வருமான வரி கணக்கு தாக்கலின்போது ‘ஆதார்’ எண் குறிப்பிடுவது யாருக்கு கட்டாயம்?

 

வருமான வரி கணக்கு தாக்கலின் போது, ‘ஆதார்’ எண்ணை குறிப்பிடுவதை மத்திய அரசு கட்டாயம் ஆக்கியுள்ளது.

 

ஏப்ரல் 06, 05:15 AM

புதுடெல்லி,

வருமான வரி கணக்கு தாக்கலின்போது, ‘ஆதார்’ எண்ணை குறிப்பிடுவதை மத்திய அரசு கட்டாயம் ஆக்கியுள்ளது. இந்நிலையில், இது யாருக்கு கட்டாயம் என்று வருமான வரித்துறை நேற்று விளக்கம் அளித்தது.
‘ஆதார்’ எண் பெற தகுதியானவர்களுக்கு மட்டுமே அது கட்டாயம் என்று கூறியுள்ளது.

‘ஆதார்’ எண் பதிவுக்கு விண்ணப்பித்த தேதிக்கு முந்தைய 12 மாதங்களில், 182 நாட்களுக்கு குறையாமல், இந்தியாவில் வசித்த தனிநபர்கள் மட்டுமே இந்தியாவில் வசிப்பவர்களாக கருதப்பட்டு, ‘ஆதார்’ எண் பெற தகுதி உடையவர்கள் என்று ஆதார் சட்டம் கூறுகிறது. எனவே, இவர்களுக்கு மட்டுமே வருமான வரி கணக்கு தாக்கலின்போது, ‘ஆதார்’ எண் குறிப்பிடுவது கட்டாயம் ஆகும்.

சொத்து குவிப்பு வழக்கில் விடுவிப்பு ஜெயலலிதாவின் அபராதத்தை வசூலிக்க தேவை இல்லை

---

 

சொத்து குவிப்பு வழக்கில் ஜெயலலிதாவின் அபராதத்தை வசூலிக்க தேவை இல்லை என்று சுப்ரீம் கோர்ட்டு தெரிவித்துள்ளது. 

 

ஏப்ரல் 06, 05:45 AM

சொத்து குவிப்பு வழக்கில் ஜெயலலிதாவின் அபராதத்தை வசூலிக்க தேவை இல்லை என்று சுப்ரீம் கோர்ட்டு தெரிவித்துள்ளது. இது தொடர்பாக கர்நாடக அரசு தாக்கல் செய்த மனு தள்ளுபடி செய்யப்பட்டது.

புதுடெல்லி

மறைந்த தமிழக முதல்-அமைச்சர் ஜெயலலிதா, சசிகலா, இளவரசி, சுதாகரன் ஆகியோர் வருமானத்துக்கு அதிகமாக ரூ.66 கோடி அளவுக்கு சொத்து குவித்ததாக எழுந்த குற்றச்சாட்டு, பெரும் பரபரப்பை ஏற்படுத்தியது.

தனிக்கோர்ட்டு தீர்ப்பு

இந்த வழக்கில் மறைந்த தமிழக முதல்-அமைச்சர் ஜெயலலிதாவுக்கு 4 ஆண்டுகள் சிறை தண்டனையும், ரூ.100 கோடி அபராதமும் விதித்து பெங்களூரு தனிக்கோர்ட்டு 2014-ம் ஆண்டு, செப்டம்பர் 27-ந் தேதி தீர்ப்பு வழங்கியது.

இந்த வழக்கில் சசிகலா, இளவரசி, சுதாகரன் ஆகியோருக்கு தலா 4 ஆண்டுகள் சிறை தண்டனையும், தலா ரூ.10 கோடி அபராதமும் விதிக்கப்பட்டது.

இந்த தீர்ப்புக்கு எதிராக அவர்கள் தாக்கல் செய்த மேல்முறையீட்டு வழக்குகளை கர்நாடக ஐகோர்ட்டில் நீதிபதி சி.ஆர்.குமாரசாமி விசாரித்து, அவர்களை விடுதலை செய்து 2015-ம் ஆண்டு, மே மாதம் 11-ந் தேதி தீர்ப்பு வழங்கினார்.

சுப்ரீம் கோர்ட்டில் மேல்முறையீடு

இதை எதிர்த்து சுப்ரீம் கோர்ட்டில் கர்நாடக அரசும், தி.மு.க. பொதுச்செயலாளர் அன்பழகனும் மேல்முறையீடு செய்தனர். இந்த மேல்முறையீட்டு வழக்குகளை நீதிபதிகள் பினாகி சந்திரகோஷ், அமிதவராய் ஆகியோர் விசாரித்து ஜெயலலிதா மரணம் அடைந்து விட்ட நிலையில், அவர் மீதான அப்பீல் வழக்கு அற்றுப்போய் விடுகிறது என கூறி கடந்த பிப்ரவரி மாதம் 14-ந் தேதி தீர்ப்பு கூறினர்.

ஆனால் சசிகலா, இளவரசி, சுதாகரன் ஆகிய மூவருக்கு பெங்களூரு தனிக்கோர்ட்டு வழங்கிய தீர்ப்பை உறுதி செய்தனர். மூவரும், வழக்கின் முதல் குற்றவாளியான ஜெயலலிதாவுடன் சேர்ந்து கூட்டு சதியில் ஈடுபட்டது தெரிய வந்து இருப்பதாக கூறிய நீதிபதிகள், அவர்கள் பெங்களூரு தனிக்கோர்ட்டில் உடனடியாக சரண் அடைய உத்தரவிட்டனர். அவர்களும் சரண் அடைந்து, பெங்களூரு சிறையில் அடைக்கப்பட்டனர்.

கர்நாடக அரசு மறுஆய்வு மனு

ஆனால் ஜெயலலிதா மீதான தீர்ப்பில் மாற்றம் செய்யக்கோரி சுப்ரீம் கோர்ட்டில் கர்நாடக அரசு சார்பில் கடந்த மாதம் 21-ந் தேதி மறுஆய்வு மனு தாக்கல் செய்யப்பட்டது. அதில் கூறி இருந்த முக்கிய அம்சங்கள்:-

* ஒரு குற்ற வழக்கில் வாதங்கள் முடிந்து, தீர்ப்பு ஒத்திவைத்த பின்னர் ஒருவர் இறந்து விட்டால், அப்பீல் வழக்கு இல்லாமல் போய்விடும் என்ற கேள்விக்கே இடம் இல்லை. வழங்கப்படுகிற தீர்ப்பு, அந்த நபர் உயிரோடு இருந்து வழங்கப்பட்டிருந்தால் என்ன வலிமையுடன் இருக்குமோ, அதே வலிமையுடன் இருக்க வேண்டும்.

* ஒரு நபர் இறந்து விட்டால் அப்பீல் அற்றுப்போவதற்கு அரசியல் சாசனத்தில் எந்த சட்டப்பிரிவும் வகை செய்யவில்லை. சுப்ரீம் கோர்ட்டின் 2013-ம் ஆண்டு விதிகளும் இதுபற்றி கூறவில்லை.

* இந்த வழக்கில் ஜெயலலிதா மரணம் அடைந்துவிட்டதால், சிறை தண்டனை அனுபவிக்கும் நிலை இல்லை. ஆனால் அபராதம் செலுத்த வேண்டும் என்பது சட்டப்படி நிலைத்து நிற்கத்தக்கது. அதை அவரது சொத்துகள் மூலம் வசூலிக்க வேண்டும்.

* ஜெயலலிதாவுக்கு சிறை தண்டனை வழங்குவது பலனற்றது; இருப்பினும் அபராதம் விதிப்பது, சட்டவிரோதமாக சேர்த்த சொத்தை பறிமுதல் செய்வது கோர்ட்டின் பரிசீலனைக்கு உரியது.

* பிப்ரவரி 14-ந் தேதி வழங்கிய தீர்ப்பை சுப்ரீம் கோர்ட்டு மாற்றி அமைக்க வேண்டும். ஜெயலலிதாவுக்கு எதிராக தனிக்கோர்ட்டு வழங்கிய தீர்ப்பை உறுதி செய்ய வேண்டும்.

இவ்வாறு அந்த மறு ஆய்வு மனுவில் கூறப்பட்டுள்ளது.

நீதிபதிகள் பரிசீலனை

சுப்ரீம் கோர்ட்டில், மறு ஆய்வு மனுக்கள் மீதான விசாரணை, திறந்த அமர்வுகளில் நடைபெறுவது இல்லை. நீதிபதிகளின் அறையில் நடைபெறுவது தான் வழக்கமான நடைமுறை. மேலும், வழக்கில் தொடர்புடைய இரு தரப்பு வக்கீல்களும் அனுமதிக்கப்படாமல், நீதிபதிகள் மட்டுமே பரிசீலனைக்கு எடுத்துக்கொள்வார்கள்.

அதன்படி கர்நாடக அரசின் மறுஆய்வு மனு, சுப்ரீம் கோர்ட்டில் நீதிபதிகள் பினாகி சந்திரகோஷ், அமிதவராய் ஆகியோர் முன்னிலையில் நேற்று பரிசீலனைக்கு எடுத்துக் கொள்ளப்பட்டது.

தள்ளுபடி

அதைத் தொடர்ந்து நீதிபதிகள், கர்நாடக அரசின் மனுவை தள்ளுபடி செய்து உத்தரவிட்டனர்.

இது தொடர்பாக அவர்கள் பிறப்பித்த உத்தரவில் கூறி இருப்பதாவது:-

சுப்ரீம் கோர்ட்டில் மறுஆய்வு மனுக்களை தனிப்பட்ட முறையில் விசாரிக்க வேண்டும் என்ற கோரிக்கை நிராகரிக்கப்படுகிறது.

கர்நாடக அரசின் மறு ஆய்வு மனுவை நாங்கள் தகுதியின் அடிப்படையில் பரிசீலனை செய்தோம். நாங்கள் ஏற்கனவே பிப்ரவரி 14-ந் தேதி பிறப்பித்த உத்தரவை மாற்றி அமைப்பதற்கு எந்தவொரு முகாந்திரமும் இல்லை என்று கருதுகிறோம். அதன் அடிப்படையில் மறு ஆய்வு மனு தள்ளுபடி செய்யப்படுகிறது.

இவ்வாறு அதில் கூறப்பட்டுள்ளது.

அபராதம் இல்லை

எனவே இந்த வழக்கில் ஜெயலலிதாவுக்கு அபராதம் கிடையாது. அவரது சொத்துகளை விற்று ரூ.100 கோடி அபராதம் வசூலிக்கும் சூழல் எழவில்லை என்பது குறிப்பிடத்தக்கது.

மௌனம் சம்மதமாகிவிடும்!

By ஆசிரியர்  |   Published on : 05th April 2017 01:28 AM  |  

|  

கடந்த 2014 மக்களவைத் தேர்தலின்போது, பா.ஜ.க.வின் பிரதமர் வேட்பாளரான நரேந்திர மோடி, பல பிரசார மேடைகளில் லஞ்ச ஊழலையும் முறைகேடுகளையும் ஒழிப்பதற்கு தகவல் பெறும் உரிமைச் சட்டம் பயன்படும் என்பதை வலியுறுத்திப் பேசியிருக்கிறார். அரசாங்கத்திலும், நிர்வாகத்திலும் காணப்படும் தவறுகளை வெளிக்கொணரத் தகவல் பெறும் உரிமைச் சட்டத்தை பயன்படுத்தும்படி கட்சித் தொண்டர்களை வலியுறுத்தினார். கடந்த ஆண்டு நீதிபதிகள் மாநாட்டில்கூட, அரசியல்வாதிகளைக் கட்டுக்குள் வைத்திருக்கத் தகவல் பெறும் உரிமைச் சட்டம் ஒரு பயனுள்ள ஆயுதம் என்று எடுத்துரைத்ததை அவர் மறந்திருக்கலாம், நாம் மறக்கவில்லை.

தகவல் பெறும் உரிமைச் சட்டம் என்பது, அரசின் செயல்பாட்டின் வெளிப்படைத் தன்மையையும், பொறுப்புடைமையையும் உறுதிப்படுத்துவதற்காகக் குடிமை நல உணர்வாளர்கள் (சிவில் சொசைட்டி) நீண்டகாலம் போராடிப் பெற்ற ஆயுதம். 2002-இல் கொண்டு வரப்பட்ட தகவல் சுதந்திரச் சட்டத்தில் பல மாற்றங்கள் இணைக்கப்பட்டு, நாடாளுமன்றத்தில் நிறைவேற்றப்பட்டு, அக்டோபர் 12, 2005-இல் தகவல் பெறும் உரிமைச் சட்டம் நடைமுறைக்கு வந்தது. பல சமூக ஆர்வலர்களும், குடிமை நல உணர்வாளர்களும், ஊடகவியலாளர்களும், எதிர்க்கட்சியினரும் இந்தச் சட்டத்தை பயன்படுத்தி அரசில் நடைபெறும் பல ஊழல்களையும் முறைகேடுகளையும் வெளிக் கொணர்ந்திருக்கிறார்கள். வெளிக் கொணர்ந்த வண்ணம் இருக்கிறார்கள்.

முந்தைய மன்மோகன்சிங் அரசால் தகவல் பெறும் உரிமைச் சட்டம் கொண்டு வரப்பட்டது என்றாலும், இந்தச் சட்டத்தை நீர்த்துப் போகச் செய்யும் முயற்சிகளும் உடனடியாகவே தொடங்கிவிட்டன. மிகுந்த போராட்டத்திற்குப் பிறகுதான் மத்தியிலும் மாநிலங்களிலும் தகவல் ஆணையங்கள் அமைக்கப்பட்டு, எல்லா துறைகளிலும் தகவல் அதிகாரிகள் செயல்படத் தொடங்கினார்கள்.

நரேந்திர மோடி அரசு பதவிக்கு வந்தபோது, நிலைமையில் மாற்றம் ஏற்படும் என்று குடிமை நல உணர்வாளர்கள் நிஜமாகவே எதிர்பார்த்தார்கள். தேர்தல் பிரசாரத்தில் தகவல் பெறும் உரிமைச் சட்டத்திற்கு ஆதரவாகப் பேசியவர் பிரதமராகிறார் என்கிறபோது அப்படியொரு எதிர்பார்ப்பு உருவானதில் வியப்பொன்றும் இல்லை. ஆனால், ஆட்சிக்கு வந்த பிறகு இப்போதைய தேசிய ஜனநாயகக் கட்சி அரசும், முந்தைய அரசைப்போலவே தகவல் பெறும் உரிமைச் சட்டத்தை எப்படியெல்லாம் வலுவிழக்கச் செய்வது என்பதில் முனைப்பாக இருப்பதுதான் வருத்தமளிக்கிறது.

தகவல் பெறும் உரிமைச் சட்ட விதிகள் 2017 என்று ஒரு வரைவை தகவல் ஆணையம் வெளியிட்டிருக்கிறது. இதுதொடர்பான கருத்துகளைப் பொதுமக்களிடம் இருந்து வரவேற்றிருக்கிறது. அந்த வரைவில் முறையீட்டைத் திரும்பிப் பெறுதல், தள்ளுபடி செய்தல் என்கிற தலைப்பிலான பகுதி 2, விதி 12 விசித்திரமான ஒரு புதிய விதியை முன் வைக்கிறது. அதன்படி, முறையீடு செய்திருக்கும் நபர் இறந்துவிட்டால், அந்த முறையீடு தொடர்பான நடவடிக்கைகள் ரத்து செய்யப்பட்டு விடும்.
மேலெழுந்தவாரியாகப் பார்த்தால், ஒருவரின் மரணத்துடன் அந்த முறையீடு முடிக்கப்பட்டு விட வேண்டும்தானே என்று கேட்கலாம். தகவல் பெறும் உரிமைச் சட்டம் தொடர்பான வழக்குகளையும், முறையீடுகளையும் ஏனைய நடைமுறை நீதிமன்ற வழக்குகளைப் போலவோ, அரசாங்க முறையீடுகள் போலவோ பார்க்கக் கூடாது. லஞ்ச ஊழலையும் முறைகேடுகளையும் வெளிக் கொணர்வதற்காக இடித்துரைப்பாளர்களாலும், சமூக ஆர்வலர்களாலும், ஊடகவியலாளர்களாலும் செய்யப்படும் முறையீடுகள் இவை என்பதை நாம் மறந்துவிடக் கூடாது.

கடந்த ஆண்டு தில்லியில் உள்ளத் தன்னார்வ நிறுவனம் ஒன்று வெளியிட்டிருக்கும் ஆய்வு அறிக்கையின்படி, 2005 முதல் 2016 வரையிலான இடைவெளியில் தகவல் பெறும் உரிமைச் சட்டத்தில் தகவல் கோரிய 56 பேர் மரணமடைந்திருக்கிறார்கள். இவர்களில் 51 பேர் கொலை செய்யப்பட்டிருக்கிறார்கள். 5 பேர் தற்கொலை செய்து கொண்டிருக்கிறார்கள். அது மட்டுமல்ல. தாக்கப்பட்டவர்கள், அச்சுறுத்தப்பட்டவர்கள், தொல்லைக்கும் மன அழுத்தத்திற்கும் ஆளாக்கப்பட்டவர்கள் 157க்கும் அதிகமானவர்கள். இந்தப் புள்ளிவிவரம் வெளியில் தெரிந்தது. தெரியாதது எத்தனை என்பது கடவுளுக்குத்தான் வெளிச்சம். 2017-இல் மட்டும் இதுவரை தகவல் கேட்டு விண்ணப்பித்த 375 பேர் தாக்கப்பட்டிருப்பதாக, இன்னொரு தன்னார்வ நிறுவனம் தெரிவிக்கிறது.

இந்தப் பிரிவு இணைக்கப்பட்டால், தங்களுக்கு எதிராகத் தகவல் கேட்கும், அல்லது, பிடிவாதமாக மேல் முறையீடு செய்யும் நபர்கள் கொலை செய்யப்பட்டு, தகவல் வெளிவராமல் தடுக்கப்படும் என்பதுதான் நடைமுறை நிதர்சனம். அதேபோல, முறையீடு செய்தவர்கள் தங்களது முறையீட்டைத் திரும்பப் பெறலாம் என்கிற புதிய விதியும் இந்த வரைவில் சேர்க்கப்பட்டிருக்கிறது. அது நடைமுறைப்படுத்தப்பட்டால், குற்றம் சாட்டப்படுபவரால் தாக்கப்பட்டோ, எச்சரிக்கப்பட்டோ, அழுத்தம் தரப்பட்டோ முறையீடுகள் பல திரும்பப் பெறப்படும்.

இவையெல்லாம், அதிகார வர்க்கத்தின் அழுத்தத்தின் பேரில் தகவல் பெறும் உரிமைச் சட்டத்தில் அரசு செய்ய நினைக்கும் மாற்றங்கள் என்பது தெரிகிறது. வரைவுக்கு எதிராகக் கருத்துத் தெரிவிப்பதும், இந்த மாற்றங்கள் சேர்க்கப்படாமல் தடுப்பதும் இடித்துரைப்பாளர்கள், சமூக ஆர்வலர்கள், பொதுமக்கள் என்று அனைவருக்குமான கடமை. வாக்குரிமை மட்டுமே சுதந்திரத்திற்கான அடையாளம் அல்ல!

அமெரிக்காவில் பாடகர் எஸ்.பி. பாலசுப்பிரமணியத்தின் பாஸ்போர்ட், பணம் திருட்டு

By DIN  |   Published on : 04th April 2017 10:31 PM  |  

 

அமெரிக்காவில் பாடகர் எஸ்.பி. பாலசுப்பிரமணியத்தின் பாஸ்போர்ட், பணம் உள்ளிட்ட பொருட்கள் திருடப்பட்டுள்ளது.

உலகப்புகழ் பெற்ற பாடகர் எஸ்பிபி உலகம் முழுவதும் பயணித்து இசை நிகழச்சிகளை நடத்திவருகிறார். அதில் ஒரு பகுதியாக தற்போது அமெரிக்காவில் இசை நிகழ்ச்சி நடைபெற்றது. அப்போது எஸ்பிபியின் பேக் ஒன்று திருடுபோயுள்ளது.

அதில் பாஸ்போர்ட், கிரெடிட் கார்டு, ஐபேடு ஆகியவை இருந்ததாக கூறப்படுகிறது. இதையடுத்து ஹவுஸ்டனி்ல் உள்ள தூதரகத்தை தொடர்பு கொண்டுள்ளார் எஸ்.பி. பாலசுப்பிரமணியம்.

அதன்பின்னர் புதிய பாஸ்போர்ட் பெற்று இந்தியா திரும்பியதாக எஸ்.பி.பாலசுப்பிரமணியம் தகவல் தெரிவித்துள்ளார்.

உ.பி., தமிழக மருத்துவக் கல்லூரிகளில் 500 மாணவர்களின் சேர்க்கை ரத்து: இந்திய மருத்துவக் கவுன்சில் உத்தரவு

By DIN  |   Published on : 05th April 2017 05:08 AM  |

Ads by Kiosked

உத்தரப் பிரதேசம் மற்றும் தமிழகத்திலுள்ள சில தனியார் மருத்துவக் கல்லூரிகளில் பயிலும் 500 மாணவர்களின் சேர்க்கையை ரத்து செய்யுமாறு, அந்த கல்லூரிகளுக்கு இந்திய மருத்துவக் கவுன்சில் (எம்சிஐ) உத்தரவிட்டுள்ளது. இந்த மாணவர்கள் அனைவரும், கடந்த ஆண்டு தேசிய தகுதிகாண் நுழைவுத் தேர்வில் (நீட்) பங்கேற்காதவர்கள் என்று கூறப்படுகிறது.

கடந்த ஆண்டு இளநிலை மருத்துவப் படிப்புகளுக்கான இடங்களை, தங்களது சொந்த நுழைவுத் தேர்வு மூலமோ அல்லது 'நீட்' தேர்வு மூலமோ நிரப்புவதற்கு அனைத்து மாநிலங்களுக்கும் மத்திய அரசு வாய்ப்பு வழங்கியது.
அதன்படி, உத்தரப் பிரதேசம், தமிழகத்திலுள்ள ஒரு சில தனியார் மருத்துவ கல்லூரிகளில் 'நீட்' தேர்வு மூலம் நிரப்பப்பட வேண்டிய இடங்கள், மாணவர்களிடம் பெரும் கட்டணத்தை பெற்றுக் கொண்டு முறைகேடாக நிரப்பப்பட்டிருப்பது கண்டறியப்பட்டுள்ளதாக கூறப்படுகிறது. இதுபோன்று விதிகளுக்குப் புறம்பாக மேற்கொள்ளப்பட்ட மாணவர் சேர்க்கையை ரத்து செய்யும்படி சம்பந்தப்பட்ட கல்லூரிகளுக்கு, இந்திய மருத்துவ கவுன்சில் உத்தரவிட்டுள்ளது.

இதுகுறித்து, இந்திய மருத்துவ கவுன்சிலின் செயலர் ரீனா நய்யார் கூறியதாவது: உத்தரப் பிரதேசத்திலுள்ள 17-18 தனியார் மருத்துவ கல்லூரிகளில் பயிலும் சுமார் 400 மாணவர்களின் சேர்க்கையை ரத்து செய்யுமாறு அந்த கல்லூரிகளுக்கு நோட்டீஸ் அனுப்பப்பட்டுள்ளது. இதேபோல, சென்னை கிழக்கு கடற்கரை சாலையிலுள்ள பொன்னையா ராமஜெயம் மருத்துவ அறிவியல் நிறுவனத்தில் பயிலும் சுமார் 36 மாணவர்களின் சேர்க்கையையும் ரத்து செய்யும்படி நோட்டீஸ் அனுப்பப்பட்டுள்ளது.

'நீட்' தேர்வு மூலம் நிரப்பப்பட வேண்டிய இடங்களில், அத்தேர்வை எழுதாத மாணவர்களை மேற்கண்ட கல்லூரிகள் சேர்த்துள்ளன. இது சட்டவிரோதமானதாகும் என்றார் அவர்.

இதேபோல, பல் மருத்துவப் படிப்பு மாணவர் சேர்க்கையிலும் முறைகேடுகள் நடைபெற்றுள்ளதா என்பதைக் கண்டறிய பல் மருத்துவ கல்லூரிகளின் மாணவர் சேர்க்கை விவரங்கள் ஆராயப்பட்டு வருவதாக இந்திய பல் மருத்துவக் கவுன்சில் தெரிவித்துள்ளது.

 Students have little time to prepare for NEET

 Many seek out coaching centres to face the exam

While the board examinations got over on Friday, S. Kanmani will hardly have any time to take a few days off. She along with several other students from State board schools across the city will be kick starting their preparations for the NEET exam scheduled on May 7.

“Given all the confusion surrounding the conduct of the examination in the State, we hardly have any time to concentrate on preparations for the entrance and are hoping that we can put in our best through April,” she said. Many students like her are seeking out coaching and training centres which are offering intensive courses and camps to prepare them for the exam.
Archana Ram, Managing Director of SMART training resources, said they had seen an overwhelming response among students for the intensive programme that their centres are offering through April.

Introductory classes
“State Board students will have the same course material and curriculum as the CBSE students but additionally, we are preparing the State board students by giving them a few introductory classes to reorient them with a few concepts. At the end of the day, they will all be writing the same exam and we are hoping to ensure that all the students are clear about how to attempt the paper,” she explained.
Heads of schools in the city said that parents had been seeking them as well as teachers to ask them how to help their children preparing for NEET. “We are constantly asked about what areas in subjects the students should concentrate on or where they should go for coaching classes and most of us remain unaware of how to guide them. It will take at least a year or two for the stream to familiarise with NEET and how the exam is conducted to train our students accordingly,” said the headmistress of a school in the city.

G. Pandian, principal of Sir Sivaswami Kalalaya Higher Secondary School, said that it was important for students to have a strong foundation in their class 11 concepts to crack a competitive paper like NEET.

While a majority of coaching centres have already began classes for State board students, CBSE students too will be enrolling themselves in courses as soon as their exams end.
The science students have their last examination on April 5 and will take the Biology paper.

Academics cautious over college & varsity ranking

Mumbai: TIMES NEWS NETWORK





Survey Will Take 3-4 Years To Be Well-Rounded, They Say 

The Union HRD ministry's ranking of institutions of higher learning 2017 has experts voice some concerns and put out a word of caution. Most academics are of the view that it is unfair to compare large generously-funded institutes with state universities that are challenged by the quality of students, plagued with vacant faculty positions, deprived of funds and cursed by political interference.

Amazed at the high rank of some institutescolleges and the conspicuous absence of other eminent colleges, experts say it is difficult to compare the 3,300 institutes included in the National Institutional Ranking Framework 2017 (NIRF). Former director of IIT-Bombay , Ashok Misra, says he wonders why the Indian Institute of Science, ranked No.1, and the Jawahar lal Nehru Centre for Advanced Scientific Research, had been categorised as universities.Given that the participation is voluntary , academics point out the first year saw top institutes sign up and this year a few more have joined in.

“Stability will come in only after three to four years when many more join in. Currently , the rank depends largely on who else is in this list to get ranked. Each year the relative ranks change depending on the pool of institutes in the ranking framework,“ said Neeraj Hatekar, head of the school of economics at University of Mumbai. The first NIRF rankings were released in 2016 and added two streams this year: `overall' and `colleges' to the existing engineering, universities, management and pharmacy categories. It has also expanded the parameters, including one that measures `outreach and inclusivity'.

ORF founder Sudheendra Kulkarni says the rankings simply indicate “where each university stands“. “Even geographical location matters. While universities in the metros are at an advantage, a Gondwana or a Chandrapur University will not figure in the rankings at all though they are doing some interesting work to serve the local population.“

Heads of the IITs often lament that they fall behind in international rankings as they are not funded as much as an MIT or Caltech. This is now the lament of state universities vis-a-vis the new rankings. But Ashok Misra points out, “The rankings are stream-wise and nothing stops a state university from attracting more resources and working with industry to set up labs and innovation centres.“





தகவல் அறியும் உரிமை சட்ட விண்ணப்பம் அனுப்பும்போது கவனத்தில் கொள்ள வேண்டியவை !!

தகவல் அறியும் உரிமை சட்டம் RTE FULL DETAILS AND IMPORTANT POINTS:
1.விண்ணப்பத்தின் தேதி மற்றும் இடம்.

2.உங்கள் முழுமுகவரி மற்றும் பொது தகவல்
அலுவலரின் முழுமுகவரி அஞ்சல்
குறியீட்டு எண்ணுடன்

3.நீங்கள் முன்னர்
எதாவது மனு அனுப்பி இருந்தால் மனுவின்
விபரம். பார்வை: என்ற தலைப்பின் கீழ்


4.எந்த தேதிக்குள் வழங்கப்படும்? என்ற
கேள்வி

5.தேதியுடன் கூடியுடன் உங்கள் கையொப்பம்

6.தகவல் கோரும் விண்ணப்பக் கட்டணம். ரூ.10/-
செலுத்தப்பட்டதற்கான சான்று. (நீதி மன்ற
வில்லை எனில்(court fees stamp) மனுவின்
மேல் பாகத்தில் ஒட்டி விடலாம்.)

7.நீதிமன்ற வில்லையை[court fees stamp]
(ஒட்டியதும் உங்கள் விண்ணப்பத்தை ஒளிநகல்
(xerox) எடுத்து வைக்கவும்

8.விண்ணப்பத்தை ஒப்புகை அட்டையுடன்
கூடிய பதிவு தபாலில் அனுப்ப வேண்டும்.
(மெல் முறையீட்டின் போது ஒப்புதல்
அட்டை முக்கியம்.
தகவல் பெரும் உரிமை சட்டத்தில் எந்தெந்த
தகவல்கள் கேட்கலாம்?.
( What type questions can be asked in RTI act
2005 )

1) பதிவேடுகள் (Records),
2) ஆவணங்கள் (Documents),
3) மெமோ எனப்படும் அலுவலக குறிப்புகள்.
( Memo Office Tips),
4) கருத்துரைகள் (Comments),
5) அதிகாரிகளின் கோப்பு குறிப்புகள்,
6) அலுவலகங்களின் செய்தி குறிப்புகள்
(Offices of the Information notes),
7) சுற்றறிக்கைகள் (Circulars),
8) ஆவணகள் (Documentation),
9) ஒப்பந்தங்கள் (Agreements),
10) கடிதங்கள் (Letters),
11) முன்வடிவங்கள் (Model),
12) மாதிரிகள் (Models),.
13) கணீனி சார்ந்த பதிவுகள் (Information
stored in computer),
14) மின்னஞ்சல்கள் (Emails).
15) பொது நலன் சார்ந்த அனைத்து தகவல்கள்
(All information of public good well),
16) சம்மந்தப்பட்ட ஆவணங்கள் மற்றும்
பதிவேடுகளைப் பரிசீலனை செய்யும் உரிமை,
(The right to review relevant documents and
records),
17) நகல் எடுக்கும் உரிமை (Right to take
Xerox) ஆகியன உறுதிப்படுத்தபட்டுள்ளன.
தகவல் அறியும் உரிமை சட்டத்தில் மேல்
முறையீடு:
பொதுத் தகவல் அலுவலர் 30 நாட்களில் தகவல்
தரவில்லையென்றாலோ, அல்லது அவர் அளித்த
தகவல் திருப்திகரமாக
இல்லையென்றாலோ அந்தந்த துறைகளில்
பிரிவு 19ன் கீழ் உள்ள மேல்
முறையீட்டு அதிகாரியிடம் 30
நாட்களுக்குள் முதல் மேல்
முறையீடு செய்யலாம்.
மேல் முறையீட்டு அதிகாரியின் பதில்
திருப்திகரமாக இல்லையெனில் 90 நாட்க
ளுக்குள் பிரிவு 19 (3)ன் கீழ் மாநில தகவல்
ஆணையரிடம் இரண்டாவது மேல்
முறையீடு செய்யலாம்.
மாநில தலைமை தகவல் ஆணையர்,
தமிழ்நாடு தகவல் ஆணையம்,
2, தியாகராயசாலை,
ஆலையம்மன் கோவில் அருகில் ,
தேனாம்பேட்டை,
சென்னை -600018.

தொலைப்பேசி எண்: 044 - 2435 7581, 2435 7580
தகவல் தர மறுத்தால் தண்டனை Sec 20 RTI Act
தகவல் மறுத்தால் ரூ 25000 அபராதம் &
ஒழுங்கு நடவடிக்கை
பொது தகவல் அலுவலர் செய்யும் பின்வரும்
செயலுக்கு ரூ 25000 அபராதம் மற்றும்
துறை ரீதியான
ஒழுங்கு நடவடிக்கைக்கு உள்ளாக
வேண்டிவரும்
1. நியாயமான காரனம் இல்லாமல் விண்னப்பம்
வாங்க மறுத்தால்
2. உரிய காலகெடுவில் தகவல் தர மறுத்தால்
(30 நாட்கள்)
3. தகவலுக்கான வேண்டுகோளை தீய
எண்ணத்துடம் மறுத்தால்
4. தவறான, முழுமையுறாத, தவறான
எணத்தை தோற்றுவிக்கும் வகையில்
தகவலை தெரிந்தே கொடுத்தால்
5. தகவலை அழித்தால்
6. தகவல் கொடுப்பதை தடுத்தால்
பிரிவு 20 (1) படி நாள் ஒன்றுக்கு ரூ 250
வீதம் அபராதம்
ரூ 25,000 உயர்த பட்ச அபராதம்
பிரிவு 20 (2) படி துறை ரீதியான
ஒழுங்கு நடவடிக்கை
மேற்படி காரணத்திற்காக தகவல் ஆணையகம்
மட்டுமே தண்டனை விதிக்க முடியும்
தண்டனை விதிக்கும் முன்பு பொது தகவல்
அலுவலர் விளக்கம் கேட்ட பின்னர்தான்
தண்டனை விதிக்க முடியும்
நியாயமாகவும் கவணமாக செயல்பட்ட
பொது தகவல் அலுவலர்
மீது தண்டனை விதிக்க இயலாது.
குறிப்பு: பொதுவாக தகவல் ஆனையகம்
தண்டனை விதிப்பதை தவிர்க்கின்றது
தண்டனைகள் (பிரிவு-20)
மாநில தகவல் ஆணையமானது, புகார்
அல்லது மேல்முறையீடு எதனையும்
தீர்மானிக்கும்போது:
1. பொது தகவல் அலுவலர் நியாயமான காரணம்
ஏதுமின்றி தகவலுக்கான விண்ணப்பம்
ஒன்றினை மறுக்குமிடத்தும் ;
2. பொது தகவல் அலுவலர்
காலக்கெடுவிற்குள் தகவலை அளிக்க
மறுக்குமிடத்தும் ;
3. பொது தகவல் அலுவலர் தகவலுக்கான
கோரிக்கையினை உள்நோக்கத்துடன்
மறுக்குமிடத்தும் ;
4. கோரிக்கையின் பொருளாக இருந்த
தகவலை அழிக்குமிடத்தும் ;
5. பொது தகவல் அலுவலர்,
தகவலை அளிப்பதை எந்த முறையிலும்
தடுக்குமிடத்தும்; அந்த விண்ணப்பம்
பெறப்படும் வரை அல்லது தகவல்
அளிக்கப்படும் வரை ஒவ்வொரு நாளுக்கும்
ரூ.250/- தண்டமாக, அந்த பொது தகவல்
அலுவலர் மீது விதிக்கப்படும்.
எனினும், மொத்த தண்டத்
தொகையானது ரூ.25,000/-க்கு மிகாமல்
இருக்க வேண்டும். இருப்பினும், தண்டம்
விதிக்கப்படுவதற்கு முன்பு, சம்மந்தப்பட்ட
பொதுத்தகவல் அலுவலருக்கு போதுமான
வாய்ப்பளிக்கப்படுதல் வேண்டும்.
பொதுத்தகவல் அலுவலர், தான் நியாயமாகவும்,
கவனத்துடனும்,
செயல்பட்டுள்ளதை மெய்ப்பிக்கும் பொறுப்பு,
அவரையே சார்ந்ததாகும்.
மேலும் மேற்கண்ட சூழ்நிலைகளில்,
பொதுத்தகவல் அலுவலருக்கு எதிராக,
அவருக்கு பொருந்தத்தக்க
பணிவிதிகளின்படி,
ஒழுங்கு நடவடிக்கை எடுக்க சம்மந்தப்பட்ட
துறைக்கு ஆணையம் பரிந்துரை செய்யும்
– thagaval ariyum urimai sattam 2005
தற்போதைய தொழில்நுட்ப வளர்ச்சிக்காலத்தில்
இணையதளம் மூலமாகவும் தகவல்களைப் பெற
முடியும். இன்னும் சில இடங்களில் கால்
செண்டர்களும் கூட அமைக்கப்பட்டுள்ளன.
இதற்கான இணையதளங்கள்: http://
www.righttoinformation.gov.in http://
www.rtiindia.org
இணையதளம் மூலமாக விண்ணப்பிக்க http://
www.rtination.com என்ற தளத்தைப்
பார்வையிடலாம்.
ஓட்டுநர் உரிமம், சாலை மேம்பாடு,
அடிப்படை கட்டமைப்பு, பாஸ்போர்ட்டுக்கான
போலீசாரின் ஆய்வுப் பணி மற்றும் ஊழல்
புகார்கள்
ஆகியவை குறித்தே பெரும்பாலானோர் தகவல்
அறியும் உரிமைச் சட்டத்தின் கீழ் விளக்கம்
கேட்கின்றனர்.
தகவல் உரிமை பற்றி தமிழக அரசின் இணைய
தளம் http://www.tn.gov.in/rti/
தகவல் அறியும் உரிமை பற்றி மத்திய அரசின்
இணையத்தளம் http://rti.gov.in/
மேலும் தகவல்
உரிமை சட்டத்தை பற்றி தெரிந்து கொள்ளுங்கள் http://
persmin.nic.in/RTI/WelcomeRTI.htm
முறையாக தகவல் கேட்பது எப்படி? http://
www.rtiindia.org/
கிராம மற்றும் பஞ்சாயத்து நிர்வகாம்
பற்றி அரசாங்கத்தின் கோப்புhttp://
www.tn.gov.in/rti/proactive/rural/
handbook_RD_PR.pdf

மதுரை: தமிழக அரசு மருத்துவமனைகளில் உள்ள செவிலியர் பணியிடங்களுக்கு, வெளிப்படையாக கலந்தாய்வு நடத்தாமல் லஞ்சம் பெற்றுக் கொண்டு பணி வழங்குவதாக புகார் எழுந்துள்ளது.

தாலுகா மருத்துவமனை, மாவட்ட தலைமை மருத்துவமனை போன்றவற்றில் அதிக அளவில் செவிலியர் பற்றாக்குறை இருப்பதால், அவற்றை நிரப்ப கடந்த பிப்., மாதம் அரசாணை (எண் 21, 32) வெளியிட்டது.அதில் 779 செவிலியர் பணியிடங்கள் உருவாக்கியுள்ளதாக குறிப்பிடப்பட்டிருந்தது. ஆனால் அந்த பணியிடங்களை நிரப்புவதற்கான கலந்தாய்வு எப்போது, எங்கு நடைபெறும் என்ற விபரங்கள் வெளிப்படையாக தெரிவிக்கப்படவில்லை.

இந்நிலையில் முறையான கலந்தாய்வு நடத்துவதற்கு முன்பே, தரகர்களாக செயல்படும் செவிலியர் சங்கங்களில் நிர்வாகிகள், அரசியல்வாதிகள் மூலம் லட்சக்கணக்கில் லஞ்சம் பெற்றுக்கொண்டு பணி நியமன ஆணை வழங்கப்பட்டு வருவதாக புகார் எழுந்துள்ளது.
மதுரை சமூக ஆர்வலர் ஆனந்தராஜ் கூறியதாவது: கடந்த 2007ல், செவிலியர் பணியிடங்களை நிரப்பும் போது கடைபிடிக்க வேண்டிய விதிமுறைகள் குறித்த அரசாணை வெளியிடப்பட்டது.

அதில் காலிப் பணியிடங்கள் குறித்த தகவல்களை சுகாதாரத்துறையின் இணையத்தளத்தில் ஒவ்வொரு மாத இறுதியிலும் வெளியிட வேண்டும். கலந்தாய்வு நடக்கும் தேதி, இடம் உள்ளிட்ட விபரங்களை சுகாதாரத்துறை அலுவலக தகவல் பலகையில் ஒட்ட வேண்டும்.

ஆனால் பெரும்பாலான விதிமுறைகளை சுகாதாரத்துறை கடைபிடிப்பதில்லை. லஞ்சம் கொடுத்து பணியில் சேரும் செவிலியர்கள் அதனை ஈடுகட்ட நோயாளிகளிடம் லஞ்சம் பெறும் நிலை உள்ளது, என்றார்.
கலந்தாய்வு நடத்தாமல் வழங்கப்பட்ட பணி நியமன ஆணைகளை ரத்து செய்து, முறைகேடு குறித்து சி.பி.ஐ., விசாரணைக்கு உத்தரவிட வேண்டும் என கோரிக்கை எழுந்துள்ளது.

அரசின், 'இ - -சேவை' மையங்களில், ஏப்., 1 முதல் கட்டண உயர்வு அமலுக்கு வந்துள்ளது.

தமிழ்நாடு கேபிள் கார்ப்பரேஷன் மூலம், மாநிலம் முழுவதும், 303, 'இ - -சேவை' மையங்கள் அனைத்து தாலுகா, கலெக்டர் அலுவலகங்களில் செயல்பட்டு வருகின்றன.

வருமானம், இருப்பிடம், ஜாதி, முதல் பட்டதாரி சான்றிதழ்கள், பெண் குழந்தைகள் பாதுகாப்பு திட்டம், ஆதார் திருத்தம், வாக்காளர் அடையாள அட்டை உள்ளிட்ட சேவைகளை, கட்டணம் செலுத்தி, இங்கு மக்கள் பெறுகின்றனர்.பல்வேறு மாவட்டங்களில், 'எல்காட்' சேவை ஏப்., 1 முதல், கேபிள் கார்ப்பரேஷனுடன் இணைக்கப்பட்டு உள்ளது. 'இ- - சேவை' மையங்களில் வசூலிக்கப்படும் கட்டணம், ஏப்., 1 முதல் உயர்த்தப்பட்டுள்ளதாக, கேபிள் கார்ப்பரேஷன் நிர்வாக இயக்குனர் குமரகுருபரன் தெரிவித்து உள்ளார்.இதன்படி, 10 மற்றும் 20 ரூபாய் வசூலிக்கப்பட்ட கட்டணம், 5 ரூபாய் வரையும், 30 ரூபாய் முதல், 50 ரூபாய் வரையிலான கட்டணத்திற்கு, 10 ரூபாய் வரையும் உயர்வு அமல்படுத்தப்பட்டு உள்ளது. 100 ரூபாய் வசூலிக்கப்பட்ட சேவைக்கு, 120 ரூபாய் வசூலிக்கப்படுகிறது.

 பெண்ணுக்கு கருணை பணி வழங்க உத்தரவு

மதுரை: 'திருமணமான பெண்ணிற்கு, நான்கு வாரங்களில் கருணை பணி வழங்க வேண்டும்' என, உயர் நீதிமன்ற மதுரை கிளை உத்தரவிட்டுள்ளது.

விருதுநகர் மாவட்ட மத்தியக் கூட்டுறவு வங்கி யில், டிரைவராக பணியாற்றிய பிச்சை, 2008 மார்ச், 17ல் இறந்தார். அவரது மகள் யசோதை, கருணைப் பணி நியமனம் கோரி, வங்கி நிர்வாகத்திடம் விண்ணப்பித்தார். நடவடிக்கை இல்லாததால், உயர் நீதிமன்றக் கிளையில் மனு தாக்கல் செய்தார். மனுவை பரிசீலிக்க, 2014ல் உயர்நீதிமன்றக் கிளை உத்தரவிட்டது.
வங்கி நிர்வாகம், 'தந்தை இறந்தபோது, மனுதாரருக்கு திருமணம் ஆகிவிட்டது. ஆதலால், கருணைப் பணி கோர தகுதி இல்லை' எனக் கூறி நிராகரித்தது.

இதை எதிர்த்து, உயர்நீதிமன்றக் கிளையில் யசோதை மனு தாக்கல் செய்தார். மனுதாரருக்கு பணி வழங்க, 2015ல் உயர்நீதிமன்றக் கிளை உத்தரவிட்டது. கூட்டுறவு சங்கங்களின் பதிவாளர், 'மனுதாரருக்கு திருமணம் ஆகிவிட்டது. அவர், 30 வயதை கடந்து விட்டார்' எனக் கூறி நிராகரித்தார். அதை எதிர்த்து, யசோதை உயர்நீதிமன்றக் கிளையில் மனு தாக்கல் செய்தார். பதிவாளரின் உத்தரவை ரத்து செய்த உயர்நீதிமன்றக் கிளை, யசோதைக்கு பணி வழங்க மீண்டும் உத்தரவிட்டது. இதை எதிர்த்து, வங்கி சார்பில், உயர்நீதிமன்றக் கிளையில் மேல்முறையீடு செய்யப்பட்டது.

நீதிபதிகள், ஆர்.சுப்பையா, ஜெ.நிஷாபானு அடங்கிய அமர்வு விசாரித்தது. வங்கி தரப்பில், 'வங்கியின் துணை விதிகளின்படி கருணைப் பணி வழங்க வழிவகை இல்லை; பணிக்குரிய வயதை கடந்து விட்டார். அவர் நிவாரணம் கோர முடியாது' என தெரிவிக்கப்பட்டது.

நீதிபதிகள் பிறப்பித்த உத்தரவில் கூறியதாவது:திருமணத்தை காரணமாகக் கூறி, கருணைப் பணி மறுப்பது அரசியலமைப்புச் சட்டத்திற்கு எதிரானது. மனுதாரர், 30 வயதை கடந்ததால், அவர் கருணைப் பணி கோர தகுதி இல்லை என்பதை ஏற்க முடியாது. தனி நீதிபதி விசாரிக்கும்போது, வயது பற்றி வங்கி தரப்பில் தெரிவிக்கவில்லை.

 கருணைப் பணிக்கு, அதிகபட்ச வயது, 40 என வங்கியின் துணை விதிகளில் உள்ளது. இதை கருதியே, தனி நீதிபதி உத்தரவு பிறப்பித்துள்ளார். எந்த கோணத்தில் பார்த்தாலும், தனி நீதிபதியின் உத்தரவில் குறைபாடு காண முடியாது. வங்கியின் மேல்முறையீட்டு மனுவை தள்ளுபடி செய்கிறோம்.மனுதாரர், நீண்ட நாட்களாக நியாயம் கோரி, இந்நீதிமன்றத்தின் கதவை தட்டிக் கொண்டிருக்கிறார். அவருக்கு, நான்கு வாரத்திற்குள் பணி நியமனம் வழங்க வேண்டும்.இவ்வாறு, நீதிபதிகள் உத்தரவில் கூறினர்.

 ஸ்மார்ட்' ரேஷன் கார்டில் இனி பெண்கள் 'ராஜ்யம்'

சிவகங்கை: பெரும்பாலான 'ஸ்மார்ட்' ரேஷன் கார்டுகளில் கணவர் இருந்தும் மனைவிகளே குடும்பத் தலைவராக இடம்பெற்றுள்ளனர். மேலும் பெயர், முகவரி என, அனைத்திலும் குளறுபடியாக உள்ளது.இதில் ரேஷன் கார்டுடன் ஆதாரை இணைத்து 'ஸ்மார்ட்' கார்டு ஏப்., 1 முதல் வினியோகிக்கப்பட்டு வருகிறது. பெரும்பாலான 'ஸ்மார்ட்' கார்டுகளில் கணவர் இருந்தும் மனைவிகளே குடும்பத் தலைவராக இடம் பெற்றுள்ளனர்.மேலும் ஆதாரில் உள்ள விபரங்களே பதியப்பட்டுள்ளதால், பல குளறுபடிகளும் அரங்கேறியுள்ளன. குடும்பத் தலைவராக இடம்பெற்ற பெண்களுக்கு அவரது தந்தை ஊரின் முகவரியே உள்ளது. இதனால் பலரது கார்டுகளில் பெயர், மாவட்டம், தாலுகாக்கள் மாறியுள்ளன. ஏராளமான எழுத்து பிழைகளும் உள்ளன.

இதுகுறித்து கேட்ட கார்டுதாரர்களிடம் வழக்கம்போல் 'எங்களுக்கு ஒன்றும் தெரியாது,' என கூலாக, வழங்கல்துறை அலுவலர்கள் பதிலளித்து வருகின்றனர்.

கார்டுதாரர்கள் கூறுகையில், ' கணவர் வெளிநாட்டில் இருந்தால் (அ) இறந்தால் தான் குடும்பத் தலைவராக மனைவி இடம் பெறுவர். ஆனால் கணவர் ஊரில் இருந்தும் 'ஸ்மார்ட்' கார்டில் குடும்பத் தலைவராக பெண்கள் புகைப்படத்தை பதிவு செய்துள்ளனர்,' என்றனர்.

வழங்கல்துறை அதிகாரி ஒருவர் கூறியதாவது: 'ஸ்மார்ட்' கார்டுகள் தனியார் நிறுவனம் மூலம் தயாரிக்கப்பட்டதால் ஏராளமான தவறுகள் உள்ளன. ரேஷன்கார்டுகள் வழங்கும் பணி முழுவதும் கணினிமயமாகி விட்டது. இதனால் நாங்கள் திருத்தம் செய்ய முடியாது. 'ஆன்லைன்' மூலம் தான் 'ஸ்மார்ட்' கார்டில் திருத்தம் செய்ய முடியும். விரைவில் அதற்கான உத்தரவு வரும் என, எதிர்பார்க்கிறோம், என்றார்.

 ரூ.2 லட்சத்துக்கு மேல் பரிமாற்றம்: அதிகாரி விளக்கம்

வங்கிகளில், 2 லட்சத்துக்கு மேல் ரொக்கம் பரிமாற்றம் செய்தால், 100 சதவீத அபராதம் விதிக்கப்படும் என்ற, மத்திய அரசின் விதிமுறை, தபால் துறை, கூட்டுறவு வங்கிகளுக்கு பொருந்தாது' என, அதிகாரி விளக்கம் அளித்துள்ளார்.

மின்னணு பண பரிமாற்றத்தை ஊக்குவிக்க, இரண்டு லட்சத்துக்கும் மேல் பண பரிமாற்றம் செய்ய தடை விதித்து, மத்திய நிதியமைச்சர் அருண் ஜெட்லி, பட்ஜெட்டில் அறிவித்தார்.

ஏப்., 1 முதல் இத்திட்டம் அமலுக்கு வந்துள்ள நிலையில், இவ்விதிமுறை, அனைத்து வங்கிகளுக்கும் பொருந்துமா என, குழப்பம் நிலவியது.இது குறித்து, சிறு, குறு, நடுத்தர தொழில் உதவி மைய தலைவர் வணங்காமுடி கூறியதாவது: பொதுத்துறை வங்கியான, 'ஸ்டேட் பேங்க் ஆப்
இந்தியா'வில் மட்டுமே, இவ்விதிமுறை நடைமுறைக்கு கொண்டு வரப்பட்டுள்ளது. அதிலும், தனிப்பட்ட டிபாசிட் கணக்காளர்களுக்கு மட்டுமே பொருந்தும். சம்பள கணக்காளர்கள், பேங்கிங் கம்பெனி, கூட்டுறவு வங்கி, தபால் துறையின் சேமிப்பு வங்கி மற்றும் அரசுத்துறை சார்ந்த பண பரிமாற்றங்களுக்கு நிச்சயம் பொருந்தாது. இவ்வாறு அவர் கூறினார்.

மருத்துவ படிப்புக்கான, 'நீட்' நுழைவுத் தேர்வுக்கு விண்ணப்பிப்பதற்கான அவகாசம் இன்றுடன்(ஏப்.,5) முடிகிறது.

எம்.பி.பி.எஸ்., - பி.டி.எஸ்., படிப்புக்கான, 'நீட்' நுழைவு தேர்வு, மே, 7ல், நடக்கிறது. இதற்கான, 'ஆன் லைன்' விண்ணப்ப பதிவு, ஏப்ரல், 1ல் முடிந்தது. இந்தத் தேர்வில், 25 வயதுக்கு மேற்பட்டோர் பங்கேற்க, தடை விதிக்கப்பட்டிருந்தது. இதை எதிர்த்து, உச்ச நீதிமன்றத்தில் தொடரப்பட்ட வழக்கில், வயது உச்ச வரம்பு நீக்கப்பட்டது. அதனால், 'நீட்' நுழைவுத் தேர்வுக்கு விண்ணப்பிப்பதற்கான அவகாசம், இன்று(ஏப்.,5) வரை நீட்டிக்கப்பட்டது. இன்று நள்ளிரவு, 11:59 மணி வரை விண்ணப்பிக்கலாம். அதன்பின், ஆன் லைன் பதிவுகள் நிறுத்தப்படும்.

'தமிழக அரசு பள்ளி மாணவர்கள், இந்த வாய்ப்பை முறையாக பயன்படுத்தி, 'நீட்' தேர்வுக்கு விண்ணப்பித்தால், வரும் கல்வி ஆண்டில், மருத்துவச் சேர்க்கையில் சிக்கலை தவிர்க்கலாம்' என, கல்வியாளர்கள் அறிவுறுத்தி உள்ளனர்.
- நமது நிருபர் -

ஏற்காட்டில் சுற்றுலா பயணிகள் ரிசார்ட்டுகள் 'ஹவுஸ்புல்'

ஏற்காடு: பள்ளிகளுக்கு, கோடை விடுமுறை விடப்பட்டதையடுத்து, ஏற்காட்டிற்கு வரும் சுற்றுலா பயணியர் எண்ணிக்கை அதிகரித்துள்ளது. அங்குள்ள ரிசார்ட்டுகள், தங்கும் விடுதிகளுக்கான, 'புக்கிங்' முடிந்து விட்டது.
சேலம் மாவட்டத்திலுள்ள, சுற்றுலா தலமான ஏற்காடுக்கு, ஏப்ரல், மே மாதங்களில், பிற மாவட்டங்கள், அண்டை மாநிலங்களிலிருந்தும் சுற்றுலா பயணியர் படையெடுப்பது வழக்கம். நடப்பாண்டில் வெயிலின் தாக்கம் அதிகமாக உள்ளது. தற்போது, ௧௦ம் வகுப்பு, பிளஸ் 2 தேர்வுகள் முடிந்து விட்டன. இந்நிலையில், ஏற்காடுக்கு வரும் சுற்றுலாப் பயணியர் எண்ணிக்கை அதிகரிக்க துவங்கியுள்ளது.

 இங்கு அரசின் அனுமதி பெற்ற ரிசார்ட்டுகள், தங்கும் விடுதிகள், ஓட்டல்கள் என, 105 மட்டுமே உள்ளன. அனுமதி பெறாத ரிசார்ட்டுகள், 450. இவை தவிர ரிசார்ட்டுகளாக மாற்றப்பட்டுள்ள வீடுகள், 500க்கும் மேற்பட்டவை உள்ளன. ஏப்ரல் மற்றும் மே மாதங்களில், வரும் சனி, ஞாயிற்றுகிழமைகளுக்கு, அனைத்து ரிசார்ட்டுகள், ஓட்டல்கள், தங்கும் விடுதிகளில் அறைகள் முன்பதிவு செய்யப்பட்டு விட்டன. ரிசார்ட்டுகள் பெயரில் இயங்கி வரும் வீடுகளுக்கு, தற்போது புக்கிங் நடந்து வருகிறது. ஏப்.,14 சித்திரை மாத பிறப்பை முன்னிட்டு, ஏப்.,13 - 16 வரை, அனைத்து ரிசார்ட்டுகளின் முன்பதிவும் முடிந்து விட்டது.

சொல்லத் தோணுது 44 - கொண்டாட்டம் யாருக்கு?

தங்கர் பச்சான்

சிந்தனைக் களம் » வலைஞர் பக்கம்

Published: July 26, 2015 09:36 IST

இன்னும் மூன்று வாரங்களில் நாம் விடுதலை பெற்றதற்கான 68-ம் ஆண்டு கொண்டாட்டத்தைக் கொண்டாடி மகிழப் போகிறோம். நாம் எல்லோருமே இந்நாட்டு மன்னர்கள்தான். ஆனால், 56 சதவீத மன்னர்களுக்கு (மக்களுக்கு) சொந்த வீடுகூட இல்லை. குருவிகளுக்காவது தங்கிக்கொள்ள கூடுகள் இருக்கின்றன. மனித இனம் காட்டுமிராண்டிகளாக இருந்து, மனிதர் களாகப் பரிணமித்து ஆயிரமாயிரம் ஆண்டுகள் ஆன பின்னும்கூட இன்னும் வீடுகள் இல்லாமல் வீதிகளிலும், மரத் தடிகளிலும் வாழ்வதைப் பற்றி இங்கே யாருக்கும் கவலையில்லை. இந்நிலை யில் ‘இந்தியா ஏழைநாடு’ என சொல் லிக் கொள்ளவும் மறுக்கிறது. அத்துடன் வெட்கமே இல்லாமல் பணக்கார நாடு களில் ஒன்றாகக் காட்டிக் கொள்ளவும், வல்லரசு நாடாகத் தன்னை பறைசாற்றிக் கொள்ளவும் படாதபாடுபடுகிறது.

இப்போதே இந்தக் குடிமகன்களின் நிலை இதுவென்றால், எதிர்காலத்தில் பிறக்கப் போகும் தலைமுறை எப்படி வாழப் போகிறதோ?

ஒருபக்கம், நாள் முழுக்க உழைத்து நமக்கெல்லாம் உணவளித்து, சுகமாக வாழ்வதற்கு வீடுகளை கட்டிக் கொடுத்து, விரைந்து செல்ல சாலைகளை அமைத் துக் கொடுத்துவிட்டு வீதியோரம் படுத்துக் கொள்ளும் மக்களும்; உழைத்த பணத்தில் பாதி பணத்தை வீட்டு வாடகைக்குக் கொடுத்துவிட்டு, வாழ்க்கைத் தேவைகளை சுருக்கிக் கொண்டு தினம்தினம் வாழ்க்கையோடு போராடிக் கொண்டிருக்கும் மக்களும் மிகுதியாக இருக்கும் நாடு இது.

மற்றொரு பக்கம், ஆட்களே இல்லாத ஆண்டுக்கொரு முறையோ, இரண்டு முறையோ சில நாட்கள் மட்டும் தங்கும் பல ஆயிரம் சதுர அடிகளைக் கொண்ட அரண்மனை வீடுகள்; இரண்டுபேர் மட்டுமே வாழ்வதற்கு பலமாடி வீடுகள்; ஆட்களே இல்லாமல் அடைத்து மூடி வைத்திருக்கும் வீடுகளும் இருக்கின்றன.

ஒரு குடும்பத்துக்கு ஒரு வீடு இல்லாத நிலையில், ஒரே குடும்பத்துக்கு 10 வீடுகள் இங்கே வைத்துக்கொள்ளலாம். பணம் இருந்தால் எந்த வீட்டையும், எத்தனை வீட்டையும் வாங்கி பூட்டி வைத்துக்கொள்ளலாம்.

ஒவ்வொரு மனிதனுக்கும் வாழ் நாளில் ஒரு சொந்தவீடு என்பதுதான் பெருங்கனவு. சிலருக்கு மட்டுமே பலப் போராட்டங்களுக்கு இடையில் அது நிறைவேறிவிடுகிறது. ஆனால், அதற்காக அவர்கள் கொடுக்கிற விலையும், நிம்மதி இழப்பும் வாழ் நாள் முழுக்க அவர்களைத் துரத்திக் கொண்டே இருக்கின்றன. வாழ் நாளின் இறுதிவரை வாடகை வீட்டி லேயே வாழ்பவர்களின் நிலை எல்லா வற்றையும்விடக் கொடியது. பல லட்சங்கள் செலவழித்து இடம் வாங்கி, அதேபோல் இன்னும் பல லட்சங்கள் செலவழித்து வீட்டை உருவாக்கி, அந்த வீட்டை சில ஆயிரத்துக்கு வாடகைக்குத் தருபவர்களின் நிலை இன்னும் மோசம். சொந்த வீட்டுக்கு ஆசைப்பட்டு கடன்பட்டு ஒவ்வொரு நாளும் உறக்கத்தை இழந்தவர்களும் கணக்கிலடங்காதவர்கள்.

வெளிநாடுகளுக்கு வேலைக்குச் செல்லும் நம்மவர்கள் இரவும் பகலும் அரும்பாடுபட்டு உழைத்து, உறவுகளைப் பிரிந்து சேமித்தப் பணத்தில் மற்றவர் களுக்குத் தெரிய வேண்டும் என்பதற் காகவே கொண்டுவந்த பணத்தையெல் லாம் செலவழித்து, மாடி வீட்டைக் கட்டிக் கொண்டேயிருக்கிறார்கள்.

எழுத்துப் பணிக்காக அண்மையில் இரண்டு வாரங்கள் கொடைக்கானல் சென்று தங்கினேன். அமைதியான இடம் தேடி அலைந்தபோது எல்லா திசைகளிலும், எல்லா மலைகளிலும் திரும்பிய பக்கமெல்லாம் வீடுகள். நகரமே பரவாயில்லை என்றிருந்தது. புதுமையாக இருக்க வேண்டும் என்பதற் காக பாறைகளை உடைத்து அதில் வீட்டை உருவாக்கியிருக்கிறார்கள். தமிழர்களின் தொழில்நுட்ப அறிவை அங்கேதான் பார்க்க முடிகிறது. எப்படிப்பட்ட மலைக்கும் சாலை கள் அமைத்து கார்களை வீட் டுக்கு முன் நிறுத்தும் வசதியை உருவாக்கிவிடுகிறார்கள்.

ஆயிரக்கணக்கான வீடுகள் மலை களின் சரிவில் தொங்கிக் கொண்டி ருக்கின்றன. எங்கு திரும்பினாலும் வீடு கட்டும் பணிகளும், சாலை அமைக் கும் பணிகளும் நடைபெற்றுக் கொண்டே இருக்கின்றன. இவற்றை அமைப்பதற்கான ஒவ்வொரு மூலப் பொருளும், கட்டுமான பொருட் களும் கீழேயிருந்துதான் கொடைக் கானலுக்குக் கொண்டு வர வேண்டும். இதற்காக நூற்றுக்கணக்கான லாரிகள் இயங்கிக்கொண்டே இருக்கின்றன.

நாள்தோறும் வேளாண்மை செய்து கொண்டிருக்கும் நிலங்கள் பத்திரப் பதிவு செய்யப்பட்டு வீட்டுமனை களாக வேறொரு கைக்கு மாறிக் கொண்டே இருக்கின்றன. சிறுசிறு துண்டு நிலங்களை அதிக விலைக்குக் கொடுத்துவிட்டு அம்மண்ணின் மைந் தர்கள் ஆளுக்கொரு கார் வாங்கி ஊர்ச் சுற்றிவிட்டு ஆறே மாதத்தில் அனைத்தையையும் இழந்து, மதுக்கடை வாசலில் மதியிழந்து கிடக்கிறார்கள்.

தன்னைப் பண வசதி படைத்தவன் எனக் காட்டிக்கொள்வதற்காகவும், பேரப் பிள்ளைகள் மலைக் குளிர்ப் பிரதேசங்களில் தங்களுக்கு ஒரு வீடு இல்லையா என கேட்டுவிடக் கூடாது என்பதற்காகவும் மட்டுமே ஊட்டி, கொடைக்கானல், ஏற்காடு போன்ற இடங்களில் இப்படிப்பட்ட வீடுகள் கட்டப்படுகின்றன. நூற்றுக்குத் தொண் ணூத்தைந்து வீடுகளில் ஒரே ஒரு வீட்டில் கூட உரிமையாளர் தங்குவது இல்லை. ஆண்டுக்கு இரண்டு முறை ஒரு வார காலம் வந்து குடும்பத்துடன் தங்கினாலே பெரிய காரியம். மற்ற நாட்களில் ஆண்டு முழுக்க வீடுகள் பூட்டியே கிடக்கின்றன.

இங்கே அரசியல் தொடர்புடைய, அதிகாரங்களில் இருக்கக்கூடிய, பிற துறைகளில் அங்கம் வகிக்கக்கூடிய அனைத்துப் பணக்காரர்கள் மற்றும் பெரும் வணிகர்கள் என அனைவருக் குமே அங்கே இடமும், வீடும் உண்டு.

நம் நாட்டின் பெருங்கொடைகளாக இருக்கிற இவைபோன்ற மலைப் பிரதேசங்களின் இயற்கை வளங்களும், இயற்கை அமைப்பும் விதி மீறப் பட்டு ஒவ்வொரு மணி நேரமும் அழிந்துகொண்டே இருக்கிறது. மாநில அரசுக்கும், மத்திய அரசுக்கும் வருமானம் வருகிறது என்பதற்காக இப்படிப்பட்ட இடங்கள் வணிகமயமாக்கப்பட்டு, சிதைக்கப்பட்டு, இயற்கைக்கு மாறாக அழிந்துகொண்டே இருக்கின்றன. கொடைக்கானலில் இருந்து 6 கி.மீ. தள்ளி யிருந்த சிற்றூரில்தான் நான் தங்கியிருந் தேன். ஆழ்துளை கிணறுகளை அமைக் கக்கூடாது என விதியிருந்தும் கிராம நிர்வாக அதிகாரிகளின் துணையுடன் நகர வளர்ச்சித் துறையின் ஒப்புதலுடன் நாள்தோறும் மலைகள் குடையப்பட்டு, ஆண்டுக்கு ஒருமுறை வந்து தங்கப் போகும் செல்வந்தர்களுக்காக ஆழ் துளை கிணறு உருவாகிக்கொண்டே இருக்கிறது.

இயற்கையின் அழுகை யாருக்குமே தெரியவில்லை. யார் யாரெல்லாம் சட்டமன்றத்திலும், நாடாளுமன்றத்திலும் மேசையைத் தட்டித் தட்டி சட்டத்தை உருவாக்கினார்களோ… அவர்களா லேயே, அவர்களின் துணையுடனேயே கண்முன் இயற்கை அழிக்கப்படுகிறது. இன்னும் சில ஆண்டுகளிலேயே கோயம் புத்தூர் போலவே ஊட்டியும், திண்டுக்கல் போலவே கொடைக்கானலும், சேலம் போலவே ஏற்காடும் மாறிவிடும். காலம் முழுக்க உழைப்பவனுக்கு இங்கே வீடும் இல்லை; உழைத்து வாழ நிலமும் இல்லை. ஆனால், பணத்தை என்ன செய்வதென்று தெரியாதவர்களுக்கு கணக்கில்லாத வீடுகளும்; உல்லாசத் துக்காகப் பொழுதைக் கழிப்பவர் களுக்கு நூற்றுக்கணக்கில் ஏக்கர் தோட் டங்களும் உள்ள நாடுதான் நம் நாடு.

‘ஒருவர் பெயரில் ஒரு வீடுதான், அதற்குமேல் இருந்தால் அது அரசுக்கு சொந்தம்’ எனும் சட்டத்தை நடைமுறைக்குக் கொண்டு வந்து அனைவருக்கும் வீடு கிடைக்க வழிவகை செய்யும் அன்றைக்குத்தான் இது சுதந்திர இந்தியா. அப்போதுதான் வீடு இல்லாத இம்மக்களுக்கும் சுதந்திரக் கொண்டாட்டம். அதுவரை, எம்மக்களுக்கு ‘ஆகஸ்ட் 15’ ஒரு விடுமுறை நாள்தான்!

- சொல்லத் தோணுது...

எண்ணங்களைப் பகிர்ந்துகொள்ள: thankartamil@gmail.com

வாடிக்கையாளர்களுக்கு அடுத்த அதிர்ச்சியை அளிக்கப்போகும் எஸ்பிஐ!
எஸ்பிஐ வாடிக்கையாளர்களுக்கு, வங்கிக் கணக்கில் குறைந்தபட்ச வைப்புத்தொகை வைத்திருக்க வேண்டுமென்ற புதிய விதி, ஏப்ரல் 1-ம் தேதி முதல் அமலுக்கு வந்துள்ளது. தற்போது, எஸ்பிஐ துணை வங்கிகளுக்கு இந்த விதி, ஏப்ரல் 24-ம் தேதி முதல் அமலுக்கு வரும் என எஸ்பிஐ அறிவித்துள்ளது.




எஸ்பிஐ வங்கியுடன் இணைப்பதற்கான செயல்முறைகளில் ஐந்து துணை வங்கிகள் உள்ளன. எஸ்பிஐ என்னும் பாரத ஸ்டேட் வங்கியுடன் ஸ்டேட் பேங்க் ஆப் பிகானிர் அண்டு ஜெய்ப்பூர், ஸ்டேட் பேங்க் ஆப் ஹைதராபாத், ஸ்டேட் பேங்க் ஆப் மைசூரு, ஸ்டேட் பேங்க் ஆப் பாட்டியாலா, ஸ்டேட் பேங்க் ஆப் திருவாங்கூர் ஆகிய ஐந்து துணை வங்கிகள் இணைந்து செயல்படத் துவங்க உள்ளன.

இந்தத் துணை வங்கிகள் வாடிக்கையாளர்களுக்கு எஸ்பிஐ விதிக்கும் மினிமம் பேலன்ஸ் தொகை வைப்பு, தவறும் பட்சத்தில் விதிக்கப்படும் அபராதத்தொகை எனப் புதிய விதிகள் அனைத்தும் ஏப்ரல் 24-ம் தேதி முதல் அமலுக்கு வரும் என எஸ்பிஐ அறிவித்துள்ளது.

இந்த அறிவிப்பின் படி, எஸ்பிஐ மற்றும் அதன் துணை வங்கிகளின் வாடிக்கையாளர்கள், மெட்ரோ பகுதியில் 5000 ரூபாய், புறநகர்ப் பகுதிகளில் 3000 ரூபாய், நகர்ப்புறங்களில் 2000 ரூபாய், கிராமப் பகுதிகளில் 1000 ரூபாய் என, குறைந்த வைப்புத் தொகை வைத்திருக்க வேண்டும் என்பது குறிப்பிடத்தக்கது.

பாஸ்போர்ட் சிறப்பு மேளா முன்பதிவு இன்று தொடக்கம்!

சென்னை மண்டல பாஸ்போர்ட் அலுவலகம், ஏப்ரல் 8-ம் தேதி சிறப்பு பாஸ்போர்ட் மேளாவை நடத்துகிறது. இதற்கான முன்பதிவு, 4-ம் தேதி பிற்பகல் 2.30 மணிக்கு தொடங்குகிறது.

 சென்னை சாலிகிராமம், தாம்பரம் மற்றும் அமைந்தகரை (நெல்சன் மாணிக்கம் சாலை) ஆகிய இடங்களில் உள்ள பாஸ்போர்ட் சேவை மையம்,  ஏப்ரல் 8-ம் தேதி சனிக்கிழமை அன்று இயங்கும். பொதுமக்களுக்கு ஒதுக்கப்பட்ட நேரங்களில் விண்ணப்பங்கள் வழக்கம் போல பெற்றுக்கொள்ளப்படும். இந்த பாஸ்போர்ட் மேளாவில் பங்கேற்க, விண்ணப்பதாரர்கள் அனைவரும், பாஸ்போர்ட் அலுவலகத்தின் அதிகாரபூர்வ இணையதளமான www.passportindia.gov.in மூலம் ஆன்லைனில் பதிவு செய்ய வேண்டும். விண்ணப்பப் பதிவு எண்ணை (ஏ.ஆர்.என்.) பெற்றுக்கொண்டு, ஆன்லைனிலேயே விண்ணப்பக் கட்டணத்தைச் செலுத்தி, சந்திப்பு முன்பதிவு நேரத்தைப் பெற்றுக் கொள்ள வேண்டும்.

விண்ணப்பதாரர்கள், தங்களது சந்திப்பு முன்பதிவு விவரம்கொண்ட ஏ.ஆர்.என் பதிவு எண் தாளை, அச்சிட்டு எடுத்து வரவேண்டும். தேவையான அனைத்து ஆவணங்களையும் அசலுடன், சுய சான்றளிக்கப்பட்ட ஒரு நகலுடன் கொண்டு வரவேண்டும். புதிய பாஸ்போர்ட் மற்றும் பாஸ்போர்ட் புதுப்பித்தலுக்கான விண்ணப்பங்கள் பெற்றுக்கொள்ளப்படும். தத்கல்  என்ற உடனடி பாஸ்போர்ட் விண்ணப்பங்கள், காவல்துறை தடையின்மை சான்றிதழ் (பி.சி.சி.) விண்ணப்பங்கள் பெற்றுக்கொள்ளப்பட மாட்டாது. 'சுமார் 2,500 விண்ணப்பதாரர்கள் இந்த சிறப்பு மேளாவின்மூலம் பலன் அடைவார்கள் என்று எதிர்பார்க்கப்படுகிறது' என்று அதிகாரிகள் தெரிவித்தனர்.

முதலில் அமெரிக்கா... இப்போது சிங்கப்பூர் - கலக்கத்தில் இந்திய ஐ.டி. ஊழியர்கள்!

அமெரிக்க அதிபராக ட்ரம்ப் பதவியேற்றதுமே, மற்ற நாடுகளில் இருந்து அமெரிக்காவுக்குப் பணிபுரிய செல்லும் ஐ.டி.ஊழியர்களுக்கு ஹெச்1-பி விசா கட்டுப்பாடுமூலம் சிக்கலை உருவாக்கினார். இதனால், இந்திய ஐ.டி. நிறுவன ஊழியர்கள் நிறையப் பேர் சிக்கலைச் சந்தித்தனர். ஏராளமான இந்தியர்கள் வேலை இழக்கும் நிலை.

அதேபோல சிங்கப்பூரும் புதிய சிக்கலை உருவாக்கிவருகிறது. இந்தியாவில் இருந்து பயிற்சிக்காக சிங்கப்பூருக்குச் செல்லும் இந்திய ஐ.டி.ஊழியர்களுக்கு, விசா வழங்க மறுத்துவருகிறது. மென்பொருள் மற்றும் சேவை நிறுவனங்களின் தேசிய கூட்டமைப்பான நாஸ்காம் மற்றும் சில தொழில் நிறுவனங்கள், சிங்கப்பூரில் பயிற்சி அளிப்பதற்காகத் தேர்வுசெய்து வைத்திருந்த ஊழியர்களுக்கு விசா வழங்க, சிங்கப்பூர் அரசாங்கம் மறுத்துவிட்டது.

மேலும், சிங்கப்பூரில் இருக்கும் எச்.சி.எல்., டி.சி.எஸ். இன்ஃபோசிஸ், விப்ரோ, காக்னிஸன்ட், எல் அண்ட் டி இன்ஃபோடெக் போன்ற இந்திய ஐ.டி. நிறுவனங்களுக்கு, 'எங்கள் நாட்டின் திறமையான ஊழியர்களை உங்கள் அலுவலகங்களில் பயன்படுத்திக்கொள்ளுங்கள்' என்றும் அறிக்கை அனுப்பி இருக்கிறது.

இதன்மூலம், இந்தியாவின் திறமையான ஊழியர்கள் தங்கள் நாட்டுக்குள் வருவதை மறைமுகமாகத் தடுக்க ஆரம்பித்துள்ளது சிங்கப்பூர்.

4ஜி வேகத்தில் ரிலையன்ஸ் ஜியோ முதலிடம்!

By DIN  |   Published on : 04th April 2017 12:33 AM

4ஜி தொழில்நுட்பத்தில் தரவுகளை அதிவேகத்தில் பதிவிறக்கம் செய்வதில் ரிலையன்ஸ் ஜியோ முதலிடத்தைப் பிடித்துள்ளதாக தொலைத் தொடர்பு ஒழுங்காற்று ஆணையமான 'டிராய்' தெரிவித்துள்ளது.
செல்லிடப்பேசிக்கான அகண்ட அலைவரிசை வேகம் குறித்த பிப்ரவரி மாதத்துக்கான புள்ளிவிவரங்களை திங்கள்கிழமை வெளியிட்ட டிராய் அதில் தெரிவித்துள்ளதாவது:

சென்ற பிப்ரவரியில் ரிலையன்ஸ் ஜியோவின் 4ஜி பதிவிறக்க வேகம் 16.48எம்பிபிஎஸ் (மெகாபிட்ஸ் பெர் செகண்ட்)-ஆக இருந்தது. ஜனவரி மாத வேகமான 17.42எம்பிபிஎஸ் வேகத்துடன் ஒப்பிடுகையில் இது குறைவானதாகும். இருப்பினும், அந்த மாதத்தில் அதுவே மிகவும் வேகமான இணைய சேவையாகும்.

இந்த வேகத்தைக் கொண்டு ஒரு திரைப்படத்தை 5 நிமிடங்களுக்கும் குறைவான நேரத்தில் பதிவிறக்கம் செய்யலாம்.
ஜியோவின் 4ஜி வேகம் அதன் போட்டி நிறுவனங்களான ஐடியா செல்லுலார் (8.33எம்பிபிஎஸ்), மற்றும் ஏர்டெல் (7.66எம்பிபிஎஸ்) நிறுவனங்களைக் காட்டிலும் இரண்டு மடங்கு அதிகமாகும்.

மேலும், ஜனவரி மாதத்துடன் ஒப்பிடும்போது அந்த இரண்டு நிறுவனங்களின் 4ஜி வேகம் பிப்ரவரியில் குறைந்து போயுள்ளது.
இவை தவிர, வோடஃபோன் நிறுவனத்தின் 4ஜி வேகம் 6.13 எம்பிபிஎஸ்-லிருந்து 5.66எம்பிபிஎஸ்-ஆகவும், பி.எஸ்.என்.எல். வேகம் 2.89 எம்பிபிஎஸ்-லிருந்து 2.01எம்பிபிஎஸ்-ஆகவும் சரிந்துள்ளது.

ரிலையன்ஸ் கம்யூனிகேஷன்ஸ், டாடா டொகோமோ மற்றும் ஏர்செல் ஆகியவற்றின் 4ஜி வேகம் பிப்ரவரியில் முறையே 2.67எம்பிபிஎஸ், 2.52எம்பிபிஎஸ் மற்றும் 2.01எம்பிபிஎஸ்-ஆக இருந்தது என்று அந்த புள்ளிவிவரத்தில் தெரிவிக்கப்பட்டுள்ளது.

ஜியோவுக்கு போட்டியாக பிஎஸ்என்எல் அறிவித்துள்ள அதிரடி சலுகைகள் என்ன..?

Published on : 03rd April 2017 03:36 PM  |

அரசு தொலைத்தொடர்பு நிறுவனமான பிஎஸ்என்எல் '249 ரூபாய்க்கு அன்லிமிடெட் பிராட்பேண்ட் ' திட்டத்தை இந்தியா முழுவதும் அறிமுகம் செய்துள்ளது. இதன்படி தினசரி 10 ஜிபி டேட்டா மற்றும் அளவில்லா இலவச அழைப்புகள் உள்ளிட்ட சலுகைகள் கிடைக்கும்.

இலவச டேட்டா, வாய்ஸ் கால்ஸ் என அதிரடி என்ட்ரி கொடுத்தது ரிலையன்ஸ் ஜியோ. இதன் வருகைக்குப் பிறகு மற்ற நிறுவனங்களும், அதிரடி ஆஃபர்களை வழங்கி வாடிக்கையாளர்களை ஈர்த்து வருகின்றனர்.

கடந்த செப்டம்பர் மாதம் இலவச டேட்டா, இலவச வாய்ஸ்கால்களை அளிக்கும் திட்டத்தை அறிமுகப்படுத்தியது ரிலையன்ஸ் ஜியோ. டிசம்பர் மாதத்துடன் முடிவடைய வேண்டிய இந்தத் திட்டம் கூடுதலாக மேலும் 3 மாதங்களுக்கு அதாவது, மார்ச் மாதம் வரை நீட்டிக்கப்பட்டது.

இதையடுத்து இலவச சலுகைகள் முடிந்த பிறகு, ரூ.99 செலுத்தி ஜியோ ப்ரைம் திட்டத்தில் உறுப்பினராகி, அதன் சலுகைகளை பெற்றுக் கொள்ளலாம் என்று ஜியோ ஏற்கெனவே கூறியிருந்தது. அதன்படி ஜியோ இலவச சேவைகள் நேற்றுடன் அவகாசம் முடிவதாக இருந்தது.

இந்நிலையில், வாடிக்கையாளர்களின் நலனுக்காக வருகின்ற 15-ஆம் தேதி வரை ஜியோ ப்ரைம் உறுப்பினர் ஆகலாம் என்றும் ரூ.99 (ப்ரைம் உறுப்பினர்) மற்றும் ரூ.303 செலுத்தினால் (ஏப்.15) அடுத்த 3 மாதங்களுக்கு அளவற்ற இணைய தள வசதி, அழைப்புகளைப் பயன்படுத்தலாம் என்று ரிலையன்ஸ் நிறுவனம் அறிவித்துள்ளது.

இதையடுத்து அரசு தொலைத்தொடர்பு நிறுவனமான பிஎஸ்என்எல் தனது வாடிக்கையாளர்களுக்கு அதிரடியான சலுகைகள் வெளியிட்டுள்ளது. மாதத்திற்கு '249 ரூபாய்க்கு அன்லிமிடெட் பிராட்பேண்ட் ' திட்டத்தை இந்தியா முழுவதும் அறிமுகம் செய்துள்ளது. இதன்படி தினசரி 10 ஜிபி டேட்டா மற்றும் அளவில்லா இலவச அழைப்புகள் உள்ளிட்ட சலுகைகளைப் பெறலாம். அதுமட்டுமின்றி  தினசரி 10 ஜிபி டேட்டா 2 எம்பிபிஎஸ் வேகத்தில் உங்களுக்கு கிடைக்கும்.  இரவு 9 மணி முதல் காலை 7 மணி வரை நீங்கள் எந்த நெட்வார்க்கிற்கு எவ்வளவு நேரம் பேசினாலும் இலவசம் தான். மேலும் ஞாயிற்றுக்கிழமை முழுவதும் இலவச அழைப்புகளை மேற்கொள்ளலாம்.

249 ரூபாய் பிராட்பேண்ட் திட்டத்தை  தேர்ந்தெடுத்தால்  ஒரு மாதத்திற்கு 300 ஜிபி டேட்டா என்ற அதிரடி அறிவிப்பை பிஎஸ்என்எல் வெளியிட்டுள்ளது.  இதற்கு புதிய பிஎஸ்என்எல் பிராட்பேண்ட் இணைப்பு வாங்கவேண்டும்.

இது தொடர்பான  முழுமையான தகவல்களை பெற 1800 345 1500. என்ற எண்ணில் தொடர்பு கொண்டு தெரிந்துகொள்ளலாம். வயர்லைன் பிராட்பேண்ட் வாடிக்கையாளர்களை கவரும் வகையில் பிஎஸ்என்எல் இந்த அதிரடி சலுகைகளை அறிவித்துள்ளது.

அதிக பயன்பாடு ஆபத்து

By லோ. வேல்முருகன்  |   Published on : 04th April 2017 01:29 AM  | 

சுட்டெரிக்கும் வெயிலில் இருந்து தங்களை காத்துக் கொள்ள மனிதர்கள் பல வழிமுறைகளை கையாளுவர். ஒரு சிலர் வெயில் காலம் தொடங்கியவுடனே மொட்டை மாடியில் மாலை வேளைகளில் இரண்டு மூன்று முறை தண்ணீர் தெளித்து பின்னர் படுத்து உறங்குவார்கள்.

ஒரு சிலர் வீட்டில் அனைத்து ஜன்னல்களையும் திறந்து விட்டு தூங்குவார்கள். சிலரோ இளநீர் உள்ளிட்டவைகளை அருந்தி தங்களது உடல் சூட்டை தணித்துக் கொள்வர். இதுபோன்று இயற்கை வழிமுறைகளைப் பின்பற்றி கோடை வெப்பத்தை சமாளித்தால், அதில் எந்த தவறும் இல்லை. நமது உடலும் ஆரோக்கியமாக இருக்கும்.

ஆனால் இன்றைய நவீன உலகில் வீடுகள், அலுவலகங்கள், வங்கிகள், துணிக் கடைகள், உணவகங்கள், ஷாப்பிங் மால்கள், மருத்துவமனைகள் என எல்லா இடங்களிலும் குளிரூட்டிகளின் (ஏர் கண்டிஷனர்) பயன்பாடு அதிகரித்து வருகிறது.

அமெரிக்க பொறியாளர் வில்லிஸ் ஹேவிலேண்டு என்பவரால் 1902 ஆம் ஆண்டு கண்டுபிடிக்கப்பட்ட குளிரூட்டியானது முதலில் ஜன்னல்களில் மாட்டி பயன்படுத்தும் வகையில் (விண்டோ ஏசி) இருந்தது.
இதையடுத்து 1950-களில் அமெரிக்கா போன்ற நாடுகளில் இதன் விற்பனை குடியிருப்பு வட்டாரங்களிலும் விரிவுபடுத்தப்பட்டது. பின்னர் நவீனமாக பல வடிவங்களில் வடிவமைக்கப்பட்டு சுவர்களை அலங்கரிக்கத் தொடங்கியது. ஸ்பிலிட் ஏசி, சென்ட்ரலைஸ்டு ஏசி, வாகனங்களில் பயன்படுத்தும் ஏசி என பல வகையாக குளிரூட்டிகள் தற்போது உள்ளன.

தொடக்கத்தில் கணினி போன்ற இயந்திரங்கள் அதிக சூடாவதை குறைப்பதற்காக குளிரூட்டி கல்லூரிகள், அலுவலகங்கள் உள்ளிட்ட இடங்களில் பயன்படுத்த தொடங்கினர். பின்னர் அதுவே அனைத்து இடங்களையும் வியாபிக்கத் தொடங்கிவிட்டது.

கணினி போன்ற கருவிகளில் பயன்படுத்தப்படும் 'சிப்பு'கள் மிகவும் நுண்ணியவை. அவை அதிகமாக சூடேறினால் பழுதாகும் வாய்ப்பு அதிகம். இதன் காரணமாகத்தான் கணினிகள் குளிரூட்டப்பட்ட அறைகளில் வைத்து பயன்படுத்தப்பட்டன. நாளடைவில் அலுவலகங்களில் குளிரூட்டிகள் பயன்படுத்தத் தொடங்கினர்.

அலுவலகங்களில் குளிரூட்டிகள் பயன்படுத்தும்போது ஊழியர்கள் புத்துணர்வுடன் பணிபுரியும் சூழல் உண்டானது. பணிகள் தொய்வின்றி நடக்கவும், ஊழியர்கள் வசதியாக பணிபுரியவும் முடிகிறது என்பதால் அலுவலகங்களில் குளிரூட்டிகளைப் பயன்படுத்தத் தொடங்கினர்.
ஆனால் இன்று பெரும்பாலான மனிதர்கள் இயற்கை காற்றை சுவாசிக்காமல், குளிரூட்டப்பட்ட அறைகளுக்குள்ளேயே முடங்கி இருக்கிறார்கள். அதுவும் கோடை காலங்களில் குளிரூட்டிகளை அதிகமாகவே பயன்படுத்தத் தொடங்கியுள்ளனர்.

இவ்வாறு அதிகரித்து வரும் குளிரூட்டிகளின் பயன்பாட்டால் மனிதர்களின் உடல் நலம் கெடுவதோடு மட்டுமல்லாமல், புவி வெப்பமயமாதலும் அதிகரித்து வருகிறது.

மின்விசிறிகளில் இருந்து வெளிவரும் காற்றானது அறையின் வெப்பநிலையை பொருத்தே இருக்கும். ஆனால் குளிரூட்டிகள் அவ்வாறு இல்லாமல் நமக்கு குளிர்ந்த காற்றை கொடுத்து அறையின் வெப்ப
நிலையை குறைக்கிறது. இதனால் நமக்கு பல்வேறு உடல்நலக் கோளாறுகள் ஏற்படுகின்றன.

குளிரூட்டப்பட்ட அறையில் நீண்ட நேரம் இருப்பவர்களுக்கு உடல் நலக்குறைவு, சோர்வு, உலர்ந்த சருமம், சுவாசப் பிரச்னைகள், தலைவலி, குறைந்த ரத்த அழுத்தம் உள்ளிட்ட நோய்கள் ஏற்படும்.
மேலும் ஒவ்வொரு கோடை காலத்திலும் வெப்பத்தின் தாக்கத்தை சமாளிக்க முடியாமல் சுமார் 400 பேர் வரை உயிரிழப்பதாக தகவல்கள் தெரிவிக்கின்றன.
ஒரு சிலர் கார்களில் ஏசியை போட்டு தூங்குவதை பழக்கமாகக் கொண்டுள்ளனர். அலுவலகம், ஷாப்பிங் போன்ற இடங்களுக்குச் செல்பவர்கள் வாகன நிறுத்தத்தில் கார்களை நிறுத்தி விட்டு, தூங்கும் தங்கள் குழந்தைகளை குளிரூட்டிகளை அணைக்காமல் காரிலேயே விட்டுச் செல்வர்.
அவ்வாறு விட்டுச் செல்லும் போது விஷவாயு தாக்கி குழந்தைகள் பாதிக்கப்படும் சம்பவங்களும் நிகழ்ந்துள்ளன. இதனால் நிபுணர்கள் கார்களில் குளிரூட்டிகளை போட்டுக் கொண்டு தூங்குவதை தவிர்க்க வேண்டும் எனக் கூறுகின்றனர்.

இயற்கையாக கிடைக்கும் காற்றுதான் மனிதர்களுக்கு ஆரோக்கியத்தை தரும். செயற்கையாக உண்டாக்கப்படும் காற்று ஆபத்தை தரும்.
குளிரூட்டப்பட்ட அறைகளில் சிறிது நேரம் இருந்தால் அதனால் எந்த தீங்கும் ஏற்படாது. முறையாக பராமரிக்கப்படாத குளிரூட்டிகளால் ஒவ்வாமை, ஆஸ்துமா, கண், மூக்கு, தொண்டைகளில் எரிச்சல் ஆகியவை ஏற்படலாம்.
எனவே குளிரூட்டிகளில் பயன்படுத்தப்படும் காற்று வடிகட்டிகளை (ஏர் பில்டர்) முறையான கால இடைவெளியில் சுத்தப்படுத்திட வேண்டும். குளிரூட்டிகள் பொருத்தப்பட்டிருக்கும் அறையின் ஜன்னல் கதவுகளை அவ்வப்போது திறந்து வைக்க வேண்டும்.

அவ்வாறு செய்வதன் மூலம் வெளிப்புறக் காற்று அறை முழுவதும் பரவி அறையில் காற்று மாசு குறையும்.

மேலும், பத்தாண்டுகளுக்கு ஒரு முறை உங்கள் பழைய குளிரூட்டியை மாற்றிவிட்டு புதிய குளிரூட்டியைப் பொருத்த வேண்டும்.
வெளியில் நிலவும் வெப்பநிலையை விட ஐந்து டிகிரி வித்தியாசம் இருக்கும் வகையில் குளிரூட்டிகளை பயன்படுத்த வேண்டுமென நிபுணர்கள் கூறுகின்றனர்.

இதுபோன்ற வழிமுறைகளை குளிரூட்டிகள் பயன்படுத்துபவர்கள் கடைபிடித்து நோய் தாக்கத்திலிருந்து தங்களை காத்துக்கொள்ளலாம்.

இது வரம், சாபமல்ல!

By ஆசிரியர்  |   Published on : 04th April 2017 01:34 AM  |   

நாடு முழுவதிலும் உள்ள அரசு மற்றும் தனியார் மருத்துவக் கல்லூரிகளில் உள்ள பொது மருத்துவத்துக்கான எம்.பி.பி.எஸ்., பல் மருத்துவத்துக்கான பி.டி.எஸ். உள்ளிட்ட கல்வித் தகுதிகளுக்கு அகில இந்திய அளவிலான தேசிய தகுதிகாண் நுழைவுத் தேர்வு(National Eligibility cum Entrance Test) எனப்படும் 'நீட்' தேர்வின் மூலம் மட்டுமே மாணவர் சேர்க்கை நடத்தப்பட வேண்டும் என்பதில் உச்சநீதிமன்றம் உறுதியாக இருக்கிறது. கிராமப்புற மாணவர்கள் பாதிக்கப்படுவார்கள் என்கிற காரணத்தைக் கூறி தமிழகம் இனியும் தேசிய தகுதிகாண் நுழைவுத் தேர்விலிருந்து விலக்கு பெற முடியாது என்று தோன்றுகிறது.

சர்வதேச அளவில் இந்தியாவில் மருத்துவப் பட்டம் பெற்றவர்களின் கல்வித் தரம் குறைந்து வருவதாகக் குற்றச்சாட்டுகள் எழுந்தன. அடிப்படைத் தகுதியைத் தேர்வு மூலம் முடிவு செய்து அதனடிப்படையில் மட்டும்தான் மதிப்பெண் அடிப்படையில் ஆனாலும், நன்கொடை அடிப்படையானாலும் மாணவர் சேர்க்கை நடத்தப்பட முடியும் எனும் நிலை ஏற்பட்டால், இந்திய மருத்துவக் கல்வியின் தரம் உறுதிப்படுத்தப்படும் என்பதுதான் தேசிய தகுதிகாண் நுழைவுத் தேர்வு அறிவிக்கப்பட்டதன் நோக்கம்.

மத்திய அரசின் இந்த முடிவை எதிர்த்துத் தமிழகம், ஆந்திரம், கர்நாடகம், குஜராத், மேற்கு வங்கம் உள்ளிட்ட மாநில அரசுகளும், தனியார் மருத்துவக் கல்லூரிகளும் உச்சநீதிமன்றத்தில் வழக்குத் தொடுத்தன. கடந்த ஆண்டு ஏப்ரல் 11-ஆம் தேதி உச்சநீதிமன்றம் அளித்த தீர்ப்பின்படி தேசிய தகுதிகாண் நுழைவுத் தேர்வு உறுதிப்படுத்தப்பட்டது. அந்த முடிவை எதிர்த்துத் தாக்கல் செய்யப்பட்ட மேல்முறையீட்டு மனுக்கள் அனைத்தும் தள்ளுபடி செய்யப்பட்டன. எனவே, 'நீட்' தேர்வு என்பது தவிர்க்க இயலாத ஒன்றாகிவிட்டது.

பல்வேறு அரசியல் கட்சிகள், தனியார் மருத்துவக் கல்லூரிகள் தந்த அழுத்தத்தின் காரணமாக, மாநில அரசுகள் விருப்பப்பட்டால், 'நீட்' தேர்விலிருந்து அவற்றுக்கு ஓராண்டுக்கு விலக்கு அளிப்பதற்கான அவசரச் சட்டம் ஒன்றை மத்திய அரசு கடந்த ஆண்டு கொண்டு வந்தது. ஆனாலும்கூட, தனியார் மருத்துவக் கல்லூரிகள் தேசிய தகுதிகாண் நுழைவுத் தேர்வின் அடிப்படையில்தான் மாணவர் சேர்க்கை நடத்த வேண்டும் என்று மத்திய அரசு முடிவெடுத்தது. கடந்த ஆண்டு அரசு மருத்துவக் கல்லூரிகள், தனியார் கல்லூரிகளில் உள்ள அரசு இடங்களுக்கு மட்டும், மாணவர்கள் பிளஸ் 2 தேர்வில் பெற்ற மதிப்பெண்களின் அடிப்படையில் சேர்க்கை நடைபெற்றது.
மருத்துவக் கல்வியில் உள்ள பிரச்னைகளுக்கு 'நீட்' நுழைவுத் தேர்வே தீர்வு என்று நினைத்துவிட வேண்டாம். 'நீட்' தேர்வில் பெற்ற மதிப்பெண்களின் தரவரிசைப்படி அரசு மருத்துவக் கல்லூரிகளில், அரசு நிர்ணயித்த கல்விக் கட்டணத்தில் மாணவர் சேர்க்கை நடைபெறுகிறது. ஆனால், தனியார் மருத்துவக் கல்லூரிகளில் உள்ள அரசு இடங்களைப் பெறும் மாணவர்கள், அரசு மருத்துவக் கல்லூரிக் கட்டணங்களில் சேர்த்துக் கொள்ளப்படுவதில்லை. அவர்களுக்குக் கடுமையான கல்விக் கட்டணம் வசூலிக்கப்படுகிறது. இது குறித்துக் கவலைப்படாத நமது அரசியல்வாதிகளும் கல்வியாளர்களும். 'நீட்' நுழைவுத் தேர்வை மட்டுமே எதிர்த்துக் கொண்டிருக்கிறார்கள்.

பிரச்னை தேசிய தகுதிகாண் நுழைவுத் தேர்வு அல்ல. நமது மாநில அரசின் கல்வித் திட்டம் மத்திய இடைநிலைக் கல்வி வாரிய (சி.பி.எஸ்.இ.) பாடத்திட்டத்தின் அளவுக்குத் தரம் வாய்ந்ததாக இல்லாமல் இருப்பதுதான். 'நீட் தேர்வை நடத்துவது மத்திய இடைநிலைக் கல்வி வாரியம் என்பதால், அந்தக் கல்வித் திட்டத்தின் தரத்தில் படித்திருந்தால் மட்டுமே, அந்தத் தேர்வை எதிர்கொள்ளமுடியும்.

இந்த ஆண்டு 'நீட்' தேர்வு எழுதுவதற்கு தமிழகத்திலிருந்து 88,431 பேர் விண்ணப்பித்திருக்கிறார்கள். இவர்கள் தனியார் பயிற்சி நிலையங்கள் நடத்தும் 'நீட்' தேர்வுக்கான பயிற்சி வகுப்பில் படித்தவர்கள். அநேகமாக எல்லா தனியார் மெட்ரிகுலேஷன் பள்ளிகளும் 'நீட்' தேர்வையே சாக்காக வைத்து அதற்கான தனிப் பயிற்சிக்கென ரூ.50,000-த்திலிருந்து ரூ.1 லட்சம் வரை வசூல் செய்கிறார்கள். முறையான பயிற்சி பெற்றவர்களால்தான் அந்த வகுப்புகள் நடத்தப்படுகின்றனவா என்றால் அதுவும் இல்லை. 'நீட்' குறித்த அடிப்படையே தெரியாத பலர் பயிற்சி வகுப்புகள் நடத்துவதும், தனியார் பள்ளிகளுடன் இணைந்து பயிற்சி வழங்குவதும் அரசுக்குத் தெரியுமா என்று தெரியவில்லை.
கிராமப்புற மாணவர்களால் தேசிய தகுதிகாண் நுழைவுத் தேர்வு எழுத முடியாது என்கிற காரணத்தைக் காட்டி அவர்களை எத்தனை ஆண்டுகளுக்குத்தான் இப்படியே வைத்துக் கொண்டிருக்கப் போகிறோம்? 'நீட் தேர்விலிருந்து விலக்கு அளிக்கக் கோருவதன் மூலம் தமிழக மாணவர்களின் தரத்தை அரசே குறைத்து மதிப்பிடுவது அவமானகரமாக இல்லையா' என சென்னை உயர்நீதிமன்ற நீதிபதி என். கிருபாகரன் எழுப்பியிருக்கும் கேள்வி கவனத்தில் கொள்ளத்தக்கது.

தமிழக பள்ளிக் கல்வித் துறை, நமது பாடத்திட்டங்களை மத்திய இடைநிலைக் கல்வி வாரியத்தின் தரத்துக்கு உயர்த்துவதும், தமிழக அரசே நமது மாணவர்களை 'நீட்' தேர்வுக்கு முறையான தகுதியுள்ள ஆசிரியர்கள் மூலம் பயிற்சி அளித்துத் தயார் படுத்துவதும்தானே ஆக்கபூர்வமான அணுகுமுறையாக இருக்க முடியும்?

அவரவர் தாய்மொழியில் 'நீட்' தேர்வு எழுதலாம் என்று சொல்லிவிட்ட நிலையில், நமது கிராமப்புற மாணவர்களை தேசியத் தேர்வுகளின் போட்டிக்குத் தயார் படுத்துவதில் முனைப்புக் காட்டுவோம். நமது பாடத்திட்டத்தின் தரத்தை உயர்த்துவோம். இதுபோல நெருக்கடி ஏற்பட்டால்தான் மாற்றங்கள் சாத்தியப்படும். 'நீட்' நமக்குக் கிடைத்திருக்கும் வரம், சாபமல்ல!

ஜூன் வரை வெயில் வாட்டும்; இயல்பை விட அதிகரிக்கும் கோடை வெயில் காரணமாக, அடுத்த இரு மாதங்களுக்கு வெப்பம் அதிகரிக்கும்' என, வானிலை ஆய்வு மையம் அறிவித்துள்ளது.

ஜூன் வரை வெயில் வாட்டும்; இயல்பை விட அதிகரிக்கும் கோடை வெயில் காரணமாக, அடுத்த இரு மாதங்களுக்கு வெப்பம் அதிகரிக்கும்' என, வானிலை ஆய்வு மையம் அறிவித்துள்ளது.

குளிர் காலத்தின் பின் பருவம் முடிந்து, மார்ச், 1 முதல் கோடை வெயில் துவங்கியது. இதில், டெல்டா மாவட்டங்கள், வடக்கு மாவட்டங்களில் துவக்கம் முதலே வெப்பம் அதிகமாக உள்ளது. தென் மாவட்டங்களில் சில பகுதிகளில், 40 டிகிரி செல்சியஸ்; சென்னை உள்ளிட்ட வடகிழக்கு
மாவட்டங்களில், 35 டிகிரி செல்சியஸ் வரை, வெப்பம் பதிவானது. ஆனால், தென் மாவட்டங்கள், டெல்டா மாவட்டங்களில் ஓரளவு மழை பெய்துள்ளது.

அடுத்து வரும் மாதங்களில், ஜூன் வரை, வெயிலின் அளவு கடுமையாக இருக்கும் என, வானிலை ஆய்வு மையம் அறிவித்துள்ளது. அத்துடன், அடுத்த இரு மாதங்களுக்கான முன் கணிப்பையும், இந்திய வானிலை அதிகாரிகள் வெளியிட்டு உள்ளனர்.

* பசிபிக் மற்றும் இந்திய பெருங்கடலில், மேல்மட்ட வெப்ப அளவில், பெரிய மாற்றம் இல்லை. வழக்கமான கோடை வெயிலை விட, ஒரு டிகிரி செல்சியஸ் வரை வெப்பம் கூடுதலாக இருக்கும்

* வடக்கு, மத்திய மற்றும் வட கிழக்கு மாநிலங்கள் கடுமையாக பாதிக்கப்படும்; தென் மாநிலங்களில், 0.5 டிகிரி செல்சியஸ் அளவு மட்டும், வெப்பம் அதிகமாக இருக்கும். இவ்வாறு அவர்கள் தெரிவித்து உள்ளனர்.

 Research, startups make IIT-Madras best in class

CHENNAI: Indian Institute of Technology - Madras is the second best institution in the country and the best among engineering institutions in the national institutional ranking framework (NIRF) released by the Union minister for human resource and development Prakash Javadekar on Monday. Anna University, Chennai finished 13th in the overall ranking and is sixth among engineering institutions.

This is the first time that the Union ministry of human resource and development (MHRD) has made it mandatory for all higher educational institutions in the country to take part in the annual ranking process. In the overall category, IIT-M stood second behind Indian Institute of Science, Bengaluru.

IIT-M director, Prof Bhaskar Ramamurthy, attributed the rank to the objectives of the 'Strategic Plan 2020'. "The plan spells out quantified targets for all key pillars. These include flexible curriculum, increase in faculty strength, research programme that increases publication quality and count, strong industry-academia collaboration epitomised by research park, a startup ecosystem with 100 companies being incubated currently, an expanding programme of collaborations and student exchanges with leading global universities, and an impressive placement record," he said.

Anna University was placed sixth among universities and 13th in the overall category. "Anna University was awarded the status of university with potential for excellence by the UGC. The university aims to reach greater heights through continued programmes in academics and research and strengthen its collaborations with national and international agencies," said registrar S Ganesan.

Coimbatore-based Amrita University was ranked ninth in the university category. "It is a great feeling to reach the top of the ranking," said vice-chancellor of Amrita University P Venkat Rangan. "This is a testament to the academic excellence and outstanding faculty that the university is known. We maintain a staff-student ratio of 1:10," he said. Amrita was also ranked the best private deemed university in India in the QS Rankings and Times Higher Education Rankings.

SASTRA University, Thanjavur has been ranked in all the categories of the NIRF Rankings. It has been ranked 50/724 in the overall category, 32/232 among universities, 25/1007 in engineering and 44/542 in management. "This is a significant improvement when compared to the 2016 rankings. The management acknowledges the support and encouragement of Government of India, MHRD, funding agencies, corporates, parents, students and well-wishers," said the dean of planning and development, S Vaidhyasubramaniam.

ஏப்ரல் 04, 02:00 AM

 

 தலையங்கம்

சுற்றுலா வருபவர்கள் நமது சகோதர–சகோதரிகள்

 

மறைந்த முதல்–அமைச்சர் ஜெயலலிதா எப்போதுமே, சுற்றுலா என்பது ஒரு நாட்டின் பொருளாதார வளத்தை மேம்படுத்தும் உந்துசக்தி என்று குறிப்பிடுவார். பிரதமர் நரேந்திரமோடி, காஷ்மீர் மாநிலத்தில் உள்ள 2 தலைநகரங்களான காஷ்மீரையும், ஸ்ரீநகரையும் இணைக்கும் வகையில் 9.2 கிலோமீட்டர் தூரத்திற்கு, ரூ.2,500 கோடி செலவிலான நாட்டிலேயே மிகப்பெரிய சுரங்கப்பாதையை நேற்று முன்தினம் திறந்துவைத்தார்.
அப்போது அவர், கடந்த 40 ஆண்டுகளில் சுற்றுலா இந்தப்பகுதியில் மேம்பாடு அடைந்திருந்தால், உலகமே காஷ்மீரின் காலடியில் இருந்திருக்கும். காஷ்மீர் இளைஞர்கள் தங்கள் எதிர்காலத்தை தீர்மானிக்க சுற்றுலாவா?, பயங்கரவாதமா? என்பதை முடிவு செய்யவேண்டும். சுற்றுலா வளர, வளர பொருளாதாரம் வளர்ந்துகொண்டேபோகும். அந்தமாநில மக்களும் அதனால் பயனடைந்து கொண்டே இருப்பார்கள் என்று தெரிவித்திருக்கிறார்.

பிரதமர் இந்த கருத்துகளை தெரிவித்த அதேநாளில், சென்னை அருகிலுள்ள மாமல்லபுரத்தில் வெட்கி தலைகுனிய வைக்கும் ஒருசம்பவம் நடந்திருக்கிறது. மாமல்லபுரத்திற்கு ஜெர்மன் நாட்டிலிருந்து 3 குடும்பங்களைச் சேர்ந்தவர்கள் சுற்றுலா வந்திருக்கிறார்கள். அதில் 5 பேர் நேற்று முன்தினம் ஞாயிற்றுக் கிழமை காலையில் கடற்கரைக்கு சென்றிருக்கிறார்கள். 4 பேர் ‘சன்பாத்’ எடுத்துக்கொண்ட நேரத்தில், ஒருபெண் மட்டும் நான் நடைபயிற்சி செய்கிறேன் என்று கூறிவிட்டு, கடற்கரையில் நடந்துசென்றிருக்கிறார். அப்போது 3 அடையாளம் தெரியாத நபர்கள் அவரை பக்கத்திலுள்ள சவுக்கு தோப்புக்குள் தூக்கிக்கொண்டு போய் அதில் ஒருவன் கற்பழித்திருக்கிறான். அவர்களிடமிருந்து தப்பித்த அந்த பெண் உடனடியாக தூதரகத்துக்கு புகார்செய்ய, இப்போது போலீஸ் விசாரணை நடக்கிறது.
‘‘பெண்களை கடவுளாக மதிக்கும் இந்தியாவில் இப்படி ஒரு சம்பவம் நடைபெற்றிருப்பது மிகவும் துரதிர்ஷ்டமானது’’ என்று பாதிக்கப்பட்ட பெண் கூறியிருக்கிறார். அனைவருக்கும் இது வேதனையளிக்கிறது. ஆக, சுற்றுலா தலங்களில் இன்னும் பாதுகாப்பை மேம்படுத்தவேண்டிய பெரிய பொறுப்பு தமிழக அரசுக்கு இருக்கிறது. உள்நாட்டு சுற்றுலா பயணிகளை ஈர்ப்பதில் இந்தியாவிலேயே முதல்இடத்தில் தொடர்ந்து 3 ஆண்டுகளாக தமிழ்நாடு இருக்கிறது என்று பெருமைப்பட்டுக்கொண்டிருக்கும் நிலையில், அயல்நாட்டு சுற்றுலா பயணிகளையும் இதேபோல அதிகளவில் ஈர்த்தால், பொருளாதார நிலைமை மேம்படுமே என்று எல்லோரும் நினைத்துக்கொண்டிருக்கும் நேரத்தில், இப்படி ஒரு துரதிர்ஷ்டமான சம்பவம் நடந்திருக்கிறது.

தமிழ்நாட்டை எடுத்துக்கொண்டால், மலையும் மலைவாழ் சார்ந்த இடங்களும் கொண்ட ‘குறிஞ்சி’ நிலமும், காடும் காடுசார்ந்த இடங்களை கொண்ட ‘முல்லை’ நிலமும், வயலும் வயல்சார்ந்த கொண்ட ‘மருதம்’ நிலமும், கடலும் கடல்சார்ந்த இடமும் கொண்ட ‘நெய்தலும்’, மணலும் மணல்சார்ந்த ‘பாலை’ நிலமும் ஒருங்கே தமிழ்நாட்டில்தான் இருக்கிறது. சுற்றுலா என்பது வெறும் பொழுதுபோக்கல்ல, மனங்களில் மகிழ்ச்சி. சுற்றுலா வருமானத்தை மட்டும் பெருக்காமல், பண்பாட்டை பரிமாறவும் பேருதவி புரிகிறது. வேலைவாய்ப்புகளை பெருக்குகிறது. தமிழ்நாட்டுக்கு சுற்றுலாவாக வந்தால் அது விரையம் அல்ல ‘கிரையம்’ என்ற உணர்வுகளை உள்நாட்டு சுற்றுலா பயணிகளிடமும், வெளிநாட்டு சுற்றுலா பயணிகளையும் வளர்க்கவேண்டிய பெரும் பொறுப்பு தமிழக அரசுக்கு இருக்கிறது.

 சுற்றுலா தலங்களுக்கு என தனியாக சுற்றுலா போலீஸ் என்ற அமைப்பை அமைக்க அரசு பரிசீலிக்கலாம். சுற்றுலாத்தலங்களில் உள்ள மக்களுக்கு, நம்பகுதிக்கு சுற்றுலா வரும் மக்கள் அனைவரும் நமது சகோதர–சகோதரிகள். இங்கு வந்துவிட்டு தங்கள் சொந்த ஊருக்கு, அல்லது சொந்தநாட்டுக்கு திரும்பும்போது, அவர்கள் ஒரு தாய்வீட்டுக்கு, சகோதரன்–சகோதரி வீட்டுக்குவந்த இனிமையான உணர்வோடு திரும்ப வேண்டும் என்பதையே முக்கியக்குறிக்கோளாக தங்கள் மனதில் கொள்ள வேண்டும்.

சில்க் ஸ்மிதாவிற்கு ஆதார் கார்டு!

TOI Contributor | Updated: Apr 2, 2017, 10:43PM IST0

மறைந்த நடிகை சில்க் ஸ்மிதாவிற்கு ஆதார் கார்டு வழங்கியது பொதுமக்கள் அனைவரையும் அதிர்ச்சியில் ஆழ்த்தியுள்ளது.

சாதாரண மனிதனின் அடையாளம் எனச்சொல்லி எல்லாவற்றிற்கும் மத்திய அரசு ஆதார் கார்டு கேட்கிறது. இது மிகவும் பாதுகாப்பானது, தகவல் வெளியாகாது என்று சொல்லி வரும் நிலையில் தமிழ் சினிமாவின் மறைந்த பிரபல நடிகை சில்க் ஸ்மிதா பெயரில் ஆதார் கார்டை அதிகாரிகள் வழங்கியுள்ளனர். கடந்த 1996ஆம் ஆண்டு சில்க் ஸ்மிதா தற்கொலை செய்து கொண்டார். ஆனால் அவரது இயற்பெயரான விஜய லட்சுமி எனும் பெயரில் அவர் வசித்த தியாகராய நகர் வீட்டு முகவரிக்கு ஆதார் அடையாள அட்டை வழங்கப்பட்டுள்ளது.

சில மாதங்களுக்கு முன்பு ஆஞ்சநேயருக்கு ஆதார் அட்டை வழங்கப்பட்ட நிலையில், தற்போது சில்க் ஸ்மிதாவிற்கு வழங்கப்பட்டிருப்பது பெரும் சர்ச்சையை ஏற்படுத்தியுள்ளது. இறந்தவர்களுக்கு எப்படி ஆதார் அட்டை வழங்கமுடியும், பொய் தகவல் அளித்து ஆதார் அட்டை வாங்க முடியுமா என்று பல கேள்விகளை பொதுமக்கள் மத்தியில் எழுப்பியுள்ளது.

 இறந்த பிறகும் சம்பளம் வாங்கிய ஆசிரியை!

TNN | Updated: Apr 2, 2017, 11:00AM IST

 
கயா: இறந்துபோன ஆசிரியையின் வங்கி கணக்கில் இருந்து ஊதியம் எடுக்கப்பட்டது வியப்பை ஏற்படுத்தியுள்ளது.

கயாவில் உள்ள வாசிர்கஞ் பகுதியில் உள்ள அரசு ஆரம்பப் பள்ளியில் ஆசிரியையாக பணியாற்றி வந்த ராஞ்சனா குமாரி, கடந்தாண்டு அக்டோபர் மாதம் 25ஆம் தேதி உயிரிழந்துள்ளார். ஆனால், கடந்த ஆண்டு நவம்பர், டிசம்பர் மற்றும் ஜனவரி மாத ஊதியம் அவரது வங்கிக் கணக்கில் இருந்து 2 முறை அவரது பெயரில் உள்ள ஏடிஎம் கார்டு மூலம் பணம் எடுக்கப்பட்டுள்ளது.

Aadhaar: The great identity crisis

By Yatish Yadav  |   Published: 02nd April 2017 06:48 AM  |  

 

Image used for representational purpose only

NEW DELHI: After the government blacklisted Ranchi-based Aadhaar enrolment agency that had inadvertently leaked details of former Indian cricket team captain Mahendra Singh Dhoni, questions are being raised on selection of domestic and international players for the game-changing yet tricky unique identification programme that involves security and privacy concerns.

Here are the details of a contract the Unique Identification Authority of India (UIDAI) had signed with L-1 identity solution, a US-based company that was later acquired by France-based Safran Group. The clause 15.3 of the contract signed on August 24, 2010, said: “The data shall be retained by M/s L-1 identity solutions not more than a period of seven years as per retention policy of the government of India or any other policy that UIDAI may adopt in future.” According to sources, similar agreements were signed with other foreign vendors, who had opened shops in India. What happened to the personal data of 112 crore people after retention period expired last year? The government officials were tightlipped over the issue; however, they maintained that UIDAI’s Aadhaar data is fully secured and have never been compromised.

“Any complaints received against enrolment agency is taken seriously by the government and UIDAI regional offices. The officers are told to take immediate action against the delinquent agency. Each enrolment goes through various checks and data stored with UIDAI cannot be breached. It is a fully secure system,” the officials said.

The government earlier this month in a statement vouched for the safety of Aadhaar data. But, two weeks later, the Ministry of Electronics and Information Technology admitted that in some instances, personal identity of individuals, including Aadhaar number and sensitive data, has found its way into the public domain.

You are buying your monthly ration at the government shop. The shopkeeper holds the camera of smartphone up to your eyes and later on fingers. The smartphone confirms a match to biometrics in a database, already linked to your bank. Phew! Your transaction is over within minutes.
This sounds great. But, when top secretaries gave a presentation to PM Narendra Modi last year, they had raised the issues related to security of data in such transactions.

The No. 6 of the presentation—Mobile Based Authentication—had recommended using Aadhaar for authentication.
It said most smartphones have cameras, which can be converted into an Iris scanner with changes to the phone design, and Iris camera requires change in filter of an ordinary camera and associated embedded software. It further said, “Prototypes of the same were also invited from the industry and tested by UIDAI. The tests were confirming the possibility of making smartphones Iris-compliant.”

The next para, however, touches upon the security concerns. “While the UIDAI ensures safety of biometrics once encrypted and sent to its server, the biometrics when captured and stored in the individual’s device need to be encrypted through security-related interventions in system hardware. These security requirements would ensure that the biometrics are not misused or reused. Liveliness of biometrics is another issue.”

The recommendation further said UIDAI and Department of Electronics and IT would take up with Google and other major smart-phone providers to allow third party ‘Authenticating Protocol Interface’ from Aadhaar to be integrated with Android.
The Mazdoor Kisan Shakti Sangathan of Rajasthan has collected some case studies which reveal that people with mismatch fingerprints are unable to avail the benefits.
In 2010, Ernst & Young was asked to set up the Central Identities Data Repository and a chapter in it raised doubts over the accuracy of biometrics data.

9 இடங்களில் வெயில் சதம்: சேலம், பரமத்தியில் 105 டிகிரி

By DIN  |   Published on : 03rd April 2017 04:41 AM  |

Ads by Kiosked

தமிழகத்தில் ஞாயிற்றுக்கிழமை 9 இடங்களில் 100 டிகிரிக்கும் அதிகமாக வெப்பம் பதிவாகியுள்ளது.

அதிகபட்சமாக சேலம் மற்றும் கரூர் பரமத்தியில் 105 டிகிரி வெயில் பதிவானது.

கோடை காலம் தொடங்கிவிட்டதால் தமிழகத்தில் வெப்பத்தின் தாக்கம் சிறிது சிறிதாக அதிகரிக்கத் தொடங்கியுள்ளது. நாளுக்கு நாள் வெப்பம் அதிகரிக்கவே செய்யும் என்று சென்னை வானிலை ஆய்வு மையம் தெரிவித்துள்ளது.
இது தொடர்பாக அதிகாரிகள் கூறியது: கோடை காலம் தொடங்கியுள்ளதால் அடுத்த சில தினங்களுக்கு 1 முதல் 2 டிகிரி வரை வெப்பத்தின் தாக்கம் அதிகரிக்கும். கடலோர மாவட்டங்களைக் காட்டிலும் தமிழகத்தின் உள்மாவட்டங்களில் வெயில் அதிகரிக்கும். தமிழகம் மற்றும் புதுச்சேரியில் அடுத்த சில தினங்களுக்கு வறண்ட வானிலையே காணப்படும் என்று தெரிவித்தனர்.

9 இடங்களில் 100 டிகிரி: ஞாயிற்றுக்கிழமை மாலை 5.30 மணி நிலவரப்படி, தமிழகத்தில் 9 இடங்களில் 100 டிகிரிக்கும் அதிகமாக வெப்பம் பதிவாகியுள்ளது. கரூர் பரமத்தி, சேலம், தருமபுரி, வேலூர் ஆகிய இடங்களில் அதிக வெப்பம் பதிவாகியுள்ளது.

வெயில் நிலவரம் (ஃபாரன்ஹீட்டில்):

சேலம், கரூர் பரமத்தி 105
திருச்சி, வேலூர் 102
தருமபுரி 103
கோவை, மதுரை, பாளையங்கோட்டை 101
சென்னை 100

சென்னை மருத்துவக் கல்லூரி உள்பட 5 மருத்துவக் கல்லூரிகளுக்கு புதிய முதல்வர்கள்

By DIN  |   Published on : 02nd April 2017 11:56 PM  

சென்னை ராஜீவ்காந்தி அரசு பொது மருத்துவமனை மற்றும் மருத்துவக் கல்லூரி உள்பட 5 மருத்துவக் கல்லூரிகளுக்கு நிரந்தர முதல்வர்களை (டீன்) தமிழக அரசு நியமித்து உத்தரவிட்டுள்ளது.

இது தொடர்பான விவரம்: கீழ்ப்பாக்கம் அரசு மருத்துவக் கல்லூரி முதல்வராகவும், மருத்துவக் கல்வி இயக்ககத்தின் பொறுப்பு இயக்குநராகவும் பணியாற்றி வந்த டாக்டர் ஆர்.நாராயண பாபு, சென்னை ராஜீவ்காந்தி அரசு பொது மருத்துவமனை மற்றும் மருத்துவக் கல்லூரி முதல்வராக நியமிக்கப்பட்டுள்ளார். இவர் இந்தப் பதவியில் 2020-ஆம் ஆண்டு வரை நீடிப்பார்.
ஸ்டான்லி அரசு மருத்துவக் கல்லூரி மயக்கவியல் துறைத் தலைவரும் பொறுப்பு முதல்வருமான டாக்டர் பொன்னம்பலம் நமச்சிவாயம் அந்தக் கல்லூரியின் முதல்வராக நியமிக்கப்பட்டுள்ளார்.

விழுப்புரம் அரசு மருத்துவக் கல்லூரி முதல்வர் டாக்டர் வசந்தாமணி கீழ்ப்பாக்கம் அரசு மருத்துவக் கல்லூரி முதல்வராக நியமிக்கப்பட்டுள்ளார்.
தஞ்சாவூர் அரசு மருத்துவக் கல்லூரி முதல்வர் டாக்டர் வனிதாமணி விழுப்புரம் அரசு மருத்துவக் கல்லூரி முதல்வராக நியமிக்கப்பட்டுள்ளார்.

சென்னை மருத்துவக் கல்லூரியின் நரம்பியல்துறை இயக்குநர் டாக்டர் கோபிநாத் பதவி உயர்வு வழங்கப்பட்டு தஞ்சாவூர் அரசு மருத்துவக் கல்லூரி முதல்வராக நியமனம் செய்யப்பட்டுள்ளார். இவர்கள் அனைவரும் திங்கள்கிழமை(ஏப். 3) பொறுப்பேற்றுக்கொள்கின்றனர்.

கல்லூரிகளுக்கு நிரந்தர முதல்வர்கள் தற்போது நியமிக்கப்பட்டுள்ளதால், நிர்வாகப் பணிகள் இனி தொய்வின்றி நடைபெறும் என சுகாதாரத்துறை அலுவலர்கள் தெரிவித்துள்ளனர்.

இதனிடையே மருத்துவக் கல்வி இயக்குநர் இன்னும் ஒரு வார காலத்திற்குள் நியமிக்கப்படுவார் எனவும் இதற்கான பணிகள் தற்போது நடைபெற்றுக் கொண்டிருக்கிறது எனவும் சுகாதாரத்துறை மூத்த அதிகாரி ஒருவர் தெரிவித்துள்ளார்.

இதற்கான பட்டியலில் மூன்று மூத்த மருத்துவர்கள் இருப்பதாகவும் அவர்களில் ஒருவர் விரைவில் இயக்குநர் பதவிக்குத் தேர்ந்தெடுக்கப்படுவார் எனவும் அவர் கூறினார்.

மின்னணு குடும்ப அட்டையைப் பயன்படுத்துவது எப்படி?

By DIN  |   Published on : 03rd April 2017 03:31 AM 

கூட்டுறவு நியாயவிலைக் கடைகளில் நவீன மின்னணு குடும்ப அட்டைகளைப் பொதுமக்கள் எவ்வாறு பயன்படுத்த வேண்டும் என அதிகாரிகள் விளக்கம் அளித்தனர்.

தமிழகம் முழுவதும் 1.89 கோடி குடும்ப அட்டைகள் உள்ளன. பல ஆண்டுகளாக புதுப்பிக்கப்படாமல் உள்தாள் இணைப்புடன் பயன்பாட்டில் இருந்து வந்தது. இதில், போலி குடும்ப அட்டைகள் இருப்பது ஆய்வில் தெரியவந்தது. இதையடுத்து போலி அட்டைகளை ஒழிக்கவும் அரசுக்கு ஏற்படும் கூடுதல் செலவைக் கட்டுப்படுத்தவும் நவீன கையடக்க அளவில் மின்னணு குடும்ப அட்டைகள் வழங்கும் திட்டத்தை சனிக்கிழமை (ஏப்.1) முதல்வர் எடப்பாடி பழனிசாமி தொடங்கி வைத்தார்.

பயன்படுத்துவது எப்படி: இந்த அட்டையை கூட்டுறவு நியாய விலைக்கடையில் பயன்படுத்துவது எப்படி என்பது குறித்து விளக்கம் அளித்து நுகர்வோர் பாதுகாப்பு மற்றும் உணவு வழங்கல் துறை அதிகாரி ஒருவர் கூறியதாவது:

இந்த அட்டையை பெற்றதும் அருகில் உள்ள நியாய விலைக் கடையில் பொருத்தப்பட்டிருக்கும் சிறிய சதுர பெட்டி வடிவிலான நவீன இயந்திரம் மூலம் பதிவேற்றம் செய்து கொள்ள வேண்டும்.

அந்த இயந்திரத்துடன் பில் போடுவதற்கும் தனியாக ஒரு சிறிய இயந்திரம் பொருத்தப்பட்டிருக்கும். அரிசி, கோதுமை உள்ளிட்ட அத்தியவாசியப் பொருள்கள் வாங்க கடைக்கு சென்றதும் மின்னணு குடும்ப அட்டையை சிறிய சதுர பெட்டி வடிவ இயந்திரத்தின் மேலே உள்ள வெள்ளை நிற விளக்கு வெளிச்சத்தில் வைத்தால் போதுமானது. உடனே அந்த இயந்திரம் செயல்படத் தொடங்கும்.

மற்றொரு இயந்திரம் மூலம் அந்த அட்டைக்கான பொருள்கள் ஒதுக்கீடு அளவுக்கு விற்பனையாளர்கள் பில் போடுவார். அதைத் தொடர்ந்து நாம் வாங்கும் பொருள்களின் விவரம் அனைத்தும் மின்னணு குடும்ப அட்டையில் பதிவாகும்.

இது தொடர்பான விவரங்கள் செல்லிடப்பேசியிலும் குறுஞ்செய்தியாக அறிந்து கொள்ளலாம்.

இதன் மூலம் முறைகேடுகள் செய்வதற்கு வாய்ப்பின்றி தகுதியானவர்களுக்கு பொருள்கள் கிடைப்பதற்கு வழிவகை செய்யப்பட்டுள்ளதாகவும் அவர் தெரிவித்தார்.