ஜி.டி., எக்ஸ்பிரஸ் புதுடில்லி வரை இயக்கம்

Added : மே 12, 2018 01:12

சென்னை: சென்னை, சென்ட்ரலில் இருந்து, டில்லி, சராய் ரோகில்லா நிலையம் வரை, கிராண்ட் டிரங்க் எக்ஸ்பிரஸ் ரயில் இயக்கப்படுகிறது. இந்த ரயில், சென்னை சென்ட்ரலில் இருந்து, தினமும் இரவு, 7:15 மணிக்கு புறப்பட்டு, மூன்றாவது நாள் காலை, 7:10 மணிக்கு, டில்லி சராய் ரோகில்லா நிலையம் அடையும். அங்கிருந்து, தினமும், மாலை, 5:50 மணிக்கு புறப்பட்டு, மூன்றாவது நாள் காலை, 6:20 மணிக்கு, சென்னை சென்ட்ரல் வரும். இந்த ரயில், வரும், 21ம் தேதியில் இருந்து, புதுடில்லி நிலையம் வரை மட்டுமே இயக்கப்படும். சென்னை சென்ட்ரலில் இருந்து இயக்கப்படும் ரயில், புதுடில்லி நிலையத்திற்கு, காலை, 6:30 மணிக்கு சென்று அடையும். புதுடில்லியில் இருந்து, சென்னை சென்ட்ரலுக்கு மாலை, 6:40 மணிக்கு புறப்படும். சென்னை சென்ட்ரலில் இருந்து, இந்த ரயில் புறப்படும் மற்றும் வரும் நேரத்தில் மாற்றமில்லை என, தெற்கு ரயில்வே தெரிவித்துள்ளது.