கொண்டாட்டம் வேண்டாமே...

By மோனிகா மாறன்  |   Published on : 14th February 2017 01:18 AM  |

நம் சமூகத்தில் இருபதாண்டுகளுக்கு முன் காதலர் தினம் என்றால் எவருக்கும் தெரியாது. உலகமயமாக்கலின் விளைவாக இன்று இந்தியா உலக அளவில் மாபெரும் வேலண்டைன் ஸ்டே சந்தையாக மாறியுள்ளது.
எல்லா காலகட்டங்களிலும் காதலர்களும், காதலும் நம் மண்ணில் உண்டு. அது மனிதகுல இயல்பு, இயற்கை. ஆனால் இன்றைய காலகட்டத்தைப் போன்று அர்த்தமற்ற கேளிக்கையாக பெண்களைப் பின்தொடர்ந்து தொல்லைதரும், கொடூரத்தன்மை கொண்டதாக காதல் என்றும் இருந்ததில்லை.
நம் சமூகத்தில் திரைப்படங்கள்தான் எல்லாமே. திரைக் கதாநாயகன் இது தமிழ்நாடு தமிழில் பேசு என்று ஐ.நா. சபையில் உட்கார்ந்து பேசினால்கூட கைத்தட்டி பெருமிதம் கொள்ளும் நாம், அன்றாட வாழ்வில் தமிழில் பேசுவதை இளக்காரமாகவும் குழந்தைகளுக்கு தமிழில் பெயர் சூட்டுவதையும் தமிழ் வழிக்கல்வியையும் மட்டமாகவும் எண்ணுகிறோம்.
இந்த இரட்டை வேட மனநிலைதான் காதல் பற்றியும் நம் சமூகத்தில் நிலவுகிறது. நூற்றாண்டு விழா கொண்டாடிய தமிழ் சினிமாவில் காதல் அற்ற திரைப்படங்களை விரல்விட்டு எண்ணிவிடலாம்.
இலக்கியம் என்று எடுத்துக்கொண்டால் கவிதைகள், நாவல்கள், சிறுகதைகள் என்று லட்சக்கணக்கான பக்கங்கள் காதலைப்பற்றி எழுதப்பட்டாகிவிட்டது. ஆனால் நம் அன்றாட வாழ்வில் சமூகத்தில் காதலும், காதலர்களும் வைக்கப்பட்டுள்ள இடம் என்பது கீழானதே என்பதுதானே யதார்த்தம்.
முப்பதாண்டுகளுக்கு முன் பெண்களைப் பொதுவெளியில் காண்பதும், தனியாக பேசுவதும் இயலாத காரியம். இன்றைய காலமாற்றத்தில் ஆண்களுக்கு இணையாக பெண்கள் அனைத்து துறைகளிலும், அனைத்து இடங்களிலும் இருப்பது சாதாரணமாகிவிட்டது.
எனவே ஆண் - பெண் நட்பும், ஈர்ப்பும் தவிர்க்க இயலாதவை. ஆனால் அவையெல்லாம் சரியான புரிதல்களுடன், ஆரோக்கியமான மனநிலையில் உண்டாகின்றனவா என்றால் இல்லை என்பதே நிதர்சனம். எந்த சமூக மாற்றத்தையும் எதிர்கொண்டு அதனை ஆராய்ந்து எதிர்கொள்வது என்பதே சரியான அணுகுமுறை.
அதைவிடுத்து எல்லாவற்றையும் மூடிமறைத்து பண்பாடு, கலாசாரம் என்று பேசி கண்மூடித்தனமாக முடிவுகளை எடுப்பதும், காதலர்களை எதிர்ப்பதும் எவ்விதத்திலும் தீர்வாகாது.
உலகமயமாக்கலின் மூலம் பல நல்ல மாற்றங்களும், விழிப்புணர்வுகளும் உண்டாகியுள்ளன என்பது உண்மை. பல்வேறு நோய்களுக்கெதிரான தடுப்பு முறைகள், மகளிர் தினம், மார்பகப் புற்றுநோய் விழிப்புணர்வு, எய்ட்ஸ் விழிப்புணர்வு, குழந்தைத் தொழிலாளர் ஒழிப்பு, கனிணிமயமான வாழ்வு என்றெல்லாம் பல்வேறு நன்மைகள் நம்மிடையே உருவாகியுள்ளன.
இவற்றில் காதலர்தினக் கொண்டாட்டங்கள் போன்றவை நிச்சயம் தேவையற்ற வியாபாரங்கள் என்பதை இளைஞர்கள் புரிந்துகொள்ளுதல் அவசியம்.
அதேவேளையில் கலாசாரப் பாதுகாவலர்கள் என்ற பெயரில் நம் பண்பாட்டினைப் பற்றிய அடிப்படைப் புரிதல்கள் அற்ற கூட்டம் தனிமனித சுதந்திரத்தில் அத்துமீறி நுழைவது ஏற்க இயலாதது. காதலிக்கவே கூடாது என்று இவர்கள் தடுப்பதெல்லாம் மனித இயல்புகளுக்கு எதிரானது.
நம் குழந்தைகளுக்கு சரியான புரிதல்களை நாம் உண்டாக்க வேண்டும். அவர்களை நாள் முழுக்க தொலைக்காட்சிகளிலும், சமூக ஊடகங்களிலும் அமரவிட்டுவிட்டு, கரங்களில் செல்லிடப்பேசியைத் தந்துவிட்டு நீ அந்நிய கலாசாரத்தை பின்பற்றக் கூடாது, நம் முறைப்படிதான் வாழ வேண்டும் என்றெல்லாம் வற்புறுத்துவது எத்தனை அபத்தமானது.
மேலைநாடுகளில் காதலுக்கும், திருமணத்திற்கும் எந்தத் தொடர்பையும் வைப்பதில்லை. பதின் பருவத்தில் காதல், பிடித்திருந்தால் திருமணம், ஒத்துப்போகும் வரை சேர்ந்து வாழ்தல், பிடிக்கவில்லை எனில் பிரிவு, பின் மற்றொரு காதல், திருமணம் என்பதெல்லாம் அவர்கள் சகஜமாக ஏற்றுக்கொண்ட ஒன்று. ஆகவே அங்கு காதலர் தினம் என்பதும் ஒரு கொண்டாட்டமாக உள்ளது.
ஆனால் நம் நாட்டிலோ காதல் என்பது திருமணத்தை மையமாகக் கொண்டது. நம் சமூகத்தில் காதல் என்பது திருமணம், உறவுகள், குடும்பம், குழந்தைகள், சார்ந்துள்ள சுற்றத்தினர், பொருளாதாரம் என்று பல்வேறு பரிமாணங்கள் கொண்டது.
காதலிப்பது என்பது வெறும் கேளிக்கையல்ல, அது நம் வாழ்வின் இறுதிவரை தொடரும் உறவு என்பதை நம் பிள்ளைகளுக்கு தெளிவாக உணர்த்துதல் அவசியம். அவற்றையெல்லாம் நம் பிள்ளைகள் உணர வேண்டும்.
அதைவிட்டு வெறும் கொண்டாட்டங்களும் கேளிக்கைகளும்தான் காதல் என்று விட்டுவிடக் கூடாது.
தமிழ் சமுதாயத்தின் அடையாளமாகக் காதலையும், வீரத்தையுமே நம் இலக்கியங்கள் கூறுகின்றன. "கல்பொரு சிறுநுரை' என்ற ஒருவரி குறுந்தொகையில் வரும். நான் என் காதலனைக் காணாவிடில் கல்லின்மீது மோதும் சிறுநுரையைப் போன்று கொஞ்சங்கொஞ்சமாய் காணாமல் போய்விடுவேன் என்று தலைவி கூறுவதாக அமைந்த பாடல் இது.
காதல் எப்பொழுதும் இத்தகைய நுட்ப உணர்வுதான். அடர்கானகத்தில் எவரும் அறியாமல் மலரும் சிறு மலரைப்போல் எளிமையானதும், உன்னதமானதுதான் காதல். அதற்கு எவ்வித அலங்காரங்களோ, பூச்சுகளோ, ஆடம்பரங்களோ அறைகூவல்களோ தேவையில்லை.
தன் சந்ததியை உருவாக்க எண்ணுவது எந்த உயிருக்கும் அடிப்படை உணர்வு. வலிமையான தன்னைக்காக்கும் ஆளுமைகொண்ட ஆணைத் தேர்ந்தெடுப்பதும், தன் சந்ததியை அரவணைக்கும் பெண்ணைத் தேர்ந்தெடுப்பதும் இயற்கையாகவே உண்டான உள்ளுணர்வுகள்.
அவற்றை அர்த்தமற்ற கேளிக்கைகளாக்கும் இத்தகைய கொண்டாட்டங்கள் நெறிப்படுத்தப்படுவதே நம் சமூகத்திற்கு தேவை. காதலும், ஈர்ப்பும் வாழ்வின் சிறுபங்கு மட்டுமே. அதையும் தாண்டி உலகில் எத்தனையோ மகத்துவங்கள் இருக்கின்றன. அவற்றை அடைய காதல் அடித்தளமாக இருக்க வேண்டும்.

மரித்துவிட்டதா மனிதநேயம்?

By ஜெ. ஹாஜாகனி  |   Published on : 14th February 2017 01:19 AM  |

அறிவுயுகம் இதுவென்று பெருமிதம் கொள்கிறோம். ஆனால் மனிதநேயம் ஏனோ மங்கிக் கொண்டே வருகிறது. வீரிய வெளிச்சத்தோடு வீசுகின்ற விஞ்ஞானக் கதிர்வீச்சில், இரக்கத்தின் பார்வைகள் இல்லாமல் ஒழிந்ததோ என்ற ஏக்கங்கள் மேலிடுகின்றன.
"வாடியப் பயிரைக் கண்டபோதெல்லாம் வாடினேன்' என்றார் வள்ளலார். வாழவைக்கும் விவசாயிகள் வாழ வழியின்றி நூற்றுக்கணக்கில், தான் விதைத்த வயல்களிலே, சதைப் பிண்டங்களாய் சாய்ந்தபோதும், நகர வாழ்வு வழக்கம்போல சாவின் நெடிகளை முகர்ந்தபடியே, நகர்ந்து கொண்டிருந்தது.
அண்மையில் கர்நாடக மாநிலம் ஹூப்ளியில் பணிக்குச் செல்லும் வழியில் அரசுப்பேருந்து மோதி, விபத்தில் சிக்கிய இளைஞனை சுற்றியிருந்த கூட்டம், வேடிக்கை பார்த்ததோடு மட்டும் நிறுத்திவிடாமல், தங்களது செல்லிடப்பேசியில் படப்பிடிப்பு செய்வதில் மட்டுமே படிப்பு, முனைப்பு காட்டிய செய்தி இதயங்களை அதிரவைத்தது.
பிப்ரவரி இரண்டாம் நாள் (2.2.2017) காலை 8.30 மணிக்கு வீட்டிலிருந்து மிதிவண்டியில் வேலைக்குப் புறப்பட்ட அந்த இளைஞன் 8.35 மணிக்கு விபத்தில் சிக்குகிறான். அரசுப்பேருந்து மோதியதில் நிலைகுலைந்து விழுந்த அவ்விளைஞன் ரத்த வெள்ளத்தில் கிடக்கிறான்; துடிதுடிக்கிறான். வாழ்க்கையைத் துரத்துவோரும், வாழ்க்கையால் துரத்தப்படுவோரும் இயந்திரகதியில் சென்று கொண்டிருக்க, அவனைச் சூழ்ந்து நின்ற கூட்டமோ, அந்த வேதனையை வேடிக்கை மட்டுமே பார்த்துள்ளது.
ஓர் உயிரின் பரிதவிப்பை அங்கு பலரும் தனது செல்லிடப்பேசியில் ஒளிப்பதிவு செய்து, முகநூல் மற்றும் கட்செவி உள்ளிட்ட சமூக ஊடகங்களில் பதிவேற்றுவதில் பெரும் ஆர்வம் காட்டியுள்ளனர்.
20 நிமிடம் நடுச்சாலையில் துடிதுடித்துக் கிடந்த அவனை காவல்துறையினர் மீட்டெடுத்து அருகிலிருந்த மருத்துவமனையில் சேர்க்கின்றனர். 9.15 மணியளவில் குடும்பத்தினருக்குத் தகவல் தெரிவிக்கப்படுகிறது.
அதிர்ச்சியில் பரிதவித்து ஓடிவந்தனர் குடும்பத்தினர். "எங்களின் மொத்த குடும்பமும் இவன் ஒருவனின் உழைப்பில் தானே நடந்தது. இனிமேல் நாங்கள் என்ன செய்யப்போகிறோம்' என்று பெற்றோர் கதறி நிற்கின்றனர்.
மதியம் வரை அந்த இளைஞனின் உயிர்காக்கப் போராடிய மருத்துவர்கள் 1.15 மணிக்கு அவன் உயிர் பிரிந்துவிட்டதாக அறிவிக்கின்றனர்.
இப்படி ஆயிரமாயிரம் இளைஞர்களின் சோகக்கதைகள் நமது அறிவுயுகத்தை அலங்கரித்துக் கொண்டிருக்கின்றன. கடந்த ஜனவரி 28 அன்று மைசூரூ அருகே விபத்தில் சிக்கிய காவலர் ஒருவரையும், சுற்றியிருந்த கூட்டம் வேடிக்கை பார்த்தே சாகடித்துள்ளது.
ஹூப்ளி இளைஞனின் உயிர்காக்கப் போராடிய கொலம்பியா ஆசியா மருத்துவமனையின் தலைவரும், மருத்துவ இயக்குநருமான டாக்டர் நந்தகுமார் ஜெய்ராம், மிகவும் மனம்வருந்தி, ஊடகங்களில் பதிவு செய்துள்ள கருத்து "தங்க நேரம் (Golden hour)  எனப்படும் விபத்து நடந்த ஒருமணி நேரத்தில், சிகிச்சைக்குக் கொண்டு வந்திருந்தால் உயிர்காத்திருக்க முடியும். சுற்றி நின்று வேடிக்கை பார்த்தவர்கள், ஒளிப்பதிவு செய்வதில் காட்டிய ஆர்வத்தை உயிர்காப்பதில் காட்டவில்லை' என்பதாகும்.
பல ஆண்டுகளுக்கு முன்னால் இங்கிலாந்து இளவரசி டயானா சாலை விபத்தில் சிக்கியபோது, ஊடகங்கள் அவரை விதவிதமாகப் படமெடுப்பதில் காட்டிய ஆர்வத்தை அவர் உயிரைக் காப்பதில் காட்டவில்லை. மனித உயிரைவிட, மலிவான விளம்பரத்தை மதிப்புமிக்கதாய் எண்ணுகிற மனப்பிறழ்வு, மனிதநேயத்தை மயானம் சேர்ப்பதல்லவா?
அறிவியல் வளர்ச்சியும், அதிநவீன வாழ்க்கை முறையும், அடிப்படை அறங்களையும், விடக்கூடாத விழுமியங்களையும் வீழச்செய்யும், காலச்சூழல் விபரீதமானதல்லவா?
அறிவினான் ஆகுவதுண்டோ பிறிதின் நோய்
தந்நோய்போல் போற்றாக் கடை
- என்கிறார் வள்ளுவர்.
பிறருக்கு வந்த துன்பத்தைத் தனக்கு வந்த துன்பமாக பாவிக்கத் தெரியவில்லையெனில், பெற்றிருக்கும் அறிவினால் பயன்தான் என்ன? என்பது குறளின் குரல்.
சாக்குரலையும், கூக்குரலையும் சாதாரணமாகக் கடந்து போகவைக்கிறது. நெஞ்சீரம் வறண்ட மனிதர்களின் நிகழ்ச்சி நிரல்.
அருளும், அன்பும், வாழ்வின் அடிப்படை அறங்கள். பொருளும், அது உண்டாக்கிய மருளும்தான் இன்றைய மனித வாழ்வின் நிறங்கள்.
அறியாத மனிதர்களுக்காக அகம் துடிப்பது அருள். அறிந்த மனிதர்களின் துன்பம் கண்டு இரங்குவது அன்பு.இறைவன் அளவற்ற அருளாளனாக, நிகரற்ற அன்புடையோனாகத் திகழ்கிறான். பூமியில் இறை
வனின் பிரதிநிதியாக அனுப்பப்பட்டுள்ள மனிதன், இப்பண்புகளை பிரதிபலிக்கக் கடமைப்பட்டவன்.
"இறை வணக்கத்தில் மூழ்கித் திளைத்துள்ள ஒரு பெண்மணி நரகம் செல்வாள். காரணம் ஒரு பூனையைக் கட்டிபோட்டுவிட்டு, அதற்கு உணவும், நீரும் தராமல் இருந்துவிட்டாள். இயற்கையாக உணவு தேட முடியாமல் பூனையைக் கட்டிவைத்து அது பசியால் இறந்துபோவதற்குக் காரணமானதால் அவள் நரகம் போவாள்'.
ஒரு விலைமாது சொர்க்கம் போவாள், அவள் தாகத்தில் தவித்துக்கொண்டிருந்த ஒரு நாய்க்கு, தனது மேலாடைத் துணியைப் பயன்படுத்தி, கிணற்றிலிருந்து நீரெடுத்து, அதன் தாகம் தணிவித்தாள்.
இந்த அருட்குணத்தால் அவ்விலைமாது சொர்க்கம் செல்வாள் என்று நபிகள் நாயகம் நவின்றார்கள். சொர்க்கமும் நரகமும் ஆன்மிகத்தின் பாற்பட்டவை மட்டுமன்று, ஏக இறைவனை ஏற்பதோடு மட்டும், இம்மையில் மனிதரின் கடமைகள் நிறைவு பெற்று விடுவதில்லை. எவ்வுயிர்க்கும் செந்தன்மை பூண்டொழுகும், அருளன்புப் பண்புகளும் ஈருலக வெற்றிக்கு அவசியமானவை என்பது நபிகள் நாயகம் காட்டிய வாழ்வியல் நெறி ஆகும்.
மூவாயிரம் ஆண்டுகளுக்கு முன்பே நமது மூத்த தமிழ்க்குடியின் வாழ்வில், பிறர்க்கென வாழும் பெருந்தன்மை, நிறைந்திருந்ததை புறநானூற்றுப் பாடல்கள், புலப்படுத்துகின்றன. அவற்றுள் பாண்டியன் கடலுள் மாய்ந்த இளம்பெருவழுதி என்ற மன்னன் எழுதிய "உண்டாலம்ம இவ்வுலகம்' என்ற பாடலும் ஒன்று.
"வாழ்வை நீட்டிக்கும் அமிழ்தம் கிடைத்தாலும், அது இனிமையானது என்று தனிமையாக உண்ணமாட்டார்கள். யாரையும் வெறுக்கமாட்டார்கள். சோம்பலின்றி பணியாற்றுவார்கள். பிறர் அஞ்சும் பழிக்குத் தாமும் அஞ்சுவார்கள். புகழ் தரும் அறஞ்செயல்களுக்காகத் தம் உயிரையும் தருவார்கள்.
பழி வரும் செயல்களை இவ்வுலகமே பரிசாகக் கிடைத்தாலும் செய்யமாட்டார்கள். மனம் தளரமாட்டார்கள். இத்தகைய சிறப்புகளோடு, தமக்காக மட்டுமே வாழாமல் பிறர்க்காகவும் வலிய முயற்சிகளை முன்னெடுத்து உழைப்பவர்களால்தான் இவ்வுலகம் இயங்கிக் கொண்டிருக்கிறது' என்பது பாடலின் கருத்து.
ஆழிப்பேரலையின்போதும் இன்ன பிற பேரிடர்களின்போதும், தம்மையே அர்ப்பணித்து, தன்னலத்தை மறந்து பணியாற்றும் பல்லாயிரக்கணக்கான மக்கள் இப்பாடலின் தசைவடிவங்களாகித் தமிழகத்தில் நம்முன் நிற்கிறார்கள்.
ஓர் உயிர் மரணத்தறுவாயில் துடிப்பதை வேடிக்கை மட்டுமே பார்த்த வேதனை அரங்கேறிய இதே ஆண்டில் (2017), காரைக்காலில் காணும் பொங்கல் அன்று கடலில் சிக்கிய நான்கு பேரைக் காப்பாற்றிவிட்டு தனது உயிரைத் தத்தம் செய்துவிட்ட 44 வயதான புகழேந்தி என்ற தீயணைப்புப் படை வீரரின் தியாகம் நம் நெஞ்சைத் தொடுகிறது.
இவ்வளவிற்கும் அவர் பொங்கல் விடுமுறையின்போது சொந்த ஊர் வந்தவர். பணியின்போது உயிரைப் பணயம் வைப்பதோடு விடுமுறையிலும் கடமை உணர்விற்கு விடுமுறை தராமல், உயிரையே விட்டிருக்கிறார் புகழேந்தி.
ஓரிரு ஆண்டுகளுக்கு முன்பே வேதாரண்யம் அருகே கத்தரிப்புலம் என்ற ஊரில், காமாட்சியம்மன் கோயில் குளத்தில் பள்ளி வாகனம் பாய்ந்துவிட, அதற்குள்ளிருந்த ஒன்பது குழந்தைகளை மீட்டு, கடைசிக் குழந்தையை மீட்கும்போது பள்ளத்தில் புதையுண்டு உயிர்த்தியாகம் செய்த 21 வயதே ஆன ஆசிரியை சுகந்தியின் உணர்வு நினைக்கும் போதெல்லாம் நம் நெஞ்சை நெகிழ வைப்பது.
2015-ஆம் ஆண்டு டிசம்பர் பெருமழையில் சிக்கி உயிருக்குப் போராடிய மக்களை மீட்கும் பணியில் ஈடுபட்டிருந்த சென்னை, தாங்கல் பகுதியைச் சேர்ந்த இம்ரான் என்ற 17 வயது இளைஞன், தன்னை நச்சுப் பாம்பு தீண்டியதையும் பொருட்படுத்தாமல் பணியைத் தொடர்ந்தான். தனது இன்னுயிரை இழந்தான்.
இப்படி ஏராளமானோரைக் குறிப்பிட முடியும் என்றாலும், மக்கள்தொகை வளர்ச்சி வீதத்திற்கு ஏற்ப மனிதநேயத்தின் வளர்ச்சி அமைந்திடவில்லை என்பதை நாம் தலைகுனிந்து ஒப்புக்கொள்ள வேண்டிய தருணத்தில் இருக்கிறோம்.
ஒரு சமூகத்தில் வீர உணர்வு மங்குவது அவமானம். ஈர உணர்வு இல்லாமல் போவதோ அவலம். ஈரமும், வீரமும் ஏற்றமிகு தமிழனத்தின் இரு கண்கள்.
அந்த கண்களை இழந்த அந்தகன்களாய் இந்தத் தலைமுறை ஆகிவிடக்கூடாது.

கட்டுரையாளர்:
பேராசிரியர்.

ஏ.டி.எம்., ரகசிய எண் கொடுக்காதீங்க! : 'மாஜி' ஏமாந்தார்: ரூ.1.70 லட்சம் போச்சு
கடலாடி: 'ஏ.டி.எம்., கார்டு ரகசிய எண்ணை யாராவது போனில் கேட்டால் சொல்ல வேண்டாம்' என, வங்கி அதிகாரிகள் வாய் வலிக்க கத்தினாலும் ஏமாறுவோர் எண்ணிக்கை தொடர்ந்து கொண்டு தான் இருக்கிறது. இதில் சாமானியர் ஏமாந்தால் பரவாயில்லை. முன்னாள் அமைச்சர் ஒருவரும், 1.70 லட்சம் ரூபாயை பறிகொடுத்துள்ளார். ராமநாதபுரம் மாவட்டம் கடலாடி அருகே மேலச்செல்வனுாரைச் சேர்ந்த சத்தியமூர்த்தி, 1991 - 96ல் அ.தி.மு.க., அமைச்சராக இருந்தார். தற்போது, தி.மு.க.,வில் தீர்மானக் குழு துணைச் செயலராக உள்ளார். நேற்று முன்தினம் இவரது அலைபேசியில் தொடர்பு கொண்ட நபர், 'வங்கி ஊழியர்' என அறிமுகப்படுத்திக் கொண்டார். 'உங்களுடைய வங்கிக் கணக்கு மற்றும் ஏ.டி.எம்., கார்டு காலாவதியாக உள்ளதால், அதை புதுப்பிக்க ரகசிய எண்ணை கூறுங்கள்' எனக் கேட்டார்; சத்தியமூர்த்தி, ரகசிய எண்ணை கூறினார். சிறிது நேரத்தில் அவரது வங்கிக் கணக்கில் இருந்து, 1.70 லட்சம் ரூபாய் எடுக்கப்பட்டதாக அலைபேசியில் தகவல் வந்தது. இதுகுறித்து அவர் போலீசில் புகார் அளித்தார்.

கடலாடியில் கடந்த வாரம் ஆசிரியர் ஒருவரின் வங்கிக் கணக்கில் இருந்து, 'போலி' ஏ.டி.எம்., கார்டு மூலம், 47 ஆயிரம் ரூபாய் எடுக்கப்பட்டது.

இடமாறும் இதயங்கள்! ஆஹா இது தான் காதல் என்பதா?

இதயங்கள் இடமாறும்... வார்த்தைகள் தடுமாறும்... பார்ப்பதெல்லாம் புதிதாய் தெரியும்... சிந்தனைகளுக்கு சிறகு முளைக்கும், இது காதலா... இல்லை சாதலா என, குளிரும் நினைவுகளில் கொதிக்கும் உணர்வுகள்...
இங்கே மனம் திறக்கும் மதுரையை சேர்ந்த காதலர்களுக்கு இன்று மட்டுமல்ல தினம், தினம் காதலர் தினம் தானோ...

காதலுக்கு மரியாதை கொடுங்கள்

காதலர்களாக இருந்து கணவன், மனைவியாக மாறும் போது 'ஈகோ' இல்லாமல் இருந்தால் தான் அந்த காதலுக்கு மரியாதை. அந்த வகையில் எங்களுக்குள் இதுவரை 'ஈகோ' பிரச்னை வந்ததில்லை. காதலித்த 5 ஆண்டுகளில் ஒருவரை, ஒருவர் நன்றாக புரிந்து கொண்டோம். அதற்கு பின் தான் வீட்டில் அனுமதி கேட்டு, அவர்கள் சம்மதத்துடன் திருமணம் செய்தோம். காதல் என்பது இரண்டு நபர்கள் சம்பந்தப்பட்டது இல்லை, அது இந்த சமூகம் சார்ந்தது. அதனால், காதல் திருமணத்திற்கு கண்டிப்பாக பெற்றோர் சம்மதம் தேவை. இதை உணர்ந்தால் ஒவ்வொரு காதலர்களும் வாழ்வில் சந்தோஷமாக ஒன்றுசேரலாம்.

ஆர்.பிரதீப் குமார், எஸ்.விசாலாட்சி

காதலில் பொறுமை அவசியம்

'கண்ணும் கண்ணும் மோதும்மா... நெஞ்சம் மட்டும் பேசுமம்மா காதல்...' என்ற, பாடல் வரிகளை போல நாங்கள் வார்த்தைகளால் பேசியதை விட, கண்களால் பேசிய நாட்களே அதிகம். ஏதோ ஒரு சூழ்நிலையில் நாங்கள் அடிக்கடி சந்தித்தோம், காலப்போக்கில் ஒருவரை, ஒருவர் காதலாய் சிந்தித்தோம். இப்படி 7 ஆண்டுகளாக காதலாகி கசிந்து உருகி, திருமணத்திற்காக வீட்டில் சம்மதம் கேட்டோம். எதிர்பார்த்தது போல, கவுரவம் காட்டி எதிர்ப்பு வந்தது, பொறுமையுடன் எங்கள் உண்மை காதலை நிரூபித்தோம், சம்மதம் கிடைத்தது. ஒருவரை ஒருவர் விட்டுக் கொடுத்து போவதால், காதல் வாழ்க்கை இனிப்பாகவே இருக்கிறது. உண்மையான காதல் எப்போதும் வெற்றி பெறும் என்பதற்கு நாங்கள் ஒரு உதாரணம்.

எஸ்.ஜெயகுமார், ஜெ.கீதா

கோவை டூ மதுரை காதல்

''பள்ளி நாட்களில் கோவையில் இருந்து மதுரையில் உள்ள உறவினர்கள் வீட்டிற்கு வந்த போது அவரை சந்தித்திருக்கிறேன். ஆனால், அது அவர் மனதில் தான் முதலில் காதலாகி இருக்கிறது. 10ம் வகுப்பு படிக்கும் போது திடீரென ஒரு நாள் உன்னை கல்யாணம் செய்யட்டுமா என சொல்லவும் எனக்கு 'திக்... திக்...' என ஆகிவிட்டது. அப்புறம் என்ன 7 வருஷம் பெற்றோருக்கு தெரிந்தும், தெரியாமலும் எங்கள் காதல், கடிதத்திலும் போனிலும் தொடர்ந்து திருமணத்தில் முடிந்தது. இப்போது 2 பிள்ளைகளுடன் சந்தோஷமான வாழ்க்கை ஓடிக்கொண்டிருக்கிறது,'' என்கிறார் மினி. '' சின்ன வயசிலே எதையும் 'பாசிட்டிவ்வாக' பேசுவதை கவனித்தேன். அது எனக்கு பிடித்தது. நான் கல்லுாரியில் முதலாண்டு படிக்கும் போது என் காதலை சொன்னேன். 'கிரீன் சிக்னல்' கிடைத்தாலும் திருமணத்திற்கு சிக்கல்கள் இருந்தது. அதை கடந்து விட்டோம். வேலை கிடைத்த பின் திருமணம், அந்த நாள் ஆத்மார்த்தமான காதலை நினைத்தால் இப்போதும் பிரமிப்பாக இருக்கிறது,'' என்கிறார் பிரவின்குமார்.


பிரவின்குமார், மினி

அவளும் நானும்...அமுதும் தமிழும்..இன்று காதலர் தினம்


காதல் என்று சொல்லும் போதே நெஞ்சமெல்லாம் பரவசம் ஏற்படுகிறது. ஜாதி, மதம், மொழி, இனம், நாடு, நிறத்தை கடந்து இரு இதயங்கள் இணைவதுதான் உண்மையான காதல்.

உலகம் முழுவதும் காதலர்களால் ஆண்டுதோறும் பிப்., 14ல் 'காதலர் தினம்' கொண்டாடப்படுகிறது. காதலர்கள் மட்டுமின்றி, திருமணம் செய்த தம்பதியர்களும் பரிசுகள், வாழ்த்து அட்டைகள் வழங்கி தங்களது அன்பை பரிமாறிக் கொள்கின்றனர்.

சிலர் காதலிப்பவர்களிடம், தங்களது காதலை தெரிவிப்பதற்காகவும் இந்நாளை பயன்படுத்துகின்றனர்.காதல் பற்றி தமிழ் இலக்கியங்களான திருக்குறள், குறுந்தொகை, ஐங்குறுநூறு, புலவர்கள், கவிஞர்கள், தத்துவ அறிஞர்கள், எழுத்தாளர்கள் என ஒவ்வொருவரும் ஒவ்வொரு
விதமாக விவரிக்கின்றனர்.

எப்படி வந்தது

'காதலர் தினம்' உருவான கதை சுவராஸ்யமானது. காதலர் தினத்துக்கு முன்னோடியாக கருதப்படும் வேலன்டைன் துறவி, ரோம் சாம்ராஜ்யத்தை சேர்ந்தவர். 14ம் நூற்றாண்டில் ரோம் அரசர் இரண்டாம் கிளாடியஸ், இளைஞர்களை போர்களத்திற்கு அழைத்தார்.

இதற்கு வரவேற்பு இல்லாததால் திருமணத்திற்கு தடை விதித்தார் எனவும், வேலன்டைன் எனும் பாதிரியார் இளைஞர்களுக்கு ரகசிய திருமணம் செய்து வைத்ததாகவும் கூறப்படுகிறது. இதனால் ஆத்திரமடைந்த அரசன் அவருக்கு மரண தண்டனை விதித்தார். அவரது நினைவுநாளையே 'வேலன்டைன் தினமாக' இளைஞர்கள் கொண்டாட தொடங்கினர். 20ம் நுாற்றாண்டின் பிற்பகுதியில்தான் வேலன்டைன் தினம் 'காதலர்

தினமாக' மாறியது.

'அவசர' காதல்

இன்றைய காதலர்கள் வாழ்க்கை பற்றி எவ்வித தெளிவான கருத்தும் இல்லாமல் அழகு, பணம், வேலை போன்ற காரணங்களை பார்த்து அவசரப்பட்டு காதலில் விழுகின்றனர். இந்த காதல் விரைவில் வீழ்ந்து விடுகிறது.

விபரீத காதலையும் பார்க்க முடிகிறது. தன்னை காதலிக்காத குற்றத்திற்காக பெண்ணிற்கு பல்வேறு இடையூறுகள் கொடுக்கும் அவலமும் அரங்கேறுகிறது. இந்நிலை மாற வேண்டும். விரும்புவதை அடைவதற்கு காதல் ஒன்றும் கடைப் பொருள் அல்ல. பள்ளிப்பருவத்தில் கூட காதல் வருகிறது. இது ஒருவிதமான ஈர்ப்பே தவிர; காதலாக இருக்க முடியாது.

எண்ணங்களையும் எதிர்பார்ப்புகளையும் பகிர்ந்துகொள்ள காதலி அல்லது காதலன் கிடைத்துவிட்டால், அந்த வாழ்க்கை தமிழ் போல் அமுதமாய் இனிக்கும். இதுபோன்ற துாய்மையான காதலுக்கு 'ஜே' சொல்வோம்.

'காதல் சாம்ராஜ்யம்'

வேற்றுமை கடந்து ஒற்றுமை ஏற்படுத்தும் சக்தி காதலுக்கு உண்டு. காதலிக்கு கோட்டை கட்டியதும்; காதலர்கள் கல்லாய் மாறிய கதைகளும் நம் நாட்டில் தான் உலா வருகின்றன. காதலுக்கு இந்தியா தரும்

முக்கியத்துவம், இமயம் போன்றது.

ஜெயலலிதா மறைவுக்கு பிறகு ஓ.பன்னீர்செல்வத்தை முதல்-அமைச்சர் ஆக்கியது ஏன்? என்று சசிகலா தெரிவித்தார்.

பிப்ரவரி 14, 03:15 AM

சென்னை,

அ.தி.மு.க. பொதுச்செயலாளர் சசிகலா போயஸ் கார்டனில் நிர்வாகிகளுடன் நேற்று ஆலோசனை நடத்தினார். பின்னர் வீட்டு முன்பு கூடியிருந்த தொண்டர்கள் மத்தியில் அவர் பேசியதாவது:-

விசுவாசம் இல்லை

அ.தி.மு.க.வுக்கு இன்றைக்கு பலப்பரீட்சை ஏற்பட்டுள்ளது. இது நமக்கு பழக்கப்பட்ட ஒன்று தான்.

இன்றைக்கு நம்மை விட்டு பிரிந்து சென்றவர்களுக்கு பதவியும், பரிசும் யாரால் வந்தது. பெரியகுளத்தில் இருந்த ஒரு சாதாரண மனிதரை அம்மா தான் இன்று பெரிய மனிதராக உருவாக்கினார். அவர் இந்த இயக்கத்தை நன்றி இல்லாமல், பிரித்து ஆள நினைக்கிறார். இதில் இருந்தே அவர் உண்மையாக அ.தி.மு.க.வுக்கு விசுவாசமாக இருந்தவர் அல்ல என்பதை காட்டி விட்டார்.

பதவி ஆசை இல்லை

அம்மா இறந்த தகவல் தெரிந்த இரவு 12 மணிக்கு, நான் அழுது கொண்டே பன்னீர்செல்வம் உள்பட 5 அமைச்சர்களை அழைத்து, அவர்களிடம், நேரம் இல்லை, உடனடியாக இன்றிரவே பதவியேற்க வேண்டும், உடனே கவர்னரிடம் அனுமதி கேளுங்கள். இந்த நிமிடமே பதவியேற்க வேண்டும். பன்னீர்செல்வம் முதல்-அமைச்சராக பதவியேற்று கொள்ளுங்கள் என்றேன்.

அப்போது 5 அமைச்சர்களும், சின்னம்மா தான் பதவியேற்க வேண்டும் என்று சொன்னார்கள். நான் சொன்னேன். எல்லாவற்றையும் விட என் அக்கா (ஜெயலலிதா) தான் முக்கியம். அவருடைய உடல் அருகே நான் இருக்க வேண்டும். எனக்கு பதவி ஆசை இல்லை. பின்னால் பார்த்துக் கொள்ளலாம். பதவியேற்று கொள்ளுங்கள் என்றேன்.

அம்மாவுக்கு யாரும் குரல் கொடுக்கவில்லை

எம்.ஜி.ஆர். இறந்தபோது ஜெயலலிதா மலர் வளையம் வைக்க கூட அமைச்சர்கள் விடவில்லை. அம்மாவுக்காக மந்திரிகள் யாரும் குரல் கொடுக்கவில்லை. தலைவரின் தலைமாட்டில் அம்மா இருக்கிறார். அம்மாவுக்கு பின்னால் நான் நிற்கிறேன். தலைவர் உடலை ராணுவ வண்டிக்கு தூக்கிக் கொண்டு போனார்கள். நாங்கள் ஓரமாக நிற்கிறோம். இதை ஒரு ராணுவ வீரர் பார்த்து விட்டு, அம்மாவை வண்டி மேல ஏறுங்கள் என்றார். அப்போது தினகரன் என்னுடன் வந்தார். ஜேப்பியார் அம்மாவை பிடித்து தள்ளுகிறார். சிறுவனாக இருந்த தினகரன் அவரது கையை பிடித்து கடிக்கிறார்.

அப்போது போலீஸ் கமிஷனர் ஸ்ரீபால் எங்களிடம் வந்து, அம்மாவை தாக்குவதற்கு மந்திரிகள் திட்டம் வைத்து இருக்கிறார்கள். நீங்கள் அவரை அழைத்து செல்லுங்கள் என்றார். அதனால் அம்மாவை நாங்கள் அழைத்து சென்று விட்டோம்.

இந்த கட்சியே வேண்டாம் என்று அம்மா என்னிடம் கூறினார். உங்களை எல்லோரும் பிடித்து தள்ளி விட்டார்கள் அதற்காகவே நீங்கள் வர வேண்டும் அக்கா என்று அவருக்கு ஊக்கம் அளித்தேன். இன்றைக்கு இந்த அளவுக்கு கட்சியை அம்மா நடத்தியதற்கு என்னுடைய ஊக்கமும் காரணம்.

சிரித்து பேசுகிறார்

என்னை பொறுத்தவரையில் அம்மா கொண்டு வந்த இந்த அரசு நீடிக்க வேண்டும். அதை தான் விரும்பினோம். அதற்காக தான் ஓ.பன்னீர்செல்வத்தை கொண்டு வந்தேன். ஆனால், சட்டசபை நிகழ்ச்சியை பார்த்ததும் எனக்கு மனசு சரியில்லை. தி.மு.க. எம்.எல்.ஏ.க்களிடம் சிரித்து, சிரித்து பேசுகிறார். இது எப்படி சரியாக வரும். தி.மு.க. உறுப்பினர்கள் எழுப்பும் கேள்விகளுக்கு, பதில் சொல்லவே பன்னீர்செல்வம் மறுக்கிறார். எல்லாவற்றிற்கும் மேலாக இடி விழுவது போல, சட்டசபையில் துரைமுருகன் எழுந்து, நாங்கள் இருக்கிறோம், எங்கள் 89 எம்.எல்.ஏ.க்கள் உங்களுக்கு ஆதரவாக இருப்பார்கள். நீங்கள்(பன்னீர்செல்வம்) 5 ஆண்டு காலம் முதல்-அமைச்சராக இருக்கலாம் என்று கூறுகிறார்.

அவர் இப்படி கேட்டதும், பன்னீர்செல்வம் என்ன செய்து இருக்க வேண்டும்? உடனே எழுந்து, நீங்கள் எதற்கு எங்களுக்கு ஆதரவு கொடுக்க வேண்டும், எங்களுக்கு தான் இவ்வளவு பேர் இருக்கிறார்களே? என்று பதில் கொடுத்து இருக்க வேண்டாமா?.

அவ்வாறு அவர் சொல்லியிருந்தால் நான் இடைஞ்சல் செய்து இருப்பேனா?. முதல்-அமைச்சர் பதவியிலேயே இருங்கள் என்று சொல்லி இருப்பேனே. நான் தான் முதல்-அமைச்சர் பதவிக்கு ஆசைப்படவில்லையே?

இந்த அரசாங்கம் இருக்க வேண்டும். இந்த இயக்கத்திற்காக என் உயிரையும் விட தயார். 33 ஆண்டுகளாக நிறைய போராட்டங்களை சந்தித்து தான், இப்படி வந்து இருக்கிறோம்.

போராட்டம் எனக்கு கையில் உள்ள தூசி போல தான். ஆயிரம் பன்னீர்செல்வத்தை பார்த்து தான் வந்திருக்கிறோம். அதனால் இது பற்றி எனக்கு கவலையில்லை. இது மாதிரி நடக்கிறதே, நீங்கள் ஒரு பெண் தானே பய உணர்ச்சி இல்லையா? என்று சிலர் கேட்டார்கள். பய உணர்ச்சியை பார்த்தால் இப்படி வந்திருக்கவே முடியாது. 33 ஆண்டுகளாக 2 பெண்கள் சேர்ந்து சோதனைகளை சாதனைகளாக மாற்றி காட்டியிருக்கிறோம்.

எத்தனை ஆண்கள் வந்தாலும்...

எனவே தொண்டர்களாகிய நீங்கள் எதற்கும் கவலைப்பட வேண்டாம். எதை எப்படி செய்ய வேண்டும் என்பது எனக்கு தெரியும். சீப்பை ஒழித்து வைத்தால் திருமணம் நின்று விடாது. அ.தி.மு.க. ஆட்சியை அமைப்போம், சட்டசபையில் அம்மா படத்தை திறப்போம் என்ற உறுதி மொழியை 129 எம்.எல்.ஏ.க்கள் எடுத்து இருக்கிறார்கள். நானும் எடுத்து இருக்கிறேன்.

அம்மா 2-வது முறையாக ஆட்சியை கொடுத்தார்கள். நான் 3-வது முறையாக ஆட்சியை கொடுப்பேன். அதற்கு என்னால் என்ன முடியுமோ? அதை செய்வேன். எத்தனை ஆண்கள் எதிர்க்கட்சிகளில் இருந்து வந்தாலும், ஒரு பொம்பளை சாதித்து காட்டுவாள். இது நிச்சயம். நீங்கள் எல்லோரும் இருக்கிறீர்கள். அ.தி.மு.க.வை யாராலும் எதையும் செய்ய முடியாது. இவ்வாறு அவர் பேசினார்.

மேலும் போயஸ் கார்டன் வெளியே தொண்டர்கள் மத்தியில் சசிகலா பேசியதாவது:-

அமைதி போராட்டம்

அம்மாவின் போராட்டங்களில் நானும் ஒருத்தியாக இருந்து கட்சியை வளர்த்தேன். காபந்து அரசு என்றாலும், அது அ.தி.மு.க. அரசு தான். எனவே போலீசாருக்கு எந்த சங்கடம் ஏற்படாமல், இந்த போராட்டம் அமைதி போராட்டமாக இருக்க வேண்டும். ஒரு நல்ல செய்திக்காக காத்திருக்கிறேன். தர்மம் வெல்லும். அம்மாவின் ஆட்சி வரும், அம்மாவின் அரசாக தான் அ.தி.மு.க. ஆட்சி செயல்படும் என்பதை மக்களிடம் நீங்கள் தெரிவிக்க வேண்டும். நாம் கண்டிப்பாக வெற்றி பெறுவோம். இவ்வாறு அவர் பேசினார்.

பாலத்தை நெருங்கிவிட்டோம்: தாண்டித்தான் ஆகவேண்டும்!

பிப்ரவரி 14, 04:45 AM

THALAYANGAM  DAILYTHANTHI

பொதுவாக எந்த பிரச்சினையை எதிர்பார்த்துக்கொண்டிருந்தாலும், ஆங்கிலத்தில் ஒரு வழக்கு மொழி உண்டு. ‘வீ வில் கிராஸ் தி பிரிட்ஜ், வென் இட் கம்ஸ்’ என்பார்கள். அதாவது, பாலம் வரும்போது அதை தாண்டலாம் என்பதுதான் அதன்பொருள். மருத்துவக்கல்லூரி நுழைவுத்தேர்வுக்கு மட்டும் அல்லாமல், பொறியியல் கல்லூரி நுழைவுத்தேர்வும் அறிவிக்கப்பட்டுள்ள இந்தநிலையில், தமிழ்நாட்டில் இந்த பிரச்சினை விஸ்வரூபம் எடுத்துள்ளது. இந்தியா முழுவதிலும் 3,288 பொறியியல் கல்லூரிகள் இருக்கின்றன. இதில், அதிகமாக பொறியியல் கல்லூரிகள் இருப்பது தமிழ்நாட்டில்தான். தமிழ்நாட்டில் அரசு மற்றும் தனியார் பொறியியல் கல்லூரிகளின் எண்ணிக்கை 527 ஆக இருக்கிறது. இந்த பொறியியல் கல்லூரிகளுக்கு எல்லாம் தமிழ்நாட்டில் மாணவர் சேர்க்கையின்போது, நுழைவுத்தேர்வு கிடையாது. பிளஸ்–2 தேர்வில் எடுத்த மதிப்பெண் அடிப்படையில் மாணவர் சேர்க்கை நடைபெறுகிறது. பிளஸ்–2 தேர்வில் வெற்றிபெறும் பெரும்பான்மையான மாணவர்கள், பொறியியல் கல்லூரிகளில்தான் சேருகிறார்கள்.

இந்தநிலையில், மருத்துவப்படிப்புகளுக்கு எப்படி அகில இந்திய அளவில் தேசிய தகுதிக்காண் நுழைவுத் தேர்வு, அதாவது ‘நீட்’ அடிப்படையில் மாணவர்கள் சேர்க்கை நடைபெறுகிறதோ, அதே அடிப்படையில்தான் 2018–ம் ஆண்டு முதல் நாடுமுழுவதிலும் பொறியியல் படிப்புக்கும், கட்டிடக்கலை படிப்புக்கும் மாணவர் சேர்க்கை நடைபெறவேண்டும் என்ற வகையிலான திட்டத்துக்கு மத்திய அரசாங்கம் ஒப்புதல் கொடுத்துவிட்டது. மத்திய அரசாங்கத்தின் மனிதவள மேம்பாட்டு அமைச்சகம், அகில இந்திய தொழில்நுட்பக்கல்வி கவுன்சிலிடம் 2018–2019–ம் கல்வி ஆண்டு முதல் இதை நடைமுறைப்படுத்துவதற்கான தகுந்த வரைமுறைகளை அறிவிக்கவேண்டும் என்று கூறியுள்ளது. நாடுமுழுவதும் ஒரே கல்வித்தரத்தில் பொறியியல் படிப்பு இருக்கவேண்டும் என்ற நோக்கத்திலும், நன்கொடைகள் வாங்கப்படுவதை தவிர்க்கும் வகையிலும் இந்த முடிவுகள் எடுக்கப்படுவதாக கூறியுள்ளது. இந்த நுழைவுத்தேர்வு பல மொழிகளைக்கொண்ட இந்தியாவில் அதையெல்லாம் கருத்தில்கொண்டு, ஒரு நல்லமுறையை தேர்ந்தெடுத்து வகுக்கப்படவேண்டும் என்று கூறியுள்ளது. அதாவது, எப்படி ‘நீட்’ தேர்வை 10 மொழிகளில் நடத்த திட்டமிடப்பட்டுள்ளதோ, அதுபோல பொறியியல் படிப்புக்கான தேர்வையும் பல மொழிகளில் நடத்தவேண்டும். அனைத்து மாநிலங்களும், நிகர்நிலை பல்கலைக்கழகங்களும் பொறியியல் படிப்புக்கு நாடுமுழுவதும் ஒரே நுழைவுத்தேர்வை நடத்துவதற்கு ஆக்கப்பூர்வமான ஆலோசனைகளை வழங்கவேண்டும் என்றும் கேட்டிருக்கிறது.

‘நீட்’ தேர்வு என்றாலும் சரி, பொறியியல் படிப்புக்கான அகில இந்திய நுழைவுத்தேர்வு என்றாலும் சரி, ஒன்று தமிழக மாணவர்களுக்கு விலக்குப்பெறுவதை தமிழக அரசு உடனடியாக உறுதிப்படுத்த வேண்டும். அப்படி இல்லையென்றால், மாணவர்கள் அதற்காக தங்களை தயார்படுத்திக்கொள்ள வெளிப்படையாகவே தெளிவுப்படுத்திவிடவேண்டும். திடீரென பொதுநுழைவுத்தேர்வு என்றால் மாணவர்களால் அதை நிச்சயம் சந்திக்கமுடியாது. தமிழக கல்வித்திட்டத்தில் கேட்கப்படும் கேள்விகள் என்பது மாணவர்களின் மனப்பாடம் செய்யும் ஆற்றலை சோதிக்கும் வகையில்தான் இருக்கிறது. பாடங்களில் என்ன இருக்கிறதோ, அதை அப்படியே மனப்பாடம் செய்து, ‘சொன்னதைச் சொல்லுமாம் கிளிப்பிள்ளை’ என்பதுபோல, அப்படியே எழுதும் மாணவர்களுக்குத்தான் அதிக மார்க்குகள் கிடைக்கிறது. ஆனால், நுழைவுத்தேர்வுகளில் கேட்கப்படும் கேள்விகள் மனப்பாட அறிவே இல்லாமல், பயன்பாடு சார்ந்து, ஆராயும் ஆற்றலை சார்ந்துள்ள பாடத்திட்டங்களில் இருந்தும், மாணவர்களின் அறிவாற்றலை சோதிக்கும் வகையிலும்தான் இருக்கும். அத்தகைய தேர்வுகள் எழுதவேண்டும் என்றால், நிச்சயமாக இப்போதுள்ள பாடத்திட்டங்களை சி.பி.எஸ்.இ. திட்டத்திற்கு நிகராக மாற்றியே தீரவேண்டும். எனவே, தமிழக அரசு இந்த 2 நுழைவுத்தேர்வுகள் வி‌ஷயத்தில் உடனடியாக முடிவுகளை மேற்கொள்ளவேண்டும். பாலம் வந்துவிட்டது தாண்டித்தான் ஆகவேண்டும்.

'ஜெயலலிதா ஆக நினைத்து வளர்மதி ஆகிக் கொண்டிருக்கிறீர்கள்!' சசிகலாவுக்கு தமிழக பெண்களின் சார்பாக ஒரு கடிதம்!




''தலைவரு இறந்தபோது... அம்மாவ என்ன பாடு படுத்துனாங்க? ஒரு விஷயம் முக்கியமா கவனிக்கணும். ஒரு பெண்ணு... பெண்ணு எப்படி கட்சியில வந்து வர்றது... அப்படீங்கிறத வந்து காமிச்சாங்க. இப்பயும் அதே தோரணதான். அன்னைக்கு எந்தக் கூட்டம் அம்மாவ எதிர்த்துச்சோ... அதே கூட்டம்தான் இன்னைக்கும் செய்யுது'' ஞாயிறு இரவு கூவத்தூரில் நீங்கள் பேசிய பேச்சு இது சசிகலா.

பொட்டு, பிளவுஸில் தொடங்கி உங்கள் பேச்சு வரை அனைத்திலும் உங்களை நீங்கள் ஜெயலலிதாவுக்கான மாற்றாக நிறுவத் துடிக்கிறீர்கள். 30 ஆண்டுகளாக தமிழக அரசியலில் ஆதிக்கம் செலுத்திய ஆளுமைப் பெண் ஜெயலலிதாவுக்கு மாற்றாக, ஒன்றரை மாத அரசியல்வாதியான நீங்கள் உங்களை ஏற்றுக்கொள்ளச் சொல்லிக் கேட்கிறீர்கள். 'முடியாது' என்பது தமிழகத்தின் பதில். குறிப்பாக, அரசியல் பேச்சுகளில் பெரும்பாலும் ஒதுங்கி இருக்கும் நாங்கள்கூட, இப்போது முழுநேரம் செய்தி சேனல்களை பார்த்தபடி இருக்கிறோம். 'சசிகலா வேண்டாம்' என்ற உறுதி எங்களுக்குள் இறங்கியிருக்கிறது. உபயம், நீங்களேதான் திருமிகு சசிகலா.

1989-ம் ஆண்டில் தமிழக சட்டசபையில், ஆட்சியில் இருந்த தி.மு.க-வினரால் அவைத் தலைவர் முன்னிலையிலேயே அவமானப்படுத்தப்பட்டார் ஜெயலலிதா. தன் கிழிந்த புடவையுடன் அவையைவிட்டு வெளியேறியபோது, இந்த அரசியல் அவருக்கு உட்சபட்ச கண்ணீரைத் தந்தது. பச்சாதாபம் தேடும் தருணத்திலும், 'கருணாநிதி முதல்வராக இருக்கும்வரை இந்த அவைக்கு நான் வரமாட்டேன்' என்ற அவரின் சூளுரையில் இருந்து, 'ஜெ.ஜெயலலிதாவாகிய நான்' என்று அவர் ஆறாவது முறை முதல்வராகப் பதவிப் பிரமாணம்செய்துகொண்டது வரை, தமிழக அரசியலில் மட்டுமல்ல, நாட்டின் மூன்றாவது பெரிய கட்சியாக இந்திய அரசியலில் இடம்பிடித்தது வரை, அவரின் ஆளுமை அண்ணாந்து பார்க்கக்கூடியது. எங்கள் அம்மா தலைமுறைப் பெண்களுக்கும், எங்களுக்கும், இப்போது எங்கள் பெண் பிள்ளைகளுக்கும், அரசியல் சார்பு தாண்டியும் அவரைப் பிடிக்க, வரலாற்றில் பல காரணங்களை விட்டுச் சென்றுள்ளார் ஜெயலலிதா. அவரின் இடத்தில் உங்களை ஏற்றுக்கொள்ளச் சொல்கிறீர்களே சசிகலா... உங்களைப் பற்றி இதுவரை நீங்கள் எங்களுக்குத் தந்துள்ள பிம்பம் என்ன தெரியுமா?

'ஜெயலலிதாவின் தோழி சசிகலா. குடும்பமாக போயஸ் கார்டன் இல்லத்துக்குள் நுழைந்தவர். 'வளர்ப்பு மகனின் ஆடம்பர திருமணம்' என்ற அவப்பெயரை அவருக்கு ஏற்படுத்தியவர். ஜெயலலிதாவின் செல்வாக்கை முன்னிறுத்தி பலரின் நிலங்களை அபகரித்தவர். அந்நிய செலாவணி வழக்கு, சாராய ஆலை உரிமையாளர் என குற்றப் பின்னணி கொண்டவர்.'

இவையெல்லாம் நேற்று. இந்தக் காலகட்டங்களில் எல்லாம், நாட்டில் உள்ள அறத்துக்கு எதிரான அடாவடிக்காரர்களில் ஓர் அடாவடிக்காரராகத்தான் உங்களை நாங்கள் பார்த்தோம். அதனால் ஏழோடு எட்டாக உங்களையும் கடந்தோம்.



ஆனால், ஜெயலலிதாவின் மரணத்தைச் சூழ்ந்த சந்தேகங்களுக்கு மையப்புள்ளியாக நீங்கள் ஆனபோது, உங்களை தமிழகம் தனித்து கவனிக்க ஆரம்பித்தது. அப்போலோவில் ஜெயலலிதா சிகிச்சையில்(!) இருந்த நாட்களில், 'எங்க அம்மா முகத்தைக் காட்டுங்க' என்று மாரில் அடித்துக்கொண்டு அழுத அடிமட்ட அ.தி.மு.க பெண்கள் முதல், முகம் பார்க்க அனுமதிக்காமல் திருப்பி அனுப்பப்பட்ட ஆளுநர் வரை, பார்த்த காட்சிகள் அனைத்திலும் 'இவர் ஆபத்தானவர்' என்ற பிம்பத்தை நாங்கள் உங்கள் மேல் கொள்ளச் செய்தீர்கள். ஜெயலலிதா மறைந்தபோது, கட்சி சார்பு தாண்டியும் தமிழகமே அழுதபோதும், அவர் உடல் பூமிக்குள் இறக்கப்படும் தருணத்திலும்கூட சொட்டுக் கண்ணீர் சிந்தாமல் நின்றிருந்த 'உடன் பிறவா சகோதரி'யான உங்களின் மேல், 'இவரையா அந்த இரும்புப் பெண் நம்பினார்?' என்று ஆற்றாமை கொள்ளவைத்தீர்கள்.

ஜெயலலிதா மறைவுக்குப் பின் அ.தி.மு.க கட்சியில் அரங்கேறிய நாடக மாற்றங்களில், குறிப்பாக 'சின்னம்மா' வசனங்களில், எங்களை இன்னும் முகம் சுழிக்க வைத்தீர்கள் சசிகலா. கழுத்தை ஒட்டிய பிளவுஸ், கொண்டை, பொட்டு, மோதிரம், வாட்ச் என்று உங்களின் 'ஜெயலலிதாவாதல்' முயற்சியை, உங்கள் குடும்ப உறுப்பினர்கள் வேண்டுமானால் மாறுவேடப் போட்டியில் பரிசு வென்று வந்த குழந்தையை வரவேற்கும் குதூகலத்துடன் ரசித்திருக்கலாம். ஆனால் எங்களைப் பொறுத்தவரை, நாங்கள் வியந்த அந்த ஆளுமையுடன் உங்களை ஒப்பிட்டு கீழிறக்க வேண்டிய அவசியத்தை, நீங்களேதான் எங்களுக்கு ஏற்படுத்தினீர்கள்.

ஜெயலலிதாவின் உறவுகளை அவர் மரணத்திலும் தள்ளிநிற்கவைத்தது, அவரின் சொத்துகள் அனைத்தையும் அபகரித்தது, அ.தி.மு.க பொதுச்செயலாளர் பதவியைக் கைப்பற்றியது வரைகூட, படிக்கப் பிடிக்காத மனநிலையுடன்தான் உங்களைப் பற்றிய அந்தச் செய்திகளை நாங்கள் கடந்தோம். ஆனால் உங்களின் அடுத்த காய் நகர்வுகளின் விளைவாக, 'தமிழகத்தின் மூன்றாவது பெண் முதலமைச்சராகிறார் சசிகலா' என்று வந்த செய்தி, ஏற்றுக்கொள்ள முடியாததாக இருந்தது. 'கடைசியா அது நடக்கவே போகுதா?' என்று நிலைகொள்ளாமல் போனது எங்கள் மனம். அப்போது ஓ.பன்னீர்செல்வம் ஜெயலலிதா சமாதியில் 'என்னை மிரட்டி ராஜினாமா கடிதத்தில் கையெழுத்து வாங்கினார்கள்' என்றதும், அந்தத் திருப்பத்தை நாங்கள் திடுக்கிட்டு வரவேற்றோம். 'ஓ.பி.எஸ் வேண்டுமா என்பது அடுத்த பிரச்னை. ஆனால், சசிகலா வேண்டாம்' என்று எங்கள் மனநிலையை மாற்றுக்கருத்துக்கு இடமில்லாமல் உறுதிப்படுத்தியதும், தொடர்ந்த நாட்களில் தமிழகம் பார்த்த உங்களின் செயல்பாடுகளே.

தேர்தலில் நிற்காமல், மக்களைச் சந்திக்காமல், சட்டமன்ற உறுப்பினர்களை விலைகொடுத்து வாங்கி, ரிசார்ட்டில் அடைத்துவைத்து, 'ஓரளவுக்குதான் பொறுமை' என்று பேட்டி கொடுத்து... 'முதலமைச்சர் நாற்காலிக்காக எதுவும் செய்வேன்' என்கிற ரீதியிலான உங்களின் அணுகுமுறைகள் அனைத்தும் எங்களுக்கு அதிர்ச்சியாக, அச்சமாகக்கூட இருக்கிறது. கூவத்தூரில் எம்.ஏல்.ஏக்களை அவர்களின் வீட்டினரிடம்கூட பேச முடியாத கட்டுப்பாட்டில் அடைத்துவைத்துவிட்டு, அங்கிருந்து நீங்கள் அளித்த பேட்டியில், 'குழந்தைகளை வீட்டில்விட்டு வந்திருக்கும் பெண் சட்டமன்ற உறுப்பினர்கள் இங்கு இருக்கிறார்கள். 'பரவாயில்லம்மா... கட்சிக்காக நாங்க அதை செய்றோம்மா' என்று அவர்கள் என்னிடம் சொன்னார்கள்' என்கிறீர்கள். இதை எப்படி உங்களால் மைக்கின் முன் குற்ற உணர்ச்சி இல்லாமல் பெருமையாகச் சொல்ல முடிகிறது? அதிகாரமிக்க அ.தி.மு.க குடும்பப் பெண்கள், குழந்தைகள் நலனிலேயே உங்கள் அக்கறை இது எனில், பாவப்பட்ட தமிழகப் பெண்கள், குழந்தைகள் நலன் குறித்த உங்கள் நடவடிக்கைகள் எப்படி இருக்கும் என்பதற்கான முன்னோட்டத்தையும் நீங்களே காட்டிவிட்டீர்கள்.

''ஆனா கட்சித் தொண்டன்... ஒவ்வொருத்தரும்... இதவந்து... வேடிக்க பார்த்துகிட்டு சும்மா இருக்க மாட்டாங்க." - கூவத்தூரில் நீங்கள் சொன்ன இந்த வார்த்தைகளில், காவல்துறை தனக்கான குறிப்பை எடுத்துக்கொள்கிறது. நாங்களும் ஒன்றை உணர்ந்தோம். 'ஜெயலலிதாவாதல்' என்ற உங்களின் முயற்சியில் உண்மையில் நீங்கள் இப்போது வளர்மதி வகையறாக்கள் ஆகிக்கொண்டிருக்கிறீர்கள்.

அனுதாபங்கள்

ஓ.பன்னீர்செல்வத்துக்கு மேலும் ஒரு எம்.எல்.ஏ ஆதரவு! #OPSVsSasikala




தமிழகத்தில் அ.தி.மு.க தற்போது இரண்டாகப் பிளவுபட்டு நிற்கிறது. ஜெயலலிதா மரணம் அடைந்ததைத் தொடர்ந்து, அ.தி.மு.க-வில் நீடித்து வந்த மௌனத்தை, ஒரே இரவில் கலைத்தார் முதல்வர் ஓ.பன்னீர் செல்வம்.

கடந்த 7-ம் தேதி மெரினாவில் உள்ள ஜெயலலிதாவின் நினைவிடத்தில் 40 நிமிட தியானத்துக்குப் பின்னர் செய்தியாளர்களிடம் பேசிய ஓ.பன்னீர்செல்வம், அ.தி.மு.க பொதுச் செயலாளர் சசிகலா மீது அடுக்கடுக்கான புகார்களை எடுத்து வைத்தார். இதையடுத்து, கட்சிக்குத் துரோகம் இழைத்துவிட்டார் என்று கூறி, ஓ.பி.எஸ்ஸை கட்சியின் பொருளாளர் பதவியில் இருந்து நீக்கினார் சசிகலா.

அடுத்தடுத்து அரங்கேறிய அரசியல் நாடகங்களின் உச்சக்கட்டமாக அ.தி.மு.க சட்டமன்ற உறுப்பினர்கள் நூற்றுக்கும் மேற்பட்டோர் மகாபலிபுரம் அருகேயுள்ள கூவத்தூரில் தனியார் விடுதியில் தங்க வைக்கப்பட்டனர். அவர்கள், ஓ.பி.எஸ் பக்கம் சென்றுவிடக்கூடாது என்ற அச்சத்தில், சசிகலா, தினமும் கூவத்தூர் சென்று நம்பிக்கையூட்டி வருகிறார். என்றாலும், 30-க்கும் மேற்பட்ட எம்.எல்.ஏ-க்கள் ஓ.பன்னீர் செல்வத்தை ஆதரிக்கும் மனநிலையிலேயே உள்ளனர் என்று தெரிகிறது.



ஒருபானை சோற்றுக்கு ஒருசோறு பதம் என்பது போல, மதுரை தெற்கு தொகுதி எம்.எல்.ஏ-வான சரவணன், கடந்த 5 நாட்களாக கூவத்தூர் விடுதியில் சசிகலா ஆதரவு சட்டமன்ற உறுப்பினர்களுடன் தங்கியிருந்தார். அவர், இன்று பிற்பகல் அங்கிருந்து வெளியேறி ஓ.பன்னீர் செல்வத்துக்கு ஆதரவு தெரிவித்துள்ளார். ஓ.பன்னீர்செல்வத்துக்கு ஆதரவு அளிப்பது தொடர்பாக அவர் நமது செய்தியாளரிடம் கூறும்போது, "கட்சியும், ஆட்சியும் காப்பாற்றப்பட வேண்டும். ஒரு குடும்பத்தினரின் கையில் புரட்சித்தலைவி அம்மா ஏற்படுத்திய ஆட்சி சென்று விடக்கூடாது என்பதால், ஓ.பி.எஸ்ஸை ஆதரிக்க முன்வந்தேன்" என்று தெரிவித்தார்.

ஓ.பன்னீர்செல்வத்துக்கு ஏற்கெனவே 11 எம்.பிக்கள் மற்றும் 7 எம்.எல்.ஏக்கள் ஆதரவு தெரிவித்துள்ள நிலையில், தற்போது மேலும் ஒரு எம்.எல்.ஏ ஆதரவு அளித்திருப்பதுடன், வேறு சிலரும் ஓ.பி.எஸ். பக்கம் செல்லக்கூடும் என்பதால். சசிகலா தரப்பு மிகுந்த கலக்கத்தில் உள்ளது.

எம்.எல்.ஏ-வின் உறவினர் மரணத்துக்கு கூட நோ லீவ்..! இது சசிகலாவின் கெடுபிடி..!

திருவண்ணாமலை வடக்கு மாவட்டச் செயலாளரும், செய்யாறு தொகுதி அ.தி.மு.க., எம்.எல்.ஏ-வுமான துசி.கே.மோகன் அவர்களின் மாமா குப்புசாமி, நேற்று காலை இயற்கை எய்தினார். அவரது இறுதிச் சடங்கில் பங்கேற்க மருமகனான மோகனுக்கு தகவல் அனுப்ப வீட்டில் உள்ளவர்கள் முயற்சித்தனர். ஆனால், அ.தி.மு.க., எம்.எல்.ஏ-க்கள் அனைவரும் தங்கவைக்கப்பட்டிருக்கும் 'கோல்டன் பே' ரிசார்டில் ஜாமர்கள் பொருத்தப்பட்டிருப்பதால்,எம்.எல்.ஏ., மோகனை தொடர்புகொள்வதில் குடும்பத்தினருக்கு சிக்கல் இருந்தது.





பின், ஒருவழியாக தகவல் அனுப்பப்பட்டு, மதியம் 3 மணியில் இருப்பதுபோல் சொந்த ஊருக்குப்போனார், எம்.எல்.ஏ., மோகன். அங்கு அவருக்கு 40 நிமிடங்களுக்குமேல் இறுதிமரியாதை செலுத்த அனுமதி தரவில்லை சசிகலா தரப்பினர். இதனால் செம அப்செட்டில் இருக்கிறார்கள். எம்.எல்.ஏ. மோகனும், அவரது உறவுக்காரர்களும்.

கூவத்தூர் ரிசார்ட்டில் நள்ளிரவில் அதிகமான போலீஸார் குவிப்பு

சசிகலா ஆதரவு எம்.எல்.ஏ-க்கள் தங்க வைக்கப்பட்டுள்ள கூவத்தூர் ரிசார்ட்டைச் சுற்றி அதிகமான போலீசார் குவிக்கப்பட்டுள்ளனர். இதனால் கூவத்தூரில் பரபரப்பு ஏற்பட்டுள்ளது. மூன்றாவது முறையாக ரிசார்ட்டுக்கு வந்த சசிகலா நேற்று அங்கேயே தங்கினார். கூவத்துாரில் அசம்பாவிதங்கள் எதுவும் நடக்காமல் இருக்க அதிகமான போலீசார் குவிக்கப்பட்டுள்ளனர். சொத்துக்குவிப்பு வழக்கில் இன்று தீர்ப்பு வெளியாக உள்ள நிலையில் போலீசார் குவிக்கப்பட்டுள்ளது, அப்பகுதி மக்களிடையே பரபரப்பினை ஏற்படுத்தியுள்ளது.

The Supreme Court on Monday cancelled the admission of 634 students who got admission to the MBBS course in various medical colleges in Madhya Pradesh between 2008 and 2012 by illegal means.

Satya Prakash

Tribune News Service

New Delhi, February 13

The Supreme Court on Monday cancelled the admission of 634 students who got admission to the MBBS course in various medical colleges in Madhya Pradesh between 2008 and 2012 by illegal means.

These students had cleared the entrance tests for medical colleges conducted by the Madhya Pradesh Vyavasayik Pareeksha Mandal (Vyapam) or Professional Examination Board.

(Follow The Tribune on Facebook ; and Twitter @thetribunechd )

The order came from a three-judge bench headed by Chief Justice JS Khehar who refused to give any relief to the students in question.

Earlier, a two-judge bench had delivered a split verdict and the matter was referred to a larger bench.

Vyapam had cancelled the 634 admissions.

While Justice Chelameswar allowed them to complete their studies on the condition that they serve in the Army or rural areas for five years without salary, Justice Sapre wanted them to be barred.

It was due to the split verdict that the matter was referred to the CJI to constitute a three-judge bench.

The Vyapam scam has been making headlines as at least 34 people linked to it died mysteriously.

The Opposition Congress accused Chief Minister Shivraj Singh Chouhan and his wife of being involved in the scam.

The Vyapam scam was referred to the CBI in July 2015 on the orders of the top court.

Justice Chelameswar said it would not be prudent to let the students waste the knowledge they had acquired so far. He had also said that the students were not criminals as they were juveniles when the incident happened.

But Justice Sapre had said: “Once the cancellation of the examination results is upheld as being just, legal and proper, then its natural consequence must ensue.”

Vyapam is under probe for the alleged scam in college admission and recruitment scam involving politicians, bureaucrats and businessmen

கணவர் வழியில் சகோதரி பெற்ற வாரிசுரிமைக்கு சகோதரர் சொந்தம் கொண்டாட முடியாது: உச்ச நீதிமன்றம்

By DIN  |   Published on : 13th February 2017 04:18 PM  |  

மணமான சகோதரி புகுந்த வீட்டு சொந்தங்கள் மூலம் பெற்ற வாரிசுரிமைக்கு, அவரது சகோதரர் சொந்தம் கொண்டாட முடியாது என்று உச்ச நீதிமன்றம் தெளிவுபடுத்தியுள்ளது.
உத்தரகண்ட் மாநிலத்தில், லலிதா என்பவரது மாமனார் கடந்த 1940-ஆம் ஆண்டு வீடு ஒன்றை வாடகைக்கு எடுத்து வசித்து வந்தார். அவரது மறைவுக்குப் பின், அவரது வாரிசான லலிதாவின் கணவர் அந்த வீட்டின் வாடகைதாரர் ஆனார்.
சில ஆண்டுகளில் லலிதாவின் கணவரும் இறந்துவிடவே, அந்த வீட்டின் வாடகைதாரர் என்ற உரிமை லலிதாவுக்குக் கிடைத்தது.
இந்தச் நிலையில், லலிதா குடியிருக்கும் வீட்டை காலி செய்து தர உத்தரவிடுமாறு அந்த வீட்டின் உரிமையாளர் நீதிமன்றத்தில் மனு தாக்கல் செய்திருந்தார். இதற்கிடையே லலிதாவும் மரணமடைந்ததைத் தொடர்ந்து, அந்த வீட்டில் வசித்து வந்த லலிதாவின் சகோதரர் துர்கா பிரசாத், வீட்டை காலி செய்ய மறுத்து வந்தார்.
அதையடுத்து, இதுதொடர்பாக உத்தரகண்ட் உயர் நீதிமன்றத்தில் வீட்டு உரிமையாளர் மனு தாக்கல் செய்தார்.
அந்த மனுவை விசாரித்த நீதிமன்றம், லலிதாவுக்கு அடுத்தபடியாக அந்த வீட்டின் வாடகைதாரர் என்ற உரிமையை துர்கா பிரசாத் கோர முடியாது எனக் கூறி, வீட்டை காலி செய்யுமாறு அவருக்கு உத்தரவிட்டது.
அந்த உத்தரவை எதிர்த்து துர்கா பிரசாத் உச்ச நீதிமன்றத்தில் மனு தாக்கல் செய்தார்.
இந்த மனுவை விசாரணைக்கு எடுத்துக்கொண்ட நீதிபதிகள் தீபக் மிஸ்ரா மற்றும் ஆர். பானுமதி அடங்கிய அமர்வு, தீர்ப்பில் கூறியதாவது:
ஹிந்து வாரிசுரிமைச் சட்டத்தின் பிரிவு 15-இல், கணவர் மற்றும் மாமனார் மூலம் ஒரு பெண்ணுக்குக் கிடைத்த வாரிசுரிமை, அந்தப் பெண்ணின் கணவர் அல்லது மாமனாரின் சட்டப்பூர்வ வாரிசுகளுக்கு மட்டுமே சேர வேண்டும்.
எனினும், இந்த வழக்கில் மனுதாரர் (துர்கா பிரசாத்) சம்பந்தப்பட்ட பெண்ணின் (லலிதா) சகோதரர் என்பதால், குறிப்பிட்ட வீட்டின் வாடகைததாரர் என்ற உரிமையை அவரால் பெற முடியாது.
அந்த வீட்டில் தனது சகோதரியுடன் மனுதாரர் வசித்து வந்ததால் தனக்கு வாடகைதாரர் என்ற உரிமையைத் தரவேண்டும் என்று மனுதாரர் கோரியிருப்பதையும் ஏற்க முடியாது. மணமான சகோதரியுடன் ஒருவர் வசிக்க வேண்டிய அவசியமில்லை என்று தங்களது தீர்ப்பில் நீதிபதிகள் குறிப்பிட்டுள்ளனர்.

விஸ்வரூபம் எடுக்கும் சென்னை பல்கலை. விவகாரம்: ஒரே ஒருவரின் ஒப்புதலில் ரூ. 5 கோடி விடுவிப்பு

சென்னைப் பல்கலைக்கழகத்தில் உரிய அனுமதியின்றி, விதிகளை மீறி ஆராய்ச்சி நிதி ரூ.5 கோடி வேறு பணிக்கு விடுவிக்கப்பட்ட பிரச்னை இப்போது விஸ்வரூபம் எடுத்துள்ளது.

துணைவேந்தராக இருந்த தாண்டவனின் பதவிக் காலம் 2016-ஆம் ஆண்டு ஜனவரி 17-இல் முடிவுக்கு வந்தது. அதன் பிறகு, அப்போதைய உயர்கல்வித் துறை செயலர் அபூர்வா தலைமையில், அப்போதைய கல்லூரி கல்வி இயக்குநர் சேகர், பேராசிரியர் தங்கம் மேனன் ஆகிய 3 பேர் கொண்ட ஒருங்கிணைப்புக் குழு அமைக்கப்பட்டது.
ரூ.5 கோடி விடுவிப்பு எதற்கு?
இந்த நிலையில், நானோ தொழில்நுட்பத் துறைக்கு மத்திய மனிதவள மேம்பாட்டுத் துறை சார்பில் அளிக்கப்பட்ட ஆராய்ச்சி நிதியிலிருந்து ரூ. 5 கோடி நிதி கட்டட ஒப்பந்ததாரர் ஒருவருக்கு விடுவிக்கப்பட்டது.
இந்த விவகாரம் சில நாள்கள் கழித்தே தெரியவந்த நிலையில், நிதியை விடுவிப்பது விதிகளை மீறியது மட்டுமின்றி உரிய ஒப்புதலும் பெறவில்லை என்று ஆட்சிக் குழு உறுப்பினர்களும், பேராசிரியர்களும் கடும் எதிர்ப்பு தெரிவித்தனர்
இதுதொடர்பாக உரிய நடவடிக்கை எடுக்க வேண்டும் என ஆளுநரிடம் பல்கலைக்கழகப் பேராசிரியர் பேரவை சார்பில் புகார் மனுவும் அளிக்கப்பட்டுள்ளது. இதைத் தொடர்ந்து, பேராசிரியர்களுக்கு மின்னஞ்சலில் பதிவாளர் டேவிட் ஜவஹர் கடிதம் ஒன்றை அனுப்பினார்.
அதில், "ஆராய்ச்சி நிதி ரூ. 5 கோடி விடுவிக்க 2014 ஜூலை 25, 2014 டிசம்பர் 22 ஆகிய தேதிகளில் நடைபெற்ற ஆட்சிக் குழுவில் ஒப்புதல் அளிக்கப்பட்டுள்ளது.
மேலும், இந்த நிதியை விடுவிக்க பல்கலைக்கழகத்தை நிர்வகிக்கும் ஒருங்கிணைப்புக் குழுவில் இருவர் ஒப்புதல் அளித்துள்ளனர்' என அவர் விளக்கம் அளித்துள்ளார்.
ஆனால், பதிவாளர் தெரிவித்திருக்கும் தகவல் பொய்யானவை என பேராசிரியர்கள் தெரிவிக்கின்றனர்.
ஒப்புதல் பெறாமலேயே
விடுவிப்பு- பேராசிரியர்கள் புகார்
இதுகுறித்து அவர்கள் கூறியதாவது: ஆராய்ச்சிக்கென ஒதுக்கப்பட்ட நிதியை, வேறு திட்டங்களுக்கு பயன்படுத்தக்கூடாது.
நானோ தொழில்நுட்பத் துறை சம்மதம் தெரிவிக்காத நிலையில், இவ்வளவு பெரியத் தொகையை விடுவிக்க ஆட்சிக் குழு ஒப்புதல் பெற வேண்டும். 2014-ஆம் ஆண்டு நடைபெற்ற ஆட்சிக் குழுவில் பெறப்பட்ட ஒப்புதலை வைத்துக்கொண்டு, 2016-இல் நிதியை விடுவிக்க முடியாது. மீண்டும் ஆட்சிக் குழுவில் வைத்து ஒப்புதல் பெறப்பட்டு, கட்டடக் குழுவின் ஒப்பதலும் பெறவேண்டும். இந்த நடைமுறைகள் பின்பற்றப்படவில்லை.
அதுமட்டுமின்றி, துணைவேந்தர் இல்லாமல் 3 பேர் ஒருங்கிணைப்புக் குழு பல்கலைக்கழகத்தை நிர்வகித்து வரும்போது, நிதியை விடுவிக்க இந்த 3 பேரின் ஒப்புதலும் பெறப்படவேண்டும்.
இந்த ரூ. 5 கோடி நிதியை விடுவிக்குமாறு 3.2.2016-இல் பல்கலைக்கழகத்தின் உதவிப் பதிவாளருக்கு (நிதி-3) உத்தரவுக் கடிதம் அனுப்பப்பட்டுள்ளது. அதில் ஒருங்கிணைப்புக் குழுவில் இடம்பெற்றிருக்கும் 3 பேரின் அலுவலக முத்திரை (சீல்) வைக்கப்பட்டுள்ளபோதும், ஒருங்கிணைப்பாளரான உயர் கல்வித் துறை செயலர் ஆபூர்வா மட்டுமே அவருடைய முத்திரைக்கு மேல் கையெழுத்திட்டுள்ளார்.
மற்ற உறுப்பினர்களான சேகர், தங்கம் மேனன் இருவரும் 3-2-2016 அன்றைய தேதியில் கையெழுத்திடவில்லை.
எனவே, இது முழுக்க முழுக்க பல்கலைக்கழக விதிகளுக்கும், நடைமுறைகளுக்கும் எதிரானது என்றனர்.
உரிய நடவடிக்கை தேவை
"ஒருங்கிணைப்புக் குழு உறுப்பினர் தங்கம் மேனன் எதிர்ப்பு தெரிவித்தே கையெழுத்திட மறுத்துவிட்டார். மேலும், பதிவாளர் அனுமதியளித்த உடனேயே பணம் விடுவிக்கப்பட்டுவிடும். எனவே, இதற்கு உறுப்பினர் சேகரும் ஒப்புதல் அளித்திருக்கிறார் என கூறப்படுவது பொய்யானத் தகவல். அது உண்மை என்றால், பிரச்னை எழுப்பப்படுவதன் காரணமாக பணம் விடுவிக்கப்பட்ட பின்னரே, அவரிடம் (சேகரிடம்) கையெழுத்து வாங்கப்பட்டிருக்கும். இதுதொடர்பாக ஆளுநர் உரிய நடவடிக்கை எடுக்க வேண்டும்' என்றும் பேராசிரியர்கள் தெரிவித்தனர்.
வழக்கமான நடைமுறைதான்- பதிவாளர்
இதுகுறித்து பதிவாளர் டேவிட் ஜவஹர் கூறியது:
நிதியை விடுவிக்க, அப்போது ஒருங்கிணைப்புக் குழு ஒருங்கிணைப்பாளராக இருந்த அபூர்வா மட்டும் கையெழுத்திட்டு, அதற்கு நானும் ஒப்புதல் அளித்தது 3-2-2016 அன்றுதான். ஆனால், அந்தத் தொகைக்கான காசோலை விடுவிக்கப்பட்டது. 10-2-2016-ம் அதற்கு முன்னதாக உறுப்பினர் சேகரின் ஒப்புதல் பெறப்பட்டுவிட்டது. மற்றொரு உறுப்பினரின் ஒப்புதல்தான் பெறமுடியவில்லை.
இது புதிய நடைமுறையல்ல. பல ஆண்டுகளாக நடைபெற்று வரும் நடைமுறைதான்.
ஒரு துறையினுடைய பணத்தை, வேறு பணிகளுக்குப் பயன்படுத்துவதும், அவசரத் தேவையின் அடிப்படையில் ஒருங்கிணைப்புக் குழு உறுப்பினர் ஒரு சிலரின் ஒப்புதல் இல்லாமல் திட்டத்துக்கு அனுமதியளிப்பதும் வழக்கமாக நடப்பதுதான். பேராசிரியர்கள், ஊழியர்களுக்கான ஊதியம்கூட, இதுபோல துறைகளுக்கு அளிக்கப்படும் ஆராய்ச்சி நிதி, திட்ட நிதிகளிலிருந்துதான் வழங்கப்படுகிறது.
எனவே, இது முறைகேடு அல்ல. இனி வேறு பணிகளுக்குப் பயன்படுத்துவதைத் தடுப்பதற்கான ஆக்கப்பூர்வமான நடவடிக்கைகள் குறித்துதான் யோசிக்க வேண்டும் என்றார் அவர்.

விசாரணை தேவை

சென்னை பல்கலைக்கழகத்தில் நடைபெற்றுள்ள முறைகேடு குறித்து ஆளுநர் விசாரணைக்கு உத்தரவிட வேண்டும் என்று பாமக நிறுவனர் ராமதாஸ் வலியுறுத்தியுள்ளார்.
இதுதொடர்பாக அவர் வெளியிட்ட அறிக்கை:
துணைவேந்தர் தாண்டவன் ஓய்வு பெற்ற பிறகு நானோ தொழில்நுட்பத் துறைக்கு ஒதுக்கப்பட்டிருந்த நிதியிலிருந்து ரூ.5 கோடி முறைகேடாக எடுக்கப்பட்டு வேறு துறைகளின் கட்டுமானப் பணிகளுக்கு பயன்படுத்தப்பட்டுள்ளன. இது தொடர்பாக பேராசிரியர்கள் புகார் எழுப்பியுள்ளனர்.
இதுகுறித்து விசாரணை நடத்தி அடுத்தகட்ட நடவடிக்கைகள் குறித்து முடிவெடுக்க துணைவேந்தர் இல்லை. இந்தப் பிரச்னையில் ஆளுநர் வித்யாசாகர் ராவ் தலையிட்டு, நிதிமுறைகேடுகள் குறித்து விசாரணை நடத்த உத்தரவிட வேண்டும். மேலும் புதிய துணைவேந்தரை இந்த மாத இறுதிக்குள் நியமிக்க வேண்டும் என்று கூறியுள்ளார்.

குழந்தைகள் உணர்வை மதிப்போம்!

By கே.ஜி. ராஜேந்திரபாபு  |   Published on : 13th February 2017 10:59 AM  |   

பூக்களைக் கிள்ளாதீர், அது குழந்தையின் தலையைத் துண்டிப்பதுபோல்' என்று புகன்றார் ஜார்ஜ் பெர்னாட்ஷா.
குழந்தைகள் பூக்களைப் போன்றவர்கள். அன்பு - ஆரோக்கியம் என்ற பெயரில் இந்தக் குழந்தைகள் படும் அவதியைப் பார்த்தால் நமக்கு அழுகையே வந்து
விடும்.
உதாரணமாக, குழந்தைக்குச் சோறூட்டும் காட்சி. பல நேரங்களில் குழந்தை அதன் பசிக்குச் சோறுண்ணுவதில்லை. அம்மாவின் ஆசைக்காகத்தான் உண்ணுகிறது. குழந்தைக்குப் பசிக்கிறதோ இல்லையோ, சோற்றை அதன் வாயில் வற்புறுத்தித் திணிக்கிறார் தாய்.
குழந்தை அழும். "பிரம்பு எடுக்கவா' என்று அச்சுறுத்திக் கொண்டே அழ அழ சோறூட்டுவாள் தாய். காணச் சகிக்காது. "சாப்பிடுடா எதிர்வீட்டுப் பையன் உன்வயசு தானே எப்படி இருக்கிறான். நீயும் இருக்கிறீயே புடலங்காய் மாதிரி எலும்பும் தோலுமா' என்று அர்ச்சனை செய்வாள். புடலங்காய் மாதிரி இருப்பதென்றால் என்னவென்று இரண்டு வயது மூன்று வயது குழந்தைக்குத் தெரியுமா?
ஆனாலும், இப்படி ஒப்பிடுவாள் தாய். குழந்தை நன்றாகச் சாப்பிடும் அன்று பூரிப்படையும் தாய், சாப்பிடாத அன்று செய்கின்ற அமர்க்களத்தில் குழந்தை படும் அவதியைப் பார்த்தால் நமக்குப் பரிதாபமாக இருக்கும்.
பல நேரங்களில் அக்கம்பக்கத்தில் இருப்பவர்களோ, உறவினர்களோ குழந்தையைத் தூக்கி வைத்துக் கொண்டு "அழகாக இருக்கிறது' என்று சொல்லிக் கொண்டே அக்குழந்தையின் கன்னத்தைக் கிள்ளுவார்கள்.
இவர்கள் ஆசைக்குக் கிள்ளுவார்கள். ஆனால், அதுபடும் அவஸ்தை. அய்யோ பாவம், வலியைச் சொல்லவும் தெரியாமல் வீறிட்டழும். அழுகை நின்றவுடன் மீண்டும் யாராவது கொஞ்சலாகக் கிள்ளுவார்கள். மறுபடியும் அழும்.
எதிர்த்து எதையும் செய்ய முடியாத குழந்தை தூக்கிவைத்திருப்பவர் மீது சிறுநீர் கழித்துவிடும். ஒருவேளை அதுதான் அக்குழந்தை காட்டும் எதிர்ப்போ என்று கற்பனை செய்து கொள்ளலாம்.
இரண்டு மூன்று வயதுள்ள குழந்தைகளின் விரல்களுக்குப் பென்சிலையோ - பலப்பத்தையோ - சாக்பீசையோ பிடித்து எழுதும் பலம் இருக்குமா? ஆனால், பெற்றோர்கள் அவன் ஏ, பி, சி, டி எழுதவேண்டும் என்று ஆசைப்படுவார்கள்.
"அ, ஆ, இ, ஈ' எழுத வேண்டும் என்று விரும்பமாட்டார்கள். ஏ, பி, சி, டிதான் எழுத வேண்டும் என்பார்கள். அக்குழந்தை எழுத முடியாமல் விழித்தால் எதிர்வீட்டுப் பையன் "எல்' வரை எழுதுகிறான். இவன் "சி'யைக்கூடத் தாண்டமாட்டேன் என்கிறானே என்று குறைபட்டுக் கொள்வார்கள்.
நன்றாக ஓடியாடி விளையாட வேண்டிய குழந்தையை - சுதந்திரமாக இருக்க வேண்டிய குழந்தையை இப்படி முடக்குகிறோமே என்று கருதமாட்டார்கள்.
மூன்று வயது குழந்தை வீட்டிலே போட்டுக் கொள்ள அவனுக்குப் பிடித்த ஆடையை அவனே பீரோவிலிருந்து கொண்டு வருவான். போட்டுக் கொள்ளட்டும் என்று விடவேண்டியதுதானே. "டேய் அது நல்லா இல்லடா' என்று அவன் கையில் இருந்து தாய் பிடுங்கிவிடுவாள். அவன் அலறி அழுவான். ஒரே போராட்டமாக இருக்கும். அந்த ஆடைதான் வேண்டுமென அடம்பிடிப்பான். தேவையில்லாத இந்த இழுபறி போராட்டம் தேவையா?
பெரியவர்களுக்குப் பிடித்த ஆடையைத் தான் அணிவிப்பார்கள். அது அழகாகத்தான் இருக்கும். ஆனால், அக் குழந்தை மகிழ்ச்சியை இழந்துவிட்டு அன்று பூராவும் சோகமாக இருக்கும்.
"முகத்தை ஏண்டா உம்முன்னு வெச்சிக்கிணு இருக்கே. சந்தோஷமா இருடா' என்ற அறிவுரை வேறு. மகிழ்ச்சி என்பது அவனுள் இருந்து வருவதல்லவா?
ஒரு குடும்பம் கோயிலுக்கருகில் காரைவிட்டு இறங்கியது. அவர்களின் குழந்தை விறுவிறுவென ஓடிப்போய் ஒரு கடையில் இருந்த கார் பொம்மையை எடுத்து வைத்துக் கொண்டது.
வாங்கும் வசதி படைத்த அந்தத் தாய் அப்புறம் வாங்கிக்கலாம் என்று சொல்லிக்கொண்டே குழந்தையின் கையிலிருந்த கார் பொம்மையை வெடுக்கெனப் பறித்து வைத்து விட்டாள். அக்குழந்தை அழுதுகொண்டே சென்றது.
குழந்தையின் கையிலிருந்து ஒரு பொருளை வெடுக்கெனப் பிடுங்குவதுகூட அந்தக் குழந்தையை அவமானப் படுத்துகிற மாதிரிதான். பறிக்காமல் பக்குவமாய் வாங்கி வைக்க வேண்டும். அப்போதுதான் பிறர் கையிலிருந்து எந்தப் பொருளையும் குழந்தையும் பறிக்காது.
குழந்தைகள் விருப்பத்திற்கேற்ப பெற்றோர் நடக்க வேண்டுமென சொல்லவில்லை. தன்னுடைய விருப்பத்தையும் - சுதந்திரத்தையும் பெற்றோர் மதிக்கிறார்கள் என்ற உணர்வை குழந்தை பெறுமாறு பெற்றோரின் அணுகுமுறை அமைய வேண்டும்.
விருப்பம், சுதந்திரம் என்பன போன்ற பெரிய பெரிய வார்த்தைகளைக் குழந்தையறியாது. ஆனால் அவற்றை உணரும். குழந்தைகள் உணர்வுகளை பெரியவர்கள் மதிக்கும்போதுதான் - பிறரின் உணர்வை மதிக்க வேண்டும் என்ற உணர்வை குழந்தை பெறும். மதிக்கப்படும்போது குழந்தையின் முகத்தில் தோன்றும் மகிழ்ச்சி! அது அலாதியானது; அழகானது.

ஓ.பன்னீர்செல்வம் - சசிகலா இருவரின் கார் என்ன... எவ்வளவு விலை வித்தியாசம் தெரியுமா? #OPSvsSasikala #VikatanExclusive

இப்போதைக்கு ஓபிஎஸ்-ஸும், விகேஎஸ்-ஸும்தான் (அதாங்க.. வி.கே. சசிகலா) ட்ரெண்ட்! இந்த நேரத்தில் ரஜினியின் ‘எந்திரன் 2.0’ படம் டீஸர் ரிலீஸானால்கூட நெட்டில் வைரல் ஆகாதுபோல!





சிரித்துக் கொண்டே இருக்கிறார்; பத்திரிகையாளர்களைச் சந்திக்கிறார்; எளிமையாக இருக்கிறார் என்று முதல்வர் ஓ. பன்னீர் செல்வத்தைப் பற்றி பாஸிட்டிவ் கமென்ட்கள் வருவதுபோல், கார் விஷயத்திலும் எளிமையாகவே இருக்கிறார் ஓபிஎஸ். சாதாரண கவுன்சிலர்களெல்லாம் படா படா ஃபார்ச்சூனர், எண்டேவர் கார்களில் வரும்போது, இனோவா கிரிஸ்டாவைப் பயன்படுத்துகிறார் ஓ. பன்னீர் செல்வம்.

இந்த இனோவா, ஓ.பன்னீர் செல்வம் நிதியமைச்சராக இருந்தபோது வாங்கியது. ஜெயலலிதா ஆவடிக்கு வருகிறார் என்றால், அடையாறில் இருந்தே கான்வாய் கார்கள் ஊர்வலமாக வர ஆரம்பித்துவிடும். ஓ. பன்னீர் செல்வத்தின் இனோவாவைச் சுற்றி, சொற்பமான கார்கள் மட்டுமே கான்வாயாக வர, ஆளுநரைச் சந்தித்து விட்டு வந்தார்.





அ.தி.மு.க. பொதுச் செயலாளர் சசிகலா, இதற்கு நேர்மாறு; தாறுமாறு! ஜெயலலிதா போலவே கைகூப்பி, ஜெ. போலவே சேலை உடுத்தி, ஜெ.போலவே கையசைத்து என்று முழுசாக ஜெயலலிதாவாகவே மாறிவிட்ட சசிகலாவின் நடவடிக்கைகள் நாமறிந்ததே! ஜெ. இறந்த பிறகு போயஸ் கார்டனில் ஆஃப் ஆகிக் கிடந்த அவரின் டொயோட்டா லேண்ட் க்ரூஸர் பிரேடோ கார், இப்போது மீண்டும் உயிர்த்தெழுந்து ‘வ்வ்ர்ர்ரூம்’ என மெரீனா பீச் போகிறது; ஆளுநரைச் சந்தித்துவிட்டு வருகிறது; மன்னார்குடி செல்கிறது.

7 சீட்டர் காரான இதில், தனது தோழி உயிருடன் இருந்தபோது பின் பக்க சீட்டில் பவ்யமாக அமர்ந்து வந்த சசிகலா, இப்போது ஜெயலலிதா அமர்ந்த அதே முன் சீட்டில், மக்களுக்கு... ஸாரி.. தொண்டர்களுக்கு... ஸாரி... அமைச்சர்களுக்குக் கைகாட்டியபடி முழு சந்திரமுகியாகவே மாறிவிட்டார். ஜெ.வின் பொதுச் செயலாளர் பதவி, முதல்வர் பதவி, போயஸ் கார்டன், கொடநாடு என்று எல்லாம் தனக்குத்தான் என்று இருக்கும் சசிகலா வசம்தான்... ஜெ.வின் பிரேடோ காரும்!

இரவு 7.30 மணிக்கு ஜெ.வின் அதே லேண்ட்க்ரூஸர் பிரேடோவில் ஆளுநரைச் சந்தித்துவிட்டுத் திரும்பியிருக்கிறார் சசிகலா. இனிமேல் பொதுப் பிரச்சாரங்கள் மற்றும் கட்சிப் பணிகளுக்கும் (!?) இதே பிராடோதான் பலிகடா! சரி; இந்த காரின் சிறப்பம்சங்களைப் பற்றி ஒரு சின்ன ட்ரெய்லர்!

* கம்பீரம்தான் இந்த லேண்ட்க்ரூஸர் பிரேடோ காரின் ப்ளஸ். சண்டைக்குத் தயாராகும் WWF வீரனைப்போல் புஜபல பராக்கிரமசாலி போலவே இருக்கும் இந்த டிஸைன் ஜெயலலிதாவுக்கு ரொம்பவும் பிடித்துப்போய் விட்டதாம். ‘கொழுக் மொழுக்’ டிஸைனில் இருக்கும் செடான் கார்களைவிட, ரஃப் அண்ட் டஃப்பான எஸ்யூவிக்கள்தான் ஜெ.வின் ஃபேவரைட். அவரின் கம்பீரமான தோற்றத்துக்காகவே இந்த கம்பீரமான கார் செலெக்ட் செய்யப்பட்டதாம்.







* இதன் கட்டுமானம், நிச்சயம் வேறு எந்த கார்களிலும் இல்லாதது. ஹோட்டல்களில் உயர்தர சைவம்/அசைவம் எப்படியோ, அதேபோல் இதில் பயன்படுத்தப்பட்டிருப்பது அனைத்தும் உயர்தர உலோகம். ஹம்மர் போன்ற கார்களில் இருப்பதுபோன்ற கட்டுறுதியான லேடர் சேஸி ப்ளாட்ஃபார்மில் தயாரிக்கப்பட்டிருக்கிறது பிராடோ. கிட்டத்தட்ட 2990 கிலோ (கிராஸ்) எடை கொண்ட இதை வைத்து, லாரியையே நெட்டித் தள்ளும் அளவுக்கு இதன் பில்டு குவாலிட்டி அத்தனை ஸ்ட்ராங்.

* ஏற்கெனவே இந்த காரில் மிக்ஸி, கிரைண்டர் தவிர அத்தனை வசதிகளும் உண்டு. இது முதல்வரின் கார் என்பதால், எக்ஸ்ட்ராவாக புல்லட் புரூஃப் கண்ணாடியும் பாடி பேனலும் பொருத்தப்பட்டு பீரங்கிபோல் வடிவமைத்திருக்கிறார்கள். மேலும் இந்த காரில் அடிப்படைப் பாதுகாப்பு வசதிகளான ABS, டிராக்ஷன் கன்ட்ரோல் சிஸ்டம், ஹில் ஹோல்டு அசிஸ்ட், (மலை ஏற்றத்தில் கார் கீழே இறங்காமல் அப்படியே நிற்கும்) 7 காற்றுப் பைகள், ESP போன்றவை கொண்ட இது, 4 வீல் டிரைவ் கார். 4 வீல்களுக்கும் பவர் கொப்புளிக்கும் இந்த காரில் மலையேறுவது, சசிகலா அ.தி.மு.க. பொதுச் செயலாளர் ஆவது மாதிரி ரொம்ப ஈஸி.

* 3000 சிசியும், 4 சிலிண்டரும் கொண்ட காரான இதில் 171bhp பவர், 41kgm டார்க், 5 ஸ்பீடு ஆட்டோமேட்டிக் கியர்பாக்ஸ் இருக்கிறது. இதன் கிரவுண்ட் கிளியரன்ஸ், (காரின் அடிப்பாகத்துக்கும் தரைக்கும் உண்டான இடைவெளி) 220 மிமீ. மேடு பள்ளங்கள், ஸ்பீடு பிரேக்கர்களில் கார் தட்டுவதெல்லாம்... சான்ஸே இல்லை!

* எஸ்யூவிக்கள் உயரமாக இருக்கும் என்பதால், ஏறி இறங்க வசதியாக காரின் பக்கவாட்டில் ஃபுட் கிளாடிங் இருக்கும். இது முன்னாள் முதலமைச்சர் காராச்சே! பல பவுன்சர்கள் ஏறி நின்றாலும் தாங்கும் வண்ணம் ரயிலில் இருப்பதுபோல் ஸ்ட்ராங்கான ஃபுட் கிளாடிங் இதில் இருக்கிறது. இதில் பாதுகாப்புப் படையினர் துப்பாக்கி ஏந்தி நின்று கொண்டே பயணிக்கும் வண்ணம் அகலமாக வடிவமைக்கப்பட்டிருக்கிறது இந்த ஃபுட் கிளாடிங்ஸ்.

* இந்த காரின் டீசல் டேங்க் கொள்ளளவு 87 லிட்டர் . இதன் மைலேஜ், லிட்டருக்கு கிட்டத்தட்ட 3.5 முதல் 4 கி.மீதான்.

* வாயை மூடிக் கேட்கவும். இந்த காரின் ஆன்ரோடு விலை 1.25 கோடி ரூபாய். பாதுகாப்புச் செலவுகளுக்காக கூடுதலாக ஜஸ்ட் 1 கோடி ஆகியிருக்கும். ஆக மொத்தம் தோராயமாக ரெண்டே கால் கோடியைத் தொட்டிருக்கும். சரி... இந்நேரம் ஓ. பன்னீர்செல்வத்தின் இனோவா கிரிஸ்டா விலையை கூகுள் பண்ணியிருப்பீர்கள். 27 லட்சம்!

ரிசார்ட்டுக்குள் விரைந்து சென்றது ஆம்புலன்ஸ்.. அதிகரிக்கும் பதற்றம்!

கூவத்தூரில் அதிமுக எம்எல்ஏக்கள் தங்க வைக்கப்பட்டுள்ள ரிசார்ட்டுக்கு ஆம்புலன்ஸ் வாகனம் அதிவேகமாக சென்றது. ஆம்புலன்ஸ் வருவதற்கு, 20 நிமிடங்களுக்கு முன்பாக மருத்துவக் குழுவும் சென்றது. ரிசார்ட் உள்ளே செல்ல செய்தியாளர்கள் மற்றும் பொதுமக்கள் அனுமதி மறுக்கப்பட்டு வருகிறது.

அதிமுக பொதுச்செயலாளர் சசிகலா இரண்டு முறை எம்.எல்.ஏக்களை சந்தித்துப் பேசினார். அவர்கள் சுதந்திரமாக உள்ளார்கள் என்றும் தெரிவித்தார். ஆனால் அவர்கள் சிறைவைக்கப்பட்டுள்ளதாக பரவலாக குற்றச்சாட்டு எழுந்துள்ளது.

இந்நிலையில் அங்கு ஆம்புலன்ஸ் மற்றும் மருத்துவக் குழு சென்றிருப்பது பெரும் பரபரப்பை ஏற்படுத்தியுள்ளது. அங்குள்ள எம்.எல்.ஏக்களின் உண்மை நிலை குறித்தும் கேள்வி எழுந்துள்ளது.

படம்: ஜெயவேல்

எம்.எல்.ஏ.க்கள் தங்கி இருக்கும் சொகுசு விடுதிக்கு போன் செய்தால், என்ன சொல்கிறார்கள் தெரியுமா?
தமிழக அரசியல் தற்போது மையம் கொண்டிருப்பது கூவத்தூரில்தான். சசிகலா அணியில் உள்ள சட்டமன்ற உறுப்பினர்கள் யாரும் ஓ.பி.எஸ் அணிக்குப் போய்விடக்கூடாது என்பதில் மிக கவனமாக இருக்கிறது சசிகலா குடும்பம். இதற்காக அவர்கள் எடுத்த பல அஸ்திரத்தில் ஒரு அஸ்திரம்தான், எம்.எல்.ஏ-கள் அனைவரையும் ஒரே இடத்தில் கூட்டாக, நினைத்த காரியம் கைகூடும் வரை வைத்திருப்பது.



அ.தி.மு.க சட்டமன்ற உறுப்பினர்கள் அனைவரும் ஒரே இடத்தில் இருக்கணும். அதுவும் கூப்பிட்டதும் ஓடி வரும் தூரத்தில் இருக்கணும். சென்னை சிட்டிக்குள்ளேயும் இருக்கக் கூடாது. அதே சமயம் பத்திரிகையாளர்களும் சுலபமாக எம்.எல்.ஏ-களைப் பார்த்துவிடக் கூடாது. இப்படி ஏகப்பட்ட செக் லிஸ்ட் வைத்து கடைசியில் டிக் அடித்த இடம்தான்.. கூவத்தூரில் உள்ள இந்த 'கோல்டன் பே ரிசார்ட்’. சென்னையில் இருந்து 70 கி.மீ. தொலைவிலும், போயஸ் கார்டனில் இருந்து சரியாக 77.5 கி.மீ தொலைவிலும் உள்ளது.

இந்த 'கோல்டன் பே’ ரிசார்டில் 34 ரூம்கள் இருப்பதாகவும், 'ஸ்பா', 'நீச்சல் குளம்' உள்ளிட்ட அனைத்து வசதிகளும் உள்ளதாகவும், இந்த ரிசார்டின் வலைதளம் தெரிவிக்கிறது. இங்குதான் ஜனநாயகத்தால் தேர்ந்தெடுக்கப்பட்ட அ.தி.மு.க - எம்.எல்.ஏ-கள் கடந்த சில நாட்களாக தங்க வைக்கப்பட்டு இருக்கிறார்கள்.

ஓ.பி.எஸ் மெரினாவில் அமர்ந்த நள்ளிரவே, அனைத்து எம்.எல்.ஏ-களையும் போயஸ் இல்லத்துக்கு அழைத்தவர்கள். 'நீங்க அனைவரும் சின்ன அம்மா. முதல்வாரகும்வரை கூட்டாக இருக்கணும். ஒற்றுமையாக இருக்கணும். சின்னம்மாவுக்கு துரோகம் செய்ய நினைத்தால். அது அம்மாவுக்கு செய்யும் துரோகம்.' என எம்.எல்.ஏ-களுக்கு கிளாஸ் எடுத்துதான் இந்த ரிசார்டிற்கு அனுப்பி இருக்கிறார்கள். முதலில், எம்.எல்.ஏ-வின் உதவியாளர்களுக்கும் தடை போட்டவர்கள். அப்புறம் அவர்களை மட்டும் வைத்துக்கொள்ள அனுமதி தந்திருக்கிறார்கள். இந்த ரிசார்ட்டில் எம்.எல்.ஏ-கள் மட்டும் தங்கி இருக்க... இதன் அருகில் உள்ள சில ரிசார்ட்களில்தான் அமைச்சர்கள் தங்கி இருக்கிறார்கள்.

'கோல்டன் பே' ரிசார்ட்டின் ரூம் வாடகை நாலாயிரம் ரூபாயில் இருந்து ஒன்பதாயிரம் வரையிலும் உள்ளது. முதலில் சென்ற எம்.எல்.ஏ-களுக்கு விலை உயர்ந்த ரூம்கள் கொடுக்கப்பட, அதன்பின் வந்தவர்களுக்கு குறைந்த விலை ரூம்களை கொடுத்திருக்கிறார்கள். இதில் அப்செட் ஆன சில எம்.எல்.ஏ-க்களும், அமைச்சர்களும்தான் அருகில் உள்ள வேறு சில இடங்களில் ரூம் எடுத்திருக்கிறார்கள். மொத்தத்தில் மகாபலிபுரம் கடற்கரையில் இருந்து கூவத்தூர் வரை பல ரிசார்ட்களிலும் தற்போது ரூம் எடுத்து தங்கி இருப்பது இந்த சசி அணியின் கரைவேட்டிகள் தானாம்.



கடந்த 10-ம் தேதி முதலே ஓ.பன்னீர்செல்வத்திற்கு ஆதரவாக சில எம்.எல்.ஏ-கள் கருத்து தெரிவித்து அவருடன் இணைந்தார்கள். இந்த ஆதரவு நாளுக்கு நாள் அதிகாரிக்கலாம் என்று எண்ணியவர்கள். இதைத் தடுக்க சசிகலாவை எம்.எல்.ஏ-கள் மத்தியில் உரையாற்ற வைக்கலாம் என திட்டம்போட்டார்கள். அதற்காக அனைத்து ஏற்பாடுகளும் செய்யப்பட்டது. கடந்த 11-ம் தேதி மதியம் போயஸ் இல்லத்தில் இருந்து கிளம்பி கூவத்தூர் சென்றார் சென்றார் சசிகலா. தொடர்ச்சியாக அடுத்தநாளும் அங்கு சென்றவர், 'நாங்கள் யாரையும் அடைத்து வைக்கவில்லை. அவர்கள் சுதந்திரமாகத்தான் உள்ளார்கள். நீங்களே பாருங்கள்.' என பத்திரிக்கையாளர்கள் முன்னிலையில் உணர்ச்சி பொங்க பேசினார் சசி.

எம்.எல்.ஏ-க்கள் இந்த ரிசார்ட்டில் சுதந்திரமாக உலாவலாம். இதைத் தாண்டி வெளியில் சென்று சுதந்திரமாக சுற்ற முடியுமா என்பதுதான் கேள்வியே. இதற்கு இடையில், 'கோல்டன் பே' ரிசார்ட் நம்பரை பரப்பி... 'இந்த சொகுசு விடுதியின் எண்ணுக்கு தொடர்பு கொண்டு அவரவர் தொகுதி எம்.எல்.ஏ-வின் பெயரைச் சொல்லி, அவருடன் பேச வேண்டும் எனக் கூறி, அவர் தங்கி இருக்கும் அறைக்கு இணைப்பு கொடுக்கச் சொல்லுங்கள். இணைப்பு கிடைத்தவுடன் அவருடன் கனிவுடன் பேசுங்கள். சசிகலா மீது உள்ள கோபத்தைக் காட்ட வேண்டாம். நண்பர்களே...' என வைரலாக்கிவிட்டனர்.



நாமும் இந்த எண்ணைத் தொடர்பு கொண்டோம். மூன்று எம்.எல்.ஏ-கள் பெயர் சொல்லி அவர்கள் தங்கி இருந்த அறைக்கு இணைப்பைக் கொடுக்கச் சொன்னோம். இணைப்பைத் தர மறுத்தவர்கள். "சார், நீங்க எதுவாக இருந்தாலும். அவர்கள் தனிப்பட்ட நம்பரைத் தொடர்பு கொள்ளுங்கள். எங்களுக்கு எம்.எல்.ஏ-கள் பெயர் எல்லாம் தெரியாது. இங்க யார் வர்றா... யார் போறா போன்ற எந்த தகவல்களும் எங்களுக்குத் தெரியாது. இதைக் காண்காணிக்கவே கட்சிக்காரங்க சிலர் இருக்காங்க." என்றார்.

"யார் அவங்க?" என்ற கேள்விக்கும் பதில் சொல்ல மறுத்தவர்களிடம். "சரி, கடைசியாக கரூர் எம்.எல்.ஏ விஜய் பாஸ்கர் தங்கி இருக்கும் அறைக்கு லைனை கொடுங்க' என்றோம். "சார், சில முக்கிய அமைச்சர்களும், அதிகாரிகளும். எங்களுக்கு அருகில் உள்ள வேறு ரிசார்ட்டில் தங்கி இருக்கிறார்கள். அந்த ரிசார்டுக்கு போன் போடுங்க.' என போனை துண்டித்துவிட்டார். அந்த ரிசார்ட்டுக்கு பல முறை போன் செய்தும் யாருமே எடுக்கவில்லை. சரி, விஜய் பாஸ்கர் தனிப்பட்ட எண்ணுக்குக் கூப்பிட்டபோதும் அது 'சுவிட்ச் ஆப்' என்றே வந்தது. ஒட்டுமொத்த எம்.எல்.ஏ-களும் நிலையும் இதுதான்.

மொத்தத்தில் சசிகலாவுக்கு ஆதரவு தரும் எம்.எல்.ஏ-களின் நிலைமைதான்... கடந்த மூன்று நாட்களாக.. தொடர்பு எல்லைக்கு வெளியில் உள்ளது, விரைவில் தொடர்பு எல்லைக்குள் வருவார்களா என்பது அவர்களுக்கே வெளிச்சம்.

'ஆயிரம் பன்னீர்செல்வத்தை பார்த்திருக்கிறேன்'- சசிகலா பரபரப்பு பேச்சு
VIKATAN



தமிழக முதல்வர் ஓ.பன்னீர்செல்வம் தலைமைச் செயலகத்துக்கு வந்துள்ள நிலையில், அ.தி.மு.க பொதுச் செயலாளர் சசிகலா போயஸ் கார்டனில் தொண்டர்கள் மத்தியில் பேசியுள்ளார்.



'நான் நினைத்திருந்தால் எப்போதோ முதலமைச்சர் ஆகி இருக்கலாம். ஆனால், அந்த நினைப்பு ஒரு நொடி கூட எனக்கு எழவில்லை. எம்.ஜி.ஆர் இறந்த போது அவர் இறுதி ஊர்வல வண்டியில் ஏற விடாமல் ஜெயலலிதாவைத் தடுத்து தள்ளிவிட்டபோது, அவர் மிகவும் மன உளைச்சலுக்கு ஆளானார். அரசியலை விட்டே ஜெயலலிதா விலகலாம் என்று நினைத்தார். அதை பலமுறை என்னிடம் ஜெயலலிதா கூறியுள்ளார். நான்தான் அவருக்கு ஊக்கம் கொடுத்து அரசியலில் தொடர வைத்தேன். ஒரு பன்னீர்செல்வம் அல்ல, ஆயிரம் பன்னீர் செல்வத்தை நான் பார்த்திருக்கிறேன். இது ஒன்றும் எனக்கு புதிதல்ல. 33 ஆண்டுகளாக நான் ஜெயலலிதாவுடன் இருந்ததால் பயமே இல்லாமல் போனது. தி.மு.க.வுடன் பன்னீர்செல்வம் மிகவும் இணக்கமாக சென்றது தவறாக தோன்றியது. அந்த காரணத்தினாலேயே நான் முதல்வராக முடிவு செய்தேன்' என்று கூறினார்.



மேலும்,’தொண்டர்கள் இருக்கும்வரை அதிமுகவை எந்த கொம்பனாலும் அசைக்க முடியாது. அதிமுகவை பிரிக்க முடியாது. அன்று முதல் இன்று வரை பல சோதனைகளைக் கடந்துதான் வந்திருக்கிறோம். எதிரிகளை சமாளிக்கும் திறன் நம்மிடம் உள்ளது’ என்று பேசினார்.

படங்கள் : காளிமுத்து

வீட்டுக்கு போனா... என் ரஞ்சிதம் இல்லையே’ - பிரிவுத் துயரில் தோழர் நல்லக்கண்ணு!





இந்திய கம்யூனிஸ் கட்சியின் மூத்த தலைவர் தோழர் நல்லக்கண்ணு. இந்திய அளவில் அரசியல் தளத்தில் இயங்குபவர்களில் நல்லக்கண்ணுவைத் தெரியாதவர்களே இருக்க மாட்டார்கள். மக்களுக்கு எதிரானவற்றிற்கு எதிரான போராட்டங்களில், காத்திரமாகவும் உறுதியாகவும் போராடும் இவர், நட்போடு பழகுவதற்கு இனிமையானவர். கட்சிப் பணிக்காக கன்னியாக்குமரிக்கு வந்திருந்த தோழர் நல்லகண்ணுவைச் சந்தித்தோம். கடந்த சில மாதங்களுக்கு முன்பு இறந்த அவரது மனைவி ரஞ்சிதம் அம்மாளின் பிரிவு அவரை எந்தளவுக்கு உருக்குகிறது என்பதை கண்களைத் தளர்த்தியபடி பகிர்ந்துகொண்டார்.

"என் மனைவிக்கு உடல் சொகமில்லாம போச்சு. ஆஸ்பத்திரியில வெச்சி மருத்துவம் பாத்தோம். ஆனாலும் காப்பாத்த முடியல. மாசங்கள் உருண்டோடுனாலும் அவளோட இழப்பை என்னால ஜீரணிக்க முடியல. போராட்டம், பொதுக்கூட்டம்னு என் உடல் எங்கெங்கயோ அலஞ்சுட்டு இருந்தாலும், மனசு அவளை நினைச்சுட்டேதான் இருக்கு. அந்த வேதனையைச் சுமந்துட்டேதான் திரியுறேன்.

என்னை, என்னைவிட முழுசா புரிஞ்சிகிட்டவ என் மனைவி. என் வாழ்க்கையில எல்லா வகையிலும் அவளோட பங்களிப்பு இருந்துச்சு. அவ அப்பாவும் கம்யூனிஸ்ட் கட்சிகாரர்தான். அதனால என்னை ஏத்துக்கிறது அவளுக்கு சுலபமா இருந்திச்சி. டீச்சரா வேலை பாத்தா. காசி பாரதி, ஆண்டாள்னு எங்களோட ரெண்டு பொம்பளப் புள்ளைகள வளர்த்து படிக்க வெச்சது, ஆளாக்குனது அவங்களோட எல்லா தேவைகளையும் என்னை எதிர்பார்க்காம அவளே செஞ்சிருவா.

அரசியல் வாழ்க்கை, போராட்டம், காசு பணம் சேர்க்கத் துடிக்காத மனசுனு என் போக்குக்கு என்னை விட்டவ என் மனைவி. கட்சி வேலைகள்ல திரிஞ்சிட்டு வீட்டுக்குப் போகும்போது, கூடடைஞ்ச திருப்தி கிடைக்குற விதமா அந்த வீட்டை எனக்கானதா வெச்சிருப்பா. இப்போ வீட்டுக்குப் போனா, அவ இல்லாத அந்த வெறுமையும் தனிமையும் ரொம்ப கொல்லுது. தாங்கவே முடியாம வருது. சுத்தி எத்தனையோ பேர் இருந்தாலும், எனக்குனு யாரும் இல்லைங்கிறதை உணரவெச்சிட்டே இருக்கு அவளோட பிரிவு.

எந்த ராத்திரி வீட்டைக் விட்டுக் கிளம்புவேன், எந்த ராத்திரி வீடு திரும்புவேன்னு தெரியாத ஒரு வாழ்க்கை என்னோடது. உண்ணாவிரதம் இருக்கக் கெளம்புனாலும், ஜெயில்ல இருக்க வேண்டி வந்தாலும் ஒரு வார்த்தை வருத்தமாவோ, மறுப்பாவோ சொல்லாம அனுப்பிவைப்பா. என் புள்ளைங்க, 'அப்பா உங்களுக்கு வயசாயிருச்சு... அரசியல் வேலைகளையெல்லாம் கொஞ்சம் குறைச்சுக்கோங்கங்க'னு சொன்னப்போகூட, என் மனைவி அப்படி ஒருநாளும் எங்கிட்ட சொன்னதே கிடையாது. ஏன்னா, கட்சிப் பணிகள் இல்லாம என்னால இருக்க முடியாதுனு அவளுக்குத் தெரியும். ஆனா, 'நான் இல்லாமயும் உங்களால இருக்க முடியாது'ங்கிறதை இப்படிப் பிரிவுல உணர்த்திட்டுப் போயிட்டா.



எங்க கிளம்பினாலும், 'போய் சேந்துட்டீங்களா?'னு ஒரு போன் பண்ணுவா. 'சாப்புட்டீங்களா?'னு கேட்பா. 'எங்க இருக்கீங்க?'னு ஒரு போன் வரும். இப்போ எதுவுமே இல்ல. கண்ண மூடுனா முழுக்க ரஞ்சிதம் நெனப்பாதான் இருக்கு.

முன்னாடி நான் அசைவம் சாப்பிடுவேன். இப்ப அஞ்சு வருசமா சைவம்தான். அவ வைக்கிற மீன் குழம்புல சோத்தை ஒரு பிடி பிடிப்பேன். அவ வைக்கிற ரசம் ரொம்ப நல்லா இருக்கும். எனக்குப் பிடிக்கும்னு அடிக்கடி ராவா லட்டு செய்வா. 'என்னை நீ எதிர்பார்த்து இருக்கக் கூடாது, உனக்கு பசிச்சா சாப்பிடு'னு என் கல்யாணத்தை ஒட்டியே சொல்லிட்டேன். அதனால நாங்க சேர்ந்து சாப்பிடுவதே குறைவுதான். ஆனாலும் நான் சாப்பிடும்போது கூட உட்கார்ந்து பேசிட்டு இருப்பா.

ஒரு சுவாரசியம் என்னனா நான் ஜெயில்ல இருந்து வந்த பிறகுதான் எங்களுக்கு கல்யாணமே நடந்திச்சி. புதுமணத் தம்பதியா நாங்க பேசிக்கிட்ட விஷயங்கள்லாம், என்னோட ஜெயில் அனுபவங்களாதான் இருந்துச்சு. நிறைய கல்யாணத்தை தலைமை தாங்கி நடத்திருக்கேன். அப்போவெல்லாம், 'மனைவியை அதிகாரமா மிரட்டக் கூடாது. அன்பா இருக்கணும், சமமா நடத்தணும்'னு சொல்லித்தான் ஆசிர்வதிப்பேன். என் வாழ்க்கையில ரஞ்சிதத்துக்கு அப்படி ஒரு சமத்துவத்தை நான் கொடுத்தாலும், அவ எனக்காக ரொம்ப விட்டுக்கொடுத்து போயிருக்கா. என்னைத் தேடி வர்றவங்களைப் பத்தி அவளுக்குத் தெரியும். என் மனசு நினைக்கிற மாதிரியே அவங்களை உபசரிப்பா.

ரஞ்சிதம் நிறைய புத்தகங்க படிப்பா, பேப்பர் படிப்பா. ஜெயகாந்தன் சிறுகதைகள் பத்தி பேசுவா. நான் எதையாவது படிக்காம விட்டுட்டாலும், 'இதப் படிக்கலையா நீங்க?'னு கேட்பா. திடீர்னு எதாவது செய்தியைக் காட்டி, 'இதப் பாத்தியளா?'னு கேட்பா. 'இல்லையே...'னு சொன்னா, 'இதக்கூடப் பாக்காம என்ன படிக்கிய?'னு கேட்பா. இப்போவெல்லாம் பேப்பர், புத்தகம் படிக்கும்போது, 'எதையாச்சும் படிக்காம விட்டுட்டா அதை எடுத்துக் காட்ட அவ இல்லையே'னு ரஞ்சிதத்தோட நினைவுகள் நான் படிக்கிற ஒவ்வொரு எழுத்துலயும் பின்னிக்குது.

நான் சம்பாதிச்சுது என்னனு எல்லாருக்கும் தெரியும். வெளியே போகும்போது செலவுக்கு அவகிட்டதான் காசு வாங்கிட்டுப் போவேன். கொஞ்சம் நிலம் இருந்து அதுல அரிசி வரும். மத்தபடி 'அது இல்ல இது இல்ல'னு எதுவும் எங்கிட்ட சொல்லாம, அவளே சமாளிச்சு குடும்பத்தக் கொண்டு போனா. என் பிறந்தநாளுக்கு துணிமணி எடுத்துக் கொடுப்பா. அவளுக்கு, நான் வீட்டுல இருந்தாலே பரிசுதான்னு சொல்லுவா. எப்பவாச்சும் டெல்லிக்குப் போனா அவளுக்கு சேலை எடுத்துட்டு வருவேன். ரொம்ப சந்தோசப்படுவா. வெளிய போயிட்டு நேரடியா வீட்டுக்கு வர்றதா இருந்தா எதாவது பண்டம் வாங்கிட்டு வந்து கொடுப்பேன். எங்க அப்பா, என் கூடப் பொறந்தவங்களுக்கு எல்லாம் அவங்கவங்க பேருல வீட்டை எழுதிவெச்சாரு. என் பங்கு வீட்டை மட்டும் என் மனைவி பேருலதான் எழுதி வெச்சிருக்காரு. பொது வாழ்க்கையில இருக்கேன், வீட்டையும் வித்து செலவு பண்ணிடுவேனோனு பயம் அவருக்கு என்கிறார் நல்லக்கண்ணு. சிறிது நேரம் மெளனமாக இருந்துவிட்டு தொடர்ந்தார்.

ரஞ்சிதம் கிறிஸ்டியன். அதனால பைபிள் கதைகளை அடிக்கடி சொல்லுவா. எல்லார்கிட்டயும் அன்பா இருக்கணும், எல்லாரையும் சமமா நடத்தணும்னு சொல்லுவா. 'நான் செத்துப் போயிட்டேன்னா, நம்ம சொந்த ஊருலதான் அடக்கம் பண்ணனும்னு'னு சொன்னா. அவ ஆசைப்படியே செய்தேன். அவ இறக்குறதுக்கு ஒரு மாசத்துக்கு முன்னாடியே, அவ இனி நாள்கணக்குலதான் என்கூட இருக்கப்போறானு தெரிஞ்சுபோச்சு. அந்த நாட்கள்ல ஆஸ்பத்திரியும் வீடுமாதான் இருந்தேன். அவ இறந்த அன்னைக்கு, என்னுல இருந்து பாதி உசுரு கழண்டுபோன மாதிரி இருந்துச்சு. இப்பக்கூட அப்படியேதான் இருக்கேன்.

வயசான காலத்துல, பொண்டாட்டி போனதுக்கு அப்புறம் புருஷன் இருக்குறது கொடுமையினு சொல்லுவாங்க. இப்பதான் எனக்கும் புரியுது இந்தப் பிரிவு எவ்வளவு துயரமானதுனு. என் மனசு அவளுக்குத் தெரியும்னாலும், 'எனக்கு எல்லாமே நீதான்'ங்கிறதை இருக்கும்போது அவகிட்ட எத்தனை தடவை வார்த்தையில சொல்லியிருக்கேன்னு தெரியல. வருசா வருசம் காதலர் தினக் கொண்டாட்டங்களை செய்தியாதான் பேப்பர்ல படிப்பேன். இந்த வருஷம் படிக்கும்போது, ரஞ்சிதம் முகம்தான் வந்துபோகுது. அவ நெனப்பை என்ன செய்ய?!''

இளமை.நெட்: காதலர் தினத்துக்கு இளையராஜாவின் பரிசு!

சைபர் சிம்மன்

இசைப் பிரியர்களையும், இளையராஜா ரசிகர்களையும் மகிழ்ச்சியில் ஆழ்த்தும் செய்தியாக, இளையராஜா இசைக்கான பிரத்யேகச் செயலி அறிமுகம் ஆகியுள்ளது. 'மேஸ்ட்ரோஸ் மியூசிக்' எனும் இந்தச் செயலி இளையராஜாவின் அதிகாரபூர்வச் செயலி என்பதுதான் இன்னும் விசேஷமானது. இந்தப் பிரத்யேகச் செயலிக்கான அறிவிப்பை இளையராஜாவே தனது ஃபேஸ்புக் பக்கத்தில் பகிர்ந்துகொண்டு ரசிகர்களை மகிழ்ச்சியில் ஆழ்த்தினார்.

காதலர் தினத்துக்கு இதைவிடச் சிறந்த பரிசு வேறு என்ன வேண்டும்..?

இசைஞானி, ராகதேவன், மேஸ்ட்ரோ எனப் பலவாறாகப் போற்றப்படும் இளையராஜாவின் இசை மீது ரசிகர்களுக்கு இருக்கும் அளவில்லா ஈடுபாடு பற்றி அனைவரும் அறிந்ததுதான். ராஜாவின் இசை ஊக்கமளிக்கும் தாலாட்டாக, சோகங்களிலிருந்து ஆறுதல் அளிக்கும் மருந்தாக, உள்ளத்தை உற்சாகத்தில் ஆழ்த்தும் உத்வேக இசையாக எனப் பலவிதங்களில் ரசிகர்களைக் கவர்ந்து வருகிறது. மணிக்கணக்கில் இளையராஜா பாடல்களைக் கேட்டு மெய் மறந்திருக்கும் ரசிகர்கள் அநேகம் பேர்.

யூடியூப் தளத்தில் அதிகம் கேட்டுப் பகிரப்படும் பாடல்களாக இளையராஜா இசையமைத்த பாடல்கள் அமைந்துள்ளன. ‘சவுண்ட் கிளவுட்' உள்ளிட்ட தளங்களிலும் அவரது பாடல்களைக் கேட்டு ரசிக்கலாம். ஸ்மார்ட்போனில் கேட்டு ரசிக்கும் வகையில் இளையராஜா பாடல்களுக்காக என்று பல செயலிகளும் இருக்கின்றன.

இந்நிலையில், இளையராஜா தனது ரசிர்களுக்காக என்று பிரத்யேகச் செயலியை உருவாக்கி அறிமுகம் செய்திருக்கிறார். "என்னுடைய முதல் அதிகாரபூர்வச் செயலிக்கு வரவேற்கிறேன்” என்று திங்கள்கிழமை அன்று தனது ஃபேஸ்புக் பக்கத்தில் இளையராஜா, அறிவித்து ரசிகர்களை இன்ப அதிர்ச்சியில் ஆழ்த்தியிருந்தார். "இனி உலகம் முழுவதும் உள்ள எனது ரசிகர்கள், இசைத்திருட்டு இல்லாமல் எனது இசையை உள்ளங்கையில் அணுகலாம்" என்றும் அவர் குறிப்பிட்டிருந்தார். மேலும் இந்தச் செயலி மூலம் த‌ன்னுடன் தொடர்புகொள்ளலாம் என்றும் இசை உருவாக்கம் பற்றித் தெரிந்துகொள்ளலாம் என்றும் அவர் குறிப்பிட்டிருந்தார்.

இந்த ஃபேஸ்புக் பதிவு வெளியான சில மணி நேரங்களில், ரசிகர்கள் உற்சாகமாகி ஆயிரக்கணக்கில் ‘லைக்' இட்டிருந்தனர். எண்ணற்றவர்கள் இந்தத் தகவலைப் பகிர்ந்துகொள்ளவும் செய்தனர். பல ரசிகர்கள், இது போன்ற ஒரு செயலியைத்தான் எதிர்பார்த்திருந்தோம் என்றும் மகிழ்ச்சியுடன் குறிப்பிட்டிருந்தனர்.

ஆண்ட்ராய்டு மற்றும் ஐபோனுக்கான வடிவங்களில் வெளியாகியுள்ள இந்தச் செயலி தொடர்பானத் தகவல்களை அளிக்கத் தனி இணையதளமும் (http://www.maestrosmusic.net/) உருவாக்கப்பட்டுள்ளது. கூகுள் பிளே ஸ்டோரிலிருந்து ஆண்ட்ராய்டு போனுக்கான செயலியைத் தரவிறக்கம் செய்து பயன்படுத்தலாம்.

இளையராஜா ரசிகர்களுக்கு இசை விருந்தளிக்கும் வகையில் செயலி அமைந்துள்ளது. எளிமையான வடிவமைப்பு கொண்டுள்ள செயலியில் ராஜாவின் இசையைப் பல்வேறு தலைப்புகளின் கீழ் அணுக முடிகிறது. இந்தச் செயலியை முழுமையாகப் பயன்படுத்த இதில் உறுப்பினராகப் பதிவு செய்துகொள்ள வேண்டும். ஃபேஸ்புக் அல்லது கூகுள் கணக்கு மூலம் உள்நுழைந்து உறுப்பினராகலாம். அல்லது மொபைல் எண் மூலம் உறுப்பினராகலாம்.

இளையராஜா இசையில் உருவான தனிப் பாடல்கள், கர்நாடக இசை, பக்தி இசை, நாட்டுப்புற இசை, வாத்திய இசை, காதல், துடிப்பான பாடல்கள், சோகப் பாடல்கள், மேற்கத்திய பாணி மற்றும் மெல்லிசைப் பாடல்கள் ஆகிய தலைப்புகளில் வகைப்படுத்தப்பட்டுள்ளன. இவற்றில் தேவையான பகுதியை கிளிக் செய்து பாடல்களைக் கேட்கலாம். பாடல்களைக் கேட்கவும், தரவிறக்கம் செய்யவும் வசதி இருக்கிறது. பாடல்களை நண்பர்களுடன் பகிரவும் முடியும்.

இவை தவிர, மேஸ்ட்ரோஸ் வழங்குவது, முன்னணியில் உள்ள பாடல்கள், வாரத்தின் சிறந்த பாடல், மாதத்தின் இனிமையான குரல் ஆகிய தலைப்புகளின் கீழும் தேர்வுகள் இருக்கின்றன. செயலி அறிமுகமான இந்த நேரத்தில், மாதத்தின் இனிய குரலாக சின்னக்குயில் சித்ரா ஈர்க்கிறார். வாரத்தின் சிறந்த பாடலாக 'நான் மகான் அல்ல' படத்தின் 'மாலை சூடும் வேளை’ பாடல் அமைந்துள்ளது. மேலும் கமல் விருப்பங்கள், தனுஷ் விருப்பங்கள் உள்ளிட்ட பிரபலமான தேர்வுகளும் பரிந்துரைக்கப்படுகின்றன.

இளையராஜா இசையமைத்த படங்களிலிருந்து எளிதாகப் பாடல்களைத் தேர்வு செய்ய விரும்பும் ரசிகர்கள் கவலைப்படவே வேண்டாம். இதற்காக என்றே ‘நூல‌கம்' பகுதி அமைந்துள்ளது. இந்தப் பகுதியில் அவரது இசையில் உருவான படங்கள் அனைத்தும் அகர வரிசைப்படி வரவேற்கின்றன. விரும்பிய படத்தைத் தேர்வு செய்து அதில் உள்ள பாடல்களைக் கேட்டு மகிழலாம். திரைப்படங்களின் பாடல் ஆல்பத்தின் முகப்புப் படங்கள் திரை நினைவுகளில் மூழ்க வைக்கின்றன.

முகப்புப் பக்கத்தின் மேல் பகுதியிலேயே இளையராஜாவின் இணைய வானொலியையும் கேட்டு ரசிக்கலாம். பாடல்களைக் குறிப்பிட்டுத் தேடும் வசதியும் இருக்கிறது. இதில் விருப்பத் தேர்வுகளைக் கொண்ட பாடல்கள் பட்டியலையும் உருவாக்கிக்கொள்ளலாம்.

தீவிர இளையராஜா ரசிகர்களைப் பரவசத்தில் ஆழ்த்தக்கூடிய வ‌கையில் செயலி வடிவமைக்கப்பட்டுள்ளது. கூகுள் பிளே ஸ்டோரில் செயலி நல்ல வரவேற்பைப் பெற்றிருப்பதுடன், ரசிகர்கள் உற்சாகமான‌ கருத்துக்களையும் தெரிவித்துள்ளனர். பலரும் இந்தச் செயலிக்காக நெகிழ்ச்சியுடன் நன்றி தெரிவித்துள்ளனர்.

செயலியின் வடிவமைப்பு பரவலாகப் பாராட்டப்பட்டாலும், ரசிகர்கள் தங்கள் எதிர்பார்ப்பு தொடர்பான கோரிக்கைகளையும் முன்வைத்து வருகின்றனர். இன்னும் பிரத்யேகமான தேடல் வசதி தேவை என ஒருவர் குறிப்பிட்டுள்ளார். அறிவிக்கை வசதி தேவை என்றும் சிலர் குறிப்பிட்டுள்ளனர். வேற்று மொழிப் பாடல்களையும் எளிதாக அணுகும் வசதி தேவை என்றும் குறிப்பிட்டுள்ளனர். மொத்த‌த்தில் இளையராஜா ரசிகர்களை இந்தச் செயலி உற்சாகத்தில் ஆழ்த்தியிருக்கிறது. இந்தச் செயலியில் புதிய அம்சங்கள் சேர்க்கப்பட்டு மேலும் மெருகேற்றப்படும் என்ற எதிர்பார்ப்பும் ரசிகர்கள் மத்தியில் இருக்கிறது.

மேலும் விவரங்களுக்கு: 
http://www.maestrosmusic.net/
http://bit.ly/2jXHQSi

ஏழு வயதுச் சிறுமியின் மரணமும் நம்மை உலுக்காதா?

சிந்தனைக் களம் » தலையங்கம்

அரியலூர், சிறுகடம்பூரைச் சேர்ந்த பதினாறு வயதுச் சிறுமி நந்தினி சிந்திய ரத்தக் கறை இன்னும் மறையாத நிலையில், அடுத்த அதிர்ச்சிகரமான பாலியல் கொலை ஒன்றைச் சந்தித்திருக்கிறது தமிழகம். சென்னை, மதநந்தபுரத்தைச் சேர்ந்த ஏழு வயதுச் சிறுமி ஹாசினி பாலியல் வன்முறைக்கு உள்ளாக்கப்பட்டுக் கொல்லப்பட்டிருக்கும் சம்பவம், மிகுந்த அதிர்ச்சியையும் வேதனையையும் தருகிறது.

சில நாட்களுக்கு முன்னர், குடியிருப்பில் விளையாடிக் கொண்டிருந்த சிறுமி ஹாசினி காணாமல்போயிருக்கிறார். இதுதொடர்பாக விசாரித்துவந்த போலீஸார், அதே குடியிருப்பில் வசிக்கும் இளைஞர் தஷ்வந்த்தை விசாரித்தபோது, நடந்து முடிந்த கொடூரம் வெளிச்சத்துக்கு வந்திருக்கிறது. அந்தச் சிறுமியைத் தனது வீட்டில் வைத்துப் பாலியல் வன்முறைக்கு ஆளாக்கியதுடன், கொன்று, பின் உடலை தாம்பரம் புறவழிச் சாலையோரம் கொண்டுசென்று பெட்ரோல் ஊற்றி எரித்திருக்கிறார் தஷ்வந்த். அவர் கைதுசெய்யப்பட்டு கொண்டுசெல்லப்பட்டபோது, அப்பகுதி மக்கள் அவரைச் சுற்றி வளைத்துத் தாக்க முயன்றிருப்பது, மக்களிடத்தில் இது தொடர்பில் உள்ள கொந்தளிப்பான மன வேதனையையும் வலியையும் ஆற்றாமையையும் உணர்த்தக் கூடியது. ஆனால், இந்தக் கொந்தளிப்பும் வலியும் கண நேரத்தில் மறந்துவிடக் கூடாதவை. ஒட்டுமொத்தச் சமூகத்திடமும் அவை தீயாகப் பரவ வேண்டும். இந்தியாவில் 2015-ல் மட்டும் குழந்தைகளுக்கு எதிராக நிகழ்ந்த குற்றங்களின் எண்ணிக்கை 94,172. இதில் பாலியல் குற்றங்களின் எண்ணிக்கை 3,350. ஒவ்வொரு ஆண்டும் இந்த எண்ணிக்கை அதிகரித்துவருகிறது.

பொதுவாக, பெண்கள் எதிர்கொள்ளும் பாலியல் வன்கொடுமைகளுக்கு அவர்கள் அணியும் உடை, பழக்கவழக்கம் உள்ளிட்ட உளுத்துப்போன, அர்த்தமற்ற விஷயங்களையே காரணங்களாகச் சுட்டிக்காட்டி, தன்னுடைய குற்றங்களிலிருந்து தப்பித்துக்கொள்ள முற்படும் ஆணாதிக்கச் சிந்தனைச் சமூகம், இந்தத் தருணத்திலேனும் தன்னை ஆத்ம பரிசோதனை செய்துகொள்ள முற்பட வேண்டும். ஏழு வயதுக் குழந்தை கொடூரமாகப் பாலியல் வன்முறைக்கு உள்ளாக்கப்பட்டுக் கொல்லப்படுவதற்கு என்ன பதில் வைத்திருக்கிறோம்?

வயது வித்தியாசமின்றிப் பெண்கள் மீது நிகழ்த்தப்படும் வன்முறைச் சம்பவங்களின் பின்னணியில் இருக்கும் ஆணாதிக்கம், பெண்ணை ஒரு சகஜீவியாகக் கருதாத துச்சத்தனம், பாலியல் ஆதிக்க உணர்வு என்று பல விஷயங்கள் இருக்கின்றன. இவ்வளவு அசிங்கங்களிலிருந்தும் நாம் விடுதலை அடைய வேண்டியிருக்கிறது. இதில் முதல் மாற்றம் சமூகத்தை வழிநடத்தும் ஆட்சியாளர்கள் தரப்பிலிருந்து தேவைப்படுகிறது. இது போன்ற சம்பவங்களில் ஈடுபடும் குற்றவாளிகள் கடுமையான நடவடிக்கைக்கு உள்ளாக்கப்பட வேண்டும். தமிழகக் காவல் துறை இப்படியான வழக்குகளைப் போகிறபோக்கில் கையாள்வது மிக மோசமான போக்கு. நந்தினி கொலை வழக்கிலேயே கடுமையான அழுத்தங்களுக்குப் பிறகே காவல் துறை தன் நடவடிக்கைகளைத் தொடங்கியது இங்கு குறிப்பிட வேண்டியது. சமூகம் சாதாரணமாகக் கடக்கும் ஒவ்வொரு குற்றமும் அடுத்து நூறு குற்றங்களுக்கான தோற்றுவாயாக அமைந்துவிடும்!