காற்றில் கரையாத நினைவுகள் 14: பள்ளிக்கூடம் போகலாம்!

Published : 05 Jun 2018 09:36 IST
 
வெ.இறையன்பு








அருகில் இருக்கும் பள்ளியே அழகான பள்ளி. அன்று சில குடும்பங்களில் அத்தனை வசதிகள் இருந்தாலும், பொங்கிப் பெருகும் செல்வம் கொழித்தாலும் நகரத்துக்குச் சென்று பிள்ளைகள் படித்து வருகிற வழக்கமில்லை. அப்பா, அம்மாவுடனேயே குழந்தைகள் தங்கி, கிராமத்துப் பள்ளியில் படிப்பதே வாடிக்கை. இன்றிருப்பதுபோல விடுதியில் தங்கிப் படிக்க வைப்பதும், மதிப்பெண்களைக் கொட்ட வைக்கும் பள்ளிகளில் அனுமதித்து, பெற்றோர் அங்கேயே அறையெடுத்துத் தங்கும் அவலமும் அன்றில்லை.

பள்ளி என்பது படிக்க மட்டுமல்ல; ஒன்றாகச் சேர்ந்து விளையாடவும், அன்பையும் பண்பையும் கற்கவும் அது நாற்றங்கால். கட்டிடம் முக்கியமல்ல. தரையின் ஜொலிப்பு அவசியமல்ல. நடத்தும் ஆசிரியரின் ஆளுமையும் முக்கியமல்ல. காலை முதல் மாலை வரை பள்ளி வளாகத்தில் குழந்தைகள் பட்டாம்பூச்சியாகச் சிறகடித்துப் பறந்தால் போதுமென பெற்றோர் நினைத்த காலம் அது.

பள்ளியில் சேர பிறப்புச் சான்றிதழ் கூட அன்று தேவையில்லை. வலது கையால் தலைக்கு மேல் வைத்து இடது காதை முழுமையாகத் தொட் டால் படிக்கிற வயது வந்துவிட்டது என்று பொருள். குள்ளமாக இருந்த தால் எனக்கு எட்டவில்லை. இருந்தா லும் சேர்த்துக் கொண்டனர். இன்று வரை எட்டாமல்தான் இருக்கிறது. பள்ளிக்கு முதல் நாள் செல்ல அன்று குழந்தைகள் அழுததில்லை. வீட்டில் யாரும் பொத்திப் பொத்தி வளர்க்காத தால் பள்ளி எங்களை பயமுறுத்தவில்லை.

பாட்டும், எழுத்தும் படிப்பு

அன்று பெரும்பாலும் மாணவர்கள் நடந்தே வருவார்கள். ஒரு சில வசதி யான குடும்பங்கள் குழந்தைகளை மிதிவண்டியில் கொண்டுவந்து விட ஆள் வைத்திருப்பார்கள். பள்ளியில் தாமதமானால் மகன்களைத் தேடும் தந்தையுமில்லை, அழைத்துச் செல் லும் அயர்ச்சியும் இல்லை. படிப்பைக் காற்றடிப்பதுபோல கஷ்டப்பட்டு மூளைக்கு அனுப்பும் முயற்சியும் இல்லை. தனிப்பாடம் என்பது ஆரம்பப் பள்ளியில் கிடையவே கிடையாது. படிப்பு என்பது பாட்டும், எழுத்தும்.

ஆரம்பப் பள்ளியில் அத்தனை பாடத்துக்கும் ஒரே ஆசிரியர். காலை முதல் மாலை வரை வகுப்பறை அந்த ஒருவர் கண்காணிப்பில் தவழும் தாய்மடி. கை பிடித்து சின்னப் பலகையில் ஆனா, ஆவன்னா எழுதக் கற்றுத் தருவார்கள். பல்பத் தால் எழுதிய பாடத்தை அழித்த பிறகும் சுவடுகள் இருக்கும். பள்ளித் தோழன் பலகை யைத் துடைக்க கற் றுத் தந்த உத்தி ஒன்று. உள்ளங்கைகள் இரண்டையும் அதன் மேல் வைத்து ‘காக்கா காக்கா தண்ணி போடு, குருவிகிட்ட சொல்லாதே’ என்போம். கை வியர்வையை தண்ணீர் என நினைத்து பலகையைச் சுத்தம் செய்வோம். நண்பன் ஒருவன் இலை ஒன்றைக் காண்பித்து படிப்புத் தழை என்று பறித்து பையில் வைப்பான். அதை வைத்தால் படிப்பு நன்றாக வருமாம். நானும் செய்திருக்கிறேன். அது அழுகி துர்நாற்றம் வந்ததோடு சரி. மாம்பழம் வரைய தமிழ் எழுத்து ‘மு’வை எழுதி சுழிப்பதைச் செய்து உள்ளிருப்பவற்றை அழிப்பது எளிய வழி.

அன்று அகல உழுவதைவிட ஆழ உழுதது அதிகம். எங்களுக்கு முதல் வகுப்பில் சரஸ்வதி டீச்சர். மாணவர்களுக்கு இன்னொரு தாயாய் இருப்பார். எந்தக் குழந்தையையும் அவர் திட்டியது இல்லை. காலையில் பள்ளியில் பிரார்த்தனை நடக்கும்.

முதல் பூ டீச்சருக்குத்தான்

இரண்டாம் வகுப்பில் பென்சில் அறிமுகமாகும். காகிதம் எழுதத் தரப் படும். எங்களுக்குச் சொல்லிக் கொடுத்த சாவித்திரி டீச்சர் கத்தரிக் காய் எவ்வளவு நல்லது என்று வகுப்பெடுத்தார். அதுவரை கத்தரிக்காயைத் தொடாமல் இருந்த நான், அதற்குப் பிறகு சுவைத்துச் சாப்பிடத் தொடங்கினேன். ஆசிரியர் வாக்கே வேத வாக்கு.

மூன்றாம் வகுப்பில் ஜோதி டீச்சர். அவ்வளவு எளிமையாக எங்களுக்கு ஆங்கிலத்தை அறிமுகப்படுத்தினார். அத்தனை மாணவர்களிடமும் சிரித்த முகத்துடன் நடந்துகொள்வார். மூன் றாம் வகுப்பில்தான் ஆங்கில எழுத்துகள் கற்றுத் தரப்பட்டன. எழுதப் பேனாவும் எங்களுக் குத் தரப்படும். ஆண்டு தொடக்கத்தில் பெறுகிற பேனாவை முழுஆண்டுத் தேர்வு வரை பாதுகாக்க வேண்டும். அவ்வப்போது கீழே விழுந்து உடைந்து முள் (நிப்) முறியும். புது முள்ளுக்கு 3 பைசா. நீல மசியை நிரப்ப 3 பைசா. கருப்பு மையை நிரப்ப 4 பைசா. நாளடைவில் தேய்ந்து முள் பட்டையடிக்க ஆரம்பிக்கும். புது முள் கொஞ்சம் அழுத்தமாக எழுத, அதன் நடுவே பிளேடை விட்டு நெம்புவதும் உண்டு. சமயத்தில் பேனா லீக்கடித்து சட்டைப் பை மசியால் நனைவதும் உண்டு. நான்காம் வகுப்பிலும், ஐந் தாம் வகுப்பிலும் கமலாட்சி டீச்சர். பள்ளி முடியும் வரை கண்டிப்பு, அதற்குப் பிறகு கனிவு.

வீட்டுப் பாடம் என்பது அரை மணி நேர வேலை. ஒன்றாம் வகுப்பில் சின்னக் கரும்பலகையின் இரண்டு பக்கமும் எழுதும் அளவே வீட்டுப் பாடம். இரண்டாம் வகுப்பில் 16-ம் வாய்ப் பாடு வரை பலமுறை எழுதி எதைக் கேட்டாலும் உடனடியாகச் சொல்ல வேண்டும். திண்ணையிலேயே அமர்ந்து வீட்டுப் பாடத்தை முடித்த பிறகு உள்ளே நுழைவோம். அதற்குப் பிறகு விளையாட்டு மட்டுமே. இருட்டும் வரை விளையாட்டு. பின்னர் வீட்டுக்கு வந்து கை, கால் அலம்பி சாப்பிட்ட பிறகு சுகமான தூக்கம். வீட்டில் எப்போதும் ஆசிரியர் பற்றியே பேச்சு இருக்கும். ஒவ்வோர் ஆண்டும் வகுப்பாசிரியருக்கு பொங்கல் வாழ்த்து அட்டையை கைப்பட வரைந்து, அனுப்புவதற்கு காசு இல்லாததால் அப்படியே வைத்திருப்போம். வீட்டுச் செடியில் முத லில் பூத்த சாமந்தியை டீச்சருக்கு எடுத்துச் செல்வதில் அப்படியொரு பெருமை.

நண்பனை காணவில்லை

ஆண்டுத் தொடக்கத்தில் வாங்கித் தருகிற இரண்டு, மூன்று ஜோடி சீருடை மட்டுமே. அவற்றில் கழுத்துப் பட்டை நுனியில் மஞ்சள் தடவி அணிந்து செல்வோம். முக்கால்வாசி மாணவர்கள் மதிய இடைவேளையில் வீட்டுக்கு வந்து உணவருந்திவிட்டுச் செல்வார்கள். குடிநீர்க் குப்பிகளை தூக்கிச் செல்லும் வழக்கமில்லை. பள்ளியின் குடிநீர்க் குழாயில் கைகளைக் குவித்து கவ லையின்றி நீர் பருகி நிம்மதியாக இருந்தோம். பள்ளி வேலைகளை குழுவாக மாணவர் செய்த காலம் அது. அடுப்புக் கரி, ஊமத்தங்காய் ஆகியவற்றை அரைத்து வகுப்பறைக் கரும்பலகையில் மாணவர்கள் அவ்வப்போது பூசுவார்கள். மண் பானை யில் தண்ணீர் கொண்டு வர ஒரு குழு. பெருக்க ஒரு குழு. பிரார்த்தனை மைதானத்தை கூட்டுவதற்கு ஒரு குழு.

என்னோடு மூன்றாம் வகுப்பு வரை ஒன்றாகப் பள்ளிக்குச் சேர்ந்து செல் கிற நண்பன் ஒருவன் உண்டு. நான்காம் வகுப்பு தொடங்கும்போது என்னை அழைத்துச் செல்ல அவன் வரவில்லை. காத்திருந்து பார்த்திருந்துவிட்டு, களைத்துப் போய் அவசர அவசரமாக பள்ளிக்கு ஓடினேன். வகுப்பிலும் அவன் இல்லை. ஒரு வாரம் கழித்து நான் படித்த மூன்றாம் வகுப்பைக் கடக்கும்போது அவனை அங்கு பார்த்தேன். எல்லாக் காலத்திலும் தேர்ச்சி பெறாமல் போவது ஒருவித சோகம்தான்.

நாங்கள் துவைத்த உடையோடு பள்ளிக்குச் செல்கையில் ஓரிரு மாணவர்கள் அங்கங்கே சலவை செய்த கூர்மையான உடைகளுடன் பள்ளிப் பேருந்துக்கு காத்திருப்பதைப் பார்ப்போம்.

சீருடை கூர்மையும் புத்தி கூர்மையும்

எங்கள் கையில் அத்தனை புத்தகங்களையும் அட்டவணை என்கிற பாகுபாடே இல்லாமல் சுமக்கும் பை. அவர்களிடமோ பளபளக்கும் சின்ன அலுமினியப் பெட்டி. அவர்கள் மிகவும் உயர்ந்த படிப்பைப் படிக்கிறார்கள் என்கிற எண்ணம். உயர்நிலைப் பள்ளி யில் சேர்ந்து ஆறாம் வகுப்பில் அவர்கள் வந்து எங்களோடு இணையும்போது அது எவ்வளவு பெரிய தவறு என்பது புரியும். சீருடையின் கூர்மைக்கும், புத்திக் கூர்மைக்கும் எந்தத் தொடர்பும் இல்லை.

இன்று மழலையர் பள்ளியில் சேர்வதற்கே மகத்தான கூட்டம். முதல் நாளே சென்று விண்ணப்பம் வாங்க வீதியில் படுத்து பெற்றோர் காத்திருக் கும் பள்ளிகளும் உண்டு. பள்ளி இறுதி வரை கங்காரு குட்டிகளைச் சுமப்பதுபோல பெற்றோர் காபந்து செய்யும் நடைமுறை.

படிப்பு என்பது நிகழ்காலத்தைத் தவறவிட்டு எதிர்காலத்தை மட்டுமே கருத்தில் கொள்ளும் திட்டமிட்ட முதலீடு இன்று.

- நினைவுகள் படரும்...

வியாழன் முதல் 10 நாட்களுக்கு நெல்லை, தேனி, கன்னியாகுமரி, நீலகிரி மாவட்டங்களில் கனமழை: தமிழ்நாடு வெதர்மேன் தகவல்

Published : 05 Jun 2018 19:59 IST

போத்திராஜ்
 


‘தமிழ்நாடு வெதர்மேன்’ பிரதீப் ஜான் : கோப்புப்படம்

வரும் வியாழக்கிழமை முதல் அடுத்த 10 நாட்களுக்கு மேற்கு தொடர்ச்சி மலையோர மாவட்டங்களான கன்னியாகுமரி, நெல்லை, தேனி, கோவை, நீலகிரி உள்ளிட்ட மாவட்டங்களில் கனமழை பெய்யும் என்று தமிழ்நாடு வெதர்மேன் தெரிவித்துள்ளார்.

தென்மேற்கு பருவமழை வழக்கமாக ஜூன் 1-ம் தேதி தொடங்கும். ஆனால், இந்த ஆண்டு வழக்கத்துக்கு மாறாக, 3 நாட்கள் முன்பாக, அதாவது 29-ம் தேதியே கேரளாவில் பருவமழை தொடங்கியது. அப்போது முதல் கேரளா, மேற்கு தொடர்ச்சி மலையோர மாவட்டங்களில் அவ்வப்போது மழை பெய்து வருகிறது.

இந்நிலையில், 7-ம் தேதி அல்லது 8-ம் தேதியில் இருந்து பருவமழை தீவிரமடையும், மும்பை முதல் கன்னியாகுமரி வரையிலான மேற்குதொடர்ச்சிமலையோரப் பகுதியில் உள்ள மாவட்டங்களில் கனமழைக்கு வாய்ப்புள்ளது என்று தமிழ்நாடு வெதர்மேன் தெரிவித்துள்ளார்.

பேஸ்புக்கில் தமிழ்நாடு வெதர்மேன் என்ற பெயரில் வானிலை குறித்த பதிவுகளை வெளியிட்டுவரும் பிரதீப் ஜான் தி இந்து ஆன்லைனுக்கு அளித்த பிரத்யேகப் பேட்டியில் கூறியதாவது:

தென்மேற்கு பருவமழை வரும் 7-ம் தேதி அல்லது 8-ம் தேதி முதல் தீவிரமடையும். அதன்பின் அடுத்த 10 நாட்களுக்கு மேற்குதொடர்ச்சி மலையோர மாவட்டங்களில் கனமழை இருக்கும்.

தமிழகத்தின் உள்மாவட்டங்களில் வெப்பச்சலனம் காரணமாக இடியுடன் நாளை மழை பெய்ய வாய்ப்பு உண்டு. ஆனால், 7-ம் தேதிக்கு பின் பருவமழை தீவிரமடையும் போது, தமிழகத்தின் உள்மாவட்டங்களில் மழை இருக்காது. சென்னை, வடமாவட்டங்களில் நாளை இடியுடன்கூடிய மழையை எதிர்பார்க்கலாம்.

சென்னைப் பொறுத்தவரை புறநகர்பகுதிகளில் நாளை மழை பெய்யக்கூடும் வியாழக்கிழமைக்கு பின் மழைக்கு வாய்ப்பு இல்லை. தென்மேற்கு பருவமழை தீவிரமடைந்தபின், சென்னையில் வெயிலின் தாக்கமும் இயல்பை ஒட்டியே இருக்கும். அதிகமான வெயில் இருக்காது.

வியாழக்கிழமை அல்லது 8-ம் தேதி முதல் பருவமழை தீவிரமடைகிறது என்பதால், மும்பை முதல் கன்னியாகுமரி வரையிலான மேற்கு தொடர்ச்சி மலையோர மாவட்டங்கள், மேற்கு கடற்கரைஓர மாவட்டங்களில் கனமழைக்கு வாய்ப்பு உண்டு. கர்நாடகத்தின் காவிரி நீர்ப்பிடிப்பு பகுதிகளில் கனமழை பெய்யக்கூடும். இதனால், தமிழகத்துக்கான நீர்வரத்து அதிகரிக்கலாம்.

மேற்கு தொடர்ச்சிமலையோரத்தில் உள்ள கன்னியாகுமரி, நெல்லை, தேனி மாவட்டத்தின் பகுதிகள், பெரியாறு அணை நீர்ப்பிடிப்பு பகுதிகள், கோவை மாவட்டத்தின் சில பகுதிகள், நீலகிரி மாவட்டம், வால்பாறை, சத்தியமங்கலம் பகுதிகளில் கனமழை, முதல் மிககனமழை இருக்கும். அடுத்து வரும் 10 நாட்களில் ஒட்டுமொத்தமாக நாள் தோறும், கனமழை முதல் மிககனழை வரை தொடர்ந்து பெய்யக்கூடும். .

இவ்வாறு பிரதீப்ஜான் தெரிவித்தார்.

13 கிலோ மனுக்களை சுமந்து வந்த தாய் - மகன்

Added : ஜூன் 05, 2018 22:23




கடலுார் : கடலுாரில் தாய், மகன் இருவரும், தங்களது நிலத்தை மீட்டுத் தரக்கோரி, 11 ஆண்டுகளாக அதிகாரிகளிடம் கொடுத்த மனுக்களின் நகல்களை, மூட்டையாக கட்டி, தலையில் சுமந்து வந்து, கலெக்டரை சந்தித்ததால், பரபரப்பு ஏற்பட்டது.

விழுப்புரம் மாவட்டம், கள்ளக்குறிச்சி அடுத்த கூத்துக்குடியைச் சேர்ந்தவர் மாயவன் மனைவி குண்டுப்பிள்ளை, 62; இவரது மகன் முனுசாமி, 37; விவசாயி. இருவரும் கடலுார் கலெக்டர் அலுவலகத்திற்கு, தலையில் பெரிய மூட்டைகளை சுமந்தபடி வந்தனர். அவர்களை கலெக்டர் தண்டபாணி விசாரணை செய்தார்.

அப்போது அவர்கள் கூறுகையில், 'தங்களுக்கு கடலுார் மாவட்டம், வேப்பூர் அடுத்த ஐவதுகுடியில், 2 ஏக்கர், 4 சென்ட் நிலம் இருந்தது. அந்த இடத்தை, அதே பகுதியைச் சேர்ந்த சிலர், போலி ஆவணங்கள் தயாரித்து மனைகளாக மாற்றி, விற்றுள்ளனர்.

'அவர்கள் மீது நடவடிக்கை எடுத்து, நிலத்தை மீட்டு தரக்கோரி, 11 ஆண்டுகளாக அதிகாரிகளிடம் தொடர்ந்து மனு கொடுத்து வருகிறோம். இதுவரை நடவடிக்கை இல்லாததால், கொடுத்த அனைத்து மனுக்களின் நகல்களை மூட்டையாக கட்டி துாக்கி வந்தோம்' என்றனர். மனுக்களின் மூட்டை, 13 கிலோ எடை இருந்தது.

அரசு பஸ் ஊழியர் சங்கங்கள் மீண்டும், 'ஸ்டிரைக் நோட்டீஸ்'

Added : ஜூன் 05, 2018 21:20

சென்னை: பல்வேறு கோரிக்கைகளை வலியுறுத்தி, அரசு போக்குவரத்து தொழிற்சங்கங்கள், 'ஸ்டிரைக் நோட்டீஸ்' வழங்கி உள்ளன.தொ.மு.ச., - சி.ஐ.டி.யு., - ஏ.ஐ.டி.யு.சி., - எச்.எம்.எஸ்., உள்ளிட்ட, 10 தொழிற்சங்க கூட்டமைப்பு நிர்வாகிகள் ஆலோசனை கூட்டம், நேற்று சென்னை, பல்லவன் இல்லத்தில் நடந்தது.

பின், நிர்வாகிகள் கூறியதாவது:தமிழ்நாடு அரசு போக்குவரத்துக் கழகங்கள், 8,000 வழித்தடங்களில், லாப நோக்கமற்று, பஸ்களை இயக்குகின்றன. இதனால், மாநகரம், நகரம், கிராமம் மற்றும் மலை வழித்தடங்களில், போக்குவரத்து எளிதாகி உள்ளது.

நிலுவை : இதனால் ஏற்படும் நஷ்டத்தை, அரசு ஏற்க வேண்டும் என்ற, கோரிக்கையை முன்வைத்தோம். அதற்கு பதில் அரசு, பஸ் கட்டணத்தை உயர்த்தியது. அத்துடன், டீசல் மானியத்தையும் நிறுத்தியது. கட்டண உயர்வுக்கு முன், 2.40 கோடியாக இருந்த பயணியர் எண்ணிக்கை, தற்போது, 1.50 கோடியாக குறைந்துள்ளது. ஏற்கனவே, ஒரு நாளைக்கு, எட்டு கோடி ரூபாயாக இருந்த நஷ்டம், தற்போது, ஒன்பது கோடி ரூபாயாக உயர்ந்துள்ளது. கட்டண உயர்வுக்குப் பின், டீசல் விலை, லிட்டருக்கு, ஐந்து ரூபாய்க்கும் மேல் உயர்ந்துள்ளது.இது போன்ற செலவுகளால் ஏற்படும் நிதிச் சுமையை சமாளிக்க, நிர்வாகம், ஊழியர்களிடம் பிடிக்கப்பட்ட பணத்தை செலவு செய்கிறது. அதனால், ஊழியர்களுக்கு தர வேண்டிய நிலுவை, தற்போது, 6,000 கோடி ரூபாயாகி உள்ளது.போக்குவரத்து ஊழியர்கள் ஊதிய ஒப்பந்த முரண்பாடுகளை நீக்கி, நிலுவை தொகையை, உடனே வழங்க வேண்டும்.பணி ஓய்வுபெறுவோருக்கு, அப்போதே பணப் பலன்களை வழங்க வேண்டும். பெட்ரோல், டீசல் விலையை, மத்திய, மாநில அரசுகள் முறைப்படுத்த வேண்டும்.வேலை நிறுத்தம்இந்த கோரிக்கைகளை, அரசு உடனே நிறைவேற்ற வேண்டும். இல்லையேல், வரும், 19ம் தேதியோ அல்லது அதன் பிறகோ, போக்குவரத்து தொழிற்சங்கங்கள், வேலைநிறுத்தத்தில் ஈடுபடும்.இதற்கான, ஸ்டிரைக் நோட்டீசை, போக்குவரத்து கழக மேலாண் இயக்குனர்கள், செயலர் மற்றும் தொழிலாளர் நல கமிஷனர் ஆகியோருக்கு வழங்கி உள்ளோம்.இவ்வாறு அவர்கள் கூறினர்.

கவுன்சிலிங்கில் குழப்பம் : டாக்டர்கள் போராட்டம்

Added : ஜூன் 06, 2018 00:53

சென்னை: அரசு மருத்துவமனைகளில் பணியாற்றுவதற்கான, பணியிட கவுன்சிலிங்கில் குளறுபடி நடந்துள்ளதாக, அதிகாரிகளுடன் டாக்டர்கள் வாக்குவாதத்தில் ஈடுபட்டனர்.அரசு மருத்துவக் கல்லுாரிகளில், முதுநிலை மருத்துவம் படித்தவர்கள், குறிப்பிட்ட காலம், அரசு மருத்துவமனைகளில் பணியாற்ற வேண்டும். இதற்கான கவுன்சிலிங், சென்னையில் உள்ள, மருத்துவ கல்வி இயக்ககத்தில் நேற்று துவங்கியது. கவுன்சிலிங் துவங்கிய சில நிமிடங்களில், 'காலியிடங்கள் மறைக்கப்பட்டுள்ளன; கவுன்சிலிங்கில் வெளிப்படை தன்மையில்லை' எனக்கூறி, அதிகாரிகளுடன், டாக்டர்கள் வாக்குவாதத்தில் ஈடுபட்டனர். இதனால், கவுன்சிலிங் நிறுத்தப்பட்டது.பின், மருத்துவ கல்வி இயக்குனர், எட்வின் ஜோ பேச்சு நடத்தி, பணி மூப்பு அடிப்படையில் கவுன்சிலிங் நடைபெறும் என, வாக்குறுதி அளித்த பின், மாலையில், மீண்டும் கவுன்சிலிங் துவங்கியது.

இது குறித்து, டாக்டர்கள் கூறுகையில், 'அரசு டாக்டர்களை காட்டிலும், அரசு சாரா டாக்டர்களுக்கு அதிக முன்னுரிமை தரப்பட்டுள்ளது. காலிப்பணியிடங்கள் குறித்த பட்டியல் வெளியிடப்படவில்லை. பல இடங்கள், முன்னதாகவே நிரப்பப்பட்டுள்ளன' என்றனர்.

ரயில் பயணியர் எடுத்து செல்லும் பொருட்களுக்கு எடை கட்டுப்பாடு?

Added : ஜூன் 05, 2018 22:35


புதுடில்லி: விமானத்தை போல, ரயில்களில் செல்லும் பயணியர், எடுத்துச் செல்லும் பொருட்களுக்கு எடை நிர்ணயிக்கப்பட்டுள்ளது. குறிப்பிட்ட எடைக்கு அதிகமாக எடுத்துச் செல்வோரிடம், கட்டணம் வசூலிக்க, ரயில்வே நிர்வாகம் திட்டமிட்டுள்ளது.

ரயில்களில் பயணம் செய்வோர், தங்களுடன், அதிக எடையில் பொருட்களை எடுத்துச் செல்கின்றனர். இதனால், பெட்டிகளில் ஏற்படும் இட நெருக்கடியை தவிர்க்க, பயணியர் எடுத்து வரும் பொருட்களுக்கு கட்டுப்பாடு விதிக்க, ரயில்வே நிர்வாகம் முடிவு செய்துள்ளது. ஜூன், 8 - 22 வரை, அனைத்து ரயில் நிலையங்களிலும் விழிப்புணர்வு பிரசாரம் செய்யப்படுகிறது.இந்த பிரசாரத்தில், வகுப்பு வாரியாக, முன்பதிவு டிக்கெட்டில் செல்லும் பயணியர், தங்களுடன் எடுத்துச் செல்லும் பொருட்களின் எடை குறித்த தகவல் தெரிவிக்கப்படும்.முதல் வகுப்பு, 'ஏசி' பெட்டியில் செல்லும் பயணி, 70 கிலோ பொருட்கள் எடுத்துச் செல்லலாம். இரண்டாம் வகுப்பு, 'ஏசி' பெட்டியில் செல்லும் பயணி, 50 கிலோ பொருட்களை எடுத்துச் செல்ல முடியும்.மூன்றாம் வகுப்பு, 'ஏசி' பெட்டியில் பயணிப்போர், 50 கிலோ, துாங்கும் வசதியுடைய, முன்பதிவு பெட்டியில் பயணிப்போர், 40 கிலோ பொருட்களை எடுத்துச் செல்லலாம்.முன்பதிவில்லாத, பொது பெட்டியில் செல்வோர், 35 கிலோ வரை எடுத்துச் செல்லலாம்.சோதனையின்போது, நிர்ணயிக்கப்பட்ட அளவை விட, பொருட்களின் எடை அதிகமாக இருந்தால், 'பார்சல்' கட்டணத்தை போல், ஆறு மடங்கு அதிக கட்டணம் வசூலிக்கப்படஉள்ளதாக, அதிகாரிகள் தெரிவித்துள்ளனர்.

மாவட்ட செய்திகள்

சேலத்தில் இடி, மின்னலுடன் பலத்த மழை



சேலத்தில் நேற்று இடி, மின்னலுடன் பலத்த மழை பெய்தது.

ஜூன் 06, 2018, 04:30 AM
சேலம்,

சேலம் மாவட்டத்தில் கடந்த சில நாட்களாக அவ்வப்போது மழை பெய்து வருகிறது. குறிப்பாக மாலை, இரவு நேரங்களில் கன மழை பெய்கிறது. இதனால் விவசாய கிணறுகள் மற்றும் குளங்களில் நிலத்தடி நீர்மட்டம் படிப்படியாக உயர்ந்து வருகிறது. மழையினால் விவசாயிகள் மகிழ்ச்சி அடைந்துள்ளனர்.

இந்த நிலையில் சேலம் மாநகரில் நேற்று காலை வெயில் வெளுத்து வாங்கியது. வெயிலின் தாக்கம் கடுமையாக இருந்தது. இதனிடையே திடீரென வானத்தில் கருமேகங்கள் சூழ்ந்தன. மாலை 5 மணி அளவில் இடி, மின்னலுடன் பலத்த மழை பெய்ய தொடங்கியது. இதனால் சாலையிலும், கால்வாய்களிலும் மழைநீர் பெருக்கெடுத்து ஓடியது. இந்த மழை 1½ மணி நேரத்துக்கு மேல் நீடித்தது. அதன் பின்னர் இரவு வரை மழை தூறிக்கொண்டே இருந்தது.

மழைநீர் தாழ்வான பகுதிகளில் உள்ள வீடுகளில் புகுந்தது. இதையடுத்து அவர்கள் தண்ணீரை பாத்திரங்கள் கொண்டு வெளியேற்றினர். இதன் காரணமாக இரவில் பொதுமக்கள் தூங்குவதற்கு சிரமப்பட்டனர். இருசக்கர வாகனங்களில் சென்றவர்கள் மழையில் நனைந்தபடி சென்றனர். சிலர் மழையில் நனையாமல் இருக்க தலையில் துணிகளை போட்டுக்கொண்டு சென்றனர். சேலம் தமிழ் சங்கம் சாலையில் கழிவுநீருடன் மழைநீர் கலந்து குளம்போல் தேங்கி நின்றது. இதனால் அந்த வழியாக சென்ற மக்கள் சிரமப்பட்டனர். மேலும் மோட்டார் சைக்கிள்கள் ஊர்ந்தவாறு சென்றன.

நகரில் பாதாள சாக்கடை பணி முடிவடையாமல் உள்ள சாலைகளில் ஆங்காங்கே மழைநீர் தேங்கின. இதனால் வாகன ஓட்டிகள் சிலர் பள்ளம் இருப்பது தெரியாமல் தவறி விழுந்து விபத்தில் சிக்கி கொண்டனர். மழையின் காரணமாக இரவில் குளிருடன் கூடிய கால நிலை நிலவியது.

தலையங்கம்

11–ம் வகுப்பிலிருந்தே ‘நீட்’ தேர்வுக்கு பயிற்சி




இந்தியா முழுவதிலும் மருத்துவக்கல்லூரி, பல் மருத்துவக்கல்லூரிக்கான மாணவர் சேர்க்கை ‘நீட்’ தேர்வில் பெற்ற மதிப்பெண்கள் அடிப்படையிலேயே நடக்கிறது.

ஜூன் 06 2018, 03:00

இந்தியா முழுவதிலும் மருத்துவக்கல்லூரி, பல் மருத்துவக்கல்லூரிக்கான மாணவர் சேர்க்கை ‘நீட்’ தேர்வில் பெற்ற மதிப்பெண்கள் அடிப்படையிலேயே நடக்கிறது. இந்த ஆண்டுக்கான ‘நீட்’ தேர்வை இந்தியா முழுவதும் 12 லட்சத்து 69 ஆயிரத்து 922 மாணவர்கள் எழுதினார்கள். இதில் 7 லட்சத்து 14 ஆயிரத்து 562 மாணவர்கள் தேர்ச்சிப்பெற்றுள்ளனர். தமிழ்நாட்டில் இருந்து 1 லட்சத்து 14 ஆயிரத்து 602 மாணவர்கள் ‘நீட்’ தேர்வை எழுதினார்கள். இதில் 45 ஆயிரத்து 336 மாணவர்கள் தேர்ச்சிப்பெற்றுள்ளனர். அதாவது 39.55 சதவீத மாணவர்கள்தான் தமிழ்நாட்டிலிருந்து தேர்ச்சிப்பெற்றுள்ளனர்.

கடந்த ஆண்டு 32 ஆயிரத்து 570 மாணவர்கள்தான் தேர்ச்சிப்பெற்றிருந்தனர். சதவீத அடிப்படையில் 0.72 சதவீத மாணவர்கள் கடந்த ஆண்டைவிட கூடுதலாக தேர்ச்சிப்பெற்றுள்ளனர். இந்த வகையில் மற்ற மாநிலங்களை ஒப்பிட்டால், தமிழ்நாடு கடைசி 2 இடங்களுக்கு மேலாக 3–வது இடத்தில் இருக்கிறது. அண்டை மாநிலங்களான கேரளா, ஆந்திரா, தெலுங்கானா, கர்நாடகா மாநிலங்களெல்லாம் முதல் 10 இடங்களில் இடம்பெற்றிருப்பதை ஒப்பிடும்போது, தமிழ்நாட்டின் தேர்ச்சிவிகிதம் மிகவும் குறைவாக இருக்கிறது. முதல் 50 இடங்களைப் பிடித்த மாணவர்களின் பட்டியலை பார்த்தால், தமிழ்நாட்டைச் சேர்ந்த மாணவி கீர்த்தனா மட்டும் 720–க்கு 676 மதிப்பெண்கள் பெற்று 12–வது இடத்தில் இருக்கிறார். ஆந்திரா மாணவர்கள் 5 பேர் முதல் 50 இடங்களில் இடம்பெற்றுள்ளனர். ‘நீட்’ தேர்வில் தேர்ச்சிப்பெறுவதற்கு பள்ளிக்கூட படிப்பு இருந்தால் மட்டும் போதாது, அதற்கான பயிற்சிகளும் மாணவர்களுக்கு தேவையாக இருக்கிறது. ஏனெனில், மாணவி கீர்த்தனா கூட பயிற்சி மையத்தில் 2 ஆண்டுகளாக படித்திருக்கிறார். ஆக, பயிற்சி மையத்தில் அளிக்கப்படும் பயிற்சிகள்தான் ‘நீட்’ தேர்வுக்கு உறுதுணையாக இருக்கிறது.

பிளஸ்–2 தேர்வில் கடந்த ஆண்டு 1,125 மதிப்பெண்கள் எடுத்தும் ‘நீட்’ தேர்வில் வெற்றிபெற முடியாமல், இந்த ஆண்டும் ‘நீட்’ தேர்வு எழுதி தேர்வு பெறாததால் விழுப்புரம் மாவட்டம் பெரவளுரில் தாழ்த்தப்பட்ட வகுப்பைச்சேர்ந்த பிரதீபா என்ற மாணவி தற்கொலை செய்துவிட்டார். ஆக, இவரைப்போன்ற மாணவிகளுக்கு நல்லபயிற்சி அவசியம். தமிழக அரசும் 412 மையங்களில், 8,362 பிளஸ்–2 மாணவர்களுக்குத்தான் இலவச ‘நீட்’ பயிற்சியை கடைசியாக சிலமாதங்களில் அளித்துவந்தது. இதில் 1,336 மாணவர்கள் மட்டுமே தேர்ச்சிப்பெற்றுள்ளனர். 24,720 மாணவர்கள் தமிழில் தேர்வு எழுதியுள்ளனர். தமிழ் வினாத்தாளில் 49 கேள்விகளில் தவறு இருந்ததாக கூறப்படுகிறது. அதற்கு கருணை மதிப்பெண்கள் வழங்கவும் கோரிக்கை இருக்கிறது. இந்த ஆண்டுமுதல் 11–வது வகுப்பிலிருந்தே ‘நீட்’ தேர்வுக்கான பயிற்சி வகுப்புகளை கல்விஆண்டின் தொடக்கத்திலிருந்தே தீவிரமாக தொடங்கவேண்டும். பயிற்சியின் தரமும் அதிகமாக இருக்கவேண்டும். ஏராளமான மாணவர்கள் ‘நீட்’ தேர்வில் வெற்றிபெறவேண்டும் என்பதை ஒரு இலக்காக வைத்து, கல்வியாண்டின் தொடக்கத்திலிருந்தே இதற்குரிய முயற்சிகளை கல்வித்துறை செய்யவேண்டும். இந்த ஆண்டு 1, 6, 9, 11–ம் வகுப்பு பாடத்தரம் உயர்த்தப்பட்டுள்ளது. இதேபோல, அடுத்த ஆண்டு மீதமுள்ள அனைத்து வகுப்புகளுக்குமான பாடத்தரம் உயர்த்தப்படவேண்டும். 11, 12–வது வகுப்பு பாடத்திட்டத்தின் தரம் நிச்சயமாக அதிக மாணவர்கள் தேர்ச்சிக்கு வழிவகுக்கும்.

துன்பங்கள் எல்லாம் தூசிகளே!

Published : 20 Oct 2014 15:03 IST

டாக்டர்.ஆர்.கார்த்திகேயன்
 



“வேலை கிடைக்க வில்லை. சாகலாம் போல உள்ளது.” என்று ஒரு மின்னஞ்சல் வந்தது. எழுதியவர் நல்ல கல்லூரியில் நல்ல மதிப்பெண்களுடன் தேறிய பொறியாளர். தாமதிக்காமல் பதில் போட்டேன்.

பணியிட மனநலம்

வேலையில்லாத நிலை, வேலையில் பளு, வேலையில் மனஅழுத்தம் எனப் பல காரணங்களுக்காகத் தற்கொலைகள் பெருகி வருகின்றன. இது கவலை தரும் விஷயம்.

தமிழ்நாட்டில் சாலை விபத்துகள், டாஸ்மாக், மாரடைப்பு போல இதுவும் அவசியம் விழிப்புணர்வு அளிக்கப்பட வேண்டிய விஷயம். இதன் சமூக, உளவியல், மருத்துவத் தீர்வுகள் எல்லோருக்கும் தெரிய வேண்டியவை. மேலை நாடுகளில் பணியிட மனநலம் பற்றி நிறைய ஆராய்ச்சிகள் நடந்து வருகின்றன. இங்கும் அதன் தேவை வளர்ந்துவருகிறது.

துக்கம் எனும் நோய்

சுய மதிப்பு இழத்தல், உதவி இல்லாமை மற்றும் நம்பிக்கையின்மை என 3 முக்கிய உளவியல் காரணங்களைத் துக்க நோய்க்குக் காரணமான மனநிலைகள் என்கிறார்கள். ஆமாம், துக்கம் என்பதும் ஒரு நோய்தான்.

இதில் நம்பிக்கை யின்மைதான் கடைசியில் தவறான முடிவை எடுக்க வைக்கிறது.

நம்பிக்கையை வளர்க்கும் செய்திகளைத் தேர்வு செய்து உட்கொள்வது மிக அவசியம். நம்பிக்கையைக் கெடுக்கும் செய்திகளை நச்சு போலத் தவிர்ப்பது நல்லது. இதை ஒரு திறனாகச் செய்ய நம் குழந்தைகளுக்குக் கற்றுத் தர வேண்டும்.

வாலியைத் தேற்றிய கண்ணதாசன்

கவிஞர் வாலி திரைப்படத் துறைக்கு வருவதற்கு மிகவும் போராடிக்கொண்டிருந்த நேரம். ஒரு முறை சலித்துப் போய் ஊருக்குத் திரும்பலாம் என்று நினைக்கையில் அவர் கண்ணதாசனின் ஒரு திரைப்பாடலைக் கேட்கிறார்.

அது அவர் மனதை உறுதி செய்து மீண்டும் போராடித் திரைப்பட வாய்ப்பிற்கு நெருக்கமாக அழைத்துச் செல்கிறது. அந்தப் பாடல் “மயக்கமா கலக்கமா?” என்று தொடங்கும்.

அதில் என் பிரிய வரிகள்:

“உனக்கும் கீழே உள்ளவர் கோடி.

நினைத்துப் பார்த்து நிம்மதி நாடு!”

அமரத்துவம் பெற்ற இந்த வரிகள் துன்பம் வரும் தருணங்களில் ஒவ்வொருவரும் நினைத்துப் பார்க்க வேண்டிய வரிகள்.

மாறும் நிஜங்கள்

வேலை கிடைக்கவில்லை. வருமானம் இல்லை. வேலை போய் விட்டது. குடும்பம் கஷ்டத்தில். வேலையில் தீராத மன உளைச்சல். ஆரோக்கியம் கெடுகிறது. எல்லாம் நிஜமான போராட்டங்களே. எதையும் மறுப்பதற்கில்லை.

ஆனால் மறந்துவிட்ட ஒரே உண்மை: இவை அனைத்தும் மாறக்கூடிய நிஜங்கள். இவற்றை மாற்றத் தேவை மனோ திடம்.

மாறாத நிஜங்கள்

கொஞ்சம் யோசித்துப் பார்த்தால் மாற்ற முடியாத நிஜங்களுடன் எத்தனை பேர் போராடிக் கொண்டிருக்கிறார்கள்?

மன வளர்ச்சி குன்றியவர்கள், சிறு வயதில் பெற்றோர்களை இழந்தவர்கள், போர்க் குற்றங்களால் பாதிக்கப் பட்டோர், இயற்கைப் பேரிடரில் அனைத்து உடைமைகளையும் இழந்தவர்கள், பாலியல் வன்முறையால் பாதிக்கப்பட்ட சிறுமிகள், விபத்தில் உறுப்பிழந்தவர்கள், சாதிக் கொடுமையால் அடிப்படை உரிமைகள் மறுக்கப்பட்டோர், வேற்று நாட்டுச் சிறையில் நீதி கிடைக்காமல் வருடக்கணக்கில் சிக்கி உள்ளோர், மனநலம் பாதிக்கப்பட்டுத் தெருவில் விடப்பட்டவர்கள்...இன்னமும் நிறையப் பேரைப் பட்டியலிடலாம்.

பூதக்கண்ணாடியில்..

இவர்கள் வலிகளை விட நம் வலி பெரிதா? எந்த நம்பிக்கையில் இவர்கள் வாழ்கிறார்களோ, அதே நம்பிக்கை நம்மைக் காக்காதா?

யோசித்துப் பார்த்தால் நம்மில் பலர் சமூகத்தின் 98 சதவீத மக்களை விடச் சிறப்பாக இருக்கிறோம். இந்த உண்மையைப் பெரும்பாலான நேரத்தில் நாம் நினைப்பதில்லை. நம்மிடம் இல்லாததை நினைத்து வேதனை கொள்ளும் மனம் நாம் மற்றவர்களை விடச் சிறப்பாக இருக்கிறோம் என்கிற உண்மையைப் புறந்தள்ளி விடுகிறது.

இப்படிச் சலித்து எடுத்துப் பிரச்சினைகளைப் பூதக்கண்ணாடியில் வைத்துப் பார்க்கையில் நாம் மலைத்து விடுகிறோம்.

நல்லதே நடக்கும்

போதாக்குறைக்கு, நாம் பேசும் மொழி நம் எண்ணங்களைக் கூர்மைப்படுத்துகிறது.

“இந்த வேலை மாதிரி கஷ்டமான வேலை உலகத்திலேயே கிடையாது!”

“என் அளவுக்கு அடிபட்டவன் யாரும் இருக்க மாட்டான்.”

“என் நிலைமை என் எதிரிக்குக் கூட வரக் கூடாது.”

“அது மாதிரி ஒரு சோதனையை என் வாழ்க்கையிலேயே நான் பார்த்ததில்லை”

“இந்த மாதிரி ஒரு மோசமான முதலாளி உலகத்திலேயே கிடையாது!”

இப்படிப் பேசப்படும் சொற்களை ஆழ்மனம் பதிவு செய்து கொள்கிறது. பின்னர் இவை மெல்ல நம் சுய மதிப்பைக் குறைக்கின்றன. பின் அடுத்தவர் மதிப்பையும் குறைத்துத் ‘தன்னை யாராலும் காப்பாற்ற முடியாது’ என்று நம்ப வைக்கிறது. எதிர்காலம் சூனியமாகத் தெரியும். பின் தன்னம்பிக்கை மறையும். வாழ்க்கை பற்றிய நம்பிக்கை மறையும்.

அதனால் படித்துவிட்டு வேலை தேடுவோர், வேலை தாவி வேறு வேலை தேடுவோர், வேலைச் சூழ்நிலையில் சிக்கலில் உள்ளவர்கள் என அனைவரும் செய்ய வேண்டியது ஒன்றே ஒன்றுதான்:

நல்லது நிச்சயம் நடக்கும் என நம்புவது!!

அந்த நம்பிக்கையைத் தரக்கூடிய தெய்வங்கள், மனிதர்கள், புத்தகங்கள், பாடல்கள், வழிமுறைகள், அமைப்புகள், வார்த்தைகள், நடத்தைகள் என அனைத்தையும் தழுவிக்கொள்ளுங்கள்.

சிறு தூசி

ஒரு சோதனைக் காலத்தில் நான் தலைப்பு பார்த்து வாங்கிய புத்தகம் என் சோதனைகளை விட என் வலிமையை உணர்த்தியது. அந்தப் புத்தகத்தின் பெயர்:

“Tough times never last. Tough people do!”

ஆண்டவன் இந்தச் சோதனையை உங்களுக்கு அளித்திருக்கிறான் என்றால் அதை வென்று வெற்றி கொள்ளும் திறமை உங்களுக்கு உள்ளது என்கிற காரணத்தில் தான்!

கண்ணில் விழும் தூசி கண் பார்வையையே மறைக்கும். அதைத் துடைத்துப் போடுகையில்தான் தெரியும் அது கண் பார்வைக்குக்கூட அகப்படாத சின்னஞ்சிறிய தூசி என்று.

எதை இழந்தாலும் இழக்கக் கூடாதது நம்பிக்கை!

தொடர்புக்கு:
gemba.karthikeyan@gmail.com

ஊக்கமது கைவிடேல்! – டாக்டர் ஆர். கார்த்திகேயன்

ஜூன் 26, 2014 இல் 8:11 முப (மருத்துவம்)


ஒரு வினோத வாழ்க்கை முறைக்கு நாம் தள்ளப்
பட்டிருக்கிறோம்.

வேலை நாளில் எந்த புது விஷயம் செய்ய
வேண்டும் என்றாலும் ‘நேரமில்லை’ என்று
சொல்வோம். வாரக் கடைசியில் விடுமுறை
என்று உட்கார்ந்தால் ‘என்ன செய்யறதுன்னே
தெரியலை!’ என்போம்.
–
காரியம் வந்தால் நேரம் இல்லை. நேரம்
இருந்தால் செய்ய காரியம் இல்லை. இதுதான்
பெரும்பாலோர் பிரச்னை.
–
இதை நேர நிர்வாகம் என்பதை விட நம் சுய
நிர்வாகம் என்பதே சரி. நேரத்தை யாரும்
நிர்வாகம் செய்ய முடியாது. நம் வாழ்க்கையை
நேரத்தால் அளக்கலாம். அந்த நேரத்தில் நாம்
என்ன செய்கிறோம் என்பதைத் தான் நிர்வாகம்
செய்ய முடியும்.
–
சிலர் குறுகிய காலத்தில் நிறைய சாதிக்கிறார்கள்
என்றால் அவர்கள் தங்களை நன்கு நிர்வாகம்
செய்து கொள்கிறார்கள் என்றுதான் பொருள்.
–
விடுமுறை நாளை சரியாக நிர்வாகம் செய்தால்
வேலை நாளை நிர்வாகம் செய்வது சுலபம்.
பொதுவாக ஞாயிற்றுக்கிழமை என்ன செய்கிறீர்கள்?
–
பலர் தாமதமாக எழுந்து (அல்லது எழுப்பப்பட்டு)
ஒரு பெரிய முடிவு எடுக்க முடியாமல் திணறுவார்கள்.
என்ன அது? முதலில் குளிப்பதா அல்லது சாப்பிடுவதா?
பிறகு தொலைக்காட்சி பெட்டி அவர்களை இயக்கும்.
நாம் கையில் ரிமோட் வைத்திருப்பதாக நினைப்பது
மாயை. டி.வி. தான் நம்மை ரிமோட் கன்ட்ரோலில்
இயக்குகிறது. பார்த்த படத்தை ஓசியில் வருவதால்
திரும்பப் பார்ப்போம்.

பிறகு வருவதையெல்லாம் மாற்றி மாற்றிப் பார்த்தால்
மாலையில் ஒரு நாள் வேலை செய்ததை விட
சோர்வாக இருக்கும். பற்றாக்குறைக்கு மதியம்
உறங்குபவர்கள் இரவில் மந்தகாசமாக செய்வதறியாது
விழித்து கிடப்பார்கள்.
–
மறுநாள் வேலைக்கு ஓட வேண்டுமே என்கிற
கவலை வேறு மாலையிலேயே வந்த விடும்!
ஒரு ஓய்வு நாள் குழப்பமாக வந்து சென்றுவிடும்.
இப்படி ஒரு 52 தடவை சென்றால் ஒரு வருடம்
ஓடிவிடும்!
–
இதைவிடக் கொடுமை சிலர் ஒரு வாரம்
சுற்றுலா என குடும்பத்துடன் செல்வார்கள்.
கிளம்பும் நாளிலிருந்து திரும்பும் நாள் வரை
பயணம் செய்து கொண்டே இருப்பார்கள்.
அவசரம் அவசரமாக எல்லா இடங்களையும்
பார்த்து ‘கிளம்பு… கிளம்பு’ என்று விரட்டிக்
கொண்டு வருவார்கள். திரும்பி வந்து அசதி
நீங்க ஒரு நாள் ஓய்வெடுப்பார்கள்!
–
விடுமுறை நாளின் நோக்கம் புத்துணர்வு
கொள்வது. நல்ல ஓய்வு. சரியான அளவு தூக்கம்,
ரசி்த்து ருசித்து சாப்பாடு, குடும்பத்தாருடன்
பகிர்வு இவைதான் ஆதாரத் தேவைகள்.
இத்துடன் நேரம் ஒதுக்கி வாசிப்பு, உடற்பயிற்சி,
தியானம், தோட்ட வேலை, இசை, தேர்ந்தெடுத்த
பொழுதுபோக்கு போன்றவை மனதை புத்துணர்வு
கொள்ளச் செய்யும்.
–
அதுபோல சுற்றுலா என்றால் வெளிநாட்டவர்
பலரிடமிருந்து கற்றுக் கொள்ளலாம். அவர்கள்
பெரும்பாலும் பகலில் பயணம் செய்வார்கள்,
இரவு தூக்கம் காக்க! ஒரு இடத்தில் அதிக நாட்கள்
தங்குவார்கள். அதை முழுவதும் ரசிப்பார்கள்.
பலர் கடற்கரையில் அல்லது நீச்சல் குளம் அருகே
படுத்து மணிக்கணக்கில் புத்தகம் படிப்பதைப்
பார்க்கலம்.

‘இதைப் படிக்க இவ்வளவு செலவு பண்ணி இங்கே
வரணுமா?’ என்று நினைக்கலாம். ஆனால் ஒரு
விடுமுறை நாளை எதையும் இழக்காமல் அணு
அணுவாக ரசிக்கத் தெரிந்தவர்கள் அவர்கள்.
–
ஒருமுறை ஒரு உளவியல் பேராசிரியர்
அமெரிக்காவிலிருந்து இங்கு வந்திருந்தார்.
என்னிடம் சில இந்தியா சுற்றுலா மையங்கள்
பற்றி விசாரித்தார். அது அவருக்கு இரண்டாவது
இந்தியப் பயணம். முதல் முறை மூன்று மாதங்கள்
இருந்து விட்டுச் சென்றிருந்தார். பேசுகையில்
புரிந்தது:
–
அவர் பார்த்த அளவு நான் இந்தியவைப்
பார்த்திருக்கவில்லை என்று. நேரம், பணம், உழைப்பு
மூன்றும் தேவைப்படும் சுற்றுலாவையும்
பக்காவாக திட்டமிட்டு மேற்கொள்கிறார்கள்.
–
இதுதான் விடுமுறை விட்டு வந்ததும் ஒரு உந்து
சக்தியைக் கொடுக்கிறது. வார விடுமுறை நாளில்
நோக்கம் வாரம் முழுதும் தொடர்ந்து வேலை
செய்ய ஊக்கசக்தியை புதப்பித்திக்
கொடுப்பதுதான்.
–
விடுமுறை நாளை சரியாக நிர்வாகம் செய்பவர்கள்
வேலையில் திறமையாக இருப்பார்கள் என்கிறது
மனித வள ஆய்வுகள்.
யோசியுங்கள், ஒரு விடுமுறையை எப்படி
ரம்மியமாக களிக்கலாம் என்று!
–
ஒரே ஒரு விஷயம் தான் நீங்கள் செய்ய வேண்டும்.
ஒரு ஞாயிறு செய்ய வேண்டிய காரியங்களை
நீங்கள் தேர்வு செய்ய வேண்டும். அது போக
வேண்டிய சினிமாவாக இருந்தாலும், படிக்க
வேண்டிய புத்தகமானாலும், சமைக்க வேண்டிய
உணவாக இருந்தாலும், செய்ய வேண்டிய
வேலைகளாக இருந்தாலும்!
–
டிவி பார்க்கலாம், தவறில்லை, விரும்பி நிகழ்ச்சி
மட்டும் திட்டமிட்டுப் பாருங்கள். அவசரமில்லா
காலைப் பொழுதுகள் விடுமுறை நாட்களுடையது.
அதை தூக்கத்தை விட சுவாரசியமான காரியங்கள்
செய்ய முடியுமா என்று பார்க்கலாமே!
–
ஒரு குடும்பம் முழுவதும் சேர்ந்து செய்யும்
சமையலும் வீட்டு வேலையும் குதூகலம் அளிக்கக்
கூடியவை. முண்டிப் பிடித்து, பணத்தைக் கொட்டி
வெளியே சென்று சாப்பிடுவது மட்டும்தான்
சந்தோஷமா என்ன?
–
நண்பர்களை சந்திக்கலாம். பக்கத்தில் உள்ள
சின்ன குன்றுகள் ஏறி ட்ரெக்கிங் செய்யலாம்.
போகாத கோயில்களுக்கு போகலாம். நேரமில்லை
என்று ஆரம்பிக்காத விஷயங்கள் எதையாவது
ஆரம்பிக்கலாம். ஒரு வேளை ஓட்டலுக்குச் செலவு
செய்வதை ஒரு நல்ல காரியத்திற்கு செலவிட்டு
திருப்தி படலாம்.
–
ராத்திரி மொட்டை மாடியிலோ, கடற்கரையிலோ
அல்லது ஏதாவது ஒரு திறந்த வெளியில் வானத்தை
நோக்கலாம். மேகங்கள் கொள்ளும் வடிவங்கள்
என்ன என்று ஆளுக்கு ஆள் பேசி்க் கொள்ளலாம்.
–
நேற்று வரை நாம் செய்த தேர்வகள்தான் நம்
கடந்த கால வாழ்க்கை. இன்று முதல் நீங்கள்
செய்யும் தேர்வுகள் தான் நம் வருங்கால
வாழ்க்கை!
–
வேலை நாட்களுக்குத் தேவையான ஊக்க
சக்தி விடுமுறை நாட்களில்தான் மறைந்துள்ளது.
இனி விடுமுறை நாள் ஒவ்வொன்றையும் ரசித்து
செதுக்குவோம்!

வேலையைக் காதலி !

Published : 28 Apr 2014 10:00 IST

டாக்டர். ஆர். கார்த்திகேயன்



குழுத் தேர்வு என்று ஒன்று உண்டு. ஆங்கிலத்தில் Group Discussion, Group Analysis என்று சொல்வார்கள்.

“ஒரு குழுவில் உட்கார வைத்து ஏதாவது ஒரு தலைப்பைக் கொடுத்துப் பேசச் சொல்வார்கள்; எப்படிப் பேசுகிறார்கள் எனப் பார்ப்பார்கள்” என்ற அளவில் இது அறியப்படுகிறது. தன்னுடன் அமரும் அனைவரும் போட்டியாளர்கள் என்பதால் எல்லோரைக் காட்டிலும் சிறப்பாகப் பேச வேண்டும் என்பது இங்கு மோலோங்கியுள்ள எண்ணம். அறையின் மூலையில் பொதுவாக இரு ஆய்வாளர்கள் உட்கார்ந்து

குறிப்பு எடுப்பார்கள். எனவே எல்லோர் பேச்சும் கண்காணிக்கப்படுவதால் எப்போதும் ஒரு மனப்பதற்றம் இருக்கும்.இங்கு எப்படிப் பேச வேண்டும் எனத் திட்டமிட்டுத் தயாராக வருபவர்கள் இருக்கிறார்கள். எப்படிப் பேசினால் நல்ல மார்க் கிடைக்கும் என்ற ஒரு விவாதம் எப்போதும் உண்டு.

நான் கல்லூரி மாணவனாக இருந்த காலத்தில் காம்பெடிஷன் என்ற பெயரில் ஆரம்பிக்கும் எல்லா டெல்லி பத்திரிகைகளும் இதைப் பற்றி எழுதுவார்கள். அந்தக் காலத்தில் ஐ.ஏ.எஸ். தேர்வில் ஆரம்பித்து வங்கித்தேர்வுகள் வரை வேலைக்கான தேர்வு பற்றிய செய்தி, மாதிரி வினாத் தாள், வெற்றியாளர் அனுபவக் கட்டுரை எல்லாம் இவற்றில் வெளிவரும்.

ஒரு “மாதிரி குழுத் தேர்வு” நடப்புகளை ஆய்வாளர் குறிப்புகள் உட்பட விரிவாக வெளியிடுவார்கள். அது கதை போல் சுவாரசியமாக இருக்கும். அதற்காக அதைத் தவறாமல் படிப்பேன். அதில் பெரும்பாலும் முதலில் பேசுபவருக்குக் கூடுதல் மதிப்பெண்கள் இருக்கும். நல்ல ஆங்கிலமும் நல்ல கருத்துகளும் மதிப்பெண்களைக் கூட்டும். பேசாமல் இருப்பதோ, பிறர் பேசுவதை மறிப்பதோ மதிப்பெண்களைக் குறைக்கும். இப்படி நிறைய “செய்; செய்யாதே” அறிவுரைகள் இருக்கும்.

மனித வளத்துறைக்கு வந்த பின் இந்த ஆய்வு முறைகளைப் பல்லாயிரம் முறை பயன்படுத்தியும் சீரமைத்தும் பெற்ற அனுபவத்தில் இது பற்றி வேலை தேடுவோருக்குத் தெளிவுபடுத்துவது அவசியம் என்று நினைக்கிறேன். முதலில் சில பால பாடங்கள். இது அறிவுத் தேர்வு அல்ல. பாடத்தேர்வு அல்ல. உங்கள் மொழிப் புலமை பார்ப்பது கூட இரண்டாம் பட்சம்தான். ஒரு குழுவில் எப்படி இயங்குகிறீர்கள் என்று பரிசோதிப்பதுதான் முக்கிய நோக்கம். ஏன்?

நிறுவனம் என்பது பல குழுக்கள் அடங்கிய பெரிய குழுதான். அதனால் அந்தக் குழுவில் சேர்த்துக்கொள்ளும் முன் இந்தத் தகவல் முக்கியம். நிறுவனத்தில் சேர்ந்த பிறகு உங்கள் குழு நடத்தைதான் நிறுவன நடத்தையை வழிநடத்தப்போகிறது. அதன் கலாச்சாரம், மதிப்பீடுகள் மற்றும் பணி புரியும் முறைகள் இவற்றைக் கற்றுக்கொள்ளக் கூடியவரா நீங்கள் எனச் சோதிக்கும் முறைதான் குழுத் தேர்வு.

குழுவில் முதன்மை ஆதிக்கம் செலுத்தி, உரக்கப் பேசினால் அதிக மதிப்பெண்கள் என்ற தவறான எண்ணம் பலர் மனத்தில் அபாயகரமாகப் புகுந்துவிட்டது. இது உதவாது. உங்கள் தனி நபர் அறிவையும் திறனையும் மனப்பாங்கையும் சோதிக்க எழுத்துத் தேர்வும் நேர்முகத் தேர்வும் உள்ளன. பிறகு எதற்குக் குழுத் தேர்வு?

மற்ற தேர்வுமுறைகளில் காணக் கிடைக்காத விஷயங்களை இங்கே கண்டுகொள்ளத்தான் இந்த ஏற்பாடு. எவ்வளவு பாசாங்கு செய்தாலும் நம் சமூக நடத்தை வெளியே வரும். எப்படி? தியேட்டரில் இருட்டு வந்தால் விசில் சத்தம் பறக்கும். இடைவெளி வெளிச்சத்தில் எல்லோரும் கண்ணியமான கனவான்களாக நடந்துபோவார்கள். பெண்களைப் பார்த்ததும் ஆண்கள் (ஆண்களைப் பார்த்ததும் பெண்களும்)

ஆங்கிலத்தில் பேச ஆரம்பிப்பார்கள். கூடுதல் கவனத்துடன் நடந்து கொள்வார்கள். அதிகாரத்தில் பெரியவர் என்றால் அவர் முன் கால் மீது கால் போட்டு அமர யோசிக்கிறோம். நம்மை யாராவது பாராட்டி விட்டால் அவர் செய்கைக்கு ஆதரவு தரத் தயாராக இருக்கிறோம். இவையெல்லாம் தான் சமூக நடத்தைகள்.

எவ்வளவு மறைத்தாலும் நம் சமூக எண்ணங்களும் நடத்தையும் நம்மை சிறிதாவது காட்டிக் கொடுக்கும்.பிறகு தேவைப்பட்டால் நேர்காணலில் விரிவாக இதை ஆராயலாம். ஆனால் ஒரு மனிதன் தன் சமூக அமைப்பில் எப்படி நடந்துகொள்வான் என்று அறியத்தான் இந்த ஆய்வு. இதன் வீரியம் புரியாமல் சிலர் பாடத் தலைப்புகளை வைத்துச் சரியான பதில்கள் சொல்லும் ஆட்களுக்கு மார்க் போடும் துரதிருஷ்டங்களையும் பார்த்திருக்கிறேன்.

குழுத் தேர்வில் அமர்பவர்களுக்கு என் ஆலோசனை இதுதான்: இயல்பாக இருங்கள். எதையும் அதீதமாகச் செய்யாதீர்கள். உங்கள் இயல்பைக் கடந்த மீறல்கள் சுலபமாகக் கண்டறியப்பட்டுவிடும். நிறைய பேச வேண்டும் என்ற எண்ணத்தை விலக்குங்கள். பிறருடன் இயல்பாகப் பழகுதலும், பிறர் கருத்துக்கு மதிப்பளித்தலும், சமரச முயற்சிகளும், வித்தியாசமான கருத்துகளும் உங்களுக்கு உதவும். ஆனால் உங்கள் இயல்புக்கு எதிராக எதையும் சொல்லாதீர்கள்; செய்யாதீர்கள்.

பதவி உயர்வு சோதனைக்குக்கூடக் குழுத் தேர்வைப் பயன்படுத்துவோம். இதில் நிறுவனப் பணியாளர்களே பங்குபெறுவார்கள். அடுத்த நிலைக்குப் போக இவர்கள் தயாரா என்று அறிய அஸெஸ்மெண்ட் சென்டர் என்று ஒன்று செய்வோம். அதில் ஒருமுறை ஒரு மேலாளர் யாரையும் பேச விடாமல் அரை மணி நேரமாக அவரே பேசினார். வெளியே வந்து “டைம் கொடுத்தா இன்னும் பிச்சு உதறியிருப்பேன்!” என்றார் பெருமையாக.

அவரை நாங்கள் தேர்ந்தெடுக்கவில்லை.

அருகில் இருந்த சக ஆய்வாளர், “இந்த டி.வி. நிகழ்ச்சியைப் பாத்துட்டு எல்லாம் உணர்ச்சிவசப்பட்டுக் கத்திப் பேச ஆரம்பிச்சுட்டாங்க!” என்றார். உண்மைதான். நீங்கள் பிச்சு உதறினால் “கிழி கிழின்னு கிழிச்சிட்டே” என்று ஆய்வாளர்கள் சொல்ல மாட்டார்கள்!

இரண்டாம் உலகப் போருக்கு ஆட்கள் தேர்வு செய்யும் பணி நடந்தது. வீரத்தையும் துணிவையும் எப்படி அளவிடுவது? உயரமும் அகன்ற மார்பும் உடல் வலிமையைக் காட்டும். மன வலிமையைக் காட்டுமா? துப்பாக்கியின் விசையை அழுத்த விரல் பலமா வேண்டும்? உள்ளத் துணிவு தானே வேண்டும்!

முதல் உலகப் போரில் ஆய்வு முறை சரியில்லை என்பதால் இரண்டாம் போரில் நிறைய உளவியல் ஆய்வுகளைச் சேர்த்தார்கள். அதில் முக்கியமான கண்டுபிடிப்பு: குழுத் தேர்வு. ஒரு மனிதன் சிறு குழுவில் எப்படி இயங்குவானோ அப்படித்தான் பெரிய சமூகத்தில் இயங்குவான் என்ற குழு வளர்ச்சி சித்தாந்தத்தைக் கொண்டுவந்தார் ஓர் உளவியலாளர்.

போர் முடிந்ததும் நிறுவனங்கள் இதை ஆட்கள் தேர்வில் மிக முக்கியமான கருவியாக எடுத்துக் கொண்டது. இதன் அடிப்படையில்தான் இன்று நடக்கும் மனித வளப் பயிற்சிகள் அனைத்தும் கட்டமைக்கப்பட்டுள்ளன. அந்த உளவியலாளரின் பெயர் கர்ட் லெவின்.

- gemba.karthikeyan@gmail.com

Fixing Minimum Standards For A Medical College To Seek Fresh Inspection Not Illegal: SC [Read Judgment] | Live Law

Fixing Minimum Standards For A Medical College To Seek Fresh Inspection Not Illegal: SC [Read Judgment] | Live Law: The Supreme Court in Medical Council of India vs. Vedantaa Institute of Academic Excellence Pvt. Ltd., has held that fixing minimum standards which have to be fulfilled for the purpose of enabling a Medical College to seek fresh inspection would not be contrary to the scheme of the Indian Medical Council Act, 1956.

நீட் தேர்வு - பின்னுக்குத் தள்ளப்பட்ட தமிழகம்; ஆறுதல் அளித்த மாணவி கீர்த்தனா

அஷ்வினி சிவலிங்கம்

 

நீட் தேர்வு எழுதியவர்களில் தமிழகத்தில் 45,336 பேர் தேர்ச்சி பெற்றுள்ளதாக சி.பி.எஸ்.இ அறிவித்துள்ளது.

 

மருத்துவ படிப்புக்கான நீட் தேர்வு நாடு முழுவதும் கடந்த மே 6-ம் தேதி நடைபெற்றது. இந்தியா முழுவதும் தேர்வு எழுதிய 13,26,725 பேரில் 7,14,598 பேர் கவுன்சலிங்குக்குத் தகுதி பெற்றுள்ளதாக சி.பி.எஸ்.இ அறிவித்துள்ளது. தமிழக மாணவர்கள் 1,14,602 பேர் தேர்வு எழுதினர். அவர்களில் 45,336 பேர் தேர்ச்சி பெற்றுள்ளனர்.

 

பீகாரைச் சேர்ந்த கல்பனா குமாரி என்னும் மாணவி 691/720 மதிப்பெண் பெற்று தேசிய அளவில் முதலிடம் பிடித்துள்ளார். தெலங்கானைவை சேர்ந்த ரோஹன் புரோஹித் என்னும் மாணவர் இரண்டாம் இடம் பிடித்துள்ளார். மூன்றாவது, நான்காவது இடங்களை டெல்லியைச் சேர்ந்த மாணவர்கள் பிடித்துள்ளனர். தமிழகத்தைச் சேர்ந்த கீர்த்தனா என்னும் மாணவி தேசிய
 அளவில் 12வது இடத்தைப் பிடித்துள்ளார்.

மாணவர்கள் தேர்ச்சி விகிதத்தில் 74% பெற்று ராஜஸ்தான் முதலிடம் பிடித்துள்ளது. தமிழகத்தில் இருந்து நீட் தேர்வு எழுதியவர்களில் 39.55% மட்டுமே தேர்ச்சி பெற்றுள்ளனர். தமிழகம் பின்னுக்குத் தள்ளப்பட்டு 35வது இடத்தில் உள்ளது. ராஜஸ்தானில் அதிகமான மாணவர்கள் தேர்ச்சி பெற்றுள்ளனர். டெல்லி இரண்டாவது இடத்திலும் ஹரியானா மூன்றாவது இடத்திலும் உள்ளன. 

‘பெற்றோரிடம் பொய் சொல்லிவிட்டேன்’ - நீட் தோல்வியால் தற்கொலை செய்துகொண்ட மாணவர் 

சத்யா கோபாலன்

நீட் தேர்வு தோல்வியினால், 8-வது மாடியில் இருந்து குதித்து டெல்லி மாணவர் ஒருவர் தற்கொலை செய்துகொண்டார்.



இந்த ஆண்டின் மருத்துவப் படிப்புக்கான நீட் நுழைவுத் தேர்வு, கடந்த மே 6-ம் தேதி நாடு முழுவதும் நடைபெற்றது. தேர்வு முடிவுகள் நேற்று வெளியானது. இதில், இந்தியா முழுவதும் தேர்வு எழுதிய 13,26,725 பேரில் 7,14,598 பேர் கவுன்சலிங்குக்குத் தகுதிபெற்றுள்ளதாக சி.பி.எஸ்.இ அறிவித்துள்ளது. ராஜஸ்தான் முதல் இடமும், டெல்லி இரண்டாவது இடமும், ஹரியானா மூன்றாம் இடமும் பிடித்துள்ளது. டெல்லியில் மட்டும் 73 சதவிகிதம் பேர் தேர்ச்சி அடைந்துள்ளனர்.

இந்நிலையில், டெல்லி டவாக்கா பகுதியில் வசித்துவரும் 19 வயது மாணவர் ஒருவர், தன் குடியிருப்பின் 8-வது மாடியில் இருந்து குதித்து தற்கொலை செய்துகொண்டார். தகவலறிந்து சம்பவ இடத்துக்கு வந்த காவல்துறையினர் நடத்திய விசாரணையில், மாணவரின் அறையில் ஒரு கடிதம் கிடைத்துள்ளது. அதில், ‘இன்று வெளியான தேர்வு முடிவுகளில் நான் தோல்வி அடைந்துவிட்டேன். ஆனால், இதை மறைத்து என் பெற்றோர்களிடம் பொய்கூறிவிட்டேன்’ என எழுதியிருந்ததாகவும், அவரது அறையில் உள்ள ஃபேனில் துப்பட்டா ஒன்று கட்டித் தொங்கிக்கொண்டிருந்ததாகவும் காவல்துறை அதிகாரிகள் தெரிவித்தனர்.

 தற்கொலைசெய்துகொண்ட மாணவர், 2016-ம் ஆண்டு பன்னிரண்டாம் வகுப்பு முடித்தவர். இவர், கடந்த இரண்டு வருடங்களாக நீட் தேர்வு எழுதியுள்ளார். இந்த வருடம் வெளியான நீட் தேர்விலும் தோல்வி அடைந்ததால் மனமுடைந்து தற்கொலை செய்துகொண்டதாகவும் தெரிவித்துள்ளனர்.

Tamil Nadu records 39.56 per cent pass percentage in NEET, a mere 0.72 per cent improvement
The overall pass percentage of NEET candidates from the State stood at 39.56%, lagging behind states like Rajasthan, Bihar and Uttar Pradesh that recorded over 60%.



Published: 04th June 2018 09:11 PM | 

Image used for representational purpose. (Express File Photo)

By Lalitha Ranjani

Express News Service

MADURAI: With the results of NEET for undergraduate medical courses having been announced on Monday, the report card of Tamil Nadu's performance showed a meagre 0.72% improvement in pass percentage of the State's candidates. The overall pass percentage of NEET candidates from the State stood at 39.56%, lagging behind states like Rajasthan, Bihar and Uttar Pradesh that recorded over 60%. Educationalists feel that the State government has much more to do to boost NEET results.

The National Eligibility cum Entrance Test (NEET) for undergraduate medical courses was held on May 6 this year. Starting this year, admission into undergraduate AYUSH courses namely Bachelor of Siddha Medicine and Surgery (BSMS), Bachelor of Ayurveda Medicine and Surgery (BAMS), Bachelor of Homeopathy Medicine and Surgery (BHMS), Bachelor of Naturopathy and Yogic Medicine (BNYS) and Bachelor of Unani Medicine and Surgery (BUMS) will be carried out on the basis of NEET scores besides MBBS and BDS courses.

The Central Board of Secondary Education (CBSE) declared the results weeks early this year whereas the results for the examination was announced on June 23 last year.

Last year, eight cities in the State were chosen to be the centres for the examination. Of the total 83,859 Tamil Nadu students who appeared for NEET last year, 32,570 of them were successful in clearing the examination, accounting for a pass percentage of 38.84%.

Meanwhile, this year, the number of cities were increased to ten. However, CBSE drew criticism from all quarters for not making adequate arrangements in creating sufficient number of centres within the State. This fiasco added to the agony of Tamil Nadu students, especially from southern districts as they had to bear the added burden of travelling to another state to take up the examination.

Last year, the NEET candidates were left hanging by a thread till the eleventh hour due to the legal battles between the State and the Centre seeking an exemption. This year, although the State's stand on NEET remained the same, it took efforts to prepare the students to face the examination. At a time when private NEET coaching centres began to mushroom, making a windfall profit, the State stepped in by setting up state-run, free NEET coaching centres across Tamil Nadu.

Akin to the previous year, strict frisking was carried out on NEET candidates at the examination centres. On the day of examination on May 06, 112 students in Madurai and 195 students in Salem started the examination hours late since an exam centre received question papers in Hindi instead of Tamil and due to delayed arrival of the question papers to the centre respectively.

Showing a meagre improvement of 0.72% in the pass percentage, of the total 11,4602 students who appeared for the examination this year, 45,336 students from the State qualified to appear for medical counselling. This accounts for a pass percentage of 39.56%. This comes at a time when Rajasthan 74% and Andhra Pradesh recorded a pass percentage of 73%, Telangana 69%, Uttar Pradesh and Bihar 60% and Madhya Pradesh 51%.

Commenting on the results, D Neduchezian, an educationist said, "The percentage of students who registered to write NEET in Tamil this year was 1.86% while that in last year was 1.33%. However, a careful examination into the NEET results reveal a overall decline in the number of candidates who registered to take up the examination in their vernacular languages across the country. While 9.25% of the total NEET applicants opted to take the NEET in vernacular languages last year, the percentage dipped to 8.98% this year."

This indicates a gradual decline in the number of rural students aspiring to become a doctor in the near future, depriving them of their fair chance to do so, added he.

Educationist Jayaprakash Gandhi, on the other hand was optimistic about the performance of the students from the State. "It may sound 'a mere 0.72% improvement' but it means 13,000 more students will be joining the race to become medical practitioners this year. It is unfair to compare the performance of those from Rajasthan, Bihar, UP as several states have been training students for over a decade now. Whereas, our students have begun to face these kind of exams only now. This year, many students from State Board have fared well.

I see it as a remarkable increase, given the ordeal they had to face due to allotment of centres outside the State and due to the limitations of the old State Board syllabus that was no match for CBSE syllabus."

He, however, has suggestions for the State to improve on NEET coaching, to boost NEET results. "The State must take the help of professors of medical colleges who could train school teachers on NEET coaching for a period of three months. By this way, better NEET coaching by the State can be ensured," Jayaprakash Gandhi pointed.

Shanmugam of Chennai, 2nd Indian receives honorary Fellow of Royal College of Physicians and Surgeons
AC Shanmugam, founder of Dr MGR Educational and Research Institute, has received a honorary Fellow of Royal College of Physicians and Surgeons (FRCPS) doctorate from the Royal College of Physicians an



Published: 05th June 2018 03:06 AM | Last Updated: 05th June 2018 03:06 AM | A+A A-

By Express News Service

CHENNAI: AC Shanmugam, founder of Dr MGR Educational and Research Institute, has received a honorary Fellow of Royal College of Physicians and Surgeons (FRCPS) doctorate from the Royal College of Physicians and Surgeons in Glasgow. Shanmugam is the second Indian after former president KR Narayanan to receive this honour.

Shanmugam received the honorary doctorate at the renowned Bute Hall in the Royal College of Physicians on Monday. Steps to bestow this honour on Shanmugam are said to have begun in 2012 when the former principal of the Royal College of Physicians and Surgeons visited the Rajeshwari Medical College and Hospital founded by Shanmugam in Bengaluru.

RCPS officials, who visited the college in 2013, were apparently surprised that Shanmugam was providing the poor with world class medical facilities for free. The 1300-bed hospital boasts 30 modular surgical facilities and five super-specialty centres and has a daily outpatient count of over 3000 people.

Antyodaya Express regularised in Chennai

Nearly 18 months after its introduction, the railways regularised the weekly Antyodaya Express, a fully unreserved train between Chennai Central and Santragachi, a neighbourhood of Howrah, on Monday.

Published: 05th June 2018 04:00 AM | Last Updated: 05th June 2018 04:00 AM 

By Express News Service

CHENNAI: Nearly 18 months after its introduction, the railways regularised the weekly Antyodaya Express, a fully unreserved train between Chennai Central and Santragachi, a neighbourhood of Howrah, on Monday.

The first regular weekly Antyodaya service between Santragachi and Chennai Central was flagged off by Railway Minister of State Rajen Gohain in Kolkota. Though the special train was introduced in June 2016, it was not operated regularly.

According to a statement, the weekly train will leave Santragachi on Mondays at 7 pm, and reach Central on Tuesdays at 22.45 pm. On the return journey, it will leave Central on Wednesdays at 8.10 am and reach Santragachi on Thursdays at 10.25 am.

The train will stop at Kharagpur, Balasore, Bhadrak, Jajpur Keonjhar Road, Cuttack, Bhubaneswar, Khurda Road, Balugaon, Chatrapur, Brahampur, Sompetta, Palasa, Srikakulam Road, Vizianagaram, Visakhapatnam, Duvvada, Ankapalle, Samalkot Junction, Rajahmundry, Eluru, Vijaywada, Chirala, Ongole, Nellore, Gudur and Sullurupetta.

The train comprises 18 LHB unreserved coaches and is fully vestibules. Every coach has additional features such as potable drinking water dispenser, mobile charging points, fire extinguisher, fibre reinforced plastic modular toilets, toilet occupation indication display board and LED lights.

நீட் தேர்வு தோல்வி..! தற்கொலை செய்து கொண்ட மாணவி 

கார்த்திக்.சி

நீட் தேர்வில் தோல்வியடைந்ததால் விழுப்புரத்தைச் சேர்ந்த மாணவி பிரதீபா என்பவர் தற்கொலை செய்துகொண்டார். இந்தச் சம்பவம் பெரும் அதிர்ச்சியை ஏற்படுதியுள்ளது.



2018-ம் ஆண்டின் மருத்துவப் படிப்பின் நுழைவுத்தேர்வான நீட் தேர்வு முடிவுகள் இன்று வெளியானது. அதில், இந்தியா முழுவதும் தேர்வு எழுதிய 13,26,725 பேரில் 7,14,598 பேர் கவுன்சலிங்குக்குத் தகுதி பெற்றுள்ளதாக சி.பி.எஸ்.இ அறிவித்துள்ளது. தமிழக மாணவர்கள் 1,14,602 பேர் தேர்வு எழுதினர். அவர்களில் 45,336 பேர் தேர்ச்சி பெற்றுள்ளனர். இந்தநிலையில், நீட் தேர்வில் தோல்வியடைந்த காரணத்தால் விழுப்புரத்தைச் சேர்ந்த கூலித் தொழிலாளியின் மகள் பிரதீபா என்ற என்பவர் தற்கொலை செய்துகொண்டுள்ளார்.

கூலித் தொழிலாளியின் மகளான அவர் 12 வகுப்பில் 1,125 மதிப்பெண்கள் எடுத்தவர். நேற்று, வந்த நீட் தேர்வு முடிவில் அவர் 39 சதவீத மதிப்பெண்கள் மட்டுமே பெற முடிந்தது. அந்த விரக்தியில் அவர் நேற்று தற்கொலை செய்துகொண்டார். இந்தச் சம்பவம் பெரும் அதிர்ச்சியை ஏற்படுத்தியுள்ளது. அவர், கடந்த ஆண்டு நீட் தேர்வில் 155 சதவீத மதிப்பெண்கள் எடுத்திருந்தார். அந்த மதிப்பெண்ணைக் கொண்டு தனியார் மருத்துவமனையில்தான் சேருவதற்கான வாய்ப்பு இருந்த நிலையில், பணம் இல்லாத காரணத்தால் அப்போது மருத்துவத்தில் சேரவில்லை. ஏற்கெனவே, நீட் தேர்வில் தோல்வியடைந்த காரணத்தினால் அரியலூரைச் சேர்ந்த அனிதா என்ற மாணவி தற்கொலை செய்துகொண்டது தமிழகம் முழுவதும் பெரும் அதிர்வலையை ஏற்படுத்தியிருந்தது. இந்தநிலையில் தற்போது விழுப்புரத்தைச் சேர்ந்த மாணவி பிரதீபா தற்கொலை செய்து கொண்டது பெரும் சோகத்தை ஏற்படுத்தியுள்ளது.

கலைஞராக இருப்பதன் முக்கியத்துவம்!: சட்ட மன்ற விவாதத்தில் நாட்டுக்கே முன்னுதாரணர் அவர்

Published : 04 Jun 2018 07:15 IST

என்.ராம்




இந்திய அரசியலின் மிக மூத்த ராஜதந்திரியும், பன்முகத்தன்மைக்கு வரலாற்று உதாரணருமான கலைஞர் முத்துவேல் கருணாநிதி, அரசியல் களத்தில் நிகழ்த்தியுள்ள சாதனைகள் இன்னொருவரால் எட்டவோ மிஞ்சவோ கூடியவை அல்ல. இந்தியாவில் வேறு எவரும் தன் கட்சிக்கு இத்தனை நீண்ட காலம் தலைமை வகித்தது கிடையாது; அண்ணா மறைந்ததி லிருந்து திமுகவில் எதிர்ப்பே இல்லாத தலைவராக நீடித்தவர். தமிழக முதல்வராக ஐந்து முறை அவர் பதவி வகித்ததோடு, இந்திய அரசியலிலேயே தனித்துவராக 60 ஆண்டுகள் தொடர்ந்து தான் போட்டியிட்ட ஒவ்வொரு சட்ட மன்றத் தேர்தலிலும் வென்றிருக்கிறார்.

அறிவார்த்தமும் இலக்கிய நயமும் வரலாற்றுப் பின்னணியும் குத்தலும் நகைச்சுவையும் கொண்ட உணர்ச்சியூட்டும் அவரது பேச்சாற்றல் அவருடைய கட்சி, திராவிட இயக்கத்தைத் தாண்டி மாநிலத்துக்கான உரிமைகளைப் பெற்றிட தமிழ்நாட்டுக்குக் கிடைத்த பெரிய சொத்து. அரசியலைத் தாண்டி 60 ஆண்டு களுக்கும் மேலாக கலை, இலக்கியம், இதழியல் துறைகளில் அவர் அளித்துவரும் பிரமிப்பூட்டும் பங்களிப்பு ஏனைய அரசியல் தலைவர்களிடமிருந்து அவரைத் தனித்துக் காட்டுவதாகும்.

1968 ஏப்ரல்-மே மாதங்களில் முதல்வர் அண்ணா வாஷிங்டன் வந்திருந்தபோது கொலம்பியா பல்கலைக்கழக இதழியல் மாணவனாக நான் உடன் சென்றிருந்தேன். அண்ணாவின் மறைவுக்குப் பிறகு 1969-ல் புதிய முதல்வர் கலைஞரை ‘தி இந்து’ நாளிதழின் இளம் நிருபராகச் சந்தித்தேன். அன்று தொடங்கி, கிட்டத்தட்ட அரை நூற்றாண்டை நெருங்கும் எங்கள் இடையேயான நட்பு ஒரு அரசியல் பத்திரிகையாளர் - அரசியல் தலைவர் இடையிலான தொழில்ரீதியிலான உறவுக்கு அப்பாற்பட்டது.

எல்லாக் காலகட்டங்களிலும் எளிதில் அணுகக் கூடியவராகவும் அவருடைய கருத்துகளோடு உடன்படாவிட்டாலும் - விமர்சித்தாலும் நட்பு பாராட்டக் கூடியவராகவுமே அவர் இருந்திருக்கிறார். அரசியல், வரலாறு, இலக்கியம் - சில வேளைகளில் கிரிக்கெட் என்று பலதும் அவருடன் விவாதித்திருக்கிறேன். பள்ளிப் படிப்பை முடிக்காதவராக இருக்கலாம்; மிகச் சில அரசியல்வாதிகள்தான் அவரைப் போல ஆழ்ந்த படிப்பாளிகள், அயராத எழுத்தாளர்கள்.

கலைஞரின் வாசிப்பு ஆர்வம் காலையில் ‘தி இந்து’ நாளிதழில் தொடங்கி விரிவடையும். பேசும் வார்த்தைகளுக்கும் எழுதும் எழுத்துகளுக்கும் உள்ள மதிப்பையும் வலிமையையும் உணர்ந்த தலைசிறந்த தேசியத் தலைவர்கள் வரிசையில் வருபவர் அவர் - திலகர், காந்தி, நேரு, இஎம்எஸ், அண்ணா ஆகியோரின் வரிசையில் வைக்கத் தக்கவர். மேடைப் பேச்சாளர், பத்திரிகையாளர், திரைப்பட கதை-வசனகர்த்தா, கவிஞர் என்று பல முகங்களைக் கொண்ட கலைஞருக்கு எழுதுவது யோகா போல - தினமும் செய்ய வேண்டிய பயிற்சி. அவர் நிறுவிய ‘முரசொலி’க்கு அவர் எழுதியது மட்டுமே பல லட்சம் வார்த்தைகளைத் தாண்டும்.

திராவிட இயக்கத்தை அருகிலிருந்து கவனிப்பதிலும் ஆய்வுசெய்வதிலும் எனக்குத் தொடக்கத்திலிருந்தே அரசியல்ரீதியிலான ஆர்வம் இருந்தது. 1979 பிப்ரவரி ‘எகனாமிக் அண்ட் பொலிடிக்கல் வீக்லி’ இதழில் திராவிட இயக்கம் தொடர்பாக நான் எழுதியிருந்த கட்டுரை நினைவுக்குவருகிறது. ‘திமுக போன்ற கட்சிகள் பிராந்தியக் கட்சிகள்’ என்றும், ‘இந்திய ஜனநாயகத்துக்கு இரண்டு கட்சி ஆட்சி முறைதான் நல்லது’ என்றும் ஆணவத் தோரணையில் தேசியர்கள் தெரிவித்த கருத்துகளை அந்தக் கட்டுரையில் கடுமையாக விமர்சித்திருந்தேன். மாநில உரிமைகளையும் சுயாட்சியையும் வலியுறுத்தும் திமுகதான் இப்படிப்பட்ட அதிகாரக் குவிப்புவாதத்துக்குச் சரியான ஜனநாயக பதிலடி என்றும் குறிப்பிட்டிருந்தேன். தமிழ்நாட்டின் சுயமரியாதை இயக்கத்துக்கு மிக உயர்ந்த சமூக, அரசியல், வரலாற்று முக்கியத்துவம் இருப்பதை என்னுடைய பல கட்டுரைகளில் நான் சுட்டிக்காட்டியிருக்கிறேன். ஆதிக்க சாதியினரின் அடக்குமுறை, மூடநம்பிக்கைகள், பிற்போக்குத்தனமான சமூகப் பழக்கவழக்கங்கள், பகுத்தறிவற்ற சிந்தனை ஆகியவற்றுக்கு எதிராக முற்போக்கான போராட்டங்களை நடத்திக்கொண்டிருக்கும் திராவிட இயக்கத் தின் மீது எனக்கு மதிப்பு உண்டு.

கலைஞரின் தோள்களிலேயே இந்திய அரசியல் போக்குகளின் ஊடாக அடுத்தடுத்து மாற்றங்களைக் கொண்டு திராவிட இயக்கத்துக்கு என்று ஒரு தனித்த பாதையை அமைக்க வேண்டிய பிரதான பொறுப்பு ஏறியது. இந்தச் சவாலை நம்பிக்கை, துணிச்சல், இடையறாத முயற்சி, சிறந்த வியூக ஆற்றல் ஆகியவற்றோடு அவர் தொடர்ந்து எதிர்கொண்டார்.

அண்ணா தலைமையில் 1967-ல் திமுக பெற்ற வெற்றி இந்திய அரசியல் வரலாற்றில் எப்படி ஒரு முக்கியமான நிகழ்வோ, அப்படி 1969-ல் காங்கிரஸ் கட்சி பிளவுபட்டபோது, இந்திரா காந்தி தலைமையிலான காங்கிரஸை கலைஞர் ஆதரித்ததும் முக்கிய மான நிகழ்வானது. அன்று தொடங்கிய தேசிய அரசியலுடனான அவருடைய கூட்டணி மன்மோகன் சிங் தலைமையிலான சமீபத்திய ஐக்கிய முற்போக்குக் கூட்டணி வரையில் தொடர்ந்து இந்திய அரசியலின் பாதையையே மாற்றியிருக்கிறது. அரசியல் கூட்டணிகளை உருவாக்குவதில் அவர் வல்லவர்; தோழமைக் கட்சிக்காரராக அவர் காட்டும் நீக்குப்போக்கான அணுகுமுறையும், சமயங்களில் காட்டும் உறுதியும் கண்டிப்பும் மாநில - தேசிய அரசியலை வழிநடத்தியுள்ளன.

ஒரு முதல்வராக நிர்வாகத் திறமை, பிரச்சினைகளை வேகமாகக் கிரகித்துக்கொள்ளும் ஆற்றல், விரைந்து முடிவெடுக்கும் சுறுசுறுப்பு, அரசியல் நாகரிகம், எளிதில் அணுகக்கூடிய தன்மை, சமூகத்தின் பல்வேறு தரப்பு மக்களுக்கும் பலன் தரும் சமூகநலத் திட்டங்கள் போன்றவற்றுக்காக அறியப்படுபவர் கலைஞர். அரசியல்ரீதியாக அவரை விமர்சித்தவர்களும் எதிர்த்தவர்களும் அனேகம். ஆனால், அவர்களுடனும் நல்ல நட்பைத் தொடர்ந்துவந்தார். திமுகவிலிருந்து விலக்கப்பட்ட பிறகு, அதிமுகவைத் தொடங்கி வெற்றிகரமாக வலம்வந்த எம்ஜிஆருக்கும் கலைஞருக்கும் இடையே நிலவிய பரஸ்பர அன்பும் மரியாதையும் கொண்ட நட்பையே ஓர் உதாரணமாகச் சொல்லலாம்.

சட்ட மன்ற நிகழ்ச்சிகளுக்குக் கலைஞர் தரும் மரியாதையும் அதில் பங்கேற்பதில் அவர் காட்டும் ஆர்வமும் அசாதாரணமானவை. பேரவை விவாதங்களில் மாற்றுக் கருத்துகளை நாசூக்காகத் தகர்ப்பதிலும் தன்னுடைய கருத்துகளைப் புகுத்துவதிலும் சமர்த்தர். மாற்றுக் கட்சியினரின் கருத்துகளை ஏற்பதிலும் தன்னுடைய கருத்துகளை ஏற்க வைப்பதிலும் சிறந்த ஜனநாயகவாதி. மன்றத்தில் பேசுகையில் அவர் குரலில் ஆணவமோ ஆதிக்க உணர்வோ எள்ளலோ என்றைக்குமே எதிரொலித்ததே கிடையாது. நாடு முழுவதுமே உள்ள முதல்வர்களுக்கும் அரசியல் தலைவர்களுக்கும் இந்த விஷயத்தில் அவர் நல்ல உதாரணர்.

கலைஞர் எப்போதும் முக்கியமானவர். வெறுப்பரசியலும் வகுப்புவாதமும் ஒற்றைக் கலாச்சாரமும் தலையெடுக்கும் காலகட்டத்தில் அவருடைய முக்கியத்துவத்தை நாடு மேலும் உணர்கிறது!

-என்.ராம், மூத்த பத்திரிகையாளர், அரசியல் விமர்சகர்

தமிழில்: வ.ரங்காசாரி

’தெற்கிலிருந்து ஒரு சூரியன் நூலிலிருந்து...’

நூலைப் பெற: 7401296562

நெட்டிசன் நோட்ஸ்: இளையராஜா - இது வெறும் பெயரல்ல; இரு தலைமுறையின் மூச்சு

Published : 02 Jun 2018 15:11 IST


தொகுப்பு: இந்து குணசேகர்

 


இளையராஜா | கோப்புப் படம்.

இசையமைப்பாளர் இளையராஜா தனது 75-வது பிறந்த நாளைக் கொண்டாடுகிறார். இதுகுறித்து இளையராஜாவின் ரசிகர்களும், நெட்டிசன்களும் தங்கள் வாழ்த்தைப் பதிவிட்டு வருகிறார்கள் அவற்றின் விவரம்... இன்றைய நெட்டிசன் நோட்ஸில்...

vishal

பணிச்சுமையில் போட வேண்டாம் என்று சுழ்நிலை கூறினாலும் இதயம் கேட்க மறுக்கின்றது தென்றல் வந்து தீண்டியது உண்மையில் மேஸ்ட்ரோவின் இசையில் இளையராஜா #HBDIlayaraja

K.R.Venkadesh

‏#HBDIlayaraja இசை என்னும் கலையின் வாயிலாக மக்கள் மனதை வென்ற இசைஞானி இளையராஜாவுக்கு இனிய பிறந்தநாள் நல்வாழ்த்துகள்.

Guruparan

‏#HBDIlayaraja அழவைக்கும் ... ஆர்ப்பரிக்கும் ... ஆறுதல் தரும் ... உள்ளே புகுந்து மனிதம் தொடும் .. இசைக்கு ... பிறந்த நாள் வாழ்த்துக்கள்

கிரியேட்டிவ் ЯΛJ ™

‏காதல் பெருகியதற்கும் தற்கொலைகள் குறைந்ததற்கும் இசைஞானியும் ஒரு காரணம்தான்! இசை வாழ்க பல்லாண்டு!
https://twitter.com/UnimaginableBad/status/1002777154323484673

கோ.ஸ்ரீதரன்

தினம் இரவு நான் எவ்வூரிலிருந்தாலும் என் அம்மாவை என்னிடம் கொண்டு வந்துவிடும் வேலை ராஜாவுடையது ...!

வேதாளம்

உணர்வுகளைத் திரை வடிவிலும் இசை வடிவிலும் நம்மிடம் கடத்த இவர்களை மிஞ்ச யாரும் இங்கு இல்லை

வாலி

யுத்த காலத்தில் (யாழ்ப்பாணத்தில்) என் பதின்ம வயதுக் காலத்தில் எங்களுக்கு உயிரூட்டியது #ராஜா_இசை இல்லையேல் நாங்கள் அப்போதே தன்னம்பிக்கையை இழந்து இருப்போம்

யாத்ரீகன்

‏இளையராஜா பத்தி சொல்றதுக்கு நிறைய இருக்கு.

ஆனா அதைவிட கேட்கிறதுக்கு

நிறைய இருக்கு.

νєттιιѕм

‏சொற்களால் சிலவற்றை விவரிக்கவோ/வெளிப்படுத்தவோ இயலாது. அதுவே ராஜா எனைப் பொறுத்தமட்டில் :)

உன் இசை வாழி.

துரோனா ©

‏கற்பனா சக்தியின் உச்சம்தான் இளையராஜா. மனதில் யோசிக்கும் இசை வடிவங்கள் அடுத்த வினாடிகளில் இசைக் குறிப்புகளாய் வந்துவிழும். இதற்குக் காரணம் தாம் விரும்பியவாறே வளைந்து கொடுக்கும் ராகங்கள்தான்.

$мιℓєу Saravana

‏இசைஞானி வாழ்ந்த காலத்தில் நாமும் வாழ்ந்தோம் என்ற பெருமையை விடவா இசையை ரசிப்பவர்களுக்கு இருந்து விடப் போகிறது

Dark Knight

‏புதுராகம் படைப்பதாலே நீயும் இறைவனே!

கா(லா)க்கொடுமை!!

‏வருடங்கள் மெல்லச் சாக அணுவளவும் குறையாத அன்னை அன்பைப்போல் உன் தாலாட்டு..

ச ப் பா ணி

‏BGM கேட்டாலே சீன் என்னன்னு சொல்லக்கூடிய படங்கள் இதயம், நாயகன், அபூர்வ சகோதரர்கள், மெளனராகம், புதுப்புதுஅர்த்தங்கள், சின்ன கவுண்டர்

தஞ்சை தர்மா

‏"இளையராஜா" இது வெறும் பெயர் மட்டுமல்ல

இரு தலைமுறையின் மூச்சுக் காற்று

abisheik Raj

‏நாம மறந்தாலும் பிரைவேட் பஸ்கள் இளையராஜாவை தினமும் கொண்டாடிக் கொண்டே தான் இருக்கின்றன...!!!

Bala Chakravarthi



இதன் உச்சியில்...

ஒரு கோப்பை தேநீர்...

ஒரு நூறு ராஜா பாடல்கள்...

ஒரு ப்ளூடூத் ஸ்பீக்கர்...

போதும்..!

ஆக்டோபஸ்

‏நீங்கள் இசையாய் வாழ்ந்து கொண்டிருக்கும் இந்த யுகத்தில் உங்கள் இசையைக் கேட்டு லயிக்கும் வரம் பெற்றோம்...

வாழ்த்த வயதில்லை வணங்குகிறோம்.

Being Human®

‏ராஜாவின் சிறந்த பாடல்கள் இரண்டு அல்லது மூன்றின் இணைப்பை எடுத்துப் பதிவிடலாம் என ஒருமணிநேரம் உன்குழலில் தேடிப்பார்த்தாகி விட்டது.வெகுநேரத்திற்குப் பிறகு ஒரு உண்மை புரிந்தது.

அது சாத்தியமில்லை.!

முகிலன்™

‏காற்றில் இசையை கலப்படம் செய்தவர்களில் இளையராஜாவிற்கு பெரும்பங்கு உண்டு என்பதை யாரும் மறுப்பதற்கில்லை.,!

Prasanth

தனிமையான பேருந்து நேரப் பயணங்களிலும், தனிமையான இரவுகளிலும் நம்முடன் துணையாய் இருக்கும் ராஜா சார்க்கு பிறந்த நாள் வாழ்த்துக்கள்

அருண்காந்த் ✨™

‏செல்போன் எந்ந கம்பெனியா, மாடலா இருந்தாலும் ராஜா பாட்டு இல்லாத

ஒரு செல்போனையும் தமிழ்நாட்டுல பாக்க முடியாது

படைப்பாளிக்குக் கர்வம் என்று சொல்பவர்கள் ஒன்றைத் தெரிந்துகொள்ளவேண்டும்.அவன் உங்கள் புறக்கணிப்பை எல்லாம் மிதித்து முன்னேறியவன். #HBDRajaSir

திரு

‏என் இரவை அழகாக்கும் இறைவனுக்கு நன்றியும் வாழ்த்துக்களும் #HBDRajaSir

writer settu

‏ராஜாவின் இசை என்பது இந்த உலகத்தின் நாம் எந்த ஓரத்தில் இருந்தாலும் நம்மை அவர் வாழும் உலகத்திற்கும் நம்மை சார்ந்த உலகத்திற்கும் அழைத்துச் செல்வார் !

குழந்தை அருண்

‏மழை..

நீ..

நான்..

காபி..

ராஜா சார்..

ஆல்டைம் பர்ஃபெக்ட் காம்போ..

சூர்(ப்)பனகை

‏பயணங்களில் மொபைல் சார்ஜ் இல்லாம ஸ்விட்ச் ஆஃப் ஆனாலும் ராஜா சார் பாட்டு மட்டும் காதில் தானா ஒலிச்சிக்கிட்டே இருக்கும்...!

Pradeep

‏வாழ்த்த வயதுமில்லை வார்த்தைகளுமில்லை

அச்சச்சோ...!

‏காலை எழுந்ததும் இளையராஜா பாட்டு.... தூங்கும்போதும் இளையராஜா பாடல்... ஆபிஸ் ல வேலை பார்க்குறப்பவும் இளையராஜா பாடல்... வேறென்ன வேண்டும் #HBDRAJASIR இந்த வாழ்விற்கு

பொம்மையா முருகன்

‏நம் வாழ்க்கையின் ரீவைண்ட் பட்டனுக்கு பிறந்த நாள் வாழ்த்துகள்... #HBDRajaSir

Dr. Sarankumar MD

‏சாகாவரம் பெற்றுவிட்டப் பெருமிதத்தில் புன்னகை பூக்கிறது உன் ஹார்மோனியம் நுழைந்து வெளிவந்த காற்று!

லதா கார்த்திகேசு

‏#காற்று உள்ளவரை

#இசை இருக்கும்

#மூச்சு_காற்று உள்ளவரை

#ராஜா_இசை இருக்கும் #HBDRAJASIR

ஒரு தல இராவணன்

‏மழைக்கால பேருந்து பயணங்களில் ஜன்னலோர இருக்கை ராஜா பாட்டு!

சொர்க்கம்

உழவர் மகன்

‏கோட்டை இல்லை, கொடியும் இல்லை அ(எ)ப்பவும் தான்

கவிதா சொர்ணவல்லி

தடுமாறிய அத்தனை தருணங்களிலும் கைநீட்டி அழைத்து சென்றிருக்கிறீர்கள் ஒரு வழிகாட்டி நட்சத்திரத்தைப் போல.

அழுதழுது அயர்சியுற்ற நாட்களிலெல்லாம், பேரன்புடன் அரவணைத்திருக்கிறீர்கள் ஒரு மழையைப்போல .

திக்குதெரியாமல் விக்கித்து போன பொழுதுகளிலெல்லாம் ஆவேசமாக உங்களிடம சரணடையும் நேரத்தில், பெருங்கனிவுடன் தலை தடவி விட்டிருக்கிறீர்கள் மென்பனி ஒன்றைப் போல.

முதல் வெட்கத்தில், முதல் காதலில், முதல் முத்தத்தில், முதல் அரவணைப்பில், முதல் அழுகையில்... நீங்கள் இல்லாமல் கடந்த "முதல்" எது மிச்சம் இருக்கிறது இந்த வாழ்வில்??

வாழ்வின் ஒவ்வொரு காலகட்டத்திலும் நீங்கள் உடனிருந்திருகிறீர்கள் ராஜா, கண்டுகொள்ளப் படாவிடினும், தன் பணி செய்யும் நிலவைப்போல.

உறைந்து போன, கடக்க முடியாத இக்காலக்கட்டதை நான் உங்களின் கை பிடித்தே கடக்கிறேன் ராஜா. ஒரு எகிப்திய myth போல நீங்கள் என் வாழ்வில். உங்களைப் பின் தொடரும், உங்களின் மீது பெரு மையல் கொண்ட சிறு பெண் போல நான்.

இதை எழுதிக் கொண்டிருக்கும் இத்தருணத்திலும், நீங்கள் இசைத்துக் கொண்டிருக்கிறீர்கள் என்னருகில் அமர்ந்து. என்னையறியாமல் வடிந்தோடும் சில துளி கண்ணீருடன், உங்களுக்கு பிறந்த நாள் வாழ்த்து தட்டச்சிக்கொண்டிருக்கிறேன். உணர்வு மேலெழுச்சியில் "நீங்கள் என் கடவுள் அல்லவா" என்றும் எழுதத் தோன்றுகிறது.

எதுவாகினும் நீங்கள் இல்லாமல் இவ்வாழ்வு இல்லை ராஜா. இப்பிறவி பெருங்கடலை கடக்க உதவி செய்யும் பெரும் படகோட்டி நீங்கள். உங்கள் பின் பயணிக்கும் சிறு மீன் நான்.

இன்னம் இன்னமும் பல நூறு ஆண்டுகள் நீங்கள் நீடூழி வாழ வேண்டும் ராஜா. என் போன்ற தத்தளிக்கும் மனதுகளுக்காக. இத்தருணத்தின் உங்களை அணைத்துக் கொள்கிறேன் ராஜா. பிறந்த நாள் வாழ்த்துக்கள்.

Narasimahan Ramakrishnan

இளையராஜா ரசிகர்களை பட்டியல் போட்டால் என்னை பின்வரிசையில் தான் சேர்த்துக்கொள்வேன். அவரது இசையை கேட்டு ரசிக்கும் தீவிரத்தின் அடிப்படையில் அல்ல, அவரது இசை நுட்பங்களை ரசிக்கும் திறனின் நுட்பன்களின் அடிப்படையில். அவரது இசைப்பற்றி அதி தீவிர ரசிகர்கள் எழுதுவதையும், பேசுவதையும் கேட்கும் போது எப்படி எல்லாம் ரசிக்கின்றனர் என்று வியக்கவே தோன்றுகிறது. ராஜாவை ரசிக்க இன்னமும் கற்றுக்கொள்ள வேண்டும்.

Mani Mkmani

ஒரு பாட்டில் இவன் வைக்காத ரகளை இல்லை. அறிந்ததில் யாவரையும் விட பெரும் கலகக்காரன். இவனைக் கேட்கும் தருணங்களில் என்ன செய்து கொண்டிருக்கிறேன் என்பது திடுக்கிடுகிறது.

Kuppuswamy Ganesan

இளையராஜாவின் அத்தனை ஆயிரம் அற்புதங்களில் ஒரேயொரு பாடலை மட்டும் சொல்லவேண்டுமென்றால் ஒவ்வொருவரும் ஒவ்வொரு பாடலைச் சொல்வோம்.

எனக்கு இது. நெஞ்சத்தைக் கிள்ளாதே படத்தின் உறவெனும் பாடல்.

அன்றும்

இன்றும்

என்றும்.

Joseph Anto

வாழ்க்கைல கொண்டாட்டமான நாட்கள் இரண்டே இரண்டு தான்.

1. சம்பளம் வர்ற நாள்.

2. இளையராஜா பொறந்த நாள்.

#HappyBirthdayIlaiyaraaja

Jeyaseelan Jey

காதல்,கோபம்,சோகம்,மகிழ்ச்சி,தனிமை,விழாக்கள்,ஆர்க்கெஸ்ட்ரா,இழப்பு,வருகை,வாழ்த்து என வாழ்க்கையின் ஒவ்வொரு தருணங்களும் ராஜாவின் இசை இல்லாமல் நிறைவடைவதில்லை நம் தமிழ்ச்சமூகத்திற்கு... அந்த இசைக்கு இன்று பிறந்த நாள்...

வாழ்த்துகள் #ராஜா..எப்போதும் வாழ்க உங்கள் இசை போல...


Post Comment View Comments

புதுமை நாயகன்!

Published : 04 Jun 2018 07:11 IST

பிரேம்

 


இளையராஜா திரையிசை வித்தகர் என்பது அனைவருக்கும் தெரியும். திரைப்படம் அவருக்கு வாய்ப்பு கொடுத்திருந்தால்கூட அவரை விரிவாகச் செயல்பட விடாமல் தடுத்ததும் திரைப்படம்தான். திரைப்படம் எனும் வடிவம்தான் இந்தியாவில் இசைக்கான பெரிய வெளிப்பாட்டு வடிவமாக இருப்பதால், அவர் அதற்குள் அடங்கிவிட்டார். மற்ற நாடுகளில் இருப்பதுபோல் இசைக்கென்று தனியாக ஒரு களம் இருந்திருந்தால் அவர் ஒரு இசைப் படைப்பாளியாக இன்னும் பெரிய அளவில் சாதித்திருப்பார். அதற்கான கற்பனை வளமும், அதற்கான வடிவங்களை உருவாக்கும் திறனும் இளையராஜாவிடம் உண்டு.

இளையராஜாவைப் பொறுத்தவரை எண்ணிக்கை அளவில்கூட உலக அளவில் உள்ள பெரிய இசைப் படைப்பாளிகளைவிடப் பல மடங்கு அதிகம் செய்திருக்கிறார். திரையிசையில் கோலோச்சிய அதேசமயம், வாய்ப்பு கிடைத்த இடங்களில் எல்லாம் சாஸ்திரிய சங்கீதத்தில் தன்னுடைய மேதமையை வெளிப்படுத்தவும் அவர் தவறவில்லை. ராகம் என்பது ஏற்கெனவே இருக்கும் வடிவம். அதை இன்னும் செழுமையாக்கிவிடுகிறார் இளையராஜா. ஒரே பாடலில் வெவ்வேறு அடுக்குகளை வைக்கிறார். புதிய இசைப் படைப்பாகத் தான் அதைக் கொடுக்கிறார். இவையெல்லாம்தான் அவருடைய மிகப் பெரிய பங்களிப்பு.

ஆயிரம் படங்கள் என்றால் வெறும் படங்கள் அல்ல, பின்னணி இசை, தொடக்க இசை, சில சமயம் லீட் மோடிஃப் என்று சொல்லக்கூடிய தொடர்ந்து ஒலிக்கக்கூடிய.. கதைக்கே உரிய சில பாடல்களைப் படத்தில் அங்கங்கே கொடுப்பார். புதிய வடிவங்களை உருவாக்கக்கூடியவர் அவர். தொடர்ந்து பரிசோதனை முயற்சிகளையும் மேற்கொள்கிறார். அவர் இசைக் கருவிகளை பயன்படுத்தும் விதம் இன்னொரு சிறப்பு. தில்ருபா போன்ற மிக அரிதான கருவி கள் உட்பட ஏராளமான கருவிகளை அவர் பயன் படுத்தியிருக்கிறார். அவர் பயன்படுத்தியிருக்கும் தோல் இசைக் கருவிகளையும் தேர்ந்தெடுத்த கலைஞர்களையுமே தனித்த ஒரு ஆய்வாக்கலாம். ஒரு 4-5 நிமிடப் பாடல்களில் பல விதமான இசைக் கருவிகளுக்கான சின்னச் சின்ன பகுதிகளை அவர் கொடுக்கிறார். அவரது சில பாடல்களுக் கான இசையை ஒரு பெரிய தனி இசையாகக்கூட வளர்த்தெடுக்க முடியும்.

நாட்டார்/நாட்டுப்புறப் பாடல்கள் நிறைய இருந்தாலும் அவற்றை மொத்த மாக விரல்விட்டு எண்ணிவிடக்கூடிய வடிவங்களுக்குள் அடக்கிவிடலாம். நாட்டுப்புற இசைக் கலைஞர்கள் அவர்களு டைய குரல் வளம் ஆகியவற்றால்தான் தனித்துத் தெரிகிறார்கள். ஒரு திரையிசை அமைப்பாளர் அதற்குள் அடங்கி கிராமிய சினிமா பாடல்களைக் கொடுத்துவிட முடியாது. ஆகையால், அடிப்படை யான சட்டகத்தை எடுத்துக்கொண்டு, ஒரு வடிவத்தைப் புதிதாக அவர் உருவாக்குகிறார். அதிலும் அவரது படைப்பாற்றலுக்குப் பெரும் பங்கு இருக்கிறது. ‘நாயகன்’ படத்தின் ‘தென் பாண்டிச் சீமையிலே’ ஒரு சிறந்த உதாரணம்.

உலக அளவில் இருக்கக்கூடிய இசை யின் பின்னணி தமிழ்ச் சமூகத்தின் உணர்வுகளுக்கு ஒரு அடையாளத்தைத் தருவதாக இருந்ததில்லை. உலகமயமா தல் சூழலில்கூட அது நிறைவேறவில்லை.

தமிழ்ச் சமூகத்துக்குப் பலவும் வெளியிலிருந்து வருபவைதான். அவரது இசை மூலமாகத் தமிழர்கள் தங்களின் உணர்வுகளுக்கு ஒரு அடையாளம் கிடைப்பதாக நினைக்கிறார்கள்.

-பிரேம், எழுத்தாளர், ‘இளையராஜா:

இசையின் தத்துவமும் அழகியலும்’

நூலின் ஆசிரியர்களில் ஒருவர்.

நீட் தேர்வில் தமிழகத்தில் 40% பாஸ்; பீகார் மாணவி முதலிடம் - தமிழக மாணவி 12-ம் இடம்

Published : 04 Jun 2018 15:38 IST

புதுடெல்லி

 



நீட் தேர்வு முடிவுகள் இன்று வெளியான நிலையில் பீகாரைச் சேர்ந்த மாணவி கல்பனா 691 மதிப்பெண்கள் பெற்று முதலிடம் பிடித்துள்ளார். அதேசமயம் தமிழகத்தைச் சேர்ந்த மாணவி கீர்த்தனா 676 மதிப்பெண்கள் பெற்று 12 -ம் இடம் பிடித்துள்ளார்.

நாடுமுழுவதும் அரசு மற்றும் தனியார் மருத்துவக் கல்லூரிகள் எம்பிபிஎஸ், பிடிஎஸ் படிப்புகள் மற்றும் கால்நடை மருத்துவப் படிப்புகளுக்கான அகில இந்திய ஒதுக்கீட்டு இடங்களுக்கான மாணவர் சேர்க்கை, தேசிய தகுதி மற்றும் நுழைவுத் தேர்வு (NEET - நீட்) அடிப்படையில் நடைபெற்று வருகிறது.
 
இந்த ஆண்டு முதல் ஆயுர்வேதா, யோகா மற்றும் இயற்கை மருத்துவம், சித்தா, ஹோமியோபதி (ஆயுஷ் - AYUSH) படிப்புகள் மற்றும் வெளிநாடுகளில் மருத்துவம் படிக்கச் செல்பவருக்கும் நீட் தேர்வு கட்டாயமாக்கப்பட்டுள்ளது. அதன்படி நீட் தேர்வு சமீபத்தில் நடந்து முடிந்தது.

நீட் தேர்வு முடிவுகள் இன்று பிற்பகல் 2:00 மணியளவில் வெளியாகும் என அறிவிக்கப்பட்ட நிலையில் சுமார் ஒன்றரை மணிநேரம் முன்னதாக, 12:30 மணியளவில் வெளியாகின.

இந்த ஆண்டு நீட் தேர்வு எழுத மொத்தம் 13,26,725 பேர் விண்ணப்பித்தனர். அவர்களில் 12,69,922 பேர் தேர்வு எழுதினர். தேர்வு எழுதியவர்களில் 7,14,562 பேர் தகுதி பெற்றுள்ளனர். பீகாரைச் சேர்ந்த மாணவி கல்பனா 691 மதிப்பெண்கள் பெற்று முதலிடம் பிடித்துள்ளார்.

தெலுங்கானா மாணவர் ரோகன் புரோஹித் 690 மதிப்பெண்கள் பெற்று இரண்டாவது இடத்தையும், டெல்லி மாணவர் ஹிமான்ஷூ சர்மா 690 மதிப்பெண் பெற்று மூன்றாவது இடத்தையும், டெல்லி மாணவர் ஆரோஷ் தமிஜா 686 மதிப் பெண் பெற்று 4வது இடத்தையும், ராஜஸ்தான் மாணவர் பிரின்ஸ் சவுத்திரி 686 மதிப்பெண் பெற்று 5வது இடத்தையும் பிடித்துள்ளார்.

மகாராஷ்டிரா, ஆந்திரா, பஞ்சாப், டெல்லி என மற்ற மாநில மாணவ, மாணவியர் அடுத்தடுத்தடுத்த இடங்களை பிடித்துள்ளனர். தமிழகத்தைச் சேர்ந்த மாணவி கீர்த்தனா 676 மதிப்பெண்கள் பெற்று 12 இடம் பிடித்துள்ளார்.

தமிழகத்தில் 40% பாஸ்

தமிழகத்தில் 12 லட்சம் மாணவ, மாணவியருக்கும் அதிகமானோர் நீட் தேர்வுக்கு விண்ணப்பித்தனர். அவர்களில், 1, 14,602 மாணவ, மாணவியர் நீட் தேர்வை எழுதினர். தேர்வு எழுதியவர்களில் 45,336 பேர் தேர்ச்சி பெற்றுள்ளனர். தமிழகத்தில் நீட் தேர்வு தேர்ச்சி விகிதம் 39.55 சதவீதமாக உள்ளது.

இந்திய அளவில் நீட் தேர்வில் அதிக மதிப்பெண் பெற்ற முதல் 50 பேரில் தமிழகத்தை சேர்ந்த கீர்த்தனா என்ற மாணவி மட்டுமே இடம்பிடித்துள்ளார்.

இதுபோலவே புதுச்சேரியில் இந்த ஆண்டு நீட் தேர்வுக்கு 4573 பேர் விண்ணப்பித்தனர். அவர்களில் 4462 பேர் தேர்வு எழுதினர். மொத்தம் 1768 பேர் மட்டுமே வெற்றி பெற்றுள்ளனர்.

மதிப்பெண் - தகுதி

பொது பிரிவில் 119 மதிப்பெண் வரை தகுதி பெற்றவர்களாக அறிவிக்கப்பட்டுள்ளது. இதர பிற்பட்டோர், தாழ்த்தப்பட்டோர், பழங்குடியினர் பிரிவில் 118 - 96 மதிப்பெண் பெற்றவர்கள் தகுதி உடைவயர்கள் ஆவர்.

இதன்படி, பொதுப்பிரிவில் 6,34,897 பேர் வெற்றி பெற்றுள்ளனர். பிற்பட்டோர் பிரிவில் 54,653 பேரும், தாழ்த்தப்பட்டோர் பிரிவில் 17209 பேரும், பழங்குடியினர் பிரிவில் 7446 பேரும் தேர்வாகியுள்ளனர்.

வரவிருக்கும் விசேஷங்கள்

• ஜூன் 15 (வெ) ரம்ஜான் பண்டிகை
• ஜூன் 21 (வி) ஆனி உத்திரம்
• ஜூலை 17 (செ) தட்சிணாயன புண்ணிய காலம்
• ஜூலை 21 (ச) தினமலர் நிறுவனர் டிவிஆர்., 34 வது நினைவு நாள்
• ஜூலை 27 (வெ) சங்கரன்கோயில் ஆடித்தபசு
• ஆகஸ்ட் 03 (வெ) ஆடிப்பெருக்கு

'ஈரோடு' எழுத்து மாற்றம் : அரசுக்கு பரிந்துரை

Added : ஜூன் 05, 2018 01:20


ஈரோடு: ஈரோடு பெயரில், விரைவில் எழுத்து மாற்றம் செய்யப்படவுள்ளது. விரைவில் அரசாணை வெளியாகும் எனத் தெரிகிறது.தமிழில், ஈரோடு என்பதை, ஆங்கிலத்தில், 'erode' என, எழுதப்படுகிறது. தமிழ் உச்சரிப்புக்கு தகுந்தாற்போல், ஆங்கில உச்சரிப்பு இல்லை. ஆங்கில வார்த்தையில் கடைசியில் உள்ள, 'இ' என்ற எழுத்துக்கு பதிலாக, 'டு' என்ற எழுத்தை கடைசியில் சேர்க்க வேண்டும். அவ்வாறு செய்தால் தமிழில் உச்சரிப்பது போன்று ஆங்கிலத்திலும், சரியான உச்சரிப்பு அமையும்.எனவே, ஆங்கிலத்தில் ஒரே ஒரு எழுத்தை மட்டும் மாற்றியமைக்க, கோரிக்கை விடுக்கப்பட்டது. இது தொடர்பாக அமைச்சர்கள், எம்.எல்.ஏ.,க்கள் பரிந்துரை கடிதம், ஈரோடு கலெக்டர் பிரபாகர் மூலம், தமிழக அரசுக்கு அனுப்பி வைக்கப்பட்டுள்ளது.

ஓரிரு நாட்களில், 'erodu' என ஆங்கிலத்தில் உச்சரிக்கும் வகையில், அரசிடம் இருந்து அறிவிப்பு வெளிவரும். அதன் பின், அரசிதழில் அரசாணையாக வெளியிடப்படும். இதற்கான நடவடிக்கை தீவிரமாக நடந்து வருகிறது என, வருவாய் அதிகாரிகள் தெரிவித்தனர்.

dinamalar 05.06.2018

'நீட்' தேர்வுக்கு எதிராக, தமிழகத்தில் குரல் எழுப்பிய அரசியல் கட்சிகளுக்கு ஏற்பட்ட மூக்கறுப்பாக, இத்தேர்வு எழுதிய, 1.14 லட்சம் பேரில், 45 ஆயிரம் மாணவர் - மாணவியர் தேர்ச்சி பெற்றுள்ளனர். இதன் வாயிலாக, பிளஸ் 2 தேர்வில், குறைந்த மதிப்பெண் பெற்றவர்களும், நீட் தேர்வு நன்றாக எழுதியதன் காரணமாக, டாக்டராகும் வாய்ப்பு கிடைத்துள்ளது. மேலும், தமிழகத்தில் உள்ள, 7,470 மருத்துவ படிப்பு இடங்களுக்கு போட்டியிடும் அளவுக்கு, ஆறு மடங்கு மாணவர்கள் தகுதி பெற்று, சாதனை படைத்துள்ளனர்.
தமிழகத்தில், பிளஸ் 2 முடித்த மாணவர்கள், அவர்கள் பெற்ற மதிப்பெண் அடிப்படையில், மருத்துவக் கல்லுாரிகளில் சேர்க்கப்பட்டு வந்தனர். இதில், குறைந்த மதிப்பெண் பெற்ற மாணவர்கள் பலர், தங்களது பொருளாதார செல்வாக்கை பயன்படுத்தி, தனியார் கல்லுாரிகளில் சேர்ந்தனர். அதனால், டாக்டர்களின் தகுதியும், திறமையும் கேள்விக்குறியானது.

கடும் எதிர்ப்பு :

அதனால், உயிரை காப்பாற்றும் புனித தொழிலான மருத்துவத்தில், தரத்தை உறுதி செய்யும் வகையில், மருத்துவ மாணவர் சேர்க்கையில், நீட் நுழைவுத் தேர்வை, மத்திய அரசு அமல்படுத்தியது. இதற்கு, தமிழகத்தில் உள்ள பல கட்சிகள், கடும் எதிர்ப்பு தெரிவித்தன.

'நீட் தேர்வால், தமிழகத்தில் சமூக நீதி பாதிக்கப்படும். தமிழக மாணவர்களால், மருத்துவம் படிக்க முடியாது; பிற மாநில மாணவர்கள், தமிழக மாணவர்களுக்கான இடங்களை அபகரிப்பர்' என்றெல்லாம், இக்கட்சி கள், மத்திய அரசுக்கு எதிராக, தீவிர பிரசாரம் செய்தன.
இப்பிரச்னை, உச்ச நீதிமன்றத்திற்கு சென்றதும், 'நீட் தேர்வு கட்டாயம்' என, உத்தரவிடப்பட்டது.




இதையடுத்து, தமிழகம் உள்ளிட்ட, அனைத்து மாநிலங்களுக்கும், நீட் தேர்வு கட்டாயமானது. இதில், தமிழக அரசு, விலக்கு கேட்டும் கிடைக்கவில்லை. எனவே, நீட் தேர்வுக்கு, தமிழக அரசின் சார்பில், சிறப்பு பயிற்சிகள் அளிக்கப்பட்டன.

இந்நிலையில், நீட் தேர்வு, மே, 6ல், நாடு முழுவதும் நடந்தது. இதன் முடிவுகளை நேற்று, சி.பி.எஸ்.இ., என்ற, மத்திய இடைநிலை கல்வி வாரியம் வெளியிட்டது. நாடு முழுவதும், தேர்வு எழுதிய, 12.69 லட்சம் பேரில், 56 சதவீதமான, 7.14 லட்சம் பேர், தேர்ச்சி பெற்றுள்ளனர்.
மொத்தம், 720 மதிப்பெண்ணுக்கு நடத்தப்பட்ட தேர்வில், சென்னை, பத்மசேஷாத்ரி பள்ளி மாணவி, கே.கீர்த்தனா, 676 மதிப்பெண் பெற்று, அகில இந்திய அளவில், 12ம் இடம் பிடித்துள்ளார்.
தமிழகத்தில், 1.14 லட்சம் பேர், நீட் தேர்வை எழுதினர். அவர்களில், 45 ஆயிரத்து, 336 பேர், தேர்ச்சி பெற்று, மருத்துவக் கல்லுாரிகளில் சேர தகுதி பெற்றுள்ளனர். அதாவது, தேர்வு எழுதியோரில், 40 சதவீதம் பேர் தேர்ச்சி பெற்று, தமிழகத்திற்கு பெருமை சேர்த்துள்ளனர்.
தமிழகத்தை பொறுத்தவரை, அரசு மற்றும் தனியார் மருத்துவக் கல்லுாரிகள் மாணவர் சேர்க்கைக்கு, மருத்துவக் கல்வி இயக்குனரகம் வாயிலாக,

கவுன்சிலிங் நடத்தப்படும். இதில், மொத்த இடங்களில், 85 சதவீதம், நீட் தேர்ச்சி பெற்ற, தமிழக மாணவர்களுக்கே வழங்கப்படும். 85 சதவீத இட ஒதுக்கீட்டில், தோராயமாக, எம்.பி.பி.எஸ்., படிப்புக்கு, 3,894 இடங்களும், பி.டி.எஸ்., என்ற, பல் மருத்துவ படிப்புக்கு, 1,880 இடங்களும் என, மொத்தம், 5,774 இடங்கள் உள்ளன.

மேலும், இந்த ஆண்டு முதல், நீட் கட்டாயம் என அறிவிக்கப்பட்டுள்ள, இந்திய மருத்துவமான - ஆயுஷ் படிப்புகளுக்கு, 1,696 இடங்கள் உள்ளன. எனவே, தமிழக ஒதுக்கீட்டில், மொத்தம், 7,470 மருத்துவ இடங்கள் உள்ளன. இவற்றுக்கு, இந்த இடங்களை விட, ஆறு மடங்கு அதிகமாக, 45 ஆயிரத்து, 336 மாணவர்கள் போட்டியில் உள்ளனர்.

'நீட் தேர்வால், தமிழகத்தில் சமூக நீதி பாதிக்கப்படும்; தமிழக மாணவர்களின் மருத்துவ படிப்பு கனவு பாழாகி விடும்' என்றெல்லாம் பிரசாரம் செய்த, கட்சிகளுக்கு ஏற்பட்ட மூக்கறுப்பாக, 45 ஆயிரத்துக்கும் மேற்பட்ட மாணவர்கள், எம்.பி.பி.எஸ்., படிக்க தகுதி பெற்றுள்ளனர். இதன் காரணமாக, பிளஸ் 2 தேர்வில், குறைந்த மதிப்பெண் பெற்றவர்களும், நீட் தேர்ச்சி மூலமாக, மருத்துவம் படிக்கும் வாய்ப்பை பெற்றுள்ளனர்.

அரசு ஒதுக்கீடு :

தமிழகத்தில், நிகர்நிலை பல்கலைகளில், 1,349 மருத்துவ இடங்கள் உள்ளன. அவற்றுடன், அகில இந்திய ஒதுக்கீட்டில், எம்.பி.பி.எஸ்., 456 மற்றும் பி.டி.எஸ்., 30 இடங்களையும் சேர்த்து, 1,835 இடங்களிலும், மாணவர் சேர்க்கை நடத்தப்படும். தமிழக மாணவர்கள், நீட் தேர்வில் அதிக மதிப்பெண் பெற்றிருந்தால், இந்த, மத்திய அரசு ஒதுக்கீட்டிலும் சேர முடியும்.

குறைந்த மதிப்பெண் எவ்வளவு?

'நீட்' தேர்வில், மருத்துவ இடங்களில் சேருவதற்கான, 'கட் ஆப்' என்ற, குறைந்தபட்ச தேர்ச்சி மதிப்பெண்ணை, சி.பி.எஸ்.இ., அறிவித்துள்ளது. கடந்த ஆண்டை ஒப்பிடுகையில், 'கட் ஆப்' ஒன்பது மதிப்பெண் குறைந்துள்ளது. நீட் தேர்வு எழுதிய மாணவர்களுக்கு, அவர்களது இன அடிப்படையில், குறைந்தபட்ச, 'கட் ஆப்' மதிப்பெண்ணை, சி.பி.எஸ்.இ., வெளியிட்டு உள்ளது. இதன்படி, பொதுப் பிரிவினருக்கு, 119 மதிப்பெண் என, நிர்ணயிக்கப்பட்டுள்ளது. இந்த பிரிவில், 691 மதிப்பெண் வரை, 6.35 லட்சம் மாணவர்கள் பெற்றுள்ளனர். பொதுப் பிரிவில், மாற்றுத் திறனாளிகளுக்கு, குறைந்தபட்சமாக, 107 மதிப்பெண் நிர்ணயிக்கப்பட்டுள்ளது. மற்ற அனைத்து பிரிவினருக்கும், குறைந்தபட்ச மதிப்பெண், 96. பிற்படுத்தப்பட்டோரில், 54 ஆயிரத்து, 653 பேர்; தலித் பிரிவில், 17 ஆயிரத்து, 209; பழங்குடியினர், 7,446 பேர், இந்த குறைந்தபட்ச மதிப்பெண் பெற்றுள்ளனர். மாற்றுத் திறனாளிகளில், பொதுப் பிரிவினர், 205; பிற்படுத்தப்பட்டோர், 104; தலித், 36; பழங்குடியினர், 12 பேர், தகுதி பெற்றுள்ளனர். இந்த பட்டியலின்படி, குறைந்தபட்ச மதிப்பெண் பெற்றவர்கள், மருத்துவ படிப்பில் சேர தகுதியானவர்கள். அவர்களுக்கு, அகில இந்திய தர வரிசை பட்டியலின் படி, மாணவர் சேர்க்கை வழங்கப்படும்.

மோசம்!

நாடு முழுவதும் இன்ஜினியரிங் கல்லூரிகளின் தரம்...
பணியில் அமர்த்த லாயக்கில்லாத 94 சதவீத பட்டதாரிகள்

புதுடில்லி : நாடு முழுவதும், இன்ஜினியரிங் கல்லுாரிகளின் தரம் மிகவும் மோசமாக உள்ளதாக, பிரபல, தகவல் தொழில் நுட்ப நிறுவன நிர்வாகி கூறியுள்ளார். 'இன்ஜினியரிங் பட்டதாரிகளில், 94 சதவீதம் பேர், வேலையில் நியமிக்க தகுதி அற்றவர்கள்' என, அவர் கூறியிருப்பது, இன்ஜினியரிங் மாணவர்களை அதிர்ச்சி அடையச் செய்துள்ளது.



கடந்தாண்டு, 'ஆஸ்பைரிங் மைண்ட்ஸ்' என்ற வேலை மதிப்பீட்டு நிறுவனம் நடத்திய ஆய்வில், 'நாட்டின், 95 சதவீத இன்ஜினியர்கள், மென்பொருள் மேம்பாட்டு வேலையில் சேர்க்க தகுதி அற்றவர்கள்' எனத் தெரிய வந்தது. இந்த ஆய்வு முடிவை, பிரபல தகவல் தொழில் நுட்ப வல்லுனர், மோகன்தாஸ் பாய், திட்டவட்டமாக மறுத்தார். 'இந்த ஆய்வு முடிவுகள், வெறும் குப்பை' என, அவர் கடுமையாக சாடி இருந்தார்.

'மணிபால் குளோபல் எஜுகேஷன்' நிறுவன தலைவரான, மோகன்தாஸ் பாய், 'இன்போசிஸ்' நிறுவன இயக்குனர் குழுவில் உறுப்பினராக இருந்தவர். 'ஆஸ்பைரிங் மைண்ட்ஸ்' ஆய்வு முடிவை, பயோகான் நிறுவன தலைவர், கிரண் மஜும்தாரும் நிராகரித்திருந்தார்.

இந்நிலையில், இந்திய தகவல் தொழில் நுட்ப துறை ஜாம்பவான்களில் ஒருவரான, டெக் மஹிந்திரா நிறுவன தலைவரும், மேலாண்மை இயக்குனருமான, சி.பி.குர்னானி கூறியுள்ளதாவது: இன்ஜினியரிங் கல்லுாரிகளின் தரம் மோசமாக உள்ளதால், இன்ஜினியரிங் பட்டதாரிகளில், 94 சதவீதம் பேர், வேலைக்கு தகுதி அற்றவர்களாக உள்ளனர். நாட்டின், 10 முன்னணி தகவல் தொழில் நுட்ப நிறுவனங்கள், இன்ஜினியரிங் பட்டதாரிகளில், 6 சதவீதம் பேரை மட்டுமே பணியில் அமர்த்துகின்றன. மீதமுள்ள, 94 சதவீதம் பேரின் நிலை என்ன?

வேலையில் நியமிப்பதற்கான திறனுடன் இன்ஜினியரிங் பட்டதாரிகள் இல்லாததால், அவர்களை பணியில் அமர்த்திய பின்,

அவர்களுக்கு மீண்டும் பயிற்சி அளிக்க வேண்டிய கட்டாயம் உள்ளது. இதற்காகவே, டெக் மஹிந்திரா நிறுவனம், 5 ஏக்கர் நிலத்தில், 'டெக் அண்ட் லேர்னிங் சென்டர்' என்ற பயிற்சி மையத்தை நிறுவியுள்ளது. பிற முன்னணி நிறுவனங்களும், பயிற்சி மையங்களை நிறுவி, புதிதாக தேர்ந்தெடுக்கப்படும் இன்ஜினியரிங் பட்டதாரிகளுக்கு பயிற்சி அளிக்கின்றன.

வேலையில் நியமிக்கப்படும் பட்டதாரிகளை, விஷய ஞானம் உள்ளவர்களாக, தக்க திறன் பெற்றவர்களாக, வேலைக்கு உகந்தவர்களாக மாற்றும் பெரிய பொறுப்பு, தகவல் தொழில் நுட்ப நிறுவனங்கள் தலையில் விழுந்துள்ளது.

டில்லி போன்ற பெரிய நகரங்களில், பிளஸ் 2 தேர்வில், 60 சதவீத மதிப்பெண் பெற்ற மாணவன், பி.ஏ., ஆங்கில இலக்கியம் படிப்பதில்லை; மாறாக, இன்ஜினியரிங் படிப்பில் சேர்கிறான். இத்தகைய மாணவர்களை, வேலையில் சேர்வதற்கான தகுதி உடையவர்களாக மாற்றும் வகையில், நம் கல்வி இல்லாதது வருத்தம் அளிக்கிறது.

இந்திய தகவல் தொழில் நுட்ப துறைக்கு, திறமைசாலிகளே தேவை. 2022க்குள், தகவல் தொழில் நுட்ப துறைக்கு, 60 லட்சம் ஊழியர்கள் தேவை என, 'நாஸ்காம்' எனப்படும், தேசிய மென் பொருள் மற்றும் சேவைகள் நிறுவனங்கள் கூட்டமைப்பு கணித்துள்ளது. ஆனால், நம்மிடம் திறமைசாலிகளுக்கு பற்றாக்குறை உள்ளது; இது, மிகப்பெரும் சவாலாக உள்ளது. இவ்வாறு அவர் கூறினார்.

குர்னானியின் கருத்து, ஆஸ்பைரிங் மைண்ட்ஸ் நிறுவன ஆய்வு முடிவுகளை பிரதிபலிப்பதாக உள்ளது. இக்கருத்து, இன்ஜினியரிங் மாணவர்கள் மத்தியில் கலக்கத்தை ஏற்படுத்தி உள்ளது.

தரமற்ற கல்லுாரிகளுக்கு மூடுவிழா :

இந்தியாவில் உள்ள கல்லுாரிகளில் இன்ஜினியரிங் படிப்பின் தரம் மிகக் குறைவாக உள்ளதென்ற கருத்து, சமீப காலமாக பரவலாக பேசப்படுகிறது. ஐ.ஐ.டி., போன்ற, தொழில்நுட்ப கல்வி மையங்கள் தவிர, பெரும்பாலான இன்ஜினியரிங் கல்லுாரிகளால், தரமான கல்வியை மாணவர்களுக்கு அளிக்க முடியவில்லை.

தரம் குறைந்த இன்ஜினியரிங் கல்லுாரிகள், நாடு முழுவதும் புற்றீசல் போல், பல ஆண்டுகளாக முளைத்து விட்டதே, இந்த நிலைக்கு காரணம் என, இத்துறை நிபுணர்கள் கூறுகின்றனர். இந்த கல்லுாரிகளில் படிக்கும் மாணவர்களுக்கு வேலை கிடைப்பதில்லை. அதனால், இந்த கல்லுாரிகளில் மாணவர் சேர்க்கை கடுமையாக பாதிக்கப்பட்டுள்ளது.

அதன் தொடர்ச்சியாக, இத்தகைய கல்வி நிறுவனங்கள் அதிகளவில் மூடப்பட்டு வருகின்றன. இதனால், நடப்பாண்டில் மட்டும், 80 ஆயிரம் இடங்கள், இன்ஜினியரிங் கல்லுாரிகளில் குறைந்துள்ளன. கடந்த நான்கு ஆண்டுகளில், 3.1 லட்சம் இடங்கள், இன்ஜினியரிங் கல்லுாரிகளில் குறைந்துள்ளதாக தகவல்கள் கூறுகின்றன.

கடந்த நான்கு ஆண்டுகளில், 200 இன்ஜினியரிங் கல்லுாரிகள் மூடப்பட்டுள்ளதாக, ஏ.ஐ.சி.டி.இ., எனப்படும், அகில இந்திய தொழில்நுட்ப கல்வி கவுன்சில் தெரிவித்துள்ளது.

1.4 சதவீதம் மட்டுமே, 'ஓகே' : 'ஆஸ்பைரிங் மைண்ட்ஸ்' நிறுவனம் நடத்திய ஒரு தேர்வில், 4.77 சதவீத மாணவர்கள் மட்டுமே, ஒரு மென்பொருளுக்கான, சரியான தர்க்கத்தை எழுதக் கூடியவர்களாக இருந்தனர். 500 கல்லுாரிகளில், தகவல் தொழில் நுட்ப பிரிவில் பயின்ற, 36 ஆயிரம் பேர், 'ஆட்டோமேடா' என்ற, மென்பொருள் மேம்பாட்டு திறன் மதிப்பீடு சோதனைக்கு உட்படுத்தப்பட்டனர். அவர்களில், 60 சதவீதம் பேரால், சரியான மென்பொருள் கட்டளைகளை எழுத இயலவில்லை. 1.4 சதவீதம் பேர் மட்டுமே மிக சரியான மென் பொருள் கட்டளை எழுதுபவராக இருந்தனர். 'மெக்கானிகல் டிசைன்' இன்ஜினியர்களில், 5.55 சதவீதம் பேர், சிவில் இன்ஜினியர்களில், 6.48 சதவீதம் பேர், எலக்ட்ரானிக்ஸ் இன்ஜினியர்களில், 7.07 சதவீதம் பேர் மட்டுமே, பணியில் அமர்த்தக்கூடிய திறன் பெற்றவர்கள் என, ஆஸ்பை

மாவட்ட செய்திகள்

சேலத்தில் ஒரு மணி நேரம் கொட்டி தீர்த்த மழை



சேலத்தில் ஒரு மணி நேரம் இடியுடன் கூடிய மழை பெய்தது. தாழ்வான பகுதிகளில் வீடுகளில் மழை வெள்ளம் சூழ்ந்ததால் அங்கு குடியிருந்த பொதுமக்கள் கடும் அவதி அடைந்தனர்.

ஜூன் 04, 2018, 04:55 AM
சேலம்,

சேலம் மாவட்டத்தில் கடந்த சில நாட்களாக பகலில் கோடை வெயிலின் தாக்கம் அதிகமாக இருந்தாலும், மாலை வேளையில் கனமழை பெய்து வருகிறது. இதனால் விவசாயிகள் மகிழ்ச்சி அடைந்துள்ளனர். சேலம் மாநகரில் நேற்று மாலை 4 மணியளவில் வானம் திடீரென மேகமூட்டத்துடன் காணப்பட்டது. பின்னர், இடியுடன் பலத்தமழை பெய்ய தொடங்கியது. இதனால் சாலையிலும், தாழ்வான பகுதியிலும் மழைநீர் பெருக்கெடுத்து ஓடியது. இருசக்கர வாகனங்களில் சென்றவர்கள் மழையில் நனைந்தபடி சென்றதை காணமுடிந்தது. சாலையில் நடந்து சென்றவர்கள் மழையில் நனையாமல் இருப்பதற்காக ஆங்காங்கே உள்ள கடைகளில் தஞ்சம் அடைந்தனர்.

சேலம் பழைய பஸ் நிலையம் மற்றும் புதிய பஸ்நிலையம், கிச்சிபாளையம், சூரமங்கலம், அஸ்தம்பட்டி, களரம்பட்டி, அழகாபுரம், மணக்காடு, அம்மாபேட்டை உள்ளிட்ட பல்வேறு இடங்களில் கனமழை பெய்தது. இந்த மழைக்கு பாதிப்பு ஏதும் இல்லை. சுமார் 1 மணி நேரம் மழை கொட்டி தீர்த்தது.

பெரமனூர் நாராயணன் தெரு 20 அடி ரோடு, கோவிந்தகவுண்டர் தோட்டம், மணக்காடு ராஜகணபதி நகர், களரம்பட்டி, மேயர் நகரில் 5-வது தெரு உள்ளிட்ட பகுதியில் மழை நீர் சாக்கடை கழிவுநீருடன் கலந்து தெருவில் ஆறாக ஓடியது. பெரும்பாலான வீடுகளை மழை வெள்ளம் சூழ்ந்தது. இதனால் அந்த வீடுகளில் வசித்த பொதுமக்கள் கடும் அவதிக்குள்ளானார்கள். சேலம் மகாத்மா காந்தி விளையாட்டு மைதானத்தில் மழைநீர் அதிகளவில் தேங்கி நின்றதால் நடைபயிற்சிக்கு வந்தவர்கள், பயிற்சியில் ஈடுபடமுடியாமல் ஏமாற்றத்துடன் திரும்பி சென்றனர். பெரமனூர் மெயின்ரோட்டில் பாதாள சாக்கடை திட்டத்திற்காக பள்ளம் தோண்டப்பட்டுள்ளதால் அந்த பகுதி முழுவதும் சேறும், சகதியுமாக காணப்பட்டது. இதனால் அந்த வழியாக சென்ற வாகன ஓட்டிகள் கடும் சிரமத்திற்கு பின் தங்களது வாகனங்களை மெதுவாக ஓட்டி சென்றனர்.

மாநில செய்திகள்

நீட் தேர்வு முடிவு: முதல் 50 இடங்களில் ஒரே ஒரு தமிழக மாணவி





நீட் தேர்வு முடிவில் முதல் 50 இடங்களில் ஒரே ஒரு தமிழக மாணவி மட்டுமே இடம் பிடித்துள்ளார். #NeetExam

ஜூன் 04, 2018, 04:53 PM

மே 6-ல் நடந்த நீட் தோ்வை நாடு முழுவதும் சுமார் 13 லட்சம் பேர் எழுதினா். தமிழகத்தில் 1,14,602 மாணவா்கள் நீட் தோ்வு எழுதியுள்ளனா். தமிழ் மொழியில் சுமார் 24,720 பேர் எழுதி இருந்தனர். தமிழகத்தில் மொத்தம் 1.7 லட்சம் பேர் நீட் தேர்வு எழுதினர்.

180 கேள்விகள். தலா 4 மதிப்பெண்கள் என 720 மதிப்பெண்களுக்கு ‘நீட்’ தேர்வு நடைபெற்றது. நீட் தேர்வில் 720க்கு 691 மதிப்பெண் எடுத்து பீகாரை சேர்ந்த மாணவி கல்பனா குமாரி தேசிய அளவில் முதலிடம் பிடித்துள்ளார். இயற்பியலில் 180க்கு 171, வேதியியலில் 180க்கு 160, உயிரியல், விலங்கியலில் 360க்கு 360 மதிப்பெண் பெற்று முதலிடம் பெற்றுள்ளார்.

இந்தநிலையில் தேர்வு முடிவு 12.30 மணிக்கே வெளியிடப்பட்டுள்ளது. நீட் தேர்வில் ,தமிழகத்தில் நீட் தேர்வு எழுதிய 45336 பேர் தேர்ச்சி அடைந்து உள்ளனர். இது 39.55 சதவீதம் ஆகும் .தமிழகத்தை சேர்ந்த கீர்த்தனா என்ற மாணவி 676 மதிப்பெண்கள் எடுத்து தேசிய அளவில் 12 வது இடம் பிடித்து உள்ளார்.

தமிழில் தேர்வு எழுதிய 24,720 பேரில் 1.86 சதவீதம் பேர் தேர்ச்சி அடைந்து உள்ளனர்.

உத்தரபிரதேசத்தில் நீட் தேர்வில் அதிகம் தேர்வு அடைந்து உள்ளனர். 76,778 பேர் தேர்ச்சி அடைந்து உள்ளனர்.

வெளிநாடு வாழ் மாணவர்களில் 1200 பேர் நீட் தேர்வில் தேர்ச்சி அடைந்து உள்ளனர்.

நீட் தேர்வு முடிவில் முதல் 50 இடங்களில் ஒரே ஒரு தமிழக மாணவி மட்டுமே இடம் பிடித்துள்ளார்.

இரண்டாவது இடம் தெலுங்கானா மாநிலத்தை சேர்ந்த ரோகன் புரோகித்துக்கு கிடைத்துள்ளது. அவர் எடுத்த மதிப்பெண்கள் 690.
அதே போல டெல்லியை சேர்ந்த ஹிமான்ஷூ ஷர்மா 690 மதிப்பெண்களை பெற்றுள்ளார்.

முதல் 50 இடங்கள் பெரும்பாலானவை வட மாநிலங்களை சேர்ந்த மாணவர்களுக்கே கிடைத்துள்ளது குறிப்பிடத்தக்கது.

தமிழகத்தை சேர்ந்த 7,314 மாணவர்கள் வேறு மாநிலங்களில் உள்ள தேர்வு மையங்களில் நீட் தேர்வு எழுதி உள்ளது தெரியவந்துள்ளது

இந்தியா முழுவதும் தேர்ச்சி விகிதம் 53.85 ஆக உள்ளது. சுமார் 13 லட்சம் மாணவர்கள் எழுதிய இந்த தேர்வில் 7,14,563 மாணவர்கள் மருத்துவ படிப்பிற்கான கலந்தாய்வு தகுதி மதிப்பெண்ணை பெற்றுள்ளனர். இதில் பொதுப்பிரிவினர் 119 கட் -ஆஃப் மதிப்பெண்ணையும், மற்ற பிரிவினர் 96 கட்-ஆஃப் மதிப்பெண்ணை பெற்றிக்க வேண்டும் என்றும் சிபிஎஸ்இ நிர்வாகம் தெரிவித்துள்ளது.

மாவட்ட செய்திகள்

 

அரசு ஊழியர்களுக்காக சென்னை அண்ணாநகரில் 606 அடுக்குமாடி வாடகை குடியிருப்புகள்

---

 

தமிழ்நாடு வீட்டு வசதி வாரியம் சார்பில் சென்னை அண்ணாநகர் மேற்கு விரிவாக்கத்தில் கட்டப்பட்ட அரசு ஊழியர்களுக்கான 606 அடுக்குமாடி வாடகைக் குடியிருப்புகளை, முதல்-அமைச்சர் எடப்பாடி பழனிசாமி நேற்று திறந்துவைத்தார். 

 

ஜூன் 05, 2018, 05:15 AM

சென்னை,

சென்னை அண்ணாநகர் மேற்கு விரிவாக்கத்தில் ஏற்கனவே இருந்த அரசு ஊழியர்களுக்கான 126 அடுக்குமாடி வாடகைக் குடியிருப்புகள் பழுது காரணமாக இடிக்கப்பட்டு, தமிழ்நாடு அரசு அதிகாரிகள் வாடகைக் குடியிருப்புகள் திட்டத்தின் கீழ் ரூ.200 கோடியே 20 லட்சம் மதிப்பீட்டில் அந்த இடத்தில் அரசு ஊழியர்களுக்காக 606 அடுக்குமாடி வாடகைக் குடியிருப்புகள் கட்டப்பட்டன.

இந்த வாடகை குடியிருப்புகளை சென்னை தலைமை செயலகத்தில் தமிழக முதல்-அமைச்சர் எடப்பாடி பழனிசாமி நேற்று திறந்துவைத்தார். இந்த நிகழ்ச்சியில் துணை முதல்-அமைச்சர் ஓ.பன்னீர்செல்வம், தலைமை செயலாளர் கிரிஜா வைத்தியநாதன், தமிழ்நாடு வீட்டுவசதி வாரிய தலைவர் பி.கே.வைரமுத்து, முதன்மைச் செயலாளர் ஷம்பு கல்லோலிகர், வீட்டுவசதி மற்றும் நகர்ப்புற வளர்ச்சித்துறை முதன்மைச் செயலாளர் ச.கிருஷ்ணன் உள்பட அதிகாரிகள் பங்கேற்றனர்.

இதேபோல திருவள்ளூர் மாவட்டம் எலாவூரில் ரூ.23 கோடியே 37 லட்சம் மதிப்பீட்டில் அமைக்கப்பட்ட ரெயில்வே மேம்பாலத்தை முதல்-அமைச்சர் எடப்பாடி பழனிசாமி காணொலிக் காட்சி மூலம் தலைமை செயலகத்தில் திறந்துவைத்தார். மேலும் ரூ.381 கோடியே 89 லட்சம் மதிப்பீட்டில் புதிதாக கட்டப்பட உள்ள 3 ரெயில்வே மேம்பாலங்கள் மற்றும் 2 புறவழிச்சாலைகளுக்கும் அடிக் கல் நாட்டினார்.

ஆவடியில் ரூ.10 கோடி மதிப்பீட்டில் புதிதாக கட்டப்பட உள்ள காவலர் சமுதாய நலக்கூடத்துக்கு அடிக்கல் நாட்டினார். மேற்கண்ட தகவல் தமிழக அரசு வெளியிட்டுள்ள செய்திக்குறிப்பில் குறிப்பிடப்பட்டு உள்ளன.

மாநில செய்திகள்

 

தமிழகத்தில் மருத்துவ படிப்புக்கு 11-ந் தேதி முதல் விண்ணப்பிக்கலாம்

---

 

தமிழகத்தில் மருத்துவ படிப்புக்கு 11-ந் தேதி முதல் விண்ணப்பிக்கலாம் என்றும், கலந்தாய்வு ஜூலை 1-ந் தேதி தொடங்குகிறது என்றும் அறிவிக்கப்பட்டு இருக்கிறது. 

 

ஜூன் 05, 2018, 05:00 AM

சென்னை,

தமிழ்நாடு மருத்துவ தேர்வுக்குழு செயலாளர் டாக்டர் செல்வராஜன் வெளியிட்டுள்ள செய்திக்குறிப்பில் கூறியிருப்பதாவது.

தமிழகத்தில் எம்.பி.பி.எஸ். மற்றும் பி.டி.எஸ். படிப்பில் சேர விண்ணப்பம் அனைத்து மருத்துவ கல்லூரிகளிலும் கிடைக்கும். வருகிற 11-ந் தேதி முதல் விண்ணப்பங்கள் வினியோகிக்கப்படும். விண்ணப்பங்கள் 18-ந் தேதி வரை வழங்கப்படும்.

பூர்த்தி செய்யப்பட்ட விண்ணப்பங்கள் வந்து சேர வேண்டிய கடைசி நாள் 19-ந் தேதி (மாலை 5 மணிக்குள்) ஆகும். பூர்த்தி செய்த விண்ணப்பங்களை ‘செயலாளர், தேர்வுக்குழு, 162, பெரியார் நெடுஞ்சாலை, கீழ்ப்பாக்கம், சென்னை-10’, என்ற முகவரிக்கு அனுப்பவேண்டும்.

தரவரிசை பட்டியல் 28-ந் தேதி வெளியிடப்படும். முதல்கட்ட கலந்தாய்வு ஜூலை 1-ந் தேதி முதல் 5-ந் தேதி வரை நடைபெறும்.

2-ம் கட்ட கலந்தாய்வு ஜூலை 22-ந் தேதி முதல் ஜூலை 24-ந் தேதி வரை நடைபெறும் என்று தெரிகிறது. கல்லூரிகளில் ஆகஸ்டு மாதம் 1-ந்தேதி முதல் வகுப்புகள் தொடங்கும். 18-ந் தேதிக்குள் அனைத்து மாணவர்களும் சேர்ந்துவிட வேண்டும்.

மற்ற விவரங்கள் அனைத்தையும் www.tnhealth.org, www.tnmedicalselection.org ஆகிய இணையதள முகவரிக்கு சென்று பார்க்கலாம். இவ்வாறு அவர் கூறியுள்ளார்.