'தலப்பாகட்டு' பெயரை பயன்படுத்த ஸ்டார் பிரியாணி கடைக்கு தடை
Added : மே 04, 2019 02:46
சென்னை:சென்னையை அடுத்த தண்டலத்தில், பெங்களூரு பை - பாஸ் சாலையில் உள்ள, 'ஸ்டார் தலப்பாகட்டு பிரியாணி' கடை, 'தலப்பாகட்டு' என்ற பெயரை பயன்படுத்த, சென்னை உயர் நீதிமன்றம் தடை விதித்துள்ளது.
தலப்பாகட்டி நாயுடு ஆனந்த விலாஸ் பிரியாணி ஓட்டல் சார்பில், உயர் நீதிமன்றத்தில் தாக்கல் செய்யப்பட்ட மனு:திண்டுக்கல் நகரில்,1957ல், நாகசாமி நாயுடு என்ற தலப்பாகட்டி நாயுடு, பிரியாணி ஓட்டலை துவக்கினார். அவர், தலையில் தலப்பா அணிந்திருப்பார். அதனால், தலப்பாக்கட்டி நாயுடு என, அழைக்கப்பட்டார். அவரது மறைவுக்கு பின், ஓட்டலுக்கும், தலப்பாக்கட்டி நாயுடு ஆனந்த விலாஸ் பிரியாணி ஓட்டல் என, பெயர் வைக்கப்பட்டது.
இந்த தலப்பாக்கட்டி பெயரை, சிலர் ஆதாயத்துக்கு பயன்படுத்துகின்றனர். அவர்களின் ஓட்டல், விடுதிகளுக்கு, தலப்பாக்கட்டி அல்லது தலப்பாக்கட்டு என பெயர் வைக்கின்றனர். சென்னையை அடுத்த தண்டலத்தில், பெங்களூரு பை - பாஸ் சாலையில், ஸ்டார் தலப்பாகட்டு பிரியாணி என்ற பெயரில், கடை உள்ளது.எங்கள் கடை போன்ற தோற்றத்தை ஏற்படுத்தி, பொதுமக்களை ஏமாற்றுகின்றனர்.
எனவே, தலப்பாகட்டு என்ற பெயரை பயன்படுத்த, தடை விதிக்க வேண்டும்.இவ்வாறு மனுவில் கூறப்பட்டுள்ளது.மனு, நீதிபதி, எஸ்.வைத்தியநாதன் முன், விசாரணைக்கு வந்தது. மனுதாரரின் வழக்கில் முகாந்திரம் இருப்பதாக கூறி, தலப்பாகட்டு பெயரை பயன்படுத்த, ஸ்டார் பிரியாணி கடைக்கு, நீதிபதி இடைக்கால தடை விதித்தார். மனுவுக்கு பதில் அளிக்க, ஸ்டார் பிரியாணி கடைக்கு, 'நோட்டீஸ்' அனுப்ப உத்தரவிட்டு, விசாரணையை, ஜூன், 14க்கு, தள்ளி வைத்தார்.
Added : மே 04, 2019 02:46
சென்னை:சென்னையை அடுத்த தண்டலத்தில், பெங்களூரு பை - பாஸ் சாலையில் உள்ள, 'ஸ்டார் தலப்பாகட்டு பிரியாணி' கடை, 'தலப்பாகட்டு' என்ற பெயரை பயன்படுத்த, சென்னை உயர் நீதிமன்றம் தடை விதித்துள்ளது.
தலப்பாகட்டி நாயுடு ஆனந்த விலாஸ் பிரியாணி ஓட்டல் சார்பில், உயர் நீதிமன்றத்தில் தாக்கல் செய்யப்பட்ட மனு:திண்டுக்கல் நகரில்,1957ல், நாகசாமி நாயுடு என்ற தலப்பாகட்டி நாயுடு, பிரியாணி ஓட்டலை துவக்கினார். அவர், தலையில் தலப்பா அணிந்திருப்பார். அதனால், தலப்பாக்கட்டி நாயுடு என, அழைக்கப்பட்டார். அவரது மறைவுக்கு பின், ஓட்டலுக்கும், தலப்பாக்கட்டி நாயுடு ஆனந்த விலாஸ் பிரியாணி ஓட்டல் என, பெயர் வைக்கப்பட்டது.
இந்த தலப்பாக்கட்டி பெயரை, சிலர் ஆதாயத்துக்கு பயன்படுத்துகின்றனர். அவர்களின் ஓட்டல், விடுதிகளுக்கு, தலப்பாக்கட்டி அல்லது தலப்பாக்கட்டு என பெயர் வைக்கின்றனர். சென்னையை அடுத்த தண்டலத்தில், பெங்களூரு பை - பாஸ் சாலையில், ஸ்டார் தலப்பாகட்டு பிரியாணி என்ற பெயரில், கடை உள்ளது.எங்கள் கடை போன்ற தோற்றத்தை ஏற்படுத்தி, பொதுமக்களை ஏமாற்றுகின்றனர்.
எனவே, தலப்பாகட்டு என்ற பெயரை பயன்படுத்த, தடை விதிக்க வேண்டும்.இவ்வாறு மனுவில் கூறப்பட்டுள்ளது.மனு, நீதிபதி, எஸ்.வைத்தியநாதன் முன், விசாரணைக்கு வந்தது. மனுதாரரின் வழக்கில் முகாந்திரம் இருப்பதாக கூறி, தலப்பாகட்டு பெயரை பயன்படுத்த, ஸ்டார் பிரியாணி கடைக்கு, நீதிபதி இடைக்கால தடை விதித்தார். மனுவுக்கு பதில் அளிக்க, ஸ்டார் பிரியாணி கடைக்கு, 'நோட்டீஸ்' அனுப்ப உத்தரவிட்டு, விசாரணையை, ஜூன், 14க்கு, தள்ளி வைத்தார்.
No comments:
Post a Comment