ரயில் விபத்துகள். 92 பைசாவுக்கு உங்கள் பயணத்தை காப்பீடு செய்யுங்கள்

ரயில் விபத்துகள். 92 பைசாவுக்கு உங்கள் பயணத்தை காப்பீடு செய்யுங்கள்!

சாலை வழி போக்குவரத்தைக் காட்டிலும் ரயில் பயணம் பாதுகாப்பானது என்று பொது மக்கள் நினைத்துக் கொண்டிருக்கும்போது, நேற்று உத்தரப்பிரதேசத்தில் இந்தூர் - பாட்னா ரயில் தடம் புரண்டு விபத்துக்குள்ளானது, சற்று கலத்தையே ஏற்படுத்தியுள்ளது. இந்திய ரயில்வேயில் கடந்த 15 ஆண்டுகளில் விபத்துகளின் எண்ணிக்கை பல மடங்கு குறைந்திருக்கிறது. இருந்த போதும் கடந்த 5 ஆண்டுகளில் 555 பேர் ரயில் விபத்துகளில் பலியாகியுள்ளனர்.
இந்தூர் - பாட்னா ரயிலைப் போல, தடம் புரள்வதால் ஏற்படும் விபத்துகள் தான் அதிகம். இவையே அதிக சேதத்தையும் ஏற்படுத்துகின்றன. 2010-2011 முதல் 2014-2015 வரையிலான கால கட்டத்தில் நடந்த ரயில் விபத்துகளின் எண்ணிக்கைய, கீழே உள்ள சார்ட்டில் காணலாம்.
ஆதாரம்: Indian Railways, Safety Performance 2014-15
கடந்த 5 ஆண்டுகளில் 300 ரயில்கள் தண்டவாளத்தை விட்டு நிலை தடுமாறு விபத்துக்குள்ளாகியுள்ளன.

கிட்டத்தட்ட 50% ரயில் விபத்துகள் தடம் புரள்வதால் ஏற்படுகின்றன என்பது சார்ட்டில் தெளிவாக காண முடிகிறது. 66 ஆயிரம் கி.மீ ரயில் பாதை ( பூமியின் சுற்றளவை விட ஒன்றரை மடங்கு அதிகம்) கொண்ட பிரம்மாண்ட இந்திய ரயில் தடங்களை சீரமைத்து, தினமும் பயணிக்கும் 2.3 கோடி மக்களின் பாதுகாப்பை உறுதி செய்ய வேண்டிய பொறுப்பு ரயில்வே அதிகாரிகளுக்கும் ஊழியர்களுக்கும் உண்டு. ஆனால், உண்மை நிலை கொஞ்சம் அதிர வைக்கிறது.
கடந்த 5 ஆண்டுகளில் நடந்த ரயில் விபத்துகளில் 261 விபத்துகள் ரயில்வே ஊழியர்களின் கவனக் குறைவால் நடந்துள்ளது. 40% விபத்துகளுக்கு ரயில்வே ஊழியர்களே காரணமாக உள்ளனர்.

இந்த ஆண்டு மே மற்றும் ஆகஸ்ட் மாதங்களில் ரயில்வே அமைச்சகம் சார்பில் அனைத்து ரயில்வே கோட்ட மேலாளர்களுக்கும் வழிகாட்டுதல் கடிதம் ஒன்று அனுப்பப்பட்டுள்ளது. அதில், தொடர்ந்து அதிகரித்து வரும் ரயில் தடம்புரளும் விபத்துகளைக் தவிர்க்க, தண்டவாளங்களை சரி செய்யும் பணிகளை 15 நாட்களுக்கு முழு வீச்சில் நடத்துமாறு ரயில் போக்குவரத்து பாதுகாப்பு அமைப்பு அறிவுறுத்தியிருந்தது. அந்த ஆணை முழுமையாக பின்பற்றியிருந்தால் 133 உயிர்கள் வீணாக பறிபோகாமல் இருந்திருக்கலாம். இதைத்தான் கவனக் குறைவு என்று கூற வேண்டி இருக்கிறது. இதன் விளைவாக சில முக்கிய அதிகாரிகளின் தலைகள் உருளும் என்று நாம் எதிர்பார்க்கலாம்.

இனியாவது மக்களின் பாதுகாப்பான பயணங்களை மேற்கொள்ள ரயில்வே ஊழியர்கள் உறு துணையாக இருப்பார்கள் என்று நம்புவோம்.
இன்னொரு பக்கம் பயணிகளான நாமும் பின்பற்ற வேண்டிய ஒன்று உள்ளது.
ரயில் பயணத்தின்போது எதிர்பாராத அசம்பாவிதங்களால் உயிரிழக்கும், காயமடைவோருக்கு என முன்னெச்சரிக்கையாக காப்பீட்டு திட்டம் ஒன்று செயல்பாட்டில் உள்ளது. ஐ.ஆர்.சி.டி.சி இணையதளத்தில் டிக்கெட் ரிசர்வ் செய்யும்போது, பயணக் காப்பீட்டை எடுத்துக் கொள்ளலாம். இதன் விலை வெறும் 92 பைசா மட்டுமே. அசம்பாவிதம் நடக்கும்பட்சத்தில் உயிரிழ்ந்தோர் குடும்பத்துக்கு 10 லட்சம் ரூபாய் வரையும், காயமடைந்தவர்களுக்கு மருத்துவ செலவாக 7.5 லட்சம் ரூபாய் வரையும் காப்பீட்டுத் தொகையை கிளைம் செய்ய முடியும். இந்த சேவை ஆன்லைனில் டிக்கெட் வாங்கினால் மட்டுமே கிடைக்கும். வெறும் 30% பயணிகள் மட்டுமே இத்திட்டத்தை பயன்படுத்துவதாக கூறப்படுகிறது. விபத்துக்குள்ளான இந்தூர் - பாட்னா ரயிலில் சென்ற 128 பேர் காப்பீடு செய்துள்ளனர். அதில் 78 பேர் மட்டும் விபத்து நடக்கும்போது ரயிலில் இருந்துள்ளனர்.
எதிர்பாராமல் நடப்பது தான் விபத்து. ஆனால் மக்களும் ரயில்வே ஊழியர்களும் விழிப்புடன் இருப்பது அவசியம். அதுதான் நாட்டுக்கும் நல்லது நமக்கும் நல்லது.

- ரெ.சு.வெங்கடேஷ்
இன்ஃபோகிராப்: ஆரிஃப் முகமது, நிஜார் முகமது
Dailyhunt

ரூ.25 லட்சம் செல்லாத நோட்டுகள் கொள்ளை வழக்கில் திடீர் திருப்பம்: வங்கி மேலாளர்கள் உள்பட 5 பேர் அதிரடி கைது

சென்னை,

சென்னையில் ரூ.25 லட்சம் செல்லாத நோட்டுகள் கொள்ளை போன வழக்கில் திடீர் திருப்பமாக வங்கி மேலாளர்கள் உள்பட 5 பேர் அதிரடியாக கைது செய்யப்பட்டனர்.
ரூ.25 லட்சம் கொள்ளை

சென்னை அடையார் சாஸ்திரி நகர் 1-வது அவென்யூவில் ‘ஸ்டேட் பாங்க் ஆப் மைசூர்’ என்ற வங்கி உள்ளது. இந்த வங்கியின் மேலாளராக லோகேஸ்வரராவும், காசாளராக இளங்கோவனும் பணியாற்றி வந்தனர்.

செல்லாத நோட்டுகளை மாற்றி பொதுமக்களுக்கு வினியோகிப்பதற்காக ரிசர்வ் வங்கி இந்த வங்கி கிளைக்கு ரூ.50 லட்சம் மதிப்புள்ள ரூ.2 ஆயிரம், ரூ.100 நோட்டுகளை வழங்கி இருந்தது. ஆனால் ரிசர்வ் வங்கி அனுப்பிய நோட்டுகளை பொதுமக்களுக்கு முறையாக வினியோகிக்காமல் வங்கியின் காசாளர் இளங்கோவன் முறைகேட்டில் ஈடுபட்டதாக தெரிகிறது. தனக்கு தெரிந்த தொழில் அதிபர்கள் பதுக்கி வைத்திருந்த செல்லாத 500, 1,000 ரூபாய் நோட்டுகளை கமிஷன் அடிப்படையில் மாற்றிக் கொடுத்தார்.

அந்த வகையில் ரிசர்வ் வங்கி கொடுத்த ரூ.50 லட்சம் பணத்தில் ரூ.37 லட்சம் அளவுக்கு முறைகேடாக தொழில் அதிபர்களுக்கு மாற்றிக்கொடுத்துள்ளார். முறையாக ஆதார் அட்டை போன்ற ஆவணங்களை வாங்காமல் ரூ.37 லட்சம் பணத்தையும் இளங்கோவன் மாற்றி கொடுத்ததாக கூறப்படுகிறது. வங்கி மேலாளர் லோகேஸ்வரராவ் இந்த முறைகேட்டை கண்டுபிடித்துவிட்டார். இதையடுத்து காசாளர் இளங்கோவன் தனக்கு கிடைத்த கமிஷன் தொகையில் மேலாளர் லோகேஸ்வரராவுக்கும் பங்கு கொடுத்து சரிக்கட்டி உள்ளார்.

குறுக்கு வழி

முறைகேடாக மாற்றி கொடுத்த ரூ.37 லட்சம் பணத்தையும் வங்கியில் மீண்டும் திருப்பி வைப்பதற்கு மேலாளர் லோகேஸ்வரராவும், காசாளர் இளங்கோவனும் திட்டம் தீட்டினார்கள்.

இளங்கோவன் தனிப்பட்ட முறையில் தன்னுடைய காரை ஓட்டுவதற்காக சக்திவேல் என்ற டிரைவரை பணியில் அமர்த்தி இருந்தார். முறைகேடாக கொடுக்கப்பட்ட ரூ.37 லட்சம் பணத்தில், ரூ.25 லட்சம் பணத்தை வங்கியில் திருப்பி வைப்பதற்கு முதற்கட்டமாக முடிவு செய்தனர்.

தொழில் அதிபர்களிடம் வாங்கிய செல்லாத ரூ.25 லட்சம் மதிப்பிலான 1,000 ரூபாய் நோட்டுகளை குறுக்கு வழியில் மாற்றுவதற்கு டிரைவர் சக்திவேல் உதவி செய்வதாக கூறினார். தனியார் வங்கியில் மேலாளராக வேலை பார்க்கும் முகேஷ் என்பவரும், ஊழியர் மணிகண்டன் என்பவரும் செல்லாத ரூ.25 லட்சம் பணத்தை மாற்றுவதற்கு உதவி செய்வார்கள் என்று சக்திவேல் தெரிவித்தார்.

முகேசும், மணிகண்டனும் பல்லாவரத்தில் உள்ள ராணுவ மைதானத்துக்கு ரூ.25 லட்சம் பணத்தை கொண்டு வந்தால், அவற்றிற்கு ரூ.2 ஆயிரம் நல்ல நோட்டுகள் தருவதாக கூறினார்கள்.

ரூ.25 லட்சத்தையும் நல்ல நோட்டுகளாக மாற்றிக்கொடுக்க ரூ.4 லட்சம் கமிஷன் கேட்டுள்ளனர். கமிஷன் தொகை தருவதற்கு ஒப்பு கொள்ளப்பட்டது.

திட்டப்படி கடந்த வெள்ளிக்கிழமை இரவு இளங்கோவன் தனது காரில் ரூ.25 லட்சம் மதிப்புள்ள செல்லாத 1,000 ரூபாய் நோட்டுகளை எடுத்து சென்றார். சக்திவேல் காரை ஓட்டினார். அவர்கள் பல்லாவரம் ராணுவ மைதானத்தில் ரூ.25 லட்சம் பணத்துடன் காத்திருந்தார்கள்.

கொள்ளை

அப்போது அங்கு இன்னொரு காரில் வந்த 4 மர்ம நபர்கள் கத்தியை காட்டி மிரட்டி இளங்கோவன் வைத்திருந்த ரூ.25 லட்சம் பணத்தையும் கொள்ளையடித்து சென்றுவிட்டனர்.

முறைகேடாக மாற்றுவதற்கு முயற்சித்த ரூ.25 லட்சம் பணமும் கொள்ளைப் போனதால் இளங்கோவன் கடும் அதிர்ச்சியடைந்தார். உடனடியாக இது பற்றி மேலாளர் லோகேஸ்வரராவுக்கு தகவல் கொடுத்தார். இரவோடு, இரவாக சாஸ்திரி நகரில் உள்ள தங்களது வங்கியின் கிளை அலுவலகத்துக்கு இளங்கோவனும், லோகேஸ்வரராவும் வந்தனர். அடுத்தக்கட்டமாக என்ன செய்வது என்று யோசித்தப்படி இருந்தனர். டிரைவர் சக்திவேல் வங்கியின் வெளியே நின்றுக்கொண்டிருந்தார். அப்போது அந்த வழியாக சாஸ்திரிநகர் போலீஸ் இன்ஸ்பெக்டர் சிவகுமார் ரோந்து வந்தார். அவர் சக்திவேலை பிடித்து விசாரித்தார். வங்கி அலுவலகத்துக்குள் சந்தேகத்துக்கிடமாக இருந்த லோகேஸ்வரராவ் மற்றும் இளங்கோவனிடம் விசாரணை மேற்கொண்டார். அப்போது ரூ.25 லட்சம் செல்லாத நோட்டுகள் கொள்ளைப் போன விஷயம் போலீசாருக்கு தெரிய வந்தது. இதுபற்றி போலீஸ் உயர் அதிகாரிகளுக்கு தகவல் கொடுக்கப்பட்டது.

கமிஷனர் உத்தரவு

ரூ.25 லட்சம் பணத்தை கொள்ளையடித்து சென்றவர்களை கைது செய்ய போலீஸ் கமிஷனர் ஜார்ஜ் உத்தரவிட்டார். அதன்பேரில் கூடுதல் கமிஷனர் சங்கர், இணை கமிஷனர் அன்பு ஆகியோர் மேற்பார்வையில் உதவி கமிஷனர் அசோகன் தலைமையில் இன்ஸ்பெக்டர்கள் சிவகுமார், செல்லப்பா, ஆனந்த் பாபு ஆகியோர் அடங்கிய 3 தனிப்படைகள் கொள்ளையர்களை பிடிக்க களத்தில் இறக்கப்பட்டனர்.

பணத்தை கொள்ளையடித்து சென்ற கும்பலுக்கு தலைவனாக பல்லாவரத்தை சேர்ந்த ராஜேஷ் என்பவர் செயல்பட்டது தெரிய வந்தது. ராஜேஷ் திருச்சிக்கு தப்பி ஓடி விட்டதாக தெரிய வருகிறது. அவரையும், அவரது கூட்டாளிகள் 3 பேரையும் பிடிக்க தனிப்படை போலீசார் திருச்சி விரைந்தனர்.

வங்கி ஊழியர்கள் கைது

இதற்கிடையில் பொதுமக்களுக்கு வினியோகிக்க வேண்டிய பணத்தை முறைகேடாக தொழில் அதிபர்களுக்கு மாற்றிக்கொடுத்து சட்ட விரோத செயலில் ஈடுபட்ட வங்கி மேலாளர் லோகேஸ்வரராவ், காசாளர் இளங்கோவன், அவரது டிரைவர் சக்திவேல், தனியார் வங்கி மேலாளர் முகேஷ், ஊழியர் மணிகண்டன் ஆகிய 5 பேரும் நேற்று அதிரடியாக கைது செய்யப்பட்டனர்.

போலீசாரின் நடவடிக்கை இந்த வழக்கில் திடீர் திருப்பத்தை ஏற்படுத்தியது. ஏற்கனவே செல்லாத நோட்டுகளை மாற்றுவதற்கு வங்கி ஊழியர்கள் கமிஷன் பெற்றுக்கொண்டு முறைகேட்டில் ஈடுபடுவதாக ஏராளமான புகார்கள் வந்தன.

இந்த வழக்கின் மூலம் வங்கி ஊழியர்கள் முறைகேடாக செயல்படுவது உறுதிப்படுத்தப்பட்டுள்ளது. கைதான 5 பேரும் நேற்று மாலை கோர்ட்டில் ஆஜர்படுத்தப்பட்டனர். நீதிமன்ற காவலில் அவர்கள் சிறைக்கு அனுப்பப்பட்டதாக போலீசார் தெரிவித்தனர்.

முகத்தை மூடியபடி...

கைதான 5 பேரையும் சாஸ்திரிநகர் போலீஸ் நிலையத்தில் வைத்து விசாரணை நடத்தப்பட்டது. அவர்களை படம் பிடிப்பதற்காக சாஸ்திரிநகர் போலீஸ் நிலையத்துக்கு வெளியே ஏராளமான புகைப்படக்காரர்கள் கூடி நின்றனர். ஆனால் படம் எடுக்க விடாதபடி கைதானவர்களின் முகத்தை மூடியபடி போலீசார் ஜீப்பில் ஏற்றினார்கள். அடையாள அணிவகுப்பு நடத்த வேண்டி இருப்பதாலும், மேலும் பணத்தை கொள்ளையடித்த 4 பேரையும் கைது செய்ய வேண்டி இருப்பதாலும் புகைப்படம் எடுக்க அனுமதிக்கவில்லை என்று போலீசார் கூறினார்கள்.

கள்ளப்பண கொள்ளையர்கள்

ரூ.500 மற்றும் ரூ.1,000 நோட்டுகள் செல்லாது என்று அறிவிக்கப்பட்டதற்கு பிறகு பணத்தை மையமாக வைத்து நடந்த குற்றங்கள் வெகுவாக குறைந்தன.

தொழில்ரீதியாக திருடுபவர்கள் தங்களது தொழிலை கொஞ்ச காலத்துக்கு ஒத்தி வைத்துள்ளனர். ஆனால் அதே நேரத்தில் முறைகேடாக கள்ளப்பணத்தை மாற்றுபவர்களிடம் இருந்து பணத்தை கொள்ளையடிக்கும் புதிய கள்ளப்பண கொள்ளை கும்பல் உருவாகி உள்ளது.

வங்கி ஊழியர்களும், தரகர்களும் இந்த கள்ளப்பண கும்பலோடு கைக்கோர்த்து செயல்படும் நிலை உருவாகி உள்ளது. இவர்கள் மீது கடும் நடவடிக்கை எடுக்கப்படும் என்று போலீசார் எச்சரித்துள்ளனர்.

Court mitigates bus conductor’s punishment

• SPECIAL CORRESPONDENT

Can a government bus conductor be dismissed from service for having misappropriated Rs.27.50 by not issuing ticket to one of the passengers? No, says the Madras High Court Bench here which has modified the punishment to stopping two increments in salary with cumulative effect.

The order was passed on a writ appeal preferred by M. Kanniyappan who had served as a bus conductor for Tamil Nadu State Transport Corporation (TNSTC) for over 26 years since 1975, before being terminated from service on August 2, 2001 on the charge of having received Rs.55 from two passengers, but issuing only one ticket to them during their travel from Tiruchi to Madurai on September 28, 2000.

Three checking inspectors of TNSTC had caught the conductor red-handed at Melur near here. Though the passengers made a written statement accusing the conductor of issuing them only one ticket despite receiving money for two, the appellant reportedly refused to counter sign the statement leaving the checking inspectors with no choice but to get it attested by the bus driver before initiating an inquiry. Then, the conductor denied the allegation against him.

Pointing out that the appellant had been waging a legal battle for the last 16 years and in the meantime he had attained the age of superannuation, the Division Bench modified his punishment to stoppage of two increments.

Says dismissal from service for misappropriating Rs. 27.50 is disproportionate to the charge

டிசம்பர் மாத சம்பளத்தை 2000 ரூபாய்களை வைத்து சமாளிக்க முடியுமா?
நவம்பர் 8-ம் தேதி முதல் நம் அன்றாட வாழ்க்கையே மாறிவிட்டது. வாரத்திற்கு சில மணி நேரங்கள் வங்கிக்கும், ஏடிஎம்முக்கும் ஒதுக்க தொடங்கியிருக்கிறோம். கார்டு ஏற்கும் கடைகள், 2000 ரூபாய் ஏற்கும் ஹோட்டல்களை தேடிச் செல்கிறோம். பார்க்கிங்கில் வணக்கம் வைக்கும் காவலாளிக்கும், சிக்னலில் கையேந்தும் குழந்தைகளுக்கும் காசு தர யோசிக்கிறோம். டீக்கடைகளில் அக்கவுண்ட் ஆரம்பித்திருக்கிறோம். பர்ஸில் பத்து நோட்டுகளுக்கு மேல் வைப்பது சிரமமாக இருப்பதால் சீக்ரெட் லாக்கர் ஒன்றை உருவாக்கியிருக்கிறோம். இதையெல்லாம் சமாளித்தாகிவிட்டது. இன்னும் சில தினங்களில் புது மாதம் பிறக்கவிருக்கிறது. கடந்த சில நாட்களாக நாம் சந்திக்காத பல செலவுகள் அப்போது வரும்.

அதையெல்லாம் கேஷ் இல்லாமல் சமாளித்து விட முடியுமா?

ஒரு நடுத்தர குடும்பத்தின் செலவுகளை யோசித்து பாருங்கள். 35000 மாத செலவு செய்யும் ஒரு குடும்பத்தின் செலவுகளை இப்படி பிரிக்கலாம்.

கடன்களுக்கான இ.எம்.ஐ - 5000

வீட்டு வாடகை - 10000

மொத்த மளிகை செலவுகள் -4000

மின்சாரம் -1000

பெட்ரோல் அண்ட் டீசல்-1000

வாகன பராமரிப்பு-300

பள்ளி கல்லூரி கட்டணங்கள்-2000

பஸ் அல்லது ரயில் பாஸ்-500

கேபிள் மற்றும் பத்திரிகைகள்-400

கேஸ் -500

ஃபிட்னெஸ் செலவுகள் -200

பியூட்டி & பர்சனல் கேர் -300

ரெகுலர் மருந்துகள்-500

குடி தண்ணீர் கேன்கள்-200

உடைகள்-1000

தினசரி காய்கறிகள் -2000

ஸ்நாக்ஸ் - 1000

காலணிகள்-300

ஃபேமிலி / லவ்வரோடு சினிமா -1000

சிகரெட் & புகையிலைப் பொருட்கள், மது - 1500

இதில் எதையெல்லாம் உங்களால் ஆன்லைனில் செய்ய முடியும்? வாடகையை செக்காக தந்தால் ஓனர் ஏற்பாரா? காய்கறிக் கடைக்காரர், பால்காரர் காசு தானே கேட்பார்? பைக் பஞ்சர் ஆனால் கிரெடிட் கார்டு ஒட்டாது. முடி வெட்ட முந்நூறு ரூபாய் தர தயாராய் இருந்தால் பிரச்னை இல்லை. 80 ரூபாய் சில்லறையாய் இருந்தால் மட்டுமே முனைக்கடையில் வெட்ட முடியும். சிகரெட்/மது பழக்கம் இருந்தால் ஆரோக்கியம் தாண்டி இன்னும் சில பிரச்னைகளும் உண்டு. எப்படி பார்த்தாலும் 20000 ரூபாய் கேஷ் வேண்டும். இதை ஏடிஎம்மில் 2000, 2000 ரூபாயாக எடுத்து தீராது. வங்கிக்கு சென்றே ஆக வேண்டும். ஆனால், வேலை நாட்களில் வங்கிக்கு செல்ல நேர்ந்தாலே பர்மிஷன் எடுக்க வேண்டும். இந்த நிலையில் இரண்டு நாட்களாவது லீவு எடுத்தால் தான் மாத துவக்கத்தில் வங்கியில் சாத்தியம் ஆகும். மாத துவக்கத்தில் எல்லோருக்குமே 100 ரூபாய் தாள்களாக தேவைப்படும். வங்கியில். 2000 ரூபாய் நோட்டை வாடகைக்கு மட்டுமே தர முடியும். ஒட்டு மொத்த மாத சம்பளக்காரர்களும் வங்கியை நோக்கி படையெடுத்தால்? டிஜிட்டலாக மாற்றுகிறோம் என எல்லா வசதிகளையும் மொபைல் ஆப்பிலே தந்துவிட்டு, வங்கியில் ஆட்களை குறைத்து விட்டார்கள். சில நிறுவனங்கள் வங்கிகளின் என்ணிக்கையே குறைத்து விட்டார்கள்.

வரும் ஒன்றாம் தேதியை எப்படி சமாளிப்பது என இப்போதே யோசியுங்கள். வீட்டு ஓனரிடம் பான் கார்டு எண் கேளுங்கள். செக் அல்லது ஆன்லைன் டிரான்ஸ்ஃபர்தான் சாத்தியம் என்பதை சொல்லுங்கள்.

பால்காரரிடம் பேசுங்கள்.

மெடிக்கல் ஷாப்பில் சின்னச் சின்ன தொகைக்கு கார்டு வாங்க மாட்டார்கள். மொத்தமாக வாங்க திட்டமிடுங்கள்.

வீட்டில் வேலை செய்பவர்கள் யாராவது இருந்தால் அவருக்கு என்ன செய்வது என யோசியுங்கள்.

சிலர் வீட்டுக்குத் தெரியாமல் வயதான அப்பா, அப்பாவுக்கு பணம் தருபவர்களாக இருப்பீர்கள். அதற்கு முதலில் இப்போதே பணத்தை எடுத்து வையுங்கள்.

பள்ளி/கல்லூரி படிக்கும் பிள்ளைகள் இருந்தால் அவர்களுக்கு தினமும் தரும் பாக்கெட் மணியை எப்படி தரலாம் என கேளுங்கள்.

எப்படியும் கேபிள் டிவிகாரர் சில்லறையாகத்தான் கேட்பார்.

150 ரூபாய் டிரெயின்/ பஸ் பாஸுக்கு கார்டு வாங்க மாட்டார்கள். நம்மை மட்டும்தான் மாற சொல்லும் அரசு. அதற்கு ஒரு தொகை எடுத்து வையுங்கள்.

மிசோராம் மக்கள் பணத்துக்கு மாற்றாக பேப்பரில் கைகளால் எழுதி பயன்படுத்துகிறார்கள். அதெல்லாம் இங்கே நடக்காது.உங்கள் வங்கி கணக்கில் 20000 ரூபாய் இருந்தால், இப்போதே எடுத்து வந்து விடுங்கள். இல்லையேல் மாத துவக்கத்திலே பல பேரிடம் திட்டு வாங்க நேரிடும். அப்போது 'நாட்டுக்காக சில திட்டுகள் வாங்கலாம்' என எந்த அமைச்சராவது அறிக்க விட்டிருக்கக்கூடும். அதுதான் அதிகமாக வலிக்கும்.

- கார்க்கிபவா

Dailyhunt

சந்தேகம் சரியா 10: பல்லி விழுந்த உணவு விஷமா?

டாக்டர் கு. கணேசன்

பல்லி விழுந்த பால் அல்லது உணவை உட்கொண்டால் அது விஷமாகிவிடும் என்று சொல்கிறார்கள். இது உண்மையா?

உண்மையில்லை. பல்லிகளில் ஒரு சில இனங்களே விஷமுள்ளவை. நம் வீடுகளில் உலவுகிற பல்லிகளுக்குத் துளியும் விஷமில்லை. இருந்தாலும் இவற்றின் உடலில் சால்மோனெல்லா எனும் பாக்டீரியாக்கள் இருக்கச் சாத்தியம் உண்டு. பல்லி விழுந்த உணவில் இவை கலந்து, அந்த உணவை நஞ்சாக்கிவிடலாம். அப்போது இந்தக் கிருமிகள் வாந்தி, வயிற்றுப்போக்கு, டைபாய்டு போன்ற நோய்களை ஏற்படுத்த வாய்ப்புள்ளது. என்றாலும், இந்தக் கிருமிகள் உடலுக்குள் நுழைந்து வளர்ந்து, அறிகுறிகள் தெரிய ஒரு வாரம் ஆகும்.

பய வாந்தி

அப்படியானால், “பல்லி விழுந்த உணவைச் சாப்பிட்ட பள்ளிக் குழந்தைகள் உடனே வாந்தி, மயக்கம் ஏற்படுவதாகச் செய்திகள் வருகின்றனவே! எப்படி?” என்றுதானே கேட்கிறீர்கள்?

இவை பெரும்பாலும் பயத்தாலும், பதற்றத்தாலும் ஏற்படுகின்றன. பல்லி விழுந்த உணவைச் சாப்பிடும்வரை ஒன்றும் தெரிவதில்லை. உணவு காலியாகும்போது பாத்திரத்தின் அடியில் இறந்து கிடக்கும் பல்லியைப் பார்த்ததும்தான் சாப்பிட்டவருக்குப் பயம் தொற்றும்.

“ஐயோ, பல்லி விஷமாச்சே..” என்று மனம் பதறும். “உடலுக்கு ஏதாவது கேடு செய்துவிடுமோ” என்று பீதி கிளம்பும். இந்த மனரீதியிலான அழுத்தத்தின் விளைவாகத்தான் வாந்தியும் மயக்கமும் வருகின்றன. அதிலும் பள்ளிகளிலும் விடுதிகளிலும் ஒருவரைப் பார்த்து மற்றொருவர் பயந்து மொத்தக் குழந்தைகளும் வாந்தி எடுப்பார்கள்.

நேரடி அனுபவம்

இந்த இடத்தில் என் அனுபவம் ஒன்றைப் பகிர்ந்துகொள்கிறேன். மதுரை ராஜாஜி மருத்துவமனையில் ஹவுஸ் சர்ஜனாக நான் பணிபுரிந்த காலம். ஒரு சிறுவர் பள்ளியில் மதியச் சாப்பாட்டில் பல்லி விழுந்துவிட்டதாகவும் அதைச் சாப்பிட்ட குழந்தைகள் வாந்தி எடுப்பதாகவும் அழைத்துவந்திருந்தனர். அவர்களுக்குத் தேவையான சிகிச்சைகளைக் கொடுத்த பிறகு, ஆசிரியையிடம் விசாரித்தேன்.

“மதிய உணவைச் சாப்பிட்ட பிறகு எவ்வளவு நேரம் கழித்து, குழந்தைகள் வாந்தி எடுத்தார்கள்?” என்று கேட்டேன். “ஒரு மணி நேரம் கழித்து” என்றவர், “எல்லாக் குழந்தைகளும் உணவைச் சாப்பிட்ட பிறகு, அந்தப் பாத்திரத்தைத் தேய்க்க வந்த ஆயாதான், பல்லி விழுந்து இறந்த செய்தியைச் சொன்னார்கள். இந்தச் செய்தி குழந்தைகளுக்கு எட்டியதும்தான் ஒவ்வொரு குழந்தையாக வாந்தி எடுக்க ஆரம்பித்தது” என்றார்.

“மதிய உணவைச் சாப்பிட்ட எல்லாக் குழந்தைகளுக்கும் வாந்தி வந்ததா?” எனக் கேட்டேன். “இல்லை, கடைசியாகச் சாப்பிட்ட மாணவன் மட்டும் வாந்தி எடுக்கவில்லை” என்றார். “ஏன்?” எனக் கேட்டேன். “அவன் சாப்பிட்டதும் வீட்டுக்குப் போய்விட்டான். அவனுக்கு உணவில் பல்லி விழுந்த விஷயம் தெரியாது!” என்றார்.

அவனை வரவழைத்தேன். அதுவரை வாந்தி எடுக்காதவன் நண்பர்களைப் பார்த்ததும், தான் சாப்பிட்ட உணவில் பல்லி விழுந்த விஷயம் தெரிந்ததும், தனக்கும் ஏதாவது ஆகியிருக்குமோ எனப் பயந்து வாந்தி எடுக்க ஆரம்பித்தான். பல்லி விழுந்த உணவைச் சாப்பிட்டவர்களுக்கு வாந்தி, மயக்கம் வருவது எல்லாமே மனப் பிரமை என்று இதிலிருந்து புரிந்துகொள்ளலாம்!

பின் குறிப்பு: பள்ளி மாணவர்கள் சாப்பிட்ட உணவை சாம்பிள் எடுத்துப் பரிசோதனைக்கு அனுப்பினேன். ஒரு வாரம் கழித்து ‘அதில் எந்தவித விஷமும் இல்லை’ என்று ரிப்போர்ட் வந்தது.

உணவைப் பாதுகாப்பாக மூடி வைத்திருக்க வேண்டியதும், வீடு, அலுவலகம் பள்ளி, விடுதி, சமையலறை போன்றவை சுத்தமாக இருக்க வேண்டியதும் அவசியம். அப்போதுதான் பல்லிகளின் வருகையைத் தவிர்க்க முடியும்.

காஞ்சி, திருவள்ளூர் மாவட்ட கிராமங்களில் ஸ்மார்ட் போன் மூலம் காய்கறி வாங்கலாம்: இந்தியன் வங்கி புது வசதி

காஞ்சிபுரம், திருவள்ளூர் மாவட்டத்தில் தேர்ந்தெடுக் கப்பட்ட இரு கிராமங்களில் ஸ்மார்ட் போன் மூலம் காய்கறி வாங்கும் வசதியை இந்தியன் வங்கி ஏற்படுத்தியுள்ளது.

500 மற்றும் 1000 ரூபாய் நோட்டுகளுக்கு மத்திய அரசு தடை விதித்ததைத் தொடர்ந்து மக்களிடையே பணத் தட்டுப்பாடு அதிகரித்துள்ளது. குறிப்பாக 100, 50, 20, 10 ஆகிய ரூபாய் நோட்டுகளுக்கு கடும் தட்டுப்பாடு நிலவுகிறது. இதனால் சிறு மளிகைக் கடைகள், பெட்டிக் கடைகள், சில்லறை காய்கறி கடைகளின் விற் பனை கடுமையாக பாதிக்கப் பட்டுள்ளது.

இதற்கு தீர்வு காணும் வகையில் இந்தியன் வங்கி காஞ்சிபுரம் மற்றும் திருவள்ளூர் மாவட்டங்களில் உள்ள இரு கிராமங்களில் ‘ஸ்கேன் அண்டு பே’ என்ற திட்டத்தை பிரபலப்படுத்தி வருகிறது. இது பொதுமக்கள் மற்றும் சிறுவணிகர்கள் மத்தியில் வரவேற்பைப் பெற்றுள்ளது.

இது தொடர்பாக இந்தியன் வங்கியின் காஞ்சிபுரம் மண்டல (திருவள்ளூர் மாவட்டம் உள்ளடங்கியது) மேலாளர் பி.சண்முகநாதன் கூறியதாவது:

காஞ்சிபுரம் மண்டலத்தில் உள்ள 20 லட்சம் இந்தியன் வங்கி வாடிக்கையாளர்களில் 50 ஆயிரம் பேர் நெட் பேங்கிங் வசதியை பெற்றுள்ளனர். இதில் 18 ஆயிரம் பேர் இந்தியன் வங்கியின் இன்ட்பே (IndPay) என்ற செயலியை ஆன்ட்ராய்டு ஸ்மார்ட் போனில் பயன்படுத்தி வருகின்றனர். தற்போது நிலவும் சில்லறை பிரச்சினையால், அந்த செயலியை தினமும் புதிதாக சுமார் 200 பேர் பதிவிறக்கி வருகின்றனர்.

முன்னதாக மத்திய அரசு டிஜிட்டல் இந்தியா திட்டத்தை அறிமுகப்படுத்தியபோது, இந்தியன் வங்கி சார்பில் காஞ்சிபுரம் மாவட்டத்தில் ஒரக்காட்டுப்பேட்டை, திருவள் ளூர் மாவட்டத்தில் கல்பாக்கம் ஆகிய இரு கிராமங்களை தத்தெடுத்திருக்கிறோம். இந்த கிராமத்தில் உள்ளவர்கள் அனைவருக்கும் ஜன்தன் திட் டத்தின் கீழ் வங்கி கணக்கை தொடங்கி, ஏடிஎம் கார்டுகளை கொடுத்திருக்கிறோம்.

தற்போதுள்ள சூழலில் வியா பாரிகளுக்கும், பொதுமக்களுக் கும் உதவ, அக்கிராமங்களில் உள்ள வணிகர்களுக்கு கியூஆர் கோடு உருவாக்கி கொடுத்து வருகிறோம். ஒரு வியாபாரி எந்த வங்கி வாடிக்கையாளராக இருந்தாலும், அவர்கள் வங்கி கணக்கு எண் மற்றும் ஐஎப்எஸ்சி கோடு ஆகியவற்றை இந்தியன் வங்கியில் கொடுத்தால் சில நிமிடங்களில் அவர்களுக்கு கியூஆர் கோடு வழங்கப்படும்.

ஸ்மார்ட் போனில் இன்ட்பே செயலி வைத்திருக்கும் இந்தி யன் வங்கி வாடிக்கையாளர் ஒருவர், கியூஆர் கோடு உள்ள கடையில், சிறிய தொகைக்கு பொருட்களை வாங்கிக்கொண்டார் என்றால், அவர் செயலியினுள் நுழைந்து, ஸ்கேன் அன்டு பே என்ற வசதியை சுட்டி, 4 இலக்க கடவுச் சொல்லை வழங்கி, பணம் செலுத்தலாம். அந்த பணம் வியாபாரியின் கணக்கில் உடனே சென்று சேர்ந்துவிடும். அதற்கான குறுஞ்செய்தி இருவ ரது கைபேசிக்கும் செல்லும். இதை ஸ்கேன் அன்டு பே சேவை என்கிறோம்.

இந்த 2 கிராமங்களில் தற் போது 30-க்கும் மேற்பட்ட வணிகர்கள் இத்திட்டத்தில் சேர்ந்துள்ளனர். மேலும் பலர் அந்த சேவையை வழங்கக் கோரி எங்களை அணுகி வரு கின்றனர். இது பொதுமக்கள் மத்தியிலும் நல்ல வரவேற்பைப் பெற்றுள்ளது. இந்த வசதியை மேலும் பல கிராமங்களுக்கு விரிவுபடுத்த இருக்கிறோம்.இவ்வாறு அவர் கூறினார்.

திருமண வீட்டாருக்கு நாளை முதல் ரூ.2.5 லட்சம்: வங்கி அதிகாரி தகவல்

திருமண வீட்டார் தங்களின் வங்கிக் கணக்கில் இருந்து ரூ.2.5 லட்சத்தை பெறும் நடைமுறை நாளை அல்லது நாளை மறுநாள் அமலுக்கு வரும் என்று வங்கி அதிகாரி தெரிவித்துள்ளார்.

பணத் தட்டுப்பாட்டால் திருமண வீட்டார், விவசாயி கள், வியாபாரிகள் பாதிக்கப் படுவதாக மத்திய அரசிடம் புகார்கள் குவிந்தன. இதைத் தொடர்ந்து திருமண வீட்டார் தங்களின் செலவுக்காக வங்கிக் கணக்கில் இருந்து ரூ.2.5 லட்சம் வரை எடுத்துக் கொள்ளலாம் என்று மத்திய நிதியமைச்சகம் கடந்த 17-ம் தேதி அறிவித்தது.

அதன்படி தந்தை அல்லது தாயார் அல்லது மகன் அல்லது மகள் ஆகியோரின் வங்கிக் கணக்கில் இருந்து இந்தத் தொகையை எடுக்கலாம். இதற்காக திருமண பத்திரிகை, சொந்த உறுதிமொழி கடிதம், பான் எண் விவரங்களை வங்கியில் சமர்ப்பிக்க வேண்டும் என்று அறிவுறுத்தப்பட்டது.

இதுதொடர்பாக பஞ்சாப் நேஷனல் வங்கியின் நிர்வாக இயக்குநர் உஷா அனந்த சுப்பிரமணியன் கூறியதாவது:

திருமண வீட்டாருக்கு ரூ.2.5 லட்சம் வழங்குவது தொடர்பாக ரிசர்வ் வங்கியின் உத்தரவுக்காக காத்திருக்கிறோம். ரிசர்வ் வங்கி சொல்லாமல் எதுவும் செய்ய முடி யாது. திங்கள் அல்லது செவ்வாய்க்கிழமை வழிகாட்டு நெறிகள் வந்து சேரும் என்று எதிர்பார்க்கிறோம்.

அதைத்தொடர்ந்து திருமண வீட்டார் தங்கள் வங்கிக் கணக் கில் இருந்து ரூ.2.5 லட்சத்தை எடுக்கும் நடைமுறை அமலுக்கு வரும். மணமகன், மணமகள் வீட்டார் தனித்தனியாக வங்கி களில் விண்ணப்பித்து தலா ரூ.2.5 லட்சம் பெறலாம்.