வருமான வரி குறைதீர்ப்பு முகாம்

Added : மே 30, 2018 00:28

சென்னை: வருமான வரி கணக்கு தாக்கல் செய்வதில் உள்ள சந்தேகங்கள் மற்றும் குறைகளை, ஜூன், 1 முதல், 15ம் தேதி வரை, நிவர்த்தி செய்து கொள்ளலாம் என, வருமான வரி துறை தெரிவித்துள்ளது.
இது குறித்து, வருமான வரி துறை வெளியிட்ட செய்திக்குறிப்பு: வருமான வரி கணக்கு தாக்கலில் உள்ள சந்தேகங்கள் மற்றும் குறைகளை, வருமான வரி அலுவலகத்தில், வரி செலுத்துவோர் முறையிட்டு, தீர்வு காணலாம்.வரி செலுத்துவதில், ஏற்கனவே நிலுவையில் உள்ள முறையீடு, அதன் நிலை என்ன என்பது குறித்து, வருமான வரி மதிப்பீட்டு அதிகாரிகளிடம் தெரிந்து கொள்ளலாம்.தமிழ்நாடு மற்றும் புதுச்சேரியில் உள்ள, அனைத்து வருமான வரி அலுவலகங்களிலும், ஜூன், 1 முதல், 15ம் தேதி வரை, காலை முதல் பிற்பகல் வரை, அதிகாரிகள் விளக்கம் அளிப்பர்.

இவ்வாறு அதில் தெரிவிக்கப்பட்டுள்ளது.