பொறியியல் படித்த 60% பேருக்கு வேலையில்லை!

பொறியியல் படித்த மாணவர்களில், ஆண்டுக்கு சுமார் 60 சதவிகிதம் பேர் வேலையில்லாமல் இருக்கின்றனர் என்று அகில இந்திய தொழில்நுட்பப் படிப்புக் கழகத்தின் ஆய்வு தெரிவிக்கிறது. NBA-வில் அனுமதிபெற்று, சுமார் 3,200 பொறியியல் கல்லூரிகள் நாடு முழுவதும் உள்ளன. மேலும், ஆண்டுக்கு சுமார் 20 லட்சம் மாணவர்கள் வீணடிக்கப்படுகின்றனர் என்று ஆய்வு தெரிவிக்கிறது.

பொறியியல் படிப்புக்காக நாடு முழுவதும் ஒரே மாதிரியான தகுதித் தேர்வு நடத்த, மத்திய மனிதவள மேம்பாட்டு ஆணையம் முடிவு செய்துள்ளது. அந்தத் தேர்வுகள், தேசியத் தேர்வு ஆணையத்தின் கீழ் நடைபெறும் என்று தெரிகிறது. இந்தத் தகுதித் தேர்வு 2018-ம் ஆண்டு ஜனவரி, மார்ச், மே மாதங்களில் நடத்தத் திட்டமிடப்பட்டுள்ளது. இந்தத் தேர்வுகளை நடத்துவதன்மூலம் வேலை பெறுபவர்கள் உடனடியாக 40 சதவிகிதத்திலிருந்து 60 சதவிகிதமாக அதிகரிக்கும் என்று மனிதவள மேம்பாட்டு ஆணையம் நம்பிக்கை தெரிவித்துள்ளது.

கங்கை அமரனை ஆர்.கே. நகரில் களமிறக்கியது எதற்கு?



''நீங்கள், பி.ஜே.பி-யில் இருந்துகொண்டு முதல்வர் ஓ.பன்னீர்செல்வத்தை ஆதரிக்கலாமா'' என்று அப்போது, நம் 'விகடன்' சார்பில் கேட்கப்பட்ட கேள்விக்கு, ''தற்போது நிலவும் அரசியல் சூழ்நிலை, மக்கள் சம்பந்தப்பட்ட பொதுப் பிரச்னை. பொது வாழ்க்கை, மக்கள் சேவையில் வருபவர்களுக்கு ஏதேனும் உண்மை சார்ந்த குற்றச்சாட்டுகள் இருப்பினும், அதைப் பொதுமக்களுக்குத் தெரிவிக்க வேண்டியது, ஓர் அரசியல்வாதியான என்னுடைய கடமையாகும். அவ்வாறு குற்றச்சாட்டு வைப்பதால், ஓ.பன்னீர்செல்வத்துக்கு ஆதரவாகவும், சசிகலாவுக்கு எதிரியாகவும் கருதக்கூடாது. பி.ஜே.பி-யைச் சேர்ந்த நான், என்றும் என்னுடைய தேசத்துக்கும், மக்களுக்கும் நேர்மையான மக்கள் தொண்டாற்றுவதிலேயே கடமைகொண்டு இருக்கிறேன்'' என்றார், இசையமைப்பாளர் கங்கை அமரன்.

அந்தக் கங்கை அமரன்தான், தற்போது களைகட்டத் தொடங்கியிருக்கும் ஆர்.கே.நகர் தேர்தல் தொகுதியின் பி.ஜே.பி வேட்பாளர். அ.தி.மு.க-வின் கோட்டையான இந்தத் தொகுதியில், பலமுனைப் போட்டி நிலவுகிறது. ஒருசில கட்சிகளைத் தவிர மற்ற கட்சிகள் அனைத்தும் தங்களுடைய வேட்பாளர்களைக் களமிறக்கிவிட்டன. இதுதவிர, சுயேட்சை வேட்பாளர்களும் களம் கண்டுள்ளனர். இந்தநிலையில், தற்போது பி.ஜே.பி-யின் வேட்பாளராகக் களமிறங்கியிருக்கும் கங்கை அமரன், ஆர்.கே.நகர் வேட்பாளராய் தேர்வானது எப்படி என தமிழக பி.ஜே.பி நிர்வாகிகள் சிலரிடம் பேசினோம்.

''ஓட்டு வங்கியைப் பிரிக்கும்''!

“ஆர்.கே.நகர் தொகுதி இடைத்தேர்தலில் போட்டியிடுவதற்கு பி.ஜே.பி சார்பில் தமிழக பி.ஜே.பி தலைவர் தமிழிசை செளந்தரராஜன், நடிகைகள் கெளதமி, காயத்ரி ரகுராம், இசையமைப்பாளர் கங்கை அமரன், நடிகர் விஜயகுமார் போன்றவர்களின் பெயர்கள் பரிசீலிக்கப்பட்டன. அதில், கங்கை அமரனின் பெயர் இறுதி செய்யப்பட்டது. இதற்குக் காரணம், அவர், தன் பண்ணை வீட்டை... சசிகலா அபகரித்ததாக ஏற்கெனவே பகிரங்கமாகப் புகார் கூறியிருந்தார். இதனை மனதில்வைத்தே, அ.தி.மு.க சார்பில் நிற்கும் டி.டி.வி.தினகரனை வீழ்த்த... இவரே சரியான ஆளாக இருக்கும் என்று கட்சி மேலிடம் நினைத்தது. மேலும், இவர் உலகம் அறிந்த பிரபலம்கூட. சிறு குழந்தைகளின் இதயங்களிலும் இடம்பிடித்தவர். ஆகையால், சசிகலா மீதுள்ள வெறுப்பைக் காட்ட அந்தத் தொகுதி மக்கள், ஒரு மாற்று வேட்பாளரைத் தேர்ந்தெடுக்க முயல்வர். அத்துடன், ஒரு புதுமுகத்துக்கும் வாய்ப்பளிக்க முன் வருவர். தற்போது, மத்திய அரசில் உள்ள பி.ஜே.பி-யின் செயல்பாடுகளை மக்கள் நன்கறிந்துள்ளனர். உலகமே எதிர்பார்த்த ஐந்து மாநில தேர்தல்களிலும் பி.ஜே.பி மிகப்பெரிய வெற்றியை எட்டிப்பிடித்திருக்கிறது. ஆக, தமிழகத்திலும் அதற்கான மாற்றம் நிச்சயம் வரும். அதற்கு ஒரு முன்னுதாரணமாகத்தான் ஆர்.கே.நகர் தேர்தலில் கங்கை அமரனை நிறுத்தியுள்ளனர். இது ஆளும் கட்சிக்குப் புளியைக் கரைப்பதோடு, அவர்களுடைய ஓட்டு வங்கியைப் பிரிக்கும்'' என்றனர், உற்சாகத்துடன்.

“மக்கள் மாற்றத்தை விரும்புவதால் நான் வெற்றி பெறுவேன்” என்று நம்பிக்கையுடன் சொல்லும் கங்கை அமரன், தமிழ்த் திரையுலகில் இசையமைப்பாளராய்; இயக்குநராய்; பாடலாசியராய்; நடிகராய்; பாடகராய் எனப் பன்முகங்களில் கோலோச்சியவர். தற்போது, பிரபலமான சின்னத்திரை ஒன்றில் குழந்தைகளைவைத்து இசை நிகழ்ச்சி ஒன்றைத் தொகுத்து வழங்கிவருகிறார். இவர், இசைஞானி இளையராஜாவின் சகோதரரும்கூட.

முக்கியமான மூவர்!

''ஜெயலலிதாவின் நிலையைத் தற்போது நினைக்கும்போது மிக வருத்தமாக உள்ளது. உறவுகளைச் சந்திக்கவிடாமல் அவரைத் தனிமைச்சிறையில் வைத்திருந்திருந்தார்கள் என்பது அவருடைய அண்ணன் மகள் தீபா சொல்லியதன் மூலம் வெளிச்சத்துக்கு வந்துள்ளது. மக்களின் நலனை யோசிப்பவராக இருந்திருந்தால்... ஜெயலலிதாவின் மறைவை மக்கள் மன்றத்துக்குக் கொண்டு சென்றிருப்பார்கள்; அவர்களுடைய செல்வாக்கைப் பெறுவதற்கு முயற்சி செய்திருப்பார்கள்; அதையெல்லாம் விட்டுவிட்டு இப்போது தரம் தாழ்ந்த வேலைகளைச் செய்துவருகிறார்கள்; தமிழக அரசியலை எண்ணி அயல் நாடுகளில் உள்ளவர்களும் சிரிக்கிறார்கள்'' என்று சசிகலா குடும்பத்தைப் பற்றி முன்பே, 'விகடன்' இணையதளத்தில் பிரத்யேகமாகப் பேட்டி கொடுத்திருந்தார் கங்கை அமரன். மேலும் அவர், ''மக்களின் நலனுக்காக ஆட்சிக்கு வரவேண்டும் என்று இவர்கள் துடிக்கவில்லை... மாறாக, பணத்தைச் சம்பாதிக்கவே ஆட்சிக்கு வரவேண்டும் என்று நினைக்கிறார்கள்'' என்றவர், ஓ.பன்னீர்செல்வத்தின் (முதல்வராக இருந்தபோது) ஆட்சியைப் புகழ்ந்து பேசினார்.

இப்படிச் சொன்ன கங்கை அமரனே, இன்று மேற்கண்ட மூன்று அணிகளுக்கும் போட்டியாய் நிற்கிறார். ஆம். அன்று, ஓ.பி.எஸ்ஸுக்கு ஆதரவாய்ப் பேசிய கங்கை அமரன், இன்று அந்த அணியில் உள்ள இ.மதுசூதனனை எதிர்த்தும், ஜெ-வின் அண்ணன் மகளான தீபாவை எதிர்த்தும், அவருடைய பரம எதிரியான மன்னார்குடி கும்பலைச் சார்ந்த டி.டி.வி.தினகரனை எதிர்த்தும் களத்தில் நிற்கிறார் என்பது குறிப்பிடத்தக்கது.

எதிரிகளிடம் மறைமுகமாக மோத... களம் இறக்கப்பட்டிருக்கிறாரா, கங்கை அமரன்?

- ஜெ.பிரகாஷ்

ஏழை நோயாளிகளை கவனிக்காமல் தனியார் மருத்துவமனையில் வேலை செய்யும் அரசு டாக்டர்கள்:கட்டுப்படுத்த வருகிறது பயோமெட்ரிக் கருவி

சி.கண்ணன்

அரசு டாக்டர்கள் 10 சதவீதம் பேர் பணி நேரத்திலேயே தனியார் மருத்துவமனைக்கு சென்று பணியாற்றுவதாக குற்றச்சாட்டு எழுந்துள்ள நிலையில், அனைத்து அரசு மருத்துவமனைகளிலும் பயோமெட்ரிக் கருவியை கட்டாயம் அமைக்குமாறு நீதி மன்றம் உத்தரவிட்டுள்ளது. அதன்படி பயோமெட்ரிக் கருவி அமைக்கும் பணி தீவிரமாக நடந்து வருகிறது.

தமிழகத்தில் 21 அரசு மருத்துவக் கல்லூரி மருத்துவமனைகள், 31 மாவட்ட அரசு தலைமை மருத்துவமனைகள், தாலுகா மருத்துவமனைகள், தாலுகா அல்லாத மருத்துவமனைகள், ஆரம்ப சுகாதார நிலையங்கள் என 2 ஆயிரத்துக்கும் மேற்பட்ட மருத்துவமனைகள் உள்ளன. இவற்றில் சுமார் 18 ஆயிரம் டாக்டர்கள் பணியாற்றுகின்றனர். ஏழை நோயாளிகளுக்கு சேவை யாற்ற வேண்டும் என்ற எண்ணத்தில் பலர் பணியாற்றி னாலும், பெயரளவுக்கு வந்து வருகையை பதிவு செய்து விட்டு, தனியார் மருத்துவமனை களில் வேலை செய்பவர்களும் இருக்கின்றனர். இத்தகைய டாக்டர்கள் அரசு மருத்துவ மனையைவிட தனியார் மருத்துவ மனையில்தான் அதிக நேரம் செலவிடுகின்றனர். இதனால் அரசு மருத்துவமனைக்கு வரும் ஏழை நோயாளிகள் பாதிக்கப்படுவதாக பொதுமக்கள், சமூக ஆர்வலர்கள் குற்றம் சாட்டினர்.

இதையடுத்து, அரசு டாக்டர் களை கண்காணிக்க முதல் கட்டமாக அரசு மருத்துவக் கல்லூரி மருத்துவமனைகளில் பயோமெட்ரிக் கருவி அமைக்கப் பட்டது. படிப்படியாக அனைத்து அரசு மருத்துவமனைகளிலும் இக்கருவி அமைக்கப்படும் என்று சுகாதாரத் துறை அறிவித்தது. அரசு டாக்டர்கள் பணிக்கு வரும்போதும், பணி முடிந்து செல்லும்போதும் கண்டிப்பாக இதில் பதிவு செய்யுமாறு அறிவுறுத்தப்பட்டது. இதற்கு அரசு டாக்டர்கள் கடும் எதிர்ப்பு தெரிவித்தனர். சுகாதாரத் துறை கட்டாயமாக்கியதால், சில மாதங்கள் மட்டுமே இதில் டாக்டர்கள் பதிவு செய்தனர். அதன் பின் யாரும் பதிவு செய்யாததால், மீண்டும் வருகைப் பதிவேடு முறை அமலுக்கு வந்தது.

இந்நிலையில், தமிழகத்தில் உள்ள அனைத்து அரசு மருத்துவ மனைகளிலும் பயோமெட்ரிக் கருவியை கட்டாயம் அமைக்கு மாறு நீதிமன்றம் உத்தரவிட் டுள்ளது. அதன்படி பயோமெட்ரிக் கருவி அமைக்கும் பணி தீவிரமாக நடந்து வருகிறது.

இதுதொடர்பாக தமிழக மருத்துவ சங்கத்தின் முன்னாள் தலைவரும், இந்திய மருத்துவ கவுன்சில் உறுப்பினருமான டாக்டர் ஆர்விஎஸ்.சுரேந்திரன் கூறியதாவது:

அரசு டாக்டர்கள் தனியார் மருத்துவமனையில் வேலை செய்யக்கூடாது. அரசு மருத்துவ மனைகளில் தங்களது பணி நேரத்தை முடித்துவிட்டு, பிறகு தனியார் மருத்துவமனைகள் அல்லது கிளினிக்குகளில் மருத்துவ ஆலோசகராக பணி யாற்றலாம். அதேபோல தங்கள் பெயரில் சொந்தமாக மருத்துவ மனை, கிளினிக் வைக்கக்கூடாது. ஆனால், பெரும்பாலான டாக்டர்கள் தங்களது மனைவி அல்லது வேறு யாராவது பெயரில் மருத்துவமனை, கிளினிக் நடத்துகின்றனர்.

அரசு டாக்டர்களில் சுமார் 10 சதவீதம் பேர் தங்களது பணி நேரத்திலேயே தனியார் மருத்துவமனைக்கு சென்று பணியாற்றுவதாக தகவல்கள் வருகின்றன. இத்தகைய அரசு டாக்டர்கள் மீது ஏற்கெனவே பலமுறை நடவடிக்கை எடுக்கப் பட்டுள்ளது.

இவ்வாறு அவர் கூறினார்.

இதுபற்றி தமிழ்நாடு அரசு டாக்டர்கள் சங்கத்தின் மாநிலத் தலைவர் டாக்டர் கே.செந்திலிடம் கேட்டபோது, ‘‘நீதிமன்ற உத்தரவுப் படி அரசு மருத்துவமனைகளில் பயோமெட்ரிக் கருவி பொருத்தும் பணி நடந்துவருகிறது. பயோ மெட்ரிக் கருவி இருந்தாலும், வருகைப் பதிவேட்டையும் நடைமுறையில் வைக்க வேண்டும்’’ என்றார்.

சிசிடிவியும் வருகிறது

அரசு மருத்துவக் கல்லூரி மருத்துவமனைகள், ஒருசில மாவட்ட மருத்துவமனைகளில் மட்டுமே கண்காணிப்பு கேமராக் கள் உள்ளன. குழந்தைகள் திருட்டை தடுக்க பிரசவ வார்டு களில் கண்காணிப்பு கேமராக்கள் உள்ளன. இவற்றில் பிரசவ வார்டுகளில் உள்ள கண்காணிப்பு கேமராக்கள் மட்டுமே பயன் பாட்டில் உள்ளன.

மற்ற இடங்களில் உள்ள கேமராக்கள் செயல்படுவதில்லை. இதனால் டாக்டர்கள் மீதான தாக்குதல் உள்ளிட்ட பல பிரச்சினை களில் உண்மையைக் கண்டறிய முடிவதில்லை. இதனால் அனைத்து அரசு மருத்துவ மனைகளிலும் கண்காணிப்பு கேம ராவையும் பொருத்த சுகாதாரத் துறை முடிவு செய்துள்ளது.

ருசியியல் சில குறிப்புகள் 14: திவ்யமான திருப்பதி லட்டு!

பா.ராகவன்

இந்தப் பூவுலகத்தில் கிடைக்கிற அத்தனை சுவைகளையும் ஒரு தட்டில் வைத்து எதிர்ப்புறம் ஒரு திருப்பதி லட்டை வைத்தால் நான் இரண்டாவதைத் தான் எடுப்பேன். இத்தனைக்கும் லட்டு என்பது எனக்கு அவ்வளவாகப் பிடிக்காத வஸ்து. சமூகத்தில் யாருக்குமே ருசியான லட்டு பிடிக்கத் தெரியவில்லை என்பது என் அபிப்பிராயம். அதுவும் கல்யாண வீட்டு லட்டு என்பது ஒரு காலக்கொடுமை. எண்ணெயில்தான் பொரிக்கிறானா, குரூடாயிலைக் கொண்டு கொட்டுகிறானா என்று எப்போதும் சந்தேகாஸ்பதத்தோடே அணுக வேண்டியிருக்கும். நிஜ லட்டின் ருசியானது மிகச் சில இடங்களில் மட்டுமே தரிசனம் கொடுக்கும். பெரும் பாலும் சேட்டுக் கடைகளில்.

அடிப்படையில் லட்டின் பிறப்பிடம் குஜராத் என்பது இதற்கொரு காரணமாக இருக்கலாம். அங்கே அதனை மோத்தி சூர் லாடு என்பார்கள். 12-ம் நூற்றாண்டு குஜராத்திய இலக் கியங்களில் ஆதி லட்டு பற்றிய குறிப்புகள் இருப் பதாகச் சொல்கிறார்கள். கடலை மாவு, சர்க்கரைக் கரைசல் (கம்பிப் பாகு பதம் முக்கியம்), நெய், திராட்சை, ஏலம், முந்திரி. அவ்வளவு தான். எளிய ஃபார்முலாதான் என்றாலும் செய்முறை அத்தனை எளிதல்ல.

இந்தக் கம்பிப் பாகு என்பது ஒரு பேஜார். கொஞ்சம் முன்னப்போனால் ஒட்டாது. அரை விநாடி தாமதித்து விட்டாலும் லட்டின்மீது ஓர் உப்பளம் ஏறி உட்கார்ந்துவிடும். லட்டில் சர்க்கரை படிவதென்பது பார்க்கக் கண்ணராவி யான சங்கதி. அதைத் தின்று தீர்ப்பது அதைவிட ஆபாசம். (இதே ஆபாசம் பாதுஷாவிலும் அடிக்கடி நிகழும்)

ஒரு முறை பெங்களூருக்குச் சென் றிருந்தபோது எம்டிஆரில் சாப்பிட்டேன். அங்கிருந்த மாஸ்டர் ஒருத்தர்தான் அந்தப் பதத்தைப் பற்றிச் சொன்னார். சர்க்கரையைக் காய்ச்சும்போது மெல் லிய மெரூன் நிறத்துக்கும் முழுத் தங்க நிறத்துக்கும் நடுவே ஒரு பாதரச நிறம் சில விநாடிகளுக்கு வரும். அந்த நிறம் தென்பட்டதும் அடுப்பை அணைத்துவிட வேண்டும். லட்டுப் பாகுப் பதம் என்பது அதுதான். இந்தப் பதத்தின் சூத்திரதாரிகள் திருப்பதியில் இருக்கிறார்கள் என்பதும் அவர் சொன்னதுதான்.

உண்மையில் லட்டு கண்டுபிடிக்கப் பட்டு பல நூற்றாண்டுகளுக்குப் பிறகுதான் திருப்பதி லட்டு என்ற இனமே உருவானது. சரியாகச் சொல்லுவதென்றால் 18-ம் நூற்றாண்டு. அதற்கு முன்னால் வண்டிச் சக்கரம் மாதிரி பிரம்மாண்டமான வடைகளும் வெண் மற்றும் சர்க்கரைப் பொங்கலும்தான் திருப்பதி பிரசாதம். இப்போதும் உண்டென்றாலும் லட்டு பிறந்த பிறகு வடை, பொங்கல் வகையறாக்களின் மவுசு அங்கே குறைந்துவிட்டது.

திருப்பதியில் லட்டு பிடிப்பதற்கென தனியாக ஒரு சமையல்கூடம் இருக்கிறது. பொட்டு என்று அதற்குப் பேர். சம்பந்தமில் லாத யாரையும் அங்கே உள்ளே விட மாட்டார்கள். முன்னொரு காலத்தில் ஒரே குடும்பத்தைச் சேர்ந்தவர்கள் மட்டும் தான் இந்த லட்டு பிடிக்கும் ஜோலி பார்த்தார்கள். இப்போது அதெல்லாம் கிடையாது. தினசரி 7 ஆயிரம் கிலோ கடலை மாவு, 10 ஆயிரம் கிலோ சர்க்கரை, 700 கிலோ முந்திரி, 400 லிட்டர் நெய் என்று புழங்குகிற பேட்டைக்கு எத்தனை பேர் இருந்தால் கட்டுப்படியாகும் என்று யோசிக்க ஆரம்பித்தால் லட்டை மறந்துவிடுவோம்.

நமக்கு நபர்களா முக்கியம்? அந்த லட்டு எப்படி அத்தனை ருசிக்கிறது என்று தெரிந்துகொள்ள ஒரு காலத்தில் ரொம்ப மெனக்கெட்டிருக்கிறேன். பெரும் போராட்டத்துக்குப் பிறகுதான் பதில் கிடைத்தது.

குஜராத்திக்காரர்கள் உட்பட லட்டு செய்வோர் அத்தனை பேரும் பொதுவாக பூந்தியை எண்ணெயில் பொரித்தெடுத்து சர்க்கரைப் பாகில் போடுவார்கள். திருப் பதிக்காரர்கள் கொஞ்சம் வேறு மாதிரி. அவர்கள் பூந்தி பொரிப்பதற்கே நெய்யைத்தான் உபயோகிக்கிறார்கள். தவிர ஒரு ஈடு பூந்தி எடுத்தாகிவிட்டால் மறுகணமே அடுப்பில் காயும் நெய்யை எடுத்துக் கீழே கொட்டிவிடுவார்கள். நெய் யாகப்பட்டது கொஞ்சம் கிறுக்குத்தனம் கொண்ட வஸ்து. கொஞ்சம் காய்ந்த துமே அதன் வாசனை மாறத் தொடங்கி விடும். வாசனை மாறிய நெய் என்பது பொய்யே அன்றி வேறில்லை.

திருப்பதியிலேயே தாயார் சந்நிதி லட்டுக்கும் மலை மீதிருக்கும் பெருமாள் கோயில் லட்டுக்கும் வித்தியாசம் உண்டு. எல்லாம் சேர்மான சதவீத மாறுபாடு களால்தான்.

ஆச்சா? இப்போது விஷயத்துக்கு வருகிறேன். எனக்கு மிகச் சிறு வயது களில் இருந்தே திருப்பதி லட்டென்றால் ரொம்ப இஷ்டம். இதற்குக் காரணம் என் அப்பா.

எனக்கு நினைவு தெரிந்த நாளாக என் அப்பா ஒரு சர்க்கரை நோயாளி. என்னை மாதிரி உத்தம புத்திரர்கள் அவருக்கு மூன்று பேர் உண்டு. மூன்று உத்தமன்களை ஒழுங்காக வளர்க்கத் தான் முதலில் நன்றாக இருக்கவேண்டும் என்று முடிவு செய்து, அவர் சர்க்கரை சாப்பிடுவதை விட்டார்.

விட்டார் என்றால், முழுமையாக விட் டார். எப்பேர்ப்பட்ட மேனகை ஊர்வசியும் அவரைச் சலனப்படுத்திவிட முடியாது. காப்பிக்குச் சேர்க்கிற சர்க்கரை முதல் பொங்கல் பண்டிகைக்குச் செய்கிற அக்கார அடிசில் வரை எதையும் தொட்டுக் கூடப் பார்க்க மாட்டார். எனக்குத் தெரிந்து சுமார் 40 வருடங்களாக இனிப்பு என்பதை எண்ணிக்கூடப் பார்க்காத ஒரு ஜென்மம் உண்டென்றால் இந்த உலகில் அது அவர் மட்டுமாகத்தான் இருப்பார்.

அப்பேர்ப்பட்ட பராக்கிரமசாலிக்கு ஒரே ஒரு பலவீனம் உண்டு. யாராவது திருப்பதி லட்டு என்று சொல்லிக் கொடுத்தால் மட்டும் ஒரு சிட்டிகை விண்டு வாயில் போட்டுக்கொள்வார். ஒரு சிட்டிகையில் என்ன கிடைத்துவிடும்? பிரசாதம் என்று புருடா விட முடியாது. ஏனென்றால் மற்ற கோயில் பிரசாதங் களையெல்லாம் அவர் சீந்தக்கூட மாட்டார். திருப்பதி லட்டென்றால் மட்டும் ஒரு சிறு விள்ளல்.

இதற்கு என்ன காரணம் என்று பல முறை யோசித்துப் பார்த்திருக்கிறேன். அதன் ருசியைத் தவிர இன்னொன்று தோன்றியதில்லை. பிரச்சினை என்ன வென்றால் அவரால் அந்த ஒரு சிறு விள் ளலில் அந்த ருசியின் பூரணத்தைப் பெற்று விட முடிந்தது. எனக்கு ஒன்று இரண்டு மூன்று என்று லைன் கட்டி வைத்து முழுக்கத் தின்று தீர்த்தாலும் அரைத் திருப்திதான் வரும். தனிப்பட்ட முறையில் இது எனக்குப் பெரிய தோல்வி என்று தோன்றும். பன்னெடுங்காலம் போராடிப் பார்த்தும் என்னால் அந்த ஒரு துளி உலகை வெல்ல முடியவில்லை.

ஒவ்வொரு முறை திருப்பதி லட்டு உண்ணும்போதும் எனக்கு இந்த ஞாபகம் வந்துவிடும். சட்டென்று சுதாரித்துக் கொண்டு, ‘இன்றைக்கு ஒரு விள்ளலோடு நிறுத்திக்கொள்ளப் போகிறேன்’ என்று எனக்குள் சொல்லிக்கொள்வேன். ஆனால் ஒருநாளும் முடிந்ததில்லை. அது நப்பாசை அல்ல. பகாசுரத்தனமும் அல்ல. உணவின் ருசியை ஒரு வேட்டை நாய்போல் அணுகும் விதத்தின் பிரச்சினை என்று தோன்றியது.

நீங்கள் அணில் சாப்பிடும்போது பார்த் திருக்கிறீர்களா? யாரோ கொள்ளையடித் துப் போய்விடுவார்கள் என்ற அச்சத்துட னேயேதான் அது சாப்பிடும். உண்பதில் அதன் வேகமும் தீவிரமும் வேறு எந்த உயிரினத்துக்கும் கிடையாது. ஆனால் ருசிகரம் என்பது தியானத்தில் கூடுவது. பண்டத்தில் பாதி, மனத்தில் பாதியாக இரு தளங்களில் நிற்பது. இதைப் புரிந்து கொண்டதால்தான் என் அப்பாவால் ஒரு விள்ளல் லட்டில் பரமாத்மாவையே தரிசித்துவிட முடிந்திருக்கிறது.

அது விளங்கியபோதுதான் என்னால் அனைத்தையும் விட்டொழிக்க முடிந்தது.

- ருசிக்கலாம்… | எண்ணங்களைப் பகிர: writerpara@gmail.com

RTI applications increase, but so do rejections without reasons

DNA

While there has been a jump of 22.67 per cent over the previous year in the filing of RTI applications in 2015-16, there has also been a steep increase in the number of applications rejected by various ministries, which have used the mysterious pretext of citing 'others' as the reason.

Under the provisions of the RTI Act, a public authority can reject an application and refuse to provide information citing security and privacy reasons governed by the sections 8, 9, 11 and 24 of the Act. But most of the ministries who rejected the application cited none of these permissible clauses. Against 28,444 applications rejected under the 'others' category the previous year, in 2015-16, the number has increased to 36,913.

A whooping 43 per cent of the rejections were recorded under the 'others' category, while 47 per cent were rejected under the permissible clauses. Out of 11,138 received by the Prime Minister's Office (PMO) in 2015-16, it rejected 2,227 applications citing 'others' as the reason. The CIC has reported that there has been a decrease in the number of first appeals received, but an increase in the number disposed by the first appellate authorities.

Venkatesh Nayak, Programme Coordinator, Access to Information Programme at the Commonwealth Human Rights Initiative (CHRI), described the increase in applications to be a positive trend, but also raised concern at the increasing number of rejections without valid reasons mentioned under the RTI Act being cited. The CIC disposed of 28,188 appeal and complaint cases in 2015-16, while 25,960 cases were registered during the same period.

While the President's Secretariat received only 123 more RTIs in 2015-16 as compared to the previous year, the proportion of rejection plummeted from 9.30 per cent to 1.2 per cent in 2015-16. In 2015-16, the Prime Minister's Office (PMO) reported a rejection rate of 20.1 per cent of the RTIs received. While this a significant drop from 22.10 per cent in 2014-15, only seven RTI applications were rejected by the PMO invoking section 8. A whopping 2,227 RTIs were rejected under the 'others' category.

The proportion of rejection of RTIs by the Supreme Court fell to 21.1 per cent in 2015-16, while it received only six more RTIs as compared to the previous year. The proportion of rejections by the Delhi High Court also registered a fall of more than 1 per cent in 2015-16, even tough the number of RTIs received went up by 127.

While the number of RTIs received by the Comptroller and Auditor General fell to 716 in 2015-16 from 796 the previous year, the proportion of rejections zoomed to 17.2 per cent from 6.3 per cent reported the previous year. This alarming increase requires an in-depth study.

The Cabinet Secretariat also witnessed a jump in the proportion of rejections from 4.3 per cent to 6.65 per cent in 2015-16, although it received only 73 more RTIs. The Ministry of Personnel and Training reported a significant decline in the proportion of rejections at 3.4 per cent in 2015-16 as compared to 9.4 per cent during the previous year, even though it reported receiving 9,000 more RTIs in 2015-16. This appears to be a positive trend.

Among key ministries, the proportion of rejections in the Ministry of Defence fell significantly to 11.5 per cent in 2015-16 as compared to 15.90 per cent the previous year. In the Ministry of Finance, the proportion of rejections fell to 18.3 per cent in 2015-16 as compared to the 20.2-per cent rejection rate the previous year.

NEET age limit: Supreme Court panel says can't cap age or number of attempts

While there have been contrasting opinions on age limit and number of attempts for the National Eligibility-cum-Entrance Test​ (NEET), a Supreme Court appointed panel has turned down the Union government's move to put a cap on it.

According to a Hindustan Times report, former chief justice RM Lodha, who is heading the panel, said there is a "dearth of doctors in the country" as a result of which government's order for cap on age of students and the number of attempts should not be executed.

The provisions of government directive were made on the recommendations of Medical Council of India (MCI) and issued in January. As per the order, candidates have to be below the age of 25 and can appear for NEET only thrice.

Supreme Court will be taking up Lodha panel recommendations on March 20. In case the apex court accepts the suggestions, Central Board of Secondary Education (CBSE) will have to rework the applications process that closed on March 1.

Earlier in February, the Allahabad High Court had sought reply from the MCI, the Centre and the CBSE on the procedure adopted for setting of the upper age limit for NEET 2017. This order was passed by a division bench in Lucknow comprising justices Amreshwar Pratap Sahi and Sanjay Harkauli on two writ petitions filed by Navaneet Tripathi and 22 others.

The petitions raised a common question relating to the issue of upper age limit of 25 years prescribed for NEET, 2017, scheduled to be conducted on May 7. The contention on behalf of the petitioners was that the said upper age limit is not supported by any appropriate regulation or procedure prescribed by the regulations framed under the MCI Act.

It was also submitted that the introduction of this upper age limit, which was not there earlier, being not in conformity with law, deserves to be struck down. The counsels for the Centre and the MCI produced some documents related to prescribing upper age limit in NEET.

(With PTI inputs)

வாடிக்கையாளர்களை அதிரவைக்கும் பிஎஸ்என்எல்-ன் அதிரடிச் சலுகை!

ஜியோவை சமாளிக்க, ஏர்டெல், வோடபோன், ஐடியா உள்ளிட்ட நிறுவனங்கள் அதிரடி ஆஃபர்களை வழங்கிவருகின்றன. தற்போது, பிஎஸ்என்எல் நிறுவனம் அதிரடி ஆஃபர் ஒன்றை அறிவித்துள்ளது. அதன்படி, 399 ரூபாய்க்கு ரீ-சார்ஜ் செய்தால், தினமும் 2GB, 3G டேட்டா வழங்கப்படும் என்று பிஎஸ்என்எல் தெரிவித்துள்ளது. மேலும், இந்த ஆஃபர் 90 நாள்களுக்குதான் வழங்கப்படும் என்றும் பிஎஸ்என்எல் கூறியுள்ளது.



அதேபோல இந்த ஆஃபரில், அன்லிமிட்டட் ஆன் நெட் கால்ஸ்களும் வழங்கப்படும் என்றும் பிஎஸ்என்எல் தெரிவித்துள்ளது. ஸ்பெஷல் டேரிஃபின் கீழ் இந்த ஆஃபர் வழங்கப்பட்டுள்ளது.

மேலும், இந்தத் திட்டத்தின் கீழ், பிற நெட்வொர்க்களுக்கு இலவசமாக 25 நிமிடங்களும் வழங்கப்பட்டுள்ளது. 25 நிமிடத்துக்குப் பிறகு, ஒரு நிமிடத்துக்கு 25 பைசா பிடித்தம் செய்யப்படும் என்றும் கூறப்பட்டுள்ளது.

இழப்பீடுக்குப் பதிலாக ரயிலை வைத்துக் கொள்ளுங்கள் : நீதிபதி!

சண்டிகரில் நிலத்தை கையகப்படுத்தியதற்கு இழப்பீடாக ரயிலை வைத்துக்கொள்ளுங்கள் என, விவசாயிக்கு சாதகமாக லூதியானா நீதியரசர் தீர்ப்பு வழங்கிய சம்பவம் அதிர்ச்சியை ஏற்படுத்தியுள்ளது.

கடந்த 2007ஆம் ஆண்டு ஜலந்தர் அருகிலுள்ள கனடா கிராமத்தில் ரயில் நிலையம் அமைக்க விவசாயி சம்பூரன் சிங் என்பவரது நிலத்தை ரயில்வே துறை கையகப்படுத்தியுள்ளது. அதனால் தனக்கு இழப்பீடு வழங்க வேண்டும் என விவசாயி லூதியானா நீதிமன்றத்தை அணுகியுள்ளார். இந்த வழக்குக்கு நீதியரசர் விவசாயிக்கு ரூ.25 லட்சம் இழப்பீடாக கொடுக்க வேண்டும் என இந்தியன் ரயில்வேக்கு உத்தரவிட்டது. பின்னர், ரூ.25 லட்சத்தை ரூ.50 லட்சமாக உயர்த்தி வழங்க உத்தரவிட்டது. ஆனால் சம்பூரன் சிங் தனக்கு ரூ.1.47 கோடி இழப்பீடு வழங்க வேண்டும் எனத் தெரிவித்துள்ளார். அவர் கேட்டபடியே நீதிபதியும் ரூ.1.47 கோடி இழப்பீடு வழங்க உத்தரவிட்டார். ஆனால் ரயில்வே துறை விவசாயிக்கு வெறும் ரூ.42 லட்சம் மட்டுமே வழங்கியுள்ளது.

இதனால் சம்பூரன் மறுபடியும் நீதிமன்றத்தை அணுகியுள்ளார். இந்த மனு நேற்று முன்தினம் நீதிபதி ஜஸ்பால் வர்மா முன்பு விசாரணைக்கு வந்தது. அப்போது, அமிர்தசரசுக்கும், டெல்லிக்கும் இடையில் ஒடும் ஸ்வர்ணா சதாப்தி எக்ஸ்பிரஸ் ரயிலை சம்பூரனிடம் ஒப்படைக்க வேண்டும். மேலும் லூதியானா ரயில் நிலைய ஸ்டேஷன் மாஸ்டராக நியமனம் செய்ய வேண்டும் என அதிரடியாக உத்தரவிட்டார்.

நீதியரசர் வழங்கிய உத்தரவுடன் வழக்கறிஞர் ராகேஷ் காந்தியும், சம்பூரன் சிங்கும் ரயில் நிலையத்துக்கு வந்தனர். உத்தரவை ரயில் டிரைவரிடம் ஒப்படைக்கப்பட்டன.

இதுகுறித்து ரயில்வே மேலாளர் அனுஜ் பிரகாஷ் கூறுகையில், விவசாயிக்கு இழப்பீடு வழங்குவது தொடர்பான பிரச்னையில் சிக்கல் இருந்தது. தற்போது அது தீர்க்கப்பட்டுவிட்டது. இதுபோன்ற உத்தரவுகளை வழக்கமாக சட்ட அமைச்சகம் ஆய்வு செய்யும். மனுதாரர் 300 மீட்டர் நீளமுள்ள ரயிலை வைத்து என்ன செய்யப் போகிறார்? ரயிலை வீட்டுக்கு எடுத்துச் செல்ல முடியுமா என கிண்டலாக கேள்வி எழுப்பியுள்ளார்.

நீதிபதிகள் நுதன மற்றும் வினோத தீர்ப்பு வழங்குவது வழக்கமான ஒன்றுதான் என்றாலும் இந்தத் தீர்ப்பு மக்கள் மத்தியில் பெரும் பரபரப்பை ஏற்படுத்தியுள்ளது.

http://www.sstaweb.in/2017/03/blog-post_251.html#more

ஜெயலலிதா மகன்' என வாலிபர் திடீர் வழக்கு:
ஆவணங்களை சரிபார்க்க ஐகோர்ட் உத்தரவு

சென்னை:'மறைந்த முதல்வர் ஜெயலலிதா வுக்கு பிறந்த என்னை தத்து கொடுத்து விட்டனர்; சசிகலாவின் ஆட்களால் ஆபத்து உள்ளது; எனக்கு பாதுகாப்பு வழங்க வேண்டும்' என, சென்னை உயர் நீதிமன்றத்தில், கிருஷ்ண மூர்த்தி என்ற வாலிபர், மனு தாக்கல் செய்தார்.



நீதிமன்றத்தில் ஆஜரான அவரிடம், ''ஆவணங் கள் எல்லாம் போலியாக தெரிகின்றன; இப்போதே சிறைக்கு அனுப்ப முடியும்; இருந்தாலும், இந்த ஆவணங்களை சரிபார்த்து அறிக்கை அளிக்கும்படி, போலீஸ் ஆணைய ருக்கு உத்தரவிடுகிறேன்,'' என, நீதிபதி மகாதேவன் கூறினார்.

ஈரோடு மாவட்டம், காஞ்சிக்கோவில் கிராமத்தைச் சேர்ந்த, ஜெ.கிருஷ்ணமூர்த்தி தாக்கல் செய்த மனு:மறைந்த முதல்வர் ஜெயலலிதாவுக்கு மகனாக, 1985 பிப்., 15ல் பிறந்தேன். நான் குழந்தையாக இருக்கும் போது, பெற்றோருக்கு இடையில் ஏற்பட்ட கருத்து வேறுபாட்டால், காஞ்சிக்கோவில் கிராமத்தைச் சேர்ந்த, வசந்தாமணி என்பவரிடம், என்னை ஒப்படைத்து விட்டனர்.

மறைந்த முதல்வர், எம்.ஜி.ஆர்., முன்னிலை யில், 1986ல், என்னை தத்து கொடுத்துவிட்டனர். ஈரோடு மாவட்டத்தில், வளர்ப்பு பெற்றோரிடம் வளர்ந்தேன். பலமுறை, என் தாயார் ஜெயலலிதாவை சந்தித்துள்ளேன். 2016 செப்டம்பரில் ஜெயலலிதாவை சந்தித்தேன்.

அப்போது, மார்ச், 14 முதல், 18க்குள், பொதுமக்களுக்கு என்னை அறிமுகப்படுத்துவ தாக, என் தாயார் தெரிவித்தார். அதற்கான ஏற்பாடுகளையும் செய்தார். இதெல்லாம், சசிகலாவுக்கு தெரியும். தாயாரின் முடிவுக்கு, சசிகலா எதிர்ப்பு தெரிவித்து தகராறு செய்தார்.

அதன்பின், செப்., 22ல், அப்பல்லோ மருத்துவ மனையில் அனுமதிக்கப்பட்டார்; டிச., 5ல் இறந்தார். இறுதிச் சடங்கில் கலந்து கொள்ள, சசிகலாவும், அவரது உறவினர்களும், என்னை அனுமதிக்க வில்லை.

டி.டி.வி.தினகரனின் துாண்டுதலில், அடையாளம் தெரியாதவர்கள், என்னை கடத்தி சென்று, சிறுதாவூர் பங்களாவில்அடைத்தனர். அங்கு சித்ரவதை செய்தனர். வாட்ச்மேன் உதவியுடன், அங்கிருந்து நான் தப்பினேன்.சமூக ஆர்வலர், 'டிராபிக்' ராமசாமியை அணுகும்படி, என் நல விரும் பிகள் தெரிவித்தனர். மார்ச், 11ல், அவரது அலுவலகத்தில் சந்தித்து விபரங்களை கூறினேன். தாயாரின் சொத்துகளை சட்டப்படி பெற்று தர உதவும்படி கேட்டு கொண்டேன்.

எனக்கும், வளர்ப்பு பெற்றோருக்கும் பாதுகாப்பு வழங்கும்படி, அரசுக்கு மனு அனுப்பினேன். என் உயிருக்கு, சசிகலா உறவினர்களால் ஆபத்து உள்ளது. எனக்கு தேவையான பாதுகாப்பு வழங்கும் படி, டி.ஜி.பி.,க்கு உத்தரவிட வேண்டும். இவ்வாறு அதில் கூறப்பட்டுள்ளது.

இந்த மனு, விசாரணைக்கு ஏற்புடையது தானா என்பது குறித்து முடிவு செய்ய, நீதிபதி மகாதேவன் முன் பட்டியலிடப்பட்டது. மனுதாரரான கிருஷ்ண மூர்த்தி, நீதிமன்றத்தில் ஆஜரானார். அவருடன், 'டிராபிக்' ராமசாமியும் இருந்தார். அரசு தரப்பில், அரசு பிளீடர் எம்.கே.சுப்ரமணியன் ஆஜரானார். மனுவையும், தத்து கொடுத்ததற்கான ஆவணங் களையும் பார்த்த, நீதிபதி மகாதேவன் கூறியதாவது:

இந்த ஆவணங்களை எல்லாம், எல்.கே.ஜி., மாணவனிடம் கொடுத்தால் கூட, அவை போலியா னவை என, கூறிவிடுவான்; வெளிப்படையாக கிடைக்கக்கூடிய, ஜெயலலிதாவின் புகைப்படத்தை இணைத்துள்ளீர்கள். யார் வேண்டுமானாலும் நீதி மன்றத்துக்கு வந்து,பொதுநல வழக்கு தொடுக்க லாம் என, நினைக்கிறீர்களா?

போலி ஆவணங்களை தாக்கல் செய்திருப்பது தெரிகிறது;நீதிமன்றத்துடன் விளையாட வேண்டாம். நேரடியாகவே, உங்களை சிறைக்கு அனுப்ப முடியும். முதலில், போலீஸ் ஆணையர் முன், நாளை ஆஜராகி, அசல் ஆவணங்களை, அவரிடம் ஒப்படையுங்கள்.

எம்.ஜி.ஆர்., உடல்நலம் சரியில்லாமல், கையை கூட அசைக்க முடியாத நிலையில் இருந்தார். அந்த நேரத்தில் தான், இந்த ஆவணங்கள் தயார் செய்யப்பட்டு உள்ளன; அதில், எம்.ஜி.ஆர்., கையெழுத்திட்டிருப்பதாக காட்டுகிறது; இதை, நம்ப முடியவில்லை.இவ்வாறு நீதிபதி கூறினார்.
பின், அரசு பிளீடர் எம்.கே. சுப்ரமணி யனை பார்த்து, ''ஆவணங்கள் சரியானது தானா என்பதை, போலீஸ் ஆணையர் சரிபார்க்கட்டும்; திங்கள் அன்று அறிக்கை தாக்கல் செய்யுங்கள்,'' என, நீதிபதி கூறினார்.விசாரணையை, 20க்கு, நீதிபதி மகாதேவன் தள்ளிவைத்தார்.

ராமசாமிக்கு கேள்வி

இந்த வழக்கில், டிராபிக் ராமசாமிக்கு என்ன தொடர்பு என, நீதிபதி மகாதேவன் கேள்வி எழுப்பினார்.

மனுதாரரான கிருஷ்ணமூர்த்தியுடன், டிராபிக் ராமசாமியும், நீதிமன்றத்துக்கு வந்திருந்தார். அவரிடம், ''ஆவணங்களை பார்த்தீர்களா; நீங்கள், பல பொதுநல வழக்குகளை தொடுத்து, உன்னதமான பணிகளை செய்துள்ளீர்கள்; உங்களுக்கு, இதில் என்ன தொடர்பு,'' என, நீதிபதி கேட்டார்.

அதற்கு, டிராபிக் ராமசாமி, ''உதவி செய்யும்படி கேட்டார்; நீதிமன்றம் விசாரித்து, முடிவு செய்யட்டும்; உங்களின் முடிவுக்கு விட்டு விடுகிறேன்,'' என்றார்.

நீட்' தேர்வை ஏற்றுக்கொள்ள வேண்டும்அரசு டாக்டர்கள் சங்கம் கோரிக்கை

மதுரை, : உச்சநீதிமன்ற தீர்ப்பின் படி, மருத்துவ மாணவர்களுக்கான 'நீட்' தேர்வை, தமிழக அரசு ஏற்றுக்கொள்ள வேண்டும் என அரசு டாக்டர்கள் சங்கம் கோரிக்கை விடுத்துள்ளது.தமிழகம் உள்ளிட்ட சில மாநிலங்களில், பிளஸ் 2 மதிப்பெண்கள் அடிப்படையில், மருத்துவ மாணவர்களின் சேர்க்கை நடந்து வந்த நிலையில், நாடு முழுவதும் 'நீட்' நுழைவுத் தேர்வு முறையை அமல்படுத்துமாறு, கடந்த ஆண்டு உச்சநீதிமன்றம் உத்தரவிட்டது.பின்னர், ஓராண்டு மட்டும் விலக்கு அளிக்கும் வகையில், மத்திய அரசு சட்டம் கொண்டு வந்தது. இதனால், தமிழகத்தில் கடந்த ஆண்டு இந்த தேர்வு முறை பின் பற்றப்படவில்லை. ஆனால் இந்தாண்டு முதல், 'நீட்' தேர்வு முறையை அமல்படுத்த வேண்டும்.

இருப்பினும் தமிழக அரசு, பிளஸ் 2 மதிப்பெண்கள் அடிப்படையிலேயே, மருத்துவ இடங்களை நிரப்புவதற்கான மசோதாவை நிறைவேற்றி, ஜனாதிபதி ஒப்புதலுக்காக அனுப்பியுள்ளது. ஆனால் இதற்கு ஒப்புதல் கிடைக்காது என்றே மத்திய சுகாதாரத்துறை அதிகாரிகள் கூறி
வருகின்றனர்.

மசோதாவுக்கு ஒப்புதல் அளிக்குமாறு, அமைச்சர் விஜயபாஸ்கர், சுகாதாரத்துறை செயலர் ராதாகிருஷ்ணன், மருத்துவக்கல்வி இயக்குனரக அதிகாரிகள் டில்லி சென்று மத்திய அர டம் தெரிவித்து வந்தனர்.
இந்நிலையில், உச்சநீதிமன்ற தீர்ப்பின் படி, 'நீட்' தேர்வு முறையை அரசு ஏற்றுக்கொள்ள வேண்டும் என அரசு டாக்டர்கள் சங்கம் கோரிக்கை விடுத்துள்ளது.

சங்க தலைவர் டாக்டர் செந்தில் கூறியதாவது: எம்.பி.பி.எஸ்., ஐ.ஐ.டி., பொறியியல் படிப்பு போன்றவற்றுக்கான தகுதித் தேர்வில் தமிழக மாணவர்கள் அதிக அளவில் வெற்றி பெற முடியாத நிலை உள்ளது.
சி.பி.எஸ்.சி., ஐ.சி.எஸ்.சி., போன்ற கல்வி திட்டங்களுக்கு இணையாக, சமச்சீர் கல்வி திட்டத்தின் பாடத் திட்டங்கள் இல்லை என்பதே இதற்கான காரணம்.அக்கல்வி திட்டங்களை, பத்து ஆண்டுகளுக்கு முன்பே தமிழகத்தில் கொண்டு வந்திருந்தால், தற்போது இந்திய அளவில் நடக்கும் நுழைவுத் தேர்வுகளில் தமிழக மாணவர்கள் சிறந்து விளங்கும் வாய்ப்பு கிடைத்திருக்கும்.

குழப்பும் மசோதா'நீட்' தேர்வு கிராமப்புற மற்றும் அரசு பள்ளிகளில் பயிலும் மாணவர்களை பெரிதும் பாதிக்கும் என்பது உண்மையல்ல. மொத்த எம்.பி.பி.எஸ்., இடங்களான 5500ல், அரசு பள்ளியில் படித்து சேர்ந்த மாணவர்கள் 250 பேர் மட்டுமே. இவர்களும் தங்கள் திறமையினால் தேர்வானார்களே தவிர சமச்சீர் கல்வியினால் அல்ல.

தமிழக அரசின் எதிர்ப்பு மசோதா பெற்றோர், மாணவர்களை குழப்பும் வகையில் உள்ளது. எந்த கல்வி திட்டத்தில் மாணவர்கள் பயில வேண்டும் என்ற தெளிவு இல்லை.எனவே அரசு 'நீட்' தேர்வை முற்றிலும் புறக்
கணிக்க நடவடிக்கை எடுக்காமல், ஓரிரு ஆண்டுகள் மட்டும் விலக்கு கேட்க வேண்டும். மருத்துவ பட்ட மேற்படிப்பு தேர்வுக்கு 'நீட்'டை ஏற்றுக்கொள்ள வேண்டும்.

சி.பி.எஸ்.சி., பாடத்திட்டத்தை, தமிழ் வழியில் முதற்கட்டமாக 10 சதவீத அரசு மேல்நிலைப் பள்ளிகளில் துவக்க வேண்டும், என்றார்.-------------

லத்தி வாங்கக்கூட பட்ஜெட் நிதி பத்தாது போலீசார் புலம்பல்

காவல் துறைக்காக, பட்ஜெட்டில் ஒதுக்கப்பட்ட நிதி, 'லத்தி வாங்கக்கூட பத்தாது' என, போலீசார் புலம்புகின்றனர்.காவல் நிலையங்களுக்கு சொந்தக் கட்டடம் கட்டுதல், காவலர் குடியிருப்புகள் கட்டுதல், வாகனங்கள் மற்றும் கருவிகள் வாங்குதல், காவல் துறையை நவீனமாக்குதல் உள்ளிட்ட பணிகளுக்காக, தமிழக பட்ஜெட்டில், 6,963 கோடி ரூபாய் ஒதுக்கப்பட்டு உள்ளது. 

'வாக்கி டாக்கி'கள்
காவல் துறையில் உள்ள பிரச்னைக்குத் தீர்வுகாண, இந்தத் தொகை பத்தாது என, போலீசார் புலம்புகின்றனர். இதுதொடர்பாக, அவர்கள் கூறியதாவது:
காவல் துறையில் உள்ள, 'வாக்கி டாக்கி'கள் எல்லாம் பழுதான நிலையில் உள்ளன. நாங்கள், 'ஓவர்' என, வாக்கி டாக்கியில் தெரிவித்தால், காவல் கட்டுப்பாட்டு அறையில் இருப்போர், 'ஒன்றுமே கேட்கவில்லை ஓவர்' என, பதில் அளிக்கின்றனர். அந்தளவுக்கு வாக்கி டாக்கிகளின் தரம் உள்ளது.
காவல் துறை வாகனங்களும், மிக மோசமான நிலையில் உள்ளன.

ஓய்வூதியத் திட்டம்
பல காவல் நிலைய கட்டடங்கள், எப்போது இடிந்து விழுமோ என்ற நிலையில் உள்ளன. உதவி கமிஷனர்கள், இன்ஸ்பெக்டர்கள் உள்ளிட்ட அதிகாரிகளுக்கு, அலுவலகம் கிடையாது. கூட்டத்தோடு கூட்டமாக அமர்ந்து பணியாற்றி வருகின்றனர்.

'எட்டு மணி நேர பணியுடன், ஊதிய உயர்வு அளிக்க வேண்டும்; பங்களிப்பு ஓய்வூதியத் திட்டத்தை ரத்து செய்து, பழைய ஓய்வூதியத் திட்டத்தை அமல்படுத்த வேண்டும். 

'காவல் துறையில் காலியாக உள்ள, 20 ஆயிரத்திற்கும் மேற்பட்ட பணியிடங்களை நிரப்ப வேண்டும்; புதிய பணி இடங்களை உருவாக்க வேண்டும்' என, அரசுக்கு பலமுறை கோரிக்கை விடுத்தும் பலனில்லை.
வாரம் ஒரு நாள் கட்டாய ஓய்வுதர இயலாத சூழ்நிலை உருவானால், ஓய்வு நாளில் பணிபுரிவோருக்கு ஒரு நாள் ஊதியம். 

அரசு விடுமுறை நாட்களில் வேலை செய்தால், அந்த நாட்களுக்கு, ஒரு நாள் ஊதியம் தர வேண்டும் என, அரசுக்கு கோரிக்கை விடுத்தோம்; அதற்கும் பட்ஜெட்டில் பதில் இல்லை.

பதவி உயர்வு
அதுபோல, போலீசாருக்கான பதவி உயர்வில், பல குளறுபடிகள் உள்ளன. இடர்படி இரு மடங்காக உயர்த்தித் தரப்படும் என, முன்னாள் முதல்வர் ஜெயலலிதா அறிவித்தார்; அதுவும் அறிவிப்பு நிலையிலேயே உள்ளது.
காவல் துறைக்கு, தற்போது ஒதுக்கப்பட்ட நிதி, லத்தி வாங்கக்கூட பத்தாது என்பதே எதார்த்தம்.இவ்வாறு போலீசார் கூறினர்.
- நமது நிருபர் -

பி.எச்டி., ஆராய்ச்சி மாணவர்கள், தங்கள் ஆராய்ச்சி விபரங்களை, பல்கலை இணையதளத்தில், இரண்டு மாதங்களில் பதிவு செய்யும்படி, யு.ஜி.சி., கெடு விதித்துள்ளது. 

பல்கலை மானியக் குழுவான யு.ஜி.சி., கட்டுப்பாட்டில், பல்கலைகள், கல்லுாரிகள் செயல்படுகின்றன. எனவே, யு.ஜி.சி., விதிகளை பின்பற்றாத கல்லுாரி மற்றும் பல்கலைகளின் அங்கீகாரத்தை ரத்து செய்ய, யு.ஜி.சி.,யால் நடவடிக்கை எடுக்க முடியும்.

அதேபோல், ஆராய்ச்சி படிப்புகள், உள்கட்டமைப்பு மேம்பாடு போன்றவற்றுக்கு, ஒவ்வொரு பல்கலைக்கும்,
யு.ஜி.சி., மானியம் வழங்கப்படுகிறது. இதற்காக, ஆராய்ச்சி மாணவர்கள் எண்ணிக்கை குறித்து, பல்கலைகள் கணக்கு காட்டுகின்றன. இந்த பட்டியலில், பல போலி விபரங்கள் இடம்பெறுவதாக, புகார் எழுந்துள்ளது.
எனவே, அனைத்து பல்கலைகளும், ஆராய்ச்சி படிப்பு விபரங்களை, தங்கள் பல்கலை இணையதளத்தில் வெளிப்படையாக பதிவேற்றம் செய்ய, யு.ஜி.சி., உத்தரவிட்டுள்ளது. பல்கலை மாணவர்களும், தங்களின் பிஎச்.டி., ஆராய்ச்சி படிப்புகளை, பல்கலை இணையதளத்தில், இரண்டு மாதங்களுக்குள் பதிவேற்றம் செய்ய வேண்டும் என்றும் கெடு விதித்துள்ளது.

- நமது நிருபர் -

5 நகரங்களில் 10 ரூபாய் பிளாஸ்டிக் நோட்டு

புதுடில்லி: 10 ரூபாய் பிளாஸ்டிக் நோட்டுகள் அச்சடிக்கப்பட்டு, முதல் கட்டமாக 5 நகரங்களில் சோதனை முறையில் புழக்கத்தில் விட மத்திய அரசு திட்டமிட்டுள்ளது.

5 நகரங்களில்

பார்லி.யில் லோக்சபாவில் எழுத்துபூர்வமான கேள்வி ஒன்றிற்கு மத்திய நிதித்துறை இணை அமைச்சர் ராம் அர்ஜூன் மெஹ்வால் கூறியது, ஆஸ்திரேலியாவில் தான் முதன்முறையாக பிளாஸ்டிக் நோட்டுகள் பழக்கத்தில் விடப்பட்டன. இதே போன்று இந்தியாவிலும் விரைவில் பிளாஸ்டிக் நோட்டுகள் அச்சடித்து வெளியிடப்படும் என கடந்த டிசம்பரில் மத்திய அரசு அறிவித்தது. இதையடுத்து 10 ரூபாய் பிளாஸ்டிக் நோட்டுகளை பாதுகாப்பு அம்சங்களுடன் அச்சக்கடிக்க ரிசர்வ் வங்கிக்கு மத்திய அரசு ஒப்புதல் அளித்துள்ளது. முதற்கட்டமாக கொச்சி, மைசூரூ, ஜெய்ப்பூர், ஷிம்லா, புவனேஸ்வர் ஆகிய 5 நகரங்களில் புழக்கத்தில் விட ரிசர்வ் வங்கி திட்டமிடப்பட்டுள்ளது. பின்னர் நாடு முழுவதும் புழக்கத்தில் விட நடவடிக்கை எடுக்கப்படும் என்றார்.

30-ந் தேதி முதல் வேலைநிறுத்தம்: தமிழகத்தில் 4 லட்சம் லாரிகள் ஓடாது

மார்ச் 18, 02:45 AM
நாமக்கல்,

வருகிற 30-ந்தேதி முதல் நடக்கும் லாரிகள் வேலை நிறுத்த போராட்டத்தில் பங்கேற்பதால் தமிழகத்தில் உள்ள 4 லட்சம் லாரிகள் ஓடாது என்று மாநில லாரி உரிமையாளர்கள் சம்மேளன தலைவர் குமாரசாமி தெரிவித்தார்.

அவசர பொதுக்குழு கூட்டம்

நாமக்கல்-திருச்செங்கோடு ரோட்டில் உள்ள பில்டர்ஸ் மகாலில் தமிழ்நாடு மாநில லாரி உரிமையாளர்கள் சம்மேளன அவசர பொதுக்குழு கூட்டம் நடந்தது. கூட்டத்திற்கு மாநில லாரி உரிமையாளர்கள் சம்மேளன தலைவர் குமாரசாமி தலைமை தாங்கினார். தென் மாநிலங்களின் லாரி உரிமையாளர்கள் சங்க பொதுச் செயலாளர் சண்முகப்பா சிறப்பு அழைப்பாளராக கலந்து கொண்டு பேசினார். இதையடுத்து சண்முகப்பா நிருபர்களுக்கு பேட்டி அளித்தார்.

அப்போது அவர் கூறியதாவது:-

இந்தியா முழுவதும் 363 சுங்கச்சாவடிகள் இயங்கி வருகின்றன. அதில் 117 சுங்கச்சாவடிகள் தென்னிந்தியாவிலும் 41 சுங்கச்சாவடிகள் தமிழ்நாட்டிலும் உள்ளன. அதில் 26 சுங்கச்சாவடிகளில் வரி வசூல் செய்து கொள்வதற்கான ஒப்பந்த காலம் முடிவடைந்த பின்னரும் வரி வசூல் செய்து வருகின்றனர். இதை கண்டிக்கிறோம்.

லாரிகள் வேலைநிறுத்தம்

மாநில அரசு டீசல் மீது வாட் வரியை உயர்த்தி உள்ளதால் இங்கிருந்து வெளி மாநிலங்களுக்கு செல்லும் 40 ஆயிரத்திற்கும் மேற்பட்ட லாரிகள் தமிழகத்தில் டீசல் பிடிக்காமல் வெளிமாநிலங்களுக்கு சென்று டீசல் பிடிக்கிறது. இதனால் தமிழக அரசுக்கு வருவாய் இழப்பு ஏற்படுகிறது.

எனவே, உயர்த்தப்பட்ட காப் பீடு கட்டணம், வாகன பதிவு கட்டணம், 15 ஆண்டு கடந்த லாரிகளை அழித்தல், டீசல் மீது வாட் வரி ஆகியவற்றை வாபஸ் பெற வேண்டி வருகிற 30-ந் தேதி முதல் காலவரையற்ற வேலைநிறுத்த போராட்டத்தை அறிவித்து உள்ளோம்.

இதனால் தென்னிந்திய அளவில் சுமார் 9 லட்சத்து 50 ஆயிரம் லாரிகள் இயக்கப்பட மாட்டாது. இதனால் நாள் ஒன்றுக்கு ரூ.600 கோடி முதல் ரூ.800 கோடி மதிப்பிலான வியாபாரம் பாதிக்கப்படும். இது நாட்டின் ஒட்டு மொத்த உற்பத்தியில் 1.5 சதவீதம் பாதிப்பை ஏற்படுத்தும்.

இவ்வாறு அவர் தெரிவித்தார்.

தமிழகத்தில் 4 லட்சம் லாரிகள் ஓடாது

அதைத்தொடர்ந்து தமிழ்நாடு மாநில லாரி உரிமையாளர்கள் சம்மேளன தலைவர் குமாரசாமி நிருபர்களிடம் கூறியதாவது:-

தென்னிந்திய அளவிலான லாரிகள் சம்மேளனம் அறிவித்து உள்ள வேலை நிறுத்த போராட்டத்திற்கு தமிழ்நாடு மாநில லாரி உரிமையாளர்கள் சம்மேளனம் ஆதரவு தெரிவித்து உள்ளது. இதனால் 30-ந்தேதி முதல் தமிழகத்தில் இயங்கும் சுமார் 4 லட்சம் லாரிகள் ஓடாது. இதனால் நாள் ஒன்றுக்கு தமிழக அரசுக்கு ரூ.200 கோடி இழப்பு ஏற்படும். எனவே மத்திய, மாநில அரசுகள் லாரி உரிமையாளர்களின் நியாயமான கோரிக்கைகளை கருத்தில் கொண்டு பாதிக்கப்படும் நடைமுறை உத்தரவுகளை திரும்ப பெற வேண்டும்.


இவ்வாறு அவர் தெரிவித்தார்.

சென்னையில் அரசு பொது மருத்துவமனையில் போராடி வந்த பயிற்சி டாக்டர்களின் கோரிக்கைகள் உடனடியாக ஏற்கப்பட்டதால் போராட்டம் வாபஸ் பெறப்பட்டது.

மார்ச் 18, 05:00 AM
சென்னை,

சென்னை அரசு பொது மருத்துவமனையில் சிகிச்சை பெற்று வரும் மேல்மருவத்தூர் ஆதிபராசக்தி கல்லூரி மாணவர் விஜய்யை (வயது 22), பார்ப்பதற்காக அவரது உறவினர்கள் சிகிச்சை பெறும் வார்டுக்கு கூட்டமாக நுழைந்தனர். இதனை தடுத்தபோது பயிற்சி டாக்டர்கள்-உறவினர்கள் இடையே வாக்குவாதம் ஏற்பட்டது.

இதில் தாங்கள் தாக்கப்பட்டதாக கூறி பயிற்சி டாக்டர்கள் 250-க்கும் மேற்பட்டோர் நேற்று முன்தினம் இரவு சாலை மறியலில் ஈடுபட்டனர். பின்னர் போலீசார் கேட்டுக்கொண்டதின் பேரில் போராட்டத்தை கைவிட்டு, ஆஸ்பத்திரி வளாகத்திலேயே உள்ளிருப்பு போராட்டத்தில் ஈடுபட்டு வந்தனர்.

இந்த நிலையில் பத்திரிகையாளர்களை நோக்கி பயிற்சி டாக்டர்கள் தகாத வார்த்தைகளை கூறியதற்காக ஆஸ்பத்திரி ‘டீன்’ நாராயணசாமி பத்திரிகையாளர்கள் மற்றும் ஊடகத்துறையினரிடம் மன்னிப்பு கேட்டுக்கொண்டார்.

உள்ளிருப்பு போராட்டம்

தொடர்ந்து 2-வது நாளாக உள்ளிருப்பு போராட்டத்தை தொடர்ந்த பயிற்சி டாக்டர் களுடன் சுகாதாரத்துறை செயலாளர் டாக்டர் ராதாகிருஷ்ணன் பேச்சுவார்த்தை நடத்தினார்.

அப்போது, மருத்துவர்கள் இனிமேல் நோயாளிகளால் தாக்கப்படுவதை தடுக்க மருத்துவ தனிச்சட்டம் கொண்டுவர வேண்டும். இந்த சட்டத்தில் கைது செய்யப்படுபவர்களை ஜாமீனில் விடுதலை செய்யக்கூடாது. தாக்கப்படும் மருத்துவர்களுக்கு 10 நாட்கள் விடுமுறையும், ரூ.2 லட்சம் நஷ்ட ஈடும் வழங்க வேண்டும். திரையரங்குகள், பஸ் நிலையங்கள், ரெயில் நிலையங்கள் உள்ளிட்ட பொது இடங்களில் மருத்துவ தனிச்சட்டம் பற்றிய விழிப்புணர்வு பதாகைகள் வைக்கப்பட வேண்டும் உள்ளிட்ட கோரிக்கைகளை பயிற்சி டாக்டர்கள் வலியுறுத்தினர்.

இதனைத் தொடர்ந்து ஆஸ்பத்திரி டீன் நாராயணசாமி, ஆர்.எம்.ஓ. இளங்கோ மற்றும் முதுநிலை பேராசிரியர்களுடன் சுகாதாரத்துறை செயலாளர் டாக்டர் ராதாகிருஷ்ணன் பேச்சுவார்த்தை நடத்தினார்.

போராட்டம் வாபஸ்

இந்த பேச்சுவார்த்தையில் பயிற்சி டாக்டர்களின் பெரும்பாலான கோரிக்கைகள் ஏற்றுக்கொள்ளப்பட்டதை தொடர்ந்து உள்ளிருப்பு போராட்டம் வாபஸ் பெறப்பட்டது. இதனைத் தொடர்ந்து தமிழக சுகாதாரத்துறை செயலாளர் டாக்டர் ஜெ.ராதாகிருஷ்ணன் நிருபர்களுக்கு பேட்டியளித்தார். அப்போது அவர் கூறியதாவது:-

சென்னை அரசு பொது மருத்துவமனையில் சிகிச்சை பெற்று வந்த மேல்மருவத்தூர் பொறியியல் கல்லூரி மாணவர் விஜய்யை சந்திக்க 15-க்கும் மேற்பட்ட உறவினர்கள் அவர் சிகிச்சை பெறும் வார்டுக்கு வந்திருக்கின்றனர். கூட்டமாக வந்த காரணத்தினால் அவர்களை அங்கிருக்கும் பயிற்சி டாக்டர்கள் உள்ளே அனுமதிக்கவில்லை.

இதையடுத்து அந்த பயிற்சி டாக்டர்களை உறவினர்கள் தாக்கியுள்ளனர். இதையடுத்து பயிற்சி டாக்டர்கள் சாலை மறியலில் ஈடுபட்டனர். பின்னர் சமாதானமடைந்த அவர்கள் ஆஸ்பத்திரிக்குள் உள்ளிருப்பு போராட்டத்தில் ஈடுபட்டனர். இவர்களை தாக்கியதாக திலீப், பாலகிருஷ்ணன், நிஷா, லதா, பத்மபிரியா ஆகியோர் மீது வழக்குப்பதிவு செய்யப்பட்டு உள்ளது.

கோரிக்கைகள் ஏற்பு

பயிற்சி டாக்டர்களின் நியாயமான கோரிக்கைகளை ஏற்று அவர்களின் அச்சத்தை போக்கும் வகையில் அவர்கள் விடுத்த பல கோரிக்கைகளை ஏற்று இருக்கிறோம். அதன்படி இனி சென்னை அரசு பொது மருத்துவமனையில் ஒரு சிறப்பு பாதுகாப்புப்படை உருவாக்கப்பட உள்ளது. இதில் 25 போலீசார் தீவிர பாதுகாப்பு பணியை மேற்கொள்ள உள்ளனர்.

தமிழகம் முழுவதும் அரசு ஆஸ்பத்திரிகள், மாவட்ட ஆஸ்பத்திரிகள், ஆரம்ப சுகாதார நிலையங்களில் பாதுகாப்பு தணிக்கை குழு அமைக்கப்படும். சுகாதார செயலாளர் தலைமையில் இந்த குழு இயங்கும். மாவட்டங்களில் அந்தந்த கலெக்டர் தலைமை தாங்குவார். மாதம் ஒருமுறை இக்குழுவின் சார்பில் கூட்டம் நடத்தப்படும்.

இவ்வாறு அவர் கூறினார்.

ஐகோர்ட்டில் வழக்கு

டாக்டர்கள் போராட்டம் குறித்து ராயப்பேட்டையை சேர்ந்த சி.குமரன் என்பவர் சென்னை ஐகோர்ட்டில் ஒரு மனு தாக்கல் செய்தார். இது அவசர வழக்காக நீதிபதி என்.கிருபாகரன் முன்பு நேற்று விசாரணைக்கு வந்தது.

போராட்டத்துக்கான காரணங்களை கேட்டறிந்த நீதிபதி, ‘டாக்டர்களின் போராட்டத்தை முடிவுக்கு கொண்டுவந்து, நோயாளிகளுக்கு சரியான சிகிச்சை வழங்கப்படுவதை அரசு உறுதி செய்யவேண்டும். ராஜீவ்காந்தி அரசு ஆஸ்பத்திரியில், நோயாளிகளின் எண்ணிக்கைக்கு ஏற்ப டாக்டர்கள் உள்ளனரா? அவசர சிகிச்சை பிரிவில் எத்தனை டாக்டர்கள் உள்ளனர்? போதிய மருந்து, மாத்திரைகள் உள்ளதா? ஆஸ்பத்திரிக்கு தமிழக அரசு ஒதுக்கியுள்ள நிதி எவ்வளவு? என்பவை குறித்து தமிழக அரசு பதில் மனு தாக்கல் செய்ய வேண்டும்’ என்று உத்தரவிட்டு விசாரணையை 20-ந் தேதிக்கு தள்ளிவைத்தார்.

தமிழக பட்ஜெட்டில் கூறப்பட்டுள்ளதாவது:–

மார்ச் 17, 01:50 AM

சென்னை,
ஆண்டு ஒன்றுக்கு ஒரு லட்சம் உழைக்கும் பெண்களுக்கு இருசக்கர வாகனங்கள் வாங்குவதற்கு ரூ.20 ஆயிரம் அளவிற்கு மிகாமல் 50 சதவீத மானியம் வழங்க முதல்–அமைச்சர் உத்தரவிட்டுள்ளார். இந்த பட்ஜெட்டில் ரூ.200 கோடி ஒதுக்கீடு செய்யப்பட்டுள்ளது.

7–வது மத்திய ஊதிய குழுவின் பரிந்துரைகளில் உள்ள அனைத்து கூறுகளையும் ஆய்வு செய்து, அதன் அடிப்படையில் பரிந்துரைகளை வழங்கும் பொருட்டு உயர் அலுவலர்கள் குழுவினை தற்போது இந்த அரசு அமைத்துள்ளது.

இந்த அறிக்கையின் அடிப்படையில் திருத்தப்பட்ட ஊதிய விகிதங்கள் இந்த அரசால் நிர்ணயிக்கப்படும். புதிய மருத்துவ காப்பீட்டு திட்டத்தினை செயல்படுத்தவதற்காக பட்ஜெட்டில் ரூ.290 கோடி ஒதுக்கீடு செய்யப்பட்டுள்ளது. இலங்கை தமிழ் அகதிகள் நலனுக்காக ரூ.116 கோடி ஒதுக்கீடு செய்யப்பட்டுள்ளது. இவ்வாறு அதில் கூறப்பட்டுள்ளது.

சேகர்ரெட்டி உள்பட 3 பேருக்கு நிபந்தனை அடிப்படையில் ஜாமீன் வழங்கி சென்னை சி.பி.ஐ. சிறப்பு கோர்ட் நீதிபதி உத்தரவிட்டார்.

மார்ச் 18, 04:00 AM

சென்னை,

சென்னை தியாகராய நகரை சேர்ந்த சேகர்ரெட்டியின் வீடு, அலுவலகம் உள்ளிட்ட பல இடங்களில் வருமான வரித்துறையினர் கடந்த டிசம்பர் மாதம் திடீர் சோதனை நடத்தினார்கள். அப்போது, ரிசர்வ் வங்கி அண்மையில் வெளியிட்ட ரூ.2 ஆயிரம் நோட்டுகள், பல கோடி மதிப்பில் கட்டுக்கட்டாக பதுக்கி வைக்கப்பட்டிருந்ததை கண்டுபிடித்தனர்.

இதுகுறித்து சி.பி.ஐ. போலீசார் வழக்குப்பதிவு செய்து, சேகர்ரெட்டி, சீனிவாசலு, ஆடிட்டர் பிரேம்குமார், திண்டுக்கல் ரத்தினம், ராமச்சந்திரன், கொல்கத்தாவை சேர்ந்த பரஸ்மால் லோதா ஆகியோரை கைது செய்தனர்.

இந்த வழக்கில் ஏற்கனவே, திண்டுக்கல் ரத்தினம், ராமசந்திரன் ஆகியோர் ஜாமீனில் வெளியில் சென்றுவிட்டனர். இந்த நிலையில், சேகர்ரெட்டி, சீனிவாசலு, பிரேம்குமார் ஆகியோர் ஜாமீன் கேட்டு சென்னை சி.பி.ஐ. சிறப்பு கோர்ட்டில் மனு தாக்கல் செய்தனர்.

இந்த மனுவை நீதிபதி வெங்கடசாமி, விசாரித்து சேகர்ரெட்டி உள்பட 3 பேருக்கு நிபந்தனை அடிப்படையில் ஜாமீன் வழங்கி உத்தரவிட்டார். அதில், 3 பேரும் தலா ரூ.5 லட்சத்துக்கு சொந்த உத்தரவாதமும், அதே தொகைக்கு இருநபர் உத்தரவாதமும் வழங்கவேண்டும். தங்களது பாஸ்போர்ட்டை கோர்ட்டில் ஒப்படைக்க வேண்டும். மறு உத்தரவு பிறப்பிக்கும் வரை சி.பி.ஐ. அதிகாரிகள் முன்பு தினமும் ஆஜராகி கையெழுத்திட வேண்டும்’ என்று நீதிபதி கூறியுள்ளார்.

தலையங்கம்
பெண்களுக்கு 6 மாதகாலம் மகப்பேறு விடுமுறை

மார்ச் 18, 02:00 AM

இப்போது பெண்கள் ராக்கெட்டில் செல்லும் விஞ்ஞானிகள் வரை அனைத்து பணிகளிலும் கோலோச்சு கிறார்கள். அவர்கள் கால்வைக்காத இடமேயில்லை என்ற வகையில், எல்லா பணிகளிலும் குறிப்பாக ராணுவத்தில்கூட பெண்கள் முத்திரை பதித்துக் கொண்டிருக்கிறார்கள். தமிழ்நாடு போன்ற மாநிலங்களில் பெண்களுக்கு அரசு பணிகளில் 30 சதவீதம் இடஒதுக்கீடு வழங்கப்பட்டு வருகிறது. ஆனால், மகப்பேறு என்பது பெண்களுக்கே கிடைத்துள்ள மிகப்பெரிய பெருமையாகும். மகப்பேறு காலங்களில் நிச்சயமாக பெண்கள் வேலைக்கு வர முடியாது. தற்போது மத்திய அரசாங்கத்தில் பணிபுரியும் பெண்களுக்கு மகப்பேறு விடுமுறையாக 6 மாதகாலம் வழங்கப்படுகிறது.

ஆனால், தமிழ்நாடு எல்லாவற்றிலுமே முன்னோடி என்றவகையில், ஏற்கனவே மகளிருக்கு வழங்கப்பட்டுவந்த பேறுகால விடுமுறை 6 மாதகாலமாக இருந்தது. கடந்த ஆண்டு மே மாதம் சட்டமன்ற தேர்தலின்போது மறைந்த முதல்–அமைச்சர் ஜெயலலிதா வெளியிட்ட தேர்தல் அறிக்கையில், 6 மாதகாலம் மகப்பேறு விடுமுறையை, 9 மாதகாலமாக அறிவித்து, கடந்த ஆண்டு நவம்பர் மாதம் முதல் அது நிறைவேற்றப்பட்டுள்ளது. தற்போது இந்தியா முழுவதும் அனைத்து முறைசார் பிரிவுகளிலும் உள்ள நிறுவனங்களில் பணிபுரியும் பெண்களுக்கு 3 மாத காலத் திலிருந்து அதாவது, 12 வாரகாலத்திலிருந்து சம்பளத்துடன் கூடிய 26 வாரகாலம் விடுமுறை அளிக்க வகைசெய்யும் மசோதா ஏற்கனவே டெல்லி மேல்–சபையில் நிறைவேற்றப் பட்டு, இப்போது பாராளுமன்றத்திலும் நிறைவேற்றப் பட்டுள்ளது. மகப்பேறு பலன் (திருத்த மசோதா) என்றழைக்கப்படும் இந்த மசோதாவால், நாடுமுழுவதிலும் உள்ள 18 லட்சம் மகளிர் பயன்பெறுவார்கள். இந்த புதிய சட்டம் அமலுக்கு வந்தவுடன், 10 அல்லது அதற்கு மேற்பட்ட தொழிலாளர்களைக்கொண்ட அனைத்து நிறுவனங்களிலும் பணிபுரியும் பெண்களுக்கு முதல் 2 பிரசவங்களுக்கு 26 வார காலவிடுமுறை வழங்கப்பட வேண்டும். 3–வது பிரசவத்துக்கு 12 வாரகாலம் விடுமுறை அளிக்கப்பட வேண்டும்.

இதுமட்டுமல்லாமல், இந்த மசோதாப்படி, குழந்தை களை தத்தெடுக்கும் பெண்களுக்கும், வாடகைத்தாய்மூலம் குழந்தைகளை பெற்றுக்கொள்ளும் பெண்களுக்கும் 12 வாரகாலம் விடுமுறை அளிக்கப்படவேண்டும். மேலும், 50 அல்லது 50–க்கும் மேற்பட்ட தொழிலாளர்களைக்கொண்ட நிறுவனங்களில் கண்டிப்பாக ‘குழந்தைகள் காப்பகம்’ இருக்கவேண்டும். பெண்கள் அந்த காப்பகத்திலுள்ள தங்கள் குழந்தைகளை பார்ப்பதற்கு நாளொன்றுக்கு 4 தடவை அனுமதிக்கப்பட வேண்டும். பெண்களுக்கு நிச்சய மாக இந்த மசோதா ஒரு வரப்பிரசாதம்தான். ஆனால், 10 அல்லது 12 தொழிலாளர்களை மட்டும் கொண்டு நடத்தும் ஒரு சிறுதொழிற்கூடத்தில் 3 பெண்கள் அல்லது அதற்கு மேற்பட்ட எண்ணிக்கையில் வேலைபார்ப் பார்கள். சிலநிறுவனங்கள் குறிப்பாக ஆயத்த ஆடைகள் தயாரிக்கும் நிறுவனங்கள் போன்ற சில நிறுவனங்களில் முழுக்க முழுக்க பெண்கள்தான் வேலைபார்ப்பார்கள். அப்படிப்பட்ட சிறு தொழிற்கூடங்களில் பெண்களுக்கு 6 மாதகாலம் மகப்பேறு விடுமுறை அளிக்கப்பட்டால், அதுவும் சம்பளத்துடன்கூடிய விடுப்பு அளிக்கவேண்டும் என்ற சூழ்நிலையில் அவர்களின் உற்பத்தி நிச்சயமாக பாதிக்கும். வேறு பணியாளர்கள் நியமிக்கப்படவேண்டிய கட்டாயத்தில், அத்தகைய நிறுவனங்களுக்கு நிதிநெருக்கடி ஏற்படும். பெண்களுக்கு நிச்சயமாக மகப்பேறுவிடுமுறை அளிக்கவேண்டியது கட்டாயம்தான். ஆனால், சிறுதொழில் நடத்துபவர்களின் நிதிநிலையையும், அந்த நிறுவனங்களின் உற்பத்தியையும் கருத்தில்கொண்டு, மத்திய அரசாங்கம் அதுபோன்ற நேரங்களில் அந்த நிறுவனங்களுக்கும் குறிப்பாக, சிறு நிறுவனங்களுக்கு கண்டிப்பாக நிதிஉதவி அளிக்கவேண்டும். சிலநேரங்களில் பெண்களுக்கு வேலை வாய்ப்பு அளித்தால் இதுபோன்ற செலவுகள், உற்பத்தி பாதிப்புகள் ஏற்படும் என்ற அச்சத்தினால், பெண்களுக்கு வேலைவாய்ப்பு அளிக்க இதுபோன்ற நிறுவனங்களுக்கு தயக்கம் ஏற்படுவதற்கும் வாய்ப்பிருக்கிறது. எனவே, பெண்கள் வேலைவாய்ப்பும் பாதிக்கப்படாமல் இருக்க வேண்டும் என்றால், கண்டிப்பாக மத்திய அரசாங்கம் உதவிக்கரம் நீட்ட வேண்டும்.





PrevNext
March 2017
SuMoTuWeThFrSa26 27 28 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

14 கோடி ரூபாய் இழப்பீடு கேட்கும் நீதிபதி கர்ணன்!

14 கோடி ரூபாய் இழப்பீடு கேட்டு, கொல்கத்தா உயர்நீதிமன்ற நீதிபதி கர்ணன், உச்சநீதிமன்ற அரசியல் சாசனக் குழுவுக்குக் கடிதம் எழுதியுள்ளார். நீதிமன்ற அவமதிப்பு வழக்கு தொடர்பாக நீதிபதி கர்ணனை நேரில் ஆஜராக வேண்டும் என்று உச்சநீதிமன்றம் உத்தரவிட்டது. ஆனால், இரண்டு முறை கர்ணன் நேரில் ஆஜராகவில்லை. இதையடுத்து, அவருக்கு பிடிவாரண்ட் பிறப்பித்து உச்சநீதிமன்றம் உத்தரவிட்டது.

ஆனால் கர்ணன், உச்சநீதிமன்றத் தலைமை நீதிபதி உள்ளிட்ட 7 பேர் மற்றும் அட்டர்னி ஜெனரல் முகுல் ரோகத்கி ஆகியோர்மீது வழக்கு பதிவுசெய்து, சி.பி.ஐ அறிக்கை தாக்கல்செய்ய வேண்டும் என உத்தரவிட்டார். இந்நிலையில், 'பொதுமக்கள் முன்னிலையில் உச்சநீதிமன்றம் தன்னை அவமானப்படுத்திவிட்டது. ஆகவே, இழப்பீடாக 14 கோடி ரூபாய் வழங்க வேண்டும்' என்று உச்சநீதிமன்ற அரசியல் சாசனக் குழுவுக்குக் கடிதம் எழுதியுள்ளார்.

சசிகலாவை வாழ்த்துவதா?- அவையில் திமுக கடும் எதிர்ப்பு

சட்டப்பேரவையில், பட்ஜெட் உரையின்போது அதிமுக பொதுச் செயலாளர் சசிகலாவை வாழ்த்திப் பேசியதற்கு எதிர்ப்பு தெரிவித்து திமுகவினர் கோஷங்கள் எழுப்பினர். இதனால், அவையில் சிறிது நேரம் அமளி நீடித்தது.

2017 - 2108 நிதியாண்டுக்கான தமிழக பட்ஜெட் தாக்கல் செய்வதற்காக தமிழக சட்டப்பேரவை இன்று (வியாழக்கிழமை) கூடியது. நிதியமைச்சர் டி.ஜெயக்குமார் பட்ஜெட்டை தாக்கல் செய்தார். அப்போது, அமைச்சர் டி.ஜெயக்குமார் அதிமுக பொதுச்செயலாளர் சசிகலாவை வாழ்த்திப் பேசினார். இதற்கு எதிர்ப்பு தெரிவித்து அவையில் திமுகவினர் கோஷமிட்டனர். கூச்சல் அதிகமாகவே குறுக்கிட்ட அவைத்தலைவர் ப.தனபால், எதிர்க்ட்சி உறுப்பினர்கள் அமைதிகாக்குமாறு வேண்டுகோள் விடுத்தார்.

ஆனால் திமுகவினர் தொடர்ந்து கோஷங்களை எழுப்பினர். கூச்சலுக்கு மத்தியிலும் அமைச்சர் டி.ஜெயக்குமார் பட்ஜெட் உரையை வாசித்துக்கொண்டிருந்தார். தொடர்ந்து எதிர்ப்பு கிளம்பவே, அவர் உரையை சிறிது நேரம் நிறுத்தினார்.

எதிர்க்கட்சித் தலைவர் ஸ்டாலின் தனது கருத்தை தெரிவிக்க சபாநாயகர் அனுமதி வழங்கினார். அப்போது ஸ்டாலின், "சிறையில் இருப்பவரை அவையில் வாழ்த்திப் பேசுவதை ஏற்க முடியாது. சசிகலா பெயரை அவைக்குறிப்பில் இருந்து நீக்க வேண்டும்" என்று கோரிக்கை வைத்தார்.

அதற்கு அவை முன்னவர் செங்கோட்டையன் பதிலளித்தபோது, "கட்சியின் பொதுச்செயலாளர் பெயரை குறிப்பிடுவது மரபுதான்" என்றார்.

இதை திமுக ஏற்காததால் சபையில் சிறிது நேரம் சலசலப்பு ஏற்பட்டது. பின்னர் பட்ஜெட் உரையை அமைச்சர் ஜெயக்குமார் தொடர்ந்தார்.

786’ என்ற எண்களில் முடியும் நூறு ரூபாய் நோட்டு ரூ.50 ஆயிரத்துக்கு விற்பனை: ‘இபே’ நிறுவனத்தால் பரபரப்பு

ஆர்.சிவா

786’ என்ற எண்களில் முடியும் நூறு ரூபாய் நோட்டை ‘இபே’ நிறுவனம் மூலம் ரூ.50 ஆயிரத்துக்கு விற்பனை செய்ய அறிவிப்பு வெளியாகியுள்ளது.

தயாரிப்புப் பொருட்களை ஆன்லைன் வர்த்தக நிறுவனங்கள் மூலம் விற்பனை செய்யலாம். விற்பனை செய்யப்பட்ட தொகைக் கான கமிஷனை மட்டும் ஆன் லைன் வர்த்தக நிறுவனம் எடுத்துக் கொண்டு, மீதித் தொகையை பொருளை விற்றவரிடம் கொடுத்து விடும்.

அமேசான், பிளிப்கார்ட் போன்ற பல நிறுவனங்கள் இப்படியே செயல்படுகின்றன. இதேபோல ஆன்லைனில் பொருட்களை விற்பனை செய்யும் ‘இபே’ நிறுவனம் மூலம் அனைவரையும் அதிர்ச்சி அடையச் செய்யும் வகையில் ஒரு விற்பனை தொடங்கப்பட்டுள்ளது.

இஸ்லாமியர்கள் புனித எண்ணாக கருதும் ‘786’ என்ற எண்ணுடன் முடியும் நூறு ரூபாய் நோட்டை விற்பனை செய்வதாக ‘இபே’ நிறுவனம் மூலம் சிலர் அறிவித்துள்ளனர். இந்த நூறு ரூபாய் நோட்டின் விலை ரூ.50 ஆயிரம். தபால் செலவுக்கு கூடுதலாக ரூ.90. மொத்தம் 50 ஆயிரத்து 90 ரூபாய் செலுத்த வேண்டும். இந்த தொகையை செலுத்துபவர்களுக்கு இரு நாட்களில் அவர்களின் முகவரிக்கு ‘786’ என்று முடியும் நூறு ரூபாய் நோட்டு தபாலில் அனுப்பி வைக்கப்படும் என்று ‘இபே’ நிறுவன இணைய பக்கத்தில் தெரிவிக்கப்பட்டுள்ளது.

இதேபோல 50 ரூபாய் நோட்டை ரூ.254-க்கும், 20 ரூபாய் நோட்டை ரூ.294-க்கும், 10 ரூபாய் நோட்டை ரூ.244-க்கும், 5 ரூபாய் நோட்டை ரூ.549-க்கும் விற்பனை செய்ய அதே நிறுவன பக்கத்தில் அறிவிப்பு வெளியாகியுள்ளது.

பொது மக்களின் கடவுள் நம்பிக்கையை பயன்படுத்தி, அநியாய விற்பனையை வெளிப் படையாக செய்பவர்களுக்கும், ‘இபே’ நிறுவனத்துக்கும் பொது மக்கள் கடும் எதிர்ப்பு தெரிவித்து உள்ளனர்.

இது குறித்து திருக்குர்ஆன் மொழிபெயர்ப்பாளர் முகமது மைதீன் கூறும்போது, “786 என்பது ‘இறைவனின் திருப்பெயரால் தொடங்குகிறேன்’ என்ற வார்த்தை களின் எண்களுக்கான சுருக்கமா கும். இந்த எண்ணுக்கும் இஸ்லாம் மார்க்கத்துக்கும் தொடர்பு இல்லை. இதை பொதுமக்கள் தவறாக பயன்படுத்த தொடங்கி விட்டனர். பொதுமக்களின் மூட நம்பிக்கையை பயன்படுத்தி, அதை பணமாக்க நினைப்பது கண்டிக்கத்தக்கது” என்றார்.

இந்திய தேசிய லீக் கட்சியின் மாநில தலைவர் தடா ரஹீம் கூறும்போது, “786 என்பது வெறும் எண் மட்டும்தான். இது புனித எண் என்பது தவறானது. இதை வைத்து மக்களிடம் பணம் பறிக்க நினைப்பது கண்டிக்கத்தக்கது” என்றார்.

மொழி கடந்த ரசனை 25: இந்தியில் ஒரு ‘எலந்தப் பயம்’

எஸ்.எஸ். வாசன்

காலத்தால் அலையாத கருத்து மிக்க பாடல்களை எழுதியவர் கண்ணதாசன். ஆனால் இது அவர் எழுதிய பாடல்தானா எனப் பலரைக் கேட்கவைத்த பாடல் ‘எலந்தப் பயம், எலந்தப் பயம்’. எல். ஆர் ஈஸ்வரி தன் வசீகர குரலில் பாடியிருப்பார். பணமா பாசமா என்ற படத்தின் வெற்றிக்கு ஒரு முக்கியக் காரணமாக அமைந்த அந்தப் பாடலில் அடித்தட்டு மக்களின் மொழியும் உணர்வும் ஊற்றாகப் பொங்கி வழியும். படித்தவர்கள் மட்டுமின்றிப் பாமரர்களும் ரசிக்கும் விதம் திரைப் பாடல்களை எழுதும் திறன் பெற்றவர்களே சிறந்த திரை இசைக் கவிஞர்கள் என்பதை இந்தப் பாடல் மூலம் எடுத்துக் காட்டிய கண்ணதாசனுக்கு இணையானவர் ராஜா மெஹதி அலி கான்.

உருது மொழி கலந்த, ஆழமான பொருள் மிக்க மிகச் சிறந்த இந்திப் பாடல்களை எழுதியுள்ள மெஹதி அலி கான், ‘மேரா சாயா’ படத்திற்காக எழுதிய, ‘ஜும்கா கிரா ரே, ரே பரேலி கா பாஜார் மே’ என்று தொடங்கும் பாடல், பல விதங்களில் நம் இலந்த பழம் பாட்டுக்கு நிகரானது. இந்த இந்திப் பாட்டு உத்தர பிரதேசப் பேச்சு வழக்கில் அமைந்த ஒன்று. கிளர்ச்சி தரும் உச்ச ஸ்தாயில் அனாசயமாகப் பாடக்கூடிய எல்.ஆர்.ஈஸ்வரியின் எதிரொலி எனச் சொல்லத்தக்க வகையில் ஆஷா போன்ஸ்லே பாடிய பாடல் இது. ஜிப்ஸி உடையில் எழிலாகத் தோன்றும் சாதனா இளமைத் துள்ளலுடன் ஆடுவது இப்பாடலின் கூடுதல் சிறப்பு.

‘மேரேசாயா’ படம் வெளிவந்து 50 வருடங்களுக்குப் பிறகும் அதே ரசனையை இந்தப் பாடல் நமக்கு அளிக்கிறது. ‘யாஸ்மின்’ படத்தில் வைஜெந்திமாலா பாடி நடித்த ஆடல் காட்சி மட்டுமே சாதனா ஆடிய ஒயில் நடனத்திற்கு இணையாகக் கூறப்படுகிறது. அந்தக் காலச் சூழலின்படி, ஊர்ப் பெரியவர் தலைமையில் கிராம மக்கள் கூடி நிற்கும் திறந்த வெளியில் நடன மங்கை ஆடிப்பாடி மகிழ்விக்கும் இப்பாடலின் இடையிடையே ‘ஃபிர் கியா ஹுவா?’ (அப்புறம் என்ன ஆயிற்று?) என்ற வரிகள் இப்பாடலின் சிறப்பு. சாதனா கூறும் நிகழ்வுகளின் தொடர்ச்சியாகப் பின்னணி

இசை வாத்தியக்காரர்களும் இறுதியில் ஊர் பெரிசும் கேட்கும்படி அமைந்த இப்பாடலின் பொருள்:

ஜிமிக்கி விழுந்துவிட்டது, ஜிமிக்கி விழுந்துவிட்டது

ரே பரேலி கடைத்தெருவில் ஜிமிக்கி விழுந்துவிட்டது

ஐய்யோ ஐய்யோ ஜிமிக்கி விழுந்துவிட்டதய்யா

காதலன் வந்தான் கண்ணடித்துச் சிரித்தான் களவு போனது வீடு

‘காதில் ஜிமிக்கி போட்டு விடுகிறேன் வாடி அன்பே’ என்றான்

‘வேண்டாம் வேண்டாம் வம்பு பண்ணாதே’ எனச் சிணுங்கினேன்

அவனிடமிருந்து விடுவித்துக்கொள்ள முயன்ற எனது

இடுப்பை விடவில்லை அந்த எமகாதகன்

‘அப்புறம் என்ன ஆயிற்று’ (ஒரு குரல்)

அப்புறமா, அப்புறம், ஜிமிக்கி விழுந்துவிட்டது

எங்களுடைய இருவரின் தள்ளு முள்ளில்.

பின்னர் ஒரு சமயம்

வீட்டின் மாடியில் நின்றுகொண்டிருந்தேன் நான்

வீட்டு எதிர்த் தெருவில் நின்றான் அவன்

‘கீழே வா அன்பே, உடனே கீழே’ எனச் சிரித்தான்

முடியாது என்றால், ‘மோதிரம் வீசிக் காட்டு உன் சம்மதம்’ என்றான்

அடைந்த வெட்கத்தில் அது கேட்டு நனைந்துவிட்டேன் நான்

‘அப்புறம் என்ன ஆயிற்று’ (கூட்டத்திலிருந்து ஒருவர்)

அப்புறமா, அய்யா அப்புறம்

ஜிமிக்கி விழுந்துவிட்டது எங்கள் இருவரின் காதலின் சக்தியில்

(மற்றொரு தருணம்)

சோலையில் நான் சோர்ந்து இருக்கும்பொழுது

சேலைத் தலைப்பைச் சேர்த்து இழுத்துச் சொன்னான்

‘அடியே அன்பே என்னை ஆட்கொண்டுவிட்டாய் நீ’

விழிகளைத் தாழ்த்தி வெட்கத்தில் சிரித்தேன் மெல்ல

காதலன் சீண்டியபொழுது கரங்கள் இணைந்தன

‘அப்புறம் என்ன ஆயிற்று’ (கோரஸாகப் பலர்)

அப்புறமா அப்புறம் ஜிமிக்கி விழுந்துவிட்டது

இதற்கு அப்புறம் என்னத்தைச் சொல்ல

ஜிமிக்கி விழுந்துவிட்டது, ஜிமிக்கி விழுந்துவிட்டது

ரே பரேலி கடைத்தெருவில் ஜிமிக்கி விழுந்துவிட்டது

மிகவும் வித்தியாசமான கிராமிய இசைப் பின்னணியில் அமைந்த இந்தப் பாடலின் வரிகள் அப்போது வட இந்தியாவில் பேச்சு வழக்கில் இருந்த சாமனிய மக்களின் பேச்சு வழக்கில் இருந்த உருது, இந்தி, பெர்சிய மைதிலீ மொழிச் சொற்களை பயன்படுத்தி எதுகை மோனை குறையாமல் எழுதப்பட்டுள்ளது.

‘ஜிமிக்கி விழுந்துவிட்டது’ என்ற சொற்றொடர் அதன் சரியான அர்த்தத்தையும் தாண்டிய காதல் சேட்டையின் ஒரு குறியீடாக இப்பாடலுக்குப் பின்னர் உருவகம் கொண்டது. அதே போன்று ‘ரே பரேலி’ (பின்னர் இந்திரா காந்தியின் தொகுதியாக விளங்கிய) என்ற உத்தரப்பிரதேசத்தின் வர்த்தக நகரம் பல திரைப் பாடல்களில் இடம் பெறும் இடமாக மாறியது.

ஜெ. நினைவிடத்தில் பட்ஜெட்டை வைத்த விவகாரம்: அமைச்சர் ஜெயக்குமார் மீது நடவடிக்கை - ஸ்டாலின் உள்ளிட்டோர் வலியுறுத்தல்

தமிழக சட்டப்பேரவையில் பட் ஜெட்டை நிதியமைச்சர் ஜெயக் குமார் நேற்று தாக்கல் செய்தார். முன்னதாக பட்ஜெட் ஆவணம் வைக்கப்பட்ட பெட்டியை மெரினா கடற்கரையில் உள்ள மறைந்த முன்னாள் முதல்வர் ஜெயலலிதா நினைவிடத்தில் வைத்து வணங் கினார்.

இதற்கு பல்வேறு அரசியல் கட் சித் தலைவர்களும் வழக்கறிஞர் களும் கண்டனம் தெரிவித்துள்ளனர்.

திமுக செயல் தலைவர் மு.க.ஸ்டா லின்:

ஜெயலலிதா சமாதியில் வைத்து அதன்பின் சட்டப்பேரவை யில் பட்ஜெட்டை நிதியமைச்சர் ஜெயக்குமார் தாக்கல் செய்துள் ளார். தமிழக பட்ஜெட் தாக்கல் செய்யும் நடைமுறையில் அழிக்க முடியாத கரும்புள்ளியை அமைச் சர் ஏற்படுத்திவிட்டார். அவருக்கு என் கண்டனத்தை தெரிவித்துக் கொள்கிறேன்.

பேரவை என்பது சட்டப்பேரவை தான். சமாதிகளை பேரவையாக கருத முடியாது. சட்டப்பேரவை விதிகள், அரசியல் சட்ட அங்கீ காரம் பெற்றவை. பேரவை விதி களையும், அரசியல் சட்டத்தையும் ஜெயக்குமார் மீறியுள்ளார். பேரவை யில் தாக்கல் செய்யப்படும் வரை, பட்ஜெட் பற்றிய ரகசியம் காக்கப் பட வேண்டும் என்பது மரபு. அந்த மரபுகளை மீறி, பட்ஜெட்டை சமாதி வரை எடுத்துச் சென்ற ஜெயக்குமார் மீது தமிழக ஆளுநர் உடனடியாக நடவடிக்கை எடுக்க வேண்டும்.

ஓ.பன்னீர்செல்வம் அணி எம்எல்ஏ எஸ்.செம்மலை:

நிதிநிலை அறிக்கை என்பது ரகசியம் காக்கப் பட வேண்டிய ஒன்று. அது முதன் முதலில் சட்டப்பேரவையில்தான் வைக்க வேண்டும். பொது இடத் தில் வைக்கக்கூடாது. தமிழக சட்டப் பேரவை வரலாற்றில் இதுபோன்ற நடைமுறை இருந்ததில்லை. முன் னாள் முதல்வர் எம்ஜிஆர் மறைந்த பின், ஜெயலலிதா ஆட்சியில் இருந்த ஓ.பன்னீர்செல்வம் உள் ளிட்ட நிதியமைச்சர்கள், எம்ஜிஆர் நினைவிடத்தில் பட்ஜெட்டை வைத்து வணங்கிய முன்மாதிரி இல்லை. தற்போது புதிய நடைமுறையை உருவாக்கிய காரணமும் தெரியவில்லை. ஒரு வேளை குற்ற உணர்வின் காரண மாக பாவமன்னிப்பு தேடி ஜெய லலிதா சமாதியில் வைத்து வணங்கி விட்டு வந்திருக்கலாம். இதுபோன்ற நடவடிக்கை சட்டப்பேரவை விதி களுக்கு உட்பட்டதா என்பதற்கு சட்டப் பேரவைத் தலைவரும், செயலாளரும்தான் பதில் சொல்ல வேண்டும்.

சமூக நீதிக்கான வழக்கறிஞர் பேரவை தலைவர் கே.பாலு:

பட்ஜெட் தாக்கல் செய்யப்படும் முன்பு வெளியில் வந்தால், அதை வைத்து ஆட்சியையே கலைத்துவிட முடியும். ஜெயலலிதாவின் படம், பெயரை அரசின் நலத்திட்டங்களில் பயன்படுத்தக் கூடாது என வழக்கு தொடர்ந்துள்ளோம். இந்நிலையில், பட்ஜெட் பெட்டியில் ஜெயலலிதா படத்தை போட்டு, அவர் சமாதியில் வைத்து அவரின் திட்டங்கள் தொடரும் என நிதியமைச்சர் அறி வித்துள்ளார். இதன்மூலம், சட்டப் பேரவையின் மாண்பு கிழிக்கப்பட் டுள்ளது. தமிழகத்தில் ஒரு மோச மான அரசியல் முன்னுதாரணத்தை நிதியமைச்சர் ஜெயக்குமார் ஏற்படுத்தி விட்டார்.

உயர் நீதிமன்ற வழக்கறிஞர் எம்.புருஷோத்தமன்:

பட்ஜெட்டை ஜெயலலிதாவின் சமாதியில் வைத்து எடுத்து வந்ததன் மூலம் இந்த அரசையே நிதியமைச்சர் அவமானப்படுத்தி விட்டார். இது சட்டரீதியாக தவறு இல்லை என்றாலும், தார்மீக ரீதியில் குற்றம். ஒரு கட்சியின் கொள்கை முடிவு ஊழலாக இருக்க முடியாது. சட்டப் பேரவைக்குள் நடக்கும் நிகழ்வுகள் அனைத்தும் பேரவைத் தலைவரின் தன்னிச்சையான அதிகாரத்துக்குட் பட்டது. ஆனால், நிதிநிலை அறிக் கையை சமாதியில் வைத்து எடுத் துச் சென்றதன் மூலம் இதை எதிர்த்து வழக்கு தொடர்வதற்கான முகாந்திரம் உள்ளது. ஒட்டுமொத்த மக்கள் பிரதிநிதிகளின் அதிகாரக் குவியல் மையம்தான் சட்டப் பேரவை. அதை அவமானப்படுத் தும் வகையில் சமாதியில் வைத்து நிதிநிலை அறிக்கையை எடுத்துச் சென்ற நிதியமைச்சர் மீது ஏன் தார்மீக அடிப்படையில் வழக்குத் தொடரக்கூடாது?

இவ்வாறு அவர்கள் கூறி யுள்ளனர்.