உஷ்ணத்தை அதிகப்படுத்தும் என்பதால், உடல் சூடு உடையவர்கள் தேங்காய்ப் பாலுடன் சேர்த்து கஷாயத்தைப் பருகலாம்.

* தொடர்ந்து 48 நாட்கள் கஷாயத்தை எடுத்துக்கொள்ள இயலாதவர்கள், ஒரு வாரரத்துக்கு எடுத்துக்கொண்டு மூன்று நாட்கள் இடைவெளிவிட்டு பின்னர் இதைத் தொடரலாம்.

* ஒரு மண்டலம் இந்தக் காஷாயத்தை எடுத்துக்கொண்டவர்கள், சிறிது காலம் கழித்து மறுபடியும் தொடரலாம்.

* கஷாயம் சாப்பிடுபவர்கள், ஒரு நாளைக்குக் குறைந்தது இரண்டு லிட்டர் தண்ணீராவது பருகவேண்டும்.

* ஆறு முதல் எட்டு முறையாவது சிறுநீர் கழிக்க வேண்டும்.

- கி.சிந்தூரி

இந்தியன் டாய்லெட்... வெஸ்டர்ன் டாய்லெட்... எது பெஸ்ட்?

கடனில்லா வாழ்க்கை ஆனந்தம். அதிலும் ஒவ்வொருவரும் தீர்த்தே ஆகவேண்டிய முக்கியக் கடன் காலைக் கடன்! காலை நேரத்தில், வயற்காட்டுப் பக்கமும், ஆற்றங்கரைப் பக்கமும் ஒதுங்கவேண்டிய பிரச்னை இன்றைக்குப் பெரும்பாலும் இல்லை. பல வீடுகளில் கழிப்பறை வசதி வந்துவிட்டது. இருந்தாலும், இயல்பாகவே பலருக்கும் இருக்கிற அந்நிய மோகம், கழிப்பறையையும் விட்டுவைக்கவில்லை. `எங்க வீட்ல வெஸ்டர்ன் டாய்லெட்’ என்று பெருமை பொங்கச் சொல்பவர்களும் உண்டு. ரயில்கள், சினிமா தியேட்டர்கள், மால்கள் என எல்லாப் பொது இடங்களிலும் வெஸ்டர்ன் டாய்லெட் வந்துவிட்டது. சொல்லப்போனால், அதிக அளவில் பயன்படுத்தப்படுவது இந்தக் கழிவறைகளே! மேற்கத்திய பாணி கழிவறையை உபயோகப்படுத்துவது எந்த அளவுக்கு ஆரோக்கியமானது என்பது ஒருபுறம் இருக்கட்டும்... `மனிதர்களின் இயல்பான குத்தவைத்து அமரும் நிலையில் (Squatting Method) மலம் கழிப்பதே சிறந்தது’ என்கிறார்கள் மருத்துவர்கள். ஏன்?



கால்மூட்டுகள் வளைந்து, பிட்டம் பாதத்துக்கு அருகில் இருக்கிற மாதிரி வைத்துக்கொண்டு, மேல் உடம்பை வளைத்து, குந்தியிருக்கும் நிலைதான் (Squatting Position) ஓர் இயற்கையான காலைக் கடன் கழிக்கும் முறை. மனிதன் பூமிக்கு வந்த நாளில் இருந்து அன்றாடக் கடனைத் தீர்க்கும் முறை இப்படித்தான். கருவில் இருக்கும்போதே குழந்தை இந்த நிலையில்தான் இருக்கும். மனிதனின் நாகரிகம் வளர்ந்து, தனக்கென வீடு, உடை, உணவுக்கு வேளாண்மை, தனிமனித-சமூக ஒழுக்கங்கள் எல்லாம் மேம்பட்ட நிலையிலும் குந்தவைத்து அமர்ந்துதான் காலைக் கடனைக் கழித்தான். இந்த நிலையில் அமர்வதால், மனிதர்களுக்குக் கிடைக்கும் அரிய நன்மைகள் குடல் நோய்கள், மலச்சிக்கல், இடுப்புத் தசை நோய்கள் வருவதைத் தவிர்க்கலாம் என்பதே!

ஆயுர்வேதத்தில் இப்படி அமரும் நிலையை `மலாசனம்’ என்று குறிப்பிடுகிறார்கள். இப்படி அமர்ந்தால், மலம் வெளியேறுவது எளிதாக நடைபெறும். மலாசனத்தில் குந்தவைத்து அமர்வதன் மூலம், இடுப்பு மூட்டுகள் ஆரோக்கியமாகும். மலாசனத்தின்போது கொடுக்கப்படும் அழுத்தத்தினால், தசைகள் வலிமையடையும். மூலநோய் வராமல் தவிர்ப்பதும் சாத்தியம்.

இனி, மேற்கத்திய பாணி டாய்லெட்டுக்கு வருவோம்... இது கண்டுபிடிக்கப்பட்டது 16-ம் நூற்றாண்டில்! ஆரம்பத்தில் அதற்கான மாதிரி வடிவமே கொஞ்சம் வேடிக்கையானது. ஒரு சிம்மாசனத்தில் ஒரு பெண்ணோ, ஆணோ அமர்ந்திருப்பதுபோல வடிவமைத்திருந்தார்கள். ஆனால், விற்பனையில் சோபிக்கவில்லை. ராயல்டி... அதனால் அதிக விலை என்று மக்கள் வெஸ்டர்ன் டாய்லெட் பக்கம் போகாமல் கொஞ்சம் தள்ளியே நின்றார்கள். ஆனால், அடுத்த சில நூற்றாண்டுகளிலேயே மெள்ள மெள்ள ஐரோப்பா, அமெரிக்கா உள்ளிட்ட மேற்கத்திய நாடுகளுக்குள் ஆழமாக ஊடுருவிட்டது இந்த பாணி. புழக்கத்துக்கு வந்த பிறகு, 19-ம் நூற்றாண்டில் மேற்கத்திய மக்களுக்கு இது வழக்கமான ஒன்றாகவே ஆகிவிட்டது. இன்றைக்கு இந்தியா, பாகிஸ்தான், சீனா, கொரியா, ஜப்பான் போன்ற நாடுகளிலும் இந்த பாணி கழிப்பறைகளின் பயன்பாடு அதிகமாகிவிட்டது.

சில பத்து வருடங்களாக மேற்கத்திய நாடுகளில் குடல் சம்பந்தமான அப்பெண்டிசைட்டிஸ், மலச்சிக்கல், மூலநோய், இர்ரிட்டபுள் பவுல் சிண்ட்ரோம் போன்ற நோய்கள் பரவலானதற்கு காரணங்கள், அவர்களின் உணவு மற்றும் வாழ்வியல் முறைகள். இதைத் தொடர்ந்து ஆய்வு செய்த விஞ்ஞானிகளும் மருத்துவர்களும் இந்த நோய்களுக்கு முக்கியக் காரணமாக ஒன்றைக் கண்டுபிடித்திருக்கிறார்கள்... அது, வெஸ்டர்ன் டாய்லெட். அதாவது, மேற்கத்திய பாணி கழிவறையில் உட்கார்ந்து மலம் கழிப்பது, மனித உடல் அமைப்புக்கு எதிரானது என்கிறார்கள். அதனாலேயே இதைத் தவிர்க்கச் சொல்லி வலியுறுத்தவும் செய்கிறார்கள். இதற்கு மாற்றாக இருப்பது, நம் பழைய பாணி குந்தவைத்து காலைக்கடன் கழிக்கும் முறையே!



இந்திய பாணி டாய்லெட் நல்லது... ஏன்?

மனிதர்களால் மலத்தை அடக்க முடியுமா? ஆசனவாயில் உள்ள சுருக்கத்தை தம்கட்டி லேசாக இழுத்துப் பிடிப்பதன் மூலம் சிறிது நேரம் அடக்கலாம். நீண்ட நேரத்துக்கு இப்படி அடக்க முடியாது. அதாவது, ஆசனவாய் தசையால், இதைத் தன்னிச்சையாக கட்டுப்படுத்த முடியாது. நமது உடலிலிருந்து வெளியேறும் மலக்கழிவுகளின் நிலை, மலக்குடலுக்கும் ஆசனவாய்க்கும் இடையே உள்ள வளைவைச் சார்ந்து இருக்கிறது. நாம் நின்றுகொண்டிருக்கும்போது, 90 டிகிரியில் இருக்கும் `அனோரெக்டல் கோணம்’ (Anorectal Angle) எனப்படும் இந்த வளைவின் விரிவு மலக்குடலுக்கு மேல்நோக்கி அழுத்தம் கொடுத்து, மலம் வெளியேறாமல் வைத்திருக்கும். ஸ்குவாட்டிங் பொசிஷனில் அமரும்போது, இந்த வளைவு சீராகும்.

தோட்டக்குழாயிலிருந்து தண்ணீர் வெளியேறும்போது குழாயில் இருக்கிற முறுக்குத் தன்மை எப்படி வளைவில்லாமல் நேர்த்தன்மைக்கு வருகிறதோ, அதேபோன்று குந்தவைக்கும் நிலையில், நம் மலக்குடலின் வளைவு நேராகி மல வெளியேற்றம் எளிதாகிறது. ஆக வெஸ்டர்ன் டாய்லெட் வேலைக்காகாது. நம் இந்திய பாணி கழிவறைகளே காலைக்கடன் கழிக்கச் சிறந்தவை.

கர்ப்ப காலங்களிலும், அதிக உடல் பருமனாலும் மூல நோய் வரலாம். அடிவயிற்றில் கொடுக்கப்படும் அழுத்தத்தால், மலக்குடல் பாதிக்கப்பட்டு, மலக்குடல் வழியாக ரத்தம் கசியும் வாய்ப்பும் உண்டு. அதனால், குந்தவைத்து அமரும் நிலையில் மலம் கழிக்கிறபோது, வயிற்றுப் பகுதியில் அழுத்தம் குறையும். அதோடு, மலம் கழிப்பதும் எளிதாக இருக்கும்.

`எங்களுக்கு வேறு வழியில்லை... வெஸ்டர்ன் டாய்லெட் வசதிதான் இருக்கிறது’ என்கிறவர்கள் ஒன்று செய்யலாம்... கால்களுக்குக் கீழே முக்காலிருந்து ஓர் அடி உயர ஸ்டூலைப் போட்டு, அதில் கால்களை வைத்துக்கொண்டு மலம் கழிக்கலாம். பிரச்னை இல்லாமல் இருக்கும்.

நம் பாரம்பர்யம் எப்போதுமே நல்லவற்றைத்தான் நமக்குத் தந்து சென்றிருக்கிறது. இயற்கைக்குத் திரும்புவோம்... இந்திய பாணியையே பின்பற்றுவோம்.


- பாலுசத்யா

தெங்குமரஹாடா - ‘ட்ரெக்கிங்’ பிரியர்களின் சொர்க்கபுரி! #Mustgospot

சுற்றுலா என்றதும் பலருக்கும் ஊட்டி, கொடைக்கானல்தான் சட்டென்று நினைவுக்கு வரும். ஆனால், இப்படியெல்லாம் கூட தமிழகத்தில் இடம் இருக்கிறதா என, மலைப்பை ஏற்படுத்தும் பகுதிகள் தமிழகத்தில் ஏராளம் உள்ளன. அதில், ஒன்றுதான் தெங்குமரஹாடா. சத்தியமங்கலம் வனப்பகுதியை ஒட்டி நீலகிரி மாவட்டத்தில் உள்ள சிறிய ஆதிவாசி கிராமம். ஈரோடு மாவட்டம் பவானிசாகர் வழியாக தெங்குமரஹடாவுக்கு செல்லலாம். பவானி சாகர் அணைக்கட்டு அருகே வரும்போதே மீன் வாசனை மூக்கைத் துளைக்கும். அணை மீன் அவ்வளவு ருசியாக இருக்கும். வாங்கிச் சாப்பிடாமல் அந்த இடத்தை விட்டு நகர மாட்டீர்கள்.



சரி...முதலில் தெங்குமரஹாடாவைப் பற்றித் தெரிந்து கொள்வோம். சிறிய அழகிய கிராமம். மாயார் ஆறு இந்த கிராமத்தை வளப்படுத்துகிறது. 900 குடும்பங்கள் வசிக்கின்றன. நர்சரி பள்ளி, மேல்நிலைப்பள்ளி உள்ளன. டாஸ்மாக்கும் இருக்கிறது. இங்கு வசிக்கும் மக்கள் மதுவை தாங்களே தயாரித்துக் கொள்ளும் அனுபவம் கொண்டவர்கள். காலையில் உணவு அருந்தும் போதே மது அருந்தும் பழக்கமுடையவர்கள். அவர்கள் தயாரித்த மது உடலுக்கு தீங்கு விளைவிக்காமல் இருந்தது. ஆனால், டாஸ்மாக் மது இளைஞர் முதல் முதியவர் வரை நோயாளிகளாக மாற்றியிருக்கிறது.



தெங்குமரஹாடாவுக்கு அருகில் உள்ள நகரம் கோத்தகிரி. தெங்குமரஹாடா நீலகிரி மாவட்டத்தில் இருந்தாலும் ஈரோடு மாவட்டத்தில் உள்ள பவானி சாகர் வழியாகத்தான் செல்ல முடியும். பவானிசாகரில் இருந்து தெங்குமரஹாடாவுக்கு பேருந்து இயக்கப்படுகிறது. மேட்டுப்பாளையம், கோத்தகிரியில் இருந்தும் பேருந்துகள் இயக்கப்படுகின்றன. பேருந்துகள் தெங்குமரஹாடா ஊருக்குள் போவதில்லை. மயார் ஆற்றின் ஒரு கரையில் நின்று விடும். பேருந்தில் இருந்து இறங்கி பரிசலில் அடுத்தக் கரையை அடைய வேண்டும். அடர்ந்த காடு வழியாக பேருந்து செல்லும். தார் சாலையெல்லாம் கிடையாது. மண் சாலைதான். அதனால் 4 வீலர் டிரைவ் கொண்ட ஜீப் போன்ற வாகனங்கள்தான் தெங்குமரஹாடா பயணத்துக்குச் சரியானது. டாடா சூமோ, ஜிப்சி, பொலீரோ போன்ற வாகனங்களும் ஏற்றது.

கொடநாட்டில் இருந்து காட்டு வழியாக மூன்றரை மணி நேரம் நடந்தாலும், 10 கி.மீ தொலைவில் உள்ள தெங்குமரஹாடா கிராமத்தை அடையலாம். ‘ட்ரெக்கிங்’ மேற்கொள்பவர்கள் உதகை வடக்கு மாவட்ட வனத்துறை அதிகாரிகளிடம் முறையாக அனுமதிபெற வேண்டும். கைடுகளுடன்தான் ‘ட்ரெக்கிங்’ மேற்கொள்ள முடியும். வனத்துறை அலுவலவகத்துக்குச் சொந்தமான விடுதியில் தங்கிக்கொள்ள முன் அனுமதி பெறவேண்டும்.



தமிழகத்திலேயே அதிக வனவிலங்குகள் நிறைந்த பகுதி தெங்குமரஹாடா. ‘ட்ரெக்கிங்’-கின்போது, வனவிலங்குகள் கண்டிப்பாக தென்படும். யானைகள், புலிகள், சிறுத்தைப்புலி, கருஞ்சிறுத்தை, காட்டு மாடு, காட்டெருமை, சாம்பார் மான்கள், புள்ளிமான்கள், முள்ளம்பன்றி, கரடி என அனைத்து வகை விலங்கினங்களின் புகலிடம் அது. காணக் கிடைக்காத அரிய வகை பறவைகளின் வாழ்விடம். பாறு கழுகுகள் தெங்குமரஹாடாவின் இன்னொரு முக்கிய அம்சம். வெண்முதுகு பாறு கழுகு, கருங்கழுத்து பாறு கழுகு, செந்தலைப் பாறு கழுகு, மஞ்சள் முக பாறு கழுகு ஆகியவைகள் மாயாற்றை ஒட்டிய பகுதிகளில் காணலாம். தெங்குமரஹாடா காட்டுக்குள் சென்றால் அதிர்ஷ்டம் இருந்தால் தனிமை விரும்பிகளான புலியைக் கூட பார்க்க முடியும். உண்மையைச் சொல்லப் போனால், ட்ரெக்கிங்கை விரும்புபவர்களின் சொர்க்கம் கொடநாடு- தெங்குமரஹடா ட்ரெக்கிங் பாதை.



சுற்றுலா செல்பவர்கள் சொந்த வாகனத்தில் செல்வது ஏற்றது. மாயாறில் குறைந்தளவு தண்ணீர் ஓடினால், வாகனத்தைச் செலுத்தி அக்கரையை அடையலாம். அதற்கு முன்னதாக மாயற்றை பற்றி நீங்கள் ஒன்று அறிந்துகொள்ள வேண்டும். நீலகிரி மாவட்டத்தில் குந்தா என்ற அணை உள்ளது. தமிழ்நாடு மின்வாரியத்துக்கு சொந்தமானது. அணையில் மின் உற்பத்திக்கு பயன்படுத்தப்பட்டு வெளியேற்றப்படும் தண்ணீர்தான் மாயாறாக உருவாகி, முதுமலை வழியாக ஓடி தெங்குமரஹாடா வழியாக பவானி சாகர் அணையில் சேர்கிறது. அணையில் நீர் அதிகமாக திறந்து விடப்படும் பட்சத்தில் வாகனங்கள் தண்ணீரில் அடித்துச் செல்லப்பட்டு விட வாய்ப்பு உண்டு. அதனால், தண்ணீரின் அளவைப் பார்த்துவிட்டுத்தான் வாகனத்தை ஆற்றுக்குள் செலுத்த வேண்டும். தண்ணீர் மாயம் போல் அதிகரிப்பதும் குறைவதுமாக இருப்பதால்தான் இதற்கு 'மாயாறு' என்ற பெயரும் ஏற்பட்டது.

நீலகிரி மாவட்டத்தில் அரிசி விளையும் ஒரு சில பகுதிகளில் தெங்குமரஹாடாவும் ஒன்று. பசுமை நிறைந்த வயல்வெளிகளைக் காண முடியும். வாழைத்தோட்டங்கள் சூழ்ந்த பாதையில் நடப்பது மனதை மயக்கும். மரங்களின் அழகும் நம் மனதை ஆட்கொள்ளும். மாயற்றில் சில இடங்களில் குளிக்கலாம். முதலைகள் உண்டு. கவனம் தேவை. இந்த கிராமத்திலும் மீன் உணவு ரொம்ப ஸ்பெஷல். உள்ளுர் மக்கள் மணக்க மணக்க மீன் குழம்பு சமைத்து தருகிறார்கள். நாட்டுக்கோழி குழம்பும் சுவைபட சமைக்கிறார்கள். தெங்குமரஹடாவின் இன்னொரு விசேஷம் செவ்வந்திப் பூக்களை விளைவிப்பது.



தெங்குமரஹாடா வனப் பகுதியில் ஹெஜஹட்டி கணவாய் என்ற இடத்தில் ‘ஆதி கருவண்ணையர் பொம்மதேவியார்' கோயில் உள்ளது. இந்த கோயில் ‘உப்பிலி நாயக்கர்' சமூகத்தின் குல தெய்வம். மாசி மாதத்தில் இங்கு நடைபெறும் திருவிழாவின்போது, ஆயிரக்கணக்கான பக்தர்கள் வருவார்கள். கோயில் வளாகத்தில் கிடா வெட்டி, நேர்த்திக்கடன் செய்வார்கள்.

சில அனுபவங்களை வார்த்தைகளால் விவரித்து விட முடியாது. அனுபவித்தால் மட்டுமே தெரியும். தெங்குமரஹாடா அனுபவமும் அந்த ரகம்தான்.

- எம்.குமரேசன்

தூக்கம், நிம்மதி, மகிழ்ச்சி... விரட்டும் மனஅழுத்தம்?! தீர்வுகள் இங்கே..! #RelaxPlease
டென்ஷன்... இதைப்போல மோசமான ஒன்று வேறு இல்லை. எல்.கே.ஜி படிக்கும் குழந்தைக்குக்கூட பள்ளிக்குப் போகும் அவசரத்தில் ஆரம்பமாகிவிடுகிறது டென்ஷன். அப்பா, அம்மாவுக்கு ஆபீஸ்... தாத்தா-பாட்டிக்கு தனிமை... இப்படி எல்லோருக்கும் ஏதோ ஒருவித டென்ஷன்! இது தொடர்ந்தால் உருவாவதுதான் `ஸ்ட்ரெஸ்’ எனப்படும் மனஅழுத்தம். இதற்கு ஆளானவர்களால் தெளிவாக சிந்திக்க முடியாது; நிம்மதி பறிபோய்விடும்; படபடப்பு தொற்றிக்கொள்ளும். மனஅழுத்தம், சாதாரண பிரச்னை இல்லை... அதிகமானால், தற்கொலை உணர்வைத் தூண்டி ஆளையே காலி பண்ணிவிடும். இன்றைக்கு உலக அளவில் மனஅழுத்தத்துக்கு ஆளானவர்கள் கோடிக்கணக்கான பேர். இது ஏன் வருகிறது, இதனால் உருவாகும் நோய்கள், தீர்வுகள்... அனைத்தையும் தெரிந்துகொள்ளவேண்டியது அனைவருக்குமே காலத்தின் கட்டாயம். அவற்றைப் பற்றி கூறுகிறார் டயட்டீஷியன், வைஷ்ணவி சதீஷ்.

ஒரு சவாலை எதிர்கொள்ள, உடல் தன்னைத் தயார்படுத்திக்கொள்கிற நிலைதான் மனஅழுத்தம் (Stress). இந்த சவால், பணிச்சுமையாகவோ, குடும்பப் பொறுப்புகளாகவோ, தோல்வியாகவோ, ஏன்... தனிமையாகவோகூட இருக்கலாம்.



மனஅழுத்தத்தின் வகைகள்...

* அக்யூட் ஸ்ட்ரெஸ் (Acute Stress): இது, அலுவலகத்தில் மேலதிகாரிகள் தரும் பிரஷர், வீட்டிலுள்ள குழப்பங்கள் போன்றவற்றால் ஏற்படும், விரைவில் சரியாகக்கூடிய மனஅழுத்தம். இது மன வைராக்கியத்தைக் கூட்டி, ஒருவகையில் நன்மையையே அளிக்கும்.

* எபிசோடிக் அக்யூட் ஸ்ட்ரெஸ் (Episodic Acute Stress): தொடர்ந்து அக்யூட் ஸ்ட்ரெஸ்ஸில் இருப்பவர்களுக்கு இது ஏற்படும். இதனால் பதற்றம், எரிச்சல், முன் கோபம் உண்டாகும். தோல்வி எண்ணம் உள்ளவர்களும், ஓய்வு ஒழிச்சலின்றி வேலை செய்பவர்களும் இந்த நிலையை எளிதாக அடைந்துவிடுவார்கள்.

* க்ரோனிக் ஸ்ட்ரெஸ் ((Chronic Stress): மனஅழுத்தத்தைப் போக்க எந்த முயற்சியும் எடுக்காமல் இருப்பவர்கள், இந்த நிலைக்குத் தள்ளப்படுவார்கள். பெரும் நோய்கள், விபத்துக்குள்ளாதல், தற்கொலை எண்ணம் வருதல் போன்றவை ஏற்படும். ஏழ்மை, சந்தோஷமில்லாத மணவாழ்க்கை, திருப்தியில்லாத வேலை போன்ற நிலையில் இருப்பவர்களுக்கு இந்த மனஅழுத்தம் ஏற்படும்.


மனஅழுத்தத்தால் ஏற்படும் நோய்கள்...

* உயர் ரத்த அழுத்தம், இதய நோய்கள், நோய் எதிர்ப்புச் சக்தி குறைதல், தூக்கமின்மை, நுரையீரல் தொடர்பான நோய்கள் போன்றவை ஏற்படலாம்.

* மனஅழுத்தம், நரம்பு மண்டலத்தின் ஹைப்போதாலமஸ் (Hypothalamus) மற்றும் பிட்யூட்டரி சுரப்பியையும் (Pituitary Gland) பாதிக்கும். உடலின் வளர்சிதை மாற்றம், நோய் எதிர்ப்புச் சக்தி, உளவியல் ஆகியவற்றைக் கட்டுப்படுத்துகிற இந்த ஹார்மோன்களில் பாதிப்பு ஏற்படுவதால், அதி விரைவில் உடல்நலம் குன்றும்.

* பொதுவாக ஸ்ட்ரெஸ்ஸைச் சமாளிக்க அதிகமாகச் சாப்பிடத் தோன்றும். இப்படிச் சாப்பிடுவது உடல் எடையை அதிகப்படுத்தி, உறக்கமின்மை எனப்படும் `இன்சோம்னியா’ (Insomnia) போன்ற நோய்களுக்கும் வழிவகுக்கும். எனவே, உணவில் கவனம் தேவை.



தடுக்கும் வழிமுறைகள்...

* மூன்று வேளை வயிறாரச் சாப்பிட்ட பிறகும் சாப்பிடத் தோன்றும்போது, சாலட், பழங்கள், முளைகட்டிய பயறுகள், நட்ஸ் போன்றவற்றைச் சாப்பிடலாம். இவை, அதீதப் பசியைப் போக்கும்.

* அதிகமாக நீர் அருந்துவது மனதை அமைதிப்படுத்தி, தெளிவாகச் சிந்திக்க உதவும்.

* அந்தந்த சீசனில் கிடைக்கும் பழங்கள், காய்கறிகளை உண்பதுதான் உடலுக்கு எப்போதும் நன்மை தரும்.

* ஃபாஸ்ட் ஃபுட்ஸ், ஜங்க் ஃபுட்ஸ், ஹோட்டல் உணவுகளின் மீதுள்ள ஆசையைக் குறைத்துக்கொண்டு ஆரோக்கியமான உணவுப் பழக்கத்தைத் தொடர்ந்தால், ஸ்ட்ரெஸ்ஸில் இருந்து விடுபடலாம்.





மனஅழுத்தம் குறைக்க செரட்டோனின் சுரப்பைத் தரும் உணவுகள்...

* முட்டையின் மஞ்சள் கருவிலுள்ள ட்ரிப்டோபான் (Tryptophan).

* அன்னாசி பழத்திலுள்ள புரோம்லின் (Bromelin).

* டோஃபூ, வான் கோழி இறைச்சி, வஞ்சர மீன்.

* நட்ஸ் மற்றும் எண்ணெய் வித்துகளிலுள்ள நார்ச்சத்து நுரையீரல், இதய நோய்களிலிருந்தும் புற்றுநோயில் இருந்தும் பாதுகாக்கும்.

* ஆப்பிள், எலுமிச்சை, பப்பாளி, ஆரஞ்சு, அன்னாசி, நாவல் பழம், அவகேடோ ஆகியவற்றில் ஆன்டிஆக்ஸிடன்ட் அதிகமாக உள்ளது. இவற்றைச் சாப்பிடலாம்.

* தயிர் உடலின் நச்சை அகற்றி, மனச்சோர்வு மற்று மனஅழுத்தத்தில் இருந்து காக்கும்.
இவற்றோடு உடற்பயிற்சி செய்வது நல்ல எண்ணங்களைத் தரும்; நல்ல தூக்கம் கிடைக்கும்.

எல்லோருக்கும் பிடித்த சாக்லேட், ஆன்டி ஆங்சைட்டி டிரக்காக (Anti Anxiety Drug) அறியப்பட்டுள்ளது. அதாவது, மனஅழுத்தத்தைப் போக்கும் சக்தி இதற்கு இருப்பதாகக் கூறுகிறார்கள். பிறகென்ன... சந்தோஷமாக சாக்லேட் சாப்பிடலாமே!

சாக்லேட் சில குறிப்புகள்...

இது, கொக்கோ பீன்ஸிலிருந்து தயாரிக்கப்படுகிறது.

100 கிராம் சாக்லேட்டில் உள்ள சத்துக்கள்...

* எனர்ஜி - 54 கலோரி

* கொழுப்பு - 31 கி

* கார்போஹைட்ரேட் - 61 கி

* புரோட்டீன் - 4.9 கி

* வைட்டமின்கள் - பி1, பி2, பி3, சி

* மினரல்கள் - மக்னீசியம், கால்சியம். இரும்புச்சத்து, துத்தம், காப்பர், பொட்டாசியம், மாங்கனீஸ்

* இதிலுள்ள ஃப்ளேவனாய்டுகளில் இருக்கும் வைட்டமின், ஆன்டிஆக்ஸிடன்ட் ரத்த அழுத்தத்தைச் சீராக்கி, இதய நோய்களிலிருந்து பாதுகாக்கும்.

* சாக்லேட்டிலுள்ள கொழுப்புச்சத்தில் ஒலியிக் (Oleic Acid) அமிலம் உள்ளது. இது, நோய் எதிர்ப்புச் சக்திக்கும் மூளையின் செயல்பாட்டுக்கும் உதவுவது.

* இதிலிருக்கும் ரெஸ்வெரட்ரால் (Resveratrol) இதய நோய் வராமல் தடுக்கும். இது, சாக்லெட்டில் 13.1 எம்.சி.ஜியும், ரெட் ஒயினில் 18 எம்.சி.ஜியும், திராட்சைப் பழத்தில் அதிகமாகவும் காணப்படுகிறது.

* இதில் இருக்கும் காகாவோ (Cacao) மூளைச் சோர்வைப் போக்கும்.

* டார்க் சாக்லேட்டில் உள்ள எல்-ட்ரிப்டோபான் (L-tryptophan) செரட்டோனின் சுரப்பைத் தூண்டுகிறது.



தேவையான சத்துக்கள்...

கார்போஹைட்ரேட், புரோட்டீன் மற்றும் கொழுப்பு வகைகளை மேக்ரோ நியூட்ரியன்ட்ஸாகவும், வைட்டமின், மினரல்களை மைக்ரோ நியூட்ரியன்ட்ஸாகவும் பிரித்து வைத்திருக்கிறார்கள். முதலில் உள்ளவை, உடல் செயல்பாட்டுக்கும் மற்றவை, சத்துக்கள் உறிஞ்சப்படுவதற்கும் ஆரோக்கியத்தைப் பாதுகாக்கவும் உதவுகின்றன.

வைட்டமின் பி:

உடல்வளர்ச்சிக்கு உறுதுணையாக இருக்கும் இவை, நீரில் கரையும் தன்மை கொண்டவை. இவை குறையும்போது உடல்பருமன், நரம்பியல் கோளாறுகள், டிப்ரஷன் உணர்வுகளில் சமநிலையற்ற தன்மை போன்றவை ஏற்படுகின்றன.

* வாழைப்பழம், மீன், கோழி இறைச்சி, ஈரல், பருப்புகள், பட்டாணி, பீன்ஸ், நட்ஸ் முதலியவற்றில் இந்த வைட்டமின் அதிகமாக உள்ளது.

வைட்டமின் சி:

நீரில் கரையும் தன்மையுடைய இந்த வைட்டமின் ஸ்ட்ரெஸ்ஸை ஏற்படுத்தும் ஹார்மோன்களைக் குறைத்து, மூளையை அமைதிப்படுத்தும்.

* புகைபிடித்தல், கருத்தடை மாத்திரைகள், டிரக்ஸ் போன்றவை வைட்டமின் சி-யைக் குறைக்கக் கூடியவை.

* சிட்ரஸ் பழங்கள், கொய்யா, குடமிளகாய், கீரை வகைகள், தக்காளி ஆகியவற்றில் வைட்டமின் சி அதிகமாக உள்ளது.

மக்னீசியம்:

* ஆன்டி ஸ்ட்ரெஸ் மினரலான இது, உடலின் உயிரியல் வளர்ச்சி மாற்றங்களுக்கு துணைபுரிகிறது.

* செல்களிலிருந்து சக்தியை வெளியேற்ற உதவுவதோடு, நரம்பு மண்டலத்தைச் சுறுசுறுப்பாகச் செயல்பட வைக்கிறது.

* காய்கறிகள், பழங்கள், கீரைகள், பயறு வகைகள், கொட்டைகள், இறைச்சி ஆகியவற்றில் உள்ள இந்த மினரல் உடலைச் சமச்சீராக்கும்.

காம்ப்ளக்ஸ் கார்போஹைட்ரேட் (Complex Carbohydrate):

* இது, செரிமானத்தக்குப் பின் வெளியாகும் சக்தியை மெதுவாக வெளியிடுவதால், வயிறு நிறைந்திருக்கும் உணர்வை ஏற்படுத்தும். இதனால் உடலின் சர்க்கரை அளவை சரிநிலைப்படுத்தும்.

* முழு தானியங்கள், கோதுமை பிரெட், ஓட்ஸ், சிவப்பரிசி முதலியவற்றில் அதிகமாக உள்ளது.

கொழுப்பு அமிலங்கள்:

* இது குளுகோகார்டிகாய்ட்ஸ் (Glucocorticoids)-ஐக் குறைக்கிறது.

* மீன், ஆளி விதை, பூசணி விதைகளில் காணப்படுகிறது.

கால்சியம்:

உடலுக்குத் தேவையான இந்தச் சத்து சூடான பால், ராகி, கஞ்சி, சாலட், புரோக்கோலி, எள், கரும்பு ஆகியவற்றில் இருக்கிறது.

தவிர்க்கவேண்டிய உணவுகள்:

இனிப்புகள்: முழுவதுமாகத் தவிர்க்கவும். இவை, உடல் ஆரோக்கியத்தைத் தடுத்து, உடல் தளர்ச்சியையும் மந்தநிலையையும் உருவாக்கும்.

பதப்படுத்தபட்ட உணவுகள்: இவை 58 சதவிகிதம் டிப்ரஷனுக்கு உள்ளாக்கக் கூடியவை. இந்த உணவுகள் ஒருவித அடிமைத்தனத்துக்கு (Addiction) உள்ளாக்கி, ஹெல்த்தைப் பாதிக்கும்.

காஃபின் (Caffeine): காபியிலுள்ள காஃபின் மக்னீசியத்தை அழித்து, தூக்கமின்மை, நடுக்கம் போன்றவற்றை எற்படுத்தும்.

மனஅழுத்தம் குறைக்க உதவும் ரெசிப்பி!

சாக்லேட் மில்க்‌ஷேக்:

தேவையானவை:

கோக்கோ பவுடர் - 2 1/2 டேபிள்ஸ்பூன்
குளிர்ந்த பால் - 2 கப்
கருப்பட்டி அல்லது நாட்டு சர்க்கரை - ¼ டீஸ்பூன்
ஐஸ் க்யூப்கள் - 10
கிரேட்டடு சாக்லேட் - 2 டேபிள்ஸ்பூன்.

செய்முறை:

எல்லாவற்றையும் மிக்ஸில் போட்டு மென்மையாக நுரைத்து வரும் வரை பிளெண்ட் செய்யவும். பிறகு, ஒரு கண்ணாடி டம்ளரில் ஊற்றி, கிரேட்டடு சாக்லேட்டால் அலங்கரித்துப் பரிமாறவும்.

- வைஷ்ணவி

10,000 ரூபாய் பட்ஜெட்: என்ன மொபைல் வாங்கலாம்? #MobileMania

வாரந்தோறும் ஏதேனும் ஒரு பிராண்டில் இருந்து குறைந்தது ஒரு மொபைல் போனாவது புதிதாக சந்தைக்கு வந்துவிடுகிறது. இதனால் தற்போது புதிதாக மொபைல் வாங்க வேண்டுமென்றால் ஆப்ஷன்களுக்கு பிரச்னையே இல்லை. ஆனால் எதைத் தேர்வு செய்வது என்பதில்தான் பலருக்கும் சிக்கல். அவர்களுக்கு கைகொடுக்கவே இந்தக் கட்டுரை.

இன்றளவும் புதிய மொபைல் போன் என்றாலே பலரும் ஒதுக்கும் பட்ஜெட் தொகை 10,000-தான். பத்தாயிரம் ரூபாய்க்கு குறைவான மொபைல்கள்தான் மார்க்கெட்டில் குபீர் ஹிட் அடிக்கின்றன. அப்படி 10,000 ரூபாய் விலை அளவில் வந்து, நல்ல ரெவ்யூஸ் குவித்துவரும் மொபைல்களின் தொகுப்பு இங்கே...

1. மோட்டோ E3 பவர் :

பட்ஜெட் போன்களில் மார்க்கெட் லீடரான மோட்டோரோலா நிறுவனத்தின் வந்திருக்கும் புதிய மொபைல் இது. 5 இன்ச் டிஸ்ப்ளே, 2 ஜி.பி ரேம், 16 ஜி.பி மெமரி, ஆண்ட்ராய்டு மார்ஷ்மெல்லோ, 8 எம்.பி ரியர் கேமரா, 5 எம்.பி முன்பக்க கேமரா, 3500 mAh பேட்டரி என டிரேட்மார்க் மோட்டோ டச்சுடன் இருக்கிறது E3 பவர்.



ப்ளஸ்:

பேட்டரி திறன், சரியான விலை ஆகியவை இதன் ப்ளஸ்.

மைனஸ்:

கேமரா, மெதுவான சாப்ட்வேர் அப்டேட்ஸ் ஆகியவை இதன் மைனஸ்.
விலை: ₹ 7,999

2. லெனோவா K6 பவர் :

லெனோவா நிறுவனத்தின் லேட்டஸ்ட் ஹிட் இந்த போன். 5 இன்ச் டிஸ்ப்ளே, 1.4 GHz ஆக்டாகோர் பிராஸசர், 32 ஜி.பி மெமரி, ஆண்ட்ராய்டு மார்ஷ்மெல்லோ, 13 எம்.பி ரியர் கேமரா, 8 எம்.பி முன்பக்க கேமரா, 4000 mAh பேட்டரி என எல்லா ஏரியாவிலும் அசத்துகிறது K6 பவர். 3 ஜி.பி ரேம், 4 ஜி.பி ரேம் என இரண்டு வகைகளில் கிடைக்கிறது.



ப்ளஸ்:

பில்ட் குவாலிட்டி, டிசைன், நல்ல பேட்டரி, பெர்பார்மன்ஸ் ஆகியவற்றில் ஸ்கோர் செய்கிறது.

மைனஸ்:

கேமரா திறனில் கொஞ்சம் பின்தங்கிவிடுகிறது.

விலை:
3 ஜி.பி வெர்ஷன்: ₹ 9,999
4 ஜி.பி வெர்ஷன்: ₹ 10,999

3. ரெட்மி 3S ப்ரைம்:

ஜியோமிதான் சி.எஸ்.கே என்றால், இந்த போன்தான் அந்த டீமின் தோனி. எல்லா ஏரியாவிலும் வெளுத்துவாங்கிய சூப்பர் ஹிட் மாடல் இது. 5 இன்ச் டிஸ்ப்ளே, 1.4 GHz ஆக்டாகோர் பிராஸசர், 3 ஜி.பி ரேம், 32 ஜி.பி மெமரி, 4100 mAh பேட்டரி, ஃபிங்கர் பிரின்ட் சென்சார், 13 எம்.பி ப்ரைமரி கேமரா, 5 எம்.பி முன்பக்க கேமரா என கலக்குகிறது ரெட்மி 3S ப்ரைம்.



ப்ளஸ்:

டிசைன், சரியான விலை, பேட்டரி திறன், டிஸ்ப்ளே குவாலிட்டி ஆகியவை இதன் ப்ளஸ்.

மைனஸ்:

சிம் கார்டுக்கு, ஹைப்ரிட் ஸ்லாட் என்பதுதான் இதன் மைனஸ்.
விலை: ₹ 8,999

4. லீ இகோ லீ 1S:

5.5 இன்ச் டிஸ்ப்ளே, 3 ஜி.பி ரேம், 32 ஜி.பி மெமரி, 3000 mAh பேட்டரி, 13 எம்.பி ப்ரைமரி கேமரா, 5 எம்.பி முன்பக்க கேமரா என பக்காவாக இருக்கிறது லீஈகோ. இந்தியாவில் வளர்ந்துவரும் பிராண்ட் என்பதுடன், ஆன்லைன் வணிகத்தில் அசத்தி வருகிறது லீஈகோ நிறுவனம்.



ப்ளஸ்:

ப்ரீமியம் லுக் மற்றும் டிசைன், டிஸ்ப்ளே தரம் ஆகியவை இதன் ப்ளஸ்.

மைனஸ்:

மெமரி கார்டு போடமுடியாது என்பதால், எக்ஸ்டர்னல் ஸ்டோரேஜ்க்கு வசதியில்லை. அத்துடன் போனும் சூடாகிறது என பயனாளர்களிடம் இருந்து ரெவ்யூக்கள் வருகின்றன.
விலை: ₹ 10,999

5. கூல்பேட் நோட் 3S:

5.5 இன்ச் டிஸ்ப்ளே, 1.36GHz ஆக்டாகோர் பிராஸசர், 3 ஜி.பி ரேம், 32 ஜி.பி மெமரி, ஆண்ட்ராய்டு மார்ஷ்மெல்லோ, 13 எம்.பி ரியர் கேமரா, 5 எம்.பி முன்பக்க கேமரா, 2500mAh பேட்டரி எனக் காட்சியளிக்கிறது இது. அனைத்து விஷயங்களிலும் ஓகே என்றாலும், கொஞ்சம் யோசிக்க வைப்பது இதன் பேட்டரி திறன்தான்.



ப்ளஸ்:

3 ஜி.பி ரேம், ப்ரீமியம் லுக் தரும் வடிவமைப்பு ஆகிய ஏரியாக்களில் பாஸ் ஆகிறது கூல்பேட் நோட் 3S.

மைனஸ்:

2500 mAh பேட்டரி.
விலை: ₹ 9,999

6. ரெட்மி நோட் 4 :

ஜியோமி களமிறக்கிய லேட்டஸ்ட் வரவு இது. 5.5 முழு ஹெச்.டி டிஸ்ப்ளே, 2.0GHz பிராஸசர், ஆண்ட்ராய்டு மார்ஷ்மெல்லோ, MIUI 8, 4G டூயல்சிம் வசதி, 4100mAh திறனுடைய பேட்டரி ஆகியவற்றைக் கொண்டுள்ளது ரெட்மி நோட் 4. கேமராவைப் பொறுத்தவரை பின்பக்கம் 13 எம்.பி மற்றும் முன்பக்கம் 5 எம்.பி கேமராவைக் கொண்டுள்ளது.

2 ஜி.பி ரேம்/32 ஜி.பி மெமரி, 3 ஜி.பி ரேம்/32 ஜி.பி மெமரி மற்றும் 4 ஜி.பி ரேம்/64 ஜி.பி மெமரி என மொத்தம் மூன்று மாடல்களில் கிடைக்கிறது இந்த நோட் 4.



ப்ளஸ்:

பில்ட் குவாலிட்டி, கேமரா பெர்பார்மன்ஸ், சரியான விலை போன்றவை இதன் சிறப்பு.

மைனஸ்:

ரெட்மி ப்ரைம் போலவே இதிலும் இருப்பது, ஹைப்ரிட் சிம் ஸ்லாட்.

விலை:
2 ஜி.பி ரேம்/32 ஜி.பி மெமரி மாடல் - ₹ 9,999
3 ஜி.பி ரேம்/32 ஜி.பி மெமரி மாடல் - ₹ 10,999
4 ஜி.பி மெமரி/64 ஜி.பி மெமரி மாடல் - ₹ 12,999

7. மோட்டோ G4 ப்ளே:

5 இன்ச் டிஸ்ப்ளே, 1.2 GHz குவாட்கோர் பிராஸசர், 2 ஜி.பி ரேம், 16 ஜி.பி மெமரி, 8 எம்.பி பின்பக்க கேமரா, 5 எம்.பி முன்பக்க கேமரா, ஆண்ட்ராய்டு மார்ஷ்மெல்லோ. 2800 mAh பேட்டரி என எல்லா பொருத்தங்களும் இதிலும் இருக்கின்றன. கேமரா பிரியர்களுக்கு இதில் பெரிய ஆப்ஷன்கள் எல்லாம் இல்லை என்பதால் அவர்களுக்கு இந்த போன் பொருந்தாது.



ப்ளஸ்:

விலைக்கு ஏற்ற வசதிகள், பில்ட் குவாலிட்டி என தனது ஏரியாவில் மோட்டோ ஸ்ட்ராங்.

மைனஸ்:

ரேம் மற்றும் கேமரா ஆகியவை போதாது.
விலை: ₹ 8,999

8. அசூஸ் ஜென்ஃபோன் மேக்ஸ் :

5.5 இன்ச் டிஸ்ப்ளே, 13 எம்.பி பேக் கேமரா, 5 எம்.பி முன்பக்க கேமரா, 5000 mAh பேட்டரி, 202 கிராம் எடை, 1.5 GHz ஆக்டாகோர் பிராஸசர் என ஆல்ரவுண்டராக இருக்கிறது ஜென்ஃபோன் மேக்ஸ். 2 ஜி.பி ரேம்/ 16 ஜி.பி மெமரி, 2 ஜி.பி ரேம் / 32 ஜி.பி மெமரி, 3 ஜி.பி ரேம் / 32 ஜி.பி மெமரி என மொத்தம் மூன்று மாடல்களில் கிடைக்கிறது.



ப்ளஸ்:

5,000 mAh பேட்டரிதான் இந்த போனின் பெரிய ப்ளஸ். மேலும் இந்த போனின் பேட்டரியையே இன்னொரு போனுக்கு பவர் பேங்க் ஆகவும் பயன்படுத்த முடியும். அதாவது OTG கேபிளை இந்த போனுடன் இணைத்துவிட்டால், இதனுடன் இணைந்திருக்கும் இன்னொரு போனும் சார்ஜ் ஆகும்.

மைனஸ்:

ஃபிங்கர்பிரின்ட் சென்சார் கிடையாது. பேட்டரி திறன் அதிகம் என்பதால் போனின் எடையும் அதிகமாக இருக்கிறது.

விலை:
2 ஜி.பி ரேம்/ 16 ஜி.பி மெமரி மாடல்: ₹ 9,499
2 ஜி.பி ரேம்/ 32 ஜி.பி மெமரி மாடல்: ₹ 9,999
3 ஜி.பி ரேம்/ 32 ஜி.பி மெமரி மாடல்: ₹ 11,999 முதல்.

தினம் எவ்வளவு நேரம்... மாதம் எத்தனை ஜிபி... மொபைலும் நாமும்..! #Infographics #MobileMania




தினசரி காலை எழுந்ததும், மொபைல் பார்க்கும் பழக்கம் உங்களுக்கு உள்ளதா? உங்களைப்போலவே உலகில் எத்தனை பேர் இருக்கிறார்கள் தெரியுமா? உலகில் ஸ்மார்ட்போன் வைத்திருக்கும் 100ல் 50 பேர் காலை எழுந்ததும் ஸ்மார்ட் போனைத்தான் பார்க்கிறார்கள். இந்த எண்ணிக்கை, இணைய ஊடுறுவலைப் பொறுத்து அதிகரிக்கும் என்று கூறப்படுகிறது. கடந்த ஒரு வருடத்தில் மட்டும் உலகம் முழுவதும் 1 பில்லியனுக்கு மேல் 4ஜி இணைப்புகள் வழங்கப்பட்டுள்ளன. இந்த எண்ணிக்கை, 2020ல் 2.6 பில்லியனை எட்டும் என்று கணிக்கப்பட்டுள்ளது.

2016-ம் ஆண்டில் ஸ்மார்ட் போன் பயன்படுத்துபவர்களின் எண்ணிக்கை 4.8 பில்லியனாக அதிகரித்துள்ளது. உலகம் முழுவதும் தினசரி இணையம் பயன்படுத்துபவர்கள், 3 பில்லியனுக்கும் மேல் உள்ளனர். அதில், 80 சதவிகிதம் பேர் ஸ்மார்ட்போன் மூலமாகத்தான் இணையத்தைப் பயன்படுத்துகிறார்கள். தனிமனிதனாக ஸ்மார்ட்போன் பயன்படுத்துபவரின் தகவல்களைப் பார்த்தால், ஆச்சர்யமான தகவல்கள் கிடைக்கின்றன.

ஒரு ஸ்மார்ட்போன் பயன்பாட்டாளர், ஒரு நாளைக்கு 1.8 மணி நேரம் சராசரியாக ஸ்மார்ட்போனைப் பயன்படுத்துகிறார். அதில், ஆப்ஸ்களில் 89 சதவிகித நேரத்தையும், ப்ரெளசர்களில் 9 சதவிகித நேரத்தையும், மற்ற விஷயங்களில் 2 சதவிகித நேரத்தையும் பயன்படுத்துகின்றனர். அது மட்டுமல்லாமல், ஒரு நாளைக்கு சராசரியாக 46 முறை ஸ்மார்ட்போனை ஆன் செய்து செக் செய்கிறார். உலக அளவில் பார்த்தால், ஒரு நாளைக்கு 8 பில்லியன் முறை ஸ்மார்ட் போன்கள் ஆன் செய்து செக் செய்யப்படுகிறது. மேலும், சராசரியாக ஒரு ஸ்மார்ட்போன் பயன்பாட்டளர், மாதத்துக்கு 2.9 ஜி.பி டேட்டாவைப் பயனபடுத்துகிறார். இது, தொழில்நுட்ப ரீதியாக 2ஜி, 3ஜி, 4ஜி என்ற அளவில் வேறுபட்டிருந்தாலும், இந்த அளவு பிரமிக்கவைப்பதாகவே உள்ளது. மேலும் 4ஜி இணைப்புகள் அதிகமாகும்போது இந்த எண்ணிக்கை கூடும் என்றே எதிர்பார்க்கப்படுகிறது.

இன்று எல்லாவற்றுக்குமே செல்போன்கள் என்று ஆகிவிட்ட நிலையில், அலுவலக வேலைகள்கூட செல்போனுக்குள்ளேயே முடிந்துவிடுகிறது. 2018-ம் ஆண்டில் அனுப்பப்படும் 10 இ-மெயில்களில் 8, மொபைல்மூலம் அனுப்பப்பட வாய்ப்புள்ளதாக கணிக்கப்பட்டுள்ளது. இதற்கெல்லாம் ஆப்ஸ்களும், இணைய சேவை வசதிகளும் எளிமையான முறையில் ஸ்மார்ட்போன்களில் புகுத்தப்பட்டதுதான். 2016-ம் ஆண்டு மட்டும் கூகுள் ப்ளே ஸ்டோரில் 90 பில்லியன் ஆன்ட்ராய்ட் ஆப்ஸ்களும், ஆப்பிள் ஸ்டோரில் 13 பில்லியன் ஐஓஎஸ் ஆப்ஸ்களும் டவுண்லோட் செய்யப்பட்டுள்ளன. உலகம் முழுவதும் 2016-ம் ஆண்டில் மட்டும் 900 பில்லியன் மணி நேரம் ஆப்ஸ்கள் பயன்படுத்தப்பட்டுள்ளது. அதாவது, 37,500 கோடி மணி நேரம் அல்லது 10 கோடி வருடத்துக்கு இணையாக, உலகம் முழுவதும் ஆப்ஸ் பயன்படுத்துகிறார்கள்.

நாம், பத்தாயிரம் ரூபாய்க்கு வாங்கும் மொபைல் துவங்கி, பல லட்சம் ரூபாய் செலவில் வாங்கும் மொபைல் வரை இந்தியாவில் வர்த்தகமாகும் இந்த ஸ்மார்ட்போன்களின் மார்க்கெட் என்பது, 20 ட்ரில்லியன் டாலராக உள்ளது. இது, இந்திய ஜிடிபி-யில் 0.9 சதவிகிதமாக உள்ளது. உலகம் முழுவது இந்த அளவு, 3.1 ட்ரில்லியன் அமெரிக்க டாலராக உள்ளது. இது, உலக ஜிடிபி-யில் 4.2 சதவிகிதமாகும். ஸ்மார்ட்போன்களும், ஸ்மார்ட்போன் அக்ஸசரிஸ் மார்க்கெட் என்பது உலகின் மிகப்பெரிய பொருளாதாரக் காரணியாக உருவெடுத்துவருகிறது.

இதைப் படிக்கலைனா படிச்சிருங்க ப்ளீஸ்

சென்னைவாசிகள் ஆக்சிஜனைக் கடன் வாங்குவது தெரியுமா? - மிரட்டும் நிஜம்!

கோடை தொடங்கிவிட்டது, கூடவே மின்வெட்டுப் பிரச்னையும், தண்ணீர்த் தட்டுப்பாடும்... ‘‘இந்த ஆண்டு மலைப் பிரதேசங்களில்கூட வெயிலின் தாக்கம் அதிகரிக்கும்’’ என எச்சரித்துள்ளது இந்திய வானிலை ஆராய்ச்சி மையம். அதேநேரத்தில் ‘‘கடந்த 116 வருடங்களில் இல்லாத அளவுக்கு சென்ற ஜனவரியில்தான் அதிகபட்ச வெப்பநிலை நிலவியது’’ என்றும் தெரிவித்துள்ளது. 2015 டிசம்பரில் சென்னையை வெள்ளத்தில் தவிக்கவிட்ட இயற்கை, கடந்த டிசம்பரில் புயல் காற்றால் துவம்சம் செய்து ஓய்ந்தது. சென்னையின் சுவாசமாக இருந்த ஆயிரம் ஆயிரம் மரங்கள் வேரோடு வீழ்ந்து குப்பையாகின. ஆயிரக்கணக்கான மின் கம்பங்கள் முறிந்து விழுந்தன. இருட்டிலும், தாகத்திலும் தவித்துப் போனது சென்னை.



கடந்த டிசம்பர் 1-ம் தேதி தமிழகத்தை நோக்கிப் பாய்ந்து வந்த ‘நடா’ புயல், பெரும் பாதிப்புகளை ஏற்படுத்தாமல் கடந்தது. ‘‘அப்பாடா’’ என்று நிம்மதி அடைந்த நிலையில், வங்கக்கடலில் இன்னுமொரு காற்றழுத்த மண்டலம் உருவாகி இருப்பதாகவும், அது புயலாக மாற வாய்ப்புள்ளதாகவும் தெரிவித்தார் மண்டல வானிலை மைய இயக்குனர் பாலச்சந்திரன். எதிர்பார்த்தபடியே வீரியம் பெற்றது புயல். 150 கி.மீக்கு அதிகமான வேகத்தில் சென்னையைச் சுற்றிச் சூழ்ந்து களமாடியது காற்று.



சென்னை, காஞ்சிபுரம், திருவள்ளூர் மாவட்டங்கள் கிட்டத்தட்ட அதி தீவிர யுத்தம் நடந்த போர்க்களம் போலாகிவிட்டன. எங்கு பார்த்தாலும் பிணங்களைப்போல குவிந்து கிடந்தன மரங்கள்...வர்தா புயலை அடுத்து சென்னையின் பல்வேறு இடங்களில் சமூக ஆர்வலர்களும் மாநகராட்சியும் இணைந்து மரங்கள் நடப்போவதாக அறிவித்தார்கள். ஆனால் நடப்பட்ட மரக்கன்றுகளை எங்கும் பார்க்க முடியவில்லை.

சென்னை, திருவள்ளூர், காஞ்சிபுரம் மாவட்டங்களில் ஏராளமான தொழிற்சாலைகள் இயங்கி வருகின்றன. பெரும் சுற்றுச்சூழல் சிக்கல் மிகுந்த இப்பகுதிகளை வாழும் பகுதிகளாக மாற்றுபவை, இங்கிருக்கும் மரங்களும் கடலும்தான். வர்தா புயலால் 10,682 மரங்கள் விழுந்ததாக மாநகராட்சி செய்திக் குறிப்பு கூறினாலும், விழுந்த மரங்களின் எண்ணிக்கை நான்கு மடங்குக்கு மேல் இருக்கும் என்று சூழலியலாளர்கள் தெரிவிக்கிறார்கள். ‘இதன் விளைவுகள் மிகவும் மோசமாக இருக்கும்’ என்றும் அவர்கள் அச்சமூட்டுகிறார்கள். பெரும்பாலான மரங்கள் வீழ்ந்ததற்கு திட்டமிடலில் ஏற்பட்ட தவறுகளே காரணம் என்ற குற்றச்சாட்டையும் அவர்கள் முன் வைக்கிறார்கள்.

"பொதுவாக, பிளாஸ்டிக் பைகளில் வளர்க்கப்படும் மரங்களின் வேர் மடங்கிச் சுருங்கிவிடும். அதுமாதிரி செடிகளால் மண்ணைப் பிடித்து வலுவாக வளர முடியாது. சென்னை போன்ற நகரங்களில் நடப்பட்டிருக்கும் பெரும்பாலான மரங்கள், பிளாஸ்டிக் பைகளில் வளர்க்கப்பட்டவைதான். நகரங்களைப் பொறுத்தவரை மரங்கள் வெறும் நிழல் மட்டும் தருவதில்லை, 'மைக்ரோ கிளைமேட்' எனப்படும் நுண்கால நிலையையும் மரங்களே தீர்மானிக்கின்றன. நுண்கால நிலைதான் அந்தந்த இடத்தின் பருவநிலையை உருவாக்கும்.



‘மரங்கள் அடர்ந்திருக்கும் பகுதியைவிட மரங்களும் பசுமையும் இல்லாத இடங்களில் ஏறத்தாழ 200 மடங்கு கிருமிகள் காற்றில் பரவி இருக்கின்றன' எனச் சொல்கிறது ஓர் ஆய்வு. சென்னை மாதிரியான நகரங்களில் இருக்கும் மரங்கள், வாகனங்களிலிருந்து வெளியாகும் கார்பன் மோனாக்ஸைடை உறிஞ்சிக் கொள்வதோடு, வாகனங்கள் எழுப்பக்கூடிய ஒலியையும் சத்தங்களையும் சமன்படுத்துகிறது. இது எல்லாமே சேர்ந்துதான் மைக்ரோ கிளைமேட்டைத் தீர்மானிக்கும். நெருக்கமான நகரங்களில் மரம் நடுவதைக் காட்டிலும் நேரடியாக விதைகளைப் பதித்து மரம் வளர்ப்பது சிறந்தது.

ஒரு ஏக்கரில் அடர்த்தியாக இருக்கும் மரங்கள் ஒரு வருடத்துக்கு 18 மனிதனுக்குத் தேவையான ஆக்சிஜனைக் கொடுக்கிறது. சென்னையில் இருக்கும் மக்கள் தொகையையும், மரங்களின் எண்ணிக்கையையும் கணக்குப் போட்டுப் பார்த்தால் மரங்களின் தேவை என்ன என்பது புரியும். சென்னையில் இருக்கும் மக்கள் வேறொரு பகுதியிலிருந்துதான் ஆக்சிஜனைக் கடனாக வாங்கிக் கொண்டிருக்கிறார்கள்..." என்று அழுத்தமாகச் சொல்கிறார் சூழலியலாளர் நக்கீரன்.



சென்னையின் மொத்தப் பரப்பளவு 424 சதுர கிலோ மீட்டர். இதில் மூன்றில் ஒரு பங்கு, அதாவது 144 சதுர கிலோமீட்டர் பரப்பளவுக்குப் பசுமைப் பரப்பு இருக்க வேண்டும் என்பது விதி. ஆனால் சென்னையில் இருப்பதோ 9 சதுர கிலோமீட்டர் பசுமைப் பரப்பு மட்டும்தான். சென்னை மாநகராட்சியில் மொத்தம் 456 பூங்காக்கள் இருக்கின்றன. ஆனால் அந்தப் பூங்காக்களைப் பராமரிப்பதற்கு இருக்கும் ஊழியர்களைத் தவிர, அவர்களை மேற்பார்வையிட வேளாண்மை படித்த அதிகாரிகள் யாரும் இல்லை. ஒரு கட்டடம் கட்ட சிஎம்டிஏ-வில் அனுமதி வாங்கும்பொழுது குறிப்பிட்ட அளவு நிலத்தை இதுபோன்று பசுமைச் சூழலை உருவாக்கக் கொடுக்க வேண்டும். அப்படி நிலம் கொடுக்காத பொழுது குறிப்பிட்ட தொகை கட்டப்பட வேண்டும். இப்படி சிஎம்டிஏ-வில் கட்டப்படும் பணம் பூங்காக்களைப் பராமரிப்பதற்கும், பசுமையான சூழலை உருவாக்கவும் மாநகராட்சிக்குக் கொடுக்கப்படுகிறது. ஆனால் அந்தப் பணம் முழுவதும் பிற திட்டங்களுக்காகவே பயன்படுத்தப்படுகின்றன.

‘‘சென்னையில் உள்ள மரங்கள் குறித்து அரசுத் தரப்பில் எந்தவித ஆய்வுகளும் நடக்கவில்லை. பிரிட்டிஷார் தங்கள் வசதிக்காக ஊட்டி போன்ற மலைப்பிரதேசங்களில் யூகலிடப்ஸ் மரங்களை வளர்த்ததைப்போல சென்னையிலும் நம் மண்ணுக்குத் தொடர்பில்லாத அயல் நாட்டு மரங்கள் நடப்பட்டன. புயலில் விழுந்த மரங்களில் பெரும்பாலானவை, அதுமாதிரியான மரங்கள்தான். சூழலியல் கொள்கைகள், பேரிடர் மேலாண்மை கொள்கைகள் குறித்து அரசு தீவிரமாக ஆய்வு செய்ய வேண்டிய காலக்கட்டம் இது.

அரசு மட்டும்தான் சென்னையின் பசுமைச் சூழலை பாதுகாக்க முயற்சிகள் எடுக்க வேண்டும் என்பதில்லை. நாம் ஒவ்வொருவரும் அதற்கான செயல்பாடுகளில் இறங்க வேண்டும். சென்னை கடலோரத்தில் இருக்கிறது என்பதும், பசுமையான சூழல் நிறைந்திருக்கிறது என்பதும்தான் சென்னையின் பலம். ஆனால் தொடர்ச்சியாக பசுமைப் போர்வையை இழந்தால் சென்னை மிகப்பெரிய சுற்றுச்சூழல் பிரச்னையைச் சந்திக்கும்..." என்கிறார் பூவுலகின் நண்பர்கள் அமைப்பைச் சேர்ந்த வழக்கறிஞர் வெற்றிச் செல்வன்.

வர்தா புயலில் வேரோடு சாய்ந்த மரங்களில் மூன்றில் இரண்டு பங்கு தூங்குமூஞ்சி, குல்மோகர் ரக மரங்கள்தான். இந்த வகை மரங்கள் எல்லாமே அழகுக்காகவும், விரைவாக வளர வேண்டும் என்பதற்காகவும் வெளிநாட்டிலிருந்து கொண்டு வரப்பட்ட மரங்கள். அமெரிக்கா போன்ற நாடுகளில் புதியவகை தாவரத்தைப் பார்த்தால் உடனே அரசுக்குத் தெரியப்படுத்த வேண்டும் என்ற நிலை இருக்கிறது.



‘‘ஒரு மரத்தில் 1600 வகையான வண்டு இனங்கள் இருப்பதாகச் சொல்லப்படுகிறது. ஆயிரக்கணக்கான பூச்சி இனங்களும், உயிர்களும் மரத்தைச் சார்ந்து இருக்கின்றன. இப்படி சார்ந்து வாழ்தல் என்பது பல்லாயிரம் கோடி ஆண்டுகளாக இருந்து வரும் நீட்சி. நம் ஊர் இலுப்பை மரத்திலும், வேம்பு மரத்திலும் இந்தப் பல்லுயிர் சூழல் தொடர்ந்து இருந்து வருகிறது. பசுமையான சூழலை உருவாக்க வேண்டும், காடுகளை உருவாக்க வேண்டும் எனச் சொல்லி பழமையான மரங்களை அழித்துவிட்டு வேகமாக வளரக்கூடிய அயல் மரங்களை வளர்த்து உயிரினங்களின் வாழ்வாதாரத்தையும் அழித்து வருகிறோம். இதனால் பல்லுயிர் சூழலும் பாதிக்கப்படும். அத்தி, இச்சி, பனை, புரசு, மருதம், கடம்பம், தில்லை, இலவு, முள்ளிலவு, நாவல், தான்றி, குமிழ், சந்தனம், இலுப்பை, ஆலம், அரசு, வேம்பு, அகில், நெல்லி, அலிஞ்சில், வெள்வேலம், ஆசினி பலா, ஆத்தி, இலந்தை, புங்கம், உசில், ஒதியன், காஞ்சரை, கிளுவை, கொன்றை, கொன்னை, கோங்கம், செண்பகம், சரக்கொன்றை, தணக்கு, தேற்றா, மஞ்சநத்தி, மா, பன்னீர், வெப்பாலை, ஏழிலைப்பாலை, தோதகத்தி, புன்னை, பூவரசு, மகிழம், மந்தாரை, கருங்காலி, மூங்கில், வலம்புரி, வன்னி, வேங்கை. என நூற்றுக்கணக்கான நாட்டு மர வகைகள் இருக்கின்றன. அவற்றையெல்லாம் நகர்ப்புறங்களில் வளர்க்கலாம்..." என்கிறார் ‘நாணல்’ சூழலியல் அமைப்பின் ஒருங்கிணைப்பாளர் தமிழ்தாசன்.

மரம் என்பது மரம் மட்டுமல்ல... அது பலநூறு உயிர்களின் கூடு. ஒரு மரம் வீழ்வதால் பல நூறு உயிர்கள் வீடிழக்கின்றன. உணவிழக்கின்றன. பூமி உயிர்ச்சூழலை இழக்கிறது. நகரங்களைத் திட்டமிடும்போதே, அதன் பசுமைச்சூழலையும் திட்டமிட வேண்டும். ஆனால் தமிழகத்தின் எந்த மாநகர உருவாக்கத்திலும் இது கணக்கில் கொள்ளப்படுவதில்லை என்பதுதான் நிதர்சனம்.

சென்னை உயிர்ப்பிக்கப்பட வேண்டிய தருணமிது..!

உறவைப் பிரிக்கும் குறட்டை... தவிர்க்க 7 வழிகள்! #HealthAlert

இறைவன் நமக்குக் கொடுத்த மிக உயர்ந்த பரிசு தூக்கம். தூக்கம் மட்டும் இல்லையென்றால், மனிதர்கள் மனநோயாளிகளாக மாறிவிடுவார்கள். எவ்வளவு பணத்தைக் கொடுத்தாலும் கிடைக்காதது இயற்கையான தூக்கம். அதே நேரத்தில், அருகில் இருப்பவர்களின் தூக்கத்தைக் கெடுப்பது, ஒருவர் தூங்கும்போதுவிடும் குறட்டைதான். இதைச் சாதாரணமாக நினைத்துவிட முடியாது. 2013-ம் ஆண்டு கணக்குப்படி, அமெரிக்காவிலும் இங்கிலாந்திலும் விவாகரத்துக் கேட்டு வரும் தம்பதிகள் சொல்லும் காரணங்களில் குறட்டைக்கும் இடம் உண்டு. ஆக, உறவைக்கூட பிரிக்கும் குறட்டை என்பது நிரூபணமான உண்மை. ஒருவர் விடும் குறட்டை, அவருக்குத் தெரியாமல் இருக்கலாம்; மற்றவர்களுக்கு அசூயையைக் கொடுக்கும். சிலருக்குக் கழிவிரக்கத்தை ஏற்படுத்தும்; சமயத்தில் தன்னம்பிக்கை குறைவதற்குக்கூடக் காரணமாகிவிடும்.



`உங்களுக்குக் குறட்டைவிடுற பழக்கம் இருக்கா?’ என்று கேட்டுப் பாருங்கள். `இல்லை’ என்றுதான் நிறையப் பேர் பதில் சொல்வார்கள். அதிலும் சிலர் `ரொம்ப டயர்டா இருந்தா வரும்’ என்றோ, `எப்போவாவது...’ என்றோ, `குறட்டையா... நானா? சான்ஸே இல்லை. நான் ரொம்ப டீசன்ட்’ என்றோ தங்களை விட்டுக்கொடுக்காமல்தான் பதிலளிப்பார்கள். உண்மையில், குறட்டை என்பது கௌரவ பிரச்னை அல்ல; அது உடல்ரீதியான பிரச்னை.

குறட்டை வருவதற்கான காரணங்கள் என்னென்ன?

* ஒருநாள் சீக்கிரமும், மறுநாள் நேரம் கழித்தும் தூங்குவது என தினமும் குறித்த நேரத்தில் தூங்காமல் இருப்பது; நீண்ட நேரம் தூங்காதது; உறங்கப் போகும் கடைசி நேரம் வரைக்கும் வேலை செய்துகொண்டு இருப்பது.

* சில நேரங்களில் ஆழ்ந்து தூங்கும்போது, தொண்டைக்குப் பின்னால் இருக்கும் சதை வழக்கத்துக்கு மாறாக தளர்வடையும்போது குறட்டைவிடுவதுபோலச் சத்தம் எழும். சைனஸ் தொந்தரவு இருந்தாலும் குறட்டை வரும்.



* மாலை 4 மணிக்கு மேல் டீ அல்லது காபி சாப்பிடும்போது அதிலுள்ள தற்காலிக சக்தியளிக்கும் கஃபைன் போன்றவை, நம் மூளையை சில மணி நேரம் வரைக்கும் சுறுசுறுப்பாக வைத்திருக்கும். அதனாலும் நம் தூக்கத்தை அது பாதிக்கும். இதனாலும் குறட்டை ஏற்படலாம்.

* தூசி நிறைந்த காற்றைச் சுவாசிக்கும்போதோ, தூங்கும் அறை சுத்தமாக இல்லாவிட்டாலோ நம் தொண்டை சவ்வுகள் மற்றும் மேல்நாக்குக்குப் பின்னால் இருக்கும் திசுக்கள் பாதிப்படையும். அப்போது தொண்டை சவ்வுகள் வீக்கம் அடைவதோடு மட்டுமல்லாமல் சுவாசப்பாதையையும் ஒடுக்கிவிடும். இதனாலும் தூக்கத்தில் நாம் சுவாசிக்கும்போது குறட்டை உண்டாகும்.

* உடல்பருமனாக இருப்பதும் குறட்டைக்கு ஒரு காரணமே. தொடர்ந்து இவர்களுக்கு குறட்டை வந்தால், தூக்கத்தில் மூச்சுத்திணறல் (Sleep Apnea) ஏற்படும் வாய்ப்பு உள்ளது. இதை சரிவர கவனிக்காமல் விட்டுவிட்டால், மாரடைப்பு வருவதற்கான வாய்ப்புகளும் உள்ளன.



கீழே குறிப்பிட்டிருக்கும் `ஸ்லீப் ஆப்னியா’ அறிகுறிகள் தெரிந்தால், உடனே மருத்துவரிடம் பரிசோதிக்க வேண்டும்.

* சத்தமாகக் குறட்டைவிடுவது.

* தூங்கும்போது தொண்டையை அடைப்பதுபோன்ற உணர்வால் திடீரென்று கண்விழிப்பது.

* அமைதியற்ற தூக்கத்தால் எழுந்ததும் ஏற்படும் தலைவலி.

* நன்றாகத் தூங்கினாலும் ஏற்படும் தீவிரச் சோர்வு.

* மனநிலை மாற்றங்கள் மற்றும் ஆண்மைக் குறைவு ஏற்படுவது.

தூக்க மாத்திரையை சிறிது காலத்துக்கு மட்டும் எடுத்துக்கொண்டாலும் குறட்டை வரும். தூக்க மாத்திரை மட்டுமல்ல... மதுவும் நரம்பியல் மண்டலத்தில் மனஅழுத்தத்தை ஏற்படுத்தக்கூடிய விளைவை உண்டாக்கும். இவை சுவாசப்பாதையில் சீரற்ற தன்மையை ஏற்படுத்துவதால் தூங்கும்போது குறட்டை ஏற்படுகிறது.

குறட்டையை தவிர்க்க வழிகள்...

* போதுமான அளவு தண்ணீர் குடிக்க வேண்டும். இதனால் மூக்கு மற்றும் தொண்டையில் உள்ள திசுக்கள் ஈரப்பதம் அடைந்து சுவாசிப்பதை எளிதாக்கும்.

* மது மற்றும் புகைப்பழக்கத்தை நிறுத்துவது நல்லது. புகைப்பதால் சுவாசப்பாதை அடைபட்டு, உறங்கும்போது குறட்டை ஏற்பட வாய்ப்பு உண்டு.

* உடல் எடையைக் குறைப்பதால் தூக்கத்தில் ஏற்படும் மூச்சுத்திணறலில் இருந்து நம்மைப் பாதுகாத்துக் கொள்ளலாம். காய்கறிகள், பழங்கள் மற்றும் நார்ச்சத்து நிறைந்த உணவுகளைச் சாப்பிடுவது உடல் எடையைக் குறைக்க உதவும்.

* தினமும் உடற்பயிற்சி செய்வதால் நம் உடலிலுள்ள தசைகள் தளர்வடையும்; தொண்டையும் தளர்வடையும். இதனால் உடல் எடை குறையும்; குறட்டையையும் தவிர்க்கலாம்.



* உறங்கச் செல்வதற்கு இரண்டு மணி நேரத்துக்கு முன்னர் கடினமான உடற்பயிற்சிகளைச் செய்ய வேண்டாம். இதனால் தூக்கம் பாதிக்கும். உறங்குவதற்கு ஒரு மணி நேரத்துக்கு முன்னதாகவே உங்கள் மொபைல்போனைத் தள்ளி வைத்துவிடுங்கள். டி.வி மற்றும் விளக்குகளை அணைத்துவிடுங்கள். இதனால் தூக்கம் நன்றாகவும் ஆழமானதாகவும் இருக்கும்.

* தூங்கும்போது ஒரு பக்கமாக படுத்துக்கொள்ளுங்கள் அல்லது உயர்ந்த தலையணையை வைத்துக்கொள்ளுங்கள். இதனால் சுவாசப்பாதையில் அடைப்பு எதுவும் ஏற்படாமல் இருக்கும்; அதிகச் சத்தத்துடன் குறட்டை வராமலும் தடுக்கும்.

* தொடர்ந்து மூச்சுப் பயிற்சி செய்து வந்தாலும், குறட்டை வருவதைத் தடுக்கலாம்.

* தினமும் 30 முறை `ஆ... ஆ... ஆ...’, `ஈ... ஈ... ஈ...’, `ஐ... ஐ... ஐ...’, `ஓ... ஓ... ஓ...’ `ஊ... ஊ... ஊ...’ என்று சத்தம் போட்டுச் சொல்லுங்கள். இது உங்கள் தொண்டைப் பகுதியில் உள்ள தசைகளுக்குச் சிறந்த பயிற்சியாக இருக்கும். குறட்டை குறையவும் வழிபிறக்கும்!

- கி.சிந்தூரி