ஜியோ 4 ஜியை  இனி 3ஜி , 2 ஜி போன்களிலும் பயன்படுத்தலாம்.....! எப்படி ...?

ஜியோ 4 ஜியை  இனி 3ஜி , 2 ஜி போன்களிலும் பயன்படுத்தலாம்.....! எப்படி ...?

ஜியோ  வழங்கிய  சலுகையை  தற்போது  பெரும்பாலோனோர்  பயன்படுத்தி  வருகின்றனர். ஜியோ  வெல்கம் ஆபர் அறிமுகம் செய்யும்  போது,  மக்களிடயே  பெரும்  ஆச்சர்யத்தை  ஏற்படுத்தும் வகையில்  அன்லிமிடட்  சலுகையை  வழங்கியது.

தற்போது அந்த சலுகையை , மேலும் 3 மாதங்களுக்கு   நீட்டித்து,  நியூ இயர்   ஆபராக  அறிவித்தது.

ஜியோவின்  சலுகையை  4 ஜி  சேவை  பயன்படுத்தும்  மொபைலில்  மட்டும் பயன்படுத்தப்பட்டு வந்தது.

இந்நிலையில் 2 ஜி மற்றும்  3 ஜி  மொபைல்  போன்களிலும்  ஜியோ  சேவையை  பெறலாம்.

எப்படி ..?

ஜியோ பை வாங்கும் போது,  அதனுடன்  கொடுக்கப்படும்  ஜியோ  சிம்  கார்டை  ஆக்டிவேட்

செய்யுங்கள்.

பின்னர், ப்ளே  ஸ்டோரில்  இருந்து,  ஜியோ 4 ஜி  வாய்ஸ்  ஆப்ஸ்  டவுன்லோட் செய்துகொள்ளுங்கள்

பின்னர்  ஜியோ  பை  நெட்வொர்க்  ஆன்  செய்யுங்க . அதன்  பின்னர் , உங்கள்  மொபைலில். ஜியோ  4  ஜி  என்பதை  டீபால்ட் காலிங்  ஆப்ஷனாக   ஓகே  பண்ணுங்க ....

இப்ப பாருங்க , உங்க  மொபைல  3 ஜி /  2  ஜி  சேவையை  பெற  முடியும்.....

ஒரே நாளில் ரூ.180 கோடி மது விற்பனை – புத்தாண்டில் குடிமகன்கள் கும்மாளம்

புத்தாண்டு கொண்டாட்டத்தை முன்னிட்டு ஒரே நாளில் ரூ.180 கோடிக்கு மதுபானம் விற்பனை நடந்துள்ளது. கடும் பணத்தட்டுப்பாட்டை மீறியும் கடந்த ஆண்டு விற்பனையை மிஞ்சியுள்ளது குறிப்பிடத்தக்கது.

தமிழகத்தில் மொத்தம் 6,323 டாஸ்மாக் சில்லறை விற்பனை கடைகள் உள்ளன. இவற்றின் மூலம் தினமும் ரூ.65 கோடிவரை வருவாய் கிடைக்கிறது. விடுமுறை நாட்களில், ஒருநாளைக்கு சுமார் ரூ.80 முதல் ரூ.90 கோடி வரை விற்பனையாகிறது. பண்டிகை காலங்களில் ஒரு நாளைக்கு ரூ.150 முதல் ரூ.180 கோடிவரை விற்பனையாகிறது.

இந்நிலையில், புத்தாண்டு கொண்டாட்டத்தை முன்னிட்டு டாஸ்மாக் மதுபான சில்லறை கடைகள் மூலம் நேற்று முன்தினம் மட்டும் சுமார் ரூ.180 கோடிக்கு சரக்குகள் விற்று, சாதனை படைத்துள்ளதாக டாஸ்மாக் அதிகாரிகள் கூறுகின்றனர்.

கடந்த ஆண்டு புத்தாண்டை ஒட்டி ஒரே நாளில் சுமார் ரூ.170 கோடிக்கு மேல் விற்பனையானது. இந்த ஆண்டு கடும் பணத் தட்டுப்பாட்டையும் மீறி ரூ.10 கோடிக்கு மேல் சரக்குகள் விற்பனையாகி சாதனை படைத்துள்ளது குறிப்பிடத்தக்கது.

ஈரோடு - சென்னை சிறப்பு ரயில் ஜன.29 வரை நீட்டிப்பு

By சேலம்,  |   Published on : 02nd January 2017 09:48 AM |

ஈரோடு - சென்னை பகல் நேர சிறப்பு ரயில் சேவை வரும் ஜனவரி 29 ஆம் தேதி வரை நீட்டிக்கப்பட்டுள்ளது.

சேலம், விருத்தாசலம் மார்க்கத்தில் சென்னைக்கு பகல் நேர ரயில் இயக்க வேண்டும் என கோரிக்கை விடுக்கப்பட்டது.
அதன்படி, வண்டி எண் 06028, 06027 ஆகியவை வாரத்துக்கு 5 நாள்கள் இயக்கப்படும் என அறிவிக்கப்பட்டது.
மேலும், போதிய பயணிகள் இல்லாதது போன்ற காரணங்களால் ரயில் சேவை நிறுத்த வேண்டியது குறித்து பரிசீலிக்கப்படும் என்றும், பயணிகள் முன்பதிவு செய்து பயணிக்க வேண்டும் என சேலம் ரயில்வே கோட்டம் கேட்டுக் கொண்டது.
அதைத்தொடர்ந்து, இந்த ரயில் டிசம்பர் இறுதி வரை இயக்குவதாக நீட்டிப்பு செய்யப்பட்டது. இந்த நிலையில், வரும் ஜனவரி 29 ஆம் தேதி வரை இயக்கப்படும் என நீட்டிப்பு செய்து சேலம் ரயில்வே கோட்டம் தெரிவித்துள்ளது.
அதன்படி, ஜனவரி 1, 7, 8, 14, 15, 21, 22, 28 மற்றும் 29 ஆகிய தேதிகளில் இரு மார்க்கத்திலும் ரயில் இயக்கப்படும் என சேலம் ரயில்வே கோட்டம் அறிவித்துள்ளது.

முதல்வருக்கு எதிராக தம்பிதுரை காண்டானதற்கு காரணம் இதுவா?

By DIN  |   Published on : 02nd January 2017 01:19 PM  |

சென்னை: அதிமுக பொதுச் செயலர் சசிகலா, தமிழக முதல்வராக பொறுப்பேற்க வேண்டும் என்று மக்களவை துணை சபாநாயகர் தம்பிதுரை வேண்டுகோள் விடுத்துள்ளார்.

இது ஏறக்குறைய முதல்வர் ஓ. பன்னீர்செல்வத்துக்கு எதிரான குரல் என்பதை யாரும் மறுக்க முடியாது.

கட்சியின் தலைமையும், ஆட்சியின் தலைமையும் ஒருவராக இருந்தால்தான் ஒருமித்து செயல்பட முடியும் என்றும் அவர் சசிகலாவுக்குக் கூறியுள்ளார்.

இது கட்சி அடிப்படையில் அவர் கூறியுள்ள கருத்தாக எடுத்துக் கொண்டாலும், முதல்வர் ஓ. பன்னீர்செல்வத்துக்கு எதிரான இந்த நிலைப்பாட்டுக்குக் காரணம் என்னவென்று தகவல் அறிந்த வட்டாரங்கள் சிலவற்றை எடுத்துக் கூறுகிறார்கள்.

அதாவது, தமிழக முதல்வராக இருந்த ஜெயலலிதா மறைவைத் தொடர்ந்து அடுத்த முதல்வரைத் தேர்வு செய்யும் போது, ஓ. பன்னீர்செல்வத்துடன் தம்பிதுரையின் பெயரும் அலசப்பட்டது. ஆனால், பல்வேறு காரணங்களால் தமிழக முதல்வராக பன்னீர்செல்வம் பொறுப்பேற்றுக் கொண்டார். அப்போதே தம்பிதுரைக்கு பன்னீர்செல்வத்தின் மீது சற்று வருத்தம் ஏற்பட்டிருக்கலாம்.

ஆனால், அந்த வருத்தம் காண்டாக மாறும் வகையில் புது தில்லியில் ஒரு சம்பவம் நிகழ்ந்துள்ளது.

அதாவது, முதல்வர் ஓ. பன்னீர்செல்வம் புது தில்லி சென்று பிரதமர் நரேந்திர மோடியை சந்தித்துப் பேசிவிட்டு வந்தார். அப்போது, பன்னீர்செல்வத்துடன் தம்பிதுரையும் சென்றார். இருவரும் ஒன்றாகத்தான் மோடியை சந்தித்துப் பேசினர்.

ஆனால், இடையே தம்பிதுரையை வெளியே செல்லுமாறு பன்னீர்செல்வம் கூறியுள்ளார். தம்பிதுரையை வெளியே அனுப்பிவிட்டு, சுமார் 20 நிமிடங்கள் மோடியுடன் அவர் தனியாக பேசியுள்ளார். அப்போது அவர் என்ன கூறினார்? என்பது இன்னமும் சிதம்பரம் ரகசியமாகவே உள்ளது.

புது தில்லியில் கட்சி அளவில் செல்வாக்கு மிக்க தன்னையே வெளியே அனுப்பிவிட்டாரே பன்னீர்செல்வம் என்று அப்போதுதான் தம்பிதுரைக்கு அதிருப்தி ஏற்பட்டு, அது காண்டாக மாறி, சசிகலாவை முதல்வராக பதவியேற்க அழைப்பு விடுக்கும் அளவுக்கு மாறிவிட்டதாக தகவல் அறிந்த பட்சிகள் கதறுகின்றன.

A typographical error in legal notice proves costly for petitioner

By Siva Sekaran  |  Express News Service  |   Published: 02nd January 2017 03:21 AM  |   

Last Updated: 02nd January 2017 03:21 AM 

  

CHENNAI: A simple typographical error in mentioning the cheque number in a legal notice issued under the Negotiable Instruments Act has heavily cost a litigant, as his case was dismissed by a lower court and the High Court, as well.

Instead of the correct cheque No. 361868, it was mentioned as 361838 in the notice dated April 17, 2013 issued  by Velukannan to Mohamad Irfan in Alandur.

There is no mist or cloud or shroud or any manner of simmering doubt in regard to the language employed in Sec. 138 of the NI Act, Justice M Venugopal observed. Admittedly, the legal notice will have to be read in its entirety. In the present case, no correction notice was issued on behalf of the complainant to the accused. Certainly, the incorrect mentioning of the cheque in the notice did not fulfill the requirement under Sec. 138(b) of the NI Act. In as much as the notice was not in conformity with the cheque, as a legal corollary, the complaint filed by the appellant is per se not maintainable in law, the judge said and dismissed the appeal from Irfan, recently.

According to appellant, he had lent Rs 8 lakh to Velukannan, who returned Rs 2 lakh. For remaining Rs 6 lakh, he issued a cheque dated March 22, 2013, which bounced. Appellant issued a legal notice in which the cheque number was wrongly mentioned as 361838. He also lodged a complaint before JM-II in Alandur, mentioning the correct cheque No. However, the JM dismissed the complaint after saying that there was a technical defect and that the provisions of the NI Act were not followed. Hence, the present appeal.

“In view of the aforesaid qualitative and quantitative discussions, this court comes to a consequent conclusion that the appellant had not established his case beyond all reasonable doubt,” Justice Venugopal said and dismissed the appeal.

 ‘IMA against disbanding of Medical Council’

By AREEBA FALAK |

 Dr K.K. Aggarwal took oath as Indian Medical Association’s (IMA) 88th president earlier this week at its 77th central council meeting. Dr Aggarwal has been a member of the IMA for over 25 years and has received multiple national awards, including the Padma Shri, Vishwa Hindi Sammaan, National Science Communication Award and the Dr B.C. Roy National Award. In an interview with The Sunday Guardian, Dr Aggarwal spoke on key issues concerning current medical education and professional scenario in the country. Excerpts:
Q. The IMA has been against disbanding of the Medical Council of India (MCI). How strongly will IMA oppose the move in your presidency?
A. We firmly stand against MCI’s disbanding and the IMA will do whatever it takes to convince the stakeholders that the proposal that is being made is against the democratic spirit of the MCI. However, the present IMC Act needs amendments to make it functionally more viable. The autonomy of the regulatory body has to be upheld. It cannot be trampled upon. It should not be subverted so as to reduce it as a subservient department to the government. It has to have its representative character. It cannot be a body of handpicked people nominated by the government so as to ensure that the dictates of the government reign supreme.
Q. The Foreign Medical Graduates Examination (FMGE) has been criticised for its “unrealistic” difficulty level. Do you have plans to recommend reform in the system?
A. We do not support removal of screening for doctors who have studied abroad and want to practice in India. We strongly recommend initiation of a month-long internship followed by posting in rural areas. We cannot allow half-baked doctors to start their practice without supervision. Screening is important to ensure that the doctor who is practising here is well aware of the native circumstances. But there should not be multiple screening tests as there are now.
Q. Critics have raised concern about the increasing number of Indian surgeons travelling to Gulf countries to conduct surgeries. Do you share this concern as well?
A. The argument that doctors are neglecting their patients by leaving their patients and not staying behind for post-surgery care is not valid in this case because the local teams of those hospitals are well skilled and equipped to take care of the patient after the surgery is done. These surgeons are called often for second opinions or to assist on a surgery. It also adds to their fame. It is a good thing if more Indian surgeons earn name internationally. As long as the local administration of these countries has no problems with our doctors leaving after surgeries, there should be no trouble.
Q. IMA is also planning to don the patriotic garb and sing the national anthem in their meetings. Your comment.
A. Every time an IMA meeting takes place, the members present will sing the national anthem after the meeting ends. Until now, it was optional, but we are trying to make it mandatory. We are aligning ourselves with the Supreme Court’s order. The national anthem is pivotal and centripetal to the basic conception of sovereignty and integrity of India. Every IMA branch should start its meeting with IMA prayer and end it with the national anthem. The national anthem has been made mandatory in movie theatres now. If it can be done there, why can’t we do it? If doctors cannot set an example, how can we inspire other people?
Q. Speaking about movie theatres, you have talked earlier about erroneous depiction of doctors and medical treatments in movies and dramas. Will you take any action against such depictions?
A. I strongly recommend that writers, directors and producers of movies and dramas be more responsible while making such scenes. Our profession is not one where we can allow room for misconceptions. At times, movies may depict a treatment that does not even exist or show doctors in bad light like in the movie Gabbar is Back. We understand it is all for entertainment, but it would be better to be more factually responsible.

2016-சில முக்கிய திருப்பங்கள்!

 ஏ.டி.எம் வாசல் காத்திருப்பு, வர்தா புயல் தாண்டி ‘கடந்த ஆண்டு’ நடந்த முக்கியத் திருப்பங்களின் தொகுப்பு இதோ

இந்த ஆண்டின் இறுதியில் வந்து நின்றுக்கொண்டு, 2016-ம் ஆண்டு எப்படி இருந்தது என ஒவ்வொருவரும் திரும்பி பார்க்கும் போது, சந்தோஷமான நிகழ்வுகளையே மனது நினைவில் வைத்திருக்க வேண்டும் என்று எதிர்பார்ப்போம்! நமது இந்த இயல்பில் இருந்து சற்று விலகி, இந்த ஆண்டு நம் வாழ்வாதாரத்தை புரட்டி போட்ட சில நிகழ்வுகள், திருப்பங்கள், நம் கவனம் ஈர்த்த விஷயங்கள் குறித்த தகவல்களை இங்கே தொகுத்துள்ளோம்...


1) சென்ற ஆண்டு ஏற்பட்ட வெள்ள பாதிப்பில் இருந்து மீண்ட சென்னை மக்களுக்கு, சோதனை தரம் விதமாகவே, இந்த ஆண்டு ‘வர்தா’ புயல்' வந்தது. முதலில் வந்த தானே புயல் வலுவிழந்ததைக் கண்டு, இனி தொந்தரவு எதுவும் இல்லை என்று பெருமூச்சு விட்ட சென்னை வாசிகளுக்கு, வர்தா கொடுத்த பதில் மிகவும் மோசமானது. ஆம், சென்னை முழுவதும் வர்தாவின் காற்றில் சிக்கி சின்னாபின்னமானது. இந்த 'வர்தா' சென்னை மக்களின் வாழ்வியலை மட்டுமன்றி அவர்கள் ஒவ்வொருவர் வீட்டு மரங்களின் வேர்களையும் அசைத்து விட்டுச் சென்றுள்ளது. சென்னையில் மட்டும் ஏறத்தாழ 40,000 மரங்கள் விழுந்துள்ளது என தகவல் வந்துள்ளது. தற்போது ஓரளவிற்கு மக்கள் இயல்பு வாழ்க்கைக்கு திரும்பிவருகின்றனர்.

2) வர்தாவின் காற்றை விடவும் முதல்வரின் இறப்பு பலருக்கும் அதிர்ச்சி அலையை தந்தது. ஒரு ஞாயிற்றுகிழமை இரவில் 'முதல்வர் நிலை மிக மோசம்' என்று வெளிவந்த மருத்துவமனை அறிக்கையின் போதே பல விதமான சர்ச்சைகளும், சிக்கல்களுமாய் நகர்ந்தது தமிழகம். அதன் பின் முதல்வரின் இறப்பு குறித்த அறிவிப்பு பலருக்கும் அதிர்ச்சியளிக்க, அதற்குப்பின்னே இருக்கும் மருத்துவமனை ரகசியங்களை வெளியிட வலியுறுத்தி பல தரப்பிலும் அழுத்தம் கொடுக்கப்பட்டது. இவை மட்டுமில்லாமல், எதிர்கட்சி தலைவரின் உடல்நல குறைவு, ஆளுங்கட்சியின் அடுத்த பொதுச்செயலாளர் என இந்த டிசம்பர் தமிழக அரசியலை ஒரு புரட்டு புரட்டி விட்டது என்றுதான் சொல்ல வேண்டும்.



3) மோடியின் கறுப்பு பண ஒழிப்பு குறித்த நடவடிக்கையான 500, 1000 ரூபாய் நோட்டு ஒழிப்பு, தமிழகம் மட்டுமன்றி நாடு முழுவதும் பெரும் தாக்கத்தை ஏற்படுத்தியது. அறிவிக்கப்பட்டபோது வரவேற்கப்பட்டாலும், அடுத்தடுத்த நாட்களில் ஏற்பட்ட பண முடக்கத்தால் புறக்கணிக்கப்பட்டுவிட்டது. தினமும் ஏ.டி.எம்.மில் நின்று நின்று கடைசியில் 'பணம் தீர்ந்துவிட்டது' என்ற அறிவிப்பை மட்டுமே பார்த்தவர்கள் இங்கு உண்டு. மோடியின் 50 நாள் கெடு இன்றோடு முடிகிறது என்ற போதிலும் கூட, எங்காவது ஒரு மூலையில் இருக்கும் ஏ.டி.எம்.மில் பணம் இருக்கிறது என எங்கிருந்தோ வரும் தகவலை நம்பி, அலுவலகத்தில் அரை நாள் விடுப்பு எடுத்து செல்லும் பலரை இங்கு இன்றுவரை காணமுடிகிறது.

4) இந்த வருடத்தின் மிக முக்கியமான மற்றொரு நிகழ்வு, மூன்று பெண்களின் கொடூரமான மரணம். 'மூன்று பெண்கள், மூன்று மரணங்கள்' நமக்கு கற்றுக்கொடுத்த பாடம் ஒன்று தான். ‘பெண்ணாய் பிறப்பது சுலபம், ஆனால் இச்சமூகத்தில் வாழ்வது ரொம்பவே கஷ்டம்’ என்பது தான் அது. ஐ.டி. ஊழியர் ஸ்வாதி, போலீஸ் அதிகாரி விஷ்னுப்பிரியா, கல்லூரி மாணவி வினுப்பிரியா இவர்கள் தான் அந்த மூவர். இவர்களோடு சேர்த்து, கிறிஸ்துவ ஆலயத்திற்குள் கொலை செய்யப்பட்ட ஆசிரியர், கல்லூரி மாணவி ஒருத்தி வகுப்பறைக்குள் கொலை என இந்த பட்டியல் நீள்கிறது. ‘பெண்களால் வேலைக்கு செல்ல முடியவில்லை’, ‘கல்லூரிக்கு செல்ல முடியவில்லை’ என ஏனைய பெண்களையும், அவரவர்களது பெற்றோரையும் கதர வைத்தது சம்பவங்கள் இவைகள்.

5) இவர்கள் கொலையில் குற்றவாளிகளை பிடிக்க காவல்துறையினர் மிகவும் விரைவாக செயல்பட துவங்கினர். அத்துனை அழுத்தம் அவர்களுக்கு தரப்பட்டதும் உண்மைதான். ஸ்வாதி கொலை வழக்கில் ராம்குமார் வெகுவிரைவாக கைது செய்யப்பட்டு சிறையில் தள்ளப்பட்டார். அதே வேகத்தில், ராம்குமாரின் மரணமும் நிகழ்ந்தது. 'சிறையில் தற்கொலை செய்து கொண்டார் ராம்குமார்' என போலீஸ் தரப்பில் தெரிவிக்கப்படடது. அது கொலையா, தற்கொலையா என பொதுமக்கள் தரப்பில் கேள்வி எழுப்ப, இன்னமும் அந்த மரணம் மர்மமாகவே உள்ளது.



6) காவிரி பிரச்னை, டெல்டா மாவட்ட விவசாயிகளை மிகவும் பாதித்தது. டெல்டா மாவட்ட விவசாயிகளின் இந்த பாதிப்புகள், ஆண்டுதோறும் தமிழகத்தை ஒரு புரட்டு புரட்டி போட்டு விடும். இந்த ஆண்டு, நிலைமையே வேறு. ஒரு கட்டத்தில் கர்நாடக அரசு தண்ணீர் திறந்து விட முடியாது என கூறவே, தமிழக மக்கள் அனைவரும் ஒன்றுகூட துவங்கினர். மற்றொரு புறம், கர்நாடக மக்கள் போராட்டம் நடத்த துவங்கினர். இருவேறு புறமும் அரசு தீர்மானங்களைத் தாண்டி, இரு மாநில மக்களும் போராட்டத்தில் குதித்தனர்.

7) தமிழகத்தின் பாரம்பரிய விளையாட்டான ஜல்லிகட்டுக்கு உச்ச நீதிமன்றம் தடை விதிக்க, அதை எதிர்த்து மக்கள் போராட தொடங்கினர். விலங்குகள் நல ஆர்வலர்கள் காளைகள் துன்புறுத்தப்படுவதாக தொடர்ந்த இந்த வழக்கின் முடிவே ஜல்லிக்கட்டு தடை செய்யப்பட்டதற்கான முக்கிய காரணம். “ஜல்லிக்கட்டு எங்கள் பாரம்பர்ய விளையாட்டு, அதனை தடை செய்யக் கூடாது” என ஜல்லிக்கட்டு ஆர்வலர்கள் தங்கள் கோரிக்கைகளை முன்வைத்துக்கொண்டே உள்ளனர். ஹிப்-ஆப் தமிழாவின் ‘டக்கரு டக்கரு’ ஜல்லிகட்டின் முக்கியத்துவத்தை அடிப்படையாய் கொண்டு வந்தது குறிப்பிடத்தக்கது. நெட்டிசன்களின் பலம் பொருந்திய ஆதரவில் ஜல்லிக்கட்டு தொடர்பான விமர்சனங்கள் வைரலாக பரவிவருகிறது.

8) இந்திய ராணுவத்தின் ‘சர்ஜிக்கல் ஸ்ட்ரைக்’ மக்களுக்கு ரொம்பவே ஆச்சர்ய நிகழ்வாய் இருந்தது. இதுவரை சர்ஜிக்கல் ஸ்ட்ரைக் என்றால் என்ன என்று கூட அறிந்திராதவர்களுக்கு கூட இந்த நிகழ்விற்கு பிறகு ராணுவத்தின் சில சீக்ரெட் விஷயங்கள் தெரிய வந்தது. இந்திய ராணுவம் பாகிஸ்தான் எல்லைக்குள்ளேயே சென்று தாக்குதல் நடத்திய இச்சம்பவம், நாட்டு மக்களிடையே பெரும் பரபரப்பை ஏற்படுத்தியது. சர்ஜிக்கல் ஸ்ட்ரைக்கின் மூலம் பாகிஸ்தான் தீவிரவாதிகளுக்கு நமது ராணுவம் சரியான பதிலடி கொடுத்துள்ளது என மோடியின் மத்திய அரசு பெருமைப்பட்டுக் கொண்டது குறிப்பிடத்தக்கது.




9) இந்த ஆண்டு ஒலிம்பிக்ஸ் ரொம்பவே கவனிகத்தக்கது. பாரா ஒலிம்பிக் மற்றும் ஒலிம்பிக் போட்டிகள் இந்த ஆண்டு நடந்த விளையாட்டு துறைகளில் சாதித்தவர்களின் பட்டியல் கொஞ்சம் நீளமானது. பி.வி.சிந்து, ‘தங்கமகன்’ மாரியப்பன், சாக்‌ஷி மாலிக், தீபா கர்மகர், தேவேந்திர ஜஜாரியா என நீளுகிறது நம் பட்டியல். தன் குடும்பத்தில் ஒருவர் வாங்கினால் எப்படி பெருமைபடுவரோ அப்படி தான் இவர்களது வெற்றிக்கும் பூரித்தனர் நம் மக்கள். தீபா மாலிக், சாக்‌ஷி தன்வார், பி.வி.சிந்து போன்ற பெண்ணகளின் வெற்றிகள், வீட்டுக்குள்ளே பெண்ணை முடக்க நினைத்த ஒவ்வொருவருக்கும் சரியான பதிலடியாக இருந்தது.

10) ஒலிம்பிக்கை தாண்டி கிரிக்கெட், கபடி, ஹாக்கி முதலியவையும் நம் கவனம் ஈர்த்தது. 15 ஆண்டுகளுக்கு பின் ஜூனியர் உலக கோப்பையை ஹாக்கி அணி வென்றது. கிரிக்கெட் டெஸ்ட் தரவரிசையில் இந்தியா முதலிடத்தை பிடித்தது முதலிய சில நிகழ்வுகள் விளையாட்டு துறையின் மீது நமக்கு சில பாசிட்டிவ் வைப்ரேஷனை அளித்தது. அஷ்வின் சிறந்த டெஸ்ட் வீரராக செலக்ட் ஆனது, கருண் நாயர் முச்சதம் என விளையாட்டு ஆர்வலர்கள் மத்தியில் எல்லா விளையாட்டுகளும் நேரடியாகவே ரீச் ஆனது. இந்த ஆண்டு விளையாட்டு துறை இந்திய மக்களுக்கு பற்பல ஆச்சர்யங்களையும் சந்தோஷங்களையும் தந்த வருடமாகவே இருந்துள்ளது இன்னும் கூடுதல் சிறப்பு.



தொகுப்பு: ஜெ.நிவேதா,
(மாணவப் பத்திரிகையாளர்)

தித்திப்பான தெய்வமகள் முதல்...திகிலான நாகினி வரை...2016ன் ஹிட் லிஸ்ட் சீரியல்கள்! #2016Rewind

2014...2015...2016னு வருடங்கள் நிற்காம ஓடி 2017ம் ஆண்டும் பிறந்துவிட்டது. ஆனால், ’சின்னத்திரை’ எனப்படும் டிவி உலகின் சீரியல்களுக்கு வருஷக் கணக்கெல்லாம் இல்லவே இல்லை. அந்த வகையில் 2016 ஆம் ஆண்டில் சீரியல் ரசிகர்களின் மத்தியில் சக்கை போடு போட்ட சில ஹிட் சீரியல்களின் ஒரு சிறு பார்வை இங்கே உங்களுக்காக!

தெய்வமகள்:



’சத்யா - பிரகாஷ்’ ரசிகர் மன்றம் ஆரம்பிக்கும் அளவிற்கு சன் டி.வியின் இந்த சீரியலின் ரீல் ஜோடிக்கு பட்டிதொட்டியெங்கும் ஃபேன்ஸ் அதிகம். அதைவிட முக்கியமாக ஜெய்ஹிந்த் விலாஸ் குடும்பத்தினரின் கண்களுக்குள் விரலை விட்டு ஆட்டும் வில்லியான காயத்ரிக்கோ அதிரிபுதிரி எதிரிகள் எக்கச்சக்கம். ‘எனக்கு பெண் குழந்தை பிறந்தா பேர் சத்யாதான்’ என ரசிகர்கள் உறுதியெடுக்கும் அளவிற்கு அன்பே உருவான சத்யப்பிரியா, பட்டென்று கோபப்பட்டாலும் புத்திசாலியான பிரகாஷ், அமைச்சரையே மிரட்டி அட்ராசிட்டி செய்யும் காயத்ரி என 1000 எபிசோட்களைத் தாண்டி சீரியல் உலகில் வெற்றிகரமாக டிராவல் செய்து கொண்டிருக்கிறது ‘தெய்வமகள்’.

ப்ரியமானவள்:



அம்மாக்களே அன்பானவர்கள்தான். அதிலும், மாமியாரும் அம்மாவுக்கு மேல் அன்பானவராக அமைந்துவிட்டால் கேட்கவே வேண்டாம். அப்படி ஒரு மாமியார்தான் சன் டி.வி-யின் ’ப்ரியமானவள்’ உமா. ஆரம்பித்த நாளில் இருந்து சற்றுகூட தொய்வில்லாமல் பட்டையைக் கிளப்பிக் கொண்டிருக்கும் தொடர் இது. உமாவாக மலையாள நடிகை ப்ரவீணா, தமிழ் சீரியல் ரசிகர்கள் மனதினைக் கொள்ளைக் கொண்டுள்ளார். 2016ம் ஆண்டின் சிறந்த சீரியல்களில் இதுவும் ஒன்று.

வாணி ராணி:



இதுவும் சன் டிவிதான். 2016ம் ஆண்டின் ‘டூயல் ரோல்’ வெற்றி சீரியல் என்றால் அது ‘வாணி ராணி’தான். லாயரான வாணி, அப்பாவியான ராணி என்று நடிகை ராதிகா இரட்டை குதிரையில் வெற்றிச்சவாரி செய்யும் சீரியல் இது. அதுவும் அக்கா அடக்கி வாசிக்கும்போது, தங்கை சீறுவதும், தங்கை அமைதியாகும்போது அக்கா டாப் கியர் எடுப்பதும் என்று டெம்போ இறங்காமல் பார்த்துக் கொள்கிறார்கள். ராதிகா சீரியல் என்றாலே குடும்ப உறுப்பினர்களுக்குப் பஞ்சமிருக்காது. அந்த மெகாதொடர் தெரபி இதிலும் மாறவில்லை. அலட்டலில்லாத திரைக்கதை வடிவமைப்பு, அலட்டலான வில்லி நீலிமா ராணி என்று வாணி ராணியும் சீரியல்கள் ஹிட் லிஸ்ட்டில் டாப்.

கல்யாணம் முதல் காதல் வரை:



கேரளாவிலிருந்து தமிழகக் கரையோரம் வீசிய தென்றல் காற்றான ப்ரியா என்னும் பல் மருத்துவருக்கும், ஏற்கனவே திருமணமாகி மனைவியைப் பிரிந்து, பெண் குழந்தையுடன் தனித்திருக்கும் அர்ஜூன் என்னும் ஆறடி அழகு பிசினஸ் மேனுக்குமான காதலும், சுட்டித்தனமும், புத்திசாலித்தனமும் கொண்ட அர்ஜூனின் குழந்தையான பூஜாவிற்கும், ப்ரியாவிற்கும் இடையிலான ஆழமான அன்பும்தான் இந்த சீரியல். விஜய் டிவியில் ஒளிப்பரப்பாகும் இந்த சீரியலுக்கு ரீல் - ரியல் ஹீரோயின் ப்ரியாவிற்காகவே ரசிகர்கள் பட்டாளம் எக்கச்சக்கம். வருட இறுதியில் ஹீரோயின் மாற்றம் நடைபெற்றிருந்தாலும் இன்னும் கூட ரசிகர்களிடம் தனக்கான இடத்தை விட்டுக் கொடுக்காமல் 2016ம் ஆண்டின் டாப் 10 சீரியல்களில் இடம் பிடித்திருக்கிறது ‘கமுகாவ’..அதாங்க ‘கல்யாணம் முதல் காதல் வரை’.

தலையணைப் பூக்கள்:



எழுத்தாளர் பாலகுமாரனின் நல்லாசியோடு ஜீ தமிழ் சேனலில் தொடங்கப்பட்ட புத்தம்புது சீரியல் இது. 2016ல் டாப் கியரில் பயணிக்க ஆரம்பித்த ஜீ தமிழ் சீரியல்களில் டாப் லிஸ்ட்டில் ஆரம்பித்த குறுகிய காலகட்டத்திலேயே இடம் பிடித்த மெகா தொடர் என்றால் அது ‘தலையணைப் பூக்கள்’தான். பெண்களே இல்லாத வீட்டிற்கு மருமகள்களாக வருகின்ற பெண்களைச் சுற்றி, பிண்ணிப் பிணைந்து இழையோடும் பாசம், பொறாமை, போட்டி, அன்பு, காதல் ஆகிய உணர்வுகளின் கலவை ‘தலையணைப் பூக்கள்’. நிஷா கணேஷ்வெங்கட்ராம், சாண்ட்ரா, ஸ்ரீ என்று இதிலும் இளைஞர்கள் பட்டாளம் அதிகம். டாப் சீரியல் லிஸ்ட்டில் இடம் பிடிப்பதற்கான தகுதிகளோடு ரசிகர்களை கவர்ந்துள்ளது தலையணைப் பூக்கள்.

கைராசிக் குடும்பம்:



முழுக்க, முழுக்க பெண்களே ஆதிக்கம் புரியும் சீரியல் ஜெயா டிவியில் ஒளிபரப்பாகும் ‘கைராசிக் குடும்பம்’. தந்தையில்லாத குடும்பத்தின் மகன்களும், அவர்களுக்கு மனைவியாக வருகின்ற பெண்களும், அவர்களுடைய குணங்கள், குடும்பச் சூழல், தலைமகனின் மனைவியாக வரும் பெண்ணின் அன்பு, அரவணைப்பு இவைதான் கைராசிக் குடும்பத்தின் கதை. டி.ஆர்.பியில் தாறுமாறாய் எகிறி அடிக்கும் சீரியல்களுக்கு நடுவில் கைராசிக் குடும்பத்திற்கும் ரசிகர்களின் ராசி ஜாஸ்தி.

குலதெய்வம்:



அலமேலு என்கிற பழமையான பேருக்கும் மவுசு ஜாஸ்தியானதற்கு முக்கிய காரணம் சன் டிவியில் ஒளிபரப்பாகும் ‘குலதெய்வம்’ சீரியல். நகைச்சுவைக்கு பேர் போன மெளலி, உணர்வுகளை முகங்களில் காட்டுவதில் திறமைசாலியான வடிவுக்கரசி, மெட்டி ஒலிக்க ஒலிக்க நடனமாடிய சாந்தி என்று குலதெய்வத்தில் நடிகர்கள் பட்டாளமே உண்டு. திருமுருகனின் குலதெய்வம் அருளோ என்னவோ அவருடைய சீரியல்களுக்கு எல்லா வருடங்களிலும் சீரியல் ரசிகர்களிடம் டாப் தொடர் அங்கீகாரம் உண்டு. அது ‘குலதெய்வம்’ சீரியலுக்கு மட்டும் இல்லாமல் போகுமா என்ன?

லட்சுமி வந்தாச்சு:



சின்னத்திரை நடிகை வாணி போஜன் ஒருபக்கம் சத்யப்ரியாவாக கலக்கிக் கொண்டிருக்கும் அதே வேளையில், லட்சுமியாகவும் மறுபக்கம் ஸ்கோர் செய்யும் சீரியல் ஜீ டிவியின் ‘லட்சுமி வந்தாச்சு’. எதிர்பாராதவிதமாக ஒரு அறிமுகமில்லாத குடும்பத்தில் லட்சுமி என்ற பெயரில் மருமகளாகும் ஹீரோயின், நிஜமாகவே லட்சுமியாக மாறிப் போய், அந்தக் குடும்பத்தின் குலவிளக்கு, குத்துவிளக்காக ஜொலிப்பதுதான் கதை. தன்மேல் பொறாமை, கோபம் கொண்ட பெண்ணைக் கூட அக்கா...அக்கா என்று பின்னால் அன்புடன் சுத்த வைக்கும் இந்த லட்சுமிக்கு ரசிகர்களிடையே ஸ்கோர் 100.

நாகினி:



தமிழ் ரசிகர்களுக்கு மற்ற மொழி நாடகங்களும் பிடிக்கும் என்பதை நிரூபித்தது சன் டிவியின் ’நாகினி’ சீரியல். இந்தியிலிருந்து டப் செய்யப்பட்டு, இரவு 10 மணிக்கு ஒலிபரப்பான இந்த சீரியலின் கதாநாயகி ஷிவன்யாவிற்கு ரசிகர்கள் கூட்டம் அப்பப்பா... 2016ல் டி.ஆர்.பி ஸ்பீட் ரைஸ் செய்ய சன் டிவி எடுத்த முயற்சியில் ஜெயித்தது ‘நாகினி’ பாம்புதான்.

மாப்பிள்ளை:



ஆண்டின் கடைசியில் விஜய் டிவியில் சரவணன் - மீனாட்சி புகழ் ‘செந்தில்-ஸ்ரீஜா’ ஜோடியின் செகண்ட் இன்னிங்ஸாக ஆரம்பித்த ‘மாப்பிள்ளை’ சீரியல், டாப் லிஸ்ட்டில், டாப் கியரில் இடம்பிடித்துக் கொண்டது. செந்திலுக்கு ஹேண்டசம் லுக் கூடியிருக்கிறது என்றால், ஜெயாவாக நடிக்கும் ஸ்ரீஜாவுக்கோ அழகு இரட்டிப்பாகியிருக்கிறது. இவர்களது ஆடைகளுக்காகவே ஒரு கூட்டம் மாப்பிள்ளை சீரியலைப் பார்க்கிறதென்றால், நமக்கும் இப்படி ஒரு மாப்பிள்ளை கிடைக்கமாட்டாரா என்று ரசிகைகள் கூட்டமும் இந்த சீரியலை டாப் சீரியலாக்கிவிட்டனர்.

இதுக்கும் மேல...இன்னும் கூட நிறைய சீரியல்கள் டிவி உலகின் டான் ரசிகர்களிடம் டாப் இடங்களைப் பிடித்துள்ளன. ஆனாலும், இங்கே பட்டியலிடப்பட்டுள்ள இந்த சீரியல்கள் டாப் இடங்களைத் தக்கவைத்துக் கொண்டுள்ளன. இந்த ஆண்டில் இவற்றில் என்னென்ன சீரியல்கள் டிஆர்பி-யில் பரமபதம் ஆடப்போகிறது என்று பார்க்கலாம்!

உங்கள் புத்தாண்டு முதலீட்டு தீர்மானத்தில் இதெல்லாம் இருக்கிறதா?

- சேனா சரவணன்

நாம் சேமிப்பதில் கில்லாடியாக இருக்கிறோம். ஆனால், அதனை முதலீடு செய்வதில் கில்லாடியா என்றால் இல்லை என்றுதான் சொல்ல வேண்டும். காரணம், பணத்தை பெறும் 4% மட்டுமே வருமானம் தரும் வங்கி சேமிப்பு கணக்கில் வைத்திருக்கிறோம். அல்லது வருமானம் எதுவும் தராத தங்கத்தில் மட்டுமே பணத்தை போட்டு வைத்திருக்கிறோம்.
இதனை தவிர்த்து நாம் சேமிக்கும் பணத்தை சரியாக முதலீடு செய்தால் புத்தாண்டு நமக்கு அதிக மகிழ்ச்சியை தருவதாக இருக்கும்.


புத்தாண்டு முதலீட்டு தீர்மானங்களுக்குள் போகும் முன், சேமிப்புக்கும் முதலீட்டுக்கும் உள்ள சிறிய வித்தியாசத்தை பார்த்து விடுமோம். நீங்கள் உண்டியலில் பணத்தை போட்டு வைப்பது சேமிப்பு, ஆண்டு ஆரம்பத்தில் அதில் 1,000 ரூபாய் போட்டு வைத்திருந்தால் அது ஆண்டு கடைசியிலும் 1,000 ரூபாயாகவே இருக்கும். இதற்கு பதில் இந்த பணத்தை 10%  வருமானம் தரும் ஃபிக்ஸட் டெபாசிட்டில் போட்டிருந்தால் ஆண்டு இறுதியில் 1,000 ரூபாய் என்பது 1,100 ரூபாயாக அதிகரித்து இருக்கும். இது முதலீடு.
இனி புத்தாண்டு தீர்மானங்களை பார்ப்போம்.
1.வரவு - செலவு கணக்கு 

இது வரைக்கும் வரவு - செலவு கணக்கு எழுதவில்லை என்றால், புத்தாண்டில் ஆரம்பியுங்கள். இதற்கு 30 பக்க நோட்டு போதும். ஒவ்வொரு நாளுக்கும் ஒரு பக்கம். அதில் அன்றைய செலவுகள் மற்றும் வரவுகள் எதைவும் விடாமல் எழுதி வாருங்கள்,

மாதம் முடிந்ததும் ஒவ்வொரு பிரிவிலும் உதாரணத்துக்கு உணவு, சினிமா, செல் போன் ரீஜார்ஜ் என செலவு எவ்வளவு ஆகி இருக்கிறது என்று பாருங்கள். இதில், பலவற்றுக்கு தேவை இல்லாமல் அதிகம் செலவிட்டிருப்பது தெரியும். இதன் மூலம் அடுத்து வரும் மாதங்களில் தேவை இல்லாத செலவை குறைக்க முடியும்.

2. பட்ஜெட்
கட்டாயம் சம்பளம் வாங்கியதும் பட்ஜெட் போட்டு செலவு செய்யுங்கள்.  பட்ஜெட் போடும் போது குடும்ப உறுப்பினர்கள் அனைவரும் இருக்கும்படி போது பார்த்துக் கொள்ளுங்கள் அப்போதுதான் தேவை இல்லாத செலவுகளை குறைக்க வழி பிறக்கும்.

3. கடன் மறு ஆய்வு
 வர வேண்டிய கடன், கொடுக்க வேண்டிய கடன், முடிக்க வேண்டிய கடன் உள்ளிட்ட விஷயங்களை அலசி ஆராயுங்கள்.  எந்தக் கடனுக்கு அதிக வட்டி (பர்சனல் லோன், கிரெடிட் கார்ட் கடன்) செல்கிறது என்று பார்த்து அதனை முதலில் அடைக்க திட்டமிடுங்கள்.

4. முதலீட்டுக்கு முன் இன்ஷூரன்ஸ்..
நாம் சம்பாதிப்பதே நம் குடும்பம் நல்லபடியாக இருக்க வேண்டும் என்பதற்காகதான். அதனால், வருமானம் ஈட்டும் நபராக இருந்தால் உங்களின் ஆண்டு சம்பளத்தை போல் குறைவான பிரீமியம், நிறைவான கவரேஜ் கொண்ட டேர்ம் இன்ஷூரன்ஸ் எடுங்கள். இதேபோல், மருத்துவச் செலவுக்கு கைகொடுக்கும், ஹெல்த் இன்ஷூரன்ஸ் பாலிசியை உங்களின் ஓராண்டு சம்பளத் தொகைக்கு இணையாக எடுங்கள்

5. பணவீக்கத்தை தாண்டிய வருமானம் தரும் முதலீடு
உங்களின் முதலீடு, பணவீக்கத்தை தாண்டிய வருமானம் தரும்படி இருப்பதாக பார்த்துக் கொள்ளுங்கள். உதாரணமாக, பணவீக்க விகிதம் (விலைவாசி உயர்வு) 5 சதவிகிதம் என்றால், உங்கள் முதலீடு இதனை விட அதிகமாக வருமானம் தருவதாக இருக்க வேண்டும். அதாவது, வங்கிச் சேமிப்பில் ஆண்டுக்கு (4%), உண்டியலில் வைத்திருந்தால் நஷ்டம்தான்.

இதற்கு பதிலாக ஆர்.டி, எஃப்டி,மியூச்சுவல் ஃபண்ட், பங்குச் சந்தை, தங்கம், ரியல் எஸ்டேட் போன்றவற்றில் முதலீட்டை மேற்கொண்டால் பணவீக்கத்தை தாண்டி அதிக வருமானம் கிடைக்க வாய்ப்பு இருக்கிறது.

6.தொடர் முதலீடு..
சிலர் வருட ஆரம்பத்தில் முதலீடு செய்கிற ஆர்வத்தில் இருப்பார்கள். சில மாதங்கள் முதலீடு செய்வார்கள். பிறகு விட்டு விடுவார்கள்.

இதற்கு பதில், சம்பளத்திலே இந்த முதலீட்டு தொகையை பிடிப்பது போல் அல்லது மாதா மாதம் வங்கி கணக்கிலிருந்து செல்வது போல் பார்த்துக் கொண்டால் இந்த பிரச்னை வராது.

7. கெட்ட பழக்க வழக்கங்களுக்கு நோ..!
சிலருக்கு விளையாட்டாக சிகரெட் பிடிக்கும் பழக்கம் இருக்கும். இதற்கு சாதாரணமாக தினம் ரூ.35 ரூபாய். மாதம் சுமார் ரூ. 1,000. ஆண்டுக்கு 12,000. பத்தாண்டுக்கு ரூ. 1,20,000. 30 ஆண்டுகளுக்கு ரூ. 3,60,000.
சிகரெட்டுக்கு செலவாகும் மாதம் ஆயிரம் ரூபாயை 10% வட்டி தரும் ஏதாவது ஒரு திட்டத்தில் போட்டு வந்தால் 30 வருடம் கழித்து உங்களுக்கு கிடைக்கும் தொகை ரூ. 22.60 லடசம். அதாவது, 30 ஆண்டுகளில் சிகரெட் பிடிப்பவர் ரூ. 22.60 லட்சத்தை புகையாக விட்டிருக்கிறார்.

8. பொது வாகனங்களை அதிகம் பயன்படுத்துதல்
சிலருக்கு அலுவலகத்துக்கும் வீட்டுக்கும் 3,4 கி.மீ தூரம் இருக்கும். பஸ்சில் போனால் அதிகபட்சம் ரூ.15. ஆனால், இவர்கள் ஆட்டோவுக்கு தாராளமாக ரூ.50 செலவு செய்வார்கள்.

இவர்கள் ஆட்டோவுக்கு பதில் பொது வாகனமாக பேருந்தை பயன்படுத்தினால் தினம் மிச்சமாது ரூ.35. மாத சேமிப்பு கிட்டத்தட்ட ரூ. 1,000 என வைத்துக் கொள்வோம். இது 30 ஆண்டுகளுக்கு செல்கிறது என்று வைத்துக் கொள்வோம்.

30 ஆண்டுகளுக்கு 10% வட்டி வரும் முதலீட்டில் போட்டால் ரூ. 22.60 லட்சம் கிடைக்கும். இனி, இடை இடையேயாவது பொது வாகனத்தை பயன்படுத்துவீர்கள்தான்.

9. முதலீட்டில் பிரிவினை நல்லது..!
பொதுவாக தங்கம் விலை உயரும் போது பங்குச் சந்தை நன்றாக செயல்படாது. இதே போல், பங்குச் சந்தை சிறப்பாக செயல்படும் போது தங்கம் விலை இறங்கும்.

இதனை சாதாரணமானவர்களால் கணிப்பது கஷ்டம். எனவே, முதலீட்டை எஃப்டி,மியூச்சுவல் ஃபண்ட், பங்குச் சந்தை, தங்கம், ரியல் எஸ்டேட்  என பிரித்து மேற்கொண்டால், ஒன்று வருமானம் கொடுக்கவில்லை என்றாலும் மற்றது கொடுக்கும். முதலுக்கு மோசம் இல்லாமல் இருப்பதோடு, நல்ல வருமானமும் கிடைக்க வாய்ப்பு இருக்கிறது.

10. பயணங்களுக்கு முன்கூட்டியே திட்டம்..!
பயணங்களுக்கு முன் கூட்டியே திட்டமிடுவது மூலம் ஓட்டல் கட்டணம், விமானக் கட்டணம் போன்றவற்றை கணிசமாக மிச்சப்படுத்த முடியும்.

(இந்தக் கட்டுரை 2016 ம் ஆண்டு ஜனவரி 1ம் தேதி http://www.vikatan.com/personalfinance/article.php?aid=11752 வெளியானது.)

தினமும் காலையில் கட்டாயம் செய்ய வேண்டிய நான்கு விஷயங்கள்!

 புத்துணர்ச்சியுடன் தொடங்கும் ஒவ்வொரு நாளின் புதிய விடியலையும், அந்த நாளில் நாம் செய்யும் நான்கு விஷயங்கள் நம்மை மேலும்  உற்சாகப்படுத்தும். அவை தூங்கி எழுதல், குளித்தல், சூரிய ஒளி நம் மீது படுதல், காலை உணவு சாப்பிடுதல். இந்த நான்கு முறைகளையும் எப்படிச் செய்ய வேண்டும், அவற்றால் கிடைக்கும் நன்மைகள் குறித்த விபரங்களைக் கூறுகிறார் கிராமியக் கலைப் பயிற்சியாளரான மாதேஸ்வரன்.

விடியற்காலையில் எழுதல்!
தூக்கம்தான் ஒரு மனிதனுக்கு மிக முக்கிய ஆரோக்கியத்தைக் கொடுக்கும். அதனால் இரவு நேரங்களில் செல்போன், டிவி பயன்பாடுகளைக் குறைத்துக் கொண்டு, இரவு 9 - 10 மணிக்குள் தூங்குவதை கட்டாயமாக்கிக்கொள்ள வேண்டும். அப்படிச் செய்வதால் காலை 5 - 6 மணிக்கெல்லாம் இயல்பாகவே தூக்கம் கலைந்துவிடும்.
விடியற்காலையில் நாம் சுவாசிக்கும் காற்று, நம் உடலுக்கு புத்துணர்ச்சியைக் கொடுப்பதுடன் சுவாச மண்டலத்தை நல்ல முறையில் இயங்கச்செய்யும். அந்த நேரம் தவறாது யோகா, நடைப்பயிற்சி, உடற்பயிற்சி என நமக்கு ஏதுவான எதாவது ஒரு பயிற்சியையாவது கட்டாயமாகச் செய்ய வேண்டும். இவைதான் நோய் நொடியில்லா, மருந்தில்லா ஆரோக்கிய வாழ்விற்கு அடித்தளம்.
குறிப்பாக இன்றைக்கு பலரின் இரவுப் பொழுதை தூக்கத்துக்கு பதிலாக சமூக வலைதளங்களும், தொலைக்காட்சிகளுமே கைப்பற்றுகின்றன. இதனால் தூக்க நேரம் குறைகிறது. பொதுவாக நம் தூக்க நேரம் குறைய நம் உடலில் வெப்பம் அதிகமாகும். அதனால் அடுத்தடுத்து உடல் உறுப்புகளின் செயல்பாடுகளில் சிக்கல் ஏற்பட்டு, பல்வேறு உடல்நலப் பிரச்னைகள் ஏற்படும். எனவே சீக்கிரம் படுத்து உறங்கி, சீக்கிரம் எழுவதே சிறந்தது.

குளிர்ந்த நீரில் குளியல்!
இன்றைக்கு பாத்ரூமில் ஹீட்டர் இருப்பதைத்தான் பலரும் விரும்புகின்றனர். பொதுவாக நம் உடல் வெப்பமாக இருப்பதால், உடல் சூட்டைத் தணிக்க குளிர்ந்த நீரினைக் கொண்டு குளிப்பதும், தூய்மையான குளிர்ந்த நீரை குடித்து வியர்வையின் வழியாக சூட்டை வெளியேற்றுவதுமே வழிகள். மாறாக சூடான நீரால் குளிப்பதால் உடல் மேலும் சூடாவதுடன், சோம்பல் உணர்வும் ஏற்படும்.
அருவியில், ஆறு/குளத்தில், வீட்டில் குளிப்பது என மூன்று வகையான குளியல்கள் உள்ளன. அதில் நீர் நம்மை அடிக்கும் குளியலான அருவியில் குளிப்பதுதான் உடல் செல்களை நன்றாகச் செயல்படத்தூண்டும். அடுத்து நாம் நீரினை அடிக்கும் நீச்சல் செய்யும் முறையான ஆற்றில்/குளத்தில் குளிப்பதாலும் உடலுக்கு புத்துணர்வு கிடைக்கும். இவ்விரண்டு முறைகளையும் இன்றைய இயந்திரமயமான உலகில் பெரும்பாலானோரால் கடைபிடிப்பது கடினம் என்பதோடு, நகரப்பகுதியினரால் செய்யவும் முடியாது. அதனால் மூன்றாவதாக வீட்டில் குளிப்பதுதான் ஒரே தீர்வு.
குளிப்பதே உடல் சூட்டைத் தணிப்பதற்காக என்பதால், எடுத்தவுடனே தலையில் நீர் ஊற்றுவதால் உடல் சூடு மீண்டும் கால் பாதத்துக்குதான் செல்லும். அதனால் முதலில் கால் பாதத்தில் இருந்து மேல் பாகங்களில் படுமாறு ஊற்றி இறுதியாக தலைக்கு தண்ணீரை ஊற்ற வேண்டும். இப்படி தினமும் காலையில் 6 - 7 மணிக்குள் குளித்துவிட வேண்டும்.

உடல் மீது சூரிய ஒளிபடுதல்!
தலைக்கு குளித்து சரியாக தலையை துவட்டாமல் விட்டுவிட்டால் தலையில் நீர் கோர்த்து, தலை பாரம், தலைவலி போன்ற பிரச்னை ஏற்படலாம். அதனால் குளித்த பின்னர் பத்து நிமிடங்கள், நம் உடல் மீது சூரிய ஒளி படும்படி நிற்பதால் உடலில் இருக்கும் தேவையற்ற நீர் வெளியேறிவிடும்.
இன்றைக்கு சிறுவர் முதல் பெரியவர்கள் வரை நம்மிள் பெரும்பாலானோருக்கும் அதிக உடல்நலக்குறைபாடுகள் வருவதற்கு காரணமே, சூரிய ஒளி நம்மீது படாததுதான். காலையில் 6 - 8 மணி நேரத்திற்குள், 3 - 10 நிமிடங்கள் வரை மிதமான சூரிய ஒளி நம் உடல் மீது படுமாறு நிற்கலாம். சூரிய ஒளி நம் உடல் மீது படுவதால், இரத்த ஓட்டம் சீராக இயங்கும். உடலில் உள்ள லட்சக்கணக்கான செல்களும் நன்றாக வேலை செய்யும். தோல் நோய்கள் வரவு கட்டுப்படும்.
தினமும் நம் உடல் மீது சூரிய ஒளி படவேண்டும் என்பதற்குத்தான், சூரிய நமஸ்காரம் செய்யும் முறையை நம் முன்னோர்கள் கடைபிடித்தனர்.

காலை உணவு சாப்பிடுதல்!
ஒரு நாளைக்கு நம் உடலுக்குத் தேவையான ஆற்றலில், அதிகபட்ச ஆற்றலைக் கொடுப்பவை காலை உணவுதான். மாறுபட்ட உணவு முறைகள், துரித உணவுகளைச் சாப்பிடுவதால் காலை நேரம் பலருக்கும் பசி எடுப்பதில்லை. பலரும் தெரிந்தே காலை உணவைத் தவிர்க்கின்றனர். இதனால் பலருக்கும் அடிக்கடி உடல் நலன் பாதிக்கப்படுகிறது.
காலை நேரம் சிறுதானிய உணவுகள், அதிகம் எண்ணெய் சேர்க்கப்படாத உணவுகள் சாப்பிடுவதே சிறந்தது.

கன்னி உரைக்கு எப்படித் தயாரானார் சசிகலா?! -கார்டன் ஒத்திகையின் 'கலகல' பின்னணி

 

அ.தி.மு.க பொதுச் செயலாளராக பதவியேற்ற பிறகு, சசிகலா நிகழ்த்திய முதல் உரையை ஆச்சரியத்தோடு கவனிக்கின்றனர் அரசியல் வட்டாரத்தில். ' பொதுக்குழுவில் பேச வேண்டிய பேச்சை, தலைமைக் கழகத்தில் பேசினார். அவரது பேச்சு இந்தளவுக்கு வெற்றி பெறுவதற்குக் காரணமே ம.நடராசன்தான்' என்கின்றனர் கார்டன் வட்டாரத்தில்.
சென்னை, வானகரத்தில் கூடிய அ.தி.மு.க பொதுக்குழுவில், தலைமைப் பதவிக்கு சசிகலா பெயரை முன்மொழிந்தனர்

 முதலமைச்சர்   ஓ.பன்னீர்செல்வம் உள்ளிட்ட கட்சி நிர்வாகிகள். இதையடுத்து, இன்று நண்பகல் 12.20 மணியளவில் அ.தி.மு.கவின் பொதுச் செயலாளராக பதவியேற்றுக் கொண்டு, விரிவான உரை நிகழ்த்தினார் சசிகலா. 'தலைமைக்கழக நிர்வாகிகளே, அமைச்சர் பெருமக்களே, மாவட்டச் செயலாளர்களே, நாடாளுமன்ற சட்டமன்ற உறுப்பினர்களே, கழகத்தின் பல்வேறு நிர்வாகிகளே, அனைத்து உடன் பிறப்புகளே உங்கள் அனைவருக்கும் எனது பணிவான வணக்கம். என்னைப் பொதுச் செயலாளராக தேர்வு செய்த நிர்வாகிகள் அனைவருக்கும் நன்றி' என உரையைத் தொடங்கினார். முதல்வர் உடல்நலனில் ஏற்பட்ட பாதிப்புகள்; காப்பாற்ற முடியாமல் போனது; அவருடன் 33 ஆண்டுகளாக வலம் வந்தது; கட்சியின் பொதுச் செயலாளராக பொறுப்பேற்கும் நிலை ஏற்பட்டது என அனைத்தையும் உருக்கமாகவும் கண்ணீர் வடியும் கண்களுடன் பேசி முடித்தார் சசிகலா. இதுவரையில் ஜெயலலிதாவின் நிழலாக வலம் வந்தவர், மைக் முன்  உரையாற்றியது தொண்டர்கள் மத்தியில் பரபரப்பாக விவாதிக்கப்பட்டு வருகிறது.
"பொதுக்குழுவில் பேசுவதற்காக தயாரித்திருந்த குறிப்புகளைத்தான் தலைமைக் கழகத்தில் பேசினார் சசிகலா. ஆனால், அவருக்காக உருவான முழு உரையை அவர் வாசிக்கவில்லை. அந்த உரையின் இறுதி வரிகளில், ' அம்மா இல்லாத இந்தக் காலகட்டத்தில், நம்மைச் சுற்றி எப்படிப்பட்ட சூழ்ச்சி வலை பின்னப்பட்டிருக்கிறது என்பதை கழகத்தின் ரத்தத்தின் ரத்தங்கள் உணர்ந்திருக்கிறார்கள். ஆனால், மக்கள் நம் பக்கம் இருக்கிறார்கள்' என முடிப்பதாகத்தான் இருந்தது. பா.ஜ.க மற்றும் தி.மு.கவை குறிவைக்கும் வகையில் இந்த வார்த்தைகள் இடம் பெற்றிருந்தன. இவற்றை கடைசி நேரத்தில் தவிர்த்துவிட்டார் சசிகலா" என விவரித்த அ.தி.மு.க நிர்வாகி ஒருவர்,
"தொண்டர்கள் மத்தியில் அம்மா இல்லாத குறையைப் போக்கும் வகையில் பேசுவது என முடிவு செய்யப்பட்ட பிறகு, பேச்சுக்கான குறிப்புகளை தயாரிக்கும் பணிகள் துவங்கின. நடராசன் வழிகாட்ட மூன்று பேர் கொண்ட குழுதான் பேச்சுக்கான உரையைத் தயாரித்தது. எம்.ஜி.ஆர் உருவாக்கிய கழகத்தை ஜெயலலிதா எப்படிக் கட்டிக் காப்பாற்றினார் என்பதில் தொடங்கி, என்ன செய்யப் போகிறோம் என்பது வரையில் குறிப்புகள் தயாரானது. இதன்பின்னர், கார்டனில் ஓர் அறையில் சிறிய மைக் ஒன்றை அமைத்து, பேசிப் பார்த்தார். பேச்சின் ஏற்ற இறக்கங்களை சசிகலாவின் அக்கா மகன் டி.டி.வி.தினகரன் சொல்லிக் கொடுத்தார். எந்த இடத்தில் எந்த மாதிரிப் பேச வேண்டும் என்பதை விளக்கினார். இதில் திருப்தியடைந்த பிறகு, உடை விஷயத்தில் கவனம் செலுத்தினார். இதுவரையில், கோவில்களுக்குச் செல்லும்போது மட்டும் பட்டுச் சேலை உடுத்திக் கொண்டு செல்வார். வேறு எந்த ஆடம்பரங்களும் இருக்காது. ஆனால், கட்சித் தலைவர் என்ற தோற்றத்தைக் கொண்டு வருவதற்காக, கறுப்பு கலர் வாட்ச், தேர்ந்த உடை என ஒவ்வொன்றும் பார்த்துப் பார்த்து தேர்வு செய்தார் தினகரனின் மனைவி அனுராதா. திட்டமிட்டபடியே பொதுச் செயலாளராக உருவாகிவிட்டார் சசிகலா. இந்த உரையில் மிஸ்ஸான ஒரே விஷயம், ஜெயலலிதாவைப் போலச் சொல்வதற்கு ஒரு குட்டிக் கதையைத் தயாரித்து வைத்திருந்தார். கடைசி நேரத்தில் கதைக்கு கத்திரி போட்டுவிட்டார்கள்" என விவரித்து முடித்தார்.
'எனக்கு அம்மா தான் எல்லாம். அம்மாவின் கழகமே எனது உலகம். கோடான கோடி கழக கண்மணிக்களுக்காகவும் நான் மீதம் உள்ள வாழ்வை கழிக்கக் கடமைப்பட்டிருக்கிறேன். நம்மை விமர்சிப்பவர்கள் கூட நம்மை பின்பற்றும் அளவுக்கு கழகத்தை வழிநடத்துவோம்' என அரசியல் கட்சிகளுக்கும் சேர்த்தே கருத்தைச் சொல்லிவிட்டு, கார்டனுக்கு விரைந்தார் சசிகலா.
பொதுவாக, நிழல்கள் எப்போதுமே பேசுவதில்லை. அவைகள் பேச ஆரம்பித்தால் ராஜ்ஜியங்கள் நடுங்கும் என்பார்கள். தற்போது அண்ணா தி.மு.கவின் ராஜ்ஜியத்திற்குள் நிழலாக இருந்த சசிகலா நிஜத்திற்குள் வந்திருக்கிறார். கட்சி மற்றும் ஆட்சியின் எதிர்காலத்தை போகப் போக பார்ப்போம்!

புதிதாய் பிறப்போம்... புத்தாண்டுக்கான 10 விதிகள்! #FeelFreshThisNewYear

ஒவ்வொரு புத்தாண்டு பிறக்கும்போதும் நம்மில் பலரும் தவறாமல் செய்கிற விஷயம் ஒன்று உண்டு. புதுப் புது விஷயங்களைச் செய்யப் போவதாகத் திட்டமிடுவோம்; அதற்காக உறுதிமொழி எடுப்போம் அல்லது கெட்ட (நம் உடலையும் மனதையும் பாதிக்கிற) விஷயங்களை விடப் போவதாகத் திட்டமிடுவோம். ஆரம்பத்தில் இவற்றைக் கடைப்பிடித்தாலும், பலருக்கும் அது நிறைவேற்ற முடியாத செயல். பெரும்பாலானவர்களால், ஜனவரியில் சுறுசுறுப்பாகக் கடைப்பிடிக்கப்படுகிற அந்த விஷயங்கள், மாதத்தின் பாதியிலே நின்று போகும். என்னதான் செய்யலாம்? இந்த ஆண்டாவது நாம் ஏற்கும் உறுதிமொழிகளுக்கு உயிர் கொடுப்போம் எனப் புத்தாண்டுக்கான உறுதியெடுப்போம். சரி, இந்தப் புத்தாண்டை அற்புதமாக மாற்றச் சில வழிகள் இருக்கின்றன. அவற்றைக் கடைப்பிடிக்க உறுதி ஏற்போமா?
                

எடை குறைக்கப்போறேன்!

உள்ளுக்குள் ஒரு நக்கல் சிரிப்போடு தொடங்கும் உறுதிமொழி இது. பலருக்கும் பிடித்தமான விஷயம். ஆனால், செய்து முடிப்பதோ கடினம். புத்தாண்டு டின்னரிலேயே இந்த உறுதிமொழியைக் காணாமல் போகச் செய்யக் கூடாது என்பதை முதல் உறுதிமொழியாக எடுத்துவிட்டு, அடுத்த உறுதிமொழிக்குச் செல்லுங்கள். `ஜனவரியில் 1 அல்லது 2 கிலோ எடை குறைப்பேன்’ என முடிவுசெய்து, அதை அப்படியே டிசம்பர் வரை நீட்டிச் செல்லுங்கள். நீங்கள் 10-12 கிலோவாவது எடை குறைத்திருத்தால், அந்த ஆண்டுக்கான வெற்றியை முழுமையாகக் கொண்டாடுங்கள்.
  

டிராவல் ப்ளான் பண்ணுங்க!

திட்டமிடாமல் செய்தால், எந்த வேலையும் சொதப்பும். பிளான் பண்ணிச் செய்தால் வொர்க்அவுட் ஆகிற விஷயம் இது. மாதத்துக்கு ஒருமுறையாவது இயற்கையை ரசிக்க காடோ, மலையோ ஏறி இறங்குங்கள். ஸ்ட்ரெஸ்ஸை மறந்து, கவலைகளை கழற்றிவிட்டு வர வாய்ப்பாக அமையட்டும். சில சமயங்களில் திட்டமிடாமல், சூழலே அமைத்துத் தரும் பயணத்தையும் முழுமையாக வரவேற்றுப் புறப்படுங்கள். உங்களைப் புத்துணர்வாக்க பயணம் முக்கியம்.

ஸ்டீம் இன்ஜின் உடலுக்கும் கேடு... சூழலுக்கும் கேடு!

பிரேக் என்றால் ஜூஸ், சமோசா, வடை எனச் சாப்பிடுவதுகூட ஓ.கேதான். ஆனால், புகை மட்டும் வேண்டாம் பாஸ். அடிக்கடி புகைவிட்டுக் கொண்டே இருக்க, நீங்கள் என்ன ஸ்டீம் இன்ஜினா? மகள், மகன் மீது சத்தியம் வைப்பதெல்லாம் பழைய கதை. உங்கள் குடும்பத்தைப் பார்க்க நீங்கள் இருக்க வேண்டும் என்பதை மனதில் நிறுத்தி, முயற்சி செய்யுங்கள். நிச்சயம் வெற்றியடைய முடியும். புகை நமக்கு எப்போதுமே பகைதான்.
                               

தள்ளிப்போடாதே... எதையும்!

வேலையில் கெட்ட பெயர் வாங்குவதற்கு இது ஒரு முக்கிய காரணம். அதேபோல் உறவுகளில் சிக்கல் ஏற்படுவதும் இதனால்தான். மார்க் ட்வெயின் சொன்ன பொன்மொழி இது.
`உயிருடன் இருக்கும் தவளையை காலையிலே கடித்துச் சாப்பிட்டுவிடுங்கள். இல்லையெனில், அது நாள் முழுதும் பக்கத்திலேயே நின்றுகொண்டு உங்களின் அருவருப்பு உணர்வை அதிகப்படுத்திக்கொண்டே இருக்கும்.’ இது நாம் செய்யவேண்டிய வேலைகளுக்கும் பொருந்தக் கூடியதுதான். வேலையைத் தள்ளிப் போடாமல், அப்போதே செய்து முடிப்பது நல்லது.

ஸ்மார்ட் வொர்க்கராக மாறலாமே!

எல்லா விஷயங்களையும் நாம் மட்டுமே தெரிந்துவைத்திருக்கவேண்டிய அவசியம் இல்லை. யார் யாருக்கு என்னென்ன தெரியும் என்பதைத் தெரிந்துகொண்டாலே போதும், அவரிடமிருந்து கேட்டுத் தெரிந்துகொள்ளலாம். இதுவும் ஸ்மார்ட் வொர்க்தான்.
               

ஹார்டு வொர்க்கராக இவ்வளவே போதும்!

ஒவ்வொரு நாளும் பத்துப் பக்கங்களை மட்டுமே படிக்கும் பழக்கம் உள்ளவர், ஒருநாளைக்குக் கூடுதலாக நான்கு பக்கம் படித்தாலுமே அவர் ஹார்டு வொர்க்கர்தான். ஆனால், நாம் பெரும்பாலும் `மாங்கு மாங்கு’ என்று வேலை செய்பவனையே ஹார்டு வொர்க்கர் என நினைத்துக் கொள்கிறோம். இனி... ஹார்டு வொர்க்கராக மாறுங்கள். இதற்கு, கொஞ்சம் மெனக்கெடுதலும் நிறைய முயற்சி இருந்தாலே போதுமானது. கொஞ்சம் மாற்றமே ஹார்டு வொர்க்கராக மாற்றும்.

மனம் பேசும்... உடல் கெஞ்சும்... சமாளிப்பது எப்படி?

`காலையில் சீக்கிரம் எழுந்திருக்கணும்’ என மனம் கூச்சல்போடும். `நிறைய வேலை இருக்கு’ என்று ரீமைண்டர் அடித்துக்கொண்டே இருக்கும். மீறியும் உடலானது, `நைட்டு லேட்டாத்தானே படுத்தோம்... கொஞ்சம் ரெஸ்ட் கொடுக்கலாமே’ எனக் கெஞ்சும். இந்த இரண்டின் மொழியையும் புரிந்து, தெளிந்து செயல்படுவதில்தான் இருக்கிறது வாழ்க்கையின் பயணமும் தொடக்கமும். மனதையும் உடலையும் கட்டுக்குள் வையுங்கள். இரண்டும் உடன்படுகிற வாழ்வியலை மேற்கொள்ளுங்கள்.

கற்கவேண்டிய 'லைஃப் ஸ்கில்'!

ஆண், பெண் இருவருக்கும் கைகொடுக்கும் திறன் இது. `யார் சமையலில் சூப்பர்?’ எனப் போட்டி போடவேண்டிய விஷயமும் இதுதான். நூடுல்ஸைத் தாண்டி நாம் கற்றுக்கொள்ள வேண்டியது நிறைய இருக்கிறது. பிரியாணி செய்ய முயன்று, அது தக்காளி சாதமாக மாறினாலும் சரி... டோன்ட் கிவ் அப். அடுத்த முறை அது பிரியாணியாக மாறும் வரை முயல்வோம். சமையலை நேசிப்போம். அதிலுள்ள சிரமங்கள் புரிந்தால் ஃபுட் வேஸ்ட் தடுக்கப்படும்.
                         

அதிகமாகக் கவனி... அளவுடன் பேசு!

ஒருவரைப் பார்க்கும்போது இவர் நமக்கு சரியாக வருவாரா, மாட்டாரா என யூகிப்பது கொஞ்சம் கடினம்தான். ஆனால், ஒருவர் பேசுவதை வைத்து, அதை நிச்சயம் யூகிக்க முடியும். முடிந்த வரை அதிகமாகக் கவனிப்போம். கவனிப்பது ஒரு தியானம். `மங்க்கி மைண்டு’ என்று சொல்வார்கள். பத்து சிந்தனையில் பதினொன்றாவதாக ஓர் எண்ணம் தோன்றும். இது அனைத்தையும் கவனிப்போம். இதை நீங்கள் எங்கு வேண்டுமானாலும் செய்ய முடியும். இதற்கு நேரமோ, இடமோ தேவைப்படாது. வாழ்க்கையின் அங்கம்தான் கவனித்தல். அது உங்களுடன் தொடர்ந்துகொண்டே இருக்கும். கவனித்தலைப் பழகினாலே பேச்சு அளவானதாக மாறிவிடும். தேவையில்லாத இடங்களில் பேசுவதை நிறுத்தினாலே, பெரும்பாலான உறவுச் சிக்கல்கள் தவிர்க்கப்படும்.

உன்னை மாற்றும் சுவாசமே!

இந்தக் கேள்விக்கு பலருக்கும் விடை தெரிவது கஷ்டம்தான். எதிர்பார்க்க முடியாத, கற்பனை செய்ய முடியாத மாற்றங்களைத் தந்து, நம் உணர்வுகளைக் கட்டுக்குள் வைக்க ஓர் எளிய பயிற்சியால் முடியும். அதுதான் மூச்சுப் பயிற்சி. மூச்சைக் கவனிக்கும்போது, கவனிக்கும் திறன் ஓங்கும். மூச்சுப் பயிற்சியைத் தொடர்ந்து செய்யும்போது உடல்நலத்துடன் உணர்வுகளின் நலமும் கூடும். உங்களை நீங்கள் ஆள முடியும். பிரச்னையை எதிர்கொள்ளும் திறன் கிடைக்கும். சின்னச் சின்ன பிரச்னைகள் தலைக்கு ஏறாமல் பார்த்துக்கொள்ள தியானத்துக்கும் மூச்சுப் பயிற்சிக்கும் சரி சமமான பங்கு உண்டு. உங்களை மாற்றும் சுவாசத்தை சீர் செய்வோம். அதற்கு உதவும் தியானமும் மூச்சுப் பயிற்சியும் வாழ்க்கையின் வழிமுறைகள்.


- ப்ரீத்தி

 அன்றைக்கும்... இன்றைக்கும்... என்றைக்குமான புத்தாண்டு பொன்மொழிகள் 10.

நம் எதிரே புதிதாக ஓர் ஆண்டு! ஒவ்வோர் ஆண்டும் ஜனவரி முதல் தேதியன்று, புத்தாண்டுக் கொண்டாட்டம், பெரும்பாலானோர் எடுக்கும் தீர்மானங்கள், தலைவர்கள்-பிரபலங்கள் அருளும் வாழ்த்துச் செய்திகளைப்போல பொன்மொழிகளுக்கும் பிரத்தியேகமான ஓர் இடம் உண்டு. கடைப்பிடிக்க முடிகிறதோ, இல்லையோ... பல பொன்மொழிகள் நம்மைச் சிந்திக்கவைப்பவை. உலக அளவில் சில பிரபலங்கள் புத்தாண்டை ஒட்டி, வெவ்வேறு சந்தர்ப்பங்களில் சொன்ன பொன்மொழிகள் இங்கே...

``இந்த வருடத்தில் எல்லா நாளுமே சிறந்த நாளே; இதை உங்கள் இதயத்தில் எழுதிவைத்துக்கொள்ளுங்கள்!’’
- ரால்ஃப் வால்டோ எமர்சன் (அமெரிக்க கவிஞர், கட்டுரையாளர்)
***
``ஒரு புத்தகத்தின் அத்தியாயம் எழுதக் காத்திருப்பதைப்போல், புது வருடம் நம் முன்னால் நின்றுகொண்டிருக்கிறது. இலக்குகளை நிர்ணயிப்பதன் மூலமாக, அந்தக் கதையை எழுத நாம் உதவுவோம்.’’
- மெலடி பீட்டி (அமெரிக்க எழுத்தாளர்)
***
``என் புத்தாண்டு தீர்மானங்களை நீங்கள் கேட்டால், அது நான் யார் என்பதை நீங்கள் கண்டுபிடிப்பதற்காகத்தான் இருக்கும்.’’
-  சிரில் குஸேக் (ஐரிஷ் நடிகர்).
***

``புத்தாண்டு தினம் என்பது ஒவ்வொரு மனிதனின் பிறந்தநாள்.’’
- சார்லஸ் லேம்ப் ( இங்கிலாந்து எழுத்தாளர்)
***
``புத்தாண்டை வரவேற்போம்; அதை உரிமையோடு பெறுவதற்கு நமக்கு மற்றொரு வாய்ப்புக் கிடைத்திருக்கிறது.’’
- ஓபரா வின்ஃப்ரே (அமெரிக்க நடிகை)
***
``தேதி கேலண்டரின் தாளைக் கிழிக்கும் ஒவ்வொரு முறையும், புதிய யோசனை மற்றும் முன்னேற்றத்துக்கான ஒரு புதிய இடத்தில் நீங்கள் இருக்கிறீர்கள்!’’
- சார்லஸ் எஃப். கேட்டரிங் (அமெரிக்க தொழிலதிபர்)
***

``உங்கள் குற்றங்களுடன் போரிடுங்கள்; அக்கம்பக்கத்தாருடன் அமைதியைப் பேணுங்கள்; பிறக்கும் ஒவ்வோர் ஆண்டும் உங்களைச் சிறந்த மனிதனாக அடையாளம் காணச் செய்யுங்கள்!’’
- பெஞ்சமின் ஃப்ராங்க்ளின் (நவீன அமெரிக்காவை வடிவமைத்தவர்களில் ஒருவர், விஞ்ஞானி).
***
``அன்றன்றைய நாளுக்கான தீர்மானங்களைத்தான் நான் யோசிக்கிறேனே தவிர, ஆண்டுகளுக்காக அல்ல.’’
- ஹென்றி ஸ்பென்சர் மூர் (இங்கிலாந்து சிற்பி மற்றும் ஓவியர்).
***
``நாம் எல்லோருமே ஒவ்வொரு வருடமும் வேறொரு ஆளாக இருக்கிறோம்.  நம் வாழ்க்கை முழுக்க ஒரே மாதிரியான ஆளாக நாம் இருக்க முடியாது என்றுதான் நான் நினைக்கிறேன்.’’
- ஸ்டீவன் ஸ்பீல்பெர்க் (இயக்குநர்).
***

``வருகிற ஆண்டிலும் நீங்கள் தவறுகள் செய்வீர்கள் என்கிற நம்பிக்கை எனக்கு இருக்கிறது. ஏனென்றால், நீங்கள் தவறுகள் செய்த பிறகுதான் புதிய விஷயங்களைச் செய்கிறீர்கள்;  புதியவற்றை முயற்சிக்கிறீர்கள்; கற்றுக்கொள்கிறீர்கள்; அதற்காக வாழ்கிறீர்கள்; உங்களை முன்னுக்குக்கொண்டு வருகிறீர்கள்; உங்களை நீங்களே மாற்றிக்கொள்கிறீர்கள்; உங்கள் உலகத்தையும் மாற்றுகிறீர்கள். இதற்கு முன்னர் செய்யாதவற்றையெல்லாம் செய்கிறீர்கள். மிக முக்கியமாக, நீங்கள் ஏதோ செய்துகொண்டு இருக்கிறீர்கள்.’’

- நெயில் கெய்மேன் (இங்கிலாந்து எழுத்தாளர்).
***

தொகுப்பு: பாலு சத்யா

தனது கன்னிப் பேச்சில் சசிகலா சொன்னதும்... சொல்லாததும்!

 

அ.தி.மு.க பொதுச் செயலாளராக பொறுப்பேற்ற பின்னர், சசிகலா கட்சியின் தலைமை அலுவலகத்தில் முதல் முறையாக உரை நிகழ்த்தினார். அவரது உரை, வெளியில் கூடி நின்ற தொண்டர்களுக்கும் கேட்கும் வகையில், அகன்ற எல்.இ.டி திரையில் ஒளிபரப்பப்பட்டது.

சசிகலா தனது உரையின்போது, "உலகமே வியக்கிற வெற்றிகளால், அ.தி.மு.க-வை வழி நடத்திய நம் அம்மா, இப்போது நம்மிடம் இல்லாத நிலையில், இன்னும் 100 ஆண்டுகள் ஆனாலும், கழகம்தான் தமிழகத்தை ஆளும் என, நம் அம்மா முன் வைத்துச் சென்றிருக்கிற நம்பிக்கையைக் காப்பதற்காக கூடி இருக்கிறோம்" என்று தெரிவித்தார்.

"ஜெயலலிதாவின் வழியில் கழகப் பணியாற்றிடுவேன். ஆயிரம் ஆயிரம் கூட்டங்களுக்கு நான் அம்மாவோடு சென்றிருக்கிறேன். ஏறத்தாழ 33 ஆண்டுகளுக்கும் மேலாக, எத்தனையோ கூட்டங்களில் அம்மாவுடன் கலந்து கொண்டேன். ஆனால் இன்று, மேடைக்கு வந்து உங்களிடையே பேசுகிற ஒரு சூழல் எனக்கு உருவாகி இருக்கிறது" என்று சொன்னதன் மூலம் இவர், ஜெயலலிதாவுடன் பல கூட்டங்களில் கலந்து கொண்ட அனுபவம் மிக்கவர் என்பதை பதிவு செய்ய விழைந்துள்ளார்.

'தன்னை நம்பி வந்தவர்களை என்றுமே கைவிடாத நம் அம்மா' என்று சசிகலா கூறியது, யாருக்குப் பொருந்துகிறதோ இல்லையோ, அவருக்கு சரியாகப் பொருந்தும்.  "அவசர சிகிச்சைப் பிரிவில் இருந்து தனி அறைக்கு மாற்றும் அளவுக்கு உடல் நலம் தேறிவந்த நிலையில்", என்று மீண்டும் ஒருமுறை அப்போலோ சொன்ன அதே பொய்யான தகவலை தலைமைக் கழகத்திலும் பதிவு செய்துள்ளார் சசிகலா. எவ்வளவோ முயன்றபோதிலும், இறைவன், ஜெயலலிதாவின் இதயத்துடிப்பை நிறுத்தி விட்டார் என்று குறிப்பிடுகிறார்.
"தேவதை இல்லாத அரசியல் மாடம், களை இழந்து நிற்கிறது. எனக்கோ, அனைத்தையும் இழந்துவிட்டு நிற்கிற நிர்கதி நிலை. சில நிமிடங்கள் மட்டுமே அம்மாவை சந்தித்தவர்கள்; சில முறை மட்டுமே அம்மாவைப் பார்த்தவர்கள்; சில விநாடிகள் மட்டுமே அம்மாவிடம் பேசியவர்கள்; அவர்களே இன்று அம்மாவின் பிரிவில் துடிக்கிறார்கள் என்றால், 33 வருடங்களை அம்மாவுடன் மட்டுமே என் வாழ்நாட்களை கரைத்துவிட்ட எனக்கு எப்படி இருக்கும் என்பதை, வார்த்தைகளால் விவரிக்க முடியாது" என்று சூசகமாகக் குறிப்பிட்டு, தனக்குத் தான் மிகப்பெரிய இழப்பு மற்றவர்களைக் காட்டிலும், தானே கட்சியின் தலைமைப் பொறுப்புக்கு வரத் தகுதியானவர் என்பதை சசிகலா சொல்லாமல் சொல்லியுள்ளாரோ என்று எண்ணத் தோன்றுகிறது.
அவரோடு இருந்த காலமெல்லாம், ``அக்கா, கோட்டைக்கு கிளம்பிட்டீங்களா; அக்கா, மதிய சாப்பாட்டிற்கு என்ன
வேண்டும்'' என அனுதினமும் அம்மாவைப் பற்றிய சிந்திப்புகளிலேயே தன் வாழ்நாட்களை செலவழித்தவள் என்று கூறும் சசிகலா, பின்னர், மக்களைப் பற்றி ஜெயலலிதா சிந்தித்தபோது, ஜெயலலிதாவைவும், கழகத்தையும் பற்றியே தான் சிந்தித்ததாக  தெரிவித்துள்ளார்.

தனக்கு 62 வயதாகிறது என்றும், தனது வாழ்நாள் வரை, இந்த இயக்கத்திற்காக பாடுபடுவேன் என்றும் தெரிவித்து, அ.தி.மு.க-வின் நிரந்தரப் பொதுச் செயலாளர் என்பதை மறைமுகமாக உணர்த்தியுள்ளார்."அவரை விட்டு நான் பிரிந்திருந்த நாட்கள் மிக மிகக் குறைவு. அதை நாட்கள் என்று சொல்வதை விட, அவருடைய கம்பீரக் குரலை நான் கேட்காத நேரம் குறைவு என்று தான் சொல்ல வேண்டும். அம்மாவும், கழகமுமே உலகம் என்று வாழ்ந்த என்னை, உங்களின் அன்புக் கட்டளை, எஞ்சி இருக்கும் காலத்தை, அம்மா கட்டிக் காத்த கழகத்திற்காகவும், கோடான கோடி கழகக் கண்மணிகளுக்காகவும் நான் வாழ வேண்டும் என்கிற உறுதியை எனக்குள் எடுக்க வைத்திருக்கிறது" என்று தெரிவித்து அதிர்ச்சியை ஏற்படுத்தியுள்ளார். சந்தடி சாக்கில், எதற்காக கார்டனை விட்டு, ஜெயலலிதா அவரை வெளியேற்றினார் என்பதை தனக்கு சாதகமாக மறைத்து விட்டார். கட்சியை விட்டு நீக்கியது, சசிகலாவின் உறவினர்கள் அனைவரையும் ஜெயலலிதா இருந்தவரை கார்டனில் நுழைய அனுமதிக்காதது போன்ற தகவல்களை கட்சியின் கீழ்மட்டத் தொண்டர்களும், தமிழக மக்களும் மறந்து விடுவார்கள் என்று கருதிவிட்டார் போலும்.
இடையிடையே தழுதழுத்த குரலில் பேசி, ஜெயலலிதாவின் மறைவு, தனக்கு மிகவும் வருத்தம் என்பதை ஊடகங்கள் மூலம் மக்கள் மத்தியில் பதிய வைக்க எத்தனித்துள்ளார் சசிகலா. ஆனால், அனைத்தையும் மக்கள் அங்குலம், அங்குலமாகப் பார்த்துக் கொண்டிருக்கிறார்கள் என்பதை அவர் அறிவாரா?
தமிழக மக்களை வாழ வைக்க வேண்டும் என்ற ஜெயலலிதாவின் ஆசை தொடர்ந்து நிறைவேறும் என்றும் கூறும் அதே வேளையில், தனது குடும்ப உறுப்பினர்கள், ஆட்சி அதிகாரத்தில் தலையிட மாட்டார்கள் என்பதை தெரிவிக்க மறந்தது ஏன்?

ஆணாதிக்கம் நிறைந்த அரசியலில், இந்திராவுக்குப் பின்னர், தனி ஒரு ஆளாக நின்று போராடி, பெண் இனத்திற்கே பெருமை சேர்த்த, ஜெயலலிதாவின் வழியில், தானும் அ.தி.மு.க-வின் முன்னேற்றத்திற்கு பாடுபடுவேன் என்று தெரிவித்ததன் மூலம், ஜெயலலிதாவுக்கு உள்ள துணிவு தனக்கும் உள்ளது என்று கூறுகிறார்.

பெரியாரின் தன்மானம், அண்ணாவின் இனமானம், எம்.ஜி.ஆரின் பொன்மனம், இவை யாவும் ஒருங்கே பெற்ற ஜெயலலிதாவின் போர்க் குணத்திற்கு ஈடு இணை ஆகிட ஒருவராலும் முடியாது என்றாலும், அவரது பாதத் தடங்களை, வேதமெனப் பின்பற்றி, இந்த இயக்கத்தை, மக்களின் அரசாக, அவர் காட்டிய வழியில் செயல்படும் என்று சசிகலா குறிப்பிட்டுள்ளார்.

ஜெயலலிதா வழிநடத்திய ராணுவ கட்டுப்பாட்டோடு, இயக்கத்திற்காக உழைக்கும் தொண்டர்களுக்கு உயர்வு அளித்து அழகு பார்க்க, எந்த
அளவுகோலை அவர்  கொண்டிருந்தாரோ அதேபோல், இம்மி கூட விலகாமல் இந்த இயக்கத்தை கொண்டு செலுத்துவோம் என்று கூறியுள்ளார். ஆனால், அந்த தொண்டனை தான் ஜெயலலலிதா உடல் அருகே கூட விடாமல், அரண் அமைத்து நின்றது மன்னார்குடி குடும்பம்!

ஜெயலலிதாவின் விருப்பப்படி, எம்.ஜி.ஆரின் நூற்றாண்டு விழாவை, அ.தி.மு.க சார்பில் மிகச் சிறப்பாகக் கொண்டாடப்படும் என்ற அறிவிப்பையும் வெளியிட்டார். ஒன்றரை கோடி பிள்ளைகளை (தொண்டர்களை) ஜெயலலிதா தன்னிடத்தில் ஒப்படைத்திருப்பதாகவும், அவர்களை பார்த்துக் கொள்ள வேண்டியது நமது கடமை என்றும் தெரிவித்திருப்பதாகவே உணர்கிறேன் என சசிகலா பேசியது, ஜெயலலிதாவுக்குப் பின்னர், கழகத்தின் தலைமைப் பொறுப்பை ஏற்க, தயாராக இருந்தது போன்ற தோற்றத்தையே ஏற்படுத்தி உள்ளது என பல்வேறு தரப்பினரும் கருத்து தெரிவித்துள்ளனர்.

எப்படியோ, மருத்துவமனையில் 75 நாட்கள் என்ன நடந்தது? என்றே தெரியாத நிலையில், அப்போலோ மருத்துவமனைக்கும், குறிப்பிட்ட சிலருக்குமே உண்மை தெரிந்திருந்த நிலையில், அதேபோன்று, பொதுக்குழு, பொறுப்பேற்பு, சசிகலாவின் முதல் உரை என அனைத்துமே அரங்கேறியுள்ளது.

போதை மட்டும்தானா புத்தாண்டு?! -அதிர்ச்சியளிக்கும் 10 உண்மைகள்

புத்தாண்டை குடி, போதை என எவ்வித பழக்கமும் இல்லாமல், விழிப்புணர்வுடன் மகிழ்வாய் இன்புற வேண்டும் என ஆலோசனை கூறுகிறார் சமூக ஆர்வலர் ஜெனிபர் வில்சன்.

1. புத்தாண்டை வரவேற்க உலகம் முழுவதும் மக்கள் ஆர்வமாக காத்துக் கொண்டிருக்கும் இந்த நேரத்தில், யாரும் விரும்பாத கேள்வியாகத்தான் இது இருக்க முடியும், ஆனால், உண்மை என்னவென்றால், ஆண்டின் எந்த நாளை விடவும் புத்தாண்டு தினத்தில்தான் குடித்து விட்டு வாகனம் ஓட்டுபவர்கள் அதிகம் என்பதும், அன்றைய தினம்தான் அதிகமான விபத்துகள் நடக்கின்றன என்பதும் நாம் சிந்திக்க வேண்டிய செய்தி.

2. “ஸ்வீட் எடு.. கொண்டாடு” என்கிற காலம் போய், “மச்சி.. ஓபன் தி பாட்டில்” எனக் காலம் அடியோடு மாறிவிட்டது. அதுவும், புத்தாண்டுக் கொண்டாட்டம் என்றால் மதுவுக்குத்தான் முக்கிய இடம். முன்னிரவில் ஆரம்பிக்கும் மது விருந்துகள், பல இடங்களில் விடிய, விடிய தொடருகிறது. மதுவில் ஊறித்திளைத்துவிட்டு, “ஸ்டெடியாதான்டா இருக்கேன்” என வசனமும் பேசி விட்டு, தள்ளாடிக் கொண்டே  நடந்து போய், வாகனம் ஓட்டினால் என்ன நடக்கும்? தறிகெட்டு ஓட்டி, எங்கேயாவது இடித்துக் கொள்வதும், யாரையேனும் இடித்துத்
தள்ளுவதும்தான் நடக்கும். மொத்தத்தில் புத்தாண்டு இரவில், தேவையில்லாமல் வெளியில் செல்வதன் மூலம் ஆபத்தை வரவழைத்துக் கொள்கிறோம் என்பதே உண்மை.

3. இந்தியாவைப் பொறுத்தவரை 70 சதவிகித சாலை விபத்துகள் குடித்துவிட்டு வாகனம் ஓட்டுவதால்தான் நடப்பதாக கூறப்படுகிறது. புள்ளி விவரங்களில் பதிவாகாத இன்னும் எத்தனையோ விபத்துகளும் நடந்து கொண்டேதான் இருக்கின்றன.

4. வாகனம் ஓட்டி விபத்துகளை ஏற்படுத்தும் பிரபலங்களின் பட்டியலும் நீண்டுகொண்டே போகிறது. மது குடித்து கொண்டாடுவது என முடிவு செய்துவிட்டால், ஓர் ஓட்டுனரை ஏற்பாடு செய்து கொள்வதே நல்லது. இல்லையென்றால், விபத்து ஏற்படுவதற்கான சாத்தியக்கூறுகள் 100 சதவிகிதம் இருக்கிறது என்பதை மறுப்பதற்கில்லை.

5. தேசிய குற்ற ஆவணக் காப்பகம் வெளியிட்டுள்ள புள்ளி விவரங்களின் அடிப்படையில், 2014-ம் ஆண்டில் இந்தியாவிலேயே சாலை விபத்துகளில் தமிழகம் இரண்டாம் இடத்தில் இருந்தது. அந்த ஆண்டில் மட்டும், தமிழகத்தில் 15 ஆயிரம் பேர்  உயிரிழந்திருக்கிறார்கள். பெரு நகரங்கள் என்று பார்க்கும் போது, டெல்லிக்கு அடுத்தபடியாக சென்னை 1,046 உயிரிழப்புகளுடன் இரண்டாம் இடத்தில் இருந்தது. தமிழகத்தைப் பொறுத்தவரை, புள்ளி விவரத்தில் இடம் பெற்ற 67 ஆயிரம் விபத்துகளில் மொத்தம் 587 விபத்துகள்தான் குடித்துவிட்டு
வாகனம் ஓட்டியதால் ஏற்பட்டது என்றால் நம்ப முடிகிறதா? விபத்து குறித்த முறையான தகவல்களை பதிவு செய்யத் தவறியதுதான் காரணம் என்கிறார்கள் விவரம் அறிந்தவர்கள். காப்பீட்டுத் தொகையைப் பெற முடியாது என்ற காரணத்தைக் காட்டி, குடும்பத்தினருடன் சமரசம் செய்து, காவல்துறையினரே போதை மரணங்களை மறைக்கின்றனர் என்கிறார்கள். அரசாங்கமே மது விற்பனை செய்வதுதான் இதற்குக் காரணம் என்பதை சொல்லவும் வேண்டுமா?

6. வேதனையின் உச்சம் என்னவென்றால், கடந்த 2 வருடங்களாகத்தான், விபத்துகளுக்கான காரணத்தின் அடிப்படையில் புள்ளிவிவரங்கள் பதிவு செய்யப்பட்டு வெளியிடப்படுகின்றன. அது முறையாக பதிவு செய்யப்படவில்லை என்பது வேறு. பிரச்சனை தெளிவாக தெரிந்தால் மட்டுமே, அதைக் குறைப்பதற்கான முயற்சியில் இறங்க முடியும்.

7. 2016 புத்தாண்டு தினத்தன்று சென்னையில் மட்டும் 900 சாலை விபத்துகள் ஏற்பட்டது என்கிறது காவல்துறை புள்ளி விவரம். இந்த விபத்துகளில் 4 பேர் உயிரிழந்திருக்கின்றனர். 600 பேர் மருத்துவமனையில் சிகிச்சை பெற்றிருக்கின்றனர். அதனால்தான், மதுவால் கிடைக்கும் மகிழ்ச்சி முக்கியமா? இல்லை… ஆண்டின் முதல்நாளே மருத்துவமனைக்கு செல்ல ஆசையா? என்ற கேள்வியை எழுப்ப வேண்டி இருக்கிறது.

8. அதே சமயம், புத்தாண்டு என்பதால், மருத்துவமனைக்கு செல்வதை தவிர்த்து விடாதீர்கள் என்கிறது ஒரு ஆய்வு. அதாவது, உடல் நலக்குறைவு என்று உணர்ந்த பின்னரும், ஆண்டின் முதல் நாளே மருத்துவமனைக்குச் செல்ல வேண்டுமா? எனப் போகாமல் தவிர்க்காதீர்கள் என்கிறது அந்த ஆய்வு.

9. சில வருடங்களுக்கு முன்பு,  டேவிட் ஃபிலிப் என்ற ஆய்வாளர் 1979 முதல் 2004 வரை நிகழ்ந்த 5 கோடியே 70 லட்சம் பேரின் மரணம் குறித்து ஆய்வு செய்தார்.  மரணம் ஏற்பட்டதற்கான காரணம், மரணமடைந்த காலகட்டம் என பல்வேறு காரணிகளை ஆராய்ந்து பார்த்ததில், வேறு எந்த கால கட்டத்தை விடவும், புத்தாண்டு தினத்தன்றுதான் நிறைய மரணங்கள் நிகழ்ந்திருப்பதாக
கண்டுபிடித்தார். மது குடித்துவிட்டு வாகனம் ஓட்டி விபத்தில் உயிரிழந்தவர்கள் ஒருபுறம் என்றால், மற்றொரு புறம், உடல்நலக் குறைவு என உணர்ந்த பின்னரும், புத்தாண்டும் அதுவுமாக, மருத்துவமனைக்கு போக வேண்டுமா என போகாமல் இருந்திருக்கிறார்களாம்.

10. புத்தாண்டுக் கொண்டாட்டங்களைப் பொறுத்தவரை, நமது உடல்நலன் குறித்த அக்கறையோடு இருப்பதே நல்லது. கடற்கரை, கேளிக்கை விடுதிகள், 5 நட்சத்திர ஹோட்டல்கள், நண்பர்களின் இல்லம் என எங்கு புத்தாண்டைக் கொண்டாடினாலும்,

மது அருந்தினால், வேறு ஒருவர் துணையுடன் வீட்டிற்குச் செல்வதே நலம். குடித்துவிட்டு வாகனம் ஓட்டி பிடிபடுவோர் மீது, காவல்துறையினர் முறையாக நடவடிக்கை எடுத்து, வண்டிகளை பறிமுதல் செய்வதுடன், மாற்று வாகனங்கள்

மூலம் அவர்களை வீட்டுக்கு அனுப்புவதே சரியாக இருக்கும். கால் டாக்சி நிறுவனங்களுடன் இணைந்து இந்த நடவடிக்கையை காவல்துறை மேற்கொண்டால் விபத்துகளையும், உயிரிழப்புகளையும் தடுக்கலாம்.
புத்தாண்டுக் கொண்டாட்டங்கள் மகிழ்ச்சி நிறைந்ததாக இருக்க வேண்டுமா?
இல்லையா...நீங்களே முடிவு செய்து கொள்ளுங்கள்!
 -ஜெனிபர் வில்சன்

WISHES A HAPPY NEW YEAR 2017 TO ALL VIEWERS...Regards K.. JAYAPRAKASH NARAYANAN RETIRED DEPUTY REGISTRAR THE TAMIL NADU Dr. MGR MEDICAL UNIVERSITY GUINDY CHENNAI

ஜேசுதாசுக்கு பாத பூஜை செய்த எஸ்.பி.பாலசுப்பிரமணியம்

சினிமா பின்னணி பாடகர் எஸ்.பி.பாலசுப்பிரமணியம் பாட ஆரம்பித்து 50 வருடங்கள் ஆகின்றன. இதையொட்டி, அவர் உலகம் முழுவதும் இசை நிகழ்ச்சி நடத்த முடிவு செய்தார். கனடா, மலேசியா, ரஷியா, இலங்கை, துபாய், அமெரிக்கா ஆகிய நாடுகளில் அவர் இசை நிகழ்ச்சிகள் நடத்திவிட்டு சென்னை திரும்பினார்.

நேற்று சென்னையில் அவர், நிருபர்களுக்கு பேட்டி அளித்தார். அப்போது பின்னணி பாடகர் ஜேசுதாசையும், அவரது மனைவி பிரபாவையும் மேடைக்கு அழைத்து அவர்களுக்கு, எஸ்.பி.பாலசுப்பிரமணியமும், அவரது மனைவி சாவித்ரியும் பாத பூஜை செய்து, கால்களில் விழுந்து வணங்கினார்கள்.

பின்னர் அவர், நிருபர்கள் மத்தியில் பேசினார். அப்போது அவர் கூறியதாவது:-

50 வருடங்கள் என்பது சாதனை அல்ல. ஜேசுதாஸ் அண்ணா 55 வருடங்களாக பாடி வருகிறார். ஜானகி, சுசிலா, லதா மங்கேஸ்கர் போன்றவர்கள் 75 வருடங்களுக்கு மேல் பாடி வருகிறார்கள். என் குரு ஜேசுதாஸ். அவருக்கு காணிக்கை செலுத்தும்விதமாக நான் பாத பூஜை செய்தேன். அவர் ஒரு ரிஷி, யோகி. அவர் மாதிரி ஒரு குரல் கிடைப்பது பூர்வஜென்ம புண்ணியம். பூர்வஜென்மத்தில் அவர் புண்ணியம் செய்திருக்கிறார்.

நான் முறையாக சங்கீதம் கற்றுக்கொள்ளாமல், சினிமாவுக்கு பாட வந்தேன். என் தாய்மொழி இசை. 16 அல்லது 17 வயது இருக்கும்போது, ஒரு மேடை கச்சேரியில் பாடினேன். அப்போது என் பாடலை கேட்டு, ஜானகி அம்மா, “நீ சினிமாவுக்கு வந்தால் பெரிய பாடகராகிவிடுவாய், முயற்சி செய்” என்று சொன்னார். எனக்கு பிடித்த பாடகர் முகமது ரபி. அவரை அடுத்து எனக்கு பிடித்தமான பாடகர் ஜேசுதாஸ் அண்ணா. நான் எதிர்பார்த்ததற்கு மேலாக கடவுள் எனக்கு கொடுத்துவிட்டார். தமிழ், தெலுங்கு, இந்தி, மலையாளம், கன்னடம் ஆகிய மொழிகளில் பாடிவிட்டேன். பல நடிகர்களுக்கு இரவல் குரல் கொடுத்திருக்கிறேன். சில அற்புதமான கதாபாத்திரங்களில் நடித்தும் இருக்கிறேன். என் உயர்வுக்கு காரணம், படத்தயாரிப்பாளர்கள், டைரக்டர்கள், இசையமைப்பாளர்கள், சக பின்னணி பாடகர், பாடகிகள், நடிகர்-நடிகைகள். அவர்கள் எல்லோருக்கும் நன்றி.

இவ்வாறு எஸ்.பி.பாலசுப்பிரமணியம் கூறினார்.

பின்னணி பாடகர் ஜேசுதாஸ் பேசியதாவது:-

எஸ்.பி.பாலசுப்பிரமணியம் என் உடன்பிறந்த சகோதரரை போன்றவர். அவருக்கு சரஸ்வதியின் ஆசி இருக்கிறது. அவர் எனது சொந்த தம்பி. எங்கள் இருவருக்கும் சரஸ்வதியின் அருள் இருக்கிறது. நாங்கள் ஒருதாய் வயிற்றில் பிறக்காத சகோதரர்கள்.

நான் பாரிஸ் நகரில் ஒருமுறை கச்சேரி செய்துவிட்டு, ஓட்டலுக்கு திரும்பியபோது சாப்பாடு எதுவும் இல்லை. ஒரு ஆப்பிள் பழத்தை சாப்பிட்டு பசியாறலாம் என்று ஆப்பிள் பழத்தை கையில் எடுத்தேன். அப்போது “ரூம் சர்வீஸ்” என்று ஒரு குரல் கேட்டது. கதவை திறந்துபார்த்தால், கையில் சாப்பாடு பிளேட்டுடன் எஸ்.பி.பாலசுப்பிரமணியம் நின்றுகொண்டிருந்தார். அன்று நான் சாப்பிட்டது, என் வாழ்க்கையில் மறக்கமுடியாத சாப்பாடு.

மேற்கண்டவாறு ஜேசுதாஸ் கூறினார்.

நிகழ்ச்சிக்கான ஏற்பாடுகளை எஸ்.பி.பாலசுப்பிரமணியத்தின் மகன் எஸ்.பி.சரண், அவருடைய மனைவி அபர்ணா ஆகிய இருவரும் செய்து இருந்தார்கள்.

ஜெயலலிதாவுடன் 75 நாட்கள்..! சசிகலா உருக்கமான பேச்சு

ஜெயலலிதாவை மீ்ட்டெடுக்க 75 நாட்கள் கடுமையாக போராடினோம். உலகத்தரம் வாய்ந்த மருத்துவர்களை அழைத்து சிகிச்சை அளித்தோம். ஜெயலலிதாவின் மறைவு கற்பனையிலும் நினைக்காத ஒன்று என்று சசிகலா உருக்கமான பேசினார்.

அதிமுக பொதுச் செயலாளராக சசிகலா இன்று பொறுப்பேற்றுக் கொண்டார். பின்னர் நடைபெற்ற நிர்வாகிகள் கூட்டத்தில் சசிகலா பேசுகையில், "தலைமைக்கழக நிர்வாகிகளே, அமைச்சர் பெருமக்களே, மாவட்டச் செயலாளர்களே, நாடாளுமன்ற சட்டமன்ற உறுப்பினர்களே, கழகத்தின் பல்வேறு நிர்வாகிகளே, அனைத்து உடன் பிறப்புக்களே உங்கள் அனைவருக்கும் எனது பணிவான வணக்கம். என்னைப் பொதுச் செயலாளராக தேர்வு செய்த நிர்வாகிகள் அனைவருக்கும் நன்றி.

அதிமுக தொண்டர்களுக்கு எல்லாமுமாய் திகழ்ந்தவர் ஜெயலலிதா. ஆயிரம் ஆயிரம் கூட்டங்களுக்கு ஜெயலலிதாவுடன் நான் சென்றிருக்கிறேன். ஆனால் இன்று.. (அப்போது சசிகலா கண்ணீர் வடித்தார்). 33 ஆண்டுகளில் ஜெயலலிதா இல்லாமல் பங்கேற்பது முதல் நிகழ்ச்சி என்பதால் வருத்தம் அளிக்கிறது. ஜெயலலிதாவை மீ்ட்டெடுக்க 75 நாட்கள் கடுமையாக போராடினோம். உலகத்தரம் வாய்ந்த மருத்துவர்களை அழைத்து சிகிச்சை அளித்தோம். ஜெயலலிதாவின் மறைவு கற்பனையிலும் நினைக்காத ஒன்று. எனது வார்த்தையை கற்பனையிலும் நினைத்திராத ஒன்று.

நல்ல உடல்நிலை தேறி வந்தநிலையில் ஜெயலலிதா மரணம் நிகழ்ந்துவிட்டது. எனது வேதனையை வார்த்தைகளால் விவரிக்க முடியாது. தேவதையில்லாத அரசியல் மாடம் களையிழந்துவிட்டது. ஜெயலலிதாவின் அரசியல் பிரசேவம் பெண் இனத்திற்கு பெருமை சேர்த்தது. எனது 29-வது வயதில் இருந்து ஜெயலலிதாவுடன் இருந்துள்ளேன். ஜெயலலிதா காட்டிய வழியில் ராணுவ கட்டுப்பாட்டுடன் செயல்படுவோம்.

எம்ஜிஆர் நூற்றாண்டு விழா ஆண்டு முழுவதும் கொண்டாடப்படும். எம்ஜிஆர் உருவம் பொறித்த நாணயம், அஞ்சல் தலை வெளியிட மத்திய அரசிடம் வலியுறுத்துவோம். மக்களால் நான், மக்களுக்காகவே நான் என்று முழக்கமிட்ட அம்மாவின் வழியில் நம் பயணத்தை தொடருவோம். உங்கள் அன்புக் கட்டளையை ஏற்கின்ற கட்டாயமும், கடமையும் எனக்கு இருக்கிறது. எனக்கு அம்மா தான் எல்லாம். அம்மாவின் கழகமே எனது உலகம். கோடான கோடி கழக கண்மணிக்களுக்காகவும் நான் மீதம் உள்ள வாழ்வை கழிக்க கடமைப்பட்டிருக்கிறேன். புரட்சித் தலைவர் எம்.ஜி.ஆர் மற்றும் புரட்சித் தலைவி அம்மா சாதி சமய வேறுபாடுகளுக்கு அப்பாற்பட்ட தலைவர்கள். எனக்கு அம்மா தான் எல்லாம். நம்மை விமர்சிப்பவர்கள் கூட நம்மை பின்பற்றும் அளவுக்கு கழகத்தை வழிநடத்துவோம்" என்று பேசினார்.

Confusion over Rs 10 coins puts Vellore traders in a fix

Shanmughasundaram J

Vellore





After the angst over demonetisation of `1,000 and `500 notes, the confusion over whether `10 coins are legal tender is adding to the woes of the public, traders and bankers.For the last few days, traders and commercial establishments in Vellore have stopped accepting `10 coins, fearing its genuineness. Though the Reserve Bank of India (RBI) struck down rumours that fake `10 coins were being circulated in large quantities, banks refusing to accept the coins for more than a week now has increased apprehensions.
Bank staff said their work burden has increased post-demonetisation and they were restrained from receiving the coins in large numbers. “We have machines to count currency notes and detect their genuineness. But, this is not the case with coins. If a customer brings `10 coins for thousands of rupees, we have to count it manually . We do not have the luxury of time nor the manpower to do it,“ said a senior officer of State Bank of India, Vellore, seeking anonymity .
“We have pouches for `10 and `5 coins (100 coins in each pouch). We are trying to circulate the coins, but the public are refusing to accept it,“ said staff of a private bank. He added that the coins were not invalid. But, poor communication and rumours had virtual ly nullified the face value of the `10 coins.
Even Aavin outlets and cooperative supermarkets in Vellore desist from receiving the coins. It has sent a wrong signal to the common man.Many shopkeepers, traders and merchants in the city , who accumulated the coins totalling several thousands of rupees, feel that the coins are “dead weight“ now.
A senior official of Indian Bank, which is also the LEAD Bank, said, “The RBI is minting coins to facilitate the traders and merchants. We circulate them. We don't have sufficient space to stock coins in the chest.“ He said `10 coins were valid legal tender and it was an offence not to accept it.
“The banks are refusing to accept the `10 coins. When I went to deposit coins worth `12,000 that we collected from our customers, the bank staff refused to accept it. Since then, we stopped receiving the coins from our customers,“ said an employee of a private firm.

Elders frown on Aadhaar verification for ticket concession

By Express News Service | Published: 31st December 2016 01:43 AM |

Last Updated: 31st December 2016 04:35 AM

CHENNAI: From January 1, 2017, an additional task awaits passengers attempting to book railway tickets under the senior citizen quota. Aimed at preventing the misuse of the fare concession facility, passengers will have their Aadhaar card details authenticated before they are able to book the tickets. However, the measure announced earlier this month has not gone down well with senior citizens who feel it is unnecessary. Besides, by making them part with Aadhar card details, the elderly claim the move violates a Supreme Court’s order which makes the usage of Aadhaar strictly voluntarily.

According to the relevant document available on the railway ministry website, “From 1st January to 31st March 2017, Aadhaar verification for getting concessional tickets for senior citizens shall be on voluntary basis. With effect from 1st April 2017, Aadhaar verification shall be mandatory.”

As a result, those availing concession on the IRCTC portal will have to first authenticate Aadhaar details by feeding them in the Master List section under ‘My Profile’ and then select verified passengers from the Master List which will pop up during booking. This measure is also applicable for tickets booked over the counter through Passenger Reservation System (PRS) counters. In doing so, officials say they aim to prevent misuse of the concession most commonly done by the ticketing agents.

Speaking to Express, an IRCTC official explained that by linking the ticket reservation with Aadhaar details, it will be a proof audit. “There is an endeavour by the railway board to prevent revenue leakage, starting with monitoring the concessionary tickets. There have been several fraudulent instances of agents booking tickets under this facility,” the official said.

The existing method is that no age supporting documents are required while booking, as they are only inspected by the TTE during the journey. Stating it as a complicating move, D Murugan, 65, a native of Salem, said the extra verification step is not needed. “As it is, I am producing a valid ID proof during my journey. What prevents the TTEs from throwing out those who misuse the facility,” he posed.

Others such as T Sadagoppan, president of TN Progressive Consumer Centre, wondered how it can be implemented when the Supreme Court citing privacy issues had clarified that Aadhaar scheme can’t be linked with governmental schemes except for a select few. “The railways can’t force this measure. The court has said it is purely voluntarily,” Sadagoppan said.

I-T sleuths grill son of former Chief Secretary

By Express News Service  |   Published: 31st December 2016 01:43 AM

CHENNAI: Vivek Pappisetti, son of former Tamil Nadu Chief Secretary P Rama Mohana Rao, was interrogated by the income-tax officials on Friday.
Vivek was summoned a week ago by the department after it conducted raids at his, as well as his father’s, premises on December 21.

Vivek, who looked calm, alighted from his car and entered the Directorate-General, Income Tax (Investigation) building around 3.45pm.
Dressed in a white shirt and carrying a black bag, Vivek evaded queries from waiting media personnel as he entered the office. Income tax sources alleged that earlier he had been evading the department summons after his house in Tiruvanmiyur was raided.

Initially, he evaded the summons on Friday and sought a day or two as his wife was pregnant. He was prompt in messaging the department. But since Monday, he had been evasive. This resulted in the department planning to initiate action against him. To a query whether he will be arrested, the sources said they did not have powers to arrest him.
Vivek is being interrogated for his alleged links with sand mining baron Shekar Reddy, who is currently in judicial custody.

அ.தி.மு.க., நிகழ்ச்சியில் லட்டு வாங்க கூட ஆள் இல்லீங்க!

அ.தி.மு.க., பொதுச் செயலராக, சசிகலா தேர்ந்தெடுக்கப்பட்டதற்காக, இனிப்பு வழங்கும் நிகழ்ச்சி நடந்தது. இதை, கட்சியினர் வாங்காமல் புறக்கணித்தனர்; லட்டுவை வாங்க கூட ஆட்கள் இல்லாத, பரிதாப நிலை காணப்பட்டது. 

சென்னை, செங்குன்றம் நகரம் மற்றும் புழல் ஒன்றியம், அ.தி.மு.க., சார்பில், அக்கட்சியின் பொதுச் செயலராக, சசிகலா தேர்ந்தெடுக்கப்பட்டதால், இனிப்பு வழங்கும் நிகழ்ச்சி நடந்தது. அதில், நகர செயலர், ஒன்றிய செயலர் உட்பட, சிலர் மட்டுமே பங்கேற்றனர்; பெண் தொண்டர்கள் ஒருவர் கூட வரவில்லை. விழாவில் பங்கேற்க சென்ற, திருவள்ளூர் கிழக்கு மாவட்ட, அ.தி.மு.க., செயலர் அலெக்சாண்டர், கூட்டம் இல்லாமல் இருப்பதை கண்டு, அதிர்ச்சி அடைந்தார். எம்.ஜி.ஆர்., சிலைக்கு மாலை அணிவித்து விட்டு, நிர்வாகிகளுக்கு மட்டும் இனிப்பு வழங்கி விட்டு புறப்பட்டார். மீதமுள்ள லட்டுகளை வாங்க யாரும் இல்லாததால், அவற்றை, நடைபாதை வியாபாரிகளுக்கு வழங்கி, போட்டோவுக்கு, 'போஸ்' கொடுத்தார். அப்போது ஒருவர், 'வருங்கால முதல்வர் சின்னம்மா வாழ்க' என கோஷமிட்டார். இதையடுத்து, கட்சியினருக்குள் வாக்குவாதம் ஏற்பட்டது.

சோழவரம் ஒன்றிய, அ.தி.மு.க., சார்பில், செங்குன்றம், திருவள்ளூர் கூட்டுச்சாலையில் உள்ள, எம்.ஜி.ஆர்., சிலைக்கு மாலை அணிவிக்கும் நிகழ்ச்சி நடந்தது. இதில், விரல்விட்டு எண்ணக்கூடிய அளவில் மட்டும் நிர்வாகிகள் இருந்தனர். அங்கும், லட்டு வாங்க ஆட்கள் இல்லாததால், அவற்றை, திருவள்ளூர் மாவட்டம், காரனோடையில் நடந்த நிகழ்ச்சிக்கு, 'பாதுகாப்பாக' எடுத்துச் சென்றனர். மாதவரம் மண்டலத்தில், இனிப்பு வழங்கும் நிகழ்ச்சி எதையும் நடத்தாத, அ.தி.மு.க., நிர்வாகிகள், சில பத்திரிகையாளர்களிடம், '100க்கும் மேற்பட்டோருக்கு, லட்டு வழங்கினோம்' என, செய்தி போடுமாறு கூறியிருக்கின்றனர். கட்சி பதவிகளில் உள்ள சிலரைத் தவிர, மற்ற நிர்வாகிகள், தொண்டர்கள், சசிகலா பொதுச் செயலராக தேர்ந்தெடுக்கப்பட்டதை விரும்பவில்லை என்பதையே, மேற்கண்ட நிகழ்வுகள் வெளிப்படுத்தின.
- நமது நிருபர் -

KARNATAKA

Colleges differ on common counselling for NEET PG

After the chaos surrounding the undergraduate National Eligibility cum Entrance Test (NEET), with students having to apply for several colleges and universities owing to lack of common counselling, postgraduate medical and dental seat aspirants could face a similar situation.

The Ministry of Health and Family Welfare, earlier this month, sent a circular to principal secretaries of medical education of all States asking them to hold combined counselling through the designated authority for admission to PG medical and dental courses. Medical and dental college managements differ on common counselling. The State government convened a meeting with the representatives of medical and dental college management associations on Wednesday.

While deemed universities are opposed to the idea, minority medical colleges are willing to participate in the common counselling if the State government agrees for a over 100 per cent hike in fees.

“Following common counselling will take away the autonomy of deemed universities and all deemed universities fall under the University Grants Commission ... we have so far not received any instructions from them except stating that all admissions will be made using NEET scores,” a representative of one of the deemed universities in the State said.

Medical Education Minister Sharanprakash Patil told The Hindu that it was only a preliminary meeting called by the State government to push for common counselling for the benefit of students. He added that no concrete decision was taken at the meeting. “College managements too told us it was too early to comment on the issue,” he said. NEET MDS and NEET PG were held in November and December and the results are expected on January 15.

×