திரையில் ஒளிர்ந்த காதல்

பிரிக்க முடியாதது எது? தமிழ் சினிமாவும் காதலும் என்று அழகாகப் பதில் சொல்லிவிட முடியும். சினிமாதான் காதலைக் கற்றுக்கொடுக்கும் பாடசாலையாக தமிழருக்கு இருக்கிறது. சினிமா வழியாகவே தமிழ் காதல் முதிர்ச்சியையும், நவீனத்தையும் அடைந்திருக்கிறது. தமிழர்களின் வாழ்வில் கடந்த ஐம்பது ஆண்டுகளில் பாதிப்பையும் பெரும் தாக்கத்தையும் ஏற்படுத்திய 14 காதல் காவியங்களைப் பற்றிய நினைவுக் குறிப்புகள் இங்கே பகிர்ந்துகொள்ளப்படுகின்றன. இங்கே இடம்பெறாமல் போனாலும் காதலின் உன்னதத்தை பொய்மையின்றி உயர்த்திப் பிடித்த படங்களின் பட்டியலில் சிறப்பு கவனம்பெறும் இடத்தில்.. நிறம் மாறாத பூக்கள், ஒரு தலை ராகம், அலைகள் ஓய்வதில்லை, பன்னீர் புஷ்பங்கள், கிளிஞ்சல்கள், பயணங்கள் முடிவதில்லை, கல்லுக்குள் ஈரம், பூவே உனக்காக, வருஷம் 16, காதல் தேசம், லவ் டுடே, இதயம், சேது, அழகி, ஆட்டோகிராஃப் ஆகிய படங்களைத் தயக்கமின்றி நினைவு கூரலாம்

அன்பே வா - காதலின் விளையாட்டு

ஏழைப் பங்காளனாகத் தன் திரை பிம்பத்தை வடிவமைத்துக் கொண்ட எம்.ஜி.ஆர். அந்தப் படிமத்தைக் கழற்றிவைத்துவிட்டு நடித்த முழுநீளக் காதல் கதை ‘அன்பே வா’.

தன் அடையாளத்தை மறைத்துக் காதலிப்பது, காதலிப்பதை வெளிப்படையாகச் சொல்லாமல் சீண்டிச் சீண்டியே காதலை வளர்ப்பது, புண்பட்ட காதலியிடம் ஆத்மார்த்தமாக மன்னிப்பு கேட்டுக் காதலை யாசிப்பது என்று சாமானியக் காதலனாக வெளிப்பட்டு, தன் அனாயாசமான நடிப்பால் ஆச்சரியப்படுத்தியிருப்பார். காதலி புண்பட்டது தெரிந்ததும் மன்னிப்புக் கோரும் காட்சியில் தன் வீர நாயகப் பிம்பத்தை முற்றிலுமாக மறக்கடித்திருப்பார்.

அலட்டிக்கொள்ளாத எம்.ஜி.ஆர். ஒருபுறம் என்றால் துடிப்பும் துள்ளலு மாய்ச் சரோஜாதேவி மறுபுறம். காதலையும் கோபத்தையும் ஏமாற்றத்தையும் வெளிப்படுத்தச் சரோஜாதேவி எதுவுமே மெனக்கெட வேண்டாம். அவர் கண்களே போதும். ‘லவ் பேர்ட்ஸ்’ என்னும் பாடலில் அவரது இமைகள் படபடக்கும் அழகே தனி.

சாகஸ நாயகனாகத் திரையில் உருவெடுத்த எம்.ஜி.ஆரை வைத்து முழுக்க முழுக்கக் காதல் படத்தை எடுக்கும் துணிச்சலுக்காக இயக்குநர் ஏ.சி. திருலோகச்சந்தரைப் பாராட்ட வேண்டும். கதை என்று எதுவுமே இல்லாமல் காட்சிகளை மட்டுமே வைத்துப் படத்தை நகர்த்திச் சென்ற விதம் திரைக்கதையின் செறிவுக்கு ஓர் உதாரணம்.

எம்.எஸ். விஸ்வநாதனின் இசையில் வாலி எழுதிய பாடல்கள் அனைத்தும் அருமையாக அமைந்து, இந்தப் படத்தின் வசீகரத்தைக் கூட்டுகின்றன. காதலை வைத்து விளையாடக் கூடாது என்னும் தீவிரமான விஷயத்தைக் கலகலப்பான திரைக்கதை, பொருத்தமான நடிப்பு, அருமையான பாடல்கள் ஆகியவற்றின் மூலம் சொன்ன இந்தப் படம் அறுபதுகளின் காதல் படங்களில் தனித்து நிற்கும் படங்களில் ஒன்று.

- அமுதன்

வசந்த மாளிகை - பாறையில் பூப்பூக்க வைத்த காதல்

நடிகர் திலகத்தின் ரசிகர்கள் சிவாஜியின் எல்லா படங்களையும் தலையில் தூக்கிவைத்துக்கொண்டு கொண்டாடுபவர்கள். ஆனால் சிவாஜியின் ரசிகர்கள் அல்லாதவர்களையும் ‘வசந்த மாளிகை’ ஈர்த்தது உண்மை.

அழகாபுரி ஜமீன் வம்சத்தின் செல்லப் பிள்ளை சிவாஜி. எப்போதும் கோப்பைக்குள்ளேயே குடியிருப்பவர். கோல மயில்களின் தோகை சூழ வலம் வரும் நாயகனின் வாழ்க்கையில் ஒரு திருப்புமுனை. அழகாபுரி ஜமீனுக்கு வேலைக்கு வருகிறார் வாணி. தனிமையும், ஒழுங்கின்மையும் படர்ந்து… கரையற்ற வாய்க்காலாக ஓடிக்கொண்டிருக்கும் நாயகனின் வாழ்க்கையை, ‘கலைமகள் கைப் பொருளே… உனை கவனிக்க ஆளில்லையா…’ என்று கலங்கிப் பாட்டுப் பாடி திருத்த முனைகிறார் நாயகியான வாணி.

பெண் என்றால் ‘மெத்தை தத்தை’ என்று அது வரையில் சொல்லிக்கொண்டிருந்த பாறை மனம் கொண்ட நாயகனின் அக அகராதியில்… காதல் அர்த்தத்தைப் பொறித்துவிட்டுப் போகிறது.

‘மயக்கம் என்ன… கலக்கம் என்ன?’ என்று டூயட் பாடுகிறான் நாயகன். ஒருவரை ஒருவர் வென்றெடுக்க அன்பில் ஆயுதம் தயாரிக்கிறார்கள். தன் காதலை கவுரவிக்க… தன் காதலிக்காக நாயகன் ஒரு பண மாளிகை கட்டுகிறான். வாசனையின் திருவிழாவாக எழுகிறது அந்த வசந்த மாளிகை! இப்படியாக விரியும் கதையில் காதலை மறுத்து நாயகனை பிரிய வேண்டிய நிர்பந்தம் நாயகிக்குக் உண்டாகிறது. மீண்டும் குடிக்க ஆரம்பிக்கிறான்.

‘யாருக்காக… இது யாருக்காக…’ என்று ரத்தம் கக்க… தன் உயிரின் ஆழத்திலிருந்து வார்த்தைகளை எடுத்து கோத்து பாடுகிறான் நாயகன். கடைசியில் நாயகி வந்து நாயகனை காப்பாற்றுகிறாள். சாவின் விளிம்புக்கு சென்றவனை காதல் மீட்டெடுக்கும் இசை உன்னதம் இந்தக் காவியம்.

- மானா

ராஜபார்வை - ஈரம் காயாத காதல்

தனது நூறாவது படமான ‘ராஜபார்வை’யை ஆத்மார்த்தமான காதல் படமாக உருவாக்கினார் கமல். கண் தெரியாத வயலின் இசைக் கலைஞரான கமலைத் தவறாகப் புரிந்துகொண்டு, பின்னர் அதற்காக வருத்தப்பட்டு, காதலில் விழும் பாத்திரத்தில் மாதவி மிகச் சிறப்பாக நடித்திருந்தார். தனது உடல் குறையை ஒரு சுமையாகக் கருதாமல் தேர்ந்த இசைக் கலைஞனாக உருவெடுக்கும் பாத்திரத்தில் கமல் நடிப்பு மிக இயல்பாக இருந்தது. இயல்பான திருப்பங்களும், அசலான உணர்வுகள் கொண்ட பாத்திரங்களும் நிறைந்த இந்தப் படம், காதலின் புனிதத்தை எளிமையாக நிறுவிய படைப்பு என்றே சொல்லலாம்.

காதலர்கள், தங்கள் குடும்பத்தினரிடமிருந்து எழும் எதிர்ப்பை சினிமாத்தனத்துடன் வெல்வதாகக் காட்டாமல், விதியின் சூழ்ச்சிக்குள் மாட்டிக்கொண்டு தவிப்பதை வெகு இயல்பாகச் சித்தரித்த படம் இது. நண்பர்களுடன் மது அருந்திவிட்டு, மாதவி வீட்டுக்கு முன் கமல் தகராறு செய்யும் காட்சி, இயல்பான சூழல் தன் போக்கில் விபரீதமாக உருக்கொள்வதைச் சிறப்பாகச் சித்தரிக்கும். இறுதிக் காட்சியில் இறுக்கமான சமூகக் கட்டுப்பாடு கொண்ட சூழலை உடைத்தெறியும் பலத்தை மென்மையான காதல் பெறும் அதிசயம் பதிவாகியிருக்கும். தனது இசையால், தமிழகத்தில் காதலை வளர்த்த இளையராஜா இழைத்து இழைத்து இசைத்த பாடல்கள் நிறைந்த படம். இத்தனை ஆண்டுகள் கழித்தும் ஈரம் காயாத காதல் மனம் உயிர்ப்புடன் இருக்கும் படைப்பு.

- சந்திரமோகன்

புதுக்கவிதை - காதலின் வலி

கடிவாளம் போடாத ஆக்‌ஷன் குதிரையாக முன்னே போய்க்கொண் டிருந்த ரஜினியைச் சட்டென்று ஒரு இடத்தில் நிறுத்தி அவருக்கு ‘தேவதாஸ்’ அரிதாரத்தைப் பூச வைத்தது புதுக்கவிதை. எஸ்.பி.முத்துராமன் இயக்கத்தில் தலைப்புக்கு நியாயம் சேர்த்த திரைப்படம்.

பணக்கார வீட்டுப் பெண் ஜோதியுடனான பைக் ரேஸர் ரஜினியின் அறிமுகம் மோதலில் தொடங்கும். ரஜினியை இன்னொரு கதாபாத்திரம் திட்டுவதைக்கூட ரசிகர்கள் ஏற்றுக்கொள்ள மறுத்த காலம் உண்டு. ஆனால், புதுக்கவிதை படத்தில் ‘கருப்பன்.. கருப்பன்..’ என்று நாயகி திட்டும் காட்சிகள் பல இடங்களில் வரும். ஹீரோயிசத்தை ஒதுக்கி வைத்துவிட்டு, உண்மையில் ஒரு பெண்ணும் பையனும் காதலித்தால், வீட்டில் எப்படி எதிர்ப்பு கிளம்பும் என்ற அடிப்படையை உள்வாங்கி இதில் ரஜினி நடித்திருப்பார். காதலியைப் பிரியும் தருணத்திலும், பிரிந்த பின் ஏங்கித் தவிக்கும் தருணத்திலும் ரஜினியின் ஹீரோயிசம் பற்றிய எண்ணமே எழாது.

காதலை மறக்க முடியாமல் அதன் அடையாளமாகத் தாடியுடன் வரும் காட்சியும், சோகத்தையும், இயலாமையை யும் மறைக்க முடியாமல் தவிக்கும் காட்சிகளும் படத்தின் பின்பாதியை ஆக்கிரமித்திருக்கும். மீண்டும் காதலியைச் சந்திக்கும் நிமிடத்திலும், சில நிமிடங்கள் இருவரும் பேசிய பிறகு, “நான் போகட்டுமா” என்று ஜோதி கேட்பார். அதற்கு ரஜினி, “அதான்போய்ட்டியே” என்று ஒரே வார்த்தையில் காதலின் ஏமாற்றத்தையும் வேதனையையும் இயல்பாக வெளிப்படுத்தியிருப்பார். எப்போதுமே ரஜினி படத்தில் காதல் என்பது சினிமாத்தனத்தின் ஒரு சிறுபகுதிதான். ஆனால், யதார்த்தத்துக்கு நெருக்கமாக வந்துவிடும் ஒரு மென்மையான காதலையும் அது தந்துபோகும் வலியையும் மையமாக வைத்து ரஜினி நடித்த முதலும் கடைசியுமான காதல் படம் புதுக்கவிதை மட்டுமே.

மிது

காதல் கோட்டை - த்ரில் காதல்

இந்தத் திரைப்படத்தை இப்போது பார்க்கும் புதிய தலைமுறை ரசிகர்களுக்குக் கடிதங்கள் மீது காதல் பிறக்கக்கூடும். காரணம் கடிதங்கள் என்பவை கடிதங்களே அல்ல... அவற்றை எழுதும் மனிதர்களின் சாயல் என்பதை மிகையும் யதார்த்தமும் கலந்து சொன்ன படம் காதல் கோட்டை.

பயணத்தில் தவறவிட்ட நாயகியின் கல்வி சான்றிதழ்களைக் கண்டெடுக்கும் நாயகன் அவளுக்கு அவற்றை அனுப்பி வைக்கிறான். இப்படியும் மனிதர்கள் இருக்கிறார்களா என்ற ஆச்சரிய நெகிழ்வுடன் நன்றிக் கடிதம் எழுதுகிறாள் நாயகி. அது நட்பாகிப் பின் கடிதங்கள் வழியே அதைக் காதலாய் வளர்த்தெடுக்கிறார்கள். இந்த முகமறியா காதலில் ‘நீ இங்கு நலமே.... நான் அங்கு நலமா?!’ என்று பார்த்துக் கொள்ளாமலேயே உள்ளம் பரிமாறிக் கொண்டவர்கள் ஒருநாள் சந்தித்தால்...!

ஒரு திரைப்படம் சட்டென்று நமக்கு ஏன் பிடித்துப் போகிறது? அந்தக் கதையின் முக்கிய நிகழ்வுகளுக்கு நெருக்கமாக நம் வாழ்க்கையிலும் சில சம்பவங்கள் நடந்திருக்கலாம். அல்லது அதுபோல் நமக்கு நடக்காமல் போய்விட்டதே என்ற ஏக்கமும் காரணமாக இருக்கலாம். காதல் கோட்டையில் அஜித், தேவயானி ஏற்று நடித்த கதாபாத்திரங்களைத் தங்களுடன் பார்வையாளர்கள் அடையாளப்படுத்திக் கொண்ட உளவியல் இதுதான். இப்படியெல்லாம் நடக்குமா என்ற சந்தேகம் ஏதுமில்லாமல், அடுத்து நிகழப்போவதை யூகிக்கும் விதமான திரைக்கதை என்றாலும் அதன் கட்டுக்கோப்பிற்காகத் தேசிய விருதை வென்றது. ஆர்ப்பாட்டம் ஏதுமில்லாத காட்சிகளும், நடிப்பும், சஸ்பென்ஸ் எனும் அம்சத்தை ஒரு காதல் கதையில் காதலுக்கு இணையான உயிர்நாடியாகப் பின்னமுடியும் என்ற நெறியாள்கையும் காதல் கோட்டையின் அஸ்திவாரம்.

- ரசிகா

மரியான் - மீட்கும் சக்தி

மரணத்தின் விளிம்புவரை சென்றுவிட்டால்கூட மீட்டுத் தரும் சக்தி காதலுக்கு உண்டு என உணர்த்திய படம் மரியான். காதல் ராசாவாகத் தன்னை முழுமையாக வெளிப்படுத்திய கடலோடி தனுஷை, அவனது காதலி பனிமலரால் மட்டுமல்ல தமிழ் ரசிகர்களாலும் மறக்க முடியாது.

நீரோடி கடல் கிராமத்தில் கடல் சுறாவை வேட்டையாடும் மரியானை பனிமலர் காதலிக்கிறாள். கடும் உழைப்பைத் தர மனமில்லாமல் முறுக்கிக்கொண்டு திரியும் தனுஷ், “பொம்பளை வாசம் பட்டவன்தான் சாதிக்க முடியும்” என்று கேள்விப்பட்ட பிறகு, காதலில் விழுகிறார். ஆனால் காதல் துன்பமும் தருமல்லவா? காதலியின் கடனை அடைக்க அல்லது காதலுக்காக வெளிநாட்டு வேலைக்குச் செல்லும் மரியான் அங்கே சூடான் தீவிரவாதிகளிடம் சிக்கிக்கொள்கிறான். தப்பித்தானா? ஊர் திரும்பினானா பனிமலர் என்னவானாள் என்பதை முழுக்கக் முழுக்க காதல் என்பதை ஊக்க மருந்தாகச் சித்தரித்த உணர்ச்சிக் காவியம்.

மிக நுணுக்கமான உணர்ச்சிகளைக்கூடச் சாதாரணமாகச் செய்வது தனுஷின் திறமை. பசியும் பட்டினியுமாகத் தீவிரவாதி களிடம் அடைபட்டுக் கிடக்கிற தனுஷ், கிடைத்த ஒரே ஒரு சந்தர்ப்பத்தில் தனது நிறுவன அதிகாரிக்குப் போன் செய்து, நடந்ததைச் சொல்லாமல் காதலிக்குத் தொலைபேசி கதறும் காட்சியில் யாரும் கண் கலங்காமல் இருக்க முடியாது.

அலைகள் ஓய்வதில்லை, கடலோரக் கவிதைகளைக் கொண்டாடும் தலைமுறையின் அடுத்தடுத்த வாரிசுகள் காதலின் மகோன்னதத்ததைப் பேச மனதில் இருத்திக்கொண்டிருக்கும் படம் மரியான்.

- நாகா

விண்ணைத் தாண்டி வருவாயா - உருகி உருகி

நிறைவேறாத காதல் ஜோடிகளுக்கு இந்தியர்கள் நினைவில் இறவாத நினைவுண்டு. ‘விண்ணைத் தாண்டி வருவாயா’ படத்தில் வரும் கார்த்திக்- ஜெஸ்ஸி கதாபாத்திரங்களுக்கும் ரசிகர்கள் அந்த இடத்தைக் கொடுத்தனர்.

`விண்ணைத் தாண்டி வருவாயா’ திரைக்கதை, சமகாலத்தில் நடந்தாலும் நாயகனும் நாயகியும் கட்டுப்பெட்டியானவர்கள். எண்பதுகளில் வந்த `ஒரு தலை ராகம்’ படத்தில் வரும் நாயக-நாயகியின் பவித்திரத்தைப் பராமரிப்பவர்கள். இந்தப் படத்தில் கைபேசி மிகக் குறைவாகவே பயன்படுத்தப்பட்டது. சந்திப்பதற்கான ஏக்கம் மற்றும் காத்திருப்பை இருவருமே பிரமாதமாக வெளிப்படுத்தியிருப்பார்கள்.

ஒரு ஆணின் முதல் நட்பு மற்றும் முதல் தொடுகையின் அனுபவத்தை த்ரிஷா அற்புதமாகத் தெரியப்படுத்தியிருப்பார். ரயில் பயணத்தில் காதலன் தன் பாதத்தைத் தொடும் போது இரவொளியின் நீல வெளிச்சத்தில், த்ரிஷாவின் முகத்தில் வெளிப்படும் சிறு கிறுகிறுப்பு தமிழ் சினிமாவின் முக்கியமான தருணங்களில் ஒன்று. குடும்பத்துக்கும் காதலுக்கும் இடையே அல்லல்படுபவராக, கொஞ்சம் நாயகனைவிட முதிர்ந்த தோற்றம் கொண்டவராக, படம் முழுக்க சேலை கட்டி த்ரிஷா அசத்திய திரைப்படம் இது.

முதல் காதலின் தாப ஊசிமுனையில் தியானித்து வழங்கப்பட்ட பாடல்கள் ஏ.ஆர். ரஹ்மானுடையவை. ‘மீண்டும் மீண்டும் உருகி உருகி உனை எண்ணி ஏங்கும் இதயத்தை என்ன செய்வேன்.. என்ன செய்வேன்’ என்று கதறியிருப்பார். மொத்தக் கதையையும் இந்தப் பாட்டின் வழியாகச் சொல்லியிருப்பார். தமிழில் சமீபத்தில் வந்த மிகச் சிறந்த, நெருடல் இல்லாத முதிர்ச்சியான காதல் படங்களில் ஒன்று `விண்ணைத் தாண்டி வருவாயா’.

- வினுபவித்ரா

காதலுக்கு மரியாதை - குடும்பத்துக்கு மரியாதை

தொண்ணூறுகளில் காதலைக் கண்ணியமாக வெளிப்படுத்தி வெற்றி கண்ட திரைப்படம் ‘காதலுக்கு மரியாதை’. இயக்குநர் பாசில் இயக்கத்தில் வெளிவந்த இந்தத் திரைப்படம் பெற்றோருக்குக் காதல் மீதிருந்த பயத்தைப் போக்கி மரியாதையை உருவாக்கியது என்று சொல்லலாம்.

கதாநாயகன் ஜீவா (விஜய்), கதாநாயகி மினி (ஷாலினி) இருவரின் காதலும் அந்தக் காலகட்டத்தில் காதலர்களிடம் பெரும் தாக்கத்தை ஏற்படுத்தியது. ஜீவா, மினியின் காதல் ‘விழியில் விழி மோதி’ முதல் பார்வையில் பிறப்பதாய் இருந்தாலும், இயக்குநர் பாசில் சினிமாத்தனம் இல்லாமல் இயல்பாகப் பதிவுசெய்திருப்பார். காதலுக்காக நண்பர்கள் செய்யும் உதவி, தாய்க்கும் மகனுக்குமான உறவு, அண்ணன் - தங்கை பாசம் எனப் பல உறவுப் பரிமாணங்களையும் இந்தப் படம் ஆழமாகச் சித்தரித்தது.

சில படங்களின் முடிவு மனதைவிட்டு அகலாமல் எப்போதும் பசுமையானதாகவே இருக்கும். அப்படியொரு கிளைமாக்ஸாக ‘காதலுக்கு மரியாதை’ படத்தின் முடிவைச் சொல்லலாம். இன்றளவும் அந்தக் கிளைமாக்ஸை அனைவராலும் ரசிக்கவும், ஏற்றுக்கொள்ளவும் முடியும். இந்தப் படத்தில் இளையராஜா தன் இசையால் காதல் தாலாட்டுகளை உருவாக்கியிருந்தார். ‘என்னைத் தாலாட்ட வருவாளா’ பாடல் காதலர்களின் காதல் ராகமாகப் பல ஆண்டுகளுக்கு நீடித்தது.

பெற்றோரைத் தவிக்கவிட்டுவிட்டுக் காதலில் வெற்றியடைவது நல்ல விஷயமல்ல என்று காதலர்களையும், பிள்ளைகளின் காதல் நேர்மையாக இருக்கும்போது அதை ஏற்றுக்கொள்ள வேண்டியது பெற்றோர்களின் கடமை என இரு தரப்பையும் இந்தப் படம் யோசிக்க வைத்தது.

- கௌரி

More seats: CMCH gets time to fulfil conditions

The Medical Council of India (MCI) has granted the Coimbatore Medical College Hospital (CMCH) time till February 28 to rectify the deficiencies in order to qualify for additional seats.

An MCI team during a recent visit pointed out various inadequacies when the CMCH sought nod to increase MBBS seats by 100. This would take the CMCH’s total intake to 250, which was the maximum.

MCI norms mandated four demonstration rooms, while CMCH had only two. A single examination hall of over 2,000 sq m was required at the hospital. The hospital had three small examination halls, which put together will exceed 2,000 sq m. The MCI team did not accept it.

While the norms mandated 27 sq m for every three girls, the present hostel had 27 sq m for every five girls.

The State Government has ordered construction of a new hostel for nursing students at a cost of Rs. 3.23 crore. A total of 566 students are taking the three-and-a-half year course in CMCH.

While the MCI norms mandated 188 rooms, the present hostel building had only 80.

Colleges catch cricket fever, plan to screen matches

COIMBATORE: There's less than 24 hours for the World Cup to start and it's not just cricket lovers who are planning their schedules to take in all the matches. Colleges in the region too are making arrangements to screen the matches since most of them will be broadcast live during college hours.

Colleges are also making arrangements for extra televisions in the hostels for matches that begin early in the day.

India will be playing six league matches to qualify for the quarter finals, and the first encounter is with Pakistan on Sunday at 9am in Adelaide. So, fans in India will have to wake up at 4am to watch the match from the first ball. While Sunday is a holiday for colleges, students will be able to watch it at home. But, for the rest of the days the colleges are making arrangements to ensure that students don't skip classes.

Nehru Group of Institutions is planning to add televisions sets to the TV halls in the hostels. Krishna Kumar, secretary of Nehru Institutions said, "

We organized screenings of the soccer world cup last year. Since all matches were broadcast at night, we arranged for screenings in the hostels. When it comes to cricket, one cannot say no at all. So, we are organizing screening sessions in the hostels."

Sankara College of Science and Commerce is so excited about the world cup, it has distributed the schedule in the form of a pocket card to its students.

"Almost all the students on the campus have the World Cup schedule. Seeing the enthusiasm level, we have planned to organize screenings of important matches in the seminar halls," said Nithya Ramachandran, joint secretary of Sankara Institutions.

Of the six matches in Australia, three will begin at 9am, which is 4am IST. India will play Ireland and Zimbabwe in Hamilton and Auckland in New Zealand, and both matches are scheduled to begin at 6.30am local time. In India, one would have to rise at 1.30am to watch them.

"Besides organizing screening in the seminar halls during the college hours, we have arranged for screening in the hostels keeping in mind the telecast hours," said Ramachandran.

Kumaraguru College of Technology is also making plans to organize screening sessions. Shankar Vanavarayar, joint-correspondent, said, "Students are smarter than us. With smartphones, they are watching the telecast live on their mobile phones or getting live updates after the completion of every over." Despite this, they plan to screen the matches. "The delight of watching it on a big screen is a completely different experience," he said.

While some institutions are allowing the screening of World Cup matches, in other cricket is a strict no-no. A BCom student of an arts and science college on Avinashi Road said, "Our college does not organize such stuff. Students either track the updates on their mobile phones or bunk college." This student is planning to take the day off when India faces West Indies, which begins at 7am (IST) on a Friday. "What better way to start a long weekend of one's own making."

Bangalore University will be split into four varsities

BENGALURU: A sub-committee headed by higher education minister R V Deshpande on Thursday decided to split Bangalore University into four units.

As per the decision, taken at a meeting with the law and finance departments, the university could be split before the beginning of the next academic year. It will be divided into Bangalore North University, Bangalore South University, Bangalore Central University and the present university at Jnanabharathi.

According to the sub-committee, the university at Jnanabharathi will become a unitary university like Jawaharlal Nehru University. The other three varsities - North, South and Central - will be affiliating universities. Providing smooth academic services and monitoring the 600 affiliated colleges has become burdensome, said a source who attended the meeting. The three affiliating universities will have 200 colleges each.

Each affiliating university will be given 100 acres to establish a campus; the remaining land will used by the unitary university, sources said. BU's Jnanabharathi campus is spread across over 1,000 acres.Deshpande told TOI: "This will be presented before the cabinet for approval. It will enhance the quality of education and provide for better administration."

BACKGROUND

In 2013, then governor HR Bhardwaj rejected a bill drafted by the BJP government to bifurcate BU. But the present Congress government formed a sub-committee and asked KR Venugopal, principal of the Visvesvaraya College of Engineering, to prepare a report on this issue.

தில்லி கற்றுத் தரும் பாடம்

தில்லியில் கத்தியின்றி ரத்தமின்றி நடந்த யுத்தத்தில் மத்தியில் ஆண்டவரையும் ஆள்பவரையும் மக்கள் தூக்கி கடாசிவிட்டு புதிய கட்சிக்கு மகத்தான வெற்றியை தில்லி மக்கள் அளித்துள்ளனர்.

வென்றவருக்கு வாழ்த்து சொல்லும் வேளையில், தோற்றவர்கள் கற்க வேண்டிய பாடம் என்ன என்றும் சிந்திப்போம்.

ஐ.ஐ.டி. மாணவரான அரவிந்த் கேஜரிவால் வண்ணக் கனவுகளுடன் இந்திய ஆட்சிப் பணி தேர்வு எழுதிய இந்தியர்.

வருவாய்த் துறை பணியில் பயிற்சி பெற்று, சக பணியாளரை மணந்து, வேலையை துறந்து அண்ணா ஹசாரேயின் இயக்கத்தில் இணைந்தார்.

அரவிந்துக்கும் முன்னாள் தமிழக முதல்வர் அண்ணாவுக்கும் ஓர் ஒற்றுமை. அண்ணா, பெரியாரின் சீடராக பொது வாழ்க்கைக்கு வந்தார். அரவிந்த், அண்ணா ஹசாரேயின் மூலமாக வெளிச்சத்திற்கு வந்தார்.

அண்ணாவும் அரவிந்தும் படித்தவர்கள். வெறும் கொள்கை கோஷம் போட்டால் எதுவும் ஆகாது என்று தனிப்பாதையில் தலைவர் புகழ் பாடியபடியே அவர்களிடமிருந்து விலகி தனிக்கட்சி கண்டவர்கள்.

புதிய கட்சி கண்ட அண்ணா ஆட்சியைப் பிடிக்க கிட்டத்தட்ட 18 ஆண்டுகள் காத்திருக்க வேண்டியிருந்தது. ஆட்சியை பிடிக்கும் சாதனையை அரவிந்த் 18 மாதத்தில் செய்து காட்டினார். ஆனால், உணர்ச்சிவசப்பட்டவராக உடனே ஆட்சியைத் துறந்தார்.

அரவிந்தின் சாதனை இந்திய ஜனநாயக வரலாற்றில் பொன் எழுத்துகளால் பொறிக்கத்தக்கது.

என்.டி.ஆர்., எம்.ஜி.ஆர். போல அவருக்குத் திரைப்படக் கவர்ச்சியோ, ரசிகர் பட்டாளமோ கிடையாது. அரவிந்தின் குறுகிய கால வளர்ச்சி, மாற்றத்தை விரும்பும் இந்திய மக்களின் எண்ணங்களுக்கான வடிகால். அவர் மோடிக்கு முன்பே கையில் துடைப்பத்துடன் ஊரைச் சுத்தம் செய்ய கிளம்பியவர்.

பா.ஜ.க.வின் படுதோல்விக்கு கிரண் பேடி ஒரு முக்கியக் காரணம். அரசியல் என்பது விரும்பும் போது உள்ளே வந்து, விரும்பும் போது வெளியே செல்லும் விளையாட்டு மைதானம் அல்ல.

லட்சிய வெறியுடன் போராட வேண்டிய களம் அரசியல். லட்சியங்களில் ஒன்று ஆட்சியைப் பிடிப்பது. அரவிந்த், அண்ணா ஹசாரேவை விட்டு வெளியே வந்து தனிக்கட்சி கண்டபோது அதை விமர்சித்தவர் கிரண் பேடி.

அரவிந்த் முதல்வராவார் என்று கிரண் பேடி கனவில் கூட நினைத்திருக்க மாட்டார். ஒரு முன்னாள் தில்லி காவல் துறை அதிகாரிக்கு தில்லி முதல்வரின் அதிகாரம் பற்றி கண்டிப்பாக தெரிந்திருக்கும்.

கிரண் பேடி கொள்கையில் பூத்த மலர் அல்ல. அதிகாரத்தையும், ஆதிக்கத்தையும் விரும்புபவர். அதிகாரிகள் தங்கள் அதிகாரத்தை ஆட்சியாளரிடம் அடகு வைத்த போது இவர் தனது அதிகாரங்களை உபயோகித்தார். மீடியாவின் துணையுடன் இவர் புகழ் ஏறத் தொடங்கியது.

கிரண் பேடி மலை மாநிலத்திற்கு மாற்றப்பட்டபோது, விதிகளை மீறி தன் மகளுக்கு மருத்துவக் கல்லூரியில் இடம் பெற்றார் எனக் குற்றம் சாட்டப்பட்டார்.

மக்களின் எதிர்ப்பையும் கோபத்தையும் தாங்க முடியாமல் ஆளுநர் மாளிகையில் தஞ்சம் புகுந்து தப்பி வந்ததாக அவர் தன் புத்தகத்தில் எழுதியிருப்பதை மறக்க முடியுமா?

கிரண் பேடியின் லஞ்ச எதிர்ப்புக் கொள்கை, பொறாமையால் அரவிந்த் கேஜரிவால் எதிர்ப்புக் கொள்கையாக மாறியது. இதைப் புரிந்து கொண்ட பா.ஜ.க.வினர் அவரை தூண்டில் போட்டு பிடித்தனர்.

காலங்காலமாக கட்சியில் இருந்தவர்களை ஒதுக்கி விட்டு கிரண் பேடியின் பத்திரிகை புகழை மட்டும் கணக்கெடுத்து செயல்பட்டதன் விளைவு பா.ஜ.க.வின் பலம் சட்டப்பேரவையில் மூன்றாக குறைந்துவிட்டது.

அரசியல்வாதிகள் தில்லி தேர்தலில் படிக்க வேண்டிய பாடம், நம்பிக்கையூட்டும் சிறிய கட்சிக்கு மக்கள் அளித்திருக்கும் ஆதரவுதான். அரவிந்த் பதவியை ராஜிநாமா செய்தபோது சிலர் பா.ஜ.க.விற்கு தாவினார்கள். ஆனால், மாற்றத்தை விரும்பிய மக்கள் அரவிந்தைத் தூக்கிப் பிடித்துள்ளனர்.

தில்லி டெவலப்மெண்ட் அத்தாரிட்டி யில் ஊழல் மிகுந்திருக்கிறது. பேருந்துப் போக்குவரத்து மோசமாக இருக்கிறது. இவற்றைச் சரி செய்ய வேண்டிய பொறுப்பு அரவிந்துக்கு உள்ளது. ஆட்சியைப் பிடிப்பது வேறு, ஆளுவது வேறு.

அரவிந்த் கேஜரிவால் இந்திய ஜனநாயகத்தின் புதிய வரவு. மோடியைப் போலவே கனவுகளை விற்று ஆட்சிக்கு வந்தவர். ஆட்சிப் படுக்கை என்பது ரோஜா மலர்களால் ஆனது அல்ல.

உச்சநீதிமன்றமும், ஊடகங்களும், மக்களும் விழிப்போடு இருப்பது நிஜம். இந்தியாவில் தேர்தல் சீர்திருத்தங்கள் துவங்கி விட்டன. இதை அரசியல்வாதிகள் புரிந்த கொள்ளாவிட்டாலும் மக்கள் புரிந்து கொண்டனர்.

ஷீலா தீட்ஷித்தின் மெட்ரோ ரயிலையும் அகலமான சாலைகளையும் மேம்பாலங்களையும் சுரேஷ் கல்மாடியின் தேசிய அவமானமான ஆசிய விளையாட்டு ஊழல் அடித்து நொறுக்கி விட்டது.

திடீர் கிரண் பேடிகளால் பேரும், புகழும், ஓட்டுகளும் கொண்டு வர முடியாது. தில்லி போன்ற படித்தவர்கள் நிறைந்த பகுதியில் மக்கள் மாற்றத்தை விரும்புகிறார்கள்.

இதுதான் தில்லி கற்றுத் தரும் பாடம்.

இருளும் ஒளியும்!

தமிழ்நாடு மின் உற்பத்தி மற்றும் பகிர்மானக் கழகத்தின் 2013-14 நிதியாண்டின் இழப்பு ரூ.13,985 கோடி என்பது மிகப்பெரும் மின் அதிர்வைத் தந்தாலும், இது கடந்த பத்து ஆண்டுகளுக்கும் மேலாக, தி.மு.க., அ.தி.மு.க. ஆகிய இரு ஆட்சிகளிலும் தொடர்ந்து ஏற்பட்டுக் கொண்டிருக்கும் நட்டம் என்பதுதான் உண்மை.

"எங்கள் ஆட்சிக் காலத்தில் இவ்வளவு நட்டம் இல்லை' என்று தி.மு.க. தலைவர் கருணாநிதி சொன்னாலும், கடந்த நான்கு ஆண்டுகளில் நட்டம் அதிகமாக இருக்கிறது என்று அ.தி.மு.க.வை மட்டும் மறைமுகமாக பா.ம.க. நிறுவனர் மருத்துவர் ராமதாஸ் குறிப்பிட்டாலும், மின் வாரியத்தில் அதிகரித்து வரும் நட்டத்தை எந்தக் கட்சி ஆட்சிக்கு வந்தாலும் மாற்ற முடியவில்லை என்பதுதான் நிஜம். வரவு எட்டணா, செலவு பத்தணா என்றால் ஆண்டுதோறும் இந்த நட்டம் கூடத்தான் செய்யும். இதில் அ.தி.மு.க.வை மட்டும் குறை சொல்வது, அரசியல் சாடலுக்கு மட்டுமே உதவலாம்.

மின் வாரியத்திற்கு மின் கட்டணத்தின் மூலம் (2013-14 நிதியாண்டில்) கிடைக்கும் நேரடி வருவாய் ரூ.29,536 கோடி மட்டுமே. இது நீங்கலாக, இலவச மின்சார மானியத் தொகை மற்றும் மின் கட்டணத்தை உயர்த்தாமல் சலுகை அளிப்பதற்கான ஏற்பளிப்புத் தொகையாக ரூ.4,985 கோடியை தமிழக அரசு வழங்குகிறது. ஆனால், இந்த மானியத் தொகையில் ரூ.4,622 கோடி தொழிலாளர்களின் ஊதியமாகப் போய்விடுகிறது.

மின்சாரத்தை வெளிமாநிலங்களிலிருந்தும், அரசு மின் உற்பத்தி நிலையங்கள் மற்றும் தனியாரிடமிருந்தும் வாங்குவதற்காக ரூ.30,529 கோடி, மாநிலத்தில் அரசு மின் நிலையங்களில் மின் உற்பத்தி மற்றும் பராமரிப்புச் செலவுகள் ரூ.7,613 கோடி, ஏற்கெனவே வாங்கிய கடன்களுக்கான வட்டி ரூ.7,933 கோடி ஆகியவற்றை மின் வாரியம் தனக்கு கிடைக்கும் நேரடி மின் கட்டண வருவாய் ரூ.29,536 கோடியைக் கொண்டு ஈடு செய்வது எப்படி சாத்தியம்?

2003-04 நிதியாண்டில் தமிழகத்தின் மின்சாரத் தேவை 39,240 மில்லியன் யூனிட்டு. மின்சாரம் வாங்கிய செலவு ரூ.6,664 கோடி. மின் கட்டணம் மூலம் கிடைத்த வருவாய் போக, கூடுதல் பற்றாக்குறை அல்லது நட்டம் ரூ.1,110 கோடி. 2013-14 நிதியாண்டில் தமிழ்நாட்டின் மின்சாரத் தேவை 91,642 மில்லியன் யூனிட்டு. தேவை சுமார் இரண்டரை மடங்கு அதிகரித்துள்ளது.

தமிழ்நாடு அரசு தனியார் மின் உற்பத்தி நிலையங்களிடம் கூடுதல் விலை கொடுத்து மின்சாரம் வாங்குவதால்தான் நட்டம் என்று எதிர்க்கட்சிகள் சொல்கின்றன. தற்போதைய தேவையாகிய 91,942 மில்லியன் யூனிட் மின்சாரத்தில் 37% (அதாவது 34,253 மில்லியன் யூனிட்) தமிழகத்திலும், 33% (அதாவது 30,534 மில்லியன் யூனிட்) மத்திய தொகுப்பிலிருந்தும் பெறப்படுகின்றன. தனியாரிடம் வாங்கப்படும் மின்சாரத்தின் அளவு 3,050 மில்லியன் யூனிட் மட்டுமே. இதுவும்கூட, பல நீண்டகால ஒப்பந்தங்களின் அடிப்படையில் முந்தைய அரசுகளால் போடப்பட்டவை. அப்படியே தமிழக அரசு "திட்டமிட்டு' கூடுதல் விலைக்கு வாங்கியிருந்தாலும்கூட எதிர்க்கட்சிகள் சொல்வதுபோல இத்தனை ஆயிரம் கோடி நட்டத்துக்குக் காரணம் அதுவல்ல.

கடந்த பத்து ஆண்டுகளில் மின் உற்பத்திச் செலவுக்கு இணையாக மின் கட்டணத்தை உயர்த்த முயன்றபோதெல்லாம் கடும் எதிர்ப்பு எழுந்தது. இப்போதும்கூட, மின் கட்டண உயர்வு தொடர்பான மக்கள் ஆலோசனைக் கூட்டங்களில், மின் கட்டணத்தை உயர்த்தக் கூடாது என்பதுதான் கோரிக்கையாக இருக்கிறது. மக்களின் கோபத்தை எதிர்கொள்ளப் பயந்து, ஆளும் கட்சி, மின் கட்டணத்தின் கூடுதல் தொகையை தானே மின் வாரியத்துக்கு வழங்கி நிலைமையைச் சமாளிக்கிறது.

3,000 மில்லியன் யூனிட்டுகளை தனியாரிடமிருந்து வாங்குவதைக் குறைத்து கொண்டால், மாநில உற்பத்தி, மத்திய தொகுப்பைக் கொண்டு மின்சாரம் வழங்க முடியும். அவ்வாறு செய்தால் மின் தடையைத் தவிர்க்க முடியாது. அவ்வாறு ஒரு நாளைக்கு இரண்டு மணி நேரம் மின் தடை என்றாலும், எதிர்க்கட்சிகள் "இருண்ட தமிழகம்' என்று விமர்சிக்கத் தொடங்கிவிடும். "தமிழக மக்கள் இரண்டு மணி நேர மின் தடையைப் பொறுத்துக்கொள்வார்கள்; அதிக விலை கொடுத்து மின்சாரம் வாங்க வேண்டியதில்லை' என்று தமிழக அரசிடம் சொல்லும் பொறுப்புணர்வு எந்தக் கட்சிக்கும் கிடையாது.

தடையில்லா மின்சாரம் வேண்டும்; மின் ஊழியர்களுக்கு ஊதிய உயர்வு, போனஸ் வழங்க வேண்டும்; ஆனால், மின் கட்டணத்தை உயர்த்தக் கூடாது. விவசாயத்துக்கும் குடிசைகளுக்கும் இலவச மின்சாரம் வேண்டும்; ஆனால் மீட்டர் பொருத்தக் கூடாது. இவைதான் தமிழக அரசின் நிலைப்பாடு என்றால், எந்தக் கட்சி ஆட்சியாக இருந்தாலும் மின் வாரியத்தின் நட்டம் குறையாது.

தொழில் துறைக்கு தனியாக மின் கம்பி, வீட்டு இணைப்புகளுக்கு தனியாக மின் கம்பி என்று அமைக்கப்படாமல், வீடுகளுக்கு பகலில் இரண்டு மணி நேரம் மின் தடை ஒரு பொருட்டல்ல என்கிற மக்கள் மனநிலை உருவாகாமல், விவசாயத்துக்கு இலவச மின்சாரப் பயன்பாட்டை மீட்டர் பொருத்தி அளவிடவும், நிலக்கரி விலை உயர்வுக்கு ஏற்ப மாறுபடும் மின் உற்பத்திச் செலவுகளுக்கு ஏற்ப மின் கட்டணத்தைச் செலுத்தும் நடைமுறை உருவாகாமல், மின்சார வழித்தட இழப்பு 18% ஆக இருப்பதை ஒற்றை இலக்கமாக குறைக்காமல், மின் வாரியம், மின் உற்பத்தி நிலையங்களில் ஏற்படும் விபத்து, நட்டங்களுக்கு அதிகாரிகளையும் மின் வாரிய ஊழியர்களையும் பொறுப்பேற்கச் செய்யாமல் மின் வாரியத்தின் நட்டத்தை போக்குதல் என்பது சாத்தியமல்ல.

பிரச்னைகளை எதிர்கொள்ளும் மனத் துணிவும் மக்கள் மன்றத்தில் அதைப் புரிய வைக்கும் சாதுர்யமும் இருந்தால் மட்டுமே மின் வாரிய நட்டத்தை குறைக்கவோ நீக்கவோ முடியும்!

குழந்தையுடன் 'லிப்ட்' கேட்டார் பெண்;காரை நிறுத்தியவருக்கு 'எல்லாம் போச்!'

வேலுார்:இரவு நேரத்தில், கைக்குழந்தையுடன் பெண், 'லிப்ட்' கேட்டதால், பரிதாபப்பட்டு காரை நிறுத்தியவரை, ஆறு பேர் கொண்ட கும்பல் சரமாரியாக தாக்கி, பணம் மற்றும் மொபைல்போன்களை பறித்து ஓட்டம் பிடித்தது; இவர்களுடன் சேர்ந்து, பெண்ணும் ஓட்டம் பிடித்தார்.

வேலுார் மாவட்டம், வாணியம்பாடி அருகே ஆலங்காயம் பகுதியைச் சேர்ந்தவர், வினோத்குமார், 27; பூ வியாபாரி. இவர், நேற்று முன்தினம் வேலுாரில் இருந்து அணைக்கட்டு வழியாக ஆலங்காயத்துக்கு, காரில் புறப்பட்டார். இரவு, 9:45 மணிக்கு, ஆசனாம்பட்டு அடுத்த குறவன்கொட்டாய் அருகே உள்ள மலைப்பகுதியில், கைக்குழந்தையுடன் நின்றிருந்த பெண், 'லிப்ட்' தருமாறு சைகை காட்டினார்.

பரிதாபப்பட்டு காரை நிறுத்திய வினோத்குமார், கீழே இறங்கியது தான் தாமதம்; உடனே, ஆறு பேர் கொண்ட கும்பல் அவரை சூழ்ந்து, பணம், பொருட்களை கேட்டு மிரட்டியது.

வினோத்குமார் மறுத்ததால், சரமாரியாக அடித்து உதைத்தது.பின், அவரிடம் இருந்த மொபைல்போன்கள் மற்றும் 15 ஆயிரம் ரொக்கம் ஆகியவற்றை பறித்து, சிறிது துாரத்தில் நிறுத்தியிருந்த வேனில் தப்பியது; 'லிப்ட்' கேட்ட பெண், குழந்தையை துாக்கிக் கொண்டு கும்பலுடன் சேர்ந்து ஓட்டம் பிடித்தார். வினோத்குமார் சத்தம் போட்டும், மலைப்பகுதியில் ஆட்கள் நடமாட்டம் இல்லாததால், அவருக்கு உதவி செய்ய யாரும் வரவில்லை. படுகாயத்துடன் மீண்டும் வேலுார் திரும்பி, வேப்பங்குப்பம் போலீசில் நள்ளிரவில் புகார் கொடுத்தார்.

போலீசார் விசாரணை நடத்தி வருகின்றனர்.

காதலர் தினம் நாளை கொண்டாட்டம்: கோயம்பேடு மார்க்கெட்டில் விற்பனைக்காக குவிக்கப்பட்டுள்ள ரோஜாப்பூக்கள் 20 பூ அடங்கிய ஒரு கட்டு ரூ.160–க்கு விற்பனை

காதலர் தினம் நாளை கொண்டாடப்படுவதையொட்டி சென்னை கோயம்பேடு மார்க்கெட்டில் விற்பனைக்காக ரோஜாப்பூக்கள் குவிக்கப்பட்டுள்ளன. 20 பூ அடங்கிய ஒரு கட்டு ரூ.160–க்கு விற்பனை செய்யப்படுகிறது.

காதலர் தினம்

உலகம் முழுவதும் காதலர் தினம் நாளை (சனிக்கிழமை) கொண்டாடப்பட உள்ளது. பல ஆண்டுகளுக்கு முன் இத்தாலியை சேர்ந்த கிறிஸ்தவ பாதிரியார் வாலண்டைன் அந்த நாட்டு ஆட்சியாளர்கள் எதிர்ப்பையும் மீறி காதலர்களுக்கு திருமணம் செய்து வைத்தார்.

இதனால் அந்த நாட்டு ஆட்சியாளர்கள் அவரை சிறையில் அடைத்தனர். பின்னர் காதலர்கள் மத்தியில் பாதிரியார் வாலண்டைனுக்கு செல்வாக்கு அதிகரித்தது. அவருடைய நினைவு நாளான பிப்ரவரி 14–ந்தேதி காதலர் தினமாக கொண்டாடப்படுகிறது.

காதலர்கள் தினத்தில் காதலர்கள் தங்களுடைய அன்பை பரிமாறிக்கொள்வதற்காக பல்வேறு விதமான பரிசுப்பொருட்களை வாங்கி கொடுப்பார்கள். அதில் முக்கிய பங்கு வகிப்பது ரோஜாப்பூ.

20 பூ ரூ.160–க்கு விற்பனை

அந்த வகையில் சென்னை கோயம்பேடு மார்க்கெட்டில் விற்பனைக்காக ரோஜாப்பூக்கள் கடந்த 2 நாட்களாக குவிக்கப்பட்டுள்ளன. சாதாரண நாட்களை விட காதலர் தினத்தையொட்டி ரோஜாப்பூக்கள் வரத்து அதிகரித்து காணப்படுகிறது.

பெரும்பாலான ரோஜாக்கள் ஓசூர், பெங்களூர் ஆகிய இடங்களில் இருந்து விற்பனைக்காக கோயம்பேடு மார்க்கெட்டுக்கு கொண்டு வரப்படுகின்றன.

இந்த ரோஜாக்களில் சாதாரண ரோஜாப்பூ, தாஜ்மஹால் ரோஜாப்பூ என 2 விதமான வகைகள் இருக்கின்றன. இதில் 20 சாதாரண ரோஜாக்கள் அடங்கிய ஒரு கட்டு ரூ.160–க்கும், 20 தாஜ்மஹால் ரோஜாக்கள் அடங்கிய ஒரு கட்டு ரூ.180–க்கும் விற்பனை செய்யப்படுகின்றன.

பூச்செண்டு கடைகளில்...

கடந்த ஆண்டில் விற்பனை செய்யப்பட்ட அதே விலையில் தான் இதுவரை விற்பனை செய்யப்படுவதாகவும், காதலர் தினத்தன்று விலை சற்று உயர்ந்து காணப்படலாம் என்றும் வியாபாரிகள் தெரிவித்தனர்.

கோயம்பேடு மார்க்கெட்டில் மட்டும் அல்லாது, சென்னை நகரில் ஆங்காங்கே உள்ள பூச்செண்டு விற்பனை கடைகளிலும் பல்வேறு வண்ணங்களில் உயர்ரக ரோஜாப்பூக்கள் வைக்கப்பட்டுள்ளன. விற்பனை கடைகளில் உள்ள தொழிலாளர்களின் கைவண்ணங்களில் வித்தியாசமாக ரோஜாப்பூக்கள் அலங்காரம் செய்யப்பட்டு விற்பனை செய்யப்படுகிறது.

சென்னையில் மேலும் 50 பஸ்களின் எண்கள் மாற்றம் மாநகர போக்குவரத்து கழகம் தகவல்

சென்னை மாநகரில் மேலும் 50 பஸ்களுக்கு வழித்தட எண்கள் மாற்றப்பட்டு இயக்கப்படுகின்றன.

புதிய வழித்தட எண்கள்

மாநகரில் இயக்கப்படும் மாநகர பஸ்களில் பயணம் செய்யும் போது பயணிகளுக்கு ஏற்படும் குழப்பத்தை போக்க மாநகர போக்குவரத்து கழகம் ஏற்கனவே 15 வழித்தட எண்களை மாற்றியது. இதனைத் தொடர்ந்து நேற்று 50 வழித்தட எண்கள் மாற்றப்பட்டுள்ளன.

இதில் பிராட்வேயில் இருந்து வடபழனி, அய்யப்பன்தாங்கல், சாலிகிராமம் மார்க்கமாக செல்லும் அனைத்து பஸ்களும் எண் 17–ல் இருந்து 26 ஆக மாற்றப்பட்டுள்ளது. அதேபோல் கோயம்பேடு, கிண்டி, அடையாறு உட்பட மாநகரில் உள்ள அனைத்து டிப்போக்களில் உள்ள பஸ் வழித்தட எண்களும் படிப்படியாக மாற்றப்பட இருக்கிறது என்று போக்குவரத்து கழக அதிகாரிகள் தெரிவித்துள்ளனர்.

பஸ்கள் புறப்படும் இடம், சேரும் இடம், பழைய எண் மற்றும் புதிய எண் கொண்ட பட்டியல் வெளியிடப்பட்டுள்ளது.

அதன் விவரம் வருமாறு:–

--–

புறப்படும் இடம் சேரும் இடம் பழைய எண் புதிய எண்

--–

பிராட்வே அய்யப்பன்தாங்கல் 17எம் 26

பிராட்வே வடபழனி 17எம் கட் 26 கட்

பிராட்வே சாலிகிராமம் 17 எம் எக்ஸ்டன் 26 எக்ஸ்டன்

வேளச்சேரி தாம்பரம் மேற்கு எம்.21 51

வேளச்சேரி மேடவாக்கம் சந்திப்பு எம் 21 கட் 51 கட்

பிராட்வே திருமழிசை 153 53ஏ

பிராட்வே ஸ்ரீபெரும்புதூர் 553 53 பி

பிராட்வே கே.கண்ணதாசன் நகர் 7ஜி 64 கே

பிராட்வே கொடுங்கையூர் பார்வதிநகர் 7ஜி எக்ஸ்டன் 64 கே எக்ஸ்டன்

கோயம்பேடு மார்க்கெட்– தாம்பரம் எம் 70 சி 70 சி

அம்பத்தூர் ஐ.இ கிண்டி டி.வி.கே.ஐ.இ எம். 70 வி டி 70 கட்

ஆவடி சி.எம்.பி.டி. எம். 70 ஏ 77

சி.எம்.பி.டி, அய்யப்பாக்கம் 20 ஜெ 77 ஏ

வேங்கடாசலம் நகர் சி.எம்.பி.டி. எம் 70 ஏ கட் 77 கட்

கோயம்பேடு மார்க்கெட் புழல் 62 டி 77 டி

சி.எம்.பி.டி, கன்னியம்மன் நகர் 61 மே எக்ஸ்டன் 77 இ

ஜெ.ஜெ.நகர் மேற்கு கிண்டி டிவிகே ஐ.இ. ஜெ 70 77 ஜெ

சி.எம்.பி.டி. கருக்கு 20 எச் 77 கே

சி.எம்.பி.டி, கருக்கு எம் 70 எல் 77 கே

கோயம்பேடு மார்க்கெட் மதனகுப்பம் 62 இ 77 எம்

கோயம்பேடு மார்க்கெட் பூச்சி ஆத்திபேடு 61 பி கட் 77 பி

சி.எம்.பி.டி. வேப்பம்பட்டு இ.நகர் எம் 70 இ 77 வி

சி.எம்.பி.டி. கோயம்பாக்கம் 70 இ 77 வி எக்ஸ்டன்

திருவான்மியூர் தாம்பரம் ஏ 21 91

திருவான்மியூர் தாம்பரம் ஏ 21 ஏசி 91 ஏசி

திருவான்மியூர் கூடுவாஞ்சேரி வி 21 91 ஜி

திருவான்மியூர் வண்டலூர் மிருகக்காட்சிசாலை ஏ 21 வி 91 வி

திருவான்மியூர் தாம்பரம் கிழக்கு டி 51 95

சோழிங்கநல்லூர் தாம்பரம் சி 51 கட் 97 கட்

அடையார் பி.எஸ் தாம்பரம் மேற்கு சி 51 97

பிராட்வே கேளம்பாக்கம்/ சிறுசேரி 21 எச் 102/102 எஸ்

பிராட்வே செம்மாஞ்சேரி எஸ்சிபி எச் 21 102 சி

பிராட்வே கண்ணகிநகர் எஸ்சிபி டி 21 102 கே

பிராட்வே ஒட்டியம்பாக்கம் சி 21 102 எம்

பிராட்வே கோவளம் பிபி19 எக்ஸ்டன் 109

திருவான்மியூர் கோவளம் பிபி19 கட் 109 கட்

பிராட்வே ஈஞ்சம்பாக்கம் பிபி19 ஜி.எஸ். 109 சி

தாம்பரம் திருவேற்காடு 170 111

ரெட்ஹில்ஸ் கிண்டி டிவிகே ஐ.இ. சி70 113

கிண்டி டி.வி.கே. ஐ.இ பாடியநல்லூர் சி70 எக்ஸ்டன் 113 எக்ஸ்டன்

பிராட்வே ஆவடி/அரக்கம்பாக்கம் 61 பி 120 ஏ

பிராட்வே ஆவடி/கீழ்கொண்டையூர் 61 இ 120 இ

பிராட்வே கதவூர் 61 டி 120 கே

பிராட்வே ஆவடி/ கீழ்கொண்டையூர் 61 டி எக்ஸ்டன் 120 கே எக்ஸ்டன்

சி.எம்.பி.டி பட்டாபிராம் எம் 153 153

சி.எம்.பி.டி திருவள்ளூர் 596 153 ஏ

சி.எம்.பி.டி பாண்டூர் 596 ஏ 153 பி

சி.எம்.பி.டி மேப்பூர் 53 கே 153 கே

சி.எம்.பி.டி பேரம்பாக்கம் 591 ஏ 153 பி

சி.எம்.பி.டி திருவள்ளூர் 596 பி 153 டி

அனந்தபுரி, திருக்குறள் எக்ஸ்பிரஸ் உள்பட 8 எக்ஸ்பிரஸ் ரெயில்களில் கூடுதல் பெட்டிகள் இணைப்பு தெற்கு ரெயில்வே அறிவிப்பு

அனந்தபுரி, திருக்குறள் எக்ஸ்பிரஸ் உள்பட 8 எக்ஸ்பிரஸ் ரெயில்களில் கூடுதலாக ரெயில் பெட்டிகள் இணைக்கப்பட உள்ளன.

இதுகுறித்து தெற்கு ரெயில்வே நேற்று வெளியிட்டுள்ள செய்திக்குறிப்பில் கூறப்பட்டுள்ளதாவது:–

கூடுதல் ரெயில் பெட்டிகள்

சென்னை எழும்பூரில் இருந்து திருவனந்தபுரத்துக்கு இருமார்க்கமாகவும் இயக்கப்படும் அனந்தபுரி எக்ஸ்பிரஸ் (வண்டி எண்:16723/16724) மற்றும் ராமேஸ்வரத்துக்கு இயக்கப்படும் எக்ஸ்பிரஸ் ரெயில்கள்(16713/16714) ஆகிய ரெயில்களில் ஒரு முன்பதிவில்லாத பெட்டி இன்று முதல் கூடுதலாக இணைக்கப்படுகிறது. இதன்மூலம் முன்பதிவில்லா ரெயில் பெட்டிகளின் எண்ணிக்கை 4 ஆக உயர்த்தப்பட்டுள்ளது.

இதேபோல், சென்னை எழும்பூர் வழியாக கன்னியாகுமரி–நிஜாமுதீன் இடையே இயக்கப்படும் (வாரம் இருமுறை) திருக்குறள் எக்ஸ்பிரஸ் ரெயிலில் (12641) இன்று முதலும், மறுமார்க்கமாக இயக்கப்படும் எக்ஸ்பிரஸ் ரெயிலில் (12642) வருகிற 16–ந்தேதியும் கூடுதலாக 1 முன்பதிவில்லா பெட்டி இணைக்கப்படுகிறது. இதன்மூலம் முன்பதிவில்லா ரெயில் பெட்டிகளின் எண்ணிக்கை 5 ஆக உயர்த்தப்பட்டுள்ளது.

எர்ணாகுளம்–நிஜாமுதீன் இடையே இயக்கப்படும் மில்லெனியம் வாராந்திர எக்ஸ்பிரஸ் ரெயிலில்(12645) நாளை முதலும், மறுமார்க்கமாக இயக்கப்படும் எக்ஸ்பிரஸ் ரெயிலில் (12646) 17–ந்தேதியும் கூடுதலாக ஒரு முன்பதிவில்லா பெட்டி இணைக்கப்படுகிறது. இதன்மூலம் முன்பதிவில்லா ரெயில் பெட்டிகளின் எண்ணிக்கை 3 ஆக உயர்த்தப்பட்டுள்ளது.

இருமார்க்கமாகவும்...

சென்னை சென்டிரல்–பழனி இடையே இருமார்க்கமாவும் இயக்கப்படும் எக்ஸ்பிரஸ் ரெயிலில்(22651/22652) இன்று முதல் ஜூன் 30–ந்தேதி வரை கூடுதலாக ஒரு 2–ம் வகுப்பு படுக்கை வசதி கொண்ட (ஸ்லீப்பர் கிளாஸ்) பெட்டி இணைக்கப்பட உள்ளது.

சென்னை சென்டிரல்–நாகர்கோவில் இடையே இருமார்க்கமாகவும் இயக்கப்படும் வாராந்திர எக்ஸ்பிரஸ் ரெயிலில் (12689/12690) இன்று முதல் ஜூன் 28–ந்தேதி வரை கூடுதலாக 2 இரண்டாம் வகுப்பு படுக்கை வசதி கொண்ட (ஸ்லீப்பர் கிளாஸ்) பெட்டி இணைக்கப்படவுள்ளது.

மங்களூர்–நாகர்கோவில் இடையே இயக்கப்படும் பரசுராம் எக்ஸ்பிரஸ் ரெயிலில் (16649/16650) வருகிற 20–ந்தேதி முதல் ஜூன் 30–ந்தேதி வரை 2–ம் வகுப்பு படுக்கை வசதி கொண்ட ஒரு ‘சேர் கார்’ பெட்டி இணைக்கப்பட இருக்கிறது.

சென்னை சென்டிரல்–மைசூர் இடையே இருமார்க்கமாகவும் சதாப்தி எக்ஸ்பிரஸ் ரெயிலில் (12007/12008) வருகிற 20–ந்தேதி முதல் 28–ந்தேதி வரை கூடுதலாக ஒரு ஏ.சி ‘சேர் கார்’ பெட்டி இணைக்கப்படுகிறது.

சென்டிரல்–காமாக்யா

சென்னை சென்டிரலில் இருந்து காமாக்யா நோக்கி செல்லும் ஏ.சி. சூப்பர்பாஸ்ட் எக்ஸ்பிரஸ் ரெயில் (12527) நாளை மற்றும் வருகிற 21, 28 ஆகிய தேதிகளில் (சனிக்கிழமைகளில்) மாலை 5.20 மணிக்கு சென்டிரலில் இருந்து புறப்பட்டு, திங்கட்கிழமைகளில் காலை 11.25 மணிக்கு காமாக்யா சென்றடையும்.

இவ்வாறு அதில் கூறப்படுகிறது.

கார் பேனெட்டில் எலிகள்: எலிமினேட் செய்ய சில ஐடியாக்கள்!

கார் வைத்திருப்பவர்கள் சர்வீஸ் பிரச்னைகளைக்கூடச் சமாளித்துவிடலாம். ஆனால், இந்த எலிகள் காருக்குள் குடும்பம் நடத்தி இன்ஜினுக்குள் கும்மியடிப்பது, சாதுவான கார் உரிமையாளர்களையே கோபம் கொள்ளவைத்துவிடும்.

எலிகளால் வெறும் சர்வீஸ் செலவு மட்டுமில்லை; வயர்களைக் குதறி, கனெக்ஷன்களை மாற்றி விடுவதால், சில நேரங்களில் கார்கள் தீப்பிடிக்கும் வாய்ப்புகூட இருக்கிறது.

பொதுவாக, வெளிநாட்டு கார் நிறுவனங்களுக்கு இந்தியாவில் பெரிய பிரச்னையாக இருப்பது எலிகள்தான். காரணம் - கார்களின் பாடி சீலிங்குக்காகத் தயாரிக்கப்படும் பசையில் உள்ள ஒருவித கெமிக்கல் வாசனைக்கு, எலிகள் அடிமை. அந்தப் பசையின் வாடைக்கு வந்துவிடும் எலிகளால் பெரிய தலைவலி.

என்னதான் கார் பார்க்கிங்கோடு புது வீடு வாங்கி சேஃப்டியாக காரை நிறுத்தினாலும், லூட்டியாக வந்து உட்காரும் எலிகளை எலிமினேட் செய்ய சில ஐடியாக்கள்...

1. எலிகளுக்குக் கடுப்பைக் கிளப்பக் கூடியவற்றில் முக்கியமான ஒரு அம்சம் - மிளகு. மிளகைப் பொடி செய்து பேனெட்டுக்குள் தூவி விடுங்கள். ‘மிளகு மிளகு... விலகு விலகு’ என்று எலிகள் அலர்ஜியாகப் பாடியபடியே ஓட்டம் எடுத்துவிடும். ஆனால், கார் ஓட்டி இன்ஜின் சூடாகும்போது, சமையல் அறைக்குள் புகுந்துவிட்டதுபோல் ஒரு வாடை வருவதைத் தடுக்க முடியாது.

2. நாட்டுப் புகையிலை என்றாலும் எலிகளுக்கு அலர்ஜியான விஷயம். புகையிலையை ஆங்காங்கே கட்டி அல்லது ஒட்டிவிடுங்கள். புகையிலை வாசனைக்கு எலி அண்டாது.

3. நாப்தலின் உருண்டைகளுக்கு, பூச்சிகள்கூட கிட்ட வராது. பீரோவில் கரப்பான் மற்றும் பூச்சிகளிடமிருந்து உடைகளைப் பாதுகாக்க நாப்தலின் உருண்டைகளை வைத்திருப்பீர்களே... அதில் நான்கைந்து உருண்டைகளை இன்ஜின் பகுதியில் வைத்து விடுங்கள். இதுவும் நல்ல ஐடியா.


5. கொசுக்களை டார்ச்சர் பண்ண அல்ட்ராசோனிக் சப்தம் கொண்ட சின்ன மிஷின் இருப்பதைப்போல், எலிகளுக்கும் எரிச்சல் தரக் கூடிய இசை உண்டு. அமெரிக்கத் தயாரிப்பான இந்த மெஷின் சென்னை ஜி.பி. ரோட்டில் கிடைக்க வாய்ப்பு உண்டு. இதை இன்ஜின் பக்கத்தில் வைத்து, இரவு முழுவதும் ஓட விட்டால், எலிகள் நிச்சயம் அண்டாது. ஆனால், இந்த இசை... நேரம் போகப் போக, மற்றவர்களுக்கும் எரிச்சல் தர வாய்ப்பு உண்டு.

6. கொஞ்சம் டீஸன்ட் ஆக எலிகளை எலிமினேட் செய்ய விரும்புபவர்கள், இதற்கென விற்கும் எலி வலைகளை வாங்கி பானெட் பகுதியைச் சுற்றிப் பொருத்திக் கொள்ளலாம். இவை சர்வீஸ் செய்யும்போது எளிதாகக் கழட்டி மாட்டும் வகையில் கிடைக்கிறது.

7. எலிகளை விரட்ட மூக்குப் பொடியும் பெஸ்ட் ஆப்ஷன். மூக்குப் பொடியையும் தூவி எலிகளை விரட்டலாம்.

- தமிழ்

கெளதம் மேனனை சிலிர்க்கவைத்த அஜித்தின் அணுகுமுறை

'என்னை அறிந்தால்' படம் வெளியான நாளில், தன்னிடம் நடிகர் அஜித் பேசிய விதத்தைக் கண்டு வியந்து போனாராம் இயக்குநர் கெளதம் மேனன்.

அஜித், அனுஷ்கா, த்ரிஷா, அருண் விஜய் நடிப்பில் கெளதம் வாசுதேவ் மேனன் இயக்கியிருக்கும் 'என்னை அறிந்தால்' திரைப்படம் தற்போது திரையரங்கில் ஒடிக் கொண்டிருக்கிறது.

'துருவ நட்சத்திரம்', 'யோஹன் அத்தியாயம் ஒன்று' உள்ளிட்ட படங்கள் கைவிடப்பட்டதால் கடும் மன வேதனையில் இருந்தாராம் கெளதம் மேனன். அதனைத் தொடர்ந்து சிம்பு நடிக்கும் படத்தை இயக்கி தயாரித்துக் கொண்டிருந்தார்.

அந்த வேளையில், அஜித் முன்வந்து கெளதம் மேனனுக்கு தேதிகள் ஒதுக்கி கொடுத்தார். அப்படி உருவானதுதான் 'என்னை அறிந்தால்'.

'என்னை அறிந்தால்' வெளியான நாளில், இயக்குநர் கெளதம் மேனன் காலையில் சென்னை காசி திரையரங்கம், அதனைத் தொடர்ந்து சத்யம் திரையரங்கில் ரசிகர்களுடம் படத்தை கண்டு ரசித்தார். அன்று கெளதம் மேனனுக்கு போன் செய்து அஜித் பேசியிருக்கிறார்.

அப்போது படத்தின் ரிசல்ட்டில் திருப்தியா? எனும் விதமாக அஜித்திடம் கெளதம் மேனன் கேட்டிருக்கிறார். அதற்கு, "அதை விடுங்கள்... உங்களுக்கு இருந்த பிரச்சினைகள் அனைத்தும் தீர்ந்துவிட்டதா? இப்போது சந்தோஷமாக இருக்கிறீர்களா?" என்று அஜித் கேட்டிருக்கிறார்.

மேலும் தொடர்ந்த அஜித், "படம் வெற்றி, தோல்வி என்பதைப் பற்றி எல்லாம் கவலைப்படாமல் சந்தோஷமாக குடும்பத்துடன் இருங்கள். எதற்கும் கவலை வேண்டாம்" என்று கூறிவிட்டு போனை வைத்துவிட்டாராம் அஜித்.

அஜித்தின் இந்த அணுகுமுறையை சற்றும் எதிர்பார்க்காத கெளதம் மேனன், 'இப்படியும் சில மனிதர்கள் இருக்கிறார்களா?' என்று நெருங்கியவர்களிடம் சிலிர்ப்புடன் கூறினாராம்.

தூக்கம் --- எவ்வளவு நேரம் கட்டாயம் தேவை ?

'தூங்காதே தம்பி தூங்காதே' என்ற தமிழ் திரைப்பட பாட்டு, அளவுக்கு அதிகமாகத் தூங்கும் பழக்கத்தின் தீமையைப் பற்றியது. ஆனால் அளவான தூக்கம் உடல் நலத்துக்கு அவசியம். மனிதர்கள் தினமும் எவ்வளவு நேரம் தூங்கவேண்டும் என்பது பற்றி தூக்கம் குறித்த பரிந்துரைகள்.

சரியாகத் தூங்காவிட்டால் நம்மில் பெரும்பாலோருக்கு “ சரி நாம் போதிய அளவு தூங்கவில்லை” என்று தெரியும்.

ஆனால் எது “போதிய அளவு தூக்கம்” ?

இதற்கு விடை, "உங்கள் வயது என்ன என்பதில் தான் இருக்கிறது", என்கிறது வாஷிங்டனில் இருந்து இயங்கும் தேசிய தூக்க நிறுவனம் சமீபத்தில் நடத்திய ஒரு ஆய்வு.

குறிப்பிட்ட நேரத்தில் குறிப்பிட்ட வேலையைச் செய்யும் பழக்கமின்மை, மது மற்றும் காபி அல்லது பிற உடனடி சக்தி தரும் பானங்களை அருந்துவது போன்றவையும், அலாரம் கடிகாரங்கள் மற்றும், சூரிய வெளிச்சம் போன்றவை உடலில் தூக்கத்தை குறிப்பிட்ட நேரத்தில் வரவழைக்கும் இயல்பான உணர்வுக்கு இடைஞ்சல் தரும் என்கிறது இந்த ஆய்வு.

தனிப்பட்ட மனிதர்களின் சொந்த வாழ்க்கை முறைதான் இந்த தூக்கத்துக்கான தேவைகளை புரிந்துகொள்ள உதவ முக்கியமான அம்சம் என்று கூறும் அமெரிக்க தேசிய தூக்க நிறுவனம் (The US National Sleep Foundation) ஆனால் ஒருவரது வயது என்ன என்பதைப் பொறுத்து பொதுவான பரிந்துரைகளைத் தரலாம் என்கிறது.

பிறந்த குழந்தைகள் ( 0 முதல் மூன்று மாதங்கள் வரை) : புதிதாக பிறந்த குழந்தைகள் நாளொன்றுக்கு 14லிருந்து 17 மணிநேரம் வரை தூங்க வேண்டும் ஆனால் 11லிருந்து 13 மணிநேரம் தூங்கினால் கூட போதும். ஒரு நாளுக்கு 19 மணி நேரங்களுக்கு மேல் தூங்கவிடக்கூடாது .

குழந்தைகள் (4-முதல் 11 மாதம் வரை): தினசரி 12லிருந்து 15 மணி நேரங்கள் வரை தூங்கவேண்டும், குறைந்த்து 10 மணி நேரங்கள் தூங்கினால் கூட போதும். ஆனால் 18 மணி நேரங்களுக்கு மேல் தூங்கக் கூடாது.

தளிர்நடை பயிலும் குழந்தைகள் ( 1லிருந்து 2 வயது வரை): தினமும் 11லிருந்து 14 மணி நேரங்கள் வரை தூங்க வேண்டும் . ஆனால் 9லிருந்து 16 மணிநேரங்கள் வரை தூங்கலாம்.

பள்ளி செல்லும் முன் வயதுக் குழந்தைகள் ( 3லிருந்து 5 வயது வரை) : தினமும் 10லிருந்து 13 மணி நேரங்கள் தூங்கவேண்டும் என்பது வல்லுநர்கள் பரிந்துரை, ஆனால் 8 மணி நேரங்களுக்கு குறைவாகவோ அல்லது 14 மணி நேரங்களுக்கு மேலாகவோ தூங்குவது பொருத்தமற்றது என்று கூறப்படுகிறது.

பள்ளி செல்லும் வயது சிறார்கள் ( 6லிருந்து 13 வயது வரை): ஒன்பது மணிநேரத்திலிருந்து 11 மணிநேரம் வரை தினமும் தூங்கவேண்டும் என்கிறது இந்த நிறுவனம். தினமும் 7 மணிநேரத்துக்குக் குறைவான அல்லது 12 மணிநேரத்துக்கு மேலான தூக்கம் ஆரோக்கியமானதல்ல என்றும் அது கூறுகிறது.

பதின்பருவச் சிறார்கள் (14 முதல் 17 வயது வரை): பரிந்துரைக்கப்பட்ட தூக்க நேரம் என்பது 8லிருந்து 10 மணிநேரம் வரைதான். இந்த வயது சிறார்கள் தினமும் 11 மணி நேரங்களுக்கு மேலாகவோ அல்லது 7 மணிநேரங்களுக்கு குறைவாகத் தூங்குவது தவறு என்று எச்சரிக்கிறது இந்த நிறுவனம்.

வயது வந்த இளைஞர்கள் ( 18லிருந்து 25 வயது வரை): தினமும் 7லிருந்து 9 மணி நேரங்கள் வரை தூங்கலாம் என்று பரிந்துரைக்கப்படுகிறது. ஆனால் தூக்கம் 6 மணிநேரத்துக்குக் குறைவானதாகவோ அல்லது 11 மணி நேரங்களுக்கு மேலோ போகக்கூடாது.

வயது வந்தவர்கள் ( 26லிருந்து 64 வயது வரை): மேலே குறிப்பிடப்பட்ட வயது வந்த இளைஞர்களுக்கான அதே பரிந்துரைதான் இவர்களுக்கும்.

மற்ற வயது வந்தவர்கள் ( 65 வயது, அதற்கு மேல்): ஆரோக்கியமான தூக்கம் என்பது தினசரி 7லிருந்து 8 மணிநேரம் வரை, ஆனால் ஐந்து மணி நேரத்துக்குக் குறைவாகவோ அல்லது 9 மணிநேரத்துக்கு மேலோ போகக்கூடாது.

தூக்கத்தின் தரத்தை மேம்படுத்த பல்வேறு பரிந்துரைகளையும் இந்த தேசிய தூக்க நிறுவன வல்லுநர்கள் வெளியிட்டிருக்கிறார்கள்.

முதலில் , முக்கியமாக, தூக்கத்துக்கு முன்னுரிமை தரப்படவேண்டும் என்று கூறும் அவர்கள், ஆனால் இந்த ஆலோசனைகளையும் முக்கியமாகக் கருதுகிறார்கள்.

அவை:

1)தூங்கும் நேரம் ஒரு குறிப்பிட்ட, அட்டவணைப்படுத்தப்பட்ட நேரத்தில் அமையவேண்டும், வார இறுதி நாட்களில் கூட.

2)படுக்கும் நேரத்தில் மனத்தை அமைதிப்படுத்தும் சில நடைமுறைகள்.

3)தினசரி உடற்பயிற்சி

4)படுக்கையறையில், சரியான வெப்பநிலை, ஒலி மற்றும் ஒளி அளவு

5)சௌகரியமான படுக்கை மற்றும் தலையணைகள்.

6)மது மற்றும் காபி போன்ற தூக்கத்தை “ஒளிந்திருந்து திருடும்” பொருட்கள்.

7)மின்னணுவியல் கருவிகள் ( கைத்தொலைபேசி , ஐ.பாட் போன்றவை) படுக்கப்போகுமுன் அணைக்கப்படவேண்டும்

சலுகைக் கட்டணத்தில் 4 லட்சம் டிக்கெட்: ஸ்பைஸ்ஜெட் விற்பனை

ஸ்பைஸ்ஜெட் நிறுவனம் சலுகை கட்டண பயண அறிவிப்பை நேற்று வெளியிட்டது.

ரூ. 599 முதல் ரூ. 3,499 என்கிற சலுகைக் கட்டணத்தில் உள்நாட்டு மற்றும் சர்வதேச விமான சேவைகள் வழங்குவதாக அறிவித்துள்ளது.

இதன்படி நான்கு லட்சம் டிக்கெட்டுகள் இந்த சலுகை கட்டணத்தில் ஒதுக்கியுள்ளதாக கூறியுள்ளது.

இந்த சலுகை கட்டண பயணத்தை ஜூலை 01 ம் தேதி முதல் அக்டோபர் மாதம் 24 தேதி காலகட்டத்தில் பயன்படுத்திக் கொள்ள வேண்டும்.

இந்த சலுகைக் கட்டண பயணத்தை பிப்ரவரி 13 வெள்ளிக்கிழமை வரை முன்பதிவு செய்யலாம்.

ரயில் கட்டணத்தை விட குறைவாக என்று சலுகை வெளியிட்டுள்ள ஸ்பைஸ்ஜெட் ரூ. 3,499 கட்டணத்தில் வெளி நாட்டு பயண சேவையை வழங்குகிறது.

ஓரியோ பிஸ்கெட்டின் வயது 103

நடிகர் கார்த்தி தோன்றும் ஓரியோ பிஸ்கெட் விளம்பரத்தை நீங்கள் அடிக்கடி தொலைக்காட்சிகளில் பார்த்திருப்பீர்கள். இரண்டு வட்ட வடிவச் சாக்லெட் பிஸ்கெட்கள், அவற்றுக்கு நடுவே கிரீம். கார்த்தியும் அவர் தங்கை(யாகத் தோன்றும் நடிகை)யும் வருவார்கள். கையில் ஓரியோ பிஸ்கெட்டை வைத்துக்கொண்டு கார்த்தி தங்கையைச் செல்லமாகச் சீண்டுவார். பிறகு பிஸ்கெட்டை இரண்டாக உடைப்பார். இருவரும் பாலில் முக்குவார்கள். சிரித்துக்கொண்டே சாப்பிடுவார்கள்.

அமெரிக்காவில் உருவானது

ஓரியோ பிஸ்கெட் இந்தியாவுக்கு வந்தது 2011- ம் ஆண்டு. ஆனால், ஓரியோ வயது என்ன தெரியுமா? 103! ஆமாம், 1912 இல் அமெரிக்காவில் நபிஸ்கோ (Nabisco) என்னும் நிறுவனம் ஓரியோவை அறிமுகம் செய்தார்கள். அன்றைய பெரும்பாலான கிரீம் பிஸ்கெட்கள் சதுர வடிவில் இருந்தன, சாதாரண பிஸ்கெட்டுகளுக்கு நடுவில் ஓரளவு கிரீம் இருந்தது.

ஓரியோவில், இரண்டு வட்ட வடிவ சாக்லெட் பிஸ்கெட்களுக்கு நடுவில் கணிசமான வனிலா கிரீம் இருந்தது. சாக்லெட் கசப்பும், வனிலா இனிப்பும் தனிச் சுவை தந்தன. வித்தியாசத் தோற்றம், சுவை ஆகியவற்றால், ஓரியோ விரைவில் பிரபலமானது.

அதிலும், ஓரியோவைப் பாலில் தோய்த்துச் சாப்பிடுவதில் ஏனோ குழந்தைகளுக்குத் தனி த்ரில். இதனால், நபிஸ்கோ கம்பெனியும் குழந்தைகள் பாலில் தோய்த்துச் சாப்பிடுவதுபோல் ஓரியோவை விளம்பரம் செய்தார்கள். ஓரியோ அமெரிக்காவின் நம்பர் 1 பிஸ்கெட் ஆனது.

பிற நாடுகளுக்கு 1990 களில் வியாபாரம் உலகமயமாகத் தொடங்கியது. சீனா, இந்தியா போன்ற நாடுகள் தங்கள் கதவுகளைப் பன்னாட்டுக் கம்பெனிகளுக்குத் திறக்கத் தொடங்கின. மக்கள் தொகை, உயரும் பொருளாதார வளர்ச்சி ஆகிய காரணங்களால், பன்னாட்டு நிறுவனங்கள் இந்தப் புதிய சந்தைகளைத் தேடி வந்தார்கள்.

சீனாவில் படு தோல்வி

1996. சீனாவில் ஓரியோ விற்பனை தொடங்கியது. 14 பிஸ்கெட்கள் கொண்ட பாக்கெட் விலை 72 சென்ட்கள் (அன்றைய டாலர் மதிப்பில் இது சுமார் 25 ரூபாய்). அமெரிக்காவில் மாபெரும் வெற்றி கண்ட அதே வடிவம், அதே சுவை. நாளிதழ்கள், பத்திரிகைகள், தொலைக்காட்சி ஆகியவற்றில் ஏகப்பட்ட விளம்பரங்கள். அவை அனைத்திலும், குழந்தைகள் ஓரியோவைப் பாலில் தோய்த்துச் சாப்பிடும் காட்சி.

2005. ஒன்பது ஆண்டுகள் ஓடி விட்டன. ஏனோ, விற்பனை சூடு பிடிக்கவேயில்லை. ஏகப்பட்ட நஷ்டம். சீன நாட்டிலிருந்து வெளியேறிவிடலாம் என்னும் சோகமான முடிவை நபிஸ்கோ எடுத்தார்கள். ஒரே ஒரு விற்பனை மேனேஜருக்கு மனம் நிறையக் கேள்விகள்.

அமெரிக்கா, கனடா போன்ற நாடுகளில் வெற்றிக் கொடி நாட்டிய ஓரியோ சீனாவில் மண்ணைக் கவ்வியது ஏன்? சீனாவை விட்டு வெளியேறும் முன், கருத்துக் கணிப்பு நடத்தித் தோல்விக்கான காரணங்களைக் கண்டுபிடிக்க விரும்பினார். நபிஸ்கோவின் அமெரிக்கத் தலைமைச் செயலகம் பச்சை விளக்குக் காட்டியது.

கருத்துக் கணிப்பு முடிவால் பிரபலமானது

கருத்துக் கணிப்பு சொன்ன உண்மைகள் நபிஸ்கோவுக்கு ஞானோதயம் தந்தன. சாக்லெட் கசப்பும், கிரீம் இனிப்பும் கலந்த இரட்டைச் சுவைக் கலவை சீனர்களுக்கு மிகவும் பிடித்தது. ஆனால், ஒரு பிரச்சனை “இனிப்பு திகட்ட வைக்கிறது: கசப்பு வயிற்றைப் புரட்டுகிறது. இரண்டுமே அதிகமாக இருக்கின்றன. இனிப்பு, கசப்பு இரண்டையும் மிதமாக்கவேண்டும்.”

நபிஸ்கோ கம்பெனி கிரீம் இனிப்பையும், சாக்லெட் கசப்பையும் வெவ்வேறு அளவுகளில் குறைத்து, 20 வகையான சாம்பிள்கள் தயாரித்தார்கள். அவற்றை ஆயிரக் கணக்கான சீன ஆண், பெண்கள், பல்வேறு வயதுள்ள குழந்தைகள் ஆகியோரிடம் சாப்பிடச் சொல்லி, அவர் களுக்கு எந்த சாம்பிள் பிடிக்கிறது என்று அவர்கள் கருத்துகளைக் கேட்டார்கள். இந்த அடிப்படையில், 20 சாம்பிள் களிலிருந்து பெரும்பாலா னோருக்குப் பிடித்த ஒரு சாம் பிளைத் தேர்ந்தெடுத்தார்கள்.

புதிய சுவைகளில் இன்னும் சில தனிப்பட்ட சுவைகளும் வந்தன. வனிலா கிரீம் மட்டுமே முதலில் இருந்தது. பல குழந்தைகளுக்கு வனிலாவைவிடச் சாக்லெட் கிரீம் இன்னும் அதிகமாகப் பிடித்தது. ஆகவே, ஓரியோ, சாக்லெட் கிரீம் அறிமுகம் செய்தார்கள். சீனர்கள் கிரீன் டீ என்னும் கொழுந்து வகைத் தேநீருக்கு அடிமைகள். அது புத்துணர்ச்சி தருவது என்னும் உறுதியான நம்பிக்கை கொண்ட வர்கள்.

நாள் முழுக்க கிரீன் டீ குடிப்பார்கள். ஆகவே, அடுத்து வந்தது இன்னொரு ஓரியோ . அதன் நடுவே கிரீன் டீ கிரீம். இதைப்போல் உள்ளூர் டேஸ்ட்டுக்கு ஏற்றபடி ஆரஞ்சு, மாம்பழம் இரண்டின் சுவையும் கலந்த புளிப்பும் இனிப்புமான கிரீம் அறிமுகம் செய்யப்பட்டது. .

ஓரியோ ஏன் வட்டவடிவமாக மட்டுமே இருக்கவேண்டும்? பல சீனர்கள் கேட்டார்கள். மக்கள் குரல் மகேசன் குரல் என்று கம்பெனி நிர்வாகிகள் முடிவு செய்தார்கள். கை விரல்கள் போன்ற வடிவம் பலருக்கும் பிடித்தமானதாக இருந்தது. வந்தது குச்சிபோல் நீளமான ஓரியோ. 14 பிஸ்கெட்கள் கொண்ட பாக்கெட் விலை 72 சென்ட்.

இத்தனை விலை கொடுத்துப் பிஸ்கெட் வாங்க சாமானியச் சீனக் குடும்பம் தயாராக இல்லை. இந்தத் தேவையைப் பூர்த்தி செய்ய, நபிஸ்கோ 5 ஓரியோக்கள் கொண்ட சின்ன பாக்கெட் 29 சென்ட் விலையில் அறிமுகம் செய்தார்கள். பெரிய பாக்கெட்களும் தொடர்ந்தன.

உத்தியில் மாற்றம்

அமெரிக்க அனுபவத்தின்படி, ஓரியோ பாலில் தோய்த்துச் சாப்பிடும் பிஸ்கெட் என்னும் பொசிஷனிங்கை நபிஸ்கோ மக்கள் மனங் களில் உருவாக்கிக் கொண்டிருந்தது.

இந்தப் பொசிஷனிங்கைச் சீனர்கள் ஏற்றுக் கொள்ளவில்லை. இந்தப் பழக்கம் அமெரிக்கத் தனமானது, சீனப் பழக்க வழக்கங்களுக்கு ஏற்றதல்ல என்று நினைத்தார்கள்.

ஓரியோ நிர்வாகிகளுக்கு ஒரே குழப்பம் பாலில் தோய்த்துச் சாப்பிடுவதுதான் ஓரியோவின் வித்தியாசமான தனித்துவம். இதை இழக்கக் கம்பெனி தயாராக இல்லை. என்ன செய்யலாம் என்று யோசித்தார்கள்.

சீனாவிலும் முதலிடம்

பால் ஆரோக்கியம் மிகுந்த பானமாகச் சீனாவில் கருதப்படுகிறது தினமும் குழந் தைகளைப் பால் குடிக்க வேண்டுமென்று சீனப் பெற்றோர்கள் வற்புறுத்துவார்கள். எல்லா ஊர்களையும்போல், சீனாவிலும் குழந்தைகள் பால் குடிக்க அடம் பிடிக்கும்.

நபிஸ்கோ ஓரியோ விளம்பரங்களில் சிறு மாற்றம் கொண்டுவந்தார்கள். குழந்தைகள் பால் குடிக்க ஓரியோ உதவும் என்னும் கருத்தை மையப்படுத்தினார்கள். சீனப் பெற்றோர்கள் மனம் மாறியது. ஒவ்வொரு வருடமும் ஓரியோ விற்பனை இரண்டு மடங்கானது. இன்று சீனாவில் நம்பர் 1 பிஸ்கெட் ஓரியோதான்!

2009 இல் ஓரியோ பிஸ்கெட்டை நபிஸ்கோ கம்பெனியிடமிருந்து சாக்லெட் தயாரிக்கும் காட்பரீஸ் கம்பெனி வாங்கிவிட்டார்கள். 2010 இல் இந்தியாவில் ஓரியோவை அறிமுகம் செய்திருக்கும் காட்பரீஸ், சீனாவில் நபிஸ்கோ படித்த பாடத்தை இந்தியாவில் பின்பற்றி வருகிறார்கள்.

நம் நாட்டில் ஸ்ட்ராபெர்ரி, ஆரஞ்சு ஆகிய சுவைகள் ஏராளமான குழந்தை களுக்குப் பிடித்தவை. ஆகவே ஓரியோ வனிலா, ஸ்ட்ராபெர்ரி, ஆரஞ்சு ஆகிய கிரீம்களோடு வருகிறது.

இந்தியாவில் இந்தியப் பாக்கெட்களும், விலைகளும் அமெரிக்க பாணியில் அல்ல, சீனப் பாணியில்தான். 3 ஓரியோக்கள் கொண்ட பாக்கெட் 3 ரூபாய்: 7 ஓரியோக்கள் பாக்கெட் 10 ரூபாய்: 14 ஓரியோக்கள் பாக்கெட் 20 ரூபாய்.

சீன முறைப் பொசிஷனிங் இந்தியாவிலும் வெற்றிகண்டு வருவதாக ஆரம்ப தகவல்கள் சொல்கின்றன. இந்த வெற்றி தொடருமா? வருகின்ற நாட்கள் பதில் சொல்லும்.

slvmoorthy@gmail.com

நீங்கள் அவமானப்படுத்தியது யாரை?

நல்ல முன்னுதாரணங்களைத் தேடி எடுத்துக்கொள்வது முன்னேற்றப் பாதையில் செல்வோருக்கான அடையாளங்களில் ஒன்று. சென்னை மாநகராட்சியின் ‘புதிய வரிவசூல்’ முறையை என்னவென்று சொல்வது?

சொத்துவரி செலுத்தத் தவறிய நட்சத்திர விடுதியின் முன்பு திருநங்கையரை ஆட விட்டு வரி வசூல் செய்த சென்னை மாநகராட்சியின் செயல் அவமானகரமானது மட்டுமல்ல; மனித உரிமை மீறலும்கூட. பெங்களூரு, தெற்கு டெல்லி போன்ற மாநகராட்சிகள்தான் சென்னை மாநகராட்சிக்கு இந்த விஷயத்தில் ‘முன்னோடிகள்’! பிஹாரின் பாட்னா மாநகராட்சி இன்னும் ஒரு படி கீழிறங்கி, பொதுமக்களிடம் இருந்து வரி வசூலிக்கவும் திருநங்கைகளை ரசக் குறைவான விதத்தில் பயன்படுத்தியது. வசூலிக்கும் வரியில் 4%-ஐ பாட்னா மாநகராட்சி திருநங்கைகளுக்கு வழங்கியது. மனித உரிமை ஆர்வலர்களின் எதிர்ப்புக்குப் பிறகு அந்த மாநகராட்சி இந்த நடைமுறையைக் கைவிட்டது. அதேபோல், பெங்களூரு மாநகராட்சியின் நடவடிக்கையை ‘நாகரிகமற்ற செயல்’ என்று கர்நாடக உயர் நீதிமன்றம் கண்டித் திருந்ததும் இங்கே குறிப்பிடத் தக்கது.

இதை வெறும் சென்னை மாநகராட்சியின் தவறாக மட்டும் பார்க்க முடியாது. நம் மனோபாவத்தின் குறியீடுகளில் ஒன்று இது. இயக்குநர் ஷங்கரின் ‘ஐ’ திரைப்படத்தில் மூன்றாம் பாலினத் தோரை இழிவுபடுத்தியதும் இதே போன்ற செயல்தான். ‘ஐ’ படத்துக்கெதிராகத் திருநங்கைகள் போராடியும் அந்தப் படத்தின் இயக்குநரோ தயாரிப்பாளரோ கொஞ்சமும் அலட்டிக்கொள்ளவில்லை. திருநங்கைகளின் எதிர்ப்பு அந்தத் திரைப்படத் தரப்பிடம் மட்டுமல்ல; பொதுமக்களிடமும் எந்தச் சலனத்தையும் ஏற்படுத்தவில்லை என்பதும் ஒரு குறியீடுதான்.

காலம்காலமாகச் சமூகத்தால் புறந்தள்ளப்பட்டு ஒதுங்கி வாழ்பவர்கள் தான் மூன்றாம் பாலினத்தோர். ஒடுக்கப்பட்ட தரப்புகளிலேயே கடைநிலையில்தான் அவர்களை நாம் வைத்திருக்கிறோம். அவர்களில் சிலர் பிச்சை எடுத்துப் பிழைக்கிறார்கள்; குறிப்பாக, வலுக்கட்டாயமாகப் பிச்சை பெற்றுக்கொள்கிறார்கள்; இன்னும் சிலர் பாலியல் தொழிலில் ஈடுபடுகின்றனர் என்பது உண்மைதான். ஆனால், இதற்கான சூத்ரதாரிகள் நாம்தான் என்பதை மறந்துவிட முடியாது. அவர்கள் கண்ணியமாக வாழ நாம் என்ன வாய்ப்புகளை உருவாக்கி வைத்திருக்கிறோம்? சக மனிதர்களாகக் கூட அவர்களை மதிப்பதில்லையே? கடந்த சில ஆண்டுகளாகத்தான் அவர்களுடைய குரல் பொதுச் சமூகத்தின் காதுகளில் சற்றே விழ ஆரம்பித்திருக்கிறது. சில உரிமைகளும் சலுகைகளும் அவர்களுக்குக் கிடைத்திருக்கின்றன. அவர்களுடைய வாழ்நிலையில் மிகச் சிறிய அளவிலாவது முன்னேற்றம் ஏற்பட்டிருக்கும் இந்தக் காலத்தை மீண்டும் பின்னோக்கித் தள்ளுகின்றன இந்தச் சம்பவங்கள்.

ஒருவரை அவமானப்படுத்துவது தவறு என்றால் ஒருவர் மேல் சமூகம் தொடர்ந்து சுமத்திவந்திருக்கும் அவமானத்தைக் கருவியாகக் கொண்டு இன்னொருவரை அவமானப்படுத்துவது எவ்வளவு பெரிய தவறு? எவ்வளவு பெரிய மனித உரிமை மீறல்? மாநகராட்சியின் உயர் அதிகாரிகளுக்கு இந்தப் பிரக்ஞையெல்லாம் சற்றும் இல்லை என்பது அவர்கள் மற்ற விஷயங்களில் எப்படி நடந்துகொள்வார்கள் என்பதற்கான ஒரு சோறு பதம். உண்மையில், மாநகராட்சி அவமானப்படுத்தியது நட்சத்திர விடுதிக்காரர்களையோ திருநங்கைகளையோ அல்ல; தன்னையே அவமானப்படுத்திக்கொண்டிருக்கிறது.

ஒரு சமூகம் தனது சிறுபான்மையினரையும், விளிம்புநிலையி னரையும் நடத்தும் விதத்தைக் கொண்டுதான் அது எவ்வளவு நாகரிகம் அடைந்த சமூகம் என்று மதிப்பிடப்படும். எனில், நமது நாகரிகத்தின் முகமோ தற்போது கிழிந்து தொங்குகிறது!

பேருந்துகளை எளிதாக அடையாளம் காண வழித்தட எண்களில் மாற்றம்

பேருந்துகளை பயணிகள் எளிதாக அடையாளம் காணும் வகையில், பேருந்து வழித்தட எண்ணை ஒரே மாதிரியாக மாற்றியமைக்கும் பணியை சென்னை மாநகரப் போக்குவரத்துக் கழகம் மேற்கொண்டு வருகிறது.

முதல் கட்டமாக 20 வழித்தடங்களில் இந்த மாற்றம் மேற்கொள்ளப்பட்டுள்ளது.

இதுகுறித்து மாநகரப் போக்குவரத்துக் கழக உயர் அதிகாரி ஒருவர் கூறியது:

மாநகரப் போக்குவரத்துக் கழகத்தின் சார்பில் இப்போது 806 வழித் தடங்களில் பேருந்துகள் இயக்கப்பட்டு வருகின்றன.

இதில் ஒரு சில வழித் தடங்களில் பயணிகளின் தேவையை அடிப்படையாகக் கொண்டு அதிக எண்ணிக்கையில் பேருந்துகள் இயக்கப்படுகின்றன. இவற்றில் சில பேருந்துகள் மாறுபட்ட வழித்தட எண்களிலும் இப்போது இயக்கப்பட்டு வருகின்றன.

இது குழப்பத்தை ஏற்படுத்தும் என்பதால், குறிப்பிட்ட வழித் தடத்தில் ஒரே எண் கொண்ட பேருந்துகளை இயக்குவது என முடிவு செய்யப்பட்டுள்ளது.

அதாவது பிராட்வேயிலிருந்து வெவ்வேறு வழிகளில் தாம்பரம் நோக்கி செல்லும் பேருந்துகள் அனைத்தும் 102 என்ற எண்ணில் தொடங்கும் வகையில் மாற்றப்பட்டுள்ளது.

அதாவது 21ஹெச் பேருந்து வழித்தடம் 102 எனவும், டி21 என்ற வழித்தடம் 102கே என்ற வகையில் மாற்றப்பட்டுள்ளன.

இதுபோல் டி51 வழித்தட பேருந்துக்கு 95 என்ற எண்ணும், டி51எஸ் என்ற வழித்தடத்துக்கு 95சி என ஒரே எண்ணில் தொடங்கும் வகையில் மாற்றம் செய்யப்பட்டுள்ளது.

இதுபோல் 20 வழித் தடங்களில் முதல் கட்டமாக மாற்றம் செய்யப்பட்டுள்ளது.

இந்த மாற்றம் பொதுமக்களுக்குத் தெரியும் வகையில் அனைத்துப் பேருந்துகளிலும் பழைய எண், புதிய எண் அடங்கிய ஸ்டிக்கர்களும் ஒட்டப்பட்டுள்ளன. பேருந்து நிறுத்தங்களில் அறிவிப்புகள் அளிக்கவும் ஏற்பாடுகள் செய்யப்பட்டுள்ளன.

அடுத்த மூன்று வார காலங்களில் பிற பேருந்துகளிலும் இந்த மாற்றம் கொண்டு வரப்படும் என்றார்.

அரசு பணியில் ஆர்வம் காட்டாத சிறப்பு பிரிவு டாக்டர்கள்: 1,737 இடங்களுக்கு 433 பேர் மட்டுமே தேர்வு

அரசு மருத்துவமனைகளுக்கு, 1,737 சிறப்பு பிரிவு டாக்டர்கள் இடங்களை நிரப்ப மருத்துவப் பணியாளர் தேர்வு வாரியமான எம்.ஆர்.பி., நேரடி ஆட்தேர்வு நடத்தியும் டாக்டர்கள் ஆர்வம் காட்டவில்லை. போதிய ஆட்கள் கிடைக்காததால் 433 பேரை மட்டுமே தேர்வு செய்ததாக வாரியம் அறிவித்துள்ளது.

தமிழகம் முழுவதும் அரசு மருத்துவமனைகளில் டாக்டர்கள் ஓரளவு இருந்தாலும் அறுவை சிகிச்சை நிபுணர்கள், உயர் மருத்துவம் படித்த (எம்.எஸ்., - எம்.டி.,) சிறப்பு டாக்டர்களுக்கு பற்றாக்குறை உள்ளது. இதைக் கருத்தில் கொண்டு, '1,737 சிறப்பு டாக்டர்கள் தேர்வு செய்யப்படுவர்' என, அரசு அறிவித்தது. தேர்வு நடத்தாமல் மருத்துவப் பணியாளர் தேர்வு வாரியத்தால், 'வாக் இன் இன்டர்வியூ' முறையில், ஆட்தேர்வு நடந்தது. அரசு பணியில் சேர சிறப்பு டாக்டர்கள் பெரிதாக ஆர்வம் காட்டவில்லை. நீண்ட காலம் ஆட்தேர்வு நடத்தியும் 25 சதவீத டாக்டர்கள் கூட கிடைக்கவில்லை. தேர்வான டாக்டர்கள் பட்டியலை எம்.ஆர்.பி., வெளியிட்டுள்ளது. மகப்பேறு சிகிச்சை, மகளிர் நோய் பிரிவில் - 73; பொது அறுவை சிகிச்சை - 46; குழந்தைகள் சிகிச்சை - 43 பேர்; முடநீக்கியல் பிரிவில் - 27 பேர் உட்பட, மொத்தம், 433 பேர் மட்டுமே பட்டியலில் இடம் பெற்றுள்ளனர். பல்வேறு துறைகளுக்கு ஒருவர் கூட வரவில்லை. எம்.ஆர்.பி., அதிகாரி ஒருவர் கூறுகையில், 'சிறப்பு பிரிவு டாக்டர் இடங்களை நிரப்ப போதிய ஆட்கள் கிடைக்கவில்லை.

அரசுப் பணியில் அவர்கள் ஆர்வம் காட்டவில்லை என்பதையே காட்டுகிறது. வந்தவரை தேர்வு செய்தோம்' என்றார். இப்படி சிக்கலான நிலையில் அரசு எப்படி மற்ற இடங்களை நிரப்பப் போகிறது என்பது புரியாத புதிராக உள்ளது. சமூக சமத்துவத்துக்கான டாக்டர்கள் சங்க பொதுச்செயலர் ரவீந்தரநாதன் கூறுகையில், ''சிறப்பு பிரிவு டாக்டர்களை தனியார் மருத்துவமனைகள் சிவப்பு கம்பளம் விரித்து வரவேற்கின்றன. அரசு மருத்துவமனைகளில் சம்பளம் குறைவு ஒரு பிரச்னை என்றாலும், போதிய கட்டமைப்பு வசதிகள் இல்லாததால், அவர்கள் வரத் தயங்குகின்றனர். மருத்துவமனைகளில் கட்டமைப்பு வசதிகளை அரசு மேம்படுத்தினால் இந்த சிக்கல்கள் தீரும்,'' என்றார்.

பிளஸ் 2 பொதுத்தேர்வு: மாணவர்களுக்கு அறிவுரை

பரமக்குடி: 'பிளஸ் 2 பொதுத்தேர்வு எழுதும் மாணவர்கள் வினாத்தாளில் கருப்பு, நீல மை பேனாக்களை மட்டுமே பயன்படுத்த வேண்டும்' என அறிவுறுத்தப்பட்டு உள்ளது.

பிளஸ் 2 பொதுத்தேர்வுகள் மார்ச் 5 ல் துவங்குகின்றன. விடைத்தாட்கள் தைக்கும் பணி முடிந்துள்ளது. விடைத்தாள் பயன்படுத்தும் முறை குறித்து மாணவர்களுக்கு தேர்வுத்துறை அறிவுறுரை வழங்கியுள்ளது. அதன் விபரம்: விடைத்தாளின் முகப்புத்தாளில் மாணவரின் கையெழுத்து மட்டுமே இட வேண்டும். மற்ற எந்த தாள்களிலும் குறியீடு, பெயர், தேர்வு எண் எழுதக் கூடாது. வினா எண்களை தவறாமல் எழுத வேண்டும். நீலம், கருப்பு மை பேனாவை மட்டுமே பயன்படுத்த வேண்டும். கலர் ஸ்கெட்ச், பென்சிலை தவிர்க்க வேண்டும். ஒவ்வொரு பக்கத்திலும் 20 முதல் 25 வரிகள் எழுத வேண்டும். வினாத்தாளை சேதப்படுத்துவது, கிழிப்பது போன்ற செயல்களில் ஈடுபடக்கூடாது. இவ்வாறு அறிவுறுத்தப்பட்டுள்ளது.

அண்ணாபல்கலைக்கழகத்தில் என்ஜினீயரிங் கலந்தாய்வு ஜூன் மாத இறுதியில் தொடங்கும் துணைவேந்தர் மு.ராஜாராம் தகவல்

அண்ணாபல்கலைக்கழகத்தில் மாணவர் சேர்க்கைக்கான என்ஜினீயரிங் கலந்தாய்வு ஜூன் மாத இறுதியில் தொடங்கும் என்று அண்ணாபல்கலைக்கழக துணைவேந்தர் பேராசிரியர் மு.ராஜாராம் தெரிவித்தார்.

என்ஜினீயரிங் கலந்தாய்வு

தமிழ்நாடு மற்றும் புதுச்சேரியில் பிளஸ்–2 தேர்வு மார்ச் மாதம் 5–ந்தேதி தொடங்கி மார்ச் 31–ந்தேதி முடிவடைகிறது. விடைத்தாள்கள் திருத்தப்பட்டு முடிவு மே மாதம் வெளிவரும். மே மாத முதல் வாரத்தில் என்ஜினீயரிங் சேர்வதற்கான விண்ணப்ப படிவங்கள் அண்ணாபல்கலைக்கழகம் உள்பட தமிழ்நாடு முழுவதும் 58 இடங்களில் கொடுக்கப்பட உள்ளது.

இந்த நிலையில் அண்ணாபல்கலைக்கழக ஒருங்கிணைப்பு கல்விக்குழு கூட்டம் நேற்று துணைவேந்தர் பேராசிரியர் மு.ராஜாராம் தலைமையில் நடைபெற்றது. கூட்டம் முடிந்ததும் அவரிடம் என்ஜினீயரிங் கலந்தாய்வு குறித்து நிருபர்கள் கேட்டதற்கு அவர் அளித்த பேட்டி வருமாறு:–

கடந்த ஆண்டு போல கலந்தாய்வு

தமிழ்நாட்டில் 539 என்ஜினீயரிங் கல்லூரிகள் உள்ளன. கட்டிடக்கலை கற்பிக்கும் கல்லூரிகள் 44 உள்ளன.

இந்த கல்லூரிகளில் பி.இ., பி.டெக்., பி.ஆர்.சேர்வதற்கு பிளஸ்–2 முடித்த மாணவ–மாணவிகள் விண்ணப்பிப்பார்கள்.

கடந்த வருடம் போலவே என்ஜினீயரிங் கலந்தாய்வு சென்னையில் மட்டுமே நடக்கும். எந்தவித மாற்றமும் இல்லை. விண்ணப்பம் ரூ.500–க்கு விற்கப்படுகிறது. ஆதிதிராவிடர் மற்றும் பழங்குடியினருக்கு ரூ.250 ஆகும். ஆனால் அவர்கள் அதற்கு உரிய சான்று கொடுக்கவேண்டும்.

ஜூன்மாத இறுதியில் கலந்தாய்வு

விண்ணப்ப படிவம் 2 லட்சத்து 40 ஆயிரம் அச்சடிக்கப்பட உள்ளது. கலந்தாய்வு ஜூன் மாத இறுதியில் தொடங்கப்பட உள்ளது. மொத்தம் 40 நாட்களுக்கு மேல் கலந்தாய்வு நடைபெறும். புதிதாக வரக்கூடிய என்ஜினீயரிங் கல்லூரிகள் எத்தனை என்பது பற்றி இப்போதைக்கு எதுவும் கூற இயலாது. என்ஜினீயரிங் கலந்தாய்வு தொடங்கும் தேதி இன்னும் முடிவு செய்யவில்லை. மருத்துவ படிப்பில் சேர்வதற்கான கலந்தாய்வு தொடங்கிய 3 நாட்களுக்கு பின் என்ஜினீயரிங் கலந்தாய்வு தொடங்கும். என்ஜினீயரிங் கலந்தாய்வுக்கு விண்ணப்பிக்கும்போது மாணவர்கள் தங்களை, முதல் பட்டதாரி மாணவர் அல்லது மாணவி என்று குறிப்பிடவேண்டும். அவ்வாறு குறிப்பிட்டால் அதற்கான சலுகையை அவர்கள் பெறமுடியும்.

இவ்வாறு பேராசிரியர் மு.ராஜாராம் தெரிவித்தார்.

பேட்டியின்போது அண்ணாபல்கலைக்கழக பதிவாளர் கணேசன், என்ஜினீயரிங் மாணவர் சேர்க்கை செயலாளர் பேராசிரியர் ரைமண்ட் உத்தரியராஜ், பேராசிரியர் நாகராஜன், பேராசிரியர் ராமலிங்கம் ஆகியோர் இருந்தனர்.

Union health ministry demands explanation over dental appointments

Union ministry of health and family welfare has pulled up the Dental Council of India (DCI) over invalid appointments of its members while seeking an urgent reply in the matter.

Recently, the DCI had appointed at least 55 to 60 members under section 3(d) and (e) of the Dentist Act, 1948 in which a notification with the health ministry is mandatory.

"It has come to the notice of the ministry that DCI has been issuing notifications for other categories of the Dentist Act, 1948, especially u/s 3(d) and (e)without consulting the central government in the matter. In this connection, attention is invited to the provisions under chapter II of the Dentist Act, 1948, which empowers the central government to constitute the council. The membership to the council is valid only if he/she is appointed by the central government by an order or notification. The practice of DCI of not sending names of the selected/nominated candidates for notification by the government, therefore, is not correct in view of the statuary provision," said Sudhir Kumar, under secretary, health ministry in a letter to the DCI.

The DCI is constituted by an act of Parliament - The Dentists Act 1948 (XVI of 1948) - with a view to regulate the dental education, dental profession and dental ethics thereto came into existence in March 1949.







"Any violation of statutes is illegal. Illegal persons are enlisted by the council just to settle some personal score," said Dr J.M. Jeyaraj, former member of the DCI.

He said: "Upon unearthing the gross violations, the government has written to DCI that membership is invalid without notification and nominations and elections have to be done as per statutes and regulations. If the DCI remains defiant, the government will be forced to deal with an iron hand into large-scale corruption in DCI with arrests and raids that could sully its image."

The council elects from the members its president, vicepresident and members of the executive committee. The elected president and the vice-president are the ex-officio chairman and vice chairman of the executive committee. The executive committee is the governing body of DCI dealing with all procedural, financial and day-to-day activities and affairs of the council.

When contacted, DCI president Dr Dibyendu Mazumder said: "I have already verbally replied to the health ministry about the matter. There was a court order in which the court allowed to include members without notification in one case. I will be replying to the ministry soon on the issue."

Experts in the dental field claim that the court order was for a case 20 years ago which doesn't mean that DCI has got the power to include names without central government notification and in violation of nomination.


Read more at: http://indiatoday.intoday.in/story/union-health-ministry-demands-explanation-over-dental-appointments/1/417759.html

போலீசுக்கு துணிச்சல்

சில தினங்களுக்கு முன்பு, சென்னையை அடுத்த பூந்தமல்லி கோர்ட்டு வளாகத்திலேயே நடந்த ஒரு கொலை மிகவும் பயங்கரமான சம்பவமாக இருந்தது. ஒரு கொலை வழக்கு தொடர்பாக வேலூர் சிறையில் கைதியாக இருந்த வரதன் என்பவர் கோர்ட்டில் விசாரணைக்காக கையில் விலங்கு போடப்பட்டு, ஒரு சிறப்பு சப்–இன்ஸ்பெக்டர் மற்றும் 2 ஏட்டுகளின் பாதுகாப்போடு அழைத்துவரப்பட்டார். கோர்ட்டு வளாகத்துக்குள் அவரை அழைத்துக்கொண்டு போகும்போது முதலில் 2 பேர்களும், அதைத்தொடர்ந்து மேலும் சிலரும் அந்த கைதியை சரமாரியாக வெட்டிக்கொன்றனர். இதில் மிகவும் கண்டிக்கத்தகுந்த செயல் என்றால், அந்த கைதியின் பாதுகாப்புக்காக கைகளில் துப்பாக்கியோடு இருந்த போலீஸ் ஏட்டுவும், ரிவால்வார் வைத்திருந்த சிறப்பு சப்–இன்ஸ்பெக்டரும், ஏதோ ஒலிம்பிக் போட்டியில் ஓட்டப்பந்தயத்தில் ஓடுவதுபோல மிகவும் வேகமாக அந்த இடத்தைவிட்டு ஓடிவிட்டதுதான். அவர்களின் பணியே அந்த கைதியை பாதுகாப்பாக ஜெயிலில் இருந்து கோர்ட்டுக்கும், மீண்டும் கோர்ட்டில் இருந்து ஜெயிலுக்கும் கொண்டுபோவதுதான். ஆனால், தங்கள் கடமையை ஆற்றுவதற்கு முயற்சிசெய்யாமல், ஓடி ஒளிந்தார்கள் என்றால், தமிழக போலீசாருக்கு துணிச்சல் ஊட்டும் பயிற்சிகளை அளிக்கும் வகையில், புதிய திட்டங்களை வகுக்கவேண்டிய நேரம் வந்துவிட்டது என்பதையே காட்டுகிறது.

இவ்வளவுக்கும் பழிக்கு பழிவாங்கும் முன்விரோதம் காரணமாக, இந்த கைதியின் உயிருக்கு ஆபத்து என்று ஏற்கனவே உளவுப்பிரிவு எச்சரித்து இருக்கிறது. அப்படியிருந்தும் இப்படி ஒரு சம்பவம் நடந்து இருக்கிறது. கையில் துப்பாக்கி கொடுத்திருப்பது எதற்காக என்றே தெரியாத போலீசாரை பாதுகாப்புக்காக மேல் அதிகாரிகள் அனுப்பியிருக்கிறார்கள். கோர்ட்டு வளாகங்களில் கைதிகளை கொலை செய்வது தொடர்கதையாகிவிட்டது. பழைய காலங்களில் இதுபோல கோர்ட்டில் கொலை செய்தவர்களை போலீசார் என்கவுண்டரில் சுட்டுத்தள்ளியிருக்கிறார்கள். இவ்வாறு என்கவுண்டரில் போலீசார் சுட்டதால் கொஞ்சகாலத்துக்கு இதுபோன்ற சம்பவங்கள் கோர்ட்டு வளாகங்களில் நடக்காமல் இருந்தது.

பூந்தமல்லி கோர்ட்டில் நடந்த இந்த சம்பவம், எதிர்காலத்தில் இனியும் இப்படி ஒரு சம்பவம் நடக்காமல் இருக்கவேண்டுமானால், என்னென்ன நடவடிக்கைகள் உடனடியாக எடுக்கப்படவேண்டும்? என்பதை பகிரங்கப்படுத்திவிட்டது. முதலில் போலீசாருக்கு காக்கி உடை உடலில் அணிந்தவுடன் எத்தகைய அளவில் தைரியமாக தங்கள் கடமையை ஆற்றவேண்டும் என்ற பயிற்சியை அளிக்கவேண்டும். மேலும், எளிதில் கையாளக்கூடிய நவீனரக துப்பாக்கிகளை வழங்கவேண்டும். இன்னும் தமிழக போலீசாருக்கு பழையகாலத்தில் உள்ள 410 மஸ்கட் ரக துப்பாக்கிதான் கொடுக்கப்பட்டுள்ளது. இதை கையில் தூக்கிக்கொண்டு வருவதற்கும், இதுபோன்ற சம்பவங்களில் தோளில் வைத்து சுடுவதற்கும் நிச்சயமாக சிரமம்தான். எனவே, வெளிநாடுகளில் வழங்கப்பட்டுள்ளதுபோல, நவீனரக துப்பாக்கிகள் வழங்கப்படவேண்டும். வேலைக்கு தேர்வானபோது அளிக்கப்படும் பயிற்சிகளில் துணிச்சலை ஊட்டும் பயிற்சிகளுக்கு முக்கியத்துவம் கொடுக்கவேண்டும். அடிக்கடி துப்பாக்கியை பயன்படுத்துவதற்கு பயிற்சி கொடுத்து, யார் குறிதவறாமல் மின்னல் வேகத்தில் கையில் எடுத்து சுடுகிறார்களோ, அவர்களையே முக்கிய பாதுகாப்பு பணிக்கு பயன்படுத்தவேண்டும். மேலும், போலீசாருக்கும் ஒரு குறை இருக்கிறது. முன்பெல்லாம் என்கவுண்டரில் இதுபோல குற்றவாளிகளை சுட்டுத்தள்ளும் போலீசார் வீரமிக்கவர்களாக கருதப்பட்டு, மேல் அதிகாரிகளாலும், சமுதாயத்தாலும் பாராட்டுப்பெற்று வந்தனர். ஆனால், இப்போதோ உடனடியாக விசாரணை என்ற பெயரில் வெகுகாலத்துக்கு துறை ரீதியாகவும், வழக்குகளுக்காக கோர்ட்டுகளுக்கும் அலையவேண்டிய நிலை இருக்கிறது. மனித உரிமை அமைப்புகளும் குற்றம் சாட்டுகிறார்கள். இதுபோன்ற நிலைமைகளை தவிர்த்தாலேபோதும், வீரம் தானாக வரும் என்கிறார்கள் போலீசார்.

அடுத்த ஆண்டில் மகாமகத் திருவிழா: மந்த கதியில் குடந்தை மகாமகப் பணிகள்- அரசு நிர்வாகங்களுக்கு வலுக்கும் கோரிக்கைகள்

தென்னகத்து கும்பமேளா என்று அழைக்கப்படும் கும்பகோணம் மகாமக திருவிழா அடுத்த ஆண்டு பிப்ரவரி 22-ல் வருகிறது. அதற்கு முன்பாக இளைய மகாமகம் வரும் மார்ச் 4-ல் நடக்கவிருக்கும் நிலையில், மகாமக பணிகள் மந்தமாக நடப்பதாகக் குற்றச்சாட்டுகள் எழுந் துள்ளன.

மகாமகத்தையொட்டி கும்பகோணத்தில் உள்ள 69 திருக்கோயில்களுக்கும் கும்பாபிஷேகம் நடத்த ரூ.12 கோடி ஒதுக்கப்பட்டும் இன்னமும் பெரும்பாலான கோயில்களில் பணிகள் ஆரம்பிக்கவில்லை. நகருக் குள் உள்ள 36 குளங்களில் ஆக்கிர மிப்புகளை அகற்றவும் தூர்வார வும் உரிய நடவடிக்கைகள் எடுக்கப் படவில்லை. நகருக்குள் ஓடும் திறந்த வெளிச் சாக்கடைகளும் கழிவுநீர் கால்வாய்களாகிப்போன சுகாதாரச் சந்துகளும் பொது சுகாதாரத்துக்கு சவால்விடுகின்றன.

பொதுக் கழிப்பிடங்களில் பெரும் பாலானவை பராமரிப்பின்றி மூடிக் கிடக்கின்றன. மகாமகத்தின்போது இங்குள்ள வைணவ கோயில் உற்சவ மூர்த்திகள் காவிரி கரையின் படித்துறைகளில் எழுந்தருளி தீர்த்தவாரி நடக்கும். இந்தப் படித் துறைகளும் சிதிலமடைந்து தனியார் ஆக்கிரமிப்பில் சிக்கியுள்ளன.

அரசு தலைமை மருத்துவ மனையையும் கருப்பூர் சாலையையும் இணைக்கும் வகையில் காவிரி ஆற்றில் உயர்மட்டப் பாலம் அமைப் பது, அரசலாற்றில் உச்சிப்பிள்ளை யார் கோயில் அருகேயுள்ள பாலத்தை உயர்மட்ட பாலமாக மாற்றுவது இவ்விரண்டு கோரிக் கைகளும் முதல்வர் கவனத்துக்குப் போன பிறகும் கண்டுகொள்ளப் படவில்லை.

இது குறித்துப் பேசிய விஸ்வ இந்து பரிஷத்தின் நகரத் தலைவர் கண்ணன், ‘‘மகாமகத்துக்காக கடந்த ஓராண்டாக ஆலோசனைக் கூட்டங்களை போடுகிறார் மாவட்ட ஆட்சியர். ஆனால், உருப்படியாக எந்தப் பணியும் நடக்கவில்லை. முடிந்த வரை காலம் கடத்திவிட்டு கடைசி நேரத்தில் தரமற்ற வகையில் பணிகளை செய்து மக்கள் பணத்தை வீணடிக்கப் போகிறார்கள்’’ என்கிறார்.

கும்பகோணம் அனைத்து வணிகர் சங்க கூட்டமைப்பின் செயலாளர் சத்ய நாராயணன், ‘‘மகாமகத்துக்கு இம்முறை சுமார் ஒரு கோடி பேர் வருவார்கள். கும்பகோணம் - விருத்தாசலம் புதிய ரயில் பாதை பட்ஜெட்டில் அறிவிக்கப்பட்டது. இதை செயல்படுத்தக் கோரி மத்திய அமைச்சர் பொன்.ராதாகிருஷ்ணனை இதுவரை ஐந்து முறை சந்தித்துப் பேசிவிட்டோம். எந்தப் பயனும் இல்லை’’ என்கிறார்.

நகராட்சி தலைவர் ரத்னாவுக்காக பேசிய அவரது கணவர் சேகர், ‘‘பாலங்கள், சாலைகள், தெருவிளக்கு கள் உள்ளிட்ட பணிகளுக்காக தமிழக அரசு ரூ.43.73 கோடி வழங்கி இருக்கிறது. ஐந்து குளங்களை தூர்வாரு வதற்காக சிட்டி யூனியன் வங்கி ரூ.1.35 கோடி அளித்துள்ளது. இந்த பணிகள் விரைவில் செய்து முடிக்கப்படும்’’ என்றார்.

தஞ்சை மாவட்ட ஆட்சியர் சுப்பையனிடம் மகாமக பணிகள் குறித்து பேசியபோது, ‘‘அனைத்துத் துறைகளின் சார்பில் ரூ.200 கோடிக்கு திட்டங்கள் தீட்டப்பட்டு அரசின் ஒப்புதலுக்கு அனுப்பப்பட்டுள்ளது. அதில் ரூ.70 கோடிக்கான பணிகளை தொடங்கி விட்டோம். இன்னும் மூன்று மாதத்துக்குள் மகாமக பணிகள் ஒரு வடிவத்துக்கு வந்துவிடும்’’ என்றார்.

துணிவே தொழில்: விற்பனை செய்தலே தாரக மந்திரம்...byஅஸ்பயர் கே.சுவாமிநாதன்

நிறைய சிந்தனை, பலருடன் ஆலோசனை, நீண்ட நெடிய ஆராய்ச்சி ஆகியவற்றுக்குப் பிறகு நீங்கள் விரும்பிய தொழிலைத் தொடங்கிவிட்டீர்கள். வெறும் வாய்மொழி விளம்பரத்தில் தொடங்கி இன்று பிரலமான தயாரிப்பாக இருந்தாலும் உங்கள் தொழிலை விரிவாக்க இது போதாது.

இது போட்டிகள் நிறைந்த உலகம். உங்களது தயாரிப்பைப் போன்று குறைந்தபட்சம் நான்கு பேராவது தயாரிப்புகளை அளிப்பர். இத்தகைய சூழலில் உங்களது தயாரிப்புக்கு ஒரு தனித்தன்மை தேவைப்படுகிறது. பொருள் தரமாக இருந்தாலும், அது வாடிக்கையாளர் மனதில் பதிவதற்கு விளம்பரம் அவசியம்.

ஒரு ரூபாய் ஷாம்பு பாக்கெட் விற்பனை செய்வதற்கு கோடிக் கணக்கில் விளம்பரம் செய்கின்றனர். 50 காசு மதிப்புடைய பாக்கை விற்கவும் விளம்பரம் தேவைப் படுகிறது. இதற்கெல்லாம் காரணம் என்ன?

உங்கள் தயாரிப்பை தொடர்ந்து வாடிக்கையாளர் மனதில் இருத்துவதற்கு விளம்பரம் அவசியம். பொருள் தரமாக இருப்பது மட்டும் போதாது, அது தரமாக உள்ளது என்பதை தொடர்ந்து விளம்பரம் மூலம் தெரிவித்துக் கொண்டே இருக்க வேண்டும்.

இப்படி விளம்பர போட்டி மூலம் பொருள்கள் பிரபலமாகிவரும் வேளையில் மக்கள் வாய் மூலமான விளம்பரமே போதும் என நீங்கள் காத்திருக்கக் கூடாது. எனவே விளம்பர திட்டங்களை வகுக்க வேண்டியது மிகவும் அவசியம். அதற்காக கோடி ரூபாய் செலவில் விளம்பரம் செய்ய வேண்டும் என்று அவசியம் இல்லை.

இப்போது ஃபேஸ்புக், ட்விட்டர் போன்ற சமூக வலைதளங்கள் வந்துள்ளன. குறைந்த செலவில் இவற்றின் மூலமும் வாடிக்கையாளர்களின் மனதில் இடம்பெறச் செய்ய முடியும்.

சுருக்கமாகச் சொன்னால் ஒரு நிறுவனத்துக்கு உயிர் நாடியே சந்தைப் பிரிவுதான். எந்த ஒரு புதிய நிறுவனத்துக்கும் தயாரிப்புகள் புதிய தாக இருக்க வேண்டும் என்பதோடு மிகச் சிறப்பான சந்தைப்படுத்துதலும் அவசியம்.

வாடிக்கையாளர்களின் நாடியை பிடித்து அவர்களது தேவையைப் பூர்த்தி செய்வதாக இருந்தால் மட்டுமே போட்டிகளைச் சமாளிக்க முடியும். சந்தைப்படுத்துதல் மட்டும்தான் உங்கள் தொழிலின் எதிர்காலத்தை நிர்ணயிக்கும்.

மிகச் சிறந்த தயாரிப்பு லட்சக்கணக்கில் வருவாயை ஈட்டும் என்று யூகித்துவிடாதீர்கள். தயாரிப்பு நன்றாக இருக்க வேண்டும், அதை சிறப்பாக சந்தைப்படுத்த (marketing) வேண்டும். அப்போதுதான் லாபம் ஈட்ட முடியும். மிகச் சிறந்த தயாரிப்புகள் மிகச் சிறந்த சந்தை உத்திகளின் மூலம்தான் வெற்றி பெறுகின்றன. இதற்குத்தான் விளம்பரம் அவசியமாகிறது.

சந்தைப்படுத்தியதற்குப் பிறகு பொருள் விற்பனை (sales) மிகவும் அவசியம். நான் நடத்தும் பல்வேறு பயிலரங்குகளிலும் இளம் தொழில்முனைவோர் பலரும் கேட்கும் கேள்வி இதுதான்.

இவ்வளவு படித்துவிட்டு விற்பனையில் இறங்குவதா? என்பதே.

பெரும்பாலானவர்கள் விற்பனை என்பது உண்மையை பலமடங்கு சித்தரித்து கூறி வாடிக்கையாளர்களை பொருள்கள் வாங்க வைப்பது என்று நினைக்கின்றனர். ஆனால் இதுமாதிரியான விற்பனை உத்தியை ஒருபோதும் பின்பற்றக் கூடாது.

இதுபோன்ற குறுக்கு வழி உத்திகள் விரைவிலேயே உங்கள் தொழிலை காணாமல் செய்துவிடும். உங்கள் தயாரிப்பை விற்பனை செய்ய நீங்களே தயங்கினால் அவற்றை நீங்கள் உங்கள் அலுவலகத்திலேயே வைத்திருக்க வேண்டியதுதான்.

பன்னாட்டு நிறுவனங்களின் தலை மைப் பொறுப்பிலிருக்கும் பெரும் பாலானவர்கள் ஆரம்ப காலத்தில் விற்பனையில் ஈடுபட்டவர்கள்தான். ஐஐஎம் போன்ற நிர்வாகவியல் கல்வி மையங்களில் முதுகலை நிர்வாகவியல் பட்டம் பெற்று பெரிய நிறுவனங்களில் நிர்வாகவியல் பயிற்சியாளராக சேருவோர் குறைந்தபட்சம் 3 மாதங்களாவது குக்கிராமங்களில் விற்பனை பயிற்சிக்கு அனுப்பப்படுகின்றனர்.

பொருள்களை சந்தைப்படுத்தி விற்பனையை முடுக்கி விட வேண்டும். உங்களது பொருள் சிறப்பாக இருக்கும்போது அதை விற்பனை செய்ய நீங்கள் தயங்குவதில் அர்த்தமில்லையே?

விற்பனை என்பது பரஸ்பர பலனளிக்கும் விஷயம். வாங்குபவரும் விற்பவரும் பலனடைய வேண்டும். உங்களது தயாரிப்பு மூலம் வாடிக்கையாளரது நம்பிக்கையை நீங்கள் பெறுகிறீர்கள் என்பதை உள்ளார்ந்த விஷயமாகக் கருத வேண்டும்.

உங்கள் பொருள் மூலம் வாடிக்கையாளரது வாழ்நாளை அதிகரிக்கச் செய்கிறீர்கள், அதன் மூலம் புதிய தொழில்முனை வோரை உருவாக்குகிறீர்கள் என நம்பவேண்டும். இந்த நம்பிக்கை இல்லாமல் தொழில் செய்யும் எந்த தொழில்முனைவோரும் வெற்றி பெற்றது கிடையாது.

இந்த சிந்தனையை அனைத்து பயிற்சியாளர்கள், ஊழியர்கள், விற்பனை பிரதிநிதிகளிடமும் ஆழமாக விதைக்க வேண்டும். இதன் மூலம்தான் உங்கள் நிறுவனத்தின் கலாச்சாரம் வேரூன்றும். இதன் மூலம் பொருள்கள் விற்பனை அதிகரிக்கும் வாடிக்கையாளர்கள் மத்தி யில் நம்பிக்கையும் அதிகரிக்கும். இந்த நம்பிக்கைதான் உங்கள் தயாரிப்பை பல காலம் வாழ வைக்கும்.

அஸ்பயர் கே.சுவாமிநாதன்

2003: சறுக்கிவிட்ட பதற்றம்

மார்ச் 1-ம் தேதியன்று நடந்த அந்த ஆட்டத்தை இந்திய ரசிகர்களால் மறக்கவே முடியாது. டாஸை வென்று பேட்டிங் செய்த பாகிஸ்தான் 7 விக்கெட் இழப்புக்கு 273 ரன் எடுத்தது. சயீத் அன்வர் 101 ரன் அடித்தார். யூனிஸ் கான் (32), யூசுஃப் (25) ஆகியோரின் உதவியுடன் ஸ்கோர் வலுவான நிலையை எட்டியது.

கோடிக்கணக்கான ரசிகர்கள் தொலைக்காட்சியின் முன் பதற்ற மாக அமர்ந்திருக்க, சச்சினும் சேவாகும் களமிறங்கினார்கள். வழக்கமாக சேவாக்தான் முதல் பந்தை எதிர்கொள்வார். அன்று அவரை மறுமுனைக்கு அனுப்பி விட்டு சச்சின் ஆடத் தயாரானார்.

அதிரடியாக ஆடும் எண்ணம் சச்சின் மனதில் இல்லை. முதல் பத்து ஓவர்களில் பெரிய சேதம் இல்லாமல் பார்த்துக்கொள்வ துடன் ரன் விகிதமும் ரொம்பவும் குறைந்துவிடாமல் பார்த்துக் கொள்ள வேண்டும் என்பதுதான் இந்தியாவின் வியூகம்.

முதல் இரண்டு பந்துகளில் ரன் வர வில்லை. மூன்றாவது பந்தில் ஒரு பவுண்டரி. அடுத்து ஒரு ரன். கடைசிப் பந்தில் சேவாக் ஒரு பவுண்டரி. முதல் ஓவரில் 9 ரன்கள். இந்திய ரசிகர்கள் உற்சாகம் அடைந்தார்கள்.

அடுத்த ஓவர்தான் போட்டியின் திருப்புமுனை. பதற்றத்துடன் வைட் பால் போட்டு ஓவரைத் தொடங்கிய ஷோயிப் அக்தரின் நான்காவது பந்து நன்கு எகிறி வந்தது. ஆனால் ஆஃப் ஸ்டெம் புக்கு வெளியே வந்தது. அதைப் பார்த்த சச்சின் வேகமாக எதிர் வினை ஆற்றினார். துல்லியமான தருணத்தில் பந்தை எதிர்கொண்டு அப்பர் கட் அடித்தார். பந்து தேர்ட் மேன் திசையில் எல்லைக் கோட்டைத் தாண்டிப் பறந்தது. அடுத்து ஒரு நான்கு. அதை அடுத்து ஒரு நான்கு.

அக்தரின் முதல் ஓவரில் 18 ரன்கள் அரங்கம் அதிர்ந் தது. அதன் பிறகு சச்சினைத் தடுக்க முடியவில்லை. வேகமாக வும் நேர்த்தியாகவும் பந்துகளைப் பதம்பார்த்தார். சேவக் விரைவில் ஆட்டமிழந்தார் (21). கங்கூலி முதல் பந்திலேயே வெளியேறி னார். கைஃப் (60 பந்துகளில் 35) நெடு நேரம் தாக்குப் பிடித்தார். மிக அருமையான சச்சினின் இன்னிங்ஸ் (75 பந்துகளில் 98) முடிவுக்கு வந்தபோது ஸ்கோர் 177-4. ஓவர்கள் 27.4. இன்னும் 22.2 ஓவர்களில் 97 ரன் அடிக்க வேண்டும்.

அதற்கு நான்கு ஆண்டுகளுக்கு முன்பு சென்னையில் இதே பாகிஸ் தானுக்கு எதிரான டெஸ்ட் போட்டி யில் சச்சின் 136 ரன் அடித்து ஆட்டமிழந்தபோது இன்னும் 20க்கும் குறைவான ரன்களை அடிக்க முடியாமல் மற்றவர்கள் ஆட்டமிழந்தார்கள். அதுபோலவே இப்போதும் ஆகிவிடுமா என்னும் அச்சம் சூழ்ந்தது.

ஆனால் அப்படி எதுவும் நடக்க வில்லை. நல்ல தொடக்கத்தை வெற்றியாக மாற்றும் கலை இந்தியாவுக்குக் கைவந்திருந்தது. திராவிடும் (44) யுவராஜும் (50) ஆட்டமிழக்காமல் அணியைப் பத்திரமாகக் கரைசேர்த்தார்கள். இந்திய ரசிகர்கள் கோப்பையே கைக்கு வந்ததுபோலக் குதித்தார் கள். “மற்ற போட்டிகள் எக்கேடு கெட்டுப் போனால் என்ன, பாகிஸ் தானை வென்றதே போதும்” என்று இந்திய ரசிகர் ஒருவர் சொன்னதைத் தொலைக்காட்சி ஒளிபரப்பியது.

ஆனால் இந்தியா அப்படி விட்டு விடவில்லை. சூப்பர் சிக்ஸில் கவன மாக ஆடி மூன்று போட்டிகளை யும் வென்று அரையிறுதிக்குச் சென்றது. குறிப்பாக இலங்கைக்கு எதிரான போட்டியில் மிகச் சிறப் பாக ஆடியது. சச்சின் (97), சேவாக் (66), கங்கூலி (48) ஆகியோரின் ஆட்டத்தால் 292 ரன் எடுத்தது.

வேகப் பந்து வீச்சாளர்களின் அற்புதமான பந்து வீச்சால் 23 ஓவர் களில் 109 ரன்னுக்கு இலங்கை யைச் சுருட்டியது. அதன் பிறகு நடந்த போட்டியில் நியூஸிலாந்தை 45.1 ஓவரில் 146 ரன்னுக்குச் சுருட்டியது. அரை இறுதியில் கென்யாவை எளிதாக வீழ்த்தியது.

தோற்றது ஏன்?

இப்படிப் பந்து வீச்சு, மட்டை வீச்சு இரண்டிலும் பிரகாசித்து இறுதிப் போட்டிக்கு வந்த இந்தியா ஆஸ்திரேலியாவை வென்றுவிடும் என்ற நம்பிக்கை ஏற்பட்டது. ஆனால் இந்தியா வாய்ப்பைத் தவறவிட்டது.

அதற்கு முக்கியக் காரணம் ஆஸ்திரேலியாவின் ஆட்டம். குறிப்பாக அணித் தலைவர் ரிக்கி பாண்டிங்கின் ஆட்டம். ஆட்டமிழக்காமல் 121 பந்துகளில் 140 ரன் எடுத்தார். அடுத்த காரணம் இந்தியாவின் பதற்றம். நன்றாக வீசிக்கொண்டிருந்த இந்தியப் பந்துவீச்சாளர்கள் தொடரிலேயே மோசமாக இறுதிப் போட்டியில் வீசினார்கள். உச்சகட்ட சவாலில் ஆக மோசமாகப் பந்து வீசினார்கள்.

கங்கூலி என்னென்னமோ செய்துபார்த்தார். மொத்தம் எட்டுப் பேர் பந்து வீசினார்கள். ஹர்பஜன் சிங் மட்டுமே 2 விக்கெட் எடுத்தார். ஆடம் கில்கிறிஸ்ட் (57), மேத்யூ ஹைடன் (37), ரிக்கி பாண்டிங் (ஆட்டமிழக்காமல் 140), டேமியன் மார்ட்டின் (ஆட்டமிழக்காமல் 88) ஆகியோர் இந்தியப் பந்து வீச்சை நார் நாராகக் கிழித்தார்கள். ஸ்கோர் 359-2.

பதற்றம் மட்டை வீச்சிலும் தொடர்ந்தது. முதல் ஓவரில் க்லென் மெக்ரா பந்தில் நேர்த்தி யான ஒரு பவுண்டரி அடித்த சச்சின் அடுத்த பந்தை ஹுக் செய்ய முயல, பந்து மட்டையின் மேல் விளிம்பில் பட்டு மெக்ராவிடமே கேட்சாக மாறியது. இந்தியர்களின் நம்பிக்கை சரிந்தது.

சேவாக் (82), திராவிட் (44), கங்கூலி (24), யுவராஜ் (24) என்று மற்றவர்கள் போராடினாலும் ஆஸ்திரேலியாவின் பந்து வீச்சை ஆதிக்கம் செலுத்த முடியவில்லை. எடுக்க வேண்டிய ரன் விகிதம் 7க்கு மேல் இருந்தது. ஒவ்வொரு ஓவருக்கும் அது அது ஏற ஏற இந்தியாவின் வெற்றி வாய்ப்பு இறங்கிக்கொண்டேபோனது. 39.2 ஓவர்களில் 234 ரன் எடுத்து இந்தியா ஆட்டமிழந்தது. 125 ரன் வித்தியாசத்தில் தோற்றது. 20 ஆண்டுகளுக்குப் பிறகு கோப்பையை வெல்லும் கனவு சிதைந்தது.

தொடர் முழுவதும் இருந்த கட்டுக்கோப்பும் முனைப்பும் கடைசிக் கட்டத்தில் சிதறியதால் இந்தியா தோற்றது. இறுதிப் போட்டி குறித்த பதற்றம் நோபாலுடன் தொடங்கிய ஜாகீரின் முதல் ஓவரிலேயே தெரிந்தது. அந்த ஓவரில் அவர் பத்துப் பந்துகள் வீசினார்.

நல்ல பந்து வீச்சையே சிதற அடிக்கும் ஆஸ்திரேலிய மட்டையாளர்கள் பதற்றமும் பிழைகளும் மலிந்த பந்து வீச்சைச் சும்மா விடுவார்களா? போராடி உச்சம் தொட்ட இந்தியா பதற்றத்தில் கோப்பையைத் தவறவிட்டது.

கென்யா ஏற்படுத்திய ஆச்சரியம்

2003 போட்டிகளில் ஆச்சரியம் ஏற்படுத்திய அணி கென்யா. பலவீனமான அணிகள் தம்மை எதிர்த்து ஆடும் வலுவான அணிகளின் ரன் விகிதத்தைக் கணிசமாகக் கூட்டிக்கொள்ளவே பயன்படும் என்பதே இதுபோன்ற தொடர்களின் நிலைமை. கென்யாவும் அப்படிப்பட்ட அணிதான். ஆனால் அது வலுவான அணிகளுக்குக் கடும் அதிர்ச்சியைத் தந்தது.

தென்னாப்பிரிக்காவுடன் தோற்ற கென்யாவுக்கு கனடாவுடனான போட்டியில் வெற்றி கிடைத்தது. நியூஸிலாந்து போட்டியில் தற்செயலாக வெற்றி கிடைத்தது. நைரோபியில் குண்டுவெடிப்பு நடந்ததைத் தொடர்ந்து அங்கே ஆட வர மாட்டோம் என்று நியூஸிலாந்து அறிவித்ததால் கென்யா வென்றதாக அறிவிக்கப்பட்டது.

ஆனால் இலங்கையுடனான போட்டியில் கென்யா இலங்கையை 157 ரன்னுக்குள் சுருட்டி 53 ரன் வித்தியாசத்தில் வென்றது உண்மையிலேயே ஆச்சரியமான திருப்பமாக அமைந்தது. பிறகு பங்களாதேஷை வென்று நான்கு வெற்றிகளுடன் சூப்பர் சிக்ஸுக்குள் நுழைந்தது. வலுவான தென்னாப்பிரிக்கா, மேற்கிந்தியா, பாகிஸ்தான் அணிகள் முதல் சுற்றோடு வெளியேறின.

சூப்பர் சிக்ஸில் இந்தியாவும் ஆஸ்திரேலியாவும் தாங்கள் ஆடிய மூன்று போட்டிகளிலும் வென்றன. ஜிம்பாப்வே மூன்றிலும் தோற்றது. தலா ஒரு வெற்றி பெற்ற இலங்கை, நியூஸிலாந்து, கென்யா அணிகளில் ரன் விகித அடிப்படையில் கென்யா அரை இறுதிக்கு முன்னேறியது. அங்கே இந்தியாவிடம் தோற்றாலும் அரை இறுதிக்கு வந்த பெருமிதத்துடன் வெளியேறியது.

முன்பதிவு பெட்டியில் சாதாரண பயணச்சீட்டு பெற்றவர்கள் பயணம்: பயணிக்கு ரூ.21 ஆயிரம் இழப்பீடு வழங்க வேண்டும் - தெற்கு ரயில்வேக்கு நுகர்வோர் மன்றம் உத்தரவு

முன்பதிவு செய்யப்பட்ட ரயில் பெட்டியில் சாதாரண பயணச் சீட்டு பெற்றவர்களை பயணம் செய்ய அனுமதித்தது தொடர்பான வழக்கில் பாதிக்கப்பட்ட பயணிக்கு ரூ.21 ஆயிரம் இழப்பீடு வழங்கவேண்டும் என்று தெற்கு ரயில்வேக்கு நுகர்வோர் மன்றம் உத்தரவிட்டுள்ளது.

இது தொடர்பாக சென்னை ஈக்காட்டு தாங்கல் பகுதியை சேர்ந்த சேதுராமன் என்பவர் சென்னை (வடக்கு) மாவட்ட நுகர்வோர் குறைதீர் மன்றத்தில் மனு ஒன்றை தாக்கல் செய்தார். அதில் அவர் கூறிருந்ததாவது:

நான் என்னுடைய குடும்பத்தினருடன் அகமதாபாத் செல்வதற்காக கடந்த 24.12.2012 அன்று முன் பதிவு பயணச்சீட்டு எடுத்திருந்தேன். சென்னை சென்ட்ரல் ரயில் நிலையத்தில் இருந்து அகமதாபாத் செல்லும் நவஜீவன் எக்ஸ்பிரஸ் ரயிலில் என்னுடைய குடும்பத்தினர் ஏழு பேருக்கு இருக்கை ஒதுக்கப் பட்டு இருந்தது. ஆனால் பயணத்தின் போது முன்பதிவு பெட்டியில் முன்பதிவு பயணச்சீட்டு பெறாதவர்களும் பயணம் செய்தனர்.இந்த புகாரை பயணச்சீட்டு கண்காணிப்பு அதிகாரியிடம்(டிடிஆர்) தெரிவிக்க முடிவு செய்தோம். ஆனால் டிடிஆர் வரவில்லை.

இதனால் பெரும் சிரமம் ஏற்பட் டது. 72 பேர் பயணம் செய்ய வேண்டிய முன்பதிவு பெட்டியில் சுமார் 172 பேர் பயணம் செய்தார்கள். தெற்கு ரயில்வேயின் சேவை குறைபாடே இதற்கு காரணம்.

ஆகவே, முன்பதிவு பயணச் சீட்டுக்கு நாங்கள் கூடுதலாக செலுத்திய ரூ.1,271 தொகையை 10 சதவீத வட்டியுடன் திருப்பித் தர வேண்டும். அதேபோல் சேவை குறைபாட்டுக்கு ரூ.77 ஆயிரத்தை 7 சதவீத வட்டியுடன் இழப்பீடாக வழங்க வேண்டும்.

இவ்வாறு மனுவில் கூறப்பட்டிருந்தது.

தெற்கு ரயில்வே சார்பில் எழுத்து மூலமாக தாக்கல் செய்திருந்த பதில் மனுவில், “பயணிகள் ரயிலில் பயணச்சீட்டு சரிபார்ப்பு அதிகாரி டிக்கெட்டுகளை சரிபார்ப்பதும், முறையான டிக்கெட் இல்லாமல் பயணம் செய்வோரைத் தடுப்பதும் ரயில்வே துறையின் சொந்த சட்ட திட்டங்களுக்கு உட்பட்டதாகும். பயணச்சீட்டு சரிபார்ப்பு அதிகாரி பயணிகளுடைய டிக்கெட்டுகளில் கையெழுத்து போடுவது நிர்வாக காரணத்துக்காகத்தானே தவிர அது ஒரு சேவை அல்ல. ஆதலால் புகார்தாரர் டிடிஆர் வர வில்லை என்பதை குற்றமாக சொல்லியிருப்பதை புகாராக எடுத்துக்கொள்ள கூடாது” என்று குறிப்பிட்டிருந்தனர்.

இந்த வழக்கை சென்னை(வடக்கு ) மாவட்ட நுகர்வோர் குறைதீர் மன்றத்தின் தலைவர் ஜெயபாலன், உறுப்பினர் கலையரசி ஆகியோர் விசாரணை செய்து கடந்த மாதம் 9-ம் தேதி வழங்கிய தீர்ப்பில் கூறியிருப்பதாவது:

புகார்தாரர் சேதுராமன் தனக்கு ஏற்பட்ட பாதிப்பு குறித்து தெற்கு ரயில்வேயிடம் புகார் அளித்துள்ளார். ஆனால் இது தொடர்பாக ரயில்வே துறையினர் நடவடிக்கை எடுக்கவில்லை. இது சம்பந்தமாக மன்றத்தில் அளிக்கப்பட்ட சாட்சியத்தின்படி தெற்கு ரயில்வே நிர்வாகத்தினர் சேவை குறைபாடு செய்துள்ளனர் என தெரியவருகிறது.

இதன் காரணமாக பயணி சேதுராமனுக்கு தெற்கு ரயில்வே நிர்வாகம் ரூ.21 ஆயிரத்தை இழப்பீடாகவும், வழக்கு செலவாக ரூ. 3 ஆயிரமும் வழங்க வேண்டும். அதேபோல் சாதாரண பயணச்சீட்டு கட்டணத்தைவிட முன்பதிவு பயணச்சீட்டுக்காக கூடுதலாக செலுத்திய ரூ.1,271-யை 9 சதவீத வட்டியுடன் தரவேண்டும்.

இவ்வாறு தீர்ப்பில் கூறப்பட்டுள்ளது.

மன்னார்குடி-ஜோத்பூர் எக்ஸ்பிரஸ் ரெயில் சேவை தொடக்கம்

மன்னார்குடி-ஜோத்பூர் எக்ஸ்பிரஸ் ரெயில் சேவை நேற்று தொடங்கியது.

ரெயில் சேவை தொடக்கம்

திருவாரூர் மாவட்டம் மன்னார்குடியில் இருந்து பகத் கீ கோத்தி (ஜோத்பூர்) என்ற இடத்திற்கு வாராந்திர எக்ஸ்பிரஸ் ரெயில் சேவை நேற்று தொடங்கியது. இந்த எக்ஸ்பிரஸ் ரெயிலை நேற்று மத்திய ரெயில்வே மந்திரி சுரேஷ்பிரபாகர்பிரபு டெல்லியில் இருந்தபடி காணொலி காட்சி மூலம் தொடங்கி வைத்தார். இதையொட்டி நேற்று மாலை 6 மணி அளவில் மன்னார்குடி ரெயில் நிலையத்தில் நடந்த நிகழ்ச்சியில் உணவு மற்றும் அறநிலையத்துறை அமைச்சர் காமராஜ் கொடி அசைத்தார். இதையடுத்து ரெயில் புறப்பட்டு சென்றது. இந்த நிகழ்ச்சியில் பரசுராமன் எம்.பி., திருவாரூர் மாவட்ட கலெக்டர் மதிவாணன், திருச்சி ரெயில்வே கோட்ட மேலாளர் மஞ்சுளாரங்கராஜன், கூடுதல் ரெயில்வே கோட்ட மேலாளர் ராஜ்புரோகித், மன்னார்குடி நகரசபை தலைவர் சுதாஅன்புச்செல்வன், ஒன்றியக்குழு தலைவர் உதயகுமாரிதமிழ்க்கண்ணன் ஆகியோர் முன்னிலை வகித்தனர். இதை யொட்டி மன்னார்குடியில் இருந்து எக்ஸ்பிரஸ் ரெயில் மாலை 6 மணி அளவில் ஜோத்பூர் புறப்பட்டு சென்றது. இந்த ரெயில் நாளை (புதன்கிழமை) இரவு 11.45 மணி அளவில் ஜோத்பூர் சென்றடையும்.

இந்த ரெயில் திருவாரூர், மயிலாடுதுறை, சிதம்பரம், கடலூர், விழுப்புரம், செங்கல்பட்டு, தாம்பரம், சென்னை எழும்பூர், சூலூர்பேட்டை, கூடூர், நெல்லூர், ஓங்கல், சிராலா, தெனாலி, விஜயவாடா, கம்மம், வாரங்கல், பெத்தபல்லி, ராமகுண்டம், சிற்பூர்காகநகர், பெல்லர்ஷா, நாக்பூர், இட்ராசி, ஹபிப் கன்ட்ஜ், போபால், சுஜல்பூர், உஜ்ஜையினி, நாக்டா, பவானிமன்டி, கோட்டா, சவாய்மதேபூர், துர்காபூரா, ஜெய்பூர், புளேரா, மக்ரானா, தேகானா, மெர்டாரோடு, கோட்டன், ராய்காபக்பேலஸ் ஆகிய இடங்கள் வழியாக ஜோத்பூர் செல்கிறது.

வாராந்திர எக்ஸ்பிரஸ்

வாராந்திர எக்ஸ்பிரஸ் ரெயிலான ஜோத்பூர் எக்ஸ்பிரஸ் வாரந்தோறும் திங்கட்கிழமை காலை 11.30 மணி அளவில் மன்னார்குடியில் இருந்து புறப்பட்டு இரவு 7.30 மணி அளவில் சென்னை சென்றடையும். அங்கிருந்து 7.55 மணிக்கு புறப்பட்டு புதன்கிழமை மாலை 6 மணி அளவில் ஜோத்பூர் சென்றடையும்.

அதுபோல் வியாழக்கிழமை மாலை 3 மணி அளவில் ஜோத்பூரில் இருந்து புறப்படும். பின்னர் சனிக்கிழமை காலை 10 மணி அளவில் சென்னை வந்தடையும் ரெயில், மாலை 6 மணி அளவில் மன்னார்குடி வரும்.

எக்ஸ்பிரஸ் ரெயில் குறித்து திருச்சி ரெயில்வே கோட்ட மேலாளர் மஞ்சுளாரங்கராஜன் நிருபர்களிடம் கூறியதாவது:-

இரட்டை வழிப்பாதை

இந்த ரெயிலில் 6 பொதுப் பெட்டிகள், 6 முன்பதிவு பெட்டிகள், 2 பெண்கள் பெட்டிகள் உள்பட 16 பெட்டிகள் இணைக்கப்பட்டுள்ளன. இந்தியா முழுவதும் இன்று 8 ரெயில்களை ரெயில்வே மந்திரி காணொலி காட்சி மூலம் தொடங்கி வைத்தார். அதில் 2 தமிழ்நாட்டை சேர்ந்த ரெயிலாகும். அதில் ஒன்று மன்னார்குடி-ஜோத்பூர் ரெயில் ஆகும்.

பொன்மலை-தஞ்சாவூர் இடையே இரட்டை வழிப்பாதை பணிக்கு நேற்றுமுன்தினம் பூஜை போடப்பட்டது. வரும் மகாமக திருவிழாவுக்குள் திருக்காட்டுப்பள்ளி- பூதலூர் வரை இரட்டை வழிப்பாதை நிறைவு பெற்று விடும். பூதலூரில் இருந்து திருச்சி வரை பெரிய பாலங்கள் கட்ட வேண்டி இருப்பதால் இந்த இரட்டை வழிப்பாதை பணிகள் 18 மாதத்திற்குள் நிறைவடையும். மன்னார்குடி -பட்டுக்கோட்டை, பட்டுக்கோட்டை-தஞ்சாவூர் ஆகிய ரெயில்வே திட்டங்கள் ரெயில்வே கட்டுமான துறையிடம் உள்ளது. ரெயில்வே பட்ஜெட் வந்த பிறகுதான் இதுபற்றி முழுமையாக தெரியவரும்.

இவ்வாறு அவர் கூறினார்.

Motorola Slashes Moto E India Price for Limited Period; Unveils New Offers

Motorola India has announced a bevy of offers on Moto devices in India on completing a year in the Indian market (since the launch of the first-generation Moto G) with its exclusive online partner, Flipkart. The new offers are valid on the purchase of the Moto E, Moto G (Gen 2), Moto X (Gen 2), Google Nexus 6 and Moto 360 via Flipkart from February 9 to 15.

To start off, the company has temporarily reduced the price of the popular budgetMoto E smartphone in India, which is currently available at Rs. 5,999, down from the original price of Rs. 6,999 - a discount of Rs. 1,000.

(Also see: Motorola Claims to Have Sold 10 Million Smartphones Last Quarter)

The company has also brought back the 'exchange your old phone' offer under which customers can get up to Rs. 4,000 and up to Rs. 6,000 discounts on the purchase of the Moto G (Gen 2) and Moto X (Gen 2) smartphones respectively, in exchange for select phones. Notably, Motorola India had launched similar exchange offers for both the second-generation Moto G and Moto X smartphones last month.

Motorola India is also offering the Moto Deck Bluetooth speaker worth Rs. 8,990 for free with every purchase of the Moto X (Gen 2). The Google Nexus 10 is also currently available with an exchange offer of up to Rs. 10,000. Consumers who buy the Moto 360 along with the Nexus 6 will get an additional discount of Rs. 10,000 on the total cost.

(Also see: '3 Million Moto Devices Sold in 10 Months in India')

In other news, Motorola has started the soak test for the Moto E Android 5.0 Lollipop update in India. A recent post on the unofficial Motorola India Fans Facebook page tipped that the company started the soak test with limited users.

The timing of the discounted pricing of the Moto E does not appear to be coincidental, with the successor to the popular budget smartphone expected soon - the original smartphone was launched back in May last year. A recent report speculated that the Motorola Moto E (Gen 2) might be announced at the sidelines of MWC in Barcelona next month. So far, there has been no announcement from the company.

மாட்ட அடக்கினா தான் பொண்ணு என்று மாமா சொல்லிட்டாரு

சான்றோர்களை உருவாக்கிய சென்னை சட்டக் கல்லூரி

சென்னை சட்டக் கல்லூரி தொடங்கப்பட்டு விரைவில் 125 ஆண்டுகள் நிறைவடைய உள்ளன.

கடந்த 1891-ம் ஆண்டு சென்னை சட்டக் கல்லூரி உருவானது. இந்தோ-சார்சனிக் கட்டிடக் கலையின் சிறப்பை பறைசாற்றும் இன்றைய சட்டக் கல்லூரி கட்டிடம் 1899-ம் ஆண்டு கட்டி முடிக்கப்பட்டது. பாரம்பரியம் மிக்க இந்த சட்டக் கல்லூரியில் பயின்ற ஏராளமானோர் பின்னாளில் இந்தியாவின் மிகச் சிறந்த சான்றோர்களாக ஜொலித்துள்ளனர்.

இந்தியாவின் முன்னாள் குடியரசுத் தலைவர் ஆர்.வெங்கட் ராமன் இந்த சட்டக் கல்லூரி யில்தான் பயின்றார். சென்னை சட்டக் கல்லூரியில் பயின்ற மாணவர்களில் மூன்று பேர் உச்ச நீதிமன்ற தலைமை நீதிபதி பதவியை அலங்கரித்துள்ளனர்.

உச்ச நீதிமன்றத்தின் இரண்டாவது தலைமை நீதிபதி எம்.பதஞ்சலி சாஸ்திரி, மற்றொரு தலைமை நீதிபதி கொகா சுப்பா ராவ், உச்ச நீதி மன்ற தலைமை நீதிபதி பதவியிலிருந்து அண்மையில் ஓய்வுபெற்று, தற்போது கேரள மாநில ஆளுநராக உள்ள பி.சதாசிவம் ஆகியோர்தான் அந்த சிறப்புக்குரியவர்கள்.

அதேபோல் இந்திய அரசியலமைப்புச் சட்ட உருவாக்கத்தில் மிக முக்கிய பங்காற்றிய அல்லாடி கிருஷ்ணசாமி அய்யர், இந்திய நீதி பரிபாலனத்தின் பிதாமகன் எனப் போற்றப்படும் உச்ச நீதிமன்றத்தின் முன்னாள் நீதிபதி வி.ஆர்.கிருஷ்ணய்யர் ஆகி யோரும் சென்னை சட்டக் கல்லூரியின் மாணவர்களே ஆவர்.

திருவாங்கூர் திவான் சி.பி.ராமசாமி அய்யர், நீதிக்கட்சி தலைவர் ஆற்காடு ராமசாமி முதலியார், தமிழக முன்னாள் முதல்வர் எம்.பக்தவச்சலம், பசுமைப் புரட்சியின் தந்தை எனப் போற்றப்படும் சி.சுப்ரமணியம், ஜவஹர்லால் நேருவின் அமைச்சரவையில் ரயில்வே அமைச்சராக பதவி வகித்த கே.சந்தானம், கல்வியாளரும், பிரபல வழக்கறிஞருமான பி.எஸ்.சிவசாமி அய்யர், சுதந்திரப் போராட்ட வீரரும், காங்கிரஸ் கட்சியின் மூத்த தலைவருமான தீரர் சத்தியமூர்த்தி, கல்வியாளர் தி.சு.அவிநாசிலிங்கம் செட்டியார், சுதந்திர இந்தியாவின் முதல் நிதியமைச்சர் ஆர்.கே.சண்முகம் செட்டியார், காங்கிரஸ் அமைச் சரவையில் பல ஆண்டுகள் நிதிய மைச்சராக பதவி வகித்த ப.சிதம்பரம் போன்றவர்களும் சென்னை சட்டக் கல்லூரியில்தான் பயின்றனர். இந்தியாவின் முன் னாள் பாதுகாப்பு அமைச்சர் வி.கே.கிருஷ்ண மேனன், ஆந்திர மாநில முன்னாள் முதல்வர் விஜயபாஸ்கர ரெட்டி ஆகியோரும் இங்கு பயின்றுள்ளார்.

உச்ச நீதிமன்றத்தின் முன்னாள் நீதிபதிகள், தற்போதைய நீதிபதிகள், உயர் நீதிமன்றங்க ளின் முன்னாள் மற்றும் இந்நாள் நீதிபதிகள் பலர், மிக மூத்த வழக்கறிஞர்கள், அரசியல் தலை வர்கள் என நூற்றுக்கணக்கான அறிவுசார் பெரியோரை உருவாக்கிய பெருமை இந்த சட்டக் கல்லூரிக்கு உண்டு.அத்தகைய பெருமைக்குரிய இந்தக் கல்லூரிதான் தற்போது இட மாற்றப் பிரச்சினையால் சர்ச்சையில் சிக்கித் தவிக்கிறது.

வருமுன் தயாராவோம்... வருமான வரி சலுகை பெறுவோம்!

மார்ச் மாதம் நெருங்கி வரும்போதுதான் நமக்கு வருமான வரி குறித்த சிந்தனை வந்து சேர்கிறது. அதுவரையில் அது குறித்த எந்த யோசனையும் இல்லாமல் இருப்போம். கடைசியில் மார்ச் மாதம் சம்பளத்தில் மொத்தமான வரிப் பிடித்தம் செய்யப்படுகிறபோது மட்டும் வருத்தப்படுவோம்.

ஆனால் ஆண்டில் ஆரம்பத்திலேயே இதற்கு திட்டமிட்டால் வருமான வரி குறித்த கவலையில்லாமல் இருக்கலாம் என்கிறார்கள் நிதி ஆலோசகர்கள். சம்பாதித்த பணத்தை இப்படி வரியாக செலுத்துகிறோமே என்கிற வருத்தமும் வேண்டாம்.

இப்படி முன் கூட்டியே திட்டமிடுவதன் மூலம் அரசு அனுமதிக்கும் பல்வேறு வரிச் சேமிப்பு திட்டங்களைப் பயன்படுத்திக் கொள்வதற்கும் வாய்ப்புகள் உள்ளது என்கின்றனர்.

ஆனால் இதற்கு நிதி ஆண்டின் தொடக்கத்திலேயே திட்டமிடுதல் அவசியம். முன்னேற்பாடு இல்லாமல் கடைசி நேரத்தில் கண்ட வகைகளிலும் முதலீடு செய்வது பலன் தராது.

தவிர இந்த முதலீட்டுத் திட்டங்களை அவசரத்தில் தேர்வு செய்வதன் மூலம் அதன் பாதுகாப்பு, அதிலிருந்து கிடைக்கும் வருமானம், அதை எளிதில் பணமாக்கும் வாய்ப்பு மற்றும் அதற்கான செலவுகள் குறித்தெல்லாம் யோசிப்பதில்லை.

வரிச் சேமிப்புக்கு என்று நமது வருமானத்தை வளர்ச்சி இல்லாமல் முடக்குவதும் சரியான செயல்பாடு அல்ல.

அந்த வகையில் ஒரு தனிநபர் எந்த எந்த வகைகளில் வரிச் சலுகை பலன்களை அனுபவிக்க முடியும் என்று பல வருமான வரி தணிக்கையாளர்களிடம் (ஆடிட்டர்) பேசியதிலிருந்து பொதுவாக ஆண்டு வருமானம் ரூ.2.5 லட்சத்துக்குள் இருப்பவர்கள் வரி செலுத்தத் தேவையில்லை.

மேலும் மூத்தக் குடிமக்கள் சிறப்புச் சலுகையாக 60 வயதுக்கு மேற்பட்டவர்கள் என்றால் ரூ.3 லட்சம் வரையிலும், 80 வயதுக்கு மேற்பட்டவர்கள் என்றால் ரூ.5 லட்சம் வரையிலும் வருமான வரி கட்டத் தேவை இல்லை.

ஒருவரின் ஆண்டு வருமானம் ரூ.2.5 லட்சத்துக்கு மேற்படுகிறபோது வரி கட்ட வேண்டியிருக்கும். ஆனால் குறிப்பிட்ட முதலீடுகள் மற்றும் செலவுகளுக்கு வரிச்சலுகைகள் அளிக்கப்படுகிறது.

இதன்படி ரூ.2.50 லட்சத்துக்கும் மேற்படும் ஆண்டு வருமானத்தி லிருந்து ரூ.1.5 லட்சம் வரை வருமானத்துக்கு வரிச்சலுகை பெறலாம். அதை எந்தெந்த வகை களில் பெற முடியும் என்பதைப் பார்க்கலாம். பொதுவாக பிஎஃப் முதலீடு, ஆயுள் மற்றும் மருத்துவக் காப்பீடு பிரீமியம் செலுத்துவது வீட்டுக்கடனுக்கு செலுத்தும் வட்டி போன்றவற்றுக்கு வரிச் சலுகைகள் கிடைக்கும்.

மருத்துவக் காப்பீடு பிரீமியம்

மருத்துவக் காப்பீட்டுக்கு செலுத்தும் ஆண்டு பிரீமிய கட்டணத்துக்கு வரி சலுகை பெறலாம். ஒரு ஆண்டில் மருத்துவக் காப்பீடு பிரீமியத்துக்கு ரூ.15,000 வரை வரிச்சலுகை கிடைக்கிறது.

மூத்த குடிமக்களுக்கு ரூ.20,000 வரையிலான பிரீமியத்துக்கு வரிச் சலுகை பெறலாம். ப்ளோட்டர் பாலிசியில் மூத்தக் குடிமக்களை இணைந்திருந்தால் இதற்கு ரூ.20,000 வரை வரி சலுகை பெறலாம்.

வீட்டுக் கடனுக்கான வட்டி

வீட்டுக் கடன் வாங்கி திரும்பச் செலுத்தும் வட்டியில் ஒரு ஆண்டுக்கு ரூ.2 லட்சம் வரை வரி சலுகை உள்ளது. (அந்த வீட்டில் குடியிருந்தால் மட்டும்) ஆனால் வீட்டை வாடகைக்கு விட்டு, அதை வருமானமாகக் காட்டினால், திரும்ப செலுத்தும் முழு வட்டிக்கும் வரி சலுகை கிடைக்கும்.

கணவன் மனைவி இருவரும் வருமானம் ஈட்டும்பட்சத்தில் கூட்டாக வீட்டுக்கடன் வாங்கினால், இருவரது ஆண்டு வருமானத்திலிருந்தும் தனித்தனியே அசல் மற்றும் வட்டி வரி சலுகை பெற முடியும்.

வரிச்சலுகை முதலீடுகள்

சிலவகை முதலீடுகளை மேற் கொள்வதன் மூலமும் வரிச்சலுகை கிடைக்கும்.

குறிப்பாக நமது சம்பளத்திலிருந்து பிடித்தம் செய்யப்படும் பிஎப் தொகைகூட ஒரு வகை முதலீடுதான். இதற்கு வரிச்சலுகை உண்டு. இந்த கணக்கில் கூடுதலாக பணத்தை செலுத்த வசதியும் உள்ளது.

நிதி ஆண்டின் தொடக்கத்திலேயே பணியாற்றும் நிறுவனத்தில் இது குறித்து சொல்லிவிட வேண்டும். இடையில் சேரவோ வெளியேறவோ முடியாது.

சுயதொழில் செய்பவர்கள், ஓய்வூதியம் அதிகமாக எதிர்பார்ப்பவர்கள் மற்றும் சம்பளத்தில் பிஎஃப் பிடித்தம் செய்யப்படாத பிரிவினர் பப்ளிக் பிராவிடெண்ட் ஃபண்ட் திட்டத்தில் முதலீடு செய்யலாம். மேலும் வங்கி வைப்பு நிதி போன்ற வழிகளில் மேற்கொள்ளப்படும் முதலீடுகளுக்கும் வரி சலுகை உள்ளது.

இதர முதலீடுகள்

அஞ்சலகங்களில் செய்யப்படும் தேசிய சேமிப்புப் பத்திரம். 60 வயதுக்கு மேற்பட்ட மூத்த குடிமக்களுக்கு உள்ள மூத்த குடிமக்கள் சேமிப்புத் திட்டம். தேசிய ஓய்வூதிய திட்டம். வரி சேமிப்பு மியூச்சுவல் ஃபண்டுகள் (இஎல்எஸ்எஸ்)

ராஜீவ் காந்தி ஈக்விட்டி சேவிங்ஸ் ஸ்கீம்

பங்குகள் மற்றும் மியூச்சுவல் ஃபண்ட் திட்டங்களில் முதன்முறையாக முதலீடு செய்பவர்களுக்கு முதலீட்டுத் தொகையிலிருந்து 50 சதவீதம் அல்லது அதிகபட்சமாக ரூ.50,000 வரை வரிச்சலுகை கிடைக்கும். 80சி முதலீடு தவிர, கூடுதலாக இந்தச் சலுகை தரப்பட்டிருக்கிறது. ஆனால் இந்த வரிச்சலுகை பெற ஆண்டு வருமானம் ரூ.12 லட்சத்துக்குள் இருக்க வேண்டும்.

வீட்டு வாடகை

தற்போது குடியிருந்துவரும் வாடகை வீட்டுக்குத் தருகிற வாடகை தொகைக்கும் வரிவிலக்கு சலுகை உள்ளது.

ஆனால் மொத்த சம்பளத்திலிருந்து 10 சதவீத தொகை வாடகையாகத் கொடுக்கப்பட்டிருக்க வேண்டும். நகரம், நிறுவனத்திலிருந்து பெறும் வீட்டு வாடகை படியை பொறுத்துக் இதற்கான சலுகை கிடைக்கும்.

கல்விக் கடன்

மகன் அல்லது மகளுக்காக வாங்கிய உயர் கல்வி கடனுக்கான திரும்ப செலுத்தும் வட்டிக்கு வரிச் சலுகை உண்டு. மேலும் கடனைக் கட்டத் தொடங்கி, எட்டு ஆண்டு களுக்கு மட்டுமே இந்த வரி சலுகை கிடைக்கும்.

மருத்துவச் செலவுகள்

வருமான வரி செலுத்துபவர்களைச் சார்ந்துள்ள செயல்பட முடியாத அளவுக்கு ஊனமுற்றவர்களுக்கான மருத்துவச் செலவில் ரூ.50,000 (தீவிர பாதிப்புக்கு ரூ.1 லட்சம்) வரை வருமான வரி சலுகை கிடைக்கும். அதுபோல எய்ட்ஸ், புற்றுநோய், நரம்பு மண்டல பாதிப்பு உள்ளிட்ட தீவிர நோய்களுக்குச் செய்யப்படும் மருத்துவச் செலவுகளுக்கு அதிக பட்சமாக ரூ.40,000 வரை வரிச் சலுகை கிடைக்கும். மூத்த குடி மக்களுக்கு ரூ.60,000 வரை சலுகை கிடைக்கும்.

80சி முதலீட்டு வாய்ப்புகள்

இஎல்எஸ்எஸ் (ELSS Equity Linked Savings Schemes) அல்லது டாக்ஸ் சேவர் மியூச்சுவல் ஃபண்டுகள்.

மியூச்சுவல் ஃபண்டுகள் வழங்கும் ரிட்டையர்மென்ட் பெனிஃபிட் பென்ஷன் திட்டங்கள்

என்பிஎஸ் (NPS National Pension System)

இபிஎஃப் (EPF Employee Provident Fund)

பிபிஎஃப் (PPF Public Provident Fund)

வங்கி மற்றும் என்ஹெச்பி (NHB National Housing Bank) டெபாசிட்டுகள்

ஆயுள் காப்பீட்டுத் திட்டங்கள்

a. யூலிப் திட்டங்கள்

b. எண்டோவ்மென்ட் திட்டங்கள்

c. பென்ஷன் திட்டங்கள்

அஞ்சலகச் சேமிப்புகள்

a. 5 வருட டைம் டெபாசிட்

b. சீனியர் சிட்டிசன் சேவிங்ஸ் ஸ்கீம்

c. என்எஸ்சி (NSC National Savings Certificate)

நீரை மகேந்திரன்

maheswaran.p@thehindutamil.co.in

WINNER LIST 1975-201

Cricket World Cup 2015 Match Schedule – World Cup 2015 POOL

ICC Cricket World Cup 2015 Schedule in IST: Time Table, Fixture & Venue Details of all WC 2015 Matches

இந்தியா-பாக். போட்டி: விமான நிறுவனங்கள் கட்டண கொள்ளை!

உலகக் கோப்பை போட்டியில் இந்தியா- பாகிஸ்தான் அணிகளின் மோதலுக்கான அனைத்து டிக்கெட்டுகளும் விற்றுத் தீர்ந்து விட்டன. விற்பனையான 50 ஆயிரம் டிக்கெட்டுகளில் 20 ஆயிரம் டிக்கெட்டுகளை இந்தியர்கள் வாங்கியுள்ளனர். இதில் பெரும்பாலான ரசிகர்கள் ஆஸ்திரேலியாவின் பிற நகரங்களான சிட்னி, மெல்பர்ன் மற்றும் பிரிஸ்பேன் நகரங்களை சேர்ந்தவர்கள்

இந்த போட்டியையொட்டி அடிலெய்ட் நகரத்தில் ஆயிரக்கணக்கான ஹோட்டல் அறைகள் நிறைந்து விட்டன. ஞாயிற்றுக்கிழமை வேறு இந்த ஆட்டம் நடைபெறுவதால், வார விடுமுறையை கழிப்பவர்களும் ஹோட்டல் அறைகளை புக் செய்துள்ளனர். இதனால் போட்டியை காண டிக்கெட் வாங்கிய ஆயிரத்துக்கும் மேற்பட்ட இந்தியர்கள் அடிலெய்டில் நகரில் ஹோட்டல் அறைகள் கிடைக்காமல் தவிக்கின்றனர்.

அடிலெய்ட் அருகில் உள்ள குட்டி குட்டி நகரங்களிலும் இந்த வாய்ப்பை பயன்படுத்தி ஹோட்டல்கள் அதிக கட்டணங்கள் வசூலிக்கின்றன. சாதாரணமாக 100 ஆஸ்திரேலிய டாலருக்கு கிடைக்கும் அறைகள் இப்போது 250 ஆஸ்திரேலிய டாலர்களுக்கு புக் செய்யப்படுகிறதாம்.

அதோடு இந்த தருணத்தை பயன்படுத்தி விமான நிறுவனங்களும் கட்டணத்தை உயர்த்தியுள்ளன. சாதாரணமாக சிட்னியில் இருந்து அடிலெய்டுக்கு 300 ஆஸ்திரேலிய டாலர்களில் சென்று விடலாம். ஆனால் இந்தியா - பாகிஸ்தான் மோதலை முன்னிட்டு 800 ஆஸ்திரேலிய டாலர்கள் என விமான டிக்கெட் விலை நிர்ணயிக்கப்பட்டுள்ளது. அதனால் டிக்கெட் வாங்கிய போதே அறைகள் மற்றும் விமான டிக்கெட்டுகளை புக் செய்யத் தவறிய ரசிகர்கள் இப்போது தவித்து வருகின்றனர்.

ஆஸ்திரேலியாவில் வசிக்கும் 4 பேர் அடங்கிய இந்திய குடும்பம் இந்த போட்டியை காண வேண்டுமென்றால், குறைந்தது 5 ஆயிரம் ஆஸ்திரேலிய டாலர்களை செலவு செய்ய வேண்டிய கட்டயாத்திற்குள் தள்ளப்பட்டுள்ளனர். இந்த எதிர்பாராத விலைஉயர்வு காரணமாக, இந்தியா - பாகிஸ்தான் போட்டியை காண டிக்கெட்டுகளை வாங்கிய 100க்கும் மேற்பட்ட ரசிகர்கள், போட்டியை காண அடிலெய்டுக்கு செல்வதில்லை என்று முடிவெடுத்துள்ளனர்.