முதல் பார்வை: ‘நடிகையர் திலகம்’

Published : 11 May 2018 18:01 IST

சி.காவேரி மாணிக்கம்

சாதாரண கிராமத்தில் பிறந்த சாவித்ரி, மேடை நாடகங்களில் நடிக்கத் தொடங்கி, சினிமாவில் நடிகையானார். அவருக்கும் ஜெமினி கணேசனுக்குமான காதல், கல்யாணம், பிரிவு, இறுதி வாழ்க்கை என சாவித்ரியின் ஒட்டுமொத்த வாழ்க்கைதான் ‘நடிகையர் திலகம்’ படத்தின் கதை.

சாவித்ரி குழந்தையாக இருக்கும்போதே அவர் அப்பா இறந்துவிடுகிறார். இதனால், சிறு வயதிலேயே தன் பெரியம்மா வீட்டில் அம்மாவுடன் தஞ்சம் புகுகிறார் சாவித்ரி. அவரின் சுட்டித்தனத்தைப் பார்த்து, ‘சாவித்ரியை நாட்டியத்தில் சேர்த்து விட்டால் நன்றாக சம்பாதிக்கலாம்’ என்று ஒருவர் சொல்ல, சாவித்ரியின் பெரியப்பா அவரை நாட்டியம் கற்றுக் கொடுக்கும் இடத்துக்கு அழைத்துச் செல்கிறார். அவரின் குறும்புகளைப் பார்த்து, ‘உன்னால் நாட்டியம் கற்றுக்கொள்ள முடியாது’ என்கிறார் வாத்தியார். அவர் ‘முடியாது’ என்ற சொன்ன ஒரு வார்த்தைக்காகவே தூரத்தில் இருந்தே அவர் கற்றுக் கொடுப்பதைப் பார்த்தும், தன் தோழி சுசீலாவிடம் இருந்தும் நாட்டியம் கற்றுக் கொள்கிறார் சாவித்ரி.

சாவித்ரியை சினிமாவில் நடிக்க வைப்பதற்காக சென்னை அழைத்து வருகிறார் அவருடைய பெரியப்பா. ஆனால், முதல் படத்தில் அவருக்கு ஒழுங்காக டயலாக் பேசி நடிக்கத் தெரியவில்லை. ‘உனக்கு நடிப்பே வராது’ எனத் திட்டுகிறார் அந்தப் படத்தின் இயக்குநர். ‘உன்னால் முடியாது’ என்று யாராவது சொன்னால், உடனே அதை செய்து காட்டுவதுதான் சாவித்ரியின் பிடிவாதமாயிற்றே... அதே ஸ்டுடியோவில் வேறொரு படத்தில் நடைபெற்ற ஆடிஷனில் செலக்ட் ஆகி, சிறிய வேடத்தில் நடிக்கிறார். அவரின் நடிப்பைப் பார்த்து அசந்து, எந்த இயக்குநர் ‘உனக்கு நடிப்பு வராது என்று திட்டினாரோ, அதே இயக்குநரே ஹீரோயினாக அறிமுகப்படுத்துகிறார். ஜெமினி கணேசனும் ஹீரோவாகிவிடுகிறார். தெலுங்கு மட்டுமே தெரிந்த சாவித்ரி, தமிழ் வசனங்களைப் பேச சிரமப்படுகிறார். ‘தெலுங்கு - தமிழ் புத்தகத்தைப் படிப்பதைவிட, மனிதர்களிடம் இருந்து மொழியை கற்றுக்கொள்’ என்று அவரைப் பல இடங்களுக்கும் அழைத்துப் போகிறார் ஜெமினி கணேசன்.
நாளடைவில் இருவருக்கும் இடையில் காதல் மலர்கிறது. அந்தக் காதல், கல்யாணத்திலும் முடிகிறது. ஆனால், நாளடைவில் அவர்கள் இருவருக்குள்ளும் இடைவெளி விழுகிறது. இந்த இடைவெளி எப்படி அதிகமானது? ஜெமினியை விட்டு சாவித்ரி பிரிந்ததற்கு என்ன காரணம்? குடிக்கு அடிமையாகி, தன் சொத்துக்களை எல்லாம் சாவித்ரி இழந்தது எப்படி? என்பதெல்லாம் மீதிக்கதை. இந்தக் கதை, சாவித்ரி கோமாவில் விழுந்தபிறகு ரிப்போர்ட்டரான சமந்தா, தேடித்தேடி சேகரித்தது.

நடை, உடை, பாவனை என அச்சு அசல் சாவித்ரியாகவே வாழ்ந்திருக்கிறார் கீர்த்தி சுரேஷ். அவருடைய சினிமா வாழ்க்கையில் இந்த ஒரு படமே போதும் என்று சொல்லும் அளவுக்கு, ஒவ்வொரு அசைவிலும் சாவித்ரியை நினைவுபடுத்துகிறார் கீர்த்தி. இதற்காக அவர் செய்த ஹோம்வொர்க் ஏராளம். குறிப்பாக, கீர்த்தியின் மேக்கப்மேனுக்கு மிகப்பெரிய பாராட்டு. இளமை சாவித்ரி, உடல் எடை கூடி பெருத்த கொஞ்சம் வயதான சாவித்ரி என கொஞ்சம் கூட குறைசொல்ல முடியாத அளவிற்கு கீர்த்தியை சாவித்ரியாகவே மாற்றியிருக்கிறார்.

ஜெமினி கணேசன் எப்போது இவ்வளவு ஒல்லியாக இருந்தார் என்ற கேள்வி எழுந்தாலும், தன் நடிப்பில் கொஞ்சமும் குறை வைக்காமல் அவரைப் போலவே நடித்திருக்கிறார் துல்கர் சல்மான். ஆரம்பத்தில் வரும் சமந்தா காட்சிகள் கொஞ்சம் எரிச்சலாக இருந்தாலும், க்ளைமாக்ஸில் ஸ்கோர் செய்திருக்கிறார். சின்னச் சின்ன வேடங்களில் நடித்துள்ள விஜய் தேவரகொண்டா, ஷாலினி பாண்டே, பானுப்ரியா, பிரகாஷ் ராஜ், நாக சைதன்யா என எல்லாருமே அருமையாக நடித்திருக்கின்றனர்.
மிக்கி ஜெ மெயர் இசையில், பின்னணி இசை அருமை. தமிழில் ‘தந்தாய்... தந்தாய்...’ பாடல் கேட்க கேட்க இதமாக இருக்கிறது. டேனி சஞ்செஸ் - லோபெஸ் ஒளிப்பதிவில் அத்தனை பிரம்மாண்டம். குறிப்பாக, கீர்த்தி சுரேஷ் கோபத்துடன் வந்து மது குடிக்கிற காட்சியில், பின்னால் இருந்து தலைக்கு மேலே வந்து முன்புறம் கேமரா வரும் ஷாட், சிறப்போ சிறப்பு. அந்தக் காலத்தை அப்படியே செட்டில் கொண்டுவந்த கலை இயக்குநருக்கும், அவருடைய குழுவினருக்கும் ஹேட்ஸ் ஆஃப்!

ஒருவருடைய வாழ்க்கை வரலாற்றைப் படமாக எடுத்தாலும், பெரும்பாலும் அது போரடிக்கும் டாக்குமென்ட்ரி போல இருக்கும். ஆனால், ஒரு இடத்தில் கூட அப்படித் தோன்றாதபடி இயல்பாக எடுத்திருக்கிறார் நாக் அஸ்வின். குறிப்பாக, சாவித்ரியின் உதவும் உள்ளத்தைப் பல இடங்களில் காட்சிப்படுத்தியிருக்கிறார். சாவித்ரியைப் பற்றி பல விஷயங்களையும் தெரிந்துகொள்ள வேண்டும் எனப் பலரிடம் பேசி இந்தக் கதையை உருவாக்கிய இயக்குநரின் உழைப்பு, நிச்சயம் பாராட்டப்பட வேண்டியது.
‘என் அம்மாவின் உண்மைக்கதை முதன்முதலில் வெளியாகியுள்ளது’ என சாவித்ரியின் மகள் விஜய சாமுண்டீஸ்வரி கூறியிருப்பதில் இருந்தே, உண்மைக்கு நெருக்கமாக இந்தப் படம் இருக்கிறது எனத் தெரிகிறது. எப்போதுமே உண்மைக்கு மிகப்பெரிய வலிமை இருக்கிறது. அந்த வலிமை, இந்தப் படத்தில் இருக்கிறது.

எனது பெயரையோ, புகைப்படத்தையோ பயன்படுத்தக் கூடாது: திவாகரனுக்கு சசிகலா தரப்பு நோட்டீஸ்

Published : 11 May 2018 20:57 IST

சென்னை

 

திவாகரன், சசிகலா | கோப்புப் படம்.

எனது பெயரையோ, புகைப்படத்தையோ திவகாரன் பயன்படுத்தக்கூடாது என்று சசிகலா தரப்பிடமிருந்து திவாகரனுக்கு நோட்டீஸ் அனுப்பப்பட்டுள்ளது.

இது தொடர்பாக இன்று சசிகலா தரப்பு வழக்கறிஞர் ராஜா செந்தூர்பாண்டியன் திவாகரனுக்கு அனுப்பிய நோட்டீஸில் தெரிவித்துள்ளதாவது:

''தாங்கள் சசிகலாவின் உடன் பிறந்த சகோதரர். உங்கள் மீது சசிகலா அதிக பாசம் கொண்டவர் என்பது தாங்கள் அறிந்ததே. ஆனாலும், தங்களின் முரண்பட்ட செயல்பாடுகளும் வெளிப்பாடுகளும் சசிகலாவை கனத்த மனதுடன் இந்த அறிவிப்பை தங்களுக்கு அனுப்பும் சூழலுக்கு தள்ளியுள்ளது.

முதல்வர் எடப்பாடி பழனிசாமி, துணை முதல்வர் ஓபிஎஸ் ஆகியோரைப் புகழ்ந்தும் அவர்களது துரோகச் செயல்களை மறைக்கும் வண்ணமாக தாங்கள் கடந்த ஏப்ரல் 24-ம் தேதி முதலாக தொடர்ந்து பத்திரிகைகள், காணொளிகள், சமூக வலைதளங்களில் தவறான விஷயங்களை பேட்டிகள் கொடுத்து வருகிறீர்கள்.

அதிமுகவில் உள்ள தற்போதைய பிரச்சினைகள் தொடர்பாக சசிகலா பல வழக்குகளை சென்னை மற்றும் டெல்லி உயர் நீதிமன்றங்களில் வழக்குகளாக தொடுத்துள்ளார். மேலும், அவருக்கு எதிராக தாக்கல் செய்யப்பட்ட வழக்குகளையும் மேற்படி நீதிமன்றங்களில் எதிர்கொண்டு வருகிறார். அவை அனைத்தும் தற்போதும் நிலுவையில் இருந்து வருகிறது. வழக்குகளின் அனைத்து விவரங்களும் வழக்காடும் தன்மையும் சசிகலாவின் ஆலோசனையின்படியே நடந்து வருகின்றன. அதே போல சசிகலாவால் அதிமுகவின் துணைப் பொதுச் செயலாளராய் நியமிக்கப்பட்ட டிடிவி தினகரனும் என் கட்சிக்காரரிடம் அவ்வப்போது உரிய ஆலோசனைகளைப் பெற்று கட்சிப் பணிகளில் சிறப்பாக செயல்பட்டு வருகிறார்.

தினகரன் கடும் இன்னல்களுக்கிடையே அதிமுகவின் பெருவாரியான உண்மைத் தொண்டர்களை ராணுவம் போன்று கட்டுக்கோப்புடன், கட்சியை அனுதினமும் பலப்படுத்தி வருகிறார். நிலவரங்கள் இவ்வாறு இருக்க, உண்மைக்கு மாறாக காழ்ப்புணர்வுடனும், இல்லாததையும் பொல்லாததையும் தாங்கள் பொதுவெளியில் பேசி வருவது சசிகலாவுக்கு மன உளைச்சலை ஏற்படுத்தி வருகிறது. அதிமுகவின் அடிப்படை உறுப்பினராகக் கூட இல்லாத தாங்கள், அதிமுகவின் பொதுச் செயலாளராகிய சசிகலா பற்றி அவதூறாகப் பேசி வருவது சட்டத்தின் பார்வையில் சரியானதல்ல. எனது கட்சிக்காரர் சசிகலாவின் நிர்வாகத் திறமை, தலைமை சார்ந்த பண்பு, கட்சிப் பணி மற்றும் அவருக்கும் அதிமுகவின் தொண்டர்களுக்கும் இடையே இருக்கும் பாசப் பிணைப்புக்கு எதிராக தாங்கள் உள்நோக்கத்துடன் பேட்டிகள் கொடுத்து வருவதை சசிகலா இந்த சட்ட அறிவிப்பின் வாயிலாக கண்டிக்கிறார்.

தினகரன் குறித்து தாங்கள் பொதுவெளியில் உண்மைக்கு மாறாகப் பேசி வரும் விஷயங்கள் தங்கள் காழ்ப்புணர்ச்சி, பழிவாங்குதல் உணர்வை வெளிப்படுத்துகின்றன. தங்களின் பேட்டிகள் சசிகலாவின் தலைமை மாண்புக்கும் ஆளுமைக்கும் குற்றம் கற்பிக்க, யாரையோ திருப்திப்படுத்த முயன்று வருகிறீர்கள் என்பதையும் வெளிப்படுத்துவதாக அவரே தெரிவிக்கிறார்.

என் கட்சிக்காரர் சசிகலா அதிமுகவும் அதன் ஒன்றரை கோடி தொண்டர்களுமே பிரதானம் என்றும் அவரது குடும்பம் அவருக்கு இரண்டாவது பட்சம் என்பதையும் தெரிவிக்கிறார்.

தாங்கள் எந்த ஒரு பெயரிலும் அரசியல் ரீதியாக செயல்படுவது தங்களின் சொந்த விருப்பம் என்றும், ஆனால் என் கட்சிக்காரர் சசிகலாவின் பெயரையோ, புகைப்படத்தையோ எந்த வகையிலும் தாங்கள் பயன்படுத்தக் கூடாது என்பதனை இந்த சட்ட அறிவிப்பின் மூலமாக தெரிவிக்கிறார்.

அதேபோல் என் கட்சிக்காரர் உயிருக்கும் மேலாக நினைத்து வணங்கும் ஜெ.ஜெயலலிதாவை ஒருமையிலும், தரக்குறைவாகவும், அவரது நற்புகழை களங்கப்படுத்தும் வகையில் தொடர்ந்து பேசி வருவதை எள்ளளவும் என் கட்சிக்காரரும், கட்சித் தொண்டர்களும் ஏற்றுக்கொள்ள மாட்டார்கள். ஆகவே, அதை மனதில் கொண்டு அதுபோன்ற சட்டத்துக்கு புறம்பான செயல்களில் தாங்கள் இனிமேல் எவ்வகையிலும் நேரடியாகவோ மறைமுகமாகவோ செய்யக்கூடாது, பேசக்கூடாது.

எனது அக்கா, என் உடன் பிறந்த சகோதரி எனும் உரிமையைக் கோரி தாங்கள் எனது கட்சிக்காரரைப் பற்றி ஊடங்களில் பேசி வருவதை உடனடியாக நிறுத்த வேண்டும். இந்த சட்ட அறிவிப்பினை அனுப்புவதன் நோக்கமே, உண்மைக்கு மாறாக தவறாக தொடர்ந்து ஊடகங்களில் பேசி வருவதை உடனடியாக நிறுத்த வேண்டும் என்பதற்காகத்தான்.

இந்த சட்ட அறிவிப்பைனைப் பெற்ற பிறகும் தாங்கள் தொடர்ந்து பொய்யான விஷயங்களைப் பேசும் சூழலில் ரத்த சம்பந்த உறவு என்பதை ஒதுக்கிவைத்துவிட்டு தங்கள் மீது உரிய சட்டப்படியான நடவடிக்கை எடுக்க வேண்டிய சூழலுக்கு தள்ளப்படுவீர்கள்.''

இவ்வாறு ராஜா செந்தூர் பாண்டியன் தெரிவித்துள்ளார்.

முன்னதாக, சசிகலா சிறைக்குச் செல்லும்போது தனக்கு அடுத்த நிலையில் தினகரனை நியமித்தார். அதற்கேற்ப ஆர்.கே.நகரில் சுயேச்சையாகப் போட்டியிட்டு அதிக வாக்குகள் வித்தியாசத்தில் வெற்றி பெற்று தினகரன் தனது அரசியல் திறமையை நிரூபித்தார். ஆர்.கே.நகர் இடைத்தேர்தலில் சுயேச்சையாகப் போட்டியிட்டு எம்.எல்.ஏ.வான தினகரன், அமமுக என்ற கட்சியைத் தொடங்கினார். பி.வெற்றிவேல், தங்க தமிழ்ச்செல்வன் உள்ளிட்ட தகுதி நீக்கம் செய்யப்பட்ட 18 எம்.எல்.ஏ.க்கள் அக்கட்சியில் உள்ளனர்.

ஆனாலும், சசிகலா குடும்பத்தில் திவாகரன் உள்ளிட்டோருக்கும் தினகரனுக்கும் இடையே பனிப்போர் நீடித்து வந்தது. ஆர்.கே.நகர் இடைத்தேர்தல் வெற்றிக்குப் பிறகு தினகரனின் கை ஓங்கியதால் திவாகரனால் கட்சியில் ஆதிக்கம் செலுத்த முடியவில்லை. தனது கணவர் ம.நடராஜன் இறந்தபோது 15 நாட்கள் பரோலில் வந்த சசிகலா, தினகரன் - திவாகரன் இடையே சமாதானம் செய்து வைத்ததாகக் கூறப்படுகிறது.

அரசியலில் பல்வேறு நெருக்கடிகளை எதிர்கொண்டு வரும் இந்த நேரத்தில் குடும்பத்துக்குள் மோதல் என்பது மோசமான விளைவுகளை ஏற்படுத்தும். எனவே, எதிர்காலம் கருதி அமைதியாக இருக்குமாறு சசிகலா எச்சரித்ததாகக் கூறப்படுகிறது. ஆனாலும் மோதல் ஓய்ந்த பாடில்லை.

இந்நிலையில் எனது பெயரையோ, புகைப்படத்தையோ திவகாரன் பயன்படுத்தக்கூடாது என்று சசிகலா தரப்பிடமிருந்து திவாகரனுக்கு நோட்டீஸ் அனுப்பியிருப்பது பரபரப்பை ஏற்படுத்தியுள்ளது.

உ.பி. சிறுமி பலாத்கார வழக்கு: பாஜக எம்எல்ஏ செங்கார் மீதான குற்றச்சாட்டு உறுதி

Published : 11 May 2018 21:03 IST

புதுடெல்லி



உன்னாவ், சிறுமி பாலியல் பலாத்கார வழக்கில் சிக்கிய பாஜகவின் குல்தீப் சிங் செங்கார். - படம். | ராஜீவ் பட்.

உத்தரபிரதேசத்தில் சிறுமி பலாத்கார வழக்கில் பாஜக எம்எல்ஏ குல்தீப் சிங் செங்கார் மீதான குற்றச்சாட்டினை சிபிஐ உறுதி செய்துள்ளது.

உத்தரபிரதேச மாநிலம் உன்னாவ் மாவட்டத்தைச் சேர்ந்த 17 வயது சிறுமி ஒருவர், தன்னை பங்கர்மாவ் தொகுதி பாஜக எம்எல்ஏவான குல்தீப் சிங் செங்கார், பலாத்காரம் செய்ததாகவும் மிரட்டுவதாகவும் காவல் நிலையத்தில் புகார் அளித்தார். இதுகுறித்து தகவலறிந்த எம்எல்ஏ குல்தீப் சிங்கின் ஆதரவாளர்கள், புகாரை திரும்பப் பெறக் கோரி, சிறுமியின் தந்தை பப்பு சிங்கை கடுமையாக தாக்கினர்.

ஆனால், அங்கு வந்த போலீஸார், தாக்குதலில் படுகாயமடைந்த பப்பு சிங்கை கைது செய்தனர். இதனைத் தொடர்ந்து, சில நாட்களிலேயே சிறைக்குள் பப்பு சிங் மர்மமான முறையில் உயிரிழந்தார்.

இந்த வழக்கு சிபிஐ வசம் ஒப்படைக்கப்பட்டது. இதன் தொடர்ச்சியாக, எம்எல்ஏ குல்தீப் சிங், அவரது உதவியாளர் சாஷி சிங் உள்ளிட்டோரை சிபிஐ அதிகாரிகள் கைது செய்தனர்.

இந்நிலையில், எம்எல்ஏ குல்தீப் சிங் மீதான குற்றச்சாட்டுகளை சிபிஐ உறுதி செய்துள்ளதாக தகவலறிந்த வட்டாரங்கள் தெரிவிக்கின்றன. இதுகுறித்து சிபிஐ உயரதிகாரி ஒருவர் கூறியதாவது:

எம்எல்ஏ குல்தீப் சிங் மீது சிறுமி கூறியுள்ள குற்றச்சாட்டுகள் அனைத்தும் உறுதி செய்யப்பட்டுள்ளன. மேலும், இந்த வழக்கில் குல்தீப் சிங்கை காப்பாற்றுவதற்காக போலீஸார் பல முறைகேடுகளில் ஈடுபட்டதும் தெரியவந்துள்ளது. இதுதொடர்பான சிறுமியின் வாக்குமூலத்தை நீதிபதியின் முன்னிலையில் சிபிஐ அதிகாரிகள் பதிவு செய்துள்ளனர் என அவர் தெரிவித்தார்.

இதனிடையே, இந்த பலாத்கார வழக்கைப் பயன்படுத்தி சிபிஐ அதிகாரிகள் போல நடித்து, குல்தீப் சிங்கின் மனைவியிடம் ரூ.1 கோடி பணம் பறிக்க முயன்ற இருவரை போலீஸார் கைது செய்தனர்.

பணி விடுவிப்பு ஊழியருக்கு இலவச பாஸ்: உயர்நீதிமன்றம் உத்தரவு

Added : மே 12, 2018 06:24

மதுரை : நாகர்கோவில் மண்டல அரசு போக்குவரத்துக் கழகத்தில் நாகேந்திர பிள்ளை என்பவர் பணிபுரிந்தார். மருத்துவக் காரணங்கள் அடிப்படையில் 2015 ல் பணியிலிருந்து விடுவிக்கப்பட்டார். ஓய்வு பெற்றவர்கள்,விருப்ப ஓய்வு பெற்றவர்களைப்போல் தனக்கும், மனைவிக்கும் இலவச பஸ் பாஸிற்குரியஅடையாள அட்டைவழங்க வேண்டும் என போக்குவரத்துக் கழக நிர்வாகத்திடம் விண்ணப்பித்தார்.நடவடிக்கை எடுக்க உத்தரவிடக்கோரி உயர்நீதிமன்ற மதுரைக் கிளையில் நாகேந்திர பிள்ளை மனு செய்தார்.
நீதிபதி ஆர்.சுரேஷ்குமார் உத்தரவு: மனுதாரர் 2016ல் அளித்த மனுவைதிருநெல்வேலி அரசு போக்குவரத்துக் கழக மேலாண்மை இயக்குனர் தகுதி அடிப்படையில் பரிசீலித்து, சட்டத்திற்குட்பட்டு தகுந்த உத்தரவு பிறப்பிக்க வேண்டும் என்றார்.

லாலுவுக்கு 6 வாரம் ஜாமின் : ஜார்க்கண்ட் ஐகோர்ட் உத்தரவு

Added : மே 12, 2018 00:52

ராஞ்சி: ராஷ்ட்ரீய ஜனதா தள கட்சி தலைவரும், பீஹார் முன்னாள் முதல்வருமான, லாலு பிரசாத் யாதவுக்கு, மருத்துவ காரணங்களுக்காக, ஆறு வாரத்துக்கு மட்டும், தற்காலிக ஜாமின் வழங்கி, ஐார்க்கண்ட் உயர் நீதிமன்றம் உத்தரவிட்டுள்ளது.

மனு தாக்கல் : ஜார்க்கண்டில், முதல்வர் ரகுபர்தாஸ் தலைமையிலான, பா.ஜ., ஆட்சி நடக்கிறது. கால்நடை தீவன ஊழல் வழக்குகளில், சிறை தண்டனை விதிக்கப்பட்டுள்ள, ராஷ்ட்ரீய ஜனதா தள தலைவர், லாலு பிரசாத், ஜார்க்கண்ட் தலைநகர், ராஞ்சியில் உள்ள சிறையில் அடைக்கப்பட்டுள்ளார்.லாலுவின் மூத்த மகன், தேஜ் பிரதாபுக்கு, பீஹார் தலைநகர் பாட்னாவில், இன்று திருமணம் நடக்கிறது. இதில் பங்கேற்பதற்காக, 10 நாள், 'பரோல்' வழங்கும்படி, ஜார்க்கண்ட் உயர் நீதிமன்றத்தில், லாலு மனு தாக்கல் செய்தார். இந்த மனுவை விசாரித்த உயர் நீதிமன்றம், மூன்று நாட்கள் மட்டும் பரோல் வழங்கி உத்தரவிட்டது. இதைஅடுத்து, சிறையிலிருந்து வெளியே வந்த லாலு, பாட்னாவில் உள்ள தன் வீட்டுக்குச் சென்றார்.இந்நிலையில், ஜார்க்கண்ட் உயர் நீதிமன்றத்தில், லாலு சார்பில், மூத்த வழக்கறிஞர்கள், அபிஷேக் சிங்வி, பிரபாத் குமார் ஆகியோர், நேற்று காலை தாக்கல் செய்த மனுவில், 'லாலு பிரசாத், உடல் நலம் பாதிக்கப்பட்டுள்ளார். 'அவர் மருத்துவ சிகிச்சை பெற, 12 வாரம் ஜாமின் வழங்க வேண்டும்' என, கூறப்பட்டிருந்தது.

ஆறு வாரம் : இதை விசாரித்த உயர் நீதிமன்றம், லாலுவுக்கு ஆறு வாரம், தற்காலிக ஜாமின் வழங்கி உத்தரவிட்டது. மேலும், 'மூன்று நாள் பரோல் முடிந்த பின், சிறைக்கு லாலு திரும்ப வேண்டும். அதன்பின், இந்த ஆறு வார ஜாமின் உத்தரவை காட்டி, சிறையிலிருந்து வெளியே வர வேண்டும். 'ஜாமின் காலத்தில், எந்த அரசியல் நிகழ்ச்சிகளிலும், லாலு பங்கேற்க கூடாது' என, உயர் நீதிமன்றம் உத்தரவிட்டது.

ஸ்ரீதேவி மரணம் குறித்து விசாரணை கோரிய மனுவை தள்ளுபடி செய்தது உச்ச நீதிமன்றம்

Added : மே 12, 2018 00:50

புதுடில்லி: நடிகை ஸ்ரீதேவியின் மரணம் குறித்து விசாரிக்க உத்தரவிடக் கோரி தாக்கல் செய்யப்பட்ட மனுவை, உச்ச நீதிமன்றம் தள்ளுபடி செய்தது. பிரபல நடிகை, ஸ்ரீதேவி, 54; தமிழில், மூன்றாம் பிறை, வறுமையின் நிறம் சிகப்பு உட்பட பல படங்களில் நடித்தவர்.

சந்தேகம் : பிப்ரவரியில், திருமண நிகழ்ச்சியில் பங்கேற்க, ஐக்கிய அரபு எமிரேட்சில் உள்ள துபாய்க்கு சென்றிருந்தார். அங்கு ஒரு ஓட்டலில் தங்கியிருந்தார். அப்போது அவர், குளியல் அறையில் இறந்து கிடந்தார். 'மாரடைப்பால் அவர் இறந்தார்' என, முதலில் தெரிவிக்கப்பட்டது. ஆனால், பிரேத பரிசோதனை அறிக்கையில், 'மது அருந்தியதால், ஓட்டல் அறையின் குளியல் தொட்டியில் விழுந்து, ஸ்ரீதேவி இறந்துள்ளார்' என, கூறப்பட்டிருந்தது.நீண்ட விசாரணைக்கு பின், ஸ்ரீதேவியின் இறப்பில் சந்தேகம் இல்லை எனக் கூறி, அவரது உடலை, குடும்பத்தினரிடம்,, துபாய் போலீசார் ஒப்படைத்தனர். இந்நிலையில், ஸ்ரீதேவி மரணத்தில் சந்தேகம் இருப்பதாக கூறி, இயக்குனர் சுனில் சிங் தாக்கல் செய்த மனுவை, டில்லி உயர் நீதிமன்றம் தள்ளுபடி செய்தது. இதையடுத்து, உச்ச நீதிமன்றத்தில், அவர் மனு தாக்கல் செய்தார்.

இன்சூரன்ஸ் : இந்த மனு, தலைமை நீதிபதி, தீபக் மிஸ்ரா தலைமையிலான அமர்வு முன், நேற்று விசாரணைக்கு வந்தது. மனுதாரர் சார்பில் ஆஜரான வழக்கறிஞர் விகாஸ் சிங் கூறுகையில், ''ஸ்ரீதேவி பெயரில், 240 கோடி ரூபாய்க்கு, ஓமனில் இன்சூரன்ஸ் பாலிசி உள்ளது. ''ஐக்கிய அரபு எமிரேட்சில், அவர் இறந்தால் மட்டுமே, அந்த பாலிசி தொகை கிடைக்கும்; இந்த நிலையில், துபாயில் அவர் திடீரென இறந்தது சந்தேகத்தை ஏற்படுத்தியுள்ளது. இதுபற்றி விசாரிக்க உத்தரவிட வேண்டும்,'' என்றார். ஆனால், 'துபாய் போலீசார் நடத்திய விசாரணையில், சந்தேகப்படுவதற்கு ஏதும் இல்லை' என கூறி, மனுவை, நீதிபதிகள் தள்ளுபடி செய்தனர்.

பெரம்பலூர் அருகே விபத்து : காஞ்சியை சேர்ந்த 9 பேர் பலி

Updated : மே 12, 2018 00:19 | Added : மே 12, 2018 00:18



காஞ்சிபுரம்: சின்ன காஞ்சிபுரத்திலிருந்து, கேரளாவுக்கு சுற்றுலா சென்ற குடும்பத்தினர் பயணித்த கார், பெரம்பலுார் அருகே விபத்துக்குள்ளாகி, ஒன்பது பேர் இறந்த சம்பவம், இப்பகுதியில் பயங்கர சோகத்தை ஏற்படுத்திஉள்ளது. காஞ்சிபுரத்தின் திருமால் நகர், அஸ்தகிரி தெரு, அமுதபடி தெரு, அம்மங்கார தெரு போன்ற பகுதியில் வசிப்போர், இந்த சம்பவத்தால் சோகத்தில் ஆழ்ந்துள்ளனர். சின்ன காஞ்சிபுரம், திருமலை நகரைச் சேர்ந்தவர், எஸ்.ஆர்.மோகன்; பட்டு சேலை உற்பத்தியாளர். இவர் மனைவி லஷ்மி, 28. இந்த தம்பதிக்கு, பவித்ரா, 14; நவிதா, 8, மற்றும் வரதராஜன், 5, என, மூன்று பிள்ளைகள். குடும்பத்துடன் நிம்மதியாக வசித்து வந்த மோகன், கேரளாவிற்கு சுற்றுலா செல்ல முடிவு செய்தார். தன் குடும்பத்துடன், அக்கா கணவர் முரளி, மற்றொரு அக்காவின் மகள் சோபனா, 19, ஆகியோரை அழைத்துக்கொண்டு, நேற்று முன்தினம் மாலை புறப்பட்டனர். காஞ்சிபுரத்திலிருந்து, 'டவேரா'காரில் புறப்பட்ட இந்த ஏழு பேருடன், அம்மங்கார தெருவைச் சேர்ந்த பூபதி மற்றும் நாராயணன் என்ற பிரபாகரன் ஆகிய இரு ஓட்டுனர்களும் சென்றனர். நேற்று முன்தினம் இரவு, திருச்சி நோக்கி இவர்களின் கார் சென்று கொண்டிருந்தது. பெரம்பலுார் நான்கு வழிச்சாலையில், எதிரே வந்த காரின் டயர் வெடித்து, அந்த கார் பறந்து வந்து, மோகன் சென்ற கார் மீது விழுந்துள்ளது.இதில், படுகாயம் அடைந்த மோகன் உள்ளிட்ட ஒன்பது பேரும் சம்பவ இடத்திலேயே இறந்தனர். விபத்து குறித்து, தகவல் தெரிந்தவுடன், காஞ்சிபுரத்தில் உள்ள மோகனின் உறவினர்கள் பெரம்பலுார் புறப்பட்டு சென்று, பிரேத பரிசோதனைக்கு பின், அவர்களின் உடலைபெற்றுள்ளனர். தகவலறிந்தவர்கள் மோகனின் வீட்டில் குழுமியுள்ளனர். மோகன் குடும்பத்தினர் வசித்த, திருமலை நகர் பகுதிவாசிகள், இந்த தகவலை கேட்டு, சோகத்தில் ஆழ்ந்துள்ளனர். அதுபோல், சோபனா, முரளியின் அஸ்தகிரி தெருஎன சின்ன காஞ்சிபுரம் பகுதியே சோகத்தில் ஆழ்ந்துள்ளது. மேலும், பூபதி மற்றும் நாராயணன் ஆகிய கார் ஓட்டுனர்களின் வீடுகளும் களையிழந்து காணப்பட்டன.

ஒன்பது பேரின் உடல்களுக்கும், இன்று இறுதி சடங்கு நடைபெறும் என, உறவினர்கள் தெரிவித்து உள்ளனர். \பத்தாண்டுகளாக சிரமப்பட்டு, கைத்தறி தொழிலில் உயர்ந்து வந்தார். இப்படி ஒரு விபத்து நடக்கும் என யாரும் எதிர்பார்க்கவில்லை. என் மாமா அனைவரிடமும் நன்றாக பழகக்கூடியவர். இறந்தவர்களின் உடல்களை கைப்பற்ற, உறவினர்கள் பெரம்பலுார் சென்றுள்ளனர். சொல்ல முடியாத துயரத்தில் ஆழ்ந்துள்ளோம்.
பி.பாலாஜி, மோகனின் மைத்துனர்

உறவினர் சுற்றுலா செல்வதால், சோபனாவும் புறப்பட்டு சென்றாள். ஆனால், அவள் இப்படி திரும்பி வருவாள் என, எதிர்பார்க்கவில்லை. கல்லுாரியில் நன்றாக படிப்பார். பி.காம்., இரண்டாமாண்டு படித்து வந்தார். எங்கள் குடும்பமே இதனால், சோகத்தில் ஆழ்ந்துள்ளோம். இதுபோன்ற துயரம் யாருக்கும் ஏற்படக் கூடாது.

ஜி.ஆர்.கீதா, சோபனாவின் சகோதரி

இரு போக்குவரத்து கழகங்கள் இணைப்பு

Added : மே 12, 2018 02:09

சென்னை: நிதி நெருக்கடியை சமாளிக்க, அரசு போக்குவரத்து கழகங்களான, நெல்லை போக்குவரத்துக் கழகம், மதுரை போக்குவரத்துக் கழகத்துடன் இணைக்கப்பட்டுள்ளது. இதற்கான, அரசாணை நேற்று வெளியிடப்பட்டுள்ளது.திண்டுக்கல், விருதுநகர், தேனி மற்றும் மதுரை மாவட்டங்களுக்கு, மதுரை போக்குவரத்துக் கழகமும், கன்னியாகுமரி, துாத்துக்குடி மற்றும் நெல்லை மாவட்டங்களுக்கு, நெல்லை போக்கு வரத்துக் கழகமும் அரசு பஸ்களை இயக்கி வந்தன.இந்நிலையில், நெல்லை போக்குவரத்துக் கழகம், கடனை திருப்பி செலுத்த முடியாமல், நிதி நெருக்கடியில் சிக்கி தவிப்பதாக, 2016, மார்ச்சில் நடந்த, இயக்குனர்கள் குழு கூட்டத்தில் தெரிவிக்கப்பட்டது. இதற்கு தீர்வு காண, நெல்லை போக்குவரத்துக் கழகத்தை, மதுரை போக்குவரத்துக் கழகத்துடன் இணைக்கலாம் என, ஆலோசனை முன் வைக்கப்பட்டது.இதற்கான சாத்தியக்கூறுகளை ஆய்வு செய்ய, போக்குவரத்து துறை தலைவர் உள்ளிட்ட, ஆறு பேர் குழு அமைக்கப்பட்டது. அந்த குழு, 'நெல்லை போக்குவரத்துக் கழகத்தை, மதுரை போக்குவரத்துக் கழகத்துடன் இணைக்க வேண்டும்; இல்லாவிட்டால், நெல்லை போக்குரவரத்துக் கழகத்தை நடத்த முடியாது' என, அறிக்கை அளித்தது.இதைத்தொடர்ந்து, இரண்டு போக்குவரத்துக் கழகங்களையும் இணைக்க, அவற்றின் இயக்குனர்களுக்கு அரசு உத்தரவிட்டுள்ளது. இதற்கான அரசாணையை, தமிழக அரசு நேற்று வெளியிட்டுள்ளது.

ஜி.டி., எக்ஸ்பிரஸ் புதுடில்லி வரை இயக்கம்

Added : மே 12, 2018 01:12

சென்னை: சென்னை, சென்ட்ரலில் இருந்து, டில்லி, சராய் ரோகில்லா நிலையம் வரை, கிராண்ட் டிரங்க் எக்ஸ்பிரஸ் ரயில் இயக்கப்படுகிறது. இந்த ரயில், சென்னை சென்ட்ரலில் இருந்து, தினமும் இரவு, 7:15 மணிக்கு புறப்பட்டு, மூன்றாவது நாள் காலை, 7:10 மணிக்கு, டில்லி சராய் ரோகில்லா நிலையம் அடையும். அங்கிருந்து, தினமும், மாலை, 5:50 மணிக்கு புறப்பட்டு, மூன்றாவது நாள் காலை, 6:20 மணிக்கு, சென்னை சென்ட்ரல் வரும். இந்த ரயில், வரும், 21ம் தேதியில் இருந்து, புதுடில்லி நிலையம் வரை மட்டுமே இயக்கப்படும். சென்னை சென்ட்ரலில் இருந்து இயக்கப்படும் ரயில், புதுடில்லி நிலையத்திற்கு, காலை, 6:30 மணிக்கு சென்று அடையும். புதுடில்லியில் இருந்து, சென்னை சென்ட்ரலுக்கு மாலை, 6:40 மணிக்கு புறப்படும். சென்னை சென்ட்ரலில் இருந்து, இந்த ரயில் புறப்படும் மற்றும் வரும் நேரத்தில் மாற்றமில்லை என, தெற்கு ரயில்வே தெரிவித்துள்ளது.

நர்ஸ்களுக்கு விரைவில் புதிய சீருடை: அமைச்சர்

Added : மே 12, 2018 00:28

சென்னை: ''நர்ஸ்களுக்கு பாரம்பரியம் மாறாமல், புதிய சீருடை வழங்கப்படும்,'' என, சுகாதாரத்துறை அமைச்சர் விஜயபாஸ்கர் தெரிவித்தார்.
உலக நர்ஸ்கள் தினத்தையொட்டி, அரசு மருத்துவமனைகளில் சிறப்பாக பணிபுரிந்த, 251 நர்ஸ்களுக்கு, விருதுகள் வழங்கும் விழா, தமிழ்நாடு டாக்டர் எம்.ஜி. ஆர்., மருத்துவ பல்கலையில், நேற்று நடந்தது. நர்ஸ்களுக்கு விருதுகளை வழங்கிய பின், அமைச்சர் விஜயபாஸ்கர் கூறியதாவது: புதிய சீருடை வழங்க வேண்டும் என, நர்ஸ்கள் நீண்ட நாட்களாக கோரி வருகின்றனர். இதற்காக, ஐ.ஏ.எஸ்., அதிகாரி உமா மகேஸ்வரி தலைமையில் குழு அமைக்கப்பட்டு உள்ளது.விரைவில், பாரம்பரியம்மாறாமல், புதியசீருடைகள் வழங்கப்படும். நர்ஸ்களுக்கு விரைவில், பதவி உயர்வு வழங்கப்படும். ஒப்பந்த அடிப்படையில் நியமிக்கப்பட்டுள்ள, 10 ஆயிரம் நர்ஸ்கள் படிப்படியாக நிரந்தரம் செய்யப்படுவர். மகப்பேறு மருத்துவம் படித்த, 134 ஆண் நர்ஸ்கள், மருத்துவ பணியாளர் தேர்வு வாரிய தேர்வுகளை எழுதும் வகையில், விதிகள் தளர்த்தப்படும். தற்போது உள்ள, டிப்ளமா நர்சிங் படிப்பை, பட்ட படிப்பாக மாற்ற, எம்.ஜி.ஆர்., மருத்துவ பல்கலை முயற்சி மேற்கொண்டுள்ளது.இவ்வாறு அவர் கூறினார்.

விழாவில், சுகாதாரத்துறை செயலர், ராதாகிருஷ்ணன், தமிழக சுகாதார திட்ட இயக்குனர், உமா மகேஸ்வரி, மருத்துவ கல்வி இயக்குனர், எட்வின் ஜோ உட்பட, பலர் பங்கேற்றனர்.

வதோராவில் ரயில்வே பல்கலை. யு.ஜி.சி. ஒப்புதல்

Added : மே 12, 2018 03:05



வதோதரா: ரயில்வே பல்லை. அமைக்க பல்கலை மானியக்குழு ஒப்புதல் வழங்கியது நாட்டின் வளர்ச்சிக்கு, ரயில்வே துறையை மேம்படுத்துவதன் ஒரு பகுதியாக, நாட்டின் முதல் ரயில்வே பல்கலை கழகத்தை, குஜராத் மாநிலம் வதோதராவில் அமைக்க மத்திய அரசு திட்டமிட்டுள்ளது; விரைவில், அதற்கான நடவடிக்கைகள் மேற்கொள்ளப்பட்டு வருகின்றன. இந்நிலையில் தேசிய ரயில் மற்றும் போக்குவரத்து இன்ஸ்டியூட் அமைக்க மத்திய மனித வள மேம்பாட்டுத்துறை அங்கீகாரம் அளித்துள்ளதை தொடர்ந்து ரயில்வே பல்கலை. க்கு யு.ஜி.சி. எனப்படும் பல்கலை. மானியக்குழு ஒப்புதல் அளித்துள்ளதாகவும் இந்த பல்லை. மாணவர்கள் மற்றும் சிறந்த ஆசிரியர்களை ஈர்க்கும் திறன் மற்றும் மாணவர்களுக்கு சிறந்த வேலைவாய்ப்பு வாய்ப்புகளை வழங்கும் எனவும் தகவல்கள் தெரிவிக்கின்றன.

10 நிமிடத்திற்கு நம்புகிறேன்: கிரண்பேடி : நிரந்தரமாக நம்புகிறேன்: நாராயணசாமி

Added : மே 12, 2018 01:56



புதுச்சேரி: புதுச்சேரி கம்பன் விழாவில், தன் ஆங்கில உரையை, முதல்வர் நாராயணசாமியை அழைத்து, கவர்னர் மொழிபெயர்க்க வைத்தார். இருவரும், ஒருவரை ஒருவர் இன்முகத்துடன் கலாய்த்துக்கொண்டது, விழாவில் சிரிப்பலையை ஏற்படுத்தியது.புதுச்சேரி கவர்னர் கிரண் பேடியும், முதல்வர் நாராயணசாமியும், ஒருவரை ஒருவர் குற்றம் சாட்டி வருகின்றனர். இதன் உச்சகட்டமாக, நேற்று முன்தினம், முதல்வர் நாராயணசாமி கூறுகையில், 'மத்திய அரசுக்கு கவர்னர் அனுப்பிய கோப்புகள் அனைத்தையும் திருப்பி அனுப்பி, புதுச்சேரி அமைச்சரவைக்கே முடிவு எடுக்கும் அதிகாரம் உள்ளதாக கூறிவிட்டது. 'இதன் மூலம், மத்திய அரசின் நம்பிக்கையை இழந்த கவர்னர் கிரண் பேடி, பதவி விலக வேண்டும்' என்றார்.அதற்கு பதிலடி கொடுக்கும் வகையில், கவர்னர் கிரண் பேடி, 'வேலையில் இருந்து தான் விலக முடியும். இலக்கில் இருந்து விலக முடியாது. புதுச்சேரியை வளமாக மாற்ற வேண்டும் என்ற இலக்குடன் செயல்பட்டு வருகிறேன். 'புதுச்சேரியின் மீது விருப்பம் இருந்தால், என்னுடன் இணைந்து பணியாற்ற வேண்டும்' என்று, முதல்வர் நாராயணசாமிக்கு அழைப்பு விடுத்திருந்தார்.கவர்னர், முதல்வர் இடையிலான உச்சகட்ட மோதல், நேற்று முன்தினம், தவளக்குப்பத்தில் நடந்த திறன் மேம்பாட்டு பயிற்சி முகாம் துவக்க விழாவில் வெட்டவெளிச்சமானது. இரண்டு மணி நேரம் நடந்த விழாவில், முதல்வரும், கவர்னரும் அருகருகே அமர்ந்திருந்தும், ஒரு வார்த்தை கூட பேசிக்கொள்ளவில்லை.இந்நிலையில், கம்பன் கலையரங்கில், நேற்று காலை நடந்த கம்பன் விழா வில், கவர்னர், முதல்வர் இருவரும் பங்கேற்றனர். கவர்னர் கிரண்பேடி தொடக்க உரையாற்ற வந்தார். அப்போது, 'இங்கு எத்தனை பேருக்கு ஆங்கிலம் தெரியும் கையை உயர்த்துங்கள்' என்றார். மிகக்குறைவான எண்ணிக்கையில், கையை உயர்த்தினர். பின், 'இங்கு ஆங்கிலம், ஹிந்தி, தமிழ், பிரெஞ்ச் என, பன்மொழி தெரிந்த முதல்வர் உள்ளார். அவர் மொழிமாற்றம் செய்ய வேண்டும்' என, அழைத்தார்.'கவர்னர் அழைக்கிறார் என்பதை விட, கம்பன் விழாவிற்காக மொழி மாற்றம் செய்கிறேன்' என, முதல்வர் நாராயணசாமியும், அதற்கு முன்வந்தார். அப்போது, கவர்னர், தான் கூறுவதை மட்டுமே மொழிமாற்றம் செய்ய வேண்டும் என்றும், 10 நிமிடத்திற்கு முதல்வரை நம்புவதாகவும் கூறினார்.உடனே, முதல்வர் நாராயணசாமி, தான் நிரந்தரமாகவே கவர்னர் கிரண்பேடியை நம்புவதாக தெரிவித்தார். இதையடுத்து, தானும் அவ்வாறு முதல்வரை நம்புவதாகவும், இந்த நட்பு காலம் முழுக்க நீடிக்க வேண் டும் என, விரும்புவதாகவும் கிரண் பேடி கூறினார்.

அதையடுத்து, கவர்னரின் ஆங்கில உரையை முதல்வர் மொழியாக்கம் செய்தார். விழா மேடையில் கவர்னருக்கும், முதல்வருக்கும் நடந்த இந்த உரையாடல், பார்வையாளர்கள் மத்தியில் சிரிப்பலையை ஏற்படுத்தியது.

இன்று கர்நாடகா தேர்தல்: மும்முனை போட்டி நிலவுகிறது

Updated : மே 12, 2018 06:29 | Added : மே 12, 2018 04:41



  பெங்களூரு : பெரும் எதிர்பார்ப்புகளுக்கு இடையே, கர்நாடக மாநில சட்டசபை தேர்தல், இன்று நடக்கிறது.. மாநிலம் முழுவதும், ஒரு மாதத்துக்கு மேலாக நடந்து வந்த அனல் பறக்கும் பிரசாரம், முடிவடைந்தது. கர்நாடக முதல்வரும், காங்., மூத்த தலைவருமான, சித்தராமையா, ஆட்சியை தக்க வைப்பாரா அல்லது பா.ஜ.,வின் எடியூரப்பாவிடம், முதல்வர் நாற்காலியை பறிகொடுப்பாரா என்பது, வரும், 15 ல் தெரிந்து விடும்.

கர்நாடகாவில் சித்தராமையா அரசின் பதவிக் காலம், இம்மாதம், 28ம் தேதியுடன் முடிவடைகிறது. இதையடுத்து, சட்டசபை தேர்தலுக்கான அட்டவணை, மார்ச், 27ல், வெளியிடப்பட்டது.ஜெயநகர் தொகுதி, பா.ஜ., வேட்பாளர் விஜயகுமார், மாரடைப்பால் இறந்தார். அந்த தொகுதியில் தேர்தல் ரத்து செய்யப்பட்டது.

மீதமுள்ள, 223 தொகுதிகளிலும் இன்று ஓட்டுப்பதிவு நடக்கிறது. பா.ஜ., சார்பில், 223 வேட்பாளர்கள் களத்தில் உள்ளனர். காங்., சார்பில், 221 பேரும், மதச் சார்பற்ற ஜனதா தளம் சார்பில், 200 பேரும் போட்டியிடுகின்றனர். சுயேச்சைகள் உட்பட, மொத்தம், 2,636 வேட்பாளர்கள் களத்தில் உள்ளனர்.பா.ஜ., சார்பில், பிரதமர் நரேந்திர மோடி, கட்சியின் தேசிய தலைவர், அமித் ஷா, மத்திய அமைச்சர்கள், ராஜ்நாத் சிங், நிர்மலா சீதாராமன், உ.பி., முதல்வர், யோகி ஆதித்யநாத், ம.பி., முதல்வர், சிவ்ராஜ் சிங் சவுகான் காங்கிரஸ் சார்பில், கட்சி தலைவர், ராகுல், மூத்த தலைவர், சோனியா மற்றும் முன்னாள் மத்திய அமைச்சர்கள் தீவிர பிரசாரம் செய்தனர். மதச் சார்பற்ற ஜனதா தளம் சார்பில், முன்னாள் பிரதமர் தேவகவுடா பிரசாரத்தில் ஈடுபட்டார்

அனைத்து தொகுதிகளுக்கும், இன்று காலை, 7:00 மணி முதல், மாலை, 6:00 மணி வரை ஓட்டுப்பதிவு நடக்கிறது. மின்னணு ஓட்டுப்பதிவு இயந்திரங்கள் மூலம் மாநிலம் முழுவதும், 56 ஆயிரத்து 995 சாவடிகள் அமைக்கப்பட்டுள்ளன. இந்த தேர்தலில், ஐந்து கோடி வாக்காளர்கள், ஓட்டளிக்க தகுதி பெற்று உள்ளனர்.

இத்தேர்தலில் காங்., பா.ஜ. மற்றும் மதச்சார்பற்ற ஜனதா தளம் என மூன்று கட்சிகள் தனிததனியே போட்டியிடுவதால் மும்முனை போட்டி நிலவுகிறது. கர்நாடக மாநில சட்டசபை தேர்தல் முடிவுகள், அடுத்தாண்டு நடக்கும் லோக்சபா தேர்தலில் எதிரொலிக்கும் என, எதிர்பார்க்கப்படுவதால் வெற்றி யாருக்கு என்பது குறித்து மே 15-ல் நடக்க உள்ள ஓட்டு எண்ணிக்கையின் போது தெரிவரும்.தேர்தல் பாதுகாப்புக்காக மாநில முழுவதும் 1 லட்சத்து 40 ஆயிரம் போலீசார் பாதுகாப்பு பணியில் ஈடுபடுத்தப்பட்டுள்ளனர்.

மாவட்ட செய்திகள்

காஞ்சீபுரம் ஏகாம்பரநாதர் கோவிலில் ரூ.25 கோடியில் பக்தர்கள் தங்கும் விடுதி கட்டுமான பணிக்கான டெண்டர் வெளியீடு



காஞ்சீபுரம் ஏகாம்பரநாதர் கோவில் பக்தர்கள் தங்குவதற்காக ரூ.25 கோடி மதிப்பீட்டில் தங்கும் விடுதி கட்டப்படுகிறது.

மே 12, 2018, 03:27 AM

காஞ்சீபுரம்,

காஞ்சீபுரம் ஏகாம்பரநாதர் கோவிலுக்கு சொந்தமான லாலாதோட்டம் என்ற இடத்தில் 5 ஏக்கரில் உள்நாட்டு மற்றும் வெளிநாட்டு பக்தர்கள் தங்குவதற்காக ரூ.25 கோடி மதிப்பீட்டில் தங்கும் விடுதி (யாத்திரை நிவாஸ்) கட்டப்படுகிறது.

மத்திய-மாநில அரசுகளின் சுற்றுலாத்துறை மூலம் அமைக்கப்படும் இந்த விடுதிக்கு ஆசிய வளர்ச்சி வங்கி நிதியுதவி செய்கிறது. 150 அறைகளுடன் நவீன முறையில் கட்டப்படும் இந்த விடுதியின் கட்டுமான பணிக்கான டெண்டர் நேற்று வெளியிடப்பட்டது. இதில் ஏராளமான ஒப்பந்ததாரர்கள் கலந்து கொண்டனர்.

கோவில் வளாகத்தில் நடந்த இந்த நிகழ்ச்சியில் இந்து சமய அறநிலையத்துறை உதவி ஆணையர் ரமணி, கோவில் செயல் அலுவலர் வை.முருகேசன், முன்னாள் மேலாளர் சீனிவாசன், இந்து சமய அறநிலையத்துறை வேலூர் மண்டல தணிக்கை அதிகாரி சரோஜா, உதவி கோட்ட பொறியாளர் கல்யாணசுந்தரம், ஆசிய வளர்ச்சி வங்கி அதிகாரி வேலாயுதம் ஆகியோர் கலந்து கொண்டனர்.

மாநில செய்திகள்

நாடு முழுவதும் வங்கி ஊழியர்கள் 2 நாட்கள் வேலைநிறுத்தம் 30, 31-ந்தேதி நடக்கிறது




ஊதிய ஒப்பந்தம் தொடர்பாக நாடு முழுவதும் வங்கி ஊழியர்கள் வருகிற 30, 31 ஆகிய 2 நாட்கள் வேலைநிறுத்தம் மேற்கொள்ள உள்ளனர். #Bankstrike

மே 12, 2018, 05:15 AM

சென்னை,

வேலைநிறுத்தம் குறித்து அகில இந்திய வங்கி ஊழியர் சங்கத்தின் பொதுச்செயலாளர் சி.எச்.வெங்கடாச்சலம் ‘தினத்தந்தி’ நிருபரிடம் கூறியதாவது:-

வங்கி ஊழியர்களுக்கான ஊதிய விகித ஒப்பந்தம் கடந்த அக்டோபர் மாதத்துடன் முடிவடைந்துவிட்டது. எனவே நவம்பர் மாதத்தில் புதிய ஒப்பந்தம் போட்டிருக்க வேண்டும். ஆனால் போடாததால், புதிய ஊதிய விகிதம் தொடர்பாக நாங்கள் தொடர்ந்து வலியுறுத்தி வந்தோம்.

இந்தநிலையில் கடந்த 5-ந்தேதி மும்பையில் இருதரப்பு பேச்சுவார்த்தை நடைபெற்றது. இதில் வங்கிகள் லாபத்தில் இயங்கவில்லை. எனவே வெறும் 2 சதவீதம் தான் ஊதிய உயர்வு வழங்கப்படும் என்று நிர்வாகம் தரப்பில் தெரிவிக்கப்பட்டது.

கடந்த மார்ச் 31-ந்தேதியுடன் முடிவடைந்த ஓராண்டில் வங்கிகளின் மொத்த லாபம் ரூ.1 லட்சத்து 58 ஆயிரம் கோடி ஆகும். பெரும் முதலாளிகள் பெற்ற வராக்கடன்களை சமாளிப்பதற்காக வங்கிகள் லாபத்தில் இயங்கவில்லை என்று தெரிவிக்கின்றனர்.

பெரும் முதலாளிகளை காப்பற்றுவதற்காக வங்கி ஊழியர்கள், வாடிக்கையாளர்கள் மீது சுமையை திணிப்பது ஏற்புடையது அல்ல. இது கண்டனத்துக்குரியது.

இந்த நடவடிக்கை குறித்து அகில இந்திய வங்கி ஊழியர்கள் சங்கத்தின் ஆலோசனை கூட்டம் மும்பையில் நடத்தப்பட்டது. இதில் நாடு முழுவதும் 2 நாட்கள் வேலைநிறுத்த போராட்டம் நடத்துவது என்று தீர்மானிக்கப்பட்டது.

அதன்படி வருகிற 30 (புதன்கிழமை) மற்றும் 31 (வியாழக்கிழமை) ஆகிய 2 நாட்கள் வேலைநிறுத்த போராட்டத்தில் ஈடுபட உள்ளனர். இந்த வேலைநிறுத்த போராட்டத்தில் பொதுத்துறை, தனியார் மற்றும் அயல்நாட்டு வங்கி ஊழியர்களும், அதிகாரிகளும் பங்கேற்கின்றனர்.

நாடு முழுவதும் 10 லட்சம் பேரும், தமிழகத்தில் 55 ஆயிரம் பேரும் கலந்துகொள்கின்றனர். 2 நாட்களும் எங்களுடைய கோரிக்கைகளை வலியுறுத்தி ஆர்ப்பாட்டங்கள் நடத்தப்படும்.

இவ்வாறு அவர் கூறினார்.

தேசிய செய்திகள்

பொதுப்பிரிவினர் “25 வயதுக்கு மேல் நீட் தேர்வு எழுத முடியாது”: சி.பி.எஸ்.இ. அறிவிக்கையை டெல்லி ஐகோர்ட்டு உறுதி செய்தது

பொதுப்பிரிவினர் 25 வயதுக்கு மேல் நீட் தேர்வு எழுத முடியாது என்ற சி.பி.எஸ்.இ. அறிவிக்கையை டெல்லி ஐகோர்ட்டு உறுதி செய்துள்ளது.

மே 12, 2018, 05:15 AM

புதுடெல்லி,

மருத்துவ படிப்பில் சேருவதற்கான நீட் தேர்வை பொதுப்பிரிவினர் 25 வயது வரையும், இடஒதுக்கீடு பிரிவினர் 30 வயது வரையும் மட்டுமே எழுத முடியும் என்று வயது உச்சவரம்பு நிர்ணயித்து கடந்த ஜனவரி 22-ந் தேதி சி.பி.எஸ்.இ. அறிவிக்கை வெளியிட்டது.

இந்த வயது உச்சவரம்பை எதிர்த்து டெல்லி ஐகோர்ட்டில் மனுக்கள் தாக்கல் செய்யப்பட்டன. இம்மனுக்கள், நீதிபதிகள் சஞ்சீவ் கன்னா, சந்தர் சேகர் ஆகியோர் அடங்கிய அமர்வு முன்பு விசாரிக்கப்பட்டன.

விசாரணை முடிவடைந்த நிலையில், இம்மனுக்களை தள்ளுபடி செய்து நீதிபதிகள் நேற்று தீர்ப்பு அளித்தனர். வயது உச்சவரம்பு நிர்ணயித்து பிறப்பிக்கப்பட்ட அறிவிக்கை சட்டரீதியாக செல்லும் என்று உத்தரவிட்டனர். எனவே, 25 வயதுக்கு மேற்பட்ட பொதுப்பிரிவினரும், 30 வயதுக்கு மேற்பட்ட இடஒதுக்கீடு பிரிவினரும் நீட் தேர்வு எழுத முடியாது.

அதே சமயத்தில், திறந்தவெளி பள்ளிகளிலும், தனியாகவும் படித்தவர்கள் நீட் தேர்வு எழுத தடை விதிக்கும் உட்பிரிவு செல்லாது என்று கூறி, அதை நீதிபதிகள் ரத்து செய்தனர். அம்மாணவர்களின் தேர்வு முடிவுகளை மற்ற மாணவர்களின் தேர்வு முடிவுகளுடன் சேர்த்து வெளியிடலாம் என்றும் கூறினர்.

மாநில செய்திகள்

அக்னி நட்சத்திர உக்கிரம்: வறுத்தெடுக்கும் வெயில்; வாடி வதங்கும் பொதுமக்கள்




அக்னி நட்சத்திர உக்கிரம் காரணமாக தற்போது சென்னையில் வெயில் வறுத்தெடுக்கிறது.

மே 12, 2018, 04:45 AM

சென்னை,

அக்னி நட்சத்திர உக்கிரம் காரணமாக தற்போது சென்னையில் வெயில் வறுத்தெடுக்கிறது. இதனால் பகல் நேரங்களில் வெளியில் செல்வோர் வாடி வதங்குகின்றனர்.

இந்த ஆண்டு கடந்த 4-ந்தேதி அக்னி நட்சத்திரம் தொடங்கியது. இந்த காலகட்டத்தில் கோடை மழை பெய்தால் வெப்பம் சற்று தணியும். தமிழகத்தின் பல்வேறு இடங்களில் கோடை மழை பெய்தபோதும் சென்னை நகர் மற்றும் புறநகர் பகுதிகளில் இதுவரை மழை எட்டிப்பார்க்கவில்லை. இதன்காரணமாக சென்னை நகர் மற்றும் புறநகர் பகுதிகளில் வெயிலின் உக்கிரம் அதிகமாக உள்ளது. இந்த ஆண்டில் அதிகபட்சமாக மீனம்பாக்கத்தில் இந்த கோடையில் 102 டிகிரி வெயில் பதிவாகி உள்ளது.

பொதுமக்கள் பகல் நேரங்களில் வீட்டுக்குள்ளேயே முடங்கிக்கிடக்கின்றனர். வெயிலின் தாக்கம் குறைந்த பின்பு மாலை நேரங்களில் அருகில் உள்ள திறந்தவெளி பூங்கா மற்றும் கடற்கரைகளுக்கு பொதுமக்கள் குழந்தைகளுடன் படையெடுக்கின்றனர். இதனால் பூங்காக்களில் மாலை நேரங்களில் கூட்டம் அதிகமாக காணப்படுகிறது.

அதிக வெப்பம் காரணமாக பகல் மற்றும் இரவு முழுவதும் மின்விசிறி இல்லாமல் வீட்டுக்குள் இருக்க முடியாது என்ற நிலைக்கு பொதுமக்கள் தள்ளப்பட்டுள்ளனர். அவ்வப்போது மின்சாரம் தடைபடுவதால் இரவு நேரங்களில் தூங்கமுடியாமல் பொதுமக்கள் சிரமப்படுகின்றனர்.

வெயிலின் உக்கிரம் காரணமாக மதிய நேரங்களில் முக்கிய சாலைகளில் வாகனங்கள் குறைவாகவே செல்கின்றன. பல இடங்களில் சாலைகள் வெறிச்சோடி காணப்படுகின்றன. பஸ், ரெயில்களிலும் பயணம் செய்ய முடியாத அளவுக்கு வெப்ப தாக்கம் அதிகமாக உள்ளது. இரவு நேரங்களில் குளிர்சாதன வசதி(ஏ.சி.) இல்லாத பஸ்களில் பயணம் செய்வது சிரமமாக உள்ளது.

இதன்காரணமாக கூடுதல் செலவானாலும் பரவாயில்லை என்று கூறி பலர் பகல், இரவு எந்த நேரமானாலும் குளிர்சாதன வசதி கொண்ட பஸ்களையே வெளியூர் பயணத்துக்கு தேர்வு செய்கின்றனர்.

வெயிலின் உக்கிரம் காரணமாக சென்னை நகர் மற்றும் புறநகரின் பல்வேறு பகுதிகளில் கரும்புச் சாறு, பழச்சாறு மற்றும் குளிர்பான கடைகள் திடீரென முளைத்துள்ளன. இதுதவிர மோர், இளநீர், பனை நுங்கு, வெள்ளரி பிஞ்சு வியாபாரமும் சூடுபிடித்துள்ளன.

டாஸ்மாக் மதுபான கடைகளில் கூலிங் பீருக்கு கிராக்கி அதிகரித்து உள்ளது. கூலிங் பீர் குடிப்போரின் எண்ணிக்கை அதிகரித்து உள்ளதால் டாஸ்மாக் கடைகளில் அவ்வப்போது பீரை கூலிங் செய்து கொடுக்கமுடியாமல் பணியாளர்கள் திணறி வருகின்றனர். இதனால் இரவு நேரங்களில் பல டாஸ்மாக் கடைகளில் கூலிங் பீர் கிடைப்பது இல்லை.

சென்னை நகரில் கடற்கரையை ஒட்டியுள்ள சில பகுதிகளில் மட்டும் பகல் நேரங்களில் கடற்காற்று வீசுவதால் வெப்பம் அதிகமாக தெரியவில்லை.

நலம்... நலமறிய ஆவல்!

அன்புள்ள வாசகர்களே...1 Jun 2015 at 7:37 AM

'நலம்! நலமறிய ஆவல்" என்ற நினைவலைகளோடு நீண்ட நாட்களுக்குப் பின் தபால் நிலையத்துக்குச் சென்றேன். என்னடா! இவன் இன்னமும் அங்கு செல்கிறான். நவீன தொழில்நுட்பங்கள் எதுவும் இவனுக்குத் தெரியாதோ?, இவன் அந்த காலத்து ஆளோ என்று எண்ணிவிட வேண்டாம்.

நானும் நவீனத்தின் பிடியில் சிக்குண்ட மனிதன்தான். என்னதான் ஏறுமுகமாக தொழில்நுட்ப வளர்ச்சி இருந்தாலும், ஆரம்பகால வளர்ச்சி நிலைகளையும், அதன் நிலையங்களையும் மறக்க முடியாது.

'அன்புள்ள' என எழுதத் தொடங்கியதுமே அன்பு மலர தொடங்கிவிடும். 25 காசுகள் கொடுத்து அந்த போஸ்ட் கார்டை வாங்கி, எழுத்துக்களை சுருக்கியும், நெருக்கியும் எழுதி தபால் பெட்டிக்குள் போட்டு, அது உள்ளிறங்க தட்டி விட்ட தருணங்கள் தருமே இன்பம் ஆயிரம். இனி வருமா அந்த இன்பம்..? இளைய தலைமுறை, அதை மீட்டெடுக்க தவறி விட்டால், தந்தி போன்று இதுவும் மூடுவிழா கண்டுவிடும்.

வெளிநாட்டில் இருந்து உழைக்கும் அந்த உறவு அனுப்பிய இன்லேண்ட் கடிதத்தைப் பிரித்து படிக்கையில் உணரப்படுவது, கண் வழி காட்சி தரும். என்னதான் விஞ்ஞானம் விமரிசையாக வளர்ச்சி பெற்றாலும் காதல் கடிதங்களுக்கு இன்னமும் தனி மவுசுதான். என்ன அங்கு மெல்ல சிரிப்பு..? உங்கள் வாழ்க்கையிலும் காதல்  கடிதம் எழுதியதுண்டோ?

இப்படியாக அன்பு வெளிப்படுத்தும் கருவிதான் இந்த கடிதம். எழுதுபவரின் அன்பை உட்கொண்டு உரியவர்க்குக் கிடைக்கப் பெற்று வாசிக்கும்போது வரம் கிடைத்தாற் போல அந்த அன்பு முழுவதுமாக கடித வழி காட்சி தரும்.

உச்! உச்! என கைப்பேசிகளில் முத்த மழை கொட்டிக் கொள்ளும் காதல் ஜோடிகளின் உறவு முறியலாம்; சரியலாம். போலி 'உச்'சுகளும் இருக்கலாம். ஆனால், கடித வழி காதல் அப்படியா? காத்திருக்கும்; காத்திருந்து இன்பம் பயக்கும்.

அலுவலக பணி வர்த்தனைகளில் இன்னமும் பெரும்பாலும் கடித போக்குவரத்துகளே அதிகம் என, நண்பர்களே நமக்குத் தெரிந்திருக்கும். உலகமே கைக்குள் கணினியாய் அடங்கிய பின்பும் கடிதம் எழுதுவது அவசியமா? என அங்கலாய்க்கும் அன்பர்களுக்கு நினைவுபடுத்த விரும்புகிறேன் ஒன்று...

படிக்கும் பள்ளி, கல்லூரி மற்றும் பணிபுரியும் அலுவலகங்களில் விடுப்பு எடுத்தாலோ அல்லது இன்ன பிற காரணங்களுக்காக கடிதம் எழுத பணித்தால், அவர்கள் எழுதும் கடிதம், எழுத்துப் பிழைகளின் கூடாரம் என சொல்லும் அளவிற்கு தவறுதலாக உள்ளது. என்ன கொடுமை சரவணன் இது?

நவீனத்திற்கு நம்மையும் உட்படுத்திக் கொள்வது அவசியம்; அத்தியாவசியம். ஆனால், பழச மறக்காம பத்திரமா பார்த்துக்கொள்ள வேண்டியதும் நம்ம கடமை இல்லையா? எல்லாம் கடித மயமாகட்டும் என கேட்கவில்லை.

கடிதம் எழுதுவதை மறக்காமலிருப்போம்; மதிப்போம் என்றுதான் கேட்கிறேன். அதற்கு  இனி கடிதம் எழுதுவோம்!

இப்படிக்கு,
உங்கள் கடிதப்பிரியன்.

ஆண்டனி ஜியோன் துரை

பாழடைந்த ஆலயங்களில் வழிபட்டால் பலன் கிடைக்குமா?

மு.ஹரி காமராஜ்
 
vikatan 11.05.2018

`கோயில் இல்லாத ஊரில் குடியிருக்கவேண்டாம்' என்பது ஆன்றோர் வாக்கு. மக்கள் குடியிருக்கும் ஊர்களிலெல்லாம் ஆலயங்களும், ஆலயங்களிலெல்லாம் நித்திய பூஜைகளும் நடைபெற வேண்டும் என்பதற்காகத்தான், நாடெங்கிலும் மகரிஷிகளும் முனிவர்களும் மன்னர்களும் பல கோயில்களை எழுப்பிச் சென்றிருக்கிறார்கள். கோயில்களில் நித்திய பூஜைகள் தவறாமல் நடைபெற்று வந்தால்தான், ஊரும் நாடும்செழித்துச் சிறக்கும். ஆனால், அந்நியர்கள் படையெடுப்பின் காரணமாகவும், இயற்கைச் சீற்றங்களின் காரணமாகவும் பல ஆலயங்கள் இன்று சிதிலமடைந்திருப்பதைப் பல ஊர்களில் நம்மால் காணமுடிகிறது. இப்படிப் பாழடைந்த ஆலயங்கள் சென்று வழிபடலாமா, அது பற்றி சாஸ்திரங்களில் ஏதேனும் சொல்லப்பட்டிருக்கிறதா என்பது பற்றி ஆன்மிகப் பெரியோர்களிடம் விளக்கம் கேட்டோம்.




ஜோதிட வல்லுநர் கிருஷ்ணதுளசி :

``பாழடைந்த வழிபாடே இல்லாத கோயில்களுக்குச் சென்று வழிபட்டால், அதனால் எந்தப் பலனும் ஏற்படாது என்பதே உண்மை. அதனால்தான் 12 ஆண்டுக்கு ஒருமுறை எல்லாக் கோயில்களிலும் புனருத்தாரணம் செய்து, தெய்வ வடிவங்களுக்குச் சக்தியூட்டி வழிபாட்டை மேற்கொள்கிறோம். 12 ஆண்டுகள் என்பது குரு பகவானின் ஒரு சுற்று. ஆலயங்களில் உள்ள யந்திரங்களுக்கு வலுவூட்ட மந்திர சக்தி வேண்டும். அதனால்தான் தினமும் அர்ச்சனை செய்து வழிபடப்படும் கோயில்கள் பிரார்த்தனைத் தலங்களாக உள்ளன. முறையான பூஜைகள், மந்திர உபாசனைகள் இல்லாத ஆலயங்களில் தெய்வ சக்தி இருப்பதில்லை. அதனால், அங்கு தனி நபர் வழிபடுவதிலும் பலனில்லை.

ஆனால், ஓர் ஊரில் இருக்கும் ஆலயத்தை மீட்டெடுக்க வேண்டும், அது மீண்டும் பிரசித்தமாக வேண்டும் என்ற எண்ணத்தில் சிலர் கூடி, அவர்களால் முடிந்த தூய்மைப் பணிகளை மேற்கொண்டு எளிய பூஜைகளைச் செய்து வந்தால், நாளடைவில் அந்த ஆலயம் மேம்பாடு அடையும். காரணம், எண்ணங்களுக்கு நல்ல வலிமையுண்டு. மந்திரங்களைப்போலவே நல்ல எண்ணங்கள் தெய்வ சக்தியைத் தூண்டிவிடும் ஆற்றல் கொண்டவை. நூறு பேர் கூடி அந்த ஆலயம் புனரமைக்கப்பட வேண்டும் என்று வேண்டினால், அந்த எண்ணமே செயலாகிவிடும் அற்புதம் நிகழ்கிறது. பலர் கூடி ஒரே நோக்கத்தில் வேண்டும்போது அந்தக் கூட்டுப் பிரார்த்தனை பலிதமாகிறது. அப்போது தானாக அந்த ஆலயம் மீண்டெழுகிறது. எனவே, உங்கள் ஊரில் சிதைந்துபோன ஆலயங்கள் இருந்தால் கவலைப்படாமல் செல்லுங்கள். வழிபடுங்கள். ஆனால், உங்கள் காரியத்துக்காக வேண்டிக்கொள்ளாமல், அந்தக் கோயில் மீண்டும் புதுப் பொலிவு பெறவேண்டுமென்று பலரோடு சென்று பிரார்த்தனை செய்துகொள்ளுங்கள். நாளடைவில் அந்தக் கோயிலும் சிறக்கும்; உங்கள் ஊரும் சிறக்கும்.''



சிதம்பரம் நடராஜர் கோயில் அர்ச்சகர் நடராஜ ரத்னா :
``கோயில் என்றாலே அது காலம் காலமாக வழிபாடு செய்யும் இடமாக, தெய்வ சாந்நித்யத்துடன் திகழ வேண்டும் என்பதற்காகத்தான், நம் முன்னோர்கள் ஆகம சாஸ்திரங்களின்படி கோயில்களை அதிக சிரத்தை எடுத்துக்கொண்டு நிர்மாணித்தார்கள். ஆனாலும், கால மாற்றம் மற்றும் படையெடுப்புகளின் காரணமாகவும் பல ஆலயங்கள் சிதிலமடைந்துவிட்டன. அத்தகைய ஆலயங்கள் பலவற்றை மகான்கள் புனரமைத்ததும் உங்களுக்குத் தெரிந்திருக்கும். ஆலயங்களைப் புனரமைப்பது புண்ணியச் செயல். எத்தனை ஆண்டுகளானாலும் ஒரு கோயிலில் தெய்வ சாந்நித்யம் இருக்கவே செய்யும். பூஜைகள் இல்லாததால் அந்த சாந்நித்யத்தை நம்மால் உணர முடியாது. மக்கள் பலரும் ஒன்று கூடி, சிதிலமுற்ற கோயில்களில் வழிபாடு செய்து வேண்டிக்கொண்டால், நிச்சயமாக அந்த ஆலயம் மீண்டெழும். அப்படி வேண்டிக்கொண்ட மக்களின் குலமும் தலைமுறை தலைமுறையாகச் சிறப்புற்று வாழும். ஆகம விதி, தோஷம் என்றெல்லாம் குழப்பிக்கொள்ளாமல் உங்கள் ஊர் ஆலயங்களைச் சுத்தப்படுத்துங்கள். நல்லது செய்ய ஏன் தயங்க வேண்டும்? தயங்காமல் சிதிலமடைந்த கோயில்களில் வழிபடுங்கள். நல்லதே நடக்கும்.’’



ஸ்தபதி தசரதன் :

``பாழடைந்த ஆலயங்கள் அனைத்தையும் வழிபட முடியாது. தெய்வ மூர்த்தங்களே இல்லாத கோயில்களில் எப்படி வழிபட முடியும்? அதேபோல், பின்னமடைந்த தெய்வ மூர்த்தங்களையும் நாம் வழிபடக் கூடாது. அப்படிப்பட்ட ஆலயங்களில் ஓரளவுக்கேனும் திருப்பணிகள் மேற்கொண்டு, அதன் பிறகே வழிபட வேண்டும். சிதிலமான ஓர் ஆலயத்தில் வழிபடலாமா என்பதை அறிந்துகொள்வதற்கு எளிய வழி உண்டு. சிதைந்திருக்கும் கோயிலில் சற்று நேரம் அமர்ந்து தியானம் செய்து பாருங்கள். உங்கள் மனம் தியானத்தில் லயித்தால், மனதில் அமைதி ஏற்பட்டால், நல்லதொரு சூழல் அங்கே காணப்பட்டால் அந்த இடத்தில் தெய்வ அனுக்கிரகம் பரிபூரணமாக உண்டென்பதை உறுதியாகச் சொல்லலாம். சில கோயில்களில் தெய்வ மூர்த்தங்கள் இல்லையென்றாலும்கூட, புனித அதிர்வுகளை நம்மால் உணர முடியும். அந்த இடங்களில் சித்தர்கள், மகான்களின் சாந்நித்யம் இருக்கிறது என்பதை அறிந்துகொள்ளலாம். அந்த இடங்களில் தெய்வத் திருவுருவப் படங்களை வைத்து வழிபடலாம். தனிப்பட்ட காரியத்துக்காக வேண்டிக்கொள்ளாமல், கோயிலில் எழுந்தருளியிருந்த ஆண்டவன் மறுபடியும் வெளிப்பட வேண்டும் என்ற உயர்ந்த எண்ணத்துடன் பிரார்த்தனை செய்துகொள்ளுங்கள். உங்களின் நல்ல எண்ணம் அந்தக் கோயிலை மறுபடியும் எழும்பச் செய்துவிடும்.''

உண்மைதான்! ஊர் கூடித்தானே தேரை இழுக்கிறோம். உங்கள் ஊரிலுள்ள பழைமையான, சிதிலமான ஆலயங்களில் சென்று வழிபடுங்கள். பிரபலமான கோயிலில் தங்கத் தேர் இழுப்பதைவிட, கவனிக்கப்படாத கோயிலில் தீபமேற்றி வழிபடுவதன் மூலம் அந்தக் கோயில் மீண்டும் புதுப் பொலிவு பெறுவதுடன், உங்கள் வாழ்க்கையும் உங்கள் சந்ததியினரின் வாழ்க்கையும் செழித்துச் சிறக்கும் என்பதில் சந்தேகமேயில்லை.

டூர் கிளம்பும் முன் கார் டயர்களை கவனித்திருக்கிறீர்களா?! 

சார்லஸ்

vikatan 11.05.2018 

டூர் என்றால் பஸ், ரயிலில் கிளம்பும் கூட்டம் குறைந்து கார்களில் பறக்கும் டிரெண்ட் இது. நினைத்த நேரத்தில் எந்த இடத்துக்கு வேண்டுமானாலும் செல்லலாம் என்பதுதான் கார்களில் பயணிப்பதன் பெரிய பலன். ஆனால், வெயில் காலத்தில் காரில் பயணிக்கும்போது சில விஷயங்களில் கவனம் செலுத்த வேண்டும். குறிப்பாக காரின் டயர்களில் கூடுதல் கவனம் தேவை!



நெடுஞ்சாலை விபத்துகளில் மிகமுக்கியக் காரணமாக இருப்பது டயர் வெடிப்புதான். எங்கே செல்லலாம், எங்கே தங்கலாம், என்னவெல்லாம் வாங்கலாம் என சுற்றுலாவுக்கு பிளான் போட நேரம் ஒதுக்கும் பலரும், கார் சரியான நிலையில் இருக்கிறதா என்று சோதித்துப் பார்ப்பதில்லை.

டயர் வெடிப்பு என்பது சாதாரணமான விஷயம் இல்லை. `நான் விலை உயர்ந்த கார் வைத்திருக்கிறேன். இந்த கார் டயர் எல்லாம் வெடிக்கவே வெடிக்காது' என்று யாரும் சொல்லவே முடியாது. லேண்ட்ரோவர் காரின் டயர்களே வெடித்து விபத்துக்குள்ளான செய்திகள் எல்லாம் உண்டு. அதனால் நானோவாக இருந்தாலும் சரி,பி.எம்.டபிள்யு-வாக இருந்தாலும் சரி கார் டயர்களில் அதிக கவனம் செலுத்த வேண்டும்.

என்ன செய்யலாம்?

* வாரத்துக்கு ஒரு முறையாவது கார் டயரின் காற்றைப் பரிசோதிப்பது அவசியம். நெடுஞ்சாலைப் பயணத்துக்குக் கிளம்பும்போது நிச்சயம் கார் டயர்களில் காற்றின் அளவை செக் செய்யாமல் காரை எடுக்கக்கூடாது.

* காரை வெளியே எடுத்த 5 கிமீட்டருக்குள் காற்றை செக் செய்ய வேண்டும். டயர் ஏற்கெனவே ஹீட் ஆகி இருக்கும் என்பதால் அதன்பிறகு காற்று நிரப்புவது சரியாக இருக்காது.

* இப்போது விற்பனைக்கு வரும் பெரும்பாலான கார்களில் ட்யூப்லஸ் டயர்கள்தான். ட்யூப்லஸ் டயர்களில் பஞ்சராகி இருப்பதே தெரியாது. அதனால் வாரத்துக்கு ஒரு முறை டயரை செக் செய்யும்போதுதான் திடீரென ஒரு டயரில் காற்று மிகவும் குறைந்திருப்பதைக் கண்டுபிடிக்க முடியும்.



* ஒரு டயரின் ஆயுட்காலம் என்பது 30,000 & 40,000 கி.மீட்டர்தான். சர்வதேச நிறுவனம் தயாரித்திருக்கும் டயர் 50,000 கி.மீ வரை பயன்படுத்தலாம். ஒன்றும் ஆகாது என்றெல்லாம் எந்த டயரையும் நம்ப முடியாது. அதற்கு மேல் அந்த டயர் நன்றாகவே இருக்கிறது என்றாலும் சர்வீஸ் அட்வைஸர்களின் அறிவுரைப்படி மாற்றுவது நல்லது.

* எக்காரணம் கொண்டும் விலை குறைவாக இருக்கிறது என்கிற காரணத்துக்காக தரமற்ற டயர்களை வாங்கிப் பொருத்தாதீர்கள்.

* நெடுஞ்சாலைப் பயணத்தின்போது உங்களுக்கு ஓய்வுதேவையோ இல்லையோ காருக்கும், டயருக்கும் ஓய்வு தேவை. குறைந்தது 2 மணி நேரத்துக்கு ஒருமுறையாவது 10 நிமிடம் பிரேக் விடவேண்டியது அவசியம்.

* காரில் அனுமதிக்கப்பட்ட அளவுக்கு மேல் வெயிட்டை ஏற்றக்கூடாது. ஓவர் வெயிட் டயர்களுக்கு கூடுதல் சுமை.

* அழகுக்காக விலை மலிவான வீல் கேப்புகளை வாங்கிப் பொருத்த வேண்டாம். சில நேரங்களில் இந்த வீல்கேப்புகளே டயரின் ஓரத்தை தேய்த்துவிடும்.



டயர் வெடித்தால் என்ன செய்யவேண்டும்?

* இதை எழுதுவது ஈஸி. ஆனால், அந்த சூழ்நிலையை எதிர்கொள்ளும்போதுதான் எவ்வளவு சிரமம் என்பது புரியும். டயர் வெடிப்பது என்பது ஒரு பாம் வெடிப்பது போன்று அதிக சத்தைதை எழுப்பும். இந்த சத்தமே நம்மை பயத்துக்குள் ஆழ்த்தி, அடுத்து என்ன செய்வதென்று தெரியாத நிலைக்குத் தள்ளிவிடும். அதனால் சட்டெனப் பதற்றப்படாமல் டயர் வெடித்தால் உடனடியாக பிரேக்கில் கால் வைத்து அழுத்தாதீர்கள். சடர்ன் பிரேக் பிடித்தால் கார் கவிழ்ந்துவிடும். மாறாக ஆக்லிலேட்டர் பெடலில் இருந்து கொஞ்சம் கொஞ்சமாக உங்கள் அழுத்தத்தைக் குறைத்து, வேகத்தைக் குறைக்க வேண்டும்.

* ஸ்டீயரிங்கில் உங்கள் கை பலமாக இருக்க வேண்டும். டயர் வெடித்த உடனேயே கார் திரும்பும் என்பதால் ஸ்டீயரிங்கை ஸ்ட்ராங்காக கன்ட்ரோல் செய்ய வேண்டும். எந்தப் பக்கம் கார் இழுக்கிறதோ அதற்கு எதிர்பக்கமாக ஸ்டீயரிங்கைத் திருப்ப வேண்டும். திருப்ப வேண்டும் என்பதற்காக உங்கள் முழு பலத்தையும் பயன்படுத்தி ஸ்டீயரிங்கை முழுவதுமாகத் திருப்பக்கூடாது. காரின் வேகம் குறையும்வரை நேராகச் செல்வதற்கு ஸ்டீயரிங்கை கன்ட்ரோல் செய்ய வேண்டும்.

* க்ரூஸ் கன்ட்ரோல் மோடில் வைத்து காரை ஓட்டிவந்தீர்கள் என்றால் உடனடியாக க்ரூஸ் கண்ட்ரோலை ஆஃப் செய்துவிடவேண்டும்.

* எச்சரிக்கை பட்டனைத் தட்டிவிட்டு கொஞ்சம் கொஞ்சமாக சாலையின் ஓரத்துக்கு காரைக் கொண்டுவந்து நிறுத்துங்கள்.




* ஸ்பேர் வீலை மாற்றிவிட்டு உடனே பயணத்தைத் தொடரலாம் என நினைக்கூடாது. வீலின் மற்ற பாகங்களிலும் பாதிப்பு ஏற்பட்டிருக்கலாம். அதனால் 24/7 கஸ்டமர் கேருக்கு போன் செய்து காரை வந்து சோதிக்கச்செய்ய வேண்டும்.

குழந்தை கடத்தல் அச்சம்: மனநலம் பாதிக்கப்பட்ட வட மாநில பெண்ணை தாக்கிய கிராம மக்கள்! 

ஜி.சதாசிவம் எஸ்.தேவராஜன்

 

விருத்தாசலம் அருகே உள்ளது காட்டுமைலூர் கிராமம். இந்தக் கிராமத்தில் நேற்று இரவு வட மாநிலத்தைச் சேர்ந்த மனநலம் பாதிக்கபட்ட பெண் ஒருவர் வந்துள்ளார். அவரைக் குழந்தை கடந்த வந்ததாக நினைத்து கிராம மக்கள் தாக்கியுள்ளனர். தகவலறிந்து சம்பவ இடத்திற்கு வேப்பூர் சப் இன்ஸ்பெக்டர் பூமாலை, தலைமைக் காவலர் புண்ணியமூர்த்தி ஆகியோர் சென்றுள்ளனர். அப்போது கிராம மக்களுக்கும், போலீசாருக்கும் ஏற்பட்ட வாக்குவாதத்தை செல்போனில் படம்பிடித்த ரவிவர்மன் என்பவரை போலீசார் தாக்கியுள்ளனர். இதனால் அதிக அளவில் கிராம மக்கள் திரண்டுள்ளனர். அங்கு பதட்டமான சூழ்நிலை ஏற்பட்டதால் தலைமைக் காவலர் புண்ணியமூர்த்தி போலீஸ் ஜீப்பை எடுத்துக்கொண்டு சென்றுவிட்டார்.

தனியாக இருந்த சப் இன்ஸ்பெக்டர் பூமாலையை கிராம மக்கள் சிறைபிடித்தனர் . பின்னர் வேப்பூர் போலீசார் பலத்த போலீஸ் பாதுகாப்புடன் சென்று சப் இன்ஸ்பெக்டர் பூமாலையை மீட்டனர். கிராம மக்கள் தாக்கியதில் காயமடைந்த வட மாநில பெண், விருத்தாசலம் அரசு மருத்துவமனையில் சேர்க்கப்பட்டு சிகிச்சை பெற்று வருகிறார். இது தொடர்பாக சப் இன்ஸ்பெக்டர் பூமாலை கொடுத்த புகாரின் பேரில் வேப்பூர் போலீசார் காட்டுமைலூர் கிராமத்தை சேர்ந்த பால்கருப்பை, ரவிவர்மன், ராயப்பன்(35), ராஜேந்திரன்(27), முருகன்(42), வேல்முருகன்(60), பன்னீர்செல்வம்(35), கருப்பையா, மகாலிங்கம், மூக்கன் ஆகிய 10 பேர் மீது வழக்குப் பதிவு செய்து ராயப்பன் உட்படப் 8 பேரை கைது செய்தனர். ரவிவர்மன், பால்கருப்பை ஆகியோரைத் தேடி வருகின்றனர்.

பதின் பருவம் புதிர் பருவமா? 13 - சாய்த்துவிடும் சந்தர்ப்ப சூழ்நிலைகள்

Published : 19 Dec 2015 12:32 IST


டாக்டர் ஆ. காட்சன்




‘அவன்/அவள் ரொம்ப தைரியசாலிப்பா. இதுக்கெல்லாம் கலங்கிட மாட்டாங்க. ஒண்ணும் தப்பா நடக்காது. பார்த்துக்கலாம்’ என்று யாரைப் பற்றியும் தவறாகப் புரிதலை வைத்துக்கொள்ளக் கூடாது. இக்கட்டான சூழ்நிலைகளில் தைரியமானவர்கள்கூடச் சில நேரம் தடுமாறக்கூடும்.

தற்கொலை முயற்சிக்குப் பல நோக்கங்கள் உண்டு. பெரும்பாலும் மனதின் குழப்ப நிலையை வெளிப்படுத்தும் முயற்சியாகவும், உலகப் பிரச்சினைகளிலிருந்து தங்களை விடுவித்துக்கொள்ளும் முயற்சியாகவும் அது இருக்கும். சில நேரம் தங்களது காரியங்களைச் சாதித்துக்கொள்ளவும், வீட்டிலுள்ளவர்களை மிரட்டவும் இதை ஒரு ஆயுதமாக விடலைப் பருவத்தினர் பயன்படுத்துவதுண்டு. சிலவேளைகளில் இந்த மிரட்டல் முயற்சிகள் உயிருக்கு ஆபத்தாகவும் முடிவடையும்.

எதிர்பாலினத்தின் கவனத்தைத் தங்கள் மீது திருப்புவதற்கு, தற்கொலை முயற்சியை ஒரு கருவியாகச் சிலர் பயன்படுத்திப் பார்ப்பது உண்டு. சிலர் தேர்வு முடிவு வருவதற்கு முன்னரே, ‘எதற்கும் ஒரு தற்கொலை முயற்சியைச் செய்துவிட்டால் பாதுகாப்பு’ என நினைத்து விபரீத முயற்சிகளில் இறங்குவார்கள்.

தற்கொலை ஒரு தியாகமா?

எமில் டர்ஹெய்ம் என்ற சமூக உளவியலாளர் தற்கொலைகளைப் பல வகைகளாகப் பிரித்துள்ளார். அதில் ஒருவகை சமுதாய நலனுக்காகவோ, மற்றவர்களிடம் நல்ல மாற்றங்களை ஏற்படுத்தவேண்டும் என்ற எண்ணத்திலோகூட சிலர் தற்கொலை செய்யும் அளவுக்குத் துணிவது. சமீபத்தில் என்னிடம் சிகிச்சைக்கு வந்த பதினைந்து வயதுச் சிறுவன் ஒருவன் அப்படிப்பட்டவன். தான் தற்கொலைக்கு முயற்சித்ததற்கு, அவன் சொன்ன காரணம் வித்தியாசமானது. பொதுவாகவே அதிகப்படியான சட்டதிட்டங்களைப் பேசும் அவன், வகுப்பில் ஆசிரியர் மொபைல் போனில் பேசியதைத் தட்டிக்கேட்டுள்ளான். பின்பு, இந்தக் காரணத்தை எழுதி வைத்துவிட்டுத் தான் தற்கொலை செய்துகொண்டால், தனது சாவுக்குப் பின்னாலாவது இதுபோன்ற விதிமீறல்கள் ஏற்படாது என்பதுதான் அவனுடைய எண்ணம்.

இதுபோலப் பல இடங்களில் விவாதங்களில் ஈடுபடுவது அவனுக்கு வாடிக்கை. விசாரித்ததில் மனநலப் பாதிப்புகளுக்கான பல அறிகுறிகள் அவனிடம் இருந்தன. இன்னொரு சிறுவன் தான் செத்தாலாவது தனது அப்பா குடிப்பழக்கத்தை நிறுத்துவார் என்ற நம்பிக்கையில் விஷம் குடித்துள்ளான். இதுபோன்ற விபரீத முயற்சிகள் வளர்இளம் பருவத்தில் சில நேரம் வரலாம். ஆனால், இந்த முயற்சிகளால் எந்த மாற்றமும் ஏற்படு வதில்லை என்பதுதான் உண்மை.

யாருக்குப் பாதிப்பு அதிகம்?

தற்கொலை எண்ணங்கள் யாருக்கு வேண்டுமானாலும், எப்போது வேண்டுமானாலும் தோன்றலாம். ‘இவ்வளவு தைரியமானவனா இப்படிச் செய்தான்’ என்று சிலரைப் பற்றி கூறுவார்கள். சந்தர்ப்ப சூழ்நிலை எப்படிப்பட்டவரையும் சில வேளைகளில் சாய்த்துவிடும். ஆனால், வளர்இளம் பருவத்தினரில் சிலர் எப்போதும் ஆபத்தின் வட்டத்துக்குள்ளேயே இருப்பார்கள். படிப்பில் மந்தம், தங்கள் உடலமைப்பில் திருப்தியின்மை, தேர்வுகளில் அடிக்கடி தோல்வி, போதைப்பொருட்கள் பயன்பாடு, பெற்றோரால் புறக்கணிக்கப்பட்டவர்கள், சின்ன வயதில் தாயை இழந்தவர்கள், குழந்தைப் பருவத்தில் உடல், பாலியல்ரீதியிலான கொடுமைகளுக்கு ஆளானவர்கள் எளிதில் தற்கொலை எண்ணங்களுக்கு ஆட்பட வாய்ப்புண்டு.

ஏற்கெனவே குடும்ப நபர்கள் யாரேனும் தற்கொலை செய்துகொண்டு இறந்திருந்தால், அந்தக் குடும்பத்தைச் சேர்ந்த இளம் பருவத்தினர் அதிகப் பாதிப்புக்குள்ளாகலாம். ஏனென்றால், தற்கொலை எண்ணங்களை உருவாக்குவதில் 5 - ஹைடிராக்சி டிரிப்டமைன் (5-HT ) என்ற ரசாயனத்தைத் தீர்மானிக்கும் மரபணுக் கள் முக்கியப் பங்கு வகிப்பதுடன், பரம்பரையாகப் பாதிக்கும் நிலையும் உள்ளது. ஒருவர் ஒருமுறை தற்கொலை மிரட்டலோ அல்லது தற்கொலை எண்ணத்தையோ வெளிப்படுத்தினால், அவர்கள் எப்போதுமே ஆபத்துக்கு உரியவர்கள்தான். அவர்களுடைய செயல்பாடுகளைச் சாதாரணமாக எடுத்துக்கொள்ளக் கூடாது.

குணரீதியான மாற்றங்கள்

வளர்இளம் பருவத்தினர் சிலருக்கு வேலையே அவ்வப்போதுத் தற்கொலை மிரட்டல்களிலும் முயற்சிகளிலும் ஈடுபடுவதாகத்தான் இருக்கும்.

குறிப்பிட்ட குணத்தோடு ஒன்றிப்போன அவர்களிடம், வேறு பல மாற்றங்களும் காணப்படும். யாரிடமும் ஒத்துப்போகாமல் அடிக்கடி கருத்து வேறுபாடு ஏற்படுவது, கையில் கிடைத்ததைத் தூக்கி எறிந்துவிடுவது, எளிதில் உறவுகளை முறித்துக்கொள்வது, தனக்கு மட்டுமே வாழ்க்கையில் எல்லாப் பிரச்சினைகளும் இருக்கின்றன என்ற மனோபாவம், காதல் வலைகளில் மாறிமாறிச் சிக்கிக்கொள்வது, இளம் வயதில் பாலுறவு மற்றும் போதைப் பழக்கம் போன்றவற்றுடன் அடிக்கடி தங்கள் கையைப் பிளேடால் கிழித்துக்கொள்வது, சூடுபோட்டுக்கொள்வது, தற்கொலை முயற்சிகளில் ஈடுபடுவது ஆகிய குணநல மாற்றங்கள் ஒன்றுசேர்ந்து காணப்படலாம். இதற்குப் பார்டர்லைன் பெர்சனாலிட்டி குறைபாடு (Borderline Personality Disorder ) என்று பெயர். இவர்களுக்கு மாத்திரைகளோடு மனநல ஆலோசனையும் கட்டாயம் தேவை.

எந்த வகை ஆபத்தானது?

விடலைப் பருவத்தில் ஒருவர் தற்கொலை செய்துகொள்ளத் தேர்ந்தெடுக்கும் முறைகளில் இருக்கும் பல்வேறு காரணிகளை ஆராய்ந்தால், அவர் செய்த முயற்சி எவ்வளவு ஆபத்தானது என்பதைக் கணிக்கலாம். யாரும் இல்லாத, காப்பாற்ற வழியில்லாத இடங்களைத் தேர்வு செய்வது, ரயில் முன்னால் அல்லது மாடியிலிருந்து விழுவது, கடிதம் எழுதிவைப்பது, விஷம் அருந்தியதைக் கடைசிவரைக்கும் யாரிடமும் சொல்லாமல் இருப்பது போன்றவை தீவிரமான தற்கொலை எண்ணங்களின் வெளிப்பாடு.

ஒரு மாணவன் மருந்துக் கடையில் தூக்க மாத்திரை கேட்டிருக்கிறான். அவர்கள் இரண்டு மாத்திரைக்கு மேல் கொடுக்க மறுத்ததால், பல கடைகளில் இரண்டிரண்டு மாத்திரைகளாக, பல நாட்களாகச் சேகரித்துவைத்துத் தற்கொலைக்கு முயன்றிருக்கிறான். இத்தகைய நபர்கள் கண்டிப்பாகத் தீவிர மனநல ஆலோசனைகளுக்கும் கண்காணிப்புக்கும் உட்படுத்தப்பட வேண்டும். ஏனென்றால், இவர்கள் மனநோய் பாதிப்புக்கு உள்ளாகியிருக்க வாய்ப்பு அதிகம்.

  இரண்டாவது நாளாக திருச்சியில் வெளுத்துவாங்கிய மழை…! தடுமாறும் திருச்சி மாநகராட்சி
 
விகடன் 
 



திருச்சியில் கடந்த இரண்டு நாட்களாகக் கொட்டித்தீர்க்கும் மழையால் திருச்சி மக்கள் தத்தளிக்கிறார்கள்.

கோடைவெயிலின் தாக்கம் கடந்த சில வாரங்களாகவே அதிகமாகக் காணப்பட்டது. திருச்சியில் அக்னி நட்சத்திரத்துக்கு முன்பே வெயில் 104 டிகிரியை தாண்டியது. இதேபோல் பெரம்பலூர், அரியலூர், கரூர், புதுக்கோட்டை, மற்றும் தஞ்சை, நாகை, திருவாரூர் மாவட்டங்களிலும் வெயில் கொளுத்தியது.

கடந்த 4 -ம் தேதி அக்னி நட்சத்திரம் தொடங்கியது. அக்னி நட்சத்திரம் என்றதும் வெயில் இன்னும் அதிகமாக இருக்கும் என நினைத்திருந்தபோது, மெல்ல மழை பரவலாக பெய்தது. கடந்த இரண்டு நாட்களாக திருச்சி, கருர் பகுதிகளில் மேக மூட்டமாகக் காணப்பட்டது. இதனை அடுத்து திடீரென மழை கொட்டத்தொடங்கியது. நேற்று முந்தினம் மாலை 4 மணிக்குப் பிடித்த மழை, 5.30 மணிவரை வெளுத்துவாங்கியது. இடி, மின்னலுடன் கூடிய மழை என்பதாலும், காற்று வீசாததால் மழையின் அளவு கூடியது. இதனால், திருச்சி மாநகர வீதிகள் வெள்ளக்காடானது. குறிப்பாகப் பாலகரை, தென்னூர், புத்தூர், தில்லைநகர், திருச்சி மத்திய பேருந்து நிலையம், சத்திரம் பேருந்து நிலையம் பகுதிகளில் வெள்ளம் பெருக்கெடுத்து ஓடியது. இதனால் கால்வாய்கள் நிரம்பி வழிந்தது. அதிலும் திருச்சி மேலபுதூர் ரயில்வே சுரங்க பாலத்தில் சுமார் 5 அடி உயரத்துக்கும் மேல் தண்ணீர் தேங்கியது.


அவ்வழியே சத்திரத்திலிருந்து பாலகரை, ஜங்ஷன் ரயில் நிலையம், மத்திய பேருந்து நிலையம் வழியாக எரங்குடி செல்லும் அரசு பேருந்து வந்தது. பேருந்தில் சுமார் 30 -க்கும் மேற்பட்ட பயணிகள் இருந்தனர். அந்தப் பேருந்து திருச்சி மேலபுதூர் ரயில்வே சுரங்க பாலத்தில் சென்றபோது, தேங்கி நின்ற தண்ணீரில் மூழ்கியதால், பேருந்து திடீரென பழுதானது. அதில் இருந்த பயணிகள் உடனடியாக மீட்கப் பட்டனர். அதனையடுத்து அவ்வழியே பேருந்து போக்குவரத்து தடைசெய்யப்பட்டது.

இந்நிலையில் மழைநீரில் சிக்கிய பேருந்தை அரசு போக்குவரத்து கழகத்தின் மீட்பு வாகனம் மூலம் மீட்டனர். மேலும் திருச்சி மாநகராட்சி ஊழியர்கள், மோட்டார் மூலம் தண்ணீரை வெளியேற்றும் பணியில் தொடர்ந்து ஈடுபட்டு வந்தனர். ஒருநாள் முழுவதும் மாநகராட்சி ஊழியர்கள் போராடி தண்ணீரை வெளியேற்றி வந்த நிலையில், நேற்று(10-05-2018) மதியம் மீண்டும் மழை வெளுத்து வாங்கியதால் ஊழியர்கள் செய்வதறியாமல் தவித்துக் கிடக்கின்றனர்.

நேற்றும் தனியார் பேருந்து ஒன்று அதே பாலத்தில் சிக்கிக்கொண்டது. அதனையடுத்து கிரேன் மூலம் பேருந்தை மீட்டனர். மேலும் பலத்த மழை காரணமாக திருச்சி விமான நிலைய வளாகத்திலும் வெள்ளம் பெருக்கெடுத்து ஓடியது. விமான நிலையத்திற்குள் சென்று வரும் வழியில் உள்ள போர்டிகோ வரை மழைநீர் தேங்கி நின்றதால், சிங்கப்பூர், இலங்கையில் இருந்து திருச்சி வரவேண்டிய விமானங்கள் வழக்கமான நேரத்தைவிட, காலதாமதமாக வந்தன.

As Parents Fought Over Names, Kerala HC Gives Name To A Child [Read Judgment] | Live Law

As Parents Fought Over Names, Kerala HC Gives Name To A Child [Read Judgment] | Live Law: Finally, the boy got a name, thanks to the Kerala High Court which took unto itself the bounden duty of the parents to name their child, as they were busy fighting.

வாட்ஸ் அப்பில் வதந்தி பரப்பினால் குண்டாஸ்!

வாட்ஸ் அப்பில் வதந்தி பரப்பினால் குண்டாஸ்!

குழந்தை கடத்தல் தொடர்பாக சமூக வலைத்தளமான வாட்ஸ் அப்பில் வதந்திகளை பரப்பினால் குண்டர் சட்டத்தின் கீழ் நடவடிக்கை எடுக்கப்படும் என வேலூர் எஸ்.பி. பகலவன் எச்சரித்துள்ளார்.

குழந்தை கடத்துவோர் என சந்தேகப்பட்டு கடந்த இரண்டு நாட்களில் இருவர் மக்களால் அடித்து கொலை செய்யப்பட்டுள்ளனர். இதற்கு காரணம் வாட்ஸ் அப்பில் பரவும் தவறான தகவல்தான்.

அடையாளம் தெரியாத நபர்கள் அல்லது சந்தேகத்துக்குரிய நபர்கள் குறித்து காவல்துறையினரிடம் தான் தகவல் தெரிவிக்க வேண்டும். வாட்ஸ் அப்பில் வதந்தி பரப்புவோரை சமூக விரோதிகளாக கருதி அவர்கள் மீது குண்டர் சட்டத்தின் கீழ் நடவடிக்கை எடுக்கப்படும்.குழந்தை கடத்துவதாக வாட்ஸ் அப்பில் வந்த தவறான தகவலால் 2 பேர் அடித்து கொலை செய்யப்பட்டதை தொடர்ந்து இந்த நடவடிக்கை எடுக்கப்பட்டுள்ளது என வேலூர் எஸ்.பி. பகலவன் கூறினார்.

இதுபோன்று, காஞ்சிபுரம் எஸ்.பி சந்தோஷ் ஹதிமானி வாட்ஸ் அப்பில் வதந்தி பரப்புவோருக்கு எச்சரிக்கை விடுத்துள்ளார்.

விழுப்புரத்தில் சந்தேகப்படும் நபர்கள் குறித்து 9655440092 என்ற வாட்ஸ் அப் எண்ணில் புகார் அளிக்கலாம். விழுப்புரம் மாவட்டத்தில் குழந்தைகளை கடத்தும் வட மாநிலத்தை சேர்ந்தவர்கள் யாரும் இல்லை. தவறான தகவலை பரப்பக் கூடாது என அம்மாவட்ட எஸ்.பி. தெரிவித்துள்ளார்.

When Centre wrote to a wrong CM

Staff Reporter 
 
Puducherry, May 11, 2018 00:00 IST

Ministry of Home Affairs sends official letter to former CM’s residence

The Central Government committed a faux pas by sending a letter extending the term of office of the seven MLAs as Chairmen of Public Sector Undertakings (PSUs) to former Chief Minister N. Rangasamy’s residential address instead of the Chief Minister’s office.

Pointing to this error, Chief Minister V. Narayanasamy immediately sent a letter from his office to the Central Government.

The Puducherry government had sought clarification from the Central government about the terms and conditions laid down by Lieutenant Governor Kiran Bedi in the extension of the term of office of Chairmen of PSUs.

The letter from the Ministry of Home Affairs addressed to the Chief Secretary, Government of Puducherry, said that the matter was examined and that no terms and conditions have been prescribed for appointment of chairpersons in the respective Acts or Rules under which the respective appointment have been made except in relation to the Puducherry Planning Authority and the Puducherry Slum Clearance Board.

The letter signed by Satish Kumar Singh, Under Secretary to the Government of India, was copied to Secretary to Lieutenant Governor, Government of Puducherry, and PS to Chief Minister, Government of Puducherry, Puducherry CM office, Vinayagar Koil Street, Thilaspet.

However, the CM office address in the letter turned out to be the residential address of the former Chief Minister.

Some unreserved coaches chug free in Guruvayur Express 

S. Sundar
Madurai, May 11, 2018 00:00 IST


There is no place even to stand in the unreserved coaches found in the front and rear of the Chennai-bound Guruvayur Express.

R. AshokR_ASHOK 

As passengers are clueless about the coaches in the middle of the formation

Though adequate number of general coaches are available in Guruvayur Express running between Chennai Egmore and Guruvayur/Thoothukudi, absence of announcements in railway stations about the availability of unreserved coaches in the middle of the train formation makes the passengers jostle for space in the few coaches placed in the front and rear.

The train that starts from Guruvayur comes with 18 coaches. One set each of three unreserved coaches (two general coaches and a seating-cum-luggage van) are left in the front and back portions of this rake. The Thoothukudi Link Express comes with a rake of seven coaches. It has one SLR and an unreserved coach in the front portion and another SLR in the back. These general coaches and SLR have unreserved seating facility.

The Thoothukudi Link Express is attached as the front portion of the combined rake at Vanchi Maniyachi Junction. This leaves five unreserved coaches (including SLR coaches) in the middle when the train leaves Vanchi Maniyachi.

With the Railway having the tradition of providing unreserved coaches only in the front and rear portions of trains, passengers with open tickets wait only in the extreme ends of the platforms to vie for space. And this is true in this train too.

On Thursday, the five coaches in the middle had relatively less crowd with people seen lying on seats and a few vacant seats too even as the train left Madurai junction. However, the scene in the five other coaches in the front and back was different as they were jam-packed.

People were seen sitting on the footboard, near the toilets and also in the pathways leading to different bays. In two coaches, people did not find space on the floor even to sit and had to stand. Among them were women and children.

A Railway source said that the plight of people could be easily solved by making announcements through public address system about the availability of general coaches in the middle at all railway stations from Vanchi Maniyachi. “Though there are coach indication display boards on platforms in Madurai junction, a lot of unreserved passengers fail to take notice. Besides, many stations en route do not have such boards. Hence, only announcements made a few minutes before arrival of the train will help people find space and avoid all inconvenience,” he said.

This will be of great help for unplanned rail journeys during summer vacation.

VC honours staff 

Special Correspondent 
 
Karaikudi, May 11, 2018 00:00 IST

S. Subbiah, Vice-Chancellor of Alagappa University called upon teaching and non-teaching staff to strive to get international recognition while addressing the 34th Foundation Day of the university and the Administrative Staff Day after declaring open non-teaching staff association building here on Wednesday.

He honoured the administrative staff by giving certificates and mementoes in recognition of their service when the National Assessment and Accreditation Council (NAAC) visited the university.

Pointing that the foundation day coincided with the administrative staff day, he said the good work of non-teaching fraternity helped effective functioning of the University.

P. Kanniappan, former Vice-Chancellor, Alagappa University, who initiated the first NAAC accreditation process and secured “A” grade for the university, said coordination among higher officials would help to steer the institution on a higher trajectory.

Success formula

He appealed to the administrators to concentrate on human relationship which was very essential for their own success and the success of the institution.

H. Gurumallesh Prabu, Registrar, V. Balachandran, special officer (planning and development), M. Murugesan, secretary, non-teaching staff association and Syndicate members A. Narayanamoorthy, K. Gurunathan and J. Jeyakanthan and P. Subas Chandra Bose were present.

Soon, you can order Aavin products online

Deepa H. Ramakrishnan 
 
CHENNAI, May 11, 2018 00:00 IST



Business boost:The portal will also update milk producers about payment and track milk trucks in real time.File photo
Work on for e-commerce portal as part of integrated dairy management system

In a few months’ time, Aavin customers will be able to place orders online. Already, work has begun on its e-commerce portal, which is part of an integrated dairy management system.

Right from updating milk producers about their payment to real-time tracking of milk trucks and monitoring all their dairies and silos, the system would even keep track of attendance of the staff.

A trial is under way in Erode where producers are receiving text messages on the quantity and quality of milk collected each day, said Aavin Managing Director C. Kamaraj.

The system was developed by the National Cooperative Dairy Federation of India (NCDFI), which recently appreciated the online sales initiative of skimmed milk powder by Aavin through the NCDFI e-marketing portal. It received the appreciation for the financial years 2016-17 (5,406 tonnes) and 2017-18 (7,022 tonnes).

The Tamil Nadu Cooperative Milk Producers Federation, whose brand is Aavin, sells 20,000 tonnes of skimmed milk powder every year, of which around 700 tonnes is consumed in retail. This year, Aavin plans to sell around 3,000 tonnes of milk power in the retail segment as well, Mr. Kamaraj added.

Aavin produces skimmed milk powder in Salem, Erode, Dharmapuri, Madurai and Tiruvannamalai. These plants have a combined capacity of 9 lakh litres of drying a day. Aavin procures 28 lakh litres of milk daily in the State, which is 4 lakh litres more than last year.

Fewer engg. colleges in the counselling race 

R. Sujatha 
 
Chennai, May 11, 2018 00:00 IST


Across India, 239 institutes have been approved for total closure; number of engineering colleges in T.N. down by 20 this year

The number of colleges that have sought approval from the All India Council of Technical Education (AICTE) for programmes in engineering, architecture, management and hotel management and catering has come down.

In each of these disciplines, scores of colleges have not renewed their approval and the number of seats has also fallen significantly.

According to data accessed by The Hindu , this year 32,62,262 seats are available in various courses as against 35,52,199 seats last year.

Across the country, 239 institutions have been approved for total closure.

AICTE chairman Anil D. Sahasrabudhe, who was in the city earlier this week, said data specific to Tamil Nadu was being compiled. But according to the information provided by the Minister for Higher Education K.P. Anbalagan in April, this academic year 567 engineering colleges will admit students as against 587 last year.

In 2017-18, of the 2,67,651 seats only 1,52,704 seats were filled, he said.

Progressive closure

A look at last year’s data on the AICTE website shows that it had approved requests from 94 institutions in Tamil Nadu for progressive closure of courses, including diploma, undergraduate and postgraduate engineering subjects.

Some institutions have sought closure of several programmes.

Some of these programmes include traditionally popular ones such as civil engineering, automobile engineering, (UG) electronics and communication (diploma) and even computer science engineering. In many colleges the master’s programme in computer application has been closed.

New trend

There has been a sudden surge of interest in pharmacy courses. This academic year the AICTE has given approval to 1,055 institutes to offer diploma courses and 1,204 institutes degree courses. As many as 338 more institutes will offer diploma courses in pharmacy and 212 additional institutes will offer degree courses as compared to last year.

T. Ilango, Registrar of the Tamil Nadu Pharmacy Council, said with better job opportunities for pharmacy graduates the students are opting out of engineering. The number of private colleges offering pharmacy courses had increased from 47 to 65 in two years, he said.

Rs. 40 crore transported in open trolley 

B. Pradeep 
 
NALGONDA, May 11, 2018 00:00 IST

Only 3 cops escorted the hired vehicle

In an apparent major security lapse and breach of banking procedures, the State Bank of India, the country’s largest bank and its sponsored bank — Andhra Pradesh Grameena Vikas Bank (APGVB) — transported crores of money in an open trolley on Thursday.

Uncovered fresh currency packed in bundles, totalling about Rs. 40 crore were loaded on a hired trolley and was being transported to APGVB, less than a kilometre away, with three constables of the Armed Reserve Police escorting it, according to the police.

In view of the launching of the Rythu Bandhu scheme on Thursday, large quantities of cash was reportedly kept with SBI’s R.P Road main branch at the town’s Clock Tower Centre.

All the five banks selected for distribution of cash in the district were being supplied from SBI’s money chest. According to APGVB branch manager B. Madhu, the bank never had a cash van.

Kejriwal’s nephew arrested for graft 

Jatin Anand 
 
NEW Delhi, May 11, 2018 00:00 IST


Vinay Bansal after he fainted at the Tis Hazari court in Delhi on Thursday. He had to be hospitalised.Sushil Kumar Verma
Linked to Rs. 4.9 cr. scam in construction of drainage network: anti-graft agency

Delhi Chief Minister Arvind Kejriwal’s nephew Vinay Bansal was arrested by the Anti-Corruption Branch on Thursday for his involvement in an alleged Rs. 4.9 crore scam related to the construction of a drainage network in north-west Delhi awarded to his firm by the PWD three years ago.

More arrests, ACB sources claimed, including those of serving Delhi government officials, were in the offing. Mr. Bansal, who according to the ACB owns 50% stake in M/s Renu Construction Company along with his late father Surender Bansal, was picked up from his home in northwest Delhi’s Pitampura area at 4 a.m. “The decision to arrest him was made on the basis of the CPWD report received by us recently,” a senior official from the ACB, who asked not to be named, said when asked about the timing of the arrest, considering that the FIRs had been registered a year ago.

The FIRs were registered on the basis of a complaint by Rahul Sharma, founder of NGO Roads Anti-Corruption Organisation, who alleged irregularities in the grant of contracts for roads and sewer lines in 2015-16.

Sent to judicial custody

Mr. Bansal was sent to a day’s judicial custody by a city court, where he fainted and had to be hospitalised, according to the ACB official.

He was was arrested on the basis of an assessment report putting his firm in the dock “on several counts” in relation to the quality of construction material used, financial irregularities and overlooking of procedural penalties as per the CPWD in the construction of a drain located in Bakoli village, north-west Delhi.

NEET SS 2018

PLEA: MAY DILUTE CB-CID PROBE

‘MKU probe report to be in sealed cover’

TIMES NEWS NETWORK

Chennai: 11.05.2018

In an indirect restraint on circulation of the contents of retired IAS officer Santhanam committee report on the Nirmala Devi issue, the Madras high court said the report should be kept in a sealed cover till further orders.

“Since an apprehension has been expressed that the report of the committee is likely to be submitted before the present petition could be heard finally, and in which event the criminal investigation by CB-CID may likely be diluted, this court is of the considered view that if any report is submitted by the committee before the next date of hearing the same shall be kept in a sealed cover and await further orders from this court,” a vacation bench of Justices V Parthiban and P D Audikesavalu saidon Thursday.

The Revolutionary Youth and Students Federation had moved the court stating that if the Santhanam committee appointed by the governor was allowed to file its report on the Madurai Kamarajar University sex scandal, it might dilute the criminal investigation carried out by the CB-CID.

The federation sought to restrain the committee from filing its report till the CBCID concludes its probe.

As the government pleader opposed the PIL saying that the Madurai bench had dismissed a similar PIL, the bench directed the pleader to produce a copy of the dismissal order before the next hearing.

HC suggests varsity rope in credit card company to remit fee

TIMES NEWS NETWORK

Chennai: 11.05.2018

As Anna University dilly-dallied in proposing a solution to the problem faced by aspiring engineering students, from rural areas, who faced difficulties in remitting the fee for online counselling, the Madras high court has suggested the university to rope in a credit card company that can collect money from students and remit them online. As of now, payment can be done only through credit, debit cards or internet banking.

A vacation bench of Justice V Parthiban and Justice P D Audikesavalu made the suggestion and directed the additional advocate-general Manishankar to get instructions from the university on the possibilities of implementing the proposal.

The issue pertains to a batch of pleas seeking a direction to the university to conduct counselling for engineering courses in online and offline modes. When they came up for hearing on Wednesday, the bench made it clear that the university cannot expect rural students to remit the fee only through the three modes of payment, as the chances of them having access to a bank account in itself was doubtful.

On Thursday morning, the additional advocate-general informed the court that the university would consider accepting the payment through demand draft and sought time to confirm the same with the university authorities. However, the additional advocate-general later informed the court that payment through DD was not possible, as online system would permit access to login only after successful payment of the fee.

To this, the court suggested that a credit card company could be requested to open counters at the facilitation centres and accept cash payment from students that, in turn, can be remitted on their behalf online. The bench then directed the additional advocate-general to get instructions from the university on the suggestion and posted the pleas to Friday for further hearing.

Last day of counselling for BTech in VIT

TIMES NEWS NETWORK

Vellore: 11.05.2018
Counselling for admission to BTech courses at Vellore Institute of Technology (VIT) commenced on Wednesday with founder and chancellor G Viswanathan handing over admission letters to the students.

According to a press release, the institute between April 4 and 16 had conducted an online admission examination to shortlist candidates for 7,985 seats available across various disciplines in its four campuses in Vellore, Bhopal, Chennai and Amaravati. The last round of counselling will be held on Friday.

மாணவர்களின் எதிர்காலத்தைச் சிதைக்காதீர்கள்!

Published : 09 May 2018 08:56 IST

ஷான்

 


நீட் விவகாரத்தில் என்ன குளறுபடி என்பது குறித்துப் பொதுவெளியில் சரியான தகவல் கள் இல்லை. ஆனால், குளறுபடி இருக்கிறது என்பது இரண்டு பக்கமும் ஒப்புக்கொண்ட விஷயம். ஒரு சில மத்திய அரசு ஆதரவாளர்களிடமிருந்து ‘படிக்கணும்னா எங்கே போட்டாலும் போகணும், வெளிநாட்டுல வேலை கிடைச்சா போகலையா?’ என்பது போன்ற பதிவுகளைப் பார்க்க முடிகிறது. அதில், கள நிலவரம் புரியாத ஒரு அறியாமையைத்தான் காண்கிறேன்.

கடந்த ஆண்டு, கோபிக்கு அருகே அந்தியூரில் ப்ளஸ் டூ படிக்கும் அரசுப் பள்ளி மாணவ - மாணவியர்களுக்காக வா.மணிகண்டன் ஒருங் கிணைத்த வழிகாட்டு நிகழ்வில் கலந்துகொண்டேன். “உங்களில் எத்தனை பேர் வீடுகளில் இணையம் பார்க்க வசதி இருக்கிறது?” என்று கேட்டேன். அந்த வகுப்பில் 100 மாணவர்களுக்குப் பக்கம் இருப்பார்கள். மூன்று கைகள் மட்டும் உயர்ந்தன. மாணவிகள் பக்கமிருந்து ஒன்றுகூட இல்லை. “மொபைல் போனில் இருக்குமே” என்றபோது, சிலர் மட்டும் “இருக்கு… ஆனால் ப்ளஸ் டூ படிக்கும்போது தொட விட மாட்டார்கள்” என்றனர். பிரவுசிங் சென்டர் என்றெல்லாம் அந்த ஊரில் எதுவும் இல்லை. இது நடப்பது ஜியோ யுகத்தில்.

இத்தனைக்கும் நான் கிராமத்தில் படித்து வந்தவன். ஆனால், 20 ஆண்டுகள் நகர வாழ்க்கை என்னை கிராமத்திலிருந்து சற்றே நகர்த்தி விட்டது. ‘நல்லா படிச்சா மேல படிக்க வெப்போம். இல்லைன்னா, இருக்கவே இருக்கு மளிகைக் கடை’ என்ற தொடர் அபாயத்துடன் பள்ளிப் படிப்பை முடித்தவன் நான்.

எனக்கு ஒரு தோழி இருந்தாள். தந்தை இல்லை. அம்மாவின் உழைப்பில் குடும்பம் ஓடிக்கொண்டிருந்தது. இவளும் அம்மாவுக்கு உதவுவாள். ஓரளவு நல்ல மதிப்பெண்ணும் எடுத்திருந்தாள். கல்லூரிகள் அத்தனையும் அரை மணி, ஒரு மணி பயணத் தொலைவில் இருக்கின்றன. கல்லூரியில் சேர்ந்தால் அம்மாவுக்கு உதவ முடியாது என்று படிப்பையே நிறுத்திவிட்டார்கள். இப்போது காலம் நிறைய மாறியிருந்தாலும் சமூக பொருளாதார இன்னபிற காரணங்களுக்காக ஒரு சிறிய அசவுகரியம் வந்தாலும் “நீ படிச்சது போதும்” என்று சொல்லும் பெற்றோர் இப்போதும் இருக் கிறார்கள். அதிகாலை எழுந்து தீவனம் அறுத்துவந்து, சாணி அள்ளிப் போட்டுவிட்டுப் பள்ளிக்குத் தயாராகிச்செல்லும் ப்ளஸ் டூ மாணவ - மாணவியரும் இருக்கிறார்கள்.

வசதி உள்ளவர்கள் எப்படியும் எங்கும் சென்று எழுதுவார்கள். சற்று சிரமப்பட்டால் உதவிகள் பெற்று வசதி இல்லாதவர்களும் எழுதிவிட முடியும். ஆனால், நாம் தேவையின்றி உருவாக் கும் உங்கள் பார்வையில் ‘சிறிய’ அந்தச் சிரமம் ஒரே ஒரு கடைக்கோடி மாணவனின் அல்லது மாணவியின் எதிர்காலத்தை உடைத்தாலும் அது பெரிய பாவம். அவன் சந்ததிக்கே நாம் செய்யும் கூட்டுத் துரோகம். மத்திய அரசு - மாநில அரசு, சிபிஎஸ்இ அதிகாரிகள், உச்ச நீதிமன்றம் என்று அத்தனை பேரும் முனைந்து செய்ய வேண்டியது அந்தச் சிரமங்களைக் களைவதுதான்; உருவாக் குவது அல்ல!

பிரேக் பிரச்சினை எதிரொலி’ - 52,000 கார்களை திரும்பப் பெறுகிறது மாருதி

Published : 08 May 2018 15:41 IST

புதுடெல்லி

 



மாருதி சுசூகி நிறுவனத்தின் ஸ்விப்ட் மற்றும் பெலினோ கார்களில் பிரேக் பிரச்சினை இருப்பதாக எழுந்த புகாரயடுத்து 52,686 கார்களை திரும்பப் பெற அந்நிறுவனம் முடிவு செய்துள்ளது.

நாட்டின் முன்னணி கார் தயாரிப்பு நிறுவனமான மாருதி ஆண்டுக்கு பல லட்சம் கார்களை தயாரித்து வருகிறது. அந்நிறுவன தயாரிப்புகளில், அதிகம் விற்பனையாகும் கார்கள் பட்டியலில் ஸ்விப்ட் தொடர்ந்து இடம்பிடித்து வருகிறது. இதுபோலவே பொலினோவும் கார் பிரியர்களிடையே வரவேற்பை பெற்றுள்ளது.
 
இந்நிலையில் 2017ம ஆண்டு டிசம்பர் முதல் 2018ம் ஆண்டு மார்ச் 16ம் தேதி வரை மாருதி நிறுவனம் தயாரித்த ஸ்விப்ட் மற்றும் பொலினோ கார்களில் பிரேக் பிரச்சினை இருப்பதாக புகார் எழுந்துள்ளது. இதையடுத்து அந்த கார்களை திரும்பப் பெற்று அவற்றை சரி செய்து கொடுப்பதாக மாருதி நிறுவனம் அறிவித்துள்ளது.

இதுகுறித்து அந்நிறுவனத்தின் சார்பில் வெளியிடப்பட்டுள்ள அறிவிப்பில் கூறப்பட்டுள்ளதாவது:

‘‘மொத்தம் 52,686 மாருதி ஸ்விப்ட் மற்றும் பொலினோ கார்களை திரும்ப பெற முடிவு செய்துள்ளோம். கார்களில் தயாரிப்பு பிரச்சினை இருந்தால், வாடிக்கையாளர்களிடம் இருந்து புகார் வந்தால் அதனை சரி செய்து கொடுக்கும் சர்வதேச நடைமுறைக்கு ஏற்ப இந்த கார்களை திரும்பப் பெற முடிவு செய்துள்ளோம்.

வரும் 14-ம் தேதி முதல் அந்த கார்களில் இருக்கும் பிரேக் பிரச்சினையை சரி செய்யப்படும். கார் உரிமையாளர்கள் மாருதி நிறுவனத்தில் காரை கொண்டு வந்து இலவசமாக இந்த சலுகையை பெறலாம்’’ என தெரிவிக்கப்பட்டுள்ளது. மாற்றப்படும் உதிரி பாகங்கள் மற்றும் சேவைக்கு எந்த கட்டணமும் வசூலிக்கப்பட மாட்டாது’’

இவ்வாறு மாருதி நிறுவனம் தெரிவித்துள்ளது.

இது பிளிப்கார்ட் வளர்ந்த கதை! - பூஜ்யத்தில் தொடங்கி ரூ.1,50,000 கோடி குவித்த இந்திய இளைஞர்கள்

Published : 10 May 2018 13:11 IST

புதுடெல்லி

 



பிளிப் கார்ட் நிறுவனர்கள் பின்னி மற்றும் சச்சின் - படம்; ட்விட்டர்

இந்தியாவின் முன்னணி ஆன்லைன் நிறுவனமான பிளிப்கார்ட்டை விலைக்கு வாங்க, அமெரிக்க ஆன்லைன் நிறுவனமான அமேசானும், வால்மார்ட்டும் ஆர்வம் காட்டின. இறுதியாக இந்த போட்டியில் வென்றுள்ளது வால்மார்ட். பிளிப்கார்ட்டின் 77 சதவீத பங்குகளை வாங்கியுள்ளது வால்மார்ட்.

அமேசான் நிறுவனத்திற்கு சர்வதேச அளவில் போட்டியாக வால்மார்ட் நிறுவனம் விளங்குகிறது. இந்தியாவில் அமேசானின் வளர்ச்சியை தடுக்கும் வகையில் வால்மார்ட் நிறுவனம் அதற்கான செயல் திட்டங்களை உருவாக்கி வெற்றி பெற்றுள்ளதாக கூறப்படுகிறது.

  இந்தநிலையில், இந்தியாவில் பிளிப்கார்ட் நிறுவனம் வளர்ந்த கதை மிகவும் சுவாரஸ்யமானது.

11 ஆண்களுக்கு முன்பு துடிப்பான இளைஞர்களான பின்னி பன்சால் மற்றும் சச்சின் பன்சால் ஆகிய இருவரும் அமெரிக்க ஆன்லைன் வர்த்தக நிறுவனமான அமோசானில் பணியாற்றி ஊழியர்கள். டெல்லி ஐஐடியில்படித்த இருவரும், ஆன்லைன் வர்த்தகத்தின் நடைமுறைகளை நடந்து அறிந்து கொண்டிருந்த அவர்கள் அந்த நிறுவனத்தில் இருந்து வெளியேறினர்.

சாதாரண அளவில் சிறிதாக பிளிப்கார்ட் நிறுவனத்தை பெங்களூருவில் 200-ம் ஆண்டு உருவாக்கினர். ஆன்லைன் வர்த்தக துறையில் தங்களுக்கு தெரிந்தவர்கள், நண்பர்களை சேர்த்துக் கொண்டு கொஞ்சம் கொஞ்சமாக வர்த்தகத்தை விரிவாக்கினர்.


‘ஸ்டார்ட் ஆப்’ நிறுவனமாக, பூஜ்யத்தில் இருந்து உருவானது பிளிப்கார்ட். இரு இளைஞர்களின் அபாரத் திறமையால் இந்திய ஆன்லைன் வர்த்தகத்தில் தனக்கென தனி முத்திரையை பதித்தது பிளிப்கார்ட்.

11 ஆண்டுகளுக்கு முன்பு ஆன்லைன் வர்த்தகம் இந்தியாவில் அதிகமாக பிரபலமடையாத சூழல், ஆன்லைனில் பொருட்களை வாங்க மக்களுக்கு இருந்த அச்சம் என பல தடைகள் இருந்தன.

இவற்றையெல்லாம் கொஞ்ம், கொஞ்சமாக கடந்த அவர்கள், தங்கள் வர்த்தகத்தை விரிவு படுத்தினர். எலெட்ரானிக்ஸ் பொருட்கள் வர்த்தகம் அவர்களுக்கு பெரிய அளவில் கைகொடுத்தது.

குறிப்பாக மொபைல் போன் சந்தை பெரிய அளவில் இந்தியாவில் விரிவடையத் தொடங்கியது பிளிப்கார்ட்டுக்கு பெரிய உதவியாக அமைந்தது. ஷோரூம் விலையை விட குறைவான விலையில் பொருட்களை விற்பனை செய்வது வாடிக்கையாளர்களை பெரிதும் ஈர்த்தது.

ஆன்லைனில் பணம் செலுத்தினால் அது உரிய முறையில் சென்றடையுமா? என்ற பயம் மக்களிடம் இருந்த நிலையில், 2010-ம் ஆண்டு கேஷ் ஆன் டெலிவரியை அறிமுகம் செய்தது பிளிப்கார்ட்.

சரியான சேவையும், இருந்த இடத்தில் இருந்தே பொருட்களை வாங்கும் வசதியும், இந்தியாவில் புதிதாக இருந்தாலும், வாடிக்கையாளர்களுக்கு அது, வரப் பிரசாதமாக அமைந்தது. மக்கள் சிறிது சிறிதாக ஆன்லைன் வர்த்தகத்திற்கு மாறத் தொடங்கினர். பிளிப்கார்ட் நிறுவனமும் வேகமாக வளரத் தொடங்கியது.


பிளிப் கார்ட் நிறுவனர்கள் பின்னி மற்றும் சச்சின் - படம்: ட்விட்டர்

பிளிப்கார்ட் நிறுவனத்தை முன்னணி ஆன்லைன் வர்த்தக நிறுவனமாக வளர்த்த பின்னி பன்சால் மற்றும் சச்சின் பன்சால் ஆகிய இருவருக்கும் நிறுவனத்தில் தலா 5 சதவீதம் என்ற அளவில் தான் பங்குகள் இருந்தன. முதலீடு செய்ய அவர்களுக்கு அதிகமானோர் தேவைப்பட்டதால் மற்றவர்களின் முதலீட்டை பெற்று நிறுவனத்தை நடத்தினர்.

11 ஆண்டுகளில் இந்திய ஆன்லைன் வர்த்தக நிறுவனங்களில் முதலிடத்தை பிளிப் கார்ட் பிடித்தது. ஆன்லைனில் விற்காத பொருட்களே இல்லை என்று சொல்லும் அளவிற்கு ஏராளமான பொருட்களை விற்கும் நிறுவனமாக பிளிப் கார்ட் உயர்ந்துள்ளது.

விழா கால சலுகைகள், விலை குறைப்பு என, சில்லறை வர்த்தகத்தில் உள்ள வர்த்தக நுணுக்கங்களை இங்கும் பயன்படுத்தியதால் பிளிப் கார்ட்டின் வளர்ச்சி அபாரமானது.

இந்திய சந்தையை தங்கள் கட்டுப்பாட்டில் கொண்டு வர வேண்டும் என கடும் முயற்சியில் இறங்கிய அமேசான் நிறுவனத்திற்கு, தனது முன்னாள் ஊழியர்களால் தொடங்கப்பட்ட பிளிப் கார்ட்டே பெரும் போட்டி நிறுவனமானது. இதனால் பிளிப்கார்ட்டை வளைக்கும் நடவடிக்கையில் அமேசான் நேரடியாக இறங்கியது.

பிளிப் கார்ட் நிறுவனத்தின் பெருமளவு பங்குகளை வாங்க முன் வந்த அமேசான் நிறுவனம், அதற்காக பல கோடி ரூபாய் பணத்தை தருவதாக பேரம் பேசியது. இந்த நிலையில் தான் மற்றொரு வர்த்தக அரசியல் அமேசானை தாக்கியது.

அமெரிக்காவின் முன்னணி ஆன்லைன் வர்த்தக நிறுவனமும், அமேசானுக்கு பெரும் போட்டியாளராக விளங்கும் வால்மார்ட் களத்தில் இறங்கியது. இந்திய சந்தையை அமேசான் பிடித்துக் கொண்டால் உலக அளவில் அதன் வர்த்தகம் பெருகும் என்பதால் இதற்கு தடைபோட முன் வந்தது.

உலகின் மிகப்பெரிய வர்த்தக சந்தையான இந்தியாவில் அமேசான் கொடிகட்டி பறப்பதை விருப்பாத வால்மார்ட், பிளிப் கார்ட்டை வாங்க, போட்டிக்கு விலை பேசியது.

அமேசான் தருவாக அறிவித்த தொகையை விட கூடுதல் தொகை; கூடுதல் பங்குளை வாங்கவும் வால்மார்ட் முன் வந்தது. சுமார் ஒரு லட்சத்து 50 ஆயிரம் கோடி ரூபாய்க்கு பிளிப் கார்ட்டின் 77 சதவீத பங்குகளை வாங்க தயார் என அறிவித்தது வால்மார்ட். பிளிப் கார்ட்டின் மொத்த சொத்து மதிப்பு 145 கோடி ரூபாய் எனவும் மதிப்பிடப்பட்டது.

பூஜ்யத்தில் இருந்து தொடங்கி சுமார் 1 லட்சத்த 50 ஆயிரம் கோடி ரூபாய் சொத்துக்களுடன் வளர்ந்துள்ள பிளிப் கார்ட்டுக்கு இது பெரிய தொகை. எனவே வால்மார்ட்டுக்கு, பிளிப் கார்ட் நிறுவனத்தின் 77 சதவீத பங்குகளை விற்கும் ஒப்பந்தம் போடப்பட்டது.

இதில் பிளிப் கார்ட்டில் தனக்கு மொத்தமாக உள்ள 7 சதவீத பங்குகளையும் சச்சின் பன்சால் விற்று விட்டார். பினய் சிறிய பங்கை வைத்துக் கொண்டு மற்றவற்றை விற்று விட்டார். இந்த ஒப்பந்தத்தின் மூலம் பினய் மற்றும் சச்சின் ஆகிய இருவருக்கும் தலா 7 ஆயிரம் கோடி ரூபாய் தனிப்பட்ட முறையில் கிடைக்கும் என தெரிகிறது.

இருவரின் உழைப்பை நம்பி பிளிப் கார்ட் நிறுவனத்தில் முதலீடு செய்த அவர்களது நண்பர்கள், வர்த்தக பங்குதாரர்களுக்கும் எதிர்பாராத அளவிற்கு கூடுதல் லாபம் கிடைத்துள்ளது. இவர்கள் இருவரும், தாங்களும் சம்பாதித்து, மற்றவர்களை சம்பாதிக்க வைத்துள்ளனர். பிளிப் கார்ட் நிறுவனத்தை விற்று விட்ட இவர்கள் அடுத்ததாக என்ன செய்யப்போகிறார்கள்? என்பது தான் தற்போதுள்ள கேள்வி.

பிளிப் கார்ட் நிறுவனத்தின் நிர்வாக பொறுப்பில் அவர்கள் இனிமேலும் பங்கேற்க வாய்புள்ளதா? அல்லது வேறு ஏதேனும் தொழில் ஈடுபடுவார்களா? என்பதை தெரிந்த கொள்ள மேலும் சில காலம் ஆகலாம்.