நவீன வசதிகளுடன் சொகுசு சுற்றுலா ரயில்

இந்தியாவின் பாரம்பரிய நகரங்களை சுற்றுலாப் பயணிகள் கண்டுகளிக்கும் வகையில், அதிநவீன "மஹாராஜா எக்ஸ்பிரஸ்' என்ற சொகுசு சுற்றுலா ரயிலை இந்தியன் ரயில்வே அறிமுகம் செய்திருக்கிறது.

ஏழு நட்சத்திர ஹோட்டல் வசதிகளுடன் கூடிய இந்த ரயில், ஆசியாவிலேயே மிக உயர்ந்த கட்டணத்தைக் கொண்ட ரயிலாகக் கருதப்படுவதாக தெற்கு ரயில்வே வட்டாரங்கள் தெரிவிக்கின்றன.

முந்தைய காலங்களில் ராஜாக்களும், ஆட்சியாளர்களும் திருமண நிகழ்ச்சிகள், வேட்டையாடுதல் போன்ற நிகழ்ச்சிகளுக்குச் செல்லும்போது தங்களுக்கென தனியாக சொகுசு ரயில்களைப் பயன்படுத்தி வந்தனர். அவ்வாறு அவர்கள் செல்லும் ரயில்களில், பல நாள்களுக்குத் தேவையான உணவு, ஆடை, அணிகலன்கள், அரண்மனை போன்ற அமைப்பு, அரச குடும்பத்தினருக்கான அறைகள் என அனைத்து வசதிகளும் இடம்பெற்றிருக்கும்.

இப்படி சகல வசதிகளுடன் இந்தியாவின் பாரம்பரிய நகரங்களை சுற்றிப் பார்க்க வேண்டும் என்ற எண்ணம் கொண்டவர்களின் ஆசையை நிறைவேற்றும் வகையில் இந்த "மஹாராஜா எக்ஸ்பிரஸ்' ரயில் அறிமுகம் செய்யப்பட்டிருக்கிறது என்கின்றனர் ரயில்வே அதிகாரிகள்.

என்னென்ன வசதிகள்? இந்த ரயிலில் மொத்தம் 23 பெட்டிகள் இணைக்கப்பட்டிருக்கும். 88 பேர் பயணம் செய்ய முடியும். இதில், 14 விருந்தினர் படுக்கைகள், 20 டீலக்ஸ் அறைகள், 18 ஜூனியர் சூட்டுகள், ஒரு பிரெஸிடன்ஷியல் சூட் ஆகியவை இடம்பெற்றிருக்கும். அனைத்துப் பெட்டிகளிலும் தட்பவெப்பநிலை கட்டுப்பாட்டு வசதி, "வை-ஃபை' இணைப்பு, சாட்டிலைட் சேனல்களுடன் கூடிய எல்.இ.டி. டிவி, தொலைபேசி, உணவு விடுதி, பார், விளையாட்டு, பொழுதுபோக்கு அரங்கங்கள் என்பன உள்ளிட்ட வசதிகள் இடம்பெற்றுள்ளன.

பயண விவரம்: இந்தச் சுற்றுலா ரயில் மூலம் ஹெரிடேஜ் ஆஃப் இந்தியா, இந்தியன் ஸ்ப்லென்டர், இந்தியன் பனோரமா, டிரெஷர்ஸ் ஆஃப் இந்தியா, ஜெம்ஸ் ஆஃப் இந்தியா ஆகிய 5 பயணத் திட்டங்கள் செயல்படுத்தப்படுகின்றன.

இந்தச் சுற்றுலா மூலம் இந்தியாவை ஆண்ட அரசர்களின் கோட்டைகள், அரண்மனைகள், உலகப் புராதனச் சின்னங்கள், ராஜஸ்தான் பாலைவனம், ஆன்மிக தலங்கள், மலைகள் ஆகியவற்றை கண்டு ரசிக்க முடியும் என்பதோடு இந்தியாவின் கலாசாரம், பாரம்பரியப் பெருமைகளையும் உணர்ந்து கொள்ள முடியும் என்கின்றனர் அதிகாரிகள்.

வருகிற 14-ஆம் தேதி "ஜெம்ஸ் ஆஃப் இந்தியா' என்ற பயணத் திட்டத்தின் கீழ் 4 நாள் சுற்றுப் பயணமாக தில்லி- ஆக்ரா- ரணதம்பூர்- ஜெய்ப்பூர் ஆகிய நகரங்களுக்கு இந்த ரயில் இயக்கப்பட உள்ளது.

டிசம்பர் 27-ஆம் தேதி "தி இந்தியன் பனோரமா' பயணத் திட்டத்தின் கீழ் 8 நாள் சுற்றுப் பயணமாக தில்லி- ஜெய்ப்பூர்- ரணதம்போர்- ஃபதேபூர் சிக்ரி- ஆக்ரா- குவாலியர்- ஒடிஸா- கஜுராஹோ- வாராணசி- லக்னெü ஆகிய பகுதிகளுக்கு இயக்கப்படுகிறது.

தொடர்ந்து வருகிற 2017-ஆம் ஆண்டு வரை பல்வேறு சுற்றுலாப் பயணத் திட்டங்களுக்கு இந்த ரயில் இயக்கப்பட உள்ளது என்றும் அதிகாரிகள் தெரிவித்தனர்.

ஆசியாவிலேயே மிக அதிகக் கட்டணத்தைக் கொண்ட சுற்றுலா ரயில் இது என்றும் தெற்கு ரயில்வே வட்டாரங்கள் தெரிவிக்கின்றன.



எந்தெந்த ஊர்களுக்கு...



ஹெரிடேஜ் ஆஃப் இந்தியா:

மும்பை- அஜந்தா- உதைபூர்- ஜோத்பூர்- பிகானேர்- ஜெய்ப்பூர்-

ரணதம்போர்- ஃபதேபூர் சிக்ரி- ஆக்ரா- டில்லி.

இந்தியன் ஸ்ப்லென்டர்: டில்லி- ஆக்ரா- ரணதம்போர்- ஜெய்ப்பூர்-

பிகானேர்- ஜோத்பூர்- உதைபூர்- பலசினோர்- மும்பை.

இந்தியன் பனோரமா: டில்லி- ஜெய்ப்பூர்- ரணதம்போர்- ஃபதேபூர் சிக்ரி- ஆக்ரா- குவாலியர்- ஒடிஸா- கஜுராஹோ- வாராணசி- லக்னெü- டில்லி.

டிரெஷர்ஸ் ஆஃப் இந்தியா: டில்லி- ஆக்ரா- சவாய் மாதேபூர்-ஜெய்ப்பூர்- டில்லி.

ஜெம்ஸ் ஆஃப் இந்தியா: டில்லி- ஆக்ரா- ரணதம்போர்- ஜெய்ப்பூர்- டில்லி.

தொடர்புக்கு: 91 9717635915, 011-23210321

இமெயில்: maharajas@irctc.com

இணையதளம்: http:www.irctctourism.com



கட்டணம் எவ்வளவு?



சுற்றுலாத் திட்டத்தை தேர்வு செய்வதன் அடிப்படையில் பெரியவர்களுக்கு (நபர் ஒருவருக்கு) குறைந்தபட்சம் ரூ.2.39 லட்சம் முதல் ரூ.14.75 லட்சம் வரை கட்டணம் நிர்ணயிக்கப்பட்டுள்ளது.

சிறியவர்களுக்கு (5 வயது முதல் 12 வயது வரை) ரூ.1.20 லட்சம் முதல் ரூ.7.40 லட்சம் வரை கட்டணம் நிர்ணயம் செய்யப்பட்டுள்ளது.

"என் படங்களுக்கு 'வாலி' என்னும் புதிய கவிஞர்தான் இனி பாட்டு எழுதுவார்"

"என் படங்களுக்கு 'வாலி' என்னும் புதிய கவிஞர்தான் இனி பாட்டு எழுதுவார்" என்று பொதுக்கூட்டத்திலேயே எம்.ஜி.ஆர். அறிவித்தார்.

"இன்றோடு உன் தரித்திரம் முடிந்தது" என்று வாலியிடம் முக்தா சீனிவாசன் சொன்னது உண்மை ஆயிற்று.

விஸ்வநாதன் -ராமமூர்த்தியுடன் பணியாற்றத் தொடங்கியவுடனேயே, வாலியை கோடம்பாக்கம் கவனிக்கத் தொடங்கியது.

கம்பெனி கம்பெனியாக, வாலியின் திறமை பற்றி எம்.எஸ்.விஸ்வநாதன் கூறியதன் பயனாக, வாய்ப்புகள் குவியலாயின.

"சாரதா" படத்திற்கு பிறகு டைரக்டராக பெரும் புகழ் பெற்ற கே.எஸ்.கோபாலகிருஷ்ணனிடம் இருந்து ஒரு நாள் வாலிக்கு அழைப்பு வந்தது. வாலி அவரை சந்தித்தார்.

"எம்.எஸ்.வி. உங்களைப் பற்றி நிறைய சொன்னார். முதலில் இப்போது ஒரு பாட்டு எழுதுங்கள். மற்றதை பிறகு பார்ப்போம்" என்றார், கோபாலகிருஷ்ணன்.

"ரொம்ப நன்றி சார்!" என்றார் வாலி.

"எம்.எஸ்.விஸ்வநாதன் இசைக்கு எழுதின ஏதாவது ஒரு பாட்டை சொல்லுங்கள்" என்று கே.எஸ்.ஜி. கேட்டார்.

"உறவு என்றொரு சொல் இருந்தால், பிரிவு என்றொரு பொருளிருக்கும். காதல் என்றொரு கதை இருந்தால், கனவு என்றொரு முடிவிருக்கும்" என்ற பாடலை, மெட்டோடு வாலி பாடிக்காட்டினார். இது, "இதயத்தில் நீ" என்ற படத்துக்காக எழுதப்பட்ட பாடல்.

"ஓகே! பாடல் நன்றாக இருக்கிறது. ஒரு பானை சேற்றுக்கு ஒரு அரிசி பதம். நீங்கள் போய்விட்டு, நாளைக்கு வாருங்கள். கார் அனுப்புகிறேன்" என்றார், கோபாலகிருஷ்ணன்.

நெஞ்சத்தில் மகிழ்ச்சி பொங்க, கிளப்ஹவுசுக்குத் திரும்பினார், வாலி.

சொன்னபடி, மறுநாள் வண்டி அனுப்பினார், கோபாலகிருஷ்ணன். எம்.எஸ்.விஸ்வநாதனும், ராமமூர்த்தியும், பக்கவாத்தியக்காரர்களுடன் அமர்ந்திருந்தார்கள்.

படத்தில் வரும் ஒரு நிகழ்ச்சியை விவரித்து, அதற்கான தாலாட்டுப் பாடலை எழுதும்படி வாலியிடம் கோபாலகிருஷ்ணன் சொன்னார்.

"அத்தைமடி மெத்தையடி, ஆடி விளையாடம்மா" என்ற பல்லவியை எழுதி, விஸ்வநாதனிடம் கொடுத்தார். அதை அவர் படித்துப் பார்த்துவிட்டு, கே.எஸ்.ஜி.யிடம் நீட்டினார்.

ஒரு சிட்டிகை பொடியை உறிஞ்சிவிட்டு, பல்லவியை கே.எஸ்.ஜி. படித்துப் பார்த்தார். மகிழ்ச்சியுடன் வாலி முதுகில் ஒரு தட்டு தட்டினார்.

பாட்டு "ஓகே" ஆயிற்று.

கோபாலகிருஷ்ணனின் முதல் தயாரிப்பான "கற்பகம்" படத்துக்கு அனைத்துப் பாடல்களையும் வாலிதான் எழுதினார். அந்தப் படம், அவருக்கு நட்சத்திர அந்தஸ்தை தேடித்தந்தது.

ஜி.என்.வேலுமணியின் சரவணா பிலிம்ஸ், வரிசையாக வெற்றிப் படங்களைத் தயாரித்து வந்தது. ஒருநாள், எம்.எஸ்.விஸ்வநாதன் தன்னுடைய காரை வாலிக்கு அனுப்பி, சரவணா பிலிம்சுக்கு வரச்சொன்னார்.

வாலி உடனே புறப்பட்டுச் சென்றார். வாலியை வேலுமணிக்கு விஸ்வநாதன் அறிமுகம் செய்து வைத்தார்.

சரவணா பிலிம்ஸ் தயாரிக்க இருக்கும் படத்தின் முழுக் கதையையும் கதாசிரியர் சக்தி கிருஷ்ணசாமி சொன்னார்.

"வாலி! கதையைக் கேட்டுட்டீங்க! இந்தக் கதைக்கு ஐந்து எழுத்தில் வருவது மாதிரி ஒரு 'டைட்டில் சொல்லுங்க!" என்றார், வேலுமணி.

உடனே "படகோட்டி" என்று சொன்னார், வாலி.

"பிரமாதம்" என்று கூறியபடி, தன் கதர் ஜிப்பாவில் இருந்து ஒரு நூறு ரூபாய் நோட்டை எடுத்து வாலியின் கையில் திணித்தார், வேலுமணி.

"படகோட்டி"க்கு இரண்டு பாடல்கள் பதிவாயின. முன்பு இசை அமைப்பாளர் எம்.பி.சீனிவாசனால் நிராகரிக்கப்பட்ட "கொடுத்ததெல்லாம் கொடுத்தான், யாருக்காகக் கொடுத்தான்?" என்ற பாடலும் விஸ்வநாதன் இசை அமைப்பில், டி.எம்.சவுந்தரராஜன் குரலில் பிரமாதமாக அமைந்தது.

"படகோட்டி" படத்துக்கு வாலி பாட்டு எழுதுகிறார் என்பது, அதுவரை எம்.ஜி.ஆருக்குத் தெரியாது. இரண்டு பாடல்கள் பதிவான பிறகு, அவற்றை ராமாவரம் தோட்டத்துக்கு வேலுமணி கொண்டு சென்று, எம்.ஜி.ஆருக்குப் போட்டுக் காட்டினார்.

பாடல்கள் எம்.ஜி.ஆருக்கு மிகவும் பிடித்துப்போயின.

அன்று மாலை, பரங்கிமலையில் நடந்த ஒரு பொதுக்கூட்டத்தில், எம்.ஜி.ஆர். பேசினார். "என்னுடைய படங்களுக்கு வாலி என்னும் புதிய கவிஞர்தான் இனி பாட்டுகள் எழுதுவார்" என்று அக்கூட்டத்தில் அறிவித்தார்.

இதுபற்றி, வாலி கூறியிருப்பதாவது:-

"அப்போது எம்.ஜி.ஆருக்கும், கண்ணதாசனுக்கும் நிறைய இடைவெளி ஏற்பட்டிருந்தது. என்னைக் கொண்டு அதை சரி செய்து கொள்ளலாம் என்று எம்.ஜி.ஆர். எண்ணினார். அவர் எண்ணத்திற்கேற்ப என்னுடைய வளர்ச்சியும் அமைந்தது.

'படகோட்டி'யின் பாடல்கள் பெரும்பாலும் பதிவாகிவிட்ட நிலையில், ஒரே ஒரு பாடல் எழுதி ஒலிப்பதிவு செய்யவேண்டியிருந்தது.

அந்த நேரத்தில் நான் கடுமையான ஜுரத்தால் பாதிக்கப்பட்டு, வீட்டில் படுத்த படுக்கையாகக் கிடந்தேன்.

வேலுமணி அவர்களுக்கோ, பாட்டு மிகமிக அவசரத்தேவை. உடனே ஒலிப்பதிவு செய்து மறுநாள் படப்பிடிப்பை நடத்தியாக வேண்டும். இந்த சந்தர்ப்பத்தை விட்டால் இன்னும் மூன்று மாதத்திற்கு எம்.ஜி.ஆர். கால்ஷீட் கிடைப்பது கடினம்.

இந்த ஒரு பாட்டை மட்டும், வேறு யாரையாவது வைத்து எழுதிவிடலாம் என்ற நிலை வந்தபோது, விஸ்வநாதன் அவர்கள் அதற்கு ஒப்புக்கொள்ளவில்லை.

"அருமையான பாடல்களை வாலி அண்ணன் இந்தப் படத்துல எழுதியிருக்காரு. இந்த ஒரு பாட்டுக்காக இன்னொருவரைத் தேடிச் செல்வது தர்ம நியாயமல்ல..." என்று வாதாடினார்.

ஆர்மோனியப் பெட்டியைத் தூக்கிக்கொண்டு, பக்கவாத்தியக்காரர்களோடு என் வீட்டிற்கே வந்துவிட்டார்.

அப்போது நான் தனிக்கட்டை; திருமணமாகவில்லை.

படுக்கையில் படுத்தவாறே, விஸ்வநாதன் அவர்களின் வர்ணமெட்டிற்கேற்ப நான் வார்த்தைகளைச் சொல்ல, உதவி இயக்குனர் ஒருவர் அதை எழுதி முடித்தார்.

"அழகு ஒரு ராகம்; ஆசை ஒரு தாளம்" என்பதே அந்தப்பாடல்."

இவ்வாறு வாலி குறிப்பிட்டுள்ளார்.

குழந்தை விரல் சூப்புவது ஏன்?

பார்ப்பதற்குச் சாதாரணமாகத் தான் தெரியும். ஆரம்பத்திலேயே கவனிக்கத் தவறினால் விளைவுகள் விபரீதமாகிவிடும். இதற்கு நல்லதொரு உதாரணம், குழந்தைகளிடம் காணப்படும் விரல் சூப்பும் பழக்கம்.

தாயின் கருப்பையில் இருக்கும்போதே, குழந்தை விரல் சூப்புகிறது. தாயின் கருப்பையில் பழகிய அப்பழக்கத்தை, வெளியுலகுக்கு வந்த பிறகும் தனிமையை உணரும்போது தொடர்கிறது. பொதுவாக, குழந்தைகளுக்கு இரண்டு வயதுவரை இப்பழக்கம் இருக்கும். அதன் பிறகு மறைந்துவிடும். சில குழந்தைகளுக்கு மட்டும் ஏழு வயதுவரை இது தொடரும். இதுதான் பல பெற்றோருக்குக் கவலை தரும் பிரச்சினை.

என்ன காரணம்?

விரல் சூப்பும் பழக்கம் தாய்ப்பால் குடித்து வளரும் குழந்தைகளைவிடப் புட்டிப்பால் மட்டுமே குடித்து வளரும் குழந்தைகளிடம் அதிகமாகக் காணப்படுகிறது. இதற்குக் காரணமும் இருக்கிறது. குழந்தை ஆசைப்படும்வரை தாய் தன்னிடம் பால் குடிக்க விட்டுவிடுகிறார். குழந்தையும் தன் ஆசை தீரக் குடித்து, அப்படியே உறங்கிவிடுகிறது. விரல் சூப்ப நினைப்பதில்லை.

அதேவேளையில், குழந்தை புட்டிப்பால் குடிக்கும்போது, புட்டியில் பால் காலியானதும் தாய் அதை அப்புறப்படுத்திவிடுகிறார். இதனால் குழந்தைக்குச் சுவைக்கும் இன்பம் நிறைவடைவதில்லை. இந்த ஏமாற்றத்தை ஈடுசெய்ய குழந்தை விரல் சூப்பத் தொடங்குகிறது.

குழந்தைக்குத் தூக்கம் வரும்போது தாயின் அரவணைப்பும் தாலாட்டும் கிடைக்காவிட்டால், விரல் சூப்பும் பழக்கம் ஏற்படுகிறது. சரியாகத் தூக்கம் பிடிக்காதபோது, சோர்வாக இருக்கிறபோது, போரடிக்கும்போது… இப்படிப் பல சூழல்களிலிருந்து தன்னை விடுவித்துக்கொள்ளும் ஒரு பாதுகாப்புக் கவசமாக நினைத்து, குழந்தை விரல் சூப்பத் தொடங்குகிறது.

வளரும் பருவத்தில் தாய், தந்தையின் பாசத்தைக் குழந்தை எதிர்பார்க்கிறது. அதற்குப் பேச்சுத் துணை தேவைப்படுகிறது. மற்ற குழந்தைகளுடன் விளையாட ஆசைப்படுகிறது. தன்னைச் சுற்றி இருப்பவர்கள் தன்னைக் கவனிக்க வேண்டும் என்று குழந்தை விரும்புகிறது. இந்த வாய்ப்புகளும் எதிர்பார்ப்புகளும் நிறைவேறாதபோது, குழந்தைக்கு விரல் சூப்பும் பழக்கம் உண்டாகிறது.

சில குழந்தைகள் பசி எடுக்கும்போதெல்லாம் விரல் சூப்பும். இன்னும் சில குழந்தைகள் பல் முளைக்கத் தொடங்கும்போது, ஈறுகளில் உண்டாகிற உறுத்தல் காரணமாக விரல் சூப்பத் தொடங்குவார்கள். பல் முளைத்த பிறகு பத்தில் எட்டுக் குழந்தைகள் இந்தப் பழக்கத்தை நிறுத்திவிடுகின்றனர். மீதி இரண்டு குழந்தைகள் இந்தப் பழக்கத்துக்கு அடிமையாகிவிடுகின்றனர்.

பயப்படும் குழந்தைகள் கவனம்!

பயம், பதற்றம், ஏமாற்றம், திகில், அதிர்ச்சி, கவலை, கோபம், பிரிவு, தனிமை, இயலாமை, புறக்கணிப்பு போன்ற மனம் சார்ந்த காரணங்களால் குழந்தை சிரமப்படும்போது அவற்றை மறைக்கவும், மாற்றவும், மறக்கவும் விரல் சூப்புகிறது.

பெற்றோரின் கவனம் இல்லாத குழந்தைக்கும் அதனால் பயப்படும் குழந்தைக்கும் விரல் சூப்பும் பழக்கம் ஏற்பட அதிக வாய்ப்பு உண்டு.

விரல் சூப்பும் பழக்கத்தால் உளவியல் ரீதியாகத் தனக்குப் பிடித்தமான சூழலைக் குழந்தை உணருகிறது என்பதால், ஒரு வயதுவரை இந்தப் பழக்கத்தைப் பற்றிக் கவலைப்படத் தேவையில்லை. அதற்கு மேலும் இந்தப் பழக்கம் தொடருமானால், உடனே கவனிக்க வேண்டும்.

என்னென்ன பாதிப்பு?

எந்த நேரமும் குழந்தை விரல் சூப்பிக்கொண்டிருந்தால், நோய்க்கிருமிகள் உடலுக்குள் எளிதாக நுழைந்துவிடும். இதன் விளைவாக வாய்ப்புண், வாய்நாற்றம், குடல் புழுத்தொல்லை போன்றவை ஏற்படலாம். நான்கு வயதுவரை இந்தப் பழக்கம் இருந்தால், குழந்தையின் தாடை பாதிக்கப்படும். பற்களிலும் ஈறுகளிலும் பாதிப்பு ஏற்பட வாய்ப்பு இருக்கிறது. தெற்றுப்பற்கள் முளைக்க இந்தப் பழக்கம் ஒரு முக்கியக் காரணம். குறிப்பாக, தாடைப் பகுதியில் காய்ப்பு காய்த்ததுபோல் ஆகி, நிரந்தரப் பற்கள் முளைத்து வெளிவருவது தடைபடும். அப்படியே பற்கள் முளைத்தாலும், முன்னால் இருக்கும் நான்கு பற்கள் தூக்கினாற்போல் ஆகிவிடும். முகத்தின் தோற்றமே மாறிவிடும்.

பள்ளியில் சக மாணவர்கள் கிண்டல் செய்தால், குழந்தை மனதளவில் மேலும் பாதிக்கப்பட்டு, தாழ்வு மனப்பான்மை ஏற்படலாம்.

இந்தப் பழக்கம் உள்ள குழந்தைகளுக்குப் பேச்சு தெளிவாக இருக்காது. இவர்களுடைய கவனம் விரல் சூப்புவதிலேயே இருப்பதால் சிந்தித்துச் செயலாற்றும் திறன் குறைவாகவே இருக்கும். விளையாட்டு, நட்பு, பாசம், சுயமுயற்சி போன்ற அனுபவங்கள் இவர்களுக்குக் குறைவாக இருப்பதால், மன வளர்ச்சியும் வயதுக்கு ஏற்றபடி இருக்காது.

விடுவிக்க என்ன செய்யலாம்?

விரல் சூப்பும் பழக்கத்தை நிறுத்துவதற்குக் குழந்தையை அடிப்பதோ, மிரட்டுவதோ தவறு. இது உளவியல் ரீதியாகப் பாதிப்பை அதிகப்படுத்துமே தவிர குறைக்க உதவாது. மேலும், குழந்தைகள் விரல் சூப்பும்போது விரல்களை வலுக்கட்டாயமாக இழுப்பது, உங்கள் மீது வெறுப்பையே ஏற்படுத்தும். குழந்தையிடம் வெறுப்பாகப் பேசுவதைக் கைவிட வேண்டும். அதன் சின்னச் சின்ன ஆசைகளைப் புறக்கணிக்கக் கூடாது. மாறாக, அன்பான அணுகுமுறையால்தான் இந்தப் பழக்கத்தை மாற்ற முடியும்.

குழந்தையின் கவனத்தைத் திசைதிருப்புவதுதான் இதில் முக்கியம். குழந்தை எதன் மீது ஆசைப்படுகிறதோ, ஆர்வமாக இருக்கிறதோ அதைக் கொடுத்து, இந்தப் பழக்கத்தை நிறுத்த முடியும். குழந்தையைப் புரிந்துகொண்டு, அதன் ஏக்கத்தைப் போக்குவதற்கு ஏற்ப மகிழ்ச்சியான சூழலை உருவாக்கித்தர வேண்டும். முக்கியமாகச் சிறு குழந்தைகளை அவர்கள் போக்கில் விளையாட அனுமதிக்க வேண்டும். கண்களுக்கும் கைகளுக்கும் இடையில் தொடர்பு ஏற்படுத்தும்படியான விளையாட்டுகளை ஊக்கப்படுத்தலாம். கைவிரல்கள் எப்போதும் வேலை செய்துகொண்டிருக்கும்போது, விரல் சூப்பத் தோன்றாது.

வழக்கமாகத் தூங்கப் போகும் நேரத்தில்தான் குழந்தைக்கு விரல் சூப்பத் தோன்றும். அப்போது அதன் கையில் புத்தகத்தைக் கொடுத்துக் கதை சொல்வது, அணைத்தபடி தூங்கவைப்பது, கைகளால் கழுத்தைக் கட்டிக்கொண்டு தூங்க வைப்பது… இப்படி அன்பையும் அரவணைப்பையும் வெளிப்படுத்தினால், குழந்தை மெல்ல மெல்ல இந்தப் பழக்கத்தை மறந்துவிடும்.

இரண்டு வயதுவரை குழந்தையைத் தனிமையில் விடுவதைத் தவிருங்கள். அந்தக் காலகட்டத்தில் குழந்தையுடன் நீங்கள் செலவழிக்கும் நேரத்தை அதிகப்படுத்துங்கள். அதிகம் பேசி, விளையாட்டுக் காட்டி உற்சாகப்படுத்துங்கள். நிறைய கதை சொல்லுங்கள். சில நாட்கள் குழந்தை விரல் சூப்பாமல் இருந்ததைப் பாராட்டிப் பரிசளித்து ஊக்கப்படுத்துங்கள். விரல் சூப்புவதை நிறுத்த ‘டெனடோனியம் பென்சோயேட்’ (Denatonium benzoate) எனும் திரவ மருந்து இருக்கிறது. இதைக் காலை, மாலை என இரு வேளைக்கு விரலில் தடவலாம். ஐந்து வயதுக்கு மேலும் குழந்தைக்கு இப்பழக்கம் தொடருமானால், இதை நிறுத்துவதற்கென்றே உருவாக்கப்பட்ட கருவியைக் கையாளுங்கள். நிச்சயம் பலன் கிடைக்கும்.

கட்டுரையாளர், பொதுநல மருத்துவர்.

தொடர்புக்கு: gganesan95@gmail.com

DENTAL COUNCIL OF INDIA PUBLIC NOTICE

Source: https://www.facebook.com/dciindia.org

INFORMATION SOUGHT UNDER RTI ACT

SOURCE   :https://www.facebook.com/dciindia.org

UGC RAISES GRANTS FOR Ph.D SCHOLARS

HC upholds higher fee for MBBS, BDS in Annamalai Univ

Dec 7, 2014, 02.39AM IST TNN

CHENNAI: The 76-year-old Annamalai University may have been taken over by the Tamil Nadu government in 2013, but MBBS and BDS students must continue to pay of 5.54 lakh and 3.5 lakh per year respectively as per the original private university fee structure.

Annual fee for MBBS course in a government medical college is 12,290, and for BDS it is 10,290. In case of MBBS course in self-financing colleges it is 2.3 lakh-2.8 lakh, and for BDS it is 1.15 lakh.

Citing this fee anomaly and noting that the Chidambaram-based Annamalai University too should charge only the fee collected by government colleges as it had been taken over now, some MBBS and BDS students filed petitions in the high court.

On Tuesday, Justice V Ramasubramanian concurred with the submissions of advocate general A L Somayaji and upheld the university's fee demand, saying it would amount to neither capitation fee collection nor profiteering. "The fee charged by the university is authorised by the provisions of the Annamalai University Act. The fee structure is also necessitated by the financial position of the college, and justified by the income and expenditure account," the judge said, pointing out that in 2013-14, the Raja Muthiah Medical College under the university suffered a shortfall of Rs 18 crore.

The University was established in 1928, and as per a unique agreement between the founder Raja Sir Annamalai Chettiar and the local government, the founder and his family were given certain privileges as they offered to donate the entire land along with 20 lakh as cash. Due to the privileges, the university's control always vested with the university for all purposes.

Owing to wrong academic policies and indiscriminate appointments, the university witnessed upheavals after it failed to pay salaries to the staff in 2012. It was then taken over by the government. The students who joined MBBS and BDS courses after the takeover moved court as they were upset that the government was charging as per the private university fee structure.

Justice Ramasubramanian pointed out that the students had accepted the prospectus which had mentioned the fee structure, and hence they are bound by its provisions. Prospectus is an invitation, application by student is the offer and admission of students is the acceptance, he said.

Noting that these were less meritorious than those who got admission in government colleges and self-financing institutions, Justice Ramasubramanian said if their plea to charge the government fee structure is accepted, it would amount to an inequitable treatment of more meritorious students.

He also noted that reducing the fee structure would sound a death-knell to the institution itself, and said, "Today, it is financially in the intensive care unit and any attempt at reducing the fee structure would destroy the very institution."

நேரடி காஸ் மானிய விவகாரத்தில் சிக்கல்: மக்களை குழப்பும் எண்ணெய் நிறுவனங்கள்

சமையல் காஸ் சிலிண்டருக்கு, நேரடியாக மானியம் பெறும் திட்டத்தில், இணைவதற்கான விண்ணப்பம் வழங்குவதில், பல்வேறு குளறுபடிகள் காணப்படுகின்றன. எண்ணெய் நிறுவனங்கள், மக்களை குழப்புவதாக குற்றச்சாட்டு எழுந்துள்ளது.

மத்திய அரசு, ஜன., முதல் சமையல் காஸ் சிலிண்டருக்கு, வாடிக்கையாளர், வங்கி கணக்கில், நேரடியாக மானியம் வழங்க முடிவு செய்துள்ளது.

நாடு முழுவதும்:

இத்திட்டத்தை, பொதுத் துறையைச் சேர்ந்த இந்தியன் ஆயில், பாரத் பெட்ரோலியம், இந்துஸ்தான் பெட்ரோலியம் ஆகிய எண்ணெய் நிறுவனங்கள் மூலம் செயல்படுத்த, அரசு, தீவிரம் காட்டி வருகிறது.அதன்படி, எண்ணெய் நிறுவனங்கள் சார்பில், அச்சிடப்பட்ட விண்ணப்ப படிவங்கள், நாடு முழுவதும் உள்ள, காஸ் ஏஜன்சிகளுக்கு அனுப்பப்பட்டு உள்ளன.தமிழகத்தில் உள்ள, காஸ் ஏஜன்சிகள், நேரடி மானிய திட்டத்தில் இணைவதற்காக, ஆதார் அட்டை இருந்தால், ஒரு விண்ணப்பம்; ஆதார் அட்டை இல்லாதவர்களுக்கு, மற்றொரு விண்ணப்பம் என, இரண்டு வகை விண்ணப்பங்களை வழங்கி வருகின்றன.ஆனால், விண்ணப்ப படிவங்களை பெற, சம்பந்தப்பட்ட, காஸ் ஏஜன்சிகளுக்கு சென்றால், அங்கு, ஒரு விண்ணப்ப படிவத்தை மக்களிடம் கொடுத்து, அதை நகல் எடுத்துக் கொண்டு திருப்பித் தருமாறு, ஏஜன்சி ஊழியர்கள் கூறுகின்றனர்.இல்லையென்றால், அருகில் உள்ள, ஜெராக்ஸ் கடை முகவரியை கொடுத்து, அங்கு, ஐந்து முதல், 10 ரூபாய் கொடுத்து, படிவத்தை பெற்றுக் கொள்ளுமாறு கூறுகின்றனர். இதனால், மக்கள், வீணாக அலைகின்றனர்.
அவ்வாறு, பெறப்படும், விண்ணப்பம், ஆங்கிலத்தில் இருப்பதால், அதை எப்படி பூர்த்தி செய்ய வேண்டும் என, தெரியாமல் பலரும் தவிக்கின்றனர்.மேலும், விண்ணப்பங்களில், ஆதார் அட்டையின், நகலை ஒட்ட அறிவுறுத்தப்பட்டு உள்ளது. ஆனால், அதை எப்படி ஒட்டுவது என, புரியாமல், பலரும் தடுமாறி வருகின்றனர்.விண்ணப்பங்களில், 17 இலக்க சமையல் எரிவாயு இணைப்பிற்கான, கன்ஸ்யூமர் ஐ.டி.,யை பூர்த்தி செய்ய, இடம் வழங்கப்பட்டுள்ளது.

ஆனால், ஐ.டி., பற்றி வேறு எந்தத் தகவலும் இல்லாததால், மக்கள் குழப்பம் அடைந்துள்ளனர்.அதுகுறித்து, ஏஜன்சி ஊழியர்களிடம் கேட்டால், '17 இலக்க கன்ஸ்யூமர் ஐ.டி.,யை ஏற்கனவே, எண்ணெய் நிறுவனங்கள், மொபைல்போன் மூலம், எஸ்.எம்.எஸ்., தகவலாக, வாடிக்கையாளர்களுக்கு அனுப்பிவிட்டன' என்கின்றனர். ஆனால், அந்த, எஸ்.எம்.எஸ்., பலருக்கும் வந்து சேரவில்லை. இதுதவிர, காஸ் சிலிண்டர் சப்ளை செய்யும் போது அளிக்கப்படும் ரசீதிலும், இந்த எண் குறிப்பிடப்பட்டுள்ளது. அந்த தகவலும் வாடிக்கையாளர்களுக்கு சரியாக தெரிவிக்கப்படவில்லை.இதனால், கன்ஸ்யூமர் ஐ.டி.,யை பூர்த்தி செய்யாமல், விண்ணப்பத்தை முழுமையாக்கி கொடுக்க முடியாமல், பலர் தடுமாறுகின்றனர்.ஒவ்வொரு வாடிக்கையாளரும், ஆதார் அட்டை இணைத்த விண்ணப்பத்தை, காஸ் ஏஜன்சிகளிடமும், வங்கி கணக்கு விவரங்களுடன் சம்பந்தப்பட்ட வங்கியிலும் கொடுக்க வேண்டும் என, அறிவுறுத்தப்பட்டுள்ளது.

ஆனால், வங்கியில், விண்ணப்பம் கொண்டு போய் கொடுத்தால், 'நீங்கள் கடைசியாக, வாங்கிய சிலிண்டர் ரசீது நகலை யும், விண்ணப்பத்துடன் இணைக்க வேண்டும்; இல்லையென்றால், விண்ணப்பம் பெற மாட்டோம்' என, வங்கி ஊழியர்கள் கூறுகின்றனர்.கஸ்டமர் ஐ.டி., என்ற, 17 இலக்க எண்ணை அறிந்து கொள்ள தான், வங்கிகளில் இப்படி கேட்கப்படுகிறது என, கூறினாலும், அதற்காக எதற்கு, சிலிண்டர் வாங்கிய ரசீது கேட்க வேண்டும் என, புரியவில்லை.
இந்த குழப்பங்களால், பலரும், சமையல் காஸ் சிலிண்டர் நேரடி மானிய திட்டத்தில் இணைய முடியாமல் தடுமாறுகின்றனர்; அலைகின்றனர்.ஜன., முதல், நேரடி மானிய திட்டம் அமல்படுத்தப்படும் என, மத்திய அரசால், அறிவிக்கப்பட்டுள்ள நிலையில், மானியம் இல்லாமல், சந்தை விலை கொடுத்து, சிலிண்டர் வாங்கிய பின், மானிய தொகை, நேரடியாக வங்கி கணக்குக்கு வரவில்லை என்றால், யாரிடம் சென்று முறையிடுவது?

கோரிக்கை:

மானிய தொகை பயன்படுத்திய சிலிண்டருக்கு மட்டும் கிடைக்குமா அல்லது ஆண்டுக்கு இத்தனை முறை மானியம் வழங்கப்படுமா என்பது போன்ற பல குழப்பங்கள் ஏற்பட்டுள்ளன.ஆனால், அந்த குழப்பங்களுக்கு, எண்ணெய் நிறுவன அதிகாரிகள் உட்பட, யாரிடமும் சரியான பதிலை பெற முடியவில்லை.இதனால், நேரடி மானிய திட்டத்தை ரத்து செய்து விட்டு, பழைய முறைப்படியே காஸ் வினியோகம் செய்ய வேண்டும் என்ற கோரிக்கை
வலுத்துள்ளது.

எத்தனை பேர்?


தமிழகம் மற்றும் புதுச்சேரியில், மூன்று எண்ணெய் நிறுவனங்களுக்கு, 1.75 கோடி சமையல் காஸ் வாடிக்கையாளர்கள்; 1,200 காஸ் ஏஜன்சிகள் உள்ளன

ஆதார் அட்டை அவலம்:


தற்போது, காஸ் சிலிண்டர் நேரடி மானிய திட்டத்தில் இணைவதற்காக, ஆதார் அட்டை வாங்க, அதற்கான மையங்களுக்கு செல்கின்றனர். ஆனால், ஆதார் அட்டை பெற வருவோரிடம், '2010ல் தேசிய மக்கள் தொகை கணக்கெடுப்பின் போது, வழங்கப்பட்ட ஒப்புகை சீட்டு இருந்தால் மட்டுமே, ஆதார் அட்டைக்கு விண்ணப்பிக்க வேண்டும்' என, அதிகாரிகள் தெரிவிக்கின்றனர்.இதனால், ஒப்புகை சீட்டு இல்லாத பலர், ஆதார் அட்டை பெற முடியாமல் ஏமாற்றத்துடன் திரும்பி செல்கின்றனர்.

CHECK STATUS OF YOUR SEEDING APPLICATION ONLINE

சொல்லதிகாரம்

'கொல்' 'கொள்ளையடி'
சரித்திரம் அதிகம் கேட்ட வார்த்தைகள்

'''ஆராரோ'' ''சனியனே''
தொட்டில்கள் அதிகம் கேட்ட வார்த்தைகள்

''உனக்கெப்போது கல்யாணம்?''
விலைமகள் அதிகம் கேட்ட வார்த்தைகள்

''உருப்போடு'' - உருப்படமாட்டாய்''
வகுப்பறைகள் அதிகம் கேட்ட வார்த்தைகள்

''இன்னொரு ஜென்மம்
என்றொன்றிருந்தால்''
பூங்காக்கள் அதிகம் கேட்ட வார்த்தைகள்

''கடைசியாய் எல்லாரும்
முகம்பார்த்துக் கொள்ளுங்கள்''
மயானங்கள் அதிகம் கேட்ட வார்த்தைகள்

''சவால் விடுகிறேன் - சபதம் செய்கிறேன்'
மேடைகள் அதிகம் கேட்ட வார்த்தைகள்

'பாலாறு - தேனாறு'
பொதுஜனம் அதிகம் கேட்ட வார்த்தைகள்

''மறக்காமல் கடிதம் போடு''
ரயிலடிகள் அதிகம் கேட்ட வார்த்தைகள்

''அய்யா குளிக்கிறார்''
தொலைபேசி அதிகம் கேட்ட வார்த்தைகள்

'அப்பா கோபமாயிருக்கிறார்'
குழந்தைகள் அதிகம் கேட்ட வார்த்தைகள்

'தயவுசெய்து' - 'மன்னியுங்கள்'
ஐரோப்பா அதிகம் கேட்ட வார்த்தைகள்

''நேற்றே வந்திருக்கக் கூடாதா''
கடன் கேட்போன் அதிகம் கேட்ட வார்த்தைகள்

'இனிமேல் ஆண்டவன் விட்ட வழி'
மருத்துவமனைகள் அதிகம் கேட்ட வார்த்தைகள்

* * * * *
போதுமடா சாமி!
போதும்! போதும்!

ஒரே கல்லில் துவைத்துத் துவைத்துச்
சாயம் போயின வார்த்தையின் நிறங்கள்

இனி ஒவ்வொரு சொல்லையும்
ஒட்டடை தட்டுவோம்


இனிமேல் வார்த்தைகளை
இடம் மாற்றிப் போடுவோம்

அத்தனை சொல்லிலும்
ஆக்சிஜன் ஏற்றுவோம்

வார்த்தை மாறினால்
வாழ்க்கை மாறும்

* * * * *
முதலில்
வாழ்க்கையிலிருந்து
வார்த்தையை மீட்போம்
பின்னர்
அர்த்தத்திலிருந்து
வார்த்தையை மீட்போம்

வாழ்வின் நீள அகலம் கருதி
வார்த்தைகளிலும் நாம்
மழித்தல் நீட்டல் செய்வோம்

மரித்தான் என்ற சொல்லை யெறிந்து
வாழ்வை வென்றான் என்று புகல்வோம்

தோல்வி என்னும் சொல்லைத் தொலைத்து
விலகி நிற்கும் வெற்றியென்றுரைப்போம்

எதிரி என்ற வார்த்தை எதற்கு?
தூரத்து நண்பன் சொல்லித் திளைப்போம்

சதிபதி இருவர் சண்டைகள் இட்டால்
முரட்டு அன்பென்று மொழிந்து பார்ப்போம்

இலைகள் கழிந்த கிளைகள் கண்டால்
அடுத்த வசந்த ஆரம்பம் என்போம்

நொந்த தேகம் நோயில் விழுந்தால்
உடம்பே கொள்ளும் ஓய்வென்றுரைப்போம்

வெள்ளைச் சட்டையில் மைத்துளிபட்டால்
மையைச் சுற்றிலும் வெண்மையென்போம்

நிலவைத் தொலைத்த வானம் என்பதை
விண்மீன் முளைத்த விண்வெளி என்போம்

எதிர்மறை வார்த்தைகள்
உதிர்ந்து போகட்டும்

உடன்பாட்டு மொழிகள்
உயிர் கொண்டெழட்டும்

பழைய வார்த்தைகள் பறித்துப் பறித்துப்
புதிய நிலத்தில் பதியன்போடுவோம்

புளித்த வார்த்தைகள் மாறும்போது
சலித்த வாழ்க்கையும்
சட்டென்று மாறும்

DEALERS CONFUSION ADDS TO DBTL CHAOS

CHENNAI: Ignorant Indane gas distributors in some areas in Chennai and elsewhere are compounding the confusion of the Liquefied Petroleum Gas (LPG) consumers who are queuing up to register for the Direct Benefit Transfer for LPG (DBTL) Scheme by asking those who do not have an Aadhaar card to submit both Forms 3 and 4.

“The manager at my Indane gas agency asked me to fill both Forms 3 and 4 and submit the former to the bank and the latter to the agency. Later, when I checked the website www.mylpg.in I found that this is duplicity. But when I asked the agency staff again, he reprimanded me,” lamented 56-year-old A S Kitchulu of Purasawalkam.However, as per official procedure for the DBTL Scheme gas consumers who do not have an Aadhaar card have to submit either Form 3 (to the banks where they have their account) or Form 4 (to the gas agency).

This is an unwarranted procedure as consumers have to separately visit the gas agency and banks to submit the forms.

Justifying the action, a staff at an Indane outlet in Mandaveli said, “If consumers submit only Form 3 to the bank, how will we know the details?”

“Many LPG dealers themselves are still unaware of the intricacies of the procedure. We had identified this problem on a recent inspection trip to Chengalpattu and educated the dealers,” admitted a senior official.

When Express contacted Indian Oil Corporation Limited General Manager D Chandran, he acknowledged that some of the Indane distributors were ignorant to the procedure. “Both Forms 3 and 4 will have the 17 digit LPG ID of the consumers. This will ensure seeding of accounts even if one form is submitted,” he said.

A circular detailing the exact procedure would be sent out once again to all Indane distributors to ensure clarity, he pointed out.

Meanwhile, at an Indane outlet in Purasawalkam consumers like 73-year-old B S Kamalasekaran discovered that they were handing out only Form 1 for consumers who had Aadhaar cards. “The staff insisted that the procedure for Form 2 can be completed through IVRS or SMS,” he complained.

சிலிண்டருக்கான மானியம் வேண்டுமா?

வீட்டு உபயோகத்துக்கான எரிவாயு சிலிண்டர் பெறும் வாடிக்கையாளர்களுக்கு சிலிண்டருக்கான மானியத்தை நேரடியாக வங்கிக் கணக்கில் செலுத்தும் திட்டத்தை மத்திய அரசு செயல்படுத்தியுள்ளது.

இந்தியாவில் ஏற்கனவே பல மாவட்டங்களில் இந்த திட்டம் நடைமுறைக்கு வந்து விட்டாலும், ஜனவரி மாதம் முதல் தமிழகத்தில் நடைமுறைக்கு வருகிறது.

பாமர மக்களுக்கு மானியம் என்றாலோ, வங்கிக் கணக்கில் மத்திய அரசு பணத்தை செலுத்துகிறது என்றாலோ புரியவில்லை.

அதாவது, ஒவ்வொரு சிலிண்டரின் முழு விலையும் (சமீபத்தில் ரூ.113 குறைக்கப்பட்ட பிறகு) ரூ.752 ஆகும். இதில், ரூ.410ஐ நாம் சிலிண்டருக்கு செலுத்தி வாங்குகிறோம். மீதத் தொகையை மத்திய அரசு நாம் அளிக்கும் வரிப்பணத்தில் இருந்து நமக்காக மானியமாக செலுத்துகிறது. அந்த மானியத் தொகையை மத்திய அரசு கேஸ் நிறுவனங்களுக்குக் கொடுத்துவிடும். இதனால் வாடிக்கையாளர்கள் வாங்காத சிலிண்டர்களுக்கும் கேஸ் நிறுவனங்கள் கணக்கு காட்டி மானியத் தொகையை பெறும் வாய்ப்பு உள்ளது.

எனவே இனி ஒவ்வொரு காஸ் சிலிண்டருக்கும் உரிய மானியத் தொகையை நேரடியாகவே வாடிக்கையாளர்களிடம் கொடுத்துவிட்டால், அந்த தொகையை எடுத்து அவர்கள் சிலிண்டர் வாங்கிக் கொள்ளலாம். இதனால், மானியத் தொகையில் முறைகேடு நடப்பது தவிர்க்கப்படும் என்று மத்திய அரசு முடிவு செய்து அறிவித்திருப்பதே நேரடி மானிய திட்டமாகும்.

இந்த திட்டத்தின்படி, காஸ் ஏஜென்சியிடம் ஒவ்வொரு வாடிக்கையாளரும் தங்களது வங்கிக் கணக்கு எண்ணையும், வங்கியிடம் காஸ் ஏஜென்சி அளிக்கும் விண்ணப்பத்தையும் கொடுத்து பதிவு செய்துவிட வேண்டும். பிறகு, சிலிண்டர் வீட்டுக்கு வரும் போது அதற்கான முழுத் தொகையையும் கொடுத்து வாங்கிக் கொள்ள வேண்டும். சிலிண்டர் வாங்கிய 3வது நாள், வீட்டு சிலிண்டருக்கான மானியம் சம்பந்தப்பட்ட வாடிக்கையாளரின் வங்கி கணக்கில் வரவு வைக்கப்படும். எனவே, வாடிக்கையாளர்கள் அனைவரும் மார்ச் 31–ந் தேதிக்குள் உரிய ஆவணங்களை ஏஜென்சிகளிடம் கொடுத்து பதிவு செய்து கொள்ள வேண்டும்.

சிலிண்டருக்கான மானியம் பெற தங்கள் ஆதார் அட்டை எண், வங்கி கணக்கு எண்களை அவரவருக்கான காஸ் ஏஜென்சியிடம் பதிவு செய்ய வேண்டும். முன்பு, இந்த மானியம் பெற ஆதார் அட்டை அவசியம் என்று கூறப்பட்டது. ஆனால், இப்போது ஆதார் அட்டை அவசியமில்லை என்றும், வங்கி கணக்கு எண் மட்டுமே முக்கியம் என்றும் அறிவுறுத்தப்பட்டுள்ளது.

தேசிய மயமாக்கப்பட்ட இந்தியன் வங்கி, இந்தியன் ஓவர்சீஸ் வங்கி, ஐ.டி.பி.ஐ., எஸ்பிஐ என 40 வங்கிகளில் கணக்கு வைத்துள்ளவர்கள் அல்லது புதிதாக கணக்குத் துவங்கி தங்களது வங்கி கணக்கு எண்களை கேஸ் ஏஜென்சியிடம் சமர்ப்பிக்க வேண்டும்.

சரிங்க.. வெறும் கேஸ் ஏஜென்சியிடம் கொண்டு போய் கொடுங்கள் என்று சொன்னால் போதுமா.. என்னவெல்லாம் கொடுக்க வேண்டும் என்று தெரிய வேண்டாமா..

அதையும் இங்கே குறிப்பிட்டுள்ளோம்.. வாருங்கள் தொடர்ந்து படிக்கலாம்...

அதாவது, காஸ் ஏஜென்சிகளிடம் வாடிக்கையாளர்களின் காஸ் இணைப்பு பாஸ் புத்தகம் அசல் மற்றும் முதல் பக்க நகல், ஆதார் அடையாள அட்டை அசல் மற்றும் நகல் ஆகிய ஆவணங்களை எடுத்துக் கொண்டு செல்ல வேண்டும். அதில் உண்மையான ஆவணங்களைக் காண்பித்து அவற்றுக்கான நகல்களை சமர்ப்பிக்க வேண்டும்.

ஆதார் அடையாள அட்டை இல்லாதவர்கள் வாக்காளர் அடையாள அட்டை மற்றும் அதன் நகல், குடும்ப அட்டை மற்றும் நகல் (குடும்ப அட்டையின் வெளிப்பக்கம் மற்றும் காஸ் ஏஜென்சி சீல் உள்ள உள்பக்கத்தின் நகல்) இதோடு, வங்கி கணக்குப் புத்தகத்தின் முதல் பக்கம், வங்கியின் ஐ.எப்.எஸ்.சி. (வங்கியின் கணக்குப் புத்தகத்தில் இருக்கும்) ஆகியவற்றை சமர்ப்பிக்க வேண்டும்.

காஸ் இணைப்பு யார் பெயரில் உள்ளதோ அவர்கள் நேரில் சென்று காஸ் ஏஜென்சியில் கொடுக்கும் விண்ணப்பத்தில் கையெழுத்திட வேண்டும் என்பதால், வாடிக்கையாளரே நேரடியாக செல்ல வேண்டும் என்பது குறிப்பிடத்தக்கதாகும்.

ஆதார் கார்டு வைத்திருக்கும் வாடிக்கையாளர் என்றால் விண்ணப்பம் 1 மற்றும் 2–ஐ பூர்த்தி செய்ய வேண்டும். அதனுடன் ஆதார் கார்டு நகல், குடும்ப அட்டைக்கான நகல், வங்கி கணக்குப் புத்தகம், சிலிண்டருக்கான புத்தகத்தின் நகலை இணைக்க வேண்டும். விண்ணப்பம் ஒன்றை பூர்த்தி செய்து காஸ் ஏஜென்சியிடமும், விண்ணப்பம் 2ஐ பூர்த்தி செய்து கணக்கு வைத்திருக்கும் வங்கியிடமும் அளிக்க வேண்டும்.

ஆதார் கார்டு இல்லாதவர்கள் விண்ணப்பம் 3 மற்றும் 4–ஐ பூர்த்தி செய்ய வேண்டும். விண்ணப்பம் 3ல் வாடிக்கையாளர் விவரம் மற்றும் எரிவாயு உருளைக்கான வாடிக்கையாளர் பதிவு எண் ஒன்று காஸ் ஏஜென்சி அளிக்கும். அதனை பதிவு செய்து வங்கியில் ஒப்படைக்க வேண்டும்.

விண்ணப்பம் 4ஐ பூர்த்தி செய்து கேஸ் ஏஜென்சியிடம் தர வேண்டும். இதற்கு உரிய ரசீதை வாடிக்கையாளர்கள் கேட்டுப் பெற வேண்டும். அதனுடன் குடும்ப அட்டை நகல், வங்கி கணக்குப் புத்தகம், சிலிண்டருக்கான புத்தகத்தின் நகல்களை இணைக்க வேண்டும்.

படிவம் வாங்கச் செல்லும் போது நுகர்வோர் காஸ் பில்லை எடுத்துச் செல்ல வேண்டும். வேறு எதையும் எடுத்துச் செல்ல வேண்டிய அவசியமில்லை. விண்ணப்பங்கள் இலவசமாகவே கொடுக்கப்படுகிறது. ஆன்லைனிலும் விண்ணப்பத்தை பதிவிறக்கம் செய்து கொள்ளலாம்.

வங்கி கணக்கு எண்ணைப் பதிவு செய்ய மார்ச் 31ம் தேதியே கடைசி நாளாக அறிவிக்கப்பட்டுள்ளது. அதற்குள் வங்கிக் கணக்கு இல்லாதவர்கள் வங்கிக் கணக்கைத் துவக்கி காஸ் ஏஜென்சியிடம் கொடுக்க வேண்டும்.

இல்லாவிடில் நேரடி மானிய திட்டம் கிடைக்காமல் போய்விடும். மானியமில்லாமல் முழுத் தொகையையும் வாடிக்கையாளரே செலுத்தி சிலிண்டரை பெறும் நிலை ஏற்படலாம்.

Join Direct Benefit Transfer of LPG(DBTL) Scheme ... Link your Aadhaar Number to your bank Account by Form 1 and depositing at bank branch....Submit Form 2 to the LPG distributor

அல்வா கொடுக்காத ஆதிகாலத்து ஒரிஜினல் நெய் மிட்டாய் கடை அல்வா!

எந்த ஒரு நல்ல விஷயத்தையும் ஊரும் உறவோடும் கொண்டாடி மகிழ்வது தமிழர்களின் பண்பாடு. அத்தனை விஷயங்களிலும் தவறாது மகிழ்ச்சியின் அடையாளமாக நாம் முன்னிறுத்துவது இனிப்பு.

பழங்காலம் தொட்டே ஒவ்வொரு நல்ல காரியங்களையும் இனிப்புடனே தொடங்கி உள்ளனர் நம் தமிழ் மக்கள்.

இதனால்தான் தமிழர்களின் கலாச்சாரத்தில் எத்தனை எத்தனை இனிப்பு பட்சணங்கள் இடம் பெற்றிருக்கின்றன.

அதில் ஒரு இனிப்பின் பெயரைச் சொன்னால், முகத்தில் புன்னைகையும் நாவில் கரைந்து செல்கிற உணர்வும் உடனே வெளிப்படும். அது அல்வா...

யாரிடமாவது நாம் ஏமாற்றப்பட்டால் 'அவன் எனக்கு அல்வா கொடுத்துட்டான் பா 'என்போம். ஆனால் தன் சுவையில் அல்வா என்றுமே ஏமாற்றுவதில்லை. முத்தாய்ப்பாக நாம சாப்பிடும் அல்வாவிற்கு மூன்று மாதம் வரை கியாரண்டி தருகிறது , மதுரை கீழ ஆவணி மூல வீதியில் இருக்கும் ''ஆதிகாலத்து ஒரிஜினல் நெய் மிட்டாய் கடை''



என்னங்க முழிக்கறீங்க....இது நாம கொடுக்கிற பாராட்டு அல்ல, கடையின் பெயரே அதுதான்.

மதுரையில் நான்கு தலைமுறையினராக நடத்திவரப்படுகிறது என்பதும் ஆச்சர்யமான தகவல். கடைவழியாக செல்வோர் மிதந்துவரும் அல்வாவின் நெய்வாசத்தில் ஒரு கணம் நின்று செல்லவைக்கிறது. மற்றபடி இந்த கடைக்கு எந்த விளம்பரங்களும் கிடையாது. சிறிய கடைதான் ஆனால் நிறைய வாடிக்கையாளர்கள், சுத்தமான நெய்மட்டுமே கொண்டு தயாரிப்பதுதான் இவர்களது ஸ்பெஷல்.



ஒரு முறை குறிப்பிட்ட அளவு அல்வா தயாரிக்க குறைந்தபட்சம் 6 நாட்கள் எடுத்துக்கொள்கின்றனர். முதல்நாள் கோதுமையை ஊற வைப்பது, பால் எடுப்பது, புளிக்கவைப்பது, பின் செயல்முறைகள் என்று ஒவ்வொரு நாளும் பக்குவமாக தயாரிக்கின்றனர்.

உள்ளுர் வாடிக்கையாளரான எஸ்.சேர்மக்கனி, “ பாரம்பரிய கடை இது. எட்டு வருடமா நான் இங்க அல்வா வாங்கிட்டு வர்றேன். என் பிள்ளைகளுக்கு இந்தஅல்வாவை ரொம்ப பிடிக்கும்.

நல்ல முறையில் இங்கு செய்துதருகிறார்கள். தரமானதா இருக்கும். பெரிய கடைகள்ல கூட இப்படி ஒரு சுவையை நான் கண்டதில்லை. உண்மையை சொல்லனும்னா எங்க குடும்பம் இந்த கடையின் அல்வாவிற்கு அடிமை" என்றார்.

நான்காவது தலைமுறையாக இந்தக் கடையை நடத்திவரும் கி.ரமேஷிடம் பேசினோம்.

“ எங்க கொள்ளுத்தாத்தா, தாத்தா, அப்பா, இப்போ நான்னு நாலாவது தலைமுறையா இந்தக் கடையை நடத்திவர்றோம். நாங்க தயாரிக்கிற அல்வாவிற்கு கியாரண்டி மூன்று மாதம் வரை தர்றோம். ஆனாலும் 100%. சதவீதம் அல்வாவின் நிறம், சுவை, மணம் எதுவும் மாறாது“ என்றார் மென்மையான புன்னகையோடு.

“தரம் தான் எங்க கடையோட பலமா கருதுகிறோம். என்னதான் எங்க கடையின் அல்வா பிரபலம்னாலும் கடைக்கு வர்றவங்ககிட்ட எடுத்ததும் ஆர்டர் எடுப்பதில்லை. காரம், அல்வா இதில் எதை கேட்கறாங்களோ இதில் கொஞ்சம் ருசி பார்க்கிறதுக்கு கொடுப்போம். அவங்க சாப்பிட்டு திருப்தியாக தலையசைத்தபின் பின் அவங்க கேட்டதை கட்டித் தருவதை இன்றளவும் வழக்கமாக வெச்சிருக்கோம்.

இதற்காகவே ஒரு நாளைக்கு தினம் 5 கிலோ காரம், இனிப்பு செலவிடுகிறோம். இதுதான் எங்கள் கடைக்கான விளம்பரம்“ என்றபடி வாடிக்கையாளர்களை கவனிக்க ஆரம்பித்தார்.

''ஆதிகாலத்து ஒரிஜினல் நெய் மிட்டாய்கடையில்'' பல்வேறு திருமணம், சினிமா, அரசியல் பிரமுகர்கள் வீடுகளுக்கு ஆர்டர் செய்து வாங்கிச் செல்கின்றனர்.

மதுரையின் முக்கியப் புள்ளி ஒருவர் இந்த கடைக்கு தீவிர ரசிகர் என்கிறார்கள். “அண்ணனை பார்க்கப் போறியா, மிட்டாய்க் கடையில கொஞ்சம் அல்வா கட்டிக்கிட்டுப் போ. போன காரியம் முடியும் “ என்ற வார்த்தை அவரின் வட்டாரத்தில் பிரசித்தமாம்.



கடையின் பிரபல்யமும் அல்வாவின் வாசமும் மக்களிடையே பரவி இருந்தாலும் பல வருடங்கள் ஆகியும் கடை புதுப்பிக்கப்படாமல் உள்ளது. இதுபற்றிக் கேட்டால், “ பெயருக்கேத்த கடை, கடைக்கேத்த பெயர் என்கிறார், இந்த ஆதிகாலத்து ஒரிஜினல் கடைக்காரர்.

அல்வா மட்டுமின்றி காரமான காராசேவும், தாமரை இலையில் சுற்றிய உருளைக்கிழங்கு மசாலாவும் இந்தக் கடையில் பிரசித்தம்.

ஆதிகாலத்து ஒரிஜினல் நெய் மிட்டாய்க் கடையினை விட்டு நாம் வெளியேறி சில மணி நேரங்கள் கழித்தும் அதன் வாசம் மனதிலேயே தவழ்கிறது. மதுரை மல்லியின் வாசத்திற்கு சரியான போட்டி இந்த அல்வாதான். பழமை என்றாலே நினைத்தாலும், ருசித்தாலும் சுவைதானே....

-சி.சந்திரசேகரன்

படங்கள்: ராஜமுருகன்

ABOUT THE DIRECT BENEFIT TRANSFER OF LPG SCHEME

• Consumers will need a bank account to join the scheme and receive LPG subsidy
• Consumers will also get one time permanent advance in their bank account prior to buying the first market priced LPG cylinder
• Consumers will receive subsidy in their bank account as per their entitlement of subsidized cylinders
• Till consumers join the scheme they will get cylinders at:
  • Subsidized price for 3 months w.e.f 15.11.2014 till 14.02.2015
  • Market price for next 3 months, but the subsidy due will be given to them if they join the scheme within these 3 months i,e till 14.05.2015
• W.e.f 15.05.2015 all LPG consumers will get cylinders at market price and only those who join the scheme will receive one time permanent advance & subsidy from the date of joining
• To join the scheme and receive subsidy, consumers should use, Option 1 if they have Adhaar andOption 2 if they don't have Aadhaar:

SOURCE: MINISTRY OF PETROLIUM AND NATURALGAS WEBSITE 

நேரடி காஸ் மானிய திட்டத்தில் சேர ஆதார் எண் அவசியமில்லை: வங்கி கணக்கு கட்டாயம் தேவை

மத்திய அரசின் நேரடி காஸ் மானிய திட்டம் அடுத்த மாதம் அமல்படுத்தப் பட உள்ளது. இதன்படி நேரடி காஸ் மானியம் பெற ஆதார் எண் அவசியம் இல்லை. ஆனால் வங்கி கணக்கு வைத்து இருப்பது கட்டாயம் ஆகும்.

ஆதார் அட்டை இல்லாதவர்கள் நேரடி காஸ் மானியம் பெற, காஸ் ஏஜென்சியிடம் படிவம் 3,4 பெற்றுக் கொள்ள வேண்டும். படிவம் மூன்றில் தனிநபர் விவரங்கள் மற்றும் காஸ் நிறுவனம் எஸ்.எம். எஸ் மூலம் அனுப்பும் 17 இலக்கு கொண்ட காஸ் எண்ணை பூர்த்தி செய்து வங்கியில் கொடுக்க வேண்டும். படிவம் நான்கில் தனிநபர் விவரம், 17 இலக்கு கொண்ட நுகர்வோர் காஸ் எண்ணை பூர்த்தி செய்து ஏஜென்சியில் ஒப்படைக்க வேண்டும். அவற்றுக்கு ரசீது வழங்கப்படும். ஆதார் எண் உள்ள வர்கள் வங்கி கணக்கு மற்றும் ஆதார் எண் கொண்டு ஏஜென்சி யில் விநியோகம் செய்யப்படும் மானிய திட்டத்துக்கான படிவம் ஒன்று மற்றும் இரண்டு ஆகியவற்றை பெற்றுக் கொள்ள வேண்டும். படிவம் ஒன்றில் தனிநபர் விவரங்கள் மற்றும் ஆதார் எண்ணை பூர்த்தி செய்து அவர்கள் கணக்கு வைத்துள்ள வங்கியில் ஒப்படைக்க வேண்டும். அதனை பெற்றுக் கொண்டு வங்கி அதிகாரிகள் ஒப்புகை ரசீதை வழங்குவார்கள்.

படிவம் இரண்டில் தனிநபர் விவரத்தைக் குறிப்பிட வேண்டும். அதே படிவத்தில் ஆதார் அட்டை நகல் எடுப்பதற்கு தனியாக இடம் ஒதுக்கப்பட்டுள்ளது. அந்த இடத்தில் மட்டும்தான் ஆதார் அட்டை நகல் எடுத்து தரவேண்டும். இந்த இரண்டாவது படிவத்தை காஸ் ஏஜென்சியில் கொடுத்த பின்பு அவர்களும் ஒப்புகை ரசீது வழங்குவார்கள்.

இது குறித்து காஸ் ஏஜென்சி வைத்துள்ள சப்தரிஷி என்பவர் கூறும்போது, “நுகர்வோரின் காஸ் முகவரி மற்றும் ஆதார் எண் முகவரி ஒரே இடத்தில் இருக்க வேண்டும். முகவரி மாறி இருந்தால் தற்போது உள்ள முகவரியின் ரேஷன் அட்டை போன்ற ஏதேனும் ஒரு அரசு அத்தாட்சி அல்லது வீட்டின் வாடகை ஒப்பந்த பத்திரம் ஆகியவற் றின் நகலை ஏஜென்சியில் கொடுக்க வேண்டும். வங்கி கணக்கு எந்த பகுதியில் வேண்டுமானாலும் இருக்கலாம். ஆதார் எண் அவசியம் இல்லை” என்றார்.

படிவம் வாங்க செல்லும் நுகர்வோர்கள் காஸ் பில் எடுத்துக் கொண்டு செல்ல வேண்டும். புகைப்படம், காஸ் பாஸ் புக் போன்றவை எடுத்துச் செல்ல வேண்டியதில்லை. நுகர்வோர்கள் படிவத்தை இலவசமாக பெற்றுக் கொள்ளலாம். காஸ் நிறுவனங்க ளின் ஆன்லைன் முகவரியிலும் படிவங்களைப் பூர்த்தி செய்து ஏஜென்சியிடம் ஒப்படைக்கலாம். இந்த நடைமுறை தமிழகத்தில் உள்ள இண்டேன், இந்துஸ்தான், பாரத் ஆகிய பொதுத்துறை நிறு வனங்களின் காஸ் பயன்படுத்தும் நுகர்வோர்களுக்கு பொருந்தும்.

நுகர்வோர் மானிய திட்டத்தில் சேர்க்கப்பட்டுள்ளதற்கான தகவல், திட்டத்தை அரசு அமல்படுத்தியதும் காஸ் நிறுவனங்கள் எஸ்.எம்.எஸ் மூலம் தெரியப்படுத்தும். காஸ் இணைப்பு வைத்துள்ள நுகர்வோர்கள் நேரடி காஸ் மானிய திட்டத்தில் ஜூன் மாதத்துக்குள் சேர வேண்டும்.

ஃபேஸ்புக்கில் மத உணர்வைத் தூண்டும் கருத்துக்கள்: நடவடிக்கை கோரி மனு!

சென்னை: ஃபேஸ்புக் உள்ளிட்ட சமூக வலைத்தளங்களில் மத உணர்வைத்துண்டும் விதத்தில் கருத்துக்கள் வெளியிடுவோர் மீது காவல்துறை தகுந்த நடவடிக்கை எடுக்க வேண்டும் என்று தமிழ்நாடு தவ்ஹீத் ஜமாஅத் அமைப்பு நிர்வாகிகள், சென்னை காவல்துறையிடம் புகார் மனு அளித்துள்ளனர்.

தமிழ்நாடு தவ்ஹீத் ஜமாத் சார்பில் அமைப்பின் துணைப்பொதுச்செயலாளர் யூசுப் மற்றும் நிர்வாகிகள்இன்று சென்னை காவல்துறை கூடுதல் இயக்குனரைச் சந்தித்து ஒரு புகார் மனு அளித்தனர்.

பின்னர் இது தொடர்பாக செய்தியாளர்களுக்கு பேட்டியளித்த யூசுப், "இன்றைக்கு இருக்கக்கூடிய தொழில்நுட்ப வளர்ச்சியால் சோஷியல் மீடியாக்கள் எல்லாமே, மக்களுக்கு மத்தியில் பல்வேறு தொடர்புகளை ஏற்படுத்தி பல்வேறு நல்ல காரியங்களுக்கும், நல்ல செய்திகளை உலகமெல்லாம் பரப்புவதற்கும் பயன்படுகின்றன.

ஆனாலும், மத உணர்வுகளைத் தூண்டும் செய்திகளையும் பேஸ்புக் போன்று பல்வேறு சமூக வலைத்தளங்களில் பரப்பி வருகின்றனர். சமீபகாலமாக மறைந்த தலைவர்களைப் பற்றியும், மதநம்பிக்கையினால் புனிதமாகக் கருதப்படக்கூடியவர்களின் கண்ணியத்தை சிதைக்கும் விதமாகவும் முகநூலில் விஷமக் கருத்துக்கள் பரவிக் கொண்டிருக்கிறது.

தமிழகம் மட்டுமல்லாமல் இந்தியா முழுமையும் வாழக்கூடிய அனைத்து மக்களும் அமைதியோடு வாழவே விரும்புகிறோம். அனைத்து சமூக மக்களும் இந்த நாட்டில் அமைதியுடன் இருக்கவே விரும்புகிறோம். மத்திய அரசு தனது கொள்கைகளைப் பேசும்போது இந்த நாட்டின் அமைதிதான் வளர்ச்சிக்கு காரணம் என்று சொல்கிறது. ஆனால் இந்த நாட்டின் அமைதிக்கு ஊறுவிளைவிக்கும் விதமாக சமூகவலைதளங்கள் பயன்படுத்தப்படுகின்றன.

வெகுஜன ஊடகங்களும், பாதுகாப்புத்துறை உயர் அதிகாரிகளும் இதனைக் கண்டறிந்து அப்படிப்பட்டவர்களை மக்கள் மன்றத்தில் நிறுத்த வேண்டும். நாம் மறந்தவர்களை, தொடர்பு விட்டுப்போனவர்களை கண்டறியப் பயன்படும் முகநூலை இதுபோல் சமூக அமைதியைச் சீர்குலைக்கும் விதமாக பயன்படுத்துவது கண்டிக்கத்தக்கது.

அவரவர் மதம் அவரவருக்குப் புனிதமானது. யாரும் யாரையும் சீண்டக்கூடாது, காயப்படுத்தக்கூடாது என்பது எங்களின் நம்பிக்கை. முஸ்லிம்களில் அப்படியான காரியங்களைச் செய்வார்கள் என்றால் அவர்களும் தண்டிக்கப்படவேண்டியவர்கள்தான். இந்த நாட்டில் அமைதி நிலவ வேண்டும். அமைதி நிலவினால் மட்டும்தான் வளமும், வளர்ச்சியும் உறுதிசெய்யப்படும். அதை நாங்கள் உறுதியாக நம்புகிறோம். எங்களின் புகார் மீது உரிய நடவடிக்கை எடுப்பதாக காவல்துறையினர் உறுதியளித்திருக்கிறார்கள்" என்றார்.

- எம்.செய்யது

அலைபேசி... அப்புறம் பேசி அலை!

எந்த ஒரு டெக்னாலஜிக்கும் கிடைக்காத பெருத்த வரவேற்பு செல்பேசிக்குக் கிடைச்சிருக்கு. கையில வாட்ச் கட்டியிருக்கோமோ இல்லையோ செல்பேசி இல்லாத மனிதர்களைப் பார்க்கிறது அபூர்வம்னு ஆயிடுச்சு. எப்படியெல்லாம் செல்போன்ல சிக்கி சின்னாபின்னமாகுறாங்கனு பார்ப்போமா.

பேருந்துகளில் டிராவல் பண்றப்போ, மூன்று பேராவது மாறி, மாறி போன்ல பேசிட்டுதான் இருப்பாங்க. அந்த மூன்று பேரிலும் யாராவது ஒருத்தர்தான் உண்மையைப் பேசுறவரா இருப்பார். லோக்கலில் இருந்துகிட்டே "நான் சிங்கப்பூர்ல இருக்கேன்"னு சொல்ற மாதிரி, அமிஞ்சிக்கரையில இருந்துகிட்டு, அடையாறு வந்துட்டேன்னு பொய் சொல்ற மக்கள்தான் அதிகம். அதுவுமில்லாம ட்ராஃபிக்ல மாட்டிக்கிட்டேன். வண்டி ப்ரேக் டவுன் ஆயிடுச்சு. எங்க ஏரியாவுல பயங்கர கலாட்டானு விதவிதமா ரீல் விடுறதுக்கும் செல்பேசியைத்தான் பயன்படுத்துறாங்க. ஆக, பொய் விரும்பிகளின் பேராதரவோடதான் செல்பேசிகள் இந்த அளவு சேல்ஸ் ஆகிட்டு இருக்கு.

பஸ் ஸ்பீடா போய்க்கிட்டிருக்கறப்போ அந்த பஸ்ஸுக்குள்ளேயே பல பேர் டெம்பிள் ரன்னில் தலைதெறிக்க ஓடிக்கிட்டு இருக்காங்க. இன்னும் சிலர் ப்ரூட் கிரஷ், மான் வேட்டைனு செல்போன் கேம்ஸ்தான். இதில் செக்கிங் வந்து உலுக்கு உலுக்குனு உலுக்கின பிறகுதான் டிக்கெட் எடுக்காத மேட்டரே பலருக்கும் தெரிய வருது. விளையாட்டு வினையாகிறது இதுதானோ.

கல்யாணத்துக்கு முன் லவ் பண்றதுக்கு தில்லு இல்லாத தில்லுதுரைகள்தான் கல்யாணம் நிச்சயமான மறுநொடியிலிருந்து லவ் பண்ணத் தொடங்குறாங்க. கத்து வெச்ச மொத்த வித்தையையும் இறக்குற மாதிரி, ராத்திரி பகல்னு வித்தியாசம் இல்லாமல், சோறு தண்ணியப்பத்திக்கூட கவலைப்படாமல், விடிய விடிய பேசிப் பேசியே செல்பேசி வழியா காதல் வளர்ப்பாங்க. இந்த மாதிரி திடீர் காதலர்களை நம்பித்தான் பேசுங்க, பேசுங்க, பேசிக்கிட்டே இருங்க ஆஃபரை கொண்டு வந்திருக்காங்க. கல்யாணம் நிச்சயமானப்போ, கோடீஸ்வரனா இருந்துட்டு, கல்யாணத்தன்னைக்கு லட்சாதிபதியா மாறிப்போன விபரீதமெல்லாம் இதுல சகஜம்.

இப்போ பஞ்சாயத்து ஆலமரம், மேடை, சொம்பெல்லாம் மலையேறிப் போயிடுச்சு. 'ஆன் தி வே'ல, செல்பேசி வழியா பெரும்பாலான பஞ்சாயத்து நடக்குது. பஞ்சாயத்து பண்றேன் பேர்வழினு, சுற்றி இருக்கிறவங்களையும் மறந்துட்டு, தப்பு பண்றவனை நாராசமா திட்டுறதுக்கும் தயங்குவதில்லை. மொத்தக் குடும்பத்தையும் திட்டித் தீர்த்த பிறகுதான், காசெல்லாம் கரைஞ்சிடுச்சேன்னு 'வடை போச்சே' ஃபீலிங்கே வரும். ஆக நாம நாட்டாமைத்தனம் பண்றதால தீர்ப்பென்னவோ செல்பேசி கனெக்‌ஷன் கொடுக்கிற முதலாளிகளுக்குத்தான் சாதகமா இருக்கு.

கூட்டுக் குடும்பமாவோ அல்லது ஒரே ஊருக்குள்ளயோ வாழ்ந்துகிட்டிருந்த காலத்துல கிசுகிசு பேசுறதெல்லாம் தண்ணிபட்ட பாடு. ஒரு எட்டு போனோமா, பேசி பத்த வெச்சோமா, வந்தோமான்னு இருந்தாங்க. இப்போதான் ஊரு விட்டு ஊரு, நாடு விட்டு நாடு போக ஆரம்பிச்சாச்சே. கிசுகிசுவெல்லாம் செல்பேசியில்தான் பெரும்பாலும்.

குளிர்காலம்னா நாம போர்வையைப் போர்த்திகிட்டு தூங்குறதுல ஒரு நியாயம் இருக்கு. போர்வைக்குள்ள செல்போனை வெச்சுகிட்டு விடிய விடிய வாட்ஸ் அப் சாட்டிங்னு தானும் தூங்காம, தள்ளியும் படுக்காம இருக்கிறது பேஷனாப் போயிடுச்சு. இதுல இந்த மெஸேஜை பத்து பேருக்கு ஃபார்வர்ட் பண்ணினால் நல்லது நடக்கும்னு அட்வைஸோட மெஸேஜ் வேற.

இவ்வளவும் போதாதுனு, சும்மா வர்ற கஸ்டமர் கேர் போனையும் விட்டு வைக்காமல் அதுல பேசுற பொண்ணுங்க கூடவும் கடலை போடுறதுக்கு தனி கூட்டமே திரியுது. ரியல் எஸ்டேட் விளம்பரத்திலிருந்து ரிசார்ட் விளம்பரம் வரைக்கும் ஒண்ணைக்கூட விட்டுவைக்காம கால் பண்ற பெண்களிடம் என்னவோ அம்பானி ரேஞ்சுல டீடெயிலெல்லாம் கேட்டுட்டு கடைசியில இப்போதான் நல்ல வேலை தேடிக்கிட்டிருக்கேன். வேலை கிடைச்சதும் முதல் மாச சம்பளத்துல நீங்க சொல்ற இடத்துக்கு அட்வான்ஸ் கட்டிடுறேன்னு சத்தியம் பண்ணி பந்தாவா பல் இளிக்கிறதே பழக்கமா வெச்சிக்கிறாங்க. இப்படியெல்லாம் இருக்குறப்போ செல்போன் கம்பெனி வளராம எப்பூடி!

- வத்திராயிருப்பு தெ.சு. கவுதமன்

எரிவதை அணைக்காமல் கொதிப்பது எப்படி அடங்கும்?

புகையிலைக்கு எதிராக மத்திய அரசு தொடர்ந்து சாட்டையை சுழற்றி வருகிறது.

ஒவ்வொரு ஆண்டும் புகையிலை பொருட்கள் விற்பனை மூலம் அரசுக்கு சுமார் 25,000 கோடி ரூபாய் வருவாய் கிடைக்கிறது என்றபோதிலும், அரசு அதனை பொருட்படுத்தவில்லை. பாரதிய ஜனதா ஆட்சிக்கு வந்த உடனேயே தாக்கல் செய்யப்பட்ட பட்ஜெட்டில் சிகரெட் மீது 72 சதவிகித வரியும், பான்பராக் போன்ற போதை பாக்குகள் மீது 70 சதவிகித வரியும் விதிக்கப்பட்டது.

இந்நிலையில் புகையிலைப் பயன்படுத்துவோரின் வயதுவரம்பை 18ல் இருந்து 25 ஆக உயர்த்தி இருப்பதுடன் பொது இடங்களில் புகைத்தால் விதிக்கப்படும் அபராதத் தொகையையும் பல மடங்கு உயர்த்த திட்டமிட்டிருக்கிறது அரசு. மேலும், சிகரெட்டை ஒன்றிரண்டாக விற்பனை செய்யாமல் பாக்கெட், பாக்கெட்டாக மட்டுமே விற்க வேண்டும் எனவும் விதிமுறை கொண்டு வருவதற்கு ஆலோசனை நடந்து வருகிறது.

அரசு விடாக்கண்டன் என்றால் சிகரெட் கம்பெனிகள் கொடாக்கண்டன்களாக இருக்கின்றன. சிகரெட் விற்பனை என்பதே ஒன்றிரண்டாக விற்பதுதான். பாக்கெட் கணக்கில்தான் வாங்க முடியும் என்றால் பலரும் சிகரெட் வாங்க மாட்டார்கள். வியாபாரம் படுத்துவிடும். இதனால், இப்போது சிகரெட் கம்பெனிகள் வெறும் 2 சிகரெட்டுகளை மட்டும் வைத்து சிறிய பாக்கெட்டுகளை தயாரித்துவிட்டன. பரிசோதனை முறையில் சில நகரங்களில் விற்கப்படும் இந்த 2 சிகரெட்டுகளை கொண்ட பாக்கெட், விரைவில் இந்தியாவின் அனைத்து நகரங்களுக்கும் விற்பனைக்கு வரும் என்று தெரிகிறது.

சிகரெட்டை பாக்கெட்டாகத்தான் விற்க வேண்டும் என்று அரசு சொல்வதன் நோக்கமே அதை வாங்குபவர்கள் எண்ணிக்கை குறையும்; அதன்மூலம் புகைப்பவர்களின் எண்ணிக்கையும் குறையும் என்பதுதான். ஆனால் இந்த நிறுவனங்களோ இதற்கும் ஒரு குறுக்குவழி கண்டுபிடித்துவிடுகின்றன. சிகரெட் விற்பனையை தடை செய்யாமல் இப்படிப்பட்ட கட்டுப்பாடுகளை விதிப்பதன் மூலமும், அச்சுறுத்தும் விளம்பரங்களை வெளியிடுவதன் மூலமும் புகைப்பதை கட்டுப்படுத்திவிட முடியாது.

எரிவதை அணைக்காமல் கொதிப்பது எப்படி அடங்கும்?

- சிபி

MANAV RACHNA INTERNATIONAL UNIVERSITY DOES NOT WANT DEEMED UNIVERSITY TAG

NEW DELHI: A peculiar situation has arisen in the deemed university case as Manav Rachna International University, one of the seven deemed universities that pleaded before the Supreme Court for inspection of its campus, has written to HRD ministry seeking withdrawal of deemed university status.

Sources said, Faridabad-based Manav Rachna is likely to seek state university status which many private universities are opting for now. Becoming a state university will keep Manav Rachna in the business. In case, UGC-appointed committee gives an adverse report, seven of these universities will find it difficult to continue.

However, it is not going to be easy for Manav Rachna to get rid of the deemed university status. Sources said, "Since the matter is sub-judice the decision can be taken only by the Supreme Court. After all, Manav Rachna was in favour of inspection of its campus."

Meanwhile, the UGC-appointed committee headed by its secretary J S Sandhu and also consisting of S P Goyal, joint secretary, HRD ministry has finished inspecting three of the seven deemed universities. Goyal has sent a note recusing himself from the committee on the ground that it is a conflict of interest.

He looks after UGC in the ministry and the report of the committee will be handled by him. "It will become difficult for the ministry to question UGC committee report since its senior official will be a part of it," one official said.

Already, many deemed universities have pointed out that the formation of the committee is against UGC regulation of 2009 that clearly states how to form them. The present committee is a complete violation of the UGC norms.

The regulation says the committee should consist of two serving or retired vice-chancellors of any central or state university; not less than three and not more than five members, at least one being woman, from amongst professors having special knowledge of the courses being conducted in the university; one member from each of the councils with jurisdiction over the courses in the university and one member from National Academic and Accreditation Council. Regulation also says that the committee should be headed by one of the two VCs.

Meanwhile, sources said, others in the list of seven are also seeking legal advice of getting out of the deemed university status. Apart from Manav Rachna, others being inspected are Vinayaka Mission's Research Foundation, Academy of Maritime Education & Training, Bharath Institute of Higher Education & Research, Ponnaiyah Ramajayam Institute of Technology & Science, Maharshi Markandeshwar University, and Institute of Advanced Studies in Education.

6.12.2014 BIG PUSH FOR INCLUSION...TIMES OF INDIA CHENNAI EDITION

DINAMALAR NEWS

கேந்திரிய வித்யாலயா: தமிழும் ஜெர்மனும்

கேந்திரிய வித்யாலயாப் பள்ளிகளில் சம்ஸ்கிருதம் அல்லது ஜெர்மன் என்று இருந்த மொழிப் பாடத்தில் ஜெர்மன் மொழியை எடுத்துவிட்டு சம்ஸ்கிருத மொழியை மட்டும் கற்றுத் தர மத்திய அரசு மேற்கொண்ட முயற்சியை உச்சநீதிமன்றம் தடுத்திருக்கிறது.

சம்ஸ்கிருத மொழியைச் சொல்லித் தரக் கூடாது என்றோ ஜெர்மன் மொழியை எடுக்கக் கூடாது என்றோ உச்சநீதிமன்றம் சொல்லவில்லை. கல்வி ஆண்டின் நடுவில் இப்படிப் பாடத் திட்டத்தை மாற்றுவதற்குத் தடை விதித்திருக்கிறது.

கன்னியாகுமரி நாடாளுமன்றத் தொகுதி முன்னாள் உறுப்பினர் ஜெ. ஹெலன் டேவிட்சன் தமிழ்நாட்டில் உள்ள கேந்திரிய வித்யாலயாப் பள்ளிகளில் தமிழ் மொழி சொல்லித் தரப்பட வேண்டும் என்று 8-5-2013 அன்று நாடாளுமன்ற விதி 377-இன்கீழ் ஒரு கேள்வியை எழுப்பியுள்ளார்.

இராணுவத்தில் பணியாற்றுகிறவர்களின் பணியிட மாற்றங்களால் குழந்தைகளின் படிப்புக்கு இடையூறு வரக் கூடாது என்பதற்காக 1962-இல் தொடங்கப்பட்ட மத்திய அரசுப் பள்ளிகள் (Central schools) பின்னர் கேந்திரிய வித்யாலயாப் பள்ளிகளாகப் பெயர் மாற்றம் பெற்றன.

பின்னர், இராணுவத்தினரின் குழந்தைகளுக்காக இராணுவப் பள்ளிகள் தொடங்கப்பட்டதும் கேந்திரிய வித்யாலயாப் பள்ளிகளில் மற்றவர்களுக்கும் இடம் கிடைத்து வருகின்றன.

இந்தியாவில் 1,090 பள்ளிகளும் காத்மண்டு, மாஸ்கோ, தெஹ்ரான் (ஈரான்) என்று வெளிநாடுகளில் மூன்றுமாக 1,093 கேந்திரிய வித்யாலயாப் பள்ளிகள் இருக்கின்றன. இவற்றின் தலைநகரம் புது தில்லி. மனித வள மேம்பாட்டுத்துறை அமைச்சர் தலைமையின் கீழ் இப்பள்ளிகள் இயங்கி வருகின்றன.

2012-இல் இப்பள்ளிகளில் 11,21,012 மாணவர்கள் படித்துள்ளனர். ஆசிரியர்களும் பணியாளர்களுமாக 56,445 பேர் பணியாற்றுகின்றனர். தமிழ்நாட்டில் மொத்தம் 44 பள்ளிகள் உள்ளன.

2012-13 ஆம் ஆண்டுக்கான நிதி ஒதுக்கீடு ரூ.2454.34 கோடி (திட்டம் சாராப் பணிகளுக்கு ரூ.2104.34 கோடி, திட்டம் சார்ந்த பணிகளுக்கு ரூ.350 கோடி). முதல் வகுப்பிலிருந்து 12-ஆம் வகுப்புவரை இப்பள்ளிகளில் மாணவர்கள் இருபாலரும் சேர்ந்து படித்து வருகின்றனர். மாணவர்கள் சேர்க்கையில் இட ஒதுக்கீடு தொடக்க நிலையில் நடைமுறையில் உள்ளது.

தாழ்த்தப்பட்ட வகுப்பினரின் குழந்தைகளுக்கும் கேந்திரிய வித்யாலயாவில் பணிபுரிவோர் குழந்தைகளுக்கும் பெற்றோருக்கு ஒரே குழந்தையாக உள்ள பெண் குழந்தைகளுக்கும் கட்டணம் இல்லை.

கேந்திரிய வித்யாலயாப் பள்ளிகளில் இந்தியா முழுதும் ஒரே மாதிரியான பொதுப்பாடத் திட்டம்தான் உள்ளது. கணக்கு, அறிவியல் பாடங்களுக்கு ஆங்கிலமும் சமூக அறிவியல் பாடங்களுக்கு ஆங்கிலமும் இந்தியும் பயிற்றுமொழிகளாக உள்ளன.

முதல் ஐந்து வகுப்புகளுக்குப் பாடமொழிகளாக ஆங்கிலமும் இந்தியும் உள்ளன. ஆறாம் வகுப்பு முதல் எட்டாம் வகுப்புவரை ஆங்கிலம், இந்தி, சம்ஸ்

கிருதம் அல்லது ஜெர்மன் என்று மூன்று மொழிகளும் பாடமொழிகளாக உள்ளன.

ஒன்பது, பத்தாம் வகுப்புகளில் ஆங்கிலம், இந்தி அல்லது சம்ஸ்கிருதம் என்று இரண்டு மொழிகள் பாடமொழிகளாக உள்ளன. 11 மற்றும் 12-ஆம் வகுப்புகளில் கணிதப் பிரிவு எடுப்போர்க்கு ஆங்கிலம் மட்டுமே பாடமொழி. பிற பிரிவுகளில் படிப்போர்க்கு ஆங்கிலமும் இந்தியும் பாடமொழிகள்.

இந்தியாவில் சம்ஸ்கிருதம் அல்லது ஜெர்மன் மொழியும் மாஸ்கோவில் பிரெஞ்சு அல்லது ருஷ்ய மொழியும் பாடமொழிகளாக இருந்து வருகின்றன. வேலை

வாய்ப்பினைக் கருதி இந்தியாவில் சம்ஸ்கிருதத்தைப் படிக்காமல் ஜெர்மன் மொழியைப் படிக்க மாணவர்கள் ஈடுபாடு காட்டி வருகின்றனர்.

இந்நிலையில் மத்திய அரசு ஜெர்மன் மொழியை எடுத்துவிட்டு சம்ஸ்கிருதத்தைக் கட்டாயப்படுத்த எண்ணியது.

ஜெர்மனி அரசு, இந்தியாவில் உள்ள கேந்திரிய வித்யாலயாப் பள்ளிகளில் ஜெர்மன் மொழியை நீக்கக் கூடாது என்று பிரதமர் மோடியிடம் வலியுறுத்தி இருக்கிறது.

ஹெலன் டேவிட்சன், தமிழகத்தில் உள்ள கேந்திரிய வித்யாலயாப் பள்ளிகளில் தமிழ் கற்றுத் தரப்படவேண்டும் என்று நாடாளுமன்றத்தில் எழுப்பிய கேள்வியைத் தொடர்ந்து தமிழகத்தில் உள்ள கேந்திரிய வித்யாலயாப் பள்ளிகளுக்கு 26-6-13 அன்று ஒரு சுற்றறிக்கை அனுப்பப்பட்டுள்ளது.

அதில் கேந்திரிய வித்யாலயாவின் கல்வி விதியின் 112-ஆம் பிரிவில் கூறப்பட்டுள்ளவாறு மாநில மொழி அல்லது தாய்மொழியைக் கற்க 20 அல்லது அதற்கும் மேற்பட்ட மாணவர்கள் விரும்பினால் கூடுதல் ஏற்பாடுகள் செய்துதரப்பட வேண்டும் என்றும் இதற்காக ஒப்பந்த அடிப்படையில் ஆசிரியர்களைத் துணை ஆணையரின் அனுமதி பெற்று நியமித்துக் கொள்ளலாம் என்றும் ஆறாம் வகுப்பிலிருந்து எட்டாம் வகுப்புவரையிலும் தேவைப்பட்டால்

ஒன்பது பத்தாம் வகுப்பு மாணவர்களுக்கும்கூட கற்றுத் தரலாம் என்றும் பள்ளி நேரத்திலேயே வாரத்திற்கு இரண்டு அல்லது மூன்று வகுப்புகள் இதற்காக ஒதுக்கப்பட வேண்டும் என்றும் 2013 - 14-ஆம் கல்வி ஆண்டிலிருந்தே தமிழகக் கேந்திரிய வித்யாலயாப் பள்ளிகளில் தமிழ் மொழி கற்பிக்கப்பட வேண்டும் என்றும் இதுகுறித்து எடுக்கப்பட்ட நடவடிக்கையை 1-7-2013-க்குள் தெரிவிக்க வேண்டும் என்றும் கூறப்பட்டுள்ளன.

தேர்ச்சி பெறுவதற்குத் தமிழ்ப் பாடத்தில் தேர்வு எழுதி மதிப்பெண் எடுக்க வேண்டும் என்பதில்லை. இருந்தாலும் தமிழகக் கேந்திரியப் பள்ளிகள் பலவற்றில் தமிழ்மொழியைக் கற்றுத் தர போதிய நடவடிக்கை எடுக்கப்படவில்லை என்று கேந்திரிய வித்யாலயாப் பள்ளிகளின் ஆசிரியர்கள் சங்கம் (சென்னை), துணை ஆணையருக்கு அனுப்பியுள்ள கடிதத்தில் தெரிவித்துள்ளது.

ஜெர்மன் மொழி இருக்க வேண்டும் என்று ஜெர்மனி அரசு வற்புறுத்துகிறது. நாமும் ஜெர்மன் மொழி இருக்க வேண்டும் என்று குரல் கொடுக்கிறோம்.

முன்னரே ஆணையிட்டும் தமிழைத் தொடங்காமல் உள்ள தமிழகக் கேந்திரிய வித்யாலயாப் பள்ளிகளிலும் தமிழைக் கற்றுத் தர வேண்டுமென்று குரல் வந்ததாகத் தெரியவில்லை.

மாஸ்கோவில் உள்ள கேந்திரிய வித்யாலயாப் பள்ளிகளில் பிரெஞ்சு அல்லது ருஷ்யன் என்றிருப்பதைப் போல, தமிழகத்தில் உள்ள பள்ளிகளில் தமிழ் அல்லது சம்ஸ்கிருதம் என்று வைக்கலாம்.

முடிந்தால் கேந்திரியப் பள்ளிகளில் இந்தியா முழுதும் தமிழ் அல்லது சம்ஸ்கிருதம் என்று பாடமொழியை மாற்றலாம். அல்லது விருப்பப் பாட மொழியில் தேர்வு இல்லை என்பதால் இரண்டு மொழிகளையும் விருப்பப் பாடமாகச் சேர்க்கலாம்.

உலகச் செம்மொழிகளில் தமிழும் சம்ஸ்கிருதமும் இடம்பெற்றிருப்பதைப் போல கேந்திரியப் பள்ளிகளிலும் இடம்பெறுவது பண்பாட்டு இந்தியாவைப் பார்க்கத் துணை செய்யும்.

கேந்திரியப் பள்ளிகளின் நோக்கங்களில் இந்திய ஒருமைப்பாட்டை மாணவர்கள் மனதில் வளர்த்தல் வளரும் தலைமுறையை இந்தியராக உணரச் செய்தல் ஆகியவை குறிப்பிட்த் தக்கவையாக உள்ளன.

இந்தியப் பண்பாட்டு வரலாறு தமிழைத் தவிர்த்து எழுத முடியாது.

கேந்திரிய வித்யாலயாப் பள்ளிகளின் நோக்கங்கள் பண்பாட்டின் அடித்தளத்தில் நிறைவேற்றப்பட வேண்டியவை. அவை நிறைவேற, தமிழ்மொழி

தொல்லையாக இருக்காது. மாறாக வேறு எந்த மொழியை விடவும் துணையாக இருக்கும்.



கட்டுரையாளர்: முன்னாள் துணைவேந்தர், தமிழ்ப் பல்கலைக்கழகம், தஞ்சாவூர்.

கேந்திரிய வித்யாலயா பள்ளிகளில் இந்த ஆண்டில் சமஸ்கிருத பாடத்தில் தேர்வு கிடையாது சுப்ரீம் கோர்ட்டில் மத்திய அரசு தகவல்

புதுடெல்லி,

கேந்திரிய வித்யாலயா பள்ளிகளில் 6-ம் வகுப்பு முதல் 8-ம் வகுப்பு வரை ஜெர்மன் மொழிக்கு பதிலாக சமஸ்கிருதம் 3-வது மொழியாக பயிற்றுவிக்கப்படும் என்றும், ஆனால் இந்த கல்வியாண்டில் சமஸ்கிருத பாடத்தில் தேர்வு நடத்தப்பட மாட்டாது என்றும் மத்திய அரசு நேற்று சுப்ரீம் கோர்ட்டில் தெரிவித்தது.

சமஸ்கிருத பாடம்

கடந்த அக்டோபர் 27-ந் தேதி மத்திய மனிதவள மேம்பாட்டுத்துறை மந்திரி ஸ்மிருதி இரானி தலைமையில் நடந்த கேந்திரிய வித்யாலயா சங்கதன் அமைப்பின் நிர்வாக குழு கூட்டத்தில், மத்திய அரசுக்கு சொந்தமான கேந்திரிய வித்யாலயா பள்ளிகளில் ஜெர்மன் மொழி பாடத்தை ரத்து செய்து விட்டு, அதற்கு பதிலாக சமஸ்கிருத பாடத்தை அறிமுகப்படுத்துவது என முடிவு எடுக்கப்பட்டது.

இதனால் நாடு முழுவதும் உள்ள 500 கேந்திரிய வித்யாலயா பள்ளிகளில் 6-ம் வகுப்பில் இருந்து 8-ம் வகுப்பு வரை படிக்கும் சுமார் 70 ஆயிரத்துக்கும் மேற்பட்ட மாணவ-மாணவியர் ஏற்கனவே படித்து வரும் ஜெர்மன் மொழிக்கு பதிலாக புதிதாக சமஸ்கிருத மொழியை படிக்க வேண்டிய நிலை ஏற்பட்டது. எனவே இதற்கு பலத்த எதிர்ப்பு கிளம்பியது.

மத்திய அரசின் இந்த முடிவை ரத்து செய்யக்கோரி வி.எஸ்.ராமநாதன் உள்ளிட்ட பெற்றோர் சிலர் சுப்ரீம் கோர்ட்டில் பொதுநல வழக்கு தொடர்ந்து உள்ளனர்.

தேர்வு கிடையாது

இந்த மனு சுப்ரீம் கோர்ட்டு நீதிபதிகள் அனில் ஆர்.தவே மற்றும் குரியன் ஜோசப் ஆகியோர் அடங்கிய அமர்வு முன்பு நேற்று விசாரணைக்கு வந்தது. அப்போது மத்திய அரசின் சார்பில் ஆஜரான அட்டார்னி ஜெனரல் முகுல் ரோகத்கி, நடப்பு கல்வியாண்டில் கேந்திரிய வித்யாலயா பள்ளி மாணவ-மாணவியர் ஜெர்மன் மொழி பாடத்தை கூடுதல் பாடமாக தொடரலாம் என்றும், சமஸ்கிருத பாடத்தில் இந்த நடப்பு கல்வியாண்டில் தேர்வு எதுவும் இருக்காது என்றும் மத்திய அரசு முடிவு எடுத்துள்ளதாக தெரிவித்தார்.

இந்த முடிவு மத்திய அரசின் உயர் மட்டத்தில் எடுக்கப்பட்ட முடிவு என்று கூறி, இது தொடர்பாக மத்திய மனிதவள மேம்பாட்டுத்துறையின் இணைச்செயலாளர் எழுதியுள்ள கடிதத்தின் நகலையும் கோர்ட்டில் அப்போது அவர் தாக்கல் செய்தார்.

கோர்ட்டு வழிகாட்டுதலின் படியும், மாணவ-மாணவியருக்கு ஏற்படும் மனஅழுத்தத்தை குறைக்கும் வகையிலும் மூன்றாவது மொழியாக ஜெர்மன் பயிலும் மாணவ-மாணவியருக்கு சமஸ்கிருதம் அல்லது வேறு இந்திய மொழிகளில் இந்த நடப்பு கல்வி ஆண்டில் தேர்வு எதுவும் நடத்தப்படமாட்டாது என்று அந்த கடிதத்தில் கூறப்பட்டு இருந்தது.

நீதிபதி கருத்து

இது நல்ல தீர்வு என்றும், புதிதாக அறிமுகப்படுத்தும் சமஸ்கிருத பாடத்தில் தேர்வு எதுவும் நடக்காது என்றும் உறுதியளித்து இருப்பதால் மாணவர்களுக்கு அழுத்தம் எதுவும் இருக்காது. ஒரு தந்தையாகவும் இதை நான் ஏற்றுக்கொள்ள வேண்டும் என்று நீதிபதி அனில் ஆர்.தவே கருத்து தெரிவித்தார்.

அப்போது, மனுதாரர்களான கேந்திரிய வித்யாலயா பள்ளிகளில் பயிலும் மாணவ-மாணவியரின் பெற்றோர்கள் தரப்பில் ஆஜரான வக்கீல் ரீனா சிங், மத்திய அரசாங்கம் தற்போது முன் வைத்திருக்கும் இந்த முடிவு குறித்து தன்னுடைய கட்சிக்காரர்களுடன் கலந்து ஆலோசித்த பிறகு தங்கள் தரப்பு பதிலை முன்வைக்க சிறிது அவகாசம் தேவை என்று கூறினார்.

ஒத்திவைப்பு

அதை ஏற்றுக்கொண்ட நீதிபதிகள், வழக்கு விசாரணையை வருகிற 8-ந் தேதிக்கு ஒத்திவைத்தனர். பள்ளிகளில் சமஸ்கிருதத்தை அறிமுகம் செய்வது மாணவர்களின் எதிர்காலத்துக்கு நல்லது என்றும் பொதுவாக அறிவுறுத்தினர்.

சமையல் எரிவாயு மானியம் பெற விண்ணப்பிக்கும் நடைமுறைகள் என்ன? எண்ணெய் நிறுவன அதிகாரிகள் விளக்கம்

சமையல் எரிவாயு மானியத்தை பெறுவதற்காக விண்ணப்பிப்பதற்கு என்னென்ன நடைமுறைகளை பின்பற்றவேண்டும் என்பதுபற்றி, எண்ணெய் நிறுவன அதிகாரிகள் விளக்கம் அளித்துள்ளனர்.

இதுகுறித்து எண்ணெய் நிறுவன அதிகாரிகள் கூறியதாவது:-

ஜனவரியில் அமல்

சமையல் எரிவாயு சிலிண்டருக்கான மானியத்தை நேரடியாகப்பெறும் திட்டம், இந்தியாவில் 54 மாவட்டங்களில் அறிமுகம் செய்யப்பட்டுள்ளது. தமிழகத்தில் ஜனவரி 1-ந்தேதியில் இருந்து இந்தத்திட்டம் நடைமுறைப்படுத்தப்பட உள்ளது.

இந்த நேரடி மானியத்தைப் பெறுவதற்காக அடுத்த ஆண்டு 2015-ம் ஆண்டு மார்ச் 31-ந்தேதிவரை வாடிக்கையாளர்கள் விண்ணப்பிக்கலாம். இந்த வாய்ப்பை தவறவிட்டால், எரிவாயுக்கான நேரடி மானியத்தை பெறமுடியாமல் போய்விட வாய்ப்புள்ளது.

வங்கியில் மானியம்

மானியத்திட்டத்தில் பயன்பெற வேண்டும் என்றால், எரிவாயு இணைப்பு உள்ளவர்களுக்கு, அவர்களின் பெயரில் வங்கிக்கணக்கு இருக்கவேண்டும். அவர்கள் முழு தொகை செலுத்தி எரிவாயு வாங்கினாலும், மத்திய அரசு அளிக்கும் மானியத்தொகை, அந்த வங்கிக்கணக்கில் செலுத்தப்பட்டுவிடும்.

அந்த வகையில் எரிவாயுக்கான மானியத்தை இதன்மூலம் வாடிக்கையாளர் பெற்றுக்கொள்ளலாம். இந்தத் திட்டத்தில் சேர்ந்ததில் இருந்து மானியத்தொகை கிடைக்கத் தொடங்கிவிடும். எரிவாயு சிலிண்டரை வாங்கிய 3 அல்லது 4 நாட்களுக்குள் வங்கிக்கணக்கில் மானியத்தொகை வந்து சேர்ந்துவிடும்.

எரிவாயுக்கான நேரடி மானிய திட்டத்தில் இதில் சேர்வதற்கு விண்ணப்பிக்கும் முறை எளிதானதுதான்.

யார் பெயரில் சிலிண்டர் இருக்கிறதோ, அவர் தனது எரிவாயு சிலிண்டர் முகவரை அணுகவேண்டும். தன்னிடமுள்ள ஆதார் எண் மற்றும் வங்கிக்கணக்கு எண்ணை குறிப்பிட்டு, அவர் கொடுக்கும் படிவம்-1 மற்றும் படிவம்-2 ஆகியவற்றை பூர்த்தி செய்யவேண்டும். படிவம்-1-ஐ வங்கியிலும், படிவம்-2-ஐ முகவரிடமும் வழங்கவேண்டும்.

ஆதார் இல்லாவிட்டால்

ஆதார் அட்டை அல்லது எண் இல்லை என்றால், வங்கிக்கணக்கு புத்தகத்தை காட்டி முகவரிடம் இருந்து படிவம்-3 மற்றும் படிவம்-4 ஆகியவற்றை வாங்கி பூர்த்தி செய்யவேண்டும். பின்னர் படிவம்-3-ஐ வங்கியிலும், படிவம்-4-ஐ முகவரிடமும் கொடுக்கவேண்டும்.

வங்கியில் படிவம் செலுத்தப்பட்டது என்பதற்கு அத்தாட்சியாக, படிவத்தின் கடைசி பகுதியை கிழித்து, அதில் வங்கி முத்திரையை பதித்தும், கையெழுத்திட்டும் வழங்குவார்கள். அதை பத்திரமாக வைத்துக்கொள்ளவேண்டும்.

இந்த நடைமுறைகள் மூலம் எரிவாயுக்கான நேரடி மானியத்திட்டத்தில் சேர்ந்துவிடலாம். அதன்பின்னர் எப்போதும்போல் பணத்தை செலுத்தி சிலிண்டரை வாங்கிக்கொள்ளலாம். அதற்கான மானியத்தொகை வங்கிக்கணக்கில் வந்து சேர்ந்துவிடும்.

இவ்வாறு அவர்கள் தெரிவித்தனர்.

அவனுக்கென்ன.. அழகிய மனம்!

கடிவாளம் கட்டிய குதிரையாக ஓடிக்கொண்டிருந்த தமிழ் சினிமாவைத் திசை திருப்பிய திரைப்படங்களைத்தான் ‘டிரெண்ட்செட்டிங் பிலிம்ஸ்’ என்று கொண்டாடி வந்திருக்கிறோம். ஐம்பது ஆண்டுகளுக்கு முன் 11- 12- 1964-ல் வெளியாகித் தமிழ் சினிமா ரசனைக்குப் புது ரத்தம் பாய்ச்சிய படமே ‘சர்வர் சுந்தரம், திரையுலகைக் கதைக் களமாக்கிய முதல் தமிழ்த் திரைப்படம்.

சினிமா ஸ்டுடியோக்களில் எப்படிப் படப்பிடிப்பு நடக்கிறது, பாடல் எப்படிப் பதிவு செய்யப்படுகிறது என்ற ரகசியத்தை உடைத்துக் காட்டியது. இந்தப் படத்திற்குக் கிடைத்த வெற்றியும், விருதுகளும், இதே போன்ற கதையம்சத்துடன் கூடிய பல படங்கள் வெளியாகக் காரணமாக அமைந்தன. அவற்றில் சிவாஜி நடித்த ‘ராமன் எத்தனை ராமனடி’, சிவகுமார் நடித்த ‘ஏணிப்படிகள்’ ஆகிய படங்கள் பெரிய வெற்றியை அடைந்தன.

நகைச்சுவை நாயகன்

அன்று முன்னணி நகைச்சுவை நடிகராகக் கொடிகட்டிப் பறந்து கொண்டிருந்தார் நாகேஷ். எம்.ஜி.ஆர். – சிவாஜி இருவருமே தங்களது படங்களில் நாகேஷ் இருக்க வேண்டும் என்று விரும்பினார்கள். இதனால் நாகேஷ் கதைகளில் நுழைக்கப்பட்டார். இரண்டு பேரின் படங்களுக்கும் சிக்கல் வராதவாறு தனது கால்ஷீட்டைக் கவனமாகப் பிரித்துக் கொடுத்து நடித்துவந்தார். என்றாலும் அதிகப் படப்பிடிப்புகள் காரணமாக எம்.ஜி.ஆர்., சிவாஜி ஆகிய இரண்டு பேரின் படப்பிடிப்புகளுக்குப் பல சமயங்களில் தாமதமாகப் போவார் நாகேஷ். ஆனால் அவர்கள் கோபித்துக்கொண்டதில்லை.

இவ்விரு சூப்பர் ஸ்டார்களின் படங்களில் நடித்துவந்த அதேவேளை தன் மனதுக்குப் பிடித்தமான குணச்சித்திர வேடங்கள் கிடைத்தால், அவற்றுக்குச் சம்பளத்தைக் குறைத்துக்கொண்டு நடித்தார். அது போன்ற வேடங்களில் கதாபாத்திரமாக வாழ ஆரம்பித்தார். ஏ.வி.எம். செட்டியாரின் பார்வையில் நாகேஷ் சிறந்த நகைச்சுவை நடிகர் என்பதைவிட, சிறந்த குணச்சித்திர நடிகராகத் தெரிந்தார். அப்போது தமிழ் நாடக மேடைக்கு சமகாலக் கதைகளை நாடகங்களாக எழுதிப் பெயர்பெற்று வந்தார் கே.பாலச்சந்தர். ‘சர்வர் சுந்தரம்’ கே. பாலச்சந்தர் எழுதிய நாடகம்தான். அந்த நாடகத்தைப் பார்த்த செட்டியார், அதை வாங்கித் திரைப்படமாகத் தயாரிக்க முடிவு செய்தார்.

‘ஆயிரத்தில் ஒருவன்’ முதல் கட்டப் படப்பிடிப்பு கேரளாவில் நடந்து கொண்டிருந்தது. அதில் நடித்துக் கொண்டிருந்த நாகேஷிடம் டிரங்க் காலில் பேசினார் செட்டியார். அத்தனை பெரிய பட அதிபர் நம்மிடம் பேசுவதா என்று நெகிழ்ந்த நாகேஷ், படப்பிடிப்பு முடிந்து சென்னை திரும்பியதும் செட்டியாரைச் சென்று சந்தித்தார்.

“சர்வர் சுந்தரம் நாடகத்தோட ரைட்ஸ் வாங்கிவிட்டேன்” என்றார் செட்டியார். “நீங்க ஒரு முடிவு எடுத்துட்டா அது சரியா இருக்கும். ஆனால், நல்ல மார்க்கெட் உள்ள ஹீரோவா போடுங்க” என்றார் நாகேஷ். “இந்தக் கதையில நீதான் நடிக்கணும். அதுதான் சரியா இருக்கும்” என்றார் செட்டியார். “நீங்க முடிவு எடுத்துட்டா அதை மாத்த முடியுமா?” என்றார் நாகேஷ். செட்டியார் சிரித்துவிட்டார். கதை, திரைக்கதை, வசனத்தைக் கே. பாலச்சந்தர் எழுத, சமூகப் படங்களை வரிசையாக இயக்கிப் புகழ்பெற்றிருந்த கிருஷ்ணன்-பஞ்சு படத்தை இயக்க, நாகேஷ் கதையின் நாயகனாக நடித்தார்.

உணர்ச்சிகரமான போராட்டம்

சினிமாவில் பெரிய நடிகனாகப் புகழ்பெற வேண்டும் என்ற ஆசையோடு சென்னைக்கு வருகிறார் நாகேஷ். எனினும் தனது தோற்றம் பற்றிய தாழ்வு மனப்பான்மையால் தவிக்கிறார். வாய்ப்புகளைத் தேடிச் செல்லும் முன் வயிற்றைக் காயவிடக் கூடாது அல்லவா? அதற்காக உணவு விடுதி ஒன்றில் சர்வராக வேலை செய்கிறார். நாகேஷின் உணவு பறிமாறும் குறும்புகளைப் பல வாடிக்கையாளர்கள் ரசிக்கிறார்கள்.

சிலர் சிடுசிடுக்கிறார்கள். அந்த உணவு விடுதியின் உரிமையாளர் மேஜர் சுந்தரராஜன். அவரது மகள் கே.ஆர். விஜயா அங்கே அடிக்கடி வருகிறார். நாகேஷைப் பாராட்டுகிறார். தனது முதலாளியின் மகள் என்பதை அறியாத நாகேஷ், கே.ஆர்.விஜயாவின் ஊக்குவிப்பால் உந்தப்பட்டு அவர்பால் ஈர்க்கப்படுகிறார். பிறகு அவரைக் காதலிக்கத் தொடங்குகிறார். கே.ஆர்.விஜயாவோ தனது கல்லூரி நண்பரான முத்துராமனைக் காதலிக்கிறார். முத்துராமன், நாகேஷின் உயிர் நண்பன்.

ஒருநாள் முத்துராமனிடம் சென்று கே.ஆர். விஜயாவைக் காதலிப்பதாகச் சொல்கிறார் நாகேஷ். அதைக் கேட்டு காதலனாகிய முத்துராமன் துடிக்கிறார். அதைக் காதலியிடம் சொல்ல, அவரும் துடிக்கிறார். நட்பாகப் பழகியது தப்பாகிவிட்டதே என கே.ஆர். விஜயா தவிக்கிறார். இதற்கிடையில் நாகேஷின் திரையுலகத் தேடல் தீவிரமாகிறது. ஒரு கட்டத்தில் நாகேஷின் திறமை கண்டறியப்பட்டு நாடு போற்றும் நடிகனாகிவிடுகிறார். பணம், புகழ், அந்தஸ்து எல்லாமே கிடைக்க, சர்வர் சுந்தரம் இப்போது ஆக்டர் சுந்தரம்.

வாழ்க்கையில் எண்ணியதெல்லாம் கிடைத்த பிறகு அடுத்து என்ன? தனது காதலைத் தெரிவிக்கக் கையில் பூங்கொத்தை ஏந்தியபடி கே.ஆர்.விஜயாவைத் தேடி வருகிறார். அப்போது காதலனும் உடன் இருக்க, நாகேஷ் தன் காதலைச் சொல்ல, அந்த நொடியில் ஆரம்பிக்கும் உணர்ச்சிப் போராட்டம் படத்தின் முடிவாக அமைந்தது. காதல் ஒரு மனிதனை உயர்த்தும். அதேநேரம் அதுவே தோல்வியில் முடிந்தால் அந்த மனிதனின் மனதை உடைப்பதற்குப் பதிலாகப் பண்படுத்தும் என்ற கருத்தைத் தூக்கிப்பிடித்தது பாலச்சந்தரின் தேர்ந்த திரை எழுத்து.

காதல் தோல்விக்குப் பிறகு தாயின் இறப்பை எதிர்கொள்ளும் சர்வர் சுந்தரம், ஒரு எளிய மனிதனாக சர்வர் வேலைசெய்தபோது கிடைத்த நிம்மதி, நடிகனாக உயர்ந்தபோது இல்லை என்பதைப் புரியவைப்பதோடு படம் முடியும். வில்லன் இல்லாத படம்.

இரண்டு நட்சத்திரங்கள்

ஐம்பதாண்டுகள் நிறைவைக் கொண்டாடும் ‘சர்வர் சுந்தரம்’ படத்தை இன்றைய தலைமுறை ரசிகர்கள் பார்த்தால் அதன் திரைக்கதை நேர்த்தியை, கதாபாத்திரங்களின் கட்டமைப்பைப் பாராட்டித் தள்ளுவார்கள். சிவந்த நிறமும், எடுப்பான தோற்றமும் இருந்தால் மட்டுமே சினிமாவில் நாயகனாக உருவாக முடியும் என்ற மூடநம்பிக்கையைச் சர்வர் சுந்தரம்தான் முதன்முதலாக உடைத்தெறிந்தது.

இந்தப் படத்தில் சர்வர் சுந்தரமாக வாழ்ந்த நாகேஷின் நடிப்புத் திறமை எல்லாப் பரிமாணங்களிலும் சிறப்பாக வெளிப்பட்டு நின்றது. அவரது திரைவாழ்க்கையில் திருப்புமுனையை ஏற்படுத்தியது. படத்தில் வரும் ‘அவளுக்கென்ன அழகிய முகம்’ என்ற பாடலில் தனது நடனத் திறமையையும் சிறப்பாக வெளிப்படுத்தியதால் ‘அழகிய மனம்’ கொண்ட கதாபாத்திரமாக நாகேஷை ரசிகர்களுக்கு மேலும் நெருக்கமாக்கியது.

இந்தப் படத்தின் வழியாகப் பிரபலமாகி ஒரு நட்சத்திர எழுத்தாளராகவும், இயக்குநராகவும் உயர்ந்தார் இயக்குநர் சிகரம் கே. பாலச்சந்தர். இப்படம் தேசிய விருதைப் பெற்றதோடு, இந்தி உட்பட பல மொழிகளில் மறுஆக்கம் செய்யப்பட்டு வெற்றிகளைக் குவித்தது.

படங்கள் உதவி: ஞானம்