நடிகை கார் வாங்கிய விவகாரம் : புதுச்சேரி வட்டாரப் போக்குவரத்து அலுவலகத்தில் கிரண் பேடி ஆய்வு

நடிகை அமலாபால் கார் வாங்கிய விவகாரம் தொடர்பாக புதுச்சேரி வட்டாரப் போக்குவரத்து அலுவலகத்தில் ஆளுநர் கிரண் பேடி செவ்வாய்க்கிழமை அதிரடி ஆய்வு மேற்கொண்டார்.
அமலாபால் ரூ.1.5 கோடி மதிப்பிலான பென்ஸ் காரை, புதுச்சேரியில் போலி முகவரி அளித்து பதிவு செய்தார். குறைந்த தொகையை சாலை வரியாகச் செலுத்தியுள்ளார் எனப் புகார் எழுந்தது. இதேபோல, புதுவையில் போலி முகவரி கொடுத்து விலை உயர்ந்த கார்களுக்கு குறைந்த சாலை வரியைச் செலுத்தி பலர் மோசடி செய்துள்ளனர் என தகவல்கள் வெளியாகின.
இதையடுத்து, இந்த விவகாரம் தொடர்பாக விசாரணை நடத்த புதுச்சேரி போக்குவரத்து செயலருக்கும், காவல்துறை முதுநிலை எஸ்.பி.க்கும் கிரண் பேடி உத்தரவிட்டார். 
இந்த நிலையில், செவ்வாய்க்கிழமை புதுச்சேரி வட்டாரப் போக்குவரத்து அலுவலகத்துக்குச் சென்ற கிரண் பேடி அங்கு அதிரடியாக ஆய்வு செய்தார். அலுவலகத்தில் வாகனங்கள் பதிவு செய்யும் பிரிவு, உரிமம் தரும் பிரிவு, கணினியில் பதிவாகியுள்ள விவரங்கள், பதிவேடுகள் குறித்து ஆய்வு செய்தார். 
இது தொடர்பாக கிரண் பேடி கூறியதாவது:
இந்தப் புகார் உண்மையானதாக உள்ளது. வாகனப் பதிவுக்கும் ஆதார் எண்ணை கட்டாயமாக்கும் வரை வசதி படைத்தவர்கள் அரசுக்கு சாலை வரியை செலுத்தாமல் ஏமாற்றும் நிலை நீடிக்கும். சிறிய மாநிலமான புதுவையில் நிதிச் சிக்கல் உள்ள நிலையில், இதுபோன்ற வரி ஏய்ப்புகளால் மேலும் பாதிப்புதான் உண்டாகும். புதுச்சேரி நிர்வாகத்தில் பெரியளவில் சீரமைப்பு தேவைப்படுகிறது. அனைத்து வகையிலும் தன்னிறைவு பெற வேண்டியுள்ளது. சிரமத்தில் உள்ள நாம் செயல்பட வேண்டிய தருணம் வந்து விட்டது. இது சட்டப்பூர்வமாக மேற்கொள்ளப்பட்ட மோசடியாகும். இந்த மோசடி தொடர்பாக மத்திய அரசுக்கு கடிதம் எழுத உள்ளேன்.
சிறிய யூனியன் பிரதேசமான புதுவையில் மதுவின் மூலம் கிடைக்கும் பாவப்பட்ட பணத்தை நாம் வருவாயாகப் பெறுகிறோம். வெளி மாநிலங்களைச் சேர்ந்த வசதி படைத்தவர்களால் விலை உயர்ந்த கார்கள் வாங்கி மோசடியாகப் பதிவு செய்வதால் கடும் வருவாய் இழப்பு ஏற்படுகிறது. இதுதொடர்பாக ஏராளமான புகார்கள் வந்துள்ளன என்றார் கிரண் பேடி.
ஆய்வின் போது துணை போக்குவரத்து ஆணையர் ரத்னகோஷ் சாரு, வட்டாரப் போக்குவரத்து அதிகாரி ரகுநாத் ஆகியோர் உடனிருந்தனர்.
'தவறு நடைபெறவில்லை': இது தொடர்பாக புதுவை மாநில போக்குவரத்துத் துறை அமைச்சர் எப்.ஷாஜஹான் செவ்வாய்க்கிழமை செய்தியாளர்களிடம் கூறியதாவது: போக்குவரத்துத் துறை சட்டவிதிகள்படி ஒருவர் ஒரு வாகனத்தை பதிவு செய்ய, வாக்காளர் அட்டை, எல்ஐசி பாலிசி, கடவுச்சீட்டு, பள்ளிச் சான்று, பிறப்புச் சான்று, பிரமாண பத்திரம் ஆகியவற்றை ஆதாரங்களாக தாக்கல் செய்யலாம். இவை இருப்பிடத்தை உறுதி செய்யும். 
அமலாபால் தனது கையெழுத்துடன் கூடிய பத்திரத்தை தாக்கல் செய்தார். புதுச்சேரி திலாசுபேட்டையில் வாடகை வீட்டில் இருப்பதற்கான இருப்பிடச் சான்றை தாக்கல் செய்துள்ளார். அத்துடன் எல்ஐசி பாலிசி நகலையும் இந்த முகவரியிலிருந்து தந்துள்ளார் என்றார் அவர். 

'ஒரு நகரம் ஒரே டிக்கெட்': ரயில், பேருந்து எல்லாவற்றுக்கும் ஒரே ஒரு டிக்கெட்டா? 

By DIN  |   Published on : 31st October 2017 03:11 PM  | 

மும்பை: ஒரு நகரம், ஒரு டிக்கெட் என்ற திட்டம், இந்தியாவில் முதல் முறையாக மும்பை மாநகரில் டிசம்பர் மாதம் அறிமுகப்படுத்தப்பட உள்ளது.

இதன் மூலம், அலுவலகத்துக்கோ அல்லது பிற பயணங்களின் போதோ, ஒவ்வொரு போக்குவரத்து சேவைக்கும் தனித்தனியாக டிக்கெட் எடுக்காமல், ரயில் மற்றும் பேருந்துக்கு அல்லது பேருந்து மற்றும் டாக்ஸிக்கு ஒரே ஒரு ஸ்மார்ட் கார்டு வைத்திருந்தால் போதும் என்கிறார்கள் அதிகாரிகள்.

ரயிலில் போக ஸ்டேஷனில் டிக்கெட் எடுத்தாலே குளறுபடி செய்கிறார்களே இது எப்படி சாத்தியம் என்று கேட்பவர்களுக்காக இதோ முழு விவரம்..

பல்வேறு கட்டப் பணிகள் முடிந்து ஒரு வழியாக மும்பை மாநகரம், அனைத்து விதமான போக்குவரத்துக்கும் ஒருங்கிணைக்கப்பட்ட டிக்கெட் வழங்கும் திட்டத்தை முதற்கட்டமாக அறிமுகப்படுத்துகிறது. இது குறித்து மும்பை மாநகர  மேம்பாட்டுக் கழக அதிகாரிகள் கூறுகையில், மும்பைக்கான சிறப்பு திட்டம் டிசம்பர் மாதத்தில் தொடங்கும் என்றனர்.

மும்பை மாநகர் பகுதிக்கான திட்டத்தை வடிவமைக்கும் சிறப்புக் குழு நியமிக்கப்பட்டுள்ளது. இந்தக் குழு பல்வேறு நாடுகளில் தற்போது பயன்பாட்டில் இருக்கும் ஒரே டிக்கெட் முறையை எவ்வாறு செயல்படுத்துகிறார்கள் என்பதை ஆராய்ந்து, மும்பைக்கான திட்டத்தைக் கொண்டு வருகிறது.

இந்த திட்டத்தில், புறநகர் ரயில் சேவை, பிரிஹன் மும்பை எலக்ட்ரிக் சப்ளை மற்றும் டிரான்ஸ்போர்ட்-ன்(BEST) பேருந்து சேவை,செம்புர் - வடாலா - ஜேகோப் சர்கிள் மோனோ ரயில் சேவை ஆகியவை இணைக்கப்படும்.

இந்த திட்டத்தில் பயணிகள் ஸ்மார்ட் கார்டு வசதியுடன் அனைத்து போக்குவரத்து சாதனங்களையும் பயன்படுத்த அனுமதிக்கப்படுவார்கள். இந்த திட்டத்தை செயல்படுத்துவதற்கு மகாராஷ்டிர முதல்வர் தேவேந்திர ஃபட்னவிஸ் ஆர்வம் காட்டி வருகிறார்.

இந்த திட்டத்தின் படி, அனைத்து மெட்ரோ சேவையையும் முதலில் ஒன்றிணைக்கப் போகிறோம். இந்த சேவையில் ஏற்கனவே தானியங்கி கதவுகள் இருப்பது திட்டத்தை செயல்படுத்த வசதியாகியுள்ளது.

அனைத்து மெட்ரோ சேவைகளையும் ஒன்றிணைத்த பிறகு, அதனுடன் பேருந்து சேவை இணைக்கப்படும். அதற்காக தற்போது பேருந்து டிக்கெட் முறையில் புதிய தொழில்நுட்பத்தை மாற்றும் நடவடிக்கையும் எடுக்கப்பட்டுள்ளது.

அதன்பிறகுதான் ரயில் சேவையை இணைக்க முடியும். ஏன் என்றால் அதிகப்படியான உள்கட்டமைப்புகளை இதற்காக மாற்ற வேண்டும். தானியங்கி கதவு கொண்ட ரயில் நிலையங்கள், ரயில்களைக் கொண்டு வருவது போன்றவை இந்த திட்டத்தின் இறுதி கட்டத்தில் செய்து முடிக்கப்படும்.

டிரான்ஸ்போர்ட் ஃபார் லண்டனில் செயல்படுத்தப்படும் இந்த திட்டத்தை அடிப்படையாகக் கொண்டு மும்பையில் இந்த திட்டம் அறிமுகப்படுத்த திட்டமிடப்பட்டது குறிப்பிடத்தக்கது.

‘செண்பகமே... செண்பகமே’  பாடல் புகழ் நிஷாந்தி இப்போது என்ன செய்து கொண்டிருக்கிறார்?!

By சரோஜினி  |   Published on : 31st October 2017 05:45 PM  

Ads by Kiosked

தமிழ் ரசிகர்களுக்குப் பானுப்ரியாவை ஞாபகமிருக்கக் கூடும். பானுப்ரியாவுக்கு சாந்திப்ரியா @ நிஷாந்தி என்ற பெயரில் ஒரு தங்கை இருந்தாரே அவரை நினைவிருக்கிறதா? அவர் உங்கள்நினைவிலிருந்தாலும் இல்லாவிட்டாலும் கூட அவர் நடித்த திரைப்படங்களில் இடம்பெற்ற நினைவை விட்டு நீங்காத சில சாகாவரம் பெற்ற பாடல்கள் ராஜாவின் இசை உள்ள வரை நம் எல்லோருக்குமே
எப்போதும் நினைவிலிருக்கும். யோசித்துப் பாருங்கள்...

எங்க ஊரு பாட்டுக்காரன் திரைப்படத்தில் ராஜா இசையில், ஆஷா போஸ்லே பாடிய செண்பகமே, செண்பகமே பாடல் யாருக்காவது மறக்குமா என்ன? அதே... அதே!

நிஷாந்தி தமிழில் சில திரைப்படங்களில் நடித்தார், பிறகு டோலிவுட் பக்கம் சென்றவர் அப்படியே பாலிவுட்டுக்குப் பிளைட் பிடித்து சென்று செட்டிலானவர் தான் பிறகு தமிழ் பக்கம் வரவே இல்லை.

பாலிவுட்டில் நடித்துக் கொண்டிருந்த போது பிரபல பாலிவுட் பட அதிபர், தயாரிப்பாளர் கம் நடிகரான வி.சாந்தாராமின் பேரனான சித்தார்த்ராயைத் திருமணம் செய்து கொண்டு நடிப்புக்கு முழுக்குப் போட்டு விட்டு இரு மகன்களைப் பெற்றெடுத்தார் சாந்திப்ரியா @ நிஷாந்தி. வாழ்க்கை அப்படியே சென்று கொண்டிருந்தால் ஒரு தெளிந்த நீரோடையாகத்தான் இருந்திருக்கக் கூடும். ஆனால் வாழ்க்கை எப்போதும் தெளிந்த நீரோடையாக மட்டுமே இருந்து விடுவதில்லையே! நிஷாந்தியின் வாழ்விலும் அப்படியோர் சோதனை வந்தது. தனது கணவர் சித்தார்த் ராயை 2004 ஆம் ஆண்டில் ஒரு ஹார்ட் அட்டாக்கில் பறிகொடுத்தார். இப்போது தன் இரு மகன்களுடன் மும்பையில் வசிக்கும் நிஷாந்தி தனது கணவரது குடும்பத்துக்குச் சொந்தமான ‘ராஜ்கமல்’ ஸ்டுடியோவின் நிர்வாக வேலையில் பங்கெடுத்துக் கொண்டு வருவதாக டோலிவுட் பேட்டியொன்றில் தெரிவித்துள்ளார். அதுமட்டுமல்ல, தமிழ், தெலுங்கு, இந்தி எந்த மொழியானாலும் சரி நடிப்பதற்கான வாய்ப்புகள் வந்தால் தற்போது அதை ஏற்றுக் கொண்டு செய்ய தனக்கு நிறைய அவகாசம் இருப்பதால் நடிப்பதிலும் ஆர்வம் செலுத்துவதாகத் தெரிவித்துள்ளார்.

அக்கா பானுப்ரியா போலவே நிஷாந்தியும் இப்போது அம்மா, அக்கா, அண்ணி, அல்லது சிறப்பு குணச்சித்திர வேடங்கள் என எதில் நடிக்கவும் ஆர்வமாக இருக்கிறார். ஆனால் ஒரே ஒரு கண்டீஷன்... அவருக்கான கதாபாத்திரம் வெறுமே திரையில் வந்து செட் பிராப்பர்ட்டி போல நின்று விட்டுச் செல்வதாக இருக்கக் கூடாது. நடிப்புத் திறனை வெளிப்படுத்த வாய்ப்புள்ள வேடங்கள் எனில் இளம் இயக்குனர்கள் நிஷாந்தியை அணுகலாம். அவர் நடிக்கத் தயார். என நிஷாந்தியே தனது பேட்டியில் தெரிவித்துள்ளார்.

நடிகை அமலாபால் கார் வாங்கியதில் துறை ரீதியில் எந்த தவறும் இல்லை: போக்குவரத்து அமைச்சர் ஷாஜஹான்

By பா.சுஜித்குமார்  |   Published on : 31st October 2017 08:17 PM  

புதுச்சேரி:  நடிகை அமலாபால் கார் வாங்கியதில் துறைரீதியில் எந்த தவறும் நடைபெறவில்லை என போக்குவரத்து அமைச்சர் எப்.ஷாஜஹான் தெரிவித்துள்ளார்.

அவர் செவ்வாய்க்கிழமை இரவு செய்தியாளர்களிடம் கூறியதாவது:

கர்நாடகத்தில் பென்ஸ்கார் வாங்கிய நடிகை அமலாபால் அதற்கு சட்டரீதியாக தற்காலிக பதிவெண் பெற்று புதுச்சேரிக்கு எடுத்து வந்து 8.8.2017ல் விண்ணப்பத்தை  சமர்ப்பித்தார். போக்குவரத்துத்துறை சட்டவிதிகள் படி ஒருவர் ஒரு வாகனத்தை பதிவு செய்ய கீழ்கண்டவற்றை  வாக்காளர் அட்டை, எல்ஐசி பாலிசி, கடவுச்சீட்டு, பள்ளி சான்று, பிறப்புச் சான்று, பிரமாண பத்திரம் ஆதாரங்களாக தாக்கல் செய்யலாம். இது இருப்பிடத்தை உறுதி செய்யும்.

அமலாபால், தனது கையெழுத்துடன் கூடிய பத்திரத்தை தாக்கல் செய்தார். திலாசுபேட்டையில் வாடகை வீட்டில் இருப்பதற்கான இருப்பிடச் சான்று தாக்கல் செய்துள்ளார். அத்துடன் எல்ஐசி பாலிசியும் இம்முகவரியில் இருந்து தந்துள்ளார்.

இந்தியாவில் எங்கு வேண்டுமானாலும் வாகனம் வாங்கலாம். அதில் போக்குவரத்து விதிப்படி தடையில்லை. கர்நாடகத்தில் வாகனம் வாங்கி தற்காலிக பதிவெண் பெற்று புதுச்சேரியில் நிரந்தர பதிவெண் பெற்றார். இங்கிருந்து வேறொரு மாநிலத்துக்கு சென்றால் அந்த மாநிலத்தில் பதிவெண் பெற ஓராண்டுக்கு கால அவகாசம் உள்ளது.

தற்போது எஸ்எஸ்பி ராஜீவ்ரஞ்சன் தலைமையில் போலீஸôர் அந்த இருப்பிடத்தில் சென்று விசாரித்தனர். அதில் தவறு இல்லை என்று தெரிந்தது. துறை ரீதியாக ஊழல் தவறு நடக்கவில்லை. சட்டரீதியாக நடந்துள்ளது.

கேரள அரசு தகவல் கேட்டால் தர தயாராக இருக்கிறோம். ஆனால் இதுவரை யாரும் கேட்கவில்லை. இதில் தவறே நடக்கவில்லை. விதிமுறைப்படிதான் நடந்துள்ளது. ஓராண்டுக்குள் பதிவெண் பெறாவிட்டால் அந்த மாநிலம் தான் நடவடிக்கை எடுக்கவேண்டும்.

ஆளுநர் தவறு நடந்ததாக எதை கூறுகிறார். ஆவணங்களை தாக்கல் செய்தவுடன் அதை சரிபார்த்து பதிவு செய்து வருகிறோம். யார் வேண்டுமானாலும் எங்கு வேண்டுமானாலும் பதிவு செய்யலாம். ஆளுநர் எந்த நோக்கில் குற்றம் சாட்டினார் தெரியவில்லை. அனைத்து ஆவணங்களும் இருக்கின்றன. அமலாபால் வாகனம் பதிவு செய்து இரண்டரை மாதங்கள் மட்டுமே ஆகிறது. மேலும் 8 மாதங்களுக்கு மேல் கால அவகாசம் இருக்கிறது.

புதுச்சேரியில் வரி குறைவு என்பது அந்தந்த மாநிலம் எடுக்கும் முடிவு. பெட்ரúôல், டீசல், மதுபானங்கள் இங்கு விலை குறைவு. மாநில வருவாய்க்காக வரியை குறைத்து வைத்துள்ளோம். அதில் தவறு இல்லை. வரி உள்ளூர், வெளியூர் என்று இல்லை. சாலை வரி ஜிஎஸ்டியில் வரவில்லை. வரியை நிர்ணயிக்க அரசுக்கு சுதந்திரமுள்ளது.

பெட்ரோல், டீசல் விற்பனை அதிகளவு உள்ளது . வெளிமாநில வாகனங்களும் இங்கு நிரப்பி செல்கின்றனர். அது தவறு என கூற இயலாது. போலி முகவரி என்று ஆதாரம் இருந்தால் நடவடிக்கை எடுப்போம். ஆனால், அமலாபால் விவகாரத்தில் தங்கும் இடத்துக்கான சான்று தரப்பட்டுள்ளது. முகவரி பரிசோதனை போக்குவரத்துத்துறை செய்ய இயலாது.  ஆர்டிஓ வாகனம் பதிவு செய்வோர் முகவரியை ஆய்வு செய்ய வேண்டியதில்லை.

மத்திய அரசின் சட்டப்படியே செயல்படுகிறோம். முகவரியில் ஆதார் இணைக்க வேண்டும் போக்குவரத்து சட்டவிதியில் இல்லை. அவ்வாறு மத்திய அரசு உத்தரவிட்டால் அதை செய்ய தயாராக இருக்கிறோம். மாதம் தோறும் 5 ஆயிரத்துக்கு மேற்பட்ட 2 சக்கர வாகனங்களும், 650 கார்களுக்கும் பதிவெண் பெறப்படுகிறது. ஆம்னி பஸ்களுக்கு ஒரு இருக்கைக்கு மூன்று மாதங்களுக்கு ஒரு முறை ஒரு இருக்கைக்கு ரூ. 1200 செலுத்த வேண்டும். ஆம்னி பஸ்கள் மாதம் எவ்வளவு பர்மிட் பெறப்படுகிறது என்ற தகவல் தற்போது இல்லை. ஆளுநரிடம் 15 நாட்களுக்குள் அறிக்கை தாக்கல் செய்வோம்.

தவறு நடந்ததாக மாயை. தவறு நடக்கவில்லை.  தனிப்பட்ட முறையில் அவருடன் மோதலில்லை. இதுதொடர்பான முழு தகவல்கள் கேட்டால் தருவோம் என்றார் ஷாஜஹான்.

உணவின்றி, 96 வயது தாயை வீட்டுக்குள் வைத்துப் பூட்டிவிட்டு சுற்றுலா சென்ற மகன்

By DIN  |   Published on : 31st October 2017 11:40 AM 

கொல்கத்தா: கொல்கத்தாவை அடுத்த அனந்தாபுர் பகுதியில் வசித்து வந்த பிகாஷ், தனது 96 வயது தாயை 4 நாட்களாக உணவின்றி, வீட்டுக்குள் வைத்துப் பூட்டிவிட்டு அந்தமானுக்கு சுற்றுலா சென்ற சம்பவம் பெரும் அதிர்ச்சியை ஏற்படுத்தியுள்ளது.

அனந்த்புர் பகுதியைச் சேர்ந்த சபிதா நாத் (96) தனது மூத்த மகன் பிகாஷுடன் வசித்து வந்தார். இந்த நிலையில், கடந்த 4 நாட்களுக்கு முன்பு சபிதா உறங்கிக் கொண்டிருக்கும் போது, அவரது அறையை பூட்டிவிட்டு மகன் வெளியே சென்றுவிட்டார்.

தொடர்ந்து 4 நாட்களுக்கும் மேல் அவர் உணவின்றி பூட்டிய அறையில் இருந்துள்ளார். கடந்த ஞாயிறன்று சபிதாவின் மகள், தாயைக் காண வீட்டுக்கு வந்த போது வீடு வெளியே பூட்டியிருந்தது. ஆனால், வீட்டுக்குள் இருந்து சத்தம் கேட்டதால், அக்கம் பக்கத்தினர் மற்றும் காவல்துறை உதவியோடு வீட்டுக்குள் நுழைந்தார்.

அங்கு உணவின்றி, சோர்ந்த நிலையில் இருந்த சபிதாவைப் பார்த்ததும் மகள் ஜெயஸ்ரீ கதறி அழுதார். 

அப்போதுதான், கடந்த புதன்கிழமை இரவு, தனது தாயை வீட்டுக்குள் பூட்டிவிட்டு, விடுமுறையைக் கழிக்க பிகாஷ் அந்தமான் - நிக்கோபார் சென்று விட்டது தெரிய வந்தது.

இது குறித்து சபிதா கூறுகையில், நான் உறங்கிக் கொண்டிருந்தேன். அப்போது கதவை வெளியில் இருந்து பூட்டிவிட்டுச் சென்று விட்டான். சாவியை வேலைக்காரியிடம் கொடுத்துவிட்டுச் சென்றான். மறுநாள் வேலைக்காரி வந்து எனக்கு உணவளித்துவிட்டு மீண்டும் வீட்டைப் பூட்டிவிட்டுச் சென்று விட்டார். ஆனால் அதன் பிறகு அவள் வரவேயில்லை. இந்த சிறிய அறைக்குள் இருந்தது எனக்கு மிகவும் மூச்சுத்திணறலை ஏற்படுத்தியது. 2 முறை வாந்தி எடுத்தேன். பிறகுதான் தெரிந்தது. அவன் அந்தமானுக்கு சுற்றுலா சென்றது" என்கிறார்.

வீட்டில் இருந்து மீட்கப்பட்ட தனது தாயை ஜெயஸ்ரீ, தன்னுடன் அழைத்துச் சென்றுவிட்டார். சபிதாவுக்கு 5 மகள்களும், ஒரு மகனும் இருக்கின்றனர்.

மத்திய செம்மொழி தமிழாய்வு நிறுவனம்: ஒப்பந்த பணியாளர்களை பணி நிரந்தரம் செய்ய உத்தரவு

By DIN  |   Published on : 01st November 2017 01:15 AM  

மத்திய செம்மொழி தமிழாய்வு நிறுவனத்தில் ஒப்பந்த அடிப்படையில் பணிபுரிந்து வரும் 13 பேரை 4 மாத காலத்துக்குள் பணி நிரந்தரம் செய்ய சென்னை உயர் நீதிமன்றம் உத்தரவிட்டது.
சென்னையில் கடந்த 2007 -ஆம் ஆண்டு மத்திய செம்மொழி தமிழாய்வு நிறுவனம் தொடங்கப்பட்டது. இந்த நிறுவனத்தில் ஒப்பந்த அடிப்படையில் பேராசிரியர்கள் மற்றும் அலுவலகப் பணியாளர்கள் நியமிக்கப்பட்டனர். இந்நிலையில் கடந்த 2012 -ஆம் ஆண்டு செம்மொழி தமிழாய்வு நிறுவனம் பேராசிரியர், விரிவுரையாளர் உள்ளிட்ட பல்வேறு நிர்வாகப் பணியிடங்களுக்கான விண்ணப்பங்களை வரவேற்று அறிவிப்பாணை வெளியிட்டது.
பணி நிரந்தரம் கோரி... இந்த அறிவிப்பாணையை ரத்து செய்யக் கோரியும், ஒப்பந்த அடிப்படையில் பணிபுரியும் தங்களை பணி நிரந்தரம் செய்யக் கோரியும் ஆரோக்கியதாஸ் என்பவர் உள்பட 13 பேர் உயர் நீதிமன்றத்தில் வழக்கு தொடர்ந்தனர்.
இந்த வழக்கு நீதிபதி வி.பார்த்திபன் முன் செவ்வாய்க்கிழமை விசாரணைக்கு வந்தது. அப்போது மனுதாரர்கள் தரப்பில் ஆஜரான மூத்த வழக்குரைஞர், 'இந்த 13 பேரும் தேர்வுக் குழுவினரால் முறையாக தேர்வு செய்யப்பட்டு, கடந்த 2007 -ஆம் ஆண்டு முதல் பணிபுரிந்து வருகின்றனர். இவர்களை நீக்கிவிட்டு புதியவர்களை அந்த இடத்துக்குக் கொண்டு வரவே அறிவிப்பாணை வெளியிடப்பட்டுள்ளது. எனவே, 13 பேரையும் பணி நிரந்தரம் செய்ய வேண்டும்' என வாதிட்டார்.
செம்மொழி நிறுவனம் தரப்பில்... செம்மொழி தமிழாய்வு நிறுவனம் சார்பில் ஆஜரான வழக்குரைஞர், 'மனுதாரர்களைப் பணியில் நியமிக்கும்போது இந்த பணியிடங்களுக்காக ஒப்புதல் பெறவில்லை. மேலும் அப்போது முறையான தேர்வு விதிகளும் வகுக்கப்படாததால், சட்ட அங்கீகாரமும் இல்லை என்பதால் அவர்களைப் பணி நிரந்தரம் செய்ய முடியாது' என வாதிட்டார். இருதரப்பு வாதங்களையும் கேட்ட நீதிபதி, 'மனுதாரர்களின் பணி நியமனம் சட்டவிரோதமானது அல்ல. அந்த 13 பேரும் முறையாகத்தான் தேர்வு செய்யப்பட்டுள்ளனர். புதிதாக கொண்டு வந்துள்ள பணி நியமன விதிகளைக் காரணம்காட்டி அவர்களின் உரிமையைப் பறிக்க முடியாது. 
தாற்காலிக பணியாளர்களைப் பணி நிரந்தரம் செய்வது குறித்து கடந்த ஜனவரி மாதமே மத்திய அரசு, செம்மொழி தமிழாய்வு நிறுவனத்துக்கு கடிதம் அனுப்பியுள்ளது. எனவே, இந்த 13 பேரையும் பணி நிரந்தரம் செய்ய எந்தத் தடையும் இல்லை. இவர்களை 4 மாத காலத்துக்குள் பணி நிரந்தரம் செய்ய வேண்டும்' எனக் கூறி, கடந்த 2012 - ஆம் ஆண்டு வெளியிடப்பட்ட அறிவிப்பாணையை ரத்து செய்து உத்தரவிட்டார்.

தமிழகத்துக்கு 4 விரைவு ரயில்கள் அறிமுகம்

By DIN  |   Published on : 01st November 2017 01:06 AM  

தமிழகத்துக்கு 4 விரைவு ரயில்கள் இந்தாண்டு அறிமுகம் செய்யப்படவுள்ளதாக தெற்கு ரயில்வே தெரிவித்துள்ளது. தமிழகத்தில் முன்பதிவில்லா விரைவு ரயில்கள் அறிமுகம் செய்யப்படவுள்ளன. புதிய ரயில்கள் அடுத்த ஆண்டு அக்டோபர் மாதத்துக்குள்ளாக பயன்பாட்டுக்கு வரும்.
புதிய விரைவு ரயில்கள்:
பகத் கி கோத்தி (ராஜஸ்தான்) - தாம்பரம் வாராந்திர ஹம்சவர் விரைவு ரயில்
ரயில் எண் 14815/15816: ராஜஸ்தான் மாநிலம் பகத் கி கோத்தி ரயில் நிலையத்தில் இருந்து ஒவ்வொரு புதன்கிழமை பிற்பகல் 3.20 மணிக்குப் புறப்பட்டு வெள்ளிக்கிழமை காலை 10.45 மணிக்கு எழும்பூர் வந்தடையும். அதேபோல, ஒவ்வொரு வெள்ளிக்கிழமை இரவு 7.15 மணிக்கு தாம்பரத்தில் இருந்து புறப்பட்டு ஞாயிற்றுக்கிழமை காலை 7.30 மணிக்கு பகத் கி கோத்தி ரயில் நிலையத்துக்கு சென்றடையும். 
தாம்பரம் - திருநெல்வேலி தினசரி முன்பதிவில்லா விரைவு ரயில்
ரயில் எண் 16191: தாம்பரத்தில் இருந்து நள்ளிரவு 12.30 மணிக்கு புறப்பட்டு பிற்பகல் 3.30 மணிக்கு திருநெல்வேலி சென்றடையும். 
ரயில் எண் 16192: திருநெல்வேலியில் இருந்து மாலை 5.30 மணிக்கு புறப்பட்டு மறுநாள் காலை 9.45 மணிக்கு தாம்பரம் வந்தடையும்.
இந்த ரயில் செங்கல்பட்டு, விழுப்புரம், சிதம்பரம், மயிலாடுதுறை, கும்பகோணம், தஞ்சாவூர், திருச்சி, திண்டுக்கல், கொடைக்கானல் சாலை, மதுரை, விருதுநகர், கோவில்பட்டி ரயில் நிலையங்களில் நின்று செல்லும். 
தாம்பரம் - செங்கோட்டை தினசரி முன்பதிவில்லா ரயில் 
ரயில் எண் 16189: தாம்பரத்தில் இருந்து காலை 7 மணிக்குப் புறப்பட்டு செங்கோட்டைக்கு இரவு 10.30 மணிக்கு சென்றடையும்.
ரயில் எண் 16190: செங்கோட்டையில் இருந்து இரவு 10.30 மணிக்கு புறப்பட்டு மறுநாள் காலை 6 மணிக்கு தாம்பரம் வந்தடையும்.
இந்த ரயில் செங்கல்பட்டு, மேல்மருவத்தூர், விழுப்புரம், சிதம்பரம், மயிலாடுதுறை, கும்பகோணம், தஞ்சாவூர், திருச்சி, புதுக்கோட்டை, காரைக்குடி, மானாமதுரை, அருப்புக்கோட்டை, விருதுநகர், சிவகாசி, ராஜபாளையம், சங்கரன்கோவில், தென்காசி ரயில் நிலையங்களில் நின்று செல்லும்.
சென்னை சென்ட்ரல் - மதுரை ஏசி அதிவிரைவு வாராந்திர ரயில் 
ரயில் எண் 20601: சென்னை சென்ட்ரலில் இருந்து ஒவ்வொரு வெள்ளிக்கிழமையும் இரவு 10.30 மணிக்கு புறப்பட்டு மறுநாள் காலை 7.20 மணிக்கு மதுரை சென்றடையும்.
ரயில் எண் 20602: ஒவ்வொரு ஞாயிற்றுக்கிழமையும் மதுரையில் இருந்து இரவு 10.45 மணிக்கு புறப்பட்டு சென்னை சென்ட்ரலுக்கு மறுநாள் காலை 7.40 மணிக்கு வந்தடையும். இந்த ரயில் காட்பாடி, சேலம், கரூர், திண்டுக்கல், பெரம்பூர் ரயில் நிலையங்களில் நின்று செல்லும்.
நீட்டிக்கப்படும் விரைவு ரயில் சேவைகளின் விவரம்
(நவ. 1 முதல் அமல்)
சென்னை சென்ட்ரல் - பழனி விரைவு பாலக்காடு வரை நீட்டிப்பு
ரயில் எண் 22651/22652: சென்னை சென்ட்ரல் - பழனி விரைவு ரயில் பாலக்காடு வரை பொள்ளாச்சி வழியாக செல்லும் வகையில் நீட்டிக்கப்பட்டுள்ளது. இந்த நீட்டிக்கப்பட்ட ரயில் சேவைபுதன்கிழமை முதல் தொடங்குகிறது. இந்த ரயில் சென்னை சென்ட்ரலில் இருந்து இரவு 9.40 மணிக்கு புறப்பட்டு பழனிக்கு காலை 7.15/7.20 மணிக்குச் சென்றடையும். பின்பு, பொள்ளாச்சிக்கு 9/ 9.05 மணிக்கும், பாலக்காட்டுக்கு காலை 11 மணிக்கு சென்றடையும்.
மறுமார்க்கத்தில் பாலக்காட்டில் இருந்து பிற்பகல் 3 மணிக்கு புறப்பட்டு பொள்ளாச்சிக்கு மாலை 4.25/4.30-க்கு, பழனிக்கு மாலை 5.55/ 6 மணிக்கு, பின்பு சென்னை சென்ட்ரலுக்கு மறுநாள் காலை 4.15 மணிக்கு வந்தடையும்.
திருவனந்தபுரம் - பாலக்காடு அம்ரிதா விரைவு ரயில் மதுரை வரை நீட்டிப்பு 
ரயில் எண் 16343/16344: திருவனந்தபுரத்தில் இருந்து இரவு 10.30 மணிக்கு புறப்பட்டு பாலக்காடுக்கு காலை 7.45/7.50, பின்பு மதுரைக்கு பிற்பகல் 1.10 மணிக்கு சென்றடையும். மறுமார்கத்தில், மதுரையில் இருந்து பிற்பகல் 3.45 மணிக்கு புறப்பட்டு, பாலக்காடுக்கு இரவு 9.15/9.20, பின்பு திருவனந்தபுரத்துக்கு மறுநாள் காலை 6.25 மணிக்கு சென்றடையும்.
சென்னை எழும்பூர் - திருவனந்தபுரம் 
அனந்தபுரி விரைவு கொல்லம் வரை நீட்டிப்பு
ரயில் எண் 16723: சென்னை எழும்பூரில் இருந்து இரவு 7.50 மணிக்கு புறப்பட்டு, திருவனந்தபுரத்துக்கு மறுநாள் காலை 11.40/11.45 மணி, பின்பு கொல்லத்துக்கு பிற்பகல் 1 மணிக்கு சென்றடையும்.
மறுமார்க்கத்தில் கொல்லத்தில் இருந்து பிற்பகல் 3 மணிக்கு புறப்பட்டு திருவனந்தபுரத்துக்கு மாலை 4.05/4.10 மணி, பின்பு சென்னை எழும்பூருக்கு அதிகாலை 8.05 மணிக்கு வந்தடையும்.
மன்னை விரைவு ரயில் தஞ்சையில் நிற்காது
ரயில் எண் 16179/16180: சென்னை எழும்பூரில் இருந்து தினசரி மன்னார்குடி செல்லும் மன்னை விரைவு ரயில் இனி தஞ்சாவூரில் நிற்காது என தெரிவிக்கப்பட்டுள்ளது. அதற்கு பதிலாக நீடாமங்கலத்தில் நிறுத்தப்படும். சென்னை எழும்பூரில் இருந்து இரவு 9.20 மணிக்கு புறப்பட்டு நீடாமங்கலம் அதிகாலை 3.38/3.40 மணி, பின்பு மன்னார்குடி காலை 4.45 மணி. மறுமார்கத்தில், மன்னார்குடியில் இருந்து இரவு 10.25 புறப்பட்டு, நீடாமங்கலம் இரவு 10.38/10.40 மணி, பின்பு சென்னை எழும்பூருக்கு அதிகாலை 5.45 மணிக்கு வந்தடையும்.

அரசு ஊழியருக்கு புதிய ஊதிய அறிவிப்பு: நவம்பர் 30 -இல்தான் அமல் 

By DIN  |   Published on : 01st November 2017 04:45 AM  

அரசு ஊழியர்கள், ஆசிரியர்களுக்கு ஏழாவது ஊதியக் குழு பரிந்துரைகள் நடைமுறைப்படுத்தப்பட்டாலும், ஊதிய உயர்வானது நவம்பர் மாதத்தில் இருந்தே நடைமுறைக்கு வருகிறது. இதனால், உயர்த்தப்பட்ட மாத ஊதியத்தை நவம்பர் 30 -ஆம் தேதிதான் அரசு ஊழியர்கள், ஆசிரியர்கள் பெற முடியும். மேலும், அக்டோபர் மாதத்துக்கான நிலுவைத் தொகை, 20 நாள்களில் அளிக்கப்படும் என நிதித் துறை தெரிவித்துள்ளது.
தமிழக அரசு ஊழியர்கள், ஆசிரியர்களுக்கு ஏழாவது ஊதியக் குழுவின் பரிந்துரைகள் நடைமுறைப்படுத்தப்பட்டுள்ளன. இந்த பரிந்துரைகளின்படி, ஒவ்வொரு ஊழியருக்கும் மாத ஊதியமானது உயர்த்தி அளிக்கப்பட்டுள்ளது. இந்த உயர்த்தப்பட்ட ஊதியமானது, அக்டோபர் 30 -ஆம் தேதியே வழங்கப்படும் என எதிர்பார்க்கப்பட்ட நிலையில். தமிழக அரசின் நிதித் துறையானது புதிய உத்தரவைப் பிறப்பித்துள்ளது.
நவம்பர் இறுதியில் முழுமையாக... இந்த உத்தரவுப்படி, புதிய ஊதிய விகிதம், நவம்பர் மாத இறுதியில் இருந்து (நவ.30) நடைமுறைக்கு வரும். ஊதியம் வழங்குவதற்கான மின்னணு சம்பளப் பட்டியலானது, உயர்த்தப்பட்ட ஊதிய விகிதத்துக்கு தகுந்தாற்போன்று திருத்தம் செய்யப்பட வேண்டும். இதற்காக, தேசிய தகவலியல் மையம் கேட்டுக் கொள்ளப்பட்டுள்ளது. இந்தப் பணிகள் முடிந்ததும், நவம்பர் 30 -இல் உயர்த்தப்பட்ட ஊதியம் அளிக்கப்படும். அக்டோபர் 30 -ஆம் தேதியன்று, பழைய ஊதியமே அளிக்கப்பட்டுள்ளது. இதனால், அக்டோபர் மாதத்துக்கான உயர்த்தப்பட்ட ஊதியமானது நிலுவைத் தொகையாக நவம்பர் 20 -ஆம் தேதிக்குள் வழங்கப்படும் என தமிழக அரசு தெரிவித்துள்ளது.
 

விபத்து பலிக்கு இழப்பீடு : சுப்ரீம் கோர்ட் புதிய உத்தரவு

பதிவு செய்த நாள்

31அக்
2017
22:41

புதுடில்லி: சாலை விபத்தில் உயிரிழப்பவரின் குடும்பத்தாருக்கு இழப்பீடு வழங்கும்போது, உயிரிழந்தவரின் எதிர்கால வருமானத்தை கணக்கிடுவதில், புதிய உத்தரவை, உச்ச நீதிமன்றம் பிறப்பித்துள்ளது.

சாலை விபத்தில் உயிரிழப்பவரின் குடும்பத்தாருக்கு, மோட்டார் வாகனச் சட்டத்தின்படி, காப்பீட்டு நிறுவனங்கள் மூலம் இழப்பீடு வழங்கப்படுகிறது. இந்த சட்டத்தின்படி, இழப்பீடு வழங்கும்போது, உயிரிழந்தவரின் எதிர்கால வருமானம் கணக்கிடுவது தொடர்பாக, உச்சநீதிமன்றத்தில், 27 வழக்குகள் தொடரப்பட்டன. தலைமை நீதிபதி, தீபக் மிஸ்ரா தலைமையிலான, ஐந்து நீதிபதிகள் அடங்கிய அரசியலமைப்பு சட்ட அமர்வு, இவ்வழக்குகளை விசாரித்தது. எதிர்கால வருமானம் குறித்து அமர்வு அளித்துள்ள உத்தரவில் கூறியுள்ளதாவது:
சாலை விபத்தில் ஒருவர் உயிரிழக்கும்போது, அவருடைய குடும்பத்தாருக்கு வழங்கும் இழப்பீட்டில், அவருடைய எதிர்கால வருமானம் குறித்து கணக்கிடுவதற்கு, புதிய வழிமுறை வகுக்கப்படுகிறது. அதன்படி, தனியார் அல்லது அமைப்பு சாரா நிறுவனங்களில், நிரந்தரப் பணியாளராக இருந்து சம்பளம் வாங்கியவர், 40 வயதுக்குள் இறந்தால், அவருடைய சம்பளத்துடன், 50 சதவீதம் கூடுதல் தொகையை, எதிர்கால வருவாயாக கணக்கிட வேண்டும். 
அதேபோல, 40 முதல் 50 வயதுள்ளவர்களுக்கு, 30 சதவீதம்; 50 முதல் 60 வயதுக்குட்பட்டவர்களுக்கு, 15 சதவீதமாகவும், எதிர்கால வருவாயை கணக்கிட வேண்டும். சம்பளம் என்பது, வரிக்கு பிந்தைய தொகை. உயிரிழந்தவர், சுய தொழில் செய்பவராக அல்லது தொகுப்பூதியம் பெறுபவராக இருந்தால், 40 வயதுக்குட்பட்டவருக்கு, 40 சதவீதத்தை, எதிர்கால வருவாயாக கணக்கிட வேண்டும். 40 முதல் 50 வயதுக்கு, 25 சதவீதம்; 50 முதல் 60 வயதுக்கு, 10 சதவீதமாகவும் கணக்கிட வேண்டும். இதுதவிர, உறவை இழந்ததால் ஏற்படும் இழப்பீடு மற்றும் இறுதி சடங்குகளுக்கான தொகையை, மூன்றாண்டுகளுக்கு ஒருமுறை, 10 சதவீதம் உயர்த்தி கணக்கிட வேண்டும். இவ்வாறு அமர்வு உத்தரவிட்டுள்ளது.

மத்திய அரசு ஊழியர்கள் 16 பேர் கைது

பதிவு செய்த நாள்

31அக்
2017
22:49

தங்களுக்கு ஒதுக்கப்பட்ட குடியிருப்புகளை, கூடுதல் தொகைக்கு வாடகைக்கு விட்ட, 16 மத்திய அரசு ஊழியர்களை, சி.பி.ஐ., அதிகாரிகள் கைது செய்துள்ளனர்.
சென்னை, கே.கே. நகரில், மத்திய அரசு ஊழியர்களுக்கான குடியிருப்பு உள்ளது. அங்கு, மத்திய அரசின் பல்வேறு துறைகளில் பணிபுரியும் ஊழியர்களுக்கு, குறைந்த வாடகையில், வீடு ஒதுக்கப்பட்டு உள்ளது. 
அங்கு ஒதுக்கீடு பெற்ற பலர், அவற்றை, மத்திய அரசில் பணிபுரியாத பலருக்கு, அதிக வாடகைக்கு விடுவதாக குற்றச்சாட்டு எழுந்தது.
இதனால், சில மாதங்களுக்கு முன், அங்கு, சி.பி.ஐ., அதிகாரிகள் திடீர் சோதனை நடத்தியதில், குற்றச்சாட்டு உறுதி என, தெரிய வந்தது. இதையடுத்து, சி.பி.ஐ., வழக்கு பதிந்து, 16 ஊழியர்களையும் கைது செய்துள்ளது. அவர்கள் மீது, துறை ரீதியான நடவடிக்கை எடுக்கப்படும் என, தெரிகிறது.

- நமது நிருபர் - 

'டெபிட் கார்டில்' மின் கட்டணம் : புதிய சேவையை அமைச்சர் துவக்கினார்

பதிவு செய்த நாள்

31அக்
2017
23:00

சென்னை: ''மழை காலத்தில், பாதுகாப்பு நடவடிக்கைக்காக, வீடுகளில் மின் சப்ளை நிறுத்தப்படுகிறது,'' என, மின் துறை அமைச்சர், தங்கமணி தெரிவித்தார்.

மின் கட்டண மையங்களில், 'டெபிட் கார்டு' பயன்படுத்தி, 'ஸ்வைப்பிங் மெஷின்' வாயிலாக, மின் கட்டணம் செலுத்தும் சேவையை, அமைச்சர் தங்கமணி, சென்னை, மின் வாரிய தலைமை அலுவலகத்தில், நேற்று துவக்கி வைத்தார். அதில், எரிசக்தி துறை செயலர், விக்ரம் கபூர், மின் வாரிய தலைவர், சாய்குமார் மற்றும் மின் வாரிய அதிகாரிகள் பங்கேற்றனர்.

பின், அமைச்சர் தங்கமணி கூறியதாவது:தமிழகத்தில், தடையில்லாமல் மின் சப்ளை செய்யப்படுகிறது. தற்போது, மழை காலம் என்பதால், புயல் மற்றும் காற்று வேகமாக வீசும்போது, மக்களின் பாதுகாப்பிற்காக, வீடுகளில் மின் தடை செய்யப்படுகிறது. மழை நின்றதும், மீண்டும் மின் சப்ளை துவங்கும். இனி, நுகர்வோர், மின் கட்டண மையங்களில், டெபிட் கார்டு பயன்
படுத்தி, எளிதில் கட்டணத்தை செலுத்தலாம். இந்த சேவையை, முதல் கட்டமாக, சென்னை, மயிலாப்பூரில் உள்ள, 16 கட்டண மையங்களில் பெறலாம். விரைவில், அனைத்து மையங்களுக்கும் விரிவுப்படுத்தப்பட இருக்கிறது.எளிய வகையில், வணிக மின் திட்டத்தின் கீழ், 'ஜி.எம்.ஆர்., கிருஷ்ணகிரி' நிறுவனத்துடன் ஒப்பந்தம் செய்யப்பட்டு உள்ளது. அதன்படி, அந்நிறுவனம், கிருஷ்ணகிரி மாவட்டம், உதனப்பள்ளியில் அமைக்க உள்ள தொழில் பூங்காவுக்கு, தனி வழித்தடத்தில், தடையில்லா மின் சப்ளை செய்யப்படும்.இவ்வாறு அவர் கூறினார்.

பிப்ரவரியில் இடமாற்றம்! : மின் வாரிய அலுவலகங்களில் பலர் ஒரே இடத்தில் பல ஆண்டுகளாக பணிபுரிகின்றனர். மூன்று ஆண்டுகளுக்கு மேல், ஒரே இடத்தில் பணி செய்வோரை இடமாற்றம் செய்ய, மின் வாரியம், செப்., மாதம் உத்தரவிட்டது. இது, அரசியல் செல்வாக்கு உள்ள, சில அதிகாரிகளுக்கு பிடிக்கவில்லை. அவர்களின் வலியுறுத்தலால், இடமாற்ற உத்தரவுக்கு காரணமான, மின் வாரிய விஜிலென்ஸ் டி.ஜி.பி.,யாக இருந்த மகேந்திரனை, சமீபத்தில் இடமாற்றம் செய்தனர். இந்நிலையில், அமைச்சர் தங்கமணி, 'மூன்று ஆண்டுகளுக்கு, ஒரே இடத்தில் 
உள்ளவர்களின் இடமாற்ற உத்தரவு, வரும் பிப்., முதல் அமல்படுத்தப்படும்' என நேற்று தெரிவித்தார்.

ரயில்களின் நேரம் மாற்றம் இன்று முதல் அமல்

பதிவு செய்த நாள்

31அக்
2017
22:47

சென்னை: தெற்கு ரயில்வே கால அட்டவணை, நேற்று வெளியிடப்பட்டது. சென்னை, சென்ட்ரல் - பழநி எக்ஸ்பிரஸ் உட்பட, மூன்று ரயில்கள், முக்கிய நகரங்கள் இடையே நீட்டிக்கப்பட்டுள்ளன. இவை, இன்று முதல் அமலுக்கு வருகின்றன.

நீட்டிக்கப்பட்டுள்ள ரயில்கள்:

 சென்னை, சென்ட்ரலில் இருந்து பழநிக்கு இயக்கப்படும், எக்ஸ்பிரஸ் ரயில், கேரள மாநிலம், பாலக்காடு வரை நீட்டிக்கப்பட்டுள்ளது. இந்த ரயில், சென்ட்ரலில் இருந்து, இரவு, 9:40 மணிக்கு புறப்பட்டு, மறு நாள் காலை, 11:00 மணிக்கு, பாலக்காடு சென்றடையும். அங்கிருந்து, மாலை, 3:00 மணிக்கு புறப்பட்டு, மறுநாள் அதிகாலை, 4:15 மணிக்கு, சென்ட்ரல் வந்தடையும்
 எழும்பூர் - திருவனந்தபுரம் அனந்தபுரி எக்ஸ்பிரஸ், கொல்லம் வரை நீட்டிக்கப்பட்டுள்ளது. இந்த ரயில், எழும்பூரில் இருந்து, இரவு, 7:50 மணிக்கு புறப்பட்டு, மறுநாள் மதியம், 1:00 மணிக்கு, கொல்லம் சென்றடையும். அங்கிருந்து மாலை, 3:00 மணிக்கு புறப்பட்டு, மறுநாள் காலை, 8:05 மணிக்கு, எழும்பூர் வந்தடையும்
 திருவனந்தபுரம் - பாலக்காடு அமிர்தா எக்ஸ்பிரஸ், பொள்ளாச்சி, பழநி வழியாக, மதுரைக்கு நீட்டிக்கப்பட்டுள்ளது. இந்த ரயில், திருவனந்த புரத்தில், இரவு, 10:30 மணிக்கு புறப்பட்டு, மறுநாள் மதியம், 1:10 மணிக்கு, மதுரை சென்றடையும். மதுரையில் இருந்து, மாலை, 3:45 மணிக்கு புறப்பட்டு, மறுநாள் காலை, 6:25 மணிக்கு, திருவனந்தபுரம் சென்றடையும்
 தஞ்சாவூர் - கும்பகோணம் பயணியர் ரயில், மயிலாடுதுறை வரையும், நாகூர் - திருச்சி பயணியர் ரயில், காரைக்கால் வரையும், திருச்செந்துார் - பழநி பயணியர் ரயில், பாலக்காடு வரையும் நீடிக்கப்பட்டுள்ளது.
எழும்பூர் - மன்னார்குடி மன்னை எக்ஸ்பிரஸ், மார்ச், 1 முதல் பாதை மாற்றி, திருவாரூர், நீடாமங்கலம், மன்னார்குடி வழியாக, இயக்கப்பட உள்ளது என, தெற்கு ரயில்வே தெரிவித்துள்ளது.

ரேஷன் கடையில் சர்க்கரை இன்று முதல் கிலோ ரூ.25

பதிவு செய்த நாள்

31அக்
2017
22:03

சென்னை: தமிழக ரேஷன் கடைகளில், கிலோ சர்க்கரை, 13.50 ரூபாய் என்ற குறைந்த விலைக்கு விற்கப்பட்டது. அனைத்து ரேஷன் கார்டுதாரர்களும், சர்க்கரை வாங்கினர். இந்நிலையில், இன்றுமுதல், சர்க்கரை விலையை, 25 ரூபாயாக உயர்த்த, தமிழக அரசு, சமீபத்தில் உத்தரவிட்டது. அதன்படி, இன்று முதல், சர்க்கரை விலை உயர்வு அமலுக்கு வருகிறது.
உணவுத் துறை அதிகாரி ஒருவர் கூறியதாவது:
சர்க்கரை விலை உயர்வால், ரேஷன் ஊழியர் - மக்கள் இடையில், பிரச்னை ஏற்படக் கூடாது என்பதற்காக, கடைகளில் உள்ள, 'பாயின்ட் ஆப் சேல்' கருவியில், புதிய விலை பதிவேற்றம் செய்யப்பட்டு உள்ளது.
மிகவும் வறுமையில் உள்ள, 'அந்தியோதயா' ரேஷன் கார்டுதாரர்களுக்கு, கிலோ சர்க்கரை, 13.50; காவலர் கார்டுகளுக்கு, 12.50; மற்ற அனைத்து கார்டுதாரர்களுக்கும், 25 ரூபாய்க்கு விற்கப்படும். இந்த விலை உயர்வு, இன்று நடைமுறைக்கு வருகிறது.
இவ்வாறு அவர் கூறினார்.

அனுமதியின்றி உயர் கல்வி படித்த ஆசிரியர்களுக்கு, 'கிடுக்கிப்பிடி'

பதிவு செய்த நாள்

31அக்
2017
20:29

அரசின் அனுமதி பெறாமல், உயர் கல்வி படித்த, 4,300ஆசிரியர்கள் மீது, ஒழுங்கு நடவடிக்கை எடுக்க, அரசு உத்தரவிட்டு உள்ளது. அரசு ஊழியர்கள் மற்றும் ஆசிரியர்கள், பணியில் இருக்கும் போது, மேற்படிப்பு படிக்க, பாஸ்போர்ட் எடுக்க, வெளிநாடு செல்ல மற்றும் சொத்துகள் வாங்க, அரசிடம் முன் அனுமதி பெற வேண்டும். அனுமதி பெறாவிட்டால், சம்பந்தப்பட்டோர் மீது, 'சஸ்பெண்ட், டிஸ்மிஸ்' உள்ளிட்ட, பல நடவடிக்கைகள் பாயும். இந்நிலையில், தமிழக பள்ளிக்கல்வித் துறையில், தொடக்கப் பள்ளிகளில் பணியாற்றும், 4,300 ஆசிரியர்கள், தங்கள் துறையின் முன் அனுமதி பெறாமல், உயர் கல்வி படித்துள்ளனர்.படித்து முடித்த பின், பின் ஏற்பு அனுமதி தரும்படி, கல்வித் துறைக்கு கடிதம் கொடுத்துள்ளனர்.
இது குறித்து, பள்ளிக்கல்வித் துறை அதிகாரிகள் விசாரணை நடத்தி, துறை செயலரிடம் அறிக்கை தாக்கல் செய்தனர். இதையடுத்து, முன் அனுமதி பெறாதவர்கள் மீது, ஒழுங்கு நடவடிக்கை எடுத்து, அதன் அறிக்கையை தாக்கல் செய்ய, தொடக்கக் கல்வி இயக்குனரகத்துக்கு உத்தரவிடப்பட்டு உள்ளது. அதனால், நடவடிக்கையில் இருந்து தப்பிக்க, சம்பந்தப்பட்ட ஆசிரியர்கள், சங்க நிர்வாகிகளை அணுகி வருகின்றனர்.

- நமது நிருபர் -

சென்னை புறநகரின் பல பகுதிகளில் பாதிப்பு சுரங்கப்பாதையில் மழைநீர் சூழ்ந்ததால் போக்குவரத்து துண்டிப்பு



சென்னை புறநகரின் பல பகுதிகளில் தண்ணீர் தேங்கியதால் பொதுமக்கள் அச்சம் அடைந்துள்ளனர். சுரங்கப்பாதையில் மழைநீர் சூழ்ந்துள்ளதால் போக்குவரத்து துண்டிக்கப்பட்டுள்ளது.

நவம்பர் 01, 2017, 04:15 AM

ஆலந்தூர்,

சென்னை புறநகர் பகுதிகளான கிண்டி, ஆலந்தூர், ஆதம்பாக்கம், பரங்கிமலை, மடிப்பாக்கம், பள்ளிக்கரணை, துரைப்பாக்கம், பெரும்பாக்கம், மேடவாக்கம் புழுதிவாக்கம், வேளச்சேரி, கீழ்க்கட்டளை உள்ளிட்ட பல பகுதிகளில் நேற்று முன்தினம் காலை முதல் நள்ளிரவு வரை பலத்த மழை கொட்டியது. இதனால் இந்த பகுதிகளில் உள்ள குடியிருப்புகளில் மழைநீர் சூழ்ந்தது.

ஆலந்தூரில் உள்ள சாலைகளில் மழைநீர் தேங்கி இருந்ததால் பொதுமக்கள் பாதிக்கப்பட்டனர். மடிப்பாக்கம்–புழுதிவாக்கம் ராம்நகர் வடக்கு பகுதியில் உள்ள 10–க்கும் மேற்பட்ட பகுதிகளில் உள்ள தெருக்களில் முழங்கால் அளவுக்கு மழைநீர் தேங்கி உள்ளது. இந்த பகுதிகளில் உள்ள மழைநீர் கால்வாய்கள் சரியாக தூர்வாரப்படாததால் தண்ணீர் செல்ல வழியின்றி கழிவு நீருடன் தேக்கம் அடைந்துள்ளது.

ஒரே நாளில் பெய்த மழையிலேயே முழங்கால் அளவுக்கு தண்ணீர் தேங்கி இருப்பதால் மீண்டும் மழை பெய்தால் வீடுகளை விட்டு வெளியேறக்கூடிய நிலை ஏற்படும் என்ற அச்சத்தில் இருப்பதாகவும், மாநகராட்சி அதிகாரிகள் விரைந்து வந்து தண்ணீரை அகற்றி நிரந்தரமாக வடிகால்வாய்களை அமைக்க வேண்டும் என அப்பகுதியினர் கோரிக்கை விடுத்தனர்.

வேளச்சேரி பாரதி நகர், உதயம் நகர் போன்ற பகுதிகளிலும் மழைநீர் முழங்கால் அளவுக்கு தேங்கி இருந்ததால் பொதுமக்கள் வீடுகளில் இருந்து வெளியே வரமுடியாத நிலை ஏற்பட்டது. கீழ்கட்டளை காசிவிஸ்வநாதபுரம் பகுதியில் வீடுகளை மழைநீர் சூழ்ந்தது. கோவிலம்பாக்கம் என்ஜீனியர்ஸ் அவென்யூ பகுதியில் உள்ள ஓடை தூர் வாரப்படாததால் மழைநீர் வீடுகளுக்குள் புகுந்தது.

கிண்டி கத்திப்பாரா மேம்பாலத்தின் கீழ் உள்ள சுரங்கப்பாதை வழியாக போரூர், வடபழனி போன்ற பகுதிகளுக்கு வாகனங்கள் சென்று வருகின்றன. ஆனால் இந்த சுரங்கப்பாதை மழைநீரினால் குளம்போல் நிரம்பியதால் போக்குவரத்து துண்டிக்கப்பட்டுள்ளது. இதனால் வேலைக்கு செல்வோர் என அனைவரும் கடுமையாக பாதிக்கப்பட்டனர்.

மின்மோட்டார் மூலம் அங்கு இருக்கும் தண்ணீரை அகற்ற நெடுஞ்சாலை துறையினர் நடவடிக்கை எடுத்து வருகின்றனர். கால்வாய்களில் ஏற்பட்டுள்ள அடைப்புகள் அகற்றப்படாததே மழைநீர் தேங்குவதற்கு காரணம் என்று பொதுமக்கள் குற்றம்சாட்டினார்.

தலையங்கம்
எய்ம்ஸ் மருத்துவமனை என்ன ஆச்சு?

நவம்பர் 01 2017, 03:00 AM

பொதுவாக மத்திய–மாநில அரசாங்கங்கள் வளர்ச்சித்திட்டங்கள், சமூக நலத்திட்டங்கள், கல்வித் திட்டங்கள் போன்ற பல்வேறு திட்டங்களை நிறைவேற்றுகின்றன. இதற்கான அறிவிப்புகள் பட்ஜெட்டில் வெளியிடப்பட்டு அதை நிறைவேற்றுவதற்கென நிதியும் ஒதுக்கப்படுகிறது. ஆனால், நிர்வாக காரணங்களினால் பட்ஜெட்டில் அறிவிக்கப்பட்டும், அதற்கு நிதியும் ஒதுக்கப்பட்டும், பல திட்டங்கள் குறிப்பிட்ட காலத்திற்குள் நிறைவேற்றப்படாமலும், தொடக்கத்தையே காணாமலும் அப்படியே தேங்கிக்கிடக்கின்றன. பொதுவாக நிதி ஒதுக்கும்போது, அன்றைய மதிப்பீட்டின் அடிப்படையில்தான் ஒதுக்கப்படுகிறது. ஆனால், இப்படி காலதாமதமாவதால் பொதுவான விலையேற்றத்தின் காரணமாக இந்த திட்டமதிப்பீடும் உயர்ந்துவிடுகிறது. அப்படிப்பட்ட நேரத்தில் கூடுதலாக நிதி ஒதுக்கீடு தேவைப்படுகிறது. இதுபோன்ற நிலைமைகளை தவிர்க்க, மத்திய அரசாங்கம் இப்போது புதிதாக செயல்படு!, நிதி பெறு! என்றவகையில், ‘‘சவால் திட்டம்’’ ஒன்றை நிறைவேற்ற நடவடிக்கை எடுத்து வருகிறது. இதன் அடிப்படையில், எந்தவொரு திட்டத்தையும் குறிப்பிட்ட காலத்திற்குள் அதற்கான அனைத்து அனுமதிகளையும் வழங்கி நிறைவேற்றும் மாநிலங்களுக்கு பரிசாக கூடுதல் நிதி வழங்க திட்டமிடப்பட்டுள்ளது.

ரெயில்வே, சாலை வசதி, மின்சாரம், புதுப்பிக்கத்தக்க மின்சாரம், ஊரக மற்றும் நகர்ப்புற வளர்ச்சித் திட்டங்கள் ஆகியவை முதல்கட்டமாக இந்தத்திட்டத்தின்கீழ் எடுக்கப்படுகின்றன. இதுபோன்ற திட்டங்களுக்காக பட்ஜெட்டில் நிதி ஒதுக்கும்போது 20 முதல் 30 சதவீதம்வரை தனியாக வைக்கப்படுகிறது. நிலம் ஒப்படைத்தல் உள்பட பல்வேறு அனுமதிகளை வழங்கி திட்டங்களை குறித்தநேரத்தில் நிறைவேற்றும் மாநிலத்திற்கு, கூடுதலாக அந்தத்தொகையை ஒதுக்கிட இந்த புதிய திட்டம் வகை செய்கிறது. ‘‘சவால் திட்டம்’’ என்று அழைக்கப்படும் இந்தத்திட்டம் மாநிலங்களுக்கு இடையே மத்திய அரசாங்கத்தின் பல உள்கட்டமைப்பு வசதி திட்டங்களை நிறைவேற்றுவதில் ஒரு ஆரோக்கியமான போட்டியை உருவாக்கும் என எதிர்பார்க்கப்படுகிறது. நிச்சயமாக இந்தத்திட்டம் வரவேற்கத்தகுந்த ஒரு திட்டமாகும். மாநிலஅரசு செயல்படுத்தும் திட்டங்களுக்கு இந்த ‘‘சவால் திட்டம்’’ கொண்டு வருவது சரிதான். ஆனால், மத்திய அரசாங்கம் அறிவித்த பல திட்டங்கள் தொடங்கப்படாமல் தாமதமாகிக் கொண்டிருப்பதற்கு மத்திய அரசாங்கம் என்ன பதில் சொல்லப்போகிறது?. குறிப்பாக தமிழ்நாட்டில் எய்ம்ஸ் மருத்துவமனை தொடங்கப்படும் என்று அறிவித்த திட்டம் 2 ஆண்டுகளாக எங்கு தொடங்கப்படும்? என்று இடம் தேர்வு செய்யப்படாத நிலையில் இருக்கிறது.

2014–15–ம் ஆண்டு அறிவிக்கப்பட்ட இந்தத்திட்டத்திற்காக 5 இடங்கள் தேர்வு செய்யப்பட்டு, மத்திய அரசாங்கத்தின் ஒப்புதலுக்காக அனுப்பவேண்டும். அந்த 5 இடங்களில் ஒரு இடத்தை மத்திய அரசாங்கம் தேர்வுசெய்து, அதற்கான பணிகளை தொடங்கும் என்று அறிவிக்கப்பட்டது. இது ஒரு ஆயிரம் கோடி ரூபாய் திட்டம். மறைந்த முதல்–அமைச்சர் ஜெயலலிதா இந்த எய்ம்ஸ் மருத்துவமனையை தமிழ்நாட்டில் தொடங்கவேண்டும் என்பதில் அதிக ஆர்வத்தோடு இருந்தார். உடனடியாக அனைத்து வசதிகள் குறிப்பாக சாலை வசதி, தண்ணீர் வசதி, மின்சார வசதிகொண்ட 5 இடங்கள் செங்கல்பட்டு, தஞ்சாவூர் மாவட்டத்தில் உள்ள சிங்கிப்பட்டி, மதுரை மாவட்டத்தில் உள்ள தோப்பூர், ஈரோடு மாவட்டத்தில் உள்ள பெருந்துறை, புதுக்கோட்டை ஆகிய இடங்களில் 200 ஏக்கர் நிலத்தையும் அடையாளம் கண்டு மத்திய அரசாங்கத்திற்கு தமிழக சுகாதாரத்துறை அனுப்பி வைத்தது. இந்த இடத்தை தேர்வுசெய்ய மத்திய அரசாங்கத்தின் குழுவும் வந்து 5 இடங்களையும் பார்த்துவிட்டு சென்றுவிட்டது. மேலும் அனைத்து அலுவலக நடைமுறைகளும் நடந்துள்ள நிலையில், எய்ம்ஸ் மருத்துவமனைக்கான அனுமதி இன்னும் வழங்கப்படவில்லை. இது மதுரையில் அமைய வாய்ப்பு இருப்பதாக இல.கணேசன் எம்.பி. கூறுகிறார். மத்திய அரசாங்கம் உள்கட்டமைப்பு வசதி திட்டங்களுக்கு ‘‘சவால் திட்டம்’’ கொண்டுவரும் நிலையில், அவர்கள் நிறைவேற்றவேண்டிய இந்த எய்ம்ஸ் மருத்துவமனை அறிவிப்பை உடனடியாக அதிகாரபூர்வமாக வெளியிடவேண்டும். பணிகளை தொடங்கவேண்டும் என்பதுதான் தமிழக மக்களின் கோரிக்கையாகும்.

Madras HC allows filing of IT returns without Aadhaar

Sureshkumar| TNN | Oct 31, 2017, 23:12 IST

The petitioner also pointed out similar petitions had been allowed by Kerala high court permitting such petiti... Read More

CHENNAI: As the law mandating linking income taxreturns with Aadhaar is still to be put to litmus test by the Supreme Court, Madras high court on Tuesday allowed a petitioner to file her income tax returns without quoting Aadhaar number or Aadhaar enrolment number.

Justice T S Sivagnanam, posting the case to December 18, passed the interim order on a plea moved by Preethi Mohan. She had moved the plea relying upon the apex court decision in Binoy Viswam Vs Union of India case, in which the court had imposed a partial stay on operation of section 139AA of the Income Tax Act, which mandates linkage of Aadhaar with IT returns.

In his interim ruling, Justice Sivagnanam said: "I am inclined to grant a similar relief, since today being the last day for filing income tax returns. If the returns are filed belatedly and if ultimately, the matter decided by the Constitution Bench of Supreme Court against the petitioner, then she may be liable to pay interest for belated payment of tax.

"Accordingly, there will be an interim direction to the income tax department to permit the petitioner to file her returns for the assessment year 2017-18 either manually or through appropriate e-filing facility without insisting for Aadhaar number," he said.

It was submitted on behalf of the petitioner that the directions issued by the Supreme Court in the case made it clear that Aadhaar scheme was always meant to be voluntary. "But despite a partial stay imposed by the apex court, the income tax department was acting in a manner directly opposed to the court order and are demanding linkage of Aadhaar," counsel said.

The petitioner also pointed out similar petitions had been allowed by Kerala high court permitting such petitioners to file returns manually without quoting Aadhaar number or enrolment number.

Morning update of Chennai rains in and around Chennai.

கொல்கத்தாவில் நோயாளியின் வயிற்றில் இருந்து 639 ஆணிகள் வெளியே எடுக்கப்பட்டன


கொல்கத்தாவில் நோயாளி ஒருவரின் வயிற்றில் இருந்து ஒரு கிலோ கிராமுக்கும் கூடுதலான எடை கொண்ட 639 ஆணிகள் வெளியே எடுக்கப்பட்டு உள்ளன.

அக்டோபர் 31, 2017, 12:56 PM

கொல்கத்தா,கொல்கத்தாவின் வடக்கு 24 பர்கனாஸ் மாவட்டத்தின் கோபர்டங்கா பகுதியை சேர்ந்த ஒருவர் ஸ்கைசோபிரீனியா என்ற வியாதியால் பாதிக்கப்பட்டு உள்ளார். இதனால் ஆணிகள் மற்றும் மண் ஆகியவற்றை பல நாட்களாக உண்டு வந்துள்ளார்.

கடந்த செப்டம்பர் இறுதி வாரத்தில் அவருக்கு வயிற்று வலி ஏற்பட்டுள்ளது. தனியார் மருத்துவமனைக்கு கொண்டு செல்லப்பட்ட அவரது வயிற்றில் ஆணிகள் இருந்த தகவல் எக்ஸ்-ரே பரிசோதனையில் தெரிய வந்தது.

உடனடியாக கல்கத்தா மருத்துவ கல்லூரி மற்றும் மருத்துவமனைக்கு அவர் கொண்டு செல்லப்பட்டார். அங்கு நடந்த எண்டோஸ்கோபி சிகிச்சையில் அவரது வயிற்றில் 2 முதல் 2.5 இன்ச் அளவுள்ள ஆணிகள் இருந்துள்ளன.

இதனை தொடர்ந்து அவருக்கு அறுவை சிகிச்சை செய்வது என மருத்துவர்கள் முடிவு செய்தனர். அவர்கள், வயிற்றில் 10 செ.மீட்டர் அளவில் அறுவை சிகிச்சை செய்து உள்ளேயிருந்த ஆணிகளை காந்தம் ஒன்றின் உதவியுடன் வெளியே எடுத்துள்ளனர். மண்ணையும் பிரித்து எடுத்துள்ளனர்.

இந்த அறுவை சிகிச்சை 1 மணி மற்றும் 45 நிமிடங்கள் நீடித்தது. நோயாளி தற்பொழுது நலமுடன் உள்ளார். அவரை தொடர்ந்து மருத்துவர்கள் கண்காணித்து வருகின்றனர்.