10-ம் வகுப்பு, பிளஸ்டூ தேர்வு முடிவு: புதிய முறை அறிமுகம்

Published : 09 May 2018 19:32 IST

சென்னை

 

பிளஸ் 2 தேர்வு - கோப்புப் படம்

10-ம் வகுப்பு பொதுத் தேர்வு, பிளஸ்டூ தேர்வு முடிவுகளை வெளியிடுவதில் புதிய முறையை பள்ளிக்கல்வித்துறை அறிமுகப்படுத்த உள்ளது.

10, 12ம் வகுப்பு பொதுத் தேர்வு எழுதிய மாணவர்களின் தேர்வு முடிவுகளைபுதிய முறையில் பள்ளிகளுக்கான இமெயிலில் நேரடியாக அரசுத் தேர்வுத்துறை இந்த ஆண்டு வெளியிடுகிறது.

தமிழகத்தில் மாநிலப் பாடத்திட்டத்தில் பயிலும் மாணவர்களுக்கான பொதுத் தேர்வுகளை அரசுத் தேர்வுத்துறை நடத்தி வருகிறது. தமிழக அரசுத் தேர்வுத்துறை 1972-ம் ஆண்டு பள்ளிக்கல்வித்துறையில் இருந்து பிரிக்கப்பட்டு, அரசுத் தேர்வுகள் ஆணையரகம் என உருவாக்கப்பட்டது. 11 ம் வகுப்பு வரை பயின்ற மாணவர்களுக்கான தேர்வினை நடத்தித் தேர்வு முடிவினை வெளியிட்டனர்.

அப்போது தேர்வு முடிவுகள் வெளியிடும் போது அதனை செய்தித்தாள்களில் தேர்வர்களின் பதிவு எண்களை பிரசுரம் செய்வர். தேர்வு எழுதியவர்கள் தங்களின் தேர்வு முடிவினை அறிவதற்காகவும், பெற்றோர்கள் தங்களின் குழந்தைகளின் தேர்வு முடிவினை அறியவும் ஆவலுடன் செய்தித்தாள்களை வாங்கித் தேர்வு பதிவு எண்களைப் பார்த்து அறிந்து கொள்வர். 11 ம் வகுப்பு வரை பயின்ற மாணவர்கள் அதன்பின்னர் பியுசி படிப்பைக் கல்லூரியில் சேர்ந்து படிக்க வேண்டும்.

இந்த முறை 1978-ம் ஆண்டில் மாற்றப்பட்டு, 10 ம் வகுப்பு, 12ம் வகுப்பு எனப் பிரித்தனர். அது வரை 11 ம் வகுப்பு வரை நடைபெற்ற தேர்வானது, 10-ம் வகுப்பிற்கு(எஸ்.எஸ்.எல்.சி) ஒரு பொதுத் தேர்வும், 12 ம் வகுப்பிற்கு(பிளஸ்-2) ஒரு பொதுத் தேர்வும் நடத்தப்பட்டது.

தேர்வு முடிவுகள் வெளியான இரு தினங்களுக்குள் மாணவர்கள் தேர்வு எழுதிய பள்ளிகளுக்கு அவர்களின் மதிப்பெண் சான்றிதழ்கள் மற்றும் அட்டவணைப்படுத்தப்பட்ட மதிப்பெண் பதிவேடு அனுப்பப்பட்டன. மாணவர்கள் மதிப்பெண் பதிவேட்டில் கையெழுத்திட்டு, தங்களின் மதிப்பெண் சான்றிதழ்களை பெற்றுக் கொள்ளலாம். மதிப்பெண் சான்றிதழில் மாணவரும், பெற்றோர் அல்லது பாதுகாவலரும் கையெழுத்திட வேண்டும்.

இந்த முறையில் தொடர்ந்து 1998 ம் ஆண்டு வரை தேர்வு முடிவுகள் வெளியிடப்பட்டது. ஆனால் 1999 ம் ஆண்டு மார்ச், ஏப்ரல் மாதம் நடைபெற்ற 10,12ம் வகுப்பு பொதுத் தேர்வு எழுதிய மாணவர்களின் தேர்வு முடிவுகள் வெளியிடும் போது புதிய முறையாக அட்டவணைப்படுத்தப்பட்ட மதிப்பெண் பட்டியல் அளிக்கப்பட்டது. இதன் மூலம் மாணவர்களுக்கான தேர்வு முடிவுகள் வெளியிடும் அன்றே மாணவர்கள் தங்கள் தேர்வு எழுதிய தேர்வு மையத்திலோ அல்லது பள்ளியிலோ தங்களின் பாடவாரியான மதிப்பெண்களை அறிந்து கொள்ள முடிந்தன.

அப்போதும் தொடர்ந்து தேர்வு முடிவுகள் செய்தித்தாள்களுக்கு பதிவு எண்களை வெளியிட அளிக்கப்பட்டு வந்தன. ஆனால் 2002-ம் ஆண்டு செய்தித்தாள்களுக்கு பதிவு எண்களை வெளியிடுவதற்கு சிடி அளிக்கப்பட்டு வந்த முறை நிறுத்தப்பட்டது. அதனைத் தொடர்ந்து 2003-ம் ஆண்டு முதல் அரசுத் தேர்வுத்துறையின் தேர்வு முடிவுகளை வெளியிட விரும்பும் இணையதளத்தினை நடத்தும் நிறுவனங்கள் பணம் செலுத்தித் தேர்வு முடிவுகளைப் பெற்று வெளியிடும் முறை அறிமுகம் செய்யப்பட்டது.

இந்த முறையின் மூலம் மாணவர்கள் தங்களின் தேர்வு முடிவுகளை இணையதளங்களின் மூலம் உடனடியாக அறிந்தனர். ஆனால் 2013-ம் ஆண்டு முதல் தனியார் நிறுவனங்கள் இணையதளம் மூலம் தேர்வு முடிவினை வெளியிடுவதற்கு வழங்கப்பட்டு வந்த சி.டி.கள் நிறுத்தப்பட்டன. அதன் பின்னர் 2014-ம் ஆண்டு முதல் அரசுத் தேர்வுத்துறையின் அதிகாரப்பூர்வமான இணையதளத்தில் மட்டும் வெளியிடப்பட்டு வருகிறது.

இந்நிலையில் 10,12ம் வகுப்புத் தேர்வு எழுதிய மாணவர்களுக்கு வழங்கப்பட்டு வந்த மதிப்பெண் சான்றிதழுக்கு பதிலாகத் தற்காலிக மதிப்பெண் சான்றிதழ் அறிமுகம் செய்யப்பட்டது. இந்த மதிப்பெண் சான்றிதழ் தேர்வு முடிவு வெளியிடப்பட்ட நாட்களில் இருந்து 90 நாட்கள் செல்லும் வகையில் அரசு அறிவித்தது. இதன் மூலம் 10,12-ம் வகுப்புத் தேர்வில் ஒரு சில பாடத்தில் தோல்வி அடைந்து, சிறப்புத் துணைத் தேர்வு எழுதி தேர்ச்சி பெறும் மாணவர்களின் மதிப்பெண்களும் மதிப்பெண் பட்டியலில் இடம் பெற்றது.

கடந்த 2017ம் ஆண்டு முதல்முறையாக 10,12-ம் வகுப்புத் தேர்வு எழுதிய மாணவர்களுக்கான தேர்வு முடிவுகள் எஸ்.எம்.எஸ்.மூலம் வெளியிடப்பட்டன. மேலும் மாநில, மாவட்ட அளவில் முதல் 3 இடங்களைப் பிடிக்கும் மாணவர்களின் பெயர் விபரம், மாவட்ட அளவில் முதல் 3 இடங்களைப் பிடிக்கும் மாணவர்களின் விபரம், பாடவாரியாக முதல் 3 இடங்களைப் பிடிக்கும் மாணவர்களின் விபரம் தரவரிசை (ரேங்க்) அளிக்கும் முறை ஒழிக்கப்பட்டது.

இந்நிலையில் இதில் அடுத்தக்கட்ட முன்னேற்றமாக இந்த ஆண்டு பள்ளி மாணவர்களின் தேர்வு முடிவுகளை மாணவர்கள் பதிவு செய்த செல்போன் எண்ணுக்கு எஸ்.எம்.எஸ்.மூலமும், பள்ளியின் இ-மெயில் முகவரிக்கு நேரடியாக அட்டவணைப்படுத்தப்பட்ட மதிப்பெண் பட்டியலை அனுப்பவும் திட்டமிடப்பட்டுள்ளது.

தமிழகம் மற்றும் புதுச்சேரியில் மாநிலப் பாடத்திட்டத்தில் படிக்கும் மாணவர்களுக்கான 12-ம் வகுப்பு மாணவர்களுக்கான பொதுத் தேர்வுகள் மார்ச் 1-ம் தேதி முதல் ஏப்ரல் 6-ம் தேதி வரை நடைபெற்றது. இந்த முடிவுகள் வரும் 16-ம் தேதி வெளியிடப்படுகிறது. 11-ம் வகுப்பில் பயிலும் மாணவர்களுக்கான பொதுத் தேர்வுகள் மார்ச் 7-ம் தேதி துவங்கி ஏப்ரல் 16-ம் தேதி முடிவடைந்தது. இதன் தேர்வு முடிவுகள் மே 30-ம் தேதி வெளியிடப்படுகிறது.

10-ம் வகுப்பு மாணவர்களுக்கான பொதுத் தேர்வு மார்ச்16-ம் தேதி துவங்கி ஏப்ரல் 20-ம் தேதி முடிவடைந்தது. இதன் மே 23-ம் தேதி வெளியிடப்படுகிறது. அரசுத் தேர்வுத்துறை இயக்கத்தின் அனைத்துச் செயல்பாடுகளும் ஆன்லைன் முறையில் தற்போது மேற்கொள்ளப்பட்டு வருகிறது. மேலும் தேர்வு முடிவுகள் முன்கூட்டியே எந்தப் பள்ளியும் அறிந்து கொள்வதை தடுக்கும் வகையில் இந்த ஆண்டு முதல் ஆன்லைன் மூலம் அட்டவணைப்படுத்தப்பட்ட மதிப்பெண்கள் அடங்கிய பட்டியலை பள்ளிகளுக்கு அனுப்பும் புதிய முறையை அரசுத் தேர்வுத்துறை இயக்ககம் அறிமுகம் செய்துள்ளது.

இது குறித்து பள்ளிக்கல்வித்துறை செயலாளர் ஏற்கனவே வெளியிட்ட அரசாணையில், மார்ச் 2018 முதல் 11,12,10-ம் வகுப்பு பொதுத் தேர்வுகளின் தேர்வு முடிவுகள் அடங்கிய அட்டவணைப்படுத்தப்பட்ட மதிப்பெண் பட்டியல் ஆன்லைன் மூலமாக அனைத்து பள்ளிகளும் பதிவிறக்கம் செய்துக் கொள்ள வழிவகை செய்வதற்கு அரசுத் தேர்வுத்துறைக்கு அனுமதி அளிக்கப்படுகிறது என தெரிவித்திருந்தார்.

இதனைத் தொடர்ந்து இந்த ஆண்டு அதற்கான பணிகளை அரசுத் தேர்வுத்துறை மேற்கொண்டு வருகிறது. வரும் 16 ந் தேதி காலையில் பள்ளிகளுக்கு அட்டவணைப்படுத்தப்பட்ட மதிப்பெண் பட்டியல் ஆன்லைன் மூலம் அனுப்பப்படுகிறது. அரசுத் தேர்வுத்துறையின் இணையதளத்தில் தேர்வு முடிவுகளின் விவரங்கள் வெளியிடப்படுகிறது என அரசுத் தேர்வுத்துறை அதிகாரிகள் தெரிவித்தனர்.

பணிக்கு செல்லும் பெண்களை இதைவிடக் கேவலமாக சொல்ல முடியாது: எஸ்.வி.சேகரை விளாசிய நீதிபதி

Published : 10 May 2018 21:06 IST

சென்னை
 


எஸ்.வி.சேகர் - கோப்புப் படம்

படுக்கையைப் பகிர்ந்தால் முன்னேற முடியும் என்று பதிவிடுவது சமூகத்தில் உயர்ந்த அந்தஸ்தில் உள்ளவர்களுக்கும் பொருந்துமா? பணிக்கு செல்லும் பெண்கள் குறித்து இதைவிடக் கேவலமாகப் பதிவிட முடியாது என்று கடுமையாக கருத்து தெரிவித்துள்ள நீதிபதி முன் ஜாமீனை ரத்து செய்துள்ளார்.

எஸ்.வி சேகர் முன் ஜாமீன் மனுவை தள்ளுபடி செய்த நீதிபதி பிறப்பித்துள்ள விரிவான தீர்ப்பில், எஸ்.வி.சேகரின் செயல்பாடு குறித்து கடுமையாக விமர்சித்துள்ளதுடன், சரமாரியாக கேள்விகளை எழுப்பியுள்ளார்.

அவரது தீர்ப்பு முழு விபரம் வருமாறு:

“ஒருவர் கோபமாக இருக்கும்போதோ அல்லது உணர்ச்சி கொந்தளிப்பில் இருக்கும்போது வார்த்தைகளை விடுவது சாதாரணம். அப்படிப்பட்ட வார்த்தைகளுக்கு வருத்தப்பட்டு மன்னிப்பு கேட்பது இயல்பு.

ஆனால், இந்தப் பதிவு என்பது உள்நோக்குடன் தெரிந்தே அடித்ததாக தெரிகிறது. ஒரு ஃபார்வர்ட் மெசெஜ் என்பது அவரே ஏற்றுக்கொண்டு அடித்ததாகத்தான் கருத வேண்டும்.

சில சமயங்களில் ஒரு கருத்தை யார் தெரிவிக்கிறார் என்பதும் கவனிக்கப்பட வேண்டும். ஒரு சாதாரண நபர் பதிவிடுவதற்கும், ஒரு ஒரு பிரபலம் கருத்து தெரிவிப்பதற்கும் வித்தியாசம் உள்ளது. சமூகத்தில் உயரிய அந்தஸ்தில் இருப்பவர் கருத்து தெரிவிக்கும்போது மக்களிடம் பெரும்பாதிப்பை ஏற்படுத்தி மக்களை நம்ப வைக்கிறது.

அந்தப் பதிவில் கூறப்பட்டுள்ள கருத்துகள் என்பது பெண் பத்திரிகையாளர் மீதான நேரடி தாக்குதலாகத்தான் (abusive language) தெரிகிறது. இதுபோன்ற கருத்து இப்படிப்பட்ட அந்தஸ்துள்ள நபரிடமிருந்து வருவது எதிர்பார்க்க முடியாது. சமூகத்தில் மக்களுக்கு எடுத்துக்காட்டாக இருக்கவேண்டியவர் தவறான முன்னுதாரணமாக இருந்துவிட்டார்.

இதேபோல பெண்களுக்கு எதிரான சமூக வலைதளக் குற்றத்தில் ஈடுபட்டதற்காக தினந்தோறும் பல இளைஞர்கள் கைது செய்யப்படுகின்றனர். சட்டம் அனைவருக்கும் சமமானதுதான். மக்கள் நீதியின் மேல் வைத்துக்கொண்டுள்ள நம்பிக்கையை இழக்கக்கூடாது.

சிறு குழந்தைகள் செய்த தவறை மன்னிக்கலாம், ஆனால் வளர்ந்த முதிர்ச்சி பெற்ற நபர் செய்யும் குற்றங்களை மன்னிக்க முடியாது.

பணியிலிருக்கும் பெண்கள் குறித்து அந்தப் பதிவில் சொன்னதைவிடக் கடுமையாகச் சொல்லமுடியாது. அந்த அளவுக்கு அந்தப் பதிவு உள்ளது. சமூக அந்தஸ்து பெற்றவரிடமிருந்து இதுபோன்ற கருத்துகள் வரும்போது, பணிக்குப் போகும் பெண்களை ஒரு தவறான கண்ணோட்டதிலேயே மக்களைப் பார்க்க வைக்கும்.

இதுபோன்ற கருத்துகள் ஏற்கப்படும்போதோ, பின்பற்றப்படும்போதோ பெண்கள் பொதுவாழ்க்கைக்கே வரமுடியாத சூழலை ஏற்படுத்திவிடும். தனது ஃபார்வர்ட் குறித்து வருத்தம் மட்டுமே தெரிவித்துள்ளார், ஆனால் பதிவில் உள்ள கருத்துக்களை மறுக்கவில்லை.

பெண்களுக்கு எதிரான இதுபோன்ற கருத்துகளைச் சொல்ல யாருக்கும் உரிமையில்லை. அப்படித் தெரிவித்தால் பெண்ணுரிமைக்கு எதிரானது. இப்படிப்பட்ட செயல்பாடு என்பது ஒரு நபரை சாதிப்பெயரை சொல்லி கூப்பிடுவதைவிட கொடூர குற்றமாகும்.

படுக்கையைப் பகிர்ந்து கொள்வது மூலம் மட்டும்தான் ஒரு பெண் சமூக வாழ்வில் மேலே வர முடியுமென்றால், இந்தக் கருத்து தற்சமயம் உயர் பதவியில் உள்ள அனைத்து பெண்களுக்கும் இந்தக் கருத்து பொருந்துமா?

ஊடகத்துறையிடம் நீண்ட காலத் தொடர்புடையவரே இந்தக் கருத்தை தெரிவித்தது அது உண்மை என்பதுபோல மக்களிடையே எண்ணத்தை உருவாக்கும்.

உணர்ச்சிகளைக் கட்டுப்படுத்திக்கொள்வது என்பது தலைவருக்கான ஒரு குணம். சமூக உயர் அந்தஸ்தில் உள்ள ஒருவர் சமூக அமைதியை உருவாக்க வேண்டுமே தவிர வேற்றுமையையும், பதட்ட நிலையையும் உண்டாக்கக் கூடாது.

கருத்தைப் பேசுவதற்கும், எழுத்துப்பூர்வமாக தெரிவிப்பதற்கும் வித்தியாசம் உண்டு. எழுத்துப்பூர்வமாக சொல்லும்போது ஆவணமாக மாறிவிடுகிறது. அப்படி எழுதப்பட்ட கருத்திலிருந்து எவரும் பின்வாங்க முடியாது.

இந்தப் பதிவு நீக்கப்பட்டுள்ளதே தவிர அழிக்கப்படவில்லை. சமூக வலைதளத்தில் என்ன வேண்டுமென்றாலும் சொல்லிவிட்டு அதிலிருந்து தப்பித்துவிடலாம் என்ற மனநிலை உருவாகக்கூடாது. இக்கருத்து தனிநபருக்கு எதிரான கருத்து மட்டும் அல்ல. பெண்ணினத்திற்கு எதிரானது.

அந்தக் கருத்துகளைப் பரப்பியவர் மீது நடவடிக்கை எடுக்காமல், அதை எதிர்த்து போராடியவர்கள் மீது நடவடிக்கை எடுப்பது சரியான நடைமுறை அல்ல என மக்களிடம் கருத்து நிலவுவது இயற்கையானதே.

இந்தக் காரணங்களால் முன் ஜாமீன் மனு தள்ளுபடி செய்யப்படுகிறது. தனி நபர் மீதான புகாரில் நடவடிக்கை என்ன எடுப்பீர்களோ அதை எடுக்க வேண்டும்.''

இவ்வாறு தங்கள் தீர்ப்பில் நீதிபதி ராமதிலகம் கடுமையாக குறிப்பிட்டுள்ளார்.

199 ரூபாயில் அதிரவைக்கும் புதிய சலுகைகள்: ஜியோ அறிமுகம்

Published : 10 May 2018 21:15 IST

மும்பை,



ஜியோ போஸ்ட் பெய்ட் - படம் உதவி: ட்விட்டர்

முகேஷ் அம்பானியின் ரிலையன்ஸ் ஜியோ நிறுவனம் ரூ.199க்கு அதிரவைக்கும் பல புதிய சலுகைகளை அறிமுகப்படுத்த உள்ளது.

தொலைத்தொடர்புத் துறையில் அதிகரித்து வரும் போட்டியைச் சமாளிக்கும் வகையில், ரிலையன்ஸ் ஜியோ நிறுவனம் பல்வேறு புதிய சலுகைகளை அறிவித்து வருகிறது. ஆனால், வரும் 15-ம் தேதி முதல் ஜியோ நிறுவனம் அதிரடியான சலுகைகளை, மிகக் குறைந்த விலையில் போஸ்ட்பெய்ட் சேவையைத் தொடங்குகிறது.

ரூ.199க்கு அன்லிமிடட் கால்ஸ், மாதத்துக்கு 25 ஜிபி நெட், வெளிநாடுகளுக்கு பேசுவதற்கு நிமிடத்துக்கு 50 காசுகள் என பல்வேறு சலுகைகளை அளிக்கிறது. இத்திட்டம் வரும் 15-ம் தேதி முதல் நடைமுறைக்கு வருகிறது.

ஜியோ போஸ்ட்பெய்ட் வாடிக்கையாளர்கள் சிம்கார்டைப் போட்டவுடன் அனைத்து வசதிகளும், அதாவது வாய்ஸ் கால், இன்டர்நெட், எஸ்எம்எஸ், சர்வதேச அழைப்புகள் ஆகியவை அனைத்தும் முன்கூட்டியே ஆக்டிவேட் செய்யப்பட்டிருக்கும்.

இதற்காக வாடிக்கையாளர் சேவை மையத்தைத் தொடர்பு கொண்டு செயல்பாட்டுக்கு கொண்டுவர வேண்டிய அவசியம் இல்லை. மேலும் வெளிநாடுகளுக்குச் செல்பவர்களுக்காக ரோமிங் வசதியையும், டாரிப்களையும் அறிவித்துள்ளது. வாடிக்கையாளர்கள் எந்த சேவையையும் பெற்றுக்கொண்டு, ஜியோ சேவைக்கு மாறிக்கொள்ள முடியும்.

ஜியோ போஸ்ட்பெய்ட் சேவையின் முக்கிய அம்சமாக அந்த நிறுவனம் குறிப்பிடுகையில், அதிகபட்சமான பில் கட்ட வேண்டியது இருக்காது, வாடிக்கையாளர்கள் அவ்வப்போது தங்களின் பில் கட்டணத்தை தாங்களாகவே சோதனை செய்து பார்க்க முடியும்.

இதன்படி மாதத்துக்கு ரூ.199-க்கு போஸ்ட்பெய்ட் சேவை பெறுவோருக்கு, மாதம்முழுவதும் எந்த தொலைத்தொடர்பு நிறுவனத்துடனும் இலவசமாக அழைப்புச் செய்யலாம். வெளிநாடுகளில் பேசும் போது நிமிடத்துக்கு 50 காசு கட்டணம். சர்வதேச அழைப்புக்கு எந்தவிதமான காப்புக் கட்டணம் செலுத்த தேவையில்லை, ரோமிங் இலவசம், உள்நாட்டில் அன்லிமிடட் எஸ்எம்எஸ் சேவை. மாதத்துக்கு 25 ஜிமி இன்டர்நெட் இலவசம் ஆகியவை அறிவிக்கப்பட்டுள்ளது.

இதேபோல ரூ.575, ரூ.2875, ரூ.5,751 ஆகிய கட்டணங்களில் போஸ்ட்பெய்ட் இணைப்புகள் ஜியோ நிறுவனத்தால் அறிமுகம் செய்யப்பட உள்ளன. வரும் 15-ம் தேதி முதல் ஜியோ நிறுவனம் தனது போஸ்ட்பெய்ட் சேவையைத் தொடங்குகிறது.

இதே சலுகைகளை ஏர்டெல் நிறுவனம் ரூ.399க்கும், வோடபோன் நிறுவனம் ரூ.399க்கும், ஐடியா நிறுவனம் ரூ.389க்கும் அளித்து வருகிறது குறிப்பிடத்தக்கது.

சிறுமி பலியான விவகாரம் மருத்துவ கல்வி இயக்குனருக்கு மனித உரிமை ஆணையம் நோட்டீஸ்


2018-05-11@ 01:15:37

சென்னை: சென்னை, கொடுங்கையூர் காவேரிநகர் முதல்தெருவை சேர்ந்தவர் கோபி (32). தனியார் நிறுவன ஊழியர். இவரது மனைவி லோகேஸ்வரி (28). இவர்களது மகள் தன்ஷிகா (5), கொளத்தூரில் உள்ள தனியார் பள்ளியில் 1ம் வகுப்பு படித்து வந்தாள். கடந்த வாரம் மே 5ம் ேததி லோகேஸ்வரி, தனது மகளுக்கு ஸ்டான்லி அரசு மருத்துவமனையில் தட்டம்மை தடுப்பு ஊசி போட்டுள்ளார். சிறிது நேரத்தில் குழந்தை பரிதாபமாக இறந்தது. இதுதொடர்பாக அவர்கள் மருத்துவமனை நிர்வாகத்திடம் கேட்டபோது, ‘‘10க்கும் மேற்பட்ட குழந்தைகளுக்கு தடுப்பூசி போட்டோம். உங்கள் குழந்தைக்கு மட்டும் இப்படி ஆனதற்கு என்ன காரணம் என தெரியவில்லை என அலட்சியமாக கூறியுள்ளனர். இதையடுத்து இந்த செய்தி கடந்த வாரம் மே 5ம் தேதி தினகரன் நாளிதழில் செய்தியாக வெளிவந்தது. இந்த செய்தியை பார்த்த மாநில மனித உரிமை ஆணையத்தின் நீதிபதி ஜெயச்சந்திரன் தானாக முன்வந்து வழக்குபதிவு செய்து இது சம்பந்தமாக மருத்துவக்கல்வி இயக்குனர் விசாரித்து 2 வாரத்திற்குள் அறிக்கை தாக்கல் செய்ய வேண்டும் என்று உத்தரவிட்டார்.

சென்னையில் 17 மண்டலங்களில் நாளை குடும்ப அட்டைகளில் பெயர், முகவரி மாற்றம், திருத்தம் செய்ய சிறப்பு முகாம்

2018-05-11@ 00:25:16


சென்னை: குடும்ப அட்டைகளில் பெயர், முகவரி மாற்றம், திருத்தம் செய்வதற்கான சிறப்பு முகாம் சென்னையில் 17 மண்டல அலுவலகங்களில் நாளை நடக்கிறது. இதுகுறித்து தமிழக அரசு நேற்று வெளியிட்டுள்ள அறிக்கை: குடும்ப அட்டையில் மாற்றங்கள் செய்தல் மற்றும் பொது விநியோக திட்டத்தில் காணப்படும் குறைபாடுகள் குறித்து தமிழகம் முழுவதும் வட்டங்கள் வாரியாக மக்கள் குறைதீர் கூட்ட முகாம் ஒவ்வொரு மாதமும் நடத்தப்படுகிறது. அதன்படி உணவு பொருள் வழங்கல் மற்றும் நுகர்வோர் பாதுகாப்பு துறை, சென்னையில் 17 மண்டல பகுதிகளில் மக்களின் குறைகளை கேட்டு தீர்வு காணும் பொருட்டு மே மாதத்திற்கான மாதாந்திர பொது விநியோக திட்ட குறைதீர் கூட்ட முகாம் அந்தந்த மண்டல உதவி ஆணையர் அலுவலகத்திலேயே நாளை (12ம் தேதி) காலை 10 மணி முதல் மதியம் 1 மணி வரை நடைபெற உள்ளது. குடும்ப அட்டைதாரர்கள் குடும்ப அட்டைகளில் பெயர், முகவரி மாற்றம், திருத்தம் மற்றும் பொது விநியோக திட்ட கடைகளின் செயல்பாடுகள் குறித்தும் பொது விநியோக திட்ட பொருட்கள் கிடைப்பது குறித்தும் தனியார் சந்தையில் விற்கப்படும் பொருட்கள் அல்லது சேவைகள் வாங்கும் நுகர்வோர்கள் ஏமாற்றப்படுவது அல்லது குறைகள் இருப்பது குறித்தும் நுகர்வோருக்கு குறைகள் ஏதேனும் இருப்பின் அவற்றை இந்த கூட்டத்தில் தெரிவித்தால் குறைகளை விரைந்து தீர்வு செய்ய உரிய நடவடிக்கை மேற்கொள்ளப்படும். சென்னையில் உள்ள 17 மண்டல பகுதியில் உள்ள குடும்ப அட்டைதாரர்கள் இந்த வாய்ப்பை பயன்படுத்திக்கொள்ளலாம். இவ்வாறு அதில் கூறப்பட்டுள்ளது.

பெங்களூரு : பெரும் எதிர்பார்ப்புகளுக்கு இடையே, கர்நாடக மாநில சட்டசபை தேர்தல், நாளை நடக்கவுள்ளது. மாநிலம் முழுவதும், ஒரு மாதத்துக்கு மேலாக நடந்து வந்த அனல் பறக்கும் பிரசாரம், நேற்றுடன் முடிவடைந்தது. கர்நாடக முதல்வரும், காங்., மூத்த தலைவருமான, சித்தராமையா, ஆட்சியை தக்க வைப்பாரா அல்லது பா.ஜ.,வின் எடியூரப்பாவிடம், முதல்வர் நாற்காலியை பறிகொடுப்பாரா என்பது, வரும், 15ல் தெரிந்து விடும்.




கர்நாடகாவில், முதல்வர் சித்தராமையா தலைமையிலான காங்கிரஸ் ஆட்சி நடக்கிறது. சித்தராமையா அரசின் பதவிக் காலம், இம்மாதம், 28ம் தேதியுடன் முடிவடைகிறது. இதையடுத்து, சட்டசபை தேர்தலுக்கான அட்டவணை, மார்ச், 27ல், வெளியிடப்பட்டது.

ஜெயநகர் தொகுதி, பா.ஜ., வேட்பாளர் விஜயகுமார், மாரடைப்பால் இறந்தார். அந்த தொகுதியில் தேர்தல் ரத்து செய்யப்பட்டது. மீதமுள்ள, 223 தொகுதிகளிலும் நாளை ஓட்டுப்பதிவு நடக்கிறது.


பா.ஜ., சார்பில், 223 வேட்பாளர்கள் களத்தில் உள்ளனர். காங்., சார்பில், 221 பேரும், மதச் சார்பற்ற ஜனதா தளம் சார்பில், 200 பேரும் போட்டியிடுகின்றனர். சுயேச்சைகள் உட்பட, மொத்தம், 2,636 வேட்பாளர்கள் களத்தில் உள்ளனர்.

அனைத்து தொகுதிகளுக்கும், நாளை காலை, 7:00 மணி முதல், மாலை, 6:00 மணி வரை ஓட்டுப்பதிவு நடக்கிறது. மின்னணு ஓட்டுப்பதிவு இயந்திரங்கள், அந்தந்த மாவட்ட கருவூலங்களில் வைக்கப்பட்டு உள்ளன. இன்று மாலை, அனைத்து ஓட்டுச்சாவடிகளுக்கும், அவை எடுத்துச் செல்லப்படும்.

மாநிலம் முழுவதும், 56 ஆயிரத்துக்கும் அதிகமான ஓட்டுச் சாவடிகள் அமைக்கப்பட்டுள்ளன. பெண் அதிகாரிகள் மட்டுமே பணியாற்றும், 600 சாவடிகளும் இதில் இடம் பெற்றுள்ளன. இந்த தேர்தலில், ஐந்து கோடிக்கும் அதிகமான வாக்காளர்கள், ஓட்டளிக்க தகுதி பெற்று உள்ளனர்.

கர்நாடக மாநில சட்டசபை தேர்தல் முடிவுகள், அடுத்தாண்டு நடக்கும் லோக்சபா தேர்தலில் எதிரொலிக்கும் என, எதிர்பார்க்கப்படுகிறது. அதனால், காங்கிரசும், பா.ஜ.,வும், ஒரு மாதத்துக்கு மேலாக, அனல் பறக்கும் பிரசாரத்தில் ஈடுபட்டன.

பா.ஜ., சார்பில், பிரதமர் நரேந்திர மோடி, கட்சியின் தேசிய தலைவர், அமித் ஷா, மத்திய அமைச்சர்கள், ராஜ்நாத் சிங், நிர்மலா சீதாராமன், உ.பி., முதல்வர், யோகி ஆதித்யநாத், ம.பி., முதல்வர், சிவ்ராஜ் சிங் சவுகான் உள்ளிட்ட பல தலைவர்கள் பிரசாரம் செய்தனர்.

காங்கிரஸ் சார்பில், கட்சி தலைவர், ராகுல், மூத்த தலைவர், சோனியா மற்றும் முன்னாள் மத்திய அமைச்சர்கள் தீவிர பிரசாரம் செய்தனர். மதச் சார்பற்ற ஜனதா தளம் சார்பில், முன்னாள் பிரதமர் தேவகவுடா பிரசாரத்தில் ஈடுபட்டார். தினமும் பொது கூட்டங்கள், பாதயாத்திரை, பேரணி, தெருமுனை பிரசாரங்கள் என, மாநிலம் முழுவதும், தேர்தல்பிரசாரம் களைகட்டியது.

அனல் பறந்த சூறாவளி பிரசாரம், நேற்று மாலையுடன் நிறைவடைந்தது. இதனால், சாலைகள், தெருக்கள் வெறிச்சோடின. மற்ற மாநிலங்களைச் சேர்ந்த, கட்சித் தலைவர்கள், நிர்வாகிகள், கர்நாடக மாநிலத்தை விட்டு வெளியேறினர். முன் எப்போதும் இல்லாத வகையில், இந்த முறை, தேர்தலில், 1.50 லட்சத்துக்கும் அதிகமான பாதுகாப்பு படையினர், பாதுகாப்பு பணியில் ஈடுபடுத்தப்பட்டுள்ளனர்.

தேர்தலில் பதிவான ஓட்டுகள், வரும், 15ல் எண்ணப்பட்டு, அன்று மாலையே முடிவுகள் அறிவிக்கப்படும். எனவே, கர்நாடகாவின் அடுத்த முதல்வர் யார் என்பது, அன்று தெரிந்து விடும்.

வரவிருக்கும் விசேஷங்கள்

• மே 28 (தி) அக்னி நட்சத்திரம் முடிவு
• மே 28 (தி) வைகாசி விசாகம்
• மே 29 (செ) காஞ்சி பெரியவர் பிறந்த தினம்
• ஜூன் 15 (வெ) ரம்ஜான் பண்டிகை
• ஜூன் 21 (வி) ஆனி உத்திரம்
• ஜூலை 17 (செ) தட்சிணாயன புண்ணிய காலம்

தேசிய செய்திகள்

நீட் அவலம்; தேர்வறையில் கண்காணிப்பாளர் மோசமாக பார்த்தார் - மாணவி வேதனை



தேர்வறையில் கண்காணிப்பாளர் மோசமாக பார்த்தார், கேள்வித்தாளால் மறைத்து எழுதினேன் என பாதிக்கப்பட்ட மாணவி தரப்பில் தெரிவிக்கப்பட்டு உள்ளது. #NEET

மே 10, 2018, 06:40 PM

திருவனந்தபுரம்,


நீட் தேர்வின் போது மாணவர்களிடம் சோதனை என்ற பெயரில் அவர்கள் நடத்தப்பட்ட விவகாரம் தொடர்பாக பல்வேறு தரப்பில் கண்டனம் தெரிவிக்கப்பட்டது. மாணவர்களிடம் நடந்துக்கொண்ட முறை தொடர்பாக சிபிஎஸ்இ, தமிழக அரசுக்கு ஏற்கனவே தேசிய மனித உரிமைகள் ஆணையம் நோட்டீஸ் நோட்டீஸ் வழங்கி உள்ளது. இந்நிலையில் கேரளாவில் மாணவி நடத்தப்பட்ட விதம் தொடர்பான செய்தி வெளியாகி பெரும் அதிர்ச்சியை ஏற்படுத்தி உள்ளது. பாலக்காடு மாவட்டம் கோப்பாவில் உள்ள பள்ளியில் தேர்வு எழுதிய மாணவி, தேர்வின் போது உள்ளாடையை கழற்ற வற்புறுத்தப்பட்டதாக போலீசில் புகார் கொடுத்து உள்ளார். போலீஸ் மாணவியின் புகார் தொடர்பாக வழக்குப்பதிவு செய்து உள்ளது.

சோதனையின்போது மேல் உள்ளாடைகளை கழற்றுமாறு சோதனையாளர்கள் கூறினார்கள். எனது ஆடையில் மெட்டல் இருப்பதாக அதிகாரிகள் சந்தேகித்தார்கள். எனக்கு உள்ளாடையை கழற்ற ஒருமாதிரியாக இருந்தது. பின்னர் கழற்றினேன். உள்ளாடையை கழட்ட நேர்ந்த போது மிகவும் அவமானமாக உணர்ந்ததாகவும், தன்னுடன் சேர்த்து மேலும் 25 மாணவிகளின் மேல் உள்ளாடைகளை சோதனையின் போது கழற்ற வைத்தார்கள் என்றும் மாணவி புகாரில் கூறினார். மேலும் தேர்வு அறையில் கண்காணிப்பாளர் தன்னை மிகவும் மோசமான முறையில் பார்த்தார் எனவும் மாணவி தெரிவித்து உள்ளார்.

உள்ளாடையை கழற்றசெய்த பின்னர் தேர்வறைக்கு தேர்வு எழுத சென்றேன், அங்கு ஆண் கண்காணிப்பாளர் என்னை மிகவும் மோசமான முறையில் பார்த்துக்கொண்டு இருந்தார், என்னால் தேர்வின் மீது கவனம் செலுத்த முடியவில்லை எனவும் மாணவி குறிப்பிட்டு உள்ளார்.

மாணவின் சகோதரி மீடியாக்களிடம் பேசுகையில், “கண்காணிப்பாளர் பல்வேறு முறை என்னுடைய சகோதரியின் முன்னால் வந்து நின்று உள்ளார். அவர் என்னுடைய சகோதரின் முகத்தை பார்க்கவில்லை, மாறாக அவருடைய மார்பையே பார்த்து உள்ளார். என்னுடைய சகோதரி கேள்வித்தாளை கொண்டு மறைத்து தேர்வை எழுதி உள்ளார். என்னுடைய சகோதரி மனதளவில் பெரிதும் பாதிக்கப்பட்டு உள்ளார். கண்காணிப்பாளர் அடிக்கடி பக்கத்தில் வந்து நின்றதால் அவளால் முறையாக தேர்வை எழுத முடியவில்லை,” என கூறிஉள்ளார். இதுதொடர்பாக போலீஸ் விசாரணையை தொடங்கி முன்னெடுத்து வருகிறது, அதே பள்ளியில் தேர்வு எழுத வந்த பிற மாணவிகளிடம் பேசுவதற்கு தேவையான நடவடிக்கையை மேற்கொண்டு வருகிறது.

பள்ளியில் தேர்வு எழுதிய மாணவர்களின் பட்டியலை பெற முயற்சிக்கிறோம் எனவும் போலீஸ் தரப்பு தகவல்கள் தெரிவிக்கிறது.

ஆனால் இச்சம்பவம் தொடர்பாக எங்களுக்கு எந்தஒரு புகாரும் வரவில்லை என பிராந்திய சிபிஎஸ்இ அதிகாரி தருண் குமார் கூறிஉள்ளார்.
கடந்த வருடம் கண்ணூரில் இதுபோன்று மாணவி ஒருவர் உள்ளாடையை கழட்ட செய்ததாக புகார் தெரிவித்து இருந்தார் என்பது குறிப்பிடத்தக்கது.

மாவட்ட செய்திகள்

இப்படியும் வாழ்கிறார்கள்: பேத்திகளுக்காக தள்ளாத வயதிலும் சுமை தூக்கும் தொழிலாளி




தள்ளாடும் வயதிலும் இன்றளவும் குடும்பத்துக்காக ஓடி உழைத்து கொண்டு இருக்கிறார் உலகநாதன்.

மே 11, 2018, 05:00 AM

வயதானவர்களின் ஆலோசனை எப்போதும் நல்லதுக்காக தான் இருக்கும் என்பது பலருக்கும் தெரிவதில்லை. வீட்டில் வயதான பெற்றோர்கள் இருந்தால் அது பாரமாகவே இருப்பதாக சிலர் கருதும் உலகில் நாம் வாழ்ந்து கொண்டு இருக்கிறோம்.

வயதான காலத்தில் ஒரு ஓரமாக இருக்கமாட்டிங்களா? ஏன் தொண தொணனு பேசிக்கொண்டு இருக்கிறீர்கள்? நீங்கள் எனக்கு அட்வைஸ் பண்ணாதீங்க... உங்க வேலைய பாருங்க... என்ற சத்தம் பலருடைய வீட்டில் கேட்கும்.

இப்படிப்பட்ட சொற்களுக்கு சொந்தக்காரர்களான வயதானவர்கள், தங்களுடைய இளமை பருவத்தில் குடும்பத்துக்காக ஓடி தேய்ந்து, தளர்ந்து போன நேரத்தில் இந்த வார்த்தைகளையெல்லாம் கேட்டு மனம் நொந்து போகிறார்கள்.

ஆனாலும் சிலர் தங்களுடைய வயதான பெற்றோரை கடவுளாக பார்க்கும் குடும்பங்களும் உண்டு. இன்றளவும் வீட்டில் பெரியவர்களின் கட்டுப்பாட்டில் இயங்கும் குடும்பங்களும் உண்டு.

அதேபோல், இளமை பருவத்தில் உழைக்கத்தொடங்கியவர்களில் பலர், வயதான காலத்திலும் இன்று வரை ஓயாமல் உழைத்து குடும்பத்தை தூக்கி நிறுத்துபவர்களும் இருக்கிறார்கள்.

அந்தவகையில் காஞ்சீபுரம் மாவட்டம் ஊரப்பாக்கத்தை சேர்ந்த உலகநாதன் (வயது 65) என்பவர் தள்ளாடும் வயதிலும் இன்றளவும் குடும்பத்துக்காக ஓடி உழைத்து கொண்டு இருக்கிறார்.

ரெயில் நிலையங்களில் ‘அம்மா, அய்யா, சார், மேடம்..... லக்கேஜ் தூக்கணுமா?’ என்ற வார்த்தையை சுமந்தபடி, உடைமைகளை தூக்கி சுமப்பதற்காக குரல் கொடுக்கும் ‘போர்ட்டர்’களை(சுமை தூக்கும் தொழிலாளிகள்) ரெயில் பயணத்தின் போது நாம் பார்த்து இருப்போம்.

அந்த தொழிலை தான் உலகநாதன், 1979-ம் ஆண்டில் இருந்து கடந்த 39 ஆண்டுகளாக சென்னை சென்டிரல் ரெயில் நிலையத்தில் செய்து வருகிறார்.

இளமை பருவத்தில் ஓடிய வேகம் தற்போது இல்லை என்றாலும், மனம் தளராமல் தன்னுடைய பேரக்குழந்தைகளுக்காக உத்வேகத்துடன் ஒவ்வொரு நாளும் சென்டிரல் ரெயில் நிலையத்தில் பயணிகளின் சுமைகளை ஓடோடி தூக்கி அதில் வரும் வருமானத்தை வைத்து பிழைப்பு நடத்துகிறார்.

இதுகுறித்து உலகநாதன் கூறியதாவது:-

பேத்திகள்

என்னுடைய மனைவி பெயர் புஷ்பா. எனக்கு 3 பெண் குழந்தைகள். என்னுடைய உழைப்பின் மூலம் கிடைத்த வருமானத்தை வைத்து 3 பேருக்கும் திருமணம் நடத்திவைத்தேன். இதில் முதல் மகளுக்கு இரட்டை பெண் குழந்தைகள் பிறந்தன. ஒரு பக்கம் அதிர்ஷ்டம் என்று சொன்னாலும், மற்றொரு புறம் துரதிருஷ்டவசமாக என்னுடைய மகள் பிரசவத்தின் போது இறந்துவிட்டாள்.

மகள் இறந்ததும், அவளுடைய கணவரும் குழந்தைகளை பற்றி கண்டுகொள்ளவில்லை. குழந்தைகளின் அழுகை சத்தம் என் மகள் இறப்பை விட அதிக வேதனையை தந்தது. நானும், என்னுடைய மனைவி புஷ்பாவும் எங்களின் பேத்திகளை எடுத்து வளர்க்க முடிவு செய்தோம்.

1979-ம் ஆண்டில் இருந்து நான் சென்னை சென்டிரலில் சுமை தூக்கும் தொழிலாளியாக பணி செய்து வருகிறேன். இளமை காலத்தில் நன்றாக ஓடி ஓடி உழைத்தேன். பெண் பிள்ளைகளை திருமணம் செய்து கொடுத்ததும், ஓய்வு எடுக்கலாம் என்று நினைத்த நேரத்தில், மீண்டும் உழைக்க வேண்டிய சூழலுக்கு தள்ளப்பட்டேன்.

மனவலிமை

முதலில் என்னுடைய மகள்களுக்காக உழைத்த நான், இப்போது என்னுடைய பேத்திகளுக்காக தள்ளாடும் காலத்திலும் உழைத்து வருகிறேன். இந்த தொழிலில் உடல் வலிமை மிகவும் அவசியம். பயணிகளின் உடைமைகளை பத்திரமாக கீழே விழாமல் கொண்டு வந்து சேர்த்தால் தான் பணம் தருவார்கள்.

அந்தவகையில் என்னுடை உடல் வலிமை இப்போது கொஞ்சம் தளர்ந்துவிட்டது. இருந்தாலும் மனவலிமையுடன் இந்த தொழிலை என்னுடைய பேத்திகளுக்காக செய்கிறேன். முடிந்தவரை உழைத்து அவர்களை கரைசேர்க்க முயற்சிக்கிறேன். எனக்கு அன்றாடம் சொற்ப அளவிலான வருமானம் தான் கிடைக்கிறது. இருந்தாலும் அதன் மூலம் என்னுடைய குடும்பத்தை நடத்துகிறேன்.

இவ்வாறு அவர் கூறினார்.

உதவி

உலகநாதன் சென்டிரல் ரெயில் நிலையத்தில் உள்ள ரெயில்வே அதிகாரிகள், ஊழியர்கள், அங்குள்ள கடைக்காரர்கள் என அனைவருக்கும் நன்கு பழக்கமானவர். பேட்டி எடுத்து கொண்டு இருக்கும்போதே, சில ஊழியர்கள் அவரிடம் விளையாட்டாக பேசி மகிழ்ந்ததை பார்க்கும்போது அது நன்றாக தெரிந்தது. ‘சாமி இதனால எனக்கு எதுவும் பிரச்சினை வராதுல?’ என்று அப்பாவித்தனமாக அவ்வப்போது கேட்டுக்கொண்டே இருந்தார்.

உழைக்கும் நோக்கில் உலகநாதன் ஓடினாலும், ரெயில் வராத நேரங்களில் சென்டிரலுக்கு வரும் சில பார்வையற்ற மாற்றுத்திறனாளிகளுக்கு பாதை காட் உதவி செய்து, மனிதநேயத்திலும் வெற்றி பெறுகிறார்.

இறுதியில் நான் அடுத்த ரெயில் வருவதற்குள் ‘டீ’ சாப்பிட்டுவிட்டு வருகிறேன் தம்பி... என்று கூறி அங்கிருந்து விறு விறுவென்று உலகநாதன் நடந்து சென்றார்.

தலையங்கம்

ரஜினிகாந்தின் முதல் வாக்குறுதி



ரஜினிகாந்த் அரசியலுக்கு வருவாரா?, வரமாட்டாரா?, வந்தால் எப்போது வருவார்?, தனிக்கட்சி தொடங்குவாரா?, ஏதாவது கட்சியோடு கூட்டணி சேருவாரா?, எந்த கட்சியோடு கூட்டணி வைப்பார்? என்ற கேள்விக்கெல்லாம் விடைகாண முடியாமல், 1996–ம் ஆண்டு முதல் எல்லோரும் காத்துக்கொண்டிருந்தார்கள்.

மே 11 2018, 03:00

ரஜினிகாந்த் அரசியலுக்கு வருவாரா?, வரமாட்டாரா?, வந்தால் எப்போது வருவார்?, தனிக்கட்சி தொடங்குவாரா?, ஏதாவது கட்சியோடு கூட்டணி சேருவாரா?, எந்த கட்சியோடு கூட்டணி வைப்பார்? என்ற கேள்விக்கெல்லாம் விடைகாண முடியாமல், 1996–ம் ஆண்டு முதல் எல்லோரும் காத்துக்கொண்டிருந்தார்கள். பலகட்டங்களில் அவர் சூசகமாக சொல்லிக்கொண்டிருந்தாலும், கடந்த டிசம்பர் 31–ந்தேதி ரசிகர்களை சந்திக்கும்போது உறுதிபட சொல்லிவிட்டார். ‘‘நான் அரசியலுக்கு வருவது உறுதி. இது காலத்தின் கட்டாயம். வருகிற சட்டமன்ற தேர்தலில் நான் தனிக்கட்சி ஆரம்பித்து, தமிழ்நாடு முழுவதும் 234 தொகுதிகளிலும் நிற்போம்’’ என்று உறுதியாக தெரிவித்துவிட்டார்.

இந்தநிலையில், நேற்று முன்தினம் அவரது 164–வது படமான ‘காலா’ ஆடியோ வெளியீடு சென்னையில் நடந்தது. இந்தக்கூட்டத்தில் அவர் நிச்சயமாக தன் கட்சியின் பெயர், போகும்பாதையை அறிவித்துவிடுவார் என்ற எதிர்பார்ப்பை நிறைவேற்றவில்லை. இந்த நிகழ்ச்சியில், ‘நீங்கள் கட்சியின் பெயரையெல்லாம் அறிவிப்பீர்கள் என்று எல்லோரும் எதிர்பார்த்தார்களே’ என்று ‘தினத்தந்தி’ செய்தியாளர் கேட்டபோது, ‘அரசியல் பிரவேசம், கட்சிப்பெயரை அறிவிப்பதற்கான மேடை இது அல்லவே, இது ஆடியோ வெளியிடுவதற்கான மேடை’ என்று பதில் அளித்தார். ஆனால் அவரது 30 நிமிட பேச்சின்போது, வெளிப்படையாக எதையும் சொல்லாவிட்டாலும், வழக்கம்போல சூசகமாக பல கருத்துகளை தெரிவித்துவிட்டார். அடிக்கடி வெளிவரும் ‘காலா’ படத்தில் உள்ள அவரது வசனமான, ‘‘வேங்கையன் மகன் ஒத்தையில நிக்கேன்... தில் இருந்தா மொத்தமா வாங்கல...’’ என்பதை இந்த மேடையிலும் சொன்னார். இதன் பொருளை அரசியல் நோக்கர்கள், அவர் தனியாகத்தான் தேர்தலில் நிற்கப்போகிறார். ஏற்கனவே டிசம்பர் 31–ந்தேதி பேசும்போதுகூட, 234 தொகுதிகளிலும் நிற்போம் என்றுதான் சொல்லியிருக்கிறார் என்று விளக்கம் கூறுகிறார்கள்.

பேச்சின் இறுதியில், ‘‘நதிகள் இணைப்பு என்பது என் வாழ்க்கையின் ஒரே கனவு, தென்னிந்திய நதிகளை இணைத்துவிட்டால், அதன்பிறகு மறுநாளே நான் கண்மூடினாலும் எனக்கு கவலையில்லை’’ என்று தனது அரசியலின் முதல் வாக்குறுதியை அறிவித்துவிட்டார். நதிநீர் இணைப்பு என்பது ரஜினிகாந்த் உள்ளத்தில் வெகுகாலமாகவே அசைவாடிக்கொண்டிருக்கும் ஒரு அழுத்தமான உணர்வு ஆகும். 13–10–2002 அன்று சுப்ரீம் கோர்ட்டு உத்தரவுப்படி, கர்நாடக அரசு காவிரியில் தண்ணீர் திறந்துவிடவேண்டும் என்றுகோரி, சென்னையில் தனியாக உண்ணாவிரதம் இருந்த நேரத்தில், கங்கை–காவிரி இணைப்பு திட்டத்தை அமல்படுத்தவேண்டும். அப்படி கங்கை நதியை இணைக்க முடியாவிட்டால், குறைந்தபட்சம் தென்னிந்திய நதிகளையாவது இணைக்கவேண்டும். எவ்வளவு பணம் என்று கவலைப்படாதீர்கள், நாளைக்கே அறிவித்தால்கூட, நாளையே ரூ.1 கோடி தருகிறேன், எனது பாக்கெட்டிலிருந்து தருகிறேன். பணம் வேண்டும் என்றால் மக்களிடம், எங்களிடம் விடுங்கள் பார்த்துக்கொள்கிறோம் என்று கூறியது இன்னும் பசுமையாக எல்லோருக்கும் நினைவில் இருக்கலாம். ஆக, அவரது முதல் இலக்கு தென்னிந்திய நதிகளை இணைப்பதுதான். நதிநீர் இணைப்பு என்பது முன்னாள் பிரதமர் வாஜ்பாய் கண்ட கனவு. மறைந்த ஜனாதிபதி அப்துல்கலாம் கண்ட கனவு. இப்போது ரஜினிகாந்த் அறிவித்த முதல் வாக்குறுதி. தென்னிந்திய நதிகள் இணைக்கப்படவேண்டும் என்றால், தென் மாநிலங்களோடு நல்லிணக்கம் வேண்டும். அதை உருவாக்க அனைவரும் பாடுபடவேண்டும்.

மாநில செய்திகள்

குழந்தை கடத்தல் கும்பல் என்ற புரளியால் மேலும் ஒருவர் பலி வதந்தி பரப்பினால் 1 ஆண்டு ஜெயில்





குழந்தை கடத்தல் கும்பல் என்ற புரளியால் மேலும் ஒருவர் அடித்துக் கொல்லப்பட்டார். #BabyKidnapgang

மே 11, 2018, 05:45 AM

சென்னை,

காஞ்சீபுரம், திருவள்ளூர், வேலூர், திருவண்ணாமலை உள்ளிட்ட சில வட மாவட்டங்களில் குழந்தைகளை கடத்தும் வடமாநில கும்பலின் நடமாட்டம் இருப்பதாக கடந்த சில நாட்களாக வதந்தி பரவி வருகிறது.

‘வாட்ஸ்-அப்’, ‘முகநூல்’ போன்ற சமூக வலைத்தளங் கள் மூலம் பரவும் இதுபோன்ற வதந்திகளால், இதுவரை அப்பாவிகள் பலர் தாக்கப்பட்டு உள்ளனர். இதில் சிலர் உயிர் இழந்தும் இருக்கிறார்கள்.

மலேசியாவில் இருந்து வந்த உறவினர்களுடன் நேற்று முன்தினம் திருவண்ணாமலை மாவட்டம் போளூர் அருகே உள்ள குலதெய்வம் கோவிலுக்கு சென்ற சென்னை பல்லாவரத்தைச் சேர்ந்த ருக்மணி அம்மாள் (வயது 65) என்பவர், குழந்தை கடத்தல் கும்பலைச் சேர்ந்தவர் என்ற சந்தேகத்தில் கிராமவாசிகளால் அடித்துக்கொல்லப்பட்டார். அவருடன் சென்ற 4 பேர் தாக்குதலில் படுகாயம் அடைந்து ஆஸ்பத்திரியில் சிகிச்சை பெற்று வருகிறார்கள். இந்த சம்பவம் தொடர்பாக 23 பேரை போலீசார் கைது செய்து உள்ளனர்.

வேலூரை அடுத்த சிங்கிரிகோவில் என்ற இடத்தில் நேற்று முன்தினம் மாலை சாலையில் நடந்த சென்ற 30 வயது மதிக்கத்தக்க வாலிபர் ஒருவரை, குழந்தையை கடத்த வந்தவர் என நினைத்து சிலர் அடித்து உதைத்தனர். தகவல் அறிந்து அங்கு வந்த போலீசார் அந்த வாலிபரை மீட்டு சிகிச்சைக்காக ஆஸ்பத்திரிக்கு அனுப்பி வைத்தனர்.

விசாரணையில் அந்த வாலிபர் சென்னையைச் சேர்ந்தவர் என்றும், அவரது பெயர் அமீர் என்றும், அவர் சற்று மனநிலை பாதிக்கப்பட்டவர் என்றும் தெரியவந்தது.

இந்த சம்பவம் தொடர்பாக 3 பேரை கைது செய்த போலீசார் அவர்கள் மீது கொலை முயற்சி வழக்கு பதிவு செய்தனர்.

இதேபோன்ற குழந்தை கடத்தல் பீதியால் நேற்று முன்தினம் இரவு மேலும் ஒருவர் அடித்துக்கொல்லப்பட்டார்.

இந்த கொடூர சம்பவம் திருவள்ளூர் மாவட்டம் பழவேற்காடு பகுதியில் நடந்தது. அங்கு நேற்று முன்தினம் இரவு சுற்றித்திரிந்த ஆண் ஒருவரை குழந்தை கடத்தல் கும்பலைச் சேர்ந்தவர் என்று கருதிய கிராம மக்கள் பிடித்து விசாரித்தனர். அந்த நபர் முன்னுக்கு பின் முரணாக பேசியதால், அவரை சரமாரியாக அடித்து உதைத்தனர். இதனால் அவர் மயங்கி விழுந்து பரிதாபமாக செத்தார். பின்னர் அவரது உடலை மேம்பாலத்தின் சுவரில் கட்டி தொங்கவிட்டனர்.

தகவல் அறிந்து வந்த போலீசார் அந்த உடலை கைப்பற்றி விசாரித்ததில், அந்த நபர் மனநிலை பாதிக்கப்பட்டவர் என தெரியவந்தது. கிராம மக்களின் சந்தேகத்தால் அப்பாவி ஒருவர் உயிர் இழக்க நேரிட்டது.

கடலூர் மாவட்டம் வேப்பூர் அருகே உள்ள காட்டுமயிலூர் கிராமத்தில் நேற்று முன்தினம் இரவு சுற்றித்திரிந்த வடமாநில பெண் ஒருவரை, குழந்தை கடத்தல் கும்பலை சேர்ந்தவர் என கருதி கிராம மக்கள் மடக்கி பிடித்தனர். தகவல் அறிந்து அங்கு வந்த வேப்பூர் போலீசார், அந்த பெண்ணை அங்கிருந்து மீட்டு அழைத்துச்சென்று விசாரித்தபோது அவர் மனநிலை பாதிக்கப்பட்டவர் என தெரியவந்தது. பின்னர் அந்த பெண் சிகிச்சைக்காக விருத்தாசலம் ஆஸ்பத்திரியில் சேர்க்கப்பட்டார்.

இதற்கிடையே, அந்த பெண்ணை போலீசார் மீட்டுச்சென்றபோது, அவர்களுடன் கிராமவாசிகள் சிலர் மோதலில் ஈடுபட்டனர். இது தொடர்பாக 8 பேர் மீது போலீசார் வழக்கு பதிவு செய்து, அவர்களை கைது செய்தனர்.

இதுபோன்ற குழந்தை கடத்தல் புரளி காரணமாக அப்பாவிகள் தாக்கப்படுவதும், அதில் சிலர் உயிர் இழப்பதும் பெரும் கவலையை ஏற்படுத்தி உள்ளது.

குழந்தை கடத்தல் கும்பல் பற்றிய வதந்தியால் அப்பாவிகள் தாக்கப்படும் சம்பவங்கள் அதிகரித்து வருவதால், மக்களிடம் உள்ள அச்சத்தை போக்க, இதுபோன்ற சம்பவங்கள் நடந்த பகுதிகளில் போலீசார் ஆட்டோக்களில் சென்று ஒலிபெருக்கி மூலம் விழிப்புணர்வு பிரசாரம் செய்து வருகிறார்கள். வீண் வதந்திகளை நம்பவேண்டாம் என்றும், சந்தேகத்துக்குரிய நபர்களின் நடமாட்டம் இருந்தால் அதுபற்றி போலீசுக்கு தெரிவிக்குமாறும் கூறி வருகிறார்கள்.

குழந்தை கடத்தல் தொடர்பாக வாட்ஸ்-அப்பில் வதந்தி பரப்புவோர் குண்டர் சட்டத்தின் கீழ் கைது செய்யப்பட்டு 1 ஆண்டு சிறையில் அடைக்கப்படுவார்கள் என்று காஞ்சீபுரம் மாவட்ட போலீஸ் சூப்பிரண்டு சந்தோஷ் ஹதிமானி, வேலூர் மாவட்ட போலீஸ் சூப்பிரண்டு பகலவன் ஆகியோர் எச்சரிக்கை விடுத்து உள்ளனர்.

 
குணச்சித்திர நடிகர் நீலகண்டன் உடல் நலக்குறைவால் மரணம்!
 
விகடன் 3 hrs ago

 

`பம்மல் கே சம்பந்தம்', 'அந்நியன்', 'கல்யாணம் சமையல் சாதம்' உள்ளிட்ட இருநூற்றுக்கும் மேற்பட்ட படங்களில் நடித்தவர் நடிகர் நீலகண்டன். தமிழில் அதிகப் படங்களில் குணச்சித்திர நடிகராகவும் காமெடி நடிகராகவும் நடித்திருக்கிறார். எட்டாயிரத்துக்கும் மேற்பட்ட நாடக மேடைகளிலும் நடித்திருக்கிறார் நீலகண்டன். திரைத்துறையினர் இவரை சுருக்கமாக `நீலு’ என்று அழைப்பார்கள். 83 வயதான நீலு, கடந்த சில மாதங்களாகவே உடல்நலக் குறைவால் அவதிப்பட்டு வந்தார்.

இந்நிலையில், சென்னை காவேரி மருத்துவமனையில் சிகிச்சை பெற்று வந்த நீலகண்டன் இன்று காலமானார். இவரது இறுதிச் சடங்கு சென்னை பெசன்ட் நகரிலுள்ள வீட்டில், நாளை நடைபெறும் எனக் கூறப்பட்டுள்ளது. சினிமா துறையைச் சேர்ந்த பலரும் இவரது இறப்புக்கு தங்களது வருத்தத்தை தெரிவித்து வருகின்றனர்.

அரசுப் பேருந்தில் பயணிகளின் தாகத்தைத் தீர்க்கும் டிரைவர் கண்டக்டர்!
 
விகடன் 2 hrs ago




அரசுப் பேருந்து ஒன்றில் தண்ணீர் கேன்கள் மூலம் பயணிகளின் தாகத்தைத் தீர்த்து வருகிறார்கள் பேருந்தின் டிரைவரும் கண்டக்டரும். இருவரையும் பயணிகளும் பொதுமக்களும் பாராட்டுவதோடு வாழ்த்திவிட்டும் செல்கிறார்கள்.

கோடை வெயில் தமிழகம் முழுவதும் கொளுத்தி எடுப்பதோடு மக்கள் அனைவரையும் வாட்டி வதைக்கிறது. தமிழகத்தின் ஒரு சில இடங்களில் மழை பெய்து மக்களை குஷிப்படுத்தி குளிர்ச்சிப் படுத்தினாலும் காவிரியில் நீர் இல்லாததால் தஞ்சை மாவட்டத்தில் கோடை வெயிலின் தாக்கம் அதிகமாகவே இருக்கிறது. இதனால் பல அரசியல் கட்சிகள், அமைப்புகள் கோடைக்கான தண்ணீர் பந்தல் அமைத்து மக்களின் தாகத்தை தீர்த்து வருகிறார்கள். அரசுப் பேருந்தில் இதேபோல் தண்ணீர் கேன் வைத்து பயணிகளின் தாகத்தைத் தீர்த்து வருகிறார்கள் டிரைவரும் கண்டக்டரும். இதை அனைத்துப் பேருந்துகளிலும் பின்பற்றலாம் என்கிறார்கள் சமூக ஆர்வலர்கள்.

தஞ்சாவூர் மாவட்டம், செங்கிப்பட்டியிலிருந்து கல்லணைக்கு ஒருமுறையும் மற்ற நேரங்களில் செங்கிப்பட்டியிலிருந்து திருக்காட்டுப்பள்ளி வழியாகச் சுரக்குப்பட்டி என்ற ஊருக்கும் செல்கிறது 88 என்ற எண் கொண்ட அரசுப் பேருந்து. இதில் டிரைவராக செல்வராஜ் என்பவரும் கண்டக்டராக முத்தமிழ் செல்வன் என்பவரும் பணிபுரிந்து வருகிறார்கள். இவர்கள் தங்கள் சொந்த செலவில் தினமும் இரண்டு மினரல் வாட்டர் கேன்கள் வாங்கி டிரைவர் சீட்டுக்கு அருகில் உட்கார்வதற்கு பயன்படுத்தக்கூடிய சிறிய அளவிளான பிளாஸ்டிக் சேரின் மேல் தண்ணீர் கேனை வைத்து பஸ் வேகமாகச் செல்லும்போது கவிழ்ந்துவிடாத அளவுக்கு கயிறு கொண்டு கட்டியிருக்கின்றனர்.

அந்தத் தண்ணீர் கேன் முகப்பில் தன்ணீரை எடுப்பதற்கு பம்ப் வைத்துள்ளனர். அதன் ஒரு டம்ளர் கவிழ்த்து வைத்துள்ளனர். அந்தப் பம்பின் மேல் அழுத்தினால் தண்ணீர் கொட்டுகிறது. இதைப் பேருந்தில் பயணிக்கும் பயணிகள் அனைவரும் பயன்படுத்துவதற்காக இப்படி ஓர் ஏற்பாட்டை நாங்கள் செய்திருக்கிறோம் என்கிறார்கள். இருவரின் இந்த முயற்சியை அனைவரும் மனமார பாராட்டி செல்கின்றனர். நாமும் பாராட்டிவிட்டு பேசினோம்.

''தினமும் நாங்கள் பணிக்குச் செல்லும்போது வாட்டர் பாட்டிலில் எங்களின் தேவைக்காகத் தண்ணீர் பிடித்து வைத்துக்கொள்வோம். இப்போது கடுமையான வெயில் வாட்டுகிறது. ஒரு நடைக்கு குறைந்தது 1.30 மணி நேரத்துக்கு மேல் பல குக்கிராமங்கள் வழியாக எங்கள் பேருந்து செல்லும். எல்லா கிராமத்தைச் சேர்ந்த அடித்தட்டு மக்களும் அரசுப் பேருந்தில் பயணிப்பார்கள். அவர்கள் எல்லாம் காசு கொடுத்து தண்ணீர் வாங்கிக் குடிக்க முடியாது. பேருந்து சென்றுகொண்டிருக்கும்போது இடையில் நிறுத்தி தண்ணீர் பாட்டில் வாங்கவும் முடியாது.

அதனால் பல நாள்கள் பலபேர் தாகத்தில் தவித்திருக்கிறார்கள். நாங்கள் பாட்டில்களில் வைத்துள்ள தண்ணீரை எடுத்து குடிக்கும்போது சார் எங்களுக்கும் கொஞ்சம் தண்ணீர் கொடுங்கள் என அப்பாவியாகக் கேட்பார்கள். நாங்களும் கொடுப்போம். அப்போதுதான் எங்களுக்கு இந்த யோசனை வந்தது. எல்லோரும் தண்ணீர் குடிக்கும் வகையில் பேருந்திலேயே தண்ணீர் வைக்க முடிவு செய்தோம். இருவரும் எங்கள் துறை அதிகாரியிடம் உரிய அனுமதி பெற்று பயணிகள் குடிக்க தண்ணீர் வைத்து வருகிறோம்.

நாங்களும் அந்தத் தண்ணீரை பயன்படுத்திய மாதிரி ஆச்சு; நாலு பேருக்கு நல்லது செஞ்ச மாதிரியும் ஆச்சு'' என்றவர்கள் தொடர்ந்தனர். ''கடந்த ஒரு மாதத்துக்கும் மேலாக இப்படி செய்து வருகிறோம். இனி கோடை காலம் மட்டும் இல்லாமல் எப்போதும் குடிப்பதற்கு தண்ணீர் வைப்பதற்கு முடிவு செய்துள்ளோம்'' எனப் புன்னகையுடன் சொல்கிறார்கள் செல்வராஜும் முத்தமிழ் செல்வனும்.

பேருந்தில் பயணித்த பயணி ஒருவர், ''காவிரி தவழ்ந்து செல்லும் தஞ்சாவூரிலேயே கடுமையான வறட்சி நிலவி வருகிறது. காவிரியில் தண்ணீர் இல்லாததால் குடிநீருக்கும் கடுமையான தட்டுப்பாடு நிலவி வருகிறது. கோடை வெயில் இந்தப் பகுதியில் அனல் காற்றாக வீசி வெப்பத்தைக் கக்குகிறது. காவிரி செல்லும் திசையில் பயணிக்கும் இந்தப் பேருந்தில் சில நேரங்களில் பிடித்து வைப்பதற்குத் தண்ணீர் இல்லாததால் தங்கள் கைகாசை கொடுத்துதான் இருவரும் தண்ணீர் வாங்கி வைத்து எல்லோரது தாகத்தையும் தீர்க்கிறார்கள் என்பது ரொம்பவே மகிழ்ச்சியைக் கொடுக்கிறது. இப்போதே குடிதண்ணீரைக் காசு கொடுத்து வாங்கும் அவலநிலையில் இருக்கிறார்கள் காவிரி ஆற்றின் ஒரத்தில் வாழும் மக்கள். இனி போகப் போக என்ன ஆகுமோ என நினைக்கும்போது நெஞ்சு பதைபதைக்கிறது'' என்கிறார்.

அடிச்சது 2 மணி நேரம்; ரெஸ்ட் ஒரு மணி நேரமா?’ - வடிவேலு காமெடி நிஜமான கதை
 
விகடன் 16 hrs ago

 


கலவரத்தை அடக்க ஒரு திரைப்படத்தில் ஏட்டு வடிவேலு வித்தியாசமான கெட்டப்பில் போவார். சீருடை அணியாத அவரை மற்ற போலீஸார் அடித்து துவைத்து தொங்கப் போட்டுவிடுவார்கள். அதேபோல நிஜத்திலும் ஒரு சம்பவம் நிகழ்ந்துள்ளது. சென்னையில் நேற்று கோட்டையை முற்றுகையிட ஜாக்டோ- ஜியோ அமைப்பினர் முயன்றனர். போராட்டத்தில் ஈடுபட்டவர்களைப் போலீஸார் கைது செய்தனர். சம்பவ இடத்தில் சி.பி.சி.ஐ.டி போலீஸ் சுப்புராஜ் என்பவர் வெள்ளை உடையுடன் கண்ணாடி அணிந்து துப்பறியும் பணியில் ஈடுபட்டுக்கொண்டிருந்தார்.

இந்தச் சமயத்தில் பல இடங்களில் ஓடி ஒளிந்த ஆசிரியர்களையும் அரசு அலுவலர்களையும் போலீஸார் விரட்டி விரட்டி கைது செய்து போலீஸ் வேனில் ஏற்றிக்கொண்டிருந்தனர். சுப்புராஜும் பார்ப்பதற்கு ஆசிரியர்போல காணப்பட்டதால், போலீஸார் அவரையும் வேனில் ஏறுமாறு கூறினர். அவரோ... 'சார் நான் போலீஸ் நான் போலீஸ்' என்று கத்தினார். அதை, காதில் வாங்கிக்கொள்ளாத இன்ஸ்பெக்டர் ஒருவர் சுப்புராஜுவின் கன்னத்தில் ஓங்கி அடித்து போலீஸ் வேனில் ஏற்ற முயன்றார். அடிவாங்கிய பின்னரே, தன் அடையாள அட்டையை எடுத்து சுப்புராஜ் காட்டினார். அதைப் பார்த்து அதிர்ச்சியடைந்த போலீஸார், 'முதலிலேயே உங்க அடையாள அட்டையைக் காண்பிச்சுருக்கலாமே' என்றவர்கள் தலையைச் சொறிந்தனர். பின்னர், அடித்தற்காக சி.பி.சி.ஐ.டி உதவி ஆய்வாளரான சுப்புராஜிடம் மன்னிப்புக் கேட்டுக்கொண்டு நழுவினார். 'தனக்கு நேர்ந்த கொடுமையை எங்கே போய் சொல்வது' என்று நொந்தவாறு சுப்புராஜும் இடத்தைக் காலி செய்தார்.

திருமணமான பத்தே நாளில் கணவனுக்கு நடந்த கொடூரம்- ஃபேஸ்புக் காதலனுக்காக மனைவியின் விபரீதச் செயல் 
 
விகடன் 

 

திருமணமான 10 நாளில் கணவனை ஃபேஸ்புக் காதலனுடன் சேர்ந்து மனைவி கொலை செய்த சம்பவம் பெரும் அதிர்ச்சியை ஏற்படுத்தியுள்ளது.

ஆந்திராவின் செட்டபடி வலச கிராமத்தைச் சேர்ந்தவர் கௌரி சங்கர். இவருக்கும் அவரின் அக்கா மகளான விஜயநகரத்தைச் சேர்ந்த சரஸ்வதிக்கும் கடந்த மாதம் 28-ம் தேதி திருமணம் நடந்தது. இவர்கள் இருவரும் மே 7-ம் தேதி பைக்கில் வீட்டுக்கு வந்துகொண்டிருந்தனர். அப்போது பைக்கை வழிமறித்த கும்பல், கௌரி சங்கரைக் கொலை செய்துவிட்டு தப்பி ஓடியது. சரஸ்வதிக்கும் காயங்கள் ஏற்பட்டன. இதுகுறித்து தகவலறிந்ததும் போலீஸார் அங்கு வந்து சரஸ்வதியை மீட்டு மருத்துவமனையில் சேர்த்தனர். அவருக்கு சிகிச்சை அளிக்கப்பட்டுவருகிறது. இந்தச் சம்பவம் தொடர்பாக விஜயநகரம் எஸ்.பி பால்ராஜ் நேரில் சென்று சரஸ்வதியிடம் விசாரணை நடத்தினார். அப்போது திடுக்கிடும் தகவல்கள் வெளியாகின.

இதுகுறித்து போலீஸார் கூறுகையில், "மருத்துவமனையில் அனுமதிக்கப்பட்ட சரஸ்வதியிடம் விசாரித்தபோது கொள்ளையர்கள் தாக்கியதில் தன்னுடைய கணவர் இறந்துவிட்டதாக முதலில் தெரிவித்தார். தொடர்ந்து அவரிடம் விசாரித்தபோது முன்னுக்குப் பின் முரணாகத் தகவல்களைக் கூறினார். இதனால் சரஸ்வதி மீது எங்களுக்குச் சந்தேகம் ஏற்பட்டது. தொடர்ந்து அவரிடம் விசாரித்தபோதுதான் கணவரை கொலை செய்ய அவர் சதித் திட்டம் போட்டது தெரிந்தது.

பட்டப்படிப்பு முடித்த சரஸ்வதி, விசாகப்பட்டினத்தில் கடந்த 3 ஆண்டுகளாகத் தங்கியிருந்தார். அப்போது, சிவா என்பவர் ஃபேஸ்புக் மூலம் சரஸ்வதிக்கு அறிமுகமாகியுள்ளார். இவர்கள் இருவரும் காதலித்துள்ளனர். இந்தக் காதல் விவகாரம் சரஸ்வதியின் பெற்றோருக்குத் தெரியாது. இதனால், சரஸ்வதியின் படிப்புக்கு பண உதவி செய்த அவருடைய மாமா கௌரி சங்கருக்குப் பெற்றோர் திருமணம் செய்து கொடுத்துள்ளனர். விருப்பம் இல்லாமல் நடந்த இந்தத் திருமணத்தால் மன வேதனையடைந்துள்ளார் சரஸ்வதி. காதலன் சிவாவுடன் ஆலோசித்து கௌரி சங்கரைக் கொலை செய்யத் திட்டமிட்டுள்ளார்.

நண்பர்கள் மூலம் இந்தக் கொலை நடந்துள்ளது. செலவுக்குப் பணம் கொடுக்க திருமண நிச்சயதார்த்த மோதிரத்தை அடகு வைத்து பணம் கொடுத்துள்ளார் சரஸ்வதி. திட்டமிட்டபடி இரவில் பைக்கில் வரும்போது கௌரி சங்கரை கூலிப்படையினர் கொலை செய்துள்ளனர். அதன் பிறகு, எதுவுமே நடக்காததுபோல நாடகமாடியுள்ளார். ஆனால், சரஸ்வதியின் நடவடிக்கைகள், அவருக்கு வந்த போன் அழைப்புகள் மூலம் அவர் எங்களிடம் சிக்கிக் கொண்டார். அவர் கொடுத்த தகவலின்படி காதலன் சிவா, அவரின் நண்பர் கோபி உட்பட 4 பேரை கைது செய்துள்ளோம். இந்த வழக்கில் சரஸ்வதியும் கைது செய்யப்பட்டுள்ளார்" என்றனர்.

சரஸ்வதி போலீஸாரிடம் கொடுத்த வாக்குமூலத்தில், "சம்பவத்தன்று நானும் என்னுடைய மாமாவும் பைக்கில் வீட்டுக்குச் சென்றோம். கருகுபள்ளி என்ற இடத்துக்கு வந்தபோது பைக்கை நிறுத்தும்படி மாமாவிடம் கூறினேன். அப்போது அங்கு மறைந்திருந்த கோபி, சிவா மற்றும் சிலர் இரும்பு ராடால் கௌரி சங்கரைத் தாக்கினர். பிறகு, என்னையும் தாக்கினர். அதன் பிறகு, அவர்கள் அங்கிருந்து தப்பி ஓடிவிட்டனர். தொடர்ந்து என்னுடைய நகைகளைக் கழற்றி, உள்ளாடைக்குள் மறைத்து வைத்தேன். பிறகு, போலீஸாரிடம் நகைக்காக கொலை நடந்ததுபோல நடித்தேன். ஆனால், போலீஸாரிடம் வசமாக மாட்டிக்கொண்டேன்" என்று குறிப்பிட்டுள்ளார்

  சிதம்பரம் அண்ணாமலை பல்கலைக்கழக துணை வேந்தர் பதவிக்கு 116 பேர் விண்ணப்பம்
 
தினகரன் 

சிதம்பரம்: சிதம்பரம் அண்ணாமலை பல்கலைக்கழக துணை வேந்தர் பதவிக்கு 116 பேர் விண்ணப்பித்துள்ளதாக தெரிவிக்கப்பட்டுள்ளது. தற்போது உள்ள துணை வேந்தர் மணியனின் பதவிக் காலம் வரும் 27ம் தேதியுடன் முடிவடையுள்ள நிலையில் துணை வேந்தர் பதவிக்கு 116 பேர் விண்ணப்பித்துள்ளனர்.

  `என் மகளை இழந்திருக்கிறேன்; கடைசிவரை போராடுவேன்!’ - விஷ்ணுபிரியாவின் தந்தை உருக்கம்
 
விகடன்

 

"திருச்செங்கோடு டி.எஸ்.பி விஷ்ணுபிரியா மரணம் தொடர்பான வழக்கை கைவிட்டுவிட்டதாக சி.பி.ஐ அறிவித்துள்ள நிலையில் 'என் மகளுக்கு நீதி கிடைக்கும்வரை போராடுவேன்' என்று விஷ்ணுபிரியாவின் தந்தை தெரிவித்துள்ளார்.

கோகுல்ராஜ் கொலை வழக்கின் விசாரணை அதிகாரியான விஷ்ணுபிரியாவின் மரணத்தில் உள்ள மர்மத்தை விளக்கும் இறுதி நம்பிக்கையாக இருந்த சி.பி.ஐ, அந்த வழக்கைக் கைவிடுவதாக அறிவித்திருப்பது பெரும் சர்ச்சையை ஏற்படுத்தியுள்ளது.

2015-ம் ஆண்டு ஜூன் மாதம் 24-ம் தேதி, சேலம் மாவட்டம் ஓமலூரைச் சேர்ந்த கல்லூரி மாணவரான கோகுல்ராஜ், நாமக்கல் மாவட்டம், திருச்செங்கோடு அருகே உள்ள கிழக்குத் தொட்டிப்பாளையம் பகுதியில் ரயில்வே தண்டவாளத்தில் சடலமாக மீட்கப்பட்டார். பட்டியல் இன சமூகத்தைச் சேர்ந்த இளைஞரான கோகுல்ராஜ் மாற்று சமூகத்தைச் சேர்ந்த பெண்ணைக் காதலித்தார் என்றும், அதனால்தான் அவர் கொலை செய்யப்பட்டார் என்றும் கூறப்பட்டது. மேலும், அதன் பின்னணியில் தீரன் சின்னமலை கவுண்டர் பேரவையின் தலைவர் யுவராஜ் இருப்பதாகவும் குற்றச்சாட்டு எழுந்து, தமிழகமே கொந்தளித்தது. இந்தத் தகவல் வெளியான உடனே தலைமறைவான யுவராஜ் வாட்ஸ் அப் வழியாக ஆடியோ அனுப்பி, போலீஸை அதிரவைத்தார். சாதிய மோதலாகவும் போலீஸுக்கான சவாலாகவும் கோகுல்ராஜ் வழக்கு உருவெடுத்த சமயம், 2015 செப்டம்பர் 18-ம் தேதி கோகுல்ராஜ் கொலை வழக்கின் விசாரணை அதிகாரி விஷ்ணுபிரியா தூக்கில் தொங்கிய நிலையில் பிணமாக மீட்கப்பட்டார். நாடே அதிர்ந்தது. அது தற்கொலையா, கொலையா என எழுந்த சந்தேகம் ஒட்டுமொத்த தமிழகத்தையும் உலுக்கியது.

விஷ்ணுபிரியாவின் மரணத்துக்கு அப்போது நாமக்கல் மாவட்ட எஸ்.பி-யாக இருந்த செந்தில்குமார்தான் காரணம் என்று அவரின் குடும்பத்தினர் பகிரங்கமாகக் குற்றம்சாட்டினர். விஷ்ணுபிரியாவின் நெருங்கிய தோழியான டி.எஸ்.பி மகேஸ்வரியும் எஸ்.பி செந்தில்குமார் மீதுதான் குற்றம்சாட்டினார். 'கோகுல்ராஜ் கொலை வழக்கில் சம்பந்தமே இல்லாதவர்கள்மீது குண்டாஸ் போடச்சொல்லி எஸ்.பி செந்தில்குமார் கொடுத்த டார்ச்சர்தான், விஷ்ணுபிரியாவைக் கொன்றது. இதை எங்கு வேண்டுமானாலும் சொல்வேன். அதற்கான ஆதாரங்கள் என்னிடம் இருக்கின்றன என்று போலீஸ் அதிகாரியான மகேஸ்வரி கண்ணீரோடு சொல்ல ஒட்டுமொத்த காவல்துறையும் ஆடிப்போனது.

அந்தப் பரபரப்பை அடுத்து இந்த வழக்கு சி.பி.சி.ஐ.டி-யிடம் ஒப்படைக்கப்பட்டது. "குற்றம் சாட்டப்படும் எஸ்.பி-யை எதுவும் விசாரிக்காமல் விஷ்ணுபிரியாவுக்கு காதல் பிரச்னை. அதனால்தான் அவர் தற்கொலை செய்துகொண்டார் என்று சொல்லி யார் யாரையோ அழைத்து விசாரணை நடத்தியது சி.பி.சி.ஐ.டி போலீஸ். இதனால் விஷ்ணுபிரியாவின் குடும்பம் அதிருப்தியடைந்தது. அவரின் தந்தை ரவி, சி.பி.ஐ விசாரணை கேட்டு சென்னை உயர் நீதிமன்றத்துக்குச் சென்றார். நீதிமன்ற உத்தரவையடுத்து வழக்கு சி.பி.ஐ-க்கு மாற்றப்பட்டது. சி.பி.ஐ விசாரிப்பதால் உண்மை வெளிவரும் என்று எல்லோரும் நம்பி இருந்த சூழலில்தான், " டி.எஸ்.பி விஷ்ணுபிரியா மரணத்துக்கு யாரும் காரணம் இல்லை. எனவே வழக்கைக் முடித்துக்கொள்வதாகக் கோவை நீதிமன்றத்தில் அறிக்கை தாக்கல் செய்து அதிர்ச்சி கொடுத்துள்ளது சி.பி.ஐ.

இதுதொடர்பாகத் தங்கள் கருத்தை தெரிவிப்பதற்காகக் கோவை நீதிமன்றத்துக்கு அழைக்கப்பட்டிருந்தார் விஷ்ணுபிரியாவின் தந்தை ரவி. அதன்படி இன்று அவர் கோவை தலைமைக் குற்றவியல் நீதிமன்றத்தில் ஆஜரானார். வழக்கின் விசாரணையை வருகிற 24-ம் தேதிக்கு ஒத்திவைத்து நீதிபதி மலர் மன்னன் உத்தரவிட்டார். அதையடுத்து பத்திரிகையாளர்களைச் சந்தித்த விஷ்ணுபிரியாவின் தந்தை ரவி, "சி.பி.ஐ தாக்கல் செய்துள்ள அறிக்கை, இன்னும் எங்கள் கைக்கு வரவில்லை. அதைப் படித்த பிறகுதான். அடுத்து என்ன செய்ய வேண்டும் என்பது குறித்து யோசிக்க முடியும். அந்த அறிக்கையைக் கேட்டு மனு செய்துள்ளோம். நான் என் மகளை இழந்திருக்கிறேன். ஒரு தந்தையாக அவளுக்காக நான் கடைசிவரை போராடுவேன்’’ என்றார் உணர்ச்சிப் பெருக்கோடு.

திருச்சியில் வெளுத்து வாங்கிய மழை -வீடுகளுக்குள் தண்ணீர் புகுந்தது!
 
விகடன்
 



இந்நிலையில் சென்னை வானிலை மையம் தமிழகம், புதுச்சேரியில் மழை பெய்ய வாய்ப்புள்ளதாக அறிவித்திருந்தது.

அதன்படி நேற்று இரவு திருச்சி பகுதிகளில் வீசிய வெப்பச்சலன காற்றுக் காரணமாக திருச்சி மாவட்டத்தில் துவாக்குடி, பெல், மணப்பாறை, துவரங்குறிச்சி மற்றும் அதன் சுற்று வட்டாரப் பகுதிகளில் பலத்த மழை பெய்தது. மேலும், திருச்சி மாநகரில் கண்டோன்மென்ட், விமான நிலையம், ஸ்ரீரங்கம், பாலக்கரை உள்ளிட்ட பல்வேறு இடங்களிலும் லேசானது முதல் மிதமான மழை பெய்தது.

இந்நிலையில் இன்று மதியம் 4 மணியில் இருந்து திருச்சி மற்றும் சுற்றுவட்டாரப் பகுதியில் திடீரென மேகமூட்டமாகக் காணப்பட்டது. அடுத்த சில நிமிடங்களில் இருள் சூழ்ந்த நிலையில் மழை கொட்டத் துவங்கியது சுமார் 1.30 மணி நேரம் வானம் கொட்டித் தீர்த்தது. வறட்சி நிலவிய பகுதிகளில் மழையைப் பார்த்த பொதுமக்கள் மற்றும் விவசாயிகள் மிகுந்த மகிழ்ச்சி அடைந்தனர். இந்த மழையில் திருச்சி மாநகரம் மட்டுமல்லாமல், லால்குடி, சமயபுரம், டால்மியாபுரம், லால்குடி, மணச்சநல்லூர், ரஞ்சிதபுரம் உள்ளிட்ட பகுதிகளில் 50 வீடுகளுக்குள் தண்ணீர் புகுந்தது. இன்று திருச்சியில் சுமார் 7.5 செ.மீ. மழை பதிவாகி உள்ளதாகச் செய்திகள் வெளியாகி உள்ளது.

நலம்தரும் நான்கெழுத்து 17: உடலே மந்திரம்... இணையம் தந்திரம்!

Published : 13 Jan 2018 09:40 IST

டாக்டர் ஜி. ராமானுஜம்



‘பெரும்பாலான நேரம் நாம் பயப்படுவதைவிட மிகக் குறைவாகவே பாதிப்படைந்திருப்போம். நிஜத்தைவிடக் கற்பனையே மனிதனை அதிகம் வதைக்கிறது’

- லூயி செனெகா, ரோமானியத் தத்துவ ஞானி

உடல்நலனைப் பற்றி அக்கறையே இல்லாமல் இருப்பது ஒரு துருவம் என்றால் அளவுக்கு அதிகமாக உடலைப் பற்றிக் கவலைப்படுவதும் ஒரு நோய்தான். இல்லாத நோய்களெல்லாம் நமக்கு இருக்கின்றனவோ எனக் கவலைப்படுவதும் ஒரு நோயே. இதை ‘ஹைப்போகோண்டிரியாசிஸ்’ என ஆங்கிலத்தில் அழைக்கிறார்கள்.

சிலர், நாளிதழ்களில் தலைப்புச் செய்திகளைக்கூடப் பார்க்காமல் மருத்துவம் தொடர்பான கட்டுரைகளை முதலில் வரிவிடாமல் படிப்பார்கள். நல்ல விஷயம்தான். ஆனால், அந்தக் கட்டுரைகளில் இருக்கும் நோய்கள் எல்லாம் தனக்கும் இருப்பதாகப் பயப்படுவார்கள். ‘இடது கையில் வலியா? இதய நோயாக இருக்கலாம்!’ எனப் படித்தவுடன் எங்கேயாவது இடித்துக்கொண்டு இடதுகை வலித்தாலும்கூட மாரடைப்புதான் வந்திருக்கிறது எனப் பதைபதைப்பார்கள். அடிக்கடி நெஞ்சுவலி, மூச்சுத்திணறல் எனச் சொல்லி தெரு முனையிலேயே ஆட்டோக்களோடு ஒரு ஆம்புலன்ஸையும் நிரந்தரமாக நிற்க வைத்துவிடுவார்கள்.

இணையம், டாக்டர் அல்ல..!

பதற்றப்படும்போது நமது உடலில் இதயத் துடிப்பு அதிகரிக்கும். கை நடுங்கும். மூச்சு முட்டும். இவற்றையெல்லாம் கவனிக்க ஆரம்பித்துவிட்டால், அவை இன்னும் பல மடங்கு அதிகமாகும்.

அதிலும் இணைய வசதிகள் அதிகரித்துள்ள இந்தக் காலத்தில் இணையத்தில் மருத்துவம் தொடர்பான தகவல்களை மிக எளிதில் பெற முடிகிறது. மருத்துவத் தகவல்கள் பரவலாக அனைவரையும் சென்று சேர்ந்தால்தான் நோய்களைப் பற்றிய விழிப்புணர்வும் சிகிச்சை முறைகளையும் பக்க விளைவுகளையும் பற்றித் தெரிந்துகொள்ள முடியும். ஒரு காலத்தில் மருத்துவர்கள் மட்டுமே அறியக்கூடிய தகவல்கள் பலவற்றை, இப்போது ஸ்மார்ட்ஃபோன் உள்ள யார் வேண்டுமானாலும் அறிய முடியும். இது விழிப்புணர்வை ஏற்படுத்தக்கூடிய ஒன்று என்ற வகையில் வரவேற்கத்தக்கதே.

மருத்துவர்கள்கூட நகைச்சுவையாகச் சொல்வதுண்டு ‘எல்லா நோயாளிகளும் முதலில் டாக்டர் கூகுளிடம் காட்டிவிட்டுப் பின் இரண்டாவது ஆலோசனை கேட்கத்தான் மருத்துவர்களிடம் வருகிறார்கள்’ என. ஏனென்றால், ‘டாக்டர் கூகுள்’ நம்மைக் காக்க வைப்பதில்லை. அதைவிட மிக முக்கியம் நம்மிடம் ஃபீஸ் வாங்குவதில்லை.

இருப்பதைக் கொண்டு திருப்தி

சிலருக்கு இதுவே தொந்தரவு கொடுப்பதாக அமைந்துவிடுகிறது. இணையதளங்களில் தரமான மருத்துவப் பக்கங்கள் உள்ளன. ஆனால், பல தளங்கள் ‘அவசியம் பகிர்ந்துகொள்ளுங்கள்’, ‘மானமுள்ள தமிழனாக இருந்தால் ஷேர் பண்ணுங்கள்’ என நமக்கு வாட்ஸ் அப்பில் வருவது போன்ற தகவல்களைத் தரும் தளங்களாகவே இருக்கின்றன. விளைவு? மருத்துவப் புத்தகங்களில் மட்டுமே இருக்கக்கூடிய அபூர்வமான நோய்களெல்லாம் தமக்கு இருப்பதாகப் பலரும் கற்பனை செய்துகொள்ள ஆரம்பித்துவிடுகிறார்கள். இந்த வகை இணைய நோயர்களுக்கு ‘சைபர்கோண்டிரியாக்’ என்று பெயர்.

இன்னும் சிலருக்கு வேறு வகையான தொந்தரவு இருக்கும். தங்கள் உடலில் ஏதோ மாற்றம் ஏற்பட்டுள்ளதாக உணர்வார்கள். மூக்கு வளைந்திருக்கிறது, முகம் கோணலாக இருக்கிறது என்றெல்லாம் கற்பனை செய்துகொண்டு பிளாஸ்டிக் சர்ஜன்களிடம் சென்று தங்கள் உடல் உறுப்பைத் திருத்தி அமைக்குமாறு சொல்வார்கள். அதற்கு உலகப் புகழ்பெற்ற உதாரணம்... மைக்கேல் ஜாக்சன்! ‘அனாரக்ஸியா’ என்ற பாதிப்புக்கு உள்ளாகும் சிலர் ஒல்லியாக இருந்தும் உடல் எடை அதிகமாக இருக்கிறது என சைஸ் ஜீரோவை நோக்கிக் கடும் தவமிருந்து விரதமிருப்பார்கள். இப்படிப் பல உதாரணங்களை அடுக்கலாம்.

குட்டையான கால்கள் உள்ள ஒருவரிடம் நண்பர் ஒருவர் கிண்டலாகக் கேட்டாராம் “ஒரு மனிதனின் கால்கள் சராசரியாக எவ்வளவு நீளம் இருக்க வேண்டும்?” என. அதற்கு அவர் நிதானமாகப் பதிலளித்தாராம் “தரையைத் தொடுமளவுக்கு நீளமாக இருந்தால்போதும்” என. இதுபோல் நமக்குக் கிடைத்துள்ள உடலமைப்பைத் திருப்தியுடன் ஏற்காததன் விளைவே, இதுபோன்ற மனச்சிக்கல்கள்.

உடலைக் கவனிக்காமல் அலட்சியப்படுத்துவதற்கும் அளவுக்கு மீறிக் கவனித்துப் பதற்றப்படுவதற்கும் இடையேயான சமநிலையே நலம்தரும் நான்கெழுத்து.

கட்டுரையாளர், மனநலத் துறைப் பேராசிரியர்
தொடர்புக்கு: ramsych2@gmail.com

பதின் பருவம் புதிர் பருவமா? 8 - இதுதான் காதல் என்பதா?

Published : 07 Nov 2015 14:15 IST

டாக்டர் ஆ. காட்சன்
 




‘நான் எனது குழந்தைகளை வெளியில் படிக்க அனுப்பும்போது பாதுகாப்பாக உறவு வைத்துக்கொள் என்றே சொல்லி அனுப்புவேன்’ என்று சில வருடங்களுக்கு முன்பு நண்பர் ஒருவர் கூறினார். அந்த நேரத்தில் அவர் கூறியது எனக்குச் சற்று நெருடலாகவே இருந்தது. ஆனால், இப்போது செக்ஸ் சார்ந்து ஏற்பட்டுவரும் மாற்றங்கள், அவர் கூறியதைவிட நெருடலாக இருக்கும் அளவுக்குப் போய்விட்டன.

மேற்கத்தியக் கலாச்சாரத்தால் உலகெங்கும் நிறைய மாற்றங்கள் நிகழ்ந்துள்ளன. அந்த மாற்றங்களில் நம்மில் பலரைக் குழப்பத்தில் ஆழ்த்தக்கூடிய ஒன்று: வளர் இளம்பருவத்தில் கர்ப்பமாதல்!

மேற்கத்திய நாடுகளில் இரு பாலினத்தவரும் 16 அல்லது 17 வயதில் முதன்முறையாகப் பாலியல் அனுபவத்தைப் பெறுகிறார்கள். அங்கு எளிதில் உணர்ச்சிவசப்படும் குணம் கொண்டவர்கள், இளம் வயதிலேயே தங்களுடைய முதல் உடலுறவு அனுபவத்தைப் பெறுவதாகப் புள்ளிவிவரங்கள் தெரிவிக்கின்றன.

இந்தியாவில் அது போன்ற விரிவான புள்ளிவிவரங்கள் இல்லாவிட்டாலும், பல விஷயங்களில் மேற்கத்தியக் கலாச்சாரத்தைப் பின்பற்றும் நமது இளைஞர்களுக்கு இந்த அனுபவம் முற்றிலும் புதிது அல்ல.

டீன்ஏஜ் கர்ப்பப் பாதிப்புகள்

இந்தப் பின்னணியில் கருத்தடைச் சாதனங்களைப் பயன்படுத்தாமல் உடலுறவு கொள்ளும்போது, வளர் இளம்பருவத்திலேயே கர்ப்பமடையும் நிலைக்குச் சில பெண்கள் தள்ளப்படுகின்றனர். ஆணுறை உள்ளிட்ட பாதுகாப்பான நடைமுறைகளைப் பின்பற்றாமல் உடலுறவு கொள்வதால், பாலியல் நோய்களுக்கும் ஆளாகின்றனர்.

இதன் காரணமாக சட்டத்துக்குப் புறம்பான கருக்கலைப்புகளும், ஆதரவற்று விடப்படும் குழந்தைகளின் எண்ணிக்கையும் பெருகிவருவது வருந்தத்தக்க உண்மை. தொடர்ச்சியாக உடல்ரீதியாகவும், மனரீதியாகவும் வளர்இளம் பெண்கள் பாதிக்கப்படுகின்றனர். சிலர் அவமானத்தால் தற்கொலைகூடச் செய்துகொள்கின்றனர்.

இங்கிலாந்தில் நடந்த ஒரு கருத்துக் கணிப்பின்படி, தங்களுடைய ஆண் நண்பர் விரும்பியதால்தான் காதல் விளையாட்டுகளுக்கும் உடலுறவுக்கும் ஒப்புக்கொண்டதாக நான்கில் மூன்று பங்கு வளர்இளம் பெண்கள் தெரிவித்துள்ளனர். இதில் யாருக்கு முன்புத்தி, பின்புத்தி என்ற வீண் வாதம் தேவையில்லை. முடிவில் அதிகப் பாதிப்புக்குள்ளாவது என்னவோ பெண்கள்தான். எனவே, இதனால் ஏற்படும் உடல், மனம் மற்றும் சமூகரீதியான பின்விளைவுகளைப் பற்றி பெற்றோர்களும், கல்வி மூலமாக ஆசிரியர்களும் எடுத்துச்சொல்ல வேண்டிய அவசியம் உள்ளது.

நிழல் உண்மைகள்

காதல், பாலியல் குறித்த சினிமா காட்சிகள் சமீபகாலமாகக் கூசவைக்கும் அளவுக்கு மாறிவிட்டன. இளம்வயதினர் பாலியல்ரீதியாகக் கெட்டுப்போவதைக் குறித்துக் கருத்து சொல்கிறோம் என்று சொல்லியே, பல படங்களில் பாலியல் உணர்வைத் தூண்டும் காட்சிகளை அதிகமாக்குகின்றனர்.

குடிக்கும் காட்சிகளில் ‘குடி உடல் நலத்துக்குக் கேடு’ என்ற வார்த்தைகளை ஓட விடுவதால் எப்படி மாற்றங்கள் நிகழ்வதில்லையோ, அதுபோலத்தான் இந்த வகை சினிமாக்களும். ஏற்கெனவே, Identity crisis என்றழைக்கப்படும் சுயஅடையாளம் பற்றிய குழப்பத்தில் இருக்கும் வளர்இளம் பருவத்தினர், இளம் வயது காதல் காட்சிகளால் கவர்ந்து இழுக்கப்பட்டு, தவறான பாதையைத் தேர்ந்தெடுப்பதற்கு வாய்ப்புகள் மிக அதிகம்.

வெட்கமும் நெளிவும்

‘என் மகன் டி.வி.யில் காதல் காட்சிகள் வரும்போது மிகவும் வெட்கப்படுகிறான், ஒருமாதிரியாக நெளிகிறான், சிரிக்கிறான்' என்று ஒருமுறை கூறினார் மூன்றாம் வகுப்பு படிக்கும் ஒரு சிறுவனின் அம்மா. அம்மா உன் மீதும், நீ அம்மா மீதும் வைத்திருப்பது, தாத்தா - பாட்டி உன்னை நேசிப்பதும்கூடக் காதல் - பாசம்தான் என விளக்கம் சொல்லிப் புரிய வைக்கப் பெரிதும் கஷ்டப்பட்டேன்.

இந்த சினிமா காட்சிகள் சிறுவர்களையே இந்த அளவுக்குப் பாதிக்கின்றன என்றால், வளர்இளம் பருவத்தினரைப் பாதிக்க வாய்ப்பில்லை என்று எப்படிச் சொல்ல முடியும்? சினிமாவில் வருவதுதான் உண்மையான காதல் என்று நிழலுக்கும் நிஜத்துக்கும் வித்தியாசத்தை முழுமையாக உணர முடியாத நிலையில் இருக்கும் விடலைப் பருவத்தினருக்குப் பெற்றோர்தான் தெளிவான ஆலோசனைகளை வழங்க வேண்டும். ஏனென்றால், வளர்இளம் பருவத்தினரின் காதலும் பாலுணர்வும் சந்தர்ப்பங்களை எதிர்பார்த்துக் காத்துக்கொண்டிருக்கும்.

பிரச்சினையாகும் காதல்

வளர்இளம் பெண்களின் மனநலப் பிரச்சினைகளைத் தீர்ப்பதில் பல ஆண்டு அனுபவம் வாய்ந்த ஒரு பெண் மனநல மருத்துவர் சொன்ன சேதி பெரும் அதிர்ச்சி அளித்தது. பெரும்பாலான பெண்கள் சினிமாக்களின் மூலமாகவே காதலைப் பற்றி தெரிந்துகொள்வதாகவும், நிஜ வாழ்க்கையிலிருந்து அதைப் பிரித்தறியத் தெரியாத பக்குவத்தில் அவர்கள் இருப்பதாகவும் கூறினார்.

பெரும்பாலான விடலைக் காதல்கள் காதல் விளையாட்டுகளிலும், சாத்தியமிருந்தால் உடலுறவில் முடிவதாகவும் தெரிவித்தார். ஆண் நண்பர்களிடமிருந்து உடல்ரீதியான தொடுதல்களைத் தவிர்க்கும் பெண்கள் மட்டுமே, இதுபோன்ற பிரச்சினைகளிலிருந்து தப்பித்துக்கொள்கின்றனர்.

காதலுக்குக் கடிவாளம்

விடலைக் காதல்கள் தொலைநோக்குப் பார்வையுடன் அமைவதில்லை. மாறாக அந்தக் கணத்தில் தோன்றும் உணர்ச்சிகள், இனக்கவர்ச்சியின் அடிப்படையிலேயே அமைகின்றன. வளர்இளம் பருவத்தில் காதல் உணர்வு வருவதைத் தடுக்க முடியாதுதான். ஆனால், அதை முறைப்படுத்த வேண்டியது அவசியம்.

பெற்றோருடன் அதிக நேரம் செலவழித்தல், ஆண் - பெண் நட்பை ஆரோக்கியமான முறையில் அணுகுதல், எல்லைகளை வரைமுறைப்படுத்துதல், எல்லைகள் மீறப்படும்போது கவனமாக விலகிக்கொள்ளுதல், படிப்பை முதன்மையாகக் கருதுதல் என்பது போன்ற அறிவுறுத்தல்கள் இந்த வயதினருக்கு அவ்வப்போதுத் தேவை.

வாழ்க்கையையும் வாழ்க்கைத் துணையையும் தனியாகத் தீர்மானித்துக் கொள்ளக்கூடிய வயதும் காலமும் இது கிடையாது. இந்த விடலை காதல்கள் பெற்றோருக்குத் தெரியவரும்போது உடனே வானத்துக்கும் பூமிக்கும் குதித்து, வீண் ஆர்ப்பாட்டம் செய்வதைவிட அந்தப் பருவத்தில் உள்ளவர்களின் உணர்வைப் புரிந்துகொண்டு தெளிவான ஆலோசனைகள் வழங்கும் பக்குவத்தைக் கொண்டிருக்க வேண்டும். ஏனென்றால், இந்த வயதில் எங்கு அதிகக் கரிசனை கிடைக்கிறதோ, அந்தப் பக்கம்தான் மனசு சாயும்.

(அடுத்த முறை: அவசியம் கற்க வேண்டிய பாடம்)
கட்டுரையாளர், திருநெல்வேலி மருத்துவக் கல்லூரியின் உதவிப் பேராசிரியர் மற்றும் மனநல மருத்துவர்
தொடர்புக்கு: godsonpsychiatrist@gmail.com

Hand over public exam results to parents: Madras HC notice to education secretary 

DECCAN CHRONICLE.

Published May 10, 2018, 3:41 am IST

Some students who fail in the examinations attempt suicide and in few cases, students have died. 


Madras high court

Chennai: The Madras high court ordered notice to the school education secretary and director of school education on a public interest litigation, which sought a direction to the authorities to hand over the results of the public examinations to the parents of students in a parent-teacher meeting and not to publish the results directly in newspapers and websites, so as to prevent students who fail in the examinations from committing suicide.

A division bench comprising Justices V.Parthiban and P.D.Audikesavalu posted further hearing of the PIL filed by A.Senthil Kumar of Chennai after four weeks. According to Senthil Kumar, the results of the public examinations conducted by government for the 10th, 11th and 12th standards were published directly in newspapers and websites, enabling students who wrote the examinations to know about their results.

Some students who fail in the examinations attempt suicide and in few cases, students have died. Therefore, there is need for an alternative method of announcing the results. If the results are handed over to the parents of students in a parent-teacher meeting in the school premises, suicide attempts by candidates who fail in the examinations, can be prevented, he added.

The petitioner said that he had already sent a representation on April 14, 2018 in this regard to the authorities concerned, but there was no response so far. Therefore, he filed the present, he added.

People in frenzy as Hyderabad ATMs run dry 

DECCAN CHRONICLE. | COREENA SUARES

Published May 10, 2018, 1:16 am IST
Citizens said that they had to visit a minimum of 4 ATMs to find cash. 


A bank staffer told DC, “Cash crunch may be the result of panic withdrawal by customers who anticipated cash crunch. (Photo: ANI | Twitter)

Hyderabad: “After trying 6 ATMs unsuccessfully, I went into a bank. They too had no money and gave me Rs 10,000 in 50 rupee denominations. I had to pay my electricity bill in cash as one of my cheques in November was dated 2016 instead of 2017 which meant that only cash would be accepted from the “defaulter” for one year,” says Vimala Madan from Sainikpuri. This is not an isolated case and there have been many complaints about ATMs running dry in the first ten days of May that usually sees high withdrawals by salaried persons and pensioners. Citizens said that they had to visit a minimum of 4 ATMs to find cash.

Ms Shalini Dubey of Anand Bagh said, “Out of all the ATMs working in my locality, only one percent of the ATMs hold cash. We are forced to stand for more than 30 minutes as even banks cite cash deficiency. Also, the ATMs that hold cash are not dispensing large currency notes.”

While the cash crunch was going on, SBI offered cash withdrawal using credit card for their customers. Mr Mahender Reddy a techie and resident of Khairatabad says, “The ATMs were running dry in my area and ironically I received an option to withdraw money using my credit card at zero interest. The issue of cash crunch should be addressed first before giving such offers.”

A bank staffer told DC, “Cash crunch may be the result of panic withdrawal by customers who anticipated cash crunch. Especially employees and pensioners tend to withdraw the entire amount fearing no cash will be available in the near future. However the ATMs are being timely refilled.”

SBI authorities state that 82 per cent of SBI ATMs across Telangana are operational and there is sufficient cash flow.

Many employees at Flipkart become dollar millionaires

TIMES NEWS NETWORK

Bengaluru: 10.05.2018

Walmart’s buyout of Flipkart will make a host of former and current employees with shares in the latter rich, and quite a few will become dollar millionaires. Some 3,000 or more employees, current and former, are said to be holding shares. The company has a total strength of about 10,000.

At the employee town hall on Wednesday, there was a big cheer when Flipkart co-founder and group CEO Binny Bansal announced a 100% buyback of vested ESOPs (employee stock options. Sources told TOI that the buyback could be at around $150 (Rs 10,000) a share.

Among those turning dollar millionaires are said to be Sameer Nigam, CEO and founder of PhonePe, the payment arm of Flipkart, Amod Malviya, former chief technology officer, Sujeet Kumar, former president of operations, Vaibhav Gupta, former business finance chief, Mekin Maheswari, former chief people officer, Ankit Nagori, former chief business officer, and Ananth Narayanan, CEO of Myntra and Jabong.

Malviya, Kumar and Gupta went on to found trading platform Udaan. Nagori started healthcare platform Curefit, together with Myntra founder Mukesh Bansal.

Maheswari recently started Udhyam Learning Foundation, which works on developing entrepreneurial mindsets amongst youth from difficult backgrounds.

Flipkart was quite liberal in granting stock options to employees. But it would still not be able to rival Infosys, which is said to have created 20,000 rupee-millionaires and 500 dollar-millionaires in the 1990s and 2000s.

“Infosys grew organically, taking in less capital and creating sustainable cash flows. Flipkart has consumed huge amount of capital, which has gone into building the business and funding losses. But they need to be congratulated for creating value,” T V Mohandas Pai, former board member at Infosys, said.








(Clockwise from top left) Sameer Nigam, Amod Malviya, Sujeet Kumar, Ananth Narayanan, Ankit Nagori and Mekin Maheshwari

Harsh Vardhan calls Tagore ‘Sir’, says slip of tongue

Krishnendu.Bandyopadhyay@timesgroup.com

Kolkata: 10.15.2018

Rabindranath Tagore, who renounced knighthood to protest against the Jallianwala Bagh massacre 99 years ago, was referred to as “Sir Rabindranath Tagore” on his 157th birth anniversary in Kolkata in the course of a speech by Union environment and science and technology minister Harsh Vardhan on Wednesday.

Several members of the audience who were listening to the speech gasped in disbelief. When asked, the minister told TOI that it might have been a “slip of the tongue”.

“I have great admiration for Gurudev and I got a little emotional while praising the great men Kolkata produced. I cannot recollect in my conscious memory whether I called Tagore Sir or not. But what happened was definitely inadvertent,” he said.

The minister heaped praise on Tagore and other luminaries after inaugurating four galleries, three belonging to the Zoological Survey of India and one to the Botanical Survey of India, at the Indian Museum, along with Bengal governor Keshari Nath Tripathi.

However, his use of the word “Sir” did not go unnoticed. Indian Museum officials were taken aback.

“We are surprised because he is otherwise very thorough about the city and its contribution to freedom movement,” a senior Indian Museum official said.

Tagore expert Amrita Sudhan Bhattacharya, explaining the probable reason for the gaffe, said: “Tagore accepted knighthood and then denounced it. The minister must have been confused.”

The Jallianwala Bagh massacre took place in April 1919. There is a growing demand in India to seek a formal apology from the British government before its centenary. 

Modi-Rajinikanth combine can do wonders to TN

TIMES NEWS NETWORK

Chennai: 10.05.2018
Aligning with the BJP would help veteran actor Rajinikanth assume power in Tamil Nadu, according to Thuglaq magazine editor S Gurumurthy, who said that the combination of Prime Minister Narendra Modi and Rajinikanth would do wonders for people of Tamil Nadu.

Speaking on the sidelines of the national executive committee meeting of Federation of Indian Chamber of Commerce and Industry (FICCI), in which Rajini's political opponent Kamal Haasan also participated, Gurumurthy said that bringing together the administrative nous of Modi and the mass appeal of Rajini would work like magic. He, however, denied that he was advising Rajini on his political entry. "If people think I am advising Rajinikanth, then I am proud of that," he said.

Haasan and Gurumurthy did not share the dais during the event. Kamal, who spoke earlier, was on his way out when Gurumurthy walked in. The duo acknowledged each other and shook hands.

Both were asked to comment on the ongoing Cauvery water sharing dispute. While Gurumurthy sought to shift blame for the delay in setting up of Cauvery Management Board away from Modi, Haasan said the issue was not insurmountable. "If politics will just stand aside, then logic and logistics will fall into place. Then, we can quickly solve the problem," Haasan said, adding that the issue should be "left to actual users" of Cauvery river like farmers.

Yet to contest polls, Haasan was asked by an audience member if defeat would mean the end of his political journey, to which Kamal retorted that it wouldn't be. "I will continue my (political) journey despite failure. I started the journey to challenge status quo, to tell my people that integrity and honesty has a place in politics. This (politics) is the rest of my life," he said. 


S Gurumurthy with Kamal Haasan at the FICCI event in Chennai on Wednesday

MKU sex scam: HC says it will not stall probe by guv panel

TIMES NEWS NETWORK

Chennai: 10.05.2018

Upholding the claim of Tamil Nadu Governor Banwarilal Purohit that he has powers as the chancellor of state universities to appoint a committee to inquire into the alleged sex scandal involving assistant professor Nirmala Devi, the Madurai bench of the Madras high court on Wednesday refused to stall the probe conducted by the R Santhanam commission.

Noting that the courts cannot interfere in the powers of the governor, a division bench of Justices M Govindaraj and G R Swaminathan dismissed a public interest litigation moved by Selvagomathy seeking to declare the committee headed by former IAS officer R Santhanam as null and void.

Instead, the petitioner wanted the court to direct the Madurai Kamaraj University to discharge its powers under the provisions of the University Grants Commission (Prevention, Prohibition and Redressal of Sexual Harassment against Women Employees and Students in Higher Educational Institutions) Regulations - 2015.

The petitioner sought a direction to hold an inquiry of the sexual harassment complaint by a local complaints committee as required under the Sexual Harassment of Women at Workplace (Prevention, Prohibition and Redressal) Act.

The governor had appointed former IAS officer R Santhanam as the inquiry commission on April 17. Soon after the appointment, questions were raised about the Raj Bhavan instituting a probe into the case of a woman assistant professor allegedly asking students to offer sexual favours to higher-ups. However, the governor defended himself saying that, as the chancellor of the university, he had the authority to do so.

‘NEET Tamil paper riddled with errors’ 

NGO Claims Translation Lapse In 49 Of 180 Questions

TIMES NEWS NETWORK   10.05.2018

Chennai:

There were translation errors in 49 of the 180 questions in NEET Tamil medium paper claimed Teach For All, a Chennaibased NGO, which conducted special training classes for theexam for below poverty line students in Tamil Nadu.

At a press meeting on Wednesday, representatives of the NGO pointed out the translation errors in the Tamil question paper of the NEET held on May 6.

Pointing out to an example, they said that the Tamil translation of cheetah is ‘siruthai’, but instead it appeared as ‘seetha’ on the question paper (question no. 75). Another error is that of the word ‘multiple allele’ (a technicalwordin biology)in question number 77, which was printed as ‘pala kuttu allelgal’ instead of ‘pal kootu,’ they said.

Similar errors had occurred in 47 other questions and the CBSE should provide grace marks for all these questions, said Teach For Allfounder GBRam Prakash. “This means, every candidate who took up the test in Tamil should get 196 points as grace marks,” he said.

According to him, the reason for the confusion is that there are no NCERT books availablein Tamil and that the CBSE failed to standardise technical words in Tamil.

Last year, different question papers were given to English and Tamil candidates and the CBSE had assured the Supreme Court that the errorswould notbe repeated this year, he said.

In case of ambiguity in translation of any question, its English version shall be treated as final says a disclaimer printed on page one of the question paper in Tamil. “It’s okay to ask the students to refer to the English version of the questions in case of one or two errors. Students will not be able to find enough time to do that for 49 questions,” he added. Around 24,000 students took NEET-UG in Tamil this year.

CBSE authorities at the Chennai regional office refused to comment when TOI contacted them. 

இனிப்பு தேசம் 4: ஆவாரை அதிகமாய் ஒரு தேநீர்!

Published : 05 May 2018 10:54 IST
 
மருத்துவர் கு.சிவராமன்



ஜன்னலோரப் பேருந்துப் பயணங்களில், வழியெல்லாம் வறண்ட மானாவரி நிலங்களில் பூத்து நிற்கும் பொன் மஞ்சள் நிற ஆவாரம் பூக்களை அநேகம் பேர் கவனித்திருக்க மாட்டார்கள்.

ஆனால், அந்தப் பூக்கள் எல்லாம் இன்று, ஆங்காங்கே இருந்து புறப்பட்டு பஸ் ஏறி, ரயில் ஏறி, சென்னைப் பூங்காக்களின் வாசல்களில் காலை நடைப்பயிற்சி செய்து வெளிவரும் ‘இனிப்பு’ மிகுந்தவர்களை, வரவேற்கும் ‘பொக்கே’க்களாய் அல்லது ரெடிமேட் ஆவாரை மூலிகைத் தேனீராய் அலங்கரிக்க ஆரம்பித்துவிட்டன. ஆம்! ஆவாரம்பூ இன்று நீரிழிவு வியாதிக்காரர்கள் அதிகம் தேடும் மூலிகை. ஆவாரையில் அப்படி என்ன இருக்கிறது?

நீரிழிவைக் கட்டுப்படுத்தும் நீர்

அன்று ஆவாரம்பூ அநேகமாகக் கடும் வெயிலில், உழவுப் பணிசெய்யும் விவசாயி, உச்சி வெயில் தன் மண்டையைப் பிளக்காமல் இருக்க, சூட்டைத் தணிக்கும் மூலிகையாக தன் தலைப்பாகையில் இதை வைத்துக் கட்டியிருந்தார். சித்த மருத்துவமோ பித்தச் சூட்டை மட்டுமல்லாது மேகச் சூட்டையும், அதையொட்டி உடலினுள் ஓடி வரும் பிரமேகமாகிய நீரிழிவையும் கட்டுப்படுத்தும் என ஆவாரையை அடையாளம் காட்டியது. சூட்டால் கண்கள் மீது ஏற்படும் பாதிப்பையும் தடுக்கும் என ஆவணப்படுத்தியிருக்கிறது.

ஆவாரைச் செடியில் பூ மட்டுமல்லாது இலை, தண்டு, வேர் அத்தனையையும் சேர்த்துக் கஷாயமிட்டுச் சாப்பிடச் சொன்னது ‘ஆத்மரட்சாமிர்தம்’ எனும் ஆயுர்வேத நூல். சித்த மருத்துவத்தில் நீரிழிவு நோய்க்கான மிகப் பிரபலமான கஷாயம் ஆவாரைக் குடிநீர். ‘தேரன் குடிநீர்’ எனும் தொகுப்பில் இந்த ஆவாரைக் குடிநீரும் ஓர் அங்கம்.

ஏழு மூலிகைகள்

எப்படி நிலவேம்புக் குடிநீர் என்பது நிலவேம்பு மட்டுமல்லாது, கூடுதலாக 7 மூலிகைகளைச் சேர்த்துத் தயாரிக்கப்படும் பானமோ, அதேபோல, சித்த மருத்துவம் அடையாளம் காட்டிய ‘ஆவாரைக் குடிநீரும்’ ஆவாரையுடன் கூடுதலாக ஏழு மூலிகைகளைக் கொண்டது. இது குறித்துப் பரிபாஷையாய்ப் பாடப்பட்ட பாடலை விரித்துப் பெற்ற விளக்கத்தில் கிடைத்த நவீன விஞ்ஞானப் புரிதல், இன்னமும் வியக்க வைக்கிறது. அந்த அருமையான பாடல் இதுதான்:

‘ஆவாரை கொன்றை நாவல் அலைகடல் முத்தங் கோஷ்டம் மேவிய மருதத்தோலும் மிளிர்ந்திட ரொக்கக் கொண்டு, பூவிரி குழலினாளே! காவிரி நீரும் வற்றும்; கடல் நீரும் வற்றும் தானே’

- எனும் அந்தப் பாடலின் கடைசி வரியை மேலோட்டமாகப் படித்தால் தலைசுற்றும். ‘அதான் ஏற்கெனவே காவிரி வற்றித்தானே இருக்கு? கன்னடத்துச் சித்தராமய்யா சொல்றது பத்தாதா? புதுசா இந்த தேரன் சித்தர் என்ன சொல்ல வர்றார்?’ எனக் குழப்பும்.

சித்தர் பரிபாஷையாய்ச் சொன்ன சூட்சுமம் இதுதான். காவிரி நீர் இனிப்பாய் இருக்கும். கடல் நீர் உவர்ப்பாய் இருக்கும். இனிப்புச் சிறுநீரைத் தரும் (Glycosuria) நீரிழிவு நோய்க்கும், அதனால் நாளடைவில் ஏற்படும் சிறுநீரகச் செயல்பாட்டுக் குறைவால், புரதம் கலந்த உப்புச் சிறுநீர் (proteinuria) வரும் சிறுநீரக நோய்க்கும் என இரண்டுக்குமே ஏற்றது இந்த ஆவாரைக் குடிநீர் என்பதுதான் அதன் பொருள்.

ஆவாரை ‘ஆஹா’ ஆய்வு

ஆவாரைக் குடிநீரில் இன்று பல மருத்துவ ஆய்வுகள் நடைபெற்று, சித்தர் சொன்னதை உறுதிப்படுத்தியுள்ளன. புத்தாயிரம் ஆண்டிலேயே, சென்னைப் பல்கலைக்கழக ஆய்வு ஒன்று ஆவாரைக் குடிநீர் எப்படிப் பயன்படுகிறது என ஆராய்ந்து அறிவித்தது.

தொடர்ச்சியான ஆய்வுகள் எல்லாம் அதன் ‘ஆல்ஃபா அம்லேஸ் இன்ஹிபிஷன்’ (alpha amylase inhibition), ‘ஆல்ஃபா கிளைக்கோசிடேஸ் இன்ஹிபிஷன்’ (alpha Glycosidase inhibition) எனும் இரு செயல்திறன்கள் மூலம் ரத்தத்தில் சர்க்கரை ஏறாமல், தங்காமல் இருக்க உதவுவதை உறுதிப்படுத்தின.

கூடவே கணினி மூலமாக ஆவாரையின் அத்தனை தாவரக்கூறுகளை ஆராய்ந்து அறிந்ததில், ஆவாரையின் மருத்துவக் கூறுகள் போய், ரத்தத்தில் சர்க்கரையைக் கட்டுப்படுத்தும் நொதிக்கற்றையில் கூடுவதை ‘டாக்கிங்’ (Docking) மூலம் உறுதிப்படுத்தியுள்ளன.

நீரிழிவு நோயில் வரும் அதிக நாவறட்சி, மெலிவு, உடற்சோர்வு - இத்தனைக்கும், ஆவாரைக் குடிநீர் பயன்படுவதை ஆரம்பகட்ட ‘ரிவர்ஸ் பார்மகாலஜி’ (reverse pharmacology) மற்றும் ‘கிளினிக்கல் ரிசர்ச்’ (clinical research) மூலம் உறுதிசெய்துள்ளனர் இன்றைய ஆய்வாளர்கள்.

கடலழிஞ்சிக்குக் காப்புரிமை

இந்த ஆய்வுப் பயணம் இன்னமும் பல மைல் தூரம் பயணிக்க வேண்டியிருந்தாலும், பல நூறு ஆண்டுகள் பழக்கத்தில், மரபு மருத்துவத்தில் பெரும் பயன் தரக் கூடியதான ஆவாரைக் குடிநீரை, இனி நீரிழிவு நோய் கண்டவர்கள் தினமும் மூலிகைத் தேநீராய்ச் அருந்துவது சிறப்பு.

இந்தக் குடிநீரைத் தயாரிக்கும்போது கடலழிஞ்சில் (salacia reticulata) எனும் மூலிகையும் சேர்க்கப்படுகிறது. நீரிழிவு நோய்க்கு அது பயன்படும் விதத்தில் ஒரு காப்புரிமையை அமெரிக்காவின் ஒஹையோ பல்கலைக்கழகம் பெற்றுள்ளது என்பது கூடுதல் செய்தி.

நீங்கள் எந்த மருத்துவ சிகிச்சையை எடுத்துக்கொண்டாலும் சரி, கூடவே ஆவாரைக் குடிநீரைச் சிறப்பு பானமாக அருந்தினால், உடலில் இனிப்பு குறையும். உள்ளத்தில் இனிப்பு குதூகலிக்கும்.

இன்சுலின் ஒரு ஹார்மோன்

சென்ற வாரம் இந்தப் பகுதியில் வெளியான ‘இனிது இனிது இன்சுலின் இனிது’ கட்டுரையில், ‘இன்சுலின் சர்க்கரை நோயைக் குணப்படுத்தும் மருந்தல்ல. கொஞ்சம் கட்டுப்பாட்டில் வைக்கும் ஒரு என்சைம்’ என்று குறிப்பிடப்பட்டிருந்தது.

அதைப் படித்த பலருக்கும் ‘இன்சுலின் என்பது என்சைமா அல்லது ஹார்மோனா?’ என்று சந்தேகம் எழுந்திருக்கிறது.

இன்சுலின் என்பது ஹார்மோன்தான். இது கணையத்தில் உள்ள பீட்டா செல்களில் சுரக்கிறது. இது குடல் செரிமானத்தில் கிடைக்கும் குளுக்கோஸ் எனும் உணவுப்பொருள், செல்களுக்குள் சென்று பயன்படுவதைக் கட்டுப்படுத்துகிறது. ஹார்மோன் அல்லது இயக்குநீர் என்பது நாளமில்லா சுரப்பிகள் என அழைக்கப்படும் சிறப்புச் சுரப்பிகளால் சுரக்கப்படும் ஓர் உட்சுரப்பி நீர். இது உடலில் ஓர் இடத்தில் சுரந்து, ரத்தத்தில் கலந்து, குறிப்பிட்ட உறுப்புக்குச் சென்று அந்த உறுப்பின் செயல்பாட்டைக் கட்டுப்படுத்தும் ஒரு சிறப்பு நீர். புரதம், ஸ்டீராய்டு என ஒவ்வொரு ஹார்மோனும் வெவ்வேறு வேதிப்பொருட்களால் உருவாகின்றன.

என்சைம் அல்லது நொதியம் என்பது புரதப்பொருளால் ஆனது. உயிரினங்களின் உடலில் நிகழும் வேதிவினைகளை விரைவாகச் செய்யத் தூண்டும் ஒரு வினையூக்கி இது. தான் எவ்வித மாற்றமும் அடையாமல், வேதிவினைகளை மட்டும் ஊக்கப்படுத்தும் ஒரு கிரியா ஊக்கி. உற்பத்தியாகும் இடத்திலேயே செயல்படக்கூடியது இது.

(தொடரும்)
கட்டுரையாளர், சித்த மருத்துவர்
தொடர்புக்கு: herbsiddha@gmail.com

13ம் தேதி வரை இடியுடன் கன மழை தொடரும்;
பருவமழைக்கு நிகராக கொட்டுது கோடை மழை 

dinamalar 10.05.2018

'தமிழகத்தின் பெரும்பாலான இடங்களில், வரும், 13ம் தேதி வரை, கனமழை கொட்டும்; வட மாவட்டங்களில், நாளை முதல் மழை பெய்ய வாய்ப்புள்ளது' என, வானிலை ஆய்வு மையம் கணித்துள்ளது.



தமிழகத்தில், கோடையின் தாக்கம் அதிகரித்து வரும் நிலையில், 10 நாட்களாக பல்வேறு இடங்களில், கோடை மழை பெய்து வருகிறது. மதுரை, திருச்சி, கரூர், பெரம்பலுார், அரியலுார், சேலம், நாமக்கல், ஈரோடு, வேலுார் உள்ளிட்ட மாவட்டங்களில், கடும் வெயில் நிலவுகிறது.

திருநெல்வேலி, துாத்துக்குடி, விருதுநகர், சிவகங்கை, திண்டுக்கல், ராமநாதபுரம், தேனி, கன்னியாகுமரி, கோவை, நீலகிரி உள்ளிட்ட மாவட்டங்களில், 10 நாட்களுக்கு மேலாக, ஏதாவது ஒரு இடத்தில், கன மழை பெய்து வருகிறது.

இரு தினங்களுக்கு முன், ஒரே நாளில், சிவகங்கையில், அதிகபட்சமாக, 13 செ.மீ., மழை பெய்தது. திருச்சி, வால்பாறை, தென்காசி, அம்பை, தேனி, விருதுநகர், மதுரை உள்பட பல இடங்களில், கோடை மழை கொட்டியது. இதில், திருச்சியின் சில பகுதிகளில், சாலைகளில் வெள்ளப்பெருக்கு ஏற்பட்டு, வீடுகளுக்கும் வெள்ளம் புகுந்தது. மேலும், கேரளா, கர்நாடகாவிலும் பல இடங்களில் மழை பெய்கிறது.

இடியுடன் கன மழை :

'கர்நாடகாவின் வட மாவட்டங்கள் முதல், கேரளா மற்றும் தமிழகத்தின் உள் மாவட்டங்கள் வரை, மேல் அடுக்கு சுழற்சி ஏற்பட்டுள்ளதால், தமிழகத்தில் பல மாவட்டங்களில், கனமழை தொடரும். இன்று முதல், 13ம் தேதி வரை, தமிழகத்தின் பெரும்பாலான மாவட்டங்களில், மிதமானது முதல், இடியுடன் கனமழை பெய்யும்' என, வானிலை மையம் அறிவித்துள்ளது.

'நாளை முதல், வட கடலோர மாவட்டங்களான, சென்னை, காஞ்சிபுரம், திருவள்ளூர், விழுப்புரம், கடலுார், தஞ்சாவூர், புதுக்கோட்டை உள்ளிட்ட பகுதிகளிலும், கனமழைக்கு வாய்ப்புள்ளது. சென்னையில், அதிகபட்சம், 38 டிகிரி செல்ஷியஸ் வரை வெயில் பதிவாகும்.


'திருவள்ளூர், காஞ்சிபுரம், வேலுார், திருவண்ணாமலை, கரூர், திருச்சி மற்றும் பெரம்பலுார் ஆகிய மாவட்டங்களில், 42 டிகிரி செல்ஷியஸ் வெயில் பதிவாகும்' என, வானிலை மையம் கணித்துள்ளது.

திருத்தணியில் உக்கிரம்:

நேற்று மாலை, 5:30 மணி நிலவரப்படி, தமிழகத்தில் அதிகபட்சமாக, திருத்தணியில், 40 டிகிரி செல்ஷியஸ் வெயில் பதிவானது. சென்னை விமானநிலையம், 38; கரூர் பரமத்தி, திருச்சி, 37; சென்னை, கடலுார், பாளையங்கோட்டை, சேலம், 36; காரைக்கால், மதுரை, நாகை, புதுச்சேரி, 35; பாம்பன், பரங்கிப்பேட்டை, 34; கோவை, தர்மபுரி, கன்னியாகுமரி, 33; துாத்துக்குடி, 32; குன்னுார், 24; கொடைக்கானல், 20 டிகிரி செல்ஷியஸ் வெயில் பதிவானது.

- நமது நிருபர் -

மகனுக்கு திருமணம் : லாலுவுக்கு 5 நாள் பரோல்

Added : மே 09, 2018 23:50

பாட்னா: மகன் திருமணத்தில் பங்கேற்க, பீஹார் மாநில முன்னாள் முதல்வர், லாலு பிரசாத் யாதவுக்கு, ஐந்து நாட்கள், 'பரோல்' வழங்கப்பட்டுள்ளது.பீஹார் முன்னாள் முதல்வரும், ராஷ்ட்ரீய ஜனதா தளம் கட்சி தலைவருமான, லாலு பிரசாத் யாதவ், கால்நடை தீவன ஊழல் வழக்கில், ஜார்க்கண்ட் மாநிலம், ராஞ்சியில் உள்ள, மத்திய சிறையில் அடைக்கப்பட்டுள்ளார். சமீபத்தில், அவருக்கு உடல்நிலை பாதிக்கப்பட்டதால், டில்லி, 'எய்ம்ஸ்' மருத்துவமனையில் அனுமதிக்கப்பட்டார்.கடந்த வாரம், எய்ம்ஸ் மருத்துவமனையில் இருந்து, 'டிஸ்சார்ஜ்' செய்யப்பட்ட லாலுவுக்கு, தற்போது, ராஞ்சி மருத்துவமனையில் சிகிச்சை அளிக்கப்பட்டு வருகிறது.லாலுவின் மூத்த மகனும், முன்னாள் அமைச்சருமான, தேஜ் பிரதாப் யாதவ், எம்.எல்.ஏ.,வாக உள்ளார். இவருக்கும், ராஷ்ட்ரீய ஜனதா தளம், எம்.எல்.ஏ., சந்திரிகா ராயின் மகள், ஐஸ்வர்யாவுக்கும், வரும், 12ல், பாட்னாவில் திருமணம் நடைபெறவுள்ளது.மகன் திருமணத்தில், லாலு பிரசாத் யாதவ் பங்கேற்க பரோல் கேட்டு, சிறைத் துறை, ஐ.ஜி.,யிடம், விண்ணப்பிக்கப்பட்டது.

அந்த விண்ணப்பத்தை பரிசீலித்த, சிறைத் துறை அதிகாரிகள், லாலுவுக்கு ஐந்து நாட்கள் பரோல் வழங்கியுள்ளனர்.

கர்நாடக சட்டசபை தேர்தல் பிரசாரம் இன்று...ஓய்கிறது! : நாளை மறுநாள் 223 தொகுதிகளுக்கு ஓட்டுப்பதிவு : மோடி, ராகுல், சோனியாவால் சூடுபறந்தது களம் : போலி வாக்காளர் அட்டைகளால் கட்சிகள் பீதி

Added : மே 09, 2018 22:57

பெங்களூரு: கர்நாடக மாநிலத்தில், ஒரு மாதத்துக்கும் மேலாக அனல் பறந்த தேர்தல் பிரசாரம், இன்று மாலை நிறைவடைகிறது. இறுதிக்கட்ட பிரசாரத்தில், பிரதமர் மோடி, காங்கிரஸ் தேசிய தலைவர் ராகுல், பா.ஜ., தேசிய தலைவர் அமித்ஷா மற்றும் மத்திய அமைச்சர்கள், அனைத்துக் கட்சி தலைவர்கள் தீவிரமாக உள்ளனர். கர்நாடகவில் உள்ள, 224 தொகுதிகளுக்கு தேர்தல் அறிவிக்கப்பட்டது. தேர்தல் அட்டவணை, மார்ச், 27ம் தேதி வெளியிடப்பட்டது. ஆனால், தேதி அறிவிக்கும் முன்பே, அனைத்து கட்சித் தலைவர்களும், சுற்றுப் பயணத்தை துவங்கிவிட்டனர். பெங்களூரு, ஜெயநகர் தொகுதி பா.ஜ., வேட்பாளர் விஜயகுமார், 59, பிரசாரத்தின்போது, மயங்கி விழுந்து, மாரடைப்பால் உயிரிழந்தார். இதனால், இந்த தொகுதியில் மட்டும், தேர்தல் ஒத்திவைக்கப்பட்டுள்ளது. மற்ற, 223 தொகுதிகளிலும், மொத்தம், 2,654 வேட்பாளர்கள், தேர்தல் களத்தில் உள்ளனர். தேர்தல் பிரசாரம் இறுதிக் கட்டத்தை நெருங்கிய வேளையில், பிரதமர் நரேந்திர மோடி, பா.ஜ., தலைவர் அமித் ஷா, காங்கிரஸ் தலைவர் ராகுல், சோனியா, பகுஜன் சமாஜ் கட்சி தலைவர் மாயாவதி உட்பட, பல தேசிய தலைவர்களும், மத்திய அமைச்சர்களும், கர்நாடகாவில் முகாமிட்டனர். பிரதமர் நரேந்திர மோடி, பங்கார்பேட்டை, சிக்கமகளூரு, பெலகாவி, பீதர் ஆகிய இடங்களில், பா.ஜ., வேட்பாளர்களை ஆதரித்து நேற்று பிரசாரம் செய்தார். காங்கிரஸ் தலைவர் ராகுல், நேற்று காலை, பெங்களூரு, பசவனகுடியிலுள்ள தொட்டகணபதி கோவிலில் வழிபட்டார். காந்தி நகர், சி.வி., ராமன்நகரில், காங்கிரஸ் வேட்பாளர்களை ஆதரித்து பிரசாரம் செய்தார். முன்னதாக, ஒசூர் ரோட்டில், கார்மென்ட்ஸ் ஊழியர்களுடன் ராகுல் கலந்துரையாடினார். பிற்பகலில், எச்.ஏ.எல்., சதுக்கத்தில் நடந்த பொதுக்கூட்டத்தில், அவர் பங்கேற்றார். முதல்வர் சித்தராமையா, நேற்று முழுவதும், தான் போட்டியிடும் சாமுண்டீஸ்வரி தொகுதியில் இறுதிக்கட்ட பிரசாரம் செய்தார். முன்னாள் பிரதமர் தேவகவுடா, கனகபுரா, ராம்நகர், சென்னபட்டணா; முன்னாள் முதல்வர் குமாரசாமி, குலேகுட்டா, பாதாமி உட்பட, பல இடங்களில், பிரசாரம் செய்தனர். பா.ஜ., தேசிய தலைவர் அமித்ஷா, துமகூரு, பெங்களூரின் சிவாஜிநகர், சர்வக்ஞ நகர், மகாதேவபுரா ஆகிய தொகுதிகளில், பா.ஜ., வேட்பாளர்களுக்கு ஆதரவு திரட்டினார். முன்னாள் முதல்வர் எடியூரப்பா, தன் தொகுதியான ஷிகாரிபுராவில், நேற்று, நாள் முழுவதும் பிரசாரம் செய்தார். மத்தியப் பிரதேச முதல்வர் சிவராஜ் சிங் சவுகான், தெர்தல், குப்பி சட்டசபை தொகுதியிலும், உத்தரப் பிரதேச முதல்வர் யோகி ஆதித்யநாத், ஹிரேகெரூர், ராணிபென்னுார், ஒசபேட்டை, அத்திபள்ளி உள்ளிட்ட இடங்களிலும் பிரசாரம் செய்தனர். இதுதவிர, சிறிய கட்சிகள் உட்பட அந்தந்த தொகுதி வேட்பாளர்களும், வீடு, வீடாக சென்று ஓட்டு சேகரித்தனர். ஓட்டுப்பதிவு நடப்பதற்கு, 48 மணி நேரத்துக்கு முன்னதாக பகிரங்க பிரசாரம் மற்றும் பொதுக்கூட்டம் நடத்தக்கூடாது. எனவே, கர்நாடக சட்டசபை தேர்தலுக்கான பிரசாரம், இன்று மாலை, 6:00 மணியுடன் முடிவடைகிறது. மேலும், வெளியூர்வாசிகள் தொகுதியை விட்டு வெளியேறும்படி, தேர்தல் கமிஷன் உத்தரவிட்டுள்ளது. பிரதமர் நரேந்திர மோடி, பா.ஜ., தேசிய தலைவர் அமித் ஷா, காங்கிரஸ் தலைவர் ராகுல், கர்நாடகத்தில் முகாமிட்டுள்ள மத்திய அமைச்சர்கள் மற்றும் பா.ஜ., காங்கிரஸ், ம.ஜ.த., பகுஜன் சமாஜ் உள்ளிட்ட கட்சித் தலைவர்கள், இன்றுடன் பிரசாரத்தை முடிக்கின்றனர். நாளை முதல், அந்தந்த தொகுதி வேட்பாளர்கள், வீடு வீடாக சென்று, ஓட்டு சேகரிக்கும் பணியில் ஈடுபடுகின்றனர். தேர்தல் கமிஷனும் ஓட்டுப்பதிவுக்கு தேவையான இறுதிக்கட்ட பணிகளை மேற்கொண்டுள்ளது. கடைசி இரண்டு நாட்களில் வாக்காளர்களுக்கு, முறைகேடான பணம் வழங்கப்படும் என, தேர்தல் அதிகாரிகள் கருதுகின்றனர். இதனால், மாநில எல்லைகள், விமான நிலையங்கள், ரயில் நிலையங்கள் என முக்கிய பகுதிகளில் கண்காணிப்பு தீவிரப்படுத்தப்பட்டுள்ளது. தற்காலிக சோதனைச் சாவடிகளில் இரவு பகலாக வாகன சோதனை நடைபெறுகிறது. இதற்கிடையே, பெங்களூரு, ஜாலஹள்ளி திராட்சை தோட்டம் அருகே, ஒரு லட்சத்துக்கும் அதிகமான நபர்களை, ராஜராஜேஸ்வரி தொகுதி வாக்காளர் பட்டியலில், சட்டவிரோதமாக சேர்க்க நடந்த முயற்சி, நேற்று முன்தினம் அம்பலத்துக்கு வந்தது. பல ஆயிரக்கணக்கான வாக்காளர் போலி அடையாள அட்டைகளும், ஒன்பதாயிரத்துக்கும் அதிகமான அசல் அட்டைகளும் கட்டுக்கட்டாக பணமும் பறிமுதல் செய்யப்பட்டது, அரசியல் கட்சிகள் மற்றும் மாநில மக்களிடையே கடும் அதிர்ச்சியை ஏற்படுத்தியுள்ளது.

தலையங்கம்

‘நீட்’ தேர்வில் இவ்வளவு கெடுபிடிகள் தேவையா?

---

கடந்த ஞாயிற்றுக்கிழமை நடந்த மருத்துவப்படிப்பு மற்றும் பல் மருத்துவப் படிப்புகளுக்கான ‘நீட்’ தேர்வை எழுதப்போன மாணவர்களுக்கு மனஉளைச்சலை ஏற்படுத்தும் அளவில் பெரிய கெடுபிடிகள் நடந்தது நாட்டில் சர்ச்சையை ஏற்படுத்தியுள்ளது.

மே 10 2018, 03:00

கடந்த ஞாயிற்றுக்கிழமை நடந்த மருத்துவப்படிப்பு மற்றும் பல் மருத்துவப் படிப்புகளுக்கான ‘நீட்’ தேர்வை எழுதப்போன மாணவர்களுக்கு மனஉளைச்சலை ஏற்படுத்தும் அளவில் பெரிய கெடுபிடிகள் நடந்தது நாட்டில் சர்ச்சையை ஏற்படுத்தியுள்ளது. டீன்ஏஜ் என்று கூறப்படும் பதின்பருவ இளம்வயது பிஞ்சு மலர்களான மாணவர்கள் தேர்வு எழுதப்போகும் முன்பு மிகுந்த அவமானத்துக்கு ஆளாகும் வகையில் பல கெடுபிடிகள் நடந்தன. காலை 10 மணி முதல் மதியம் 1 மணி வரை நடந்த தேர்வுக்கு, காலை 9.30 மணிக்கு முன்பே தேர்வு அறைக்குள் வந்துவிட வேண்டும் என்று கூறப்பட்டிருந்தது. ஓரிரு நிமிடங்கள் தாமதமான மாணவர்களை கூட தேர்வு எழுத அனுமதிக்கவில்லை. பெல்ட் அணியக்கூடாது, கையில் மோதிரம் போடக்கூடாது, காதில் கம்மல், மூக்குத்தி, செயின், நெக்லஸ், ஜடைமாட்டி, சிலேடு, கைக்கெடிகாரம், பிரேஸ்லட், எந்தவிதமான உலோக ஆபரணங்கள் அணியக்கூடாது. தண்ணீர் பாட்டில் கொண்டுபோகக்கூடாது என்று கட்டுப்பாடு விதித்திருந்தார்கள். இதற்கும் மேலாக, ஷு அணியக்கூடாது. லோஹீல்ஸ் செருப்புகள்தான் அணியவேண்டும். அரை கை சட்டைகள்தான் அதுவும் வெளிர் நிறத்திலான ஆடைகள்தான் அணியவேண்டும். பெரிய பட்டன்கள் கூடாது. தலையில் பூ வைக்கக்கூடாது. சல்வார் அல்லது சுடிதார் அணிந்துதான் வரவேண்டும். மாணவர்கள் பேண்ட் அணிந்துதான் வரவேண்டும் என்று ஆடை கட்டுப்பாடு விதிக்கப்பட்டிருந்தது.

எத்தனையோ தேர்வுகளில் மணமகனும், மணமகளும் திருமண கோலத்திலேயே வந்து தேர்வு எழுதிய படங்கள் எல்லாம் பத்திரிகைகளில் வந்தது. டெலிவி‌ஷன்களில் காட்டப்பட்டது. ஆனால் இந்த தேர்வுகளில் இத்தகைய விதிகள் என்ற பெயரில் கண்காணிப்பில் இருந்தவர்கள் அதிகமாக கெடுபிடியை விதித்தது மாணவர்களை சஞ்சலப்படுத்தவைத்துவிட்டது. செயின், கம்மல், கொலுசு, மோதிரம் அணிந்து வந்தவர்கள் அதை கழற்றவேண்டிய நிலை ஏற்பட்டபோது, அவர்கள் தேர்வு எழுதி முடியும்வரை அதை பாதுகாப்பாக வைக்க வசதிகூட ஒரு இடத்திலும் இல்லை. தலையில் ரப்பர் பேண்ட், கிளிப் அணியக்கூடாது என்ற நிலையில், பல மாணவிகள் தலைவிரி கோலமாக தேர்வு அறைக்குள் செல்லவேண்டிய நிலை ஏற்பட்டது. இறை நம்பிக்கை உள்ளவர்கள் கோவில்களில் பெற்றுக்கொள்ளும் சாமி கயிறுகளை கழுத்திலும், கையிலும் அணிந்து வந்தனர். அதையெல்லாம் வெட்டி அகற்ற வேண்டிய நிலையில் மிகவும் துயரம் அடைந்தனர்.

முழுக்கை சட்டை அணிந்து வந்த மாணவர்கள் கத்திரிகோலால் சட்டையை வெட்டி, அரை கை சட்டையாக்கினர். காதில் டார்ச் அடித்தும் சோதனை நடந்தது. தேர்வு எழுதும் முன்பே இவ்வளவு சோதனைக்கு ஆட்பட்ட மாணவர்கள் ஒரு கலக்கத்துடன் தேர்வு எழுத சென்றனர். மகிழ்ச்சியோடு தேர்வு எழுத வேண்டியவர்கள், மனஉளைச்சலோடு சென்றனர். காப்பி அடிப்பதைத் தடுக்க, எவ்வளவோ சாதனங்கள் இருக்கின்றன. ஒவ்வொரு தேர்வு அறை வாசலிலும் மெட்டல் டிடெக்டர், கேமராக்கள் வைத்திருக்கலாம். இதுதவிர, தேர்வை கண்காணிக்க கூடுதல் ஆசிரியர்களை நியமித்திருக்கலாம். இப்படி அதிநவீன வசதிகள் இருக்க, சி.பி.எஸ்.இ. இவ்வாறு நாகரீகமற்ற கெடுபிடிகளை வைத்து மாணவர்களை அவமானப்படுத்தியது நிச்சயமாக ஏற்றுக்கொள்ளமுடியாது. இதுபோன்ற தேவையற்ற கெடுபிடிகள் விதிக்கப்படுவதை தமிழக அரசு எதிர்க்கவேண்டும். அடுத்த ஆண்டு கண்டிப்பாக இத்தகைய கெடுபிடிகள் இருக்கக்கூடாது.

நிர்மலாதேவிக்கு நீதிமன்றக் காவல் நீட்டிப்பு..!

செ.சல்மான்
ஆர்.எம்.முத்துராஜ்

நிர்மலா தேவிக்கு, வருகிற 23-ம் தேதி வரை நீதிமன்றக் காவலை நீட்டித்து, விருதுநகர் நீதிமன்றம் உத்தரவிட்டுள்ளது.

அருப்புக்கோட்டை தேவாங்கர் கல்லூரிப் பேராசிரியர் நிர்மலா தேவி, மாணவிகளைத் தவறான வழியில் இழுக்க முயன்றார் என்ற வழக்கில் அவரும், அவருக்கு உதவியதாக உதவிப் பேராசிரியர் முருகன், கருப்பசாமி ஆகியோரும் கைது செய்யப்பட்டனர். இந்த நிலையில், நிர்மலாதேவிக்கு நீதிமன்றக் காவல் இன்றுடன் முடிந்த நிலையில், மதுரை சிறையிலிருந்து விருதுநகர் குற்றவியல் நீதிமன்றத்துக்கு அழைத்துவரப்பட்டார். அவருக்காக யாரும் ஜாமீன் மனு தாக்கல் செய்யவில்லை. வழக்கை விசாரித்துவரும் சி.பி சி.ஐ.டி-யும் கஸ்டடி கேட்கவில்லை. அவருக்கு, வரும் 23-ம் தேதி வரை நீதிமன்றக் காவலை நீட்டித்து உத்தரவிடப்பட்டது. அவர், மீண்டும் மதுரை சிறைக்குக் கொண்டுசெல்லப்பட்டார். இந்த முறையும் அவரை யாரிடமும் பேசிவிடாத வகையில் ஏராளமான காவல்துறையினர் குவிக்கப்பட்டிருந்தனர்.

இதற்கிடையே, அருப்புக்கோட்டையிலுள்ள நிர்மலா தேவியின் வீட்டை உடைத்துத் திருட்டு நடந்துள்ளதாகக் கூறப்படுகிறது. இதைப் பற்றி அப்பகுதியில் வசிப்பவர்கள் தகவல் கொடுத்ததைத் தொடர்ந்து, காவல்துறை விசாரித்துவருகிறது. நிர்மலா தேவியின் வீட்டிலிருந்து முக்கிய ஆவணங்களை யாரும் திருட முயன்றுள்ளார்களா என்று சந்தேகம் எழுந்துள்ளதால், நிர்மலா தேவி விவகாரம் மீண்டும் பரபரப்படைந்துள்ளது.

Retd Postmaster generaal gets Rs. 1 lakh refund