பிப்.9-ல் அதிமுக அதிர்வுகள்: நிகழ்வுகளும் திருப்பங்களும்

செய்தித் தொகுப்பு: இந்து குணசேகர்

முன்னாள் முதல்வர் ஜெயலலிதா நினைவிடத்தில் புதன்கிழமை சசிகலாவுக்கு எதிராக ஓ.பன்னீர்செல்வம் பேட்டியளித்தார். அதன் தொடர்ச்சியாக தமிழகத்தில் பல்வேறு அரசியல் அதிரடி திருப்பங்கள் அரங்கேறி வருகின்றன.

இந்நிலையில் இன்றும் பல்வேறு நிகழ்வுகள் தொடர்ச்சியாக நடைபெற்று வருகின்றன. அவற்றின் நிகழ்நேரத் தொகுப்பு: (அவ்வப்போது இந்தப் பக்கத்தை ரெஃப்ரஷ் செய்க)

4.00 pm: தமிழக பொறுப்பு ஆளுநர் வித்யாசாகர் ராவ் ராஜ்பவன் வந்தடைந்தார்.

3.40pm: சென்னை விமான நிலையம் வந்தடைந்தார் தமிழக பொறுப்பு ஆளுநர் வித்யாசாகர் ராவ்.

3.30 pm: "அதிமுக எம்எல்ஏக்கள் அவர்களது விருப்பத்தில்தான் ஓட்டலில் தங்க வைக்கப்பட்டுள்ளனர். எம்எல்ஏக்களை யாரும் கட்டுப்படுத்தவில்லை. 10 முக்கிய அமைச்சர்களுடன் ஆளுநரை இரவு 7.30 மணிக்கு சந்திக்க இருக்கிறார் அதிமுக பொதுச் செயலாளர் சசிகலா. விரைவில் சசிகலா தலைமையில் தமிழகத்தில் ஆட்சி அமையும். ஆதாரமின்றி குற்றச்சாட்டுகளை சுமத்தி வருகிறார் பன்னீர்செல்வம்" என்று அமைச்சர் மாஃபா பாண்டியராஜன் தெரிவித்தார்.

3.24 pm: வில்லிவாக்கம் எம்எல்ஏ ஜே.சி.டி பிரபாகர் முதல்வர் ஓ.பன்னீர் செல்வத்தை சந்தித்து ஆதரவு அளித்தார்.

3.20 pm: அதிமுகவின் முன்னாள் எம்பி கே. பழனிசாமி முதல்வர் பன்னீர்செல்வத்துக்கு ஆதரவு.

3.17 pm: அதிமுக உறுப்பினர் பரிதி இளம்வழுதி முதல்வர் ஓ. பன்னீர்செல்வத்தை இல்லத்தில் சந்தித்தார்.

3.15 pm: இன்று மாலை 5 மணிக்கு ஆளுநர் வித்யாசாகர் ராவை சந்திக்கிறார் ஓபிஎஸ். சசிகலா 7.30 மணிக்கு சந்திக்கிறார்.

3.03 pm: "சசிகலா அணியினரால் கடத்திச் செல்லப்பட்டு கிழக்குக் கடற்கரைச் சாலையில் உள்ள விடுதிகளிலும், புதுச்சேரியிலும் கட்டாய சிறை வைக்கப்பட்டுள்ள 120-க்கும் மேற்பட்ட அதிமுக சட்டப்பேரவை உறுப்பினர்களை மீட்க நடவடிக்கை எடுக்க வேண்டும்" என்று பாமக இளைஞரணித் தலைவர் அன்புமணி ராமதாஸ் தெரிவித்துள்ளார். விவரம்: சிறை வைக்கப்பட்டுள்ள அதிமுக எம்எல்ஏக்களை மீட்க வேண்டும்: அன்புமணி

2.58 pm: "சசிகலாவை ஆதரித்தவர் பன்னீர்செல்வம். தற்போது நாடகமாடுகிறார். பன்னீர் செல்வமும், மதுசூதனனும் துரோகிகள். அதிமுகவின் சொத்துகளை அபகரிக்க முயற்சி நடக்கிறது" என்று அதிமுகவின் கோகுல இந்திரா கூறியுள்ளார்.

2.42 pm: ஆளுநரை வரவேற்க விமான நிலையம் செல்கிறார் முதல்வர் ஓ. பன்னீர்செல்வம்.

2.33 pm: தமிழக ஆளுநரை இன்று மாலை 5 மணிக்கு சந்திக்கிறார் முதல்வர் ஓ. பன்னீர்செல்வம்.

2. 30 pm: அதிமுக பொதுச் செயலாளர் சசிகலா இன்று இரவு 7.30 மணிக்கு ஆளுநரை சந்திக்கிறார்.

1.49 pm: மதுசூதனன் வருகை தங்களுக்கு வலிமையைக் கூட்டியுள்ளதாக முதல்வர் ஓ.பன்னீர்செல்வம் தெரிவித்துள்ளார். விவரம்: அதிமுக அவைத்தலைவர் மதுசூதனன் நேரில் ஆதரவு: ஓ.பன்னீர்செல்வம் நெகிழ்ச்சியுடன் உற்சாகம்

1.47 pm: சசிகலாவை அதிமுகவினர் நிராகரிக்க வேண்டும். அதிமுக காப்பாற்றப்பட வேண்டும்- மதுசூதனன்.

1.38 pm: முதல்வர் ஓ.பன்னீர்செல்வத்துக்கு அதிமுக அவைத்தலைவர் மதுசூதனன் ஆதரவு தெரிவித்துள்ளார்.

1.22 pm: முதல்வர் பன்னீர்செல்வத்தின் இல்லத்துக்கு அதிமுக அவைத்தலைவர் மதுசூதனன் வருகை.

1.17 pm: "அதிமுக எம்எல்ஏக்கள் அனைவரும் அவர்களது விடுதியில் சுதந்திரமாக உள்ளனர். தமிழ்நாட்டின் முதல்வராக சசிகலா விரைவில் பதவியேற்பார்" என்று அதிமுகாவின் பா. வளர்மதி கூறியுள்ளார்.

12. 55 pm: நெல்லித்தோப்பு முன்னாள் எம்எல்ஏ ஒம்சக்தி சேகரை சசிகலா நீக்கியதற்கு எதிர்ப்பு தெரிவித்து புதுச்சேரி நெல்லித்தோப்பு அதிமுக நிர்வாகிகள் கூண்டோடு ராஜினாமா செய்தனர்.

12. 50 pm: முன்னாள் மாவட்ட செயலாளர், கோயம்பத்தூர் மேயருமான பி. ராஜ்குமார் முதல்வர் ஓ. பன்னீர்செல்வத்துக்கு ஆதரவு.

12.50 pm : முதல்வர் ஓ. பன்னீர்செல்வத்துடன் வீணை காயத்ரி சந்திப்பு

12.30 pm: மும்பையிலிருந்து சென்னை புறப்பட்டார் ஆளுநர் வித்தியாசாகர் ராவ். இன்று ( வியாழக்கிழமை) பிற்பகல் 3.15 மணிக்கு சென்னை வருவார் என எதிர்பார்க்கப்படுகிறது.

12.20 pm: "எங்களை யாரும் கடத்தவில்லை. சுதந்திரமாகவே இருக்கிறோம். ஆளுநர் சென்னை வந்தவுடன் சசிகலாவுக்கு எங்களது ஆதரவை தெரிவிப்போம்" என்று குன்னம் தொகுதி எம்ஏல்ஏ ராமசந்திரன் தனியார் தொலைக்காட்சி ஒன்றுக்கு அளித்த பேட்டியில் தெரிவித்தார்.

12.15 pm: "அதிமுகவின் உட்கட்சி விவகாரங்களில் திமுக தலையிடவில்லை. அதிமுகவில் நடக்கும் பிரச்சினைகள் மோசமாகவும், வருத்தமளிப்பதாகவும் உள்ளது" என்று திமுக நாடளுமன்ற உறுப்பினர் கனிமொழி டெல்லியில் கூறியுள்ளார்.

12.08 pm: 'அதிமுக எம்.எல்.ஏ.க்கள் 130-க்கும் மேற்பட்டோரைக் காணவில்லை; அவர்களைக் கண்டுபிடித்து நீதிமன்றத்தில் ஆஜர்படுத்த வேண்டும்' எனக் கோரி சமூக ஆர்வலர் டிராபிக் ராமசாமி, வழக்கறிஞர் கே.பாலு ஆகியோர் தனித்தனியாக தாக்கல் செய்த மனுக்களை அவசர வழக்காக விசாரிக்க சென்னை உயர் நீதிமன்றம் மறுத்துவிட்டது. அரசினர் விடுதியில்தான் 130 எம்.எல்.ஏ.க்களும் உள்ளனர்: உயர் நீதிமன்றத்தில் தமிழக அரசு தகவல்

11.55 am: சென்னை போயஸ் கார்டனில் முதல்வர் ஓ. பன்னீர்செல்வத்துக்கு எதிராக அதிமுகவினர் ஆர்ப்பாட்டத்தில் ஈடுபட்டனர்.

11.15 am: 'ஜெயலலிதா சிகிச்சை மர்மங்களை மறைத்தது ஏன்?' என்பன உள்ளிட்ட பல கேள்விகளை எழுப்பியுள்ள பாமக நிறுவனர் ராமதாஸ், 'சசிகலா குழுவினருக்கு துணையாக இருந்துவிட்டு, இப்போது பிரிந்து வந்த பிறகு உத்தமர் வேடம் போட பன்னீர்செல்வம் முயல்கிறார். ஆனால், அவரது நாடகத்தை மக்கள் நம்ப மாட்டார்கள்' என்று கூறியுள்ளார். | முழு விவரம் > உத்தமர் வேடத்தில் ஓபிஎஸ் நாடகம்: பல கேள்விகளை அடுக்கி ராமதாஸ் கருத்து

11.00 am: நாடாளுமன்றத்தில் அதிமுக எம்எல்ஏ.க்கள் அமளியில் ஈடுபட்டதால் மக்களவை மற்றும் மாநிலங்களவை ஒத்திவைக்கப்பட்டது. தமிழக முதல்வராக சசிகலா உடனடியாக பதவியேற்க வேண்டும் என்பது அவர்களது விருப்பக் குரலாக இருந்தது

.

10.55 am: பிணைக் கைதிகள் போல சிறை வைக்கப்பட்ட அதிமுக எம்.எல்.ஏ.க்களின் மன விருப்பத்தை ஆய்ந்து அறிந்து ஆளுநர் நடவடிக்கை எடுக்க வேண்டும் என்று திமுக செயல் தலைவர் ஸ்டாலின் வலியுறுத்தியுள்ளார்.

மேலும், "சுதந்திர ஜனநாயக நாட்டின் மக்கள் பிரதிநிதிகள் இப்படி 'பிணைக் கைதி'கள் போல சிறைப்படுத்தப்பட்டிருப்பது மக்களாட்சியின் மாண்பை சிதைக்கின்ற செயலாக இருக்கிறது" என்று அவர் காட்டமாக கூறியுள்ளார். | விவரம் > பிணைக் கைதிகள் போல அதிமுக எம்.எல்.ஏ.க்கள் சிறைவைப்பு: ஸ்டாலின் காட்டம்

10.50 am: முதல்வர் ஓ. பன்னீர்செல்வத்தை தமிழக தலைமை செயலாளர் கிரிஜா வைந்தியநாதன் அவரது இல்லத்தில் சந்தித்து ஆலோசனை நடத்தினார்.

10.45 am: "உச்ச நீதிமன்றத்தில் சொத்துக் குவிப்பு வழக்கில் சசிகலா தண்டனை பெற்றாலும், அதிமுக சசிகலாவை முதல்வராக தேர்ந்தெடுத்துள்ளது. ஓ. பன்னீர் செல்வம் முதல்வராக முடியாது. அவர் இரு வழிகளையும் இழந்துவிட்டார்" என்று பாஜக தலைவர் சுப்பிரமணியன் சுவாமி தனது ட்விட்டர் பக்கத்தில் பதிவிட்டுள்ளார்.

10.42 am: அதிமுக புதுச்சேரி நெல்லித்தோப்பு தொகுதி முன்னாள் எம்எல்ஏ ஓம்சக்தி சேகர், அக்கட்சியின் பொதுச் செயலாளர் சசிகலாவால் அடிப்படை உறுப்பினர் பொறுப்பிலிருந்து நீக்கப்பட்டார்.

10.40 am: தமிழக டிஜிபி ராஜேந்திரன், முதல்வர் ஓ. பன்னீர்செல்வத்தை சந்தித்துப் பேசினார்.

10.35 am: குற்றவாளிகளைப் போல் எம்.எல்.ஏ.க்களை நடத்துவதற்கு இந்தப் பெண்ணுக்கு என்ன அதிகாரம் இருக்கிறது என்று குஷ்பு கேள்வி எழுப்பியுள்ளார். | முழு விவரம் > குற்றவாளிகளைப் போல் எம்.எல்.ஏ.க்களை நடத்துவதா?- குஷ்பு சாடல்

முந்தைய முக்கியச் செய்திகள்:

* மறைந்த முன்னாள் முதல்வர் ஜெயலலிதாவுக்கு அளிக்கப்பட்ட சிகிச்சை குறித்து விசாரிக்க உச்ச நீதிமன்ற நீதிபதி தலைமையில் விசாரணை ஆணையம் அமைக்கப்படும் என முதல்வர் ஓ.பன்னீர்செல்வம் தெரிவித்துள்ளார். அதன் விவரம்: ஜெயலலிதா மரணம் குறித்து விசாரிக்க உச்ச நீதிமன்ற நீதிபதி தலைமையில் விசாரணை ஆணையம் அமைக்கப்படும்: முதல்வர் ஓ.பன்னீர்செல்வம் அறிவிப்பு

* எதிர்தரப்புக்கு தாவிவிடக் கூடாது என்பதற்காக அதிமுக எம்எல்ஏக்கள் அனைவரும் சொகுசு பேருந்துகளில் அழைத்துச் செல்லப்பட்டு ரகசிய இடத்தில் பாதுகாப்பாக தங்க வைக்கப்பட்டுள்ளதாக கட்சி வட்டாரங்கள் தெரிவித்தன. விவரம்: ஓபிஎஸ் அணிக்கு தாவுவதை தடுக்க ரகசிய இடத்தில் அதிமுக எம்எல்ஏக்கள் தங்கவைப்பு: ஆளுநர் இன்று வருவதால் டெல்லி செல்லும் திட்டம் ரத்து

*தமிழக அரசியலில் அசாதாரணமான சூழ்நிலை உருவாகியுள்ள நிலையில் ஆளுநர் வித்யாசாகர் ராவ் இன்று சென்னை வருவார் என தகவல்கள் வெளியாகியுள்ளன.விவரம்: ஆளுநர் வித்யாசாகர் ராவ் இன்று சென்னை வருகிறார்: ஆளுநர் மாளிகை தகவல்

* முதல்வர் ஓ.பன்னீர்செல்வத்துக்கு ஆதரவாக மெரினாவில் இளைஞர்கள் திரள வாய்ப்புள்ளதாக வந்த தகவலை தொடர்ந்து அங்கு அதிக அளவில் போலீஸார் குவிக்கப்பட்டனர். விவரம்: முதல்வருக்கு ஆதரவாக இளைஞர்கள் திரள வாய்ப்பு: மெரினா கடற்கரையில் போலீஸார் குவிப்பு

* அதிமுகவில் சசிகலாவுக்கு ஆதரவாக இருந்த எம்எல்ஏக் கள் ஒவ்வொருவராக தற்போது ஓபிஎஸ் பக்கம் சாய்ந்து வருவதால் திருப்பம் ஏற்பட்டுள்ளது. நேற்று இரவு வரை பன்னீர் செல்வத்தையும் சேர்த்து அவரது அணியில் 6 எம்.எல்.ஏ.க்கள் இருப்பது உறுதியாகியுள்ளது. விவரம்: ஓபிஎஸ் அணியில் 6 எம்எல்ஏக்கள்: சசிகலாவுக்கு ஆதரவு கரைகிறதா?

* போயஸ் கார்டனில் ஓ.பன்னீர் செல்வத்தை ஒருமையில் அழைத்து அவமானப்படுத்தியதாக அவரது நெருக்கமான ஆதரவாளர்கள் ஆதங்கப்படுகின்றனர். விவரம்: கார்டனில் ஒருமையில் அழைக்கப்பட்டு அவமானப்படுத்தப்பட்டார் ஓ.பி.எஸ்.: ஆதங்கத்தைக் கொட்டும் ஆதரவாளர்கள்

* திமுகவுடன் எங்களுக்கு உறவு கிடையாது. சசிகலா தான் திமுகவுடன் உறவு வைத் திருந்தார். அதற்கு உதாரணம் மிடாஸ் நிறுவனம். திமுக ஆட்சிக் காலத்தில் மிடாஸ் நிறுவனத்திடம் இருந்து மது வாங்கினார்கள். ஜெயலலிதாவுக்கு மிடாஸ் நிறுவனம் பிடிக்காது. ஆனால், சசிகலா அந்த மிடாஸ் நிறுவனம் மூலம் பணம் சம்பாதித்தார். விவரம்: மிடாஸ் நிறுவனம் மூலம் சசிகலாதான் திமுகவுடன் உறவு வைத்திருந்தார்: முன்னாள் அமைச்சர் நத்தம் விஸ்வநாதன் குற்றச்சாட்டு

“அரசியலின் அசத்தல் சாணக்கியர் ஓ.பன்னீர்செல்வம்!” சிலாகிக்கிறார் எஸ்.வி.சேகர்

பிப்ரவரி 7-ம் தேதி இரவில் இருந்தே தமிழக அரசியல் களம் தகிக்க ஆரம்பித்திருக்கிறது. சசிகலா vs ஓ.பி.எஸ். என்று எதிரெதிர் துருவங்களாகப் பிரிந்துநின்று முஷ்டி முறுக்கிவரும் சூழலில், அ.தி.மு.க முன்னாள் எம்.எல்.ஏ-வும் பி.ஜே.பி மூத்த தலைவருமான எஸ்.வி.சேகரிடம் தமிழக அரசியல் நிலவரம் குறித்துப் பேசினோம்....

''தமிழக அரசியல் நிலவரம் அடுத்தகட்டமாக எப்படி நகரும் என நினைக்கிறீர்கள்?''

''ஓ.பி.எஸ் உறுதியான முடிவை எடுத்து அறிவித்துவிட்டார். அதனால், அடுத்தகட்டமாக சட்டசபையில், நடைபெறும் ஓட்டெடுப்புத்தான் இனிவரும் தமிழக அரசியலைத் தீர்மானிக்கப்போகிறது. அந்தவகையில், தற்போது அ.தி.மு.க-வில் மெஜாரிட்டி எனப்படும் எம்.எல்.ஏ-க்களின் வித்தியாச எண்ணிக்கை என்பது 20-தான். இந்த எண்ணிக்கை சட்டசபை ஓட்டெடுப்பின்போது மாறி வாக்களிப்பதற்கான வாய்ப்பும் இருக்கிறது. அப்படி ஒரு சூழ்நிலை நேர்ந்தால் மறுபடியும் சட்டசபை நம்பிக்கை வாக்கெடுப்புக்கு மூன்று வார இடைவெளி கொடுக்க முடியும். அமைச்சர்கள் 30 பேரைத் தவிர, மற்ற எம்.எல்.ஏ-க்கள் அனைவரும் நல்லதொரு வாய்ப்பை எதிர்பார்த்து இருப்பவர்கள்தான்.

அ.தி.மு.க-வில் இருந்தவன் என்ற முறையில் அந்தக் கட்சியின் ராணுவக் கட்டுப்பாடு பற்றி எனக்குத் தெரியும். எந்த ஒரு விஷயம் என்றாலும், தலைமை ஏற்பதற்கு அவ்வளவு எளிதில் யாரும் வரமாட்டார்கள். 'நீங்கள் தலைமை ஏற்று நில்லுங்கள்; உங்களுக்குப் பக்கபலமாக நாங்கள் அணிவகுக்கிறோம்' என்று சொல்லக்கூடிய எம்.எல்.ஏ-க்கள்தான் அங்கே அதிகம். அதனால், சட்டசபையில் நம்பிக்கை வாக்கெடுப்பின்போது ஓ.பி.எஸ்ஸுக்கு ஆதரவாக எம்.எல்.ஏ-க்கள் ஓட்டளிக்கும் வாய்ப்புப் பிரகாசமாக உள்ளது.

இதற்கிடையில், ஜெயலலிதா மருத்துவமனையில் அனுமதிக்கப்பட்டதில் இருந்தே சசிகலாவுக்கு எதிரான நிலைப்பாட்டை எடுத்துக்கொண்டு வேறு ஒரு வழியில் போராடிக் கொண்டிருக்கிறார் சசிகலா புஷ்பா. இப்படி தமிழக அரசியல் சரியான பாதையில் பயணித்துக்கொண்டிருக்கிறது. இதில் எங்கேனும் கரணம் தப்பினால் மரணம் கதையாக தவறு ஏற்பட்டால் மட்டுமே, அது தி.மு.க-வுக்கான வாய்ப்பாக அமையும் என்று நினைக்கிறேன்.''

''ஓ.பன்னீர்செல்வத்துக்கு மக்கள் மத்தியில் எந்த அளவுக்கு ஆதரவு அலை இருக்கிறது?''

''அரசியலைப் பொறுத்தவரை எப்போதுமே எதிர்ப்பு அரசியலுக்குத்தான் சக்தி அதிகம். அந்த வகையில், சசிகலாவுக்கு எதிரான மனநிலைதான் தொண்டர்கள், நிர்வாகிகள் மற்றும் மக்கள் மத்தியில் இருக்கிறது. இது தானாகவே ஓ.பி.எஸ்ஸுக்கான ஆதரவாக மாறிவிடும்.

ஜெ. சமாதியில் அமர்ந்து தியானம் செய்துவிட்டு பத்திரிகையாளர்களிடம் பேசியபோது, 'இதுவரை நடந்தவை' என்று ஓ.பி.எஸ் அறிவித்தது எல்லாமே அரசியலின் உச்சபட்ச சாணக்கியத்தனம். இனிமேல் இதற்கு எதிராக யார் எந்த அஸ்திரத்தை வீசினாலும் அது முனை மழுங்கிப்போன விஷயமாகத்தான் பார்க்கப்படும். ஏனெனில், 'அப்படியெல்லாம் இல்லை, இப்படியெல்லாம் இல்லை' என்பது மாதிரி விளக்கங்கள் கொடுப்பது, தற்காப்பாகத்தான் இருக்கமுடியுமே தவிர... அது எதிர்த் தாக்குதலாக இருக்காது.''



''சசிகலா மீது எந்த மாதிரியான எதிர்ப்பு அலை இருக்கிறது?''

''ஜெயலலிதா உயிரோடு இருந்தபோது யாரை எல்லாம் விலக்கி வைத்தாரோ, அவர்கள் எல்லோருமே அவர் இறந்தபிறகு உள்ளே வந்துவிட்டார்கள். பொதுவாக, இறந்துபோனவர்களின் ஆன்மா சாந்தி அடைய வேண்டுமானால், அவர்களது விருப்பங்களை நிறைவேற்றத்தான் குடும்பத்தினர் ஆசைப்படுவார்கள். நியாயமான குடும்பத்தைச் சேர்ந்தவர்களைச் சொல்கிறேன். ஆனால், இங்கே எல்லாமே ஏறுக்கு மாறாக நடந்திருக்கிறது. இதுதான் அந்தக் குடும்பத்தில் இருக்கிறவர்கள் மீதான சந்தேகத்தையும் ஏற்படுத்துகிறது என்று மக்கள் நினைக்கிறார்கள்.''

''ஜெ. மரணத்தில் மர்மம் இருப்பதாக நினைக்கிறார்களா...?''

''மர்மங்கள் குறித்த விஷயங்களுக்குள் போக நான் விரும்பவில்லை. ஆனால், 'ஜெ. மரணத்தில் எதையோ மறைத்துவிட்டார்கள்' என்ற எண்ணம் மக்கள் மனதில் ஆழமாகவே பதிந்துவிட்டது. 'தாமதிக்கப்பட்ட நீதி மறுக்கப்பட்ட நீதி' என்பார்கள். அதேபோல், இன்றைக்குத் திடுதிப்பென டாக்டர்கள் ஒன்றுகூடி பத்திரிகையாளர்களைச் சந்திக்கிறார்கள். 'வெள்ளைக்காரன் பொய்சொல்ல மாட்டான்' என்பதுபோல யாரையோ கூட்டிவந்து பிரஸ்மீட் வைக்கிறார்கள். அதில், ஒரு டாக்டர் 'நோ என்று சொல்லுங்கள்' என்று எடுத்துக் கொடுக்கிறார். அதைக் கேட்டு அவரும் 'நோ' சொல்கிறார். 'இந்தச் சந்திப்பே, தற்செயலானதுதான்' என்கிறார்கள். அதற்கு முந்தைய நாளில்தான் ம.நடராசனும் அப்போலோவில் அட்மிட் ஆகிறார். அதுவும் தற்செயல்தானாம். எப்படி இவ்வளவு தற்செயல்கள் ஒன்றுபோல நடக்கின்றன என்று மக்கள் ஆச்சர்யப்படுகின்றனர். இதுமாதிரியான காட்சிகள் சினிமாவில் வந்தாலே, 'என்னப்பா இது பழைய சீனாக இருக்கிறதே' என்று எழுந்துபோய்விடுவார்கள்.

ஜெ.-வுக்கு அளிக்கப்பட்ட சிகிச்சைகள் குறித்த ஆவணங்களை எடுத்துக் காட்டினாலே போதுமானது. நான்கூட 3 டாக்டர் பட்டம் வாங்கி வைத்திருக்கிறேன்.... இந்த மாதிரி டாக்டர்களிடம் அல்லாமல், உண்மையாகவே டாக்டருக்குப் படித்து அரசியலில் இருக்கிற மருத்துவர் ராமதாஸ், அன்புமணி ராமதாஸ், தமிழிசை சவுந்தர்ராஜன் மாதிரியானவர்களிடம் அந்த ஆவணங்களைக் காட்டலாமே....?

ஜெ. மரண விஷயத்தில் இனிமேல் எத்தனை ஆவணங்களை எடுத்துக் காட்டினாலும் மக்கள் அதனை நம்பத் தயாராக இல்லை என்பதே உண்மை. ஏனெனில், சாதாரணமாக ஓர் இழவு வீட்டில், 16-ம் நாள் கழித்துத்தான் எந்தவொரு விஷயத்தையுமே யோசிக்கவே ஆரம்பிப்பார்கள். ஆனால், கோடிக்கணக்கிலான சொத்து, வாரிசு இல்லை, இருக்கும் வாரிசுகளையும் உள்ளே விடவில்லை என்று எவ்வளவோ பிரச்னைகள் இருந்த சூழ்நிலையிலும் உடனடியாக இரவோடு இரவாக மந்திரி சபை பதவி ஏற்கவைத்ததை எல்லாம் மக்கள் ஏற்றுக்கொள்ளவே இல்லை.''



''முதல்வராக ஓ.பன்னீர்செல்வத்தின் செயல்பாடுகளை எப்படிப் பார்க்கிறீர்கள்?''

'' 'வர்தா' புயலின்போது எல்லோருமே கதவு, ஜன்னல்களைச் சாத்திவிட்டு வீட்டுக்குள் பத்திரமாக இருந்துகொண்டோம். ஆனால், ஒரு முதல்வராக அவர் கோட்டையில் அதிகாரிகளோடு ஆலோசனை நடத்தினார்; களத்தில் இறங்கி, பணிகளை விரைவுப்படுத்தினார்; கடலில் எண்ணெய் கொட்டிய இடத்தைப் பார்வையிட்டார்; சந்திரபாபு நாயுடுவை நேரில் சந்தித்து தமிழகத்துக்கு தண்ணீர் கேட்டுப் பெறுகிறார். ஜல்லிக்கட்டுக்காக சும்மா கடிதம் எழுதிக் கொண்டிருக்காமல், டெல்லிக்கே நேரடியாகப் போய் பிரதமரோடு உட்கார்ந்து பேசி, சட்டம் கொண்டுவருகிறார்.

'உங்களை மிக்சர் என்று கிண்டல் செய்கிறார்களே...?' என்று நிருபர்கள் கேட்டபோதுகூட, 'பொது வாழ்க்கை என்று வந்துவிட்டால், இதெல்லாம் வரத்தான் செய்யும்' என்று பக்குவமாகப் பதில் அளிக்கிறார். அடடா இவ்வளவு எளிமையான முதல்வரா என்ற ஆச்சர்யம் மேலிட மக்கள் அவரைப் பார்க்கிறார்கள்.

இன்னொரு முக்கியமான விஷயம்.... எம்.ஜி.ஆர் உயிரோடு இருந்தபோதே அ.தி.மு.க-வின் வாரிசாக, செங்கோல் கொடுத்து அடையாளப்படுத்தப்பட்டவர் ஜெயலலிதா. அதேபோல், ஜெயலலிதாவும் தான் இருந்த காலத்திலேயே தனக்கு அடுத்தபடியாக இரண்டு முறை முதல்வர் பதவியை ஓ.பி.எஸ்ஸுக்குக் கொடுத்து அடையாளப்படுத்திவிட்டார்.''

''தி.மு.க-தான் ஓ.பன்னீர்செல்வத்தைத் தூண்டிவிடுவதாக குற்றம்சாட்டப்படுகிறதே...?''

''எதிர்க்கட்சிக்காரனைப் பார்த்து சிரிக்கக் கூடாது. எழுந்து நின்று வணக்கம் செலுத்தக் கூடாது என்றெல்லாம் கடந்த 40 வருடங்களாக தமிழக அரசியலில் வெறுக்கப்பட்ட விஷயங்களை எல்லாம் மாற்றி புது நாகரிகத்தைக் கொண்டுவந்தவர் ஓ.பி.எஸ். அவ்வளவுதான். ஆனால், இது அந்தக் கட்சித் தலைமைக்குப் பிடிக்கவில்லை என்றால், மறுபடியும் ஒரு நாகரிகமற்ற கலாசாரத்தைக் கொண்டுவரத்தான் அந்தக் கட்சி நினைக்கிறது என்றே அர்த்தம். இது மக்களுக்குப் பிடிக்காது. மாற்றங்களை ஏற்பதுதான் நல்லது. 20 வருடங்களுக்கு முன்பு பெற்றோரே, 'என் பையனை அடிச்சுப் படிக்க வையுங்கள்' என்று வாத்தியாரிடம் சொல்வார்கள். ஆனால், இன்றைக்கு வாத்தியார் ஸ்கேலை தூக்கினாலே, பெற்றோர் போலீஸைக் கூட்டிக்கொண்டு பள்ளிக்கூடத்துக்கு வந்துவிடுவார்கள். காலம் மாறிவிட்டது சார்...''

- த.கதிரவன்

இனோவா கார், ஆச்சர்ய பரிசுகள்...! எம்.எல்.ஏக்களுக்கு குதிரை பேரம் ஆரம்பம் #OPSvsSasikala, #VikatanExclusive

அ.தி.மு.க.வில் ஏற்பட்டுள்ள சூழ்நிலை காரணமாக எம்.எல்.ஏ.க்களிடம் குதிரை பேரம் நடந்து வருவதாக தகவல்கள் வெளியாகி உள்ளன. கார், நிலம், பணம் எனப் பரிசுகளை அள்ளிக் கொடுக்க கட்சியில் ஏற்பட்டுள்ள இரண்டு அதிகார மையங்கள் தரப்பிலிருந்து தூது விடப்பட்டுள்ளது.

முதல்வர் ஓ.பன்னீர்செல்வம், அ.தி.மு.க. பொதுச் செயலாளர் சசிகலா மீது பகிரங்கமான குற்றச்சாட்டைத் தெரிவித்துள்ளார். இதையடுத்து கட்சியில் இரண்டு அதிகார மையங்கள் ஏற்பட்டுள்ளன. முதல்வர் ஓ.பன்னீர்செல்வத்தை ஆதரிப்பதாக மாணிக்கம், சண்முகநாதன், மனோ ரஞ்சிதம், ஆறுக்குட்டி, மனோகரன், மைத்ரேயன் எம்.பி ஆகியோர் பகிரங்கமாக அறிவித்துள்ளனர். இதற்கிடையில் முன்னாள் சபாநாயகர் பி.ஹெச்.பாண்டியன், அவரது மகன் மனோஜ் பாண்டியன், முன்னாள் அமைச்சர் கே.பி.முனுசாமி, நடிகர் பாக்யராஜ் என ஓ.பன்னீர்செல்வம் தரப்புக்கு ஆதரவு பட்டியல் நீள்கிறது.



அதே நேரத்தில் சசிகலாவுக்கு அமைச்சர்கள், எம்.எல்.ஏ.க்கள், எம்.பி.க்கள் ஆதரவு இருப்பதை நிரூபிக்கும் வகையில் எம்.எல்.ஏ.க்கள் கூட்டம் நடத்தப்பட்டது. அடுத்து கூட்டத்தில் பங்கேற்ற எம்.எல்.ஏ.க்கள் சொகுசு வேனில் அழைத்துச் செல்லப்பட்டனர். கட்சியின் முன்னணி நிர்வாகிகள் மட்டும் சசிகலாவுடன் ஆலோசனையில் ஈடுபட்டு வருகின்றனர். தமிழக ஆளுநர் வித்யாசாகர் ராவ் இன்று மதியம் சென்னைக்கு வர உள்ளார். இந்தப் பரபரப்பான சூழ்நிலையில் ஆளுநரின் வருகை முக்கியத்துவம் பெற்றுள்ளது. அவரை முதல்வர் ஓ.பன்னீர்செல்வம், சசிகலா தரப்பினர் சந்திக்க உள்ளனர். இந்தச் சூழ்நிலையில் சொகுசு வேனில் அழைத்துச் செல்லப்பட்ட எம்.எல்.ஏ.க்கள் காட்டில் அதிர்ஷ்டக் காற்று வீசத் தொடங்கியிருக்கிறது.

இதுகுறித்து கட்சி வட்டாரங்கள் கூறுகையில், "எம்.எல்.ஏ.க்களுக்கு நெருக்கமானவர்களிடம் ஓ.பன்னீர்செல்வம், சசிகலா ஆகிய இரண்டு தரப்பிலிருந்தும் பேரம் பேசும் படலம் தொடங்கியிருக்கிறது. தென்மாவட்ட அ.தி.மு.க.வில் ஒருகாலத்தில் கோலோச்சிய வி.வி.ஐ.பி. ஒருவர் மூலம் இந்தப் பேச்சுவார்த்தை நடந்து வருகிறது. ஓ.பன்னீர்செல்வத்துக்கு ஆதரவு தெரிவிப்பவர்களுக்கு கார், நிலம், பணம் எனப் பேச்சுவார்த்தை நடந்து வருவதாக சொல்லப்படுகிறது. இதற்காக இனோவா கிரிஸ்டா மற்றும் பார்ச்சூனர் கார்கள் முன்பதிவு செய்யப்பட்டுள்ளன. அதற்கு இதுவரை 42 எம்.எல்.ஏ.க்கள் கிரீன் சிக்னல் காட்டிவிட்டனர்.



சசிகலா தரப்பு கட்டுப்பாட்டில் அவர்கள் இருந்தாலும் முதல்வர் ஓ.பன்னீர்செல்வத்துக்கு ஆதரவு தெரிவிக்க உள்ளனர். இதுபோல சசிகலா தரப்பிலும் எம்.எல்.ஏ.க்களிடம் பேச்சுவார்த்தை நடந்து வருகிறது. சொகுசு பஸ்களில் அழைத்துச் செல்லப்பட்ட எம்.எல்.ஏ.க்கள் விரும்புவதை கட்சித் தலைமை செய்து கொடுத்துள்ளது. அங்கேயும் விட்டமின் 'சி' தாராளமாக கொடுப்பதாகவும் சசிகலா தரப்பு உறுதி அளித்துள்ளது. இந்த இக்கட்டான சூழ்நிலையில் சின்னம்மாவுக்கு ஆதரவு கொடுக்கும்படி எம்.எல்.ஏ.க்களிடம் வாக்குறுதி பெற்ற சசிகலா தரப்பு, ஆளுநரை சந்திக்கும் முயற்சியில் தீவிரமாக ஈடுபட்டு வருகிறது. ஓ.பன்னீர்செல்வம், சசிகலா ஆகிய இரண்டு தரப்பிடமிருந்தும் குதிரை பேரத்துக்கான தூதுகள் வரத் தொடங்கி இருப்பதால் எம்.எல்.ஏ.க்கள் தீவிர ஆலோசனையில் ஈடுபட்டுள்ளனர்" என்றனர்.

அ.தி.மு.க. எம்.எல்.ஏ.க்கள் ரகசிய இடத்தில் தங்க வைக்கப்பட்டுள்ளதாகத் தகவல்கள் வெளியாகிய நிலையில் அதை சசிகலா தரப்பு முற்றிலும் மறுத்துள்ளது. இதுகுறித்து அரசு வழக்கறிஞர் ராஜேந்திரன், எம்.எல்.ஏ.க்கள் அனைவரும் சட்டமன்ற உறுப்பினர்கள் விடுதியில் தங்க வைக்கப்பட்டுள்ளனர். அவர்கள் சுதந்திரமாக அங்கு இருக்கின்றனர் என்று தெரிவித்துள்ளார்.

ஓ.பன்னீர்செல்வம் தரப்பில் பேசியவர்கள், "மக்களின் ஆதரவும், எம்.எல்.ஏ.க்களின் ஆதரவும் எங்களுக்கு இருக்கிறது. நாங்கள் எந்த எம்.எல்.ஏ.க்களிடமும் பேரம் பேசவில்லை. கட்சித் தலைமை எம்.எல்.ஏ.க்களை ரகசிய இடத்தில் மறைத்து வைத்துள்ளது. எம்.எல்.ஏ.க்களை சுதந்திரமாக செயல்படவிட்டால் நிச்சயம் அவர்களது ஆதரவு எங்களுக்குக் கிடைக்கும். சிறை வைக்கப்பட்டாலும் பெரும்பாலான எம்.எல்.ஏ.க்களின் ஆதரவு எங்களுக்கு உள்ளது. தற்போது ஆளுநரை சந்திப்பது, அடுத்தகட்ட நடவடிக்கை தொடர்பாக முதல்வர் ஓ.பன்னீர்செல்வம் தலைமையில் ஆலோசனை நடந்து வருகிறது" என்றனர்.

மதில் மேல் பூனையாக எம்.எல்.ஏ.க்களின் நிலைப்பாடு இருப்பதாக உள்விவரம் தெரிந்த வட்டாரங்கள் தெரிவித்தன.

-எஸ்.மகேஷ்

பிணைக் கைதிகளாக எம்.எல்.ஏ.க்கள்! ஆளுநருக்கு, மு.க.ஸ்டாலின் முக்கிய வேண்டுகோள்!

பிணைக் கைதிகளாகச் சிறைப்பிடிக்கப்பட்டுள்ள ஆளுங்கட்சியின் சட்டமன்ற உறுப்பினர்கள் பலரின் உண்மையான ஆதரவு யாருக்கு என்பது வெளிப்படையாகத் தெரியாத நிலை நிலவுகிறது என்று தெரிவித்துள்ள எதிர்க்கட்சித் தலைவர் மு.க.ஸ்டாலின், தமிழகத்தின் பொறுப்பு ஆளுநர், மாநிலத்தில் சட்டபூர்வமான ஆட்சியை நிலைநாட்ட வேண்டிய கடமைப் பொறுப்பில் இருக்கிறார் என்று கூறியுள்ளார்.

இது தொடர்பாக அவர் இன்று வெளியிட்டுள்ள அறிக்கையில், "தமிழகத்தின் அரசியல் சூழல் நிலையற்ற தன்மையுடனும் ஜனநாயக மாண்புகளுக்கு எதிராகவும் உள்ள நிலையில், பொறுப்பு ஆளுநரின் வருகையும் அவர் மேற்கொள்ளப் போகும் நடவடிக்கைகளும் மிகுந்த எதிர்பார்ப்பை உருவாக்கியிருக்கின்றன.

காபந்து முதலமைச்சராக நீடிக்கும் ஓ.பன்னீர்செல்வம், தன்னிடம் கட்டாயப்படுத்தி ராஜினாமாக் கடிதம் வாங்கினார்கள் என தனது கட்சித்தலைமையின் மீது பகிரங்கமாக குற்றம்சாட்டியுள்ளனார். ஆனால் அவர் ராஜினாமா ஆளுநரால் ஏற்றுக் கொள்ளப்பட்டு விட்டது. இந்நிலையில் ஆளுங்கட்சியான அ.தி.மு.க.வின் சட்டமன்ற உறுப்பினர்கள் தற்போது எந்தத் தலைமையின் கீழ் இருக்கிறார்கள் என்பது உறுதிப்படுத்தப்படாத நிலையில், அவர்களை சொகுசு பேருந்துகளில் ஏற்றிச் சென்று, நட்சத்திர விடுதிகளில் தங்க வைக்கும் நடவடிக்கைகள் மேற்கொள்ளப்பட்டுள்ளன.

சுதந்திர ஜனநாயக நாட்டின் மக்கள் பிரதிநிதிகள் இப்படி ‘பிணைக் கைதி’கள் போல சிறைப்படுத்தப்பட்டிருப்பது மக்களாட்சியின் மாண்பை சிதைக்கின்ற செயலாக இருக்கிறது. ஆளுங்கட்சியின் தலைமை அலுவலகத்தில் நடைபெற்ற சட்டமன்ற உறுப்பினர்கள் கூட்டத்தில் பங்கேற்ற ஸ்ரீவைகுண்டம் தொகுதியின் சட்டமன்ற உறுப்பினர் சண்முகநாதன், பின்னர் காபந்து முதலமைச்சரை சந்தித்து அவருக்கு ஆதரவு தெரிவித்திருக்கிறார். அப்படியானால், உண்மையாகவே இவர்கள் யாரை ஆதரிக்கிறார்கள் என்பது சந்தேகத்திற்குரியதாக இருக்கிறது. பிணைக் கைதிகளாக சிறைப்பிடிக்கப்பட்டுள்ள ஆளுங்கட்சியின் சட்டமன்ற உறுப்பினர்கள் பலரின் உண்மையான ஆதரவு யாருக்கு என்பது வெளிப்படையாகத் தெரியாத நிலை நிலவுகிறது.

இத்தகைய சூழலில், தமிழகத்தின் பொறுப்பு ஆளுநர் மாநிலத்தில் நிலையான-சுதந்திரமான-சட்டபூர்வமான வழியில் ஆட்சியை நிலைநாட்ட வேண்டிய கடமைப் பொறுப்பில் இருக்கிறார். மக்களின் பிரதிநிதிகளான சட்டமன்ற உறுப்பினர்கள், சட்டத்திற்குப் புறம்பான நிர்பந்தங்களாலும் மிரட்டல்களாலும் ஏதேனும் ஒரு பக்கத்திற்கு செல்கிறார்களா, இதற்கான பலன்கள்-வாக்குறுதிகள் தரப்பட்டுள்ளனவா என்பது குறித்தும் பல்வேறு செய்திகள் உலா வருகின்றன. ஆகவே ஆளுநர், அரசியல் சட்டம் மற்றும் எஸ்.ஆர் பொம்மை வழக்கில் உச்சநீதிமன்றம் அளித்துள்ள தீர்ப்பின் வழிகாட்டுதல் அடிப்படையிலும் உரிய முடிவுகளை எடுத்து சுதந்திரமான சட்டமன்ற வாக்கெடுப்பை உறுதி செய்து ஜனநாயக மாண்புகளைக் காத்திடுமாறு தமிழக சட்டமன்ற எதிர்க்கட்சித் தலைவர் என்ற முறையில் வலியுறுத்திக் கேட்டுக் கொள்கிறேன்" என்று கூறியுள்ளார்.

அதிமுக எம்பி மைத்ரேயன் நேர்காணல்

அரசியலில் எந்நேரத்திலும் எதுவும் நடக்கும் என்பார்கள். முதல்வர் ஓ.பன்னீர்செல்வம் கொடுத்த ஒரு பேட்டி அதை மீண்டும் நிரூபிக்கிறது. பன்னீர்செல்வம் பிரிந்தவுடன் அவர் பக்கத்தில் முதலில் போய் அமர்ந்தவர் மைத்ரேயன் எம்பி. ‘அதிமுகவுக்குள் உள்ள பாஜககாரர்’ என்று வர்ணிக்கப்படும் மைத்ரேயனுடன் ஒரு பேட்டி.

அதிமுக பிளவுபடுகிறதா?

அது ஒரு மாயை. தொண்டர்களும் மக்களும் பன்னீர்செல்வம் பக்கம் இருக்கிறார்கள். மக்கள் பிரதிநிதிகள் சசிகலா பக்கம் இருப்பதுபோல் நடித்தாலும், சட்டப்பேரவையில் பெரும்பான்மையை நிரூபிக்கும் சூழல் வரும்போது, அவர்களும் இந்தப் பக்கம் வந்துவிடுவார்கள்.

தேவையான அளவுக்கு ஆதரவு இருக்கிறதா? திமுக உதவியைக் கேட்பீர்களா?

நேற்றைய நிலவரம் வேறு, இன்றைய நிலவரம் வேறு. அரசியல் பாராமீட்டர் மாறிக்கொண்டே இருப்பது. பொறுத்திருந்து பாருங்கள். ஆனால், திமுகவின் உதவியைக் கேட்க மாட்டோம் என்று பன்னீர்செல்வமே சொல்லிவிட்டாரே!

மோடியின் ஆதரவு யாருக்கு? ஆளுநர் நிலைப்பாடு என்ன?

மத்திய அரசு தமிழக அரசை ஆதரிக்கும். ஆனால், ஒரு கட்சியையோ, அதில் உள்ள தனி நபர்களில் ஒருவரையோ ஆதரிக்குமா என்ற கேள்வியே சரியல்ல. மோடிக்கும் ஜெயலலிதாவுக்கும் நல்ல உறவும், புரிந்துணர்வும் இருந்தது. அதேபோன்ற உறவுதான் மோடிக்கும் பன்னீர்செல்வத்துக்கும் இடையிலும் இருக்கிறது. இதைத் தனிப்பட்ட உறவாகப் பார்க்க வேண்டியதில்லை. தமிழகத்துக்கென்று நிரந்தர ஆளுநர் இல்லை. அதனால்தான், ஆளுநரால் உடனடியாக இங்கே வர முடியாமல் போய்விட்டது. ‘நிர்ப்பந்தத்தின் அடிப்படையில்தான் ராஜிநாமா கடிதத்தில் கையெழுத்துப் போட்டேன்’ என்று பன்னீர்செல்வம் சொல்லியிருக்கும் நிலையில், அதுபற்றி சட்ட நிபுணர்களுடன் ஆலோசிக்க வேண்டிய நிலையில் ஆளுநர் இருக்கிறார். எதையும் ஆராயாமல், இவர்கள் அழைத்தவுடன் ஓடி வந்து பதவிப்பிரமாணம் செய்துவைக்க முடியுமா?

தம்பிதுரைக்குக் கொடுக்கப்படும் முக்கியத்துவம்தான், நீங்கள் ஓபிஎஸ் பக்கம் சாயக் காரணம் என்கிறார்களே?

தமிழக அரசியலில் தம்பிதுரை ஒரு கோமாளி. அவரை எல்லாம் நான் என்னுடைய எதிரியாகக் கருதியதே இல்லை. என்னுடைய எதிரியாக இருப்பதற்கு ஒரு தகுதி வேண்டும். என்னைச் சிலர் அதிமுகவில் இருக்கும் பாஜக ஆதரவாளர் என்கிறார்கள். பாஜகவில் இருந்தபோது, அதிமுக ஆதரவாளர் என்றார்கள். இதையெல்லாம் பொருட்படுத்தப்போவதில்லை.

துரோகமும் விரோதமும் கை கோத்துவருகின்றன என்று சசிகலா சொல்கிறாரே?

யார் துரோகி, யார் விரோதி என்பது பெரிய கேள்வி. அம்மாவால் ஒரு முறை அல்ல; இரு முறை அடையாளம் காணப்பட்ட பன்னீர்செல்வம் துரோகியா; கட்சியைவிட்டே நீக்கப்பட்ட சசிகலா துரோகியா? அதிமுக வரலாற்றிலேயே ஜெயலலிதாவால் ஒரே நபர் மூன்று முறை மாநிலங்களவை உறுப்பினராக்கி அழகு பார்க்கப்பட்ட வரலாறு என்னுடையது. குறுகிய மனப்பான்மை உள்ளவர்களின் குறுக்குப் புத்திதான் இப்படியான குற்றச்சாட்டுகள் எல்லாம். திமுக எதிர்ப்பு என்பது அதிமுக தொண்டன் ஒவ்வொருவனின் ரத்தத்திலும் ஊறியது. எக்காரணம் கொண்டும் திமுகவோடு கை கோக்க மாட்டோம்.

போயஸ் தோட்ட வீட்டு முன்பு சங்கு ஊதிய தொண்டர்கள்: சசிகலா நேரில் பார்த்து அதிர்ச்சி

அதிமுக பொதுச் செயலாளராக சசிகலா தேர்வு செய்யப்பட்டதற் கும், தற்போது முதல்வராக அவரை தேர்வு செய்ததற்கும் கட்சிக்குள்ளேயே எதிர்ப்பு கிளம்பி யுள்ளது.

இந்நிலையில், நேற்று முன்தினம் இரவு 10 மணி அளவில் போரூரைச் சேர்ந்த அதிமுக தொண்டர்கள் சுமார் 10 பேர் சசிகலாவை புகழ்ந்து பாடியபடி போயஸ் தோட்டத்துக்கு வந்தனர். அங்கே பாதுகாப்புக்கு நின்றிருந்த போலீஸார், புகழ்ந்துதானே பாடுகிறார்கள் என்று நினைத்து சசிகலா வசிக்கும் வீட்டு முன்பு வரை அனுமதித்து விட்டனர்.

வீட்டு முன்பு சென்ற தொண்டர்கள், மறைத்து வைத்திருந்த சங்கை எடுத்து திடீரென ஊத ஆரம்பித்து விட்டனர். இரவில் 10 பேர் சேர்ந்து சங்கு ஊதியதால் அந்த இடமே பரபரப்பாகி விட்டது. அப்போது வீட்டுக்குள் இருந்த சசிகலா, சங்கு சத்தம் கேட்டு அதிர்ச்சி அடைந்து பால்கனியில் வந்து நின்று பார்த்தார்.

இதை சற்றும் எதிர்பாராத போலீஸார், உடனடியாக 10 பேரையும் பிடித்து ராயப்பேட்டை காவல் நிலையத்துக்கு அழைத்துச் சென்று விசாரணை நடத்தினர். பின்னர் அவர்களை எச்சரித்து அனுப்பினர்.

சட்டப்படியான பணிகளைக்கூட செய்ய முடியாத நிலையில் அரசு இயந்திரம்: சென்னை உயர் நீதிமன்ற நீதிபதிகள் வேதனை

விதிமீறல் கட்டிடத்துக்கு சீல் வைக்க முடியாமல் சட்டப்படியான பணிகளைக் கூட மேற்கொள்ள முடியாத நிலையில் அரசு இயந்திரம் உள்ளது என உயர் நீதிமன்ற நீதிபதிகள் வேதனை தெரிவித்துள்ளனர்.

சென்னை பெருநகர வளர்ச்சிக் குழுமத்தின் (சிஎம்டிஏ) உறுப்பினர் செயலரான ஏ.கார்த்திக் உயர் நீதிமன்றத்தில் தாக்கல் செய்த நீதிமன்ற அவமதிப்பு வழக்கில் கூறியிருப்பதாவது:

சென்னை கொண்டித்தோப்பு சர்க்கரைத் தெருவில் வசிக்கும் கதீஜா உம்மாள் தன்னுடைய வீட்டை சட்டத்துக்கு புறம்பாக விதிமுறைகளை மீறி கட்டி யிருந்தார். இதையடுத்து அந்த வீட்டுக்கு சீல் வைக்கப்பட்டது.

இதை எதிர்த்து அவர் வழக்கு தொடர்ந்தார். இந்த வழக்கை விசாரித்த உயர் நீதிமன்றம் அவரது வீட்டுக்கு வைத்த சீலை அகற்ற வேண்டும் என்றும். மனுதாரர் தனது விதிமீறலை சரி செய்ய வேண்டும் என்றும் அவ்வாறு சரிசெய்யவில்லை என்றால் மீண்டும் அந்த வீட்டுக்கு சீல் வைக்கலாம் என்றும் கடந்த 2014-ம் ஆண்டு உத்தரவிட்டது. இதன்படி சீல் அகற்றப்பட்டது.

இதன் பின்னர், சிஎம்டிஏ அதிகாரிகள் அந்த கட்டிடத்தை மீண்டும் ஆய்வு செய்தபோது விதிமீறல் பகுதி சரி செய்யப்படவில்லை. இதை யடுத்து போலீஸ் உதவியுடன் கடந்த 2015 ஜூலை 14-ல் அந்த கட்டிடத்துக்கு சீல் வைக்கச் சென்ற போது, கதீஜா உம்மாளும் அவரது தரப்பினரும் அதிகாரிகளை சீல் வைக்க விடாமல் தடுத்து அனுப்பிவிட்டனர்.

எனவே உயர் நீதிமன்ற உத்தரவை அமல்படுத்தவிடாமல் தடுத்த சுபத்கான், கதீஜா உம்மாள் ஆகியோர் மீது நீதிமன்ற அவமதிப்பு சட்டத்தின் கீழ் நடவடிக்கை எடுக்க வேண் டும். இவ்வாறு அதில் கோரியிருந்தார்.

இந்த மனு மீதான விசாரணை தலைமை நீதிபதி எஸ்.கே.கவுல் மற்றும் நீதிபதி எம்.சுந்தர் ஆகியோர் அடங்கிய அமர்வில் நடந்தது. அதன் பிறகு நீதிபதிகள், ‘‘விதிமீறல் கட்டிடத்துக்கு சீல் வைக்க முடியாமல் சிஎம்டிஏ அதிகாரிகள் நீதிமன்ற அவமதிப்பு வழக்கை தாக்கல் செய்திருப்பது வேதனைக்குரியது. உயர் நீதிமன்றம் பிறப்பித்த உத்தரவை சரியாக புரிந்துகொண்டு அதிகாரிகள் அந்த வீட்டுக்கு சீல் வைக்க முயன்றும் அவர்களால் முடியவில்லை.

இதை பார்க்கும்போது சட்டப் படியான பணிகளைக்கூட அதிகாரி கள் மேற்கொள்ள முடியாத நிலையில் அரசு இயந்திரம் உள்ளது என்பது தெளிவாகிறது. போலீஸ் பாதுகாப்புடன் சென்று சிஎம்டிஏ அதிகாரிகள் அந்த வீட்டுக்கு சீல் வைக்க வேண்டும். இது அதிகாரிகளின் வேலை. இதற்காக நீதிமன்றத்தை நாடக் கூடாது. எனவே மனு தள்ளுபடி செய்யப்படுகிறது’’ என உத்தரவிட்டனர்.

நிரந்தர குடியுரிமை பெறும் வெளிநாட்டவரின் எண்ணிக்கையை10 ஆண்டுகளில் பாதியாகக் குறைக்க அமெரிக்கா திட்டம்

பிடிஐ

அமெரிக்காவில் நிரந்தர குடியுரிமை பெறும் வெளிநாட்டவரின் எண்ணிக்கையை அடுத்த 10 ஆண்டுகளில் பாதியாகக் குறைக்க அமெரிக்கா முடிவு செய்துள்ளது. இது தொடர்பான சட்ட முன்வடிவை இரண்டு அமெரிக்க செனடர் உறுப்பினர்கள் தாக்கல் செய்துள்ளனர். இந்த முன்வடிவு அமெரிக்காவில் நிரந்தரமாகக் குடியேற நினைக்கும் இந்தியர்கள் மற்றும் குடியேற்ற உரிமை (கிரீன் கார்டு) பெற விரும்புவோருக்கு பெரும் பின்னடைவாக அமையும் எனத் தெரிகிறது.

அமெரிக்கர்களுக்கு வேலை வாய்ப்பை உறுதி செய்யும் வகையில் குடியேற்ற சட்டத்தை கடுமையாக்க வேண்டும் என்ற நோக்கில் குடியரசுக் கட்சியின் செனட் உறுப்பினர் டாம் காட்டன் மற்றும் ஜனநாயகக் கட்சியின் டேவிட் பெர்டியூ ஆகியோர் பரிந்துரை செய்துள்ளனர். அமெரிக்க குடியேற்ற சட்டத்தில் திருத்தம் செய்வதன் மூலம் வெளிநாட்டவர்கள் அமெரிக்காவில் குடியேறுவது குறையும். அத்துடன் வேலை திறன் இல்லாதவர்களுக்கு அமெரிக்காவில் இடமில்லை என்ற நிலை உருவாகும் எனக் குறிப்பிட்டுள்ளனர்.

தற்போது ஆண்டுக்கு 10 லட்சம் பேருக்கு கிரீன் கார்டு அளிக்கப் படுகிறது. அதேபோல 5 லட்சம் பேருக்கு நிரந்தர குடியுரிமை அமெரிக்காவில் அளிக்கப்படு கிறது. புதிய பரிந்துரை அமலுக்கு வந்தால் இந்த எண்ணிக்கை பாதியாகக் குறையும்.

இந்த பரிந்துரை ட்ரம்ப் நிர்வாகம் எளிதில் அமல்படுத்தும் வகையில் அவரது கொள்கைக்கு ஏற்புடையதாக இருப்பதால் இது சட்டமாகக் கொண்டு வரப்படுவதில் எந்த சிரமமும் இருக்காது என்றே தோன்றுகிறது. அதேசமயம் அமெரிக்காவில் கிரீன் கார்டு மூலம் வேலை பார்த்து வரும் இந்திய அமெரிக்கர்கள் மற்றும் அமெரிக்காவில் நிரந்தரமாகக் குடியேற விரும்புவோருக்கு பெரும் பிரச்சினையாக அமையும் என்று எதிர்பார்க்கப்படுகிறது.

தற்போது இந்தியர்கள் கிரீன் கார்டு எனப்படும் குடியுரிமை பெறுவதற்கு அவரவர் பணி அடிப்படையில் 10 ஆண்டாக உள்ளது. இந்த சட்டம் அமலானால் குடியுரிமை பெறுவதற்கு 35 ஆண்டு களாகும். நிரந்தர குடியுரிமை பற்றி பரிந்துரைத்துள்ள இந்த மசோதா ஹெச் 1 பி விசா குறித்து எவ்வித பரிந்துரையையும் அளிக்கவில்லை என்பது குறிப்பிடத்தக்கது.

10 ஆண்டுகளுக்கும் மேலாக அமெரிக்காவில் சட்டரீதியான குடியுரிமை பெறுவோரின் எண் ணிக்கை கடுமையாகக் குறைந் துள்ளது. இதனால் அமெரிக்க மக்களின் வேலை வாய்ப்பு மற்றும் ஊதியம் குறைந்துள்ளது. இதைத் தடுக்க ஆஸ்திரேலியா மற்றும் கனடாவில் உள்ளது போல திறமை மிகுந்தவர்களுக்கு வேலை மற்றும் ஊதியம் என்ற அடிப்படையில் குடியுரிமை அளிக்க வேண்டும் என காட்டன் குறிப்பிட்டுள்ளார்.

அமெரிக்க குடிமக்களின் வேலை வாய்ப்பைப் பாதுகாக்கும் வகையில் குடியேற்றச் சட்டங் கள் இருப்பது அவசியம். வேலை யளிக்கும் நிறுவனங்கள் வழங்க வேண்டிய ஊதியத் தொகையை உயர்த்தியதன் மூலம் அமெரிக்க மக்களுக்கு வேலை வாய்ப்பு கிடைப்பதற்கான வாய்ப்பு பிரகாச மடையும் என்றும், அதிபராக பொறுப்பேற்றபோது நீங்கள் எடுத்துக் கொண்ட உறுதிமொழியை நிறைவேற்ற இத்தகைய பரிந்துரை உதவும் என்று குறிப்பிட்டுள்ளார்.

`ரெய்ஸ்’ சட்டத்தின்படி முதல் ஆண்டில் 6,37,960 பேருக்கு அளிக்கப்படும் குடியுரிமை அனுமதி அடுத்த 10 ஆண்டுகளில் 5,39,958 ஆகக் குறையும். 2015-ம் ஆண்டில் குடியுரிமை பெற்றவர்களில் 10,51,031 பேரில் பாதிக்கும் குறைவாக இருக்கும் என தெரிவிக்கப்பட்டுள்ளது.

நமது பாரம்பரிய முறையி லான குடியுரிமை சட்ட அனுமதி வழங்குவதன் மூலம் அமெரிக்கர் களின் வேலை வாய்ப்பு பெருகுவ தோடு ஊதியமும் உயரும் என்று பெர்டியு குறிப்பிட்டுள்ளார்.

டைவர்சிடி விசா லாட்டரி எனும் முறையை முற்றிலுமாக ஒழிக்க வேண்டும் என்றும் பரிந்துரை செய் துள்ளது. இந்த முறையில் பல்வேறு முறைகேடு நடக்க வழியுள்ளது. மேலும் இதில் எவ்வித பொருளா தார பயன் கிடைப்பதில்லை. விசா கோரும் விண்ணப்பத்தில் 50 ஆயிரம் விண்ணப்பங்கள் இந்த லாட்டரி முறைக்கு அனுப்பப்பட் டுள்ளது குறிப்பிடத்தக்கது.

மனிதர்களும் விலங்குகளும்

By சா. கந்தசாமி  |   Published on : 09th February 2017 01:21 AM  | 

உலகத்தில் வாழும் விலங்குகளில் ஒருவகைதான் மனிதர்கள். அவர்கள்தான் இளைய விலங்குகள். அதாவது பரிணாம வளர்ச்சியில் கடைசியில் இருக்கிறார்கள். ஆனால் மற்ற எந்த விலங்கிற்கும் இல்லாத அறிவு பெற்று இருக்கிறார்கள். சிந்திக்கவும், செயல்படுத்தவும், பேசவும், எழுதவும், நடந்ததையெல்லாம் நினைவு கூர்ந்து சொல்லவும் தெரிந்து வைத்துக் கொண்டிருக்கிறார்கள்.
ஆயுதங்கள் கொண்டு வேட்டையாடவும், நிலத்தில் நீர் பாய்ச்சி தானியங்கள் பயிரிடவும் அறிந்திருக்கிறார்கள். விலங்குகள், பறவைகளின் வாழ்விடமான வனங்களை அழித்து விவசாய நிலங்களாக்கி விட்டார்கள். அதனால் விலங்குகள் உணவு தேடி, தண்ணீர் குடிக்க ஊருக்குள் வருகின்றன. எங்கள் விளைநிலங்களை விலங்குகள் நாசப்படுத்திவிட்டன, அவற்றின் அட்டகாசம் பொறுக்க முடியவில்லை என்று புலம்புகிறார்கள்.
உண்மையில் வன விலங்குகளின் இருப்பிடத்திற்குள் புகுந்து அட்டகாசம் புரிவது மனிதர்கள்தான். எல்லா விலங்குகளும் தங்களது பல், கால், வால்களால்தான் வேட்டையாடுகின்றன. ஆனால் மனிதர்கள்தான் ஆயுதங்களை எடுத்துக் கொண்டு போய் வேட்டையாடுகிறார்கள். வலை வீசி பறவைகளையும் விலங்குகளையும் பிடிக்கிறார்கள்.
மனிதர்கள் தானியங்கள், ஊண் உண்டு பசியாற்றிக் கொள்ளக் கூடியவர்களாக இருக்கிறார்கள். அவர்களின் உடல் உறுப்புகள் எதைத் தின்றாலும் ஜீரணிக்கக் கூடியதாக இருக்கின்றன. எனவேதான் பலவிதமான விலங்குகளையும் பறவைகளையும், மீன்களையும் பிடித்துத் தின்று கொழுத்துப் போயிருக்கிறார்கள்.
கறியின் சுவையும், எலும்புகள் கடிப்பதில் உள்ள இன்பமும், கவிச்சி நாற்றமும் கறி தின்ன வைத்துக் கொண்டே இருக்கின்றன. எனவேதான் பறவைகளின் முட்டைகளில் இருந்து, ஆட்டின் தலை வரை எல்லாவற்றையும் தின்று வருகிறார்கள்.
நஞ்சு கொண்ட பாம்புகளைக் கூட அவர்கள் விட்டு வைக்கவில்லை. பாம்பின் நஞ்சு கொண்ட பையை வெட்டியெறிந்து விட்டு தோலை உறித்து சதையைத் தீயில் நெய் சொட்டச் சொட்ட சுட்டுத் தின்கிறார்கள்.
மனிதர்கள் தின்னத் தகாதது என்று ஒதுக்கிய விலங்குகோ, பறவையோ ஒன்றுகூட இல்லை. உடன் வாழும் சகோதர மனிதர்களைக் கூட அவர்கள் விட்டு வைக்கவில்லை. எழுநூறு ஆண்டுகளுக்கு முன்னால் சீனா சென்று வந்த மார்கோ போலோ அங்கே மனிதக் கறி விற்கப்பட்டதாக எழுதி வைத்து இருக்கிறார்.
அன்பு, பாசம், இரக்கம், கருணை கொண்டவர்கள் மனிதர்கள் என்று எத்தனைதான் சொன்னாலும், அவர்களிடம் ஆதி குணங்களான கொடூரமான செயற்பாடுகள், வேட்டையாடுதல், பறவைகளைச் சுட்டுக் கொல்வது போன்ற குணங்கள் மாறவே இல்லை.
உணவிற்காக விலங்குகள், பறவைகள் கொல்லப்படுவது போல வே அவற்றின் நிறம், இறகுகளின் வனப்பு, பல், நகம், முடி ஆகியவற்றுக்காகவும், மருத்துவத்திற்கென்றும் மந்திர சக்தி பெற்றவை என்பதற்காகவும் வேட்டையாடப்பட்டு வருகின்றன. அது நெடுங்காலமாக நடந்து வரும் நிகழ்வாகவே இருந்து வருகிறது.
பூமி என்பது பல்லுயிர்களும் இணை ந்து வாழும் இடம். அது ஒற்றை உயிராகிய மனிதர்கள் மட்டுமே வாழத்தக்கது இல்லை. மனிதர்கள் தங்களைச் சுற்றி இருக்கும் விலங்குகள், பறவைகள், மீன்களைப் பசியாற்றிக் கொள்ளவும், ஆடம்பர வாழ்க்கைக்கு வேண்டியது என்றும் கொன்றுவிட்டால் வாழ்க்கை என்பதே தரமற்றதாகிவிடும்.
அகவும் மயிலும், கூவும் குயிலும் பல வண்ணங்கள் கொண்ட பறவைகளும், வண்ணத்துப்பூச்சிகளும், அழகிய நிறங் கொண்ட பாயும் புலியும், பனி பிரதேசத்து வெண் முடி கொண்ட கரடியும், பெரிய யானைகளும், வேகமாக ஓடும் குதிரைகளும் பால் கொடுக்கும் பசுக்களும், ஏர் உழும் காளைகளும் வீடு காக்கும் உற்ற நண்பனாகிய நாய்களும் இல்லாவிட்டால் மனித வாழ்க்கை என்பதே அர்த்தமற்றதாகிவிடும். பல்லுயிர் வாழ்க்கை என்ற சமன்பாடுதான் வாழ்க்கையென்பதை அர்த்தமுள்ளதாக்குகிறது.
உலகத்தில் பல விலங்குகள், பறவை இனங்கள், மீன் வகைகள் இப்போது இல்லை. மனிதர்களால் கொல்லப்பட்டுவிட்டன. தன் தேவை என்பதுதான் மனிதர்களின் சித்தாந்தம். பல்லுயிர் வாழ்க்கை என்பது மனிதர்கள் அனுமதிக்கும் வரையில்தான்.
மனிதர்கள், மாடுகள், நாய்கள், பூனைகள், கிளிகள், யானைகள் என்று பலவற்றையும் பிடித்து செல்லப் பிராணிகளாக வளர்த்து வருகிறார்கள். மாடுகள் பாலுக்கும், உழவிற்கும், வண்டிக்கும் பயன்படுத்தப்பட்டன. நாய்கள் நல்ல தோழனாக இருக்கின்றன. குதிரைகள் வேகமாக ஓடுவதால் போர்களுக்கு அதிகமாகப் பயன்படுத்தப்பட்டன.
மகா அலெக்சாண்டர் முப்பதாயிரம் பேர் கொண்ட குதிரைப் படையுடன் உலகம் முழுவதையும் வென்று ஆட்சி செய்யப் புறப்பட்டான். அக்பர் பெரும் யானைப் படை வைத்துக் கொண்டிருந்தார்.
நவீன காலத்தில் விலங்குகளுக்கு போரில் இடம் இல்லாமல் போய்விட்டது. ஆனால் விளையாட்டில் விலங்குகள், பறவைகள் தொடர்ந்து இடம் பெற்று வருகின்றன. இது காட்டுமிராண்டித்தனம். நாகரிக மனிதன் செய்யக்கூடிய காரியம் இல்லை.
"அவற்றுக்குப் பேச வாய் இல்லை என்பதால் வதைக்க முடியாது. அவற்றின் சார்பாகப் பேச நாங்கள் இருக்கிறோம்' என்று சொல்லிக் கொண்டு உலகம் முழுவதிலும் பல தன்னார்வ நிறுவனங்கள் தோன்றியுள்ளன. அவை இங்கிலாந்து, ஜெர்மனி, நெதர்லாந்து, கனடா ஆகிய நாடுகளில் இருந்து பெரும் பணம் வாங்குகின்றன.
1980-ஆம் ஆண்டில் அமெரிக்காவில் இன்கிரிடு என்ற பெண்மணி அலெக்ஸ் பச்சிகோ என்பவரோடு இணைந்து, People for the Ethical Treatment of Animal  - என்ற அமைப்பை ஏற்படுத்தினார். அதுதான் பீட்டா. விலங்குகள் தின்பதற்கு இல்லை. அதன் மென் முடிகள், தோல்கள் அணிவதற்கு இல்லை. பரிசோதனைகள், விளையாட்டிற்கு இல்லை என்று கூறினார்.
இவையெல்லாம் இந்தியர்கள் நெடுங்காலமாக அறிந்ததுதான். ஊண் உண்பதை அடிப்படையிலேயே மகாவீரரின் சமண சமயம் எதிர்த்து வருகிறது. அது சமண சமயத்தின் வளர்ச்சியைப் பாதித்து விடவில்லை.
பகவான் புத்தர் உயிர்ப் பலி என்பதற்கும், ஊண் உண்பது என்பதற்கும் எதிராகவே இருந்தார். அசோக சக்ரவர்த்தி, எந்த உயிரையும் கொல்லக் கூடாது என்று கல்வெட்டுக்களில் பொறித்து வைத்தார்.
திருவள்ளுவர் ஊண் உண்பதையும், கள் குடிப்பதையும் கடுமையாக எதிர்த்து வந்தார். திருக்குறளில் புலால் மறுத்தல் பற்றி எழுதி வைத்து இருக்கிறார்.
ஐம்பதாண்டுகளுக்கு முன்னால் கலாக்ஷேத்ராவை நிறுவிய ருக்மிணி தேவி அருண்டேல் விலங்குகளின் நலம் காக்க, மருத்துவம் பார்க்க "புளுகிராஸ்' என்னும் காப்பகத்தை திருவான்மியூரில் நிறுவினார். தெருவில் திரியும் மாடுகள், விபத்துக்கு ஆளான நாய்கள், பூனைகளை புளுகிராஸ் எடுத்து வந்து பாதுகாத்தது.
இந்தியாவில் விலங்குகளின் நலம் காக்க சட்டபூர்வமான ஒரு நலவாரியம் அவசியம் என்று மத்திய அரசுக்குத் தொடர்ந்து வற்புறுத்தி வந்தார்.
1962-ஆம் ஆண்டில் மத்திய அரசு விலங்குகள் நல வாரியம் அமைத்தது. ருக்மிணி தேவி அருண்டேல் அதன் முதல் தலைவியானார். அவர் விலங்குகள் நலத்தோடு இறைச்சி உண்பதையும் மக்கள் தவிர்க்க வேண்டும் என்று பிரசாரம் செய்து வந்தார். 24 ஆண்டுகள் விலங்குகள் நல வாரியத்தின் தலைவியாக இருந்தார்.
விலங்குகள் நல வாரியம் சுற்றுப்புறச் சூழல், வன அமைச்சகத்தின் கட்டுப்பாட்டில் இருக்கிறது. சமூகத்தின் பல நிலைகளிலும் இருக்கு 21 பேர் உறுப்பினர்கள். தலைவர் கால்நடை மருத்துவர்.
2000-ஆம் ஆண்டில் அமெரிக்காவை தலைமையகமாகக் கொண்ட தன்னார்வ அமைப்பான பீட்டா இந்தியாவில் செயல்பட அனுமதி அளிக்கப்பட்டது. இந்தியாவில் 31 லட்சம் தன்னார்வ தொண்டு நிறுவனங்கள் செயல்படுகின்றன. அவற்றில் பீட்டா ஒன்று. ஆனால் பீட்டா, விளம்பரத்தின் மூலமாகவும் - பரிசுகள், பாராட்டு விழாக்கள் நடத்தி தன்னை முதன்மைப்படுத்திக் கொண்டது.
ஐரோப்பிய காளை மாட்டு சண்டையோடு தமிழக ஜல்லிக்கட்டை சேர்த்து கொண்டுவிட்டது. அதற்காக உச்சநீதிமன்றம் சென்று ஜல்லிக்கட்டு மிருகங்களை வதைக்கிறது. அது நாகரிக சமூகத்தின் விளையாட்டு கிடையாது. எனவே ஜல்லிக்கட்டை நிரந்தரமாக தடை செய்ய வேண்டும் என்று வழக்குத் தொடுத்தது.
உச்சநீதிமன்றம் இந்தியா முழுவதும் காளை மாடுகள், எருமை மாடுகள் வைத்து விளையாடும் எல்லா பாரம்பரிய விளையாட்டுகளையும் தடை செய்து விட்டது. மேல்முறையீடு தீர்ப்பு வராமல் இருந்தது.
தமிழகத்தில் மாணவர்கள், இளைஞர்கள் எங்களின் பாரம்பரிய ஏறு தழுவுதல் விளையாட்டை நாங்கள் விளையாட அனுமதிக்க வேண்டும் என்று பெரும் போராட்டம் நடத்தினர். மாநில அரசு ஆதரவு அளித்தது.
ஜல்லிக்கட்டுப் போராட்டக்காரர்கள் பீட்டாவையும் தடை செய்ய வேண்டுமென்று ஆர்ப்பாட்டம் செய்தார்கள்.
விலங்குகள் மனிதர்களின் உற்றத் தோழனாகவும், உதவி செய்யும் பணியாளனுமாகவும், பசியாற்றும் ஜீவனுமாகவும் இருக்கின்றன. பசுவை "கோமாதா' என்று கொண்டாடுவது மரபு.
மனிதர்கள் விலங்குகளை வைத்துக் கொண்டு விளையாடுவதால் அவற்றை வதைக்கிறார்கள் என்று சொல்ல முடியாது. அதுபோலவே ஊண் உண்கிறவர்கள் கெட்டவர்கள், உண்ணாதவர்கள் நல்லவர்கள் என்பதும் இல்லை. ஒரே குடும்பத்தில் எல்லோரும் நன்றாகவே வாழ்கிறார்கள். அதுதான் குடும்பம்.
இரண்டாயிரத்து ஐநூறு ஆண்டுகளுக்கு முன்னால் பகவான் புத்தர் சொன்னார்: "தின்னும் உணவால் யாரும் புனிதமடைய மாட்டார்கள்'.

கட்டுரையாளர்:
எழுத்தாளர்.
சா. கந்தசாமி

ஆளுநர் மாளிகை அரசியல்!

By ஆசிரியர்  |   Published on : 09th February 2017 01:22 AM  |  

மாநில ஆளுநர் பதவியை தீயணைப்பு வாகனத்துடன் ஒப்பிட்டு, மூதறிஞர் ராஜாஜி கருத்துத் தெரிவித்திருக்கிறார். "எங்கேயாவது தீப்பிடித்தால் மட்டுமே தீயணைப்பு வாகனம் செயல்படும். மீதி நேரங்களில் தயார் நிலையில் நிறுத்தி வைக்கப்பட்டிருக்கும். பெரும்பாலான நேரங்களில் செயல்படாமல் இருக்கிறதே என்பதற்காகத் தீயணைப்பு வாகனம் தேவையில்லை என்று கூறிவிட முடியாது. ஆளுநர் பதவியும் அப்படித்தான். பிரச்னை ஏற்பட்டால்தான் ஆளுநர் செயல்பட வேண்டிய கட்டாயம் ஏற்படும். அதற்காக ஆளுநர் பதவி தேவையில்லை என்று முடிவெடுத்துவிட முடியாது' என்பதுதான் ராஜாஜி தந்த விளக்கம்.
இங்கே தமிழகமே அசாதாரண அரசியல் குழப்பத்தில் சிக்கித் தீப்பற்றி எரிகிறது. தமிழகத்துக்குப் பொறுப்பு ஆளுநராக இருக்கும் வித்யாசாகர் ராவ் சாவகாசமாக தில்லியில் முக்கியஸ்தர்களைக் கலந்தாலோசித்துவிட்டு, சென்னைக்கே வராமல் மும்பையில் கவலையே படாமல் தங்கி இருக்கிறார். ராஜாஜி கூறியதுபோல, தீப்பிடித்தால் விரைந்து வருகிற தீயணைப்பு வாகனமாக இல்லாமல், வேடிக்கை பார்த்துக் கொண்டிருக்கிற வாகனமாகக் காட்சி அளிக்கிறது பொறுப்பு ஆளுநரின் செயல்பாடு.
தமிழகத்துக்கு கேபினட் அந்தஸ்துள்ள அமைச்சர் ஒருவர்கூட இல்லை. ஏழு கோடிக்கும் அதிகமான மக்களை உடைய தமிழகத்திற்குக் கடந்த ஐந்து மாதமாக ஒரு முழுநேர ஆளுநரை நியமிக்க வேண்டும் என்கிற நினைப்பாவது இருக்கிறதா என்றால் அதுவும் இல்லை. முழுநேர ஆளுநர் ஒருவர் நியமிக்கப்பட்டிருந்தால் தமிழகத்தின் நிர்வாகம் இப்படி ஸ்தம்பிக்கும் நிலைமை ஏற்பட்டிருக்காது. முந்தைய ஆளுநர் ரோசய்யா ஓய்வு பெறுகிறார் என்று தெரிந்தும் வேறு ஆளுநரை நியமிக்காததற்கு காரணம் அசிரத்தையா அல்லது தமிழகத்தின் மீதான அக்கறையின்மையா?
தமிழகத்தின் முதல்வராக இருந்த ஓ. பன்னீர்செல்வம் தனது பதவி விலகல் கடிதத்தை அனுப்புகிறார். ஆளுநர் அதைப் பெற்றுக்கொண்டு அடுத்த ஏற்பாடு செய்யப்படும்வரை தொடரும்படி சொல்லிவிட்டு, எந்தவொரு பரபரப்பும் இல்லாமல் மும்பையில் தங்கியிருக்கிறார். அவர் எப்போது சென்னை வருவார் என்பதுகூட அறிவிக்கப்படவில்லை. ஆளுநரின் இந்தப் போக்கு வேடிக்கையாகவும், வினோதமாகவும் இருக்கிறது.
முதல்வர் ஒருவர் பதவி விலகினால், உடனடியாக அடுத்த அமைச்சரவை அமைகிற சாத்தியம் இருக்கிறதா என்பதை ஆராய்ந்து, பொறுப்பை அடுத்த முதல்வரிடம் ஒப்படைப்பதுதான் ஆளுநரின் மிகவும் முக்கியமான கடமை. அதைச் செய்யாமல் ஆளுநர் காலம் தாழ்த்தும்போது இதற்குப் பின்னால் இருப்பது பொறுப்பற்றதனம் அல்ல, அரசியலும்கூட என்று தோன்றுகிறது.
சசிகலா நல்லவரா, கெட்டவரா, தகுதியானவரா, தகுதி இல்லாதவரா என்பதெல்லாம் ஓர் ஆளுநரின் அடிப்படைக் கேள்வியாக இருக்க முடியாது. அவர் மீது நம்பிக்கையில்லாவிட்டால் சட்டப்பேரவை கட்சி உறுப்பினர்களை வேறு ஒரு நபரை தேர்வு செய்யக் கோரலாம், அவ்வளவே.
பெரும்பாலான சட்டப்பேரவை உறுப்பினர்களின் ஆதரவு ஒருவருக்கு இருக்கிறதா என்பதுதான், அமைச்சரவை அமைக்க ஒருவரை அழைக்கும்போது ஆளுநர் உறுதிப்படுத்திக் கொள்ள வேண்டிய அடிப்படைத் தகுதி. அவரது பெரும்பான்மையை உடனடியாக சட்டப்பேரவையில் நிரூபிக்கச் சொல்வதுதான் வழக்கம்.
சொத்துக்குவிப்பு வழக்கில் ஜெயலலிதாவுக்கு எதிரான மேல்முறையீட்டு வழக்கில் சசிகலாவும் இருக்கிறார் என்பது உண்மை. உச்சநீதிமன்றத்தின் மேல்முறையீட்டு வழக்கில் தீர்ப்பு எந்த நேரத்திலும் வெளிவரலாம் என்பதும் உண்மை. அதற்கும் சட்டப்பேரவை அ.தி.மு.க. உறுப்பினர்களால் தலைவராகத் தேர்ந்தெடுக்கப் பட்டிருக்கும் ஒருவருக்குப் பதவிப் பிரமாணம் செய்து வைப்பதற்கும் தொடர்பு ஏற்படுத்துவது சரியாகப் படவில்லை.
சொத்துக்குவிப்பு வழக்கின் மேல்முறையீட்டுத் தீர்ப்பு வரும்வரை சசிகலாவுக்குப் பதவிப் பிரமாணம் செய்து வைக்க முடியாது என்று ஆளுநர் வித்யாசாகர் ராவ் கூறுவாரென்றால், எந்த அடிப்
படையில் கடந்த மே மாதம் முந்தைய ஆளுநர் ரோசய்யா முதல்வராக ஜெயலலிதாவுக்குப் பதவிப் பிரமாணம் செய்து வைத்தார்? அந்த வழக்கில் முதல் குற்றவாளியே ஜெயலலிதாதானே!
உச்சநீதிமன்றத்தில் இருப்பது மேல்முறையீட்டு வழக்குதான். ஆனால், 2001-இல் ஜெயலலிதா மீது சொத்துக்குவிப்பு வழக்கு மட்டுமல்ல, ஏனைய பல வழக்குகளும் நடைபெற்று வந்தன.
அந்த நிலையில்கூட, சட்டப்பேரவையில் பெரும்பான்மை இருக்கிறது என்கிற ஒரே காரணத்துக்காக அன்றைய ஆளுநர் பாத்திமா பீவீயால் அவர் முதல்வராகப் பதவிப் பிரமாணம் செய்து வைக்கப்பட்டிருக்கிறார்.
ஓ. பன்னீர்செல்வத்தின் ராஜிநாமாவை ஏற்றுக்கொண்ட கையோடு ஆளுநர் சசிகலாவை ஆட்சி அமைக்க அழைத்திருந்தால் இன்றைய அரசியல் நிலையற்றதன்மை ஏற்பட்டிருக்காது. ஆனால், ஆளுநர் எதிர்பார்ப்பது அதுவல்ல என்று தோன்றுகிறது. உத்தரகாண்டிலும், அருணாசலப் பிரதேசத்திலும் அந்தந்த மாநிலத்தின் ஆளுநர்களாக மத்திய பா.ஜ.க. அரசு நியமித்திருப்பவர்கள் நடந்து கொள்வதைப் போலவே, தமிழகத்திலும் ஆளுநர் மாளிகை அரசியல் நடத்துவது என்கிற முயற்சியில் மத்திய ஆளும்கட்சி இறங்கி இருக்கிறதோ என்கிற சந்தேகம் ஏற்படுகிறது.
சசிகலாவோ, ஓ. பன்னீர்செல்வமோ யார் முதல்வர் என்பதல்ல பிரச்னை. யாராக இருந்தாலும் சட்டப்பேரவையில் பெரும்பான்மையை நிரூபிக்க வேண்டும். அதற்கு ஆளுநர் வழிகோல வேண்டும். முறையாக தேர்ந்தெடுக்கப்பட்ட ஆட்சி நடைபெறாமல் நிர்வாகம் ஸ்தம்பித்து கிடப்பதற்கு ஆளுநரே துணை போவது விசித்திரமாக இருக்கிறது. ஆளுநர் மாளிகையில் இருந்து அரசியல் நடத்துவது ஏற்புடையதல்ல!

வீட்டிலிருந்து புறப்படும் முன் இதெல்லாம் செய்ய மறக்காதீர்கள் பெண்களே!

"எங்காவது புறப்படுவதுபோதெல்லாம் கடிகாரம் வேகமாக சுற்றுவதுபோல இருக்கும். என்னது ஒன்பது மணியாடுச்சா" என மைண்ட் வாய்ஸில் அல்ல... சத்தமாகவே சொல்லிக்கொண்டு, அவசர அவசரமாக டிபனைச் சாப்பிட்டுவிட்டு, வீட்டை விட்டுகிளம்பி பஸ் ஸ்டாப்புக்கு கிட்டத்தட்ட ஓடிவோம். நெருக்கியடித்து பஸ்ஸில் ஏறி, டிக்கெட் எடுக்கும்போதுதான் 'வீட்டை ஒழுங்காக பூட்டினோமா' என்கிற சந்தேகம் வரும். பிறகு, சந்தேகங்கள் ஒவ்வொன்றாக அதிகரித்துவிடும். அது மெல்ல பதட்டத்தை அதிகரிக்கச் செய்து, அடுத்த பஸ் ஸ்டாப்பில் இறங்கி, வீட்டை நோக்கி செல்ல ஆரம்பித்துவிடுவோம். இது அடிக்கடி நடந்தால் அலுவகலமோ வெளியிலோ செல்லும்போதெல்லாம் டென்ஷன் தான். அதனால் வீட்டிலிருந்து புறப்படும் முன் சிலவற்றை மறக்காமல் செய்யப் பழகலாமே பெண்களே! (அது சரி வீடு என்றதுமே பெண்களுக்குத்தான் டிப்ஸ் சொல்வீர்களா என்று கோபப்பட வேண்டாம்.)



கேஸில் கவனம்:

சிலிண்டரிலிருந்து கேஸ் அடுப்புக்குச் செல்லும் ரெகுலேட்டரை ஆஃப் பண்ண வேண்டும். வழக்கமாக எல்லோரும் சொல்வதுதான். ஆனால் கொஞ்சம் கவனக்குறைவாக இருந்தால், சேதமும் அதிகமாகும் அல்லவா. அதனால் சமையல் வேலைகள் முடிந்ததும் மறக்காமல் ரெகுலேட்டரை ஆஃப் செய்துவிடுங்கள். ஒருவேளை அப்படியே செய்தாலும் வீட்டிலிருந்து புறப்படும் முன் அவசியம் அதை செக் பண்ணத் தவறாதீர்கள்.

சொட்டுச் சொட்டாக:

பாத்ரூம், கழிவறை, சமையலறை உள்ளிட்ட இடங்களில் இருக்கும் தண்ணீர் டேப்களை நீர் சொட்டாமல் மூடப் பட்டிருக்கிறதா எனப் பாருங்கள். ஏனெனில் ஒவ்வொரு சொட்டாக சொட்டினால் நீங்கள் திரும்ப வருவதற்குள் வாளிக் கணக்கில் நீர் விரயமாயிருக்கும். நீரைச் சேமிப்பது நமது கடமையும் அல்லவா.



மூடி முக்கியம்:

சமையல் செய்யும்போது சர்க்கரை, பருப்பு உள்ளிட்ட பாத்திரங்களை அவசரத்தில் மூடாமல் மறந்திருப்பீர்கள். அதனால் சமையல் முடிந்த பிறகோ, வீட்டிலிருந்து புறப்படும் முன்போ மறக்காமல் செக் பண்ணாவிட்டால், எறும்பு, பூச்சிகள் புகுந்து பொருட்கள் கெட்டுவிடும்.

வாசம் வீசட்டும் ப்ரிட்ஜ்: பலரின் வீட்டில் குடும்ப உறுப்பினர் போல ஆகி விட்டது ப்ரிட்ஜ். ஆனால், அது கெட்டுப்போகாமல் பாதுகாக்கிறது என்பதற்காக சில பொருட்களை, பல நாட்களாக அதிலே வைத்திருப்பீர்கள். அதிலிருந்து துர்நாற்றம் வீசத் தொடங்கியிருக்கும். அதை குப்பையில் எறிய வேண்டும் என நினைத்து மறந்திருப்பீர்கள். ஆனால் வெளியே சென்று வர பல மணிநேரமாகும் எனில் அதை ப்ரிட்ஜைத் திறந்து ஒருமுறை செக் பண்ணிவிடுவதே நல்லது.

சாவி:

பீரோவைத் திறந்திருப்போம் ஏதோ நினைவில் சாவியை பீரோவிலேயே வைத்திருப்பீர்கள். பிறகு மற்ற வேலைகளில் மூழ்கியிருப்பீர்கள். அது இயல்புதான். ஆனால், வெளியே புறப்படும்போது, அப்படி இருப்பது நல்லதல்ல. அதனால் மறக்காமல் அதைப் பத்திரப்படுத்துங்கள்.

துணிகள் பத்திரம்:

புறப்படும் முன் வீட்டுக்குள் ஏதேனும் மறந்துவிட்டோமா என்று சுற்றிப் பார்ப்பதுடன் வெளியே வந்துவிடுவீர்கள். ஆனால் வீட்டின் வேறு பகுதியில் துணியைக் காயப்போட்டிருந்தால், அதுவும் வெளியிருந்து யாரேனும் எடுக்கும் வசதியில் இருந்தால் அவசியம் அதை எடுத்துவிடுங்கள். அது, உங்களுக்கோ வீட்டினருக்கோ மிக விருப்பமான உடைகளாக கூடவே இருக்கக்கூடும்.



ஸிவிட்ச்:

அயர்ன் பண்ணும்போதோ, மிக்ஸியில், கிரைண்டரில் அரைக்கும்போதோ, மின்சாரம் போயிருக்கும் ஏதோ நினைவில் ஸ்விட்சை ஆஃப் பண்ண மறந்திருப்பீர்கள். வீட்டிலிருந்து புறப்படும் வரை மின்சாரம் வந்திருக்காது. அதனால் அப்படியே விட்டுவிட்டுப் போய்விடுவீர்கள். அதனால் புறப்படும் முன் ஸ்விட்ச் போர்டு அனைத்தையும் செக் பண்ண மறக்காதீர்கள். இது போன்ற மின் சாதனப் பொருட்களில் நீர் பட்டு அல்லது நீண்ட நாட்களுக்கு பயன்படுத்தாமல் திரும்பவும் பயன்படுத்தும்போது என்னென்ன செய்ய வேண்டும் என்பதையும் தெரிந்துகொள்ள வேண்டும்.

பூட்டு:

கடைசியாக, வாசல்கதவைப் பூட்டும்போது, பதட்டத்தில் சரியாக பூட்டாமல் விடுவோர் அதிகம். அதனால், அந்த பத்து நொடிகளை மிகவும் நிதானமாக இருப்பது பெரும் நிம்மதியைக் கொடுக்கும். அதோடு சாவியை உங்களின் ஹேண்ட் பேக்கில் பத்திரப்படுத்தவும் மறக்காதீர்கள்.
இதைப் படிக்கலைனா படிச்சிருங்க ப்ளீஸ்

- வி.எஸ்.சரவணன்.

சுவாதி கொலை முதல் ஓ.பன்னீீர்செல்வம் ராஜினாமா வரை... கதறும் தமிழன்!

2016 சட்டமன்றத் தேர்தல் முடிவு வந்து கொண்டிருந்த சமயம் அது. அதிமுக அறுதிப் பெரும்பான்மையோடு ஆட்சி அமைப்பது உறுதியான சூழ்நிலையில், அத்தனை பொருளாதார அறிஞர்களும் இப்படிச் சொன்னார்கள் "எம்.ஜி.ஆருக்கு பிறகு ஒரு ஆட்சி, இரண்டாவது முறையாக தொடர்கிறது, சட்டமன்றத்தில் தனிப்பெரும்பான்மையும் இருக்கிறது, அரசு தைரியமாக கொள்கை முடிவுகளை எடுக்க முடியும், வேலைவாய்ப்புகளை பெருக்கலாம், முதலீடுகளை குவிக்கலாம்" எனப் பாசிட்டிவாக பேசினார்கள். முந்தைய ஆட்சிக் காலத்தைப் போல எதற்கெடுத்தாலும் திமுகவை காரணம் காட்டி பிரச்னையில் இருந்து தப்பிக்க முடியாது என்பதால் அதிமுகவுக்கு, தொடர் வெற்றியே ஒரு மறைமுக நெருக்கடி தரும். இதனால், இம்முறை வளர்ச்சி இருக்கும், கொலை, கொள்ளை சம்பவங்கள் குறையும் என நம்பினான் தமிழன். இதோ ஒன்பது மாதங்கள் முடிந்துவிட்டது, ஜெ முதல் ஓ.பன்னீீர்செல்வம் ஆட்சி வரை என்ன நடந்தது தமிழகத்தில்?



ஜெயலலிதா பதவியேற்றதில் இருந்து இதோ இந்த நொடி வரை, இருபது வருடங்களில் இல்லாத அளவுக்கு பிரேக்கிங் நியூஸ்களால் திக்கித் திணறிக்கொண்டிருக்கிறது தமிழகம். எந்த நொடி, என்ன நடக்கும், யார் எந்த குண்டைத் தூக்கி போடுவார்கள் என தெரியாமல் ஆடிப்போயிருக்கிறார்கள் நம் மக்கள். அரசியல்வாதிகளோடு சேர்ந்து மத்திய, மாநில அரசுகளும் மக்களின் நிம்மதியை குலைக்க ஆரம்பித்திருக்கிறார்கள். சுய லாபத்துக்காக சிலர் ஆடும் ஆட்டத்தால் உரிமையை வேண்டி போராட வேண்டிய மக்கள், அன்றைய பொழுது நிம்மதியாய் கழிந்தால் போதும் சாமி என்ற நிலைக்குத் தள்ளப்பட்டிருக்கிறார்கள். இதற்கு காரணம் என்ன?

மக்களை கொதிநிலையிலேயே வைத்திருந்த சம்பவங்கள் என்னென்ன?

மே இறுதியில், ஜெயலலிதா பதவியேற்க, ஒரே மாதத்தில் மக்களிடம் பெரும் வெறுப்பைச் சம்பாதித்தது அரசு. கடந்த ஆண்டு ஜூன் 24 ஆம் தேதி சென்னையில் நடந்த அந்தக் கொடூர கொலை தமிழத்தையே உறைய வைத்தது. சென்னை நுங்கம்பாக்கம் ரயில்வே ஸ்டேஷனில் காலை வேளையில் ஒரு பெண்ணின் வாயில் வெட்டி, கழுத்தை அறுத்து பதறவைக்கும் ஒரு கொலையைச் செய்து விட்டு எவர் கண்ணிலும் படாமல் ஓடுகிறார் ஒரு மர்ம கொலை காரன். இந்தியாவிலேயே பெண்களுக்கு பாதுகாப்பான நகரம் என கெத்து காண்பித்த சென்னை, அன்றைக்கு தலைகுனிந்தது. முறையான சி.சி.டி வி கேமரா பதிவு கூட இல்லாமல் சுவாதி கொலையில் குற்றவாளியை பிடிக்கத் திணறியது தமிழக போலீஸ்.



நாட்கள் மூன்று நகர்ந்தன, "தமிழகத்தில் இப்படியொரு கொலையா? அதுவும் காலை வேளையிலேயே, மக்கள் நடமாட்டம் மிக்க பகுதியில், ஒரு பெண்ணை கொன்று, கூறு போட்டிருக்கிறார்கள், ஒரு பெண் ஆளும் மாநிலத்தில் ஒரு பெண்ணுக்கே இந்த கதியா" என புலம்பிக் கொண்டிருந்த மக்கள், போலீஸ் இன்னமும் கொலை செய்த குற்றவாளிகளை கண்டுபிடிக்கவில்லை என அறிந்ததும் சினம் கொண்டார்கள். சமூக வலைதளங்களில் அரசுக்கு கெட்ட பெயர் ஏற்படுவதை அறிந்த ஜெ, கொலையாளியை கண்டுபிடிக்க காவல்துறையை முடுக்கிவிட்டார்.

சம்பவம் நடந்து ஏழு நாட்களுக்கு பிறகு, அதாவது ஜூலை ஒன்றாம் தேதி இரவு பத்து மணியளவில் நெல்லை மாவட்டத்தைச் சேர்ந்த மீனாட்சிபுரத்தில் ராம் குமார் என்பவரை பிடித்ததாகவும், அவர் தான் கொலை செய்த குற்றவாளி என்றும், போலீஸ் வருவதை அறிந்த ராம்குமார் பிளேடால் தன் கழுத்தை தானே அறுத்துக்கொண்டு தற்கொலை செய்ய முயற்சித்ததாகவும் தகவல் சொன்னது தமிழ்நாடு போலீஸ். ராம்குமார் கழுத்து அறுக்கப்பட்ட புகைப்படங்களையும் போலீஸே கசிய விட்டது.



அதன் பிறகு ஆன்லைனிலும் சரி, ஆஃப்லைனிலும் சரி சுவாதி கொலை வழக்கில் தொடர்புடைய ராம்குமார் பற்றியப் பேச்சு தான். குற்றவாளிகளுக்கு கடுமையான தண்டனை வழங்க வேண்டும் என்றும், ஒருவேளை ராம்குமார் தான் கொலை செய்த குற்றவாளி என்றால் அதனை போலீசார் நிரூபிக்க வேண்டும் எனவும் குரல்கள் எழுந்தன. ராம் குமார் பற்றிய பரபரப்புகள் லேசாக குறைந்த சமயத்தில் காவேரி பிரச்னை தமிழகத்தில் தலைவிரித்தாடியது. சுப்ரீம் கோர்ட் உத்தரவை மதிக்காமல், தண்ணீர் தராமல் தமிழகத்தை வஞ்சித்தது கர்நாடகா. சமூக வலைதளத்தில் ஒரு மீமுக்காக, கர்நாடகாவில் ஒரு தமிழன் அடிக்கப்பட, இரண்டு மாநிலமும் கொதி நிலைக்கு வந்தது. செப்டம்பர் 12 ஆம் தேதி கர்நாடகத்தில் சில அமைப்பினர் செய்த அராஜகங்களால் தமிழகத்தை சேர்ந்த ஒரு தனியார் பஸ் உரிமையாளரின் 41 பஸ்கள் தீக்கிரையாக்கப்பட்டன, ஒரு சில இடங்களில் தமிழக ஓட்டுனர்களை, கன்னட அமைப்பினர் சூழ்ந்து கொண்டு அவமானப்படுத்திய நிகழ்வு நடந்தது.



இரு மாநிலங்களுக்கு இடையே ஏற்பட்ட இந்த பதற்ற நிலையால், தேசிய ஊடகங்கள் தமிழகம் கவனத்தை திருப்பின, தமிழக இளைஞர்கள் இங்கே வாழும் கன்னட மக்களுக்கு பாதுகாப்பாக நின்றனர், ஆங்காங்கே நடந்த வெகு சில சம்பவங்களைத் தவிர கன்னடர்களுக்கு பாதுகாப்பான மாநிலமாகவே இருந்தது தமிழகம். காவேரி பிரச்னை முழு வீரியம் எடுக்க ஆரம்பித்திருந்த சமயம் அது, செப்டம்பர் 18 ஆம் தேதி ராம்குமார், சிறையில் மின்சார கம்பியை கடித்துத் தற்கொலை செய்து கொண்டதாக போலீசார் அறிவித்தனர். நீதிமன்றத்தில் கொலை செய்த குற்றவாளி ராம்குமார் தான் என போலீசார் நிரூபிக்கும் முன்பே நடந்த தற்கொலை பல சந்தேகங்களை கிளப்பியது, நிறைய பேர் அது போலீசாரின் நாடகம் என விமர்சித்தார்கள். ராம் குமார் தற்கொலை செய்யவில்லை என கண்ணீர் விட்டார் அவரது அப்பா, போலீஸ் தற்கொலை என ஜோடிப்பதாக குற்றம் சாட்டினார்

உடனே காவேரி பிரச்னையை மறந்து ராம் குமார் பக்கம் திரும்பினான் தமிழன். இதெல்லாம் வெறும் நான்கு நாட்களுக்குத்தான். பின்னர் கொலை செய்ததாக குற்றம் சாட்டப்பட்ட ராம் குமாரையும் மறந்துவிட்டார்கள்.

செப்டம்பர் 22 ஆம் தேதி இந்து முன்னணி செய்தி தொடர்பாளர் சசிகுமார் கோவையில் கொலை செய்யப்பட, கோவையே பதற்றமானது. அதே தினம், இரவு பத்து மணியளவில் அப்போதைய முதல்வர் ஜெயலலிதா அப்போலோ மருத்துவமனையில் சேர்க்கப்பட, ஒட்டுமொத்தத் தமிழகமும் அதிர்ந்தது. அந்த அதிர்ச்சியில் இருந்து மீள்வதற்குள் மறுநாள் கோவையில் பயங்கர கலவரம் நடத்தியது இந்து முன்னணி. இஸ்லாமியர்கள் கடைகள், வாகனங்கள் மீது குறிவைத்து தாக்கியது இந்து முன்னணி. மசூதிகள், தேவலையங்கள் தாக்கப்பட்டன, கொலை வெறித் தாக்குதல் நடத்தப்பட்டது . பத்திரிகையாளர்கள், பொதுமக்கள் மீது கல்வீச்சு நடந்தது. போலீசார் வாகனம் எரிக்கப்பட்டது. வெறியாட்டம் நடத்திய கலவர காரர்களை தமிழக போலீஸ் லேசான தடியடி நடத்தி கலைக்க முற்பட்டது. 1998 கலவரம் போல மீண்டும் ஏதேனும் நடக்குமோ என கோவை மக்கள் கடும் அச்சத்தில் இருக்க, கார்டன் கண்ணசைவுக்கு பின்னர் கலவரம் தீவிரமாவதை தடுத்து நிறுத்தியது கோவை போலீஸ். சசிகுமாரை கொலை செய்த கொலை யாளிகளை கண்டுபிடிப்பதாக உறுதி தந்தது போலீஸ்



கோவை கலவரம் கோவையைத் தவிர மற்ற இடங்களில் பெரியளவில் பேசப்படுவதற்கு பதிலாக, ஜெயலலிதா உடல்நிலை பரபரப்புகளால் தொடர்ந்து இரண்டு வாரங்கள் ஒருவித இறுக்கமான சூழ்நிலையில் இருந்தது தமிழகம். விநாயகர் சதுர்த்தி, தீபாவளி என அடுத்த மூன்று வாரங்கள் பண்டிகை கொண்டாட்ட மனநிலையில் நகர, நவம்பர் 8 ஆம் தேதி பிரதமர் மோடி இரவு சுமார் 8.15 மணிக்கு தோன்றி ஒரு பெரிய ஷாக் தந்தார். ஐநூறு, ஆயிரம் ரூபாய் நோட்டுக்கள் செல்லாது, அதே சமயம் வேறு பணமும் வங்கிக் கிளைகளில் கிடைக்காது, ஏ.டி.எம்மிலும் பணம் இல்லை, உள்ளூரிலும் சில்லறை தட்டுப்பாடு என நிலைமை மோசமாக நரக வேதனை அனுபவித்தார்கள் இந்தியர்கள். இதில் தமிழர்களும் தப்பவில்லை. மோசமான இத்தகைய தருணங்களில் நாளொரு அறிவிப்பை வெளியிட்டு, மக்களை குழப்பி நோகடித்தது மத்திய அரசு.



டீமானிட்டைசேஷன் எனச் சொல்லப்படும் பண மதிப்பு நீக்க முறையால் மக்கள் சிரமப்பட, பி.ஜே.பியைச் சேந்த பலரிடமும், சில தொழிலதிபர்களிடமும் கத்தை கத்தையாக, கோடி கோடியாக இரண்டாயிரம் நோட்டுகள் பளபளத்தன. மத்திய அரசின் மீது மக்கள் கடுப்பில் இருந்த சமயத்தில், டிசம்பர் ஒன்றாம் தேதி கருணாநிதி மருத்துவமனையில் அனுமதி என்ற தகவல் அதிகாரப்பூர்வமாக வெளிவர திமுக தொண்டர்கள் அதிர்ச்சிக்குள்ளாகினர்.

ஜெயலலிதா, கருணாநிதி என்ற இரண்டு மாபெரும் ஆளுமைகளும் ஒரே நேரத்தில் மருத்துவமனையில் அனுமதிக்கப்பட்டிருந்தது தமிழகத்துக்கு புதுசு. இந்நிலையில் டிசம்பர் 4ம் தேதி ஜெயலலிதாவுக்கு கார்டியாக் அர்ரெஸ்ட் எனச் சொல்லப்படும் இதயத்துடிப்பு முடக்கம் ஏற்பட்டு உடல் நிலை மோசமானது என அப்போலோ அறிக்கை தந்தது. தமிழகமே பதறியது. மறுநாள் ஜெயலலிதா பற்றிய வதந்திகள் பரவ, முழு நாளும் பதற்றத்தின் உச்சத்திலேயே இருந்தனர் மக்கள். இரவு பதினோரு மணிக்கு ஜெயலலிதா மரணமடைந்தார் என மருத்துவர் குழு அறிவிக்க ஒட்டுமொத்த தமிழக மக்களும் சோகத்தில் மூழ்கினார்கள். அன்றைய இரவே புதிதாக பதவியேற்றது ஓ.பன்னீீர் செல்வம் அமைச்சரவை.



இந்தியாவிலேயே ஒரு தலைவர் இறந்த அடுத்த இரண்டு மணி நேரத்துக்குள் பதவியேற்ற கூத்து தமிழகத்தில் நடந்தது. இந்த நிகழ்வுகளால் மக்கள் குழப்பம் அடைந்தார்கள்.

மறுநாள் மெரினாவில் நடந்த ஜெ. அடக்கத்துக்கு லட்சக்கணக்கான தொண்டர்கள் திரண்டனர். ஓ.பன்னீீர் செல்வம் ஒரு ஓரமாக உட்கார்ந்திருந்தார். அந்தச் சூழ்நிலையில் ஜெ உடலுக்கு அரண் அமைத்து நின்ற மன்னார்குடி குடும்பத்தால் மக்கள் பெரும் அதிருப்தி அடைந்தார்கள். ஜெயலலிதாவுக்கு கால்களை எடுத்து விட்டார்கள், எம்பால்மிங் செய்து விட்டார்கள் என பல சர்ச்சைகள் கிளம்பின. சமூக வலைத்தளங்களில் ஜெயலலிதா மரணத்துக்கு உண்மை காரணம் தெரிய வேண்டும் என பலர் பதிவிட்டார்கள். ஜெ மரணம் குறித்த சர்ச்சை ஓய்வதற்குள் டிசம்பர் 11, 12 தினங்களில் வர்தா புயல் சென்னையை காலி செய்தது.

வரலாற்றில் இல்லாத அளவுக்கு சென்னையை வைத்துச் செய்தது இந்த புயல். பண மதிப்பு நீக்கம், மின்சார துண்டிப்பு, வர்தா புயல் பாதிப்பு என அத்தனையும் ஒன்று சேர கண்ணீர் சிந்தினர் சென்னை மக்கள். ஓ.பன்னீீர் செல்வம் தலைமையிலான அரசின் சுறுசுறுப்பான நடவடிக்கைகளால் சற்று விரைவாகவே இயல்புக்கு திரும்பிக் கொண்டிருந்தது சென்னை. டிசம்பர் 21 ஆண்டு காலையில் ராம் மோகன ராவ் வீட்டில் அதிரடி ரெய்டு நடத்தியது வருமான வரித்துறை. அரசின் தலைமை செயலாளர் ஒருவரது வீட்டில் ரெய்டு நடத்தியதும், தலைமை செயலகத்துக்குள்ளேயே வருமான வரித்துறை நுழைந்ததும் அகில இந்திய அளவில் ஓ.பன்னீீர் செல்வம் தலைமையிலான தமிழக அரசின் மான மரியாதை சரிந்தது. இந்த பிரச்னை முடிவதற்குள்ளாகவே திடீரென டிசம்பர் 29 ஆம் தேதி அதிமுக பொது குழு கூடி சசிகலாவை பொதுச் செயலாளராக தேர்வு செய்தது.

சசிகலாவின் வரவு மக்களிடைய பெரும் அதிருப்தியை ஏற்படுத்திய சூழ்நிலையில் டிசம்பர் 31 ஆம் தேதி திடுமென பதவியேற்றார் சசிகலா. அதுவரை சசிகலாவின் குரல் எந்த மீடியவிலும் வெளியானது இல்லை, 25 வருடங்களுக்கும் மேலாக சசிகலாவின் குரலை கேட்டிராத தமிழர்கள் அன்றைய தினம் அவரின் குரலை கேட்டனர். சசிகலாவின் தலைமை , ஜெயாவின் மரணத்தில் ஏற்பட்ட சந்தேகம் இரண்டையும் மக்கள் கூர்ந்து கவனித்தனர், நெட்டிஸன்கள் மீம்ஸாக தெறிக்க விட்டனர். இந்நிலையில் பொங்கல் பண்டிகை நெருங்க ஜல்லிக்கட்டு விவாதங்கள் சூடு பிடிக்கத் தொடங்கின.

ஜனவரி 12 ஆம் தேதி முதல்வராக பதவியேற்க நேரம் குறித்த சசிகலா பின்னர் ஜகா வாங்கினார். அலங்காநல்லூரில் ஜல்லிக்கட்டுக்கு விதிக்கப்பட்ட தடையும், அங்கு போராட்டம் செய்தவர்களை போலீசார் கையாண்ட விதமும் மாணவர்களுக்கு கோபம் கிளப்ப, மெரினாவில் கூடினார்கள் மாணவர்கள். மோடி, ஓ.பன்னீீர் செல்வம் ஆகியோருக்கு எதிராக கோஷங்கள் எழுப்பப்பட்டன.



ஒவ்வொரு நாளும் கூட்டமும், ஆதரவும் பெருகியது. தேசிய ஊடகங்கள் இங்கேயே வந்து லைவ் செய்ய ஆரம்பித்தன. இந்தியா முழுமைக்கும் ஜல்லிக்கட்டு பிரச்னை பரவியது. பீட்டாவை தடை செய்ய கோரியும், ஜல்லிக்கட்டுக்கு நிரந்தர சட்டம் இயற்ற கோரியும் போராடினர் பொதுமக்கள். இந்தியாவிலேயே இப்படியொரு ஜனநாயக போராட்டம் நடந்ததில்லை என தேசமே நெகிழ்ந்தது. போராட்டக்களம், மக்கள் திரளால் விழா கோலம் பூண்டது. அரசுக்கு எதிராக அதிருப்தி அதிகரிப்பதை உணர ஆரம்பித்தன அரசு. ஓ.பன்னீீர் செல்வம் பிரதமரை நேரில் பார்த்து தீர்வு கண்டார். "மாநில அரசு , மத்திய அரசின் வழிகாட்டுதலோடு சட்டம் இயற்றும்" என தெரிவித்தார் ஓ.பன்னீீர்செல்வம். ஆனால் போராட்ட களத்தில் இருந்து கலைந்து செல்ல பொதுமக்களும், மாணவர்களும் மறுத்தனர். "எங்களுக்கு கால அவகாசம் வேண்டும், நிரந்தர சட்டம் இயற்றிய நகல் வேண்டும்" என்றனர். ஆனால் காக்கி கூடாரம், கறை படிந்த இரும்பு கைகள் கொண்டு அடக்கியது. பல இடங்களில் காவலர்களே சமூக விரோதிகள் போல கல் வீச்சில் ஈடுபட்டதும், வாகனங்களுக்கு தீ வைத்ததும் சமூக வலைத்தளங்களில் வைரலான வீடியோக்கள் வழியாக மக்களுக்குத் தெரிந்தது. இதையடுத்து காவலர்கள் மீது பெரும் அதிருப்தியில் இருந்தனர் பொதுமக்கள்.

இதோ ஜனவரி 28 ஆம் தேதி சென்னை எண்ணூர் துறைமுகத்தருகே இரண்டு சரக்கு கப்பல்கள் மொத, கச்சா எண்ணெய் பல டன் அளவுக்கு கடலில் கலந்தது. வட சென்னை இளைஞர்கள் துணிந்து இறங்கி வாளியில் எண்ணையை அள்ளினர். சமூக வலைதளங்களில் ஏற்பட்ட விழிப்புணர்வால் பின்னர் அரசாங்கமும் கை கோர்த்தது, இந்நிலையில் எம்.எம்.ஆர் தடுப்பூசி குறித்த வாட்ஸ் அப் பிரச்சாரங்களும் மக்களை பீதியூட்டின. இது குறித்து பல்வேறு மருத்துவ நிபுணர்களும் தங்களது நிலைப்பாடுகளை தெரிவித்து வருகிறார்கள்.

அந்த பிரச்னை ஓய்வதற்குள் கடந்த ஞாயிறு அன்று சசிகலா முதல்வராக தேர்ந்தெடுக்கப்பட்டதாக தகவல் வெளியாக மீண்டும் இன்னொரு முதல்வரா என நொந்தனர் தமிழக மக்கள்.



இந்நிலையில் நேற்று முன்தினம் (செவ்வாய்க் கிழமை) இரவு ஜெயலலிதா சமாதி அருகே தியானம் செய்து, அதன் பின்னர் பத்திரிகையாளர்களை சந்தித்து பதவியை விட்டு விலகிய காரணத்தைச் சொன்னார். ஓ.பன்னீீர்செல்வம் கொடுத்த அந்த ஒரு பேட்டி இந்திய அளவில் வைரலானது. அவருக்கு ஏகோபித்த ஆதரவு குவிந்தது, சில மணிநேரங்களிலேயே முதன் முறையாக பத்திரிகையாளர்களுக்கு பேட்டி கொடுத்த சசிகலா அவர்கள், ஓ.பி.எஸ்க்கு பின்னால் திமுக இருப்பதாக குற்றம் சாட்டினார். அவருக்கு நள்ளிரவிலேயே பத்திரிகையாளர்களை சந்தித்து விளக்கம் சொன்னார் ஓ.பன்னீீர் செல்வம்

நேற்றைய தினம் முதல் சசிகலாவும், ஓ.பன்னீீர்செல்வமும் தங்கள் நிலைப்பாடுகளை ஊடகங்கள் வாயிலாக தெரிவித்து வருகின்றார்கள். இதனால் தமிழக அரசியல் சூழலில் அடுத்து என்ன நடக்கப் போகிறது என திக் திக் சஸ்பென்ஸ் நிலவுகிறது.

இந்த சஸ்பென்ஸ்கள், த்ரில்லர் எல்லாம் ஒரு பக்கம் இருக்கட்டும். இப்படி பதற்றத்திலேயே எந்நேரமும் இருப்பதற்காகவா மக்கள் ஒட்டுப் போட்டார்கள்? விவசாயிகள் தற்கொலை , வேலையில்லா திண்டாட்டம், விலைவாசி அதிகரிப்பு, தண்ணீர் தட்டுப்பாடு, இந்த ஆண்டு வர இருக்கும் வறட்சி, நீட் தேர்வு, நந்தினி கொலை.. இதோ நேற்று ஹாசினி கொலை என நாம் இந்தச் சூழ்நிலையில் விவாதிக்க வேண்டிய பிரச்சனைகள் எவ்வளவோ இருக்கின்றன. ஆனால் வாழ்வாதாரப் பிரச்னைகளையும், சமூக அச்சுறுத்தல்களையும் பற்றிப் பேச வாய்ப்பே இல்லாமல் கடந்த எட்டு மாதங்களாக பல்வேறு பிரச்சனைகள் மக்களை சூழ்ந்துள்ளன. ஒரு இரவை நிம்மதியாக தூங்கி எழ முடியமா, தூங்கி எழுந்தால் என்ன மாற்றம் நடந்திருக்கும் என சந்தேகக் கண்ணோடு தான் பொதுமக்கள் உழைத்துக் களைத்து கண்ணயரச் செல்கிறார்கள். வளர்ச்சி என்பதை விட அத்தியாவசிய தேவைகள் என்பது அதிமுக்கியமானது. இப்போது அதற்கே மக்கள் அல்லாடுகிறார்கள். ஒரு பிரச்னையை பற்றி மக்கள் பேசுவதை தடுக்க வேண்டுமா இன்னொரு பிரச்னையை கிளப்பிவிடு என்ற யுக்தியை ஆட்சியாளர்களும், அரசியல்வாதிகளும் தொடர்ந்து கடைபிடித்தால் ஒருநாள் சாமானியன் எனும் சாதுவும் மிரள்வான்!

- பு.விவேக் ஆனந்த்

அதிமுக வங்கிக் கணக்கு: பேங்க் ஆஃப் இந்தியாவுக்கு ஓ.பி.எஸ். கடிதம்

By DIN  |   Published on : 09th February 2017 04:58 AM  |

தனது எழுத்துப்பூர்வ ஒப்புதல் இல்லாமல் யாரும் அதிமுகவின் வங்கிக் கணக்கு பரிவர்த்தனைகளை மேற்கொள்ள அனுமதிக்கக் கூடாது என்று முதல்வரும், அதிமுக பொருளாளர் பதவியில் இருந்து நீக்கப்பட்டவருமான ஓ.பன்னீர்செல்வம் தெரிவித்துள்ளார்.
இதுகுறித்து, பேங்க் ஆப் இந்தியாவின் சென்னை மயிலாப்பூர் கிளை முதன்மை மேலாளருக்கு புதன்கிழமை அவர் எழுதியுள்ள கடிதத்தின் விவரம்:
ஜெயலலிதாவின் மறைவால் அதிமுகவின் பொதுச் செயலர் பதவி காலியாகவுள்ளது. அதிமுகவின் சட்ட விதி 20 பிரிவு 5-ன் படி, பொதுச் செயலர் பொறுப்பு காலியாக இருக்கும் நிலையில், ஏற்கெனவே இருந்த பொதுச் செயலரால் நியமிக்கப்பட்ட மத்திய நிர்வாகக் குழு, துணை பொதுச் செயலர், பொருளாளர், தலைமை நிலையச் செயலர் போன்றோர் தொடர்ந்து அதே பதவிகளை வகிப்பர் எனத் தெரிவிக்கப்பட்டுள்ளது.
புதிய பொதுச் செயலர் நியமிக்கப்படும் வரை இதே நிலை தொடரும் என அதிமுக சட்ட விதி தெரிவிக்கிறது.
இந்த நிலையில், மறைந்த முதல்வர் ஜெயலலிதா கட்சியின் பொருளாளராக என்னை நியமித்தார். நான் அந்தப் பதவியில் தொடர்கிறேன். எனவே, தங்களது வங்கியில் உள்ள அதிமுகவின் நடப்பு கணக்கினை என்னைத் தவிர வேறு ஒருவரால் அதனை இயக்க அனுமதிக்கக் கூடாது. எனது எழுத்துப்பூர்வ ஒப்புதல் மற்றும் வழிகாட்டுதல்கள் இல்லாமல் இதைச் செய்யக் கூடாது என தனது கடிதத்தில் ஓ.பன்னீர்செல்வம் தெரிவித்துள்ளார்.

341 institutions offered courses without AICTE approval: govt

341 institutions have offered courses without the approval of the All India Council for Technical Education (AICTE), the government today said.

In a written reply to a question in the Lok Sabha, Minister of State for HRD Mahendra Nath Pandey said that institutes offering admission without AICTE approval are issued show cause notice and directed for closing down such unapproved course.

"If such an institute fails to comply with the direction of AICTE, its name is added to AICTE's unapproved institution," the minister said adding the concerned state is also informed for taking suitable action.

In a written response to another question, Pandey said that the National Institution for Transforming India (NITI) Aayog has prepared a concept note and a road map on setting up of foreign university campuses in India.

(This article has not been edited by DNA's editorial team and is auto-generated from an agency feed.)

The way out of NEET

The following questions and answers attempt to give a low-down on how the new system of admission to medical and dental courses (both graduate and PG) works:

How would seats in MBBS and BDS courses in government medical colleges be filled up?

 Admission to every seat in government medical colleges shall be made by the appropriate admission authority on the basis of the marks obtained by a student in the relevant subjects in the qualifying examination (Plus Two).

How would post-graduate medical/dental admissions be made?

Admission to every government seat in each speciality in post-graduate courses in medicine and dentistry shall be made, by the appropriate authority, on the basis of the marks obtained by a student in the entrance examination (not NEET) and the experience criteria, as may be prescribed. Fifty per cent of government seats in each of the speciality would be allocated to doctors in government service.

How would the marks obtained by students from other Boards be normalised for admission into these seats?

By adopting a method of normalisation, the highest marks obtained by students of various Boards in each subject shall be equated to the highest marks obtained by students of State Board in that subject, and the relative marks obtained by other students in that subject shall be determined accordingly.

For instance, if the highest mark secured by a State Board student in Chemistry is 100 and the highest mark secured by the student of any other Board in the same subject is 90, both the highest marks will be considered to be equal to 100. In case a student from other Boards secures 70 marks in Chemistry, while the first mark in the subject is 90, the 70 marks obtained by him would be considered as 77.77 marks (100 X 70/90 = 77.77%).

How would the common merit list be prepared and counselling conducted?

Once the marks obtained by various Boards are normalised, qualifying students from all Boards are merged into a common merit list.  In case more than one student has the same marks, the inter-se merit among such students shall be determined in such manner as may be prescribed. Once the rank lists for admission of students to government seats are prepared, seats are allotted to students through centralised counselling and by following the rule of reservation as per the law in force.

What happens if this Act is violated?

According to the Bill, whoever contravenes the provisions of the Act or the rules shall be punishable with fine which may extend to Rs. 10 lakh. If any educational institution violates the Act, the government would recommend to University or Board concerned to withdraw its affiliation or recognition.

The rule would apply to all government seats in MBBS and BDS courses in government colleges, excluding the seats reserved for all India quota, 65 per cent of seats in MBBS and BDS courses in non-minority educational institutions and 50 per cent of seats in minority educational institutions. Plus two or Class 12 is the qualifying examination for admissions into these courses.

Testing times on NEET

 It is a measured gambit by Tamil Nadu. The State has taken the legislative route to grant itself exemption from the National Eligibility-cum-Entrance Test (NEET), a uniform examination that will decide admission to medical courses all over the country. The two Bills passed by the State Assembly seek to retain its present admission system for under-graduate and post-graduate medical courses based on marks obtained by students in their higher secondary school examination. The Bills are likely to displease the Supreme Court, which insists that NEET marks be the sole basis for admission. The Bills will also require the President’s assent; else they would be repugnant to the provisions of the Indian Medical Council Act and the Dentists Act that prescribe the entrance test. Tamil Nadu, which abolished entrance examinations to professional courses in 2006, argues that NEET would be traumatic for both parents and children, as it would be based on a syllabus different from the one taught in schools under the board for higher secondary education. The fear is that NEET would be insurmountable for students from rural areas and under-privileged backgrounds and those who cannot afford coaching centres. Its concern that urban students, especially those from streams such as the CBSE, would dominate admissions under NEET cannot be dismissed easily.

Regulations introducing NEET were struck down by a three-judge Bench of the Supreme Court in 2013 by a two-one majority. Last year, a five-judge Bench recalled the verdict and NEET was back in place. Students all over the country were gripped by anxiety and tension following the sudden change in the admission method. The Centre promulgated an ordinance to grant relief for under-graduate medical admissions in 2016, but no such protection is available this year. There is now an inevitable conflict between the need for a fair and transparent admission system to curb rampant commercialisation of medical education and the socio-economic goals of the State, which is worried about producing enough committed doctors ready to serve in rural areas. Both objectives are indeed laudable. However, a moot question is whether uniformity should be thrust on a country that has wide regional, economic and linguistic disparities. Normally it is the political leadership, and not the courts, that should harmonise such differences and evolve a viable admission policy. At the same time, States cannot remain forever insulated from the need to upgrade educational standards. It may be easy to advise the courts to keep out of the policy domain, but a more difficult task is for institutions in the government and the private sector to maintain standards and pass the court’s triple test of fairness, transparency and freedom from exploitation.