புதிய ரூ.500 நோட்டு அறிமுகம்  புழக்கத்தில் உள்ளதும் செல்லும்
புதுடில்லி, :புதிய வரிசை உடைய, 500 ரூபாய் நோட்டுகளை, ரிசர்வ் வங்கி அறிமுகம் செய்துள்ளது. தற்போது புழக்கத்தில் உள்ள, 500 ரூபாய் நோட்டுகளும் செல்லும் என, அறிவிக்கப்பட்டுள்ளது.



கறுப்புப் பணத்தை ஒழிக்கும் வகையில் பழைய, 500 - 1,000 ரூபாய் நோட்டுகள் செல்லாது என, 2016, நவ., 8ல் பிரதமர் நரேந்திர மோடி அறிவித்தார். அதைத் தொடர்ந்து, புதிய, 500 - 2,000 ரூபாய் நோட்டுகள் அறிமுகம் செய்யப்பட்டன.

வித்தியாசம் கிடையாது

இந்நிலையில், புதிய வரிசை கொண்ட, 500 ரூபாய்நோட்டுகள் அறிமுகம் செய்யப்பட்டுள்ளதாக, ரிசர்வ் வங்கி, நேற்று அறிவித்தது.இது குறித்து ரிசர்வ் வங்கி வெளியிட்டுள்ள செய்தியில் கூறியுள்ளதாவது:

செல்லாத ரூபாய் நோட்டு அறிவிப்பைத் தொடர்ந்து, வெளியிடப்பட்டுள்ள மஹாத்மா காந்தி வரிசையிலான, 500 ரூபாய் நோட்டுகள் தற்போது புழக்கத்தில் உள்ளன. இதில், நோட்டின் முன்பக்கத்தில் மேல் இடது மற்றும் கீழ் வலதுபக்கத்தில் உள்ள நோட்டின் வரிசை எண்களுக்கு இடையில், 'E' என்ற ஆங்கில எழுத்து இடம்பெற்றுள்ளது.தற்போது, 'A' என்ற ஆங்கில எழுத்துடன் கூடியபுதிய வரிசை நோட்டுகள் அறிமுகம் செய்யப்பட்டுள்ளன. ரிசர்வ் வங்கி கவர்னர் உர்ஜித் படேலின் கையெழுத்துடன் கூடிய புதிய நோட்டுகளில், அச்சிடப்பட்ட ஆண்டாக, 2017 குறிப்பிடப்பட்டுள்ளது. மற்றபடி, புழக்கத்தில் உள்ள நோட்டுகளுக்கும், இதற்கும் பெரிய அளவில் வித்தியாசம் கிடையாது.

ஏற்கனவே அறிமுகம் செய்யப்பட்டு, தற்போது புழக்கத்தில் உள்ள, 500 ரூபாய் நோட்டுகளும் செல்லும்.

உயரும்...!   ஜி.எஸ்.டி., அமலால் மருந்துகளின் விலை...
2.29 சதவீதம் வரை அதிகரிக்க வாய்ப்பு

புதுடில்லி, : வரும் ஜூலையில், ஜி.எஸ்.டி., எனப்படும், சரக்கு மற்றும் சேவை வரி அமல்படுத்தப்படும் போது, பெரும்பாலான, அத்தியாவசிய மருந்து பொருட்களின் விலை, 2.29 சதவீதம் அதிகரிக்கும் அபாயம் உள்ளது.



நாடு முழுவதும், ஒரே சீரான வரி விதிப்பை உறுதி செய்யும் நோக்கில், மத்திய அரசு, ஜி.எஸ்.டி., எனப்படும், சரக்கு மற்றும் சேவை வரி மசோதாவை, பார்லிமென்டில் நிறைவேற்றியது. மாநில, ஜி.எஸ்.டி., மசோதாக்களை, நாடு முழுவதும் உள்ள பல்வேறு மாநிலங்கள், சட்டசபைகளில் நிறைவேற்றி வருகின்றன. ஜூலை, 1 முதல், ஜி.எஸ்.டி.,யை நாடு முழுவதும் அமல்படுத்துவதற்கான ஏற்பாடுகள் தீவிரமாக நடந்து வருகின்றன.

அதிகரிக்கும் அபாயம்

இதற்கிடையே, மருந்து பொருட்களின் விலை, ஜி.எஸ்.டி., அமலால் அதிகரிக்கும் அபாயம் உள்ளதாக, நிபுணர்கள் கூறியுள்ளனர். தற்போதுள்ள வரி முறைப்படி, மருந்து பொருட்கள் மீது, 9 சதவீத வரி விதிக்கப்பட்டு வருகிறது. ஆனால், பெரும்பாலான மருந்து பொருட்கள் மீது, 12 சதவீதம் வரி விதிப்பதென, மத்திய அரசு நிர்ணயித்து உள்ளது. இதனால், இவற்றின் விலை, 2.29 சதவீதம் அதிகரிக்கும் அபாயம் உள்ளது.
இருப்பினும், இன்சுலின் போன்ற, தேர்ந்தெடுக்கப்பட்ட குறிப்பிட்ட சில
அத்தியாவசிய மருந்து பொருட்களுக்கு, ஜி.எஸ்.டி., வரி, 12 சதவீதத்தில் இருந்து, 5 சதவீதமாக குறைக்கப்பட்டு உள்ளது. எனவே, இவற்றின் விலை குறையும் என, தெரிகிறது.

எவ்விதம் மாற்றி கணக்கிடுவது

தேசிய அத்தியாவசிய மருந்துகள் பட்டியலில், ஹெபாரின், வார்பரின், டில்டியாஸெம், டையாஸெபம், இபுபுரூபென், புரொப்ரனலால்,இமாடினிப் உள்ளிட்டவை உள்ளன.

மருந்து பொருள் கட்டுப்பாட்டு அமைப்பான, என்.பி.பி.ஏ., பட்டியலிடப்பட்ட மருந்துகளின், தற்போதைய விலையை, ஜி.எஸ்.டி., அமல்படுத்தப்படும் போது, எவ்விதம் மாற்றி கணக்கிடுவது என்பதற்கான விதியை வகுத்துள்ளது.
கலால் வரியில் இருந்து விலக்கு அளிக்கப்பட்ட, பட்டியலிடப்பட்ட அத்தியாவசிய மருந்துகளுக்கு, தற்போது நிர்ணயிக்கப்பட்டுள்ள அதிகபட்ச விலை, ஜி.எஸ்.டி., வரிகள் தவிர்த்து, புதிய அதிகபட்ச விலையாக
இருக்கும்.பட்டியலிடப்படாத மருந்து களின் மீது, ஜி.எஸ்.டி., வரி விதிப்பால் அதிகரிக்கும் விலை வித்தியாசத்தை, மருந்து தயாரிக்கும் நிறுவனங்களே ஏற்றுக் கொள்ள வேண்டும் என, என்.பி.பி.ஏ., உறுதியாக கூறியுள்ளது.
இன்சுலின் போன்ற மிக அத்தியாவசியமான மருந்துகள் மீது, ஜி.எஸ்.டி., வரி, 5 சதவீதமாக குறைக்கப்பட்டு உள்ளதால், அவற்றின் விலையை மருந்து தயாரிப்பு நிறுவனங்கள் குறைக்கும் அவசியம் ஏற்பட்டுள்ளது. இத்தகைய மருந்துகள் மீது, ஜி.எஸ்.டி., வரி குறைப்பால் கிடைக்கும் லாபத்தை, நுகர்வோருக்குகண்டிப்பாக அளிக்க வேண்டும் என, என்.பி.பி.ஏ., திட்டவட்டமாக கூறியுள்ளது.

வதந்திகளை நம்பாதீங்க!

'ஜி.எஸ்.டி., கண்டிப்பாக, ஜூலை, 1ல்அமல்படுத்தப்படும். இதில் தாமதம் ஏற்படும் என, கூறப்படும் வதந்திகளை நம்ப வேண்டாம்' என, மத்திய அரசு கூறியுள்ளது.

மத்திய நிதியமைச்சகம் நேற்று வெளியிட்டுள்ள அறிக்கை விபரம்:நாடு முழுவதும், ஜூலை, 1ல், ஜி.எஸ்.டி.,யை அமல்படுத்த வேண்டும் என, மத்திய அரசு வலியுறுத்தி உள்ளது. இது தொடர்பாக கூறப்படும் வதந்திகளை நம்ப வேண்டாம். கடைசி வர்த்தகர் வரை, ஜி.எஸ்.டி., குறித்த தகவல் கிடைக்க வேண்டும் என்ற நோக்கில், மாநில அரசுகளுடன் சேர்ந்து, சி.பி.இ.சி., எனப்படும், மத்திய கலால் மற்றும் சுங்க வாரியம், சிறப்பு ஏற்பாடுகளை செய்து வருகிறது.இவ்வாறு அதில் கூறப்பட்டுள்ளது.

ஜி.எஸ்.டி.என்., நிர்வாகதுணை தலைவர் நியமனம்

ஜி.எஸ்.டி., வரி விதிப்பை அமல்படுத்த, தகவல் தொழிற்நுட்ப கட்டமைப்பை ஏற்படுத்தி தரும் அமைப்பான, ஜி.எஸ்.டி.என்., சேவைகள் பிரிவுக்கு, நிர்வாக துணைத் தலைவராக, மூத்த அதிகாரி காஜல் சிங், நேற்று நியமிக்கப்பட்டு உள்ளார்.

கடந்த, 1992ல், இந்திய வருவாய் சேவை அதிகாரியாக தேர்ச்சி பெற்ற காஜல் சிங், ஜி.எஸ்.டி.என்., நிர்வாக துணைத் தலைவராக, மூன்று ஆண்டுகள் பதவி வகிப்பார். மத்திய பணியாளர் மற்றும் பயிற்சித் துறை, இந்த அறிவிப்பை வெளியிட்டுள்ளது.

பட்டமளிப்பு கவுன் கூடாது: கான்பூர் ஐ.ஐ.டி., அசத்தல்

பதிவு செய்த நாள்14ஜூன்2017 03:53



லக்னோ: 'பட்டமளிப்பு விழாவின்போது, கறுப்பு நிற கவுன் அணியும் பிரிட்டிஷ் கால நடைமுறைக்கு மாற்றாக, பாரம்பரிய உடையான, பைஜாமா, குர்தா, சுடிதார் அணிய வேண்டும்' என, கான்பூர் ஐ.ஐ.டி., கூறியுள்ளது.

முதல்வர் யோகி ஆதித்யநாத் தலைமையிலான பா.ஜ., அரசு அமைந்துள்ள உத்தர பிரதேசத்தின் கான்பூரில் அமைந்துள்ளது, ஐ.ஐ.டி., எனப்படும் இந்திய தொழில்நுட்ப மையம். வரும், 15 மற்றும் 16ல், இதன் பட்டமளிப்பு விழா நடக்கிறது.

ஐ.ஐ.டி.,யின் பொன்விழாவையொட்டி நடக்கும் இந்த ஆண்டு பட்டமளிப்பு விழாவில், டாடா சன்ஸ் தலைவர் நடராஜன் சந்திரசேகரன் சிறப்பு விருந்தினராக பங்கேற்கிறார்.வழக்கமாக, பட்டமளிப்பு விழாவில், கறுப்பு கவுன் அணியும் பழக்கத்துக்கு விடுதலை கொடுக்கும் வகையில், கான்பூர் ஐ.ஐ.டி., புதிய அறிவிப்பை வெளியிட்டுள்ளது.இது குறித்து ஐ.ஐ.டி., வெளியிட்டுள்ள அறிவிப்பில் கூறியுள்ளதாவது:

நம் பாரம்பரிய உடைகளான, பைஜாமா, குர்தாவை மாணவர்களும், சுடிதாரை மாணவியரும் அணிந்து, பட்டமளிப்பு விழாவில் பங்கேற்கலாம். அவரவர் தேர்ந்தெடுத்துள்ள துறைக்கு ஏற்ப, கழுத்தில் அணியும் ரிப்பன் அளிக்கப்படும். பொன்விழா என்பதால், பேராசிரியர்களும், கறுப்பு கவுனுக்கு பதிலாக, பொன்நிறத்தினால் முழுநீள கவுனை அணியலாம். நம் கலாசாரத்துக்கு ஏற்ற காலணியை அணிந்து வரலாம். இவ்வாறு அந்த அறிவிப்பில் கூறப்பட்டு உள்ளது. இந்த அறிவிப்பு, மாணவர் மற்றும் பெற்றோர் இடையே பெரும் வரவேற்பை பெற்றுள்ளது.

தேசிய செய்திகள்
பீகாரில், கணவரை பாம்பு கடித்தது; மனைவியை கணவர் கடித்தார் ஒன்றாக சாக விரும்பியும் மனைவி மட்டும் உயிர் பிழைத்தார்



பீகார் மாநிலம் சமஸ்டிபூர் மாவட்டம் பிர்சிங்பூர் கிராமத்தை சேர்ந்தவர் சங்கர் ராய். அவர் தனது வீட்டில் தூங்கிக் கொண்டிருந்தபோது, அவரை ஒரு வி‌ஷப்பாம்பு கடித்து விட்டது.

ஜூன் 14, 2017, 05:00 AM

பாட்னா,


திடுக்கிட்டு எழுந்த அவர், தன்னை வி‌ஷப்பாம்பு கடித்ததையும், தன்னால் உயிர் பிழைக்க முடியாது என்பதையும் உணர்ந்து கொண்டார். தன் மனைவி அமிரி தேவி மீது உயிரையே வைத்திருந்த அவர், மரணத்திலும் மனைவியை விட்டு பிரியக்கூடாது என்று முடிவு எடுத்தார்.

அதனால், மனைவியிடம் சென்று வி‌ஷயத்தை சொல்லிவிட்டு, ‘உன்னை பெரிதும் நேசிக்கிறேன். உன்னுடன் சேர்ந்து சாக விரும்புகிறேன்’ என்று கூறிவிட்டு, மனைவியின் கை மணிக்கட்டை, வி‌ஷம் ஏறிய தனது பல்லால் கடித்தார். மனைவியும் அதற்கு மகிழ்ச்சியுடன் உடன்பட்டார்.

அடுத்த சில நிமிடங்களில், இருவரும் மயங்கி விழுந்தனர். பக்கத்து வீட்டுக்காரர்கள், இருவரையும் உள்ளூர் ஆஸ்பத்திரியில் சேர்த்தனர். அங்கு சங்கர் ராய் உயிரிழந்தார். அவருடைய மனைவி அமிரி தேவியின் உயிரை டாக்டர்கள் காப்பாற்றினர். அவர் நலமுடன் இருப்பதாக அவர்கள் கூறினர்.

இதனால், மனைவியுடன் சேர்ந்து சாக வேண்டும் என்ற கணவரின் இறுதி ஆசை நிராசை ஆனதுதான் பரிதாபம்.

மாநில செய்திகள்
கடப்பாரையால் அரசு ஊழியரை அடித்து கொன்ற மனைவி; குடித்து விட்டு வந்து தினமும் தகராறு செய்ததால் ஆத்திரம்



மது குடித்துவிட்டு வந்து தினமும் தகராறு செய்த அரசு ஊழியரை அவரது மனைவியே கடப்பாரையால் அடித்து கொலை செய்தார்.

ஜூன் 13, 2017, 06:00 AM

அரியாங்குப்பம்,
புதுவை மாநிலம் அரியாங்குப்பம் மாஞ்சாலை அன்னை இந்திராநகரை சேர்ந்தவர் இசைமணி (வயது 45). இவர் சமூக நலத்துறையில் டிரைவராக வேலை பார்த்து வந்தார். இவருக்கு கோமதி (41) என்ற மனைவியும், இளஞ்செழியன் (23), இசைவேந்தன் (21) ஆகிய 2 மகன்களும் இருந்தனர். மது குடிக்கும் பழக்கத்துக்கு அடிமையான இசைமணி தினமும் குடித்து விட்டு வந்து மனைவி மற்றும் குடும்பத்தினருடன் தகராறு செய்து வந்துள்ளார்.

இதனால் கடந்த சில நாட்களுக்கு முன்பு அவருடன் கோபித்துக் கொண்டு கோமதி தனது தங்கை வீட்டில் போய் தங்கி இருந்தார். இந்தநிலையில் 2 நாட்களுக்கு முன்பு அவர் தனது வீட்டுக்கு திரும்பினார். நேற்று முன்தினம் இரவு வழக்கம்போல் இசைமணி குடித்து விட்டு வந்ததாக தெரிகிறது. இதை தட்டி கேட்டதால் அவருக்கும், கோமதிக்கும் கடும் வாக்குவாதம் ஏற்பட்டது.நள்ளிரவு 12 மணிக்கும் மேல் தகராறு இவர்கள் தகராறு செய்ததாக தெரிகிறது. இந்தநிலையில் கணவரின் செயலால் பொறுமை இழந்த கோமதி ஆவேசம் அடைந்து, அவரை தாக்கினார். இதில் இசைமணி நிலைதடுமாறி கீழே விழுந்தார். அப்போது கதவில் இருந்த இரும்புக் கம்பியில் மோதி விழுந்ததில் இசைமணி காயமடைந்தார். கடும் ஆத்திரத்தில் இருந்த கோமதி ரத்தம்வடிந்த நிலையில் கிடந்த அவரை வீட்டில் இருந்த கடப்பாரையை எடுத்து வந்து தலையில் அடித்ததாக தெரிகிறது.

இதில் படுகாயமடைந்த இசைமணி அங்கேயே சரிந்து விழுந்தார். இதன்பின் வீட்டின் மொட்டை மாடிக்கு கோமதி சென்றுவிட்டார். அதிகாலை 3 மணியளவில் கோமதி கீழே இறங்கி வந்து பார்த்தபோது இசைமணி பிணமாக கிடந்தது கண்டு அதிர்ச்சி அடைந்து கதறி அழுதார். அவரது சத்தம் கேட்டு அக்கம்பக்கத்தினர் அங்கு வந்து பார்த்தனர். அப்போது தான் குடிபோதையில் வந்து தகராறு செய்த போது இசைமணியை அவரது மனைவி கோமதி கடப்பாரையால் தாக்கி கொலை செய்தது தெரியவந்தது.இதுபற்றி தகவல் அரியாங்குப்பம் தெற்கு பகுதி போலீசார் சம்பவ இடத்துக்கு விரைந்து வந்தனர். அங்கு ரத்த வெள்ளத்தில் கிடந்த இசைமணியின் உடலை கைப்பற்றி பிரேத பரிசோதனைக்காக கதிர்காமம் அரசு ஆஸ்பத்திரிக்கு அனுப்பி வைத்தனர். இது குறித்து அரியாங்குப்பம் போலீசார் வழக்குப்பதிவு செய்து, கோமதியை கைது செய்தனர்.

மாநில செய்திகள்
“வீடியோ காட்சியில் இருப்பது நான்; குரல் என்னுடையது அல்ல” எம்.எல்.ஏ. சரவணன் பேட்டி


“வீடியோ காட்சியில் இருப்பது நான்; ஆனால் குரல் என்னுடையது அல்ல” என்று ஓ.பன்னீர்செல்வத்தை சந்தித்து மதுரை தெற்கு தொகுதி அ.தி.மு.க. எம்.எல்.ஏ. விளக்கம் அளித்தார்.

ஜூன் 14, 2017, 05:15 AM
சென்னை,

ஜெயலலிதா மறைவுக்கு பிறகு, இரண்டாக அ.தி.மு.க. பிளவுபட்டு நின்ற நேரத்தில், சசிகலாவை ஆதரிப்பதற்காக அ.தி.மு.க. எம்.எல்.ஏ.க்களுக்கு பணம் கொடுக்கப்பட்டதாக, மதுரை தெற்கு தொகுதி எம்.எல்.ஏ. சரவணன் கூறிய வீடியோ காட்சி நேற்று முன்தினம் ‘டைம்ஸ் நவ்’ ஆங்கில தொலைக்காட்சியில் வெளியாகி பரபரப்பை ஏற்படுத்தியது.

அதற்கு மறுப்பு தெரிவித்திருந்த எம்.எல்.ஏ. சரவணன் நேற்று சென்னை வந்து, ஓ.பன்னீர்செல்வத்தை அவரது இல்லத்தில் சந்தித்து விளக்கம் அளித்தார். பின்னர், வெளியே வந்த எம்.எல்.ஏ.சரவணன் நிருபர்களுக்கு பேட்டியளித்தார். அப்போது அவர் கூறியதாவது:-

ஓ.பன்னீர்செல்வம் நேற்று நடந்த சம்பவத்தை பற்றி என்னிடம் விசாரித்தார். நடந்ததை கூறினேன். அந்த சம்பவமானது முற்றிலும் தவறானது, பொய்யானது. நான் எந்தவொரு வார்த்தையும் பேசவில்லை.

தவறான தகவல்கள்

கடந்த 10 நாட்களுக்கு முன்பு நாகப்பட்டினத்தில் நடந்த பொதுக்கூட்டத்தில் ஓ.பன்னீர்செல்வத்துடன் உட்கார்ந்து கொண்டிருந்தேன். ஆனால், நான் கட்சி மாறி போய்விட்டேன், வேறு அணிக்கு போய்விட்டேன் என்று கூறினார்கள். அப்போது, நான் அந்தக் கூட்டத்தில் தான் இருந்தேன்.

இந்த மாதிரி கடந்த 10 நாட்களாக தவறான தகவல்கள் வந்து கொண்டிருக்கிறது. நானும் அதற்கு மறுப்பு தெரிவித்து இருக்கிறேன். நேற்று வெளியான வீடியோ காட்சி தவறானது என்பதை ஓ.பன்னீர்செல்வத்திடம் எடுத்து கூறியுள்ளேன்.

இவ்வாறு அவர் கூறினார்.

அதனைத் தொடர்ந்து, நிருபர்கள் கேட்ட கேள்விகளும், அதற்கு சரவணன் அளித்த பதில்களும் வருமாறு:-

குரல் என்னுடையது கிடையாது

கேள்வி:- அப்படி என்றால் எதுவும் நடக்கவில்லையா?. அந்த வீடியோவில் வெளியான காட்சி உண்மை இல்லையா?.

பதில்:- அது நான் பங்கேற்ற ஏதோ ஒரு நிகழ்ச்சி. எதுவென்று ஞாபகம் இல்லை. பழைய நிகழ்ச்சி. அதில் இருப்பது என்னுடைய குரல் கிடையாது. மிமிக்ரி, டப்பிங் செய்து, போலியாக வெளியிடப்பட்டுள்ளது.

கேள்வி:- குரல் உங்களுடையது கிடையாது என்றால், அந்த வீடியோவில் இருப்பது நீங்கள் தானே?.

பதில்:- ஆமாம். வீடியோ படத்தில் இருப்பது நான் தான். பழைய வீடியோ. ஆனால், அந்த குரல் என்னுடையது கிடையாது. ஜெயலலிதா ஆட்சி காலத்தில் 3 கூட்டணி தலைவர்களான தனியரசு, தமிமுன் அன்சாரி, கருணாஸ் ஆகியோருக்கு வாய்ப்பு கொடுத்தார்கள். அவர்களை பற்றியும் நான் பேசியது மாதிரி கருத்து வந்திருக்கிறது. அதுவும் முற்றிலும் தவறான பொய்யான கருத்து. அந்த தலைவர்களை பற்றி நான் பேசவே இல்லை. எந்த நிகழ்வு பற்றியும் பேசவில்லை. அது தான் உண்மை.

யார் என்றே தெரியாது

கேள்வி:- டி.வி. நிருபர் ஷானவாசிடம் நீங்கள் பேட்டியளிக்க வில்லையா?.

பதில்:- ஷானவாஸ் என்பவர் யார் என்றே எனக்கு தெரியாது.

கேள்வி:- அப்படி என்றால் இதுகுறித்து நீங்கள் போலீசில் புகார் அளிக்க போகிறீர்களா?.

பதில்:- கண்டிப்பாக புகார் அளிப்பேன். சட்ட வல்லுநர்களுடன் ஆலோசனை நடத்திக் கொண்டிருக்கிறோம். கண்டிப்பாக இதுகுறித்து கிரிமினல் வழக்கு தொடர இருக்கிறோம்.

கேள்வி:- அப்படி என்றால், ஏன் இவ்வளவு தாமதமாக விளக்கம் தருகிறீர்கள்?.

பதில்:- வீடியோ வெளியான தகவல் நேற்று இரவு 8 மணிக்கு எனக்கு கிடைத்தது. நான் அப்போது சென்னைக்கு தான் கிளம்பிக்கொண்டிருந்தேன். நாளை (இன்று) சட்டமன்ற கூட்டம் இருப்பதால் அதில் கலந்துகொள்வதற்காக புறப்பட்டேன். அதனால், அந்த வீடியோவை என்னால் உடனே பார்க்க முடியவில்லை. இன்று தான் பார்த்தேன். இதுகுறித்து ஓ.பன்னீர்செல்வம் விசாரித்தார். உரிய விளக்கத்தை நான் கொடுத்திருக்கிறேன்.

சட்டப்படி நடவடிக்கை

கேள்வி:- அப்படி என்றால் வீடியோவில் பேசியது யார்?.

பதில்:- அது எனக்கு தெரியாது.

கேள்வி:- நீங்கள் தான் பேசியதாக சொல்லப்படுகிறதே?.

பதில்:- அது தவறானது. சட்டப்படி நடவடிக்கை எடுக்க வழக்கறிஞர்களுடன் ஆலோசனை நடத்துகிறோம்.

இவ்வாறு சரவணன் கூறினார்.

மாநில செய்திகள்

வீடியோ பேச்சு வெளியீடு:“எம்.எல்.ஏ. சரவணனிடம் உரிய விளக்கம் கேட்டு இருக்கிறோம்” ஓ.பன்னீர்செல்வம் பேட்டி


அ.தி.மு.க. எம்.எல்.ஏ.க்களுக்கு பணம் கொடுக்கப்பட்டதாக எம்.எல்.ஏ. சரவணன் கூறிய வீடியோ பேச்சு வெளியானது குறித்து அவரிடம் உரிய விளக்கத்தை கேட்டு இருக்கிறோம் என்று ஓ.பன்னீர்செல்வம் கூறினார்.
ஜூன் 14, 2017, 05:00 AM
சென்னை,

மதுரை தெற்கு தொகுதி அ.தி.மு.க. எம்.எல்.ஏ. சரவணன் பேசியபோது ரகசியமாக பதிவுசெய்யப்பட்ட வீடியோ காட்சி என்று கூறி, ஆங்கில தொலைக்காட்சியான ‘டைம்ஸ் நவ்’ நேற்று முன்தினம் வெளியிட்டது.

இந்த வீடியோ பதிவில் எம்.எல்.ஏ. சரவணன், ஜெயலலிதா மரணத்திற்கு பிறகு அ.தி.மு.க. பிளவுபட்டபோது, சசிகலா அணிக்கு ஆதரவாக செயல்படுவதற்காக சென்னையை அடுத்த கூவத்தூர் விடுதியில் தங்கவைக்கப்பட்டிருந்த அ.தி.மு.க. எம்.எல்.ஏ.க்களுக்கு பணம் கொடுக்கப்பட்டது பற்றி கூறுவது போன்ற காட்சிகள் இடம் பெற்றிருந்தன.

ஆங்கில தொலைக்காட்சியில் வெளியான இந்த காட்சிகள், தமிழக அரசியலில் பெரும் புயலை கிளப்பியது. ஆனால், இதற்கு எம்.எல்.ஏ. சரவணன் மறுப்பு தெரிவித்தார்.

அதாவது, “அந்த வீடியோவில் வெளியான எந்தக் கருத்தையும் நான் சொல்லவில்லை. எனது குரலைப்போல் டப்பிங் செய்து வெளியிட்டுள்ளனர். கூவத்தூரில் எனக்கு பணம் தருவதாக யாரும் சொல்லவில்லை. நானும் யாரிடமும் பணம் வாங்கவில்லை” என்று எம்.எல்.ஏ. சரவணன் கூறினார்.

ஆலோசனை

தற்போது, முன்னாள் முதல்-அமைச்சர் ஓ.பன்னீர்செல்வம் தலைமையிலான அ.தி.மு.க. புரட்சித்தலைவி அம்மா அணியில் எம்.எல்.ஏ. சரவணன் இருந்து வருகிறார். எனவே, இதுகுறித்து ஓ.பன்னீர்செல்வத்திடம் கருத்து கேட்பதற்காக சென்னை அடையாறில் உள்ள அவரது இல்லத்திற்கு முன்பு நேற்று காலை பத்திரிகையாளர்கள், ஊடகத்தினர் குவிந்தனர்.

அப்போது, வீட்டில் கட்சியின் மூத்த நிர்வாகிகளுடன் ஆலோசனை நடத்திக் கொண்டிருந்த ஓ.பன்னீர்செல்வம், அதன் பிறகு நிருபர்களுக்கு பேட்டியளித்தார். அப்போது நிருபர்கள் கேட்ட கேள்விகளும், அதற்கு ஓ.பன்னீர்செல்வம் அளித்த பதில்களும் வருமாறு:-

விளக்கம் கேட்டு இருக்கிறோம்


கேள்வி:- அ.தி.மு.க. எம்.எல்.ஏ.க்களுக்கு பணம் கொடுக்கப்பட்டது தொடர்பாக, எம்.எல்.ஏ. சரவணன் பேசிய வீடியோ ஆதாரம் வெளியாகி இருக்கிறதே அதுபற்றி உங்கள் கருத்து என்ன?.

பதில்:- சட்டமன்ற உறுப்பினர் சரவணன் பேசியதாக நேற்று தொலைக்காட்சியில் வெளிவந்த வீடியோ காட்சி குறித்து, அவரே உரிய விளக்கம் தந்திருக்கிறார். நாங்களும் அவரிடம் உரிய விளக்கம் கேட்டிருக்கிறோம்.

கேள்வி:- அவர் மீது நடவடிக்கை எதுவும் எடுக்கப்படுமா?

பதில்:- அவரிடம் உரிய விளக்கத்தை கேட்டிருக்கிறோம்.

இவ்வாறு அவர் கூறினார்.

தொடர்ந்து, நிருபர்கள் ஓ.பன்னீர்செல்வத்திடம் பல்வேறு கேள்விகளை எழுப்பினர். ஆனால், அவர் எதற்கும் பதில் அளிக்காமல் சென்றுவிட்டார்.

நேரில் விளக்கம்

இந்த நிலையில் அதுகுறித்து முன்னாள் முதல்-அமைச்சர் ஓ.பன்னீர்செல்வத்திடம் விளக்கம் அளிப்பதற்காக சென்னை அடையாறு, கிரீன்வேஸ் சாலையில் உள்ள ஓ.பன்னீர்செல்வம் இல்லத்துக்கு நேற்று காலை சரவணன் வந்தார்.

பிற்பகல் 12.45 மணியளவில் ஓ.பன்னீர்செல்வத்தை சந்தித்து அவர் விளக்கம் அளித்தார். அப்போது அ.தி.மு.க. (புரட்சித்தலைவி அம்மா) அணி நிர்வாகிகள் பொன்னையன், நத்தம் விஸ்வநாதன், டாக்டர் மைத்ரேயன், ஜே.சி.டி.பிரபாகர் ஆகியோர் உடன் இருந்தனர். அதனைத்தொடர்ந்து, ஓ.பன்னீர்செல்வம் அங்கிருந்து புறப்பட்டார்.

அப்போது நிருபர்கள், சரவணன் எம்.எல்.ஏ. உங்களிடம் விளக்கம் அளித்தாரா? என்று மீண்டும் கேள்வி எழுப்பினர். அதற்கு அவர் ‘வீடியோ குறித்து எங்களிடம் சரவணன் எம்.எல்.ஏ. விளக்கம் கொடுத்து இருக்கிறார்’ என்றார். அதையடுத்து, ஜெயலலிதாவின் மரணம் அரசியலுக்கு பயன்படுத்தப்படுகிறதா?, சரவணன் எம்.எல்.ஏ.வின் குற்றச்சாட்டு உண்மையா? என்று கேள்விகள் எழுப்பினார்கள். ஆனால் அந்த கேள்விகளுக்கு அவர் பதில்கூற மறுத்துவிட்டு அங்கிருந்து காரில் சென்றுவிட்டார்.

Now, you can get power connection in just a day

By Express News Service  |   Published: 13th June 2017 02:03 AM  |  

CHENNAI: Low-tension domestic and commercial consumers will be able to get electricity connection in just one day under a new scheme that is all set to be rolled out from July 1. This one-day service connection scheme will not be open to special and multi-storeyed buildings, said State Electricity Minister P Thangamani, who announced the scheme in Chennai on Monday.

“The service connection, that can be applied for through the Tangedco web-portal www.tangedcogov.in or in person, will be made available on the same day for buildings within 100 feet from Tangedco’s electricity mains or within a maximum of 48 hours in cases which involve laying of underground service connection cable,” said the minister.

Those applying for domestic services may pay `1,600 for single-phase connections and `4,450 plus initial consumption charges for three-phase connections, and commercial service charges of `1,600 and `3,050 plus initial consumption charges respectively, online.

Asked whether the recent power outages were due to deficit, the minister said there had been no deficit in Tamil Nadu since 2015. “In fact, we have a surplus of 3000 MW.” 
M Sai Kumar, chairman and managing director, Tangedco, was also present at the meeting.

Outage info through SMS

Tangedco, under the ‘Minsara Nanban’ scheme, will now send SMSes to consumers about scheduled and unscheduled power outages in their locality.Launching the scheme on Monday, Electricity Minister P Thangamani said that the customer-friendly initiative in line with the Centre’s ‘Urja Mitra’ scheme, would provide information of power outages due to maintenance activities in rural and urban areas. “The messages would be sent two days before the shutdown. In case a shutdown is due for Wednesday, the consumer would be informed of it on Monday,” said a spokesperson for the State discom.

HoD, two others arrested for question paper leak

By B Anbuselvan  |  Express News Service  |   Published: 13th June 2017 02:10 AM  |  

TIRUVANNAMALAI : The Vellore Crime Branch Crime Investigation Department (CB-CID) arrested three persons, including the Head of the Department (HoD), one professor and an office assistant of Padalesuwarar Polytechnic College in Cuddalore for allegedly leaking the question paper of third semester Diploma in Mechanical Engineering (DME) course. 

The vice-principal, who is among the accused, is absconding.
Police said the question paper on ‘Strength of Materials’, a third semester subject of the DME course, was circulated among the polytechnic students in Arani through WhatsApp  on April 16. 
The matter came to the notice of the authorities after a second year DME student of Dr MGR Polytechnic College in Arani alerted college principal Arumugan. 

When the principal cross-checked the question paper at the examination hall with that of the leaked paper, he found that both were one and same. Arumugan immediately lodged a complaint at Arani Taluk Police Station. Subsequently, the case was transferred to Vellore CB-CID.Police sources said they narrowed in on the culprits by questioning the polytechnic students in Arani, Cuddalore and Panruti. 

After monitoring the WhatsApp trail of the question paper, a CB-CID team led by Deputy Superintendent of Police K Chandrasekaran finally found out that the paper was leaked by the staff of Padalesuwarar Polytechnic College in Cuddalore. 

Chandrasekaran told Express that Vice-Principal Vinoth Kumar took the question paper after opening the room where it was kept by using the office keys and made a photocopy of it with the help of office assistant Rajesh and two other academic staff. Rajesh sold it to a former student.

The CB-CID sources said Rajesh sold the question paper for `5,000 to a former student of the college. 

The former student then sold it to other students, who spread it through WhatsApp. “We suspect that a teachers’ gang might have sold the question papers of other subjects as well. However, no complaint has been received in this regard,” said a Crime Branch-Crime Investigation Department officer.

The police have booked vice-principal Vinoth Kumar (45), HoD of Electronic and Communications Madhu (30), Electrical and Electronic Engineering Department Professor Amba Sankar (32) and office assistant Rajesh (32).Except Kumar, the other three accused in the case have been arrested and remanded in judicial custody.

திருமலையில் புதிய தரிசன வரிசை அமல்

By DIN  |   Published on : 12th June 2017 10:27 AM  |   

திருப்பதி ஏழுமலையான் கோயிலுக்குள் புதிய தரிசன வரிசை அமல்படுத்தப்பட்டுள்ளது.

திருப்பதி ஏழுமலையானின் தரிசனம் காண வரும் பக்தர்கள் காத்திருப்பு அறைகளைக் கடந்து ஒரு மணி நேரம் நீண்ட வரிசையில் காத்திருந்த பின், தரிசனத்துக்காக கோயிலுக்குள் செல்கின்றனர். அவ்வாறு செல்லும் பக்தர்களை அங்குள்ள ஊழியர்கள் 2 தரிசன வரிசைக்குள் அனுப்பி வருகின்றனர். ஒன்று கொடிமரம், வெள்ளி வாயில் வழியாக தங்க வாயிலை அடைந்து தரிசனத்துக்குச் செல்வது. மற்றொன்று மகாதுவாரம் அருகில் உள்ள படிகாவலி இடதுபுறம் உள்ள ரங்கநாயகர் மண்டப வெளிப்புறம், கல்யாண உற்சவ மண்டபம் வழியாக வெள்ளி வாயில், தங்க வாயிலை அடைந்து தரிசனத்துக்குச் செல்வது.
இதில் காத்திருப்பு அறைகளில் இருந்த பக்தர்கள் ஒரே நேரத்தில் மகா துவாரம் வழியாக கோயிலுக்குள் நுழைந்தாலும், இந்த இரு தரிசன வரிசை காரணமாக தரிசன நேரம் மாறுபடுகிறது.

இதுகுறித்து பக்தர்கள் தேவஸ்தான அதிகாரிகளிடம் அதிருப்தி தெரிவித்தனர். இதைத் தொடர்ந்து தேவஸ்தான அதிகாரிகள் கோயிலுக்குள் படிகாவலி அருகில் உள்ள துலாபார மண்டபத்தின் பக்கமிருந்து திருமலை ராயர் மண்டபம், கல்யாண உற்சவ மண்டபம் வெளிப்புற தரிசன வரிசை வழியாக வெள்ளி வாயிலை அடைய புதிய தரிசன வரிசையை ஏற்படுத்தி உள்ளனர்.

இதன் மூலம் படிகாவலியிலிருந்து கொடிமரம், வெள்ளி வாயில் வழியாக தரிசனத்துக்குச் செல்லும் பக்தர்களுக்கும், புதிய தரிசன வரிசையில் செல்லும் பக்தர்களுக்கும் 2 முதல் 5 நிமிடங்கள் மட்டுமே தரிசன நேரம் மாறுபடும். இந்த புதிய தரிசன வரிசை கடந்த சனிக்கிழமை முதல் அமல்படுத்தப்பட்டுள்ளது.

பெற்றோரது சீரற்ற நடத்தையால் சிக்கலுக்கு உள்ளாகும், மகள்களின் தாம்பத்ய வாழ்க்கை?

By கார்த்திகா வாசுதேவன்  |   Published on : 12th June 2017 05:08 PM  | 

'நூலைப் போல சேலை... தாயைப் போல பிள்ளை', என்பது தமிழின் மிகப் பிரசித்தி பெற்ற பழமொழி. இதில் தாயை மட்டும் சேர்ப்பானேன். தகப்பனுக்குப் பங்கில்லையா என்ன? அப்படியல்ல பல சந்தர்பங்களில் தாய், தந்தை வேறுபாடுகளின்றி இருவருக்குமே இந்தப் பழமொழி பொருந்தித் தான் போகிறது. குறிப்பாக ஒரு ஆணுக்கோ, பெண்ணுக்கோ திருமண பேச்சு வார்த்தைகள் நிகழும் சமயத்தில் தான் இந்தப் பழமொழியை நாம் அதிகம் கேட்டிருக்கக் கூடும். எதற்காக அப்படிச் சொல்ல வேண்டும் என்றால்; திருமண பந்தத்தின் அடி வேரான தாம்பத்தியமும், அதன் மூலம் உருவாகும் வாரிசுகளும் மட்டுமே இந்தப் பழமொழியை நிர்ணயிக்கின்றன என்பதாலே தான். பொதுவாக பெண் பிள்ளைகளுக்கு முதல் ஹீரோ அவரவர் அப்பாக்களே! அதே போல ஆண்களுக்கு... எதிர்கால மனைவி எனும் விசயத்தில் அவர்களது ஆதர்ஷம் என்றென்றும் அவரவர் அம்மாக்கள் தான்.

இன்றைக்கும், என் அம்மாவைப் போல நீ ருசியாகச் சமைக்கவில்லை, என் அம்மாவைப் போல நீ வீட்டை நறுவிசாக நிர்வகிக்கவில்லை, என் அம்மாவைப் போல உனக்கு சாமர்த்தியமாக, புத்திசாலித்தனமாகப் பிள்ளைகளை வளர்க்கத் தெரியவில்லை என்று கூறி மனைவியை இம்சிக்கும் கணவர்கள் நிறைய உண்டு. அதே போல; என் அப்பாவைப் போல நீங்கள் பொறுப்பாக இல்லையென்றோ, என் அப்பாவைப் போல நீங்கள் பாசமாக இல்லையென்றோ கணவனைக் குறை கூறும் பெண்களும் கூட நிறைய உண்டு. இதை எதற்காகச் சொல்ல வேண்டுமெனில், இப்படித்தான் தொன்று தொட்டு மனித வாழ்க்கை முறை இருந்து வருகிறது. நாம் நமக்கான வாழ்க்கையின் நியதிகளை நமது பெற்றோர்களிடமிருந்தே கற்றுக் கொள்ள முயல்கிறோம். அப்படி இருக்கும் போது பெற்றொரிடமிருந்து நல்ல தனங்கள் மட்டுமல்ல கெட்ட தனங்களும் கூட எந்தத் தடையுமின்றி நம்மை வந்து அடைவது எளிதாகி விடுகிறது. அதிலும் நாம் வாழும் இந்தச் சமூகத்தில் ஆண்களை விட பெண்களே இவற்றால் அதிகமும் பாதிக்கப் பட்டு வருகிறார்கள் என்பதும் கண்கூடான உண்மை. 

அவ்வகையில் இந்த தலைமுறை இளம்பெண்களின் இல்லற வாழ்வில் அவர்களது பெற்றோரது தாக்கம் பலவகையிலும் எதிரொலிக்கிறது என்று சமீபத்தில் அமெரிக்காவில் மனநல ஆய்வுப் பத்திரிகையொன்று ஆய்வுக்கட்டுரை சமர்பித்திருக்கிறது. அந்தக் கட்டுரை மூலமாகத் தான் நாம் இதை அறிந்து கொள்ள வேண்டும் என்பதில்லை. தம்மைச் சுற்றியுள்ளவர்களின் வாழ்க்கை முறைகளை சற்று நேரம் ஆய்வுக்கு எடுத்துக் கொண்டு சிந்தித்தாலே போதும் ஒவ்வொருவருமே இதை வெகு எளிதாக உணர்ந்து கொள்ளலாம்.

ஜோ.டி. குரூஸின் ‘கொற்கை’ நாவலில் வரும் பெண் கதாபாத்திரங்களில் ஒன்று ஓரினச் சேர்க்கையாளராக சித்தரிக்கப் பட்டிருக்கும். அந்தப் பெண்ணின் அவ்விதமான நடத்தைக்கு காரணம் இளம் பிராயத்தில் அவளது தாய், அவளது தந்தையால் மிக மோசமாக வல்லுறவுக்கு உள்ளாக்கப் படும் செயலே என்று நாவல் சொல்கிறது. தன் மனைவி மாதவிடாய் காலத்து ஒதுக்கத்தில் இருக்கிறாள், என்பதைக் கூட உணர மறுக்கும் பாலியல் வெறி பிடித்த கணவர்கள் பலர் இந்த சமூகத்தில் இருக்கிறார்கள் என்பதற்கு இந்த நாவலில் வரும் சம்பவம் ஒரு சாட்சி. இது உண்மைச் சம்பவத்தை தழுவி எழுதப் பட்டதாகக் கூட இருக்கலாம். நடு இரவில் குழந்தைகள் தூங்குகிறார்கள் எனும் அசட்டையான நம்பிக்கையாலோ, அல்லது அலட்சியத்தாலோ தகப்பனான ஒரு ஆண் செய்யும் இப்படியான காரியங்கள் நிச்சயமாக மகள்களின் தாம்பத்ய வாழ்வை அல்லது முறையான பாலியல் ஆர்வத்தை திசை மாறச் செய்து விடுகின்றன என்கின்றன மனநலம் சார்ந்த மருத்துவ ஆய்வுகள். 

அது மட்டுமல்ல குழந்தைப் பருவத்தில் தவறாகப் புரிந்து கொள்ளப் படும் பாலியல் நடவடிக்கைகள் திருத்தவோ, மாற்றவோ எவருமில்லாத சூழலில் அப்படியே குழந்தைகள் மனதில் நீடித்து நிலைத்து வளர்ந்து பெரியவர்களாகும் போது சிலருக்கு தாம்பத்யத்தைப் பற்றிய ஒவ்வாமையை அல்லது விருப்பமின்மையை ஏற்படுத்தி விடுகிறது. அதற்கொரு உதாரணம் மானஸாவின் கதை.

வீட்டு மனை பத்திரப் பதிவுக்கு புதிய அரசாணை! முழு விபரம்

Published on : 12th June 2017 01:03 PM  |   

பதிவு துறையில் கடந்த ஆண்டில் மட்டும் ரூ.1,500 கோடி இழப்பு ஏற்பட்டது. நில மதிப்பு குறைந்த நிலையில்கூட நிலங்களுக்கான சந்தை வழிகாட்டி மதிப்பு ஏற்கனவே உயர்த்தப்பட்ட நிலையிலேயே நீடிக்கிறது. எனவே, அதன் அடிப்படையிலேயே பத்திர பதிவு கட்டணமும் உயர்ந்த நிலையிலேயே நீடிக்கிறது.

இந்த கட்டணத்தில் பத்திர பதிவு செய்ய மக்கள் தயங்கியதால் அரசுக்கு வரவேண்டிய வருவாய் வெகுவாக குறைந்தது. எனவே, வழிகாட்டி மதிப்பீட்டுத் தொகையை குறைக்க தமிழக அரசு முடிவு செய்தது. இந்த அமைச்சரவை கூட்டத்தில் நிலங்களுக்கான வழிகாட்டி மதிப்பை 33 சதவீதம் குறைத்து அமைச்சரவை ஒப்புதல் அளித்துள்ளது. இதன்மூலம் பத்திர பதிவு செலவு குறையும் என சொல்லப்படுகிறது.

08.06.2017 நடந்த அமைச்சரவை கூட்டம் முடிந்த பிறகு தமிழக அரசு வெளியிட்டுள்ள செய்தி வெளியீடு எண். 360 நாள் 08.06.2017 செய்திக்குறிப்பில் கூறப்பட்டு இருப்பதாவது:- 

2016-ம் ஆண்டில் நடைபெற்ற சட்டசபை தேர்தலுக்காக வெளியிட்ட தேர்தல் அறிக்கையில் பத்திர பதிவுக்கான வழிகாட்டி மதிப்பு நிர்ணயிக்கும் முறை சீரமைக்கப்படும் என்று மறைந்த முதல்-அமைச்சர் ஜெயலலிதா தெரிவித்திருந்தார்.

இதை கருத்தில்கொண்டு, பதிவுத்துறைத் தலைவர் தலைமையிலான மதிப்பீட்டுக் குழு தற்போது மாநிலத்தில் நடைமுறையில் உள்ள சந்தை மதிப்பு வழிகாட்டியை அனைத்து இனங்களுக்கும் 9.6.2017 முதல் 33 சதவீதம் அளவு குறைத்து ஆணையிட்டுள்ளது.

இந்த சந்தை மதிப்பு வழிகாட்டியை குறைப்பதனால் அரசுக்கு ஏற்படக்கூடிய வருவாய் இழப்பை ஈடுசெய்ய விற்பனை (Conveyance), பரிமாற்றம் (Exchange), தானம் (Gift) மற்றும் குடும்ப உறுப்பினர்கள் அல்லாத நபர்களுக்காக எழுதிக் கொடுக்கப்படும் ஏற்பாடு (Settlement) போன்ற ஆவணங்களுக்கான பதிவு கட்டணத்தை 4 சதவீதமாக நிர்ணயிக்கவும், இப்பதிவு கட்டண உயர்வு 9.6.2017 முதல் அமல்படுத்தவும் அமைச்சரவை முடிவு செய்துள்ளது.

தமிழக அரசு ஆணை சொல்வதென்னெ?

9.6.2017 முதல் 33 சதவீதம் குறைக்கப்பட்ட சந்தை மதிப்பு வழிகாட்டியானது. தமிழகம் முழுவதிலுமுள்ள 50 பதிவு மாவட்டங்களுக்குட்பட்ட அனைத்து கிராம புல எண்கள் மற்றும் தெருக்கள்/நகர்களுக்கு பொருந்தும் வகையில் நடைமுறைப்படுத்தப்படுகிறது. மேலும் 9.06.2017 தேதி முதல் கிரையம், பரிவர்த்தனை, தானம், குடும்ப நபர் அல்லாதவர்களுக்கான ஏற்பாடு ஆகிய நான்கு வகையான தன்மையுடைய ஆவணங்களுக்கு மட்டும் பதிவுக் கட்டணம் 1%-இல் இருந்து 4% ஆக உயர்த்தப்பட்டுள்ளது. இவற்றை ஒருங்கே நடைமுறைப்படுத்த (Simultaneous Implementation) வேண்டிய நடைமுறைகள்:

1.சீரமைக்கப்பட்ட சந்தை மதிப்பு வழிகாட்டி (Market value Guidelines) ஆனது தற்போது 08.06.2017 தேதியில் நடைமுறையில் உள்ள சந்தை மதிப்பு வழிகாட்டியிலிருந்து 33 சதவீதம் குறைக்கப்பட்டு 09.06.2017 தேதி முதல் அமலுக்கு வருகிறது. அதன்படி சீரமைக்கப்பட்ட சதுர மீட்டர் மதிப்பானது 08.06-2017 தேதியில் இணையதளத்தில் உள்ள மதிப்பில் 67% சதவீதம் சதுரமீட்டர் மதிப்பு பொறுத்து Rounded to Next 5 Rupees ஹெக்டேர் மதிப்பு பொறுத்து Rounded to Next 500 Rupees கடைபிடிக்கப்பட வேண்டும்.

2. பதிவு அலுவலர்கள் 09.06.2017 தேதி முதல் பதிவுக்கு தாக்கல் செய்யப்படும் ஆவணங்கள் பொறுத்து சீரமைக்கப்பட்ட சந்தை மதிப்பு வழிகாட்டியினை கடைபிடித்து பதிவுகள் மேற்கொண்டு மதிப்பு குறைவு இருப்பின் உரிய நடவடிக்கை மேற்கொள்ள வேண்டும். பதிவு ஆணை எண்.19136/ப/நாள் 22.04.1998ன் படி ஆவணப்பதிவுகளின் மூலமான உயர்மதிப்புகளை அடுத்துவரும் ஆவணங்களுக்கு கடைபிடிக்க வேண்டிய அவசியம் இல்லை என்ற ஆணை தொடர்ந்து அமலில் இருக்கும்.

3.ஆவண தாக்கல் நாளில் உள்ள வழிகாட்டி மதிப்பிற்கு குறைவான மதிப்பில் பதிவு செய்யப்பட்ட ஆவணங்களுக்கு ஆவணத் தாக்கல் நாளில் உள்ள சந்தை மதிப்பு வழிகாட்டியின் படியே இந்திய முத்திரைத்தாள் சட்டப் பிரிவு 47 A1/A3 நடவடிக்கைகள் மேற்கொள்ளுதல் வேண்டும் 09.06.2017 தேதி, மற்றும் அதற்கு பின்னர் பதிவு செய்யப்படும் ஆவணங்களைப் பொறுத்து 09.06.2017 தேதிக்கு முந்தைய பதிவு புள்ளி விவரங்களை கருத்தில் கொண்டு சார்பதிவாளர்கள் பரிந்துரை செய்வதோ மாவட்ட வருவாய் அலுவலர்/ தனித்துணை ஆட்சியர் (முத்திரை) ஆகியோர் முன் ஆவணப்பதிவுகளை மட்டுமே அடிப்படையாகக் கொண்டு மதிப்பு நிர்ணயம் செய்வதோ தவிர்க்கப்பட வேண்டும்.

4. 04.06.2017 தேதி மற்றும் அதற்குப் பின்னர் பதிவுக்குத் தாக்கல் செய்யப்படும் ஆவணத்தில் கண்ட ஓர் சொத்து பொறுத்து 09.06.2017 தேதிக்கு முன்னர் அதே சொத்து பதிவு செய்யப்பட்ட முன் ஆவணத்தில் கண்ட உயர்மதிப்பு மற்றும் மாவட்ட வருவாய் அலுவலர்/ தனித்துணை ஆட்சியர் (முத்திரை) ஆகியோர் நிர்ணயித்த உயர்மதிப்பின் அடிப்படையில் மதிப்பு குறைவு குறித்து நடவடிக்கை மேற்கொள்ளலாகாது.

5. கட்டிடம் பொறுத்தும் முன் ஆவணப்பதிவில் கண்ட கட்டிட மதிப்பினை கடைபிடிக்க வேண்டும் என பதிவு அலுவலர்கள் ஆவணதாரர்களை நிர்பந்தித்தல் கூடாது. நடைமுறையில் உள்ள பொதுப்பணித்துறை தளவிலைப்பட்டியலில் படியான மதிப்பினை  அனுசரித்தாலே போதுமானது.

6. 08.06.2017 தேதி மற்றும் அதற்கு  முன்னர் பதிவு செய்யப்பட்ட/பதிவுக்குத் தாக்கல் செய்யப்பட்டு மதிப்பு நிர்ணயத்திற்காக நிலுவையிலுள்ள வழக்குகள் பொறுத்தமட்டில் பழைய வழிகாட்டி மதிப்பின் அடிப்படையிலேயே மதிப்பு நிர்ணயம் செய்து அதனடிப்படையில் செயல்பட வேண்டும். அவ்வாறான மனை/மனை பிரிவுகளுக்கு 09.06.2017 தேதி முதல் மதிப்பு 33 சதவீதம் குறைத்து மேலே வரிசை 1-இல் குறிப்பிட்ட நடைமுறைப்படி கடைபிடித்திட வேண்டும்.

7. 09.06.2017 தேதிக்குப் பிறகு தாக்கல் செய்யப்படும் ஆவணங்கள் பொறுத்த மதிப்பு நிர்ணய வழக்குகளுக்கு 09.06.2017 தேதிக்கு முன்னர் உள்ள சம்பந்தப்பட்ட சர்வே எண் மதிப்பினையோ, சுற்றி உள்ள மதிப்பினையோ பதிவு புள்ளி விவரப்படியான உயர்மதிப்பினையோ கருத்தில் கொள்ளுதல் கூடாது. ஆனால், 09.06.2017 தேதிக்குப் பிறகு ஏற்படும் உயர்மதிப்புகளை கருத்தில் கொண்டு  பதிவு சுற்றறிக்கை எண். 01/2014 நாள் 27.01.2014 (கோப்பு எண் 3321/ப/2014 மற்றும் தொடர்புடைடைய பதிவு ஆணைகளைப் பின்பற்றி மதிப்பு நிர்ணயம் செய்யப்பட வேண்டும். 

8. சீரமைக்கப்பட்ட மதிப்பானது இணையதளத்தில் 08.06.2017 தேதியில் கண்டுள்ள மதிப்பிற்கே நடைமுறைப்படுத்தப்பட வேண்டும். ஏற்கனவே முரண்பாடு களையப்பட்டு அல்லது மதிப்பு நிர்ணம் செய்யப்பட்டு அம்மதிப்பு இணையத்தளத்தில் உட்புகுத்த விடுபட்டிருக்கும் நிகழ்வுகளைப் பொறுத்து சார்பதிவாளர்கள் மாவட்ட பதிவாளர் வழி துணை பதிவுத் துறை தலைவர் ஆணையை பெற்று சீரமைக்கப்பட்ட மதிப்பு விவரத்தினை பதித்துறைத்தலைவடுக்கு தெரிவிக்கும் நிலைலையில் இணையதளத்தில் உரிய மதிப்பு மாற்றம் செய்யப்படும்.

9. முன் ஆவணங்களில் கண்ட மதிப்புகளை கருத்தில் கொள்ளக் கூடாது எனினும் ஓர் சொத்து பொறூத்து உடன்படிக்கை அமுலில் இருந்தால் அம்மதிப்பு சீரமைக்கப்பட்டுள்ள மதிப்பை விட கூடுதலாக இருக்கும்பட்சத்தில் உடன்படிக்கை ஆவணத்தில் கண்ட மதிப்பையே சந்தை மதிப்பாகக் கருத்தில் கொண்டு பதிவு அலுவலர்கள் செயல்பட வேண்டும். ஆனால், சீரமைக்கப்பட்ட சந்தை மதிப்பு வழிகாட்டி மதிப்பு நடைமுறைக்கு வந்த தேதிக்கு முன்னரோ பின்னரோ உடன்படிக்கை ஆவணம் ரத்து செய்யப்பட்டிருப்பின், ரத்து செய்யப்பட்ட உடன்படிக்கை ஆவணத்தில் கண்ட மதிப்பினை அதே ஆவணதாரர்களாக இருப்பின், கடைபிடித்திட நிர்பதித்தல் கூடாது.

 10. சந்தை மதிப்பு வழிகாட்டி 33 சதவீதம் குறைக்கப்பட்டதைத் தொடர்ந்து கிரையம்(Conveyance), பரிவர்த்தனை(Exchange) தானம் (Gift), மற்றும் குடும்ப நபர் அல்லாதவர்களுக்கிடையேயான ஏற்பாடு( Settlement in Favour of Non Family Members) [Articles 23, 31, 33 and 58 (a)(ii) of Schedule I of the Indian Stamp Act, 1899] ஆவணங்களுக்கு மட்டும் பதிவுக் கட்டணம் 1 சதவீதத்திலிருந்து 4 சதவீதமாக பார்வை 2-இல்  கண்ட அரசாணையின்படி உயர்த்தப்பட்டுள்ளதை பதிவு அலுவலர்கள் கருத்தில் கொண்டு செயல்பட அறிவுறுத்தப்படுகிறது.

11. மேலும் குறைக்கப்பட்ட சந்தை மதிப்பு வழிகாட்டியானது 9.6.2017 முதல் (பத்தி 9க்குட்பட்டு) பதிவுக்கு தாக்கல் ஆகும் அனைத்து வகையான ஆவணங்களுக்கும் பொருந்தும், 1%-இல் இருந்து 4% ஆக உயர்த்தப்பட்ட பதிவுக் கட்டணமானது பத்தி 11-இல் கூறப்பட்டுள்ள நான்கு வகையான தன்மையுடைய ஆவணங்களுக்கு மட்டுமே பொருந்தும். 

12. மேற்சொன்ன நடைமுறைக்குட்பட்டு மாவட்டப் பதிவாளர்கள் தங்களது தணிக்கை பணியினை மேற்கொள்ள அறிவுறுத்தப்படுகிறது.

13. இச்சுற்றறிக்கையின் 1 முதல் 12 வரையிலான நெறிமுறைகளை பொதுமக்கள் அறியும் வண்ணம் தங்களது எல்லைகுட்பட்ட சார்பதிவகங்கள், மாவட்டப்பதிவாளர் அலுவலகம், துணைபதிவுத்துறைத் தலைவர் அலுவலகம், மாவட்ட வருவாய் அலுவலர்/தனித்துணை ஆட்சியர் (முத்திரை) அலுவலகங்களில் பதாதைகள் (Flex Board) மூலம் நன்கு விளம்பரப்படுத்தப்படுவதை மாவட்டப்பதிவாளர்கள்/துணைப்பதிவுத் துறைத்தலைவர்கள் ஆகியோர் உறுதி செய்திடல் வேண்டும்.

14. பதிவு பொதுமக்களின் நலனை கருத்தில் கொண்டு சீரமைக்கப்பட்ட வழிகாட்டி மதிப்பு நடைமுறைக்கு வரும் 09.36.2017 தேதி முதல் 13.06.2017 வரையிலான ஆவணப் பதிவுகளுக்கு சார்பதிவாளர்கள் முத்திரை தீர்வை மற்றும் பதிவுக்கட்டணங்கள் உச்சவரம்பின்றி ரொக்கமாகவும் வசூலிக்கலாம் என அறிவிக்கப்படுகிறது.

பத்திரப்பதிவு மூலம் அரசுக்கு, ஆண்டுக்கு ரூ.8 ஆயிரம் கோடி வருவாய் கிடைக்கிறது. தற்போது, வழிகாட்டி மதிப்பை 33 சதவீதம் குறைப்பதன் மூலம் ரூ.900 கோடி வரை வருவாய் இழப்பு ஏற்படும் என்று கூறப்படுகிறது. அதே நேரத்தில், ஆவணங்களுக்கான பதிவு கட்டணத்தை ஒரு சதவீதத்தில் இருந்து 4 சதவீதமாக உயர்த்துவதன் மூலம் அரசுக்கு ஏற்படும் வருவாய் இழப்பை ஈடுசெய்ய முடியும் என்றும் கூறப்படுகிறது.

C.P.சரவணன், வழக்கறிஞர்
செல்பேசி எண் - 9840052475

சென்னையில் 102 டிகிரி வெயில்

By DIN  |   Published on : 13th June 2017 04:51 AM  |   

தமிழகத்தில் 5 இடங்களில் திங்கள்கிழமை (ஜூன் 12) 100 டிகிரிக்கும் அதிகமாக வெயில் பதிவானது.

தமிழகத்திலேயே சென்னையில் அதிகபட்சமாக 102 டிகிரி வெயில் திங்கள்கிழமை பதிவானது. மதுரை, கடலூர், திருச்சியில் 101 டிகிரி, திருத்தணியில் 100 டிகிரி வெயில் பதிவானது. புதுச்சேரியிலும் 100 டிகிரி வெயில் பதிவானது.

மழை: வால்பாறையில் 14.4 மி.மீ மழையும் உதகையில் 1.6 மி.மீ. மழையும் பெய்துள்ளது. அடுத்த 24 மணிநேரத்தில் தமிழகம், புதுச்சேரியில் ஒருசில இடங்களில் மழையோ அல்லது இடியுடன்கூடிய மழையோ பெய்யக்கூடும் என்று வானிலை ஆராய்ச்சி மையம் தெரிவித்துள்ளது.
வெயில் நிலவரம்
(ஃபாரன்ஹீட்டில்):
சென்னை 102
திருச்சி, மதுரை,
கடலூர் 101
திருத்தணி 100
புதுச்சேரி 100

வேண்டாமே மோதல்!

By ஆசிரியர்  |   Published on : 12th June 2017 02:05 AM  |   

அதிகார மையங்களில் மோதல் ஏற்படுவது நிர்வாகத்திற்கு நல்லதல்ல. அரசின் செயல்பாடுகள் ஸ்தம்பித்து விடுவதால், மக்கள் நலத் திட்டங்கள் மட்டுமல்ல, அன்றாட அலுவல்கள்கூட முடங்கிவிடும். நோக்கம் நல்லதாகவே இருந்தாலும், அதை எட்டுவதற்குக் கடைப்பிடிக்கும் வழிமுறைகள் அனைவரையும் அரவணைத்துப் போவதாக இருக்க வேண்டுமே தவிர, தேவையில்லாத மனக்கசப்பையும் மோதலையும் உருவாக்குமானால், நோக்கம் பழுதுபடும்.
யூனியன் பிரதேசமான புதுச்சேரியில், தில்லியைப் போலவே துணைநிலை ஆளுநருக்குக் கூடுதல் அதிகாரங்கள் வழங்கப்பட்டிருக்கின்றன என்பது உண்மை. அதற்காக, மக்களால் தேர்ந்தெடுக்கப்பட்ட அரசும், அமைச்சரவையும் தனது கட்டளைக்குக் கீழ்
படிந்து நடக்க வேண்டும் என்று எதிர்பார்ப்பது எந்தவிதத்திலும் நியாயமே இல்லை. கிரண் பேடி புதுச்சேரி மாநிலத்தின் துணைநிலை ஆளுநராக நியமிக்கப்பட்டது முதலே, ஆட்சி அதிகாரம் முழுவதையும் தானே வழிநடத்துவது என்கிற நோக்கத்தில் செயல்படத் தொடங்கியது வேதனைக்குரியது.
புதுச்சேரி மாநிலத்தின் நிர்வாக நடைமுறைச் சட்ட விதி 21(5)இன் கீழ், எந்தத் துறையைச் சேர்ந்த, எந்தக் கோப்பாக இருந்தாலும் அதைக் கேட்டுப் பெறும் உரிமை துணைநிலை ஆளுநருக்கு உண்டு. அந்தத் துறை சார்ந்த செயலாளர், துணைநிலை ஆளு
நரால் கோரப்பட்ட கோப்பை அனுப்பித் தரவேண்டும் என்பதும், அப்படி அனுப்பியிருப்பதைத் தொடர்புடைய அமைச்சருக்குத் தெரிவிக்க வேண்டும் என்பதும்தான் விதி.
சில முக்கிய பிரச்னைகளில் துணைநிலை ஆளுநர் இதுபோன்று கோப்புகளைக் கோருவதும், அதை அமைச்சரின் ஒப்புதலுடன் செயலாளர்கள் அனுப்பி வைப்பதும் புதிதொன்றுமல்ல. ஆனால், அன்றாட அலுவல் தொடர்பான கோப்புகளை எல்லாம் துணைநிலை ஆளுநர் கோரத் தொடங்கியபோதுதான் பிரச்னை எழுந்தது. கோப்புகளில் இறுதி முடிவு எடுக்கப்படுவதற்கு முன்னால், அந்தக் கோப்புகளை துணைநிலை ஆளுநர் கோருவதை முதல்வர் நாராயணசாமி ஏற்றுக்கொள்ள மறுத்ததில் வியப்பொன்றும் இல்லை.
கோப்புகளில் துறை சார்ந்த அதிகாரிகள், செயலர், தலைமைச் செயலர், சம்பந்தப்பட்ட அமைச்சர், முதல்வர் என்று பல கட்டக் குறிப்புகள் பரிமாற்றம் நடைபெறும். இறுதி முடிவு எட்டப்பட்ட பிறகு அந்தக் கோப்புகளை துணைநிலை ஆளுநருக்கு அனுப்பித் தருவதில் எந்தவிதப் பிரச்னையும் இல்லை என்பதும், குறிப்புப் பரிமாற்றங்களுக்கு இடையில் கோப்புகளைத் துணைநிலை ஆளுநர் கோரும்போது, நிர்வாக இயந்திரம் ஸ்தம்பிக்கிறது என்றும் முதல்வர் நாராயணசாமி கூறுவதில் நியாயம் இருக்கிறது.
புதுச்சேரி மாநிலத்தின் துணைநிலை ஆளுநராக கிரண் பேடி பதவி ஏற்றவுடன், கட்செவி அஞ்சல் குழு ஒன்றை ஏற்படுத்தினார். இதில், புதுச்சேரி அரசைச் சேர்ந்த எல்லா மூத்த அதிகாரிகளையும் இணைத்துக் கொண்டார். அதில் அமைச்சர்களையோ, சட்டப்பேரவை உறுப்பினர்களையோ சேர்த்துக் கொள்ளவில்லை. துறை சார்ந்த அதிகாரிகளுக்கு கட்செவி அஞ்சலில் உத்தரவு போடுவது, விளக்கம் கேட்பது என்று துணைநிலை ஆளுநர் செயல்படத் தொடங்கியபோது, நிர்வாகத்தில் என்ன நடக்கிறது என்பதே முதல்வருக்கும், அமைச்சரவை சகாக்களுக்கும் தெரியாத நிலைமை ஏற்பட்டது. கட்செவி அஞ்சல் குழு மூலம் நடக்கும் நிர்வாகச் செயல்பாடுகளுக்கு முதல்வர் தடைவிதித்ததைத் தொடர்ந்து, எல்லா அதிகாரிகளும் அந்தக் குழுவிலிருந்து விலகி விட்டனர். இது கிரண்பேடியின் ஆத்திரத்தை அதிகரித்தது.
யூனியன் பிரதேசமான புதுச்சேரியில், துணைநிலை ஆளுநருக்கு நிர்வாக ரீதியிலான பல அதிகாரங்கள் உண்டு. அதைப் பயன்படுத்தி, தேர்தல் வாக்குறுதிகளை நிறைவேற்ற முற்படும்போது, அதற்கு முட்டுக்கட்டை போட கிரண் பேடி முற்படுகிறார் என்பது முதல்வர் தரப்பு முன்வைக்கும் இன்னொரு குற்றச்சாட்டு.
கட்செவி அஞ்சல் குழு ஒன்றை அமைத்துக் கொண்டு சட்டப்பேரவை உறுப்பினர்களின் செயல்பாடுகள் குறித்து தனக்குத் தகவல் தரும்படி மக்களிடம் கேட்க முற்பட்டிருப்பது, கிரண் பேடியின் உச்சகட்ட வரம்பு மீறல். மக்களால் தேர்ந்தெடுக்கப்பட்ட உறுப்பினர்கள் குறித்து, மத்திய அரசால் துணைநிலை ஆளுநராக நியமனம் செய்யப்பட்ட ஒருவர் கருத்துக் கேட்பது, அவர்களது செயல்பாடுகள் குறித்து விசாரிக்க முற்படுவது போன்ற செயல்பாடுகள் ஜனநாயக முரண் மட்டுமல்ல, அதிகார வரம்பு மீறலுமாகும் என்று சட்டப்பேரவை உறுப்பினர்கள் குமுறுகிறார்கள்.
துணைநிலை ஆளுநர் கிரண் பேடி, முதல்வரையும், அமைச்சரவை சகாக்களையும் தன்னுடன் இணைத்துக்கொண்டு, அவர்கள் மூலம் தனது ஆலோசனைகளை நடைமுறைப்படுத்த முற்பட்டிருந்தால் அது வரவேற்புக்குரிய ஒன்று. தன்னை முன்னிலைப்படுத்திக் கொள்ள வேண்டும் என்பதற்காகவும், தன்னைத் தவிர ஏனைய அரசியல்வாதிகளும், அதிகாரிகளும் லஞ்ச ஊழல் பேர்வழிகள் என்று தரம் தாழ்த்துவதற்கும் தனது பதவியைப் பயன்படுத்த கிரண் பேடி முற்பட்டிருப்பது தவறான அணுகுமுறை.
முதல்வர் வேட்பாளராக அறிவிக்கப்பட்டும்கூட தன்னால் தில்லி சட்டப்பேரவைக்கான தேர்தலில் வெற்றிபெற முடியவில்லை என்பதைத் துணைநிலை ஆளுநர் கிரண் பேடி சிந்தித்துப் பார்த்துக் கொள்வது நல்லது. நாராயணசாமி தலைமையிலான அரசு ஊழலரசு, நிர்வாகம் சீர்கெட்டுவிட்டது என்று துணைநிலை ஆளுநர் கருதினால் அதைக் கலைக்கப் பரிந்துரைக்கலாம். அதைவிட்டுவிட்டு, மக்களால் தேர்ந்தெடுக்கப்பட்ட அரசின் அன்றாட நிர்வாகத்தில் தலையிடுவதும், தானே நிர்வாகத்தை நடத்த முற்படுவதும் ஜனநாயகத்தின்பாற்பட்டதல்ல.

யானைகளுக்கும் உரிமையுண்டு!

By ஆசிரியர்  |   Published on : 13th June 2017 05:46 AM  |   

 கடந்த பத்து நாள்களில் மூன்று வெவ்வேறு நிகழ்வுகளில், யானை தாக்கி மனிதர்கள் கொல்லப்படுவதும், யானைகள் அடிபட்டுச் சாவதும் நிகழ்ந்திருக்கின்றன. இப்போதெல்லாம், இது கோவை, நீலகிரி மாவட்டங்களில் தொடர்கதையாக மாறிவிட்டிருக்கிறது. கடந்த இரண்டு ஆண்டுகளில் ஏறத்தாழ 40 வனவிலங்குகள் கொல்லப்பட்டிருக்கின்றன. அதில் பெரும்பாலானவை யானைகள். அதேபோல, யானைகளும், புலி, சிறுத்தைகளும் ஊருக்குள் நுழைவதும் மனிதர்களைத் தாக்குவதும்கூட அதிகரித்த வண்ணம் இருக்கின்றன.

கடந்த வாரம், கோவையை ஒட்டிய மதுக்கரை வனச்சரகத்துக்கு உட்பட்ட பகுதியில் ஆண் யானை ஒன்று அடிக்கடி குடியிருப்புப் பகுதியில் நுழைந்து வந்தது. வரும் பாதையில் உள்ள பயிர்களையும், பொருள்களையும் அழித்து வந்த அந்த யானையைத் துரத்த முயன்ற இரண்டு காவலர்கள் தாக்கப்பட்டனர். மதுக்கரை சிமென்ட் தொழிற்சாலை குடியிருப்புப் பகுதி, கணேசபுரம் பகுதி என்று வெறித்தனத்துடன் நுழைந்த அந்த யானை, அங்கே தெருவில் தூங்கிக் கொண்டிருந்த நான்கு பேரைத் தாக்கிக் கொன்று விட்ட சம்பவத்தால் இப்போதும் அந்தப் பகுதியில் பீதி தொடர்கிறது.
கோவை வனக் கோட்டத்தில் இந்த ஆண்டில் மட்டும் இதுவரை பத்து பேர் உயிரிழந்திருக்கிறார்கள். நீலகிரி மாவட்டத்தில் கடந்த இரண்டு ஆண்டுகளில் 36 பேருக்கும் அதிகமானோர் வன விலங்குகளால் தாக்கப்பட்டு, உயிரிழந்திருக்கிறார்கள். இவற்றில் பெரும்பாலானவை, யானைகள் தாக்கியதால் ஏற்பட்ட மரணங்கள்.
மிக அதிகமாக ஆசிய யானைகள் காணப்படுவது இந்தியாவில்தான். ஏறத்தாழ 30,000 யானைகள் இந்தியாவில் இருப்பதாகக் கூறப்படுகிறது. யானைகளின் எண்ணிக்கை அதிகரித்து வருவதாக ஒரு புள்ளிவிவரம் தெரிவிக்கிறது என்றால், யானைகள் கொல்லப்படுவதும், ஊருக்குள் நுழைந்து மனிதர்கள் யானைகளால் தாக்கப்படுவதும் இன்னொருபுறம் அதிகரித்து வருகிறது.
மத்திய சுற்றுச்சூழல் மற்றும் வனத்துறை அமைத்த யானைகள் பாதுகாப்புக் குழு, 2010-இல் ஓர் அறிக்கையைச் சமர்ப்பித்திருக்கிறது. அதன்படி, 1987 முதல் 2010 வரையிலான காலகட்டத்தில் 150 யானைகள் கொல்லப்பட்டிருப்பதாகத் தெரிகிறது. 2010க்குப் பிறகு கடந்த ஆறு ஆண்டுகளில் குறைந்தது 60 முதல் 70 யானைகள் கொல்லப்பட்டிருக்கலாம் என்று தனியார் புள்ளிவிவரம் ஒன்று தெரிவிக்கிறது.
யானைகள் கொல்லப்படுவதற்கு முக்கிய காரணம், அவற்றின் எல்லைக்குள்ளும், அவை நடமாடும் பகுதிகள் வழியாகவும் ரயில் பாதைகளும், சாலைகளும் உருவாக்கப்படுவதுதான் என்கிறார்கள் இயற்கை ஆர்வலர்கள். யானைகள் சாலை விபத்தில் மரணமடைவதைவிட, ரயில் மோதி மரணமடைவதுதான் அதிகமாக இருக்கிறது.
உச்சநீதிமன்றத்தில் தொடுக்கப்பட்ட பொதுநல வழக்கொன்றில், மத்திய, மாநில அரசுகள் இதுகுறித்து என்ன நடவடிக்கைகள் எடுத்திருக்கின்றன என்று நீதிபதிகள் கண்டனம் தெரிவித்திருக்கிறார்கள். யானைகள் அதிகம் காணப்படும் ஒடிஸா, மேற்கு வங்கம், அஸ்ஸாம், உத்தரகண்ட், ஜார்க்கண்ட், கேரளம், கர்நாடகம், தமிழ்நாடு, மத்தியப் பிரதேசம், உத்தரப் பிரதேசம் போன்ற மாநிலங்கள், ரயில் தண்டவாளங்களில் சிக்கி அல்லது ரயில் மோதி மரணமடையும் யானைகள் பிரச்னைக்கு என்ன தீர்வு காணப்போகின்றன என்கிற உச்சநீதிமன்றத்தின் கேள்விக்கு இதுவரை மத்திய, மாநில அரசுகள் விடை கண்டுபிடித்ததாகத் தெரியவில்லை.
நகரமயமாக்கலின் விளைவால், வனப் பகுதிகள் ஆக்கிரமிப்புக்கு உள்ளாவது மட்டுமல்ல, பெரிய பெரிய தோட்டங்கள் அமைக்கப்பட்டு, அவற்றைச் சுற்றி பெரிய சுற்றுச்சுவர், மின் வேலிகள் என்று அமைக்கப்படும்போது, யானைகளின் நடமாட்டமுள்ள வழித்தடங்கள் அடைபட்டு விடுகின்றன. தங்களது வழித்தடங்கள் அடைபடுவதாலும், தாங்கள் உயிர் வாழ்வதற்கான வனப்பகுதிகள் சுருங்கிவிட்டதாலும்தான் யானைகள் ஊருக்குள் புகுவது அதிகரித்திருக்கிறது என்பதைச் சொல்லித் தெரிய வேண்டியதில்லை. யானைகளின் வழித்தடங்களில் ஊரக சாலைகளும், ரயில் பாதைகளும் அமைக்கப்படுவதும், ரயில் மோதி யானைகள் மரணமடைவது அதிகரித்திருப்பதற்குக் காரணம்.
உத்தரகண்டிலுள்ள ராஜாஜி தேசிய வனவிலங்குப் பூங்காவில் சில முன்னெச்சரிக்கை நடவடிக்கைகள் மேற்கொள்ளப்பட்டதால், யானைகள் ரயில் தண்டவாளத்தில் அடிபட்டு உயிரிழப்பது இப்போது முற்றிலுமாகத் தடுக்கப்பட்டிருக்கிறது. ரயில் தண்டவாளம் அருகில், யானைகளுக்கு உணவு, தண்ணீர் ஆகியவை கிடைக்காமல் செய்வது, அவற்றின் உணவு, தண்ணீர்த் தேவைகளைக் காட்டிற்குள் உறுதிப்படுத்துவது, ரயில் ஓட்டுநர்களுக்கு யானைகள் அதிகம் காணப்படும் பகுதிகளில் எப்படி எச்சரிக்கையாகச் செல்ல வேண்டும் என்று பயிற்சி அளிப்பது உள்ளிட்ட முயற்சிகள் பயனளித்திருக்கின்றன.
இப்போதே நூறு பெண் யானைகளுக்கு ஒரு ஆண் யானை என்கிற அளவில்தான் இருப்பதாகத் தெரிகிறது. இப்படி ஆண்டொன்றுக்கு நூறுக்கும் அதிகமான யானைகள் கொல்லப்படுவது தொடர்ந்தால், இந்தியாவில் இருக்கும் 30,000 யானைகள் 3,000 யானைகளாகச் சுருங்கி விடுவது தவிர்க்க முடியாதது. யானைகள் கூட்டம் கூட்டமாக வாழும் விலங்கினம். அவற்றின் வாழ்வாதாரம் அழிக்கப்படாமலும், வழித்தடங்கள் அடைக்கப்படாமலும் இருந்தால், அவையும் வாழும்; நம்மையும் வாழ விடும். அதற்கு, அவற்றின் தடையில்லாத நடமாட்டம் உறுதிப்படுத்தப்பட வேண்டும்.
நமது சரித்திரத்திலும், மத நம்பிக்கைகளிலும் பண்பாட்டிலும், கலை இலக்கியங்களிலும் யானைகளுக்குப் பெரும் பங்குண்டு. அவை அழிந்துவிடாமலும், அச்சுறுத்தப்படாமலும் அவற்றின் வாழ்வாதாரங்கள் அழிக்கப்படாமலும் பாதுகாப்பது நமது கடமை!

ஆபத்தில்லா வாகனம்

By இரா. இராஜாராம்  |   Published on : 13th June 2017 01:39 AM  |  

இருசக்கர மோட்டார் வாகனங்கள் பெருகி வருகின்ற இந்தக் காலகட்டத்தில் நாம் சைக்கிள் குறித்து சற்றே சிந்திக்க வேண்டியவர்களாக இருக்கிறோம். சைக்கிள் மனித சக்தியால் இயங்குவதால் ஓட்டுபவருக்குப் பயிற்சியும் அதன் மூலம் நல்ல உடல் நலமும் கிடைக்க ஏதுவாகிறது.
சைக்கிளில் புகை இல்லை, சப்தம் இல்லை, எரிபொருள் தேவை இல்லை, சுற்றுச்சூழலை மாசு படுத்தாது, பராமரிப்பது எளிது, கையாள்வதும் எளிது, விபத்துகளும் குறைவு. இன்னும் எத்தனையோ நன்மைகளைப் பட்டியலிடலாம்.
தற்காலத்தில் நகரங்களில் மட்டுமின்றி, கிராமப்புறங்களிலும் ஒருவரைப் பார்த்து ஒருவர் புதிது புதிதாக இருசக்கர மோட்டார் வாகனங்களை வாங்கி ஓட்டி அழகு பார்க்கின்றனர். இயந்திரத்தில் இயங்குவதால் தேவையின்றி அதனை எடுத்துக் கொண்டு நண்பர்களுடன் சுற்றுகின்ற நிலையையும் காண முடிகிறது. எவ்வளவு விலை உயர்ந்த வாகனமாயினும் எரிபொருள் இன்றி ஓடுமா? ஓட்டத்தான் முடியுமா?
இருசக்கர மோட்டார் வாகனமே ஓட்டிப் பழகியவர்களுக்கு சைக்கிள் ஓட்டுவதென்பது முதலில் சற்று கடினமாகத்தான் இருக்கும். சைக்கிள் ஓட்டுவதைப் பழக்கமாக்கினால் படிப்படியாக எளிதாகி புதுத்தெம்பும், புத்துணர்வும் நிச்சயமாகக் கிடைக்கும்.
வகை வகையான இருசக்கர மோட்டார் வாகனங்களை ஓட்டுவதென்பது அந்தஸ்தின் அடையாளம் என நினைப்பது மிகப்பெரிய அறியாமை.
தற்காலத்தில் அனைத்தும் இயந்திரமாகி உடலுக்கு எந்தப் பயிற்சியுமே இல்லாத சூழ்நிலையில் உடல் நோயுற்று, நலிவுற்ற பின், மருத்துவர்களின் ஆலோசனைக்குப் பிறகே நடைப்பயிற்சி மேற்கொள்வதையும், சைக்கிளில் பயணிப்பதையும் பழக்கமாக்குகின்றனர்.
மிகச் சிறு வயதிலேயே ஓட்டுநர் உரிமம்கூடப் பெறாமல் எத்தனையோ பேர் இருசக்கர வாகனங்களில் அளவுக்கதிகமான வேகத்தில் சென்று அடிக்கடி விபத்துக்குள்ளாவதையும் அன்றாடம் காண்கிறோம்.
பெற்றோரே சைக்கிள் ஓட்டுவதைப் பழக்கமாக்கி குழந்தைகளுக்கு வழிகாட்டலாம். உலகிலேயே சீன நாட்டில்தான் சைக்கிள் உபயோகிப்போர் அதிக அளவில் இருக்கின்றனர்.
அங்கு சிறுவர்கள், இளைஞர்கள், பெண்கள், வயதானவர்கள் என அனைத்துத் தரப்பினரும் அன்றாடம் பல மைல் தூரம் சைக்கிளில் பயணம் செய்கின்றனர். சைக்கிள் வைத்திருப்பதையும், அதை ஓட்டுவதையும் சீனர்கள் கவுரவமாகக் கருதுகின்றனர்.
உலகிலேயே மகிழ்ச்சியான நாடு என்று டென்மார்க்கைச் சொல்வார்கள். அந்நாட்டு மக்கள் குறைந்த தூரப்பயணத்துக்கு எப்போதும் சைக்கிளைத்தான் பயன்படுத்துகிறார்கள். நெதர்லாந்தில் 99 சதவீதம் பேரிடம் சைக்கிள் இருக்கிறதாம்.
ஜெர்மனி, ஸ்வீடன், நார்வே, பின்லாந்து, ஜப்பான், சுவிட்சர்லாந்து, பெல்ஜியம் ஆகிய நாடுகளில் சைக்கிளை விரும்பி உபயோகிக்கின்றனர்.
உலகிலேயே சைக்கிள் அதிகம் பயன்படுத்தும் முதல் 10 நாடுகள் பட்டியலில் 50 கோடி சைக்கிள்கள் பயன்படுத்தி சீனா முதலிடம் வகிக்கிறது. இந்தியா பத்து நாடுகள் பட்டியலில் இடம் பெறவில்லை.
தமிழக அரசு சில ஆண்டுகளாகப் பள்ளி மாணவ - மாணவியருக்கு இலவசமாக சைக்கிள் வழங்கும் திட்டத்தை அறிமுகப்படுத்திச் செயல்படுத்தி வருகிறது. இது வரவேற்க வேண்டிய நல்ல திட்டம்தான்.
ஆனால் சிறிது தூரம் செல்ல வேண்டி மாணவ - மாணவியர்கூட இலவச பஸ் பாஸைக் கையில் வைத்துக்கொண்டு மணிக்கணக்கில் பேருந்துக்காகக் காத்துக்கிடப்பதையும், பேருந்து வந்ததும் முண்டி அடித்துக்கொண்டு பேருந்தில் ஏறுவதும், கூட்டநெரிசலில் சிக்கித் தவித்து சில நிமிடங்களில் இறங்கி விடுவதும் வழக்கமாகிவிட்டது.
ஐந்து கி.மீட்டருக்கு மேல் சென்று வரும் மாணவர்களுக்கு மட்டுமே பஸ்பாஸ் வழங்கியும், மற்றவர்கள் நடந்தோ அல்லது சைக்கிளில் செல்வதையோ அரசு ஊக்கப்படுத்தலாம்.
ஒரு சில மேலை நாடுகளில் சைக்கிள் உபயோகிப்பதை ஊக்கப்படுத்தும் வகையில் நகரின் பல முக்கியமான இடங்களில் தேவையான அளவு சைக்கிள்களை வாடகைக்கு வைத்திருக்கின்றனர். எடுத்த இடத்திலேயே திரும்பக்கொண்டு போய் விட வேண்டிய அவசியமில்லாமல் அவர்கள் சென்றடைய வேண்டிய இடத்திற்கு அருகிலேயே அந்த சைக்கிளை ஒப்படைத்து உரிய வாடகையைச் செலுத்தி விட்டுச் செல்ல வசதி இருக்கிறதாம்.
அத்துடன் சில நாடுகளில் சைக்கிளில் செல்வோரின் வசதிக்காகச் சாலைகளில் தனிப் பாதையும் ஒதுக்கப்பட்டுள்ளதாம். இந்த மாதிரியான ஏற்பாடுகளை நம் நாட்டிலும் அனைத்து நகர்ப்புறங்களிலும் செயல்படுத்தினால் சுற்றுச்சூழல் மாசுபடுவதிலிருந்து காத்துக்கொள்ளலாம். எரிபொருளையும் மிச்சப்படுத்தலாம்.
அரசாங்கம் சைக்கிள் உற்பத்திக்கு முழுமையான வரிவிலக்கு அளித்து குறைந்த விலையில் சைக்கிள் கிடைக்கச் செய்யலாம். அத்தோடு உற்பத்தியாளர்களும் இலகுவாகவும், விரைவாகவும் செல்லக்கூடிய வகையில் சைக்கிள்களைப் புதிது புதிதாக வடிவமைத்து இளைஞர்கள் விரும்பி வாங்கிப் பயன்படுத்திடச் செய்யலாம்.
இன்சூரன்ஸ், ஓட்டுநர் உரிமம், வாகனப்பதிவு, வாகன ஆயுள்வரி, தலைக்கவசம் இவை எதுவும் இன்றி சிறுவர் முதல் பெரியவர் வரை ஆண்கள் - பெண்கள் என அனைவரும் எளிதாகப் பயன்படுத்திடக் கூடிய சைக்கிள் மனித சமுதாயத்திற்குக் கிடைத்திருக்கும் மிகச்சிறந்த வரமாகும். அதனைப் பயன்படுத்திப் பயன் பெறுவோமாக.

900 ரூபாய்க்கும் குறைவான கட்டணத்தில் விமானத்தில் பறக்கலாம்: இன்டிகோ விமான நிறுவனம் மழைக் கால சலுகை அறிவிப்பு

By DIN  |   Published on : 12th June 2017 08:37 PM  |  

Ads by Kiosked

இன்டிகோ (IndiGo) விமான நிறுவனம் இன்று முதல் மூன்று நாட்களுக்கு மழைக் கால சலுகையாக ரூ.899 க்கு குறிப்பிட்ட பகுதிகளிடையே விமான பயணம் மேற்கொள்ளலாம் என அறிவித்துள்ளது. இதுகுறித்து வெளியிடப்பட்டுள்ள அறிக்கையின்படி

தில்லி-கோவை, கோவா- சென்னை, சென்னை-போர்ட் பிளைர், மும்பை-கோவா, ஜம்மு-அமிர்தசரஸ், தில்லி-உதய்பூர், அகமதாபாத்-மும்பை, ஹைதராபாத்-மும்பை, மற்றும் கொல்கத்தா-அகார்தலா உள்ளிட்ட பகுதிகளுக்கிடையான விமான பயணங்களுக்கு சலுகை விலை அறிவிக்கப்பட்டுள்ளது.

இந்த மூன்று நாட்களுக்குள் முன் பதிவு செய்யும் டிக்கெட்கள் ஜூலை 1 மற்றும் செப்டம்பர் 30 தேதிகளில் செல்லுபடியாகும். மேலும் இந்த சலுகை  கோவா, குவஹாத்தி, ஹைதராபாத், இம்பால், இந்தூர், ஜெய்ப்பூர், ஜம்மு, கொச்சி, கொல்கத்தா, கோழிக்கோடு, லக்னோ, மதுரை, மங்களூர் ஆகிய நகரங்களில் இருந்து அகமதாபாத், அஹ்மதாபாத், அம்ரித்ஸர், பாக்தோக்ரா, பெங்களூரு, புவனேஸ்வர், சண்டிகர், சென்னை, கோவை, டெஹ்ராடூன், டெல்லி, திப்ருகார், , மும்பை, நாக்பூர், பாட்னா, போர்ட் பிளேர், புனே, ராய்பூர், ராஞ்சி, ஸ்ரீநகர், திருவனந்தபுரம், உதய்பூர், வதோதரா, வாரணாசி மற்றும் விசாகப்பட்டினம், ஆகிய இடங்களில் இருந்து புறப்படும் நிறுத்தப்படாத விமானங்களில் செல்லுபடியாகும்.

தில்லி- மும்பை இடையான டிக்கெட் விலை வழக்கமாக ரூ.7000. ஆனால் இந்த ஜூன் மாதம் மட்டும் ரூ. ரூ.2,100 கட்டணத்தில் பயணம் மேற்கொள்ளலாம் என தெரிவிக்கப்பட்டுள்ளது. 

மேலும், கோஏர் (GoAir) விமானசேவை நிறுவனமும் இதேபோன்ற ஆஃபர்களை வழங்குவதாக கூறப்படுகிறது.

வட்டி குறைப்பால் மவுசு இழக்கும் செல்வமகள் சேமிப்புத் திட்டம்

By DIN | Published on : 13th June 2017 03:23 AM





மத்திய அரசால் கொண்டு வரப்பட்ட செல்வமகள் சேமிப்புத் திட்டத்தில் வட்டி விகிதம் குறைக்கப்பட்டதால், அதில் சேருவோர் எண்ணிக்கைக் குறைந்து வருவது தெரியவந்துள்ளது.


பிரதமர் நரேந்திர மோடி தலைமையிலான மத்திய அரசு ஆட்சிக்கு வந்தது முதல், பெண்களின் பாதுகாப்புக்கு பல்வேறு நடவடிக்கைகள் எடுத்து வருகிறது. குறிப்பாக, ஆண்களுக்கு நிகராக பெண்களின் பிறப்பு விகிதம் குறைந்து வருவதைத் தடுக்கும் நோக்கில் செல்வமகள் சேமிப்புத் திட்டம் கடந்த 2015 ஜனவரி மாதம் கொண்டு வரப்பட்டது.

இத்திட்டத்தில் இரண்டு பெண் குழந்தைகள் பயனடைவதோடு, 10 வயதுக்குள்பட்ட பெண் குழந்தைகளுக்கு திட்டத்தில் மாதந்தோறும் குறைந்தபட்சம் ரூ.1,000 செலுத்த முடியும். அதிகபட்சமாக ஒரு பெண் குழந்தைக்கு ஆண்டுக்கு ரூ.1.5 லட்சம் வரையில் சேமிக்க முடியும். தொடர்ந்து 14 ஆண்டுகள் திட்டத்தில் பணம் செலுத்த வேண்டும்.

இத்திட்டத்தில் சேர்ந்தால் வருமான வரியில் விலக்கு அளிக்கப்பட்டிருப்பதோடு, திட்டம் கொண்டு வரப்பட்ட ஆரம்பக் கட்டத்தில் வட்டி விகிதம் அதிகமாக நிர்ணயிக்கப்பட்டது.

இத்திட்டத்தில் இருக்கும் இதுபோன்ற சாதகத்தால் பெண் குழந்தை வைத்துள்ள பெற்றோர்கள், திட்டத்தில் சேர அதிகம் ஆர்வம் காட்டினர். ஆனால் தற்போதய நிதியாண்டின் முதல் காலாண்டில் 8.5 சதவீதமாகவும், அதன் பிறகு 8.4 சதவீதமாகவும் வட்டி குறைக்கப்பட்டதால் இத்திட்டத்தில் சேருவோர் எண்ணிக்கை குறையத் தொடங்கியுள்ளது.

ஒரு தலைமை அலுவலகம், 46 துணை அலுவலகம், 104 பகுதி நேர அலுவலகங்களைக் கொண்ட வேலூர் கோட்டத்தில் செல்வமகள் சேமிப்புத் திட்டம் தொடங்கப்பட்டது முதல், கடந்த 2017 மே மாதம் வரையில் 21,406 பெண் குழந்தைகள் சேர்க்கப்பட்டுள்ளனர்.

இத்திட்டத்தில் வட்டி குறைக்கப்பட்டதோடு, கடனுதவி பெற வாய்ப்பு இல்லை போன்ற காரணங்களால் இதைக் காட்டிலும் அஞ்சலகங்களில் உள்ள மற்ற திட்டங்களில் சேர பலர் ஆர்வம் காட்டுகின்றனர்.

இதுகுறித்து வேலூர் கோட்ட அஞ்சலக கண்காணிப்பாளர் கே.விஜயா கூறியதாவது: பெண் குழந்தைகளுக்கு மிகவும் பாதுகாப்பானத் திட்டமாக வாடிக்கையாளர்கள் கருதியதால், இத்திட்டம் கொண்டு வரப்பட்ட இரண்டு ஆண்டுகளில் அகில இந்திய அளவில் தமிழக அஞ்சல் வட்ட உறுப்பினர்கள் சேர்க்கையில் முதலிடம் பெற்றது.

தற்போது இத்திட்டத்தில் வட்டி குறைக்கப்பட்டதோடு, கடனுதவி பெற இயலாது உள்ளிட்ட காரணங்களால் புதிதாக சேருவோர் எண்ணிக்கைக் குறைந்துள்ளது.

இருப்பினும் பெண் குழந்தைகள் பிறப்பு விகிதத்தை அதிகரிக்கும் நோக்கில் கொண்டு வரப்பட்டிருக்கும் இத்திட்டத்தில் அதிக எண்ணிக்கையில் உறுப்பினர்களைச் சேர்க்க அனைத்து தபால் நிலையங்களிலும் நடவடிக்கை எடுக்கப்பட்டு வருகிறது என்றார்.

One more medical college debarred

By Express News Service  |   Published: 13th June 2017 04:21 AM  |  

CHENNAI: Yet another private medical college in Tamil Nadu was barred from admitting students to MBBS course for two years, robbing 150 medical seats including 50 percent under government quota  from this academic year.

Ponnaiyah Ramajayam Institute of Medical Sciences at Nallur on the East Coast Road is the fifth private medical college in the State to have its approval rescinded, resulting in the loss of 750 seats in all.

A letter, signed by an undersecretary in the Union Health Ministry, said the Ponnaiyah Ramajayam Institute of Medical Sciences, which was granted conditional approval to offer 150 MBBS seats last year, has been debarred from admitting students for 2017-18 and 2018-19 academic years.